CLOSE WINDOW

D4092
བོད་ཡིག

@##/ /rgya gar skad du/ a b+hi d+harma ko Sha TI ka /bod skad du/ chos mngon pa'i mdzod kyi 'grel bshad/ sangs rgyas dang byang chub sems dpa' nyan thos dang bcas pa thams cad la phyag 'tshal lo//stobs chen ye shes ting 'dzin mche ba can/ /gang gis skye ba'i rang bzhin gzeb dral nas/ /mya ngan 'das zhi 'brog dgon zhugs gyur pa/ /ston pa glang po de la mgos phyag 'tshal//mngon pa'i chos ni mdor bsdus pa/ /chos mngon mdzod ces bya ba 'di/ /don dam bstan bcos mdzad sgo nas/ /ston pa'i mdzad pa 'dra mdzad pa/ /blo ldan rnams mchog 'jig rten gyis//sangs rgyas gnyis pa ltar brjod gang / /'gro ba'i yang dag gnyen gyur pa/ /dbyig gnyen zhes bya des mdzad do/ /bstan bcos rin chen chos mngon pa'i/ /bye brag bshad mtsho las btus pa'i//rnam bshad don gsal zhes bya'i ming / /don bzhin 'di ni bdag gis byas/ /bshad byed yon tan blo gros dang / /dbyig bshes sogs pas tshig don 'grel/ /legs byas gang yin de bdag dang //don 'di yin zhes de bzhin bris/ /kha cig gang du de dag gis/ /rnam bshad grub mtha' 'gal byas la/ /de dag ji bzhin brjod nas 'dir/ /bdag gis gzhan du rnam bshad byas//gang dag chos mngon rnam bshad pa'am/ /chos mngon mdzod la goms byas pa/ /de dag gis ni rnam bshad 'di/ /rigs sam mi rigs rab dpyod cig /gal te rigs pa lta na blang / /don dka' ba la bdag 'dra'i blo/ /'phrul mi srid pa ma yin pas//ji ste min na gzhan du gyis/ /gang zhig kun la mun pa gtan bcom zhing / /'khor ba'i 'dam las 'gro ba drangs mdzad pa/ /don bzhin ston pa de la phyag 'tshal nas/ /chos mngon mdzod kyi bstan bcos rab bshad bya//zhes bya ba'i tshigs su bcad pa 'di'i don rnam par dgrol ba'i phyir slob dpon gyis/ bstan bcos byed par 'dod pas rang gi ston pa'i che ba'i bdag nyid shes par bya ba'i phyir de la yon tan brjod pa sngon du 'gro ba'i phyag 'tshal ba rtsom mo zhes bya ba bshad de/bstan bcos ni chos mngon pa'i mdzod do/ /byed par 'dod pa ni byed 'dod pa'o/ /rang gi ston pa ni bdag nyid kyi ston pa'o/ /bcom ldan 'das de ni slob dpon bdag nyid kyi ston pa yin te/ de'i bstan pa la zhugs pa'i phyir ro//rnam pa gcig tu na ston pa des thugs rje chen po'i gzhan gyi dbang gis 'jig rten thams cad rang nyid kyir yongs su bzung ngo / /de lta bas na bcom ldan 'das de ni rang nyid kyir yongs su bzung ba slob dpon gyi yang rang gi ston pa yin no/ /che ba'i bdag nyid shes par bya ba'i phyir zhes bya ba la/che ba'i bdag nyid de rang dang gzhan gyi don sgrub pa phun sum tshogs pa yin no/ /de shes par bya ba'i phyir zhes bya ba ni de khong du chud par bya ba'i phyir ro/ /yon tan brjod pa sngon du 'gro ba ni yon tan bsnyad pa sngon du 'gro ba'o/ /de la phyag 'tshal ba rtsom pa ni de la phyag 'tshal ba byed do zhes bya ba'i tha tshig go//'das pa'i dus yin pa'i phyir brtsams so zhes brjod par bya ba yin pa las/ da ltar gyi dus kyi tshig sbyor ba ni da dung phyag 'tshal ba rtsom par dgongs pa'i phyir ram/ slob ma brgyud pas phyag 'tshal ba rtsom pa rgyun mi 'chad pa'i phyir ro/ /sgra'i bstan bcos las kyang sgra sbyor ba ni kho na lta bu snang ste/de nas sgra rjes su ston pa zhes bya ba la/ de nas zhes bya ba 'di ni skabs kyi don yin par sbyar ro zhes 'byung ba lta bu'o/ /gal te yon tan brjod pa tsam gyis che ba'i bdag nyid khong du chud de phyag 'tshal bas ni ma yin no zhe na ma yin te/ de ni de brjod par bya ba yin pa'i phyir te/phyag 'tshal bas ni che ba'i bdag nyid legs par rjod par byed do/ /rnam pa gcig tu na yon tan brjod pa kho nas che ba'i bdag nyid shes par byed de/ phyag 'tshal ba rtsom pa ni rang gi bsod nams spel ba'i phyir ro/ /rnam pa gcig tu na dam pa rnams kyi spyod pa'i rjes su 'jug par rab tu bstan pa'i phyir te/dam pa rnams kyi spyod pa ni mngon par 'dod pa'i lha la mchod pa dang bstod pa dang phyag byas nas bya ba rtsom pa yin no/ /de la che ba'i bdag nyid shes pa ci dgos she na smras pa/ de la gus pa bskyed pa'i phyir ro/ /gus pa bskyed pa yang gus par byas te de'i gsung rab mnyan par bya ba'i phyir ro//de la gus par byas te mnyan pa yang rim gyis thos pa dang bsams pa dang bsgoms pa las byung ba'i shes rab bskyed pa'i phyir ro/ /de bskyed pa yang nyon mongs pa spangs pa'i phyir la/ de yang sdug bsngal thams cad nye bar zhi ba'i mtshan nyid mya ngan las 'das pa thob par bya ba'i phyir te/dgos pa ni der zad do/ /slob dpon gyis ni dngos su dgos pa yin pa'i phyir che ba'i bdag nyid shes pa gcig pu dgos par bshad kyi de las gzhan pa dag ni dpag par nus pas ma bshad do/ /gang zhig ces bya ba ni sangs rgyas bcom ldan 'das kyi dbang du byas nas smras pa'o zhes bya ba la/gang zhig ces bya ba'i sgra ni spyi'i sgra yin yang khyad par du byas pa'i phyir khyad par la 'jug par 'gyur te dper na bram ze 'di rnams kyi nang na dkar sham po gos dkar po gyon pa gang yin pa de ni lha skyid yin no zhes bya ba de lta bu ste/de bzhin du 'dir yang / gang zhig kun la mun pa gtan bcom zhing / /'khor ba'i 'dam las 'gro ba drangs mdzad pa/ /don bzhin ston pa de la phyag 'tshal nas/ /zhes bya ba'i gang zhig ces bya ba'i sgra ni sangs rgyas bcom ldan 'das kho na dang sbyar te/ sangs rgyas las gzhan yon tan gyi khyad par de lta bu can mi srid do//de'i phyir gang zhig ces bya ba ni sangs rgyas bcom ldan 'das kyi dbang du byas nas smras pa'o zhes bshad do/ /sangs rgyas zhes bya ba ni blo rgyas pa'i phyir sangs rgyas te dper na pad+ma kha bye ba zhes bya ba ltar rnam par rgyas zhes bya ba'i tha tshig go/ /rnam pa gcig tu na ma rig pa'i gnyid gnyis dang bral ba'i phyir sangs rgyas te/dper na skyes bu gnyid sad pa zhes bya ba ltar rab tu sad pa zhes bya ba'i tha tshig go/ /bcom ldan 'das zhes bya ba tshig gnyis pa smos pa ni ma gus par dogs pa bzlog pa'i phyir te/ 'jig rten na mngon par brjod pa nye ba'i tshig med pa rnams ni ma gus par snang ste/lha sbyin zhes bya ba lta bu'o/ /'dul ba rnam par bshad pa byed pa rnams ni mu bzhi par byed de/ sangs rgyas yin la bcom ldan 'das ma yin pa yang yod do/ /rang sangs rgyas ni rang byung yin pa'i phyir sangs rgyas zhes brjod par mi nus la/ sbyin pa la sogs pa'i tshogs yongs su ma rdzogs pa'i phyir bcom ldan 'das ni ma yin te/ gang zhig che ba'i bdag nyid dang ldan pa de ni bcom ldan 'das zhes bya'o/ /bcom ldan 'das yin la sangs rgyas ma yin pa yang yod de de srid pa tha ma pa'i byang chub sems dpa' ni ye shes la sogs pa'i pha rol tu phyin pa yongs su rdzogs pa'i phyir dang /mngon par rdzogs par sangs ma rgyas pa'i phyir dang / gnyi ga yin pa yang yod de/ 'di ltar sangs rgyas bcom ldan 'das lta bu'o/ /gnyi ga ma yin pa yang yod de 'di lta ste rnam pa de dag ma gtogs pa yin pas de'i phyir sangs rgyas bcom ldan 'das zhes khyad par gnyi ga smos so zhes zer ro//'di'i 'am 'dis mun pa bcom pas mun pa bcom pa'o zhes bya ba la drug pa'i 'bru mang por sbyar na ni lam gyis bcom pa'o zhes lam byed pa po yin par khong nas drang ngo / /gsum pa'i 'bru mang por sbyar na ni lam gyi zhes bya ba byed pa yin par khong nas drang ngo //gzhan dag re zhig tshig rnam par sbyar ba gnyis rab tu bstan pa ni/ bcom pa ni gnod pa dang bral ba dag yin no zhes bcom pa'i don gnyis yongs su bsdu ba'i phyir te/ gang gi tshe 'di'i mun pa bcom pa zhes tshig rnam par sbyor ba de'i tshe ni bcom pa bral ba'i don yin par gzung ste/'di'i mun pa dang bral lo zhes bya ba'i tha tshig go/ /gang gi tshe gsum pa'i 'bru mang por sbyar ba de'i tshe ni bcom pa gnod pa'i don yin par gzung ste/ 'di'i mun pa la gnod pa byas so zhes bya ba'i tha tshig go/ /de bzhin du tshig 'og ma gnyis kyang tshig gcig tu byas te mjug tu/thams cad la mun pa rnam pa thams cad du bcom pas kun la mun pa gtan bcom pa'o zhes bya bar sbyar ro/ /thams cad la zhes bya ba ni skye mched bcu gnyis kyi mtshan nyid kyi shes bya la ste/ mdo las bram ze thams cad thams cad ces bya ba ni skye mched bcu gnyis ji snyed pa yin no zhes 'byung ba'i phyir ro//rnam pa thams cad du zhes bya ba ni mun pa'i rnam pa nyon mongs pa can dang nyon mongs pa can ma yin pa dang bral ba'i phyir ro/ /ci 'dir mtshan mo'i mun pa la mun pa'i sgrar brjod dam zhe na/ smas pa ma yin te/ mi shes pa ni yang dag pa'i don mthong ba la bgegs su gyur pa'i phyir mun pa'o zhes bya bar khong du chud par bya'o//mun pa zhes bya ba'i sgra ni mtshan mo'i mun pa yin par grags te/ bum pa dang snam bu la sogs pa'i gzugs yod pa mthong ba'i bgegs su gyur pa'i phyir ro/ /skye bo long ba dang 'dra bar byed pas mun pa yin no/ /mi shes pa yang de dang chos mthun par yang dag pa'i don sdug bsngal la sogs pa'i bden pa mthong ba'i bgegs su gyur pa'i phyir mun pa zhes bya ba'i ming thob po//de yang zhes bya ba ni mi shes pa de'o/ /gnyen po brnyes nas zhes bya ba ni 'phags pa'i lam brnyes nas te/ mi mthun pa'i phyogs ni nyon mongs pa yin la mi mthun pa'i phyogs 'joms par byed pa'i phyogs ni gnyen po yin pa'i phyir ro//rnam pa gcig tu na ye shes zag pa med pa ni mi shes pa'i gnyen po yin pas de brnyes nas/ shes bya thams cad la phyis mi skye ba'i chos can du gyur pa'i phyir gtan nas ye bcom pa zhes bya ba ni kun tu mi 'byung bar spang bar byas so zhes bya ba'i tha tshig go//de'i phyir 'di ni zhes bya ba ni bcom ldan 'das so/ /rang sangs rgyas dang nyan thos rnams kyang zhes bya ba ni mchod pa'i phyir rang sangs rgyas so zhes bya ba'i sgra gong du smos so/ /'dod mod kyi zhes bya ba ni khas len mod kyi'o/ /gtan nas ni ma yin te zhes bya ba ni nyon mongs can ma yin pa'i kun tu rmongs pa dang gtan du ma bral ba'i phyir ro//nyan thos dang rang sangs rgyas rnams kyis kyang sangs rgyas bzhin du zag pa dang bcas pa'i dngos po thams cad spangs pa ma yin nam/ de ci ste de dag nyon mongs pa can gyi kun tu rmongs pa kho na dang gtan du bral ba'o zhes bya ba ni 'di brjod/'di ltar nga ni chos gcig mngon par ma shes shing yongs su ma shes par sdug bsngal gyi mthar byed par mi smra'o zhes bya ba dang / de bzhin du nga ni chos gcig yongs su ma shes shing ma spangs par sdug bsngal gyi mthar byed par mi smra'o zhes gsungs so/ /de lta bas na nyan thos dang rang sangs rgyas rnams kyis kyang 'dun pa'i 'dod chags spangs pas mig la sogs pa bzhin du nyon mongs pa can ma yin pa'i mi shes pa de spangs pa kho na yin na/de lta ma yin na nyan thos dang rang sangs rgyas rnams sdug bsngal gyi mthar byed par yang mi 'gyur ro zhe na/ de ni de lta yin pa bden te/ de dag gis nyon mongs pa can bzhin du nyon mongs pa can ma yin pa'i mi shes pa yang spangs pa kho na yin na/de ni spangs kyang de dag la mig la sogs pa bzhin du kun tu 'byung gi sangs rgyas bcom ldan 'das la ni spangs zin phan chad kun tu mi 'byung ste de nyid kyi phyir phyis mi skye ba'i chos can du gyur pa'i phyir bcom pa'o zhes khyad par du byas so//de lta ma yin na zhes bya ba thams cad la ye spangs pa'o zhes bya ba kho na zhig bshad par 'gyur ro/ /gang dag nyan thos dang rang sangs rgyas rnams nyon mongs pa dang bral ba'i phyir kun nas nyon mongs pa rnam par log pa'o zhes rnam par 'chad pa de dag gi ni/ ji skad gsungs pa dang sbyar na mi rung bas dor ro//'di ltar de dag la zhes bya ba rgyas par 'byung ba la 'di ltar zhes bya ba ni gang gi phyir zhes bya ba'i tha tshig go/ /rnam pa gcig tu na 'di ltar zhes bya ba ni ci ltar ye ma yin pa de ltar ro/ /de dag la zhes bya ba ni nyan thos dang rang sangs rgyas rnams la'o/ /sangs rgyas kyi chos zhes bya ba ni ma 'dres pa la sogs pa'o//yul dang dus shin tu bskal pa zhes bya ba ni yul shin tu bskal pa dang dus shin tu bskal pa'o/ /rab tu dbye ba mtha' yas pa rnams la zhes bya ba ni sangs rgyas kyi chos kyi ngo bo nyid ma yin pa gzugs la sogs pa'i don rnams la yang ngo / /nyon mongs pa can ma yin pa'i mi shes pa yod pa nyid do zhes bya ba 'di ni kun tu 'byung ba kho na'o zhes bya ba'i tha tshig go//de la sangs rgyas kyi chos ma 'dres pa bco brgyad gang dag yin pa de dag ni ngo bo nyid kyis shin tu phra zhing zab pa'i phyir sangs rgyas las gzhan pa rnams kyis mi shes te ji skad du/ bcom ldan 'das kyis shA ri'i bu la de bzhin gshegs pa'i tshul khrims kyi phung po dang ting nge 'dzin gyi phung po dang shes rab kyi phung po dang /rnam par grol ba'i phung po dang rnam par grol ba'i ye shes mthong ba'i phung po shes sam zhes dris pa dang / gnas brtan shA ri'i bus bcom ldan 'das de ni ma 'tshal to zhes gsol to zhes 'byung ba lta bu'o//don gzhan gzugs can rdul phra rab brtsams pa gang dag yin pa de dag kyang gal te yul shin tu bskal pa yin la/ rnam par rig byed ma yin pa dang gzugs can ma yin pa gang yin pa de dag kyang gal te rten yul shin tu bskal pa yin pa'i phyir yul shin tu bskal pa zhig yin na de rnams kyang yul 'jig rten gyi khams du mas chod pa'i phyir de dag gis mi shes te/gnas brtan maud gal gyi bus rang gi ma yul du shin du bskal pa 'jig rten gyi khams 'od zer can du skyes pa'i yul yongs su ma shes so zhes grags so/ /dus shin tu bskal pa ni 'das pa'am ma 'ongs pa yin te/ de rnams kyang 'byung ba dang 'jig pa bskal pa gzhan du mas chod pa'i phyir de dag gis mi shes pa kho na yin te/gnas brtan shA ri'i bus rab tu 'byung bar 'dod pa'i mi thar pa'i cha dang mthun pa'i dge ba'i rtsa ba ma mthong nas bskrad pa dang / bcom ldan 'das kyis de'i thar pa'i cha dang mthun pa gzigs te/ ngas ni 'di yi thar pa yi/ / sa bon shin tu phra ba dang / /tshon dang rdo yi gseb na gser/ /bag la zha la lta bu gzigs/ /zhes gsungs nas ni de yang rab tu phyung ngo zhes grags so/ /rab tu dbye ba mtha' yas pa rnams la zhes bya ba ni khams dang 'gro ba dang skye gnas dang skye ba la sogs pa'i bye brag rtogs par dka' ba rnams la ste/de rnams kyang de dag gis mi shes pa kho na yin te 'di ltar/ rma bya'i mdongs ni gcig pu yang / /rgyu yi rnam pa thams cad ni/ /kun mkhyen min pa'i shes bya min/ /de shes pa ni kun mkhyen stobs/ /zhes gsungs so/ /de dag ni mi shes pa'i rgyu bzhi yin te/de dag kyang kha cig la ni gcig kha cig la ni gnyis kha cig la ni gsum kha cig la ni bzhi zhes bya bar ci rigs par sbyar bar bya'o/ /de ltar bdag la phan pa sgrub pa phun sum tshogs pas zhes bya ba la sogs pa rgyas par 'byung ba la bdag la phan pa'i phyir bsgrub pa ni bdag la phan pa bsgrub pa'o//bdag la phan pa sgrub pa phun sum tshogs pa ni bdag la phan pa sgrub pa phun sum tshogs pa ste 'bras bu grub pa zhes bya ba'i tha tshig go/ /phun sum tshogs pa de yang ye shes dang spangs pa phun sum tshogs pa yin par rig par bya ste/ gzhan la phan pa sgrub pa phun sum tshogs pa yang de dang 'dra ba nyid du brjod par bya'o//gzhan dag na re bdag la phan pa sgrub pa ni bdag la phan pa sgrub par byed pa ste bdag la phan pa nye bar 'dzin pa zhes bya ba'i tha tshig go/ /de phun sum tshogs pa ni bdag la phan pa sgrub pa phun sum tshogs pa ste/gzhan la phan pa sgrub pa phun sum tshogs pa yang de bzhin du bshad par bya'o/ /de yang sdug bsngal thams cad nye bar zhi bar mya ngan las 'das pa thob par byed pa'i ngo bo nyid yin no/ /'khor ba'i 'dam las 'gro ba drangs mdzad pa zhes bya ba ni 'khor ba na 'khor ba'o/ / 'ong zhing 'gro bar 'gyur ba ste skye ba dang 'chi ba brgyud pa zhes bya ba'i tha tshig go/ /rnam pa gcig tu na 'dir sems can rnams 'khor bas na 'khor ba ste khams gsum pa yin no/ /'dam dang chos mthun pa'i phyir 'khor ba ni 'dam dang 'dra bas 'khor ba'i 'dam mo/ /de nyid kyi phyir 'khor ba ni 'gro ba kun tu chags pa'i gnas yin pa'i phyir dang rgal bar dka' ba'i phyir 'dam lta bu yin te zhes bshad de/'dam ni 'jig rten na bying ba'i bdag nyid yin pa'i phyir kun tu chags pa'i gnas yin la de nyid kyi phyir ram g.yo ba'i phyir rgal bar dka' ba yin no/ / yang na gzhan la brten nas brgal dgos pa'i phyir rgal bar dka' ba yin no/ /'khor ba yang sred pa la sogs pas mngon par brlan pa'i phyir kun tu chags pa'i gnas yin la de nyid kyi phyir ram lta ba dang the tsom gyis bskyod pa'i phyir rgal bar dka' ba yin no/ /yang na sangs rgyas la brten nas brgal dgos pa nyid kyi phyir rgal bar dka' ba yin no//'gro ba ni sems can gyi 'jig rten no/ /der bying ba ni de'i bdag nyid du zhugs pa'am kun 'byung gi yan lag gi ngo bor gyur pa'i phyir ro/ /skyabs med pa ni mgon med pa'o/ /thugs brtse ba dang ldan pa ni thugs rje dang ldan pa'o//bcom ldan 'das kyis dam pa'i chos ston pa'i phyag brkyang ba dag ces bya ba ni dam pa'i chos ston pa nyid phyag yin la de dag brkyang ba ste bsgral bar bya ba mang ba'i phyir mang po'i tshig smos so/ /de dag gi skal ba ji lta ba bzhin du drangs so zhes bya ba ni skal ba ji lta ba bzhin zhes ma smos su zin kyang 'jig rten na de lta bu mthong ba'i phyir mngon te/dper na bram ze rnams ston mo byin cig ces smras na 'jig rten thams cad kyi bram ze rnams la zan sbyin par mi nus pa'i phyir/ gang dag grong ngam grong khyer der nye ba zan sbyin par nus pa de dag kho na ston mo byin cig ces bya bar mngon pa ltar de bzhin du 'dir yang skye bo gang zhig drang ba'i skal ba can de kho na drangs so zhes bya ba yin te de'i phyir skal ba ji lta ba bzhin zhes rnam par bshad do//don bzhin ston pa zhes bya ba ni ston pa de yang rnam pa gnyis yin te don bzhin ma yin pa ni gang po la sogs pa'o//don bzhin yin pa ni de bzhin gshegs pa ste de'i phyir don ji lta ba bzhin phyin ci ma log par ston pas don bzhin ston pa'o khyad par du byas so/ /khyad par 'di yang gzhan la phan pa sgrub pa'i thabs bstan pa'i phyir te de nyid kyi phyir 'di'i gzhan la phan pa sgrub pa'i thabs ston te zhes bya ba la sogs pa bshad do//rdzu 'phrul dang / dam pa sbyin pa'i mthus ni ma yin no zhes bya ba la mthu zhes bya ba'i sgra ni rdzu 'phrul gyi mthu 'am dam pa'i sbyin pa'i mthus zhes re re la sbyar bar bya ste rdzu 'phrul gyi mthu ni dper na khyab 'jug gzugs sna tshogs su ston pa lta bu'o//dam pa sbyin pa'i mthu ni dper na lha chen po dam pa sbyin par grags pa lta bu'o rnam pa gcig tu na rdzu 'phrul dang dam pa sbyin pa dang mthu zhes tshig gsum du zlas dbye ste mthu ni nus pa'i khyad par yin no//sangs rgyas rnams kyang res 'ga' gdul bya rnams la rdzu 'phrul gyi cho 'phrul nye bar ston pa ma yin nam zhe na/ de ni de lta yin mod kyi 'on kyang de dag dad par bya ba tsam du zad kyi 'khor ba las sgrol ba ni rjes su bstan pa'i cho 'phrul gyi sgo nas 'dod chags la sogs pa'i gnyen po bsgom pa'i rim gyis yin no//de la phyag 'tshal nas zhes bya ba ni mgos btud nas so zhes bya ba ni phyag ces bya ba'i sgra bya ba'i gzhir gyur pa yin pa'i phyir phyag 'tshal nas zhes bya ba'i sgras ni btud pa'i don yin la btud pa yang 'jig rten na mgos bya bar grags pas mgos zhes bshad do//ngag dang yid kyis phyag bya ba yang 'dir ma smos kyang grub pa yin te/ yon tan smos pa sngon du 'gro ba yin pa'i phyir dang lus dang ngag gi las kyang yid kyi las sngon du 'gro ba yin pa'i phyir ro/ /phyag 'tshal nas zhes bya ba ni bya ba gzhan la ltos pa yin pa'i phyir ci zhig bya zhes dris so//bstan bcos rab bshad bya zhes bya ba ni don gyi khyad par mngon par rjod par byed pa'i ming gi tshogs ni bstan bcos so/ /gal te skad cig ma yin pa'i phyir tshogs pa mi 'thad do zhe na/ de 'dzin par byed pa'i blo'i ngo bos tshogs su brtags pa'i phyir ro/ / bstan bcos gang zhe na zhes bya ba ni ming ci zhes bya ba snyam du bsams pa'o/ /chos mngon pa mdzod ces bya ba 'di'i nges pa'i tshig 'og nas 'chad pas 'di ni re zhig gzhag go/ /spyi'i don rtogs pa ni yan lag gi don rtogs pa sngon du 'gro ba yin pas re zhig chos mngon pa zhes bya ba 'di gang zhe na zhes yan lag gi don 'dri'o//chos mngon shes rab dri med rjes 'brang bcas zhes bya ba ni chos rab tu rnam par 'byed pa'i dus na shes rab gtso bo yin pas gtso bo'i tshul gyis shes rab smos so/ /dri med ces bya ba'i zag pa med pa'o zhes bya ba ni dri ma rnams ni zag pa'i rnam grangs yin pa'i phyir ro//rjes 'brang bcas zhes bya ba ni 'khor dang bcas pa'o zhes bya ba ni rgyal po dang lhan cig spyod kyang de dang mthun par byed pa'i phyir rgyal po'i rjes su 'brang ba zhes bya ba de bzhin du/ 'dir yang de dang lhan cig 'byung ba'i chos rnams dus mnyam par rgyu yang rjes su 'brang ba kho nas brjod do//de dag kyang gang zhe na sems dang sems las byung ba dang zag pa med pa'i sdom pa dang skye ba la sogs pa ldan pa ma yin pa'i 'du byed ces bya ba dag yin no/ /sems las byung ba dag pas sems gtso bo ma yin nam/ 'di ltar sems las byung ba 'di dag sems la yod pa 'am sems las 'byung ba na sems las byung ba zhes bya'o//des na shes rab nyid sems kyi 'khor yin par 'os kyi sems ni ma yin te shes rab sems las byung ba yin pa'i phyir ro zhe na/ de ni bden mod kyi 'on kyang chos rab tu rnam par 'byed pa'i dus na shes rab sems las byung ba yin yang tshogs pa thams cad kyi gtso bor 'gyur ro//chos 'ga' zhig la lar dus kha cig tu gtso bor gyur te dper na mngon par yid ches par bya ba'i dus na dad pa zhes bya ba la sogs pa lta bu'o/ /zag pa med pa'i phung po lnga po la zhes bya ba ni tshogs pa de la zag pa med pa'i sdom pa ni gzugs kyi phung po yin no//tshor ba gang yin pa de ni tshor ba'i phung po yin no/ /'du shes gang yin pa de ni 'du shes kyi phung po yin no/ /sems la sogs dang skye ba la sogs pa ni 'du byed kyi phung po yin no/ / 'di la rnam par shes pa ni rnam par shes pa'i phung po yin no/ /re zhig 'di ni zhes bya ba la re zhig ces bya ba'i sgra ni rim pa ston pa'o/ /don dam pa pa zhes bya ba ni don dam pa nyid yin pa'am don dam pa las byung bas don dam pa pa'o/ /rnam pa gcig tu don dam pas rol cing spyod pas na don dam pa pa'o//brdar btags pa ni tha snyad pa'o/ /de thob bya phyir gang zhes bya ba ni 'dir yang chos mngon pa ni shes rab rjes su 'brang ba dang bcas pa yin no zhes bya bar skabs dang sbyar te mngon sum mam brgyud pa'i sgo nas shes rab zag pa med pa de thob par 'gyur ba thos pa las byung ba dang /bsams pa las byung ba dang / bsgoms pa las byung ba'i shes rab zag pa dang bcas pa gang yin pa dang / skyes nas thob pa rjes su 'brang ba dang bcas pa gang yin pa de yang brdar brtags pa'i chos mngon pa yin no/ /de la thos pa las byung ba ni thos pa'i sbyor ba las skyes pa'o//bsams pa las byung ba ni bsams pa'i sbyor ba las skyes pa'o/ /bsgoms pa las byung ba ni bsgoms pa'i sbyor ba las skyes pa'o/ /skyes nas thob pa ni skye ba thob pa las skyes pa ste/ 'di la skyes nas thob pa yod pa'i phyir ro/ / thos pa dang bsams pa las byung ba dang skyes nas thob pa dang bsgoms pa las byung ba gzugs med pa na spyod pa ni rjes su 'brang ba'i gzugs med pa'i phyir chos mngon pa phung po bzhi pa yin no/ /gzugs na spyod pa ni bsam gtan gyi sdom pa yod pa'i phyir chos mngon pa phung po lnga pa yin no//bstan bcos gang zhes bya ba ni chos mngon pa'i bstan bcos yin par dgongs pa'o/ /de rjes su 'brang ba dang bcas pa yin nam rjes su 'brang ba dang bcas pa ma yin zhes bya ba ni rnam par bshad pa mi mthun te/ kha cig na re sems dang sems las byung ba'i tshogs kyi ngo bo ma yin pa'i phyir rjes su 'brang ba dang bcas pa'o zhes bya bar mi sbyar ro zhes zer ro//kha cig ni skye ba la sogs pa yod pa'i phyir sbyor te chos mngon pa 'di ni phung po gcig pa'am/ de la skye ba la sogs pa yod pas phung po gnyis pa yin no/ /gzhan dag na re bstan bcos zhes bya ba ni ye shes la 'jug pa yin no//lus su gyur pa de la yan lag drug yod de rab tu 'byed pa'i gzhi dang / rnam par shes pa'i tshogs dang / chos kyi phung po dang btags pa'i bstan bcos dang khams kyi tshogs dang yang dag par 'gro ba'i rnam grangs so/ /de'i phyir bstan bcos de yang rjes su 'brang ba dang bcas pa kho na yin te/brgyud nas don dam pa'i chos mngon par thob par byed pas brdar btags pa'i chos mngon pa zhes bya'o/ /de la skye gnas thob pa'i shes rab kyis ni bstan bcos mnyan pa'i sgo nas de'i don gyi rjes su 'brang ngo / / de las ni thos pa las byung ba'o thos pa las byung ba las ni bsams pa las byung ba'o/ /bsams pa las byung ba las ni bsgoms pa las byung ba zag pa dang bcas pa'o/ /de las ni zag pa med pa'i shes rab skye bar 'gyur te rim pa ni de lta'o/ /de lta bas na 'di ni gzugs de lta bas na zhes bya ba ni tshig gi phrad do//'di ni zhes bya ba ni rang gi mtshan nyid 'dzin pa nyid du nges par bshad pa don dam pa pa dang brdar btags pa'i chos mngon pa'o/ /don dam pa'i chos zhes bya ba ni ye shes dam pa'i don yin pas don dam pa'o/ /rnam pa gcig tu na chos thams cad kyi mchog yin pa'i phyir don dam pa yin pas don dam pa'o//'di ni don dam pa yang yin la chos kyang yin pas don dam pa'i chos so/ /chos kyi mtshan nyid ces bya ba ni rang dang spyi'i mtshan nyid de sa'i khams kyi mtshan nyid ni sra ba dang mi rtag pa dang sdug bsngal ba zhes bya'o/ /de lta bu la sogs pa mngon du thob par bya ba dang rtogs par bya ba dang khong du chud par bya bar mngon du phyogs pa'i chos ni chos mngon pa'o//chos mngon pa bshad zin to zhes bya ba ni ngo bo nyid dang rab tu dbye ba dang nges pa'i tshig gi sgo nas te yan lag gi don rtogs zin to/ /spyi'i don da dung ma rtogs pas de'i phyir/bstan bcos 'di ji ltar na chos mngon pa'i mdzod yin zhes spyi'i don 'dri'o/ /'dir de don du zhes bya ba la de zhes bya ba ni bshad ma thag pa'i phyir chos mngon pa zhes bya ba'i bstan bcos gzung ngo / /don du zhes bya ba ni tshig gi sgo nas ma yin pa ste de ni don gyi sgo nas chud kyi thams cad ni ma yin no//de'i phyir gces gces rnams zhes smos so/ /chud pa ni nang du chud pa ste/ de lta bas na bdag cag gi bstan bcos 'di ni don de'i mdzod lta bu yin zhing mdzod dang 'dra ba yin no/ /don 'di la ni chos mngon pa'i mdzod ni chos mngon pa'i mdzod do zhes bya bar tshig bsdu ste ral gyi gang du gzhug pa de ni de'i shubs yin pa lta bu'o//yang na chos mngon pa'i gtsug lag de las bdag cag gi bstan bcos 'di phyung bas chos mngon pa ye shes la 'jug pa la sogs pa de bdag cag gi bstan bcos 'di'i gnas lta bu yin te/don du zhes bya bar skabs dang sbyar ro/ /de'i phyir chos mngon pa de nyid 'di'i mdzod yin te don 'di la ni 'di la chos mngon pa'i mdzod yod pas chos mngon pa'i mdzod ces bya bar tshig bsdus te/ ral gri nang nas 'byin pa de ni de'i shubs yin pa lta bu'o//de ltar na bstan bcos 'di ni chos mngon pa'i mdzod yin no zhes bya ba ni spyi'i don yang khong du chud do zhes bya bar ston to/ /yang ci'i phyir chos mngon pa bstan ces bya ba ni ci dgos zhes bya ba'i tha tshig ste/ dgos pa dang bcas pa'i bstan bcos ni bsdu ba legs par 'gyur gyi dgos pa med pa ni ma yin no//'di dang po nyid du sus bstan ce na zhes bya ba ni chos mngon pa 'di dang po nyid du su zhig gis bshad ces bya ba yin te/ yid ches pas bstan pa'i bstan bcos ni bsdu bar 'os pa'i ngo bor 'gyur ro snyam du bsams pa'o/ /dang po zhes khyad par du smos pa ni btsun pa kA t+yA'i bu la sogs pas phyis bsdu ste bstan pa ni/grub pas dang po nyid du ston pa la rtsod pa'i phyir ro/ /'di ltar zhes bya ba rgyas par 'byung ba ni 'di ltar bstan bcos mdzad pa'i slob dpon mdor bsdus pa'i bstan bcos chos mngon pa'i mdzod 'chad cing byed par gus shing 'bad ces bya ba'i tha tshig go//de ltar dri ba gnyis byas pa las chos mngon pa'i bstan bcos dgos pa dang bcas pa nyid dang yid ches pas bstan pa nyid du rab tu bstan pa'i phyir chos rnams rab tu rnam 'byed med par zhes bya ba rgyas par smos te/ gang gi phyir chos rab tu rnam par 'byed pa gzugs dang tshor ba dang mi rtag pa dang sdug bsngal ba zhes bya ba la sogs pa'i rnam pa med par nyon mongs pa nye bar zhi bar bya ba'i thabs med de/ gzhan zhes bya ba tshig lhag ma yin no/ /des na de kho na nyon mongs pa nye bar zhi bar bya ba'i thabs yin no zhes bya bar don gyis go bar 'gyur te/dper na zas ma gtogs par srog 'dzin pa'i thabs med do zhes smras na zas de kho na srog 'dzin pa'i thabs yin zhes bya bar don gyis go bar 'gyur ba ltar 'dir yang de dang 'dra'o/ /gal te nyon mongs pa nye bar zhi bar ma gyur na cir 'gyur zhe na/de'i phyir nyon mongs pas kyang 'jig rten srid mtsho 'dir 'khyams te zhes bya ba smos te 'dis ni gdon mi za bar nyon mongs pa nye bar zhi bar bya ba dgongs pa nyid du ston to/ /srid pa dang 'khor ba ni don gcig go/ /'bying ba'i gnas su chos mthun pa'i phyir srid pa nyid mtsho yin pas srid mtsho ste srid pa rgya mtsho lta bu 'dir ro//srid mtsho 'dir zhes bya ba la 'dir zhes bya ba'i sgra ni nye bar len pa'i phung po lnga'i mtshan nyid mngon sum du gyur pa las ma gtogs pa'i srid pa dgag pa'i phyir smos so/ /'dir 'jig rten 'khyams pa ni de'i bdag nyid du gnas pa'i phyir ro//de'i bdag nyid du gnas pa yang gzhir ston pa snang ste/ dper na shing gzhan dang mi ldan pa las shing pa la sha dag la kun dga'i ra ba gnas so zhes bya ba lta bu'o/ /nyon mongs pa rnams kyis kyang 'jig rten 'khor ba'i rgya mtsho chen po 'dir 'khyam par byed pas de'i phyir zhes bya ba ni rgyu bstan pa ston par byed do//gang gi phyir de lta yin pa de'i phyir chos mngon pa bstan to zhes bya ba'i tha tshig ste/ nyon mongs pa nye bar zhi bar byed pa'i thabs ni chos rab tu rnam par 'byed pa yin gyi chos gzhan ni ma yin no zhes chos mngon pa ston par byed pa'i 'brel pa bshad pa yin no//de'i don du zhes bya ba ni de nyid kyi phyir yin pas de'i don du ste de'i don nam de'i ched du zhes bya ba yin no/ /chos rab tu rnam par 'byed pa de'i don du zhes bya ba ni chos mngon pa bstan pa'i rgyud las byung ba chos rab tu rnam par 'byed pa ste/ ston pa sangs rgyas kyis ni ji ltar na chos rab tu rnam par 'byed par 'gyur snyam nas chos mngon pa bstan to//de nyid kyi phyir chos mngon pa'i bstan pa med pa ni slob mas chos rab tu rnam par dbye bar mi nus so zhes bya ba smos so/ /gsungs pa dang / bshad pa dang / bstan pa ni don gcig go/ /lo zhes bya ba la lo zhes bya ba'i sgra ni 'di ni chos mngon pa pa rnams kyi gzhung lugs yin gyi mdo sde pa kho bo cag gi ni ma yin no zhes pha rol kyi 'dod pa ston par byed pa yin no/ /chos mngon pa byed pa ni mang po zhig yod par grags te/ 'di lta ste ye shes la 'jug pa ni 'phags pa kA t+yA'i bus byas/rab tu byed pa'i gzhi ni gnas brtan dbyig gi bshes gnyen gyis byas/ rnam par shes pa'i tshogs ni btsun pa lha skyid kyis byas/ chos kyi phung po ni 'phags pa shA ri'i bus byas/ btags pa'i bstan bcos ni 'phags pa maud gal gyi bus byas/khams kyi tshogs ni gang pos byas/ yang dag par 'gro ba'i rnam grangs ni gsus po ches byas par grags so/ /mdo sde pa'i don gang yin zhe na/ gang dag mdo tshad mar byas kyi bstan bcos tshad mar mi byed pa de dag ni mdo sde pa yin no/ /gal te bstan bcos tshad mar mi byed na de dag ji ltar mdo sde'i sde snod dang 'dul ba'i sde snod dang /chos mngon pa'i sde snod gsum rnam par 'jog/ mdo las kyang dge slong sde snod gsum pa zhes chos mngon pa'i sde snod 'byung ngo zhe na/ 'di ni nyes pa med de don rnam par gtan la 'bebs pa la sogs pa mdo sde'i khyad par gang dag las chos kyi mtshan nyid brjod pa nyid chos mngon pa zhes bya'o snyam pa'i dogs pa de bzlog pa'i phyir de ni bcom ldan 'das kyis sil bur bshad la zhes bya ba smos te/bye brag tu smra ba rnams na re dper na gnas brtan chos skyobs kyis ched du brjod pa'i sde/ kye ma 'du byed rnams ni mi rtag ces bya ba la sogs pa 'dul ba'i dbang gis mdo sde dang de las bshad pa sde tshan du byas shing gcig tu 'dug par byas pa de bzhin du/bcom ldan 'das kyis gdul ba'i dbang du de dang de las chos mngon pa chos kyi mtshan nyid ston pa'i ngo bo bshad pa yang / gnas brtan kA t+yA'i bu la sogs pas ye shes la 'jug pa la sogs par bsdus nas bzhag go zhes zer ro/ /bye brag tu smra ba zhes bya ba ni bye brag tu bshad pas rtse zhing spyod pas na bye brag tu smra ba'o/ /yang na bye brag tu bshad pa'i rig pas na bye brag tu smra ba'o/ /zag bcas zag pa med chos rnams//zhes bya ba ni zag pa rnams dang bcas pas na zag bcas so/ /'di dag la zag pa med pas na zag pa med pa ste/ zag pa dang bcas pa rnams zhes bya ba dang zag pa med pa rnams zhes bya bar tshig bsdu'o/ /rang dang spyi'i mtshan nyid 'dzin pa'i phyir chos rnams so/ / 'di ni chos thams cad mdor bsdus te bstan pa'o zhes bya ba ni 'di lta ste/ zag pa dang bcas pa dang zag pa med pa 'di tsam du zad kyi 'di las ma gtogs pa'i chos med pa'o/ /de'i phyir chos rnams zhes bya ba smos so/ /mdor bsdus te bstan zhes bya ba ni mdor bsdus nas bstan pa ste/ rgyas par bstan pa ni 'og nas bstan bcos yongs su rdzogs kyi bar du 'byung ba yin no//'dus byas dang 'dus ma byas rnams dang gzugs can dang gzugs can ma yin pa rnams dang bstan du yod pa dang bstan du med pa rnams zhes bya ba la sogs pa mdor bsdus te bstan pa gzhan dag kyang yod na/ ci'i phyir mdor bsdus te bstan pa 'di kho na bshad ce na/ gang zhig bshad na brgal zhing brtag par mi 'gyur/ yang na bstan bcos ni de dag gi don yin pa'i phyir kun nas nyon mongs pa dang rnam par byang ba'i phyogs rab tu bstan pa'i phyir te/ phyogs de gnyis rtogs na kun nas nyon mongs pa'i phyogs yongs su bor ba dang /rnam par byang ba'i phyogs brten pa'i sgo nas nges par legs par 'thob par 'gyur ro/ /lam ma gtogs pa'i 'dus byas rnams/ zag bcas zhes bya ba ni 'dus byas dag kho na ste/ gzugs la sogs pa rgyu dang rkyen gyis bskyed pa rnams ni 'dus byas yin no//ci thams cad dam zhe na smras pa ma yin te/ lam ma gtogs te/ lam gyi bden pa ma gtogs pa'o/ /lam gyi bden pa yang 'dus byas yin pa'i phyir thal bar 'gyur bas de skad ces khyad par du byas so/ /'di skad du lam gyi bden pa ma gtogs pa 'dus byas thams cad ni zag pa dang bcas pa'o zhes bshad par 'gyur ro//yang de dag ji ltar na zag pa dang bcas pa yin/ gal te zag pa dang mtshungs par ldan pa'i phyir yin na ni sems dang sems las byung ba nyon mongs pa can dag kho na zag pa dang bcas par 'gyur gyi gzhan ni ma yin no//'on te zag pa dang lhan cig 'byung ba'i phyir yin na ni rgyud gcig la ci rigs par sems can nyon mongs pa kun tu spyod pa'i nye bar len pa'i phung po lnga po dag zag pa dang bcas par 'gyur gyi nyon mongs pa kun tu mi spyod pa'i yang ma yin la phyi'i chos rnams kyang ma yin no//ci ste zag pa rnams kyi rten gang dag yin pa de dag zag pa dang bcas pa yin na ni nang gi skye mched drug kho na zag pa dang bcas par 'gyur ro/ /'on te zag pa rnams kyis dmigs pa dag zag pa dang bcas pa yin na ni 'gog pa dang lam gyi bden pa yang zag pa dang bcas par 'gyur la/sa 'og ma yang sa gong ma la dmigs pa'i zag pa rnams kyis ni zag pa dang bcas par 'gyur ro zhe na/ de'i phyir/ gang phyir de dag la/ zag rnams kun tu rgyas par 'gyur/ /zhes bya ba smos te/ de'i phyir zag pa dang bcas pa'o zhes de'i phyir zhes bya ba'i sgra zhig ltag nas sam khong nas 'byung ngo //rgyas par 'gyur zhes bya ba ni rgyas pa 'thob po zhes bya ba'i tha tshig gam gnas thod do zhes bya ba'i don yin te 'dod chags la sogs pa de dag rgyas pa thob pa'am gnas thod pa'i sgo nas rgyun chags par 'gyur ro/ /gzhan dag na re dper na bdag gi zas ni rgyas par 'gyur ro zhes bya ba 'phrod cing mthun par 'gyur ro zhes bya ba'i don yin pa de bzhin du/'dod chags la sogs pa yang chos de dag las rgyas par 'gyur zhing mthun par 'gyur ro zhes bya ba'i tha tshig go/ /las las 'jig rten sna tshogs skyes//zhes 'byung ba'i phyir zag pa dang bcas pa rnams ni 'dod chags la sogs pas brlan pa'i las kyis bsgrub par bya ba yin no/ /rkyen rnams dang mthun par rgyas par 'gyur zhing rgyas par 'thob pas na phra rgyas dag yin no/ /yang na 'di dag la rkyen rnams rgyas par 'gyur zhing mthun par 'gyur bas na phra rgyas dag yin te/de dag kyang dmigs pa dang mtshungs par ldan pa'i sgo nas rgyas par blta bar bya'o zhes zer ro/ /slob dpon yon tan blo gros na re chos thams cad zag pa dag gis dmigs pa pa yin na ci'i phyir lam ma gtogs pa'i 'dus byas dag kho na zag pa dang bcas pa zhes bya ba zhes zer ba gang yin pa/chos thams cad zag pa rnams kyis dmigs pa yin no zhes bya ba 'di ni chos mngon pa pa ma yin te/ nam mkha' dang so sor brtags pa ma yin pas 'gog pa dag zag pa'i dmigs pa ma yin pa'i phyir ro/ /phra rgyas drug po kho na zhig zag pa med pa la dmigs par 'byung ba de dag kyang /'gog dang lam mthong spang bya ba/ /log lta the tshom de dag dang / /ldan mang 'ba' zhig ma rig dang / /drug ni zag med spyod yul can/ /zhes 'byung ba'i phyir 'gog pa dang lam la dmigs pa kho na yin no//de lta bas na 'di ni legs par bris pa ma yin par blta'o/ /'dod mod kyi zhes bya ba yin mod kyi zhes bya ba ni tha tshig go/ /rnam pa gcig tu na 'dod mod kyi zhes bya ba ni khas len pa'i don yin te 'gog pa dang lam gyi bden pa la dmigs pas kyang zag pa skye bar ni khas len pa kho na'o zhes bya ba'i tha tshig go//de gnyis la zhes bya ba ni 'gog pa dang lam gyi bden pa dag go/ /phra rgyas bstan pa nyid du bstan par bya'o zhes bya ba ni/ zag med gong ma'i yul can min/ /bdag gir ma byas gnyen po'i phyir/ /zhes bya ba 'dir te dngos po gang zhig bdag tu lta ba dang sred pa dag gis bdag gir byas pa de la ni phra rgyas gzhan dag kyang rgyas par nus te ras gsher ba la rdul 'chags pa lta bu yin na/zag pa med pa ni de lta ma yin la sa gong ma yang ma yin te de'i phyir de dag la dmigs pa rnams de dag la rgyas par mi 'gyur ro//mya ngan las 'das pa dang lam dag ni de dag la dmigs pa'i nyon mongs pa rnams kyi gnyen po yang yin no/ /sa gong ma yang sa 'og ma rnams kyi gnyen po yin no/ /de'i phyir yang de dag la gnas mi thod de rdo leb bsregs pa la rkang pa dag gi mthil bzhin no//zag med lam gyi bden pa dang / /'dus ma byas rnams gsum yang ste/ /zhes bya ba don gyis go bas grub pa'i phyir mdor bya mi dgos so zhes de skad du rgol ba la re zhig slob dpon yon tan blo gros na re 'di ni brjod par bya ba nyid do/ /ci'i phyir zhe na lam ni rnam pa gnyis te 'jig rten pa dang 'jig rten las 'das pa'o//de bas na khyad par du bya ba'i phyir yang brjod do/ /de nyid kyi phyir 'dir lam gyi bden pa zhes bya bar smos so/ /grags pa ni don gyis go bar 'gyur gyi ma grags pa ni ma yin na 'dus ma byas kyang ma grags so zhes zer ro//gzhan dag na re 'di don gyis go yang phung po gsum pa yod par dogs pa bzlog pa'i phyir yang brjod do/ /dper na tshor ba yang gsum ste/ bde ba dang sdug bsngal dang bde ba yang ma yin sdug bsngal yang ma yin pa'o zhes bya ba de bzhin du chos kyang zag pa dang bcas pa rnams dang zag pa med pa rnams dang zag pa dang bcas pa yang yin zag pa med pa yang yin pa rnams so zhes bya ba'am/yang na zag pa dang bcas pa yang ma yin zag pa med pa yang ma yin pa rnams so zhes bya bar sems par 'gyur te des na gang dag don gyis go bas bstsal ba de dag ci zag pa med pa kho na zhig gam/'on te zag pa dang bcas pa yin zag pa med pa nyid kyang yin pa zhig gam/ 'on te gnyi ga ma yin pa zhig ces the tshom za bar 'gyur ro/ /zag pa dang bcas pa yang yin zag pa med pa nyid kyang yin par rnam par rtog pa'i go skabs kyang yod de/ ji lta zhe na re zhig bye brag tu smra ba'i lugs ltar na/ nyon mongs phra rgyas bcas rnam gnyis/ /nyon mongs can min rgyas 'gyur gyi/ /zhes 'byung ba'i phyir mig la sogs pa dang / /phyi'i gzugs la sogs pa nyon mongs pa can ma yin pa gang dag yin pa de dag ni rgyas par 'gyur ba'i zag pa dag kho nas zag pa dang bcas pa yin gyi rgyas par mi 'gyur ba dag gis ni ma yin no//rgyas par mi 'gyur ba spangs zin pa'i zag pa de dag gis ni zag pa dang bcas pa ma yin no/ /ma spangs pa dag gis ni tha na gzhan gyi rgyud la yod pa dag gis kyang zag pa dang bcas pa kho na yin no zhes zer ro//dpes ston pa'i lugs ltar na yang dgra bcom pa'i rgyud la yod pa'i mig la sogs pa dang phyi'i gzugs la sogs pa ni zag pa rnams kyi rten ma yin pa'i phyir zag pa med pa yang yin la/ de dag zag pa rnams kyi gnyen po ma yin pa'i phyir zag pa dang bcas pa yang yin no zhes mig la sogs pa rnam grangs pa'i zag pa dang bcas pa yang yin zag pa med pa yang yin pa nyid du rtog pas the tshom du 'gyur ro//the tshom de bzlog pa'i phyir/ zag med lam gyi bden pa dang / /'dus ma byas rnam gsum yang ste//zhes bya ba 'di smos te/ /'di dag ni rnam grangs med par zag pa med pa kho na yin gyi/ ji skad bshad pa lta bu zag pa dang bcas pa yang ma yin zag pa med pa yang ma yin pa ni ma yin pas yang smos so/ /'on te bye brag tu smra ba rnams kyis dgra bcom pa'i mig la sogs pa de dag phyogs gang gis nang du brlan par bya ci zag pa dang bcas pa'i phyogs su'am 'on te zag pa med pa'i phyogs su bsdu zhe na/zag pa dang bcas pa'i phyogs su bsdu'o zhes zer ro/ /de dag zag pa spangs zin pa dag gis ji ltar zag pa dang bcas par rnam par gzhag ce na/gang dag la zag pa rgyas pa dang rgyas par gyur pa dang rgyas par 'gyur ba de dag ni zag pa dang bcas pa'o zhes bya'o/ /'jig rten na dus gsum pa'i don brjod par 'dod pas kyang da ltar gyi dus kyi tshig sbyor ba snang ste/ gang zhig skye dgu rnams dga' bar byed pa de dag ni rgyal po'o zhes byas nas gang gis dga' bar byas pa dang dga' bar byed pa dang gang zhig dga' bar byed par 'gyur ba de dag rgyal po yin no zhes bya bar rtog pa nyid de/de'i phyir de skad du rnam par bshad do/ /yang na zag pa spangs zin pa de dag gis zag pa dang bcas pa ma yin du zin kyang zag pa ma spangs pa dpag tu med pa dag gis ni tha na gzhan gyi rgyud la yod pa rnams kyis kyang zag pa dang bcas pa nyid yin no//zag bcas zag pa med chos rnams/ /zhes mdor bsdus te bstan pa kho nas phung po gsum pa yod par thal bar mi 'gyur ba ma yin nam zhe na ma yin te//de la lhag ma gcig yod pa srid pa'i phyir ro/ /zag pa dang bcas pa rnams dang zag pa med pa rnams dang zag pa dang bcas pa yang yin zag pa med pa yang yin pa rnams ni zag bcas zag pa med pa'o zhes lhag ma gcig yod par 'gyur te/ngo bo mi mthun pa rnams la yang lhag ma gcig yod par 'dod do/ /gzhan dag na re 'di ni don gyis go bar grub pa kho na yin te/ gsal bar bya ba'i phyir spros te brjod do zhes zer ro/ /'dus ma byas rnam gsum gang zhe na zhes bya ba ni ma grags pa'i phyir ro//'dri ba'o/ /rnam gsum smos pa ni 'di tsam yin par nges par gzung ba yin no/ /kha cig 'dus ma byas mya ngan las 'das pa gcig kho nar zad par smra bar yang yod do/ /'di lta ste/ gnas ma'i bu'i sde pa dag lta bu'o/ /bye brag pa dag ni 'dus ma byas rdul phra rab la sogs pa mang du brjod de de dag gi gzhung lugs dgag pa'i phyir 'di tsam zhig tu nges par gzung ba yin no//gnyis gang zhe na zhes bya ba ni so sor brtags pas 'gog pa dang so sor brtags pa ma yin pas 'gog pa dang 'dri ba ste nam mkha' ni 'jig rten na grags pa'i phyir ma yin no/ /de la nam mkha'i mi sgrib pa zhes bya ba la de la zhes bya ba ni dmigs kyis dbye ba'am tshig gi phrad do//nges pa'i tshig tu na go 'byed pas na nam mkha'o/ /gzhan dag na re 'di'i nang na dngos po rnams shin tu snang bas nam mkha'o zhes zer ro/ /mi sgrib pa ni sgrib pa med pa'o/ /byed pa por bsgrub pa'am las su bsgrub pa yin te/chos gang zhig gzhan dag la sgrib par mi byed pa'am gzhan dag gis sgrib par byed pa ma yin pa de ni nam mkha' sgrib pa med pa'i ngo bo nyid yin no/ /de mngon sum gyi yul ma yin pa'i phyir chos gzhan la mi sgrib pas rjes su dpag gi sgrib pa med pa tsam ni ma yin te/de nyid kyi phyir/ gang na gzugs kyi go yod pa'o zhes rnam par bshad do/ /gal te gang zhig sgrib par mi byed pa'am bsgrib par bya ba ma yin pa de nam mkha' yin na ni sems la sogs pa'i 'du byed thogs pa med pa dag kyang de kho na bzhin du nam mkha' yin par 'gyur ro zhe na/gzhan dag la sgrib pa yod pa'i phyir mi 'gyur te rdzu 'phrul dang ldan pa sems dang sems las byung ba'i mthus gzhan dag gi 'gro ba'am sems la sogs pa'i gegs byed do/ /'o na so sor brtags pas 'gog pa dang so sor brtags pa ma yin pas 'gog pa dag gags byed pa med pa'i phyir nam mkha' yin par 'gyur ro zhe na ma yin te/de dag ni ldan pa'i rdzas dang mi skye ba'i chos rnams ldan par 'gyur ba nges par 'gog par 'gyur ba nyid dang / skye ba'i gegs su gyur pa nyid kyi sgrib pa'i ngo bo yin pa'i phyir ro/ /rnam pa gcig tu na gang gis mtshan nyid sgrib pa med pa kho na yin zhing mtshan nyid de ni nam mkha' yin na de gnyis la ni mtshan nyid gzhan yang yod pas 'gog pas de dag nam mkha' yin par mi 'gyur ro//'o na ni nam mkha' sgrib pa med na yod pa'i phyir dang / de yod na med pa'i phyir thams cad na yod pa ma yin pa'am mi rtag pa zhig tu 'gyur te/rtsig pa la sogs pa gzugs gzhan gyis sgrib pa yod pas de na nam mkha'i mtshan nyid med pa'i phyir nam mkha' med par thal bar 'gyur la/ rtsig pa la sogs pa med pa na yang de yod par 'gyur bas mi rtag par 'gyur ro zhe na/de na yang rtsig pa la sogs pa'i go 'byed pa'i phyir nam mkha' yod pa nyid de/ gal te de na nam mkha' med par gyur na go 'byed pa med pa'i phyir rtsig pa la sogs pa de dag nyid gnas par mi 'gyur ro/ /de na gzugs gzhan mi gnas pa gang yin pa de ni rtsig pa la sogs pas sgrib pa'i phyir yin gyi nam mkha' med pa'i phyir ni ma yin te/bcom ldan 'das kyis kyang / kye gau ta ma sa ci la brten lags/ kye bram ze sa ni chu la brten to/ /kye gau ta ma chu ci la brten lags/ bram ze chu ni rlung la brten to/ /kye gau ta ma rlung ni ci la brten lags/ / bram ze rlung ni nam mkha' la brten to/ /kye gau ta ma nam mkha' ci la brten lags/ bram ze ha cang thal te bram ze nam mkha' ni rten med par snang ba med pa dmigs pa med pa'o zhes bya ba rgyas par gsungs te/ bye brag tu smra ba rnams na re de lta bas na nam mkha' yod do zhes zer ro//gang 'bral ba'o zhes khyad par du byas pa'i phyir mi rtag pa nyid kyis 'gog pa dang so sor brtags pa ma yin pas 'gogs pa bsal ba yin te/ 'gog pa de dag ni 'bral ba'i mtshan nyid tsam ma yin no/ /mi ldan pa ni 'bral ba yin te/ nyon mongs pa dang mi ldan pa'i mtshan nyid yin no/ /rnam pa gcig tu na ldan par 'gyur ba nges par 'gog par gyur pa'i chos gang yin pa de ni so sor brtags pas 'gog pa yin no/ /sdug bsngal la sogs pa 'phags pa'i bden pa rnams la zhes khyad par du smos pa'i phyir so sor brtags pa ni zag pa med pa'i shes rab kho na yin par gzung ste 'jig rten pa'i shes rab ni sdug bsngal gyi bden pa la sogs pa'i rnam pa can ma yin no//'o na ci zhe na sa gong ma dang 'og ma la zhi ba la sogs pa dang rags pa'i rnam pa can yin no/ /shes rab kyi bye brag go zhes bya ba la bye brag smos pa ni nyon mongs pa spong ba bar chad med pa'i lam gyi shes rab yin par bzung ba'i phyir ro//shes rab kyi bye brag des thob par bya ba'i 'gog pa ni so sor brtags pas 'gog pa ste/ dper na lo ma la dga' ba'i rgyal po la lo ma'i rgyal po zhes bya ba dang 'dra bar tshig bar ma mi mngon par byas pa'i phyir ro//gal te so sor brtags pas 'gog pa zag pa med pa'i shes rab kho na yin par bzung nas/ 'jig rten pa'i lam gyis thob par bya ba'i 'gog pa ma bsdus pas ma khyab pa'i mtshan nyid du 'gyur ro zhe na/ ma khyab pa ma yin te zag pa med pa'i shes rab kyis ni zag pa dang bcas pa'i dngos po khams gsum pa thams cad kyis 'gog pa thob po//'jig rten pa'i shes rab 'ba' zhig gis 'thob par 'gyur gyi zag pa med pas ma yin pa'i 'gog pa gang yin pa de ni med na 'jig rten pa'i shes rab ci dgos te/ 'gog pa 'ga' zhig 'jig rten pa'i lam gyis 'thob pa gang min pa de ni de nyid 'jig rten las 'das pas 'thob pas/ de la 'jig rten las 'das pa kho na shes rab yin gyi 'jig rten pa ni ma yin no/ /bye brag tu smra ba rnams na re so sor btags pas 'gog pa ni bden pa bzhi bstan par bstan pa'i phyir rdzas su yod pa yin te/lam gyi bden pa bzhin no zhes zer ro/ /so so so so yin na/ zhes bya ba ni tha dad pa yin zhes bya ba'i tha tshig go/ /ldan pa'i rdzas rnams ji snyed pa/ /zhes bya ba ni ldan pa ni ldan pa ste ldan par byed pa'i rdzas rnams so/ /rnam pa gcig tu na de dag la kun tu sbyor bas na ldan pa dag go//de dag ni ldan pa yang yin la rdzas kyang yin pas ldan pa'i rdzas te zag pa dang bcas pa'i rdzas dag ces bya ba'i tha tshig go/ /bcom ldan 'das kyis kyang zag pa dang bcas pa'i rdzas ni 'gying phur lta bu'o/ /kun tu sbyor ba ni thag pa lta bu'o//gang zag ni glang po lta bu'o zhes gsungs so/ /de lta ma yin zhes bya ba ni gal te gcig yin na zhes bya ba'i tha tshig go/ /nyon mongs pa thams cad 'gog pa mngon sum du byed par zhes bya ba ni kun 'byung ba la sogs pa mthong ba dang bsgom pas spang bar bya ba'i nyon mongs pa 'gog pa thob par zhes bya ba'i tha tshig go//lhag ma'i gnyen po bsgom pa don med par 'gyur ro zhes bya ba ni nyon mongs pa lhag ma kun 'byung ba la sogs pa mthong ba dang bsgom pas spang bar bya ba'i bdag nyid kyi gnyen po lam bskyed mi dgos so zhes bya ba'i tha tshig go/ / 'o na 'gog pa ni 'dra ba ma yin no zhes bshad pa zhes bya ba gang las bshad ce na/ mdo las/ 'phags ma ci 'gog pa 'dra bar lags sam/ tshe dang ldan pa sa ga 'dra ba ma yin no zhes sngon gyi khyo khyim bdag sa gas dris pa dang / dge slong ma chos byin gyis bshad de 'gog pa ni 'dra ba med do zhes bya ba'i tha tshig go//yang dag par brtags nas 'di'i don ji lta bu yin zhes 'dri ste pha rol po'i bsam pa ni mang po nyid gcig yin na ni 'dra bar 'gyur ro snyam pa yin no/ /'di'i 'dra ba'i rgyu gang yang ma yin zhes bya ba ni 'dra ba'i rgyu dang 'dra ba zhes bya ba ni don gcig ste/rgyu'i sgra mi mngon par byas pa'i phyir ro/ /tshig dag la yang tshig gi phyogs gcig sbyor ba dang / ngag dag la yang ngag gi phyogs gcig sbyor ba snang ste/ dper na bden khro la khro ba zhes bya ba dang / lhas byin la byin zhes bya ba dang / zan la nang du zhugs skyo ma la nang du zhugs zhes bya ba lta bu'o//so sor brtags pas 'gog pa ni rtag pa yin la de la 'dra ba'i rgyu ci zhig dgos te de lta bas na 'dra ba'i rgyu med pas na 'dra ba'i rgyu ma yin te/ 'di la 'dra ba'i rgyu med pas 'dra ba'i rgyu ma yin pa'o zhes 'bru mang po par tshig bsdu'o//'di yang gang gi 'dra ba'i rgyu yang ma yin no zhes bya ba ni so sor brtags pas 'gog pa 'di yang chos gzhan gang gi yang 'dra ba'i rgyu ma yin no zhes bya ba skabs dang sbyar ro/ /ci'i phyir zhe na 'dus byas kho na 'dra ba'i rgyu yin par 'dod pa'i phyir ro/ /'di la 'dra ba gang yang med do zhes bya ba ni ma yin no zhes bya ba ni 'gog pa la 'gog pa 'dra ba gzhan 'ga' yang med do zhes bya ba ni ma yin no zhes bya ba'i tha tshig go//skye la gtan du bgegs byed pa/ /'gog gzhan so sor brtags min pas/ /zhes bya ba ni ma 'ongs pa'i chos rnams skye ba la gtan du bgegs byed pa ni shin tu bgegs byed pa ste/gtan tu nges par 'gog pa'o/ /gzhan zhes bya ba ni so sor brtags pa ma yin pas 'gog pa ste de ni so sor brtags pas 'gog pa bshad ma thag pa las gzhan yin no/ /so sor brtags min pas zhes bya ba la min zhes bya ba ni 'di ni med par dgag pa ste/so sor brtags pa med pas thob par bya ba zhes bya ba'i tha tshig go/ /yang na ma yin par dgag pa ste so sor brtags pa gzhan pa rkyen ma tshang ba gang yin pa de ni so sor brtags pa ma yin pa yin la des thob par bya ba'i 'gog pa ni so sor brtags pa ma yin pas 'gog pa ste/bar gyi tshig mi mngon par bya ba'i phyir ro/ /'di ni rigs pa ma yin te rkyen ma tshang ba ni med pa yin na ji ltar med pas 'gog pa de 'thob par 'gyur zhe na/ nye bar brtags pa yin pa'i phyir/ 'di ni nyes pa med do/ /rnam pa gcig tu na so sor brtags pa ma yin pas 'gog pa zhes bya ba ni so sor brtags pas 'gog pa ma yin pa ni so sor brtags pa ma yin pas 'gog pa ste/'di so sor brtags pas 'gog pa las gzhan nyid tsam yin par brjod kyi/ rkyen ma tshang ba la byed pa yod pa ni ma yin no/ /skye la zhes smos pa ni mi rtag pa nyid kyi 'gog pa bsal ba'i phyir te/mi rtag pa nyid kyi 'gog pa ni chos gnas pa la shin tu gegs byed pa yin gyi chos skye ba la ni ma yin no/ /gtan du zhes bya ba smos pa ni 'du shes med pa dang 'gog pa'i snyoms par 'jug pa dang / 'du shes pa med pa bsal ba'i phyir te/de dag kyang sems dang sems las byung ba ma 'ongs pa rnams skye ba la gegs byed pa ni yin mod kyi bgegs byed pa'i dngos po dus re zhig pa yin pas phyir gtan du ni ma yin no/ /dper na mig dang yid gzugs gcig la yengs pa'i zhes bya ba la dper na zhes bya ba ni dper brjod pa ste/gang la 'dir gzugs sngon po gcig la mig dang yid yengs pa yod pa ni mig dang gzugs gcig la yengs pa'o/ /de'i gzung bar bya ba'i gzugs gzhan kha dog gis gzugs sngon po las gzhan pa'i bye brag dang ser po dang dmar po dang dkar po dag dang /dbyibs kyi gzugs dag dang sgra dang dri dang ro dang reg bya gang yin pa thams cad 'das par 'gyur zhing da ltar byung ba'i dus las 'da' bar 'gyur te/ 'das pa'i dus su gyur pa zhes bya ba'i tha tshig go/ /de dag la dmigs pa'i rnam par shes pa'i tshogs lnga po dag ni yang skye bar mi nus te zhes bya ba ni gang dag la dmigs pa'i bye brag sngon po'i bye brag la sogs pa bshad ma thag pa de dag yod pa ni de dag la ni dmigs pa ste gang dag ce na/rnam par shes pa'i tshogs lnga'o/ /de dag skye bar mi nus te zhes bya ba 'di ni ngo bo sgrub pa yin no/ / de dag 'das pa'i yul la dmigs pa'i mthu med pa'i phyir ro zhes bya ba rgyas par 'byung ba ni rnam par shes pa'i tshogs lnga po de dag rang gi dmigs pa yin yang 'das pa'i yul la 'dzin par mi nus te/ rnam par shes pa'i tshogs lnga po dag ni da ltar gyi la dmigs pa'i tshogs so//ji ste ci'i phyir sngon po'i bye brag la sogs pa da ltar gyi la dmigs nas da mi skye zhe na/ chos thams cad ni rgyu dang 'bras bu dang rten dang dmigs pa dang gzhi can la dmigs pa'i phyir de ltar na skye ba ni mi nus te/ rnam par shes pa gang gis dmigs pa yin pa de nyid de'i dmigs pa yin par 'gyur gyi gzhan ni ma yin no//de lta bas na rnam par shes pa'i tshogs lnga po de dag dmigs pa'i rkyen ma tshang ba'i phyir yang mi skye'o/ /de'i phyir/ de dag gi so sor brtags pa ma yin pas 'gog pa de ni zhes bya ba rgyas par smos te rnam par shes pa'i tshogs lnga po de dag gis dmigs pa'i rkyen ma tshang ba'i phyir/rkyen ma tshang bas 'thob ste sems dang sems las byung ba skye ba na/ rkyen bzhi po rgyu dang mtshungs pa de ma thag pa dang dmigs pa dang bdag po'i rkyen dag kho nas skye bar 'gyur gyi de dag las gang yang rung ba zhig ma tshang na yang mi skye'o//gzhan dag na re mtshungs pa de ma thag pa'i rkyen ma tshang ba'i phyir te de'i phyir/ mtshungs pa de ma thag pa'i rkyen sems dang sems las byung ba'i mtshan nyid ni/ sngon po'i rnam par shes pa de gcig pu kho na skye'i go 'byed kyi rnam par shes pa gnyis cig car du skye mi srid pa'i phyir sngon po'i bye brag la sogs pa'i rnam par shes pa gzhan dag gi ni ma yin no zhes zer ro//'dir ni dper brjod pa tsam du zad kyi de bzhin du bzod pa 'thob pa la sogs pa'i ngan song ba'i phung po ma 'ongs pa rnams kyang de dag skye ba dang 'gal ba'i rkyen mngon sum du gyur na/rkyen ma tshang bas so sor brtags pa ma yin pas 'gog pa thob bo zhes dper brjod par bya'o/ /bcom ldan 'das kyis kyang so sor brtags pa ma yin pas 'gog pa kho na las dgongs nas gang zag rgyun du zhugs pa'i dbang du mdzad de/'di'i sems can dmyal ba dang dud 'gro dang yi dags dag 'gags so zhes gsungs so/ /de lta bas na so sor brtags pa med par rkyen ma tshang ba'i phyir ma 'ongs pa'i chos de lta bu dag skye ba la nges par 'gog par gyur pa de ni so sor brtags pa ma yin pas 'gog pa zhes bya'o//bye brag tu smra ba rnams na re yang de dang 'dra ba'i rkyen nye bar gyur na de skye bar thal bar 'gyur ba'i phyir rkyen ma tshang ba tsam gyis ni de gtan du mi skye bar 'thad pa ma yin te/ de'i tshe de skye ba la su zhig gegs byed par 'gyur zhes zer ro/ /'dir mu bzhir 'gyur te zhes bya ba rgyas par 'byung ba la so sor brtags pa dang /so sor brtags pa ma yin pas 'gog pa'i mtshan nyid bstan pa la dri ba dang lan gdab pa rnam pa bzhi ci'i phyir bstan ce na/ bye brag tu shes par bya ba'i phyir ro/ /'di lta ste/ zag pa dang bcas pa 'das pa dang da ltar byung ba dang 'byung ba'i chos can rnams kyi lta bu'o zhes bya ba ni zag pa dang bcas pa yin pa'i phyir so sor brtags pas 'gog pa kho na 'thob kyi/'das pa dang da ltar byung ba rnams ni skyes zin pa'i phyir la byung ba'i chos can rnams kyang gdon mi za bar 'byung ba'i phyir so sor brtags pa ma yin pas 'gog pa ni mi 'thob ste/so sor brtags pa ma yin pas 'gog pa'i mtshan nyid ni skye ba la gtan du bgegs byed pa yin pa'i phyir ro/ /'di lta ste/ zag pa med pa'i 'dus byas mi skye ba'i chos can rnams kyi lta bu'o zhes bya ba ni 'di dag skye ba'i chos can nyid yin te/de'i phyir de dag gi so sor brtags pa ma yin pas 'gog pa ni mi 'thob ste/ so sor brtags pas 'gog pa'i mtshan nyid ni skye ba la gtan du gegs byed pa yin pa'i phyir ro/ /'di lta ste/ zag pa zad pa med pa'i 'dus byas mi skye ba'i chos can rnams kyi lta bu'o zhes bya ba ni 'di dag skye ba la shin tu bgegs su gyur pa'i phyir mi skye ba'i chos can nyid yin te de'i phyir de dag gi so sor brtags pas 'gog pa 'thob po//dad pas rjes su 'brang ba'i lam sa drug po mi lcogs pa med pa dang bsam gtan khyad par can dang bsam gtan gyi sa pa rnams las gang yang rung ba zhig mngon du gyur na lhag ma lnga'i so sor brtags pa ma yin pas 'gog pa 'thob bo//zag pa med pa yin pa'i phyir so sor brtags pas 'gog pa ni ma yin te/ nyes pa med pa ni spang bar 'os pa ma yin no/ /mi skye ba'i chos can zhes bya ba smos pa ni 'das pa dang da ltar byung ba dang 'byung ba'i chos can bsal ba'i phyir ro//zag pa med pa zhes smos pa ni zag pa dang bcas pa bsal ba'i phyir ro/ /'dus byas zhes smos pa ni 'dus ma byas bsal ba'i phyir ro/ /'dus ma byas kyang ngo bo nyid kyi mi skye ba'i chos can yin pas/de'i phyir der thal du 'gyur du 'ong ba de skad ces khyad par du byas so/ /kha cig ni 'di skad du 'di lta ste zag pa med pa ni mi skye ba'i chos can rnams kyi lta bu'o zhes 'don te/ de dag gi ltar na ji ltar 'dus ma byas rnams bsdus par thal bar mi 'gyur zhe na mi 'gyur te/chos gang dag la so sor brtags pas 'gog pa'am so sor brtags pa ma yin pas 'gog pa srid pa de dag gi skabs yin no/ /'dus ma byas rnams la ni 'gog pa de dag mi srid de so sor brtags pa ma yin pas 'gog pa ni skye ba la gtan du bgegs byed pa yin na/'dus ma byas rnams la yang skye ba med do/ /gzhan yang mi skye ba'i chos can rnams zhes bya ba ni ma yin par dgag par tshig bsdu ste skye ba'i chos can dag las gzhan pa'i chos de dang 'dra ba gang yin pa de dag ni mi skye ba'i chos can rnams so//de dang 'dra ba dag kyang gang zhe na 'dus byas dag kho na yin gyi 'dus ma byas ni ma yin pas 'dus ma byas pa rnams la thar bar mi 'gyur ro zhes zer ro/ /gang dag gi gnyi ga 'thob pa yang yod de zhes bya ba ni so sor brtags pas 'gog pa dang / so sor brtags pa ma yin pas 'gog pa'o//'di lta ste zag pa dang bcas pa zhes bya ba rgyas par 'byung ba ni 'di dag zag pa dang bcas pa yin pa'i phyir so sor brtags pas 'gog pa thob la mi skye ba'i chos can yin pa'i phyir so sor brtags pa ma yin pas 'gog pa yang 'thob bo/ /'di dag ni nam yang rung ba na 'thob par 'dod kyi 'di dag gdon mi za bar cig car 'thob pa ni ma yin no//kha cig ni sngar so sor brtags pas 'gog pa 'thob la phyis so sor brtags pa ma yin pas 'thob ste/ dper na dgra bcom pa gzugs gcig la mig dang yid yengs pa'i de las gzhan pa'i gzugs la sogs pa la dmigs pa'i rnam par shes pa'i tshogs lnga'i lta bu'o//kha cig ni sngar so sor brtags pa ma yin pas 'gog pa 'thob la phyis so sor brtags pas 'gog pa 'thob ste/ dper na bzod pa thob pa'i ngan song gi 'gro ba rnams lta bu'o//kha cig ni cig car te dper na mthong bas thob pa'i nyon mongs pa chen po'i yang chen po'i gnyen po skyes na nyon mongs pa chen po ma 'ongs pa de dag gis so sor brtags pas 'gog pa dang so sor brtags pa ma yin pas 'gog pa cig car 'thob bo/ /de bzhin du gzhan dag la yang ci rigs par sbyar ro//'di lta ste zag pa med pa 'das pa dang da ltar byung ba dang 'byung ba'i chos can rnams kyi lta bu'o zhes bya ba ni 'das pa la sogs pa 'di dag skye ba la bgegs bya bar mi nus pa'i phyir ro/ /so sor brtags pa ma yin pas 'gog pa mi 'thob bo/ / 'di dag zag pa med pa yin pa'i phyir so sor brtags pas 'gog pa yang mi 'thob bo/ /'dus ma byas rnams la ni skye ba med pa'i phyir so sor brtags pa ma yin pas 'gog pa med de/ so sor brtags pa ma yin pas 'gog pa ni skye ba la gtan du bgegs byed pa yin no zhes sngar bshad zin to//zag pa med pa yin pa'i phyir so sor brtags pas 'gog pa yang med do/ /de ltar 'dus ma byas ni brjod par bya ba nyung ba'i phyir de dri ba dag yongs su rdzogs par byas te 'dus byas rnams bstan par 'dod nas/ lam ma gtogs pas 'dus byas rnams/ zag bcas zhes gang smras pa'i 'dus byas de dag gang zhe na zhes bya ba gleng slong ba brjod do/ /'dus byas chos rnams de dag yang / /zhes bya ba la yang zhes bya ba'i sgra ni gong du/ zag bcas zag pa med ces rab tu dbye ba bshad zin te 'di ni yang rab tu dbye ba yin no zhes rab tu dbye ba gzhan rab tu bstan pa'i phyir ro//'dus ma byas bstan pas bar du chod pa'i phyir yang / 'dus byas zhes bya ba smos pa ni 'dus ma byas bsal ba'i phyir ro/ /de dag ces bya ba'i skabs su bab pa gong ma dang sbyar ro/ /skabs su bab pa gong ma yang gang dag ce na zag pa dang bcas pa gtogs pa gang dag yin pa dang /ma gtogs pa lam gyi bden pa gang dag yin pa gnyis dang sbyar ro/ /ji ltar shes she na/ gang dag zag bcas nyer len pa'i/ /phung po'ang de dag ces/ zag pa med pa dag las zag pa dang bcas pa dag 'byung ba'i phyir ro//gzugs la sogs pa phung po lnga ni 'og nas 'byung ba'i mtshan nyid do/ /'di dag ni 'dus byas yin par blta ste 'di dag kyang phan tshun bsdus pa yin no/ /gzugs la sogs pa zhes smos pa ni tshul khrims la sogs pa'i phung po bsal ba'i phyir ro//tshul khrims kyi phung po dang ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po zhes bya ba'i phung po gzhan dag kyang yod pas so/ /phung po zhes smos pa ni gzugs la sogs pa'i yul bsal ba'i phyir ro//'dus shing phrad nas zhes bya ba 'di dag ni rnam grangs yin no/ /rnam pa gcig tu na 'dus shing zhes bya ba ni phrad nas te phan tshun ltos nas zhes bya ba'i tha tshig go/ /phrad nas zhes bya ba ni yang dag par bskyed nas te phrad ces bya ba'i sgra'i don ni de lta bur ston to//rkyen gcig gis bskyed pa ni 'ga' yang med do zhes bya ba ni rkyen nang na nyung yang rkyen gnyis gdon mi za bar yod de/ bzhi yis sems dang sems byung rnams/ /gsum gyis snyoms par 'jug pa gnyis/ /gzhan ni gnyis po dag las skye/ /zhes 'byung ba'i phyir ro//'o ma bzhin no zhes bya ba ni 'dus byas zhes bya ba'i sgra mthar phyin pa yin pa'i phyir mthar phyin pa'i sgra nyid kyis dper ston par byed de/ 'o ma bzhin zhes bya ba ni 'o ma zhes bya ba nu ma las byung ba'i 'o ma gang yin pa de 'o ma zhes bya bar rigs kyi 'byin par 'gyur ba gang yin pa dang 'byin par mi 'gyur ba bzhin nyid la 'dug pa gang yin pa de ni 'o ma zhes bya ba nyid du yang mi 'gyur ba zhig na 'jig rten na 'o ma zhes kyang brjod do//de bzhin du 'di la yang de dang rigs mthun zhing rang gi mtshan nyid 'dra ba'i phyir ma 'ongs pa skye bar 'gyur ba'i chos can 'du byed par 'gyur ba gang dag yin pa dang /skye bar mi 'gyur ba'i chos can 'du byed par mi 'gyur ba gang dag yin pa de dag kyang 'dus byas zhes bya'o/ /de dag nyid dus zhes bya ba rgyas par 'byung ba ni chos mngon pa thams cad kyi mdo don dang mdo gtan la 'bebs pa dang mdo rnam par 'chad pa yin pas 'dir mdo las gsungs pa'i dus la sogs pa phung po'i rnam grangs kyi ngo bo dag brjod do//song ba dang 'gro ba dang 'gro bar 'gyur ba'i phyir zhes bya ba ni dus zhes bya ba'i don 'di ni 'jig rten na grags pa'i lam la ltos te rnam par bshad pa yin te/'di ltar 'jig rten lam 'di grong du song ngo lam 'di 'gro'o lam 'di 'gro bar 'gyur ro zhes brjod pa de bzhin du 'dir yang 'das pa gang yin pa ni song ba'i dus yin no/ /da ltar gang yin pa ni 'gro ba yin no/ /ma 'ongs pa gang yin pa ni 'gro bar 'gyur ba yin no//mi rtag pa nyid kyis za ba'i phyir zhes bya ba ni dus rnams so zhes bya bar skabs dang sbyar ro/ /mi rtag pa nyid kyis za zhing 'joms pas na dus dag go zhes bcom ldan 'das kyis 'dus byas dag nyid dus kyi sgrar bstan to/ /'dus byas de dag nyid bcom ldan 'das kyis gtam gyi gzhi'i sgrar yang bstan te/dge slong dag 'phags pa rnams gtam brjod pa na gang dag la brten nas gtam brjod pa'i byed pa'i gtam gyi gzhi ni gsum po 'di dag yin te/ bzhi pa yang de med la lnga pa yang med do/ /gsum gang zhe na/gtam gyi gzhi 'das pa dang ma 'ongs pa dang da ltar byung ba'o zhes gsungs so/ /gtam ni ngag go zhes bya ba rgyas par 'byung ba ni gtam ni ngag ste yi ge'i bdag nyid kyi sgra'o zhes bya ba'i tha tshig go/ /de'i gzhi ni ming ste zhes bya ba ni yul zhes bya ba'i tha tshig go//ming gi brjod par bya ba ni don yin te/ 'di ltar ngag ni ming la 'jug go/ /ming gis ni don rjod par byed do zhes 'byung ngo / /gal te gtam gyi gzhi ming kho na yin na ming ni 'dus byas kyi phung po'i phyogs gcig kho na yin na ji ltar 'dus byas dag nyid gtam gyi gzhi'i sgrar bshad ce na/de'i phyir/ don dang bcas pa'i gzhi smos pa'i phyir na 'dus byas ni gtam gyi gzhi zhes bya'o zhes bya ba smos so/ /de lta ma yin na zhes bya ba rgyas par 'byung ba ni gal te don dang bcas pa'i gzhi ma bzung na/ rab tu byed pa las gtam gyi gzhi rnams ni khams bco brgyad kyis bsdus so zhes 'byung ba'i gzhung dang 'gal bar 'gyur ro zhes bya ba yin no//yang rigs pa gang gis don dang bcas pa'i gzhi gzung bar bya zhe na/ gtam gyi yul ni mngon sum dang brgyud pa'i sgo nas rnam pa gnyis te mngon sum gyi yul ni ming ngo //brgyud pa ni don to/ /de ni rang gi yul du gyur pa ming gi yul yin pas/ de'i phyir de yang yul tu rnam par gzhag go/ /ci'i phyir 'dus ma byas gtam gyi gzhi nyid du ma bshad ce na/ dus su gtogs pa'i ming dang dus su ma gtogs pa'i don lhan cig 'brel pa med pa'i phyir ro//yang na gzhi zhes bya ba'i sgras ni yul dang rgyu zhes bya ba don gnyis rjod par byed pa bsdus pa'i phyir gang zhig gtam gyi yul dang rgyu dang rkyen yin pa de ni gtam gyi gzhi yin na 'dus ma byas gtam gyi rgyu dang rkyen ma yin pas gtam gyi gzhi ma yin no/ /rnam pa gcig tu na 'dus byas ni 'das pa la sogs pa shin tu mang ba nyid kyis de bzhin gshegs pa mar me mdzad ni de lta de lta bur byung bar gyur to//de bzhin gshegs pa byams pa ni 'di lta 'di lta bur 'byung bar 'gyur ro/ /rgyal po ka bi na ni 'di lta 'di lta bur 'byung ngo zhes bya bar rung ba'i phyir ro/ /de'i phyir 'dus byas dag kho na gtam gyi gzhi nyid du bshad kyis 'dus ma byas ni ma yin no//'dus byas thams cad ni mya ngan las 'das pa'o zhes bya ba ni phung po lhag ma ma lus pa'i mya ngan las 'das pa'o/ /gal te de lta na zag pa dang bcas pa la de yod pas zag pa dang bcas pa ni nges par 'byung ba dang bcas pa nyid du rung bar 'gyur na lam gyi bden pa la go ji ltar zhe na/chos kyi rnam grangs gzings lta bur shes pa rnams kyis chos rnams kyang spang bar bya na chos ma yin pa rnams lta ci smos zhes 'byung bas lam gyi bden pa la yang nges par 'byung ba rung ba nyid pas 'dus byas thams cad nges 'byung ba dang bcas pa kho na yin no//gzhi dang bcas pa zhes bya ba ni 'di la sngar 'bras bu rnams gnas la phyis 'byung ba'i phyir/ gzhi ni rgyu zhes bya ba'i tha tshig go/ /de nyid dag la yod pas gzhi dang bcas pa'o/ /gsung rab las ni gzhi zhes bya ba'i sgra ngo bo nyid dang dmigs pa dang kun tu sbyar bar bya ba dang rgyu dang yongs su gzung ba dang [(]dan [,]don [)]lnga yin par snang ste/re zhig ngo bo nyid ni de gzhi gang zhig thob pa'i gzhi de nyid dang ldan no zhes bya ba ngo bo nyid de dang zhes bya bar mngon no/ /dmigs pa ni shes bya'i chos gang dag ce na/ smras pa thams cad shes pas gzhi ji lta ba bzhin du shes par bya ba yin no zhes bya ba dmigs pa ji lta ba bzhin du zhes bya ba'i tha tshig go//kun tu sbyar bar bya ba la ni gzhi gang zhig rjes su chags pa'i kun tu sbyor ba dang yang ldan pa de khong khro ba'i kun du sbyor ba dang yang ldan no zhes bya ba lta bu yin no/ /rgyu ni gzhi dang bcas pa'i chos gang dag ce na/'dus byas kyi chos thams cad ces bya ba lta bu'o/ /yongs su gzung ba ni zhing gi gzhi dang tshong dus kyi gzhi dang nor gyi gzhi yongs su gzung ba spangs te de las phyir bzlog pa yin no zhes bya ba lta bu'o/ /'dir ni gzhi zhes bya ba'i sgra rgyu yin par rig par bya'o//rgyu'i tshig yin lo zhes bya ba la/ lo zhes bya ba'i sgra ni pha rol po'i gzhung lugs ston par byed pa ste/ 'di rang gi gzhung lugs ni 'dus byas rnams ni gzhi dang bcas shing ngo bo nyid dang bcas pa yin la 'dus ma byas rnams ni brtags pa'i yod pa yin pa'i phyir gzhi med pa yin no zhes bya bar mngon no//yang 'dus byas de dag nyid ces bya ba ni gong du zag pa dang bcas par bshad pa gang dag yin pa zhes ston par byed do/ /gang dag zag bcas nyer len pa/ /phung po'ang de dag ces bya ba 'dir/ de dag gi nang nas zhes bya ba zhig khong nas dbyung ngo //ci zhig grub par 'gyur zhes bya ba ni don yod kyi go ba gang yin pa de dpyod par byed pa'o/ /nye bar len pa'i phung po la sogs pa mdo dag las bshad pas/ de'i phyir 'dir de dag rnam par 'chad par byed pa ste/ 'di skad du chos mngon pa thams cad ni mdo'i don zhes bya ba rgyas par 'byung bas so//de dag las byung ba'i phyir nye bar len pa'i phung po dag ste zhes bya ba ni nye bar len pa las byung ba'i phung po dag ni nye bar len pa'i phung po dag ste/ bar gyi tshig mi mngon par byas pa'i phyir dper na rtswa las byung ba'i me la rtswa'i me zhes bya ba dang sog ma las byung ba'i me la sog ma'i me zhes bya ba lta bu'o//gzhan dag ni bar gyi tshig mi mngon par ma byas par nye bar len pa rnams kyi phung po ni nye bar len pa'i phung po dag go zhes drug par tshig sdud pa kho nas sgrub par byed cing dpe yang 'di skad du dper na rtswa dag gi me ni rtswa'i me zhes bya ba lta bu'o zhes ston par byed do//sems can du bgrang ba gang dag yin pa de dag ni nyon mongs pas mngon par brlan pa'i las kyi rgyu can yin pa'i phyir nye bar len pa'i phung po yang yin par rigs na/ phyi'i dngos po rnams ko ji ltar nye bar len pa'i phung po yin zhe na/de dag kyang nye bar len pa las grub pa yin te/ grub pa'i mtha' las/ las las 'jig rten sna tshogs skyes/ /zhes 'byung ba'i phyir ro/ /de dag la rag lus pa'i phyir rgyal po'i mi bzhin no zhes bya ba ni dper na rgyal po la rag las pa'i mi la rgyal po'i mi zhes bya ba de bzhin du nye bar len pa rnams la rag las pa'i phung po de dag ni nye bar len pa'i phung po ste de dag gi dbang gis dmigs pa dang 'gro ba gzhan dag tu 'jug pa'i phyir ro//yang na de dag las nye bar len pa rnams 'byung bas zhes bya ba 'di ni don tsam brjod par zad de/tshig dag ni 'di skad du brjod par bya'o/ /nye bar len pa rnams kun tu 'byung ba'i rgyu'i phung po dag ni nye bar len pa'i phung po dag go/ /me tog dang 'bras bu'i shing ljon pa bzhin no/ /dper na me tog dag gam 'bras bu dag kun 'byung ba'i rgyu'i shing ljon pa ni me tog gi shing ljon pa dang 'bras bu'i shing ljon pa zhes bya ba de dang 'dra'o//dgra bcom pa'i phung po dag kyang gnod pa bskyed pa'i phyir/ gzhan gyi rgyu la yod pa'i nye bar len pa la rag las pa yang yin la de dag las kyang gzhan gyi rgyud la yod pa'i nye bar len pa rnams 'byung bas 'di dag nye bar len pa'i phung po nyid du 'gal ba med do//'thab pa ni nyon mongs pa rnams te bdag dang gzhan la gnod pa'i phyir ro zhes bya ba ni gang dag bdag dang gzhan dag la gnod pa byed pa de dag ni 'thab pa dag yin te g.yul 'gyed ces bya ba'i tha tshig go/ /nyon mongs pa rnams kyang de kho na dang 'dra bas 'thab pa dag ces bya'o//de dag gis rgyas par byas pa nyid kyi phyir zhes bya ba ni de dag gis rgyas par byas shing nye bar bsten te zhes bya ba'i tha tshig go/ /rnam pa gcig tu na rgyas par byas pa ni phra rgyas can du byas pa'o/ /de'i ngo bo ni de dag gis rgyas par byas pa de nyid de de dag gis rgyas par byas pa de'i phyir ro//rnam pa gcig tu na de dag la rgyas par byas pa nyid yin te/ de'i phyir 'thab pa dang bcas pa dag ste zag pa dang bcas pa bzhin no/ /zag pa dang bcas pa nyid la rnam par bshad pa gang yin pa de nyid 'di la yang brjod par bya'o//'phags pa rnams dang mi 'thun pa'i phyir sdug bsngal lo zhes bya ba ni 'du byed kyi sdug bsngal nyid kyis de 'phags pa rnams dang mi mthun pa yin no/ /'di las sdug bsngal kun 'byung bas na kun 'byung ba'o zhes bya ba ni rgyur gyur pa'i phung po rnams ni kun 'byung ba yin la/ 'bras bur gyur pa'i phung po rnams ni sdug bsngal yin no zhes bya bar ston to//'jig pas na 'jig rten no zhes bya ba ni mdo las rta dmar can lus 'dom gang tsam 'di nyid la 'jig rten du 'dogs shing 'jig rten kun 'byung bar yang 'dogs so zhes kyang 'byung la/ bcom ldan 'das nyid kyis 'jig cing rab tu 'jig par 'gyur te de bas na 'jig rten zhes bya'o zhes kyang gsungs te/'jig cing rnam par nyams par 'gyur zhes bya ba'i tha tshig go/ /'di la lta ba rgyas par 'gyur ba'i sgo nas gnas pas na zhes bya ba ni dge slong dag gang kha cig bdag dang bdag gir yang dag par rjes su lta ba na yang dag par rjes su lta ba de dag ni nye bar len pa'i phung po lnga po 'di nyid la bdag dang bdag gir yang dag par rjes su lta'o zhes 'byung ba'i phyir nye bar len pa'i phung po rnams ni lta ba'i gnas so//'byung bas ni srid pa ste zhes bya ba ni zag pa dang bcas pa'i chos rnams kho na srid pa'i sgrar bshad pa yin te/srid pa gang zhe na nye bar len pa'i phung po lnga'o zhes 'byung ba'i phyir ro/ /lam gyi bden pa la yang sdug bsngal la sogs pa'i sgra 'di dag thal bar 'gyur te/ lam gyi bden pa yang 'du byed kyi sdug bsngal dang yang ldan no//mtshungs pa de ma thag pa'i rkyen la sogs pa'i dngos pos 'di las zag pa dang bcas pa'i dngos po yang kun 'byung ngo / /'jig par yang 'gyur ro/ /lta ba yang de la dmigs so/ /'byung bar yang 'gyur te de skye bar 'gyur ro zhes bya ba'i tha tshig go zhe na/'di ni nyes pa med de/ sgra 'jug pa ni grags pa la ltos pa yin pas na 'phags pa rnams kyi chos gang dag 'du byed kyi sdug bsngal nyid kyis 'phags pa rnams dang mi mthun zhing sdug bsngal dang mi 'gal ba dang de skyed par byed par grags pa dang lta ba rgyas pa skyed par byed pa dang /'khor ba thog ma med pa nas 'byung ba de dag kho na la sdug bsngal la sogs pa 'di dag brdar btags kyi lam gyi bden pa la ni ma yin no/ /de lta bas na zag pa dang bcas pa'i chos rnams kho na sdug bsngal la sogs pa'i sgrar brjod par bya ba yin gyi zag pa med pa dag ni ma yin te/'gro bas na ba lang ngo zhes byas nas 'gro ba po thams cad la ba lang zhes bya ba ni ma yin no/ /de lta bas na/ sdug bsngal kun 'byung 'jig rten dang / /zhes bya ba la sogs pa ni legs par bshad pa yin no/ /gzugs zhes bya ba ni gzugs kyi phung po'o//lnga zhes bya ba ni yid kyi dbang po bsal ba'i phyir ro/ /don ni yul te rtogs par bya zhing shes par bya ba zhes bya ba'i tha tshig go/ /yang lnga zhes bya ba smos pa ni yul chos bsal ba'i phyir ro/ /de dag rnams kyi rnam shes rten zhes bya ba la de dag ces bya ba'i sgra ni don rnams dang sbyar ro//don de de dag la'am de dag gi rnam par shes pa ni de dag rnams kyi rnam shes so/ /de dag gi rten ni de dag rnams kyi rnam shes rten to/ /gzugs dang ba zhes bya ba ni de dag gzugs kyang yin la dang ba yang yin pas gzugs dang ba'o/ / khyad par 'dis ni yid kyi dbang po bsal ba yin te/ yid kyi grub pa'i mtha' las/ lnga rnams kyi de dag lhan cig skyes pa yang zhes bya ba'i phyir de dag rnams kyi rnam shes rten ni yin mod kyi yid gzugs kyi ngo bo nyid ni ma yin te/ de'i phyir bsal ba yin no/ /gzugs zhes smos pa ni 'dir dad pa'i dang ba bsal ba'i phyir ro//de dag rnams kyi rnam shes rten zhes bya ba'i khyad par 'dis dad pa la thal bar mi 'gyur zhe na/ ma yin te/ 'bru mang po par brtags na der thal bar srid pa'i phyir ro/ /gzugs zhes smos na ni 'bru mang po par rtog pa ldog par 'gyur te/gang la de dag gi rnam par shes pa'i rten yod pa nyid du rtog par 'gyur ba dang ba gzugs kyi rang bzhin ni med do/ /dang ba zhes smos pa ni gzung ba'i dngos po las ma gtogs pa gzugs dang ba'i khyad par shes par bya ba'i phyir ro/ /bye brag pa dag ni dbang po rnams 'byung bar 'gyur ba'i khyad par kho na yin no zhes zer ro//gsung rab las ni de skad du mi 'byung ngo / /'o na ci zhe na/ dbang po rnams ni gzugs la sogs pa'i yul las ma gtogs pa dang ba dbang pos mi bsod pa rang gi rnam par shes pas rjes su dpag par bya ba dag yin te/ gang dag gi rten mig la sogs pa yin par snang ba'o zhes 'byung ngo //de dag rnams kyi rnam shes rten zhes bya ba'i khyad par yang phan tshun mtshan nyid 'chol ba bzlog pa'i phyir te gal te/ mig la sogs gzugs dang ba rnams zhes bya ba de tsam zhig brjod na ni mig kyang rna ba la sogs par thal bar 'gyur la/rna ba la sogs pa la yang mig tu thal bar 'gyur ba zhig na/ gang gi phyir 'di skad du gzugs kyi rnam par shes pa'i rten gzugs dang ba gang yin pa de ni mig yin no zhes khyad par du byas pa de'i phyir mtshan nyid 'chol bar mi 'gyur te rna ba'am dbang po gzhan yang rung gzugs kyi rnam par shes pa'i rten ni ma yin no//de bzhin du reg bya'i rnam par shes pa'i rten gzugs dang ba gang yin pa ni lus kyi dbang po zhes bya ba'i bar du brjod par bya'o/ /bcom ldan 'das kyis ji skad du zhes bya ba ni rnam par bshad pa 'di mdo sde dang mthun no snyam du bsams pa'o//ji lta zhe na/ nang gi zhes bya ba smos te rnam par shes pa'i rten zhes bya ba'i tha tshig go/ /nang zhes bya ba'i sgra ni sems la nang zhes nye bar 'dogs so zhes 'chad par 'gyur ro/ /nang gi dbang du byas pa ni nang gi dbang / nang gi nyid nang gi ste sems kyi mtshan nyid kyi nang du bya ba la rgyu yin pas don 'di lta bu la nang gi zhes bya ba'i sgrar brjod de/rnam par shes pa'i rten zhes bya ba'i bar du bshad par 'gyur ro/ /yang na mig la sogs pa 'di dag ces bya ba rgyas par 'byung ba ni rna mang gcig tu na de dag rnams kyi zhes bya ba'i sgra dbang po rnams dang sbyar te/mig gi rnam par shes pa dang rna ba'i rnam par shes pa la zhes bya ba la sogs pa yin no/ /'di ni gsung rab las grags pa yin gyi gzugs kyi rnam par shes pa dang sgra'i rnam par shes pa zhes bya ba la sogs pa ni ma yin no//'jig rten na ni res 'ga' de skad ces kyang bya ste/ de lta bas na rnam par shes pa cig shos 'di la brten par bya'o/ /de'i phyir de ltar bshad na rab tu byed pa las zhes bya ba rgyas par gsungs so/ /'dir ji ltar ma grub pas ma grub pa sgrub par byed de mig nyid ma grub pa yin no//de ma grub na mig gi rnam par shes pa yang ma grub pa yin na ji ltar 'dir des de'i rten nyid du sbyar zhe na/ rnam par shes pa'i khyad par 'di dag ni grub pa yin pa de phan tshun gyi khyad par nye bar mtshon pa'i phyir/ kho bos mig la sogs pa 'di dag gis de dag khyad par du byed pa ston par zad de/'di skad du rnam par shes pa'i khyad par rang rig pa dang po gcig pu 'di'i rten gzugs dang ba gang yin pa de ni mig gi dbang po yin la de bzhin du rnam par shes pa'i khyad par rang rig pa lnga pa gcig pu'i rten gzugs dang ba gang yin pa de ni lus kyi dbang po yin no zhes bya ba'i bar du bshad par 'gyur te/ma grub pas ma grub pa sgrub pa ni ma yin no/ /gzugs rnam gnyis zhes bya ba ni mig gi don kha dog dang dbyibs kyi bye brag gis rnam pa gnyis yin no/ /'jig rten na grags pa'i phyir de'i rang gi mtshan nyid ma bshad par kha dog ni rnam pa bzhi ste sngon po la sogs pa'o zhes rab tu dbye ba kho na brjod de kha dog sngon po dang ser po dang dmar po dang dkar po dag yin no//gzhan dag ni de'i bye brag go zhes bya ba la gzhan dag ces bya ba ni sprin la sogs pa'o/ /gzhan dag na re gzhan dag ni de'i bye brag go zhes bya ba ni sngon po la sogs pa kha dog bzhi phrad pa'i khyad par las kha dog ljang gu la sogs pa yang 'byung bas sprin la sogs pa 'ba' zhig tu ni ma zad do zhes zer ro//dbyibs zhes bya ba ni dbyibs kyi bye brag go/ /yang de dag nyid khongs su gtogs pa'i tshogs kyi bye brag gis rnam pa nyi shu zhes bya ba tha dad par 'gyur te 'di lta ste ring po la sogs pa phya le ma yin pa la thug pa'i bar dbyibs rnam pa brgyad dang lhag ma sngon po la sogs pa kha dog rnam pa bcu gnyis te rnam pa nyi shu yin no//nam mkha' kha dog cig pa zhes bya ba ni gang thag ring po nas bai DUr+ya'i rtsig pa ltar snang ba'o//lham pa ni ril ril po'o/ /zlum po ni leb leb po'o/ /mthon po ni gzugs rags pa la sogs pa'o/ /dma' ba ni gzugs dma' ba'o/ /gang na gzugs rnams snang ba'o zhes bya ba smos pa ni grib ma dang mun pa dag tha dad du bya ba rab tu bstan pa'i phyir ro//rnam par ma phye'o zhes bya ba ni bye brag du ma phye'o zhes bya ba'i tha tshig go/ /'dir 'di dpyad par bya ste gal te sprin la sogs pa sngon po la sogs pa kha dog bzhi'i bye brag kho na yin gyi de dag las ma gtogs pa med na/ ji ltar 'di la kha dog ljang gu la sogs pa ma bshad pa de bzhin du sprin la sogs pa yang brjod par mi bya'o zhe na/'di ni rnam par 'chad par byed pa dag gis ma dpyad do/ /'di skad du bshad par mi nus te sprin la sogs pa de dag sngon po la sogs pa'i bye brag tu gyur pa yin yang sgyu ma'i gzugs dang 'dra ba'i phyir logs shig tu bshad do//'di ltar de dag thag ring po nas ni rtsig pa lta bur snang la bsnyen na ni mi snang ste/ la la 'di snyam du cung zad med do snyam du sems par 'gyur ba dang / ci 'di yod pa zhig gam 'on te 'khrul pa tsam zhig yin snyam du yid gnyis za bar gyur na mi rung bas/de la phyin ci log pa dang / the tshom za ba dgag pa'i phyir sprin la sogs pa 'di dag bshad de gzugs kyi skye mched kyi ngo bo nyid 'di dag yod pa nyid do zhes bya ba yin no/ /ring po la sogs pa'i phyogs zhes bya ba ni ring po la sogs pa phya le ma yin pa la thug pa'i phyogs zhes bya ba'i tha tshig go//phyogs de yang gang zhe na/ lus kyi rnam par rig byed kyi ngo bo nyid do zhes bya ba smos te/ lus kyi rnam par rig byed ni res 'ga' ni thung ngu yin la res 'ga' ni phya le ma yin pa'i bar yin no/ /de yang ji lta bu zhig yin par khong du chud par bya zhe na/de la dmigs pa'i sems kyis kun nas bslang ba'i lus kyi las gang yin pa de ring po la sogs pa phya le ma yin pa la thug pa lus kyi las kyi ngo bo nyid ma yin pa ni brtsal bar rtogs par bya'o/ /gnyi gar yod pa yang yod de gzugs kyi skye mched lhag ma'o zhes bya ba ni ring po la sogs pa bsal ba gang yin pa dang /sprin dang du ba dang rdul dang khug rna dag go/ /sngon po la sogs pa ring po la sogs par yongs su chad par snang zhes bya ba ni sngon po dang / ser po dang / dmar po dang / dkar po dang / grib ma dang mun pa rnams kyi dbyibs ring po la sogs par 'dzin pa ste/de lta bas na 'di dag kyang mu gsum pa'i nang du 'dus so snyam du bsams pa'o/ /ji ltar na rdzas gcig la gnyi gar yod ce na zhes bya ba ni ji ltar rdzas gcig gi kha dog dang dbyibs kyi bdag nyid du 'gyur zhes bya ba yin te/ grub pa'i mtha' las ni 'di skad du dbyibs kyi gzugs ni kha dog gi gzugs las rdzas gzhan yin no zhes 'byung ngo //de la gnyi ga mngon pa'i phyir te zhes bya ba ni de la kha dog dang dbyibs 'dzin pa'i phyir ro/ /yod pa 'di ni shes pa'i don yin gyi yod pa'i don ni ma yin no zhes bya ba ni bye brag du smra ba dag de la shes pa rnam pa gnyi gar 'jug pa yin gyi rdzas gcig la mtshan nyid gnyi ga dang ldan pa ni ma yin no zhes lan 'debs pa yin no//'o na ni lus kyi rnam par rig byed la yang thal bar 'gyur ro zhes zer ba ni slob dpon yin te lus kyi rnam par rig byed 'dzin pa na kha dog 'dzin pa mi 'byung ba ni ma yin no//bye brag tu smra ba rnams kyi bsam pa ni sngon po la sogs pa 'am snang ba la sogs pa tsam 'dzin pa de ni dbyibs la mi ltos par 'byung la lus kyi rnam par rig byed 'dzin pa ni kha dog la mi ltos par 'byung gi gzugs kyi skye mched lhag ma 'dzin pa ni kha dog dang dbyibs la ltos nas 'byung ngo snyam pa 'di yin no//mdo sde pa'i phyogs pa'i slob dpon 'di ni don 'di mi len te/ dbyibs 'dzin pa 'di ni mig gis ma yin gyi 'di ni yid kyis kun brtags pa yin no/ /kha dog ma bzung bar dbyibs 'dzin pa med pa'i phyir kha dog gnas pa dag kho na dbyibs yin gyi dbyibs zhes bya ba'i rdzas ni cung zad kyang med de/'di ni las kyi mdzod kyi gnas nas spyod par 'gyur ro/ /sems can dang sems can ma yin par ston pa zhes bya ba ni ngag gi rnam par rig byed kyi sgra dang de las ma gtogs pa zhes bya ba'i tha tshig go//kha cig ni sems can dang sems can ma yin par bgrang ba zhes 'don te 'dir yang don ni 'di nyid yin par bsams pa'o/ /gal te don sems can dang sems can ma yin pa'i rgyud las byung ba zhes bya ba 'di yin par 'dod par gyur/ de ni 'og nas 'brel pas 'di skad du/sems can du ston pa ni ngag gi rnam par rig byed kyi sgra'o/ /gzhan ni sems can du ston pa ma yin no zhes 'byung ba dgos pa med pa nyid do/ /de lta bas na gdon pa ni sems can dang sems can ma yin par ston pa zhes bya bar gsal bar gdon par bya'o/ /zin pa'i 'byung ba chen po'i rgyu las byung ba zhes bya ba ni da ltar gyi 'byung ba chen po dbang po dang tha mi dad par 'jug pa dag ni zin pa yin la gzhan dag ni ma zin pa yin no//'di la rgyu zin pa'i 'byung ba chen po dag yod pas zin pa'i 'byung ba chen po'i rgyu las byung ba'o/ /'di lta ste lag pa dang ngag gi sgra lta bu'o zhes bya ba ni phyi'i sprul pa mi dang 'dra ba yang lag pa dang ngag gi sgra 'byin par 'gyur te yang dbang po dang tha dad par 'byung ba'i phyir ma zin pa'i 'byung ba chen po'i rgyu las byung ba'i ngo bo nyid yin par khong du chud par bya'o//de ni sprul pa po'i dbang gis mi'i tshig kyang smra bar byed de/ gcig po smra bar byed na ni/ /sprul pa thams cad smra bar 'gyur/ /gcig po mi smrar gyur na ni/ /sprul pa thams cad mi smrar 'gyur/ /zhes 'byung ste phyi'i sprul pa'i sgra de yang ma zin pa'i 'byung ba chen po'i rgyu las byung ba yin pas mi gzung ngo / /'di lta ste rlung dang nags tshal dang chu'i sgra lta bu'o zhes bya ba la/'di lta ste zhes bya ba'i sgra ni dper brjod pa yin pa'i phyir ro/ /sems can du ston pa ni ngag gi rnam par rig byed kyi sgra'o/ /gzhan ni sems can du ston pa ma yin pa'o zhes bya ba ni sems can yin par ston pa ni sems can du ston pa ste ngag gi rnam par rig byed kyi sgras ni 'di ni sems can yin no zhes bya bar shes par byed do//ngag gi rnam par rig byed kyi sgra de las ma gtogs pa'i sgra gzhan ni lag pa'i sgra'i bar yang sems can du ston pa ma yin pa yin na sems can ma yin pa'i rgyud las skyes pa lta smos kyang ci dgos zhes rnam par bshad par 'gyur ro//de ltar na zin pa'i 'byung ba'i rgyu las byung ba ni sems can du ston pa yang yin la sems can du ston pa ma yin pa yang yin no/ /ma zin pa'i 'byung ba'i rgyu las byung ba yang sprul pa'i sgra ngag gi rnam par rig byed kyi ngo bo nyid ni sems can du ston pa yin la/de nyid kyi lag pa'i sgra dang rlung dang nags tshal la sogs pa'i sgra ni sems can du ston pa ma yin pa yin pas sgra rnam pa bzhi'o/ /yang yid du 'ong ba dang yid du mi 'ong ba'i bye brag gis rnam pa brgyad yin no/ /ji ltar kha dog gi rdul phra rab gcig la zhes bya ba ni sgra ni rgyur byas pa'i gzugs yin pa'i phyir 'byung ba bzhin mtshan nyid rgyur byas pa ma yin te kha dog gi rdul phra rab bzhin no snyam du bsams pa'o//ro ni rnam drug ces bya ba ni gzhi'i rigs drug gi dbang du byas nas de skad bshad kyi ro drug phan tshun phrad pa'i khyad par las ni ro'i rnam pa rab tu mang por 'gyur te/sman dpyad tsa ra ka las/ gcig dang gnyis dang gsum dang bzhi dang lnga dang drug phrad pa'i sbyor ba las ro drug cu rtsa gsum bstan to/ /dri mnyam pa dang mi mnyam pa'i phyir zhes bya ba ni dri shas che ba ma yin pa dang shas che ba'i phyir ro zhes bya ba'i tha tshig ste phyogs 'di la ni dri rnam pa gnyis su 'dod do//bstan bcos las ni dri zhim pa dang dri nga ba dang / dri mnyam pa'o zhes rnam pa gsum 'byung ngo zhes bya ba ni dri mnyam pa ni gzhan gsum pa yin no zhes bya ba'i tha tshig go/ /gzhan dag na re dri mnyam pa zhes bya ba ni de dag nyid kyi phyogs gcig yin pas don ni de kho na yin gyi sgra tsam zhig tha dad par zad do zhes zer ro//grang ba ni dro ba 'dod par byed pa'o zhes bya ba ni srid pa'i dbang du byas nas 'di skad du chos gang zhig dro ba 'dod par byed pa de ni grang ba zhes bya bar rgyur byas pa'i gzugs yin no zhes bshad kyi/sos ka des de mi byed du zin kyang de dang rigs mthun pa'i phyir grang ba kho na yin par khong du chud par bya'o/ /rgyu la 'bras bu btags pa'i phyir te zhes bya ba ni bkres pa ni zas 'dod pa ste sems las byung ba'i chos yin la de'i rgyu lto'i nang na lus kyi dbang pos reg par bya ba gang yin pa de ni bkres pa zhes bya ba rgyur byas pa'i gzugs yin no//dper na/ sangs rgyas rnams ni 'byung ba bde/ /zhes bya ba la sogs pa ni sangs rgyas 'byung ba mngon par mtho ba dang nges par legs pa'i rgyu yin pa'i phyir bde ba zhes bya ba ltar 'di yang de dang 'dra ba ste de bzhin du skom pa la yang brjod par bya'o//bstsags pa dag la ni 'jal lo zhes bya ba ni lci ba nyid phra mo yod pa'i phyir ro snyam du bsams pa'o/ /'dir gzugs na spyod pa'i gos la sogs pa ni rten dang brten pa yod pa'i phyir lci ba nyid dang bcas pa yin te dper na rdza ma dang rgya shug lta bu'o zhes rjes su dpag pa yin no//phan par byed pa ni yod do lo zhes bya ba la/ lo zhes bya ba'i sgra ni bye brag tu smra ba'i gzhung lugs bstan pa'i phyir te/ rang gi gzhung lugs ni de na ting nge 'dzin kho na phan par byed pa yin pas de na grang ba brtags pas ci zhig bya zhes bya ba yin no//gang gi tshe de'i rnam pa bye brag tu gcod par 'gyur ba na'o zhes bya ba ni gang gi tshe sngon po la sogs pa'i rnam pa'i mtshan ma la gtod pa na'o/ /rna ba la sogs pa'i rnam par shes pa yang de bzhin du rig par bya'o zhes bya ba ni gang 'di sgra rnam pa mang po bshad pa de la res 'ga' ni rdzas gcig gis rna ba'i rnam par shes pa bskyed de/gang gi tshe de'i rnam pa bye brag tu gcod par 'gyur ba na'o/ /res 'ga' ni mang po ste gang gi tshe bye brag tu mi gcod pa na ste dper na rnga'i sgra'i tshogs dang sgra chen po dang sgra gdangs snyan pa du ma'i ngo bo nyan pa lta bu'o//de bzhin du sna dang lce'i rnam par shes pa dag kyang rang gi yul dang sbyar bar bya'o/ /shin tu mang na 'byung ba chen po bzhi dag kyang 'jam pa nyid la sogs pa gcig dang reg bya lngas bskyed do zhes bya ba ji lta bu zhe na/res 'ga' rdzas gcig gis bskyed de gang gi tshe de'i rnam pa bye brag tu gcod pa na'o/ /res 'ga' ni gnyis nas lnga'i bar gyis te gang gi tshe bye brag tu mi gcod pa na'o/ /'jam pa nyid la sogs pa gcig dang zhes bya ba 'di la gtan tshigs ci yod ce na rtsub pa nyid la sogs pa ni 'byung ba bzhi tshan gzhan la brten pa'i phyir ro//de ltar na spyi la dmigs pa'i phyir zhes bya ba rgyas par 'byung ba ni ji ltar yid kyi rnam par shes pa mig dang rna ba dang sna dang lce dang lus kyi rnam par shes pa'i dmigs pa dag phyir bsdus te 'dzin par byed pas de spyi'i mtshan nyid kyi yul can du rnam par gzhag pa de bzhin du/sngon po dang ser po dang dmar po dang dkar po la dmigs pa'i mig gi rnam par shes pa bzhi po dag kyang mig gi rnam par shes pa gcig gis dmigs pa bzhi po de dag dang ches mang po dag spyir bsdus te 'dzin par byed pa'i phyir de'i spyi'i mtshan nyid kyi yul can du 'gyur te//'di'i dmigs pa gzugs kyi skye mched spyi'i mtshan nyid yin pa'i phyir ro/ /rna ba dang sna dang lce dang lus kyi rnam par shes pa rnams kyang rang gi yul dag dang sbyar bar bya'o/ / skye mched kyi rang gi mtshan nyid kyi zhes bya ba ni skye mched rnams kyi rang gi mtshan nyid ni skye mched kyi rang gi mtshan nyid de mig gi rnam par shes pas shes par bya ba nyid la sogs pa'am gzugs kyi skye mched nyid la sogs pa'o/ /gsung rab las ni rnam par shes pa'i tshogs lnga po dag ni de dag gi rang gi mtshan nyid kyi yul can du bzhed do//rdzas kyi rang gi mtshan nyid kyi yul can du bzhed pa ni ma yin no zhes bya bar skabs dang sbyar ro/ /sngon po la sogs pa rdzas rnams kyi rang gi mtshan nyid ni mig gi rnam par shes pa la sogs pa sngon po la sogs pa'i rnam pa can gyis rnam par shes par bya ba nyid dam sngon po nyid la sogs pa yin te rnam par shes pa'i tshogs lnga po dag de dag gi rang gi mtshan nyid kyi yul can yin par ni mi 'dod pas nyes pa med do//cig car du yul dang phrad na zhes bya ba ni lus dang lce'i dbang po dag cig car yul dang phrad par gyur na rnam par shes pa gnyis cig car du 'byung mi srid pas de'i phyir rnam par shes pa gang sngar skye zhe na zhes 'dri bar byed do//gang gi yul shas che ba'o zhes bya ba ni gal te lus kyi dbang po'i yul shas che na lus kyi rnam par shes pa lngar skye'o/ / ji ste lce'i dbang po'i yul shas che na lce'i rnam par shes pa lngar skye'o/ /yul mnyam pa dang phrad na ni zhes bya ba ni yul 'dra na zhes bya ba'i tha tshig go/ /lce'i rnam par shes pa lngar skye ba ci'i phyir zhe na/ za bar 'dod pas rgyud gtad pa'i phyir te lus zas za bar 'dod pa'i gzhol ba'i phyir ro zhes bya ba'i tha tshig go//lce'i rnam par shes pa lngar skye'o zhes smos pas don gyis na lus kyi rnam par shes pa ni phyis skye'o zhes bshad par 'gyur ro/ /des ni 'dir dpyad par bya ste/ ci lus kyi yul gyi skad cig ma gang lce'i yul gyi skad cig ma dang lhan cig par gyur pa 'das pa gang yin pa de la lus kyi rnam par shes pa skye'am/'on te rnam par shes pa'i yul gyi skad cig ma gzhan zhig la skye zhe na/ smras pa gzhan la'o/ /ji ltar dmigs pa nges pa nyams par mi 'gyur zhe na/ 'di ni nyes pa med de yul de las dmigs pa'i rnam par shes pa gang yin pa de ni so sor brtags pa ma yin pas 'gog pa de dang 'dra ba'i lus kyi rnam par shes pa gzhan zhig ni skye'o//de'i phyir rigs mthun pas gcig pa nyid du btags pa'i phyir phyis skye'o zhes bya'o/ /rnam par rig byed ma yin pa bstan pa'i skabs gtam spros pa rnam pa du ma zhig gis bar du chod pas brjed pa bzhin te/de'i phyir dbang po lnga dang don lnga dang de dag ji ltar 'dzin pa yang bshad zin to zhes bya ba 'di nye bar 'god par byed de/ res 'ga' ni rdzas gcig gis mig gi rnam par shes pa bskyed do zhes bya ba la sogs pas so/ / de dag ji ltar 'dzin pa zhes bya ba ni las kyi drug pa yin no/ /da ni rnam par rig byed ma yin pa bsnyad par bya ba de brjod par bya ste zhes bya ba ni/ gzugs ni dbang po lnga dang don/ /lnga dang rnam rig byed min nyid/ /ces 'byung ba de'i phyir rnam par rig byed ma yin pa kho na lus te/de'i mtshan nyid bstan pa'i skabs la bab pas brjod par bya'o/ /kha cig ni 'grel pa sems g.yengs pa zhes bya bar 'don te/ 'don pa 'di la ni mdo'i tshig 'di ltar rnam par sbyar bar bya'o/ /'di la sems g.yengs pa 'am sems med pa yod pas na/g.yengs dang sems med pa'o/ /rnam pa cig tu na 'di la sems g.yengs pa dang sems med pa yod pas g.yengs pa dang sems med pa ste sems zhes bya ba'i sgra gcig mi mngon par byas pa yin no/ /kha cig ni 'di skad du g.yengs pa dang zhes bya bar 'don te/ 'don pa 'di la ni tshig phyi ma gnyis 'bru mang po bar byas la mjug tu 'di skad ces g.yengs pa dang sems med pa ni g.yengs pa dang sems med pa'o zhes tshig rnam par sbyar ro//g.yengs pa ni gang zag ste sems g.yengs pa zhes bya ba'i tha tshig go/ /sems g.yengs pa zhes bya ba ni de las gzhan pa'i sems kyi yang yin pa'o zhes bya ba ni rnam par rig byed ma yin pa'i sems las gzhan pa'i sems kyi yin pa zhes bya ba'i tha tshig go//'di lta ste dge ba'i rnam par rig byed ma yin pa kun nas slong bar byed pa'i sems ni dge ba yin la/ de las gzhan pa'i sems ni mi dge ba'i sems dang lung du ma bstan pa'i sems yin te 'dir sems g.yengs pa ni de yin par bsams pa yin no//mi dge ba'i rnam par rig byed ma yin pa kun nas slong bar byed pa'i sems ni mi dge ba yin la de las gzhan pa'i sems ni dge ba dang lung du ma bstan pa'i sems yin la 'dir yang sems g.yengs pa ni de yin par rig par bya ste de las gzhan pa'i sems de'i yang yin no//sems med pa'i yang zhes bya ba ni 'du shes med pa dang 'gog pa'i snyoms par zhugs pa'i yang yin pa'o/ /yang zhes bya ba'i sgras ni ma g.yengs pa sems dang bcas pa'i yang yin no zhes bya bar mngon no zhes bya ba ni gang zag 'di dag las ma gtogs pa gsum pa'i yang yin no zhes bya ba'i tha tshig go//dge ba dang mi dge zhes bya ba ni dge ba dang mi dge ba kho na'o zhes nges par bzung ba ste lung du ma bstan pa med do zhes bya ba'i tha tshig go/ /'dis ni mig la sogs pa yang gsal bar rig par bya'o//rjes 'brel gang zhes bya ba ni chos gang zhig rtag tu rgyun dang ldan pa zhes bya ba'i tha tshig ste rgyun gyis nye bar mtshon par bya ba yin pa'i phyir rgyun gyis rgyun can ston par byed do/ /rnam pa gcig tu na rjes su 'brel bar 'gyur bas rjes 'brel lo//rgyun zhes bya ba rnam par bshad pa'i tshig ni 'bru mang po bar byas pa yin te/ 'di la rgyun 'byung ba'am mchog yod pas de nyid rgyun gyi chos su bstan gyi de'i rgyun ni ma yin no/ /thob pa'i rgyun yang 'di lta bu yod pas zhes bya ba ni de'i thob pa yang g.yengs pa dang sems med pa las yang rgyun chags pa yin la/dge ba dang mi dge ba nyid kyang yin pas de las khyad par du bya ba'i phyir/ 'byung ba che rnams rgyur byas pa/ /zhes bya ba smos te/ 'byung ba chen po rgyu las byung ba zhes bya ba'i tha tshig go/ /dper na bud shing rgyur byas nas me 'byung ngo zhes byas na bud shing gi rgyu las byung ba'i me zhes bya bar go ba dang 'dra'o//bskyed pa la sogs pa rgyu'i ngo bo yin pa'i phyir ro zhes bya ba ni/ skyed dang rten dang gnas pa dang / /rton pa dang ni 'phel ba'i phyir/ /zhes bya ba yin te skyed pa'i rgyu ni de dag las skye ba'i phyir ro/ /rten gyi rgyu ni skyes zin pa 'byung ba'i rjes su byed pa'i phyir te/slob dpon la sogs pa la brten pa lta bu'o/ /gnas pa'i rgyu ni gzhi'i dngos po yin pa'i phyir te ri mo'i rtsig pa lta bu'o/ /rton pa'i rgyu ni rgyun mi 'chad pa'i rgyu yin pa'i phyir ro/ /'phel ba'i rgyu ni 'phel ba'i rgyu yin pa'i phyir ro/ / 'byung ba chen po gang dag rgyur byas pa yin/ ci gzhi'i 'byung ba chen po dag gam 'on te rten gyi 'byung ba chen po dag yin zhe na/ smras pa/ gzhi'i 'byung ba chen po dag yin no/ /de'i ming shes par bya ba'i phyir te zhes bya ba ni gang gi phyir gzugs dang byed pa'i rang bzhin yin yang rnam par rig byed bzhin du gzhan dag la rnam par rig par byed pa ma yin pa/de'i phyir rnam par rig byed ma yin pa'o zhes bya ba'i tha tshig go/ /ci'i phyir gzugs dang byed pa'i rang bzhin yin yang zhes bya ba khyad par gnyi ga smos she na/ dngos po gang zhig gzugs kyi rang bzhin kho na yin zhing byed pa'i rang bzhin ma yin la de yang gzhan la go bar mi byed pa yang yod de/ dper na mig la sogs pa lta bu'o/ /gang zhig byed pa'i rang bzhin kho na yin zhing gzugs kyi rang bzhin ma yin la de yang gzhan la go bar mi byed pa yang yod de/dper na sems pa lta bu'o/ /gang zhig gnyi ga'i rang bzhin yin la de yang gzhan la go bar byed pa yang yod de/ dper na rnam par rig byed lta bu'o/ /rnam par rig byed ni rang kun nas slong bar byed pa dge ba dang mi dge ba'am/ lung du ma bstan pa'am nges pa'am khro ba'am gnyi ga ma yin pa zhes bya ba gzhan la rnam par rig par byed de/de'i phyir rnam par rig byed bzhin du zhes bzlog pa'i dpe sbyor ba yin no/ /mdor na zhes bya ba rgyas par 'byung ba ni slob dpon gyis slob ma bde blag tu khong du chud par bya ba'i phyir tshig mdor bsdus pas rnam par rig byed ma yin pa'i gzugs de ston par byed pa yin no//rnam par rig byed dang ting nge 'dzin las byung ba'i gzugs dge ba dang mi dge ba ni rnam par rig byed ma yin pa'o zhes bya ba 'di ni ci rigs par sbyar bar bya'o/ /dge ba ni lus dang ngag gi rnam par rig byed las byung ba so sor thar pa'i sdom pas bsdus pa dang sdom pa la yang ma yin sdom pa ma yin pa yang ma yin pas bsdus pa yin no//mi dge ba ni sdom pa ma yin pas bsdus pa ni sdom pa yang ma yin sdom pa ma yin pa yang ma yin pas bsdus pa yin no/ /ting nge 'dzin las byung ba ni dge ba kho na yin la de yang rnam pa gnyis te/zag pa dang bcas pa'i ting nge 'dzin las byung ba ni bsam gtan gyi sdom pa'i ngo bo nyid yin la/ zag pa med pa'i ting nge 'dzin las byung ba ni zag pa med pa'i sdom pa'i ngo bo nyid yin te rgyur byas pa'i gzugs kyi ngo bo nyid yin gyi sems dang sems las byung ba la sogs pa'i ngo bo nyid ni ma yin no zhes bya bar khong du chud par bya'o//de lta na rnam par rig byed kyang rnam par rig byed ma yin par 'gyur ba ma yin nam de yang phyi ma'i 'dra ba'i rgyu sngon gyi rnam par rig byed las byung ba yin no zhe na/ dge ba dang mi dge ba kho na'o zhes nges par bzung ba'i phyir rnam par rig byed la thal bar mi 'gyur te/rnam par rig byed ni lung du ma bstan pa yang yin no/ /de nyid kyi phyir lha'i mig dang rna ba ting nge 'dzin las byung ba dang rnam par rig byed las skyes pa rnam par smin pa'i gzugs kyang rnam par rig byed ma yin par thal bar mi 'gyur ro//slob dpon 'dus bzang ni/ 'di la ma tshang bstan bcos 'gal/ /nyams dang de min de nyid thal/ /yang sgra lhag brjod khyad par du/ /bya ba khyab par ma byas so/ /zhes rnam par rig byed ma yin pa'i mtshan nyid kyis mdo sun 'byin par byed de rjes su 'brel pa ni rgyun yin par de nyid kyis rnam par bshad de ha cang thal bar 'gyur du 'ong bas skad cig ma dang po ni rgyun ma yin no//de lta bas na de mtshan nyid 'dir bsdus pa med pas ma tshang ba yin no/ /rgyun yang rdzas su med pa'i phyir rnam par rig byed ma yin pa rdzas su med par 'gyur bas bstan bcos dang 'gal ba yin no//mnyam par gzhag pa'i ni g.yengs pa dang sems med pa'i rjes su 'brel ba med pas de rnam par rig byed ma yin par thal bar 'gyur ba'i phyir nyams pa yin no/ /gal te ma g.yengs pa dang sems dang bcas pa'i rjes su 'brel ba'i phyir 'di ni nyes pa med do zhe na/dge ba dang mi dge ba'i rnam par rig byed kyang rnam par rig byed ma yin pa'i mtshan nyid du thal bar 'gyur bas de ma yin pa de nyid du thal bar 'gyur ro/ /gong ma kho nas chog pa'i phyir sems med pa'i yang zhes bya ba'i sgra don med par 'gyur te/ sems g.yengs pa'i yang zhes bya ba 'dis sems dang bcas pa'i gnas skabs thams cad bsdus zin na gang yang zhes bya ba'i sgra gnyis pas bsdu bar bya ba'i gnas skabs gzhan ci zhig yod/de bas na yang zhes bya ba'i sgra smos pa lhag pa yin no/ /sems med pa'i dbang du byas te dge ba'i rnam par rig byed ma yin pa rjes su 'brel pa khyad par du bya dgos pa las rnam par bshad pa las khyad par du ma byas pas khyad par du bya ba khyad par du ma byas pa yin no//thog ma med pa'i gzugs so zhes khyad par du bya ba khyad par du ma byas pa gzhan 'di yang yod de//nyes pa dag gi skyon chags pa'i phyir mtshan nyid 'di ni legs par sbyar ba ma yin no zhe na/ smra bar bya ste/ re zhig rnam par rig byed ma yin pa rgyun yin par bstan pa'i phyir skad cig ma dang po rnam par rig byed ma yin par mi 'gyur bas ma tshang ba yin no zhes smras pa gang yin pa de je khyod nyid la dri bar bya ste rgyun zhes bya ba 'di ci yin//skad cig ma mang po la rgyun zhes bya'o/ /gal te de lta na ni skad cig ma dang po la sogs pa skad cig mang po la rgyun zhes bya ba'i phyir skad cig ma dang po yang rgyun yin par 'grub ste/ 'di ltar 'bab chu'i dngo dang mtshe'u las 'bab pa'i chu dag gi chu'i yan lag dang po la sogs pa la rgyun zhes bya bas mtshan nyid ma khyab pa nyid med do//gang gi tshe rjes su 'brel bar 'gyur bas rjes su 'brel ba'o zhes rdzas nyid yin par ston pa de'i tshe na ma tshang ba nyid kyi sgra yang med do/ /de nyid kyi phyir bstan bcos dang 'gal ba nyid kyi nyes pa yang yongs su spangs pa yin no//ji ste yang 'brel ba zhes bya ba rgyun yin par brjod na de lta na yang gzugs kyi skabs yin pa'i phyir nyes pa med de rgyun chags par 'byung ba'i phyir rgyun gyi sgrar rab tu bstan to/ /mnyam par gzhag pa'i rnam par rig byed ma yin pa ma bsdus pa yang ma yin te/de yang g.yengs pa dang sems med pa'i rgyun gyis rjes su 'brel bar mi 'gyur mod kyi ma g.yengs pa dang sems dang bcas pa'i rgyud kyi rjes su 'brel bar ni 'gyur ba kho na yin la/ rnam par rig byed ma yin par rigs mthun pa'i phyir ni/g.yengs pa dang sems med pa'i rjes su 'brel pa gang yin pa de yang rnam par rig byed ma yin pa zhes bya'o/ /gang yang 'di skad du gal te ma g.yengs pa dang sems dang bcas pa'i rjes su 'brel ba'i phyir 'di ni nyes pa med do zhes zer na zhes smras pa/ gal te sems ma g.yengs pa 'ba' zhig gi yang rjes su 'brel ba de yang rnam par rig byed ma yin pa yin pas mnyam par gzhag pa'i rnam par rig byed ma yin pa spangs pa ma yin no zhes smra na dge ba dang mi dge ba'i rnam par rig byed kyang de dang 'dra ba nyid yin pas khyod kyi ltar na rnam par rig byed ma yin par 'gyur ro zhes bya ba yin na/dge ba dang mi dge ba kho na'o zhes nges par bzung ba'i phyir de yang nyes pa med de rnam par rig byed ni lung du ma bstan pa nyid kyang yin pas rnam par rig byed ma yin par thal bar mi 'gyur ro/ /rnam pa gcig tu na mchog tu gyur pa yin pa'i phyir 'di thal bar mi 'gyur te/gang zhig mchog tu rjes su 'brel ba de kho na rnam par rig byed ma yin pa yin na rnam par rig byed ma yin pa ma 'gags kyang de 'gags pa mthong ba'i phyir rnam par rig byed ni rnam par rig byed ma yin pa bzhin du mchog tu rjes su 'brel bar 'gyur ba ma yin no/ /gang yang zhes bya ba'i sgra smos pa lhag pa yin no zhes smras pa de yang rigs pa ma yin par smras pa yin te/'di ltar mdo las ni yang zhes bya ba'i sgra gcig kho na 'byung ngo / /'brel pa las ni de'i don gang zag de gnyi ga dang sbyor bar byed pas gnyis kyang 'byung ste/ slob dpon yang zhes bya ba'i sgra mdo las 'byung ba gcig pu des g.yengs pa las bzlog pa ma g.yengs pa dang sems med pa las bzlog pa de nyid sems dang bcas pa rnam par rig byed ma yin pa'i rten gang zag gsum pa brjod cing rang gi ming brjod pas rigs mthun pa'i sgo nas rnam par rig byed ma yin pa'i rten gang zag g.yengs pa dang sems med pa gnyis ston par byed pa na rnam par rig byed ma yin pa rnam par rig byed dang sems dang sems las byung ba dag las don gzhan du gyur pa yin par 'chad do//gang zag ni rnam par rig byed kyi sems dang mi 'dra ba'i sems dang ldan pa dang rnam par rig byed kyi sems dang 'dra ba'i sems dang ldan pa dang /sems med pa dang gsum kho na yin no/ /de la rnam par rig byed kyi sems dang mi 'dra ba'i sems dang ldan pa ni 'dir sems g.yengs pa yin par bsams pa ste/ de'i lus dang ngag gi rnam par rig byed de ni 'gags pa yin no//sems med pa ni sems dang sems las byung ba dag kyang 'gags pa yin te de lta bas na rnam par rig byed ma yin pa 'di ni 'di ltar de dag la rjes su 'brel bar 'gyur ba nyid kyis khyad par du byas pas rnam par rig byed dang / sems dang sems las byung ba'i tshogs las don gzhan du gyur pa yin no/ /de'i don 'di bstan par bya ba'i phyir/ g.yengs dang sems med pa'i yang zhes bya ba smos te/ sems ma g.yengs pa la rnam par rig byed ma yin pa yod do zhes bya ba ni khyad par du byas pa ma yin te/ de la rnam par rig byed kyang yod do//sems g.yengs pa la yang yod do zhes bya ba ni khyad par du byas pa yin te/ de la rnam par rig byed ni med kyi rnam par rig byed ma yin pa ni rjes su 'brel bar 'gyur ro zhes rnam par rig byed las khyad par du byas pa yin no/ /de bzhin du sems dang bcas pa la rnam par rig byed ma yin pa yod do zhes bya ba ni khyad par du byas pa yin te/de la ni sems dang sems las byung ba dag kyang yod pa nyid do/ /sems med pa la yang yod do zhes bya ba ni khyad par du byas pa yin te de la ni sems dang sems las byung ba rnams ni 'gags la rnam par rig byed ma yin pa ni rjes su 'brang bar 'gyur ro zhes sems dang sems las byung ba dag las khyad par du byas pa yin no//de ltar na yang shes bya'i sgra gcig pus kyang chos gzhan las khyad par du bya ba'i phyir ro/ /g.yengs pa dang sems med pa'i gsum par gyur sems ma g.yengs pa ston par byed do/ /de bas gsum par gyur pa'i phyir slob dpon gyis yang zhes bya ba'i sgras ni ma g.yengs pa sems dang bcas pa yang yin no zhes bshad do//de lta ma yin na yang zhes bya ba'i sgras ni sems g.yengs pa'i yang yin no zhes bya ba kho na'am sems med pa'i yang yin no zhes bya ba kho na zhig brjod par 'gyur ro/ / dper na 'jig rten na mi gsum zhig yod pa gcig ni nor dang ldan pa zhig yin la gzhan gnyis kyang nor tsam dang ldan pa yin pa las/ gcig gcig gis de dag la brtags nas khyab 'jug bshes la ni nor yod do zhes smras pa dang / smra ba po gnyis pa zhig gis lha sbyin dang mchod sbyin dag la yang nor yod do zhes smras par gyur na yang zhes bya ba'i sgras khyab 'jug bshes la yang yod do zhes bya ba'i sgra lha sbyin dang mchod sbyin dag la yod pa gnyis lta bur gyur pas khyab 'jug bshes de nyid nye bar mtshon par byed de sbyor ro zhes bya ba'i tha tshig go//des na 'di la yang zhes bya ba'i sgra lhag pa nyid ma yin pa ltar 'dir yang de dang 'dra'o//gang yang 'di skad du sems med pa'i dbang du byas te dge ba'i rnam par rig byed ma yin pa'i rjes su 'brel ba khyad par du bya dgos pa las zhes smras pa de yang gyi na ste mtshan nyid 'di ni rnam par rig byed ma yin pa'i rigs kyi dbang du byas nas bshad pa yin la rnam par rig byed ma yin pa'i rigs de yang sems med pa la yod de brjod par 'dod pa ni de tsam zhig tu zad na khyad par du byas pa 'dis go ci zhig bya/khyod kyi rnam par rig byed ma yin pa'i mtshan nyid/ byas pa dang yang mi ldan pa'i//sems la'ang sems med pa la gang / /lung bstan thogs pa med pa'i gzugs/ /de ni rnam rig byed min 'dod/ /ces bya ba las kyang sems med pa'i dbang du byas nas dge ba'i rnam par rig byed ma yin pa khyad par du ma byas te/ sems med pa la ni rnam par rig byed las byung ba dge ba'i rnam par rig byed ma yin pa 'di nyid kyang srid do zhes mdzod kyi gnas bzhi pa nas ston par 'gyur ro//gang yang thogs pa med pa'o zhes khyad par du ma byas so zhes bya ba de yang 'og nas bstan par bya ste/ thogs dang bcas pa gzugs can bcu/ /zhes bya ba 'dir khams bcu kho na thogs pa dang bcas pa zhes bya bar nges par bzung ba'i phyir/rnam par rig byed ma yin pa ni chos kyi khams yin par 'byung bas de ni thogs pa med pa'o zhes bya bar 'grub par 'gyur ro/ /de lta bas na kho bo cag gi rnam par rig byed ma yin pa'i mtshan nyid 'di de kho na de ltar nyes pa skyon chags pa ma yin pas de nyid bzhag sla'o//'byung ba dag ni sa'i khams dang zhes bya ba rgyas par 'byung ba khams smos pa ni kha dog dang / dbyibs kyi bdag nyid la sogs pa bsal ba'i phyir ro/ /rang gi mtshan nyid dang rgyur byas pa'i gzugs 'dzin pa'i phyir khams dag go zhes bya ba ni rang gi mtshan nyid sra ba la sogs pa dang rgyur byas pa'i gzugs mig la sogs pa rjes su 'dzin pa'i phyir khams dag yin no//khams bco brgyad ni rang dang spyi'i mtshan nyid 'dzin pa'i phyir ram de dag la ltos nas rigs kyi don ni khams kyi don yin no//khams drug bstan pa la ni yang srid pa'i sa bon gyi don ni khams kyi don yin te srid pa rgyas par byed pa'i phyir ro/ /'di dag gzugs gzhan thams cad kyi rten nyid du rags pa'i phyir na chen po nyid do zhes bya ba ni rgyur byas pa'i gzugs thams cad kyi rten nyid du che ba'i phyir ro zhes bya ba'i tha tshig go//de dag bya ba la shas che ba dag la zhes bya ba ni 'byung ba chen po de dag sra ba la sogs pa 'bras bu'i bya ba la shas che zhing gsal bas 'di dag ni de dag bya ba la shas che ba ste sa dang chu dang me dang rlung gi phung po dag yin no//'byung ba chen po de rnams chen por gnas shing chen por bkod pa'i phyir ro/ /'byung ba rgyas par byed pas na 'byung ba dag yin no/ /'dzin pa la sogs las su grub/ /ces bya ba ni bye brag tu smra ba rnams na re 'dzin pa la sogs pa bstan pa la ni sa la sogs pa la lhag ma rnams rjes su dpag pa'i phyir te sa'i rdzas rdo la sogs pa la sdud pa la sogs pa mthong ba'i phyir lhag ma chu dang me dang rlung rnams yod pa nyid du dpag go//chu la yang gru 'degs pa dang dro ba nyid dang g.yo ba'i las mthong ba'i phyir sa dang me dang chu rnams yod pa nyid do/ /me la yang brtan pa dang gong bur 'dug pa dang g.yo ba mthong ba'i phyir sa dang chu dang rlung rnams yod pa nyid do//rlung la yang 'degs pa dang grang ba dang dro ba'i reg pa mthong ba'i phyir sa dang chu dang me rnams yod pa nyid do zhes zer ro/ /rgyas par byed pa ni 'phel ba dang rgyas par byed par rig par bya ste zhes bya ba la 'phel ba ni lus dang myu gu la sogs pa yan lag 'brel pa lhag par skye ba'o//rgyas par byed pa ni lus la sogs pa rgyun chags par yul gzhan du 'byung ba'o/ /dro nyid ces bya ba ni rang gi ngo bo bstan pa la yang ngo bo'i rkyen bstan pa yin te dro ba kho na dro nyid ces bya ba yin no/ / 'byung ba'i rgyun yul gzhan du bskyed pa'i phyir g.yo bar byed de sgron ma g.yo ba bzhin du g.yo ba yin no zhes bya ba ni skad cig ma rnams la yul gzhan du 'gro ba med de gang du skyes pa nyid du rnam par 'jig go/ /de'i phyir 'di skad du skad cig ma yin pa'i phyir 'byung ba'i rgyun yul gzhan du skyed pa'i ngo bo nyid ni g.yo ba yin te/sgron ma bzhin no zhes bshad do/ /'byung ba rnams kyang skad cig ma yin te/ gzugs yin pa'i phyir sgron ma lta bu'o/ /sgron ma yang skad cig ma yin par grags pas dper bstan to/ /'dir rang bzhin las kyis bsal ba yin no zhes bya ba ni g.yo bar byed pa'i bdag nyid kyi yang ba nyid gang yin pa de ni rlung gi khams yin no zhes g.yo bar byed pa'i las kyis yang ba nyid khyad par du byed pa yin te/rlung gi khams ni yang zhing g.yo bar byed pa yin no/ /yang ba kho na gang yin pa de ni rgyur byas pa'i gzugs yin no//gsung rab las sa'i khams la sogs pa dang sa la sogs pa yang gsungs te de'i phyir/ sa la sogs pa dang sa'i khams la sogs pa la bye brag ci yod ce na zhes 'dri bar byed do/ /'jig rten gyi ni tha snyad du/ /zhes bya ba ni 'jig rten gyi tha snyad du btags pa'o//rlung tshogs zhes bya ba la rlung tshogs ni rlung rnams kyi tshogs so/ /'di ltar don gyi sde tshan dag las zhes bya ba ni don gyi sde tshan gyi mdo gang dag phran tshegs las 'byung ba de dag las bshad pa yin no/ /gal te 'dod pa tshol byed cing / /zhes bya ba rgyas par 'byung ba ni gal te 'dod pa tshol bar byed cing /'dun pa skyed pa'i lus can te/ 'dod pa'i yul dag ma 'byor cing phun sum ldan par ma gyur na de zug rngus zug pa bzhin gnod par 'gyur te/ gnod pa byed par 'gyur ro zhes bya ba'i tha tshig go/ /gnod par 'gyur zhes bya ba'i sgra gnod pa byed pa'i don yin par yongs su bcad pa 'dis ni dge slong dag gzugs su yod cing gzugs su rung bas zhes bya ba'i mdo 'di las gzugs su rung ba zhes bya ba'i sgra 'byung ba yang gnod par byed pa'i don yin pa kho nar yongs su bcad do//'dod pa tshol ba zug rngus zug pa ni sdug bsngal myong ba yin pa'i phyir gnod pa byed par yang 'gyur ro zhes bya bar yang rigs na/gzugs la go ji ltar gnod pa byed par 'gyur zhe na de'i phyir yongs su 'gyur ba skyed pa'o zhes bya ba smos te/ rnam par 'gyur ba skyed pa'o zhes bya ba'i tha tshig go//don 'di de lta yin dang / zug rngus zug bzhin gnod par 'gyur/ /zhes 'byung ba 'dir yang gal te don ni rnam par 'gyur bar byed do zhes bya bar bzung na don shin tu yang rung bar 'gyur ro/ /thogs pa'o zhes bya ba ni rang gi yul du gzhan 'byung ba'am gnas pa'o//'o na ni rdul phra rab ces bya ba ni rdzas kyi rdul phra rab kyi gzugs ni gzugs yin par mi 'gyur ro/ /ci'i phyir zhe na/ gzugs su med pa'i phyir te cha shas med pa nyid yin na gzugs su med pa'i phyir ro snyam du bsam pa'o/ /[(]glan [,]klan [)]ka 'di ni rdzas kyi rdul phra rab ni cha shas med pa yin pa'i phyir gnod pa byed pa'i gzugs su rung ba dang thogs pa med pa'i gzugs su rung bas kyang gzugs su rung bar bya bar mi nus so zhes phyogs gnyi ga la yang nye bar bkod pa yin no//rdul phra rab kyi gzugs gcig pu logs shig tu gyur pa ni med pa nyid do zhes bya ba la gcig pu zhes bya ba smos pa ni rdzas kyi rdul phra rab kyi gzugs bstan pa'i phyir ro//logs shig tu gyur pa ni 'dus pa la gnas pa ma yin pa zhes bya ba'i tha tshig ste de 'dra ba de ni med kyi/ 'dod na dbang po med pa dang / /sgra med phra rab rdul rdzas brgyad/ /ces bya ba la sogs pa 'byung ba'i phyir rtag tu 'dus pa la gnas pa yin no//'dus pa la gnas pa de la ni gzugs su rung ba nyid do zhes bya ba ni don gyis na 'di skad du rdzas kyi rdul phra rab kyi gzugs 'dus pa la gnas pa de la ni gzugs su rung bar 'gyur te gnod pa byar yod cing thogs par 'gyur ro zhes bya bar khas blangs pa yin no//'o na ni 'das pa dang ma 'ongs pa zhes bya ba rgyas par 'byung ba ni 'das pa dang ma 'ongs pa ni yul na mi gnas pa'i phyir gzugs su rung ba ma yin te/ gnod pa byar yang med la thogs pa yang med do/ /de yang zhes bya ba rgyas par 'byung ba la/de yang gzugs su yod zin pa/ /zhes bya ba ni 'das pa ste gnod par byed pa dang thogs pa'i don gyis so/ /gzugs su yod par 'gyur ba zhes bya ba'i ni ma 'ongs pa 'byung ba'i chos can te don de gnyis kho nas so/ /de dang rigs mthun pa zhes bya ba ni 'byung ba'i chos can dang rigs mthun pa ma 'ongs pa mi skye ba'i chos can yin no//bud shing bzhin no zhes bya ba ni bus zin pa gang yin pa dang 'bud par 'gyur ba gang yin pa dang de dang rigs mthun pa de yang bud shing yin no/ /de dang rigs mthun pa'i bud shing ni bud shing gi don du brtags pa gang zhig me dang ma phrad pa kho nar bar ma dor 'jig par 'gyur ba yin no//'o na ni rnam par rig byed ma yin pa gzugs ma yin par 'gyur ro/ /ci'i phyir zhe na/ /thogs pa med pa'i phyir ro/ /thogs pa med pa nyid kyi phyir de ni gnod par byar yang med la thogs par 'gyur ba yang med do/ /de yang rnam par rig byed la gzugs su yod pa'i phyir zhes bya ba rgyas par 'byung ba ni rnam par rig byed ni rnam par rig byed ma yin pa kun nas slong bar byed pa yin no//thogs pa dang bcas pa de la gzugs su yod pa'i phyir rnam par rig byed ma yin pa la yang gzugs su yod par 'gyur te/dper na grib ma kun nas slong bar byed pa'i shing ljon pa g.yos par grib ma g.yo ba de dang 'dra'o/ /'gyur ba med pa'i phyir ma yin te zhes bya ba 'dis ni dam bcas pa'i skyon 'dzin par byed de/ pha rol pos ni 'di skad du rnam par rig byed ma yin pa ni kun nas bslang bar bya ba yin pa'i phyir rang kun nas slong bar byed par 'gyur ba'i rjes su byed de/shing ljon pa dang grib ma bzhin no zhes dam bcas so/ /dam bcas pa 'di ni sngar khas blangs pa dang 'gal ba can yin te/ khas ni rnam par rig byed gyur kyang rnam par rig byed ma yin pa mi 'gyur bar blangs te/ 'di ltar thal mo sbyar ba bshig ste thal mo khong stong du sbyar ba'i lus kyi rnam par rig byed 'gyur ro zhes bya bar khas len gyi rnam par rig byed ma yin pa ni ma yin no/ /de lta bas na sgrub pa 'di ni mi rung ngo / /rnam par rig byed log na rnam par rig byed ma yin pa yang ldog par 'gyur te zhes bya ba 'dis ni dam bcas pa 'di'i chos can gyi khyad par las bzlog pa 'dzin par byed de/gal te grib ma shing gi chos yin par 'dod na shing log na grib ma yang ldog pa mthong bas de dang 'dra'o/ /'dir la la dag 'gyur ba med pa'i phyir ma yin te zhes bya ba ni legs par smras pa ma yin no zhes sun 'byin par byed do//rnam par rig byed gyur na rnam par rig byed ma yin pa yang 'gyur ba kho na ste/ rnam par rig byed chung ngu dang 'bring dang chen po nyid yin na/ rnam par rig byed ma yin pa yang chung ngu dang 'bring dang chen po nyid du 'gyur ro zhes zer ba de ni rigs pa ma yin no//rnam par rig byed ma yin pa skye ba nyid 'di ltar chung ngu dang 'bring dang chen po nyid du 'gyur gyi 'gyur ba ni ma yin no/ /chos skyes pa yang gzhan du 'byung ba ni 'gyur ba yin la/ de ni gzugs su yod par bsams pa yin no/ /gzhan dag na re rten gyi 'byung ba la gzugs su yod pa'i phyir ro zhes zer ro zhes bya ba ni slob dpon dbyig gnyen snga ma'o//'byung ba smos pa ni gzhi'i 'byung ba bstan pa'i phyir ro/ /des na gzhan la yang thal bar 'gyur bar bya ba'i phyir de lta na 'o na ni mig gi rnam par shes pa la sogs pa yang zhes bya ba rgyas par smos so//rten mig la sogs pa gzugs su yod pa'i phyir de dag gis rnam par shes pa rnams kyang gzugs nyid du thal bar 'gyur ro/ /nye bar bkod pa 'di ni mi mthun pa yin te zhes bya ba ni slob dpon dbyig gnyen snga ma'i phyogs pa 'ga' zhig lan 'debs pa yin no//rnam par rig byed ma yin pa zhes bya ba rgyas par 'byung ba ni grib ma yang shing ljon pa la 'byar bar brten te 'byung la/ 'on kyang nor bu la de dang 'dra ba yin no/ /de dag ni de dag gi skye ba'i rgyu mtshan tsam yin pa zhes bya ba ni 'byar ba med do snyam du bsams pa yin no//de la cig shos kyis 'di ni re zhig bye brag tu smra ba'i ma yin te zhes bya ba rgyas par smras te 'di ni bye brag tu smra ba'i gzhung lugs ma yin no/ /bye brag tu smra ba'i gzhung lugs ni rdzas tha dad pa'i phyir grib ma'i kha dog gi rdul phra rab kyang rang gi 'byung ba bzhi tshan la brten te 'byung gi shing ljon pa la ni ma yin la de bzhin du 'od kyang rang gi 'byung ba bzhi tshan la brten te 'byung gi nor bu la ni ma yin no//de ltar na nor bu dang shing ljon pa dag bzhi'i rgyu ma yin pa'i phyir 'byung ba chen po dang rnam par rig byed ma yin pa ltar grib ma dang 'od dag 'brel pa med pas dpe dang dngos gnyis mi mthun pa yin no//grib ma dang 'od de dag la brten pa nyid yin yang zhes bya ba ni ci ste de dag gis rjes su byed pa'i phyir grib ma ni rang gi 'byung ba la brten la 'byung ba de dag ni shing ljon pa la brten no/ /'on kyang rang gi 'byung ba la brten nas byung ba de dag ni nor bu la brten to zhes bya ba brgyud pa'i sgo nas brten pa nyid du khas len kyang 'on kyang mi mthun te/grub pa'i mtha' las/ 'dod gtogs rnam rig min skad cig /phyin chad 'das pa'i 'byung las skyes/ /zhes 'byung bas rnam par rig byed ma yin pa'i rten dag 'gags kyang de mi 'gag par khas len pa'i phyir ro//de lta bas na 'di ni lan du mi rung ngo / /gzhan dag ni 'di la zhes bya ba ni slob dpon 'di nyid yin te rnam par rig byed ma yin pa ni shing ljon pa la grib ma nyid dang zhes bya ba rgyas par bshad par gyur pa gang yin pa de'i gzhung gzugs pa'i phyir/ rten ni tha dad du gyur pa ste zhes bya ba smos te rnam pa gnyis so zhes bya ba'i tha tshig go/ /kha cig ni gzugs su rung ba ste mig la sogs pa'o zhes bya ba ni thogs pa dang bcas pa'i phyir ro/ /la la ni gzugs su mi rung ba ste yid do zhes bya ba ni bzlog pa yin pa'i phyir ro/ /de lta bas na 'dra bar thal ba med de zhes bya ba ni rten gzugs su yod kyang mig gi rnam par shes pa la sogs pa gzugs nyid yin par thal bar mi 'gyur ba'o//gzugs su yod pas na gzugs so zhes bya ba ni gzhi gzugs su yod pas na zhes bya ba'i tha tshig go/ /'di ltar rnam par rig byed las byung ba'i rnam par rig byed ma yin pa ni de ltar 'bad 'bad de gzugs nyid yin par gyur na yang yin du zad na/ting nge 'dzin las byung ba go ji ltar gzugs nyid yin zhes rgol bar byed na/ de la yang de dang rigs mthun pa'i phyir gzugs yin no/ /de dang rigs mthun pa nyid kyang gang zhe na/'byung ba chen po rnams rgyur byas pa'o snyam du bsams pa ste/ de dag ni rgyur byas pa'i gzugs skyed pa la sogs pa'i rgyu yin pa'i phyir ro/ /dbang don de dag kho na la/ /zhes bya ba la/ bcom ldan 'das kyi bstan pa ni 'dul ba'i dbang gis gsum ste/phung po dang skye mched dang khams bstan pa'o/ /de dag las kyang chos gang dag phung po dag gi nang du bstan pa de dag nyid khams dang skye mched dag gi nang du yang bstan te/ 'dis ni 'dus ma byas 'ba' zhig lhag par zad do/ /chos mngon pa thams cad ni mdo rnam par 'chad pa yin pas de'i phyir/dbang don de dag kho na la/ /zhes bya ba 'di rgyas par gsungs te/ slob dpon 'di ni zor yang ba la mkhas pa yin pas tshor ba'i phung po la sogs pa'i mtshan nyid ma bshad pa nyid du/ zor yang bar gzugs kyi phung po'i ngo bo nyid kyi chos rnams skye mched dang khams dag gi nang du ston par byed de/dbang po de dag dang don de dag ni dbang don to/ /de dag kho na la zhes bya ba'i khyad par ni dbang po gzhan bsal ba'i phyir dang / don gzhan bsal ba'i phyir ro/ /skye mched rnam par gzhag pa ni grangs bzhin du skye mched bcu ste mig gi skye mched dang gzugs kyi [(]skya [,]skye [)]mched nas lus kyi skye mched dang reg bya'i skye mched kyi bar yin no//khams rnam par gzhag pa ni de dag nyid khams bcu ste mig gi khams dang gzugs kyi khams nas/ lus kyi khams dang reg bya'i khams kyi bar yin no/ /gzugs kyi phung po dang de'i skye mched dang khams rnam par gzhag pa bshad zin to zhes bya ba rnam par rig byed ma yin pa'i gzugs 'chad par 'gyur ba yin pa'i phyir gzugs kyi phung po'i skye mched dang khams rnam par gzhag pa thams cad ni ma bshad na/ci ste bshad zin to zhes 'di skad brjod ce na/ bstan pa 'di ni phal che ba btsan par byas pa yin no//gzugs kyi phung po'i skye mched dang khams rnam par gzhag pa phal cher bshad zin to zhes bya ba'i tha tshig ste/ mon sran sde'u cung zad cig yod kyang mon sran gre'u'i phung por tha snyad 'dogs pa bzhin no/ /myong ba rnam pa gsum zhes bya ba ni nyams su myong bas na myong ba'o//gang gi yin zhe na/ sems sam gang zag gi yin no/ /de yang bde ba dang sdug bsngal dang sdug bsngal yang ma yin bde ba yang ma yin pa dang rnam pa gsum ste/ dngos po'i sems pa dang yongs su gdung ba dang de gnyis ka las ma gtogs pa'i rang gi ngo bo mngon sum du byed pa'i ngo bo nyid yin no//yang na des yul nyams su myong bar 'gyur bas myong ba'o/ /yang na nyams su myong bar byed pas myong ba'o/ /gzhan dag na re sems las byung ba'i khyad par reg pa nyams su myong ba lus dang sems rgyas pa dang 'grib pa dang de gnyi ga las ma gtogs pa'i gnas skabs su zhugs pa yin no zhes zer ro//nyams su zhes bya ba ni mtshan nyid yin pas reg pa'i rtags yin no/ /reg pa'i mtshan ma nyams su myong ba zhes bya ba'i tha tshig ste/ de ni tshor ba'i phung po yin no/ /mtshan mar 'dzin pa'i bdag nyid do//zhes bya ba la/ mtshan ma ni dngos po'i gnas skabs kyi khyad par te sngon po la sogs pa yin no/ /de 'dzin pa ni yongs su gcod pa'o/ /de'i bdag nyid ni de'i ngo bo nyid do/ /sdug bsngal la sogs pa zhes bya ba'i sogs pa zhes bya ba'i sgras ni dmar po la sogs pa bsdu ste 'di ni 'du shes kyi phung po yin no//gal te 'du shes yongs su gcod pa'i bdag nyid yin na go de dang mtshungs par ldan na mtshan ma la 'dzin pas rnam par shes pa'i tshogs lnga rnam par rtog pa can du 'gyur ro zhe na mi 'gyur te/ rnam par shes pa lnga dang mtshungs par ldan pa'i 'du shes ni gsal ba ma yin no//yid kyi rnam par shes pa'i tshogs dang mtshungs par ldan pa ni gsal ba yin pas de kho na rnam par rtog pa dang bcas pa yin par bshad do/ /'du shes kyi tshogs drug ste tshor ba bzhin no zhes bya ba ni ji ltar mig gi 'dus te reg pa las byung ba'i tshor ba zhes bya ba rgyas par bshad pa'i de bzhin du mig gi 'dus te reg pa las byung ba'i tshor ba'i 'du shes zhes bya ba rgyas par brjod par bya'o//bzhi las gzhan yang zhes bya ba ni phung po'i skabs yin pa'i phyir phung po bzhi las so/ /gzugs kyi phung po la sogs pa gsum bshad pa dag dang rnam par shes pa'i phung po las te bstan zin pa dang 'chad par 'gyur ba dang /bzhi las gzhan pa'i 'du byed rnams ni 'du byed kyi phung po'o/ /bcom ldan 'das kyis mdo las/ sems pa'i tshogs drug go zhes bya ba gsungs zhes bya ba ni 'du byed kyi phung po gang zhe na/sems pa'i tshogs drug go zhes gsungs pa yin no/ /mngon par 'du bya ba la gtso bo yin no zhes bya ba ni 'di lta bu dang 'di lta bur 'gyur bar bya'o zhes mngon par 'du bya ba la gtso bo yin te/ las kyi rgyu can gyi skye ba dag ces 'byung ba'i phyir ro//'dun pa dang thob pa la sogs pa ni sems pa'i rjes su byed pa'i phyir te/ de'i rnam pa'i rgyu'i dngos po'i rjes su byed pa'i sgo nas 'du byed kyi phung po kho na yin par rig par bya'o/ /de lta yin dang 'du byed par zhugs pa'i chos kyi phung po ni 'du byed kyi phung po yin no zhes bshad par 'gyur ro//gzhan dag na re 'dus byas mngon par 'du bya ba la sems pa gtso bo yin par bshad pas/ de'i phyir mdo las sems pa smos te/ phung po 'di nyid 'dus byas kyi chos mtshungs par ldan pa dang ldan pa ma yin pa bsdus pa'i sgo nas gtso bor gyur pa yin pas 'du byed kyi phung por bshad de/'dus byas kyi phung po yin pa'i phyir ro zhes zer ro/ /'dus byas mngon par 'du byed de zhes bya ba ni 'byung bar 'gyur ba'i ming gis ma 'ongs pa'i phung po lnga la 'dus byas zhes bshad pa yin no/ /de lta ma yin na zhes bya ba rgyas par 'byung ba ni gal te mdo las ji skad 'byung ba bzhin du sems pa 'ba' zhig 'du byed kyi phung po yin pa kho nar 'dod kyi gzhan dag ni ma yin na 'dun pa la sogs pa sems las byung ba lhag ma rnams dang thob pa la sogs pa ldan pa ma yin pa rnams gzugs la sogs pa'i phung po dag tu yang gzugs su rung ba la sogs pa med pa'i phyir ma 'dus la/'du byed kyi phung por yang de ltar mdo ji lta ba bzhin du bya na der bsdur mi rung ba'i phyir ma 'dus pas/ phung por ma 'dus pa'i phyir sdug bsngal dang kun 'byung ba'i bden pa nyid du mi 'byung bas yongs su shes pa dang spang bar yang mi 'gyur te/yongs su shes pa ni sdug bsngal lo/ /spang ba ni kun 'byung ba'o/ /mngon par ma shes pa ni 'jig rten pa'i lam gyis so/ /yongs su ma shes pa ni 'jig rten las 'das pa'i lam gyis so/ /rnam pa gcig tu na mngon par ma shes pa ni mthong ba'i lam gyis so//yongs su ma shes pa ni bsgom pa'i lam gyis so/ /de bzhin du ma spangs par zhes gsungs te zhes bya ba ni mdo gzhan zhig yin te/ chos gcig yongs su ma shes shing ma spangs par yang sdug bsngal gyi mthar byed par nga mi smra'o zhes bya ba'i tha tshig go/ /'jig rten las 'das pa'i lam gyis nam mkha' dang so sor brtags pa ma yin pas 'gog pa dag yongs su ma shes mod kyi 'on kyang sdug bsngal gyi mthar byed par 'dod pa ma yin nam zhe na/kun nas nyon mongs pa'i dngos po las dgongs te gsungs pa'i phyir dang mdo sde pa'i lta ba ltar na yang btags pa yod pa yin pa'i phyir nyes pa med de/de dag kun nas nyon mongs pa'i dngos po ma yin na 'di gnyis yongs su shes par bya ba nyid kyis ci zhig bya/ 'o na ni 'gog pa dang lam gyi bden pa dag kyang kun nas nyon mongs pa'i dngos po ma yin pas yongs su shes par bya bar mi 'gyur ro zhe na/de gnyis ni sdug bsngal dang kun 'byung ba'i bden pa dang 'brel ba yod pa'i phyir/ yongs su shes par bya ba nyid du rnam par gzhag ste/ 'di ltar rnal 'byor pa ni 'di ltar sdug bsngal 'di'i 'gog pa ni gang yin thabs gang zhig gis ni 'gog pa de 'thob par 'gyur zhes rnam par dpyod par byed pas 'gog pa dang lam gyi bden pa dag kyang yongs su shes kyi/nam mkha' dang so sor brtags pa ma yin pas 'gog pa dag ni sdug bsngal dang 'brel pa med pas de dag yongs su mi shes so/ /sbyor ba'i gnas skabs na ni de dag kyang 'jig rten pa'i lam gyis chos thams cad bdag med pa'o zhes spyi'i ngo bor sgom par byed do//rnam par rig byed ma yin dang / /'dus ma byas rnams bcas pa ni/ /zhes bya ba ni rnam par rig byed ma yin pa dang bcas shing nam mkha' la sogs pa 'dus ma byas rnams dang bcas pa'o//chos kyi skye mched khams zhes bya/ /zhes bya ba ni skye mched dang khams ni skye mched khams so/ /'di ni chos kyang yin la skye mched dang khams kyang yin pas chos kyi skye mched khams so/ /'di dag la de skad ces bya ba yod pas na 'di dag ni chos kyi skye mched khams zhes bya'o//gang dag ce na/ tshor ba dang 'du shes dang 'du byed kyi phung po dag ste/ skye mched rnam par gzhag par ni chos kyi skye mched ces bya'o/ /khams rnam par gzhag par ni chos kyi khams zhes bya'o/ /rdzas bdun zhes bya ba ni rnam par rig byed ma yin pa dang tshor ba'i phung po dang 'du shes kyi phung po dang /'du byed kyi phung po dang / nam mkha' dang so sor brtags pas 'gog pa dang so sor brtags pa ma yin pas 'gog pa'o/ /rnam shes so sor rnam rig pa/ /zhes bya ba ni phung po'i skabs yin pa'i phyir rnam par shes pa'i phung po ni so sor rnam par rig pa yin no zhes bya ba'i tha tshig go//so sor zhes bya ba ni zlos pa'i don te yul dang yul la so sor zhes bya ba'i tha tshig go/ /dmigs pa ni dngos po tsam 'dzin pa'o/ /tshor ba la sogs pa sems las byung ba'i khyad par rnams ni khyad par 'dzin pa'i ngo bo dag yin no//rnam par shes pa'i tshogs drug ces bya ba ni rnam par shes pa'i tshogs drug go/ /rnam par shes pa drug dang yid/ /ces bya ba la rnam par shes pa'i khams drug ni grangs bzhin no/ /mig gi rnam par shes pa gang yin pa de ni mig gi rnam par shes pa'i khams yin la/de bzhin du yid kyi rnam par shes pa'i bar gang yin pa de ni yid kyi rnam par shes pa'i khams yin zhing de drug spyir ni yid kyi khams yin no zhes rig par bya'o/ /drug po 'das ma thag pa yi/ /rnam shes gang yin de yid do/ / zhes bya ba la drug po zhes bya ba ni nges par bzung ba'i drug pa yin no/ /drug po dag ni nang nas yin gyi/ gzhan ni ma yin no zhes bya ba'i tha tshig go/ /'das ma thag pa smos pa ni rnam par shes pa gzhan gyis bar du chod pa bzlog pa'i phyir ro/ /gang gi de ma thag pa gang zhig rnam par shes pa gzhan gyis bar du ma chod pa de ni de'i rten yin gyi/bar du chod pa ni de'i rten ma yin te/ 'di ni gzhan gang zhig des bar du ma chod pa'i rten yin no/ /de nyid kyi phyir sems med pa'i gnas skabs na snyoms par 'jug pa'i sems 'das nas yun ring yang rnam par shes pa gzhan gyis bar du ma chod pa'i phyir ldang ba'i sems kyi rten yin no//'das pa smos pa ni da ltar byung ba bsal ba'i phyir ro/ /yid kyi rnam par shes pa da ltar byung ba ni de'i gnas skabs la rten can yin no/ /de'i phyir de ni 'das pa yin par 'dod de de nyid 'di skad du/ drug pa'i rten ni rab bsgrub phyir//zhes bya ba yin no/ /rnam shes smos pa ni 'das ma thag pa'i tshor ba la sogs pa bzlog pa'i phyir ro/ /gang yin de yid do zhes bya ba ni rigs bstan pa'i phyir zlos pa dang ldan pa yin no/ /'grel pa las ni rdzas kyi dngos po brjod par 'dod pas rnam par shes pa gang dang gang 'gags ma thag pa de ni yid kyi khams zhes bya ste zhes zlos pa dang ldan pa'i phyir ro//dper na bu de nyid ces bya ba ni dper na bu de nyid gzhan gyi pha zhes bya ba'i ming 'thob la 'bras bu de nyid gzhan gyi sa bon zhes bya ba'i ming 'thob pa de bzhin du 'dir yang / mig gi rnam par shes pa la sogs pa de nyid gzhan gyi rten yin pas yid kyi khams zhes bya ba'i ming 'thob po/ /bcu bdun nam bcu gnyis su gyur na zhes bya ba ni rnam par shes pa'i khams drug gang dag yin pa de dag ni yid kyi khams yin la yid kyi khams gang yin pa de nyid rnam par shes pa'i khams drug yin pas gcig gi nang du gcig 'dus te/gal te rnam par shes pa'i khams drug yin par bzung na ni yid kyi khams don med pas khams bcu bdun du 'gyur ro/ /gal te yid kyi khams yin par bzung na ni rnam par shes pa'i khams drug don med pas khams bcu gnyis su 'gyur ro//drug pa'i rten ni rab bsgrub phyir/ /zhes bya ba ni rnam par shes pa lnga'i rten ni mig la sogs pa rang gi rten yod pa'i phyir bsgrub par mi bya'o/ /yid kyi rnam par shes pa'i rten med pas de'i rten rab tu bsgrub pa'i phyir yid kyi khams rnam par gzhag go//rten la sogs pa drug tshan ni gzugs la sogs pa chos la thug pa'i bar ro/ /rten drug tshan ni mig la sogs pa yid la thug pa'i bar ro/ /brten pa drug tshan ni mig gi rnam par shes pa la sogs pa nas yid kyi rnam par shes pa la thug pa'i bar ro//dmigs pa drug tshan ni gzugs la sogs pa chos la thug pa'i bar ro/ /rnal 'byor spyod pa'i lta ba ltar na ni yid kyi khams rnam par shes pa drug las ma gtogs pa yang yod do/ /gos dmar ba'i sde pa rnams kyang yid kyi rnam par shes pa'i rten snying gi dngos po yin par brjod de de ni gzugs med pa'i khams na yang yod do zhes brjod do//de dag ni gzugs med pa'i khams dag na yang gzugs yod par 'dod de gzugs med pa zhes bya ba ni cung zad yod pa'i don yin te cung zad zer ba lta bu'o zhes zer ro/ / sems tha ma zhes bya ba ni phung po'i lhag ma med pa'i mya ngan las 'das pa'i dus kyi'o/ /yid ma yin par 'gyur te zhes bya ba ni yid kyi khams ma yin par 'gyur te zhes bya ba'i tha tshig go/ /de ni med do zhes bya ba ni skye ba med do zhes bya ba'i tha tshig go/ /de yang yid kyi ngo bor zhes bya ba rgyas par 'byung ba ni de ni de lta ma yin no//de ci'i phyir zhe na/ sems tha ma med de de yang yid kyi ngo bor rten nyid du gnas pa'i phyir ro/ /rgyu gzhan ma tshang ba'i phyir zhes bya ba ni yang srid pa'i las dang nyon mongs pas ma tshang ba'i phyir ro/ /rnam par shes pa phyi ma mi skye bar zad do zhes bya ba ni yang srid par nying mtshams sbyor ba'i rnam par shes pa med do snyam du bsams pa'o//'dir dpyad par bya ste 'di skad du rten dang brten pa dang dmigs pa drug tshan rnam par gzhag pas khams bco brgyad dag tu 'gyur ro zhes bshad pa/ brten pa drug tshan rnam par gzhag pa ni mig gi rnam par shes pa'i khams nas yid kyi rnam par shes pa'i khams kyi bar yin na/brten pa drug tshan 'di'i rten drug tshan rnam par gzhag pa go ci grangs bzhin du mig gi rnam par shes pa'i rten mig gi khams yin pa nas yid kyi rnam par shes pa'i khams kyi rten yid kyi khams yin pa'i bar du yin nam zhe na/smras pa de lta yin no/ /'o na gang gi tshe mig de dang mtshungs pa yin pa de gang gi rten yin gang gi yang ma yin no/ /'o na ci ste 'di skad du mig gi rnam par shes pa'i khams kyi rten ni mig gi khams so zhes bya ba la sogs pa bshad ce na/mig gi rten yin pa kho na 'o/ /de dang mtshungs pa'i mig gang cung zad rten ma yin pa de yang de dang rigs mthun pa'i phyir mig gi khams nyid du rnam par gzhag pa kho na'o/ /lus kyi khams kyi bar du yang de bzhin du brjod par bya'o/ /yid kyi khams kyang yid kyi rnam par shes pa'i khams kho na'i rten yin zhe na/smras pa ma yin no/ /de ni mig gi rnam par shes pa la sogs pa'i rten yin par 'dod do/ /'di ltar/ tha ma'i rten 'das lnga rnams kyi/ /de dag lhan cig skyes pa'ang yin/ /zhes 'byung ngo / /'o na ci ste 'di skad du/ drug pa'i rten ni rab bsgrub phyir/ /khams ni bco brgyad dag tu 'dod/ /ces bshad ce na/ de gzhan dag gi rten yin zhes te drug pa'i rten yin par rab tu mi 'grub par ni mi 'gyur te/ 'di ni srid pa'i sgo nas drug pa'i rten yang yin no/ /dmigs pa drug tshan yang mig gi rnam par shes pa'i dmigs pa ni gzugs kyi khams yin pa nas yid kyi rnam par shes pa'i dmigs pas ni chos kyi khams yin pa'i phyir yin no zhes bya ba 'di dpyad par bya ste/ci ltar mig gi rnam par shes pa'i dmigs pa gzugs ji snyed pa de gzugs kyi khams yin pa ste de bzhin du lus kyi rnam par shes pa'i khams kyi bar gyi dmigs pa reg bya ji snyed par reg bya'i khams yin la/de bzhin du yid kyi rnam par shes pa'i khams kyi bar gyi dmigs pa ji snyed pa de thams cad kyang chos kyi khams yin nam zhe na/ 'di la gnas brtan na re chos kyi khams ni chos thams cad kyi ngo bo nyid yin no zhes zer te khams bco brgyad kyi ngo bo nyid yin no zhes bya ba'i tha tshig go//'di'i ltar na ji ltar phyi dang nang gi khams rnam par gzhag pa 'grub par 'gyur/ mig la sogs pa bcu gnyis nang gi yin par 'dod la drug ni phyi'i yin par 'dod na gal te de dag kyang chos kyi khams kyi nang du bsdu na 'chol bar 'gyur ro zhe na/gnas brtan na re 'di dag nang dang phyi nyid yin pa ni rnam grangs pa yin te/ gang dag mig gi rnam par shes pa la sogs pa'i rten yin pa de dag ni mig la sogs pa yin pas nang gi yin la yid kyi rnam par shes pa'i dmigs pa yin pas phyi'i yin no zhes zer ro//bye brag tu smra ba rnams ni mdo dang 'gal bas de ltar mi 'dod do/ /mdo las ni 'di skad du dge slong chos ni phyi'i skye mched de skye mched bcu gcig gis ma bsdus pa bstan du med pa thogs pa med pa zhes 'byung ste/de lta bas na/ chos kyi khams ni rnam par rig byed ma yin pa dang / tshor ba dang 'du shes dang / 'du byed kyi phung po dang / nam mkha' dang / so sor brtags pas 'gog pa dang / so sor brtags pa ma yin pas 'gog pa'i ngo bo nyid yin pa'i phyir rdzas bdun par 'dod par bya'o//'o na ni yid kyi rnam par shes pa'i khams kyi dmigs pa bstan pa ni ma tshang ba yin te/ mig gi rnam par shes pa la sogs pa'i [(]dmig [,]dmigs [)]pa bstan pa ni ma tshang ba yin par mi 'dod do zhe na/ de ni de lta yin mod kyi 'on kyang mig la sogs pa drug ni rten nyid du bstan pa'i phyir dang /mig gi rnam par shes pa la sogs pa ni brten pa nyid du bstan pa'i phyir dang / gzugs la sogs pa lnga ni rnam par shes pa'i tshogs lnga'i dmigs par bstan pa'i phyir de dag yid kyi rnam par shes pa'i yul yin yang chos kyi khams su ma bzhag go zhes brjod do//mdor bsdu na/ phung po dang ni skye mched dang / /khams gcig gis ni thams cad bsdus/ /zhes bya ba ni skye mched la sogs pas kyang thams cad bsdus mod kyi mdor bsdus pa ni ma yin no/ /'o na ci zhe na/ rgyas par ro/ /'di ni bstan pa gsum las bkar te mdor bsdu na zhes bshad do/ /gzugs kyi phung pos ni gzugs kyi phung po dang dbang po dang don gyi ngo bo nyid kyi skye mched dang khams bcu dang chos kyi khams kyi phyogs gcig ste rnam par rig byed ma yin pa bsdus so//yid kyi skye mched kyis ni rnam par rig byed phung po dang yid kyi skye mched de nyid dang rnam par shes pa'i khams bdun bsdus so/ /chos kyi khams kyis ni tshor ba dang / 'du shes dang / 'du byed kyi phung po dag dang chos kyi skye mched dang chos kyi khams bsdu ste 'dir rnam par rig byed ma yin pa ni lan gnyis bsdus so//dper na mig gi dbang po ni zhes bya ba la mig gi dbang po ni tshor ba la sogs pa'i phung po dang rna ba la sogs pa'i skye mched dang khams dang 'gog pa'i bden pa dang lam gyi bden pa'i ngo bo nyid dang mi ldan pa yin no/ / de'i phyir 'di skad du/ mig gi dbang po ni gzugs kyi phung po dang mig gi skye mched dang khams dag dang sdug bsngal dang kun 'byung ba'i bden pa dag gis bsdus te de dag gi ngo bo nyid yin pa'i phyir ro/ /de dag gi ngo bo dang mi bden pa'i phyir phung po la sogs pa gzhan dag gis ni ma yin no zhes bshad do//'dir ni mang pos nyung ngu bsdus pa yin gyi nyung ngus mang po ni ma yin no/ /ji lta zhe na/ gzugs kyi phung po ni gzugs thams cad sdud par byed pa yin pa'i phyir mang po yin zhing mig gi dbang po ni gzugs kyi phung po'i phyogs gcig yin pa'i phyir nyung ngu yin la/gzugs kyi phung pos mig gi dbang po bsdus kyi/ mig gi dbang pos ni gzugs kyi phung po ma yin te/ mig gi dbang po las ma gtogs pa'i gzugs kyang yod pa'i phyir ro/ /dper na glang po che'i rjes kyis bya'i rjes bsdus kyi/ bya'i rjes kyis ni glang po che'i rjes ma bsdus pa de dang 'dra'o//mnyam pas mnyam pa phan tshun bsdus pa ni dper na mig gi dbang po mig gi skye mched kyis bsdus pa dang mig gi skye mched kyang mig gi dbang pos bsdus pa lta bu ste/ 'di ni chos mngon pa'i lugs yin par rig par bya'o/ / dper na bsdu ba'i dngos po bzhi po dag gis 'khor rnams zhes bya ba la/ bsdu ba'i dngos po bzhi ni sbyin pa dang / snyan par smra ba dang / don spyod pa nyid dang / don mthun pa nyid do/ /'khor bzhi ni dge slong dang / dge slong ma dang / dge bsnyen dang / dge bsnyen ma dag go/ / de dag gis de dag bsdus pa ste/ de ni res 'ga' ba yin no/ /res 'ga' zhig 'byung ba ni res 'ga' ba ste res 'ga' zhig 'di dag la sbyin par byed cing snyan par yang smra bar byed kyi bsdus pa ni ma yin no/ /brdar btags pa ni tha snyad pa ste ngo bo nyid kyis bsdus pa ni don dam pa zhes bshad do//mig la sogs pa gnyis mod kyi/ /rigs dang spyod yul rnam par shes/ /'dra ba'i phyir na khams gcig nyid/ /ces bya ba ni don gyis na 'di skad du rigs la sogs pa tha dad pa'i phyir ci rigs par khams tha dad par rnam par gzhag gi rten tha dad pa'i phyir ni ma yin no zhes bshad par 'gyur ro//de la mig gi khams la sogs pa phan tshun rigs dang spyod yul dang rnam par shes pa tha dad pa yin no/ /gzugs kyi khams la sogs pa ni rigs dang rnam par shes pa tha dad pa yin no//rnam par shes pa'i khams rnams ni rigs dang spyod yul tha dad pa yin no/ /chos kyi khams kyang yid kyi rnam par shes pa'i thun mong ma yin pa'i spyod yul yin no/ /de bzhin du rna ba dang sna dag la yang sbyar bar bya'o zhes bya ba ni rigs 'dra ba ni gnyi ga rna ba'i ngo bo nyid yin pa'i phyir ro//spyod yul 'dra ba ni gnyi ga'i yul sgra yin pa'i phyir ro/ /rnam par shes pa 'dra ba ni gnyi ga rna ba'i rnam par shes pa gcig gi rten yin pa'i phyir ro/ /de lta bas na rna ba'i khams ni gcig kho na yin no/ /de bzhin du sna la yang sbyar bar bya'o//'o na 'di dgos pa gzhan med pa'i phyir gnyis mi 'byung bar thal bar 'gyur ro zhe na de'i phyir ro/ /mdzes bya'i phyir na gnyis 'byung ngo / /zhes bya ba smos so/ /mig dang rna ba'i rten gcig dang sna'i bu ga gcig tu gyur na shin tu mi mdzes par 'gyur ro zhes bya ba ni mig dang rna ba'i rten gcig dang sna'i bu ga gcig tu gyur na shin tu mi sdug par 'gyur ro//rnga mo dang byi la dang 'ug pa la sogs pa'i mig la sogs pa gnyis 'byung yang rten mi mdzes pa ma yin nam zhe na/ rigs gzhan la ltos na ni de dag rten mdzes pa ma yin no//rang gi rigs la ltos nas ni gang la mig la sogs pa gnyis yod pa de'i rten rang gi rigs de'i nang na mdzes pa yin gyi gang la med pa de ni mi sdug pa yin pas sun 'byin pa de ni mi rung ngo / /slob dpon 'dus bzang mdo 'di'i don 'grel pa ni/mdzes bya'i phyir zhes bya ba ni bdag po'i phyir zhes bya ba'i tha tshig ste/ 'jig rten na dbang po phun sum tshogs pa ni mdzes pa'o zhes brjod do/ /dbang po gang dag rten ma tshang ba de dag ni mthong ba dang thos pa dang snom pa yongs su ma dag pas bdag po ma yin par 'gyur te/ji ltar mig gnyis kyis mthong ba yongs su dag pa de ltar gcig gis ni ma yin no/ /de bzhin du gzhan gnyis la yang sbyar bar bya'o/ /de ltar na 'di dag gi dbang po nyid nyams par 'gyur bas de'i don ni 'di skad ces bya bar 'gyur te/gsal bar dmigs par bya ba'i phyir ro zhes bya ba'i tha tshig go/ /'di la yang 'di skad du las kyis yongs su gsal bar dmigs pa'i rten du gyur pa rgya chen po gcig kho na zhig skyed 'dod cig /rten rnam par chad pas ci zhig bya zhes brjod par ni nus so// //bam po bzhi pa/ bye brag tu bshad pa las ni/ kha cig na re mdzes par bya ba'i phyir gnyis 'byung ngo zhes zer ro zhes bya ba dang / gzhan dag na re gsal bar bya ba'i phyir ro zhes zer ro zhes bya ba phyogs 'di gnyi ga bris so/ / zhar la 'ongs pa rdzogs so// //las kyi dbang gis dbang po 'byung ba ma yin nam/ mdzes par bya ba'i phyir dang gsal bar bya ba'i phyir zhes bya ba gzhan nyid brjod ci dgos she na/ 'dir las kyi dbang kho nas dbang po gnyis 'byung bar bshad pa yin no//ji ltar zhe na sems can rnams rten gyi yan lag de ltar rnam par phye ba las mdzes pa'i mngon pa'i nga rgyal thog ma med pa'i dus nas goms pa 'byung ste/ de'i phyir de 'dod pa sngon du 'gro ba dang gsal bar dmigs pa'i 'dod pa sngon du 'gro ba'i las kyi dbang po de gnyis mngon par grub pa las mdzes par bya ba'i phyir dang /gsal bar bya ba'i phyir 'byung ngo zhes bshad pa yin no/ /spungs dang skye sgo rigs kyi don/ /phung po skye mched khams rnams yin/ /zhes bya ba ni 'di dag la spungs pa dang skye ba'i sgo dang rigs yod pas na 'di dag ni/spungs pa dang skye sgo rigs kyi don dag yin no/ /gang dag yin zhe na/ phung po dang skye mched dang / khams zhes bya ba dag yin no/ /rnam pa gcig tu na spungs pa dang skye ba'i sgo dang rigs zhes bya ba rnams kyi don dag yin te/ gang dag yin zhe na/ phung po dang / skye mched dang / khams dag yin no/ /mdo las/ 'byung ba'i phyir spungs pa'i don ni phung po'i don to zhes bya ba ni spungs pa'i don gang yin pa de ni phung po'i don te de ni mdo las/ gzugs gang yin pa ci yang rung / /'das pa 'am/ ma 'ongs pa 'am/ da ltar byung ba'am zhes bya ba rgyas par ston pa yin no//gcig tu zhes bya ba la/ gcig tu ni rnam pa gcig tu'o/ /mi rtag pa nyid kyis 'gags pa'o zhes bya ba ni 'dus byas kyi mtshan nyid kyi mi rtag pa nyid kyis 'gags pa'o zhes bya ba'i tha tshig go/ /mi rtag pa nyid smos pa ni 'gog pa gzhan bsal ba'i phyir/'gog pa ni rnam pa lnga ste mtshan nyid kyis 'gog pa dang / snyoms par zhugs pas 'gog pa dang / skye bas 'gog pa dang / so sor brtags pas 'gog pa dang / so sor brtags pa ma yin pas 'gog pa'o/ /de la gal te gzugs 'das pa ni 'gags pa'o zhes bya ba de tsam zhig brjod par 'gyur na ni khyad par du ma byas pa'i phyir snyoms par 'jug pas 'gog pa la sogs pa la yang thal bar 'gyur ro//de dag ni 'das pa'i don nyid yin par mi 'dod do/ /snyoms par 'jug pas 'gog pa ni sems dang sems las byung ba ma 'ongs pa dag kho na'i yin la skye bas 'gog pa yang de dag kho na'i yin no//so sor brtags pas 'gog pa ni zag pa dang bcas pa kho na'i yin no/ /so sor brtags pa ma yin pas 'gog pa yang ma 'ongs pa mi skye ba'i chos can dag kho na'i yin no/ /de lta bas na mtshan nyid kyi 'gog pa smos pa'i phyir mi rtag pa nyid 'di smos so//ma 'ongs pa ni ma byung ba'o zhes bya ba ni da ltar byung ba nyid du ma yin pa'o/ /da ltar byung ba ni byung la ma 'gags pa'o zhes bya ba la/ byung ba smos pa ni ma 'ongs pa las khyad par du byas pa'i phyir la/ma 'gags pa smos pa ni 'das pa las khyad par du bya ba'i phyir te/ ma 'ongs pa ni ma 'gags pa yin mod kyi byung ba ma yin no/ /'das pa yang byung ba yin mod kyi ma 'gags pa ni ma yin no/ /nang gi ni rang gi rgyud la yod pa'o zhes bya ba ni mig la sogs pa dang gzugs la sogs pa'o//gzhan gyi phyi'o zhes bya ba ni de dag nyid gzhan gyi rgyud la yod pa dang sems can du bgrang ba ma yin pa'o/ /yang na skye mched kyi sgo nas so zhes bya ba ni nang gi ni mig la sogs pa lnga rang dang gzhan gyi rgyud la yod pa'o/ /gzhan gyi phyi ste gzugs la sogs pa yul lnga rang dang gzhan gyi rgyud la yod pa dang sems can du bgrang ba ma yin pa dang phyi'i skye mched kyi ngo bo nyid yin pa'i phyir rnam par rig byed ma yin pa yang yin no//rags pa ni thogs pa dang bcas pa'o zhes bya ba ni rdul phra rab bstsags pa'i phyir ro//phra ba ni thogs pa med pa'o zhes bya ba ni rnam par rig byed ma yin pa'i gzugs so/ /yang na ltos pa pa yin no zhes bya ba ni yang na ltos pas rags pa dang phra bar 'gyur te/ dper na sro ma la ltos nas shig rags pa yin la shig la ltos nas sro ma phra ba yin pa lta bu'o//de bas na de lta yin dang thogs pa dang bcas pa nyid ni rags pa yang yin la phra ba yang yin gyi/ thogs pa med pa ni bstsags pa ma yin pa'i phyir phra ba kho na yin no/ /ltos pa pa yin pa'i phyir mi 'grub po zhes bya ba ni sro ma phra mo de nyid nyi zer gyi rdul la ltos nas rags pa yin la rags pa de nyid shig dang nas la ltos nas phra ba yin pas pha rol dang tshu rol bzhin rags pa dang phra ba rnam par mi gnas na ji ltar na rags pa yang phra ba yin la phra ba yang rags pa yin/ma yin te ltos pas tha dad pa'i phyir ro zhes bya ba ni ltos pas bye brag yod pa ni ltos pas tha dad pa ste/de'i phyir ma grub pa ma yin no/ /gang kho na la ltos te rags pa yang phra ba yin pa ni nam du yang de la ltos te phra ba ma yin te/ gzhan yang de la ltos te phra ba ma yin no zhes bya ba'i tha tshig go//pha dang bu bzhin zhes bya ba ni dper na lha sbyin gyi bu ni mchod sbyin yin la mchod sbyin gyi bu ni khyab 'jug bshes yin na/ mchod sbyin de khyab 'jug bshes la ltos te/ de ni pha yin la lha sbyin la ltos te de ni bu yin no/ /ltos pa pa yin pa'i phyir 'di pha'i ngo bor mi 'grub pa yang ma yin te/ltos pas tha dad pa'i phyir ro/ /mchod sbyin de ni khyab 'jug bshes de nyid la ltos te bu yang ma yin la lha sbyin de nyid la ltos te pha yang ma yin pa de dang 'dra'o/ /ngan pa ni nyon mongs pa can no zhes bya ba ni dam pa rnams kyis smad pa'i phyir ro//gya nom pa ni nyon mongs pa can ma yin pa'o zhes bya ba ni nyon mongs pas sun ma phyung ba'i phyir ro/ /ring ba ni 'das pa dang ma 'ongs pa'o zhes bya ba ni rgyud nyams pa'i phyir dang der ma phyin pa'i phyir ro/ /nye ba ni da ltar byung ba zhes bya ba ni rgyud nye ba'i phyir ro//rnam par shes pa'i bar du yang de dang 'dra'o zhes bya ba ni tshor ba gang yin pa ci yang rung 'das pa'am ma 'ongs pa'am da ltar byung ba'am nang gi'am phyi'i 'am rags pa'am phra ba'am/ ngan pa'am/ gya nom pa'am/ thag ring po na yod pa gang yin pa dang nye ba na yod pa de thams cad gcig tu bsdus te/tshor ba'i phung po zhes bya ba'i grangs su 'gro'o zhes bya ba yin no/ /de bzhin du rnam par shes pa la yang de thams cad gcig tu bsdus nas rnam par shes pa'i phung po zhes bya ba'i grangs su 'gro'o zhes bya ba'i bar du brjod par bya'o//'di dag gis 'das pa la sogs pa nyid gzugs ji lta ba bzhin no/ /'di ni khyad par yin te/ tshor ba la sogs pa'i rags pa ni dbang po lnga la brten pa'i tshor ba la sogs pa bzhi yin te/ lus can ma yin pa'i phyir rang la yod pa'i rags pa nyid ni med do//phra ba ni yid las byung ba ste/ rten kyang lus can ma yin pa'i phyir ro/ /yang na sa las zhes bya ba ni tshor ba la sogs pa rags pa dang phra ba ste/ rags pa ni 'dod pa na spyod pa'i tshor ba'o/ /phra ba ni [(]dpe gnyis la'ang 'di bzhin/[)]bsam gtan dang po'i sa pa'o/ /rags pa ni bsam gtan dang po'i sa pa'o//phra ba ni bsam gtan gnyis pa'i sa pa'o zhes bya ba nas/ de bzhin du rags pa ni ci yang med pa'i skye mched kyi sa pa yin no/ /phra ba ni srid pa'i rtse mo'i sa pa zhes bya ba'i bar yin no/ /tshor ba ji lta bar rnam par shes pa'i bar du yang de bzhin du brjod par bya'o//btsun pa zhes bya ba ni mdo sde pa'i gnas brtan 'ga' zhig gam/ yang na ming de zhes bya ba zhig yin no/ /skal ldan khyad par can na re de ni gnas brtan chos skyob yin no zhes zer ro/ /'di la bdag ni gal te de chos skyob yin na ni 'das pa dang ma 'ongs pa yod pa nyid du smra ba yin pas/mdo sde pa ma yin no zhes smras te/ dngos ston pa ma yin no zhes bya ba'i tha tshig go/ /'di ltar dngos po gzhan nyid du 'gyur bar smra ba ni btsun pa chos skyob yin te/ de na re chos dus rnams su 'jug pa na dngos po gzhan nyid du 'gyur gyi rdzas gzhan nyid du 'gyur ba ni ma yin no zhes zer ro zhes grag go zhes 'chad par 'gyur ro//btsun pa 'di ni mdo sde ba'i lta ba la 'tshel ba yin no/ /bye brag tu bshad pa'i nang du btsun pa na re zhes bya ba la sogs pa bris so/ /btsun pa chos skyob kyang bye brag tu bshad pa'i nang du btsun pa chos skyob na re zhes bya ba la sogs pa rang gi ming kho na bris so//des na btsun pa 'di ni chos skyob las gzhan pa mdo sde pa'i dge slong gnas brtan 'ga' zhig yin no zhes bya bar mngon no/ /dbang po lngas gzung bar bya'o zhes bya ba ni gzugs la sogs pa lnga'o//gzhan ni phra ba'o zhes bya ba ni mig la sogs pa lnga dang rnam par rig byed ma yin pa'o/ /yid du 'ong ba'o zhes bya ba ni yid la khyab pa ni yid du 'ong ba ste yid du 'thad pa zhes bya ba'i tha tshig go/ /ring ba ni yul mi snang ba'o zhes bya ba ni gzhi'i yul dang rten gyi gzhi'i yul gyi dbang du byas pa'o//blta bar nus pa ni snang ba'o/ /'di la yul snang ba yod pas na yul snang ba can te gzhi'i yul lam rten gyi gzhi'i yul snang ba can no/ /dper na rgya shug gi rdza ma 'am mig la sogs pa lta bu ste de ni nye ba yin no//yul mi snang ba can ni de las bzlog ste ring ba yin no/ /ring ba ni mi snang ba'o zhes ma bshad pa ni la la nye yang shin tu phra ba'i phyir mi snang ba de ni yul snang ba can yin pa'i phyir ring bar yang mi 'dod pas so/ /yang ci'i phyir btsun pa de ltar bshad ce na/ 'das pa la sogs pa ni rang gi ming gis bstan pa'i phyir te/de lta ma yin na zlos pa'i skyon du 'gyur ro/ /de dag gi ring ba dang nye ba nyid ni rten gyi dbang gis so zhes bya ba ni tshor ba la sogs pa de dag ni lus can ma yin pa nyid kyis yul na mi gnas pa'i phyir te/ de lta bas na 'di skad du thag ring po na yod pa ni mi snang ba la brten pa'i tshor ba la sogs pa'o//nye ba na yod pa ni snang ba la brten pa dag go zhes brjod par bya'o/ /rags pa dang phra ba nyid ni snga ma bzhin no zhes bya ba ni rags pa ni dbang po lnga la brten pa'o/ /phra ba ni yid las byung ba'o zhes bya ba yin no//sems dang sems las byung ba rnams skye ba 'byung ba mched par byed pas na skye mched rnams so/ /gnyis la brten te rnam par shes pa skye ba thams cad skye mched nyid yin par 'grub po/ /rten tam rgyud gcig la zhes bya ba la rten ni lus kyi mtshan nyid spyi'o//rgyud ni sems dang sems las byung ba rnams kyi rgyun gyi mtshan nyid do/ /rang gi rigs kyi yin te ci zhe na/ 'byung gnas dag ces bya bar skabs dang sbyar ro/ /skal ba mnyam pa'i rgyu yin pa'i phyir ro zhes bya ba ni mig sngar skyes pa ni phyi ma'i skal ba mnyam pa'i rgyu yin pas 'byung gnas ni khams yin te/gang las gser la sogs pa 'byung ba de dag ni de dag gi 'byung gnas yin no/ /'dus ma byas khams ma yin par 'gyur te 'dus ma byas ni 'dus ma byas sam gzhan gyi skal ba mnyam pa'i rgyu ma yin no/ /'o na ni sems dang sems las byung ba rnams kyi yin no zhes bya ba ci zhe na 'byung gnas dag ces skabs dang sbyar ro//gnyis la brten nas rnam par shes pa skye ba'i phyir gdon mi za bar khams thams cad rnam par shes pa mtshungs par ldan pa dang bcas pa skye ba'i dmigs pa yin pa dang bdag po yin pas 'byung gnas dag yin no//spungs pa dang gang zag bzhin no zhes bya ba ni phung po ni spungs pa'i sgrar brjod par bya ba yin pa'i phyir btags pa'i yod pa yin te 'bru spungs pa bzhin pa'am gang zag bzhin no/ /gang zag de ni gzugs la sogs pa gdags pa'i rgyu la ma ltos par gzung du med pa'i ngo bo nyid yin pa'i phyir btags pa'i yod pa yin te 'bru spungs pa bzhin no//bya ba'i khur khyer ba'i don zhes bya ba ni bya ba nyid khur yin pas bya ba'i khur te 'dis de khyer bas na khyer ba'o/ /bya ba'i khur khyer ba ni lus kyi phyogs yin te/de ni 'jig rten na phrag khur khyer ba'o zhes brjod do/ /ming dang gzugs kyi rkyen gyis skye mched drug ces bya ba la sogs pa 'byung ba'i phyir 'dis kyang bya ba'i khur khyer ba yin no/ /de lta bas na phrag khur khyer ba dang 'dra bar phung po yin no zhes sgra nye bar btags pa yin no//yongs su chad pa'i don ni mtshams kyi don zhes bya ba'i tha tshig ste/ gzugs su yongs su chad pa nas rnam par shes par yongs su chad pa'i bar yin no/ /de ni mdo dang 'gal lo zhes bya ba ni bya ba'i khur khyer ba'i don dang yongs su chad pa'i don de gnyi ga'o//mdo dang 'gal ba ni mdo las 'das pa'o/ /mdo las zhes bya ba ni de rgyas par ston par byed pa yin no/ /so sor phung po nyid ces bya ba rgyas par 'byung ba ji ltar zhe na/ smras pa/ gzugs 'das pa la sogs pa 'di thams cad re re zhing so sor gzugs kyi phung po yin no zhes bya ba smos so//'dus pas 'dus pa can gyi rdzas zhes bya ba bstan pa yin te/ de ni gzugs 'das pa la sogs pa de dag spungs pa yin no snyam du bsams pa yin no/ /mdo las kyang / de kho na skad du sa'i khams gang zhe na/skra dang spu dag ces bya ba rgyas par gsungs te/ skra la sogs pa'i rdzas re re yang sa'i khams yin no zhes bya bar mngon no/ /lan 'di ni bya ba'i khur khyer ba'i don dang yongs su chad pa'i don gyis phyogs dag la yang brjod par nus so//de ltar ni shes par mi nus te zhes bya ba rgyas par 'byung ba ni thams cad gcig tu bsdus nas zhes 'byung ba'i phyir re re zhing gzugs kyi phung po yin no zhes bya bar ni shes par mi nus so/ /gal te don de lta yin par gyur na ni de thams cad gzugs kyi phung po yin no zhes bya ba kho na zhig bshad par 'gyur ro//gcig tu bsdus nas zhes 'byung ba don med pa yin no/ /de lta bas na gzugs kyi phung po dag ni spungs pa bzhin du btags pa'i yod pa yin no zhes bya ba ni slob dpon gyis gzhag pa'i phyogs yin no/ / gzugs kyi phung po bstan pa la/ rdzas su yod par rtogs pa ni de 'dus pa can yin pa'i phyir ro zhes bya bar khong du chud par bya'o/ /gzugs can rnams kyang zhes bya ba rgyas par 'byung ba la/ gzugs can smos pa ni gzugs can ma yin pa las khyad par du bya ba'i phyir te/gzugs can ma yin pa yid kyi skye mched ni 'dus pa ma yin yang rgyu'i ngo bo 'dzin no/ /mig gi skye mched la sogs pa gzugs can rnams kyang 'dus pa kho na sems dang sems las byung ba skye ba'i sgo nyid du mched par byed kyi ma 'dus pa dag ni ma yin pas 'dus pa'i mtshan nyid yin pa'i phyir phung po bzhin du btags pa'i yod par 'gyur te rnam par shes pa'i tshogs lnga ni bstsags pa la brten pa dang dmigs pa yin pa'i phyir ro//ma yin te 'dus pa rnams re re nas rgyu'i ngo bor gyur pa'i phyir zhes bya ba de ni de lta ma yin no//ci'i phyir zhe na/ tshogs pa 'dus pa rnams re re nas rgyu yin pa'i phyir ro/ /'di ltar mig la sogs pa'i rdul phra rab mang po phan tshun ltos pa 'di dag re re zhing rgyu'i ngo bo yin gyi 'dus pa dag ni ma yin no/ /dper na shing drang bar bya ba la 'dren par byed pa mang po dag re re nas nus pa med kyi 'dus pa phan tshun ltos pa rnams kyis nus pa lta bu'am/dper na skra so so na gnas pa dag gis rab rib can gyi mig gi rnam par shes pa skyed par mi nus kyi 'dus pa dag gis ma 'byar kyang nus pa de bzhin du mig la sogs pa dbang po'i rdul phra rab dag dang /gzugs la sogs pa yul gyi rdul phra rab dag kyang mig la sogs pa'i rnam par shes pa bskyed par bya ba la re res nus pa med kyi 'dus pa dag gis ni nus te/ dngos po rnams kyis nus pa ni de lta bu yin par khong du chud par bya'o/ / yul lhan cig byed pa yin pa'i phyir zhes bya ba ni gal te mang po rnams skye ba'i sgo'i ngo bo yin pas 'dus pa skye mched nyid yin par 'gyur gyi rdzas skye mched nyid ma yin na ni dbang po dang yul gyi rdul phra rab 'dus pa rnams skye ba'i sgo'i ngo bo yin pas de dag 'dus pa skye mched nyid yin par 'gyur gyi/so sor ni skye mched nyid du mi 'gyur ba zhig na/ mdo las skye mched bcu gnyis zhes 'byung ba'i phyir so sor skye mched nyid yin par yang 'dod do/ /'di la bsgrub pa yang 'byung ste mig gi skye mched rdzas kyi rdul phra rab 'dus pa dag gang dag dang lhan cig byed pa de dag dang lhan cig 'dus pa'i bdag nyid kyi skye mched du gyur pa ni ma yin te/mig gi rnam par shes pa'i rgyu yin pa'i phyir mig gi skye mched dang gzugs kyi skye mched rdzas kyi rdul phra rab 'dus pa bzhin no/ /mig gi skye mched rdzas kyi rdul phra rab 'dus pa ji lta ba de bzhin du lus kyi skye mched rdul phra rab 'dus pa'i bar du yang sbyar bar bya'o//bye brag tu bshad pa las ni zhes bya ba 'dis kyang phung po dag btags pa'i yod pa'o zhes bya bar ston to/ /'di ni khyad par yin te/ de dag ni rdzas su med kyang de la nye bar btags nas rab tu bstan to zhes khyad par du bya ba'i phyir ni zhes bya ba'i sgra smos so//phung po btags pa'i yod par lta na ni zhes bya ba ni phung po zhes bya ba btags pa'i yod pa yin par lta ba ste/ spungs pa zhes bya ba btags pa'i yod pa yin par lta na zhes bya ba'i tha tshig go//rdul phra rab khams gcig dang zhes bya ba ni mig la sogs pa gzugs can gyi khams bcu po dag las gang yang rung ba zhig gi phyogs yin no/ /de bzhin du skye mched de dag nyid las gang yang rung ba zhig dang /gzugs kyi phung po'i phyogs yin no/ /ci'i phyir zhe na/ btags pa yin par lta ba la ni phyogs can la 'jug pa'i sgra phyogs la rnam par mi 'jog go/ /'on te mi lta na ni zhes bya ba ci zhe na/ phung po btags pa yin par zhes bya bar skabs dang sbyar ro//de rdul phra rab khams gcig ces bya ba rgyas par 'byung ba ni de skye mched dang khams gang yang rung ba zhig bshad pa gang yin pa dang gzugs kyi phung po gcig kho na yin no/ /phyogs yin yang phyogs can bzhin du nye bar 'dogs pa yang yod do zhes bya ba ni rdul phra rab phyogs yin yang gzugs kyi skye mched dang khams gang yang rung ba zhig bzhin du gzugs kyi phung po nye bar 'dogs so//dper na ras yug gi phyogs gcig tshig pa la ras yug tshig go zhes bya ba bzhin no zhes bya ba ni ji ltar ras yug ces bya ba'i sgra spyi la 'jug pa yin yang phyogs re ras yug gi phyogs gcig la yang nye bar 'dogs pa de bzhin du phung po zhes bya ba'i sgra 'das pa la sogs pa'i gzugs spyi la 'jug pa yang phyogs rdul phra rab la nye bar 'dogs so//gzugs la sogs pa'i phung po zhes bya ba yin pa'i phyir phung po dag kho na btags pa'i yod pa yin gyi/skye mched dang khams dag ni ma yin te/ gang gi tshe gzugs dag kho na phung po yin no zhes tshig sdud pa de'i tshe rdzas su yod pa yin no snyam du bsams pa yin no/ /'dir 'di dpyad par bya ste/ gal te dbang po rdul phra rab rnams dang yul gyi rdul phra rab rnams rnam par shes pa bskyed par bya ba la phan tshun ltos pa dang bcas pa nyid du 'dra na 'dir ci'i phyir gnyis kyi 'di rnams dbang po'i rdul phra rab 'ba' zhig bzhin du skye mched gcig nyid du rnam par mi gzhag ce na/'di ltar mig gi dbang po la sogs pa'i rdul phra rab thams cad ni rang gi rnam par shes pa skye ba'i thun mong gi rgyu yin gyi yul gyi rdul phra rab dag ni de lta ma yin no//'di ltar mig gi dbang po'i rdul phra rab dag ni yul sngon po'i rnam par shes pa skye ba'i rgyu yang yin la ser po la sogs pa'i rnam par shes pa skye ba yang yin no//sngon po'i rdul phra rab dag ni rang gi rnam par shes pa skye ba'i rgyu kho na yin gyi ser po la sogs pa'i rnam par shes pa skye ba ni ma yin no/ /de bas na mig gi dbang po'i rdul phra rab dag dang de'i yul gyi rdul phra rab rnams mi 'dra bar 'jug pa'i phyir dang /gnas so so na gnas pa'i phyir mig dang gzugs kyi rdul phra rab rnams skye mched gcig nyid du rnam par gzhag tu mi rung ste/ de bzhin du lus kyi dbang po dang reg bya'i rdul phra rab rnams skye mched gcig nyid du rnam par gzhag tu mi rung ba'i bar du brjod par bya'o//rmongs dbang 'dod rnams gsum gyi phyir/ /zhes bya ba ni kun tu rmongs pa dang shes rab dang mos pa rnam pa gsum gyi phyir zhes bya ba'i tha tshig go/ /rmongs pa dang dbang po dang 'dod pa dag rnam pa gsum ste/ de'i phyir ril po'i bdag tu 'dzin pas zhes bya ba ni/kha cig ni sems las byung ba rnams la ril por bzung nas de dag nyid la bdag tu 'dzin te/ ril por bzung nas bdag tu 'dzin pa 'jug pa'i phyir ro/ /de dag la ni phung po bstan te/ de ni tshor ba dang / 'du shes dang / 'du byed kyi bye brag gi sems las byung ba rnam pa gsum du bstan te/ 'di la 'di ni ril po gcig pu ma yin gyi sems las byung ba'i khyad par yin no zhes bdag tu 'dzin pa'i gnyen por byas pa yin no/ /rnam pa gcig tu na kha cig bdag gi dngos po 'di ni ril po'i ngo bo yin la bdag de yang tshor ba po dang /'du shes pa po dang sems pa po yin no snyam du kun tu rmongs pa'o/ /de dag la phung po bstan te/ 'di ni bdag gi ngo bo gong bu ma yin gyi 'di la 'di dag ni sems las byung ba rnams yin te/ tshor ba dang /'du shes dang / 'du byed dag 'jug pa yin no zhes bdag tu 'dzin pa'i gnyen por byas pa yin no/ /kha cig ni gzugs kho na la'o zhes bya ba ni ril por 'dzin pas kun tu rmongs so zhes bya bar skabs dang sbyar ro/ /de dag la ni skye mched bstan te/de la ni gzugs ni mig la sogs pa'i bye brag gis rnam pa mang por rnam par phye ba'i sems las byung ba rnams ni chos kyi skye mched gcig kho nar bstan la/ sems kyang yid kyi skye mched nyid du bstan to/ /kha cig ni gzugs dang sems dag la'o zhes bya ba ni ril por 'dzin pas kun tu rmongs so zhes bya ba kho nar skabs dang sbyar ro//de dag la ni khams bstan te/ de la ni gzugs kyang mig la sogs pa'i bye brag gis mang por rnam par phye la sems kyang mig gi rnam par shes pa la sogs pa'i khams kyi bye brag gis mang por rnam par phye'i/sems las byung ba rnams ni ma yin te/ chos kyi khams nyid kho nar bstan pa'i phyir ro/ /des ni gzugs dang sems la ril por 'dzin pa'i kun tu rmongs pa'i gnyen por byas pa yin no/ /dbang po dag kyang zhes bya ba rgyas par 'byung ba ni gang zag ni rnam pa gsum ste/dbang po rnon po dang 'bring po dang rtul po'i phyir ro/ /yang na gang zag ni rnam pa gsum ste/ mgo smos pas go ba dang / rnam par spros na go ba dang / tshig lhur len pa'o/ /de la dbang po rnon po rnams la ni phung po bstan te/ de dag ni dbang po rno ba'i phyir phung po phye ba kho nas skye mched dang khams dbye ba rtogs par nus te ji skad du/dge slong gang khyod ma yin pa de ni khyod kyis spang bar bya'o/ /gsol ba bcom ldan 'das glo bar chud do zhes 'byung ba lta bu dang / ji skad du dge slong mdor bsdus te bshad pa 'di'i don ji ltar shes/btsun pa gzugs ni bdag ma lags te/ chos de ni bdag gis spang bar bgyi'o zhes bya ba rgyas par 'byung ba lta bu yin no/ /dbang po 'bring rnams la ni skye mched bstan te/ de dag ni dbang po 'bring yin pa'i phyir 'bring du bstan pa kho nas yin gyi shin tu rgyas pas ni ma yin te/skye mched rab tu phye bas khams rab tu dbye ba rtogs par nus kyi mdor bsdus pa phung po rab tu phye bas ni ma yin no/ /dbang po rtul po rnams la ni khams bstan te/ de dag ni dbang po rtul ba'i phyir rnam par ma phye ba rang gi blo'i mthus rtogs par mi nus so//'dod pa yang rnam pa gsum ste zhes bya ba ni sngon goms pa'i sbyor ba las 'dod pa rnam pa gsum yin no/ /rnam pa gcig tu na zhi gnas spyod pa rnams ni mdor bsdus pa 'dod do/ /zhi gnas dang lhag mthong spyod pa rnams ni bar ma 'dod do//lhag mthong spyod pa rnams ni rgyas pa 'dod do/ /yang ci'i phyir zhes bya ba rgyas par 'byung ba sems las byung ba dag la ril po'i bdag tu 'dzin pas rmongs pa rnams la phung po bstan to zhes rgyu bshad zin pa ma yin nam zhe na/ de dag la sems las byung ba rnams rnam par phye'o zhes bshad pa ni bden na/tshor ba dang 'du shes dag kho na 'du byed kyi phung po las logs shig tu phung por byas kyi/ gzhan dag ni ma yin no zhes bya ba 'di la rgyu ci zhig yod ce na/ 'dod pa la lhag par zhen pa zhes bya ba rgyas par smos te/ 'dod pa dag dang lta ba dag la mngon par zhen pa yin no/ /rtsod pa'i rtsa ba lhag par zhen pa de gnyis kyi rgyu'i gtso bo ni go rims bzhin du tshor ba dang 'du shes dag ste zhes bya ba ni gtso bo smos pas don gyis na ma rig pa la sogs pa ni gtso bo'i rgyu ma yin no zhes bshad pa yin no/ /tshor ba ro myang ba'i dbang gis ni khyim pa rnams 'dod pa rnams la mngon par zhen la/'du shes phyin ci log gi dbang gis ni lta ba rnams la'o/ /ci zhe na/ mngon par zhen to zhes bya bar skabs dang sbyar te/ chos ma yin pa la chos su 'du shes shing chos la chos ma yin par 'du shes pa dang bdag med pa la sogs pa la bdag la sogs par 'du shes pa rnams ni tshul khrims dang brtul zhugs mchog tu 'dzin pa la sogs pa lta ba de dang de dag la mngon par zhen to//de dag kyang gang zhe na/ phal cher rab tu byung ba yin no/ /tshor ba la zhen cing zhes bya ba rgyas par 'byung ba ni tshor ba la zhan cing phyin ci log bzhis phyin ci log tu gyur pa ni 'khor ba na skye ba brgyud par byed do//go rims kyi rgyu de'i phyir yang zhes bya ba ni phung po'i go rims su blag pa la/ rags pa dang ni kun nyon mongs/ /snod stsogs don khams ji bzhin no/ /zhes bya ba rgyu bzhi 'chad par 'gyur ba yin no//gzugs ni thogs pa dang bcas pa'i phyir thams cad pas rags so/ /gzugs can ma yin pa rnams kyi nang na yang tshor ba ni rgyu ba rags pa'i phyir/ 'di ltar nga'i lag pa la tshor ro rkang pa la tshor ro zhes tha snyad 'dogs so/ /'du shes ni gnyis pas ches rags so//rnam par shes pas ni 'du byed de/ de'i phyir gang ches rags pa sngar bshad do zhes bya ba ni rgyu dang po yin no/ /yang thog ma med pa can gyi 'khor ba na pho dang mo dag phan tshun gzugs la mngon par dga' ste/ de dag kyang tshor ba'i ro myang ba la chags pa'i phyir ro//de la chags pa yang 'du shes phyin ci log tu gyur pa'i phyir ro/ /phyin ci log de yang kun nas nyon mongs pa dag gis so/ /sems kyang de dag gis kun nas nyon mongs pa can du byas pas kun nas nyon mongs pa'i go rims ji lta ba bzhin no zhes bya ba ni gnyis pa yin no//yang na snod la sogs pa'i don gyis te gzugs la sogs pa'i phung po ni snod dang zas dang tshod ma dang byan po dang za ba po lta bu'o zhes bya ba ni gsum pa'o/ /yang na khams kyis te 'dod pa'i yon tan gzugs kyis rab tu phye ba ni 'dod pa'i khams so/ /tshor bas rab tu phye ba ni bsam gtan rnams so//'du shes kyis rab tu phye ba ni gzugs med pa gsum mo/ /'du byed tsam gyis rab tu phye ba ni srid pa'i rtse mo ste/ 'di dag ni rnam par shes pa gnas pa bzhi yin la de dag la rnam par shes pa gnas so zhes phung po'i go rims zhing dang sa bon gyi go rims lta bur bstan pa'i phyir ro zhes bya ba ni rgyu bzhi pa yin no//gang gi phyir 'di dag ches rags pa dang kun nas nyon mongs pa'i go rims kyi rgyu dang zas dang tshod ma lta bu dang de dag gis khams gnyis rab tu phye ba'i go rims kyi rgyu de nyid kyi phyir/ tshor ba dang / 'du shes dag logs shig tu phung por byas so//don du mi rung ba'i phyir re zhig de dag nyid kyi nang du bsdu bar mi nus so zhes bya ba ni gzugs kyi ngo bo nyid do zhes bya ba nas rnam par shes pa'i bar gyi ngo bo nyid yin no zhes bya bar gzugs la sogs pa'i don du mi rung zhing mi srid pa'i phyir phung po lnga po de dag nyid kyi nang du bsdu bar ni mi nus te/de dag gi ngo bo nyid ma yin pa'i phyir ro/ /phung po drug pa brjod par yang mi nus so/ /ci'i phyir zhe na/ don du mi rung ba'i phyir te 'das pa la sogs pa'i don du mi rung ba'i phyir ro zhes bya ba'i tha tshig go/ /'dus ma byas rnams mang ba'i phyir 'dus ma byas kyi phung po gzhan zhig tu rung ba ma yin nam 'das pa la sogs pa'i don gyis ci zhig bya zhe na/de ni rigs pa ma yin te 'dus ma byas rnams la yul dang nye ba med pas mdor bsdur mi rung ba'i phyir ro/ /yang kun nas nyon mongs pa'i gzhi shes par bya ba'i phyir zhes bya ba rgyas par 'byung ba ni zag pa med pa'i phyir kun nas nyon mongs pa'i gzhi yang ma yin la 'dus ma byas yin pa'i phyir rnam par byang ba'i gzhi yang ma yin te/rnam par byang ba'i gzhi ni rnam par byang ba'i rgyu yin par bsams pa'o/ /rnam pa gcig tu na gzugs kyi phung po zhes bshad pa nas rnam par shes pa'i phung po zhes bya ba'i bar du bshad nas/gzugs kyi phung po nas rnam par shes pa'i phung po'i bar ni kun nas nyon mongs pa'i gzhi dang rnam par byang ba'i gzhi yin no zhes bya bar shes kyi 'dus ma byas kyi phung po zhes bshad na ni kun nas nyon mongs pa dang rnam par byang ba'i gzhi yin no zhes bya bar yang mi shes pas 'dus ma byas kyi phung po zhes bya ba ni mi srid do//khams dang skye mched dag la yang de ltar thal bar 'gyur ro zhes bya ba ni de skad du smra ba de dag gi ltar na ji ltar bum pa chag pa bum pa ma yin pa de bzhin du khams zhig pa yang khams ma yin la/skye mched zhig pa yang skye mched ma yin pas chos kyi khams dang skye mched drug tu 'dus ma byas rnam par ma bzhag par 'gyur ba zhig na/ 'di skad du khams dang skye mched dag gi nang du ni chos thams cad bsdus par 'dod do zhes kyang bshad do/ /phung po rnams kyi rnam pa gzhan bshad zin to//rim ni zhes bya ba 'dir ni zhes bya ba'i sgra rnam par brjod pa la ltos pa nye bar 'god do zhes ston par byed pa yin no/ /thams cad pas rags so zhes bya ba ni gzugs ni bstan du yod pa dang thogs pa dang bcas pa la sogs pa dang ldan pa'i phyir tshor ba la sogs pa thams cad pas rags pa yin no//tshor ba la sogs pa gzugs can ma yin pa rnams kyi nang na yang zhes bya ba ni dmigs kyis bsal ba drug pa yin no/ /tshor ba ni rgyu ba rags pa'i phyir rags pa yin te/ kun tu 'byung ba rags pa'i phyir zhes bya ba'i tha tshig go//'du shes ni 'du byed dang rnam par shes pa dang gnyis pas rags pa yin te mtshan ma yongs su gcod pas shes par sla ba'i phyir ro/ /rnam par shes pa bas ni 'du byed rags te bde bar 'gyur bar bya'o/ /sdug bsngal bar 'gyur bar mi bya'o zhes mngon par 'du byed pa'i mtshan nyid yin pa'i phyir ro//rnam par shes pa ni dmigs pa tsam gyi mtshan nyid yin pa'i phyir thams cad pas phra ba yin no/ /gdul bya rnams la yang don ji ltar rags pa bzhin bstan par bya bar rigs pas phung po'i go rims de lta bu yin no//pho dang mo de dag kyang tshor ba'i ro myang pa la chags pa'i phyir phan tshun gzugs la mngon par dga' bar 'gyur ro/ /de la chags pa yang zhes bya ba ni tshor ba la chags pa'o/ /'du shes phyin ci log tu gyur pa'i phyir ro zhes bya ba ni rtag pa la sogs pa mtshan mar 'dzin pa'i phyir ro//tshor ba ni bde ba yang 'du byed dang 'gyur ba'i sdug bsngal nyid kyis sdug bsngal ba yin no/ /snod dang zas dang zhes bya ba rgyas par 'byung ba ni gzugs ni tshor ba'i rten yin pa'i phyir snod lta bu yin no/ /tshor ba ni ro myang bar bya ba yin pa'i phyir zas lta bu yin no//'du shes ni tshor ba la de'i mtshan mar 'dzin pas gsal bar byed pa'i phyir tshod ma lta bu yin no/ /yang na 'du shes kyi dbang gis tshor ba 'dod pas na 'du shes ni tshod ma lta bu yin no/ /sems pa ni rnam par smin pa'i tshor ba mngon par 'dus byas nas nye bar gtod pa'i phyir byan po lta bu yin no//de la phan 'dogs pa'i phyir rnam par shes pa ni za ba po lta bu yin te go rims ni snod la sogs pa'i don gyis yin no/ /yang na khams kyis te zhes bya ba ni 'dod pa'i yon tan dag nyid gzugs dag yin te de dag gis rab tu phye zhing shas che ba ni 'dod pa'i khams so//tshor bas rab tu phye ba ni bsam gtan rnams te bsam gtan dang po ni yid bde ba dang bde ba'i dbang pos rab tu phye ba yin no/ /gnyis pa ni yid bde ba'i dbang pos rab tu phye ba yin no/ /gsum pa ni bde ba'i dbang pos rab tu phye ba yin no/ /bsam gtan bzhi pa ni btang snyoms kyi dbang po yongs su dag pas rab tu phye ba yin no//'du shes kyis rab tu phye ba ni gzugs med pa gsum ste nam mkha' mtha' yas skye mched ni nam mkha'i 'du shes kyis rab tu phye ba yin no/ /rnam shes mtha' yas skye mched ni rnam par shes pa'i 'du shes kyis rab tu phye ba yin no//ci yang med pa'i skye mched ni ci yang med pa'i 'du shes kyis rab tu phye ba yin no/ /'du byed tsam gyis rab tu phye ba ni srid pa'i rtse mo ste de na ni sems pas tshe bskal pa brgyad khri 'phen par byed do/ /ci'i phyir rnam par shes pa thams cad pas phyis bshad ce na/de'i phyir 'di dag ni rnam par shes pa gnas pa dag yin la zhes bya ba rgyas par smos so/ /rnam par shes pa gnas pa ni bzhi ste/ gzugs su nye bar 'gro ba'i rnam par shes pa gnas pa ni 'dod pa'i khams so/ /tshor bar nye bar 'gro ba ni bsam gtan dag go//'du shes su nye bar 'gro ba ni gzugs med pa gsum mo/ /'du byed du nye bar 'gro ba ni srid pa'i rtse mo'o/ /de dag la brten pa'i phyir rnam par shes pa gnas pa bzhi po de dag la rnam par gnas pas thams cad pas phyis bshad de de ltar na/ phung po'i go rims zhing dang sa bon gyi go rims lta bur bstan pa'i phyir bshad pa yin no//de nyid kyi phyir phung po ni lnga ste mi nyung mi mang ngo zhes bya ba ni rags pa la sogs pa'i rgyus na mi mang mi nyung ngo zhes bya ba'i tha tshig go/ /lnga'i yul ni da ltar yin pa'i phyir sngar smos so zhes bya ba ni gang dag gi yul da ltar yin pa de dag ni yul gsal ba yin pas gzung bar sla ba'i phyir sngar bshad do//yul da ltar yin pa dag ni sngar 'jug par 'gyur ba da ltar na yang sngar bshad do/ /yid ni yul ma nges pa can yin te zhes bya ba ni yul 'chol ba'i phyir rtogs par dka' ba dang phal cher phyis 'jug pa yin no//ji ltar zhe na/ kha cig gi yul ni da ltar yin pa nas kha cig gi yul ni dus gsum dang dus ma yin pa'i bar yin no zhes bya ba smos te/ bar zhes bya ba'i sgra smos pas ni kha cig gi yul ni 'das pa yin la/ kha cig gi yul ni ma 'ongs pa yin no//kha cig gi yul ni dus gsum yin pa ni dper na chos thams cad ni bdag med pa'o zhes bya ba lta bu yin no/ /kha cig gi yul dus ma yin pa yin pa ni yul 'dus ma byas yin zhes bya ba'i tha tshig go/ /de ltar na yid ni yul ma nges pa yin zhing de bzhin du de ni rtogs par bya bar sla ba yang ma yin pas phyis bshad de 'jig rten na yang rtogs par sla ba sngar ston par snang ngo //'byung ba las gyur don phyir bzhi/ /zhes bya ba ni mig la sogs pa bzhi'i yul rgyur byas pa'i gzugs yin te/ de lta bas na de ni lus las sngar bshad do//lus kyi yul ni ma nges te res 'ga' ni 'byung ba dag yin la res 'ga' ni 'byung ba las gyur pa dag yin no zhes bya ba ni gang gi tshe rnam par bcad nas 'dzin pa na'o/ /res 'ga' ni gnyi ga yin te gal te rnam par ma bcad par 'dzin na'o/ /lhag ma ci rigs par ches rgyang ring ba dang myur bar 'jug pas gzhan pas sngar smos te zhes bya ba la/lhag ma ni mig la sogs pa ste/ gzhan pas ci zhig par sngar smos so/ /ches ring myur 'jug phyir zhes bya ba ni gnyis pas gnyis dang gcig pas gcig dang / yang gcig pas gcig ring du 'jug pa dang ches ring du 'jug pa dang ches myur bar 'jug pa'i phyir zhes rnam par phye nas sbyar bar bya'o zhes bya ba'i tha tshig go//ji lta zhe na/ smras pa/ mig dang rna ba ni yul rgyang ring ba'i phyir sna dang lce gnyis pas de dag sngar smos so/ /mig dang rna ba de gnyis las kyang mig ni ches rgyang ring ba la 'jug ste chu klung rgyang ring po nas mthong yang de'i sgra mi thos pas de'i phyir de sngar smos so zhes bya bar sbyar te mig de rna ba bas sngar smos pa yin no//de gnyis las kyang sna ni ches myur bar 'jug pa'i phyir zhes bya ba ni sna dang lce de gnyis las lce bas sna sngar smos pa yin no//ji lta zhe na/ zas lce dang ma phrad pa gnyis kyi dri 'dzin pa'i phyir ro zhes bya ba smos so/ /'dir 'di dpyad par bya ste sna dang lce dag yul phrad nas 'dzin pa yin na ji ltar sna des zas la yod pa'i dri 'dzin ce na/ des zas la yod par 'dzin par byed pa ni ma yin gyi rlung la dri gzhan zhig 'byung ba yin no//yang na zas kyi yan lag phra mo dang lhan cig 'ongs pa'i dri 'dzin par byed de/ dbugs ma brngubs par dri 'dzin pa med pa'i phyir ro/ /'o na ni zas lce dang ma phrad pa nyid kyi dri 'dzin pa'i phyir zhes bya ba ni brjod par mi bya'o zhe na/ zas gong bu'i ngo bo gang yin pa de lce dang ma phrad par zhes bya bar bsams nas smras pa yin pa'i phyir/nyes pa med de/ de ltar na snga ni zas kyi yan lag dang lhan cig 'ongs pa'i dri gang yin pa yang snom par byed pas ches myur bar 'jug pa yin no/ /lce ni zas kyi yan lag dang lhan cig 'ongs pa'i ro myong bar mi byed kyi zas gong bu dang lhan cig 'ongs pa'i ro kho na myong bar byed pas de ches myur bar 'jug pa ma yin no zhes bya ba khong du chud par bya'o//bye brag gi don ji lta bu yin zhe na zhes bya ba bstan pa'i phyir ci nas kyang yul dang yul can nyid du zhes bya ba rgyas par smos te/ ci nas kyang gzugs la sogs pa yul dang mig gi dbang po la sogs pa lnga yul can nyid du rnam par gzhag pa'i sgo nas bcu po 'di dag re re nas skye mched yin gyi/spyir gzugs kyi skye mched do zhes bya bar skye mched nyid gcig kho na zhig yin pa ni ma yin no zhes shes par bya ba yin no/ / de lta na ni phan tshun bye brag tu ma byas par 'gyur ro/ /gal te bye brag tu byas pa'i don du mig gi skye mched nas lus kyi skye mched kyi bar dang sgra'i skye mched nas reg bya'i skye mched kyi bar dgu po dag gi ming gzhan brjod na ci'i phyir gzugs kyi skye mched kyi ming yang gzhan zhig mi brjod ce na/de'i phyir mig la sogs pa bye brag tu byas pa dag gis gang mig la sogs par ni ming ma btags la gzugs ni yin pa de gzugs kyi skye mched du shes par 'gyur bas 'di'i ming gzhan ma brjod do zhes bya ba smos te/ dper na ba lang mdo ris btab pa thams cad kyi nang na ba lang mdo ris ma btab pa gang yin pa de ni mdo ris med pa nyid mngon mtshan yin pa de dang 'dra'o//gtso bo yin pa'i phyir zhes bya ba ni/ gzugs kyi skye mched ni rgyu gsum gyi gtso bo yin te/ lag pa la sogs pa'i 'dus te reg pa dag gis gnod pa'i mtshan nyid kyi gzugs su rung ba'i phyir dang /'di ni 'di'i che ge mo zhig na'o zhes yul rtag tu rung ba'i phyir dang / 'jig rten na yang 'di kho na gzugs so zhes grags pa'i phyir ro/ /bye brag gi don nyid kyis gcig ni chos kyi skye mched du bshad ces bya ba ni bye brag gi don ci lta zhe na ci nas kyang yul dang /yul can nyid du rnam par gzhag pa'i sgo nas bcu gnyis po 'di dag so sor skye mched yin gyi spyir ni ma yin no zhes rtogs par bya ba yin la/ mig la sogs pa bye brag tu byas pa dag gis gang mig la sogs pa ni ming ma btags la chos ni yin pa de chos kyi skye mched du shes par 'gyur bas 'di'i ming gzhan ma brjod do//tshor ba la sogs pa zhes bya ba'i stsogs pa zhes bya ba'i sgras ni 'du shes dang 'du byed dang rnam par rig byed ma yin pa dang 'dus ma byas rnams bsdu'o/ /rnam pa nyi shu zhes bya ba ni/ gzugs rnam gnyis dang rnam nyi shu//zhes 'byung ba'i phyir ro/ /mig gsum gyi spyod yul yin pa'i phyir zhes bya ba ni sha'i mig ni bdag cag la sogs pa'i yin no/ /lha'i mig ni lha rnams kyi yin no/ /'phags pa'i shes rab kyi mig ni 'phags pa rnams kyi ye shes zag pa med pa bden pa bzhi la dmigs pa yin no//de'i phyir gzugs kho na mig gsum gyi spyod yul yin gyi mig la sogs pa ni ma yin te/ de lta bas na de kho na gzugs kyi skye mched du bshad kyi gzhan dag ni ma yin no/ /gang dag gi ltar na sangs rgyas kyi gsung tshig gi rang bzhin yin pa zhes bya ba ni mdo sde pa gang dag gi ltar na ngag gi rnam par rig byed kyi ngo bo nyid yin pa de dag gi ltar na de dag ni gzugs kyi phung pos bsdus te sgra'i skye mched ni gzugs kyi phung pos bsdus pa'i phyir ro//gang dag gi ltar na ming gi rang bzhin yin pa zhes bya ba ni sde pa gzhan gang dag gi ltar na sems dang ldan pa ma yin pa ming yod pa de dag gi ltar na ni 'du byed kyi phung pos bsdus te//ming ni 'du byed kyi phung pos bsdus pa'i phyir ro/ /chos mngon pa pa rnams kyi ltar na ni sangs rgyas kyi gsung gnyi ga'i rang bzhin yin par 'dod de/ 'di ltar ye shes la 'jug pa las sangs rgyas kyi gsung gang zhe na/gang de bzhin gshegs pa'i bka' dang gsung dang brjod pa dang dbyangs dang nges pa'i gsung gi lam dang gsung dbyangs dang gsung gi phrin las dang gsung gi rnam par rig byed yin no/ /sangs rgyas kyi gsung dge ba yin par brjod par bya ba'am/ lung du ma bstan pa yin par brjod par bya zhe na/dge ba yang yin la lung du ma bstan pa yin no/ /dge ba gang zhe na/ de bzhin gshegs pa dge ba'i thugs dang ldan zhing gsung bka' stsol ba'i gsung gsung gi rnam par rig byed do/ /lung du ma bstan pa gang zhe na/ de bzhin gshegs pa lung du ma bstan pa'i thugs dang ldan zhing zhes bya ba 'byung ba ste snga ma bzhin no//yang de nyid las mjug thogs su sangs rgyas kyi gsung zhes bya ba 'di chos gang zhig ce na/ gang ming gi tshogs dang tshig gi tshogs dang yi ge'i tshogs rnams go rims su bkod pa dang / go rims su bzhag pa dang go rims su yang dag par sbyar ba'o zhes 'byung ste/chos mngon pa pa de dag gi ltar na chos kyi phung po brgyad khri po de dag gzugs kyi phung po dang 'du byed kyi phung pos bsdus pa yin no/ /mdo las ni bdag gis bcom 'das las mngon sum du chos kyi phung po brgyad khri lhan cig bzung ngo zhes kyang 'byung ngo //sde pa gzhan gyis mdo las kyang / /chos kyi phung po brgyad khri bzhi stong zhes 'byung ngo / /kha cig bstan bcos tshad ces zer/ /zhes bya ba ni bstan bcos kyi tshad ni bstan bcos tshad de re zhig kha cig na re 'di la tshad bstan bcos kyi tshad yod pas na chos kyi phung po 'di ni bstan bcos kyi tshad tsam mo zhes zer ro//de ni sho lo ka drug stong ngo / /zhes bya ba ni bstan bcos kyi phung po zhes pa de'i gzhung gi tshad ni sho lo ka drug stong yod de/ chos kyi phung po brgyad khri po de dag ni nub ste 'di gcig pu lus so zhes zer ro//phung po la sogs gtam re yin/ /zhes bya ba ni gzhan dag ni zer ro zhes bya bar tshig khong nas drang ste phung po la sogs pa'i gtam re re ni chos kyi phung po yin la de dag kyang chos kyi phung po brgyad khri'i grangs yin par rnam par 'chad par byed do/ / rten cing 'brel bar 'byung ba la sogs pa ni 'di las 'chad par 'gyur ro/ /smon nas shes pa dang nyon mongs pa med pa la sogs pa zhes bya ba'i stsogs pa zhes bya ba smos pas ni bsdu ba'i dngos po dang las kyi lam dang mi sdug pa dang dbugs 'byung ba dang rngub pa dran pa la sogs pa bzung ngo //spyod pa rnams kyi gnyen por ni/ /chos kyi phung po mthun par gsungs/ /zhes bya ba la ni zhes bya ba'i sgra ni sngar bshad pa'i phyogs bsal ba'i phyir ram nges par bzung ba'i don yin no/ /'dod chags dang zhe sdang dang gti mug dang nga rgyal la sogs pa spyod pa tha dad pas zhes bya ba la sogs pa zhes bya ba'i sgras ni lta ba dang the tshom la sogs pa bsdus te/sems can kha cig ni 'dod chags spyod pa yin la kha cig ni zhe sdang spyod pa yin/ kha cig ni gti mug spyod pa yin kha cig ni nga rgyal spyod pa yin kha cig la ni lta ba spyod pa yin kha cig ni the tshom spyod pa yin/kha cig ni 'dod chags dang zhe sdang spyod pa yin kha cig ni 'dod chags dang zhe sdang dang gti mug spyod pa yin/ kha cig ni 'dod chags kyi bsam pa can yin la zhe sdang sbyor ba yin/ kha cig ni zhe sdang gi bsam pa can yin la 'dod chags sbyor ba yin/ kha cig ni zhe sdang spangs la 'dod chags pa ltar 'chos pa yin/ kha cig ni 'dod chags spangs la zhe sdang ba ltar 'chos pa yin te/ de dag gi gnyen por bcom ldan 'das kyis de dag gsungs pa yin no/ /phung po dang skye mched dang khams gzhan gang dag ces bya ba rgyas par 'byung ba ni phung po dang skye mched dang khams gang dag yin pa de dag kyang bstan bcos 'di las ji skad du rnam par gzhag pa bzhin de dag rang rang gi ngo bo nyid dpyad nas phung po dang skye mched dang khams 'di dag nyid du bsdu bar bya zhing nang du chud par bya ste phung po dag ni phung po rnams kyi nang du bsdu bar bya ba la skye mched dag kyang skye mched rnams kyi nang du bsdu'o//khams dag kyang khams rnams kyi nang du bsdu'o/ /tshul khrims kyi phung po ni gzugs kyi phung pos bsdus so zhes bya ba ni tshul khrims kyi phung po ni lus dang ngag gis spong ba'i gzugs kyi ngo bo nyid yin pa'i phyir ro//lhag ma ni 'du byed kyi phung pos bsdus so zhes bya ba ni ting nge 'dzin la sogs pa ni sems las byung ba yin pa'i phyir ro/ /'dir rnam par grol ba ni mos pa yin par bsams pa yin no/ /rnam par grol ba'i ye shes mthong ba ni shes rab kyi bye brag kho na yin no//brgyad ni ma chags pa'i rang bzhin yin pa'i phyir chos kyi skye mched kyis bsdus so zhes bya ba brgyad gang zhe na/ zad par sa dang / chu dang / me dang / rlung dang / sngon po dang / ser po dang / dmar po dang / dkar po'i skye mched dag yin no/ /de dag yin no brgyad ma chags//zhes ston par 'gyur bas ma chags pa'i rang bzhin yin la ma chags pa yang chos kyi skye mched kyi nang du 'dus pas de ni des bsdus pa yin no/ /'khor rnams dang bcas na ni phung po lnga'i rang bzhin yin pa'i phyir yid dang chos kyi skye mched dag gis bsdus te tshogs pa 'di la ma chags pa de'i 'khor rjes su 'brang ba'i gzugs ni gzugs kyi phung po yin no//tshor ba dang 'du shes ni tshor ba dang 'du shes kyi phung po yin no/ /sems pa la sogs pa mtshungs par ldan pa dag dang skye ba la sogs pa ldan pa ma yin pa rnams ni 'du byed kyi phung po yin no//rnam par shes pa ni rnam par shes pa'i phung po yin te/ /de ltar na de dag ni phung po lnga'i rang bzhin yin no/ /dgu pa dang bcu pa zad par nam mkha' mtha' yas skye mched dang rnam shes mtha' yas skye mched dag ni 'og nas 'chad par 'gyur ro//zil gyis gnon pa'i skye mched rnams kyang de dang 'dra'o zhes bya ba ni de dag kyang ma chags pa'i rang bzhin yin pa'i phyir chos kyi skye mched kyis bsdus so/ /'khor rnams dang bcas na ni phung po lnga'i rang bzhin yin pa'i phyir yid dang chos kyi skye mched kyis bsdus so zhes snga ma bzhin du rnam par bshad par bya'o//zad par nam mkha' dang rnam shes mtha' yas skye mched dag dang nam mkha' mtha' yas skye mched la sogs pa bzhi po ste/ nam mkha' dang rnam shes dang ci yang med pa dang 'du shes med 'du shes med min skye mched dag ni phung po bzhi'i rang bzhin yin pa'i phyir yid dang chos kyi skye mched dag gis bsdus te/de na gzugs kyi phung po dag ni med do/ /rnam par grol ba'i skye mched lnga po dag ces bya ba rgyas par 'byung ba ni mdo las lnga po 'di dag ni rnam par grol ba'i skye mched yin te/lnga gang zhe na/ 'di las dge slong la ston pa'am tshangs pa mtshungs par spyod pa mkhas pa bla ma lta bu gang yang rung ba zhig chos ston par byed na ni de la ston pa'am tshangs pa mtshungs par spyod pa mkhas pa bla ma lta bu gang yang rung ba zhig /ji lta ji ltar chos ston par byed pa de lta de ltar chos de dag la don so so yang dag par rig par yang 'gyur zhing chos so so yang dag par rig par yang 'gyur ro//don so so yang dag par rig cing chos so so yang dag par rig pa de la rab tu dga' ba skye'o/ /rab tu dga' ba la dga' ba skye'o//yid dga' bar gyur na lus shin tu sbyangs par 'gyur ro/ /lus shin tu sbyangs na bde ba nyams su myong bar 'gyur ro/ /bde bar gyur na sems mnyam par 'jog par 'gyur ro/ /sems mnyam par bzhag na yang dag pa ji lta ba bzhin rab tu shes shing yang dag pa ji lta ba bzhin mthong bar 'gyur ro//yang dag pa ji lta ba bzhin rab tu shes shing yang dag pa ji lta ba bzhin rab tu mthong na yid 'byung bar 'gyur ro/ /yid 'byung bar gyur na 'dod chags dang bral bar 'gyur ro/ /'dod chags dang bral na rnam par grol bar 'gyur ro/ / 'di ni rnam par grol ba'i skye mched dang po yin no/ /gang la gnas na dge slong ngam dge slong ma dran pa nye bar mi gnas pa yang / nye bar gnas par 'gyur sems mnyam par ma bzhag pa yang mnyam par 'jog par 'gyur zag pa yongs su ma zad pa dag kyang yongs su zad par 'gyur/mya ngan las 'das pa grub pa dang bde ba bla na med pa ma thob pa yang thob par 'gyur ba yin no/ /gzhan yang 'di la dge slong la ston pa'am tshangs pa mtshungs par spyod pa mkhas pa bla ma lta bu gang yang rung ba zhig chos ston par yang mi byed mod kyi 'on kyang ji lta ji ltar ji ltar thos pa dang ji ltar bstan pa dang ji ltar kun chub par byas pa'i chos rnams dbyangs kyis rgyas par kha ton byed pa de lta de ltar chos de dag la don so so yang dag par rig par yang 'gyur zhing zhes bya ba snga ma bzhin no//'di ni rnam par grol ba'i skye mched gnyis pa yin te gang la gnas na zhes bya ba snga ma bzhin no//gzhan yang 'di la dge slong la ston pa'am tshangs pa mtshungs par spyod pa mkhas pa bla ma lta bu gang yang rung ba zhig chos ston par mi byed la ji ltar thos pa dang ji ltar bstan pa dang ji ltar kun chub par byas pa'i chos rnams dbyangs kyis rgyas par kha ton yang mi byed mod kyi/'on kyang ji ltar thos pa dang ji ltar bstan pa dang ji ltar kun chub par byas pa'i chos rnams gzhan dag la rgyas par rab tu ston par byed de/ ji lta ji ltar/ ji ltar thos pa dang ji ltar bstan pa dang ji ltar kun chub par byas pa'i chos rnams gzhan dag la rgyas par rab tu ston par byed pa de lta de ltar chos de dag la don so so yang dag par rig par yang 'gyur zhing zhes bya ba snga ma bzhin no//'di ni rnam par grol ba'i skye mched gsum pa yin te/ gang la gnas na zhes bya ba snga ma bzhin no/ /gzhan yang 'di la dge slong la ston pa'am zhes bya ba snga ma bzhin no//kha ton yang mi byed gzhan dag la rgyas par rab tu ston par yang mi byed sems par yang byed mod kyi/ 'on kyang ji ltar thos pa nas ji ltar kun chub par byas pa'i bar rnams sems par byed/ 'jal bar byed/ nye bar rtogs par byed de/ji lta ji ltar/ ji ltar thos pa nas ji ltar kun chub par byas pa'i bar rnams sems par byed/ 'jal bar byed/ nye bar rtogs par byed pa de lta de ltar chos de dag la don so so yang dag par rig par yang 'gyur zhing zhes bya ba snga ma bzhin no//'di ni rnam par grol ba'i skye mched bzhi pa yin te/ gang la gnas na zhes bya ba snga ma bzhin no/ /gzhan yang 'di la dge slong la ston pa'am zhes bya ba snga ma bzhin no/ /kha don yang mi byed gzhan dag la rgyas par rab tu ston par yang mi byed sems par yang mi byed mod kyi 'on kyang 'dis ting nge 'dzin gyi rgyu mtshan bzang po gang yang rung ba/'di lta ste/ rnam par bsngos pa'am rnam par rnags pa'am rnam par bams pa'am rnam par 'bus gzhig pa'am rnam par dmar ba'am rnam par zos pa'am rnam par 'thor ba'am rus gong ngam keng rus shig shin tu rab tu legs par bzung ba yin legs par yid la byas pa yin legs par bsgoms pa yin legs par bsten pa yin legs par khong du chud par byas pa yin te/'dir ji lta ji ltar ting nge 'dzin gyi rgyu mtshan bzang po gang yang rung ba zhes bya ba nas legs par khong du chud par byas pa yin zhes bya ba'i bar snga ma bzhin te/de lta de ltar chos de dag la don so so yang dag par rig par yang 'gyur zhing zhes bya ba snga ma bzhin no/ /'di ni rnam par grol ba'i skye mched lnga pa yin te/ gang la gnas na zhes gsungs te snga ma bzhin no/ /rnam par grol ba skye ba'i sgo ni shes rab kyi bye brag yin la/shes rab kyang chos kyi skye mched kyis bsdus pa yin no/ /'khor rnams dang bcas na ni sgra dang yid dang chos kyi skye mched rnams kyis bsdus pa ni ston pa dang kha ton byed pa dang gzhan la yang dag par rab tu ston pa dag la sgra thos pa'i phyir sgra'i skye mched yod la yid dang chos kyi skye mched dag ni shes rab kyi 'khor du gyur pa yin te/thams cad na yod pas de gsum gyis bsdus pa yin no/ /skye mched gnyis las zhes bya ba ni mdo las sems can gzugs can la 'du shes med cing so sor 'du shes med pa dag kyang yod de/'di lta ste/ 'du shes med pa'i sems can rnams lta bu ste 'di ni skye mched dang po yin no/ /sems can gzugs med pa la ci yang med pa'i skye mched las yang dag par 'das te 'du shes med 'du shes med min gyi skye mched rdzogs par byas te gnas pa dag kyang yod de/'di lta ste/ 'du shes med 'du shes med min skye mched du nye bar 'gro ba rnams lta bu ste 'di ni skye mched gnyis pa'o zhes gsungs pa yin te skye mched 'di gnyis las 'du shes med pa'i sems can ni skye mched bcus bsdus te/ de na dri dang ro'i skye mched dag kho na med pa'i phyir ro/ /yid kyi skye mched ni de dag la 'chi 'pho dang skye ba'i dus dag na yod do/ /'du shes med 'du shes med min skye mched du nye bar 'gro ba ni yid dang chos kyi skye mched dag gis te bsdus so zhes bya bar skabs dang sbyar ro/ /de dag la gzugs med pa'i phyir ro//khams mang po pa las khams drug cu rtsa gnyis bstan pa zhes bya ba ni mdo las/ bcom ldan 'das la tshe dang ldan pa kun dga' bos 'di skad ces gsol to/ /btsun pa ji tsam gyi mkhas pa khams la mkhas pa lags/ bcom ldan 'das kyis bka' stsal pa/ kun dga' bo mkhas pa ni khams bco brgyad yang dag pa ji lta ba bzhin shes shing mthong ba yin te/ kun dga' bo mig gi khams dang gzugs kyi khams dang mig gi rnam par shes pa'i khams zhes bya ba nas de bzhin du yid kyi khams dang chos kyi khams dang yid kyi rnam par shes pa'i khams zhes bya ba'i bar khams bco brgyad po 'di dag yang dag pa ji lta ba bzhin du shes shing mthong na zhes bya ba dang khams drug kyang yang dag pa ji lta ba bzhin shes shing mthong ba yin te/sa'i khams dang /chu'i khams dang / me'i khams dang / rlung gi khams dang / nam mkha'i khams dang rnam par shes pa'i khams zhes bya ba dang / khams gzhan drug kyang yang dag pa ji lta ba bzhin du shes shing mthong ba yin te/ 'dod pa'i khams dang / gnod sems kyi khams dang /rnam par 'tshe ba'i khams dang / nges par 'byung ba'i khams dang / gnod sems med pa'i khams dang / rnam par mi 'tshe ba'i khams zhes bya ba dang / khams gzhan drug kyang yang dag pa ji lta ba bzhin shes shing mthong ba yin te/ bde ba'i khams dang /sdug bsngal gyi khams dang / yid bde ba'i khams dang / yid mi bde ba'i khams dang / btang snyoms kyi khams dang / ma rig pa'i khams zhes bya ba dang / khams bzhi yang yang dag pa ji lta ba bzhin shes shing mthong ba yin te/ tshor ba'i khams dang /'du shes kyi khams dang / 'du byed kyi khams dang / rnam par shes pa'i khams zhes bya ba dang / khams gsum yang yang dag pa ji lta ba bzhin shes shing mthong ba yin te/ 'dod pa'i khams dang / gzugs kyi khams dang / gzugs med pa'i khams zhes bya ba dang /khams gzhan gsum yang yang dag pa ji lta ba bzhin shes shing mthong ba yin te/ gzugs kyi khams dang / gzugs med pa'i khams dang / 'gog pa'i khams zhes bya ba dang / khams gzhan gsum yang yang dag pa ji lta ba bzhin shes shing mthong ba yin te/'das pa'i khams dang / ma 'ongs pa'i khams dang / da ltar byung ba'i khams zhes bya ba dang / khams gzhan gsum yang yang dag pa ji lta ba bzhin shes shing mthong ba yin te/ ngan pa'i khams dang / bar ma'i khams dang /gya nom pa'i khams zhes bya ba dang / khams gzhan gsum yang yang dag pa ji lta ba bzhin shes shing mthong ba yin te/ dge ba'i khams dang / mi dge ba'i khams dang / lung du ma bstan pa'i khams zhes bya ba dang / khams gzhan gsum yang yang dag pa ji lta ba bzhin shes shing mthong ba yin te/slob pa'i khams dang / mi slob pa'i khams dang / slob pa yang ma yin mi slob pa yang ma yin pa'i khams zhes bya ba dang / khams gnyis kyang yang dag pa ji lta ba bzhin shes shing mthong ba yin te/ zag pa dang bcas pa'i khams dang /zag pa med pa'i khams zhes bya ba dang / khams gzhan gnyis kyang yang dag pa ji lta ba bzhin shes shing mthong ba yin te/ 'dus byas kyi khams dang / 'dus ma byas kyi khams zhes bya ba'i khams 'di gnyis yang dag pa ji lta ba bzhin shes shing mthong na kun dga' bo 'di tsam gyis na mkhas pa khams la mkham pa zhes gsungs pa yin no//sbyar ba'i tshig 'di dag ni re re la bar du brjod par bya ste/ bdag gis ni mangs su dogs pas ma bris so zhes bya bar rtogs par bya'o/ /ci rigs par bsdu bar rig par bya'o zhes bya ba ni re zhig khams bco brgyad ni de dag nyid yin pas de dag ni 'di dag gis bsdus pa yin no//de bzhin du gang la sa'i khams la sogs pa drug 'byung ba de dag las kyang dang po'i gzhi ni reg bya'i khams kyis bsdus so/ /nam mkha'i khams ni snang ba dang mun pa'i ngo bo nyid yin pa'i phyir gzugs kyi khams su 'dus so//rnam par shes pa'i khams ni sems kyi khams bdun du 'dus so/ /'dod pa'i khams la sogs pa drug las 'dod pa'i khams ni 'dir 'dod pa'i 'dod chags yin par bzhed de/ de yang sems las byung ba yin la gnod sems kyi khams la sogs pa yang sems las byung ba kho na yin pas de dag ni chos kyi khams kyis bsdus so//bde ba'i khams la sogs pa drug kyang de nyid du 'dus so/ /tshor ba'i khams la sogs pa bzhi las gsum ni chos kyi khams su 'dus so//rnam par shes pa'i khams ni rnam par shes pa'i khams bdun du 'dus so/ /'dod pa'i khams la sogs pa gsum las 'dod pa'i khams ni khams bco brgyad du 'dus so/ /gzugs kyi khams ni dri dang ro dang sna dang lce'i rnam par shes pa dag ma gtogs pa khams bcu bzhir 'dus so//gzugs med pa'i khams ni yid dang chos dang yid kyi rnam par shes pa'i khams dag tu 'dus so/ /gzugs kyi khams la sogs pa gsum las gnyis kyi bsdu ba ni bshad zin to/ /'gog pa'i khams ni chos kyi khams su 'dus so//'das pa'i khams la sogs pa gsum ni so sor khams bco brgyad du 'dus so/ /ngan pa la sogs pa'i khams gsum ni 'dod pa'i khams la sogs pa kho na yin pas 'di dag gi bsdu ba ni bshad zin to/ /dge ba'i khams la sogs pa gsum las dge ba dang mi dge ba'i khams dag ni gzugs dang sgra dang chos kyi khams dag dang sems kyi khams bdun du 'dus so//lung du ma bstan pa'i khams ni khams bco brgyad du 'dus so/ /slob pa dang mi slob pa'i khams la sogs pa gsum las dang po gnyis ni yid dang chos dang yid kyi rnam par shes pa'i khams dag tu 'dus so//gsum pa ni khams bco brgyad du 'dus so/ /zag pa dang bcas pa zag pa med pa'i khams las dang po ni khams bco brgyad du 'dus so/ /gnyis pa ni yid dang chos dang yid kyi rnam par shes pa'i khams dag tu 'dus so//'dus byas dang 'dus ma byas kyi khams las dang po ni khams bco brgyad du 'dus so/ /gnyis pa ni chos kyi khams su 'dus te de dag ni khams drug cu rtsa gnyis yin no/ /der gang dag ces bya ba ni khams mang po'i bar ro/ / de dag las gnyis kyi mtshan nyid ma bshad na zhes bya ba ni sa'i khams la sogs pa dang / 'di dag gi ni mtshan nyid ni/ /'dzin pa la sogs las su grub/ /sra gsher dro nyid g.yo ba rnams/ /zhes bya ba bshad zin to/ /nam mkha'i khams kyi mtshan nyid kyang / /de la nam mkha' mi sgrib pa//zhes bshad zin la/ rnam par shes pa'i khams kyi mtshan nyid kyang / /rnam shes so sor rnam rig pa/ /zhes smos pa'i phyir bshad zin ma yin nam zhe na/ rnam par shes pa thams cad kyi mtshan nyid ni bshad pa bden na/ rnam par shes pa'i khams go ci 'dir rnam par shes pa cung zad cig kho na yin no zhes bya bar bsam pa yin nam 'on te thams cad yin zhes bya bar rnam par ma phye la/nam mkha' la yang 'dus ma byas kyi mtshan nyid can bshad kyi nam mkha'i khams ni ma yin no/ /'di ni gdon mi za bar nam mkha' las gzhan yin te/mdo las dge slong skyes bu 'di ni khams drug pa yin no zhes 'byung ba'i phyir ro snyam pa'i blo 'dis/ gnyis kyi mtshan nyid ma bshad na zhes bya ba smos so/ /de nyid kyi phyir de ci nam mkha' nyid nam mkha'i khams yin la rnam par shes pa thams cad kyang rnam par shes pa'i khams yin par rig par bya'am zhes bya ba smos so//kha dang sna la sogs pa zhes bya ba'i sogs pa zhes bya ba'i sgras ni rna ba la sogs pa bsdu'o/ /snang dang mun pa dag yin lo/ /zhes bya ba la lo zhes bya ba'i sgras ni pha rol pa'i gzhung lugs rjod par byed pa yin te rang gi gzhung lugs ni nam mkha' thogs pa dang bcas pa'i rdzas med pa tsam yin no zhes bya bar bsam pa yin par mngon no//mtshan mo dang nyin mo'i rang bzhin zhes bya ba ni mtshan mo yod pa'i mun pa dang nyin mo'i 'od kyi mtshan nyid kyi snang ba yin par 'dod pa'i phyir te/bstan pa 'di ni phal che ba'i dbang du byas pa yin no/ /thogs pa zhes bya ba ni shin tu gnod par byar rung ba'i phyir brtsegs par gnas pa'i gzugs te/ de ni de'i nye 'khor ro/ /lo zhes bya ba ni brtsegs pa la gnas pa ni brtsegs par gnas pa ste shin tu gnod par byed pa'am gnod par bya ba yin pas na brtsegs pa yin no//de ni de'i nye 'khor ro/ /zhes bya ba ni brtsegs pa rtsig pa la sogs pa de'i nye 'khor yin zhing nye bar gnas pa yin te/ de la ltos nas rnam par gzhag ces bya ba'i tha tshig go/ /rnam par bshad pa 'di la yang lo zhes bya ba'i sgra ni bye brag tu smra ba'i rnam par bshad pa yin par rab tu bstan pa'i phyir ro//rang gi gzhung lugs ni gang 'og nas 'byung ba yin te/ des smras pa/ 'di la gzugs gzhan thogs pa med pas de la gzugs gzhan mi thogs pa'i phyir de ni thogs med kyang yin la/brtsegs par gnas pa'i gzugs gzhan gyi nye 'khor yang yin te/ phyogs 'di la ni de ni thogs med kyang yin la de ni nye 'khor yang yin pas thogs med nye 'khor yin no zhes bya bar tshig bsdu'o/ /zag dang bcas pa'i rnam shes ni/ / zhes bya ba ni skye ba'i rgyu'i rnam par shes pa yin par 'dod pa'i phyir ro/ /gal te ci'i phyir snyam na/ de'i phyir smras pa/ 'di ltar khams drug po 'di dag ni/ skye ba'i rten yin par 'dod de/ dge slong skyes bu 'di ni khams drug pa yin no zhes bya ba dang /khams drug la brten nas ma'i mngal du bu 'jug go zhes 'byung ba'i phyir ro/ /de dag ni nying mtshams sbyor ba'i sems nas 'chi ba'i sems kyi bar du skye ba'i zhes bya ba rgyas par 'byung ba ni de dag ni skye ba skyed par byed pa dang / gso bar byed pa dang / 'phel bar byed pa yin pa'i phyir gzhir gyur pa ste/'di la skyed par byed pa ni rnam par shes pa'i khams yin te/ nying mtshams sbyor ba'i sa bon yin no/ /gso bar byed pa ni 'byung ba dag yin te/ de'i rten du gyur pa'i phyir ro/ /'phel bar byed pa ni nam mkha'i khams yin te/go 'byed pa'i phyir ro/ /de nyid kyi phyir 'di dag la khams nyid yin par brjod de/ nying mtshams sbyor ba 'dzin pas na khams dag yin no/ /zag pa med pa'i chos rnams ni de lta ma yin no zhes bya ba ni skye ba dang 'gal ba'i phyir skye ba'i rten ma yin no/ / bstan yod 'dir ni gzugs gcig pu/ /zhes bya ba 'di ci zhig yin zhe na/ khyad par gang zhig dang ldan na dngos po de de ltar bstan par nus pa'i khyad par de ni bstan pa zhes bya'o/ /yang na tshig gis gzhan gyi mig gi rnam par shes pa bskyed pa ni bstan pa yin la/ de dang lhan cig 'jug pa ni bstan yod de gzugs kyi khams gcig pu yin no/ /'dir khams bco brgyad dag las gzugs kyi khams gcig kho nas bstan du yod pa'o zhes dmigs kyis bstsal ba'i phyir ro/ /lhag ma rnams ni bstan du med pa'o zhes bshad par 'gyur ro//bstan du yod pa nyid 'dis kyang gtso bo yin par bshad pa yin par zlos pa'i nyes par thal ba ma yin te/ de ni grub pa'i phyir ro/ /bstan du yod pa nyid la sogs pa'i bye brag 'di dag kyang phal cher mdo las gsungs pa kho na yin pas rab tu bstan te/ 'di ltar mdo las/ dge slong mig ni nang gi skye mched yin te/ 'byung ba chen po bzhi dag rgyur byas pa gzugs dang ba/ gzugs can bstan du med pa thogs pa dang bcas pa'o zhes bya ba nas/ dge slong lus ni nang gi skye mched yin te zhes bya ba'i bar snga ma bzhin no/ /dge slong yid ni nang gi skye mched yin te/gzugs can ma yin pa bstan du med pa thogs pa med pa'o/ /dge slong gzugs dag ni phyi'i skye mched yin te/ 'byung ba chen po bzhi dag rgyur byas pa gzugs can bstan du yod pa thogs pa dang bcas pa'o/ /dge slong sgra dag ni phyi'i skye mched yin te/'byung ba chen po 'di dag rgyur byas pa gzugs can bstan du med cing thogs pa dang bcas pa'o zhes bya ba nas/ dge slong reg bya dag ni phyi'i skye mched yin te/ 'byung ba chen po bzhi dag dang / 'byung ba chen po bzhi dag rgyur byas pa gzugs can bstan du med pa thogs pa med pa dang bcas pa'o//dge slong skye mched rnams ni phyi'i skye mched yin te/ skye mched bcu gcig gis ma bsdus pa bstan du med pa thogs pa med pa'o zhes bya ba'i bar du gsungs te/ de dag kyang mdzod kyi gnas dang po yongs su rdzogs kyi bar du khams rnams kyi rab tu dbye ba kho nar ston te/gzugs dang rnam par shes pa'i khyad par yin pa'i phyir ro/ /thogs dang bcas pa gzugs can bcu/ /zhes bya ba la gzugs can smos pa ni gzugs can ma yin pa bsal ba'i phyir ro/ /gzugs ni gzugs su rung ba ste de 'di dag la yod pas gzugs can rnams so//bcu zhes bya ba ni mig gi khams la sogs pa lnga dang / de dag gi yul gyi khams lnga kho na yin no/ /chos kyi khams ji ltar brtsal bar byas pa yin/ de la rnam par rig byed ma yin pa'i gzugs yod pa'i phyir de yang gzugs can no zhes brjod par nus so zhe na/gzugs can zhes nges par gzung ba'i phyir de brtsal ba byas pa yin te/ khams gang dag gzugs can gyi ngo bo nyid yin pa de dag kho na gzung bar bya ba yin na/ chos kyi khams ni gzugs can dang gzugs can ma yin pa'i ngo bo nyid kyang yin no//rang gi yul du gzhan skye ba'i gegs byed pa ste zhes bya ba rgyas par 'byung ba ni gang na thogs pa dang bcas pa'i dngos po gcig yod pa der gzugs can gnyis pa skye bar mi 'gyur te/ dper na lag pa'am rdo ba la lag pa rdugs shing thogs pa ste/ lag pa'i gnas sam rdo ba'i gnas su lag pa mi 'byung ba'am rdo ba yang de gnyis la ste rdo ba lag pa dang rdo ba dag gi gnas su mi 'byung ba lta bu yin no/ /chu la thogs la zhes bya ba ni rang gi yul chu la 'jug pa zhes bya ba'i tha tshig go//mi phal che'i lta bu'o zhes bya ba phal che ba smos pa ni nya ba la sogs pa bsal ba'i phyir ro/ /gnyi gar ma yin pa yang yod de zhes bya ba ni nges par mngal du 'chi ba rnams kyi lta bu'o/ /rnam pa de dag ces bya ba ni rnam pa de rnams zhes bya ba'i tha tshig go//pha bang ni kha rkub dag yin no/ /byi la la sogs pa zhes bya ba'i sogs pa smos pas ni chom rkun pa'i mi la sogs pa dang / stag la sogs pa bsdu'o/ /gang zhig gang la byed pa de ni de'i yul yin la zhes bya ba ni byed pa ni rtsal yin te mig dang rna ba la sogs pa gzugs dang sgra la sogs pa la lta ba dang nyan pa la sogs pa ni byed pa yin no//de yang rang gi sems dang sems las byung ba dag la rten gyi ngo bo'i nus pa'i khyad par gyi mtshan nyid yin par rig par bya'o/ /gzugs la sogs pa gang zhig sems dang sems las byung ba rnams kyis khar ba la brten pa'i tshul du 'dzin pa de ni dmigs pa yin no//de ltar na dmigs pa ni sems dang sems las byung ba'i kho na'i yin la yul ni sems dang sems las byung ba 'ba' zhig gis ma yin gyi mig la sogs pa yang yin no/ /de las gzhan du mi 'jug pa'i phyir ro zhes bya ba ni 'jig rten na gang zhig shing ngam rtsig pa gang las gzhan du mi 'jug pa de ni de la thogs pa yin no//de bzhin mig la sogs pa yang yul gzhan du byed pa mi byed kyi rang gi yul kho na la byed de/ /de lta bas na de la thogs pa yin no zhes bya'o//yang na 'di la gtod pa ni thogs pa yin te zhes bya ba rgyas par 'byung ba ni yul 'di la gtod par byed pa ni gtod pa'o/ /rang gi yul la 'jug pa gang yin pa'o zhes bya ba ni byed ces bya ba'i tha tshig go/ /de lta bas na bcu po dag ni sgrib pa la thogs pas zhes bya ba rgyas par 'byung ba ni/thogs dang bcas pa gzugs can bcu/ /zhes bya ba 'dir khams bcu po dag ni sgrib pa la thogs pas thogs pa dang bcas par 'dod pa yin no/ /de la sems dang sems las byung ba dag kyang yul dang dmigs pa la thogs pa dag gi thogs pa dang bcas pa nyid yin pas dri ma mu bzhi ste mu bzhi ni rnam pa bzhi zhes bya ba'i tha tshig go//tshig phyi ma dang sbyor ba ste zhes bya ba ni gal te dri ba'i cha phyi ma bzung nas lan 'debs par byed na de ni tshig phyi ma dang sbyor ba yin no/ /gal te cha snga ma bzung na lan 'debs par byed na de ni tshig snga ma dang sbyor ba yin no//de dag ni yul la thogs pas kyang yin no zhes bya ba ni sems dang sems las byung ba rnams te/ de dag ni yul la thogs pa dang dmigs pa la thogs pas thogs pa dang bcas pa yin no/ /dbang po lnga ni dmigs pa la thogs pas thogs pa dang bcas pa ma yin te/dmigs pa med pa'i phyir ro/ /gang la yid skye bar 'dod pa la zhes bya ba rgyas par 'byung ba ni rten tam dmigs pa gang la yid skye bar 'dod pa la bar chad kyi sgrib pa gzhan dag gis thogs shing mi skye bar byed nus pa de kho na thogs pa dang bcas pa yin te/bar chad kyi sgrib pa'i mtshan nyid kyi thogs pas thogs pa dang bcas pa yin pa'i phyir ro/ /gzhan dag na re rang gi yul du gzhan skye ba'i gegs byed pa'i mtshan nyid thogs pas thogs pa dang bcas pa'i phyir ro zhes zer ro/ /de dag kyang gang zhe na/dbang po lnga dang yul lnga'i khams kyi ngo bo nyid yin no/ /bzlog pa ni thogs pa med par 'dod do zhes bya ba ni gang yid skye bar 'dod pa la gzhan dag gis thogs par bya mi nus pa ste/ dper na yid kyi khams dang chos kyi khams la yid kyi rnam par shes pa skye ba la gzhan dag gis bar chad kyi sgrib pa bya bar mi nus pa lta bu yin no//de'i phyir sems kyi khams bdun dang chos kyi khams ni thogs pa med pa'i ngo bo nyid yin no zhes bya bar grub po/ /lung ma bstan brgyad ces bya ba ni brgyad kyi lung du ma bstan pa kho na'o zhes nges par bzung ba yin te/dge ba dang mi dge ba'i ngo bor lung du ma bstan pa'i phyir na lung du ma bstan pa dag yin no/ /gang dag dge ba dang mi dge ba ma gtogs pa de dag kho na la lung du ma bstan pa yin no zhes bya bar 'dod kyi/ dge ba dang mi dge ba rnams ni dge ba dang mi dge ba'i ngo bor lung du bstan pa'i phyir dge ba yang mi dge ba dang lung du ma bstan pa nyid du lung du ma bstan pa ma yin la mi dge ba yang dge ba dang lung du ma bstan pa nyid du lung du ma bstan pa'i phyir ma yin te/sgra 'jug pa ni brdar btags pa la 'jug pa yin no//gzhan rnam gsum zhes bya ba ni khams zhes bya bar skabs dang sbyar te/ gzhan dag ni rnam pa gsum kho na yin gyi rnam pa gcig kyang ma yin la/ rnam pa gnyis kyang ma yin no zhes nges par bzung ba yin no/ /ma chags pa la sogs pa dang mtshungs par ldan pa dag ni dge ba yin no zhes bya ba rgyas par 'byung ba ni sems kyi khams bdun ma chags pa dang /zhe sdang med pa dang / gti mug med pa dang / ngo tsha shes pa dang / khrel yod pa dang / mtshungs par ldan pa dag ni dge ba yin no/ / chags pa dang / zhe sdang dang / gti mug dang / ngo tsha med pa dang / khrel med pa dang / mtshungs par ldan pa dag mi dge ba yin no/ /smad pa las 'das shing ngan song las rgal bas na dge ba'o/ /rnam pa gcig tu na shes rab ni rtswa ku sha dang 'dra bar rno bas ku sha zhes bya ste/de len cing kun tu len pas na dge ba'o/ /gzhan ma chags pa la sogs pa dang chags pa la sogs pa dang mtshungs par mi ldan pa dag ni lung du ma bstan pa yin no/ /chos kyi khams ni zhes bya ba rgyas par 'byung ba ni ma chags pa la sogs pa'i ngo bo nyid ni gang 'di bshad zin pa yin no//ma chags pa la sogs pa dang mtshungs par ldan pa dag ni tshor ba la sogs pa yin no/ /ma chags pa la sogs pa kun nas bslang ba ni thob pa dang / skye ba la sogs pa ldan pa ma yin pa dang rnam par rig byed ma yin pa yin no//gzhan ni so sor brtags pas 'gog pa yin te chos kyi khams rnam pa bzhi ni dge ba yin no/ /chags pa la sogs pa'i ngo bo nyid dang mtshungs par ldan pa dang / kun nas bslang ba ni mi dge ba'o/ /gzhan ni lung du ma bstan pa yin no zhes bya ba ni gang zhig ma chags pa la sogs pa'i ngo bo nyid dang mtshungs par ldan pa dang kun nas bslang ba yang ma yin pa dang /nam mkha' dang so sor brtags pa ma yin pas 'gog pa dang ci rigs par de dag gis thob pa dang / skye ba la sogs pa yin te chos kyi khams 'di ni lung du ma bstan pa yin no//de las gzhan pa dag ni lung du ma bstan pa yin no zhes bya ba ni dge ba dang mi dge ba'i sems kyis kun nas bslang ba'i gzugs dang sgra'i khams de dag las gzhan pa lung du ma bstan pa'i sems kyis kun nas bslang ba'i gzugs dang sgra'i khams lus dang ngag gi rnam par rig byed kyis bsdus pa gang yin pa dag dang rnam par rig byed kyis ma bsdus pa dag ni lung du ma bstan pa yin no//'dod khams gtogs pa thams cad do/ /zhes bya ba ni khams bco brgyad tsam gyis bsdus pa yin pa'i phyir thams cad 'dod pa'i khams su gtogs pa kho na yin no zhes bya bar nges par bzung gi re res thams cad bsdus pa ni ma yin no//de'i phyir/ gzugs kyi khams na bcu bzhi'o/ /zhes bya ba smos so/ /de gnyis ni kham gyi zas yin pa'i phyir la zhes bya ba ni dri dang ro de gnyis te dri yang kham gyi zas phra mo yin no//de lta na ni 'o na reg bya'i khams kyang med par thal bar 'gyur te zhes bya ba ni kham gyi zas yin pa'i phyir gzugs kyi khams 'di na reg bya'i khams med par thal bar 'gyur te/ grub pa'i mtha' las/ kham gyi zas ni 'dod pa na/ /skye mched gsum gyi bdag nyid do//zhes 'byung ba'i phyir ro/ /dri dang ro dag kyang de ltar thal bar 'gyur ro zhes bya ba ni gang dag zas kyi rang bzhin ma yin pa de dag de na yod par 'gyur ro zhes bya ba'i tha tshig go/ /reg bya yod du bcug kyang zhes bya ba ci zhe na/ longs spyod pa ste/ dbang po'i rten gyi dngos po dang gzhi'i dngos po dang bgo ba'i dngos por ro/ /gzhan dag na re ni zhes bya ba ni btsun pa dpal len to/ /shin tu sbyangs pa dang lhan cig par gyur pa zhes bya ba ni shin tu sbyangs pa dang lhan cig skyes te/ lus las su rung ba dang lhan cig par gyur pa zhes bya ba'i tha tshig go//'dir slob dpon gyi btsun pa dpal lan gyi gzhung lugs khyad du bsad de/ bye brag tu smra ba'i gzhung lugs glags dang bcas par mthong nas rnam par gtan la dbab pa brtsam pa'i phyir/ de ltar na ni 'o na zhes bya ba rgyas par smos te/bye brag tu smra ba rnams kyis ni shugs kyis ni 'di skad du gzugs kyi khams na dri dang ro dag med de/ dgos pa med pa'i phyir pho'i dbang po bzhin no zhes bya bar dam bcas par 'gyur ro/ /phyogs der slob dpon sun 'byin par byed de/ phyogs 'di ni chos can gyi khyad par las bzlogs pas skyon chags pa'i mtshan nyid yin pa'i phyir skyon can yin no//gzugs kyi khams kyi dri dang ro/ /zhes bya ba rang 'dzin par byed pa yod pa can ni chos can yin par 'dod pa yin na/ de rang 'dzin par byed pa med pa can nyid du 'gyur te/dper na pho dang mo'i dbang po dgos pa med pa nyid kyis rang 'dzin par byed pa med pa can dag yin pa ltar dri dang ro zhes bya ba'i yul can yang de dang 'dra bar 'gyur ro/ /gang gis na chos can las bzlog pa 'di gsal bar 'gyur ba'i rjes su dpag pa yang gsal bar yod de/gzugs kyi khams na sna dang lce'i dbang po dag med de/ dgos pa med pa'i phyir pho dang mo'i dbang po bzhin no/ /bye brag tu smra ba'i phyogs pa 'ga' zhig gis lan gdab pa'i phyir dgos pa yod de zhes bya ba rgyas par smos te/ sna dang lce'i dbang po de dag med par ni rten mdzes pa nyid dang /ngag gi rnam par rig byed du yang mi 'gyur te mthong bas gnod pa 'dis ni thal bar 'gyur ba zlog par byed de/ 'dir rjes su dpag pa la mthong bas gnod par 'gyur ro/ /de yang gang yin zhe na/ gzugs kyi khams na sna dang lce'i dbang po dag yod de/dgos pa dang bcas pa'i phyir mig gi dbang po bzhin no/ /slob dpon gyis/ gal te dgos pa der zad na/ /zhes bya ba rgyas par smos te/ rten kho nas lus mdzes pa dang tshig smra bar 'gyur gyi dbang pos ni ma yin pas dgos pa dang bcas pa nyid kyi gtan tshigs ma grub pa nyid du ston par byed do//bye brag tu smra ba'i phyogs pa zhig gis dbang po med pa'i rten mi srid de zhes bya ba rgyas par smos te/ gzugs kyi khams na dbang po med pa'i sna dang lce'i dbang po'i rten mi srid de/ rten yin pa'i phyir pho'i dbang po'i rten bzhin no//'dis ni dgos pa dang bcas pa nyid du grub pa nyid du 'jog par byed do/ /slob dpon gyis de ni dgos pa med pa'i phyir mi srid par rigs kyi zhes bya ba rgyas par smos te/ pho'i dbang po'i rten de ni dgos pa med pa'i phyir mi srid par rigs kyi sna dang lce'i dbang po'i rten ni lus mdzes par bya ba dang mngon par brjod par dgos pa'i phyir dgos pa dang bcas pa yin te/de'i phyir 'di dag ni dbang po med par yang srid par rigs so/ /'dir sgrub pa yang brjod par bya ste/ gzugs kyi khams na dbang po med pa'i sna dang lce'i dbang po'i rten srid de/dgos pa dang bcas pa'i phyir mig gi dbang po'i rten bzhin no/ /'dis ni dgos pa dang bcas pa nyid ma grub pa de nyid rnam par 'jog par byed do/ /de ltar 'dir bye brag tu smra ba'i phyogs pa dgos pa dang bcas pa nyid du smra ba 'ga' zhig bkag pa dang /bye brag tu smra ba rnams kyis de lta na ni 'o na sna dang lce'i dbang po dag kyang med par thal bar 'gyur te/ dgos pa med pa'i phyir ro zhes bya ba ni sun 'byin pa ltar snang ba nyid du bstan pa'i phyir dgos pa med par yang zhes bya ba rgyas par smras te/ dper na mngal du nges par 'chi ba rnams kyi dbang po dgos pa med par mngon par 'grub pa lta bu ste/de dag gis ni gzugs mthong ba la sogs par mi 'gyur ro/ /de bzhin du gzugs kyi khams na dgos pa med kyang sna dang lce'i dbang po mngon par 'grub par 'gyur ro//'dis ni gzugs kyi khams na sna dang lce'i dbang po dag med de/ dgos pa med pa'i phyir pho'i dbang po bzhin no zhes bya ba'i dgos pa med pa nyid ma nges pa yin par rab tu ston to/ /slob dpon gyi dgos pa med pa ni yin mod kyi zhes bya ba rgyas par smos te/dgos pa med par dbang po grub pa ni yin mod kyi 'dus byas rnams ni rgyu dang bcas pa yin pa'i phyir rgyu med pa can ni ma yin no/ /gang yang yul las sred pa dang bral ba de ni gdon mi za bar dbang po las kyang sred pa dang bral ba yin te zhes bya ba 'dis ni rgyu med par rab tu ston par byed do//de'i phyir sgrub pa ni 'di skad du brjod par bya'o/ /gzugs kyi khams na sna dang lce'i dbang po dag med de/ rgyu med pa'i phyir rgyu med pa'i myu gu bzhin nam pho'i dbang po lta bu'o/ /yang na pho'i dbang po yang ci ste 'grub par mi 'gyur zhes bya ba ni slob dpon nyid rnam par rtog pa slong bar byed pa yin no//bsam pa gang yin zhe na/ gal te dgos pa med pa dang rgyu med par yang sna dang lce'i dbang po dag 'byung na ni pho'i dbang po yang ci ste 'grub par mi 'gyur snyam pa yin no/ /bye brag tu smra ba rnams kyi phyogs ni gzugs kyi khams kyi sems can gyi rgyud ni sna dang lce'i dbang po dang bcas pa yin te/gzugs can yin pa'i phyir 'dod pa na spyod pa'i sems can gyi rgyud bzhin no zhes bya ba 'di yin no/ /slob dpon ni pho'i dbang po yang ci ste grub par mi 'gyur zhes zer te 'dis ni phyogs te chos can gyi khyad par las bzlog pa yin par ston par byed de/gzugs kyi khams kyi sems can gyi rgyud pho'i dbang po med pa can ni chos can yin la/ de las bzlog pa ni pho'i dbang po yod pa can nyid yin no/ /bye brag tu smra ba rnams kyis lan gdab pa'i phyir mi mdzes pa byed pa'i phyir ro zhes bya ba smras so//ji ltar zhe na/ gzugs kyi khams na ni pho'i dbang po med de/ mi mdzes par byed pa'i phyir zhar ba dang zha bo bzhin no/ /rjes su dpag pa de la gnod dang / kho bo cag gi dam bcas pa 'di bzlog pa ma yin te/rigs pa can gyi grub pa'i mtha' las kyang / gal te mthong bas mi gnod na/ /zhes bya ba'i phyir ro snyam du bsams pa yin no/ /slob dpon gyis mdoms kyi sba ba sbubs su nub pa rnams kyi ci'i phyir mi mdzes par 'gyur zhes bya ba smos te/ mdoms su sba ba ni mdoms kyi sba ba'o//mdoms ni gang gis ni pho'i dbang po dkris pa yin no/ /sba ba ni pho'i dbang po'o/ /sbubs ni gang du mdoms kyi sba ba de gnas pa'o/ /gang dag la mdoms kyi sba ba sbubs su nub pa de yod pa de dag ni mdoms kyi sba ba sbubs su nub pa rnams te de dag gi ci ste mi mdzes par 'gyur mdzes pa kho na'o zhes bya ba'i tha tshig go//'dis ni mi mdzes par byed pa nyid ma grub par ston par byed do/ /dgos pa'i dbang gis 'byung ba yang ma yin no zhes bya ba rgyas par 'byung ba ni/ /bye brag tu smra ba mi mdzes par byed pa'i phyir ro zhes smra ba rnams kyis ni don gyi shugs kyis na 'di skad du pho'i dbang po ni dgos pa'i dbang gis bskyed par bya ba yin no zhes dam bcas pa yin no//de yang rjes su dpags pas phyogs su mi rung bar 'gyur te/ chos can gyi ngo bo nyid las bzlog pas skyon dang bcas pa'i phyir ro//ji lta zhe na/ smras pa/ pho'i dbang po ni dgos pa'i dbang gis bskyed par bya ba yin la/ rang gi rgyus bskyed par bya ba yin pa'i phyir/ zhar ba dang zha bo bzhin no/ /bye brag tu smra ba rnams kyis 'o na ni mdo las dbang po ma tshang ba ma yin zhing med pa ma yin no zhes 'byung ba dang 'gal lo zhes bya ba rgyas par smras te/gzugs kyi khams kyi sems can gyi rgyud ni sna dang lce'i dbang po med pa can yin no zhes bya ba gang yin pa 'di ni phyogs yin no/ /phyogs de ni phyogs snga ma dang 'gal ba'i phyir skyon dang bcas pa yin te/'di ltar bcom ldan 'das kyis ni gzugs na spyod pa'i sems can rnams dbang po ma tshang ba med cing med pa ma yin no zhes gsungs so/ /dbang po ma tshang ba med pa ni zhar ba dang zha bo la sogs pa nyid med pa'i phyir ro//med pa ma yin pa ni mig la sogs pa med pa ma yin no/ /slob dpon gyis de ni dbang po gang dag srid pa zhes bya ba rgyas par smos so/ /mdo'i don gzugs kyi khams de na sna dang lce'i dbang po ma gtogs pa'i mig la sogs pa gang dag srid pa de dag gis dbang po med pa ma yin no//zhes bya bar bzung ba'i phyir 'gal ba med do/ /'di skad du brjod do zhes bya ba ni bye brag tu sma ba rnams so/ /yod pa nyid kyi zhes bya ba rgyas par 'byung ba ni gzugs kyi khams de na sna dang lce'i dbang po dag ni yod pa nyid kyi dri dang ro dag ni ma yin no//sems can rnams ni lus kyi sgo ste rang gi rgyud kyi sgo nas mig la sogs pa'i skye mched drug la sred pa kun tu sbyor cing 'byung la/ las kyang des mngon par brlan pa yin pas gzugs kyi khams kyi sna dang lce'i dbang po dag ni rgyu dang bcas pa yin no/ /de bas na rgyu dang bcas pa'i phyir gzugs kyi khams na 'di dag yod pa kho na ste rgyu dang bcas pa'i myu gu la sogs pa bzhin no//'dis ni gzugs kyi khams na sna dang lce'i dbang po dag med de/ rgyu med pa'i phyir ro zhes sgrub pa smras pa gang yin pa de ma grub po zhes bya bar ston par byed do//pho'i dbang po ni 'khrig pa'i sgo nas te/ ci zhe na sred pa kun tu spyod ces bya bar skabs dang sbyar ro/ /gzugs na spyod pa'i sems can rnams ni 'khrig pa'i 'dod chags dang bral ba yin te/ de lta bas na de la srid pa sngon du 'gro ba'i las med do/ /de lta bas na rgyu med pa'i phyir de na pho'i dbang po med de/rgyu med pa'i myu gu la sogs pa lta bu yin pas gzugs kyi khams na khams bcu bzhi'o zhes bya ba grub pa yin no/ /gzugs med gtogs pa zhes bya ba rgyas par 'byung ba ni/ yid dang ni/ chos dang yid kyi rnam shes khams/ / dag kho na gzugs med pa'i khams su gtogs pa yin no zhes bya bar nges par bzung ba'i phyir khams gzhan dag ni med do zhes bshad pa yin no/ /gang gi phyir gzugs kyi 'dod chags dang bral ba rnams der skye ba de'i phyir de na gzugs can gyi rang bzhin gyi khams bcu po mig la sogs pa lnga dang gzugs la sogs pa lnga yang med do//de dag la brten pa dang dmigs pa rnam par shes pa'i khams lnga yang med do zhes bya ba ni gang dag la go rims bzhin du rten dang dmigs pa mig la sogs pa dang gzugs la sogs pa de dag yod pa de dag ni de dag la brten pa dang dmigs pa yin no//de na dmigs pa la sogs pa rten rnams dang gzugs la sogs pa dmigs pa rnams med pa'i phyir mig gi rnam par shes pa la sogs pa'i khams de dag kyang med do/ /de gsum zag bcas zag pa med/ /ces bya ba ni 'di gsum kho na zag pa dang bcas pa dang zag pa med pa yin no zhes nges par bzung ba yin no//lhag ma rnams ni zag bcas so/ /zhes bya ba 'di ci'i phyir brjod/ 'di gsum kho na zag pa dang bcas pa dang zag pa med pa yin no zhes nges par bzung bas lhag ma rnams ni zag pa dang bcas pa yin no zhes bya bar grub pa ma yin nam zhe na ma grub bo//ji lta zhe na lhag ma rnams zag pa dang bcas pa kho na zhig yin nam zag pa med pa kho na zhig yin snyam du the tshom za bar 'gyur ro/ /de dag bzlog pa'i phyir/ lhag ma rnams ni zag bcas so//zhes bya ba 'di brjod do/ /rtog dang dpyod dang bcas pa ni/ /rnam par shes pa'i khams lnga yin/ /zhes bya ba la ni zhes bya ba'i sgra ni rtog pa dang dpyod pa dang bcas pa kho na'o zhes nges par bzung ba yin no/ /tha ma gsum ni rnam gsum mo/ /zhes bya ba ni tha ma dag kho na rnam pa gsum mo zhes nges par bzung ba yin no//rtog pa dang dpyod pa dag las gzhan zhes bya ba ni rtog pa dang dpyod pa dag ni chos kyi khams mtshungs pa dang ldan pa'i ngo bo yin te/ de gnyis 'dir bsdus par thal bar 'gyur bas yongs su spang bar bya'o//rtog pa ni rnam pa gzhan gnyis pa'i nang du 'du bar 'gyur ro/ /dpyod pa yang bsam gtan khyad par can las skyes pa ni rnam pa gsum pa'i nang du 'du'o/ /de las gzhan pa ni rnam pa gsum char gyi nang du yang mi 'du'o zhes 'chad par 'gyur ro//yid kyi khams la sogs pa chos kyi khams mtshungs par ldan pa la thug pa'i bar 'di dag 'dod pa'i khams dang bsam gtan dang po'i dngos gzhi nyer bsdogs dang bcas pa na ni rtog pa dang bcas dpyod pa dang bcas pa dag yin te rtog pa dang dpyod pa dang mtshungs par ldan pa'i phyir ro//de nyid kyi phyir bsam gtan khyad par can na ni rtog pa med pa'i phyir rtog pa med pa yin la dpyod pa dang mtshungs par ldan pa'i phyir dpyod pa tsam yin no/ /de nyid kyi phyir gnyis pa nas bzung ste/ srid pa'i rtse mo'i bar gyi ni rtog pa yang med la dpyod pa yang med pa yin no//chos kyi khams mtshungs par ldan pa ma yin pa thams cad dang zhes bya ba ni ci rigs par khams gsum pa'i gzugs dang sems dang ldan pa ma yin pa dang 'dus ma byas rnams so/ /bsam gtan khyad par can gyi dpyod pa ni/rtog pa med pa'i phyir rtog pa yang med la/ dpyod pa gnyis pa med pa'i phyir dpyod pa yang med pa yin no/ /dpyod pa rnam pa gsum po 'di dag gi nang du mi 'du na zhes bya ba ni 'dod pa'i khams dang bsam gtan dang po'i sa pa'i dpyod pa ni re zhig rnam pa dang po rtog pa dang bcas dpyod pa dang bcas pa zhes bya ba'i nang du ni mi 'du ste/de ni rtog pa dang bcas pa yin mod kyi dpyod pa dang bcas pa ni ma yin te/ dpyod pa dang mtshungs par mi ldan pa'i phyir ro/ /gnyis pa rtog pa med cing dpyod pa tsam zhes bya ba'i nang du yang mi 'du ste rtog pa dang mtshungs par ldan pa'i phyir dang dpyod pa gnyis pa med pa'i phyir ro//gsum pa rtog pa yang med dpyod pa yang med ces bya ba'i nang du yang mi 'du ste/ de ni dpyod pa gnyis pa med pa'i phyir/ dpyod pa med pa yin mod kyi rtog pa med pa ni ma yin te/rtog pa dang mtshungs par ldan pa'i phyir ro/ /de ci skad du brjod par bya zhe na/ de'i phyir dpyod pa med cing rtog pa tsam yin no zhes bya ba smos te/ dpyod pa gnyis pa med pa'i phyir dpyod pa med pa'o/ /rtog pa dang mtshungs par ldan pa'i phyir rtog pa tsam mo/ /de nyid kyi phyir zhes bya ba ni gang gi phyir rtog pa dang dpyod pa dang bcas pa'i sa na dpyod pa med cing rtog pa tsam zhes bya ba dpyod pa de lta bu ni rnam pa bzhi pa yin no//lhag ma rnams ni gnyi ga spangs zhes bya ba ni lhag ma ni ma bshad pa gzugs can gyi khams bcu yin no/ /de dag rtog pa med cing dpyod pa tsam zhig gam rtog pa yang med dpyod pa yang med pa zhig yin snyam du the tshom za bas lhag ma rnams ni gnyi ga spangs pa kho na'o zhes nges par 'dzin par byed pa yin te/rtog pa yang med dpyod pa yang med pa kho na'o zhes bya ba'i tha tshig go/ /ji ltar na rnam par rtog pa med pa dag ces bya zhe na zhes bya ba ni mig gi rnam par shes pa dang ldan pas sngon po shes kyi/sngon po'o snyam du ma yin no zhes 'byung ba'i phyir ro/ /rnam par rtog pa ni rnam pa gsum mo zhes grag go zhes bya ba la/ grag ces bya ba'i sgra ni gzhan gyi gzhung lugs rjod par byed pa yin no//rang gi bsams pa ni sems pa dang shes rab kyi khyad par yin pas ngo bo nyid kyi rnam par rtog pa chos gzhan ni med do snyam pa yin te/ 'di ltar 'dis phung po lnga pa las rtog pa gang zhe na/ kun tu tshol ba yid kyi brjod pa de sems pa dang shes rab kyi khyad par gang sems rtsing ba'o//dpyod pa gang zhe na/ so sor rtog pa yid kyi brjod pa ste sems pa dang shes rab kyi khyad par de bzhin du gang sems zhib pa'o zhes bshad de/ gtan la mi 'bebs pa'i gnas skabs na ni sems pa'o/ /gtan la 'bebs pa'i gnas skabs na ni shes rab bo zhes rnam par gzhag go// //bam po drug pa/ de bas na de dag la ngo bo nyid kyi rtog pa yod kyi zhes bya ba la de bas na zhes bya ba ni tshig gi phrad dam de lta bas na zhes bya ba'i don yin no/ /ngo bo nyid kho nas rnam par rtog pa rtsing ba'i mtshan nyid yin pa'i phyir ngo bo nyid kyi rnam par rtog pa ni rtog pa yin no//de rnam par shes pa'i tshogs lnga po 'di rnams la mtshungs par ldan pa'i sgo nas yod de de lta bas na rnam par rtog pa dang bcas pa dag ces bya ba'o//gzhan dag ni ma yin te zhes bya ba ni 'di dag la nges par rtog pa dang rjes su dran pa'i rnam par rtog pa dag med de/ de lta bas na rnam par rtog pa med pa dag ces bya'o/ /dper na rta rkang gcig pa la rkang med ces bya ba bzhin no zhes bya ba la/ rkang pa gsum bcad nas rkang pa gcig yod kyang rkang med ces bya ba de bzhin du rnam par rtog pa gcig yod pa la yang rnam par rtog pa med pa zhes bya'o//de ni nges par rtog pa'i rnam par rtog pa'o zhes bya ba ni yid kyi shes rab mnyam par gzhag pa ma yin pa thos pa dang bsams pa las byung ba dang skyes nas thob pa'o//de ni yid la yod pas na yid kyi'o/ /g.yeng zhes bya ba ni sna tshogs pa ste dmigs pa sna tshogs pa zhes bya ba'i tha tshig go/ /yang na zab pa dang bral ba ste yang dang yang du dmigs pa la brten pa'i phyir g.yeng ba'o/ /ci'i phyir nges par rtog pa'i rnam par rtog pa zhes bya zhe na/dmigs pa de dang de la ming du ltos nas 'jug pa'i phyir dang gzugs dang tshor ba dang mi rtag pa dang sdug bsngal ba zhes bya ba la sogs par nges par rtog pa'i phyir ro/ /mnyam par gzhag pa ni bsgoms pa las byung ba ste ming la mi ltos par dmigs pa la 'jug pas 'di ni nges par rtog pa'i rnam par rtog pa zhes mi bya'o//yid kyi dran pa nyid mnyam par gzhag pa dang mnyam par gzhag pa ma yin pa thams cad ces bya ba ni mnyam par gzhag pa dang mnyam par gzhag pa ma yin pa'o//de ni mtshan nyid dran pa gang zhe na/ sems kyis mngon par brjod pa'o zhes 'byung ba'i phyir ming la mi ltos par dmigs pa'i don nyams su myong ba tsam la 'jug pa yin no zhes grag go/ /rnam par shes pa'i tshogs lnga dang mtshungs par ldan pa ni nyams su myong ba don mngon par brjod pa la 'jug pa ma yin pa'i phyir rjes su dran pa'i rnam par rtog pa yin par mi 'dod do//dmigs bcas sems kyi khams bdun no/ /zhes bya ba ni bdun kho na dmigs pa dang bcas pa yin la dmigs pa dang bcas pa kho na bdun yin no zhes gnyi gar nges par bzung ba yin no//chos kyi phyed kyang dmigs pa dang bcas pa yin te zhes bya ba 'di ni bshad zin pa las ma gtogs par brjod pa yin te/ 'dir yang chos kyi phyed kho na dmigs pa dang bcas pa yin la dmigs pa dang bcas pa kho na yang chos kyi phyed yin no zhes gnyi gar nges par gzung ba yin no//gang gi phyir bdun kho na dmigs pa dang bcas pa dang chos kyi phyed kho na dmigs pa dang bcas pa'o zhes bya bar nges par bzung ba yod pa de'i phyir/ lhag ma gzugs can gyi khams bcu po dag dang chos kyi khams kyi phyogs ldan pa ma yin pa ni dmigs pa med pa zhes bya bar grub po zhes bya bar bshad pa yin no//'di ltar nges par ma bzung na ni don 'di grub par mi 'gyur ro/ /ma zin dgu zhes bya ba ni dgu ni ma zin pa kho na'o zhes nges par bzung ba yin no/ /brgyad pa'i phyed dang bcas te zhes bya ba ni lhan cig ces bya ba'i tha tshig go//brgyad po de dag rnams zhes bya ba ni sems kyi khams bdun po de dag dang gang gi phyed dmigs pa dang bcas par bshad pa'i chos kyi khams so/ /brgyad smos pa ni chos kyi khams kyi phyed bsdus par shes par 'gyur na mi rung bas chos kyi khams mtha' dag bsdu ba'i don yin te/brgyad po de dag dang gzhan sgra dang dgu ni ma zin pa yin no zhes bshad pa yin no/ /dgu po gzhan ni rnam pa gnyis zhes bya ba la dgu ni mig la sogs pa lnga dang sgra ma gtogs pa gzugs la sogs pa bzhi'o//de dag ni rnam pa gnyis kho na ste/ zin pa dang ma zin pa kho na yin zhes bya ba'i tha tshig gis zin pa kho na ni ma yin no zhes bya ba 'di'i don du/ dgu po gzhan ni rnam pa gnyis/ /zhes kyang mdor byas so/ /phan pa dang gnod pa dag gis phan tshun mthun par byed pa'i phyir zhes bya ba ni mig gi khams la sogs pa la phan pa dang gnod pa mig sman dang lag pas bsnun pa la sogs pa'i mtshan nyid dag gis kyang sems dang sems las byung ba rnams la phan pa dang gnod pa dag tu 'gyur la sems dang sems las byung ba rnams la phan pa dang gnod pa yid bde ba dang yid mi bde ba'i mtshan nyid dag gis kyang mig gi khams la sogs pa la phan pa dang gnod pa dag tu 'gyur ro//de'i phyir sems dang sems las byung ba rnams kyis rten gyi dngos pos nye bar bzung ba zhes bya ba ste/bdag gir byas zhes bya ba'i tha tshig go/ /'jig rten na sems pa dang bcas pa zhes brjod pa gang yin pa'o zhes bya ba ni srog dang bcas pa zhes bya ba'i tha tshig go/ /reg bya rnam pa gnyis yin te/ /zhes bya ba ni reg bya kho na rnam pa gnyis yin la rnam pa gnyis kho na reg bya yin no zhes gnyi gar nges par bzung ba yin no//lhag ma gzugs can dgu po ni/ /'byung gyur ces bya ba 'dir yang gnyi gar nges par bzung ba yin no/ /chos khams phyogs gcig kyang / 'byung ba las gyur pa yin zhes bya ba 'dir yang gnyi gar nges par bzung ba yin no//gang gi phyir 'di dag gnyi gar nges par bzung ba de'i phyir/ lhag ma sems kyi khams bdun dang rnam par rig byed ma yin pa ma gtogs pa chos kyi khams ni gnyi ga ma yin pa'o zhes bya bar grub pa yin no/ / 'byung ba rnam pa bzhi nyid dang sra ba la sogs pa'i mtshan nyid du nges par bzung ba'i phyir zhes bya ba ni bzhi nyid du nges par bzung ba'i phyir reg bya'i khams la sa dang chu dang me dang rlung gi khams dang 'byung ba bzhi yod pa yin no/ /de la 'jam pa nyid la sogs pa dang mig la sogs pa ni 'byung ba dag ma yin no//sra ba la sogs pa'i mtshan nyid du nges par bzung ba'i phyir sa dang chu dang me dang rlung gi khams dag gi nang du mig la sogs pa chos gzhan 'du bar mi 'gyur ro/ /ji lta zhe na/ 'byung ba chen po bzhi ni sa'i khams dang chu'i khams dang me'i khams dang rlung gi khams so//sa'i khams gang zhe na/ sra ba nyid do zhes bya ba rgyas par 'byung ba yin no/ /de dag kyang reg bya yin pa'i phyir zhes bya ba ni sra ba la sogs pa de dag reg bya yin pa'i phyir ro/ /'di ltar de dag ni reg bya yin la kha dog la sogs pa ni blta bya dang mnyan bya dang bsnam bya dang myang bya yin no//de dag reg bya yin par ji ltar shes she na/ de'i phyir smras pa/ mig la sogs pas kyang sra ba la sogs pa mi 'dzin to/ /'o na ci zhe na/ lus kyi dbang po kho nas te/ de'i phyir de dag ni reg bya yin no zhes bya bar shes so//gal te kha dog la sogs pa de dag kyang reg bya yin no snyam du sems na/ de'i phyir lus kyi dbang pos kyang kha dog la sogs pa ma yin no zhes bya ba smos te/ ci zhe na 'dzin pa zhes bya bar skabs dang sbyar ro/ / mdo las kyang zhes bya ba rgyas par 'byung ba ni mdo gzhan las kyang rgyas par bstan pa yin no/ /ji ltar zhe na/ dge slong reg bya rnams ni phyi'i skye mched yin te 'byung ba chen po bzhi dag dang 'byung ba chen po bzhi dag rgyur byas pa gzugs can bstan du med pa thogs pa dang bcas pa'o zhes bya ba'i bar 'di rgyas par gsungs te/lhag ma mig la sogs pa'i skye mched ni 'byung ba dag ma yin zhes gsal bar kun tu bstan pa yin no/ /'o na mdo las gang zhes bya ba rgyas par 'byung ba la/ mig gi sha'i gong bu la sra ba dang mkhrang bar gyur pa gang yin pa zhes bya ba ni mkhrang ba'i rnam pa zhes bya ba'i tha tshig ste/mig gi dbang po ni sra ba'i ngo bo nyid yin no snyam du bsams nas rgol bar byed pa yin no/ /de dang tha mi dad par 'dug pa'i sha'i gong bu la de skad du bstan par zad do zhes bya ba ni mig gi dbang po dang tha mi dad par 'dug pa'i rten la de skad ces brjod pa yin no//mig gi rten la yang mig nye bar 'dogs par 'gyur ro/ /de nyid kyi phyir sha'i gong bu zhes smos kyi de lta ma yin te/ gal te dbang po kho na yin par bzhed na mig la zhes bya ba kho na zhig bshad par 'gyur ro//mi 'di ni khams drug pa yin zhes bya ba rgyas par 'byung ba ni mngal du 'jug pa'i sgo las sam nur nur po la sogs pa'i gnas skabs na'o/ /'byung ba tsam yin par bstan pa'i phyir 'byung ba las gyur pa med do zhes bya ba'i klan ka'i dogs pa bsdu bar/sems can gyi rdzas kyi gzhi bstan pa'i phyir zhes bya ba smos te/ sems can gyi rdzas kyi gzhi yang dag par bstan pa'i phyir ro/ /sa la sogs pa bzhi ni sems can gyi gzhi yin te/ de rnams la sogs pa reg pa'i skye mched lnga po dag 'byung ba'i phyir ro/ /yid kyi khams kyang sems kyi gzhi yin te/de las yid kyi rig pa'i skye mched 'byung ba'i phyir ro/ /rnam pa gcig tu na sa'i khams la sogs pa bzhi ni rgyur byas pa'i gzugs kyi rten yin pa'i phyir la/ rnam par shes pa'i khams kyang sems las byung ba rnams kyi rten yin pa'i phyir te/ de nyid kyi phyir sems can gyi gzhi yin no//ji ltar shes she na/ yang reg pa'i skye mched drug ces gsungs pa'i phyir te mdo de nyid las phyis reg pa'i skye mched ni drug ste/ mig gi reg pa'i skye mched nas yid kyi reg pa'i skye mched kyi bar ro zhes bya ba gsungs so/ /de'i phyir dge slong mi 'di ni khams drug pa yin no zhes gsungs pa ni sems can gyi rdzas kyi gzhi yang dag par bstan pa'i phyir yin gyi 'byung ba tsam du gnas pa'i phyir ni ma yin no zhes bya bar shes so//ji ltar rnam par shes pa'i khams las tha dad pa ma yin yang / yang yid kyi skye mched smos pa de bzhin du mig la sogs pa yang khams bzhi las tha dad pa ma yin bzhin du yang brjod par gyur pa zhig ma yin nam/de'i phyir yang reg pa'i skye mched smos pas 'byung ba las gyur pa logs shig na yod pa nyid du ma grub po zhe na/ de ni de lta ma yin te/ gal te sa'i khams la sogs pa kho na reg pa'i skye mched dag yin par gyur na de dag nyid kyi reg pa'i skye mched ces bya ba kho na bshad par 'gyur ba zhig na de lta ni ma yin no//'o na ci zhe na/ mig gi reg pa'i skye mched nas yid kyi reg pa'i skye mched kyi bar ro zhes gsungs te/ de'i phyir sa'i khams la sogs pa ma gtogs pa mig la sogs pa yod do zhes bya bar shes so//rnam par shes pa'i khams ni mig la sogs pa'i reg pa'i skye mched smos pa'i zhar la yang brjod par zad do/ /reg pa'i skye mched ces bya ba'i don gang yin zhe na/ sems las byung ba rag pa'i rten/ /zhes bya ba'i tha tshig go/ /sems las byung ba rnams med par thal bar 'gyur ba'i phyir ro zhes bya ba ni gal te dge slong mi 'di ni khams drug pa yin no zhes gsungs pa sgra ji bzhin kho nar rdzas rnams bzung gi de la brten pa'i rdzas gzhan dag ma yin na des na 'dir rnam par shes pa'i khams tsam smos pa'i phyir de la brten pa sems las byung ba rnams ma bsdus par thal bar 'gyur ro zhes bya bar 'dir 'gyur ro//gal te 'dod pa'i phyir nyes pa med do zhe na/ ma yin te/ phyogs 'di ni nyes pa dang bcas pa'i phyir ro/ /sems las byung ba rnams ni sems kyi khyad par kho na yin no zhes bya ba'i phyogs 'di ni rang gi grub pa'i mtha' dang 'gal ba'i phyir nyes pa dang bcas pa yin no//de'i phyir sems nyid sems las byung ba rnams yin no zhes khas blang bar yang rigs pa ma yin te zhes bya ba smos so/ /ci'i phyir zhe na/ mdo las 'du shes dang sems pa'i chos 'di ni sems las byung ba sems la brten pa'o zhes 'byung ba'i phyir ro/ /'dir bsgrub pa yang 'byung ste/'du shes dang tshor ba dag ni sems las don gzhan du gyur pa yin te/ phung po bstan pa logs shig tu bstan pa'i phyir gzugs kyi phung po bzhin no/ /rnam pa gcig tu na 'du shes dang tshor ba dag ni rang gi rten las don gzhan du gyur pa yin te/ de la brten pa'i phyir ro/ /gang zhig rang gi rten la brten pa de ni rang gi rten las don gzhan du gyur pa yin te/dper na rtsig pa la brten pa'i ri mo lta bu'o/ /sems 'dod chags dang bcas pa la sogs pa 'byung ba'i phyir ro zhes bya ba ni sems 'dod chags dang bcas pas 'dod chags dang bcas pa'o zhes bya bar yang dag pa ji lta ba bzhin rab tu shes so//sems 'dod chags dang bral ba la 'dod chags dang bral ba'o zhes bya bar yang dag pa ji lta ba bzhin rab tu shes so/ /sems zhe sdang dang bcas pa la zhe sdang dang bcas pa'o zhes bya bar yang dag pa ji lta ba bzhin rab tu shes so zhes bya ba rgyas par 'byung ba yin no//'dir sgrub pa ni sems 'dod chags dang bcas pa'o zhes bya ba sems 'dod chags dag phan tshun don gzhan pa nyid yin no/ /lhan cig ldan par bstan pas bstan pa'i phyir nag pa bu dang bcas pa zhes bya ba bzhin no/ /gzugs can bcu ni bsags pa'o//zhes bya ba ni bcu kho na rdul phra rab bsags pa'i ngo bo yin no zhes bya ba'i tha tshig go/ /nges par bzung ba 'dis na khams gzhan dag ni bsags pa ma yin no zhes bya bar 'grub po/ /phyi rol gyi ni khams bzhi yin/ /zhes bya ba ni sgra ma gtogs pa gzugs la sogs pa'o//dgra sta dang shing zhes bya ba la sogs pa'o zhes bya ba ni dgra sta zhes bya ba la sogs pa ni gcod par byed pa yin la shing zhes bya ba la sogs pa ni gcad par bya ba yin te/ srid pa'i phyir de skad ces bshad kyi res 'ga' ni dgra sta zhes bya ba la sogs pa yang gcad par bya ba yin no/ /'brel ba 'byung ba can zhes bya ba rgyas par 'byung ba ni 'di la 'brel par 'byung ba ni rnam par ma bye bar 'byung ba'i ngang tshul yod pas na 'dus pa'i rgyun 'brel bar 'byung ba can yin te/gzugs la sogs pa 'dus pa'i rgyun zhes bya ba'i tha tshig go/ /de rnam par 'byed pa skyed pa gang yin pa ni rnam par 'byed pa skyed par byed pa yin te/de ni gcod pa yin no/ /dngos po skad cig ma rnams dgra sta la sogs pa med kyang 'chad par 'gyur ba kho na yin mod kyi rgyun 'gag pa ni dgra sta la sogs pa yin pas dgra sta la sogs pas gcod par byed pa yin no zhes bshad de/ rgyu tshogs pa'i khyad par gyi dbang gis 'bras bu'i khyad par 'byung ba yin no//de la khams bzhi po kho na gcod par byed pa dang gcad par bya ba yin no zhes nges par bzung ste/ de ltar nges par bzung bas khams gzhan dag ni gnyi ga ma yin pa'o zhes bya ba grub bo/ /de nyid kyi phyir lus kyi dbang po la sogs pa ni gcad par bya ba ma yin te zhes bya ba rgyas par smos te/'dir ni mig gi dbang po la sogs pa la zhes brjod par bya ba yin pa las/ ci'i phyir lus kyi dbang po la sogs pa zhes smos she na/ 'di ltar gal te 'chad par 'gyur na lus kyi dbang po la bcad pa yongs su gsal bar 'gyur bas/ de'i phyir lus kyi dbang po la sogs pa'i dbang po dag brjod do//yan lag ma lus par bcad cing yan lag dang nying lag bcad na de dag la gnyis su byar med pa'i phyir te lus kyi dbang po la sogs pa de dag gnyis su byar med pa'i phyir ro/ /de dag la gnyis su byar med do zhes bya ba ji ltar shes she na/de'i phyir yang smras pa/ dbang po rnams la ni gnyis su 'gyur ba med de bcad pa'i yan lag lus dang bral ba la dbang po med pa'i phyir ro/ /yan lag bcad pa lus dang bral ba gang yin pa de la dbang po med do zhes bya ba 'di yang ji ltar shes she na/ 'di ltar de dag dang reg bya la sogs pa la brten nas lus la sogs pa'i rnam par shes pa mi skye'o//'o na ji ltar sna'i rtse mo bcad de yang sbyar bas lus kyi rnam par shes pa bskyed ce na/ sna'i drung ba dang 'brel pas yang lus kyi dbang po skye ba'i phyir nyes pa med do/ /gal te de la lus kyi dbang po med na ji ltar 'di na rmigs bu la sogs pa'i mjug ma bcad pa dag 'gul zhe na/de ni rlung gi khams kyi 'gyur ba yin gyi lus kyi dbang po'i las ni ma yin no zhes bya bar khong du chud par bya'o/ /gcod par byed pa yang ma yin te/ nor bu'i 'od bzhin du dang ba'i phyir ro zhes bya ba ni dper na nor bu'i 'od dang ba'i phyir gcod par byed pa ma yin pa ltar dbang po rnams kyang de dang 'dra'o//de bzhin bsreg bya 'jal byed pa'o/ /zhes bya ba'i de bzhin zhes bya ba'i sgras ni phyi'i khams bzhi po de dag nyid de dang 'dra ba'i don du rab tu ston par byed pa yin no/ /shing la sogs pa mes byas pa'i 'gyur ba ni sreg pa yin la de yang dbang po dag la med de/nor bu'i 'od bzhin du dang ba'i phyir ro/ /de dag ni shing la sogs pa lta bu'am pags pa la sogs pa lta bur 'gyur ba med do/ /'o na ci zhe na/ de dang 'brel pa las rgyun chad par 'gyur ro/ /khams bzhi po de dag nyid srang la sogs par gyur pa ni 'jal bar byed pa yin gyi dbang po rnams ni ma yin te/de bzhin du gsal ba'i phyir ro/ /khams lus can ma yin pa rnams ni lus med pa nyid kyi phyir bcad pa la sogs pa mi srid pas de dag gi bcad pa la sogs pa bsam par mi bya'o/ /sgra yang ma yin te chad pa yin pa'i phyir ro zhes bya ba ci zhe na/gcod par byed pa dang gcod par bya ba'am bsreg par bya ba'am 'jal bar byed pa ste/ rgyun chags par mi 'dug pa'i phyir ro/ /sreg dang gzhal la mi mthun smra/ /zhes bya ba ni sgra yang ma yin te/ chad pa yin pa'i phyir ro zhes bya ba 'di 'og ma la yang sbyar bar bya'o//kha cig ni bsam pa ni khams bzhi po de dag nyid sreg par byed pa yang yin la 'jal bar byed pa yang yin te/ sreg par byed pa ni me dang rtsi drag po la sogs pa yin la de la yang khams bzhi po spyir thal ba la sogs pa 'gyur ba'i rgyu yin pa'i phyir ro/ /gzhal bar bya ba ni lan tshwa la sogs pa yin la/de la yang spyir srang mda'i mgo dma' bar byed pa'i rgyu yin no snyam pa yin no/ /me'i khams kho na sreg par byed pa yin la lci ba nyid kho na gzhal bar bya ba yin no zhes bya ba ni me'i khams me 'bar ba la sogs pa'i rnam pa bya ba la shas che ba kho na sreg par byed pa yin te/sa'i khams la sogs pa ni rang gi bya ba la shas che ba nyid yin yang sreg par byed pa nyid ma yin pa mthong ba'i phyir ro/ /rgyur byas pa'i gzugs lci ba nyid bya ba la shas che ba kho na gzhal bar bya ba yin te/ snang ba la sogs pa rdzas yang ba la gzugs la sogs pa bya ba la shas che ba nyid yin yang gzhal bar bya ba nyid ma yin par mthong ba'i phyir ro//nang gi lnga zhes bya ba la nang gi zhes bya ba smos pa ni gzugs la sogs pa bzlog pa'i phyir ro/ /lnga smos pa ni yid kyi bzlog pa'i phyir ro/ /nang gi lnga ni rnam par smin pa las skyes pa dang rgyas pa las byung ba kho na yin gyi rgyu mthun pa las byung ba ni ma yin no zhes bya bar nges par bzung ngo //de ci'i phyir zhe na/ de dag las ma gtogs pa rgyu mthun pa med pa'i phyir ro/ /rgyu mthun pa ni rgyu dang 'dra ba yin pa'i phyir rnam par smin pa las skyes pa dang rgyas pa las byung ba dag kyang rgyu mthun pa las byung ba ni yin mod kyi de dag rnam par smin pa las skyes pa dang rgyas pa las byung ba nyid kho nas bsdus pa'i phyir rgyu mthun pa las byung ba'o zhes bya bar mi bzung ba'i phyir ni gang dag rang gi rgyu dang 'dra ba yang yin la rnam par smin pa las skyes pa dang rgyas pa las byung ba yang ma yin pa de dag rgyu mthun pa las byung ba yin par 'dod do//mig la sogs pa ni de lta bu ma yin no/ /'o na ci zhe na/ rnam par smin pa las skyes pa dang rgyas pa las byung ba dag yin te/ de'i phyir de dag las ma gtogs pa rgyu mthun pa med pa'i phyir zhes bya ba 'di smos so/ /yang de dag la rgyu mthun pa las byung ba med do zhes bya ba ji ltar shes she na/shi ba la rjes su 'jug pa med pa'i phyir ro/ /mig gi khams la sogs pa ni gzugs la sogs pa bzhin du shi ba la rjes su 'jug pa med do/ /rnam par smin pa'i rgyu las skyes pa ni zhes bya ba ni 'bras bu rnam par smin pa'i rgyu ni rnam par smin pa'i rgyu'o/ / rnam par smin pa'i rgyu las skyes pa ni rnam par smin pa las skyes pa ste/ bar gyi tshig mi mngon par byas pa'i phyir ba glang gi shing rta zhes bya ba bzhin no zhes bya ba ni rgyu zhes bya ba'i sgra mi mngon par byas pa'i phyir ba lang gi shing rta zhes bya ba bzhin te/ dper na ba lang dag dang ldan pa'i shing rta la ba lang gi shing rta zhes bya ba lta bu'o//yang na 'bras bu'i dus su phyin pa'i las ni zhes bya ba ni mjug thogs su 'bras bu rnam par smin pa skye ba'i skad cig ma la gnas pa zhes bya ba'i tha tshig go/ /yang na rgyu la 'bras bu btags pa yin te zhes bya ba rgyas par 'byung ba ni las kyi mtshan nyid kyi rgyu rnam par smin pa'i ngo bo nyid ma yin pa yang rnam par smin pa zhes bya ste/de skyed par byed pa yin pa'i phyir ro/ /dper na 'bras bu la rgyu btags pa zhes bya ba rgyas par 'byung ba ni mig la sogs pa reg pa'i skye mched drug po 'di dag ni sngon gyi las yin zhes bya ba lta bu yin te/ sngon gyi skye ba la yod pas ni sngon gyi nyid sngon gyi las yin no//reg pa'i skye mched de dag ni sngon gyi las kyi ngo bo nyid ma yin yang de las skyes pa'i phyir sngon gyi las yin no zhes bya ba de bzhin du 'dir yang bzlog ste nye bar btags pa yin par blta'o/ /zas dang legs par bya ba dang gnyid log pa dang ting nge 'dzin gyi khyad par dag gis rgyas par byas pa rnams ni rgyas pa las byung ba dag go zhes bya ba la khyad par gyi sgra ni re re la sbyar bar bya'o//de la zas dang gnyid log pa dag ni 'jig rten na grags par zad do/ /legs par bya ba ni lus bsku ba dang / sman mar btang ba la sogs pa'i ngo bo nyid do//ting nge 'dzin ni sems rtse gcig pa nyid kyi mtshan nyid do/ /nye bar bsags pa ni rgyas pa'o/ /bsags pa la yod pa ni rgyas pa las byung ba ste dmag la yod pa bzhin no/ /yang na bsags pa nyid rgyas pa las byung ba ste 'dul ba las byung ba bzhin no//gzhan dag na re tshangs par spyod pas kyang zhes bya ba ni tshangs par spyod pa dbang po nye bar zhi ba rnams kyis lus rgyas par mthong ba'i phyir ro/ /des ni mi gnod pa tsam du zad kyi zhes bya ba ni mi tshangs par spyod pas ni lus nyam chung bar 'gyur ba tshangs par spyod pas ni lus nyam chung bar mi 'gyur ro//de lta bas na smras pa tshangs par spyod pa des ni mi gnod pa tsam du zad kyi rgyas pa ma yin no/ /rgyas pa ni zas la sogs pas yin pa nyid do/ /'o na ci'i phyir/ rab tu byung ba tshangs par spyod pa kha cig gis lus nyam chung bar 'gyur zhe na/ de ni 'dod pa'i yongs su gdung ba la sogs pa dang ldan pa las 'gyur bar zad do/ /phyir bzhin du kun du srung ngo zhes bya ba ni rgyas pa'i rgyud ni rnam par smin pa'i rgyud la bskor te gnas pas kun tu bsrung ba yin no/ /sgra ni rgyas pa las byung ba zhes bya ba ni lus nyam chung ba ma yin pa'i sgra gsang mtho ba mthong ba'i phyir ro//'dod dgur 'byung ba'i phyir ro zhes bya ba ni bdag gis sgra bsgrags par bya'o zhes bya bar 'dod na ni 'byung la mi 'dod na ni mi 'byung ngo / /rnam par smin pa las skyes pa'i chos ni mi 'dod bzhin du yang 'byung ste/ de lta bas na sgra ni rnam par smin pa las skyes pa ma yin no/ / 'di la sgrub pa yang brjod par bya ste/ sgra ni rnam par smin pa las skyes pa ma yin te/ 'dod dgur 'byung ba'i phyir sems las byung ba tshul bzhin yid la byed pa bzhin no/ /gang zhig rnam par smin pa las skyes pa de ni 'dod dgur 'byung ba ma yin te/ dper na mig gi dbang po lta bu'o/ /'o na gang bstan bcos las zhes bya ba rgyas par 'byung ba 'dis ni dam bcas pa rang gi grub pa'i mtha' dang 'gal ba nyid 'dzin par byed pa yin no//kha cig na re brgyud pa 'di ni gsum pa yin te zhes bya ba rgyas par 'byung ba ni mgrin par tshig rtsub po spong ba'i las kyi lam gyi rnam par smin pa'i ngo bo nyid kyi 'byung ba dag 'grub la de dag las sgra 'byung ba yin no//phyogs gnyis pa la yang las dag las ni rnam par smin pa las skyes pa'i 'byung ba rnams 'grub/ de las ni zas kyis rgyas pa'am ting nge 'dzin gyis rgyas pa'i sgo nas rgyas pa las byung ba rnams 'grub/ de dag las ni rgyu mthun pa las byung ba sngon gyi 'byung ba las ma gtogs pa gsar du byung ba rnams 'grub/de dag las ni sgra 'grub po zhes bya ba yin te/ de'i phyir sgra ni rnam par smin pa las skyes pa yin no/ /tshig kyal pa spangs pas tshangs pa'i dbyangs nyid 'grub po zhes bya ba ni brgyud de 'grub pa las dgongs te gsungs pa yin te/'dis ni dam bcas pa de'i rang gi grub pa'i mtha' dang 'gal ba nyid yongs su spong bar byed do/ /gal te sgra bzhin du rigs pa dang 'gal bar 'gyur na zhes bya ba ni sgra ni 'dod dgur 'byung bas rnam par smin pa'i rigs pa dang 'gal ba'i phyir rnam par smin pa las skyes pa ma yin par bshad do//gal te lus kyi tshor ba de yang de dang 'dra bar 'dod dgur 'byung ba ni rnam par smin pa las skyes pa ma yin par 'gyur ba zhig na de ni 'dod dgur 'byung ba ma yin te/ mig la sogs pa bzhin no/ /de lta bas na rnam par smin pa las skyes pa zhes bya ba rung ngo snyam du bsams pa yin no//de yang ci 'dra ba zhig yin zhe na/ gang bde ba dang sdug bsngal gyi rkyen nye bar gtod pa med par 'byung ba yin no/ /skal ba mnyam pa dang kun tu 'gro ba'i rgyus bskyed pa rnams ni rgyu mthun pa las byung ba dag go zhes bya ba ni skal ba mnyam pa dang kun tu 'gro ba'i rgyu dag kho nas bskyed pa yin gyi rnam par smin pa'i rgyus ni ma yin zhes nges par bzung ba yin no//rnam par smin pa'i rgyus bskyed pa rnams ni rnam par smin pa las skyes pa dag go zhes bya ba ni rnam par smin pa'i rgyus bskyed pa kho na yin gyi rnam par smin pa'i rgyu kho nas skyed pa ni ma yin no zhes bya bar nges par bzung ba yin te/rnam par smin pa las skyes pa ni skal ba mnyam pa'i rgyus kyang bskyed pa yin no/ /'dir yang thogs pa med pa brgyad ni rgyu mthun pa las byung ba dang / rnam par smin pa las skyes pa kho na yin no zhes bya bar nges par bzung ngo / /de dag bsags pa med pa'i phyir rgyas pa las byung ba ni ma yin te/rdul phra rab bsags pa'i ngo bo nyid ma yin pa'i phyir ro zhes bya ba'i tha tshig go/ /gzhan rnam gsum zhes bya ba ni gzhan dag kho na rnam pa gsum yin no zhes bya ba nges par bzung ngo / /de la/ rnam smin lung du ma bstan chos//sems can zhes bya/ zhes 'byung ba'i phyir rnam par smin pa las skyes pa ni dbang po dang tha mi dad par 'dug pa dag kho na yin no/ /rgyu mthun pa las byung ba dang rgyas pa las byung ba ni dbang po tha dad par 'dug pa dag kyang yin no/ /yang dbang po dang tha dad par 'gyur ba dag la yang rgyu mthun pa las byung ba yod do zhes bya bar ji ltar shes she na/shi ba la yang de rjes su 'jug pa mthong ba'i phyir te/ sems can du bgrang ba ma yin pa rnam par smin pa las skyes pa yin par ni mi 'dod do/ /rdzas dang ldan pa gcig cig kho na rdzas dang ldan pa yin no zhes bya bar nges par bzung ba yin no//brtan pa'i phyir rdzas so zhes bya ba ni mi 'jig pa'i phyir ro/ /skad cig ma gcig rgyu mthun pa las byung ba ma yin par 'gyur te zhes bya ba ni skad cig ma gcig skal ba mi mnyam pas bskyed pa yin no/ /skad cig ma snga ma zag pa med pa'i ngo bo nyid ma yin pa'i phyir skad cig yin gyi don 'di skad cig ma gzhan du rnam par 'jig pa zhes bya ba yin par ni mi 'dod do//de lta ma yin na khams tha ma dag kho na skad cig ma yin no zhes nges par bzung ba'i phyir de las gzhan pa'i khams rnams ni skad cig ma ma yin pa nyid du thal bar 'gyur ro//yang ji ltar sdug bsngal la chos shes pa'i bzod pa'i tshogs la yid kyi khams dang yid kyi rnam par shes pa'i khams cig car du 'byung ba rnam par shes pa gnyis 'phrad par mi 'dod do zhe na/ de gnyis cig car 'byung ngo zhes ni mi zer ro/ /'o na ci zhe na/ 'dir rnam par shes pa la khams gnyis nyid du rnam par gzhag te ming gnyis su brjod do zhes bya ba'i tha tshig go/ /de'i phyir sdug bsngal la chos shes pa'i bzod pa dang mtshungs par ldan pa'i sems ni yid kyi khams dang yid kyi rnam par shes pa'i khams yin no zhes bya bar smos so//lhag ma de dang lhan cig 'byung ba rnams ni chos kyi khams so zhes bya ba ni bzod pa'i tshogs de la sems las gzhan pa'i chos lhag ma de dang lhan cig 'byung ba rnams te/ 'di lta ste zag pa med pa'i sdom pa dang tshor ba dang 'du shes dang sems pa la sogs pa mtshungs par ldan pa rnams dang de dag gi thob pa dang skye ba la sogs pa ni chos kyi khams yin no//ldan pa thob pa zhes bya ba ni sngar ma thob pa'i thob pa 'thob pa zhes bya ba'i tha tshig go/ /mig gi rnam par shes pa dang yang yin nam zhes bya ba ci zhe na/ ldan pa thob pa zhes bya ba'i skabs dang sbyar ro/ /so so thob ces bya ba 'dis ni mu dang po dang gnyis pa dag bstan to//lhan cig tu yang zhes bya ba 'dis ni mu gsum pa bstan to/ /bzhi pa ni bshad pa las ma gtogs pa yin no zhes bya bar rtogs par sla ba'i phyir ma bstan to/ /yang na yang zhes bya ba'i sgra so so yang ma yin lhan cig kyang ma yin pa yang yod do zhes 'di yang bshad pa yin no//'dod pa'i khams na rim gyis mig gi dbang po thob pa zhes bya ba ni 'dod pa'i khams na gnas pa'i gang zag rim gyis te nur nur po la sogs pa'i rim gyis sam 'chi ba'i rim gyis mig gi dbang po 'thob po/ /gang dang ldan pa yin ci 'dod pa'i khams kho na yin nam zhe na smras pa/ma yin te/ khyad par med par te 'dod pa dang ldan pa'ang rung gzugs dang ldan pa'ang rung 'thob pa na'o/ /nur nur po la sogs pa'i gnas skabs sam de bzhin du rim gyis 'chi ba dang mig med pa 'chi ba na mig gi khams dang mi ldan pa yin gyi/ nur nur po la sogs pa'i gnas skabs sam de bzhin du 'chi ba'i gnas skabs na de med pa'i phyir skye mched drug 'byung ba'i gnas skabs sam srid pa bar ma'i gnas skabs de'i tshe de dang ldan pa 'thob po/ /mig gi rnam par shes pa'i khams dang mi ldan pa ldan pa 'thob pa ni ma yin te/'di ltar 'di ni sngar srid pa bar mar nying mtshams sbyor ba'i tshe na dge ba dang nyon mongs pa dang 'das pa dang ma 'ongs pa de dang ldan pa kho na yin no/ /'di ni gnas skabs khyad par can gyi dbang du bya ba yin gyi thob pa dang ldan pa thob pa'i gnas skabs ni ma yin no/ /mig gi rnam par shes pa'i khams dang yin la zhes bya ba rgyas par 'byung ba ni bsam gtan gnyis pa la sogs par skyes pa de la de na mig gi rnam par shes pa med pa'i phyir de dang sngon mi ldan pa las bsam gtan dang po'i sa pa'i mig gi rnam par shes pa ma bsgribs la lung du ma bstan pa'i ngo bo nyid mngon du byed pa de'i tshe na mig gi rnam par shes pa'i khams dang mi ldan pa ldan pa 'thob bo//mig gi khams dang ni mi ldan pa ldan pa 'thob pa ma yin te/ thob zin pa dang 'dra bar ldan pa'i phyir ro/ /de dag nas shi 'phos nas 'og mar skye ba na'o zhes bya ba ni/ bsam gtan gnyis pa la sogs pa nas shi 'phos nas 'og ma bsam gtan dang po dang 'dod pa'i khams su skye ba srid pa bar mar nying mtshams sbyor ba na mig gi rnam par shes pa'i khams dge ba dang nyon mongs pa can 'das pa dang ma 'ongs pa dang mi ldan pa ldan pa 'thob po/ / mig gi khams dang ni ma yin no/ /thob zin pa bzhin du ldan pa'i phyir ro/ /gnyi ga dang ldan pa thob pa yang yod de zhes bya ba ni gzugs med pa nas shi 'phos pa na sngon mig gi rnam par shes pa'i khams dag dang mi ldan pa las srid pa bar ma nying mtshams sbyor ba'i gnas skabs kho na mig gi khams skye ba la mngon du phyogs pa dang /mig gi rnam par shes pa'i khams dge ba dang nyon mongs pa can 'das pa dang ma 'ongs pa dang ldan pa 'thob ste srid pa bar ma pa rnams ni dbang po ma tshang ba ma yin no/ /gnyi ga dang ma yin pa yod de rnam pa de dag las ma gtogs pa'o zhes bya ba ni mu gsum bshad pa'i chos rnam pa gsum ma gtogs par zhes bya ba'i tha tshig ste/gzugs med pa'i khams nas shi 'phos nas de nyid du skye ba ni gnyi ga dang mi ldan pa ldan pa mi 'thob bo/ /de na ni mi ldan pa nyid yod kyi ldan pa thob pa ni med do/ /bsam gtan gnyis pa la sogs par skyes pa mig gi rnam par shes pa mngon du mi byed pa yang gnyi ga dang mi ldan pa ldan pa mi 'thob bo//ji lta zhe na mig gi khams dang ni ldan pa 'thob mod kyi mig gi khams dang mi ldan pa ni ma yin no/ /mig gi rnam par shes pa'i khams dang ni mi ldan mod kyi ldan pa 'thob pa ni ma yin te/de mngon du mi byed pa'i phyir ro/ /'dod pa'i khams ni gnas pa mig dang ldan pa cig car shi bas ni srid pa bar mar nying mtshams sbyor ba cha gnyi ga dang mi ldan pa las ldan pa mi 'thob ste de dag dang ldan pa'i phyir ro/ /gang mig gi khams dang ldan pa de mig gi rnam par shes pa'i khams dang yang yin nam zhe na zhes bya ba ni/so so dang / /lhan cig tu'ang 'thob pa yod ces bya ba'i mdo 'di nyid kyis mu bzhi pa 'di yang bsgre bar byed pa yin no/ /'thob pa ni rnyed pa yin no/ /res 'ga' ni brjod par 'dod pa'i sgo nas thob pa tsam la yang bya ste mu bzhi pa'i dang po la ni rnyed pa yin no//gnyis pa la ni thob pa tsam yin no/ /mu dang po ni zhes bya ba rgyas par 'byung ba ni bsam gtan gnyis pa la sogs par skyes pa ni dbang po rnams ma tshang ba ma yin pas mig gi dbang po dang ni gdon mi za bar ldan la/ mig gi rnam par shes pa'i khams dang ni mi ldan te/de na med pa'i phyir dang bsam gtan dang po'i sa pa'i mig gi rnam par shes pa ni mngon du mi byed pa'i phyir ro/ /'dod pa'i khams na mig ma thob pa dang nyams pa'o zhes bya ba ni 'di la mig ma thob pa 'am nyams pa yod pas mig ma thob pa dang nyams pa'o/ /mig ma thob pa ni nur nur po la sogs pa'i gnas skabs na'o//mig nyams pa ni mig med par gyur pa ste de ni 'dod pa'i khams na srid pa bar mar nying mtshams sbyor ba na thob pa'i mig gi rnam par shes pa dge ba dang nyon mongs pa can dang ldan gyi mig gi khams dang ni ma yin te/ de ni med pa'i phyir ro/ / mig thob pa dang ma nyams pa zhes bya ba ni 'di la mig thob pa dang ma nyams pa yod pas na mig thob pa dang ma nyams pa ste/ de ni 'dod pa'i khams na mig gi khams dang mig gi rnam par shes pa'i khams so/ /de bzhin du sngar thob pa dang / de'i tshe lung du ma bstan pa dang yang ldan pa yin no//bsam gtan dang por skyes pa yang de gnyis dang ldan pa yin te/ de la rang gi sa pa yang gdon mi za bar yod pa'i phyir la gzhan gyis pa'i mig kyang srid pa'i phyir ro/ /bsam gtan gnyis pa la sogs par skyes pa lta ba'o zhes bya ba ni bsam gtan dang po'i sa pa'i mig gi rnam par shes pa mngon du byed pa na zhes bya ba'i tha tshig ste de yang gdon mi za bar 'di gnyis dang ldan no//bzhi pa ni rnam pa de dag ma gtogs pa'o zhes bya ba ni gzugs med pa'i khams su skyed pa'o/ /ci rigs par brtag par bya'o zhes bya ba na gang mig gi khams dang mi ldan pa ldan pa 'thob pa de gzugs kyi khams dang yang yin nam gang gzugs kyi khams dang yang yin pa de mig gi khams dang yang yin nam zhe na/mig gi khams dang gzugs kyi khams dag so so dang lhan cig tu yang 'thob pa yod/re zhig so so ni mig gi khams dang yin la gzugs kyi khams dang ma yin pa yang yod de/ rim gyis mig gi dbang po thob pa na'o/ /gzugs kyi khams dang yin la mig gi khams dang ma yin pa yang yod de zhes bya ba'i mu 'di ni med do/ /lhan cig tu yang ni gnyi ga dang mi ldan pa ldan pa thob pa yang yod de/gzugs med pa'i khams nas shi 'phos nas 'dod pa'i khams dang [(]gzags [,]gzugs [)]kyi khams su skye ba na'o/ /gnyi ga dang ma yin pa yang yod de/ rnam pa de dag ma gtogs pa'o/ /gang mig gi khams dang ldan pa de gzugs kyi khams dang yang yin nam zhe na/ tshig snga ma dang sbyor ba ste re zhig gang mig gi khams dang ldan pa de ni gzugs kyi khams dang yang yin no/ /gzugs kyi khams dang yin la mig gi khams dang ma yin pa yang yod la/ nur nur po la sogs pa'i gnas skabs na mig ma thob pa dang mig thob pa nyams pa'o/ /gang mig gi rnam par shes pa'i khams dang mi ldan pa ldan pa 'thob pa de gzugs kyi khams dang yang yin nam/gang gzugs kyi khams dang yin pa de rnam par shes pa'i khams dang yang yin nam zhe na/ de bzhin du de gnyis ni so so dang / lhan cig tu yang thob pa yang yod do/ /re zhig so so ni mig gi rnam par shes pa'i khams dang yin la gzugs kyi khams dang ma yin pa yang yod de/bsam gtan gnyis pa la sogs par skyes pa mig gi rnam par shes pa mngon du byed pa na'o/ /gzugs kyi khams dang yin la mig gi rnam par shes pa'i khams dang ma yin pa yang yod de/gzugs med pa'i khams nas shi 'phos nas bsam gtan gnyis pa la sogs par skye ba na'o/ /lhan cig tu yang ni gnyi ga dang mi ldan pa ldan pa 'thob pa yang yod de/ gzugs med pa'i khams nas shi 'phos nas 'dod pa'i khams dang tshangs pa'i 'jig rten du skye ba na'o//gnyi ga dang ma yin pa ni rnam pa de dag ma gtogs pa'o/ /gang mig gi rnam par shes pa'i khams dang ldan pa de gzugs kyi khams dang yang ma yin nam/ gang gzugs kyi khams dang yin pa de mig gi rnam par shes pa'i khams dang yang yin nam zhe na/ tshig phyi ma dang sbyor ba ste re zhig gang mig gi rnam par shes pa'i khams dang ldan pa de ni gzugs kyi khams dang yang yin no//gzugs dang yin la mig gi rnam par shes pa dang ma yin pa yang yod de/ bsam gtan gnyis pa la sogs par skyes pa mig gi rnam par shes pa mngon du mi byed pa na'o/ / mig dang rnam par shes pa dang gzugs rnams kyi 'thob pa dang ldan pa bsam pa ji lta ba de bzhin du rna ba dang / rnam shes khams dag so so dang / /lhan cig tu yang 'thob pa yod/ /ces bya ba la sogs pa rna ba dang rnam par shes pa dang sgra'i khams rnams kyi 'thob pa dang ldan pa yang bsam par bya'o//nang gi bcu gnyis zhes bya ba ni gnyi gar nges par bzung ba yin te nges par bzung ba kho nas gzugs la sogs pa gzhan ni phyi'i yin na zhes bya bar grub po/ /bdag gi dbang du byas pa ni gang gi'o/ /yang na bdag gi ched du byas pa ni nang gi'o/ /yang na nang gi nyid dam mngal yod pas na nang gi'o//ngar 'dzin pa'i rten yin pa'i phyir zhes bya ba ni bdag tu smra ba rnams ni ngar 'dzin pa'i rten ni bdag yin no zhes rtogs par byed de ngar 'dzin pa'i rten ni sems yin pas bdag ces nye bar 'dogs so/ /ji lta zhe na/ smras pa tshigs su bcad pa las/ mkhas pas bdag nyid shin tu ni/ /dul bas mtho ris thob par 'gyur/ /zhes gsungs so/ /yang sems bdag ces bya ba'i sgrar brjod do zhes bya ba yang ji ltar shes she na de'i phyir bcom ldan 'das kyis gzhan las zhes bya ba la sogs pa smos te/ tshigs su bcad pa gzhan las/sems dul ba ni legs pa ste/ /sems dul bas ni bde ba 'dren/ /zhes gsungs so/ /des na don ni chos gang dag nang sems su bya ba'am nang sems kyi dbang du byas nas rten gyi ngo bor nye bar gyur par 'dug pa de dag ni nang gi yin la gang dag yul gyi ngo bor 'dug pa de dag ni phyi'i yin no zhes bya ba 'di yin no//nye bar gyur pa yang ci zhig yin zhe na/ gang gi phyir rnam par shes pa de gyur pa'i rjes su byed pa yin no/ /mig la sogs pa kho na la rnam par shes pa yod par mngon gyi gzugs la sogs pa la ni ma yin te/ 'di ltar sems ni dbang po dang 'brel pa'i lus kyi phyogs na yod par yongs su gcod pa'i yul gyi phyogs na ni ma yin no/ /de lta na 'o na ni rnam par shes pa'i khams drug po dag ces bya ba rgyas par 'byung ba ni/ re zhig 'dir rnam par shes pa'i khams lnga po dag ni yul dang dbang po dang dus mnyam pa'i phyir da ltar gyi kho na yin par bzung ste rnam par shes pa'i tshogs lnga ni da ltar gyi yul can yin la/'dir yid kyi rnam par shes pa'i khams kyang da ltar gyi kho na yin par rnam par gzhag go/ /gang gi phyir rten yid kyi khams kyang 'das ma thag pa las rnam par 'jog ste/yid kyi khams dang yid kyi rnam par shes pa'i khams dag ni dus kyi bye brag kho na'i sgo nas tha dad par rnam par gzhag pa yin pa de'i phyir de dag ni nang gi yin par mi 'gyur te de dag yid kyi khams nyid du ma gyur cing 'das pa nyid du ma gyur pa ni sems kyi rten du mi 'gyur ro/ / gang gi tshe yin pa de'i tshe yang de dag nyid de dag yin te mtshan nyid las mi 'da'o zhes bya ba'i tshig 'dis ci zhig bsgrubs she na/ 'dis ni 'byung bar 'gyur ba'i rten gyi ngo bos nang gi nyid yin pa'i phyir da ltar gyi 'di dag kyang rten gyi ngo bo yin par 'gyur ro zhes bya ba 'di bsgrubs pa yin no//gal te yang rnam par shes pa ma 'ongs pa dang da ltar byung ba zhes bya ba rgyas par 'byung ba ni 'das pa'i dus na yid kyi khams kyi mtshan nyid yod pa gang yin pa de ma 'ongs pa dang da ltar byung ba'i dus dag na yang yod pa kho na'o snyam du bsams pa yin no/ /mtshan nyid ni dus rnams su 'khrul pa med do zhes bya ba ni ngo bo nyid yongs su 'dor ba med do zhes bya ba'i tha tshig go//chos zhes bya ba ni brten pa dang bcas zhes bya ba ni chos zhes bya ba ni rten pa dang bcas pa kho na yin no zhes nges par 'dzin par byed pa yin no/ /gang zhig rnam par shes pa gang gi yul du nges la zhes bya ba ni 'di lta ste gzugs ni mig gi rnam par shes pa'i yul du nges pa nas chos rnams ni yid kyi rnam par shes pa yul gyi bar du nges la gal te de la mig gi rnam par shes pa skyes pa 'am skye ba'i chos can yin pa yin pa nas gal te de la yid kyi rnam par shes pa'i bar du skyes pa 'am skye ba'i chos can gyi yul de ni rten pa dang bcas pa zhes bya'o//de'i dmigs pa yang rang gi ngo bo dang lhan cig 'byung ba ma gtogs pa'o zhes bya ba ni rang gi ngo bo dang lhan cig 'byung ba rnams ma gtogs pa ste rang gi ngo bo dang lhan cig 'byung ba ma gtogs pa chos thams cad ni rnam par shes pa de'i dmigs pa'i ngo bo nyid yin no//rang gi bdag nyid la byed pa ni 'gal ba'i phyir te sor mo'i rtse mo de nyid la sor mo'i rtse mo de nyid kyis reg par 'gyur ba yang med la/ ral gri'i so so de nyid kyis gcod par 'gyur ba yang med do//shin tu nye ba'i phyir de dang lhan cig 'byung ba mtshungs par ldan pa'am mtshungs par ldan pa ma yin pa dag kyang ma yin te/ mig la yod pa'i mig rtsi ni des mi 'dzin to/ /sems kyi skad cig ma de yang sems kyi skad cig ma gzhan gyi dmigs pa yin zhes bya ba ni skad cig ma snga ma la rang gi ngo bo dang lhan cig 'byung ba'i chos gang dag dmigs par ma gyur pa de dag kyang dmigs par gyur pas skad cig ma gnyis kyi dmigs par ni chos thams cad 'gyur ro//de lta bas na chos kyi khams ni rtag tu rten pa dang bcas pa yin te chos kyi khams ni yid kyi kho na yin par nges so//lhag ma ni/ de dang mtshungs pa dag kyang yin/ /kyang zhes bya ba'i sgra ni rten pa dang bcas pa dag kyang yin pa'o zhes bya ba ni lhag ma dag kho na rten pa dang bcas pa dang mtshungs pa yin no zhes nges par 'dzin par byed pa yin no/ /chos kyi khams kho na rten pa dang bcas pa'o zhes nges par bzung ba'i phyir lhag ma rnams rten pa dang bcas pa ni ma yin pas rten pa dang bcas pa dang de dang mtshungs pa dag tu 'grub par 'gyur ba ma yin nam zhe na/'grub par mi 'gyur te rten pa dang bcas pa dag kho na ni ma yin no zhes bya bar 'gyur mod kyi de dang mtshungs pa kho na yin no zhes bya bar 'gyur bas de bzlog pa'i phyir lhag ma ni/de dang mtshungs pa dag kyang yin/ /zhes bya ba 'di brtsams te rten pa dang bcas pa dag kho na yang ma yin la de dang mtshungs pa dag kho na yang ma yin no//gang zhig rang gi las mi byed/ /ces bya ba ni de dang mtshungs pa dag yin no zhes bya bar sbyar te de dang mtshungs pa dag ces bya ba'i mjug thogs su bshad pa yin pa'i phyir ro/ /gang zhig rang gi las byed pa ni rten pa dang bcas pa'o zhes bshad par 'gyur ro zhes bya ba ni rang gi las mi byed pa de kho na de dang mtshungs pa yin la de dang mtshungs pa kho na rang gi las mi byed pa yin no zhes nges par bzung ba dang /don gyi shugs kyis na rang gi las byed pa ni rten pa dang bcas pa yin no zhes bya ba yin no/ /gzugs rnams mthong ba zhes bya ba ni mthong bar 'gyur zhes brjod par bya ba ma yin no//de lta na de ring 'das pa dang khar rtsang 'das pa dang yang yongs su bsdus par 'gyur gyi de lta ma yin nam khyab pa'i mtshan nyid du 'gyur ro/ /yang na ji skad kho nar 'byung ba de ni mtshon pa tsam du zad par blta bar bya ste de ring 'das pa yang brjod par bya'o//de bzhin du yid kyi bar la yang rang gi yul la byed pas brjod par bya'o zhes bya ba ni rang gi yul la rtsal gyis brjod par bya'o/ /ji lta zhe na/ rna ba gang gis sgra rnams thos pa 'am nyan par 'gyur ba'i rna ba de ni rten pa dang bcas pa'o zhes bya'o zhes bya ba ste thams cad la skyar bar bya'o// //bam po bdun pa/ rnam par shes pa dang ldan pa dang ldan pa ma yin pa zhes bya ba ni rnam par shes pa dang 'brel ba dang 'brel ba ma yin pa zhes bya ba'i tha tshig go/ /gcig gi mig rten pa dang bcas pa de ni thams cad kyi rten pa dang bcas pa yin no zhes bya ba'i don to//de dang mtshungs pa rnams kyang de bzhin te zhes bya ba ni gcig gi mig de dang mtshungs pa gang yin pa de ni thams cad kyi de dang mtshungs pa yin no zhes bya ba'i tha tshig go/ /phrad nas 'dzin pa'i phyir zhes bya ba ni dri la sogs pa gang dag lhas byin gyi lce'i dbang po la sogs pa dang phrad nas 'dzin pa de dag mchod sbyin gyis mi 'dzin te rang gi sna'i dbang po la sogs pa gnas pa'i phyir ro//de bas na thun mong ma yin pa'i phyir ro/ /'di dag ni mig la sogs pa bzhin du bsgre ba'i rigs te gcig gi dri rten pa dang bcas pa gang yin pa de ni thams cad kyi yin la de dang mtshungs pa yang de bzhin no zhes brjod par bya'i/gzugs ji ltar dri la sogs pa yang de dang 'dra'o zhes ni brjod par mi bya'o/ /gcig gi sna la sogs pa'i rnam par shes pa skyed par 'gyur ba'i dri la sogs pa gang dag yin pa de dag nyid gzhan dag gis yang yin pa srid pa de ni yod kyi zhes bya ba ni gal te de dag lhas byin gyi sna'i dbang po la sogs pa dang phrad par gyur na ni lhas byin gyi rnam par shes pa skyed par 'gyur la/ji ste mchod sbyin gyi sna'i dbang po la sogs pa dang phrad na ni mchod sbyin gyi rnam par shes pa skyed par 'gyur ro zhes bya ba'i tha tshig go//yang na gzhan dag gi yang yin zhes bya ba ni de la yod pa'i srin bu phra mo la sogs pa'i rnam par shes pa yang skyed par 'gyur gyi dri la sogs pa de dag gang gis sna'i dbang po la sogs pa dang phrad pa'i lhas byin de kho na'i rnam par shes pa skyed par 'gyur ba ni ma yin no//dbang po dang yul dang rnam par shes pa rnams phan tshun rten pa zhes bya ba ni phan tshun rten dang yul dang brten pa'i ngo bor mngon du 'jug pa ste/ 'di ltar dbang po'i khams dag ni ci rigs par rnam par shes pa'i khams dag gi ni rten gyi ni ngo bor brten te rten par byed do zhes bya ba'i tha tshig go//yul rnams kyi ni yul can gyi ngo bor ro/ /de bzhin du yul gyi khams dag kyang rang gi dbang po'i khams rnams kyi ni yul gyi ngo bor rten to/ /rnam par shes pa'i khams rnams kyi ni yul dang dmigs pa'i ngo bor rten te/ de bzhin du rnam par shes pa'i khams dag kyang rang rang gi dbang po'i khams rnams kyi rten can gyi ngo bor rten to//yul gyi khams rnams kyi ni yul can dang dmigs pa can gyi ngo bor rten to/ /de bas na phan tshun rten pa ni brten pa yin no/ /byed pa rten pa ni brten pa'o zhes bya ba la/ byed pa ni mig la sogs pa'i byed pa ni blta ba la sogs pa yin no//rnam par shes pa'i khams rnams kyi ni rnam par shes par byed pa nyid do/ /yul gyi khams rnams kyi ni de dag gi yul lam dmigs pa'i ngo bo yin no/ /byed pa de la rten pa ni brten pa yin te de 'di dag la yod pas na zhes bya ba'i tha tshig go//'di ni rab tu bstan pa tsam kho nar zad kyi tshig rnam par sbyar ba ni 'di ltar bya'o/ /rten pa dang lhan cig 'dug pas rten pa dang bcas pas sam 'di dag la rten pa 'dra ba yod pas 'di dag ni rten pa mtshungs pa dag yin no/ /'bras bu reg pa mtshungs pa'i phyir zhes bya ba ci zhe na//rten pa dang mtshungs pa zhes bya bar skabs dang sbyar ro/ /brten par bya ba yin pas na rten pa ste tshig rnam par sbyar ba ni snga ma bzhin no/ /dbang po dang yul dang rnam par shes pa 'di rnams kyi 'bras bu sems las byung ba reg pa dran pa yin te/ mig dang gzugs rnams la brten nas mig gi rnam par shes pa skye'o//gsum 'dus pa las reg pa'o zhes bya ba la sogs pa 'byung ba'i phyir ro/ /gang dag rten pa dang bcas pa ma yin pa zhes bya ba rgyas par 'byung ba ni mig la sogs pa rten pa dang bcas pa ma yin pa gang dag yin pa de dag ni rten pa dang bcas pa'i mtshan nyid du bshad pa de dag dang mtshungs shing 'dra bas na de dang mtshungs pa yin te 'dir mtshungs pa zhes bya ba'i sgra ni 'dra ba'i don yin no//mthong bas spang bar bya ba zhes bya ba la mthong ba ni dang po nyid du bden pa mthong ba yin te/ zag pa med pa'i sems kyi skad cig ma bco lngas bsdus pa yin no//bsgom pa ni de nyid la yang dang yang du lta ba yin no/ /yang na bsgom pa ni 'jig rten pa'i mnyam par gzhag pa'i shes pa yin no/ /bcu ni bsgom pas spang bya yin/ /lnga yang yin te zhes bya ba ni gzugs can gyi khams bcu dang de dag gi rnam par shes pa'i khams lnga yin no//de dag kho na yin no zhes bya ba 'di ji ltar shes she na/ tha ma'i gsum rnam gsum zhes 'byung ba'i phyir tha ma'i gsum las gzhan pa ni khams bco lnga yin no zhes bya ba yin te de dag ni bsgom pas spang bar bya ba kho na yin no zhes bya bar nges par bzung ngo / /rnam pa gsum [(]sta [,]ste [)]zhes bya ba ni mthong bas spang bar bya ba dang bsgom pas spang bar bya ba dang /spang bar bya ba ma yin pa dag yin no zhes bya ba'i tha tshig ste/ de dag kho na rnam pa gsum yin no/ /phra rgyas brgyad cu rtsa brgyad dang de dag dang lhan cig 'byung ba zhes bya ba la phra rgyas ni 'jig tshogs la lta ba la sogs pa yin no//de dag dang lhan cig 'byung ba ni rnam par shes pa dang tshor ba la sogs pa mtshungs par ldan pa rnams dang mtshungs par ldan pa ma yin pa de dag gi mtshan nyid dang rjes kyi mtshan nyid dag yin no/ /de dag gi thob pa rjes su 'brang ba dang bcas pa rnams zhes bya ba la/de dag ces bya ba'i sgra ni phra rgyas la sogs pa dang sbyar te/ phra rgyas de dag dang / de dag dang lhan cig 'byung ba rnams kyis thob pa dag yin no/ /thob pa dag dang phra rgyas dang lhan cig 'byung ba yin mod kyi thams cad ni ma yin te/ /thob pa kha cig ni phra rgyas la sogs pa dang lhan cig 'byung ba yin te lhan cig skyes pa gang dag yin pa'o//kha cig ni de dag pas snga ma dang 'phyi bar 'gyur te/ de'i phyir thob pa logs shig tu smos so/ /rjes su 'brang ba dang bcas pa rnams zhes bya ba smos pas ni rjes kyi thob pa dag dang de dag gi mtshan nyid dag bsdu'o/ /zag pa dang bcas pa lhag ma rnams ni bsgom pas spang bar bya ba dag yin no zhes bya ba ni khams tha ma gsum po de dag nyid mthong bas spang bar bya ba rnams las gzhan pa zag pa dang bcas pa lhag ma gang dag yin pa de dag ni bsgom pas spang bar bya ba yin no//de dag kyang gang zhe na/ phra rgyas bcu dang de dag dang lhan cig 'byung ba rnams dang de dag gis thob pa rjes su 'brang ba dang bcas pa rnams te dge ba zag pa dang bcas pa rnams dang 'du byed ma bsgribs la lung du ma bstan pa rnams dang rnam par rig byed ma yin pa'i gzugs zag pa dang bcas pa rjes su 'brang ba dang bcas pa yin no//zag pa med pa rnams ni spang bar bya ba ma yin pa dag go zhes bya ba ni lam gyi bden pa dang 'dus ma byas kyi ngo bo nyid yin no/ /spang bar bya ba gzhan yang yod pa ma yin nam zhes bya ba rgyas par 'byung ba ni so so'i skye bo nyid kyang ma bsgribs la lung du ma bstan pa'i 'du byed kyi ngo bo nyid yin pa'i phyir bsgom pas spang bar bya ba'i nang du gtogs la ngan song bar 'gyur ba'i lus dang ngag gi las kyang gzugs kyi ngo bo nyid yin pa'i phyir bsgom pas spang bar bya ba yin par bshad pas/de'i phyir gnas ma'i bu'i sde pa dag /'phags pa'i lam dang 'gal ba'i phyir/ /zhes rgol bar byed de/ so so'i skye bo nyid kyang 'phags pa'i lam skyes pa na med la ngan song bar nges pa'i las yod na yang 'phags pa'i lam mi skye'o/ /'phags pa'i lam skyes na ni ngan song ba'i las kyang mi 'byung ste/de lta bas na gnyi ga 'jig tshogs la lta ba la sogs pa bzhin du mthong bas spang bar bya ba yin no zhes rjod par byed de/ de dgag pa'i phyir 'di bshad zin kyang bde blag tu rtogs par bya ba'i phyir mdor bsdus nas yang / nyon mongs can min mthong spang min/ / gzugs min drug pa min skyes min/ /zhes bya ba brjod de/ mthong ba ni mthong ba yin no/ /nyon mongs can min pa ni ma bsgribs la lung du ma bstan pa dang dge ba zag pa dang bcas pa yin te mthong bas spang bar bya ba ma yin no/ /gzugs ni nyon mongs can yin yang mthong bas spang bar bya ba ma yin no//drug pa min skyes ni rnam par shes pa'i tshogs lnga las skyes pa yin te/ de ni gzugs ma yin zhing nyon mongs pa can yin yang mthong bas spang bar bya ba ma yin no/ /'di las gzhan ji skad bshad pa lta bu ni mthong bas spang bar bya ba ma yin no/ /so so'i skye bo nyid ni nyon mongs pa can ma yin pa'i lung du ma bstan pa yin te dge ba'i rtsa ba kun tu chad pa dang 'dod chags dang bral ba rnams kyang de dang ldan pa'i phyir ro zhes bya ba ni dge ba'i rtsa ba kun tu chad pa rnams ni chos dge ba dag dang mi ldan par 'dod la so so'i skye bo nyid dang mi ldan te/'di ltar de dag ni so so'i skye bo yin par 'dod do/ /de lta bas na de dag ni so so'i skye bo nyid ni dge ba yang ma yin no/ /de ni 'dod chags dang bral ba rnams kyang de dang ldan pa'i phyir nyon mongs pa can yang ma yin te/ nyon mongs pa can gyi dngos po ni ngo bo nyid kyis spong bar 'dod de/ thob pa bcad par spong ba zhes bya ba'i tha tshig go//gal te so so'i skye bo nyid de nyon mongs pa can zhig yin par gyur na 'jig rten pa'i 'dod chags dang bral ba rnams la de'i thob pa chad pas de dang mi ldan pa zhig na/ de dag de dang ldan par yang 'dod de/ /'di ltar 'jig rten pa'i 'dod chags dang bral ba de dag ni so so skye bo kho na yin par 'dod do//nyon mongs pa can ma yin pa'i lung du ma bstan pa nyid cig yin na ni nyes pa med do/ /nyon mongs pa can ma yin pa ni 'dun pa'i 'dod chags spong bar 'dod de/ de la dmigs pa'i nyon mongs pa'i thob pa gcod ces bya ba'i tha tshig go/ /de'i bdag nyid kyi thob pa gcod par ni mi 'dod do//'di ltar bcom ldan 'das kyis dge slong dag gzugs la 'dun pa'i 'dod chags gang yin pa de spongs shig 'dun pa'i 'dod chags spangs nas de lta na khyed kyis gzugs spangs pa yin no zhes bya ba rgyas par gsungs so/ /de lta bas na/ de dag gi so so'i skye bo nyid nyon mongs pa can ma yin pa'i lung du ma bstan pa spangs kyang mig la sogs pa bzhin du kun tu 'byung ste/de'i phyir de dang ldan pa yin no/ /yang ci'i phyir so so'i skye bo nyid ni nyon mongs pa can ma yin pa'i lung du ma bstan pa yin pa'i phyir mthong bas spang bar bya ba ma yin la lus dang ngag gi las ni gzugs yin pa'i phyir mthong bas spang bar bya ba ma yin zhe na/bden pa dag la log par mi rtog pa'i phyir zhes bya ba smos te/ so so'i skye bo nyid ni nyon mongs pas skyon can du gyur pa ma yin pa'i phyir dang dmigs par byed pa ma yin pa'i phyir sdug bsngal la sogs pa'i bden pa dag la log par mi rtog ste/phyin ci log gi ngo bor mi 'jug go zhes bya ba'i tha tshig go/ /lus dang ngag gi las kyang dmigs par byed pa ma yin pa nyid kyis log par mi rtog ste/ de lta bas na gnyi ga mthong bas spang bar bya ba ma yin no/ /bden pa dag la log par mi rtag pa'i phyir zhes bya ba'i gtan tshigs 'di ni drug pa ma yin pa las skyes pa la yang bsgre bar bya'o//sdug bsngal la chos shes pa'i bzod pa na so so'i skye bo nyid du yang thal bar 'gyur ba'i yang phyir ro zhes bya ba'i rgyu bsdu ba 'di ni so so skye bo nyid kho na mthong bas spang bar bya ba nyid yin pa bzlog pa'i phyir brjod pa yin te/lus dang ngag gi las dang ni 'brel pa med pa'i phyir ro/ /sdug bsngal la chos shes pa'i bzod pa na so so'i skye bo nyid kyi thob pa 'chad kyi/ 'gags par 'gyur ba'i lam gyis ni/ /de'i sgrib pa rab tu spong //zhes 'byung ba'i phyir chad zin pa ni ma yin te/ des spang bar bya ba'i nyon mongs pa'i thob pa bzhin no/ /sdug bsngal la chos shes pas na ni de'i thob pa chad pa yin no/ /des na sdug bsngal la chos shes pa'i bzod pa'i gnas skabs na de'i thob pa yod pa'i phyir gang zag de so so'i skye bo nyid yin par 'gyur ba zhig na/'di ni de'i gnas skabs na 'phags pa'i lam thob pa'i phyir so so'i skye bo yin no zhes bya bar rnam par gzhag par yang mi nus so/ /'di ltar so so skye bo nyid kyi mtshan nyid ni/ so so'i skye bo nyid gang zhe na/ 'phags pa'i chos rnams ma thob pa'o zhes bya ba yin la ma thob pa de yang 'phags pa'i chos rnams thob nas ldog ste/ de lta bas na 'di ni 'phags pa kho na yin no/ /re zhig bye brag tu smra ba khyed rnams la 'di dri bar bya ste/ ci so so'i skye bo nyid de bsgom pa'i lam thob pa kho nas spong bar 'gyur ram/smras pa ma yin te/ so so'i skye bo nyid de ni 'dod pa na spyod pa nas srid pa'i rtse mo pa'i bar sa dgu pa yin la de yang nyon mongs pa can ma yin pa yin no/ /des na so so'i nyon mongs pa'i rnam pa dgu pa spong ba'i phyir gnas skabs na spong bar 'gyur te zag pa dang bcas pa nyon mongs pa can ma yin pa thams cad ni rnam par grol ba'i lam dgu pa kho na la spong bar 'gyur ro//gal te de lta na 'dod chags dang ma bral ba'i gnas skabs na 'phags pa so so'i skye bo yin par 'gyur ro zhe na ma yin te/ so so'i skye bo nyid rnam par nyams pa'i phyir ro//sdug bsngal la chos shes pa'i bzod pa phan chad de rnam par nyams pa kho na yin gyi/ spang ba ni ma yin no/ /rnam par nyams pa dang spang ba dag la khyad par ci yod ce na/ rnam par nyams pa ni thob pa chad pa yin par rnam par gzhag go/ /spangs pa ni gnyen po thob pa yin par rnam par gzhag go//de lta bas na thob pa chad pas so so'i skye bo nyid de dang mi ldan pa'i phyir de'i gnas skabs na 'phags pa kho na yin gyi so so'i skye bo ni ma yin pas nyes pa med do/ /mig dang chos kyi khams phyogs ni/ /lta ba yin te zhes bya ba ni mig kho na dang chos kyi khams kyi phyogs kho na lta ba yin no zhes bya bar nges par 'dzin pa yin na//'jig tshogs la lta ba la sogs pa zhes bya ba ni 'jig tshogs la lta ba dang mthar 'dzin par lta ba dang log par lta ba dang lta ba mchog tu 'dzin pa dang tshul khrims dang / brtul zhugs mchog tu 'dzin pa'o//slob pa'i zag pa med pa'o/ /zhes bya ba ni shes rab ces bya ba skabs dang sbyar ro/ /mi slob pa'i ni mi slob pa'i 'o zhes bya ba ni mi slob pa'i zag pa med pa'i shes rab ni mi slob pa yin no/ /zad pa dang mi skye ba shes pa ma gtogs pa zhes brjod par bya ste/ zad dang mi skye blo lta min//zhes 'chad par 'gyur ro/ /sprin bcas pa dang sprin med pa/ /zhes bya ba rgyas par 'jig rten pa nyon mongs pa can dang nyon mongs pa can ma yin pa dang slob pa dang mi slob pa'i lta ba dag gis chos la lta'o zhes bya ba'i bar du 'byung ba ni 'jig rten la yod pas na 'jig rten pa'o//nyon mongs pa can dang nyon mongs pa can ma yin pa ni nyon mongs pa can dang nyon mongs pa can ma yin pa'o/ /'di ni nyon mongs pa can dang nyon mongs pa can ma yin pa yang yin la 'jig rten pa yang yin pas/ 'jig rten pa nyon mongs pa can dang nyon mongs pa can ma yin pa'o//'jig rten pa nyon mongs pa can dang nyon mongs pa can ma yin pa dang slob pa dang mi slob pa ni 'jig rten pa nyon mongs pa can dang nyon mongs pa can ma yin pa dang slob pa dang mi slob pa ma yin te de dag gi chos la lta'o/ /ji lta bu zhig yin zhe na/ ji ltar sprin dang bcas pa'i mtshan mo gzugs la lta ba de bzhin du 'jig tshogs la lta ba la sogs pa 'jig rten pa'i lta ba nyon mongs pa can gyis chos la lta ba yin te/shin tu mi gsal zhes bya ba'i tha tshig go/ /ji ltar sprin med pa'i mtshan mo de nyid gzugs la lta ba bzhin du 'jig rten pa'i lta ba nyon mongs pa can ma yin pas chos la lta ba yin te/mi gsal zhes bya ba'i tha tshig go/ /ji ltar sprin dang bcas pa'i nyin mo gzugs la lta ba de bzhin du slob pa'i lta bas chos la lta ba yin te/ mi gsal ba yin gyi shin tu ni ma yin no//ji ltar sprin med pa'i nyin mo gzugs la lta ba de bzhin du mi slob pa'i lta bas chos la lta ba yin te/ shin tu rab tu gsal zhes bya ba'i tha tshig go/ /nges rtog med pa'i zhes bya ba ni rtog pa med pa'i phyir te/ rtog pa ni yul la nges par dpyod pa sngon du 'gro ba'i nges par 'dren pa yin no//de nyid kyi phyir shes rab nyon mongs pa can nam zhes bya ba rgyas par 'byung ba ni rtog pa med pa de nyid kyi phyir yid kyi shes rab 'dod chags la sogs pa dang mtshungs par ldan pa nyon mongs pa can nam nyon mongs pa can ma yin pa zad pa dang mi skye ba shes pa dang bsgribs la lung du ma bstan pa gzhan yang lta ba ma yin no//gzugs la lta ba'i don gyis te/ /zhes bya ba ni mig gi rtog par byed pa nyid kyi lta ba ma yin no/ /'o na ci zhe na/ gzugs la lta ba'i don gyis te shes rab ni rtog par byed pa nyid kyis yin no zhes bshad par 'gyur ro//rnam par shes pa gzhan dang ldan pas kyang zhes bya ba ni rnam par shes pa gzhan mngon du gyur pa'i gang zag gis te rnam par shes pa gzhan la chags pas zhes bya ba'i tha tshig go/ /mthong bar 'gyur ro zhes bya ba ni mig gi dbang po dang yul la sogs pa nye ba'i phyir ro/ / gang gi phyogs mig gi rnam par shes pas mthong ngo zhes bya ba de'i ltar na ni de'i rnam par shes pa med pas nyes pa med do/ /rnam par shes pa de kho nas mthong bar 'gyur ro zhes bya ba ni de yod na mthong ba yod pa'i phyir dang de med na med pa'i phyir ro/ /gang phyir bar du chod pa yi/ / gzugs ni mthong ba min phyir lo/ /zhes bya ba la/ lo zhes bya ba'i sgra ni pha rol po'i gzhung lugs ston par byed pa yin no/ /de ni thogs pa med pa'i phyir/ /zhes bya ba ni rnam par shes pa ni lus can ma yin pas rtsig pa la sogs pa las kyang 'das te mthong bar 'gyur ro/ / rnam par shes par smra bas/ bsgribs pa la ni rnam par shes pa mi skye ba nyid de zhes bya ba smras te/ yul snang bar ma gyur pa'i phyir ro snyam du bsams pa yin no/ /ci ste mi skye zhes bya ba ni thogs pa med pa yin pa'i phyir rtsig pa la sogs pa las kyang 'das te/ rtsig pa la sogs pas bsgribs pa'i yul la rnam par shes pa skye bar 'gyur ro snyam du bsams pa yin no//gang gi ltar na zhes bya ba ni bye brag tu smra ba kho bo gang gi phyogs mig gis mthong ngo zhes bya ba yin pa de'i ltar na ni kho bo mig thogs pa dang bcas pa'i phyir rtsig pa la sogs pas bsgribs pa la 'jug pa med de mig lta bar 'jug pa med do//'o na ni bye brag tu smra ba'i ltar na yang bsgribs pa la yang rnam par shes pa skye bar 'gyur ro zhes bya ba'i klan ka khong nas dbyung ba'i dogs pa bsu bar bye brag tu smra ba de nyid kyis yang rnam par shes pa yang rten dang lhan cig tu zhes bya ba smras te/ji ltar mig bsgribs pa la 'jug pa med par rung ba ltar rnam par shes pa yang rten dang lhan cig yul gcig la 'jug pa'i phyir mi skye bar rung ste rnam par shes pa 'jug pa med do/ /mig gi yul bsgribs pa'i don gang yin par gyur pa de nyid rnam par shes pa'i yang yin pas rnam par shes pa yang mi skye bar rung gi rnam par shes par smra ba khyed kyi ltar na ni rnam par shes pa thogs pa med pa yin pas bsgribs pa la yang rnam par shes pa skye bar 'gyur ba zhig na skye bar yang mi 'gyur te/de lta bas na mig gis mthong gi rnam par shes pas ni ma yin no zhes bya bar grub po//de ltar rnam par shes par smra ba bkag pa dang slob dpon gyis de'i phyogs bzung nas mig kyang lus kyi dbang po bzhin du yul dang phrad pa zhig yin nam ci lhag ce na zhes bya ba rgyas par smos te/ ji ltar lus kyi dbang po yul dang phrad pa rtsig pa la sogs pa la thogs pas de phan chad du 'jug par mi 'gyur ba'i phyir rtsig pa la sogs pas bsgribs pa'i yul mi 'dzin pa de bzhin du mig kyang yul dang phrad cing rtsig pa la sogs pa'i thogs pas thogs par gyur la de phan chad du 'gro bar mi 'gyur bas rtsig pa la sogs pas bsgribs pa'i yul mi 'dzin pa zhig yin nam ci/de ni rung ba ma yin te/ de lta bas na/ thogs pa dang bcas pa'i phyir mig gis bsgribs pa mi mthong ngo zhes brjod par mi bya'o/ /mching bu dang lhang tsher dang shel dang chu dag gis bar du chod pa yang ji ltar mthong bar 'gyur te zhes bya ba ni mching bu dang lhang tsher dang shel dang chus bar du chod cing bsgribs pa'i gzugs kyang ji ltar mthong ste/thogs pa dang bcas pa yin pa'i phyir rtsig pa la sogs pas chod pa bzhin mching bu la sogs pas chod pa yang mig gis mthong bar mi 'gyur ba zhig na/ de ni grub pa'i mtha' las mthong bar 'gyur ro zhes 'byung ngo //gang du snang ba la gegs med na zhes bya ba ni snang ba yod na yul snang bar gyur pa yin pas rnam par shes pa skye ba srid de rnam par shes pa'i rgyu ni 'di skad du mig gi dbang po ma nyams pa yin yul snang bar gyur pa yin te de las skyes pa'i yid la byed pa nye bar gnas pa yin no zhes 'byung ngo //de'i phyir mching bu la sogs pas bsgribs pa'i gzugs de med la mig gi rnam par shes pa skye ba nyid la gang la mching bu la sogs pa'i ngo bo nyid ma yin pa rtsig pa la sogs pa thibs po can dag gis gegs yod pa'i bsgribs pa de la ni mi skye'o//ci zhe na/ mig gi rnam par shes pa'o/ /ma skyes pa'i phyir bsgribs pa mi mthong ste khyed kyis ci ste mi skye zhes rgyu dris pa gang yin pa de'i rgyu ni 'di yin par smra'o/ /'o na gang mdo las mig gis zhes bya ba rgyas par 'byung ba ni mig gis gzugs rnams mthong nas mtshan mar 'dzin par mi 'gyur zhing mngon rtags su 'dzin par mi 'gyur zhes bya ba rgyas par gsungs pa yin no//gang gi phyir mig gis mthong ba de'i phyir gang zag gi mig gis mthong ngo snyam du bsams pa yin no/ /slob dpon gyis der ni dgongs pa ni de la brten te zhes bya ba 'di yin te zhes bya ba smos so//der ni dgongs pa ni mig la brten te zhes bya ba 'di yin te/ mig la brten te rnam par shes pas mthong nas zhes bya ba'i tha tshig go/ /ji ltar shes she na/ dper na yid kyi chos rnams rnam par shes par byas nas zhes bya ba smos so//yid la brten te yid kyi rnam par shes pas shes par byas nas shes par bya ba yin gyi 'das ma thag pa'i yid kyis ni chos rnams rnam par mi shes pa ni da ltar gyi gnas skabs na bya ba byed pa yin no/ /yang na brten pa'i las rten la nye bar btags pa yin te zhes bya ba ni brten pa rnam par shes pa'i las mthong ba rten mig la nye bar btags pa yin te/rnam par shes pas mthong ba la mig gis mthong ngo zhes nye bar btags pa yin no/ /dper na khri'u dag 'bod do zhes bya ba lta bu'o zhes bya ba ni/ dper na khri'u la 'dug pa'i mi dag 'bod pa la khri'u dag 'bod do zhes nye bar 'dogs pa de dang 'dra'o//ji ltar mdo las mig gi rnam par shes par bya ba'i zhes bya ba rgyas par 'byung ba ni bye brag tu smra ba rnams kyis phyogs kyang mig gis ni rnam par mi shes so/ /'o na ci zhe na/ rnam par shes pas rnam par shes so zhes bya ba 'di yin no//'on kyang mig gi rnam par shes par bya ba'i gzugs sdug pa rnams zhes gsungs te/ der ni gdon mi za bar brten pa'i las rten la brjod pa yin no zhes bya bar khong du chud par bya'o/ /gzugs rnams mthong bar bya ba la sgo yin no zhes kyang gsungs te zhes bya ba ni sgo dang 'dra bas na sgo yin te rgyu dang rten yin no zhes bya bar bsams pa yin no//lung 'dis ni mig gi sgo nas rnam par shes pas mthong ngo zhes de la brten to zhes bshad pa'i don gang yin pa de nyid gzhung 'dzugs par byed pa yin no/ /der ni lta ba la sgo zhes bya bar zad do zhes bya ba ni bram ze mig ni 'di lta ste/gzugs rnams mthong bar bya ba la sgo yin no zhes kyang gsungs te zhes bya ba 'dir ro/ /mig ni gzugs rnams mthong bar bya ba la lta ba yin no zhes bya ba 'di ni mi rung ngo zhes bya ba 'di ni 'dir tshig tu mi rung bas mi rung ngo zhes bya bar bsams pa'o//gal te 'dis lta bas na mthong ba'o zhes byed pa yin pa 'am lta bar byed pas na [(]byad [,]byed [)]pa po yin pa 'am lta ba'i phyir zhes ngo bo sgrub pa yin yang mthong ba ni lta ba yin pas mthong ba de'i phyir zhes bya ba 'di ji ltar rung / 'di ltar mig las ma gtogs pa'i mthong ba ni med do//gal te lta bar byed pa yin no snyam na rnam par shes pa las ma gtogs pa med de/ rnam par shes pa kho na lta bar byed pa yin gyi 'di las gzhan yod par ni ma mthong ngo / /gal te don mig ni gzugs rnams blta bar bya zhing rnam par shes par bya ba la sgo dang khung yin no zhes bya bar bzung na de ni rung ngo //dper na shes rab 'ga' zhig la mthong ba zhes kyang bya/ rab tu shes pa zhes kyang bya zhes bya ba'i nye bar bkod pa 'dis ni mthong ba dang rnam par shes pa dag don gyi ngo bo gzhan ma yin no zhes ston par byed do/ /gang zhig de skad du brjod pa'i bye brag de yang gang zhe na/lta ba'i bdag nyid du bshad pa gang yin pa ste/ de las gzhan 'phags blo gnyi ga /zhes 'byung ba'i phyir dang mdo las kyang de ltar shes shing de ltar mthong ba de zhes 'byung ba'i phyir ro/ /rnam par shes pa 'ga' zhig ces smos pa'i phyir rnam par shes pa thams cad kyis mthong ba ni ma yin no zhes kyang bshad par 'gyur te/mig gi rnam par shes pas mthong ngo zhes bya ba'i rna ba la sogs pa'i rnam par shes pa ni ma yin no/ /lta bar bya ba gzhan gang zhig yin zhes bya ba ni gang la dmigs par byed pa nyid yod pas de ni mthong bar rung ngo snyam du bsams pa yin no//de ni klan kar mi rung ste/ /zhes bya ba rgyas par 'byung ba ni gal te rnam par shes pas rnam par shes na yang rnam par shes pa byed pa por gyur pa'i phyir rnam par shes pa'i bya ba gzhan gang zhig yod ces bya ba brjod dgos pas mtshungs par klan kar 'gyur ro//de la byed pa po dang bya ba'i bye brag kyang med ces bya ba ni byed pa po rnam par shes pa dang bya ba rnam par shes pa'i mtshan nyid dag la bye brag gzhan nyid med mod kyi rnam par shes pas rnam par shes so zhes byed pa po dang bya ba 'brel bar tha snyad 'dogs pa yang yod pa'o//de bzhin du 'dir yang mig gis lta'o zhes bya bar 'gyur bas de ni klan kar mi rung ngo / /gzhan dag na re mthong ba ni mig gi rnam par shes pa yin no zhes zer te de'i rten du gyur pa'i phyir mthong ngo zhes bya ste dper na dril sgrogs pa'i rten du gyur pa'i phyir dril sgrogs so zhes bya ba bzhin no zhes zer ro//rnam par shes pa'i rten du gyur pa'i phyir zhes bya ba ni mig gi rnam par shes pa'i rten du gyur pa'i phyir zhes bya ba'i tha tshig go/ /'jig rten na rnam par shes pa de ni mthong ba'o zhes grags te zhes bya ba ni 'jig rten na mthong ba'o zhes grags kyi rnam par shes pa'o zhes bya ba ni ma grags so//ji ltar shes she na/ de'i phyir 'di ltar de skyes na gzugs mthong ngo zhes 'dzer gyi rnam par shes so zhes ni mi zer ro zhes bya ba smos so/ /bye brag tu bshad pa las kyang zhes bya ba ni don de nyid mngon par brjod do snyam du bsams pa yin te/mig dang phrad pa ni mig lam du snang bar gyur pa'o/ /rnam par shes pa ni yod pa tsam gyis zhes bya ba ni rten gyi ngo bo'i tshul gyis ni ma yin no zhes ston par byed do/ /dper na nyi mas nyin par byed do zhes bya ba bzhin no zhes bya ba ni dper na nyi ma yod pa tsam gyis nyin par byed do zhes bya ba'o//de bzhin du rnam par shes pas rnam par shes pa yin no/ /ci'i phyir zhe na/ /'jig rten na de ltar grags pa'i phyir ro/ /de ni byed pa med pa dang zhes bya ba rgyas par 'byung ba la byed pa med pa zhes bya ba ni 'dus pa las don gzhan du gyur pa'i byed pa po dang bya ba 'gog par byed pa yin no//chos tsam zhes bya ba ni rang gi rgyud kyi byed pa po 'gog par byed pa yin no/ /rgyu dang [(]'dras [,]'bras [)]bu tsam zhes bya ba ni byed pa po med kyang rgyu dang 'bras bu dag bya ba dang byed par 'brel par ston par byed pa yin no/ /de la 'dun pa'i sgo nas mig gis mthong ngo //rnam par shes pas rnam par shes so zhes nye bar 'dogs par byed ces bya ba ni dngos po gang zhig tha snyad gdags pa'i yan lag yin pa des 'dir tha snyad yang dag par grub par bya ba'i phyir yod pa ma yin yang yod pa'i ngo bor kun brtags nas mig gis mthong ngo / / rnam par shes pas rnam par shes so zhes bya ba de lta bu la sogs pa byed pa po dang bya ba la sogs pa rnam par 'jog par byed do/ /'di la mngon par zhen par mi bya'o zhes bya ba ni ngo bo nyid ni dngos po la ltos nas gzhan yin no zhes bya ba la sogs par ro/ / ljongs kyi mi'i nges pa'i tshig la mngon par zhen par mi bya'o zhes bya ba ni ljongs kyi mi'i nang na nges shing gtan la bab par brjod pa ni ljongs kyi mi'i nges pa'i tshig ste/ de dag la 'di nges pa'i tshig 'di yin pas de'i phyir zhes mngon par zhen par mi bya ba 'am nges pa'i tshig thams cad don dang ldan pa kho na zhes brtags par mi bya'o//'jig rten gyi ming la mngon par brgyug par mi bya'o zhes bya ba ni 'jig rten gyi ming bdag dang srog ces bya ba de lta bu la sogs pa sgro btags par mi bya ste/ yang dag pa ma yin pa la sgro btags nas lus la sogs pa ma gtogs pa'i bdag yod do zhes bya bar rtog par mi bya'o zhes bya ba'i tha tshig go//yang na 'jig rten gyi ming la mngon par brgyug par mi bya'o zhes bya ba 'di 'da' bar mi bya ba ste/ don dam pa'i phyir ming yang med do zhes rnam par brtag par mi bya'o zhes bya ba'i tha tshig go/ /'da' ba dang brgal ba zhes bya ba ni don gcig go/ / gnyi ga dag gis kyang zhes bya ba las kyang zhes bya ba'i sgras ni gcig gis kyang mthong ba yin no/ /nges pa med de zhes bya ba ni gnyi ga phye na mthong ba bzhin du gsal lo zhes bshad pa yin no/ /gang yang rung ba zhig gzhan du gyur na ni ma yin no zhes bya ba ni mig phye ba dang phyed phye ba dag las gang yang rung ba zhig gzhan du gyur pa na'o//gnyis las gang yang rung ba zhig gzhan du gyur na ste/ gal te phye ba gang yin pa de phyed phye ba'am thams cad btsums par byas pa 'am/ phyed phye ba gang yin pa de gal te thams cad btsums pa 'am thams cad phye ba byas na de'i tshe zla ba gnyis su mthong bar mi 'gyur ro//de'i phyir 'dir mig gnyi ga yang rnam par shes pa bskyed par bya ba la zho sha yod do zhes bya bar shes so/ /rnam par shes pa ni gzugs bzhin du yul na mi gnas pa'i phyir zhes bya ba ni bzlog pa'i dpe yin te/ ji ltar gzugs yul na gnas pa'i phyir rten rnam par chad pas rnam par chad par 'gyur ba ltar rnam par shes pa ni de lta ma yin no//rnam par shes pa ni yul na gnas pa ma yin no/ /'o na ci zhe na/ lus can ma yin pa'i phyir yul na mi gnas pa yin no/ /yul na mi gnas pa'i phyir na rten rnam par chad pas rnam par chad par mi 'gyur ro//'di ltar gzugs rgyang ring po nas mthong zhes bya ba ni gang na gzugs snang ba de na de 'dzin par byed pa'i mig gi dbang po med de/ de tshad mas mi dmigs pa'i phyir de na lhas byin la sogs pa med pa bzhin no/ /mig la ji lta ba de bzhin du rna ba la yang brjod par bya'o/ /cig shos kyis smras pa/mig dang rna ba ni rang gi yul gyi phyogs dang phrad pa yin te/ dbang po yin pa'i phyir sna'i dbang po la sogs pa lta bu'o/ /rjes su dpag pa 'dis ni gtan tshigs de ni tshad mas mi dmigs pa nyid ma grub par ston par byed do/ /slob dpon gyis yul dang phrad pa nyid gcig yin na ni zhes bya ba rgyas par smos te/gal te mig dang rna ba yul dang phrad pa yin par brtags na ni mi'i nang na 'di na bsam gtan pa rnams la lha'i mig dang rna ba skye bar mi 'gyur ro/ /gal te mig dang rna bas ci rigs par yul shin tu bskal par yod pa dag rtsig pa la sogs pas chod pa'i gzugs dang sgra 'dzin par byed na de lta na 'di lha'i nyid yin par srid par 'gyur ba zhig na de yang yul dang phrad pa nyid cig yin na mi 'gyur te/sna la sogs pa bzhin no/ /dper na sna dang lce dag yul dang phrad pa'i phyir bsam gtan pa rnams la lha'i [(]dag [,]ngag [)]skye bar mi 'gyur ba de dang 'dra'o/ /'dis ni phyogs rang gi yul gyi phyogs dang phrad pa nyid chos can gyi khyad par las bzlog pa'i skyon dang bcas pa nyid du ston par byed de/mig dang rna ba lha'i mig dag yin par srid pa ni chos can yin no/ /lha'i nyid kyi ngo bo yin par mi srid pa ni khyad par las bzlog pa ste/ der 'gyur bas na nyes pa yin no/ /skyon 'dis na rjes su dpag par mi rung ba'i phyir de tshad mas mi dmigs pa nyid du rnam par 'jog par byed do//de lta bas na mig dang rna ba ni yul dang ma phrad pa yin no/ /gal te yul dang ma phrad pa yin na zhes bya ba rgyas par 'byung ba ni nye ba dang shin tu ring ba na yod pa dang bar du chod pa'ang rung de dang ma phrad par 'dra bas de mthong bar thal bar byed pa yin no//pha rol po'i 'di ci sgrub pa zhig yin nam 'on te sun 'byin pa zhig /gal te re zhig 'di skad du mig dang rna bas ni shin tu ring ba dang bar du chod pa 'dzin par 'gyur te/ yul dang ma phrad pa yin pa'i phyir yul nye ba lta bu'o zhes sgrub pa yin na ni de ni bsgrub par mi rung ste//bdag nyid la gtan tshigs ma nges pa'i phyir dang / sngar khas blangs pa dang 'gal ba'i phyir ro/ /'on te mig dang rna ba'i mtshan nyid kyi chos can ma phrad pa thams cad 'dzin par byed pa nyid du thal bar 'gyur bar sun 'byin pa yin na ni de ni sun 'byin par mi rung ste/rjes su dpag pas gnod pa'i phyir ro/ /ji lta zhe na/ re zhig khab long gis kyang lcags ma phrad pa thams cad ci ste mi 'dren zhes bya ba smos so/ /dril ba'i sgo nas khab long dper nye bar bkod de mig dang rna ba ma phrad par 'dzin par byed pa ma yin pa nyid du sgrub par byed do//mig dang rna ba ni ma phrad pa thams cad 'dzin par byed pa ma yin te ma phrad pa thams cad 'dzin pa'i mthu med pa'i phyir khab long bzhin no/ /khab long ni lcags ma phrad pa 'dzin par byed de 'dren par byed ces bya ba'i tha tshig yin yang ma phrad pa thams cad 'dzin par byed pa ni ma yin pa ltar mig dang rna ba yang de dang 'dra'o//yul dang phrad pa nyid cig yin yang ci'i phyir mig sman nam thur ma phrad pa thams cad mi mthong ste de ni mtshungs so zhes bya ba ni yul shin tu ring ba dang bar du chod pa ni mig dang rna bas mi 'dzin te/ gzung bar mi rung ba'i phyir mig sman dang thur ma phrad pa lta bu'o//yang na mig dang rna ba ni rang gi gzung bar bya ba thams cad 'dzin par byed pa ma yin te/ dbang po'i ngo bo nyid yin pa'i phyir rna ba'i dbang po la sogs pa lta bu'o/ /sna la sogs pa yul dang phrad pa yin yang lhan cig 'byung ba'i dri la sogs pa mi 'dzin pa'i phyir thams cad ni ma yin te/dbang po rnams kyis nus pa 'di 'dra bas sna la sogs pa dang lhan cig 'byung ba'i dri dang ro dang reg bya dag mi 'dzin to/ /yid ni gzugs can ma yin pa'i phyir zhes bya ba ni phrad pa nyid ni lus can rnams kho na'i yin par rnam par gzhag gi/ lus can ma yin pa rnams ni ma yin pas yul dang phrad pa yin zhes bya ba ni dpyad par mi bya'o//gsum gzhan du zhes bya ba ni gsum ni phrad pa kho na yin no zhes bya bar nges par gzung bar 'dod pa'i phyir brtsams pa yin no/ /de lta ma yin na yul dang phrad pa dang ma phrad pa yang yin no zhes bya bar yang srid par 'gyur ro/ /dbugs ma rngubs par ni mi 'dzin pa'i phyir ro zhes bya ba ni snar dbugs rngubs pa dang lhan cig 'byung ba phra mo bzhi 'ongs pa gang yin pa de'i dri snas snom par byed do//gzhan dag na re rlung las dri gzhan 'byung ngo zhes zer ro/ /'dres par 'gyur ba ni yul gcig par 'gyur ba'o/ /'on te phyogs gcig gis yin na ni zhes bya ba ci zhe na/reg par 'gyur na ni zhes bya bar sbyar ro/ /'o na ji ltar sgra mngon par 'grub par 'gyur zhes bya ba ni gal te mi reg na bsnun du med pas sgra mngon par 'grub par mi 'gyur ro snyam du bsams pa yin no/ /de nyid kyi phyir te zhes zer ba ni kha ce pa rnams yin te gal te reg par gyur na lag pas lag pa la bsnun na bying bar 'gyur te rgya skyegs la rgya skyegs gzhan bzhin no//ji ltar bsags pa la brgyab na zhig par mi 'gyur zhes bya ba ni rdul phra rab phan tshun ma reg pa'i tshogs la lag pa la sogs pas brgyab na ji ltar zhig par mi 'gyur zhes bya ba yin no//de dag gi dbus na chung zad kyang med pa gang yin pa de kho na 'dab chags pa nyid yin no zhes bya ba ni nang na snang ba la sogs pa med pas 'di dag 'dab chags pa nyid du rnam par gzhag ste/ de kho na ni phrad pa nyid yin gyi gzhan du ni ma yin no/ /yang zhes bya ba ni gzhan yang zhes bya ba'i tha tshig ste/'dus pa rnams ni cha shas dang bcas pa yin pa'i phyir reg par 'gyur bas gal te bdag nyid thams cad kyis reg par gyur na ni rdzas rnams 'dres par 'gyur ro/ /gal te phyogs gcig gis na ni cha shas dang bcas par thal bar 'gyur zhes nyes pa smras pa gang yin pa'i nyes pa med do//rgyu'i phyir zhes bya ba ni gang gi rgyu ci 'dra ba de ni reg pa'am ma reg pa de'i rgyu'i phyir zhes bya ba bshad pa yin no/ /res 'ga' ni zhes bya ba rgyas par 'byung ba la reg pa'i rgyu can zhes bya ba ni 'di la phan tshun reg pa'i rgyu yod pas na reg pa'i rgyu can gyis ma reg pa yin no//gang gi tshe rnam par zhig pa na'o zhes bya ba ni dper na bong ba skam po phye mar byas pa lta bu'o/ /gang gi tshe bsags par gyur pa na'o zhes bya ba ni dper na kha ba lta bu ste de ni sngon phra la phyis chen por 'gyur ro/ /gang gi tshe bsags pa dang ldan pa bsags pa na'o zhes bya ba ni dper na 'jim pa'i gong bu gnyis phrad pa lta bu'o//skad cig ma phyi mar gnas par 'gyur ro zhes bya ba ni skyes nas reg pa dang ldan pa'i phyir ro/ /btsun pa na re ni reg pa ni med kyi 'dab chags pa la reg go snyam du 'du shes par zad do zhes zer te btsun pa'i lugs 'dod par bya'o zhes bya ba bye brag tu smra ba'i gzhung lugs ci'i phyir 'dod par mi bya/bye brag tu smra ba rnams kyis kyang 'di skad du de dag gi dbus na cung zad kyang med pa gang yin pa de kho na 'dab chags pa nyid yin no zhes smras pa ma yin nam zhe na/ de skad ces ni smras mod kyi tshig de ni glags dang bcas pa yin no//bye brag tu smra ba dbus na cung zad kyang med pa gang yin pa zhes smra ba rnams ni dbus na snang ba la sogs pa yod par mi 'dod kyi rdul phra rab gzhan 'jug pa'i go skabs med par ni mi smra'o/ /gzhan du rdul phra rab bar dang bcas pa rnams kyi bar dag tu 'gro ba las su 'gog na zhes bya ba ni 'gro ba dang ldan pa zhes bya ba tshig lhag ma yin no//nyes pa gzhan 'di yang yod de/ /ji ltar bye brag tu smra ba rnams rtog par byed pa ltar rdul phra rab rnams las bsags pa dag gzhan pa yang ma yin pas de dag kho na bsags pa la reg pa yin te/ dper na gzugs su rung ba lta bu'o zhes bya ba ni 'dus pa kho na yin gyi gcig pu ni ma yin no zhes bya ba'i tha tshig go//gal te rdul phra rab la phyogs cha tha dad par zhes bya ba rgyas par 'byung ba ni slob dpon rdul phra rab yongs su ma grub par 'chad par 'dod nas dpyod par byed pa yin te/ gal te rdul phra rab gcig la shar phyogs la sogs te phyogs kyi cha tha dad par rtog na ni phan tshun reg gam ma reg kyang rung ste/cha shas dang bcas pa nyid du thal bar 'gyur ro/ /gal te ma yin na ni zhes bya ba ci zhe na/ phyogs cha tha dad par zhes bya bar sbyar ro/ /reg kyang thal bar mi 'gyur ro zhes bya ba cir zhe na/ cha shas dang bcas pa nyid du'o//'dir sgrub pa ni rdul phra rab ni cha shas med pa ma yin te/ phyogs cha tha dad pa dang ldan pa'i phyir mon sran gre'u'i phung po bzhin no/ /bye brag tu smra ba rnams ni phyogs cha tha dad pa dang ldan pa nyid 'di mi 'dod de/ phyogs cha tha dad pa ni bsags pa'i gzugs dag kho na'i yin par rtog go//'di skad du yul tha mi dad pa nyid du gyur na mi rung bas thogs pa dang bcas pa rnams kyi yul tha dad pa nyid dang bar dang bcas pa nyid dag yin yang de dag 'dab chags par gnas pa'i phyir thogs pa dang bcas pa nyid kyis 'gro ba'i gags byed do zhes bya ba gang yin pa 'di ni chos nyid yin no zhes kyang brjod do//mgal me'i 'khor lo la sogs pa bzhin du myur du 'jug pas ri la sogs pa 'dzin tam zhes bya ba ni bdag nyid kyi tshad dang mnyam pa kho na'i don 'dzin par 'dod na ji ltar ri chen po dag cig car 'dzin pa lta bur snang gi rim gyis ni ma yin no snyam pa'i dogs pa bsu bar de ltar 'dzin pa'i rigs pa myur du 'jug pas zhes bya ba la sogs pas rjod par byed de dper na 'gal me'i 'khor lo la sogs pa 'dzin pa rim gyis yin yang cig car lta bur mngon pa'o//de bzhin du ri dang chu bo'i sgra la sogs pa 'dzin pa yang myur du 'jug pa yin no/ / 'on te mnyam pa dang mi mnyam pa zhig la zhes bya ba ni rgun 'brum la sogs pa la lta na ni mnyam pa yin la skra'i rtse mo dang ri la sogs pa la lta na ni mi mnyam pa yin no snyam du bsams pa yin no/ /mig phye ba tsam gyis zhes bya ba ni rim gyis mthong ba ma yin pa'i lugs kyis so/ /de bzhin du rna bas zhes bya ba rgyas par 'byung ba ni res 'ga' ni chung ste/gang gi tshe sbrang bu'i sgra thos pa na'o/ /res 'ga' ni mnyam ste/ gang gi tshe 'ga' zhig gis sgra rna ba'i rdul phra rab dang tshad mnyam pa thos pa na'o/ /res 'ga' ni che ste/ gang gi tshe 'brug gi sgra thos pa na'o zhes bya ba yin no/ / go snyod kyi me tog bzhin du gnas te zhes bya ba ni go snyod nag po'i me tog bzhin du gnas so zhes bya ba'i tha tshig go/ /rna ba'i 'brug gi nang na gnas so zhes bya ba ni rna ba'i nang na gro ba'i kha dog gi rnam pa lta bu yod pa gang yin pa de ni gro ba dang 'dra bas 'brug yin te rna ba'i dbang po'i rdul phra rab dag ni de'i nang na gnas so//mtshul pa'i nang na zhes bya ba la mtshul pa ni sna'i rgyud do/ /phreng ba bzhin du gnas so zhes bya ba ni phreng ba ma 'grus par kor kor por gnas pa yin no/ /skra'i rtse mo'i khyon tsam zhig lce'i dbang po'i rdul phra rab dag gis ma khebs so zhes grag go zhes bya ba la/grag ces bya ba'i sgra ni lung yin par bstan pa'i phyir ro/ /ma khebs pa ni ma khyab pa'o/ /thams cad kyis rnam par shes pa skyed na ni lus zhigs par 'gyur ro lo zhes bya ba la/ lo zhes bya ba'i sgras ni las kyi mthu kho nas 'jig par mi 'gyur ba yin no zhes ma dad pa ston par byed pa yin no//rten dang dmigs pa ni bsags pa yin pa'i phyir ro zhes bya ba ni rten bsags pa yin pa'i phyir dang dmigs pa bsags pa yin pa'i phyir ro/ /tha ma'i rten 'das zhes bya ba ni 'das pa kho na'o zhes bya bar nges par bzung ba yin no/ /de nyid kyi phyir zhes bya ba ni gang gi phyir rnam par shes pa'i tshogs lnga po dag dbang po gnyis kyi rten can yin te/mig gi dbang po la sogs pa'i rten can dang yid kyi dbang po'i rten can dag yin pa de'i phyir mu bzhi pa 'byung ste/ mu dang po ni mig yin no zhes bya ba ni mig gi rnam par shes pa'i rten gyi dngos por yin gyi/mig sems dang sems las byung ba'i ngo bo nyid ma yin pas mtshungs pa de ma thag pa'i rkyen gyi dngos por ni ma yin te/ mtshungs pa de ma thag pa'i rkyen gyi mtshan nyid ni/ sems dang sems byung skyes pa rnams/ /tha ma min mtshungs de ma thag /ces bya ba yin no/ /mu gnyis pa ni chos kyi khams sems las byung ba 'das ma thag pa yin no zhes bya ba ni de ni mtshungs pa de ma thag pa'i dngos por yin gyi rten gyi dngos por ni ma yin te/rnam par shes pa'i rten ni mig la sogs pa yid la thug pa'i bar drug kho na yin par 'dod kyi gzhan dag ni ma yin no/ / gsum pa ni 'das ma thag pa'i yid yin no zhes bya ba ni gnyi ga'i mtshan nyid dang ldan pa'i phyir ro/ /bzhi pa ni bshad pa las ma gtogs pa'i chos rnams yin te zhes bya ba ni mu gsum las ma gtogs pa ldan pa ma yin pa dang 'dus ma byas la sogs pa yin no/ /de bzhin du lus kyi rnam par shes pa'i bar du yang rang gi dbang po brjod par bya'o zhes bya ba ni gang rna ba'i rnam par shes pa'i rten gyi dngos por yin pa de de'i mtshungs pa de ma thag pa'i rkyen gyi dngos por yang yin nam zhe na/mu bzhi ste mu dang po ni rna ba yin no/ /gnyis pa ni chos kyi khams sems las byung ba 'das ma thag pa yin no//gsum pa ni 'das ma thag pa'i yid yin no/ /mu bzhi pa ni bshad pa las ma gtogs pa'i chos rnams yin te/ de bzhin du gzhan la yang brjod par bya'o/ /yid kyi rnam par shes pa ni tshig snga ma dang sbyor ba ste zhes bya ba ni gang yid kyi rnam par shes pa'i rten gyi dngos por yin pa de ni de'i mtshungs pa de ma thag pa'i rkyen gyi dngos por yang yin no zhes tshig snga ma dang sbyor ba yin no//re zhig gang rten gyi dngos por yin pa de ni mtshungs pa de ma thag pa'i rkyen gyi dngos por yang yin no zhes bya ba ni re zhig mtshungs pa de ma thag pa'i rkyen 'di ni gdon mi za bar yid yin no//mtshungs pa de ma thag pa'i rkyen gyi dngos por yin la rten gyi dngos por ma yin pa yang yod do/ /chos kyi khams sems las byung ba 'das ma thag pa'o zhes bya ba ni mig la sogs pa rten drug gi ngo bo ma yin pa'i phyir ro//de dag gyur pas 'gyur nyid phyir/ /zhes bya ba rgyas par 'byung ba ni mig la sogs pa de dag gyur pas 'gyur ba ni/ de dag gyur pas 'gyur ba ste de dag gyur pas 'gyur ba ni de dag gyur pas 'gyur ba'o/ /'di dag la de yod pas rnam par shes pa rnams ni de dag gyur pas 'gyur ba yin no//de'i ngo bo ni de dag gyur pas 'gyur ba nyid yin no/ /de'i phyir 'di dag gi rten mig la sogs pa kho na yin no zhes bya bar nges par bzung ngo / /phan pa dang gnod pa dang gsal ba dang mi gsal ba nyid kyi rjes su byed pa'i phyir zhes bya ba ni mig la sogs pa la mig sman la sogs pas phan btags shing rdul la sogs pas gnod pa byas na go rims bzhin du mig gi rnam par shes pa la sogs pa bde ba dang bcas pa skyed pa'i phyir dang /sdug bsngal dang bcas pa skyed pa'i phyir rjes su byed pa yin no/ /de dag gsal ba dang mi gsal ba nyid skyed pa'i phyir gsal ba dang mi gsal ba nyid kyi rjes su yang byed do//de'i phyir mig la sogs pa gyur pas rnam par shes pa 'gyur ba yin no zhes bya bar shes so/ /gzugs gsal na rnam par shes pa gsal ba skye ba snang la/ mi gsal na mi gsal ba yang ma yin nam zhe na/gzugs gsal ba dang mi gsal ba nyid yin na mig gi rnam par shes pa rjes su byed mod kyi mig dang gzugs dag gyur pa'i gnas skabs na ni mig gi gnas skabs nyid na mig gi rnam par shes pa rjes su byed pa'i gzugs kyi gnas skabs su ni ma yin no//'di ltar mig la ni phan btags la gzugs ni nye bar bcom na de'i 'dod chags dang bral ba bar mar gnas skabs la mig gi rnam par shes pa 'gyur ba med par skye'i sdug bsngal dang bcas par skye ba ni ma yin no/ /gzugs la ni phan btags la mig ni yongs su ma spangs la mig ser gyi nad dam rab rib kyi gnod pas nyams na ser por mthong bar 'khrul pa'am/skra shad la sogs pa mthong bar 'byung bar 'gyur ro/ /de bzhin du gzugs ni gsal la mig ni rdul gyis mi gsal bar gyur na yang mig gi rnam par shes pa mi gsal bar skye'o//de bzhin du gzugs mi gsal la gal te mi gsal bar gyur na yang mig gi rnam par shes pa gsal bar skye'o// //bam po brgyad pa/ 'di ltar bya rgod kyi mig ni rang bzhin gyis gsal bas ro'i gzugs mi gsal yang dpag tshad du mas bar du chod pa la yang mig gi rnam par shes pa skye bar 'gyur ro//de bzhin du rna ba la sogs pa la yang sbyar bar bya'o/ /de'i phyir thun mong ma yin phyir/ /zhes bya ba ni rten du gyur pa de'i phyir dang thun mong ma yin pa'i phyir ro/ /rten gyi dngos po ni bshad zin pas de'i phyir gus par mi byed kyi thun mong ma yin pa nyid kho na bshad pa'i phyir ji ltar na thun mong ma yin pa nyid yin zhes bya ba la sogs pa smos so//gzhan gyi mig gi rnam par shes pa yang zhes bya ba ni gzhan gyi rgyud la yod pa'i rnam par shes pa yang zhes bya ba'i tha tshig go/ /de dag kho nas rnam par shes pa bstan zhes bya ba ni mig la sogs pas mig gi rnam par shes pa nas yid kyi rnam par shes pa'i bar du bstan gyi/gzugs la sogs pas gzugs kyi rnam par shes pa nas chos kyi rnam par shes pa'i bar du ni ma yin no/ /dper na rnga bo che'i sgra dang nas kyi myu gu bzhin no zhes bya ba ni dper na thun mong ma yin pa'i phyir 'jig rten na rnga bo che'i sgra dang nas kyi myu gu zhes rnga bo che dang nas de dag gi sgo nas ston gyi/dbyig pa'i sgra dang zhing gi myu gu zhes bya ba ni ma yin pa lta bu'o/ /dbyug pa yang rnga pa Ta ha la sogs pa'i sgra'i rgyur 'gyur la/ zhing yang 'bras sA lu dang gro la sogs pa'i myu gu'i rgyur 'gyur mod kyi thun mong yin pa'i phyir de dag gi sgo nas ston par mi byed kyi/thun mong ma yin pa'i phyir rnga bo che dang nas dag gi sgo nas ston pa ltar/ 'dir yang de dang 'dra bar blta bar bya'o/ /gzhan yang gnyi ga sems can du bgrang ba yin pa'i phyir mig gi rnam par shes pa yin te/gzugs ni sems can du bgrang ba ma yin pa yang yin no/ /mig gi rnam par shes pa ni mig gi rnam par shes pa ste/ de ni rgyu yin pa'i phyir ro/ /mig gi rnam par shes pa ni mig gi rnam par shes pa ste/ rnam par shes pa bde ba dang /sdug bsngal gyi tshor ba dang mtshungs par ldan pa'i mig phan pa dang gnod par zhugs pa'i phyir ro/ /mig nas rnam par shes pa ni mig gi rnam par shes pa ste/ thun mong ma yin pa nyid du de'i sgo nas 'jug pa'i phyir ro/ /mig gi rnam par shes pa ni mig gi rnam par shes pa yin te/sems can du bgrang ba nyid bdag por gyur pa'i phyir ro/ /mig la rnam par shes pa ni mig gi rnam par shes pa ste/ de dang mtshungs par ldan pa'i tshor ba bde ba dang sdug bsngal ba ni mig kho na la yongs su gcad par bya ba yin pa'i phyir ro/ /de bzhin du rna ba la sogs pa la yang sbyar bar bya ste/de ltar na mig la sogs pa kho na'i sgo nas rnam par shes pa bstan par rung gi gzugs la sogs pa'i sgo nas ni ma yin no/ /bsam gtan gsum pa dang / bzhi pa'i sa pa'i mig gis de dag gis pa dang sa 'og ma'i gzugs rnams la lta ba'i yang de bzhin du sbyar bar bya'o zhes bya ba ni 'dod pa'i khams su skyes pa de kho na'i sbyar bar bya ba yin no//bsam gtan gsum pa la sogs pa'i mig gis lta ba'i yang de bzhin du sbyar bar bya'o zhes bya ba ni bsam gtan dang por skyes pa de kho na'i bsam gtan gsum pa dang bzhi pa'i mig gis lta ba'i sbyar bar bya ba yin no//lus la 'og ma'i mig ma yin/ /zhes bya ba ni sa 'og ma pa zhes bya ba'i tha tshig ste/ rang gi sa pa dang / sa 'og ma ni khas blangs pa yin no/ /lus dang mig dang gzugs rnams ni 'dod pa na spyod pa nas bsam gtan bzhi pa'i sa pa'i bar sa lnga pa dag yin no zhes bya ba la lus ni khog pa ste/lus la sogs pa 'di dag ni gzugs med pa'i khams na med pa'i phyir 'dod pa na spyod pa dang bsam gtan dang po'i sa pa nas bsam gtan bzhi pa'i sa pa'i bar dag yin no/ /mig gi rnam par shes pa ni 'dod pa na spyod pa dang bsam gtan dang po'i sa pa dang sa gnyis pa yin no zhes bya ba ni 'dod pa na spyod pa dang bsam gtan dang po'i sa pa dag yin te/de dag na rtog pa dang dpyod pa dag yod pa'i phyir la mig gi rnam par shes pa yang gdon mi za bar rtog pa dang dpyod pa dang bcas pa'i phyir ro//mig gi gong ma'i gzugs ma yin zhes bya ba ni mig gi yul ni gong ma'i gzugs ma yin te/ sa gong ma pa'i gzugs ni phra ba'i phyir ro/ /rang gi sa pa dang sa 'og ma pa ni khas blangs pa yin no/ /rnam par shes pa'ang ci zhe na gong ma ni mig gi ma yin no zhes bya bar skabs dang sbyar te/sa 'og ma pa 'dod pa na spyod pa'i mig gi/ mig gi rnam par shes pa bsam gtan dang po'i sa pa ni ma yin gyi rang gi sa pa dang / sa 'og ma pa ni khas blangs pa yin no/ /'dod pa na spyod pa'i mig gi/ mig gi rnam par shes pa ni rang gi sa pa 'dod pa na spyod pa kho na yin la/bsam gtan dang po'i sa pa'i mig gi/ mig gi rnam par shes pa yang bsam gtan dang po'i sa pa kho na yin gyi/ 'di'i mig gi rnam par shes pa 'dod pa na spyod pa ni ma yin no/ /sa 'og ma pa ni khas blangs pa yin no zhes bshad pa ma yin nam zhe na/ de skad ces bshad pa bden mod kyi/'on kyang rang gi med na sa 'og ma pa yin par 'dod kyi yod na ni ma yin no/ /bsam gtan gnyis pa dang gsum pa dang bzhi pa'i mig ni rang gi med pas mig gi rnam par shes pa bsam gtan dang po'i sa pa kho na yin gyi/ 'dod pa na spyod pa ma yin te/ shin tu dman pa'i phyir ro//sa 'og ma pa ni khas blangs pa yin no zhes bya ba ni srid pa'i phyir de skad du bshad par zad do/ /'di'i zhes bya ba bshad ma thag pa'i mig gi rnam par shes pa'i zhes bya ba ni rnam par shes pa'i rigs kyi yul ni de ltar thams cad yin no/ /ci rigs par ni sbyar bar bya ste/'dod pa na spyod pa'i mig gi rnam par shes pa'i ni rang gi sa pa'i gzugs kho na yin no/ /bsam gtan dang po'i sa pa'i mig gi rnam par shes pa bsam gtan dang po'i sa pa'i mig gi rten can gyi yul ni rang gi sa pa dang sa 'og ma yin no/ /bsam gtan bzhi pa'i sa pa'i mig gi rten can gyi yul ni bsam gtan bzhi pa'i sa pa dang de'i 'og ma'i sa pa thams cad yin no//de bzhin du bsam gtan gnyis pa'i sa pa'i bar gyis mig gi rten can gyi yul ni gnyis pa'i sa pa dang de'i 'og ma'i sa pa yin no/ /de ltar na rnam par shes pa'i rigs kyi yul ni sa gong ma dang 'og ma dang rang gi sa pa thams cad yin no//lus kyi yang gzugs dang rnam par shes pa dag thams cad du yin no zhes bya ba ni 'dod pa na spyod pa'i lus khog pa'i ni gzugs dang rnam par shes pa rang gi sa pa dang sa gong ma dag yin no/ /bsam gtan dang po'i sa pa'i lus kyi rnam par shes pa ni bsam gtan dang po'i sa pa kho na yin la/gzugs ni rang dang 'og ma dang gong ma'i sa pa yin te/ rang gi rten gyi mig ji lta ba bzhin no/ /bsam gtan gnyis pa la sogs pa'i sa pa'i lus kyi ni rnam par shes pa ni sa 'og ma pa kho na yin te/bsam gtan dang po'i sa pa kho na yin no zhes bya ba'i tha tshig go/ /gzugs ni bsam gtan gnyis pa dang gsum pa'i sa pa'i lus kyi ni gzugs ni rang dang gong ma dang 'og ma'i sa pa yin te/ rang gi rten gyi mig ji lta ba bzhin no/ /bsam gtan bzhi pa'i lus kyi ni gzugs ni de yan chad na gzugs med pa'i phyir rang dang sa 'og ma pa yin te/rang gi rten gyi mig ji lta ba bzhin no/ /rna ba'ang de bzhin du zhes bya ba ni mig ji skad du bshad pa de bzhin du rna ba'ang bshad par bya ba yin no/ /ji ltar zhe na/ yang lus gang la gnas te rna bas sgra rnams nyan pa na ci lus dang rna ba dang sgra dang rnam par shes pa de rnams sa gcig pa kho na zhig yin nam/'on te gzhan gyi sa pa yang yin zhe na/ smras pa/ thams cad la bye brag yod de/ 'dod pa'i khams su skye ba rang gi rna bas rang gi sgra rnams la nyan pa na thams cad rang gi sa pa yin no zhes bya ba'i phyogs 'dis 'di ni nges pa yin te zhes bya ba'i bar brjod par bya ba'o//lus la 'og ma'i rna ba min/ /rna ba'i gong ma'i sgra ma yin/ /rnam par shes pa 'ang sgra ni 'di'i/ /lus kyi'ang gnyi ga thams cad du/ /zhes bya ba rgyas par sbyar bar bya'o zhes bya ba ji ltar zhe na lus la 'og ma'i rna ba yin/lus dang rna ba dang sgra rnams ni 'dod pa na spyod pa nas bsam gtan bzhi pa'i bar sa lnga pa yin no/ /rnam par shes pa ni 'dod pa na spyod pa dang / bsam gtan dang po'i sa pa dang sa gnyis pa yin no/ / de las gong ma pa'i lus yin pa sa de pa 'am sa gong ma pa'i rna ba yin gyi/ sa 'og ma pa ni ma yin no/ /'di'i rna ba'i yul ni de'i sa pa'am sa 'og ma pa'i sgra yin gyi/ rna ba'i gong ma'i sgra ma yin/ sa gong ma pa'i sgra sa 'og ma pa'i rna bas thos par ni nam yang mi nus so/ / rnam par shes pa 'am gong ma ni rna ba'i ma yin te sgra bzhin no/ /sgra ni 'di'i lus kyi 'ang gnyi ga thams cad du 'di'i zhes bya ba bshad ma thag pa'i rna ba'i rnam par shes pa'i yul ni gong ma dang 'og ma dang rang gi sa pa'i sgra thams cad pa yin no/ /lus kyi yang sgra dang rnam par shes pa dag thams cad du yin no//yid ma nges te zhes bya ba ni ji ltar lus la 'og ma'i mig dang rna ba ma yin zhes bya ba de lta bu la sogs pas mig dang rna ba nges pa de ltar yid ni ma nges so/ /de nyid kyi phyir sa lnga pa'i lus la yang snyoms par 'jug pa dang skye ba'i tshe yid la sogs pa ci rigs par sa thams cad pa yin zhes bya ba ni yid dang chos dang yid kyi rnam par shes pa rnams ni 'dod pa na spyod pa nas srid pa'i rtse mo'i bar sa thams cad pa yin te/'di lta ste 'dod pa'i khams su skyes pa zhig gal te 'dod pa na spyod pa'i yid kyi mjug thogs su 'dod pa na spyod pa'i chos la dmigs pa'i yid kyi rnam par shes pa 'dod pa na spyod pa kho na zhig bskyed na thams cad 'dod pa na spyod pa yin no//gal te skye ba'i tshe'am snyoms par 'jug pa'i tshe bsam gtan dang po'i sa pa nas srid pa'i rtse mo'i sa pa'i bar las ci rigs par de kho na bzhin du 'dod pa na spyod pa'i yid kyi rnam par shes pa skyed par byed na yid ni de dag pa yin no//lhag ma rnams ni 'dod pa na spyod pa yin no/ /ji ste de nyid na de'i rnam par shes pa skyed par byed na ni dmigs pa bsam gtan dang po'i sa pa nas srid pa'i rtse mo sa pa'i bar gyi chos rnams yin pas chos ni de dag pa yin no//lhag ma rnams ni snga ma bzhin no/ /de bzhin du bsam gtan dang por skyes pa nas srid pa'i rtse mor skyes pa'i bar du ci rigs par brjod par bya'o/ /zhar la 'ongs pa'i skabs rdzogs so zhes bya ba ni/ mig dang ni/ rnam shes khams dag so so dang / / lhan cig tu yang 'thob pa yod/ /ces bya ba 'di'i skabs dang sbyar ba'am/ yang lus gang la gnas te mig gis gzugs rnams lta ba na zhes bya ba de lta bu la sogs pa ni zhar la 'ongs pa'i skabs yin te/ lta ba dang 'brel pa'i sgo nas 'ongs pa'i phyir ro/ /gnyis kyis rnam shes phyi yi lnga//zhes bya ba la lnga smos pa ni chos kyi khams bzlog pa'i phyir ro/ /phyi'i smos pa ni mig la sogs pa gsal ba'i phyir te/ phyi'i lnga kho na gnyis kyis rnam par shes par bya ba yin no zhes nges par bzung ba'i phyir khams gzhan bcu gsum ni rnam par shes pa'i tshogs lnga'i yul ma yin pa'i phyir rnam par shes pa gcig gis rnam par shes par bya ba yin no zhes bya bar grub po//'dus ma byas chos rtag pa'o/ /zhes bya ba ni 'dus ma byas kho na rtag pa yin te/ dus rnams su 'pho ba med pa'i phyir rtag pa dag yin no/ /chos kyi phyed dang gang dag ni//bcu gnyis nang gi bshad dbang po/ /zhes bya ba ni khams dag ces bya bar skabs dang sbyar ro/ /dbang po nyi shu rtsa gnyis gsungs/ /zhes bya ba ni bram ze rang bzhin nyan bcom ldan 'das ga la ba der song ste phyin nas/ / bcom ldan 'das dang thabs cig mngon sum du yang dag par mgu ba dang kun tu dga' bar 'gyur ba'i gtam rnam pa sna tshogs byas nas phyogs gcig tu 'dug go/ /'dug nas kyang bcom ldan 'das la bram ze rang bzhin nyan gyis 'di skad ces gsol to/ /kye go ta ma dbang po rnams dbang po rnams zhes bgyi na/kye gau ta ma dbang po rnams ni du zhig mchis/ ji snyed cig gis ni dbang po rnams bsdus pa lags/ bram ze dbang po ni nyi shu rtsa gnyis po 'di dag yin te/ nyi shu rtsa gnyis gang zhe na/ mig gi dbang po dang / rna ba'i dbang po dang / sna'i dbang po dang /lce'i dbang po dang / lus kyi dbang po dang / yid kyi dbang po dang / mo'i dbang po dang / pho'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang /btang snyoms kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po'o//bram ze 'di dag ni dbang po nyi shu rtsa gnyis yin te/ 'di tsam gyis dbang po rnams bsdus pa'i phyir ro/ /de nas bram ze rang bzhin nyan bcom ldan 'das kyis bshad pa la mngon par dga' nas rjes su yi rangs te/ bcom ldan 'das kyi thad nas song ngo zhes bya ba yin no//chos kyi phyed ces bya ba ni/ chos kyi khams kyi phyogs gcig ces bya ba'i tha tshig go/ /chos mngon pa pa rnams ni skye mched drug rnam par gzhag pa la ma gus pas zhes bya ba ni mig gi skye mched nas/ lus kyi skye mched dang yid kyi skye mched ces bya ba'i bar skye mched drug rnam par gzhag pa rigs pa'i ngo bo la ma gus pas/yid kyi dbang po srog gi dbang po'i mjug thogs su 'don te dmigs pa dang bcas pa'i phyir ro/ /tshor ba'i dbang po la sogs pa dmigs pa dang bcas pa rnams ni de'i mjug thogs su 'don te/srog gi dbang po la sogs pa dbang po bcu gcig ces bya ba ni srog gi dbang po dang / tshor ba'i dbang po lnga dang / dad pa la sogs pa'i dbang po lnga'o/ /gsum po dag gi cha'o zhes bya ba ni kun shes par byed pa'i dbang po la sogs pa rdzas dgu'i bdag nyid dag las yid kyi dbang po ma gtogs pa gzhan brgyad ni chos kyi khams kyi phyogs gcig go//mig la sogs pa rang gi ming gis smos pa zhes bya ba ni mig la sogs pa'i khams lnga ni dbang po lnga ste/ mig gi dbang po nas lus kyi dbang po'i bar yin no//mo dang pho'i dbang po dag ni lus kyi phyogs gcig kho na yin pas mig la sogs pa'i khams lnga ni dbang po bdun yin no/ /sems kyi khams bdun ni yid kyi dbang po yin no/ /de ltar na nang gi khams bcu gnyis ni dbang po brgyad yin no//nang gi khams bcu gnyis kho na dang chos kyi phyed kho na dbang po yin no zhes bya bar nges par bzung ba'i phyir gzugs la sogs pa'i khams lnga dang chos kyi khams kyi phyogs de las gzhan pa ni dbang po ma yin no zhes bya bar grub po/ /chos mngon pa'i mdzod kyi rnam par bshad pa don gsal ba zhes bya ba slob dpon rgyal po'i sras grags pa'i bshes gnyen gyis mdzad pa las khams bstan pa zhes bya ba ste mdzod kyi gnas dang po'o// //dbang po rnams bshad pa la zhes bya ba ni mdzod kyi gnas dang po dang gnyis pa 'brel pa yod pa nyid du bstan pa'i phyir dbang po rnams bshad pa la zhes smos pa yin te/gang gi phyir mdzod kyi gnas kyi mjug nas/ chos kyi phyed dang gang dag ni/ /bcu gnyis nang gir bshad dbang po/ /zhes bshad pa de'i phyir 'di smos so zhes bya bar sbyar ro/ / brda sprod pa pa rnams kyi dbang po zhes bya ba'i sgra'i don bye brag tu bshad pa gzhan du byas te/ de'i phyir dbang po'i don ci zhe na zhes 'dri bar byed do/ /dbang ni dbang phyug dam pa'o zhes 'byung ste skad kyi byings de ni dbang byed pas na dbang po rnams so zhes bya ba'i ngo bo yin par blta bar bya'o//dbang po mang ba'i phyir dbang byed pas na dbang po rnams so zhes mang po'i tshig gis bstan par byas pa yin no/ /de lta bas na dbang byed pa zhes bya ba'i sgra 'di ni dbang po zhes bya bar byas pa yin no/ /des na nges pa'i tshig gi tshul gyis na dbang po zhes bya bar 'gyur te/dper na glang po zhes bya ba lta bu'o/ /brda sprod pa pa rnams kyis ni 'di la tshang tshing yod pas na glang po che zhes bya'o zhes glang po che zhes bya ba'i sgras ldan pa'i don du rnam par 'chad par byed do/ /nges pa'i tshig dag tu ni de la ma gus pas tshang tshing na rgyu ba'i phyir glang po che yin no zhes nges pa'i tshig gi tshul gyis sgrub par byed de/'dir yang de dang 'dra bar blta bar bya'o/ /gal te brda sprod pa'i tshul tu dbang po'i rtags ni dbang po'o zhes bya bar bye brag tu bshad pa ni dbang byed pa'i don ni dbang po'i don to zhes bya bar nyams par 'gyur ba zhig na dbang byed pa'i don yin par yang 'dod do//de lta bas na dbang po zhes bya ba'i sgra'i don bye brag tu bshad pa 'di lta bur 'dod par bya'o/ /mthong ba dang thos nas yang ba yongs su spong ba'i phyir zhes bya ba ni ngam grog la sogs pa mthong ba dang stag la sogs pa'i sgra thos nas yang ba yongs su spong ba'i phyir ro//mtshungs par ldan pa dang bcas pa dag ces bya ba ni sems las byung ba dang bcas pa dag go/ /gzugs lta ba dang sgra mnyan pa dag gi zhes bya ba ni mig gis mthong ngo / /rna bas thos so zhes bya ba la sogs pa ni bye brag tu smra ba rnams kyi grub pa'i mtha' yin no//de la ni mig dang rna ba dag ni mthong ba dang mnyan pa gtod par byed pa'i khyad par gyi mtshan nyid can dag gi thun mong ma yin pa'i rgyu nyid la dbang byed pa yin no/ /snga ma bzhin du lus mdzes par bya ba la zhes bya ba ni sna la sogs pa med pa'i sems can rnams ni mi mdzes pa'i ngo bo yin pa'i phyir ro//lus mi mdzes pa'i phyir zhes bya ba'i tha tshig go/ /de dag gis kham gyi zas la yongs su longs spyod pa'i phyir zhes bya ba ni sna la sogs pa de dag gis de la yongs su longs spyod pa'i phyir ro//dri ji ltar kham gyi zas nyid yin zhe na snas dri'i zas rnam par bcad nas kham du byed pa'i phyir ro/ /reg bya ji ltar kham gyi zas nyid yin zhe na/ lus kyi khrus dang bsku ba la sogs pas reg bya'i zas spu'i bu ga'i khar rnam par bcad nas kham du byed pa'i phyir ro//bzhi rnam gnyis la'o zhes bya ba la/ lo zhes bya ba ni pha rol po'i gzhung lugs bstan pa yin te rang gi gzhung lugs ni 'og nas 'byung ba yin no/ /gnyis la zhes bya ba ni re re la sbyar bar bya'o/ /sems can gyi bye brag ni mo'o pho'o zhes bya ba la mo zhes bya ba ni ris mthun pa cig yin la pho zhes bya ba ni gzhan yin te/de gnyis kyi bye brag yin no/ /sems can gyi khyad par zhes bya ba ni nu ma la sogs pa dbyibs dang ro dang spyod pa gzhan pa nyid de khyad par yod pa zhes bya ba'i tha tshig go//gzhan dag na re ni kun nas nyon mongs pa dang rnam par byang ba dag la zhes bya ba ni sngon gyi slob dpon yin te/ gzugs na spyod pa rnams la pho'i dbang po med kyang khyad par du grub pa'i phyir sems can gyi bye brag dang khyad par dag la dbang byed pa ni ma yin te/ sems can gyi bye brag ni khyad par gyis byas pa yin no snyam du bsams pa yin no/ /de dag dang mi ldan pa dang nyams pa zhes bya ba de dag ni mi ldan pa yang yin la/ nyams pa yang yin pas mi ldan pa dang nyams pa'o/ /mo dang pho'i dbang po de dag dang mi ldan pa dang nyams pa rnams ni de dag dang mi ldan pa dang nyams pa'o//gang dag yin zhe na/ za ma dang ma ning dang mtshan gnyis pa rnams yin no/ /de dag dang mi ldan pa ni za ma rnams yin te/ de dag la mo dang pho'i dbang po med pa'i phyir ro/ /za ma dang ma ning dag la khyad par ci yod ce na/za ma ni rang bzhin gyis mo dang pho'i dbang po med pa dag yin no/ /ma ning ni gnod pas dbang po nyams pa dag yin no/ /'dul ba las ni rang bzhin gyis ma ning dang phrag dog can dang 'khyud pa'i ma ning dang ma ning zla phyed pa dang bcas pa'i ma ning zhes bya ba ma ning kho na lnga 'byung ste/de las rang bzhin gyis ma ning 'byung ba ni 'dir za ma yin par 'dod de/ gang zhig rang bzhin gyis mtshan ma med pa de ni rang bzhin gyis ma ning yin la/ lhag ma ni 'dir ma ning dag yin par 'dod de/ re zhig bcad pa'i ma ning ni dbang po bcad pa yin pa'i phyir dbang po ma tshang ba yin no zhes bya bar gsal ba nyid do//ma ning zla phyed pa la sogs pa ni dbang po las su mi rung ba nyid kyis de dag nyams pa kho na yin no/ /dbang po las su rung ba nyid kyi dus na yang de dag nyams pa yin no zhes bya bar rnam par gzhag pa kho na ste/de'i dbang po las su rung ba nyid ni pho'i dga' ba'i khyad par skyed par byed pa ma yin pa'i phyir dang / bu skyed par byed pa ma yin pa'i phyir ro/ /'dir za ma dang ma ning zhes bya ba so sor 'byung ba ni dbang po yod pa'i phyir snyam du sems pa bzlog pa'i phyir ro//de lta ma yin na 'dul ba bzhin du chos mngon pa 'di las kyang ma ning zhes bya ba kho na bton par 'gyur ro/ /mtshan gnyis pa rnams ni de dag nyams pa yin te/ gnas nyams pas nyams pa'i phyir dang bde ba chung ngu'i rgyu nyid kyis nyams pa'i phyir ro//gzhan dag na re ni de dag dang mi ldan pa rnams ni za ma yin la de dag nyams pa rnams ni ma ning yin te/ gnod pas nyams pa'i phyir ro/ /mtshan gnyis pa rnams kyang de dag nyams pa yin te gnas nyams pas nyams pa'i phyir dang / bde ba chung ngu'i rgyu nyid kyis nyams pa'i phyir ro zhes zer ro//de dag la ni sdom pa la sogs pa med do/ /za ma ma ning sgra mi snyan/ /mtshan gnyis ma gtogs mi rnams la/ /sdom min zhes bya ba dang / za ma sogs la mi 'dod do/ /phan dang ngo mtshar chung ba'i phyir/ /zhes bya ba dang / skyes pa bud med kyi 'chad do zhes 'byung ba'i phyir ro/ /pho dang mo rnams la ni de dag yod de/ de'i phyir mo dang pho'i dbang po dag ni kun nas nyon mongs pa la dbang byed pa yin no/ /sdom pa dang 'bras bu 'thob pa dang 'dod chags dang bral ba rnams zhes bya ba ni sdom pa ni rnam pa gsum ste/so so thar pa'i sdom pa dang / bsam gtan gyi sdom pa dang / zag pa med pa'i sdom pa'o/ /de dag la ni sdom pa gcig kyang med na thams cad lta smos kyang ci dgos te/ sdom pa'ang de bzhin la zhes 'byung ba'i phyir ro/ /de nyid kyi phyir de dag la rgyun tu zhugs pa la sogs pa 'bras bu 'thob pa dang 'dod pa la sogs pa'i 'dod chags bral ba yang mi srid do//mo dang pho rnams la ni srid pas/ de'i phyir pho dang mo'i dbang po rnam par byang ba la yang dbang byed pa yin no/ /ris mthun par mtshams sbyor ba dang yang dag par 'dzin pa dag la zhes bya ba ni srog gi dbang po ni ris mthun par skye ba la ste/de ni ris mthun par mtshams sbyor ba la dbang byed par rnam par gzhag go/ /ris mthun pa yang dag par 'dzin pa la yang dbang byed pa yin te/ srog gi dbang po'i dbang gis de'i 'og tu gnas pa'i phyir ro//yid kyi dbang po ni yang srid par mtshams sbyor ba zhes bya ba ni nyon mongs pa can gyis yang srid par mtshams sbyor ba'i phyir ro/ /'di srog gi dbang po las khyad par ci yod ce na/ srog gi dbang po ni srid pa bar ma kho nar mtshams sbyor ba yin la/yid kyi dbang po ni skye ba'i srid par yang yin no/ /srog gi dbang po ni dus mnyam du ris mthun pa dang der mtshams sbyor bar byed kyi yid kyi dbang po ni dus tha dad pa yin yang / yang srid par mtshams sbyor bar byed do/ /dbang gi ngo bo dang mthun par byed pa zhes bya ba ni 'jig rten nam chos ni sems kyi dbang gi ngo bo dang mthun par byed pa yin no//ji skad du 'jig rten 'di ni sems kyis khrid do zhes bya ba rgyas par gsungs pa lta bu'o zhes bya ba ni tshigs su bcad pa las kyang / 'jig rten sems kyis khrid pa ste/ /sems kyis yongs su drangs pa yin/ /sems kyi chos ni gcig pu yi//dbang gi rjes su chos kun 'gro/ /zhes gsungs pa yin no/ /de dag la 'dod chags la sogs pa rgyas par 'gyur ba nyid kyi phyir zhes bya ba ni 'di dag la dmigs pa 'am mtshungs par ldan pa'i sgo nas bde ba la sogs pa de dag la rgyas par 'gyur ba'i ngang tshul yod pas na 'dod chags la sogs pa 'di dag ni de dag la rgyas par 'gyur ba yin no//de'i ngo bo ni de dag la rgyas par 'gyur ba nyid do/ /de'i phyir te/ ji skad du bde ba'i tshor ba la ni 'dod chags rgyas par 'gyur la/ sdug bsngal la ni zhe sdang /sdug bsngal yang ma yin bde ba yang ma yin pa la ni gti mug go zhes gsungs pa lta bu'o/ /de dag gis rnam par byang bar byed do zhes bya ba ni de dag gis rnam par dag par 'gyur zhes bya ba'i tha tshig go/ /de ltar na dad pa la sogs pa 'di dag ni nyon mongs pa rnam par dag par bya ba la dbang byed do zhes bshad pa yin no//gzhan dag na re bde ba la sogs pa rnams ni rnam par byang ba la yang dbang byed de zhes bya ba la/ yang zhes bya ba'i sgra'i don ni bde ba la sogs pa ni kun nas nyon mongs pa 'ba' zhig la dbang byed pa ma yin no/ / 'o na ci zhe na/ rnam par byang ba la yang yin no zhes bya ba yin no/ /chos mngon pa pa kho na kha cig de skad ces zer te/ de dag rnam par byang ba la dbang byed pa yod de zhes bya ba'i lung 'di ltar bde bar gyur pa'i sems mnyam par 'jog par 'gyur ro zhes gsungs pa yang khyer te 'ong bar byed do//sdug bsngal gyi rgyu can gyi dad pa ni 'di la rgyu sdug bsngal yod pas na/ dad pa 'di ni sdug bsngal gyi rgyu can yin no/ /sdug bsngal gyi rgyu las byung ba zhes bya ba'i tha tshig go/ /sdug bsngal yod na 'ga' zhig chos sam dkon mchog gsum la dad pa skye ba'am rab tu 'byung ba mngon par 'dod par 'gyur ro//yid bde ba la sogs pa nges par 'byung ba la brten pa drug ces bya ba ni yid bde ba nges par 'byung ba la brten pa drug dag dang yid mi bde ba nges par 'byung ba la brten pa drug dag dang / btang snyoms nges par 'byung ba la brten pa drug dag ste/nges par 'byung ba ni zag pa dang bcas pa dang zag pa med pa'i lam yin no/ /gzhan dag na re khams sam 'khor ba la nges par 'byung zhing 'dod chags dang bral ba yin no zhes zer ro/ /mdo las ji skad du mig gi rnam par shes par bya ba'i gzugs rnams la brten te/yid bde ba nges par 'byung ba la brten pa skye'o zhes gsungs pa lta bu ste/ nges par 'byung ba la dmigs pa'am/ nges par 'byung ba dang mthun pa zhes bya ba'i tha tshig go/ /de bzhin du yid dang chos rnams la brten te yid bde ba nges par 'byung ba la brten pa skye'o zhes bya ba'i bar dang /de bzhin du mig gi rnam par shes par bya ba'i gzugs rnams la brten te yid mi bde ba skye'o zhes bya ba'o/ /de bzhin du yid dang zhes bya ba'i bar dang / de bzhin du mig gi rnam par shes par bya ba'i gzugs rnams la brten te btang snyoms nges par 'byung ba la brten pa skye'o zhes bya ba dang de bzhin du yid dang zhes bya ba'i bar gsungs pa lta bu yin te/la la ni nges par 'byung ba thob par 'gyur ro snyam du yid bde ba yin no/ /la la ni bdag gis nges par 'byung ba'i phyir 'bad pa ma byas so snyam du yid mi bde ba yin no//la la ni gzugs la sogs pa de dag la so sor brtags nas btang snyoms su byed pa yin no/ /gzhan dag na re ni zhes bya ba ni mdo sde pa dag yin no/ /rnam par shes nas yang ba yongs su spong ba'i phyir zhes bya ba ni rnam par shes pas yang ba yongs su spong bar byed kyi mig dang rna bas ni ma yin no snyam du bsams pa yin no//rnam par shes pa las gzhan pa gzugs mthong ba'am sgra thos pa yang med ces bya ba ni gzugs mthong ba dang sgra thos pa ni dpyad na 'dzin pa las logs shig na yod par mi dmigs la/'dzin pa yang rnam par shes pa kho na yin gyi gzhan ni ma yin no/ /de lta bas na mig dang rna ba'i rnam par shes pa mtshungs par ldan pa dang bcas pa dag skyed pa la dbang byed par bshad pa gang yin pa de nyid de yin gyi 'di dag gzhan la dbang byed pa ni ma yin no snyam du bsams pa yin no//yid ni don thams cad la dmigs par bya ba la zhes bya ba smos pa ni rang gi don la dmigs par dbang byed phyir zhes bya ba kho nas grub pa las yid ni don thams cad la dmigs par bya ba la zhes 'byung ba'i sa pa ni chos thams cad chos kyi khams kyi ngo bo nyid ma yin pa'i phyir te 'di ni gong du rnam par bshad zin to//'di la don rnams kyang dbang byed ma yin nam zhes bya ba ni gnyis la brten nas rnam par shes pa skye'o zhes 'byung ba'i phyir ro/ /lhag par dbang byed pa nyid ni dbang byed pa nyid yin la zhes bya ba ni lhag par dbang byed pa ni dbang byed pa yin no//de'i ngo bo ni lhag par dbang byed pa nyid do/ /gzugs thams cad la dmigs par bya ba la thun mong gi rgyu yin pa'i phyir ro zhes bya ba ni mig gi ngo bo gcig pu ni sngon po dang ser po la sogs pa'i gzugs thams cad dmigs par bya ba la rgyu yin pa'i phyir ro//gzugs kyi ngo bo gcig pu ni sngon po dang ser po la sogs pa'i gzugs thams cad dmigs par bya ba la rgyu nyid ma yin te/ gzugs sngon po ni gzugs ser po dmigs par bya ba la rgyu ma yin no//dmigs pa de gsal ba nyid la sogs pa'i rjes su byed pa'i phyir ro zhes bya ba ni 'di ltar dmigs pa ni mig la sogs pa gsal ba dang mi gsal ba nyid kyi rjes su byed de/ /'di lta ste mig gsal na ni de'i dmigs pa gsal la/ mig mi gsal na ni mi gsal ba yin no//sogs pa zhes bya ba'i sgras ni mi dge ba dang dge ba dang tshor ba dang bcas pa dang tshor ba med pa'i rjes su byed pa ste/ yid mi dge na ni dmigs pa mi dge ba yin la/ dge na ni dge ba yin/ tshor ba dang bcas na ni tshor ba dang bcas pa yin/ tshor ba med na ni tshor ba med pa yin no zhes bya ba yin no//dmigs pa gzugs kyis gsal ba dang mi gsal ba nyid la sogs pa'i rjes su byed pa ni ma yin te/ de'i phyir/ de las bzlog pa yin pa'i phyir ro zhes bya ba smos so/ /de lta bas na mig la sogs pa lhag par dbang byed pa yin gyi/gzugs la sogs pa ni ma yin no/ /lus las mo dang pho'i dbang dag ces bya ba 'di la sgrub pa ni mo dang pho'i dbang po ni lus kyi dbang po'i ngo bo nyid yin te/ reg bya'i rnam par shes pa skyed par byed pa yin pa'i phyir mo dang pho'i dbang po'i ngo bo nyid ma yin pa'i lus kyi dbang po bzhin no//chos mi mthun pa ni mig gi dbang po lta bu'o/ /mo'i dbang po ni rang bzhin nga ro dang g.yo ba dang bsam pa dag ces bya ba la/ mo'i bsam pa ni mo ni pho la sems pa yin no/ /pho ni bzlog pa yin te de lta yin dang mo dang pho'i dbang po dag ni sems can gyi khyad par kho na la dbang byed pa yin no//srog gi dbang po ni ris mthun par gnas par bya ba la dbang byed pa yin gyi bye brag tu smra ba'i lta bur ris mthun pa'i bar mtshams sbyor ba la dbang byed pa ni ma yin te/ de la ni yid kho na dbang byed pa'i phyir ro//tshor ba rnams ni kun nas nyon mongs par bya ba la dbang byed de zhes bya ba 'di la ni bye brag tu smra ba rnams dang gzhung lugs gcig go/ /'di ltar de dag gis zhes bya ba rgyas par 'byung ba la/ nyon mongs pa rnams kyang rnam par gnon pa ni 'jig rten pa'i lam gyi rnam pa dag gis so//lam yang 'dren par byed pa ni nges par 'byed pa'i cha dang mthun pa la sogs pa'i rnam pa dag gis so/ /de ltar na dad pa la sogs pa ni re re zhing rnam par byang ba'i tshogs la dbang byed do zhes bshad pa yin no/ /sems rnam par ma grol ba la yongs su mya ngan las 'da' ba med ces bya ba ni kun shes pa dang ldan pa'i dbang po ni zad pa shes pa la sogs pa zag pa med pa'i dbang po yin no//de nyid kyang nyon mongs pa las rnam par grol ba'i phyir dang rgyud rnam par grol ba'i phyir rnam par grol ba yin la/ de thob pa ni phung po'i lhag ma med pa'i mya ngan las 'da' bar 'gyur ro//de lta bas na kun shes pa dang ldan pa'i dbang po ni phung po'i lhag ma med pa'i mya ngan las 'da' ba la dbang byed par rnam par gzhag go/ /mthong ba'i chos la bde bar gnas par bya ba'i phyir zhes bya ba rgyas par 'byung ba ni chos mthong ba ni mthong ba'i chos te mthong ba'i tshe zhes bya ba'i tha tshig go//gnas pa bde ba ni bde bar gnas pa'o/ /mthong ba'i chos la bde bar gnas pa ni mthong ba'i chos la bde bar gnas pa'o/ /rnam par grol bas dga' ba dang bde ba so sor yang dag par myong ba'i phyir ro zhes bya ba la/rnam par grol ba ni nyon mongs pa spangs pa'o/ /dga' ba ni yid bde ba'o/ /bde ba ni shin tu sbyangs pa'i bde ba'o/ /rnam par grol bas dga' ba dang bde ba so sor yang dag par myong ba ni rnam par grol bas dga' ba dang bde ba so sor yang dag par myong ba ste/de'i phyir ro/ /'di skad du rnam par grol bas dga' ba dang bde ba yang dag par myong ba nyid mthong ba'i chos la bde bar gnas pa yin no zhes bshad pa yin no/ /ngag dang lag pa dang rkang pa dang rkub dang mdoms rnams kyang dbang po nyid du kha bskang bar bya'o zhes bya ba ni mig gi dbang po la sogs pa ma gtogs pa ngag gi dbang po la sogs par rtog par byed pa yin te/ngag gi dbang po ni gang gis na tshig smra bar byed pa yin no/ /lag pa'i dbang po ni gang gis na rdzas cung zad len par byed pa yin no//rkang pa'i dbang po ni gang gis na 'gro bar byed pa yin te/ 'chag par byed pa zhes bya ba'i tha tshig go/ /rkub kyi dbang po ni gang gis na rtug pa rtug par byed pa yin no/ /mdoms kyi dbang po ni lus kyi dbang po phyogs gcig las ma gtogs pa gang gis na kun tu dga' ba'i khyad par 'thob pa yin no//ma rig pa la sogs pa ni bcom ldan 'das kyis don gang gis dbang po nyi shu rtsa gnyis su gsungs pa de ma rig pa la sogs pa dang 'brel pa med pa'i phyir dbang po nyid du kha bskang bar mi bya'o/ /don de yang gang zhe na/ sems kyi rten dang de'i bye brag ces bya ba rgyas par smos te/ sems kyi rten dang / rten de'i bye brag dang / gnas pa dang / kun nas nyon mongs pa dang / rnam par byang ba'i tshogs dang / rnam par byang ba zhes bya ba yin no/ /skye mched drug po de dag ni sems can gyi rdzas kyi gzhi yin no zhes bya ba ni de las gzhan pa rnams de dag la brten pa'i phyir ro//'di ltar dbang po drug gi dbang gis rten dang / yul gyi rnam par shes pa drug 'byung ba yin no/ /'di dag kyang sems can gyi rdzas yin par ni 'dod mod kyi gzhi ni ma yin te/ de la sogs pa'i dbang gis skye mched drug byung ba ni ma yin no//lngas ni rnam par byang ba'i tshogs sogs par byed do zhes bya ba ni dad pa la sogs pas so/ /gsum gyis ni rnam par byang bar byed de zhes bya ba ni mi shes pa kun shes par byed pa'i dbang po la sogs pas so/ /rtog pa gzhan/ 'jug pa'i rten dang mi skye dang //zhes bya ba rgyas par 'byung ba ni 'jug pa'i phyogs dang ldog pa'i phyogs kyi dbang du byas nas bshad pa yin te/ 'jug pa ste 'khor ba'i rten dang / skye ba dang gnas pa dang nye bar spyod pa dang ldog pa ste/ mya ngan las 'das pa'i rten dang / skye ba dang / gnas pa dang / nye bar spyod pa yin no//'di tsam gyis na skyes bu'i don yongs su rdzogs pa de las gzhan pa'i dbang po gdags pa ni don med pa yin no/ /khyed kyi de'i sgra la sogs pa dmigs pa ni dang po yin no/ /yon tan dang skyes bu'i khyad par dmigs pa ni mtha' yin no zhes skyes bu'i don yongs su rdzogs pa 'don to//de la skye mched drug po sems can gyi rdzas kyi gzhir gyur pas ni 'khor bas na 'jug pa'i rten yin no/ /skye ba ni pho dang mo'i dbang po dag yin no zhes bya ba ni 'di ni skye bar 'gyur bas na skye ba'o/ /ci'i phyir zhe na/ de las skyes pa'i phyir ro zhes bya ba smos so/ / gang zhig ce na/ skye mched drug ste/ yid dang lus kyi dbang po dag ni de dag las mngon sum du skye ba'i phyir la/ mig la sogs pa bzhi ni rim gyis skye ba'i phyir ro/ /gnas pa ni srog gi dbang po yin te/ skye mched drug gnas par byed pa'i phyir ro/ /tshor ba rnams kyis ni nye bar spyod par byed de bde ba la sogs pas so//ldog pa'i rten ni dad pa la sogs pa yin no zhes bya ba ni dad pa la sogs pa ni gzhir gyur pa yin pa'i phyir ro/ /skye ba ni kun shes par byed pa'i dbang po yin no zhes bya ba ni dang por skyes pa ste/ thog ma nyid du zag pa med pa skye ba yin pa'i phyir ro//gnas pa ni kun shes pa'i dbang po yin te rgyun chags par byed pa yin pa'i phyir ro/ /kun shes pa dang ldan pa'i dbang pos ni nye bar spyod par byed do zhes bya ba ni des na sems rnam par grol bas dga' ba dang bde ba so sor yang dag par myong ba'i phyir ro//de'i phyir dbang po ni de snyed cig yin zhes bya ba ni ma rig pa la sogs pa ni dbang po nyid yin par mi 'dod do zhes bya ba'i tha tshig go/ /de nyid kyi phyir de dag gi go rims kyang de yin no zhes bya ba ni mig gi dbang po nas kun shes pa dang ldan pa'i dbang po zhes bya ba'i bar yin te/'jug pa dang ldog pa'i rten la sogs par gyur pa'i phyir ro/ /ngag ni tshig smra bar bya ba la dbang po nyid ma yin te slob pa'i khyad par la ltos pa'i phyir ro zhes bya ba ni bus pa skyes ma thag pa bslab pa med pa kho nar mig gis gzugs mthong la tshig ni de ltar smra bar mi byed do/ / de lta bas na dbang po'i las las 'das pa'i phyir ngag dbang po nyid yin par 'os pa ma yin gyi/ tshig tu smra ba de ni lce'i dbang po'i rten kho na'i las yin no/ /lag pa dang rkang pa yang len pa dang 'gro ba las gzhan ma yin pa'i phyir te zhes bya ba ni lag pa nyid gzhan du byung ba la len pa zhes bya la/rkang pa nyid gzhan du byung ba la 'gro ba zhes bya ste/ las med pa'i phyir dang / rang gi bdag nyid la byed pa yang 'gal ba'i phyir lag pa dang rkang pa ni dbang po nyid ma yin no/ /sbrul la sogs pa la zhes bya ba ni sbrul la sogs pa la rkang pa dang lag pa med mod kyi/ 'on kyang de dag len pa dang 'gro bar 'gyur bas lag pa dang rkang pa ni dbang po nyid ma yin no//gal te de dag la yang phra mo yod do zhe na/ bsgrub par bya ba yin pa'i phyir ma yin te 'di gnyis kyang dbang po nyid ma yin no/ /rtug par bya ba la zhes bya ba ni mi gtsang ba rtug par bya ba la'o/ /bu ga'i nam mkha' la gnas pa'i rdzas lci ba nas gang ci yang rung ste/rkub kyi gnas las gzhan na yang / ltung ba'i phyir rdzas lci ba ni lci ba nyid kho na'i phyir rang ltung gi dbang pos byas pa ni ma yin no/ /de rlung gis kyang bro bar byed pa'i phyir ro zhes bya ba ni mi gtsang ba'i rdzas lci ba de rlung gis bro bar byed pa'i phyir de ni rlung kho na'i las yin gyi/rkub kyi dbang po ni ma yin te/ de ni mi dmigs pa'i phyir ro/ /mdoms kyang kun du dga' bar bya ba la dbang po nyid ma yin te zhes bya ba la/ tshig gi don gyi kun tu dga' bar bya ba la lus kyi dbang po'i phyogs gcig po mo dang pho'i dbang po las ma gtogs pa'i mdoms su btags pa dbang po nyid ma yin te nyon mongs pa can gyi bde ba de ni lus kyi dbang po'i phyogs gcig gi mo dang pho'i dbang pos byas pa yin no zhes bya ba yin te/lkog ma dang so dang mig gi lam dang tshigs rnams kyang zhes bya ba rgyas par 'byung ba ni/ gal te ji skad du bshad pa'i rgyus dbang po dag ni de snyed kho na yin no zhes bya bar mi 'dod na lkog ma yang mid pa dang so yang bca' ba dang mig gi lam yang 'byed pa dang 'dzums pa dang / tshigs kyang rus pa'i tshigs bskum pa dang brkyang ba'i bya ba dag la dbang po nyid yin par thal bar 'gyur ro//rgyur gyur pa thams cad ces bya ba rgyas par 'byung ba ni gal te gang zhig gang la rtsal yod pa de de la dbang po nyid yin par 'dod kyi gong du bshad pa'i rgyu nges pa de ni mi 'dod na sa bon la sogs pa rgyur gyur pa thams cad rang gi bya ba ste rang gi 'bras bu myu gu la sogs pa'i mtshan nyid kyi bya ba la dbang po nyid yin par thal bar 'gyur ro zhes bya bar skabs dang sbyar ro//de lta bas na ngag la sogs pa ni dbang po nyid yin par rigs pa ma yin no/ /de la mig la sogs pa zhes bya ba rgyas par 'byung ba la de la zhes bya ba ni tshig gi phrad yin no//bstan zin to zhes bya ba ni/ de dag rnams kyi rnam shes rten/ /mig la sogs gzugs dang ba rnams/ /zhes bya ba dang / lus las mo dang pho'i dbang dag/ /ces bya ba yin no/ /srog gi dbang po zhes bya ba ni/ /srog ni tshe yin drod dang ni/ /rnam shes rten gang yin pa'o/ / zhes bya ba 'dir ro/ /dad pa la sogs pa rnams ni sems las byung ba dag gi nang nas zhes bya ba ni/ dad dang bag yod shin tu sbyangs/ /zhes bya ba'i phyogs 'dir ro/ /tshor ba la sogs pa yang / tshor ba myong ba zhes bya ba/ tshor dang sems pa 'du shes dang / /zhes bya ba 'byung ba'i phyir bstan zin pa yang yin la/sems las byung ba dag gi nang nas 'chad par 'gyur ba yang ma yin nam zhe na/ tshor ba'i spyi'i ngo bo bshad zin pa dang 'chad par 'gyur ba bden mod kyi khyad par rnam par dbye ba'i ngo bo ni 'di nas 'chad par 'dod pas/ bde ba la sogs pa bshad par bya ste zhes bya ba smos so/ /'o na kun shes par byed pa'i dbang po la sogs pa ni bshad mi dgos te/ 'di ltar yid kyi mtshan nyid ni bshad zin to/ /dad pa la sogs pa ni sems las byung ba dag gi nang nas 'chad par 'gyur ro/ /bde ba dang yid bde ba dang btang snyoms rnams ni 'di ni 'chad do zhe na/'di dag kyang bshad dgos pa kho na'o/ /'di ltar 'di dag ni rdzas dgu'i ngo bo nyid yin par bstan dgos so/ /gnas skabs 'di na ni rdzas dgu po 'di dag mi shes pa kun shes par byed pa'i dbang po zhes bya bar 'gyur la/ gnas skabs 'di na ni kun shes pa'i dbang po zhes bya bar 'gyur/gnas skabs 'di na ni kun shes pa dang ldan pa'i dbang po zhes bya bar 'gyur ro zhes bya bar 'di dag gi gnas skabs kyi khyad par te bstan dgos so/ /de'i phyir bde ba la sogs pa dang kun shes par byed pa'i dbang po la sogs pa bshad par bya ste zhes bya ba ni legs par smras pa yin no//lus tshor sim pa ma yin gang / /zhes bya ba la lus tshor zhes bya ba ni yid kyis bzlog pa'i phyir ro/ /sim pa ma yin zhes bya ba ni sim pa bzlog pa'i phyir ro/ /de la lus dag ni mig la sogs pa lnga yin te rdul phra rab la sogs pa'i bdag nyid yin pa'i phyir ro//lus de la yod pa'am rten lus dang lhan cig spyod pas na lus kyi yin te dbang po lnga la brten pa'i tshor ba gnod par byed pa gang yin pa de ni sdug bsngal gyi dbang po yin no zhes bya bar khong du chud par bya'o/ /sim pa ni bde ba'o zhes bya ba ni 'dir lus kyi zhes bya ba dang dbang po zhes bya bar sbyar bar bya ste/sim pa zhes bya ba smos pa ni sim pa ma yin pa bzlog pa'i phyir ro/ /'di skad du dbang po lnga la brten pa'i tshor ba sim pa phan 'dogs par byed pa de ni bde ba'i dbang po yin no zhes bshad pa yin no/ /bsam gtan gsum pa na/sems kyi de ni bde dbang po/ /zhes bya ba ni bsam gtan gsum pa na ni sems kyi tshor ba sim pa yang bde ba'i dbang po yin no zhes bya bar rnam par gzhag go/ /ci'i phyir de ni sems kyi sim pa kho na yin par gzung gi lus kyi ni ma yin zhe na/ 'dir de ni rnam par shes pa'i tshogs lnga med pa'i phyir lus kyi tshor ba ni med do zhes bya ba smos so//ci'i phyir bsam gtan gsum pa na de yid bde ba'i dbang po ma yin zhe na/ de'i phyir bsam gtan gsum pa na ni dga' ba'i 'dod chags dang bral ba'i phyir de bde ba'i dbang po kho na yin zhes bya ba smos te/'di ltar mdo las dga' ba'i 'dod chags dang bral ba rnams btang snyoms su gnas so zhes bya ba nas rgyas par dran pa dang ldan zhing bde bar gnas so zhes bya ba dang / bsam gtan gsum pa rdzogs par byas te gnas so zhes bya ba'i bar gsungs so/ /gal te dga' ba ni yid bde ba las gzhan yin no snyam na de'i phyir dga' ba ni yid bde ba yin no zhes bya ba smos so//sems kyi sim pa ma yin pa/ /[(]yad [,]yid [)]mi bde ba'o zhes bya ba ni sems kyi tshor ba gnod par byed pa ni yid mi bde ba yin no/ /btang snyoms ni bar ma'o zhes bya ba ni btang snyoms kyi dbang po ni tshor ba bar ma gang yin pa ste/sim pa yang ma yin sim pa ma yin pa yang ma yin no zhes bya ba'i tha tshig go/ /gnyi ga'i zhes bya ba ni 'di la yan lag gnyi ga yod pas na gnyi ga'i ste lus kyi dang sems kyi zhes bya ba'i tha tshig go/ /mi rtog phyir zhes bya ba ni mngon par spyod pa'i rnam par rtog pa med pa'i phyir zhes bya ba'i tha tshig go//phal cher zhes bya ba smos pa ni ting nge 'dzin las skyes pa dang rnam par smin pa las skyes pa'i dga' ba dang bde ba yongs su spang ba'i phyir ro/ /lus kyi ni ma yin no zhes bya ba ni lus kyi bde ba dang sdug bsngal ni rnam par rtog pas skye ba ma yin no//ci'i phyir zhe na/ yul gyi dbang gis ni dgra bcom pa rnams la yang skye bas zhes bya ba smos te/ yul gyi dbang kho nas dgra bcom pa sdug pa dang mi sdug pa rnam par rtog pa spangs pa rnams la yang lus kyi bde ba dang sdug bsngal bskyed pas so/ / de'i phyir de dag /dbang po nyid du tha dad kyi/ /zhes bya ba ni lus dang sems kyi bde ba dag dang sdug bsngal de dag dbang po nyid du tha dad de so sor bde ba'i dbang po dang yid bde ba'i dbang po dang sdug bsngal gyi dbang po dang yid mi bde ba'i dbang po zhes bya ba yin gyi/btang snyoms ni lus kyi'am sems kyi'am rnam par smin pa las skyes pa'am rgyu mthun pa las byung ba yang rung ste/ rnam par mi rtog pa kho nar mngon par rtogs pa med pa kho nar rang gi ngang gis mngon par 'du byed pa med par skye bas de lta bas na dbang po nyid du tha dad pa med par btang snyoms kyi dbang po zhes dbang po gcig tu byas so// //bam po dgu pa/ lus kyi bde ba yang gzhan du zhes bya ba rgyas par 'byung ba ni lus kyi bde ba yang nyams su myong ba'i ngo bo'i khyad par gzhan gyis rjes su 'dzin la sems kyi yang gzhan gyis te lus kyi ni brten pa yin la/sems kyi ni mi brten pa yin no/ /de bzhin du lus kyi sdug bsngal yang nyams su myong ba'i ngo bo'i khyad par gzhan gyis yin la/ sems kyi yang gzhan gyi yin no/ /btang snyoms la bye brag med de zhes bya ba ni rang gi ngo bo dang khyad par gyi mtshan nyid kyi bye brag med do//de bas na btang snyoms kyi phyir te btang snyoms su bya ba'i phyir bye brag med pas rang gi ngo bo dang khyad par med pas tha dad pa med do/ /mthong bsgom mi slob lam la dgu/ /zhes bya ba ni mthong ba zhes bya ba ni mthong ba yin no/ /mthong ba dang bsgom pa dang mi slob pa'i lam ni mthong bsgom mi slob lam yin no//lam gsum po de nyid la yid dang / bde ba dang / yid bde ba dang / btang snyoms dang / dad pa dang / brtson 'grus dang / dran pa dang / ting nge 'dzin dang / shes rab ces bya ba'i rdzas dgu po gang dag yin pa de dag ni mthong ba'i lam la ni mi shes pa kun shes par byed pa'i dbang po zhes bya'o//bsgom pa'i lam la ni kun shes pa'i dbang po zhes bya'o/ /mi slob pa'i lam la ni kun shes pa dang ldan pa'i dbang po zhes bya'o zhes bya ba rnam par bzhag ste/ rdzas de dag ni phan tshun ltos nas ming de dang de 'thob bo/dgu zhes bya ba ni tshogs pa gzhan la ltos nas de skad ces bshad pa yin gyi tshogs pa gcig la rdzas dgu yod pa ma yin te/ bde ba dang yid bde ba dang / btang snyoms kyi dbang po rnams las gang yang rung ba kho na zhig yod pa'i phyir ro/ /gal te lam de mi lcogs pa med pa dang / bsam gtan khyad par can dang / bsam gtan bzhi pa dang / nam mkha' dang / rnam shes dang / ci yang med pa'i skye mched kyi sa pa zhig yin na ni de la btang snyoms kyi dbang po kho na yod kyi bde ba dang / yid bde ba'i dbang po dag ni med do/ /gal te bsam gtan dang po dang / gnyis pa'i sa pa zhig yin na ni de la yid bde ba'i dbang po kho na yod do//gal te bsam gtan gsum pa'i sa pa zhig yin na ni de la bde ba'i dbang po kho na yod kyi gzhan ni med do/ /mi shes pa kun shes par bya ba zhugs pa yin no zhes bya ba ni bden pa bzhi mi shes pa kun shes par bya zhing kun rtogs par bya bar zhugs pa ste/kun shes par bya'o snyam du bsams pa'o/ /de'i dbang po ni mi shes pa kun shes par byed pa'i dbang po yin no/ /bsgom pa'i lam ni sngon ma mthong ba kun shes par bya ba ni med kyi phra rgyas lhag ma spangs pa'i phyir te/ bsgom pas spang bar bya ba'i nyon mongs pa spang bar bya ba'i phyir bden pa bzhi po de nyid kun shes par byed do//gang zag kun shes pa de'i dbang po yin pa'am kun shes pa nyid dbang po yin pas na kun shes pa'i dbang po'o/ /mi slob pa'i lam la ni kun shes so snyam du rtog pa ni kun shes pa ste zhes bya ba ni don brjod pa tsam du zad de sgra'i tshig rnam par sbyar ba ni 'di ltar bya'o//kun shes pa zhes bya ba ni kun rtogs pa yin no/ /de 'di la yod pas sam 'di kun shes pa srung ba'i ngang tshul yin pas na kun shes pa dang ldan pa yin no/ /de lta bu'i dbang po ni zhes bya ba ni kun shes pa dang ldan pa ni de lta bu'i dbang po ni zhes bya ba'i tha tshig go//gsum ni dri ma med ces bya ba ni gsum ni dri ma med pa kho na yin no zhes bya bar nges par gzung ba yin no/ /zag pa dang bcas pa dang zag pa med pa'i rnam pa'i bye brag 'di khams bstan pa las/zag med lam gyi bden pa dang / /zhes bya ba dang / de gsum zag bcas zag pa med/ /lhag ma rnams ni zag bcas so/ /zhes 'byung ba'i phyir bshad zin ma yin nam zhe na/ rnam pa'i bye brag de lta bu la sogs pa 'di ni bshad pa bden mod kyi de ni spyi'i ngo bor bshad kyi bye brag gi ngo bor ni ma yin te/de bas na slob mas bde blag tu rtogs par bya ba'i phyir rnam pa'i bye brag de lta bu la sogs pa 'di ni tshig re re'i ngo bo nas brjod do zhes bya bar yang brjod do zhes bya bar khong du chud par bya'o/ /dgu rnam gnyis zhes bya ba dor bya mi dgos te/gcig tu zag pa dang bcas pa dang zag pa med pa'i nges par gzung ba kho nas dgu rnam gnyis zhes bya ba 'grub par 'gyur ro/ /gal te 'di dag gcig tu zag pa med pa kho nar gyur pa yin na ni gcig tu zag pa med pa kun shes par byed pa'i dbang po la sogs pa'i nang du ston par 'gyur ro//'on te gcig tu zag pa dang bcas pa yin par gyur na ni gcig tu zag pa dang bcas pa gzugs can gyi dbang po dang srog dang sdug bsngal dang yid mi bde ba'i nang du ston par 'gyur ba zhig na/ de lta yang ma yin pas de'i phyir dgu rnams gnyis zhes bya ba grub pa yin no zhe na/de ni de lta yin mod kyi gzhung lugs gzhan bzlog pa'i phyir yang / dgu rnam gnyis zhes bya ba 'di brjod de/ dgu ni rnam gnyis kho na yin gyi ji ltar kha cig brjod cing de grub par bya ba'i phyir lung yang khyer te 'ong ba lta bur zag pa med pa dag ni ma yin no//gang la dbang po lnga po 'di dag ces bya ba rgyas par 'byung ba la/ thams cad du thams cad med pa zhes bya ba ni chung ngu dang 'bring dang chen po'i bye brag gi rnam pa thams cad du'o/ /thams cad ces bya ba ni lnga char med pa zhes bya ba'i tha tshig go/ / so so'i skye bo'i phyogs la gnas par nga smra'o zhes 'byung ba'i phyir don gyis na 'di skad du gang la 'di dag yod pa de ni 'phags pa yin no zhes bshad pa yin no/ /slob dpon gyis de dag zag pa med pa nyid yin par bya ba'i skabs su de ni khungs su mi rung ste zhes bya ba smos so/ /'di lta ste 'phags pa'i gang zag rnam par gzhag par mdzad nas/gang la dbang po 'di dag ces gsungs pa'i phyir ro zhes bya ba ji lta bu zhe na/ dge slong dag dbang po ni lnga po 'di dag yin no/ /lnga gang zhe na/ dad pa'i dbang po nas shes rab kyi dbang po'i bar yin te/ dbang po lnga po 'di dag rno ba dang yongs su rdzogs pas dgra bcom pa yin no//de bas ches zhan pa dang ches rtul bas phyir mi 'ong ba yin no/ /de bas ches zhan pa dang ches rtul bas lan cig phyir 'ong ba yin no/ /de bas ches zhan pa dang ches rtul bas rgyun du zhugs pa yin no/ /de bas ches zhan pa dang ches rtul bas chos kyi rjes su 'brang ba yin no//de bas ches zhan pa dang ches rtul bas dad pas rjes su 'brang ba yin no/ /dge slong dag de ltar na dbang po rnams kyi pha rol tu phyin pa la brten cing stobs rnams kyi pha rol tu phyin pa la brten nas gang zag gi pha rol tu phyin pa dag mngon no//gang la dbang po lnga po 'di dag thams cad du thams cad med pa de ni phyi rol so so'i skye bo'i phyogs la gnas par nga smra'o zhes bya ba yin no/ /bcom ldan 'das kyis de ltar 'phags pa'i gang zag rnam par gzhag pa mdzad nas gang la dbang po 'di dag ces gsungs pa yin te//phyi rol so so'i skye bo'i phyogs la gnas pa dad pa la sogs pa zag pa dang bcas pa dang ldan pa la ni 'gal ba med do/ /yang na so so'i skye bo rnam pa gnyis te zhes bya ba ni nang pa dang phyi rol pa'o/ /dge ba'i rtsa ba kun tu ma chad pa ni nang pa yin te/ sangs rgyas pas bsdus pa'i phyir ro//dge ba'i rtsa ba kun tu chad pa ni phyi pa yin te/ de las bzlog pa yin pa'i phyir ro/ /de nyid kyi phyir phyi rol zhes khyad par du byas pa yin no/ /de lta ma yin na so so'i skye bo'i phyogs la gnas par nga smra'o zhes bya ba kho na zhig bshad par 'gyur ro/ /mdo las kyang zhes bya ba ni/yang bcom ldan 'das mngon par rdzogs par sangs rgyas nas ring po ma lon pa zhig na 'di snyam du dgongs te/ bdag gis chos zab mo zab par snang la blta bar dka' ba rtogs par dka' ba brtag par bya ba ma yin pa rtog ge'i spyod yul ma yin pa cha phra ba mkhas shing mdzangs la shes pas rig par bya ba rtogs pa de bdag gis gzhan dag la bstan te/gzhan dag gis de ma shes par gyur na des ni bdag la gnod par yang 'gyur zhing tshegs su yang 'gyur la sems la nyam nga bar yang 'gyur bas/ma la bdag gcig pu mthong ba'i chos la bde bar gnas par bya ba'i phyir dgon pa la gzhol bar rnal 'byor dang ldan par gnas par bya ba gor ma chag snyam mo/ /de nas tshangs pa mi mjed kyi bdag po 'di snyam du sems te/ da ltar 'jig rten gyi khams 'dir de bzhin gshegs pa dgra bcom pa yang dag par rdzogs pa'i sangs rgyas 'byung ba ni brgya lam na res 'ga' zhig 'byung bar zad de/dper na u dum bA ra'i me tog dang 'dra na/ bcom ldan 'das de yang thugs las chung ngur bzhugs par dgongs kyi chos bstan par mi dgongs pas/kye ma 'jig rten 'di ni ma rung ngo / /kye ma 'jig rten 'di ni rab tu ma rung ngo / /ma la bdag gis bcom ldan 'das la gsol ba gdab gor ma chag go snyam mo/ /de nas tshangs pa mi mjed kyi bdag po dper na skyes bu stobs dang ldan pa'i lag pa bskum pa las brkyang ba'am brkyang ba las bskums pa tsam du tshangs pa'i 'jig rten nas mi snang bar gyur te/bcom ldan 'das kyi spyan sngar 'dug go/ /de nas de'i tshe tshangs pas tshigs su bcad de gsol pa/ ma ga d+hA yi yul 'dir sngon chad chos/ /ma dag dri ma rjes su 'brel pa 'byung //bdud rtsi sgo mo dbye bar mdzod cig chos/ /rdul bral nyon mongs med pa bshad du gsol/ /de nas bcom ldan 'das kyis de'i tshe tshigs su bcad pa 'di dag bka' stsal to/ /tshangs pa nga yis tha ba kun/ /bcom nas tshegs chen gyis rtogs pa'i/ / chos 'di srid pa'i 'dod chags kyis/ /bkris pas bde blag rtogs ma yin/ /rgyun phyogs las ni bzlog pa'i lam/ /zab la shin tu blta dka' ste/ /'dod chags kyis chags mun pa yi/ /phung pos bsgribs pas mi mthong ngo / /tshangs pas gsol pa/ bcom ldan 'das sems can 'jig rten du skyes shing 'jig rten du rgas pa rnams la dbang po rnon po dag kyang mchis dbang po 'bring po dag kyang mchis dbang po rtul po dag kyang mchis so zhes gsungs pa yin no//chos kyi 'khor lo ma bskor ba kho na'i tshe zhes bya ba rgyas par 'byung ba ni/ dad pa la sogs pa'i dbang po gang dag gis de dag skal ba dang ldan par bshad pa yin te/ gang gi phyir chos kyi 'khor lo ma bskor ba'i tshe dbang po rnon po dag kyang yod do zhes bya ba la sogs pa gsungs pa de'i phyir dad pa la sogs pa zag pa dang bcas pa dag yod pa nyid do/ /'jig rten lha dang bcas pa zhes bya ba rgyas par 'byung ba ni de srid du nga 'jig rten lha dang bcas pa bdud dang bcas pa tshangs pa dang bcas pa dge sbyong dang bram ze'i skye dgu dang bcas pa lha dang mir bcas pa 'di las grol ba dang /nges par byung ba dang / mi ldan pa dang bral ba dang phyin ci log dang bral ba'i sems kyis mang du gnas par mi 'gyur ro zhes bya ba rgyas par gsungs pa yin no//zag pa med pa rnams la ni yongs su brtags pa'i rnam pa 'di med do zhes bya ba ni zag pa med pa rnams la ni ro myang ba dang nyes dmigs dang nges par 'byung ba rung ba ma yin no/ /dgra bcom pa zhes bya ba ni phyir mi 'ong ba ni ma yin te/rgyud nyon mongs pa las rnam par ma grol ba'i phyir ro/ /rdzu 'phrul dang ldan pa zhes bya ba ni mngon par shes pa thob pa'o/ /sems la dbang thob pa zhes bya ba ni dus dang mi sbyor bar rnam par grol ba'o/ /'tsho ba'i yo byad ces bya ba ni 'tsho bar byed pa'i yo byad de de dang mthun pa'i phyir ro//phul nas de bsams te zhes bya ba ni tshe de bsams nas te sems la byas nas zhes bya ba'i tha tshig go/ /ji ltar zhe na/ bdag gi longs spyod kyi rnam par smin pa gang yin pa de'i tshe'i rnam par smin par gyur cig snyam pa yin no/ /rab kyi mtha' ba zhes bya ba 'di'i mtshan nyid ni 'phel ba'i rab tu phye ba yin zhes 'chad par 'gyur ba yin no//sems skyed par byed cing tshig tu yang smra bar byed de zhes bya ba ni sems dang tshig dag kyang de grub par bya ba'i phyir skyed cing smra bar byed de rgyu gcig gis bsgrub par bya ba'i 'bras bu ni med do/ /de lta bas na 'di ni srog gi dbang po rnam par smin pa kho na yin no zhes ston par byed do//longs spyod kyi rnam par smin pa'i las gang yin pa de'i tshe'i rnam par smin pa 'byin par 'gyur bas bsam gtan bsgom pa'i stobs kyis de 'dren par byed pa yin no/ /rnam par smin pa'i lhag ma rnam par smin par byed ces bya ba ni tshe rabs gzhan gyi las dus ma yin par 'chi bas 'bras bu yongs su ma rdzogs pa'i rnam par smin pa'i lhag ma bsgom pa'i stobs kyis drangs nas so sor myong bar byed do//de dag gi de lta bu zhes bya ba ni rnal 'byor pa de dag gi'o//sngon gyi las las grub pa dbang po'i 'byung ba chen po rnams kyi gnas pa'i dus 'phen pa zhes bya ba ni sngon gyi tshe rabs kyi las ni sngon gyi las so/ /de las skyes pa ni sngon gyi las las skyes pa'o/ /dbang po'i 'byung ba chen po rnams kyi gnas pa ni rgyun to/ /gnas pa'i dus ni gnas pa'i dus so//de 'phen pa ni kun tu 'phen pa ste/ gnas pa'i dus 'phen pa yin no/ /de srid du 'khor ba'i skad cig ma rgyun chags par nus pa ni 'phen pa yin te/ des gnas pa'i dus 'di kun tu 'phen par byed do/ /rnal 'byor pa rnams ni sngon gyi las las skyes pa dbang po'i 'byung ba chen po rnams kyi gnas pa'i dus 'phen pa ni zlog par byed la/sngon med pa'i ting nge 'dzin las skyes pa glo bur ba ni 'phen par byed do/ /dri ba las dri ba gzhan 'byung ste zhes bya ba ni/ 'o na dge slong dgra bcom pa'i tshe'i 'du byed dag 'jog par byed pa'i srog gi dbang po gang yin pa de gang gi rnam par smin pa yin zhes bya ba'i dri ba 'di las ci'i phyir tshe'i 'du byed dag byin gyis rlob par byed ces pa dri ba gzhan yin no//gzhan la phan pa'i don tam bstan pa gnas par bya ba'i don du ste zhes bya ba ni sangs rgyas bcom ldan 'das rnams ni gzhan la phan pa'i don dang bstan pa gnas par bya ba'i don mdzad pa kho na yin no//lus nad la sogs par gyur pa zhes bya ba ni sdug bsngal gsum dang ldan pa'i phyir nad dang 'bras dang zug rngu la sogs pa lta bu yin no/ /gang du'am gang zhig gi zhes bya ba la gang du zhes bya ba'i dri ba 'di'i lan ni mi'i nang kho na dag tu ste/gling gsum po dag tu zhes bya ba yin no/ /gang zhig gi zhes bya ba'i lan ni dgra bcom pa pho mo rab kyi mtha'i bsam gtan thob pa dus dang mi sbyor bar rnam par grol ba'i ste zhes bya ba yin no/ /de ni zhes bya ba rgyas par 'byung ba la/ ting nge 'dzin la yang dbang ba ni rab kyi mtha'i bsam gtan thob na dbang po rno ba'i phyir ro//nyon mongs pa dag gis kyang rgyud nye bar ma bstan pa ni nyon mongs pa ma lus par spangs pa'i phyir ro/ /mthong bas thob pa ni ting nge 'dzin la dbang ba nyid yod mod kyi de'i rgyud nyon mongs pa dag gis nye bar ma bstan pa ni ma yin no/ /dus kyi rnam par grol ba ni rgyud nyon mongs pa dag gis ma bstan pa yin mod kyi ting nge 'dzin la dbang ba nyid ma yin no//dus dang mi sbyor bar rnam par grol ba la ni gnyi ga yod do/ /mang po'i tshig ni zhes bya ba ni tshe'i 'du byed dag ces smos pa gang yin pa de ni mang po'i tshig yin no/ /de lta bas na tshe dang srog gi 'du byed kyi skad cig ma mang po rnams la zhes bya ba smos te/tshe'i 'du byed rgyud la yod pa mang po rnams la 'dor zhing byin gyis rlob pa'i phyir te rgyun gyis don mngon par bsgrub pa'i phyir dang skad cig ma gcig ni gnod par mi byed pa'i phyir gcig la 'dor ba'am byin gyis rlob pa ni dgos pa med do//dus gzhan gyi bar du 'jug pa tshe'i rdzas gcig pu ni med do zhes bya ba ni dus gzhan gyi bar du 'dug pa'i ngang tshul can ni dus gzhan gyi bar du 'dug pa'o/ /skad cig ma ma yin pa ste kha cig na re tshe'i rdzas de lta bu de med do zhes bstan pa'i phyir ro zhes zer ro/ / 'du byed mang po rnams la zhes bya ba 'di ni mdo sde ba rnams kyi phyogs yin te/ skad cig ma gcig kho na la gang dag la tshe zhes gdags pa'i 'du byed de dag mang po zhig yod kyi tshe zhes bya ba'i rdzas gcig pu zhig yod pa ni ma yin no/ /'du byed de dag kyang phung po lnga'i ngo bo nyid dam phung po bzhi'i ngo bo nyid yin par blta bar bya'o//de lta ma yin na 'du byed smos pa mdzad par mi 'gyur gyi/ 'di skad du bcom ldan 'das kyis srog dag byin gyis brlabs nas tshe dag btang ngo zhes brjod par 'gyur ro/ /'chi ba la mnga' ba nyid du bstan pa'i phyir zhes bya ba ni 'chi ba la dbang ba nyid mnga'o zhes par ro//zla ba gsum kho na byin gyis brlabs te phyin chad ni 'dul ba'i don med pa'i phyir ma yin no zhes bya ba ni zla ba gsum bsdus pa ste zla ba gsum nyid zla ba gsum mo/ /zla ba gsum phyin chad ni 'dul ba'i don med pa'i phyir ma yin te/sangs rgyas kyi mdzad pa'i mjug ni shin tu bzang ldan yin pa'i phyir ro/ /bskal pa las lhag pa zhes bya ba la/ bskal pa ni bskal pa gcig rangs pa yin no/ /bskal pa bas lhag pa ni bskal pa bas lhag pa yin te/ bskal pa bas thal ba zhes bya ba'i tha tshig go//de yang bsgrub pa'i phyir ro zhes bya ba ni dam bcas pa bsgrub pa'i phyir te/ de lta ma yin na tshig tsam du 'gyur ro/ /phung po dang 'chi bdag gi bdud dag las zhes bya ba ni bye brag tu smra ba rnams na re bdud ni bzhi ste lha'i bu'i bdud dang / nyon mongs pa'i bdud dang /phung po'i bdud dang / 'chi bdag gi bdud do/ /de la thun dang po la lha'i bu'i bdud las rgyal lo/ /thun gnyis pa la lha'i spyan gyis 'jig rten la gzigs nas thun gsum pa la nyon mongs pa'i bdud las rgyal lo/ /yul yangs pa can du srog gi 'du byed dag byin gyis brlabs nas tshe'i 'du byed dag bor te/phung po'i bdud las rgyal bar bya ba'i phyir phung po dag btang ngo / /de dag btang nas nongs par 'gyur te/ de bas na 'chi bdag gi bdud las rgyal bar bya ba'i phyir byin gyis brlabs so zhes zer ro/ /zhar la 'ongs pa rdzogs so zhes bya ba ni dri ba las dri ba gzhan 'byung ba gang yin pa'o//bcu gnyis gnyis zhes bya ba ni bcu gnyis kho na rnam pa gnyis kho na'o zhes bya bar nges par gzung ngo / /dad pa la sogs pa kun shes pa'i dbang po dang ldan pa la thug pa'i bar brgyad dang yid mi bde ba ma gtogs pa gcig tu rnam par smin pa srog gi dbang po las gzhan pa dbang po bcu gnyis ni rnam par smin pa yang yin la rnam par smin pa ma yin pa yang yin te/de la mig la sogs pa pho'i dbang po la thug pa'i bar bdun gnyid log pa pas mngon par bsgrubs pa rgyas pa las byung ba rnams ni rnam par smin pa ma yin no//yid dang sdug bsngal dang bde ba zhes bya ba rgyas par 'byung ba ni yid la sogs pa dge ba dang nyon mongs pa can gang dag yin pa de dag kyang rnam par smin pa ma yin la lung du ma bstan pa spyod lam pa dang bzo'i gnas pa dang sprul pa pa'i ngo bo nyid gang dag yin pa de dag kyang ci rigs par rnam par smin pa ma yin no//ci rigs par zhes bya ba'i khyad par smos pa ni spyod lam pa la sogs pa yid kyi nyid yin pas sdug bsngal gyi dbang po mi srid pa'i phyir la/ bde ba dang yid bde ba dag kyang kha cig tu mi srid pa'i phyir ro/ /de la 'dod pa'i khams na ni spyod lam pa'i yid kyi dbang po dang de dang mtshungs par ldan pa yid bde ba dang btang snyoms kyi dbang po dag rnam par smin pa ma yin no//gzugs kyi khams na ni spyod lam pa dang de dang mtshungs par ldan pa'i tshor ba'i dbang po ni rnam par smin pa ma yin te sa ji lta ba bzhin no//sprul pa pa ni sa lnga pa yin te/ de la ni btang snyoms kyi dbang po kho na rnam par smin pa ma yin no/ /btsun pa go cha mtha' yas na re ni spyod lam pa dang bzo'i gnas pa dang sprul pa pa rnams ni rtag tu btang snyoms kyi dbang po dang mtshungs par ldan pa dag yin no zhes zer ro//lhag ma rnams ni rnam par smin pa yin no zhes bya ba ni dge ba dang nyon mongs pa can dang spyod lam pa dang sprul pa pa'i ngo bo nyid kyi dbang po la sogs pa las gzhan pa'i yid kyi dbang po la sogs pa rnam par smin pa las skyes pa dag ni rnam par smin pa yin no//lhag ma rnams ni rnam par smin pa ma yin pa zhes bya bar grub po zhes bya ba ni srog gi dbang po dang mig la sogs pa bcu gnyis ma gtogs pa ste/ de dag nges par bzung ba kho nas lhag ma rnams ni rnam par smin pa ma yin no zhes bya bar grub pa yin no/ /de dag kyang gang zhe na/yid mi bde ba ni dge ba dang mi dge ba yin pa'i phyir rnam par smin pa ma yin te 'di ltar/ de gcig ni/ rnam par smin bcas zhes 'chad par 'gyur ro/ /dad la sogs/ dge brgyad/ ces 'byung bas rnam par smin pa ma yin te rnam par smin pa'i mtshan nyid/rnam smin lung du ma bstan chos/ /sems can zhes bya zhes bya ba med pa'i phyir ro/ /gal te yid mi bde ba rnam par smin pa ma yin no zhe na/ lung 'di dang 'gal lo zhes bstan pa'i phyir las ni gsum ste zhes bya ba la sogs pa smos so/ / mtshungs par ldan pa myong bar 'gyur ba'i dbang du mdzad nas zhes bya ba myong bar 'gyur ba ni tshor ba ste/ 'di la yid mi bde ba myong bar 'gyur ba yod pas na yid mi bde ba myong bar 'gyur ba'i las so/ /'o na ni yid bde ba dang btang snyoms myong bar 'gyur ba'i las dag kyang zhes bya ba/pha rol po'i bsam pa ni mtshungs par ldan pa tsam yin par smras pa'i phyir yid mi bde ba bzhin du yid bde ba dang btang snyoms dag kyang rnam par smin pa ma yin par 'gyur ba snyam pa yin no/ /mtshungs par ldan pa yin yang nyes pa med la rnam par smin pa yin yang nyes pa med do zhes bya ba 'di la yid bde ba myong bar 'gyur ba yod pas yid bde ba myong bar 'gyur ba'i las yin no zhes byas na yang nyes pa med la/'di la yid bde ba rnam par smin pa nyid du myong bar 'gyur ba yod pas na yid bde ba myong bar 'gyur ba'i las so zhes byas na yang nyes pa med pa'o/ /go skabs med pas na de ni de ltar shes so zhes bya ba ni gal te yid mi bde ba rnam par smin pa ma yin no zhes bya bar rigs pas yongs su dpyad na ste/de bas na go skabs med pas 'di skad du mtshungs par ldan pa myong bar 'gyur ba'i dbang du mdzad nas zhes rnam par 'chad par byed pa yin no/ / de'i phyir yid mi bde ba rnam par smin pa ma yin no zhes bya ba 'di la rigs pa ci zhig yod ces bya ba smos so/ /yang na la lar ni mtshungs par ldan pa myong bar 'gyur ba nyid yin no/ /la lar ni rnam par smin pa myong bar 'gyur ba nyid do zhes bya ba'i go skabs med pas na de ni de ltar shes so//gal te khyod 'o na ni thams cad du mtshungs par ldan pa myong bar 'gyur ba nyid yin no zhes smra na/ bsam pa 'das ma thag pa 'di la brtags nas yid mi bde ba rnam par smin pa ma yin no zhes bya ba 'di la rigs pa ci zhig yod ce na zhes bya ba smos so/ /yid mi bde ba ni zhes bya ba ni mi 'dod pa sems par byed pa la sogs pa kun tu rtog pa'i khyad par dag gis skyed par byed cing rnam par zhi bar byed pa yin no//yid bde ba yang de dang 'dra bas zhes bya ba ni 'dod pa sems pa la sogs pa kun tu rtog pa'i khyad par dag gis skyed par byed cing rnam par zhi bar byed pa yin no//'o na 'dod chags dang bral ba rnams la zhes bya ba ni 'di ltar 'dod chags dang bral ba rnams la yid mi bde ba ldog ste/ 'dod chags dang bral ba rnams la rnam par smin par gyur pa mig la sogs pa ni mi ldog gi yid mi bde ba ni ldog ste/ bstan bcos las yid mi bde ba dang 'dod chags dang bral zhing mi ldan pa yin no zhes 'byung ba'i phyir ro//mdo las kyang 'dod chags dang ma bral ba la ni zug rngu'i tshor ba gnyis bshad de/ lus kyi sdug bsngal dang sems kyi yid mi bde ba yang so sor myong bar 'gyur ro zhes bya ba dang / 'dod chags dang bral ba la ni zug rngu gcig ste/lus kyi sdug bsngal kho na so sor myong bar 'gyur ro zhes 'byung ba'i phyir gsungs pa yin no/ /de dag gis yid bde ba lung du ma bstan pa zhes bya ba rgyas par 'byung ba ni 'dod chags dang bral ba rnams kyi yid bde ba lung du ma bstan pa rnam par smin pa yang ci 'dra ba zhig yod par 'gyur/de dag gi yid bde ba ni snyoms par 'jug pas bsdus pas 'byung la de yang dge ba yin pa'i phyir rnam par smin pa ma yin te/ de'i phyir de dag gi yid bde ba rnam par smin pa ci 'dra ba zhig yin pa brjod par bya dgos so/ /ci 'dra ba yang rung ste zhes bya ba ni yongs su mi chod kyang de ni yod pa kho na'o zhes ston par byed pa yin te de la rnam par smin pa'i go skabs yod du zin kyang yid mi bde ba ni snyoms par 'jug pa'i gnas skabs na yang rung ste/rnam pa thams cad du mi 'byung bas de'i phyir rnam par smin pa ma yin no zhes bya bar grub pa yin no//yid kyi dbang po ni gnyi ga'i rnam par smin pa yin no zhes bya ba ni bde 'gro dang ngan 'gro gnyi gar dge ba dang mi dge ba gnyi ga'i rnam par smin pa yin no zhes bya bar skabs dang sbyar ro/ /brgyad pa srog gi dbang po rnams bde 'gro na ni dge ba'i rnam par smin pa yin la zhes bya ba 'di ni spyir bstan pa yin no//de la ji ltar mtshan gnyis pa sdug pa ma yin par 'dod pa dge ba'i rnam par smin pa yin zhe na/ bde 'gro na mi dge bas mtshan gnyis po de'i gnas rnyed pa yin gyi zhes bya ba smos te/ 'di'i gnas nyams pa yin te/ de'i phyir 'di mi dge bas rnyed pa yin te ldan pa ma yin pa'i chos yin gyi mtshan gnyis ni dge ba kho na'i rnam par smin pa yin no snyam du bsams pa yin no/ /de gcig ni/ rnam par smin bcas zhes bya ba ni de gcig ni rnam par smin pa dang bcas pa kho na yin no zhes bya ba'i tha tshig go//de'i phyir ni zhes bya ba'i sgra ni kho na yin zhes bya ba'i don dang rim pa gzhan du sbyar ba zhes bya ba smos te/ gnas gzhan du sbyar zhes bya ba'i tha tshig go/ /de gcig rnam par smin bcas ni/ /zhes byas nas ni rim pa gzhan du sbyar bar mi 'gyur te tshigs su bcad pa bsdebs pa dang mthun par de skad ces bshad pa yin no//de ni lung du ma bstan pa yang med la zhes bya ba ni rnam par smin pa dang bcas pa kho na yin no zhes nges par gzung bar bya ba'i rigs pa ston par byed pa yin te/ rnam par smin pa med pa'i dngos po ni gnyis su 'dod de/lung du ma bstan pa dang / zag pa med pa'o/ /de ni rnam par rtog pa'i khyad par gyis bskyed par bya ba yin pa'i phyir lung du ma bstan pa yang ma yin la/ mnyam par gzhag pa ma yin pa'i phyir zag pa med pa yang ma yin no/ /lung du ma bstan pa ni sa bon rul pa bzhin du rnam par smin pa 'byin par mi nus pa ma yin no//zag pa med pa ni srid pas mngon par ma brlan pa'i phyir rnam par smin pa 'byin par mi nus te/ sa bon ma brlan pa bzhin no/ /shugs kyis na de ni mi dge ba 'am dge ba zag pa dang bcas pa yin par 'gyur te/ de'i phyir yid mi bde ba ni rnam par smin pa dang bcas pa kho na yin gyi rnam par smin pa med pa ni med do//bcu rnam gnyis zhes bya ba ni bcu kho na rnam pa gnyis yin la rnam gnyis kho na bcu yin no zhes nges par gzung ba yin no/ /rnam gnyis zhes bya ba ni rnam par smin pa dang bcas pa dang rnam par smin pa med pa dag yin no//yid dang tshor gzhan dad la sogs/ /zhes bya ba la/ tshor zhes bya ba ni tshor ba yin no/ /gzhan zhes bya ba smos pas ni yid mi bde ba ma gtogs pa gzung ste/ yid mi bde ba ni bshad zin pa'i phyir ro/ /dad la sogs pa zhes bya ba ni dad pa dang /brtson 'grus dang / dran pa dang / ting nge 'dzin dang / shes rab dag bzung ngo zhes bya bar skabs dang sbyar ro/ /gzhan ni rnam par smin pa med pa bzhin no zhes bya ba ni yid mi bde ba la sogs pa ji skad bshad pa dmigs kyis bstsal ba'i phyir srog dang gzugs can gyi dbang po bdun dang kun shes par byed pa'i dbang po la sogs pa gsum ni go rims bzhin du lung du ma bstan pa'i phyir dang /zag pa med pa yin pa'i phyir rnam par smin pa med pa dag yin no zhes bya bar grub po/ /dge ba brgyad ces bya ba ni brgyad ni dge ba kho na'o zhes bya bar nges par gzung ba yin no//yid mi bde ba dang / rnam gnyis zhes bya ba ni rnam gnyis kho na yid mi bde ba yin la yid mi bde ba kho na rnam gnyis yin no zhes bya bar nges par gzung ba yin te/ rnam gnyis zhes bya ba ni dge ba dang mi dge ba'o/ /dge ba yang yin la lung du ma bstan pa yang yin pa dang mi dge ba yang yin la lung du ma bstan pa yin zhes bya ba rnam gnyis gzhan yang yod na de ji ltar 'di skad du dge ba yang yin mi dge ba yang yin no zhes bya bar nges par gzung zhe na/rnam par bshad pa'i sgo nas bye brag rtogs pa yin no/ /rnam pa gcig tu na yid mi bde ba rnam par smin pa dang bcas pa kho na yin no zhes nges par gzung ste/de lta ba na 'di kho na rnam pa gnyis yin par 'gyur ro/ /tshor gzhan ni yid mi bde ba ma gtogs pa'i tshor ba bzhi ste/ de ni bshad zin pa'i phyir ro/ /rnam gsum zhes bya ba ni dge ba dang mi dge ba dang lung du ma bstan pa dag yin no//rnam gsum ni rnam pa gsum ste/ ma chags pa la sogs pa dang mtshungs par ldan pa dag ni dge ba yin no/ /chags pa la sogs pa dang mtshungs par ldan pa dag ni mi dge ba yin no/ /de las gzhan pa dag ni lung du ma bstan pa yin no//gzhan ni rnam pa gcig ces bya ba ni brgyad pa srog gi dbang po dang gzhan ni rnam pa gcig kho na'o zhes bya bar nges par gzung bar bya ba yin te/ lung du ma bstan pa kho na'o zhes bya ba'i tha tshig go/ /'di'i don du 'di yang smos te/ de lta ma yin na de mi dge ba kho na yin pa'am dge ba dang lung du ma bstan pa kho na yin par yang dogs par 'gyur ro/ /de lta bas na mngon par 'dod pa'i rnam pa gcig pu nyid rab tu grub par bya ba'i phyir yang brjod de/ 'di la rnam pa gcig nyid gang zhig srid pa de yin no/ / srid pa yang gang yin zhe na/ lung du ma bstan pa yin no/ /dri med ma gtogs 'dod par gtogs/ /zhes bya ba ni dri ma med pa kho na ma gtogs pa 'dod par gtogs pa yin no/ /de ni de ldan pa ma yin pa kho na'o zhes bya ba ni khams gsum ma gtogs pa kho na'o zhes bya ba'i tha tshig go//pho mo'i dbang dang sdug bsngal dag /ma gtogs gzugs gtogs zhes bya ba rgyas par 'byung ba ni pho dang mo ni pho mo'o/ /de dag gi dbang po ni pho mo'i dbang po dag yin no/ /sdug bsngal dag ces bya ba ni sdug bsngal gyi tshor ba'i ngo bo nyid dag yin te/ sdug bsngal dang yid mi bde ba zhes bya ba'i tha tshig go//pho dang mo'i dbang po de dag dang sdug bsngal dang yid mi bde ba dag dang 'dir sbyar ba dri ma med pa ma gtogs pa dbang po lhag ma rnams ni gzugs su gtogs pa yin no/ /ga las 'byung zhes dris pa dang mdo bstan pa'i phyir gnas ma yin zhing go skabs med de zhes bya ba ni rgyas par smos te/mdo 'di las so snyam du bsams pa'o/ /pho'i ngo bo gzhan 'dod pa'i khams na pho rnams la yod pa gang yin pa ni yod do zhes bya ba ni nu ma la sogs pa dbyibs dang nga ro dang spyod pa gzhan pa nyid do/ / sdug bsngal gyi dbang po med do zhes bya ba ni lus dang ba'i phyir bsnun pa las byung ba de med la mi dge ba med pa'i phyir rnam par smin pa las skyes pa yang med do/ /zhi gnas kyis brlan pa'i phyir yid mi bde ba'i dbang po med do zhes bya ba ni gang gi phyir zhi gnas kyi ting nge 'dzin gyis khong khro ba dang bral bas rgyud la rtsub bag med pa de'i phyir yid mi bde ba med do//kun nas mnar sems kyi gzhi med pa'i phyir zhes bya ba la/ kun nas mnar sems ni 'khrug pa'o/ /de'i gzhi ni yul yin pas kun nas mnar sems kyi gzhi'o/ /kun nas mnar sems kyi gzhi ni dgu ste/bdag la gnod pa byas so byed do byed par 'gyur ro zhes bya ba kun nas mnar sems kyi gzhi gsum dang / bdag gi mdza' bo la gnod pa byas so byed do byed par 'gyur ro zhes bya ba kun nas mnar sems kyi gzhi gzhan gsum dang / bdag gi dgra bo la phan pa byas so byed do byed par 'gyur ro zhes bya ba kun nas mnar sems kyi gzhi gzhan gsum mo//kun nas mnar sems kyi gzhi dgu po 'di dag med pa'i phyir yul gyis byas pa'i yid mi bde ba yang med kyi rgyus byas pa med pa 'ba' zhig ni ma yin no zhes ston par byed do/ / rang gi rgyud la yod pa'i khong khro ba byas pa gang yin pa de ni rgyus byas pa yin la/ kun nas mnar sems kyi gzhi dgus byas pa gang yin pa de ni rkyen gyis byas pa yin no/ /gzugs can dang bde ba yang zhes bya ba'i yang zhes bya ba'i sgras ni gong du bshad pa sbyar bar bya ba yin te/de'i phyir pho dang mo'i dbang po dag dang bde ba dag dang dri ma med pa yang ma gtogs so zhes bya bar sbyar ro zhes bya ba smos so/ /gzugs can gyi dbang po ni mig la sogs pa'o/ /bde ba dag ces bya ba ni bde ba'i tshor ba'i ngo bo nyid dag ste/ bde ba dang / yid bde ba'i dbang po dag go//tshor ba gsum ni bde ba dang yid bde ba dang / btang snyoms dag yin te/ bde ba'i dbang po bsam gtan gsum pa'i sa pa/ mthong bas spang bar bya ba'i phra rgyas dang mtshungs par ldan pa gang yin pa de ni mthong bas spang bar bya ba yin no/ /de nyid na de las gzhan pa'i zag pa dang bcas pa dang rnam par shes pa'i tshogs lnga pa 'dod pa na spyod pa dang rnam par shes pa'i tshogs gsum pa bsam gtan dang po'i sa pa ni bsgom pas spang bar bya ba yin no//bde ba'i dbang po'i zag pa med pa ni spang bar bya ba ma yin pa yin no//yid bde ba yang mthong bas spang bar bya ba dang mtshungs par ldan pa ni mthong bas spang bar bya ba yin no/ /de las gzhan pa zag pa dang bcas pa ni bsgom pas spang bar bya ba yin no/ /zag pa med pa ni spang bar bya ba ma yin no/ / btang snyoms ni thams cad na yod pa nyid pas rtogs par sla'o/ /gnyis kyis spang ba yid mi bde zhes bya ba ni yid bde ba ma yin pa dang ldan pas yid bde ba ma yin pa'o/ /de'i ngo bo ni yid bde ba ma yin pa nyid de/ yid mi bde ba zhes bya ba'i tha tshig ste/ mthong bas spang bar bya ba dang ldan pa ni mthong bas spang bar bya ba yin no//de las gzhan pa ni bsgom pas spang bar bya ba yin no mnyam par gzhag pa ma yin pa'i phyir spang bar bya ba ma yin pa ni med do/ /'dod par dang por rnam smin gnyis/ /rnyed de zhes bya ba ni 'dod pa'i khams ni 'dod pa gtso bo yin pa'i phyir 'dod pa rnams zhes bstan zhes 'chad par 'gyur ro//'dod pa'i khams na sems can sgo nga las skye ba dang / mngal nas skye ba dang drod gsher las skye ba rnams kyis dang po kho nar rnam par smin pa'i bdag nyid kyi dbang po gnyis rnyed par 'gyur te/lus kyi dbang po dang srog gi dbang po'o/ /ci'i phyir zhe na/ skye ba'i srid pa nyon mongs can/ /rang gi sa pa'i nyon mongs kun/ /zhes 'byung ba'i phyir yid dang btang snyoms kyi dbang po dag ni nying mtshams sbyor ba'i tshe gdon mi za bar nyon mongs pa can yin pa'i phyir la/ mig la sogs pa yang gnas skabs de na med pa'i phyir ro/ /rdzus te skyes pas min zhes bya ba ni dmigs kyis bsal ba ste/ bye brag tu ma phye ba'i phyir rdzus te skye ba rnams kyis kyang de dang 'dra bar gnyis kho na zhig 'thob par 'gyur ro zhes bya bar thal bar 'gyur bas/de lta bas na 'di bkag pa yin no/ /ci rdzus te skye ba rnams kyis de gnyis ma rnyed pa kho na zhig yin nam zhe na/ rnyed par 'gyur mod kyi gnyis kho na ni ma yin te/ de'i phyir de yis drug gam zhes bya ba la sogs pa rgyas par smos so/ /gal te mtshan med pa zhig yin na ste zhes bya ba ni gal te pho dang mo'i dbang po med pa zhig yin no//'di ltar bskal pa dang po pa rnams lta bu'o zhes bya ba ni dus kyi dang po byung ba rnams te/ snga byung sems can [(]gzug [,]gzugs [)]can bzhin/ /zhes 'byung ba'i phyir ro/ /drug gang zhe na/ mig la sogs pa lnga dang drug pa srog gi dbang po'o//stsogs pa zhes bya ba'i sgras ni dmyal ba la sogs pa gzung ste/ srid pa bar ma dang skye ba'i srid par nying mtshams sbyor ba'i gnas skabs na de dag dang por 'thob bo/ yang ci rdzus te skye ba dag la yang mtshan gnyis pa yod dam zhe na zhes bya ba la/klan ka ba'i bsam pa ni mtshan gnyis 'byung ba ni dman pa yin la rdzus te skye ba'i skye gnas ni khyad par can yin na 'di gnyis ji ltar ldan snyam du bsams pa yin no/ /gzugs gtso bo yin pa'i phyir gzugs rnams zhes bstan te zhes bya ba la/ gzugs gtso bo yin pa'i phyir zhes bya ba ni gzugs rnams dang ba'i phyir te/ 'od gsal ba'i phyir zhes bya ba'i tha tshig go/ /rnam pa gcig tu gzugs kyi khams ni 'dod pa'i yon tan gtso bo ma yin no/ /'o na ci zhe na/ gzugs tsam gtso bo yin te/ gzugs med pa bzhin du gzugs med pa gtso bo yang ma yin no//mdo las kyang zhes bya ba ni mdo las kyang 'di lta bu snang bas 'di bdag gis byas pa kho na ni ma yin no zhes bya bar ston pa yin no/ /gang dag gzugs rnams las 'das nas gzugs med pa'i rnam par thar pa zhi ba de dag kyang mi rtag pa mi brtan pa yid brtan du mi rung ba rnam par 'gyur ba'i chos can yin no zhes bya ba rgyas par gsungs pa yin no//rdzus te skye ba mtshan med pa dag gis rnyed pa gang yin pa'o zhes bya ba ni bskal pa dang po pa dag gis so/ /snyoms par 'jug pa ring ba'i phyir zhes bya ba ni gang gi phyir sngar gzugs kyi snyoms par 'jug pa yin la phyis gzugs med pa'i snyoms par 'jug pa yin pa de'i phyir gzugs kyi khams pas gzugs med pa'i khams gong ma yin no//skye ba'i mchog yin pa'i phyir zhes bya ba ni gang gi phyir skye ba'i sgo nas gzugs kyi khams pas gzugs med pa'i khams mchog yin te/de na bskal pa stong phrag du mar rab tu zhi ba'i rnam par smin par 'gyur ba de'i phyir yang 'di gong ma yin gyi skye ba'i yul gyi sgo nas ni ma yin te/ gzugs med khams na gnas med do//zhes 'byung ba'i phyir ro/ /gzugs med dag tu 'chi ba ni zhes bya ba ni 'chi bar 'gyur ba na ste gzugs med pa'i khams na ni dbang po 'di gsum kho na 'gag par 'gyur ro/ /'di ni dmigs kyis bsal ba dang bcas pa yin par rig par bya ste/dge la thams cad dag tu lnga/ /zhes 'byung ba'i phyir ro/ /gzugs na brgyad ces bya ba ni gzugs kyi khams ni de dag nyid mig la sogs pa lnga dang bcas te brgyad kho na cig car 'gag par 'gyur te/ dbang po tshang bar 'chi ba'i phyir ro/ /de nyid kyi phyir rdzus te skye ba thams cad ni dbang po rnams tshang bar skye zhing 'chi'o zhes bya ba smos so//'dod par bcu 'am dgu 'am brgyad/ /ces bya ba ni mtshan gnyis pa zhig yin la gal te dbang po tshang na bcu 'gag par 'gyur ro/ /mtshan gcig pa zhig yin na ni dgu'o/ /mtshan med pa zhig yin na ni brgyad de/gal te dbang po ma tshang ba long ba'am 'on pa zhig yin na ni de'i tshe dbang po dbri bar bya'o/ /'dod pa'i khams kyi 'di thams cad kyang dmigs kyis bsal ba dang bcas pa kho na yin par rig par bya'o/ /dmigs kyis bsal ba de bstan pa'i phyir/rim gyis 'chi ba dag la bzhi/ /zhes bya ba smos so/ /de rnams la ni so sor 'gag pa med do zhes bya ba 'di dag ni 'dod pa'i khams na phan tshun bral te 'gag pa med do snyam du bsam pa yin no/ /dge la kun tu lnga yang yin/ /zhes bya ba 'di ni/ gzugs med dag tu 'chi ba ni//yid dang srog dang btang snyoms nyid/ /ces bya ba de lta bu la sogs pa 'chi ba'i tshul gong du bshad pa thams cad kyi dmigs kyis bsal ba yin no/ /'chi ba'i sems ni rnam pa gsum srid de nyon mongs pa can dang lung du ma bstan pa dang dge ba'o/ / de la nyon mongs pa can dang lung du ma bstan pa'i 'chi ba'i tshul ni spyir bstan pa'i tshul gyis bshad zin to/ /dge ba'i sems kyis 'chi ba la ni dad pa la sogs pa lnga bsnan par bya ste/ dad pa la sogs pa 'di dag ni dge ba'i sems la gdon mi za bar yod do/ /des na gang du gsum bshad pa der ni brgyad do//gang du brgyad yin pa der ni bcu gsum mo/ /gang du bcu yin pa der ni bco lnga'o/ /gang du dgu yin pa der ni bcu bzhi'o/ /yang gang du brgyad yin pa der ni bcu gsum mo/ /gang du bzhi yin pa der ni dgu'o zhes bya ba rgyas par brtsi bar bya'o//gzugs dang gzugs med pa khams dag na ni rim gyis 'chi ba med do/ /dbang po'i skabs su dbang po'i chos thams cad dpyad par bya ste zhes bya ba ni kha cig na re dbang po'i skabs su bya ba ni dbang po'i chos te dbang po'i gnas skabs kyi khyad par ram byed pa'i khyad par thams cad dpyad par bya ste zhes zer ro//gzhan dag na re dbang po'i skabs te dbang po'i phung po las dbang po'i chos gnas skabs kyi khyad par ram byed pa'i khyad par thams cad dpyad de bstan bcos 'di yang bsdus pa yin pa'i phyir ro snyam du bsams pa yin no zhes zer ro//'bras bu tha ma gnyis dgus thob/ /ces bya ba ni dbang po dgu dag gis 'thob pa ni dgus 'thob pa'o/ /gang zhig ce na/ 'bras bu tha ma gnyis so/ /tha ma na 'dug pa ni tha ma dag go/ /'bras bu tha ma ni 'bras bu tha ma dag ste de gnyis so//yang tha ma dag kyang gang yin zhe na rgyun du zhugs pa dang dgra bcom pa nyid kyi 'bras bu'o zhes bya ba ni ji ltar dbyug pa la tha ma gnyis yod pa de bzhin du sbrengs te 'dug pa rnams las rgyun du zhugs pa'i 'bras bu dang dgra bcom pa nyid kyi 'bras bu ni tha ma yin no//lan cig phyir 'ong ba'i 'bras bu dang phyir mi 'ong ba'i 'bras bu ni bar ma dag yin no/ /'bras bu tha ma de gnyis ni dbang po dgu kho nas 'thob ste/ dgu po gang dag gis she na/ dad pa la sogs pa dang / kun shes pa dang ldan pa'i dbang po ma gtogs pa dag dang /yid dang btang snyoms kyi dbang po dang dgus 'thob ste zhes bya ba smos so/ /de la mngon par rtogs pa'i rim pa ni 'di lta bu yin te sdug bsngal la chos shes pa'i bzod pa dang / sdug bsngal la chos shes pa dang / sdug bsngal la rjes su shes pa'i bzod pa dang /sdug bsngal la rjes su shes pa dang / kun 'byung ba la chos shes pa'i bzod pa dang / kun 'byung ba la chos shes pa dang / kun 'byung ba la rjes su shes pa'i bzod pa dang / kun 'byung ba la rjes su shes pa dang / 'gog pa la chos shes pa'i bzod pa dang /'gog pa la chos shes pa dang / 'gog pa la rjes su shes pa'i bzod pa dang / 'gog pa la rjes su shes pa dang / lam la chos shes pa'i bzod pa dang / lam la chos shes pa dang / lam la rjes su shes pa'i bzod pa dang /lam la rjes su shes pa zhes bya ba skad cig ma bcu drug ni mngon par rtogs pa zhes bya'o/ /de la de las skad cig bcwa lnga ni/ /ma mthong mthong phyir mthong ba'i lam/ /zhes 'byung ba'i phyir sdug bsngal la chos shes pa'i bzod pa nas lam la rjes su shes pa'i bzod pa'i bar skad cig ma bco lnga ni mthong ba'i lam yin te/de ni kun shes par byed pa'i dbang po zhes bya'o/ /skad cig ma bcu drug pa lam la rjes su shes pa de ni bsgom pa'i lam yin la/ de nas bzung ste/ rdo rje lta bu'i ting nge 'dzin gyi bar gyi zag pa med pa'i lam de thams cad kyang bsgom pa'i lam yin te/de ni kun shes pa'i dbang po zhes bya'o/ /de la rgyun du zhugs pa'i 'bras bu ni lam la rjes su shes pa'i bzod pa'i gnas skabs na 'thob bo/ /de na ni dad pa la sogs pa'i dbang po lnga gdon mi za bar yod de gnas skabs de ni dge ba yin pa'i phyir ro//lam la rjes su shes pa'i bzod pa kun shes par byed pa'i dbang po'i ngo bo nyid 'di ni da ltar gyi yin no/ /yid kyi dbang po yang de dang mtshungs par ldan pa yin no/ /mi lcogs pa med pa la brten pa yin pa'i phyir btang snyoms kyi dbang po yang gdon mi za bar yod do//mi lcogs pa med pa ni btang snyoms kyi dbang po dang mtshungs par ldan pa'i phyir ro/ /gnas skabs de na lam la rjes su shes pa kun shes pa'i dbang po'i ngo bo nyid ni skye ba la mngon du phyogs par 'dug pa yin no/ /de'i phyir 'bras bu de ni dad pa la sogs pa lnga dang kun shes par byed pa'i dbang po dang kun shes pa'i dbang po dang yid dang btang snyoms kyi dbang po dag ste/dgus 'thob par 'gyur ro/ /gnyi gas kyang de 'thob ste zhes bya ba ni de ni bar chad med pa'i lam kun shes par byed pa'i dbang po'i ngo bo nyid dang rnam par grol ba'i lam kun shes pa'i dbang po'i ngo bo nyid kyis 'thob bo//go rims bzhin du 'bral ba'i thob pa 'dren par byed pa dang rten yin pa'i phyir zhes bya ba ni bar chad med pa'i lam ni bral ba'i thob pa de 'dren par byed pa yin pa'i phyir te/ skye bar byed pa yin pa'i phyir dang / rnam par grol ba'i lam ni de'i rten yin pa'i phyir te gzhi yin pa'i phyir zhes bya ba'i tha tshig go// //bam po bcu pa/ gnyis kyis chom rkun phyir phyung ba dang sgo bcad pa dang 'dra ste/ ji ltar mi gnyis las gcig gis ni chom rkun phyir 'byin par byed cing gnyis pas de la sgo gcod par byed pa de bzhin du/bar chad med pa'i lam gyis ni bral ba'i thob pa 'dren par byed de/ nyon mongs pa'i thob pa blangs te 'gag pa'i phyir ro/ /rnam par grol ba'i lam gyis ni rten byed de bral ba'i thob pa dang lhan cig skyes pa'i phyir ro/ /dgra bcom pa nyid ni dad pa la sogs pa dang / kun shes par byed pa'i dbang po ma gtogs pa dag dang zhes bya ba ni dgra bcom pa nyid kyi 'bras bu ni rdo rje lta bu'i ting nge 'dzin gyi gnas skabs na thob ste/ dad pa la sogs pa dang yid ni snga ma bzhin no/ /gnas skabs de na bar chad med pa'i lam rdo rje lta bu'i ting nge 'dzin gyi tshogs kun shes pa'i dbang po ngo bo nyid ni da ltar gyi yin no//bde ba dang yid bde ba dang btang snyoms kyi dbang po rnams las gang yang rung ba zhig ces bya ba ni gal te bsam gtan gsum pa la brten nas dgra bcom pa nyid 'thob na ni de na bde ba'i dbang po da ltar gyi yin no/ / 'on te bsam gtan dang po'am gnyis pa la brten nas 'thob na ni de na yid bde ba'i dbang po yin no/ /ji ste mi lcogs pa med pa dang bsam gtan khyad par can dang bsam gtan bzhi pa dang rnam shes dang nam mkha' dang ci yang med pa'i skye mched rnams las gang yang rung ba zhig la brten nas 'thob na ni de na btang snyoms kyi dbang po da ltar gyi yin no//gnas skabs 'di na rnam par grol ba'i lam zad pa shes pa'i tshogs kun shes pa dang ldan pa'i dbang po'i ngo bo nyid ni skye ba la mngon du phyogs pa yin no/ /de'i phyir 'bras bu de ni dad pa la sogs pa lnga dang kun shes pa'i dbang po dang kun shes pa dang ldan pa'i dbang po dang /yid kyi dbang po dang bde ba dang yid bde ba dang btang snyoms kyi dbang po rnams las gang yang rung ba zhig ste/ dgus 'thob par 'gyur ro/ /de ni bar chad med pa'i lam dang rnam par grol ba'i lam dag gis 'thob ces bya ba ni/snga ma bzhin du bshad par bya'o/ /gnyis ni bdun dang brgyad dang dgus zhes bya ba ni 'bras bu zhes bya ba tshig lhag ma yin no/ /re re zhing zhes bya ba rgyas par 'byung ba ni lan cig phyir 'ong ba'i 'bras bu yang bdun nam brgyad dam dgu dag gis 'thob la phyir mi 'ong ba'i 'bras bu yang de dang 'dra'o//de bstan pa'i phyir/ re zhig gal te lan cig phyir 'ong ba'i 'bras bu mthar gyis 'thob la de la yang 'jig rten pa'i lam gyis 'thob na ni zhes bya ba smos te/ 'jig rten pa'i lam ni/ zhi sogs rags sogs rnam pa can/ / gong dang 'og ma spyod yul can/ /zhes 'byung ba'i phyir zhi ba la sogs pa dang rags pa la sogs pa'i rnam pa can yin te/ des na 'di na rnal 'byor pa sa gong ma la ni zhi ba dang gya nom pa dang nges par 'byung bar lta la 'og ma ni rags pa dang sdug bsngal ba dang rtsig pa stug po lta bur lta'o//de yang rnam pa bzhir brjod de/ sbyor ba'i lam dang bar chad med pa'i lam dang rnam par grol ba'i lam dang khyad par can gyi lam mo/ /de la sbyor ba'i lam ni gang la bar chad med pa'i lam skye ba ste/ de yang gang gis na nyon mongs pa rnams spong bar byed pa yin no/ /rnam par grol ba'i lam yang bar chad med pa'i lam gyi mjug thogs su skye ba ste/nyon mongs pa spangs pa'i thob pa'i rten byed pa yin no/ /khyad par can gyi lam ni de yan chad kyi lam khyad par can yin te/ lam des ni nyon mongs pa'i rnam pa chen po'i chen po dang chen po'i 'bring po dang chen po'i chung ngu dang /'bring po'i chen po dang 'bring po dang 'bring po'i chung ngu dang / chung ngu'i chen po dang chung ngu'i 'bring po dang chung ngu'i chung ngu zhes bya ba dgu spang bar bya ba yin no/ /de la gal te so so'i skye bo zhig spong bar byed na ni des mthong ba dang bsgom pas spang bar bya ba'i nyon mongs pa rnams bsres te chung ngu dang chen po la sogs pa'i bye brag gi rnam par dgur byas nas spong ste/bar chad med pa dang rnam par grol ba'i lam chung ngu'i chung ngu dag gis ni nyon mongs pa'i rnam pa chen po'i chen po spong la/ de bzhin du bar chad med pa dang rnam par grol ba'i lam chen po'i chen po dag gis ni nyon mongs pa'i rnam pa chung ngu'i chung ngu'i bar du spong ngo //'phags pa ni bsgom pas spang bar bya ba'i nyon mongs pa dag kho na de bzhin du rnam pa dgur byas nas spong ste/ mthong bas spang bar bya ba rnams ni mthong ba'i lam gyis sngar spangs zin pa'i phyir ro//'jig rten las 'das pa'i bsgom pa'i lam ni mi rtog pa la sogs pa'i rnam pa'i bye brag gis rnam pa bcu drug yin la/ de yang de bzhin du sbyor ba'i lam la sogs par khyad par gyis bzhir dbye'o/ /'dir yang bar chad med pa dang rnam par grol ba'i lam chung ngu'i chung ngu dag gis ni nyon mongs pa'i rnam pa chen po'i chen po spong la/de bzhin du bar chad med pa dang rnam par grol ba'i lam chen po'i chen pos ni nyon mongs pa'i rnam pa chung ngu'i chung ngu spong ste/ 'di ni 'jig rten pa dang 'jig rten las 'das pa'i lam dag gi phyogs tsam zhig bstan pa yin no//de la lan cig phyir 'ong ba'i 'bras bu mthar gyis 'thob pa'am/ phal cher la 'dod chags dang bral bas 'thob kyang rung ste/ de la mthar gyis pa ni gang rgyun tu zhugs pa'i 'bras bu thob nas rim gyis lan cig phyir 'ong ba'i 'bras bu thob pa yin no//'di yang gang zhig ce na/ gang zhig 'ching ba mtha' dag dang ldan pa zhig gam/ gal te rnam pa gcig la sogs pa spangs la rnam pa drug pa ma spangs par nges pa la 'jug pa yin te/ de ni sems kyi skad cig ma bcu drug pa la rgyun du zhugs pa yin no//de zhi gnas spyad pa yin pa'i phyir bsgom pas spang bar bya ba'i phyir rnam pa gcig gam drug pa kho na'i bar spang bar bya ba'i don du 'jig rten pa'i lam yang skyed par byed na ni de rnam pa drug spangs na lan cig phyir 'ong ba'i 'bras bu 'thob la/ 'bras bu de ni dad pa la sogs pa lnga dang yid kyi dbang po lnga dang mi lcogs pa med pa la brten pa yin pa'i phyir bdun pa btang snyoms kyi dbang po dang dbang po bdun dag gis 'thob bo//'on te 'jig rten las 'das pa'i lam gyis 'thob na ni de dag kho na dang brgyad pa kun shes pa'i dbang po dang / dbang po brgyad dag gis 'thob ste/ dad pa la sogs pa'i dbang po de dag kho na zag pa med pa yin pa'i phyir kun shes pa'i dbang po zhes bya ba'i ming 'thob bo/ /ci ste phal cher la 'dod chags dang bral ba zhig gis 'thob na ni zhes bya ba ni gang zhig so so'i skye bo'i gnas skabs la 'jig rten pa'i lam gyis rnam pa drug pa spangs par gyur pa rnam pa phal cher las 'dod chags dang bral ba'i phyir phal cher la 'dod chags dang bral ba zhes bya ste/gal te des lan cig phyir 'ong ba'i 'bras bu 'thob pa na'o/ /ji ltar 'thob ce na/ gong du bshad pa'i mngon par rtogs pa'i rim gyis lam la chos shes pa'i bzod pa'i gnas skabs na 'thob bo//dgus 'thob ste gang dag kho nas rgyun du zhugs pa'i 'bras bu 'thob pa yin no zhes bya ba ni dad pa la sogs pa dang kun shes pa dang ldan pa'i dbang po ma gtogs pa dag dang yid dang btang snyoms kyi dbang po dag dang zhes bya ba snga ma bzhin du bshad par bya ste/'di ni rgyun du zhugs pa'i 'bras bu ma thob pa kho nar skad cig ma bcu drug pa kho na la lan cig phyir 'ong ba yin par 'gyur ro/ /gal te phyir mi 'ong ba'i 'bras bu mthar gyis 'thob la zhes bya ba la/ 'dir mthar gyis pa ni gang zhig rgyun tu zhugs pa'i 'bras bu dang lan cig phyir 'ong ba'i 'bras bu thob nas 'bras bu 'thob pa 'am gang zhig phal cher la 'dod chags dang bral bar gyur pas rgyun du zhugs pa'i 'bras bu ma thob pa kho nar lan cig phyir 'ong ba'i 'bras bu nyid thob nas phyir mi 'ong ba'i 'bras bu thob pa yin no//de yang gal te 'jig rten pa'i lam gyis 'thob na ni de dbang po bdun gyis 'thob ste lan cig phyir 'ong ba'i 'bras bu mthar gyis pa ji lta ba bzhin no snyam du bsams pa yin no/ /dad pa la sogs pa dang yid dang btang snyoms kyi dbang po dag gis 'thob bo zhes bya ba'i tha tshig go//'on te 'jig rten las 'das pa'i lam gyis 'thob na ni de brgyad kyis 'thob ste de dang 'dra'o zhes bya ba ni lan cig phyir 'ong ba'i 'bras bu ji lta ba kho na bzhin no/ /brgyad kyis 'thob ces bya ba ni tha tshig go/ /brgyad pa ni kun shes pa'i dbang po yin no/ / ji ste 'dod chags dang bral ba zhig gis thob na ni zhes bya ba ni gang zhig 'jig rten pa'i lam gyis rnam pa dgu pa spangs te/ 'dod pa'i khams tsam las 'dod chags dang bral ba'am bsam gtan dang po nas ci yang med pa'i bar las kyang 'dod chags dang bral ba zhig phyir mi 'ong ba'i 'bras bu 'thob na ni de dgus 'thob bo//rgyun du zhugs pa'i 'bras bu ji lta ba bzhin pa ni rgyun du zhugs pa'i 'bras bu yang mthong ba'i lam gyis 'thob la 'di yang mthong ba'i lam kho nas 'thob pas 'dra ba yin no/ /'di ni khyad par yin gyi/ rten gyi bye brag las bde ba dang yid bde ba dang btang snyoms kyi dbang po rnams las gang yang rung ba zhig yin no zhes bya ba ni gal te bsam gtan gsum pa la brten nas nges pa la 'jug na ni de la bde ba'i dbang po yin no//'on te bsam gtan dang po dang gnyis pa la brten nas 'jug na ni de na yid bde ba'i dbang po yin no//ci ste mi lcogs pa med pa dang bsam gtan khyad par can dang / bsam gtan bzhi pa rnams las gang yang rung ba zhig la brten nas 'jug pa na ni de na btang snyoms kyi dbang po yin no/ /gang gi tshe 'di mthar gyis pa zhig yin la zhes bya ba ni gang gi tshe 'di mthar gyis pa ste sngon 'bras bu thob pa dbang po rnon po zhig yin la de rnam par grol ba'i lam dgu pa las 'jig rten pa'i lam gyis dngos gzhi'i bsam gtan la 'jug pa de'i tshe yang dbang po brgyad kyis phyir mi 'ong ba'i 'bras bu 'thob ste/de la rnam par grol ba'i lam ni bsam gtan gyi dngos gzhis bsdus pa yin la de na ni yid bde ba'i dbang po yin no/ /bar chad med pa'i lam ni mi lcogs pa med pas bsdus pa kho na yin te/ gal te 'jug na de na yang btang snyoms kyi dbang po kho na yin gyi gzhan du ni ma yin no//de na dad pa la sogs pa lnga dang yid dang btang snyoms dang yid bde ba'i dbang po dag dang brgyad kyis 'thob bo/ /de ni gnyi gas kyang 'thob bo zhes bya ba ni bar chad med pa dang rnam par grol ba'i lam dag gis so/ /chom rkun phyir 'byin pa dang sgo gcod pa bzhin te 'di ni bshad zin to//'on te 'jig rten las 'das pa'i lam gyis 'jug na ni zhes bya ba ni mthar gyis pa dbang po rnon po de nyid yin par rig par bya ste/ skabs la bab pa yin pa'i phyir ro/ /de dbang po dgus 'thob pa ni bshad ma thag pa'i dbang po de dag kho na dang dgu pa kun shes pa'i dbang pos te/dbang po de dag nyid zag pa med pa'i phyir kun shes pa'i dbang po zhes bya ba'i ming 'thob bo/ /'dir 'di brjod par bya ste/ ci'i phyir mthar gyis pa kho na bshad kyi/ 'dod chags dang bral ba sngon du 'gro ba ni ma yin zhe na/ 'dod chags dang bral ba sngon du 'gro ba ni mi lcogs pa med pa la brten te mthong ba'i lam bskyed pas sems kyi skad cig ma bcu drug pa la bsam gtan dang po'i dngos gzhi la 'jug pa ma yin te/thob zin pa de la ma grub pa'i phyir ro/ /mthar gyis pa ni dngos gzhi'i bsam gtan don du gnyer ba yin te/de sngon ma thob pa'i phyir ro/ /de lta bas na 'di dngos gzhi kho na la 'jug pa gang yin pa ni srid pa yod do/ /'dod chags dang bral ba sngon du 'gro ba ni bden pa bzhi mthong ba la gus pa byas pa yin gyi bsam gtan la ni ma yin pas sems kyi skad cig ma bcu drug pa de la dngos gzhi'i bsam gtan la mi 'jug go snyam du bsam pa yin no//'bras bu tha ma gnyis dgus 'thob/ /ces bshad pa de 'gal bar bstan pa'i phyir/ 'o na chos mngon pa las zhes bya ba smos te/ ye shes la 'jug pa las dbang po du dag gcig gis dgra bcom pa nyid 'thob ce na/bcu gcig gis 'thob po zhes bshad pa gang yin pa de ji ltar mi 'gal snyam du bsams pa yin no/ /'ga' zhig srid phyir zhes bya ba ni gang zag gcig 'ga' zhig la srid kyi thams cad la srid pa ni ma yin pa ste/ dbang po rtul po 'ga' zhig yongs su nyams shing yongs su nyams nas rten gyi bye brag gis bde ba dang yid bde ba dang btang snyoms kyi dbang po rnam grangs pa dag gis dgra bcom pa nyid thob par 'gyur bas de'i phyir 'di skad du bcu gcig gis zhes bshad kyi sems dang sems las byung ba rnams ni rdzas re re zhig skye ba'i phyir bde ba dang yid bde ba dang btang snyoms kyi dbang po rnams dus gcig tu phrad pa srid pa ni med do zhes bya ba'i tha tshig go//gang zag dbang po rtul po gang zhig mi lcogs pa med pa'am gzhan gyi btang snyoms kyi dbang po la brten nas dgra bcom pa nyid 'thob par byed na de'i ni de'i btang snyoms kyi dbang pos 'thob pa yin no//de las kyang yongs su nyams par gyur te de'i 'og tu yang bsam gtan dang po dang gnyis pa la brten nas dgra bcom pa nyid 'thob par byed na de'i de ni yid bde ba'i dbang pos 'thob pa yin no/ /yang de las kyang yongs su nyams par gyur te de'i 'og tu yang de bsam gtan gsum pa la brten nas dgra bcom pa nyid 'thob par byed na ni de ni bde ba'i dbang pos 'thob pa yin no//'bras bu 'thob pa de la dad la sogs pa lnga dang yid dang kun shes pa dang kun shes par ldan pa'i dbang po rnams dang bde ba dang yid bde ba dang btang snyoms kyi dbang po las gang yang rung ba zhig ste/dbang po dgu ni re re la bya ba byed pa yin la/ de yang dang yang 'thob pa'i phyir bcu gcig gis zhes bshad pa yin no/ /'di phyir mi 'ong ba la yang ji ltar thal bar mi 'gyur zhe na zhes bya ba ni ci'i phyir bstan bcos de las dgra bcom pa nyid kyi 'bras bu kho na bcu gcig gis 'thob pa zhes bshad kyi phyir mi 'ong ba'i 'bras bu yang zhes ni ma bshad ce na/'di ni yongs su nyams phan chad nam yang bde ba'i dbang pos 'thob pa med do zhes bya ba ni phyir mi 'ong ba 'di bsam gtan gsum pa yan chad kyi sa thob po zhes pa las/sa gong ma nyid las yongs su nyams par gyur na 'di ni phyir mi 'ong ba'i 'bras bu las yongs su nyams pa zhes mi bya ste/ bsam gtan gnyis pa'i bar yang de dang 'dra'o//gang gi tshe dang po las yongs su nyams par gyur pa de'i tshe ni phyir mi 'ong ba'i 'bras bu las yongs su nyams pa zhes bya ste/ phyir mi 'ong ba'i 'bras bu ni tha ma'i cha dang mthun pa lnga spangs pa'i sgo nas rnam par gzhag go/ /gang gi tshe de 'dod pa'i 'dod chags dang bral ba las yongs su nyams pa de'i tshe ni bsam gtan gsum pa med na de ji ltar phyir mi 'ong ba'i 'bras bu bde ba'i dbang pos 'thob par 'gyur/de'i phyir 'di ni yongs su nyams phan chad nam yang bde ba'i dbang pos 'thob pa med do zhes bshad pa yin no/ /'di yid bde ba'i dbang pos 'thob par 'gyur ram ci na gang gi phyir bde ba'i dbang po kho na 'gog ce na/gal te rnam par grol ba'i lam dgu pa la dngos gzhi'i bsam gtan la 'jug par byed na 'thob par 'gyur ro/ /de ni med de/ gang zhig yongs su nyams par 'gyur ba de ni dbang po rtul po yin la dbang po rtul po gang yin pa de yang rnam par grol ba'i lam dgu pa la dngos gzhi la 'jug par mi nus so//dbang po rnon pos ni nus te/ dbang po spo ba ni dka' ba'i phyir ro zhe na/ de ni bden na 'on kyang gal te dbang po rtul po mthar gyis 'thob pa 'di phyir mi 'ong ba'i 'bras bu thob ste/de las kyang yongs su nyams par gyur nas dbang po 'pho bar byed la dbang po 'phos nas kyang dbang po rnon por gyur te sngar bshad pa'i rim pa kho nas phyir mi 'ong ba'i 'bras bu 'thob bo/ /gal te rnam par grol ba'i lam dgu pa la dngos gzhi la 'jug par byed na/de phyir mi 'ong ba'i 'bras bu de dgu'am brgyad kyis 'thob par 'gyur te/ 'jig rten pa'i lam gyis 'jug na ni dad pa la sogs pa lnga dang yid kyi dbang po dang bar chad med pa'i lam gyis bsdus pa btang snyoms kyi dbang po dang rnam par grol ba'i lam dngos gzhi'i bsam gtan gyis bsdus pa yid bde ba'i dbang pos 'thob pa po/ji ste 'jig rten las 'das pas 'jug par byed na ni dgu pa kun shes pa'i dbang po yin par khong du chud par bya'o/ /de lta bas na 'di ni yongs su nyams phan chad nam yang bde ba'i dbang pos 'thob pa med do zhes bya ba ni legs par smras pa yin no//'o na ni 'dod chags dang bral ba sngon du 'gro bas de bcu gcig gis 'thob par 'gyur ro/ /ji lta zhe na/ gang zag dbang po rtul po bsam gtan gsum pa thob pa bsam gtan gsum pa la brten nas nges pa la 'jug par byed na sems kyi skad cig ma bcu drug pa la phyir mi ldog par 'gyur te/des 'bras bu de bde ba'i dbang po dang dad pa la sogs pa lnga dang yid dang kun shes pa dang kun shes par byed pa'i dbang po dag gis 'thob bo/ /de phyir mi 'ong ba'i 'bras bu de las yongs su nyams pa dang dbang po sbyangs nas dbang po rnon po'i bdag nyid du byas te mi lcogs pa med pa kho na la brten nas phyir mi 'ong ba'i 'bras bu 'thob pa rnam par grol ba'i lam dgu pa la dngos gzhi la 'jug par byed na/de'i 'bras bu de snga ma bzhin du btang snyoms kyi dbang po dang yid bde ba'i dbang po dang dad pa la sogs pa lnga dang brgyad pa yid kyi dbang po dang dgu pa kun shes pa'i dbang pos kyang 'thob po//de ltar na gang zag des ni dus gnyis dag tu phyir mi 'ong ba'i 'bras bu de dbang po bcu gcig gis 'thob par 'gyur ro zhe na/ de'i phyir de dag dgag pa'i don du 'dod chags dang bral ba nyid sngon du 'gro ba la ni yongs su nyams par 'gyur ba med de/de'i 'dod chags dang bral ba ni lam gnyis kyis 'thob pa'i phyir ro zhes bya ba 'di smos te/ 'dod pa'i 'dod chags dang bral ba ni gang la brten te nges pa la zhugs kyang rung yongs su nyams par mi 'gyur ro//de lta bas na de'i 'dod chags dang bral ba ste 'dod pa'i 'dod chags dang bral ba ni lam gnyis kyis te 'jig rten pa dang 'jig rten las 'das pas 'thob pa'i phyir ro/ /'di la 'bras bu ni rnam pa gnyis te/ 'bras bu 'dus byas 'dus ma byas//zhes 'byung ba'i phyir ro/ /de la phyir mi 'ong ba'i 'bras bu bral ba'i mtshan nyid 'dus ma byas gang yin pa de ni sngar 'jig rten pa'i lam gyis 'thob la nges pa la 'jug pa na yang de yang 'jig rten las 'das pa'i lam gyis 'thob ste/ de'i 'thob pa de ni 'jig rten pa dang 'jig rten las 'das pa dang rnam pa gnyis yin no//de lta bas na de'i 'dod chags dang bral ba ni brtan pa yin no/ /de bas na 'di las yongs su nyams par mi 'gyur ro/ /'bras las nyams 'gyur dang po las ma yin/ /zhes 'byung ba'i phyir dang /mthong bas spang bar bya ba rnams ni gzhi med pa yin pa'i phyir/ rgyu gzhan 'di yang yod pa ma yin nam/ ci'i phyir de 'dir ma bshad ce na/ 'di yang brjod par bya ba yin mod kyi 'on kyang gzhan dag 'di skad du mthong bas spang bar bya ba'i nyon mongs pa'i 'dod chags dang bral ba las yongs su nyams par ma gyur kyang ci'i phyir yongs su nyams pa ni bsgom pas spang bar bya ba'i nyon mongs pa tsam gyis 'dod chags dang bral ba las yongs su nyams par go mi 'gyur zhes smra bar 'gyur ro//tha ma'i cha dang mthun pa lnga spangs pas phyir mi 'ong ba'i 'bras bur 'gyur te/de la 'jig tshogs la lta ba dang / tshul khrims dang brtul zhugs mchog tu 'dzin pa dang / the tshom ni mthong bas spang bar bya ba yin no/ /'dod pa'i 'dun pa dang gnod sems ni bsgom pas spang bar bya ba dag yin no/ /de dag kyang 'dod chags dang bral ba sngon du 'gro bas des mngon par rtogs pa'i mtha' sems kyi skad cig ma bcu drug pa de na de'i mthus zag pa med pa'i rigs rnams thob pa'i phyir 'jig rten pa'i lam gyis spangs pa'i thob pa yang zag pa med pa'i thob par 'gyur te/gnas skabs de na phyir mi 'ong ba'i 'bras bu 'dus byas zag pa med pa rnam par grol ba'i lam dgu pa'i ngo bo nyid dang /'dus ma byas 'dod pa'i 'dun pa la sogs pa spangs pa 'thob par 'gyur ro/ /de lta bas na 'phags pas de'i 'dod chags dang bral ba lam gnyis kyis 'thob pa'i phyir rgyu 'di kho na bshad de/'dod pa'i 'dun pa la sogs pa spangs pa lam gnyis kyis 'thob pa'i phyir ro zhes bya ba'i tha tshig go/ /btang snyoms dang ni srog dang ni/ /yid dang ldan la nges gsum ldan/ /zhes bya ba ni btang snyoms sam srog gam yid dang ldan zhing ma bral ba ni gdon mi za bar gsum dang ldan te/btang snyoms dang srog dang yid kyi ngo bo nyid de dag kho na dang ldan pa yin no/ /'di dag ni phan tshun med na mi ldan pa yin zhes bya ba ni gang zhig gcig dang ldan pa de gzhan gnyis dang yang ldan pa yin no/ /de'i phyir 'di dag ldan par rnam par 'jog par byed kyi mig la sogs pa ni mi byed do//de lta bas na mig dang rna ba dang sna dang lce'i dbang po dag dang ni zhes bya ba smos te/ gzugs med pa'i khams su skyes pa ni mig dang rna ba dang sna dang lce'i dbang po dag dang mi ldan no/ /'dir lus kyi dbang po ma smos pa ni 'dod pa'i khams na ni gang gis ma thob pa dang rnam par nyams pa zhes bya ba bsdu ba'i don mig la sogs pa kho na la srid kyi lus la ni ma yin pa'i phyir ro//de lta ma yin na gzugs med par skyes pa ni gzugs can gyi dbang po dag dang mi ldan no zhes bya ba kho na zhig brjod par 'gyur ro/ /ma thob pa dang rnam par nyams pa dag /ces bya ba la/ ma thob pa ni nur nur po la sogs pa'i gnas skabs na'o/ /rnam par nyams pa dag ni long ba nyid la sogs pa'i gnas skabs dang rim gyis 'chi ba thob pa rnam par nyams pa'i phyir ro/ /so so'i skye bo mi ldan no zhes khyad par du byas pa ni 'phags pa ni gdon mi za bar ldan pa'i phyir ro//de'i zag pa med pa'i bde ba ni sa 'phos pas gtong ba med do/ /yid mi bde ba dang 'dod pa'i 'dod chags dang bral ba dang ni mi ldan no zhes bya ba ni 'di na gnas pa'am/ khams gzhan na gnas pa'am so so'i skye bo'am 'phags pa yang rung mi ldan pa yin no//so so'i skye bo dang 'bras bu la gnas pa dag ces bya ba ni 'bras bu la gnas pa rgyun du zhugs pa la sogs pa ni mngon par rtogs pa'i rjes la rnam par nyams pa'i phyir kun shes par byed pa'i dbang po de dang mi ldan no//kun shes pa'i dbang po mthong ba'i lam la gnas pa dag ni ma thob pa'i phyir mi ldan la mi slob pa'i lam la gnas pa dag ni 'bras bu thob pa na rnam par nyams pa'i phyir mi ldan no/ /ma bkag pa'i gnas skabs dag tu ni ji skad bshad pa dang zhes bya ba ni de las gzhan pa'i gnas skabs dag tu ni dbang po gang dang gang bshad pa'i dbang po de dang de ldan par rig par bya ste/de la 'dod pa'i khams na ni ma thob pa dang rnam par nyams pa'i gnas skabs ma gtogs pa mig la sogs pa lce la thug pa'i bar dag dang ldan no/ /lus kyi dbang po dang ni 'dod pa dang gzugs kyi khams su skyes pa ldan no zhes bya ba la sogs pa yin no//bde lus ldan pa bzhi dag dang / /zhes bya ba ni ldan la zhes bya ba dang nges par ldan zhes bya bar sbyar te grangs kyi go rims brjod par 'dod pas de'i 'og tu bde ba la sogs pa smos pa yin no//bde ba'i dbang po dang ldan pa zhes bya ba ni bsam gtan bzhi pa dang gzugs med pa'i khams su skyes pa'i so so'i skye bo las ma gtogs pa thams cad ni bde ba'i dbang po dang ldan la/ de bzhin dag dang ni gdon mi za bar ldan pa ma yin te/ mig la sogs pa lce'i dbang po la thug pa'i bar dag dang ni gzugs med pa'i khams dang /'dod pa'i khams na yang ma thob pa dang / rnam par nyams pa'i gnas skabs na mi ldan no/ /lus kyi dbang po dang ni gzugs med pa'i khams na ni mi ldan no/ /pho dang mo'i dbang po dang ni gzugs kyi khams dang gzugs med pa'i khams dang 'dod pa'i khams na ma thob pa dang rnam par nyams pa'i gnas skabs na yang mi ldan no//sdug bsngal gyi dbang po dang ni gzugs dang gzugs med pa'i khams dag na mi ldan no/ /yid bde ba'i dbang po dang ni so so'i skye bo'i bsam gtan gsum par skyes pa dang mi ldan no//yid mi bde ba'i dbang po dang ni 'dod pa'i 'dod chags dang bral ba'i gnas skabs na mi ldan no/ /dad pa la sogs pa lnga dang ni dge ba'i rtsa ba kun du chad pa'i gnas skabs na mi ldan no/ /kun shes par byed pa'i dbang po dang ni so so'i skye bo dang 'bras bu la gnas pa'i gnas skabs na mi ldan no//kun shes pa'i dbang po dang ni so so'i skye bo dang mthong ba'i lam dang mi slob pa'i gnas skabs na mi ldan no/ /kun shes pa dang ldan pa'i dbang po dang ni so so'i skye bo dang slob pa'i gnas skabs na mi ldan no/ /gang zhig lus kyi dbang po dang ldan pa de yang bzhi dang ldan no zhes bya ba ni 'dod pa dang gzugs kyi khams su skyes pa ni lus kyi dbang po dang ldan pa/de gzhan dag dang ni gdon mi za bar ldan pa ma yin te/ mig la sogs pa dag dang ni 'dod pa'i khams na ma thob pa dang rnam par nyams pa'i gnas skabs na mi ldan no//pho dang mo'i dbang po dag dang ni gnas skabs de dang gzugs kyi khams na mi ldan no/ /sdug bsngal dang ni de nyid na mi ldan no/ /bde ba dang ni so so'i skye bo bsam gtan bzhi par skyes pa dang mi ldan no/ /yid bde ba dang ni so so'i skye bo bsam gtan gsum pa dang bzhi par skyes pa mi ldan no//yid mi bde ba dang dad pa la sogs pa gzhan dag dang mi ldan pa ni snga ma bzhin du brjod par bya'o/ /mig sogs ldan la lnga dang ldan/ /zhes bya ba ni mig dang rna ba dang sna dang lce dang ldan pa la zhes bya ba'i tha tshig go/ /de dang zhes bya ba ni mig de dang ste mig yod na lus kyi dbang po gdon mi za bar yod kyi/rna ba la sogs pa ni ma yin te/ 'dod pa'i khams na ma thob pa dang rnam par nyams pa srid pa'i phyir ro/ /pho dang mo'i dbang po la sogs pa 'khrul pa ni snga ma bzhin du brjod par bya'o/ /rna ba dang sna dang lce'i dbang po dag dang ldan pa yang de dang 'dra bar rig par bya'o zhes bya ba ni gang zhig rna ba'i dbang po dang ldan pa de ni gdon mi za bar btang snyoms dang srog dang yid dang lus kyi dbang po dag dang de dang dbang po lnga dang ldan te zhes bya ba de lta bur thams cad sbyar bar bya'o//yid bde ldan yang zhes pa ci zhe na/ gdon mi za bar lnga dang ldan no zhes bya bar skabs dang sbyar ro/ /ci'i phyir yid bde ba mig la sogs pa kho na'i nang du mi bsdu zhe na/ gnas gzhan nas 'byung ba'i phyir ro/ /'di ltar sogs pa zhes bya ba'i sgras bsdus na ni 'chol bar 'gyur ro/ /bsam gtan gnyis par skyes pa bsam gtan gsum par ma thob pa bde ba'i dbang po gang dang ldan pa yin zhe na zhes bya ba ni bde ba'i dbang po 'dod pa'i khams na ni rnam par shes pa'i tshogs lnga pa yod la bsam gtan dang po na ni rnam par shes pa'i tshogs gsum pa yod/bsam gtan gsum pa na ni yid kyi yod do//de'i phyir bsam gtan gnyis par skyes pa bde ba'i dbang po 'og ma dang yang mi ldan no/ /de ni sa 'phos pas btang ba'i phyir ro/ /bsam gtan gsum pa'i sa pa dang yang mi ldan te/ de ni ma thob pa'i phyir ro snyam du bsams nas rgol bar byed pa yin no//bde ba'i dbang po gang dang ldan zhe na/ bsam gtan gsum pa'i nyon mongs pa can dang ldan no zhes bya ba smos te/ grub pa'i mtha' ni sems can 'og mar skyes pa thams cad ni sa gong ma pa'i nyon mongs pa can ma spangs pa dang ldan no zhes bya ba yin no/ /dbang po lhag ma 'khrul pa ni snga ma bzhin du brjod par bya'o//sdug bsngal ldan bdun dang zhes bya ba ni 'di ni 'dod pa'i khams su skyes pa yin te/ de lta bas na gdon mi za bar lus kyi dbang po dang ldan no/ /tshor ba'i dbang po bzhi dang zhes bya ba ni yid mi bde ba ma gtogs pa dag dang ngo //yid dang srog gi dbang po dag kyang yod pas gdon mi za bar dbang po bdun dang ldan pa yin no/ /dbang po lhag ma 'khrul pa ni snga ma bzhin du brjod par bya'o/ /mo'i dbang sogs ldan brgyad dang / /zhes bya ba ni mo dang pho dang yid mi bde ba dang dad pa dang brtson 'grus dang dran pa dang ting nge 'dzin dang shes rab dang ldan pa zhes bya ba'i tha tshig go//srog dang yid dang bde ba dang sdug bsngal dang yid bde ba dang btang snyoms kyi dbang po rnams ni bshad zin pa'i phyir la/ kun shes pa dang ldan pa'i dbang po la sogs pa gsum ni 'chad par 'gyur ba'i phyir dbang po brgyad po 'di dag kho na gzung ba yin no//gang zhig mo'i dbang po dang ldan pa de ni zhes bya ba ni mo'i dbang po dang ldan pa ni 'dod pa'i khams su skyes pa yin pas de'i phyir de ni gdon mi za bar dbang po brgyad dang 'di dag kho na bzung ba yin no/ /bdun po de dag dang ldan zhe na/ bdun po de dag dang mo'i dbang po dang zhes bya ba smos te/ lus dang srog dang yid dag dang tshor ba'i dbang po bzhi ste bdun dang brgyad pa mo'i dbang po dang ldan no/ /mig la sogs pa ni nyams pa la sogs pa ji skad bshad pa srid pa'i phyir rgyu de dag gis na lhag ma dag ni nges pa med do//pho'i dbang po dang ldan pa yang mo'i dbang po dang ldan pa bzhin brjod par bya'o/ /yid mi bde ba dang ldan pa yang 'dod par skyes shing 'dod pa'i 'dod chags dang bral ba yin pas de dang 'dra bar bdun po de dag yid mi bde ba dang ldan pa yin no/ /dad pa dang ldan pa yang khams gsum pa'i sems can yin pas dad pa la sogs pa med na mi 'byung ba lnga po de dag dang /btang snyoms dang srog dang yid dag dang ldan no/ /lhag ma dag dang ni ma nges te snga ma bzhin no/ /dad pa dang ldan pa ji lta bar shes rab dang ldan pa'i bar du yang de dang 'dra'o/ /kun shes pa la dbang byed pas na kun shes pa dang ldan pa'i dbang po'o zhes bya ba ni kun shes pa kho na la dbang byed pa ni kun shes pa dang ldan pa'i dbang po ste/ma lus par shes pa'i dbang po zhes bya ba'i tha tshig go/ /kun shes pa'i dbang po yang kun shes pa la dbang byed pa ni yin mod kyi ma lus par ni ma yin te/spang bar bya ba lhag ma dang bcas pa'i phyir ro/ /yang na tshig gi phyogs gcig smos nas kun shes pa dang ldan pa'i gang zag la kun shes pa dang ldan pa zhes brjod do/ /de'i dbang po ni kun shes pa dang ldan pa'i dbang po zhes bya'o/ /gang zhig kun shes pa'i dbang po dang ldan pa de ni gdon mi za bar bcu gcig dang ldan no zhes bya ba ni kun shes pa'i dbang po dang ldan pa ni slob pa 'bras bu la gnas pa yin te/khams gsum char na yang yod do/ /bsam gtan bzhi pa dang gzugs med par skyes pa de ji ltar bde ba dang yid bde ba'i dbang po dag dang ldan zhe na/ji ltar 'phags pa ni 'dod pa las 'dod chags dang bral ba na gdon mi za bar yid bde ba'i dbang po 'thob la/ bsam gtan gnyis pa las 'dod chags dang bral ba na yang bde ba'i dbang po 'thob po/ /de dag ni sa 'phos kyang gtong bar mi 'gyur te/'di ltar/ sa 'phos nyams pa dag gis ni/ /bsam gtan gtogs pa'i dge ba gtong / /de bzhin gzugs med gtogs 'phags ni/ /'bras thob sbyangs dang nyams rnams kyis/ /zhes 'chad par 'gyur ro/ /'bras bu thob pa dang dbang po sbyong ba na yang zhugs pa'i lam dang dbang po rtul po'i lam gyis bsdus pa de dag gtong mod kyi 'on kyang 'bras bu dang dbang po rnon pos bsdus pa gzhan dag ni 'thob par 'gyur ro//de lta bas na bsam gtan bzhi pa dang gzugs med par skyes pa'i 'phags pa ni bde ba dang yid bde ba'i dbang pos 'phos pa yang yongs su ma btang ba de dag dang ldan pa kho na yin no//lhag ma dag dang ni snga ma bzhin du ma nges pa yin no/ /kun shes byed pa'i dbang ldan la/ /bcu gsum dag dang ldan pa yin/ /zhes bya ba rgyas par 'byung ba ni kun shes par byed pa'i dbang po dang ldan pa ni 'dod pa'i khams kho nar kun shes par byed pa'i dbang po skyed pa'i phyir 'dod pa na spyod pa'i sems can yin te/mi skyo lung las 'dir rtsom zhing / /de mthar phyin zhes 'byung phyir ro/ /zhes 'byung ba'i phyir ro/ /de lta bas na gdon mi za bar 'di la lus kyi dbang po yang yod la/ yid mi bde ba ma gtogs pa tshor ba bzhi yang yod de/des ni 'dod chags dang bral ba'i gnas skabs na 'khrul pa'i phyir ro/ /de la gdon mi za bar zhes bya bar sbyar te/ dbang po bcu gsum dang gdon mi za bar kho nar ldan no zhes bya bar nges par gzung ba yin gyi/ bcu gsum kho na dang zhes bya ba ni ma yin no//lhag ma dag dang ni ma nges te/ long ba la sogs pa la yang mthong ba'i lam srid pa'i phyir ro/ /mo dang pho'i dbang po dag ma tshang na yang ji ltar mthong ba'i lam skye bar 'gyur te/ mo dang pho'i dbang po dang mi ldan pa dang nyams pa rnams la sdom pa dang 'bras bu 'thob pa dang 'dod chags dang bral ba med do zhe na/re zhig kha cig na re sdom pa thob pa rnams kyi 'bras bu 'thob par 'gyur la/ mtshan gnyis 'byung bas so sor thar pa'i sdom pa gtong bar 'gyur gyi de dag nyams pas ni ma yin no/ /yang na nges par 'byed pa'i cha dang mthun pa la goms pa la rim gyis 'chi bas mo dang pho'i dbang po 'gags kyang mthong ba'i lam skye bar 'gyur ro zhes zer ro//gzhan dag na re 'dir ni gang zag spyi'i dbang du byas pa yin gyi gcig kho na la gdon mi za bar dbang po dang ldan pa dang 'khrul pa brjod pa ni ma yin no zhes zer ro/ / ji ltar zhe na/ btang snyoms dang ni srog dang ni/ /yid dang ldan la nges gsum ldan/ /zhes bya ba 'dod pa'i khams su skyes pa yang rung srid pa'i rtse mo'i bar du skyes pa yang rung ste/ btang snyoms dang ldan pa'i gang zag ji snyed pa de thams cad gdon mi za bar gsum dang ldan pa yin no/ / mig la sogs pa 'khrul pa ni thams cad du ci rigs par sbyar te/ la la ni gzugs can gyi dbang po dag dang mi ldan pa nyid yin te/ gzugs med pa'i khams su skyes pa gang yin pa'o zhes bya ba nas rgyas par la la ni dad pa la sogs pa dang mi ldan te dge ba'i rtsa ba kun du chad pa gang yin pa'o zhes bya ba'i bar yin te/gzugs med pa'i khams su skyes pa de nyid ni ma yin no/ /yang 'dir kun shes par byed pa'i dbang po dang ldan pa ji snyed pa de thams cad ni gdon mi za bar ji skad bshad pa'i dbang po bcu gsum ldan pa yin no/ /'ga' zhig la 'khrul pa ni ci rigs par kho nar sbyar bar bya ste/'di ltar la la ni mig gi dbang po dang mi ldan te/ long ba gang yin pa'o/ /la la ni rna ba'i dbang po dang mi ldan te 'on pa gang yin pa'o zhes bya ba nas de bzhin du la la ni mo'i dbang po dang mi ldan te pho gang yin pa'o/ /la la ni pho'i dbang po dang mi ldan te mo gang yin pa'o//la la ni yid mi bde ba dang mi ldan te 'dod chags dang bral ba gang yin pa'o zhes bya ba de lta bu kho na khong du chud par bya'o/ /dge med nang na nyung ldan pa/ /lus tshor srog yid brgyad dang ldan/ /zhes bya ba ni gang zag gcig 'ga' zhig nang na nyung ba dang ldan pa gang yin pa de nyung du ji srid cig dang ldan zhe na/smras pa/ dge med ni dge ba'i rtsa ba kun tu chad pa yin no/ /de yang 'dod pa'i khams kho na'i yin pas 'di la 'dod pa'i 'dod chags dang bral ba yang mi srid do/ /de lta bas na 'di la thams cad du tshor ba'i dbang po lnga char yang yod la lus kyi dbang po yang yod srog dang yid kyi dbang po dag kyang yod pa kho na'o//mig la sogs pa ni med de/ rim gyis 'chi ba'i gnas skabs dang / long ba nyid la sogs pa'i gnas skabs na de dag med pa'i phyir ro/ /myong bar byed pa ni tshor ba ste zhes bya ba ni byed pa por sgrub pa yin no//tshor ba ni tshor ba ste zhes bya ba ni ngo bor bsgrub pa yin te/ dper na phun sum tshogs pa la phun sum tshogs pa'o zhes bya ba bzhin no zhes bya ba ni khungs ston par byed pa yin no/ /gzugs med byis pa'ang de bzhin te/ / zhes bya ba la de bzhin zhes bya ba'i sgras ni grangs tsam mthun par sbyor ba yin no/ /dge ba smos pas ni dad pa la sogs pa gzung bar bya ste/ gcig tu dge ba yin pa'i phyir ro zhes bya ba ni dge ba dag kho na yin gyi mi dge ba dang lung du ma bstan pa ma yin gyi mi dge ba dang lung du ma bstan pa ma yin pa gang dag yin pa de dag ni dge ba yin no zhes bya ba'i tha tshig go//kun shes par byed pa'i dbang po la sogs pa yang bsdus par thal bar 'gyur ro zhes bya ba ni de dag kyang gcig tu dge ba yin te de lta bas na de dag bsdus par thal bar 'gyur ro zhes bya ba yin no//ma yin te brgyad kyi skabs yin pa'i phyir ro zhes bya ba ni/ dge med nang na nyung ldan pa/ /brgyad dang zhes bya ba 'dis bsgre ba brgyad do/ /btang snyoms srog yid dge rnams dang / /zhes bshad kyi sgra mtshams bcad pa'i phyir kun shes par byed pa'i dbang po la sogs pa btsal bar bya ba yin no//byis pa'i skabs yin pa'i phyir zhes bya ba ni/ gzugs med byis pa'ang de bzhin te/ /zhes 'byung ba'i phyir 'dir ni byis pa'i dbang du byas pa yin no/ /so so'i skye bo nyid gang zhe na/ 'phags pa'i chos rnams ma thob pa'o zhes 'byung bas kun shes par byed pa'i dbang po med na so so'i skye bo yin no//de lta bas na zag pa med pa de dag la thal bar mi 'gyur ro/ /mtshan gnyis pa dbang po tshang ba zhes bya ba ni mtshan gnyis pa gal te mig la sogs pa tshang ba zhig yin na de lta na bcu dgu dang ldan gyi gzhan du ni ma yin no//kun shes pa dang ldan pa'i dbang po dang gnyis po las gang yang rung ba zhig ces bya ba ni chags pa dang bcas pa yin pa'i phyir kun shes pa dang ldan pa'i dbang po ni gcig tu spang bar bya ba yin no/ /'phags pa yin pas kun shes par byed pa'i dbang po dang kun shes pa'i dbang po dag ni gdon mi za bar rnam grangs par ldan pa yin te gang gi tshe kun shes par byed pa'i dbang po yod pa de'i tshe ni kun shes pa'i dbang po med la gang gi tshe kun shes pa'i dbang po yod pa de'i tshe ni kun shes par byed pa'i dbang po med do//khams rab tu dbye ba'i zhar la 'ongs pa dbang po rnams kyi rab tu dbye ba rgyas par bshad zin to zhes bya ba ni khams bco brgyad las dbang po ni du dbang po ma yin pa ni du zhes bya ba ni khams rab tu dbye ba'i zhar la 'ongs pa/chos kyi phyed dang gang dag ni/ /bcu gnyis nang gir bshad dbang po//zhes bya ba'i dbang po de rnams kyi rab tu dbye ba ste/ gsum ni dri ma med ces bya ba de lta bu la sogs pa rgyas par bshad zin to// //ci 'dus byas kyi chos 'di dag ces bya ba ni gong du phung po dang khams dang skye mched bshad pa gang dag yin pa'o/ /ji ltar mtshan nyid tha dad pa zhes bya ba ni gzugs ni gzugs su rung ba'o//tshor ba ni myong ba'o/ /'du shes ni mtshan mar 'dzin pa'o zhes bya ba la sogs pa yin no/ /'dus byas smos pa ni skye ba dang ldan pa'i phyir ro/ /'on te kha cig nges par lhan cig skye ba yang yod ces bya ba ni kha cig lhan cig skyes pa yod mod kyi nges par lhan cig skye ba ni ma yin te dper na mig la sogs pa dang lhan cig skye ba de dag gi rnam par shes pa la sogs pa lta bu ste/mig la sogs pa ni rten pa dang bcas pa dang de dang mtshungs pa yod pa'i phyir ro/ /de lta bas na de skad du 'dri'o/ /chos 'di dag thams cad ni lngar 'gyur ro zhes bya ba ni gzhi lnga'i tshul gyis de ltar chos thams cad bsdus par rnam par 'jog pa yin no//gzugs la sogs pa'i tshogs kyi sgo nas ston pa ni bde blag tu rtogs par bya ba'i phyir ro/ /de la 'dus ma byas la ni skye ba med pa nyid do zhes bya ba ni de la nges par lhan cig skye ba bsam par mi bya ba yin no//thams cad pas phra ba'i gzugs ni rdul phra rab ces bya ba ni rdzas kyi rdul phra rab ma yin pa'o/ /gang la shar dang nub kyi cha med pa gzugs thams cad pas chung ba de ni rdzas kyi rdul phra rab ces bya bar 'dod do//de las khyad par du bya ba'i phyir/ /bstsags pa'i rdul phra rab ces bya ba smos so/ /'dod na/ sgra med phra rab rdul rdzas brgyad/ /ces bya ba ni 'dod pa'i khams na gang gi tshe 'di la sgra mi 'byung ba de'i tshe nges par rdzas brgyad pa kho na yin no/ /'di las rdzas nyung ba can ni ma yin no//dbang po gzhan ldan zhes bya ba 'di la dbang po gzhan yod pas na dbang po gzhan ldan te mig la sogs pa dang ldan zhes bya ba'i tha tshig go/ /gang la mig dang rna ba la sogs pa yod pa de la ni lus kyi dbang po yang yod par 'gyur te/ mig la sogs pa ni de la rag lus te 'byung ba'i phyir ro/ /rdul phra rab de dag sgra dang bcas pa zhig tu skye na ni zhes bya ba ni rdzas brgyad pa la sogs pa'o/ /bstsags pa'i rdul phra rab dag sgra dang bcas pa zhig tu skye na ni go rims bzhin du rdzas dgu dang bcu dang bcu gcig par skyes te/rdzas brgyad pa gang yin pa de ni rdzas dgu pa yin no/ /rdzas dgu pa gang yin de ni rdzas bcu pa yin no/ /rdzas bcu pa gang yin pa de ni rdzas bcu gcig pa yin no/ /dbang po dang tha mi dad pa'i sgra yang yod de zhes bya ba ni gang zhig dbang po dang tha dad par bya mi nus pa de ni dbang po dang tha mi dad pa'i sgra yin te dbang po dang tha mi dad par 'dug pa can zhes bya ba'i tha tshig go//ji ltar 'byung ba rnams tha mi dad pa las 'di na 'dus pa kha cig kho na ni sra bar dmigs zhes bya ba la sogs pa ni sra ba ni sa'i khams yin la gsher ba ni chu'i khams yin/dro ba ni me'i khams yin/ g.yo ba ni rlung gi khams yin pa 'byung ba mnyam par yod pa'i phyir de dag 'dus pa mtshungs pa'i ngo bo dag tu 'gyur ro snyam du bsams pa yin no/ /gang zhig gang na ches gsal zhing zhes bya ba la sogs pa rgyas par 'byung ba ni sa la sogs pa'i mtshan nyid kyi rdzas gang zhig 'dus pa gang la ches gsal zhing mngon pa yin no//mthu'i sgo nas zhes bya ba ni nus pa'i sgo nas yin gyi rdzas kyi sgo nas shas che bar gyur pa ni ma yin no/ /de ni de na dmigs te zhes bya ba ni rdzas de ni 'dus pa de na dmigs shing 'dzin pa yin no//khab dang sdong bu'i tshogs la reg pa lta bu zhes bya ba de la khab ni 'jig rten la lcags las byas par grags pa yin no/ /sdong bu ni ldum bu bi ra na la sogs pa'i me tog gi rtsa ba'i sdong bu yin te skye bo phal pa yan chad la me tog gi rtsa ba zhes grags pa gang yin pa'o//khab dang sdong bu de dag gi tshogs la reg pa ste ches gsal zhing mthu'i sgo nas shas che ba'i 'byung ba de dmigs pa ni de dang 'dra'o/ /'di skad du ji ltar khab dang sdong bu rnams kyi tshogs mnyam par yod kyang rno ba'i phyir khab dag kho na'i reg pa gsal bar dmigs kyi rtul pa'i phyir sdong bu rnams kyi ni ma yin pa de bzhin du shing la sogs pa kha cig kho na la sra ba dmigs la/kha cig la ni gsher ba ste/ chu la'o/ /kha cig la ni dro ba ste/ me la'o/ /kha cig la ni g.yo ba ste rlung la yin yang tshogs pa de dang de la 'byung ba chen po bzhi dag med pa ni ma yin no//phye dang lan tshwa'i phye ma'i ro bzhin zhes bya ba ni dper na phye'i phye ma dang lan tshwa'i phye ma rnams kyi ro dmigs pa lta bu yin te/ lan tshwa'i phye ma'i ro kho na gsal bar dmigs kyi phye'i phye ma'i ro ni ma yin pa ltar 'dir yang de dang 'dra'o/ /sdud pa dang /'dzin pa dang / smin pa dang / g.yo ba'i phyir zhes bya ba ni sdud pa'i las kyis na shing la sogs pa la chu'i khams yod pa nyid du rtogs te/ gal te de na chu'i khams med par gyur na des spar gang gtor ba bzhin du rnam par 'gyes par 'gyur ro/ /chu la gru la sogs pa 'degs pa'i las kyis na sa'i khams yod pa nyid du rtogs so//smin par byed pa'i las kyis ni me'i khams yod pa nyid du rtogs te/ gal te de med par gyur na shing la sogs pa 'drul bar 'gyur ro/ /g.yo ba'i las kyis na rlung gi khams yod pa nyid du rtogs te/gal te de med par gyur na de 'phel zhing rgyas par mi 'gyur ro/ /de bzhin du gzhan la yang sbyar bar bya'o/ /rkyen dang phrad na zhes bya ba la sogs pa rgyas par 'byung ba ni me la sogs pa'i rkyen dang phrad na sra ba la sogs pa yang gsher ba la sogs par 'gyur ba'i phyir la/gsher ba la sogs pa yang sra ba nyid la sogs par 'gyur ba'i phyir ro/ /dper na mer gyur pa yod na sra ba lcags kyang nal nal por 'gyur te/ des na lcags la chu'i khams yod do zhes bya bar shes so/ /de bzhin du gsher ba yang grang ba nyid la sogs pa'i rkyen dang phrad na sra bar 'gyur te/des na 'di la sa'i khams yod pa nyid du shes so/ /de bzhin du 'drud pa las dro bar dmigs te/ des na 'di la me'i khams yod do zhes bya bar shes so/ /de bzhin du gzhan la yang ci rigs par sbyar ro// // bam po bcu gcig pa/ gzhan dag na re chu la grang ba'i khyad par gyi sgo nas dro ba yod par khong du chud do zhes zer ro zhes bya ba ni btsun pa dpal len te/ gang gi phyir chu grang ba dang shin tu grang ba dang ches shin tu grang ba dag dmigs pa de'i phyir de la me chung ba dang shin tu chung ba dang ches shin tu chung ba 'byung bas grang ba'i khyad par du gyur pa yin te/des na de la me'i khams yod par shes so/ /ma 'dres kyang zhes bya ba rgyas par 'byung ba ni gzhung lugs de slob dpon sun 'byin par byed pa yin te/ dper na dgra la rdzas gzhan dang 'dres shing 'khrugs par gyur pa med kyang khyad par yang yod de/ngo bo nyid kyi bye brag gis sgra gsal ba dang shin tu gsal ba dang ches shin tu gsal ba yod pa ltar 'dir yang de dang 'dra bar 'gyur ro/ /yang dper na tshor ba rdzas gzhan ci dang yang 'dres pa ma yin yang / ngo bo nyid gsum gyi khyad par gyis shin tu dang ches shin tu khyad par yang yod pa ltar 'dir yang de dang 'dra bas/ 'dis ni me yod pa nyid du shes par mi 'gyur te/ chu de dag nyid kha cig ni grang ba yin la/ kha cig ni shin tu grang ba yin/ kha cig ni ches shin tu grang ba yin par zad do//gzhan dag na re de dag la de dag sa bon gyi sgo nas yod kyi zhes zer ro zhes bya ba ni mdo sde pa rnams te/ sa bon gyi sgo nas zhes bya ba ni nus pa'i sgo nas te/ mthu'i sgo nas zhes bya ba'i tha tshig go/ /rang gi ngo bor ni ma yin zhes bya ba ni rdzas su ni ma yin no zhes bya ba'i tha tshig go/ /de la ni gang gis na rnal 'byor pa dag mos pa'i khyad par gyis gser gyi khams dang /dngul gyi khams dang / zangs kyi khams zhes bya ba de lta bu la sogs pa'i khams dag byed par 'gyur ba nus pa kho na yod do/ /ci'i phyir zhe na/ shing gi phung po 'di la khams rnam pa sna tshogs yod do zhes gsungs pa'i phyir ro zhes bya ba smos so//der ni bcom ldan 'das kyis khams kyi nus pa la de skad ces bshad pa yin te/ de la gser dang / dngul la sogs pa'i khams mang po dag rang gi ngo bor yod pa'i go skabs ni med do/ /rlung la kha dog ji ltar yod ces bya ba ni bye brag tu smra ba rnams kho na la brgal ba yin no//'dod na dbang po med pa dang / /sgra med phra rab rdul rdzas brgyad/ /ces nges par byas pa/ ji ltar rlung la kha dog yod ces dmigs kyis sel bar byed de/ de la ni kha dog ji ltar yang mi dmigs so/ /don 'di ni dad par bya ba yin gyi/ rjes su dpag par bya ba ni ma yin no zhes zer ba ni bye brag tu smra ba rnams yin te/don 'di ni yid ches pa dam pa dag gis bshad pa yin pas yid ches par bya ba yin gyi rjes su dpag par bya ba ni ma yin no snyam du bsams pa yin no/ /yang na 'dres par dri 'dzin pa'i phyir te zhes bya ba ni rnam pa gcig tu na rjes su dpag pa yang yod do zhes ston par byed pa yin no//dri dang ldan pa'i rdzas dang 'bral ba las rlung gi dri dmigs la dri de yang kha dog la 'khrul pa med de/ gang gi dri yod pa de na kha dog yod par 'gyur ro/ /'dir sgrub pa'i tshig ni rlung ni kha dog dang ldan pa yin te/ dri dang ldan pa'i phyir sna ma'i me tog lta bu zhes bya ba yin no//gzugs kyi khams na ni dri dang ro dag med par bshad pas zhes bya ba ni/ dri dang ro dang sna dang ni/ /lce yi rnam shes khams ma gtogs/ /zhes 'byung ba'i phyir ro/ /des na de na yod pa'i rdul phra rab rnams ni rdzas drug dang bdun dang brgyad dang ldan pa zhes bya ba la/de na yod pa ni de na yod pa dag go/ /de na yod pa'i rdul phra rab la sogs pa'i rdul phra rab dag gi dbang du byas pa yin te/ 'di na dbang po yang med sgra yang med pa rdzas brgyad par bshad pa gang yin pa de ni de na rdzas drug pa yin la/ lus kyi dbang po dang rdzas dgu pa gang yin pa de ni rdzas bdun pa yin no//dbang po gzhan dang yang ldan pa rdzas bcu pa gang yin pa de ni rdzas brgyad pa yin no/ /yang 'di dag sgra dang bcas pa zhig yin na ni rdzas bdun pa dang brgyad pa dang dgu pa yin no zhes bya bar khong du chud par bya'o/ /bshad zin pa dang 'dra ba'i phyir yang mi bshad do zhes bya ba ni bshad zin pa dang mtshungs pa'i phyir yang mi brjod do zhes bya ba'i tha tshig go//yang ci 'dir rdzas kho na la rdzas su gzung ngam zhes bya ba rgyas par 'byung ba ni dngos kyi tshul gyis gang la rang gi mtshan nyid yod pa'i rdzas gang yin pa de la rdzas su gzung ngam 'on te skye mched kyi rdzas kyi dbang du byas pa yin/skye mched la yang spyi dang khyad par gyi mtshan nyid yod pa'i phyir rdzas shes brjod par mi nus so/ /des na cir 'gyur zhes bya ba ni des na nyes pa cir 'gyur zhes bya ba'i tha tshig go/ /gal te rdzas kho na la rdzas su bzung na ni zhes bya ba ni gal te gzugs kyi mtha'i mtshan nyid la sogs pa'i rdul phra rab kyi rdzas la rdzas su bzung na ni rdzas brgyad dang ldan pa zhes bya ba la sogs pa 'di ha cang nyung bar smras pa yin te kha cig la ci rigs par rdzas gzhan dbyibs dang yang ba nyid dang /lci ba nyid dang / 'jam pa nyid dang / rtsub pa nyid dang / grang ba dang / bkres pa dang /skom pa dag kyang yod pa'i phyir ro/ /de lta yin dang rdzas brgyad pa gang yin pa de ni rdzas dgu pa yin pa nas rdzas bcu bzhi pa'i bar yin par 'gyur bas rdzas brgyad pa'i nges pa nyams par 'gyur te/ rdzas dgu pa la sogs pa la yang de bzhin du sbyar bar bya'o/ /de bzhin du gzugs kyi khams na yang rdzas drug dang bdun dang brgyad pa'i nges pa nyams par khong du chud par bya'o//rdzas bzhi dang ldan pa zhes brjod par bya ste zhes bya ba ni gang gi phyir/ reg bya rnam pa gnyis yin te/ /zhes 'byung bas sa la sogs pa 'byung ba rnams kyang reg bya'i skye mched yin pa de'i phyir 'dod pa na sgra med pa ni gzugs dang dri dang ro dang reg bya zhes bya ba rdzas bzhi pa yin la sgra dang bcas na ni rdzas lnga pa yin no zhes brjod par bya'o//rten du gyur pa gang yin pa'o zhes bya ba ni sa la sogs pa bzhi'o/ /rten can du gyur pa gang yin pa'o zhes bya ba ni gzugs dang dri dang ro dang reg bya'i phyogs gcig go//de ltar na dbyibs kyang gzugs kyi nang du 'dus pa'i phyir la yang ba nyid la sogs pa yang reg bya yin pas 'di ha cang nyung bar smras pa ma yin la rten du gyur pa rnams reg bya'i skye mched kyi nang nas phyung ste/ rnam pa bzhir bstan pa'i phyir ha cang mangs pa yang ma yin no//de lta bas na 'byung ba'i rdzas rnams mang por 'gyur te zhes bya ba rgyas par 'byung la/ bye brag tu smra ba rnams kyi grub pa'i mtha'i ni rgyur byas pa'i gzugs sngon po'am ser po gcig gi rten 'byung ba bzhi tshan gang yin pa de nyid rgyur byas pa'i gzugs gzhan dri'am ro'i rten ni ma yin no//'o na ci zhe na/ de'i rten ni 'byung ba bzhi tshan gzhan kho na yin no zhes bya ba yin no/ /'dir ni rigs la rdzas su bzung ste/ /zhes bya ba ni 'dir ni 'byung ba bzhi tshan gyi rigs la rdzas su bzung ste/ 'byung ba bzhi tshan gzhan dag kyang 'byung ba bzhi tshan gcig gi rigs ji lta ba de las ni mi 'da'o//de ltar 'bad de bye brag tu bshad ci dgos zhes bya ba ni 'dir cung zad cig ni rdzas kho na la rdzas su gzung ste/ rten du gyur pa gang yin pa'o/ /cung zad cig ni skye mched kyi rdzas su gzung ste/ rten can du gyur pa gang yin pa'o/ /rten can du gyur pa de yang de'i rigs la gzung bar bya'o zhes bya ba yin no//tshig ni 'dun pa'i sgo nas 'jug pa yin pas don la brtag par bya'o zhes bya ba ni mdor bsdus pa dang rgyas par byas pa'i rjes su byed pa'i tshig ni 'dun pa ste/ 'dod pa'i sgo nas 'jug pa yin pas ci de rnams nges par lhan cig skye ba yin nam ma yin zhes de dag gi don la brtag par bya'o//rnal 'byor spyod pa sems par byed pa dag ni bsags par gnas pa dag la 'byung ba dang 'byung ba las gyur pa rnams nges par brjod do/ /ji lta zhe na/ smras pa/ 'dus pa las 'byung ba gcig las gyur pa yang yod de/'di lta ste bong rdog skams pa lta bu'o/ /'byung ba gnyis las gyur pa yang yod de/ de nyid gsher ba lta bu'o/ /'byung ba gsum las gyur pa yang yod de/ /de nyid dro ba lta bu'o/ /'byung ba thams cad las gyur pa'i bar yang yod de bong rdog gsher ba dang dro ba de nyid 'gro ba'i gnas skabs na'o//rgyur byas pa'i gzugs la yang 'dus pa gang la rgyur byas pa'i gzugs gang zhig dmigs pa de ni de la yod do zhes bya bar rig par bya ste/ 'dus pa la rgyur byas pa'i gzugs gcig dang ldan pa yang yod de/ 'di lta ste 'od lta bu'o//rgyur byas pa'i gzugs gnyis dang ldan pa yang yod de 'di lta ste rlung sgra dang dri dang bcas pa lta bu'o/ /rgyur byas pa'i gzugs gsum dang ldan pa yang yod de/ 'di lta ste du ba lta bu'o/ /de ni gzugs dang dri dang reg bya'i khyad par gyis rab tu phye ba'i phyir te/ 'di la reg bya'i khyad par ni yang ba nyid yin par rig par bya'o//rgyur byas pa'i gzugs bzhi dang ldan pa yang yod de/ 'di lta ste a ga ru'i sdong bu lta bu'o/ /rgyur byas pa'i gzugs lnga dang ldan pa yang yod de/ 'di lta ste de nyid sgra dang bcas pa lta bu'o zhes bya ba de lta bu la sogs pa brjod par bya'o//lhag ma rnams kyi brjod par bya ste zhes bya ba ni sems dang sems las byung ba dang ldan pa ma yin pa dag gi'o/ /sems dang sems byung nges lhan cig /ces bya ba ni sems kyang sems las byung ba dag med par mi skye la sems las byung ba dag kyang sems med par mi skye'o zhes bya bar nges par gzung ba yin gyi sems thams cad kyang sems las byung ba thams cad dang nges par lhan cig skye'o zhes bya ba yang ma yin la/sems las byung ba thams cad kyang sems thams cad dang nges par lhan cig skye'o zhes bya ba yang ma yin no//thams cad 'dus byas mtshan nyid dang zhes bya ba ni de thams cad ni 'dus byas kyi mtshan nyid skye ba la sogs pa de dag dang gdon mi za bar lhan cig skyes pa yin no/ /de yang gang zhig ce na/ gzugs sam sems sam sems las byung ba dag gam ldan pa ma yin pa dag kyang rung gang cung zad skye ba de thams cad ni zhes bya ba smos te/'dus ma byas ni skye ba med pa kho na'o zhes gong nyid du smos zin pa'i phyir ro/ /bye brag tu bya ba'i phyir ram zhes bya ba'i sgra smos so zhes bya ba ni kha cig ni thob pa dang lhan cig skye ste/ sems can du bgrang ba gang yin pa'o/ /kha cig ni mi skye ste/sems can du bgrang ba ma yin pa gang yin pa'o zhes bye brag tu bya ba yin no/ /so sor brtags pa dang so sor brtags pa ma yin pas 'gog pa dag la yang thob pa yod mod kyi de dag skye bar ni mi 'gyur bas de gnyis ma smos te/ 'di ni nges par lhan cig skye ba las brtsams pa yin no//sems can du bgrang ba ma yin pa la thob pa med do zhes bya ba 'di la gtan tshigs ci zhig yod ce na/ sems can thams cad kyi thun mong yin pa'i phyir ro/ /lhan cig skye ba'i thob pa kho na dang thob pa dang ldan pa lhan cig skye ba'i dus snga ma dang phyis skye ba dang ni ma yin pa kho na'o zhes bya bar khong du chud par bya'o//go skabs kyi yul te zhes bya ba ni skye ba'i yul zhes bya ba'i tha tshig go/ /sa mang po pa rnams zhes bya ba ni sems thams cad la 'byung ba'i phyir mang po pa nyid yin no/ /chos bcu po 'di dag ni sems kyi skad cig thams cad la tshogs par 'byung ngo zhes grag go zhes bya ba la/grag ces bya ba'i sgra ni gzhan gyi gzhung lugs bstan pa'i phyir ro/ /rang gi gzhung lugs ni 'dun pa la sogs pa sems thams cad la mi 'byung ba yin te/ 'di ltar slob dpon 'dis phung po lnga'i nang du 'dun pa gang zhe na/bsams pa'i dngos po la mngon par 'dod pa'o/ /mos pa gang zhe na nges pa'i dngos po de bzhin du nges par 'dzin pa'o zhes bya ba la sogs pa bris so/ /sems pa ni sems mngon par 'du byed pa'o zhes bya ba ni sems rab tu g.yo bar byed pa ste/ rab tu g.yo bar byed pa bzhin du rab tu g.yo bar byed ces bya ba'i tha tshig go//yul la mtshan mar 'dzin pa'o zhes bya ba ni yul gyi khyad par 'dzin pa'o zhes bya ba'i tha tshig go/ /reg pa ni yul dang dbang po dang rnam par shes pa 'dus pa las skyes pa'i reg pa'o zhes bya ba ni yul dang dbang po dang rnam par shes pa 'dus pa las skyes pa'i reg pa ni reg pa dang 'dra bar reg pa yin te/gang dang ldan pas yul dang dbang po dang rnam par shes pa rnams phan tshun reg pa bzhin du reg pa yin no/ /chos rab tu rnam par 'byed pa'o zhes bya ba ni chos rnams rab tu rnam par 'byed pas rab tu rnam par 'byed pa 'am/'dis rab tu rnam par 'byed par 'gyur bas rab tu rnam par 'byed pa'o/ /gang gis na chos 'dres pa lta bu rnams la me tog dag ltar 'di dag ni zag pa dang bcas pa'o/ /'di dag ni zag pa med pa'o/ /'di dag ni gzugs can no//'di dag ni gzugs can ma yin pa'o zhes bya bar rab tu rnam par 'byed par byed pa ste/ dmigs kyis sel bar byed ces bya ba'i tha tshig go/ /chos rnams la rab tu rnam par 'byed pa ni chos rab tu rnam par 'byed pa'o/ /grags pa yin pa'i phyir shes rab ces brjod par bya ba las tshig le'ur byas pa las tshigs su bcad pa bsdebs pa dang mthun par blo gros zhes bshad pa yin no//dran pa ni dmigs pa mi brjed pa'o zhes bya ba ni gang dang ldan pas yid kyis dmigs pa mi brjed pa ste/ de mngon par brjod pa lta bu de ni dran pa yin no//yid la byed pa ni sems kyi 'jug pa'o zhes bya ba ni dmigs pa la sems 'jug cing gtod par byed pa'o zhes bya ba'i tha tshig go/ /yid la byed pa ni yid la byed pa'am/ yid la byed cing gtod par byed pas na yid la byed pa'o/ /'dod pa ni de'i dmigs pa la yon tan du nges par 'dzin pa'o//gzhan dag na re 'dod pa yin no zhes zer ro/ /rnal 'byor spyod pa sems par byed pa dag ni ji ltar nges pa bzhin 'dzin pa yin no zhes bya bar sems so/ /ting nge 'dzin ni sems rtse gcig pa nyid do zhes bya ba la/ rtse dang dmigs pa zhes bya ba ni don gcig ste/gang dang ldan pas sems dmigs pa gcig la rgyun chags su 'jug pa ni ting nge 'dzin yin no/ /gal te ting nge 'dzin sems thams cad la yod na ci'i phyir bsam gtan dag la 'bad par byed ce na stobs dang ldan pa'i ting nge 'dzin bsgrub pa'i phyir ro//ji ltar sems gcig la sems las byung ba mtshan nyid tha dad pa bcu yod pa nyid du shes she na/ de'i phyir sems dang sems las byung ba rnams kyi bye brag ni phra bas zhes bya ba rgyas par smos te/ sems dang sems las byung ba rnams kyi khyad par de ni re zhig rgyun rnams la yang brtags par dka' na dus kyi mtha'i mtshan nyid skad cig ma dag la lta smos kyang ci dgos re zhig sman la sogs pa gzugs can rnams te lus can rnams la yang a ru ra la sogs pa ro mang po kha cig gi ro'i khyad par dbang pos gzung bar bya ba ste/lce'i dbang pos gzung bar bya ba rnams nges par gzung bar dka' zhing yongs su gcad par dka' ba yin na chos gang dag gzugs can ma yin zhing blos gzung bar bya ba rnams lta smos kyang ci dgos/ de lta bas na yid ches pas bstan pa yin pa'i phyir de kho na bzhin du yid ches par bya'o snyam du bsams pa yin no//dad pa ni sems dang ba'o zhes bya ba ni dad pa dang ldan pas sems nyon mongs pa dang nye ba'i nyon mongs pas rnyog pa dngas par 'gyur ro/ /nor bu chu'i dang byed dang ldan pas chu bzhin no/ /gzhan dag na re bden pa dang dkon mchog dang las dang 'bras bu rnams la mngon par yid ches pa yin no zhes zer ro zhes bya ba ni bden pa bzhi dang dkon mchog gsum dang las dge ba dang mi dge ba dag dang 'bras bu 'dod pa dang mi 'dod pa dag la 'di dag ni yod pa kho na'o snyam du mngon par yid ches shing mngon par rtogs pa ni dad pa yin no zhes dad pa ni de lta bu'i rnam pa yin par ston pa yin no//bag yod pa ni dge ba'i chos rnams bsgom pa'o zhes bya ba la/ sgom pa zhes bya ba ni/ /rnyed dang rten zhes bya ba ni/ /dge ba 'dus byas sgom pa'o/ /zhes 'byung ba'i phyir dge ba'i chos rnams rnyed pa dang bsten pa'i ngo bo nyid yin no//de ji ltar sems las byung ba bag yod pa zhes bya bar 'gyur zhe na/ gang zhig yod na rnyed pa dang bsten pa'i bsgom pa de yod pa de ni bag yod pa ste/ gces su byed pa'i mtshan nyid yin no/ /de'i phyir de dag nyid la gces su 'dzin pa nyid gang yin pa'o zhes bya ba smos te/de lta yin par bsgom pa'i rgyu la sgom pa nye bar gdags pa ni byas pa yin no/ /sems kun du srung ba'o zhes bya ba ni gang gis kun nas nyon mongs pa dag las sems kun du srung ba de ni bag yod pa yin no/ /sems las su rung ba nyid ces bya ba ni gang dang ldan pas sems las su rung bar 'gyur ba de ni sems las su rung ba nyid de/sems yang ba'o zhes bya ba'i tha tshig go/ /mdo las lus shin tu sbyangs pa zhes kyang gsungs pa ma yin nam zhe na zhes bya ba ni shin tu sbyangs pa yang dag byang chub kyi yan lag gnyis su 'gyur ba'i rnam grangs gang yin zhe na/lus shin tu sbyangs pa yang yod la sems shin tu sbyangs pa yang yod do/ /de la lus shin tu sbyangs pa gang yin pa shin tu sbyangs pa yang dag byang chub kyi yan lag gang yin pa de yang mngon par shes pa dang / rdzogs par byang chub pa dang /mya ngan las 'das par 'gyur ba yin la sems shin tu sbyangs pa gang yin pa gang dag byang chub kyi yan lag de yang mngon par shes pa dang / rdzogs pa'i byang chub pa dang / mya ngan las 'das par 'gyur ba yin no zhes 'byung ba yin no/ /ji ltar na shin tu sbyangs pa ni sems las su rung ba nyid do zhes 'di gcig kho na brjod ce na/de ni lus kyi tshor ba ji lta ba bzhin du rig par bya'o zhes bya ba smos te/ ji ltar tshor ba sems las byung ba yin yang rdul phra rab bsags pa'i bdag nyid kyi dbang po la brten pa'i phyir lus kyi zhes bya ba ltar shin tu sbyangs pa 'di yang de dang 'dra bar khong du chud par bya'o//de ji ltar na byang chub kyi yan lag tu rung bar 'gyur zhes bya ba ni rnam par shes pa'i tshogs lnga ni mnyam par bzhag pa ma yin pa'i phyir 'dri bar byed pa yin no/ /'o na der ni lus las su rung ba kho na zhes bya ba rgyas par 'byung ba ni mdo der ni lus nyam nga ba med pa kho na lus las su rung ba nyid yin te/yid dga' na lus shin tu sbyangs par 'gyur ro zhes 'byung ba'i phyir 'byung ba'i khyad par dga' bas drangs pa'i mtshan nyid can yin no/ /de ji ltar na byang chub kyi yan lag ces bya zhes bya ba ni tshogs pa so so na 'dug pa'i phyir dang /zag pa dang bcas pa yin pa'i phyir mi rung ngo snyam du bsams pa yin no/ /dga' ba dang dga' ba'i gnas lta bu'i chos rnams dga' ba yang dag byang chub kyi yan lag tu gsungs zhes bya ba rgyas par 'byung ba ni mu stegs can rnams kyis bcom ldan 'das kyi nyan thos rnams la 'di skad ces/khyed la dge slong gau ta mas 'di skad du dge slong dag khyed tshur sheg sgrib pa lnga po sems 'khrug par byed pa shes rab nyam chung bar byed pa dag spong la/ byang chub kyi yan lag bdun bsgoms shig ces bshad do zhes grag ste/kho bo cag kyang de skad du smra na/ de la kho bo cag dang dge sbyong gau ta mar chos ston pa la khyad par ci zhig yod ces smras so/ /bcom ldan 'das kyis de dag la lnga yod pa las bcur 'gyur ba dang bcu yod pa las lngar rnam par gzhag pa 'di bstan te/ bcom ldan 'das kyis khong khro ba dang /de dang mthun pa'i phyir khong khro ba'i rgyu mtshan kun nas mnar sems kyi gzhi dgu yang gnod sems kyi sgrib par bshad do/ /de bzhin du dga' ba dang de dang mthun pa'i phyir dga' ba'i rgyu mtshan yang zhes bya ba'i dbye ba 'dis bdun yod pa las bcu bzhir 'gyur la bcu bzhi yod pa bdun du rnam par gzhag pa 'di yang yod do//rtog pa dang rtsol ba dag shes rab kyi rang bzhin ma yin yang zhes bya ba ni de dag ni go rims bzhin du rtog pa dang brtson 'grus kyi rang bzhin yin pa'i phyir de gnyis shes rab kyi rang bzhin ma yin no/ /gang gi tshe lam la tshul khrims kyi phung po dang /ting nge 'dzin gyi phung po dang / shes rab kyi phung po zhes phung po gsum du mdzad pa na ni shes rab kyi phung po gang zhe na/ yang dag pa'i lta ba dang / yang dag pa'i rtog pa dang / yang dag pa'i rtsol ba'o zhes shes rab kyi phung po bstan pa de'i nang du bshad do//btang snyoms ni sems mnyam pa nyid ces bya ba ni gang dang ldan pas sems lhun gyis grub par mnyam par 'dug pa de ni btang snyoms te/ 'du byed kyi btang snyoms zhes bya'o/ /btang snyoms ni rnam pa gsum ste/ tshor ba'i btang snyoms dang / 'du byed kyi btang snyoms dang / tshad med pa'i btang snyoms so/ /'di dag gi bye brag ni shes par dka'o zhes bshad pa ma yin nam zhes bya ba ni sems dang sems las byung ba rnams kyi bye brag ni phra bas de ni re zhig rgyun rnams la yang yongs su gcad par dka' na zhes bya ba la sogs pa yin no//shes par bya ba dka' ba ni shes par dka' ba ste sems kyi skad cig ma gcig la reg pa la sogs pa chos kyi khyad par mi 'gal ba yod par shes par dka' ba yang shes par yod kyi sems kyi skad cig ma gcig la rtsol ba dang rtsol ba med pa dag yod pa gang 'gal bzhin du yang mi 'gal lo zhes bya ba ni shin tu shes par dka' ste rnam par 'jog pa zhes bya ba'i tshig lhag ma yin no//sems kyi skad cig ma gcig la bde ba dang sdug bsngal 'gal ba dag yod pa ni ma mthong ngo / /rtsol ba yang gzhan du 'byung la zhes bya ba ni rtsol ba yang dmigs pa gzhan la 'byung la rtsol ba med pa yang gzhan du 'byung bas 'gal ba med do//'di las 'di lta bu'i rigs gzhan yang 'byung bas zhes bya ba ni 'gal ba'i rigs te dper na rtog pa dang dpyod pa dag lta bu'o/ /de dag gi mtshan nyid ni/ rtog dang dpyod pa rtsing zhib dag /ces 'byung ba'i phyir rtog pa ni sems rtsing ba nyid yin la dpyod pa ni sems zhib pa nyid yin te de dag kyang gcig la yod pa 'gal lo zhes 'chad par 'gyur ro//de'i ngang tshul gang yin pa de 'di la yang rig par bya'o zhes bya ba ni 'di gnyis ni rnam grangs kyis 'byung ngo snyam du bsams pa yin no/ /ngo tsha shes pa dang khrel yod pa ni 'og nas 'chad par 'gyur ro zhes bya ba ni/ma gus ngo tsha med khrel med/ /kha na ma thos 'jigs mi lta/ /zhes bya ba 'dir bzlog ste smos pa'i phyir ro/ /de ni shes rab kyi bdag nyid yin la zhes bya ba ni gti mug med pa de ni shes rab kyi rang bzhin yin pa'o/ /shes rab ni sa mang po pa yin pas zhes bya ba ni/blo gros dran zhes 'byung ba'i phyir ro/ /'di dge ba'i sa mang po kho na yin par ni mi brjod do/ /'o na ci zhe na ni dge ba'i sa chen po la sogs pa yang yin no/ /rnam par tho mi 'tshams pa'o zhes bya ba ni gang dang ldan pas gzhan la rnam par tho 'tshams par mi byed pa de ni sems las byung ba rnam par mi 'tshe ba ste rnam par 'tshe ba'i gnyen po yin no//sems mngon par spro ba'o zhes bya ba ni dge ba bya ba la mngon par spro ba gang yin pa de ni brtson 'grus yin no/ /mi dge ba bya ba la sems mngon par spro ba gang yin pa de ni brtson 'grus ma yin te/de ni 'bying ba'i bdag nyid yin pa'i phyir gsung rab las le lo kho na yin par 'byung ste/ 'di skad du bcom ldan 'das kyis/ 'di la phyi rol pa rnams kyi brtson 'grus gang yin pa de ni le lo kho na yin no zhes gsungs so/ /rmongs pa zhes bya ba ni ma rig pa ste zhes bya ba ni 'og nas/rig pa'i mi mthun phyogs chos gzhan/ /ma rig ces bya ba rnams 'chad par 'gyur ba yin no/ /sgom pa'i mi mthun pa'i phyogs kyi chos so zhes bya ba ni bsgom pa med pa tsam zhig yin par rtogs par gyur na mi rung bas/ sgom pa'i mi mthun pa'i phyogs la zhes smos te/le lo la sogs pa la yang de bzhin du rnam par bshad par bya'o/ /lus lci ba nyid dang sems lci ba nyid ces bya ba ni shin tu sbyangs pa'i mi mthun pa'i phyogs kyi chos yin no/ /lus kyi tshor ba ji lta ba bzhin no zhes bya ba ni ji ltar tshor ba sems las byung ba kho na yin yang dbang po gzugs can la brten pa'i phyir lus kyi yin par rnam par bshad pa ltar lus kyi rmugs pa yang de dang 'dra ste/rnam par shes pa'i tshogs lnga dang mtshungs par ldan pa'i rmugs pa ni lus kyi zhes bya'o/ /rgod pa ni sems rnam par ma zhi ba zhes bya ba ni sems las byung ba'i chos rgod pa bro gar dang /glu dang steg pa dang / cha byad dang / rgyan la sogs pa'i gzhi byed pa'i las can yin no/ /de las rmugs pa mi 'byung ste zhes bya ba ni chos mngon pa de las so/ /'gyur ba zhes pa ni lha rnams dga' ba yin gyi 'dod pa shes pa ni ma yin no zhes bya ba ni yi ge las 'byung ba tshad mar byed pa tsam gyis nyon mongs pa'i sa mang po pa bcur 'gyur ro zhes bya ba'i 'gyur ba 'di kho na shes pa ni lha rnams dga' ba yin gyi slob dpon rnams kyi 'dod pa ste/bsam pa shes pa ni ma yin no/ /lha rnams dga' ba zhes bya ba 'di ci zhig yin zhe na/kha cig na re drang po'i rang bzhin can ni lha rnams dga' ba yin te/ g.yon can ni lha rnams dga' ba ma yin no zhes zer ro/ /gzhan dag na re blun po ni lha rnams dga' ba yin te/ gang zhig dbang phyug rnams dga' ba de ni gtams shing ma bslabs pa blun po yin no//dper na gti mug med pa zhes bya ba ni gti mug med pa'i dge ba'i rtsa ba shes rab kyi rang bzhin yin pa'i phyir sa mang po pa zhes bya bar rnam par gzhag gi dge ba'i sa mang po pa kho na yin par ni nges par mi gzung ste/ de'i phyir dge ba'i sa mang po pa dag gi nang du ma bton pa de bzhin du brjed ngas pa la sogs pa lnga yang sa mang po pa yin pa'i phyir nyon mongs pa'i sa mang po pa kho na dag yin no zhes bya ba ni nges par mi gzung ste/de'i phyir 'di dag nyon mongs pa'i sa mang po dag gi nang du mi gdon to/ /ji lta zhe na/ dran pa nyon mongs pa can kho na brjed ngas pa yin la ting nge 'dzin nyon mongs pa can kho na rnam par g.yeng ba yin no zhes bya ba smos so//de lta bu la sogs pa zhes bya ba la/ la sogs pa zhes bya ba'i sgras ni shes rab nyon mongs pa can kho na shes bzhin ma yin pa yin la/ yid la byed pa nyon mongs pa can kho na tshul bzhin ma yin pa yid la byed pa yin no//mos pa nyon mongs pa can kho na log par mos pa yin no zhes ston par byed pa yin no/ /de nyid kyi phyir gang dag sa mang po pa yin pa zhes bya ba rgyas par 'byung ba ni gang gi phyir de ltar dran pa la sogs pa brjed ngas pa la sogs par rnam par gzhag pa ste de dag la ma gtogs pa med pa de nyid kyi phyir mu bzhi pa 'byung ba yin no//gang dag sa mang po pa yin pa de dag nyon mongs pa'i sa mang po pa yang yin nam zhes bya ba ni tshig zur gyis kun du 'dri bar byed pa yin no/ /mu bzhi ni sa chen po pa yin la nyon mongs pa'i sa chen po pa ma yin pa dag kyang yod do//nyon mongs pa'i sa chen po pa yin la sa chen po pa ma yin pa dag kyang yod do/ /sa chen po pa yang yin la nyon mongs pa'i sa chen po pa yang yin pa dag kyang yod do/ /sa chen po pa yang ma yin la nyon mongs pa'i sa chen po pa yang ma yin pa dag kyang yod do zhes bya ba yin no//gsum pa ni dran pa la sogs pa zhes bya ba ni brjed ngas pa la sogs pa lnga ji skad bshad pa gang dag yin pa ste/ de dag ni sa mang po pa yang yin la nyon mongs pa'i sa mang po pa yang yin no/ /bzhi pa ni rnam pa de dag ma gtogs pa'o zhes bya ba ni bshad pa la ma gtogs pa'i chos gzhan te/dge ba'i sa mang po pa la sogs pa sems las byung ba rnams dang gzugs la sogs pa yin no/ /de dag gi mu bzhi pa ni de lta ma yin no zhes bya ba ni rnam par g.yeng ba mu gnyis par gzhag par bya'i mu gsum par ni ma yin no/ /des na 'di skad du brjod par bya ste/mu dang po ni snga ma bzhin no/ /gnyis pa ni ma dad pa dang le lo dang ma rig pa dang rgod pa dang bag med pa dang rnam par g.yeng ba'o/ /gsum pa ni dran pa la sogs pa bzhi ste/ brjed ngas pa dang shes bzhin ma yin pa dang tshul bzhin ma yin pa yid la byed pa dang / log par smos pa'o//mu bzhi pa ni snga ma bzhin no/ /de las rmugs pa mi 'byung ste/ /zhes smras pa gang yin pa de'i lan gdab pa'i phyir rmugs pa ni nyon mongs pa thams cad dang mtshungs par ldan par 'dod pas zhes bya ba rgyas par smos so/ /de nyon mongs pa dag gi nang du ma bton pa su zhig gis nyes zhes bya ba ni ci de las rmugs pa 'di ni mi 'byung ba kho bos nyes sam ci chos mngon pa pas nyes zhes bya ba yin te/rmugs pa ni nyon mongs pa thams cad dang mtshungs par ldan pa nyid du 'dod pa'i phyir 'di ni chos mngon pa byed pa kho nas nyes pa yin gyi kho bos ni ma yin no snyam du bsams pa yin no//'di skad du gdon par bya ba yin mod kyi zhes bya ba ni chos mngon pa pa rnams kyis bstan bcos de las rmugs pa mi 'byung ba'i gtan tshigs smras pa yin no/ /shin tu myur bar med par 'gyur gyi rgod pa spyod pa ni ma yin no zhes zer ro zhes grag go zhes bya ba la/ grag ces bya ba'i sgra ni yid mi ches par ston pa yin no/ /ji ltar na nyon mongs pa can gyi chos ting nge 'dzin dkar po dang mthun par 'gyur te/ zhum pa dang rgod pa dag ni ting nge 'dzin gyi lam gcod pa yin na de ji ltar lam gcod pa nyid mthun pa yin/ 'di dag ni nam du yang lhan cig spyod pa nyid 'dor bar mi 'gyur mod kyi zhes bya ba ni rmugs pa dang rgod pa 'di dag ni res 'ga' yang lhan cig spyod pa'i chos nyid mi 'dor ro zhes bya ba'i tha tshig go/ /'on kyang gang zhig gang la shas che ba zhes bya ba ni de lta yin mod kyi rmugs pa'am rgod pa gang zhig gang zag gang la shas che ba'i gang zag de ni de spyod pa ste/rmugs pa spyod pa'am rgod pa spyod pa yin par khong du chud par bya'o/ /tshogs la lar chos 'ga' zhig shas che bar 'gyur ro/ /gzhan du ni ma yin no zhes bya ba ni dge ba la sogs pa la'o//mi dge la ni khrel med dang / /ngo tsha med pa'o zhes bya ba'i sgra ni khyad par du bya ba'am mi dge ba kho na la'o zhes nges par gzung bar bya ba yin no/ /nyon mongs pa chung ngu'i sa pa rnams zhes bya ba la chung ngu ni chung ba'o/ /de yang gang yin zhe na/ ma rig pa tsam ste/ma rig pa nyid 'ba' zhig ces bya ba'i tha tshig go/ /ma rig pa tsam de dang zhes bya ba ni 'dod chags la sogs pa nyon mongs pa gzhan dang ma yin pa'o/ /bsgom pas spang bar bya ba dang / /zhes bya ba ni mthong bas spang bar bya ba ma yin pa'o/ /yid kyi sa pa kho na dang //zhes bya ba ni rnam par shes pa'i tshogs lnga po dang ma yin pa ste/ gang gi phyir khro ba la sogs pa nye ba'i nyon mongs pa 'di dag yid kyi sa pa kho na yin pa de'i phyir 'di kho na dang mtshungs par ldan pas nyon mongs pa chung ngu'i sa pa rnams zhes bya'o/ /'dod chags la sogs pa'i tshogs la ni gdon mi za bar ma rig pa yod par 'gyur bas 'dod chags la sogs pa chung ngu ma yin no//de ltar na gang zag sems can thams cad la 'byung ba de dag ni sa mang po pa yin no/ /gang dag dge ba kho na la 'byung ba de dag ni dge ba'i sa mang po pa yin no//gang dag nyon mongs pa can bsgribs pa dang mi dge ba las 'byung ba de dag ni nyon mongs pa'i sa mang po pa yin no/ /gang dag mi dge ba kho na la 'byung ba de dag ni mi dge ba'i sa mang po pa yin no/ /gang dag nyon mongs pa chung ngu dang mtshungs par ldan pa'i sems la 'byung ba de dag ni nyon mongs pa chung ngu'i sa pa dag yin no//'di dag ni nye ba'i nyon mongs pa dag gi nang nas ston par 'gyur ro zhes bya ba ni phra rgyas bstan pa las so/ /ma nges pa gzhan dag kyang zhes bya ba ni gang dag res 'ga' ni sems dge ba la 'byung la/ res 'ga' ni mi dge ba la 'byung /res 'ga' ni lung du ma bstan pa la 'byung ba'o/ /gnyid la sogs pa zhes bya ba la sogs pa zhes bya ba'i sgras ni mi dga' ba dang glal byed pa dang zas kyi drod mi zin pa la sogs pa nye ba'i nyon mongs pa rnams dang 'dod chags la sogs pa nyon mongs pa rnams ma nges pa nyid yin par sdud par byed pa yin no//'dod chags la sogs pa 'di dag ni rnam pa lnga po dag las gang yang rung ba zhig tu nges pa ni ma yin te/ sems can thams cad la med pa'i phyir sa mang po dag kyang ma yin no/ /de dge ba la med pa'i phyir dge ba'i sa mang po dag kyang ma yin no//de nyon mongs pa thams cad la yod pa ma yin pa'i phyir nyon mongs pa'i sa mang po dag kyang ma yin te/ khong khro ba dang bcas pa'i sems la yang 'dod chags med la/ 'dod chags dang bcas pa'i sems la yang khong khro ba med do/ / de bzhin du nyon mongs pa gzhan dag la yang brjod par bya'o/ /'dir slob dpon dbyig gnyen gyis bsdu ba'i tshigs su bcad pa/ rtog dang dpyod dang 'gyod pa dang / /gnyid dang khong khro chags pa dang / /yid dang the tshom zhes bya ba/ /brgyad ni nges pa min par bshad/ / ces bya ba smras te/ brgyad ma nges par bshad pa 'di ni rnar mi 'ong ngo / /lta ba dag kyang ci'i phyir ma nges pa yin par mi 'dod de/ log par lta ba ni khong khro ba dang bcas pa'am the tshom dang bcas pa'i sems la mi 'byung ste/ mi dge ba ni ma 'dres dang / /lta dang ldan la'ang nyi shu 'byung //nyon mongs bzhi dang khro sogs dang / /'gyod pa ste ni nyi shu gcig/ /ces 'byung ba'i phyir ro/ /de lta bas gyi na zhig bshad pa yin par blta'o/ /re zhig 'dod pa na spyod pa'i sems ni rnam pa lnga ste zhes bya ba ni dge ba gcig dang mi dge ba rnam pa gnyis te ma 'dres pa ma rig pa tsam dang mtshungs par ldan pa dang /'dod chags la sogs pa nyon mongs pa gzhan dang mtshungs par ldan pa dang / lung du ma bstan pa yang rnam pa gnyis te bsgribs la lung du ma bstan pa 'jig tshogs dang mthar 'dzin par lta ba dang mtshungs par ldan pa dang ma bsgribs la lung du ma bstan pa rnam par smin pa las skyes pa la sogs pa'o//ngan par byas pa'i ngo bo ni 'gyod pa'o zhes bya ba ni ngan par byas pa'i don gyi chos de ni sems las byung ba yin no zhes bya bar mi sbyar ro/ / de lta bas na 'dir ni 'gyod pa la dmigs pa'i chos zhes bya ba smos so/ /rang bzhin ci zhe na/ yid la gcags pa zhes bya ba smos so/ /gal te 'gyod pa la dmigs pa'i chos la 'gyod pa zhes bya na de dang mtshungs par ldan pa sems las byung ba gzhan dag kyang 'gyod pa yin par 'gyur ro zhe na/de dag ni gtso bo ma yin pa'i phyir ro/ /yid la gcags pa'i gnas skabs na ni 'gyod pa'i mtshan nyid kyi sems las byung ba ngan par byas pa'i rnam pa can shas che ba yin gyi sems las byung ba gzhan dag ni de'i rnam pa'i rjes su byed pa yin te/chos 'ga' kho na zhig tshogs pa la lar gtso bo yin no zhes brjod do/ /stong pa nyid la dmigs pa'i rnam par thar pa'i sgo la stong pa nyid ces bya zhes bya ba ni phung po rnams la nang gi byed pa'i skyes bu dang bral ba nyid la dmigs pa'i rnam par thar pa'i sgo ting nge 'dzin gyi khyad par la stong pa nyid ces bya ba dang /rnam par bsngos pa dang / rnam par bam pa la sogs pa mi sdug pa la dmigs pa'i ma chags pa la mi sdug pa zhes bya ba de bzhin du 'dir yang sems las byung ba'i chos 'gyod pa la dmigs pa la 'gyod pa zhes bya'o//grong thams cad lhags so/ /yul thams cad lhags so zhes gnas kyis gnas pa ston zhes bya ba la/ grong ni sa khyon lhas dang bcas pa spyi yin te/ gnas pa mi rnams lhags na smra ba po grong thams cad lhags so zhes zer ro/ /de bzhin du yul thams cad lhags so zhes zer ro//'gyod pa yang yid la gcags pa'i gnas su gyur pa yin no zhes bya ba ni yid la gcags pa'i dmigs pa yin pa'i phyir te/ de lta bas na de ltar bstan du rung ngo / /yang 'di ni 'bras bu la rgyu btags pa yin te zhes bya ba ni rgyu ni 'gyod pa yin la/'bras bu ni yid la gcags pa yin no/ /'bras bu la rgyu nye bar btags pa yin te/ rgyu rjod par byed pa'i sgra ni 'bras bu la bya'o zhes bya ba'i tha tshig go/ /dper na reg pa'i skye mched drug po 'di dag ni sngon gyi las yin zhes bya ba ni dper na mig la sogs pa reg pa'i skye mched dag ni sngon gyi las tshe rabs snga ma la byas pa'i 'bras bu yin pa las de dag la las nye bar 'dogs pa de dang 'dra'o//'o na gang ma byas pa la dmigs pa de ji ltar 'gyod pa yin zhe na zhes bya ba ni gang ma byas pa de ni byas pa ma yin no snyam du bsams nas rgol bar byed pa yin no//ma byas pa la yang byas pa zhes bya ba yod de zhes bya ba ni don ma byas pa la yang byas pa zhes bya ba'i sgra sbyor bar 'gyur ro/ /ji lta zhe na/ bdag gis ma byas pa gang yin pa de ma legs pa byas so zhes bya ba lta bu'o zhes bya ba ni de ni byas pa dang 'dra ba'i phyir ro//dge ba ma byas nas gdung ba gang yin pa'o zhes bya ba ni sbyin pa la sogs pa dge ba ma byas nas gdung zhing yid la gcags par 'gyur ba gang yin pa ste de ni dge ba yin no/ /mi dge ba byas nas zhes bya ba ci zhe na/ gdung ba zhes bya bar skabs dang sbyar te srog gcod pa la sogs pa mi dge ba byas nas gdung ba gang yin pa de yang dge ba yin no//bzlog pa ni 'gyod pa mi dge ba yin no zhes bya ba ni mi dge ba ma byas pa dang dge ba byas nas gdung ba gang yin pa ste/ mi dge ba ma byas nas yid la gcags par 'gyur ba gang yin pa bdag gis ma byas pa gang yin pa de ni bdag gis ma legs par byas so snyam pa de yang 'gyod pa mi dge ba yin la/sbyin pa la sogs pa dge ba byas nas yid la gcags pa gang yin pa gang sbyin pa la sogs pa byas pa ni bdag gis ma legs par byas so snyam pa de yang 'gyod pa mi dge ba yin la/de gnyi ga yang gnyi ga la brten pa yin no zhes bya ba ni ji skad bshad pa'i tshul gyis na 'gyod pa dge ba dang mi dge ba de gnyi ga yang dge ba dang mi dge ba gnyi ga la brten pa yin no/ /ma 'dres zhes bya ba ni 'dod chags la sogs pa las logs shig tu gyur pa zhes bya ba'i tha tshig go//lta dang ldan la'ang zhes bya ba'i yang zhes bya ba'i sgra ni mi dge ba la zhes bya bar sbyar ba'i phyir ro/ /'di ltar sa mang po pa kho na'i shes rab kyi khyad par 'ga' zhig la lta ba zhes bya'o zhes bya ba ni nges par rtog par byed pa'i shes rab gang yin pa de ni lta ba yin la de yang 'dir mi dge ba yin par yongs su gzung ngo //de lta bas na log par lta ba'am zhes bya ba la sogs pa smos so/ /'gyod pa dang ni nyi shu gcig /ces bya ba 'dir ni 'gyod pa dang yang zhes bya ba mi mngon par bstan par blta bar bya'o//chos mngon pa pa rnams na re nyon mongs bzhi dang zhes bya ba la sogs par so sor tshig yongs su rdzogs par rig par bya ste/ 'dod chags la sogs pa ni phan tshun mtshungs par ldan par mi 'gyur ro zhes zer ro/ /nyon mongs pa de dang ma 'dres par bshad pa nyi shu'o zhes bya ba ni sa mang po pa bcu dang /nyon mongs pa'i sa mang po pa drug dang / mi dge ba'i sa mang po pa gnyis dang / rtog pa dang dpyod pa zhes bya ba nyi shu dang nyon mongs pa de ste/ 'dod chags sam khong khro ba'am nga rgyal lam the tshom gang yang rung ba zhig dang nyi shu rtsa gcig yin te nyi shu rtsa gcig yin pa kho na'o zhes yin par nges par 'dzin par khong du chud par bya'o//khro ba la sogs pa dang mtshungs par ldan pa'i sems la yang zhes bya ba ni khro ba dang / khon du 'dzin dang g.yo dang ni/ /phrag dog tshig 'chab ser sna dang / /sgyu dang rgyags dang rnam 'tshe ni/ / zhes bya ba 'di dag dang ldan pa'i sems la yang snga ma bzhin du ma 'dres par bshad pa de dag dang / nye ba'i nyon mongs pa de ste khro ba'am rnam par 'tshe ba'i bar las gang yang rung ba zhig dang sems las byung ba nyi shu rtsa gcig 'byung ngo / /'gyod pa dang mtshungs par ldan pa la yang sngar bshad pa rnams dang 'gyod pa de dang nyi shu rtsa gcig 'byung ste/'gyod pa yang nyon mongs pa gcig rkya thub pa yin par 'dod do/ /mdor na mi dge ba'i sems ma 'dres pa dang zhes bya ba rgyas par 'byung ba ni mi dge ba'i sems ma rig pa tsam dang mtshungs par ldan pa dang mi dge ba lta ba dang mtshungs par ldan pa la yang nyi shu 'byung la mi dge ba nyid nyon mongs pa dang nye ba'i nyon mongs pa gzhan dang mtshungs par ldan pa la ni nyi shu rtsa gcig 'byung ngo //bsgribs la lung du ma bstan pa/ /zhes bya ba ni nyon mongs pas bsgribs la dge ba dang mi dge ba nyid du lung du ma bstan pa yin no//ma bsgribs pa ni ma bsgribs la lung du ma bstan pa yin te/ rnam par smin pa las skyes pa dang / spyod lam pa dang / bzo'i gnas skabs dang / sprul pa pa'i ngo bo nyid yin no/ /nyi 'og pa dag ni 'gyod pa lung du ma bstan par yang 'dod de zhes bya ba ni kha che'i yul las gzhan pa'i yul na 'khod pa gang dag yin pa de dag ni nyi 'og pa'o//bcu gsum 'byung bar 'gyur zhes bya ba ni ma bsgribs la lung du ma bstan pa kha cig la bcu gsum pa 'gyod pas lhag par bsnan pas so/ /gnyid ni rmi rmi'i gnas skabs sam rmi lam rmi ba'i gnas skabs na'o//dge ba dang mi dge ba dang lung du ma bstan pa yin pa'i phyir zhes bya ba ni bstan bcos las 'byung ba'i phyir ro/ /ji skad du zhe na/ gnyid dge ba yin par brjod par bya ba'am/ mi dge ba yin par brjod par bya ba'am/ lung du ma bstan pa yin par brjod par bya zhe na/dge ba yin par yang brjod par bya'o/ /mi dge ba yin par yang brjod par bya'o/ /lung du ma bstan pa yin par yang brjod par bya'o zhes 'byung ba yin no/ /gang la nyi shu rtsa gnyis 'byung ba de la ni nyi shu rtsa gsum mo zhes bya ba rgyas par 'byung ba ni gang la sems las byung ba nyi shu rtsa gnyis 'byung bar bshad pa der ni gnyid de nyi shu rtsa gsum pa yin te nyi shu rtsa gsum du kha skong ba zhes bya ba'i tha tshig go//gang la nyi shu rtsa gsum 'byung ba ni/ /la la dag tu 'gyod pa bsnan/ /zhes bya ba yin te/ de la ni gnyid de nyi shu rtsa bzhi pa yin no//de bzhin du/ lung ma bstan/ gzhan la bcu gnyis dag tu 'dod/ /ces bya ba 'dir ni gnyid bcu gsum pa yin no zhes bya ba'i bar du brjod par bya ste/ nyi 'og pa'i gzhung lugs ltar 'gyod pas bsnan na ni gnyid bcu bzhi pa yin no zhes bya bar sbyar ro/ /bsam gtan dang po na ni ji skad bshad pa las zhes bya ba ni sems las byung ba lhan cig nges par 'byung ba ji skad brjod pa de las so//'gyod pa dang gnyid rnam pa thams cad du med ces bya ba ni dge ba yang med la lung du ma bstan pa yang med na mi dge ba lta smos kyang ci dgos te/ 'gyod pa dang gnyid ni rnam pa thams cad du med pa kho na'o zhes bya ba yin no//g.yo dang sgyu dang rgyags pa ma gtogs pa zhes bya ba ni/ 'dod dang bsam gtan dang po ni/ /g.yo sgyu tshangs pa 'drid phyir ro/ /rmugs rgod rgyags pa khams gsum na/ /zhes 'byung bas de dag ma gtogs te de na de dag yod pa'i phyir ro//gzhan thams cad ni de dang 'brel lo zhes bya ba ni dge ba'i sems la ni nyi shu 'byung ste snga ma bzhin no/ /bsgribs la lung du ma bstan pa ma 'dres pa dang lta ba dang ldan pa la yang bco brgyad 'byung ste 'dod pa'i khams bzhin no/ /gzhan nyon mongs pa 'dod chags dang nga rgyal dang the tshom dang mtshungs par ldan pa dang nye ba'i nyon mongs pa g.yo dang sgyu dang rgyags pa dang mtshungs par ldan pa la ni bcu dgu 'byung ste/de la ni de dag nyon mongs pa'am nye ba'i nyon mongs pa de dang bcu dgu 'byung ngo / /ma bsgribs la lung du ma bstan pa rnam par smin pa las skyes pa dang /spyod lam dang sprul pa pa la ni bcu gnyis 'byung ste/ snga ma bzhin no/ /rtog pa'am bsam gtan khyad par can/ /zhes bya ba la yang zhes bya ba'i sgra 'gyod pa dang gnyid dang mi dge ba rnams kyang zhes bya ba yin no/ /ci zhe na/ med do zhes bya bar skabs dang sbyar ro//rtog pa med kyi lhag ma dang ni de dang 'dra'o/ /ji skad bkag pa med do zhes bya ba ni 'gyod pa dang gnyid dang mi dge ba dang rtog pa dag med do zhes bya ba'i tha tshig go/ /dpyod pa dang yang zhes bya ba'i sgras ni g.yo dang sgyu yang med do zhes bya ba ni dpyod pa dang zhes bya ba 'di tsam zhig brjod par bya ba las/yang zhes bya ba'i sgra lhag mas ni don lhag pa yin te don gzhan de na g.yo dang sgyu yang med do zhes bya ba 'di yang yin par 'gyur ro// //bam po bcu gnyis pa/ rmugs rgod rgyags pa khams gsum na/ /zhes 'byung ba'i shugs kyis na rgyags pa ni ma gtogs pa la ma yin no//lhag ma ni de dang 'dra'o zhes bya ba ni dge ba la rtog pa dang / dpyod pa ma gtogs pa nyi shu 'byung ngo / /ma 'dres pa dang lta ba dang ldan pa la yang bcu drug 'byung ngo / /'dod chags la sogs pa nyon mongs pa dang ldan pa dang / nye ba'i nyon mongs pa rgyags pa dang ldan pa la yang / sa mang po pa bcu dang / nyon mongs pa'i sa mang po pa drug dang / nyon mongs pa de'am nye ba'i nyon mongs pa de dang bcu bdun 'byung ngo / /ma bsgribs la lung du ma bstan pa las sa mang po pa bcu kho na 'byung ngo zhes bya bar brtsi bar bya'o/ / tshangs pa'i bar du sgyu yod par 'byung gi zhes bya bar rgyas par 'byung ba ni g.yo yang sgyu sngon du 'gro ba can yin pa'i phyir de na yod par bsdus pa yin no/ /'khor dang 'brel pa ma yin pa'i phyir gong na ni med do zhes bya ba ni gang dag la 'khor yod pa de dag la 'khor bsdu ba'i phyir g.yo dang sgyu 'byung ngo //'khor ni brgyad du 'byung ste/ rgyal rigs kyi 'khor dang / bram ze'i 'khor dang / khyim bdag gi 'khor dang / dge slong gi 'khor dang / rgyal chen bzhi'i ris kyi 'khor dang / sum cu rtsa [(]gsus [,]gsum [)]pa'i 'khor dang / bdud kyi 'khor dang / tshangs pa'i 'khor ro/ /'di'i gong na ni de dag las 'ga' yang med pas g.yo dang sgyu med do/ /tshangs pa la ni 'khor yod de/ de lta bas na bshad pa de ni rang gi 'khor gyi nang du 'dug pa la dge slong rta thul tshangs pa'i 'jig rten du son pas 'byung ba chen po 'di dag ma lus par gang du 'gag par 'gyur zhes dris pa dang /mi shes shing 'byung ba chen po bzhi gzugs med pa'i khams su ma lus par 'gag go zhes bya bar khong du ma chud pas gtam rlung bskur ba'i gtam gyi skabs byas so/ /kho bo ni tshangs pa'o zhes bya ba rgyas par 'byung ba la tshangs pa'o zhes smras nas tshangs pa chen po'o zhes smras pa ni tshangs pa gzhan dag pas bdag nyid khyad par du 'phags par rab tu bstan pa'i phyir ro//dbang phyug ni dbang byed pa'i ngang tshul can no/ /byed pa po'o/ /sprul pa po'o/ /'byin pa po'o zhes bya ba ni rnam grangs sam phyi ma phyi mas rnam par bshad pa'i tshul yin no//pha dang 'dra ba ni pha lta bu'o/ /gang dag gi zhe na/ dngos po rnams kyi'o/ /bshad zin to zhes bya ba rgyas par 'byung ba ni sa de dang sems de dang sems las byung ba de snyed pa de ni bshad zin pa yin no/ /gzhung las sems las byung ba kha cig ni tha dad du bya ba 'byung ba zhes bya ba ni bstan bcos las 'byung ba'o//kha cig ni de las 'byung ba zhes 'don te/ don ni de kho nar zad do/ /yon tan rnams dang yon tan can rnams la zhes bya ba rgyas par 'byung ba ni gang dang ldan pas rang dang gzhan la yod pa'i yon tan byams pa dang snying rje la sogs pa dang /gang zag yon tan can cho ga dang spyod yul phun sum tshogs pa dag la gus par mi byed pa de ni ma gus pa nyid do/ /'di la gus pa med pa yod pas na ma gus pa'o/ /de'i ngo bo ni ma gus pa nyid de sems las byung ba'i khyad par yin no//de yang gang zhig yin zhe na/ rnam grangs bkur ba med pa nyid dang 'jigs pas dbang mi sgyur ba nyid ces bya ba smos te/ slob ma la dbang byed pas na bkur ba ste/ bla ma lta bu yin no/ /'di la bkur sti med pa yod pas na bkur ba med pa'o/ /de'i ngo bo ni bkur ba med pa nyid de/ngo bo brjod pas ni sems las byung ba yin pas gzung bar bya'o/ /'jigs pa zhes bya ba ni sems las byung ba'i chos yin no/ /'di la 'jigs pas dbang sgyur ba'i ngang tshul yod pas na 'jigs pas dbang sgyur ba'o/ /'jigs pas dbang sgyur ba med pa ni 'jigs pas dbang mi sgyur ba'o//de'i ngo bo ni 'jigs pas dbang mi sgyur ba nyid de/ de kho na ngo tsha med pa yin no/ /'di la ngo tsha med pa yod pas na ngo tsha med pa'o/ /de'i ngo bo ni ngo tsha med pa nyid de gus pa dang bcas pa'i mi mthun pa'i chos yin gyi de med pa tsam ni ma yin no//khrel med kha na ma tho 'jigs mi lta/ /zhes bya ba la kha na ma tho ba ni brjod du mi rung ba ste de'i phyir kha na ma tho ba zhes bya ba ni dam pa rnams kyis smad pa ste zhes bya ba smos so/ /de la 'jigs par mi lta ba ni khrel med pa'o zhes bya ba ni kha na ma tho ba la mi 'dod pa'i 'bras bu can du mi lta ba ni zhes bya ba'i tha tshig go//'di las 'jigs par 'gyur ba'i phyir ro zhes bya ba ni 'jigs pa zhes bya ba'i sgra mi zad par byed pa yin par sgrub pa yin te/ de lta bas na 'jigs pa zhes bya ba'i sgra mi 'dod pa'i 'bras bu can du mi lta ba ni zhes bya ba'i 'bras bu la bya'o//'jigs pa med par lta ba 'jigs par mi lta ba yin nam zhes bya ba rgyas par 'byung ba ni gal te re zhig 'di skad du 'jigs pa yin la 'di la mi 'jigs par lta ba'i ngang tshul yod pas na 'jigs par mi lta'o/ /de'i ngo bo ni mi 'jigs par mi lta ba nyid do zhes bya bar bshad na ni shes rab yin par shes par 'gyur te shes rab kyis ni mi 'jigs par lta ba yin no//'on te 'di skad du 'di la 'jigs par lta ba'i ngang tshul yod pas na 'jigs par lta ba'o/ /'jigs par mi lta bas na mi 'jigs par lta'o/ /de'i ngo bo ni 'jigs par mi lta ba nyid do zhes bya ba'am/yang na 'jigs par lta ba'i ngo bo ni 'jigs par lta ba nyid do/ /'jigs par mi lta ba'i ngo bo ni 'jigs par mi lta ba nyid do zhes bya bar bshad na ni ma rig pa yin par shes par 'gyur te ma rig pa dang ldan pas 'jigs par lta bar mi 'gyur ro//lta ba yang lta ba nyid ma yin la zhes bya ba rgyas par 'byung ba ni shes rab kyang ma yin la ma rig pa yang ma yin no/ /'o na ci zhe na/ shes rab dang ma rig pa de gnyis kyi rgyu mtshan nye ba'i nyon mongs pa gang yin pa de ni 'jigs par mi lta ba yin no/ /de ni khrel med pa zhes bya'o zhes bya ba ni 'dis khrel yod par byed pas na khrel yod pa'o//khrel yod pa ma yin pa ni khrel med pa'o/ /yang gzhan dag ngo tsha shes pa yang 'dzem pa yin la khrel yod pa yang 'dzem pa yin pas skad kyi byings don gcig pa 'di dag ji ltar don tha dad par rjod par byed pa nyid yin snyam nas ma rangs te bdag la ltos nas zhes bya ba rgyas par smras so//de lta na yang ltos pa gnyis cig car ji ltar 'grub par 'gyur zhes bya ba ni klan ka pas phyogs 'di la yang cig car ltos pa gnyis mi srid do zhes bya bar mthong nas smras pa yin no//de lta na yang zhes bya ba'i yang zhes bya ba'i sgras ni phyogs 'di yang skyon chags pa yin no snyam du bsams pa yin te/ sems gcig la ngo tsha med pa dang khrel med pa 'byung bar mi 'gyur ro snyam du bsams nas ltos pa gnyis cig car ji ltar 'grub par 'gyur zhes rgol bar byed do//bdag dang gzhan la ltos pa cig car ro zhes ni mi zer ro zhes bya ba rgyas par 'byung ba ni 'di dag rnam grangs kyis 'byung ngo zhes ston par byed pa yin te/ kha cig la ni bdag la ltos nas kyang nyes pa rnams kyis mi 'dzem pa 'byung la kha cig la ni gzhan la ltos nas 'byung ngo //bzlog pa ni ngo tsha shes pa dang khrel yod pa yin zhes bya ba rgyas par 'byung ba la re zhig rtog pa dang po/ ma gus ngo tsha med khrel med/ /kha na ma tho 'jigs mi lta/ /zhes bya ba 'di ltar na'o/ /gus pa dang bcas pa nyid ces bya ba rgyas par 'byung ba la kha na ma tho ba dag la 'jigs par lta ba nyid ni khrel yod pa yin no zhes bya ba ni 'jigs par lta ba nyid kyi rgyu mtshan ni khrel yod pa yin no zhes bya ba'i tha tshig go//rtog pa gnyis pa bdag la ltos nas nyes pa rnams kyis mi 'dzem pa ni ngo tsha med pa yin la gzhan la ltos nas ni khrel med pa yin no zhes bya ba ltar na ni bdag la ltos nas nyes pa dag gis 'dzem pa ni ngo tsha shes pa yin la/gzhan la ltos nas ni khrel yod pa yin no zhes bya ba yin no zhes de lta na yang ltos pa gnyis zhes bya ba'i klan ka'i lan rgyas par brjod par bya'o/ /kha cig dga' ba dang gus pa dag gcig pa nyid du sems te de lta bas na de dag gi tha dad du bya ba rab tu bstan pa'i phyir dga' dad ces bya ba smos te/dga' ba kho na dad pa yin gyi gus pa ni ma yin no/ /dga' ba dang dad pa kho na ni ma yin te/ de'i phyir dga' ba ni rnam pa gnyis te nyon mongs pa can dang / nyon mongs pa can ma yin pa'o zhes bya ba la sogs pa smos so/ /dad pa yin la dga' ba ma yin pa yang yod de zhes bya ba ni mu bzhi pa yin no/ /sdug bsngal dang kun 'byung ba'i bden pa dag la ni mngon par yid ches pa'i ngo bo'i dad pa kho na yin gyi dga' ba ni ma yin te/ dga' bar bya ba ma yin pa'i phyir ro/ /dga' ba yin la dad pa ma yin pa yang yod de zhes bya ba ni dga' ba'i ngo bo'i sred pa yin gyi mngon par yid ches pa'i ngo bo ni ma yin pas dad pa ni ma yin no/ /gnyi ga yin pa ni dad pa yang yin la dga' ba yang yin pa ste/ 'gog pa dang lam gyi bden pa dag mngon par yid ches par bya ba'i ngo bo yin pa'i phyir dang dga' bar bya ba yin pa'i phyir de gnyi ga'i bdag nyid yin no zhes bya ba'i tha tshig go//gnyi ga ma yin pa ni rnam pa de dag ma gtogs pa'o zhes bya ba ni tshor ba la sogs pa sems las byung ba gzhan dag dang ldan pa ma yin pa dag go//de ltar chos la dmigs pa'i dga' ba dang dad pa'i mu bzhi pa sbyar nas gang zag la dmigs pa'i mu bzhi pa sbyar ba'i phyir/ gang zag la ni zhes bya ba rgyas par smos te/ de la lhan cig gnas pas na lhan cig gnas pa dag ste/ rab tu byung ba'i slob ma gang dag yin pa'o//bla ma dang nye bar gnas pas na nye gnas dag ste/ gnas 'cha' ba dang 'don pas 'brel ba dag yin no/ /bu la sogs pa de dag la ni dga' ba kho na yin gyi gus pa ni ma yin no/ /nyon mongs pa can dang nyon mongs pa can ma yin pa ni ci rigs par sbyar ro/ / gus pa ni dga' ba ma yin te/ gus nyid ngo tsha shes zhes bya ba mtshan nyid 'byung ngo / /gus pa yin la dga' ba ma yin pa ni gus par bya ba'i gnas yin pa'i phyir ro/ /gnyi ga yin pa ni dga' ba dang gus pa ste de gnyi ga'i bdag nyid yin no zhes bya ba'i tha tshig go/ /gnyi ga ma yin pa rnam pa de dag ma gtogs pa'o zhes bya ba ni skye bo gzhan 'brel pa med cing yon tan med pa gang yin pa ste/de la ni dga' ba dang gus pa med do/ /de sngon du 'gro ba'i dga' ba ni dga' ba yin zhes bya ba ni slob dpon na re yon tan la yid ches pa sngon du 'gro ba'i dga' ba ste de ni dga' ba yin te de lta bas na dad pa nyid dga' ba ma yin no zhes zer ro//gus nyid ngo tsha shes zhes bya ba ni ngo tsha shes pa ji skad bshad pa ste/ gus pa dang bcas pa nyid de/ bkur ba dang bcas pa nyid dang 'jigs pas dbang sgyur ba dang bcas pa nyid ces bshad pa'i ngo tsha shes pa gang yin pa de ni gus pa yin no//de ltar na dga' ba ni dad pa'i mtshan nyid ni yin la gus pa ni ngo tsha shes pa'i mtshan nyid yin no zhes de dag gi tha dad du bya ba bshad pa yin no/ /bkur ba dang bcas pa nyid kyang de dang 'dra'o zhes bya ba ni ngo tsha shes pa yang de bzhin du chos dag dang gang zag dag la ngo tsha shes pa yin no//gang dag gang zag la dmigs pa'i dad pa dang ngo tsha shes pa de dag de na med do zhes bya ba ni gang zag la dmigs pa'i dad pa dang ngo tsha shes pa gang dag gcig nyid yin par sems pa dag gi dbang du byas pa yin te/ de dag kho na gzugs med pa'i khams na med la 'dod pa dang gzugs kyi khams dag na yod do zhes bshad pa yin no//sems gcig la de gnyis ji ltar ldan zhes bya ba ni sems de nyid de dag dang ldan pas rtsing ba yang yin la zhib pa yang yin par mi rung ste/ 'gal ba'i phyir ro/ /bor ba zhes bya ba ni bsgyur te bor ba zhes bya ba'i tha tshig go//ha cang mi 'khyag pa ni te bor sra bar mi 'gyur ba'o/ /ha cang mi 'ju ba ni te bor rkyang rkyang por mi 'gyur ba'o/ /ha cang zhib par yang mi 'gyur ba la ha cang rtsing bar yang mi 'gyur zhes bya ba ni bar mar gnas zhes bya ba'i tha tshig go/ /de lta na 'o na ni rgyu mtshan du gyur pa yin pas zhes bya ba rgyas par 'byung ba ni ji ltar chu dang nyi ma dag mar sar 'khyag pa dang 'ju ba dag gi rgyu mtshan du gyur pa yin gyi de dag gi ngo bo nyid de 'khyag pa nyid dang 'ju ba nyid kyi ngo bo nyid dag ni ma yin pa de bzhin du rtog pa dang dpyod pa dag kyang sems rtsing ba nyid dang zhib pa nyid dag gi rgyu mtshan du gyur pa yin gyi rtsing ba dang zhib pa nyid kyi ngo bo nyid ni ma yin no//des na 'di skad du sems rtsing ba nyid kyi rgyu ni rtog pa yin la sems zhib pa nyid kyi rgyu ni dpyod pa yin no zhes brjod dgos so/ /khyod khas len pas 'di ni nyes pa med do zhes zer na de'i phyir nyes pa gzhan rtsing ba dang zhib pa ni ltos pa can yang yin pas zhes bya ba rgyas par smos so//sa dang rnam pa'i bye brag gis zhes bya ba ni sa'i bye brag dang rnam pa'i bye brag gis te re zhig sa'i bye brag gis ni bsam gtan dang po la ltos na 'dod pa'i khams mngon par 'du bya ba chen pos bsgrub par bya ba yin pa'i phyir rtsing ba yin la/'dod pa'i khams la ltos na bsam gtan dang po mngon par 'du bya ba chung ngus bsgrub par bya ba yin pa'i phyir zhib pa yin te rab tu zhib pa yin no/ /yang de nyid bsam gtan gnyis pa la ltos na rtsing ba yin te srid pa'i rtse mo phra ba yin pa'i bar du yang de dang 'dra'o//rnam pa'i bye brag gis kyang sa de nyid na rtsing ba dang zhib pa nyid dag ltos pa can yin te/ dper na 'dod pa'i khams nas srid pa'i rtse mo'i bar gyi nyon mongs pa rnams sam yon tan rnams kyi rnam pa'i gzhi gsum po de dag ste/ chung ngu dang 'bring dang chen po gang dag yin pa de dag las nyon mongs pa chen po rtsing ba yin zhing chung ngu ni zhib pa yin la nyon mongs pa las bzlog pa ni yon tan dag yin pa lta bu'o//de ltar na rtsing ba dang zhib pa nyid dag pa dang rnam pa'i bye brag gis ltos pa can nyid kyang yin pas srid pa'i rtse mo'i bar du rtsing ba dang zhib pa nyid dag yod par 'gyur ba zhig na rtog pa dang dpyod pa dag ni 'dod pa'i khams dang bsam gtan dang po'i sa pa yin pa'i phyir de yang mi 'dod de/rtsing ba dang zhib pa nyid kyi rang bzhin tha dad par yang rigs pa ma yin no zhes bya ba ni rtog pa yang gzhan yin la dpyod pa yang gzhan yin no zhes rtog pa dang dpyod pa dag rang bzhin tha dad par 'dod do//rtsing ba nyid dang zhib pa nyid kyis ni go rims bzhin du rtog pa dang dpyod pa dag ngo bo nyid tha dad par rigs pa ma yin no/ /ci'i phyir zhe na/ tshor ba dang 'du shes rang bzhin tha dad pa dag ni rtsing ba dang zhib pa nyid du 'gyur te/ rtsing ba dang zhib pa nyid kho nas ni de dag ngo bo nyid tha dad pa ma yin no//'o na ci zhe na/ myong ba'i mtshan nyid dang / mtshan mar 'dzin pa'i mtshan nyid kyis de dag ngo bo nyid tha dad pa yin te/ de'i phyir yang 'di gnyis kyi mtshan nyid med pa yin no/ /gzhan dag na re ni zhes bya ba ni mdo sde pa rnams so/ /ngag mngon par 'du byed pa zhes bya ba ni ngag kun nas slong bar byed pa zhes bya ba'i tha tshig go//brtags shing dpyad nas tshig tu smra'i ma brtags ma dpyad par ni ma yin no zhes bya ba ni rtog pa dang dpyod pa dag gis 'di dang 'di lta bu zhig smra bar bya'o snyam pa yin no/ /de la rtsing ba gang dag yin pa de dag ni ngag mngon par 'du byed pa'i rtog pa yin te las kyis ngo bo nyid bstan gyi rang gi mtshan nyid gzhan du rab tu bstan par mi nus so//de bzhin du zhib pa gang dag ni dpyod pa yin no/ /rtog pa 'di la ni rtog pa dang dpyod pa dag spyi'i ngo bo dang rnam grangs kyis 'byung ba yin te/ sems dang sems las byung ba'i tshogs dag kun nas slong bar byed pa yin pa'i phyir ro//sems gcig la de gnyis ji ltar ldan zhes smras pas de'i phyir bye brag tu smra bas/ gal te sems gcig la rtsing ba yang chos gzhan yin zhib pa yang chos gzhan yin na zhes bya ba rgyas par smras te sems gcig la rtog pa rags pa'i ngo bo nyid kyang chos gzhan yin zhing dpyod pa zhib pa'i ngo bo nyid kyang gzhan yin la/de dag kyang go rims bzhin du sems rtsing ba dang zhib pa nyid kyi rgyu yin pa'i phyir sems rtsing ba nyid dang zhib pa nyid dag ces bya'o/ /yang na sems la rtsing ba yod pas na sems rtsing ba'o//sems rtsing ba'i ngo bo ni sems rtsing ba nyid do/ /sems zhib pa nyid kyang de bzhin du brjod par bya ste/ 'di la 'gal ba ci zhig yod/ gal te rtog pa dang dpyod pa dag tshor ba dang 'du shes bzhin du rigs tha dad pa zhig yin na ni 'gal ba med do/ /tshor ba ni rtsing ba yin la 'du shes ni zhib pa yin te/de dag la ni rigs tha dad pa yod pas rtsing ba dang zhib pa nyid yod kyang sems gcig la 'byung ba 'gal ba med kyi rigs gcig pa dmigs kyis ma phye ba'i mtshan nyid can kha cig gis gcig pa nyid du yang gzung ba la ni chung ngu dang chen po nyid de rtsing ba dang zhib pa'i mtshan nyid cig car 'byung ba mi srid do//shugs kyis na cig car ma yin par 'byung bar 'gyur ro zhes bshad pa yin te/ 'di ltar tshor ba'am chos gzhan yang rung ste/ rnam grangs kyis ni chung ngu nyid dang chen po nyid bsten par 'gyur ro/ /de lta na ni gsal bar mi 'gyur te zhes bya ba ci zhe na/rigs tha dad pa'o/ /ci'i phyir zhe na/ rigs re re la yang chung ngu dang chen po yod pa'i phyir te/ ltos pa'i bye brag gi tshor ba ni rtsing ba yang yin la zhib pa yang yin no/ /ji lta zhe na/ tshor ba ni 'du shes la ltos na ni rtsing ba yin la gzugs la ltos na ni zhib pa yin no//de bzhin du 'du shes kyang 'du byed la ltos na ni rtsing ba yin la tshor ba la ltos na ni zhib pa yin no/ /yang na rtog pa dang dpyod pa nyid dang 'dra ba ste/ khyed kyi ltar na yang 'dod pa na spyod pa'i rtog pa dang dpyod pa dag ni rtsing ba yin la bsam gtan dang po'i sa pa dag ni zhib pa yin no//bsam gtan khyad par can gyi dpyod pa ni ches zhib pa yin no/ /de ltar na rigs re re la chung ngu dang chen po yod pa'i phyir/ de lta na ni gsal bar mi 'gyur te chung ngu dang chen po nyid kyis rigs gsal bar mi 'gyur ro zhes bya ba'i tha tshig go/ /'dir slob dpon 'dus bzang na re mthu'i dus tha dad pa'i phyir sems gcig kho na la rtsing ba dang zhib pa nyid dag 'byung ba 'gal ba med de/gang gi tshe sems dang sems las byung ba'i tshogs la rtog pa bya ba la shas che bar gyur pa de'i tshe ni sems rtsing ba yin la/ gang gi tshe dpyod pa shas che ba de'i tshe ni zhib pa yin no//'dod chags dang gti mug spyod par tha snyad 'dogs pa bzhin te/ 'dod chags dang gti mug cig car 'byung mod kyi de gnyis las gang yang rung ba zhig bya ba la shas che ba dang ldan pa'i sgo nas 'dod chags spyod pa'am gti mug spyod pa'o zhes tha snyad 'dogs pa ltar 'dir yang de dang 'dra bar blta bar bya'o//'di la bdag ni tshogs pa kha cig la chos 'ga' zhig bya ba la shas che ba ni yin mod kyi 'on kyang 'di gnyis kyi mtshan nyid rnam par ma phye bas 'di ni gyi na'o zhes smra'o/ /rtog pa dang dpyod pa dag gi mtshan nyid sems rtsing ba nyid dang zhib pa nyid yin par bshad pa ma yin nam zhe na/bshad pa ni bden na rigs re re la yang rtsing ba dang zhib pa yod pa'i phyir de dag gi mtshan nyid rtsing ba dang zhib pa nyid yin par 'os pa ma yin te/ ji skad bshad pa lta bu yin pas 'dis ni bdag rangs par mi 'gyur ro/ /gzhan dag na re sems gcig la rtog pa dang dpyod pa dag mi 'byung ba nyid do zhes zer ro zhes bya ba ni slob dpon gyi gzhung lugs yin te/gzhung lugs 'di la ni ji skad bshad pa'i nyes par mi 'gyur ro/ /rnam grangs kyis 'byung ba 'di gnyis la khyad par ci zhig yod ce na/ 'di la sngon gyi slob dpon na re rtog pa gang zhe na/sems pa'am shes rab la brten nas go rims bzhin du gtan la mi 'bebs pa dang gtan la 'bebs pa'i gnas skabs dag na yid kyi brjod pa kun du tshol bar byed pa yin te/ de yang sems rtsing ba nyid yin no/ /dpyod pa gang zhe na/ sems pa'am shes rab la brten nas go rims bzhin du gtan la mi 'bebs pa dang gtan la 'bebs pa'i gnas skabs dag na yid kyi brjod pa so sor rtog par byed pa yin te/de yang sems zhib pa nyid yin no zhes 'chad de/ phyogs 'di ni rtog pa dang dpyod pa dag ngo bo nyid gcig pa 'dus pa'i ngo bo rnam grangs kyis 'byung ba yin la kun du tshol ba dang so sor rtog pa'i rnam pa tsam gyis tha dad pa yin par 'dod do//'dir dpe ni kha cig na re 'di lta ste bum pa mang po zhig yod pa las thal mos bsnun te/ 'di'i nang na gang ni sra gang ni 'phan yod ces smra ba gang yin pa de ni rtog pa yin la/ mjug tu 'di'i nang na 'di snyed cig ni 'phan yod do zhe'am sra'o zhes bya bar 'dzin pa gang yin pa de ni dpyod pa yin no zhes zer ro//da ni ji ltar bsam gtan dang po yan lag lnga par bshad ces bya ba rgyas par 'byung ba ni 'dod pa dag las dben pa sdig pa mi dge ba'i chos rnams las dben pa rtog pa dang bcas pa dpyod pa dang bcas pa dben pa las skyes pa'i dga' ba dang bde ba can bsam gtan dang po rdzogs par byas te gnas so zhes gsungs pa'i mdo 'di las yan lag lnga par gsungs pa de ji lta bu yin no zhes bya ba yin no//sa las de yan lag lnga par bshad kyi skad cig las ni ma yin no zhes bya ba ni bsam gtan dang po'i sa res 'ga' ni rtog pa dang ldan la res 'ga' ni dpyod pa dang ldan te/de lta bas na rgyud kyi dbang du mdzad nas yan lag lnga par bshad kyi skad cig ma'i dbang du mdzad pa ni ma yin pas nyes pa med do/ /pha rol po las gang yang rung ba'i khyad par zhig yongs su brtags nas zhes bya ba ni pha rol po las yang dag pa'am yang dag pa ma yin pa'i khyad par zhig yongs su brtags nas bdag ni dpa' bo nor dang ldan no//tshul khrims dang ldan no/ /blo phun sum tshogs so snyam du sems khengs pa gang yin pa de ni nga rgyal zhes bya ba sems las byung ba'i chos yin no/ /sems ni yongs su gtugs pa'o//zhes bya ba la/ ni zhes bya ba'i sgras ni khyad par du bya ba'i don tam/ rim pa gzhan du sbyar ba yin par khong du chud par bya ste/ de nyid kyi phyir rgyags pa ni rang gi chos rnams kho na la chags pa'i zhes bya ba rgyas par smos so/ /sems yongs su gtugs pa zhes bya ba ni gang gis na rang gi chos gzugs dang dpa' ba la sogs pa kho na la chags pas sems yongs su gtugs shing kun du 'gags par 'gyur ba de ni 'dod chags rgyu mthun pa'i rgyags pa yin no//slob dpon 'dus bzang na re ni rang gi chos rnams kho na la chags pa'i sems rgyags pa dge ba'i chos bya ba dag las yongs su gtugs shing phyir log pa de ni rgyags pa yin no zhes zer ro//rgyags pa yang 'dod chags las skyes pa kun du dga' ba'i bye brag yin no zhes bya ba ni yid dga' ba nyon mongs pa can yin no snyam du bsams pa yin no/ /bye brag tu smra ba rnams ni 'di mi 'dod de/'di ltar yid bde ba ni bsam gtan gnyis pa'i bar na yod la rgyags pa ni/ rmugs rgod rgyags pa khams gsum na/ /zhes 'byung ba'i phyir khams gsum pa yin no/ /sems las byung ba rnams sems dang bcas te rnam pa re re nas bshad zin to zhes bya ba ni sems ni re zhig /rnam shes so sor rnam rig pa/ /zhes bya ba de lta bu la sogs pa rang gi mtshan nyid dang / phung po dang / khams dang / skye mched dang / dge ba dang / mi dge ba la sogs pa'i rab tu dbye bas rnam pa re re nas bshad zin la sems las byung ba dag kyang rang gi mtshan nyid dang phan tshun gyi khyad par dang rang sems kyi grangs nges par gzung ba dang /'dod pa dang / bsam gtan dang po'i sa la sogs pa'i rab tu dbye bas bshad zin to/ /don gcig ces bya ba ni sems gang yin pa de nyid yin la/ de nyid rnam par shes pa zhes bya ba yin no//'di la don gcig pa yod pas na don gcig pa yin no/ /nges pa'i tshig gi khyad par ni brjod par bya ste/ 'byed pas na sems so zhes bya ba ni dge ba dang mi dge ba 'byed pas na zhes bya ba'i tha tshig ste/ nges pa'i tshig gi tshul gyis na de ltar grub pa yin no/ /shes pas ni yid do zhes bya ba ni yid ces pa'i skad kyi byings 'di ni shes pa'i don yin no//dmigs pa rnam par shes pas na rnam par shes pa'o/ /dge ba dang mi dge ba'i khams dag gis bsags pas na sems so zhes bya ba ni mdo sde pa'i gzhung lugs dang rnal 'byor spyod pa'i gzhung lugs kyis ni bag chags gnas pa'i tshul gyis na sems yin no//rten du gyur pa ni yid do/ /brten par gyur pa ni rnam par shes pa'o zhes bya ba ni rten gyi dngos po la ltos pa ni yid yin te/ drug po 'das ma thag pa yi/ /rnam shes gang yin de yid do/ /zhes bya ba'i don yongs su gzung ba'i phyir ro//brten pa'i dngos po la ltos pa ni rnam par shes pa yin te/ gnyis la brten nas rnam par shes pa skye'o zhes 'byung ba'i phyir ro/ /sems dang sems byung dang / /rten dang dmigs dang rnam bcas dang / /mtshungs par ldan pa'ang zhes bya ba la/ yang zhes bya ba'i sgra smos pa na don gcig dang sbyar ba'i phyir te sems dang sems byung zhes bya ba'i sgra 'dir brjod pa gang dag yin pa de dag nyid rten bcas zhes bya ba'i sgra 'dis brjod par bya ba yin te dmigs pa dang bcas pa dag dang rnam pa dang bcas pa dang mtshungs par ldan pa dag kyang de dang 'dra ste/de la dbang po la brten pa'i phyir rten dang bcas pa dag yin te skye mched drug la brten pa'i phyir zhes bya ba'i tha tshig go//yul la 'dzin pa'i phyir dmigs pa dang bcas pa dag ste/ sems dang sems las byung ba dag ni dmigs pa med par skye bar mi 'gyur ro/ /dmigs pa de nyid la rnam pa re re nas bye brag tu gcod pa'i phyir rnam pa dang bcas pa dag ste/gang gis na de dag dmigs pa dang bcas pa yin pa'i phyir dmigs pa de la rnam pa re re nas 'dzin pa'i phyir ro/ /ji lta zhe na/ rnam par shes pas ni sngon po'am ser po'i dngos po rnam par shes te/ dmigs par 'gyur ro zhes bya ba'i tha tshig go//de ltar dmigs pa'i dngos po de nyid ni tshor bas ni nyams su myong ngo / /'du shes kyis ni yongs su gcod do/ /sems pas ni mngon par 'du byed do zhes bya ba de lta bu la sogs pa yin no/ /yang na dmigs pa de nyid la rnam par shes pas ni spyi'i ngo bor dmigs par bya ba'i tshul du 'dzin la/bye brag gi ngo bo ni tshor bas ni myong bar bya ba'i tshul du 'dzin to/ /'du shes kyis ni yongs su gcad par bya ba'i tshul du 'dzin to zhes bya ba de lta bu la sogs pa yin no/ /mnyam par ldan pa'i phyir mtshungs par ldan pa dag go zhes bya ba ni phan tshun mnyam par mi 'bral bas na mtshungs par ldan pa yin no//rten dang dmigs pa dang rnam pa dang dus dang rdzas mtshungs pa dag gis zhes bya ba ni rten gang gis sems skye ba'i rten de nyid kyi tshor ba dang 'du shes dang sems pa la sogs pa skye la/ de bzhin du dmigs pa gang gis sems skye ba de nyid kyis tshor ba la sogs pa skye'o//rnam pa gang gis sems skye ba de nyid kyis tshor ba la sogs pa skye ste/ gal te sems sngon po'i rnam pa can yin na de dang mtshungs par ldan pa tshor ba la sogs pa sngon po'i rnam pa can kho nar skye'o/ /sems dus gang du skye ba de kho nar tshor ba la sogs pa skye'o/ / ji ltar sems rdzas gcig kho nar skye ba de bzhin du tshor ba yang rdzas gcig kho nar skye'i gnyis sam gsum ni ma yin te/ 'du shes kyi rdzas dang sems pa'i rdzas kyang de dang 'dra'o zhes bya ba de lta bu la sogs pa yin no/ /de'i phyir tha ma de kho na rtogs par dka' bas/ ji ltar sems gcig kho na yin pa de bzhin du sems las byung ba rnams kyang rdzas re re yin pa'o zhes bshad do//slob dpon ldan pa ma yin pa bshad par 'dod nas gleng slong bar byed de/ sems dang sems las byung ba rgyas pa dang rab tu dbye ba dang bcas pa dag ni bstan zin to/ /da ni mtshungs par ldan pa ma yin pa dag gi skabs la bab pas brjod par bya'o snyam du bsams pa yin no//rgyas pa dang rab tu dbye ba dang bcas pa dag ces bya ba ni rgyas pa dang rab tu dbye ba ni rgyas pa dang rab tu dbye ba dag go/ /rgyas pa dang rab tu dbye ba dag dang lhan cig 'dug pa ni rgyas pa dang rab tu dbye ba dang bcas pa dag go//yang na rgyas par rab tu dbye ba ni rgyas pa dang rab tu dbye ba'o/ /rgyas pa dang rab tu dbye ba dang lhan cig pa ni rgyas pa dang rab tu dbye ba dang bcas pa dag go/ /de la re zhig sems ni/ rnam shes so sor rnam rig pa/ / yid kyi skye mched kyang de yin/ /zhes bya ba la sogs pas rgyas pa dang rab tu dbye ba dang bcas par bstan zin to/ /sems las byung ba dag kyang / tshor ba myong ba zhes bya ba nas bzung ste/ sems byung rnam lnga zhes bya ba'i bar rgyas par bstan zin to/ /ming gi tshogs la sogs pa yang //zhes bya ba la/ yang zhes bya ba'i sgra smos pa ni de lta bu dang mthun pa'i ldan pa ma yin pa rab tu bstan pa'i phyir ro/ /sems dang ldan pa ma yin pa dge 'dun gyi dbyen la sogs pa rdzas su 'dod de/ bstan bcos las kyang gang dag de lta bu dang mthun pa yang zhes bshad pa'i phyir ro//sems dang ldan pa ma yin pa dag ces bya ba la/ sems smos pa ni sems dang rigs mthun pa yin par rab tu bstan pa'i phyir te sems dang mi ldan pa ni sems dang 'dra'o zhes bya ba'i tha tshig go/ /'di dag gi sems dang rigs mthun pa nyid gang yin zhe na/ 'di dag gzugs can ma yin pa gang yin pa'o//gzugs ni ldan pa ma yin pa nyid yin yang gzugs can yin pa nyid kyi phyir ldan pa ma yin pa zhes bya ba'i ming mi 'thob bo/ /yang na 'di dag ni ming gi ngo bo nyid yin pa de dag gi ming nyid de sems dang rigs mthun pa yin no/ /sems las byung ba dag kyang sems dang rigs mthun pa yin mod kyi dmigs pa la sems dang lhan cig mtshungs par ldan pa yin pas de dag las khyad par du bya ba'i phyir ldan pa ma yin pa zhes bya ba smos so//'dus ma byas kyang dmigs pa med pa nyid kyis de dag dang rigs mthun pa yin pas de bsal ba'i phyir 'du byed ces bya ba smos so//de nyid kyi phyir 'du byed 'di dag ni sems dang mtshungs par ldan pa yang ma yin la gzugs kyi rang bzhin yang ma yin pas sems dang ldan pa ma yin pa dag ces bya'o zhes bya ba smos so/ /de la zhes bya ba ni tshig gi phrad dam dmigs kyis bsal ba yin no/ /re zhig ces bya ba'i sgra ni rim pa yin no//thob pa rnyed dang ldan pa'o/ /zhes bya ba la/ thob pa zhes bya ba ni spyi'i ming yin no/ /rnyed pa dang ldan pa zhes bya ba ni khyad par gyi ming yin no/ /rnyed pa dang so sor rnyed pa zhes bya ba ni don gcig go/ /ldan pa dang kun du ldan pa zhes bya ba ni don tha dad pa ma yin no//so sor rnyed pa zhes bshad na ni kun du ldan pa ma bsdus par 'gyur la/ kun du ldan pa zhes bshad na ni so sor rnyed pa ma bsdus par 'gyur gyi/ thob pa zhes bshad na ni gnyi ga bsdus pa yin te/ de nyid kyi phyir/ thob pa ni rnam pa gnyis te/ ma thob pa dang rnam par nyams pa las rnyed pa dang thob nas ldan pa'o zhes bya ba smos so//ma thob pa dang rnam par nyams pa ni ma thob pa dang rnam par nyams pa ste rnyed pa ni ma thob pa dang rnam par nyams pa las rnyed pa'o/ /ma thob pa las ni 'di lta ste sdug bsngal la chos shes pa'i bzod pa lta bu'o/ /rnam par nyams pa las ni 'di lta ste 'dod pa na spyod pa 'dod pa'i 'dod chags dang bral bas bor ba khams su phyir 'ong ba'am yongs su nyams pas so sor rnyed pa lta bu'o//thob nas ni skad cig ma gnyis pa la sogs pa la ldan pa yin te/ de rjes su 'brang ba'i phyir ro/ /so sor rnyed pa gang yin pa dang kun du ldan pa gang yin pa rnam pa de gnyi ga yang thob pa yin te thob pa zhes bya ba'i sgra ni so sor rnyed pa dang kun du ldan pa la yang sbyar bar bya'o//tha dad pa ma yin par brjod par 'dod na ni thob pa dang so sor rnyed pa dang kun du ldan pa zhes bya ba don gcig ste/ 'di ltar skad cig ma dang po la sdug bsngal la chos shes pa'i bzod pa thob pa so sor rnyed pa yin par 'dod la de yang kun du ldan pa zhes bya bar brjod par 'gyur te/kun shes byed pa'i dbang ldan pa/ /bcu gsum dag dang ldan pa yin/ /zhes 'byung ba'i phyir skad cig ma dang po la gnas pa'i 'phags pa'i gang zag ni sdug bsngal la chos shes pa'i bzod pa dang ldan pa zhes bya'o//ji ltar 'di mtshan nyid du bstan pa yin/ thob pa gang zhe na/ so sor rnyed pa dang kun du ldan pa'o zhes tha dad par brjod par 'dod kyang rnam grangs kyi tshig gis ni mtshan nyid du bstan par mi rung ngo zhe na/rnam grangs kyi tshig yin yang res 'ga' mtshan nyid du rung bar 'gyur te me ni du ba can no/ /me ni rtags kyis go ba'o zhes bya ba lta bu'o/ /mdo las kyang ma rig pa gang zhe na/ gang sngon gyi mtha' mi shes pa dang phyi ma'i mtha' mi shes pa'o zhes bya ba rgyas par gsungs so//bzlog pa ni ma thob pa'o zhes bya bar grub pa'o zhes bya ba ni bzlog pa kho nas ma thob pa grub pa'i phyir 'di'i don du mdo mi bya'o zhes bya bar bsams pa yin te/ bzlog pa kho nas ma thob pa ni so sor ma rnyed pa dang kun du mi ldan pa'o zhes bya ba 'di gsum shes par 'gyur ro//de bzhin du so sor ma rnyed pa dang kun du mi ldan pa dag ni ma thob pa yin no zhes bya ba ni spyi'i ming yin no/ /de lta bas na 'di skad du ma thob pa ni rnam pa gnyis te/ sngon ma thob pa rnams so sor ma rnyed pa dang thob ste rnam par nyams pa rnams dang kun du mi ldan pa zhes brjod par bya'o//yang na so sor ma rnyed pa dang rnam par nyams pa dang po ma thob pa ni so sor ma rnyed pa yin no/ /skad cig ma gnyis pa la sogs pa la ni kun du mi ldan pa yin no zhes brjod par bya'o/ /thob dang ma thob rang rgyud du/ /gtogs pa rnams kyi zhes bya ba ni thob pa dang ma thob pa dag ni rang gi rgyud du gtogs pa'i 'dus byas dag kho na'i yin gyi gzhan gyi rgyud du gtogs pa dag ni ma yin no zhes nges par 'dzin pa yin te/sems can gzhan gyi rgyud du gtogs pa'i chos rnams rang gi rgyud la thob pa dang ma thob pa dag tu mi 'gyur ro zhes bya ba'i tha tshig go//de'i phyir gzhan gyi dag dang ni 'ga' yang ldan pa med do zhes bya ba smos so/ /rgyud du ma gtogs pa rnams kyi yang ma yin te zhes bya ba ni sems can gyi rgyud du ma gtogs pa rnams kyi yang ma yin no zhes bya ba'i tha tshig go/ /de'i phyir sems can du mi bgrang ba dag dang ni 'ga' yang ldan pa med do zhes bya ba smos so//me tog phreng dang rgyan la sogs pa dang shing dang rtsig pa la sogs pa la yod pa'i gzugs la sogs pa ni sems can du bgrang ba ma yin pa yin no/ /mig la sogs pa ni sems can du bgrang ba yin no/ /sgra la sogs pa yang dbang po gzugs can dang 'brel ba'i phyir sems can du bgrang ba kho na yin par rig par bya ste/de la phan pa dang gnod pas 'gyur ba'i rjes su byed pa'i phyir ro/ /'di ltar dbang po gzugs can la gnod pa la skra la sogs pa'i 'gyur ba skya bo la sogs pa snang la/ sman bcud kyis len zos pa'i phan pa las skya bo la sogs pa med par 'gyur ba snang ngo / /grub pa'i mtha' ni thob pa sems can du bgrang ba thams cad kyis kyang yang yin no zhes bya ba yin no/ /'gog gnyis kyi zhes bya ba ni thob pa dang ma thob pa dag sems can du bgrang ba ma yin pa so sor brtags pa dang /so sor brtags pa ma yin pas 'gog pa dag gi yang yin no/ /so sor brtags pa ma yin pas 'gog pa dang ni sems can thams cad rkyen ma tshang ba ji lta ba bzhin du ldan no/ /'ching ba mtha' dag dang ldan pa skad cig ma dang po la gnas pa ma gtogs pa zhes bya ba la/skad cig ma dang po ni sdug bsngal la chos shes pa'i bzod pa'o/ /de la gnas pa ni skad cig ma dang po la gnas pa'o/ /'di dag la 'ching ba mtha' dag yod pas na/ 'ching ba mtha' dag dang ldan pa ste/ nyon mongs pa'i rnam pa thams cad ma spangs pa yin no//de dag ni 'ching ba mtha' dag dang ldan pa yang yin la skad cig dang po la gnas pa yang yin pas 'ching ba mtha' dag dang ldan pa skad cig ma dang po la gnas pa'o/ /de dag ma gtogs pa 'phags pa thams cad de de dag ni so sor brtags pas 'gog pa dang ldan no//'ching ba mtha' dag dang ldan pa skad cig ma dang po la gnas pa'i 'phags pa rnams ni mi ldan te/ grub pa'i mtha' ni/ 'gag par 'gyur ba'i lam gyis ni/ /de yi sgrib pa rab tu spongs/ /zhes bya ba yin pa'i phyir gnas skabs de ni bzod pas gzhom par bya ba'i nyon mongs pa rnams 'chad kyi chad pa ni ma yin no//de'i 'gog pa yang 'thob kyi/ thob pa ni ma yin no/ /rnam pa gcig spangs pa la sogs pa'i 'phags pa'i gnas skabs de na 'jig rten pa'i lam gyis thob pa'i 'gog pa dang ldan no/ /de phan chad skad cig ma gnyis pa la sogs pa la ni zag pa med pa'i lam gyis thob pa'i 'gog pa dang yang ldan pa kho na'o//so so'i skye bo kha cig kyang ldan no zhes bya ba ni rnam pa gcig spangs pa la sogs pa'o/ /nam mkha' dang ni 'ga' yang ldan pa med de zhes bya ba ni 'brel ba med pa'i phyir ro//'gog pa dag dang ni 'brel pa yod de/ de lta bas na nam mkha'i thob pa med do/ /gang la thob pa med pa de la ni ma thob pa yang med do zhes bya ba 'di ni bye brag tu smra ba rnams kyi grub pa'i mtha' yin no/ /'di ga las zhes bya ba ni gzugs la sogs pa dang mig la sogs pa bzhin du rang gi ngo bo dang 'bras bu mi dmigs pa'i phyir 'dri ba yin no//mdo las te zhes bya ba ni bye brag tu smra ba lung gis sgrub par byed pa yin no/ /mi slob pa'i chos bcu zhes bya ba rgyas par 'byung ba ni/ mi slob pa'i 'phags pa'i lam yan lag brgyad dang yang dag pa'i rnam par grol ba dang yang dag pa'i ye shes so//de dag skyed cing mngon du gyur cing so sor rnyed cing dang por thob cing kun du ldan pas na phyis thob pas na'o/ /yan lag lnga rnam par spangs pa ni yan lag lnga spangs pa zhes bya ba'i tha tshig go/ /yan lag lnga ni 'jig tshogs la lta ba dang /tshul khrims dang brtul zhugs mchog tu 'dzin pa dang / the tshom dang / 'dod pa'i 'dun pa dang / gnod sems so/ /bdag ni phyir mi 'ong ba'i 'bras bu 'thob pa na de dag spangs so zhes bya bar ni mi rung gi /gong ma'i cha dang mthun pa gzugs kyi 'dod chags dang /gzugs med pa'i 'dod chags dang rgod pa dang nga rgyal dang ma rig pa zhes bya ba gang yin pa yan lag lnga po 'di dag spangs par ni rung ngo zhes bya bar blta ste/ dgra bcom pas 'dra ba thob pa'i phyir tha mal par 'dug pa na yang 'phags pa zhes bya'o//'dir sgrub pa ni kun du ldan pa ni rdzas su yod pa yin te/ mdo las gsungs pa'i phyir skye mched kyi rdzas bzhin no zhes bya ba yin no/ /slob dpon gyis phyir smras pa/ 'o na ni des na sems can du mi ston pa 'khor lo rin po che la sogs pa dang / sems can gzhan btsun mo rin po che la sogs pa dang ldan pa yang rdzas su yod par 'gyur te/mdo las 'byung ba'i phyir ro/ /ji lta zhe na/ rgyal po zhes bya ba nas rgyas par 'byung zhes bya ba'i bar mdos ston par byed de/ dge slong dag 'khor los sgyur ba'i rgyal po ni rin po che sna bdun dang ldan pa yin no//de'i rin po che sna bdun ni 'di dag yin te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / btsun mo rin po che dang / khyim bdag rin po che dang / bdun pa ni blon po rin po che kho na yin no zhes bya ba rgyas par 'byung ba yin te/mdo las ni rin po che 'di bdun dang ldan par gsungs la/ rdzas su yod pa ni ma yin pas ma nges pa nyid du ston par byed pa yin no/ /yang na rjes su dpag pa dang 'gal ba'i phyir 'di dam bcas pa'i skyon 'dzin pa yin no/ /ji ltar zhe na/ smras pa/ mi slob pa'i chos bcu'i ldan pa ni rdzas su yod pa ma yin te/ ldan pa'i ngo bo nyid yin pa'i phyir 'khor los sgyur ba rin po che sna bdun dang ldan pa bzhin no/ /'di ni dam bcas pa chos kyi rang gi ngo bo las bzlog pa yin par ston par byed do/ /dbang nyid dga' mgur byed ces bya ba ni 'dod dgur byed pa nyid yin no//der ni dbang ba nyid yin zhes bya ba ni 'khor los sgyur ba bstan pa'i mdo'o/ /gzhan du ni rdzas yin zhes bya ba ni mi slob pa'i chos bcu dang ldan pa bstan pa'i mdo'o/ /de lta na yang mi rung ba ci zhig yod ces bya ba ni bye brag tu smra ba rnams na re gsung rab las dngos po rdzas su yod pa dang btags pa'i yod pa zhes bya ba ni rnam pa gnyis su bzhed na ji ltar rigs pa ma yin zhes zer ba yin no//slob dpon gyis mi rung ba 'di yod de zhes bya ba rgyas par smos te/ 'di na dngos po rdzas su yod pa gang yin pa de ni mngon sum gyis gzung bar bya ba'am rjes su dpag pas gzung bar bya ba yin par 'gyur ro//de la mngon sum gyis gzung bar bya ba ni gzugs dang sgra la sogs pa yin te dbang po lngas gzung bar bya ba yin pa'i phyir ro/ /yid kyis gzung bar bya ba yang cung zad cig mngon sum yin te/'dod chags dang zhe sdang la sogs pa rang rig par bya ba yin pa'i phyir ro/ /mig dang rna ba la sogs pa ni de dag yod dam med na de dag yod pa dang med pa'i phyir rjes su dpag pas gzung bar bya ba yin te mig gi rnam par shes pa la sogs pa'i bya bas rjes su dpag par bya ba yin pa'i phyir ro//thob pa ni mngon sum gyis gzung bar bya ba yang ma yin la rjes su dpag par bya ba yang ma yin te/ de grub par bya ba'i rjes su dpag pa kha na ma tho ba med pa'i phyir ro/ /de lta bas na rdzas kyi chos mi srid pa'i phyir mi rung ngo zhes bya ba 'di gnas pa yin no/ / da ni slob dpon gyis phyogs gleng zhing glengs nas sun dbyung bar bya ba'i phyir gal te chos rnams skye ba'i rgyu la zhes bya ba rgyas par smos te/ gang la thob pa yod pa de ni rgyu yod pa'i phyir skye bar 'gyur na/ 'dus ma byas kyi ni ma yin par 'gyur te 'di ltar 'dus ma byas ni bskyed par bya ba ma yin no//sdug bsngal la chos shes pa'i bzod pa la sogs pa'i chos gang dag ma thob pa rnams dang gang dag sa 'phos pa dang 'dod chags dang bral bas btang ba 'di lta ste 'dod pa na spyod pa'i nyon mongs pa can ma yin pa dang / nyon mongs pa can dang / sa gong ma pa'i nyon mongs pa can dang nyon mongs pa can ma yin pa ste/de dag ji ltar khams su phyir 'ong ba'am yongs su nyams pas skye bar 'gyur/ de dag gi thob pa ni yod pa ma yin te/ ma skyes la 'gag pa'i phyir ro/ /gal te lhan cig skyes pa'i thob pa'i rgyu can zhes bya ba ni de dag gi skye ba zhes bya bar skabs dang sbyar te/lhan cig skyes pa'i thob pa de'i tshe skye ba gang yin pa de dag skyed par byed pa yin no zhe na/ de'i tshe skye ba'am skye ba'i skye ba ci zhig byed par 'gyur zhes bya ba smos te/ ci zhig byed pa'i ngang tshul ni ci zhig byed pa'o/ /skye ba ni mtshan gzhi'i chos skyed par byed la/skye ba'i skye bas ni mtshan nyid skye ba de skyed par byed do/ /des na gal te mtshan gzhi chos rnams kyi skye ba thob pa'i rgyu can yin par brjod na/ de la skye ba ci zhig byed/ 'on te mtshan nyid rnams kyi skye ba de'i rgyu can yin par brjod na/ de'i phyir smras pa/ skye ba'i skye ba ci zhig byed ces rtog par byed do//yang na gal te khyed skye bas ni chos skyed par byed la/ thob pas ni skye ba skyed par byed do zhes zer na de'i phyir skye ba'i skye ba ci zhig byed ces brjod pa yin no/ /'ching ba mtha' dag dang ldan pa zhes bya ba rgyas par 'byung ba ni gang dag gis nyon mongs pa'i rnam pa gcig kyang ma spangs pa de dag ni 'ching ba mtha' dag dang ldan pa yin no//'ching ba mtha' dag dang ldan pa de dag gi nyon mongs pa chung ngu dang 'bring dang chen po skye ba'i khyad par du yang mi 'gyur te thob pa bye brag med pa'i phyir ro// //bam po bcu gsum pa/'ching ba ma tshang ba rnams kyi thob pa ma tshang ba'i phyir nyon mongs pa chung ngu dang 'bring po dang chen po skye ba'i khyad par du yongs su rtogs par 'gyur gyi 'ching ba mtha' dag dang ldan pa rnams kyis ni ma yin te/ thob pa rnams 'dra ba'i phyir ro/ /de las de'i bye brag tu 'gyur na ni zhes bya ba ni sngon goms pa'am rgyu gzhan de las de dag gi bye brag tu 'gyur te/'ching ba mtha' dag dang ldan pa 'ga' zhig gi ni chen po yin la 'ga' zhig gi ni 'bring yin/ 'ga' zhig gi ni chung ngu yin no zhe na/ nyon mongs pa chung ngu la sogs pa skye ba tha dad pa'i rgyu de kho na las skye ba yin te de lta bas na thob pa ni skye ba'i rgyu ma yin no//bye brag tu smra bas de skad du zer zhes bya ba rgyas par smras te/ rnam par gzhag pa'i rgyu yin te/ thob pa med na 'jig rten pa'i yid dang ldan pa zhes bya ba ni 'jig rten la yod pas na 'jig rten pa yin no/ / yid nyid yin te 'di dag la 'jig rten pa'i yid yod pas na 'jig rten pa'i yid dang ldan pa'o/ /'phags pa dang so so'i skye bo zhes bya ba ni 'phags pa rnams dang so so'i skye bo rnams so/ /'jig rten pa'i yid dang ldan pa smos pa ni 'phags pa khyad par du bya ba yin te/ so so'i skye bo rnams ni rtag tu 'jig rten pa'i yid dang ldan pa yin no/ /yang na 'du shes med pa dang 'du shes med pa'i snyoms par 'jug pa'i gnas skabs na so so'i skye bo khyad par du bya ba yang srid do/ /'phags pa dang so so'i skye bo de rnams la zhes bya ba drug pa ni dmigs kyis bsal ba 'am 'brel pa'i mtshan nyid yin no//de dag rnam par gzhag par mi 'gyur ba ni yongs su bcad pa ste/ gang gis rnam par gzhag pa byas pa de ni thob pa yin no/ /nyon mongs pa spangs pa dang ma spangs pa nyid kyi bye brag las zhes bya ba ni nyon mongs pa spangs pa dag ni 'phags pa yin no//nyon mongs pa ma spangs pa dag ni so so'i skye bo yin no/ /de'i ngo bo nyid do/ /de nyid bye brag yin pas nyon mongs pa spangs pa dang ma spangs pa nyid kyi bye brag ste/ de las 'di rnam par gzhag par 'gyur bar 'os so/ / so so'i skye bo kha cig kyang nyon mongs pa spangs pa ma yin nam/ ji ltar na 'phags pa dag kho na nyon mongs pa spangs pa'o zhes nges par gzung zhe na/ gtan du yang dag par bcom pa'i phyir de skad du bshad pa yin no/ /'di nyid du yang ji ltar 'gyur zhes bya ba 'di dag ni nyon mongs pa spangs pa'o//'di dag ni nyon mongs pa ma spangs pa'o zhes bya ba'i rnam par gzhag pa gang yin pa der yang ji ltar 'gyur/ thob pa yod na ni nyon mongs pa'i thob pa las de dang bral ba dang ma bral ba'i sgo nas de rnam par gzhag pa 'di yang 'grub ste nyon mongs pa'i thob pa dang bral ba dang ma bral ba'i sgo nas so//chad pa dang ma chad pa'i sgo nas zhes bya ba'i tha tshig ste/ gang dag de'i thob pa dang bral ba de dag ni 'phags pa yin la gang dag ma bral ba de dag ni so so'i skye bo yin no/ /so so skye bo kha cig kyang nyon mongs pa'i thob pa dang bral ba ma yin nam zhe na/bral ba ni yin mod kyi 'jig rten las 'das pa'i lam gyis ni ma yin no/ /'o na nyon mongs pa'i thob pa dang bral ba 'di ni 'jig rten las 'das pa'i lam gyis yin gyi 'jig rten pas ni ma yin no zhes 'jig rten las 'das pa'i lam gyis byas pa'i khyad par de yang ji ltar yongs su chod par 'gyur zhe na/bral ba'i thob pa zag pa dang bcas pa dang zag pa med pa'i khyad par yod pa'i phyir ro/ /'di ni rten gyi bye brag las 'grub par 'gyur te zhes bya ba ni lus kyi khyad par kho na las 'di dag ni nyon mongs pa spangs pa'o/ / 'di dag ni ma spangs pa'o zhes bya ba'i rnam par gzhag pa 'di 'grub par 'gyur ro/ /de dag gi spang bar bya ba ni mthong ba dang bsgom pa'i lam gyis spang bar bya ba dag go/ /de ltar gyur pa yin zhes bya ba ni de ltar gzhan du gyur pa yin no/ /'bru mes tshig pa bzhin zhes bya ba ni ji ltar 'bru mes tshig pa sa bon du gyur pa ma yin pa de bzhin du ji skad bshad pa'i tshul gyis rten nyon mongs pa rnams kyi sa bon du gyur pa ma yin na nyon mongs pa spangs pa'o zhes bya'o//sa bon gyi dngos po nyams par byas na zhes bya ba ni rten la zhes bya ba'i skabs dang sbyar ro/ / gang gis she na/ 'jig rten pas te sa bon la gnod pa tsam yod pa'i phyir nyon mongs pa spangs pa'o zhes brjod par nus so/ /bzlog pa ni ma spangs pa yin zhes bya ba ni rten la sa bon ma bsregs pa'am/ sa bon gyi dngos po nyams par ma byas na'o/ /gang spangs pa de dag dang ni zhes bya ba ni rgyas par 'byung ba ni 'dod pa na spyod pa nas srid pa'i rtse mo pa'i bar gyi mthong bas spang bar bya ba'am/'dod pa na spyod pa nas srid pa'i rtse mo pa'i bar gyi bsgoms pas spang bar bya ba bshad ma thag pa'i tshul gyis ma spangs pa gang yin pa de dang ni ldan la de bzhin du srid pa'i rtse mo pa'i bar gyi spangs pa de dang ni mi ldan no zhes gdags te 'di ni btags pa'i chos yin zhes ston par byed pa yin no//dge ba'i chos rnams kyang rnam pa gnyis te zhes bya ba las kyang zhes bya ba'i sgra'i don ni ji ltar nyon mongs pa can rnam pa gnyis yin pa ltar zhes bya ba'am bsdu ba yin te dge ba rnams kyang zhes bya ba'i tha tshig go//de dag gi sa bon gyi dngos po nyams par ma byas pa'i phyir zhes bya ba ni skye bas thob pa de dag gi sa bon ni de dag gi sa bon no/ /de dag gi sa bon gyi dngos po ni de dag gi sa bon gyi dngos po'o//gang la zhe na/ rten la'o/ /de dag gis bon nyams par ma byas pa ni de dag gi sa bon gyi dngos po nyams par ma byas pa ste/ de dag gi sa bon gyi dngos po nyams par ma byas pa de'i phyir de dang ldan no/ /gang dag dang zhe na/ ma 'bad par skye ba'i dge ba dag dang ngo //nyams par byas pa'i phyir mi ldan zhes bya ste zhes bya ba de gang zhig yin zhe na/ smras pa/ dge ba'i rtsa ba kun du chad pa yin no/ /de dang yang zhes bya ba ni rten la de dag gis sa bon gyi dngos po bcom pa de yang log par lta bas yin par rig par bya'i gzhan du ni ma yin no//de'i phyir rgyud la dge ba'i chos rnams kyi sa bon gyi dngos po gtan du bcom pa ni ma yin no zhes bya ba smos te/ ji ltar rgyud la 'phags pa'i lam gyis nyon mongs pa rnams gtan du yang dag par bcom pa ltar snyam du bsams pa yin no/ / gang dag 'bad de skye ba zhes bya ba rgyas par 'byung ba ni sbyor ba las byung ba skyes pa gang dag yin pa de dag dang ste/ de dag skye ba ni de dag skye ba'o/ /de dag skye ba la dbang nyid ni nus pa'i khyad par te/ de thogs pa med pa'i phyir ro/ /gang la zhe na/ rgyud la ste ldan pa zhes bya'o/ /gang dag dang zhe na/'bad de skye ba'i dge ba rnams dang ngo / /gang gi phyir de lta yin pa de'i phyir 'dir nyon mongs pa can gyi chos rnams kyi sa bon kho na nus pa'i khyad par ldan pa'i gnas skabs na 'phags pa'i lam gyis rtsa nas ma bton pa dang 'jig rten pa'i lam gyis nyams par ma byas pa dang ma 'bad par skye ba'i dge ba rnams log par lta bas nyams par ma byas pa dang /dbang nyid kyi dus na rgyus par gyur pa ste/ 'bad de skye ba'i dge ba'i sa bon zhes bya bar skabs dang sbyar ro/ /ldan pa zhes bya ba'i ming thob kyi gang bye brag tu smra ba rnams kyis brtags pa lta bu rdzas gzhan ni med do//sa bon zhes bya ba 'di ci zhig yin zhes bya ba ni rdzas su yod du re nas 'dri ba yin no/ /'bras bu skyed par byed pa la nus pa'i ming dang gzugs gang yin pa'o zhes bya ba ni phung po lnga skyed par nus pa gang yin pa'o/ /mngon sum ni bar du ma chod pa'o/ / brgyud pa ni thag ring ba'o/ /'gyur ba zhes bya ba 'di ci zhig yin zhes bya ba 'di grangs can pa'i 'gyur ba lta bu yin par dogs nas 'dri ba yin no/ /rgyud gzhan nyid du 'gyur ba'o zhes bya ba ni gzhan nyid du 'byung ba yin no/ /rgyud ces bya ba 'di yang ci zhig yin zhes bya ba ni ji ltar grangs can pa dag gi ltar rdzas gnas pa la chos gzhan log na chos gzhan 'byung ba yin pa de bzhin du rgyud gnas pa zhig gzhan nyid du 'gyur ba zhig yin nam zhe na/smras pa/ ma yin no/ /'o na ci zhe na/ 'du byed dus gsum pa rgyu dang 'bras bur gyur pa ste rgyu dang 'bras bu ni rgyu dang 'bras bu'o//rgyu dang 'bras bu zhes bya ba ni bar ma chad par 'byung ba ste/ 'du byed dus gsum pa dag la rgyud ces rnam par gzhag go/ /gang las gsungs zhes bya ba rgyas par 'byung ba ni mdo gang las gsungs pa yin no/ /ci zhe na/ smras pa/ chags pa dang ldan pa ni dran pa nye bar gzhag pa bzhi po dag ste lus dran pa nye bar gzhag pa la sogs pa skyed pa'i skal ba dang mi ldan zhing rung ba ma yin no zhes bya ba yin te gal te thob pa sa bon yin na sa bon ni rtag tu yod pas dran pa nye bar gzhag pa skye bar mi 'gyur ro zhe na/khyed kyi lta bur thob pa yin na yang de skyed par mi 'gyur bas 'di ni mtshungs so//de lta bas na der ni ldan pa chags pa dang du len pa'am mi sel ba yin te zhes bya ba gnyi gar yang brjod par bya ste/ dang du len pa ni gnang ba'o/ /mi sel ba ni rnam par zhi bar byed pa'o/ /de 'gog pa btags pa'i chos de 'gog pa mi ldan pa'o//rnam pa thams cad du btags pa'i chos yin gyi rdzas kyi chos ni ma yin no zhes bya ba ni gal te skye ba'i rgyu yin yang rung gal te rnam par gzhag pa'i rgyu yin yang rung gal te rten gyi bye brag yin yang rung / gal te dang du len pa'am mi sel ba yin yang rung ste/ rnam pa thams cad du ste rnam pa kun du btags pa'i chos yin no//btags pa dang kun rdzob dang tha snyad kyi chos ni btags pa'i chos so/ /rdzas kyi chos ma yin pa ni rdzas su yod pa'i chos kyi ngo bo nyid ma yin no zhes bya ba'i tha tshig go/ /yang na de rdzas kyang yin la chos kyang yin pas de ni rdzas kyi chos to//gzugs la sogs pa bzhin du yod pa'i rang gi mtshan nyid kyi chos ma yin no zhes bya ba'i tha tshig go/ /slob dpon 'dus bzang na re thob pa ni 'di la ni 'di yod do zhes bya bar shes pa'i rtags dang thob pa'i chos chud mi za ba'i rgyu yin no zhes zer te/ 'di la ni 'di yod do zhes bya bar shes pa'i rtags yin no zhes bya ba 'di ni ma grub ste/ rten gyi khyad par yod na der shes so zhes smra'o/ /gal te yang thob pa'i chos chud mi za ba'i rgyu thob pa yin par 'dod na/ thob pa yongs su gtong bar yang mi 'gyur ba kho na zhig na/ yongs su gtong bar yang mi 'gyur te/de lta bas na 'di ni gtan tshigs su mi rung ngo / /slob dpon gyi sa bon nus pa'i khyad par gyi mtshan nyid yin par rnam par gzhag pa de nyid sun 'byin par byed de/ nus pa'i khyad par 'di sems las don gzhan pa zhig yin nam/ 'on te don gzhan ma yin pa zhig yin/gal te don gzhan pa zhig yin no zhe na ni thob pa yod do zhes bya bar grub pa yin te/ ming tsam la rtsod par zad do/ /ji ltar don gzhan ma yin pa zhig yin no zhe na ni mi dge ba yang dge ba'i sa bon yin par khas blangs pa yin la dge ba yang mi dge ba'i sa bon yin par khas blangs pa yin te/su zhig tsha ba dang me don tha dad pa ma yin pa las tsha ba kho na sreg par byed pa yin gyi me ni ma yin no zhes bya bar shes par 'gyur/ dge ba'i sa bon yang mi dge ba'am lung du ma bstan pa'i sems la yod la/ de bzhin du mi dge ba'i sa bon yang dge ba'am lung du ma bstan pa'i sems la yod do//de bzhin du lung du ma bstan pa'i sa bon yang dge ba dang mi dge ba la yod la/ zag pa dang bcas pa'i sa bon yang zag pa med pa la yod/ zag pa med pa'i sa bon yang zag pa dang bcas pa la yod pas 'chol ba'i nyes par thal bar 'gyur ro zhes zer ro//'di la bdag smra bar bya ste/ don tha dad pa ma yin na 'chol ba'i nyes par 'gyur ro/ /sa bon de ni sems las don gzhan pa ma yin la/ don gzhan ma yin pa yang ma yin te/ brten nas btags pa'i ngo bo yin pa'i phyir ro/ / ji ste don gzhan pa med do zhes byas na yang nyes pa med de/ dge ba'i sems skyes pas ni rang gi rgyud kyi sems rang gi rigs dang mthun pa'am gzhan gyi rigs dang mthun pa la sa bon 'jog par byed do/ /rgyu'i khyad par de las 'bras bu'i khyad par 'gyur bas de las ni sems khyad par can de skye ste/sems khyad par can de ni dge ba'i sa bon gyis dgos pa byed pa la nus pa de skye'o/ /de bzhin du mi dge bas kyang rang gi rgyud kyi sems rang gi rigs dang mthun pa'am/ gzhan gyi rigs dang mthun pa las sa bon 'jog par 'gyur la/ de las ni sems khyad par can mi dge ba'i sa bon gyis dgos pa byed pa la nus pa de skye'o//de bzhin du lung du ma bstan pas kyang rang gi rgyud kyi sems rang gi rigs dang mthun pa'am/ gzhan gyi rigs dang mthun pa la sa bon 'jog par 'gyur la/ de las ni khyad par can lung du ma bstan pa'i sa bon gyis dgos pa byed pa la nus pa de skye'o//zag pa dang bcas pas kyang zag pa med pa'i sems la sa bon 'jog par 'gyur la/ zag pa med pas kyang zag pa dang bcas pa la 'jog par 'gyur te/ de ltar na phan tshun sa bon 'jog par byed pa dang phan tshun skyed par byed de/sems gzhan las skye ba na phan tshun bsgo bar bya ba dang sgo bar byed pa nyid du 'jug go/ /dge bas mi dge ba'i sems la nus pa'i khyad par bzhag ces te mi dge ba de dge ba nyid du 'gyur ba'am/ dge ba de mi dge ba nyid du 'gyur ba yang med de nus pa'i khyad par tsam du zad do//nus pa dang sa bon dang bag chags zhes bya ba 'di ni don gcig go/ /de bzhin du zag pa dang bcas pas zag pa med pa la nus pa'i khyad par bzhag la/ zag pa med pas kyang zag pa dang bcas pa la nus pa'i khyad par bzhag ces te/ zag pa dang bcas pa de yang zag pa med par mi 'gyur la/zag pa med pa yang zag pa dang bcas par mi 'gyur ro zhes bya ba'i bar mi dge ba la sogs pa'i bag chags la yang brjod par bya'o/ /bye brag tu smra ba khyed kyi la yang bsam par bya ste/ gang gi tshe zag pa dang bcas pa'i sems kyi mjug thogs su zag pa med pa'am/zag pa med pa'i sems kyi mjug thogs su zag pa dang bcas pa skye ba de'i tshe/ ci zag pa dang bcas pa'i tshogs sam/ zag pa med pa'i tshogs snga ma tshogs phyi ma skye ba la mtshungs pa de ma thag pa'i rkyen la sogs pa'i ngo bor nus pa dang ldan pa zhig yin nam/'on te nus pa dang mi ldan pa zhig yin/ de las cir 'gyur/ gal te nus pa dang mi ldan na ni 'di'i mtshungs pa de ma thag pa'i rkyen la sogs pa nyams par 'gyur ro/ /'on te nus pa dang ldan no zhe na/zag pa dang bcas pa'i sems la yod pa de zag pa dang bcas pa zhig gam/ 'on te zag pa med pa zhig yin/ zag pa dang bcas pa'i sems de yang zag pa dang bcas pa dang zag pa med pa'i sems gzhan gyis mtshungs pa de ma thag pa'i rkyen la sogs pa'i ngo bo byed pa na/ ci nus pa gang kho nas zag pa dang bcas pa'i mtshungs pa de ma thag pa'i rkyen la sogs pa'i ngo bo byed par 'gyur ba de kho nas zag pa med pa yin nam/ gal te de kho nas yin na ni ji ltar nus pa 'chol bar mi 'gyur/ 'on te gzhan zhig gi zag pa med pa'i mtshungs pa de ma thag pa'i rkyen la sogs pa byed par 'gyur na ni ji ltar na gcig la sems de las gzhan ma yin pa'i nus pa 'di gnyis kyi ngo bo tha dad pa nyid dang 'bras bu tha dad pa nyid du rung bar yang 'gyur na ni/kho bo cag gi ltar na yang sems las gzhan ma yin pa'i nus pa rnams de la gnas pa dang / 'bras bu tha dad par yang 'gyur ro/ /de bzhin du zag pa dang bcas pa'i sems zag pa med pa'i sems kyi mtshungs pa de ma thag pa'i rkyen la sogs pa'i ngo bor 'gyur ba yang ci rigs par de dang 'dra ba kho nar nus pa de dag gi ngo bo tha dad pa dang / 'bras bu tha dad par yang brjod par bya'o//des ni mi dge ba de yang dge ba'i sa bon yin par khas blangs pa yin no zhes bya ba la sogs pa smras pa gang yin pa de rigs pa ma yin te/ dge bas nus pa'i khyad par bzhag pas khyad par can du byas pa'i mi dge ba'i sems nus pa can ni mi dge ba'i sa bon gyi bya ba mi byed do//'o na ci zhe na/ dge ba'i sa bon gyi bya ba kho na byed do/ /rang gi nus pa'i khyad par bskyed pas khyad par can du byas pa'i mi dge bas ni mi dge ba'i sa bon gyis bya ba byed na de ji ltar na dge ba'i sa bon mi dge ba yin no zhes bya ba 'di brjod/ mi dge ba'i sems la dge ba'i sa bon de bzhag na ji ltar mi dge bar mi 'gyur zhes smra bar byed na ni khyed kyis sa bon gyi don mi shes te/dge ba'i sems skye bas ni ji ltar na mngon sum mam brgyud pas sems de rang skyed par rung bar 'gyur ba de lta bu'i nus pa'i khyad par can gyi sems mi dge ba bskyed par 'gyur bas sa bon ni nus pa'i khyad par kho nar zad kyi sa bon zhes bya ba cung zad med de/btags pa'i yod pa yin pa'i phyir ro/ /de nyid kyi phyir thob pa dang ma thob pa dag ni btags pa'i yod pa zhes bya'o/ /bye brag tu smra ba rnams na re de dag rdzas su yod pa kho na yin no zhes brjod do//chos 'das pa rnams kyi thob pa 'das pa yang yod/ ces bya ba la sogs pa rgyas par 'byung ba la 'das pa rnams kyi ni 'di lta ste/ nyon mongs pa can rnams kyi thob pa 'das pa ni gang skyes la 'gag pa ste/ de ni sngar skye ba yang yod/ lhan cig skye ba yang yod/dus phyis skye ba yang yod do/ /de dag nyid kyi thob pa ma 'ongs pa ni ma skyes pa yin te phyis skye ba'o/ /de ltar byung ba ni skyes la ma 'gags pa'o/ /ma 'ongs pa rnams kyi thob pa yang 'das pa ni gang sngar skye ba skyes la 'gags pa yin no/ /ma 'ongs pa ni ma skyes pa yin no//da ltar byung ba ni gang sngar skye ba skyes la ma 'gags pa yin no/ /de bzhin du da ltar byung ba rnams kyi thob pa yang 'das pa ni sngar skye ba skyes la 'gags pa yin no/ /ma 'ongs pa ni gang ma skyes pa yin no/ /da ltar byung ba ni gang lhan cig skye ba yin no/ /'das pa la sogs pa'i rigs kyi spyi bzung nas de skad du bshad pa yin gyi 'das pa gcig la gdon mi za bar thob pa rnam pa gsum yod pa ni ma yin no//lung bstan min thob lhan cig skye/ /zhes 'byung ba'i phyir rnam par smin pa 'das pa la ni thob pa 'das pa'am/ ma 'ongs pa med do//gal te rdzas re re'i thob pa rnam par 'jog par byed na ni srid pa'i phyir de lta bur yin par 'gyur te/ nyon mongs pa can dang skyes nas thob pa'i dge ba 'das pa la sogs pa'i thob pa ni gdon mi za bar 'das pa la sogs pa yin no/ / so so'i skye bo la 'phags pa'i lam zag pa med pa ma skyes pa'i thob pa 'das pa ni med do/ /spyir bstan pa 'di ni/ lung bstan min thob lhan cig skye/ /zhes 'byung ba'i phyir dmigs kyis bsal ba dang bcas pa yin par khong du chud par bya'o/ /'dus ma byas rnams kyis thob pa 'das pa ni skyes la 'gags pa yin la/ma 'ongs pa ni ma skyes pa yin/ da ltar byung ba ni skyes la ma 'gags pa yin te/ 'dir ni rtogs par sla bas mdor ma byas so/ /'dod pa dang gzugs dang gzugs med pa na spyod pa rnams kyi thob par ni rim bzhin du 'dod pa dang gzugs dang gzugs med pa na spyod pa yin no zhes bya ba ni 'dod pa'i khams su skyes pa'i sems can gyi 'dod pa na spyod pa'i chos rnams kyi thob pa ni 'dod pa na spyod pa yin no//de nyid kyi gzugs na spyod pa rnams kyi ni gzugs na spyod pa yin no/ /de nyid kyi gzugs med pa rnams kyi ni gzugs med pa na spyod pa yin no//gzugs kyi khams su skyes pa'i yang 'dod pa na spyod pa 'di lta ste/ sprul pa'i sems rnams kyi ni 'dod pa na spyod pa yin no/ /gzugs na spyod pa rnams kyi ni gzugs na spyod pa yin no/ /gzugs med pa na spyod pa rnams kyi ni gzugs med pa na spyod pa yin no//gzugs med pa'i khams su skyes pa'i ni de'i khams kyi thob pa de'i khams pa kho na yin no/ /ma gtogs rnams kyi rnam pa bzhi/ /zhes bya ba ni khams su ma gtogs pa zag pa med pa 'dus byas dang 'dus ma byas rnams kyi thob pa ni mdor bsdu na rnam pa bzhi po 'dod pa dang gzugs dang gzugs med pa na spyod pa dang /zag pa med pa ste ma gtogs pa thams cad kyi mdor bsdu na zhes bya ba'i tha tshig go/ /re re zhing rnam pa bzhi ni ma yin no/ /de'i phyir de la so sor brtags pa ma yin pa'i 'gog pa ni zhes bya ba la sogs pa rgyas par smos te/ 'dod pa'i khams su skyes pa'i 'dod pa na spyod pa la sogs pa'i so sor brtags pa ma yin pas 'gog pa'i thob pa ni ci rigs par 'dod pa na spyod pa yin no//gzugs kyi khams su skyes pa'i gzugs na spyod pa la sogs pa'i so sor brtags pa ma yin pas 'gog pa'i thob pa ni gzugs na spyod pa yin no//gzugs med pa'i khams su skyes pa'i gzugs med pa na spyod pa la sogs pa'i so sor brtags pa ma yin pas 'gog pa'i thob pa ni gzugs med pa na spyod pa yin no/ /de'i thob pa ni sems can gyi rgyud kho nas rnam par gzhag gi gang dag la so sor brtags pa ma yin pas 'gog pa yod pa de dag gi dbang gis ni ma yin no//gal te de lta yin par gyur na ni lam gyi so sor brtags pa ma yin pas 'gog pa'i thob pa zag pa med par 'gyur ro/ /so sor brtags pas 'gog pa'i ni gzugs dang gzugs med pa na spyod pa yang yin la zag pa med pa yang yin no zhes bya ba ni gnyen po ma yin pa'i phyir 'dod pa na spyod pa ni med de/gzugs na spyod pa'i lam gyis thob pa ni gzugs na spyod pa yin no/ /gzugs med pa na spyod pa'i lam gyis thob pa ni gzugs med pa na spyod pa yin no/ /zag pa med pa'i lam gyis thob pa ni zag pa med pa yin no//'phags pas gzugs na spyod pa'i lam gyis thob pa ni gzugs na spyod pa dang zag pa med pa yin la/ gzugs med pa'i lam gyis thob pa ni gzugs med pa na spyod pa dang zag pa med pa yin te/ /'jig rten pa yid chags bral ba'i//'phags la bral ba'i thob rnam gnyis/ /zhes 'byung ba'i phyir ro/ /lam gyi bden pa ni zag pa med pa nyid ces bya ba ni 'di'i thob pa 'jig rten pa yin pa 'gog par byed pa yin no/ /de ni mdor bsdus te rnam pa bzhi yin no zhes bya ba ni mdor bsdu na rnam pa bzhi 'byung ste/khams gsum pa dang zag pa med pa'o zhes bshad pa'i don bstan pa khong du chud par byed pa yin no/ /slob pa'i chos rnams kyi zhes bya ba/ slob pa'i chos ni slob pa'i zag pa med pa'i chos rnams yin no/ /mi slob pa ni mi slob pa'i zag pa med pa dag yin te 'di dag kyang lam gyis bden pa'i ngo bo nyid kho na yin par blta bar bya'o//slob pa dang mi slob pa dag las gzhan pa rnams ni slob pa yang ma yin mi slob pa yang ma yin pa ste/ 'dus ma byas kyi bar ni slob pa yang ma yin mi slob pa yang ma yin par 'dod do//de dag gi thob pa ni slob pa la sogs pa'i bye brag gis rnam pa gsum ste/ slob pa dang mi slob pa dang slob pa yang ma yin mi slob pa yang ma yin pa'o/ /'phags pa ma yin pas thob pa zhes bya ba ni so so'i skye bos thob pa'o/ /de nyid slob pa'i lam gyis zhes bya ba ni so sor brtags pas 'gog pa de nyid 'phags pa'i lam gyis thob pa ni slob pa'o//mi slob pas thob pa ni mi slob pa'o zhes bya ba ni zad pa shes pa dang mtshungs par ldan pa'i lam gyis thob pa'i ste/ zad pa shes pa ni bral ba'i thob pa'i rten yin pa'i phyir ro/ /de 'dren par byed pa yin pa'i phyir de ni slob pa rdo rje lta bus 'thob mod kyi/des thob pa nyid du brjod pa ni slob pas thob pa las mi slob pa'i thob pa khyad par du ma byas par 'gyur bas slob pa des thob pa mi slob pa zhes ma bshad pa yin no/ /de nyid 'phags pa'i lam gyis thob pa ni zag pa med pa zhes bya ba ni so sor brtags pas 'gog pa de nyid 'phags pa'i lam gyis thob pa ni zag pa med pa'o//lam gyis bden pa'i thob pa zag pa med pa yang zhes bya bar skabs dang sbyar ro/ /'phags pas 'jig rten pa'i lam gyis thob pa'i so sor brtags pas 'gog pa'i thob pa ci zag pa dang bcas pa zhig yin nam/'on te zag pa med pa zhig yin/ smras pa gnyi ga yin no/ /de ci'i phyir ma bshad ce na/ rnam par bshad pa rjes ma chad pa yin te/ 'og nas/ /'jig rten pa yi chags bral ba'i/ /'phags la bral ba'i thob rnam gnyis/ /zhes 'di ston par 'gyur bas mi brjod kyi 'dir ni thob pa ma 'dres pa gang yin pa de kho na brjod par rig par bya'o//stobs chung ba'i phyir zhes bya ba ni de mngon par 'du bya ba med par ldan pas stobs chung ba nyid yin no/ /mngon par shes pa lung du ma bstan pa gnyis zhes bya ba ni lha'i mig gi mngon par shes pa dang /lha'i rna ba'i mngon par shes pa'o/ /sprul pa'i sems ma gtogs pa ci zhe na/ lung bstan min thob lhan cig skye/ /zhes bya bar sbyar ro/ /de dag ni sbyor ba'i khyad par gyis 'grub pas stobs dang ldan pa'i phyir zhes bya ba rgyas par 'byung ba ni lha'i mig la sogs pa de dag go//ci zhe na thob pa sngar dang phyis dang lhan cig skye ba yin no/ /sbyor ba'i khyad par gyis 'grub pas zhes bya ba ni lha'i mig gi mngon par shes pa la sogs pa sbyor ba'i khyad par gyis 'grub pa yin no/ /sbyor ba'i khyad par gyis 'grub pa de'i phyir stobs dang ldan pa nyid yin no//stobs dang ldan pa'i phyir thob pa sngar dang phyis dang lhan cig tu skye ba yang yin no zhes bya bar don sbyar ro/ /bzo yi gnas pa kha cig dang / /zhes bya ba ni dper na las thams cad pa lta bu'o/ /spyod lam pa dper na gnas brtan rta thul lta bu shin tu goms pa'i ste/bye brag tu smra ba rnams ni shin tu dang du gyur par 'dod do/ /ci zhe na/ thob pa sngar dang phyis dang lhan cig skye bar zhes bya ba yin no/ /bsgribs pa'i gzugs kyi 'ang zhes bya ba la/ yang zhes bya ba'i sgra ni bsdu ba'i don yin te lhan cig skye ba yod do zhes sdud par byed pa yin no//nyon mongs pa can gyi gzugs de yang bsam gtan dang po'i sa pa'i rnam par rig byed kyi gzugs kho na yin par rig par bya ste/ de las gzhan pa'i sa dag na ni kun nas slong ba med pa'i phyir ro/ /chen pos kyang zhes bya ba rgyas par 'byung ba ni sems chen pos bsgribs pa'i rnam par rig byed slong ba'i rnam par rig byed kyi sems chen po de nyid kyis kyang rnam par rig byed ma yin pa slob par mi byed de de bas na stobs chung ba nyid du grub po//stobs chung ba nyid du grub pa de'i phyir thob pa lhan cig skye ba kho na yin no/ /thob pa'i bye brag zhes bya ba ni rnam par smin pa las skyes pa la sogs pa ma bsgribs la lung du ma bstan pa rnams kyi thob pa ni lhan cig skye ba yin la/mngon par shes pa gnyis la sogs pa'i thob pa ni sngar dang phyis dang lhan cig skye ba yang yin no zhes bya ba ni de dag gi bye brag yin no/ /'dod pa na/ gzugs kyi sngar ni skye ba med//ces bya ba ni 'dod pa na spyod pa'o/ /dge ba dang / mi dge ba'i rnam par rig byed dang rnam par rig byed ma yin pa'i gzugs kyi thob pa ni rnam pa thams cad du sngar skye ba med de/ /gal te dge ba'i yang rung / gal te mi dge ba'i yang rung ste/ med pa kho na'o zhes bya ba'i tha tshig go//lhan cig skye ba dang phyis skye ba ni yod do zhes bya ba ni ci rigs par sbyar ba ste/ 'di lta ste/ rnam par rig byed dang / rnam par rig byed ma yin pa'i skad cig ma dang po'i thob pa ni thog mar lhan cig skye ba yin no/ /med pa kho na pa la sogs pa la ni skad cig ma de nyid kyi dus phyis skye ba yang yin te/de bzhin du skad cig ma gnyis pa la sogs pa gzhan dag gi thob pa yang lhan cig skye ba dang dus phyis skye ba yin par rig par bya'o/ /'dod pa na spyod pa'i gzugs kho na'i thob pa sngar skye ba bkag pas bsam gtan dang zag pa med pa'i sdom pa'i gzugs kyi thob pa ni dus gsum du skye ba yod do zhes skabs phye ba yin no//ci'i phyir ma thob pa rnam pa thams cad du ma bsgribs la lung du ma bstan pa kho na yin par rnam par gzhag ce na/ gal te nyon mongs pa rnams kyi ma thob pa nyon mongs pa can yin par 'gyur na ni nyon mongs pa spangs pa la nyon mongs pa kho na bzhin du med par 'gyur ro//gal te dge ba yin par gyur na ni dge ba'i rtsa ba kun du chad pa la yang med par 'gyur la/ zag pa med pa'i chos rnams kyi ma thob pa yang zag pa med par gyur pas so so'i skye bo yin par mi 'gyur te/ rtag tu 'phags pa'i chos dang ldan pa'i phyir ro//de bas na shugs kyis ma thob pa ni ma bsgribs la lung du ma bstan pa kho na yin no zhes bya bar gzhag go/ /da ltar byung ba'i ma thob pa da ltar byung ba ni med do zhes bya ba ni da ltar byung ba'i chos la ni thob pa yod do/ /de lta bas na 'di la ma thob pa da ltar byung ba med de/de la thob pa dang ma thob pa phrad pa mi srid pa'i phyir ro/ /'das pa dang ma 'ongs pa dag gis ni dus gsum pa yin no zhes bya ba ni sbyor ba las byung ba'i yon tan ma thob pa dang / thob nas rnam par nyams pa dang / ma 'ongs pa rnams dang mig la sogs pa gang la thob pa med pa'i ma thob pa ni 'das pa yang yod la ma 'ongs pa yang yod/da ltar byung ba yang yod do/ /de dag gi ma thob pa ni rgyun gyi tshul du skye bar yang 'gyur/ 'gag par yang 'gyur/ ma 'ongs pa na 'dug par yang 'gyur ro/ /'dod sogs gtogs dang dri med kyi'ang / / zhes bya ba la/ yang zhes bya ba ni rnam pa gsum dang sbyar ba'i phyir ro/ /'dod pa'i khams la sogs par gtogs shing ma bral ba ni 'dod sogs gtogs so/ /'dod pa la sogs par gtogs pa rnams dang / dri ma med pa rnams kyi ma thob pa ni rnam pa gsum ste/ de ni skye ba'i rten gyi dbang gis rnam par gzhag pa'i phyir ro//ma thob pa ni chos dang lhan cig gnas pa can ma yin pas thob pa bzhin du chos kyi dbang gis ni rnam par mi gzhag go/ /de lta bas na 'dod pa'i khams su skyes pa'i 'dod pa dang gzugs dang gzugs med pa na spyod pa rnams dang /zag pa med pa'i chos rnams kyi ma thob pa ni 'dod pa na spyod pa yin la/ gzugs kyi khams su skyes pa'i ni gzugs na spyod pa yin no/ /gzugs med pa'i khams su skyes pa'i ni gzugs med pa na spyod pa yin te/ 'di lta ste 'dod pa'i khams su skyes pa'i sbyor ba las byung ba'i yon tan rnams dang /dge ba'i rtsa ba kun du chad pa'i gnas skabs na skye bas thob pa rnams kyi ma thob pa dang / 'dod chags dang bral ba ma yin pa'i phyir gzugs dang gzugs med pa na spyod pa nyon mongs pa can ma yin pa rnams kyi ma thob pa dang / so so'i skye bo yin pa'i phyir zag pa med pa rnams kyi ma thob pa ni 'dod pa na spyod pa yin no//de bzhin du gzugs kyi khams su skyes pa'i 'dod pa na spyod pa'i sa 'phos pas btang ba rnams dang / gzugs dang gzugs med pa na spyod pa sbyor ba las byung ba'i yon tan rnams dang / so so'i skye bo yin pa'i phyir 'phags pa'i chos rnams kyi ma thob pa de ni gzugs na spyod pa yin no/ /de bzhin du gzugs med pa'i khams su skyes pa'i 'dod pa dang / gzugs na spyod pa sa 'phos pas btang ba rnams dang / gzugs med pa na spyod pa sbyor ba las byung ba'i yon tan rnams dang /so so'i skye bo yin pa'i phyir 'phags pa'i chos rnams kyi ma thob pa ni gzugs med pa na spyod pa yin no zhes bya bar sbyar ro/ /so so'i skye bo nyid gang zhe na/ 'phags pa'i chos rnams kyi ma rnyed pa'o zhes bya ba bstan bcos las 'byung ba 'dis ni ma thob pa la zag pa med pa nyid med par ston par byed pa yin no//'phags pa'i chos gang dag gis ma rnyed pa yin zhes bya ba ni 'phags pa'i chos ni sdug bsngal la chos shes pa'i bzod pa nas bzung ste/ zag pa med pa'i lam thams cad yin pas de'i phyir de skad du 'dri'o//thams cad kyi yin te/ khyad par med par 'byung ba'i phyir ro zhes bya ba sdug bsngal la chos shes pa'i bzod pa la sogs pa nas mi slob pa'i ye shes la thug pa'i bar rnams kyi ma rnyed pa yin te/ ci'i phyir zhe na/ khyad par du ma byas pa'i phyir ro//gal te de lta na sdug bsngal la chos shes pa'i bzod pa skyes kyang 'phags pa'i lam lhag ma rnams kyi ma rnyed pa yod pas 'phags pa ma yin par 'gyur ro/ /de lta bas na rnyed pa med par gang yin pa ste zhes bya ba 'di smos te/ rnyed pa med par ma rnyed pa gang yin pa de ni so so'i skye bo nyid ces bya ba yin no//de lta ma yin na zhes bya ba rgyas par 'byung ba ni gal te 'phags pa'i chos rnyed kyang 'phags pa'i chos gzhan dag gi ma rnyed pa so so'i skye bo nyid yin par 'dod na/ sangs rgyas kyang nyan thos dang rang sangs rgyas kyi rgyud la yod pa'i 'phags pa'i chos dag dang mi ldan pa'i phyir 'phags pa ma yin par 'gyur te/ma rnyed pa 'ba' zhig smos na ni 'di lta bur thal bar 'gyur ro/ /'o na ni 'phags pa'i chos rnams kyi rnyed pa kho na'o zhes kho na zhes bya ba'i sgra gdon dgos so/ /tshig gcig pu dag kyang nges par 'dzin pa yin te zhes bya ba ni tshig gcig pu dag 'ba' zhig kyang zhes bya ba'i tha tshig go//dper na chu 'thung ba'o/ /rlung za ba'o zhes bya ba bzhin no zhes bya ba ni chu kho na 'thung ba'o/ /rlung kho na za ba'o zhes ma brjod kyang kho na zhes bya ba'i sgra'i don yang rtogs par 'gyur ba ltar 'dir yang de dang 'dra'o//rnam pa gcig tu ni ji ltar gang zhig chu kho na 'thung bar byed pa de ni chu 'thung ba yin la/ gang zhig rlung kho na za bar byed pa de ni rlung za ba yin no zhes 'dir kho na zhes bya ba mngon par bstan pa nyid kyi nges par 'dzin pa'i don go bar 'gyur ba de bzhin du/ 'dir yang ma rnyed pa kho na'o zhes bya ba yin no//gzhan dag na re sdug bsngal la chos shes pa'i bzod pa dang de dang lhan cig 'byung ba rnams kyi'o zhes zer ro zhes bya ba rgyas par 'byung ba ni/ sdug bsngal la chos shes pa'i bzod pa dang / de dang lhan cig 'byung ba tshor ba la sogs pa'i chos rnams kyi ma rnyed pa ni so so'i skye bo nyid yin no//phyogs 'di la ni sdug bsngal la chos shes pa'i bzod pa skyes kyang 'phags pa'i chos lhag ma rnams kyi ma thob pa yod pas 'phags pa ma yin par 'gyur ro zhes nyes pa smras pa gang yin pa der mi 'gyur ro/ /'o na gang gi tshe 'bras bu thob pa de'i tshe sdug bsngal la chos shes pa'i bzod pa dang de dang lhan cig 'byung ba rnams rnam par nyams par 'gyur bas 'bras bu thob pa ni 'phags pa ma yin par 'gyur zhes bya ba'i nyes pa yang yongs su spang ba'i phyir smras pa/de dag btang bas bzod pa dang de dang lhan cig 'byung ba de dag btang bas 'phags pa ma yin pa nyid du thal bar yang mi 'gyur te/de dag gi ma rnyed pa gtan du bcom pa'i phyir ma rnyed pa de shin tu rnam par nyams pa'i phyir ro/ /'di ji ltar gtan du bcom pa yin zhe na/ de'i rgyud la yang mi skye ba'i phyir ro/ /'o na ni de dag kyang rigs gsum pa yin no zhes bya ba ni nyan thos dang rang sangs rgyas dang sangs rgyas kyi rigs yin na/gang dag gi ma rnyed pa yin/ /thams cad kyi'o zhes bya ba ni nyan thos la sogs pa'i rigs kyi yin no/ /'o na ni nyes pa de nyid du 'gyur ro zhes bya ba ni sangs rgyas kyis kyang rigs gsum char ma rnyed pas 'phags pa ma yin par 'gyur ro zhes bya ba'i tha tshig go//lan yang de nyid yin no zhes bya ba ni snga ma bzhin du de ni rnyed pa med pa gang yin pa ste zhes bya ba nas rgyas par dper na chu 'thung ba'o rlung za ba'o zhes bya ba'i bar yin no/ /'o na ni 'bad pa don med pa yin no zhes bya ba ni bzod pa'i lhag ma 'phags pa'i chos gzhan gyi ma rnyed pa yod pas 'phags pa ma yin par 'gyur ro zhes bya ba 'di spang ba'i phyir bzod pa dang de dang lhan cig 'byung ba rnams kyi ma rnyed pa rnams ni so so'i skye bo nyid yin no zhes bya ba'i 'bad pa gang yin pa de ni don med par 'gyur te/'di ni phyogs snga ma'i nyes pa spong ba kho na la 'bad pa byed par zad do/ /'phags pa'i chos rnams ma skyes pa'i rgyud ces bya ba ni 'di la 'phags pa'i chos rnams ma skyes pa yod pas na 'phags pa'i chos rnams ma skyes pa'i rgyud ni so so'i skye bo nyid yin te/'phags pa'i chos rnams ma skyes pa'i phung po'i rgyud ces bya ba'i tha tshig go/ /shugs kyis na 'phags pa'i chos rnams skyes pa'i rgyud ni 'phags pa nyid yin no zhes bshad pa yin no/ /gnas gyur pa'i phyir ro/ /yang ma thob pa 'di ji ltar zhes bya ba ni chos thams cad kyi ma thob pa gleng bar byed pa yin gyi 'phags pa'i chos ma thob pa 'ba' zhig ni ma yin no//re zhig 'di lta ste zhes bya ba 'di ni dper brjod pa yin no/ /de ni rnyed pas rnam par nyams par 'gyur/ /zhes bya ba ni ma rnyed pa'i mtshan nyid kyi so so'i skye bo nyid de ni 'phags pa'i lam de rnyed pas rnam par nyams par 'gyur ro//so so'i skye bo nyid de khams gang zhig yin zhe na/ kha cig na re khams gsum pa yin no zhes zer ro/ /ma rnyed pa ni skye ba'i rten gyi dbang gis rnam par gzhag pa ma yin nam/ so so'i skye bo nyid kyang ma rnyed pa'i ngo bo nyid yin pas/ da lta bas na 'dod pa na spyod pa'i sems can la ni 'dod pa na spyod pa kho na'i so so'i skye bo nyid yin gyi gzugs dang gzugs med pa na spyod pa'i ni ma yin te/ de'i phyir khams gsum pa yin pa rnam par nyams par 'gyur bas 'di ni rung ba ma yin par blta'o/ /'on te de mi skye ba'i chos can du gyur pa'i phyir de khams gsum pa rnam par nyams so zhes nye bar btags te rtogs pa yin na ni/de ni yin du zad de 'di ni mi 'gog go/ /'dod pa na spyod pa'i so so'i skye bo gcig kho na'i thob pa yod la de ni 'jig rten pa'i chos kyi mchog gi gnas skabs na rnam par nyams par 'gyur ro zhes bya bar shes te/de yang 'dod pa'i 'dod chags dang bral ba rnam par grol ba'i lam dgu pa la spong bar 'gyur ro/ /'phags pa gzugs dang gzugs med pa'i khams dag tu skyes pa'i sa so so na yod pa'i so so'i skye bo rnams kyi thob pa ni 'phags pa'i lam thob pa'i mthu kho nas skye bar mi 'gyur la/de dag ni so sor rnam par grol ba'i lam dgu pa la spong bar 'gyur ro zhes bya bar khong du chud par bya'o/ /sa 'phos pa las zhes bya ba ni gang gi tshe 'dod pa'i khams las 'dod chags dang bral bar byas te bsam gtan dang por 'phos pa de'i tshe 'dod pa na spyod pa'i so so'i skye bo nyid de rnam par nyams par 'gyur te/bsam gtan dang po'i sa pa'i so so'i skye bo nyid skye ba'i phyir 'phags pa ni ma yin no/ /de bzhin du gzugs med pa'i khams su sa 'phos pas gzugs na spyod pa'i so so'i skye bo nyid rnam par nyams par 'gyur ro//sa gong ma nas sa 'og mar 'phos pas kyang sa gong ma pa'i so so'i skye bo rnam par nyams par 'gyur ro zhes bya bar brjod par 'gyur ro/ /gzhan dag gi yang de bzhin du sbyar bar bya'o zhes bya ba ni ji ltar 'phags pa'i lam gyi thob pas ma thob pa so so'i skye bo nyid rnam par nyams par 'gyur ro zhes bya ba sbyar ba de bzhin du thob pa dang bsams pa las byung ba la sogs pa'i chos rnams kyi ma thob pa rnam par nyams par 'gyur ba yang sbyar bar bya ba yin no//ji lta zhe na/ re zhig 'dod pa na spyod pa'i thos pa dang bsams pa las byung ba la sogs pa'i chos rnams kyi ma thob pa'i rnyed pa ni thob pas rnam par nyams par 'gyur la/skye bas thob pa'i dge ba rnams dge ba'i rtsa ba kun du chad pa'i ma thob pa yang thob pas rnam par nyams par 'gyur ro/ /sa 'phos pa las ni gang gi tshe 'di 'dod pa'i khams nas shi 'phos te bsam gtan dang por skye bas 'pho ba de'i tshe de'i sa pa 'gro bas bsdus pa'i phung po rnams kyi ma thob pa rnam par nyams par 'gyur te 'gro ba dag ni nyon mongs pa can ma yin zhing lung du ma bstan pa kho na yin no zhes 'chad par 'gyur la/lung bstan man 'thob lhan cig skye//zhes kyang bshad zin to/ /de bzhin du bsam gtan dang po'i sa pa'i sbyor ba las byung ba rnams kyi ma thob pa ni thob pas rnam par nyams par 'gyur ro/ /sa 'phos pa las ni sa gong ma pa 'gro bas bsdus pa'i sa der 'phos pas rnam par nyams par 'gyur ro//kha cig gi sa 'pho ba rnam par bshad pa dper brjod pa 'di ni bye brag tu ma phyed par blta ste/ sa gong mas bsdus pa'i phung po rnams kyi ma thob pa ni sa 'phos pas rnam par nyams par 'gyur ba 'ba' zhig tu ma zad do/ /'o na ci zhe na/ de thob pas kyang yin no//dper brjod pa 'di ni ma 'chol bar blta ste/ 'di lta ste bsam gtan gnyis pa la sogs pa'i sbyor ba las byung ba'i yon tan rnams kyi ma thob pa ni de dag ma thob pa 'dod pa na spyod pa'i sems can rnams la yod la/ de gal te 'dod pa rnams las 'dod chags dang bral bar byas nas bsam gtan dang por skye na/de dag gi ma thob pa de ni sa 'phos pas rnam par nyams par 'gyur ro/ /de dag gi bsam gtan dang po'i sa pa'i thob pa ni skye ba kho na ste/ de bzhin du gzhan dag gi yang sbyar bar bya'o/ /de lta na thob pa rnams thug pa med par thal bar 'gyur ba ma yin nam zhes bya ba ni thob pa'i yang thob pa yod la de'i yang gzhan de'i yang gzhan yod pas thug pa med pa yin no//phan tshun ldan pa'i phyir zhes bya ba ni thob pa'i thob pa dang ldan pas thob pa dang ldan la/ thob pa dang ldan pas ni thob pa'i thob pa dang ldan no zhes bya ba'i tha tshig go//thob pa skyes pas zhes bya ba rgyas par 'byung ba ni/ thob pa skyes pas chos sam sems de dang yang ldan par 'gyur la/ thob pa'i thob pa dang yang ldan par 'gyur ro zhes bya bar sbyar ro/ /thob pa'i thob pa skyes pas thob pa kho na dang ldan par 'gyur ro/ /de ltar na thob pa ni gnyi ga la bya ba byed la thob pa'i thob pa ni gcig la yin te/de'i phyir thug pa med pa ma yin no/ /dge ba yang rung nyon mongs pa can yang rung zhes bya ba ni 'di gnyis kyi thob pa sngar skye ba dang dus phyis skye ba yod pa'i phyir smos pa yin te/ lung du ma bstan pa'i thob pa ni lhan cig skye ba kho na yin no//skad cig ma gnyis pa la zhes bya ba rgyas par 'byung ba ni skad cig ma gnyis pa la chos de dang de'i thob pa dang thob pa'i thob pa dag ces bya ba thob pa gsum skye ste/ thob pa dag dang ldan pas de dag dang ldan par 'gyur ro/ /yang thob pa gsum po de dag dang ldan par bya ba'i phyir thob pa'i thob pa gsum skye ste/thob pa drug tu 'gyur ro/ /skad cig ma dang po dang gnyis pa las skyes pa'i rdzas rnams kyi zhes bya ba ni chos dang bcas pa dang rdzas dgu'i thob pa dgu po rjes kyi thob pa dang bcas pas bco brgyad du 'gyur ro/ /de ltar thob pa rnams gong nas gong du spel ba'i 'gres kyis zhes bya ba rgyas par 'byung ba ni thob pa rnams kyi skad cig ma gong nas gong du spel ba'am/thob pa rnams skad cig ma gong nas gong du spel ba ste de'i 'gres ni gong nas gong du spel ba'i 'gres so/ /gong nas gong du spel ba'i 'gres des thob pa 'di dag bskyed na'o//phyogs tsam zhig bstan par bya ste/ skad cig ma bzhi pa la ni skad cig ma dang po la skyes pa'i chos dang thob pa dang rjes kyi thob pa dag dang bcas pa gsum yang yod la skad cig ma gnyis pa la skyes pa'i thob pa dang rjes kyi thob pa phyis kyi thob pa dang ldan pa drug kyang yod do//de bzhin du skad cig ma gsum pa la skyes pa'i thob pa dang rjes kyi thob pa phyis kyi thob pa dang ldan pa bco brgyad kyang yod pas skad cig ma bzhi pa la ni skad cig ma dang po dang gnyis pa dang gsum pa la skyes pa rnams kyi thob pa nyi shu rtsa bdun rjes kyi thob pa de snyed dang bcas na thob pa lnga bcu rtsa bzhi skye bar 'gyur ro//skad cig ma lnga pa la ni skad cig ma dang po dang gnyis pa dang gsum pa la skyes pa rnams kyi thob pa dang rjes kyi thob pa lnga bcu rtsa bzhi dang skad cig ma bzhi pa la skyes pa rnams kyi thob pa dang rjes kyi thob pa lnga bcu rtsa bzhi pa phrag gnyis yod pas lnga bcu rtsa bzhi pa phrag gsum ste/thob pa brgya drug cu rtsa gnyis skye bar 'gyur te/ de ltar gong nas gong du spel ba'i bsgre bas brjod par bya'o/ /'das pa dang ma 'ongs pa zhes bya ba 'dir da ltar byung ba ma smos pa ni gdon mi za ba ma yin pa'i phyir ro//skyes nas thob pa zhes bya ba 'dir sbyor ba las byung ba ma smos pa yang gdon mi za ba ma yin pa nyid kyi phyir ro// //bam po bcu bzhi pa/ thog ma dang tha ma med pa'i 'khor bar gtogs pa zhes bya ba ni srog chags gcig la yang skad cig skad cig la yang thog ma med pa dang tha ma med pa'i 'khor bar gtogs pa rnams kyis thob pa mtha' yas shing tshad med pa dag skye bar 'gyur na mang po rnams lta smos kyang ci dgos zhes bya ba yin no//rdzas mtha' yas pa nyid ni thob pa'i rdzas mtha' yas pa zhes bya ba'i tha tshig go//kye ma 'di ni thob pa rnams kyi dga' ston chen po zhig ste zhes bya ba 'di ni bsting ba yin no/ /stes te thob pa rnams gzugs can ma yin pa'i phyir ro/ /thogs pa med pas 'di ltar go skabs rnyed do/ /skal mnyam sems can 'dra ba'o/ /zhes bya ba ni 'di dag la skal ba bsten pa mtshungs pa yod pas na skal ba mnyam pa'o//de'i ngo bo ni skal ba mnyam pa nyid do/ /yang na skal ba bsten pa mtshungs pas na skal ba mnyam pa'o/ /de nyid skal ba mnyam pa nyid gang dang ldan pas skal ba mnyam par 'gyur ba de ni rdzas yin no/ / sems can rnams kyi 'dra ba ni spyi ste mtshungs pa zhes bya ba'i tha tshig go/ /sems can smos pa ni sems can ma yin pa bsal ba'i phyir te/ sems can rnams dang sems can du bgrang ba'i chos rnams kyi 'dra ba ni skal ba mnyam pa nyid yin gyi/ sems can du bgrang ba ma yin pa sA lu dang nas la sogs pa dag gi ni yin par mi 'dod do//bstan bcos las ni 'di'i ming ris mthun pa zhes 'byung ngo zhes bya ba ni bstan bcos ye shes la 'jug pa la sogs pa las ni ris mthun pa zhes bya ba'i ming 'dis sems dang ldan pa ma yin pa gang yin pa bstan to//'dir ni tshigs su bcad pa bsdebs pa dang mthun par skal ba mnyam pa nyid ces bya ba'i ming 'dis bstan to snyam du bsams pa yin no/ /de yang tha dad pa ma yin pa dang tha dad pa ste zhes bya ba ni sems can thams cad la yod pa gang yin pa de ni sems can re re zhing gzhan dang gzhan yin yang 'dra ba'i phyir tha dad pa ma yin pa zhes bya'o//de ji ltar bye brag pa rnams kyi lta bu gcig pu dang rtag pa ni ma yin no/ /tha dad pa ni kha cig la ni yod la kha cig la ni med pa gang yin pa'o/ /de nyid kyi phyir tha dad pa la ni zhes bya ba rgyas par smos te/ khams ni 'dod pa la sogs pa gsum mo/ /'gro ba ni dmyal ba la sogs pa lnga'o/ /skye gnas ni sgo nga la sogs pa bzhi'o/ /rigs ni bram ze la sogs pa'o/ /sogs pa zhes bya ba'i sgras ni dge bsnyen ma dang dge slong ma dang slob pa yang ma yin mi slob pa yang ma yin pa la sogs pa bsdus pas so//phung po dang skye mched dang khams kyi sgo nas so zhes bya ba ni phung po'i skal ba mnyam pa nyid nas chos kyi khams kyi skal ba mnyam pa nyid kyi bar yin no/ /khyad par med par zhes bya ba ni spyi'i ngo bo yin no/ /'dogs par yang zhes bya ba ni brjod par yang zhes bya ba'i tha tshig go//phung po la sogs blo dang 'dogs pa dag la yang de bzhin du sbyar bar bya'o zhes bya ba ni gal te phung po'i skal ba mnyam pa nyid kyi rdzas khyad par med pa zhig med na phan tshun khyad par tha dad pa'i phung po rnams la bye brag med par phung po phung po zhes bya ba'i blo 'jug pa dang /'dogs par yang mi 'gyur zhes bya ba yin no/ /kha cig ni khams la sogs pa'i blo dang 'dogs pa dag la yang de bzhin du sbyar bar bya'o zhes 'don par byed de/ de dag gi ltar na 'di skad du gal te skal ba mnyam pa nyid ces bya ba nas rgyas par phan tshun khyad par tha dad pa'i khams rnams la khyad par med par 'dod pa na spyod pa 'dod pa na spyod pa zhes bya ba'i blo dang 'dogs par yang mi 'gyur ro zhes brjod par bya'o//'chi 'pho bar yang 'gyur zhing skye bar yang 'gyur la sems can gyi skal ba mnyam pa nyid 'dor bar yang mi 'gyur 'thob par yang mi 'gyur ba yod dam zhes bya ba la/sems can gyi skal ba mnyam pa nyid ces bya ba ni sems can rnams kyi skal ba mnyam pa nyid ni sems can gyi skal ba mnyam pa nyid de mi nyid la sogs pa'i mtshan nyid yin no/ /sems can smos pa ni chos las khyad par du bya ba'i phyir te/mu bzhi pa 'dir ni sems can gyi skal ba mnyam pa nyid brjod par 'dod pa yin gyi chos kyi skal ba mnyam pa nyid ni ma yin no/ /'dir ni sems can sems can zhes bya ba'i rnam pa'i skal ba mnyam pa nyid kyang yin par mi 'dod de/gal te de yin par 'dod par gyur na sems can gyi skal ba mnyam pa nyid de ni 'gro ba 'phos kyang de'i so na 'dug pa'i phyir mu gsum pa 'grub par mi 'gyur ro/ /mu bzhi zhes bya ba la/ de nyid du skye ba na'o zhes bya ba ni/ 'di lta ste/ mi'i 'gro ba nas shi 'phos te/ mi'i 'gro ba kho nar skye ba na 'chi ba'i phyir 'chi 'pho bar yang 'gyur zhing de nyid du nying mtshams sbyor ba dang ldan pa'i phyir skye bar yang 'gyur la 'dis mi'i skal ba mnyam pa nyid 'dor ba yang mi 'gyur la/ 'thob par yang mi 'gyur te/ mi'i skal ba mnyam pa nyid de de'i so na 'dug pa'i phyir ro//gnyis pa ni nges pa la 'jug pa na ste zhes bya ba ni des ni sems can gyi skal ba mnyam pa nyid de so so'i skye bo'i ngo bo nyid 'dor zhing 'phags pa'i ngo bo nyid gzhan 'thob bo/ /gsum pa ni 'gro ba 'pho ba las so zhes bya ba ni 'di lta ste/ mi'i 'gro ba nas shi 'phos te lha'i 'gro bar skye ba na de bzhin du 'chi ba'i phyir 'chi 'pho bar yang 'gyur zhing /de nyid du nying mtshams sbyor ba dang ldan pa'i phyir skye bar yang 'gyur la/ sems can gyi skal ba mnyam pa nyid mi'i skal ba mnyam pa nyid kyi mtshan nyid 'dor bar yang 'gyur zhing lha'i skal ba mnyam pa nyid kyi mtshan nyid gzhan 'thob par yang 'gyur ro//bzhi pa ni rnam pa de dag ma gtogs pa'o zhes bya ba ni gong du bshad pa'i mu'i ngo bo nyid kyi rnam pa dag ma gtogs pa'o zhes bya ba'i tha tshig go/ /'di lta ste/ so so'i skye bo'am 'phags pa gson pos cung zad kyang mi thob pa lta bu'o/ / gal te so so'i skye bo'i skal ba mnyam pa nyid ces bya ba'i rdzas zhig yod na go so so'i skye bo nyid kyis ci zhig bya ste zhes bya ba ni mi dgos so zhes bya ba'i tshig lhag ma yin no/ /so so'i skye bo'i skal ba mnyam pa nyid kho nas so so'i skye bo zhes bya bar yongs su chod par 'gyur ro/ /dper na mi'i skal ba mnyam pa nyid kho nas mi zhes bya ba lta bu yin no//bye brag tu smra ba dag ma rnyed pa bzhin du mi'i skal ba mnyam pa nyid las mi nyid ces bya ba ngo bo nyid gzhan zhig tu rtog par ni mi byed do/ /de la sgrub pa ni so so'i skye bo nyid ni/ rang gi skal ba mnyam pa nyid las gzhan pa ma yin te/rang gi skal ba mnyam pa nyid kyi rkyen gyis brjod par bya ba yin pa'i phyir mi nyid lta bu'o/ /'jig rten gyis ni skal ba mnyam pa nyid gzugs can ma yin pa'i phyir mi mthong ba nyid la zhes bya ba ni 'jig rten gyi mig gis ni skal ba mnyam pa nyid gzugs can ma yin pa'i phyir te gzugs med pa'i phyir ram/gzugs kyi ngo bo nyid ma yin pa'i phyir mi mthong ngo / /ji ltar mi mthong ba de bzhin du mi thos pa nas reg par mi 'gyur ba'i bar du de dang 'dra ste/ 'dis ni mngon sum gyis ma grub pa nyid du ston par byed do/ / 'di shes rab kyis kyang yongs su mi chod mod kyi zhes bya ba 'dis ni rjes su dpag pas kyang mi 'grub bo zhes ston par byed do/ /sems can rnams kyi rigs tha mi dad pa yang khong du chud do zhes bya ba ni de med par yang ngo / /de las ji lta bu zhig byed ces bya ba ni rigs tha mi dad pa rtogs pa yod la de ni skal ba mnyam pa nyid rdzas gzhan du brtags pas byas pa ma yin te tshad mas mi dmigs pa nyid kyis de'i las mi srid pa'i phyir ro//khyod spyi'i blo ni rgyu mtshan med pa 'byung bar 'os pa ma yin te des na spyi'i blo de'i rgyu mtshan gang yin pa de ni skal ba mnyam pa nyid ces bya ba'i rdzas yin no zhes smra bar 'gyur na/kho bo cag kyang spyi'i blo de rgyu mtshan dang bcas pa yin par ni smra ste/ blo de ni 'dra bas byas pa yin la 'dra ba de yang rdzas gzhan ma yin no zhes smra'o/ /de'i phyir gzhan yang sems can ma yin pa skal ba mnyam pa nyid kyang ci'i phyir mi 'dod ces bya ba rgyas par smos te/sems can sems can snyam pa'i spyi'i blo ni skal ba mnyam pa nyid rdzas gzhan gyi rgyu mtshan can ma yin te/ spyi'i rnam pa can du 'byung ba'i phyir sA lu dang nas dang mon sran gre'u la sogs pa'i spyi'i blo lta bu'o/ /'di dag gi spyi'i blo ni sA lu dang nas la sogs pa'i rang gi rigs 'dra bas byas pa yin la/de dag gi rang gi rigs 'dra ba yang rang las don gzhan ni ma yin no/ /skal ba mnyam pa phan tshun tha dad pa de dag kyang zhes bya ba rgyas par 'byung ba ni sems can gyi skal ba mnyam pa nyid kyang gzhan yin la/khams kyi skal ba mnyam pa nyid kyang gzhan yin/ 'gro ba'i skal ba mnyam pa nyid kyang gzhan yin no zhes skal ba mnyam pa nyid phan tshun tha dad par 'dod do/ /khyed ni de dag la 'di yang skal ba mnyam pa nyid do/ /'di yang skal ba mnyam pa nyid do zhes tha mi dad par skal ba mnyam pa nyid do zhes bya bar 'dogs pa 'di byed de//gal te de la yang gang gis na skal ba mnyam pa nyid kyi spyi'i blo 'byung bar 'gyur ba mnyam pa gzhan zhig yod par khas len na de'i phyogs snga ma dang 'gal ba'i phyir phyogs su mi rung ngo / /de lta na ni bye brag pa rnams kyis gsal bar byas pa yin te zhes bya ba ni 'bar bar byas shing gzhung btsugs so snyam du bsams pa yin te/de dag kyang spyi'i dngos por smra ba yin la khyed kyang yin pas so/ /gcig yin yang me tog gi phreng ba'i skud pa lta bu'am/ 'byung po'i mgul du srad bu sbrengs pa ltar du ma la 'jug pa 'di ni bye brag pa de dag gi khyad par yin no//spyi'i rdzas su smra ba'i phyir gal te gsal bar byas kyang rung / gcig dang du ma dang rtag pa nyid dang mi rtag pa nyid la sogs pa khyad par du smra ba'i phyir gsal bar ma byas kyang rung ste/ bye brag pa rnams kyis 'jig rten pha rol yod pa nyid du brtags zhes te rnam par mi gzhag pa ni ma yin no/ /brgya la ni mi rnams dang skal ba mnyam pa 'di lta bu nyid du 'ong na zhes bya ba rgyas par 'byung ba ni srog gcod pa kun du bsten pa dang goms par byas pa dang len mang du byas pas dmyal ba dag tu skye bar 'gyur ro//brgya la mi rnams dang skal ba mnyam pa 'di lta bu nyid du 'ong na yang srog bcad pas tshe thung bar 'gyur ro zhes bya ba rgyas par gsungs pa yin te/ rnam pa 'di lta bu ni 'di lta bu'o/ /de'i ngo bo ni 'di lta bu nyid do/ /slob dpon 'dus bzang na re ni lus dang dbang po dang dbyibs dang spyod pa dang zas la sogs pa bsten pa mtshungs pa nyid kyi rgyu dang phan tshun mngon par dga' ba'i rgyu mtshan ni skal ba mnyam pa nyid yin no zhes zer te/'di ni kho bo cag kyang de skad du smra mod kyi skal ba mnyam pa nyid de rdzas gzhan ni ma yin te/'du byed de dag kho na de lta bu'i rgyu'i ngo bor 'gyur bar zad do zhes bya ba 'di kho nas gsal ba yin no/ /'du shes med pa la 'du shes/ /med par sems dang sems byung rnams/ /'gog pa'o zhes bya ba rgyas par 'byung ba ni 'di 'du shes med pa rnams kyi yin pas/ 'du shes med pa pa'am 'du shes med pa dag na yod pas 'du shes med pa pa'o//sems dang sems las byung ba rnams 'dis 'gog par 'gyur ba'am/ sems dang sems las byung ba rnams 'gog pas na 'gog pa'o/ /gang gis ma 'ongs pa'i dus na 'dug pa'i sems dang sems las byung ba rnams dus gzhan gyi bar du dus re zhig 'gog cing skyer mi ster ba zhes bya ba'i tha tshig ste/de ni 'du shes med pa pa zhes bya ba'i rdzas yin no/ /rlung gis chu 'gog pa bzhin no/ /zhes bya ba ni 'gag bzhin zhes bya ba'i tha tshig go/ /bsam gtan khyad par can bzhin no zhes bya ba ni ji ltar bsam gtan khyad par can gang dag gi phyogs gcig na tshangs pa chen po kha cig 'khod pa'i lha de dag ni tshangs pa'i mdun na 'don zhes bya ba yin pa de bzhin du 'du shes med pa'i sems can dag kyang 'bras bu che ba zhes bya ba'i phyogs gcig na 'khod kyi de'i sa gzhan ni med do//skye ba'i dus dang 'chi 'pho ba'i dus na 'gyur te zhes bya ba ni 'du shes can du zhes bya bar sbyar te/ nyon mongs pa can gyi yid kyis nying mtshams sbyor ba dang ldan pa'i phyir/ 'chi 'pho skye ba btang snyoms la/ /zhes bya bar nges pa'i phyir ro/ / sngon gyi snyoms par 'jug pa'i 'du byed yongs su zad pa'i phyir zhes bya ba ni sngon gyi snyoms par 'jug pa'i 'du byed kyi mtshan nyid rnam par smin pa'i rgyu yongs su zad pa'i phyir te/ de'i 'bras bu yongs su rdzogs so zhes bya ba'i tha tshig go/ /gzhan dag na re sngon gyi snyoms par 'jug pa'i 'du byed kyi 'phen pa yongs su zad pa'i phyir ro zhes zer ro//sngon med pa ma bsags pa'i phyir zhes bya ba ni sems med pa las ma bsags pa'i phyir snyam du bsams pa yin no/ /mda' 'phangs pa shugs zad pa dag sa la lhung ba bzhin du zhes bya ba ni skye bar 'gyur zhes bya bar skabs dang sbyar ro//tshig gong ma 'di ni bskyed par bya ba'i don yin la/ don gyi dbang gis na 'gro ba'i don yin par 'gyur te 'gro ba zhes bya ba'i tha tshig go/ /gzhan dag na res la 'gro zhes bya ba'i tshig lhag ma yin no zhes zer ro/ / sems can 'du shes med pa rnams kyi snyoms par 'jug pa'am/ snyoms par 'jug pa 'du shes med pa can yin pas 'du shes med pa'i snyoms par 'jug pa'o/ /de bzhin zhes bya ba'i sgras ni de tsam zhig mthun par 'dren to zhes bya ba ni rnam smin zhes bya ba de lta bu la sogs pa'i don gyi khyad par mi 'dod pa'i phyir te 'du shes med pas ni lung du ma bstan pa kho na yin la/snyoms par 'jug pa 'di ni dge ba kho na yin no zhes 'chad par 'gyur ro/ /rnam par smin pa ni phung po lnga zhes bya ba ni 'chi 'pho ba dang skye ba'i dus na sems dang sems las byung ba rnams rnam par smin pa nyid yin pa'i phyir ro//gang gi phyir de ltar de thob pa yongs su nyams kyang nges pa kho nar yang bskyed nas 'du shes med pa'i sems can rnams kyi nang du skye bar 'gyur ba de nyid kyi phyir de thob pa ni nges pa la mi 'jug ste/ 'phags pa ni nges pa la zhugs pa kho nas ngan song gi 'gro ba dang /'du shes med pa dang / tshangs pa chen po dang / sgra mi snyan du skye ba dang / srid pa brgyad par skye ba la sogs pa'i so sor brtags pa ma yin pas 'gog pa so sor 'thob po/ /'di la rnam par ltung ba'i gnas lta bur gzigs pas zhes bya ba ni 'di ngan song gi gnas lta bur gzigs pa zhes bya ba'i tha tshig go//gzhan dag na re re'i g.yang sa la sogs pa rnam par ltung ba'i gnas lta bur ro zhes zer ro/ /so so'i skye bo nges par 'byung ba'i 'du shes can dag ni de la snyoms par 'jug ste/ thar par 'du shes pa dag ces bya ba'i tha tshig go//'phags pa dag ni de ltar 'du shes phyin ci log pa can ma yin no/ /bsam gtan bzhin du 'thob bam zhes bya ba ni rnal 'byor pa dag bsam gtan bzhi pa thob nas thog ma med pa can gyi 'khor ba nas bsam gtan bzhi pa sngon thob pa 'das pa dang ma 'ongs pa so sor 'thob par 'gyur te/de lta bas na ci de dang 'dra ba kho nar 'das pa dang ma 'ongs pa dag kyang 'thob bam zhes 'dri bar byed do/ /re zhig gzhan dag gis kyang mi 'thob po zhes bya ba ni re zhig snyoms par 'jug pa 'di gang dag gis bdag nyid kyi yin pa so so'i skye bo dag gis kyang 'das pa mi 'thob na/'di gang dag gi bdag nyid kyi ma yin pa 'phags pa dag gis lta smos kyang ci dgos zhes bya ba yin no/ /'di ni 'dris pa yin yang zhes bya ba ni thog ma med pa can gyi 'khor ba na sngon thob pa yin yang ngo / /mngon par 'du bya ba chen pos bsgrub par bya ba yin pa'i phyir dang / sems med pa pa yin pa'i phyir ro zhes bya ba ni 'bad pa chen pos bsgrub par bya ba yin pa'i phyir zhes bya ba'i tha tshig go/ /dus gcig 'thob ces bya ba ni dus mnyam pa 'thob par 'gyur ro zhes bya ba'i tha tshig go/ /so sor thar pa'i sdom pa ji lta ba bzhin zhes bya ba ni rnam pa brgyad car yang gang gi tshe yang dag par nod pa de'i tshe de 'thob la de'i 'thob pa yang skad cig ma de nyid kyi tshe skye ba lta bu'o//skad cig ma gnyis pa la sogs par ni ji srid snyoms par 'jug pa de mi gtong ba de srid du snyoms par 'jug pa thob pa de dang ldan pa yin no/ /de gtong ba ni yongs su nyams pa 'am 'phos pa'i sgo nas yin no//sems med pa pa yin pa'i phyir ma 'ongs pa ni mi 'thob ste dge ba'i sems ni ma 'ongs pa thob par 'gyur gyi sems med pa 'di ni ma yin pas de dang 'dra bar ma 'ongs pa 'thob par mi 'gyur ro/ /'gog pa zhes pa'ang de bzhin nyid ces bya ba ni snyoms par 'jug pa zhes bya ba dang sbyar ro//nyid ces bya ba'i sgra ni nges par gzung ba yin te/ ji ltar 'du shes med pa'i snyoms par 'jug pa bstan pa de bzhin zhes bya ba'i sgras/ sems dang sems pa las byung rnams/ /'gog pa'o zhes bya ba mthun par bsgres pa de bzhin du 'gog pa'i snyoms par 'jug pa bstan pa 'di yang rnam pa de nyid mthun par bsgre'o zhes bya ba yin no//zhi bar gnas pa'i 'du shes sngon du btang ba'i yid la byed pas zhes bya ba la/ gnas pa ni rtsed mos gnas pa dang 'dra bar gnas pa ste/ ting nge 'dzin gyi khyad par yin no/ /gnas pa zhi ba ni zhi bar gnas pa'o/ /zhi bar gnas par bya bar 'du shes pa ni zhi bar gnas par 'du shes pa'o/ /'di la de sngon du 'gro ba yod pas na zhi bar gnas pa'i 'du shes sngon du 'gro ba'i yid la byed pa ste/ yid la sems pa zhes bya ba'i tha tshig go//'du shes dang tshor ba kun du 'byung bas yongs su skyo ba rnams ni de la zhi bar gnas pa'i 'du shes su 'gyur te/ yid la byed pa de lta bus 'gog pa'i snyoms par 'jug pa 'di la snyoms par 'jug go/ /'du shes med pa'i snyoms par 'jug pa de la ni 'byung ba'i 'du shes sngon du btang bas te thar pa'i 'du shes sngon du btang bas zhes bya ba'i tha tshig go//lan grangs gzhan la myong bar 'gyur ba zhes bya ba la/ lan grangs gzhan ni tshe rabs gsum pa la sogs pa yin te/ de la myong bar 'gyur ba yin no/ /ji lta zhe na/'phags pa gang zhig 'dod pa'i khams su 'gog pa'i snyoms par 'jug pa bskyed nas srid pa'i rtse mor skye bar 'gyur ba de'i de ni skyes nas myong bar 'gyur ba yongs su rdzogs par byed pa yin no/ /gang zhig de las yongs su nyams nas gzugs kyi khams su skyes te dus gzhan zhig na yang srid pa'i rtse mo thob nas 'gog pa'i snyoms par 'jug pa bskyed dam ma bskyed kyang rung srid pa'i rtse mor skye bar 'gyur ba de ni lan grangs gzhan la myong bar 'gyur ba yin no//gang zhig 'dir yongs su mya ngan las 'da' bar 'gyur ba de'i ni ma nges pa yin no//chad pas 'jigs pa'i phyir zhes bya ba ni bdag gi ngo bo thams cad chad pas 'jigs pa'i phyir te/ yang srid med pas gnod 'gyur te/ /g.yang sas byis pa rnams bzhin no/ /ci'i phyir 'du shes med pa'i snyoms par 'jug pa la chad pas 'jigs par mi 'gyur zhe na/de la gzugs yod pa'i phyir te gzugs la bdag tu 'du shes pa la mngon par zhen nas de la snyoms par 'jug go/ /'gog pa'i snyoms par 'jug pa la ni gzugs med pa'i sa pa yin pa'i phyir gzugs kyang med pas bdag gi ngo bo thams cad med par mthong nas de la snyoms par 'jug par spro ba med do//gzugs med pa dag na ris mthun pa dang srog gi dbang po la sogs pa sems dang ldan pa ma yin pa dag yod pa ma yin nam/ ci'i phyir de la bdag gi 'du shes su mngon par zhen nas de la snyoms par mi 'jug ce na/ ldan pa ma yin pa rnams ni bltar mi snang ba'i phyir ro//'phags pa'i lam gyi stobs kyis bskyed pa'i yang phyir ro zhes bya ba yang de 'phags pa'i lam gyis skyed do zhes bya ba ji ltar shes she na/ de'i phyir mthong ba'i chos la mya ngan las 'das pa ni de la mos pa'i phyir ro zhes bya ba smos te/ mthong ba'i tshe la mya ngan las 'das pa ni mthong ba'i chos mya ngan las 'das pa ste/de na'o/ /de la mos pa'i phyir ro zhes bya ba la/ de yin no snyam du smos pa ni de la mos pa'o/ /yang na des mos pa ni de la mos pa'o/ /de la mos pas na de la mos pa'i phyir te/ 'phags pa rnams ni mthong ba'i tshe mya ngan las 'das pa ni 'di yin no zhes de la mos so//yang kha cig ni 'di skad du mya ngan las 'das pa mthong ba de la mos pa'i phyir ro zhes 'don cing 'di skad du 'dis mya ngan las 'das pa mthong bas na mya ngan las 'das pa mthong ba'o/ /'phags pa de de la mos pa ni de la mos pa'o//de la mos na de la mos pa'i phyir ro zhes 'chad de/ 'di skad du 'phags pa chos mthong ba de la mos kyi gzhan ni ma yin no zhes bshad pa yin no/ /so so'i skye bo yang 'jig rten pa'i lam gyis mya ngan las 'das pa mthong ba ma yin nam zhe na/ so so'i skye bos ni mya ngan las 'das pa mthong ba ma yin gyi mya ngan las 'das pa thob pa yin te/so so'i skye bo ni de'i gong ma'i sa la zhi bar lta bas 'dod chags dang bral ba thob kyi mya ngan las 'das par ni ma yin pas 'di ni klan kar mi rung ngo / /'di ni sbyor bas thob par bya ba kho na yin zhes bya ba ni snyoms par 'jug pa 'di yang 'du shes med pa'i snyoms par 'jug pa kho na bzhin du mngon par 'du bya ba chen pos bsgrub par bya ba yin pas de kho na bzhin du dus gcig 'thob bo//ji lta zhe na/ 'das pa yang mi 'thob la zhes bya ba smos te/ gang gi tshe yongs su nyams nas yang de skyed par byed pa de'i tshe yang sbyor bas sngon med pa kho na zhig 'thob ste/so sor thar pa'i sdom pa bzhin no zhes bya ba rgyas par rnam par bshad par bya'o/ /de ni sems kyi stobs kyis 'thob pa'i phyir ro zhes bya ba ni sems kyi stobs kyis ma 'ongs pa 'thob pa'i phyir ro zhes bya ba'i tha tshig go//thub pa'i byang chub kyis thob bya/ /zhes bya ba 'di ni sbyor bas thob par bya ba kho na yin no zhes bya ba spyir bstan pa'i dmigs kyis bsal ba yin te/ de ni nyan thos dang rang sangs rgyas rnams kyi tshul yin pa'i phyir ro/ /zad dang mi skyes shes byang chub//ces 'chad par 'gyur ba de'i phyir/ zad pa mkhyen pa dang dus mnyam du zhes bya ba rgyas par smos te/ sangs rgyas bcom ldan 'das rnams kyis ni zad pa mkhyen pa na zag pa dang bcas pa 'di dag kyang 'thob bo/ sangs rgyas rnams kyi ni sbyor ba las byung ba cung zad kyang med ces bya ba ni bstod pa byed pas ji skad du/dge ba'i mthar phyin khyod kyis ni/ /sbyor ba las byung cung zad med/ /khyod kyi gang du bzhed nges pa/ /bzhed pa tsam la rag las lags/ /zhes bshad pa lta bu yin no/ /bcom ldan 'das gnyi ga'i cha las rnam par grol bar ji ltar 'grub ces bya ba la/gnyi ga'i cha ni nyon mongs pa'i sgrib pa dang snyoms par 'jug pa'i sgrib pa ste/ de las rnam par grol ba'o/ /'grub ste de bskyed zin pa bzhin du zhes bya ba'i gnyi ga'i cha las rnam par grol ba 'grub ste/ bcom ldan 'das ni sngon mngon du byas pa bzhin du de la mnga' brnyes pa'i phyir de mngon du bya ba'i mthu dang ldan pa'i phyir ro//'di ni dang po kho nar zhes bya ba rgyas par 'byung ba ni nub phyogs pa dag na re gang byang chub sems dpa' srid pa tha ma pa srid pa'i rtse mo thob par 'gyur nas bsam gtan bzhi pa la brten te mthong ba'i lam bskyed nas/de las langs te srid pa'i rtse mo la snyoms par 'jug cing de nas 'gog pa'i snyoms par 'jug pa la snyoms par 'jug go/ /de las langs nas yang bsam gtan bzhi pa la brten te srid pa'i rtse mo pa'i bsgom pas spang bar bya ba'i nyon mongs pa spangs par byas nas/zad pa mkhyen pa phyin chad bla na med pa yang dag par rdzogs pa'i sangs rgyas yin no zhes bya ba 'di ni chos nyid yin te/ de lta bas na des slob pa'i gnas skabs na skyed par byed do zhes zer ro/ /kha che'i yul gyi nub phyogs na 'khod pa rnams ni nub phyogs pa dag go//lugs kyi tshig ces bya ba ni gnas brtan nye srungs kyi bstan bcos te/ gang las de bzhin gshegs pa ni 'gog pa'i snyoms par 'jug pa bskyed nas zad pa mkhyen pa bskyed par mdzad do zhes brjod par bya'o zhes bya ba'i tha tshig 'di 'byung ba yin no/ /bden pa mngon par rtogs na bcu drug ces bya ba ni sdug bsngal la chos shes pa'i bzod pa nas bzung ste/lam la rjes su shes pa zhes bya ba'i bar sems kyi skad cig ma bcu drug go/ /srid pa'i rtse mo la 'dod chags dang bral ba na bco brgyad ces bya ba ni srid pa'i rtse mo pa'i bsgom pas spang bar bya ba'i nyon mongs pa'i rnam pa dgu spong bar byed pa bar chad med pa'i lam dgu dang /rnam par grol ba'i lam dgu ste/ de ltar na bco brgyad do/ /bcu drug dang bco brgyad po de dag ni sum cu rtsa bzhir 'gyur ro/ /sa 'og ma pa'i nyon mongs pa rnams ni yang spang bar bya ba ma yin no zhes bya ba ni 'dod pa na spyod pa la sogs pa'i nyon mongs pa rnams ni so so'i skye bo'i gnas skabs nyid na 'jig rten pa'i lam gyis spangs zin pa'i phyir ro//gal te nyon mongs pa spangs zin pa'i gnyen po bskyed par mi bya'o zhes bya ba 'di nges pa yin no//'o na ci'i phyir 'dod pa na spyod pa'i nyon mongs pa rnams spangs zin pa las mngon par rtogs pa'i dus na nyes pa de dag gi gnyen po chos shes pa'i phyogs dang mthun pa'i lam skyed par byed ce na/ rjes su shes pa'i phyogs dang mthun pa'i lam ni de med na med pa yin pa'i phyir te/chos shes pa'i phyogs dang mthun pa skye ba med par ni rjes su shes pa'i phyogs dang mthun pa mngon du 'gyur ba mi srid do/ /shes pa'i rjes su shes pa nyid ni gang de'i rjes la 'byung ba 'di yin no/ /nub phyogs pa dag dang cir 'gyur zhes bya ba rgyas par smras te/gal te bar skabs su mi 'dra ba zag pa dang bcas pa'i sems mngon du byas na'o/ /bye brag tu smra ba rnams kyis bsam pa ldang ba can du 'gyur te zhes bya ba rgyas par smos te/ byang chub sems dpa' de bsam pa ldang ba can du 'gyur ro//gzhan dag na re dge ba'i rtsa ba las ldang bar 'gyur te/ bsam pa'i don ni dge ba'i rtsa ba'i don yin no zhes zer ro/ /'di skad du byang chub sems dpa' rnams kyi dge ba'i rtsa ba ni gang dag mngon du gyur pas ji srid du skad cig kho na la bla na med pa yang dag par rdzogs pa'i byang chub thob kyi bar de srid du ldang bar mi 'gyur ba de lta bu yin no zhes bshad pa yin no//nyi 'og pa dag gis bsam pa mi ldang ba can yin pa bden mod kyi khyed brjod pa lta bu ni ma yin no zhes bya ba smos so/ /snga ma kho na yin no brjod do zhes bya ba ni zad pa med pa mkhyen pa dang dus mnyam du zhes bya ba'i phyogs gang yin pa'o//gnyis kyi rnam pa'i bye brag mang po zhig yod mod kyi zhes bya ba ni gcig ni bsam gtan tha ma na yod pa yin la cig shos ni srid pa'i rtse mo las skyes pa yin no/ /gcig la ni nges par 'byung ba'i 'du shes kyis snyoms par 'jug la cig shos la ni gnas par 'dod pas so zhes bya ba de lta bu la sogs pa'i rnam pa'i bye brag mang po zhig yod pa'o//'di gnyis kyi mtshungs pa ni/ gnyi ga 'dod dang gzugs bsten can/ /zhes bya ba yin no/ /gzugs kyi srid pa yin la zhes bya ba rgyas par 'byung ba ni gang la la gzugs kyi srid pa yin pa'i srid pa 'di thams cad rnam par 'drid pa can lnga'i srid pa yang yin nam zhes bya ba mu bzhi pa yin no//gzugs kyi srid pa yin la srid pa 'di rnam par 'drid pa can lnga ma yin pa yang yod de gzugs na spyod pa'i sems can lha 'du shes can sems mi 'dra ba la gnas pa rnams dang 'du shes med pa'i snyoms par 'jug pa dang /'gog pa'i snyoms par 'jug pa la snyoms par zhugs pa rnams dang / lha 'du shes med pas thob pa rnams kyi srid pa gang yin pa lta bu'o//rnam par 'drid pa can lnga'i srid pa yin la 'di gzugs kyi srid pa ma yin pa yang yod de/ 'dod pa na spyod pa'i sems can sems 'dra ba la gnas pa rnams kyi srid pa gang yin pa lta bu'o/ /gzugs kyi srid pa yin la srid pa de yang rnam par 'drid pa can lnga yin pa yang yod do//gzugs na spyod pa'i lha 'du shes can sems 'dra ba la gnas pa rnams dang / 'du shes med pa'i lha rnams kyi 'du shes med pa pa ma thob pa'i srid pa gang yin pa lta bu'o/ /gzugs kyi srid pa yang ma yin la srid pa 'di rnam par 'drid pa can lnga yang ma yin pa yang yod de/'dod pa na spyod pa'i sems can sems mi 'dra ba la gnas pa rnams la 'du shes med pa'i snyoms par 'jug pa dang / 'gog pa'i snyoms par 'jug pa la snyoms par zhugs pa rnams kyi srid pa gang yin pa dang / gzugs med pa'i srid pa gang yin pa lta bu'o//'dir dper brjod pa ni mu dang po yin no/ /gzugs kyi srid pa ni gzugs na spyod pa'i phung po yin no/ /rnam par 'drid pa can lnga ni phung po lnga zhes bya ba'i tha tshig ste/ rnam par 'drid pa zhes bya ba'i de bzhin gshegs pa 'od srungs kyi rang gi phung po'i ming yin no//khyad par du 'drid pas na rnam par 'drid pa ste/ gzhan du 'gyur bas rnam par slu ba zhes bya ba'i tha tshig go/ /de 'di la yod pas na rnam par 'drid pa can no/ /rnam par slu bar byed pa zhes bya ba'i tha tshig ste/ gzugs ni dbu ba rdos pa 'dra//tshor ba chu yi chu bur bzhin/ /zhes bya ba la sogs pa lta bu yin pas rnam par slu ba'i phyir ro/ /de la gal te gzugs kyi khams na 'du shes med pa'i snyoms par 'jug pa yod par mi bzhed na/ 'du shes med pa'i snyoms par 'jug pa dang 'gog pa'i snyoms par 'jug pa la sogs pa la snyoms par zhugs pa rnams zhes gsungs par mi 'gyur ro//des na 'du shes med pa'i snyoms par 'jug pa gzugs na spyod pa yin no zhes bya bar shes so/ /de la yang khyad par ni 'di yod de zhes bya ba ni chos mtshungs pa de la yang khyad par yod pa yin no//phyis ni gzugs kyi khams su yang / /zhes bya ba ni 'phags pa gang dag gis 'gog pa'i snyoms par 'jug pa bskyed de de las yongs su nyams pa las bsam gtan thob nas gzugs kyi khams su skye ba sngar yongs su nyams pa de dag gis sngon goms pa'i dbang gis gzugs kyi khams su 'gog pa'i snyoms par 'jug pa bskyed par 'gyur ro//'du shes med pa'i snyoms par 'jug pa ni so so'i skye bo dag gis dang po nas kyang gzugs kyi khams su skye bar 'gyur bas khyad par ni 'di yod do//ci 'di las kyang yongs su nyams pa yod dam zhes bya ba ni snyoms par 'jug pa 'di ni mya ngan las 'das pa dang 'dra ba yin na ji ltar yongs su nyams par 'gyur snyam nas yid mi ches te 'dri ba yin no/ /'char byed kyi mdo zhes bya ba ni mdo 'di 'phags pa shA ri'i bus bshad pa yin te/de la 'char byed rgol bar byed pa yin pas 'char byed kyi mdo zhes bya'o/ /ji lta zhe na/ gleng gzhi ni mnyan yod na'o/ /de nas tshe dang ldan pa shA ri'i bus dge slong rnams la smras pa/ tshe dang ldan pa dag 'di na dge slong tshul khrims phun sum tshogs pa yang yin/ting nge 'dzin phun sum tshogs pa yang yin/ shes rab phun sum tshogs pa yang yin pa de ni yang dang yang du 'du shes dang tshor ba dang 'gog pa la snyoms par 'jug pa dang ldan pa'i gnas de yod do zhes bya bar yang dag pa ji lta ba bzhin du rab tu shes so/ /de ni mthong ba'i chos kho na la dang po nyid du kun shes pa'i chos thob par yang mi byed cing 'chi ba'i dus kyi tshe yang ma yin la/lus zhig nas kyang kham gyi zas za ba'i lha las 'das te yid las byung ba'i lha'i lus gang yang rung ba zhig tu skye bar 'gyur ro/ /de der skyes nas yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes bya bar yang dag pa ji lta ba bzhin du rab tu shes so//de nas yang de'i tshe tshe dang ldan pa 'char byed 'khor de nyid du 'dus par gyur te 'dug go/ /de nas tshe dang ldan pa 'char byed kyis tshe dang ldan pa shA ri'i bu la 'di skad ces smras so//tshe dang ldan pa shA ri'i bu gang dge slong yid las byung ba'i lha'i lus gang yang rung ba zhig tu skyes nas yang dang yang du 'du shes dang tshor ba 'gog pa la snyoms par 'jug pa dang ldan pa'i gnas de yod do zhes bya bar yang dag pa ji lta ba bzhin du rab tu shes so zhes bya ba 'di ni gnas ma yin zhing go skabs med do//tshe dang ldan pa 'char byed kyis tshe dang ldan pa shA ri'i bu la lan gnyis lan gsum du 'di skad du/ tshe dang ldan pa 'di ni gnas ma yin te zhes bya ba snga ma bzhin du smras pa dang / de nas tshe dang ldan pa shA ri'i bu 'di snyam du sems par gyur te/bdag gis bshad pa la dge slong 'di lan gsum gyi bar du phyir spong bar byed phyir khro bar byed la tshangs pa mtshungs par spyod pa 'ga' yang bdag gis bshad pa la rjes su yi rang bar mi byed pas/ ma la bdag bcom ldan 'das ga la ba der 'gro gor ma chag snyam mo//de nas tshe dang ldan pa shA ri'i bu bcom ldan 'das ga la ba der song ste/ song nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa shA ri'i bus dge slong rnams la smras pa/tshe dang ldan pa dag 'di la dge slong tshul khrims dang ldan pa yang yin zhes bya ba snga ma bzhin no/ /de nas yang de'i tshe tshe dang ldan pa 'char byed ces bya ba snga ma bzhin no/ /tshe dang ldan pa 'char byed kyis tshe dang ldan pa shA ri'i bu la lan gnyis lan gsum gyi bar du 'di skad ces smras so zhes bya ba snga ma bzhin no//de nas tshe dang ldan pa shA ri'i bu 'di snyam du sems par gyur te/ ston pa'i spyan snga na yang dge slong 'di bdag gis bshad pa la lan gsum gyi bar du spong bar byed phyir khro bar byed la/ tshangs pa mtshungs par spyod pa 'ga' yang bdag gis bshad pa la rjes su yi rang bar mi byed pas/ma la bdag cang mi smra bar 'dug par bya gor ma chag snyam mo/ /de nas tshe dang ldan pa shA ri'i bu cang mi smra bar gyur to/ /de nas bcom ldan 'das kyis tshe dang ldan pa 'char byed la bka' stsal pa/ 'char byed khyod kyis yid las byung ba'i lha'i lus gang yang rung ba gang zhig yin par shes/gsol ba/ btsun pa gzugs can ma lags pa 'du shes las byung ba ji snyed pa ma lags sam/ bka' stsal pa/ skyes bu rmongs pa re zhig de lta na go/ /long ba mig med pa khyod kho na mig dang ldan pa dge slong shA ri'i bu dang lhan cig chos mngon pa 'am 'dul ba'i gtam bya bar sems sam/de nas bcom ldan 'das kyis tshe dang ldan pa 'char byed mngon sum du spyos nas tshe dang ldan pa kun dga' bo la bka' stsal pa/ kun dga' bo khyod kyang dge slong gnas brtan la rnam par 'tshe ba yal bar 'jog gam/khyod skyes bu rmongs pas dge slong gnas brtan gtses na snying rje yang ma skyes sam/ de nas bcom ldan 'das kyis tshe dang ldan pa 'char byed dang tshe dang ldan pa kun dga' bo mngon sum du spyos nas/ dge slong rnams la bka' stsal pa/dge slong dag 'di la dge slong tshul khrims phun sum tshogs pa yang yin/ ting nge 'dzin phun sum tshogs pa yang yin zhes bya ba rgyas par gnas 'di yod do zhes bya bar yang dag pa ji lta ba bzhin du rab tu shes so zhes bya ba'i bar bka' stsal nas/ bcom ldan 'das bzhengs te nang du yang dag 'jog par gtsug lag khang du gshegs so zhes bya ba yin no//'dir ni tshe dang ldan pa 'char byed ni yid las byung ba'i lus gang yang rung ba 'di ni gzugs med pa na spyod pa yin par bshad do snyam du yid la byas nas brgal ba byas pa yin te/de na ni gzugs ni med kyi yid kho na mtshungs par ldan pa dang bcas pa yod do/ /de lta bas na de'i bsam pa ni de na yod pa'i lus ni yid las byung ba yin la/ de yang snyoms par 'jug pa 'di la snyoms par mi 'jug go snyam pa yin no/ /'phags pa shA ri'i bus ni yid las byung ba'i lha'i lus gzugs na spyod pa yin par bsams pa yin te/khu chu dang khrag las ma brtan par 'byung ba'i phyir ro/ /de nyid kyi phyir bcom ldan 'das kyis tshe dang ldan pa 'char byed 'di la 'char byed khyod kyis yid las byung ba'i lha'i lus gang yang rung ba gang zhig yin par shes zhes smras so//des kyang btsun pa gzugs can ma lags pa 'du shes las byung ba ji snyed pa ma lags sam zhes de lta bur khas blangs pa dang / bcom ldan 'das kyis yid las byung ba'i lha'i lus gzugs na spyod pa kho na yin par dgongs nas/'phags pa shA ri'i bu'i gzhung lugs gzhung gzugs pa'i phyir tshe dang ldan pa 'char byed la/ skyes bu rmongs pa re zhig de lta na go/ /long ba mig med pa khyod kho na mig dang ldan pa dge slong shA ri'i bu dang lhan cig chos mngon pa'am 'dul ba'i gtam bya bar sems sam zhes spyos so//gnas de yod do zhes bya ba ni 'gog pa'i snyoms par 'jug pa la snyoms par 'jug pa dang ldan pa gang yin pa'i gnas te/ yang dag pa ji lta ba bzhin rab tu shes so/ /dang po nyid du zhes bya ba ni dang po kho nar zhes bya ba'i tha tshig go/ / kun shes pa 'thob par zhes bya ba ni dgra bcom pa 'thob par zhes bya ba'i don to/ /snyoms par 'jug pa 'di ni srid pa'i rtse mo pa yin zhes bya ba rgyas par 'byung ba ni 'gog pa'i snyoms par 'jug pa ni srid pa'i rtse mo pa yin te/ gang gis de 'thob pa de ni srid pa'i rtse mo kho nar skye bar 'gyur gyis gzugs kyi khams su ni ma yin no//bcom ldan 'das kyis kyang mdo las de gzugs kyi khams su skyes te yang dang yang du 'du shes dang tshor ba 'gog pa la snyoms par 'jug pa dang ldang bar gsungs te/ de lta bas na 'di las yongs su nyams pa yod do zhes bya bar shes so//bye brag tu smra ba rnams kyi ltar na ni 'di rung na/ mdo sde pa rnams ltar na go ji ltar rung / 'gog pa 'thob pa ni 'phags pa kho na yin la/ mdo sde pa rnams kyi grub pa'i mtha' ni 'phags pa'i lam las yongs su nyams pa med do zhes bya ba yin no//'phags pa de ji ltar 'phags pa'i lam gong ma las yongs su nyams par 'dod ce na/ de dag gi ltar na yang mdo 'di mi 'gal lo/ /ji lta zhe na/ 'ga' zhig srid pa'i rtse mo thob nas nges pa la 'jug pa gang yin pa de ni phyir mi 'ong ba yin pa las 'gog pa'i snyoms par 'jug pa skyed par yang byed cing /de srid pa'i rtse mo'i 'gog pa'i snyoms par 'jug pa las yongs su nyams par yang 'gyur gyi/ lam las ni ma yin te/ sa gong ma pa'i 'phags pa'i lam nam yang ma bskyed pa'i phyir ro//de yongs su nyams par gyur nas bsam gtan bskyed de gzugs kyi khams su skye bar 'gyur ro/ /de lta bas na 'di las yongs su nyams pa yod kyi 'phags pa'i lam las yongs su nyams pa ni ma yin pas rang gis grub pa'i mtha' dang 'gal ba med do//mthar gyis gnas pa'i snyoms par 'jug pa dgu zhes bya ba ni bsam gtan bzhi dang gzugs med pa bzhi dang 'gog pa'i snyoms par 'jug pa'o/ /'di ni rtsom pa dang po la nges pa yin te zhes bya ba ni dang por snyoms par 'jug pa skyed par byed pa la zhes bya ba'i tha tshig go//myong bar 'gyur bar nges pa dang gnyi ga yin pa'i phyir ro zhes bya ba la/ myong bar 'gyur bar nges pa ni 'du shes med pa'i snyoms par 'jug pa ste/ skyes nas myong bar 'gyur ba'i phyir ro/ /gnyi gar myong bar 'gyur ba ni 'gog pa'i snyoms par 'jug pa'o/ / myong bar 'gyur bar nges pa dang / ma nges pa zhes bya ba'i tha tshig ste/ myong bar 'gyur bar nges pa ni phyir mi 'ong ba'i 'o/ /myong bar 'gyur bar ma nges pa ni dgra bcom pa'i ste/ 'di nyid du yongs su mya ngan las 'da' ba'i phyir ro/ /dang por bskyed pa las kyang zhes bya ba ni 'du shes med pa'i snyoms par 'jug pa ni la la dang por mi dag gi nang du skyed par byed la/la la ni gzugs kyi khams su'o/ /'gog pa'i snyoms par 'jug pa ni mi dag gi nang kho nar skyed par byed la yongs su nyams na ni gzugs kyi khams su'o/ / yang ci'i phyir 'di mi dag gi nang kho nar skyed par byed la/ phyir mi 'ong ba 'du shes dang tshor ba'i sgo nas rtog pa dang dpyod pa la sogs pa sems las byung ba rab tu rgyu bas yongs su skyob pa dang zhi bar gnas pas bde bar gnas par bya'o snyam nas 'gog pa'i snyoms par 'jug pa skyed par byed do//phyir mi 'ong ba gzugs kyi khams su skyes pa ni gzugs kyi khams zhi ba yin pa'i phyir de na yod pa'i sems dang sems las byung ba 'byung bas de ltar gnod par mi byed pas dang por der skyed par mi byed do/ /yongs su nyams na ni sngon goms pas de skyed par byed do//gzugs med pa'i khams su skyes pa 'du shes med 'du shes med min du nye bar 'gro bar skyes pa yang zhi ba de nyid kyi phyir skyed par mi byed do/ /rnam pa gcig tu phung po'i lhag ma med pa'i mya ngan las 'das par thal bar 'gyur ba'i phyir te de na gzugs ni med do//gal te sems dang sems las byung ba yang 'gags par gyur na sems dang ldan pa ma yin pa rnams 'ba' zhig gnas pa'i mthu med pa'i phyir 'di yongs su mya ngan las 'da' ba kho nar 'gyur ro/ /myong bar 'gyur bar nges pa'i las 'bras bu yongs su rdzogs pa bgegs kyi ngo bor gnas pa'i phyir yongs su mya ngan las 'da' ba ni mi srid do//'du shes med pa'i snyoms par 'jug pa ni thar pa'i 'du shes nges par 'byung ba'i 'du shes sngon du 'gro ba'i yid la byed pas snyoms par 'jug pas gzugs kyi khams su yang dang por snyoms par 'jug go//yang ci'i phyir 'di dag ces bya ba rgyas par 'byung ba ni snyoms par 'jug pa 'di gnyi ga yang sems dang sems las byung ba ni thams cad 'gag pa'i ngo bo nyid yin pa'i phyir sems dang sems las byung ba 'gog pa zhes brjod dgos so snyam du bsams pa yin no//de dag dang mi mthun pas de dag la snyoms par 'jug par sbyor ba'i phyir zhes bya ba ni 'du shes dang tshor ba dang mi mthun pas snyoms par 'jug pa de dag la sbyor ba'i phyir ro/ /'du shes dang mi mthun pas ni 'du shes med pa'i snyoms par 'jug pa la sbyor ba yin te/'du shes ni zug rngu'o/ /'du shes ni nad do/ /'du shes ni 'bras so/ /'di ni zhi ba'o/ /'di ni gya nom pa'o snyam nas zhes bya ba rgyas par 'byung ba yin no/ /'du shes dang tshor ba dang mi mthun pas ni 'gog pa'i snyoms par 'jug pa la sbyor ro//gzhan gyi sems shes pa zhes bya ba bzhin no zhes bya ba ni dper na gzhan gyi sems shes pa zhes bya ba nam yang gzhan gyi sems shes pas sems las byung ba mi shes pa ma yin mod kyi 'on kyang dang por gzhan gyi sems shes par bya'o snyam du sbyor ba'i phyir gzhan gyi sems shes pa zhes bya ba'i sems dang sems las byung ba shes pa zhes ni mi bya ba de bzhin du 'dir yang snyoms par 'jug pa 'di gnyis la de skad ces bya'o//de la bye brag tu smra ba la sogs pa ni 'gog pa dang 'du shes med pa'i snyoms par 'jug pa dang 'du shes med pa pa sems med pa pa kho na dag yin no zhes zer la/gnas brtan dbyig bshes la sogs pa ni yid kyi rnam par shes pa yongs su mi gsal ba kho nas sems dang bcas pa dag yin no zhes zer/ rnal 'byor spyod pa pa dag ni kun gzhi rnam par shes pas sems dang bcas pa dag yin no zhes zer te grub pa'i mtha' tha dad pas de lta bas na/da ni ji ltar 'gags nas yun ring du lon pa'i sems las zhes bya ba rgyas par 'byung ba 'di nye bar 'god par byed de/ 'gags nas yun ring du lon pa smos pa ni 'gags ma thag pa bsal ba'i phyir ro//bye brag tu smra ba rnams na re de ni 'gags ma thag pa la sogs pa yang ji lta bu zhig yin/ gal te 'gags ma thag pa yod do/ /zhes bya bar khas blangs na ni 'gags nas yun ring du lon pa yang ci ste yod do zhes bya bar khas mi blang zhes zer ro//'gags ma thag pa yod pa nyid du ni mi smra'o/ /'on kyang srang mda'i mthon dman bzhin du da ltar gyi sems ni bdag nyid kyi sems gzhan gyi rgyu'i dngos po rnam par bzhag nas 'gags la gzhan ni skye'o/ /de ni 'gags la sems gzhan ni skye bar 'gyur bas 'gags ma thag pa'i sems las sems gzhan skye'o zhes bya ste/da lta dang nye bar yang da ltar dang 'dra ba'i phyir ro/ /gzhan dag na re ni zhes bya ba ni mdo sde pa rnams te re zhig gzugs med par skyes pa rnams kyis zhes bya ba rgyas par 'byung ba la/ re zhig ces bya ba'i sgra ni rim gyis don te/re zhig dpe'i don 'di kho na brjod par bya ste zhes bya ba'i tha tshig go/ /gzugs la ni mtshungs pa de ma thag pa'i rkyen yod par mi 'dod na/ de ji ltar skye zhe na/ de ni sems de kho na las skye'i gzugs las ni ma yin no zhes smra'o/ /'di gnyis ni phan tshun sa bon can yin no zhes bya ba ni sems la yang dbang po dang bcas pa'i lus kyi sa bon yod la dbang po dang bcas pa'i lus la yang sems kyi sa bon yod do zhes bya ba yin no//yongs su dri ba las zhes bya ba ni yongs su dri ba zhes bya ba'i bstan bcos gnas brtan dbyig bshes kyis byas pa yin no//des de las bshad pa yin te/ de'i bstan bcos bzhi lnga pa la sogs pa yang yod pas de'i phyir khyad par du byed pa yin no/ /de la skyon du 'gyur zhes bya ba skyon gang yin zhe na/ da ni ji ltar 'gags nas yun ring du lon pa'i sems las zhes bshad pa gang yin pa'o//gsum 'dus pa zhes bya ba ni dbang po dang yul dang rnam par shes pa rnams so/ /'di la 'du shes dang tshor ba dag kyang 'gag par mi 'gyur ro zhes bya ba ni btsun pa dbyig bshes kyi gzhung lugs 'gog pa'i snyoms par 'jug pa de sems dang bcas pa nyid yin yang 'di la 'du shes dang tshor ba dag 'gog go zhes bya ba yin te/de'i phyir de ltar thal bar byed pa yin no/ /ma rig pa'i 'dus te reg pa las skyes pa zhes bya ba ni ma rig pa dang lhan cig pa'i 'dus te reg pa ni ma rig pa'i 'dus te reg pa'o//de las skyes pa ni ma rig pa'i 'dus te reg pa las skyes pa'o/ /tshor ba skye ba la ni ma byas zhes bya ba ni reg pa 'di lta bu ni tshor ba'i rkyen yin no zhes bya bar ro/ /btsun pa dbyangs sgrogs de nyid kyis mjug brtul ba'i phyir de lta bas na sems med pa pa yin no zhes zer zhes bya ba smos so//ji ltar na sems med pa snyoms par 'jug pa nyid yin zhes bya ba ni 'di snyam du bsam gtan la sogs pa ni [(]snyams [,]snyoms [)]par 'jug pas sems dang sems las byung ba rnams mnyam par byed rtse gcig par byed pas snyoms par 'jug pa nyid yin par 'os kyi snyam du bsams nas 'dri bar byed pa yin no//'byung ba chen po mnyam pa nyid du bsgrub pa'i phyir zhes bya ba ni 'dis 'byung ba chen po rnams mnyam par byed pas na snyoms par 'jug pa yin no/ /de ltar na 'gog pa'i snyoms par 'jug pa 'di dang bsam gtan la sogs pa la snyoms par 'jug pa nyid yod do//'di la 'byung ba chen po rnams kyi mnyam pa nyid gang yin zhe na/ sems skye ba dang 'gal bar yang dag par gnas pa'o// //bam po bco lnga pa/ 'thob par 'gyur bas na zhes bya ba ni de la snyoms par 'jug cing 'thob par 'gyur bas na snyoms par 'jug pa ste las su sgrub pa yin no//rnal 'byor pa dag bsam gtan la sogs pa yang 'thob par 'gyur te/ de lta bas na bsam gtan la sogs pa yang snyoms par 'jug pa nyid yin no//rdzas su zhes bya ba ni rang gi mtshan nyid du'o/ /sems skye ba la bgegs byed pa'i phyir zhes bya ba ni 'di ltar sems skye ba'i bgegs byed pa yin no/ /ma yin te snyoms par 'jug pa'i sems kho na zhes bya ba de ni de lta ma yin no/ /ci'i phyir zhe na/snyoms par 'jug pa'i sems kho na de la bgegs byed pa'i phyir te sems skye ba la bgegs byed pa'i phyir ro zhes bya ba'i tha tshig go/ /ji lta zhe na/ de bstan pa'i phyir snyoms par 'jug pa'i sems kho na zhes bya ba rgyas par smos te/ de nyid snyoms par 'jug pa'i sems kho na yin gyi rdzas gzhan ni med do//de dang 'gal ba'i rten bskyed pa'i phyir zhes bya ba ni sems dang 'gal ba'i rten te rgyud bskyed pa'i phyir ro/ /sems gang gis na gtan du ma yin pa dus gzhan gyi bar du mi 'jug par 'gyur ba ste/ tsam zhes bya ba'i sgra ni rdzas gzhan bzlog pa'i phyir ro//sems gzhan dang 'gal ba ste/ ma 'ongs pa'i sems dang 'gal ba skye'o/ /mi 'jug pa tsam gang yin pa de la snyoms par 'jug pa zhes gdags te 'di ni btags pa'i chos yin gyi rdzas kyi chos ni ma yin no zhes bya ba'i tha tshig go//gal te rdzas kyi chos ma yin na 'di ji ltar 'dus byas zhes gdags she na/ smras pa/ mi 'jug pa tsam de yang sngon ma byung ba dang dus phyis langs pa'i rnal 'byor pa la med pa yin pas 'du shes med pa'i snyoms par 'jug pa 'am/ 'gog pa'i snyoms par 'jug par yang rung snyoms par 'jug pa 'di ni tha snyad du 'dus byas su gdags kyi rdzas su ni ma yin no//rten nyid de ltar mnyam par sgrub pa zhes bya ba ni de lta bur rnam par 'jog pa ste/ gnas skabs kyi khyad par yin te/ kho bo cag ni snyoms par 'jug pas bskyed pa 'di la snyoms par 'jug pa zhes 'dogs so zhes bya ba'i tha tshig go//gnas skabs de yang snga ma bzhin du byung bar ma gyur pa dang phyis langs pa la med pas 'dus byas nyid du 'gal ba med do/ /yang na snyoms par 'jug pa zhes 'byung ste/snyoms par 'jug pa de 'dus byas kyi gnas skabs kyi khyad par yin pa'i phyir 'dus byas nyid du 'grub par 'gyur ro zhes bya ba'i tha tshig go/ /'du shes med pa pa yang de bzhin du zhes bya ba rgyas par 'byung ba ni/ rnal 'byor pa 'dis 'du shes med pa pa der sems kho na sems 'jug pa pa dang 'gal ba pa 'thob po//mi 'jug pa tsam de yang sems dang sems las byung ba rnams zhes bya ba tshig lhag ma yin te/ 'du shes med pa pa zhes bya bar gdags kyi rdzas su ni med do zhes bya bar bsams pa yin no//de lta bas na drod dang zhes bya ba rgyas par 'byung ba ni drod dang rnam par shes pa 'jug pa ni srog la rag las pa yin no/ /de lta bas na srog ni drod dang rnam par shes pa'i rten yin no zhes bya ba ste/ gnas pa'i rgyu yang de dag kho na yin no/ /rtag tu ldog pa med par thal bar 'gyur ro zhes bya ba ni 'di dag rtag tu rgyun chags par thal bar 'gyur ba'o//ris mthun pa gnas pa'i dus kyi 'phen pa yin zhes bya ba la/ ris mthun pa ni gzugs la sogs pa phung po lnga'i ngo bo nyid kyi 'du byed de lta bu de dag kho na yin no zhes bshad zin to//de dag gnas pa ni rgyun to/ /de'i dus ni des ji srid du gnas par 'gyur ba'i 'du byed kyi mtshan nyid de snyed pa de dag kho na yin no/ /de 'phangs pa ni tshe rabs snga ma'i las kyis nying mtshams sbyor ba'i skad cig ma la rgyur rnam par gzhag pa yin no//rgyu de yang gang zhe na/ nus pa'i khyad par yin te/ de ni brgyud pa'i phung po'i rgyun gyi mtshan nyid kyi gnas pa'i rgyur 'gyur ro/ /de nyid kyi phyir gnas pa'i dus 'phangs pa zhes bya ste/ dus re zhig rgyun chags pa la ltos pa'i mtshan nyid yin pa'i phyir ro/ /de gnas pa zhes bya ba la/de zhes bya ba ni ris mthun pa'o/ /'bru rnams kyi smin pa'i dus 'phen pa lta bu ni ji ltar 'bru rnams kyi smin pa'i dus kyi 'phen pa nus pa'i khyad par gyi ngo bo nyid skad cig ma brgyud pas ji srid ma smin gyi bar du 'bru'i rgyun gyi rgyur 'gyur ba gang yin pa sa bon gyi myu gu la 'jog pa ltar 'di yang de dang 'dra'o//mda' 'phangs pa dag gi gnas pa'i dus kyi 'phen pa bzhin zhes bya ba la/ mda' 'phangs pa'i gnas pa ni nam mkha'i yul gzhan du 'byung ba ste/ rgyun gyis 'jug pa'o/ /de'i dus ni mtshams te gang phan chad du mi 'byung ba'o//de'i 'phen pa ni rgyu rnam par gzhag pa'o/ /rgyu de yang gang zhig yin zhe na/ 'bad pa khyad par can du gyur pa las grub pa'i rlung gi khams kyis bskyed pa'i nus pa'i khyad par yin te/ ji ltar mda' 'phangs pa dag gi gnas pa'i dus kyi 'phen pa rdzas gzhan med pa ltar tshe'i mtshan nyid kyi 'phen pa 'di yang de dang 'dra bar blta bar bya'o//gang zhig sems pa zhes bya ba ni bye brag pa yin no/ /'du byed ces bya ba yon tan gyi khyad par zhes bya ba ni sa la sogs pa yon tan khyad par can 'du byed ces bya ba las/ las skyes pa dang las kyi rgyu can yin pa ming gnyis pa shugs zhes bya ba mda' la skye ste de'i dbang gis yon tan 'di'i dbang gis ma ltung gi bar du 'gro bar 'gyur ro zhes bya ba yin no//de'i phyir de la 'di dper mi rung ste/ ji ltar 'du byed ces bya ba rdzas gzhan yod pa de bzhin du tshe yang yod par 'gyur ro zhe na/de'i phyir slob dpon gyis de'i gzhung lugs sun dbyung ba de'i ni zhes bya ba rgyas par smos te/ de'i zhes bya ba ni bye brag pa'i'o/ /de ni gcig pu yin pa'i phyir zhes bya ba ni 'du byed de gcig pu yin pa'i phyir ro/ /gags byed pa med pa'i phyir zhes bya ba ni shing la rtugs pa la sogs pa'i mtshan nyid kyi gags byed pa med pa'i phyir ro//ci zhe na/ yul gzhan dag tu mgyogs pa dang ches dang shin tu ches dang mgyogs par phyin pa'i dus kyi bye brag kyang mi 'thad de/ mgyogs pa dang ches mgyogs pa dang shin tu ches mgyogs pa'o//gang dag tu zhe na/ yul gzhan dag dang bcas par te nam mkha'i yul la sogs par ro/ /de'i dus de'i bye brag de mi 'thad de gong du bshad pa'i gtan tshigs de gnyis kyis ni yul gzhan dag dang bcas par mgyogs pa dang ches mgyogs pa dang shin tu ches mgyogs par mi 'thad do//'du byed la khyad par med pa'i phyir ltung bar yang mi 'thad do/ /'du byed yod na mda' ltung bar yang mi 'thad de/ rgyu yod bzhin du 'bras bu mi 'byung ngo zhes bya ba 'di ni mi 'dod do/ /gal te rlung gis de la gags byas so zhe na zhes bya ba ni gal te de la rlung gis gags byas pa'i phyir rlung gags byed pa'i khyad par las mgyogs pa dang ches dang shin tu ches mgyogs par phyin par yang 'thad la ltung bar yang 'thad de/reg pa dang ldan pa'i rdzas phrad pa las las med do zhes 'byung ba'i phyir ro zhes bya bar 'dod na/'dir tshu rol du ltung bar thal bar 'gyur ro zhes bya ba smos te/ mda' 'phangs na rlung dang ldan pas gzhu rgyud dang bral ma thag kho nar drung nyid du ltung bar 'gyur ro/ /'on te rlung gis gags byas kyang dung du mi ltung na ni gzhar yang mi ltung bar 'gyur te phyis kyang ltung bar mi 'gyur ro zhes bya ba'i tha tshig go//ci'i phyir zhe na/ rlung la khyad par med pa'i phyir te nye ba la ji lta bar ring ba la yang de dang 'dra'o/ /ya nga ba yongs su ma spangs pas so zhes bya ba ni bag med par za ba la sogs pa'i ya nga ba ma spangs pas so//tshe zad na bsod nams zad pa 'chi ba la nus pa med de de'i phyir mu gsum par mi 'gyur ro/ /de lta bas na gnyi ga zad na gnyi ga zad pa las 'chi ba zhes bya ba ni gnyi ga zad na zhes bya ba'i don gang yin pa de ni gnyi ga zad pas zhes bya ba'i don 'di yin par bshad par rig par bya'o//tshe ma zad par yang 'chi bar 'gyur ro zhes bya ba ji ltar shes she na/ 'bru la sogs pa dang chos mthun pa'i phyir te/ 'bru la sogs pa ni sa bon gyi 'phen pa yongs su zad phan chad zhing dang chu la sogs pa rkyen gzhan yod kyang 'bras bu smin pa'am/ 'bras bu smin pa'i dus su ma phyin pa kho nar rgyun ldog pa yang mthong ste/ sa bon shin tu grung ba ma yin pa'i phyir ro/ /sa bon grung po'i 'phen pa yod kyang chu la sogs pa gnas pa dang 'phel ba la sogs pa'i rkyen med pa'i phyir rgyun ldog pa yang mthong ngo / /sa bon gyi 'phen pa dang gnas pa dang 'phel ba'i rkyen med na yang mthong ste/gang gi tshe sa bon gyi 'phen pa yang yongs su rdzogs pa yin la chu yang med pa na'o/ /sa bon grung po'i 'phen pa yang yod la chu la sogs pa gnas pa dang 'phel ba'i rkyen yang yod kyang 'gro ba la sogs pa'i gnod pas 'bru la sogs pa'i rgyun ldog pa yang mthong ba lta bu'o//gang la lus la gnod pas gnod par 'gyur ba de ni rgyud la rag lus pa'i phyir zhes bya ba 'di ni nyi 'og pa'i gzhung lugs yin te/ tshe de ni lus kyi rgyud la rag lus pa yin pas rgyud la rag lus pa zhes bya'o//kha che ba'i gzhung lugs ltar na yang don ni de kho nar zad de glo bur dang bcas pa dang glo bur med pa zhes bya ba sgra tsam zhig tha dad par zad do/ /yang na rgyud la rag lus pa de ni rgyud kho na la yod pa 'ba' zhig yin gyi lan cig skyes nas gnas pa ma yin pas glo bur dang bcas pa zhes bya ste/lung 'dis ni dus ma yin par 'chi ba yod do zhes ston par byed pa yin no/ /mdo las kyang dus ma yin par 'chi ba yod par 'byung ngo zhes bstan pa'i phyir mdo las lus thob pa ni bzhi ste zhes bya ba rgyas par smos te/ bdag nyid 'chi ba ni bdag nyid kyis 'chi ba'o//gzhan gyis gsod pa ni pha rol pos gsod pa'o/ /sangs rgyas rnams kyi yang yin par brjod par bya ba ci zhe na/ bdag nyid 'grongs pa de bdag nyid 'grongs pa'i phyir ro/ /sangs rgyas bcom ldan 'das rnams ni mi brdzi ba'i chos can dang sku tshe gtong ba la mnga' brnyes pa yang yin no//phal cher zhes bya ba smos pa ni mu bzhi par bstan pa dmyal ba dang srid pa bar ma pa la sogs pa yongs su spangs pa'i phyir ro/ /rgyal po'i drang srong ni sngon 'khor los sgyur ba'i rgyal po byed byed pa las rab tu byung ba'o/ /rgyal ba'i pho nya ni sangs rgyas bcom ldan 'das kyis 'ga' zhig pho nyar btang ba gang yin pa ste/dper na bcom ldan 'das kyis ne tso gcig cig a mra skyong ma'i thog tu btang ba lits+tsha bI rnams kyis phrin zer ba yin par mthong nas mda' rub kyis brubs kyang gsad par ma nus pa lta bu ste/ji srid du pho nya'i bya ba de ma byas pa de srid du bdag nyid 'chi bar yang mi 'gyur la gzhan gyis gsod par yang mi 'gyur ro/ /rgyal bas bstan pa ni bcom ldan 'das kyis 'dis 'di srid cig thub par 'gyur ro zhes bka' stsal pa gang yin pa'o/ /chos len zhes bya ba la sogs pa ni sngon gyi gtam rgyud dag las khong du chud par bya'o//sogs pa zhes bya ba'i sgras ni gzhan dag kyang rtogs par bya ste/ de dag ni bdag nyid kyang 'chi bar mi 'gyur la gzhan gyis kyang gsod par mi 'gyur ro/ /srid pa tha ma pa'i byang chub sems dpa' rnams ni gang dag tshe de kho na la dgra bcom pa nyid 'thob pa yin no//byang chub sems dpa' yum de'i lhums na gnas pa ni byang chub sems dpa' lhums na bzhugs pa'o/ /'khor los sgyur ba'i ma 'khor los sgyur ba mngal na gnas pa ste/ de dag ni bdag nyid kyang mi 'chi la gzhan gyis kyang gsod par mi 'gyur ro//gal te gzugs dang gzugs med pa na spyod pa thams cad bdag nyid kyang mi 'chi la gzhan gyis kyang gsod par mi 'gyur na/ 'o na yang ci'i phyir mdo las gsungs zhes bya ba rgyas par smos te/ de na ni gnyi ga med do zhes bya ba ni 'du shes med 'du shes med min gyi skye mched de na'o//rang gi sa pa'i 'phags pa'i lam ni med de/ ji srid du 'du shes la snyoms par 'jug pa de srid du de kun shes pa 'thob bo zhes 'byung ba'i phyir ro/ /sa gong ma pa'i nyer bsdogs kyang med de gong nas med pa'i phyir ro//gzhan gyi sa pa'i 'phags pa'i lam zhes bya ba ni ci yang med pa'i skye mched kyi sa pa'i 'phags pa'i lam ste/ srid rtser 'phags pa ci yang med/ /mngon sum byas pas zag pa zad/ /ces bya ba'i phyir ro/ /'o na ni mtha' smos pas zhes bya ba la/'o na zhes bya ba ni don gzhan brjod par 'dod pa'i tshig gi phrad yin no/ /de la sogs pa go'o zhes bya ba ni mtha' ma 'du shes med 'du shes med min de la sogs pa ste bsam gtan bzhi pa dang gzugs med pa lhag ma gsum mo/ /'dod pa'i khams ni de la sogs pa ma yin te/mnyam par gzhag pa ma yin pa nyid kyis mi 'dra ba'i phyir ro/ /yang na snyoms par 'jug pa'i sgo nas de la sogs pa gzugs dang gzugs med pa dag kho na yin te mthar gyis gnas pa'i snyoms par 'jug pa dgu zhes 'byung ba'i phyir ro/ /de rtogs pa ni de la sogs pa go ba'o//gzhan la lar yang 'di lta bu mthong ba yod dam zhe na/ smras pa/ yod de/ la lar ni mtha' yang dang pos go zhes bya ba rgyas par smos so/ /'di lta ste tshangs ris kyi lha dag lta bu zhes bya ba ni tshangs ris kyi lha dag dang de'i mtha' bsdus pas tshangs pa'i mdun na 'don dang tshangs chen dag kyang bde ba skye ba dang po yin no//'di lta ste 'od gsal ba'i lha rnams lta bu zhes bya ba ni 'od gsal ba dag dang de la sogs pa bsdus pas 'od chung dang tshad med 'od rnams kyang bde ba skye ba gnyis pa yin no/ /bde ba skye ba ni gsum kho nar 'dod de/bde ba skye ba gsum po ni/ /bsam gtan gsum la sa dgu yin/ /zhes 'byung ba'i phyir ro/ /dpe'i chos ni 'di yin zhes bya ba ni gang de'i rnam pa gcig ston par byed kyi thams cad ma yin yang lhag ma rnams rtogs par 'gyur ba ni dpe'i tshul yin te/dper na sgra ni mi rtag pa ste/ byas pa'i phyir/ 'di lta ste bum pa lta bu'o zhes byas nas 'di lta ste zhes bya ba'i sgra ni dper brjod pa yin pa'i phyir ras yug la sogs pa yang bsdus pa lta bu'o/ /'di ni nye bar sbyar du mi rung ngo zhes bya ba ni dper mi rung ngo zhes bya ba'i tha tshig go//mi rnams dang lha kha cig go zhes bya ba la/ lha kha cig ni 'dod pa na spyod pa drug dang bsam gtan dang por skyes pa'i lha dang por byung ba ma gtogs pa rnams te lus tha dad pa dang 'du shes tha dad pa'i sems can ni 'di dag kho na tsam du zad kyi 'di dag la ma gtogs pa med pas 'di lta ste zhes bya ba'i sgra 'di ni dper brjod pa ma yin no//de lta bas na 'di ni nye bar bstan pa'i don kho nar blta bar bya'o/ /nye bar bstan pa nyid yin dang de kho na dang 'dra bar mtha' smos pas de la sogs pa go'o zhes bya ba 'di gnas pa yin no//bzlog pa ni 'dus ma byas so zhes bya ba ni gang la 'di dag med pa de ni 'dus ma byas yin no zhes bya ba yin no/ /'dus ma byas kyi mtshan nyid gnas pa yang yod pa ma yin nam zhe na/ 'dus ma byas kyi gnas pa rdzas gzhan gyi ngo bo ni med do/ /'dir ni 'dus byas kyi mtshan nyid rdzas gzhan gyi ngo bo dag yin par 'dod pas 'di ni klan kar mi rung ngo //mdo las gsum po 'di dag ni zhes bya ba rgyas par 'byung ba ji lta bu zhe na/ mdo las dge slong dag gsum po 'di dag ni 'dus byas kyi mtshan nyid yin no/ /gsum gang zhe na/ dge slong dag 'dus byas la skye ba yang mngon no//'jig pa yang mngon no/ /gnas pa gzhan du 'gyur ba yang mngon no zhes gsungs pa yin no/ /der bzhi pa yang brjod par bya dgos zhes zer ba ni bye brag tu smra ba rnams yin no/ /'o na ni gnas pa gzhan du 'gyur ba zhes bya ba gang yin pa zhes bya ba la/ rgol ba po'i bsam pa ni 'di la gnas pa zhes bya ba'i sgra grag na ni ji ltar gnas pa ma gsungs so zhes bya ba 'di brjod snyam pa yin no//'di ni rga ba'i rnam grangs yin zhes bya ba ni gnas pa las gzhan du 'gyur ba ni gnas pa gzhan du 'gyur ba'o zhes rga ba 'di bstan pa yin te/dper skye ba'i rnam grangs 'byung ba zhes bya ba dang / mi rtag pa nyid kyis 'jig pa zhes bya ba de bzhin du gnas pa gzhan du 'gyur ba ni rga ba'i rnam grangs yin no/ /yang ci'i phyir mtshan nyid bzhi yod bzhin du bcom ldan 'das kyis gsum kho na zhig gsungs she na/ de'i phyir chos gang dag ces bya ba rgyas par smos so//'dul ba rnams skyo bar bya ba'i phyir skye ba dang rga ba dang mi rtag pa nyid de dag kho na chos rnams kyi mtshan nyid du gsungs te mdo las bstan pa ni dgongs pa can yin la chos mngon pa las bstan pa ni mtshan nyid pa yin no/ /rga ba dang mi rtag pa nyid kyis ni da ltar byung ba nas 'das par te zhes bya ba ni sbed do zhes bya bar skabs dang sbyar te/rga ba dang mi rtag pa nyid dag gis na da ltar byung ba'i dus nas 'das par sbed do/ /ci'i phyir zhe na nyam chung ngur byas te 'joms par byed pa'i phyir te/ dga' bas ni nyam chung ngu byed la mi rtag pa nyid kyis ni 'joms pa'i phyir ro//mi rtag pa nyid kho nas chos da ltar byung ba'i dus nas 'das pa'i dus su sbed par byed kyi rga bas ni ma yin te/ rga bas ni chos nyam chung ngur byed pa 'ba' zhig tu zad pa ma yin nam/ ci'i phyir 'di skad du rga ba dang mi rtag pa nyid dag gis ni da ltar byung ba nas 'das par sbed par byed do zhes bshad ce na/de'i phyir smras pa/ nyam chung ngur byed pa yang de dus su sbed par byed pa kho nar 'gyur te/ nyam chung ngur ma byas pa la dus su 'pho ba med pas dga' ba yang de dus su sbed par rnam par gzhag go/ /'dus ma byas kyang rang gi mtshan nyid la gnas pa yod pa'i phyir zhes bya ba ni rang gi mtshan nyid la gnas pa'i gnas pa yod do//gnas pa yod pa de'i phyir gnas pa ni 'dus byas kyi mtshan nyid du rnam par ma bzhag ste/ gnas pa ni 'dus ma byas kyi gnas skabs kyi khyad par gyi mtshan nyid kyi gnas pa dang 'dra bas chos kyi rje bcom ldan 'das kyi dgongs pa ni 'dus ma byas de 'dus byas nyid du thal bar 'gyur ba spang bar bzhed nas mtshan nyid du ma bshad do snyam pa yin no//gzhan dag rtog par byed pa ni zhes bya ba ni mdo las kyang gnas pa bshad do zhes bya bar brjod pa yin te/mdo las/ rga ba dang gnas pa bsdus te gnas pa dang gzhan du 'gyur ba ni gnas pa gzhan du 'gyur ba nyid do zhes bsdus te bshad kyi bye brag tu ni ma yin no/ /ci'i phyir zhe na/ gsum po 'di dag ni 'dus byas kyi mtshan nyid yin no zhes 'byung ba 'gal bar thal bar 'gyur ba'i phyir ro//'di dag ni nang na 'di ni chags pa'i gzhi yin zhes bya ba rgyas par 'byung ba la/ 'di dag ni nang na zhes bya ba ni skye ba la sogs pa'i nang na'o/ /'di zhes bya ba ni gnas pa'o/ /chags pa'i gzhi ni chags pa'i gnas te 'dis chos gnas par 'gyur ro snyam pa yin no//de'i phyir bcom ldan 'das kyis gnas pa de la ma chags par bya ba'i don du gnas pa dpal dang 'dra ba 'di bkra mi shis pa rna nag ma dang lhan cig tu bstan te/ kha cig ni 'di skad du 'di la chags par mi bya ste/ 'di ltar 'di ni bkra shis ma dang bkra mi shis ma bzhin du mi rtag pa nyid dang rjes su 'brel pa yin no zhes bya bar 'chad do//gzhan dag ni 'di la chags par mi bya ste/ 'di ltar 'di bkra shis ma dang bkra mi shis ma bzhin du rga ba dang rjes su 'brel ba yin te/ gzhan du 'gyur ba'i mtshan nyid kyi rga ba dang gcig tu bya ba yin gyi mi rtag pa nyid dang ni ma yin no zhes zer ro//de'i phyir 'dus byas kyi mtshan nyid ni bzhi kho na'o zhes bya ba ni phyogs gnyi ga'i mjug sdud pa yin no/ /skye ba la sogs pa gzhan yang yod par 'gyur ro zhes bya ba ni skye ba'i mthus 'dus byas kyi chos 'ga' zhig skye bar 'gyur na skye ba yang 'dus byas yin pas/de lta bas na de la yang skye ba gzhan yod par 'gyur te/ bdag nyid la byed pa 'gal ba'i phyir dang grub pa'i mtha' las/ thams cad 'dus byas mtshan nyid dang zhes 'byung ba'i phyir ro/ /de bzhin du rga ba la sogs pa la yang sbyar bar bya'o//de dag ni skye ba'i skye la sogs zhes bya ba ni de dag skye ba'i skye la sogs pa yang zhes bya bar 'dir yang zhes bya ba'i sgra mi mngon par bstan par blta bar bya'o/ /re re la yang mtshan nyid bzhi pa zhes bya ba rgyas par 'byung ba ni mtshan nyid re re la mtshan nyid bzhi pa ste/mtshan nyid bzhi po tshan gcig tu byas pa'i mtshan nyid bzhi par 'gyur ro/ /mtha' thug pa med pa'i skyon du yang zhes bya ba ni mu thug pa med pa'i skyon du yang ste skye ba la yang mi rtag pa nyid kyi bar yod pa dang mi rtag pa nyid kyi bar la yang yod par thal bar 'gyur ba'i phyir dang mthun pa'i mtshan nyid de dag la yang skye ba gzhan la sogs pa yod par thal bar 'gyur ba'i phyir ro//de chos brgyad dang gcig la 'jug ces bya ba ni skye ba la sogs pa dang skye ba'i skye ba la sogs pa'i ngo bo nyid kyi chos de dag ni rim bzhin du chos brgyad dang gcig la 'jug ste skye ba la sogs pa ni chos brgyad la 'jug go//skye ba'i skye ba la sogs pa ni chos gcig la'o/ /bdag nyid rtogs par dgu zhes bya ba ni mtshan nyid dang mthun pa'i mtshan nyid dag la ltos nas de skad bshad kyi/ de la ci rigs par thob pa la sogs pa dang 'byung ba dag dang 'byung ba las gyur pa dag mi 'byung ba ni ma yin te/'dod na dbang po med pa dang / /sgra med phra rab rdul rdzas brgyad/ /ces bya ba dang / /thams cad 'dus byas mtshan nyid dang mtshan nyid thob pa'am zhes bya ba la sogs pa 'byung ba'i phyir ro//skye bas ni bdag nyid ma gtogs par zhes bya ba rgyas par 'byung ba ni rang gi bdag nyid la byed pa 'gal bas de'i phyir bdag nyid ma gtogs par chos brgyad skyed par byed do/ /brgyad gang zhe na gzugs sam sems kyi chos de dang gnas pa dang /rga ba dang / mi rtag pa nyid dang skye ba'i skye ba dang / gnas pa'i gnas pa dang / rga ba'i rga ba dang / mi rtag pa nyid kyis mi rtag pa nyid skyed par byed do/ /skye ba'i skye bas ni de kho na skyed par byed do/ /de bzhin du rga ba dang mi rtag pa nyid dag la yang sbyar bar bya'o zhes bya ba ni rga bas ni bdag nyid ma gtogs pa chos brgyad skyed par byed do//rga ba'i rga bas ni rga ba de kho na skyed par byed do/ /mi rtag pa nyid kyis ni bdag nyid ma gtogs pa chos brgyad skyed par byed do/ /mi rtag pa nyid kyis ni mi rtag pa nyid de kho na skyed par byed do//'di ni nam mkha' 'dral bar skyed pa yin te zhes bya ba ni rnam par 'dral bar byed pa'o snyam du bsams pa yin no/ /nam mkha' ni thogs pa dang bcas pa'i rdzas med pa tsam du zad kyi/ nam mkha' zhes bya ba ni cung zad kyang med de/ de ji ltar dral bar mi nus pa'am/ji ltar mi rung ba de bzhin du skye ba la sogs pa yod pa ma yin pa'i chos 'di dag kyang rnam par dbye bar mi nus pa'am mi rung ba yin no/ /de'i phyir skye ba la sogs pa 'di dag ni yod pa ma yin no zhes bya ba rgyas par smos te/ 'di dag ni ji ltar rnam par 'byed pa ltar te skye bas ni bdag nyid ma gtogs pa chos brgyad skyed par byed do zhes bya ba de lta bu rgyas par rnam par 'byed par byed pa ltar rdzas su yod cing rang gi mtshan nyid du yod pa ma yin no//ji ltar gzugs la sogs pa'i chos rnams zhes bya ba 'dir/ sogs pa zhes bya ba'i sgras ni sgra la sogs pa dang tshor ba la sogs pa dang mig la sogs pa bsdu'o//de la re zhig gzugs dang sgra la sogs pa ni mig gi rnam par shes pa la sogs pa'i mtshan nyid kyi mngon sum gyi tshad mas dmigs so/ /tshor ba la sogs pa yang rang rig par bya ba yin pa'i phyir mngon sum gyis dmigs so//mig la sogs pa ni de dag yod dam med na de dag yod dam med pa'i phyir mig gi rnam par shes pa la sogs pa'i rten gzugs dang ba ni mig la sogs pa yin no zhes bya bar mig gi rnam par shes pa la sogs pa'i rjes su dpag pas rjes su dpog par byed do//lung yang mig gis gzugs rnams mthong nas zhes bya ba rgyas par 'byung ba dang / de bzhin du rna bas sgra rnams thos nas zhes bya ba rgyas par 'byung ste/ dri la sogs pa la yang de bzhin du sbyar bar bya'o/ / de bzhin du gzugs gang yin pa ci yang rung ste 'das pa'am/ ma 'ongs pa'am da ltar byung ba'am zhes bya ba rgyas par 'byung ste/ tshor ba la sogs pa la yang de bzhin du sbyar bar bya'o/ /gzhan gyi rgyud la yod pa'i tshor ba la sogs pa gzugs can ma yin pa rnams yod pa nyid du rjes su dpag pa ni bdag nyid kyi bzhin du lus kyi g.yo ba mthong nas de dag rtogs pa'i phyir ro//lung yang mig dang gzugs rnams la brten nas mig gi rnam par shes pa dang de dang lhan cig skye ba 'du shes dang tshor ba dang sems pa dag skye'o zhes bya ba rgyas par 'byung ngo //skye ba la sogs pa ni gzugs la sogs pa bzhin du mngon sum du yang mi 'gyur la 'di dag yod pa nyid du nus pa'i rjes su dpag pa yang med do/ /rdzas su yod pa nyid kyi lung yang med do/ /'o na gang mdo las gsungs so zhes bya ba rgyas par 'byung ba ni 'dus byas skye bar yang snang ngo zhes bya ba rgyas par 'byung ba'i lung 'di yod pa ma yin nam zhes bya ba yin no//bcom ldan 'das kyis ni don la rton par gsungs so zhes bya ba ni dge slong dag rton pa ni bzhi po 'di dag yin no/ / bzhi gang zhe na/ chos la rton gyi gang zag la mi rton pa dang / don la rton gyi tshig 'bru la ma yin pa dang / nges pa'i don gyi mdo la rton gyi drang ba'i don la ma yin pa dang / ye shes la rton gyi rnam par shes pa la ma yin pa'o zhes bya ba dang / de bzhin du don la rton pa yin gyi tshig 'bru la ni ma yin no zhes bya ba 'byung ba yin no//'di'i don gang zhe na zhes bya ba ni 'dus byas kyi mtshan nyid kyi mdo nye bar bkod pa 'di'o/ /don de bstan pa'i phyir ma rig pas ldongs pa'i byis pa rnams zhes bya ba rgyas par smos te/ 'du byed kyi rgyun la bdag dang bdag gir mos pa ni dga' bar gyur pa'o//mngon par zhen pa ni chags par byed ces bya ba'i tha tshig go/ /'dus byas nyid dang rten cing 'brel par 'byung ba nyid ces bya ba ni rnam grangs yin te rkyen rnams 'dus shing phrad nas byas pa ni 'dus byas so//rkyen de dang phrad nas 'byung ba ni rten cing 'brel par 'byung ba'o/ /skad cig ma la ni ma yin no zhes bya ba ni 'di ni rgyun kho na la 'dus byas nyid brjod par bzhed nas gsungs pa yin gyi skad cig ma la ni ma yin te skad cig ma ni rtogs par dka' ba'i phyir skad cig ma la skye ba dang 'jig pa dang gnas pa gzhan du 'gyur ba nyid kyi chos dag mi mngon no//ji ste khyod de dag mi mngon yang mtshan nyid yin par 'os so snyam du sems na/ de'i phyir/ mi mngon pa de dag ni mtshan nyid yin par 'os pa ma yin te zhes bya ba smos so//mngon pa kho na mtshan nyid yin te/ dper na chu'i chu skyar lta bu'o/ /de nyid kyi phyir mdo de las zhes bya ba ni de nyid kyi phyir mdo las mngon no zhes bya ba smos pa mdzad kyi de lta ma yin na 'dus byas skye ba yang 'jig pa yang gnas pa gzhan du 'gyur ba nyid kyang zhes bya ba kho na zhig bka' stsal par 'gyur ro//'dus byas kyi mtshan nyid dag ces bya ba ni 'dus byas zhes bya ba'i mtshan nyid dag yin no zhes bya ba'i don du yongs su gzung ba'i phyir yang 'dus byas zhes bya ba smos so/ /chu dang chu skyar ltar zhes bya ba 'di ni chos mi mthun pa'i dpe yin te ji ltar chu skyar chu yod pa nyid kyi mtshan nyid yin gyi/chu'i chu nyid kyi mtshan nyid ni ma yin pa de ltar shes na mi rung ngo / /ci zhe na/ 'dus byas kyi dngos po yod pa nyid dag yin no zhes bya bar ro/ /dge ba dang mi dge ba nyid kyi bu mo'i mtshan bzhin zhes bya ba ni ji ltar bu mo'i mtshan bzang ba dang mi bzang ba dag go rims bzhin du dge ba dang mi dge ba nyid kyi mtshan nyid dag yin pa lta bur te/gal te 'di dag kyang de dang 'dra bar 'dus byas kyi dngos po yod pa nyid dam/ dge ba nyid dang mi dge ba nyid kyi mtshan nyid yin par bzhed par gyur na ni gsum po 'di dag ni 'dus byas kyi mtshan nyid yin no zhes bka' stsal par 'gyur gyi/'dus byas kyi mtshan nyid yin no zhes bya bar ni bka' stsal par mi 'gyur ba zhig na yang bka' stsal yang stsal to/ /des na 'dus byas nyid mtshan nyid dag yin no zhes bya bar shes so//yang ji ltar na skye ba la sogs pa yod pa ma yin pa rgyun dag la rnam par bzhag pa'am mngon pa yin zhe na/ skye ba la sogs pa med ces ni mi smra'i/ ji ltar rdzas kyi ngo bor rnam par phye ba de ltar ni yod pa ma yin no zhes smra'o//'o na khyed kyi ltar ni ji ltar yod pa de bzhin du smros shig ce na/ de'i phyir rgyun gyi dang po ni skye ba yin no zhes bya ba rgyas par smos te/ ldog pa ni 'jig pa yin no zhes bya ba ni rgyun zhig pa ni 'jig pa yin pa'o/ /rgyun de nyid rjes su 'jug pa zhes bya ba skad cig ma 'dra ba rjes su 'jug pa'i phyir rgyun rjes su 'jug pa ni gnas pa zhes bya'o//de'i snga phyi'i bye brag ces bya ba ni snga ma las skad cig ma phyi ma bye brag yod pa'am skad cig snga ma dang phyi ma dag gi bye brag ni snga phyi'i bye brag go/ /de lta yin pas na zhes bya ba ni skye ba la sogs pa rgyun gyi ngo bo kho na yin pas na tshe dang ldan pa mdzes dga'i dran pa nye bar gnas pa las brtsams te gsungs pa yin te/de'i tshor ba rgyun dang ldan pa rig bzhin du skye zhing rig bzhin du gnas pa dang rig bzhin du yongs su zad pa dang yongs su gtugs par 'gyur ro/ /rtogs par dka' ba'i phyir skad cig ma dang ldan pa ni ma yin te/skad cig ma ni rig kyang gnas pa mi srid pa'i phyir ro/ /don 'di nyid tshigs su bcad pa gnyis kyis bsdu ba'i phyir/ rgyun gyi dang po skye ba yin/ /zhes bya ba la sogs pa thams cad smos so/ /gnas pa de zhes bya ba ni rgyun de nyid gnas pa yin no//de nyid ces bya ba ni rgyun de nyid kyi'o/ /de chad ces bya ba ni rgyun chad pa'o/ /skad cig ma'i chos la ni zhes bya ba ni tshigs su bcad pa yin te/ gal te skad cig ma'i chos ni gnas pa zhig med na 'jig par 'gyur bas gnas pa yod do zhes bya bar sems na chos de yang gnas pa yod bzhin du yang 'jig par 'gyur ba kho na ste/skad cig ma yin pa'i phyir dang / 'jig pa la rgyu med pa'i phyir 'jig par 'gyur ba kho na'o/ /de lta bas na der rtog pa don med de/ gnas par rtog pa dgos pa med do zhes bya ba'i tha tshig go/ /skad cig gnyis pa la sogs pa'i gnas pa la gnas par rtog pa ni don med pa ma yin no//de'i phyir gnas pa ni rgyun kho na yin no zhes bya ba ni gang gi phyir chos skad cig ma la gnas par rtog pa'i don med pas so/ /de ltar bshad na 'di yang zhes bya ba ni gnas pa ni rgyun kho na yin par bshad na zhes bya ba'i tha tshig go//skyes pa skad cig ma la ni mi 'jig pa med pa'i phyir ro zhes bya ba 'di la kha cig 'di snyam du gnas pa yod pa'i phyir chos skyes pa skad cig ma gcig cig mi 'jig pa yin no/ /gal te gnas pa med na ni skad cig ma gcig po de yang yod par mi 'gyur ro snyam du sems na ma yin te/de yod pa nyid ni 'di yod na 'di 'byung zhes 'byung ba'i phyir rgyu dang rkyen sngon du 'gro ba can yin pa'i phyir ro/ /gal te gnas pas nye bar 'dzin to snyam ste/ ji ste rgyu dang rkyen dag las skye ba'i chos gnas pas nye bar 'dzin to zhes bya bar 'dod na/gal te gnas pas nye bar ma bzung na ci zhig tu 'gyur/ bdag nyid yod par mi 'gyur ro/ /'o na ni gnas pas skyed par byed pa yin par 'gyur gyi gnas par byed pa ni ma yin no/ /gal te gnas pas rgyun yod pa gnas par byed do/ /zhe na/ rgyu dang rkyen dag la gnas pa zhes bya bar thal bar 'gyur te/rgyu dang rkyen rnams ni rgyun gyi rgyu yin pa'i phyir ro/ /ris mthun pa'i sems la rung bar 'gyur ro zhes bya ba ni ris mthun pa gcig la sems du ma yang ris mthun pa gcig las byung ba'i phyir gcig ces bya'o snyam du bsams pa yin te/sems de la sems gcig la zhes bya bar brjod du rung gi /de lta ma yin na sems kyi skad cig ma gcig la ji ltar skye ba dang 'chi ba dang gnas pa gzhan du 'gyur ba nyid du 'gyur/ phyi ma phyi ma'i skad cig ma rjes su 'brel pa ni gnas pa'o zhes bya ba ni mtshungs pa'i phyir skad cig ma phyi ma ni skad cig ma snga ma dang 'dra ba yin te/de'i phyir skad cig ma snga ma de da dung gnas pa dang 'dra bas na skad cig ma phyi ma la gnas pa zhes bya'o/ /'o na gang gi tshe 'dra bar yang skye'o zhes bya ba ni 'o na gang gi tshe 'dra bar skye ba de'i tshe ni mi 'dra ba nyid med do//gnas pa gzhan du 'gyur ba nyid ni mi 'dra ba nyid yin par bshad de/ de bas na 'dra bar skye ba la gnas pa gzhan du 'gyur ba nyid med pas mtshan nyid ma khyab pa can du 'gyur ro snyam du bsams pa yin no/ /'phangs pa dang ma 'phangs pa dang stobs chen po dang stobs chung ngus 'phangs pa zhes bya ba rgyas par 'byung ba ni de ni 'phangs pa dang ma 'phangs pa yin pas 'phangs pa dang ma 'phangs pa'o//stobs chen po dang stobs chung ngu dag gis 'phangs pa ni stobs chen po dang stobs chung ngus 'phangs pa'o/ / de ni 'phangs pa dang ma 'phangs pa yang yin la stobs chen po dang stobs chung ngus 'phangs pa yang yin pas 'phangs pa dang ma 'phangs pa dang stobs chen po dang stobs chung ngus 'phangs pa'o/ /de ci zhe na/ rdo rje la sogs pa ste/ sogs pa smos pas ni lcags dang rdo la sogs pa bsdu'o//gzhan dag ni 'di ltar tshig rnam par sbyor bar byed de/ 'phangs pa dang ma 'phangs pa ni 'phangs pa dang ma 'phangs pa dag yin no/ /stobs chen po dang stobs chung ngu dag gis 'phangs pa dag ni stobs chen po dang stobs chung ngus 'phangs pa dag ste/ rnam pa 'di gnyis ni 'phangs pa'i bye brag yin no/ /'di la rdo rje la sogs pa 'phangs pa dang ma 'phangs pa dang stobs chen po dang stobs chung ngus 'phangs pa dag yod pas na rdo rje la sogs pa 'phangs pa dang ma 'phangs pa dang stobs chen po dang stobs chung ngus 'phangs pa'o//tshig rnam par sbyar ba 'di la rdo rje la sogs pa khyad par yin la 'phangs pa dang ma 'phangs pa dang stobs chen po dang stobs chung ngus 'phangs pa ni khyad par gyi gzhi yin no/ /de lta bu'i rdo rje la sogs pa de ci rigs par bul ba dang myur ba dang ches bul ba dang ches myur bar ltung ba ste 'phangs pa ni bul bar ltung ngo //ma 'phangs pa ni ches bul bar ltung ngo / /stobs chung ngus 'phangs pa ni myur bar ltung ngo / /stobs chen pos 'phangs pa ni ches myur bar ltung ngo / /de'i dus te de'i bye brag go/ /bul ba dang myur ba dang ches bul ba dang myur bar ltung ba'i dus kyi bye brag las de'i 'byung ba rnams kyi ste rdo rje la sogs pa'i 'byung ba rnams kyi yongs su gyur pa'i bye brag ste 'phangs pa'i yongs su gyur pa yang gang gis na bul bar ltung ba ste/gzhan du yin la de bzhin du stobs chen pos 'phangs pa'i yongs su gyur pa yang gang gis na ches myur bar ltung ba'i bar du gzhan du yin no//yongs su gyur pa'i bye brag de 'grub ste yongs su gyur pa'i bye brag 'grub pa de'i phyir de dag khyad par med pa ma yin no zhes bya bar skabs dang sbyar ro/ /'o na ni sgra dang me lce'i skad cig ma tha ma zhes bya bar rgyas par 'byung ba ni sgra dang mar me la sogs pa'i rgyun 'jig pa'i dus kyi skad cig ma tha ma gang yin pa dang dgra bcom pa phung po lhag ma med pa'i mya ngan las 'da' ba'i tshe skye mched la skad cig ma phyi ma med pa'i phyir gnas pa med do//gnas pa med pa'i phyir gnas pa gzhan du 'gyur ba nyid med pas de'i mi 'dra ba nyid ni gnas pa gzhan du 'gyur ba nyid do zhes bshad pa gang yin pa'i mtshan nyid rnam par bzhag pa ma khyab pa can du 'gyur ro zhe na/gang la gnas pa yod pa de la ni gdon mi za bar gzhan du 'gyur ba nyid kyang yod la gang la gnas pa med pa de la ni gzhan du 'gyur ba nyid kyang med do zhes bshad pa yin te/mdo las ni srid pa'i phyir 'di skad du gsum po 'di dag ni 'dus byas kyi mtshan nyid do zhes bshad par zad do/ /de lta bas na sgra dang me lce'i skad cig ma tha ma la sogs pa la ni mtshan nyid skye ba dang 'jig pa gnyis kho nar yod par 'dod la/de las gzhan pa dag la ni gnas pa gzhan du 'gyur ba nyid kyang yod do/ /gzhan dag na re ni sgra dang me lce'i skad cig ma tha ma la sogs pa la yang rang gnas pa gang yin pa'i gnas pa yod la/de'i gzhan du 'gyur ba nyid ni skad cig ma snga ma la ltos pa yin pas de dag la yang mtshan nyid gsum rnam par gzhag go zhes zer ro/ /de ni ji ltar mtshan nyid kyi gzhi'i chos de nyid kyi mtshan nyid du zhes bya ba ni mtshan nyid kyi gzhi dang mtshan nyid dag ni chu dang chu skyar bzhin du gzhan nyid yin par mthong nas rgol bar byed pa yin no//mdo sde pa rnams kyis de 'khrul par bstan pa'i phyir/ re zhig ji ltar na skyes bu chen po'i mtshan rnams zhes bya ba la sogs pa smos te/ skyes bu chen po'i mtshan rnams ni skyes bu chen pos bsdus pa'i phyir te de las gzhan pa ma yin no//skyes bu chen po ni skyes bu chen po'i mtshan tsam ma yin gyi/ chos tsam ni ma byung ba las 'byung la byung nas kyang med par 'gyur bas 'di ni dper mi rung ngo zhes smra na 'di la bdag smra bar bya'o/ / 'di ni mtshungs pa nyid de/ ji ltar skyes bu chen po'i mtshan rnams la skyes bu chen po zhes kyang bya skyes bu chen po'i mtshan zhes kyang bya ba de bzhin du 'dus byas kyi chos la yang 'dus byas zhes kyang bya la 'dus byas kyi mtshan nyid ces kyang bya ste/ chos de ni skye ba la sogs pa'i mtshan nyid gnas skabs kyi khyad par gyis mtshon par byed do//gang gi tshe rgyun la mtshan nyid rnam par 'jog par byed pa de'i tshe ni spyis spyi mtshon par byed de/ dper na skyes bu chen po zhes bya ba spyi skyes bu chen po'i mtshan spyis mtshon par byed pa bzhin no/ / 'dis ni lkog shal la sogs pa'i mtshan nyid dag kyang rnam par bshad pa yin no/ /sra ba nyid la sogs pa dag kyang zhes bya ba rgyas par 'byung ba ni dpe 'di ni 'di'i gsung rab las grags pa yin pa'i phyir gnyi ga la grub pa yin te/ sa'i khams ni sra ba'i mtshan nyid can yin no zhes bya mod kyi sra ba nyid sa'i khams las gzhan pa ni ma yin no//de bzhin du thams cad la'ang sbyar bar bya'o/ /sa'i khams de sra bas mtshon par byed pa na sra ba'i mtshan nyid ces bya ba de bzhin du 'dus byas de nyid ma byung ba las 'byung ba dang byung nas kyang med pas mtshon par byed pa na mtshon par byed pas mtshan nyid ces bya ba yin pa'i phyir 'dus byas kyi mtshan nyid ces bya mod kyi de las gzhan pa ni ma yin no//ji ltar gyen du 'gro ba las zhes bya ba rgyas par 'byung ba ni bye brag tu smra ba skad cig mar smra ba'i ltar na du ba'i gyen du 'gro ba gzhan yod pa ma yin te/de nyid gyen du yul gzhan dag tu 'byung ba na gyen du 'gro ba zhes bya ba'i ming 'thob bo/ /gyen du 'gro ba de ni de dang tha dad pa ltar snang yang du ba'i gyen du 'gro ba nyid ni gzhan yin par yang mi 'dod do/ /de ni du ba'i de las kyang mig gzhan pa ltar zhes bya ba ni gyen du 'gro ba de ni du ba las gzhan pa yang ma yin pa ltar ro//'dir yang tshul de nyid yin no zhes bya ba ni de bzhin du skye ba dang 'jig pa dang gzhan du 'gyur ba nyid de dang tha dad par snang mod kyi 'dus byas gzhan yang ma yin no/ /'dus byas gzugs la sogs pa ji srid du rang gi ngo bo gzung yang ji srid du snga na med pa dang phyis med pa mi shes pa ste gzugs la sogs pa de dag gi skye ba snga na med pa mi shes pa'o//phyis ci zhe na/ med par te ji srid du snga na med pa dang zhig nas med pa mi shes pa'o/ /rgyun gyi bye brag ji srid du mi shes pa zhes bya bar sbyar ro//de lta bas na de nyid kyis de mtshon pa yang ma yin zhes bya ba ni 'dus byas de nyid kyis 'dus byas nyid mtshon par byed pa yang ma yin no/ /'o na ci zhe na/ snga na med pa la sogs pas 'dus byas nyid mtshon par byed do/ /gal te gzugs la sogs pa'i rang gi ngo bo bzung ba na 'dus byas so zhes bya bar 'dzin par gyur na ni snga na med pa dang phyis med pa dang rgyun gyi bye brag ma shes pa kho nar de shes par 'gyur ba zhig ni de ltar yang mi shes te/de lta bas na de nyid kyis de mtshon pa yang ma yin no/ / gzugs la sogs pa de dag las skye ba la sogs pa rdzas gzhan nyid du yod pa yang ma yin te/ rgyun gyi dang po skye ba yin/ /zhes bya ba rgyas par 'byung ba'i phyir ro/ /de dag ni lhan cig 'byung ba'i phyir zhes bya ba ni skye ba la sogs pa dus mnyam du skye ba'i phyir ro/ / bya ba'i dus tha dad pa'i phyir ro zhes bya ba ni de lta ma yin no/ /ci'i phyir zhe na/ bya ba'i dus tha dad pa'i phyir te rtsal gyi dus tha dad pa'i phyir ro zhes bya ba'i tha tshig go/ /de bstan pa'i phyir skye ba ma 'ongs pa ni bya ba byed de zhes bya ba la sogs pa smos so/ /ci ma 'ongs pa rdzas su yod dam med ces bya ba re zhig ma 'ongs pa nyid med do zhes bya bar sgrub par 'gyur na skye ba ma 'ongs pa bya ba byed do zhes bya ba lta ga la yod snyam du bsams pa yin no//de yod du chug na yang zhes bya ba ni rdzas su yod du chug na yang skye ba ma 'ongs pa des 'ongs pa'i gnas skabs na bya ba byed na go//ji ltar ma 'ongs par 'grub par 'gyur te ma 'ongs pa ni bya ba mi byed pa yin no zhes bya ba'i grub pa'i mtha' de dang 'gal bar 'gyur ro/ /de lta bas na de ni brjod par mi bya'o/ /ji ltar na da ltar 'grub par 'gyur zhes bya ba ni bya ba zhig pa ni 'das pa yin par 'dod la skye ba yang ma 'ongs pa nyid na bya ba zhig pas da lta'i gnas skabs na 'das pa kho nar 'gyur gyi da ltar yin par ni mi 'gyur ro//de lta bas na da lta'i mtshan nyid kyang brjod par bya dgos te gal te bya ba yongs su ma rdzogs pa ni da lta yin no zhe na/'das pa yang da lta yin par 'gyur te 'das pa la yang 'bras bu 'byin pa'i bya ba yod par 'dod de/ 'di gang gi tshe gnas pas gnas par byed pa zhes bya ba rgyas par 'byung ba ni gnas pa dang rga ba dang 'jig pa'i bya ba dag ni phan tshun 'gal ba yin te/ chos de gnas pa yang yin la 'jig pa yang yin no zhes bya bar rnam par gzhag par rigs pa ni ma yin no//skad cig ma nyid la gnod par 'gyur ro zhes bya ba ni dang po ni gnas pas gnas par byed la/ de'i 'og tu ni rga bas rgas par byed/ de'i 'og tu ni mi rtag pa nyid kyis 'jig par byed pas skad cig ma gsum du gnas pa'i phyir skad cig ma nyid la gnod par 'gyur ro//kho bo cag gi skad cig ma ni 'di kho na yin no zhes bya ba ni nus pa yongs su rdzogs pa'i mtshan nyid yin gyi skyes ma thag tu 'jig pa'i mtshan nyid ni ma yin no zhes bya ba'i tha tshig go/ /de lta na yang zhes bya ba rgyas par 'byung ba ni lhan cig 'byung ba rnams rim gyis byed par mi rung na re zhig gnas pas gnas par byed kyi de'i tshe rga bas kyang rgas par mi byed la mi rtag pa nyid kyis kyang 'jig par mi byed do zhes bya ba 'di ga las/phyis ci'i phyir stobs dang mi ldan pa nyid du 'gyur zhes bya ba ni phyis gang gis na stobs dang mi ldan pa nyid du gyur na gang gi phyir na gnas pa 'di chos dang lhan cig gang la gnas pa yod pa'i chos de dang lhan cig mi rtag pa nyid kyis 'joms par byed/bya ba byas pas yang mi nus te skye ba bzhin no zhes bya ba ni ji ltar skye bas bya ba byas zin to//bskyed par bya ba bskyed nas nus pa zad na yang skyed par mi byed pa de bzhin du gnas pas kyang gnas par mi byed do/ /skye bas bskyed par bya ba da lta nyid du zhes bya ba rgyas par 'byung ba ni thug pa med par thal bar 'gyur ba'i phyir bskyed par bya ba da lta nyid du khyer te 'ongs pa ni yang bskyed par mi nus kyi/gnas pas ni gnas par bya ba ye gnas par bya bar nus te gnas pa ni 'jig pa'i bgegs byed pa'i mtshan nyid yin pa'i phyir ro/ /rga ba dang mi rtag pa nyid de dag kho na yin no zhes bya ba ni rga ba dang mi rtag pa nyid de dag kho na bgegs byed pa yin no//de na gnas par bya ba ye gnas par bya bar mi nus te rga bas ni gnas pa nyam chung ngur byed la mi rtag pa nyid kyis ni nyam dmas pa 'joms par byed do/ /slob dpon gyis smras pa/ gal te rga ba dang mi rtag pa nyid de dag stobs dang ldan pa zhig yin na ni sngon po kho na ste/gnas par bya ba byed pa'i tshe de dag gis gnas pa de bya ba byed du mi ster ba yin par 'gyur ro/ /gnas pa'i bya ba log na yang zhes bya ba rgyas par 'byung ba ni gang gi tshe gnas pa'i bya ba log pa de'i tshe rga ba dang mi rtag pa nyid de dag kyang mi gnas la chos de yang mi gnas te gnas pa'i bya bas de rnams gnas par brtags pa yin no//de lta bas na de rnams kyang med na rga ba dang mi rtag pa nyid mi gnas pa dag gis ji ltar ram chos mi gnas pa gang la bya ba byed par nus par 'gyur/ yang na rga ba dang mi rtag pa nyid de dag gis ci zhig bya ste gnas pa'i mthus chos skyes pa tsam de ma zhig par 'gyur ba yin la de gnas par bya ba zhig pa des yal bar btang ste/gnas par mi byed na ni gdon mi za bar mi gnas pas mi gnas pa yin pa 'di nyid 'di'i 'jig pa yin na rga ba dang mi rtag pa nyid dag gis ci zhig bya snyam du bsams pa yin no//de nyid las de'i rnam pa gzhan nyid du ni rung ba ma yin no zhes bya ba ni gal te de nyid yin na ni 'di gzhan ma yin no/ /gzhan yin na ni 'o na de nyid ma yin no/ /gang dag gzhan nyid yin pa de dag ni gzhan yin par mthong ste/ dper na lha sbyin dang mchod sbyin dag lta bu'o/ /gang yang sde pa gzhan na re zhes bya ba ni 'phags pa mang pos bkur ba'i sde pa ste/ de ni bum pa la sogs pa ni 'jig pa ni thob pa la sogs pas byas pa yin par sems so/ /de ltar na gzugs ni dus gzhan gyi bar du gnas pa yin la/sems dang sems las byung ba rnams ni skad cig ma nyid yin no// //bam po bcu drug pa/ /de'i phyir bshad pa/ sems dang sems las byung ba rnams skad cig ma nyid du khas blangs pas de dag ni mi rtag pa nyid sems dang sems las byung ba'i mi rtag pa nyid 'jig pa'i rgyu la mi ltos pa'i phyir rang gi ngang gis 'jig pa'i phyir gnas pa dang mi rtag pa nyid dag cig car bya ba byed par 'gyur ro//de'i phyir sems sam sems las byung ba gcig la cig car du gnas pa dang 'jig pa nyid phan tshun 'gal ba nyid du yang thal bar 'gyur ro//de lta na mdo de legs par drangs pa yin no zhes bya ba ni dge slong dag gsum po 'di dag ni 'dus byas kyi mtshan nyid do zhes 'byung ba gang yin pa'o/ /tshogs pa yod na ni 'byung la med na ni mi 'byung ba'i phyir ro zhes bya ba ni rgyu dang rkyen rnams tshogs pa yod na ni bskyed par bya ba 'byung la med na ni mi 'byung ba'i phyir ro//skye ba ni ma yin no/ /ci zhe na/ mthu ma yin par blta bar bya zhes bya bar skabs dang sbyar te/ rgyu dang rkyen tshogs kyang bskyed par bya ba de res 'ga' yod la res 'ga' med pa ni ma yin no/ /'di la btsun pa go cha mtha' yas na re dper na mig snang ba la sogs pa med par mig gi rnam par shes pa skyed par mi byed mod kyi/de'i phyir de skye ba'i rgyu ma yin pa yang ma yin pa de bzhin du skye ba yang rgyu dang rkyen dag med par chos skyed par mi byed mod kyi de'i phyir de skye ba'i rgyu ma yin pa yang ma yin no zhes zer te/ 'di la smras pa 'di ni mi smra'o//snang ba la sogs pa yod du zin kyang long ba dang long ba ma yin pa dag gi mig gi rnam par shes pa skye ba dang mi skye ba snang ba'i phyir mig gi nus pa ni mthong gi skye ba ni de lta ma yin no/ /chos kyi rang bzhin phra mo dag ces bya ba ni dper na sems las byung ba reg pa la sogs pa yongs su bcad par dka' ba'i phyir rang bzhin ngo bo nyid phra ba dag yin pa bzhin no//de lta bu ni yod bden na chos kha cig ni mi snang yang byed pa'i sgo nas nges par 'dzin par 'gyur gyi skye ba ni de ltar byed pa'i sgo nas nges par zin par mi 'gyur ro/ /reg pa ni bcom ldan 'das nyid kyis nges par bzung ste/gang cung zad tshor ba'i phung po dang / 'du shes kyi phung po dang / 'du byed kyi phung po gang yin pa de thams cad ni reg pa la brten nas zhes bya ba rgyas par gsungs pa yin no/ /skye ba zhig med na skyes zhes bya ba dang zhes bya ba ni gzugs la gzugs kyi blo ni rang gi mtshan nyid la ltos pa yin gyi skye ba'o snyam pa'i skye ba'i blo ni rang gi mtshan nyid la ltos pa ma yin te/tshor ba la sogs pa la yang yod pa'i phyir ro/ /de lta bas na skye ba'i blo ni skye ba'i rdzas don gzhan du gyur pa zhig la ltos pa yin par nges par bzung ngo //gzugs kyi skye ba zhes bya ba drug pa'i tshig tu yang mi 'gyur zhes bya ba ni drug par ston pa ni gzhi mi mthun par sbyar ba yin gyi/ gzhi mthun par sbyar ba ni ma yin no/ /de'i phyir dper na gzugs kyi gzugs zhes mi bya ba bzhin no zhes bya ba smos so/ /'di ni chos mi mthun pa'i dpe yin te/ji ltar gzugs ni gzugs las gzhan ma yin pa'i phyir gzugs kyi gzugs zhes drug pa ston par mi 'gyur ba de bzhin du gzugs kyi skye ba zhes bya bar yang mi 'gyur ba zhig na'o/ /de lta bas na drug pa bstan pa 'di ni skye ba'i rgyu mtshan can yin par shes so//de bzhin du mi rtag pa nyid kyi bar du ci rigs par brjod par bya'o zhes bya ba ni gnas pa zhig med na gnas pa nyid dang gzugs kyi gnas pa zhes bya ba drug pa'i tshig tu yang mi 'gyur te/ dper na gzugs kyi gzugs zhes bya ba bzhin no/ /rga ba zhig med na rgas pa nyid dang gzugs kyi rga ba zhes bya ba drug pa'i tshig tu yang mi 'gyur te/dper na gzugs kyi gzugs zhes bya ba bzhin no/ /de bzhin du mi rtag pa nyid cig med na 'jig pa nyid dang gzugs kyi 'jig pa zhes bya ba drug pa'i tshig tu yang mi 'gyur te/ dper na gzugs kyi gzugs zhes bya ba bzhin no zhes bya ba yin no//'o na ni des na zhes bya ba rgyas par 'byung ba ni gal te skyes pa zhes bya ba de lta bu la sogs pa'i blo grub par bya ba'i phyir skye ba la sogs par brtag na/ bdag med pa nyid cig kyang 'dod par bya dgos te/ bdag med pa'i blo rgyu med pa yin par 'os pa ni ma yin no/ /'on te bdag med pa nyid ni btags par yod la/ bdag med pa'i blo yang de'i rgyu mtshan can yin par 'dod na ni/ skye ba la sogs pa yang btags pa'i yod pa yin la skye ba la sogs pa'i blo yang de'i rgyu mtshan can yin par 'dod par bya dgos so//'di la sgrub pa ni skye ba la sogs pa ni btags pa'i yod pa ma yin na ste/ rjes su yod pa la ltos te gzung bar bya ba yin pa'i phyir bdag med pa nyid bzhin no zhes bya ba yin no/ /gzugs gcig dang / gzugs gnyis dang / chen po dang / chung ngu dang / tha dad pa dang / ldan pa dang / rnam par phye ba dang / gzhan dang / gzhan ma yin pa dang / gzugs yod pa zhes bya ba dang / de bzhin du 'di ni rdzas so/ /'di ni gzugs so/ /'di ni bum pa'o zhes bya ba de lta bu la sogs pa'i blo 'grub par bya ba'i phyir dang /drug par bya ba'i phyir bye brag pas kun brtags pa grangs la sogs pa dang / gzugs kyi ldan pa yang khas blangs dgos so/ /yod pa la sogs pa zhes bya ba la sogs pa zhes bya ba'i sgras rdzas nyid dang gzugs nyid dang bum pa nyid la sogs pa bsdu'o//ldan pa smos pa ni dper brjod pa tsam du zad de gzugs kyi tha dad pa dang gzhan nyid dang gzhan ma yin pa nyid ces bya ba de lta bu la sogs pa la yang sbyar bar bya'o/ /gzugs kyi rang bzhin zhes bya ba'i drug pa 'di yang ji ltar brtag ces bya ba ni bye brag tu smra ba khyed gzugs las gzugs kyi rang bzhin gzhan yin par mi 'dod pas so//skye ba zhes bya ba ni ma byung ba las byung ba kho na shes par bya ba'i don du skye ba kho na gdags pa mdzad pa yin gyi zhig pa zhes bya ba ni ma yin no/ /rnam pa mang du yod pa zhes bya ba ni bye brag mang du yod pa ste/ gzugs dang tshor ba la sogs pa tha dad pa'i phyir ro/ /de bye brag tu bya ba'i phyir te gzugs kyi skye ba yin gyi tshor ba la sogs pa'i skye ba ni ma yin no zhes bye brag tu bya ba'i phyir drug par mdzad do/ /gzhan du ni shes par mi 'gyur bar bya ba ni gzugs zhes bya ba kho na skye ba'i tshor ba zhes bya ba la sogs pa ni ma yin pa'o//des tsan dan gyi dri la sogs pa dang mchi gu'i lus zhes bya ba bzhin no zhes bya ba smos te/ don gzhan ma yin yang drug par ston par byed do/ /sangs rgyas pa'i grub pa'i mtha' ni tsan dan gyi dri la sogs pa 'dus pa tsam yin no zhes bya ba yin no//bye brag pa'i grub pa'i mtha' la ltos na dpe tsan dan ma grub pas dpe gzhan mchi gu'i lus zhes bya ba nye bar 'god de/ mchi gu dang lus gnyis ni bye brag pa rnams kyi grub pa'i mthas kyang don gzhan ma yin mod kyi/ drug par ston par yang 'gyur te de ltar ston pa de ni don gzhan du kun brtags pas byas pa yin no//de bzhin du gnas pa la sogs pa la yang ci rigs par rig par bya'o zhes bya ba ni de lta bas na gnas pa zhes bya ba 'di ni rgyun gyis gnas pa shes par bya ba'i don du btags pa tsam kho na mdzad pa yin no//rgyun gyis gnas pa'i mtshan nyid kyi gnas pa de yang rnam pa mang du yod pas de bye brag tu bya ba'i phyir gzugs kyi gnas pa zhes drug par mdzad de/ ci nas kyang gzugs zhes bya ba kho na gnas par shes par bya'i gzhan du ni shes par mi 'gyur bar bya ba yin te zhes bya ba dang /rgas pa zhes bya ba 'di ni snga phyi'i khyad par shes par bya ba'i don gdags pa tsam mdzad pa yin no/ /snga phyi'i khyad par [(]kyi [,]gyi [)]mtshan nyid kyi rga ba de yang rnam pa mang du yod pas de bye brag tu bya ba'i phyir gzugs kyi rga ba zhes drug par mdzad de ci nas kyang gzugs zhes bya ba kho na rga bar shes par bya'i/gzhan du ni shes par mi 'gyur bar bya ba yin te zhes bya ba dang / de bzhin du zhig pa zhes bya ba 'di ni rgyun ldog pa shes par bya ba'i don du btags pa tsam mdzad pa yin no/ /rgyun log pa'i mtshan nyid kyi 'jig pa de yang rnam pa mang du yod pas de bye brag tu bya ba'i phyir gzugs kyi 'jig pa zhes drug par mdzad de ci nas kyang gzugs zhes bya ba kho na 'jig par shes par bya'i/gzhan du ni shes par mi 'gyur bar bya ba yin te zhes bya ba yin te/ thams cad du yang dper ni tsan dan gyi dri la sogs pa dang /mchi gu'i lus zhes bya ba bzhin no zhes bya ba dpe gnyis kyang brjod par bya'o/ /yang ji ltar chos nyid kyis zhes bya ba la/ chos nyid ni chos kyi rang bzhin te chos kyi ngo bo nyid dang chos kyi ngang tshul can zhes bya ba'i tha tshig go/ /chos nyid chos kyi rang bzhin yin no zhes bya ba 'di ga las she na/mig ni chos nyid kyis rtag pa dang brtan pa dang ther zug dang mi 'gyur ba'i chos can dang bdag dang bdag gis stong ngo / /de ci'i phyir zhe na/ 'di ni 'di'i rang bzhin yin no zhes bya ba rgyas par 'byung ngo / /ji ltar chos nyid kyi nam mkha' la sogs pa thams cad skye ba dang ldan par mi 'dod pa de ltar thams cad mi skye'o zhes bya ba kho nar 'dod par bya ste/'dus byas kho na skye ba dang ldan pa yin gyi 'dus ma byas ni ma yin no zhes bya ba gang yin pa 'di la ni chos nyid ma gtogs pa gtan tshigs cung zad kyang med do//de ltar na skye ba med kyang 'dus byas kho na skye bar 'gyur gyi 'dus ma byas ni ma yin no/ /yang ji ltar skye ba dang ldan par mtshungs pa las zhes bya ba gang dag ce na/ gzugs dang tshor ba la sogs pa'o/ /de dag las gzhan pa'i rkyen rnams zhes bya ba ni tshor ba la sogs pa skyed pa'i rkyen rnams ni gzugs skye ba'i rkyen de dag las gzhan pa yin te de dag las gzhan pa'i rkyen de rnams kyis ni de dag las gzhan pa bskyed par nus pa ma yin no//tshor ba la sogs pa de dag las gzhan pa ni/ de dag las gzhan pa'o//de ci zhe na/ gzugs te ji ltar de dag las gzhan pa de tshor ba la sogs pa'i rkyen rnams kyis bskyed par nus pa ma yin pa de bzhin du gzugs dang tshor ba la sogs pa'i rkyen thams cad kyis kyang nam mkha' la sogs pa 'dus ma byas bskyed par mi nus par 'gyur ro//snga ma ni rang gi ngo bo nges pa'i sgo nas bshad pa yin no/ /'di ni nus pa nges pa'i sgo nas bshad pa yin no/ /sun 'byin par byed pa dag yod ces te zhes bya ba rgyas par 'byung ba ni dper na ri dgas dag yod ces te nas mi rmo ba ma yin gyi rmo ba kho na'o zhes bya ba'i tha tshig ste/dgag pa gnyis kyi don rnams ma go bar 'gyur ba lta bu dang / dper na sbrang bu dag yod ces te/ la du mi bza' ba ma yin no/ /'o na ci zhe na/ bza' ba kho na yin pa de bzhin du sun 'byin pa dag yod ces te/ lung chos mngon pa'i bstan bcos dag dor du ni mi rung ngo //de lta bas na skyon rnams la yang lan gdab par bya ste/ pha rol pos rnam par gzhag pa'i skyon rnams la yang lan gdab par bya la grub pa'i mtha'i rjes su 'brang bar yang bya ste/ yongs su mi dor bar bya'o snyam du bsams pa yin no//ming gi tshogs la sogs pa ni/ /ming dang ngag dang yi ge'i tshogs/ /zhes bya ba ni ming gi tshogs ni ming gi tshogs so/ /ngag gi tshogs ni tshig gi tshogs so/ /yi ge'i tshogs ni yi ge'i tshogs so/ /ming byed pa zhes bya ba 'di ni 'jig rten gyi skad yin no//ming byed pa dang ming 'dogs pa zhes bya ba ni rnam grangs yin te 'di ltar 'jig rten na smra ba po 'di'i ming lha sbyin zhes bya bar 'dogs so zhes zer ro/ /ming gi byed pa ni ming byed pa ste gang gis na sems las byung ba'i chos 'du shes byed cing skyed pa'o/ / yang na ming nyid byed pas na ming byed pa ste ming smos pa ni gzhan byed pa bzlog pa'i phyir ro/ /byed pa smos pa ni sems las byung ba las khyad par du bya ba'i phyir te gal te ming ni ming ste zhes brjod na ni sems las byung ba yin par yang sems las byung bar 'gyur ro/ /ming byed pa ni ming ste gzugs dang sgra dang zhes bya ba la sogs pa lta bu'o//ngag ni tshig ste zhes bya ba ni 'dis go bar 'gyur zhing rtogs par gyur pas na tshig go/ /de'i phyir ji tsam gyis 'don pa yongs su rdzogs pa ste zhes bya bar smos so/ /kye ma 'du byed rnams mi rtag//ces bya ba de lta bu la sogs pa zhes bya ba la sogs pa zhes bya ba'i sgras ni/ skye zhing 'jig pa'i chos can yin/ /skyes nas 'gag par 'gyur ba ste/ /de dag nye bar zhi ba bde/ /zhes bya ba de lta bu la sogs pa bsdu'o/ /tshigs su bcad pa 'di'i don ni 'di skad du/kye ma 'du byed rnams mi rtag /ces bya ba ni dam bca' ba yin no/ /skye zhing 'jig pa'i chos can yin/ /zhes bya ba ni gtan tshigs yin te gang gi phyir skye ba dang 'jig pa'i chos dang ldan pa de'i phyir rtag pa dag go zhes bya bar yongs su chod par 'gyur ro//skyes nas 'gag par 'gyur ba ste/ /zhes bya ba ni dpe ste/ gang dag skye ba de dag ni 'gag par 'gyur te/ dper na bum pa la sogs pa lta bu'o/ /'dus byas rnams kyang de dang 'dra'o zhes 'chad do/ /gzhan dag na re 'di ni de dag/ /skye zhing 'jig pa'i chos can yin//zhes bya ba 'di ji ltar shes she na/ 'di ltar skyes nas 'gag par 'gyur ba mthong ba'i phyir ro zhes gtan tshigs ma grub pa sgrub par byed pa yin no zhes zer ro/ /gzhan dag na re/ kye ma 'du byed rnams mi rtag/ /skye zhing 'jig pa'i chos can yin/ /zhes bya ba 'di gnyis ni rnam grangs su brjod pa yin no//ci'i phyir zhe na/ smras pa/ 'di ltar/ skyes nas 'gag par 'gyur ba ste/ /zhes bya ba ni gtan tshigs smos pa yin no zhes zer ro/ /de dag nye bar zhi ba bde/ /zhes bya ba ni gang dag mi rtag pa de dag ni sdug bsngal ba yin te/de'i phyir/ de dag nye bar zhi ba bde/ /zhes gdul ba'i skye bo sbyor bar mdzad pa yin no/ /gang gis na bya ba dang yon tan dang dus kyi 'brel pa'i khyad par rtogs par 'gyur ba'o zhes bya ba ni dper na 'chad do 'don to 'gro'o zhes bya ba lta bu dang / nag po'i dkar sham po'o dmar po'o zhes bya ba lta bu dang /'tshed do 'tshed par 'gyur ro btsos so zhes bya ba lta bur bya ba dang / yon tan dang / dus rnams kyi 'brel pa'i khyad par rtogs par 'gyur ba de ni tshig yin te/ 'di ltar tshig spyi la 'dug pa rnams/ khyad par la 'jog pa gang yin pa de ni ngag gi don yin no zhes zer ro//de ltar na ming ni rang gi mtshan nyid rjod par byed pa yin la/ tshig ni bya ba la sogs pa'i 'brel pa'i khyad par rjod par byed pa yin no zhes bshad pa yin no/ /yi ge ni yi ge ste zhes bya ba ni yi ge yin no zhes bya ba'i tha tshig go/ / yi ge rnams kyang yig 'bru'i yan lag dag gi ming ma yin nam zhes bya ba ni yig 'bru ni mi la sogs pas glegs bu la sogs pa la bris pa yin no/ /de dag gi ming ni yi ge rnams yin te/ gzugs kyi ming smos na/ gzugs rtogs pa bzhin du yi ge smos na yi ge 'bru rtogs par 'gyur ro//de'i phyir yi ge rnams kyang yig 'bru'i yan lag dag gi ming yin par 'gyur bas mtshan nyid 'chol ba yin no/ /des na yi ge ni yi ge ste zhes ming la ma gtogs pa gzhan nyid du 'dod pa gang yin pa ste mi 'thad do/ /yig 'bru'i yan lag rnams go bar bya ba'i phyir zhes bya ba rgyas par 'byung ba ni 'di ni log par smras pa yin no zhes bya ba yin te/yi ge smos na yig 'bru rtogs par 'gyur ro zhes bya ba gang yin pa de ni rtogs par bya ba dang rtogs par byed pa'i dngos por sgro btags pa yin pa'i phyir yin gyi de dag gi ming yin pa'i phyir ma yin no//mang po'i don gang yin pa'o zhes bya ba de ni tshogs zhes bya ba'i don yin te spyi yin no zhes bya ba'i tha tshig go/ /de dag kyang ngag gi rang bzhin yin pa'i phyir zhes bya ba ni mdo sde pa'i tshig yin no/ /de dag ni ngag gi rang bzhin ma yin te zhes bya ba rgyas par 'byung ba ni bye brag tu smra ba'i tshig go//sgra tsam gyis ni don dag go bar mi 'gyur ro zhes bya ba ni yi ge'i bdag nyid ma yin pa'i sgras ni don dag go bar mi 'gyur ro/ /'o na ci zhe na/ ngag gi ming la 'jug pa la ming des ni ngag bdag gi ngo bo bzhin du byed pa na don rjod par byed do rtogs par byed do zhes bya ba'i tha tshig go//mdo sde pas sgra tsam kho na ngag ma yin gyi zhes bya ba rgyas par smos te/ kho bo cag kyang ngag sgra tsam yin no zhes ni mi brjod kyi yi ge'i bdag nyid kyi sgra la la don dag la mtshams bcad cing tshig gis gzung ba gang yin pa de kho na ngag yin no//'dis ni brda la ltos pa'i sgras ni don go bar byed kyi sgra'o cog gis ni ma yin no zhes bya bar ston par byed pa yin no/ /brdar btags pa'i sgras don go bar 'gyur ba'i phyir de ni don go bar byed pa'i sgra tsam kho nas 'grub par 'gyur bas de ni don de rjod par byed pa yin no//'di'i don ni ming med pa'i sgra brjod par bya ba'i don can gyis kyang 'grub bo zhes bya ba 'di yin no/ /gal te skyed par byed na ni zhes bya ba rgyas par 'byung ba ni ngag yod na sems dang ldan pa ma yin pa de skyed par byed do zhes bya bar 'dod na/ des na gal te skyed par byed na ni zhes bya ba'i rtogs pa 'di slong bar byed de/gal te de lta yin na ni khyu mchog la sogs pa la yod pa yang rung sgra tsam thams cad kyis ming bskyed par 'gyur te ngag ni sgra'i ngo bo nyid yin pa'i phyir ro/ /'on te khyod sgra khyad par can yi ge'i bdag nyid du 'dod pa gang yin pa de kho nas ming skyed par byed do zhes smra na/'on te sgra'i khyad par de lta bu zhig ming skyed par byed pa yin par 'dod na ni de nyid don rjod par byed pa yin par 'gyur gyi sems dang mi ldan pa de ni ma yin no snyam du bsams pa yin no/ /'on te gsal bar byed pa yin no zhe na ni zhes bya ba rgyas par 'byung ba ni gal te sgra skye bas don brjod par bya ba'i phyir sems dang ldan pa ma yin pa de skyed par byed cing des de gsal bar byed do zhes bya bar 'dod na 'dir sgra tsam thams cad kyis gsal bar byed par 'gyur ro zhes bya ba snga ma bzhin du brjod par bya'o//yang sgra rnams la tshogs pa med la zhes bya ba ni yi ge du ma'i ming gang yin pa de skye bar rtog pa ni sgra du ma la ltos pa yin pas de'i phyir 'di ltar dpyod par byed de//'di sgra rnams ni brjod nas 'jig pa yin no/ /de lta bas na 'di dag la cig car gnas pa med do/ /rdzas su yod pa'i chos gcig la ji ltar bum pa la sogs pa btags pa'i yod pa la btags pa lta bur cha shas kyis dum bur skye ba yang rigs pa ma yin na skyed par byed pa na ji ltar gang gis ming skyed par byed de/tshig gi don ni gang gi tshe skyed par byed pa de'i tshe ji ltar skyed par byed ces bya ba yin no//da lta'i ngag gis ming skyed par byed na sgra'i mtshan nyid kyi ngag thams cad cig car du da ltar yin par ni med de/ gzugs zhes bya ba la gang gi tshe ra zhes bya ba'i sgra da lta yin pa de'i tshe U zhes bya ba dang pa zhes bya ba dang a zhes bya ba dag ma 'ongs pa yin no//gang gi tshe U zhes bya ba da ltar yin pa de'i tshe ra zhes bya ba'i sgra ni 'das pa yin la/ pa zhes bya ba dang a zhes bya ba dag ni ma 'ongs pa yin no/ /de bzhin du pa zhes bya ba dang ra zhes bya ba dag kyang gang gi tshe rim gyis da ltar yin pa de'i tshe de las gzhan pa dag 'das pa'am/ma 'ongs pa yin na ji ltar ngag des ming skyed par byed/ khyod da ltar gyi ra zhes bya bas ni gzugs kyi ming de'i tshe snga ma skyed par byed do/ /da ltar gyi U zhes bya ba'i sgras kyang cha gnyis pa skyed par byed do/ /de bzhin du a zhes bya ba'i sgras kyang de'i cha bzhi pa'i bar skyed par byed do zhes smra na/chos gcig la cha shas kyi skye ba mi srid pa'i phyir de ni rigs pa ma yin te/ de ni bshad zin to/ /re zhig ji ltar na 'das pa la ltos pa'i rnam par rig byed kyi skad cig ma tha mas rnam par rig byed ma yin pa skyed par byed ces bya ba ni so sor thar pa'i sdom pa yang dag par len pa na lus kyi rnam par rig byed dang ngag gi rnam par rig byed de dag tshogs pa med mod kyi 'on kyang lus dang ngag gi rnam par rig byed kyi skad cig ma 'das pa la ltos pa'i rnam par rig byed kyi skad cig ma thams so sor thar pas bsdus pa'i rnam par rig byed ma yin pa skyed par byed do//de bzhin du sgra'i skad cig ma 'das pa la ltos pa'i sgra'i skad cig ma thams cad kyang lus dang ming skyed par byed do zhe'o/ /de lta na 'o na ni sgra tha ma kho nas zhes bya ba rgyas par smos te/ sgra tha mas mi skyed pa'i phyir gang gis de gcig kho na thos pa ste/gang gis sgra tha ma gcig kho na thos pa des kyang don go bar 'gyur te de'i ming skyes pa'i phyir des kyang gzugs kyi ming gis don 'dzin par 'gyur ba zhig na de ltar go ba ni ma yin no/ /de lta bas na 'di ni rigs pa ma yin no//'on te 'di snyam du rtog par byed na zhes bya ba rgyas par 'byung ba ni ngag kyang yi ge'i skad cig mar snang ba yin la yi ge yang der snang ba yin pas/ ngag gis ni yi ge skyed par byed la yi ges ni ming skyed par byed do zhes bya ba phyogs gzhan nye bar 'god par byed pa yin no//'di la yang skyon de nyid yod de yi ge rnams la tshogs pa med pa'i phyir ro/ /ji lta zhe na/ yang yi ge rnams ni tshogs pa med la chos gcig la cha shas kyis skye ba yang rigs pa ma yin na skyed par byed pa na ji ltar yi ges ming skyed par byed/ re zhig ji ltar na 'das pa la ltos pa'i rnam par rig byed kyi skad cig ma tha mas rnam par rig byed ma yin pa skyed par byed/de lta na 'o na ni yi ge tha ma kho nas ming skyed par byed pa'i phyir gang gis yi ge skyed par byed pa'i sgra tha ma de gcig kho na thos pa'am gang gis yi ge de gcig kho na thos pa des kyang go bar 'gyur ro//ngag ming gsal bar byed pa yin na skyon de nyid yod do zhes bya ba ni sgra rnams ni tshogs pa med la chos gcig la cha shas kyis gsal bar yang rigs pa ma yin na gsal bar byed pa na ji ltar ngag gis ming gsal bar byed/ re zhig ji ltar na 'das pa la ltos pa'i rnam par rig byed kyi skad cig ma tha mas rnam par rig byed ma yin pa skyed par byed/de ltar na 'o na ni sgra tha ma kho nas ming gsal bar byed pa'i phyir gang gis de gcig kho na thos pa des kyang don go bar 'gyur ro/ /'on te 'di snyam du ngag gis na yi ge gsal bar byed la yi ges ni ming gsal bar byed do snyam du rtog par byed na de la yang skyon de nyid yod de yi ge rnams tshogs pa med pa'i phyir ro//'o na gang gi ltar na ming ni sgra tsam yin zhing ming yi ge du ma yang yin la/ yi ge rnams tshogs pa yang med pa de'i ltar ji ltar ming gi don rjod par byed ce na/ don ni yi ge thams cad dran pa'i rjes la go ba'i phyir ro//de nyid kyi phyir med na med pa'i phyir kha cig gis ni yi ge dang po thos pa'i tshe nyid na yi ge lhag ma rnams dran pa'i stobs kyis don go bar 'gyur ba kho na'o/ /ngag ni yi ge skyed par byed pa yin par yang mi rung la gsal bar byed pa yin par yang mi rung ngo zhes bya ba ni gong du ni yi ge sgras bskyed par bya ba dang /sgras gsal bar bya ba yin pa ltar khas blangs nas nyes par brjod pa yin no/ /da ni sgra la ma gtogs pa mi dmigs pa'i phyir de la bskyed par bya ba dang gsal bar bya ba nyid kyang med do zhes de nyid du drungs nas 'byin par byed pa yin gyi sgra rnams ni tshogs pa med pa'i phyir zhes bya ba'i skyon brjod par bya ba ni ma yin te/sgra du ma la ltos nas yi ge go ba ni ma yin no/ /'on kyang ngag ni yi ge'i ngo bo nyid yin pa'i phyir sgra tsam thams cad kyis kyang yi ge skyed par 'gyur ro/ /'on te sgra'i khyad par de lta bu zhig yi ge skyed par byed pa 'am gsal bar byed pa yin no zhe na/de nyid kyis yi ge'i don byed par 'gyur ro/ /'on te ming don dang lhan cig skyes pa yin te skye ba la sogs pa bzhin no zhes bya bar 'dod na ni zhes bya ba rgyas par 'byung ba ni ming don dang lhan cig skye bar brtags na ming ni ngag gis bskyed par bya ba'am/gsal bar bya ba zhes bya ba de lta bu la sogs pa'i nyes par thal bar mi 'gyur ro snyam du bsams nas phyogs gzhan 'di rnam par rtog par byed pa yin no/ /ji ltar skye ba la sogs pa mtshan nyid rnams don dang lhan cig skye ba kho nar 'dod pas don 'das pa dang ma 'ongs pa'i da ltar ngag yin par mi 'gyur ba ltar gal te ming yang de dang 'dra bar 'dod na ni don 'das pa dang ma 'ongs pa'i ming da ltar yin par mi 'gyur te des na don 'das pa dang ma 'ongs pa tha snyad gdags par mi nus so//'das pa dang ma 'ongs pa'i ming gis don brjod par ni 'os pa ma yin te/dper na 'das pa dang ma 'ongs pa'i ngag gis ming skyed pa'am gsal bar byed par 'os pa ma yin pa bzhin no/ /ming mang po zhig yod pa nyid yin na lhan cig skyes pa'i ming yongs su chod par yang mi 'gyur ro/ /'dus ma byas rnams mi skye ba dang ldan pa'i phyir ming lhan cig skye bar mi 'gyur bas 'di ni ming 'dod pa nyid do//'di ni 'dod par mi bya ba kho na'o snyam du bsams pa yin no/ /tshigs bcad ming la brten pa ste/ /zhes bya ba ni tshigs su bcad pa ni ngag yin la de ni ming la brten pa yin te ming dag byung na de yod pa'i phyir ro//de lta bas na ming rnams dang tshig yod do zhes smra ba'i skabs yod pas/ der yang don rnams la mtshams bcad pa'i sgra ni ming yin la zhes bya ba rgyas par smos te/ don la mtshams bcad pa'i sgra'i ngo bo nyid kyi ming rnams bkod pa'i khyad par yang tshigs su bcad pa yin te/bsdebs pa'i khyad par can zhes bya ba'i tha tshig go/ /phreng ba lta bu zhes bya ba ni dper na grog ma la sogs pa sbrengs pa'i khyad par gyi phreng ba de las rdzas gzhan 'byung ba ma yin pa de dang 'dra'o/ /phreng ba ni grog ma la sogs pa dus gcig na yod pa rnams sbrengs pa'i khyad par la bya la bkod pa'i khyad par ni sgra rim gyis 'byung ba rnams yin te/des na mi mtshungs so zhes smra ba'i skabs la brtags nas/ dpe gnyis pa sems kyi rim pa bzhin no zhes bya ba nye bar bkod de ji ltar sems rim gyis 'byung ba dag las rim pa gzhan yod pa ma yin pa de dang 'dra'o//rtog pa don med pa yin no zhes bya ba ni ming dang tshig don gzhan du rtog pa dgos pa med do zhes bya ba'i tha tshig go/ /chos thams cad rtog ge'i spyod yul ma yin pas zhes bya ba ni kha cig kho na rtog ge'i spyod yul yin gyi thams cad ni ma yin te/gang dag de bzhin gshegs pa'i ye shes kyi spyod yul du gtogs pa kho na yin pa de dag rtog ge'i spyod yul ma yin no snyam du bsams pa yin no/ /sems dang mi ldan pa'i khyad par brjod par 'dod nas/ yang ci ming gi tshogs pa la sogs pa 'di dag ldan pa'am zhes bya ba rgyas par smos te/ci gang dang ldan pa ni khams gang dang ldan pa'o/ /sems can du ston pa dang / /sems can du ston pa ma yin pa zhes bya ba ni ci zhes bya ba yin no/ /'dod dang gzugs gtogs sems can ston/ /rgyu mthun lung bstan min zhes bya ba ni 'dod pa dang gzugs su gtogs pa kho na'o//sems can du ston pa kho na'o/ /rgyu mthun pa kho na'o zhes bya bar gzung ba yin no/ /de dag ni brjod par bya ba ma yin no zhes bya ba ni gzugs med par gtogs pa'i ming gi tshogs la sogs pa de dag ni brjod par bya ba ma yin pa yin te/ de na tshig med pa'i phyir ro//bye brag tu smra ba rnams na re gang gi tshe de dag mi brjod na de dag yod do zhes bya bar yang ji ltar shes/ de lta bas na 'dod pa dang gzugs su gtogs pa kho na yin gyi gzugs med par gtogs pa ni ma yin no zhes zer ro/ /sems can du ston pa kho na yin te sems can gyi rtsol ba las byung ba'i yi ge la sogs pa'i ngo bo nyid yin pa'i phyir ro//gang zhig rjod par byed pa de de dag dang ldan zhes bya ba 'di ci zhig tu the tshom za bar gyur zhe na/ 'di'i ming ni 'di'o zhes tha snyad 'dogs pa'i phyir brjod par bya ba dang ldan par 'gyur ro snyam mo/ / dper na mig gi dbang po dang ni lta bar byed pa kho na dang ldan gyi blta bar bya ba'i sems can dang ni ma yin pa de bzhin du rjod par byed pa kho na dang ldan gyi brjod par bya ba dang ni ma yin no/ /skal ba mnyam pa'i rgyus bskyed pa'i phyir rgyu mthun pa las byung ba kho na yin gyi 'dod dgu na 'byung ba'i phyir rnam par smin pa las skyes pa yang ma yin la gzugs can ma yin pa rnams la bsags pa med pa'i phyir rgyas pa las byung ba yang ma yin no//ma bsgribs la lung du ma bstan pa dag yin gyi dge ba dang mi dge ba dag ni ma yin no/ /ci'i phyir zhe na/ dge ba'i rtsa ba kun du chad pa dang 'dod chags dang bral ba rnams kyang de dag dang mi ldan par thal bar 'gyur te/ de lta ma yin no/ /gang gi tshe dge ba'i rtsa ba kun du chad pa zhig dge ba'i chos rnams rjod par byed pa de'i tshe 'di dge ba'i chos dang ldan par 'gyur la/ de bzhin du 'dod chags dang bral ba mi dge ba'i chos rjod par byed pa la yang sbyar bar bya'o//de lta bas na ma bsgribs la lung du ma bstan pa dag kho na yin te ma bsgribs la lung du ma bstan pa rnams ni dge ba dang mi dge ba dag dang mi 'gal ba'i phyir ro/ /de bzhin skal ba mnyam zhes bya ba la de bzhin zhes bya ba'i sgras ni skal ba mnyam pa sems can du ston pa dang rgyu mthun pa las byung ba dang lung du ma bstan pa nyid yin pa kho na mthun par sgre bar byed pa yin te de'i khams su gtogs pa ni dmigs kyis sel ba'i tshul gyis 'chad par 'gyur ba'i phyir ro//de ni zhes bya ba la/ ni zhes bya ba'i sgra ni khyad par du bya ba'i don yin te ming gi tshogs la sogs pa las skal ba mnyam pa khyad par du byed pa yin no/ /ji ltar zhe na/ rnam par smin pa'ang yin zhes bya ba smos te/ rnam par smin pa las skyes pa yang yin zhes bya ba'i tha tshig go//'di ni rgyu mthun pa las byung ba yin pa 'ba' zhig tu ma zad do/ /'o na ci zhe na/ rnam par smin pa las skyes pa yang yin no zhes bya ba yin no/ /rgyas pa las byung ba ni ma yin te de bzhin du bsags pa med pa'i phyir ro/ /thob rnam gnyis zhes bya ba la rnam gnyis zhes bya ba'i sgras ni thob pa rnams kyi rab tu dbye ba rgyu mthun pa las byung ba dang rnam par smin pa las skyes pa nyid kho na brjod pa yin te/rab tu dbye ba gzhan ni bshad zin pa'i phyir ro/ /skye ba la sogs pa mtshan nyid rnams kyi rab tu dbye ba yang de bzhin du de gnyis kho na brjod par bya ba yin no/ /mi ldan pa ni ma thob pa yin te de ni ma bsgribs la lung du ma bstan pa yin yang rnam par smin pa las skyes pa ni ma yin te/rnam par smin pa'i mi ldan pa yang rnam par smin pa yin par 'os pa ma yin no/ /rnam par smin pa ni 'di lta ste mi dge ba dang dge ba zag pa dang bcas pa'i yin par 'dod na/'di gnyis kyis ma thob pa ni rnam par smin pa yin par 'os pa ma yin te/ blo sngon du btang ba sems pa'i bdag nyid dang de dang mtshungs par ldan pa'i chos gang yin pa de rnam par smin pa'i rgyu yin na mi ldan pa ni de ltar blo sngon du btang ba'i las kyis byas pa ma yin pas de'i phyir rnam par smin pa las skyes pa ma yin no//'di dag gi brjod par bya ba lhag ma bshad zin ces bya ba ni thob pa dang mtshan nyid dang snyoms par 'jug pa dang mi ldan pa 'di dag gi brjod par bya ba ste rnam par bshad par bya ba bshad zin te rnam par bshad zin to zhes bya ba'i tha tshig go//lhag ma de yang gang zhe na/ khams su gtogs pa nyid dang sems can dang sems can du ston pa ma yin pa nyid dang dge ba dang mi dge ba dang lung du ma bstan pa nyid do/ /de ji ltar bshad zin ce na/ re zhig thob pa'i khams su gtogs pa nyid ni/ der gtogs rnams kyi rang khams pa//zhes 'byung ba'i phyir bshad zin to/ /sems can du ston pa nyid ni ldan pa zhes 'byung ba'i phyir bshad zin te/ thob dang ma thob rang rgyud du/ /gtogs pa rnams kyi zhes 'byung ba'i phyir sems can du bgrang ba ma yin pa'i 'dus byas dang ni ldan pa med de/ ji ltar dge ba dang mi dge ba dang lung du ma bstan pa nyid bshad zin ce na/ dge la sogs kyi dge la sogs/ /zhes 'byung ba'i phyir ro/ /mtshan nyid rnams kyi yang khams gsum pa dang ldan pa nyid yin par/ thams cad 'dus byas mtshan nyid dang / /zhes 'byung ba'i phyir bshad zin to//sems can du ston pa nyid kyang de nyid kyi phyir bshad zin te/ 'dus byas thams cad dang lhan cig skye ba'i phyir ro/ /de nyid kyi phyir dge ba dang mi dge ba dang lung du ma bstan pa nyid kyang bshad zin te/ sems las byung dang sdom gnyis dang / /sems dang de dag gi mtshan nyid//sems kyi rjes 'brang dus dang ni/ /'bras sogs dge la sogs pas so/ /zhes 'byung ba'i phyir ro/ /'du shes med pa'i snyoms par 'jug pa ni gzugs kyi khams su gtogs pa nyid yin par/ bsam gtan tha mar zhes 'byung ba'i phyir bshad zin to//sems can ston pa nyid kyang de nyid kyi phyir bshad zin te/ skyes nas myong 'gyur nyid ces 'byung ba'i phyir ro/ /'gog pa'i snyoms par 'jug pa'i yang gzugs med pa'i khams su gtogs pa nyid yin par/ srid rtse skyes zhes 'byung ba'i phyir bshad zin to//dge ba nyid kyang dge ba zhes 'byung ba'i phyir bshad zin to/ /sems can du ston pa nyid kyang de nyid kyi phyir bshad zin te/ dge ba 'dus byas yin pa'i phyir ro/ /mi ldan pa ni khams gsum du gtogs pa nyid yin par/ 'dod sogs gtogs dang dri med kyi'ang / / zhes 'byung ba'i phyir bshad zin to/ /sems can du ston pa nyid ni ldan pa zhes 'byung ba'i phyir bshad zin to/ /lung du ma bstan pa nyid kyang ma bsgribs lung ma bstan zhes 'byung ba'i phyir bshad zin to/ /lhag ma 'du shes med pa pa dang srog gi dbang po dag ci zhe na/brjod par bya ba bshad zin to zhes sbyar bar bya ste/ 'du shes med pa pa'i gzugs su gtogs pa dang sems can du ston pa dang rnam par smin pa dang lung du ma bstan pa nyid yin par bshad zin to/ rnam smin de 'bras che zhes 'byung ba'i phyir ro/ /srog gi dbang po'i ni khams gsum du gtogs pa nyid yin par/srog ni tshe yin zhes 'byung ba'i phyir bshad zin te/ tshe ni khams gsum pa yin pa'i phyir ro/ /sems can du ston pa nyid kyang mdo las/ srog ni rnam smin zhes 'byung ba'i phyir bshad zin te/ rnam smin lung du ma bstan chos/ /sems can zhes bya lung bstan byung //zhes 'byung ba'i phyir rnam par smin pa ni sems can du ston pa kho na yin no/ /de nyid kyi phyir 'di'i ma bsgribs la lung du ma bstan pa nyid kyang bshad zin pa yin no/ /slob dpon gyis ni brjod par bya ba bshad zin pa go dka' ba gang yin pa de ji ltar thob pa rnams kyi sems can du ston pa nyid bshad zin ce na/ldan pa zhes bshad zin pa'i phyir ro zhes bya ba la sogs pas rnam par phye ba yin no/ /rgyu rnams ni gang rkyen rnams ni gang zhes bya ba rgyu rnams dang rkyen rnams la khyad par ci zhig yod ce na/ smras pa/ cung zad kyang med de/'di ltar bcom ldan 'das kyis rgyu gnyis dang rkyen gnyis ni yang dag pa'i lta ba skyed par byed pa yin no/ /gnyis gang zhe na/ gzhan gyi sgra dang nang gi tshul bzhin yid la byed pa'o zhes gsungs so/ /rgyu dang rkyen dang gzhi dang byed rgyu dang rgyu mtshan dang rtags rgyu dang 'bras gnas zhes bya ba ni rnam grangs dag yin no//'bras gnas zhes bya ba'i sgra ni/ res 'ga' ni shu bu la yod la/ res 'ga' ni sogs pa nyid la yang yod de/ dper na nyi ma la sogs pa'i lha zhes bya ba dang / shu bu'i sbyor ba ni 'bras gnas kyi sbyor ba yin no zhes bya ba lta bu'o//gal te so sor khyad par med na ci'i phyir rgyu rnams dang rkyen rnams so sor bstan zhe na/ rgyu yang don gyi khyad par gzhan du bstan la rkyen yang gzhan du bstan pa yin te/ rgyu bstan pa la ni bgegs mi byed pa'i ngo bo dang / lhan cig 'byung ba nyid dang 'dra ba nyid la sogs pa'i don gyi khyad par du bshad pa yin la/rkyen bstan pa la ni mtshungs pa de ma thag pa nyid la sogs pa don gyi khyad par gzhan du bshad pa yin no/ /yang chos mngon pa thams cad ni mdo'i don dang / mdo gtan la 'bebs pa dang / mdo rnam par 'chad pa yin na rgyu drug po mdog las bshad ce na/bye brag tu smra ba rnams na re mdo de ni nub ste/ 'di ltar gcig las 'phros pa'i lung chos brgya'i bar du ston par gyur pa las da lta bcu'i bar ston par snang ngo zhes brjod do/ /'on kyang so sor nges pa'i rgyu ston par byed pa'i mdo dag dmigs pas de dag dper brjod par bya ste/mig dang gzugs rnams la brten nas mig gi rnam par shes pa skye'o zhes bya ba ni byed rgyu'i rgyu yin te 'di'i ni skye ba la bgegs mi byed pa'i ngo bor gzhag go/ /lam gyi yan lag gsum po 'di dag ni yang dag pa'i lta ba'i rjes su 'brang ba yin te/lhan cig skye ba'i tshor ba dang 'du shes dang sems pa'o zhes bya ba ni lhan cig 'byung ba'i rgyu yin te 'di ni phan tshun rjes su 'brang ba dang bya ba gcig pa'i don gyi rnam par gzhag go/ /skyes bu gang zag 'di ni chos dge ba rnams dang yang ldan la mi dge ba rnams dang yang ldan zhes bya ba nas 'di la dge ba'i rtsa ba kun du ma chad pa gang las 'di'i dge ba'i rtsa ba las dge ba'i rtsa ba gzhan skye bar 'gyur ba chung ngu dang lhan cig gyur pa yod na/de lta na skyes bu gang zag 'di phyis rnam par dag pa'i chos can du 'gyur ro zhes 'byung ba ni skal ba mnyam pa'i rgyu yin te/'dir ni 'das pa dang da ltar byung ba'i chos rnams kyi 'bras bu 'dra ba 'grub pa'i don gyis rnam par gzhag go/ /rtogs nas shes pa dang mtshungs par ldan pa 'di ni mthong ba'i gzhi can gyi dang po'o/ /gang rnam par shes pa de ni rab tu shes so zhes bya ba ni mtshungs par ldan pa'i rgyu yin te/'di ni dmigs pa gcig dang bya ba gcig pa'i don gyis rnam par gzhag go/ /skyes bu gang zag log par lta ba can gyi lus kyi las gang yin pa dang / de'i lta ba can gyi ngag gi las gang yin pa dang /sems pa gang yin pa dang / smon pa gang yin pa de dag dang rjes su mthun pa'i 'du byed gang yin pa'i chos de dag thams cad kyang mi 'dod par 'gyur ba dang mi sdug par 'gyur ba dang / mi dga' ba nyid du 'gyur ba dang / yid du mi 'ong ba nyid du 'gyur bar byed pa yin no//de ci'i phyir zhe na/ 'di'i lta ba 'di lta ste log par lta ba ni sdig pa can yin no zhes 'byung ba ni kun du 'gro ba'i rgyu yin te/ 'di ni skal ba mnyam pa dang skal ba mi mnyam pa'i nyon mongs pa can gyi chos kyi rgyun skyed par byed pa'i don gyis rnam par gzhag go//'di ni las mi dge ba dang dge ba zag pa dang bcas pa dang bsgoms pa las byung ba'i rnam par smin pa der skyes pa rnams kyis so sor yang dag par myong bar 'gyur ro/ /ched du bsams pa'i las byas shing bsags pa'i rnam par smin pa zhes 'byung ba ni rnam par smin pa'i rgyu yin te/'di ni 'bras bu mi 'dra ba 'phen par byed pa nyid kyis rnam par gzhag go/ /de'i phyir rgyu drug po 'di dag ni mdo kho na las grags pa yin pas bye brag tu smra ba rnams/ rgyu ni rnam pa drug tu 'dod/ /ces bya bar bsams pa yin no/ /rang las gzhan pa byed pa'i rgyu//zhes bya ba ni bdag nyid las gzhan pa zhes bya ba'i tha tshig ste/ rang gi mtshan nyid la byed pa 'gal ba'i phyir rang gi bdag nyid ni rgyu ma yin no/ /'dus byas kyi chos thams cad ni byed pa'i rgyu yin zhes bya ba ni byed pa nyid rgyu yin pas na byed pa'i rgyu ste rgyu gang zhig khyad par gyi ming gis ma brjod la rgyu'i ngo bo spyi bzung nas brjod pa de ni byed pa'i rgyu yin no//gang zhig khyad par gyi ming dag gis bshad pa'i rgyu gzhan dag tu ni khyad par du ma byas la rgyu ni yin pa de nyid de'i khyad par yin te/ dper na gzugs kyi skye mched du bshad pa lta bu yin no/ / skye ba la bgegs mi byed pa'i ngo bor gnas pa'i phyir ro zhes bya ba ni gang gi phyir skye ba dang ldan pa rnams skye ba la rang las gzhan pa'i chos rnams bgegs mi byed pa'i ngo bor gnas pa de'i phyir byed pa'i rgyu zhes bya ba yin no/ /zag pa gang dag mi shes pa de la zhes bya ba rgyas par 'byung ba ni gal te shes na zag pa skyes pa de dag skye bar mi 'gyur ba zhig na zhes bya ba la sogs pa yin no//mthong ba dang bsgom pa'i lam ma skyes pa'i gang zag mi shes pa la ni mthong ba dang bsgom pa'i lam gyis gzhom par bya ba'i zag pa 'dod chags la sogs pa gang dag yin pa de dag skyes la/mthong ba dang bsgom pa'i lam skyes pa'i gang zag shes pa la ni de dag gis gzhom par bya ba 'dod chags la sogs pa mi skye'o/ /des na cir 'gyur zhe na/ smras pa/ de dag skye ba la yang mthong ba dang bsgom pa'i lam gyis bsdus pa'i shes pa bgegs byed do//skar ma rnams mthong ba la yang nyi ma'i 'od mthong ba skye ba la bgegs byed do zhes bya bar skabs dang sbyar ro/ /de lta yin na ji ltar rang gi ngo bo ma gtogs pa chos thams cad 'dus byas kyi byed pa'i rgyu yin te/ 'di ltar zag pa skye ba la yang shes pa byed pa'i rgyu ma yin la skar ma mthong ba skye ba la yang nyi ma'i 'od byed pa'i rgyu ma yin no//'di skad du zag pa skye ba la yang rang gi ngo bo dang shes pa ma gtogs pa chos thams cad 'dus byas kyi byed pa'i rgyu yin la/ skar ma mthong ba skye ba la yang rang gi ngo bo dang nyi ma'i 'od ma gtogs pa chos thams cad byed pa'i rgyu yin no zhes brjod dgos par 'gyur ro//skye ba la bgegs mi byed pa'i ngo bor gnas pa'i phyir zhes bya ba ni rkyen rnams tshogs na mjug thogs su 'byung ba'i chos la skye ba zhes bya ste/ skye ba de skye ba la chos thams cad bgegs mi byed pa'i ngo bor gnas pa kho na yin gyi thams cad kyi ni ma yin no zhes bya bar khong du chud par bya'o//shes pa yod na ni zag pa de dag skye bar yang mi 'gyur te/ thob pa la sogs pa med pas rkyen tshogs pa med pa'i phyir ro/ /skar ma mthong ba yang rkyen tshogs pa med pa kho nas mi skye ba yin no zhes bya bar sbyor ro//de'i phyir rang gi ngo bo ma gtogs pa chos thams cad ni 'dus byas kyi byed pa'i rgyu yin no zhes bya ba ni so na 'dug pa yin no/ /dper na spyod par byed pa mi 'tshe ba'i dbang du byas nas zhes bya ba rgyas par 'byung ba ni mi rnams grong gi bdag po mi 'tshe ba la bsams nas bdag cag ni rje bos bde bar byas so zhes smra ba lta bu yin no//ci'i phyir de dag de skad ces zer bar 'gyur zhe na/ 'di ltar de ni 'tshe bar byed nus pa las 'tshe bar mi byed pas/ dper na chos thams cad skye ba la mya ngan las 'das pa dang mi skye ba'i chos can rnams zhes bya ba ci zhe na/ji ltar na rgyu'i dngos po yin zhes bya bar sbyar ro/ /dmyal ba la sogs pa dag lta bu zhes bya ba ni dmyal ba dang dud 'gro'i skye gnas la sogs pa gzugs med pa'i phung po skye ba la ji ltar rgyu'i dngos po yin/dmyal ba la sogs pa smos pa ni res 'ga' lung 'bogs pa la sogs pas rgyur 'gyur ro snyam du bsams pa yin no/ /de dag med du zin kyang zhes bya ba ni mya ngan las 'das pa la sogs pa de dag med du zin kyang / ji ltar yod cing med pa ma yin pa de kho na bzhin du bgegs byed mi nus par 'gyur ro//de'i phyir mya ngan las 'das pa la sogs pa 'di dag yod dam med kyang rung / bgegs mi byed pa nyid la khyad par med pa nyid de dag med par mtshungs so zhes bya ba'i tha tshig go/ /spyod par byed par mi nus pa bzhin du zhes bya ba rgyas par 'byung ba ni spyod par byed pa 'tshe bar byed mi nus bzhin du yang grong mi rnams bdag cag ni rje bos bde ba byas so zhes de skad nga smra bar 'gyur te/'dir dpe ni gong du bshad pa gang yin pa de nyid yin no/ /de'i phyir dpe 'di kho nas mya ngan las 'das pa la sogs pa bgegs byed par mi nus pa rnams kyang bgegs mi byed pa'i ngo bor gnas pa'i phyir byed pa'i rgyu'i dngos por grub pa yin no//yang med par mtshungs pa las ci'i phyir mya ngan las 'das pa la sogs pa ni byed pa'i rgyu nyid yin par 'dod la med pa ri bong gi rwa la sogs pa ma yin zhe na/med pa'i dpe med pa'i phyir te/ spyod par byed pa med pa'i dbang du byas nas grong mi rnams bdag cag ni rje bos bde bar byas so zhes smras pa'am/ bdag cag ni ri bong gi rwas bde bar byas so zhes smra bar 'gyur ba ni med pas 'di ni klan kar mi rung ngo //'di ni spyir bstan pa yin zhes bya ba ni byed rgyu'i gtso bo gang yin pa dang gtso bo ma yin pa thams cad kyi dbang du byas nas/ rang las gzhan pa byed rgyu'i rgyu/ /zhes bshad pa yin gyi gtso bo skyed par byed pa'i byed rgyu'i rgyu gang yin pa de ni shin tu yang bgegs mi byed pa'i ngo bor gnas pa yin gyi cig shos 'ba' zhig yin pa ma yin no//lus las zas zhes bya ba ni bskyed par bya ba la nus zhes bya bar skabs dang sbyar ro/ /zas kun 'byung bas lus kun du 'byung ba'i phyir ro zhes 'byung ba'i phyir te ro la sogs pa 'gyur ba dang ldan pa'i phyir ro//myu gu la sogs pa la sa bon la sogs pa bzhin zhes bya ba ni sa bon dang myu gu dang 'dab ma dang sdong bu la sogs pa ni myu gu dang 'dab ma dang sdong bu dang yal ga la sogs pa bskyed par bya ba la nus pa kho na'o/ /gang zhig 'di skad du rgol bar byed pa zhes bya ba rgyas par 'byung ba ni byed rgyu'i yod na 'bras bu 'byung bar 'gyur ro snyam du bsams nas/ci'i phyir thams cad cig car skye bar mi 'gyur ji ltar srog gcod par byed pa srog gcod pa la brten pa de bzhin du thams cad kyang de la brten par ci'i phyir mi 'gyur zhes rgol bar byed pa yin no//byed pa po'i ngo bos ma yin no zhes bya ba ni 'di'i dngos su byed pas byed rgyu nyid yin pa ni ma yin no zhes ston par byed pa yin no/ /re zhig thams cad cig car skye bar yang mi 'gyur te rkyen tshogs pa med pas mi skye ba'i phyir ro// //bam po bcu bdun pa/byed pa po ma yin pa'i phyir srog gcod pa dang ldan pa yang ma yin te byed pa po gang yin pa de ni srog gcod pa dang ldan pa kho na yin no/ /yid kyi rnam par shes pa dge ba dang mi dge ba skye la zhes bya ba ni mya ngan las 'das pa la dmigs pa'i yid kyi rnam par shes pa dge ba dang mi dge ba'i yid kyi rnam par shes pa skye la de las kyang mig gi rnam par shes pa skye ste/brgyud pa'i sgo nas mya ngan las 'das pa de yang mig gi rnam par shes pa'i rkyen du gyur pa'i phyir nus pa yod do zhes bya bar skabs dang sbyar ro/ / de bzhin du gzhan la yang rtogs par bya ste zhes bya ba ni dmyal ba la sogs pa yang gzugs med pa'i phung po skye ba la nus pa yod do/ /ji lta zhe na/ kye ma dmyal ba pa dang yi dags la sogs pa 'di dag ni shin tu sdug bsngal lo zhes dmyal ba la sogs pa la dmigs pa'i yid kyi rnam par shes pa dge ba skye'o//de nas rim gyis tshul khrims la rnam par gnas pa bsgom pa la sbyor ba'i sgo nas gzugs med pa'i snyoms par 'jug pa dang skye ba 'thad par 'gyur ro/ /lhan cig 'byung gang phan tshun 'bras/ /zhes bya ba ni rgyu zhes bya bar sbyar te lhan cig 'byung ba'i rgyu ni chos gang dag phan tshun 'bras bu yin pa'i chos de dag yin te/gang dag gcig la gcig 'bras bu yin par bya zhes bya ba'i tha tshig go/ /lhan cig 'byung ba'i rgyu ni lhan cig 'byung ba dag yin no zhes ni ma bshad do/ /ci'i phyir zhe na/ chos kha cig lhan cig 'byung ba yod kyang lhan cig 'byung ba'i rgyu ma yin te/dper na sngon po la sogs pa rgyur byas pa'i gzugs 'byung ba dag dang lhan cig 'byung mod kyi/ phan tshun lhan cig 'byung ba'i rgyu ni ma yin pa lta bu'o/ /de'i phyir phan tshun 'bras zhes bya ba'i don smos pa yin no//mtshan nyid 'di yang lhag ma dang bcas pa yin te/ de'i phyir 'og nas phan tshun 'bras bu nyid med bzhin du chos ni mthun pa'i mtshan nyid rnams kyi lhan cig 'byung ba'i rgyu yin la de dag ni de'i ma yin pas kha bskang bar bya'o zhes 'chad par 'gyur ro/ /kha bskang bar bya ba yang bstan bcos chen po nyid yin par rab tu bstan pa'i phyir te/brda phrad pa la sogs pa'i bstan bcos chen po dag kha skong ba dang bcas par snang ngo / /'byung ba bzhin zhes bya ba'i rkyen ni dper na zhes bya ba'i don yin no/ /de ltar na 'dus byas thams cad ni ci rigs par lhan cig 'byung ba'i rgyu nyid yin no zhes bya ba ni gang gi phyir 'dus byas kyi mtshan nyid rnams kyang mtshan gzhi'i lhan cig 'byung ba'i rgyu yin la de yang de dag gi yin pa de'i phyir ci rigs par 'dus byas thams cad ni lhan cig 'byung ba'i rgyu yin te/'dus byas kyang mtshan nyid dang ldan pa'i phyir la mtshan gzhi dang mtshan nyid dag kyang lhan cig 'byung ba'i rgyu yin pa'i phyir ro//mtshan nyid gzhan dag dang lhan cig 'byung ba'i rgyu yin pa'i phyir thams cad ni thams cad kyi ma yin pas ci rigs par zhes bya bar smos so/ /de dag dang sems kyi skye ba la sogs pa gang dag yin pa zhes bya ba ni sems dang mtshungs par ldan pa sems pa la sogs pa dang /bsam gtan gyi sdom pa dang gang zag pa med pa'i sdom pa de dag gi chos skye ba la sogs pa gang yin pa dang / sems kyi skye ba la sogs pa gang dag yin pa'i chos de dag ni sems kyi rjes su 'jug pa zhes bya'o//dus dang ni/ 'bras sogs dge la sogs pas so/ /zhes bya ba ni dus dang 'bras bu la sogs pa dang dge ba la sogs pas yin pas dus dang ni/ 'bras sogs dge la sogs pas so/ /re zhig dus las ni zhes bya ba rgyas par 'byung ba ni 'di dag ni sems dang lhan cig skye ba gcig pa dang /gnas pa gcig pa dang / 'gag pa gcig pa yin no/ /de'i ngo bor te skye ba dang gnas pa dang 'gag pa gcig pa nyid de dang ngo / /dus gcig tu gtogs pas na/ dus gcig tu gtogs pa'o//de'i ngo bo ste bzhi pa dus gcig tu gtogs pa nyid des na dus kyi sgo nas sems kyi rjes su 'jug pa yin no/ /'bras bu gcig pa nyid dang / rnam par smin pa gcig pa nyid dang / rgyu mthun pa gcig pa nyid kyis sems kyi rjes su 'jug pa yin no//'dir 'bras bu ni skyes bu byed pa'i 'bras bu dang 'bral ba'i 'bras bu yin te/ rnam par smin pa dang rgyu mthun pa'i 'bras bu ni logs shig tu smos zin pa'i phyir ro/ /bdag po'i 'bras bu ni thams cad dang thun mong yin pas ma smos so/ /'bras bu gcig pa nyid dang zhes bya ba la sogs pa'i gcig ces bya ba'i sgra 'di ni grangs sam thun mong ba yin no//gcig ces bya ba'i sgra snga ma ni lhan cig pa'i don yin te/ sems dang lhan cig skye ba dang gnas pa dang 'gag pa nyid ces bya ba'i tha tshig go/ /'di la grangs kyi don ni mi srid de/sems kyi skye ba gang yin pa de nyid rjes su 'jug pa rnams kyi yin pa'am de dag gi gang yin pa de nyid sems kyi yin pa ni med do/ /de ltar na rgyu bcus zhes bya ba ni dus kyi sgo nas bzhi ste/ skye ba gcig pa nyid dang gnas pa gcig pa nyid dang / 'gag pa gcig pa dang /dus gcig tu gtogs pa nyid kyis so/ /skye ba dang gnas pa dang 'gag pa gcig pa nyid kyis zhes bya ba 'di kho nas dus gcig tu gtogs pa 'di bshad pa ma yin nam zhe na/ thams cad ni bshad pa ma yin te/ mi skye ba'i chos can gyi sems la sems kyi rjes su 'jug pa rnams dus gcig tu gtogs pa yin mod kyi de dag skye ba dang gnas pa dang 'gag pa gcig pa ni ma yin no//de lta bas na rgyu bzhi pa dus gcig tu gtogs pa nyid brjod pa yin no/ /'bras bu dang rnam par smin pa dang rgyu mthun pa gcig pa nyid kyis zhes bya ba gsum dang /dge ba dang mi dge ba dang lung du ma bstan pa nyid kyis zhes bya ba yang gsum ste bcus so/ /rnam grangs kyi tshul lam rigs kyi dbang du byas nas 'di skad du bcus zhes bshad kyi sems gcig la rgyu bcu yod pa ni ma yin no/ /dge ba'i sems la rgyu mi dge ba'am lung du ma bstan pa dag yod pa'ang ma yin la/mi dge ba dang lung du ma bstan pa'i sems dang mi skye ba'i chos can la yang ma yin no/ /lung du ma bstan pa'i sems mi skye ba'i chos can la ni dus gcig tu gtogs pa nyid dang 'bras bu dang rgyu mthun pa gcig nyid dag dang lung du ma bstan pa nyid dang bzhis so//skye ba'i chos can la ni bzhi po de dag nyid dang skye ba dang gnas pa dang 'gag pa gcig pa nyid dag dang bdun gyis so/ /zag pa med pa la yang de dang 'dra ste/ lung du ma bstan pa nyid 'ba' zhig phyung la dge ba nyid kyis bstan par zad do//mi dge ba dang dge ba zag pa dang bcas pa mi skye ba'i chos can la ni gzhi ji lta ba bzhin du mi dge ba nyid la sogs pa dang dus gcig tu gtogs pa nyid dang 'bras bu dang rnam par smin pa dang rgyu mthun pa gcig pa nyid dag dang lngas so/ /de dag skye ba'i chos can la ni lnga po de dag nyid dang skye ba dang gnas pa dang 'gag pa gcig pa nyid dang brgyad kyis so//sems nang na nyung ba ni zhes bya ba ni thams cad pas 'khor nyung ba'i sems gang yin pa de ni nang na nyung ba zhes bya'o/ /de yang gang zhe na/ bsam gtan gnyis pa yan chad kyi sems ma bsgribs la lung du ma bstan pa yin te/de la ni rtog pa dang dpyod pa dag kyang med la dge ba'i sa mang po la sogs pa yang med kyi/ sa mang po pa bcu kho na yod par zad do/ /de dag gi mtshan nyid ces bya ba ni sa mang po pa'i mtshan nyid rnams te/de dag gi mthun pa'i mtshan nyid rnams ni thag ring ba'i phyir ro/ /rang gi mthun pa'i mtshan nyid rnams kyi ni yin te nye ba'i phyir ro/ /de'i phyir rang gi mtshan nyid dang mthun pa'i mtshan nyid brgyad kyi yin no zhes bya ba smos so/ /rang gi mthun pa'i mtshan nyid ma gtogs pa rnams so zhes bya ba ni mthun pa'i mtshan nyid rnams ni mtshan nyid dag la byed pa yin te/sems ni khyad par du 'phags pa yin la de dag ni dman pa yin pas so/ /sems ni mtshan nyid dang mthun pa'i mtshan nyid rnams kyi rgyal po lta bu yin te de'i phyir mthun pa'i mtshan nyid rnams kyi sems kyi lhan cig 'byung ba'i rgyu yin gyi de dag ni sems kyi ma yin no//mtshan nyid rnams ni sems la byed pa yod pas de dag ni sems kyi lhan cig 'byung ba'i rgyu yin no/ /gzhan dag na re bcu bzhi pa yin te zhes bya ba la gzhan dag gi bsam pa ni dper na mthun pa'i mtshan nyid rnams chos la byed pa med do//'o na ci zhe na/ chos kyi mtshan nyid dag la yin te/ de'i phyir de dag chos kyi lhan cig 'byung ba'i rgyu yin par mi 'dod pa de bzhin du de dag gi mtshan nyid rnams kyang mtshungs par ldan pa dag kho na la byed pa yin gyi sems la ni ma yin pas de dag sems kyi lhan cig 'byung ba'i rgyu ma yin gyi sems ni de dag gi rgyal po lta bu yin pas lhan cig 'byung ba'i rgyu yin no snyam pa yin no//gal te sa mang po pa bcu'i mtshan nyid bzhi bcu pa gang dag yin pa de dag sems kyi lhan cig 'byung ba'i rgyu yin par mi 'dod na de lta na rab tu byed pa'i gzhung dang 'gal bar 'gyur te/'di ltar rab tu byed pa las ni/ 'phags pa'i bden pa bzhi po sdug bsngal gyi bden pa nas lam gyi bden pa'i bar 'di dag las 'jig tshogs la lta ba'i rgyu can yin la 'jig tshogs la lta ba'i rgyu ma yin pa ni du/'jig tshogs la lta ba'i rgyu yin la 'jig tshogs la lta ba'i rgyu can ma yin pa ni du/ 'jig tshogs la lta ba'i rgyu can yang yin la 'jig tshogs la lta ba'i rgyu gang yin pa ni du/'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pa ni du zhes dri ba byas pa dang lan btab pa/ 'gog pa'i bden pa dang lam gyi bden pa gnyis ni 'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin no//gnyis la ni bye brag yod de/ sdug bsngal ba dang kun 'byung ba'i bden pa dag la ni rnam par dbye ba yod do/ /ji lta zhe na/ sdug bsngal gyi bden pa la 'jig tshogs la lta ba'i rgyu can yin la 'jig tshogs la lta ba'i rgyu ma yin pa yang yod/'jig tshogs la lta ba'i rgyu can yang yin la 'jig tshogs la lta ba'i rgyu yang yin pa yang yod/ 'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pa yang yod pas mu gsum pa yin te/ mu gnyis pa ni med do//de la 'jig tshogs la lta ba'i rgyu can yin la 'jig tshogs la lta ba'i rgyu ma yin pa ni sdug bsngal mthong bas spang bar bya ba'i phra rgyas 'das pa dang da ltar byung ba rnams dang de dag dang mtshungs par ldan pa'i sdug bsngal gyi bden pa ma gtogs pa dang / kun 'byung ba mthong bas spang bar bya ba'i phra rgyas kun du 'gro ba 'das pa dang da ltar byung ba rnams dang de dag dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba dang mtshungs par ldan pa'i sdug bsngal gyi bden pa ma 'ongs pa ma gtogs pa dang /'jig tshogs la lta ba dang de dang mtshungs par ldan pa'i chos rnams kyi skye ba dang rga ba dang gnas pa dang mi rtag pa nyid dam ma gtogs pa de dag las gzhan pa'i sdug bsngal gyi bden pa nyon mongs pa can gang yin pa'o/ /'jig tshogs la lta ba'i rgyu can yang yin la 'jig tshogs la lta ba'i rgyu yang yin pa ni ma gtogs pa gang yin pa'o//'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pa ni sdug bsngal gyi bden pa nyon mongs pa can ma yin pa'o/ /sdug bsngal gyi bden pa ji lta bar kun 'byung ba'i bden pa yang de dang 'dra'o zhes bshad de/rab tu byed pa'i gzhung yin no/ /de'i don rnam par dbye ba'i phyir smras pa/ sdug bsngal mthong bas spang bar bya ba'i phra rgyas 'jig tshogs la lta ba la sogs pa bcu po 'das pa dang da ltar byung ba gang dag yin pa de dag kyang ma gtogs pa yin la/phra rgyas bcu po de dag dang / mtshungs par ldan pa'i sdug bsngal gyi bden pa tshor ba la sogs pa yang ma gtogs pa yin no/ /'dir ma gtogs pa ma yin pa gang zhig yin zhe na/ phra rgyas par de dag nyid ma 'ongs pa dang /de dag dang mtshungs par ldan pa'i sdug bsngal gyi bden pa tshor ba la sogs pa'o/ /'jig tshogs la lta ba dang mtshungs par ldan pa'i sdug bsngal gyi bden pa ma 'ongs pa ma gtogs pa yin te/ de ni 'jig tshogs la lta ba dang mtshungs par ldan pa'i sdug bsngal gyi bden pa ma 'ongs pa ma gtogs pa dang zhes 'byung ba'i phyir ma gtogs par 'jog par 'gyur ro//de dag gi thob pa dang skye ba la sogs pa ma gtogs pa ma yin pas mi brtsal lo/ /'jig tshogs la lta ba dang de dang mtshungs par ldan pa'i chos rnams kyi skye ba la sogs pa ni ma gtogs pa yin te/de dag ni 'jig tshogs la lta ba dang de dang mtshungs par ldan pa'i chos rnams kyi skye ba dang rga ba dang gnas pa dang mi rtag pa nyid dag ma gtogs pa zhes 'byung ba'i phyir ma gtogs par 'jog par 'gyur ro//de lta bas na re zhig phra rgyas ma 'ongs pa dang de dang mtshungs par ldan pa'i sdug bsngal gyi bden pa ma gtogs pa las gzhan pa ni/ de dag las gzhan pa'i sdug bsngal gyi bden pa nyon mongs pa can zhes bya ba ste/de ni 'jig tshogs la lta ba'i rgyu can yin no/ /'di la rgyu 'jig tshogs la lta ba yod pas na 'jig tshogs la lta ba'i rgyu can yin te/ skal ba mnyam pa'i rgyu dang kun du 'gro ba'i rgyus 'das pa dang da ltar byung ba'i 'jig tshogs la lta ba'i rgyu can yin pa'i phyir ro//'jig tshogs la lta ba'i rgyu ni ma yin te/ chos ma 'ongs pa skal ba mnyam pa'i rgyu'am kun du 'gro ba'i rgyur rnam par gzhag pa ni med do/ /'di la lhan cig 'byung ba'i rgyu'am mtshungs par ldan pa'i rgyu yang mi srid de/ tshogs pa gcig la 'jig tshogs la lta ba gnyis med pa'i phyir ro//'jig tshogs la lta ba dang 'jig tshogs la lta ba lhan cig 'byung ba'am mtshungs par ldan pa ni med do/ /mthar 'dzin par lta ba la sogs pa dang lhan cig 'byung ba'am mtshungs par ldan pa yang ma yin te/ tshogs pa tha dad pa'i phyir ro/ /'di dag gi ldan pa ma yin pa thob pa dag dang skye ba la sogs pa yang ma gtogs pa ma yin pa yin no/ /de dag ni ma gtogs pa las gzhan pa yang yin la nyon mongs pa can yang yin te/ de dag kyang kun du 'gro ba'i rgyus sngar skyes pa'i 'jig tshogs la lta ba'i rgyu can yin gyi 'jig tshogs la lta ba'i rgyu ni ma yin no//ci'i phyir zhe na/ re zhig thob pa rnams ni shing ljon pa'i phyi shun dang 'dra bar de kun du 'gro ba dag gi phyi rol na 'dug pa yin pa'i phyir kun du 'gro ba yin par rnam par mi gzhag go//kun du 'gro ba med pa'i phyir 'jig tshogs la lta ba'i kun du 'gro ba'i rgyu ni ma yin no/ /kun du 'gro ba skye ba la sogs pa ni grub pa'i mtha' las/ de dag dang ni lhan cig gang / /'byung de 'ang kun 'gro thob ma gtogs/ /zhes 'byung ba'i phyir kun du 'gro ba yin par ni 'dod mod kyi/de dag sems dang sems las byung ba bzhin du sems dang sems las byung ba ma 'ongs pa rnams kyi kun du 'gro ba'i rgyu ni ma yin te/ rang gi mtshan gzhi la byed pa lhur len pa nyid kyis gtso bo ma yin pas sems dang sems las byung ba gzhan la kun du 'gro ba'i skyes bu'i byed pa med pa'i phyir ro//skye ba la sogs pa de dag kun du 'gro bar rnam par gzhag pa ni rang gi rgyud kyi kun du 'gro ba'i rgyu yin pa'i phyir ro/ /de lta bas na bstan bcos kyi don ni de dag 'jig tshogs la lta ba'i rgyu ma yin no zhes bya bar snang ngo / / 'o na skal ba mnyam pa'i rgyu go ci ste ma yin zhe na/ skal ba mnyam pa'i rgyur rnam par gzhag pa yang skyes bu byed pa la ltos pa yin te/ chos gang zhig skyed pa la skyes bu byed pa dang ldan pa de ni de'i skal ba mnyam pa'i rgyu yin te/ skal ba mnyam pa'i rgyu ji ltar 'dod par rnam par 'jog pa'i khungs ni 'di kho na yin no//bye brag tu bshad pa las kyang 'di skad du/ mig ni mig gi skal ba mnyam pa'i rgyu yin no/ /lha sbyin gyi mig ni lha sbyin gyi mig gi skal ba mnyam pa'i rgyu yin te/ g.yas pa ni g.yas pa'i yin la/ g.yon pa ni g.yon pa'i yin pa nas mig gi rdzas ni mig gi rdzas gzhan gyi bar du yin la/phyi rol gyi dag la yang nas ni nas kyi yin la sA lu ni sA lu'i bar du yin no zhes bshad de/ gal te lung du ma bstan pa nyid du mtshungs pa'i phyir mig thams cad mig thams cad kyi skal ba mnyam pa'i rgyu yin par 'dod na ni de skad du khyad par du bshad par yang mi 'gyur ro//de lta bas na de dag ni 'jig tshogs la lta ba'i rgyu ma yin no zhes bya bar khong du chud par bya'o/ /gzhan dag na re rnam par bshad pa 'di ni lhag ma dang bcas pa yin no/ /de lta bas na ma gtogs pa ni phra rgyas de dag skye ba la sogs pa dang bcas pa dang de dag dang mtshungs par ldan pa'i chos rnams yin par rig par bya ste/grub pa'i mtha' las/ de dag dang ni lhan cig gang / /'byung de'ang kun 'gro thob ma gtogs/ /zhes 'byung ba'i phyir chos sngar skyes pa de dag kun du 'gro ba'i rgyu'am skal ba mnyam pa'i rgyur 'gyur ba na chos dang de dag dang mtshungs par ldan pa rnams kyi skye ba la sogs pa lhan cig 'byung ba'i rgyur 'gyur ba gang dag yin pa de dag dang bcas te 'gyur ro//de nyid kyi phyir 'jig tshogs la lta ba dang de dang mtshungs par ldan pa'i chos rnams kyi skye ba dang /rga ba dang gnas pa dang mi rtag pa nyid dag ma gtogs pa zhes 'byung ngo / /de lta bas na skye ba la sogs pa yang kha cig ni ma gtogs pa yin la/ de las gzhan pa ni ma gtogs pa ma yin pa yin no zhes bya bar khong du chud par bya'o//rigs pa ni 'dir gang gi phyir rigs pa yin pa de'i phyir yin pa'i khong du chud par bya bar blta ba yin no/ /kun 'byung ba mthong bas spang bar bya ba dag kyang kun du 'gro ba 'das pa dang da ltar byung ba gang dag yin pa dang de dag dang mtshungs par ldan pa'i sdug bsngal gyi bden pa tshor ba la sogs pa ni ma gtogs pa yin no//kun 'byung ba mthong bas spang bar bya ba ma gtogs pa ma yin pa gzhan gang zhig yin zhe na/ kun du 'gro ba ma 'ongs pa gang dag yin pa dang de dag dang mtshungs par ldan pa'i sdug bsngal gyi bden pa tshor ba la sogs pa ste/de ni ma gtogs pa ma yin pa yin no/ /'dod chags la sogs pa kun du 'gro ba ma yin pa dus gsum pa yang rung ste/ gang dag yin pa dang de dag thams cad kyi thob pa gang dag yin pa de dag kyang ma gtogs pa ma yin pa yin no//skye ba la sogs pa ni phyogs gcig gi ltar na ni ma gtogs pa ma yin pa nyid do/ /phyogs cig shos kyi ltar na ni kha cig ni ma gtogs pa yin no/ /kha cig ni ma gtogs pa ma yin no/ /kun 'byung ba mthong bas spang bar bya ba ma gtogs pa ma yin pa 'di thams cad ni kun du 'gro ba'i rgyus 'jig tshogs la lta ba'i rgyu can yin te/sngar skyes pa'i 'jig tshogs la lta ba'i rgyu can yin pa'i phyir ro/ /'jig tshogs la lta ba'i rgyu ni ma yin te/ kun du 'gro ba rnams dang de dag dang lhan cig 'byung ba rnams ni ma 'ongs pa yin pa nyid kyis kun du 'gro ba'i rgyu ma yin pa'i phyir ro//kun du 'gro ba ma yin pa 'dod chags la sogs pa ni de dag dang lhan cig 'byung ba tshor ba la sogs pa dang phyogs gcig gi ltar gyi skye ba la sogs pa dang thob pa thams cad ni kun du 'gro ba ma yin pa'i phyir ro//'gog pa dang lam mthong bas spang bar bya ba dang / bsgom pas spang bar bya ba nyon mongs pa can phra rgyas dang de dang mtshungs par ldan pa dang des kun nas bslang ba skye ba la sogs pa'i ngo bo nyid dag kyang ma gtogs pa ma yin pa yin te/ de dag ni kun du 'gro ba'i rgyus 'jig tshogs la lta ba'i rgyu can yin no//de dag 'jig tshogs la lta ba'i rgyu ni ma yin te/ de kun du 'gro ba'i rgyu nyid yin par mi srid pa'i phyir dang / rgyu gzhan yin par mi rung ba'i phyir ro/ /'jig tshogs la lta ba'i rgyu can yang yin la 'jig tshogs la lta ba'i rgyu gang yin pa ni ma gtogs pa gang yin pa'o zhes bya ba ni sdug bsngal mthong bas spang bar bya ba'i rgyu phra rgyas 'das pa dang da ltar byung ba bcu po gang yin pa de dag dang mtshungs par ldan pa'i sdug bsngal gyi bden pa dang /phyogs cig shos kyi ltar gyi skye ba la sogs pa gang yin pa de dag ni skal ba mnyam pa'i rgyu dang kun du 'gro ba'i rgyus sngar skyes pa'i 'jig tshogs la lta ba'i rgyu can yin no//'jig tshogs la lta ba'i skye ba la sogs pa dang de dang mtshungs par ldan pa'i skye ba la sogs pa gang dag yin pa de dag ni lhan cig 'byung ba'i rgyu dang sngar bshad pa'i rgyu dag gis de'i rgyu can yin no//'jig tshogs la lta ba dang mtshungs par ldan pa gang dag yin pa de dag ni mtshungs par ldan pa'i rgyu dang sngar bshad pa'i rgyu rnams kyis de'i rgyu can yin no/ /de dag kyang de bzhin du 'jig tshogs la lta ba'i rgyu yin no/ /kun 'byung ba mthong bas spang bar bya ba kun du 'gro ba 'das pa dang da ltar byung ba de dag dang mtshungs par ldan pa tshor ba la sogs pa dang phyogs cig shos kyi ltar gyi skye ba la sogs pa gang dag yin pa de dag ni kun du 'gro ba'i rgyu kho nas 'jig tshogs la lta ba'i rgyu can yang yin la 'jig tshogs la lta ba'i rgyu yang yin te de dag gi rgyu yang 'jig tshogs la lta ba sngar skyes pa yin la 'jig tshogs la lta ba'i rgyu yang de dag sngar skyes pa yin no//sdug bsngal gyi bden pa nyon mongs pa can ma yin pa de dge ba dang / ma bsgribs la lung du ma bstan pa ni 'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin te/rgyu rnam pa lnga char mi srid pa'i phyir ro/ /'dir ni skyed par byed pa'i rgyu'i dbang du bya ba yin gyi thun mong yin pa'i phyir byed rgyu'i rgyu ni ma yin no/ /rnam par smin pa'i rgyu yang rung ba ma yin te/'jig tshogs la lta ba ni bsgribs la lung du ma bstan pa nyid kyis rnam par smin pa med pa'i phyir ro/ /de la 'jig tshogs la lta ba dang de dang mtshungs par ldan pa'i chos rnams kyi skye ba dang rga ba dang gnas pa dang mi rtag pa nyid dag ma gtogs pa zhes bshad pa gang yin pa de dang 'gal bar 'gyur te/gal te 'jig tshogs la lta ba dang mtshungs par ldan pa'i skye ba la sogs pa lhan cig 'byung ba'i rgyu yin par mi 'gyur na ni de dag ma gtogs par 'jog par yang mi 'gyur ro/ /gang dag ma gtogs pa de dag ni 'jig tshogs la lta ba'i rgyu can yang yin la/'jig tshogs la lta ba'i rgyu yang yin no/ /'o na ni gang dag de dang mtshungs par ldan pa'i chos rnams kyi zhes de skad du mi 'don pa de dag gi ltar na rab tu byed pa'i gzhung ji ltar 'gal bar 'gyur zhes khong nas drang bar bya'o//de dag ni 'jig tshogs la lta ba'i skye ba dang rga ba dang gnas pa dang / mi rtag pa nyid dag ma gtogs pa zhes de skad du 'don te/ de skad du smra ba de dag gi bsam pa ni de dag gi mtshan nyid rnams ni de dang mtshungs par ldan pa dag kho na la byed kyi/ 'jig tshogs la lta ba la ni ma yin te/de'i phyir de dag na de'i lhan cig 'byung ba'i rgyu ma yin no snyam pa 'di yin no/ /de dag gis kyang de skad du gdon par bya zhes bya ba ni de skad du ma bton na nyes te/ de'i phyir de dang mtshungs par ldan pa rnams kyi zhes bya ba 'di gdon dgos te/ 'jig tshogs la lta ba ni de dang mtshungs par ldan pa rnams kyi bdag nyid lta bur don dmigs pa dang bya ba gcig pa'i phyir ro/ /de lta bas na bye brag tu smra ba rnams kyi bsam pa ni ji ltar mtshan nyid de dag de dang mtshungs par ldan pa de rnams kyi lhan cig 'byung ba'i rgyu yin pa de bzhin du 'jig tshogs la lta ba'i yang yin no snyam pa yin no//yang na don gyis de ltar go bar bya'o zhes bya ba ni kha che ba rnams na re 'jig tshogs la lta ba smos pas 'jig tshogs la lta ba dang mtshungs par ldan pa rnams kyang smos pa'am skabs kyi tshul gyis na de dag gis de dang mtshungs par ldan pa rnams kyi zhes bya ba de ltar go bar bya'o zhes zer gyi/nyi 'og pa dag ni ma yin no zhes ston par byed pa yin no/ /de ni lhan cig 'byung ba yang yin no zhes bya ba ni sems pa la sogs pa yin te/ sems pa la sogs pa dang mtshan nyid rnams ni sems kyi lhan cig 'byung ba'i rgyu yang yin la de dag ni lhan cig 'byung ba yang yin no//chos kyi mthun pa'i mtshan nyid rnams zhes bya ba rgyas par 'byung ba ni chos kyi skye ba'i skye ba la sogs pa ni lhan cig 'byung ba yin gyi/ bskal pa'i phyir lhan cig 'byung ba'i rgyus rgyu ni ma yin te/de dag ni skye ba la sogs pa la byed kyi chos la ni ma yin no/ /de dag phan tshun dang zhes bya ba ni mthun pa'i mtshan nyid de dag skye ba la sogs pa la byed pa'i phyir phan tshun lhan cig 'byung ba yin gyi/ lhan cig 'byung ba'i rgyus rgyu ni ma yin no/ / chos ni gtso bo yin pa'i phyir de dag gi lhan cig 'byung ba'i rgyu yin te/ de ni rgyal po dmag la chas pa rang gi 'khor bran dang bcas pa thams cad khrid par byed pa de bzhin du 'jug go/ /sems kyi rjes su 'jug pa'i mthun pa'i mtshan nyid rnams dang zhes bya ba ni bsam gtan dang zag pa med pa'i sdom pa dag gi mthun pa'i mtshan nyid rnams kyang de kho na bzhin du sems kyi lhan cig 'byung ba yin gyi lhan cig 'byung ba'i rgyus rgyu ni ma yin no//nyid ces bya ba'i sgra ni don rab tu bstan pa'i phyir ro/ / de dag phan tshun dang zhes bya ba ni rjes su 'brang ba'i mthun pa'i mtshan nyid rnams lhan cig 'byung ba yin gyi lhan cig 'byung ba'i rgyus rgyu ni ma yin no/ /rgyur byas pa'i gzugs thogs pa dang bcas pa phan tshun dang zhes bya ba ni rdul phra rab rdzas brgyad la sogs pa la gzugs dang dri dang ro dang reg bya'i mtshan nyid ni phan tshun lhan cig 'byung ba yin gyi lhan cig 'byung ba'i rgyus rgyu ni ma yin no//thogs pa dang bcas pa smos pa ni thogs pa med pas bstsal ba'i phyir te/ thogs pa med pa rnam par rig byed ma yin pa'i ngo bo nyid bsam gtan dang zag pa med pa'i sdom pa rnam pa bdun lta bu ni phan tshun lhan cig 'byung ba yang yin la lhan cig 'byung ba'i rgyus rgyu yang yin no//thams cad 'byung ba dag dang lta bu'o zhes bya ba ni rgyur byas pa'i gzugs thogs pa dang bcas pa'am/ thogs pa med pa yang rung bdag nyid ji lta ba bzhin du 'byung ba rnams dang lhan cig 'byung ba yin gyi lhan cig 'byung ba'i rgyus rgyu ni ma yin no//thob pa dang ldan pa'i chos kyi thob pa lhan cig skyes pa rnams kyang lhan cig skye mod kyi lhan cig 'byung ba yin gyi lhan cig 'byung ba'i rgyus rgyu ni ma yin no/ / thob pa sngar dang phyis skye ba rnams la ni lhan cig 'byung ba nyid mi srid pa'i phyir lhan cig 'byung ba'i rgyu nyid du thal ba med pas lhan cig skyes pa zhes khyad par du byas pa yin no/ /ci'i phyir zhe na/ 'bras bu dang rnam par smin pa dang rgyu mthun pa du ma yin pa'i phyir ro zhes bya ba smos te/'di ltar de dag ni shing ljon pa'i phyi shun bzhin du rgyu mthun pa tha dad pa'i phyir thob pa dang ldan pa dang lhan cig skyes bu byed pa'i 'bras bu gcig pa yang ma yin la/ sems med snyoms par 'jug pa dag/ /'phen byed ma yin thob pa'ang min/ /zhes 'byung ba'i phyir rnam par smin pa'i 'bras bu gcig pa yang ma yin no//rgyu mthun pa'i 'bras bu gcig pa yang ma yin te/ rgyu tha dad pa'i phyir thob pa rnams kyi rgyu mthun pa'i 'bras bu ni rgyu mthun pa kho na yin no/ /sems kyi rjes su 'jug pa rnams kho na dang 'bras bu dang rnam par smin pa dang rgyu mthun pa'i 'bras bu gcig par 'dod kyi thob pa rnams dang ni ma yin no//de dag ni sems dang lhan cig spyod pa'i ngang tshul can te lhan cig spyod par byed pa'i tshul can yang ma yin no/ /de thams cad kyang rung mod kyi zhes bya ba ni re zhig gang lhan cig 'byung ba'i rgyus rgyu yin par de ni lhan cig 'byung ba yang yin no zhes bya ba rgyas par bshad pa gang yin pa'o//sa bon la sogs pa zhes bya ba'i sgras ni myu gu dang sdong bu dang 'dab ma la sogs pa bsdu'o/ /tshul 'di mi snang zhes bya ba ni lhan cig 'byung ba dag gi rgyu dang 'bras bu'i dngos po'i mtshan nyid kyi tshul mi snang ba ste/sa bon snga la myu gu 'phyi ba dang / bsnun pa snga la sgra 'phyi ba'i phyir ro/ /dper na mar me dang 'od dag dang myu gu dang grib ma dag lta bu yin no zhes bya ba ci zhe na/ rgyu dang 'bras bu'i dngos po zhes bya bar sbyar te/ mar me yang 'od dang bcas par 'byung gi /'od med par ma yin la myu gu yang nyin par skye ba nyid na grib ma 'byung mod kyi/ 'on kyang mar me yang 'od kyi lhan cig 'byung ba'i rgyu yin la/ myu gu yang grib ma'i yin pa de dang 'dra'o/ /re zhig dpyad par bya'o zhes rgyas par 'byung ba la pha rol pa'i bsam pa ni dpe 'di ma grub po snyam pa yin no//tshogs pa sngar byung ba mar dang snying po la sogs pa kho na mar me 'od dang bcas pa 'byung ba'i rgyu yin te/ mar me dang 'od kyi rgyu ni tshogs pa de kho na yin gyi 'od kyi rgyu mar me yin par ni mi 'dod do/ /de bzhin du myu gu grib ma dang bcas par skye ba la/yang tshogs pa sngar byung ba sa bon dang nyi ma la sogs pa kho na brjod par bya'o/ /nges par zhes bya ba ni gang zhig yod na chos gang zhig nges par yod pa yin gyi ma nges pa ni ma yin pa'o/ /de ni rgyu yin zhing cig shos ni rgyu dang ldan pa yin te/ 'bras bu'i chos yin zhes bya ba'i tha tshig go//lhan cig 'byung ba'i chos dper na 'byung ba bzhi dang sems dang sems kyi rjes su 'jug pa rnams dang mtshan gzhi dang mtshan nyid rnams kyang gcig yod na thams cad yod la gcig med na yang thams cad med pas rgyu dang 'bras bu'i dngos po rigs pa yin no//re zhig lhan cig 'byung ba rnams ni rung na zhes bya ba rgyas par 'byung ba ni lhan cig 'byung ba rnams la ni rgyu dang 'bras bu'i dngos por 'dod de/ dper na mig ni mig gi rnam par shes pa dang lhan cig skye yang de skye ba'i rgyur 'gyur ba lta bu yin na/phan tshun du go ji ltar rung ste mig gi rnam par shes pa ni mig de'i rgyu yin no zhe na smras pa/ yod dam med na de dag dang ldan pa'i gtan tshigs de nyid kyi phyir ro/ /yod pa dang med pa'i phyir zhes bya ba'i tha tshig ste/ sems pa la sogs pa yod na sems yod pa'i phyir dang med na yang med pa'i phyir la/de dag kyang sems kyi rgyu yin no zhes bya ba yin no/ /de lta na 'o na ni zhes bya ba rgyas par 'byung ba ni gal te gcig yod na thams cad yod la thams cad yod na yang gcig yod pas de'i phyir phan tshun rgyu dang 'bras bu'i dngos po yin na ni//'dod na dbang po med pa yi/ /phra rab rdul phran rdzas brgyad do/ /zhes 'byung bas rgyur byas pa'i gzugs med na mi 'byung ba gzugs dang ro dang / dri dang reg bya'i ngo bo nyid kyang phan tshun der thal bar 'gyur te phan tshun lhan cig 'byung ba'i rgyu nyid du thal par 'gyur ro zhes bya ba'i tha tshig go//'byung ba rnams dang yang rgyur byas pa'i gzugs dang lhan cig lhan cig 'byung ba'i rgyu nyid du thal bar 'gyur ro/ /sems kyi mthun pa'i mtshan nyid la sogs pa yang zhes bya ba la sogs pa zhes bya ba'i sgras ni sems kyi rjes su 'jug pa'i mthun pa'i mtshan nyid rnams kyang bsdu'o//sems la sogs pa dang zhes bya ba 'dir yang sogs pa zhes bya ba'i sgras ni sems kyi rjes su 'jug pa dag dang yang phan tshun rgyu nyid du thal bar 'gyur bar bstan to/ /sogs pa zhes bya ba'i sgra 'di nyid kyis thob pa lhan cig skyes pa rnams dang thob pa dang ldan par yang der thal bar 'gyur ro zhes brjod par bya'o//dbyu gu gsum phan tshun stobs kyis gnas pa bzhin du zhes bya ba la/ phan tshun stobs kyis gnas pa ni gcig gi mthus gcig gnas pa ste/ dbyu gu gsum phan tshun stobs kyis gnas pa bzhin du'o//ji ltar dbyu gu gsum ste/ dbyu gu gsum phan tshun stobs kyis gnas pa de bzhin du lhan cig 'byung ba sems dang sems las byung ba rnams rgyu dang 'bras bu'i dngos por grub par 'gyur ro/ /re zhig ci 'dir dpyad par bya'o zhes bya ba rgyas par 'byung ba ni 'di yongs su brtag par bya ba ste/dpe 'di ma grub bo snyam du bsams pa yin no/ /dbyu gu gsum lhan cig 'byung ba de dag gi stobs te/ lhan cig 'byung ba'i stobs des dbyu gu rnams gnas sam/ 'on te tshogs pa snga ma'i dbang gis de ltar 'byung /'on te ji ltar sngon 'byung ba dang 'byung ba las gyur pa'i spyi'i mtshan nyid kyi tshogs pa'i dbang gis lhan cig gnas pa de kho na bzhin du phyis kyang phan tshun brten pa rnams 'byung ba yin/ de la gzhan yang cung zad yod do zhes bya ba ni phan tshun gyi stobs kho nar ma zad do zhes ston par byed do//de ci'i phyir zhe na smras pa/ srad bu ste dbyu gu gsum gyi chings ma yin no/ /gzer bu ni phur bu zhes bya ba'i tha tshig go/ /rten par [(]byad [,]byed [)]pas ni 'og nas so/ /de dag la yang zhes bya ba ni lhan cig 'byung ba de dag la yang skal ba mnyam pa dang kun du 'gro ba dang rnam par smin pa dang byed rgyu'i rgyu srad bu la sogs pa lta bu gzhan dag kyang yod pas lhan cig 'byung ba'i rgyu nyid grub po//nyon mongs pa rnams ni nyon mongs pa can rnams kyi yin no zhes bya ba la/ nyon mongs pa can ni mi dge ba dang bsgribs la lung du ma bstan pa rnams yin te/de dag ni nyon mongs pa can nyid du spyir skal ba mnyam pa'i rgyu nyid yin no/ /des na mi dge ba rnams kyang mi dge ba rnams kyi skal ba mnyam pa'i rgyu yin zhing bsgribs la lung du ma bstan pa rnams kyang bsgribs la lung du ma bstan pa rnams kyi yin la/mi dge ba rnams bsgribs la lung du ma bstan pa rnams kyi yang yin zhing bsgribs la lung du ma bstan pa rnams kyang mi dge ba rnams kyi skal ba mnyam pa'i rgyu yin no zhes bstan par 'gyur ro/ /lung du ma bstan pa rnams ni lung du ma bstan pa rnams kyi yin no zhes bya ba ni ma bsgribs la lung du ma bstan pa rnams kyi yin no zhes bya ba'i tha tshig go//lung du ma bstan pa'i gzugs te/ lung du ma bstan pa'i gzugs kyi phung po ni phung po lnga po dag gi skal ba mnyam pa'i rgyu yin la tshor ba la sogs pa phung po bzhi ni khyad par du 'phags pa'i phyir gzugs kyi skal ba mnyam pa'i rgyu ma yin te/mnyam dang khyad par can gyi yin/ /zhes 'byung ba dman pa'i skal ba mnyam pa'i rgyu khyad par can yin par ni mi 'dod do/ /dge ba dang mi dge ba'i gzugs ni mngon par bya ba las byung ba'i phyir mnyam pa dang khyad par can yang yin pas/de'i skal ba mnyam pa'i rgyu ni bzhi po yin no/ /nur nur po ni nur nur po la sogs pa zhes bya ba ni mngal na gnas pa'i gnas skabs lnga po nur nur po dang mer mer po dang nar nar po dang mkhrang 'gyur dang rka lag 'gyus pa'i gnas skabs dag dang /skyes pa'i gnas skabs lnga po byis pa dang gzhon nu dang lang tsho dang dar la babs pa dang rgas pa'i gnas skabs dag ste/ de ltar bcu po de dag ni gnas skabs bcu po de dag ni skal ba mnyam pa'i rgyu yin te/ nur nur po ni nur nur po gzhan gyi yin pa nas rgas pa'i bar gyi yin no/ /mer mer po ni mer mer po gzhan gyi yin pa nas rgas pa'i bar gyi yin no/ /de bzhin du rgas pa ni rgas pa kho na'i bar du yin no/ /ris mthun pa cig la ni re re phyi nas te re re bor nas brjod par bya'o/ / ris mthun pa rnam pa mthun pa gzhan dag tu ste/ gang gi tshe mi'i skye ba nas mi'i skye ba kho nar skye ba de'i tshe ni/ gnas skabs bcu char yang gnas skabs bcu po dag gi yin te rgas pa'i gnas skabs kyang gnas skabs gzhan bcu char gyi bar du yin no/ /rgas pa'i gnas skabs de ni skad cig ma bzhin du ni tshe 'di'i rgas pa'i gnas skabs kyi skal ba mnyam pa'i rgyu yin no//'di'i tha ma ni tshe rabs gzhan gyi nur nur po la sogs pa gnas skabs bcu char gyi'ang skal ba mnyam pa'i rgyu yin no zhes bya bar khong du chud par bya'o/ /phyi'i dag la yang nas ni nas kyi yin la zhes bya bar rgyas par 'byung ba ni nas ni nas kyi skal ba mnyam pa'i rgyu yin gyi sA lu'i ma yin la/sA lu yang sA lu kho na'i yin gyi nas kyi ni ma yin no/ /de lta na 'dis ni lung du ma bstan pa nyid du mtshungs kyang rang gi rgyud kho na'i skal ba mnyam pa'i rgyu nyid yin gyi skyed pa'i mthu med pa'i phyir rgyud gzhan gyi ni ma yin no zhes ston par byed do//'das pa'i 'byung ba chen po rnams ni ma 'ongs pa'i 'byung ba chen po rnams kyi rgyu dang bdag po yin no zhes 'byung ba ni rgyu'i rkyen dang bdag po'i rkyen no zhes bya ba'i tha tshig ste/cig car 'byung ba med pa'i phyir lhan cig 'byung ba'i rgyu yang ma yin no/ /de nyid kyi phyir dang sems dang sems las byung ba ma yin pa'i phyir mtshungs par ldan pa'i rgyu yang ma yin no/ /kun du 'gro ba ma yin pa'i phyir kun du 'gro ba'i rgyu yang ma yin no/ /lung du ma bstan pa yin pa'i phyir rnam par smin pa'i rgyu yang ma yin pas shugs kyis na skal ba mnyam pa'i rgyu kho na yin no zhes bya bar shes so//gal te 'dra ba rnams 'dra ba rnams kyi skal ba mnyam pa'i rgyu yin na/ de lta na phyis skyes pa yang sngar skyes pa'i skal ba mnyam pa'i rgyu yin par 'gyur zhing /lhan cig skyes pa yang lhan cig skyes pa'i yin par 'gyur la/ ma skyes pa yang ma skyes pa'i yin par 'gyur ro zhe na/ de'i phyir smras pa/ de dag kyang thams cad ni ma yin no/ /'o na ci zhe na/ sngar skyes rnams/ sngar skyes pa 'das pa dang da ltar byung ba skal ba mnyam pa'i rgyu yin pas shugs kyis nam 'ongs pa ni skal ba mnyam pa'i rgyu ma yin no zhes bshad par 'gyur ro//de ltar na 'das pa rnams ni 'das pa dang da ltar byung ba rnams kyi yin no zhes bya ba ni 'das pa sngar skyes pa rnams ni 'das pa phyis skyes pa rnams kyi yin no zhes rnam par phye ste bshad par bya'o//'das pa dang da ltar byung ba rnams ni ma 'ongs pa rnams kyi skal ba mnyam pa'i rgyu yin gyi/ ma 'ongs pa rnams ma 'ongs pa rnams kyi yin no zhes ni ma bshad pas de'i phyir skal ba mnyam pa'i rgyu ma 'ongs pa med do zhes bya bar khong du chud do//nam yang ma yin no zhes bya ba ni nam yang rgyu ma yin pa ma yin no zhes bya bar skabs dang sbyar te/ rgyu yin pa kho na'o zhes bya ba'i tha tshig go/ /de lta bas na skal ba mnyam pa'i rgyu ma 'ongs pa yod do snyam du bsams pa yin no//lhan cig 'byung ba dang zhes bya ba rgyas par 'byung ba la lhan cig 'byung ba dang mtshungs par ldan pa dang / rnam par smin pa'i rgyu dag las dgongs pa ni thugs la dgongs pa ste/ des gsungs pa yin no/ /lhan cig 'byung ba dang mtshungs par ldan pa dang /rnam par smin pa'i rgyu dag las dgongs nas gsungs pa de'i phyir nam yang rgyu ma yin pa ma yin no zhes gsungs pa la nyes pa med de bstan pa 'di ni phal che'i dbang du mdzad par bzhed do/ /tha ma'i gnas skabs de las dgongs nas zhes bya ba ni ma 'ongs pa tha ma'i gnas skabs de las dgongs nas zhes bya ba'i tha tshig ste/de'i bsam pa ni dus gsum char na yang rgyu yin no snyam pa yin no/ /de yi de ni lan du mi rung ste/ /zhes bya ba rgyas par 'byung ba ni smra ba de'i lan du mi rung ba'o/ /ci'i phyir zhe na/ 'di ltar chos de skye ba'i gnas skabs kyi sngon rol na skal ba mnyam pa'i rgyu ma yin pa las phyis yin pas te/rtag tu skal ba mnyam pa'i rgyu ma yin pas so zhes bya ba'i tha tshig go/ /ma 'ongs pa'i gnas skabs mang po zhig yod pa las tha ma'i gnas skabs gcig gis skal ba mnyam pa'i rgyu nyid du nges par gyur pa yin na/de na de las gzhan pa nges par ma gyur pa yang mang mo zhig yod do/ /de las ni nam yang rgyu ma yin pa ma yin no zhes spyir gsungs te/ de lta bas na de ni lan du mi rung ngo / /de lta na ni gnas skabs 'di na yang skal ba mnyam pa'i rgyu ma yin no zhes de skad du brjod par nus so//chos gang zhig chos gang gi mtshungs pa de ma thag pa yin pa zhes bya ba ni mtshungs pa de ma thag pa'i rkyen zhes bya ba'i tha tshig go/ /yongs su rtog pa 'dis brjod par nus zhes bya ba ni chos de skye ba'i tshe'i gnas skabs na mtshungs pa de ma thag pa'i rkyen nyid du nges par gyur pa yin te/de'i phyir tha ma'i gnas skabs de las dgongs nas zhes bya ba'i yongs su rtog pa 'dis nam yang mtshungs pa de ma thag pa ma yin pa ma yin no zhes brjod par nus pa'o/ /ci'i phyir 'di skad du gal te chos de ma skyes par gyur na'o zhes gsungs zhes bya ba ni gal te chos de ma 'ongs pa yin na de mtshungs pa de ma thag pa'i rkyen du mi rung ngo zhes bya ba'i tha tshig go//tha ma'i gnas skabs smra ba de nyid kyis sgo gnyis su bstan par bya ba'i phyir ro zhes bya ba rgyas par smras te/der ji lta ba ste chos gang zhig chos gang gi rgyu yin pa de res 'ga' zhig chos de'i rgyu ma yin pa yin nam zhe na smras pa nam yang ma yin no zhes 'byung ba de bzhin 'dir yang chos gang zhig chos gang gis mtshungs pa de ma thag pa yin pa'i chos de res 'ga' zhig chos de'i mtshungs pa de ma thag pa'i ma yin pa yin nam zhe na/smras pa/ nam yang ma yin no zhes brjod par bya la/ 'dir ji lta ba ste chos gang zhig chos gang gis mtshungs pa de ma thag pa yin pa'i chos de res 'ga' zhig chos de'i mtshungs pa de ma thag pa ma yin nam zhe na/smras pa/ gal te chos de ma skyes par gyur na'o zhes bya ba de lta bu bzhin du der yang chos gang zhig chos gang gi rgyu yin pa'i chos de res 'ga' zhig chos de'i rgyu ma yin pa yin nam zhe na/ smras pa/ gal te chos de ma skyes par gyur na'o zhes brjod par bya ba yin te/gal te chos de ma 'ongs pa yin na de'i rgyu'i rkyen du mi 'gyur ro zhes bya ba'i tha tshig go/ /'dir slob dpon gyis de lta yin na yon tan ci zhig 'thob par 'gyur zhes bya ba rgyas par smos te/ de ltar sgo gnyis su bstan pa la yon tan ci yang mi thob bo/ /chos de ni skye ba'i tshe'i gnas skabs na dngos kyi tshul du rgyu'am mtshungs pa de ma thag pa ma yin pa nyid pas de lta na 'di bstan bcos byed pa kha cig tu glags dang bcas par smra zhing kha cig tu glags med par smra ba mi mkhas pa kho nar yid ches par 'gyur te re zhig glags dang bcas pa ni chos gang zhig chos gang gi rgyu yin pa'i chos de res 'ga' zhig chos de'i rgyu ma yin pa yin nam zhe na smras pa/nam yang ma yin no zhes gang bshad pa de yin no/ /ji lta zhe na/ nam yang rgyu ma yin pa ma yin no zhes de skad du smras pa yang tha ma'i gnas skabs na skal ba mnyam pa'i rgyu yin no zhes rjod par byed pas so//glags med pa ni gal te chos de ma skyes par gyur na mtshungs pa de ma thag pa ma yin la skyes pa ni mtshungs pa de ma thag pa yin no zhes bya ba yin no/ /'dir dgongs pa'i don ni don gcig tu nges par rnam par bzhag nas yang gzhan du 'chad do snyam pa yin no//de lta bas na 'dir lan snga ma kho na legs pa yin no zhes bya ba ni lhan cig 'byung ba dang mtshungs par ldan pa dang rnam par smin pa'i rgyu las dgongs nas gsungs pa'i phyir de ni nyes pa med do zhes bya ba yin no//'o na gang 'di skad du gsungs so zhes bya ba rgyas par 'byung ba 'di ci'i phyir zhe na/ skal ba mnyam pa'i rgyu ma 'ongs pa med pa kho na'o zhes bshad do/ /de la gal te skal ba mnyam par rgyu ma 'ongs pa med pa zhig yin no/ /ci'i phyir 'jig tshogs la lta ba ma 'ongs pa ma gtogs par bshad/ma gtogs pa gang yin pa de ni 'jig tshogs la lta ba'i rgyu can yang yin la 'jig tshogs la lta ba'i rgyu yang yin no zhes bshad do/ /de la 'jig tshogs la lta ba ma 'ongs pa ji ltar 'jig tshogs la lta ba'i rgyu ma yin zhe na/re zhig lhan cig mi 'byung ba'i phyir lhan cig 'byung ba'i rgyu dang mtshungs par ldan pa'i rgyu ni ma yin no/ /lung du ma bstan pa yin pa'i phyir rnam par smin pa'i rgyu yang ma yin no/ /thun mong ba nyid kyis mi bgrang ba'i phyir byed rgyu'i rgyu yang ma yin pas rgyu zhig yin na shugs kyis na skal ba mnyam pa'i rgyu'am kun du 'gro ba'i rgyu yin par 'gyur ro//'dir ni kun du 'gro ba'i rgyu dang skal ba mnyam pa'i rgyu kho na yin no/ /de'i phyir gal te 'jig tshogs la lta ba ma 'ongs pa 'jig tshogs la lta ba'i skal ba mnyam pa'i rgyu ma yin na ci'i phyir 'di mu gsum pa'i don du ma gtogs par bshad ce na/bye brag tu smra bas de ni 'di skad du 'jig tshogs la lta ba ma 'ongs pa dang mtshungs par ldan pa'i sdug bsngal gyi bden pa ma gtogs pa zhes brjod par bya zhes bya ba smras te/ 'jig tshogs la lta ba dang mtshungs par ldan pa kho na ma gtogs par bya ba yin gyi/'jig tshogs la lta ba ni ma yin no/ /tshor ba la sogs pa de ni lhan cig 'byung ba'i rgyu dang mtshungs par ldan pa'i rgyus 'jig tshogs la lta ba'i rgyu can yang yin la 'jig tshogs la lta ba'i rgyu yang yin gyi skal ba mnyam pa'i rgyus ni ma yin no//'jig tshogs la lta ba ma 'ongs pa dang zhes 'byung ba 'di ni nyams pa yin te/ tshig 'og ma la yod pa de zhes bya ba'i sgra dang lhan cig gdon par mi bya'i mtshungs par ldan pa'i sdug bsngal gyi bden pa'i khyad par du bya ba'i phyir 'jig tshogs la lta ba ma 'ongs pa dang mtshungs par ldan pa zhes tshig 'di gnyis bsdus te gdon par bya'o//yang na don gyis na de ltar go bar bya'o zhes bya ba ni gal te de skad du 'don par mi byed na/ bshad pa las 'byung ba dang mthun par 'don pa ni brtsan pa ma yin no snyam du bsams pa yin no//'o na btags pa'i bshad pa chos thams cad ni bzhi tshan du nges pa yin te zhes gsungs pa 'di ji ltar drang zhes bya ba la klan ka ba'i bsam pa ni rgyur nges pa ni chos gang zhig chos gang gi rgyu yin pa'i chos de ni nam yang chos de'i rgyu ma yin pa ma yin te/dus gsum char na yang rgyu yin no zhes bya ba'i tha tshig go/ /de bzhin du 'bras bur nges pa ni chos gang zhig chos gang gi 'bras bu yin pa ste rgyu mthun pa la sogs par sbyar ro/ /de bzhin du rten du nges pa ni mig la sogs pa'i chos gang zhig mig gi rnam par shes pa la sogs pa chos gang gi rten yin pa zhes bya bar sbyar ro//de bzhin du dmigs par nges pa ni gzugs la sogs pa chos gang zhig mig gi rnam par shes pa la sogs pa chos gang gi dmigs pa yin pa zhes bya bar sbyar te/des na chos rnams rgyur nges pa'i phyir dus gsum char yang skal ba mnyam pa'i rgyu yin no snyam pa yin no/ /bye brag tu smra bas lhan cig 'byung ba dang mtshungs par ldan pa'i rgyu las dgongs pa'i phyir nyes pa med do zhes bstan pa'i phyir smras pa/'dir rgyu ni mtshungs par ldan pa'i rgyu dang lhan cig 'byung ba'i rgyu yin gyi skal ba mnyam pa dang kun du 'gro ba'i rgyu dag ni ma yin te/ ma 'ongs pa'i gnas skabs su rnam par ma bzhag pa'i phyir ro/ /rnam par smin pa'i rgyu yang ma yin te/ mi g.yo ba ma yin pa'i las kha cig tshe rabs gzhan du yang rnam par smin pa mi 'byin pa'i phyir ro//'bras bu ni skyes bu byed pa'i 'bras bu dang bdag po'i 'bras bu yin te/ de gnyis ni lhan cig 'byung ba dang mtshungs par ldan pa'i rgyu dag gi 'bras bu yin pa'i phyir ro/ /bye brag tu smra ba rnams kyi gzhung lugs ni ma 'ongs pa yod bzhin du skye'o zhes bya ba 'di yin te/de lta bas na 'di skad du de na ma 'ongs pa'i gnas skabs na skal ba mnyam pa'i rgyu ma yin pa las da ltar gyi gnas skabs na rgyu yin par gyur pa ma yin nam zhes thal bar sgrub ste/ gyur zhes bya ba ni thal bar gyur zhes bya ba'i tha tshig go/ /gnas skabs la ni 'dod pa kho na yin gyi rdzas la ni ma yin no zhes bya ba ni skal ba mnyam pa'i rgyu nyid kyi gnas skabs ni sngon ma byung ba las dbyung ngo zhes bya ba kho nar 'dod kyi rdzas kyi rang gi mtshan nyid ni sngon ma byung ba las dbyung ngo zhes bya bar ma yin no//tshogs pa ni gnas skabs kyi 'bras bu can yin gyi rdzas kyi 'bras bu can ma yin no zhes bya ba ni rgyu dang rkyen tshogs pa ni da ltar gyi gnas skabs kyi 'bras bu can yin gyi rdzas kyi ni ma yin te 'di ltar chos de ni ma 'ongs pa yin yang rdzas su yod la da ltar byung ba ni ma yin no//klan ka pas cir 'gyur zhe na zhes bya ba rgyas par smras pa dang bye brag tu smra bas bstan bcos las de smos par 'gyur ro zhes bya ba smos so/ /skal ba mnyam pa'i rgyu ma 'ongs pa de smos pa yang med de bstan bcos de las dge ba'i rtsa ba ma 'ongs pa rnams ni dge ba'i rtsa ba ma 'ongs pa rnams kyi skal ba mnyam pa'i rgyu yin no zhes ni ma bshad do//klan ka pas 'bras bu smin pa dang 'dzin par byed nus pa gang yin pa zhes bya ba rgyas par smos te/ klan ka pa'i bsam pa ni skal ba mnyam pa'i rgyu ma 'ongs pa yod mod kyi de ni 'bras bu smin pa dang 'dzin par byed nus pa ma yin gyi/skal ba mnyam pa'i rgyu 'das pa dang da ltar byung ba gang yin pa 'bras bu smin par byed nus pa dang 'bras bu 'phen par byed nus pa de kho na smos pa'i phyir ro/ /skal ba mnyam pa'i rgyu ma 'ongs pa smos pa la nyes pa med de/de la 'bras bu smin pa dang 'dzin par byed pa'i mthu med pa'i phyir ro/ /de lta bas na skal ba mnyam pa'i rgyu ma 'ongs pa yod mod kyi 'on kyang bstan bcos las ma bshad do snyam pa yin no/ /bye brag tu smra bas de ni ma yin te zhes bya ba rgyas par smos te/de ni rung ba ma yin te/ rgyu mthun skal mnyam kun 'gro ba'i/ /zhes 'byung ba'i phyir dang / rgyu mthun rgyu dang 'dra ba'o/ /zhes 'byung ba'i phyir skal ba mnyam pa'i rgyu ni rgyu mthun pa'i 'bras bu dang bcas pa yin na/ de yang ma 'ongs pa la rigs pa ma yin te/rgyu mthun pa'i 'bras bu de rigs pa ma yin no/ /ci'i phyir zhe na/ snga phyi med pa'i phyir te/ ma 'ongs pas gnas skabs na ni 'di ni snga ma'o/ /'di ni phyi ma'o zhes bya bar yongs su mi chod de/ 'chol bar 'dug pa'i phyir ro//snga phyi med na ni 'dra ba'i rgyu mthun pa dang 'dra ba yin par yang mi rung ngo / /'on te skyes pa 'das pa dang da ltar byung ba ma 'ongs pa'i rgyu mthun par 'dod do zhe na/ de'i phyir byung zin pa yang ma 'ongs pa'i rgyu mthun par mi rung ste zhes bya ba smos te/ dper na da ltar gyi rgyu mthun pa 'das pa ma yin pa de bzhin du byung zin pa yang ma 'ongs pa'i rgyu mthun pa yin par 'os pa ma yin no//de ci'i phyir zhe na/ rgyu bas 'bras bu snga na ni mi rung bas zhes bya ba smos te/ skyon du 'gyur ba'i phyir ro/ /rnam par smin pa'i 'bras bu snga ba dang lhan cig pa mi rung ba'i phyir la zhes bya ba ni rgyu bas 'bras bu snga na mi rung bas snga pa yang mi rung ngo //ma 'ongs pa'i gnas skabs na lhan cig pa yang mi rung ste/ da ltar byung ba'i gnas skabs na lhan cig 'byung ba'i rgyu bzhin du rnam par smin pa'i rgyu'i 'bras bu lhan cig 'byung ba mi dmigs so// //bam po bco brgyad pa/ de lta bas na ma 'ongs pa'i dus la yang snga phyi med pa'i phyir te ma 'ongs pa'i dus 'chol bar 'dug pa'i phyir rnam par smin pa'i rgyu snga la rnam par smin pa'i 'bras bu 'phyi bar rung ba ma yin no//de'i phyir yang skal ba mnyam pa'i rgyu bzhin du rnam par smin pa'i rgyu yang ma 'ongs pa yin par mi 'gyur ro/ /bye brag tu smra bas de ni ma yin te zhes bya ba smos te/ de lta na rnam par smin pa'i rgyu yang zhes smras pa gang yin pa'o/ /phan tshun rgyu mthun pa nyid du ni rigs pa dang ldan pa ma yin no zhes bya ba ni chos 'dra ba gang zhig gang gis skal ba mnyam pa'i rgyu yin pa'i chos de nyid de kho na'i tshe de'i rgyu mthun pa yin par ji ltar rung ste/bu rang gi pha nyid kyi pha de kho na'i tshe mi 'gyur ro/ /rnam par smin pa'i rgyu ni de ltar thal bar mi 'gyur te zhes bya ba ci zhe na/snga phyi med bzhin du yang phan tshun rgyu dang 'bras bu nyid du thal bar mi 'gyur te 'thob par mi 'gyur ro/ /de ci'i phyir zhe na/ rgyu dang 'bras bu dag mtshan nyid tha dad pa'i phyir te/ rnam smin rgyu ni mi dge dang / /dge ba zag bcas rnams kho na//zhes bya ba dang / rnam smin lung du ma bstan chos/ /zhes 'byung ba'i phyir rgyu'i mtshan nyid kyang gzhan no/ /ngo bo nyid ces bya ba'i tha tshig ste/ de'i mtshan nyid ni mi dge ba nyid dang / dge ba zag pa dang bcas pa nyid yin no/ /'bras bu'i mtshan nyid kyang gzhan te ma bsgribs la lung du ma bstan pa nyid yin no//de lta bas na zhes bya ba rgyas par 'byung ba gnas skabs kyis rnam par gnas pa ni gnas skabs las rnam par gnas pa ste/ skal ba mnyam pa'i rgyu ni 'das pa'i gnas skabs pa dang da ltar byung ba'i gnas skabs pa yin gyi ma 'ongs pa'i gnas skabs pa ni ma yin no//rnam par smin pa'i rgyu ni mtshan nyid las rnam par gnas pa yin te/ mtshan nyid kyi rnam par gnas pa yin no/ /dus gsum char du yang mtshan nyid ji skad bshad pa bzhin yin pas rnam par smin pa'i rgyu ni ma 'ongs pa'i gnas skabs mi dgag go//'dir 'di dpyad par bya ste/ ci ma 'ongs pa'i dus na chos 'dra ba rnams 'chol bar 'dug pas 'di ni rgyu'o/ /'di'i rgyu mthun pa'i 'bras bu'o/ /zhes bya bar yongs su gcad mi nus te/ de'i phyir skal ba mnyam pa'i rgyu ma 'ongs pa rnam par mi gzhag gam/'on te chos gang zhig gang gi skal ba mnyam pa'i rgyu yin pa'i chos de rgyu dang rkyen gyi dbang gis de'i rgyu mthun pa'i 'bras bu yin par yang 'gyur bas de'i phyir skal ba mnyam pa'i rgyu ma 'ongs pa rnam par ma bzhag ce na/'di rnam par bshad pa byed pa rnams kyis ni ma dpyad do/ /bdag ni phyogs snga ma 'di kho na ltar yin no snyam byed do/ /ci de ltar nges sam zhe na zhes bya ba ni ci rang gi sa pa kho na'o zhes nges par bzung ba zhig yin nam 'on te de lta ma yin pa yang yod snyam du bsams pa yin no//sa dgu'i lam ni phan tshun du/ /zhes bya ba la/ ni zhes bya ba'i sgra ni khyad par du bya ba yin te/ lam zhes bya ba lam gyi bden pa yin par brjod par 'dod pas zag pa dang bcas pa las lam gyi bden pa khyad par du shes pa yin no/ /zag pa dang bcas pa'i chos kyi skal ba mnyam pa'i rgyu ni rang gi sa pa kho na yin gyi/gzhan gyi sa pa ni ma yin la/ lam gyi skal ba mnyam pa'i rgyu ni gzhan gyi sa pa yang yin no/ /sa smos na ni zag pa dang bcas pa dang / zag pa med pa yang gzung gi khams mos na ni zag pa dang bcas pa kho na gzung ste/de'i phyir 'di ni sa de dag tu glo bur du 'ongs pa yin la/ sa de pa'i sred pa dag gis bdag gir ma byas pa'i phyir khams de dag tu gtogs pa ma yin zhes bya ba smos te/ zag pa med pa'i chos rnams ni zag pa dang bcas pa 'dod pa dang gzugs dang gzugs med pa na spyod pa'i sred pa dag gis bdag gir mi byed do//'o na gang gi tshe mya ngan las 'das pa dang lam mngon par 'dod pa de'i tshe ji lta bu zhe na/ de ni chos la 'dun pa dge ba yin te/ 'dod chags min te spang bya'i phyir//zhes 'byung ba'i phyir ro/ /rigs mthun pa'i zhes bya ba ni zag pa med pa'i rigs kyi'o/ /de lta na 'o na ni thams cad kyang thams cad kyi skal ba mnyam pa'i rgyur 'gyur ro zhe na/ de'i phyir/ mnyam dang khyad par can gyi yin/ /zhes bya ba smos so/ /'o na ci'i phyir phan tshun du zhes smos she na/sa gong ma pa dang sa 'og ma pa dag phan tshun du zhes de skad du bya ba'i phyir te/ sa gong ma pa yang sa 'og ma pa dag gi skal ba mnyam pa'i rgyu yin la/ sa 'og ma pa yang sa gong ma pa dag gi yin no/ /'di lta ste zhes bya ba rgyas par 'byung ba ni sdug bsngal la chos shes pa'i bzod pa ni mnyam pa yin pas zag pa med pa de nyid ma 'ongs pa dang sdug bsngal la chos shes pa dang sdug bsngal la rjes su shes pa'i bzod pa dang /mi skye ba shes pa'i bar khyad par can gyi rgyu yin no/ /dman pa'i ni ma yin te/sdug bsngal la chos shes pa ni sdug bsngal la chos shes pa'i bzod pa ma 'ongs pa'i skal ba mnyam pa'i rgyur mi 'gyur ro/ /mthong ba dang bsgom pa dang mi slob pa'i lam rnams ni gsum dang gnyis dang gcig dag gi yin no zhes bya ba ni mthong ba'i lam ni mthong ba'i lam gzhan dang /bsgom pa'i lam dang mi slob pa'i lam gyi skal ba mnyam pa'i rgyu yin pas gsum gyi yin no/ /bsgom pa'i lam ni bsgom pa'i lam gzhan dang mi slob pa'i lam gyi skal ba mnyam pa'i rgyu yin gyi/ mthong ba'i lam gyi ni ma yin pas gnyis kyi yin no//mi slob pa'i lam ni mi slob pa'i lam gzhan gyi yin gyi mthong ba dang bsgom pa'i lam dag gi ni ma yin pas gcig gi skal ba mnyam pa'i rgyu yin no/ /de la yang zhes bya ba ni mthong ba'i lam la sogs pa'i de la yang dbang po rtul po'i lam mthong ba'i lam gyi ngo bo nyid ni dbang po rtul po dang rnon po'i lam/de'i ngo bo nyid kho na'i rgyu yin la dbang po rnon po'i lam ni dbang po rnon po'i lam kho na'i yin gyi dman pa'i phyir dbang po rtul po'i lam gyi ni ma yin no/ /de bzhin du bsgom pa'i lam dang mi slob pa'i lam la yang brjod par bya ste/de bstan pa'i phyir 'di lta ste zhes bya ba rgyas par smos so/ /gang zag dbang po rtul po gcig la yang lam drug car yod la rang bzhin gyis dbang po rnon po la ni gsum yod de/ de la dad pas rjes su 'brang ba'i lam ni bdag nyid kyang dad pas rjes su 'brang ba'i lam gzhan dang bdag nyid kyi chos kyi rjes su 'brang ba'i lam ma 'ongs pa'i gnas skabs dang /bdag nyid kyang dad pas mos pa dang / mthong bas thob pa dang / dus kyi rnam par grol ba dang / dus dang mi sbyor bar rnam par grol ba'i lam skye ba dang mi skye ba'i chos can rnams kyi ci rigs par skal ba mnyam pa mnyam pa'i rgyu yin pas drug gi skal ba mnyam pa'i rgyu yin no//dad pas mos pa'i lam ni dad pas mos pa'i lam gzhan dang mthong bas thob pa dang / dus kyi rnam par grol ba dang / dus dang mi sbyor bar rnam par grol ba'i lam gzhan gsum gyi yin pas gzhi'i skal ba mnyam pa'i rgyu yin no//dus kyi rnam par grol ba'i lam ni dus kyi rnam par grol ba'i lam gzhan dang / dus dang mi sbyor bar rnam par grol ba'i yin pas gnyis kyi skal ba mnyam pa'i rgyu yin no//dad pas mos pa'i lam ni dad pas rjes su 'brang ba dang chos kyi rjes su 'brang ba'i lam dag gi rgyu ma yin te/ mthong ba'i lam dus snga ba'i phyir dang / bsgom pa'i lam yang khyad par can yin pa'i phyir ro/ /de bzhin du gzhan la yang sbyar bar bya'o//chos kyi rjes su 'brang ba'i lam ni chos kyi rjes su 'brang ba'i lam gzhan dang mthong bas thob pa dang dus dang mi sbyor ba rnam par grol ba'i lam rnams kyi yin pas gsum gyi skal ba mnyam pa'i rgyu yin no/ /mthong bas thob pa'i lam ni mthong bas thob pa'i lam gzhan dang /dus dang mi sbyor bar rnam par grol ba'i lam gyi yin pas gnyis kyi yin no/ /dus dang mi sbyor bar rnam par grol ba'i lam ni dus dang mi sbyor bar rnam par grol ba'i lam gzhan kho na'i yin pas/ gcig gi skal ba mnyam pa'i rgyu yin no//chos kyi rjes su 'brang ba'i lam ni dad pas rjes su 'brang ba'i lam gyi skal ba mnyam pa'i rgyu ma yin te/ chos kyi rjes su 'brang ba'i lam ni dbang po'i sgo nas khyad par can yin pa'i phyir ro/ /dad pas mos pa'i lam gyi yang ma yin te/dbang po'i sgo nas khyad par can yin pa'i phyir ro/ /'o na ni dus kyi rnam par grol ba'i lam mthong bas thob pa dbang po'i sgo nas rgyu ma yin te dbang po'i sgo nas khyad par du 'phags pa'i skal ba mnyam pa'i rgyu yin par 'gyur ro zhe na/ mi slob pa'i lam gyis bsdus pa yin pa'i phyir mi 'gyur te/'bras bu dus sngar byung la rgyu dus phyis byung ba ni ma yin no/ /mthong bas thob pa'i lam yang dus kyi rnam par grol ba'i skal ba mnyam pa'i rgyu ma yin te/ dbang po'i sgo nas khyad par can yin pa'i phyir ro/ /yang ji ltar zhes bya ba rgyas par 'byung ba ni sa gong ma pa bsam gtan gnyis pa nas bzung ste/ci yang med pa'i skye mched kyi bar gyi sa pa'i mthong ba'i lam mam/ bsgom pa'i lam mam/ mi slob pa'i lam ni ci rigs par sa 'og ma'i lam rnam shes mtha' yas skye mched nas bzung ste/mi lcogs pa med pa'i bar gyi sa pa'i mthong ba'i lam mam/ bsgom pa'i lam mam/ mi slob pa'i lam dang ji ltar rigs par mnyam pa'am khyad par can yin ji ltar na yin par mi 'gyur zhe na/ sa 'og ma ni dman pa'i phyir ro/ / dbang po dang rgyus rgyas par byas pa'i sgo nas te zhes bya ba la/ re zhig mthong ba'i lam la dbang po'i sgo nas lam mnyam pa'am khyad par can yin pa ni bsam gtan bzhi pa'i dad pas rjes su 'brang ba'i lam dang sa 'og ma'i dad pas rjes su 'brang ba'i lam de nyid mnyam pa yin te gnyi ga yang dbang po rtul po yin pa'i phyir ro//de nyid pas chos kyi rjes su 'brang ba'i lam sa 'og ma pa khyad par du 'phags pa yin te/ dbang po rnon po'i phyir ro/ /de bzhin du chos kyi rjes su 'brang ba'i lam bsam gtan bzhi pa'i sa pa ni chos kyi rjes su 'brang ba'i lam sa 'og ma pa dang mnyam pa yin no//de bzhin du dad pas rjes su 'brang ba dang chos kyi rjes su 'brang ba'i lam bsam gtan bzhi pa'i sa pa de dag nyid sa 'og ma pa'i bsgom pa dang mi slob pa'i lam so sor sa dang dbang po'i bye brag gis tha dad pa dag dang ci rigs par mnyam pa'am khyad par can yin par sbyar bar bya'o//de bzhin du bsgom pa'i lam la yang ci yang med pa'i skye mched kyi sa pa'i dad pas mos pa'i lam ni sa 'og ma pa'i dad pas mos pa'i lam dang mnyam pa yin te/ gnyi ga yang dbang po rtul po yin pa'i phyir ro//de nyid pas sa 'og ma pa'i mthong bas thos pa'i lam khyad par du 'phags pa yin te/ dbang po rno ba'i phyir ro/ /de bzhin du de nyid sa 'og ma pa'i dus kyi rnam par grol ba'i lam dang ni mnyam pa yin te/ gnyi ga yang dbang po rtul po yin pa'i phyir ro//de nyid pas sa 'og ma pa'i dus dang mi sbyor bar rnam par grol ba'i lam khyad par can yin te/ dbang po rno ba'i phyir ro/ /de bzhin du mi slob pa'i lam la yang ci yang med pa'i skye mched kyi mi slob pa'i lam ni ci rigs par sa 'og ma pa dang mnyam pa'am khyad par yin par sbyar bar bya ste phyogs 'dis sa thams cad sbyar bar bya'o//rgyus rgyas par byas pa'i sgo nas ji ltar sa gong ma pa'i sa 'og ma'i lam dang mnyam pa'am khyad par can yin zhe na/ de'i phyir de la rgyus shin tu rgyas par byas pa ni mthong ba'i lam la sogs pa dang zhes bya ba 'di rgyas par smos so//sogs pa zhes bya ba smos pas ni bsgom pa dang mi slob pa'i lam nye bar bsdus te/ sa gong ma pa'i sdug bsngal la chos shes pa'i bzod pa bas ni sa 'og ma pa'i sdug bsngal la chos shes pa'i rgyus rgyas par byas pa'i sgo nas khyad par can yin no//sa 'og ma pa'i sdug bsngal la chos shes pa bas kyang sa 'og ma pa'i sdug bsngal la rjes su shes pa'i bzod pa'i rgyus rgyas par byas pa'i sgo nas khyad par can yin pa nas sa gong ma pa'i lam la chos shes pa bas kyang sa 'og ma pa'i lam la rjes su shes pa'i bzod pa'i bar du rgyus rgyas par byas pa'i sgo nas khyad par can yin te/skal ba mnyam pa'i rgyu lhag pa re res rgyas par byas pa'i phyir ro/ /sa gong ma pa'i mthong ba'i lam pas ni sa 'og ma pa'i bsgom pa'i lam rgyus rgyas par byas pa'i sgo nas khyad par can yin te/mthong ba'i lam ni mthong ba'i lam gyi rgyus rgyas par byas pa yin la/ bsgom pa'i lam ni mthong ba'i lam dang bsgom pa'i lam gyi rgyus rgyas par byas pa yin no/ /sa gong ma pa'i mthong ba'i lam dang bsgom pa'i lam dag pas kyang sa 'og ma pa'i mi slob pa'i lam rgyus rgyas par byas pa'i sgo nas khyad par can yin te/mthong ba dang bsgom pa dang mi slob pa'i lam gyi rgyus rgyas par byas pa'i phyir ro/ /sa gong ma pa'i mthong ba'i lam dang sa 'og ma pa'i mthong ba'i lam du ni skad cig ma mthun pa la ltos na rgyus rgyas par byas pa'i sgo nas mnyam pa yin te/bsgom pa'i lam dang bsgom pa'i lam du dang mi slob pa'i lam dang mi slob pa'i lam du yang de dang 'dra'o/ /de ltar na kha cig sa 'og ma pa nyid yin yang dbang po'i sgo nas mnyam pa yin la rgyus rgyas par byas pa'i sgo nas khyad par can yin te/dper na bsam gtan dang po'i sa pa'i dad pas rjes su 'brang ba'i lam pas sa 'og ma pa'i dad pas mos pa dang dus kyis rnam par grol ba'i lam dag lta bu'o//kha cig ni dbang po dang rgyus rgyas par byas pa'i sgo nas khyad par can yin te/ dper na bsam gtan bzhi pa'i sa pa'i dad pas rjes su 'brang ba'i lam pas sa 'og ma pa'i mthong bas thob pa dang dus dang mi sbyor bar rnam par grol ba'i lam dag lta bu'o/ / chung ngu'i chung ngu la sogs pa gong nas gong du'o zhes bya ba ni mthong ba'i lam ma gtogs te/ de la chung ngu'i chung ngu la sogs pa mi srid pa'i phyir ro/ /de la sa gong ma pa'i rnam pa chung ngu'i chung ngu bas sa 'og ma pa'i chung ngu'i 'bring po nas chen po'i 'bring po bas chen po'i chen po'i bar du skad cig ma 'dra ba dang mi 'dra ba la ltos nas rgyus rgyas pa byas pa'i sgo nas mnyam pa'am khyad par can yin te/khyad par can ni rgyu'i rnam pa lhag ma re res rgyas par byas pa'i phyir ro/ /dad pas rjes su 'brang ba'i lam ni drug gi skal ba mnyam pa'i rgyu yin no zhes gang bshad pa ji ltar na dad pas rjes su 'brang ba'i lam chos kyi rjes su 'brang ba'i lam gyi skal ba mnyam pa'i rgyu yin te/de gnyis rgyud gcig la mngon du 'gyur ba ni med do zhe na/ de'i phyir rgyud gcig la dad pas rjes su 'brang ba dang chos kyi rjes su 'brang ba'i lam dag mi srid mod kyi byung ba ni ma 'ongs pa'i rgyu yin no zhes bya ba smos so//mi srid pa ni 'dir mngon du mi 'gyur ba la bya'o/ /med pa la ni ma yin te/ dbang po rtul po rnams la yang dbang po rtul po'i lam bzhin du bdag nyid kyi dbang po rnon po'i lam dag kyang yod do//mthong bas thob pa dang dus kyi rnam par grol ba'i lam dag ni gal te dbang po 'pho bar byed na/ de'i rgyud la mngon du 'gyur yang srid do/ /de lta bas na dad pas rjes su 'brang ba'i lam byung ba ni chos kyi rjes su 'brang ba'i lam mi skye ba'i chos can dang dad pas mos pa dang mthong bas thob pa dang dus kyi rnam par grol ba dang dus dang mi sbyor bar rnam par grol ba'i lam ma 'ongs pa skye ba'i chos can nam mi skye ba'i chos can mnyam pa dang khyad par can rnams kyi ci rigs par skal ba mnyam pa'i rgyu yin no//slob dpon dbyig bshes na re ni gang gi tshe dad pas rjes su 'brang ba la sogs pa'i dbang po 'pho bar byed cing chos kyi rjes su 'brang ba'i lam la sogs pa mngon du byed pa na dad pas rjes su 'brang ba'i lam byung ba chos kyi rjes su 'brang ba'i lam ma byung ba dang /mthong bas thob pa'i lam gyi rgyu yin no zhes zer te/de ni dad pas rjes su 'brang ba'i dbang po rnams 'pho ba med pas rigs pa ma yin gyi/ dad pas mos pa la sogs pa ni 'pho bar 'gyur ro/ /sbyor ba las byung ba zhes bya ba las sbyor bas grub pa ni sbyor ba las byung ba dag ste/ sbyor ba las byung ba dag pa ni/ skyes nas thob pa can bsal ba'i phyir ro/ /'dod pa na spyod pa'i thos pa las byung ba rnams zhes bya ba ni sangs rgyas kyi bka' thos pa las nges par byung ba gang dag yin pa de dag ni thos pa las byung ba'o/ /bsams pa las byung ba rnams ni bsams pa las byung ba rnams kyi yin te zhes bya ba ni bsams pa las byung ba rnams kho na'i yin gyi/mnyam dang khyad par can gyi yin/ /sbyor byung de gnyis kho na'i yin/ /zhes 'byung ba'i phyir thos pa las byung ba rnams kyi ni ma yin no/ /bsgoms pa las byung ba ni med pa'i phyir ro zhes bya ba ni 'dod pa'i khams mnyam par gzhag pa ma yin pa'i phyir bsgoms pa las byung ba dag med do//bsams pa las byung ba ni med pa'i phyir ro zhes bya ba la/ bsams pa las byung ba med pa'i gtan tshigs ni gang gi tshe de dag sems par rtsol ba de kho na'i tshe de dag gi ting nge 'dzin nyid nye bar gnas par 'gyur ro zhes bya ba yin no//de dag kyang zhes bya ba ni thos pa las byung ba la sogs pa'o/ /chung ngu'i chung ngu dag ni thams cad kyi yin la zhes bya ba ni chung ngu'i chung ngu dag ni mnyam pa chung ngu'i chung ngu gzhan dag dang khyad par can chung ngu'i 'bring po la sogs pa gzhan brgyad kyi yang yin pas thams cad kyi skal ba mnyam pa'i rgyu yin no//chung ngu'i 'bring po dag ni brgyad kyi yin te zhes bya ba ni rnam pa chung ngu'i chung ngu dor te de ni dman pa'i phyir ro//lugs ni de lta'o zhes bya ba ni 'di lta ste chung ngu'i chen po ni bdun gyi yin la/ 'bring po'i chung ngu ni drug gi yin pa nas/ chen po'i chen po ni ngo bo gcig pa chen po'i chen po gzhan dag gi skal ba mnyam pa'i rgyu'i bar du yin pa ste/ de dang de dag ni dman pa yin pa'i phyir snga ma snga ma rnams ni dor bar bya'o//skyes nas thob pa can gyi dge ba'i chos rnams zhes bya ba la skye bas thob pa ni skyes nas thob pa'o/ /de 'di dag la yod pas skyes nas thob pa can dag go/ /rnam pa dgu po thams cad phan tshun du skal ba mnyam pa'i rgyu yin te zhes bya ba ni chung ngu'i chung ngu rnams nas chen po'i chen po rnams kho na'i bar gyi skal ba mnyam pa'i rgyu yin la chen po'i chen po ni chung ngu'i chung ngu rnams nas chen po'i chen po rnams kyi bar gyi skal ba mnyam pa'i rgyu yin no//mngon par 'du byed pa las byung ba ma yin pa'i phyir mnyam pa dang khyad par can dag kho na'i ni ma yin te/skal ba mnyam pa'i rgyu mngon par 'du byed pa'i las byung ba'i 'bras bu ni dman pa yin par mi 'dod kyi mngon par 'du byed pa med pa las byung ba'i ni ma yin no/ /nyon mongs pa can rnams kyang de dang 'dra'o zhes bya ba ni brtsal ba las byung ba ma yin pa'i phyir rnam pa dgu po thams cad phan tshun du skal ba mnyam pa'i rgyu yin pas sngar byung ba thams cad kyang rang gi sa pa phyis 'byung ba thams cad kyi skal ba mnyam pa'i rgyu yin te/'di la mnyam pa dang khyad par can nyid la ltos pa ni med do//de dag ni go rims bzhin du bzhi dang gsum dang gnyis dang gcig dag gi skal ba mnyam pa'i rgyu yin no zhes bya ba la rnam par smin pa las skyes pa ni rnam par smin pa las skyes pa la sogs pa bzhi'i skal ba mnyam pa'i rgyu yin no/ /spyod lam pa dag ni sprul pa ni spyod lam pa la sogs pa gsum kho na'i yin gyi rnam par smin pa las skyes pa rnams kyi ni ma yin te/de dag ni mngon par 'du byed pa las byung ba ma yin pa nyid kyis dman pa'i phyir ro/ /bzo'i gnas pa dag ni gnyis kyi yin no/ /sprul pa dag ni sprul pa rnams kho na'i yin gyi gong ma rnams kyi ni ma yin te/snga ma snga ma dag ni chos mngon par 'du byed pa med pa las byung ba yin pa'i phyir ro/ /sprul pa'i sems bsam gtan bzhi'i 'bras bu 'dod pa na spyod pa yang yin te zhes bya ba ni bsam gtan bzhi po dag gi 'bras bu ste/sprul pa'i sems 'dod pa na spyod pa ni bsam gtan dang po dang gnyis pa dang gsum pa dang bzhi pa'i 'bras bu yin pas rnam pa bzhi'o/ /de yang go rims bzhin du bzhi dang gsum dang gnyis dang gcig dag gi skal ba mnyam pa'i rgyu yin no zhes bya bar sbyar te/bsam gtan dang po'i 'bras bu ni bsam gtan dang po dang gnyis pa dang gsum pa dang bzhi pa'i 'bras bu'i ste/ bzhi'i skal ba mnyam pa'i rgyu yin no/ /bsam gtan gnyis pa'i 'bras bu ni bsam gtan gnyis pa dang gsum pa dang bzhi pa'i 'bras bu'i ste/ gsum gyi skal ba mnyam pa'i rgyu yin no/ /bsam gtan gsum pa'i 'bras bu ni bsam gtan gsum pa dang bzhi pa'i 'bras bu'i ste gnyis kyi yin no/ /bsam gtan bzhi pa'i 'bras bu ni bsam gtan bzhi pa'i 'bras bu gzhan kho na'i ste/ gcig gi skal ba mnyam pa'i rgyu yin no//'dir gang gis de ltar nges pa'i rigs pa ci zhig yod ce na/ rigs pa de bstan par 'dod nas bsam gtan gong ma'i 'bras bu ni bsam gtan 'og ma'i 'bras bu'i ma yin no zhes bya ba rgyas par smos te/ sprul pa'i sems 'dod pa na spyod pa bsam gtan bzhi pa'i 'bras bu ni sprul pa'i sems 'dod pa na spyod pa bsam gtan dang po'i 'bras bu nas sprul pa'i sems 'dod pa na spyod pa bsam gtan gsum pa'i 'bras bu'i bar gyi skal ba mnyam pa'i rgyu ma yin no//ci'i phyir zhe na/ smras pa/ skal ba mnyam pa'i rgyu mngon par 'du byed pa can te/'bad pa chen pos bsgrub par bya ba'i 'bras bu ni de ltar 'bad pa chen pos bsgrub par bya ba ma yin pa dman pa ma yin te/ 'bad pa'i khyad par ji lta bus bsam gtan dang po nas bsam gtan gsum pa'i bar sgrub par byed pa de lta bu kho nas sgrub par byed pa ni ma yin no//'o na ci zhe na/ 'bad pa'i khyad par ches mchog tu gyur pas sgrub par byed do/ /de lta bas na 'bras bu yang 'bad pa'i khyad par mchog tu gyur pas sgrub par byed do zhes bya bar khong du chud par bya'o/ /bsam gtan 'og ma'i 'bras bu ni bsam gtan gong ma'i 'bras bu'i skal ba mnyam pa'i rgyu yin gyi bsam gtan gong ma'i 'bras bu ni bsam gtan 'og ma'i 'bras bu'i ma yin no//bsam gtan bzhi pa'i 'bras bu sbyar ba ji lta bar bsam gtan gsum pa dang gnyis pa'i 'bras bu yang de bzhin du sbyar bar bya'o//de nyid kyi phyir gsungs so zhes bya ba ni gang gi phyir skal ba mnyam pa'i rgyu mngon par 'du byed pa can gyi 'bras bu dman pa ma yin pa de'i phyir gsungs so zhes bya ba'i tha tshig go/ /ci zhig gsungs she na/ zag pa med pa skyes pa zag pa med pa ma skyes pa'i rgyu ma yin pa yod dam zhes bya ba rgyas par smos te/zag pa med pa sdug bsngal la chos shes pa skyes pa ni zag pa med pa sdug bsngal la chos shes pa'i bzod pa mi skye ba'i chos can rnams kyi rgyu ma yin pa lta bu ste/ sdug bsngal la chos shes pa ni mngon par 'du byed pa can nyid kyis sdug bsngal la chos shes pa'i bzod pa dag pas khyad par du 'phags pa'i phyir ro//'di ltar nyon mongs pa'i bral ba'i thob pa dang lhan cig la skye ba gang yin pa de ni khyad par du 'phags pa yin no/ /khyad par can thams cad kyang dman pa'i rgyu ma yin pa lta bu ste/dper na dgra bcom pa nyid las yongs su nyams pa'i mi slob pa'i lam skyes pa ni lan cig phyir 'ong ba dang phyir mi 'ong ba'i lam phyis skye ba dag gi skal ba mnyam pa'i rgyu ma yin pa lta bu'o/ /rgyud gcig la nges pa'i zag pa med pa'i chos sngon thob pa zhes bya ba rgyas par 'byung ba ni rgyud gcig tu gtogs pa'i sdug bsngal la chos shes pa'i bzod pa ma 'ongs pa skad cig ma dang po kho na la thob pa de dag ni ma skyes pa la chos shes pa skad cig ma gnyis pa la skyes pa'i rgyu ma yin te/'di ltar 'bras bu snga ba ni med do//'di la ni sdug bsngal la chos shes pa'i bzod pa dag pas sdug bsngal la chos shes pa ches snga ste/ de ni skyes zin pa'i phyir la de dag ni ma skyes pa'i phyir ro/ /yang na 'di ltar skal ba mnyam pa'i rgyu ma 'ongs pa med pa'i yang phyir ro//sdug bsngal la chos shes pa'i bzod pa ma 'ongs pa dpag tu med pa zhig thob pa kho na yin gyi skyes pa ni ma yin no/ /zag pa med pa'i chos sngar skyes pa zhes bya ba rgyas par 'byung ba ni gang du ma skyes pa ni skal ba mnyam pa'i rgyu ma yin no zhes thob pa tsam gyi chos shig dris par zad [(]gyi [,]kyi [)]chos skyes pa ni ma yin no//da ni ci skyes pa yang skal ba mnyam pa'i rgyu ma yin pa yod dam zhes khyad par gyi ngo bor 'bri ba yin no/ /chen po chung ngu'i lta bu ste zhes bya ba ni khyad par can dman pa'i lta ba zhes bya ba'i tha tshig go/ /'di lta ste 'bras bu gong ma las yongs su nyams pa ste dgra bcom pa nyid kyi 'bras bu las yongs su nyams pa'am/phyir mi 'ong ba'i 'bras bu las yongs su nyams pa 'bras bu 'og ma mngon du byed pa'i tshe ste phyir mi 'ong ba'i 'bras bu mngon du byed pa'am lan cig phyir 'ong ba'i 'bras bu mngon du byed pa'i tshe dgra bcom pa nyid [(]gyi [,]kyi [)]lam chen po'i chen po sngar skyes pa gang yin pa de ni phyir mi 'ong ba'i 'bras bu'am lan cig phyir 'ong ba'i 'bras bu phyis skyes pa'i skal ba mnyam pa'i rgyu ma yin te/dman pa'i phyir ro/ /de bzhin du phyir mi 'ong ba'i 'bras bu las yongs su nyams pa'i phyir mi 'ong ba'i 'bras bu'i lam sngar skyes pa gang yin pa de ni lan cig phyir mi 'ong ba'i 'bras bu phyis skyes pa'i skal ba mnyam pa'i rgyu ma yin te/de dman pa'i phyir ro/ /sdug bsngal la chos shes pa'i bzod pa thob pa zhes bya ba rgyas par 'byung ba ni sdug bsngal la chos shes pa'i thob pa sngar skyes pa gang yin pa de ni skad cig ma phyi ma dang lhan cig skyes pa ste skad cig ma phyi ma sdug bsngal la chos su shes pa'i bzod pa'i mtshan nyid la sogs pa lam la rjes su shes pa'i bzod pa'i bar dag dang lhan cig skyes pa sdug bsngal la chos shes pa'i bzod pa'i thob pa rnams kyi skal ba mnyam pa'i rgyu ma yin no//ci'i phyir zhe na/ de dag ni dman pa'i phyir la de ni khyad par can yin pa'i phyir ro/ /yang ji ltar na de dag ni dman pa nyid yin la de ni khyad par can nyid yin zhe na/ sdug bsngal la chos shes pa'i bzod pa bas ni sdug bsngal la chos shes pa khyad par can yin te/des gzhom par bya ba'i nyon mongs pa'i thob pa las rnam par grol ba'i phyir dang / rgyus shin tu rgyas par byas pa'i phyir ro/ /de lta bas na sdug bsngal la chos shes pa'i bzod pa'i thob pa rgyus shin tu rgyas par byas pa dag pas kyang sdug bsngal la chos shes pa'i thob pa khyad par can yin no//de dag ni dman pa yin te de'i thob pa yin pa'i phyir ro/ /gzhan yang rgyu gnyis po de nyid kyi phyir sdug bsngal la chos shes pa'i thob pa ni sdug bsngal la chos shes pa'i bzod pa'i thob pa skad cig ma dang po la skyes pa bas khyad par can yin la sdug bsngal la chos shes pa'i bzod pa'i thob pa de ni dman pa yin no//de'i phyir de sngon du 'gro ba skad cig ma phyi ma dang lhan cig skyes pa sdug bsngal la chos shes pa'i bzod pa'i thob pa gzhan dag kyang rgyus shin tu rgyas par byas pa yin yang dman pa kho na yin no//de lta bas na de dag gi skal ba mnyam pa'i rgyu ma yin no/ /mtshungs ldan rgyu ni sems dag dang / /sems byung zhes bya ba la/ ni zhes bya ba'i sgra ni nges par gzung ba'am/mtshungs par ldan pa'i rgyu ni sems dang sems las byung ba dag kho na yin no zhes rim pa gzhan du sbyar ba yin no/ /de lta na ni zhes bya ba rgyas par 'byung ba ni gal te mtshungs par ldan pa'i rgyu ni sems dang sems las byung ba kho na yin no/ /zhes de tsam zhig brjod na ni dus tha dad pa las skyes pa rnams kyang dus tha dad pa las skyes pa dag dang lhan cig mtshungs par ldan pa'i rgyur thal bar 'gyur la/rgyud tha dad pa las skyes pa rnams kyang rgyud tha dad pa las skyes pa dag dang lhan cig mtshungs par ldan pa'i rgyur thal bar 'gyur te/dus dang rgyud kyis tha dad pa de dag sems dang sems las byung ba ma yin no/ /'o na ni rnam pa dang dmigs pa gcig pa dag yin no zhes bya ba ni gal te sems dang sems las byung ba dag rnam pa gcig pa ste/ sngon po la sogs pa'i rnam pa gcig pa can dang dmigs pa gcig pa ste/ sngon po la sogs pa'i dmigs pa gcig pa yin na/ de lta na de dag na mtshungs par ldan pa'i rgyu yin gyi gzhan du ni ma yin no/ /de ltar na dus tha dad pa las skyes pa nyid dang rgyud tha dad pa las skyes pa nyid bzlog par 'gyur ro snyam du bsams pa yin no//de lta na yang de nyid du thal bar 'gyur ro zhes bya ba ni dus dang rgyud tha dad pa las skyes pa rnams phan tshun mtshungs par ldan pa'i rgyu nyid du thal bar 'gyur ro zhes bya ba'i tha tshig ste/ sems dang sems las byung ba dus dang rgyud tha dad pa las skyes pa rnams la yang rnam pa dang dmigs pa gcig pa nyid ni srid do//rgyud tha dad pa las skyes pa rnams la yang thal bar 'gyur te zhes bya ba ni dus tha dad pa las skyes pa nyid gcig pu bstsal bar zad kyi/ mang po zla ba tshes pa la sogs pa la lta ba dag ni sems dang sems las byung ba rnam pa dang dmigs pa gcig pa rnams 'byung ngo //rten mtshungs pa can rnams so zhes bya ba ni 'di dag la rten mtshungs shing tha mi dad pa yod pas na rten mtshungs pa dag ste/ mtshungs pa zhes bya ba'i sgra 'dra ba'i don yin par bzung na ni rigs 'dra ba'i phyir de nyid du thal bar 'gyur ro//phan tshun 'bras bu'i don gyis na zhes bya ba ni ji ltar na 'gron pa rnams phan tshun gyi stobs kyis lhan cig lam du 'gro ba de bzhin du sems kyang sems las byung ba'i 'bras bu yin la/ sems las byung ba yang sems kyi yin pas na phan tshun du 'bras bu yin pa'i phyir don 'dis lhan cig 'byung ba'i rgyu yin no//mtshungs pa lngas zhes bya ba rgyas par 'byung ba ni mtshungs pa lnga po rten dang dmigs pa dang rnam pa dang dus dang rdzas mtshungs pa dag gis zhes bya ba'i tha tshig go/ / mtshungs par ldan pa'i don gyis na zhes bya ba ni mtshungs par 'jug pa'i don gyis na mtshungs par ldan pa'i rgyu yin te/ ji ltar phan tshun stobs kyis lam du 'gro ba'i 'gron pa de dag nyid zas dang skom dang khrus dang mal cha dang stan la sogs pa yongs su spyad pa'i bya ba la 'dra bar sbyor ba de bzhin du 'di dag kyang phan tshun mtshungs par ldan pa nyid yin no//de nyid kyi phyir gcig med na yang thams cad mtshungs par ldan pas zhes bya ba smos so/ /kun 'gro lnga zhes bya ba ni de dag kun du 'gro ba yang yin la snga ma yang yin pas kun 'gro snga ma yin te/kun du 'gro ba sngar skyes pa rnams zhes bya ba'i tha tshig go/ /rang gi sa pa'i kun du 'gro ba'i chos sngar skyes pa rnams zhes bya ba ni phra rgyas kun du 'gro ba 'das pa dang da ltar byung ba rnams te/ nyon mongs pa can nyon mongs pa'i ngo bo nyid dang mtshungs par ldan pa dang kun nas bslang ba phyi ma 'das pa dang da ltar byung ba phyi ma rnams dang ma 'ongs pa rnams kyi kun du 'gro ba'i rgyu yin no//bshad par bya'o zhes bya ba ni mdzod kyi gnas lnga pa las/ sdug bsngal rgyu mthong spang bya ba/ /lta dang de bzhin the tshom dang / /gang de lhan cig ma 'dres pa'i//ma rig gang yin kun du 'gro/ /zhes bya ba 'dir bstan par bya ba yin/ nyon mongs pa can gyi chos kyi thun mong gi rgyu nyid yin pas na zhes bya ba rgyas par 'byung ba ni gang gi phyir 'di ni nyon mongs pa can dag kho na'i rigs lnga char gyi yang kun du 'gro ba'i rgyu yin la skal ba mnyam pa'i rgyu ni nyon mongs pa can rnams kyi yang yin nyon mongs pa can ma yin pa rnams kyi yang yin pa de'i phyir logs shig tu rnam par gzhag go//'di ji ltar nyon mongs pa can gyi chos kyi thun mong gi rgyu nyid yin zhes bya ba bstan pa'i phyir ris gzhan dag gi yang rgyu yin pa'i phyir te zhes bya ba smos te/de dag gi mthus ni zhes bya ba ni kun du 'gro ba de dag gi mthus ris gzhan pa'i nyon mongs pa 'dod chags la sogs pa skye bar 'gyur ro/ /de dag kyang gang zhe na/ kun du 'gro ba'i rgyu sdug bsngal mthong bas spang bar bya ba'i ris gzhan ni kun 'byung ba dang 'gog pa dang lam mthong ba dang bsgom pas spang bar bya ba dag yin no//kun du 'gro bas kun 'byung mthong bas spang bar bya ba'i ris gzhan ni sdug bsngal dang 'gog pa dang lam mthong ba dang bsgom pas spang bar bya ba dag yin no//nyon mongs pa'i ris thams cad du 'gro zhing dmigs pa'am nyon mongs pa'i ris thams cad kyi rgyu'i dngos por 'gyur bas na kun du 'gro ba dag yin no/ /de nyid kyi phyir nyon mongs pa thams cad ni 'jig tshogs la lta ba'i rtsa ba can yin no//'jig tshogs la lta ba las rab tu skye ba dang / 'jig tshogs la lta ba las kun 'byung ba yin no zhes gsungs te/ bdag tu 'dzin pa'i sgo nas 'dod chags dang nga rgyal dang khong khro ba la sogs pa kun 'byung ba'i phyir ro/ /ji 'phags pa'i gang zag gi nyon mongs pa can gyi chos rnams kyang zhes bya ba ni 'phags pa'i gang zag gi kun du 'gro ba rnams ni mthong bas spang bar bya ba yin pa'i phyir thams cad spangs pa kho na yin la 'dod chags la sogs pa ni slob pa rnams kun du spyod de/de dag gi 'dod chags la sogs pa de dag ni kun du 'gro ba'i rgyu can ma yin no snyam du sems shing de skad du 'dri ba yin no//nyon mongs pa can gyi chos rnams zhes bya ba ni bye brag tu ma phye ba'i phyir so so'i skye bo dang 'phags pa'i rgyud las skyes pa rnams zhes bya bar shes so/ /mthong bas spang bar bya ba'i chos rnams kyi rnam par smin pa gang yin pa'o zhes bya ba 'di ni don yongs su rdzogs par bya ba'i phyir smos pa yin gyi 'di dper brjod pa ni ma yin no//lung du ma bstan pa'i chos 'dus byas rnams zhes bya ba ni bsgribs la lung du ma bstan pa dang ma bsgribs la lung du ma bstan pa rnams bzung ste bsgribs la lung du ma bstan pa dag ni 'dod pa'i khams kyi 'jig tshogs la lta ba dang mthar 'dzin par lta ba dang de dag dang mtshungs par ldan pa dang /kun nas bslang ba'i chos rnams dang gzugs dang gzugs med pa na spyod pa'i nyon mongs pa can gyi chos rnams so//'dus byas smos pa ni nam mkha' dang so sor brtags pa ma yin pas 'gog pa bstsal ba'i phyir te/ yang dag lung ma bstan bstan dag /ces 'byung bas de gnyis lung du ma bstan pa yin pa'i phyir ro/ / de la 'dod pa na spyod pa'i nyon mongs pa can gyi chos rnams ni ci rigs par 'jig tshogs la lta ba la sogs pa de dag nyid skal ba mnyam pa dang kun du 'gro ba dang lhan cig 'byung ba dang mtshungs par ldan pa'i rgyur gyur pa dag gis lung du ma bstan pa'i rgyu can yin gyi/ gzhan dag gis ni ma yin no/ /sa gong ma pa rnams ni gzhan dag gis kyang yin no zhes bya ba der ni go sla'o/ /ma bsgribs la lung du ma bstan pa rnams ni skal ba mnyam pa'i rgyus bsgribs la lung du ma bstan pa'i rgyu can yin no/ /mi dge ba rnams ni 'dod pa na spyod pa'i 'dod chags la sogs pa yin no//de dag kyang kun du 'gro ba'i rgyus 'jig tshogs la lta ba la sogs pa'i rgyu can yin te 'dir dper brjod pa ni 'di yin no/ /mi dge ba rnams so zhes khyad par du ma byas par 'byung ba'i phyir mthong bas spang bar bya ba dang / bsgom pas spang bar bya ba rnams 'byung ste/'di ni 'dir khungs gnyis pa yin no/ /de dag las gzhan pa sdug bsngal gyi bden pa nyon mongs pa can gang yin pa'o zhes bya ba ni khungs gsum pa yin te/ de dag las gzhan pa sdug bsngal gyi bden pa nyon mongs pa can ni bye brag tu ma phye ba'i phyir mthong bas spang bar bya ba dang bsgom pas spang bar bya ba rnams gzung ste/so so'i skye bo rnams kyi bzhin du 'phags pa rnams kyi bsgom pas spang bar bya ba yang kun du 'gro ba'i 'jig tshogs la lta ba'i rgyu can yin gyi 'jig tshogs la lta ba'i rgyu ni ma yin no zhes de ni bshad zin to//'o na btags pa'i bshad pa ni zhes bya ba ni gal te mi dge ba lung du ma bstan pa'i rgyu can dag kyang yin gyi mi dge ba'i rgyu can 'ba' zhig ni ma yin na/ btags pa'i bshad pa yod de/ 'phags pa'i gang zag 'dod pa'i 'dod chags dang bral ba las yongs su nyams pa de las dang por nyon mongs pa can gyi sems pa mngon du byed pa gang yin pa'o zhes bya ba ji ltar drang /btags pa'i bshad pa'i don ni 'dod pa'i 'dod chags dang bral ba las yongs su nyams pa'i che ni 'phags pa'i gang zag gi sems pa lhan cig 'byung ba'i rgyu dang mtshungs par ldan pa'i rgyus mi dge ba'i rgyu can kho na yin gyi lung du ma bstan pa'i rgyu can ni ma yin te 'jig tshogs dang mthar 'dzin par lta ba dag spangs pa'i phyir ro zhes bya ba yin par 'gyur ro snyam pa'i bsam pa 'dis rgol bar byed do//bye brag tu smra bas de ni rgyu ma spangs pa la dgongs nas gsungs pa yin gyi zhes bya ba smos te btags pa'i bshad pa 'di ni lhan cig 'byung ba'i rgyu dang mtshungs par ldan pa'i rgyu las dgongs shing thugs la dgongs nas gsungs pa yin te/sems pa de'i rgyu mthong bas spang bar bya ba 'jig tshogs la lta ba la sogs pa ni mthong ba'i lam gyis spangs zin pa'i phyir btags pa'i bshad pa las ma gsungs so//mi dge ba rnams dang dge ba'i chos zag pa dang bcas pa rnams zhes bya ba ni mi dge ba rnams ni zag pa dang bcas pa kho na yin pas bye brag tu ma byas so//dge ba dag ni rnam pa gnyis te/ zag pa dang bcas pa dag kyang yin zag pa med pa dag kyang yin pas de'i phyir dge ba zag pa dang bcas pa gang dag yin pa de dag rnam par smin pa'i rgyu yin gyi zag pa med pa dag ni ma yin no zhes bye brag tu byed do/ / rnam par smin pa'i chos can yin pa'i phyir ro zhes bya ba ni rnam par smin pa'i rang bzhin yin pa'i phyir ro zhes bya ba'i tha tshig go/ /stobs chung ba'i phyir te sa bon rul pa bzhin no zhes bya ba rgyas par 'byung ba ni ji ltar sa bon rul pa dag stobs chung ba'i phyir mngon par brlan kyang myu gu skye ba'i rgyur mi 'gyur ba de bzhin du lung du ma bstan pa'i chos rnams sred par mngon par brlan kyang rnam par smin pa skye ba'i rgyur mi 'gyur te stobs chung ba'i phyir ro//zag pa med pa rnams ni stobs dang ldan yang sred pas mngon par ma brlan pa'i phyir rnam par smin pa 'grub par mi byed do//dper na sa bon grung po skam po rnams chu dag gis ma brlan pa'i phyir myu gu 'grub par mi byed pa de dang 'dra'o/ /snga ma dag ni rang gi mthu med pa yin no/ /gzhan dag ni lhan cig byed pa'i rgyu gzhan med pa yin no/ /gang dang ldan pa zhes bya ba ni khams gang dang ldan pa ste/ldan pa ma yin pa 'dod pa la sogs pa dang ldan pa ma yin pa zag pa med pa rnams gang dang ldan pa'i rnam par smin pa zhig mngon par 'grub par byed par 'gyur/ rnam par smin pa ni ldan pa yin par 'gyur gyi mi ldan pa ni ma yin te/ 'dod pa'i khams la sogs pa dang ldan pa'i chos kyi ngo bo nyid yin pa'i phyir ro/ /lhag ma rnams ni zhes bya ba rgyas par 'byung ba ni lhag ma mi dge ba rnams dang dge ba zag pa dang bcas pa rnams ni rnam pa gnyi ga yin zhing rnam pa gnyis yin pa'i phyir te/ stobs dang ldan pa dang mngon par brlan pa'i rnam pa yin pa'i phyir ro zhes bya ba'i tha tshig go//de dag ni rnam par smin pa 'grub par byed de/ dper na sa bon grung po mngon par brlan pa rnams kyis myu gu mngon par 'grub par byed pa dang 'dra'o/ /rnam par smin pa'i rgyu zhig ces bya ba rgyas par 'byung ba ni gal te rnam par smin pa zhes bya ba rnam par smin pas na rnam par smin pa'o zhes bya bar ngo bor bsgrub na ni rnam par smin pa'i rgyu zhes drug par bsdu ba yin no//'on te bdag nyid rnam par smin par 'gyur bas zhes las su sgrub na ni de la rnam par smin pa nyid rgyu yin pas rnam par smin pa'i rgyu'o zhes las kyi gzhir bya ba yin no//des na cir 'gyur zhes bya ba ni des na nyes pa cir 'gyur zhes bya ba yin no/ /gal te rnam par smin pa'i rgyu zhes bya bar ngo bo sgrub par bzung na ni mig rnam par smin pa las skyes pa yin no zhes bya bar der mi 'gyur te/mig ni rnam par smin pa las skyes pa ma yin no/ /'o na ci zhe na/ rnam par smin pa'i rgyu las las zhes bya ba'i tha tshig ste/ rnam par smin pa ni rgyu ma yin no/ /'on te rnam par smin pa nyid rgyu yin pas zhes las su sgrub par gzung na ni/ las kyang rnam par smin par 'gyur bas rnam par smin pa yin pa'i phyir mig rnam par smin pa las skyes pa yin no zhes bya ba 'di ni 'grub mod kyi/'on kyang las kyi rnam par smin pa zhes bya ba der ni mi 'gyur te/ rnam par smin pa ni las kho na la bya'i/ rnam par smin pa ni ma yin la/las kyi rnam par smin pa zhes bya ba 'dir ni ngo bo sgrub pa'i don du bzhed kyi las su sgrub pa ni ma yin no/ /de lta bas na las kyi rnam par smin pa zhes bya ba der mi 'gyur ro/ /gnyis ka ltar yang rung ngo zhes sngar bshad zin to zhes bya ba ni/ rnam par smin pa las skyes pa dang / rgyas las byung ba nang gi lnga/ /zhes bya ba der bshad zin te/ der rnam par smin pa'i rgyu las skyes pa ni rnam par smin pa las skyes pa ste/ bar gyi tshig mi mngon par byas pa'i phyir ba lang gi shing rta zhes bya ba lta bu'o zhes bya ba ni ngo bo bsgrub par gzung ba yin no//yang na 'bras bu'i dus su phyin pa'i las ni rnam par smin pa zhes bya ste/ rnam par smin par 'gyur ba'i phyir ro/ /de las skyes pa ni rnam par smin pa las skyes pa rnams so zhes bya ba ni las su sgrub par gzung ba yin no/ /'bras bu ni rnam par smin pa kho na yin pas rnam par smin pa'o zhes bya ba ni 'bras bu yin par brjod par 'dod na ni ngo bo sgrub pa kho nar yongs su gzung zhes bya ba'i tha tshig go//de lta bas na mig ni rnam par smin pa las skyes pa yin no zhes bya ba yang bar gyi tshig mi mngon par byas te/ngo bo sgrub par smin pa'i sgo nas kyang grub la las kyi rnam par smin pa zhes bya ba yang ngo bo sgrub pa smos pa'i sgo nas 'grub par 'gyur te/ sgras rtogs pa ni brjod par 'dod pa sngon du 'gro ba yin pa'i phyir ro/ /mi 'dra bar smin pa ni rnam par smin pa'o zhes bya ba ni rgyu dang mi 'dra ba'i 'bras bu zhes bya ba'i tha tshig go//rgyu ni lung du bstan pa kho na yin la 'bras bu ni lung du ma bstan pa kho na yin te/ lhan cig 'byung ba'i rgyu la sogs pa'i smin pa ni 'dra ba kho na yin pas khyad par du byas pa yin no/ /bstan bcos chos mngon pa las 'di skad du rnam par 'chad pas de'i phyir 'di skad du/rnam par smin pa'i rgyu phung po gcig la zhes bya ba rgyas par 'god par byed de/ 'di la thob pa dag ni shing ljon pa'i phyi shun bzhin du sems pa la sogs pa las tha dad par gnas pas de dag gi 'bras bu yang yongs su rdzogs par byed pa yin pa'i tshul du logs shig tu brjod do//'di la phung po gcig yod pas na rnam par smin pa'i rgyu phung po gcig pa ste/ phung po gang la thob pa dag yod pa de nyid de la de dag gis skye ba la sogs pa yang yod pas phung po gcig pa yin no//thob pa dag gi 'bras bu gang yin pa de nyid de dag gi skye ba la sogs pa'i yang yin pas 'bras bu thun mong ba'i phyir 'bras bu gcig pa can yin no/ /rnam par smin pa'i rgyu phung po gnyis la 'bras bu gcig pa can ni lus dang ngag gi las dang de dag gi skye ba la sogs pa ste lus dang ngag gi las dag ni gzugs kyi phung por bsdus pa'i phyir la/de dag gi skye ba la sogs pa ni 'du byed kyi phung por bsdus pa'i phyir phung po gnyis yin no/ /de dag gi 'bras bu tha mi dad pa'i phyir 'bras bu gcig pa can yang yin no//phung po bzhi la 'bras bu gcig pa can ni sems dang sems las byung ba dge ba dang mi dge ba skye ba la sogs pa dang bcas pa dag ste sems dang sems las byung ba de dag ni ci rigs par tshor ba dang 'du shes dang 'du byed dang rnam par shes pa'i phung pos bsdus pa'i phyir la skye ba la sogs pa ni 'du byed kyi phung pos bsdus pa'i phyir rnam par smin pa'i rgyu phung po bzhi yin no//'bras bu thun mong ba'i phyir 'bras bu gcig pa can yin te/ sems kyi 'bras bu yang gzhan la sems las byung ba rnams kyi yang gzhan pa ni ma yin no//'dod pa'i khams na mnyam par gzhag pa med pa'i phyir rnam par smin pa'i rgyu phung po lnga la 'bras bu gcig pa ni med do/ /'di na gzugs kyi phung pos sdug bsngal lus dang ngag gi las ni sems dang sems las byung ba dag dang 'bras bu gcig par mi 'gyur te/tshogs pa tha dad pa'i phyir ro/ /phung po gsum pa can ni khams gsum char na yang med de/ sems dang sems las byung ba rnams ni gdon mi za bar 'bras bu gcig pa'i phyir dang / ci rigs par phung po bzhi'i ngo bo nyid yin pa'i yang phyir ro//gzugs kyi khams na rnam par smin pa'i rgyu phung po gcig la zhes bya ba rgyas par 'byung ba ni thob pa skye ba la sogs pa dang bcas pa ni 'du byed kyi phung pos bsdus pa'i phyir phung po gcig yin no/ /de bzhin du 'bras bu thun mong pa'i phyir 'bras bu gcig pa can yang yin no//'du shes med pa'i snyoms par 'jug pa skye ba la sogs pa dang bcas pa yang de dang 'dra ba kho nar brjod par bya'o/ /rnam par rig byed ni gzugs kyis bsdus pa'i phyir la skye ba la sogs pa ni 'du byed kyi phung po'i ngo bo nyid yin pa'i phyir phung po gnyis pa yin no//'bras bu gcig pa can ni snga ma bzhin no/ /dge ba'i sems mnyam par ma bzhag pa la ni rjes su 'jug pa'i gzugs med pas gzugs kyi phung po ma gtogs pa tshor ba la sogs pa'i phung pos bsdus pa'i phyir phung po bzhi pa yin no//phung po lnga pa ni sems mnyam par bzhag pa na ste/ rjes su 'jug pa'i gzugs ni sems la sogs pa dang gcig tu 'byung ba'i phyir ro/ /gzugs med pa'i khams na zhes bya ba rgyas par 'byung ba ni de na gzugs thams cad med pa nyid pas rnam par smin pa'i rgyu phung po gcig pa dang phung po bzhi pa yin te/de la thob pa skye ba la sogs pa dang bcas pa ni phung po gcig yin te/ snga ma bzhin no/ /'gog pa'i snyoms par 'jug pa skye ba la sogs pa dang bcas pa yang rnam par smin pa'i rgyu phung po gcig pa yin no//'bras bu gcig pa can yin no zhes bya ba ni go bar sla'o/ /las kyang yod de zhes bya ba rgyas par 'byung ba ni gang gi rnam par smin pa ni srog gi dbang po yin pa las de'i rnam par smin pa ni gdon mi za bar srog gi dbang po de dang de'i skye ba la sogs pa ldan pa ma yin pa rnams yin la/de thams cad kyang chos kyi skye mched kyis bsdus pa'i phyir rnam par smin pa skye mched gcig rnam par smin par 'gyur ro/ /gang gi yid kyi skye mched yin pa de'i ni gnyis te/ yid dang chos kyi skye mched dag go zhes bya ba ni yid kyi skye mched de'i tshogs pa la ni gdon mi za bar tshor ba la sogs pa dang skye ba la sogs pa lhan cig 'byung ba rnam par smin pa'i ngo bor 'gyur la/tshor ba la sogs pa dang skye ba la sogs pa yang chos kyi skye mched kyis bsdus pa'i phyir rnam par smin pa yid dang chos kyi skye mched dang de gnyis rnam par smin par 'gyur ro//gang gi reg bya'i skye mched yin pa yang de dang 'dra'o zhes bya ba ni reg bya'i skye mched de la gdon mi za bar skye ba la sogs pa yang yod pa'i phyir chos kyi skye mched kyang rnam par smin par 'gyur gyi reg bya'i skye mched 'ba' zhig pa ni ma yin pas de'i skye mched gnyis rnam par smin par 'gyur ro//gang gi lus kyi skye mched yin pa de'i ni gsum ste lus kyi skye mched de nyid dang de ni gdon mi za bar 'byung ba bzhi tshan la brten pa'i phyir de'i rten reg bya'i skye mched 'byung ba bzhi tshan dang de'i skye ba la sogs pa yang yod pas de la gsum pa chos kyi skye mched kyang rnam par smin par 'gyur ro//de dang 'dra'o zhes bya ba rgyas par 'byung ba ni gang gi rnam par smin pa gzugs dang dri dang ro'i skye mched rnams las gang yang rung ba zhig yin pa de'i rnam par smin pa yang de bzhin du skye mched gsum po yin te/gzugs la sogs pa gang yang rung ba'i skye mched de nyid dang de'i rten 'byung ba'i ngo bo nyid reg bya'i skye mched dang de'i skye ba la sogs pa'i ngo bo nyid chos kyi skye mched do/ /gang gi mig gi skye mched yin pa de ni bzhi ste/ mig de nyid dang mig kyang gdon mi za bar lus la rag lus te/'byung ba'i phyir lus kyi skye mched dang snga ma bzhin du reg bya dang chos kyi skye mched dag go/ /gang gi rna ba dang sna dang lce'i skye mched dag yin pa yang de dang 'dra'o zhes bya ba rgyas par 'byung ba ni gang gi rnam par smin pa rna ba la sogs pa gang yang rung ba zhig yin pa de'i rnam par smin pa yang de dang 'dra bar skye mched bzhi yin te/rna ba la sogs pa gang yang rung ba'i skye mched de nyid dang snga ma bzhin du lus dang reg bya dang chos kyi skye mched dag go/ /las de yang yod de zhes bya ba rgyas par 'byung ba ni skye mched lnga nas bcu gcig gi bar zhes ci rigs par sbyar ro//rnam par smin pa skye mched bcu gnyis pa ni med de/ sgra'i skye mched rnam par smin pa'i ngo bo nyid med pa'i phyir ro/ /'di la slob dpon dbyig bshes na re gang gi rnam par smin pa chos kyi skye mched gcig kho na smin par 'gyur ba'i las kyang yod de zhes bya ba mi 'thad do//ci'i phyir zhe na/ srog gi dbang po ni 'phen par byed pa'i las kyi 'bras bu yin pa'i phyir ro/ /re zhig gal te 'dod pa'i khams na las kyi rnam par smin par 'gyur na gdon mi za bar skye mched drug ma dod pa nur nur po la sogs pa'i gnas skabs na ni lus dang srog gi dbang po dag yod do//skye mched drug dod nas ni mig la sogs pa drug dang yid kyi skye mched bdun yod par 'gyur ro/ /gzugs kyi khams na yang bdun no//gzugs med pa'i khams na yang yid dang chos kyi skye mched dag gdon mi za bar yod par 'gyur te/ srog gi dbang po ni skye ba thams cad 'phen par byed pa'i 'bras bu yin pa'i phyir ro/ /yang na 'dir khams gang las bsams zhes smras so//gzugs med pa'i khams yin no/ /de na yang srog gi dbang po ni 'phen par byed pa'i las kyi 'bras bu yin pa'i phyir gdon mi za bar yid kyi skye mched kyang yod par 'gyur la rnam par smin pa ni tshor bas rab tu phye ba'i phyir rnam par smin pa srog gi dbang po kho na rnam par smin par 'gyur ba yang ma yin pas de ni tshor ba la sogs pa yang yod par 'gyur ro zhe na// //bam po bcu dgu pa/ 'dir smras pa/ 'di ni skad cig ma skye ba las bsams nas bshad pa yin te/ skad cig ma gang la gzugs med par skyes pa'i sems rnam par smin pa las skyes pa kun du mi 'byung ba'i skad cig ma de la rnam par smin pa srog gi dbang po kho na 'byung ba'i phyir dang /yid kyi skye mched ni kun du mi 'byung ba'i phyir rnam par smin par srog gi dbang po kho na rnam par smin par 'gyur na ci'i phyir de kun du 'byung ba'i tshe gzhan yid kyi skye mched kyang yod pas de'i rnam par smin pa yid dang chos kyi skye mched gnyis yin zhes rnam par 'chad par byed/'di dpyad par bya ste/ srog gi dbang po ni 'phen par byed pa'i las kyi rnam par smin pa yin no zhes bya ba 'di ni yin na srog gi dbang po rnam par smin pa'i tshe yid kyi skye mched la sogs pa yang rnam par smin par 'gyur gyi/skye mched gzhan rnam par smin pa yin pa ni mi 'gog go/ /'dir ni rnam par smin pa'i rgyu bsam pa yin te gang gi chos kyi skye mched gcig kho na rnam par smin par 'gyur gyi skye mched gzhan ni ma yin pa'i las de yang yod de zhes bya ba 'di tsam zhig brjod par 'dod par zad do//srog gi dbang po 'phen par byed pa'i las nyid la yid kyi skye mched la sogs pa yang rnam par smin par 'gyur gyi skye mched gcig kho na ni ma yin no zhe na/'di la smra bar bya ste/ de la yid la sogs pa gzhan dag yod pa yang las de kho na'i rnam par smin pa yin gyi las gzhan gyi ni ma yin no zhes bya ba'i nges pa 'di cis byas/ ris mthun pa yang las gcig gi rnam par smin pa yin la/srog gi dbang po yang gzhan gyi yin/ yid kyi skye mched la sogs pa yang gzhan kho na'i yin no zhes bya ba'i srid pa gang yin pa ni yod do/ /gal te khyod ji ltar gang gis mig gi skye mched yin pa de ni mig dang lus dang reg bya dang chos kyi skye mched rnams so zhes bya ba'i skabs su gang gi rnam par smin pa mig gi skye mched yin pa de'i ni gdon mi za ba yin pa'i phyir lus kyi skye mched kyang yin pa de bzhin du yid kyi skye mched la sogs pa yang las de kho na'i rnam par smin pa yin no zhes bya bar 'gyur na/de ni ma yin te/ 'ga' zhig ni 'ga' zhig kho na la rag las te 'byung ba'i phyir te/ mig gi dbang po ni lus kyi dbang po med par 'byung ba med kyi srog gi dbang po ni rnam par smin pa'i yid med kyang 'byung ba yod pas 'di ni mi mtshungs so//slob dpon 'dus bzang na re gang gi rnam par smin pa chos kyi skye mched kho na rnam par smin par 'gyur ba'i las kyang yod de/ gang gi srog gi dbang po yin pa'o/ /gang gi mig gi skye mched yin pa de'i ni lnga ste/ mig dang lus dang gzugs dang reg bya dang chos kyi skye mched rnams so//lce'i skye mched kyi bar du yang de dang 'dra'o/ /gang gi lus kyi skye mched yin pa de'i ni bzhi ste/ lus dang gzugs dang reg bya dang chos kyi skye mched rnams so zhes zer te/ gzugs med na mi 'byung ba yin pa'i phyir gzugs kyi skye mched kyang mig sgrub par byed pa'i las de nyid kyi rnam par smin pa yin no zhes gzhung lugs gzhan zhig 'dod par byed do//slob dpon 'di ni gzugs kyi skye mched las de kho na'i rnam par smin pa yin par nges pa med do zhes bya ba phyogs gzhan gang gi lus kyi skye mched yin pa de'i ni gsum mo//gang gi mig gi skye mched yin pa de'i ni bzhi'o zhes bya ba'i rjes su 'brang ste/ srog gi dbang po dang ris mthun pa la sogs pa phan tshun med na mi 'byung ba rnams gdon mi za bar las gcig kho na'i rnam par smin pa yin pa ni ma yin no snyam du bsams pa yin no//rnam par bshad pa byed pa rnams kyis phyogs de gnyis bris pa la de dag gang zhig gang la dad pa de des yongs su bzung bar zad de/ zhar la 'ongs pas chog go/ /yang ji ltar na las kha cig gi rnam par smin pa ni skye mched gcig rnam par smin par gyur pa nas kha cig gi ni bcu gcig gi bar yin zhe na/de'i phyir las kyi 'bras bu sna tshogs dang sna tshogs ma yin pa'i phyir zhes bya ba rgyas par smos so/ /pad+ma dang bal po se'u dang shing n+ya gro d+ha la sogs pa dag gi sa bon te pad+ma la sogs pa'i sa bon ni 'bras bu rtsa ba dang myu gu dang sdong bu dang 'dab ma dang ze ba dang ze 'bru dang snying po sna tshogs pa yin la/shing n+ya gro d+ha la sogs pa yang yal ga'i mdo dang yal ga dang 'dab ma dang mgo lcog dang myu gu dang me tog dang 'bras bu du ma phun sum tshogs pa sprin lta bur snang ngo //kha cig ni 'bras bu sna tshogs pa ma yin te/ 'di lta ste nas dang gro la sogs pa'i sa bon dag lta bu'o/ /'bras bu ngo bo gcig pa'i phyir te 'di ni sa bon gyi chos nyid yin no/ /las dus gcig pa'i ste 'das pa'i rnam par smin pa dus gsum pa ste 'das pa dang ma 'ongs pa dang da ltar byung ba rnam par smin par ni 'gyur gyi las dus gnyis pa yang ste 'das pa dang da ltar byung ba'i yang dus gcig pa ste ma 'ongs pa ni ma yin no//bzlog pa ni ma yin no zhes bya ba ni las skad cig ma mang po'i skad cig ma gcig pa ste/rgyu bas 'bras bu ha cang nyung bar 'gyur du 'ong ba'i phyir ro zhes bya bar sbyar ro/ /rnam par smin pa ni las dang lhan cig tu rnam par smin pa yang ma yin te/ lhan cig skyes pa ni lhan cig 'byung ba dang mtshungs par ldan pa'i rgyu dag bya ba byed pa'i phyir la rnam par smin pa'i rgyu ni mi 'dra bar smin pa la ltos pa'i phyir ro//rnam par smin pa mjug thogs su rnam par smin pa yang ma yin no/ /ci'i phyir zhe na/ mjug thogs kyi skad cig ma ni mtshungs pa de ma thag pa'i rkyen gyis drangs pa'i phyir te/'di ltar mjug thogs kyi skad cig ma ni mtshungs pa de ma thag pa'i rkyen gyi stobs kyis drangs pa yin gyi mtshungs pa de ma thag pa'i rkyen 'di rnam par smin pa'i rgyu yin yang / rnam par smin pa'i rgyu'i stobs kyis drangs pa ni ma yin no//'di ni de lta bu kho na yin te/ 'di ltar mtshungs pa de ma thag pa'i rkyen rnam par smin pa'i rgyu las mjug thogs kyi skad cig ma res 'ga' ni dge ba res 'ga' ni mi dge ba res 'ga' ni lung du ma bstan par 'byung ngo //de lta ma yin no lung du ma bstan pa kho nar 'gyur ro/ /rnam pa gcig tu mjug thogs kyi skad cig ma rnam par smin pa'i ngo bo nyid ma yin pa mtshungs pa de ma thag pa'i rkyen gyis drangs pa'i phyir ro/ /rnam par smin pa'i ngo bo nyid ni ma yin te/mtshungs pa de ma thag pa'i rkyen gyis ma drangs pa'i phyir ro snyam du bsams pa yin no/ /rnam par smin pa'i rgyu las 'bras bu smin pa ni rgyun la ltos pa yin no zhes bya ba ni sems dang sems las byung ba'i rgyun yod na rnam par smin pa'i rgyu 'das pas rnam par smin pa'i 'bras bu 'byin par 'gyur te/'di ni chos nyid yin no snyam du bsams pa'o/ /'di dag gi dus nges pa don gyis ni bshad mod kyi zhes bya ba ni don gyis bshad kyi rang gi sgras ni ma yin no zhes bya ba'i tha tshig go/ /brjod pa ni rnam pa gnyis te/rang gi sgras bstan pa dang / don gyis bshad pa'o/ /ji lta zhe na/ skal mnyam rgyu ni 'dra ba'o/ /rang ris sa pa'o sngar skyes rnams/ /zhes bya ba dang / de bzhin du/ kun 'gro zhes bya nyon mongs can/ /rnams kyi rang sar kun 'gro lnga/ /zhes 'byung ba'i phyir skal ba mnyam pa dang kun du 'gro ba'i rgyu dag ni 'das pa dang da ltar byung ba dag kho na yod kyi ma 'ongs pa dag ni med do//lhan cig 'byung ba dang mtshungs par ldan pa dang rnam par smin pa'i rgyu dag ni khyad par ma smos pa nyid kyi phyir don gyis na dus gsum pa yin no zhes bshad pa yin no//skal ba mnyam pa dang kun du 'gro ba'i rgyu dag kho na sngar skyes pa yin la/ sngar skyes pa kho na yang de dag yin no zhes nges par gzung ba'i phyir dang / phan tshun du 'bras bu nyid yin par 'byung ba'i phyir dang / sems la sogs pa dang / mi dge ba la sogs pa'i ngo bo nyid yin pa'i phyir 'di rnams dus su ma gtogs pa nyid bzlog pa yin no/ /mdor bya ste zhes bya ba ni bsdus te/ mdor bya ba'am mdor ma byas pa mdor bya ba yin no/ /'dir gtan tshigs ni bshad zin to zhes bya ba ji ltar bshad ce na/ skal ba mnyam pa'i rgyu ni rgyu mthun pa'i 'bras bus 'bras bu dang bcas pa yin na/ de yang ma 'ongs pa la rigs pa ma yin te/ snga phyi med pa'i phyir ro zhes bya ba de lta bu la sogs pa yin te/ skal ba mnyam pa'i rgyu'i gtan tshigs bshad pa gang yin pa de ni kun du 'gro ba'i rgyu'i gtan tshigs bshad pa'i ngo bo yin par yang rig par bya'o//kun du 'gro ba'i rgyu ni skal ba mnyam pa'i rgyu dang 'dra ste/ skal ba mnyam pa'i rgyu ni nyon mongs pa can rnams kyi rgyu nyon mongs pa can yin no/ /kun du 'gro ba'i rgyu yang nyon mongs pa can rnams kyi rgyu nyon mongs pa can kho na yin la/'di ni nyon mongs pa can gyi chos spyi'i rgyu yin pa nyid kyis skal ba mnyam pa'i rgyu las logs shig tu rnam par bzhag go zhes de ni bshad zin to/ /'di ni skal ba mnyam pa'i rgyu kho na bzhin du ma 'ongs pa yang med la rgyu mthun pa'i 'bras bus 'bras bu dang bcas pa yang yin pas 'di'i tshul ni de kho na dang 'dra'o//gsum po dag ni dus gsum pa zhes bya ba ni dus gsum pa kho na gsum yin la/ gsum kho na yang dus gsum pa yin no zhes nges par gzung ba'i phyir byed rgyu'i rgyu ni de lta ma yin par 'gyur ro//ji ltar de lta ma yin zhe na/ byed rgyu'i rgyu ni dus nges pa ma bstan pas dus thams cad pa dang dus dang bral bar yang rig par bya'o zhes bya ba smos te/ rang las gzhan pa rang gi ngo bo ma gtogs pa chos thams cad ni byed rgyu'i rgyu yin no/ / de'i phyir na de ltar 'gyur gyi gzhan du ni ma yin no/ /rgyu dang 'bras bu zhes bya ba 'di gnyis ni phan tshun ltos pa yin pas de'i rgyu de dag gang gi yin pa'i 'bras bu de gang zhe na zhes 'dri'o/ /'dus byas bral bcas 'bras bu yin/ /zhes bya ba ni nam mkha' dang so sor brtags pa ma yin pas 'gog pa ma gtogs pa chos thams cad 'bras bu yin no zhes bshad par 'gyur ro//de lta na 'o na ni zhes bya ba rgyas par 'byung ba ni 'dus ma byas 'bras bu yin pa'i phyir te/ 'dus ma byas 'bras bu yin pas na 'di'i bdag nyid las gzhan pa 'dus ma byas de gang gi 'bras bu yin pa'i rgyu gzhan zhig kyang yod par 'gyur la 'dus ma byas rgyu yin pa'i phyir 'di'i bdag nyid las gzhan pa 'dus ma byas de gang gi rgyu yin pa'i 'bras bu gzhan zhig kyang yod par 'gyur ro zhe na/'dus ma byas la rgyu dang 'bras bu de dag med de/ bral ba'i 'bras bu ni 'dus ma byas so sor brtags pas 'gog pa'i mtshan nyid yin no/ /de la ni rgyu gzhan med de/ bskyed par bya ba ma yin pa'i phyir ro/ /rgyu ni yin te/ 'dus byas skye ba la bgegs mi byed pa'i ngo bor gnas pa'i phyir ro//de la 'bras bu rnam par gzhag pa yang med de/ 'bras bu 'dzin pa dang dmigs pa'i mthu med pa'i phyir ro/ /de nyid kyi phyir rgyu rnam pa drug mi srid pa'i phyir dang zhes bya ba rgyas par smos so/ / 'di la lhan cig 'byung ba'i rgyu dang mtshungs par ldan pa'i rgyu ni mi srid do/ /de dang chos 'ga' yang lhan cig mi 'byung ba'i phyir dang / mtshungs par mi ldan pa'i phyir ro/ /'di la skal ba mnyam pa'i rgyu yang 'ga' yang med de/ 'dus byas dang mi 'dra ba'i phyir dang sa mtshungs pa nyid du mi rung ba'i phyir ro//de nyid kyi phyir dang / de nyon mongs pa can ma yin pa'i phyir kun du 'gro ba'i rgyu yang med de/ rnam par smin pa'i ngo bo nyid ma yin pa'i phyir 'di la rnam par smin pa'i rgyu yang med de/ rnam par smin pa'i chos ni sems can du bgrang ba dang khams su gtogs pa yin no//bskyed par bya ba ma yin pa kho na'i phyir yang de la rgyu 'di dag med do/ /bskyed par bya ba ma yin pa nyid kyi phyir 'di la byed rgyu'i rgyu yang med de/ de nyid kyi phyir/ ci'i phyir lam 'bral ba'i byed rgyu'i rgyur mi 'dod ce na/ 'di ltar de ni skye ba la bgegs mi byed pa'i ngo bor rnam par gzhag pa yin na 'dus ma byas ni skye ba dang ldan pa ma yin no zhes bya ba smos so/ /dus su ma gtogs pa'i phyir yang 'di la rgyu dag med de/ rgyu ni dus su gtogs pa'i chos kyi yin par rnam par gzhag go//de ltar na rgyu rnam pa drug mi srid pa'i phyir 'dus ma byas la rgyu med do/ /'bras bu rnam pa lnga mi srid pa'i phyir 'dus ma byas la 'bras bu yang med do/ /ci'i phyir zhe na/ re zhig spyir dus las rnam par grol ba la 'bras bu 'dzin pa dang / smin pa'i mthu med pa'i phyir te/'di skad du/ lnga po da ltar 'bras bu dag /'dzin te gnyis ni 'byin par byed/ /ces bya ba de lta bu la sogs pa 'byung ba yin no/ /gzhan yang re zhig bdag po'i 'bras bu ni med de de ni/ sngon 'byung ma yin 'dus byas ni/ /'dus byas kho na'i bdag po'i 'bras//zhes 'byung bas lhan cig skyes pa dang phyis byung ba yin na/ de yang skye ba dang ldan pa ma yin pas 'di la 'bras bu lhan cig skyes pa dang phyis skyes pa med do/ /skye ba dang ldan pa ma yin pa nyid kyi phyir rgyu mthun pa'i 'bras bu yang med do/ / rgyu mthun pa'i 'bras bu ni skye ba dang ldan pa dang 'dra ba'i chos skye ba dang ldan pa yin no/ /de nyid kyi phyir dang / skyes bu'i byed pa med pa'i phyir 'dus ma byas la skyes bu byed pa'i 'bras bu yang med de/ /gang gi mthus gang zhig skye ba'am 'thob pa de ni de'i skyes bu'i byed pa'i 'bras bu yin no//de nyid kyi phyir na bral ba'i 'bras bu yang med de/ bral ba ni lam gyi stobs kho nas 'thob na lam de yang 'dus byas yin no/ /rnam par smin pa'i rgyu dang chos mi mthun pa'i phyir rnam par smin pa'i 'bras bu yang med de/ /rnam par smin pa'i 'bras bu rgyu ni zag pa dang bcas pa yin na/'dus ma byas ni zag pa dang bcas pa yang ma yin no/ /rnam pa gcig tu na rgyu rnam pa lnga dang chos mi mthun pa'i phyir 'bras bu rnam pa lnga mi srid pas 'dus ma byas la 'bras bu mi srid do/ / gal te lam 'bral ba'i byed rgyu'i rgyu yin par mi 'dod na/ da ni de gang gi 'bras bu yin te/ 'bras bu ni rgyu dang ldan par 'gyur dgos so/ /yang na ji ltar de rnam pa gang gis na 'bras bu yin zhe na/ smras pa/ re zhig de gang gi 'bras bu yin zhes gang smras pa de ni lam gyi yin no//de ji ltar 'bras bu yin zhes gang smras pa ni de'i stobs kyis 'thob pa'i phyir 'bras bu yin te lam gyi stobs kyis 'thob pa'i phyir ro zhes bya ba'i tha tshig go/ /yang na tshig 'di ltar sbyar te/ de gang gi 'bras bu yin zhe na lam gyi 'bras bu yin no//de ji ltar na 'bras bu yin zhe na/ de'i stobs kyis 'thob pa'i phyir ro zhes bya'o/ 'o na ni lam de thob pa de kho na la nus pa'i phyir thob pa kho na lam gyi 'bras bu yin gyi bral ba ni ma yin no/ /ci zhe na/ lam gyi 'bras bu zhes bya bar skabs dang sbyar ro//de la nus pa med pa'i phyir zhes bya ba yin te/ /lam ni bral ba la nus pa med pa'i phyir ro zhes bya ba'i tha tshig go/ /de lta bas na re zhig lam ni ji ltar yang 'di'i rgyu ma yin te/ lam ni 'di'i rgyur rgyu drug po dag las gang yang ma yin no/ / bral ba ni 'di'i 'bras bu yin te/ thob par bya ba'i 'bras bu yin gyi bskyed par bya ba ni ma yin no snyam du bsams pa'o/ /kha cig ni byed pa po dang / shes par byed pa dang / gsal bar byed pa dang / 'jig par byed pa dang / 'thob par byed pa zhes bya ba'i rgyu rnam pa lngar 'dod de/byed pa po'i rgyu ni myu gu'i sa bon lta bu'o/ /shes par byed pa ni me'i du ba lta bu'o/ /gsal bar byed pa ni bum pa'i mar me lta bu'o/ /'jig par byed pa ni bum pa'i tho ba lta bu'o/ /thob par byed pa ni yul gzhan du phyin par bya ba'i shing rta lta bu'o zhes zer ro//de ltar na lam ni 'di thob par byed pa yin gyi skyed par byed pa'i rgyu ni ma yin la bral ba'i 'bras bu yang thob par bya ba yin gyi bskyed par bya ba ni ma yin no zhes bstan par 'gyur ro/ /yang bdag po'i 'bras bu yang med na go zhes bya ba rgyas par 'byung ba ni gal te 'dus ma byas la 'bras bu zhig yod par gyur na de ni byed rgyu'i rgyu nyid du rnam par gzhag pa'i phyir bdag po'i 'bras bu yin par 'gyur grang na/'dus ma byas la de dag med/ /ces 'byung ba'i phyir 'di la de yang bzlog ste bkag pa dang rgol bar byed pa/yang na bdag po'i 'bras bu yang med na go ji ltar na 'dus ma byas byed rgyu'i rgyu yin zhes 'dri bar byed do/ /skye ba la mi sgrib pa'i dngos pos byed rgyu'i rgyu yin te skye ba la mi sgrib pa'i dngos po zhes smos pa'i phyir 'dus ma byas 'di ni 'dus byas kho na'i byed rgyu'i rgyur rnam par gzhag gi 'dus ma byas kyi ni ma yin no zhes bstan pa yin no//ci'i phyir 'dus byas bzhin du 'di'i 'bras bu rnam par mi gzhag ce na/ de'i phyir/ dus las grol ba la 'bras bu 'dzin pa dang smin pa'i mthu med pa'i phyir ro zhes bya ba smos te/dus kyis bsdus pa'i chos kho na la 'bras bu 'dzin pa dang smin pa'i mthu yod kyi gzhan la ni med de/ lnga po da ltar 'bras bu dag /'dzin te gnyis ni 'byin par byed/ /ces 'chad par 'gyur ro/ /rnam grangs kyis gsungs so zhes bya ba ni sgra gzhan gyis bshad kyi/rang gi sgras ni ma yin no zhes bya ba'i tha tshig go/ /de dag kyang mi rtag pa yin na zhes bya ba ni de dag kyang mi rtag pa kho na'o zhes nges par gzung ba'i phyir rtag pa ni rgyu ma yin no/ /dmigs pa'i rkyen du yang mi 'gyur ro zhes bya ba ni rgyu gang dag yin pa dang rkyen gang dag yin pa zhes 'byung ba'i phyir ji ltar de las rgyu dag mi rtag par bshad pa de bzhin du rkyen dag kyang mi rtag pa kho nar bshad pa yin no//de lta bas na 'dus ma byas dmigs pa'i rkyen du yang mi 'gyur ro/ / skyed pa'i zhes bkar ba'i phyir zhes bya ba ni gzugs skyed pa'i rgyu gang dag yin pa dang / rkyen gang dag yin pa de dag kyang mi rtag pa yin gyi/ skyed par mi byed pa'i gang dag yin pa ni ma yin no/ /rkyen ni rnam pa gnyis te/ skyed par byed pa dag dang skyed par byed pa ma yin pa dag yin la/dmigs pa'i rkyen ni skyed par byed pa ma yin pa dag ste/ /dmigs pa tsam yin pa'i phyir ro/ /dmigs pa'i rkyen ni da ltar gyi sems dang sems las byung ba rnams kyis 'dzin pa'i phyir chos 'gag pa la bya ba byed do//gnyis po dag ni 'gag pa la bya ba byed ces 'byung ba'i phyir ro/ /rgyu rnams kyang zhes bya ba rgyas par 'byung ba ni rgyu yang skyed par byed pa dang / skyed par byed pa ma yin pa yin te/ de lta bas na 'dus ma byas skyed par byed pa ma yin pa yang mi sgrib pa'i dngos po tsam gyis byed pa'i rgyu nyid du mi dgag pa ma yin nam/ mdo las dmigs pa'i rkyen yin par gsungs kyi zhes bya ba ni rkyen ni bzhi ste zhes bya ba'i mdo 'di las so/ /bkag pa ni med do zhes bya ba ni chos nyid dang mi 'gal ba'i phyir nyes pa med do snyam du bsams pa yin no//mdo rnams kyang phal cher nub na zhes bya ba ni yang dag par bsdus pa'i bzhi po nyams pa'i phyir ro/ /'di la slob dpon ni chos nyid dang 'gal ba med pas 'bad pa med de/'on kyang 'dus ma byas nyid yod pa zhig yin nam/ 'on te med ces dpyod par ni byed do/ /'dus ma byas thams cad kyang zhes bya ba ni so sor brtags pas 'gog pa 'ba' zhig tu ma zad do/ /gzugs dang tshor ba la sogs pa bzhin du zhes bya ba la sogs pa zhes bya ba'i sgras ni sgra dang 'du shes dang mig la sogs pa bsdus te/mdo sde pa rnams na re ji ltar gzugs las tshor ba yang dngos po gzhan yin pa dang tshor ba las kyang 'du shes dngos po gzhan yin pa nas 'du byed rnams kyi bar las rnam par shes pa dngos po gzhan yin pa de bzhin nyid du 'dus ma byas ni gzugs la sogs pa lnga las dngos po gzhan du yod pa ma yin no//de'i phyir 'dus ma byas ni rdzas su med do zhes zer ro/ /reg bya med pa tsam zhes bya ba ni thogs pa dang bcas pa'i rdzas med pa zhes bya ba'i tha tshig go//ma rnyed na zhes bya ba ni ma rnyed pa na'o/ /phra rgyas dang skye ba skyes pa 'gags nas so sor brtags pa'i stobs te/ shes rab kyi stobs kyis phra rgyas dang skye ba gzhan mi skye ba ni so sor brtags pas 'gog pa yin/de ltar na phra rgyas 'gog pa ni kun 'byung ba'i bden pa 'gog pa yin no/ /skye ba 'gog pa ni sdug bsngal gyi bden pa 'gog pa yin no zhes bshad par 'gyur ro/ /phung po lhag ma dang bcas pa dang / phung po'i lhag ma med pa'i mya ngan las 'das pa rnam par gzhag pa'i phyir yang gnyi ga smos pa yin no//mdo sde pa'i lugs kyi phra rgyas ni gang dag yin/ de dag kyang skye ba ni so sor brtags pa'i stobs kyis ji ltar 'gog ce na/ phra rgyas ni phra rgyas dgu bcu rtsa brgyad kyi bag chags yin te/skad cig ma dang po la ni phra rgyas gang gi gnyen po so sor brtags pa'i lam gang yin pa de dang phra rgyas de lhan cig tu skye'o/ /skad cig ma gnyis pa la sogs pa la ni de'i stobs kyis de 'gog go/ /de'i stobs kho nas yang srid pa'i skye ba nying mtshams sbyor bar mi byed pa'i 'gog pa yang yin no//dper na bar ma dor 'chi ba'i ris mthun pa lhag ma lta bu'o zhes bya ba rgyas par 'byung ba la/ ris mthun pa'i mi la sogs pa'i mtshan nyid dam/ phung po lnga'i mtshan nyid kyi bdag gi ngo bo yin no//de'i lhag ma ni de'i mtshan nyid kho nar skye ba ste/ bar ma dor 'chi ba'i ris mthun pa lhag ma de yongs su ma rdzogs pa kho nar rkyen ma tshang bas mi skye ba gang yin pa de ni so sor brtags pa ma yin pas 'gog pa yin no//rkyen ma tshang ba ni yo byad la sogs pa'i rkyen ma tshogs pas phung po'i tha ma 'chi ba zhes bya ba rnams ris mthun pa mtshams sbyor bar mi nus pa gang yin pa'o/ /de'i phyir de ni so sor brtags pas 'gog pa yin no zhes bya ba ni phung po'i lhag ma dang bcas pa'i mya ngan las 'das pa'i dbyings yin no//sdug bsngal mi skye ba zhes bya ba ni phung po'i lhag ma med pa yin no/ /so sor brtags pa ma yin pas 'gog par bshad pa gang yin pa sdug bsngal mi skye ba de yang skye ba'i rgyu phra rgyas ma tshang ba ni so sor brtags pas byas pa'i phyir so sor brtags pa med par mi 'grub ste/de'i phyir de ni so sor brtags pas 'gog pa kho na yin no/ /rang gi ngang gis 'gag pa'i phyir ro zhes bya ba ni bdag nyid kyis 'gag pa'i phyir gyi shes rab kyi mthus ni ma yin no zhes bya ba'i tha tshig go//ma zhig na de med pa'i phyir ro zhes bya ba ni phra rgyas de ma zhig na so sor brtags pa ma yin pas 'gog pa de med pa'i phyir ro/ /skye ba la gags ma byas pa can zhes bya ba ni 'di dag la skye ba la gags ma byas pa yod pas skye ba la gags ma byas pa can dag ste/de dag skye ba la gags byed pa'i dngos po gang yin pa de ni 'di la so sor brtags pa'i mthu yin no/ /gal te mi skye ba kho na zhes bya ba rgyas par 'byung ba ni spangs pa ni mya ngan las 'das pa yin par 'dod do//gal te mi skye ba la mya ngan las 'das pa zhes bya bar gyur na mi skye ba ni ma 'ongs pa kho na yin gyi 'das pa dang da ltar byung ba ni skyes zin pa'i phyir mi skye ba med na ji ltar mdo las/ 'das pa dang ma 'ongs pa dang da ltar byung ba'i sdug bsngal spang bar 'gyur ro zhes bshad/mdo'i tshig de ni ji ltar drang / gang gi ltar na mya ngan las 'das pa rdzas gzhan yin pa de'i ltar na ni de dag kun du bsten pa la sogs pas 'das pa dang da ltar byung ba dag gi mya ngan las 'das pa yang 'thob par 'gyur bas mdo'i tshig 'di legs par drangs pa yin no//de la dmigs pa'i nyon mongs pa spangs pas zhes bya ba ni sdug bsngal la dmigs pa'i nyon mongs pa spangs pas zhes bya ba'i tha tshig go/ /gzugs la 'dun pa dang 'dod chags gang yin pa zhes bya ba la 'dun pa ni ma 'ongs pa la don du gnyer ba'o//'dod chags ni thob pa'i don la lhag par zhen pa'o/ /rgyas par rnam par shes pa'i bar du gsungs te zhes bya ba ni tshor ba dang 'du shes dang 'du byed dag dang rnam par shes pa la 'dun pa dang 'dod chags gang yin pa de spongs shig /'dun pa dang 'dod chags spangs na khyed kyis rnam par shes pa de lta bu de yang spangs par 'gyur ro zhes bya ba yin no/ /de ltar na dus gsum pa'i sdug bsngal yang zhes bya ba ni 'dun pa dang 'dod chags spangs pa kho na gzugs la sogs pa sdug bsngal spangs pa yin la//'dun pa dang 'dod chags ma 'ongs pa de yang mi skye bar 'gyur te/ de'i phyir dus gsum pa'i sdug bsngal yang spang bar rung ngo zhes ston par byed do/ /der yang tshul ni 'di kho na yin no zhes bya ba ni gal te 'das pa dang ma 'ongs pa dang da ltar byung ba'i nyon mongs pa spang bar 'gyur ro zhes 'byung ba der yang tshul ni nyon mongs pa 'dod chags sam zhe sdang la 'dun pa dang 'dod chags gang yin pa de spongs shig ces bya ba rgyas par sbyar ba 'di kho na yin te/de la dmigs pa'i nyon mongs pa spangs pas kyang nyon mongs pa spangs pa yin gyi/ rang gi ngo bos ni ma yin pa nyid pas dus gsum pa'i nyon mongs pa yang spangs par rung ngo zhes bya ba'i tha tshig go/ /yang na dgongs pa ni zhes bya ba rgyas par 'byung ba la/tshe rabs snga ma pa ni tshe rabs snga ma la yod pa yin no/ /tshe 'di pa ni tshe 'di la yod pa yin te/ de ltar na nyon mongs pa skad cig ma gcig pa bstsal pa yin no/ /'di ji ltar rtogs par bya zhe na/ tshe rabs snga ma dang tshe 'di pa'i nyon mongs pa thams cad sbyar gyi skad cig ma gcig ni ma yin no//de'i phyir dper na sred pa rnam par spyad pa dag la zhes bya ba rgyas par smos te/ gzhan dag la yang de lta bu mthong bas de lta bu yin par khong du chud par bya'o/ /'das pa'i dus kyi skad cig ma gcig la sred pa rnam par spyad pa bco brgyad ji ltar rung ste/de'i phyir 'das pa'i tshe rabs kyi dbang du mdzad nas gsungs pa yin no/ /sred par rnam par spyad pa bco brgyad ni dge slong dag bdag go snyam du 'dzin pa yod na/ bdag ni 'di lta bu zhig yin no snyam du sems par 'gyur zhing bdag ni de 'di lta zhig yin no snyam pa dang /bdag ni yod pa yin no snyam pa dang / bdag ni med pa yin no snyam pa dang / bdag ni gzhan du yin no snyam du sems par yang 'gyur ro/ / 'di 'byung bar 'gyur ro snyam du sems par 'gyur zhing 'di 'byung bar mi 'gyur ro snyam pa dang / 'di lta bur 'byung bar 'gyur ro snyam pa dang / de lta bur 'byung bar 'gyur ro snyam pa dang / gzhan du 'byung bar 'gyur ro snyam du sems par yang 'gyur ro//'di 'byung bar 'gyur snyam du sems par 'gyur zhing / 'di lta bur 'byung bar 'gyur ram snyam pa dang / de lta bur 'byung bar 'gyur ram snyam pa dang / gzhan du 'byung bar 'gyur ram snyam du sems par yang 'gyur ro/ /'di 'byung bar 'gyur ram mi 'gyur zhig gu snyam du sems par 'gyur zhing de ltar 'byung bar 'gyur ram mi 'gyur zhig gu snyam pa dang /'di lta bur 'byung bar 'gyur ram mi 'gyur zhig gu snyam pa dang / gzhan du 'byung bar 'gyur ram mi 'gyur zhig gu snyam du sems par yang 'gyur ro zhes bya ba yin te/da ltar byung ba'i bar du yang de dang 'dra'o/ /de bzhin du 'dir yang tshe rabs snga ma pa dang tshe rabs 'di pa'i nyon mongs pa'i rgyun mtha' dag sbyar gyi skad cig ma gcig ni ma yin no/ /de ltar rab tu bsgrubs nas 'dod pa bstan par bya ba'i phyir nyon mongs pa gnyis po des zhes bya ba rgyas par smos te/tshe rabs snga ma pa dang tshe 'di pa zhes bya ba'i nyon mongs pa gnyis kyis da ltar byung ba'i rgyu dang 'di la ma 'ongs pa bskyed pa'i phyir sa bon gyi dngos po ste bag chags kyi mtshan nyid kyi nus pa bzhag la/sa bon gyi dngos po de spangs pas nyon mongs pa gnyis po de yang spangs pa yin te/ dper na rnam par smin pa zad pas rnam par smin pa nye bar spyad nas las zad par 'gyur ba nye bar 'dogs pa de dang 'dra'o/ / 'o na ma 'ongs pa spangs pa ji ltar rnam par gzhag /des gang zhig spangs pas de spang bar 'gyur ba rgyun la sa bon gyi dngos po bzhag pa ni med do zhe na/ de'i phyir ma 'ongs pa'i sdug bsngal lam nyon mongs pa ni sa bon med pa'i phyir gtan du mi skye ba spangs pa yin no zhes bya ba smos te/sa bon med pa yang so sor brtags pa'i stobs kyis 'gyur ro/ /'das pa 'gags zin pa dang da ltar byung ba 'gags pa la mngon du phyogs pa la ni 'bad pa ste/ gnyen po bskyed pa'i 'bad pa don dang bcas pa ste/ dgos pa dang bcas par mi 'gyur ro zhes bya ba'i tha tshig go//de dag gi mchog ni 'dod chags dang bral ba zhes bya ba la 'dod chags dang bral ba ni 'dod chags zad pa ste/ so sor brtags pas 'gog pa zhes bya ba'i tha tshig go/ /ji ltar na med pa rnams kyi mchog med pa yin par 'os zhes bya ba ni ji ltar na nam mkha' la sogs pa 'dus ma byas med pa rnams kyi mchog 'dod chags dang bral ba 'dus ma byas med pa yin par 'os zhes bya ba yin no//'di'i lan gdab pa'i phyir med pa yang kha cig ces bya ba rgyas par smos so//gnyis pa'i zhes bya ba ni gnyis pa'i kun 'byung ba'i bden pa'i 'og tu rang gi shes rab kyis mthong ba dang gzhan dag la bstan pa'i sgo nas bstan pa ste gsum du kha skong ba ni gsum pa yin no/ /cir 'gyur zhes bya ba ni nyes pa cir 'gyur zhes bya ba'i tha tshig go//ci zhig tu yang 'gyur zhes bya ba ni yon tan ci zhig tu 'gyur zhes bya ba'i don to/ /ci zhig tu yang 'gyur zhes yon tan yongs su dris pa dang / bye brag tu smra ba'i phyogs bskyab par 'gyur ro zhes bya ba smos so/ / cir 'gyur zhes bya ba nyes pa cir 'gyur zhes smras pa gang yin pa de la yang dag pa ma yin pa kun du brtags par 'gyur ro zhes bya ba smras te/ nyes par 'gyur ro zhes bya ba'i tha tshig go/ /gzugs dang tshor ba la sogs pa bzhin du zhes bya ba ni mngon sum gyi sgo nas so//mig la sogs pa bzhin du zhes bya ba ni las kyi sgo nas so/ /rjes su dpag pa'i sgo nas zhes bya ba'i tha tshig go/ /'di ni lan du ma zhig bshad zin to/ /dngos po zhes bya ba ni 'dod chags la sogs pa'i dngos po'o//rgyu dang 'bras bu la sogs pa'i dngos po mi srid pa'i phyir zhes bya ba la sogs pa zhes bya ba'i sgras ni bdag dang bdag po dang yan lag dang yan lag can gyi 'brel pa la sogs pa bsdus te/ dngos po 'gags pa ni rgyu dang 'bras bu dang yan lag dang yan lag can zhes bya ba de lta bu la sogs pa ma yin no//'o na de thob par nges pa'i rgyu gang zhig yin zhes bya ba rgyas par 'byung ba ni 'gog pa 'di kho na'i thob pa yin gyi/ gzhan gyi ni ma yin no zhes 'gog pa de thob par nges pa gang yin pa ste nges par thob pa de'i rgyu gang zhig yin/'gog pa ni thob pa dang lhan cig 'brel pa ci yang med de/ rgyu dang 'bras bu la sogs pa'i 'brel pa mi srid pa'i phyir ro/ /mthong ba'i chos la mya ngan las 'das pa thob pa zhes bya ba ni phung po'i lhag ma dang bcas pa'i mya ngan las 'das pa la gnas pa zhes bya ba'i tha tshig ste/gal te 'di'i dngos po med pa yin na ji ltar thob par rung / gnyen po thob pas zhes bya ba rgyas par 'byung ba ni 'phags pa'i lam thob pas nyon mongs pa dang yang srid pa'i skye ba dang shin tu 'gal ba'i rten thob pa'i phyir mya ngan las 'das pa thob pa zhes bya'o//dngos po med pa tsam nyid du/ /zhes bya ba la tsam zhes bya ba'i sgra ni rdzas gzhan nyid yin pa bzlog pa yin pa'i phyir ro/ /'di skad du sdug bsngal 'di zhes bya ba rgyas par 'byung ba la/ spangs pa zhes bya ba nas 'byung ba med pa zhes bya ba'i bar 'di dag ni rnam grangs kyi sgra yin no//'byung ba med pa zhes bya ba 'di ni gsal bas dper brjod par bshad pa yin te/ 'dir 'byung bar mi 'gyur bas de'i phyir 'byung ba med pa'o zhes bya ba ni gzhir bsgrub pa yin no zhes ston par byed kyi mi 'byung bas na 'byung ba med pa'o zhes bya bar ngo bo sgrub pa ni ma yin no zhes bya ba'i tha tshig go//gang kho nas de 'thob par yongs su rtog pa zhes bya ba ni lam gang gis spangs pa 'thob par yongs su rtog pa'i lam de yod dam thob na sdug bsngal mi 'byung bar 'dod par gyis shig /gzhan mya ngan las 'das pa yongs su brtags pas ci zhig bya ba yin no/ /de'i sems kyi rnam par thar zhes bya ba ni bcom ldan 'das kyi phung po'i lhag ma med pa'i mya ngan las 'das pa'i tshe'i yin no/ / dngos po ji lta ba bzhin ni dmigs pa ji lta ba bzhin no/ /ldan pa'i dngos po ni gang la nyon mongs pa dang ldan par 'gyur ba'o/ /dngos po dang bcas pa'i chos rnams zhes bya ba ni rgyu dang bcas pa rnams so/ /yongs su gzung ba'i dngos po ni yongs su gzung bar bya ba yin pas na yongs su gzung ba'o//tha mar bstan pa'i phyir zhes bya ba ni tshig le'ur byas pa'i mjug nas rnam par smin pa'i rgyu 'byung ste/ de'i 'bras bu ni rnam par smin pa kho na yin no/ /byed rgyu'i rgyu ni tshigs su bcad pa'i dang po nas 'byung ba'i phyir dang po yin te/de'i 'bras bu ni bdag skyes yin no/ /bdag ni bdag po yin no/ /de las skyes pa ni bdag skyes te bdag po'i 'bras bu zhes bya ba'i tha tshig go/ /kha cig ni/ bdag po'i 'bras bu dang po'i yin zhes bya bar 'don te/ 'bras bu 'di bdag po'i yin pas na bdag po'i'o//'o na ni dbang byed pa zhes bya bar 'gyur ro/ /'on te dmigs kyis bstsal ba'i yul la yang spyir bstan par sbyar ro zhes bya bar 'gyur na ni de lta bu'i ngo bor yang 'gyur ro/ /de nyid dbang byed pa yin no zhes bya ba ni mi sgrib pa'i dngos po tsam du gnas pa gang yin pa'o//skyed pa'i dngos po yang yod ces bya ba ni gtso bo'i dngos po yang ste skyed par byed pa'i dngos po yang zhes bya ba'i tha tshig go/ /de lta bas na 'dis ni byed rgyu'i rgyu byed pa po dang btang snyoms su 'jug pa rnam pa gnyi ga la yang bdag po'i 'bras bu yod do zhes bstan par 'gyur ro//'dus ma byas ni ma gtogs te 'di ltar/ sngon byung ma yin 'dus byas ni/ /'dus byas kho na'i bdag po'i 'bras/ /zhes 'chad par 'gyur ro/ /skye mched bcu zhes bya ba ni mig dang gzugs kyi skye mched dag nas/lus dang reg bya'i skye mched dag gi bar yin te/ mig dang gzugs rnams la brten te mig gi rnam par shes pa skye'o zhes bya ba nas lus dang reg bya rnams la brten te lus kyi rnam par shes pa skye'o zhes bya ba'i bar 'byung ba'i phyir ro/ /'di yang byed rgyu'i rgyu kho na yin te/mig la sogs pa'i skye mched rnams ni mig gi rnam par shes pa la sogs pa'i lhan cig 'byung ba'i rgyu la sogs pa rgyu lnga po dag yin par ni mi srid do/ /yid kyi skye mched ni yid kyi rnam par shes pa'i skal ba mnyam pa'i rgyu la sogs pa yin par srid la chos kyi skye mched kyang lhan cig 'byung ba dang mtshungs par ldan pa'i rgyu la sogs pa yin par srid pas byed rgyu'i rgyu kho na yin no zhes nges par ma bzung ngo //de lta bas na skye mched bcu zhes bshad kyi/ skye mched bcu gnyis zhes ni ma bshad do//snod kyi 'jig rten la las rnams lta bu'o zhes bya ba ci zhe na/ byed rgyu'i rgyu la bskyed pa'i dngos po yang yod ces bya bar skabs dang sbyar ro/ /snod kyi 'jig rten ni las dge ba dang mi dge bas bskyed pa lung du ma bstan pa yin yang rnam par smin pa yin par mi 'dod de/rnam par smin pa ni sems can zhes bya ba yin par mtshan nyid las 'byung ba'i phyir ro/ /de lta bas na bdag po'i 'bras bu 'di ni byed rgyu'i rgyu yin no/ /mig 'ba' zhig la yod pa ma yin gyi/ rna ba la sogs pa yang yod do/ /ci zhe na/ mig gi rnam par shes pa bskyed pa la brgyud pas dbang byed pa ste mig lta bur mngon sum du ma yin no/ /ji ltar shes she na smras pa/ thos nas lta bar 'dod par 'byung ba'i phyir te/ lta bar 'dod pa rnams la mig gi rnam par shes pa skye'o snyam du bsams pa yin no//de lta bu la sogs par sbyar bar bya'o zhes bya ba ni bsnams nas lta bar 'dod na 'byung ba'i phyir ro zhes bya ba de lta bu la sogs pa sbyar bar bya ba yin no/ /rgyu mthun skal mnyam kun 'gro ba'i/ /zhes bya ba ni 'bras bu zhes bya bar sbyar ro/ /rgyu mthun pa'i 'bras bu ni skal ba mnyam pa dang kun du 'gro ba'i rgyu dag kho na'i yin no zhes bya bar nges par gsungs te/de gnyis kyi mjug thogs su 'byung ba ni skyes bu byed pa'i 'bras bu yang yin no/ /skyes bu pa ni gnyis kyis yin zhes bya ba ni skyes bu byed pa'i 'bras bu kho na lhan cig 'byung ba dang mtshungs par ldan pa'i rgyu dag gi yin no zhes bya bar nges par gzung ngo //skyes bu'i 'bras bu ni skyes bu pa'o/ /skyes bu byed pa'i 'bras bu zhes bya ba'i tha tshig ste/ skyes bu byed pa ni skyes bu'i dngos po dang tha mi dad pa'i phyir ro/ /skyes bu'i dngos po dang tha mi dad pa'i phyir skyes bu'i las nyid skyes bu byed pa yin la/skyes bu las gzhan pa ni ma yin te/ sangs rgyas pa dag ni las dang ldan pa dag las/ las gzhan yin par mi 'dod do/ /de lta bas na skyes bu byed pa'i 'bras bu gang yin pa de ni skyes bu kho na'i yin pas skyes bu pa zhes bshad do//chos gang gi byed pa gang yin pa zhes bya ba ni chos gang gi las te bya ba gang yin pa de ni de'i skyes bu byed pa yin no zhes bya ba'i tha tshig go/ /nang gi byed pa'i skyes bu med pa'i phyir skyes bu zhes bya ba ni chos tsam du zad pas de'i phyir chos byed pa zhes bya bar 'gyur gyi skyes bu byed pa zhes bya bar ni mi 'gyur ba ma yin nam zhe na/de'i phyir skyes bu'i byed pa lta bu ni skyes bu byed pa ste zhes bya ba smos te/ 'jig rten na brtags pa'i skyes bu'i skyes bu byed pa ji lta bar chos kyi yang de dang 'dra bas skyes bu'i byed pa lta bur skyes bu byed pa yin no//dpe bstan pa'i phyir sman bya rog rkang zhes bya ba la sogs pa smos te/ sman bya rog gi rkang pa lta bu la bya rog rkang zhes bya ba dang / mi gang zhig glang po che myos pa lta bu'am dpa' bor mthong ba de la glang po che myos pa zhes bya ba bzhin no/ /ci gzhan dag la yang zhes bya ba ni rgyu dag la'o//rnam par smin pa'i rgyu ma gtogs pa gzhan dag la yang yod de zhes bya ba ni skal ba mnyam pa dang kun du 'gro ba dang byed rgyu'i rgyu dag la'o/ /ci'i phyir zhe na/ 'di ltar skyes bu byed pa'i 'bras bu ni lhan cig 'byung ba'am de ma thag tu 'byung ba yin zhes bya ba smos te/lhan cig 'byung ba dang mtshungs par ldan pa'i rgyu dag gi 'bras bu lhan cig 'byung bar bshad la/ de yang skyes bu byed pa'i 'bras bu kho na yin te/ 'bras bu gzhan lhan cig 'byung ba ni med do//skal ba mnyam pa dang kun du 'gro ba'i rgyu dag gi ni de ma thag tu 'byung ba kho na skyes bu byed pa'i 'bras bu yin no/ /byed rgyu'i rgyu ni gnyi ga yin no/ /yang ci skyes bu byed pa'i 'bras bu rgyu mthun pa'i 'bras bu dang bdag po'i 'bras bu las gzhan pa zhig yin nam zhe na/smras pa ma yin te/ 'bras bu de kho na de dang de'i ming 'thob bo/ /'di ltar de ni rgyu dang 'dra bar 'byung ba'i phyir rgyu mthun pa'i 'bras bu yang yin no/ /de'i stobs kyis 'byung ba'i phyir skyes bu byed pa'i 'bras bu yang yin no/ /bgegs mi byed pa'i dngos por gnas pas 'byung ba'i phyir bdag po'i 'bras bu yang yin no//rnam par smin pa ni de lta ma yin no zhes bya ba ci zhe na/ lhan cig 'byung ba'am de ma thag tu byung ba zhes bya bar skabs dang sbyar ro/ /rnam smin lung du ma bstan chos/ /zhes bya ba rgyas par 'byung ba ni lung du ma bstan pa kho na dang sems can zhes bya ba kho na dang /lung du bstan pa las byung ba kho na'o zhes bya bar nges par gzung ste/ lung du ma bstan zhes bya ba ni ma bsgribs la lung du ma bstan pa yin par brjod par 'dod pa yin no/ /gang la sems can zhes brjod pa yod pa de ni/sems can brjod pa ste sems can gyi rgyun las skyes pa zhes bya ba'i tha tshig go/ /lung du ma bstan pa las phyis byung ba ni lung bstan phyis byung ba ste/ rgyas pa las byung ba dang rgyu mthun pa dag ni lung du bstan pa las byung ba ma yin no//bsam gtan gyi khyad par la snyoms par zhugs pa'i dbang po'i 'byung ba chen po rgyas par 'byung ba de yang lung du bstan pa las byung bas de rnam par smin pa yin par 'gyur la/ sprul pa'i sems kyang ting nge 'dzin gyi sems las byung ba'i phyir de dang 'dra ba kho nar 'gyur ba yin nam zhe na/de ni nyes pa med de lung bstan phyis byung zhes bya ba la phyis zhes bya ba'i sgra ni dus phyi ma'i don yin pas lung du bstan pa dge ba dang mi dge ba las dus phyis kho na 'byung gi cig car yang ma yin la de ma thag tu yang ma yin pa gang yin pa de la rnam par smin pa zhes bya'o//ting nge 'dzin las skyes pa'i rgyas pa ni ting nge 'dzin dang lhan cig tu yang 'byung la de ma thag tu yang 'byung ngo / /sprul pa'i sems ni de ma thag pa kho nar 'byung ngo / /rnam par smin pa ni sa mtshungs pa kho na yin par 'dod la/de gnyis ni sa tha dad pa yang yin pas rnam par smin pa yin par thal ba med do/ /rgyu mthun rgyu dang 'dra ba'o/ /zhes bya ba ni dge ba dang nyon mongs pa can dang / ma bsgribs la lung du ma bstan pa dang 'dra ba'i dbang du byas pa yin no/ /gal te de lta na dge bar 'dra ba'i phyir zag pa med pa yang rgyu dge ba zag pa dang bcas pa'i rgyu mthun pa'i 'bras bur 'gyur ro zhe na ma yin te/ris mi mthun pa'i phyir ro/ /skal ba mnyam pa'i rgyu ni ris mthun pa yin par 'dod kyi thams cad ni ma yin no/ /de ni sa dang po nyon mongs pa can las 'dra ba yin gyi zhes bya ba ni kun du 'gro ba'i rgyu ni sa dang nyon mongs pa can las 'dra ba yin pa'o//gang dang lhan cig ce na/ 'bras bu dang ngo / /ji lta zhe na/ re zhig sa las ni kun du 'gro ba'i rgyu yang 'dod pa na spyod pa nas srid pa'i rtse mo'i bar yin la/ de'i 'bras bu yang 'dod pa na spyod pa nas srid pa'i rtse mo pa'i bar yin no/ /nyon mongs pa can las ni kun du 'gro ba'i rgyu yang nyon mongs pa can yin la/ de'i 'bras bu yang nyon mongs pa can yin no/ /skal ba mnyam pa'i rgyu ji lta bar rnam pa las kyang de dang 'dra ba ni ma yin no//gang zhig rnam pa las kyang 'dra ba zhes bya ba ni kun du 'gro ba'i rgyu gang zhig rang gi 'bras bu de rnam pa las kyang 'dra ba'i kun du 'gro ba'i rgyu de ni skal ba mnyam pa'i rgyu yin zhes bya bar khas len pa nyid do/ /sa dang nyon mongs pa can nyid du 'dra ba'i phyir kun du 'gro ba'i rgyu yin la/de rnam pa'i sgo nas kyang 'dra ba'i phyir skal ba mnyam pa'i rgyu yang yin no/ /de nyid kyi phyir gnyi ga'i ngo bo nyid yin pa nyid kyis mu gsum pa srid pa'i phyir mu bzhir bya'o/ /mu dang po ni skal ba mnyam pa'i rgyu kun du 'gro ba ma yin pa'o zhes bya ba ni skal ba mnyam pa'i rgyu 'dod chags la sogs pa ste/de ni rang gi ris kyi nyon mongs pa'i skal ba mnyam pa'i rgyu kho na yin gyi kun du 'gro ba'i ngo bo nyid ma yin pa'i phyir kun du 'gro ba'i rgyu ni ma yin no/ /gnyis pa ni ris gzhan pa'i kun du 'gro ba'i rgyu'o zhes bya ba ni kun du 'gro ba'i rgyu 'jig tshogs la lta ba la sogs pa yin te/de ni kun du 'gro ba'i ngo bo nyid yin pa'i phyir dang / ris gzhan gyi nyon mongs pa can gyi rgyu yin pa'i phyir kun du 'gro ba'i rgyu kho na yin gyi ris gzhan gyi nyon mongs pa can gyi skal ba mnyam pa'i rgyu nyid yin pa med pa'i phyir skal ba mnyam pa'i rgyu ni ma yin no//gsum pa ni ris gcig pa'i kun du 'gro ba'i rgyu'o zhes bya ba ni kun du 'gro ba'i rgyu 'jig tshogs la lta ba la sogs pa yin te/ de ni ris gcig pa'i nyon mongs pa can dang 'dra ba'i phyir ris gcig pa'i nyon mongs pa'i skal ba mnyam pa'i rgyu yin la/de ni ris gcig pa'i nyon mongs pa can gyi rgyu nyid yin pa'i tshul gyis de'i kun du 'gro ba'i rgyu yin pa'i phyir dang / kun du 'gro ba'i rgyu nyid dang ldan pa'i phyir kun du 'gro ba'i rgyu yang yin no/ /bzhi pa ni rnam pa de dag ma gtogs pa'o zhes bya ba ni mu gsum bshad pa'i chos kyi rnam pa dag ma gtogs pa zhes bya ba'i tha tshig go//'di lta ste nyon mongs pa can gyi chos dag ni dge ba rnams kyi skal ba mnyam pa'i rgyu ma yin te/ mi 'dra ba'i phyir ro/ /de nyid kyi phyir dang dge ba rnams ni nyon mongs pa can ma yin pa'i phyir kun du 'gro ba'i rgyu yang ma yin te/de bzhin du dge ba rnams nyon mongs pa can dag gi ma yin pa yang sbyar bar bya'o/ /nyon mongs pa can dag kyang nyon mongs can rnams kyi skal ba mnyam pa'i rgyu yang ma yin la/ kun du 'gro ba'i rgyu yang ma yin te/'di lta ste/ 'dod chags la sogs pa ni ris gzhan pa yin pa'i phyir ris gzhan pa'i nyon mongs pa can rnams kyi skal ba mnyam pa'i rgyu yang ma yin la/ 'dod chags la sogs pa kun du 'gro ba ma yin pa'i phyir kun du 'gro ba'i rgyu yang ma yin no/ / kun du 'gro ba'i chos dag kyang ris gcig pa'i nyon mongs pa can rnams kyi yang skal ba mnyam pa'i rgyu yang ma yin la/ thams cad du 'gro ba'i rgyu yang ma yin te/ gal te de dag ma 'ongs pa yin na zhes bya bar sbyar ro/ /bral ba'i blo yis zad pa'o/ /zhes bya ba ni blos thob par bya ba'i 'gog pa ni bral ba'i 'bras bu yin no zhes bya ba'i tha tshig go//des na zhes bya ba ni rgyu des na ste/ gang gi phyir zad pa ni 'gog pa yin la blo de ni shes rab yin pa'i rgyu des ni so sor brtags pas 'gog pa ni bral ba'i 'bras bu yin no zhes bshad par 'gyur ro zhes ston te/gang gi stobs kyis gang skye ba/ /zhes bya ba rgyas par 'byung ba ni gang gi stobs ni/ gang gis stobs so zhes drug par tshig bsdus te/ gang gi stobs kyis 'dus byas gang skye ba'i 'bras bu de ni de'i skyes bu byed pa las skyes pa yin no//skyes bu byed pa las skyes pa ni skyes bu byed pa las skyes pa ste/ skyes bu byed pa'i 'bras bu zhes bya ba'i tha tshig go/ /dper brjod pa ston par byed de/ dper na sa 'og ma pa 'dod pa na spyod pa de'i sbyor ba'i sems kyi 'bras bu sa gong ma pa bsam gtan dang po'i sa pa 'am bsam gtan gnyis pa'i sa pa'i ting nge 'dzin lta bu ste skyes bu byed pa las skyes pa zhes bya bar skabs dang sbyar ro//zag pa dang bcas pa'i zag pa med pa dang bsam gtan gyi sems sems kyi sprul pa'i sems kyang 'bras bu de kho na yin no/sogs pa zhes bya ba'i sgras ni gzhan yang dper na 'dod pa na spyod pa'i 'chi ba'i sems las gzugs na spyod pa'i srid pa bar ma'i skad cig ma dang po lta bu'o zhes bya ba de lta bu la sogs pa bsdu'o/ /ris mi mthun pa dper brjod pa ni rgyu mthun pa'i 'bras bu bstsal ba'i phyir te/sa tha dad pa ni rgyu dang 'dra ba ma yin pas sa gong ma pa'i ting nge 'dzin kyang sa 'og ma pa'i sbyor ba'i sems kyi rgyu mthun pa'i 'bras bu ma yin la/ zag pa med pa yang zag pa dang bcas pa'i ma yin no zhes brjod par bya'o//rgyu mthun pa'i 'bras bu thams cad skyes bu byed pa'i 'bras bu yin pa ni ma yin te/ gang zhig gang gi stobs kyis skye zhing 'dra ba dang sa mtshungs pa dang de ma thag pa yin pa de ni de'i skyes bu byed pa'i 'bras bu yang yin la/ rgyu mthun pa'i 'bras bu yang yin no//'di la mu bzhi par yang 'gyur te/ skyes bu byed pa'i 'bras bu kho na yin la rgyu mthun pa'i 'bras bu ma yin pa yang yod de/ ji skad bshad pa lta bu'o/ /rgyu mthun pa'i 'bras bu kho na yin la/ skyes bu byed pa'i 'bras bu ma yin pa yang yod de/ skal ba mnyam pa dang kun du 'gro ba'i rgyu dag gi 'bras bu bar du chod pa lta bu'o//gnyi ga yin pa yang yod de/ skal ba mnyam pa dang kun du 'gro ba'i rgyu dag gi 'bras bu de ma thag tu 'byung ba lta bu'o/ /gnyi ga ma yin pa yang yod de/ dper na rnam par smin pa'i rgyu'i 'bras bu rnam par smin pa lta bu'o//so sor brtags pas 'gog pa yang skyes bu byed pa'i 'bras bu yin par ni 'dod mod kyi/ rtag pa'i phyir 'di rgyu'i stobs kyis skye ba ni ma yin te/ de'i phyir tshig le'ur byas pa las ma bshad do/ /de nye bar sbyar ba'i phyir so sor brtags pas 'gog pa ni gang gi stobs kyis 'thob pa zhes brjod par bya'o zhes bya ba smos ste//so sor brtags pas 'gog pa ni so sor brtags pa'i stobs kyis 'thob ste/ de lta bas na so sor brtags pa'i 'gog pa skyes bu byed pa'i 'bras bu yin no//sngon byung ba ma yin zhes bya ba rgyas par 'byung ba la/ sngon byung ma yin pa ni sngar byung ba las gzhan pa'o/ /de gang zhe na lhan cig 'byung ba dang phyis 'byung ba ste/ 'bras bu snga la rgyu 'phyi ba ni med do/ /'dus byas kyi chos kho na bdag po'i 'bras bu yin gyi/'dus ma byas ni ma yin no/ /'dus byas kho na'i yin gyi 'dus ma byas kyi ni ma yin te/ 'bras bu 'dzin pa dang smin pa'i mthu med pa'i phyir ro/ /thams cad kyi zhes bya ba ni skyed par byed pa dang bgegs mi byed pa'i dngos por gnas pa'i yang ngo //skyes bu byed pa'i 'bras bu ni byed pa po'i yin no zhes bya ba ni/ gang gi stobs kyis gang skye ba'i/ /'bras de skyes bu byed las skye/ /zhes 'byung ba'i phyir ro/ /bdag po'i 'bras bu ni byed pa po ma yin pa'i yang yin te zhes bya ba ni/ sngon byung ma yin 'dus byas ni//'dus byas kho na'i bdag po'i 'bras/ /zhes 'byung ba'i phyir ro/ /gzhan dag gi ni bdag po'i 'bras bu kho na yin no zhes bya ba ni bzo de bzo bo ma yin pa bgegs mi byed pa'i dngos por gnas pa rnams kyi ni bdag po'i 'bras bu kho na yin gyi skyes bu byed pa'i 'bras bu ni ma yin no//de ltar na mu bzhi par 'gyur te skyes bu byed pa'i 'bras bu kho na yin la bdag po'i 'bras bu ma yin pa yang yod de/ dper na bral ba'i 'bras bu lta bu'o/ /bdag po'i 'bras bu kho na yin la/ skyes bu byed pa'i 'bras bu ma yin pa yang yod de/rgyu yal bar 'dug pa'i 'bras bu dang 'bras bu bar du chod pa lta bu'o/ /gnyi ga yin pa yang yod do/ /rgyu byed pa po'i lhan cig 'byung ba dang de ma thag tu byung ba lta bu'o/ /gnyi ga ma yin pa yang yod de/ dper na nam mkha' dang so sor brtags pa ma yin pas 'gog pa lta bu'o/ /lnga po da ltar 'bras bu 'dzin/ /zhes bya ba ni da ltar gyi dag kho na 'bras bu 'dzin to zhes bya bar nges par bzung ba yin no/ /'dzin zhes bya ba ni 'phen par byed pa ste/ sa bon gyi dngos por nye bar gnas pa zhes bya ba'i tha tshig go//byed rgyu'i rgyu yang de dang 'dra mod kyi zhes bya ba ni da ltar gyi kho na 'bras bu 'dzin gyi 'das pa yang ma yin la/ ma 'ongs pa yang ma yin mod kyi/ de ni 'bras bu dang bcas par ma nges pas ma brjod do//'di ltar 'dus ma byas kyang byed rgyu'i rgyu yin par 'dod mod kyi 'di la 'bras bu ni med la/ ma 'ongs pa yang byed rgyu'i rgyu yin mod kyi sngar byung ba'i chos kyi 'bras bu dang bcas pa ni ma yin no/ /gnyis pa ni 'byin par byed ces bya ba ni da ltar gyi dag ces bya bar skabs dang sbyar te/lhan cig 'byung ba dang mtshungs par ldan pa'i rgyu dag ni da ltar kho na 'bras bu 'byin par byed do/ /re zhig gang 'das pa dag ni rigs na zhes bya ba ni 'di gnyis ni/ rgyu mthun skal mnyam kun 'gro ba'i/ /zhes 'byung ba'i phyir rgyu mthun pa'i 'bras bus 'bras bu dang bcas pa dag tu bshad na/da ltar gyi dag go rgyu mthun pa'i 'bras bu ji ltar 'byin te da ltar gyi gnas skabs na ni de gnyis kyi rgyu mthun pa'i 'bras bu mi snang ngo zhe na/ smras pa/ mjug thogs su bsgrub pa'i phyir te/ci zhe na/ 'bras bu 'byin pa zhes bya bar skabs dang sbyar ro/ /de dag kyang 'das pa yin zhes bya ba ni rgyu dang 'bras bu dag 'grogs pa med pa'i phyir ro/ /yang de nyid mi 'byin to zhes bya ba ni da ltar gyi gnas skabs kho nar phyung zin pa'i phyir yang 'bras bu de nyid 'byin par ni mi byed do zhes bya ba'i tha tshig go//da ltar nyid du khyer te 'ongs zin pa ni yang bskur bar mi nus so/ /gang gi tshe de gnyis 'das pas 'bras bu 'byin par byed pa na yang de kho na'i tshe rang gi 'bras bu de 'byin par byed de skye ba'i gnas skabs kho nar 'bras bu sgrub par byed kyi/gzhan du ni ma yin la/ 'bras bu de ni bsgribs pa 'ba' zhig tu zad do zhes bya bar khong du chud par bya'o/ /dge ba'i rtsa ba kun du gcod pas thams cad kyi tha mar 'dor ba'i thob pa gang dag yin pa'o zhes bya ba 'di la/ dge ba'i rtsa ba rnams ni rim gyis kun du 'chad do//ji lta zhe na/ log par lta ba ni chung ngu'i chung ngu nas chen po'i chen po'i bar rnam pa dgu yin la/ dge ba'i rtsa ba dag kyang rnam pa dgu yin no// //bam po nyi shu pa/ de la bsgom pas spang bar bya ba'i nyon mongs pa bzhin du bzlog ste/log par lta ba chung ngu'i chung ngus ni dge ba'i rtsa ba chen po'i chen po rnams kun du 'chad par 'gyur ba nas log par lta ba chen po'i chen po nas dge ba'i rtsa ba chung ngu'i chung ngu rnams kun du 'chad pa'i bar du 'gyur ro/ / de la tha ma'i gnas skabs na dge ba'i rtsa ba chung ngu'i chung ngu rnams ni kun du mi 'byung gi de dag gi thob pa chung ngu'i chung ngu dag ni kun du 'byung ngo / /de'i tshe thams cad kyi tha ma de dag 'dor ba ni thob pa de dag gi thob pa 'gag pa zhes bya ba'i tha tshig go/ /dge ba'i skal ba mnyam pa'i rgyu tha ma'i gnas skabs kyi thob pa de dag ni 'bras bu 'dzin par byed cing 'bras bu yongs su 'dzin par byed kyi bskyed par bya ba'i dge ba'i rtsa ba skad cig ma gzhan med pa'i phyir rang gi rgyu mthun pa'i 'bras bu 'byin par ni mi byed do// mu gnyis pa ni 'byin par byed la 'dzin par mi byed pa zhes bya ba yin te/ dge ba'i rtsa ba dag gi nying mtshams sbyor bas thams cad kyi dang por 'thob pa gang dag yin pa ni thams cad kyi sngon du 'thob pa gang dag yin pa'o/ /dge ba'i rtsa ba skal ba mnyam pa'i rgyu de dag ni 'bras bu 'byin par byed cing rang dang rgyu mthun pa'i 'thob pa skyed par byed kyi/sngar nyid bzung zin pa'i phyir 'dzin par ni mi byed do/ /mu gnyis pa bstan pa 'di ni skyon dang bcas pa yin te/ dge ba'i rtsa ba'i nying mtshams sbyor ba'i tshe ni dge ba'i rtsa ba rnam pa dgu char gyi yang 'thob pa 'das pa dang ma 'ongs pa dang da ltar byung ba dag mnyam du 'thob par 'gyur la/de dag las dge ba'i skal ba mnyam pa'i rgyu 'das pa'i thob pa gang dag yin pa de ni 'bras bu 'byin par byed kyi bzung zin pa'i phyir 'dzin par ni mi byed do zhes bya ba 'di rigs na/dge ba'i skal ba mnyam pa'i rgyu da ltar gyi thob pa de dang 'dra ba kho nar thob pa gang dag yin pa de dag ji ltar 'bras bu 'byin par byed pa kho na yin gyi 'dzin par byed pa ni ma yin no zhes bya bar dmigs kyis bsal bar 'gyur te/de ni 'dzin par byed pa yang yin la 'byin par byed pa yang yin no/ /de ltar na khyad par du ma byas pa'i mu gnyis pa bstan pa 'di ni skyon dang bcas pa yin no/ /de lta bas na slob dpon gyis 'di skad du de dag nyid kyis nying mtshams sbyor bar byed pa'i zhes brjod par bya ba ni yin no zhes bya ba smos te/dge ba'i skal ba mnyam pa'i rgyu thob pa de dag ni rang dang rgyu mthun pa'i 'bras bu 'byin pa'i phyir 'bras bu 'byin par byed pa kho na yin gyi/ sngar bzung zin pa'i phyir 'dzin par byed pa ni ma yin no//mu gsum pa ni 'bras bu 'dzin par byed pa yang yin la 'byin par byed pa yang yin pa ste/ dge ba'i rtsa ba kun du ma 'chad pa'i gnas skabs lhag ma rnams su'o zhes bya ba ni gnas skabs gang du dge ba'i rtsa ba rnams kun du gcod pas thob pa gang dag thams cad kyi tha mar 'dor ba dang /gnas skabs gang du dge ba'i rtsa ba rnams kyi nying mtshams sbyor bas thob pa gang dag thams cad kyi dang por 'thob pa'i gnas skabs gnyis ma gtogs pa'o/ /dper na bdag cag la sogs pa'i dge ba'i thob pa dag lta bu ste/'bras bu 'dzin par yang byed la 'byin par byed pa yang yin no/ /skal ba mi mnyam pa'i skad cig ma gzhan gyis bar du ma chod pa zhes brjod par bya dgos so zhe na/ brjod par bya mi dgos te/ thob pa'i mtshan nyid kyi skal ba mnyam pa'i rgyu la ni skal ba mi mnyam pa'i skad cig ma gzhan gyis bar du chod kyang 'bras bu 'dzin pa dang 'byin pa yang srid pa'i phyir ro/ /bzhi pa ni rnam pa de dag ma gtogs pa ste/ dper na sa gong ma las yongs su nyams pa'i dge ba'i skal ba mnyam pa'i rgyu sa gong ma pa'i dge ba'i rtsa ba rnams kyi thob pa gang dag yin pa de dag ni sngon bzung zin pa'i phyir 'bras bu 'dzin par yang mi byed la/sa de las yongs su nyams pa la sa de pa'i dge ba'i chos rnams kyi thob pa med pa'i phyir 'byin par byed pa yang ma yin te/de bzhin du dge ba'i rtsa ba kun du chad pa'i gnas skabs la yang brjod par bya'o/ /'di la slob dpon 'dus bzangs na re 'di skad du de dag nyid kyis nying mtshams sbyor bar byed pa'i zhes brjod par bya ba ni yin no zhes gang smras pa de ni rung ba ma yin no//ci'i phyir zhe na/ nying mtshams sbyor bar byed pas thams cad kyi dang por thob pa gang dag yin pa de dag ni thams cad kyi tha mar bor ba gang dag yin pa de dag kho na'i rgyu mthun pa'i 'bras bu yin par ma zad kyi de ni de'i thob pa'i rgyu sngon rol du 'gags pa'i yang rgyu mthun pa yin no//de'i phyir 'di ni ci nas kyang 'bras bu yin par smos pas zad par de'i skal ba mnyam pa'i rgyur bsdus pa nyid du 'gyur snyam nas de kho na'i phyir brjod pa yin no/ /de lta bas na ji ltar bkod pa nyid legs pa yin no zhes zer ro//de ltar gnyi ga la yang tshig gi skyon brjod na/ tshig gang zhig bzang zhe na/ 'dir ni chos mngon pa las byung ba kho na bzang ngo zhes bya bar blta'o/ /dge ba'i nying mtshams sbyor ba'i chos thob pa da ltar gyi thob pa dag 'bras bu 'byin par yang byed la 'dzin par yang byed kyi/'byin par byed pa kho na yin la 'dzin par byed pa ma yin pa ni ma yin pas khyad par du ma byas pa'i phyir nyes so zhes bshad pa ma yin nam zhe na/ de ni nyes pa med de/ dge ba'i rtsa ba dag gi nying mtshams sbyor bas zhes bya ba 'di ni dge ba'i rtsa ba thob pa skye bar chas pa'i gnas skabs kho nar brjod pa yin gyi da ltar gyi gnas skabs su ni ma yin no//de na ni da ltar gyi dge ba'i rtsa ba'i thob pa dag 'ga' yang med na ji ltar de dag 'bras bu 'dzin par byed pa yang yin la 'byin par byed pa yang yin zhes brjod par nus/rang gi rgyud la dge ba'i rtsa ba'i thob pa skal ba mnyam pa'i rgyur gyur pa 'das pa dag ni thams cad kyang de'i tshe de ma thag tu sgrub pa'i tshul gyis rang dang rgyu mthun pa'i 'bras bu 'byin par byed pa kho na yin gyi sngon bzung zin pa'i phyir 'dzin par byed pa ni ma yin no//de lta bas na rigs pa 'dis chos mngon pa las 'byung ba kho na gzhung gzugs par bya'o/ /de ltar tshig bye [(]phrag [,]brag [)]tu ma phye na dge ba'i thob pa ma 'ongs pa rnams mu gnyis pa nyid du brjod par thal par 'gyur te/de dag kyang de'i tshe 'das pa'i thob pa bzhin du 'thob par 'gyur ba ma yin nam zhe na/ de ni nyes pa med de ma 'ongs pa rnams la skal ba mnyam pa'i rgyu nyid med pa'i phyir la 'dir ni skal ba mnyam pa'i rgyu'i dbang du byas pa yin pa'i phyir ro/ / de ltar na yang thams cad kyi dang por 'thob pa gang dag yin pa ste zhes thob pa dag nyi tshe brjod par mi bya'i 'di skad du gang dag thams cad kyi dang por 'thob pa ste zhes brjod par bya ba yin no/ /dge ba'i chos gang dag ces bya ba'i tha tshig ste/ dge ba'i nying mtshams sbyor ba nas sems dang sems las byung ba rnams kyang dang po nyid du thob par 'gyur gyi/de'i thob pa dag 'ba' zhig ni ma yin no zhe na/ de ni yin mod kyi 'on kyang dge ba'i nying mtshams sbyor ba na thob pa rnams kho na gdon mi za ba'i phyir de skad brjod pa yin te/dge ba'i thob pa dag ni yang dag pa'i lta ba'am the tshom gyis kyang rung dge ba'i nying mtshams sbyor ba na gdon mi za bar skye bar 'gyur gyi sems dang sems las byung ba rnams ni the tshom gyis dge ba'i nying mtshams sbyor ba na re zhig 'byung bar mi 'gyur bas thob pa dag kho na brjod pa yin no zhes rjod par byed do//mi dge ba zhes bya ba rgyas par 'byung ba ni mi dge ba'i skal ba mnyam pa'i rgyu yang mi dge ba'i skal ba mnyam pa'i rgyu 'bras bu 'dzin par byed la 'byin par byed pa ma yin pa yang yod do zhes bya ba rgyas par mu bzhi par sbyar te/mu dang po ni 'dod pa'i 'dod chags dang bral ba thob pa dang ldan pas thams cad kyi tha mar 'dor ba'i thob pa gang dag yin pa ste/ mi dge ba'i skal ba mnyam pa'i rgyu de dag ni 'bras bu 'dzin par byed pa yin gyi 'byin par byed pa ni ma yin no//ji lta zhe na/ 'di la nyon mongs pa yang rnam pa dgu yod pa la lam yang rnam pa dgu yod do/ /de la lam chung ngu'i chung ngus ni nyon mongs pa'i rnam pa chen po'i chen po spong bar 'gyur ba nas chen po'i chen pos ni chung ngu'i chung ngu'i bar du spong bar 'gyur zhing de rnams kyi thob pa dag kyang de dang 'dra ba kho nar spong bar 'gyur ro//des na 'dod pa'i 'dod chags dang bral ba thob pa dang ldan pa thams cad kyi tha mar 'dor ba mi dge ba chung ngu'i chung ngu'i thob pa gang dag yin pa mi dge ba'i skal ba mnyam pa'i rgyu de dag ni 'bras bu 'dzin par byed pa dag yin gyi/mi dge ba'i thob pa'i skad cig ma gzhan med pa'i phyir 'byin par byed pa ni ma yin no/ /gnyis pa ni 'dod pa'i 'dod chags dang bral ba las yongs su nyams pa thams cad kyi dang por mi dge ba rnams kyi thob pa 'thob pa gang dag yin pa ste mi dge ba'i skal ba mnyam pa'i rgyu de dag ni 'bras bu 'byin par byed pa yin gyi 'dzin par byed pa ni ma yin te/snga ma bzhin du brjod par bya'o/ /'dir slob dpon 'di skad du de dag nyid kyis yongs su nyams pa'i zhes brjod par bya ba yin no zhes 'chad par byed de/'dod pa'i 'dod chags dang bral ba thob pa dang ldan pas thams cad kyi tha mar 'dod pas gang dag yin pa de dag kho nas zhes bya ba yin no/ /de dag ni bzung zin pa'i phyir 'dzin par byed pa ni ma yin gyi 'byin par byed pa nyid yin pa 'ba' zhig tu zad do//tshig snga ma la ni mu gnyis pa mi srid de ji skad sngar bshad pa yin no/ /'di la slob dpon 'dus bzangs na re de ni rung ba ma yin no zhes de kho na bzhin du phyir rgol bar byed de thams cad ni gong ma dang 'dra bar sbyar bar bya'o//gsum pa ni 'dod pa'i 'dod chags dang ma bral ba'i gnas skabs lhag ma rnams su'o zhes bya ba ni gnas skabs dang po dang gnyis pa ji skad bshad pa'i gnas skabs gnyis po de dag kho na ma gtogs pa'i gnas skabs rnams su'o//dper na bdag cag gi mi dge ba rnams kyi thob pa dag lta bu ste/ mi dge ba'i skal ba mnyam pa'i rgyu de dag ni 'bras bu 'dzin par byed pa yang yin la 'byin par byed pa yang yin no/ /bzhi pa ni ji skad bshad pa'i rnam pa de dag ma gtogs pa ste/dper na 'dod pa'i 'dod chags dang bral ba yongs su mi nyams pa'i chos can gyi mi dge ba rnams kyi thob pa gang yin pa lta bu ste/ mi dge ba'i skal ba mnyam pa'i rgyu de ni sngon bzung zin pa'i phyir 'bras bu 'dzin par byed pa yang ma yin la de la de'i thob pa med pa'i phyir 'byin par byed pa yang ma yin no//bsgribs la lung du ma bstan pa'i yang de bzhin du zhes bya ba rgyas par 'byung ba ni lung du ma bstan pa yang de bzhin du bsgribs la lung du ma bstan pa'i skal ba mnyam pa'i rgyu 'bras bu 'dzin par byed la 'byin par byed pa ma yin pa yang yod de zhes bya ba rgyas par mu bzhi par bya ba yin te dgra bcom pa nyid thob pa dang dgra bcom pa nyid las yongs su nyams pa las ci rigs par sbyar bar bya'o//mu dang po ni dgra bcom pa nyid thob pa dang ldan pas thams cad kyi tha mar 'dor ba'i thob pa gang dag yin pa ste/bsgribs la lung du ma bstan pa'i skal ba mnyam pa'i rgyu de ni 'bras bu 'dzin par byed pa yin gyi nyon mongs pa can gyi skad cig ma gzhan med pa'i phyir 'byin par byed pa ni ma yin no//gnyis pa ni dgra bcom pa nyid las yongs su nyams pa thams cad kyi dang por 'thob pa gang yin pa'o/ /'di skad du de dag nyid kyis yongs su nyams pa'i zhes brjod par bya ba ni yin no/ /de lta na 'bras bu 'byin pa gcig pu kho na yin par bstan par 'gyur ro//tshig snga ma la gzhung gzugs pa yang rim pa de nyid kyis brjod par bya'o/ /gsum pa ni srid pa'i rtse mo las 'dod chags dang ma bral ba'i gnas skabs lhag ma dag tu'o/ /bzhi pa ni rnam pa de dag ma gtogs pa ste/ dper na dgra bcom pa nyid thob pa'i bsgribs la lung du ma bstan pa'i thob pa gang dag yin pa ste/ bsgribs la lung du ma bstan pa'i skal ba mnyam pa'i rgyu de ni ci rigs par bzung zin pa'i phyir 'bras bu 'dzin par byed pa yang ma yin la spangs zin pa'i phyir 'byin par byed pa yang ma yin no//ma bsgribs la lung du ma bstan pa ni tshig phyi ma dang sbyor ba ste zhes bya ba la/ tshig phyi ma dang sbyor ba'i mtshan nyid ni bshad zin pas yang mi bshad do/ /ma bsgribs la lung du ma bstan pa'i skal ba mnyam pa'i rgyu gang zhig 'bras bu 'dzin par byed pa 'byin par byed pa yang yin nam zhe na/smras pa/ re zhig 'byin pa gang yin pa de ni 'dzin pa yang yin te/ ma bsgribs la lung du ma bstan pa ni yongs su mya ngan las 'das kyi bar du nye ba yin pa'i phyir ro//'dzin la mi 'byin pa yang yod de/ dgra bcom pa'i phung po tha ma rnams te phung po thams cad nges par spangs pas ma bsgribs la lung du ma bstan pa'i rgyu mthun pa med pa'i phyir ro/ /dmigs pa dang bcas pa'i nges pas ni skad cig re re la ste zhes bya ba ni sngar ni ci rigs par dmigs pa med pa rnams kyi nges par bshad pa yin no//dmigs pa dang bcas pa'i nges pas ni sems dang sems las byung ba rnams kho na'i skal ba mnyam pa'i rgyu nyid bshad do/ /skad cig re re la ste zhes bya ba ni skad cig ma gzhan la ltos nas yin gyi yongs su gtugs te chad pa'i sgo nas ni ma yin no//dge ba'i sems kyi mjug thogs su/ /zhes bya ba rgyas par 'byung ba ni gang gi tshe dge ba'i sems kyi mjug thogs su nyon mongs pa can nam lung du ma bstan pa'i sems mngon du byed pa de'i tshe dge ba'i sems de gang las de'i rgyud du gtogs pa'i 'bras bu dge ba ma 'ongs pa bar du chod par 'byung bar 'gyur ba'am mi skye ba'i chos can gyi 'bras bu 'dzin par byed pa yin no//'byin par byed pa ni ma yin te/'di ltar de'i mjug thogs su dge ba 'byung ba med la skal ba mnyam pa'i rgyu ni 'bras bu 'dra bas 'bras bu dang bcas par 'dod do/ /gnyis pa ni bzlog pa'o zhes bya ba ni gang gi tshe nyon mongs pa can dang bsgribs la lung du ma bstan pa'i sems kyi mjug thogs su dge ba'i sems mngon du byed pa de'i tshe dge ba'i sems de sngon dge ba'i sems gang gis 'bras bu nyid du bzung ba de'i 'byin par byed pa yin gyi sngon bzung zin pa'i phyir de 'dzin par byed pa ni ma yin no//gsum pa ni dge ba'i sems kyi mjug thogs su dge ba kho na'o zhes bya ba ni mngon du byed pa'o zhes bya bar skabs dang sbyar te/dge ba'i sems snga ma de ni dge ba'i sems gnyis pa 'bras bu nyid du 'dzin par byed pa yang yin la/ de ma thag tu sgrub pa'i phyir 'byin par byed pa yang yin no//bzhi pa ni rnam pa de dag ma gtogs pa'o zhes bya ba ni gang gi tshe nyon mongs pa can dang lung du ma bstan pa'i sems kyi mjug thogs su nyon mongs pa can dang lung du ma bstan pa'i sems mngon du byed pa de'i tshe dge ba'i skal ba mnyam pa'i rgyu dmigs pa dang bcas pa 'di bzung zin pa'i phyir 'bras bu 'dzin par byed pa yang ma yin la/nyon mongs pa can dang lung du ma bstan pa'i sems mngon du byed pa'i phyir 'byin par byed pa yang ma yin no/ /mi dge ba la sogs pa la yang de bzhin du sbyar bar bya'o zhes bya ba ni mi dge ba'i skal ba mnyam pa'i rgyu dmigs pa dang bcas pa 'bras bu 'dzin par byed la 'byin par mi byed pa yang yod de zhes bya ba mu bzhi'o//mu dang po ni mi dge ba'i mjug thogs su dge ba'am lung du ma bstan pa'i sems mngon du mi byed pa'o//gnyis pa ni bzlog pa'o/ /gsum pa ni mi dge ba'i sems kyi mjug thogs su mi dge ba kho na'o/ /bzhi pa ni rnam pa de dag ma gtogs pa'o/ /sogs pa zhes bya ba'i sgras ni bsgribs la lung du ma bstan pa dang / ma bsgribs la lung du ma bstan pa'i skal ba mnyam pa'i rgyu sbyar bar bya ba yin te/re zhig bsgribs pa'i mu dang po ni bsgribs la lung du ma bstan pa'i sems kyi mjug thogs su dge ba'am ma bsgribs la lung du ma bstan pa'i sems mngon du byed pa'o/ /gnyis pa ni bzlog pa'o//gsum pa ni bsgribs la lung du ma bstan pa'i mjug thogs su bsgribs la lung du ma bstan pa kho na yin no/ /bzhi pa ni rnam pa de dag ma gtogs pa'o/ /ma bsgribs la lung du ma bstan pa'i mu dang po ni ma bsgribs la lung du ma bstan pa'i mjug thogs su dge ba'am nyon mongs pa can gyi sems mngon du byed pa'o//gnyis pa ni bzlog pa'o/ /gsum pa ni ma bsgribs la lung du ma bstan pa'i mjug thogs su ma bsgribs la lung du ma bstan pa kho na yin no/ /bzhi pa ni rnam pa de dag ma gtogs pa'o//de'i sa bon gyi dngos por nye bar 'gro ba'i phyir ro zhes bya ba ni 'bras bu de'i sa bon gyi dngos por nye bar 'gro ba'i phyir ro zhes bya ba'i tha tshig go/ /'di ni mdo sde pa'i lugs yin te/ glegs bam kha cig las ni 'di skad du 'byung ba med do//'di lta ste/ rlung gi dkyil 'khor gyi chu'i dkyil 'khor lta bu zhes bya ba ni 'bras bu de'i 'di lta ste zhes bya ba ni dper rab tu bstan pa yin te/ rlung gi dkyil 'khor gyi rten gyi 'bras bu ni chu'i dkyil 'khor yin no/ /bar du'o zhes bya ba'i sgras ni chu'i dkyil 'khor gyi gser gyi sa gzhi dang /gser gyi sa gzhi'i rtswa dang 'bru dang sman la sogs pa ste/ rten gyi 'bras bu yin no zhes bya bar skabs dang sbyar ro/ /mi sdug pa'i ni dran pa nye bar gzhag pa rnams nas bzung ste/ mi skye ba shes pa'i bar lta bu ste/de bzhin du sbyor ba gzhan dbugs rngub pa dang 'byung ba dran pa la sogs pa'i 'bras bu yang sbyar bar bya'o/ /tshogs pa'i 'bras bu ni tshogs pa'i 'bras bu'o/ /mig la sogs pa zhes bya ba la sogs pa zhes bya ba'i sgras ni mig dang gzugs dang snang ba dang yid la byed pa rnams bsdus te/de bzhin du bsgoms pa'i 'bras bu ni bsgoms pa'i 'bras bu'o zhes bya bar tshig bsdu'o/ /'di thams cad ni zhes bya ba rgyas par 'byung ba ni 'bras bu rnam pa bzhi po 'di ni/ skyes bu byed pa dang / bdag po'i 'bras bu dag gi khongs su 'dus pa yin te/ rten gyi 'bras bu ni bdag po'i 'bras bu'i nang du 'dus so/ /sbyor ba'i 'bras bu la sogs pa ni skyes bu byed pa dang bdag po'i 'bras bu dag gi nang du 'dus so/ /chos nyon mongs pa can rnams dang zhes bya ba rgyas par 'byung ba la nyon mongs pa can ni nyon mongs pa de dang mtshungs par ldan pa dang /des kun nas bslang ba dag yin no/ /rnam par smin pa las skyes pa ni rnam par smin pa'i rgyu las skyes pa dag yin no/ /zag pa med pa'i dang po ni sdug bsngal la chos shes pa'i bzod pa dang de dang lhan cig 'byung ba dag yin no//de dag gi lhag ma rnams zhes bya ba ni nyon mongs pa can la sogs pa gsum po dag gi ste/ rnam par smin pa las ma gtogs pa'i lung du ma bstan pa spyod lam pa dang bzo'i gnas pa dang sprul pa dag go//zag pa med pa'i skad cig ma dang po ma gtogs pa'i dge ba rnams so zhes bya ba la/ dge ba zhes bya ba smos pas ni zag pa dang bcas pa dang zag pa med pa dag gzung ste/ de la lhag ma ni sdug bsngal la chos shes pa'i tshogs la sogs pa slob pa dang mi slob pa'i lam thams cad dang /'jig rten pa'i dge ba rnams kho na yin no zhes bya bar khong du chud par bya'o/ /lhag ma yang 'dir phung po gsum par bya ste/ des na chos rnam pa bzhi po de dag ni/ nyon mongs can dang rnam smin skyes//lhag dang dang po 'phags rim bzhin/ /rnam smin kun 'gro de gnyis dang / /skal mnyam ma gtogs lhag las skyes/ /zhes bya ba smos te/ rnam smin zhes bya ba ni rnam par smin pa'i rgyu'o/ /chos nyon mongs pa can rnams ni rnam par smin pa'i rgyu ma gtogs pa lhag ma lnga po byed rgyu dang lhan cig 'byung ba dang skal ba mnyam pa dang mtshungs par ldan pa dang kun du 'gro ba dag las ci rigs par skye ste/rang gi ngo bo ma gtogs pa chos thams cad kyi mtshan nyid kyi byed rgyu'i rgyu dang / rang gi tshogs kyi sems la sogs pa'i mtshan nyid kyi lhan cig 'byung ba'i rgyu dang /rang gi rgyud kyi nyon mongs pa can sngar byung ba'i mtshan nyid kyi skal ba mnyam pa'i rgyu dang / 'di ltar de dag sems dang sems las byung ba'i ngo bo nyid yin pas rang gi tshogs kyi sems dang sems las byung ba'i mtshan nyid kyi mtshungs par ldan pa'i rgyu dang /'jig tshogs la lta ba la sogs pa sngar byung ba'i mtshan nyid kyi kun du 'gro ba'i rgyu las skye bar 'gyur ro/ /rnam par smin pa'i rgyu las ni ma yin te/ rnam par smin pa'i rgyu ni rnam par smin pa'i 'bras bus 'bras bu dang bcas pa yin na/chos nyon mongs pa can rnams ni rnam par smin pa'i ngo bo nyid ma yin pas de dag de las mi skye'o/ /rnam par smin pa las skyes pa rnams ni kun du 'gro ba'i rgyu ma gtogs pa rgyu dag lhag ma lnga po kho na las skye'o//rnam par smin pa rnams nyon mongs pa can ma yin pa'i phyir kun du 'gro ba'i rgyu las ni ma yin te/ kun du 'gro ba'i rgyu'i mtshan nyid ni/ kun 'gro zhes bya nyon mongs can/ /rnams kyi zhes bya ba bzhin no/ /rnam par smin pa las skyes pa dag log par lta ba la sogs pa kun du 'gro ba las skye bar 'gyur mod kyi kun du 'gro ba'i rgyu yin pa'i phyir de las skye ba ni ma yin no//'o na ci zhe na/ rnam par smin pa'i rgyu yin no/ /chos lhag ma rnams ni zhes bya ba rgyas par 'byung ba ni lhag ma rnams la rnam par smin pa'i ngo bo nyid med pa'i phyir rnam par smin pa'i rgyu yang med la nyon mongs pa can gyi ngo bo nyid ma yin pa'i phyir kun du 'gro ba'i rgyu yang med do//de'i phyir rnam par smin pa dang kun du 'gro ba'i rgyu de dag ma gtogs pa lhag ma bzhi las skye ste/snga ma bzhin du bshad par bya'o/ /zag pa med pa'i dang po rnams ni rnam par smin pa dang kun du 'gro ba'i rgyu ste/ dang zhes bya ba'i sgras drangs pa de dag dang skal ba mnyam pa'i rgyu ma gtogs pa lhag ma byed rgyu dang lhan cig 'byung ba dang mtshungs par ldan pa'i rgyu dag las ci rigs par skye'o//zag pa med pa rnams la rnam par smin pa'i ngo bo nyid med pa'i phyir rnam par smin pa'i rgyu med do/ /nyon mongs pa can ma yin pa'i phyir kun du 'gro ba'i rgyu yang med do/ /lam ni sngon ma bskyed pa'i phyir skal ba mnyam pa'i rgyu yang med do//zag pa dang bcas pa chos kyi mchog ni zag pa med pa'i tshogs kyi skal ba mnyam pa'i rgyu yin par rung ba ma yin no/ /de lta bas na de dag las mi skye'o/ /sems dang sems las byung ba yin/ /zhes bya ba la/ sems dang sems las byung ba zhes bya ba smos pa ni mtshungs par ldan pa'i rgyu yod par bstan pa'i phyir ro//zag pa med pa'i sems dang ldan pa ma yin pa thob pa la sogs pa dang sdom pa gzugs can gyi ngo bo nyid kyang zag pa med pa dag tu rig par bya ste/ sems dang sems las byung ba dag las gzhan pa sems dang ldan pa ma yin pa dang /gzugs can nyon mongs pa can la sogs pa nyon mongs pa can dang / rnam par smin pa las skyes pa dang / zag pa med pa'i dang po de dag kyang sems dang sems las byung ba rnams ji lta ba de kho na bzhin du skye'o//mtshungs par ldan pa'i rgyu gcig pu ma gtogs pa 'ba' zhig tu zad do/ /de dag mtshungs par ldan pa'i ngo bo nyid ma yin pa'i phyir mtshungs par ldan pa'i rgyu las ni skye bar mi 'gyur ro/ /ji lta zhe na/ sems dang ldan pa ma yin pa dang / gzugs can nyon mongs pa can rnams ni rnam par smin pa dang mtshungs par ldan pa'i rgyu dag ma gtogs pa rgyu lhag ma bzhi las skye'o//rnam par smin pa las skyes pa yang kun du 'gro ba dang mtshungs par ldan pa'i rgyu dag ma gtogs par lhag ma bzhi kho na las skye'o/ /lhag ma rnams ni rnam par smin pa dang kun du 'gro ba dang mtshungs par ldan pa'i rgyu rnams ma gtogs pa lhag ma gsum las so//zag pa med pa'i dang po ni rnam par smin pa dang kun du 'gro ba'i rgyu dag dang skal ba mnyam pa'i rgyu dang mtshungs par ldan pa'i rgyu ma gtogs pa lhag ma rgyu gnyis las skye'o//rgyu gcig las byung ba'i chos ni med do zhes bya ba ni rgyu dang lhan cig 'byung ba'i rgyu dag gdon mi za bar med na mi 'byung ba yin pa'i phyir ro/ /skye ba bskyed bya skyed byed pa/ /rgyu dang rkyen dag med par min/ /zhes bshad pas de'i phyir rgyu rgyas par bshad pa'i 'og tu rkyen rnams gang zhe na zhes 'dri bar byed do//rkyen du 'dra ba ni rkyen nyid do zhes bya ba ni rkyen gyi rnam pa zhes bya ba'i tha tshig ste ba lang nyid lta bu yin no/ /sems dang sems byung zhes bya ba rgyas par 'byung ba ni sems dang sems las byung ba rnams kho na mtshungs pa de ma thag pa yin no zhes bya bar nges par gzung ba yin no//skyes zhes smos pa ni ma 'ongs pa brtsal ba'i phyir ro/ /tha ma pa yin zhes smos pa ni phyi ma dang bcas pa rnams mtshungs pa de ma thag pa yin pa'i phyir ro/ /rkyen 'di mtshungs pa yang yin la de ma thag pa yang yin pas mtshungs pa de ma thag pa'i rkyen to zhes bya ba ni mtshungs pa zhes bya ba'i sgra ni 'dra ba'i don yin no//'dod pa na spyod pa'i gzugs kyi zhes bya ba ni rnam par rig byed ma yin pa'o/ /res 'ga' ni 'dod pa na spyod pa'i rnam par rig byed ma yin pa'i gzugs dang gzugs na spyod pa'i rnam par rig byed ma yin pa'i gzugs 'byung ste/zag pa dang bcas pa'i bsam gtan mngon du gyur pa na'o res 'ga' ni 'dod pa na spyod pa dang zag pa med pa 'byung ste/ zag pa med pa'i bsam gtan mngon du gyur pa na'o/ /'dod pa na spyod pa'i sems kyi mjug thogs su 'dod pa na spyod pa dang /gzugs na spyod pa dang / zag pa med pa'i sems cig car ni nam yang mi 'byung bas gzugs sngon du 'gyur ba 'chol ba yin no/ /gnyis pa 'byung ba'i phyir ro zhes bya ba ni rgyas pa las 'byung ba gnyis pa 'byung ba'i phyir te/gang gi tshe zas zos nas nyal ba 'am bsam gtan la snyoms par 'jug pa de'i tshe zas las skyes pa'i rgyas pa las byung ba dang / gnyid las skyes pa 'am/ ting nge 'dzin las skyes pa'i rgyas pa las byung ba 'byung ngo / /btsun pa ni mdo sde pa'i gnas brtan zhig yin no//chos mang ba dang nyung ngu 'byung ba'i phyir te zhes bya ba ci zhe na/ gzugs ni mtshungs pa de ma thag pa'i rkyen ma yin zhes bya bar skabs dang sbyar ro/ /dge ba dang mi dge ba dang lung du ma bstan pa'i sems dag dang zhes bya ba ni/ 'dod pa'i dge ba'i sems la ni//rtog dang dpyod dang bcas pa'i phyir/ /sems las byung ba nyi shu gnyis/ /la la dag tu 'gyod pas bsnan/ /mi dge ba ni ma 'dres dang / /lha dang ldan na'ang nyi shu 'byung / /nyon mongs bzhi dang khro sogs dang / /'gyod pa dang ni nyi shu gcig /bsgribs la bco brgyad lung ma bstan//gzhan la bcu gnyis dag tu 'dod/ /ces bya ba'i rim pa 'dis res 'ga' ni sems las byung ba mang po nyi shu rtsa gsum las sems las byung ba nyung ngu nyi shu rtsa gcig gam bco brgyad dam bcu gnyis 'byung la res 'ga' ni nyung ngu las mang po 'byung ste bzlog pa yin no//rtog pa dang dpyod pa dang bcas pa la sogs pa'i ting nge 'dzin gsum la zhes bya ba ni/ rtog pa dang dpyod pa dang bcas pa la sogs pa'i ting nge 'dzin kyang yod la/ rtog pa med la dpyod pa tsam yang yod/ rtog pa yang med dpyod pa yang med pa yang yod pas ting nge 'dzin 'di gsum la sems las byung ba ches mang ba dang nyung ngu 'byung ste/de'i phyir sems dang sems las byung ba dag kyang mtshungs pa de ma thag pa'i rkyen ma yin par 'gyur zhe na/ rigs gzhan la ni yod kyi rang gi rigs la ni med de zhes bya ba ni rigs gzhan la ni ches mang ba dang nyung ngu 'byung ba yod kyi rang gi rigs la med do//sems 'ga' la rtog pa dang dpyod pa la sogs pa'i rigs tha dad pa yin par 'gyur ba rnams 'byung ba dang mi 'byung bar yang 'gyur gyi/ nam yang tshor ba ches mang ba ni ma yin te/sems gcig la res 'ga' ni tshor ba gcig gzhan 'ga' la ni gsum mam gnyis zhes bya ba ni med do/ /gzugs ni rang gi rigs la yang ches mang ba dang nyung ngu 'byung ngo / /yang ci rang gi rigs kho na'i zhes bya ba ni ci gang gis na sems las byung ba la sogs pa ches mang ba dang nyung ngu 'byung ba yongs su spangs par 'gyur ba tshor ba yang tshor ba du ma bskyed par mi nus pa'i phyir tshor ba kho na'i mtshungs pa de ma thag pa'i rkyen yin la 'du shes la sogs pa yang de dang 'dra ba yin gyi rigs gzhan gyi ni ma yin te/tshor ba ni 'dus shes la sogs pa'i ma yin pa zhig yin nam zhe na zhes bya ba yin no//rgyud 'dra ba pa dag ni zhes bya ba rgyas par 'byung ba ni sems kyang sems gzhan gyi mtshungs pa de ma thag pa'i rkyen yin gyi/ tshor ba'i ma yin la tshor ba gang tshor ba gzhan gyi yin gyi sems kyi ma yin pas skal ba mnyam pa'i rgyu ni rgyud 'dra ba yin no zhes bya ba'i tha tshig go//rgyud 'dra bas rtsen pa 'am tha snyad 'dogs pa na rgyud 'dra ba pa dag ste/ chos mngon pa pa kha cig yin no/ /gal te rgyud gcig rgyud gzhan gyi skal ba mnyam pa'i rgyu yin na gang gi tshe nyon mongs pa can ma yin pa'i mjug thogs su nyon mongs pa can 'byung ba de la ji ltar mtshungs pa de ma thag pa'i rkyen du rnam par bzhag ce na/de'i phyir gang gi tshe nyon mongs pa can ma yin pa'i mjug thogs su zhes bya ba rgyas par smos te/ nyon mongs pa phyis byung ba de'i mtshungs pa de ma thag pa'i rkyen ni sngon 'gags pa'i nyon mongs pa skad cig ma gzhan gyis bar du chod pa yin par rnam par 'jog ste/rigs mthun pa'i sems gzhan gyis bar du ma chod pa'i phyir ro/ /nyon mongs pa can ma yin pas bar du chod pa ni bar du chod pa ma yin pa kho na ste/ rigs mi mthun pa yin pa'i phyir ro//dper na ldang ba'i sems kyis 'gog pa la snyoms par 'jug pa'i sems lta bu ste/ sems gzhan gyis bar du ma chod pa'i phyir snyoms par 'jug pa'i rdzas kyis bar du chod kyang mtshungs pa de ma thag pa'i rkyen du rnam par gzhag pa de dang 'dra'o//khams gsum pa dang ldan pa ma yin pa rnams cig car mngon du 'gyur ba'i phyir ro zhes bya ba ni 'phags pa 'dod pa'i khams kyi 'dod chags dang ma bral ba'i 'dod pa na spyod pa'i thob pa'i mjug thogs su khams gsum pa dang ldan pa ma yin pa rnams kyi thob pa dag 'byung ste/khams gsum pa'i nyon mongs pa dang ldan pa'i phyir ro/ /de dag gi skye ba la sogs pa yang de dang 'dra bar 'byung ste/ de ltar na 'chol bar mngon du 'gyur ba'i phyir ldan pa ma yin pa'i 'du byed thob pa la sogs pa yang mtshungs pa de ma thag pa'i rkyen ma yin no//ci'i phyir ma 'ongs pa mtshungs pa de ma thag pa'i rkyen du mi 'dod ce na zhes bya ba rgyas par 'byung ba ni gong du/ sems dang sems byung skyes pa rnams/ /tha ma min mtshungs de ma thag /ces bshad pas 'das pa dang da ltar byung ba dag kho na mtshungs pa de ma thag pa'i rkyen yin par bshad de/de'i phyir de skad du 'dri'o/ /'chol ba yin pa'i phyir te zhes bya ba ni ma 'ongs pa'i dus ni 'chol bar 'dug pa'i phyir mtshungs pa de ma thag pa'i rkyen yin par mi 'dod do/ /ma 'ongs pa'i dus 'chol bar 'dug pa nyid ni snga phyi med pa'i phyir te/snga ma dang phyi ma nyid med pa'i phyir ro/ /dus snga ma dang phyi ma dang ldan pa'i phyir da ltar gyi bas sngar zhes brjod par ni nus na/ ma 'ongs pa la ni snga ma dang phyi ma nyid med do/ /de nyid kyi phyir da ltar gyi yang da ltar gyi mtshungs pa de ma thag pa'i rkyen du mi 'dod de/snga ma dang phyi ma nyid med pa'i phyir ro/ /'das pa dang da ltar gyi las rjes su dpag pa'i phyir ro zhes bya ba ni 'das pa dang da ltar gyi las rjes su dpag pa'i phyir te/ 'das pa las rjes su dpag pa zhes bya ba bstan pa'i phyir 'das pa'i dus gzigs zhes bya ba rgyas par smos so//da ltar gyi las rjes su dpag pa zhes bya ba bstan pa'i phyir ma 'ongs da ltar ba'i las 'di yang de lta bu yin pas zhes bya ba rgyas par smos so/ /phyi ma'i mtha' mi mkhyen par 'gyur ro zhes bya ba ni 'di'i thams cad mkhyen pa nyid nyams par 'gyur ro snyam du bsams pa yin no//'bras bu'i rtags su gyur pa ni 'bras bu'i mtshan mar gyur pa'o/ /mngon sum du mdzad pa ni ma yin no zhes bya ba ni mngon sum du gzigs pa ma yin pa'o/ /snga ma dang phyi ma nyid med pas 'chol bar 'dug pa'i phyir ma 'ongs pa ni mtshungs pa de ma thag pa'i rkyen du mi 'dod do zhes bshad pa dang /ci'i phyir chos kyi mchog gi mjug thogs su zhes bya ba 'di rgyas par smos so/ /de la bye brag tu smra bas lan gdab pa'i phyir gang zhig gang la rag lus te skye ba zhes bya ba rgyas par smras te/ sdug bsngal la chos shes pa'i bzod pa'i chos gang zhig 'jig rten pa'i chos kyi mchog gang la rag las te skye ba de ni de'i mjug thogs su skye'o/ /dper na mtshungs pa de ma thag pa'i rkyen med bzhin du sa bon la sogs pa'i myu gu la sogs pa bzhin te myu gu ni sa bon la rag las te skye ba yin pas de'i mjug thogs su skye la sdong bu la sogs pa yang myu gu la sogs pa la de dang 'dra'o//mtshungs pa de ma thag pa'i rkyen med bzhin du yang zhes bya ba ni mtshungs pa de ma thag pa'i rkyen med par yang ngo / /yang zhes bya ba'i sgras ni mtshungs pa de ma thag pa'i rkyen yod na lta ha cang yang skye bar 'gyur snyam du bsams pa yin no//de lta bas na tshig gi don ni go rims nges par gnas pa yang med la de dang 'dra bar mjug thogs su skye bar nges par yang 'gyur ro zhes bya ba yin no/ /ci'i phyir dgra bcom pa'i sems dang sems las byung ba tha ma rnams zhes bya ba'i 'dri ba 'di ni tha ma ma yin zhes bshad pas byung ba yin no//sems gzhan dang 'brel pa med pa'i phyir ro zhes bya ba 'di ltar mjug thogs su sems gzhan dang 'brel ba med pas so/ /yid ni rten gyi dngos pos rab tu phye ba yin zhes bya ba ni dper na mig skyes pa mig gi rnam par shes pa'i rten gyi dngos por gnas pa gal te rgyu gzhan ma tshang ba mig gi rnam par shes pa mi skye yang de la mig gis ma lan pa de bzhin du dgra bcom pa'i sems tha ma yang rkyen gyi dngos por gnas la rgyu gzhan ma tshang bas ni rnam par shes pa mi skye bar zad de des lan pa ni ma yin no//de ni byed pas rab tu phye ba ma yin te/ skyed par byed pa'i skyes bu'i byed pas rab tu phye ba ni ma yin no zhes pa'i tha tshig go/ /gal te de skyed par byed pas rab tu phye ba yin par gyur na ni de 'bras bu skye ba kho na yin na yid yin par 'gyur ba zhig na de lta yang ma yin te/de'i phyir de ni bskyed par bya ba med kyang yid yin pa kho na'o/ /mtshungs pa de ma thag pa'i rkyen ni byed pas rab tu phye ba yin te/ bskyed par bya ba yod pa kho na yin na mtshungs pa yin pa de ma thag pa'i rkyen yin gyi med na ni ma yin no//des chos gang 'bras bur bzung ba ste/ mtshungs pa de ma thag pa'i rkyen des chos gang zhig 'di bskyed par bya'o zhes 'bras bur gzung ba de ni chos blo dang mi ldan pa thams cad dam srog chags ched du bsams shing byed pa thams cad kyis kyang ji ltar mi skye bar 'gyur ba ste de mi skye bar bya'o zhes dgag par mi nus so//chos gang dag sems kyi mtshungs pa de ma thag pa can de dag ces bya ba rgyas par 'byung ba ni sems kyi mtshungs pa de ma thag pa'i rkyen gyis bskyed pa ni sems kyi mtshungs pa de ma thag pa can dag yin te/de dag ni sems dang mtshungs pa yang yin la de ma thag pa yang yin pas/ sems kyi mtshungs pa de ma thag pa can yin no/ /rnam pa gcig tu na 'di dag la mtshungs pa de ma thag pa'i rkyen sems kyi mtshungs pa de ma thag pa yod pas sems kyi mtshungs pa de ma thag pa can yin te/sems kyi mtshungs pa de ma thag pa can ni skad cig ma gzhan gyis bar du ma chod pa dag yin no/ /sems kyi mtshungs pa de ma thag pa can de dag kyang sems dang sems las byung ba rnams dang snyoms par 'jug pa gnyis po 'du shes med pa dang 'gog pa'i snyoms par 'jug pa dag yin gyi/'du shes med pa ni las kyi mthus skye ba'i phyir bstan bcos las sems kyi mtshungs pa de ma thag pa can yin par mi 'byung ngo / /mu dang po zhes bya ba rgyas par 'byung ba la snyoms par 'jug pa las ldang ba'i sems ni snyoms par 'jug pa la 'jug pa'i sems kyis bskyed pa yin te/de'i phyir sems kyi mtshungs pa de ma thag pa can yin gyi snyoms par 'jug pa'i skad cig mas bar du chod pa'i phyir sems kyi de ma thag pa can ni ma yin no/ /snyoms par 'jug pa'i skad cig ma gnyis pa la sogs pa ni skad cig ma dang po ma gtogs pa dag ces bya ba'i tha tshig go//rkyen des bskyed pa'i phyir sems kyi mtshungs pa de ma thag pa can yin gyi ci rigs par skad cig ma dang po la sogs pas bar du chod pa'i phyir sems kyi de ma thag pa can ni ma yin no//mu gnyis pa ni snyoms par 'jug pa'i skad cig ma dang po'i skye ba la sogs pa ste/ skad cig ma gzhan gyis bar du ma chod pa'i phyir sems kyi de ma thag pa can yin gyi sems kyi mtshungs pa de ma thag pa can gyi ngo bo nyid ma yin pa'i phyir sems kyi mtshungs pa de ma thag pa can ni ma yin te/sems kyi mtshungs pa de ma thag pa can ni sems dang sems las byung ba rnams dang snyoms par 'jug pa gnyis kho na yin par 'dod do/ /sems dang bcas pa'i gnas skabs kyi skye ba la sogs pa ni de dag khyad par du ma byas pa'i phyir sems dang sems las byung ba thams cad kyi skye ba la sogs pa yin no//sogs pa zhes bya ba smos pas ni snyoms par 'jug pa gnyis ma gtogs pa dang ldan pa ma yin pa thams cad bsdu ba kho na ste/ de dag kyang de dang 'dra ba nyid du sems kyi de ma thag pa can yin gyi sems kyi mtshungs pa de ma thag pa can ni ma yin te snga ma bzhin du bshad par bya'o//sems dang bcas pa'i gnas skabs dag go zhes bya ba ni gang gi tshe sems kyi mjug thogs su sems 'byung ba de'i tshe sems dang sems las byung ba phyi ma rnams sems snga mas sems kyi mtshungs pa de ma thag pa can yang yin la/sems kyi de ma thag pa can yang ma yin no/ /mu bzhi pa ni snyoms par 'jug pa'i skad cig ma gnyis pa la sogs pa dang ldan pa'i sems kyi skye ba la sogs pa ste/ sems kyi mtshungs pa de ma thag pa can gyi ngo bo nyid ma yin pa'i phyir sems kyi mtshungs pa de ma thag pa can yang ma yin la/ snyoms par 'jug pa'i skad cig ma dang po la sogs pas bar du chod pa'i phyir sems kyi de ma thag pa can yang ma yin no/ /gsum pa dang bzhi pa gang dag yin pa de dag ni dang po dang gnyis pa dag go zhes bya ba rgyas par 'byung ba la/mu dang po ni snyoms par 'jug pa'i skad cig ma dang po dang / sems dang bcas pa'i gnas skabs rnams te de dag ni mtshungs pa de ma thag pa'i rkyen gyis bskyed pa'i phyir sems kyi mtshungs pa de ma thag pa can yin gyi snyoms par 'jug pa'i de ma thag pa can ni ma yin te/snyoms par 'jug pa'i skad cig ma dang po la snyoms par 'jug pa'i skad cig ma snga ma med pas de'i de ma thag pa can gyi ngo bo nyid ma yin pa'i phyir la/ sems dang bcas pa'i gnas skabs na yang snyoms par 'jug pa med pa'i phyir ro//gnyis pa ni snyoms par 'jug pa'i skad cig ma gnyis pa la sogs pa dang ldang ba'i sems kyi skye ba la sogs pa ste/ chos 'di dag ni snyoms par 'jug pa'i de ma thag pa can yin gyi sems kyi mtshungs pa de ma thag pa can ni ma yin no/ / gsum pa ni sems med pa'i snyoms par 'jug pa las ldang ba'i sems dang snyoms par 'jug pa'i skad cig ma gnyis pa la sogs pa ste/ 'di dag ni sems kyi mtshungs pa de ma thag pa can yang yin la snyoms par 'jug pa'i de ma thag pa can yang yin no/ /bzhi pa ni snyoms par 'jug pa'i skad cig ma dang po dang sems dang bcas pa'i gnas skabs kyi skye ba la sogs pa ste/chos 'di dag ni sems kyi mtshungs pa de ma thag pa can yang ma yin la snyoms par 'jug pa'i de ma thag pa can yang ma yin te/ sems kyi mtshungs pa de ma thag pa can gyi ngo bo nyid ma yin pa'i phyir dang /snyoms par 'jug pa'i skad cig ma snga ma med pa'i phyir ro/ /mtshungs par ldan pa dang bcas pa'i zhes bya ba ni sems las byung ba dang bcas pa'i 'o/ /de lta bu'i mtshan nyid yin pa'i phyir zhes bya ba ni dmigs par bya ba'i mtshan nyid yin pa'i phyir ro//skye mched dang rdzas dang skad cig ma nges pas zhes bya ba ni skye mched dang rdzas dang skad cig ma yin te de dag nges pa'o/ /des na sems dang sems las byung ba 'di dag rang gis dmigs pa la nges pa yin no/ /dper na re zhig mig gi rnam par shes pa mtshungs par ldan pa dang bcas pa ni dmigs pa gzugs kyi skye mched la nges kyi sgra'i skye mched la sogs pa la ni ma yin te/skye mched nges pa ni de lta bu yin no/ /skye mched de la yang rdzas nges pas ni gzugs sngon po la mig gi rnam par shes pa mtshungs par ldan pa dang bcas pa sngon po 'dzin par byed pa yin par nges kyi ser po la sogs pa gzhan la ni ma yin no//dmigs pa gzugs sngon po de la yang gzugs sngon po'i skad cig ma gang zhig gang gi dmigs pa yin pa de ni de kho na'i yin gyi gzhan gyi ni ma yin te/ skad cig ma nges pas ni de lta bu yin no//de bzhin du sgra la sogs pa la yang rna ba la sogs pa'i rnam par shes pa mtshungs par ldan pa dang bcas pa la sogs pa sbyar bar bya'o/ /ci rten nges pas kyang nges pa zhig yin nam zhes bya ba ni ci sems dang sems las byung ba 'di dag mig la sogs pa'i rten nges pas kyang nges pa zhig yin nam zhes bya ba yin no//smras pa/ de bzhin de de lta yin no zhes bya ba'i tha tshig go/ /rkyen 'di ni lhag pa yin pas bdag po'i rkyen to zhes bya ba ni rgyu'i rkyen la sogs pa bas te/ rgyu'i rkyen ni po zos nas rgyu sngar zad la dmigs pa'i rkyen kyang lhan cig 'byung ba rnams ma yin pas lhag pa ma yin no//dmigs pa'i rkyen yang chos thams cad yid la zhes bya ba ni yid kyi rnam par shes pa la ltos nas so/ /yang na lhag pa'i rkyen yin te zhes bya ba gong du ni bdag po lhag pa ni bdag po'i rkyen yin no zhes tshig bsdus pa yin no//da ni lhag pa'i ste/ mang po'i bdag po ste/ de rkyen yin pas bdag po'i rkyen no zhes bya bar tshig bsdu'o/ /ji lta zhe na/ thams cad ces bya ba rgyas par smos so/ /'dus byas dang 'dus ma byas thams cad rang gi ngo bo ma gtogs pa'i 'dus byas dmigs pa dang bcas pa dang dmigs pa med pa thams cad kyi rkyen yin pas bdag po'i rkyen yin no//dmigs pa'i rkyen ni dmigs pa dang bcas pa kho na'i yin gyi dmigs pa med pa'i ni ma yin no/ /tshig rnam par sbyar ba dang po la ni rkyen lhag par bstan pa yin no//gnyis pa la ni rkyen dang ldan pa'o/ /'gag pa la bya ba byed do zhes bya ba ni 'gag pa kho na la zhes nges par gzung ba yin te/ phan tshun 'bras bu yin pa'i phyir dang / rten mtshungs pa'i phyir lhan cig 'byung ba dang mtshungs par ldan pa'i rgyud dag dang go rims bzhin no//gsum po ni skye ba la'o zhes bya ba ni skye ba kho na la zhes nges par gzung ba yin no/ /de las gzhan pa'i rkyen de dag las bzlog pa yin zhes bya ba ni phyis bshad pa'i byed pa'i dus nges pa ni sngar bshad pa'i mtshungs pa de ma thag pa'i rkyen de dang sbyar te/ skye ba la bya ba byed do zhes bya ba'i don yin la/ sngar bshad pa'i byed pa'i dus nges pa ni phyis bshad pa'i dmigs pa'i rkyen dang sbyar te/ 'gag pa la bya ba byed do zhes bya ba'i don to/ /de ltar na de dag ni bzlog ste bya ba byed pa yin no/ /de'i phyir mtshungs pa de ma thag pa'i rkyen ni skabs 'byed pa'i phyir skye ba la bya ba byed do//dmigs pa'i rkyen ni da ltar gyi sems dang sems las byung ba rnams kyis 'dzin pa'i phyir 'gag pa la bya ba byed do zhes bya ba smos te/ dmigs pa'i rkyen ni 'dzin pa'i don gyi rnam par gzhag na sems dang sems las byung ba 'das pa dang ma 'ongs pa dag ni gzung bar bya ba'i don 'dzin par byed pa yang ma yin no//'di'i bya ba 'di nyid yin no zhes bya ba ni bdag po'i rkyen 'di'i bya ba ni gnas skabs thams cad du mi sgrib pa'i dngos por 'dug pa gang yin pa de nyid yin no zhes bya bar go sla bas bdag po'i rkyen gyi byed pa'i dus nges pa mdor ma byas so snyam du bsams pa yin no//rgyu rnam pa gnyis te zhes bya ba ni mtshungs par ldan pa dang / kun du 'gro ba dang rnam par smin pa'i rgyu rnams mi srid pa'i phyir ro/ /sa mtshungs pa'i dge ba'i chos zhes bya ba ni gang dag gi stobs kyis snyoms par 'jug pa de gnyis 'byung ba ste/'gog pa'i snyoms par 'jug pa'i skal ba mnyam pa'i rgyu'i rkyen ni srid pa'i rtse mo pa'i chos dge ba rnams yin no/ /'du shes med pa'i snyoms par 'jug pa ni bsam gtan bzhi pa'i sa pa dag yin no/ /mtshungs pa de ma thag pa'i rkyen ni snyoms par 'jug pa'i sems mtshungs par ldan pa dang bcas pa'o zhes bya ba ni 'gog pa'i snyoms par 'jug pa'i skad cig ma thams cad sems gzhan gyis bar du ma chod pa'i phyir ro//snga ma bzhin no zhes bya ba ni rang gi ngo bo ma gtogs pa chos thams cad do//sems kyi mngon par 'du byed pa las skye ba'i phyir ro zhes bya ba ni sems kyi rtsol ba las skye ba'i phyir ro zhes bya ba'i tha tshig go/ /sems skye ba la bgegs byed pa'i phyir mtshungs pa de ma thag pa'i rkyen ni ma yin no zhes bya ba ni mtshungs pa de ma thag pa'i rkyen ni sems skye ba'i rgyu yin pa'i phyir ro//gzhan ni gnyis po dag las skye/ /zhes bya ba la ni zhes bya ba'i sgra ni nges par gzung ba dang rim pa gzhan du sbyar ba yin te/ sems dang sems las byung ba dang snyoms par 'jug pa gnyis ma gtogs pa chos gzhan dag ni rgyu dang bdag po'i rkyen gnyis kho na las skye'o//dbang phyug dang skyes bu dang gtso bo la sogs pa zhes bya ba'i sgras ni dus dang rang bzhin dang rdul phra rab la sogs pa bsdu'o/ /de nyid kyis zhes bya ba la tshig gi don bsdus pa ni gal te rgyu gcig pu dbang phyug gam skyes bu ni med do zhes bya ba'i phyogs 'di la gtan tshigs ci yod ces gtan tshigs tshol bar byed na dbang phyug las ma gtogs pa'i gtan tshigs byas pas de 'grub pas na khas blangs par 'gyur ro//de khas blangs pa'i phyir 'gro ba thams cad kyi rgyu gcig pu dbang phyug gam skyes bu yin no zhes smra ba 'di bstsal ba yin te/yongs su spangs par 'gyur ro zhes bya ba yin no/ /dbang phyug sogs min rim sogs phyir/ /zhes bya ba ni dngos po rnams ni dbang phyug la sogs pa la mi skye'o/ /ci'i phyir zhe na/ rim sogs phyir te sogs pa zhes bya ba smos pas ni yul dang dus la sogs pa bsdu'o//yang na rgyu du ma nyid dang thug pa med par thal ba dang skyes bu'i byed pa gzhan bsnyon par smra ba rnams bsdu'o/ /gal te dbang phyug gam gzhan yang rung ste/ rgyu gcig pu kho na zhig yin na zhes bya ba rgyas par smos pa ni gal te lha chen po'am nor lha'am skyes bu la sogs pa gzhan yang rung rgyu gcig pu kho na zhig yin na rgyu yod pa'i phyir 'gro ba thams cad cig car du 'byung bar 'gyur te/rgyu yod na 'bras bu mi 'byung ngo zhes bya ba 'di ni mi 'dod do/ /nur nur po la sogs pa dang myu gu la sogs pa'i dngos po rnams ni rim gyis 'byung bar yang snang ste/de lta bas na rang gi rgyu brgyud pas mngon par 'grub pa yin gyi dbang phyug la sogs pa'i rgyu can ni ma yin no zhes bya bar shes so/ /'gro ba ni dbang phyug la sogs pa'i rgyu gcig pu can yin no zhes khas 'che ba de'i phyogs ni rang gi rgyus rim gyis skye ba nyid la sogs pa'i mtshan nyid kyi chos kyi khyad par gyis na skyon dang bcas pa nyid du mngon no//de ni dbang phyug gi 'dod pa'i dbang gis yin no zhes bya ba ni rim gyis khyad par de ni dbang phyug gi 'dod pa'i dbang gis yin no/ /ji ltar zhe na/ 'di ni da ltar skye bar gyur cig ces bya ba nas 'di ni phyis skye bar gyur cig ces bya ba'i bar smos te/rgyu dbang phyug tu smra ba'i bsam pa ni de ltar na dngos po rnams rim gyis kyang 'byung la dbang phyug gi rgyu can yang yin no snyam pa yin no/ /'o na ni 'dod pa tha dad pa'i phyir zhes bya ba rgyas par 'byung ba ni dbang phyug gi 'dod pa yang tha dad pa'i phyir la rgyu gcig pa nyid du yang khas blangs pa'i phyir phyogs snga ma dang 'gal bas phyogs kyi chos kyi rang gi ngo bo las bzlog par gyur par 'gyur ro// //bam po nyi shu gcig pa/ 'dod pa tha dad pa de dang zhes bya ba rgyas par 'byung ba ni 'dod pa tha dad pa de yang de'i rgyu ste/'dod pa tha dad pa de'i rgyu dbang phyug la tha dad pa med pa'i phyir cig car 'byung bar 'gyur te gcig pa'i phyir ro zhes bya ba'i tha tshig go/ /de'i phyir cig car 'byung bar 'gyur ro zhes pa nyes pa gong du bshad pa de nyid du 'gyur ro//'on te dbang phyug ni de bskyed par bya ba la rgyu'i khyad par tha dad pa gzhan la yang ltos so snyam du sems na de'i phyir 'on te rgyu gzhan la ltos na ni zhes bya ba 'di rgyas par smos te/ rgyu dbang phyug kho na yin par ma zad do zhes bya bar khas blangs na nyes pa de nyid du 'gyur ro/ / de dag kyang zhes bya ba rgyas par 'byung ba ni rgyu'i bye brag de dag kyang rim gyis skye bar 'dod na rgyu gzhan gyi bye brag rnams kyang yang rgyu gzhan gyi bye brag la ltos pa'i phyir thug pa med par thal bar 'gyur te/ de dag kyang rgyu gzhan gyi bye brag la ltos la de dag kyang rgyu gzhan gyi bye brag la ltos pas mtha' thug pa med par thal bar 'gyur ro//shAkya'i sras po'i lugs kho na zhes bya ba ni shAkya'i sras po'i lugs 'khor ba thog ma med pa zhes bya ba 'di las ma 'das par 'gyur ro/ /cig car yin du zin kyang zhes bya ba rgyas par 'byung ba ni ji ste dbang phyug gi 'dod pa rnams cig car yin yang 'gro ba ni cig car ma yin no//ci'i phyir zhe na/ 'dod pa ji lta bar skye ba'i phyir te/ 'dod pa gang gis 'di ni da ltar skye bar gyur cig snyam pa de ni 'dod pa de las da ltar kho na skye la/ gang gis phyis skye bar gyur cig snyam pa de ni de las phyis skye'o//'di ni ches phyis rnam pa 'di lta bur gyur cig snyam pa de ni de las ches phyis de kho na lta bur skye bar 'gyur ro snyam du sems na/ de ni ma yin te/ de dag la phyis khyad par med pa'i phyir ro/ /'dod pa de dag la phyis khyad par 'ga' yang med de/ ji ltar sngon rtsom par mi byed pa de kho na bzhin du phyis kyang rtsom par mi 'gyur ba'am/ji ltar phyis rtsom par mi byed pa lta bur sngon yang de dang 'dra'o/ /rnam pa gcig tu na skyed par byed pa gcig kho nar zad kyi gzhan ni med pas de dag la khyad par med do/ /de'i phyir dbang phyug gi 'dod pa dag bzhin du dngos po rnams cig car du 'byung bar 'gyur ba nyid do//'on te 'dod pa'i khyad par rnam pa rgyu gzhan la ltos pa nyid yin na ni nyes pa snga ma bzhin no/ /de la dbang phyug ma yin par 'gyur te zhes bya ba ni thabs med par de byed par mi nus pa'i phyir dga' ba de la dbang phyug ma yin par 'gyur te/dbang phyug gi dbang phyug nyid ni 'di'i rgyu gzhan la mi ltos par byed par 'gyur ba gang yin pa 'di yin no/ /gzhan la'ang de kho na dang 'dra'o zhes bya ba ni ji ltar dga' ba la dbang phyug ma yin pa de bzhin du gzhan 'jig rten gsum char la yang dbang phyug ma yin no zhes bya bar rjes su dpag pa'o//gal te yang dbang phyug ces bya ba rgyas par 'byung ba ni dmyal ba la sogs par skye dgu phyung na ste/ gal te skye dgu gnod pa mang po dang 'bral ba ste/ nad la sogs pa gnod pa rnam pa mang po du ma dag dang 'brel zhing gtses pa rnams phyung nas dga' bar 'gyur na de la phyag 'tshal lo zhes bya ba'i tha tshig 'di ni bsting ba yin no//gang phyir ma lus sreg pa dang / /zhes bya ba la sogs pa ni gang gi phyir ma lus par sreg par byed pa de'i phyir drag po zhes bya ste/thams cad la yang de dang 'dra'o/ /don gzhan dag gi zhes bya ba ni myu gu la sogs pa la sa bon la sogs pa'i skyes bu'i byed pa mngon sum du ni snyoms par 'gyur ro/ /rgyu rnams las gzhan gyi byed pa mi snang ba'i phyir ro zhes bya ba ni mig dang gzugs dang snang ba dang yid la byed pa las mig gi rnam par shes pa la sogs pa skye ba dang //sa bon dang / zhing dang / chu la sogs pa las myu gu la sogs pa skye ba la gzhan gyi byed pa mi dmigs pa'i phyir te/ ji ltar de dag yod na yod pa'i phyir la de dag med na yang med pa'i phyir mig gi rnam par shes pa la sogs pa skye ba mig la sogs pa dang /myu gu la sogs pa skye ba la sa bon la sogs pa'i byed pa snang ba de lta bur mig la sogs pa yang yod/ sa bon la sogs pa yang yod kyang gang gis na de yang de dag skye ba la byed pa yin par rtogs par 'gyur ba dbang phyug med na mig gi rnam par shes pa la sogs pa dang /myu gu la sogs pa med pa dang / yang de yod na yod pa'ang ma mthong ngo / /de'i phyir de byed pa ma mthong bas rgyu rnams dang bcas pa'i dbang phyug la rgyur rtog par byed pa rnams ni gus par smra ba 'ba' zhig tu zad par 'gyur ro//gzhan yang lhan cig byed pa'i rgyu dang po rnams la yang zhes bya ba rgyas par 'byung ba ni dbang phyug ni lhan cig byed pa dang po gang dag yin pa de dag la dbang phyug de'i dbang phyug med par 'gyur te/ de dag ni 'bras bu skyed pa la rang gi mthus bya ba byed do//lhan cig byed pa dang po ma yin pa rnams la dbang phyug yin pas dang po zhes bya ba smos so/ /dang po byung ba dbang phyug gi rgyu las byung ba yin te/ de ltar na skyes bu byed pa mngon sum yang bsnyon par mi 'gyur la/ rgyu dag las gzhan gyi byed pa ma mthong yang 'gro ba'i rgyu dbang phyug yin no zhes bya ba yang nyes pa med do zhe na/de yang rgyu gzhan la mi ltos pa'i phyir te/ dang po byung ba de yang rgyu gzhan la mi ltos pa'i phyir rgyu dbang phyug gcig pu kho nar zad kyi gzhan ni med pas dbang phyug bzhin du thog ma med pa nyid du thal bar 'gyur ba zhig na de ni mi 'dod do//de lta bas na dbang phyug ni rgyu ma yin no/ /de bzhin du gtso bo la yang ci rigs par brjod par bya'o zhes bya ba la gtso bo ni sems pa med pa yin no/ /de lta bas na de la 'dod pa rnam par gzhag pa ma gtogs pa lhag ma dgag pa'i tshul brjod par bya ba yin te/ gal te rgyu gtso bo gcig pu kho na zhig yin na 'gro ba thams cad cig car du 'byung bar 'gyur ba zhig na/dang po rnams ni rim gyis 'byung bar yang snang ngo / /'on te rgyu gzhan la ltos na ni gtso bo gcig pu kho na rgyu ma yin par 'gyur ro/ /de dag kyang rim gyis skye ba la rgyu gzhan gyi bye brag la ltos pa'i phyir thug pa med par thal bar 'gyur bas zhes bya ba rgyas par sbyar bar bya'o//yang 'gro ba'i rgyu gcig pu yongs su bzung bas don gzhan dag gi skyes bu byed pa mngon sum ni bsnyon par 'gyur ro/ /rgyu rnams dang bcas pa'i gtso bo la yang rgyur rtog pa rnams ni gus par smra ba 'ba' zhig tu zad de rgyu rnams las gzhan gyi byed pa mi snang ba'i phyir ro//gtso bo de lhan cig byed pa'i rgyu dang po rnams la yang gtso bo ma yin par 'gyur ro/ /'on te dang po byung ba gtso bo'i rgyu las byung ba yin no zhe na/ dang po 'byung ba chen po la sogs pa 'byung ba'i ngo bo nyid de yang dang po mi dmigs pa'i phyir gtso bo bzhin du thog ma med pa nyid du thal bar 'gyur ro//gtso bo ni rtag pa yin la chen po'i rgyu yang gtso bo yin pas gtso bo ni snga la chen po ni 'phyi'o zhes bya bar yang mi 'grub po/ /gtso bo skyed par byed pa'i chos can yin pas rgyu gzhan la mi ltos pa'i phyir des rtag tu 'jug par yang bya dgos so//snang ba ni gsal bar bya ba'i don gsal bar byas nas yang gsal bar mi byed pa ma yin te/ ngo bo nyid ni don byas pa la ltos pa med do/ /blo ma sbyangs pa rnams ni don dam pa'i bstan bcos dag gis blo ma sbyangs pa rnams zhes bya ba'i tha tshig go//de'i rgyu 'byung ba rnam pa gnyis zhes bya ba ni 'byung ba sngar byung ba rnams ni rang gi rgyu phyis 'byung ba rnams kyi skal ba mnyam pa'i rgyu yin no/ /tha dad du mi 'jug pa rnams ni lhan cig 'byung ba'i rgyu yin no/ /'byung ba'i rjes su mthun par byed pa'i phyir ro zhes bya ba ni 'byung ba las gyur pa ni 'byung ba rnams kyi rjes su mthun par byed pa yin te/de dag gyur na 'gyur ba'i phyir ro/ /slob dpon la sogs pa la brten pa bzhin no zhes bya ba ni dper na dge slong slob dpon la brten pa bzhin no/ /sogs pa zhes bya ba'i sgras ni mkhan po la yang brten pa yin te/de dang 'dra bar 'byung ba las gyur pa yang 'byung ba rnams la brten to/ /de ltar na de dag ni zhes bya ba rgyas par 'byung ba la 'byung ba de dag skye ba'i rgyu nyid du bstan pa ni de dag las 'byung ba las gyur pa skye ba'i phyir ro/ /'gyur ba'i rgyu nyid du ni de'i rjes su mthun par byed pa'i phyir ro//rten gyi rgyu nyid ni rten du gyur pa yin pa'i phyir ro/ /gnas pa'i rgyu nyid ni rgyun mi 'chad pa'i rgyu yin pa'i phyir ro/ /'phel ba'i rgyu nyid ni 'phel bar byed pa'i rgyu yin pa'i phyir ro/ /bye brag med par 'jug pa'i phyir zhes bya ba ni bgegs mi byed pa'i dngos por gnas pas gzhan dag gi yang rgyu yin pa'i phyir ro zhes bya ba'i tha tshig go//lus dang ngag gi las sems kyi rjes su 'jug pa phan tshun du yin gyi zhes bya ba lus kyi las sems kyi rjes su 'jug pa ni bsam gtan dang zag pa med pa'i sdom pas bsdus pa srog gcod pa dang /ma byin par len pa dang / 'dod pas log par g.yem pa spong ba'i bye brag gis rnam pa gsum mo/ /ngag gi las kyang bsam gtan dang zag pa med pa'i sdom pas bsdus pa kho na brdzun du smra ba dang / phra ma dang / tshig rtsub po dang / tshig 'khyal pa spong ba'i bye brag gis rnam pa bzhi'o//lus dang ngag gi las rnam pa bdun po de ni phan tshun du lhan cig 'byung ba'i rgyu yin te/ rgyur byas pa'i gzugs srog gcod pa spong ba yang gzhan drug gi lhan cig 'byung ba'i rgyu yin la drug po de dag kyang de'i lhan cig 'byung ba'i rgyu yin no zhes bya ba lta bur thams cad sbyar bar bya'o//gzhan ni ma yin no zhes bya ba ni rgyur byas pa'i gzugs mig la sogs pa thams cad dang so sor thar pa'i sdom pa la sogs pas bsdus pa'i bar yang phan tshun lhan cig 'byung ba'i rgyu ma yin te/ tshogs pa tha dad pa'i phyir ro/ /skal ba mnyam pa'i rgyu yin no zhes bya ba ni dge ba yang rang gi rgyud kyi dge ba yin la/nyon mongs pa can yang nyon mongs pa can gyi yin no zhes bya ba la sogs pa yin no/ /lus dang ngag gi las gang gi zhes bya ba ni rnam par rig byed dang rnam par rig byed ma yin pa'i ngo bo nyid mnyam par bzhag pa dang mnyam par ma bzhag pa'i ste ci rigs par sbyar bar bya'o//de rnams gcig ces bya ba ni rnam par smin pa'i rgyu gcig pu kho na yin no zhes bya bar nges par gzung ba yin te/ byed rgyu'i rgyu ni de kho na bzhin du mi bgrang ba'i phyir ro/ /tshogs pa tha dad pa la sogs pa'i phyir yang lhan cig 'byung ba'i rgyu la sogs par mi rung ba'i phyir ro//gzugs kyi khams na mi dge ba med kyi zhes bya ba ni de 'dod pa dag las dben pa sdig pa mi dge ba'i chos rnams las dben pa rtog pa dang bcas pa dpyod pa dang bcas pa dben pa las skyes pa'i dga' ba dang bde ba can bsam gtan dang po rdzogs par byas te gnas so zhes 'byung ba'i phyir ro//de la gzugs kyi khams na mi dge ba med pas mi dge bas dben pa las skyes pa dge ba gang yin pa de ni dben pa las skyes pa zhes bya'o/ /rgyu ji lta bar 'bras bu yang de dang 'dra bas der skyes pa la yang mi dge ba med do zhes bya bar mngon no//mjug thogs su zhes 'og nas 'chad de zhes bya ba ni tshig le'ur byas pa'i mjug nas te de 'dir sbyar bar bya'o/ /snyoms par 'jug pa'i tshe dge ba zhes bya ba ni 'dod pa na spyod pa'i sems dge ba sbyor ba las byung ba'i mjug thogs su bsam gtan dang po'i sa'i sems nyer bsdogs pa'am/dngos gzhi pa 'byung ngo / /nying mtshams sbyor ba'i tshe bsgribs pa'o zhes bya ba ni nying mtshams sbyor ba'i tshe 'dod pa na spyod pa'i sems skye bas thob pa 'chi ba'i mjug thogs su gzugs na spyod pa'i sems bsgribs la lung du ma bstan pa 'byung ste/skye ba'i srid pa nyon mongs can/ /rang gi sa pa'i nyon mongs kun/ /zhes 'byung ba'i phyir ro/ /skye ba ni 'dir srid pa bar mar skye ba yin par bsams pa ste/ de lta bas na srid pa bar mar nying mtshams sbyor ba yang nyon mongs pa can yin par rig par bya'o//ring ba nyid bzhis ring ba yin te zhes bya ba de la rten ring ba nyid ni gzugs na spyod pa'i rten gyis 'dod pa na spyod pa'i sprul pa'i sems mngon du byed pa ji lta bar gzugs med pa na spyod pa'i rten gyis 'dod pa na spyod pa'i chos 'ga' yang mngon du mi byed pa gang yin pa 'di yin te ring ba nyid 'dis na 'dod pa'i khams nas gzugs med pa'i khams dag ring ba yin no//rnam pa ring ba nyid ni gzugs na spyod pas rags pa zhes bya ba la sogs pa rnam pa dag tu ji lta bar gzugs med pa na spyod pa'i sems kyis 'dod pa'i khams rnam par mi byed pa gang yin pa'o//dmigs pa ring ba nyid ni gzugs na spyod pas ji lta bar gzugs med pa na spyod pa'i sems kyis 'dod pa'i khams la mi dmigs pa gang yin pa'o/ /gzugs med dngos gzhi'i dge ba ni/ /zag bcas 'og ma spyod yul min//zhes 'byung ba'i phyir gzugs med pa na spyod pa'i sems kyis gzugs kyi khams kyang mi dmigs pa ma yin nam/ ji ltar 'dod pa'i khams kho na nas gzugs med pa'i khams dag ring ba yin no zhes bya ba 'di brjod ce na/ gzugs med pa na spyod pa dngos gzhi'i sems kyis gzugs kyi khams la mi dmigs pa ni bden mod kyi 'on kyang nam mkha' mtha' yas skye mched kyi nyer bsdogs kyi sems kyis bsam gtan bzhi pa la rags pa la sogs pa'i rnam par dmigs te/de'i phyir 'dod pa'i khams nas lta bur gzugs kyi khams nas gzugs med pa'i khams dag ring bar rnam par mi gzhag go//gnyen po ring ba nyid ni gzugs kyi khams kyi ji lta bar gzugs med pa'i khams dag 'dod pa'i khams kyi gnyen po ma yin pa gang yin pa ste/ de ltar na rten dang / rnam pa dang /dmigs pa dang / gnyen po ring ba nyid dag gis kyang 'dod pa'i khams nas gzugs med pa'i khams dag ring ba yin no/ /de lta bas na 'dod pa na spyod pa'i dge ba'i mjug thogs su gzugs med pa na spyod pa'i dge ba mi 'byung ngo / /slob pa dang / mi slob pa'o zhes bya ba ni snyoms par 'jug pa'i tshe 'dod pa na spyod pa'i dge ba sbyor ba las byung ba'i mjug thogs su slob pa sngon thob pa 'byung ste/mi slob pa yang de kho na dang 'dra'o/ /nyon mongs pa can gyi snyoms par 'jug pas gzir ba zhes bya ba ni rnal 'byor pa nyon mongs pa can gyi snyoms par 'jug pas gzir ba ni nyis na sa 'og ma'i dge ba yang sla'i/gong ma'i nyon mongs pa ni ma yin no snyam nas sa 'og ma'i dge ba la brten pa'i phyir bsgribs la lung du ma bstan pa las kyang dge ba'i sems 'byung ngo / /gzugs dang gzugs med pa'i sems thams cad kyi zhes bya ba ni dge ba dang lung du ma bstan pa'i sems la 'chi ba srid pa'i phyir ro//de las bzhi ste zhes bya ba ni mi dge ba las rang gi sa pa bzhi kho na ste/ mi dge ba ni sa gong ma pa'i dge ba'i sbyor ba nyid yin par mi srid pa'i phyir dang / de ma spangs par sa gong mar skye ba'i sems mi 'byung ba'i phyir ro//sprul pa'i sems kyi mjug thogs su dge ba zhes bya ba ni sprul pa las ldang ba'i tshe'o/ /de'i mjug thogs su sems bcu gcig kho na 'byung ste zhes bya ba ni nying mtshams sbyor ba dang / snyoms par 'jug pa dang / de las ldang ba dang sprul pa la 'jug pa'i tshe dag na sems bcu gcig 'byung ba srid do//ji ltar zhe na rang gi sa pa gsum dang 'dod pa na spyod pa rnams te/ ldang ba'i tshe dge ba dang nying mtshams sbyor ba'i tshe nyon mongs pa can gnyis dang / ma bsgribs la lung du ma bstan pa sprul pa'i sems dang /gzugs med pa na spyod pa nying mtshams sbyor ba'i tshe bsgribs la lung du ma bstan pa dang / snyoms par 'jug pa'i tshe dge ba dang slob pa dang mi slob pa dag go/ /gzugs med pa na spyod pa'i ma bsgribs la lung du ma bstan pa ni gdon mi za bar mi 'byung ste/ nyon mongs pa can ma yin pa'i phyir dang /snyoms par 'jug pa la sogs par mi rung ba'i phyir ro/ /de ni gzugs na spyod pa dang 'dod pa na spyod pa'i sprul pa'i sems ji lta bar sbyor bas thob par bya ba yang ma yin no/ /'dod pa na spyod pa'i nyon mongs pa can gnyis dang gzugs med pa na spyod pa'i ma bsgribs la lung du ma bstan pa ma gtogs so zhes bya ba ni gzugs na spyod pa'i dge ba ni 'dod pa na spyod pa'i nyon mongs pa can gnyis las mi 'byung ste/nyon mongs pa can gnyis po de ni de'i sbyor ba yin par 'os pa ma yin pa'i phyir ro/ /de nyid kyi phyir dang / dge bas nying mtshams sbyor ba med pa'i phyir de ni gzugs med pa na spyod pa'i ma bsgribs la lung du ma bstan pa las kyang mi 'byung ngo //'dod pa na spyod pa'i nyon mongs pa can gnyis dang slob pa dang mi slob pa ma gtogs so zhes bya ba ni gzugs na spyod pa'i bsgribs la lung du ma bstan pa ni 'dod pa na spyod pa'i nyon mongs pa can gnyis la yang mi 'byung ste/de dag ma spangs par gzugs kyi khams su nying mtshams sbyor ba med pas bsgribs la lung du ma bstan pa'i sems mi srid pa'i phyir ro/ /slob pa dang mi slob pa dag las kyang ma yin te/ de na yod pa'i nyon mongs pa can gyis ldang ba mi srid pa'i phyir ro//'dod pa na spyod pa'i zhes bya ba ni gsum zhes bya bar skabs dang sbyar te/ nying mtshams sbyor ba'i tshe/ nyon mongs can gnyis dang / nyon mongs pa can gyi ting nge 'dzin gyis gzir ba la dge ba'o//'dod pa na spyod pa'i nyon mongs pa can dag dang gzugs med pa na spyod pa'i nyon mongs pa can no zhes bya ba ni nying mtshams sbyor ba'i tshe'o/ /sa 'og ma pa'i nyon mongs pa can rnams zhes bya ba ni nying mtshams sbyor ba'i tshe'o/ /gzugs med pa na spyod pa'i dge ba'i sems las ni sems dgu 'byung ste zhes bya ba ni rang gis pa gsum dang /de'i snyoms par 'jug pa las ldang ba'i tshe dang / lugs dang mi mthun par snyoms par 'jug pa'i tshe gzugs na spyod pa'i dge ba dang nying mtshams sbyor ba'i tshe sa 'og ma pa'i nyon mongs pa can rnams dang slob pa dang mi slob pa'o//'dod pa na spyod pa'i dge ba dang 'dod pa dang gzugs na spyod pa'i ma bsgribs la lung du ma bstan pa dag ma gtogs so zhes bya ba ni 'dod pa na spyod pa'i dge bas de'i snyoms par 'jug pa las ldang mi srid de shin tu bskal pa'i phyir ro//de nyid kyi phyir dang mi gsal ba'i phyir ma bsgribs la lung du ma bstan pas kyang ma yin no/ /de nyid kyi phyir gzugs na spyod pa'i ma bsgribs la lung du ma bstan pas kyang ldang ba ma yin no/ /'di rnams kyis nying mtshams sbyor ba'am/ med pas 'di rnams ni de las mi 'byung ngo //de drug gi zhes bya ba ni mjug thogs su zhes bya ba skabs dang sbyar ro/ /gzugs na spyod pa'i dge ba zhes bya ba ni snyoms par 'jug pa'i tshe'o/ /slob pa dang mi slob pa dag las so zhes bya ba ni ldang ba'i tshe'o/ /gzugs na spyod pa'i dge ba zhes bya ba ni nyon mongs pa can gyi ting nge 'dzin gyis gzir ba la'o//bsgribs pa dang zhes bya ba la sogs pa ni nying mtshams sbyor ba'i tshe'o/ /'dod pa dang gzugs na spyod pa'i nyon mongs pa can dang slob pa dang mi slob pa dag ma gtogs so zhes bya ba ni des sa 'og ma pa las 'dod chags dang ma bral ba dang nying mtshams sbyor ba med pa'i phyir la slob pa dang mi slob pa dag las kyang ldang bar mi srid pa'i phyir de ni de dag las mi 'byung ngo //bzhi po de dag nyid dang mi slob pa'o zhes bya ba ni ldang ba'i tshe khams gsum pa'i dge ba dag dang rgyun gyi tshe slob pa dang /rdo rje lta bu'i mjug thogs su zad pa shes pa yin pas mi slob pa ste lnga'o/ /bshad ma thag pa'i lnga po de dag nyid las so zhes bya ba ni snyoms par 'jug pa'i tshe khams gsum pa'i dge ba rnams dang / rdo rje lta bu'i mjug thogs su 'byung ba dang rgyun gyi tshe'o//de las sems ni bzhi'o zhes bya ba ni slob pa ma gtogs pa ste/ mi slob pa las ni slob pa mi 'byung ngo / /yongs su nyams pa'i tshe ji ltar mi 'byung zhe na/ nyon mongs pa 'byung bas bar du chod pa'i phyir ro/ /skyes nas thob pa dang sbyor ba las byung ba zhes bya ba la skyes nas thob pa ni 'dod pa dang gzugs kyi khams dag tu srid pa bar mar nying mtshams sbyor ba'i tshe gang gis thob pa dang po nyid du skye ba'i yin no//gzugs med pa'i khams su ni skye ba'i srid pa'i tshe gang gis thob pa skye ba yin no/ /sbyor ba las byung ba ni gang zhig sbyor bas 'thob pa ste/ khams gsum dag tu thos pa dang bsams pa dang bsgoms pa las byung ba ci rigs par sbyar ro/ /rnam par smin pa las skyes pa dang / spyod lam pa dang / bzo'i gnas dang sprul pa'i sems zhes bya ba 'di dag ni rgyu dang las kyi bye brag gis tha dad pa yin te/ rnam par smin pa'i rgyu las skyes pa ni rnam par smin pa las skyes pa'o//spyod lam nyal ba dang 'dug pa dang / 'greng ba dang / 'gro ba dag las 'byung ba ni spyod lam pa yin no/ /bzo'i gnas dag la 'byung ba ni bzo'i gnas pa yin no/ /sprul pa'i phyir sems pa ni sprul pa'i sems so//yang na sprul pa'am sprul par bya ba la 'byung bas na sprul pa pa de de nyid la bya'o/ /nyi shur 'gyur ro zhes bya ba ni ji ltar zhe na dge ba drug dang ma bsgribs la lung du ma bstan pa bdun du phye nas zhes bya ba smos te/ khams gsum dag tu sbyor ba las byung ba dang / skyes nas thob pa'i ngo bor dge ba rnam pa drug tu phye ba dang 'dod pa'i khams su rnam par smin pa las skyes pa dang /spyod lam pa dang / bzo'i gnas pa dang / sprul pa'i bye brag dang / gzugs kyi khams su rnam par smin pa las skyes pa dang / spyod lam pa dang sprul pa'i bye brag gis 'dod pa dang /gzugs kyi khams gnyis kyis ma bsgribs la lung du ma bstan pa dag rnam pa bdun du phye nas te/ bcu gsum po de dag dang lhag ma ma phye ba bdun kho na ste/ 'di lta ste 'dod pa na spyod pa'i mi dge ba dang / bsgribs la lung du ma bstan pa dang / gzugs na spyod pa'i bsgribs la lung du ma bstan pa dang / gzugs med pa na spyod pa'i bsgribs la lung du ma bstan pa dang / ma bsgribs la lung du ma bstan pa dang / slob pa dang mi slob pa ste de ltar sems nyi shur 'gyur ro/ /spyod lam la sogs pa med pa'i phyir zhes bya ba ni gzugs med pa'i khams na spyod lam pa dang /bzo'i gnas dang sprul pa med pa'i phyir gsum po 'di dag med de/ dmigs par gyur pa'i gzugs med pa'i phyir ro/ /de dag gi dmigs pa ni gzugs dang dri dang ro dang reg bya rnams yin no zhes bya ba de la spyod lam pa'i dmigs pa ni mal cha dang stan gyi gzugs la sogs pa dang rang gi lus kyi yan lag gi gzugs la sogs pa yin no//bzo'i gnas pa ni bzo'i gnas kyi gzugs la sogs pa yin no/ /sprul pa pa'i ni sprul pa'i gzugs la sogs pa yin no/ /bzo'i gnas pa ni sgra yang yin no zhes bya ba la/ni zhes bya ba'i sgra ni khyad par du bya ba yin no/ /yang zhes bya ba'i sgras ni gzugs la sogs pa bsdu'o/ /'di'i dmigs pa ni sgra yang yin te/ yid kyi rnam par shes pas bzo'i lung gi sgra la dmigs nas bzo slob pas so/ /rnam par smin pa'i dmigs pa ni ma smos pa'i phyir gzugs la sogs pa thams cad kyang yin no zhes bya bar khong du chud par bya'o//yid kyi rnam par shes pa dag kho na dag yin no zhes bya ba ni spyod lam pa la sogs pa gsum ni yid kyi rnam par shes pa kho na yin te/ rnam par rtog pa'i mngon par 'du byed pas 'byung ba'i phyir ro//rnam par smin pa las skyes pa ni ma smos pa'i phyir rnam par shes pa drug car gyi ngo bo nyid yin no zhes bstan par 'gyur ro/ /spyod lam pa dang bzo'i gnas pa dag gi sbyor ba pa ni rnam par shes pa'i tshogs lnga yin no zhes bya ba de la sbyor ba'i gnas skabs na yod pa'i phyir sbyor ba pa dag ste/'di ltar de dag ni mthong ba dang reg pa'i bar las skye'o/ /rnam par smin pa las skyes pa la ni sbyor ba med de/ las kyi mthus rang gi ngang gis 'byung ba'i phyir ro/ /bzo'i gnas pas mngon par bsgrub pa'i zhes bya ba rgyas par 'byung ba ni gzhan dag na re bzo'i gnas pa'i yid kyi rnam par shes pas mngon par bsgrubs shing bskyed pa'i yid kyi rnam par shes pa skye mched bcu gnyis la dmigs pa ste/mig gi skye mched la dmigs pa nas chos kyi skye mched kyi bar la dmigs pa la lung du ma bstan pa nyid kyang yod do zhes zer ro//de ltar na spyod lam pa la sogs pa'i nang du ma gtogs pa gang yin pa ma bsgribs la lung du ma bstan pa gzhan yang yod do zhes rab tu ston par byed pa yin te/ de kho na ltar yin par yang rtogs par bya'o/ /de lta ma yin na/ gnyis pa sogs na lus mig dang //rna ba'i rnam shes rnam rig slong / /gang yin de ni dang por rtogs/ /de lung ma bstan nyon mongs min/ /zhes bya ba dang / de bzhin du/ rang gi sa pas sprul par byed/ /'og ma yis ni smrar 'jug go/ /zhes bya ba la sogs pa gang 'chad par 'gyur ba rnam par shes pa de dag bzhi po 'di dag gang gis bsdus/re zhig rnam par smin pa las skyes pa dag ni ma yin te/ gong mar skyes pa rnams kyi rnam par smin pa'i ngo bo nyid sa 'og ma pa ma yin pa'i phyir ro/ /spyod lam pa la sogs pa yang ma yin te/ spyod lam pa la sogs pa med pa'i phyir ro//mi shes pa la sogs pa'i bag chags can gyi sems yin par yang mi gzhug go/ /'di ni btsun pa go cha mtha' yas kyis kyang rnam par bshad pa'i bshad pa las/ bzhi po dag las ma gtogs par rnam par shes pa lung du ma bstan pa gzhan dag kyang yod do zhes bshad de/bshad pa 'di ni lhag ma dang bcas pa yin par khong du chud par bya'o/ /mngon par shes pa'i 'bras bu ma gtogs pa zhes bya ba ni 'dod pa na spyod pa'i sems ni gzugs na spyod pa'i sbyor ba'i mjug thogs kho nar 'byung gi 'dod pa na spyod pa'i sbyor ba'i mjug thogs su ni ma yin no//gzugs na spyod pa'i sbyor ba las byung ba dang / slob pa dang / mi slob pa'o zhes bya ba ni snyoms par 'jug pa'i tshe'i'o/ /rang gi dge ba dang nyon mongs pa can dag ces bya ba ni rang gi dge ba dag dang nyon mongs pa can dag ste/ sbyor ba'i tshe ni nyon mongs pa can med pa'i phyir la/ nyon mongs pas yongs su skyo ba la ni sbyor ba las byung ba skye ba'i phyir ro/ /ma bsgribs la lung du ma bstan pa dag las ni ma yin te/ stobs chung ba dang mngon par 'du byed pa can ma yin pa'i phyir ro/ /gzugs na spyod pa'i sbyor ba las byung ba dang /nyon mongs pa can dag ces bya ba la sogs pa dag ni sbyor ba las byung ba dang / slob pa dang mi slob pa'i dag las ni ldang ba'i tshe'o/ /nyon mongs pa can las ni nyon mongs pa can gyi ting nge 'dzin gyis gzir ba la'o/ /gzugs dang gzugs med pa na spyod pa'i nyon mongs pa can dag ces bya ba ni nying mtshams sbyor ba'i tshe skyes nas thob pa'i sems la ni 'chi ba srid do//snga ma bzhin du zhes bya ba ni mngon par shes pa'i 'bras bu ma gtogs pa zhes bya ba'i tha tshig ste/ de ni gzugs na spyod pa'i sbyor ba'i mjug thogs kho nar 'byung bar bshad do//gzugs na spyod pa'i sbyor ba las byung ba dang nyon mongs pa can dag ces bya ba ni sbyor ba las byung ba dang nyon mongs pa can las zhes bya ba yin te/ rgyas par snga ma bzhin du bshad par bya'o/ /mi dge ba dang bsgribs la lung du ma bstan pa'i mjug thogs su zhes bya ba ni mi dge ba'i mjug thogs dang bsgribs la lung du ma bstan pa'i mjug thogs su zhes brjod par bya ba yin te/de dag ni 'dra ba'i phyir cig car du bshad do/ /sbyor ba las byung ba dang mngon par shes pa'i 'bras bu la gnas pa la/ 'chi ba med pas de'i phyir de dag las nyon mongs pa can de gnyis mi 'byung ngo //lhag ma la gnas pa la ni 'chi ba yod de/ de'i phyir nying mtshams sbyor ba'i tshe de rnams las nyon mongs pa can de gnyis 'byung ngo / /sbyor ba las byung ba ma gtogs pa zhes bya ba yang de dang 'dra bar bshad par bya'o//sbyor ba las byung ba dang mngon par shes pa'i 'bras bu dag ma gtogs pa drug ces bya ba ni stobs chung ba dang mngon par 'du byed pa can ma yin pa'i phyir 'di dag gi mjug thogs su sbyor ba las byung ba yang mi 'byung la/ gzugs na spyod pa'i sbyor ba'i mjug thogs su 'byung ba'i phyir de dag las mngon par shes pa'i 'bras bu yang mi 'byung ngo //gzugs dang gzugs med pa na spyod pa'i nyon mongs pa can dag ces bya ba ni nying mtshams sbyor ba'i tshe'o/ /bzo'i gnas pa'i mjug thogs su ni drug ste zhes bya ba ni de la gnas pa la spyod lam pa dang rnam par smin pa las skyes pa lta bur 'chi ba mi srid pas 'di la gzugs dang gzugs med pa na spyod pa'i nyon mongs pa can dag mi srid do//mngon par shes pa'i 'bras bu rang nyid ces bya ba ni rgyun gyi tshe'o/ /gzugs na spyod pa'i sbyor ba las byung ba zhes bya ba ni de las ldang ba'i tshe ste/bsam gtan la ma zhugs par ni mngon par shes pa'i 'bras bu las ldang ba med do/ /de yang de gnyis kho na las so zhes bya ba ni rgyun gyi tshe dang de la 'jug pa'i tshe mngon par shes pa'i 'bras bu de'o/ /'dod pa spyod pa'i dge ba dag ces bya ba ni ldang ba'i tshe ste gsal ba'i phyir skyes nas thob pas kyang snyoms par 'jug pa las ldang ba srid pa yod pas de'i phyir dge ba gnyis ka yang smos pa yin no//mngon par shes pa'i 'bras bu zhes bya ba ni 'dod pa na spyod pa'i sprul pa'i sems so/ /gzugs med pa na spyod pa'i sbyor ba las byung ba dang slob pa dang mi slob pa ni snyoms par 'jug pa'i tshe'o//spyod lam pa dang rnam par smin pa las skyes pa dag ma gtogs pa zhes bya ba ni stobs chung ba dang mngon par 'du byed pa can ma yin pa'i phyir ro/ /sbyor ba las byung ba dang nyon mongs pa can dag ces bya ba ni ldang ba dang nyon mongs pa can gyi snyoms par 'jug pas gzir ba'i tshe dag na'o//'dod pa na spyod pa'i nyon mongs pa can dag ces bya ba ni nying mtshams sbyor ba'i tshe'o/ /mngon par shes pa'i 'bras bu ma gtogs pa zhes bya ba ni sprul pa'i sems ni sbyor ba pa'i mjug thogs su 'byung ba'i phyir ro//gzugs med pa na spyod pa'i nyon mongs pa can zhes bya ba ni nying mtshams sbyor ba'i tshe'o/ /dge ba dang nyon mongs pa can bzhi zhes bya ba ni dge ba dag dang nyon mongs pa can dag ni dge ba dang nyon mongs pa can rnams so zhes bya bar tshig bsdu ste/dge ba dag ni sa 'og ma pa'i dge ba la brten pa'i phyir ro/ /mi dge ba dag ni nying mtshams sbyor ba'i tshe'o/ /'dod pa na spyod pa zhes bya ba rgyas par 'byung ba ni de rnams las nying mtshams sbyor ba'i tshe'o/ /sbyor ba las byung ba dang / bzo'i gnas pa dang / mngon par shes pa'i 'bras bu dag las gnas pa la ni 'chi ba med pas de rnams las ni ma yin no//'dod pa na spyod pa'i nyon mongs pa can dag ces bya ba ni nying mtshams sbyor ba'i tshe ste/ gzugs med pa na spyod pa'i nyon mongs pa can yang 'di nyid kyi tshe na'o/ /rang gi sbyor ba las byung ba yang 'di las mi 'byung ste/spyod lam pa ni stobs chung ba dang / mngon par 'du byed pa can ma yin pa nyid kyis sbyor ba yin par mi 'os pa'i phyir ro/ /rnam par smin pa las skyes pa yang de dang 'dra bar brjod par bya'o zhes bya ba ni spyod lam bshad pa ji lta bar 'di yang de dang 'dra ste/rnam par smin pa las skyes pa'i mjug thogs su ni bdun te zhes bya ba nas mngon par shes pa'i 'bras bu ma gtogs pa zhes bya ba'i bar tshig gi don de dag kho na yin no/ /mngon par shes pa'i 'bras bu mjug thogs su ni gnyis te/ rang gi sbyor ba las byung ba dang /mngon par shes pa'i 'bras bu dag kho na'o zhes bya ba ni ldang ba'i tshe dang rgyun gyi tshe'o/ /de yang de dag kho na las so zhes bya ba ni 'jug pa'i tshe dang rgyun gyi tshe'o/ /gzugs na spyod pa'i sbyor ba las byung ba zhes bya ba ni ldang ba'i tshe na ste/ slob pa dang mi slob pa yang de dang 'dra'o//rang gi bzhi zhes bya ba la dge ba ni 'byung ngo zhes bya bar gsal lo/ /nyon mongs pa can ni ro myang ba'i tshe'o/ /ma bsgribs la lung du ma bstan pa ni ldang ba'i tshe'o/ /gzugs na spyod pa'i sbyor ba las byung ba zhes bya ba ni snyoms par 'jug pa'i tshe'o//rnam par smin pa las skyes pa ma gtogs zhes bya ba ni stobs chung ba dang mngon par 'du byed pa med par 'jug pa'i phyir zhes gtan tshigs 'chad par 'gyur ro/ /slob pa dang mi slob pa dag las so zhes bya ba ni snyoms par 'jug pa'i tshe'o//sa 'og ma pa'i nyon mongs pa can dag go zhes bya ba ni nying mtshams sbyor ba'i tshe 'dod pa dang / gzugs na spyod pa dag go/ /gzugs na spyod pa'i sbyor ba las byung ba dang nyon mongs pa can dag ces bya ba la sbyor ba las byung ba'i nyon mongs pa can gyi ting nge 'dzin gyis gzir ba'i phyir ro//nyon mongs pa can ni nying mtshams sbyor ba'i tshe'o/ /'dod pa na spyod pa'i nyon mongs pa can dag kyang nying mtshams sbyor ba'i tshe'o/ /'dod pa dang gzugs na spyod pa zhes bya ba rgyas par 'byung ba ni sems de rnams la gnas pa la 'chi ba srid pa'i phyir ro/ / sbyor ba las byung ba ma gtogs pa zhes bya ba ni rnam par smin pa las skyes pa'i mjug thogs su sbyor ba las byung ba mi 'gyur ba'i phyir ro/ /'og ma'i nyon mongs pa can gsum mo zhes bya ba ni nying mtshams sbyor ba'i tshe khams gnyis po dag go/ /'dod pa na spyod pa'i skye gnas thob pa zhes bya ba ni 'di ni gsal ba'i phyir slob pa las ldang ba'i sems yin pa srid de gsal ba'i phyir zhes gtan tshigs 'chad par 'gyur ro//gzugs dang gzugs med pa na spyod pa'i skyes nas thob pa dag ni de ltar gsal ba ma yin pas de dag ni mi 'byung ngo / /slob pa ni rgyun gyi tshe'o//mi slob pa ni rdo rje lta bu'i mjug thogs su'o/ /slob pa gcig pu ma gtogs pa zhes bya ba ni mi slob pa las slob pa mi 'byung ste/ de lta bas na mi slob pa'i mjug thogs su lnga yin gyi drug ni ma yin no/ /slob pa las ji lta ba bzhin te/ de dag ni slob pa bzhin du lnga yin par brjod par bya'o//'dir sems nyi shu'i mtshungs pa de ma thag pa'i rkyen mdor ma byas pa'i mdo lta bu'i bsdus pa'i tshigs su bcad pa dag ni/ 'dod dge sbyor byung las bcu gcig/ /de brgyad las dge gzhan las ni/ /dgu ste de ni bcu gcig las/ /nyon mongs pa can las bdun te//de dag so sor bcu bzhi las/ spyod lam rnam smin skyes las brgyad/ /de dag bdun las bzo'i gnas las/ /drug ste de ni bdun las so/ /sprul pa las gnyis de gnyis las/ /gzugs na sbyor byung dge ba las/ /bcu gnyis de ni bcu las so/ / ma 'bad byung dge las brgyad de/ /lnga las nyon mongs can la dgu/ /de ni bcu gcig las yin te/ /spyod lam rnam smin skyes las bdun/ /gnyis po de ni lnga las so/ /mngon shes 'bras las sems gnyis te/ /de bzhin de ni gnyis nyid las/ /gzugs med 'bad byung dge las bdun//de ni drug po kho na las/ /ma 'bad byung ba'i dge las bdun/ /de bzhin las gzhan brgyad pa ni/ /nyon mongs can las de bcu las/ /rnam smin skyes las rnam drug ste/ /bzhi las slob pa las drug go/ /de ni bzhi po kho na las/ / mi slob pa la lnga de yang / /lnga po dag gi mjug thogs su/ /spyod lam dang bzo mngon par 'du bya ba la zhugs pa'i phyir zhes bya ba ni de dag las sbyor ba las byung ba mi 'byung ngo zhes bya bar skabs dang sbyar ro/ /'dir ci rigs par spyod lam pa dang bzo'i gnas pa'i mjug thogs su sbyor ba las byung ba mi 'byung ste/de dag ni gzhan mngon par 'du bya ba la zhugs pa'i phyir ro snyam du bsams pa yin no/ /'di ltar spyod lam pa ni spyod lam mngon par 'du bya ba la zhugs pa yin te/ 'gro ba la sogs pa'i rnam pa can yin pa'i phyir ro/ /bzo'i gnas pa yang bzo mngon par 'du bya ba la zhugs pa yin te/'di kho na bya'o snyam pa de lta bu'i rnam pa can du zhugs pa'i phyir ro/ /stobs chung ba dang mngon par 'du bya ba med par 'jug pa'i phyir ro zhes bya ba ni rnam par smin pa las skyes pa'i mjug thogs su sbyor ba las byung ba mi 'byung ba yin te/rnam par smin pa las skyes pa de ni lung du ma bstan pa'i phyir stobs chung ba yang yin la/ sngon gyi las kyis 'phangs pa'i phyir dang / 'bad pa med par 'byung ba'i phyir mngon par 'du bya ba med par 'jug pa yang yin no/ /rnam pa gcig tu na spyod lam dang bzo mngon par 'du bya ba la zhugs pa'i phyir spyod lam pa dang bzo'i gnas pa'i mjug thogs su sbyor ba las byung ba mi 'byung ngo //stobs chung ba dang mngon par 'du bya ba med par 'jug pa'i phyir spyod lam pa dang bzo'i gnas pa dang rnam par smin pa las skyes pa'i mjug thogs su sbyor ba las byung ba mi 'byung ste/thams cad kyi lung du ma bstan pa nyid kyis stobs chung ba'i phyir ro/ /mngon par 'du bya ba med par 'jug pa'i phyir ni rnam par smin pas skyes pa gcig kho na'i mjug thogs su mi 'byung ba yin no/ /yang na spyod lam pa dang bzo'i gnas pa dag la yang sbyor ba las byung ba mngon par 'du bya ba med pa'i phyir te/de gnyis ni gzhan la byed par zad pa nyid tsam gyi phyir mngon pa 'du bya ba la zhugs pa nyid ces bshad pa yin no/ /des na tshig 'di'i sbyar ba ni 'di yin te/ rnam par smin pa las skyes pa dang /spyod lam pa dang / bzo'i gnas pa de dag ni spyod lam dang / bzo mngon par 'du bya ba la zhugs pa'i phyir dang / stobs chung ba dang / mngon par 'du bya ba med par 'jug pa'i phyir sbyor ba las byung ba'i rjes su mthun pa ma yin te/ de'i phyir de rnams kyi mjug thogs su sbyor ba las byung ba mi 'byung ngo zhes bya bar sbyar ba yin no//'byung ba'i sems ni mngon par 'du bya ba med par 'jug pas zhes bya ba la sbyor ba las byung ba'i sems kyi rgyun las gzhan pa'i sems gang yin pa de ni 'byung ba'i sems yin la/ des ni rnal 'byor pa 'di rgyu de las 'byung bar byed do//de'i mjug yin pa'i phyir ro/ /'byung ba'i sems ni mngon par 'du bya ba med par 'jug cing lhun gyis grub par 'jug pas/ 'byung ba'i sems rnam par smin pa las skyes pa la sogs pa gang yang rung ba'i ngo bo nyid de ni sbyor ba las byung ba'i sems kyi mjug thogs su 'byung bar rigs so//de lta na 'o na ni zhes bya ba ni gal te sbyor ba las byung ba'i rjes su mthun pa ma yin pas rnam par smin pa las skyes pa la sogs pa'i mjug thogs su sbyor ba las byung ba mi 'byung na/ de lta na 'o na ni nyon mongs pa can dag las kyang sbyor ba las byung ba 'byung bar mi 'gyur te mi mthun pa'i phyir ro//nyon mongs pa can gyi chos ni mi mthun pa yin te/ de dang 'gal ba'i phyir dge ba dang mthun pa ma yin no zhes bya ba'i tha tshig go/ /'on kyang zhes bya ba rgyas par 'byung ba ni de dang mi mthun mod kyis/'on kyang nyon mongs pa kun du 'byung bas yongs su skyo ba'i rnal 'byor pa la ni de yongs su shes pa las te/ nyon mongs pa kun du 'byung ba yongs su shes pa las sbyor ba las byung ba mngon du 'gyur bar rigs te/ de yongs su shes pa nyid sbyor ba las byung ba'i sems yin pas so//gsal ba'i phyir zhes bya ba ni 'dod pa na spyod pa'i skyes nas thob pa ni gsal ba yin pas de ni slob pa la sogs pa las ldang ba'i sems yin pa srid do/ /de nyid kyi phyir nyon mongs pa can gyi ting nge 'dzin gyis gzir ba yang de la brten par 'gyur ro//de ni mngon par 'du bya ba med par 'byung ba'i phyir de las ni slob pa la sogs pa de dag mi 'byung ngo / /gzugs na spyod pa'i skyes nas thob pa ni 'dod pa na spyod pa bzhin du gsal ba ma yin te/ de lta bas na nyon mongs pa can gyi ting nge 'dzin gyis gzir ba de la brten par mi 'gyur gyi/sbyor ba las byung ba kho na rten par byed do/ /sems rnams phan tshun gyi mjug thogs su 'byung la de dag kyang yid la byed pa'i dbang gis 'byung bar 'gyur bas de'i phyir yid la byed pa ni gsum ste zhes bya ba rgyas par yid la byed pa nye bar 'god pa yin no//rang gi mtshan nyid yid la byed pa ni rang gi mtshan nyid yid la byed pa ste/ dper na gzugs ni gnod par byar rung ba'i mtshan nyid can yin no snyam pa de lta bu la sogs pa'o/ /sogs pa zhes bya ba'i sgras ni tshor ba ni myong ba'i mtshan nyid can no zhes bya ba de lta bu la sogs pa bsdu'o//spyi'i mtshan nyid yid la byed pas ni mi rtag pa nyid la sogs pa yid la byed pa ste/ mi rtag pa nyid nas nges par 'byin par byed pa'i bar rnam pa bcu drug dang ldan pa yin no/ /mos pa'i sgo nas yid la byed kyi yang dag pa'i don gyi sgo nas ma yin pa ni mos pa yid la byed pa ste mi sdug pa nas zad par gyi skye mched la sogs pa'i bar dag la'o//sogs pa zhes bya ba'i sgras ni rdzu 'phrul la sogs pa mngon par bsgrubs pa la yang ba nyid du mos pa la sogs pa bsdu ste/ dper na rdzu 'phrul che ba dang mthu che ba ni sa'i 'du shes chung ngur yang byin gyis rlob cing 'du shes tshad med par yang byin gyis rlob la/de 'dod na sa g.yo bar yang byed do zhes bya ba rgyas par 'byung ba lta bu yin no/ /mi sdug pa dang lhan cig pa zhes bya ba ni mi sdug pa dang lhan cig cing 'brel pa ni mi sdug pa dang lhan cig pa ste/'di skad du mi sdug pa yid la byed pa'i mjug thogs su dran pa yang dag byang chub kyi yan lag sgom par byed cing thob par byed do zhes bshad pa yin no/ /dran pa yang dag byang chub kyi yan lag ni 'phags pa'i lam yin pas mos pa yid la byed pa'i mjug thogs su 'phags pa'i lam 'byung ba yod do zhes bstan pa'i phyir bshad pa yin no//gal te spyi'i mtshan nyid yid la byed pa'i mjug thogs kho nar 'phags pa'i lam mngon du byed kyi mos pa yid la byed pa'i mjug thogs su ni ma yin na/ mi sdug pa dang lhan cig pa'i dran pa yang dag byang chub kyi yan lag sgom par byed do zhes bya ba 'di ji ltar drang zhe na/de phyir mi sdug pas sems btul nas zhes bya ba 'di rgyas par smos te/ sbyor ba'i gnas skabs na sems kyi ji srid tha mar spyi yid la byed pa'i mjug thogs su 'phags pa'i lam mngon du byed par 'gyur ba'i bar du btul nas te/de'i phyir mdo dang 'gal ba med do/ /'phags pa'i lam gyi mjug thogs su yang zhes bya ba rgyas par 'byung ba ni gzhan dag na re spyi yid la byed pa'i mjug thogs su 'phags pa'i lam mngon du byed pa 'ba' zhig tu ma zad kyi 'phags pa'i lam gyi mjug thogs su yang spyi yid la byed pa kho na mngon du byed do zhes zer ro//re zhig mi lcogs pa med pa zhes bya ba rgyas par 'byung ba la/ mi lcogs pa med pa la sogs pa zhes bya ba'i sgras ni mi lcogs pa med pa dang /bsam gtan dang po dang / bsam gtan khyad par can gyi sa gsum la brten nas nges pa la 'jug na ni nye ba'i phyir lam de rnams kyi mjug thogs su 'dod pa na spyod pa'i spyi yid la byed pa thos pa las byung ba'am bsams pa las byung ba mngon du byed par 'gyur na/gal te bsam gtan gnyis pa la sogs pa la brten nas te/ bsam gtan gnyis pa dang / gsum pa dang / bzhi pa la brten nas nges pa la 'jug na go ji ltar te/ ji ltar 'phags pa'i lam gyi mjug thogs su spyi yid la byed pa mngon du byed par 'gyur na 'dod pa na spyod pa ni mi nus so zhes bya ba ni mngon du bya bar zhes bya ba tshig lhag ma yin no//ci'i phyir zhe na/ bsam gtan dang pos bar du chod pa nyid kyis shin tu bskal pa'i phyir ro/ /khyod bsam gtan gnyis pa la sogs pa'i sa pa kho na mngon du byed par 'gyur ro zhes smra bar 'gyur na de'i phyir nges par 'byed pa'i cha dang mthun pa ma gtogs par de dag gi sa pa yang ma thob po zhes bya bar smos te/nges par 'byed pa'i cha dang mthun pa ma gtogs pa bsam gtan gnyis pa la sogs pa'i sa pa'am/ mi lcogs pa med pa la sogs pa'i sa pa'i zag pa med pa ni sngon ma thob po//'jig rten pa'i lam rnam pa can du ma gtogs pa ni sngon thob mod kyi de ni 'phags pa'i de las ldang bar byed pa yin par mi 'dod do/ /'o na ni nges par 'byed pa'i cha dang mthun pa'i spyi yid la byed pa mngon du byed par 'gyur ro zhe na/de'i phyir 'phags pa ni yang nges par 'byed pa'i cha dang mthun pa zhes bya ba rgyas par smos so/ /gal te ci'i phyir snyam du sems na/ de'i phyir 'bras bu thob zin pa de'i sbyor ba mngon du byed pa ni rigs pa yin no zhes bya ba rgyas par smos te/ sbyor ba ni don byas zin pa'i phyir dang /dman pa'i phyir la/ nges par 'byed pa'i cha dang mthun pa dag kyang 'phags pa'i lam gyi sbyor ba yin no/ /des ni de dang 'dra ba'i spyi'i yid la byed pa gzhan yang zhes bya ba ni bden pa la dmigs pa'i phyir nges par 'byed pa'i cha dang mthun pa dang 'dra ba'i spyi yid la byed pa gang zhig 'thob par 'gyur ba ste/zag pa med pa'i lam skye ba'i tshe thob par 'gyur ba zhes bya ba'i tha tshig go/ /ji ltar zhe na/ mya ngan las 'das pa ni zhi ba'o snyam pa ni mya ngan las 'das pa las thams cad la dmigs pa'i phyir spyi yid la byed pa yin no//de mngon du byed par 'gyur ro zhes bya ba ni 'phags pa'i lam gyi mjug thogs su 'du byed thams cad ni mi rtag pa'o snyam pa'am chos thams cad ni bdag med pa'o snyam pa'am mya ngan las 'das pa ni zhi ba'o snyam pa mngon du byed par 'gyur ro//de skad du ni mi brjod do/ /ci'i phyir zhe na/ de dang 'dra ba'i spyi yid la byed pa 'di dag ni nges par 'byed pa'i cha dang mthun pa la rag las nas 'thob pa'i phyir te/ 'di dag zag pa med pa'i lam du rag lus te 'thob pa ni ma yin no zhes grag go//mi lcogs pa med pa la brten nas zhes bya ba rgyas par 'byung ba la de'i sa pa zhes bya ba ni mi lcogs pa med pa'i sa pa'o/ /de'i sa pa'am srid pa'i rtse mo pa yin no zhes bya ba ni ci yang med pa'i skye mched kyi sa pa'am srid pa'i rtse mo pa ste/ gal te srid pa'i rtse mor skyes pa zhig yin na'o//sa lhag ma rnams su ni ldang ba'i sems rang gi sa pa kho na yin gyi gzhan gyis pa ni ma yin te/ gzhan gyi sa pa ni sbyor bas bsgrub par bya ba yin pa'i phyir la/ rang gi sa pa ni mngon par 'du bya ba med par 'byung bas so/ /sbyor ba la rag lus pa'i phyir ro zhes bya ba ci zhe na/'phags pa'i lam mo/ /lam gyi mjug thogs su ni 'dod pa na spyod pa'i skyes nas thob pa yang mngon du 'gyur ro zhes bya bar skabs dang sbyar ro/ /khams gsum pa yi nyon mongs can/ /zhes bya ba rgyas par 'byung ba ni grangs bzhin du bstan pa yin te/'dod pa na spyod pa'i nyon mongs pa can la ni sems drug rnyed de so sor rnyed do zhes bya ba'i tha tshig go/ /gzugs na spyod pa la yang drug go/ /gzugs med pa na spyod pa la ni gnyis so/ /de'i phyir 'dod pa na spyod pa'i nyon mongs pa can zhes bya ba rgyas par smos te/sems drug po 'di dag dang mi ldan pa zhes bya ba ni sems drug po 'di dag dang mi ldan pa'i gang zag go/ /ji lta zhe na/ 'di na dge ba'i rtsa ba'i nying mtshams sbyor ba ni yang dag pa'i lta ba'am the tshom gyis yin te/ de gal te the tshom gyis nying mtshams sbyor bar byed na/de la the tshom dang mtshungs par ldan pa'i nyon mongs pa can gyi sems mngon du gyur pa dang / gang gi tshe gzugs kyi khams dang gzugs med pa'i khams nas 'dod pa'i khams su slar ldog pa de'i tshe 'di'i srid pa bar ma nying mtshams sbyor ba'i nyon mongs pa can gyi sems la gdon mi za bar dge ba de rnyed pa yin no//mi dge ba dang bsgribs la lung du ma bstan pa dag ces bya ba rgyas par 'byung ba ni skabs yin pa'i phyir dang / gzugs na spyod pa'i bsgribs la lung du ma bstan pa yang logs shig nas 'byung ba'i phyir 'dod pa na spyod pa'i mi dge ba dang bsgribs la lung du ma bstan pa dag kho na yin te/mi dge ba dang bsgribs la lung du ma bstan pa de dag dang gzugs na spyod pa'i nyon mongs pa can te/ ci zhe na/ rnyed ces bya bar skabs dang sbyar ro/ /ji ltar rnyed ce na khams su slar ldog pa dang /yongs su nyams pa las zhes bya ba smos te/ gang gi tshe gzugs kyi khams sam/ gzugs med pa'i khams nas 'dod pa'i khams su slar ldog pa de'i tshe 'di srid pa bar mar nying mtshams sbyor ba nyon mongs pa can gyi sems mi dge ba dang bsgribs la lung du ma bstan pa dag las gang yang rung ba zhig tu mngon du gyur pa na gdon mi za bar sngon rnam par nyams pa'i phyir de dag dang mi ldan pa las mi dge ba dang bsgribs la lung du ma bstan pa de dag rnyed par 'gyur ro//yongs su nyams pa las gang gi tshe 'dod pa'i 'dod chags dang bral ba las yongs su nyams pa de'i tshe 'di la yongs su nyams pa'i sems nyon mongs pa can mngon du gyur na de dag dang mi ldan pa las nyon mongs pa can de dag rnyed pa yin no//khams su slar ldog pa las gzugs na spyod pa'i nyon mongs pa can ni gang gi tshe gzugs med pa'i khams nas 'dod pa'i khams su slar ldog pa de'i tshe 'di'i srid pa bar mar nying mtshams sbyor ba'i nyon mongs pa can gyi sems la gdon mi za bar de dang mi ldan pa las gzugs na spyod pa'i nyon mongs pa can sngon nyams pa rnyed par 'gyur ro//yongs su nyams pa las ni gang gi tshe 'dod pa na spyod pa'i sems kyis gzugs kyi 'dod chags dang bral ba las yongs su nyams pa de'i tshe de dang mi ldan pa las gzugs na spyod pa'i nyon mongs pa can rnyed par 'gyur ro//yongs su nyams pa las gzugs med pa na spyod pa'i nyon mongs pa can ni gang gi tshe 'dod pa na spyod pa'i sems kyis gzugs med pa'i 'dod chags dang bral ba las yongs su nyams pa de'i tshe 'di de dang mi ldan pa las gzugs med pa na spyod pa'i nyon mongs pa can rnyed par 'gyur ro//slob pa yang yongs su nyams pa las zhes bya ba skabs dang sbyar te/ gang gi tshe 'dod pa na spyod pa'i sems kyis dgra bcom pa nyid las yongs su nyams pa de'i tshe 'di de dang mi ldan pa las slob pa'i sems rnyed par 'gyur ro/ /de ltar na re zhig 'dod pa na spyod pa'i nyon mongs pa can gyi sems mngon du gyur na de dag dang mi ldan pa las sems drug rnyed par bshad pa yin no//gzugs na spyod pa'i nyon mongs pa can gyi sems mngon du gyur na yang de dag dang mi ldan pa las drug rnyed do/ /gzugs na spyod pa gsum zhes bya ba rgyas par 'byung ba zhes bya ba ni gang gi tshe gzugs med pa'i khams nas gzugs kyi khams su slar ldog pa de'i tshe 'di gzugs na spyod pa'i srid pa bar mar nying mtshams sbyor ba'i nyon mongs pa can gyi sems la gdon mi za bar gzugs na spyod pa gsum ste/skyes nas thob pa'i dge ba dang nyon mongs pa can dang thob pa sngar skye ba yod pa'i phyir ma bsgribs la lung du ma bstan pa sprul pa'i sems dang /'dod pa na spyod pa'i ma bsgribs la lung du ma bstan pa sprul pa'i sems kho na dang yongs su nyams pa las gzugs na spyod pa'i sems kyis dgra bcom pa nyid las yongs su nyams pa de dang mi ldan pa las gzugs med pa na spyod pa'i nyon mongs pa can dang slob pa rnyed de/de ltar na gzugs na spyod pa'i nyon mongs pa can la yang drug rnyed par bshad pa yin no// //bam po nyi shu gnyis pa/gzugs med pa na spyod pa'i nyon mongs pa can la ni de dag dang mi ldan pa las gnyis rnyed de/ yongs su nyams pa las gzugs med pa na spyod pa'i sems kyis dgra bcom pa nyid las yongs su nyams pas gang gi phyogs gcig mngon du gyur pa'i nyon mongs pa can de nyid dang slob pa'o//gzugs na spyod pa'i dge ba la sems gsum zhes bya ba la/ dge ba la zhes bya ba ni spyir bstan par zad de/ gzugs na spyod pa'i dge ba 'ga' la ci rigs par gsum rnyed pa yin no/ /ji ltar zhe na/ re zhig gzugs na spyod pa'i dge ba'i sems dang po mngon du gyur na de dang mi ldan pa las gzugs na spyod pa'i dge ba de nyid rnyed la/dngos gzhi'i bsam gtan gyis bsdus pa'i dge ba'i sems mngon du gyur na de dag dang mi ldan pa las 'dod pa dang gzugs na spyod pa'i ma bsgribs la lung du ma bstan pa sprul pa'i sems dag rnyed de/de ltar na gzugs na spyod pa'i dge ba'i sems mngon du gyur na gsum rnyed do zhes bshad do/ /gsum po cig car du rnyed do zhes bya ba srid pa ni ma yin no/ /slob pa la bzhi zhes bya ba rgyas par 'byung ba ni slob pa'i sems sdug bsngal la chos shes pa'i bzod pa'i sems mngon du gyur na de dang mi ldan pa las slob pa sdug bsngal la chos shes pa'i bzod pa'i tshogs kyi ngo bo nyid de nyid rnyed do//'dod pa dang gzugs na spyod pa'i ma bsgribs la lung du ma bstan pa dag dang gzugs med pa na spyod pa'i dge ba yang rnyed do//gang gi tshe zhe na/ 'phags pa'i lam gyis 'dod pa dang gzugs kyi khams las 'dod chags dang bral bar byed pa na'o/ /ji lta zhe na/ gang gi tshe 'di mi lcogs pa med pa'i sa pa'i 'phags pa'i lam gyis 'dod pa las 'dod chags dang bral bar byed pa de'i tshe slob pa'i sems rnam par grol ba'i lam dgu pas bsdus pa mngon du gyur pa na de dag dang mi ldan pa las 'dod pa dang gzugs na spyod pa'i ma bsgribs la lung du ma bstan pa sprul pa'i sems dag rnyed la/gang gi tshe sa drug pa'i 'phags pa'i lam rnams las gang yang rung ba zhig gis gzugs las 'dod chags dang bral bar byed pa de'i tshe slob pa'i sems rnam pa dang po mngon du gyur pa na de dang mi ldan pa la 'das pa dang ma 'ongs pa 'thob pa'i tshul gyis gzugs med pa na spyod pa'i dge ba'i sems rnyed do//'phags pa'i lam zhes smos pa ni zag pa dang bcas pa'i sems brtsal ba'i phyir te/ rnyed pa 'di ni slob pa'i sems mngon du gyur pa yin par bshad do/ /'di la slob dpon yon tan blo gros na re/ slob pa la bzhi/slob pa de nyid dang / 'phags pa'i lam gyis 'dod pa dang gzugs kyi khams las 'dod chags dang bral bar byed pa na 'dod pa dang gzugs na spyod pa'i ma bsgribs la lung du ma bstan pa dag dang gzugs med pa'i dge ba'o zhes bya ba ji lta bu zhe na/ de'i phyir bshad pa/'phags pa'i lam gyis 'dod pa dang gzugs kyi khams las 'dod chags dang bral bar byed pa na ste/ gang gi tshe 'di mi lcogs pa med pa'i sa pa'i 'phags pa'i lam gyis 'dod pa'i khams las 'dod chags dang bral bar byed pa de'i tshe rnam par grol ba'i lam dgu pa gang yin pa de ni dngos gzhi'i bsam gtan gyi sa pa'i lam gyi slob pa 'thob pas slob pa rnyed ces bya la/'dod pa dang gzugs na spyod pa'i ma bsgribs la lung du ma bstan pa sprul pa'i sems dag kyang de kho na'i tshe rnyed do/ /sa drug gi 'phags pa'i lam gyis gzugs kyi khams las 'dod chags dang bral ba na rnam par grol ba'i lam dgu pa gang yin pa de ni gzugs med pa na spyod pa'i dge ba rnyed pa yin no zhes zer la/de'i slob ma slob dpon dbyig bshes kyang don de kho na dag de dang tshig dang yi ge dag kho na 'dri bar byed do//bshad pa 'di ni rigs pa ma yin te/ de ltar tshig gcig tu bshad na don rung ba ma yin gyi tshig tha dad par ni rung ngo / /slob pa de nyid ces bya ba ni tshig gcig yin no/ /'phags pa'i lam zhes bya ba nas 'dod pa dang gzugs na spyod pa'i ma bsgribs la lung du ma bstan pa dag ces bya ba'i bar ni tshig gzhan yin no//'phags pa'i lam gyis 'dod pa dang gzugs kyi khams las 'dod chags dang bral bar byed pa na zhes bya ba'i khyad par 'dis ni gong du slob pa de nyid ces bshad pa de khyad par du bya ba ma yin te tshig tha dad pa'i phyir ro//ldan pa min las rnyed ces bya ba byung ba'i phyir sems kyis rnyed pa 'di ni de dang mi ldan pa las yin par brjod na/ de ji ltar rnam par grol ba'i lam dgu pa la slob pa'i sems dang ldan pa'i gang zag la slob pa'i sems rnyed par rnam par gzhag / dngos gzhi'i bsam gtan gyi slob pa sngon med pa rnyed par 'gyur ro zhes bshad pa ma yin nam zhe na/ ha cang thal bar 'gyur ba'i phyir ma yin te/ gzugs na spyod pa'i dge ba'i sems dngos gzhi'i bsam gtan gyi sa pa sngon med pa'ang rnyed par 'gyur bas de yang rnyed par thal bar 'gyur ro//slob dpon dbyig bshes na re slob pa'i sems la gnas pa 'dod pa'i khams las 'dod chags dang bral ba na gzugs na spyod pa'i dge ba ni nges pa la 'jug pa'i dro bar gyur pa'i gnas skabs nyid na thob zin pa'i phyir mi bgrang ngo zhes zer ro//de ni rigs pa ma yin te/ slob pa'ang mi bgrang bar 'gyur ba'i phyir ro/ /slob pa'ang mthong ba'i lam gyi gnas skabs dang po na thob zin pas khyod kyis de ltar rnam par mi gzhag par bya dgos par 'gyur ro/ /gang gi phyir slob dpon nyid kyis spel ma'i tshigs su bcad pa bshad pa kho na las/nges 'jug dgra bcom nyid kyi tshe/ /slob pa dang mi slob pa'o zhes bshad pa de'i phyir yang nyes par bshad pa yin no zhes bya bar nges so/ /lhag mar bcas pas lhag ma ste zhes bya ba ni sems gang la rnyed pa ma bshad pa de la ni de nyid rnyed do zhes bya ba yin no//ji lta bur zhe na re zhig 'dod pa na spyod pa'i dge ba'i sems la sems 'di rnyed cing rnyed do zhes ma bshad pas de la ni de kho na rnyed kyi gzhan dag ni ma yin te/ dper na yang dag pa'i lta bas dge ba'i rtsa ba'i nying mtshams sbyor bar byed pa'i tshe 'dod pa na spyod pa'i dge ba'i sems mngon du gyur na/de dang mi ldan pa las dge ba'i sems de kho na rnyed kyi gzhan nyon mongs pa can dag ni ma yin te/ khams gsum char yang sngar thob zin pa'i phyir ro//'dod pa na spyod pa'i ma bsgribs la lung du ma bstan pa yang ma yin te/ rnam par smin pa la sogs pa'i thob pa ni lhan cig skye ba yin pa'i phyir la/ sprul pa'i sems ni thob pa med pa'i phyir ro/ /gzugs dang gzugs med pa na spyod pa'i dge ba la sogs pa dang slob pa dang mi slob pa dag kyang ma yin te thob pa med pa'i phyir ro//'dod pa na spyod pa'i ma bsgribs la lung du ma bstan pa'i sems la yang de rnyed par bshad de/ de la yang de dang mi ldan pa las de kho na rnyed pa yin te/ lung bstan min 'thob lhan cig skye//zhes bya ba yin pa'i phyir ro/ /dge ba la sogs pa gzhan dag ni ma yin te/ sngar thob zin pa'i phyir dang / de bzhin nyid du kha cig thob pa med pa'i yang phyir ro/ /sprul pa'i sems mngon du gyur na ni/ 'ga' yang rnyed pa med pas de ni brjod par mi bya'o/ /nyon mongs pa can nam gzhan yang rung gang la 'ga' yang thob pa med pa de ni brjod par mi bya'o//khams gsum pa'i nyon mongs pa can kho na la drug nas gnyis kyi bar rnyed la/ gdon mi za ba ni ma yin no zhes bya bar nges par gzung ngo / /gzugs na spyod pa'i ma bsgribs la lung du ma bstan pa mngon du gyur na yang /de kho na rnyed kyi gzhan dag ni ma yin te/ snga ma bzhin du brjod par bya'o/ /de bzhin du gzugs med pa na spyod pa'i dge ba'i sems rnam pa dang pos bsdus pa nam mkha' mtha' yas skye mched kyi nyer bsdogs mngon du gyur na yang de dang mi ldan pa las de kho na rnyed kyi gzhan dag ni ma yin te/kha cig ni sngar thob zin pa'i phyir la/ kha cig ni thob pa med pa'i phyir ro/ /de bzhin du ma bsgribs la lung du ma bstan pa dang mi slob pa la yang brjod par bya'o/ /gzhan dag ni khyad par med par zhes bya ba ni spel ma byed pa dag go//khyad par med par zhes bya ba ni khams gsum pa'i nyon mongs pa can la sogs pa so sor ma byas pa'i phyir ro/ /dge ba'i sems la bdun yin te/ /zhes bya ba ni mtshan nyid bshad pa gang yin pa de ma tshang ba yin te/dge ba ni khams gsum pa dang zag pa med pa yin la de la/ dge ba'i sems la bdun yin te/ /zhes brjod par bya'i drug yin te zhes bya ba ni ma yin no/ /ji lta zhe na de bstan pa'i phyir 'dod pa na spyod pa'i dge ba zhes bya ba rgyas par smos te/ dge ba'i rtsa ba'i nying mtshams sbyor ba las zhes bya ba 'di bshad zin to//'dod chags dang bral ba las 'dod pa dang gzugs na spyod pa'i ma bsgribs la lung du ma bstan pa dag ces bya ba ni 'jig rten dang 'jig rten las 'das pa'i lam gyis 'dod pa'i khams las 'dod chags dang bral ba na rnam par grol ba'i lam dgu pa la de dag dang mi ldan pa las 'dod pa dang gzugs na spyod pa'i sprul pa'i sems dag rnyed pa yin no//de na yod pa'i ting nge 'dzin thob pa las gzugs dang gzugs med pa na spyod pa'i dge ba dag go zhes bya ba ni gang gi tshe dang po nyid du gzugs na spyod pa mi lcogs pa med pa 'thob pa de'i tshe gzugs na spyod pa'i dge ba rnyed la gang gi tshe dang po nyid du nam mkha' mtha' yas kyi nyer bsdogs thob pa de'i tshe gzugs med pa na spyod pa'i dge ba rnyed do// nges 'jug dgra bcom nyid kyi tshe/ /slob pa dang mi slob pa'o zhes bya ba ni gang gi tshe nges pa la 'jug pa de'i tshe ni slob pa sdug bsngal la chos shes pa'i bzod pa'i tshogs rnyed la/ gang gi tshe dgra bcom pa nyid 'thob pa de'i tshe ni mi slob pa zad par shes pa'i tshogs rnyed de/de ltar na gnas skabs 'di dag tu ji skad bshad pa'i sems bdun po dag dang mi ldan pa las ldan pa rnyed par 'gyur ro/ /lhag ma ni rnam par bshad pa 'di nyid kyis khong du chud par bya'o zhes bya ba ni lhag ma ni bdag gis bshad pa 'di kho na las rtogs par bya ba yin te/lhag ma yang / nyon mongs can gyi sems la ni/ /mkhas pa rnams kyis dgu rnyed brjod/ /ces bya ba dang / de bzhin du gnyis pa lung du ma bstan la de nyid do zhes bya ba 'di yin te/ khams gsum pa'i nyon mongs pa can la ni de dag dang mi ldan pa las dgu rnyed de/'dod pa na spyod pa bzhi dang / gzugs na spyod pa gsum dang gzugs med pa na spyod pa bsgribs pa dang slob pa zhes bya ba dgu po dag ci rigs par rnyed do/ /ci rigs pa'i don ni 'di yin te/ 'dod pa na spyod pa'i nyon mongs pa can la dge ba'i sems nying mtshams sbyor ba dang khams su slar ldog pa nas 'dod pa na spyod pa'i dge ba rnyed do//'dod pa na spyod pa'i nyon mongs pa can kho na la khams su slar ldog pa dang / yongs su nyams pa las mi dge ba dang / bsgribs la lung du ma bstan pa dag rnyed do/ /gzugs na spyod pa'i nyon mongs pa can la khams su slar ldog pa las gzugs na spyod pa'i dge ba dang / 'dod pa dang / gzugs na spyod pa'i ma bsgribs la lung du ma bstan pa sprul pa'i sems dag rnyed do//'dod pa na spyod pa'i nyon mongs pa can nam gzugs na spyod pa'ang rung ba la khams su slar ldog pa'am/ yongs su nyams pa las gzugs na spyod pa'i nyon mongs pa can nyid do/ /'dod pa na spyod pa'i nyon mongs pa can nam/ gzugs na spyod pa'am/gzugs med pa na spyod pa yang rung ba la yongs su nyams pa las gzugs med pa na spyod pa'i nyon mongs pa can dang slob pa dag rnyed do/ /de lta bu ni ci rigs pa'i don yin no/ /lung ma bstan pa de nyid do/ /zhes bya ba ni lhag ma gang yin pa ni snga ma dang 'dra ba kho na ste/khams gsum pa'i lung du ma bstan pa rnams las gang yang rung ba zhig mngon du gyur na de dang mi ldan pa las lung du ma bstan pa'i de kho na rnyed de/ grub pa'i mtha' las/ lung bstan mi 'thob lhan cig skyes/ /zhes 'byung ba'i phyir ro/ / bsdus pa'i tshigs su bcad pa ni zhes bya ba thams cad 'byung ba las skye ba'i tshe ni khams su slar ldog pa las zhes 'byung ba'i phyir ro/ /snyoms par 'jug pa las ni de na yod pa zhes bya ba la sogs pa 'byung ba'i phyir ro/ /'dod chags dang bral ba'i tshe ni 'dod pa'i 'dod chags dang bral ba'i tshe zhes 'byung ba'i phyir ro//yongs su nyams pa'i tshe ni yongs su nyams pa las zhes 'byung ba'i phyir ro/ /dge ba'i nying mtshams sbyor ba'i tshe ni the tshom dang yang dag pa'i lta bas dge ba'i rtsa ba'i nying mtshams sbyor ba las zhes 'byung ba'i phyir ro//sems rnyed ces bya ba ni sems so sor thob pa'o/ /de ldan pa min las zhes bya ba ni gang zag ste/ de dag dang mi ldan pa las zhes 'byung ba'i phyir ro/ /chos mngon pa'i mdzod kyi rgya cher 'grel pa slob dpon rgyal po'i sras grags pa'i bshes gnyen gyis mdzad pa las dbang po bstan pa zhes bya ba ste mdzod kyi gnas gnyis pa'o// //da ni zhes bya ba 'di ni mdzod kyi gnas gnyis pa dang gsum pa'i 'brel pa rab tu bstan pa'i phyir smos pa yin no/ /'dod pa dang gzugs dang gzugs med pa'i khams kyi nges pa nyid kyis sems la sogs pa bstan pa byas pa zhes bya ba la nges pa'i dngos po ni nges pa nyid do//yang na nges pa nyid ni nges pa kho na yin no/ /des sems la sogs pa bstan pa byas pa ni/ 'dod yid dge dang mi dge dang //bsgribs pa dang ni ma bsgribs pa/ /gzugs dang gzugs med pa dag na/ /mi dge las gzhan zhes 'byung ba'i phyir ro/ /sogs pa zhes bya ba'i sgras ni sems las 'byung ba la sogs pa bsdu ste/ 'dod pa'i dge ba'i sems la ni/rtog dang dpyod dang bcas pa'i phyir/ /zhes bya ba dang / de las 'gyod yid mi dge rnams/ /bsam gtan dang po dag na med/ /rtog pa'ang bsam gtan khyad par na/ /de yi gong na dpyod pa yang / /zhes 'byung ba'i phyir ro/ /'dod pa la sogs pa'i nges pa nyid kyis dbang po rnams bstan pa byas pa ni/dri med ma gtogs 'dod par gtogs/ /pho mo'i dbang dang sdug bsngal dag/ /ma gtogs gzugs gtogs gzugs can dang / /bde ba'ang ma gtogs gzugs med gtogs/ / zhes 'byung ba'i phyir ro/ /'dod pa dang gzugs dang gzugs med pa'i khams de dag gi mtshan nyid ni mi bshad pas/ de'i phyir de la 'dod pa dang gzugs dang gzugs med pa'i khams de dag gang yin zhes bya ba 'di smos so/ /dmyal ba yi dags dud 'gro dang //zhes bya ba rgya cher 'byung ba la/ 'gro ba bzhi zhes bya ba ni dmyal ba dang yi dags dud 'gro dang mi'i 'gro ba bzhi ste/ ril gyis 'dod pa'i khams su gtogs pa yin no/ /lha'i 'gro ba ni ril gyis ma yin no/ /'o na ci zhe na/ lha'i rigs drug yin no zhes ston par byed do//de la sems can rnams 'dir bsod nams ma yin pas khrid par byed pas na dmyal ba rnams so/ /gzhan dag na re dga' bar mi byed pas na dmyal ba rnams yin no zhes zer ro/ /slob dpon 'dus bzangs na re mi rnyed pa'i don gyis dmyal ba'i sgra ni skyabs mi rnyed cing med pas na dmyal ba pa rnams yin no zhes zer ro//'di nas shin tu phyir mi ldog par song bas na yi dags rnams so/ /gzhan dag na re skom pa dang ldan pa'i phyir ro/ /dud de 'gro ba'i phyir dud 'gro'o/ /yid shas che ba'i phyir mi rnams so//'jig rten pa rnams ni yid kyi bu yin pa'i phyir ro zhes zer ro/ /'di dag la khyim nam mkha' yod pas na lha'o/ /'dod pa'i khams ni 'dod pas rab tu phye ba'i khams yin no zhes 'chad par 'gyur ro/ /rgyal po chen po 'jig rten skyong ba bzhi ni/'phags skyes po dang / mig mi bzang dang / yul 'khor srung dang / rnam thos kyi bu'o/ /de dag na yod pa ni rgyal chen bzhi pa rnams te/ de dag gi nang du gtogs pa zhes bya ba'i tha tshig go/ /dper na lha dag tu skye bar 'gyur ba zhes bya ba ni lha'i nang du skye bar 'gyur ba zhes bya ba'i don lta bu yin no//gzhan dag na re rgyal po chen po bzhi'i gnas na yod pa ni rgyal chen bzhi pa rnams te/ bar gyi tshig mi mngon par byas pa'i phyir ba lang gi shing rta lta bu'o/ /legs par byas pa lhan cig byas pa rnams kyis der skye bas na sum cu rtsa gsum pa rnams so//gzhan dag na re 'jig rten pa rnams na re gtso bo nor lha brgyad dang / tha skar gyi bu gzhon nu gnyis dang / drag po bcu gcig dang / nyi ma bcu gnyis zhes bya ba de tsam du zad pas sum cu rtsa gsum pa rnams so zhes zer te/de dang mthun par gsung rab las kyang ming de bzhin du tha snyad btags so zhes zer ro/ /bsod nams kyis song bas na 'thab bral ba'o/ /yang na de'i sdug bsngal zad par byed pas 'thab bral ba rnams so/ /dga' zhing yid du 'ong bas song ba'am/'di dag la dga' ba yod pas na dga' ldan pa rnams so/ /'di dag la rang rang gis byas pa'i longs spyod rnams sprul pa la dga' ba yod pas na 'phrul dga' ba rnams so/ /'di dag la gzhan gyis sprul pa'i longs spyod dag la dbang bsgyur ba'i ngang tshul yod pas gzhan 'phrul dbang byed pa rnams so//gnas rnams zhes bya ba tshig lhag ma zhes bya ba ni gnas nyi shu gang dag yin pa de dag ni 'dod pa'i khams yin no/ /gal te dper na rta chu 'thungs pa la 'thungs pa'o zhes bya ba dang 'dra bar gnas nyi shu la nyi shu'o zhes bar gyi tshig mi mngon par byas na ni shin tu yang rigs pa yin no//yang sos ni gang du sems can shi ba rnams rlung dag gis 'tsho bar byed pa'o/ /thig nag ni gang du thig nag po btab nas 'jog par byed pa'o//bsdus 'joms ni gang du phyogs gnyis nas lug lta bu'i ri la sogs pa 'ong ste sems can rnams 'joms par byed pa'o/ /ngu 'bod ni gang du sems can btags pa rnams shin tu skrag pa'i nga ro 'byin pa'o/ /gang du khyad par du yin pa de ni ngu 'bod chen po'o//tsha ba ni gang du sems can rnams me la sogs pas gdung bar byed pa'o/ /gang du khyad par du gdung bar byed pa de ni rab tu tsha ba'o/ /mnar med pa ni gang du sems can me 'bar bas shin tu bskor ba rnams la bde ba'i mna' ba'i skabs med pa'o//'dzam bu'i gling ni shing 'dzam bus mtshon pa'i gling ngo / /shar gyi lus 'phags ni ri rab kyi shar phyogs na yod pa'o/ /nub kyi ba lang spyod ni nub phyogs na yod pa'o/ /byang gi sgra mi snyan ni byang phyogs na yod pa ste/ gling 'di dag gi ming ni 'jig rten na de ltar grags pa yin no//bshad ma thag pa'i lha'i rigs drug dang de ltar na gnas nyi shu po de dag ni 'dod pa'i khams yin no zhes bya ba ni dmyal ba ni dmyal ba brgyad dang / gling bzhi dang rgyal chen bzhi'i ris pa la sogs pa bshad ma thag pa drug dang /ma phye ba yi dags dang dud 'gro zhes bya ba dang gnas nyi shu ni 'dod pa'i khams yin no/ /rlung gi dkyil 'khor gyi bar zhes bya ba ni gang la chu'i dkyil 'khor 'dug pa'o/ /gzugs kyi khams zhes bya ba ni gzugs kyis rab tu phye ba'i khams ni gzugs kyi khams yin no//der so so'i/ bsam gtan sa ni gsum pa yin/ /bzhi pa sa ni brgyad pa yin/ /zhes bya ba de la/ gzugs kyi khams ni bsam gtan thams cad kyang chung ngu dang 'bring dang chen po'i bye brag gis so sor sa gsum pa'i bye brag nyid yin te/tshangs ris pa rnams dang / tshangs pa'i mdun na 'don pa rnams dang / tshangs chen pa rnams ni dang po yin no/ /'od chung pa rnams dang / tshad med 'od rnams dang / 'od gsal ba rnams ni gnyis pa yin no/ /dge chung rnams dang / tshad med dge rnams dang / dge rgyas rnams ni gsum pa yin no/ /sprin med rnams dang / bsod nams skyes rnams dang / 'bras bu che ba rnams ni bzhi pa yin no/ /chen po de nyid zag pa med pa'i bsam gtan dang spel ba'i sgo nas chung ngu dang 'bring dang chen po dang / shin tu chen po dang / ches shin tu chen po tha dad pa'i bye brag gi gnas gzhan lnga ste/ mi che ba rnams dang / mi gdung ba rnams dang / gya nom snang ba rnams dang / shin tu mthong rnams dang / 'og min rnams so/ /de'i phyir bsam gtan bzhi pa ni sa brgyad pa zhes bya'o//de la dge ba'i rtsa ba chen po las skyes pa'i phyir tshangs pa'o/ /de yang gang zhe na tshangs pa chen po zhes bya ba gang yin pa ste/ bsam gtan khyad par can thob pas thog mar skye zhing tha mar 'chi 'pho ba'i phyir dang / snga ma dang khyad par yod pa'i phyir chen po yin no//'di dag la de'i ris na gnas pa yod pas tshangs ris pa rnams so/ /tshangs pa'i mdun na 'don pas na tshangs pa'i mdun na 'don rnams so/ /'di dag la tshe dang kha dog la sogs pa'i khyad par gyis tshangs pa chen po yod pas na tshangs pa chen po rnams so//'di dag la 'od gsal gyi sa la ltos nas 'od chung ngu yod pas na 'od chung rnams so/ /'di dag ni 'od tshad gzung bar mi nus pas na tshad med 'od rnams so/ /gnas gzhan zad par snang bar byed pa'i phyir 'od gsal rnams so//yid kyi sa pa'i bde ba la ni dge ba zhes bya ste/ 'di dag la gzhan gyi sa la ltos na de chung ngu yod pas na dge chung rnams so/ /'di dag la dge ba tshad med pa yod pas na tshad med dge rnams so/ /'di dag la dge ba rgyas pa yod pas na dge rgyas rnams te/gzhan na de las shin tu mchog tu gyur pa'i bde ba med do snyam du bsams pa yin no/ /'di dag la sprin dang 'dra bar sa dang 'brel pa med pas na sprin med rnams te/ gzhal med khang de sems can dang / lhan cig 'byung zhing 'jig pa'i phyir zhes 'byung ba'i phyir ro//gzhan dag na re 'di dag gi gong na gzhan med pa'i sprin med rnams te/ gong na sprin lta bu sa dang 'brel pa med pas so zhes zer ro/ /mi g.yo ba'i las las yang dag par 'byung ba'i phyir 'di dag la bsod nams rnams las skyes pa yod pas na bsod nams skyes rnams so//'di dag la 'bras bu gnas gzhan dang 'brel pa so so'i skye bo pa thams cad pas mchog tu gyur pa chen po yod pas na 'bras bu che rnams so/ /so so'i skye bo rnams dang ma 'dres pa'i phyir gnas gtsang ma ste/de 'di dag la yod pas gnas gtsang ma rnams so/ /gnas gtsang ma pa gzhan dag pas mchog tu ma gyur pa'i phyir rgyas pa ma yin pas na mi che ba rnams so/ /yang na bdag nyid kyis bdag gi gnas dus nya nye zhig na spong zhing 'dor bar mi byed pas na mi che ba rnams so//ting nge 'dzin khyad par can thob pa'i phyir 'di ni nyon mongs pa rnams kyis gdung bar byed pa med pas na mi gdung ba rnams so/ /yang na bsam pa dge ba'i phyir gzhan dag la gdung bar mi byed pas na mi gdung ba rnams so/ /mthong ba yongs su dag pa'i phyir shin tu mthong bas na gya nom snang rnams so//lta ba bzang ba'i phyir shin tu mthong rnams so/ /de las mchog tu gyur pa'i sa gzhan med pa'i phyir 'di dag 'og ma ma yin pas 'og min rnams te/ gong mar gyur pa yin pa'i phyir ro/ /'dis ni gnas pa dag bstan na/ / ji ltar de ltar na gnas bcu bdun po 'di dag ces bya zhe na/ gnas ni gnas pa'i sgrar bstan pa'i phyir nyes pa med do/ /de ltar na nyi 'og pa'i lugs kyis gzugs kyi khams ni gnas bcu bdun yin no/ /kha che ba rnams na re bcu drug yin no zhes zer ro zhes bya ba kha che ba rnams na re gzugs kyi khams ni bcu drug yin no zhes zer ro//sbags pa bzhin du zhes bya ba ni bang rim bzhin du zhes bya ba'i tha tshig go/ /gzhan dag na re 'brog phyogs kyi rdzong bzhin du'o zhes zer ro/ /sa gzhan ni med do zhes bya ba ni sa gzhan dang 'brel pa med pas so//'das pa dang ma 'ongs pa dang rnam par rig byed ma yin pa dang / chos gzugs can ma yin pa rnams ni yul na mi gnas zhes bya ba ni 'das pa dang ma 'ongs pa ni gzugs can dag kyang yul na mi gnas so/ /rnam par rig byed ma yin pa ni gzugs can yin la/da ltar gyi dag kyang yul na mi gnas la/ gzugs can ma yin pa tshor ba la sogs pa yang de bzhin du da ltar gyi dag yin yang yul na mi gnas na/ 'das pa dang ma 'ongs pa rnams lta smos kyang ci dgos so/ /skye ba las ni rnam pa bzhi/ /zhes bya ba ni tshe rabs gzhan du las kyis grub pa'i phung po 'byung ba ni skye ba yin te/des na gzugs med pa'i khams rnam pa bzhi yin no/ /'di lta ste/ nam mkha' mtha' yas skye mched dang / /zhes bya ba rgyas par 'byung ba ni snyoms par 'jug par sbyor ba'i dus na nam mkha' mtha' yas so snyam du rnam par byed pa'i phyir nam mkha' mtha' yas te/de'i lam de nyid skye mched yin no/ /de bzhin du rnam par shes pa mtha' yas so snyam pa dang ci yang med do snyam du de dag gi rnam par byed pa'i phyir/ rnam shes mtha' yas skye mched dang / ci yang med pa'i skye mched ces bya'o//'du shes ni 'bras lta bu'o/ /'du shes ni zug rngu lta bu'o/ /'du shes med pa ni kun du rmongs pa snyam nas/ 'du shes gzhan pa 'byung ba'i phyir 'du shes med 'du shes med min skye mched ces bya'o/ /de dag la yul gyis byas pa'i bla 'og ni med do zhes bya ba ni yul na mi gnas pa'i phyir ro//ji ltar sems can gzugs can rnams kyi zhes bya ba the tshom 'di ci las gyur ce na 'di la bdag med na 'dod pa dang / gzugs kyi khams dag na ni sems dang sems las byung ba rnams gzugs la brten nas 'jug par brtag grang na/gzugs med pa'i khams na ni gzugs med pas de na sems dang sems las byung ba 'jug par mi 'gyur ro snyam mo/ /the tshom de bzlog pa'i phyir/ der ni ris dang srog la yang / /sems kyi rgyud ni rten pa yin//zhes bya ba 'di smos te/ yang zhes bya ba'i sgras ni so so'i skye bo nyid dang mi ldan pa dang / thob pa dang / skye ba la sogs pa bsdu'o/ /stobs chung ba'i phyir ro zhes bya ba ci zhig ce na sems kyi rgyun no/ /sems can gzugs can rnams kyi sems kyi rgyun ni gzugs kyi 'du shes dang ma bral ba'i phyir stobs chung ba yin pas gzugs med par mi 'jug ste/de'i phyir gzugs la brten nas 'jug go/ /de ni ci'i phyir stobs dang ldan pa nyid yin zhes bya ba ni gzugs med pa na spyod pa de ci'i phyir stobs dang ldan pa nyid yin no//de'i phyir snyoms par 'jug pa'i khyad par las skyes pa'i phyir zhes bya ba rgyas par smos te/ gzugs dang bral ba'i 'du shes can zhes bya ba ni gzugs kyi 'du shes dang bral ba can zhes bya ba'i tha tshig go/ /de'i phyir de la skyes pa gzugs med pa'i sems kyi rgyun kyang gzugs la mi ltos par 'jug go//'o na ni stobs dang ldan pa'i phyir snyoms par 'jug pa'i khyad par gyis bskyed pa de kho nas 'jug par 'gyur gyi rten gyis ci zhig bya snyam du bsams pa yin no/ /ji ltar sems can gzugs can rnams kyi zhes bya ba rgyas par 'byung ba la tshig gi don ni sems can gzugs can rnams kyi ris mthun pa dang srog gi dbang po dag gzugs la brten pa de ltar gzugs med pa rnams kyis ci la brten zhes bya ba yin no//de gnyis phan tshun du'o zhes bya ba ni ris mthun pa yang srog gi dbang po la brten nas 'jug la srog gi dbang po yang ris mthun pa la brten nas zhes bya ba yin no//de gnyis kho na phan tshun du ci'i phyir mi rten zhes bya ba ni rten gzugs kyis ci zhig bya snyam du bsams pa yin no/ /da ni de na zhes bya ba ni gzugs med pa'i khams de na ci'i phyir ris mthun pa dang srog gi dbang po de dag stobs dang ldan pa de nyid yin no//de ni sems kyi rgyud la yang mtshungs te zhes bya ba ni sems kyi rgyud 'di yang snyoms par 'jug pa'i khyad par las skyes pas stobs dang ldan pa yin pa'i phyir gnyis la brten nas 'jug par mi 'gyur gyi brten pa med pa kho nar 'jug par 'gyur ro zhes bya ba yin no//sems dang sems las byung ba dag la yang ci zhe na/ mtshungs te zhes bya bar skabs dang sbyar ro/ /ci zhig mtshungs she na phan tshun brten pa nyid de/ji ltar ris mthun pa yang srog gi dbang po la brten nas 'jug la srog gi dbang po yang ris mthun pa la brten nas 'jug pa de bzhin du sems las byung ba rnams kyang sems la brten nas 'jug par 'gyur la/ sems kyang sems las byung ba rnams la brten nas 'jug par 'gyur na/de dag las gzhan pa'i rten brtag pa ni dgos pa med do/ /sems kyi rgyun gang gi zhes bya ba rgyas par 'byung ba ni sems kyi rgyun gyi 'phen par byed pa'i rgyun ni 'phen pa'i rgyu ste/ las dang nyon mongs pa'i mtshan nyid yin no//'di la sred pa dang bral ba yod pas na sred pa dang bral ba can no/ /sred pa dang ma bral ba ni sred pa dang ma bral ba'o/ /gang la zhe na/ gzugs la ste sems kyi rgyun de ni gzugs dang lhan cig 'byung ba'i phyir gzugs la brten nas 'jug go//rgyu de la rgyab kyis phyogs pa'i phyir ro zhes bya ba ni 'phen pa'i rgyu gzugs la rgyab kyis phyogs pa'i phyir ro zhes bya ba'i tha tshig go/ /rdo rje'i sor gdub lta bu zhes bya ba ni rdo rje dang ldan pa'i sor gdub ste/ sor gdub bam gdu bu la rdo rje'i sor gdub ces bya ba lta bu dang /na le sham gyi btung ba bzhin te/ na le sham dang ldan pa'i btung ba la bar gyi tshig mi mngon par byas pa'i phyir na le sham gyi btung ba zhes bya ba de bzhin du 'dod pa dang ldan pa'i khams ni 'dod pa'i khams so zhes bya ba la sogs pa yin no//yang na gzugs su rung ba zhes bya ba ni gnod par bya bar rung ba zhes bya ba'i tha tshig ste/ de ni gzugs dang ldan pa'i phyir na gnod par bya bar nus so/ /de'i ngo bo ni gzugs med pa yin no zhes bya ba ni gang gi tshe mjug la khams zhes bya ba'i tshig 'di yod pa de'i tshe gzugs med pa'i khams zhes bya bar rung ngo //gang gi tshe mjug la tshig med par gzugs med pa zhes bya ba'i sgra sbyor te/ dper na gzugs rnams las 'das pa ni gzugs med pa dag go zhes bya ba de'i tshe ni gzugs med pa dag nyid gzugs med pa rnams so zhes bya bar gzung bar bya'o//yang na gzugs med pa la mkhas pa dag ni gzugs med pa rnams so zhes bya bar blta'o/ /yang na 'dod pa rnams kyi khams ni zhes bya ba ni ldan pa zhes bya ba'i sgra mi mngon par byas pa med par yang drug par tshig bsdu ba kho nas sgrub par byed pa yin no//'dod pa rnams kyi khams de gang yin zhe na/ gang zhig 'dod pa rnams 'dzin pa'o zhes bya ba smos so/ /gzugs dang gzugs med pa'i khams dag kyang de dang 'dra bar rig par bya'o zhes bya ba ni gzugs med pa rnams kyi khams ni gzugs kyi khams te gang zhig gzugs rnams 'dzin pa'o//gzugs med pa'i khams ni gzugs med pa'i khams te gang zhig gzugs med pa 'dzin pa'o zhes bya ba yin no/ /kham gyi zas dang 'khrig pa dang ldan pa'i 'dod chags zhes bya ba ni kham du byed pas na kham mo//de nyid zas yin pas na kham gyi zas so/ /pho mo las byung ba ni 'khrig pa ste/ gnyis kyis gnyis sprod pa la sogs pa'o/ /kham gyi zas dang 'khrig pa dag dang ldan zhing 'brel pa'am skyed pa la ni kham gyi zas dang 'khrig pa dang ldan pa'i 'dod chags kyi 'dod pa yin te/'dis 'dod par byed pas na 'dod pa yin pa'i phyir ro/ /ji ltar de ltar shes she na/ gnas brtan shA ri'i bus bshad pa'i tshigs su bcad pas don de bstan pa'i phyir/ 'jig rten dag na sna tshogs gang de 'dod pa min zhes bya ba rgyas par smos so//kun du 'tsho byed kyis tshigs su bcad pa gzhan gyis dge slong 'dod pa'i rnam par rtog pa dag la rnam par rtog par byed pa 'dod pa la spyod pa nyid yin no zhes smras pa gang yin pa de gnas brtan gyi khas blangs te/ 'dod pa la spyod pa ni rnam pa gsum ste/ lus dang ngag dang yid kyis so/ /de la 'dod chags dang ma bral ba yid kyis 'dod pa la spyod pa nyid yin yang dge slong ma yin par mi 'gyur gyi 'di'i tshul khrims yongs su ma dag par 'gyur ba 'ba' zhig tu zad do//gang zhig lus dang ngag gis de bzhin gshegs pa'i bslab pa'i gzhi bkod pa'i mtshams las 'das te/ 'dod pa dag la yongs su spyod par byed pa de ni dge slong ma yin par 'gyur te/ de bas na des nyes pa gzhan gal te 'jig rten sna tshogs gang de 'dod ces bya ba rgyas par smos te/gal te khyed kyi phyogs gzugs la sogs pa yul sna tshogs dag 'dod pa yin no zhes bya ba yin na khyed kyi ston pa ni 'dod chags dang bral ba yin no zhes bya bar khas blangs mod kyi des na khyod kyi ston pa yang lus kyi yul de dag nye bar ma spyad kyang gzugs yid du 'ong ba rnams mthong ba kho nas 'dod pa la spyod pa can du thal bar 'ong zhing 'gyur ba zhig na de ltar yang mi 'dod de de lta bas na/skyes bu'i kun rtog 'dod chags 'dod pa yin no zhes bya bar grub pa yin no//chos gang dag ces bya ba ni gang dag yin pa zhes bya ba'i tha tshig go/ /smras pa ma yin no zhes bya ba ni 'gog par byed pa yin no/ /'di ltar khams gzhan gyi chos rnams dang / khams su ma gtogs pa dag kyang khams gzhan na kun du spyod de 'dod pa'i khams na ni khams gsum pa dang zag pa med pa'i chos rnams kun du spyod la/gzugs kyi khams na yang de dang 'dra ste/ de na 'dod pa na spyod pa ni sprul pa'i sems kun du spyod do/ /gzugs med pa'i khams na ni gzugs med pa na spyod pa rnams dang zag pa med pa dag ste/de lta bas na ma yin no zhes 'gog par byed pa yin no/ /'o na ci zhe na/ gang dag la 'dod pa dang gzugs dang gzugs med pa'i 'dod chags rgyas par 'gyur ba'o zhes bya ba ni gang dag la 'dod pa'i 'dod chags dmigs pa'am mtshungs par ldan pa'i sgo nas ci rigs par rgyas par 'gyur ba de dag ni 'dod pa dang ldan pa yin la/gang dag la gzugs dang gzugs med pa'i 'dod chags dag rgyas par 'gyur ba de dag ni go rims bzhin du gzugs dang gzugs med pa dang ldan pa yin no//da ni 'di rta dang bres lta bu de yin te zhes bya ba ni rta dang rta'i bres ni rta dang bres so/ /rta dang bres dang 'dra ba ni rta dang bres lta bu'o/ /yang na 'di rta dang bres kyi yin pas na rta dang bres te rta dang bres dang 'dra ba yin te/'ga' zhig gis rta'i bres 'di su'i yin zhes dris na de la cig shos kyis rta 'di su'i yin pa de'i 'o zhes smras la/ yang des rta 'di su'i yin zhes dris pa dang yang cig shos des rta'i bres 'di su'i yin pa de'i 'o zhes smras na/ rta dang bres gnyi ga yang mi shes te ji ltar phan tshun ma grub pas gnyi ga yang yongs su mi chod pa de bzhin du 'dir yang 'dod chags dag gis kyang khams rnams sgrub pa ma yin la khams rnams kyis kyang 'dod chags dag ma yin pas 'di gnyi ga yang mi 'grub bo// 'dod pa'i khams su gnas bstan pa/ /zhes bya ba ni/ dmyal ba yi dags dud 'gro dang / /mi rnams dang ni lha drug dag /'dod pa'i khams yin dmyal ba dang / /gling dbye ba las de nyi shu/ /zhes bya ba yin te/ 'dod pa'i khams su gnas bstan pa de dag la 'dod chags dang ma bral ba'i 'dod chags gang yin pa de ni 'dod pa'i 'dod chags yin no//de bzhin du gzugs dang gzugs med pa'i 'dod chags zhes bya ba ni gzugs kyi khams su gnas bstan pa ste/ gong ma'i gnas dag bcu bdun ni//gzugs kyi khams yin zhes bya ba de dag la 'dod chags dang ma bral ba'i 'dod chags gang yin pa de ni gzugs kyi 'dod chags yin la/ de bzhin du gzugs med pa'i khams su skye ba bstan pa ste/ gzugs med khams na gnas med do/ /skye ba las ni rnam pa bzhi//zhes bya ba de dag la 'dod chags dang ma bral ba'i 'dod chags gang yin pa de ni gzugs med pa'i 'dod chags yin no/ /ci rigs par zhes bya ba ni gnas bstan pa la ltos pa yin no/ /bsam gtan dang gzugs med pa dag la 'dod chags pa zhes bya ba ni snyoms par 'jug pa dang skye ba'i bsam gtan dag la 'dod chags pa ni gzugs kyi 'dod chags yin la gzugs med pa'i 'dod chags kyang de dang 'dra'o//sprul pa'i sems la ji ltar 'dod pa'i 'dod chags pa yin zhes bya ba ni gang gis na de 'dod pa na spyod pa nyid yin par 'gyur ba bsam gtan gyi 'bras bu 'dod pa na spyod pa'i sprul pa'i sems la ji ltar 'dod pa las 'dod chags dang bral ba rnams kyi 'dod pa'i 'dod chags yin/gang gi tshe 'di 'dod pa las 'dod chags dang ma bral ba de'i tshe ni sprul pa'i sems kun du mi 'byung ngo //gang gi tshe sprul pa'i sems kun du 'byung ba de'i tshe ni de las 'dod chags mi skye na/ ji ltar 'di 'dod pa'i 'dod chags med par 'dod pa na spyod pa nyid du rnam par gzhag ces bya ba'i tha tshig go/ /thos pa dang yongs su nyams nas de la chags pa'i phyir ro zhes bya ba ni gzhan las thos nas sprul pa'i sems la 'dod chags skye la/bdag nyid kyi sprul pa'i sems las yongs su nyams nas ni de la chags pa'i phyir te/ bsam gtan pa 'di lta bu zhig gis 'dod pa na spyod pa'i sprul pa'i sems kyis 'dod pa na spyod pa'i sprul pa sprul par byed do zhes thos nas ni de la dmigs pa'i 'dod chags skye la bdag nyid kyi rjes su dran nas kyang de la 'dod chags skye'o//yang na sprul pa'i dbang gis zhes bya ba ni sprul pa yid 'phrog pa mthong nas sprul pa byed pa'i phyir sems sam sprul pa po'i sems la gang gi sprul pa 'di 'dra ba yin pa'i sprul pa'i sems ni bzang ngo snyam du 'dod chags pa yin no//yang na sprul pa sprul pa'i phyir zhes bya ba ni 'dod pa na spyod pa'i sprul pa sprul par byed pa'i sems gang yin pa de ni 'dod pa na spyod pa yin te/'dod pa na spyod pa'i chos kyi rgyu yin pa'i phyir bum pa'i rgyu'i sems lta bu'o/ /gang 'dod pa na spyod pa ma yin pa de ni 'dod pa na spyod pa'i chos kyi rgyu ma yin te/ dper na gzugs na spyod pa'i sems lta bu'o//de lta nyid kyi phyir gzugs na spyod pas ni de gnyis mi sprul pa'i phyir ro zhes bya ba smos so/ /yang ci'i phyir gzugs na spyod pa'i sems kyis dri dang ro de dag mi sprul zhe na dri dang ro de dag ni kham gyi zas kyi ngo bo nyid yin pa'i phyir la/ gzugs kyi khams su skyes pa rnams kyang de'i 'dod chags dang bral ba'i phyir ro//gnya' shing tsam zhes bya ba ni char gyi rgyun gnya' shing gi tshad tsam ni gnya' shing tsam mo/ /mtshams sam bar med do zhes bya ba ni 'dab chags pa nyid du ston par byed do/ /steng dang 'og ces ni ma gsungs so zhes bya ba ni de'i phyir 'jig rten gyi khams rnams thad ka kho nar gnas so zhes ston par byed do//lnga pa'i phyogs so zhes bya ba ni lha'i 'gro ba ste/ 'dod pa na spyod pa'i lha drug bshad pa yin no/ /lhag ma rnams ni gzugs dang gzugs med pa na spyod pa yin no//de lta ma yin na 'gro ba 'chol bar 'gyur ro zhes bya ba ni 'gro ba 'dres pa'o/ /gal te dge ba dang nyan mongs pa can yang yin par gyur na/ 'gro ba 'chol bar 'gyur te/ mi yang dmyal bar 'gyur ba'i las nas lhar skye bar 'gyur ba'i bar gyi las byed pas de'i phyir mi'i 'gro ba dmyal ba'i 'gro ba yang yin par 'gyur ba nas lha'i 'gro ba'i bar du yang yin par 'gyur te/las de rnams 'gro ba der gtogs pa'i phyir ro/ /'dod pa'i khams su skyes pas gong ma pa'i nyon mongs pa rnams dang yang ldan la 'dod pa na spyod pa'i nyon mongs pa can 'gro ba thams cad pa dang yang ldan pas mi de nyid dmyal ba nas lha'i bar du yang yin par 'gyur ro//sems can zhes bya ba kho na yin zhes bya ba ni lus rnams las dang mthun par der 'gro ba'i phyir ro/ /de nyid kyi phyir/ bsod nams sdig 'bras nyer 'gro rnams//las bzhin du ni 'gro bar 'gyur/ /zhes gsungs so/ /srid pa bar ma'i rang bzhin dag ni ma yin no zhes bya ba 'di bsgrub pa'i phyir khungs btags pa las kyang gsungs so zhes bya bar rgyas par khyer te 'ong bar byed do/ / rgyu dang bcas pa dang 'gro ba dang bcas pa zhes bya ba la rgyu ni las kyi srid pa'o/ /'gro ba ni srid pa bar ma pa ste/ 'dis 'gro bar 'gyur ba'i phyir ro/ /'gro ba ni bgrod par bya ba yin pas na 'gro ba'o/ /de'i rgyu las de dag logs shig tu mdzad pa'i phyir ro zhes bya ba ni las kyi srid pa dge ba dang mi dge ba ni 'gro ba de dag las logs shig tu mdzad pa'i phyir ro//kha che ba'i yul na yod pa kha che ba rnams mdo 'don te zhes bya ba de ni mdo sil bu yin te/ de dag kho na 'don gyi gzhan rnams ni ma yin no zhes bya bar bsams pa yin no//dmyal ba pa zhes bya ba rgyas par 'byung ba ni dmyal ba pa dang mthun pa dag ni dmyal ba pa'o/ /de dag gi zhes bya ba rgyas par 'byung ba la/ lus dang ngag dang yid kyi dkyil 'khor ni rgyus kun nas bslang ba'i las dag yin no/ /skyon dang snyigs ma ni zhe sdang dang 'dod chags kyis kun nas bslang ba dag yin no//de'i phyir yang 'gro ba dag ni ma bsgribs la lung du ma bstan pa kho na yin no zhes bya ba ni gang gi phyir rnam par smin pa grub nas dmyal ba zhes bya ba'i grangs su 'gro'o zhes bya ba yin no/ /'gro ba dag la phra rgyas thams cad rgyas par 'gyur ro zhes 'byung ba'i gzhung lan gdab par bya dgos te/'gal bar thal bar 'gyur ba'i phyir lan brjod par bya dgos so zhes bya ba'i tha tshig go/ /gal te 'gro ba chos rnam pa lnga'i ngo bo nyid yin par gyur na de lta na phra rgyas thams cad rgyas par 'gyur ro//ci ste 'gro ba dag ma bsgribs pa kho na yin par gyur na de lta na ni bsgom pas spang bar bya ba rnams dang / kun du 'gro ba rnams zhes brjod par bya dgos te bsgom pas spang bar bya ba ni 'dus byas kyi chos ma bsgribs la lung du ma bstan pa dag kho na yin la de dag la yang phra rgyas bsgom pas spang bar bya ba rnams dang /kun du 'gro ba rnams dmigs pa'am mtshungs par ldan pa'i sgo nas rgyas par 'gyur gyi gzhan dag ni ma yin no/ /des na 'gro ba dag ni ma bsgribs la lung du ma bstan pa yin no zhes bya bar shes so//'gro ba rnams su nying mtshams sbyor ba'i sems rnam pa lnga yod de zhes bya ba ni 'gro ba rnams su nying mtshams sbyor ba'i sems ni 'jug pa dag yin te/ de dag sdug bsngal mthong bas spang bar bya ba nas/ bsgom pas spang bar bya ba'i bar rnam pa lnga yin pa'i phyir de la phra rgyas thams cad rgyas par 'gyur ro zhes bya ba rigs pa yin no//grong gi nyen kor yang smos pa bzhin no zhes bya ba ni grong gi g.yas g.yon yang smos pa bzhin no zhes bya ba'i tha tshig go/ /snyigs ma lnga po dag tu zhes bya ba snyigs ma lnga ni tshe'i snyigs ma dang /dus kyi snyigs ma dang / nyon mongs pa'i snyigs ma dang / lta ba'i snyigs ma dang / sems can gyi snyigs ma'o/ /de dag tu nyon mongs pa dang lta ba'i snyigs ma dag tha dad du gsungs zhes bya ba ni nyon mongs pa'i snyigs ma dang lta ba'i snyigs ma so sor gsungs zhes bya ba'i tha tshig ste/'di gnyis so sor gsungs pa ni khyim na gnas pa dang rab tu byung ba'i phyogs kyi dbang du mdzad pa'i phyir ro/ /'gro ba'i rgyu shes par bya ba'i phyir zhes bya ba ni 'gro ba rnams kyi rgyu ni las kyi srid pa yin no zhes bya bar ro//'di ni srid pa bar ma la yang thal bar 'gyur ro zhes bya ba ni de lta na de srid pa bar ma yang yin 'gro ba yang yin la/ 'gro bar 'gro ba shes par bya ba'i phyir 'di tha dad du bstan pa yang yin no zhes bya ba yin no/ /der 'gro bas na zhes bya ba ni las su bsgrub pa yin par yongs su gzung ngo //srid pa bar ma ni de lta bu yin par yang mi rung bas 'gro ba ma yin no/ /gzugs med pa rnams kyang zhes bya ba rgyas par 'byung ba ni gzugs med pa dag kyang 'gro ba ma yin par 'gyur te/ 'chi 'pho ba'i yul nyid du skye ba'i phyir ro/ /gzugs med par nye bar 'gro ba dag ni gtsug lag khang ngam shing drung ngam bsam gtan bzhi pa'i sa'i bar gang du 'chi 'pho ba de nyid du skye bas srid pa bar ma bzhin du 'gro ba ma yin par 'gyur ro//de lta na 'o na ni zhes bya ba ni phyogs snga ma yongs su bor nas phyogs gzhan la rten par byed pa yin te/'gro ba dag gi bar na yod pas 'gro ba'i bar ma do zhes ming don dang mthun par btags pa'i phyir srid pa bar ma ni 'gro ba ma yin no/ /bye brag tu smra bas 'o na gnas brtan shA ri'i bus zhes bya ba rgyas par smras te/ de'i bsam pa ni rnam par smin pa grub nas zhes rnam par smin pa'i sgra smos pa'i phyir 'gro ba ni rnam par smin pa'i ngo bo nyid yin no snyam pa yin no//cig shos kyis smras pa/ rnam par smin pa grub nas dmyal ba yin no zhes 'gro ba rnam par gzhag gi rnam par smin pa kho na'o zhes ma bshad do zhes bya ba ni 'gro ba rnam par smin pa'i ngo bo nyid kho na'o zhes ma bshad do//'o na ci zhe na/ 'gro ba ni rnam par smin pa dang / rnam par smin pa ma yin pa'i ngo bo nyid yin te/ de lta bas na 'gro ba dag ni dge ba dang / nyon mongs pa can yang yin no snyam du bsams pa yin no/ /yang bye brag tu smra ba rnams kyis 'o na tshe dang ldan pa de la zhes bya ba rgyas par smos te/chos de dag las ma gtogs pa zhes bya ba ni rnam par smin pa dag las ma gtogs pa zhes bya ba'i tha tshig go/ /phung po gzhan 'gog par byed pa ni ma yin no zhes bya ba skabs dang sbyar ro/ / de dag kyang zhes bya ba rgyas par 'byung ba ni lung du ma bstan pa nyid kyi phyogs la yang rnam pa gnyis so/ /rgyas pa las byung ba'i rang bzhin dag kyang yin no zhes bya ba la yang zhes bya ba'i sgras ni rnam par smin pa'i rang bzhin yang yin pa ste/ ji skad du/ srog ni rnam smin bcu gnyis gnyis//zhes bshad pa lta bu'o/ /rgyu mthun pa dag yin par ni mi gzung ngo / /slob dpon 'dus bzangs ni rnam par smin pa'i rang bzhin dag kho na yin no zhes bya ba phyogs snga ma nyid 'dod do/ /'dod pa na spyod pa drug dang / bsam gtan dang po pa rnams so//de dag kyang gang zhe na/ nyi 'og pa'i lugs kyis ni tshangs ris rnams dang / tshangs pa'i mdun na 'don pa rnams dang / tshangs chen dang por byung ba ma gtogs pa rnams yin no/ /yang kha che'i lugs kyis ni tshangs ris rnams dang / tshangs pa'i mdun na 'don dang por byung ba ma gtogs pa rnams yin te/de dag gi lugs ltar na tshangs pa chen po rnams tshangs pa'i mdun na 'don pa dag kho na'i nang na gnas kyi gnas gzhan ni med do/ /kha dog dang rtags dang dbyibs du ma'i phyir ro zhes bya ba la kha dog ni sngon po nyid la sogs pa'o//rtags ni gos dang / rgyan la sogs pa'o/ /dbyibs ni srid la sogs pa'o/ /chu ni 'phang ngo / /zheng ni zheng gi tshad do/ /dbyibs kyi mtshan nyid kyi lus ni dbyibs kyi lus so/ /de ltar khyad par du byas na tshor ba la sogs pa'i lus brtsal ba yin te/de ni dbyibs kyi mtshan nyid ma yin no/ /lus ni khog pa yin no/ /tshig tu brjod pa ni tshig tu 'don pa'o/ /da ni bsam gtan gnyis pa'i zhes bya ba rgyas par 'byung ba ni gnyis ni de dag gi bsam gtan dang pos slar ldog pas btang na ji ltar de'i sa pa ste/ bsam gtan gnyis pa'i sa pa'i sngon gyi gnas rjes su dran/ re zhig bsam gtan dang po'i sa pa'i sems kyis ni ma yin te/ de'i yul ma yin pa'i phyir ro/ /bsam gtan gnyis pa'i sa pas kyang ma yin te/ de ni ma thob pa'i phyir ro/ /gal te phyis thob po zhe na/ de'i phyir/ 'on te thob na ni zhes bya ba rgyas par smos te/ tshul khrims dang brtul zhugs mchog tu 'dzin pa'i lta ba tshangs pa chen po la dmigs pa ni bsam gtan dang po'i sa pa kho na yin par rung ba de yang bsam gtan gnyis pa thob ste spangs pas kun du 'byung ngo / /gal te bsam gtan gnyis pa'i sa pas yin no zhe na/'og ma la dmigs pa nyid du mi rung ba'i phyir ma yin te/ nyon mongs pa ni 'ga' yang sa 'og ma pa la dmigs par mi 'dod do/ /srid pa bar ma la gnas pa dag gis mthong ngo zhes bya ba ni srid pa bar ma la gnas pa de dag gis tshangs pa chen po de mthong nas 'di skad du bdag cag gis sems can 'di tshe ring ba dang dus ring por gnas pa mthong la zhes smra'o//phyogs 'di yang rung ba ma yin te/ 'di ltar srid pa bar ma de na yang khu chu dang khrag la mi ltos pas skye ba la bgegs byed pa med pa'i phyir dus ring por gnas pa srid pa med na ji ltar de dag gi blo la bdag cag gis sems can 'di tshe ring zhing dus ring por gnas par mthong ngo snyam du shes par 'gyur te/dus ring por gnas pa shes par mi 'gyur ro zhes bya ba'i tha tshig go/ /de lta bas na/ de na gnas pa kho nas zhes bya ba rgyas par 'byung ba ni bsam gtan dang po'i sa pa la gnas pa de dag kho na tshangs pa chen po de'i sngon gyi tshul rjes su dran zhing ste/skye ba'i gnas skabs kho na na de dag gis tshangs pa chen po sngar byung ba de dus ring por gnas pa mthong ngo / /mthong nas kyang phyis dus phyis de dag mthong ngo snyam du shes pa yin te blo la zhes bya ba tshig lhag ma yin no//de lta yin na sems can 'di yang sems la 'di snyam du kye ma sems can gzhan dag kyang 'dir bdag dang skal ba mnyam par skye bar gyur cig snyam du smon la bdag cag kyang 'dir skyes pas zhes bya ba'i 'di lan ma btab par 'gyur ro zhe na/sa mtshungs pa'i phyir skyes nas thob pas tshangs pa chen po de'i sems la smon pa de shes te dran par gyur pas de ni nyes pa med do/ /yang na de las thob pa'i phyir ro/ /'di dge rgyas pa dag la yang thal bar 'gyur ba ma yin nam zhe na zhes bya ba ni lus gcig cing 'du shes tha dad pa zhes bya ba'o//ji lta zhe na/ 'di skad du de dag gi dngos gzhi'i sa la bde ba'i dbang pos yongs su skyo nas nyer bsdogs las btang snyoms kyi dbang po mngon du byed la zhes bshad pa rgyas par brjod par bya dgos par 'gyur ba zhig na/de dag ni 'og nas lus gcig cing 'du shes gcig pa'o zhes 'chad par 'gyur ro/ /bde ba des zhes bya ba ni bsam gtan gsum pa'i sa pas so/ /sems g.yo bar byed pa yin pas zhes bya ba ni sems rgod par byed pa yin pas so//'ong ba dang med par 'du shes pa'i phyir zhes bya ba ni skyes nas ring po ma lon pa rnams ni 'ong bar 'du shes pa'i phyir la skyes nas ring du lon pa rnams ni med par 'du shes pa'i phyir ro/ /skrag pa dang mi skrag par 'du shes pa'i phyir zhes bya ba ni go rims bzhin du skyes nas ring po ma lon pa dang ring du lon pa ste des na 'du shes tha dad pa dag yin gyi/bye brag tu smra ba rnams kyis ji skad bshad pa lta bu bde ba dang bde ba yang ma yin sdug bsngal yang ma yin par 'du shes pa'i phyir ni ma yin no/ / bsam gtan dang po na ni nyon mongs pa can gyi 'du shes su zhes bya ba ni tshul khrims dang brtul zhugs mchog tu 'dzin pa dang mtshungs par ldan pa ste/ rgyu ma yin pa la rgyur mngon par zhen pa'i phyir ro/ /gnyis pa na ni dge ba'i 'du shes su zhes bya ba ni nyer bsdogs dang dngos gzhis bsdus pa'i phyir ro//gsum pa na ni rnam par smin pa las skyes pa'i 'du shes su zhes bya ba ni rnam par smin pa las skyes pa'i bde ba dang mtshungs par ldan pa'i phyir ro/ /gzugs med pa gsum na ni mdo las ji skad 'byung ba ste zhes bya ba ni sems can gzugs can ma yin pa gang dag rnam pa thams cad du gzugs kyi 'du shes dag las yang dag par 'das te nam mkha' mtha' yas so snyam nas nam mkha' mtha' yas skye mched rdzogs par byas te gnas pa yang yod de 'di lta ste nam mkha' mtha' yas skye mched du nye bar 'gro ba'i lha dag go//'di ni rnam par shes pa gnas pa lnga pa'o/ /sems can gzugs can ma yin pa gang dag rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched rdzogs par byas te gnas pa yang yod de/'di lta ste/ rnam shes mtha' yas skye mched du nye bar 'gro ba'i lha dag go/ /'di ni rnam par shes pa gnas pa drug pa yin no/ /sems can gzugs can ma yin pa gang dag rnam pa thams cad du rnam shes mtha' yas skye mched las yang dag par 'das te/ci yang med do snyam nas ci yang med pa'i skye mched rdzogs par byas te gnas pa dag kyang yod de/ 'di lta ste/ ci yang med pa'i skye mched du nye bar 'gro ba'i lha dag go/ /'di ni rnam par shes pa gnas pa bdun pa yin no zhes 'byung ba yin no//ci rigs par de dag dang ldan pa'i phung po lnga dang bzhi yin no zhes bya ba ni nam mkha' mtha' yas skye mched la sogs pa dang ldan pa ni phung po bzhi yin no/ /gzhan dag dang ldan pa ni phung po lnga yin no/ /lhag ma de 'joms byed ldan zhes bya ba ni 'dis yongs su 'joms par byed pas na 'joms byed do//rnam par shes pa de yongs su 'joms pa ni de'i 'joms byed do/ /de 'di la yod pas na de'i 'joms byed ldan no// //bam po nyi shu gsum pa/ lhag ma ni ngan 'gro la sogs pa'o/ /ngan song dag na ni gnyi ga med do zhes bya ba ni 'di na gnas pa rnams kyang 'gro bar 'dod pa nyid med la/de na gnas pa rnams kyang skyod par mi 'dod pa nyid med pa'o/ /rgyu ba mi gsal ba'i phyir zhes bya ba ni 'di na sems dang sems las byung ba rnams kyi rgyu ba nyam chung ba'i phyir rnam par shes pa stobs dang ldan pa gnas so zhes bya bar brjod par rigs pa ma yin no//srid rtse dang / 'du shes med pa'i sems can rnams/ /sems can gyi ni gnas dgur bshad/ /ces bya ba ni mdo las sems can gyi gnas dgu bshad pa ste/ dgu gang zhe na/ sems can gzugs can la lus tha dad cing 'du shes tha dad pa dag kyang yod de/'di lta ste mi rnams dang lha kha cig lta bu'o/ /'di ni sems can gyi gnas dang po yin no/ /gnyis pa dang gsum pa dang bzhi pa dag kyang rnam par shes pa gnas pa dag tu ji skad bshad pa de bzhin du brjod par bya'o/ /khyad par ni 'di yod de sems can gzugs can dag la 'du shes med cing so sor 'du shes med pa ni 'di lta ste/sems can 'du shes med pa'i lha rnams te/ 'di sems can gyi gnas pa lnga pa yin no/ /sems can gyi gnas gzugs med pa rnams las kyang rnam par shes pa gnas pa gsum brjod par bya'o//gzugs med pa bzhi pa ni sems can gzugs can ma yin pa dag la rnam pa thams cad du ci yang med pa'i skye mched las yang dag par 'das nas 'du shes med 'du shes med min skye mched rdzogs par byas te gnas pa yod do//'di lta ste/ 'du shes med 'du shes med min skye mched du nye bar 'gro ba'i lha rnams lta bu'o/ /'di ni sems can gyi gnas dgu pa yin no/ /bsam gtan bzhi par nye bar 'gro ba 'du shes med pa'i sems can dag las gzhan pa gang dag yin pa de dag ci sems can gyi gnas yin nam/'on te ma yin zhe na/ slob dpon 'dus bzangs na re ma yin no zhes zer ro/ /ci'i phyir slob dpon gyis 'di skad du gzhan gang dag ce na/ ngan song rnams te zhes bshad ce na 'di ni sgo tsam zhig bshad par zad de/ bsam gtan bzhi par nye bar 'gro ba 'du shes med pa'i sems can gyis ma bsdus pa rnams kyang brjod par bya ba yin no//'dir yang gtan tshigs ni rnam par shes pa gnas pa dag la bshad pa gang yin pa de brjod par bya ste/ 'di na gnas pa rnams ni ngan song du 'gro ba don du gnyer ba med la/de na gnas pa rnams kyang gnas par 'gro ba med pa nyid pas de dag ni sems can gyi gnas ma yin no/ /'bras bu che ba 'du shes med pa'i sems can gyis ma bsdus pa dag tu yang 'di na gnas pa rnams 'gro ba don du gnyer ba yod mod kyi/ de na gnas pa so so'i skye bo rnams ni 'du shes med pa la 'jug par 'dod do//'phags pa ni sprin med dang / bsod nams skyes dag na gnas pa rnams kyang gnas gtsang ma dang gzugs med par 'jug 'dod do/ /gnas gtsang ma rnams kyang yongs su mya ngan las 'da' bar 'dod pa nyid pas de dag ni de na gnas pa'i blo med de/de de'i phyir de dag ni sems can gyi gnas ma yin no zhes zer ro/ /yang gzhan dag na re gzhan gang zhe na ngan song rnams te zhes ngan song rnams kho na smos pa'i phyir slob dpon ni sprin med la sogs pa sems can gyi gnas yin par bzhed do zhes zer ro//de dag gis ni rigs pa btsal dgos so/ /btson ra bzhin no zhes bya ba ni ji ltar mi 'dod bzhin du gnas pa'i phyir btson ra dag sems can gyi gnas ma yin pa ltar ngan song rnams kyang de dang 'dra'o/ /rnam par shes pa gnas pa zhes bya ba ni 'di la rnam par shes pa gnas pas rnam par shes pa gnas pa'o//nye bar 'gro bas na nye bar 'gro ba ste/ rnam par shes pa 'di dang nye bar spyod pa zhes bya ba'i tha tshig go/ /de ni gzugs kyang yin la de ni nye bar 'gro ba yang yin pas gzugs su nye bar 'gro ba ste de bzhin du de dag ni 'du byed kyi bar du yang srid pas 'du byed du nye bar 'gro ba zhes bya'o//skal ldan khyad par can na re rnam par shes pa gnas pa gzugs su nye bar 'gro ba nas/ 'du byed du nye bar 'gro ba zhes bya ba'i bar ni mdo sde pa rnams kyi lugs su bshad pa yin te/ de la rnam par shes pa gnas pa ni rnam par shes pa'i rgyun ma chad pa yin no//rnam par shes pa gnas pa 'di la gzugs su nye bar 'gro ba yod pas 'di ni gzugs su nye bar 'gro ba can yin no/ /nye bar 'gro ba zhes bya ba ni de bdag nyid kyi yin par khas len pa'o/ /de bzhin du rnam par shes pa gnas pa 'di la 'du byed du nye bar 'gro ba yod pas 'di ni 'du byed du nye bar 'gro ba can yin no//yang na gnas pa ni srid pa yin te/ 'dis yang srid pa'i rgyun mi 'chad pa'i sgo nas rnam par shes pa gnas par byed pa'i phyir ro/ /rnam par shes pa'i gnas pa ni rnam par shes pa gnas pa ste/de de la mngon par zhen pa'i sgo nas gzugs su nye bar 'gro bas na gzugs su nye bar 'gro ba ste/ 'du byed du nye bar 'gro ba'i bar du yang de dang 'dra'o zhes zer ro/ /bye brag tu smra ba rnams kyi lugs ltar byed pa po'i don du sbyar bar ni mi nus pas de ni sun 'byin par byed do//'dir bshad pa rnam pa 'di gnyi ga yang rnam par shes pa gnas pa gzugs la sogs pa las gzhan par bshad de de ni/ zag pa dang bcas pa'i phung po bzhi zhes bya ba dang / bsdu na mu bzhi yin no zhes bya ba 'di thams cad btsal bar 'gyur bas nyes pa gzhan yod de de lta bas na bshad pa snga ma nyid bzang ngo zhes smra'o//bye brag tu smra ba'i bshad pa 'di ni brjod par bya ste/ de dag gis ni 'di skad du gzugs la nye bar 'gro bas rnam par shes pa gnas pa gzugs su nye bar 'gro ba zhes bya ba la sogs par ni ma bshad do//gzhan dag na re rnam par shes pa gnas pa gzugs su nye bar 'gro ba zhes bya ba ni gzugs kyi ngo bo nyid do zhes bya ba'i tha tshig go zhes zer te/ /ji ltar gzhan las sra ba mkhrang bar gyur pa zhes 'byung ba la gyur pa'i don ni ngo bo nyid kyi don to zhes bya ba lta bu'o snyam du bsams pa yin no//gnas pa po yongs su spangs nas zhes bya ba ni gnas pa po ma gtogs par te/ 'jig rten na gnas pa po lhas byin la sogs pa yang gzhan la gnas pa khyim la sogs pa'i gnas kyang gzhan no zhes bya ba'i tha tshig go//gru dang mnyen pa'i tshul du zhes bya ba ni ji ltar mnyen pas gru 'dren par byed pa de dang 'dra bar ro/ /rnam par shes pa 'gro bar byed pa ni 'jug par byed pa zhes bya ba'i tha tshig go/ /rnam par shes pa nyid rnam par shes pa la gnas nas 'gro bar byed pa ni ma yin no zhes bya ba ni rgyud gcig la rnam par shes pa gnyis phrad pa med pa'o//rgyud gzhan gyi rnam par shes pa cig car 'byung mod kyi/ de ni cig shos dang nye bar 'dug pa ma yin pas de de'i gnas pa ma yin no/ /dga' ba ni yid bde ba'o//rnam par shes pa gnas pa bdun phung po lnga'i rang bzhin dag yin no zhes bya ba de yang ji lta bu zhes bya ba ni rnam par shes pa gnas pa bdun phung po lnga'i rang bzhin nyid yin par bzhed na/ de ji ltar rnam par shes pa la rnam par shes pa gnas pa zhes bya bar mi 'dod ces bya ba yin no//de lta na 'o na ni zhes bya ba rgyas par 'byung ba ni gzugs la sogs pa'i phung po rnams bye brag med par gcig tu bzlum pa'i ngo bor ni skye ba'i skye mched kyis bsdus pa'i phung po mi la sogs pa'i ris mthun pas bsdus pa dag la mngon par dga' ba dang bcas shing mngon du dga' ba dang bcas pa'i rnam par shes pa 'jug na rnam par shes pa la rnam par shes pa gnas pa bdun bshad par rnam par shes pa gnas pa zhes bya'o zhes bya bar bzhed do//so sor dbye na ste phung po re rer dbye na ni ji ltar gzugs la sogs pa rten dang mtshungs par ldan pa dang lhan cig byung ba'i ngo bor nye bar 'gro ba'i phyir rnam par shes pa kun nas nyon mongs par byed pa yin pa ltar rnam par shes pa 'ba' zhig ni logs shig tu de lta ma yin te ci zhe na/kun nas nyon mongs par byed pa zhes bya bar skabs dang sbyar ro//ci'i phyir zhe na/ cig car du rten la sogs pa nyid du mi rung ba'i phyir ro/ /de lta bas na rnam par shes pa gnas pa bzhi bshad pa dag tu rnam shes 'ba' zhig logs shig tu gnas par ma bshad do/ /de bzhin du gdul ba'i skye bo la ltos nas rnam par shes pa gnas pa mdo kha cig las ni gzhan du 'byung ba la/'di las kyang gzhan du 'byung bas de'i phyir gzhan yang bcom ldan 'das kyis rnam par shes pa gnas pa bzhi ni zhing gi ngo bor zhes bya ba rgyas par smos te/ bcom ldan 'das kyis rnam par shes pa gnas pa bzhi po gzugs dang tshor ba dang 'du shes dang 'du byed kyi ngo bo nyid dag ni rnam par shes pa'i zhing gi ngo bor bstan la nye bar len pa dang bcas pa'i rnam par shes pa rang gi sa pa'i sred pas sred pa dang bcas pa rgyud thams cad du gtogs pa zad par ni sa bon gyi ngo bo kho nar bstan gyi sa bon nyid sa bon gyi zhing gi ngo bor rnam par gzhag par gyur pa ma yin te/'jig rten na sa bon gyi zhing gi ngo bor rnam par 'jog par byed pa ni med do/ /chos gang dag ces bya ba rgyas par 'byung ba ni gzugs la sogs pa'i chos gang dag rnam par shes pa dang lhan cig 'dug pa de dag kho na zhing gi ngo bor shin tu legs pa yin te/zhing ni 'jig rten na sa bon dang lhan cig 'dug pa yin par snang ngo / /rnam par shes pa ni rnam par shes pa dang lhan cig 'dug pa ma yin te/cig car 'byung ba med pa'i phyir ro/ /'o na ni 'das pa dang ma 'ongs pa'i gzugs la sogs pa rnam par shes pa gnas pa ma yin par 'gyur ro zhe na/ 'das pa dang ma 'ongs pa de dag kyang bdag nyid ji lta ba bzhin du rnam par shes pa 'das pa dang ma 'ongs pa rnams kyi gnas pa yin no//de lta bas na rnam par shes pa gnas pa ni rang gi sa pa'i zag pa dang bcas pa'i gzugs la sogs pa thams cad yin pa kho na'o zhes bya ba khong du chud par bya'o/ /mu dang po ni zhes bya ba rgyas par 'byung ba la bdun dag tu rnam par shes pa gang yin pa'o zhes bya ba ni rnam par shes pa gnas pa bdun ni phung po lnga'i rang bzhin yin pa'i phyir der rnam par shes pa bsdus kyi bzhi por ni ma yin te/der rnam par shes pa ma smos pa'i phyir ro/ /rnam par shes pa ma gtogs pa'i phung po rnams so zhes bya ba ni ngan song la sogs pa na yod pa'i rnam par shes pa yang bzhir yang ma bsdus la bdun du yang ma yin te/ngan song la sogs pa na rnam par shes pa 'joms par byed pas ma smos pa'i phyir ro/ /bdun dag tu phung po bzhi rnams so zhes bya ba ni rnam par shes pa gnas pa bdun dag tu rnam par shes pa ma gtogs pa'i phung po bzhi bshad pa gang dag yin pa de dag ni rnam par shes pa gnas pa bzhir yang bsdus pas gnyi gar yang bsdus pa yin te/mu gsum pa yin no/ /bzhi par rnam pa de dag ma gtogs pa'o zhes bya ba ni ngan song rnams dang /bsam gtan bzhi pa dang srid pa'i rtse mo na yod pa'i rnam par shes pa gang yin pa dang / zag pa med pa'i chos rnams so/ /'gro ba la sogs pa'i bye brag gis tha dad pa zhes bya ba la sogs pa zhes bya ba'i sgras ni snod dang srid pa bar ma dang sa la sogs pa bsdu'o//mngal ni gang gis ma'i ltor bu dkris shing 'dug pa'o/ /de las skyes pa ni mngal nas skye ba yin no/ /'byung ba'i drod gsher las skye ba zhes bya ba ni sa la sogs pa 'byung ba rnams kyi drod gsher te/brlan pa'i mtshan nyid las skyes pa ni 'byung ba'i drod gsher las skyes pa rnams yin no/ /dbang po ma tshang ba ma yin pa ni mig gi dbang po la sogs pa ma tshang ba med pa'i phyir ro/ /dman pa ma yin pa ni zhar ba dang yo ba la sogs pa med pa'i phyir ro//yan lag thams cad dang ldan pa ni lag pa dang rkang pa la sogs pa dang ngo / /nying lag thams cad dang ldan pa ni sor mo la sogs pa dang ngo / /cig car du skye ba ni sgo nga las skye ba la sogs pa bzhin du nur nur po la sogs pa'i rim gyis ma yin pa'o/ / skye zhing 'byung ba la mdzes par byed pa'i phyir te/ khu chu dang khrag la sogs pa rgyur ma byas par cig car du skyes pa'i phyir rdzus te skye ba rnams zhes bya'o/ /khrung khrung mo las skyes pa zhes bya ba rgyas par 'byung ba ni tshong pa gru chag pa dag cig rgya mtsho'i ngogs su khrung khrung mo dang 'dus pa las de las btsas pa gnas brtan brag dang nye brag ces bya ba yin no zhes grag go//rgyal po lnga len gyi zhes bya ba ni de'i btsun mo chen mo las sgo nga lnga brgya byung ba dang / rgyal po des [(]sgram [,]sgrom [)]gyi nang du bcug ste chu bo gang gA la bskur ba dang /lits+tsha bI'i rgyal po btsun mo dang bcas te khrus byed pas [(]sgram [,]sgrom [)]chus khyer ba mthong ste/ phye ba dang de'i nang na bu lnga brgya 'dug pa mthong nas blangs so zhes bya ba yin no/ /nga las nu la sogs pa ni drod gsher las skyes pa yin no/ /ji lta zhe na rgyal po bsnyen gnas pa'i spyi bo nas 'bur 'bur po zhig skyes pa de rim gyis skyes shing rim gyis smin cing rim gyis rdol ba las bu cig skyes pa de nga las nu zhes bya ba ste drod gsher las skye ba yin no//rgyal po nga las nu'i pus mo gnyis kyi steng nas kyang 'bur 'bur po zhig skyes te/ de gnyis rim gyis skye ba la sogs pa las byung ba ni mdzes pa dang nye mdzes zhes bya ba de gnyis yin no zhes grag go/ /rgyal po tshangs pa byin gyi brang nas 'bur 'bur po zhig skyes pa de snga ma bzhin du rim gyis 'phel ba la sogs pa las bu mo byung ba de ni thi ba'i phreng can ma zhes bya'o zhes grag go//a mra skyong ma yang chu shing gi sdong po las skyes so zhes grag go/ /bskal pa dang po pa rnams zhes bya ba ni/ sngar byung sems can gzugs can bzhin/ /zhes 'byung ba'i phyir ro/ /'dab bzangs ni nam mkha' lding ngo //yi dags rnams mngal nas skye ba nyid yin par grub par bya ba'i phyir tshe dang ldan pa zhes bya ba rgyas par smras so mngal nas skye ba nyid yin par grub par bya ba yin par ci mngon zhe na/ mtshan mo bu lnga skyes nas zhes 'byung ba'i phyir ro/ /bdag gis mtshan mo bu lnga dang //de bzhin nyin mo gzhan lnga dag /bskyed nas de dag zos mod kyi/ /'on kyang bdag ni tshim pa med/ /ces 'byung ba'i phyir ches rdzus te skye ba nyid yin par grub par bya ba ma yin nam mngal nas skyes pa dag zos pas ni tshim par 'gyur ro zhe na/mngal nas skye ba nyid yin par grub par bya ba kho na yin gyi/ rdzus te skye ba yin par grub par bya ba ni ma yin no/ /mtshan mo yang lnga cig car 'byung la/ nyin mo yang gzhan lnga 'byung ba la 'gal ba dag med de dus de tsam gyis lus yongs su brtas par 'gyur ro//rim gyis mtshan mo yang lnga nyin mo yang lnga bskyed pa la 'gal ba med de/ sems can gyi rigs de de 'dra zhing las rnams kyi rnam par smin pa yang bsam gyis mi khyab pas so/ /bkres pa shas che ches pa'i nyes pas ni tshim pa med do/ /skye ba la dbang thob pa zhes bya ba 'dis ni mngal nas skye ba'i skye bar las kyi nan gyis mnan pa mi rung bar ston par byed do//gzhan mu stegs kha zer ba zhes bya ba la gzhan mu stegs dag ni ma ska ri la sogs pa ste/ gcer bu'i bstan bcos las ji skad du btsun pa su zhig rdzu 'phrul ston par bgyid lags/sgyu ma mkhan gau ta ma yin no zhes 'byung ba dang / de bzhin du bcom ldan 'das kho na la gzhan du bskal pa brgya 'das nas/ sgyu ma mkhan 'di lta bu 'jig rten du byung nas sgyu mas 'jig rten za'o zhes zer ba 'byung ste nye bar 'tsho'o zhes bya ba'i tha tshig go//phyi'i sa bon med pa'i phyir zhes bya ba ni phyi'i khu chu dang khrag gi 'dam rdzab la sogs pa med pa'i phyir zhes bya ba'i tha tshig go/ /byin gyis brlabs pas byung ba zhes bya ba ni 'di 'di ltar gyur cig ces byin gyis rlob pa gang yin pa de ni byin gyis brlab pa'o//'di la dgos pa de yod pa'am de las byung ba'i rdzu 'phrul ni byin gyi rlabs las byung ba ste/ de yin par 'dod pa'i sangs rgyas pa rnams la ni lan de rigs pa ma yin no/ /gang zhig ce na/ ring bsrel sku gdung rnams gzhag pa'i phyir zhes bshad pa gang yin pa'o//dri ba las dri ba gzhan 'byung ste zhes bya ba ni 'o na ci'i phyir srid pa tha ma pa'i byang chub sems dpa' zhes bya ba dri ba rgyas par smos la de yang ring bsrel sku gdung rnams gzhag pa'i phyir zhes bya ba rgyas par bshad pa'i dri ba de las dri ba gzhan gal te rdzus te skye ba rnams zhes bya ba rgyas pa 'di 'byung ngo //lus zhig pa ni shi ba'i lus so/ /rdzus te skye ba'i nam mkha' lding gis rdzus te skye ba'i klu zhes bya ba khyad par gnyis ci'i phyir smos/ ci rdzus te skye ba ma yin pa'i nam mkha' lding dang / klu dag kyang yod dam zhe na smras pa yod de/ nam mkha' lding dang klu rnams ni sgo nga las skyes pa la sogs pa'i bye brag gis rnam pa bzhi'o/ /de dag gi nang na rdzus te skye ba rnams ni rab yin no/ /drod gsher las skye ba rnams ni rab 'og yin no/ /mngal nas skye ba rnams ni 'bring yin no/ /sgo nga las skye ba rnams ni tha ma yin no//de la nam mkha' lding rdzus te skye bas ni rdzus te skye ba la sogs pa thams cad bza' ba'i phyir 'byin to/ /drod gsher las skye bas ni drod gsher las skye ba la sogs pa gsum mo/ /mngal nas skye bas ni mngal nas skye ba dang sgo nga las skye ba dang gnyis so//sgo nga las skye ba ni sgo nga las skye ba kho na'o zhes brjod do/ /ji srid ma shi ba'i bar du zhes bya ba ni ji srid gson pa de srid du de'i sha la sogs pa mi snang bar mi 'gyur ro zhes ston pa yin no/ /shi ba des tshim par 'gyur ba ni ma yin no zhes bya ba ni shi zin pa des tshim par mi 'gyur ro zhes bya ba'i tha tshig go//sha'i gong bu mi snang bar 'gyur ba'i phyir shi ba nam mkha' dang 'dra ba zos pa des de tshim par mi 'gyur ro zhes bya bar khong du chud par bya'o/ /des ni 'gro ba gnyis zhes bya ba ni dmyal ba'i 'gro ba dang lha'i 'gro ba'o//gsum gyi phyogs zhes bya ba ni dud 'gro dang / yi dags dang / mi'i 'gro ba rnams kyi'o/ /'gro ba bar ma yin pa'i phyir ro zhes bya ba ni 'gro ba gnyis kyi bar ma yin pa'i phyir ro/ /'gro ba go lung du ma bstan pa kho na yin par 'dod pa ma yin nam/ skye ba'i srid pa ni gcig tu nyon mongs pa can yin la/'chi ba'i srid pa yang res 'ga' dge ba'am nyon mongs pa can du 'gyur te/ 'gro ba ma yin na ji ltar de gnyis la 'gro ba zhes bya ba'i sgrar btags nas 'gro ba'i bar ma yin no zhes bya zhe na/ 'di ni nyes pa med de/de'i tshe 'chi ba dang skye ba dag gi srid pa dag ni ma bsgribs la lung du ma bstan pa ris mthun pa dang srog gi dbang po dang skye ba la sogs pa 'gro ba'i ngo bo nyid dag kyang yod pa'i phyir la 'dod pa dang gzugs kyi khams na ni lus kyi dbang po yang gdon mi za bar yod pa'i phyir ro//'chi ba'i srid pa yang skye ba'i srid pa bzhin du nyon mongs pa can du nges pa yang ma yin la/ dge bar nges pa yang ma yin te/ de lta bas na de dag la 'gro ba zhes bya ba'i sgrar btags nas 'gro ba'i bar ma yin pa'i phyir ro zhes bshad do/ /srid pa bar ma byung ba min//'o na ci zhe na/ 'byung ba zhes bya'o/ /mngon zhing rdzogs pa'o zhes bya ba ni 'phen par byed pa'i las kyis ni ris mthun pa mngon la rdzogs par byed pa dag gis ni rdzogs pa yin te/ skye ba gcig ni gcig gis 'phen/ /rdzogs par byed pa du ma yin//zhes 'byung bas skye ba thams cad la las gnyis bya ba byed pa'i phyir ro/ /yul gang du ming dang gzugs las kyis ji ltar 'phangs pa bzhin 'byung zhing mngon la skye mched drug tshang zhing rdzogs pa de ni bgrod par bya ba'i yul yin no/ /'bru yi rgyun dang chos mthun phyir//zhes bya ba rgyas par 'byung ba la 'brel zhing 'phel ba ni rgyun to/ /'bru'i rgyun ni 'bru'i rgyun te/ de dang chos mthun pa'i phyir srid pa chad pa las byung ba ma yin no/ /skye ba'i srid pa'i gzugs ni gang dang 'bral ba dang gang du 'byung ba de dag gi bar ma'i rgyun la yod pa'i gzugs sngon du 'gro ba can yin te/rang gi nye bar len pa gzugs kyi rgyun gyi ngo bo'i ngo bo nyid can yin pa'i phyir/ 'bru'i rgyun phyis 'byung ba'i gzugs lta bu'o/ /rgyun gyis 'byung ba'i chos rnams ni rgyun mi 'chad par yul gzhan du 'byung ba'i sgo nas yul gzhan dag tu 'byung ba mthong ste/dper na 'bru'i rgyun lta bu'o/ /'bru'i rgyun phyis 'byung ba'i gzugs ni yul gzhan gang dang 'bral ba dang yul gzhan gang du 'byung ba de dag gi bar ma'i rgyun la yod pa'i gzugs sngon du 'gro ba can du 'byung ste/'di ni kho bo cag skad cig mar smra ba rnams kyi grub pa'i mtha' yin no/ /gang gi tshe 'bru grong nas grong gzhan du khyer ba na 'bru de grong snga mar 'gags nas grong de gnyis kyi bar du mi 'byung bar dpag tshad du mas bcad pa'i grong gzhan du 'byung ba ni ma yin no//'o na ci zhe na/ nam mkha'i phyogs su skye ba dang 'gag pa bar ma pa'i rim gyis grong gzhan du 'byung la/ de yang rang gi nye bar len pa gzugs kyi rgyun gyi ngo bo'i ngo bo nyid can yin pa ltar skye ba'i srid pa'i ngo bo yang de dang 'dra bar 'byung ngo / /'di la slob dpon yon tan blo gros ni slob ma slob dpon dbyig bshes dang bcas te/rang gi sde pa la blo zhen cing goms pas rnam par 'chad pa'i las btang ste rgol ba lhur len pa 'ba' zhig la 'jug go/ /bdag ni 'di la bstan bcos kyi don dpyad pa 'ba' zhig la 'bad kyi ched mi che ba'i phyir dang /tshig mangs su dogs pa'i phyir de sun 'byin pa la ni ma yin no/ /tshul can ni ngang tshul can no/ /chad nas 'byung ba yang zhes bya ba rgyas par 'byung ba la me long la sogs pa dag gi nang du gzugs las gzugs brnyan lta bu'o zhes bya ba ni me long la sogs pa'i nang du gzugs gdong las gzugs brnyan gdong 'dra ba'i ngo bo chad nas 'byung ba mthong ste/'dis ni ma nges pa nyid du ston par byed do/ /yang na phyir sgrub par byed pa yin te/ skye ba srid pa'i gzugs ni gang dang 'brel ba dang /gang du 'byung ba de dag gi bar ma'i rgyun la yod pa'i gzugs sngon du 'gro ba can ma yin te/ rang gi nye bar len pa gzugs kyi rgyun gyi ngo bo'i ngo bo nyid can yin pa'i phyir gzugs brnyan gyi gzugs lta bu'o zhes bya ba yin no/ /gzugs brnyan zhes bya ba kha dog gi khyad par gzhan kho na zhig 'byung ngo zhes bya ba de ni ma grub pa zhes bya ba la/slob dpon gyi dgongs pa ni me long la sogs pa de la gzugs kyi mthu kho nas 'khrul pa'i shes pa gzugs brnyan gyi rnam pa can skye'i de la gzugs brnyan zhes bya ba ni chung zad kyang med do snyam pa yin te/'dis ni dpe'i skyon chos can ma grub pa zhes bya ba ston par byed do/ /de lta bas na ma nges pa nyid kyang med la phyir bsgrub pa de yang bzang po ma yin no/ /grub tu zin kyang mi 'dra ba'i phyir dpe ma yin no zhes bya ba ni gzugs brnyan rdzas su yod pa nyid du grub tu zin kyang dngos dang mi 'dra ba'i phyir dpe ma yin te/dper brjod du mi rung ngo / /re zhig ji ltar na ma grub ce na zhes bya ba la/ re zhig ces bya ba'i sgra ni rim mo/ /re zhig ma grub pa nyid kyi rigs pa bstan pa'i phyir/ gcig na lhan cig gnyis med phyir//zhes bya ba rgyas par smos te/ me long gi yul de nyid na blo na 'dug pas ni me long gi gzugs mthong gi gzugs brnyan ma yin la de nyid na mdun na 'dug pas ni gzugs brnyan mthong gi me long gi gzugs ma yin te/ yul gcig na rgyur byas pa'i gzugs gnyis lhan cig 'dug pa med do//ci'i phyir zhe na rten gyi 'byung ba tha dad pa'i phyir ro/ /de gnyis kyis rten gyi 'byung ba rnams tha dad pas me long gi gzugs brnyan gyi rten gyi 'byung ba rnams kyis non pa'i yul der gzugs brnyan gyi gzugs kyi rten gyi 'byung ba rnams kyi go skabs med de/de'i phyir rgyur byas pa'i gzugs gnyis 'byung ba med do/ /de lta bas na de ltar rnam par shes pa cig car med pa'i phyir dang / rgyur byas pa'i gzugs gnyis kyang gcig tu 'byung ba med pa'i phyir de ni cung zad kyang med do zhes bya bar ston to//gal te yul gang na me long gi gzugs snang ba de nyid na gzugs brnyan yang snang gi gzhan na ni ma yin na nyes pa ci yod ce na smras pa/ gcig na gzugs gnyis lhan cig 'byung ba ni med do zhes snga ma bzhin du brjod par bya'o/ /rnam pa gcig tu na/gcig na lhan cig gnyis med phyir/ /zhes bya ba'i mdo'i don ni 'di yin te/ gzugs gcig la lta ba po skyes bu gnyis kyis lhan cig mthong ba med pa'i phyir gzugs brnyan ma grub pa'o zhes bya bar tshig khong nas drang ngo / /ji lta zhe na/ smras pa phyogs tha dad pa na gnas pa ste/kha cig byang phyogs na gnas pa rnams dang / kha cig lho phyogs na gnas pa'i mi rnams kyis mtshe'u'i chu'i yul gcig na ste/ mtshe'u'i nang gi phyogs gcig na rang gi mdun rol gyi yul na gnas pa'i gzugs lho phyogs kyi ngogs kyi kha na 'dug pa'i gzugs rnams ni byang phyogs kyi ngogs na 'dug pa'i skyes bu'i rang gi mdun rol na gnas pa yin la/byang phyogs kyi ngogs kyi kha na 'dug pa'i gzugs rnams kyang lho phyogs na 'dug pa'i skyes bu'i rang gi mdun rol na gnas pa yin te de rnams kyi'o/ / ci zhe na/ gzugs brnyan phan tshun dmigs te tshig gi don ni byang phyogs na 'dug pa rnams kyis kyang lho phyogs kyi ngogs kyi gting na gzugs brnyan dmigs la lho phyogs na 'dug pa rnams kyis kyang byang phyogs kyi ngogs kyi gting na gzugs brnyan dmigs kyi/ gnyi ga cig car dmigs pa ni ma yin no zhes bya ba yin te/rang rol gyi ngogs kyi gting gi gzugs brnyan ni ngogs de na 'dug pa mtshe'u'i chu ril gyis mthong ba rnams kyis kyang mi dmigs so/ /gal te des na ci zhe na/ de'i phyir smras pa/ bum pa'am ras yug gi gzugs gcig la lta ba po skyes bu gnyis kyis lhan cig mi mthong ba ni ma yin te/mthong ba kho na'o zhes bya ba'i tha tshig go/ /'dir ni lhan cig mthong ba ma yin te/ de'i phyir der gzugs gzhan zhig 'byung bar ni rigs pa ma yin no//rnam pa gcig tu na 'di'i don ni 'di yin te/ 'jig rten na grib ma dang nyi ma gnyis kyang lhan cig 'byung ba ma mthong ste/ 'dun khang ngam gzhan na yang rung gang na grib ma yod pa de na nyi ma med la/ bla gab med pa gang na nyi ma yod pa de na grib ma med na/grib ma na 'dug pa'i me long gi nang na nyi ma'i gzugs brnyan yang dmigs so/ /ji lta zhe na/ mtshe'u'i nang du ni nyi ma'i gzugs brnyan yang 'byung la/ mtshe'u de'i ngogs na yod pa'i 'dun khang grib ma can gyi nang du me long zhig bzhag na me long de'i nang du nyi ma'i gzugs brnyan mtshe'u na 'dug pa de'i gzugs brnyan gzhan zhig kyang 'byung bar 'gyur ro//mtshe'u'i nang gi nyi ma'i gzugs brnyan gang yin pa de yang nyi mas kun nas bslang ba yin pas gdon mi za bar nyi ma'i ngo bo nyid yin par khas blang bar bya dgos la/me long gi nang du gzugs brnyan gzhan 'byung ba gang yin pa de yang nyi ma'i ngo bo nyid kyi gzugs brnyan gyis kun nas bslang ba yin pas 'di yang gdon mi za bar nyi ma'i ngo bo nyid yin par khas blang bar bya dgos so/ /de lta yin dang grib ma dang nyi ma dag lhan cig na 'dug par 'gyur ba zhig na 'jig rten na gzhan na ni grib ma dang nyi ma dag lhan cig 'dug pa yang med pas der gzugs brnyan de 'byung bar rigs pa ni ma yin no//khron pa'i chu bzhin du zhes bya ba ni ji ltar khron pa'i nang na chu ma zad pa ring mo zhig na 'dug par snang ba de bzhin du zla ba'i gzugs brnyan 'di nyid kyi nang na 'dug pa yang de dang 'dra bar snang ste/me long la ni de tsam gyi rngam kyang med do/ /de yang 'di'i nang du 'byung na ni gzugs brnyan de yang me long kho na'i nang du 'byung na ni pha zad gzhan na dmigs par yang mi 'gyur ba zhig na dmigs te de lta bas na de ni cung zad kyang med kyi gang de ltar snang ba de ni gzugs dang me long la sogs pa'i mtshan nyid tshogs pa de'i mthu yin no//chos rnams kyi mthu'i bye brag ni bsam gyis mi khyab ste/ dper na khab long gis lcags len par snang gi shing la sogs pa ma yin pa dang /zla ba shar nas chu shel las chu 'byung bar snang gi /sol ba la sogs pa las ni ma yin pa lta bu'o zhes bya ba de lta bu la sogs pa brjod par bya'o/ /me long gi rgyud dang 'brel pa'i phyir zhes bya ba ni gzugs brnyan ni gzugs kyi rgyun du gyur pa ma yin te/me long gi rgyud dang 'brel pa'i phyir me long gi gzugs lta bu'o/ /lhan cig 'byung ba'i phyir zhes bya ba ni gzugs dang dus gzhan mnyam pa'i gzugs lta bur ro/ /de ltar na skye ba'i srid pa 'chi ba'i srid pa'i rgyun du gyur pa ji lta bar gzugs brnyan ni gzugs kyi de lta bu ma yin pas gzugs brnyan gyi dpe bsgrub pa dang mi ldan pa yin no//'bru'i rgyun phyis 'byung ba'i ngo bo'i dpe ni rang gi rgyun snga ma'i rgyun can du gyur pa yin pas de lta bas na dpe dang mthun pa yin no//gzugs brnyan ni gnyis las 'byung phyir zhes bya ba rgyas par 'byung ba ni gnyis kyis 'byung ba ni gnyis las 'byung ba'o/ /de'i phyir te gzugs dang me long las zhes bya ba'i tha tshig go/ /gzugs brnyan ni gtso bo'i rgyu me long la sogs pa gang yin pa de la brten nas 'byung ste/gzugs brnyan gyi gtso bo'i rgyu ni me long la sogs pa yin te/ de dag gi rjes su byed pa'i phyir ro/ /'di lta ste/ gal te ral gri'i phred du 'dug na ni gzugs brnyan yang chu rings su 'dug par snang la gal te bsgreng ste 'dug na ni gzugs brnyan yang de kho na ltar snang na/skye ba'i srid pa yang de ltar 'chi ba'i srid pa dang / me long lta bu gtso bo'i rgyu gang yang rung ba zhig dang gnyis las 'byung ba ni med do/ /gal te phyi'i khu chu dang khrag la sogs pa gtso bo'i rgyu yin no zhe na/sems pa med pa'i phyir dang rdzus te skye ba rnams la yang de med pa'i phyir ma yin te/ de'i phyir yang dpe 'di ni mi 'dra ba yin no/ /'dis ci zhig bstan par 'gyur zhe na/ khyad par du byas pa'i gtan tshigs la dpe 'di mthun pa ma yin no zhes bya ba yin no//ji lta zhe na/ skye ba'i srid pa'i gzugs ni gang dang bral ba dang / gang du skye ba de dag gi bar ma'i rgyud la yod pa'i gzugs sngon du 'gro ba can yin te/ gnyis las 'byung ba ma yin pa ni nye bar lan pa gzugs kyi rgyun gyi ngo bo'i ngo bo nyid can yin pa'i phyir 'bru'i rgyun gyis 'byung ba'i ngo bo lta bu'o zhes bya ba yin no//de lta yin na bsgrub pa 'di la ma nges pa nyid kyang brjod par mi nus la/ phyir bsgrub par bya ba yang nus pa ma yin no zhes bshad pa yin no/ /lung gis kyang srid pa bar ma yod pa nyid du bsgrub pa'i phyir/mgur nas gsungs phyir yod ces bya ba smos te/ rang gi ming nas brjod pa'i phyir zhes bya ba'i tha tshig go/ /mdo 'di dag mi 'don to zhes bya ba ni sde pa gzhan dag go/ /ci'i phyir mi 'don ce na/ de dag gi lung dag las mi 'byung ba'i phyir ro/ / sde pa gzhan gyi lung las grags pa ci ste tshad mar mi 'dzin zhe na/ yang dag par bsdus pa'i bzhi po nyams pas mdo sgro btags pa yin par dogs pa yin pa'i phyir ro/ /gnas gsum zhes bya ba ni rgyu gsum ste/ ma rung ba ni nang med pa'o/ /zla mtshan dang ldan pa ni khrag dang ldan pa ste 'di gnyis ni gnas dang po yin no//chags par gyur cing phrad pa zhes bya ba ni 'khrig pa'i chos byed pa ste/ 'di ni gnas gnyis pa yin no/ /dri za yang nye bar gnas par gyur na zhes bya ba ni gsum pa yin no/ /phung po zhig pa nye bar gnas par gyur na zhes bya ba ni 'chi ba'i srid pa'o//phyir mi 'ong ba ni lnga zhes bya ba dang / skyes bu dam pa'i 'gro ba bdun zhes bya ba ni gang zag bstan pa'i mdzod kyi gnas nas 'chad par 'gyur ro/ /skyes pa zhes bya ba la sogs pa la yang zhes bya ba ni de dag kyang skyes pa zhes bya ba'i lha zhig yin no zhes bya ba de lta bu la sogs par thal bar 'gyur ba'o//skyes bu dam pa'i 'gro ba bdun zhes bya ba ni bar mdor yongs su mya ngan las 'da' ba de dag nyid rnam pa gsum du phye na bdun du 'gyur ro/ /de'i phyir dus dang yul gyi khyad par gyi bye brag gis bar ma dor yongs su mya ngan las 'das pa gsum du bshad ces bya ba smos te/ci rigs par dus kyi khyad par gyi bye brag dang / yul gyi khyad par gyi bye brag gis so/ /'dir mdo yang gdon par bya ste/ gleng gzhi ni mnyan yod na'o//de nas bcom ldan 'das kyis dge slong rnams la bka' stsal pa/ dge slong dag ngas khyed la skyes bu dam pa'i 'gro ba bdun dang nye bar len pa med par yongs su mya ngan las 'da' ba yang bstan gyi/ legs par rab tu nyon la yid la zung shig dang bshad par bya'o//skyes bu dam pa'i 'gro ba bdun gang zhe na/ 'di na dge slong 'di ltar zhugs pa yin te/ bdag 'byung yang ci ma rung snyam pa yang med la/ bdag gi 'byung yang ci ma rung snyam pa yang med pa dag 'byung bar 'gyur ro snyam pa yang med bdag gi 'byung bar 'gyur ro snyam pa yang med cing /yod pa gang yin pa dang yang dag pa gang yin pa de spang bar bya'o snyam pa'i btang snyoms 'thob bo/ /de srid pa 'di la chags pa med la/ de nas shes rab kyi go 'phang zhi ba mchog kyang rtogs shing 'dis go 'phang de yang lus kyis mngon du byas par 'gyur ro//dge slong de ltar zhugs pa'i 'gro ba ni gang yin/ skye ba ni gang yin/ tshe rabs gzhan ni gang yin zhes 'dri bar byed pa yod na/ dge slong dag dper na zhogs ma'i me chung ngu mngon par 'grub bzhin du 'chi bar 'gyur ba de bzhin du de'i nga rgyal gyi lhag ma de tsam zhig ma spangs shing yongs su ma shes pa las de'i nga rgyal gyi lhag ma de spangs shing yongs su shes nas kun du sbyor ba tha ma'i cha dang mthun pa lnga spangs pas bar ma dor yongs su mya ngan las 'da' bar 'gyur te/'di ni skyes bu dam pa'i 'gro ba dang po yin par bshad do//gzhan yang 'di ltar zhugs pa yin te/ bdag 'byung yang ci ma rung snyam pa yang med ces bya ba nas 'dri bar byed pa yod na zhes bya ba'i bar snga ma bzhin no/ /dper na lcags kyi thu lum mam thong lcags me kun du 'bar ba'i nang du rab tu bsregs pa lcags kyi tho bas brdungs pa rnams kyi lcags kyi tsha tsha gnam du yar bzhin du 'chi bar 'gyur ba de bzhin du de'i zhes bya ba nas kun du sbyor ba tha ma'i cha dang mthun pa lnga spangs pas bar ma dor yongs su mya ngan las 'da' bar 'gyur ro zhes bya ba'i bar snga ma bzhin te/'di ni skyes bu dam pa'i 'gro ba gnyis pa yin no/ /gzhan yang dge slong 'di ltar zhugs pa yin te zhes bya ba la sogs pa snga ma bzhin no/ /lcags kyi tsha tsha gnam du yar nas sa la ma lhung ba nyid du 'chi bar 'gyur ro/ /de bzhin du de'i zhes bya ba nas bar ma dor yongs su mya ngan las 'das par 'gyur ro zhes bya ba'i bar snga ma bzhin te/'di ni skyes bu dam pa'i 'gro ba gsum pa yin no/ /gzhan yang dge slong 'di ltar zhugs pa yin te zhes bya ba la sogs pa snga ma bzhin no/ /lcags kyi tsha tsha gnam du yar nas sa la lhung ma thag tu 'chi bar 'gyur ro//de bzhin du de'i zhes bya ba nas kun du sbyor ba tha ma'i cha dang mthun pa lnga spangs pas zhes bya ba'i bar snga ma bzhin no/ /skyes nas yongs su mya ngan las 'da' bar 'gyur te/ 'di ni skyes bu dam pa'i 'gro ba bzhi pa yin no//gzhan yang dge slong 'di ltar zhugs pa yin te zhes bya ba la sogs pa snga ma bzhin no/ /lcags kyi tsha tsha gnam du yar nas rtswa dang shing nyung ngu'i nang du ltung zhing des der du ba yang 'thul bar byed me lce yang skyed par byed la/ des der du ba yang 'thul bar byas me lce yang bskyed nas rtswa dang shing nyung ngu de kho na ma lus par bsregs te nye bar len pa med par 'chi bar 'gyur ro//de bzhin du de'i zhes bya ba nas kun du sbyor ba tha ma'i cha dang mthun pa lnga spangs pas zhes bya ba'i bar snga ma bzhin no/ /mngon par 'du byed pa med par yongs su mya ngan las 'da' bar 'gyur te/'di ni skyes bu dam pa'i 'gro ba lnga pa yin no/ /gzhan yang dge slong 'di ltar zhugs pa yin te zhes bya ba la sogs pa snga ma bzhin no/ /lcags kyi tsha tsha gnam du yar nas rtswa dang shing mang zhing phal che ba'i nang du lhung zhing /des der du ba yang 'thul bar byed me lce yang skyed par byed la/ des der du ba yang 'thul bar byas/ me lce yang bskyed nas rtswa dang shing mang zhing phal che ba de kho na ma lus par bsregs te nye bar len pa med par 'chi bar 'gyur ro/ /de bzhin du de'i zhes bya ba nas kun du sbyor ba tha ma'i cha dang mthun pa lnga spangs pas zhes bya ba'i bar snga ma bzhin no//mngon par 'du byed pa dang bcas par yongs su mya ngan las 'da' bar 'gyur te/ 'di ni skyes bu dam pa'i 'gro ba drug pa yin no/ /gzhan yang dge slong 'di ltar zhugs pa yin te zhes bya ba la sogs pa snga ma bzhin no//lcags kyi tsha tsha gnam du yar nas rtswa dang shing mang zhing phal che ba'i nang du lhung zhing des der du ba 'thul bar byed me lce yang skyed par byed/ des der du ba yang 'thul bar byas/ me lce yang bskyed nas rtswa dang shing mang zhing phal che ba de kho na yang ma lus par bsregs te grong yang sreg par byed/grong gi phyogs kyang sreg par byed/ grong khyer yang sreg par byed/ grong khyer gyi phyogs kyang sreg par byed/ yul yang sreg par byed/ yul phyogs kyang sreg par byed/lhab lhub kyang sreg par byed/ nags tshal yang sreg par byed/ tshang tshing yang sred par byed la/ grong gi bar yang bsregs shing tshang tshing gi bar yang ma lus par bsregs te/ lam la thug gam chu la thug gam sa phyogs sngon rtswa nyung ba la thug nas nye bar len pa med par 'chi bar 'gyur ro//de bzhin du de'i zhes bya ba nas kun du sbyor ba tha ma'i cha dang mthun pa lnga spangs pas zhes bya ba'i bar snga ma bzhin no/ /gong du 'pho bar 'gyur te/ 'di ni skyes bu dam pa'i 'gro ba bdun pa yin par bshad do//nye bar len pa med par yongs su mya ngan las 'da' ba gang zhe na/ 'di ni dge slong 'di lta bur zhugs pa yin te zhes bya ba nas 'dri bar byed pa yod na zhes bya ba'i bar snga ma bzhin no/ /de ltar zhugs pa'i dge slong ni shar phyogs su 'gro bar yang mi smra la/lho phyogs su yang ma yin/ nub phyogs su yang ma yin/ byang phyogs su yang ma yin/ 'og tu yang ma yin/ steng du yang ma yin/ phyogs mtshams su yang ma yin/ gzhan du yang ma yin gyi mthong ba'i chos kho na la sred pa med par yongs su mya ngan las 'das pa bsil bar 'gyur ba tshangs par gyur pa yin no zhes smra'o//'di ni nye bar len pa med par yongs su mya ngan las 'das pa yin te/ dge slong dag ngas khyed la skyes bu dam pa'i 'gro ba bdun dang / nye bar len pa med par yongs su mya ngan las 'da' ba yang bstan gyi zhes smras pa gang yin pa de ni bshad zin to//gzhan dag na re zhes bya ba rgyas par 'byung ba ni tshe'i tshad de'i bar ro/ /tshe'i tshad kyi bar de yongs su ma zad pa zhes bya ba'i tha tshig go/ /lha dang nye ba'i bar du zhes bya ba ni lha rnams kyi drung ni lha dang nye ba ste lha dang nye ba'i 'gro ba'i bar du nyon mongs pa rnams spong bar byed pa gang yin pa de ni bar mdor yongs su mya ngan las 'da' ba yin no//de yang khams kyi gnas skabs pa yongs su mya ngan las 'da' ba ni skyes ma thag pa nyon mongs pa'i sa bon gyi gnas skabs pa gang yin pa ste nyon mongs pa kun du mi spyod pa zhes bya ba'i tha tshig go//'du shes kyi gnas skabs pa ni yul gyi 'du shes kun du spyod pa'i gnas skabs na yongs su mya ngan las 'das pa gang yin pa ste/ 'di ni khams kyi gnas skabs pa bas ches 'phyi ste mya ngan las 'da' ba'o//rnam par rtog pa'i gnas skabs pa ni rnam par rtog pa kun du spyod pa'i gnas skabs na yongs su mya ngan las 'da' ba gang yin pa ste/ 'di yang 'du shes kyi gnas skabs pa bas ches 'phyi ste yongs su mya ngan las 'da' ba'o//ji skad bshad pa'i dpe gsum po des na bar ma dor yongs su mya ngan las 'da' ba rnam pa gsum yin no/ /yang na dang po ni ris mthun pa yongs su blangs nas zhes bya ba ni skyes ma thag tu zhes bya ba'i tha tshig ste/ gang gi dper zhogs ma'i me chung ngu zhes bya ba 'di bstan pa yin no//gnyis pa ni lha rnams kyi 'byor pa nyams su myong nas yongs su mya ngan las 'da' ba'o zhes bya ba ni gang gis dper na lcags kyi tsha tsha zhes bya ba 'di bstan pa yin no/ /gsum pa ni chos yang dag par 'gro ba'i nang du zhugs shing chos kyi 'bel ba'i gtam la zhugs nas yongs su mya ngan las 'da' ba ste/gang gi dper na lcags kyi tsha tsha gnam du yar nas sa la ma lhung ba nyid du 'chi bar 'gyur ba zhes bya ba 'di bstan pa yin no/ /de ltar na sde pa gzhan dag gis srid pa bar ma med par yang ji ltar na bar ma dor yongs su mya ngan las 'da' ba yod pa dang /ji ltar na de dpe gsum gyis rnam pa gsum tha dad pa de ltar bsgrubs pa yin no/ /de ltar bsgrubs pa dang / 'di skad du gal te chos yang dag par 'gro ba'i nang du zhugs nas yongs su mya ngan las 'da' ba gang yin pa de bar ma dor yongs su mya ngan las 'da' ba yin par 'dod na skyes nas yongs su mya ngan las 'da' ba ci 'dra ba zhig yin par 'gyur zhes rgol bar 'gyur bas de'i phyir/skyes nas yongs su mya ngan las 'da' ba ni yang dag par 'gro ba mchog dang ldan pa'i nang du zhugs nas yongs su mya ngan las 'da' ba zhes bya ba smos te/mchog dang ldan pa'i phyir skyes pa'i don yin no snyam du bsams pa yin no/ /yang dag par 'gro ba'i nang du zhugs nas zhes bya bar 'dra ba'i phyir bye brag 'di rung ba ma yin no zhes smra ba'i klan ka yod par bsams nas yang tshe phal cher bcom nas zhes bya ba smos te/tshe phal cher zad par byas nas yongs su mya ngan las 'da' ba'o zhes bya ba'i tha tshig go/ /de dag thams cad kyang zhes bya ba rgyas par 'byung ba ni khams kyi gnas skabs pa la sogs pa de dag thams cad kyang zhogs ma la sogs pa'i dpe dag dang mi 'byor to//ci'i phyir zhe na/ yul du 'gro ba'i bye brag med pa'i phyir te/ yul du 'gro ba'i khyad par med pa'i phyir ro//'di dag la ni yul de nyid du yongs su mya ngan las 'da' ba'i phyir yul du 'gro ba'i bye brag med la mdo las gsungs pa'i dpe gsum po la ni yul du 'gro ba'i bye brag yod pas de dag dang mi 'byor to/ /gzugs med pa dag tu yang zhes bya ba rgyas par 'byung ba ni/gal te de ltar skyes nas yongs su mya ngan las 'da' ba dag kho na bar ma dor yongs su mya ngan las 'da' ba nyid yin par rnam par gzhag par gyur na/ gzugs med pa rnams su yang de dag de bzhin du gsungs par 'gyur te/ de na tshe'i tshad kyi bar du yongs su mya ngan las 'da' ba'i phyir ro//de ltar yang ma yin te/ de'i phyir mdo'i don ni tshe'i tshad kyi bar du'am zhes bya ba de lta bu la sogs pa ma yin no/ /yang gzugs med pa dag tu bar ma dor yongs su mya ngan las 'da' ba ma gsungs par ci mngon zhe na de'i phyir/bsam gtan dag gis bcu tshan bzhi/ /zhes bya ba rgyas par smos te/ bsam gtan bzhis mdo'i don rnams bcu tshan bzhi ste/ bsam gtan dang po la bcu tshan gcig nas bsam gtan bzhi pa la bcu tshan gcig gi bar du mdzad nas so/ / gzugs med dag gi bdun tshan gsum/ /zhes bya ba ni nam mkha' dang rnam shes dang ci yang med pa'i skye mched dag gis ni de gsum na srid pa bar ma med pa'i phyir dang / skye ba'i gnas med pas gnyis med pa'i phyir bdun tshan gsum ste de mdzad nas so/ /'du shes med 'du shes med min gyi skye mched na ni gsum po de dag nyid dang /gong du 'pho ba med pa'i phyir drug tshan du mdzad nas tshom bu yang dag sdebs/ spel zhes bya ba'i tha tshig go/ /ji lta zhe na/ 'di na dge slong rnam pa gang dag dang / rtags gang dag dang / mtshan ma gang dag gis 'dod pa dag las dben pa sdig pa mi dge ba'i chos rnams las dben pa rtog pa dang bcas pa/dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas pa de rnam pa de dag dang rtags de dag dang mtshan ma de dag yid la mi byed kyi/'on kyang de gang zhe na dmigs pa'i gzugs kyi rnam pa'am/ tshor ba'i rnam pa'am/ 'du shes kyi rnam pa'i chos de dag la nad du yid la byed cing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yid la byed do/ /des chos de dag la nad du yid la byas shing bdag med pa'i bar du yid la byas nas chos de dag la yid 'byung bar byed/ 'jigs par byed/ phyir zlog par byed do/ /des chos de dag la yid 'byung bar byas/'jigs par byas/ phyir bzlog par byas nas 'di lta ste/ phung po thams cad nges par spangs pa sred pa zad pa 'dod chags dang bral ba 'gog pa'i mya ngan las 'das pa 'di ni zhi ba'o/ /'di ni gya nom pa'o zhes bdud rtsi'i go 'phang la gtod do zhes bya ba dang /mdo de nyid brjod nas khyad par ni 'di yin te/ de ltar shes shing de ltar mthong ba de 'dod pa'i zag pa las sems rnam par grol zhing srid pa'i zag pa dang ma rig pa'i zag pa las sems rnam par grol lo/ /rnam par grol na bdag ni rnam par grol lo zhes bya bar ye shes mthong bar 'gyur te/bdag gi skye ba ni zad/ tshangs par spyod pa ni bsten/ bya ba ni byas te/ 'di las srid pa gzhan mi shes so snyam mo zhes bya ba dang / mdo de nyid brjod nas rnam par mi 'grol gyi/ 'on kyang chos la 'dun pa de nyid dang /chos la chags pa de nyid dang / chos la dga' ba de nyid dang / chos la mngon par dga' ba de nyid kyis bar ma dor yongs su mya ngan las 'da' bar 'gyur ro zhes bya ba dang / bar ma dor yongs su mya ngan las 'da' bar mi 'gyur gyi/'on kyang skyes nas yongs su mya ngan las 'da' bar 'gyur ro zhes bya ba dang / skyes nas kyang yongs su mya ngan las 'da' bar mi 'gyur gyi/ 'on kyang mngon par 'du byed pa med par yongs su mya ngan las 'da' bar 'gyur ro zhes bya ba dang / mngon par 'du byed pa med par yongs su mya ngan las 'da' bar mi 'gyur gyi/ 'on kyang mngon par 'du byed pa dang bcas par yongs su mya ngan las 'da' bar 'gyur ro zhes bya ba dang / mngon par 'du byed pa dang bcas par yongs su mya ngan las 'da' bar mi 'gyur gyi/'on kyang gong du 'pho bar 'gyur ro zhes bya ba dang / gong du 'pho bar mi 'gyur gyi/ 'on kyang chos la 'dun pa de nyid dang / chos la chags pa de nyid dang / chos la dga' ba de nyid dang / chos la mngon par dga' ba de nyid kyis tshangs chen pa'i lha rnams dang skal ba mnyam par skye bar 'gyur ro zhes bya ba dang /tshangs chen po'i lha rnams dang skal ba mnyam par skye bar mi 'gyur gyi/ 'on kyang chos la 'dun pa de nyid dang / snga ma bzhin du chos la mngon par dga' ba'i bar de nyid kyis tshangs pa'i mdun na 'don pa'i lha rnams dang skal ba mnyam par skye bar 'gyur ro zhes bya ba dang /tshangs chen pa'i mdun na 'don pa'i lha rnams dang skal ba mnyam par skye bar mi 'gyur gyi/ 'on kyang chos la 'dun pa de nyid kyis chos la mngon par dga' ba'i bar de nyid kyis tshangs ris pa'i lha rnams dang skal ba mnyam par skye bar 'gyur ro zhes bya ba dang /'di na dge slong rnam pa gang dag dang / rtags gang dag dang / mtshan ma gang dag gis rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dang dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas pa de rnam pa de dag dang rtags de dag dang mtshan ma de dag yid la mi byed kyi/'on kyang gang de nyid na dmigs pa zhes bya ba nas/ 'dod chags dang bral ba 'gog pa'i mya ngan las 'das pa zhes bya ba'i bar gyi gzhung thams cad snga ma bzhin no//mdo de nyid brjod nas de ltar shes shing de ltar mthong ba de/ 'dod pa'i zag pa las sems rnam par grol zhing srid pa'i zag pa dang ma rig pa'i zag pa las zhes bya ba nas bya ba ni byas te 'di las srid pa gzhan mi shes so snyam mo zhes bya ba'i bar snga ma bzhin no// //bam po nyi shu bzhi pa/ mdo de nyid brjod nas rnam par mi grol gyi/ 'on kyang chos la 'dun pa de nyid nas chos la mngon par dga' ba de nyid kyi bar gyis 'od gsal gyi lha rnams dang skal ba mnyam par skye bar 'gyur ro zhes bya ba dang /'od gsal gyi lha rnams dang skal ba mnyam par skye bar mi 'gyur gyi/ 'on kyang chos la 'dun pa de nyid nas chos la mngon par dga' ba de nyid kyi bar gyis tshad med 'od kyi lha rnams dang skal ba mnyam par skye bar 'gyur ro zhes bya ba dang /tshad med 'od kyi lha rnams dang skal ba mnyam par skye bar mi 'gyur gyi/ 'on kyang snga ma bzhin du chos la 'dun pa de nyid nas chos la mngon par dga' ba de nyid kyi bar gyis 'od chung gi lha rnams dang skal ba mnyam par skye bar 'gyur ro zhes bya ba dang /'di na dge slong rnam pa gang dag dang / rtags gang dag dang / mtshan ma gang dag gis dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa la gnas pa bde ba la gnas pa'o zhes brjod pa ste/dga' ba med pa bsam gtan gsum pa rdzogs par byas te gnas pa de rnam pa de dag dang / rtags de dag dang / mtshan ma de dag yid la mi byed kyi zhes bya ba mdo thams cad snga ma bzhin no//ris mthun pa 'ba' zhig la khyad par yod de/ gong du 'pho bar mi 'gyur gyi/ 'on kyang snga ma bzhin du chos la 'dun pa de nyid nas chos la mngon par dga' ba de nyid kyi bar gyis dge rgyas kyi lha rnams dang skal ba mnyam par skye bar 'gyur ro zhes bya ba dang /dge rgyas kyi lha rnams dang skal ba mnyam par skye bar mi 'gyur gyi/ 'on kyang snga ma bzhin du de nyid kyis tshad med dge ba'i lha rnams dang skal ba mnyam par skye bar 'gyur ro zhes bya ba dang / tshad med dge ba'i lha rnams dang skal ba mnyam par skye bar mi 'gyur gyi/'on kyang snga ma bzhin du de nyid kyis dge chung gi lha rnams dang skal ba mnyam par skye bar 'gyur ro zhes bya ba dang / 'di na dge slong rnam pa gang dag dang / rtags gang dag dang / mtshan ma gang dag gis bde ba yang spangs te/snga nas sdug bsngal spongs shing yid bde ba dang yid mi bde ba yang nub pas bde ba yang ma yin sdug bsngal ba yang ma yin pa btang snyoms dang dran pa yongs su dag pa bsam gtan bzhi pa yongs su rdzogs par byas te/ gnas pa de rnam pa de dag dang /rtags de dag dang / mtshan ma de dag ces bya bar mdo thams cad snga ma bzhin du brjod par bya'o/ /lha'i ris su skye ba ni khyad par du bya ste/ chos la mngon par dga' ba'i bar de nyid kyis 'bras bu che ba'i lha rnams dang skal ba mnyam par skye bar 'gyur ro zhes bya ba dang /skye bar mi 'gyur gyi zhes bya ba snga ma bzhin te/ bsod nams skyes kyi lha rnams dang skal ba mnyam par skye bar 'gyur ro zhes bya ba dang / skye bar mi 'gyur gyi zhes bya ba snga ma bzhin te/ sprin med kyi lha rnams dang skal ba mnyam par skye bar 'gyur ro zhes bya ba dang /'di na dge slong rnam pa gang dag dang / rtags gang dag dang / mtshan ma gang dag gis rnam pa thams cad du gzugs kyi 'du shes rnams yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas pa de rnam pa de dag dang zhes bya ba snga ma bzhin no//des na gzugs med pa'i phyir gzugs kyi rnam pa zhes bya ba 'ba' zhig ni gdon par mi bya'o//'gog pa'i mya ngan las 'das pa zhes bya ba'i bar mdo de nyid brjod nas khyad par ni 'di yod de/ de ltar shes shing zhes bya ba nas/ 'di las srid pa gzhan mi shes so snyam mo zhes bya ba'i bar thams cad snga ma bzhin no//mdo de nyid brjod nas/ rnam par mi 'grol gyi 'on kyang chos la 'dun pa de nyid nas chos la mngon par dga' ba de nyid kyi bar gyis skyes nas yongs su mya ngan las 'da' bar 'gyur ro zhes bya ba dang / skyes nas yongs su mya ngan las mi 'da' bar 'gyur gyi 'on kyang de nyid kyis mngon par 'du byed pa med par yongs su mya ngan las 'da' bar 'gyur ro zhes bya ba nas mngon par 'du byed pa med par yongs su mya ngan las 'da' bar mi 'gyur gyi zhes bya ba'i bar thams cad brjod nas/gong du 'pho ba'i bar du mi 'gyur gyi/'on kyang snga ma bzhin du chos la mngon par dga' ba'i bar de nyid kyis nam mkha' mtha' yas skye mched du nye bar 'gro ba'i lha rnams dang skal ba mnyam par skye bar 'gyur ro zhes bya ba dang / 'di na dge slong rnam pa gang dag dang / rtags gang dag dang / mtshan ma gang dag gis rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched rdzogs par byas te gnas pa de rnam pa de dag dang zhes bya ba mdo bdun po nam mkha' mtha' yas skye mched bzhin du brjod par bya'o//khyad par ni rnam shes mtha' yas skye mched du nye bar 'gro ba'i lha rnams dang skal ba mnyam par skye bar 'gyur ro zhes bya ba 'ba' zhig yod do/ /yang 'di na dge slong rnam pa gang dag dang /rtags gang dag dang / mtshan ma gang dag gis rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te gnas pa de rnam pa de dag dang zhes bya ba mdo bdun snga ma bzhin no//gang 'di na dge slong rnam pa gang dag dang zhes bya ba nas mtshan ma gang dag gis rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas so zhes bya ba'i bar gong du 'pho ba gcig pu ma gtogs pa mdo thams cad snga ma bzhin du brjod par bya'o//de ltar na bsam gtan bzhis ni 'chi ba med pa'i dbyings la sems gtod pa dang / sems rnam par grol ba dang / bar ma do dang /skyes nas dang / mngon par 'du byed pa med pa dang / mngon par 'du byed pa dang bcas pa dang / yongs su mya ngan las 'da' ba dang / gong du 'gro ba dang / skye gnas su skye ba'i ngo bo nyid mdo'i don bcu tshan bzhi bshad pa yin no/ /gzugs med pa dang po gsum gyis ni 'chi ba med pa'i dbyings la sems gtod pa dang /sems rnam par grol ba dang / skyes nas dang / mngon par 'du byed pa med pa dang / mngon par 'du byed pa dang bcas par yongs su mya ngan las 'da' ba dang / gong du 'gro ba dang /skye gnas su skye ba nyid mdo'i don bdun tshan gsum mo/ /'du shes med 'du shes med min skye mched kyis ni gong du 'gro ba ma gtogs pa drug tshan bshad do/ /de'i phyir bar ma dor yongs su mya ngan las 'da' ba gang yin pa de'i tshe tshad kyi bar du yongs su mya ngan las 'da' ba yin no zhes brjod par bya rung ba ma yin te/sgra mi snyan ma gtogs par 'chi/ /zhes 'byung ba'i phyir gzugs med pa dag na yang bar ma dor 'chi ba srid do/ /de lta bas na lung las kyang srid pa bar ma grub ste/ kyang zhes bya ba'i sgras ni rigs pa 'ba' zhig tu ma zad kyi zhes bya ba yin no//bdud sun 'byin byed ces bya ba ni de bzhin gshegs pa 'od srungs kyi nyan thos mkhas mgu zhes bya ba la/ de'i tshe bdud sun 'byin byed ces bya ba zhig gi glad du khu tshur gyis bsnun pa las des ma rangs pa'i skad byung ba dang skad cig de nyid la rang gi lus kyis sems can dmyal ba chen po mnar med par lhung ngo zhes bya ba yin te/rang gi lus kho nas zhes 'byung ba'i phyir srid pa bar ma med do snyam du bsams pa yin no/ /de gson po kho nar dmyal ba'i me dag gis zhes bya ba la dgongs pa ni bdud de gson po kho nar dmyal ba las byung ba'i me dag gis bskor nas rang gi lus kyi gnas skabs la sdug bsngal skyes pa'i phyir rang gi lus kho nas lhung ngo zhes bshad kyi shi nas srid pa bar ma'i gnas skabs dang dmyal bar skye ba'i srid pa'i gnas su song bar ma gyur pa ni ma yin no snyam pa yin no//las shin tu drag po yongs su rdzogs pa rnams zhes bya ba ni zhing dang bsam pa'i khyad par dang ldan pa'i phyir shin tu drag po rnams so/ /bsags pa'i phyir yongs su rdzogs pa rnams so//de ma thag tu dmyal ba dag tu skye'o zhes bya ba ni de ma thag ces 'byung ba'i phyir srid pa bar ma med do snyam du bsams pa yin no/ /'gro ba gzhan du mi 'gro bar zhes bya ba la dgongs pa ni bka' 'di skye ba gzhan dag dgag pa lhur mdzad pa yin gyi/srid pa bar ma dgag pa lhur mdzad pa ni ma yin no snyam pa yin no/ /lnga kho na zhes bya ba ni gal te sgra ji bzhin du brtags na lnga zhes 'byung bas mtshams med pa lnga kho na byas par 'gyur gyi/ gcig gam gnyis kyis ni dmyal bar 'gro bar mi 'gyur ro zhes bya ba ni 'dir yang 'gyur la/gang dag byas shing brtsams nas sems can dmyal ba dag tu skye bar 'gyur ro zhes 'byung ba'i phyir byas ma thag tu ste mtshams med pa byas ma thag tu sems can dmyal ba dag tu skye bar 'gyur gyi dus gzhan gyi bar du gson por 'dug nas kyang ma yin no zhes bya bar yang 'gyur ro//srid pa bar mar skye ba nyid yin par go su zhig mi 'dod ces bya ba ni gnas skabs tha dad par 'byung ba'i phyir te/ skye ba ni skye ba la mngon du phyogs pa yin no snyam du bsams pa yin no//skyes pa yin no zhes ni mi smra'o zhes bya ba ni skye bar 'gyur ro zhes bya ba'i tshig 'di skyes pa'i don yin no zhes mi smra ste/ de lta bas na 'di ni nyes pa med do/ /bram ze na tshod khyer zin rga ba dang / /zhes bya ba rgyas par 'byung ba ni gang gis na tshod 'chi bdag gi drung du khyer ba de ni na tshod khyer zin pa'o//bram ze zhes bya ba ni bod pa yin te/ bram ze rgan po 'ga' zhig la bos pa'o/ /'dir khungs ni/ /bar na khyod kyi gnas kyang yod min zhing / /zhes bya ba 'di yin te/ bar na khyod kyi gnas med ces bya ba ni srid pa bar ma med pa yin no snyam du bsams pa yin no//khyod la lam rgyags te lam gyi rgyags kyang ni yod ma yin zhes bya ba ni khyod la 'jig rten pha rol gyi dge ba'i tshogs med do snyam du dgongs pa yin no/ /mi dag gi nang na gnas su med do zhes bya ba la dgongs pa ni khyod de'u re 'chi ste/ji ltar 'di na kha cig gnas pa ltar mi dag gi nang na gnas su med do snyam pa yin no/ /'gro ba la bgegs byed pa med pa'i phyir zhes bya ba ni 'gro ba dang mi 'bral ba'i phyir ro/ /khyod kyis ji skad du srid pa bar ma yod do zhes brjod pa 'di ni dgongs pa yin gyi kho bos ji skad du srid pa bar ma med do zhes brjod pa 'di ni dgongs pa ma yin no zhes bya ba 'di gal te gtan tshigs gang gis na 'dir 'gyur/brtag pa 'di ni khyod la 'ang mtshungs te zhes bya ba ni dri ba 'di ni khyod la yang mtshungs so zhes bya ba'i tha tshig go//mdo mi 'gal ba'i phyir zhes bya ba ni bdud sun 'byin byed kyi mdo la sogs pa mi 'gal ba'i phyir mdo 'di ni srid pa bar ma med pa'i khungs ma yin no/ /khungs zhes bya ba ni shes par byed par gzhan du shes par mi byed pa yin no zhes bya ba ni shes par byed pa gang la gzhan du shes par byed pa med pa de ni shes par byed pa gzhan du shes par mi byed pa yin te/'di skad du don gang zhig bstan pa'i phyir khungs mdo 'am tshigs su bcad pa brjod pa gang yin pa gal te don de kho na ston gyi de dang 'gal ba don gzhan ma yin na de shes par byed pa gzhan du shes par mi byed pa'i khungs yin no zhes bshad pa yin no//sngon dus srid 'byung sha tshugs can/ zhes bya ba la/ 'byung zhes bya ba ni 'byung bar 'gyur ba'o/ /'di la sngon gyi dus na srid pa'i sha tshugs lta bu yod pas na/sngon dus srid 'byung sha tshugs can no/ /ci'i phyir zhe na/ 'phen pa gcig pa'i phyir te 'di ltar 'gro ba 'byung bar 'gyur ba dang / der phyin par byed pa srid pa bar ma ni las gcig po de kho nas 'phen par byed do//khyi mo la sogs pa'i zhes bya ba ni khyi mo dang / phag mo la sogs pa'o/ /'gro ba lnga pa'i zhes bya ba ni 'gro ba lngar 'gro ba zhes bya ba'i tha tshig go/ /gal te mngal na 'dug pa las shi bar gyur na/ de'i dmyal ba'i srid pa bar mas ma'i mngal tshig par 'gyur zhes bya ba ni dmyal ba pa ni 'bar ba yin la srid pa bar ma'ang de dang 'dra bas so//srid pa snga ma la'ang zhes bya ba rgyas par 'byung ba ni dmyal ba pa dus snga ma'i srid pa'i gnas skabs pa rnams kyang me ma mur la sogs pa lhag pa dag na 'phyan pa na/ rtag tu 'bar ba ma yin na srid pa bar ma rnams lta smos kyang ci dgos/ yang na 'bar du chug na yang zhes bya ba ni dmyal ba pa'i srid pa bar ma'o/ /mngal na phan tshun ma reg pa'i phyir zhes bya ba ni srid pa bar ma pa rnams ni lus shin tu dang bas phan tshun mi reg pa'i phyir dang /las la rag lus pa'i phyir mi tshig ste/ mi tshig pa ni de dag gi las la rag las pa'i phyir ro/ /de nyid kyi phyir khyi mo la sogs pa'i mngal mi tshig go/ /gling bzhi pa bye ba phrag brgya snang bar mdzad do zhes bya ba ni gang gi phyir byang chub sems dpa'i srid pa bar ma gzhon nu thor bu lta bu mtshan dang dpe byad dang bcas pa yin pa de'i phyir srid pa bar ma na bzhugs pa yum gyi lhums su 'jug par bzhed pa des stong gsum gyi stong chen po'i 'jig rten gyi khams rang gi sangs rgyas kyi zhing yin pa'i phyir snang bar mdzad do//glang po che'i phru gu dkar po zhes bya ba ni gal te srid pa bar ma dus snga ma'i srid pa 'byung bar 'gyur ba'i sha tshugs can yin no/ /ci'i phyir byang chub sems dpa'i yum gyis de ltar glang po che'i phru gu'i gzugs su gzigs she na/byang chub sems dpa' ni dud 'gro'i skye gnas bzlog nas yun ring po lon pa'i phyir de ni mtshan ma tsam du zad de/ bskal pa brgya lus pa gang tshun cad mtshan gyi rnam par smin pa can gyi las dag mdzad par rtsom pa de tshun cad de'i ngan 'gro thams cad log pa yin no//dper na rgyal po kr-i kIs rmi lam bcu mthong ba lta bu'o zhes bya ba ni 'byung bar 'gyur ba'i don gyi mtshan ma tsam du zad pa'o/ /rmi lam bcu ni 'dul ba las 'byung ste/ glang po che skar khung nas 'byung ba mjug ma la thogs pa dang /skom pa med pa la khron pa phyi bzhin bsnyegs pa dang / mu tig bre gang / phye bre gang dang brje ba dang / tsan dan shing gi rin thang du 'tshang pa dang / kun dga'i ra ba me tog dang / 'bras bu phun sum tshogs pa dag me tog dang 'bras bu thams cad rkun po rnams kyis brkus pa dang /glang po che'i phru gu dag gis spos kyi glang po che skrag pa dang / spre'u mi gtsang bas sbags pa gzhan dag la bsgo bar byed pa dang / spre'u dbang bskur bar byed pa dang / ras yug gcig skye bo bco brgyad kyis drangs pa dang /skye bo'i tshogs phal po che'i lhan cig 'thab pa dang / 'thab mo dang rtsod pa dang / 'gyed pas phan tshun gnod par gyur pa zhes bya ba rmi lam bcu rmis nas/ des bcom ldan 'das de bzhin gshegs pa 'od srungs la gsol pa dang / bcom ldan 'das kyis kyang ma 'ongs pa'i dus/ de bzhin gshegs pa shAkya thub pa zhes bya ba zhig 'byung bar 'gyur te/ de'i nyan thos rnams nye du phal mo che spangs nas rab tu byung ba glang po che skar khung nas 'byung ba mjug ma la thogs pa lta bur gtsug lag khang dag la khyim gyi 'du shes skyed nas chags par byed par 'gyur ro//khron pa'i rmi lam gyis ni de'i nyan thos dag kho na bram ze dang khyim pa rnams la ched du chos 'chad dang de dag nyan par 'dod pa nyid yang dag par gnas par mi 'gyur ro zhes bya ba de ston to/ /phye dang mu tig bre gang gi rmi lam gyis ni de'i nyan thos dag kho na phye bslang ba'i phyir yang dbang po dang stobs dang byang chub kyi yan lag la sogs pa chos rin po che rnams ston par gyur pa yin no//tsan dan gyi rmi lam gyis ni de'i nyan thos dag kho na lus dang tshul khrims dang shes rab ma bsgoms pas mu stegs kyi gzhung lugs dag bzung nas/sangs rgyas kyi bka' dang snyoms par byed par 'gyur ro zhes bya bar ston to/ /kun dga'i ra ba'i rmi lam gyis ni de'i nyan thos dag kho na dpag btsal nas dge 'dun gyi me tog gam/ 'bras bu 'byung bar 'gyur ba gang yin pa de btsongs shing btsongs nas 'tsho bar byed la des kyang khyim pa gso bar byed par 'gyur ro zhes bya ba de ston to//glang po che'i phru gu'i rmi lam gyis ni de'i nyan thos dag kho na tshul khrims 'chal cing sdig pa'i chos can 'byung bar 'gyur la/de dag gis dge slong gnas brtan tshul khrims dang ldan pa dge ba'i chos can gang dag yin pa de dag gnas nas skrod par 'gyur ro zhes bya ba de ston to/ /spre'u mi gtsang bas sbags pa'i rmi lam gyis ni de'i tshe nyan thos dag kho na tshul khrims 'chal zhing sdig pa'i chos can yin la dge slong dge ba gang dag yin pa de dag la yang dag pa ma yin pa'i nyes pas gleng bar byed do zhes bya ba de ston to//spre'u dbang bskur ba'i rmi lam gyis ni de'i nyan thos dag kho na gtsug lag khang dag tu bdag nyid kyi yin par dbang skur bar byed par 'gyur zhing /'jig rten na yang ma ning yang rgyal srid 'dzin par 'gyur ro zhes bya ba de ston to/ /ras yug gi rmi lam gyis ni de'i bstan pa kho na rnam pa bco brgyad du gyes par 'gyur la/ rnam par grol ba'i ras yug ni nyams par mi 'gyur ro zhes bya ba de ston to//thab mo'i rmi lam gyis ni de'i nyan thos dag kho na sder 'chas nas phan tshun rtsod par 'gyur ro zhes bya ba ste de ston to zhes lung bstan to zhes grag go/ /bsdus pa'i tshigs su bcad pa ni/ glang chen khron pa phye dang tsan dan glang chen be'u//de bzhin kun dga' ra ba dang ni spre'u dbang bskur/ /mi gtsang spre'u dang ras yug thab mo zhes bya ba/ /rmi lam bcu ni rgyal po kr-i kIs mthong ba yin/ /ngo tsha shes pa'i shas che ba'i phyir zhes bya ba ni ngo tsha shes pa lhag pa'i phyir ro//skye ba'i srid pa ni nying mtshams sbyor ba'i skad cig ma kho na yin no/ /de phan chad nying mtshams sbyor ba'i skad cig ma las gzhan pa'i srid pa ni dus snga ma'i srid pa yin no/ /gal te sems can gzugs can dag gi nang du skyes na zhes bya ba ni gzugs med pa'i khams na srid pa bar ma med pa'i phyir khyad par 'di smos pa yin no//rigs mthun pa dag gis zhes bya ba ni dmyal ba'i srid pa bar ma ni dmyal ba'i srid pa bar ma dag kho nas mthong la/ de bzhin du lha'i srid pa bar ma'i bar du yang lha'i srid pa bar ma dag kho nas mthong ngo zhes bya ba yin no//lha'i mig shin tu rnam par dag pas zhes bya ba ni lha'i mig gi skyon bcu gcig dang bral ba'o/ /skyon de dag kyang the tshom dang / yid la mi byed pa dang / lus kyi gnas ngan len dang / rmugs pa dang / gnyid dang /rgod pa dang / brtson 'grus brtsams drags pa dang / sems ya ya po dang / bag tsha ba dang / 'du shes sna tshogs dang / smra ba mangs pa dang / ha cang bsgoms drags pa nyid dang / mdo las ji skad 'byung ba bzhin no/ /mngon par shes pa las byung ba zhes bya ba ni mngon par shes pa'i ngo bo nyid de bsgoms pa las byung ba zhes bya ba'i tha tshig go//lha la sogs pa'i skye gnas thob pa yang lha'i yin par ni 'dod mod kyi shin tu rnam par dag pa ni ma yin no/ /lha'i srid pa bar ma pas ni zhes bya ba rgyas par 'byung ba ni gzhan dag na re srid pa bar ma ni ris mthun pa dag kho nas mthong ba ma yin no//'o na ci zhe na/ lha'i srid pa bar ma pas ni lha'i srid pa bar ma do la sogs pa thams cad mthong ngo / /mi dang / yi dags dang / dud 'gro dang / dmyal ba'i srid pa bar ma rnams mthong ngo //gong ma gong ma ma gtogs pa'o zhes zer ro/ /ji lta zhe na/ mi'i srid pa bar ma pas ni gong ma'i lha'i srid pa bar ma ma gtogs pa mi dang / yi dags dang / dud 'gro dang / dmyal ba'i srid pa bar ma pa rnams mthong ngo / /yi dags kyi srid pa bar ma pas ni gong ma lha dang /mi'i srid pa bar ma pa dag ma gtogs pa yi dags dang / dud 'gro dang / dmyal ba'i srid pa bar ma pa rnams mthong ngo / /de bzhin du dmyal ba'i srid pa bar ma pas ni gong ma'i lha'i srid pa bar ma la sogs pa ma gtogs pa dmyal ba'i srid pa bar ma kho na mthong ba'i bar du yin te/'gro ba rnams ni phyi ma phyi ma dman pa'i phyir ro/ /de nyid kyi phyir dri za zhes bya'o zhes bya ba ni gang gi phyir dri za ba de'i phyir dri za yin te/ dri za zhing zas su za bas na dri za'o zhes bya ba'i tha tshig go/ /dbang chung bar grags pa ni rgya chung ba ste/rigs dman pa zhes bya ba'i tha tshig go/ /dbang byed pas na dbang ngo / /chung ngu la dbang bas na dbang chung ba ste/ gang la dbang chung ba zhes bya ba yod pa de ni dbang chung bar grags pa'o/ /bzlog pa ni dbang che bar grags pa'o//ris mthun pa gcig pa'i phyir zhes bya ba ni btsun pa na re dus snga ma'i srid pa gang yin pa dang de'i phyir byed pa srid pa bar ma gang yin pa de gnyis ni ris mthun pa gcig kho na yin no/ /de bas na ris mthun pa gcig pa'i phyir tshe'i las gang gis dus snga ma'i srid pa tshe 'phen par byed pa de kho nas srid pa bar ma'i yang 'phen par byed do//de lta ma yin te gal te srid pa bar ma'i tshe de'i 'phen pa logs shig na yod par gyur na dus snga ma'i srid pa bzhin du srid pa bar ma ba de'i tshe zad pas 'chi ba'i srid par yang thal bar 'gyur ro zhes zer ro//de dag dri de tshor nas dri dang ro la mngon par chags pa rnams zhes bya ba rgyas par 'byung ba ni skye bo phra mo de dag dri de tshor la/ de dang lhan cig 'byung ba'i ro yang nyams su myong zhing nye bar spyad de/dri dang ro la mngon par chags pa rnams 'chi ba na srin bu dang skal ba mnyam par skye bar byed pa'i las sad par byas nas dri dang ro la sred pa des rnam par smin pa la mngon du phyogs par byas te srid pa bar ma'i rgyun gyis srin bu'i nang dag tu skye bar 'gyur ro/ / de'i rkyen mang po kho na'i dus su zhes bya ba ni srin bu rkyen mang po'i dus su'o/ /der 'gyur ba ni srin bur 'gyur ba'o/ /rnam par smin pa mngon par 'grub par bya ba la 'jug pa rnyed ces bya ba ni rnam par smin pa 'byin par mngon du phyogs par 'gyur ro zhes bya ba'i tha tshig go//tshogs shing dus dang ldan pa na/ /lus can rnams la 'bras bur smin/ /zhes 'byung ba'i phyir ro/ /gzhan du ni ma yin te zhes bya ba ni de dag dkon pa'i dus su ma yin pa'o/ /gzhan du ni ma yin pa lta bu'o zhes bya ba ni tshe thung ba'i tshe ma yin te/ 'khor los sgyur ba 'byung ba ni/ /brgyad khri man chad ma yin no/ /zhes 'byung ba'i phyir ro/ /de nyid kyi phyir zhes bya ba ni gang gi phyir 'khor los sgyur bar 'gyur ba'i las dag yod du zin kyang rkyen mang po la ltos pa'i phyir rnam par smin pa mngon par 'grub par bya ba la 'jug pa mi rnyed pa'o//srid pa tshol ba yin pa'i phyir/ /zhes bya ba ni skye ba 'dod pa yin pa'i phyir ro/ /las rnams kho nas rkyen dag tshogs pa 'dren par byed pa yin no zhes bya ba ni las kyi dbang gis rta la sogs pa dus drags pa las 'das te dus gzhan na'ang 'khrig pa spyod par 'gyur ro//'phen pa gcig pa'i phyir zhes bya ba ni las gang gis ba lang la sogs pa'i ris mthun pa 'phen par byed pa'i las de nyid kyis de dag gi srid pa bar ma yang 'phen par byed de/ de'i phyir dus gzhan na ba lang rnams kyi nang du skye bar 'gyur ba gang yin pa de ni ba men rnams kyi nang du skye'o zhes bya ba rgyas par bshad pa gang yin pa de ni brjod par bya ba yin no//slob dpon 'dus bzangs na re ris gcig pa'i phyir dang / ba lang gi sha tshugs dang dbyibs kyi khyad par ma btang ba'i phyir ris tha dad pas ni de'i las kyi 'phen par byed pa nyid nyams par mi 'gyur ro//'gro ba nges pa'i las rnams la yang skye ba'i rkyen sna tshogs pa mthong ste/ rkang bkra la sogs pa lta bu'o/ /de lta bas na de ni nyes pa med do zhes zer ro/ /blo ni phyin ci log gyur pas//zhes bya ba la ji ltar chags pa dang ldan pa'i sems kyis blo phyin ci log tu gyur pa de bstan pa'i phyir des de na pha ma zhes bya ba rgyas par smos te/ pha dang ma nyal po byed pa dbang po gnyis sprod pa'i mtshan nyid de'o/ /skyes bu srid pa bar ma pho zhig yin na'o//'dod chags ni pho'i yin pas na pho'i ste chung ma bzhin du ma la skye'o/ /'dod chags ni mo'i yin pas na/ mo'i de khyo bzhin du pha la skye'o/ /bzlog pa la ni khong khro ba ste zhes bya ba ni pho zhig yin na pho'i khong khro ba phrag dog gis bslang bar gyur pa 'gran zla'i skyes bu bzhin du pha la skye'o//mo zhig yin na mo'i khong khro ba chen chung bzhin du ma la skye'o/ /de de ltar phyin ci log tu gyur pa'i sems de gnyis kyis phyin ci log tu gyur pas yul dbang po gnyis kyi gnas der phyin pa dang dga' bar byed pas 'khrig pa'i las 'dod pas gnas der de nyal po'i gnas skabs der bdag gis las 'di bya'o zhes bdag nyid mos so//mi gtsang ba der zhes bya ba ni khu chu dang khrag gi nang du'o/ /mngal gyi gnas der phyin zhes bya ba ni pho ba dang long ka'i khrod na 'dug pa'i gnas su phyin pa'o//gnas so zhes bya ba ni 'dug go zhes bya ba'i tha tshig go/ /rgyab rol tu kha bltas te tsog tsog por zhes bya ba ni bdag nyid 'khrig par byed pa mngon pa'i nga rgyal dang ldan pa'i phyir ro/ /skye zhing zhes bya ba ni brtas shing ngo //'byung ba gzhan kho na zhig ces bya ba ni khu chu dang khrag las ma gtogs pa dag go/ /sa bon dang myu gu 'gag pa dang / skye ba'i tshul du ste/ 'jig pa dang 'gag pa dag gi srang mda'i mthon dman bzhin du dus mnyam pa'i phyir skad cig ma gcig kho na la sa bon ni 'gag la myu gu ni skye'o//nur nur po zhes bya ba gang yin pa de ni zhes bya ba ni dang por nur nur po yin no/ /nur nur po las mer mer skye/ /zhes bya ba la sogs pa 'byung ba'i phyir ro/ /de ltar bshad na mdo'i tshig ces bya ba ni/dge slong grog mkhar zhes bya ba ni lus gzugs can rags pa 'byung ba chen po bzhi pa 'bras chan dang / zan dron gyis gsos pa pha ma'i mi gtsang ba nur nur po las byung ba 'di'i tshig bla dgas yin no zhes bya ba rgyas par 'byung ba yin te/ pha ma'i mi gtsang ba nyid nur nur po yin la/de las byung ba'i zhes bya ba'i tha tshig go/ /dur khrod ces bya ba ni dur gyi khrod do/ /dper brjod pa ni khrag gi thigs pa blangs so zhes bya ba 'di yin te/ lus kyi dbang po'i ngo bor 'gyur ba'i phyir ro/ /dper na lo ma'i srin bu lta bu'i yin la zhes bya ba ni dper na las rnams las lo ma'i 'byung ba chen po dag la brten nas lo ma'i srin bu 'byung ba gzhan dbang po'i ngo bor gyur pa gang dag yin pa skye bar 'gyur ba lta bu'o//lo ma'i 'byung ba chen po dag ni ma yin te/ de'i srin bu rnams phal ches pas lo ma dum bu dang mi snang bar 'gyur ba'i phyir ro//'o na pha ma'i mi gtsang ba nur nur po las byung ba zhes bya ba'i mdo'i tshig 'di ji ltar drang zhe na/ de'i phyir mi gtsang ba la brten nas skye ba la dgongs te gsungs pa'i phyir mdo dang yang mi 'gal lo zhes bya ba smos te/der ni mi gtsang ba la brten nas 'byung ba gzhan dag skye ba la dgongs shing bzhed pa yin no/ /de'i phyir nur nur po zhes bya ba gsungs pa yin te/ de lta bas pha ma'i mi gtsang ba'i nur nur po las byung bas zhes bya ba'i mdo dang mi 'gal lo//ji skad du ji ltar lo ma la brten nas srin bu'i 'byung ba chen po dbang po dang bcas pa lo ma dang dus mnyam pa dag skye ba ltar khu chu dang khrag la brten nas nur nur po zhes bya ba la 'byung ba gzhan dbang po dang bcas pa khu chu dang khrag dang dus mnyam pa dag skye'o zhes bshad pa yin no//gzhan la ni ci rigs par brjod par bya'o zhes bya ba ni chos mngon pa'i slob dpon dag na re drod gsher las skyes pa dang rdzus te skyes pa'i skye gnas dag la ni ci rigs par brjod par bya'o zhes zer ro/ /de la rigs pa ni 'di yin par snang ngo zhes bya ba ni slob dpon gyis bshad pa yin no//dmyal ba pa dag na bsil ba mthong nas zhes bya ba ni grang ba'i dmyal bar skye ba'i phyir ro/ /gnas skabs gang gis zhes bya ba ni shan pa la sogs pa'i gnas skabs so/ /sngon gyi slob dpon ni rnal 'byor spyod pa'i slob dpon thogs med la sogs pa'o//stan las ldang ba bzhin du zhes bya ba ni skye ba'i gnas gong mar 'gro ba'i phyir ro/ /mi la sogs pa bzhin no zhes bya ba ni mi dang dud 'gro dang yi dags ji ltar 'gro ba de dang 'dra bar ro/ / drang srong rnams la skur 'debs pa/ /zhes bya ba ni kha zer ba ste/ skur pa 'debs par byed pa zhes bya ba'i tha tshig go/ /sgo nga las skye rtag tu'o/ /zhes bya ba smos pa'i phyir ro/ /gzhan ni thams cad rmongs zhes bya ba 'dir ni nges pa med pa ste/ shes bzhin yin par yang 'gyur ro//bzlog ste bstan to zhes bya ba mdo las ni mngal du 'jug pa thams cad shes bzhin ma yin par 'gyur ba gang yin pa de dang por bshad de gsum ni ji skad bstan pa'i go rims bzhin kho na yin no/ /gang zhig skye bar 'gyur ba de yang sgo nga las skyes pa zhes bya'o zhes bya ba ni sgo nga las skye bar 'gyur ba ni sgo nga las skyes pa'o zhes bya'o snyam du bsams pa yin no//gdon mi za bar 'byung bar 'gyur ba'i don kyang byung zin pa dang 'dra bar brjod de/ dper na da ltar dang nye ba la da lta dang 'dra ba'am zhes bya ba dang /legs su smon pa las byung bar gyur pa dang / 'dra zhes bya ba lta bu'o/ /smra ba po kha cig ni 'ga' zhig la 'ong bzhin du nga 'ongs zin par shes par gyis shig ces kyang zer te/ de lta bas na 'di ni nyes pa med do/ /slob dpon 'dus bzangs na re gzhan dag las kyang mthong ngo zhes 'byung ba'i phyir sgo nga las skyes pa dang /skye bar 'gyur ba dang / skye ba yang sgo nga las skyes pa zhes bya ste/ de lta bas na 'di ni nyes pa med do zhes zer ro/ /yang na 'byung bar 'gyur ba'i ming gis zhes bya ba ni 'byung bar 'gyur ba'i ming gis kyang ston par byed pa yin no//dper na mdo las/ 'dus byas mngon par 'du byed do/ /zhes bya ba ni 'dus byas ni bskyed zin pa'i gnas skabs na yin gyi/ skyed pa'i gnas skabs na ni ma yin no/ /'dus byas ni yang 'du bya bar rung ba ma yin yang 'byung bar 'gyur ba'i ming gis de ltar ston par yang byed do//de bzhin du 'bras chan 'tshed do zhes bya ba la sogs pa la yang sbyar bar bya'o/ /ji ltar na shes bzhin du ma yin par ma'i mngal du 'jug cing zhes bya ba rgyas par 'byung ba la/blo ni phyin ci log gyur pas/ /rtse dgas 'gro ba'i yul du 'gro/ /zhes bya ba ni skye ba'i yul nye ba'i gnas skabs yin no/ /de bzhin du gnas so 'byung ngo snyam du mos shing / lhag par 'dod pa ni ring ba'i gnas skabs yin no//ji ltar zhe na/ de bzhin du gnas na'ang 'di dag tu gnas par bya'o/ /'byung na yang 'di dag nas 'byung ngo snyam pa yin te phyin ci log 'di gnyis kyi khyad par ni de yod do/ /gzhan dag na re 'dod chags dang zhe sdang dang gti mug dag kho nas blo phyin ci log tu gyur pa skyes pa'i yul du 'gro ba 'ba' zhig tu ma zad do//de ci'i phyir zhe na/ gzhan du'ang ma yin no/ /ji lta bu zhe na/ rlungs langs pa'am/ char pa 'bab pa'am zhes bya ba la sogs pa dang / de bzhin du kun dga'i ra ba'am skyed mos tshal lam khang bzangs su 'jug pa'am zhes bya ba la sogs pa dang /shes bzhin pa ni mngal du 'jug go snyam du yang dag pa ji lta ba bzhin du rab tu shes pa ste zhes bya ba la sogs pa yin no/ /gal te yang dag pa ji lta ba bzhin du shes na ji ltar nyon mongs pa can gyi sems kho nas nying mtshams sbyor bar byed par rnam par gzhag ce na/ma la sred pa dang ma bral ba'i phyir sems nyon mongs pa can nyid yin no zhes zer ro/ /gzhan dag na re mngal du 'jug pa la 'di snyam du rlung langs pa'am zhes bya ba nas shing drung ngam rtsig pa'i drung du 'gro'o zhes bya ba dang /gnas na yang 'di dag tu gnas par bya'o/ /'byung na'ang 'di dag nas 'byung ngo snyam pa la sogs pa log pa'i 'du shes dang / mos pa dag 'byung bar 'gyur ro zhes bya ba 'di ni skyes ma thag pa'i gnas skabs na 'byung ba yin no zhes zer ro//de las 'khor los sgyur ba ni dang po ste zhes bya ba rgyas par 'byung ba la 'khor los sgyur ba ni dang po yin te/ gcig ni shes bzhin du 'jug go zhes bshad pa yin no/ /gnyis pa ni rang sangs rgyas yin te gzhan ni gnas pa yang zhes bshad pa gang yin pa'o//gsum pa ni sangs rgyas yin te/ gzhan ni 'byung ba'ang zhes gang bshad pa yin no/ /'dir yang 'byung bar 'gyur ba'i ming gis zhes bya ba ni de'i tshe 'di dag 'khor los sgyur ba la sogs pa ma yin pa'i phyir ro//de lta bur gyur pa de dag ni zhes bya ba ni 'di dag ni rnam grangs su bshad par zad kyi don ni de dag kho nar zad do snyam du bsams pa yin no/ /brdar btags pa ni rgyu dang 'bras bu 'brel pa nyid du rnam par gzhag pa'o//nyon mongs las kyis mngon du byas/ /zhes bya ba ni nyon mongs pa dang las kyis bsgos pa zhes bya ba'i tha tshig go/ /mar me bzhin du zhes bya ba ni rgyun gyi tshul gyis 'pho ba'i phung po lnga skad cig ma yin pa'i phyir mar me dang 'dra'o zhes ston par byed do//ji ltar 'phangs bzhin zhes bya ba la/ 'phangs pa ni dus re zhig gi rgyun yin te/ 'di ni khyad par yin no/ /tshe'i ste tsher 'gyur ba'i las tha dad pa'i phyir ro/ /mtshan rnams rim gyis skye bar 'gyur/ / zhes bya ba la/ mtshan ni mig la sogs pa'i rten te/ de dag gis mig la sogs pa gsal bar 'gyur bas so/ /rkyag dong lta bu zhes bya ba dang / lus kyi rma 'khyims pa chen po der zhes bya ba ni rma 'khyims pa dang 'dra bas rma 'khyims pa'o zhes smad pa'i tshig yin no//dri nga ba mi bzad pa ni mi bzad par dri nga ba'o/ /'di ni mun khung yang yin te snang ba dang bral ba'i phyir ro/ /'di ni 'dam rdzab dang 'dra ba'i btsog pa rnams kyis 'dam rdzab kyang yin te der ro/ /rtag tu byi dor bya dgos pa ni rtag tu gtsang sbra bya dgos pa'o//pho'i khu chu dang mo'i khrag dang gsher ba'i khyad par gyi mtshan nyid kyi chu ser dang / dri mas kun du myags shing kun nas myags pa rnam par myags shing khyad par du myags pa rul zhing rnags pa 'dred pa der lag pa bcug ste lag pa dang /rkang pa la sogs pa'i yan lag dang nying lag bcad cing gtubs nas/ 'byin par byed 'dren par byed do/ /rma gsar pa lta bu ni na ba dang bcas pa'o/ /rma gsar pa'i bdag nyid dang 'dra bas na rma gsar pa lta bu'o/ / 'di la rma gsar pa dang 'dra ba'i bdag nyid yod pas na rma gsar pa lta bu can gyi byis pa yin no/ /mtshon dang thal ba'i sman te de dag gi bdag nyid lta bur 'dug pa ni mtshon dang thal ba'i sman lta bu'o/ /'di dag la mtshon dang thal ba'i sman lta bu'i reg pa yod pas na mtshon dang thal ba'i sman lta bu'i reg pa dang ldan pa'i lag pa dag yin te/de gnyis kyis blangs nas 'khru bar byed do/ /skye ba'i rgyus zhes bya ba ni rjes su 'gro bas so/ /de'i rgyu med pa nyid du zhes bya ba ni dang po'i rgyu med pa nyid du'o/ / 'di rgyu med pa nyid gcig yin na ni de dang 'dra bas thams cad kyang rgyu med pa kho nar 'gyur ba zhig na myu gu la sogs pa la sa bon la sogs pa'i nus pa ste/ myu gu dang / sdong bu dang / lo ma dang / yal ga la sogs pa la skyed par byed pa sa bon dang / myu gu dang / lo ma la sogs pa'i nus pa yang mthong ngo / /ci'i phyir zhe na/ yul dang dus so sor nges pa las te yul dang dus so sor nges pa las so/ /de la yul so sor nges pa ni sa bon la sogs pa dang 'brel pa'i yul kho nar skye ba'i phyir ro/ / dus nges pa ni sa bon gyi mjug thogs su skye ba'i phyir ro/ /yul dang dus so sor nges pa las tshos pa la sogs pa ste/ tshos pa dang bde ba dang sdug bsngal dang sgra dang mig gi rnam par shes pa la sogs pa la me la sogs pa ste/ me dang / grang ba dang / dro ba dang / bsnun pa dang / mig la sogs pa'i nus pa yang mthong ngo / /gal te rgyu med pa zhig tu 'byung bar 'gyur na/ bskyed par bya ba la yul dang dus nges pa las myu gu la sogs pa las sa bon la sogs pa dang / tshos pa la sogs pa la me la sogs pa'i nus pa yod par mi 'gyur gyi/rtag tu thams cad na thams cad skye bar 'gyur ba zhig na de lta bu yang mi mthong bas de'i phyir rgyu med pa las byung ba ni med do/ /rgyu rtag par yod par smra ba ni sngar bsal zin pa nyid do zhes bya ba ni/ dbang phyug sogs min rim sogs phyir//zhes 'byung ba'i phyir ro/ /lhag ma brgyad ni bar du'o/ /zhes bya ba ni rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa'i yan lag rnams so//gzugs dang gzugs med pa na spyod pa yang ma yin zhes bya ba la/ gzugs na spyod pa la ni rnam par shes pa'i yan lag gi tshe nyid na ming dang gzugs dang skye mched drug gi yan lag dag yod pa'i phyir bar du yan lag brgyad ma yin no//gzugs med pa na spyod pa la ni ming dang gzugs dang skye mched drug gi yan lag dag kyang med pa'i phyir ro/ /gleng gzhi chen po'i rnam grangs kyi mdo las ni/ kun dga' bo gal te rnam par shes pa ma'i mngal du zhugs par ma gyur na 'on kyang ming dang gzugs nur nur po nyid du bya ba'i phyir rmongs par 'gyur ram/btsun pa ma lags so zhes bya ba'i mdo de 'byung ste/ ma'i mngal du 'jug pa ni 'dod pa'i khams kho nar yin no/ /sngon dang phyi ma'i mtha' 'bras bu dang rgyu dang bcas pa dag smos pa'i phyir ro zhes bya ba 'di ni go rims bzhin du sngon gyi mtha' 'bras bu dang bcas pa smos pa'i phyir dang /phyi ma'i mtha' rgyu dang bcas pa smos pa'i phyir ro zhes bya ba yin no/ /de la sngon gyi mtha'i rgyu ni ma rig pa dang 'du byed do/ /de'i 'bras bu ni rnam par shes pa nas tshor ba'i bar yan lag lnga yin no//phyi ma'i mtha'i 'bras bu ni skye ba dang rga shi'o/ /de'i rgyu ni sred pa dang / len pa dang / srid pa dang / yan lag gsum yin no/ /de ltar na yan lag bdun ni sngon gyi mtha' pa yin la/ lnga ni phyi ma'i mtha' pa yin no zhes bshad par 'gyur ro//yang ma rig pa la sogs pa 'di dag gang zhig ce na zhes bya ba ni ci ma rig pa nyid 'ba' zhig gam/ 'on te nyon mongs pa thams cad dam/ 'on te nyon mongs pa'i gnas skabs yin snyam du the tshom za zhing 'dri ba yin no/ /lhan cig spyod pa'i phyir zhes bya ba ni 'di ltar nyon mongs pa rnams ni ma rig pa dang lhan cig spyod pas so//de'i dbang gis/ de dag kun du 'byung ba'i phyir/ /zhes bya ba ni 'di ltar ma rig pa'i dbang gis nyon mongs pa de dag kun du 'byung bas so/ /kun du 'byung ba ni de'i rjes su 'jug pa ste/rmongs pa la nyon mongs pa kun du 'byung gi ma rmongs pa la ni ma yin no/ /rgyal po gshegs so zhes byas na zhes bya ba ni dper na rgyal po gshegs so zhes smras na/ lhan cig spyod pa'i phyir dang de'i dbang gis 'bangs la sogs pa de dag kun du 'byung ba'i phyir de'i zham 'bring ba 'bangs la sogs pa yang 'ong bar grub pa de dang 'dra'o//de ltar na ma rig pa'i dbang gis na ma rig pa'i yan lag ni nyon mongs pa'i gnas skabs yin no zhes bya ba'i tha tshig go/ /de lta bas na/ nyon mongs sngon gnas skabs zhes bshad kyi ma rig sngon gnas skabs zhes bya ba ni ma bshad do//bsod nams la sogs pa'i las kyi gnas skabs zhes bya ba ni bsod nams dang / bsod nams ma yin pa dang / mi g.yo ba'i las kyi gnas skabs zhes bya ba'i tha tshig go//skye mched bzhi dod tshun chad do zhes brjod par bya ba yin pa las zhes bya ba ni lus dang yid kyi skye mched dag ni skye ba'i srid pa nyid na byung zin pa'i phyir ro/ /de'i tshe der rnam par 'jog pa'i phyir ro zhes bya ba ni mig la sogs pa'i skye mched dod pa'i tshe lus dang yid kyi skye mched dag tu rnam par 'jog pa'i phyir ro//de ni gsum 'dus tshun chad do/ /zhes bya ba ni skye mched drug po de ni gsum 'dus tshun chad de dbang po dang / yul dang rnam par shes pa gsum 'dus tshun chad do zhes bya ba'i tha tshig go//reg pa bde sdug la sogs kyi/ /rgyu shes nus pa tshun chad do/ /zhes bya ba la dbang po dang / yul dang rnam par shes pa drug 'dus pa ni reg pa ste skye mched drug tshang ba la 'dus pa yod pa'i phyir skyes pa'i gnas skabs su rnam par gzhag go/ / gang tshun chud yin zhe na/ bde ba dang / sdug bsngal ba dang / bde ba yang ma yin sdug bsngal yang ma yin pa'i tshor ba'i rgyu dag shes par nus pa tshun chad de/ byis pa de srid du bde ba'i tshor ba'i rgyu ni 'di'o/ /sdug bsngal gyi tshor ba'i rgyu ni 'di'o/ /bde ba yang ma yin sdug bsngal yang ma yin pa'i rgyu ni 'di'o zhes bya bar yongs su gcod mi nus pa'i gnas skabs de ni reg pa zhes bya'o//'di ltar byis pa ni sdug bsngal gyi rgyu yin no zhes bya bar yongs su mi chod pas me la yang reg par byed do/ / yongs su gcod nus nas ni tshor ba yin no zhes bya ba'i tha tshig go/ /gang tshun chad yin zhe na/ 'khrig tshun chad de ji srid du 'khrig pa'i 'dod chags kun du mi spyod pa'i bar gyi gnas skabs de ni tshor ba zhes bya'o/ /gnas skabs de ni tshor ba phul du byung ba yin te/tshor ba'i rgyu tshor ba'i phyir ro/ /sred pa ni/ longs spyod 'khrig pa'i chags can gyi/ /zhes bya ba ni 'dod pa'i yon tan gzugs la sogs pa'i mtshan nyid kyi longs spyod dang / 'jig rten na grags pa'i 'khrig pa la chags pa can gyi gang zag gi 'dod chags de kun du spyod pa'i gnas skabs ni sred pa zhes bya'o//'dis yul dang bdag gi ngo bo len pas na nye bar len pa nyon mongs pa rnam pa bzhi yin te/ gnas skabs de ni len pa zhes bya'o/ /de srid 'bras bu 'byung 'gyur ba'i/ /zhes bya ba la/de zhes bya ba ni yongs su rgyug par ston to/ /'di la srid pa'i 'bras bu 'byung bar 'gyur ba yod pas na srid pa'i 'bras bu 'byung bar 'gyur ba ste/ yang srid pa'i las zhes bya ba'i tha tshig go/ /de ni srid pa yin zhes bya ba ni 'dis 'byung bar 'gyur bas na srid pa ste las kyi rnam grangs yin no//tshor ba'i bar ni rga shi yin/ /zhes bya ba ni tshor ba la thug pa'i bar ni rga shi ste/ ming dang gzugs la sogs pa yan lag bzhi'i ngo bo nyid yin no/ /bcom ldan 'das kyis gdul ba'i skye bo skyo bar bya ba'i phyir dge slong dag ming dang gzugs kyi skye ba gang yin pa de ni rga shi'i skye ba yin no//tshor ba'i bar du yang de dang 'dra'o zhes yan lag bzhi rga shi'i sgrar gsungs so/ /skad cig pa zhes bya ba ni skad cig ma las 'byung ba'am/ 'di la skad cig ma 'byung bas na skad cig pa'o//rgyun gyis brtse ba'am spyod pa ni rgyun chags pa ste/ rgyun dang ldan pa zhes bya ba'i tha tshig go /'brel pa can yang de dang 'dra ba ste/ /rgyu dang 'bras bu 'brel pa dang ldan pa zhes bya ba'i don to/ /gnas skabs pa ni bcu gnyis pa phung po lnga'i gnas skabs zhes bya ba'i tha tshig go//rnam par shes pa dang lhan cig 'byung ba zhes bya ba rgyas par 'byung ba la/ 'dir ming ni 'du shes la sogs pa phung po gsum mo/ /gzugs ni rnam par rig byed dang / rnam par rig byed ma yin pa la sogs pa'o//ming dang gzugs la rnam par gnas pa'i dbang po rnams zhes bya ba ni dbang po rnams de la rag las te 'byung ba'i phyir ram/ de dag ming dang gzugs la brten nas rnam par shes pa gnas pas so/ /skye mched drug 'dus pa ni reg pa'o zhes bya ba pa la 'dus pa ni mig la sogs pa rang rang gi yul la 'jug pa ste/de ni ci rigs par de'i tshe gang la 'dus pa srid pa de'i de reg pa yin par rig par bya'o/ /de dang mtshungs par ldan pa'i kun nas dkris pa dag ni len pa'o zhes bya ba ni de dang mtshungs par ldan pa ngo tsha med pa dang khrel med pa la sogs pa'i kun nas dkris pa dag ste/de ni len pa yin no/ /des kun nas bslang ba zhes bya ba ni sred pas kun nas bslang ba'o/ /kha cig na re tshor bas kun nas bslang ba'o zhes zer ro//skye ba ni zhes bya ba ni 'byung ba'o/ /yongs su smin pa ni rga ba'o zhes bya ba ni 'bras bu smin pa'i mthu nyams pa'am/ skad cig ma snga ma la ltos nas so/ /zhig pa ni shi ba'o zhes bya ba ni skad cig de la 'jig pa'o/ /gzhan dag na re 'jig pa la mngon du phyogs pa ni 'jig pa'o zhes zer ro//skad cig pa dang 'brel pa can ni rab tu byed pa dag las ji skad 'byung ba bzhin no zhes bya ba rab tu byed pa dag las ji skad 'byung zhe na/ rten cing 'brel bar 'byung ba gang zhe na/ 'dus byas kyi chos thams cad do zhes 'byung ste/de la 'dus byas kyi chos rnams ni skad cig re re la 'jig pa dang ldan pa'i phyir ro/ /rten cing 'brel par 'byung ba skad cig pa yin la/ rgyu dang 'bras bur gyur pa'i skad cig ma gnyis ka 'brel pa'i phyir 'brel pa can yin no//tshe gsum bar chad med par 'brel pa dag /ces bya ba ni bcu gnyis pa'i phung po lnga'i gnas skabs te/ tshe 'das pa dang ma 'ongs pa dang da ltar byung ba'i 'brel pa'i phyir rten cing 'brel par 'byung ba gnas skabs pa yin no/ /bar chad med pa zhes bya ba smos pa ni cha gsum pa rab tu grub par bya ba'i phyir ro//de nyid rgyun chags pa yang yin no zhes bya ba ni gnas skabs pa de nyid rgyun chags pa dang ldan pa'i phyir rgyun chags pa yin te/ skad cig ma du ma'i phyir ram/ tshe du ma yin pa'i phyir ro/ / dgongs pa can zhes bya ba ni dgongs pa las byung bas na dgongs pa can te/ gdul ba la dgongs pa'i dbang gis de ltar bshad do zhes bya ba'i tha tshig go/ /mtshan nyid pa yin zhes bya ba ni mtshan nyid gtsor mdzad pa'i phyir te/ rab tu byed pa dag las ni 'dus byas thams cad smos pas rten cing 'brel par 'byung ba sems can du ston pa dang /sems can du ston pa ma yin par bshad de/ 'dus byas thams cad rgyu nyid dang ldan pa'i phyir ro/ /gdul ba'i rmongs pa bzlog pa'i phyir ni sems can du ston pa kho na'i rten cing 'brel bar 'byung ba yan lag bcu gnyis su bshad de de'i phyir/sngon dang phyi mtha' bar dag la/ /rmongs pa rnam par bzlog phyir ro/ /zhes bya ba la smos so/ /de nyid kyi phyir cha gsum pa yin no zhes bya ba la cha ni tshan tshan yin no/ /bdag ci zhig tu byung bar gyur zhes bya ba ni mi'am mi ma yin pa'o//bdag ji ltar ni byung bar gyur zhes bya ba ni rnam pa gang gis te rigs pa gang gis zhes bya ba'i tha tshig go/ /ci ma 'ongs pa'i dus na 'byung bar 'gyur ram zhes bya ba rgyas par 'byung ba ni ci ma 'ongs pa'i dus na 'byung bar 'gyur ram/'on te 'byung bar mi 'gyur ram/ ci zhig tu 'byung bar 'gyur/ ji ltar 'byung bar 'gyur snyam pa yin no/ /'di ci zhig yin zhes bya ba ni bdag gi ngo bo'i rdzas tshol ba'o/ /'di ji ltar yin zhes bya ba ni rnam pa gang gis te rigs pa gang gis zhes bya ba yin no//bdag gi ngo bo'i rdzas de nyid nges par mi zin pas yod pa ni ci zhig yin snyam te da lta bdag yod pa ni 'di ni ci zhig yin/ 'gyur ba ni ci zhig yin snyam nas de ltar nges par mi zin to/ /mdo las go rims bzhin no zhes bya ba ni ma rig pa dang 'du byed rnams ni sngon gyi mtha' la rmongs pa bzlog pa'i phyir ro//skye ba dang rga shi ni phyi ma'i mtha' la rmongs pa bzlog pa'i phyir ro/ /rnam par shes pa nas srid pa'i bar ni bar du rmongs pa bzlog pa'i phyir ro zhes bya ba yin no/ /'di ltar mdo nyid las gsungs so zhes bya ba ni mdo las kyang de kho na ltar bshad do zhes mdos rang gi bshad pa gzhung 'dzugs par bshad pa yin no//de ni ci bdag 'das pa'i dus na byung bar gyur tam snyam du sngon gyi mtha' la 'brang bar mi 'gyur ro zhes bya ba rgyas par gsungs so zhes bya ba ni ci bdag 'das pa'i dus na byung bar gyur tam snyam du sngon gyi mtha' la rab tu mi rgyug pa ste/rten cing 'brel bar 'byung ba yang dag pa ji lta ba bzhin rab tu mthong ba kho nas 'das pa'i dus la the tshom za bar mi 'gyur ro zhes bya ba'i tha tshig go//rgyas par zhes bya ba'i sgras ni de ni ci bdag ma 'ongs pa'i dus na 'byung bar 'gyur snyam du ma 'ongs pa'i mtha' la 'brang bar mi 'gyur ro zhes bya ba rgyas pa dang / de bzhin du 'di ci zhig yin snyam du bar gyi mtha' la rgyug par mi 'gyur ro zhes bya ba rgyas par bsdus pa yin no//sred pa dang len pa dang srid pa dag kyang zhes bya ba ni sred pa dang len pa dang srid pa thams cad phyi ma'i mtha' la rmongs pa bzlog pa'i phyir yin gyi ji skad du gong du rnam par shes pa nas srid pa'i bar zhes bshad pa lta bur bar du rmongs pa bzlog pa'i phyir ni ma yin no//'di la rigs pa ci yod ce na/ 'di dag ni de kho na'i rgyu yin no zhes bya ba smos te/ 'di ltar 'di dag ni phyi ma'i mtha' kho na'i rgyu yin pas so/ /las dang nyon mongs pa'i rten yin pa'i phyir zhes bya ba ni rnam par shes pa la sogs pa ni gzhi yin te/las dang nyon mongs pa rnams kyi gzhi yin no zhes bya ba'i tha tshig go/ /de bzhin 'bras bu yin zhes bya ba ni yan lag bdun po nyid 'bras bu yin te/ rnam par shes pa dang / ming dang / gzugs dang / skye mched drug dang /reg pa dang / tshor ba'i yan lag ni ma rig pa dang / 'du byed rnams kyi 'bras bu yin no/ /skye ba dang rga shi ni sred pa dang / len pa dang / srid pa rnams kyi 'bras bu yin no/ /lnga ni rgyur gyur pa dag yin no zhes bya ba ni ma rig pa dang /'du byed dang / sred pa dang / len pa dang / srid pa rnams so/ /las dang nyon mongs pa'i rang bzhin yin pa'i phyir zhes bya ba ni ma rig pa dang sred pa dang len pa rnams ni nyon mongs pa'i rang bzhin yin no/ /'du byed dang srid pa ni las kyi rang bzhin yin no//gzhi rnam pa lnga zhes bya ba ni rnam par shes pa dang ming dang gzugs dang skye mched drug dang reg pa dang tshor ba zhes bya'o/ /nyon mongs pa rnam pa gnyis tha dad pa'i phyir zhes bya ba ni sred pa dang len pa zhes bya'o/ /ma 'ongs pa'i dus su ni rnam pa gnyis tha dad pa'i phyir 'bras bu mdor bsdus zhes bya ba ni skye ba dang rga shi zhes bya ba'o//'das pa'i dus su ni nyon mongs pa sgo gcig tu bstan pa'i phyir rgyu mdor bsdus zhes bya ba ni nyon mongs pa ma rig pa'i sgo nas bstan pa'i phyir ro zhes bya ba'i tha tshig ste/ ma 'ongs pa'i dus su yang de ltar 'bras bu rnam pa lngar rgya ma bskyed la 'das pa'i dus su de ltar rgyu rnam pa gnyis su rgya ma bskyed do//'di ltar 'dir bcom ldan 'das kyis bstan zin to zhes bya ba gang zhe na/ nyon mongs pa las nyon mongs pa/ /zhes bya ba de lta bu la sogs pa//'di ni srid pa'i yan lag lugs/ /zhes bya ba yin no/ /de las gzhi zhes bya ba ni bya ba de las so/ /de las gzhi dang nyon mongs skye/ /zhes bya ba ni gzhi las zhes bya ba'i dbang du byas pa yin no/ /skye ba zhes bya ba 'dir ni de ltar na zhes bya ba zhig khong nas dbyung ngo //gzhi'am nyon mongs pa las skye bar 'gyur ro zhes bstan pa yin zhes bya ba ni 'di na gzhi las kyang nyon mongs pa skye ba mthong ste/ tshor ba las sred pa zhes bya ba yin no/ /de bzhin du nyon mongs pa las kyang nyon mongs pa skye ba mthong ste/sred pa las len pa zhes bya ba yin no/ /ma rig pa yang sngon gyi mtha'i nyon mongs pa thams cad kyi ngo bo nyid yin par yang bshad pas de gal te len pa yin na ni srid pa las skye'o zhes bya bar shes so/ /'on te sred pa yin na ni gzhi las skye'o zhes bya bar shes so//de lta bas na ma rig pa nyon mongs pa'i ngo bo nyid gzhi'am nyon mongs pa las skye'o zhes bstan pa yin no/ /rga shi yang yan lag bzhi'i ngo bo nyid kyi gzhi yin no zhes bshad do/ /'di na gzhi las kyang nyon mongs pa skye bar mthong ste/tshor ba'i rkyen gyis sred pa zhes bya ba yin no/ /de lta bas na de las kyang nyon mongs pa 'byung zhing 'byung bar 'gyur ro zhes bstan pa yin pas yang 'di las kha bskang bar bya ba cung zad kyang med de/ de ltar bstan zin pa'i phyir ro/ /yang bcom ldan 'das kyis lugs de ltar bstan par ci mngon zhe na smras pa/de ltar na sdug bsngal gyi phung po chen po 'di 'ba' zhig yang dag par 'byung bar 'gyur ro zhes gsungs pa'i phyir ro/ /de lta ma yin na 'di nus pa ci zhig yod par 'gyur zhes bya ba ni gal te/ nyon mongs pa las nyon mongs dang //bya ba nyid do de las gzhi/ /de las gzhi dang nyon mongs skye/ /zhes ji skad bshad pa'i lugs 'di ma yin par gyur na/ ma rig pa'i rkyen gyis 'du byed ces bya ba nas/ skye ba'i rkyen gyis rga shi dang / mya ngan dang smre sngags 'don pa dang /sdug bsngal dang / yid mi bde ba dang / 'khrug pa rnams 'byung bar 'gyur ro zhes bya ba de tsam kho na zhig gsungs par 'gyur gyi/ de ltar na sdug bsngal gyi phung po chen po 'ba' zhig yang dag par 'byung bar 'gyur ro zhes bya ba 'di gsungs par mi 'gyur ro//yang dag par 'byung ba dang skye ba zhes bya ba ni don tha dad pa ma yin te/ de lta bas na 'di'i nus pa ni ji skad bshad pa'i rnam pa mngon par rjod par byed pa yin no zhes bya bar mngon no/ /gzhan dag na re zhes bya ba ni slob dpon yid 'ong gi mkhan po gnas brtan dbyig gnyen de skad zer ba yin no//mdo gzhan las ma rig pa yang tshul bzhin ma yin pa yid la byed pa'i rgyu las byung ba yin no zhes gsungs zhes bya ba ni rgyu dang bcas rkyen dang bcas gzhi dang bcas pa'i mdo las so//ji ltar zhe na/ mdo las/ dge slong dag ma rig pa ni rgyu dang bcas rkyen dang bcas gzhi dang bcas pa yin no/ /dge slong dag ma rig pa'i rgyu ni gang rkyen ni gang gzhi ni gang zhe na/ dge slong dag tshul bzhin ma yin pa yid la byed pa ni ma rig pa'i rgyu'o//tshul bzhin ma yin pa yid la byed pa ni rkyen no/ /tshul bzhin ma yin pa yid la byed pa ni gzhi'o zhes 'byung ba'i phyir ro// //bam po nyi shu rtsa lnga pa/ tshul bzhin ma yin pa yid la byed pa yang ma rig pa'i rgyu las byung ba yin no zhes gsungs zhes bya ba ni mdo gzhan las zhes bya ba skabs dang sbyar te/mdo las/ mig dang gzugs la brten nas gti mug las skyes pa'i yid la byed pa rnyog pa skye'o zhes 'byung ba'i phyir ro/ /de ci'i phyir 'dir ma smos/ ji ltar na yan lag gzhan yin par mi 'gyur zhe na/de ni 'dir yang len pa'i nang du 'dus pa'i phyir bshad pa yin no zhes bya ba smos te/ de zhes bya ba ni yid la byed pa rnyog pa'o/ /'dir zhes bya ba ni rten cing 'brel par 'byung ba'i mdor ro/ /ji ltar bshad ce na/len pa'i nang du 'dus pa'i phyir bshad pa yin no/ /'di ltar len pa ni longs spyod rnams thob par bya ba'i phyir nyon mongs pa kun du spyod pa'i gnas skabs yin la/ de'i nang du yang tshul bzhin ma yin pa yid la byed pa phyin ci log gi sems pa'i gtod pa 'dus pas bshad pa yin no//de'i phyir ma rig pa rgyu med pa nyid kyang med do/ /ma rig pa la sogs pa yan lag bcu gnyis las yan lag gzhan gyis kha bskang bar bya ba yang mi dgos so/ /tshul bzhin ma yin pa yid la byed pa ma rig pa'i rgyu can yin pa'i phyir thug pa med par yang thal bar yang mi 'gyur ro//slob dpon gyis ji ltar 'dus zhes bya ba rgyas par smos te/ tshul bzhin ma yin pa yid la byed pa len pa'i nang du ji ltar 'dus/ tshul bzhin ma yin pa yid la byed pa len pa'i ngo bo nyid ni ma yin no//gal te mtshungs par ldan pa las yin te/ gal te tshul bzhin ma yin pa yid la byed pa len pa dang mtshungs par ldan par 'gyur bas de'i phyir 'di ni len pa'i nang du 'dus par 'dod na/ rten cing 'brel par 'byung ba'i yan lag sred pa dang ma rig pa dag gi nang du tshul bzhin ma yin pa yid la byed pa de 'dus par 'gyur te/'di ni sred pa dang ma rig pa dag dang yang mtshungs par ldan par 'gyur ro/ /des na 'di skad du/ de ni 'dir yang ma rig pa dang / sred pa dang /len pa'i nang du 'dus pa'i phyir bshad pa yin no zhes brjod par bya dgos par 'gyur gyi/ 'di skad du de ni 'dir yang len pa'i nang du 'dus pa'i phyir bshad pa yin no zhes brjod par bya ba ni ma yin te/ len pa kho na'i nang du 'dus par nges par gzung bar ni mi bya ba nyid do snyam du bsams pa yin no//nang du 'dus pa yin du chug na yang zhes bya ba ni nang du 'dus pa mi srid pa khas blangs te smra ba yin no/ /ji ltar na ma rig pa'i rgyu tshul bzhin ma yin pa yid la byed pa yin par bshad pa yin te/mdo'i tshig de lta bu ni med do/ /gal te nang du 'dus pa kho nas zhes bya ba rgyas par 'byung ba ni gal te gang gi phyir tshul bzhin ma yin pa yid la byed pa len pa'i nang du 'dus pa de'i phyir ma rig pa'i rgyu tshul bzhin ma yin pa yid la byed pa yin no zhes bya bar bstan pa yin la/len pa smos pa kho nas de grub pa'i phyir de yan lag gzhan du brjod par bya yang mi dgos na/ 'o na ni sred pa dang ma rig pa dag kyang len pa'i nang du 'du bas de gnyis kyang de'i nang du 'dus pa'i phyir yan lag gzhan nyid du mi bya bar 'dus te/len pa smos pa kho nas de grub pa'i phyir ro/ /sred pa dang ma rig pa dag ni logs shig tu yang yan lag tu bshad de/ de lta bas na de ni len pa'i nang du 'dus par yang mi rung ngo / /gzhan dag na re zhes bya ba ni btsun pa dpal len to//mdo gzhan las ma rig pa'i rgyu tshul bzhin ma yin pa yid la byed pa yin par gsungs te zhes bya ba ni rgyu dang bcas rkyen dang bcas gzhi dang bcas pa'i mdo las dge slong dag ma rig pa yang rgyu dang bcas rkyen dang bcas gzhi dang bcas pa yin no zhes bya ba rgyas par 'byung ba yin no//de yang zhes bya ba ni tshul bzhin ma yin pa yid la byed pa de yang reg pa'i dus su bstan pa yin no/ /ji lta zhe na/ mig dang gzugs rnams la brten nas gti mug las skyes pa'i yid la byed pa rnyog pa skye'o zhes gsungs zhes bya ba smos te/mig gi rnam par shes pa skye ba'i dus gang yin pa 'di ni reg pa'i dus yin no/ /yid la byed pa rnyog pa ni tshul bzhin ma yin par zhugs pa'i phyir ram/ gti mug las skyes pa'i phyir te gti mug las skyes pa ni gti mug las skyes pa'o//ma rig pa'i 'dus te reg pa las byung ba'i tshor ba zhes bya ba ni ma rig pa dang mtshungs par ldan pa'i reg pa las byung ba ni ma rig pa'i 'dus te reg pa las byung ba'i tshor ba ste/ gang la ma rig pa'i 'dus te reg pa las byung ba'i tshor ba yod pa de la ni gdon mi za bar ma rig pa dang mtshungs par ldan par 'gyur ro//ma rig pa dang mtshungs par mi ldan pa'i tshor ba ni sred pa'i rgyur yang mi 'gyur ro/ /de lta bas na reg pa'i dus na yod pa'i tshul bzhin ma yin pa yid la byed pa ni tshor ba dang lhan cig 'jug pa'i ma rig pa'i rkyen gyi ngo bor grub pas ma rig pa ni tshul bzhin ma yin pa yid la byed pa'i rgyu las byung ba yin no zhes bya ba 'di bstan pa yin no//de lta bas na tshul bzhin ma yin pa yid la byed pa'i rgyu las byung ba'i phyir ma rig pa rgyu med pa nyid kyang ma yin zhing de ltar reg pa'i dus na yod pa'i tshul bzhin ma yin pa yid la byed pa tshor ba dang lhan cig 'byung ba'i ma rig pa'i rkyen gyi ngo bor grub pas bcu gnyis las ma gtogs pa'i yan lag gzhan gyis kha bskang bar yang mi bya'o// thug pa med par thal bar 'gyur ba'ang ma yin te/ gti mug las skyes pa'i yid la byed pa rnyog pa zhes 'byung bas tshul bzhin ma yin pa yid la byed pa de yang gti mug las skyes pa yin par gsungs pa yin pa'i phyir ro/ /de lta bas na 'di ni tshul bzhin ma yin pa yid la byed pa las kyang ma rig pa 'byung la ma rig pa las kyang tshul bzhin ma yin pa yid la byed pa 'byung ngo zhes 'khor lo lta bur bshad pa yin no//'di ni slob dpon gyis nyes pa dang bcas par gzigs nas nyes pa de mngon par bya ba'i phyir thal bar 'gyur ba brtsam par 'o na ni de ni zhes bya ba rgyas par smos te/'o na ni zhes bya ba ni don gzhan brjod par 'dod pa yin no/ /skal ldan khyad par can na re da ni zhes bya ba ni don yin no zhes zer ro/ /de ni zhes bya ba ni mdo dang rigs pa'i sgo nas ma rig pa'i rgyu tshul bzhin ma yin pa yid la byed pa yin no zhes ji skad rgyas par bshad pa yin te/de ni mdo gzhan du gsungs pas rten cing 'brel par 'byung ba'i mdo 'dir yang brjod par bya dgos so/ /brjod par bya mi dgos so zhes zer ba ni btsun pa dpal len to//rigs pa gang gis zhes dris pa dang btsun pa dpal len gyis dgra bcom pa rnams kyi tshor ba ma rig pa med pa ni sred pa'i rkyen ma yin no zhes bya ba rgyas par smos te/ dgra bcom pa rnams la yang tshor ba yod la de ni sred pa'i rkyen yang ma yin pas tshor ba ma rig pa dang bcas pa kho na sred pa'i rkyen yin no zhes bya bar shes so//phyin ci log med pa'i reg pa yang nyon mongs pa can gyi tshor ba'i rkyen ma yin no zhes bya bar skabs dang sbyar ro/ /dgra bcom pa ma rig pa med pa'i reg pa yang phyin ci log ma yin zhes bya ba ni rten cing 'brel par 'byung ba'i mdo las tshor ba'i rkyen du bshad pa gang yin pa'i reg pa yang ma rig pa dang bcas pa kho na'o zhes bya bar shes la ma rig pa yang 'di'i rgyu yin no zhes bya bar shes pa'i rigs pa 'dis rten cing 'brel par 'byung ba'i mdo las 'byung ba reg pa ma rig pa dang bcas pa'i rkyen gyis tshor ba/tshor ba ma rig pa dang bcas pa'i rkyen gyis sred pa zhes bya ba yin par shes so/ /de'i phyir ji skad bshad pa'i rigs pa 'dis de yang reg pa'i dus su bstan pa yin la zhes bya ba rgyas par rten cing 'brel par 'byung ba 'dir ma rig pa'i rgyu ni tshul bzhin ma yin pa yid la byed pa'o zhes bya ba grub pa yin no//'dir brgal ba gal te tshor ba ma rig pa med pa ni sred pa'i rkyen ma yin no zhes bya ba la sogs pa'i tshig gis rang gi rigs pa kho nas ma rig pa'i rgyu yang tshul bzhin ma yin pa yid la byed pa yin la/tshul bzhin ma yin pa yid la byed pa'i rgyu yang ma rig pa yin no zhes bya bar shes na/ 'o na ma rig pa dang tshul bzhin ma yin pa yid la byed pa dag phan tshun gyi rgyu can nyid yin par rab tu ston pa mdo gzhan la brten ci dgos/'dir smras pa/ de ni bden na 'on kyang de ni rigs pa tsam du zad kyi/ zhal nas rten cing 'brel par 'byung ba'i mdo las gsungs pa ni ma yin no/ /de'i phyir zhal nas mdo gzhan las gsungs pa'i sgo nas rigs pa 'di rnam par 'jog pas mdo gzhan nye bar 'god pa dgos pa gzhan yin par khong du chud par bya'o//de lta na ni ha cang thal bar 'gyur zhes zer ba ni bstan bcos mdzad pa'o/ /ji ltar na ha cang thal bar 'gyur zhe na/ bshad pa/ mdo gzhan las ni ma rig pa'i 'dus te reg pa las byung ba'i tshor ba la brten nas sred pa skye'o zhes bstan te/dgra bcom pa rnams kyi tshor ba ma rig pa med pa ni sred pa'i rkyen ma yin no/ /phyin ci log med pa'i reg pa yang nyon mongs pa can gyi tshor ba'i rkyen ma yin la/dgra bcom pa ma rig pa med pa'i reg pa yang phyin ci log ma yin no zhes bya ba'i rigs pa 'dis reg pa dang tshor ba zhes bya ba'i yan lag 'di gnyis kyang rten cing 'brel par 'byung ba'i mdo 'dir ma smos bzhin du gzhan nas bstan pa'i phyir shes par 'gyur bas yan lag 'di gnyis kyang ma smos par 'gyur ro//de bzhin du mdo gzhan las de gal te bsod nams kyi 'du byed dag mngon par 'du byed na bsod nams su nye bar 'gro ba'i rnam par shes par 'gyur te/ bsod nams ma yin par nye bar 'gro ba dang /mi g.yo bar nye bar 'gro ba yang de dang 'dra'o zhes bstan te/ dgra bcom pa'i 'du byed ma rig pa med pa ni bsod nams su nye bar 'gro ba'i rnam par shes pa nas/ mi g.yo ba nye bar 'gro ba'i rnam par shes pa'i bar du yang mi 'gyur bas 'du byed kyi yan lag 'di yang rigs pas grub ste/'dir brjod mi dgos so zhes bya bar gyur to/ /de bzhin du rigs pa'i sgo nas skye ba med par rga shi mi 'byung ngo zhes bya bar shes pas skye ba'i yan lag kyang brjod mi dgos par 'gyur bas ha cang thal bar 'gyur ro//slob dpon gyis 'di ni klan kar mi rung ba kho na yin la zhes bya ba ni rang gi gzhung lugs rgyas par bshad do/ /'dir ni ji ltar na 'jig rten pha rol nas 'jig rten 'dir zhes bya ba rgyas par 'byung ba ni de la ma rig pa dang /'du byed dag gis ni 'jig rten 'dir 'brel par byed de/ 'jig rten 'di pa de yang rnam par shes pa dang / ming dang / gzugs dang / skye mched drug dang / reg pa dang / tshor ba'i yan lag rnams yin no/ / sred pa dang / len pa dang / srid pa rnams kyis ni 'jig rten pha rol du sbyor bar byed de/ 'jig rten pha rol de yang skye ba dang rga shi yin no/ /rten cing 'brel bar 'byung ba'i mdo 'dir ni gdul ba rnams la don de tsam zhig brjod par bzhed pa'i phyir la don de yang gong du bshad zin pa'i phyir te/sngon dang phyi mtha' bar dag la/ /rmongs pa rnam par bzlog phyir ro/ /zhes bya ba 'dis bshad zin pa'i phyir 'dir ni klan kar mi rung ba kho na yin la zhes bya ba rgyas par ma tshang bar bstan pa yang ma yin no zhes bya ba'i bar dang sbyar ro//gnyis ka yang 'dus byas kyi chos thams cad yin zhes bya ba ni 'dus byas kyi chos dus gsum pa thams cad rten cing 'brel par 'byung ba yin la de dag nyid rten cing 'brel par 'byung ba yang yin pas khyad par ci yang med do/ / ma 'ongs pa ma byas pa rnams kho na yang ji ltar na zhes bya ba ni ji ltar 'byung bar 'gyur ba'i ming gis ma 'ongs pa rnams la 'dus byas zhes bya ba ltar rten cing 'brel par 'byung ba yang de dang 'dra'o snyam du bsams pa yin no/ /mngon par 'du byed pa pa'i sems pas zhes bya ba la/mngon par 'du byed pa pa zhes smos pa ni sems pa thams cad kyi rang gi mtshan nyid mngon par brjod pa'i phyir te/ de ni rnam par smin pa mngon par 'du byed pa'i phyir mngon par 'du byed pa yin no/ /des bsams pa'i phyir te/ lhar skye bar shog shig mir skye bar shog shig ces bya ba la sogs pa smon lam btab pa'i phyir ro//de'i phyir ma 'ongs pa rnams la 'dus byas zhes bya ba'i 'byung bar 'gyur ba'i ming gis ni ma yin no/ /bsams pa de 'dor du gzhug pa'i phyir zag pa med pa rnams ji ltar zhes smos te/ma 'ongs pa zag pa dang bcas pa gang dag yin pa de dag ni de ltar bsam du'ang rung na/ ma 'ongs pa zag pa med pa gang dag yin pa de dag go/ /ji ltar bsam du rung / rgol bar byed pas smras pa/ de dag kyang zag pa med pa'i chos rnams thob par gyur cig ces thob par bya ba'i phyir sems pa dge bas bsams pa dag yin no//mya ngan las 'das pa la yang thal bar 'gyur ro zhes bya ba ni mya ngan las 'das pa yang mya ngan las 'das pa thob par gyur cig snyam du thob par bya bar bsams pa'i phyir 'dus byas su thal bar 'gyur ro//de ltar don de ma 'ongs pa rnams 'dus byas nyid yin par rnam par gzhag na nyes pa yod pas de dang rigs mthun pa'i phyir zhes bya ba tshul gzhan rgyas par 'god par byed de/ ji ltar ma 'ongs pa'i gzugs gzugs su rung bar 'gyur ba gang yin pa re zhig gzugs su mi rung yang gzugs su rigs mthun pa'i phyir gzugs zhes bya ba de bzhin du chos ma 'ongs pa rnams kyang rten cing 'brel par 'byung ba'i chos su rigs mthun pas de bzhin du ma 'ongs pa rnams la rten cing 'brel te byung ba'o zhes bstan pa yin no//rgyu dang 'bras bur gyur pa'i phyir zhes bya ba ni 'di ltar rgyu yang yan lag de kho na yin pas so/ /de lta yin yang ltos pa'i bye brag gis rnam par gzhag pa med pa yang ma yin zhes bya ba ni ltos pa'i bye brag gis rten cing 'brel bar 'byung ba dang /rten cing 'brel bar byung ba rnam par mi gnas pa yang ma yin te/ tshu rol dang pha rol lta bu dang / /rgyu dang 'bras bu lta bu'o/ /rgyu dang 'bras bu bzhin dang pha dang bu bzhin no zhes bya ba de las rgyu dang 'bras bu ni dper na sa bon dang myu gu la sogs pa ji ltar gang la ltos nas rgyur rnam par gzhag pa de la ltos nas 'bras bu ma yin la/gang la ltos nas 'bras bu rnam par gzhag pa de la ltos nas rgyu ma yin gyi 'o na ci zhe na/ 'bras bu la ltos nas rgyur rnam par gzhag la/rgyu la ltos kyang 'bras bu yin pa dang / ji ltar gang la ltos nas pha yin pa de la ltos nas bu ma yin la/ gang la ltos nas bu yin pa de la ltos nas pha ma yin gyi 'o na ci zhe na/ bu la ltos nas pha zhes bya zhing cig shos la ltos nas kyang bu zhes bya la de dag rnam par mi gnas pa yang ma yin pa de dang 'dra'o//mu dang po ni chos ma 'ongs pa rnams so zhes bya ba ni chos gzhan gyi rgyu yin pa'i phyir rten cing 'brel par 'byung ba yin te/ 'di las 'byung ba'i phyir ro//rten cing 'brel par 'byung ba ni ma yin te/ ma byung ba'i phyir ro/ /gnyis pa ni dgra bcom pa'i chos tha ma zhes bya ba ni byung zin pa'i phyir dang / de las 'bras bu mi 'byung ba'i phyir ro/ /gsum pa ni de las gzhan pa zhes bya ba ni dgra bcom pa'i tha ma dag las gzhan pa'i chos 'das pa dang da ltar byung ba'i chos rnams so//bzhi pa ni chos 'dus ma byas rnams so zhes bya ba ni de dag la 'bras bu med pa'i phyir dang / mi skye ba'i chos dang ldan pa'i phyir ro/ /grag go zhes bya ba ni mi srid pa yin no//ci 'di dag gang zhig gang 'dod pa 'dod rgyal du 'chad pa zhig gam zhes bya ba ni rten cing 'brel bar 'byung ba gnas skabs pa zhes bya ba nas rten cing 'brel bar 'byung ba yin la/ rten cing 'brel par 'byung ba'i chos de dag ma yin pa'ang yod ces bya ba'i bar de lta bu la sogs pa'o//sngon gyi mtha' mi shes pa zhes bya ba ni gang gi phyir ma rig pa kho na bshad kyi/ phung po gzhan dag ni ma yin pa de'i phyir ma rig pa kho na yan lag yin no zhes bya ba 'di ni nges pa'i don yin no zhes bya bar ston to//nges pa'i don zhes bya ba ni rnam par phye ba'i don to/ /glang po che'i rjes lta bu ni mdo zhig go/ /de dag la ni gzugs la sogs pa gzhan yang yod de zhes bya ba ni skra la sogs pa de dag la sa'i khams tsam kho nar ma zad kyi zhes bya ba yin no//de bzhin du 'dir yang gtso bo ji lta ba bzhin du bstan pa yin no zhes bya ba ni rten cing 'brel par 'byung ba'i mdo 'dir yang bcu gnyis dang ldan pa'i phung po lnga'i gnas skabs dag tu gang zhig gtso bo yin pa de bstan pa yin te/ ma rig pa gtso bo yin pa'i skabs su ni ma rig pa zhes bstan pa yin la/'du byed la sogs pa gtso bo yin pa'i gnas skabs dag tu ni 'du byed la sogs pa bstan pa yin par zad kyi de la ni gzugs dang tshor ba la sogs pa chos gzhan dag kyang yod do/ /de las ni gang gis na de dag ma rdzogs par bstan par gyur pa sa'i khams kyis skra la sogs pa ston pa ni ma yin gyi zhes bya ba rgyas par 'byung ba ni mdo de las ni gang gis ni skra la sogs pa de dag ma rdzogs par bstan par 'gyur ba skra la sogs pa gang zhe na/sa'i khams so zhes sa'i khams kyis skra la sogs pa ston pa ni ma yin no//de dag la ni gzugs la sogs pa gzhan dag kyang yod pas skra la sogs pa ni gzugs la sogs pa'i ngo bo nyid kyang yin gyi sa'i khams 'ba' zhig gi ngo bo nyid yin pa ni ma yin no//'on kyang de las ni sa'i khams gang zhe na/ skra dang spu dag go zhes skra la sogs pa dag kho nas sa'i khams ston pa yin te/ skra la sogs pa ma gtogs par bor te nang gi sa'i khams med pas sa'i khams 'di rdzogs par bstan pa kho na yin no//de bzhin du 'di las kyang ma rig pa la sogs pa rnams zhes bya ba ni de bzhin du mdo 'di las kyang ma rig pa dang 'du byed dang rnam par shes pa la sogs pa yongs su rdzogs pa kho nar bstan pa yin gyi lhag ma dang bcas par ni ma yin no//mchi ma dang mchil ma dang snabs la sogs pa dag la zhes bya ba ni mdo de las mchi ma dang mchil ma dang snabs la sogs pa mi 'byung ste/ de lta bas na de dag la yod pa'i sa'i khams ma bshad pas lhag ma dang bcas pa kho na zhes ston par byed do//yang na gal te de kho na dang 'dra bar bstan par nus na ma rig pa'i lhag ma yod la rag go zhes bya ba rgyas par 'byung ba ni gal te ji ltar ma bshad pa'i phyir sa'i khams kyi lhag ma mchil ma dang snabs la sogs pa la yod pa de kho na dang 'dra bar bstan par nus na/ma rig pa'i lhag ma yod la rag ste/ gal te zhes bya ba'i sgra ni bstan par mi nus so snyam nas sbyor ba yin te/ sngon gyi mtha' mi shes pa dang / phyi ma'i mtha' mi shes pa dang / mtha'i bar mi shes pa dang /sangs rgyas mi shes pa dang / chos mi shes pa dang / dge 'dun mi shes pa zhes bya ba de lta bu la sogs pas mi shes pa'i gnas thams cad bshad zin pa'i phyir ro/ /ma rig pa ni phung po lnga'i gnas skabs yin no zhes tshor ba la sogs pa rigs pa tha dad pa ni ma rig par ci'i phyir bstan te/tshor ba la sogs pa ni ma rig pa nyid du mi rung ngo / /yod pa dang med par nges pa zhes bya ba ni gang zhig yod dam med na go rims bzhin du yang yod pa dang med par nges pa kho na yan lag yin te/ ma rig pa yod pa na 'du byed rnams yod la de med na de dag kyang med pas ma rig pa kho na yan lag yin gyi tshor ba la sogs par ni ma yin te/ dgra bcom pa rnams la de dag yod kyang rnam par shes pa'i yan lag skyed par byed pa'i 'du byed gang dag yin pa mi 'byung ngo zhes bya ba'i tha tshig go//de lta bas na phung po lnga yod kyang 'du byed rnams kyang mi 'byung zhes bya ba rgyas par smos so/ /dgra bcom pa rnams kyi gnas skabs na phung po lnga yod kyang / bsod nams kyi nye bar 'gro ba na mi g.yo bar nye bar 'gro ba'i bar gyi rnam par shes pa mi 'byung ste/nying mtshams sbyor ba'i rnam par shes pa mi 'byung ngo zhes bya ba'i tha tshig go/ /skye ba de dang der nye bar 'gro bas na nye bar 'gro ba'o/ /bsod nams kyis nye bar 'gro bas na bsod nams kyis nye bar 'gro ba'i rnam par shes pa ste/mi g.yo bar nye bar 'gro ba'i bar du yang de dang 'dra'o/ /de bzhin du ma rig pa med pa'i gnas skabs na phung po lnga dag yod kyang srid pa dang len pa la sogs pa yang mi 'byung bas mdo'i don ni ji skad bstan pa kho na yin te/ ma rig pa la sogs pa ji ltar bsgrags pa kho na ltar gzung ngo zhes bya ba'i tha tshig go//de'i phyir phung po gzhan yod kyang 'du byed la sogs pa'i rkyen ma yin pas de dag ni yan lag ma yin te/ mdo ni 'di skad bdag gis thos pa zhes bya ba la sogs pa dang / bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te zhes bya ba la sogs pa dang / tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so//byams pa deng 'dir bcom ldan 'das kyis sA lu ljang pa la gzigs nas dge slong rnams la mdo 'di gsungs so/ /dge slong dag sus rten cing 'brel par 'byung ba mthong ba des chos mthong ngo //sus chos mthong ba des sangs rgyas mthong ngo zhes bka' stsal nas/ bcom ldan 'das cang mi gsung bar gyur nas/ byams pa bde bar gshegs pas bka' stsal pa'i mdo de'i don rten cing 'brel par 'byung ba ni gang /chos ni gang / sangs rgyas ni gang / ji ltar rten cing 'brel par 'byung ba mthong bas chos mthong zhes bya ba la sogs pa dang / rten cing 'brel par 'byung ba zhes bya ba ni gang 'di ma rig pa zhes bya ba la sogs pa gsungs so/ / de gsungs nas mdo de las/ de bzhin gshegs pa rnams byung yang rung ma byung yang rung / chos rnams kyi chos nyid 'di ni 'dug pa'o zhes bya ba nas/ gang 'di chos nyid dang / chos gnas pa nyid dang / chos nges par gyur pa nyid dang / rten cing 'brel par 'byung ba nyid dang /de bzhin nyid dang / ma nor ba de bzhin nyid dang / gzhan ma yin pa nyid dang / gzhan ma yin pa de bzhin nyid dang / yang dag pa nyid dang / bden pa kho na dang / ma nor ba nyid dang / phyin ci ma log pa nyid ces bya ba la sogs pa 'di gsungs te/ bcom ldan 'das byams pa'i bka' yin no/ /gal te chos ma 'ongs pa rnams rten cing 'brel par 'byung ba ma yin no zhes bya ba ni mu dang po ni chos ma 'ongs pa rnams so zhes gang bshad pa yin no//mdo dang 'gal lo zhes bya ba ni skye ba dang rga shi dag rten cing 'brel bar 'byung ba nyid ma yin par 'gyur ba zhig na/ ma rig pa nas rga shi'i bar ni yin par yang bshad do/ /yang na zhes bya ba rgyas par 'byung ba ni 'on te skye ba dang rga shi'i yan lag dag kyang rten cing 'brel par byung ba yin par 'dod na ni de gnyis ma 'ongs pa'i dus su rnam par gzhag par mi 'dod par bya dgos pa'i phyir/sngon dang phyi mthar gnyis gnyis dang / bar du brgyad ces bya ba cha gsum du dgod pa rnam par nyams par 'gyur ro//sde pa gzhan dag na re zhes bya ba ni sa ston pa rnams so/ /'byung ba'i 'dus byas kyi mtshan nyid yin pa'i phyir ro zhes bya ba ni sde pa gzhan dag gis rten cing 'brel par 'byung ba zhes bya ba'i 'byung zhes bya ba gang yin pa ste/ gsum po 'di dag ni 'dus byas kyi mtshan nyid yin te/'dus byas la ni skye ba yang mngon no/ /'jig pa dang gnas pa gzhan dag tu 'gyur ba yang mngon no zhes bya ba 'dus byas kyi mtshan nyid bshad pa gang yin pa de rtag pa yin par brtags pa de ni 'dus byas kyi mtshan nyid yin pa'i phyir na mi rtag pa yin no snyam du bsams pa yin no//gal te khyod mtshan nyid kyang rtag pa yin no zhes smras na/ de'i phyir dngos po gzhan rtag pa ni mi rtag pa'i mtshan nyid yin par yang mi rung ngo zhes bya ba smos te/ mya ngan las 'das pa'am/nam mkha' ni mi rtag pa 'ga'i mtshan nyid kyang ma yin te/ skye ba'i sngon rol na yang mtshan nyid yod pas su'i mtshan nyid yin/ mtshan gzhi zhig na yang gang gi yin te/ rung ba ma yin no/ /'byung ba zhes bya ba rgyas par 'byung ba ni 'byung ba zhes bya ba ni mdo sde pa'i lugs kyis ma byung ba las byung ba'i mtshan nyid yin te/chos skye ba de'i tshe de kho na'i yin na ji ltar 'bras chan dang / tshos par byed pa po dang bya ba'i mtshan nyid kyi 'brel pa yod pas 'bras chan tshos pa zhes bya ba ltar skye ba 'dus ma byas 'di khyod kyi gzhung lugs ltar na ma rig pa la sogs pa dang ci zhig 'brel/nam mkha' dang gzugs dag ni skye ba'i mtshan nyid kyi 'brel pa med pas gzugs kyi nam mkha' zhes mi bya'o/ /de bzhin du 'di ma rig pa la sogs pa dang ci zhig 'brel na gang gi phyir ma rig pa la sogs pa de dag rten cing 'brel par 'byung ba zhes brjod par 'gyur/tshig gi don kyang nus pa med par 'gyur ro zhes bya ba ni rten cing 'brel par 'byung ba zhes bya ba'i tshig gi don ni rkyen dang phrad nas 'byung ba yin na/de ji ltar rtag pa zhes kyang bya la rten cing 'brel par 'byung ba zhes kyang bya/ rten cing 'brel pa ni phrad pa'i don te zhes bya ba ni phrad pa ston par byed pa'i yin no zhes bya ba'i tha tshig go/ /e ti ni 'gro ba'i don to zhes bya ba ni skad kyi dbyings kyi don yin no//yongs su bsgyur ba'i phyir zhes bya ba ni skad kyi dbyings don du ma yin pa'i phyir ro/ /rten cing 'brel pa zhes bya ba nye bar bsgyur ba ni phrad pa ston par byed pa yin pas e ti zhes bya ba 'di 'gro ba'i don bor nas phrad pa'i don yin par 'gyur ro//pa da ni yod pa'i don to zhes bya ba ni pa da yod pa'i don yin no/ /des na zhes bya ba ni gtan tshigs so/ /dus sngar ste zhes bya ba'i rkyen yin te zhes bya ba ni byed pa po mtshungs pa dag la dus sngar zhes 'byung ba'i phyir ro/ /de ni skye ba'i sngon rol na 'ga' yang med ces bya ba ni mdo sde pa'i gzhung lugs ltar na'o//byed pa po med pa'i bya ba yang med do zhes bya ba ni byed pa po yod na bya ba rnam par 'jog pa'i phyir ro/ /'dir smras te zhes bya ba ni slob dpon gyis brda sprod pa pa'i klan ka 'di tshigs su bcad par bsdebs pa yin te/gal te 'byung ba'i sngon rol na phrad nas te phrad par 'gyur ro zhe na/ med phyir rung ba ma yin no/ /byed pa po med pa khrus la sogs pa'i bya ba byed pa ni ma mthong ngo / /gal te lhan cig ces bya ba ni 'on te rten cing 'brel pa zhes bya ba'i bya ba dang /'byung ba zhes bya ba'i bya ba lhan cig byed do snyam du sems na/ de lta na ni 'dir te zhes bya ba'i rkyen ma grub po/ /ci'i phyir zhe na/ sngon du byed phyir te/ byed pa po mtshungs pa dag la dus sngar te zhes 'byung ba'i phyir te zhes bya ba'i rkyen ni dus sngar bya ba yin no//de bas na ste zhes bya ba'i rkyen grub par mi 'gyur ro/ /yang skye na ni zhes bya ba ni skyes zin pa zhig yang skye bar rtogs na thug pa med par thal bar 'gyur te/ skad cig ma gnyis pa dang / gsum pa la yang yang dang yang du skye bas mtha' thug pa med par thal bar 'gyur ro//ci ste ma 'ongs pa zhig ces bya ba rgyas par 'byung ba ni ma 'ongs pa ni bdag nyid du ma red pa yin pas med pa bdag nyid du red par ma gyur pa'i dngos po ji ltar byed pa nyid du 'grub/ yang ji ltar/ byed po med pa'i bya ba 'grub//gang gi phyir de ltar yin pa de'i phyir sgra pa ste/ sgra rig pa'i ltar na gnas skabs gang skye ba kho bo cag kyang gnas skabs de nyid dang phrad nas zhes bya ba yin no/ /gnas skabs gang zhig ces bya ba ni 'di la gnas skabs gang yod pas na gnas skabs gang zhig go//skye ba la mngon du phyogs pa'i ma 'ongs pa ste zhes bya ba ni ma 'ongs pa thams cad skye ba ma yin gyi/ 'o na ci zhe na/ skye ba la mngon du phyogs pa ste/ skye bar 'dod pa zhes bya ba'i tha tshig go/ /gnas skabs de kho na ste/skye ba la mngon du phyogs pa'i gnas skabs kho na rkyen de dang phrad nas zhes bya'o/ /grub pa ma yin te zhes bya ba 'byung ba la/ 'di ni sgra pa rnams kyi yin pas sgra pa'i ste byed pa po dang bya ba rnam par 'jog pa'o/ /ci'i phyir zhe na/ skye bo bya ba byed pa po'i ngo bor brtags pa'i don las skye zhes bya ba bya ba'i ngo bor brtags pa gzhan nyid yin par ma mthong ba'i phyir ro//de lta bas na skye'o zhes bya ba dang / 'byung ngo zhes bya ba dang / brten nas zhes bya ba de lta bu la sogs pa dag la klan ka med do/ /'dir bshad pa zhes bya ba ni de dag gi grub pa'i mthas lugs ston par byed pa yin no//ji ltar med pa skye ba ltar/ /zhes bya ba rgyas par 'byung ba ni ji ltar dngos po med pa bdag nyid du ma red pa skye ba ltar/ med pa phrad pa'ang de dang 'dra/ /zhes bya ba'i tha tshig go/ /'on te bdag nyid du red zin pa skye'o zhes bya bar rtog na/skyes pa skye na mtha' thug med/ /skyes zin pa yang yang skye na ni thug pa med de mtha' thug pa med par thal bar 'gyur ro/ /'di ltar grangs can pa'i gzhung lugs kyi rjes su 'brangs na yod pa kho na skye'i med pa ni ma yin no zhes 'byung bas de'i dbang du byas te/'on te snga na yod na'ang rung / /zhes bya ba smos so/ /'on te zhes bya ba'i sgra ni gzhung lugs tha dad pa'i don yin te/ gal te khyod kyi phyogs yod pa skye'o zhes bya ba yin na kho bo cag gi yang yod pa skye ste bye brag tu smra ba'i lugs kyis ma 'ongs pa yod pa'i phyir dang /mdo sde pa'i lugs kyis kyang skyed par byed pa'i chos sa bon yod pa'i phyir ro/ /de'i phyir sngar phrad nas phyis skye bar 'gyur ba gang yin pa de ni skye ba'i sngon rol na 'ga' yang med ces bya ba 'di ci ste brjod/rnam pa gcig tu na gal te yod pa kho na skye na ni 'o na ni 'jim pa'i gong bu dang / dbyu gu la sogs pa la mi ltos par sngar bum pa rang las rab tu grub pa yod do zhes bya bar 'gyur ro/ /gzhan dag na re mtha' thug med//'on te snga na med na'ang rung / /zhes bya ba yin te/ ji ste mtha' thug pa med par gyur na mi rung bas med pa skye'o snyam du sems na yang / ji ltar med pa skye ba ltar/ /med pa phrad pa'ang de dang 'dra/ /zhes bya ba de nyid nye bar gnas pas kho bo cag gi phyogs grub pa yin no zhes snga ma bzhin du brjod par bya'o//byed pa po gcig gi bya ba gnyis ni dus sngar te zhes bya ba'i rkyen yin zhes gang smras pa de yang 'khrul par bstan pa'i phyir/ lhan cig pa la'ang de yod de//zhes bya ba rgyas par smos te/ bya ba dus mnyam pa la'ang ste/ /zhes bya ba'i rkyen mthong ste/ dper na/ mar me byung nas mun pa med/ /ces bya ba 'di la yang mun pa sngar mar me dang phrad la phyis med cing 'jig pa ma yin no zhes bya ba'i don to//'o na ci zhe na/ mun pa mar me dang phrad pa de nyid kyi tshe med par 'gyur ro/ /ji ste 'di ni de ma thag tu yin gyi cig car ni ma yin no snyam du sems na de'i phyir yang kha gdangs nyal bzhin zhes bya ba 'di smos te/ 'dir kha gdangs shing bgrad la phyis nyal ba ma yin no//'o na ci zhe na/ gang zhig kha gdangs shing nyal ba de la kha gdangs te nyal ba zhes bya'o/ /'on te 'di sngar kha gdangs la phyis nyal lo zhes bya bar/ 'dod na de'i phyir gal te phyis/ /btsums pa la yang ci phyir min/ /'ga' zhig kha gdangs nas de ma thag tu btsums te nyal ba gang yin pa de la kha gdangs te nyal lo zhes brjod par 'gyur ba zhig na/brjod pa'ang ma yin te/ de'i phyir gang zhig kha gdangs bzhin du nyal ba de la/ kha gdangs shing nyal lo zhes bya'o zhes bya ba shes so/ / gzhan dag ni zhes bya ba ni/ btsun pa dpal len to/ /rten cing 'brel pa ni zlos pa'i don yin zhes bya ba ni/ bya ba dang yon tan dag gi tshig sna tshogs kyis brjod par bya ba'i gzhi thams cad khyab par bya bar 'dod pa ni zlos pa ste/ rten cing 'brel bar zhes bya ba ni de dag ston par byed pa yin no//'gro zhing 'jig par rung ba ste mi sdod pa zhes bya ba'i tha tshig go/ /sam zhes bya ba'i nye bar bsgyur bas ni 'du ba'i don ston par byed do/ /u ta gong na yod pa'i ba da ni 'byung ba'i don te zhes bya ba ni skad kyi dbyings bsgyur ba'i phyir ro//tshogs pa de dang de na zhes bya ba ni rten cing 'brel par zhes bya ba zlos pa'i don yin pa nyid du ston to/ /'gror rung ba ste ngang gis 'jig pa'i chos rnams 'dus nas skye ba ni rten cing 'brel bar 'byung ba'o/ /gzugs la sogs pa ni lhan cig 'byung bar nges pas chos gcig pu skye ba ni 'ga' yang med de/'dod na dgra med rdul rdzas brgyad/ /ces bya ba nas/ sems dang sems byung nges lhan cig/ ces bya ba'i bar nges pa'i phyir ro/ /rtog pa 'di ni zhes bya ba rgyas par 'byung ba ni rten cing 'brel pa ni zlos pa'i don to zhes bya ba de lta bu la sogs pa'i rtog pa ni rten cing 'brel par 'byung ba'i mdo 'di kho na la rung gi mig dang gzugs rnams la brten nas mig gi rnam par shes pa skye'o zhes bya ba 'di la ji ltar btub te don du mi rung ba'i phyir mig la brten cing mig la brten nas zhes bya bar tshig bsdu ba ni mi srid kyi/mig dang gzugs rnams la brten cing phrad nas mig gi rnam par shes pa skye'o zhes bya ba'i don 'di yin par shes so/ /de'i phyir tshig gi don 'di ni rigs pa ma yin no zhes bya ba klan ka rgyas par smras pa gang yin pa de so na 'dug pa nyid do//ji lta zhe na/ byed pa po gcig gi bya ba gnyis ni dus sngar te zhes bya ba'i rkyen yin te/ khrus byas te bza'o zhes bya ba lta bu yin na sngar mig dang gzugs rnams dang phrad nas phyis skye bar 'gyur ba gang yin pa mig gi rnam par shes pa de ni skye ba'i sngon rol na 'ga' yang med la/byed pa po med pa'i bya ba yang med do zhes bya ba yin no/ /nges par gzung ba'i don du rnam grangs gnyis gsungs pa yin no/ /'di yod na zhes bya ba de tsam zhig brjod na ni ma rig pa yod pa 'ba' zhig gis 'du byed rnams 'byung ba ma yin gyi/gzhan yang yod na yin no zhes bya bar shes par 'gyur te/ dper na mig yod na mig gi rnam par shes pa 'byung ngo zhes bya ba mig kho na yod na zhes bya bar nges par gzung ba ma yin te/des na gzugs yod na 'byung ngo zhes bya bar shes par 'byung ngo zhes bya ba dang 'dra'o/ /'di skyes pas 'di skye'o zhes bya ba rnam grangs gnyis pa 'dis ni 'di kho na skyes pas 'di skye'i gzhan las ni ma yin no zhes rnam grangs gong ma nyid nges par 'dzin par byed pa yin no//yan lag brgyud par bstan pa'i phyir/ /zhes bya ba ni yan lag 'di ste/ ma rig pa'i yan lag yod na 'du byed kyi yan lag 'di 'byung ngo / /yan lag 'di ste 'du byed kyi yan lag 'di skyes pas rnam par shes pa'i yan lag 'di skye'o zhes bya ba yin te/yan lag gzhan dag brgyud pa'ang de dang 'dra bar brjod par bya'o/ /yang na tshe brgyud par zhes bya ba ci zhe na/ bstan pa'i phyir rnam grangs gnyis gsungs so zhes bya bar sbyar ro/ /mngon sum dang zhes bya ba rgyas par 'byung ba ni ma rig pa la sogs pa mngon sum dang /brgyud pa'i rgyun gyis rkyen gyi ngo bo bstan pa'i phyir rnam grangs gnyis gsungs pa yin te/ 'di yod pas 'di 'byung zhes bya bas ni mngon sum gyi rkyen gyi ngo bo ston to/ /'di skyes pas 'di skye'o zhes bya bas ni brgyud pa'o//de la mngon sum ni gang gi tshe ma rig pa'i mjug thogs su nyon mongs pa can gyi 'du byed 'byung ba yin no/ /brgyud pa ni gang gi tshe dge ba 'byung ba yin te/ dge ba'i gnas skabs na ma rig pa med pa'i phyir ro/ / gzhan yang ma rig pa 'du byed rnams kyi mngon sum gyi rkyen yin la rnam par shes pa la sogs pa'i ni brgyud pa yin te/ 'di skad du ma rig pa'i yan lag yod pas 'du byed kyi yan lag 'byung la 'du byed kyi yan lag 'di skyes pas brgyud pa'i ma rig pa'i rkyen can gyi rnam par shes pa skye'o zhes bshad pa yin te/de thams cad ni slob dpon gyi gzhung lugs yin no/ /gzhan dag na re dgag pa'i phyir ro zhes bya ba ni gnas brtan chos kyi dbyig go/ /rgyu med na dngos po mi 'byung zhes bya bas ni rnam grangs dang pos rgyu med par smra ba bkag pa yin no//rang bzhin dang skyes bu la sogs pa skye ba med pa dang ldan pa rtag pa las kyang chung zad kyang mi skye'o zhes bya bas ni rnam grangs gnyis pas so/ /slob dpon gyis rtog pa 'di la ni zhes bya ba rgyas par smos te/tshig snga ma smos pa don med par gyur zhes bya ba ni 'di yod na 'di 'byung ngo zhes bya ba 'di'o/ /smra ba gnyi ga dgag pa 'grub pa'i phyir zhes bya ba ni 'di skyes pas 'di skye'o zhes bya ba'i rnam grangs 'di kho nas rgyu yod pa nyid dang skye ba dang ldan pa'i rgyu yin pa nyid dang /rgyu med pa nyid dang rgyu rtag pa nyid du smra ba'i mtshan nyid can gnyis dgag pa 'grub pas de'i phyir rnam grangs snga ma don med par 'gyur ro/ /'o na ni gang la la dag ces bya ba rgyas par 'byung ba ni rgol ba gang la la dag bdag rten du gyur pa ste/ma rig pa'i rten du gyur pa yod pas 'du byed la sogs pa ste/ 'du byed dang rnam par shes pa dang ming dang gzugs la sogs pa 'byung zhing skye bar rtog par byed la ma rig pa la sogs pa ste/ ma rig pa dang 'du byed la sogs pa skyes pas de dag skye bar rtog par byed pa yod ces bya bar skabs dang sbyar ro//rgyu de'i phyir smra ba de dag gi rtog pa de bsal zhing dgag par nges par gzung ba 'di mdzad pa yin te bzlog pa mdzad pa yin no/ /ji lta zhe na/ gang zhig skyes pas zhes bya ba nas sdug bsngal gyi phung po chen po 'di 'ba' zhig yang dag par 'byung bar 'gyur zhes bya ba'i bar smras so//gang zhig skyes pas gang skye ba ni de nyid yod pas de 'byung gi gzhan bdag yod pas ni ma yin te/ 'di lta ste/ ma rig pa'i rkyen gyis 'du byed dag ni ma rig pa kho na yod pas 'du byed rnams 'byung gi gzhan yod pas ni ma yin la/de ltar na sdug bsngal gyi phung po chen po 'di 'ba' zhig yang dag par 'byung bar 'gyur ro zhes bya ba'i bar du de dang 'dra'o/ /ji lta zhe na/skye ba'i rkyen gyis rga shi dang / mya ngan dang / smre sngags 'don pa dang / sdug bsngal dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po 'di 'ba' zhig yang dag par 'byung bar 'gyur ba skye ba kho na yod pas rga shi la sogs pa 'byung gi/gzhan pa dag yod pas ni ma yin no/ /de lta ma yin te 'di skad du 'di yod pas 'di 'byung zhes brjod na ni bdag rten du gyur pas ma rig pa la sogs pa yod pas 'du byed rnams 'byung ngo zhes smra bar yang 'gyur ro//'on te yang 'di skyes pas 'di skye'o zhes bya bar rnam grangs gnyis pa kho na brjod par gyur na/ de lta na yang de kho na bzhin du ma rig pa la sogs pas 'du byed la sogs pa skye ba ni bden na/ bdag rten du gyur pa yod pas yin no zhes bya bar rtog par 'gyur te/de'i phyir gang zhig skyes pas skye ba de kho na yod pas de 'byung gi gzhan bdag rten du gyur pa yod pas ni ma yin no zhes bya bar rnam grangs gnyis kyis nges par 'dzin par mdzad pa yin no/ /slob dpon dag ces bya ba ni sngon gyi slob dpon rnams so//ma spangs pa bstan pa'i phyir dang / skye bar 'gyur ba bstan pa'i phyir ro/ /ma rig pa ma spangs shing yod na 'du byed rnams mi spong zhing 'byung ngo zhes bya bar rnam grangs dang pos ston to/ /de nyid skyes pas 'di skye bar 'gyur ro zhes bya ba ni gnyis pas ston to//skye ba ma spangs shing yod na rga shi la sogs pa mi spongs shing 'byung la/ de nyid skyes pas de dag skye bar 'gyur ro zhes bya ba'i bar du'ang de dang 'dra'o/ /gzhan dag na re gnas pa dang skye ba yang dag par bstan pa'i phyir ro//zer ro zhes zhes bya bas ni btsun pa dpal len na re de'i phyir rnam grangs gnyis gsungs so zhes zer ba yin te/ rgyu'i rgyun ni ji srid pa de srid du 'bras bu'i rgyun 'byung bar 'gyur zhes bya ba ni rnam grangs dang pos so/ /rgyu 'di skyes pas 'bras bu skye bar 'gyur zhes bya ba ni gnyis pas so//'byung ba'i dbang du mdzad pas yin/ /zhes bya ba ni dge slong dag khyed la rten cing 'brel par 'byung ba bshad do zhes gsungs pa'i skabs su gnas pa'i tshig tu thal ba ci zhig yod skabs la ci 'bab na 'di yod pas 'di 'byung ngo zhes bya ba 'dis ni rgyu'i rgyun ji srid gnas pa de srid du 'bras bu'i rgyun gnas pa bstan to zhes de ltar 'di'i gnas pa'i don yin par rjod par byed/bcom ldan 'das kyis kyang ci'i phyir rim pa mi mthun par gsungs par 'gyur te/skye ba ni dang por yin la gnas pa ni phyis yin te gnas pa ni skye ba la rag las pa'i phyir ro/ /sngar ni 'di skyes pas 'di skye'o/ /phyis ni 'di yod pas 'di 'byung ngo zhes brjod par bya dgos na/ de lta yang ma yin te de'i phyir de'i don ni de lta ma yin no//yang smras pa zhes bya ba ni btsun pa dpal len to/ /slob dpon gyis slar smras pa ni/ gal te mdo'i don de yin par gyur na zhes bya ba rgyas par 'byung ba la/ 'di yod pas 'di mi 'byung ngo zhes bya ba kho nar bka' stsal par 'gyur zhes bya ba ni dgag pa kho nas mi 'byung bar bstan na rigs pa'i ngo bo yin no zhes ston par byed do//sngar ni 'bras bu skye ba zhes bya ba ni 'jig pa ni skye ba sngon du 'gro ba can yin pa'i phyir sngar 'di skyes pas 'di skye'o zhes gsungs par 'gyur ba zhig go//mdo las skye ba'i rkyen gyis rga shi dang / mya ngan dang / smre sngags 'don pa dang / yid mi bde ba dang / 'khrug pa rnams 'byung ngo zhes gsungs pa de dag ni rga shis bsdus pa kho na yin te/ yan lag gzhan ma yin par khong du chud par bya'o//de la sems can dang sems can du mi bgrang ba'i yul yongs su gyur pa dang / lus yongs su gyur pa las de dag 'byung ste/ yid mi bde ba dang mtshungs par ldan pa'i rtog pa ni mya ngan no/ /mya ngan gyis kun nas bslang ba'i tshig tu smra ba ni smre sngags 'don pa'o//sdug bsngal dang yid mi bde ba dag ni bshad zin to/ /yid mi bde ba'i shugs zad pa ni 'khrug pa'o/ /gzhan dag na re yid mi bde ba ni mya ngan dang smre sngags 'don pa sngon du 'gro ba'i ngal ba yin no zhes zer ro//byis pa ni zhes bya ba rgyas par 'byung ba na byis pa ni so so'i skye bo'o/ /'du byed tsam zhes bya ba la tsam zhes bya ba smos pas ni bdag dgag pa'i don to/ /mi shes pas zhes bya ba ni ma rig pa ma 'dres pa ston par byed do/ / bdag tu lta ba dang nga'o snyam pa'i nga rgyal la mngon par zhen pa ni gnas pa'o/ /lus la sogs pa ste/ lus dang ngag dang yid dag gis bsod nams dang / bsod nams ma yin pa dang mi g.yo ba'i las rnam pa gsum rtsom ste/ tshe phyi ma la bde ba'i don du ni bsod nams zhes bya ba ni ma 'ongs pa'i tshe la bde ba'i don du 'dod pa na spyod pa'i las dge ba'o//bde ba dang bde ba yang ma yin sdug bsngal ba yang ma yin pa'i don du ni mi g.yo ba zhes bya ba ni bsam gtan gsum pa'i bar du ni bde ba'i don du gzugs na spyod pa'i dge ba'o//de yan chad ni bde ba yang ma yin sdug bsngal ba yang ma yin pa'i don du'o/ /tshe 'di la bde ba'i don du ni bsod nams ma yin pa zhes bya ba ni 'di la bde ba la ltos nas de byas kyi phyi ma la bde ba la ltos te ni ma yin no zhes bya ba'i tha tshig go//las kyi 'phen pa'i dbang gis te/ ji skad bshad pa'i las kyi 'phen pa'i dbang gis/ me 'bar ba 'gro ba'i tshul du dmyal ba la sogs pa'i 'gro ba de dang der 'gro bar 'gyur te/ dper na rtswa ring po la btang ba'i me 'bar ba 'gro'o zhes bya ba de bzhin du rnam par shes pa'i rgyun yang srid pa bar ma dang 'brel ba'i phyir srid pa bar ma'i rgyun gyis yul thag ring por yang 'gro ba de dang der 'gro'o//de ltar bshad na zhes bya ba ni gal te 'du byed kyi rkyen can gyis rnam par shes pa'i rgyun srid pa bar mar nying mtshams sbyor ba'i sems nas bzung ste/skye ba'i skad cig ma'i bar 'di thams cad yin te/ rnam par shes pa'i tshogs drug car 'du byed kyi rkyen can gyi rnam par shes pa yin par 'dod na/ rnam par shes pa'i yan lag bstan pa ste/gsum pa rnam par shes pa'i yan lag bstan pa las/ rnam par shes pa gang zhe na/ rnam par shes pa'i tshogs drug go zhes bshad pa de 'thad pa yin no/ /de lta ma yin te/ gal te 'du byed kyi rkyen can gyi rnam par shes pa rnam par shes pa'i tshogs drug gi rgyun yin par mi bzhed kyi nying mtshams sbyor ba'i sems kho na yin par bzhed par gyur na ni 'di las rnam par shes pa'i tshogs drug go zhes bshad par mi 'gyur gyi/'di skad du rnam par shes pa gang zhe na/yid kyi rnam par shes pa'o zhes brjod par bya dgos par 'gyur ro/ /nying mtshams sbyor ba'i skad cig ma la ni rnam par shes pa lnga 'byung ba med de/ 'chad dang mtshams sbyor 'dod chags 'bral/ /nyams dang 'chi 'pho skye ba rnams/ / yid kyi rnam shes kho nar 'dod/ /ces 'byung bas yid kyi rnam par shes pa kho nas nying mtshams sbyor bar byed pa'i phyir ro/ /rnam par 'byed pa las de skad bstan pa'i phyir ro zhes bya ba ni rten cing 'brel bar 'byung ba'i mdo las/ ming dang gzugs rnam par 'byed pa las ming gang zhe na/gzugs can ma yin pa'i phung po bzhi'o/ /gzugs gang zhe na/ gzugs gang yin pa ci yang rung ba zhes bya ba nas rgyas par gzugs gang yin pa dang / ming gang yin pa de gnyis ni ming dang gzugs zhes bya'o zhes de skad du bstan pa'i phyir ro//'dod pa'i sred pa'o zhes bya ba ni 'dod pa na spyod pa'i sred pa'o/ /bde ba la ni bsam gtan gsum pa dag tu'o/ /bde ba yang ma yin sdug bsngal yang ma yin pa la ni bsam gtan bzhi par ro//bde ba yang ma yin sdug bsngal yang ma yin pa la ni gzugs med pa'i sred pa'o zhes bya ba ni gzugs med pa na spyod pa'o/ /'dod pa la sogs pa nye bar len te zhes bya ba ni 'dod pa dang lta ba dang tshul khrims dang brtul zhugs dang bdag tu smra ba rnams nye bar len zhes bya ba'i tha tshig go//'dod pa'i yon tan lnga dag go zhes bya ba ni 'dod par bya ba yin pas 'dod pa'o/ /goms par bya ba yin pas yon tan no/ /'dod pa dag nyid yon tan yin pas 'dod pa'i yon tan to/ /de dag kyang gang zhe na/gzugs dang / sgra dang / dri dang / ro dang / reg bya dag yin no/ /lta ba ni drug cu rtsa gnyis kyi ste/ tshangs pa'i dra ba las ji skad 'byung ba bzhin no zhes bya ba ni lta ba de dag gi tshangs pa'i dra ba'i mdo bltas nas khong du chud par bya'o/ / khyi dang ba lang gi brtul zhugs la sogs pa zhes bya ba'i sgras ni ri dgas kyi brtul zhugs la sogs pa bsdu'o/ /gcer bu pa la sogs pa zhes bya ba la sogs pa zhes bya ba'i sgras ni spong ba dkar po la sogs pa bsdu'o/ /bram ze dang zhes bya ba rgyas par 'byung ba ni bram ze rnams ni dbyu gu dang g.yang gzhi'o//phyugs bdag rnams ni ral bu dang thal ba'o/ /kun du rgyu rnams ni dbyu gu gsum dang sgre bo'o/ /sogs pa zhes bya ba'i sgra gnyis kyis ni thod pa can la sogs pa thod pa thogs pa la sogs pa bsdu ste/de dag yang dag par len pa ni tshul khrims dang brtul zhugs yang dag par len pa'o/ /de la bdag tu smra ba yod pas na bdag tu smra ba'o zhes bya ba ni ji skad du dge slong ngam bram ze gang la la dag bdag go snyam du yang dag par rjes su lta ba na/yang dag par rjes su lta ba de dag thams cad ni phung po lnga po 'di dag kho na la zhes bya ba rgyas par gsungs pa lta bu yin no/ /gzhan dag na re bdag tu smra ba ni bdag tu lta ba dang / nga'o snyam pa'i nga rgyal yin no zhes zer ro// //bam po nyi shu rtsa drug pa/ bdag med pa'i phyir bdag tu smra ba nye bar len pa zhes bya ba'i smra ba zhes bya ba'i sgra nye bar bkod pa'i dgos pa ston par byed pa yin no/ /byis pa so so'i skye bo thos pa dang mi ldan pa zhes bya ba ni gang la sngon goms pa'i bag chags las byung ba skye nas thob pa'i shes rab med pa de ni byis pa'o//gang la rtogs pa las byung ba ste/ bden pa rtogs pa las byung ba med pa de ni so so'i skye bo'o/ /gang la lung las byung ba med pa de ni thos pa dang mi ldan pa'o/ / brtags pa'i rjes su lhung ba zhes bya ba ni ming ji lta ba dang / tha snyad ji lta ba de bzhin du rjes su song ba zhes bya ba'i tha tshig go/ /de dag ces bya ba ni 'dod pa la sogs pa'o/ /'dun pa dang 'dod chags zhes bya ba ni yul ma thob pa dag la don du gnyer ba ni 'dun pa'o//thob pa dag la ni 'dod chags te/ 'dod pa la sogs pa de dag la 'dun pa dang 'dod chags gang yin pa de nye bar len pa yin gyi/ /ji skad bshad nyid ma rig bcas/ /nyer len rnams te lha rnams gnyis/ /phye ba'i phyir ro zhes bya ba ni ma yin no snyam du bsams pa yin no//yang srid pa pa zhes bya ba ni yang srid pa'i 'bras bu can no/ /de ni 'dir srid pa yin no zhes bya ba ni de ni 'dir srid pa'i rang gi mtshan nyid de ngo bo nyid yin no zhes bya ba'i tha tshig go/ /rnam par shes pa 'jug pa'i tshul du zhes bya ba ni srid pa bar ma dang 'brel pa'i phyir me 'bar ba 'gro ba'i tshul du ma 'ongs pa'i skye ba ni skye ba ste//ming dang gzugs kyi ngo bo nyid yin pa'i phyir/ phung po lnga pa yin no/ /rga shi 'byung ste mdo las ji skad bstan pa lta bu'o zhes bya ba ni rga ba gang zhe na mgo sgre bor gyur pa dang /skye bo gang yin pa zhes bya ba rgyas par 'byung ba dang / shi ba gang zhe na/ sems can de dang de dag gnas de dang de nas shi 'pho zhing 'chi ba gang yin pa zhes bya ba rgyas par 'byung ba yin no/ /'ba' zhig ces bya ba ni bdag dang bdag gi dang bral ba zhes bya ba'i don yin par ston to//sdug bsngal gyi phung po zhes bya ba ni sdug bsngal gyi tshogs so/ /chen po zhes bya ba ni thog ma dang tha ma med pa'o/ /bye brag tu smra ba'i lugs ni sngar bshad pa gang yin pa de kho na yin no zhes bya ba ni bcu gnyis dang ldan pa'i phung po lnga'i gnas skabs kyi yan lag bcu gnyis zhes bya ba yin no//rig pa ma yin pa gang yin pa'o/ /mig la sogs pa dag la yang thal bar 'gyur ro zhes bya ba ni mig dang rna ba la sogs pa yang ma rig pa yin par thal bar 'gyur te/de dag kyang rig pa ma yin pa'i phyir ro/ /ci yang ma yin par 'gyur zhes bya ba ni gal te ma rig pa rig pa med pa yin na rdzas su med par 'gyur ro zhes bya ba'i tha tshig go/ /de yang rigs pa ma yin no zhes bya ba ni rkyen gyi dngos por bstan pa'i phyir ro//de'i mi mthun pa'i phyogs zhes bya ba ni 'gal bar dgag pa yin no zhes ston par byed do/ /mdza' bo las gzhan pa gang yin pa yang ma yin zhes bya ba ni ma yin pa tsam ni ma yin no zhes ston par byed do/ / mdza' ba med pa yang ma yin no zhes bya ba ni med pa yang ma yin no zhes ston par byed do/ /chos ma yin pa dang / don ma yin pa dang / bya ba ma yin pa la sogs pa yang zhes bya ba la sogs pa zhes bya ba'i sgras ni rigs pa ma yin pa dang / tha snyad ma yin pa dang /mi ma yin pa la sogs pa bsdu'o/ /chos la sogs pa'i mi mthun par gyur pa zhes bya ba ni chos dang / don dang / bya ba dang / rig pa dang tha snyad dang mig la sogs pa'i mi mthun par gyur pa yin gyi chos la sogs pa las gzhan pa mig la sogs pa gang dag yin pa de yang ma yin la/chos la sogs pa med pa yang ma yin no/ /de bzhin du ma rig pa yang zhes bya ba rgyas par 'byung ba ni 'di ga las she na ma rig pa'i rkyen gyis 'du byed rnams zhes 'byung bas rkyen gyi dngos por bstan pa'i phyir dgra bcom pa rnams la 'du byed med pa'i phyir rig pa ma yin pa gzhan mig la sogs pa yang rkyen gyi dngos por bstan par rigs pa ma yin la rkyen ma yin pa'i phyir med pa ri bong gi rwa la sogs pa yang ma yin no//ma rig pa ni kun du sbyar ba nas sbyor ba'i bar yin par brjod do zhes bya ba ni mdo dag las ma rig pa'i kun du sbyor ba nas ma rig pa'i sbyor ba zhes bya ba'i bar gsungs pa yin no//med pa tsam ni de lta bu yin par 'os pa ma yin no zhes bya ba ni kun du sbyor ba la sogs pa yin par 'os pa ma yin no zhes bya ba'i tha tshig go//mig la sogs pa yang de lta bu yin par 'os pa ma yin no zhes de ltar skabs dang sbyar ro/ /de yang lta ba'i rang bzhin yin pas ma rig pa yin par mi rung ngo zhes bya ba ni lta ba dang ma rig pa dag kun du sbyor ba la sogs pa nyid du tha dad par 'byung ba'i phyir ro//'o na ni gang lta ba'i rang bzhin ma yin pa zhes bya ba ni shes rab 'dod chags la sogs pa dang mtshungs par ldan pa nyon mongs pa can gang yin pa'o/ /lta ba de dang mtshungs ldan phyir/ /zhes bya ba ni ma rig pa dang mtshungs par ldan pa'i phyir zhes bya ba'i tha tshig go//ji ltar na lta ba ma rig pa dang mtshungs par ldan zhe na/ 'di ltar ma rig pa'i mtshan nyid kyi rmongs pa ni nyon mongs pa'i sa mang po pa'i nang na 'byung la/ nyon mongs pa'i sa mang po pa thams cad kyang sa mang po pa rnams dang lhan cig mtshungs par ldan par 'gyur bas/'jig tshogs la lta ba la sogs pa'i lta ba shes rab kyi ngo bo nyid dang ma rig par mtshungs par ldan no zhes bya bar shes so/ /de lta bas na shes rab kyi rdzas gnyis mtshungs par mi ldan pa'i phyir ma rig pa ni shes rab ma yin no//ma rig pas nyon mongs pa can du gyur pa'i shes rab ni rnam par mi 'dag go zhes bya ba ni dper brjod pa'i tshul gyis ma rig pa shes rab las don gzhan du gyur pa yin par ston to//shes rab de nyid shes rab kyi nye ba'i nyon mongs pa yin par yang rigs pa ma yin zhes bya ba ni shes rab kyi nye ba'i nyon mongs pa yin par bstan pas ma rig pa shes rab las don gzhan du gyur pa yin te/ nye ba'i nyon mongs pa nyid du bstan pa'i phyir 'dod chags bzhin no//de'i phyir ji ltar sems kyi nye ba'i nyon mongs pa 'dod chags rigs tha dad pa gzhan yin pa ltar zhes bya ba rgyas par smos so/ /'dres na rnam par mi 'dag ces bya ba ni shes rab nyon mongs pa can bar bar du 'byung ba dang 'dres na skad cig ma gzhan las byung ba'i shes rab dge ba rnam par mi 'dag go zhes bya ba'i tha tshig go//gdon mi za bar 'dod chags kyis kun nas dkris pa yin nam ci zhes bya ba ni 'dod chags dang mtshungs par ldan pa yin nam zhes bya ba'i tha tshig go/ /de ni 'dod chags kyis de ltar nye bar bcom pa yin zhes bya ba ni 'dod chags kun du spyod pas ma yin gyi/de ni bag chags bzhag pas nye bar bcom pa yin la rnal 'byor pa bag chags de ste gnas ngan len de rnam par bzlog par ni sems de rnam par grol bar 'gyur ro//de bzhin du ma rig pas nye bar nyon mongs pa can du gyur pa'i shes rab rnam par mi 'dag ces bya ba ni de'i phyir shes rab ma rig pa yin yang nyes pa med do zhes ston par byed do/ /yongs su rtog pa la ni su zhig zlog /ces bya ba ni de ni rtog pa tsam du zad de/lung la mi ltos pa yin no zhes bya bar ston to/ /gang yang nyon mongs pa thams cad ma rig pa yin no snyam du sems pa zhes bya ba ni btsun pa dpal len to/ /'di snyam du ma rig pa zhes bya ba 'di ni nyon mongs pa thams cad spyi'i ming yin gyi/'dod chags la sogs pa'i nyon mongs pa ma gtogs par ma rig pa ni med do snyam du sems so/ /ci'i phyir snyam du sems she na/ sangs rgyas kyis tshe dang ldan pa gsus po che chen po rab tu mi shes shing rab tu mi shes te de lta bas na ma rig pa zhes bya'o zhes gsungs pa'i mdo de'i phyir te/nyon mongs pa 'jig tshogs la lta ba la sogs pa yang log par 'dzin pa'i phyir mi shes pa'i rang gi ngo bo ni yin no/ /de'i yang 'di nyid kyis zhes bya ba rgyas par 'byung ba ni btsun pa de'i yang dag pa smos pa 'di nyid kyis brtsal zhing bkag pa yin te/de'i gzhung lugs zhes bya ba zhig khong nas dbyung ngo / /ji lta zhe na/ smras pa/ nyon mongs pa thams cad kyi rang bzhin yin na kun du sbyor ba la sogs pa'i nang du yang logs shig tu bshad par mi 'gyur te/ kun du sbyor ba lhag ma dang tha mi dad pa'i phyir rjes su chags pa'i kun du sbyor ba la sogs pa'i nang du ma rig pa'i kun du sbyor ba zhes logs shig tu bshad par mi 'gyur zhing /'dod chags kyi 'ching ba dang zhe sdang gi 'ching ba zhes gsungs nas/ gti mug gi 'ching ba zhes bya ba dang /'dod pa'i 'dod chags kyi phra rgyas zhes bya ba la sogs pa gsungs nas/ ma rig pa'i phra rgyas zhes bya ba dang / chu bo dag gi nang du ma rig pa'i chu bo zhes bya ba dang / sbyor ba dag gi nang du ma rig pa'i sbyor ba zhes bya ba logs shig tu bshad par yang mi 'gyur ba zhig na rjes su chags pa'i kun du sbyor ba la sogs pa'i nang du yang ma reg pa'i kun du sbyor ba la sogs pa bshad do//ci'i phyir phan tshun mtshungs par ldan pa med ce na/ lta ba dang lta bar ram/ 'dod chags dang 'dod chags su mtshungs par ldan pa ni med do//ma rig pa ni nyon mongs pa'i sa mang po pa nyid yin pas lta ba la sogs pa dang mtshungs par ldan par yang bshad de/ sa mang po pa'i ni mtshungs par ldan par nges pa'i phyir ro/ /sems kyang ma rig pas nye bar nyon mongs pa can du gyur pa kho nar bshad par 'gyur te/ma rig pas nye bar nyon mongs pa can du gyur pa nyid smos pa kho nas 'dod chags la sogs pas nye bar nyon mongs pa can du gyur pa nyid grub pa'i phyir 'di skad du 'dod chags kyis nye bar nyon mongs pa can du gyur pa'i sems zhes ni bshad par mi 'gyur ro//'on te bye brag tu bya ba'i phyir de skad du bshad do zhes bya bar 'dod na zhes bya ba ni 'dod chags dang khong khro ba dang / nga rgyal gyis zhes nyon mongs pa thams cad smos par thal na mi rung bas 'dod chags kyi mtshan nyid kyi ma rig pas nye ba'i nyon mongs pa can du gyur pa ni mi 'dag go zhes khyad par du bya dgos par 'gyur ro//gal te 'dod pa yin no zhe na/ 'o na ni sems la yang khyad par du brjod par mi 'gyur gyi/'di skad du ma rig pas nye bar nyon mongs pa can du gyur pa'i sems ni rnam par mi 'dag go zhes bya ba kho na zhig brjod par bya ba yin par 'gyur ro/ /gsal ba dang shes rab dang ye shes zhes bya ba ni don gcig go/ /ma rig pa la ji lta ba de kho na bzhin du skyon du 'gyur ro zhes bya ba ni yang mi gsal ba zhes bya ba'i don gang yin gsal ba ma yin pa don gang yin pa'o//mig la sogs pa dag la yang thal bar 'gyur ro/ /'o na ni gsal ba med pa yin no/ /de lta na ni ci'ang ma yin par 'gyur te rigs pa ma yin no zhes bya ba yin no//'on te gsal ba'i mi mthun pa'i phyogs su gyur pa chos gzhan zhig yin no zhe na yang ma rig pa la ji lta ba de bzhin du de ci yin pa 'di mi shes so/ /chos rnams bstan pa de lta bu yang yod de zhes bya ba rgyas par 'byung ba ni las kyis rab tu phye ba de lta bu zhes bya ba'i tha tshig go//de lta bas na ma rig pa'i ngo bo nyid ni rig pa'i mi mthun pa'i chos gsal ba ma yin pa de 'ga' zhig yod de/ de'i las ni rig pa dang mi mthun pa nyid yin no zhes las kyi byed pa las shes par bya'o//dper na mig gang zhe na gzugs dang ba mig gi rnam par shes pa'i rten gang yin pa'o zhes bya ba la gzugs dang ba zhes bya ba go 'di bstan pa ngo bo nyid kyis rab tu phye ba ma yin nam zhe na ma yin te/ mngon sum ma yin pa'i phyir dang / rtag tu mig gi rnam par shes pa'i rjes su dpag par bya ba yin pa'i phyir ro/ /nga'o snyam du sems can 'jug pa zhes bya ba'i don 'di ni mi shes pa yin te/ gnas brtan des kyang 'di'i brjod par bya ba ni dmigs ma phyed do//mdo sde pa rnams kyis ni 'jug pa zhes bya ba ma rig pa rnam pa gzhan zhig yin par brjod do/ /mdo las gsungs pa gang yin pa de yin no zhes bya ba rgyas par 'byung ba la/ btsun pa chos skyob kyi bsam pa ni sred pa la sogs pa logs shig tu bstan pa'i phyir 'jug pa zhes bya ba 'di ni ma rig pa rnams kyi rnam pa gzhan zhig smos pa yin no snyam pa yin no//slob dpon gyis bshad pa/ 'jug pa de yod kyang / mdo las 'jug pa bshad pa yod kyang ngo / /gcig gi tshig smos pa ni de'i rigs bstan pa'i phyir ro//de ma rig pa 'di yin no zhes bya ba 'di ga las te ma rig pa yin no zhes bya ba 'di gtan tshigs gang gis yongs su chod/ btsun pa chos skyob kyis rang gi bsam pa dgrol ba'i phyir 'di ltar 'di nyon mongs pa gzhan yin no zhes brjod par mi nus pa'i phyir ro zhes bya ba smos so//ci'i phyir mi nus she na/ sred pa dang / lta ba dang / nga'o snyam pa'i nga rgyal rnams logs shig tu bshad pa'i phyir ro/ /slob dpon gyis nga rgyal gzhan yang yod pa kho na ma yin nam zhes bya ba smos te/nga'o snyam pa'i nga rgyal las gzhan pa drug po dag las gang yang rung ba zhig ste 'jug pa zhes bya ba ni de yin gyi/ ma rig pa ni ma yin no snyam du bsams pa yin no/ /'di la dpyad par chad na brjod pa mang por 'gyur zhes bya ba ni ma rig pa'i yan lag 'di la dpyad par chad na gzhung mang por 'gyur te/ji skad bshad pa lta bu yin no/ /de lta bas na 'di ni gzhag ste de tsam kho nas chog go/ /yang na nga rgyal gzhan kho na yin gyi ma rig pa ni ma yin no zhes bya ba 'di ga las zhes bya ba de lta bu la sogs pa dpyad par chad na lan dang yang lan smos pas brjod pa mang por 'gyur te/de lta bas na dpyad pa 'di ni gzhag go zhes bya ba'i tha tshig go/ /yang ming dang gzugs zhes bya ba ni ma rig pa'i yan lag bstan zin pa'i 'og tu 'du byed kyi yan lag yin la/de'i 'og tu yang rnam par shes pa'i yan lag bstan par bya dgos na/ ci ste 'di dag las 'das nas nye bar 'god ce na/ /'di nyid ni slob dpon gyis/ /bshad zin 'chad par 'gyur ba gzhan/ /zhes 'chad par 'gyur ro//gzugs ni rgya cher bshad pa yin no zhes bya ba ni/ gzugs ni dbang po lnga dang don/ /lnga dang rnam rig byed min nyid/ /ces bya ba der ro/ /ming dang dbang po dang don gyi dbang gis zhes bya ba ni ming gi dbang dang / dbang po'i dbang dang don gyi dbang gis gzugs la sogs pa'i don rnams la gzhol bas na ming ngo //ming gang gi dbang gis she na zhes bya ba ni ming rnam pa gnyis yod pa'i phyir 'dri ba yin no/ /slob dpon gyis 'jig rten na grags pa gang yin pa ste zhes bya ba 'di rgyas par smos te/ba lang dang rta zhes bya ba ni spyi go bar byed pa yin no/ /gzugs dang ro zhes bya ba ni don gcig go bar byed pa yin no/ /de lta bas na tshor ba la sogs pa'i phung po bzhi ni ming zhes bya ba'i sgrar brjod de/ 'di ltar ming de'i dbang ste ming du 'dogs pa'i dbang gis don mngon sum ma yin pa dag la yang ming 'di'i don ni 'di yin no zhes gzhol zhing 'jug par 'gyur ro//dbang po don gyi dbang gis ni gzugs la sogs pa mngon sum dag la gzhol bar 'gyur te/ skye'o zhes bya ba'i tha tshig go//don gyi dbang gis ni ming la yang 'di'i ming ni 'di'o zhes gzhol bar 'gyur ro/ /de yang ci'i phyir ming nyid yin zhe na zhes bya ba ni ming du 'dogs pa'i mtshan nyid kyi ming de yang rgyu gang gis ming nyid yin zhe na/ don de dang de dag la ming de gzhol bar byed pa'i phyir ro zhes bya ba ni 'di ltar don de dag la phung po bzhi'i mtshan nyid kyi ming gzhol bar byed cing 'jug par byed pas de lta bas na 'di ni ming nyid yin te/gzhol bar byed pas ni ming nyid yin pa'i phyir ro/ /'dir lus bor nas zhes bya ba rgyas par 'byung ba ni 'chi ba'i tshe lus bor nas/skye ba gzhan du gzhol ba'i phyir tshor ba la sogs pa gzugs can ma yin pa'i phung po rnams ni ming zhes bya ste ji skad du shi zhing dus byas pa de'i lus rul ba de nye du rnams kyis mes bsregs pa'am/ chur bskur ba'am/ sa'i 'og tu 'jug par 'gyur zhing rlung dang nyi ma dag gis yongs su zad pa dang / gtugs par 'gyur te/ sems zhes bya ba dang / yid ces bya ba dang / rnam par shes pa zhes bya ba dad pas yongs su bsgos pa dang / tshul khrims dang /thos pa dang / gtong ba dang / shes rab kyis yongs su bsgos pa gang yin pa de ni tshe phyi ma la gang du 'gro ba dang / khyad par du 'gro ba dang / mtho ris su 'gro bar 'gyur ro zhes gsungs pa lta bu yin no/ /skye mched drug ni bshad zin to zhes bya ba ni/de dag gi ni rnam shes rten/ /mig la sogs pa gzugs dang ba/ /rnam shes so sor rnam rig pa/ /yid kyi skye mched kyang de yin/ /zhes bya ba der ro/ /yid kyi dbang po 'gags pa go gzugs la sogs pa'i chos ma 'ongs pa 'byung bar 'gyur ba dang /yid kyi rnam par shes pa da ltar gyi dang / ji ltar 'du shes na/ rgyu dang 'bras bu'i dngos po gang yin pa ste/ rgyu ni yid kyi dbang po dang gzugs la sogs pa'i chos so/ /'bras bu ni yid kyi rnam par shes pa'o/ / 'bras bu gcig pa'i don zhes bya ba ni 'bras bu gcig pa nyid don yin pas 'bras bu gcig pa'i don te 'bras bu gcig pa nyid ces bya ba'i tha tshig go/ /ji ltar 'bras bu gcig pa'i don yin zhe na/ smras pa/ yid kyi dbang po la sogs pa gsum po de thams cad kyang reg pa bskyed par bya ba la mthun zhing rjes su mthun pa yin no//chos kyi rnam grangs drug ces bya ba ni 'di la drug tshan drug yod pas na drug tshan drug pa ste/ nang dang phyi dang rnam par shes pa dang / reg pa dang / tshor ba dang /sred pa dang / drug yod pa'i phyir ro/ /khungs ni reg pa'i tshogs drug ces bya ba yin te/ gzhan pa nyid ma yin na dbang po dang don dang rnam par shes pa dag bshad zin pas/ reg pa'i tshogs drug ces bzlas par yang mi 'gyur te/ de'i phyir drug tshan drug nyid nyams par 'gyur ro//tshor ba dang sred pa dag kyang chos kyi skye mched las logs shig na yod par 'gyur du 'ong zhes bya ba ni gal te logs shig tu bstan pa'i phyir logs shig na yod par 'gyur na ni tshor ba dang sred pa dag kyang chos kyi skye mched las logs shig tu bstan pas tshor ba dang sred pa de gnyis kyang chos kyi skye mched las gzhan yin par 'gyur ba zhig na/de gnyis ni chos kyi skye mched kyi nang du 'dus pa'i phyir logs shig na yod par yang mi 'dod do/ /de ni nyes pa med de zhes bya ba rgyas par 'byung ba ni ji skad bshad pa de ni nyes pa med de/de dag las ma gtogs pa ste/ tshor ba dang sred pa las ma gtogs pa chos kyi skye mched 'du shes la sogs pa'i ngo bo nyid kyang yod pa'i phyir te yod pa yin pa'i phyir ro/ /de lta bur med do zhes bya ba rgyas par 'byung ba ni 'di skad du gsum 'dus pa ni reg pa yin no zhes smra ba khyod kyi ltar na de lta bur reg par gyur pa gsum las logs shig na med kyang dgos pa'i dbang gis mdo 'di las lhag ma gang zhig la reg pa'i tshogs drug go zhes smos su rung ba reg par gyur pa dbang po dang don dang rnam par shes pa gsum las reg par gyur pa dbang po dang don dang rnam par shes pa gzhan gsum ni med do//de lta bas na tshor ba dang sred pa dag ni logs shig na med du zin kyang gdul bya'i don gyi dbang gis logs shig tu bstan par rigs kyi/'dus pa tsam reg pa yin par smra ba khyod kyi ltar na ni dgos pa gang gis kyang reg pa'i tshogs drug ces logs shig tu bstan par rigs pa ma yin te/ 'di ltar reg pa'i tshogs drug ces smos pas dbang po dang don dang rnam par shes pa gsum bshad zin pa'i phyir de rnams mi smos par 'gyur ro//de'i phyir/ chos kyi rnam grangs drug tshan drug /ces bya ba mi 'grub par 'gyur ro/ /kho bo'i ltar na ni reg pa dang tshor ba dang sred pa drug tshan smos kyang de rnams las ma gtogs pa'i chos kyi skye mched la sogs pa'i don dang /dbang po dang rnam par shes pa'i drug tshan yod pa'i phyir 'grub ste/ de lta bas na reg pa drug tshan zhes logs shig tu bstan pa'i phyir reg pa zhes bya ba sems dang mtshungs par ldan pa'i chos gzhan zhig yod do zhes bya bar grub po//ji ste mdo 'di las/ nang gi drug dang phyi yi drug /ces 'byung bas dbang po dang don dang rnam par shes pa med pa dag kyang bstan te/ de'i phyir dbang po dang yul dang rnam par shes pa gsum reg par gyur pa zhes bya ba 'di lhag ma bstan pa'i phyir 'di las reg pa'i tshogs drug ces smos pa yin no zhes smra bar gyur na/lan 'di dgag pa'i phyir 'di brtsams te/ gal te rnam par shes pa med pa'i dbang po dang don dag yod du zin kyang ste/ de dang mtshungs pa dag ces bya ba'i tha tshig go//dbang po dang don med pa'i rnam par shes pa ni med de/ rnam par shes pa ni gdon mi za bar dbang po dang / don dang bcas pa yin la rnam par shes pa de yang 'di las rnam par shes pa'i tshogs drug ces 'byung bas bstan zin to/ / de lta bas na rnam par shes pa ni tshogs drug ces 'byung ba'i phyir dbang po dang don dang rnam par shes pa gsum bstan zin pas yang reg pa'i tshogs drug ces reg pa smos zin pa smos pa ni don med par 'gyur ro/ /de'i phyir reg pa ni 'dus pa las gzhan yin no zhes bya bar grub po//'dir slob dpon dpal len gyis mig dang gzugs thams cad kyang mig gi rnam par shes pa thams cad kyi rgyu ma yin zhes bya bar rgyas par smos te/ thams cad kyang ma yin zhes bya ba ni mig dang gzugs sngar byung ba dag rgyu yin gyi rnam par shes pa dang lhan cig 'byung ba dag ni ma yin pa'o//mig gi rnam par shes pa thams cad kyang 'bras bu ma yin zhes bya ba 'di mig dang gzugs sngar byung ba dag gi phyis byung ba yin gyi lhan cig 'byung ba dag gi ni ma yin pas de'i phyir reg pa'i tshogs drug ces 'byung ba'i mdo 'di las gang dag rgyu dang 'bras bu'i dngos po yin pa'i rnam par shes pa dang dbang po dang yul de dag reg pa'i dngos por rnam par gzhag go zhes zer te 'di ni gzhan du bstan pa ma yin no//de skad du mi 'don to zhes bya ba ni de skad du 'don par mi byed do zhes bya ba'i tha tshig go/ /'o na ji skad du 'don zhe na chos 'di dag 'brel pa dang / 'dus pa dang / tshogs pa las byung ba gang yin pa de ni reg pa'o zhes 'don to//yang na ni 'di/ rgyu la 'bras bu btags pa yin/ /zhes bya ba ni rgyu 'brel cing 'dus la tshogs pa la 'bras bu reg pa btags te/ dper na/ sangs rgyas rnams ni 'byung ba bde/ /zhes bya ba lta bu'o/ /'di la rgyu skye ba'i rnam pa ha cang mang por 'phro ba yod pas/rgyu skye ba'i rnam pa ha cang mang por 'phro ba yin no/ /tshig bla dgas zhes bya ba ni ming yin no zhes bya ba 'dis lhag par brjod pas na tshig bla dgas te tshig ni ming la 'jug la/ ming gis ni don rjod par byed pas tshig bla dgas ni ming yin no//ming de lhag par te phal cher yid kyi rnam par shes pa dang mtshungs par ldan pa 'di'i dmigs pa yin pas de'i phyir tshig bla dgas kyi 'dus te reg pa zhes bya'o zhes grag ste/ reg pa dang 'dus te reg pa zhes bya ba ni gcig go//yid kyi rnam par shes pas sngon po yang rnam par shes zhes bya ba ni brjod par bya ba yang rnam par shes so zhes bya ba'i tha tshig go/ /sngon po'o zhes bya bar yang rnam par shes zhes bya ba ni don 'di'i ming ni 'di yin no zhes bya bar rnam par shes pa'o//gcig ni rten gyis rab tu phye ba yin/ /zhes bya ba ni dang po ni rten gyis rab tu phye ba yin te/ thogs pa'i rten can gyi reg pa'am thogs pa'i reg pa ni thogs pa'i reg pa yin no/ /dmigs pas rab tu phye ba yin/ / zhes bya ba ni tshig bla dgas kyi dmigs pa can nam tshig bla dgas la reg pa ni tshig bla dgas kyi reg pa yin no/ /tshig gi dbang du byas nas zhes bya ba ni tshig gi dbang du byas shing tshig nges par gzung nas gzugs la sogs pa'i don rnams la yid kyi rnam par shes pa 'jug gi lnga po mig gi rnam par shes pa la sogs pa ni tshig gi dbang du byas nas don rnams la 'jug pa ma yin te/de'i phyir yid kyi rnam par shes pa de nyid tshig bla dgas yin te tshig la 'jug pa ni tshig bla dgas zhes bya'o/ /de dang mtshungs par ldan pa'i reg pa ni tshig bla dgas kyi reg pa ste/des ni reg pa gnyis pa 'di ni mtshungs par ldan pas rab tu phye ba yin zhes bya'o/ /rig pa dang ma rig pa dang gzhan reg ces bya ba ni rig pa dang ma rig pa dang gzhan ni rig dang ma rig dang gzhan reg ste/ rig pa dang /ma rig pa dang / de gnyis las gzhan pa zhes bya ba'i tha tshig go/ /rig pa zhes bya ba ni zag pa med pa'i shes rab po/ /ma rig pa ni nyon mongs pa can gyi shes rab po/ /rig pa yang ma yin ma rig pa yang ma yin pa ni shes rab dge ba zag pa dang bcas pa gang yin pa dang /ma bsgribs la lung du ma bstan pa'i shes rab gang yin pa ste/ reg pa de dag kyang go rims bzhin du rig par bya'o/ /ma rig pa'i reg pa zhes bya ba rgyas par 'byung ba ni ma rig pa'i reg pa nyon mongs pa thams cad dang mtshungs par ldan pa yang dang yang kun du 'byung zhing rtag tu kun du 'byung ba ni phyogs gcig yin te de smos pas reg pa gnyis su 'gyur te gnod sems dang rjes su chags pa'i reg pa yin no//bde ba myong 'gyur la sogs gsum/ /zhes bya ba ni bde ba myong ba'o//bde ba myong bar rung ba ni bde ba myong bar 'gyur ba'o/ /yang na 'di la bde ba myong bar 'gyur ba yod pas na bde ba myong bar 'gyur ba'o/ /'di dag la de dag la sogs pa yod pas na bde ba myong bar 'gyur ba la sogs pa'o/ / bde ba dang mthun pa'i phyir zhes bya ba ni bde ba'i tshor bar bya ba dang mthun pa ni bde ba myong bar 'gyur ba'o/ /yang na de myong bar bya ba'am myong bar nus pa zhes bya ba la/ myong bar bya ba zhes bya ba ni las tsam du ston to/ /myong bar nus pa zhes bya ba ni 'os par ston pa yin no//de dag ni rig pa bcu drug yin no zhes bya ba ni mig gi 'dus te reg pa nas yid kyi 'dus te reg pa'i bar du drug dang / yang thogs pa'i reg pa dang / tshig bla dgas kyi reg pa dang / rig pa dang ma rig pa'i reg pa dang / rig pa yang ma yin ma rig pa yang ma yin pa'i reg pa dang /reg pa gnyis po gnod sems dang / rjes su chags pa'i reg pa dang / reg pa gsum po bde ba myong bar 'gyur ba dang / sdug bsngal myong bar 'gyur ba dang / bde ba yang ma yin sdug bsngal ba yang ma yin pa myong bar 'gyur ba'i rig pa dang bcu drug go//reg pa bshad zin to/ /tshor ba brjod par bya ste zhes bya ba la tshor ba la yang tshor ba myong ba zhes bshad ma zin nam/ 'on te bshad zin pa yang 'chad na ni/ bshad zin pa 'chad par 'gyur ba gzhan zhes 'byung bas bshad zin pa gang yin pa dang /'chad par 'gyur ba gang yin pa de ni mi bshad do zhes bya ba 'di brjod par mi bya'o zhe na/ rnam par ston pa'i phyir nyes pa med de/ sngar ni mtshan nyid bshad la/ da ni rnam pa 'chad pa yin no//skyes zin pa la zhes bya ba rgyas par 'byung ba ni bskyed par bya ba'i chos skyes zin pa la ni skyed par byed pa'i chos kyi nus pa med de lhan cig skyes pa'i phyir ro/ /dam bcas pa dang bye brag med/ /ces bya ba ni sgrub pa 'di dam bcas pa dang khyad par med do zhes bya ba'i tha tshig go//gal te sgrub pa dam bcas pa dang khyad par med pa nyid ni mi 'dod na 'o na ni phan tshun du skyed par byed par thal bar 'gyur ba'i phyir te/ ci zhe na/ ji ltar na lhan cig 'byung ba gnyis skyed par byed pa dang bskyed par bya ba'i dngos por 'grub ces bya bar skabs dang sbyar ro//'dis ni lhan cig 'byung ba gnyis la bskyed par bya ba dang / skyed par byed pa'i dngos po yod do zhes dam bca' ba ni sngar khas blangs pa dang 'gal lo zhes dam bcas pa'i skyon rjod par byed pa yin no/ /'dod pa'i phyir nyes pa med do zhes bya ba ni sngar khas blangs pa ston par byed do//'dod pa 'di ni mdo las mi bzhed ces bya ba ni chos mngon pa las/ lhan cig 'byung gang phan tshun 'bras/ /zhes 'byung ba'i 'dod pa 'di ni mdo las mi bzhed pa yin no/ /de bstan pa'i phyir mig gi 'dus te reg pa la brten nas mig gi 'dus te reg pa las byung ba'i tshor ba skye zhes bya ba smos so//mdo tshad mar byed pas phan tshun 'bras bu yin pa bcom nas lhan cig 'byung ba dag la rgyu dang 'bras bu'i dngos po gzhom par 'dod nas skyed par byed pa'i chos dang 'gal ba'i phyir yang rigs pa ma yin zhes bya ba smos te/skyed par byed pa'i chos ni gang 'dus pa tha dad pa 'di yin par grags te/ dper na sa bon snga la myu gu 'phyi ba zhes bya ba de lta bu la sogs pa yin no/ /de la yang dbang po dang don dag snga la rnam par shes pa'i phyi zhes bya ba ni skad cig ma dang po la dbang po dang don dag byung la rnam par shes pa ni skad cig ma gnyis pa la'o zhes bya ba yin no//'o na ni myu gu dang grib ma dag ji ltar zhes bya ba ci zhe na/lhan cig 'byung ba dag la bskyed par bya ba dang skyed par byed pa'i dngos po ste/ myu gu ni skye ba kho na'i tshe grib ma skyed par byed kyi/ skad cig ma dang po la myu gu grib ma med par 'byung la/ skad cig ma gnyis pa la grib ma dang bcas pa ni ma yin pa ltar reg pa dang tshor ba dag kyang de dang 'dra'o//grib ma dang myu gu 'di gnyis kyi rgyu yang tshogs pa snga ma yin no zhes brjod par lta nus te/ don 'di ni lhan cig 'byung ba'i rgyu bstan par bshad zin pas yang mi brjod do/ / gzhan dag na re reg pa'i 'og tu tshor ba 'byung ngo zhes zer ro zhes bya ba ni btsun pa dpal len to/ /gsum 'dus pa de ni reg pa yin no zhes bya ba ni skyed par byed pa dang / skyed pa'i dngos po gang yin pa'o/ /skad cig ma gsum pa la tshor ba 'byung ngo zhes bya ba ni dbang po dang don ni skad cig ma dang po yin no//rnam par shes pa dang skye ba ni skad cig ma gnyis pa yin no/ /tshor ba skye ba ni skad cig ma gsum pa yin no/ /rnam par shes pa thams cad la tshor ba yod par yang mi 'gyur zhes bya ba ni rnam par shes pa'i skad cig ma gnyis pa la tshor ba med pa'i phyir ro//rnam par shes pa thams cad reg pa yin par yang mi 'gyur/ skad cig ma snga ma ste gnyis pa la reg pa rnam par gzhag pa'i phyir tshor ba'i skad cig ma gsum pa la rnam par shes pa reg pa ma yin no//reg pa phyi ma la yod pa'i tshor ba reg pa snga ma'i rgyu las byung ba yin no/ /da ltar skad cig ma gnyis par reg pa'i ngo bor bshad pa gang yin pa de la yod pa'i tshor ba ni reg pa snga ma'i rgyu las byung ba ste/ skad cig ma dang po'i rnam par shes pa'i rgyu can du byung ba yin la gzhan la yod pa'ang reg pa de sngon du 'gro ba yin pas de ltar rnam par shes pa thams cad la tshor ba yod par 'gyur ro//rnam par shes pa thams cad kyang reg pa yin no zhes bya ba ni reg pa de dag kyang tshor ba dang bcas pa yin pas so//dmigs pa tha dad pa dag ces bya ba rgyas par 'byung ba ni 'di dag la dmigs pa tha dad pa yod pas 'di gnyis ni dmigs pa tha dad pa dag ste/ snga ma'i dmigs pa ni gzugs so/ /phyi ma'i ni sgra'o/ / dmigs pa tha dad pa de gnyis reg pa phyi ma sgra la dmigs pa la yod pa'i tshor ba reg pa snga ma'i rgyu las byung ba ste/ gzugs la dmigs pa'i rgyu can 'byung ngo zhes bya ba de ni rigs pa ma yin no/ /ji ltar zhes bya ba ni nyes pa ston pa yin te/ rigs mi 'dra ba la dmigs pa'i reg pa las byung ba'i tshor ba ste/gzugs kyi rnam pa la dmigs pa'i reg pa las byung ba'i tshor ba gzhan la dmigs par 'gyur zhing sgra la dmigs par 'gyur te/ rgyu ma tshang ba'i phyir 'bras bu mi 'byung ngo / /gang gi tshe gzugs la dmigs pa'i reg pa las byung ba'i tshor ba gzugs la dmigs pa kho na'i tshor bar byung bar 'gyur ba de'i reg pa phyi ma la yod pa'i tshor ba reg pa snga ma'i rgyu las byung ba yin no zhes bya bar rigs kyi/gang gi tshe gzugs la dmigs pa la sgra la dmigs pa'i tshor ba 'byung ba de'i tshe 'di ji ltar rung ste/'bras bu ni 'jig rten na rgyu dang mthun par snang ngo / /'on te gzugs la dmigs pa'i reg pa las byung ba'i tshor ba ni sgra la dmigs pa'i reg pa dang mtshungs par ldan yang gzugs la dmigs par 'gyur ro zhes bya bar 'dod na yang de'i phyir yang na sems gang dang mtshungs par ldan pa de las gzhan pa la dmigs par 'gyur zhes bya ba 'di smos te/sgra la dmigs pa'i sems de las gzhan pa la dmigs pa ste/gzugs la dmigs pa gang las skyes pa de dang dmigs pa mtshungs zhes bya ba'i tha tshig go/ /'di de dang mtshungs par ldan pa zhes kyang 'di skad brjod de/ 'dra bar ldan pa ni mtshungs par ldan pa yin no/ /gal te rten mtshungs pa'i phyir ro zhe na/ji ltar rna ba'i rten can du gyur pa gzugs la dmigs par 'gyur/ ji ltar mi 'gyur zhe na/ sems dang sems las byung ba rnams ni rten dang lhan cig yul gcig la 'jug pa'i phyir ro/ /de lta bas na tshor ba ni gang la dmigs su zin kyang nyes pa yod par rab tu bstan te/re zhig gal te gzugs la dmigs pa'i reg pa las byung ba'i tshor ba dmigs pa gzhan sgra la dmigs na yang gzugs la dmigs pa'i reg pa de bde ba myong bar 'gyur ba nas bde ba yang ma yin sdug bsngal ba yang ma yin pa myong bar 'gyur ba zhes bya ba'i bar du mi 'gyur te/tshor ba dang dmigs pa gcig pa'i phyir de ltar bstan par rung ngo / /'o na ni de'i tshe zhes bya ba rgyas par 'byung ba ni gal te de ltar nyes pa yod na 'o na ni de'i tshe ste/gang gi tshe zhe na sgra la dmigs pa'i tshe reg par gyur pa'i rnam par shes pa tshor ba med pa yin la sgra la dmigs pa de'i snga rol gyi rnam par shes pa tshor ba dang bcas pa gang yin pa de ni reg pa ma yin te/ de ltar na nyes par mi 'gyur ro//de lta ma yin te gal te sngar byung ba'i rnam par shes pa tshor ba dang bcas pa reg pa yin par gyur na de lta na ni reg pa'i rkyen gyis tshor ba yin pas ji skad bshad pa'i nyes par 'gyur ro/ /yang ci'i phyir rnam par shes pa cung zad cig ni tshor ba dang bcas pa yin la cung zad cig ni reg pa ma yin zhe na/rkyen ma tshang ba'i phyir ro/ /rkyen ma tshang ba ni gegs byed par gnas te/ mtshungs pa de ma thag pa'i rkyen thams cad tshor ba'i rkyen gyis reg par gyur pa'i rnam par shes pa skyed par nus pa ni ma yin no//de lta na de'i lugs kyis dmigs pa tha dad pa'i rnam par shes pa ni gcig tu tshor ba med pa yin la de skyed par byed pa ni reg par gyur pa ma yin no/ /gal te gzugs la dmigs pa'i mig gi rnam par shes pa'i mjug thogs su gzugs la dmigs pa kho na'i mig gi rnam par shes pa'am/yid kyi rnam par shes pa skye na de ni tshor ba dang bcas pa yin la mig gi rnam par shes pa sngar skyes pa de yang reg pa yin no/ /de lta yin na zhes bya ba dang sa mang po'i nges pa nyams pa yin zhes bya ba ni reg pa dang tshor ba dag rnam grangs kyis yod pa'i phyir ro//sa ni gsum ste zhes bya ba la/ rtog pa dang bcas shing dpyod pa dang bcas pa ni 'dod pa'i khams dang bsam gtan dang po'o/ /rtog pa med la dpyod pa tsam ni bsam gtan khyad par can no//rtog pa'ang med dpyod pa'ang med pa ni bsam gtan gnyis pa nas srid pa'i rtse mo'i bar ro/ /dge ba'i sa ni chos dge ba ste/ mi dge ba dang / lung du ma bstan pa yang de dang 'dra'o/ / slob pa'i sa ni slob pa'i zag pa med pa'i chos rnams so/ /mi slob pa'i sa ni mi slob pa'i zag pa med pa'i chos rnams so/ /slob pa yang ma yin mi slob pa yang ma yin pa'i sa ni zag pa dang bcas pa'i chos rnams so/ /sems las byung ba'i skabs yin pa'i phyir 'dus ma byas ni 'dir mi smos so//de la gang dag sa 'di dag na yod pa zhes bya ba rgyas par 'byung ba la zhes bya ba ni tshig gi phrad do/ /gang dag ces bya ba ni sems las byung ba gang dag go/ /sa 'di dag thams cad na yod pa zhes bya ba ni rtog pa dang bcas shing dpyod pa dang bcas pa'i sa nas slob pa yang ma yin mi slob pa yang ma yin pa'i sa'i bar na yod pa de dag ni sa mang po pa tshor ba dang sems pa la sogs pa ji skad bshad pa yin no//gang dag dge ba kho na la yod pa de dag ni dge ba'i sa mang po pa yin te dad pa la sogs pa'o//gang dag nyon mongs pa can kho na la yod pa de dag ni nyon mongs pa'i sa mang po pa yin te/ ma rig pa la sogs pa ji skad bshad pa kho na'o//ci rigs par zhes bya ba rgyas par 'byung ba ni gzhan dag na re sa mang po pa la sogs pa de dag kyang gang dag gang na yod pa de dag de na rnam grangs kyis yin gyi/ thams cad cig car ni ma yin no zhes zer te/ dper na tshor ba lta bu sa thams cad na yod kyang 'du shes dang sems pa dang reg pa dang yid la byed pa la sogs pa dang cig car ma yin la reg pa yang tshor ba la sogs pa dang de dang 'dra ba dang /de bzhin du dge ba la rnam par rtog pa la sogs pa yang zhes bya ba de lta bu la sogs pa'o//gzhan dag ni 'di skad du 'di ni phung po lnga las ji skad du bris pa de bzhin du gzung bar bya'o zhes zer te/ 'di lta ste/ 'dun pa gang zhe na/ bsam pa'i dngos po la 'dod pa ste/ ma bsams pa la 'dun pa med do snyam du bsams pa yin no//mos pa gang zhe na/ nges pa'i dngos po la de kho na bzhin du nges par 'dzin pa'o/ /dran pa gang zhe na 'dris pa'i dngos po la mi brjed pa ste/ sems kyi mngon par brjod pa nyid do/ /ting nge 'dzin gang zhe na/ brtag par bya ba'i dngos po la sems rtse gcig pa nyid do//shes rab gang zhe na/ de nyid la rab tu rnam par 'byed pa ste/ rig pa dang ma rig pas bskyed pa dang / de las gzhan pa'o zhes bya ba lta bu la sogs pa phung po lnga'i gzhung las 'byung ba yin par blta'o//de las ni tshor ba dang / 'du shes dang / reg pa dang / yid la byed pa dang / sems pa dang lnga ni kun du 'gro ba'o/ /'dun pa dang / mos pa dang / dran pa dang / ting nge 'dzin dang / shes rab dang lnga ni yul so sor nges pa'o zhes bya ba de lta bu la sogs pa bshad do//mi dge ba'i sa mang po rnams ni 'don pa'i zhar la da khong nas drangs zhes bya ba ni mdo la sogs pa las dge ba dang / mi dge ba zhes 'byung bas de skad du 'don pa'i zhar la khong nas drangs te/phyis khong nas phyung ngo zhes bya ba'i tha tshig go/ /rab tu byed pa'i rkang pa las ni ma bton te sa mang po pa rnams dang / dge ba'i sa mang po pa rnams dang / nyon mongs pa'i sa mang po pa rnams dang / nyon mongs pa chung ngu'i sa mang po pa rnams so zhes rnam pa bzhi zhig 'byung ngo //lhan cig skyes pa zhes gsungs kyi reg pa dang lhan cig skyes pa zhes ni ma gsungs na zhes bya ba ni khyad par mdzad pa'i phyir tshor ba la sogs pa 'di dag phan tshun lhan cig skyes pa yin gyi reg pa dang ni ma yin no zhes bya ba'i don du yongs su bzung nas mdo'i lan gdab par bya'o zhes bya ba'i tha tshig go//byams pa dang lhan cig par gyur pa zhes bya ba ni lhan cig ces bya ba ni sgra 'di cig car 'byung ba la bya bar nges pa med kyi/ de ma thag pa la yang mthong ngo / / byams pa dang dran pa yang dag byang chub kyi yan lag ni phrad pa med de/ byams pa ni gcig tu zag pa dang bcas pa yin pa'i phyir la/ dran pa yang dag byang chub kyi yan lag ni gcig tu zag pa med pa yin pa'i phyir ro/ /de lta bas na 'di ni khongs su mi rung ngo //'dres pa yin zhes bya ba ni lhan cig skyes pa yin no snyam du bsams pa yin no/ /mdo de nyid las zhes bya ba ni gang kho na las/ tshor ba gang yin pa dang sems pa gang yin pa dang 'du shes gang yin pa zhes bya ba rgyas par 'byung ba'i mdo de las zhes bya ba'i tha tshig go//de mi shes so zhes bya ba rgyas par 'byung ba ni ci re zhig 'di tshor ba la sogs pa de dag gi dmigs par nges shing dmigs pa la nges pa ste/ dmigs pa gang kho na myong bar byed pa de kho na rnam par shes pas rnam par shes par byed pa'i bar zhig yin nam/'on te skad cig ma nges pa ste/ skad cig ma gang kho na la tshor bar byed pa de kho na la rnam par shes par byed pa'i bar yin zhe na/ bdag ni 'di dmigs pa la nges pa yin no zhes smra ste/ de lta bas na mdo dang mi 'gal lo snyam du bsams pa yin no/ /slob dpon gyis mdo de nyid las tshe dang drod dag lhan cig pa la 'dres pa zhes gsungs pa'i phyir skad cig ma nges pa yin par grub po zhes bya ba smos te/ tshe dang drod dang chos 'di gnyis ni 'dres pa yin gyi/ma 'dres pa ni ma yin no zhes 'byung bas/ tshe dang drod dag lhan cig skyes pa nyid du bshad pa yin te/ de gnyis kyis dmigs pa ni med pa'i phyir ro/ /de lta bas na 'di skad du tshor ba dang 'du shes dang sems pa dang rnam par shes pa rnams ni gdon mi za bar lhan cig 'byung ba yin te/mdo de las lhan cig 'dres pa yin par gsungs pas bshad pa'i phyir tshe dang drod lta bu'o zhes bsgrubs pa yin no/ /de yang ji ltar na zhes bya ba rgyas par 'byung ba ni/de yang ji ltar rnam par shes pa ni yod la dbang po dang yul dang rnam par shes pa gsum 'dus pa ma yin te/ de lta bas na rnam par shes pa yod phan chad gdon mi za bar 'dus pa yin par khas blang bar bya dgos la/ 'dus pa yang khyod kyi ltar na reg pa yin no//des na rnam par shes pa thams cad reg pa yin yang mi 'gyur zhes bya ba dang / yang na 'dus pa yin la reg pa ma yin zhes bya ba 'di 'gal lo/ /yid bde ba'i bar rgyu ba drug /ces bya ba rgyas par 'byung ba ni mig gis gzugs mthong nas yid bde ba'i gnas lta bu'i gzugs rnams la nye bar rgyu'o//rna bas sgra dag thos nas yid bde ba'i gnas lta bu'i sgra rnams la nye bar rgyu'o zhes bya ba nas de bzhin du yid kyi chos dag rnam par shes nas yid bde ba'i gnas lta bu'i chos rnams la nye bar rgyu'o zhes bya ba dang /de bzhin du mig gis gzugs dag mthong nas yid mi bde ba'i gnas lta bu dang / btang snyoms kyi gnas lta bu zhes bya ba rgyas par sbyar bar bya'o/ /gsum du 'gyur zhes bya ba ni yid bde ba dang mi bde ba dang btang snyoms kyi ngo bo nyid rnam pa gsum yin pa'i phyir ro//gcig tu 'gyur zhes bya ba ni yid kyi rnam par shes pa tsam dang mtshungs par ldan pa'i phyir ro/ /drug tu 'gyur zhes bya ba ni gzugs la sogs pa'i yul drug tha dad pa'i phyir ro//gsum kar yang rnam par gzhag ste zhes bya ba ni tshor ba'i rdzas yid kyi rnam par shes pa dang mtshungs par ldan pa gang yin pa ni gcig yin no/ /de yid bde ba la sogs pa'i ngo bo nyid gsum tha dad pa'i sgo nas ni rnam pa gsum du dbye'o//de yang yul drug so sor tha dad pa'i sgo nas ni rnam pa drug tu dbye bas bco brgyad yin no/ /ngo bo nyid gzhag pa med na yid bde ba dang / yid mi bde ba dang / btang snyoms kyi nye bar rgyu ba zhes bya bar mi 'gyur ro/ /mtshungs par ldan pa gzhag pa med na yid kyi nye bar rgyu ba zhes bya ba de lta bur yang mi 'gyur la/bco brgyad de las gzhan pa zhig yin par yang 'gyur ro/ /dmigs pa gzugs la sogs pa yul drug rnam par gzhag pa med na yid bde ba la sogs pa las rnam pa drug tha dad pa'i sgo nas yid kyi nye bar rgyu ba bco brgyad ces bya bar mi 'gyur ro//de lta bas na gsum kar gzhag go zhes bya bar grub po/ /ma 'dres pa la dmigs pa zhes bya ba ni dmigs pa ma 'chol ba can yin no/ /chos la nye bar rgyu ba gsum ni gnyi ga yin zhes bya ba gang dag gzugs la sogs pa'i yul lnga las ma gtogs pa chos la dmigs pa'i chos la nye bar rgyu ba de dag ni ma 'dres pa la dmigs pa yin no//gang dag gzugs la sogs pa'i yul drug las gnyis dang / gsum nas/yul drug gi bar la dmigs pa de dag ni 'dres pa la dmigs pa yin no/ /yid la brten nas rgyu ba'i phyir ro zhes grag ces bya ba la/ grag ces bya ba'i sgra ni gzhan gyi gzhung lugs ston par byed pa yin te/ yid la brten cing gnas nas yul dag la nye bar rgyu ba'i phyir ro zhes grag ste/dmigs pa'i phyir ro zhes bya ba'i tha tshig go/ /nye bar rgyu bar byed ces bya ba ni 'jug par byed pa'o/ /ji lta zhe na/ tshor ba'i dbang gis yid yul dag la yang dang yang du rnam par rgyu ba'i phyir zhes bya ba smos te/nye bar zhes bya ba'i sgra'i don yang dang yang du zhes bya ba yin no/ /nye bar rgyu bar byed pa'ang ma yin no zhes bya ba ni nges par rtog par byed pa ma yin zhes bya ba'i tha tshig go/ /mi rung ngo zhes bya ba ni mi srid pa'o/ /gal te yid kyi nye bar rgyu ba yid kho na la brten pa yin na bsam gtan gsum pa'i bde ba gang yin pa de kho na la brten gyi mig gi dbang po la sogs pa la brten pa ma yin na/ci'i phyir yid kyi nye bar rgyu ba'i nang dag tu ma smos she na/ dang po 'dod pa'i khams na zhes bya ba rgyas par smos te/dang po ni dang po na'o/ /'dod pa'i khams na yid kyis pa'i bde ba med de/ de lta bas na de ni yid kyi nye bar rgyu ba ma yin no/ /de'i phyir lhag ma bsam gtan gsum pa na bde ba'i dbang po yid la brten pa nyid yin yang yid kyi nye bar rgyu ba'i nang du ma smos so//ji ltar yid bde ba'i nye bar rgyu ba'i mi mthun par yid mi bde ba'i nye bar rgyu ba yod pa de ltar bde ba'i nye bar rgyu ba'i mi mthun pa'i sdug bsngal gyi nye bar rgyu ba med de/ sdug bsngal ni yid kyi rnam par shes pa la mi brten pa'i phyir ro/ / de'i phyir bde ba de ni thams cad du yid kyi nye bar rgyu ba ma yin no/ /grag ces bya ba ni gzhan gyi gzhung lugs yin pa'o/ /yid bde ba'i gnas lta bu zhes bya ba ni yid bde ba skyed par byed pa'o/ /rnam par shes pa lngas zhes bya ba rgyas par 'byung ba ni mig gis gzugs dag mthong nas zhes bya ba rgyas par 'byung ba de ni rnam par shes pa'i tshogs lngas mngon par bsgrubs shing bskyed pa nyid la dgongs shing thugs la gzhag ste gsungs par zad kyi 'di dag ni yid kyi sa pa yin te dper na mi sdug pa lta bu sngar rnam par bsngos pa la sogs pa mthong ba'i phyir/mig gi rnam par shes pas mngon par bsgrubs pa'ang yid la mnyam par gzhag pa yin pa'i phyir yid kyi sa pa yang yin pa bzhin no/ /gzhan yang zhes bya ba ni mig gis gzugs dag mthong nas zhes bya ba nas/lus kyis reg bya dag reg nas zhes bya ba'i bar du gsungs pa'i phyir de ni klan kar mi rung ngo / /gal te mig gis gzugs dag lta ba na yid bde ba'i gnas lta bu'i gzugs rnams la nye bar rgyu'o zhes bya ba nas lus kyis reg bya dag la reg pa na zhes bya ba'i bar du gsungs par gyur na ni klan kar yang rung ba zhig na de skad du'ang ma gsungs pas de ni klan kar mi rung ba nyid do//gang gis ma mthong ba nas zhes bya ba rgyas par 'byung ba ni gang gis gzhan las thos nas yid nye bar rgyu ba de yang de'i yid kyi nye bar rgyu ba yin no/ / gzhan du na zhes bya ba rgyas par 'byung ba ni 'dod pa'i khams su skyes pas gzugs la sogs pa mngon sum du ma byas pa'i phyir gzugs kyi khams la dmigs pa dag kyang gzugs la sogs pa la nye bar rgyu ba yin par mi 'gyur la gzugs kyi khams su skyes pa 'dod pa'i khams la dmigs pa dag kyang dri dang ro dang reg bya la nye bar rgyu ba yin par mi 'gyur te/dri la sogs pa ni de'i yul ma yin pa'i phyir ro/ /ji ltar ches gsal ba de ltar bshad ces bya ba ni gzugs la sogs pa'i dmigs pa'i mngon sum du byas pa'i yid kyi nye bar rgyu ba rnams ni ches gsal ba yin pa'i phyir ro//gang gzugs dag mthong nas de dang lhan gcig 'byung ba'i sgra rnams la nye bar rgyu ba de yang de'i yid kyi nye bar rgyu ba ni yod mod kyi ji ltar mi 'chol ba de ltar bshad do/ /ji ltar na mi 'chol zhe na dbang po dang don rnam par chad pa'i sgo nas zhes bya ba smos te/mig la sogs pa'i dbang po rnam par chad pa dang / gzugs la sogs pa don rnam par chad pa'i sgo nas bshad pa yin no/ /de lta ma yin na mig gis gzugs dag mthong nas yid bde ba'i gnas lta bu'i sgra rnams la nye bar rgyu'o zhes bya ba de lta bu la sogs pa ni 'chol bar 'gyur ro//rgyud nges pas ni yod ces bya ba ni 'di ltar sems can 'ga'i rgyud la ltos nas ni la la yid bde ba'i gnas lta bu kho na yin pa nas btang snyoms kyi gnas lta bu kho na'i bar du ni yin no//dmigs pa ni ma yin no/ /ci zhe na nges pas so/ /ci'i phyir zhe na/ dmigs pa de nyid la la'i yid bde ba'i gnas lta bu yin la/ la la'i ma yin no/ /de bzhin du gzugs dang gzugs med pa dang ldan pa'i bar zhes bya ba ni du zhig ni gzugs kyi khams dang ldan pa yin/de dag las kyang du zhig gi dmigs pa ni ci zhig yin/ du zhig ni gzugs med pa'i khams dang ldan pa yin/ de dag las kyang du zhig gi dmigs pa ni ci zhig yin zhes bya ba'o// //bam po nyi shu rtsa bdun pa/ 'dod na thams cad rang dmigs can/ /zhes bya ba ni 'dod pa na ni yid kyi nye bar rgyu ba 'dod pa na spyod pa bco brgyad po thams cad yod la de dag thams cad kyi dmigs pa yang 'dod pa'i khams de nyid yin no/ /tshig le'ur byas pa'i tshig ni 'di dag la dmigs pa rang gi khams yod pas na rang dmigs can no zhes bya ba tshig rnam par sbyar ro//spyod yul gzugs can bcu gnyis so/ /zhes bya ba ni gzugs kyi khams ni 'dod pa na spyod pa'i nye bar rgyu ba bcu gnyis kyi spyod yul yin no/ /dri dang ro la nye bar rgyu ba drug ma gtogs zhes bya ba ni dri dang ro la dmigs pa'i yid bde ba'i nye bar rgyu ba gnyis ma gtogs pa dang /de dag kho na la dmigs pa'i yid mi bde ba'i nye bar rgyu ba gnyis ma gtogs pa dang / de dag kho na la dmigs pa'i btang snyoms kyi nye bar rgyu ba gnyis ma gtogs zhes bya ba yin no//ci'i phyir zhe na/ dri dang ro dang sna dang ni/ /lce yi rnam shes khams ma gtogs/ /zhes 'byung bas gzugs kyi khams de ni dri dang ro de gnyis med pa'i phyir ro/ /gong ma gsum gyi zhes bya ba ni khams gong ma ni 'dod pa na spyod pa'i yid bde ba dang /yid mi bde ba dang btang snyoms chos la nye bar rgyu ba gsum gyi dmigs pa yin te/ de na gzugs la sogs pa med pa'i phyir ro/ /bsam gtan ni gnyis na bcu gnyis zhes bya ba ni yid mi bde ba'i nye bar rgyu ba drug med pa'i phyir ro/ /rang la dmigs brgyad ces bya ba ni brgyad kyi dmigs pa yin no//dri dang ro la nye bar rgyu ba bzhi ma gtogs zhes bya ba ni yid bde ba dang / btang snyoms kyi nye bar rgyu ba dri la dmigs pa gnyis dang / ro la dmigs pa gnyis ma gtogs so zhes bya ba'i tha tshig ste/ de na de gnyis med pa'i phyir ro//gzugs med pa gnyis kyi ste zhes bya ba ni gzugs med pa'i khams ni bsam gtan dang po dang gnyis pa'i sa pa'i yid bde ba dang btang snyoms chos la nye bar rgyu ba dag gi dmigs pa yin te gzugs la sogs pa ni med pa'i phyir ro//btang snyoms kyi nye bar rgyu ba drug kho na yod kyi gzhan dag ni med do zhes bya ba ni btang snyoms kyi nye bar rgyu ba gzugs dang sgra dang dri dang ro dang reg bya dang chos la dmigs pa dag kho na yod do/ /bsam gtan gsum pa dang / bzhi pa ni yid bde ba'i nye bar rgyu ba rnams kyang med pa'i phyir ro//de na dri dang ro la dmigs pa dag ni 'dod pa na spyod pa'i dri dang ro la dmigs pa yin no zhes bya bar khong du chud par bya'o/ /de na ni bzhi'o zhes bya ba ni nam mkha' mtha' yas skye mched kyi nyer bsdogs te bar chad med pa'i lam gyi dmigs pa ni bsam gtan bzhi pa yin pa'i phyir la/de na yang gzugs dang sgra dang reg bya dang chos yod pa'i phyir ro/ /gang gi ltar na de rnam par chad pa la dmigs pa yod pa'i yin zhes bya ba ni slob dpon gang dag gi gzhung lugs kyis/ nam mkha' mtha' yas skye mched kyi nyer bsdogs de rnam par chad pa la dmigs shing gzugs la sogs pa so so la dmigs pa yin te/spyir mi dmigs pa zhes bya ba'i tha tshig go/ /slob dpon kha cig gi gzhung lugs ltar na ni/ bsam gtan bzhi pa la reg pa la sogs pa'i rnam par dmigs pa zhes bya ba yin no//slob dpon gang dag gi gzhung lugs kyis bzlums te dmigs pa kho na ste nam mkha' mtha' yas skye mched kyi nyer bsdogs de bsam gtan bzhi pa'i sa pa'i phung po lnga char la dmigs pa yin no zhes bya bar 'dod pa'i slob dpon de dag gi ltar na ni de na chos la nye bar rgyu ba'i 'dres pa la dmigs pa gcig kho na yod do//gong mar 'gro ba gcig ces bya ba ni gang gi phyogs/ gzugs med nye bar bsdogs na bzhi/ /zhes bya ba yin pa de dag gi phyogs yin no/ /gzugs med pa'i dngos gzhi rnams kyi ma yin zhes bya ba rgyas par 'byung ba ni gzugs med pa'i dngos gzhi rnams kyi dmigs pa ni khams 'og ma ma yin te/sa 'og ma pa'i zag pa dang bcas pa'i dngos po la mi dmigs so zhes bya ba'i tha tshig go/ /'og nas bshad par bya'o zhes bya ba ni/ gzugs med dngos gzhi dge ba yi/ /spyod yul zag bcas 'og ma min//zhes bya ba yin no/ /bsam gtan dang po dang zhes bya ba rgyas par 'byung ba ni bsam gtan dang po dang gnyis pa'i sa pa ni brgyad dang ldan no/ /bsam gtan gsum pa dang bzhi pa'i sa pa ni bzhi dang ldan no/ /gang dag dang zhe na/ smras pa/ dri dang ro la dmigs pa ma gtogs pa nyon mongs pa can rnams dang ste/de na dri dang ro med pa'i phyir ro/ /ji ltar na bsam gtan dang po dang gnyis pa dag na yid kyi nye bar rgyu ba bcu gnyis yod par bshad ce na/ yid bde ba dang btang snyoms kyi nye bar rgyu ba rnams kyi dmigs pa yul drug rnam par gzhag pa'i phyir ro//de la 'dod pa'i khams su skyes pa gzugs na spyod pa'i dge ba'i sems ma thob pa ni rang gi sa pa la dmigs pa yid bde ba'i nye bar rgyu ba gzugs dang sgra dang reg bya dang chos la dmigs pa nyon mongs pa can bzhi dang / btang snyoms kyi nye bar rgyu ba nyon mongs pa can bzhi po gang dag yin pa de dag kho na dang ldan pa ste/sa 'og mar skyes pa ni sa gong ma pa'i nyon mongs pa can rnams dang ldan pa yin no/ /nyon mongs pa can ma yin pa dri dang ro la dmigs pa bzhi dang ni ldan pa ma yin te/ de dag ni nyon mongs pa can ma yin pa'i phyir la/ gzugs na spyod pa'i dge ba'i chos ma thob pa'i phyir ni gzugs na spyod pa'i chos nyon mongs pa can ma yin pa ma thob pa yin pas de dag dang mi ldan no//btang snyoms kyi nye bar rgyu ba bsam gtan gsum pa dang / bzhi pa'i sa pa dag kyang drug kho nar bshad de/ de dag gang gis pa la dmigs pa nyon mongs pa can gang dag yin pa de dag dang ldan no//dri dang ro la dmigs pa gang dag yin pa de dag ni nyon mongs pa can ma yin te/ de'i phyir sngar bshad pa'i tshul kho nas de gnyis dang mi ldan no/ /nyon mongs pa can gcig kho na dang zhes bya ba ni nyon mongs pa can ma yin pa dang ni ma yin pa ste/dge ba ni med pa'i phyir ro/ /gzugs na spyod pa'i dge ba'i sems thob pa zhes bya ba rgyas par 'byung ba ni 'dod pa'i khams kho nar skyes pa gzugs na spyod pa'i dge ba'i sems mi lcogs pa med pas bsdus pa thob par 'dod pa'i khams las 'dod chags dang ma bral ba ni 'dod pa na spyod pa bco brgyad po thams cad dang yang ldan no//bsam gtan dang po'i sa pa ni bcu dang ldan zhes bya ba ji ltar bcu yin zhe na/ yid bde ba'i nye bar rgyu ba dri dang ro la dmigs pa ma gtogs pa nyon mongs pa can bzhi dang zhes bya ba smos te/ nyer bsdogs rnams ni btang snyoms kyi dbang po dang mtshungs par ldan pa yin pa'i phyir nyer bsdogs dag na ni yid bde ba'i nye bar rgyu ba rnams med do//de'i phyir yid kyi nye bar rgyu ba dngos gzhis bsdus pa rang gi sa la dmigs pa nyon mongs pa bzhi kho na dang ldan gyi dngos gzhi'i dge ba ma thob pas nyon mongs pa can ma yin pa'i rnyed pa med pa'i phyir dri dang ro la dmigs pa dag dang ni ma yin te/bsam gtan nyon mongs pa can 'og ma pa la dmigs pa ni med do/ /mi lcogs pa med pa'i sa pa'i btang snyoms kyi nye bar rgyu ba drug dang zhes bya ba 'dir ni khyad par med par brjod pa'i phyir btang snyoms kyi nye bar rgyu ba nyer bsdogs kyi bsdus pa nyon mongs pa bzhi char dang yang ldan la btang snyoms kyi nye bar rgyu ba dge ba 'dod pa'i khams la dmigs pa drug dang /rang gi sa la dmigs pa dag dang yang ldan no/ /bsam gtan gnyis pa dang / gsum pa dang / bzhi pa dang / gzugs med pa las skyes pa rnams dang ni snga ma bzhin no zhes bya ba ji lta bu zhe na/ 'dod pa'i khams su skyes pa de nyid gzugs na spyod pa'i dge ba'i sems thob la 'dod chags dang ma bral ba ni bsam gtan gnyis pa'i sa pa dri dang ro la dmigs pa ma gtogs pa nyon mongs pa can brgyad kho na dang ldan te/ma thob pa gang dag kho na dang ldan pa yin no/ /bsam gtan gsum pa dang bzhi pa'i sa pa ni dri dang ro la dmigs pa dag ma gtogs pa bzhi kho na dang ldan no/ /gzugs med pa na spyod pa ni nyon mongs pa can gcig kho na dang ldan no/ /srol 'dis te lam 'dis ni lhag ma yang khong du chud par bya'o//ji lta zhe na/ bsam gtan dang por skyes pa bsam gtan gnyis pa'i sa pa'i dge ba'i sems ma thob pa ni bsam gtan dang po'i sa pa thams cad dang ldan no/ /bsam gtan gnyis pa'i sa pa ni nyon mongs pa can brgyad dang ldan no/ / bsam gtan gsum pa dang / bzhi pa dang / gzugs med pa las skyes pa rnams dang ni snga ma bzhin no/ /bsam gtan gnyis pa'i sa pa'i dge ba'i sems thob pa de las 'dod chags dang ma bral ba ni bsam gtan dang po'i sa pa thams cad dang ldan no/ /bsam gtan gnyis pa'i sa pa ni brgyad dang ldan no//dri dang ro la dmigs pa dag ma gtogs pa yid bde ba'i nye bar rgyu ba nyon mongs pa can bzhi dang / btang snyoms nye bar rgyu ba bsam gtan gnyis pa'i nyer bsdogs kyis bsdus pa bzhi dang ldan no/ /bsam gtan gsum pa'i sa pa ni dri dang ro la dmigs pa dag ma gtogs par nyon mongs pa can bzhi dang ldan te/bsam gtan bzhi pa'i sa pa dag kyang de dang 'dra'o/ /gzugs med pa na spyod pa'i nyon mongs pa can gcig kho na dang ldan no/ /bsam gtan gsum pa'i sa pa'i dge ba'i sems thob pa de las 'dod chags dang ma bral ba ni bsam gtan gnyis pa'i sa pa thams cad dang ldan no//bsam gtan gsum pa'i sa pa ni dri dang ro la dmigs pa dag ma gtogs pa dang btang snyoms kyi nye bar rgyu ba nyon mongs pa can bzhi dang / btang snyoms kyi nye bar rgyu ba bsam gtan gsum pa'i nyer bsdogs kyis bsdus pa bzhi dang ldan no//bsam gtan bzhi pa dang gzugs med pa las skyes pa rnams dang ni snga ma bzhin no/ /'di ni phyogs yin te/ phyogs 'dis bsam gtan gsum pa dang bzhi pa dag tu skyes pa'i rang gi sa pa dang sa gong ma pa'i btang snyoms kyi nye bar rgyu ba nyon mongs pa can dang / dge ba dag kho na dag dang mi ldan pa yang ci rigs par sbyar bar bya'o//btang snyoms chos la nye bar rgyu ba zhes bya ba ni 'dod pa na spyod pa'i sprul pa'i sems ni btang snyoms dang mtshungs par ldan pa'i phyir ro/ /gzhan dag na re zhes bya ba ni bstan bcos mdzad pa 'di nyid yin no/ /gang zhig gang la 'dod chags dang bral ba de ni dmigs pa de la nye bar rgyu bar rigs pa ma yin no zhes bya ba rgyas par 'byung ba ni gang zag gang zhig gzugs la sogs pa gang las 'dod chags dang bral ba de ni gzugs la sogs pa'i dmigs pa de la nye bar rgyu ba ma yin no//ji ltar nye bar rgyu bar byed ce na/ de la rjes su chags par yang byed/ khong khro bar yang byed/ so sor ma brtags par btang snyoms su'ang byed pa ste zhes bya ba de lta bur ro/ /gang gi tshe so sor brtags te btang snyoms su byed pa de'i tshe ni gtod par mi byed pas dge ba nyid yin te/ de'i phyir so sor ma brtags par zhes khyad par du byas so/ /de lta bas na yid bde ba la sogs pa zag pa dang bcas pa dag kyang thams cad ni nye bar rgyu ba ni ma yin no//'o na ci zhe na/ kun nas nyon mongs pa pa rnams yin te/ kun nas nyon mongs pa dang mthun pa dag ste/ yid bde ba la sogs pa gang dag gis yid yul rnams la nye bar rgyu bar byed pa yin no/ /gang dag gi gnyen por rtag tu yod pa drug gnas pa zhes bya ba ni kun nas nyon mongs pa gang dag gi gnyen por rtag tu 'byung ba ni rtag tu yod pa ste gnas shing rnal 'byor gyi khyad par du byed pa yin pa ste de dag kyang drug go//ji lta zhe na/ bshad pa mig gis gzugs rnams mthong nas yid bde bar yang mi 'gyur te rjes su chags par yang mi 'gyur zhing yid mi bde bar yang mi 'gyur te/khong khro bar yang mi 'gyur la btang snyoms su gnas shing gtod par mi byed do/ /ji ltar gtod par mi byed cing so sor ma brtags par ram/ 'on te so sor brtags te zhe na/ khyad par du bya ba'i phyir dran pa dang ldan zhing shes bzhin du zhes bya ba smos te/dran pa dang mtshungs par ldan pa'i shes rab kyis yid la brjod cing zhes bya ba'i tha tshig go/ /de bzhin du yid kyis chos rnams shes nas zhes bya ba'i bar du zhes bya ba ni yul drug tha dad pa'i sgo nas rtag tu yod pa drug yin no/ / dgra bcom pa la yang med pa ma yin pas zhes bya ba ni dgra bcom pa la 'jig rten pa'i dge ba zag pa dang bcas pa'i chos la dmigs pa ste/ chos kyi skye mched drug la dmigs pa'am rtogs pa'i chos la dmigs pa'i yid bde ba yod de/ de sangs rgyas kyi rgyud la mnga' ba'i yon tan rnams mngon du byed pa na yid bde ba dge ba skye bas 'di ni dgag pa yin par mi rung ngo //'o na gang zhig ce na/ 'di ni kun nas nyon mongs pa'i yid kyi nye bar rgyu ba de dgag pa yin par mngon no/ /de lta bas na yid bde ba la sogs pa zag pa dang bcas pa dag kyang thams cad ni nye bar rgyu ba ma yin no zhes bya'o/ / 'di la btsun pa go cha mtha' yas na re/ de ni rigs pa ma yin no/ /ci'i phyir zhe na/ mdo las gzhan du bstan pa'i phyir te/ bcom ldan 'das kyis mdo las ni kun nas nyon mongs pa dag kho na yid kyi nye bar rgyu ba yin par ni ma bshad kyi/ 'di skad du dge slong dag de las yid bde ba'i nye bar rgyu ba drug po gang dag yin pa de dag la brten cing gnas te/yid mi bde ba'i nye bar rgyu ba drug po gang dag yin pa de dag spongs shig /dge slong dag de la btang snyoms kyi nye bar rgyu ba drug po gang dag yin pa de dag la brten cing gnas te yid bde ba'i nye bar rgyu ba drug po gang dag yin pa de dag spongs shig /dge slong dag btang snyoms ni gnyis te/ tha dad pa nyid la brten pa dang / gcig pa nyid la brten pa'o/ /dge slong dag de la gcig pa nyid la brten pa'i btang snyoms gang yin pa de la brten cing gnas te tha dad pa nyid la brten pa'i btang snyoms gang yin pa de yang spongs shig ces bshad de/de lta bas na mdo 'di dang sbyar na yid bde ba la sogs pa'i nye bar rgyu ba ni kun nas nyon mongs pa kho na ma yin no zhes bya bar shes so zhes zer ro/ /de ni khungs su mi rung ste/ spang bar gsungs kyang kun nas nyon mongs pa nyid yin par mi ldog go/ /gcig la brten nas cig shos spang bar gsungs su zin kyang yid kyi nye bar rgyu ba 'di dag kun nas nyon mongs pa nyid yin pa ni mi ldog ste/gzhan du'ang srid pa'i phyir ro/ /'di skad du nga rgyal nyid nga rgyal la brten nas spang bar bya'o zhes gsungs mod kyi/ nga rgyal ni nam du yang gang du yang rnam par byang ba yin par mi srid do/ /de lta bas na/nyon mongs pa rnams phan tshun 'gal bar 'jug pas 'jug pa gzhan la ltos na yon tan dang ldan pa yin pa'i phyir lci ba dang yang ba la dgongs te mdo las gsungs pas nyes pa med do/ /'dir dpe ni dga' bo la sogs pa lta bu yin no/ /de'i phyir 'di ni bcom ldan 'das kyis spang bar bya ba'i phyir btang snyoms dag kho na rten nyid du bstan pa yin te/dge slong dag btang snyoms ni gnyis te zhes bya ba la sogs pa gsungs pa'i phyir ro zhen pa la brten pa dang / nges par 'byung ba la brten pa'i bye brag gis ston pa'i bka' sum cu rtsa drug 'byung bas 'di dag kun nas nyon mongs pa dang /rnam par byang ba nyid yin par grub pa ma yin nam zhe na/ bye brag tu smra ba'i gzhung lugs dang mthun par byed pa'i phyir nyes pa med do/ /slob dpon gyi ltar na yang de na yid kyi nye bar rgyu ba las ma gtogs pa'i yid bde ba la sogs pa yod do/ /yid bde ba la sogs pa de dag nyid ces bya ba rgyas par 'byung ba ni nye bar rgyu ba bco brgyad po de dag nyid kha cig ni zhen pa la brten pa ste/mngon par zhen pa la brten pa yin no/ /kha cig ni nges par 'byung ba nyid la brten pa ste nges par 'byung ba'i ngo bo ni nges par 'byung ba nyid de kun nas nyon mongs pa'am 'khor ba'i sdug bsngal las so/ / zhen pa dang nges par 'byung ba nyid la brten pa'i bye brag gis bco brgyad phrag gnyis na ston pa'i bka' sum cu rtsa drug go/ /de dag gis bye brag ste yid kyi nye bar rgyu ba de dag gis bye brag rnam pa gnyis ston pa sangs rgyas kyis bka' stsal cing bshad pa'i phyir te/ mdo las ji skad 'byung ba bzhin no//sngar rten cing 'brel par 'byung ba de yang mdor bsdu na nyon mongs pa dang las dang gzhi rnams so zhes bstan pa zhes bya ba ni/ nyon mongs gsum mo las gnyis so/ /gzhi bdun zhes 'byung ba'i phyir ro/ /las rnams kyang rnam par smin pa bskyed par bya ba la de bzhin zhes bya ba ni las rnams kyang de dang 'dra bar rnam par smin pa bskyed par bya ba la nye ba'i rgyu yin no zhes bya bar skabs dang sbyar ro//nyon mongs pa yang rnam par smin pa'i rgyu yin mod kyi de ni thag ring ba yin no/ /de dag ni bshad zin to zhes bya ba ni/ 'dir gang 'chi dang skye ba yi/ / srid pa'i bar du 'byung ba'o/ /zhes bya ba dang / de ni 'chi ba'i sngon rol te/ /skye ba'i skad cig phan chad do/ /zhes 'byung bas bshad zin to/ /kun nas dkris pa chig rkya thub pa rnams kyis ni ma yin no zhes bya ba ni phrag dog dang ser sna dang khong khro ba dang 'chab pa rnams kyis te/ 'di dag ni chig rkya thub pa yin te/ ma rig pa ma gtogs pa nyon mongs pa gzhan dang mtshungs par mi ldan pa'i phyir ro/ /ma rig pa ni thams cad na yod pa nyid pas de dang mtshungs par ldan pas ni chig rkya mi thub pa ma yin no/ /ngo tsha ba med pa la sogs pa nyon mongs pa gzhan dang mtshungs par ldan pa dag gis ni nying mtshams sbyor bar dgag pa med do//gnas skabs de zhan pa yin mod kyi zhes bya ba rgyas par 'byung ba ni 'chi ba'i gnas skabs de/ 'chi 'pho skye ba btang snyoms la/ /zhes 'byung ba'i phyir sems dang sems las 'byung ba'i rgyu ba mi gsal ba'i phyir/ gzhan pa yin mod kyi gang zag gang zhig gis nyon mongs pa gang la yang dang yang du ste rtag tu dang / 'chi ba'i tshe dang / nye bar spyad cing byung ba'i gang zag de la ni 'chi ba'i dus de'i tshe 'jig tshogs dang mthar 'dzin pa la sogs pa nyon mongs pa de dag nyid kun du 'byung ngo / /sngon 'phangs pa'i phyir zhes bya ba ni sngon bskyed pa'i phyir sngon goms pa'i phyir zhes bya ba'i tha tshig go//yang na de'i tshe nyon mongs pa nye bar gnas pa gang yin pa de snga ma'i 'bras bu'i ngo bor nye bar bzung zhing 'phangs la bskyed pa yin pa'i phyir de'i tshe de nye bar gnas so/ /'dod pa dang gzugs kyi khams dag na ni chad pa ma smos pas srid pa bzhi po thams cad yod ces bya ba ni gsum kho na gzugs med pa'i khams dag na yod la/gzugs med pa'i khams dag kho na ni gsum yod do zhes nges par gzung ba'i phyir khams gzhan nyid na srid pa bzhi char yod do zhes bya bar gnang bar byas pa yin no//rgyu mthun pa med pa'i phyir zhes bya ba ni gcin dang / phyi sa med pa'i phyir ro zhes bya ba'i tha tshig go/ /yang na phra mo rnams kyi yin pas phra mo ste zhes bya ba ni zas phra mo'o/ /byis pa ni skyes ma thag pa'o/ /drod gsher las skye ba la sogs pa ni shig la sogs pa ste/sogs pa zhes bya ba'i sgras ni mngal na 'dug pa bsdu'o/ /kham gyi zas ni 'dod pa na zhes bya ba ni 'dod pa'i khams kho na kham gyi zas yod do zhes bya bar nges par bzung ba yin no/ /ci'i phyir zhe na/ smras pa/ de'i 'dod chags dang bral ba ste kham gyi zas kyi 'dod chags dang bral ba rnams gzugs kyi khams der skye ba'i phyir ro//kham du byas te mid pa'i phyir zhes bya ba ni kham bur byas te rdeg pa'i phyir kham yin no/ /de kham du byas te mid pa yang bza' ba'i phyir sna dang lces kham du bcad nas so/ /dri dang ro dang reg bya'i skye mched thams cad kham yin no zhes bshad pa dang /grib ma dang nyi ma dang me dang 'od dag la yod pa de dag ji ltar zas nyid yin zhes 'dri bar byed de/ de dag la yod pa'i dri la sogs pa kham du byas te mid pa ni med do zhe na/ 'di ni phal cher bstan pa yin no zhes grag ces bya ba ni de dag la yod pa'i dri la sogs pa kham du byed pa nyid do zhes bya bar ni mi ston gyi/'dod pa na skye mched gsum gyi bdag nyid do zhes bya ba ni phal che ba bstan par zad do/ /grag ces bya ba'i sgra ni gzhan gyi gzhung lugs yin pa'o/ /rang gi bsam pa bstan pa'i phyir/ /gang dag mi mid pa rang la zhes bya ba rgyas par smos te//grib ma la sogs pa la yod pa/ gang dag mi mid la gnas par yang byed 'tsho bar yang byed pa de dag kyang zas phra mo yin te khrus dang lus mnye ba yin no/ /dper na khrus dang lus mnye ba lta bu kham du byas te/ yang mi mid mod kyi 'on kyang zas kyang yin pa de dang 'dra'o/ /rang dbang grol la mi phan phyir//zhes bya ba ni des rang dbang ste/ rang gi dbang po la mi phan pa'i phyir dang / 'dod pa'i khams las grol ba'i phyir mi 'ong ba dang / dgra bcom pa rnams la mi phan pa'i phyir gzugs kyi skye mched zas ma yin no/ /gzugs kyi skye mched ni mid pa'i tshe zhes bya ba ni gzugs kyi skye mched de gang gi tshe zas kha'i nang du bcug ste za zhing mig gi yul las 'das pa de'i tshe rang gi dbang po ste/mig gi dbang po'am de'i 'byung ba chen po bzhi ste dbang po de'i rten 'byung ba chen po gang dag yin pa de dag la yang / phan mi 'dogs na yul ma yin pa'i phyir rna ba la sogs pa'i dbang po gzhan dang gzhan dag la phan 'dogs pa lta smos kyang ci dgos te gzugs kyi skye mched ni rna ba la sogs pa'i yul ma yin no//'o na zas bshams pa'i tshe mthong ba phan 'dogs par 'gyur ro zhe na/ de'i phyir/ gang gi tshe mthong ba na zhes bya ba rgyas par smos so//'on te de'i tshe yang de la dmigs pa bde ba myong bar 'gyur ba'i reg pa zas yin gyi gzugs ni ma yin no zhes bya ba 'di ji ltar shes she na/ grol ba zhes bya bar rgyas par smos te/ gal te de mthong ba na zas kyi bya ba byed par gyur na ni grol ba'i phyir mi 'ong ba dang dgra bcom pa kham gyi zas kyi 'dod chags dang bral ba zas shin tu yid du 'ong ba mthong ba rnams la yang ji ltar mid pa'i dri dang ro dang reg bya'i skye mched rnams kyis dbang po dang 'byung ba chen po rnams la phan 'dogs pa ltar phan 'dogs par 'gyur ro//de lta bas na de la dmigs pa bde ba myong bar 'gyur ba'i reg pa zas yin no zhes bya bar grub po//reg dang sems pa rnam shes ni/ /zhes bya ba la/ rnam shes zhes bya ba ni rnam par shes pa zhes bya ba'i tha tshig go/ /kham gyi zas ni skye mched gsum gyi bdag nyid yin pa'i phyir zag pa dang bcas pa'o zhes bya bar grub po/ / reg pa la sogs pa gsum zag pa dang bcas pa dang / zag pa med pas srid pa yang de'i phyir de dag kho na zag bcas zhes khyad par du byas pa yin no/ /zag pa med pa'i chos rnams ni de lta ma yin no zhes bya ba de dag ni de ltar sems can byung ba rnams gnas par byed pa dang 'tsho bar byed pa dang /srid pa tshol bar byed pa rnams la phan par byed pa ma yin no/ /yid las skyes pa'i phyir zhes bya ba ni 'grub cing skye ba'i phyir ro zhes bya ba yin no/ /yid ces bya ba ni nges par bzung ba yin no/ /de nyid kyi phyir phyi'i khu chu dang khrag la sogs pas cung zad kyang rgyur byas pa med pa'i phyir zhes bya ba la sogs pa smos te/sogs pa zhes bya ba'i sgras ni 'dam rdzab dang me tog la sogs pa bsdu'o/ /skye ba la mngon du phyogs pa'i phyir mngon par 'grub pa ste zhes bya ba ni 'di la mngon par 'grub pa ste 'byung ba skye ba la mngon du phyogs pa yod pas na mngon par 'grub pa'o/ /gnod pa dang bcas pa zhes bya ba ni sdug bsngal dang bcas pa'o//'dir srid pa bar ma ni mngon par 'grub pa yin no zhes bya ba'i khungs ni gnod pa dang bcas pa mngon par grub nas zhes bya ba 'di yin no/ /de bzhin du gang zag kyang yod ces rgyas par 'byung ba ni mdo 'di las mu bzhi gsungs pa'i phyir srid pa bar ma ni mngon par 'grub pa yin te/gang gi mngon par 'grub pa'i kun du sbyor ba spangs la skye ba'i kun du sbyor ba ma spangs pa'i gang zag kyang yod/ gang gi skye ba'i kun du sbyor ba spangs la mngon par 'grub pa'i kun du sbyor ba ma yin pa yang yod/ gang gi mngon par 'grub pa'i kun du sbyor ba yang spangs la skye ba'i kun du sbyor ba yang spangs pa yang yod/gang gi mngon par 'grub pa'i kun du sbyor ba yang ma spangs la/ skye ba'i kun du sbyor ba yang ma spangs pa yang yod do/ /khams gnyis las 'dod chags dang bral zhes bya ba ni 'dod pa dang gzugs kyi khams las 'dod chags dang bral ba'o//phyir mi 'ong ba zhes bya ba ni khyad par du bya ba yin te/ dge slong dag gang 'phags pa'i shes rab kyis spangs pa de ni spangs pa yin no zhes 'byung bas so so'i skye bo rnams kyi srid pa bar ma'i kun du sbyor ba ni gtan du spangs pa ma yin pa'i phyir de'i ni yang 'byung ba yin pa'i phyir ro//de la mu dang po ni phyir mi 'ong ba khams gnyis las 'dod chags dang bral ba'o/ /gnyis pa ni bar ma dor yongs su mya ngan las 'da' ba'o/ /gsum pa ni dgra bcom pa'o/ /bzhi pa ni rnam pa de dag ma gtogs pa ste/ de dag las gzhan pa bdag cag la sogs pa lta bu dang 'phags pa 'dod chags dang bral ba ste/'dod pa'i khams las 'dod chags dang bral ba gzugs kyi khams su skye bar 'gyur ba'o/ /yang na byung ba ni dgra bcom pa'o zhes bya ba ni gong du ni rnam grangs 'di skad du byung ba ni skyes pa rnams so/ / srid pa tshol ba ni srid pa bar ma rnams so zhes bshad pa yin no/ /da ni rnam grangs gzhan te/ 'byung ba ni khams gsum pa las 'dod chags dang bral ba yin pa'i phyir dgra bcom pa'o/ /srid pa tshol ba rnams ni srid pa dang bcas pa dag ste/ khams gsum du srid pa tshol ba'i phyir ro//gnas par byed pa zhes bya ba ni gnas par 'gyur bar byed pa'o/ /phan 'dogs par byed pa zhes bya ba ni yang srid pa 'byung bar byed pa zhes bya ba'i tha tshig go/ /thams cad kyang gnyi ga yin zhes bya ba ni zas bzhi po thams cad kyang sems can byung ba rnams gnas par byed pa yang yin phan 'dogs par byed pa'ang yin la sred pa tshol bar byed pa rnams la yang de dang 'dra'o//re zhig las kyi rang bzhin yin pa'i phyir yid la sems pa dang / des rab tu phye ba rnam par shes pa'i sa bon de dang mtshungs par ldan pa reg pa yang phan 'dogs par byed pa yin no zhes bya bar rigs na/kham go ji ltar srid pa tshol bar byed pa rnams la phan 'dogs par byed pa yin zhe na/ de'i phyir kham gyi zas kyang zhes bya ba rgyas par smos te/ de la chags pa rnams zhes bya ba khams la chags pa rnams so/ /yang 'byung bar byed pa yin zhes bya ba 'di shes par bya ba'i phyir/bcom ldan 'das kyis gsungs so zhes bya ba mdo rgyas par 'god par byed do/ /de la nye bar len pa'i phung po lnga ni nad la sogs par bshad la/ nad de'i rtsa ba zas bzhi yin la/ rtsa ba yang rgyu yin pas 'dis na kham gyi zas kyang de la chags pa rnams kyi yang srid pa 'byung bar byed pa yin no zhes bya ba grub po//gzhan dag ni rga shi'i rkyen yin no zhes bya ba 'di kho na dper rjod par byed de/ tshe 'di nas pha rol du rga shi rnam par gzhag pa yin no snyam du bsams pa yin no/ /mngon sum yin pa'i phyir khams ni sems can byung ba rnams 'dir gnas par byed pa yin no zhes bya bar rigs so//de bzhin du bde ba myong bar 'gyur ba'i reg pa dang / rnam par shes pa yang phan 'dogs par byed pa yin no zhes ni bshad na/ 'o na yid la sems pa go ji ltar zhe na/ de'i phyir yid la sems pa yang zhes bya ba 'di rgyas par smos so/ /de nyid kyi phyir yid la sems pa smos pas reg pa dang rnam par shes pa dag kyang smos pa yin te/de dang mtshungs par ldan pa yin pa'i phyir ro/ /song ste zhes bya ba ni chas te'o/ /'gro ba'i rnam grangs zhes bya ba ni chos mngon pa'i bstan bcos zhig go/ /de dag rgyas par byed pa ni reg pa ste zhes bya ba ni bde ba myong bar 'gyur bas phan 'dogs pa'i phyir te/tshor ba'i phung po dang 'du shes kyi phung po gang ci yod pa ste thams cad ni reg pa la brten nas yin no zhes 'byung ba'i phyir ro/ /yid la sems pas ni yang srid pa 'phen par byed do zhes bya ba ni de ni las kyi rang bzhin yin pa'i phyir ro/ /ji ltar des yang srid pa 'phen par byed ce na/de skye ba'i rkyen brgyud pa dang mthun par gnas pa'i phyir ro/ /las kyis yongs su bsgos pa'i rnam par shes pa'i sa bon las mngon par 'grub ces bya ba ni sa bon las myu gu bzhin du yang srid pa 'byung zhes bya ba'i tha tshig go/ /gang la la kham yin pa de dag thams cad zas kyang yin nam zhes dris pa la/kham yin la zas ma yin pa yang yod/ zas yin la kham ma yin pa yang yod/ gnyi ga yin pa yang yod/ gnyi ga ma yin pa yang yod ces bya ba mu bzhi'o/ /mu gnyis pa ni zas gsum dag go zhes bya ba ni yid la sems pa dang reg pa dang rnam par shes pa rnams so//bzhi pa ni rnam pa de dag ma gtogs pa'o zhes bya ba ni sgra dang sdug bsngal gyi tshor ba dang mtshungs par ldan pa'i sems dang sems las byung ba de thams cad do/ /de bzhin du reg pa la sogs pas kyang ci rigs su mu bzhir bya'o zhes bya ba ni gang la la reg pa yin pa de thams cad zas kyang yin nam zhe na/reg pa yin la zas ma yin pa yang yod de zhes bya ba mu bzhi'o/ /de bzhin du gang la la yid la sems pa yin pa de thams cad zas yin nam zhe na/ yid la sems pa yin la zas ma yin pa yang yod de zhes bya ba mu bzhi'o/ /de bzhin du gang la la rnam par shes pa yin pa de thams cad zas yin nam zhe na/rnam par shes pa yin la zas ma yin pa yang yod de zhes bya ba mu bzhi'o/ /re zhig reg pa'i mu dang po ni reg pa gang la brten nas dbang po rnams nyams par 'gyur la 'byung ba chen po rnams kyang yongs su 'jig par 'gyur ba'o//mu gnyis pa ni zas gsum pa dag go/ /gsum pa ni reg pa gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ba'o/ /bzhi pa ni rnam pa de dag ma gtogs pa'o/ /rnam par shes pa'i bar gyi mu bzhi yang de dang 'dra ste/mu dang po ni rnam par shes pa gang la brten nas dbang po rnams nyams par 'gyur la 'byung ba chen po rnams kyang yongs su 'jig par 'gyur ba'o/ /mu gnyis pa ni zas gsum dag go/ /gsum pa ni rnam par shes pa gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ba'o//bzhi pa ni rnam pa de dag ma gtogs pa'o/ /reg pa la sogs pa la brten nas zhes bya ba rgyas par 'byung ba ni dri ba gzhan yin te reg pa la sogs pa zhes bya ba ni 'di ltar reg pa dang tshor ba dang rnam par shes pa dang chos rnams zhes bya ba de ltar ni mi 'dod kyi gzhung 'di ltar reg pa la sogs pa la brten nas dbang po rnams rgyas par 'gyur zhing 'byung ba rnams kyang 'phel bar 'gyur la/de dag kyang zas ma yin pa lta yod dam zhe na/ yod de/ gzhan gyi sa pa dang zag pa med pa rnams so zhes bya bar bshad de/ brtan nas zhes bya ba dang sbyar ba'i phyir gnyis pa'i sbyor ba yin no//gang zhig zos nas zhes bya ba rgyas par 'byung ba ni 'di'i 'brel pa gang gis smras she na/ gzhan gyi sa pa dang zag pa med pa rnams la brten nas zas ma yin no zhes bshad pa dang / shugs kyis na 'di skad du rang gi sa pa dang zag pa dang bcas pa rnams la brten nas ni zas yin no zhes bshad par 'gyur bas so//gang zhig zos nas kham za ba po la gnod par byed pa de yang ci zas yin nam zhe na/ /de yang zas yin te dang po za ba'i tshe phan 'dogs pa'i phyir ro/ /thams cad na thams cad yod de skye gnas dag na yang de dang 'dra'o zhes bya ba ni 'dod pa'i khams na 'gro ba lnga dang skye gnas bzhi char yod pa'i phyir ro//mu bzhi pa la'ang gnod par 'gyur la/ rab tu byed pa'i gzhung la yang gnod par 'gyur ro zhes bya ba ni mu bzhi pa'i dang po'i mu gsum pa kham gyi zas gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ro zhes bya ba gang yin pa 'di la gnod pa'i phyir mu bzhi pa la gnod pa yin te/kham gyi zas rgyas par byed pa 'ba' zhig tu ma zad kyi/ 'o na ci zhe na/ nyams pa yang yin pas so/ /rab tu byed pa'i gzhung la yang ci zhe na/ gnod par 'gyur ro/ /rab tu phye ba'i gzhung ji lta bu zhig la zhe na/bstan pa'i phyir/ kham gyi zas gang zhe na/ kham gang la brten nas dbang po rnams rgyas par 'gyur zhes bya ba nas/ rnam par shes pa'i bar du rgyas par gsungs zhes bya ba smos so/ /rgyas par 'gyur ba'i zas la dgongs te gsungs pa'i phyir nyes pa med do zhes bya ba ni rgyas par 'gyur ba'i zas la dgongs te mu bzhi pa'ang gsungs la rab tu byed pa'i gzhung yang gsungs pas de lta bas na de gnyis dang 'gal ba med do//gang zhig rgyas par 'gyur ba de ni gtso cher zas yin no/ /zas kyi mtshan nyid thob pa'i phyir zhes bya ba ni kham gyi zas kyi mtshan nyid du gyur pa'i phyir ro//ji lta zhe na/ des kyang bkres pa dang skom pa dag 'joms par nus pa'i phyir ro zhes bya ba smos te/ lcags kyi thu lum 'bar ba'i mtshan nyid kyi zas kyis ni bkres pa 'joms par nus la/ zangs zhun ma'i mtshan nyid kyis ni skom pa 'joms par nus so zhes bya ba'i tha tshig go/ kham gyi zas kyi zhar la bcom ldan 'das kyis phyi'i drang srong zhes bya ba 'di rgyas par smos so//'dzam bu'i tshal ni 'dzam bu'i gling ste/ bcom ldan 'das kyis 'di skad du gang la la 'dzam bu'i tshal na 'bab pa de thams cad ni rgya mtshor gzhol ba rgya mtshor 'bab pa rgya mtshor bab pa'o zhes gsungs so/ / de na gnas pa ni 'dzam bu'i tshal na 'dug pa dag go/ /lto dang ldan pa ni zas za ba'i nus pa dang ldan pa ste/ nur nur po la sogs pa'i gnas skabs ma yin pa'o snyam du bsams pa yin no/ /de ni rigs pa ma yin te/ gcig ces gsungs pa'i phyir ro zhes bya ba ni gal te 'dzam bu'i tshal na 'dug pa dag go//'dzam bu'i gling na gnas pa lto dang ldan pa dag yin no zhes bya bar bzhed pa yin na ni/ gang gis 'dzam bu'i tshal na 'dug pa'i skye bo rnams zhes brjod par bya bar 'gyur ba zhig na gang gis 'dzam bu'i tshal na 'dug pa'i so so'i skye bo gcig ces gsungs te/de lta bas na don 'di ni rung ba ma yin no/ /'di la khyad par ci zhig yod ces bya ba ni so so'i skye bo mang mo zhig la zas byin pa bsod nams mang por 'gyur gyi 'dod chags dang bral ba nyung ngu brgya tsam zhig la byin pa ni ma yin no zhes bya ba gang yin pa 'di la ngo mtshar che ba ci zhig yod ces bya ba'i tha tshig go//byang chub sems dpa' nye ba zhes bya ba ni mngon par rdzogs par byang chub pa dang nye ba ste/ byang chub sems dpar gang nas bzung / gang nas mtshan gyi las byed pa zhes bya ba yin no snyam du bsams pa yin no/ /'di ni ming yang don dang mthun pa ma yin no zhes bya ba ni don dang mi mthun pa ste/don rjod par byed pa ma yin no zhes bya ba'i tha tshig go/ /'ol phyir ma bshad ces bya ba ni don la mi ltos par ro/ /'di ni byang chub sems dpa' 'dzam bu'i tshal na bzhugs pa kho na yin zhes bya ba ni byang chub sems dpa' don grub zhing dang grong gzigs su gshegs pa 'dzam bu'i shing gi drung du bzhugs te bsam gtan dang po skyed do//de'i phyir so so'i skye bo de ni 'dod pa'i 'dod chags dang bral bar 'dra bas zhes bya ba smos te/ byang chub sems dpa' de yang so so'i skye bo yang yin 'dod pa las 'dod chags dang bral ba yang yin la/ de bzhin du phyi rol pa rnams kyang 'dod pa las 'dod chags dang bral ba yang yin la so so'i skye bo yang yin te/'dra ba des na phyi rol pa de dag las sbyin pa'i 'bras bu ches mang bas khyad par du 'phags pas de skad du gsungs so/ /'phags pa ma yin pa rnams la yang byang chub sems dpa' la byin pa de ni yon tan dpag tu med do zhes 'byung bas de ni phyi rol pa de dag mtha' yas pa bas kyang khyad par du 'phags na brgya smos pa ni dang po'i dbang du byas pa'i phyir ro zhes bya ba ni mdo de nyid las gang gi dud 'gro'i skye gnas su song ba brgya la sbyin pa byin pa bas gang gis mir gyur pa tshul khrims 'chal ba gcig la byin na de bas rnam par smin pa brgya 'gyur re bar bya'o zhes bya ba nas gang gis phyi rol pa zhes bya ba'i bar brgya she dag gi dbang du mdzad do//de ni gdon mi za bar de lta yin par shes par bya zhes bya ba ni 'di ni byang chub sems dpa' 'dzam bu'i tshal na bzhugs pa kho na yin par rigs te zhes bya ba yin no//'di ltar byang chub sems dpa' de ma gtogs pa phyi rol pa rnams las rgyun du zhugs pa'i 'bras bu la zhugs pa khyad par du 'phags par mdzad par 'gyur ro zhes bya ba ni phyi rol pa 'dod chags dang bral ba rnams la byin pa bas ni rgyun du zhugs pa'i 'bras bu la zhugs pa la sbyin pa byin na ches tshad med do//de bas kyang rgyun du zhugs pa la byin na ches tshad med do/ /de bas kyang lan cig phyir 'ong ba'i 'bras bu la zhugs pa la byin na ches tshad med do zhes bya ba rgyas par 'byung ba yin no/ /gal te 'dzam bu'i tshal na 'dug pa nges par 'byed pa'i cha dang mthun pa thob pa yin par gyur na/'dzam bu'i tshal na 'dug pa nyid pas kyang khyad par du 'phags par mdzad par 'gyur ro/ /ji ltar zhe na/ gang gis 'dzam bu'i tshal na 'dug pa brgya la zas byin pa bas gang zhig gis rgyun du zhugs pa'i 'bras bu mngon du bya ba'i phyir zhugs pa gcig la byin na sbyin pa de bas sbyin pa 'di 'bras bu ches che'o zhes gsungs par 'gyur ba zhig na//rgyun du zhugs pa'i 'bras bu la zhugs pa la sogs pa las ches khyad par du 'phags pa'i phyir de skad du ni ma gsungs te/ de'i phyir 'dzam bu'i tshal na 'dug pa ni byang chub sems dpa' kho na yin par rigs so//tshe zad pa la sogs pas zhes bya ba ni tshe zad pas 'chi la bsod nams zad pa ma yin pa yang yod de zhes bya ba la sogs pas so/ /'chad dang mtshams sbyor 'dod chags bral/ /zhes bya ba rgyas par 'byung ba la/ dge ba'i rtsa ba yang dag par 'chad pa ni log par lta bas yin la/de yang yid kyi yin te/ rtog par byed pa yin pa'i phyir ro/ /dge ba'i rtsa ba nying mtshams sbyor ba ni yang dag pa'i lta ba dang the tshom yin la/ de dag kyang yid kyi yin no/ /khams dang sa las 'dod chags dang bral ba ste/ khams sam sa las 'dod chags dang bral ba ni sems mnyam par gzhag pas thob par bya ba yin pa'i phyir ro//yid kyi rnam par shes pa kho na yin no/ /yongs su nyams pa ni tshul bzhin du ma yin pa yid la byed pas byas pa yin la/ tshul bzhin ma yin pa yid la byed pa yang yid kyi rnam par shes pas 'gyur te/rnam par rtog pa yin pas so/ /'chi 'pho ba ni dbang po lnga'i rgyu ba 'dus pa'i rgyun chad pa dang mthun pa'i rnam par shes pa'i tshe yin la skye ba yang phyin ci log gi blos 'gyur bas yid kyi rnam par shes pa dag kho na yin no/ /srid pa bar mar nying mtshams sbyor ba yang bshad pa'i ngo bor rig par bya zhes bya ba ni nying mtshams sbyor bar byed par mthun pa'i phyir bshad zin pa dang 'dra bas yang mi brjod do snyam du bsams pa yin no//'chi 'pho ni 'chi 'pho ba nyid yin no zhes bya ba ni don gcig pa nyid du ston par byed do/ /tshor ba gzhan dag ni gsal ba yin zhes bya ba ni bde ba dang sdug bsngal zhes bya ba'o//skal ba mi mnyam pa'i sa pa yin pa'i phyir zhes bya ba ni mnyam par gzhag pa'i sa pa yin pa'i phyir 'dod pa'i khams dang skal ba mi mnyam pa yin no/ /de'i phyir 'chi 'pho ba'i sems sam skye ba'i sems su rung ba ma yin no/ /'o na gang gi tshe gzugs kyi khams nyid du 'chi ba'am/skye ba de'i mnyam par gzhag pa'i sa pa'i sems de dag tu 'gyur ro zhe na/ de'i phyir mngon par 'du byed pa las byung ba nyid yin pa'i phyir zhes bya ba smos te/ mngon par 'du byed pa ni 'bad pa'o/ /mngon par 'du byed pas grub pa ni mngon par 'du byed pa las byung ba'o//de'i ngo bo ni nyid de/ de'i phyir mngon par 'du byed pa las byung ba de 'chi 'pho ba'i sems sam skye ba'i sems su rung ba ma yin te/ 'chi 'pho ba'i gnas skabs ni mi gsal ba'i phyir ro/ /phan 'dogs par byed pa yin pa'i phyir te/ gang gi phyir mnyam par gzhag pa'i sems phan 'dogs par byed pa yin gyi rgyun 'chad pa dang mthun pa ma yin pa de'i phyir/yang mnyam par gzhag pa'i sems la 'chi 'pho ba med do/ /sems med pa la yang med de/ /zhes bya ba rgyas par 'byung ba ni sems med pa la yang med do/ / ci zhe na/ 'chi 'pho ba'am skye ba zhes bya bar skabs dang sbyar ro/ /sems med pa ni 'gog pa'i snyoms par 'jug pa la snyoms par zhugs pa dang / 'du shes med pa'i snyoms par 'jug pa la snyoms par zhugs pa dang / de'i rnam par smin pa la gnas pa ste/ sems med pa de dag ni mtshon cha la sogs pas gnod par bya zhing gsod par mi nus pas de'i phyir sems med pa la 'chi 'pho ba med do//gang gi tshe 'gog pa'i snyoms par 'jug pa'am/ /'du shes med pa'i snyoms par 'jug pa la snyoms par zhugs pa dang / 'du shes med pa'i snyoms par 'jug pa'i rnam par smin pa la gnas pa'i rnam par smin pa'i 'phen pa yongs su zad pa de'i phyir lus mtshon tam me'i gnod pas yongs su 'jig par rtsom pa de'i tshe yang de la gdon mi za bar de'i lus dang 'brel ba'i sems rten la sa bon gyi ngo bor yod de/de mngon du gyur nas phyis 'chi 'pho bar 'gyur ro/ /gang zhig 'chi 'pho bar 'gyur/gal te gang zag gi dbang du byed na ni byed pa po mi mtshungs pa'i phyir gyur nas zhes bya ba'i rkyen du mi 'gyur ro/ /'o na ni sems 'chi 'pho bar 'gyur ro/ /yang na 'di skad du gang gi tshe lus yongs su 'jig cing gzhan nyid du 'gyur bar rtsom pa na gdon mi za bar gang zag de'i sems de'i lus dang 'brel pa sa bon gyi ngo bor gnas pa mngon du gyur cing kun du phyung nas yongs su 'jig par rtsom la/gang zag ni phyis 'chi 'pho bar 'gyur ro zhes bya bar sbyar ro/ /skye ba la yang sems med pa nyid rigs pa ma yin no/ /ci'i phyir zhe na/ sems 'chad pa'i rgyu med pa'i phyir te/nying mtshams sbyor ba'i sems ni gdon mi za bar nyon mongs pa can nyid yin pas 'gog pa'i snyoms par 'jug pa la sogs pa yin pa mi srid pa'i phyir ro/ /nyon mongs pa med par mi skye ba'i phyir te/ de'i sa pa'i nyon mongs pa thams cad kyis skye ba'i nying mtshams sbyor bar byed pa yin na/sems med par ni nam yang nyon mongs pa rnams mi 'byung bas de'i phyir yang sems med pa la skye ba med do/ /'chi ba'i srid pa rnam pa gsum du bshad ces bya ba ni ji skad du zhe na/ skye ba'i srid pa nyon mongs can/ /rang gi sa pa'i nyon mongs kun/ /zhes skye ba'i srid pa kho na nyon mongs pa can yin par nges par gzung ba'i phyir srid pa gsum po 'chi ba dang /dus sngon gyi srid pa dang srid pa bar ma dag ni dge ba dang mi dge ba dang / lung du ma bstan pa dang rnam pa gsum yin par bshad pa yin no/ /yang na/ gzugs med dag tu 'chi ba ni/ /srog dang yid dang btang snyoms nyid//ces bya ba nas rgyas par/ dge ba thams cad dag tu lnga/ /zhes bya ba'i bar bshad pa yin te/ de'i phyir 'chi ba'i srid pa rnam pa gsum du bshad do zhes bya bar sgre'o/ /dgra bcom pa ni/ mya ngan 'das lung bstan min gnyis/ /zhes bya ba ni dmigs kyis bsal ba yin no//gal te 'dod pa'i khams na rnam par smin pa btang snyoms yod na zhes bya ba ni kha cig gi gzhung lugs kyis/ 'og na'ang bar ma yod do zhes kha cig zer te zhes zer ba lta bur ro/ /ci ste med na ni zhes bya ba ni gzhan gyi gzhung lugs kyis/ de yan chad/ sdug min bde min myong 'gyur ba//zhes zer ba lta bur ro/ /spyod lam pa kho na la'o zhes bya ba ni gang la gnas te yongs su mya ngan las 'da' ba de ni spyod lam pa dang 'dra ba yin pa ste lung du ma bstan pa ni/ rnam smin skyes dang spyod lam pa/ /bzo yi gnas dang sprul pa dang / 'dod na lung bstan min rnam bzhir/ /zhes bya ba 'di dag kho nar zad par mi 'dod do zhes de ni bshad zin to//de ni sems 'chad pa dang rjes su mthun pa yin zhes bya ba ni nyam chung ba'i phyir sems 'chad pa nying mtshams sbyor bar byed pa med pa dang mthun pa yin te/ shin tu mi gsal ba'i phyir ro zhes bya ba'i tha tshig go/ /sems 'chad pa nying mtshams sbyor bar byed pa dang bcas pa la ni dge ba dang mi dge ba'i sems kyang srid do//de dag gi rnam par shes pa ni grangs bzhin du zhes bya ba ni ngan song du 'gro ba rnams kyi rnam par shes pa ni rkang pa dag tu 'gag go/ /mir 'gro ba rnams kyi lte bar 'gag go/ /lhar 'gro ba rnams kyi ni snying gar 'gag go//rnam par shes pa gzugs can ma yin pa'i phyir yul na mi gnas na ji ltar de dag tu 'gag par 'gyur zhe na/ de'i phyir de dag tu lus kyi dbang po 'gag pa'i phyir ro zhes bya ba smos so/ /rkang pa la sogs pa de dag tu ste/ 'dod pa'i khams dang gzugs kyi khams na rnam par shes pa 'jug pa ni lus kyi dbang po la rag las pa yin pas so//de dag gi rnam par shes pa yang snying gar 'gag go zhes bya ba ni grangs bzhin du zhes bstan pa kho nas don 'dir 'gyur ro/ /ji lta zhe na/ snying dang snying ni snying ga'o/ /rkang pa dang lte ba dang snying ga gnyis ni rkang pa dang lte ba dang snying ga zhes bya ba don bzhi yin la/'og tu 'gro ba dang / mir 'gro ba dang / lhar 'gro ba dang / mi skye ba zhes bya ba 'di dag kyang don 'di bzhi yin te/ de'i phyir grangs bzhin du grub po/ /phal cher zhes bya ba smos pa ni lha la sogs pa ni bde bar 'chi ba'i phyir ro/ /de dag shing gcod pa lta bu ni ma yin no//'o na ci zhe na/ tshor ba mi bzad pas bcad pa lta bu yin no/ /yang bcad pa dang 'dra bar g.yo ba med pas na bcad pa zhes bya'o zhes bya ba ni yan lag dang nying lag bcad pa bzhin du yang mi g.yo bas na bcad pa zhes bya ste/ gnas rnams la rnam pa gnyis kyi dngos por mi byed pa'i phyir gcod pa'i tshul 'di ni brtags pa yin no//chu dang me dang rlung gi khams rnams las gang yang rung ba zhig ces bshad pa dang / ci'i phyir sa'i khams kyis ma yin zhes 'dri bar byed do/ /gtso bo ni ci rigs par chu dang me dang rlung gi khams dag yin no zhes bya ba ni ci rigs par bad kan gyi skyon gyi gtso bo ni chu'i khams yin no//mkhris pa'i gtso bo ni me'i khams yin no/ /rlung gi gtso bo ni rlung gi khams yin no/ /gzhan dag na re snod kyi 'jig rten 'jig pa dang chos mthun pas so zhes zer ro zhes bya ba ni 'jig rten 'jig pa ni gsum ste/ mes 'jig pa dang / chus 'jig pa dang / rlung gis 'jig pa'o/ /de dag dang chos mthun pas chu dang me dang rlung gi khams rnams las gang yang rung ba zhes bya ba rgyas par bshad pa yin no zhe'o/ /ji ltar ring du song ba yin zhe na/ gtan du bral ba'i thob pa rnyed pa'i phyir ro/ /so so'i skye bo rnams la yang bral ba'i thob pa rnyed pa yod mod kyi gtan du ma yin pas ring du song ba nyid ces mi bya'o//de dag ni/ log pa nyid du'ang nges par 'gyur/ /zhes bya ba ni gal te mtshams med pa dag byed par gyur na zhes bya ba'i tha tshig go/ /de dag nges pa yang ma yin no zhes bya ba rgyas par 'byung ba ni thar pa'i cha dang mthun pa de dag ji ltar de ltar thogs na srid pa lan bdun pa la sogs pa ltar dus nges par yang dag pa nyid du nges pa yang ma yin te/sogs pa zhes bya ba'i sgras ni rigs nas rigs su skye ba dang bar chad gcig pa la sogs pa bsdu ste/ 'di dag ni dus nges pa ni gang zag bstan pa'i mdzod kyi gnas nas bshad par bya'o//nges pa gnyis po 'di dag las gzhan pa ni ma nges pa yin no/ /de dag ni rkyen la ltos nas zhes bya ba rgyas par 'byung ba ni gal te yang dag pa nyid kyi rkyen rnyed na/ yang dag pa nyid du nges par 'gyur ro/ /'on te log pa nyid kyi rkyen rnyed na log pa nyid du nges par 'gyur ro//'on te gnyi ga'i rkyen ma rnyed na gnyi ga la mi brten pa nyid yin no/ /mi rig pa la sogs pa'i rim pa bstan pas sems can gyi 'jig rten bshad zin to// //bam po nyi shu rtsa brgyad pa/ 'dod ces bya ba ni 'dod pa'o zhes bya ba'i tha tshig go/ / rlung gi dkyil 'khor rngams su ni/ /sa ya drug 'bum grangs med do/ /zhes bya ba ni rngams sa ya drug 'bum mo/ /las kyi dbang gis zhes bya ba ni las kyi mthus so/ /rgyar ni grangs med de zhes bya ba ni rgyar brtsi na ni grangs med do zhes bya ba'i tha tshig go/ /'dir dpe ni dper na bza' ba dang btung ba grangs bzhin du zos pa dang 'thungs pa ma zhu ba long kar mi ltung bzhin zhes bya ba yin te/zhu ba kho na zhu ba'i gnas su 'gro ba'o zhes bya ba'i tha tshig go/ /sbyang gi tshul du zhes bya ba ni bde ba'i tshul du ste kun nas ra ba bzhin du 'dug go zhes bya ba'i tha tshig go/ /'o ma bskol ba spris ma 'chags pa'i tshul du zhes bya ba ni 'o ma bskol ba spris ma 'chags pa mkhrang por 'gyur ba ji lta ba de bzhin du chu'i steng na gser gyi sa gzhir 'gyur ro//lhag ma ni sum 'bum nyi khri zhes bya ba ni dpag tshad 'bum phrag bcu gcig dang nyi khri las brgyad bor na lhag ma de tsam zhig tu 'gyur ro//chu dang gser gyi dkyil 'khor gyi/ /thad kar 'bum phrag bcu gnyis dang / /zhes bya ba rgyas par 'byung ba 'di ni gling bzhi pa'i tshad bshad pa yin gyi/ stong gsum gyi stong chen po'i ni ma yin no/ /'di gnyi ga rgyar mnyam mo zhes bya ba ni chu dang gser gyi dkyil 'khor ro//khor yug tu ni sum 'gyur ro/ /'di gnyi ga khor yug tu brtsi na ni sum 'gyur te/ 'di'i khor yug tu bskor ba'i tshad ni thad ka'i tshad sum 'gyur kho na yin pa gang yin pa 'di ni zlum po thams cad kyi tshul yin no/ /gling bzhi khor yug tu bskor to zhes bya ba ni zlum por bskor ba ste 'khor lo lta bur 'dug pa yin no//de nyid kyi phyir khor yug ces bya'o/ /lcags kyi rang bzhin yin zhes bya ba ni lcags yin pa'o/ /ngos bzhi dag tu grangs bzhin no zhes bya ba ni byang gi sgra mi snyan logs kyi ngos ni gser gyi rang bzhin no/ /shar gyi lus 'phags logs kyi ngos ni dngul gyi rang bzhin yin no//'dzam bu'i gling logs kyi ngos ni bai DUr+ya'i rang bzhin no/ /nub kyi ba lang spyod logs kyi ngos ni shel gyi rang bzhin no/ /sa bon rnam pa sna tshogs kho na yod ces bya ba ni nus pa rnam pa sna tshogs dang ldan pa'o/ /mthu rnam pa du ma'i bye brag dang ldan pa'i rlung dag gis zhes bya ba ni de dag bskyed par bya ba la nus pa du ma'i bye brag dang ldan pa'i rlung dag gis zhes bya ba'i tha tshig go//ma phrad par zhes bya ba ni cig car 'byung ba ma yin par zhes bya ba'i tha tshig ste/ gang gi tshe 'bras bu yod pa de'i tshe rgyu mi gnas so/ /de nyid 'di yin la zhes bya ba ni 'gyur ba zhes smras pa gang yin pa'o//'di de lta bu yang ma yin zhes bya ba ni chu de nyid gzhan du 'gyur ba tsam la 'gyur ba yin no zhes smras pa'i phyir ro/ /tshig gi lugs 'di ni sngon ma byung ba yin zhes bya ba ni rang gi tshig dang 'gal lo snyam du bsams pa yin no/ /skad cig ma snga ma dang phyi ma dag ni de bzhin nyid du 'gyur bar 'dod la/gang dag gzhan nyid du 'gyur ba de dag kyang gzhan nyid yin par mthong ste/ dper na lha sbyin dang mchod sbyin dag lta bu'o/ /de lta bas na rgyu dang 'bras bu dag ni gzhan nyid yin par 'gyur dgos so/ /gser la sogs pa zhes bya ba ni gser dang dngul dang nor bu dang sa la sogs pa'o//'phang du dpag tshad 'bum drug khri'o zhes bya ba ni khri phrag bcu drug go zhes bya ba'i tha tshig go/ /yan lag brgyad dang ldan pa zhes bya ba la/ yan lag brgyad kyi bsdu ba'i tshigs su bcad pa ni/ bsil dang zhim dang yang dang 'jam/ / dang ba dang ni dri nga med/ /'thungs na lto la mi gnod dang / /mgrin pa la ni mi gnod pa'o/ /zhes bya ba yin no/ /ngos la ni gnya' shing 'dzin gyi 'gram nas bgrangs na sum 'gyur te zhes bya ba ni nang gi mtsho de gnya' shing 'dzin gyi ngos na srid du bgrang na sum 'gyur yin pas gnya' shing 'dzin gyi ngos rol gyi srid du dpag tshad nyi 'bum bzhi khri ste/brgyad khri phrag gcig dang de'i phyogs g.yas g.yon gzhan gnyis su rol mtsho de 'dal ba'i tshul gyis brgyad khri phrag gzhan gnyis yod pas brgyad khri phrag gsum ste nyi 'bum bzhi khrir 'gyur ro//'bum phrag gsum dang stong phrag ni/ /nyi shu gnyis so zhes bya ba 'di ni mu khyud 'dzin gyi ri dang khor yug gnyis kyi bar gyi phyogs gcig gi phyi'i rgya mtsho'i tshad du bshad pa yin no/ /'dir ma tshang bas stong phrag gcig dang brgya phrag gzhan gnyis dang brgyad cu rtsa phyed dang brgyad kho na'o zhes brjod par bya la/phyogs cig shos la yang de dang 'dra bar brjod dgos so/ /de ltar dpag tshad stong phrag gnyis dang brgya phrag lnga dang bdun cu rtsa lnga dag gis bsnan na/ chu dang gser gyi dkyil 'khor gyi/ /thad kar 'bum phrag bcu gnyis dang / /stong phrag gsum dang brgya phrag ni//phyed dang lnga rnams kho na'o/ /zhes bya ba 'dis bshad pa gang yin pa'i gzhi de gnyer sod par 'gyur te/ gling bzhi'i brtsi bas ji ltar bkod pa bas ni lhag pa'i phyir ro zhe na/ 'di'i lan gdab par bya ste/ de ni khor yug gi phyi rol na chu dang gser gyi dkyil 'khor de tsam lhag pa'i phyir nyes pa med do//'o na ni khor yug des gling bzhi pa khor yug tu bskor ba ma yin no zhe na/ des ni steng gi sa khor yug tu bskor ba yin gyi/ chu dang gser gyi dkyil 'khor ni ma yin no zhes bya bar khong du chud par bya'o/ /gzhan na re ri rab la sogs pa'i ri rnams rngams su'ang 'phang dang mnyam zhes bya ba shin tu zang yag kho nar 'dug pa ni ma yin no//'o na ci zhe na/ ri lta bu'i tshul du man chad kyi cha cung zad cig lhag pa yin te/ khyad par brtag par dka' ba'i phyir ni/ de dag rnams su'ang 'phang dang mnyam/ /zhes bshad do/ /de'i phyir man chad kyi cha cung zad cig lhag pa de dang de dag gis de dag la brten pa ri rab la sogs pas rten chu dang gser gyi bdag nyid de khyab pas na de ni 'gal ba med do zhes zer ro//de ni lus sam sa phyogs gzhan gyis zhes bya ba rgyas par 'byung ba ni rdo rje lta bu'i ting nge 'dzin de ni byang chub sems dpa'i sku las gzhan pa'i lus sam/rdo rje gdan gyi sa phyogs las gzhan pa'i sa phyogs kyis bzod par mi nus so zhes bya ba yin no/ /gling gi dbyibs ci 'dra ba zhes bya ba ni sa gzhi'i dbang gis sems can rnams sna tshogs pa nyid 'di ni mngon sum du gyur pa yin te/ gangs ri dang 'bigs byed la gnas pa rnams dang /ge ra dang ri khrod pa rnams dkar sham dang sngo bsangs dag tu mthong ngo / /lus dang lus 'phags sgra mi snyan/ /zhes bya ba ni gnas pa rnams mang ba'i phyir gnas kyang mang po'i tshig tu bstan to/ /gcig ni srin po dag gnas so/ /zhes bya ba ni rnga yab dang rnga yab gzhan dag las gcig cig yin no//ri nag po dgu nas zhes bya ba ni ri mdog nag po dgu'i pha rol na'o/ /de'i dbang gis 'di 'dzam bu'i gling zhes bya bar grags zhes bya ba ni 'dzam bu'i gling de'i dbang gis 'dzam bu'i shing gis mtshon pa'i gling la 'dzam bu'i gling zhes bya'o//yang na de'i 'bras bu'i dbang gis zhes bya ba ni shing 'dzam bu'i 'bras bu ste/ 'di'i 'bras bus mtshon pa'i gling la 'dzam bu'i gling zhes bya ba'i tha tshig go/ /rtsig pa bzhi zhes bya ba ni ra ba bzhi zhes bya ba'i tha tshig go/ /gzhan dag na re ngos bzhi yin no zhes zer ro/ / lcags kyi ra bas kun du bskor/ /zhes bya ba ni lcags kyi ra bas khor yug tu bskor zhes bya ba'i tha tshig go/ /lcags dag gis ni gang ba yin/ /zhes bya ba ni lcags kyis steng nas bkab pa'o/ /gzhan dag na re lcags kyis sgo bcad pa'o zhes zer ro/ /khyad par gnas zhes bya ba ni khebs pa'o//snga ma bzhin no zhes bya ba ni rkang pa bteg nas ni pags pa dang sha dang khrag skye ba zhes bya ba'i tha tshig go/ /khyi sre bo rnams kyang za bar byed/ ces bya ba ni lo ma ral gyi lta bu'i nags kyi nang na yod pa dag go/ /khwa lcags kyi mchu can rnams zhes bya ba ni shal ma li'i nags na yod pa dag go//spu gri'i lam la sogs pa gsum/ /zhes bya ba ni spu gri'i lam dang / lo ma ral gyi lta bu'i nags dang / shal ma li'i nags zhes bya ba gsum mo/ /thag mdung zhes bya ba ni 'phang mdung la sogs pa'o/ /gnod pa lhag pa'i gnas yin pa'i phyir lhag pa zhes bya ba ni lhag ces bya ba'i sgra ni lhag pa'i don yin te/'di dag tu lhag par gnod par byed pas na lhag pa yin no/ /ji ltar lhag par gnod pa byed ce na/ de'i phyir/ dmyal ba dag tu zhes bya ba rgyas par smos so/ /gzhan dag na re zhes bya ba ni gnas brtan yid 'ong ste/de ni lhag pa zhes bya ba'i sgra 'og gi don yin par 'dod do/ de'i phyir dmyal ba'i 'ching ba'i 'og tu zhes bya ba smos te/ mnar med pa la sogs pa'i dmyal ba'i 'ching ba'i 'og tu me ma mur la sogs pa 'di dag tu 'bying bas na de'i phyir de dag ni lhag pa'o zhes bya ba'o/ /dri ba las dri ba gzhan 'byung ste zhes bya ba ni lhag pa bcu drug gang zhe na zhes smras nas lhag pa bzhi pa ni chu bo rab med thal chu bskol mas gang ba ste/gang du sems can de dag 'gram gnyis nas skyes bu lag na ral gri dang mdung thung dang thag mdung thogs pa dag gis 'gog cing steng du 'gro ba na yang gdu zhing 'tshed la zhes bya ba de las ci sems can dmyal ba'i srung ma de dag ces bya ba'i dri ba gzhan rgyas par 'byung ba yin no//'chags pa'i rlung bzhin no zhes bya ba ni/ ji ltar 'chags pa'i tshe snod kyi 'jig rten la sogs pa mngon par 'grub par bya ba'i phyir rlung dag g.yo ba ltar dmyal ba'i srung ma de dag kyang 'byung ba dang 'byung ba las gyur pa tsam du zad de de dang 'dra'o//gshin rje'i srin por skye zhes bya ba ni sdig pa'i las can thams cad dmyal ba'i srung mar skye'o zhes bya ba'i tha tshig go/ /gshin rjes bsgo ba dag gis zhes bya ba ni gshin rjes lha'i pho nya'i mdo las 'byung ba lta bus bsgo ba gshin rje'i rgyal po'i pho brang na gnas pa gang dag gis sems can de dag dmyal ba'i gnas su khrid par byed pa de dag gshin rje'i srin po zhes bshad kyi lag na ral gri dang mdung thung dang thag mdung thogs pa gang dag gnod pa'i las byed pa rnams ni ma yin no//da ni las de gang du rnam par smin zhes bya ba ni dmyal ba'i srung ma rnams kyis dmyal bar las byas pa gang du rnam par smin zhes bya ba yin no/ /de dag nyid du ste zhes bya ba rgyas par 'byung ba ni gang dag tu mtshams med pa byed pa rnams kyi rnam par smin pa'i go skabs yod pa'i dmyal ba de dag tu dmyal ba'i srung ma de dag gis su zhig 'gog//'di skad du re zhig dmyal ba dag na mtshams med pa byed pa de dag gi mtshams med pa'i las chen po'i rnam par smin pa chen po'i go skabs kyang yod na de dag la gnod pa byed pa dmyal ba'i srung ma rnams kyi las gang yin pa'i lta smos kyang ci dgos zhes bshad pa yin no//mtshams gcad pa'i phyir ro zhes bya ba ni dmyal ba'i srung ma rnams la 'di dag la sreg par ma byed cig ces mtshams bcad pa'i phyir ro/ / yang na 'byung ba'i khyad par grub pa'i phyir ro zhes bya ba ni de dag la las dag gis na me des kyang tshig par mi 'gyur ba de lta bu'i 'byung ba'i khyad par mngon par 'grub pa yin no/ /lus dang sgrar 'gyur ba dang mthun pa dag yin zhes bya ba la lus 'gyur ba dang mthun pa ni chu bur can dang /chu bur rdol ba dang / ut+pal ltar gas pa dang / pad+ma ltar gas pa dang / pad+ma ltar cher gas pa dag ste/ de na 'dug pa'i sems can rnams kyi lus chu bur can dang 'dra ba'i phyir ro/ /sgra 'gyur ba dang mthun pa ni so thams thams dang / u chu zer ba dang / kyi hud zer zhes bya ba de dag yin no//de nyid kyi phyir zhes bya ba ni 'bru'i phung po bzhin du zhabs rgya che ba'i phyir ro/ /phyi rol zhes bya ba ni nang na yod pa ma yin pa'o/ /me shel ni me shel gyi bdag nyid do/ /chu shel ni chu shel gyi bdag nyid do/ /ci rigs par zhes bya ba ni dkyil 'khor de gnyis yul dang dus kyi gnas skabs kyi khyad par dang mthun par mig la sogs pa la phan 'dogs par byed pa dang gnod par byed pa yin no//de bzhin du gzhan dag la yang sbyar bar bya'o zhes bya ba ji lta zhe na/ gang gi tshe shar gyi lus 'phags su ni nam phyed pa de'i tshe 'dzam bu'i gling du nyi ma nub po//nub kyi ba lang spyod du nyi ma phyed do/ /byang gi sgra mi snyan du nyi ma shar ro zhes bya ba de bzhin du gzhan dag la yang sbyar bar bya ba yin no/ /dbyar gyi zla ba gnyis pa'i tha ma'i tshes dgu nas mtshan ring zhes bya ba ni dbyar gyi zla ba ni dbyar zla tha chungs nas ston zla tha chungs kyi bar bzhi yin la/zla ba thams cad kyang mar gyi ngo bo snga ste de la dbyar zla tha chungs yar gyi ngo'i tshes dgu nas mtshan mo ring bar 'gyur ro/ /dgun rnams kyi ni bzhi pa la/ /thung ngur 'gyur ro zhes bya ba ni dgun gyi zla ba ni ston zla tha chungs nya nas dpyid zla ra ba nya'i bar yin te/de las dgun zla tha chungs yar gyi ngo'i tshes dgu nas mtshan mo thung ngur 'gyur ro/ /pha rol ngos su grib ma 'bab pas dkyil 'khor ma rangs par snang ngo zhes bya ba ni dper na ka ba la sgron ma'i grib ma bab pa ji lta ji ltar ka ba dang nye bar gyur pa de lta de ltar ka ba rang gi grib mas bsgribs par 'gyur te/sgron ma thag ring po na 'dug pa ni ka ba rangs par snang la/ chung zad cig gis nye na ni chung zad 'bri bar 'gyur ba nas/ shin tu nye ba na ka ba de mi snang ba'i ngo bo'i bar du 'gyur ba de dang 'dra ste/ de lta bu de ni rgyu ba'i tshul yin no zhes bya ba ni rnal 'byor spyod pa pa rnams na re ngos bla 'og 'dzul ba'i tshul gyis zla ba'i dkyil 'khor gyi 'og rol gyi cha 'bri ba dang 'phel bar 'gyur ro zhes zer ro//rgyal chen bzhi'i ris pa zhes bya ba ni rgyal po chen po bzhi'i ris ni tshogs so/ /de na yod pa ni rgyal chen bzhi'i ris pa dag go/ /ri rab kyi bang rim la sogs pa zhes bya ba la sogs pa zhes bya ba'i sgras ni mu khyud 'dzin la sogs pa bsdu'o//bar gyi thag ni stong phrag bcu/ /zhes bya ba ni bar gyi thag dpag tshad khri'o zhes bya ba'i tha tshig go/ /phyed man chad du phyin to zhes bya ba ni phyed khebs pa yin no/ /rtag myos zhes bya ba ni rtag tu myos par gyur pa zhes brjod par bya ba yin pa las tshigs su bcad pa bsdebs pa dang mthun par rtag myos zhes bshad de don gcig pa'i phyir ro//bzhi pa la ni/ rgyal po chen po bzhi bdag nyid/ /ces bya ba ni shar gyi phyogs cha na ni yul 'khor srung ngo / / lho phyogs na ni 'phags skyes po'o/ /nub kyi phyogs na ni spyan mi bzang ngo / /byang phyogs na ni rnam thos kyi bu'o zhes bya bar go rims khong du chud par bya'o/ /rgyal chen bzhi'i lha rnams zhes bshad do zhes bya ba ni gang gi phyir bang rim bzhi pa na rgyal po chen po bzhi'i bdag nyid gnas pa de'i phyir rgyal chen bzhi'i lha rnams zhes bshad do//rgyal po chen po bzhi dag yod pa'i phyir ro/ /thams cad pas che ba yin zhes bya ba ni rab tu mang ba'o/ /de ni ngos la nyi khri'o/ /zhes bya ba gal te de lta yin na ji ltar/ de dag rngams su'ang 'phang dang mnyam/ /zhes bya ba 'di bshad ce na/de dag gi bsam pa ni rked kyi cha kho na la btags nas de skad du bshad par zad do snyam pa yin no/ /phyed dang gnyis zhes bya ba ni/ /'di la phyed lhag par yod pas na phyed dang gnyis so/ /yang na 'di la dpag tshad phyed dang gnyis yod pas na dpag tshad phyed dang gnyis pa ste/'phang du zhes bya ba tshig khong nas drang ngo / /tshon brgyas zhes bya ba ni tshon rtsi sna brgyas so/ /rin po che dang gnas rnam pa du ma phun sum tshogs pa zhes bya ba ni rin po che rnam pa du ma phun sum tshogs pa dang gnas rnam pa du ma phun sum tshogs pa'o/ /gnas gzhan thams cad kyi dpal dag ste/de dag gi che ba'i bdag nyid ni che ba nyid dag go/ /de rnams ngo tsha bar byed pa ni ngo tsha ba ste ngo tsha bskyed pa'o zhes bya ba'i tha tshig go/ /ngos kyi srid du dpag tshad nyis brgya lnga bcu pa zhes bya ba 'di ni ngos gcig gi tshad yin te bzhi pa'i bar du yang tshad ni 'di yin no//phyogs bzhi zhes bya ba ni 'di la phyogs bzhi yod pa na phyogs bzhi'o/ /sa gzhi bzang zhes bya ba ni 'di dag las gzhi mdzes pa yod pas na lha rnams kyi rtse ba'i gnas sa gzhi bzang po dag yin no/ /dpag tshad nyi shu 'das nas rtse ba'i gnas yod pas na dpag tshad nyi shus bcad pa na zhes bya'o//sum cu rtsa gsum pa zhes bya ba ni de dag na sum cu rtsa gsum yod pas ni sum cu rtsa gsum pa rnams so/ /de dag ni 'dod pa'i dga' ba'i mchog gi gnas ni 'dod pa'i dga' ba khyad par can gyi gnas so/ /shing las mi 'da' ba las dgongs te gsungs so zhes bya ba ni dri de shing sa brtol de las mi 'da' bar 'dug ste/de'i yal ga dang 'dab ma dang lo ma ni dpag tshad lnga bcur khyab par gnas la/ shing de lta bu las mi 'da' ba las dgongs nas rdzi phyogs ma yin par ni dpag tshad lnga bcur ldang ngo zhes gsungs par zad do//'dir lan du de rdzi phyogs ma yin par 'gro ba ni ma yin zhes bya ba smos te/ gang du 'byung ba de kho nar 'jig par 'gyur/ yul gzhan du rgyun gyi rgyun 'chags par mi 'gyur na/ rdzi phyogs ma yin par ni dpag tshad lnga bcur ldang ngo zhes kyang ci'i phyir bshad de de lta bas na 'di ni lan du mi rung ngo //de'i phyir lan gzhan de nyid kyi zhes bya ba 'di rgyas par smos so/ /yang ci'i phyir rdzi phyogs ni dpag tshad brgyar ngad ldang la rdzi phyogs ma yin par ni lnga bcur ldang gi de phan chad du ma yin zhe na/ de'i phyir rgyun chung ba dang ches chung ba dang ches shin tu chung bar 'gyur ba'i phyir zhes bya ba rgyas par smos te/rlung chung ngus bkag pa'i phyir chung ba dang ches chung ba dang ches shin tu chung bar 'gyur ro/ /des ni dri'i rgyun de myur ba kho nar kun du 'chad par 'gyur te/ rgyu de'i phyir de bzhin du lam ring po dpag tshad brgya'i bar du mi 'gro'o//'on te rlung la bsgos nas kyang skye zhes bya ba ni ji ltar til dag la yod pa'i me tog gi dri las dri gzhan 'byung ba de dag kho na yin gyi/ me tog gi dri ma yin pa lta bu yin pa zhig gam zhes bya ba yin no/ /smras pa gal te dri de rdzi phyogs ma yin par dpag tshad lnga bcur ngad ldang na/'o na bcom ldan 'das kyis/ me tog dri ni rdzi phyogs min mi 'gro/ /zhes gang rgyas par gsungs pa ji ltar drang / rtsa ba'i dri ni gla sgang la sogs pa'i'o/ /bya ba dang bya ba ma yin pa 'gro bar byed pa zhes bya ba ni bya ba dang bya ba ma yin pa la gtod par byed pa ste/'jug par byed pa zhes bya ba'i tha tshig go/ /gang dag gi snod mngon pa'i mdor bsdu na zhes bya ba la/ snod ni gnas te rtsed mos dran rlag pa dang rab tu rgod pa la sogs pa lha gzhan yang phal mo che zhig yod pas 'di ni mdor bshad pa yin no/ /'di dag la gnyis kyis gnyis nas bltas pa'i bar gyi 'khrig pa yod pas na/gnyis gnyis 'khyud dang lag bcangs dang / /dgod dang bltas pas 'khrig pa yin no/ /thams cad kyang gnyis kyis gnyis sprod pas yin no zhes bya ba ni bye brag tu smra ba rnams na re 'dod pa na spyod pa'i lha drug car yang gnyis kyis gnyis sprod pas gdung ba dang 'bral lo//brtags pa las bshad pa ni dus kyi tshad yin zhes bya ba ni dus ji srid kyis gnyis kyis gnyis dang 'khyud pa dang lag bcangs dang / dgod pa dang bltas pa dag yin pa'i dus de srid kyis go rims bzhin du sa dang 'brel bar gnas pa dang /'thab bral ba dang / dga' ldan pa dang / 'phrul dga' ba dang / gzhan 'phrul dbang byed pa rnams kyis gnyis kyis gnyis sprod pa yin no zhes zer ro/ /ji tsam ji tsam du zhes rgyas par 'byung ba ni ji tsam ji tsam du gong nas gong du yul rnams ches shas che ba de tsam de tsam du 'dod chags te 'khrig pa'i dus kyang ches shas che'o snyam du bsams pa yin no//de dag kyang lha'i ris bzhi rnams so zhes bya ba ni rgyal chen bzhi'i ris pa nas dga' ldan pa'i bar ro/ /'di dag la ji ltar byung ba yongs su longs spyod pa de yod pas ji ltar byung ba la yongs su longs spyod pa'o//de'i ngo bo nyid de de'i phyir ro/ /ji ltar 'dod pa bzhin bdag nyid kyis sprul pa la yongs su longs spyod pa yang snga ma bzhin no/ /ji ltar 'dod pa bzhin bdag dang gzhan gyis sprul pa yongs su longs spyod pa'i phyir zhes bya ba ni bdag nyid dang gzhan gyis sprul pa ni bdag dang gzhan gyis sprul pa'o//de dag la yongs su longs spyod pa ste snga ma bzhin no/ /kha cig ni ji ltar 'dod pa bzhin gzhan gyis sprul pa la yongs su longs spyod pa'i phyir ro zhes bya ba 'don to/ /'don pa de la ni 'di ltar tshig rnam par sbyar bar bya ste/gzhan gyis sprul pa ni ji ltar 'dod pa bzhin gzhan gyis sprul pa'o/ /de la yongs su longs spyod pa ste snga ma bzhin no/ /'phrul dga' ba rnams ni gzhan gyis sprul pa'i 'dod pa dag la yongs su longs spyod pa 'byor par mi 'gyur te/ de ltar na 'phrul dga' ba rnams las gzhan 'phrul dbang byed pa rnams khyad par du rab tu bstan pa yin no//'dir sprul pa ni gzugs la sogs pa phyi yul yin par rig par bya'o/ /dben pa las skyes pa ni bsam gtan dang po'i sa pa ste/ mi dge ba las dben pa'i phyir ro/ /ting nge 'dzin las skyes pa ni bsam gtan gnyis pa'i sa pa ste/rtog pa dang dpyod pa dang bral ba'i phyir ro/ /dga' ba'i bde ba ni dga' ba'i mtshan nyid kyi bde ba'o/ /dga' ba med pa'i bde ba ni yid bde ba dang bral ba'i phyir ro/ /bde bar gnas pa zhes bya ba la bde ba zhes bya ba ni bya ba'i khyad par yin no//bde ba skye ba nyid dpyad par bya'o zhes bya ba ni bsam gtan khyad par can ni bde ba med pa'i phyir bde ba skye ba yin no zhes brjod par ni mi nus kyi/ dge ba'i rnam par smin pa nyid yin pas bde ba dang 'dra ba'i phyir bde ba skye ba'o zhes bya ba rnam par gzhag par ni nus so//gal te bsam gtan bzhi pa yang bde ba skye ba yin par thal bar 'gyur ro zhe na/ ma yin te/ sa de na bde ba med pa'i phyir ro/ /de lta bas na 'di ni dpyad par bya ba yin no snyam du bsams pa yin no/ /lhag ma rnams kyang de dang 'dra'o zhes bya ba ni rdzu 'phrul gyis sam/gzhan la brten nas 'thab bral ba rnams dga' ldan pa'i nang dag tu 'gro bar 'gyur te/ gal te rdzu 'phrul dang ldan pa'am/ de na gnas pa'i lhas khrid na'o/ /sa mtshungs pa dag ni rgyal chen bzhi pa rnams sum cu rtsa gsum pa'i nang dag tu 'gro'o/ /gong du skyes pa 'ongs pa mthong bar 'gyur gyi zhes bya ba ni sa mtshungs pa pa yin gyi/sa gong ma pa ni ma yin te/ bsam gtan dang por skyes pa yang ma yin la bsam gtan gnyis par skyes pa yang ma yin no zhes bya ba la sogs pa yin no/ /de'i 'dod pas zhes bya ba ni gong du skyes pa'i 'dod pas so//'di na 'khod pa zhes bya ba ni 'dug pas na 'di na 'khod pa'o/ /sa gong ma pa zhes pa'i tha tshig ste/ sde pa gzhan dag na re 'di na 'khod pa bzhin du mthong bar 'gyur ro zhes zer ro/ /reg bya reg par mi 'gyur ba bzhin no zhes bya ba 'di ni dper brjod pa tsam du zad pa ste/sgra ji lta ba bzhin no zhes bya ba 'di yang shes par bya'o/ /'thab bral ba la sogs pa 'dod pa na spyod pa bzhi'i gnas kyang gong ma nyis 'gyur ro zhes bya ba ni dga' ldan gyi gnas ni 'thab bral ba'i gnas kyi nyis 'gyur ro zhes bya ba la sogs pa yin no/ /bzhi pa ni tshad med do zhes bya ba na gzhal med khang skar ma bzhin du 'og gzhi dang mi ldan pa'i phyir tshad med pa nyid srid do snyam du bsams pa yin no//tshangs pa'i 'jig rten stong zhes bya ba ni tshangs ris pa dang tshangs pa'i mdun na 'don dang tshangs chen pa rnams zhes bya ba'i tha tshig ste/ 'jig rten na de ltar grags pa'i phyir ro//spyi phud ces bya ba ni stong chen po'i 'jig rten gyi khams kyi spyi phud lta bu yin pa'i phyir spyi phud ces bya'o/ /'byung ba ni 'chags pa yin no zhes bya ba ni sna tshogs su 'byung bas na 'chags pa'o/ /yang na 'di la sna tshogs su 'byung ba yod pas na 'chags pa yin no//kun du 'jig pas na 'jig pa'o/ /yang na 'di la kun du 'jig pa yod pas na 'jig pa ste/ de'i dus na sems can rnams bsam gtan gnyis pa'am/ gsum pa'am/ bzhi pa gcig tu 'jig par 'gyur ro/ /'gro bar 'gyur ro zhes bya ba'i tha tshig ste/'og nas/ 'chags pa dang ni 'jig pa dang / /zhig nas 'dug pa dag mnyam mo/ /zhes bshad par bya'o/ /'dzam bu'i gling pa rnams kyi tshad/ /khru bzhi pa dang phyed dang bzhi/ /zhes bya ba ni khru phyed dang bzhi pa dag yin te/ kha gcig ni lus kyi tshad khru bzhi pa dag kyang yin no//shar dang ba lang spyod dang ni/ /byang zhes bya ba 'di dag la/ /shar dang ba lang spyod dang byang / /zhes bya ba yod pas ni de dag ni/ shar dang ba lang spyod dang ni/ /byang zhes bya ba yin no/ /de dag ni grangs bzhin du shar gyi lus 'phags pa rnams ni tshad khru brgyad do//ba lang spyod pa rnams ni tshad khru bcu drug go/ /byang gi sgra mi snyan pa rnams ni tshad khru sum cu rtsa gnyis so/ /bzhi cha nas zhes bya ba rgyas par 'byung ba ni/ rgyang grags dag phyed dang gnyis kyi bar du zhes 'byung ba'i phyir bzhi cha zhes bya ba ni rgyang grags kyi zhes bya bar mngon te/rgyal chen bzhi pa rnams kyi lus ni rgyang grags kyi bzhi cha tsam mo/ /sum cu rtsa gsum pa rnams kyi ni bzhi cha gnyis tsam pa yin pa nas gzhan 'phrul dbang byed pa rnams kyi ni rgyang grags gcig dang / bzhi cha gcig tsam gyi bar du yin no/ /nyis 'gyur du bsgyur nas de las dpag tshad gsum phri na zhes bya ba ni sprin med pa rnams kyi lus kyi tshad ni nyis 'gyur du bsgyur ba byas nas dpag tshad gsum bor na dpag tshad brgya nyi shu rtsa lnga'o//bsod nams skyes pa la sogs pa zhes bya ba ni bsod nams skyes pa rnams kyi lus kyi tshad ni dpag tshad nyis brgya lnga bcu'o//'bras bu che ba rnams kyi ni dpag tshad lnga brgya'o zhes bya bar brtsi bar bya ba yin no/ /ku mu da dang pad+ma bzhin/ /zhes bya ba ni ji ltar 'di ni me tog ku mu da dag nyin par ni kha 'dzums shing mtshan mo na kha 'bye la pad+ma de las bzlog pa dag yin pa ltar de na me tog kha cig kha 'dzums shing kha 'bye ba'i sgo nas nyin mtshan rnam par gzhag pa yin no//bya rnams skad 'byin pa dang skad mi 'byin pa zhes bya ba ni skad mi 'byin pas na mtshan mo yin la skad 'byin pas ni nyin mo yin pa'am/ yang na bzlog ste bya'i rigs ji lta ba bzhin no//gnyid sangs pa dang bro ba las/ /zhes bya ba ni gnyid bro ba las mtshan mo yin par mngon la/ gnyid sangs pa las nyin mo yin par mngon no/ /lhag pa lhag pa yin zhes bya ba ni lhag pa ni nyi khris lhag pa yin no zhes bya ba'i tha tshig go/ /de nyid kyi phyir/ de ltar na de dag gi tshe'i tshad ni go rims bzhin du bskal pa bzhi khri dang drug khri dang brgyad khri yin no zhes bya ba smos te/rnam shes mtha' yas skye mched na ni bzhi khri'o/ /ci yang med pa'i skye mched na ni drug khri'o/ /srid pa'i rtse mo na ni brgyad khri'o zhes bya ba yin no/ /de'i 'og ma ni bskal pa chen po'i phyed la zhes bya ba rgyas par 'byung ba ni bar gyi bskal pa brgyad cu la bskal pa chen po'o//de'i phyed ni bar gyi bskal pa bzhi bcu ste/ bskal pa chen po'i phyed la bskal par byas pa de'i phyed po bar gyi bskal pa nyi shu gang yin pa de ni tshangs ris pa rnams kyi tshe'i tshad yin no//de'i phyed la bskal par byas pa bar gyi bskal pa bzhi bcu gang yin pa de ni tshangs pa'i mdun na 'don pa rnams kyi tshe'i tshad yin no/ /de dang de lta bu'i bdag nyid kyi phyed ni tshangs chen gyi tshe'i tshad yin no/ /de ni bskal pa phyed dang gnyis so zhes bya ba ste/ grangs bar gyi bskal pa drug cu'o//tshangs chen la sogs pa zhes bya ba'i sgras ni bzlog ste tshangs pa'i mdun na 'don rnams dang tshangs ris pa rnams bsdu'o/ /de'i 'og ma phyed yin no zhes bya ba ni lha'i ris 'od chung nas bzung zhes bstan pa la ltos pa'i phyir ro/ /de dag gi tshe'i tshad du bshad pa yin no zhes bya ba ni tshangs chen dang /tshangs pa'i mdun na 'don dang / tshangs ris pa de dag gi'o/ /'dod lha'i tshe dang nyin zhag mnyam/ /zhes bya ba rgyas par 'byung ba ni rgyal chen ris bzhi pa rnams kyi tshe'i tshad du bshad pa gang yin pa de ni yang sos kyi nyin zhag gcig yin la/de bzhin du gzhan 'phrul dbang byed pa rnams kyi tshe'i tshad du bshad pa gang yin pa de ni tsha ba'i nyin zhag gcig ces bya ba'i bar du yin no/ /'dod pa'i lha dang 'dra ba yin/ /zhes bya ba ni 'dod pa'i lha rnams kyi dang 'dra bas 'dod pa'i lha dang 'dra ba yin no/ /des na zla ba bcu gnyis pa'i los/de ni yod pa'i lo lnga brgya/ /zhes bya ba'i bar du yin no zhes bya ba ni de dag gi tshe'i tshad de na yod pa'i nyin zhag des ni nyin zhag sum cu la zla ba/ zla ba bcu gnyis la lor brtsis pas de na yod pa'i lo lnga brgya thub po zhes bya ba la sogs pa yin no/ / de bzhin du gzhan dag la yang ci rigs par sbyar bar bya'o zhes bya ba ni 'thab bral ba rnams kyi tshe'i tshad gang yin pa de ni sems can dmyal ba chen po bsdus 'joms kyi nyin zhag gcig yin la/ nyin zhag des na tshe'i tshad ni lo nyis stong yin no zhes bya ba lta bur gzhan dag la yang ci rigs par sbyar bar bya ba yin no//dge slong dag klu brgyad po 'di dag ni zhes bya ba ni/ dge slong dag klu brgyad po 'di dag ni klu chen po ste/ bskal par gnas pas 'dzin pa/ bya'i rgyal po nam mkha' lding gis mi phyin pa/ lha dang lha ma yin gyi g.yul la yang nyams su myong zhing so sor nyams su myong ba yin no//de dag kyang gang zhe na/ 'di lta ste/ klu'i rgyal po dga' bo dang / klu'i rgyal po nye dga' bo dang / klu'i rgyal po rta mgo dang / klu'i rgyal po btang bzung dang / klu'i rgyal po yid las byung dang / klu'i rgyal po yul 'khor srung dang /klu'i rgyal po nag po chen po dang / klu'i rgyal po e la'i 'dab po zhes 'byung ba yin no/ /phyur bur bkang zhes bya ba ni sgyur ba'o/ /skye ba gcig gis thogs pa zhes bya ba ni sangs rgyas nyid du tshe gcig gis thogs pa'o/ /srid pa tha ma zhes bya ba ni tshe tha ma pa ste/gang gis na tshe de nyid la dgra bcom pa nyid mngon sum du byed par 'gyur ba'o/ /de ni ji srid dgra bcom pa ma thob kyi bar du bar ma dor 'chi ba med do/ /dad pas rjes su 'brang ba dang / chos kyi rjes su 'brang ba dag kyang ji srid dad pas mos pa dang mthong bas thob pa dag thob par ma gyur gyi bar du bar ma dor 'chi ba med do//de dag lhums na yod pa zhes bya ba ni byang chub sems dpa' dang / 'khor los sgyur ba lhums na yod pa ste/ de dag gi yum ni ji srid de gnyis ma bltams kyi bar du bar ma dor 'chi ba med do/ /de lta bu la sogs pa'o zhes bya ba la sogs pa zhes bya ba'i sgras ni 'gog pa dang /'du shes med pa'i snyoms par 'jug pa la snyoms par zhugs pa rnams dang / byams pa la sogs pa la snyoms par zhugs pa rnams ji srid ting nge 'dzin de dag las ma langs kyi bar du bar ma dor 'chi ba med pa bsdu'o/ /sor ni nyi shu bzhi la khru//zhes bya ba ni chos mngon pa bshad pa'i dus tsam gyi mi khru gang gis gling bzhi pa la sogs pa'i tshad rnam par gzhag pa gang yin pa de gzung bar bya'o/ /dgun rnams kyi zhes bya ba ni dper na dbyar rnams zhes bya ba don gcig la yang mang po'i tshig grags pa ltar dgun rnams dang dpyid rnams zhes bya ba yang de dang 'dra bar blta bar bya'o//gsung rab las ni dus gsum kho na yin gyi/ 'jig rten pa'i lta bur drug ni ma yin te/ dgun stod ni grang bar 'dra ba'i phyir dgun du bshad do/ /sos ka ni tsha bar 'dra ba'i phyir dpyid du bshad do/ /ston smad ni char pa 'bab tu 'dra ba'i phyir dbyar du bshad de/de ltar dgun dang dpyid dang dbyar/ /zhes bya ba dag yin no/ /sangs rgyas pa thams cad kyi dus dang po ni dgun dag yin no/ /gnyis pa ni dpyid do/ /gsum pa ni dbyar ro/ /de la 'di la phyed lhag pa yod pas na zla ba phyed dang gnyis so//phyed dang gnyis po de 'das nas te dgun zla ra ba dgun zla 'bring po phyed dang bcas par 'das nas lhag ma zla ba phyed ni lus pa na ste/ dgun zla 'bring po phyed las pa na mar gyi ngo'i tshes bcu bzhi la mkhas pa sangs rgyas pa rnams kyis zhag mi thub pa ste zhag gi shol dor bar bya ba'o zhes bya ba'i tha tshig go//'dir ni dge sbyong rnams kyi bcu bzhi pa'i gso sbyong byed do/ /de bzhin du dgun zla tha chungs dpyid zla ra ba'i phyed dang bcas te 'das na dpyid zla ra ba'i phyed lus pa na yang zhag gi shol gzhan dor bar bya'o/ /de bzhin du dpyid dag la yang dpyid zla tha chungs mar gyi ngo'i tshes bcu bzhi dang /dbyar zla 'bring po mar gyi ngo'i tshes bcu bzhi la yang zhag gi shol gzhan dag dor bar bya'o/ /dbyar dag na yang ston zla ra ba mar gyi ngo'i tshes bcu bzhi dang / ston zla tha chungs mar gyi ngo'i tshes bcu bzhi la zhag gi shol gzhan dag dor bar bya'o//'gro ba 'jig pa zhes bya ba ni dmyal ba la sogs pa'i 'gro ba lnga 'gro ba'i phyogs gcig pa lha'i 'gro bar 'jig pa ste/ gcig tu 'du bar 'gyur ba zhes bya ba'i tha tshig go/ /khams 'jig pa zhes bya ba ni 'dod pa'i khams dang / gzugs kyi khams dag 'jig pa'o//sems can 'jig pa zhes bya ba ni gang gi tshe sems can dag kho na 'jig cing bsam gtan dag tu gcig tu 'du bar 'gyur ba yin gyi de'i tshe snod dag 'jig cing nyams par 'gyur ba ni ma yin no zhes bya ba'i tha tshig go/ /snod 'jig pa zhes bya ba ni gang gi tshe snod kho na 'jig par 'gyur gyi sems can ma yin pa ste/de na sems can 'ga' yang med pa'i phyir ro/ /gang 'jig rten 'di chags nas zhes bya ba rgyas par 'byung ba ni dmyal bar skyes pa nas brtsams te bar gyi bskal pa nyi shur 'jig rten gang yin pa 'di 'dug par gyur pa las ni nges par byung ba ste/de tshar phyin par brjod par bya'o zhes bya ba'i tha tshig go/ /de la ni zhugs pa zhes brjod par bya zhes bya ba ni 'jig pa de mgo zug go zhes brjod par bya'o zhes bya ba'i tha tshig go/ /dud 'gro myong bar 'gyur ba zhes bya ba la sogs pa ni gang gi tshe dud 'gro dag na sems can 'ga' yang ma lus par gyur na de tsam gyis 'di lta ste/dud 'gro 'jig pas 'jig rten 'di zhig pa yin no/ /de'i tshe gang la nges par dud 'gro myong bar 'gyur ba'i las yod pa de ni 'jig rten gyi khams gzhan dag tu 'phen par 'gyur te zhes bya ba dang / de bzhin du gang gi tshe yi dags dag na zhes bya ba rgyas par yi dags 'jig pa yang sbyar bar bya ba yin no//mi dang lhan cig rgyu ba rnams/ /zhes bya ba ni mi dang lhan cig rgyu ba'i ngang tshul can te ba lang dang ma he la sogs pa'o/ /mi dag gi nang na zhes bya ba ni 'dzam bu'i gling gi mi dag gi nang na zhes bya ba'i tha tshig go//chos nyid kyis thob pa zhes bya ba ni de'i tshe chos dge ba rnams kyis 'gyur ba'i bye brag ni chos nyid ces bya ste/ 'di la des thob pa yod pas na chos nyid kyis thob pa'o/ /shar gyi lus 'phags dang nub kyi ba lang spyod 'jig pa dag kyang de bzhin du sbyar bar bya'o/ / byang gi sgra mi snyan 'jig pa ni 'di skad brjod par bya ste/ gang gi mi rnams byang gi sgra mi snyan nas 'chi 'pho ba kho nar 'gyur zhing skye bar mi 'gyur ba de lta bu'i dus kyang yod de/ gang gi tshe de na sems can gcig kyang ma lus par gyur pa na de tsam gyis byang gi sgra mi snyan 'jig pas 'jig rten 'di zhig pa yin no zhes brjod par bya'o//de'i phyir de skad brjod kyi 'dzam bu'i gling 'jig pa la sogs pa lta bur ni ma yin zhe na/ de na 'dod chags dang bral ba med pa'i phyir ro zhes bya ba smos te/ byang gi sgra mi snyan de na 'dod chags dang bral ba med pa'i phyir ro/ /sems can rnams kyi de 'phen pa'i las yongs su zad pa dang zhes bya ba ni snod 'phen par byed cing snod skyed par byed pa yongs su zad pa dang zhes bya ba'i tha tshig go//'di nyid nas kun nas zhes bya ba ni gling bzhi pa kun nas zhes bya ba'i tha tshig go/ /tshangs pa'i gzhal med khang gi bar sreg par 'gyur ro zhes bya ba ni 'gro bar 'gyur ro zhes bya ba'i tha tshig go//me lce de yang de'i sa pa kho na zhes bya ba ni bsam gtan dang po'i sa pa'o/ /ci'i phyir zhe na/ smras pa/ ris mi mthun zhing mi 'dra ba'i skyon te gnod pa me la sogs pa 'gro zhing sreg par 'gyur ba ni med do zhes bya ba'i tha tshig go//smras pa/ gal te de lta yin na ci'i phyir de nyid las zhes bya ba 'di rgyas par brjod ce na/ de'i phyir/ de dang 'brel pa las byung ba nyid kyi phyir zhes bya ba rgyas par smos te/ gzugs na spyod pa'i me lce ni 'dod pa na spyod pa'i me lce de dang 'brel pa las byung ba yin no/ /de'i ngo bo nyid de de'i phyir ro/ / de bzhin du 'jig pa gzhan dag la yang ci rigs par brjod par bya'o zhes bya ba ni mes 'jig pa ji skad du bshad pa de bzhin du 'jig pa gzhan rlung gis 'jig pa la yang ci rigs par rig par bya ste/ ji ltar zhe na/ de tsam gyis 'di lta ste/ sems can zhig pas 'jig rten 'di zhig pa yin no zhes bya ba'i bar dmyal ba la sogs pa 'jig pa snga ma bzhin du brjod nas de'i 'og tu snod stong par lhan cig skyes pa'i chu'i khams gang gis snod kyi 'jig rten lan tshwa la bya ba bzhin du 'ju bar byed pa 'byung ngo //'dod pa na spyod pa'i chu'i khams de ni bsam gtan dang po'i sa pa chu'i khams dang 'brel par byed cing /de yang bsam gtan gnyis pa'i sa pa dang 'brel par byed la/ sa gnyis pa'i chu'i khams de dag kyang rang rang gi snod dang lhan cig 'gag par 'gyur ro/ /rlung gis 'jig pa yang de bzhin du lhan cig skyes pa'i rlung ldang ngo zhes bya ba rgyas par brjod par bya'o/ / ji ltar zhe na/ rlung gi khams lhan cig skyes pa gang gis 'dod pa na spyod pa'i snod kyi 'jig rten nas rim gyis bsam gtan gsum pa'i sa pa'i bar rdul gyi phung po la bya ba bzhin du rnam par 'thor bar byed cing rnam par 'jig par byed pa gang yin pa ldang zhes bya ba'i bar snga ma bzhin brjod nas de nyid dang lhan cig 'gag par 'gyur ro zhes bya ba'i bar du brjod par bya ba yin no//'chags pa'i bskal pa'i tshul rgyas par bshad par 'dod nas/ de ltar 'jig rten zhig pa zhes bya ba rgyas par smos te/ de ltar zhes bya ba ni ji skad brjod pa ltar ro/ /de'i tshe zhes bya ba rgyas par 'byung ba ni gang gi tshe nam mkha' la rlung 'jam po 'jam po dag ldang ba de nas gzung ste 'jig rten 'di zhig nas bar gyi bskal pa nyi shur 'dug pa gang yin pa de las ni nges par 'byung zhing yongs su rdzogs pa zhes brjod par bya'o//de ni nye bar 'ongs par brjod par bya'o zhes bya ba ni de mgo zug par brjod par bya'o zhes bya ba'i tha tshig go//ji skad bshad pa'i rim pa dang tshul du zhes bya ba ni ji skad bshad pa'i rim pa dang tshul du thams cad 'byung ba ste/ ji skad bshad pa'i rim pa ni rlung gi dkyil 'khor dang / chu'i dkyil 'khor dang / de nas gser gyi rang bzhin gyi sa gzhi dang /de'i 'og tu ri rab la sogs pa'o zhes bya ba'o/ /ji skad bshad pa'i tshul ni gang gi tshul srid dang zabs dang rgya dang dbyibs kyi mtshan nyid bshad pa gang yin pa de de ltar thams cad 'byung ba'o/ /dang por ni tshangs pa'i gzhal med khang zhes bya ba rgyas par 'byung ba ni lugs kyis na tha mar 'jig pa gang yin pa de ni dang por 'chags pa yin no//de'i phyir dang por ni tshangs pa'i gzhal med khang 'byung ngo / /de'i 'og tu ni 'thab bral ba'i bar du'o zhes bya ba smos te/ bar du zhes bya ba'i sgras ni tshangs pa'i gzhal med khang gi 'og tu gzhan 'phrul dbang byed kyi gzhal med khang ngo //de'i 'og tu 'thab bral ba'i gzhal med khang gi bar du 'byung ngo zhes bya bar bsdu'o/ /'thab bral ba'i gzhal med khang byung ba de'i 'og tu ni rlung gi dkyil 'khor la sogs pa'o/ /'di lta ste/ snod chags pas ni sems can chags pa ma yin no zhes ston par byed do//tshangs pa'i gzhal med khang stong par skye bar 'gyur zhes bya ba ni tshangs pa chen po'o/ /sems can gzhan dag kyang zhes bya ba ni de'i 'khor rnams so/ /de nas shi 'phos nas tshangs pa'i mdun na 'don dag tu zhes bya ba ni 'od gsal ba dag nas so/ /de las ni nges par 'byung ba yin zhes bya ba ni 'jig rten chags pa de las ni nges par 'byung zhing yongs su rdzogs pa yin zhes bya ba'i tha tshig go//de ni nye bar 'ongs pa yin no zhes bya ba ni chags nas gnas par [(]byad [,]byed [)]pa'i mgo zug go zhes bya ba'i tha tshig go/ /mi rnams kyi tshe dpag tu med pa la bar gyi bskal pa bcu dgu 'da' bar 'gyur ro zhes bya ba ni bskal pa bar ma gcig ni tshangs pa'i 'jig rten gyi gzhal med khang la sogs pa snod 'grub pas 'da' bar 'gyur te/de'i phyir dmyal bar sems can byung gi bar mi rnams kyi tshe lo dpag tu med pa la lhag ma bar gyi bskal pa bcu dgu 'da' bar 'gyur ro//chags pa'i gnas skabs de las 'da' ba yang de lta bur khong du chud par bya'o/ /dmyal ba'i sems can byung nas ni chags pa'i gnas skabs kyi mgo zug pa yin no/ /tshe dpag tu med pa nyid nas 'grib pa na/ tshe lo bcu pa'i bar du 'gyur ba 'di ni chags pa'i gnas skabs kyi bar gyi bskal pa gcig yin te/de'i phyir/ 'di ni chags nas gnas skabs kyi bar gyi bskal pa dang po yin no zhes bya ba smos so/ /de yang yar skye mar 'bri ba'i/ /bskal pa gzhan ni bco brgyad dang / /de nas yar skye ba ni gcig yin te/ de ltar na chags pa'i gnas skabs kyi tshad ni bar gyi bskal pa nyi shu yin par khong du chud par bya'o//sil bu zhes bya ba ni lung bzhi'i nang du ma gtogs pa'o zhes bya ba'i tha tshig go/ /bar nas brgyad ni ma rnyed do/ /zhes bya ba ni phyogs 'ga' zhig nas brgyad chad pa'i phyir ma bton te/ des na gnas lnga bcu rtsa gnyis su 'gyur ro/ / grangs kyi gnas drug cur bya dgos te/ bdag nyid kyis gang gis na grangs kyi gnas drug cur kha skong bar 'gyur ba brgyad po de dag ming gang yang rung ba zhig btags nas gdon par bya'o/ /grangs med pa zhes bya ba la grangs med pa ni grangs kyis bgrang bar bya ba med pa la grangs med pa zhes bya ba'o//gal te de lta na grangs med pa gsum la sangs rgyas 'byung ngo zhes ji skad du bshad ce na/ de ni nyes pa med de/ 'di dag las grangs gzhan med pas grangs med pa ste/ bskal pa grangs med pa yin no/ /grangs med pa dang grangs med pa yin pas na grangs med pa dag ste/ de gsum mo//bskal pa de grangs med pa gsum la 'byung bas na de grangs med gsum la sangs rgyas 'byung ngo zhes de ni de skad du bshad par bya ba yin no/ /de 'dod pa'i phyir te zhes bya ba ni gzhan gyi don gang yin pa de 'dod pa'i phyir te/ mngon par 'dod pa gang yin pa de ni rang gi don yin par mthong ngo / / rgyu des zhes bya ba ni bdag tu chags pa'i rgyus so/ /rang gi rgyud la yod pa'i 'du byed de dag las bdag tu chags pa bzlog nas snying rje'i mtshan nyid kyi lta ba bskyed de rgyu des lta ba'i rgyu des sdug bsngal dag myong bar 'gyur ro snyam du yid ches par bya zhing khong du chud par bya'o/ /'bring po sdug bsngal ldog pa kho na'o zhes bya ba ni nyan thos dang rang sangs rgyas ni sdug bsngal ldog pa kho na ste/thar pa kho na don du gnyer bar byed kyi 'khor ba'i bde ba ni ma yin no/ /ci'i phyir zhe na/ gang phyir de ni sdug bsngal gnas yin phyir/ /'di ltar 'khor ba pa'i bde ba de ni sdug bsngal gyi gnas yin no//dam pa byang chub sems dpa' ni rang gi rgyud la yod pa'i sdug bsngal rnams kyis gzhan dag la bde ba mngon par mtho ba dang gzhan dag la sdug bsngal gtan ldog pa kho na ste nges par legs pa'i ngo bo nyid don du gnyer ro/ /yang na gzhan dag la ni bde ba mngon par mtho ba dang nges par legs pa don du gnyer la bdag nyid kyi ni sdug bsngal gtan du ldog pa kho na ste/sangs rgyas nyid kyi mtshan nyid gzhan dag la phan pa bya ba'i thabs su gyur pa don du gnyer bar byed do/ /ci'i phyir zhe na/ gang gi phyir de'i sdug bsngal gyis de sdug bsngal phyir 'di ltar gzhan gyi sdug bsngal dag gis byang chub sems dpa' de sdug bsngal bar gyur te/de nyid kyi phyir bde ba rnam pa gnyis don du gnyer bar byed do/ /mar 'grib pa'i 'og tu zhes bya ba rgyas par 'byung ba ni lo brgya man chad ni snyigs ma lnga shin tu lhag pa yin te mngon par lhag pa yin no zhes bya ba'i tha tshig go//lo brgya pa na lhag pa ni yin mod kyi/ phyis ji lta bar shin tu lhag pa ni ma yin no/ /tshe'i snyigs ma zhes bya ba ni ngan snyigs su gyur cing tha chad yin pas na snyigs ma'o/ /tshe nyid snyigs ma yin pas na tshe'i snyigs ma ste/ dus kyi snyigs ma la sogs pa yang de dang 'dra'o/ /go rims bzhin du zhes bya ba ni tshe'i snyigs mas ni srog rgud par byed do//dus kyi snyigs mas ni yo byad rgud par byed do/ /'bru dang me tog dang 'bras bu dang sman la sogs pa'i yo byad de dag ro dang nus pa dang smin pa dang mthu chung bar 'gyur bas so/ /gnyis kyis ni dge ba'i phyogs rgud par byed do zhes bya ba ni nyon mongs pa'i snyigs ma dang lta ba'i snyigs mas dge ba'i phyogs rgud par byed do//ji lta zhe na/ 'dod pa'i bsod nyams dang / bdag ngal ba la rtsom pa'i dbang du byas nas zhes bya ba smos te/ 'dod pa'i bde ba nyid dam 'dod pa'i bde ba la chags pas na 'dod pa'i bsod nyams so//yang na 'dod pa'i bsod nyams ni 'dod pa'i sred pa ste/ gang gis 'dod pa'i bde ba la chags par 'gyur ba'o/ /bdag ngal ba ni bdag la nye bar gdung ba ste bdag nyid la gnod pa zhes bya ba'i tha tshig go/ /'dod pa'i bsod nyams dang bdag ngal ba la rtsom pa ni bsten pa ste de'i dbang du byas pa'o//de lta bas na 'di skad du nyon mongs pa dang lta ba'i snyigs ma dag gis ni 'dod pa'i bsod nyams la rtsom pa dang bdag ngal ba la rtsom pa'i dbang du byas shing brtsams nas dge ba'i phyogs rgud par 'gyur ro zhes bshad pa yin te/ re zhig de lta bu ni khyad par med par bstan pa yin no//yang na khyim pa dang rab tu byung ba'i phyogs kyi ste/ go rims bzhin du nyon mongs pa'i snyigs mas ni khyim pa'i phyogs kyi dge ba rgud par byed do/ /lta ba'i snyigs mas ni rab tu byung ba'i phyogs te/ khyim pa rnams ni 'dod pa'i gtsor byed pa yin la/ rab tu byung ba rnams ni lta ba gtso byed pa yin no//gcig gis ni zhes bya ba ni sems can gyi snyigs mas so/ /rang sangs rgyas ni rnam pa gnyis te zhes bya ba ni 'di ltar bse ru lta bu 'ba' zhig tu ma zad kyi nyan thos sngon du 'gro ba tshogs shing spyod pa rnams kyang rang sangs rgyas yin pas so/ /de lta bas na de dag yar skye ba'i tshe yang 'byung ba la 'gal ba med de gang dag gis rgyun du zhugs pa dang /lan cig phyir 'ong ba'i 'bras bu skyed la/ sangs rgyas kyi bstan pa nub pa dang bdag nyid kyis dgra bcom pa nyid thob par 'gyur ba de dag ni tshogs shing spyod pa yin la/ de dag kyang sngon sangs rgyas byung ba'i tshe nyid na skyo bar byas zin pa'i phyir yang skyo bar bya mi dgos pas so//de'i phyir spyod lam bstan pas zhes bya ba ni rang sangs rgyas kyi spyod lam bstan pas te ting nge 'dzin dang mthun pa'i skyil mo krung bca' ba bstan pas so/ /'phags pa dag cig yin na ni dka' thub drag po dag gis gdung bar mi 'gyur ro zhes bya ba ni bden pa mthong ba'i dus nyid na tshul khrims dang brtul zhugs mchog tu 'dzin pa'i lta ba spangs pa'i phyir la/dka' thub drag po byed pa ni tshul khrims dang brtul zhugs mchog tu 'dzin pa'i lta ba sngon du 'gro ba can yin pa'i phyir ro/ /bse ru lta bu rnams zhes bya ba ni ji ltar bse ru dag gnyis pa med pa de bzhin du/de dag kyang khyim pa dang rab tu byung ba rnams dang / rang sangs rgyas gzhan dag dang mi 'dra bar gnas pas na bse ru lta bu zhes bya'o/ /bskal pa brgya'i rgyus zhes bya ba ni bskal pa brgyar byang chub kyi rgyu bsags pas zhes bya ba'i tha tshig go/ / de nyid kyi phyir/ /bskal pa chen po brgyar byang chub kyi tshogs tshul khrims dang ting nge 'dzin dang shes rab kyi mtshan nyid dag la spyad cing sbyor ba byas pas zhes bya ba smos so/ /de dag gis spyod do zhes bya ba rgyas par 'byung ba ni de dag gis so so yang dag par rig pa thob par ma gyur du zin kyang / 'on kyang de dag gis smon nas shes pas sngon gyi sangs rgyas rnams kyi bstan pa rjes su dran nas kyang chos ston par spyod do/ /rdzu 'phrul ston pa'i phyir ro zhes bya ba ni sems can la phan gdags pa'i don du nam mkha' la 'gro ba la sogs pa rab tu ston pa'i phyir ro/ /sems can rnams skal ba dang mi ldan pa'i phyir yang ma yin te zhes bya ba ni chos ston par mi mdzad pa zhes bya ba tshig lhag ma yin no//ci'i phyir zhe na/ 'di ltar zhes bya ba rgyas par smos te/ gang gi phyir de'i tshe 'jig rten pa'i 'dod chags dang bral ba dag yod pa de'i phyir 'jig rten las 'das pa'i 'dod chags dang bral ba dag tu yang 'gyur ro snyam du bsams pa yin no//gal te rgyu de dag chos ston pa'i rgyu ma yin na 'o na rgyu gang yin snyam pa la/ 'o na ci zhes bya ba rgyas par smos te/ sngon goms pa'i dbang gis te/ 'du 'dzi med pa la goms pa'i dbang gis bsod nyams la mos pa'i phyir te/ de la 'dod pa bskyed pa'i phyir ro zhes bya ba'i tha tshig go//'khor yongs su gzung bar 'gyur ba spang ba'i phyir sems can rnams la chos zab mo 'dzin du gzhug pa'i don du byed par mi spro ste/ /de lta bu byed na ni 'khor bsdu dgos par 'gyur ro/ /'khor yongs su gzung bar 'gyur ba yang ci'i phyir spang zhe na/rnam par g.yeng ba dang 'du 'dzis skrag pas te rnam par g.yeng ba ni ting nge 'dzin la sogs pa mngon par 'dod pa'i las la 'jug tu mi btub pa'o/ /'du 'dzi ni gzhan dang 'dra ba ste/ rnam par g.yeng ba dang / 'du 'dzis 'jigs pa nyid kyang sngon goms pa'i dbang gis yin no//'di ni btags pa las bstan pa yin no zhes bya ba ni 'khor los sgyur ba rnam pa bzhi ni btags pa'i bstan bcos las bstan pa yin no zhes bya ba'o/ /mdo las ni gtso bo smos pa'i phyir gser gyi 'khor los sgyur ba kho na bshad do/ /snga phyi med par zhes bya ba ni gcig ni snga la cig shos ni 'phyi ba ma yin gyi/'o na ci zhe na/ lhan cig tu zhes bya ba'i tha tshig go/ /gnas ma yin pa ni da ltar gyi dus la ltos nas so/ /go skabs med pa ni ma 'ongs pa la ltos nas te ma 'ongs pa'i dus na yang gnyis cig car 'byung ba mi srid pa'i phyir ro// //bam po nyi shu dgu pa/mnyam zhing mnyam pa zhes bya ba ni bzlas pa'o/ /yang na sems can thams cad la sangs rgyas bcom ldan 'das mnyam pa rnams dang mnyam pa zhes bya ba ni mnyam zhing mnyam pa'o/ /mngon par 'du mdzad pa mi mnga' bar de srid du zhes bya ba ni rtsol ba mi mnga' bar 'jig rten gyi khams de snyed gzigs pa'i phyir ro//sde pa gzhan dag ces bya ba ni dge 'dun phal chen sde la sogs pa'o/ /gcig tu 'byung bar yang mi rung zhes bya ba ni 'jig rten gyi khams su'o/ /mi'i tshe zhes bya ba ni mi'i tshe ni mi'i tshe ste de tsam du bzhugs pas lta ba zhes bya bar sbyar ro/ /dbang po 'di zhes bya ba ni dad pa la sogs pa'o//yan lag 'di zhes bya ba ni rkyen 'di'o/ /ci 'jig rten gyi khams gcig gi dbang du mdzad nas zhes bya ba ni 'di gling bzhi pa'am/ stong gsum gyi stong chen po'i 'jig rten gyi khams gcig gi dbang du mdzad nas gsungs pa zhig gam snyam du bsams pa yin no/ / 'khor los sgyur ba rnams kyang zhes bya ba rgyas par 'byung ba ni gang de bzhin gshegs pa gnyis snga phyi med par 'jig rten du 'byung ba ni gnas ma yin zhing go skabs med do zhes bya ba'i bka' 'dis ni de skad du bshad pa'i phyir de bzhin gshegs pa rnams 'jig rten gyi khams gzhan du 'byung ba bkag pa ni ma yin te/dper na 'khor los sgyur ba dag lta bu'o/ /'khor los sgyur ba rnams kyang gang 'khor los sgyur ba gnyis snga phyi med par 'jig rten du 'byung ba ni gnas ma yin zhing go skabs med de zhes de skad du ni bshad do/ /skye bo ni mi phal pa dag go/ /mi ni blo gros dang ldan pa dag go//mtshon brtsams pa ni gzas pa'o/ /khyim bdag rin po che ni mdzod kyi spyan lta bu'o/ /blon po rin po che ni dpung gis spyan lta bu'o/ /de dang 'brel par 'gyur ba zhes bya ba ni 'khor los sgyur ba de dang 'brel pa'o/ /de dang 'brel pa'am de dang 'brel par 'gyur ba ste/ de la phan zhing de'i rjes su mthun pa ni de dang 'brel par 'gyur ba'o//sems can gang gis las de bsags pa ni 'khor los sgyur ba de byung na rang gi las dag kho nas sems can de skyed par byed do/ /sems can 'di ni 'khor los sgyur ba'i dge ba'i rnam par smin pa 'byung ba'i rkyen gyi dngos por 'gyur ba yin la/dge ba'i rnam par smin pa de yang 'khor los sgyur ba kho na yin no zhes bya bar khong du chud par bya'o/ /shin tu yul na gnas pa zhes bya ba ni gnas pa ma 'grub pa'o/ /shin tu gsal ba ni shin tu 'od chags pa'o/ /shin tu kun rdzogs pa ni shin tu ma tshang ba med pa'o/ /'khor los sgyur ba'i rgyal po'i skabs su yang ci zhes bya ba nas rgyal po dang bcas par gyur tam zhes bya ba'i bar 'di dpyad par bya'o//gzugs na spyod pa bzhin du gyur te zhes bya ba'i don 'di bstan pa'i phyir/ mdo las gsungs so zhes bya ba mdo rgyas par khyer te 'ongs te gzugs ltar rung ba'i phyir gzugs dang ldan pa'o//rdzus te skyes pa yin pa'i phyir yid las byung ba'o/ /lag pa dang rkang pa dang / de dag gi sor mo la sogs pa dang ldan pa'i phyir yan lag dang nying lag thams cad dang ldan pa'o/ /dbang po tshogs pa'i phyir dbang po ma tshang ba med pa'o/ /zhar ba dang / long ba med pa'i phyir ngan pa ma yin pa'o//dbyibs lta na sdug pa'i phyir mdzes pa'o/ /mdog sdug pa'i phyir kha dog la gnas pa'o/ /nyi ma la sogs pa'i 'od la mi ltos pa'i phyir rang gi 'od can no/ /las kyi rdzu 'phrul dang ldan pas na nam mkha' la rgyu ba'i phyir nam mkha' la 'gro ba'o/ /kham gyi zas la mi ltos pa'i phyir dga' ba za zhing zas su dga' ba za ba zhes bya ba'i rnam grangs dag yin te/tshe ring ba yun ring por gnas pa zhes bya ba yang de dang 'dra'o/ /sbrang rtsi'i ro bro ba zhes bya ba ni de'i ro sbrang rtsi bro bas so/ /tshul bzhin ma yin pa yid la byed pa chu srin 'dzin khri lta bu'i kham du gyur pa'i sems can rnams so/ / 'dod pa nyid 'byung po'i gdon yin la des rlom pa ste de'i rtsom pa'o/ /nang bza' bar bya ba zhes bya ba ni snga dro bza' bar bya ba'o/ /nub bza' bar bya ba zhes bya ba ni phyi ma phred bza' bar bya ba'o/ /gsog 'jog ni sdud pa ste/ zhing rnams bgos nas ma rmos ma btab pa'i sA lus de dag gi 'tsho ba byed pa'o//rgyal rigs la sogs pa'i ming rnams ni nges pa'i tshig gi tshul gyis 'grub po/ /tshar phyin pa zhes bya ba ni yongs su rdzogs pa'o/ /chos ma yin pa la 'dod chags kyis chags pa zhes bya ba ni 'dod pa las log par g.yem pa la lhag par zhen pa'o/ /yang ba la chags pas zil gyis non pa zhes bya ba la/yang ba la chags pa ni gzhan gyi bdog pa rku ba'am mthus bdag gir bya bar 'dod pa ste/ des zil gyis non pa'o/ /log pa'i chos kyi kun nas dkris pa zhes bya ba ni chos la log pa dang ldan par kun du ston par byed de/ phar mi 'dzin mar mi 'dzin pa zhes bya ba rgyas par 'byung ba yin no//yang bar gyi bskal pa tshar phyin pa'i tshe zhes bya ba ni 'di la bskal pa tshar phyin pa ni gsum du brjod de mtshon dang nad dang mu ge dag go/ /ci tshe lo bcu pa'i bskal pa 'di tshar phyin par rim gyis gsum char 'byung ngam/ 'on te re re la re re zhig 'byung zhe na/ re zhig kha cig ni re re zhig 'byung ngo zhes zer ro//gzhan dag na re ni gcig la rim gyis gsum char 'byung ste/ dang por mu ge'o/ /de'i 'og tu ni nad do/ /de'i 'og tu ni mtshon to zhes zer te/ phyogs snga ma bzhed do zhes bya bar snang ngo / /nyes pa de dag nyid kyis zhes bya ba ni chos ma yin pa la 'dod chags pa la sogs pas so//mi ma yin pa rnams zhes bya ba ni sha za la sogs pa'o/ /yams kyi nad ni nad la sogs pa'o/ /gtong bar byed pa ni 'debs par byed pa ste mdangs 'phrog pa'am me tog dang 'bras bu dang sman la sogs pa'i sgo nas 'byung ba chen po rnams ma rung bar byed pa'o/ / de dag la gang las na gsor mi rung ba'i nad dag ste/ gang las 'chi bar 'gyur ba dag 'byung bar 'gyur ro/ /de'i tshe na zhes bya ba rgyas par 'byung ba ni gang gi tshe 'dzam bu'i gling 'dir mtshon gyis srog gcod pa'i tshe shar gyi lus 'phags dang nub kyi ba lang spyod kyi gling gnyis su gnod sems lhag par 'gyur ba yin no//gang gi tshe 'dir nad byung ba de'i tshe de dag tu nyam chung bar 'gyur ro/ /gang gi tshe 'dir mu ge byung ba de'i tshe de dag tu bkres pa dang skom par 'gyur ba yin no/ /mu stegs byed rnams ni gzegs zan pa la sogs pa'o/ /rlung sa bon yin no zhes ma bshad dam zhes bya ba ni mthu rnam pa sna tshogs dang ldan pa'i rlung dag gis bsrungs pa na zhes 'byung ba'i phyir ro//de'i rgyu yin par 'gyur ro zhes bya ba ni 'chags pa'i tshe 'dod pa na spyod pa'i rlung skad cig ma dang po la byung ba'i rgyu ni gzugs na spyod pa'i rlung ma zhig pa yin pa'o/ /sa bon dag khyer te 'ong ngo zhes bya ba ni rtsa ba'i sa bon la sogs pa sa bon gyi rigs lnga ste/rtsa ba'i sa bon dang / gshegs pa'i sa bon dang / sa bon gyi sa bon dang / sdong bu'i sa bon dang / mdo'i sa bon no/ /de lta yin yang zhes bya ba ni sa bon dag khyer te 'ong du zin kyang de dag sa bon la sogs pa ste/sa bon dang myu gu dang sdong bu la sogs pa las myu gu la sogs pa ste myu gu dang sdong bu la sogs pa dngos po rags pa rnams skye bar ni mi 'dod de/ sa bon la sogs pa ni de dag gi lugs ltar na rgyu mtshan gyi rgyu yin gyi 'du ba can gyi rgyu ni ma yin no/ /'du ba can gyi rgyu dag kyang dgos par 'gyur bas de'i phyir/'o na ci zhe na/ rang gi yan lag dag kho na las zhes bya ba rgyas par smos te/ 'di lta ste/ myu gu la sogs pa yan lag can ni myu gu la sogs pa'i yan lag dag las skye'o/ /de dag kyang zhes bya ba ni myu gu la sogs pa'i yan lag rnams rang gi yan lag dag kho na las skye ba ste/ rdul phra rab dag las skye ba'i bar du de dang 'dra'o//rdul phra rab rnams phrad pa las ma gtogs par zhes bya ba ni bskyed par bya ba la ni sa bon la sogs pa'i nus pa chung zad kyang med kyi myu gu la sogs pa'i rdul phra rab 'du ba la ni de dag gi nus pa yod do snyam du bsams pa yin no/ /nges pa med par 'gyur ro zhes bya ba ni skud pa dag las kyang re lde la sogs pa 'byung bar 'gyur ro zhes bya ba'i tha tshig go//nus pa nges pa'i phyir zhes bya ba ni sa bon rnams kyi nus pa nges pa'i phyir nges pa med par mi 'gyur ro/ /sgra dang tshos byed las skye ba 'byung ba bzhin no zhes bya ba ni dper na sgra lta bu bsnun pa la sogs pa rigs mi mthun pa dag las 'byung mod kyi 'on kyang de bskyed par bya ba la rigs mi mthun pa bsnun pa la sogs pa kho na'i nus pa yod pa'i phyir rigs mi mthun pa dri dang ro la sogs pa gang yang rung ba zhig las byung ba ni ma yin no//de bzhin du tshos byed las skye ba gzugs la sogs pa me la sogs pa las byung mod kyi 'on kyang de bskyed par bya ba la me la sogs pa kho na'i nus pa yod pa'i phyir rigs mi mthun pa mig la sogs pa gang yang rung ba zhig las byung ba ni ma yin pa lta bu'o//bye brag pas smras pa/ yon tan gyi chos ni sna tshogs yin te/ rang gi rigs dang rigs mi mthun pa dag las kyang 'byung ngo //re zhig rang gi rigs dag las ni gzugs dang dri dang ro dang reg bya la sogs pa rgyu sngon du 'gro ba can gzugs dang dri dang ro dang reg bya la sogs pa dag kho na las byung ba yin no/ /rigs mi mthun pa dag las kyang ldan pa dang mi ldan pa dang tshos byed las skye ba la sogs pa las dang me la sogs pa dag las 'byung ba yin no//de lta bas na yon tan gyi chos ni rdzas kyi dper brjod du mi rung ngo / /de dag dang de dag kho na de ltar gnas pa la zhes bya ba la rgyas par 'byung ba ni 'jag ma la sogs pa de dag kho na de ltar te/ re lde la sogs pa'i ngo bo'i rnam pa de ltar gnas shing rnam par gnas pa la re lde la sogs pa'i ming de thob ste/grog ma'i phreng ba bzhin no/ /dper na grog ma dag de ltar gnas pa la phreng ba zhes bya ba'i ming thob pa lta bu ste/ khyed kyi grub pa'i mtha' ltar na yang de dag las ma gtogs pa phreng ba'i rdzas gzhan ni med do//'jag ma la sogs pa de dag de ltar na gnas pa de ltar gnas pa la re lde la sogs pa'i ming 'thob kyi de dag la rdzas gzhan ni med do zhes bya ba ji ltar shes she na/ de'i phyir smras pa/ skud pa gcig dang ldan na ras yug mi dmigs pa'i phyir te 'bras bu brtsams pa'i skud pa gcig mig dang reg pa dag dang ldan na/khyed kyi lugs kyis de dang ldan pa'i ras yug kyang de dang 'brel ba yin pas de yang de kho na bzhin du dmigs par 'gyur ro/ /gal te gags byed pa yod pa'i phyir de mi dmigs so zhes smra bar 'gyur na de'i tshe ras yug yod cing med pa ma yin na dmigs par bya ba la su zhig gags byed ces bya ba smos te/gags byed pa med do snyam du bsams pa yin no/ /de lta bas na ras yug ces bya ba'i rdzas gzhan ni med do/ /gal te ras yug ni skud pa re re la cha shas kyis yod kyi/ /bdag nyid thams cad kyis yod pa ni ma yin no snyam du sems na/ de'i phyir zad par yod pa ma yin na ni zhes bya ba rgyas par smos te/ras yug zad par yod pa ma yin par brtags na ni skud pa re re po de las ras yug gi cha yod kyi ras yug ni ma yin no/ /gal te des na cir 'gyur snyam na/ de'i phyir smras pa/ 'dus pa tsam ras yug yin par 'gyur ro zhes bya bar sbyar te/ skud pa gcig la cha gcig yod la cig shos la ni gzhan yod pas skud pa la yod pa'i cha mang po rnams kyi spyi la ras yug go zhes bya bar 'gyur na de ltar yang mi 'dod do//gzegs zan pa la dad pa rnams la skud pa dag las gzhan pa ras yug gi cha yang gang zhig yod ces dri bar bya ba ste/ cha gang gis na 'di dbang po dang 'brel pa'i skud pa la yod par 'gyur/de lta bas na rtog pa 'di brtags nas kyang de las ras yug gzhan ma yin par 'grub bo/ /gal te skud pa gcig la yang ras yug yod la ras yug dmigs pa'i rgyu ni ras yug dang dbang po 'brel pa ras yug gi rten du ma dang ldan pa la ltos pa yin no snyam du sems na de'i phyir/rten du ma zhig dang ldan pa la ltos par brtag na ni kha tshar tsam dang ldan zhing bzung na ras yug dmigs par 'gyur ba zhig na dbus kyi cha la sogs pa ma mthong bar ras yug dmigs par yang mi 'gyur ro/ /'on te 'di snyam du de'i tshe yang dbang po dang dbus kyi cha la sogs par mi ldan pas de'i phyir kha tshar tsam dang phrad pas ras yug dmigs par mi 'gyur ro zhe na/de'i phyir yang na nam yang mi dmigs par 'gyur zhes bya ba 'dis rgyas par smos te/ yang na dbus dang pha rol gyi cha rnams dbang po dang ma 'brel pa'i phyir ras yug nam yang dmigs par mi 'gyur te/ de rtsom par byed pa'i dbus dang /pha rol gyi cha thams cad dbang po dang 'brel pa kho nar 'gyur ba gang yin pa ni mi srid pa nyid do/ /de lta yin dang skud pa la sogs pa la yang der thal bar 'gyur bas 'bras bu cung zad kyang mi dmigs par 'gyur ro/ /gzhan yang rim gyis yan lag rnams dang phrad na zhes bya ba rgyas par smos te gang gi tshe rim gyis mig gam reg pa'i dbang pos ras yug 'dzin par byed pa de'i tshe ras yug gzung bar mi 'gyur te/mig dang reg pa'i dbang po dag cig car rten du ma dang ldan pa med pa'i phyir ro/ /de lta na ni yan lag can la sogs pa gzhan dag kyang gzung bar mi 'gyur ro//de lta bas na zhes bya ba rgyas par 'byung ba ni gang gi phyir rim gyis ras yug gi blo'am re lde'i blo 'byung ba de'i phyir rnam par rtog pa'i dbang gis yan lag dag kho na la ste ras yug gi yan lag gam/ re lde'i yan lag dag la ras yug gi blo'am re lde'i blo 'byung bar zad do//mgal me'i 'khor lo bzhin no zhes bya ba ni mgal me'i 'khor lo dang 'dra bas na mgal me'i 'khor lo bzhin te/ dper na mgal me myur du bskor bas de dang der 'byung ba la mgal me'i 'khor lo'i blo 'byung bas de dang 'dra'o/ /'dir bsgrub pa ni ras yug ni rdzas su yod pa ni ma yin te/de 'dzin pa yan lag 'dzin pa la ltos pa'i phyir mgal me'i 'khor lo lta bu'o/ /gzugs dang rigs dang bya ba tha dad pa'i skud pa dag la zhes bya ba rgyas par 'byung ba ni sngon po dang ser po la sogs pa tha dad pas skud pa gzugs tha dad pa dang / du ku la dang / ras bal la sogs pa tha dad pas rigs tha dad pa dang bla 'og tu 'gro ba tha dad pas bya ba tha dad pa dag la ras yug gi gzugs la sogs pa med pa'i yang phyir te/de la gzugs sam rigs sam bya ba ci 'dra ba zhig yod gal te 'di snyam du 'di'i gzugs la sogs pa sna tshogs pa yin no snyam du sems na/de'i phyir de ltar gzugs la sogs pa sna tshogs pa yin par brtag na ni rigs mi mthun pa rtsom par yang 'gyur te skud pa dang 'jag ma dag kyang ras yug rtsom par 'gyur ro/ /de lta yin na ni chos kyi khyad par las bzlog pa yin te/ rdzas rnams shin tu rigs mi mthun pa rtsom par byed pa nyid du 'gyur ro zhes bya ba'i tha tshig go//ras yug ngos gcig bkra ba'i ngos cig shos mi bkra na yang mi mthong bar 'gyur te/ de ni sna tshogs kyi ngo bor 'dod pa'i phyir ro/ /bye brag pa rnams ni gzugs mthong na de la brten pa'i rdzas dmigs par 'dod de/ chen po ni rdzas du ma la brten pa'i phyir gzugs kyi sgo nas kyang dmigs so//yan lag ni gzugs kyis legs par byed pa med pa'i phyir mi dmigs so zhes 'byung ba'i phyir ro/ /yang na ngos mi bkra ba yang khra bo'i ngo bor mthong bar 'gyur te/ gal te ras yug mthong bar gyur na de ni sna tshogs kyi ngo bor 'dod pas so//bya ba yang sna tshogs pa yin pas shin tu sna tshogs par 'gyur ro zhes bya ba ni rdzas gcig la ni bya ba sna tshogs dang ldan par zhes bya bar mi rung ngo / /bya ba sna tshogs pa nyid du yin na ni bya ba dang 'dra bar mngon par 'dod pa'i rdzas rnams gzhan nyid yin par 'dod do//tshwa ba dang snang ba tha dad pas zhes bya ba rgyas par 'byung ba ni dang po dang tha ma dang bar ma dag tu yan lag can me'i 'od kyi mtshan nyid kyi tsha ba dang snang ba dag tha dad pas gzugs dang reg bya dag kyang tha dad par mthong ste/ de'i tha dad pa de yang go rims bzhin du shas che ba dang 'bring dang shas chung ba yin na yan lag can 'od kyi rdzas de'i gzugs dang reg bya de dag kyang mi 'thad do//yan lag can gcig la ni gzugs sam reg bya du ma rung ba ma yin te/ des na yan lag dag las yan lag can gyi rdzas gzhan yod pa ma yin no/ / 'on te gal te skud pa la sogs pa yan lag dag las ma gtogs pa yan lag can ras yug la sogs pa yod pa ma yin no/ /rdul phra rab rnams ni dbang pos mi sod pa'i phyir la/ yan lag de dag gis kyang dbang pos sod pa ma brtsams pa 'gro ba mtha' dag mngon sum du mi 'gyur ba zhig na ba lang la sogs pa yang mngon sum du snang [(]te [,]ste[)]/de lta bas na rdul phra rab dbang pos mi sod pa rnams kyis dbang pos sod pa'i don gzhan zhig brtsams so zhes bya bar grub po snyam du sems na 'di la rdul phra rab dbang po'i yul ma yin yang zhes bya ba rgyas par smos te/ji ltar bye brag pa khyed kyi ltar na dbang pos mi sod kyang 'dus pa rnams 'bras bu rtsom par byed pa nyid yin gyi/ ya ya na 'dug pa dag ni ma yin pa de bzhin du/ kho bo cag gi yang yan lag can don gzhan du gyur pa med du zin kyang 'dus pa dang / kho na mngon sum nyid yin gyi ya ya na 'dug pa rnams ni ma yin no/ /dper na mig gi rnam par shes pa bskyed par bya ba la mig la sogs pa ste/ mig dang gzugs dang snang ba dang yid la byed pa 'dus pa dag rgyu nyid yin gyi/ re re ni ma yin pa de bzhin du rdul phra rab rnams dbang pos mi sod kyang 'dus pa rnams yin gyi re re ni ma yin pa lta bu dang /mig rab rib can rnams la yan lag can brtsams pa med kyang skra gram zhing ldan pa ma yin pa rnams kyi tshogs dmigs kyi re re ni ma yin pa lta bu'o/ /rab rib can de dag la ni rdul phra rab bzhin du skra nyag ma gcig ni dbang pos mi sod pas de'i phyir de dag las rdzas gzhan med do//de ltar yan lag can bkag nas gzugs la sogs pa yon tan dag las yon tan can don gzhan yin pa dgag par 'dod nas/ gzugs la sogs pa dag kho na la zhes bya ba rgyas par smos te/gzugs la sogs pa dag kho na la rdul phra rab ces bya ba'i ming du 'dogs par zad pas de zhig na ste gzugs la sogs pas zhig na/ rdul phra rab kyang zhig par grub po/ /bye brag pa rnams kyis smras pa/ rdul phra rab ni rdzas yin la rdzas kyang gzugs la sogs pa dag las gzhan yin te/grub pa'i mtha' las ni gzugs dang / dri dang ro dang reg bya dang ldan pa yin no zhes bya ba de lta bu la sogs pa 'byung ba'i phyir ro/ /'di gzhan nyid yin par ni rigs pa ma yin te/ 'di ltar sus kyang 'di dag ni sa dang chu dang me dag yin no//'di dag ni sa la sogs pa de dag gi gzugs la sogs pa'i yon tan te/ gzugs dang / dri dang / ro dang reg bya dag yin no zhes bya bar yongs su mi chod do/ /gal te de dag ni dbang pos mi sod pas des na nges par mi zin to zhes smra bar 'gyur na de'i phyir sa la sogs pa de rnams mig dang reg pa'i gzung bar bya ba dag yin par yang dam 'cha'o zhes bya ba smos so//tshig pa dag la zhes bya ba rgyas par 'byung ba ni pe'i lu ka na re bal la sogs pa yan lag can gyi rdzas rnams ni tshig par mi 'gyur ro zhes zer ro//'di skad du snga na yod pa'i yon tan log ste tshos par gyur pa'i yon tan skyes na/ de dag la brten pa'i rdzas rnams de'i so nyid na 'dug pas de bzhin du bal la sogs pa'i blo 'byung bar 'gyur ba zhig na 'byung bar yang mi 'gyur te/de lta bas na de dag gi blo med pa'i phyir/ gzugs la sogs pa kho na la de'i blo 'jug par zad kyi rdzas don gzhan du gyur pa la ni ma yin no zhes bshad pa yin te/ gal te bal la sogs pa'i rdzas gzugs la sogs pa las gzhan zhig yin par gyur na/ de ni de'i so na 'dug la gzugs la sogs pa kho na me dang 'brel pa las tsha bas 'jigs par 'gyur bas/ bal la sogs pa'i blo 'byung bar 'gyur ba zhig na 'byung ba yang ma yin te/ de'i phyir gzugs la sogs pa dag kho na la bal la sogs pa'i blo 'byung bar zad do//bye brag pa rnams kyis gal te bum pa gzugs la sogs pa tsam yin na me dang 'brel pa las gzugs la sogs pa ste/ tshos par gyur pa la sogs pa gzhan skyes na bum pa de nyid 'di yin no zhes de yongs su shes par mi 'gyur gyi/ gang gi ltar na tshos pa las gzugs la sogs pa kho na 'jigs pa dang skye ba dag tu 'gyur gyi/bum pa ni de'i so na 'dug pa yin pa de'i ltar na de yongs su shes par rung ngo zhes smras pa dang / de'i phyir tshos par gyur pa byung ba la bum pa yongs su shes pa ni dbyibs 'dra ba'i phyir zhes bya ba 'di smos te/phreng ba bzhin no/ /grog ma rnams kyi phreng ba zhes bya ba'i rdzas de ni de dag las ma gtogs pa med mod kyi/ 'on kyang dbyibs snga ma dang 'dra ba'i phyir 'di la yang grog ma rnams kyi phreng ba de nyid 'di yin no zhes yongs su shes par 'gyur ba bzhin no/ / smras pa/ dbyibs 'dra ba'i phyir yongs su shes kyi/ de so na gnas pa'i phyir ni ma yin no zhes bya ba 'di ji ltar shes she na/ 'di la rtags ma mthong bar yongs su mi shes pa'i phyir ro zhes bya ba smos te/ gang gi phyir gyo ral dang mthon dman la sogs pa'i rtags ma mthong bar de yongs su shes par mi 'gyur ba de'i phyir dbyibs 'dra ba'i phyir ro zhes bya bar grub po//de yang zhes bya ba rgyas par 'byung ba ni dga' ba de yang / shin tu sbyangs pa dang ldan pa ste/ yid dga' bar gyur pa la shin tu sbyangs pa skye bas so/ /shin tu sbyangs pa dang ldan pas lus mnyen par byed pa yin pa'i phyir chu'i bskal pa yin no//de nyid kyi phyir zhes bya ba yongs su rgyas par 'byung ba ni lus mnyen par byed pa'i phyir te/ snyoms par 'jug pa'i bsam gtan gnyis pa de ni lus kyi mkhrang po zad par byed pa'i phyir/ sdug bsngal gyi dbang po 'gags so zhes gsungs so//de bde ba yang spangs te snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin sdug bsngal yang ma yin pa btang snyoms dang dran pa yongs su dag pa bsam gtan bzhi pa yongs su rdzogs par byas te gnas so zhes 'byung ba'i phyir ro//nang gi skyon dang bral ba'i phyir zhes bya ba ni nang gi skyon rtog pa dang dpyod pa la sogs pa/ rtog dang dpyod dang dbugs dag dang / /bde ba la sogs bzhi yin no/ /zhes bya ba brgyad po gang dag yin pa ste/ de dag dang bral ba'i phyir zhes bya ba'i tha tshig go/ / mi g.yo ba zhes bya ba la/ mi g.yo ba zhes bya ba ni g.yo ba ni 'gul ba yin no zhes bya ba'i skad kyi byings 'di'i tshul yin no/ /gnas gtsang ma'i ris pa 'di dag gis gzugs med pa dag tu 'jug par yang mi nus te/ lhag mthong spyod pa yin pa'i phyir la/ gzugs med pa rnams ni zhi gnas spyod pa yin pas so//sa 'og ma gzhan du 'gro bar yang mi nus te/ khyad par du 'gro ba yin pa'i phyir ro/ /rim pa des na zhes bya ba ni ji skad bshad pa lta bu ste/ mes 'jig pa bdun gyi 'og tu chus 'jig pa gcig 'byung zhing / yang mes 'jig pa bdun gyi 'og tu/ chus 'jig pa gnyis po 'byung ba nas/'jig pa bdun gyi bar du yang de dang 'dra ste/ de ltar chu bdun thal nas kyang mes bdun no/ /de nas ni mjug tu rlung gis 'jig pa gcig 'byung ngo / /ci'i phyir chus 'jig pa ni ji skad bshad pa lta bur dus ring mo zhig gis chod de 'byung la/rlung gis 'jig pa ni de bas kyang ches ring mo zhig na 'byung zhe na/ de'i phyir ji lta bar zhes bya ba rgyas par smos te/ ji ltar bsam gtan dang po bas bsam gtan gnyis pa'i snyoms par 'jug pa khyad par du 'phags pa'i phyir/ bsam gtan gnyis pa'i sa pa'i lus dag gnas pa yang khyad par du 'phags pa yin te/bsam gtan dang por skyes pa rnams kyi tshe'i tshad ni bskal pa chen po'i bzhi cha yin la/ bsam gtan gnyis par skyes pa rnams kyi ni bskal pa gnyis yin pa de bzhin du snod rnams kyang de bzhin du/ ci zhe na/ gnas khyad par du 'phags pa yin no zhes bya bar sbyar ro/ / de bzhin du bsam gtan gnyis pa bas bsam gtan gsum pa khyad par du 'phags pa yang brjod par bya'o/ /de ltar bshad na zhes bya ba ni gang gi phyir mes 'jig pa bdun tshan lan brgyad 'byung bas mes 'jig pa ni lnga bcu rtsa drug yin la/ chus 'jig pa ni bdun/ rlung gis 'jig pa ni gcig yin pas 'jig pa drug cu rtsa bzhir 'gyur ba de'i phyir btags pa'i bshad pa dge rgyas kyi lha rnams kyi tshe'i tshad ni bskal pa drug cu rtsa bzhi'o zhes bshad pa gang yin pa de legs par bshad pa yin te/'di ltar 'od chung rnams kyi ltag yan chad lus ni nyis 'gyur nyis 'gyur te zhes bshad pa 'dir dge rgyas pa rnams lus kyi tshad dpag tshad drug cu rtsa bzhir bshad la/tshe ni rang lus gzhal ba'i bskal pa yis/ /zhes 'byung bas lus kyi tshad kyis kyang de dag gi tshe'i tshad bshad de/ 'jig pa re re zhing bskal pa chen por byas nas dus de tsam gyis na de dag gi tshe yongs su rdzogs par 'gyur bas so//chos mngon pa'i mdzod kyi 'grel bshad don gsal ba zhes bya ba slob dpon rgyal po'i sras grags pa'i gshes gnyen gyis mdzad pa las/ 'jig rten bstan pa zhes bya ba ste mdzod kyi gnas gsum pa'o// // @##/ /mu stegs byed kyi log par rtog pas the tshom skyed pa dag /yang sems can dang zhes bya ba rgyas par 'dri bar byed de/ de la sems can sna tshogs pa ni khams dang 'gro ba dang / skye gnas la sogs pa'i bye brag gis so//snod sna tshogs pa ni ri rab dang / gling la sogs pa'i bye brag gis so/ /'dren mar byed pa rnams zhes bya ba ni dge ba dang mi dge ba byed pa rnams so/ /yang ci'i phyir de dag gi lus ni dga' dga' ltar 'dug pa ma yin la/longs spyod rnams ni dga' dga' ltar 'dug ce na/ de ltar na yul la nye bar longs spyod pa/ srid de lus dga' dga' ltar 'dug pa nyid du bya ba'i phyir 'ga' zhig gnyen por yul la nye bar spyod par 'gyur ro//'dren mar byed pa ma yin pa rnams zhes bya ba ni gzugs la spyod pa rnams so/ /'dod pa na spyod pa'i lha dag kyang 'dren mar byed pa ma yin pa dang 'dra ste/lus dang yul dga' dga' ltar 'dug pa ste/ dga' dga' ltar 'dug pa nyid kyi rgyu las gnyis byas pa'i phyir ro/ /bsam pa zhes bya ba ni 'di ni 'di lta bu zhig tu bya'o snyam du'o//gal te ngo bo nyid las yin na ni ngag gi las gcig pur 'gyur ro zhes bya ba ni ngag nyid las yin pas na ngag gi las so zhes bya ba'i phyir ro/ /gzhan gnyis las nyid ma yin te/ lus kyi las sam lus kyi las yin pas na/lus kyi las te yid kyi las kyang de dang 'dra bas/ ngo bo nyid kyis ni las ma yin no/ /rgyu gsum gyis zhes bya ba ni rten dang ngo bo nyid dang kun nas slong bas so/ /gsum zhes bya ba ni/ lus dang / ngag dang / yid kyi las rnams so/ /rten las ni lus kyi las te/ lus la rten pa'i las ni lus kyi las zhes bya'o/ /ngo bo nyid kyi las ni ngag gi las te/ ngag nyid ngag gi las zhes bya'o/ /kun nas slong ba las ni yid kyi las te/ yid kyis kun nas bslang ba'i phyir ro/ /gzhan dag na re 'gro ba yin te zhes bya ba ni gnas ma'i bu'i sde pa dag go/ /bdag nyid du red ma thag tu 'jig pa zhes bya ba ni/ skad cig ma de ma thag tu 'jig pa ni skad cig ma yin no zhes bya ba'i nges pa'i tshig gi tshul gyis na bdag nyid du red ma thag tu 'jig pa ni skad cig ma zhes bya ba'i sgrar brjod do//rnam pa gcig tu na skad cig ma ni dus kyi mtha' yin te/ rang gi gnas skabs na 'dug pa de 'di la yod pas na skad cig pa'o//'dus byas ni gdon mi za bar 'jig pa'i phyir ro zhes bya ba ni skyes ma thag tu 'jig pa'i ngo bo yin te/ 'dus byas yin pa'i phyir/ sems dang sems las byung ba bzhin no/ /dngos po rnams 'jig pa ni rgyu med pa las byung ba yin no zhes bya ba ni rgyu med pa las 'byung bas na rgyu med pa las byung ba ste/rgyu med pa can zhes bya ba'i tha tshig go/ /'di la bsgrub pa ni 'jig pa ni rgyu med pa can yin te/ dngos po med pa'i ngo bo nyid yin pa'i phyir/ gtan med pa bzhin no/ /shing la sogs pa dag me dang 'brel pa las 'jig pa'ang mthong zhes bya ba la sogs pa zhes bya ba'i sgras ni gzugs la sogs pa bsdu'o//me dang 'brel pa las 'jig ces bya ba ni/ chos kyi rang gi ngo bo las bzlog pa mngon sum gyi sgo nas 'ongs so zhes dam bcas pa'i skyon ston par byed pa yin no/ /de nyid kyi phyir/ mthong ba las brling ba'i tshad ma yang med ces bya ba smos te/ mngon sum pas brling ba'i tshad ma ni med do zhes bya ba'i tha tshig go//slob dpon gyis pha rol po dag mngon sum yin par mngon pa'i nga rgyal byed par bstan pa'i phyir re zhig khyod ces bya ba nas ji lta bur sems zhes bya ba'i bar smos te/ shing la sogs pa 'jig pa ni gzugs la sogs pa bzhin du mngon sum du mi dmigs so//skad cig ma ma yin par smra ba rnams kyis de dag yang mi snang ba'i phyir ro zhes bya ba smras te/ shing la sogs pa de dag mi snang ba'i phyir ro/ /de ltar na rjes su dpag pa'i sgo nas grub par ston par byed de/ shing la sogs pa 'jig pa ni me dang 'brel pa'i rgyu can yin te/ de yod na 'byung ba'i phyir ro//gang zhig gang yod na 'byung ba de ni de'i rgyu can yin te/ dper na sa bon yod na 'byung ba'i myu gu lta bu'o/ /re zhig 'di dpyad par bya ste zhes bya ba ni ma nges pa nyid rjod par byed do/ /gang zhig yod na 'jig pa 'byung ba de ni de'i rgyu can ma yin te/ rlung dang 'brel pa yod na mar me 'jig mod kyi/'jig pa de ni rlung dang 'brel pas byas pa yang ma yin no/ /mar me ni skad cig nyid du khas blangs pa'i phyir/ 'jig pa rgyu med pa can du 'dod pa yin pas mar me de ni skyes nas 'jig pa'i phyir rang zhig pa yin la/ rlung dang 'brel ba'i phyir gzhan ma skyes na mi snang ba yin gyi/ des bshig pa'i phyir ni ma yin no//de bzhin du dril bu'i sgra skad cig mar 'dod pa yang lag pa dang 'brel pa yod na dril bu'i sgra 'jig mod kyi/ de ni des byas pa ma yin gyi/ skad cig ma yin pa'i phyir dril bu'i sgra ni rang zhig la des gegs byas pa'i phyir/ gzhan ma skyes na mi snang ba yin gyi des bshig pa'i phyir ni ma yin no//de lta bas na don 'di ni rjes su dpag pas bsgrub par bya ba yin te/ mngon sum du ma grub po snyam du bsams pa yin no/ /de lta bas na gang zhig yod na 'ga' zhig 'jig pa gang yin pa de ni des byas pa yin no zhes bya ba de ma nges pa yin no/ /'di la rjes su dpag pa gang zhe na zhes bya ba ni 'jig pa ni rgyu med pa can yin no zhes bya ba'i don 'di la rjes su dpag pa gang zhe na zhes bya ba yin no//re zhig med pa ni bya ba ma yin pa'i phyir zhes ni bshad zin to zhes bya ba ni 'jig pa ni rgyu med pa can yin te/ bya ba ma yin pa'i phyir nam mkha' bzhin no/ /'di yang bya ba ma yin te/dngos po med pa'i ngo bo nyid yin pa'i phyir gtan med pa bzhin no/ /'ga' zhig rgyu med pa las mi 'gyur zhes bya ba ni 'ga' yang rgyu med pa las 'byung bar mi 'gyur zhes bya ba'i tha tshig go/ /skye ba bzhin du zhes bya ba ni zlog pa'i dpe yin te/ ji ltar skye ba ste bdag nyid du red pa'i mtshan nyid rgyu dang bcas pa kho na yin gyi/rgyu med pa can ni ma yin pa ltar 'jig pa yang de dang 'dra bar 'gyur ba zhig na de lta yang ma yin no/ /ji lta zhe na/ skad cig ma blo dang / sgra dang / me lce dag 'jig pa rgyu med pa las byung ba yang mthong zhes bya ba smos te/ de ltar na chos kyi rang gi ngo bo las zlog pa rjes su dpag pa'i sgo nas 'ongs pa yin no//shing la sogs pa 'jig pa ni rgyu med pa las byung ba yin te/ 'jig pa'i ngo bo nyid yin pa'i phyir/ blo la sogs pa 'jig pa bzhin no/ /gang zhig ces bya ba ni bye brag pa'o/ /blo sngar byung ba ni blo phyis 'byung bas 'jig la/ blo cig shos ni blo sngar byung bas 'jig ste/sgra yang de dang 'dra bar brjod par bya'o/ /smras pa/ de ni rigs pa ma yin no/ /ci'i phyir zhe na/ blo gnyis phrad pa med pa'i phyir ro zhes bya ba ni cig car 'byung ba med pa'i phyir ro zhes bya ba'i tha tshig go/ /gzhig par bya ba med pa ni rgyus 'jig par mi byed do/ /blo dag phrad pa med do zhes bya ba ji ltar shes she na/de'i phyir the tshom can dang / nges pa'i shes pa dag phrad par ni rigs pa ma yin no zhes bya ba rgyas par smos te/ gang gi tshe the tshom can gyi shes pa yod pa de'i tshe/ nges pa'i shes pa med la/ gang gi tshe nges pa'i shes pa yod pa de'i tshe/ the tshom can gyi shes pa med do zhes bya ba 'di ni rang gi nyams la yod pa yin no//de bzhin du bde ba dang sdug bsngal dag dang / 'dod chags dang zhe sdang dag phrad pa med pa yang sbyar bar bya'o/ /ji ltar 'gal ba dag mi phrad pa de bzhin du shes pa mi 'gal ba dag kyang phrad pa med pa kho na yin no/ /gang gi tshe zhes bya ba rgyas par 'byung ba ni ji ste phrad par 'gyur du zin kyang 'on kyang blo dang sgra mi gsal ba dag gis gsal ba dag 'jig par ni mi 'gyur te/nyam chung ba rigs mthun pa yin pa'i phyir ro/ /nyam chung ba rigs mthun pas stobs dang ldan pas 'jig pa ni ma mthong gi mi mthun pa ni/ nyam chung ngus kyang 'jig par 'gyur te/dper na chus me lta bu'o/ /gang yang gnas pa'i rgyu med pa 'am zhes bya ba'i gtan tshigs 'di ni gnas brtan dbyig bshes la sogs pas gnas pa'i rgyu med pa'i phyir dngos po rnams 'jig pa yin no zhes smras pa yin na/ /de yang rigs pa ma yin te/ med pa ni rgyu yin par 'os pa ma yin pas so//chos dang chos ma yin pa'i dbang gis zhes zer ba ni bye brag pa'o/ /de la skye ba dang 'jig pa'i rgyu chos dang chos ma yin pa dag kyang skad cig skad cig nyid la 'jug pa thob pa dang / gegs byed par 'os pa ma yin no zhes bya ba smos te/ skye ba dang 'jig pa'i rgyu chos dang / skye ba dang 'jig pa'i rgyu chos ma yin pa'o/ /skad cig skad cig nyid la zhes bya ba ni skad cig ma dngos la ste/ nye bar btags pa'i skad cig ma la ma yin no zhes bya ba'i tha tshig go/ /yang na skad cig skad cig nyid la zhes bya ba ni skad cig skad cig kho na la zhes bya ba'i tha tshig go/ /'jug pa thob pa dang / gegs byed pa ni 'jug pa thob pa dang / 'jug pa la gegs byed pa ste/ skad cig skad cig la 'gyur bar 'os pa ma yin no/ /ji lta zhe na/ me lce gang zhig byung na nag pa'am/ byams pa la phan 'dogs par 'gyur ba de'i chos 'jug pa rnyed pa ni bde ba skyed par byed pas de ltar na bskyed pa'i rgyu yang yin no//gal te de zhig pas mun pa'i gnas skabs na de la phan 'dogs par byed na 'jig pa'i rgyu yang yin no/ /de bzhin du chos ma yin pa yang me lce gang zhig byung na 'ga' la gnod par 'gyur na de'i chos ma yin pa 'jug pa rnyed pa ni de skyed par byed la/ gal te des mun pa'i gnas skabs na de zhig pas gnod par byed na 'jig pa'i rgyu yang yin pas de gnyis kyi 'jug pa rnyed pa las me lce 'byung bar 'gyur ro zhe'o//de dag kho nas de dag gi 'jug pa 'gags te skad cig de nyid la de rnams 'jig par ni rigs pa ma yin pas/ skad cig skad cig la gnyis po 'jug pa rnyed pa dang /gags byed pa ni rung ba ma yin no/ /rgyu yongs su brtags pa 'di yang 'dus byas thams cad la bya bar nus zhes bya ba rgyas par 'byung ba ni chos dang chos ma yin pas 'jig go zhes rgyu yongs su brtag pa ni 'dus byas mi rtag pa rdul phran gnyis la sogs pa'i gzugs la sogs pa dang las thams cad la yang bya bar nus pas de'i phyir/me dang 'brel ba las shing la sogs pa 'jig go zhes bya ba de lta bu la sogs pa 'di brjod par mi bya'o/ /de'i phyir chos dang chos ma yin pa dag ni de rnams 'jig pa'i rgyu gzhan la mi ltos pa'i phyir 'dus byas thams cad skad cig ma nyid du grub pas brtsad mi dgos so//de nyid dam de dang 'dra ba las zhes bya ba ni gal te me dang 'brel bas bum pa'i sngon po nyid bzlog nas dmar po nyid skyed par byed pa de kho nas dmar po nyid bzlog nas ches dmar ba skyed par byed do zhes bya bar rtog na rgyu nyid 'jig par byed pa yin par 'gyur ro//'on te me rnams ni skad cig ma yin pa'i phyir de dang 'brel pa skyed par byed pa yang gzhan yin la/ 'jig par byed pa yang gzhan yin no zhes bya bar rtog na/ skyed par byed pa'i rgyu bye brag med par 'gyur te rigs pas ma yin no zhes bya ba thams cad brjod do/ /re zhig me rnams skad cig ma yin pa'i phyir/bye brag tu smra ba rnams kyis me lce dag la skyed par byed pa yang gzhan yin la/ 'jig par byed pa yang gzhan yin no zhes rgyu tha dad par yongs su brtag par ni bya ba la rag na thal ba nas sa dang 'brel pa'i bar las smin byed las skyes pa'i bye brag byung ba la gang la brtag par bya ste/de dag gi ltar na thal ba la sogs pa skad cig ma ma yin pas der rgyu nyid 'jig par byed pa yin par 'gyur ro/ /'o na gang chu bskol ba zhes bya ba ni/ gal te me dang 'brel pa dag gis chu 'jig par mi byed na 'o na ji ltar chu bskol ba rnams zad par 'gyur snyam du bsam pa yin no//me'i khams zhes bya ba ni de dang tha mi dad par 'dug pa 'phel bar byed do/ /de'i mthus na chu'i tshogs nyam chung zhing nyam chung bar 'gyur te zhes bya ba ni rgyu'i khyad par las 'bras bu'i khyad par du 'gyur bas nyam chung ba dang ches nyam chung bar 'gyur zhing / shin tu nyam chung ba'i bar du gyur pa dang mjug tu rgyun yang rgyun chags par mi byed de 'bras bu mi skyed kyi dngos po med par byed pa ni ma yin no zhes bya ba'i tha tshig go//'jig pa'i ngang tshul can yin pa'i phyir zhes bya ba rgyas par 'byung ba ni 'jig pa'i ngang tshul can yin pa'i phyir/ rang 'jig pa ni gzhan gyis 'jig pa skyed pa ma yin pas/ byung ba tsam ste skad cig ma gcig rang gi bdag nyid du red nas 'jig go//rtswa'i me bzhin no zhes bya ba ni dper na rtswa'i me skad cig ma yin yang rtswa yul gzhan du bar chad med par byung ba la rtswa sreg par byed pa'i me 'gro'o zhes mngon pa'i nga rgyal byed pa de dang 'dra'o/ /'dir bsgrub pa ni gzugs la sogs pa yul gzhan du bar chad med par 'byung ba'i dngos po dag ni 'gro ba med pa yin te/skad cig ma yin pa'i phyir rtswa'i me bzhin no/ /lus kyi rnam par rig byed dbyibs yin no zhes zer ba ni bye brag tu smra ba yin no/ /phyogs gcig gi sgo zhes bya ba ni 'di la phyogs gcig gi sgo yod pas na phyogs gcig gi sgo ste der ro//mang po ni phal mo che'o/ /thams cad kyang de dang 'dra'o zhes bya ba ni phyogs kyi sgo gyen du phal che ba la ni mthon po zhes 'dogs la/ thur du phal che ba la ni dma' ba zhes bya ste/ 'di ni phyogs yin no/ /dper na mgal me zhes bya ba ni dbyibs ni rdzas su med de de 'dzin pa kha dog 'dzin pa la ltos pa'i phyir na mgal me'i 'khor lo bzhin no//yang na dbyibs ni rdzas su med de/ gzugs 'dzin pa la ltos pa'i phyir 'bru'i phung po bzhin no zhes bya ba yin no/ /'di dbang po gnyis kyis gzung bar 'gyur zhes bshad pa dang / bye brag tu smra ba ring po nyid la sogs pa ni lus kyi dbang pos 'dzin pa ma yin no//'o na ci zhe na reg bya'i yan lag dag kho na de ltar gnas pa la ring po la sogs par 'dzin par 'gyur te/ de bas na 'di ni gnyis kyis 'dzin par mi 'gyur ro zhes smra bar 'gyur bas de'i phyir yang na ji ltar reg bya la zhes bya ba 'di rgyas par smos so//don ci zhe na/ ji ltar reg bya la ring po dang thung ngu la sogs pa 'dzin mod kyi/ dbyibs ni reg bya'i skye mched kyis bsdus pa yang ma yin pa ltar/ kha dog la ring po la sogs pa 'dzin pa yang de dang 'dra bar yid ches par bya ste/ gzugs kyi skye mched kyis bsdus pa'i dbyibs don gzhan du gyur pa ni med do zhes bya ba'i tha tshig go//yang na bye brag tu smra bas de la ni reg bya dang lhan cig spyod pa'i phyir dran pa tsam yin gyi zhes bya bar rgyas par smras te/ dbyibs de la ni reg bya dang lhan cig spyod pa'i phyir te 'jam pa nyid la sogs pa'i reg bya dang lhan cig spyod par 'gyur ba'i phyir/dran pa tsam yin gyi ring po la sogs pa'i dbyibs mngon sum du 'dzin pa ni ma yin te dper na lhan cig spyod pa'i phyir me'i gzugs mthong nas me de'i tsha ba'i dran pa 'byung ba dang lhan cig spyod pa'i phyir me tog tsam pa ka'i dri bsnams nas de'i kha dog gi dran pa 'byung ba bzhin no/ / slob dpon gyis 'di la ni 'khrul pa med pa'i phyir gzhan gyis gzhan dran par rigs kyi zhes bya ba rgyas par smos te/ me la sogs pa 'di la ni tsha ba nyid dang / kha dog 'khrul pa med pa'i phyir gzhan gyis gzhan te/ me'i gzugs kyis tsha ba nyid dang me tog gi dris de'i kha dog dran par rigs so//reg bya ni cung zad kyang nges pa med do zhes bya ba rgyas par 'byung ba ni gang las reg bya la reg nas ring po la sogs pa'i dbyibs 'di nges par dran par 'gyur ba 'jam pa nyid la sogs pa'i reg bya ni chung zad kyang ring po la sogs pa'i dbyibs gang la yang nges pa med do/ /gang na me'i gzugs yod pa de ni de'i tsha ba nyid yod la/gang na me tog tsam pa ka'i dri yod pa de na'ang 'di'i gzugs yod kyi/ gang na 'jam pa nyid dang rtsub pa nyid yod pa de na ring ba nyid dang thung ba nyid yod pa ni ma yin no/ /de lta bas na de'i tsha ba nyid dang / de'i gzugs dag ni gdon mi za bar dran par rung gi dbyibs ni gdon mi za bar dran par mi 'gyur ro//'on te reg bya dang dbyibs dag lhan cig spyod par nges pa med kyang nges par dbyibs dran par gyur na ni kha dog kyang 'gyur te/ nges par dran par zhes bya bar sbyar te/ reg bya de kho na reg nas dran par 'gyur ro zhes bya ba'i tha tshig go/ /ji ste yang nges par kha dog dran par mi 'gyur na/yang na ni kha dog bzhin du dbyibs kyang nges par mi 'gyur te/ ring po la'ang thung ngur shes la/ thung ngu la yang ring por shes par 'gyur ro/ /ci'i phyir zhe na/ reg bya las kha dog ni nges par dran par mi 'gyur te/ res 'ga' dmar po la yang ser por shes la/ ser po la yang dmar por shes so//de lta yang ma yin zhes bya ba ji ltar de ltar ma yin zhe na/ ji ltar kha dog nges par dran par mi 'gyur ba de ltar dbyibs kyang nges par dran par mi 'gyur ba zhes bya'o/ /'o na ci zhe na/ kha dog nges par mi 'gyur gyi dbyibs ni nges par dran par 'gyur ro/ /de bas na reg bya las dbyibs 'di dran par ni rigs pa ma yin no//'o na ji ltar ring po'i blo'am thung ngu'i blo 'byung zhe na/ 'di ni phyogs gcig gi sgor kha dog gam/ reg bya phal mo che 'dzin pa la ring po'i rnam par rtog pa'i blo 'byung ngo / /zhes bshad zin te/ de lta bu la sogs pa yin par khong du chud par bya'o//ri mo bkram pa la zhes bya ba rgyas par 'byung ba ni ri mo bkram pa kha dog dang dbyibs du ma rnam pa mang por snang ba ni ring po la sogs par dbyibs gcig tu snang ste/ de bas na kha dog dang dbyibs du ma snang ba'i phyir dbyibs mang po yang phyogs gcig tu 'gyur te/ gang na ring po nyid yod pa de nyid du thung ngu la sogs pa 'dzin pa'i phyir ro//de yang rigs pa ma yin te kha dog bzhin no/ /ji ltar kha dog thogs pa dang bcas pa yin pa'i phyir phyogs gcig par mi 'gyur ba ltar dbyibs kyang de dang 'dra'o/ /de lta yin na chos can gyi khyad par las bzlog pa'i phyir dbyibs rdzas su yod do zhes bya ba'i phyogs skyon dang bcas par 'gyur ro//de rdul la med ces bya ba ni ji ltar sngon po la sogs pa'i gzugs rdul phran gyi rdzas brgyad la sogs pa yod pa de ltar ring po la sogs pa'i dbyibs ni rdul phra rab la med do/ /dbyibs rdul phra rab la med do zhes bya ba ji ltar shes she na/dbyibs ring po 'grib na ring po'i blo med pa'i phyir te/ dbyug pa ring po dmigs nas de nyid 'grib na ring po'i blo ldog go/ /sngon po la sogs pa'i rdzas dmigs nas 'grib na de la ser po'i blo ni mi 'byung gi /ring po'i rdzas 'grib na ni thung ngu'i blo mi 'byung gi de'i blo mi 'byung ngo //dbyibs de nyid ring po la sogs pa dang thung ngu la sogs pa'i blo bskyed do zhes brjod par yang mi rigs pa ma yin te/ de lta bas na mang po de ltar gnas pa dag kho na zhes bya ba thams cad brjod par bya'o/ /'on te dbyibs kyi rdul phra rab ces bya ba rgyas par 'byung ba ni dbyibs kyi rdul phra rab dag kho na phyogs gcig gi sgo la sogs pa'i rim pas de ltar gnas pa la ring po la sogs pa'i ming 'dogs te/de'i ngo bo nyid ma yin pa dag de ltar gnas pa la ni de'i ming 'thob par 'os pa ma yin no snyam du bsams pa yin no/ /dbyibs kyi yan lag rnams ni kha dog la sogs pa bzhin du rang gi ngo bor grub pa yang med ces bya ba ni kha dog gi yan lag rnams ni yan lag re re la sngon po la sogs pa nyid du 'dzin pa'i phyir rang gi ngo bor rab tu grub pa yin no//dbyibs kyi rdul phra rab rnams ni de ltar yan lag re re la ring po la sogs pa nyid du yang mi 'dzin te/de lta bas na rang gi ngo bo rab tu ma grub pa yin no/ /gal te de dag ring po la sogs pa'i ngo bo nyid ni ma yin pa nyid kyi gnas pa'i khyad par las ring po la sogs pa'i blo'i rgyu dag tu 'gyur na go/ /kha dog la sogs pa'i rdul phra rab dag kho na gnas pa'i khyad par las ring po la sogs pa'i blo'i rgyu dag tu 'gyur ro zhes bya bar yang ci ste mi 'dod/'o na gang kham pa'i snod rnams kha dog kyang tha mi dad ces bya ba ni gal te dbyibs kha dog gnas pa tsam zhig yin par gyur na/ don tha dad pa med pa'i phyir rdza mkhan la sogs pa'i rdza ma rnams kha dog tha mi dad na dbyibs kyang tha dad pa ma yin par 'gyur ro//ma bshad dam zhes bya ba rgyas par 'byung ba ni ji ltar gnas par 'gyur ba'i kha dog la ring po la sogs par ming 'dogs pa ste/ phyogs gcig gi sgor kha dog phal cher zhes bya ba la sogs pa rgyas par bshad pa yin no/ /dper na grog ma la sogs pa zhes bya ba rgyas par 'byung ba ni/ji ltar grog ma la sogs pa kha dog dang dbyibs gcig pa yin la/ de dag gi phreng ba ni yul la lar ni gzhan du snang la/ la lar ni gzhan du snang ba dang / zlum po la sogs pa tha dad pa zhes bya ba la sogs pa yang de dang 'dra ste/ de bzhin du kha dog tha mi dad kyang dbyibs tha dad par 'gyur ro/ /'o na gang mun khung dang zhes bya ba rgyas par 'byung ba ni 'o na gang mun khung na sdong dum dang mi dang glang po che la sogs pa'i kha dog ma mthong bar ring po dang / thung ngu dang zlum po la sogs pa mthong bar 'gyur ba de ji lta bu zhes bya ba'i tshig lhag ma yin no//gal te dbyibs kha dog las rigs gzhan zhig yin par ma gyur na ji ltar sngon po 'am/ ser po zhes bya bar mi mthong ba de bzhin du dbyibs kyang ring po nyid dam thung ngu'o zhes bya bar mthong bar yang mi 'gyur ba zhig na res 'ga' 'ang mthong ste/ de'i phyir dbyibs ni rigs gzhan yin no//phreng ba dang dmag la yongs su rtog pa bzhin no zhes bya ba ni/ ji ltar mun khung na bya 'am grog ma mi gsal ba mthong nas phreng ring po zhig go zhes rtog par byed pa 'am ji ltar mun khung na glang po che la sogs pa mi gsal ba mthong nas dmag 'di ni bskyil te rnam par gnas so zhes yongs su rtog par byed pa ltar 'di yang de dang 'dra'o//de ni gdon mi za bar de ltar shes par bya ste zhes bya ba ni da gzod ji skad du dbyibs rigs gzhan med kyang / de dag gis de na kha dog kho na mi gsal ba mthong bas ring po la sogs par yongs su rtog par byed do zhes bshad pa lta bu'o//gang res 'ga' zhes bya ba rgyas par 'byung ba la/ yongs su chad pa nges par mi zin pa zhes bya bar ni dbyibs nges par mi zin pa'o/ /tshogs pa tsam dang mi gsal ba ste sngon po la sogs pa nyid du mi mngon par snang ba yin no/ /ji ltar kha dog dang dbyibs las ma gtogs pa'i gzugs kyi skye mched kyang yod pa ma yin pas rdzas gzhan cung zad kyang mi rtag pa de bzhin du dbyibs kyang kha dog las ma gtogs par brtag par mi bya'o//mdo sde pa khyed ces bya ba ni mdo sde pa khyed cag ces bya ba'i tha tshig go/ /ji ltar lus kyi las su 'dogs par byed ces bya ba ni btags pa yod pa'i phyir lus kyi las su mi rung ngo snyam du bsams nas 'dri ba yin no//lus la brten pa zhes bya ba ni lus la dmigs pa zhes bya ba'i don to/ /gang zhig gi lus 'jug par 'gyur ba de ni lus la brten pa'i las yin te/de'i phyir de dang der lus 'jug par byed pa'i sems pa gang yin pa'o zhes bya ba smos so/ /ci rigs par rig par bya'o zhes bya ba ni ngag la brten pa'i las ni ngag gi las so/ /yid kyi las ni yid kyi las sam yid dang mtshungs par ldan pa'i las ni yid kyi las yin te/ des na ci rigs par zhes bshad do/ /rnam par rig byed med pa'i phyir zhes bya ba rgyas par 'byung ba ni gal te rnam par rig byed med par gyur na/ 'dod pa na spyod pa'i rnam par rig byed ma yin pa yang med par 'gyur te/ 'dod pa na spyod pa'i rnam par rig byed ma yin pa ni rnam par rig byed la rag las pa yin gyi sems kyi rjes su 'jug pa ni ma yin no// //bam po sum cu pa/ de yang de ltar med pas nyes pa chen por thal bar 'gyur te/ sdom pa dang sdom pa ma yin pa med pa'i nyes pa dang rdzas las byung ba'i bsod nams bya ba'i dngos pos bsod nams 'phel ba med pa'i nyes pa zhes bya ba de lta bu la sogs par thal bar 'gyur ro//thal ba rnams la yang thal ba'i gnyen po de dag yod de zhes bya ba ni de'i lan yod do zhes bya ba'i tha tshig go/ /lus kyi las zhes bya ba ni lus la brten pa zhes bya ba'i tha tshig go/ /mnyam par gzhag pa'i rnam par rig byed ma yin pa bzhin du zhes bya ba ni ji ltar mnyam par gzhag pa'i rnam par rig byed ma yin pa sems kyi rjes su 'jug pa yin pa ltar so sor thar pa'i sdom pa la sogs pa'i mtshan nyid kyi rnam par rig byed ma yin pa yang de dang 'dra bar yang 'gyur ro//mdo sde pa rnams kyis de ltar mi 'gyur te zhes bya ba smos te/mnyam par gzhag pa ma yin pa'i sems pa'i khyad par gyis de'i 'phen pa khyad par yod pa'i phyir sems kyi rjes su 'jug par mi 'gyur te/ mnyam par gzhag pa ma yin pa'i rnam par rig byed ma yin pa 'phangs pa'i phyir ro zhes bya ba'i tha tshig go//khyed kyi rnam par rig byed de yod cing med pa ma yin na yang rnam par rig byed ma yin pa 'phang par bya ba ni sems pa'i stobs dang mthu la rag las pa yin te ltos pa yin no/ /ci'i phyir zhe na/ blun pa'i phyir te mi gsal ba'i phyir ro/ /sems pa'i stobs med pa ni rnam par rig byed ma yin pa de bskyed par mi nus te/yang dag par len pa'i sems pa med na rnam par rig byed gyi na byung bas ni rnam par rig byed ma yin pa skyed par mi byed do/ /ngag rnam par rig byed ni zhes bya ba la ni zhes bya ba'i sgra ni khyad par du bya ba yin te/ ji ltar lus kyi rnam par rig byed dbyibs kyi bdag nyid yin pa ltar ngag gi rnam par rig byed ni ma yin no//'o na ci zhe na/ ngag gi bdag nyid kyi sgra ste yi ge'i bdag nyid kyi sgra'o zhes bya ba'i tha tshig go/ /rnam par rig byed ma yin pa ni sngar bshad pa kho na yin no zhes bya ba ni/ de dag rnam rig rnam rig min/ /zhes bshad pa de la rnam par rig byed ni bshad zin pa yin no//rnam par rig byed ma yin pa brjod par bya dgos na/ de yang gong du bshad zin pa nyid de/ rnam par g.yeng sems med pa'i yang / /zhes 'byung ba'i phyir ro/ /de yang rdzas su med de zhes bya ba ni rnam par rig byed ma yin pa de yang rdzas su med do//yang zhes bya ba'i sgra ni rnam par rig byed 'ba' zhig tu ma zad kyi zhes bya ba yin no/ /khas blangs nas mi phyed pa tsam yin pa'i phyir zhes bya ba ni mdo sde pa rnams na re dus 'di nas bzung ste/ srog gcod pa la sogs pa spong ngo zhes khas blangs nas de phyin cad de dag mi byed pa tsam la rnam par rig byed ma yin pa zhes bya bar zad pas de ltar na rdzas su med do zhes zer ro//de dag kyang rang gi ngo bo med pa'i phyir zhes bya ba ni 'das pa'i 'byung ba chen po de dag kyang da ltar byung ba lta bur rang gi ngo bor med de/ 'di ni mdzod kyi gnas lnga pa nas kyang ston par 'gyur ro/ /med pa dag ni ji ltar na 'di'i rten yin te/de bas na rdzas su med do/ /gzugs kyi mtshan nyid med pa'i phyir/ /zhes bya ba ni/ gzugs kyi mtshan nyid ni gzugs su rung ba zhes bya ba yin na/ thogs pa med pa'i phyir de yang 'di la med de de lta bas na rdzas su med do/ /rnam pa gsum zhes bya ba rgyas par 'byung ba ni/de ni rnam pa gsum dang dri ma med pa yin pas na/ rnam gsum dri med gzugs te de gsungs pa'o/ /ma byas lam zhes bya ba ni ma byas pa'i lam ste gzhan la byed du bcug gi bdag nyid kyis ma byas pa'i las kyi lam zhes bya ba'i tha tshig go/ / 'di dag la gzugs rnam pa gsum dang / dri ma med pa gsungs pa dang / 'phel ba dang / ma byas pa'i lam la sogs pa yod pas na rgyu 'di dag ni/ rnam gsum dri med gzugs gsungs dang / /'phel dang ma byas lam stsogs yin te/ sogs pa zhes bya ba'i sgras ni dge slong chos ni zhes bya ba 'dir gzugs can ma yin pa'o zhes ma gsungs pa dang 'phags pa'i lam yan lag brgyad par gsungs pa dang /so sor thar pa'i sdom pa dang / chu lon du gsungs pa bsdu ba'o/ /gzugs kyis gzugs bsdus pa zhes bya ba ni/ gzugs kho nas gzugs bsdus pa yin gyi tshor ba la sogs pa gzhan dag gis ni ma yin pa'o//bstan du yod la thogs pa dang bcas pa'i gzugs kyang yod ces bya ba ni mig gi rnam par shes pas rnam par shes par bya ba'i gzugs gang yin pa'o/ /bstan du med la thogs pa dang bcas pa'i gzugs kyang yod ces bya ba ni mig la sogs pa gzugs can gyi skye mched gang dag yin pa'o//bstan du yang med la thogs pa yang med pa ni yid kyi rnam par shes pas rnam par shes par bya ba chos kyi skye mched kyis bsdus pa rnam par rig byed ma yin pa gang yin pa'o/ /rnam par rig byed ma yin pa ma gtogs par zhes bya ba rgyas par 'byung ba ni rnam par rig byed ma yin pa ma gtogs pa bstan du med la thogs pa med pa'i gzugs bsdu ba'i mdo las bshad pa gang yin pa med do//zag pa med pa'i gzugs kyang med de de rnam par rig byed ma yin pa ma gtogs pa zhes bya bar sbyar te/lam gyi bden pa la snyoms par zhugs pa'i lus dang ngag gi rnam par rig byed kyi gzugs yin par ni rigs pa ma yin no/ /rdzas las byung ba'i bsod nams bya ba'i dngos po bdun zhes bya ba la/ rdzas ni kun dga' ra ba dang / /gtsug lag khang la sogs pa'o//de las byung bas na rdzas las byung ba'o/ /rdzas de med pa ni rdzas las byung ba ma yin pa'o/ /rtag tu zhes bya ba ni yang dang yang du'o/ /rgyun mi 'chad pa ni bar chad med pa'o/ /'dir mdo ni bcom ldan 'das yul kau shAm+bI na dbyangs len gyi kun dga' ra ba na bzhugs so/ /de nas tshe dang ldan pa skul byed bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal nas phyogs gcig tu 'dug ste/bcom ldan 'das la tshe dang ldan pa skul byed kyis 'di skad ces gsol to/ /btsun pa rdzas las byung ba'i bsod nams bgyi ba'i dngos po 'bras bu che ba phan yon che ba/gzi brjid che brgya che ba gdags pa mchis lags sam/ bcom ldan 'das kyis de la skul byed yod do zhes bka' stsal to/ /skul byed bdun po 'di dag ni rdzas las byung ba'i bsod nams bya ba'i dngos po 'bras bu che ba nas rgya che ba'i bar dag yin te/de dag dang ldan pa'i dad pa'i rigs kyi bu'am rigs kyi bu mo ni rgyu yang rung 'dug kyang rung nyal yang rung mi nyal yang rung ste rtag tu rgyun mi 'chad par bsod nams mngon par 'phel bar 'gyur zhing bsod nams nye bar skye ba kho nar 'gyur ro/ /bdun gang zhe na/ skul byed 'di ni dad pa'i rigs kyi bu 'am rigs kyi bu mo phyogs bzhi'i dge slong gi dge 'dun la kun dga' ra ba 'bul bar byed de skul byed 'di ni rdzas las byung ba'i bsod nams bya ba'i dngos po 'bras bu che ba nas rgya che ba'i bar dang po yin te/de dang ldan pa'i dad pa'i rigs kyi bu 'am rigs kyi bu mo zhes bya ba rgyas par bsod nams nye bar skye ba kho nar 'gyur zhes bya ba'i bar yin no//skul byed gzhan yang dad pa'i rigs kyi bu'am rigs kyi bu mo kun dga' ra ba de nyid du gtsug lag khang rtsig par byed de/ 'di ni rdzas las byung ba'i bsod nams bya ba'i dngos po 'bras bu che ba gnyis pa yin pa zhes bya ba nas nye bar skye ba kho nar 'gyur zhes bya ba'i bar yin no//skul byed gzhan yang dad pa'i rigs kyi bu 'am rigs kyi bu mo gtsug lag khang de nyid du mal cha dang stan 'di lta ste/ khri dang khri'u dang stan nang tshangs can dang la ba dang sngas dang stan gor bu dag 'bul bar byed de/ skul byed 'di ni rdzas las byung ba'i bsod nams bya ba'i dngos po gsum pa yin zhes bya ba snga ma bzhin no//skul byed gzhan yang dad pa'i rigs kyi bu'am rigs kyi bu mo gtsug lag khang de nyid du mchod sbyin rjes su mthun pa'i 'tsho ba nar mar 'bul bar byed de/ skul byed 'di ni rdzas las byung ba'i bsod nams bya ba'i dngos po 'bras bu che ba bzhi pa yin no zhes bya ba snga ma bzhin no//skul byed gzhan yang dad pa'i rigs kyi bu'am rigs kyi bu mo glo bur du 'ongs pa dang 'gro ba la sbyin pa sbyin par byed de/ skul byed 'di ni rdzas las byung ba'i bsod nams bya ba'i dngos po lnga pa yin no zhes bya ba snga ma bzhin no//skul byed gzhan yang dad pa'i rigs kyi bu 'am rigs kyi bu mo nad pa dang nad g.yog la sbyin pa sbyin par byed de/ 'di ni rdzas las byung ba'i bsod nams bya ba'i dngos po drug pa yin zhes bya ba snga ma bzhin no/ /skul byed gzhan yang dad pa'i rigs kyi bu 'am rigs kyi bu mo lhags pa 'am yul ngan nam rlung mo che 'am char 'bab pa gang dag byung na lhags pa nas char 'bab pa'i bar de lta bu dag gi tshe skyob pa 'am thug pa rnam pa sna tshogs rnam pa mang po dag byas nas 'phags pa dag bdag gi 'di gsol la sku ma gsher ba dang chos gos la char gyis ma phog par bde ba la reg par bzhugs shig ces dge 'dun dag la 'bul bar byed de/skul byed 'di ni rdzas las byung ba'i bsod nams bya ba'i dngos po 'bras bu che ba bdun pa yin zhes bya ba nas bsod nams nye bar skye ba kho nar 'gyur zhes bya ba'i bar snga ma bzhin no//rdzas las byung ba'i bsod nams bya ba'i dngos po bdun po 'di dag dang ldan pa'i dad pa'i rigs kyi bu 'am rigs kyi bu mo'i bsod nams ni bsod nams 'di tsam zhig go zhe 'am 'bras bu rnam par smin pa 'di tsam zhes tshad gzung du med kyi 'on kyang bsod nams che ba'i phyir bsod nams kyi phung po chen po zhes bya ba'i grangs su 'gro'o zhes bya ba de lta bu la sogs pa yin no//lan gnyis kyi bar du yang bcom ldan 'das la tshe dang ldan pa skul byed kyis 'di skad ces gsol to/ /btsun pa rdzas las byung ba ma lags pa'i bsod nams bgyi ba'i dngos po 'bras bu che ba nas rgya che ba'i bar gdags su mchis lags sam/bcom ldan 'das kyis de la skul byed gdags su yod do zhes bka' stsal to/ /skul byed bdun po 'di dag ni rdzas las byung ba ma yin pa'i bsod nams bya ba'i dngos po yin te/ de dag dang ldan pa'i dad pa'i rigs kyi bu 'am rigs kyi bu mo ni rgyu yang rung 'dug kyang rung zhes bya ba rgyas par bsod nams nye bar skye ba kho nar 'gyur zhes bya ba'i bar gsungs so//bdun gang zhe na/ skul byed 'di la dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos grong ngam zhing che ge mo zhig na rten cing bzhugs so zhes thos shing thos nas kyang yang dga' ba dang rab tu dga' ba rgya che ba dge ba nges par 'byung ba dang ldan pa 'thob ste skul byed 'di ni rdzas las byung ba ma yin pa'i bsod nams bya ba'i dngos po dang po yin no zhes bya ba nas bsod nams nye bar skye ba kho nar 'gyur ro zhes bya ba'i bar snga ma bzhin no//skul byed gzhan yang dad pa'i rigs kyi bu dang rigs kyi bu mo de bzhin gshegs pa 'am de bzhin gshegs pa'i nyan thos tshur gshegs par rtsom pa thos shing thos nas kyang yang dga' ba dang rab tu dga' ba thob ste zhes bya ba'i bar snga ma bzhin no/ /skul byed 'di ni rdzas las byung ba ma yin pa'i bsod nams bya ba'i dngos po gnyis pa yin zhes bya ba nas bsod nams nye bar skye ba kho nar 'gyur ro zhes bya ba'i bar snga ma bzhin no//skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos de nyid grong ngam zhing de kho na'i lam du zhugs so zhes thos shing thos nas kyang yang dga' ba thob po zhes bya ba nas bsod nams nye bar skye ba kho nar 'gyur zhes bya ba'i bar snga ma bzhin no//skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos grong ngam zhing de nyid du phyin par thos shing thos nas kyang yang dga' ba thob ces bya ba snga ma bzhin no//'di ni rdzas las byung ba ma yin pa'i bsod nams bya ba'i dngos po bzhi pa yin zhes bya ba nas bsod nams nye bar skye ba kho nar 'gyur zhes bya ba'i bar snga ma bzhin no//skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos nyid lta ba'i phyir 'gro zhing mthong nas kyang yang dga' ba thob ces bya ba snga ma bzhin no/ /skul byed 'di ni rdzas las byung ba ma yin pa bsod nams bya ba'i dngos po snga ma bzhin zhes bya ba nas bsod nams nye bar skye bar 'gyur zhes bya ba'i bar snga ma bzhin no//skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos de nyid las chos thos shing thos nas kyang yang dga' ba thob ces bya ba snga ma bzhin no//skul byed 'di ni rdzas las byung ba ma yin pa'i bsod nams bya ba'i dngos po drug po yin zhes bya ba nas bsod nams nye bar skye ba kho nar 'gyur zhes bya ba'i bar snga ma bzhin no/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos de nyid las chos thos shing chos thos nas kyang sangs rgyas la skyabs su 'gro/chos la skyabs su 'gro/ dge 'dun la skyabs su 'gro la/ bslab pa'i gnas dag kyang 'dzin par byed de/ skul byed 'di ni rdzas las byung ba ma yin pa'i bsod nams bya ba'i dngos po 'bras bu che ba bdun pa yin zhes bya ba snga ma bzhin te/gzhung mang du dogs pas thams cad ni ma bris so/ /lung bsgo ba tsam ni las kyi lam du mi rung ste/ srog gcod pa la sogs pa'i las de ma byas pa'i phyir ro/ /gal te las de byas na de la lung bsgo ba las kyi lam du 'gyur ro snyam du sems na/de'i phyir byas su zin kyang de'i rang gi ngo bo la khyad par med pa'i phyir zhes bya ba smos te/ gzhan gyi las de byas su zin kyang lung bsgo ba de la ni gang gis na de'i tshe las kyi lam du 'gyur ba rang gi ngo bo la khyad par cung zad kyang med do/ /de lta bas na snga ma bzhin du de'i rang gi ngo bo la khyad par med pa'i phyir ji ltar sngar gyi las kyi lam du rnam par mi gzhag pa ltar phyis kyang de kho na dang 'dra'o//de bas na de'i tshe las kyi lam gyis bsdus pa skye ba gang yin pa de yod do zhes bya bar khas blang bar bya dgos so/ /skye mched gcig gis ma bsdus pa zhes bya ba ni chos kyi skye mched ma gtogs pa dag gis so//ngag dang las kyi mtha' dang / 'tsho ba rnams ma rungs pa'i phyir ro zhes bya ba ni 'di dag rnam par rig byed kyi ngo bo nyid ni mi srid pa'i phyir ro zhes bya ba'i tha tshig go/ /'o na 'di skad du gang gsungs so zhes bya ba rgyas par 'byung ba la 'di'i 'brel pa gang zhe na/ji ste khyed gal te rnam par rig byed ma yin pa med par gyur na de na rnam par rig byed ni med pa'i phyir 'phags pa'i lam yan lag brgyad par yang mi 'gyur te/ de lta bas na rnam par rig byed ma yin pa ni yod do zhes bya bar 'dod na/ 'o na ci'i phyir 'di skad du gang gsungs so zhes bya ba nas rgyas par yang dag pa'i ting nge 'dzin zhes bya ba'i bar rgyas par brjod nas 'di skad du 'di'i sngon yongs su dag ces bya ba thams cad brjod do//lam la snyoms par 'jug pa'i dus kyi sngon rol du zhes bya ba'i tha tshig ste/ de dag ni rnam par rig byed kyi gzugs yin par gsungs so snyam du bsams pa yin no//bye brag tu smra ba rnams de ni sngon 'jig rten pa'i lam gyis 'dod chags dang bral bar byas pa la dgongs te gsungs pa yin no zhes lan 'debs par byed de/ de ni 'jig rten pa'i lam gyis 'dod chags dang bral ba'i gnas skabs kyi ngag la sogs pa'i ngo bo nyid kyis rnam par rig byed kyi gzugs las dgongs nas gsungs pa yin gyi lam gyi tshe des bsdus pa'i ngag la sogs pa'i rnam par rig byed ma yin pa'i gzugs med pa'i phyir ni ma yin no//ting nge 'dzin gyi yul gyi gzugs zhes bya ba ni ting nge 'dzin gyi dmigs pa ste rus pa'i rus gong la sogs pa'o//yul la mi sgrib pa'i phyir ni thogs pa med pa yin no zhes bya ba ni gzugs gang zhig yul la sgrib par byed pa de ni thogs pa dang bcas pa yin la bzlog pa ni thogs pa med pa yin no zhes bya bar grub po/ /da ni de ji ltar gzugs yin snyam du sems na zhes bya ba ni gal te gzugs su bya bar mi nus na snyam du bsams pa yin no//de ni rnam par rig byed ma yin pa la'ang mtshungs te/ khyed kyi rnam par rig byed ma yin pa yang yul la mi sgrib pas 'dra'o/ /zag pa med pa'i ting nge 'dzin la zag pa med pa yin no zhes bya ba ni rnal 'byor spyod pa lam mngon du byed pas de lta bu'i bsam pa dang rten 'thob ste/gang zhig yod na rang bzhin gyi tshul khrims la gnas par 'gyur ba yang dag pa'i lta ba lta bu'i zag pa med pa'i tshul khrims 'thob po/ /yang na 'phags pa de dag zag pa med pa'i ting nge 'dzin gyi tshe gzugs de lta bu de bzhed pa yin no//gzhan dag na re dgra bcom pa'i gzugs dang phyi rol gang yin pa'o zhes zer ro zhes bya ba ni slob dpon gzhan dag na re dgra bcom pa'i gzugs mig gi skye mched la sogs pa dang / phyi rol gyi rtsig pa la sogs pa gang yin pa de ni zag pa med pa'i gzugs yin no zhes zer ro//ci'i phyir zhe na/ zag pa rnams kyi rten ma yin pa'i phyir te/ dgra bcom pa'i rgyud la yod pa 'am phyi'i gzugs ni zag pa nyon mongs pa rnams kyi rten ma yin no/ /gal te de ltar yin na 'o na gang mdo las khyad par med par zag pa dang bcas pa'i chos rnams gang zhe na mig ji snyed pa dang gzugs ji snyed pa dag yin no zhes rgyas par gsungs so zhe na/de ni zag pa rnams kyi gnyen po ma yin pa'i phyir zag pa dang bcas par gsungs pa yin te zag pa'i gnyen po ni sems dang sems las byung ba'i khyad par dag yin no//'o na ni rnam grangs kyis zhes bya ba rgyas par 'byung ba ni dgra bcom pa 'am phyi'i gzugs de nyid zag pa rnams kyi gnyen po ma yin pa'i phyir zag pa dang bcas pa yang yin la zag pa rnams kyi rten ma yin pa'i phyir zag pa med pa yang yin no zhes bya ba yin te/ de ltar na ni mtshan nyid 'chol bar 'gyur bas nyes pa yin no//gzugs zag pa dang bcas pa nye bar len par 'gyur ba gang dag yin pa zhes bya ba ni gzugs kyi skye mched ces bya ba'i tha tshig ste/ rgyas par chos zag pa dang bcas pa nye bar len par 'gyur ba gang dag yin pa de dag ni sems kyi tha ba dang sbags pa'i gzhi yin no zhes bya ba'i bar gsungs pa'i phyir gzugs kyi skye mched zag pa med pa de dag ni yod do//zag pa dang bcas pa nye bar len par gyur pa de dag kyang gang zhe na/ so so'i skye bo'i gzugs gang dag yin pa ste/ zag pa rnams kyi rten yin pa'i phyir dang / de'i gnyen po ma yin pa'i phyir ro//zag pa med pa dag gang zhe na/ dgra bcom pa'i dang / phyi'i gzugs rnams te/ zag pa rnams kyi rten ma yin pa'i phyir ro/ /yon tan gyi khyad par zhes bya ba ni bsam gtan dang tshad med pa la sogs pa'i yon tan gyi khyad par ro/ /phan btags pa'i khyad par zhes bya ba ni lus kyi kha dog dang stobs la sogs pa'i khyad par ro//de la dmigs pa zhes bya ba rgyas par 'byung ba ni 'di la dmigs pa len pa po de yod pas na 'di ni de la dmigs pa'i sbyin pa'i sems pa ste/ de yongs su bsgom pa'i rgyud yongs su 'gyur ba'i khyad par phra mo 'thob par 'gyur ro//'di ni chos nyid yin te zhes bya ba ni chos rnams kyi nus pa thog ma med pa yin no/ /ji ltar 'gyur zhes bya ba ni rgyud ji ltar 'bras bu shin tu mang po mngon par bsgrub par 'gyur snyam du bsams pa yin te/ 'di la ni gang zhig yongs su spyad nas za ba po rnams kyi yon tan gyi khyad par dang /phan btags pa'i khyad par gyis yid gzhan dang ldan pa'i sbyin pa po rnams la yang zhes bya ba nas rgyas par 'gyur ba zhes bya ba'i bar ram/ bsod nams nye bar skye ba kho nar 'gyur zhes bya ba'i bar du 'gyur ba lta bu sbyin pa po rnams kyis sbyin par bya ba dag yongs su spyod pa med do//de la dmigs pa'i sems pa la goms pas zhes bya ba ni de bzhin gshegs pa dang de'i nyan thos la dmigs pa'i sems pa la goms pas gang gis na tshe phyi ma la 'bras bu ches mang po mngon par bsgrub nus par 'gyur ba rgyud yongs su 'gyur ba'i khyad par phra mo thob par 'gyur ro/ /rgyu ba dang 'dug pa dang mi nyal ba la ni de lta bur yang rigs na nyal ba la go ji ltar zhe na/de'i phyir rmi lam dag na yang de dag rjes su 'brang bar 'gyur ro zhes bya ba smos so/ /bye brag tu smra ba rnam par rig byed ma yin par smra ba ltar na rdzas las byung ba ma yin pa gang la rnam par rig byed med kyi thos na dga' ba dang rab tu dga' ba dge ba thob pa 'ba' zhig tu zad pas de la ji ltar rnam par rig byed ma yin par 'gyur te nyan pa po de la ni rnam par rig byed dang ting nge 'dzin dag med pa'i phyir la rnam par rig byed ma yin pa na rnam par rig byed dam ting nge 'dzin las skye bar 'gyur bas so//rdzas las byung ba dag la yang zhes bya ba rgyas par 'byung ba ni kun dga' ra ba 'bul ba sogs pa la yang de la dmigs pa'i sems pa la goms par 'gyur te/sems pa 'di la dmigs pa len pa po yod pas zhes bya ba snga ma bzhin no/ /smras pa/ gal te rdzas las byung ba dag la yang de ltar yang dang yang du de la dmigs pa'i sems pa la sogs pas 'gyur na 'o na mdo las gang gsungs pa zhes bya ba rgyas par smos te/sems kyi ting nge 'dzin zhes bya ba ni byams pa la sogs pa dang mtshungs par ldan pa'o/ /sems pa'i khyad par gang zhig yin zhes bya ba ni de la dmigs pa'i sems pa med pa yang sbyin pa po la yang bsod nams kyi rgyu mthun pa yod do zhes ston par byed do//bya ba'i 'bras bu yongs su rdzogs na zhes bya ba la bya ba ni las kyi lam dngos la sbyor ba yin no/ /'bras bu ni las kyi lam dngos te de yongs su rdzogs na'o/ /tshul 'di nyid yin zhes bya ba ni bdag nyid kyi sbyor bas gzhan dag la gnod par byas pa'i khyad par las byed pa po la rgyud yongs su 'gyur ba'i khyad par skye'o zhes bya ba thams cad sbyar ro//'bras bu la rgyu btags pa'i phyir ro zhes bya ba ni rgyud yongs su 'gyur ba'i khyad par las kyi lam yin no zhes bya ba la rgyud yongs su 'gyur ba'i khyad par ni 'bras bu yin la las kyi lam du ni rgyu yin no//lus dang ngag gi sbyor ba gang yin pa de'ang sems pa'i mtshan nyid kyi las kyi lam yin pas 'bras bu de las kyi lam mo zhes rgyu nye bar btags pa yin no/ /lus dang ngag gi ni rgyud yongs su 'gyur ba'i bye brag de dag gi bya ba'i 'bras bu yin pa'i phyir te lus dang ngag gi bya ba'i 'bras bu yin pa'i phyir ro zhes bya ba'i tha tshig go//dper na rnam par rig byed ma yin par smra ba rnams kyi rnam par rig byed ma yin pa lta bu'o zhes bya ba ni dper na bye brag tu smra ba rnam par rig byed ma yin par smra ba rnams kyi ltar na rnam par rig byed ma yin pa ni las kyi lam zhes bya ste/'bras bu la rgyur btags pa'i phyir ro/ /lus kyi dang ngag gi ni de dag gi bya ba'i 'bras bu yin pa'i phyir ro zhes bya ba lta bu yin no/ /btsun pas rnam par rig byed ma yin pa rdzas ma yin no zhes bya ba rnam pa gzhan gyis bstan pa'i phyir/zin pa'i phung po dag la zhes bya ba rgyas par smos te da ltar gyi phung po sems can du bgrang ba dag la dus gsum pa'i sems pas srog gcod pa'i kha na ma tho bas gsod pa po la reg par 'gyur ro/ /ji ltar dus gsum pas reg ce na/ 'di gang gi tshe gsad par bya'o//gsod do bsad do snyam du sems pa na zhes bya ba smos te de ltar na 'dir ni sems pa kho na las yin par bshad do/ /slob dpon gyis btsun pa'i gzhung lugs la la ni 'dod la la ni mi 'dod par bstan pa'i phyir/ de tsam gyis las kyi lam yongs su rdzogs pa ma yin gyi zhes rgyas par smos te/gal te 'ga' zhig 'di skad du nga'i ma 'di sod cig ces sbyor bar byed cing gshed ma song ba dang / de 'di snyam du kye ma 'dis bdag gi ma bsad do snyam du sems par gyur na bsad par mngon pa'i nga rgyal byed pa de la mtshams med pa'i las su gyur pa zhig na de ltar yang mi 'dod do//de lta bas na btsun pas bdag nyid kyis gsod na zhes khyad par du byas nas brjod dgos so/ /de nyid kyi phyir/ bdag nyid kyis gsod pa na zhes bya ba rgyas par smos te/ sems pa de snyed cig tu kun 'byung ngo zhes bya ba ni gsad par bya'o/ /gsod do/ /bsad do snyam pa yin no//rigs pa'i ngo bo nyid yin no zhes bya ba ni kha cig na re reg pa nyid rigs pa'i ngo bo yin pas ming du gdags pa dang 'dra bar rang gi don la ngo bo'i rkyen yin te/ dper na ming nyid la ming du gdags pa zhes bya ba lta bu yin no zhes zer ro/ /yang na rigs pa shes pa ni rigs pa'i ngo bo yin pa'am 'di la rigs pa'i ngo bor te/ngo bo nyid yod pas na rigs pa'i ngo bo'o/ /de kho na dang 'dra bar mi mngon pa zhes bya ba ni ji ltar rnam par rig byed ma yin pa rtogs par dka' ba ltar rgyud yongs su gyur pa'i khyad par yang de kho na dang 'dra'o zhes bya ba yin no/ /sems kyi rgyu las byung ba'i lus kyi sbyor bas zhes bya ba ni sems sngon du 'gro ba can gyi lus kyi sbyor bas zhes bya ba'i tha tshig go//de dag dang tha dad par gyur pa zhes bya ba ni lus dang sems dag dang tha dad par gyur pa'o/ /gang gis byas pa'i sbyor ba las byung ba zhes pa ni gang zhig gis byas pa ni gang gis byas pa'o/ /sbyor ba las byung ba'i bya ba yongs su rdzogs pa ni las kyi lam yongs su rdzogs pa ste/sbyor bar byed pa sems dang sems las byung ba de kho na de'i rgyu can te/ sbyor ba de'i rgyu can gyi rgyud yongs su 'gyur ba 'byung ngo zhes bya ba ni yongs su dga' bar 'gyur te/ kho bo cag ces bya ba tshig lhag ma yin no sems dang sems las byung ba'i rgyud las tshe phyi ma la 'bras bu 'byung ba'i yang phyir gyi rnam par rig byed ma yin pa las byung ba'i phyir ni ma yin te cis na yongs su dga' bar 'gyur zhes bya bar sbyar ro//rnam par rig byed med pa'i phyir ro zhes bya ba de lta bu la sogs pa'o zhes bya ba ni kun nas slong bar byed pa'i chos med pa'i phyir kun nas bslang bar bya ba'i chos med do zhes bya ba'i tha tshig go//rnam par rig byed rdzas su med do zhes bya ba de ni bsgrubs zin to/ /stsogs pa zhes bya ba'i sgras ni khas blangs nas mi byed pa'i phyir dang / 'das pa'i 'byung ba chen po rnams la yang brten nas 'dogs pa'i phyir la de dag kyang rang gi ngo bo med pa'i phyir dang zhes bya ba de lta bu la sogs pa bsdu'o//de nyid chos kyi skye mched du gtogs pa ma yin no zhes bya ba ni bsam gtan pa rnams kyi ting nge 'dzin gyi mthus ting nge 'dzin gyi gzugs 'byung ba gang yin pa ste/de ni bstan du med pa 'ang yin la thogs pa med pa yang yin no/ /re zhig khyod smros shig ces bya ba ni khyod ces bya ba ni mi mthun pa yin no zhes 'don te ma la khyod je smros shig ces bya ba yin no/ /gzhan dag na re tshur shog je smros shig ces bya ba'i tha tshig go zhes zer ro/ /de'i phyir rgyu mtshan la zhes bya ba rgyas par 'byung ba ni gang gi phyir de lta yin pa de'i phyir rgyu mtshan rnam par rig byed ma yin pa la rgyu mtshan can yang dag pa'i ngag la sogs pa nye bar btags nas rnam par rig byed ma yin pa la der bshad de de yang dag pa'i ngag dang las kyi mtha' dang 'tsho ba zhes bya bar bshad do zhes bya ba'i tha tshig go//de lta bu'i bsam pa dang lus zhes bya ba la bsam pa ni srog gcod pa la sogs pa mi byed pa'i bsam pa 'am dad pa la sogs pa'i bsam pa'o/ /lus ni rten yongs su gyur pa'o/ /de'i phyir rgyu mtshan bsam pa 'am lus la rgyu mtshan can yang dag pa'i ngag la sogs pa nye bar btags pa byas nas lam gyi yan lag brgyad rnam par gzhag go//de dag mi byed pa tsam zhes bya ba ni log pa'i ngag la sogs pa mi byed pa tsam mo/ /de gang zhe na/ 'dis 'phags pa'i lam zhes bya ba rgyas par smos so/ /gal te mi byed pa tsam yan lag yin na de ji ltar zag pa med pa nyid yin zhe na/de yang zag pa med pa'i lam la brten nas 'thob pa'i phyir zag pa med pa yin no zhes bya ba smos so/ /gal te mi byed pa tsam yan lag yin na rdzas su yod pa ma yin pas ji ltar yan lag brgyad yin zhe na/ de'i phyir thams cad du rdzas su yod pa'i chos yongs su bgrang ba yang ma yin zhes bya ba rgyas par smos so//cho ga sngon du btang ba zhes bya ba ni tshul khrims mnod pa'i cho ga sngon du btang ba'o/ /gal te sems gzhan dang ldan na ma bsdams par 'gyur ro zhes bya ba ni gal te sems pa sdom pa yin na sems pa'i sems de las gzhan pa'i sems dang ldan na ma bsdams par 'gyur te/de'i tshe sems pa gang gis lus dang ngag dag sdom par byed pa de ni med do/ /ma yin te de la goms pas zhes bya ba rgyas par 'byung ba ni de ni de lta ma yin te de la goms shing sems dang sems las byung ba'i rgyun goms pas bya ba'i dus te sems pa la sogs pa'i sems nye bar gnas pa na dran pa la ste/bdag ni srog gcod pa la sogs pa spangs pa yin no snyam pa'i dran pa nye bar gnas pa'i phyir te sems gang gis lus dang ngag dag sdom par byed de mngon du 'gyur ba'i phyir ro/ /de lta bu kho na'i don du de yang dag par len to zhes bya ba ni ci nas kyang mi bya bar dam bcas pa 'di rjes su dran nas 'chal ba'i tshul khrims mi bya'o zhes bya ba yin no//brjed ngas pa 'gas kyang tshul khrims 'dral bar mi 'gyur ro zhes bya ba ni de'i tshe rnam par rig byed ma yin pa chu lon lta bu 'chal ba'i tshul khrims kyi gags byed pa de yod pas so//tshogs pa de nyid 'bras bu phra mo can yang yin la 'bras bu rags pa can yang yin par ni mi rung ngo zhes bya ba na rnam par rig byed kyi rten pa'i sa'i khams la sogs pa 'byung ba chen po rnams kyi tshogs pa de nyid 'bras bu rnam par rig byed ma yin pa bstan du med cing thogs pa med pa can yin pa'i phyir 'bras bu phra mo can yang yin la 'bras bu rnam par rig byed bstan du yod cing thogs pa dang bcas pa yin pa'i phyir 'bras bu rags pa can yang yin par mi rung ngo //de lta bas na rnam par rig byed ma yin pa ni 'byung ba chen po gzhan dang gzhan dag kho na rgyur byas nas skye'o//gang gi tshe rnam par rig byed yod pa zhes bya ba rgyas par 'byung ba gang gi tshe rnam par rig byed 'byung ba ni gang gi tshe rnam par rig byed ma yin pa yod pa'o/ /de ltar de'i tshe yod pa ni 'byung ba chen po ste ci rnam par rig byed ma yin pa de gang gi tshe rnam par rig byed byung ba de'i tshe byung ba kho na na 'byung ba chen po dag rgyur byas nas skye 'am zhe na thams cad ces bya ba ni rgyur byas pa'i gzugs rnam par rig byed dang /rnam par rig byed ma yin pa dang / bsam gtan dang zag pa med pas bsdus pa dang / mig dang rna ba dang gzugs dang sgra la sogs pa thams cad ni de ltar dus mnyam pa'i 'byung ba chen po dag kho na rgyur byas nas 'byung ngo //phal cher zhes bya ba smos pa ni 'dod pa na spyod pa'i rnam par rig byed ma yin pa cung zad cig gsal ba'i phyir ro/ /de nyid kyi phyir/ da ltar dang ma 'ongs pa cung zad cig ni 'das pa'i 'byung ba chen po dag rgyur byas nas 'byung zhes bya ba smos te/rgyur byas pa'i gzugs da ltar gyi cung zad cig ni 'das pa'i 'byung ba chen po dag rgyur byas nas 'byung la/ rgyur byas pa'i gzugs ma 'ongs pa cung zad cig ni 'das pa'i 'byung ba chen po dag rgyur byas nas 'byung ngo //rgyur byas pa'i gzugs de lta bu de yang gang zhe na bstan pa'i phyir/ 'dod rtog rnam rig min skad cig /phyin chad 'das pa'i 'byung las skye/ /zhes bya ba smos te/ 'dod pa na spyod pa'i rnam par rig byed ma yin pa ni sdom pa la sogs pa mnod pa'i tshe lhan cig skye ba'i 'byung ba chen po dag rgyur byas nas 'byung la/de bzhin du rnam par rig byed ma yin pa gzhan yang de dag kho na rgyur byas nas 'byung ngo / /'di ltar de dag ni 'di'i gzhi'i don du 'gyur te/ ji ltar rgyur byas pa'i gzugs gzhan dag gi gzhi da ltar byung ba'i 'byung ba chen po rnams yin pa de bzhin du de'i rten ni 'das pa rnams yin no//'jug pa dang rjes su 'jug pa'i rgyu yin pa'i phyir go rims bzhin zhes bya ba ni 'das pa'i 'byung ba chen po dag ni 'jug pa'i rgyu yin zhing 'phen pa'i rgyu yin pa'i phyir gzhi'i don du 'gyur ro/ /da ltar byung ba'i lus kyi 'byung ba chen po dag ni rjes su 'jug pa'i rgyu yin zhing rten par byed pa'i rgyu yin pa'i phyir rten gyi don du 'gyur ro//'khor lo bzhin zhes bya ba ni ji ltar 'khor lo lag pas 'dril ba de lta bu ni 'di'i 'jug pa'i rgyu yin no/ /ji ltar sa'i phyogs de lta bu ni rjes su 'jug pa'i rgyu yin no/ /dus nges pa dris nas yang gang la yod pa'i zhes bya ba rgyas par sa nges par 'dri ste/bsam gtan bzhi pa'i sa'i bar du zhes bya ba ni gzugs med pa dag na 'byung ba dang 'byung ba las gyur pa med pa'i phyir ro/ /khams su ma gtogs pa'i phyir zhes pa ni zag pa med pa'i lus dang ngag gi las ni khams dang ldan pa ma yin pa'i phyir nges pa med do snyam du bsams pa yin no//'o na ci'i phyir zag pa med pa'i 'byung ba chen po rnams rgyur byas nas mi 'byung zhe na/ de'i phyir/ zag pa med pa rnams las 'byung ba dag med pa'i phyir zhes bya ba smos so/ / yang 'di la 'byung ba chen po dag gis byar ci yod snyam na/ de'i phyir de'i stobs kyis skye ba'i phyir ro zhes bya ba smos te 'byung ba'i stobs kyis bskyed pa'i phyir ro zhes bya ba'i tha tshig go/ /ji ste de skye ba ci'i phyir sems kyi stobs kho nas mi 'gyur zhe na/ rgyur byas pa'i gzugs ma yin pa nyid du thal bar 'gyur ba'i phyir ro//rnam rig byed min ma zin dang / /zhes bya ba ni lus can ma yin pas sems dang sems las byung ba'i rten gyi dngos por mi rung ba'i phyir ro/ /rgyu mthun las byung zhes bya ba ni dge ba dang mi dge ba yin pa'i phyir rnam par smin pa las skyes pa ni ma yin te/rnam rig min lung bstan man med/ /ces 'byung ba'i phyir ro/ /rnam par smin pas yang / rnam smin lung du ma bstan chos/ /zhes 'byung bas lung du ma bstan pa yin pa'i phyir ro/ /bsags pa med pa'i phyir dang rgyas pa las byung ba yang ma yin pas shugs kyis na rgyu mthun pa las byung ba yin no//sems can gyi rgyud du gtogs pa'i phyir sems can du ston pa yin no/ /rgyu mthun zin pa'i 'byung las skye/ /zhes bya ba ni rgyu mthun pa dang zin pa'i 'byung ba chen po las skye ba yin te/ kun nas slong bar byed pa'i sems la ltos pa'i phyir dang /mnyam par ma bzhag pa'i sems kyi rnam par rig byed kyi skabs yin pa'i phyir nyid dang ting nge 'dzin gyis rgyas par byas pa'i 'byung ba chen po las skyes pa ma yin no/ /de nyid kyi phyir rnam par smin pa'i 'byung ba chen po las skyes pa yang yin no/ /ting nge 'dzin skyes zhes bya ba rgyas par 'byung ba ni bsam gtan dang zag pa med pa'i sdom pa'i rnam par rig byed ma yin pa zag pa dang bcas pa dang zag pa med pa'i ting nge 'dzin las skyes pa'i phyir ting nge 'dzin las skyes pa zhes bya'o//ma zin pa'i 'byung ba chen po dag rgyur byas nas zhes bya ba ni mnyam par gzhag pa'i sems kyi dbang gis lus de la sems kyi rjes su 'jug pa 'byung ba'i phyir te zin pa'i 'byung ba chen po rnams ni 'gog pa'i snyoms par 'jug pa la sogs pa'i gnas skabs dag na sems med par yang 'byung ngo //tshig kyal pa spong ba'i bar du zhes bya ba la/bar du zhes bya ba'i sgras ni ma byin par len pa dang 'dod pas log par g.yem pa dang / brdzun du smra ba dang / phra ma dang / ngag rtsub po dang tshig kyal pa spong ba bsdu'o/ /sems bzhin du 'byung ba tha mi dad pa'i phyir ro zhes bya ba ni ji ltar de skyed par byed pa'i sems tha dad pa ma yin pa de bzhin du de skyed par byed pa'i 'byung ba rnams kyang tha mi dad pa kho na yin no//'byung ba chen po dag ni rten gyi don gyis rnam par rig byed ma yin pa'i gzhir gyur pa ma yin no/ /'o na ci zhe na/ de 'jug par byed pa'i don gyis te/ de lta bas na 'byung ba tha mi dad pa las skye'o zhes smos pa 'gal ba med do//so sor thar pa'i sdom pa ni 'byung ba gzhan dang gzhan dag ces bya ba ni sems kyi rjes su 'jug pa ma yin pa'i phyir ro/ /rnam par rig byed ni rgyu mthun pa las byung ba ste zhes bya ba ni 'phen pa'i dbang gis rjes su 'jug pa'i phyir ro/ /lus kyi ni zin pa yin no zhes bya ba ni ngag gi ni ma yin no zhes bya ba'i tha tshig ste/lus kyi ni lus kyi 'byung ba chen po dang tha mi dad par 'jug pa'i phyir la de'i rten 'byung ba chen po rnams kyang zin pa yin pas so/ /ngag gi ma yin te/ de dag dang tha dad par 'jug pa'i phyir ro/ /'dir 'di ni bstan bcos dang 'gal ba yin te/'di skad du/ dge bsnyen gyi bslab pa'i gzhi gang dag yin pa de dag las zin pa ni du/ ma zin pa ni du zhe na/ smras pa/ thams cad ma zin pa yin no zhes bshad do zhes rgol bar byed na/ de skad du bstan pa ni rnam par rig byed ma yin pa'i mtshan nyid kyi bslab pa'i gzhi las dgongs te/gsungs pa'i phyir ram/ phal che ba bstan pa yin pa'i phyir nyes pa med do/ /yang rgyun chags pa'i phyir 'di bye brag tu smra ba ma yin par 'gyur ro zhes bya ba ni dbyibs gcig skyes na dbyibs cig shos ldog pa med pa'i phyir ro/ /ji ltar zhes bya ba rgyas par dbyibs gnyis 'grub par 'gyur zhes bya ba'i bar 'byung ba ni phan tshun go skabs mi 'byed pa'i phyir ro//de'i 'byung ba chen po dag gis mngon par khyab pa'i phyir zhes bya ba ni rnam par rig byed kyi rten gyi 'byung ba chen po dag gis lus mngon par khyab pa'i phyir ro/ /rnam par rig byed kyi 'byung ba chen po dag gis ma khyab par 'dug go zhes brjod par ni nus pa ma yin no//mngon par ma khyab na ni ji ltar na yan lag zad par gyi rnam par rig par byed par 'gyur/ 'di lus kyi phyogs gcig gis rnam par rig byed kyi lus thams cad kyis ni ma yin pas lus de rnam par rig byed kyi rten gyi 'byung ba chen po dag gis ma khyab par 'dug go zhes brjod par ni nus pa ma yin no//lus la gseb yod pa'i phyir de dag gi go skabs yod do zhes bya ba ni mngon par khyab tu zin kyang yan lag chen por mi 'gyur te/ lus la gseb yod pa nyid kyis gseb tu zhugs pa'i phyir ro//'o na ni yan lag de mkhregs pa 'am lci bar 'gyur ro zhe na mi 'gyur te/ phra ba'i phyir ro/ /rnam pa gnyis dang rnam pa gsum dang rnam pa lngar bshad ces bya ba ni de ni sems pa dang des byas zhes 'byung ba'i phyir rnam pa gnyis su bshad pa yin no/ /sems pa yid kyi las yin no//des skyed lus dang ngag gi las/ /zhes 'byung ba'i phyir rnam pa gsum du bshad pa yin no lo/ /de dag rnam rig rnam rig min/ /zhes 'byung bas lus dang ngag gi las rnam par rig byed dang / rnam par rig byed ma yin pa tha dad pa'i phyir dang / lnga pa yid kyi las yin pa'i phyir rnam pa lngar bshad pa yin no//rnam rig min lung bstan min med/ /ces bya ba ni don gyis na rnam par rig byed ma yin pa ni dge ba dang mi dge ba kho na yin no zhes bshad par 'gyur ro/ /las stobs dang ldan pa zhes bya ba ni/ rnam par rig byed ma yin pa'i mtshan nyid do//yang gi sgras ni 'dod pa na yang yod do zhes bya ba ni yang zhes bya ba'i sgra'ang zhes bya ba'i sgra'i don yin pas ni 'dod pa'i khams na yod pa 'dren par byed do/ /zag pa med pa'i rnam par rig byed ma yin pa bzhin no zhes bya ba ni dper na re zhig zag pa med pa'i rnam par rig byed ma yin pa la zag pa med pa'i 'byung ba dag med mod kyi 'on kyang de ni sa gang du skyes te de skyed par byed pa de'i sa pa'i 'byung ba chen po rnams rgyur byas nas skye ba de bzhin du re zhig gzugs med pa na spyod pa'i 'byung ba chen po dag kyang med mod kyi 'on kyang sa gang du skyes te gzugs med pa skyed par byed pa de'i sa pa'i 'byung ba rnams rgyur byas nas gzugs med pa na spyod pa'i rnam par rig byed ma yin pa skye bar 'gyur ro zhe na ma yin te/khams su ma gtogs pa'i phyir ro zhes bya ba ni de dang mi 'dra ba'i phyir ma yin te/ 'di ltar zag pa med pa'i rnam par rig byed ma yin pa ni 'dod pa dang /gzugs dang / gzugs med pa na spyod pa'i sred pa dag gis bdag gir ma byas pa'i phyir khams su ma gtogs pa yin no/ /de la ni khams sam sa'i sgo nas kyang rung ste/ 'byung ba chen po skal ba mnyam pa 'ang med la skal ba mi mnyam pa dag kyang med pa nyid de de'i phyir gang du skyes pa de na yod pa'i 'byung ba chen po rnams rgyur byas nas skye'o//gzugs med pa na spyod pa'i rnam par rig byed ma yin pa ni skal ba mi mnyam pa 'dod pa dang gzugs na spyod pa'i 'byung ba rgyur byas nas skye bar 'ongs pa ma yin te/ khams gsum pa'i phyir snyam du bsams pa yin no//gzhan yang gzugs thams cad la rgyab kyis phyogs pa'i phyir yang gzugs med pa'i snyoms par 'jug pa'i gzugs bskyed par mi nus kyi gzugs kyi sa pa'i zag pa med pa'i snyoms par 'jug pas ni gzugs bskyed par nus te/rnam par rig byed ma yin pa bskyed pa zhes bya ba'i tha tshig go/ /ci'i phyir zhe na/ gzugs thams cad la rgyab kyis phyogs pa'i phyir ro snyam du bsams pa yin no/ /yang ji ltar gzugs med pa'i snyoms par 'jug pa gzugs thams cad la rgyab kyis phyogs pa yin zhe na/de'i phyir gzugs kyi 'du shes dang bral ba'i phyir ro zhes bya ba smos te/ gzugs kyi 'du shes dang bral bar 'gyur ba'i phyir ro zhes bya ba'i tha tshig go/ /tshul khrims ni 'chal pa'i tshul khrims kyi gnyen po yin la zhes bya ba rgyas par 'byung ba ni 'dod pa na spyod pa'i 'chal ba'i tshul khrims ni mi dge bas kun nas slong ba'i phyir de'i gnyen po gzugs kyis pa'i tshul khrims rnam par rig byed ma yin pa'i mtshan nyid yin no zhes bya ba ni rung ngo //gal te gzugs med pa na spyod pa yang de dang 'dra bar 'gyur ro zhe na/ de'i phyir gzugs med pa rnams ni 'dod pa'i khams nas zhes bya ba rgyas par smos te/gzugs med pa'i khams dag ni 'dod pa'i khams nas ring ba nyid bzhis ring ba bzhin no/ /ring ba'i phyir gzugs med pas bsdus pa'i tshul khrims ni 'dod pa'i khams kyi gnyen po yin par mi rung ste/ ring ba nyid bzhi ni gong du bshad zin pas yang mi bshad do//'dir dper brjod pa ni gnyen po ring ba nyid yin no/ /rnam rig dpyod dang bcas pa dag na zhes bya ba ni dpyod pa dang bcas pa'i sa kho na dag na yod do zhes nges par gzung ba'i phyir brtsams pa yin te/ brtags shing dpyad nas tshig tu smra bas lus dang ngag gi las dag ni rtog pa dang dpyod pa sngon du 'gro ba can yin pa'i phyir ro//'dod pa na yang bsgribs pa med/ /ces bya ba ni dpyod pa med pa'i sa dag na med pa 'ba' zhig tu ma zad kyi zhes bya bar ston te/ tshangs pa'i 'jig rten kho na na yod do zhes bshad pa yin no/ /de yan chad ces bya ba ni tshangs pa'i 'jig rten yan chad do//phyi'i 'byung ba chen po rgyur byas pa zhes bya ba ni rlung la sogs pa'i sgra'i skye mched do/ /'di ni rnam par rig byed kyi sgra dgag pa lhur bya bar smos pa yin gyi phyi'i 'byung ba chen po rgyur byas pa kho na yod pa ni ma yin te bsam gtan gnyis pa la sogs pa na ni lag pa la sogs pa'i sgra yang srid do//de lta ma yin na bstan bcos dang 'gal bar 'gyur te/ 'di ltar bstan bcos las ni/ gang zhig sgra'i khams dang ldan zhe na/ smras pa/ 'dod pa dang gzugs na spyod pa'o/ /gang zhig mi ldan zhe na smras pa/gzugs med pa na spyod pa'o zhes bshad de/ thob dang ma thob rang rgyud du/ /gtogs pa rnams kyi zhes 'byung ba'i phyir sems can du mi bgrang ba'i phyi rol gyi dang ni ldan par rung ba ma yin no/ /nyes pa 'di nyid spang ba'i phyir gzhan dag na re zhes bya ba smos te/bsam gtan gnyis pa la sogs pa na yang rnam par rig byed yod do zhes bya ba yin no/ /gang gi sa pa zhig yin zhe na/ bsam gtan dang po'i sa pa'i 'o/ /'di ni bye brag smra ba kho na'i phyogs yin par zad kyi phyogs gzhan ni ma yin te/ grub pa'i mtha' las/ gnyis pa sogs na lus mig dang / /rna ba'i rnam shes rnam rig slong / /gang yin de ni dang por gtogs/ /de lung ma bstan nyon mongs min/ /zhes 'byung ba'i phyir ro/ /phyogs gzhan de bsam gtan gnyis pa la sogs pa'i sa pa yin no/ /de yang ci lung du ma bstan pa zhig gam lung du bstan pa zhig ce na/de'i phyir ma bsgribs la lung du ma bstan pa'i rnam par rig byed ni yod kyi dge ba'ang med la nyon mongs pa can yang med do zhes bya ba smos te/ de na gnas pa rnams phan tshun kun du smra ba la sogs pa byed pa na ma bsgribs la lung du ma bstan pa'i rnam par rig byed 'byung ngo // //bam po sum cu rtsa gcig pa/ ci'i phyir dge ba yang med la nyon mongs pa can yang med ce na/ de dag tu skyes pa ni zhes bya ba rgyas par smos te/ bsam gtan gnyis pa la sogs par skyes pa ni sa 'og ma pa'i sems te sems gang gis dge ba'am nyon mongs pa can gyi rnam par rig byed kun nas slong bar 'gyur ba de lta bu ste/dge ba dang nyon mongs pa can lta bu mngon sum du mi byed do/ /ci'i phyir zhe na/ dman pa dang spangs zin pa'i phyir ro zhes bya ba smos te/ sa 'og ma pa'i dge ba ni dman pa'i phyir dang spang ba'i phyir mngon du mi byed la/ nyon mongs pa can yang ma yin pas shugs kyis na 'di skad du sa 'og ma pa'i sems lung du ma bstan pa gang gis na de kun nas slong bar byed pa ste mngon sum du byed de zhes bshad pa yin no//de bas na 'di skad du sa 'og ma pa'i rnam par rig byed ni sa 'og ma pa'i sems kyis slong bar byed do zhes bshad pa yin no//bye brag tu smra ba rnams ni de de ltar mi 'dod de rnam par rig byed de bsam gtan dang po'i sa pa'i sems kyis kun nas bslang ba'i phyir bsam gtan dang po'i sa pa kho na yin no zhe'o/ /de lta bas na snga ma kho na brjod do zhes bya ba smos so/ /de yang 'dod pa'i khams na med do zhes bya ba ni bsgribs la lung du ma bstan pa'i sems bsgom pas spang bar bya ba de yang 'dod pa'i khams na med de 'dod pa'i khams na ni bsgribs la lung du ma bstan pa 'jig tshogs dang /mthar 'dzin par lta ba dang mtshungs par ldan pa kho na yod par 'dod la/ kha nang du bltas pa yin pa'i phyir des kyang rnam par rig byed ni kun nas slong bar mi byed do//ngo bo nyid ces bya ba ni bdag nyid kyis so/ /mchog tu bde ba'i phyir zhes bya ba ni mi bde ba dang rjes su 'brel ba dag kyang med pa'i phyir te/ ngo bo nyid dang mtshungs par ldan pa dang kun nas slong bas dge ba gang yin pa de ni mchog tu bde ba yin no zhes bshad pa yin no//de dag dang mtshungs par mi ldan pa rnams la dge ba nyid med pa'i phyir zhes bya ba ni dge ba'i rtsa ba la sogs pa dang mtshungs par mi ldan pa'i sems la sogs pa la dge ba nyid med pa'i phyir de dag dang mtshungs par ldan pa ni dge ba nyid yin par grub po//dge ba'i rtsa ba la sogs pa dang mtshungs par mi ldan pa'i chos de dag kho na zhes bya ba la sogs pa zhes bya ba'i sgras ni ngo tsha shes pa dang khrel yod pa dag bsdu'o/ /sman dang sbyar ba'i btung ba las byung ba'i 'o ma bzhin no zhes bya ba ni sman dang sbyar ba'i btung ba 'thungs pa'i ba las byung ba'i 'o ma gang yin pa de ni sman dang sbyar ba'i btung ba las byung ba'i 'o ma'o//skal ba mi mnyam pa'i sems kyis kun nas bslang ba'i thob pa rnams zhes bya ba rgyas par 'byung ba ni dge ba'i thob pa skal ba mi mnyam pa'i sems kyis kun nas bslang ba rnams so//skal ba mi mnyam pa'i sems ni dge ba las gzhan pa yin te/ the tshom gyis dge ba'i rtsa ba'i mtshams sbyor bar byed pa na dge ba rnams kyi thob pa gang yin pa de dag re zhig yongs su mya ngan las 'das pa bzhin du dge ba nyid ma yin te/ mchog tu bde ba ma yin pa'i phyir ro//ma chags pa la sogs pa bzhin du ngo bo nyid kyis dge ba yang ma yin te/ de'i ngo bo nyid ma yin pa'i phyir ro/ /tshor ba la sogs pa bzhin du mtshungs par ldan pas kyang ma yin te/ ldan pa ma yin pa yin pa'i phyir ro/ /kun nas slong ba las kyang ma yin te/de kun nas slong bar byed pa'i sems nyon mongs pa can yin pa'i phyir ro/ /de bzhin du yang srid par nying mtshams sbyor ba'i tshe skyes nas 'thob pa dag ji ltar dge ba nyid yin pa yang brjod par bya'o/ /ji ltar dge ba nyid yin pa ni brjod dgos so zhes bya ba 'di ni 'di la 'bad par bya dgos so snyam du bsams pa yin no//'di la lan ni dge ba'i rtsa bas kun nas bslang bar bya ba yin pa'i phyir de dag ni ma 'ongs pa'i gnas skabs nyid na dge ba yin la nyon mongs pa can gyi sems kyis ni de dag gi thob pa'i gags sel bar byed kyi dge ba nyid du byed pa ni med do zhes lan 'debs par byed do//sdug bsngal thams cad 'jug pa'i bdag nyid kyis zhes bya ba ni 'di la sdug bsngal thams cad 'jug pa'i bdag nyid de ngo bo nyid yod pas sdug bsngal thams cad 'jug pa'i bdag nyid do/ /des na 'khor ba ni don dam par mi dge ba yin no//lus dang ngag gi las dang skye ba la sogs pa zhes bya ba ni lus dang ngag gi las rnam par rig byed dang rnam par rig byed ma yin pa'i ngo bo nyid sdom pa ma yin pa dang sdom pa yang ma yin sdom pa ma yin pa yang ma yin pas bsdus pa dang skye ba la sogs pa ste/ skye ba dang / rga ba dang / gnas pa dang / mi rtag pa nyid kyi mtshan nyid dang / rjes mtshan nyid kyi ngo bo nyid rnams dang / mi dge ba dag gis thob pa rnams so/ /nad dang mi 'phrod pa'i sman la sogs pas dper bya'o zhes bya ba ni 'khor ba'i dpe ni nad kyis bya ste/ 'khor ba ni nad dang 'dra'o zhes bya ba'i tha tshig go//chags pa la sogs pa'i dpe ni mi 'phrod pa'i sman gyis bya ste/ gzhan dang mtshungs par ldan pa dang kun nas bslang ba la mi ltos pa'i phyir ro/ /de dag dang mtshungs par ldan pa'i dpe ni mi 'phrod pa'i sman dang sbyar ba'i btung bas bya'o/ / lus dang ngag gi las dang skye ba la sogs pa dang thob pa rnams kyi dpe ni mi 'phrod pa'i sman dang sbyar ba'i btung ba las byung ba'i 'o mas bya'o/ /de lta na 'o na ni zhes bya ba ni gal te 'khor ba don dam par mi dge ba yin na zag pa dang bcas pa ni 'khor ba'i khongs su gtogs pa'i phyir zag pa dang bcas pa cung zad kyang lung du ma bstan pa'am dge bar mi 'gyur ro zhe na/don dam par de skad du bshad kyi zhes bya ba ni 'khor ba'i khongs su gtogs pa thams cad mi dge ba yin no zhes bya ba 'di ni khas len to/ /rnam par smin pa'i phyir zhes bya ba rgyas par 'byung ba ni gang zhig 'di ni rnam par smin pa dang bcas pa yin no zhes bya bar rnam par smin pa'i phyir lung du ma bstan pa de ni lung du ma bstan pa zhes bya'o//'di skad du zag pa dang bcas pa gang yin pa de ni don dam par mi bde ba'i phyir mi dge ba yang yin la/ rnam par smin pa'i phyir lung du ma bstan pa yang ma yin no zhes bshad par 'gyur ro//dge ba yang de kho na bzhin du mi dge ba yang yin la rnam par smin pa yid du 'ong ba can yin pa'i phyir dge ba'ang yin no zhes bya bar khong du chud par bya'o/ /gal te kun nas slong ba'i dbang gis zhes bya ba rgyas par 'byung ba ni sems pa kho na dge ba dang mi dge ba nyid yin no snyam pa'i bsam pa 'dis lus dang ngag gi las kyi dge ba dang mi dge ba nyid spyod pa yin no//ci ste 'byung ba chen po rnams ma yin zhes bya ba ni dge ba dang mi dge ba nyid de/ dge ba dang mi dge ba'i sems kyis ni lus dang ngag gi las dang / de dag gi 'byung ba chen po rnams kyang kun nas slong bar byed do//bye brag tu smra bas smras pa/ byed pa po ni las la sems pa yin gyi/ 'byung ba chen po dag bya'o snyam du 'byung ba rnams la ni ma yin no/ /'o na ci zhe na las 'di bya'o snyam du sems pa yin pas 'byung ba chen po rnams ni las bzhin du dge ba dang mi dge ba nyid ma yin no//slob dpon gyis bshad pa mnyam par gzhag pa'i rnam par rig byed ma yin pa la ni/ byed pa po la rnam par rig byed ma yin pa bya'o snyam du bsam pa med do/ /mnyam par ma bzhag pa'i sems ni sa'i sgo nas mnyam par gzhag pa ma yin pas skal ba mi mnyam zhing mi 'dra ba'i phyir de kun nas slong bar byed pa de lta bur sems par byed pa gang yin pa yod pa ma yin na ji ltar mnyam par gzhag pa'i rnam par rig byed ma yin pa de dge ba nyid yin te/de ni 'byung ba chen po bzhin du dge ba nyid yin par mi 'gyur ro snyam du bsams pa yin no//yang na lha'i mig la sogs pa dang rna ba dag kyang dge ba nyid du thal bar 'gyur zhes bya ba ni gal te sems pa med du zin kyang rnam par rig byed ma yin pa dge ba nyid yin na zhes bya ba yin no/ /yang na 'di'i 'brel pa ni 'di yin te/ gal te skal ba mi mnyam pa dang mnyam par gzhag pa ma yin pa'i sems kyi dbang gis de dge ba nyid yin na/lha'i mig dang rna ba dag kyang sbyor ba'i tshe de dag la sems pa yod pa'i phyir dge ba nyid yin par thal bar 'gyur ba zhig na/ rna mig mngon shes lung ma bstan/ /zhes 'byung ba'i phyir de gnyis la ni dge ba nyid kyang med do//mthong bas na spang bar bya ba ni kha nang du bltas par 'jug pa yin pa'i phyir de skad du smra bas mthong bas spang bar bya ba'i sems ni rnam par rig byed kun nas slong bar byed pa ma yin no zhes gang bshad pa/ 'o na ci'i phyir bcom ldan 'das kyis gsungs she na zhes bya ba'i tshig gi don ni/de ni bcom ldan 'das kyis gsungs pa dang 'gal lo zhes bya ba yin no/ /de yang gang zhe na log par lta ba de las ni zhes bya ba rgyas par smos te/ ji ltar log par lta ba mthong bas spang bar bya ba las log pa'i ngag rnam par rig byed kyi ngo bo nyid dang /log pa'i las kyi mtha' de'i ngo bo nyid kho na 'byung bar 'gyur ro zhes gsungs rgyu dang ni/ de yi dus kyi slong zhes bya/ /zhes bya ba ni rgyu'i slong ba dang de'i dus kyi slong ba ni rgyu dang dus kyi slong ba'o/ /rgyu dang de'i dus kyi slong ba zhes ming btags pa ni rgyu dang de'i dus kyi slong ba zhes bya ba ste zhes bya ba ni ming du btags pa'o//yang 'di la rgyu dang de'i dus kyi slong ba zhes bya ba yod pas na/ rgyu dang de'i dus kyi slong ba zhes bya ba can yin te/ rgyu dang de'i dus kyi slong ba zhes bya ste/ rgyu dang dus kyi slong ba zhes bya bar ming du btags pa yin no/ /rgyu'i kun nas slong ba zhes bya ba ni 'dis kun nas slong bas na kun nas slong ba'o//de ni rgyu yang yin la de ni kun nas slong ba yang yin pas rgyu'i kun nas slong ba'o/ /de'i dus kyi kun nas slong ba zhes bya ba ni dus de ste bya ba'i dus so/ /dus der kun nas slong ba ni de'i dus kyi kun nas slong ba'o/ / de'i dus kho na na de yod pa'i phyir ro zhes bya ba ni bya ba'i dus kho na na de'i dus kyi kun nas slong ba yod pa'i phyir ro zhes bya ba'i tha tshig go/ /'phen par byed pa yin pa'i phyir zhes bya ba ni skyed par byed pa yin pa'i phyir ro/ /da ni bya ba de la de'i nus pa ci zhig yod ces bya ba ni da ni rnam par rig byed kyi bya ba de la de'i dus kyi kun nas slong bar byed pa de'i nus pa ji zhig yod na gang gis na de'i tshe de'i rjes su 'jug par byed pa yin no zhes bya bar brjod do//de med na zhes bya ba rgyas par 'byung ba ni rgyu'i kun nas slong bas 'phangs su zin cing bskyed du zin kyang de'i dus kyi kun nas slong ba de med na shi ba bzhin du rnam par rig byed yod par mi 'gyur te/dper na 'ga' zhig grong du 'gro bar bya'o zhes bya ba 'phangs nas bar ma dor shi na de la rjes su 'jug par byed par sems med pa'i phyir 'gro bar mi 'gyur ba de de dang 'dra'o/ /'o na sems med pa'i sdom pa skye ba la zhes bya ba rgyas par 'byung ba ni/gal te de'i dus kyi kun nas slong ba med pa na shi ba bzhin du de yod par mi 'gyur na 'gog pa'i snyoms par 'jug pa thob pas bsnyen par rdzogs par bya ba la lus kyi rnam par rig byed byas pa 'ga' zhig de'i tshe 'gog pa'i snyoms par 'jug pa nye bar gnas pa'i phyir sems med pa'i sdom pa skye ba la de'i sdom par gtogs pa lus kyi rnam par rig byed las brjod pa'i 'jug pa 'byung ba ji ltar yod de/de'i dus kyi kun nas slong ba med na/ ji ltar 'byung bar 'gyur zhes bya ba'i tha tshig go/ /de ltar 'gal bar bshad pa dang / 'o na ni sems dang bcas pa la ches gsal ba yin zhes bya ba lan gzhan la rten par byed de/de'i dus kyi kun nas slong bas ni sems dang bcas pa la rnam par rig byed ces gsal bar 'byung bas de'i nus pa ni de yin no/ /mthong bas spang bya'i rnam shes ni/ /rab tu 'jug byed yin zhes bya ba ni mthong bas spang bar bya ba ni rab tu 'jug par byed pa kho na yin no zhes nges par gzung ba yin no//ji ltar de rab tu 'jug par byed pa yin zhe na kun nas slong bar byed pa rtog pa dang dpyod pa dag gi gzhir gyur cing rgyur gyur pa'i phyir rnam par rig byed rab tu 'jug par byed pa yin no/ / rjes su 'jug par byed pa ni ma yin no zhes bya ba rgyas par 'byung ba ni sems kha phyir bltas la rjes su 'jug par byed pa gang yin pa de'i rnam par rig byed kyi bya ba'i dus gang yin pa de na de med pa'i phyir ro/ /rab tu 'jug par byed pa mthong bas spang bar bya ba med pa'i phyir zhes bya ba'i tha tshig ste/de'i phyir de ni rjes su 'jug par byed pa ma yin no/ /nyes pa gzhan des kun nas bslang ba'i gzugs zhes bya ba rgyas par 'byung ba 'di yang yod de/ gal te mthong bas spang bar bya ba de yang / de rjes su 'jug par byed pa yin na ji ltar bsgom pas spang bar bya ba'i sems kyis kun nas bslang ba'i lus dang ngag gi las bsgom pas spang bar bya ba yin pa ltar mthong bas spang bar bya ba de'i sems des kun nas bslang ba'i lus dang ngag gi rnam par rig byed kyi gzugs kyang mthong bas spang bar bya ba yin par 'gyur ro//cir 'gyur zhes zer ba ni rgol bar byed pa'o//bye brag tu smra bas chos mngon pa la gnod par 'gyur ro zhes bya ba smos te/ nyon mongs can min mthong spangs min/ /gzugs min zhes 'byung ba'i phyir ro/ /gzhan yang rig pa dang ma rig pa dag dang mi 'gal ba'i phyir te/ gzugs de ni 'jig tshogs la lta ba la sogs pa bzhin du rig pa mthong ba'i lam dang mi 'gal ba'i phyir te/ma spangs pa'i phyir zhes bya ba'i tha tshig go/ /de'i phyir de ni bden pa mthong ba rnams kyang de dang ldan pas gzugs ni mthong bas spang bar bya ba med do/ /ma rig pa dang 'gal ba yang med pa'i phyir te/ji ltar zag pa med pa'i lam so so'i skye bo'i gnas skabs na de ni skye ba'i phyir la de skyes te 'phags pa'i gnas skabs na ni ma rig pa kha cig spangs pa'i phyir ma rig pa dang 'gal ba ltar gzugs ni ma rig pa dang 'gal ba med de/ nyon mongs pa can dang / nyon mongs pa can ma yin pa'i gzugs kun du 'byung ba'i gnas skabs sam/ de'i thob pa'i rgyun chags pa'i tshe yang ma rig pa mi 'byung ba ma yin la ma rig pa yod na yang de mi 'byung ba ma yin pas so/ /de lta bu yin la zag pa med pa bzhin du spang bar bya ba ma yin pa yang ma yin no/ /gal te spang bar bya ba ma yin pa yang ma yin la mthong bas spang bar bya ba yang ma yin na shugs kyis bsgom pas spang bar bya ba yin no zhes bya ba grub bo/cig shos kyis gzugs rig pa dang mi 'gal lo zhes bya ba'i phyogs 'di ni bsgrub par bya ba yin no zhes bya ba smras te/ gang zhig gzugs mthong bas spang bar bya ba yin par 'dod de ji ltar gzugs rig pa dang mi 'gal bar 'dzin par 'gyur/bye brag tu smra bas 'o na ni sems mtshungs pas bslang ba'i phyir 'byung ba rnams kyang zhes bya ba rgyas par smos te/ gal te mthong bas spang bar bya ba'i sems kyis kun nas bslang ba'i gzugs de mthong bas spang bar bya ba yin par gyur na 'o na ni de'i rten 'byung ba rnams kyang mthong bas spang bar bya ba yin par 'gyur ro//ci'i phyir zhe na/ sems mtshungs pas bslang ba'i phyir te/ mthong bas spang bar bya ba'i sems gang gis gzugs de kun nas bslang ba de nyid kyis de'i rten gyi 'byung ba rnams kyang bslang bas so//de dag ni de lta bu yin par yang mi 'os te/ nyon mongs pa can ma yin pa'i lung du ma bstan pa yin pa'i phyir lam mthong bas spang bar bya ba rnams ni nyon mongs pa can yin pa'i phyir ro/ /cig shos kyis de ltar ni mi 'gyur te zhes bya ba smas te/ mthong bas spang bar bya ba dag tu ni mi 'gyur ro//ji lta zhe na/ smras pa/ ji ltar dge ba dang mi dge ba dag tu mi 'gyur ba bzhin te/ ji ltar dge ba dang mi dge ba'i sems gang gis dge ba dang mi dge ba'i gzugs kun nas bslang ba de nyid kyis de'i rten gyis 'byung ba rnams kyang kun nas bslang ba yin na/ lus dang ngag gi las kyi ngo bo nyid kyi gzugs de ni dge ba dang mi dge ba yin gyi de'i rten gyi 'byung ba rnams ni ma yin pa de dang 'dra'o//yang de nyid kyis bzlog ste/ yang na mthong bas spang bar bya ba yin par gyur du zad mod ces bya ba smras so/ /bye brag tu smras pas de skad brjod par ni mi nus te zhes bya ba smos te/mthong bas spang bar bya ba dag yin par zhes bya ba tshig lhag ma yin no/ /ci'i phyir zhe na/ nyon mongs pa can ma yin pa'i chos ni rig pa dang ma rig pa dag dang mi 'gal ba'i phyir te/ nyon mongs pa can ma yin pa'i chos ma bsgribs la lung du ma bstan pa dang dge ba zag pa dang bcas pa rnams ni ji ltar nyon mongs pa can gyi chos dag thob pa 'chad pas 'gal ba ltar rig pa zag pa med pa'i lam dang 'gal ba med do//de la dmigs pa'i nyon mongs pa thob pa 'chad pa'i phyir 'gal ba ni mi 'gog go/ /'thob pa 'chad pa dang /de la dmigs pa'i nyon mongs pa spong ba'i tshul gyis ma rig pa dang mi 'gal ba 'byung ba dag kyang nyon mongs pa can ma yin pa yin no/ /de la yang na gyur du zad mod ces smras pa de yang rig pa ma yin te/ de ltar na 'dir bsgrub pa 'byung ste/ nyon mongs pa can gyi gzugs kyi rten 'byung ba rnams ni mthong bas spang bar bya ba ma yin te/nyon mongs pa can ma yin pa'i phyir nyon mongs pa can ma yin pa'i sems dang sems las byung ba'i chos bzhin no/ /bye brag tu smra bas de ltar mthong bas spang bar bya ba'i rnam par shes pa ni rab tu 'jug par byed pa yin no zhes klan ka dang bcas pa'i lan so sor bkod nas mjug bsdu ba'i phyir de lta bas na mdo las rgyu'i kun nas slong ba zhes bya ba rgyas par smos te/log par lta ba las log par rtog pa nas log pa'i las kyi mtha'i bar 'byung ngo zhes bshad pa'i mdo gang yin pa de 'gal ba med do zhes bya ba yin no//rab tu 'jug par byed pa yang yin la rjes su 'jug par byed pa yang yin no zhes bya ba ni kha nang dang phyi rol du bltas te 'jug pa'i phyir ro/ /lnga ni rjes su 'jug byed yin/ /zhes bya ba ni lnga ni rjes su 'jug par byed pa kho na yin no zhes nges par gzung ba yin te rnam par mi rtog pa'i phyir ro//zag pa med pa ni gnyi ga ma yin no zhes bya ba ni rab tu 'jug par byed pa yang ma yin la rjes su 'jug par byed pa yang ma yin pa ste/ mnyam par gzhag pa ni kha nang du bltas te 'jug pa'i phyir ro/ /dman par 'gyur ba ma yin zhes bya ba ni ldang bar 'gyur ba ma yin pa'o//dge bar rgyud gcig pa yin no zhes bya ba ni dge bar rgyud gcig pa yin no zhes bya ba'i tha tshig go/ /sangs rgyas bcom ldan 'das ni mdo las glang po che yin par gsungs so/ /ji lta zhe na/ 'char byed de bzhin gshegs pa ni lha dang bcas shing bdud dang bcas pa'i 'jig rten na zhes bya ba rgyas par gsungs nas sku dang gsung dang thugs kyis ngan pa mi mdzad de de lta bas na glang po chen po zhes bya'o zhes gsungs te/ngan pa mi mdzad ces bya ba ni nyes pa mi mdzad ces bya ba'i tha tshig go/ /'di'i thugs mi bzhed pas zhes bya ba ni sangs rgyas 'di'i thugs mi bzhed pas mi 'gro ba'i phyir te/yul dag la mi 'gro ba'i phyir de skad du gshegs na'ang mnyam par gzhag ces bya ba la sogs pa rgyas par gsungs par zad de/ de ni spyod lam bzhi char du bzhud na yang bzhud do snyam pa nas/ bzhugs na'ang bzhugs so snyam pa'i bar gyi dgongs pa nye bar gnas pa'i phyir rtag tu mnyam par gzhag pa zhes bya'o//mngon par 'du bya ba med par 'jug pa nyid kyi phyir zhes bya ba ni mngon par 'du bya zhing 'bad pa med pa ste/ mngon par 'du bya ba med par 'jug pas na mngon par 'du bya ba med par 'jug pa'o/ / de'i ngo bo ni nyid de de'i phyir ro/ /yang na mthong bas spang bar bya ba thams cad ni rab tu 'jug par byed pa ma yin zhes bya ba ni gal te mthong bas spang bar bya ba thams cad rab tu 'jug par byed pa yin par 'dod na ni de de lta bur yang 'gyur ba zhig na thams cad ni ma yin no/ /'o na ci zhe na/log par lta ba la sogs pa kho nas rnam par rig byed rab tu 'jug par byed pa yin gyi 'jig tshogs la lta ba ni ma yin no/ /de'i phyir thams cad ni rab tu 'jug par byed pa ma yin no zhes bya ba smos te/ 'di lta bu ni rab tu 'jug par byed pa yin no/ /'di lta bu ni ma yin no zhes khyad par du brjod dgos so//sems mi dge ba dang lung du ma bstan pa can gyi zhes bya ba ni bsnyen par rdzogs par bya ste/ ji zhig dang ldan pas sems mi dge ba dang lung du ma bstan pa can gyi so sor thar pa'i sdom pa thal mo sbyar ba la sogs pa'i rnam par rig byed dge ba yin par mi 'gyur te/de'i rjes su 'jug par byed pa mi dge ba dang lung du ma bstan pa yin pa'i phyir ro/ /rab tu 'jug par byed pa ji lta bar zhes bya ba rgyas par 'byung ba ni rab tu 'jug par byed pa'i sems bsgom pas spang bar bya ba ji lta bar rnam par rig byed kyang de dang 'dra bar rnam par gzhag mod kyi rab tu 'jug par byed pa mthong bas spang bar bya ba yin pa ji lta ba de lta bur rnam par gzhag pa ni ma yin no//ci'i phyir zhe na/ bsgom pas spang bar bya bas bar du chod pa'i phyir te/ 'di ltar rab tu 'jug par byed pa mthong bas spang bar bya ba de ni rab tu 'jug par byed pa bsgom pas spang bar bya bas bar du chod pa yin no//ji lta bu zhe na/ dper na sngar sems la bdag gis gzhan dag la bdag yod do zhes bstan par bya'o snyam du de ltar nges par bzung nas de'i 'og tu ngag skyed par byed pa'i sems kha phyir bltas pa la 'jug pa bsgom pas spang bar bya ba'i 'og tu ngag skyed par rtog pa dang bcas shing dpyod pa dang bcas pas bdag yod do zhes tshig tu smra bar byed pa de lta bu la sogs pa yin no//de'i phyir rab tu 'jug par byed pa ji lta bar zhes bya ba rgyas par smos pa yin te/ de ltar na rab tu 'jug par byed pa mthong bas spang bar bya ba'i 'og tu gdon mi za bar rab tu 'jug par byed pa bsgom pas spang bar bya ba dge ba 'am mi dge ba 'am lung du ma bstan pa kho na 'byung la/de'i dbang gis na rnam par rig byed dge ba la sogs pa nyid yin no/ /'di skad du brjod par bya'o zhes bya ba rgyas par 'byung ba ni 'di skad du gzhan gyis chod pa ste/bsgom pas spang bar bya bas chod pa'i rgyu'i kun nas slong ba las dgongs nas gsungs so zhes brjod par bya dgos te/ rgyu'i kun nas slong ba brgyud pa las dgongs nas zhes bya ba'i tha tshig go/ /rnam rig min rnam gsum zhes bya ba rgyas par 'byung ba ni rnam gsum zhes mdor bstan nas/sdom dang sdom pa min dang gzhan/ /zhes bya bar 'grel par byed pa yin te/ de ni sdom pa dang de ni sdom pa ma yin pa yin pas sdom pa dang sdom pa ma yin pa'o/ /de ni sdom pa dang sdom pa ma yin pa dang de ni gzhan pas sdom dang sdom pa min pas gzhan no zhes bya bar tshig bsdu'o//mtshan nyid so sor nges pa'i phyir/ /zhes bya ba ni dge slong gi sdom pa'i mtshan nyid kyang gzhan yin pa nas de bzhin du bsnyen gnas pa'i sdom pa'i mtshan nyid kyi bar du yang gzhan yin te/ 'di skad du/ spang bya lnga brgyad bcu dang ni//thams cad spong bar mnos pa las/ /dge bsnyen dang ni bsnyen gnas dang / /dge tshul phyed dang dge slong nyid/ /ces 'chad par 'gyur ro/ /rnam pa brgyad nyid yin na ni/ dge slong gi sdom pa gang yin pa de nyid dge slong ma'i sdom pa yin no zhes bya ba la sogs pa 'chol bar 'gyur ro//dge tshul ma dang dge slong ma yang zhes bya ba ni dge tshul ma yang mtshan gyur na dge tshul yin la dge slong ma yang mtshan gyur na dge tshul kho na yin no/ /ji ste 'di ltar dge slong mtshan gyur na dge slong gi sdom pa ni 'dor la dge slong ma'i sdom pa ni 'thob po zhes bya bar mi 'dod ce na de'i phyir mtshan gyur pa la sngon gyi sdom pa gtong ba'i rgyu yang yod pa ma yin zhes bya ba smos te/dge slong la dge slong ma'i mtshan byung na gtong ba'i rgyu/ bslab pa phul dang shi 'phos dang / /mtshan gnyis dag ni byung ba dang / /rtsa ba chad dang mtshan 'das las/ / so sor thar pa'i 'dul ba gtong / /zhes rgyu bshad pa gang yin pa de las mi 'byung ngo / /sngon med pa'i sdom pa 'thob pa'i yang ma yin no zhes bya ba ni rgyu yod pa zhes bya bar sbyar ro/ /'di ltar so sor thar ces pa/ /gzhan gyi rnam rig byed stsogs kyis/ /zhes bshad pas/ de'i phyir dge slong gi sdom pa las dge slong ma'i sdom pa gzhan ma yin no zhes bya bar shes par 'gyur te de bzhin du dge tshul la sogs pa'i yang shes par bya'o//de lta bas na dge slong ma dang / dge slob ma dang / dge tshul ma dang / dge bsnyen ma'i sdom pa bzhi po de dag ni dge slong dang dge tshul dang /dge bsnyen gyi sdom pa gsum po las rang bzhin tha mi dad do/ /ci spong ba'i 'phel ba dang ldan pa'i phyir sdom pa de dag ces bya ba rgyas par 'byung ba ni/ dper na grangs lnga la gzhan lngas bsnan na lnga 'phel ba dang ldan pa'i phyir bcur 'gyur la grangs bco lnga las gzhan lngas bsnan na nyi shur 'gyur ba lta bu dang /dong tshe gcig dang gnyis zhes bya ba bzhin du ste/ dper na dong tshe snga ma gcig gnyis pa dang bcas na gnyis su 'gyur ba lta bu ste/ 'di ltar 'jig rten na smra ba po la la dong tshe gcig gi rin gyis dong tshe gnyis pa'am dong tshe gnyis pa'i rin khugs na dong tshe'i rin snga ma des khe phyin par mthong nas bdag gis dong tshe gnyis rnyed do zhes smra bar 'gyur te/bdag gis dong tshe gnyis rnyed do zhes bya ba'i don to/ /ci de bzhin du dge bsnyen dang dge tshul dang dge slong gi sdom pa 'di dag kyang spong ba'i 'phel ba dang ldan pa'i phyir srog gcod pa la sogs pa'i de kho na bzhin du so na gnas la/gar dang glu dang rol mo spong ba la sogs pa'i sdom pa sngon med pa dag 'phel ba dang ldan pa'i phyir dge bsnyen gyi sdom pa las kyang dge tshul gyi sdom pa gzhan yin la/ dge tshul gyi sdom pa las kyang dge slong gi sdom pa gzhan yin no zhes gzhan dang gzhan zhes bya ba 'am/phyogs gcig khyad par du gyur pa dang ldan pa'i phyir gnas gzhan dang gzhan nyid du rnam par 'jog gam zhes bya ba'i tha tshig go/ /'on te dge bsnyen gyi srog gcod pa spong ba la sogs pa yang gzhan yin la/ dge tshul gyi yang de las gzhan yin/dge slong gi yang de las gzhan no zhes bya ba lta bur de dag thams cad tha dad pa nyid gcig tu skye ste/ dge slong gi rgyud gcig la srog gcod pa spong ba gsum yod la/ ma byin par len pa spong ba yang de dang 'dra'o zhes bya ba de lta bu la sogs pa zhig yin nam/ lhag ma rnams kyang de dang 'dra'o zhes bya ba ni gar dang glu dang rol mo spong ba la sogs pa'o//srog gcod pa la sogs pa'i gzhi ches mang po dag las ldog par 'gyur zhes bya ba ni dge bsnyen pas dge tshul srog gcod pa la sogs pa'i gzhi ches mang po dag las ldog pa yin te/ dper na dus ma yin pa'i zas srog gcod pa'i gzhir 'gyur la de las ni dge tshul ldog gi dge bsnyen ni ma yin no zhes bya ba de lta bu la sogs pa sbyar bar bya'o//de ltar ma yin na zhes bya ba ni gal te de lta bu zhig yin par ma gyur na zhes bya ba'i tha tshig ste/ dge bsnyen dang dge tshul gyi sdom pa gnyi ga yang dge slong gi sdom pa der 'dus pa'i phyir dge slong gi sdom pa gtang zhing bor bas dge bsnyen gyi sdom pa la sogs pa gsum char yang gtang bar 'gyur ro//spong ba yang dag par blang bas zhes bya ba ni spong ba ni rnam par rig byed dang rnam par rig byed ma yin no zhes 'chad par 'gyur ro/ /yang dag par 'jog par byed pas zhes bya ba ni so sor yang dag par 'god par byed pa zhes bya ba'i tha tshig ste/sdig pa'i lam rnams ni sems can dag la mi mnyam par 'jug par byed do/ /de yang rnam par rig byed dang sems dag gis byed pas na zhes bya ba ni so sor thar pa'i sdom pas bsdus pa'i rnam par rig byed ma yin pa ni rnam par rig byed kyis byed la/bsam gtan dang / zag pa med pa'i sdom pas bsdus pa'i rnam par rig byed ma yin pa de ni sems kyis byed de ting nge 'dzin gyis byed do zhes bya ba'i tha tshig go/ /de ltar na bya ba yin zhes bya ba ni las su sgrub pa yin no/ /bya ba'i rgyu yin zhes bya ba ni bya ba'i rgyu yin pa'i phyir te sdom pa la gnas pa na sdom pa kun du bsrung ba'i phyir rnam par rig byed kyi mtshan nyid kyi bya ba rtsom mo//bya ba'i 'bras bu yin pa'i phyir zhes bya ba ni rnam par rig byed kyi mtshan nyid kyi 'bras bu yin pa'i phyir ro zhes bya ba'i tha tshig go/ /ting nge 'dzin las byung ba ji ltar bya ba yin na de yang ting nge 'dzin las skyes pa'i sems pa'i 'bras bu yin pa'i phyir bya ba yin no//yang na so sor thar pa'i sdom pa'i skabs yin pa'i phyir ro/ /de ltar re zhig bye brag med par so sor thar pa'i sdom pa yang dag par bstan to zhes bya ba ni skad cig ma dang po dang skad cig ma gnyis pa la sogs pa yang so sor thar pa'i sdom pa yin no zhes brjod pa yin no//so sor thar pa ni skad cig ma dang po kho na yin pas de'i phyir yang / dang po'i rnam rig rnam rig min/ /so sor thar zhes bya'o zhes bya ba smos so/ / des sdig pa las so sor thar pa'i phyir zhes bya ba ni skad cig ma dang po kho nas sdig pa las so sor thar par 'gyur ro/ /spang ba'i phyir zhes bya ba ni bor ba'i phyir zhes bya ba'i tha tshig go/ /so sor thar pa'i sdom pa zhes kyang bya zhes bya ba ni 'di ni so sor thar pa yang yin la lus dang ngag dag sdom pa'i phyir sdom pa yang yin no zhes bya ba'i tha tshig go//las kyi lam zhes bya'o zhes bya ba ni las kyi lam dngos zhes bya ba'i tha tshig go/ /skad cig ma gnyis pa la sogs pa la ni so sor thar pa'i sdom pa'i sdom pa kho na yin te/ so sor thar pa dang 'dra ba'am so sor thar pa las skyes pa'i sdom pa ni so sor thar pa'i sdom pa'o//so sor thar pa ni ma yin te/ 'di ltar skad cig ma dang po kho nas thar par byas zin pa'i phyir des sdig pa las so sor thar par mi byed pas so/ /ris brgyad kho nar zad do zhes nges par gzung ba dang yang phyi rol pa rnams la zhes bya ba rgyas par 'dri bar byed de/yang dag par blangs pa'i tshul khrims zhes khyad par du byas pa ni tshul khrims rnam pa gnyis yod pa'i phyir ro/ /tshul khrims ni rnam pa gnyis te/ yang dag par blangs pa'i tshul khrims dang chos nyid kyis thob pa'o/ /de la yang dag par blangs pa'i tshul khrims ni 'di dang 'di mi bya'o zhes mnos pa gang yin pa'o//chos nyid kyis thob pa ni bsam gtan gyi sdom pa dang zag pa med pa'i sdom pa'o/ /srid pa la brten pa'i phyir zhes bya ba ni de dag thar pa don du gnyer du zin kyang log par lta ba la sogs pas nyams pa'i phyir dang / de dag kha cig srid pa'i khyad par kho na la thar pa yin par sems pas srid pa la brten pa'i tshul khrims kho na yin no//de'i phyir de dag la yang dag par blangs pa'i tshul khrims yod kyi/ so sor thar pa'i sdom pa ni ma yin no/ /'dir ni nyer bsdogs kyang bsam gtan du brjod nas bstan te zhes bya ba ni gang zhig phyir nyer bsdogs na yang bsam gtan gyi sdom pa dang zag pa med pa'i sdom pa yod par 'dod pa de'i phyir 'dir ni bsam gtan gyi nyer bsdogs kyang bsam gtan zhes bya ba'i sgrar brjod pa yin no//kyang zhes bya ba'i sgras ni dngos gzhi yang bsdu bar bya ba de kho na yin no/ /lhan cig 'byung ba'i rkyen bshad par zhes bya ba ni/sems pa dang ni sdom gnyis dang / /de dag gi ni zhes bya ba dor ro/ /gsum po 'di dag las zhes bya ba ni so sor thar pa'i sdom pa dang / bsam gtan gyi sdom pa dang / zag pa med pa'i sdom pa rnams las so/ /sems gzhan dang ldan pa dang sems med pa'ang rjes su 'jug pa'i phyir ro zhes bya ba ni/rnam par g.yeng sems med pa'i yang / /zhes 'byung ba'i phyir ro/ /mi lcogs pa med la zhes bya ba smos pa ni 'dod pa na spyod pa'i 'chal ba'i tshul khrims kho na las so sor thar pa'i phyir ro/ /bar chad med pa'i lam dgu dag tu zhes bya ba ni de dag spong ba'i lam yin pa'i phyir ro//de kun nas slong bar byed pa zhes bya ba ni 'chal ba'i tshul khrims kun nas slong bar byed pa'o/ /de nyid kyi phyir zhes bya ba ni gang gi phyir mi lcogs pa med pa'i bar chad med pa'i lam dag la de rnam par gzhag pa de'i phyir mu bzhir bya ste/ mu dang po ni mi lcogs pa med pa'i bar chad med pa'i lam ma gtogs pa zag pa dang bcas pa'i bsam gtan gyi sdom pa ste mi lcogs pa med pa'i sa pa'i rnam par grol ba dang /sbyor ba dang khyad par gyi lam dag la yod pa dang bsam gtan dang po la sogs pa bsam gtan bzhi pa'i bar dngos gzhi'i bar chad med pa dang /rnam par grol ba dang sbyor ba dang khyad par gyi lam dag la bsam gtan gyi sdom pa yod pa gang yin pa ni bsam gtan gyi sdom pa yin gyi spong ba'i sdom pa ni ma yin te des 'chal ba'i tshul khrims dang / de kun nas slong bar byed pa'i nyon mongs pa rnams ni mi spong ba'i phyir ro/ /gnyis pa ni mi lcogs pa med pa'i bar chad med pa'i lam dgu dag tu zag pa med pa ste/'di ni de lta bu kho nas 'chal ba'i tshul khrims la sogs pa spong ba'i phyir spong ba'i sdom pa yin gyi bsam gtan gyi sdom pa ni ma yin te zag pa med pa yin pa'i phyir ro/ /gsum pa ni mi lcogs pa med pa'i bar chad med pa'i lam dag tu zag pa dang bcas pa ste/'di ni des 'chal ba'i tshul khrims la sogs pa spong ba'i phyir spong ba'i sdom pa yang yin la/ bsam gtan gyi sdom pa yang yin te/ zag pa dang bcas pa'i ting nge 'dzin las skyes pa'i phyir ro/ /bzhi pa ni mi lcogs pa med pa'i bar chad med pa'i lam ma gtogs par zag pa med pa'i sdom pa ste/'di ni zag pa med pa yin pa'i phyir bsam gtan gyi sdom pa yang ma yin la spong ba'i sdom pa yang ma yin te/ des 'chal pa'i tshul khrims la sogs pa mi spong ba'i phyir ro/ /de yang de kho na bzhin du mi lcogs pa med pa'i sa pa'i rnam par grol ba dang /sbyor ba dang / khyad par gyi lam dag la yod pa nas rgyas par zag pa med pa'i sdom pa gang yin pa'o/ /sdom pa nges par bya ba'i phyir de skad du bshad do/ /de lta ma yin na chos gzhan dag kyang brjod dgos par 'gyur ro//de bzhin du zag pa med pa'i sdom pa yin la spong ba'i sdom pa ma yin pa yang yod ces bya ba mu bzhi ste/ mu dang po ni mi lcogs pa med pa'i bar chad med pa'i lam ma gtogs pa zag pa med pa'i sdom pa'o/ /yid kyi sdom pa yang dran pa dang shes bzhin gyi ngo bo nyid yin la/dbang po'i sdom pa yang dran pa dang shes bzhin gyi ngo bo nyid yin pas gnyis kyi ngo bo nyid yin par bstan pa'i phyir ro/ /yang gnyis zhes bya ba smos te/ gnyis kyi tshig tu bstan pa kho nas gnyis nyid 'grub pas so/ /'di dag de lta bu'i ngo bo nyid yin no zhes bya ba ji ltar shes she na/lung las te/ lha zhig gis dge slong dbang po yul dag la rgyu ba zhig la 'di skad ces smras so/ /dge slong rma 'byin par ma byed cig /dge slong gis smras pa/ lha dgag par bya'o/ /lhas smras pa/ dge slong rma rdza ma tsam byung nas ji zhig gis dgag par byed/ dge slong gis smras pa/lha dran pa dang shes bzhin gyis dgag par bya'o zhes smras so zhes grag go/ /de ni ji srid du rnam par rig byed ma yin pa de mi gtong ba zhes bya ba ni bslab pa phul ba la sogs pas so/ /skad cig ma dang po phyin chad 'das pa dang zhes bya ba ni skad cig ma dang po la ni da ltar gyi kho na dang ldan pa yin no zhes bshad par 'gyur ro//bsam gtan sdom dang ldan pa ni/ /rtag tu 'das dang ma 'ongs dang / /zhes bya ba bsam gtan gyi sdom pa dang ldan pa ci so so'i skye bo 'am/ 'on te 'phags pa zhig yin zhe na smras pa/ khyad par du ma byas pa'i phyir gnyi ga yin te/ de ni 'das pa dang ma 'ongs pa'i rnam par rig byed ma yin pa dang ldan no//mtshan nyid ji lta bu zhig dang zhe na/ bsam gtan gyi skabs yin pa'i phyir bsam gtan gyi sdom pa'i mtshan nyid dang zhes bya bar mngon no/ /des ni skad cig ma dang po la yang tshe rabs gzhan dag tu gtong ba zhes bya ba 'di ni dper brjod pas rab tu bstan pa yin pas tshe 'di la gtong ba yang bsdu'o//'phags ni dang po 'das dang min/ /zhes bya ba ni/ 'phags pa ni rtag tu 'das pa dang ma 'ongs pa'i rnam par rig byed ma yin pa dang ldan no/ /mtshan nyid ji lta bu zhig dang zhe na/ 'phags pa'i skabs yin pa'i phyir zag pa med pa dang zhes bya bar mngon no/ /de nyid kyi phyir 'phags pa'i gang zag kyang zag pa med pa dang de bzhin du ldan no zhes bya ba smos so/ /'di ni khyad par yin te zhes bya ba ni 'di zhes bya ba'i sgra'i don ston to/ /de yang gzhan du bstan pa yin te/skad cig ma dang po sdug bsngal la chos shes pa'i bzod pa'i skad cig ma dang po la ni 'das pa'i rnam par rig byed ma yin pa dang mi ldan no zhes bya ba'i tha tshig go/ /ci'i phyir zhe na/ thog ma med pa can gyi 'khor ba na/ lam sngon ma bskyed pa'i phyir ro/ /'bras bu thob pa'i dus sam dbang po 'pho ba'i dus na yang lam snga ma btang na 'das pa'i rnam par rig byed ma yin pa dang mi ldan pa kho nar 'dod pa ma yin nam zhe na/de lta na 'o na ni 'bras bu'i lam de yang skad cig ma dang po yin la/ 'bras bu'i lam sngon ma bskyed pa'i phyir de la 'das pa'i rnam par rig byed ma yin pa dang mi ldan no zhes bshad par bya ba yin no//slob dpon dbyig bshes ni klan ka 'di'i lan gdab pa'i phyir 'di skad ces 'chad de 'dir ni zag pa med pa'i sdom pa'i skabs yin la/ de yang sdug bsngal la chos shes pa'i dus nyid na thob pas de'i phyir skad cig ma dang po la 'das pa de dang mi ldan no//gnyis pa la sogs pa la ni 'das pa dang ma 'ongs pa dang yang ldan no/ /gong du 'am lam gzhan thob pa gang yin pa de la ni zag pa med pa'i sdom pa 'dra ba nyid yod pas de ni mi brjod do zhes zer ro/ /'di la 'dra ba de yod do snyam ni mi mdzad de/ci zag pa dang bcas pa'i sdom pa yod do zhes bya ba la ltos nas 'di brjod dam/ 'on te zag pa med pa yod do zhes bya ba la ltos nas yin/ gal te zag pa dang bcas pa yod do zhes bya ba la ltos pa yin par 'dod na ni de sdug bsngal la chos shes pa'i bzod pa'i dus na yang yod pas 'das pa dang mi ldan no zhes dgag pa 'thad pa ma yin no//'on te 'bras bu thob pa'i tshe zag pa med pa'i sdom pa yod do zhes bya ba ltos pa yin par 'dod na ni nyams pa de ji ltar yod do zhes brjod par nus te/ de bas na 'di'i 'dod pa bsam par bya ba yin no//mnyam gzhag 'phags lam gnas de gnyis/ /zhes bya ba ni mnyam par gzhag pa'i lam la gnas pa ste/ 'jig rten pa'i mnyam par gzhag pa'i lam la gnas pa dang 'phags pa'i lam la gnas pa ni mnyam gzhag 'phags la ma gnas pa dag ste/bsam gtan dang zag pa med pa'i sdom pa dang ldan pa dag ces bya ba'i tha tshig go/ /'dir 'phags pa'i lam la gnas pa ni grur zhugs pa'i tshul du 'phags pa'i lam la zhugs pa yin te/ dper na gang zhig grur zhugs pa ste gru la gnas pa yin pa de bzhin du gang zhig 'phags pa'i lam la zhugs shing snyoms par zhugs pa de ni 'phags pa'i lam la gnas pa yin no//de lta ma yin na 'phags pa'i lam dang ldan pa yang 'phags pa'i lam la gnas pa yin pas tha mal par 'dug pa'i 'phags pa yang da ltar gyi zag pa med pa'i sdom pa dang ldan par 'gyur ro//yang gzhan ni de lta bu'i nyes pa spang ba'i phyir 'di skad du 'chad par byed de/ 'dir ni gcig lhag mar byas te mnyam par gzhag pa dang mnyam par gzhag pa'i 'phags pa ni mnyam par gzhag pa dang 'phags pa dag go/ /de gnyis kyi lam dag ste/ de dag la gnas pa ni/ mnyam gzhag 'phags lam gnas de gnyis yin te/go rims bzhin du da ltar gyi bsam gtan gyi sdom pa'i rnam par rig byed ma yin pa dang zag pa med pa'i sdom pa'i rnam par rig byed ma yin pa dang ldan no/ /langs pa dag ni ma yin no zhes bya ba ni lam de las langs pa dag ni da ltar gyi de dang ldan pa ma yin te/de ni sems kyi rjes su 'jug pa yin pa'i phyir ro/ /de ltar rnam par bshad na slob dpon 'dus bzangs kyis glengs pa 'phags pa'i lam la gnas pa zhes smos pa kho nas da ltar byung ba'i rnam par rig byed ma yin pa de ni de la snyoms par zhugs pa 'di kho na'i yin par ji ltar 'gyur te/de dang ldan pa smos par thal bar mi 'gyur ba yang ma yin no zhe na/ ma yin te/ bsam gtan gyi skabs yin pa'i phyir dang / de la rnam par rig byed ma yin pa med pa'i yang phyir ro/ /gang sdom pa yang ma yin sdom pa ma yin pa yang ma yin pa la gnas pa de ni bar ma la gnas pa ste zhes bya ba ni dge slong la sogs pa yang ma yin la/nya pa la sogs pa yang ma yin pa de ni bar ma la gnas pa'o/ /'chal ba'i tshul khrims dang tshul khrims kyi yan lag la sogs pas bsdus pa zhes bya ba la 'chal ba'i tshul khrims ni srog gcod pa la sogs pa'o//tshul khrims kyi yan lag ni srog gcod pa spong ba la sogs pa'o/ /sdom pa dang sdom pa ma yin pas ma bsdus pa gang yin pa ste/ stsogs pa zhes bya ba'i sgras ni mchod rten la phyag 'tshal ba dang / lcag dbyug dang thal lcag la sogs pa bsdu'o//sdom pa ma yin pa dang sdom pa la gnas pa'i gang zag ni mi dge ba dang dge ba la gnas pa dag yin pas 'di gnyis la bzlog pa mi srid do snyam nas ci res 'ga' sdom pa ma yin pa la gnas pa zhes bya ba rgyas par 'dri ste/ de nyid ji srid du rjes su 'brang ba zhes bya ba ni rab tu dang ba dang nyon mongs pa dag gi shugs dag go//gzhan dag tu ni 'das pa dang yang ldan no zhes bya ba ni skad cig ma gnyis la sogs pa'o/ /ma btang bar du skad cig ma/ /phyin chad 'das ldan zhes bya ba ni gang zhig ji srid du ma btang ba gang yin pa de srid du 'das pa'i rnam par rig byed dang ldan no//ji lta zhe na re zhig sdom pa'i mtshan nyid kyi rnam par rig byed ni ji srid du bslab pa phul ba la sogs pas ma btang ba de srid du 'das pa'i rnam par rig byed dang ldan no/ /sdom pa ma yin pa'i mtshan nyid ni ji srid du yang dag par len pa la sogs pas ma btang ba de srid du 'das pa dang ldan no//sdom pa yang ma yin/ sdom pa ma yin pa yang ma yin pa'i mtshan nyid ni ji srid du rab tu dang ba dang / nyon mongs pa'i shugs chad pas ma btang ba de srid du 'das pa dang ldan te/ gang zhig sdom pa la sogs pa'i rnam par rig byed dang ldan pa de ni/gdon mi za bar skad cig ma dang po phyin chad 'das pa'i rnam par rig byed las kyi lam dngos te ngo bo nyid dang ldan no/ /ma 'ongs pa'i rnam par rig byed dang ni su yang mi ldan no zhes bya ba ni sems kyi rjes su 'jug pa ma yin pa'i phyir ro//sems kyi dang yang zhes bya ba ni 'o na ni bsgribs la lung du ma bstan pa'i sems kyi thob pa yang rjes su mi 'brel bar 'gyur ro/ /de ni de lta ma yin te zhes bya ba ni/ sems kyi thob pa yang rjes su ma 'brel par 'gyur ro zhes gang smra ba'o/ /ci'i phyir zhe na smras pa/ rnam par rig byed ni dmigs pa med pa'i phyir blun pa yang yin la sems la rag las pa'i phyir gzhan gyi dbang yang yin no//sems ni de lta ma yin zhes bya ba ni blun pa yang ma yin la gzhan gyi dbang yang ma yin no zhes bya ba'i tha tshig go/ /ci'i phyir zhe na/ de las bzlog pa yin pa'i phyir ro//bsgribs la lung du ma bstan pa'i sems nyam chung ngus bslang ba de ni ches nyam chung bar 'gyur ba yin no// //bam po sum cu rtsa gnyis pa/ dngos kyis bsdus pa'i phyir las kyi lam yin no zhes bya ba ni sems ni de'i ched yin pa'i phyir ro/ /bar ma dor gnas sems zhan pas//byed pa rnam rig nyid dang ldan/ /zhes bya ba la/ bar ma dor gnas zhes bya ba smos pa ni sdom pa dang sdom pa ma yin pa la gnas pa bsal ba'i phyir te/ sdom pa dang sdom pa ma yin pa la gnas pa ni gdon mi za bar rnam par rig byed dang rnam par rig byed ma yin pa dag dang ldan no//sems zhan pa zhes bya ba smos pa ni sems drag po stsal ba'i phyir te/ sems drag pos ni rnam par rig byed byed pa na rnam par rig byed ma yin pa kun nas slong bar byed do/ /lung du ma bstan pa lta smos kyang ci dgos zhes bya ba smos pa ni sems zhan pas lung du ma bstan pa byed pa na lta smos kyang ci dgos te/gong du sdom pa yang ma yin sdom pa ma yin pa yang ma yin pa la gnas pa sems zhan pas dge ba'am mi dge ba byed na yang rnam par rig byed ma yin pa mi skyed pa'i phyir rnam par rig byed kho na dang ldan par 'gyur na lung du ma bstan pa byed na lta ci zhig smos te/ 'di rnam par rig byed ma yin pa bskyed par dogs pa med pa'i phyir shin tu yang rnam par rig byed kho na dang ldan gyi/rnam par rig byed ma yin pa dang ni ma yin no/ /ma gtogs so zhes bya ba rgyas par smos pa ni/ rdzas las byung ba'i bsod nams bya ba'i dngos po bdun dang srog gcod pa la sogs pa'i las kyi lam ni ma gtogs te/de la ni lung du ma bstan pa byed na yang rig byed ma yin pa dang ldan par 'gyur te mdo las rgyu yang rung 'dug kyang rung zhes bya ba rtag tu rgyun mi 'chad par zhes bya ba nas bsod nams nye bar skye ba kho nar 'gyur zhes bya ba'i bar 'byung ba'i phyir ro/ /srog gcod pa la sogs pa'i las kyi lam yang sems zhan pas byed pa na yang rnam par rig byed ma yin pa dang ldan par 'gyur ro//'phags pa'i gang zag gang zhig ces bya ba rgyas par 'byung ba ni gang gi tshe 'phags pa'i gang zag tshe brjes pa nur nur po la sogs pa'i gnas skabs dang gzugs med pa'i khams su skyes pa na/da dung rnam par rig byed ma byung ba 'am/ rnam par rig byed rnam par nyams na ste/ lung du ma bstan pa'i sems kyis bslang ba'i rnam par rig byed rnam par nyams na yang de'i thob pa rjes su 'brel par mi 'gyur ro/ /yang na mchod rten la sogs pa byas pa'i dngos po de chad pas de'i tshe des rnam par rig byed ma yin pa yang yongs su 'chor na rnam par rig byed lta smos kyang ci dgos/de bas na 'phags pa'i gang zag tshe gzhan du brjes pa ni gnas skabs de dag tu tshe rabs gzhan na thob pa'i zag pa med pa'i rnam par rig byed ma yin pa kho na ldan gyi rnam par rig byed dang ni ma yin no//so so'i skye bo la yang tshul 'di srid pa ma yin nam zhe na/ srid pa kho na yin te/ so so'i skye bo ni gdon mi za ba ma yin pa'i phyir mi bshad de/ bsam gtan thob pa tshe brjes pa gang zhig gzugs kyi khams su rnam par rig byed ma byas pa 'am/rnam par rig byed byas nas rnam par rig byed med par gyur pa de kho na lta bur 'gyur gyi gzhan ni ma yin no/ /yang na 'dod pa na spyod pa'i sems can las bsams nas smras pa yin no/ /yang na 'phags pa'i gang zag ni dper brjod pa'i tshul du bshad pa yin pas des na so so'i skye bo yang de dang 'dra bar gzung bar bya'o//de nyid kyi phyir/ bar ma dor gnas sems zhan pas/ /byed na rnam rig nyid dang ldan/ /zhes bya ba 'dir rdzas las byung ba'i bsod nams bya ba'i dngos po dang las kyi lam dag ni ma gtogs so zhes bshad de/ tshig 'di ni lhag ma dang bcas pa yin pa'i phyir ro//de ltar na mu dang po dang gnyis pa ni mdor byas pa yin no/ /gsum pa dang bzhi pa ni sbyar bar bya ba yin te/ gsum pa ni sdom pa dang sdom pa ma yin pa la gnas pa dang / bar ma dor gnas pa sems drag pos dge ba'am mi dge ba byed pa dag go/ /bzhi pa ni so so'i skye bo gang zhig tshe gzhan du brjes nas da dung du rnam par rig byed ma byung ba'am rnam par rig byed nyams pa'o//lhan cig 'byung ba yin pa'i phyir ro zhes bya ba ni 'di ltar bsam gtan gyi sdom pa ni bsam gtan gyi sems dang lhan cig 'byung ngo / /gzhan gyi rnam par rig byed ces bya ba ni go bar byed pa'o//gzhan dag ni gang zag las so zhes bya ba ni dge tshul dang / dge tshul ma dang / dge bsnyen dang / dge bsnyen ma dang / bsnyen gnas pa'i sdom pa dag go/ /nges par 'jug pas zhes bya ba ni 'phags pa'i lam la 'jug pas so/ /rten lnga po ni kun shes kauN+Di n+ya la sogs pa'o//dge slong tshur shog ces byas pas zhes bya ba ni bcom ldan 'das kyis dge slong tshur shog /tshangs par spyad pa spyod cig ces bka' stsal pas te/ bder gshegs skyob pas tshur shog ces gsungs pas/ /mgo yang byi zhing chos gos gyon par gyur/ /ces 'byung ba lta bu yin no//ston par khas blangs pa ni 'od srungs chen po'o zhes bya ba ni 'od srungs chen po de ni mthu che ba'i phyir lha'i gzugs gang dang gang la phyag byas pa de dang de gas so/ /de bcom ldan 'das kyi thad du song nas 'di'i gzugs zhig par gyur na mi rung ngo snyam nas phyag ma byas pa dang / bcom ldan 'das kyis de'i bsam pa thugs su chud nas/ 'od srungs khyod de bzhin gshegs pa la phyag 'tshol cig ces glengs so/ /de nas bcom ldan 'das la phyag byas pa dang / de nas bcom ldan 'das kyis gzugs su ma gyur par mthong bas/ bcom ldan 'das 'di ni bdag gi ston pa yin no zhes khas blangs te/de khas blangs pas 'di bsnyen par rdzogs par gyur to zhes grag go/ /dris pas mnyes pa ni legs sbyin no zhes bya ba ni legs sbyin gyis smras pa'i lan btab pas bcom ldan 'das mnyes par gyur te/ mnyes pa des na 'di bsnyen par rdzogs par gyur to//bla ma'i chos khas blangs pas zhes bya ba ni bla ma'i chos brgyad po dge slong ma bsnyen par rdzogs nas lo brgya lon pas kyang dge slong bsnyen par rdzogs ma thag pa la phyag bya ba dang / dge slong mas gang du yang dge slong gi skyon gleng bar mi bya zhes bya ba de lta bu la sogs pa ste/ de dag khas blangs pas de bsnyen par rdzogs par gyur to//'di skad du dge slong las bsnyen par rdzogs shing dge slong ma'i dngos por bya ba dang / zla ba phyed cing dge slong ma la gdams ngag mnod par bya ba dang / dbyar dge slong med pa'i gnas su 'gro bar mi bya ba dang / dgag dbye'i tshe gnyi ga'i dge 'dun la gnas gsum gyis dgag dbye bya ba dang /dge slong gi ltung ba gleng bar mi bya ba dang / ltung ba byung ba la khro bar mi bya ba dang / bla ma'i chos kyi ltung ba byung na zla ba phyed du mnyes par bya spyad par bya ba dang / bsnyen par rdzogs nas lo brgya lon pas dge slong gsar bu la phyag bya ba zhes bya ba brgyad yin no zhes 'chad do//pho nyas ni chos sbyin no zhes bya bas ni des btsun mo'i 'khor gyi nang na 'dug bzhin du rab tu 'byung ba'i phyir bcom ldan 'das kyi spyan sngar pho nya btang ngo zhes grag go/ /'dul ba 'dzin par gtogs pa lngas/ /zhes bya ba ni dge slong gi dge 'dun bzhi ste/ de la yul mtha' 'khob dag tu ni gsol ba brjod par gtogs pa lngas bsnyen par rdzogs par 'gyur ro//yul dbus dag tu ni gsol ba brjod par gtogs pa bcus bsnyen par rdzogs par 'gyur ro/ /sde bzang drug cu'i tshogs kyis bsnyen par rdzogs par byas pa rnams zhes bya ba ni 'di dag la sde bzang po yod pas na rigs kyi bu sde bzang po drug cu zhes bya ba yin te/de dag gi tshogs te tshan gyis bsnyen par rdzogs par byas pa rnams so/ /skyabs su 'gro ba lan gsum bzlas pa ste sangs rgyas la skyabs su 'gro'o zhes bya ba ni lan gsum brjod pas bsnyen par rdzogs par gyur to//de dag gi so sor thar pa'i sdom pa ni gdon mi za bar rnam par rig byed la rag las pa ma yin no zhes bya ba ni 'dul ba 'dzin pa de dag gi 'dod pa 'di ltar na so sor thar pa'i sdom pa thob pa rnam par rig byed la rag las par nges pa med de/ sangs rgyas la sogs pa rnam par rig byed la rag ma las pa'i phyir ro//yang na de dag gi zhes bya ba ni gang dag gi ltar na bsnyen par rdzogs par bya ba la rnam par rig byed med pa'i ltar na'o/ /sdom pa zhes bya ba ni bsdam par bya ba'o/ /kha cig dus zhes bya ba rtag pa'i dngos po zhig yod do zhes zer bas de las bsams nas dus zhes bya ba'i dus de ji zhig yin zhes dri bar byed de dus zhes rjod pa'i brjod par bya ba ji zhig yin zhes bya ba'i tha tshig go//de ni 'du byed yongs su ston pa'i tshig bla dgas yin zhes bya ba ni 'das pa dang ma 'ongs pa dang da ltar byung ba'i 'du byed rnams ston par byed pa'i ming yin no zhes bya ba ste/ 'di lta ste 'das pa'i dus nas da ltar byung ba zhes bya ba'i bar lta bu 'du byed dus gsum pa kho na yin par go bar byed do//des kyang der sbyor ba ma byas pa'i phyir zhes bya ba ni skal ba mi 'dra ba'i lus des yang dag par blangs pa der sbyor ba ma byas pa'i phyir ro/ /mi dran pa'i phyir zhes bya ba ni/ 'di ltar lus de yang dag par blangs pa de mi dran no//bye brag tu smra bas smras pa/ de ji skad bshad ma thag pas de lta ga la nus slob dpon gyis phyin chad sdom pa skye ba la yang rigs pa dang 'gal ba ni med pa'i phyir zhes bya ba smos te 'di la ni ji ltar yang dag par blangs pa yod kyang shi ba'i 'og tu lus skal ba mi 'dra ba'i phyir sdom pa skye bar rigs pa dang 'gal lo zhes bya ba la sogs pa lta bu dang rigs par 'gal ba med do//sdom pa ma yin pa yang rnam par rig byed ma yin pa bzhin du rdzas su ni med ces bya ba ni ji ltar rnam par rig byed ma yin pa rdzas su med do zhes bsgrub pa de bzhin du sdom pa ma yin pa yang sems las ma gtogs pa rdzas su med do snyam du bsams pa yin no//sdig pa byas pa'i bsam pa zhes bya ba ni sdig pa bya bar 'dod pa zhes bya ba'i tha tshig go/ /rjes su 'brel pa dang bcas pa zhes bya ba ni bag chags dang bcas pa zhes bya ba'i don te/ sdom pa ma yin pa ni bag chags dang bcas pa'i sems pa'i khyad par yin no zhes bya ba'i tha tshig go//rjes su 'brel pa des na de ma spangs pa'i phyir ro zhes bya ba ni bsam pa rjes su 'brel pa dang bcas pa ma spangs pa'i phyir te/ de dang 'gal ba'i sems pas ma bcos pa'i phyir zhes bya ba'i tha tshig go//thal mo bsnol ba zhes bya ba ni mthe bo ma gtogs pa'i sor mo bzhi lag pa cig shos kyi mthe bo dang mdzub mo'i bar du bkod pa'i phyir thal mo bsnol ba yin no/ /de dang ldan zhing sdom pa ma yin pa dang ldan pa zhes bya ste sdom pa ma yin pa can zhes bya ba'i tha tshig go/ /des ni zan zos kyang mnos par bya'o zhes bya ba ni sdom pa ni slong bar byed pa yang dag par len par nges pa'i sems yin pa'i phyir nyi ma 'char ba'i tshe kho na skye'o//zan zos nas mnod pa ni bsal bar bya ba'i phyir ro/ /tshul khrims ni phas pham pa med pa dang / dge 'dun gyi lhag ma la sogs pa med pa'o/ / brtul zhugs zhes bya ba ni nges pa'o/ /de med na zhes bya ba ni dus su za ba med na'o/ /gnyi ga yang med do zhes bya ba ni dran pa dang skyo ba'o/ /de dag nyid yang dag pa'i lta ba la sogs pa de dag nyid kyi yan lag tu rung ba ni ma yin no zhes bya ba rgyas par 'byung ba ni slob dpon bye brag tu smra ba'i gzhung lugs rigs pa dang 'gal bar ston pa yin te/yang dag pa'i lta ba la sogs pa de dag nyid yang dag pa la sogs pa ste/ yang dag pa'i lta ba dang / chos rnam par 'byed pa yang dag par byang chub kyi yan lag dang / ting nge 'dzin rnams kyi yan lag nyid du rung ba ni ma yin te/ mi rung ngo zhes bya ba'i tha tshig go//ci'i phyir zhe na/ rigs pa dang 'gal ba'i phyir te gal te yang dag pa'i lta ba la sogs pa snga ma rnams phyi ma rnams kyi yan lag tu 'gyur ro zhes bya bar rnam par 'jog na ni de lta na yang rtog pa 'di la skad cig ma dang po la skyes pa'i 'phags pa'i lam yan lag brgyad par mi 'gyur te/de la yang dag pa'i lta ba'i yan lag sngar skyes pa med pas yan lag bdun par 'gyur ro/ /byang chub kyi yan lag dag la yang skad cig ma phyi ma byang chub kyi yan lag ma yin par 'gyur te/ 'og rol du gang zhig de'i yan lag tu 'gyur ba byang chub kyi yan lag gzhan ni yod pa ma yin no//'on te ma 'ongs pa'i byang chub de'i yan lag yin no zhes bya bar 'dod na ni ma 'ongs pa byang chub kyi yan lag ma yin par 'gyur te/ de bzhin du ting nge 'dzin la yang sbyar bar bya'o/ /mi shes pa ni ma gtogs so zhes bya ba ni 'bogs par byed pa'am mnod par byed pa brjed pa dang ma byang ba ste the tshom za ba dang log par zhugs pa'i bsam pa can ma gus pa sngon du 'gro bas skyabs su mi 'gro ba la ni sdom pa mi skye'o//khyim pa zhes bya ba ni bstan pa'i tshig yin no/ /gos dkar po bgos zhes bya ba ni bshad pa'i tshig yin no/ /skyes pa zhes bya ba ni bstan pa yin no//pho'i dbang po dang ldan pa zhes bya ba ni bshad pa'i tshig yin te/ gal te sdom pa med par dge bsnyen ma yin na 'o na mdo las bshad pa 'di tsam gyis dge bsnyen du 'gyur ro zhes gsungs pa gang yin pa de ji lta bu zhes bya ba tshig lhag ma yin no/ /'di la 'gal ba med do zhes bya ba smos pa 'di ni ming chen gyi mdo'o//bstan pa dge slong bzhin zhes bya ba ni dge bsnyen gyi bslab pa'i gzhi bstan pa ni dge slong gi dang 'dra ste/ ji ltar dge slong gsol ba dang bzhi'i las kyis sdom pa thob zin kyang khyod kyis kyang phas pham pa la sogs pa 'di dang 'di lta bu bsdam mo zhes bslab pa'i gzhi rnams che long du 'dzin du 'jug cing shes par byed la tshangs par spyod pa gzhan dag kyang khyod la ston par 'gyur ro zhes brjod pa lta bu yin no//dge sbyong ci zhe na/ bslab pa'i gzhi dag 'dzin du 'jug pa lta bu ste/ sngar gang gi tshe des bdag ming 'di zhes bgyi ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya seng ge /shAkya'i rgyal po chen po de rab tu byung ba'i rjes su rab tu 'byung ste/ khyim pa'i rtags ni rab tu spang ngo / /rab tu byung ba'i rtags ni yang dag par len to/ /bdag dge sbyong lags par gzung du gsol/ de skad du lan gsum gyi bar du yang brjod do zhes khas blangs pa nyid na sdom pa thob zin mod kyi/bslab pa'i gzhi rnams 'dzin du 'jug go/ /de bzhin du dge bsnyen yang sangs rgyas la skyabs su mchi'o zhes bya ba nas dge 'dun la skyabs su mchi'o zhes bya ba lan gnyis lan gsum du yang zhes bya ba'i bar 'dis sdom pa thob zin mod kyi/yang srog gcod pa spangs te srog gcod pa las slar ldog go zhes bya ba la sogs pa rgyas par bslab pa'i gzhi rnams 'dzin du 'jug pa yin no/ /sna gcig spyod pa ni gang zhig bslab pa'i gzhi gcig bsrung ba'o/ /phyogs gcig spyod pa ni gang zhig gnyis bsrung ba'o//phal cher spyod pa ni gang zhig gsum mam bzhi bsrung ba'o/ /yongs su rdzogs par spyod pa ni gang zhig lnga char bsrung ba'o/ /de ni spyod pa zhes gsungs par zad kyi zhes bya ba ni sna gcig spyod pa nas yongs su rdzogs par spyod pa'i bar zhes bya ba'i tha tshig go/ /mdo'i tshig ni de lta ma yin no zhes bya ba ni ming chen gyi mdo las ni 'di skad du ji srid 'tsho'i bar du srog gcod spong ngo zhes mi 'byung ngo zhes bya ba yin no//ji ltar ming chen gyi mdo las gsungs pa las byung ba bzhin te zhes bya ba ni btsun pa ji tsam gyis na dge bsnyen du 'gyur lags/ ming chen 'di ltar khyim pa zhes bya ba rgyas par bdag la dge bsnyen du gzung du gsol zhes tshig tu smra na 'di tsam gyis dge bsnyen du 'gyur ro zhes bya ba'i bar 'byung ba yin no//gang las 'di skad du 'byung ba zhes bya ba ni mdo'i khyad par gang las 'di skad du nam 'tsho'i bar du srog dang sdom pa skyabs su song ba mngon par rab tu dang ba zhes 'byung ba der ni bden pa mthong ba'i gang zag de dag bdag cag gis ni chos 'di gtong du mi rung ngo zhes shes nas dad pa'i rgyus te shes nas dad pa'i rgyu las byung bas srog gi phyir yang srog la bab kyang dam pa'i chos la khas 'che bar ston pa yin no//de sdom pa'i mtshan nyid ston pa ni ma yin no zhes bya ba ni mdo 'dis sdom pa'i mtshan nyid ston pa ni ma yin no zhes bya ba'i tha tshig go//srog gcod spong ba zhes bya ba ni gang nas kyang mi 'byung zhes bya ba ni ming chen gyi mdo las kyang mi 'byung la bden pa mthong ba'i mdo las kyang mi 'byung ngo / /su zhig yongs su mi gsal ba'i don 'di 'don par byed ces bya ba ni bar gyi tshig mi mngon par byas pa yin par rtog pa'i phyir ci srog spong ba srog dag gis bor ba zhig gam srog las spang ba zhig yin nam 'on te srog spong ba srog gcod pa la sogs pa spong ba zhig yin zhes bya ba mi shes par 'gyur ro//zhu ba nyid kyang mi 'thad na zhes bya ba ni btsun pa ji tsam gyis na dge bsnyen sna gcig spyod par 'gyur ba lags zhes bya ba nas yongs su rdzogs par spyod pa lags zhes bya ba'i bar gyis zhu ba gang yin pa'i zhu ba de mi 'thad do/ /lan lta smos kyang ci dgos ming chen 'di na dge bsnyen srog gcod pa spangs nas srog gcod pa las slar log pa yin te/ming chen 'di tsam gyis na dge bsnyen bslab pa las sna gcig spyod pa yin no zhes bya ba rgyas par bslab pa'i gzhi gnyis kyis spangs pa ni phyogs gcig spyod pa yin no/ /gsum mam bzhis spangs pa ni phal cher spyod pa yin no//lngas spangs pa ni yongs su rdzogs par spyod pa yin no zhes bya ba'i lan 'di ltar shin tu yang mi rung ngo / /de tsam du bzod pa la ni zhu ba 'di rung ngo zhes bya ba ni bslab pa'i gzhi gcig gam gnyis sam de yan chad bzod pa la'o/ /dge bsnyen ni sdom pa med par yang btags kyi zhes bya ba ni ming chen gyi mdo las ming chen 'di ltar khyim pa gos dkar po bgos pa zhes bya ba de lta bu la sogs pa'o//dgra bcom pa la yang so sor thar pa'i sdom pa chung ngu yod la zhes bya ba ni gal te 'di'i kun nas slong bar byed pa'i sems chung ngu zhig yin par gyur na'o/ /so so'i skye bo la yang chen po yod par 'gyur ro zhes bya ba ni gal te 'di'i sems chen po yin na'o//mi shes pa ni ma gtogs so zhes bya ba ni 'bogs par byed pa dang nod par byed pa'o/ /ma gus pa ni skyabs su 'gro ba med par dge bsnyen du mi 'gyur ro/ /sangs rgyas su byed pa zhes bya ba ni sangs rgyas su gdags pa'i rgyu dag go//de nyid kyi phyir gang dag gtso bor gyur pas sku de sangs rgyas zhes brjod ces bya ba smos te/ yon tan gzhan dag kyang gtso bo ma yin par brten pa ni yod de/ gang dag brnyes pas zhes bya ba dang zad pa shes pa la sogs pa 'khor dang bcas pa la sogs pa zhes bya ba'i sgras ni mi skye ba shes pa dang /mi slob pa'i yang dag pa'i lta ba bsdu'o/ /'khor dang bcas pa zhes bya ba smos pas ni zag pa med pa'i phung po lnga bsdu ba'o/ /gzugs kyi sku ni snga ma dang phyi mar yang bye brag med pa'i phyir zhes bya ba ci zhe na gzugs kyi sku la skyabs su mi 'gro'o zhes bya bar sbyar te/ gzugs kyi sku ni byang chub sems dpa'i gnas skabs na ci 'dra ba phyis kyang de dang 'dra bas so/ /mtshan nyid kyi sgo nas ni sangs rgyas thams cad la ste zhes bya ba ni zhal nas gsungs pa'i sgo nas ni ma yin no snyam du bsams pa yin no/ /lam mtshan nyid mi 'dra ba med pa'i phyir ro zhes bya ba ni 'jig rten pa'i lam bsod nams dang ye shes kyi tshogs kyi mtshan nyid dang 'jig rten las 'das pa zad pa mkhyen pa la sogs pa'i mtshan nyid mi 'dra ba med cing 'dra ba'i phyir sangs rgyas thams cad mtshan nyid 'dra'o zhes bya ba'o//sku tshe dang rigs la sogs pa mtshan nyid mi 'dra ba med pa'i phyir ni ma yin no//mi phyed pa'i phyir dge 'dun du 'gyur ba zhes bya ba ni lha dang bcas pa'i 'jig rten gyis kyang lam las mi phyed pa'i phyir dge 'dun du 'gyur ba ste/ tshogs pa'i ngo bor 'gyur ba zhes bya ba'i tha tshig go/ /mtshan nyid kyi sgo nas ni zhes bya ba ni snga ma bzhin du rnam par bshad par bya'o/ /gang yang ma 'ongs pa'i dus na dge 'dun zhes bya ba rgyas par 'byung ba ni de na bcom ldan 'das kyis tshong pa tra su sa dang /ba li ka la bka' stsal pa/ khyed gnyis tshur gshegs sangs rgyas dang chos la skyabs su song shig /gang yang ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song shig ces gsungs pa yin te/gang gi tshe dge 'dun med pa de'i tshe ma 'ongs pa'i dge 'dun kho na'i dbang du mdzad nas de skad du bka' stsal na/ de ji ltar dge 'dun thams cad la skyabs su 'gro zhes bya ba 'di dang 'gal bar mi 'gyur te/ de dag gi mngon sum du gyur pa zhes bya ba ni dge 'dun gang zhig chos kyi 'khor lo bskor ba'i 'og tu tra pu sa dang ba li ka de gnyis kyi mngon sum du 'gyur ba de brjod pa'i phyir te/de lta na des yon tan gyi sgo nas khas blangs par 'gyur ro zhes rab tu bstan pa'i phyir ro/ /sdug bsngal zhi bar mtshan nyid gcig pa'i phyir//zhes bya ba ni 'di la bdag dang gzhan gyi rgyud kyi nyon mongs pa rnams dang / sdug bsngal zhi ba gang yin pa de yod pas na de zhi bar mtshan nyid gcig pa ste/ mya ngan las 'das pa yin no/ /de'i ngo bo nyid de de'i phyir 'di mya ngan las 'das pa thams cad la skyabs su 'gro'o/ / rten la gnod pa byas pa zhes bya ba ni mi slob pa de dag gi rten gzugs kyi phung po gang yin pa de la gnod pa byas shing nyams par byas pas de dag gi rten can sangs rgyas byed pa'i chos de dag la yang gnod pa byas pa yin no/ /bstan bcos las ni de skad du mi 'byung ngo zhes bya ba rgyas par 'byung ba ni chos mngon pa'i bstan bcos las de skad du mi 'byung ba ste/'di skad du mi slob pa'i chos dag kho na sangs rgyas yin no zhes ni mi ston te/ 'o na ji skad du 'byung zhe na/ sangs rgyas su byed pa'i chos zhes 'byung ste/ don ci zhe na sangs rgyas su byed pa gang dag yin pa ste/ sangs rgyas nyid dang sangs rgyas su gdags pa'i rgyu 'jig rten pa dang / 'jig rten las 'das pa'i chos gang dag yin pa de dag ni sangs rgyas yin no zhes bya ba yin no/ /de'i phyir de dag gi rten 'jig rten pa'i phung po lnga'i mtshan nyid sangs rgyas nyid du ma bkag pas gal te mi slob pa'i chos dag kho na sangs rgyas yin na/ji ltar de bzhin gshegs pa la ngan sems kyis khrag phyung bas mtshams med par 'gyur zhes gang smras pa de ni klan ka mi rung ba nyid do/ /de lta ma yin na zhes bya ba rgyas par 'byung ba ni gal te sangs rgyas kyang mi slob pa'i chos dag kho na yin la dge 'dun yang slob pa dang mi slob pa'i chos dag kho na yin na 'jig rten pa'i sems la gnas pa sangs rgyas kyang ma yin par 'gyur/dgra bcom pa yang ma yin par 'gyur/ de ci'i phyir zhe na/ 'jig rten pa'i sems la ni mi slob pa'i chos dag dang / slob pa dang mi slob pa'i chos dag med do gal te yang sangs rgyas su byed pa'i chos mi slob pa kho na sangs rgyas yin gyi rten ni ma yin na sdom pa zhes bya ba dge slong du byed pa'i tshul khrims kho na yang dge slong du 'gyur gyi rten ni ma yin par 'gyur ro//smras pa gal te rten sangs rgyas nyid yin na ci'i phyir bstan bcos las 'di skad du/ gang zhig sangs rgyas la skyabs su 'gro ba de ni mi slob pa sangs rgyas su byed pa'i chos dag la skyabs su 'gro'o zhes mi slob pa'i chos de dag kho na la nges par bzung /bye brag tu smra bas de skad ces smras pa dang slob dpon gyis dpes lan ji ltar gang zhig dge slong mchod par byed pa zhes bya ba rgyas par smos te/ji ltar gang zhig dge slong mchod par byed pa de ni tshul khrims kyi sgo nas dge slong du byed pa'i tshul khrims mchod par byed pa yin no zhes bya ba dge slong gi tshul khrims kho na yin par yang ma zad pa de bzhin du gang zhig sangs rgyas la skyabs su 'gro ba de yang mi slob pa'i sgo nas mi slob pa sangs rgyas su byed pa'i chos dag la skyabs su 'gro ba yin gyi sangs rgyas ni rang gi rgyud kyi mi slob pa'i chos dag kho na yin par ni ma zad do//de lta bas na gang zhig sangs rgyas la skyabs su 'gro ba de ni mi slob pa sangs rgyas su byed pa'i chos dag la skyabs su 'gro ba yin no zhes bya ba de nyes pa med do/ / de ni sangs rgyas kyi chos ma 'dres pa bco brgyad la zhes bya ba ni de dag gi thun mong ma yin pa'i phyir ro snyam du bsams pa yin no/ /ngag gi rnam par rig byed kyi ngo bo nyid dag yin no zhes bya ba ni nod pa'i dus kyi dbang du byas pa yin no/ /mchod gnas kyi ljon shing zhes bya ba ni/ mchod gnas su byas pa'i shing ni mchod gnas kyi ljon shing ste/de dag la'o/ /de nyid kyi phyir zhes bya ba ni gang gi phyir/ skyabs de la ni brten nas kyang / /sdug bsngal kun las grol bar 'gyur ba de'i phyir sdom pa yang dag par blang ba thams cad la ste/ dge bsnyen la sogs pa'i sdom pa yang dag par blang ba dag la sgor gyur pa yin no zhes bya ba'i tha tshig go//ngan song ba'i rgyu yin pa'i phyir zhes bya ba ni 'di ltar 'dod pas log par g.yem pa ni gcig tu ngan song ba'i rgyu yin te/ ngan song du 'gyur ba yin gyi mi tshangs par spyod pa ni de lta ma yin no/ /mi byed par nges pa ni mi byed pa'i sdom pa'o zhes bya ba ni mi byed pa ma yin pa'o//nges pa ni gcig tu nges pa'o/ /mi byed par nges pa ni mi byed par nges pa ste/ de ni mi byed par sdom pa'o/ /mi byed pa'i mtshan nyid kyi sdom pa ni mi byed pa'i sdom pa ste/ yang dag par blangs pa las byung ba'i sdom pa ma yin pa zhes bya ba'i tha tshig go/ /de yang mdo sde pa'i lugs kyis ni gnas skabs kyi khyad par kho na yin no//bye brag tu smra ba'i lugs kyis ni tshul khrims kyi yan lag rnam par rig byed ma yin no zhe'o/ /gang dag dge bsnyen yin bzhin du zhes bya ba rgyas par 'byung ba ni gang dag bslab pa'i gnas lnga mnos pa yin bzhin du/chung ma len par byed cing bag ma len par byed na/ ci dge bsnyen de dag gis bud med de dag las kyang sdom pa thob pa'am zhes bya ba ni sngon thob pa'am zhes bya ba'i tha tshig go/ /'on te ma yin zhes bya ba ni thob pa zhes bya bar skabs dang sbyar ro/ /bye brag tu smra bas thob po zhes bya ba smos te/nyi tshe ba'i sdom pa thob par 'gyur du 'ongs pas zhes bya ba ni bgrod par bya ba ma yin pa thams cad spangs pa'i phyir ro/ /'dod pas log par g.yem pa spong ngo zhes bya ba ni bgrod par bya ba ma yin pa nyid spyod pa spong ngo zhes bya ba yin gyi 'di la rgyud la bgrod par bya ba nyid spyod pa spong ngo zhes bya ba ni ma yin no zhes bya ba'i tha tshig go//de nyid kyi phyir rgyud 'di la zhes bya ba rgyas par smos so/ /bcas pa'i kha na ma tho ba zhes bya ba ni bkag pa'i kha na ma tho ba'o/ /bcom ldan 'das kyis bkag pa'i las spyod pa ni sdig par 'gyur te/ bcom ldan 'das kyis bstan pa la ma gus pa'i phyir ro//chos mngon pa bas gang myos par mi 'gyur ba'i drod rig nas 'thung ba de ni nyon mongs pa can ma yin no zhes bshad pa dang / 'dul ba 'dzin pa rnams myos par 'gyur ba 'thung ba ni/ rang bzhin gyis kha na ma tho ba yin zhes bya ba sgrub par byed do/ /nye ba 'khor rang bzhin gyis kha na ma tho ba ma gtogs pa zhes bya ba ni rang bzhin gyis kha na ma tho ba'i las kyis gso bar mi bya'i bcas pa'i kha na ma tho bas ni gso bar bya'o snyam du dgongs pa yin no//shAkya nad pa rnams la yang myos par 'gyur ba 'thung bar ma gnang ste/ de'i phyir de ni rang bzhin gyis kha na ma tho ba yin par mngon no//gal te de bcas pa'i kha na ma tho ba zhig yin par gyur na/ de shAkya nad pa'i gsos su yang gnang bar 'gyur ba zhig na gnang ba yang ma yin te/ de'i phyir de ni rang bzhin gyis kha na ma tho ba yin no/ /de las 'di skad du nga ston pa yin par smra ba ste/ shAkya thub pa ni bdag gi ston pa yin no zhes smra ba rnams kyis myos par 'gyur ba rtswa'i rtse mos kyang btung bar mi bya'o zhes kyang gsungs te de bas na de ni rang bzhin gyis kha na ma tho ba yin pas bcom ldan 'das kyis bkag gi myos par 'gyur ro snyam du dgongs nas ni ma yin te/ rtswa mchog tsam gyis blangs pa'i chang gis ni myos par mi 'gyur ba'i phyir ro//'phags pa rnams zhes bya ba rgyas par 'byung ba ni chang 'thung ba ni rang bzhin gyis kha na ma tho ba yin te/ 'phags pa rnams tshe 'phos kyang mi spyod pa'i phyir srog gcod pa la sogs pa bzhin no zhes bya ba ni sgrub pa yin no//lus kyi nyes par spyod pa zhes kyang 'byung ba'i phyir zhes pa ni sgrub pa gzhan yin te/ chang 'thung ba ni rang bzhin gyis kha na ma tho ba yin te/ lus kyi nyes par spyod pa yin par 'byung ba'i phyir srog gcod pa la sogs pa bzhin no/ /dga' byed la sogs pa'i mdo las/ lus kyi nyes par spyod pa srog gcod pa dang / ma byin par len pa dang / 'dod pas log par g.yem pa dang / 'bru'i chang dang / sbyar ba'i chang myos par gyur pa/ bag med pa'i gnas 'thung ba rnam pa bzhi bshad do/ /spyir bstan mod kyi zhes bya ba rgyas par 'byung bas 'dis ni bcom ldan 'das kyi bka' la snga phyi 'gal ba spong bar byed do//ji lta zhe na/ btsun pa ji ltar zhes bya ba rgyas par chang 'thung ba spyir smos pa ni spyir bstan pa yin no/ /shAkya nad pa rnams la chang 'thung du ma gnang ba zhes bya ba ni dmigs kyis bstan pa yin pas/ na ba'i gnas skabs na yang chang 'thung du ma gnang ngo zhes bya bar mngon no//dmigs kyis bstan pa yang thal bar 'gyur ba yongs su spang ba'i phyir te/ chang ni lan cig 'thungs pas kyang chags par 'gyur ro/ /bcom ldan 'das kyis kyang gnas gsum po chang dang mi tshangs par spyod pa dang rmugs pa dang gnyid bstan pa ni ngoms pa 'am chog pa 'am tshim pa med do zhes gsungs so//ci'i phyir thal bar 'gyur ba 'di spang zhe na myos par 'gyur ba'i drod ma nges pas zhes bya ba smos te/ de tsam kho na rdzas dang dus dang rang bzhin dang lus kyi gnas skabs la ltos nas myos par 'gyur ba yang yin la myos par mi 'gyur ba yang yin no//de nyid kyi phyir rtswa'i rtse mos 'thung ba yang bkag pa yin no zhes bya ba 'dor ba'i tshig yin no/ /de ltar na bcom ldan 'das kyis thugs la rang bzhin gyis sdig yin no snyam du dgongs nas de yongs su spang bar bya bar gsungs pa ni ma yin no//'o na ci zhe na thal ba'i nyes par 'gyur ba'i phyir zhes bstan pa yin no/ /'phags pa rnams mi spyod pa ni ngo tsha dang ldan pa'i phyir zhes bya ba ni mdo las slob pa'i stobs lnga 'byung ste/ lnga gang zhe na/ dad pa'i stobs dang / brtson 'grus kyi stobs dang / ngo tsha shes pa'i stobs dang / khrel yod pa'i stobs dang /shes rab kyi stobs zhes bya ba yin no/ /de bas na ngo tsha dang ldan pa'i phyir mi 'thung bar zad kyi rang bzhin gyis kha na ma tho ba yin pa'i phyir ni ma yin no/ /gal te ngo tsha dang ldan pa'i phyir de mi spyod na ci'i phyir chu la sogs pa bzhin du ma shes te de yang mi 'thung zhe na de'i phyir des kyang dran pa nyams par byed pa'i phyir zhes bya ba smos te/chang 'thungs na bya ba dang bya ba ma yin pa'i dran pa nyams par 'gyur ro/ /gal te de lta na ji tsam gyis dran pa nyams par mi 'gyur ba cung zad cig 'thungs la rag mod ce na/ de'i phyir cung zad kyang mi gsol te zhes bya ba smos te/ dug bzhin du ma nges pa'i phyir ro zhes bya ba ni dper na dug chung ngu yang dus dang rang bzhin dang mthu dang ldan pas res 'ga' 'chi bar byed pa de bzhin du chang yang myos par byed do//nyes par spyod pa zhes 'gyur ba ni bag med pa'i gnas yin pa'i phyir zhes bya ba ni myos pas mi dge ba mi spong ba'i phyir dang dge ba mi byed pa'i phyir ro/ / 'di la bag med pa'i gnas zhes smos kyi gzhan dag la ni ma yin te zhes bya ba ni 'bru'i chang dang sbyar ba'i chang bag med pa'i gnas spangs te/ 'bru'i chang dang sbyar ba'i chang bag med pa'i gnas las slar ldog go zhes 'byung bas bslab pa'i gzhi 'di kho na la bag med pa'i gnas zhes smos kyi/ bslab pa'i gzhi gzhan srog gcod pa spong ba la sogs pa la ni bag med pa'i gnas ma smos te/ srog gcod pa bag med pa'i gnas spangs nas srog gcod pa bag med pa'i gnas las slar ldog go zhes bya bar bag med pa'i gnas mi 'byung ngo / /'o na ci lta zhe na/ srog gcod pa spangs nas srog gcod pa las slar ldog go zhes 'byung ste/de bzhin du ma byin par len pa la sogs pa la yang sbyar bar bya'o/ /ci'i phyir zhe na/ de dag ni rang bzhin gyis kha na ma tho ba yin pa'i phyir ro zhes bya ba smos te/ srog gcod pa spong ba la sogs pa'i bslab pa'i gzhi de dag ni rang bzhin gyis kha na ma tho ba yin pa'i phyir ro//'di skad du 'di ni bag med pa'i gnas yin pas chang 'thung ba las ldog par bya'i 'di rang bzhin gyis kha na ma tho ba yin pa'i phyir ni ma yin no zhes bshad pa yin no/ /ha cang kun du bsten pas zhes bya ba rgyas par 'byung ba ni dga' byed kyi mdo las 'bru'i chang dang sbyar ba'i chang bag med pa'i gnas kun du bsten cing goms par byas lan mang du byas pas lus zhig nas dmyal ba dag tu skye'o zhes 'byung ba'i phyir chang 'thung ba ha cang kun du bsten pas ngan 'gror 'gro bar gsungs pa ni de'i zhar la ste/chang 'thung ba'i zhar la mi dge ba'i rgyun yang dang yang du rtag tu 'jug pa ste/mi dge ba rnams kyi rgyun de 'jug pas ngan song ba'i las ngan song ba'i 'bras bu can gyi las sngon med pa ni 'phen cing kun du 'phen pa 'am 'jug pa thob pa ste/ 'chi ba'i gnas skabs ni sngon bstsags pa'i las 'bras bu 'byin par bya ba la 'jug pa thob pa'o//'phen pa 'am 'jug pa thob pa de'i phyir ngan song du 'gro bar gsungs par zad do zhes bya bar sbyar ro/ /zas las byung ba'i btung ba'o zhes bya ba ni 'bras thug po che las byas pa'o/ /rdzas las sbyar ba'i btung ba'o zhes bya ba ni bu ram shing gi khu ba la sogs pa las byas pa'o//de dag kyang zhes bya ba rgyas par 'byung ba ni 'bru'i chang dang sbyar ba'i chang de dag kyang res 'ga' myos par 'gyur ba'i dngos por ma red pa ste gang gi tshe gzhon nur 'dug pa na'o/ /res 'ga' ni myos par 'gyur ba'i dngos po las thal bar 'gyur te gang gi tshe ha cang rnyings par gyur pa na'o//de'i phyir myos par 'gyur ba zhes smos te/ gal te myos par gyur na de'i phyir nyes pa yin no snyam du dgongs pa yin no/ /gla gor zho sha dang khre rgod la sogs pa yang zhes bya ba la sogs pa zhes bya ba'i sgras ni 'bru ni spa ba la sogs pa yang bsdu ste/'bru'i chang dang sbyar ba'i chang ma yin pas myos pa nyid du gyur du zin kyang nyes pa med kyi 'bru'i chang dang sbyar ba'i chang gi ngo bo nyid kyi chang 'thung na de'i phyir nyes pa yin no zhes bya ba'i tha tshig go/ /bag med pa thams cad kyi gnas su gyur pas zhes bya ba chang 'thung ba ni bag med pa thams cad de/srog gcod pa la sogs pa mi dge ba rnams kyi rgyur gyur pa dran pa nyams pa thams cad kyi gnas dang gzhi dang rten yin pas bag med pa'i gnas yin no/ /gang las gcig thob pa zhes bya ba ni dngos gzhi la sogs pa dang sems can dang sems can ma yin par ston pa la gang las so sor thar pa'i sdom pa 'thob pa de las lhag ma bsam gtan dang zag pa med pa'i sdom pa dag thob bam zhes bya ba yin no//sbyor ba dang dngos dang mjug las so zhes bya ba ni mi dge ba'i las kyi sbyor ba dang / dngos dang / mjug dag las go rims bzhin du gnyen por gyur pa so sor thar pa'i sdom pa zhes bya ba rnam par rig byed dang rnam par rig byed ma yin pa sbyor ba dang /dngos dang / mjug gi ngo bo nyid gsum thob par 'gyur ro/ /sems can dang sems can ma yin par ston pa'i gzhi srog chags dang nags tshal gyi mtshan nyid dang rang bzhin dang bcas pa'i kha na ma tho ba srog gcod pa dang nags tshal 'joms pa la sogs pa'i mtshan nyid kyi las dag las so//de ltar na 'di gnyis ni gnyi ga'i rten can yin te/ rang bzhin gyis kha na ma tho ba yang sems can gyi rten can dang / sems can ma yin pa'i rten can yin la/ bcas pa'i kha na ma tho ba yang sems can gyi rten can dang sems can ma yin pa'i rten can yin gyi 'di ltar rang bzhin gyis kha na ma tho ba ni sems can gyi rten can yin la/bcas pa'i kha na ma tho ba ni sems can ma yin pa'i rten can yin no zhes bya bar ni mi bzung ngo / /de la re zhig rang bzhin gyis kha na ma tho ba sems can gyi rten can ni srog chags gsod pa la sogs pa'o//bcas pa'i kha na ma tho ba sems can gyi rten can yang dge slong bud med kyi lag pa la sogs pa nas 'dzin pa dang / khyim na lhan cig nyal ba la sogs pa'o/ /rang bzhin gyis kha na ma tho ba sems can ma yin pa'i rten can ni gser la sogs pa rku ba'o//bcas pa'i kha na ma tho ba sems can ma yin pa'i rten can ni dge slong shing gi lo ma gcod pa dang 'dul ba la zas la sogs pa'i ltung ba bshad pa lta bu'o/ /sems can gyi rten la 'jug pa'i phyir zhes bya ba ni sems can du gdags pa'i rten la 'jug pa'i phyir ro snyam du bsams pa yin no//da ltar gyi chos rnams kho na sems can du gdags pa'i rten yin gyi 'das pa dang ma 'ongs pa rnams ni ma yin te/ de dag ni med pa dang 'dra ba'i phyir ro/ /de nyid kyi phyir 'das pa dang ma 'ongs pa dag las ni ma yin te/ de dag ni sems can du mi bgrang ba'i phyir ro zhes bya ba smos so/ /sems can dang sems can ma yin par ston pa dag las thob bo zhes bya ba 'byung ba'i phyir sems can ma yin par gdags pa'i rten la zhugs pa yang so sor thar pa'i sdom pa yin par 'gyur ba ma yin nam zhe na/ de ni de lta bu 'gog par byed pa ma yin no//ji ltar da ltar gyi sems can du ston pa kho na las thob par 'gyur zhes bshad pa de bzhin du da ltar gyi sems can ma yin par ston pa kho na las kyang 'thob par 'gyur ro zhes brjod par bya dgos te/ tshig 'dis ni da ltar gyi rten can kho na yin par 'dod pa yin no//de nyid kyi phyir zhes bya ba ni gang gi phyir sdom pa 'di dag ji skad rgyas par bshad pa de ltar thob par gyur pa de'i phyir mu bzhir bya'o/ /rgyas par zhes bya ba la rgyas par zhes bya ba'i don ni gang dag las bsam gtan dang zag pa med pa'i sdom pa dag thob la/ so sor thar pa'i sdom pa ma yin pa'i phung po dang /khams dang skye mched de dag kyang yod/ gang dag las so sor thar pa'i sdom pa 'thob la bsam gtan dang zag pa med pa'i sdom pa ma yin pa de dag kyang yod/ gang dag las gnyi ga 'thob pa de dag kyang yod/ gang dag las gnyi ga mi 'thob pa de dag kyang yod ces bya ba yin no//mu dang po ni da ltar gyi srog gcod pa la sogs pa'i las kyi lam gyi sbyor ba dang mjug dag dang shing gcod pa la sogs pa'i bcas pa'i kha na ma tho ba las 'thob pa'i sdom pa gang yin pa'i so sor thar pa'i sdom pa de yin te/ 'dod rtogs thams cad gnyi ga dang zhes 'byung ba'i phyir ro//gnyis pa ni 'das pa dang ma 'ongs pa'i las kyi lam dngos su srog gcod pa spong ba la sogs pa lus dang ngag gi bdun las 'thob pa'i sdom pa gang yin pa ste/ de ni dngos dang dus ni thams cad las 'byung ba'i phyir bsam gtan dang zag pa med pa'i sdom pa dag yin la so sor thar pa'i sdom pa ni ma yin te/'das pa dang ma 'ongs pa yin pa'i phyir ro/ /gsum pa ni da ltar byung ba'i las kyi lam dngos dag las so zhes bya ba ni da ltar byung ba'i las kyi lam yin pa'i phyir so sor thar pa'i sdom pa yang yin la las kyi lam gyi dngos yin pa'i phyir bsam gtan dang zag pa med pa'i sdom pa dag kyang yin no//bzhi pa ni 'das pa dang ma 'ongs pa'i nyer bsdogs dang mjug dag las so zhes bya ba ni 'das pa dang ma 'ongs pa yin pa'i phyir so sor thar pa'i sdom pa yang ma yin la nyer bsdogs dang mjug yin pa'i phyir bsam gtan dang zag pa med pa'i sdom pa dag kyang ma yin no//slob dpon gyi rang gi rgyud la da ltar gyi las kyi lam dag las sdom pa rung ba ma yin par mthong nas sdom pa thob pa'i tshe na da ltar gyi las kyi lam rnams med pas da ltar gyi gzhi can gyis las kyi lam dag las zhes brjod par bya'o zhes bya ba smos nas slob par byed pa yin te/dngos po gang zhig las ldog pa de ni da ltar gyi nyin yin par mi srid pa'i phyir ro/ /'das pa dang da ltar gyi rnams la ni ma yin no zhes bya ba la/ slob dpon gyis bsam pa ni 'di dag ni byung zin pa'i phyir bsdam par yang rung ba ma yin la/da ltar byung ba rnams ni mi skye bar bya bar yang mi nus kyi ma 'ongs pa rnams la nus pas de dag kho na sdom par rung ngo snyam pa yin no/ /de skad du smos pa la bye brag tu smra ba rnams kyis bsam pa ni 'di yin par mngon te/ so sor thar pa'i sdom pa'i sbyor ba dang /dngos dang mjug dag ni go rims bzhin du srog gcod pa la sogs pa'i sbyor ba dang / dngos dang mjug 'di dag 'jug par ma gyur cig ces sdom par byed pa yin te/ shugs nyid kyis ni gnyen por gyur pa de dag ni mi mthun par gyur pa de dag la gags byed pa lta bur skye ste/sbyor ba yang sbyor ba la 'di skad du khyod ngas bsdams kyi khyod ma 'byung shig ces smras la/ de bzhin du 'jug kyang 'jug la de skad du smra'o zhes bya ba'i bar du sbyar bar bya'o/ /de bzhin du da ltar gyi phung po dang khams dang skye mched las kyi lam gyi sbyor ba dang / dngos dang mjug gi ngo bo nyid dag 'gag pa na da ltar gyi de dag las so sor thar pa'i sdom pa 'thob bo zhes bshad pa yin pas de lta bas na de skad du ni brjod par mi bya'o zhes bya ba yin no/ /la la ni thams cad las 'thob pa ste zhes bya ba rgyas par 'byung ba ni dge slong gi sdom pa ni las kyi lam thams cad las thob ste/las kyi lam thams cad spong bar byed pa yin no zhes bya ba'i tha tshig go/ /la la ni bzhi las te/ de dag las gzhan pa'o zhes bya ba ni dge slong gi sdom pa de las gzhan pa'i sdom pa dge tshul la sogs pa'i sdom pa ni yan lag bzhi kho na las 'thob ste/lus kyi srog gcod pa la sogs pa gsum dang / ngag gi brdzun du smra ba las so/ /gal te ma chags pa dang zhe sdang med pa dang gti mug med pa de'i rgyur 'dod na'o zhes bya ba ni sdom pa'i rgyu ni rnam pa gnyis su 'dod de ma chags pa dang zhe sdang med pa dang gti mug med pa dag dang sems chung ngu dang 'bring dang chen po dag ces bya ba yin no//gal te rnam grangs dang po yin par 'dod na ni sdom pa ma chags pa la sogs pa'i ngo bo nyid kyi las kyi lam thams cad kyis 'thob ste/ kun nas slong bar byed pa'i sems dge ba la de rnams cig car 'byung ba'i phyir ro//gal te sems chung ngu dang 'bring dang chen po dag rgyur 'dod na ni rgyu gcig gis 'thob ste/ de dag cig car 'byung ba med pa'i phyir ro/ /rnam grangs tha ma zhes bya ba ni chung ngu la sogs pa rgyu yin pa'i phyogs so/ /sdom pa la gnas pa sems can thams cad la bsdams la/yan lag thams cad rgyu thams cad kyi ma yin pa yang yod ces bya ba rgyas par 'byung ba ni sems can thams cad kyi rjes su song ba'i bsam pa dge ba can la sdom pa skye ba'i phyir sems can thams cad la bsdams pa yin la dge bsnyen la sogs pa'i sdom pa ni yan lag thams cad spangs pa ma yin pa'i phyir yan lag thams cad kyis kyang ma yin la/rgyu thams cad kyis kyang ma yin te chung ngu la sogs pa rgyu nyid du cig car 'byung ba mi srid pa'i phyir ro/ /dge slong gi sdom pa ni yan lag thams cad kyis kyang yin te/ yan lag thams cad spangs pa'i phyir ro//gang zhig sems rnam pa gsum gyis sdom pa rnam pa gsum yang dag par len pa'o zhes bya ba ni 'di lta ste/ sems chung ngus ni dge bsnyen gyi sdom pa yang dag par len la/ 'bring gis ni dge tshul gyi sdom pa len/ chen pos ni dge slong gi sdom pa len ces bya ba yin no//rgyu thams cad kyis bsdams la yan lag thams cad kyis kyang ma yin pa yang yod ces bya ba ni dge bsnyen la sogs pa'i sdom pa rnams re re'i rgyu chung ngu la sogs pa re re zhig yin pa'i phyir ro// //bam po sum cu rtsa gsum pa/ de ltar mnos na zhes bya ba ni nges pa lnga byed pas mnos na'o//ji ltar na mi nus pa dag las sdom pa thob ces bya ba ni gang dag gsad par mi nus pa'i sems can mi nus pa de dag las sdom pa ji ltar 'thob ce na 'di la slob dpon gyis len du sems can thams cad kyi srog la mi gnod pa'i bsam pas blangs pa'i phyir ro zhes bya ba smos te/sems can thams cad kyi srog de la gnod pa mi bya ba'i lhag pa'i bsam pas sdom pa khas len pa'i phyir ro/ /bye brag tu smra bas kyang dri ba 'di nyid kyi lan du gal te nus pa dag kho na las zhes bya ba rgyas par smos te/ lha la sogs pa yang mi la sogs par 'pho la mi la sogs pa yang lha la sogs par 'pho bas/nus pa dang mi nus pa mi la sogs pa dang lha la sogs pa ni/ phan tshun 'pho bas 'phel ba dang 'grib pa dang ldan par 'gyur te sems can nus pa dag tu gyur na ni sdom pa 'phel bar 'gyur la/ mi nus pa dag tu gyur na ni 'grib par 'gyur ro//slob dpon gyis bye brag tu smra ba'i lan 'di glags dang bcas par mthong nas de ltar ni mi 'gyur te zhes bya ba smos te/ de ltar sdom pa 'phel ba dang 'grib pa dang ldan par ni mi 'gyur ro/ /ji lta zhe na/ ji ltar sngon med pa'i rtswa la sogs pa skyes sam/ rtswa la sogs pa skams na rtswa la sogs pa de dag las sdom pa 'thob par 'gyur mod kyi 'on kyang sdom pa 'phel ba dang 'grib par mi 'gyur ba de bzhin du nus pa dang /mi nus pa 'phos su zin kyang 'phel zhing 'grib pa dag tu mi 'gyur te/ rgyas pa dang 'grib pa dag tu zhes bya ba'i tha tshig go/ /de lta bas na nus pa dag kho na las kyang sdom pa 'thob la nyes pa der yang mi 'gyur ro zhes bya ba yin no//bye brag tu smra bas ma yin te/ sems can rnams ni zhes bya ba rgyas par smos te/ ji ltar sngon med pa'i rtswa la sogs pa skyes sam zhes bya ba rgyas par gang smras pa de ni de lta ma yin no//ci'i phyir zhe na/ sems can rnams ni 'pho ba'i sngon rol dang phyis kyang yod pa'i phyir rtswa la sogs pa ni med pa'i phyir te/ rtswa dang gel pa dang lcug ma la sogs pa ni sngon rol dang phyis kyang med pa'i phyir ro/ /de'i phyir rtswa la sogs pa'i dpes 'phel ba dang 'grib pa'i nyes pa mi zlogs so//de ltar chos mi mthun pa tsam zhig smras kyi bsgrub par bya ba dang / sgrub pa'i don ni ma yin pas slob dpon gyis yang yongs su mya ngan las 'das nas zhes bya ba rgyas par smos so/ /de lta bas na gtan tshigs snga ma nyid bzang ngo zhes bya ba ni sems can thams cad kyi srog la mi gnod pa'i bsam pas khas blangs pa'i phyir ro zhes bya ba yin te/de'i phyir nus pa dang mi nus pa dag las sdom pa 'thob bo zhes bya bar grub bo/ /gal te de ltar sems can thams cad las so sor thar pa'i sdom pa 'thob na/ 'o na ni sngon gyi sems can sangs rgyas su 'gyur nas yongs su mya ngan las 'das pa rnams las de ma thob pa'i phyir tshul khrims nyung bar 'gyur ro zhe na/slob dpon gyis bshad pa/ sangs rgyas thams cad kyis te phyis 'byung ba rnams kyis kyang khyad par med par sems can thams cad las thob pa'i phyir te/ gal te de dag kyang yongs su mya ngan las 'das par ma gyur na de'i tshe/de rnams kyis de dag las kyang 'thob par 'gyur ro/ /las kyi lam thams cad las zhes bya ba dag ni lus dang ngag gi las so/ /sdom pa ma yin pa mi tshangs pa'i sdom pa can ni med do zhes bya ba ni srog gcod pa kho na yin gyi ma byin par len pas ni ma yin no zhes bya ba de lta bu la sogs pa yin no//sdom pa ma yin pa ni zhan pa kho na dang ldan pa zhes bya ba ni sngar thob zin pa'i phyir ro/ /srog gcod pa'i rnam par rig byed chen po dang zhes bya ba ci zhe na ldan no zhes bya bar sbyar te/rnam par smin pa'i 'bras bu la ni khyad par med do/ /de bzhin du 'bring dang drag po la yang sbyar bar bya'o zhes bya ba ni gang zhig sems 'bring gis sdom pa ma yin pa thob pa de sems drag pos srog chags kyi srog gcod par byed na yang sdom pa ma yin pa ni 'bring kho na dang ldan pa zhes bya ba dang /de bzhin du gang zhig sems drag pos zhes bya ba nas sdom pa ma yin pa yang chen po kho na dang ldan la srog gcod pa'i rnam par rig byed kyang chen po dang ldan no zhes bya ba dang / gang zhig sems chen pos sdom pa ma yin pa thob pa de sems chung ngus srog chags kyi srog gcod par byed na yang sdom pa ma yin pa ni chen po kho na dang ldan la/srog gcod pa'i rnam par rig byed ni chung ngu dang ldan no zhes bya ba'i bar sbyar ba ma yin no/ /ba gu ri 'chor ba rnams zhes bya ba ni/ srog chags kyi rigs pa gu ri zhes grags pa zhig yod de/ de dag gsod pas na ba gu ri 'chor ba rnams so//don gyis na sdom pa ma yin pa can yin no zhes bya ba ni rgyal po dang blon po rnams kyang chad pas gcod par byed pa yin pa'i phyir de las mi 'byung yang sdom pa ma yin pa can kho nar blta'o/ /gzhan dag la yang de bzhin du sbyar ro zhes bya ba ni bya gag rnams gsod pas na bya gag gsod pa rnams so zhes bya ba de lta bu la sogs pa'o//re zhig rigs na zhes bya ba rgyas par brjod nas/ ji ltar sems can thams cad las sdom pa ma yin pa 'thob par rung zhes bya ba'i bar dris pa dang bye brag tu smra bas lan du de dag ni ma la sogs pa zhes bya ba rgyas par smras so/ /slob dpon gyis re zhig de dag nyid de dag yin par shes nas mi gsod do zhes bya ba smos te/ma la sogs pa de dag yin no zhes bya bar shes pa rnams ni mi gsod pas ji ltar gsad par bya ba ma yin pa de dag las kyang / sdom pa ma yin pa thob par rung gzhan yang 'phags par gyur pa de dag lug la sogs par skye mi srid pa'i phyir yang phyugs su 'gyur ba'i go skabs med na ji ltar de dag las sdom pa ma yin pa thob par 'gyur/gal te lug la sogs par 'gyur ro zhes ma 'ongs pa'i lus la ltos te da ltar gyi ma la sogs pa'i sdom pa ma yin pa zhig tu gyur na ni shan pa de dag tshe phyi ma la lug bur gyur pa rnams kyang gtan mi gsod pas lug de dag las sdom pa ma yin par mi 'gyur ro//bye brag tu smra bas ji ltar na gsod par 'dod bzhin du zhes bya ba rgyas par smras pa dang / slob dpon gyis de ni ma la sogs pa la yang mtshungs te zhes bya ba rgya cher smos te/ ji ltar na shan pa la sogs pa ma la sogs par gyur pa gsod par mi 'dod bzhin du ma la sogs pa de dag la sdom pa ma yin par 'gyur/ma tshang ba ni las kyi yan lag gi sgo nas so/ /nyi tshe ba yang yod de sems can dang yul dang dus dang tshe nges par byed pa dang ldan pas phyogs gcig ma spangs pa'i phyir ro//sngar bshad pa so sor thar pa'i sdom pa rnam pa brgyad ma gtogs pa yang de bzhin du ma tshang ba yang yod la nyi tshe ba yang yod do/ /ci'i phyir zhe na tshul khrims dang 'chal pa'i tshul khrims de tsam gyi gegs byed pa'i phyir ro zhes bya ba smos te/ sdom pa ma yin pa yang tshul khrims de tsam gyi gegs byed la sdom pa yang 'chal ba'i tshul khrims de tsam gyi gegs byed do zhes bya ba yin no//de'i rigs su skyes pa rnams zhes bya ba ni sdom pa ma yin pa'i rigs su skyes pa rnams so/ /zhing dang / len pa dang / gus par byed pas 'thob ces bya ba la/ gus par byed pa ni bya ba rtsom pa'o//zhing dang len pa dang gus par byed pa zhes bya bar tshig bsdu ste/ de las rnam par rig byed ma yin pa skye ba'o/ /tshes sam zhes bya ba rgyas par 'byung ba ni tshes la zas sbyin pa nas zla ba phyed kyi bar du zas sbyin par bya'o zhes bya ba ni don yin par shes so/ /sogs pa zhes bya ba'i sgras ni dkyil 'khor byed pa la sogs pa bsdu'o//de lta bu'i gus pas zhes bya ba ni nyon mongs pa drag po dang rab tu dang ba drag pos zhes bya ba'i tha tshig go/ /yang dag par blangs pa dang 'gal ba'i rnam par rig byed bskyed pa dang zhes bya ba ni ji srid 'tsho'i bar du srog gcod pa la sogs pa spong ngo zhes yang dag par blangs pa gang yin pa dang 'gal ba'i rnam par rig byed bskyed pa'i phyir te/de ltar na rgyu dang pos so sor thar pa'i sdom pa gtong ba yin no/ /rten bor ba dang zhes bya ba ni rten gang gi sdom pa blangs pa de bor zhing shi ba'i phyir te/de ltar na rgyu gnyis pas de gtong ba yin no/ /rten nyams zhes bya ba rten ji lta bus sdom pa blangs pa de lta bu yin par nyams pa'i phyir te/ de ltar rgyu gsum pas de gtong ba yin no/ /gzhi chad pa dang zhes bya ba la gzhi ni dge ba'i rtsa ba rnams te de chad pa'i phyir rgyu bzhi pas de gtong ba yin no//de srid du 'phangs pa'i phyir ro zhes bya ba ni bsnyen gnas pa'i sdom pa ni nyin mtshan gcig tu 'phangs pa yin pas bsnyen gnas pa'i sdom pa de ni sngar bshad pa'i rgyu bzhi dang rgyu lnga pas gtong ba yin no/ /ltung bar 'gyur las zhes bya ba ni ji skad bshad pa'i rgyu lnga po de dag dang ltung bar 'gyur ba yin no zhes zer ro//'dis ltung bar 'gyur bas na ltung bar 'gyur ba'o/ /de yang rnam pa bzhi ste/ mi tshangs par spyod pa dang / ji skad bshad pa'i tshad ma byin par len pa dang / mi gsod pa dang / mi'i chos bla ma brdzun du smra ba zhes bya'o/ / kha che rnams ni 'byung ba la/ /bu lon nor bzhin gnyis su 'dod/ /ces bya ba ni lung dang rigs pas te/ de la lung ni 'dul ba las/ gal te dge slong tshul khrims 'chal ba zhig dge slong ma la rjes su ston na dge 'dun gyi lhag mar 'gyur ro zhes gsungs pa 'di yin te/ dge slong tshul khrims 'chal pa ni phas pham pa byung ba yin par bzhed kyi phas pham pa ma byung na ni ma yin te/rang bzhin du gnas pa'i tshul khrims dang ldan pa zhes bzlog ste 'byung ba'i phyir ro/ /de'i phyir tshul khrims 'chal pa de la yang dge slong gi dngos po yod par mngon te/ 'di ltar dge 'dun gyi lhag mar 'gyur ro zhes bshad pa'i phyir ro//rigs pa yang phyogs gcig nyams par sdom pa zad par gtong bar ni mi rigs so zhes bya ba yin no/ /rtsa ba'i ltung ba la yang zhes bya ba ni ltung bar 'gyur ba'i ltung ba byung ba la yang zhes bya ba'i tha tshig go/ /ltung ba gzhan byung ba la yang tshul khrims 'chal pa med do zhes bya ba ni dge 'dun gyi lhag ma la sogs pa'o//bshags na zhes bya ba ni bshags pa byas nas so/ /'o na bcom ldan 'das kyis zhes bya ba rgyas par pham par 'gyur zhes gang gsungs pa zhes bya ba'i bar 'byung ba ni de ji lta bu yin zhes bya ba'i tshig khong nas dbyung ngo //de ni don dam pa'i dge slong nyid las dgongs te gsungs pa yin no zhes bya ba ni ltung bar 'gyur ba byung ba de ni bden pa mthong ba'i skal ba med kyi don dam pa'i dge slong nyid du ma gyur pa'i phyir ro/ /nyon mongs pa mang po rnams la zhes bya ba ni dga' bo la sogs pa la ste/tshig gi don ni rtsa ba'i ltung bas kyang dge slong nyid nyams par mi 'gyur ro snyam du rig nas de dag yang byed par 'gyur ro zhes bya ba yin no/ /ming gi dge slong zhes bya ba ni bsnyen par ma rdzogs pa gang zhig la dge slong zhes ming du btags pa'o/ /khas 'che ba'i dge slong zhes bya ba ni tshul khrims 'chal pa mi tshangs par spyod pa la sogs pa la zhugs pa yin no//slong bas na dge slong zhes bya ba ni slong bar byed pa'o/ /nyon mongs pa bcom pas na dge slong zhes bya ba ni dgra bcom pa'o/ /don 'di la ni zhes bya ba ni bcom ldan 'das kyis dge slong ma yin dge sbyong ma yin zhes bya ba rgyas par bshad pa'i don gang yin pa 'di la ni ji skad bshad pa'i dge slong gzhi las gzhan pa lnga pa/gsol ba dang bzhi'i las kyis bsnyen par rdzogs pa 'di kho na yin no/ /gang yang de ni don dam pa'i dge slong nyid las dgongs te gsungs pa yin no zhes smras pa de la bshad pa/de la sngon don dam pa'i dge slong du gyur la/ dge slong ma yin/ dge sbyong ma yin zhes 'byung ba gang gis na phyis dge slong ma yin par 'gyur ba ni ma yin no zhes bya ba dper mdzad nas zhes bya ba ni ston pa nyid kyis shing ta la'i mgo bcad pa dper mdzad pas lan btab pa yin no zhes bya bar sbyar te/'dri ba'i lan btab pa yin no zhes bya ba'i tha tshig go/ /zhal zas la kham gcig longs spyod pa dang / gtsug lag khang la gom pa gcig 'dor ba'i phyogs longs spyad pa zhes bya bar sbyar ro/ /ston pas dge slong gi longs spyod thams cad las kyang bkar to zhes bya ba ni bcom ldan 'das kyis dge slong rnams dang lhan cig longs spyod pa gral gcig tu zas za ba la sogs pa thams cad las bskrad pa yin no//sre da bsal bar gyis zhes bya ba la sre da ni nas 'dra ba zhig ste/ de dang 'dra ba gzhan rtswa'i khyad par gang zhig nas ma rung bar byed pa la bya ba ltar dge slong ma yin pa la dge sbyong gi sha tshugs can zhes bya ba 'di yang de kho na dang 'dra'o//shing rul zhes bya ba ni shing rul ba ste/ dge slong rul par gyur pa 'di yang de dang 'dra'o/ /de ni bcom ldan 'das kyis dge slong rnams la khyed kyis tshul khrims dang ldan pa'i dge 'dun gyi nang nas skrod cig ces bka' stsal to//snying po med pa dor bar gyis zhes bya ba la snying po med pa zhes bya ba ni 'bru'i nang nas 'bru khong na snying po med pa kho na yin te/ dge slong gi sha tshugs tshul khrims kyi snying po med pa 'di yang de dang 'dra ste/de dor bar bya zhing dbyung bar gyis shig ces bya ba'i tha tshig go/ /lam gyis rgyal zhes bya ba ni slob pa dang mi slob pa'o/ /lam ston pa ni sangs rgyas so/ /lam phyir 'tshol ba ni dge slong tshul khrims dang ldan pas te lam gyi ched du 'tsho ba'o/ /lam sun 'byin pa ni tshul khrims 'chal ba ste/'dir dper brjod pa ni 'di yin no/ /shing tshig pa zhes bya ba rgyas par 'byung ba ni dper na shing tshig pa de ni shing ma yin na lhag ma sngon gyi shing gi dbyibs tsam zhig 'dra ba'i phyir de la shing tshig pa zhes bya ba dang / mtshe'u skams pa la yang mtshe'u zhes bya ba dang ne tso'i mchu ni gzugs mkhan gyi khyim la sogs pa'i nang du byas pa ste/ne tso'i sna dang dbyibs 'dra ba'i phyir ne tso'i sna zhes bya ba de bzhin du 'di yang dge slong gi dbyibs spyi tsam zhig lus pa'i phyir dge sbyong zhes gsungs par zad do/ /sa bon rul pa ni myu gu skyed par byed pa ma yin pa'i phyir sa bon ma yin mod kyi de'i dbyibs tsam zhig lus pa'i phyir sa bon zhes bya'o//mgal me'i 'khor lo yang 'khor lo dang 'dra ba'i phyir 'khor lo zhes bya'o/ /sems can shi ba yang sems can gyi sha tshugs tsam zhig lus pa'i phyir sems can zhes bya ba ltar yin yang de dang 'dra bar blta bar bya'o//bslab pa sbyin pa zhes bya ba ni dge slong gi 'dod chags chen pos bud med dang mi tshangs par spyad nas de'i mjug thogs kho nar bdag gis phud pa byas so zhes skyo ba shes shing bcab pa'i sems gcig kyang ma skyes par dge slong gi dge 'dun gyi thad du song nas bdag gis sdig pa byas so zhes 'chags par byed la/'phags pa'i dge 'dun gyi bkas dge slong thams cad pas gzhon rabs nyid yin par bya ba la sogs pa chad pa'i las byed du bcug pa de ni bslab pa sbyin pa zhes bya'o/ /de la gal te 'chal pa'i tshul khrims kyis dge slong ma yin pa kho nar 'gyur na ni de yang med par 'gyur te/de ni yang bsnyen par rdzogs par mi byed la/ dge slong du yang rnam par 'jog go/ /de lta bas na 'chal pa'i tshul khrims las ni dge slong nyid ma yin pa ma yin no mi zer gyi zhes bya ba rgyas par 'byung ba ni kho bo cag ni thams cad dang mi tshangs par spyod pa'i ltung ba 'byung ba'i mdo kho na las phas pham pa yin no mi zer gyi 'o na ci zhe na/'chal pa'i sems kyis yin no/ /ci ste yang rab tu mi 'byung zhes bya ba ni bslab pa btang na zhes bya ba kho nas dbyung ngo / /rgyud khrel med pa shas chen pos nyams par byas pas zhes bya ba ni 'di'i rgyud khrel med pa shas chen pos nyams par byas pa yin te/rgyud de nyams par byas pas sdom pa'i skal ba med pa nyid de'i phyir yang rab tu mi dbyung ngo zhes bya bar skabs dang sbyar ro/ /dge slong gi dngos po la ltos te de ni ma yin no zhes bya ba ni de la dge slong gi dngos po yod do zhes bya ba la ltos te rab tu mi dbyung ba ni ma yin no//'di ltar phas pham pa can de ni bslab pa btang yang rab tu mi dbyung ste/ rgyud khrel med pa shas chen pos nyams par byas pa'i phyir ro/ /bsam gtan gtogs pa zhes bya ba ni gzugs can gyi ngo bo nyid dang gzugs can ma yin pa'i ngo bo nyid kyi dge ba yin par bsams pa ste/de nyid kyi phyir dge ba thams cad ni zhes bya ba smos pa yin no/ /rgyu gnyis kyis zhes bya ba ni skye ba las sam/ nyams pa las te de'i phyir/ skye ba ste zhes bya ba rgyas par smos so//gong du skyes na ni 'og ma gtong la 'og tu skyes na ni sa gong ma pa gtong ngo zhes bya ba yin no/ /snyoms par 'jug pa las yongs su nyams pa las ni snyoms par 'jug pa des bsdus pa'i dge ba 'chor ro/ /ris mthun par btang ba las kyang chung zad gtong bar 'gyur ro zhes bya ba ni so so'i skye bo'i gnas skabs na nges par 'byed pa'i cha dang mthun pa bzod pa'i bar skyed pa gang yin pa de ni sa 'pho ba med kyang gang gi tshe 'dod pa'i khams su shi nas de nyid du skye ba ni ris mthun par btang bas gtong bar 'gyur te/de ji skad du/ 'phags pas de dag sa bor bas//gtong 'gyur 'phags min 'chi 'pho bas/ /zhes 'byung ba lta bu'o/ /lam snga ma zhes bya ba ni rgyun du zhugs pa'i lam sbyor ba dang / bar chad med pa dang rnam par grol ba'i lam gyi rang bzhin no/ /'bras bu'am 'bras bu khyad par can zhes bya ba ni lam gong ma zhes bya bar sbyar te/'di lta ste phyir mi 'ong ba la gal te phyir mi 'ong ba'i 'bras bu las yongs su nyams na lam gong ma phyir mi 'ong ba'i 'bras bu gtong ngo / /gal te phyir mi 'ong ba bsam gtan gnyis pa thob la/ de las kyang yongs su nyams na de'i lam 'bras bu khyad par can bsam gtan gnyis pa'i sa pa de gtong ngo //rgyu dang rkyen gyi stobs kyis zhes bya ba ni skal ba mnyam pa'i rgyu'i stobs dang / gzhan gyi smra ba'i stobs kyis zhes bya ba'i tha tshig go/ /bsam gtan gyi sdom pa thob na zhes bya ba ni zag pa med pa'i sdom pa thob na zhes ni mi brjod do//bsam gtan gyi sdom pa sngar bskyed pa kho nas de bor zin pa'i phyir ro/ /mi bya ba'i bsam pa thag pa nas zhes bya ba ni mtshon dang rgya'i las 'di mi bya'o snyam pa'i bsam pa thag pas bor du zin kyang sdom pa mnod pa med par sdom pa ma yin pa 'chad par mi 'gyur ro/ / dper na nad kyi gzhi yongs su spangs kyang nad rnying de sman med par mi zlogs pa de dang 'dra ste/ 'di skad du sdom pa ma yin pa 'dor bar 'dod na sdom pa mnod par bya'i gzhan du ni ma yin no zhes bshad pa yin no/ /de 'thob pa ni zhes bya ba ni sdom pa ma yin pa 'thob pa'o/ /rnam par rig byed ma yin pa ji ltar gtong zhes bya ba ni rnam par rig byed kyang zhes brjod dgos te/de nyid kyi tshe na rang kun nas slong ba'i rnam par rig byed 'das pa'i 'thob pa 'chad pa'i phyir ro/ /bar ma shugs blangs bya ba dang / /don che rtsa ba chad pa las/ /zhes ni pho'i rtags su brjod par bya dgos te/sdom pa yang ma yin sdom pa ma yin pa yang ma yin zhes bya ba'i tha tshig go/ /'on te yang rnam par rig byed ma yin pa 'ba' zhig brjod par bya ba kho na yin no zhe na/ rnam par rig byed ma smos pa de la gtan tshigs brjod dgos so zhe na/ bshad pa rnam par rig byed kyi go skabs med pa'i phyir te/'di skad du/ mi dge drug ni rnam rig min/ /gcig ni rnam pa gnyis zhes 'chad par 'gyur bas rnam par rig byed ma yin pa smos pas rnam par rig byed smos pa 'grub pa'i phyir de ma smos pa yin no/ /gzhan dag na re sdom pa yang ma yin sdom pa ma yin pa yang ma yin pas bsdus pa'i rnam par rig byed 'gags pa'i thob pa ni rjes su 'brel ba med de/de nyid kyi phyir rnam par rig byed ma yin pa kho na'i gtong ba'i rgyu brjod do zhes zer ro/ /rdza mkhan gyi 'khor lo dang mda'i 'gros bzhin no zhes bya ba ni rdza mkhan gyi 'khor lo dang mda'i 'gros 'du byed kyi khyad par rgyu gang gis 'phangs pa yin par de chad pa yang 'chad pa de dang 'dra'o//yang dag par blangs pa 'dis chog go zhes bya ba ni 'dor ba'i tshig gis so/ /ji ltar blangs pa bzhin ma byas pa'i zhes bya ba ni 'di lta ste/ sangs rgyas la phyag ma byas shing dkyil 'khor ma byas par zas mi za'o zhes bya ba de dag ma byas par zas za ba'i bar ma'i rnam par rig byed ma yin pa de 'chad do//gdos dang rgya la sogs pa zhes bya ba'i sgras ni mtshon dang dug la sogs pa bsdu'o/ /dge ba'i rtsa ba rnams kun du gcod par rtsom pa na'o zhes bya ba ni dge ba'i rtsa ba kun du gcod par rtsom pa'i gnas skabs kho na ni 'chad kyi kun du chad pa'i gnas skabs na ni ma yin no zhes ston par byed do//dge ba'i gzugs min zhes bya ba la gzugs min zhes bya ba smos pa ni gzugs can gyi 'chad pa ni bshad zin pa'i phyir ro/ /rtsa chad gong du skyes pa las//zhes bya ba 'dir ni 'dod chags dang bral ba las kyang chung zad cig gtong ngo zhes brjod dgos te/ dper na yid mi bde ba'i dbang po dge ba lta bu'o/ /thams cad ces bya ba ni 'dod pa dang gzugs dang gzugs med pa na spyod pa'o/ /spong ba'i lam gang yin pa zhes bya ba ni ci rigs par mthong ba'i lam dang bsgom pa'i lam mam/'jig rten pa dang 'jig rten las 'das pa'i lam mo/ /'di 'khor dang bcas pa zhes bya ba ni nye ba'i nyon mongs pa'i rnam pa 'di de dang lhan cig 'byung ba 'thob pa la sogs pa rjes su 'brang ba dang bcas pa'o//nye ba'i nyon mongs pa'i rnam pa zhes smos pa ni nyon mongs pa yang nye ba'i nyon mongs pa nyid yin pas thams cad bsdu ba'i phyir te/ 'di ltar bstan bcos las re zhig nyon mongs pa gang dag yin pa de dag ni nye ba'i nyon mongs pa yang yin te/nye ba'i nyon mongs pa yin la nyon mongs pa ma yin pa yang yod do zhes bshad do/ /rten gnyi ga'i nyon mongs pa zhes bya ba rgyas par 'byung ba ni skyes pa dang bud med kyi rten can gyi nyon mongs pa shas che ba'i phyir dang / de'i gnyen po bsgom pa'i mtshan nyid kyi so sor rtog pa mi bzod pa'i phyir dang ngo tsha shes pa dang /khrel yod pa shas chen po med pa'i phyir de dag la sdom pa med do/ /gnyen por gyur pa'i phyir zhes bya ba ni gang gi phyir/ sdom pa ni sdom pa ma yin pa'i gnyen por gyur pa de'i phyir gang la sdom pa yod pa de kho na la sdom pa ma yin pa med de/ 'di ni za ma la sogs pa la sdom pa ma yin pa med pa'i gtan tshigs gnyis pa yin no//yang dag par len pa dang ting nge 'dzin med pa'i phyir zhes bya ba ni yang dag par len pa med pa'i phyir so sor thar pa'i sdom pa med la/ ting nge 'dzin med pa'i phyir bsam gtan dang zag pa med pa'i sdom pa dag med do/ / de med pa ni dge ba dag la zhen pas mi skye ba'i phyir ro/ /sdig pa bya ba'i bsam pa med pa'i phyir sdom pa ma yin pa med do/ /gang dang ldan pa dang gang med pas zhes bya ba ni ngan song ba rnams la ngo tsha shes pa dang / khrel yod pa gang dang ldan pa dang / ngo tsha shes pa dang khrel yod pa gang med pas go rims bzhin du sdom pa dang sdom pa ma yin pa dag tu 'gyur ba'i ngo tsha shes pa dang khrel yod pa shas chen po de med pas so//gal te ngan song ba rnams la sdom pa dang sdom pa ma yin pa dag med na/ 'o na mdo las gang gsungs pa zhes bya ba de ji lta bu zhe na zhes bya ba la sogs pa'o//dus re zhig dang gtan du zhes bya ba ni 'bras bu yid du 'ong ba can gang zhig yin pa de ni dus re zhig sdug bsngal las yongs su skyob pa'i phyir bde ba yin la/ mya ngan las 'das pa thob pa gang yin pa de ni gtan du sdug bsngal las yongs su skyob pa'i phyir bde ba yin te/yongs su mya ngan las 'das pa la ni rtag tu sdug bsngal med do/ /bcom ldan 'das kyis 'di la rnam par brtags pa dang rnam par dpyad pa gang yin pa de ni 'dir 'phags pa rnams kyi g.yo ba'o zhes gsungs so zhes bya ba de lta bu la sogs pa bsam gtan gsum po g.yo ba dang bcas par gsungs pa ma yin nam zhes bya ba la sogs pa zhes bya ba'i sgras ni bsam gtan gnyis pa la 'di la dga' ba dang ma bral ba gang yin pa 'di ni 'dir 'phags pa rnams kyi g.yo ba'o zhes gsungs so zhes bshad pa dang gsum pa la yang 'di la bde'o bde'o snyam du sems kyi gtong ba gang yin pa 'di ni der 'phags pa rnams kyi g.yo ba'o zhes gsungs so zhes bshad pa bsdu'o//yang ci'i phyir 'dir gzugs dang gzugs med pa na spyod pa'i las dge ba thams cad mi g.yo ba nyid ces bya zhe na/ mi g.yo ba dang mthun par 'gro ba'i lam zhes bya ba smos te/ mi g.yo ba dang rjes su mthun par 'gro ba'i lam las brtsams te zhes bya ba'i tha tshig go//yang ci'i phyir ting nge 'dzin gyi skyon dang bcas pa nyid kyi g.yo ba dang bcas pa kho na gzhan du mi g.yo bar gsungs she na/ gang phyir sa ni de dag tu/ /las rnams smin phyir mi g.yo'i phyir/ /zhes bya ba smos so/ /longs spyod la sogs par 'gyur zhes bya ba longs spyod pa ni nor phun sum tshogs pa'o//sogs pa zhes bya ba'i sgras ni gzugs bzang ba dang skad snyan pa la sogs pa bsdu'o/ /de nyid ces bya ba rgyas par 'byung ba ni lha dag gi nang du rnam par smin par gyur pa gang yin pa de nyid res 'ga' rkyen gzhan gyi dbang gis te/nyon mongs pa la sogs pa'i rkyen gzhan tshogs pa de'i dbang gis mi dang dud 'gro dang yi dags dag gi nang du rnam par smin par 'gyur te/ 'di lta ste/ 'di ni la la sbyin pa po yin zhing sbyin bdag yin la de yang shin tu srog gcod pa yin zhes bya ba rgyas par de glang po cher gyur na glang po che'i rgyan rnam pa sna tshogs dag thob par 'gyur ro zhes bya ba la sogs pa'i bar gsungs pa dang /yang 'di lta ste/ 'di ni la las sbyin pa las byung ba'i bsod nams bya ba'i dngos po dang / de bzhin du tshul khrims las byung ba dang /bsgom pa las byung ba chung ngu kun du brten zhing bsgom pa dang lan mang du byas pa yin la/ de 'di snyam du bdag lha bzang po rnams sam/ mi bzang po rnams dang skal ba mnyam par skye bar gyur na ci ma rung snyam du sems na zhes bya ba nas de ni der skye'o zhes bya ba'i bar gsungs so//'dod pa'i khams dang bsam gtan gsum mo zhes bya ba ni 'dod pa'i khams dang bsam gtan dang po dag na ni bde ba'i tshor ba lus kyi bde ba dang sems kyi yid bde ba yin no/ /bsam gtan gnyis pa na ni bde ba'i tshor ba yid bde ba yin no/ /gsum pa na ni sems kyi bde ba yin no//de yod par bstan pa'i phyir ro zhes bya ba la/ de zhes bya ba'i sgra ni sdug bsngal dang sbyar te/ sdug bsngal de 'dod pa'i khams kho na na yod pa nyid du shes par bya ba'i phyir 'di'i zhes bya ba smos so/ /tshogs dang bcas pa yin no zhes bya ba ni 'dis tshogs par byed cing skyed par byed pas na tshogs de dbang po dang yul dang rten gyi mtshan nyid do//de'i phyir 'bras bu ni tshor ba tshogs pa dang bcas pa yin no/ /bsam gtan khyad par rnam smin las/ /zhes bya ba ni bsam gtan khyad par can gyi las kyi rnam par smin pa'i tshor ba ni bsam gtan khyad par can du skyes pa na tshor ba yod par bya dgos la/de na yang bde ba 'am sdug bsngal gyi tshor ba med de/ de lta bas na 'di'i rnam par smin pa bde ba yang ma yin sdug bsngal yang ma yin pa'i tshor ba yin pas bsam gtan bzhi pa man chad na yang bde ba yang ma yin sdug bsngal yang ma yin pa myong bar 'gyur ba'i las yod do zhes bya bar mngon no//las gzhan gang gis kyang bsam gtan khyad par can du tshor ba rnam par smin par mi 'gyur zhing mi srid de/ bsam gtan khyad par can la yod pa de ni dngos gzhi bsam gtan dang po'i sa pa'i las bde ba myong bar 'gyur ba'i rnam par smin par 'gyur ba yin zhes brjod par rung ba ma yin te/dngos gzhi ni rtog pa dang bcas pa nyid kyis bsam gtan khyad par can pas dman pa'i phyir ro/ /'dod pa na spyod pa'i las sdug bsngal myong bar 'gyur ba yang ma yin te/ sa tha dad pa'i phyir ro//de nyid kyi phyir dang de las 'dod chags dang bral ba'i phyir bsam gtan bzhi pa la sogs pa'i yang ma yin no/ /nyes pa 'di yongs su spang bar 'dod nas/ kha cig na re bsam gtan khyad par can gyi las kyi rnam par smin pa ni bsam gtan gyi bde ba'i dbang po kho na yin no zhes zer zhing smra'o//gzhan dag na re de'i rnam par smin pa'i tshor ba med pa nyid do/ /'o na ci zhe na gzugs la sogs pa yin no zhes zer ro/ /ci de dag gi ltar na bsam gtan khyad par can du skyes pa la tshor ba med dam zhe na/ yod mod kyi de rnam par smin pa'i ngo bo nyid ni ma yin no/ /'o na ci zhe na/rgyu mthun pa las byung ba yin no zhes zer ro/ /slob dpon gyis 'di ni bstan bcos dang 'gal ba yin no zhes bya ba smos te/ bsam gtan khyad par can gyi las kyi rnam par smin pa bsam gtan gyi bde ba'i dbang po kho na yin no zhes smras pa gang yin pa dang / de'i rnam par smin pa tshor ba med pa nyid do zhes smras pa gang yin pa de gnyi ga yang bstan bcos dang 'gal ba yin te de bstan pa'i phyir bstan bcos las 'byung ngo zhes bya ba rgyas par smos te/rtog pa med pa'i las zhes bya ba ni bsam gtan khyad par can gyi las zhes bya ba'i tha tshig go/ / de'i phyir rtog pa med pa'i las dge ba'i rnam par smin pa ni sems kyi tshor ba kho na rnam par smin par 'gyur ro zhes nges par gzung ba'i phyir las de'i rnam par smin pa ni bsam gtan gyi bde ba'i dbang po kho na yang ma yin la tshor ba las gzhan yang ma yin no zhes bya bar mngon te/rnam par rtog pa med pa'i las ni bsam gtan khyad par can nas bzung ba yan chad na yod do/ /snga phyi med ces bya ba ni sngar yang ma yin la phyis kyang ma yin la cig car zhes bya ba'i tha tshig go/ /bde ba myong bar 'gyur ba ni gzugs so zhes bya ba ni mig la sogs pa'o//sdug bsngal myong bar 'gyur ba ni sems dang sems las byung ba'i chos rnams so zhes bya ba ni rnam par shes pa'i tshogs lnga ste/ yid mi bde ba ni rnam par smin pa ma yin pa'i phyir ro/ /bde ba yang ma yin sdug bsngal yang ma yin pa myong bar 'gyur ba ni ldan pa tsam yin pa ste zhes bya ba ni srog gi dbang po la sogs pa'o//'dod pa'i khams las gzhan na ni med do zhes bya ba ni gzhan na sdug bsngal myong bar 'gyur ba'i las med pa'i phyir ro/ /da ni ci las de zhes bya ba ni bde ba yang ma yin sdug bsngal ba yang ma yin pa myong bar 'gyur ba'o//de lta na ni 'o na zhes bya ba rgyas par 'byung ba ni gal te bsam gtan bzhi pa man chad na yang bde ba yang ma yin sdug bsngal ba yang ma yin pa myong bar 'gyur ba las dge ba yod na/ bsam gtan gsum pa'i bar dge ba/ bde ba myong 'gyur zhes bya ba 'di dang 'gal te bsam gtan gsum pa'i bar na bde ba myong bar gyur pa'i las dge ba yod pa 'ba' zhig tu ni ma zad do//'o na ci zhe na/ bde ba yang ma yin sdug bsngal ba yang ma yin pa myong bar 'gyur ba'ang yod do/ /rnam par smin pa yid du 'ong ba ni dge ba yin no zhes bya ba 'di dang yang 'gal te/rnam par smin pa yid du 'ong ba can 'ba' zhig dge ba yin par ma zad kyi rnam par smin pa yid du 'ong ba dang yid du mi 'ong ba las bzlog pa can gyi dge ba yang yod pas so/ /de ni phal che ba bstan pa yin zhes bya ba ni bsam gtan gsum pa'i bar dge ba/bde ba myong 'gyur ba zhes bya ba dang rnam par smin pa yid du 'ong ba ni dge ba yin no zhes bya ba ni phal che bas de skad du bstan par zad do zhes bya ba'i tha tshig go/ /ji ltar na tshor ba'i rang bzhin ma yin pa'i las zhes bya ba ni bde ba nyams su myong bar 'gyur gyi las ni ma yin pa'i don 'di yin par brtags nas 'dri ba yin no//bde ba myong bar 'gyur ba dang mthun pa zhes bya ba ni bde ba'i tshor ba skye ba dang mthun pa zhes bya ba'i tha tshig go/ /'di'i bde ba myong bar bya ba yin pas zhes bya ba ni 'di'i rnam par smin pa bde ba nyams su myong bar bya ba yin pas zhes bya ba'i don to//'khru bar byed pa'i 'dag pa'i chal bzhin no zhes bya ba ni dper na gang gis 'khru bar byed pa'i 'dag pa'i chal yin pa de bzhin du gang gis bde ba'i rnam par smin pa myong bar byed pa'i las de ni bde ba myong bar 'gyur ba ste/ bde ba'i rnam par smin pa myong bar 'gyur ba'i las ni bde ba myong bar 'gyur ba'o//sdug bsngal myong bar 'gyur ba yang de bzhin du blta bar bya'o zhes bya ba ni sdug bsngal myong bar gyur pa dang mthun pa ni sdug bsngal myong bar 'gyur ba'o zhes bya ba rgyas par snga ma bzhin du sbyar te/ bde ba yang ma yin sdug bsngal ba yang ma yin pa myong bar 'gyur ba yang de dang 'dra'o//ngo bo nyid kyis myong bar 'gyur ba zhes bya ba ni nyams su myong ba'i mtshan nyid kyi ngo bo nyid kyis myong bar 'gyur ba ni ngo bo nyid kyis myong bar 'gyur ba ste/ de bzhin du mngon sum du gyur pas myong bar 'gyur ba ni zhes bya ba'i bar du sbyar ro//bde ba myong bar 'gyur ba'i reg pa zhes bya ba ni bde ba'i tshor ba dang mthun pa 'am 'di la bde ba myong bar 'gyur ba yod pas na bde ba myong bar 'gyur ba'i reg pa'o/ /dmigs pa myong bar 'gyur ba zhes bya ba ni myong bar bya ba'i yul te dmigs par bya ba zhes bya ba'i tha tshig go/ / gzugs so sor yang dag par myong bar 'gyur gyi gzugs la 'dod chags so sor yang dag par myong ba ni ma yin no zhes bya ba ni gzugs so sor nyams su myong bar 'gyur gyi gzugs kyi 'dod chags so sor nyams su myong ba ni ma yin no zhes bya ba'i don to/ /yang na 'dod chags kyi gzugs so sor nyams su myong zhing dmigs pa ni ma yin no zhes bya ba yin no//mthong ba'i chos la myong bar 'gyur ba zhes bya ba ni 'di la mthong ba'i tshe la myong bar 'gyur ba'i rnam par smin pa'i mtshan nyid yod pas na mthong ba'i chos la myong bar 'gyur ba'i las zhes bya ba rgyas par 'byung ba yin no//gang gi tshe zhes bya ba rgyas par 'byung ba ni gang gi tshe bde ba'i tshor ba myong bar byed cing nyams su myong bar byed pa de'i tshe de'i tshor ba gnyis po sdug bsngal ba dang bde ba yang ma yin sdug bsngal ba yang ma yin pa 'gag par 'gyur ro/ / rtsom pa'i dbang gis zhes bya ba ni mthong ba'i chos kho na la rnam par smin pa'i mgo zug ces bya ba'i tha tshig go/ /ming de rnam par gzhag go zhes bya ba ni mthong ba'i chos la myong bar 'gyur ba zhes de skad du ming rnam par gzhag go zhes bya ba'i don to/ /las kyang yod ces bya ba rgyas par 'byung ba la las 'bras bu nye ba can gyi dpe ni lcam pa la sogs pa'o//'bras bu ring ba can gyi ni nas dang gro la sogs pa'o/ /dpes ston pa rnams ni mdo sde pa rnams te/ de ltar mu dang po dang gnyis pa dag rjod par byed pa de dag gi ltar na las rnam pa brgyad de/ rnam par smin pa'i phyir mthong ba'i chos la myong bar 'gyur bar nges pa dang ma nges pa'o//myong bar 'gyur bar ma nges pa'i bar du yang de dang 'dra'o zhes bya ba ni rnam par smin pa'i phyir skyes nas myong bar 'gyur bar nges pa dang ma nges pa dang / lan grangs gzhan la myong bar 'gyur bar nges pa dang ma nges pa dang /myong bar 'gyur bar ma nges pa mthong ba'i chos la sogs pa la myong bar 'gyur bar ma nges pa gang yin pa de yang nges pa dang ma nges pa ste/ rnam pa brgyad yin no/ /las rnam pa bzhi 'phen par 'gyur ba zhes bya ba ni mthong ba'i chos la myong bar 'gyur ba la sogs pa'i las rnam pa bzhi 'phen par 'gyur ba zhes bya ba'i tha tshig go//ji lta zhe na smras pa yod de/ pha rol po srog gcod pa dang ma byin par len pa dang / brdzun du smra ba gsum la sbyar nas bdag nyid rang 'dod pas log par g.yem pa la zhugs te/ las de dag cig car mthar phyin par gyur na ste/gcig ni mthong ba'i chos la myong bar 'gyur ba yin la/ gcig ni skyes nas myong bar 'gyur ba yin/ gcig ni lan grangs gzhan la myong bar 'gyur ba yin/ gcig gis ni myong bar 'gyur ba ma nges pa yin na'o/ /dge ba dang mi dge ba rnams ci rigs par zhes bya ba ni gang na mi dge ba srid pa ste/'dod pa'i khams kho na na yod kyi gzhan na ni med do/ /'gro ba thams cad na zhes bya ba spyir bstan pa 'di dmigs kyis bstan pa ni 'di yin te/ dmyal ba na ni dge ba gsum/ /zhes bya ba ste rnam pa gsum mo zhes nges par gzung ba yin no//dmyal ba dag na ni las dge ba rnam pa gsum kho na'i 'phen pa yod kyi rnam pa bzhi ni ma yin te/ dmyal ba de na rnam par smin pa yid du 'ong ba med pa'i phyir mthong ba'i chos la myong bar 'gyur ba ni ma gtogs so/ /dge ba zhes bya ba smos pa ni mi dge ba bsal ba'i phyir te dmyal ba dag na mi dge ba ni rnam pa bzhi char ni 'phen pa yang srid do//gang las 'dod chags bral brtan pa'i/ /zhes bya ba ni gang zhig las 'dod chags dang bral ba ni gang las 'dod chags dang bral ba'o zhes bya bar tshig bsdu'o/ /brtan pa zhes bya ba smos pa ni yongs su nyams pa'i chos can bsal ba'i phyir te/de la ni sa der skyes nas myong bar 'gyur ba'i las srid do/ /byis pa zhes bya ba smos pa ni 'phags pa bsal ba'i phyir te/ 'phags pa la ni der skyes nas myong bar 'gyur ba mi srid de/ phyir mi 'ong ba yin pa'i phyir ro/ /gzhan du 'ang myong ba mi byed ces bya ba ni lan grangs gzhan la myong bar 'gyur ba yang mi byed la/skyes nas myong bar 'gyur ba yang mi byed do zhes bya ba'i tha tshig go/ /de la rim pa bstan pa'i phyir/ 'di ni yang sa 'og mar 'ong bar rung ba ma yin no zhes bya ba smos te/ 'phags pa yongs su mi nyams pa'i chos can 'di ni gang las 'dod chags dang bral ba de'i 'og na yod pa'i sar 'ong bar rung ba ma yin no//yongs su nyams pa'i chos can ni rung ste/ 'di lta ste 'phags pa srid pa'i rtse mo thob pa yongs su nyams pa'i chos can de las yongs su nyams nas gzugs kyi khams su skye bar 'gyur ba gang yin pa de la ni skyes nas myong bar 'gyur ba dang lan grangs gzhan la myong bar 'gyur ba yang srid de 'char byed kyi mdo las ji skad byung ba lta bu'o//ma nges pa ni byed do zhes bya ba ni 'phags pa yongs su mi nyams pa'i chos can ni gang du skyes pa der myong bar 'gyur bar ma nges pa dang mthong ba'i chos la myong bar byed do//'dod pa'i khams sam srid pa'i rtse mo las 'dod chags dang bral ba zhes bya ba la/ 'dod pa'i khams las 'dod chags dang bral ba'i phyir mi 'ong ba'o/ /srid pa'i rtse mo las 'dod chags dang bral ba ni dgra bcom pa'o//de dag tu zhes bya ba ni 'dod pa'i khams dang srid pa'i rtse mo dag tu'o/ /'og nas bshad par bya'o zhes bya ba ni/ 'bras bu las nyams 'chi ba med/ /ces bya ba der ro/ /srid pa bar ma myong bar 'gyur ba'i bar du zhes bya ba ci zhe na/ nges pa dang ma nges pa zhes bya ba yin no//nges pa rnam pa bcu gcig ces bya ba ni mthong ba'i chos la myong bar 'gyur bar nges pa nas srid pa bar ma myong bar nges pa'i bar ro/ /de'i rgyu las byung ba gnas skabs bcu'o zhes bya ba ni srid pa bar ma sngon du 'gro ba can zhes bya ba'i tha tshig go/ /de nyid kyi phyir srid pa bar ma myong bar 'gyur ba'i las gzhan ma bshad de zhes bya ba ni las rnam pa bzhi ste/mthong ba'i chos la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba dang / myong bar 'gyur bar ma nges pa'o zhes bya ba der ma bshad de srid pa bar ma der ni skyes nas myong bar 'gyur ba kho nas 'phangs pa'i phyir ro//las nges pa dang ma nges pa zhes bshad pas de'i phyir yang nges pa'i las ci 'dra ba zhes bya ba rgyas par smos te/ 'bras bu khyad par can thob pa zhes bya ba la/ 'bras bu khyad par can thob pa ni mthong ba'i lam gyi 'bras bu thob pa dang / dgra bcom pa nyid kyi 'bras bu thob pa yin par 'dod do//khyad par zhes bya ba smos pa ni zag pa med pa'i lam gyis thob pa'i 'bras bu yin par bzung ba'i phyir ro/ /snyoms par 'jug pa khyad par can thob pa zhes bya ba ni 'gog pa dang / nyon mongs pa med pa dang / byams pa'i snyoms par 'jug pa thob pa'o//'dir yang khyad par zhes bya ba smos pa ni 'jig rten pa'i snyoms par 'jug pa gzhan las khyad par du bya ba'i phyir ro/ /ci 'dra yang rung ste zhes bya ba ni gal te bsod nams yin pa'i blos sam/ gal te zhe sdang gis kyang rung ste/ par sig gang zhig bsod nams yin pa'i blos pha 'am ma bsad pa'i las mi dge ba de ni mtshams med par nges par 'gyur ro//gzhan ni ma yin no zhes bya ba ni 'di las bzlog pa'i nyon mongs pa dang rab tu dang ba chung ngus byas pa zhes bya ba la sogs pa gang yin pa'o/ /dge 'dun la bud med do zhes thab mo rgal ba las zhes bya ba ni dge slong shags kyis pham pa gcig cig gis dge 'dun la khyed ni bud med du zad do zhes kha byas pa dang /de mthong ba'i chos kho na la skyes pa'i mtshan mi snang bar gyur nas/ bud med kyi mtshan byung ngo zhes grag ste/ 'di ni zhing gi khyad par las mthong ba'i chos la myong bar 'gyur ba kho na yin no//bsam pa'i khyad par las ni zhes bya ba ni nyung rum zhig gis glang dag cig rlig pa 'byin pa mthong nas bdag kyang 'di 'dra bar rlig pa phyung bas sdug bsngal bar gyur to snyam nas bsam pa drag pos glang de dag rlig pa dbyung ba las btang ba dang / de mthong ba'i chos kho na la skyes pa'i dbang po byung ngo zhes grag ste/ 'di ni bsam pa'i khyad par las mthong ba'i chos la myong bar 'gyur ba'i las su gyur pa yin no/ /de las gtan du 'dod chags dang bral ba yin pa'i phyir ro zhes bya ba ni de las gtan du 'dod chags dang bral ba'i phyir mthong ba'i chos la myong bar 'gyur ba ma yin pa'i las kyang mthong ba'i chos la myong bar 'gyur ro//gnas skabs su yang ma yin zhes bya ba ni mthong ba'i chos la sogs pa'i gnas skabs su ma nges pa gang yin pa dang rnam par smin par nges pa'i phyir ma nges pa yang ma yin pa de kho na mthong ba'i chos la myong bar 'gyur ro//de nyid kyi phyir bshad pa mthong ba'i chos la sogs pa'i gnas skabs gzhan du nges pa gang yin pa de ni de nyid du rnam par smin par 'gyur ro/ /de dang ldan bzhin du gtan du 'dod chags dang bral ba mi srid pas zhes bya ba ni de ltar gnas skabs nges pa'i rnam par smin pa can gyi las de dang ldan pa'i gang zag ni sa de las gtan du 'dod chags dang bral mi srid pa'i phyir zhes bya ba'i tha tshig go//zhing gi khyad par zhes bshad pas/ de'i phyir zhing de dag ni ji lta bu zhig ces 'dri bar byed de nyon mongs pa med pa las langs pa'i zhes bya ba rgyas par 'byung ba ni rgyud sems can tshad med pa la nyon mongs pa med pa dang ldan pa'i lhag pa'i bsam pa ste/bsam pa de dang rjes su 'brel pa dang shin tu gsal shing rno ba'i bsod nams tshad med pas yongs su bsgos pa dang rjes su 'brel pa yin no/ / nyon mongs pa med pa ni 'og nas/ nyon mongs med dang smon nas shes/ /zhes bya ba der bshad par bya'o/ /byams pa las langs pa'i zhes bya ba rgyas par 'byung ba ni sems can tshad med pa dag la bde ba skye bar gyur cig snyam pa'i lhag pa'i bsam pa de dang rjes su 'brel pa yin no/ /shin tu gsal ba zhes bya ba thams cad ni snga ma bzhin no//gnas yongs su gyur pa sar pa yin pas dri ma med pa yin zhes bya ba ni langs nas ring bor ma lon pa'i phyir rgyud gnas lugs yongs su gyur pa gsar pa yin zhing gsar pa yin pas na dri ma med pa yin no// //bam po sum cu rtsa bzhi pa/gang zag de dag la phan pa dang gnod pa byas pa rnams te/ phan btags pa dang gnod pa byas pas dge ba dang mi dge ba rnams kyi 'bras bu mthong ba'i chos kho na la thob par 'gyur ro zhes 'phral gyi don ston par byed de 'phral dang 'dra ba'i phyir ro/ /lhag ma bsgom pa'i lam zhes bya ba rgyas par 'byung ba ni lhag ma bsgom pa'i lam lan cig phyir 'ong ba dang phyir mi 'ong ba'i 'bras bu thob par byed pa ste/'di la rang bzhin dang 'bras bu yongs su rdzogs pa yod pas na rang bzhin dang 'bras bu yongs su rdzogs pa can no/ /de'i ngo bo ni nyid de/ rang bzhin dang 'bras bu yongs su rdzogs pa can nyid de'i phyir ro//yang de'i rang bzhin yongs su ma rdzogs pa nyid dang / 'bras bu yongs su ma rdzogs pa nyid gang yin zhe na/ rang bzhin yongs su ma rdzogs pa ni dgra bcom pa nyid yin na lam de ni gang gis dgra bcom pa nyid thob par 'gyur ba ste/ slob pa'i rang bzhin no//'bras bu yongs su rdzogs pa yang dgra bcom pa nyid thob pa yin na lam de ni 'bras bu gsum gyis 'bras bu dang ldan pa yin no/ /yang na rang bzhin dang 'bras bu yongs su rdzogs pa ni zad pa shes pas bsdus pa'i lam yin te/ 'di ltar rang bzhin yongs su rdzogs pa ni mi slob pa'i lam yin pas so//'bras bu yongs su rdzogs pa ni lus la med pa'i 'bras bu yin pa'i phyir ro/ /de las langs pa rnams zhes bya ba ni lhag ma bsgom pa'i lam las langs pa rnams te de las langs pa de dag ni ji ltar dgra bcom pa las langs pa de ltar bsod nams kyi zhing ma yin na/'jig rten pa'i lam las langs pa rnams lta smos kyang ci dgos te/ khyad par 'di ni bsgom pas spang bar bya ba'i nyon mongs pa rnams lhag ma dang bcas pa dang / lhag ma ma lus par spangs pa'i sgo nas bshad do zhes bya bar khong du chud par bya'o/ /de ni gdon mi za bar rtog pa dang dpyod pa dang bcas pa yin pa'i phyir ro zhes bya ba ni rnam par shes pa'i khams lnga ni/rtog pa dang dpyod pa dang bcas pa yin zhes bya bar nges pa'i phyir ro/ /rtog pa dang dpyod pa dag kyang bsam gtan khyad par can la sogs pa la med pa'i phyir te/ rtog pa med pa'i las kyi rnam par smin pa sa 'og ma pa rtog pa dang dpyod pa dang bcas pa yin par yang rung ba ma yin no//rnam par smin pa ni sdug bsngal gyi tshor ba yin la zhes bya ba rgyas par 'byung ba ni mi dge ba de'i rnam par smin pa ni sdug bsngal gyi tshor ba yin par 'dod de/ de'i 'bras bu ni yid du mi 'ong ba ma yin pa'i phyir ro//sems kyi sdug bsngal gyi tshor ba ni yid mi bde ba yin te gzhan ni med na yid mi bde ba ni rnam par smin pa ma yin no zhes de ni dbang po bstan par srog gi rnam smin bcu gnyis gnyis/ tha ma brgyad dang yid mi bde ba ma gtogs zhes bshad zin to//yid mi bde ba rnam par smin pa ma yin no zhes bya ba 'di mi bzod pas 'o na sems can rnams kyi zhes bya ba rgyas par smras te/ gal te yid mi bde ba rnam par smin pa ma yin na/ 'o na sems can rnams kyi sems g.yengs par 'gyur ba gang yin pa de sems ni gang zhig la gnas pa yin/rgyu ni ji zhig gis 'gyur/ de'i bsam pa ni sems g.yengs pa ni rnam par shes pa'i tshogs lnga la gnas pa ni ma yin te/ de dag ni rnam par rtog pa med pa'i phyir la/ de yang mi dge ba'i rgyu can gyi yid du mi 'ong ba yin pa'i phyir te/de bas na yid mi bde ba ni rnam par smin pa yin par 'gyur ro snyam pa yin no/ /rnam par mi rtog pa yin pa'i phyir ro zhes bya ba ni rnam par shes pa'i tshogs lnga ni nges par rtog pa dang rjes su dran pa'i rnam par rtog pa dag gis rnam par mi rtog pa yin pa'i phyir la sems g.yengs pa ni rnam par rtog pa ngan pa'i mtshan nyid yin pa'i phyir ro//nags mes gtong ba 'am zhes bya ba la/ nags ni rtswa la sogs pa tshang tshing dang ldan pa'i phyogs kyi khyad par ro/ /gzhan gang yang rung bas zhes bya ba ni mi 'dod pa'i na tshar 'gyur bas so/ /gnas byed kyi bu la sogs pa zhes bya ba ni bcom ldan 'das mi thil na mi thi la'i a mra'i tshal na bzhugs so//yang de'i tshe gnas byed dang rus mthun pa'i bram ze mo zhig gi bu drug shi ba dang / de de dag shi bas sems g.yengs shing smyos nas gcer bur byung ste/ de dang der rgyu zhing mi thi la'i a mra'i tshal ga la ba der song ngo / /de'i tshe bcom ldan 'das dge slong gi 'khor brgya phrag du ma'i gung la bzhugs shing chos ston to//gnas byed dang rus mthun pa'i bram ze mos bcom ldan 'das rgyang nas mthong ste/ mthong nas kyang ngo tsha nas sgum sgum por 'dug ste/ dran pa yang rnyed par gyur to/ /bcom ldan 'das kyis gnas byed kyi bu dang rus mthun pa'i bram ze mo thag ring po nas gzigs te/gzigs nas kyang tshe dang ldan pa kun dga' bo la bka' stsal pa/ gnas byed kyi bu dang rus mthun pa'i bram ze mo la bla gos byin cig dang de la chos bshad par bya'o/ /tshe dang ldan pa kun dga' bos gnas byed kyi bu dang rus mthun pa'i bram ze mo la bla gos byin pa dang de gnas byed kyi bu dang rus mthun pa'i bram ze mos bla gos bgos nas bcom ldan 'das ga ba la der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go//phyogs gcig tu 'dug pa dang gnas byed kyi bu dang rus mthun pa'i bram ze mo la chos kyi gtam gyis kun du ston par mdzad/yang dag par len du bcug/ /yang dag par gzengs bstod nas/ yang dag par rab tu dga' bar mdzad ces bya ba de lta bu la sogs pa yin te/ gzhung mangs kyis dogs nas thams cad ni ma bris so/ /'di la don ni 'di yin te/ bcom ldan 'das kyis de la sbyin pa la sogs pa'i gtam mdzad nas 'phags pa'i bden pa bzhi bstan pa nas des rgyun du zhugs pa'i 'bras bu'i bar du thob ste/thob nas kyang bcom ldan 'das kyi thad nas song ngo / /dus gzhan zhig na de'i bu bdun pa shi ba dang de de shi bas mya ngan mi byed par gyur to/ /de mya ngan mi byed pa dang rang gi khyos smras pa khyod sngon bu shi bas yongs su gdung bar byed la da ni yongs su gdung ba med pa dang sbyar na bu de khyod kyis zos gor ma chag ste/des na yongs su gdung bar mi byed do/ /des de la phyir smras pa/ bram ze ngas ni yun rings nas/ /bu dang tsha bo stong phrag dang / /gnyen mang brgya phrag dag zos te//khyod kyis kyang ni de dang 'dra/ /skye ba de dang de dag tu/ /bu dang tsha bo stong phrag dag /gcig la gcig ni za rnams kyi/ /tshad ni yod pa ma yin no/ /'jig rten na ni skye ba dang / /'chi las nges 'byung shes nas ni/ /su zhig mya ngan yongs gdung ba 'am/ /smre sngags 'don par byed par 'gyur//bdag gis sangs rgyas bsten byas te/ /skye ba dang ni 'chi ba las/ /nges par 'byung ba'ang shes pas na/ /mya ngan mi byed gdung ba med/ /ces bya ba de lta bu la sogs pa yin no/ /ji ltar sems kyi tshor ba rnam par smin pa ma yin par 'gyur zhes bya ba ni/ las mi dge ba de yi 'bras/ / zhes bya ba tshig lhag ma yin no/ /'byung ba chen po rnams 'khrug pa gang yin pa de rnam par smin pa yin la zhes bya ba ni rnam par smin pa ni rnam par smin pa'o/ /sems ni de las skyes pas de'i phyir rnam par smin pa las skyes pa yin te/ de nyid kyi phyir de ni las kyi rnam par smin pa las skyes pa zhes bshad kyi/de ni las las skyes pa zhes ni ma bshad do/ /de ltar na 'di ni zhes bya ba rgyas par 'byung ba ni gang gi phyir las las skyes pa zhes bya ba nas dran pa nyams par 'gyur bas zhes bya ba'i bar yin pa de'i phyir mu bzhi pa 'di rung ste/ 'dir dper brjod pa ni gnyi ga ni sems g.yengs pa'i nyon mongs pa yin no zhes bya ba 'di yin no//sems nyon mongs pa can ni rnam par smin pa yin par mi rung ste/ rnam smin lung du ma bstan chos/ /zhes 'byung ba'i phyir ro/ /mngon par nyen pa zhes bya ba ni mngon par gnod par gyur pa'o/ /dmyal ba rnams sems g.yengs pa yin no zhes bya ba yin no zhes bya ba 'dir kyi hud sems zhes smre sngags 'don pa'i dmyal ba dper bya'o//sangs rgyas ma gtogs pa zhes bya ba ni sangs rgyas ni bsod nams kyi tshogs che ba'i phyir 'byung ba nyams pas kyang thugs g.yengs pa mi mnga'o/ /las kyi ni ma yin te zhes bya ba ci zhe na/'phags pa rnams sems g.yengs pa ste/ 'byung ba ma nyams pas ni ma gtogs pa nyid do/ /ci'i phyir zhe na/ nges pa ni sngon so so'i skye bo'i gnas skabs kho na na rnam par smin pa zin pa'i phyir ro/ /ma nges pa ni 'phags pa'i gnas skabs na rnam par mi smin pa'i phyir te/de nyid kyi phyir 'di ni ma nges pa zhes bya ba'o/ /'jigs pa lnga las yang dag par 'das pa'i phyir ro zhes bya ba la 'jigs pa lnga ni kun du 'tsho ba med pa'i 'jigs pa dang / tshigs su bcad pa med pa'i 'jigs pa dang / 'khor gyi nang du skrag pa'i 'jigs pa dang / 'chi ba'i 'jigs pa dang / ngan 'gro'i 'jigs pa'o/ /de la tshigs su bcad pa med pa'i 'jigs pa ni grags pa med pa'i 'jigs pa'o/ /'khor gyi nang du skrag pa'i 'jigs pa ni tshogs pa'i nang du bag 'khums pa'o/ /mi mdzes pa zhes bya ba ni mi mdzes par 'gyur ba'i las so/ /chos nyid mngon par shes pa'i phyir ro zhes bya ba ni zag pa dang bcas pa thams cad ni sdug bsngal ba'o//'du byed thams cad ni mi rtag pa'o/ /chos thams cad ni bdag med pa'o zhes bya bar chos kyi ngo bo nyid mngon par shes pa'i phyir ro/ /gya gyu'i rgyu las byung ba'i phyir zhes bya ba ni gya gyu'i rgyu can yin pa'i phyir te/ gya gyu ni rgyu yin no//chags pa'i rgyu las byung ba yin pa'i phyir zhes bya ba ni dper na tshon rtsi ni 'jen pa'i rgyu yin pa ltar 'dod chags kyang de dang 'dra ste/ de'i phyir de dang chos mthun pas de skad du bshad do/ /'dod gtogs zhes bya ba 'dis ni dge ba khyad par du byed kyi mi dge ba ni ma yin te/ de ni gdon mi za bar yod pa can yin pa'i phyir ro//ci'i phyir gzugs med par gtogs pa ma bshad ce na zhes bya ba ni de yang mi dge ba dang ma 'dres shing 'dren mar mi 'jug go zhes bya ba'i tha tshig go/ /gang na zhes bya ba rgyas par 'byung ba ni gang na srid pa bar ma ba ste srid pa bar ma na yod pa'i rnam par smin pa dang skye ba'i srid pa pa yang de dang 'dra'o//lus dang ngag dang yid kyi las rnam pa gsum char gyi rnam par smin pa yod pa ste/ bsam gtan gyi sdom pas bsdus pa'i lus dang ngag gi las dag bsam gtan gnyis pa la sogs pa na yang yod pa'i phyir de kho nar dkar la rnam par smin pa dkar ba zhes bshad do zhes grag ste/grag ces bya ba'i sgra ni gzhan gyi gzhung lugs yin no/ /mdo gzhan las de yang bshad do zhes bya ba ni gzugs med par gtogs pa de yang las dkar la rnam par smin pa dkar ba yang yod de/ 'di lta ste bsam gtan dang po dang de bzhin du srid pa'i rtse mo'i bar yin no zhes bshad de/'dis ni rang gi bsam pa gang gis na grag ces bya ba'i sgra rab tu sbyar ba ston par byed do/ /'di ni rgyud kyi sgo nas rnam par gzhag go zhes bya ba ni rgyud gcig la dge ba dang mi dge ba kun du 'byung bas dge ba dang mi 'dre bar 'gyur ro/ /phan tshun 'gal ba'i phyir ro zhes bya ba ni dge ba yang mi dge ba dang 'gal la mi dge ba yang dge ba dang 'gal ba gnyis kyi ngo bo nyid du rung ba ma yin no//mi dge ba gdon mi za bar dge ba dang 'dre ba ni ma yin te zhes bya ba rgyas par 'byung ba ni 'dre mod kyi gdon mi za ba ni ma yin no/ /ci'i phyir zhe na/ 'dod pa'i khams na gnyen por gyur pa ting nge 'dzin med pa'i phyir mi dge ba stobs dang ldan pa nyid yin no//de nyid kyi phyir dge ba stobs chung ba'i phyir te/ 'di ltar 'dod pa'i khams na ni log par lta bas dge ba'i rtsa ba kun du 'chad par 'gyur gyi yang dag pa'i lta bas ni log par lta ba kun du 'chad par mi 'gyur ro/ /mi dkar zhes bya ba'i sgra 'di ni dgongs pa can yin te zhes bya ba ni rnam par smin pa dkar ba nyid med pa'i phyir mi dkar ba yin gyi/dkar po ma yin pa nyid ni ma yin pa'o zhes bya ba'i tha tshig go/ /'on kyang dkar po nyid du bshad pa gang yin pa de ma yin pas na mi dkar ba'o/ /stong pa chen po'i mdo las zhes bya ba ni stong pa chen po'i don gyi mdo las so//ma bsgribs pa lung du ma bstan pa rnams kyang nyon mongs pa can ma yin pa'i phyir dkar po yin no/ /khams su gtogs pa'i phyir rnam par smin pa med pa yin no zhes bya ba ni zag pa med pa'i chos rnams ni khams su gtogs pa yin la/rnam par smin pa ni khams su gtogs pa yin pas de'i phyir zag pa med pa'i chos rnams ni rnam par smin pa med pa yin no/ /ci'i phyir zhe na/ 'jug pa dang 'gal bas zhes bya ba smos so/ /zag pa med pa'i las ni khams su gtogs pa'i chos rnams kyi 'jug pa 'gog par byed pa yin gyi skyed par byed pa ni ma yin pas rnam par smin pa med pa yin no//las dang las zad par byed pa yin zhes bya ba la las gnyis smos pa ni las de yod do zhes bstan pa gang yin pa de yod cing med pa ma yin la ma nyams pa'i ngo bo nyid ni las zad par byed pa yin no zhes las bzhi pa 'di ni bstan pa'i ched yin no//yang na 'di ni zlos pa'i sbyor ba yin te/ las dang las zad par byed pa yin no zhes bya ba'i tha tshig go/ /bzod pa zhi ba dang zhes bya ba rgyas par 'byung ba la/ chos shes pa'i bzod pa zhes smos pa dang / 'dod pa las 'dod chags dang bral ba la bar chad med pa'i lam zhes smos pa ni 'dod pa na spyod pa'i las nag po spong ba'i lam yin pa'i phyir ro//'dir ni zag pa med pa'i lam gyi skabs yin pa'i phyir 'jig rten pa'i bar chad med pa'i lam dag ni de spong bar 'gyur ba yin yang mi gzung ngo / /dkar po bsam gtan chags bral la/ / zhes bya ba ni de nag po med pa'i phyir dge ba kho na zhes bya ba nges par gzung ste/ nyon mongs pa can gyi 'du byed ni brgyad kyis spong la dgu pas ni dge ba yang spong ngo / /de'i rang gi ngo bo ni spong ba ma yin te zhes bya ba ni thob pa ni thob pa chad pa'i spong ba ste/ dge ba ni spangs kyang mngon sum du byed pa'i phyir ro//de la dmigs pa'i nyon mongs pa spangs pa'i phyir te zhes bya ba ni de la dmigs pa'i nyon mongs pa spangs pas dge ba de spangs pa yin no/ /de la dmigs pa'i nyon mongs pa spong ba yang de la de dmigs pa'i nyon mongs pa'i rnam pa dgu spang na spangs pa yin pas bar chad med pa'i lam dgu pa'i sems pa kho na las nag po dang dkar po zad par byed pa yin te/de'i tshe nyon mongs pa'i rnam pa dgu pa'i thob pa chad na bral ba'i thob pa skye zhing las nag po dang dkar po de dang zag pa dang bcas pa'i las gzhan ma bsgribs la lung du ma bstan pa'i bral ba thob pa yang skye'o zhes brjod do//de bzhin du bsam gtan bzhi las 'dod chags dang bral ba dag la yang rig par bya'o/ /de'i phyir de myong bar 'gyur ba zhes bya ba ni 'gro ba nges pa'i rgyu de'i phyir de myong bar 'gyur ba ste/ dmyal ba myong bar 'gyur ba zhes bya ba'i tha tshig go /de las gzhan pa'i zhes bya ba rgyas par 'byung ba ni dmyal ba'i 'gro ba de las gzhan pa'i 'dod pa'i khams mi la sogs pa'i 'gro ba na ni dge ba dang mi dge ba'i rnam par smin pa yod pas 'gro ba nges pa'i rgyu de'i phyir de myong bar 'gyur ba ste/de las gzhan pa'i 'dod pa'i khams myong bar 'gyur ba ni gnyi ga yang bye brag ma phye bar bsres nas dkar nag ces bya bar bshad kyi 'di ltar dge ba yang dkar nag yin la de bzhin du mi dge ba yang dkar nag yin no zhes bya bar gzung bar bya ba ma yin no//dge ba dang ma 'dres pa'i phyir/ /zhes bya ba ni/ nyon mongs can min mthong spong min zhes bya bar nges pa'i phyir mthong bas spang bar bya ba'i dge ba ni med do//'dir rnam pa mthong bas spang bar bya ba 'dod pa na spyod pa nag po yin no zhes khyad par byas nas brjod dgos so/ /de lta ma yin na mthong bas spang bar bya ba gzugs dang gzugs med pa na spyod pa yang gnag la rnam par smin pa gnag pa yin par bshad par thal bar 'gyur ba yin no zhe na/brjod par bya mi dgos te/ 'dod pa las skyes gzhan dkar gnag /ces bya ba'i 'dod pa las skyes pa zhes bya ba 'dis mthong bas spang bar bya ba 'dod pa nas skyes pa ni nag po yin la 'dod pa nas skyes pa gzhan ni dkar gnag yin no zhes gnyi ga khyad par du byas pa'i phyir ro//de ni zhes bya ba rgyas par 'byung ba ni bsgom pas spang bar bya bar 'dod pa na spyod pa de ni dge ba yang srid la mi dge ba yang srid pas bsres te/ gnyi ga yang dkar gnag yin no zhes bshad kyi so sor ni ma yin no/ /thub pa'i gsum zhes bya ba ni thub pa'i dngos po'am thub pa'i las ni thub pa yin te/spri'u'i zhes bya ba lta bu'o/ /thub pa'i gsum zhes bya ba ni thub pa'i yin pas na thub pa'i'o/ /mi slob pa'i zhes bya ba rgyas par 'byung ba ni mi slob pa'i lus kyi las rnam par rig byed ma yin pa'i ngo bo nyid ni lus kyi thub pa'i yin te ngag dang yid kyi thub pa'i dag kyang de dang 'dra'o//yang ci'i phyir rnam par rig byed ma yin pa kho na yin par gzung gi /rnam par rig byed kyang ni ma yin zhe na/ rnam par rig byed ni zag pa dang bcas pa nyid kyis mi slob pa nyid yin par mi srid pa'i phyir ro/ /yid kho na yid kyi thub pa yin te zhes bya ba ni rang gi don du rgyas par byas pa yin pa'i phyir ro//sems ni don dam par thub pa yin la zhes bya bar ni nyon mongs pa'i brjod pa thams cad med pa zhes gtan tshigs 'chad par 'gyur ro/ /de ni mi slob pa yin no zhes bya bar lus dang ngag gi las dag gi sgo nas rjes su dpag par bya ba yin no zhes grag go/ /ji ltar de bzhin gshegs pa rjes su dpag par bya zhe na/mdo las/ sku'i phrin las rab tu zhi ba dang / gsung gi phrin las rab tu zhi bas zhes 'byung ba'i phyir ro/ grag ces bya ba'i sgra kho nas bye brag tu smra ba'i gzhung lugs bstan nas slob dpon bdag nyid kyi gzhung lugs gzhan yang zhes bya ba rgyas par smos te/sems la rnam par rig byed ma yin pa med pa'i phyir zhes bya ba ni gang gi phyir sems la rnam par rig byed ma yin pa med pa de'i phyir yid kyi las ni spong ba'i rang bzhin ma yin no/ /thub pa'i yang spong ba'i don gyis yin te zhes bya ba la spong ba ni spong bar byed pa ste/ mi dge ba thams cad spong ba'i don gyis na thub pa yin no snyam du bsams pa yin no//de'i phyir yid nyid mi dge ba thams cad spong ba la thub pa zhes bya'o/ /nyon mongs pa'i brjod pa thams cad med pas te/ nyon mongs pa rnams ni log pa'i dmigs pa la brjod pa'i phyir brjod pa'o zhes bya ba'o/ /de dag kyang dgra bcom pa la med pas dgra bcom pa de ni don dam par thub pa yin no//gtsang byed ces bya ba ni gtsang ba'i dngos po ni gtsang byed de/ gtsang sbra zhes bya ba'i tha tshig go/ /thams cad ces bya ba smos pa ni legs par spyad pa zag pa dang bcas pa dang zag pa med pa thams cad bsdu ba'i phyir ro/ /dus re zhig dang gtan du zhes bya ba ni legs par spyod pa zag pa dang bcas pas ni dus re zhig nyes par spyod pa'i dri ma spong la zag pa med pas ni gtan du ste/mdo las dge slong dag 'phags pa'i shes rab kyis spangs pa gang yin pa de ni spangs pa yin no zhes 'byung ba'i phyir ro/ /log pa'i thub pa dang gtsang sbra la mos pa rnams dgar ba'i phyir ro zhes bya ba la log pa'i thub pa la mos pa ni mi smra bar 'dug pa tsam gyis 'dug par lta ba rnams so//log pa'i gtsang sbra la mos pa ni lus kyi dri ma med par byed pa tsam gyis 'dag par lta ba rnams so/ /de rnams dgar ba ni lta ba de dang bral ba ste 'di dag ni de'i ched yin no//ched du bsam par bya ba'i mdo las gsungs pa'i phyir zhes bya ba ni dge slong dag ched du bsam par bya ba'i las byas shing bsags pas dmyal ba dag gi nang du skye bar 'gyur ro/ /ji ltar ched du bsam par bya ba'i las byas shing bsags pa yin zhe na/ dge slong dag 'di na la la ched du bsams nas lus kyi las rnam pa gsum byed cing sogs pa yin la/ngag gi rnam pa bzhi dang / yid kyi rnam pa gsum zhes bya ba rgyas par gsungs nas bka' stsal pa/ dge slong dag ji ltar yid kyi ched du bsam par bya ba'i las rnam pa gsum byas shing bsags pa yin zhe na/ 'di lta ste/ 'di na dge slong la la brnab sems dang ldan pa yin/ gnod sems can gyi sems su gyur pa yin/ log par lta ba yin zhes bya ba nas dge slong dag yang 'di na la la phyin ci log tu lta ba yin zhes bya ba'i bar rgyas par 'byung ba yin te/ dpes ston pa rnams na re de las brnab sems la sogs pa las ma gtogs pa yid kyi las gzhan ma bshad pas brnab sems la sogs pa yid kyi las yin no zhes bshad de/mdo sde pa'i khyad par rnams na re zhes bya ba'i tha tshig go/ /de lta na ni las dang nyon mongs pa dag gcig tu 'gyur ro zhes bya ba ni nyon mongs pa brnab sems dang gnod sems dang /log par lta ba de rnams las yin pas de dag gcig pa nyid du 'gyur ro/ /nyon mongs pa 'ga' zhig las su gyur na yang zhes bya ba de ni med de/ sems pa'i las dang / bsam pa'i las zhes 'byung ba'i phyir ro/ gal te de lta na ched du bsam par bya ba'i mdo ji ltar drang zhe na/mdo las ni zhes bya ba rgyas par smos te/ mdo las ni brnab sems la sogs pa de'i sgo nas sems pa zhugs pa'i phyir brnab sems la sogs pa de dag gis dge slong dag brnab sems dang ldan pa yin zhes bya ba rgyas par sems pa de ston par byed do//de lta ma yin te/ las dang nyon mongs pa dag gcig pa nyid yin na ni dge slong dag nga ni sems pa dang bsam pa'i las zhes smra'o zhes gsungs pa de dang yang 'gal bar 'gyur la/ chos mngon pa dang yang 'gal bar 'gyur ro/ /pha rol la phan 'dogs pa dang gnod pa byas pa'i bsam pa med par zhes bya ba rgyas par 'byung ba ni gzhan dag la phan gdags pa dang gnod pa bya ba dag gis bsam pa med par ji ltar na go rims bzhin du yang dag pa'i lta ba dang log pa'i lta ba dag dge ba dang mi dge ba dag nyid yin zhe na/de'i phyir de'i rtsa ba yin pa'i phyir ro zhes bya ba smos te/yang dag pa'i lta ba dang log pa'i lta ba dag ni phan gdags pa'i bsam pa dang gnod par bya ba'i bsam pa'i rtsa ba yin te/ rgyu yin no zhes bya ba'i tha tshig go/ /de'i phyir de gnyis dge ba dang mi dge ba nyid yin no/ /ci rigs par zhes bya ba ni ji ltar srid par ro//ji lta zhe na dge ba rnams ni legs par spyad pa dag las so/ /mi dge ba rnams ni nyes par spyad pa dag las so zhes bya ba smos so/ /nyon mongs pa can gzhan yang zhes bya ba ni brdeg pa dang 'ching ba la sogs pa'o/ /shin tu rags pa ma yin pa'i phyir ro zhes bya ba ni sbyor ba dang mjug tu gyur pa dang /gzhan de yang shin tu rags pa ma yin pa'i phyir ro/ /yid kyi nyes par spyod pa'i phyogs sems pa yang ma bsdus so zhes bya bar sbyar ro/ /myos par gyur pa la sogs pa spang ba dang sbyin pa dang / mchod sbyin la sogs pa zhes bya ba la sogs pa zhes bya ba'i sgra snga mas ni brdeg pa dang 'ching ba la sogs pa bsdu ba'o//gnyis pas kyang khrus byed pa dang lus skud pa dang nyam nga ba nas 'dren pa la sogs pa bsdu'o/ /snyen par smra ba la sogs pa zhes bya ba la sogs pa zhes bya ba'i sgra ni chos ston pa dang lam ston pa la sogs pa bsdu'o/ /yid kyi legs par spyad pa yang sems pa ma bsdus so zhes bya bar sbyar ro//drug ni rnam rig min zhes bya ba ni drug ni gdon mi za bar rnam par rig byed ma yin pa yin gyi rnam par rig byed ma yin pa kho na drug go zhes bya bar nges par gzung ba ni ma yin no/ /dngos kyi rnam par rig byed med pa'i phyir ro zhes bya ba ni 'di ltar bye brag tu smra ba'i grub pa'i mtha' ni dngos kyi las kyi lam gyis bsdus pa'i rnam par rig byed ni med kyi sgo bar byed pa'i rnam par rig byed sbyor bas bsdus pa ni yod do zhes bya ba yin no//gcig rnam gnyis so zhes bya ba ni gcig ni rnam pa gnyis kho na yin no zhes nges par gzung ba'i phyir brtsams pa yin no/ /dus de'i tshe shi na zhes bya ba ni rnam par rig byed kyi tshe shi na ste/dus gzhan zhig na shi na ni rnam par rig byed ma yin pa kho na yin no/ /dge 'dun rnam gnyis zhes bya ba ni rnam pa gnyis kho na'o zhes nges par gzung ba yin no/ /yang dag par blangs pa'i tshul khrims ni rnam par rig byed la rag lus pa'i phyir zhes bya ba ni tshul khrims ni rnam pa gnyis te/yang dag par blangs pa'i tshul khrims ni so sor thar pa'i sdom pa'o/ /chos nyid kyi tshul khrims ni bsam gtan dang zag pa med pa'i sdom pa dag go/ /de la yang dag par blangs pa'i tshul khrims ni rnam par rig byed la rag las pa yin te/ de ni gzhan las nod par byed pa yin no//chos nyid kyi tshul khrims ni rnam par rig byed la rag las pa ma yin te/ sems tsam la rag las pa'i phyir te/ ting 'dzin las skyes rnam rig min/ /zhes bya ba smos so/ /nyer bsdogs rnams ni rnam rig byed/ /ces bya ba ni 'dod pa na spyod pa'i las kyi lam gyi sbyor ba ni gdon mi za bar rnam par rig byed yin gyi/rnam par rig byed ma yin pa yin par ni ma nges te/ de nyid kyi phyir/ rnam par rig byed mi 'gyur ba'am/ /ma yin pa zhes bya ba smos so/ /kun nas dkris pa zhes bya ba ni ngo tsha med pa la sogs pa'o/ /lhur len pa chen po zhes bya ba ni shugs drag pos so//de'i rjes su mthun pa'i chos spyod na ni zhes bya ba ni las kyi lam de dang rjes su mthun pa'i chos ni 'dra ba'i las te/ dper na srog chags shi nas kyang ngan song snun par byed pa dang / ngan byed pa dang sha gcod pa/ /zhes bya ba de lta bu la sogs pa lta bu'o/ /ngan byed pa zhes bya ba'i sgra ni gnyis te 'og ma shos ni pags pa 'chu ba zhes bya ba'i tha tshig go//gong ma ni don gzhan zhig yin par blta bar bya'o/ /'bras bu yongs su rdzogs pas so/ /zhes bya ba ni sbyor ba'i 'bras bu las kyi lam dngos yongs su rdzogs pa ste/ gang zhig sbyor bar byed kyi las kyi lam dngos skyed par mi byed pa de la ni sbyor ba kho na yod kyi 'bras bu yongs su rdzogs pa ni med do//de bzhin du gzhan drug la yang ci rigs par sbyar bar bya'o zhes bya ba ni 'di ltar 'di na kha cig gzhan gyi nor rku bar 'dod la khri las ldang bar byed mtshon cha len par byed gzhan gyi khyim du 'gro bar byed pa gnyid log gam 'on te ma log ces nyan par byed gzhan gyi nor la nom par byed pa nas ji srid gnas nas ma spags pa de srid du ni sbyor ba yin no//skad cig ma gang la gnas nas spog par byed pa de'i tshe'i rnam par rig byed dang / de'i skad cig gi rnam par rig byed ma yin pa gang yin pa de ni las kyi lam dngos yin no//rgyu gnyis kyis na ma byin par len pa'i kha na ma tho bas reg par 'gyur te/ sbyor ba dang / 'bras bu yongs su rdzogs pas so/ /de phyin chad kyi rnam par rig byed ma yin pa'i skad cig ma rnams kyang mjug yin no/ /ji srid du gzhan gyi nor de 'ged pa 'am/ 'tshong ba 'am/ sbed pa 'am/ rjes su sgrogs pa de srid du ni de'i rnam par rig byed kyi skad cig ma dag kyang mjug yin no/ /de bzhin du gzhan lnga la yang ci rigs par sbyar bar bya'o/ /grub pa'i mtha' las ni de skad du mi 'byung ngo zhes bya ba ni grub pa'i mtha' las/ snga dang mnyam du shi ba la/ / dngos med lus gzhan skyes phyir ro/ /zhes 'byung ba'i phyir ro/ /de brjod par mi bya'o zhes bya ba ni srog gcod par byed pa zhes bya ba ste/ skabs su bab pa'i gnas skabs dang mi 'byor ba'i phyir ro/ /'di skad du srog chags shi ba'i tshe'i rnam par rig byed dang / de'i skad cig gi rnam par rig byed ma yin pa gang yin pa de ni las kyi lam yin no zhes brjod dgos par 'gyur ro//gang yang bstan bcos las 'di skad du zhes bya ba rgyas par 'byung ba ni bye brag tu smra ba rnams kyi ni bstan bcos kyi tshig 'di'i don 'di skad du bstan bcos kyi phyogs 'dir ni mjug sbyor ba'i sgrar gsungs so zhes rnam par bshad de/sbyor ba dang 'dra ba nas sbyor ba ste/ sbyor ba dang / mtshungs pa'i las zhes bya ba'i tha tshig go/ /don 'di ni 'gal lo/ /ci'i phyir zhe na/ de'i tshe dngos kho na ma 'gags pa'i phyir te/ ci'i phyir zhe na/ srog chags shi nas las kyi lam dngos su rnam par 'jog pa'i phyir ro snyam du bsams pa yin no//bye brag tu smra bas ji ltar nyes pa med pa de lta bu yin no zhes bya ba smos so/ /slob dpon gyis ji ltar na nyes pa med ces brjod pa dang / yang bye brag tu smra bas der dngos kho na sbyor ba'i sgrar gsungs zhes bya'o zhes bya ba smras te/ gang du gsungs she na/ srog chags bsad la srog gcod pa ma 'gags pa yod dam zhes 'dri ba gang yin pa der ro//ci mjug sbyor ba'i sgrar gsungs so zhes bya ba'i phyogs 'di bor ram zhe na/ de yang ma bor ba nyid do/ /gnyi ga yang srid de/ gal te 'chi ba srid pa'i mjug thogs kyi skad cig ma la srog chags shi bar gyur na ni der dngos po sbyor ba'i sgrar gsungs so zhes bya bar 'dod la/de phan chad gcig tu shi na ni mjug yin no zhes bya bar 'dod do/ /slob dpon gyis 'o na de'i tshe rnam par rig byed ji ltar las kyi lam dngos su 'gyur zhes bya ba smos te srog chags shi zin pa la rnam par rig byed du cung zad kyang mi byed de/ bsnun pa'i rnam par rig byed des shi zin pa la yang gsod pa ni med do snyam du bsams nas 'di 'dri bar byed pa yin no//ci'i phyir rnam par rig byed ma yin pa mi 'dri zhe na/ 'di ltar 'di ni bstan du med pa'i phyir dang thogs pa med pa'i phyir bsnun pa zhes bya ba ma yin no/ /bye brag tu smra bas ji ltar na mi 'gyur zhes bya ba smras pa dang /slob dpon gyis rang gi bsam pa dgrol ba'i phyir mi nus pa'i phyir ro zhes bya ba smos te/ srog chags shi zin pa la ni de'i nus pa ma mthong ngo / /bye brag tu smra bas smras pa/ de ni nus pa med na rnam par rig byed ma yin pa ji ltar las kyi lam dngos zhes bya bar 'gyur gang gi phyir de ltar rnam par rig byed ma yin pa nus pa med du zin kyang las kyi lam dngos yin pa'i phyir sbyor ba'i 'bras bu yongs su rdzogs pa'i tshe ste/las kyi lam dngos yongs su rdzogs shing srog chags shi ba'i gnas skabs na rnam par rig byed dang rnam par rig byed ma yin pa zhes bya ba de gnyi ga las kyi lam yin te/rung ngo zhes bya ba'i tha tshig go/ /de bzhin du gzhan dag la yang ci rigs par sbyar bar bya'o zhes bya ba ni dper na gzhan gyi nor brku bar 'dod pa na'o/ /don grub par bya ba'i phyir gzhan gyi nor phrogs nas phyugs des gtor ma byed pa dang de nyid kyis de phrog tu gzhug pa'i phyir de'i chung ma la nyal po byed pa dang de la gang dag yongs su skyob par 'gyur ba de'i mdza' bo la brdzun dang /phra ma dang / tshig rtsub po dang / tshig kyal pa dag gis dbyen byed pa dang / de'i nor la brnab sems byed pa dang / nor de'i bdag po la gnod sems byed pa dang /log par lta ba 'phel bar byed pa lta bu'o/ /de bzhin du 'dod pas log par g.yem pa la sogs pa la yang ci rigs par sbyar bar bya ste/ 'di ni phyogs yin no/ /'di la las kyi lam thams cad chags pa la sogs pas mthar phyin par byed pa ni ma yin te zhes bya ba ni thams cad chags pas mthar phyin par byed pa yang ma yin no//'o na ci zhe na/ 'dod pas log par g.yem pa la sogs pa kha cig kho na'o/ /thams cad gnod sems kyis kyang ma yin no/ /'o na ci zhe na/ srog gcod pa la sogs pa kha cig kho na'o/ /de bzhin du thams cad gti mug gis kyang ma yin no//'o na ci zhe na/ log par lta ba la sogs pa kho na'o zhes bya ba yin no/ /sbrang bu tre ma bu ka ni sbrang bu bar ta rnams so/ /sogs pa zhes bya ba'i sgras ni stag la sog pa bsdu'o/ /gang yang log par lta bas rab tu bcug pa zhes bya ba ni 'jig rten pha rol med do snyam nas 'dzem pa med par gsod pa ste/de yang gti mug las skyes pa yin no/ /gzhan gyis rnyed pa 'am bkur sti 'am grags pa'i phyir zhes bya ba ni gzhan gyi rnyed pa'i phyir/ pha rol po'i nor brku ba ste/ dper na rkun lag bkye ba lta bu'o/ /bkur sti 'am grags pa'i phyir brku ba'i ma byin len pa de yang chags pa las skyes pa yin no//gang yang log par lta bas rab tu bcug pa'i ma byin par len pa de yang gti mug las skyes pa yin te/ de la gti mug gtso bo yin pa'i phyir ro/ /cho ga can zhes bya ba ni mchod sbyin byed pa'o/ /ma'i gan du nyal po la 'gro ba ni mi tshangs par spyod pa'i don du'o//sring mo'i gan du zhes bya ba ni 'gro ba'o zhes bya bar sbyar te/ sring mo ste bu sring gan du 'gro'o zhes bya ba'i tha tshig go/ /rus pa gcig pa'i gan du 'gro'o zhes bya ba ni rus mthun pa'i gan du 'gro'o zhes bya ba'i tha tshig go/ /gang dag zer ba lta bu'o zhes bya ba rgyas par 'byung ba bud med ni gtun la sogs pa dang 'dra ste ji ltar gtun la sogs pa longs spyad pa'i sgo nas thun mong yin pa ltar bud med kyang de dang 'dra ste/de lta bas na nyal po la 'gro ba rnams la nyes pa med do zhes bya ba yin no/ /brdzun du smra ba la sogs pa chags pa las skyes pa dang zhe sdang las skyes pa la sogs pa ni snga ma bzhin no zhes bya ba ni brdzun du smra ba dang /phra ma dang / tshig rtsub po dang / tshig kyal pa la chags pa skyes pa ni gzhan gyi rnyed pa 'am bkur sti 'am grags pa'i phyir ram/ bdag gam mdza' bos yongs su bskyab pa'i phyir ro/ /zhe sdang las skyes pa ni kho na tshar phyin par bya ba'i phyir ro/ /bzhad gad ldan zhes bya ba ni ku re dang ldan pa'o//log par lta bas rab tu bcug pa zhes bya ba ni 'jig rten pha rol med do zhes mtshams gzung du med pa'i brdzun du smra ba gang yin pa de yang gti mug las skyes pa yin no/ /phra ma la sogs pa ste/ phra ma dang / tshig rtsub po dang / ma klas pa'i tshig kyal pa ni brdzun du smra ba bzhin du gti mug las skyes pa yin no//gang yang zhes bya ba rgyas par 'byung ba ni rig byed dang grangs can gyi dang / bye brag pa'i las la sogs pa'i bstan bcos ngan pa brdol ba'i tshig kyal pa de yang gti mug las skyes pa yin no/ /de yang zhes bya ba ni dge ba'i sems de'o/ / gnas sna tshogs par 'jug par byed ces bya ba ni dkyil 'khor du 'jug par byed ces bya ba'i tha tshig ste/ mtshams chen po'i dkyil 'khor de na ni gnas sna tshogs pa yod do/ /las gsum pa brjod pa na zhes bya ba ni dge tshul ni gsol ba dang bzhi'i las kyis bsnyen par rdzogs par byed do//de la gsol bas ni ming 'di zhes bgyi ba dge 'dun gyis bsnyen par rdzogs par mdzad du gsol zhes gsol ba 'debs pa'i don brjod pa yin no/ /las brjod pas ni 'di dge 'dun gyis bsnyen par rdzogs par mdzad na zhes bya ba'i don brjod pa yin no/ /las brjod pa de yang lan gsum du brjod de/las brjod pa gsum pa yongs su ma rdzogs pa'i bar ni las kyi lam gyi sbyor ba yin par khong du chud par bya'o/ /'di ni mjug gi rnam par rig byed dang de'i skad cig gi rnam par rig byed ma yin pa gang yin pa de ni las kyi lam dngos yin no/ /de'i 'og tu ji srid du gnas bsgo ba dang zhes bya ba ni gnas ni bzhi po chos gos dang /bsod snyoms dang / gnas mal dang / na ba'i rkyen sman gyi yo byad kyi mtshan nyid ji skad bshad pa'i cho gas bsnyen par rdzogs pa de la bsgo ba dang / de'i rten rnam par rig par byed pa dang ste/ gnas kyi rten rnam par rig par byed pa zhes bya ba'i tha tshig go//ji srid du rnam par rig byed ma yin pa rjes su 'brang ba zhes bya ba ni ji srid du sdom pa ma btang ba zhes bya ba'i tha tshig go/ /'di ni mjug yin no/ /srog gcod pa dang / gnod sems dang / tshig rtsub po dang / 'di dag ni zhe sdang gi mthar phyin par byed de zhes bya ba ni zhe sdang kho nas zhes bya bar nges par gzung ba yin no//yongs su 'dor ba dang / rtsub pa'i sems mngon du gyur pa'i phyir ro zhes bya ba ni yongs su 'dor ba'i sems mngon du gyur pa'i phyir zhe sdang gis srog gcod pa mthar phyin par byed la rtsub pa'i sems mngon du gyur pa'i phyir gnod sems dang / tshig rtsub po dag mthar phyin par byed de zhes bya ba ni zhe sdang kho nas zhes bya bar nges par gzung ba yin no/ /yongs su 'dor ba dang / rtsub pa'i sems mngon du gyur pa'i phyir ro zhes bya ba ni yongs su 'dor ba med pa'i sems mngon du gyur pa'i phyir zhe sdang gis srog gcod pa mthar phyin par byed la rtsub pa'i sems mngon du gyur pa'i phyir gnod sems dang /tshig rtsub po dag mthar phyin par byed do/ /cha bzhir bshad pa zhes bya ba ni mtshan bzhir bshad pa ste/ srog gcod pa dang / gnod sems dang / tshig rtsub po ni zhe sdang gis mthar phyin par byed ces bya ba ni cha dang po yin no/ /'dod pas log par g.yem pa dang /brnab sems dang / ma byin par len pa rnams ni chags pas rdzogs par byed ces bya ba ni gnyis pa'o/ /log par lta ba gti mug gis zhes bya ba ni gsum pa'o/ /lhag ma gsum gyis rdzogs par 'dod/ /ces bya ba ni cha bzhi pa yin no/ /gzhi ni longs spyod yin no zhes bya ba ni gzhi yul yin pa'o//gzhi ni ming dang gzugs yin no zhes bya ba ni gzhi phung po lnga yin no zhes bya ba'i tha tshig go/ /ming ni tshor ba la sogs pa'i phung po'o/ /gzugs ni gzugs kyi phung po'o/ /gzhi dang rten dang yul zhes bya ba ni don tha mi dad do/ /brdzun du smra ba la sogs pa'i gzhi ni ming gi tshogs yin no zhes bya ba ni ngag ni ming la 'jug go zhes bya ba'i phyir ro//dngos med ces bkag pa'i phyir mjug kyang med do zhes bya bar mngon te mjug ni dngos sngon du 'gro ba can yin pa'i phyir ro/ /srog gcod pa'i kha na ma tho bas reg par mi 'gyur ba zhes bya ba ni dngos kyis reg par mi 'gyur ba zhes bya bar bsams pa yin no//lus gzhan skyes pa'i phyir zhes bya ba ni skal ba mi mnyam pa'i lus skyes pa'i phyir ro zhes bya ba'i tha tshig go/ /de dag ni don gyis na phan tshun sbyor bar byed pa yin no zhes bya ba ni dngos su tshig gis phan tshun sbyor bar byed pa ni ma yin no/ /'o na ci zhe na/srog gcod par bya bar khas blangs pa'i shugs kyis so zhes bya bar ston par byed de don gcig pa'i phyir ro/ /bsams nas zhes bya ba ni yongs su bsams nas zhes bya ba'i don to/ /gzhan dang ma nor bar zhes bya ba ni nor te gzhan gsod par mi byed na zhes bya ba'i tha tshig go/ / phung po skad cig ma rnams la zhes bya ba ni rang gi dang kho nas 'jig pa'i phung po 'di dag ji ltar gzhan gyis 'gag par byed snyam du bsams pa yin no/ /srog ces bya ba ni lus dang sems la brten nas 'jug pa'i rlung yin zhes bya ba ji ltar sems la brten nas 'jug ce na sems la rag las shing 'jug pa'i phyir te/'di ltar 'gog pa dang / 'du shes med pa'i snyoms par 'jug pa la snyoms par zhugs pa dang shi ba la mi 'byung ba'i phyir ro/ /bstan bcos las kyang dbugs rngub pa dang dbugs dbyung ba gang yin pa de dag ci lus la brten nas 'jug pa zhes brjod par bya'am/ sems la brten nas 'jug pa zhes bya'am/lus dang sems la mi brten pa kho nar 'jug pa zhes brjod par bya/ smras pa/ lus dang sems la brten nas 'jug pa zhes brjod par bya'o zhes bya ba rgyas par bshad do/ /de gcod par byed do zhes bya ba ni srog gcod par byed do zhes bya ba'i tha tshig go/ /skyes pa ni rang gi ngang gis 'gag pa'i phyir ma 'ongs pa skye ba la gags byed pa ni 'gag par byed pa yin no zhes brjod par bya ste/dper na skad cig ma yin yang mar me'am dril bu'i skad 'gag par byed pa dang 'dra'o/ /ji ltar 'gag par byed ce na/ ma 'ongs pa skye ba la gags byed pa'i phyir ro//yang na/ srog gi dbang po srog yin te/ /zhes bya ba ni 'di ni sems dang ldan pa ma yin pa'i 'du byed yin par ston to/ /de med pas gang zhig 'chi bar 'gyur ba'i srog de gang gi yin zhes bya ba sangs rgyas pa rnams kyi ltar na bdag med par smra ba'i phyir srog med pas srog chags gang zhig 'chi bar 'gyur ba de med de de'i phyir de skad du 'dri ba yin no//gang gi zhes bya ba drug pa ni gang zag tu smra ba dgag pa'i rab tu byed par bdag med na dran pa 'di gang gi yin ci'i phyir na 'di drug pa yin zhes bya ba'i phyogs 'dir bsam par bya ste/ gtang pa 'di ni re zhig gzhag go snyam du bsams pa yin no//de lta bas na dbang po dang bcas pa'i lus ni gson po zhes bya ba ni srog de ni dbang po dang bcas pa'i lus kho na'i yin gyi bdag gi ni ma yin no zhes ston par byed de de nyid dbang po med pa ni shi ba zhes bya'o/ /blo sngar ma btang ba'i zhes bya ba rgyas par 'byung ba ni gcer bu pa sgren mor rgyu ba rnams na re ched du ma bsams par byas pa'i srog gcod pas kyang byed pa po chos ma yin pa dang ldan par 'gyur te/dper na blo sngon du ma btang zhing ched du bsams nas ma byas pa'i me dang reg pa las tshig par 'gyur ba bzhin no zhes zer ro/ /gcer bu pa de skad smra ba de dag gi ltar na blo sngon du ma btang bar gzhan gyi chung ma mthong ba dang reg pa la yang de ltar thal bar 'gyur/dpe me yin pa'i phyir sdig par thal bar 'gyur zhes bya ba'i tha tshig go/ /gcer bu pa skra 'bal ba ste/ gcer bu pa mgo'i skra 'thog pa na yang sdug bsngal skyed pa chos ma yin par 'gyur ba'i phyir ro//de dag gsud de shi na yang ste/ gcer bu pa rnams gsud de ma zhu bas shi na yang zas sbyin sbyin pa'i sbyin pa po la chos ma yin pa thal bar 'gyur te/ blo sngon du ma btang ba'i srog gcad pa yang chos ma yin pa'i rgyur 'gyur la zas sbyin pas kyang 'chi ba'i rgyur gyur pa'i phyir ro//ma dang bu lto na yod pa dag ste ma dang bu lto na yod pa phan tshun sdug bsngal gyi rgyu mtshan du gyur pa'i phyir chos ma yin par thal bar 'gyur te/ me'i dpe de nyid kyi phyir ro/ /gsad par bya ba yang de'i bya ba dang 'brel ba'i phyir te/ srog gcod pa'i bya ba dang 'brel ba'i phyir chos ma yin pa dang ldan par thal bar 'gyur te/gsad par bya ba yod na gsod par byed pa'i srog gcod pa'i bya ba 'byung ngo / /mes rang gi rten sreg pa bzhin no zhes bya ba ni mes ni gzhan du bud shing sreg par byed pa 'ba' zhig tu ma zad do/ /'o na ci zhe na/ rang gi bdag nyid kyi rten yang sreg par byed do zhes bya ba de dang 'dra ste/de dag gi ltar na sems pa'i khyad par la ltos pa ni med do/ /gzhan la srog gcod pa la sogs pa byed du 'jug pa la yang chos ma yin par thal bar mi 'gyur te/ gzhan me la reg tu 'jug pa me des mi 'tshig pa bzhin te/ me'i chos khas blangs pa'i phyir ro//khyim rdib na de'i nang na 'dug pa'i srog chags dag 'chi ba'i phyir shing la sogs pa sems med pa'i ste/ shing dang so phag dang smyig ma la sogs pa yang sdig pa dang ldan par thal bar 'gyur te/ de dag gi blo'i khyad par ni tshad mar mi byed pas so/ /yang dpe gtan tshigs med pa tsam gyis ni don 'grub par mi 'gyur ro zhes bya ba yin no//gzhan du 'du shes kyang ma 'khrul na zhes bya ba ni gal te lha sbyin gyi nor rku'o snyam du bsams pa las mchod sbyin gyi nor brkus par ma gyur na ma byin par len par mi 'gyur ro snyam du bsams pa yin no/ /yongs su mya ngan las 'da' ba'i tshe de dag thams cad yongs su gzung ba'i phyir ro zhes bya ba ni sbyin pa po'i skye bo la bsod nams kyis phan gdags pa'i phyir te/yongs su ma bzung na ni len pa med pa'i phyir mchod rten la phul bas 'bras bu med par 'gyur ro/ /shi ba'i nor ni dge slong shi ba'i chos gos la sogs pa'o/ /las byas pa zhig yin na ni zhes bya ba ni gsol ba'i las so//sbrum ma la nyal po byas na lto na bu 'dug pa la gnod par 'gyur ro/ /nu zho 'thung ba ni bu nu zho 'thung ba'i gnas skabs bu yod pa'i bud med la mi tshangs par spyad na de'i nu zho skam pa 'am/ de'i nu zho bu la mi bsod par 'gyur bas so/ /srog gcod pa bzhin no zhes bya ba ni gzhan dag na re dper na lha sbyin gsad do snyam du bsams pa las mchod sbyin gsad pa na srog gcod pa ma yin pa de bzhin du 'dir yang dngos po gzhan la bud med bzhin la sbyor ba bya bar 'dod pa las dngos po gzhan yongs su spyad pas 'dod pas log par g.yem par mi 'gyur ro zhes zer ro//tha na rgyal po las so zhes bya ba ni gal te srung ma gzhan 'ga' yang med na tha na chung ngu rgyal po las kyang 'dod pas log par g.yem par 'gyur te/ des ni de mi bzod par bya ba ma yin no/ /'on te mngon par go bar nus pa zhig yin zhes bya ba ni gang zhig don mngon par go bar nus pa de yang don mngon par go bar nus pa zhes brjod par nus te/don mngon par go bar 'gyur zhes bya ba skabs su bab pa'i gnas skabs yin par 'dod pa'i phyir ro// //bam po sum cu rtsa lnga pa/ tshig gi don yid kyi rnam par shes pa'i yul yin pa'i phyir ro zhes bya ba ni 'di na lha sbyin med do zhes smras na/sgra'i rna ba'i rnam par shes pas 'gyur la tshig gi don ming la sogs pa'i tshogs lha sbyin ni de'i rjes la rnam par rtog par byed pa'i yid kyi rnam par shes pas rnam par shes par 'gyur te/ de'i phyir ngag gi rnam par rig byed ni rna ba'i rnam par shes pa dang lhan cig 'gags pas rnam par rig byed ma yin pa kho na las kyi lam du 'gyur ba zhig na las kyi lam dngos ni rnam par rig byed dang rnam par rig byed ma yin pa ngo bo nyid dag yin par yang 'dod do//shi ba dang 'dra ste/ de'i phyir de dag la ni rtogs pa zhes bya'o zhes bya ba ni bye brag tu smra bas nges pa'i tshig gi tshul la 'jus nas smras pa yin te/slob dpon 'dus bzang na re rang gi dbang po dag dang ni phrad na rtogs pa yin no zhes zer ro/ /rgyas par yid kyis chos rnams rnam par ma shes te zhes bya ba nas zhes bya ba ni dri gang dag khyod kyi snas ma bsnams te zhes bya ba dang ro gang dag lces ma myangs te zhes bya ba dang reg bya gang dag lus kyis ma reg ste zhes bya ba nas chos gang dag khyod kyi yid kyis rnam par ma shes te zhes bya ba'i bar yin no//yul gsum po gzugs dang sgra dang chos dag la go rims bzhin du mthong ba dang thos pa dang rnam par shes pa'i sgra bstan pa'i phyir dri la sogs pa gang dag la rtogs pa zhes bya ba'i sgrar brjod pa ste/dri dang / ro dang / reg bya dag la rtogs pa zhes bya bar go'o/ /de ltar mi 'dod na ste/ dri la sogs pa la rtogs pa zhes bya bar mi 'dod na dri la sogs pa mthong ba la sogs pa dngos po'i nang du ma gtogs pa'i phyir te/ gzugs kyi mtshan nyid ma yin pa nyid kyis mthong ba'i dngos po'i nang du ma gtogs pa'i phyir dang / sgra dang chos kyi skye mched kyi mtshan nyid ma yin pa nyid kyi thos pa dang rnam par shes pa'i dngos po'i nang du ma gtogs pa'i phyir dri la sogs pa la mthong ba zhes bya ba 'am rnam par shes pa zhes bya ba'i bar gyis tha snyad 'dogs par yang mi 'gyur te/'di ni de dag la rtogs pa zhes bya'o zhes bya ba'i rigs pa yin no/ /slob dpon gyis re zhig mdo 'di ni zhes bya ba rgyas par smos te/ don gzhan yin pa'i phyir zhes bya ba ni 'di ltar mdo'i don ni gzhan kho na yin no/ /mdo'i don bshad pa/khyod gzugs la sogs pa'i yul rnam pa drug po 'di la ni mthong ba la sogs pa'i tha snyad bzhi ste/ mthong ba dang thos pa dang / rtogs pa dang / rnam par shes pa'i tha snyad dag la mthong ba la sogs pa'i tha snyad tsam du gyur te gzugs mthong na mthong zhes bya ba nas rnam par shes so zhes bya ba'i bar du tha snyad 'dogs par 'gyur zhing sgra la sogs pa la yang de dang 'dra'o//mdo'i tshig de ni mchod byed kyi ma can khyod kyi yul drug mthong na yang mthong ba tsam du 'gyur la yul drug thos pa dang / yul drug rtogs pa dang / rnam par shes pa yang rnam par shes pa tsam du 'gyur ro zhes bya ba yin no zhes de skad du rnam par bshad par bya'o snyam du bsams pa yin te mdo'i don ni khyod sdug pa dang mi sdug pa'i mtshan mar sgro 'dogs pa ma yin no zhes bya ba yin no//gzugs gang dag khyod kyi mig gis ma mthong ste zhes bya ba kho na gsungs kyi ma thos te zhes bya ba yang ma yin pa nas/rnam par ma shes te zhes bya ba'i bar du yang ma gsungs shing de bzhin du sgra gang dag ma thos te zhes bya ba kho na gsungs kyi ma mthong ste zhes bya ba yang ma yin pa nas rnam par ma shes te zhes bya ba'i bar du yang ma gsungs la/ de bzhin du chos gang dag rnam par ma shes te zhes bya ba kho na gsungs kyi ma mthong ste zhes bya ba yang ma yin pa nas ma reg ste zhes bya ba'i bar du yang ma gsungs pa ma yin nam zhe na/de nyid ni nyes pa med de/ 'di ni bcom ldan 'das kyis dper brjod pa'i ngo bor bshad pa yin pas ji ltar gzugs gang dag ma mthong ste zhes bya ba bshad pa de bzhin du ma thos te zhes bya ba nas rnam par ma shes te zhes bya ba'i bar du brjod dgos so//de bzhin du sgra la sogs pa la yang brjod par bya ste/ des na mtshan nyid ni de skad du brjod do/ /dbang po lngas mngon sum du byas pa gang yin pa zhes bya ba rgyas par 'byung ba ni/dbang po lngas gzugs la sogs pa mngon sum du byas pa gang yin pa de ni mthong ba'o/ /yul drug car yang pha rol las 'ongs pa gang yin pa de ni thos pa'o/ /bdag nyid kyi rigs pas rjes su dpag pa'i sgo nas 'dod cing bsams pa gang yin pa de ni rtogs pa'o/ /rig pas rjes su dpag pa zhes bya ba ni mi 'khrul pa'i rjes su dpag pa ste de spyod yul yang yul drug yin no//drug pa la ni mthong ba ma gtogs te zhes bya ba ni yul drug pa ni chos rnams yin te/ de ni mthong ba'i tha snyad ma gtogs pa thos pa la sogs pa'i tha snyad gsum gyis tha snyad 'dogs par byed do//de'i phyir dri la sogs pa la tha snyad 'dogs pa med par thal bar 'gyur ba yang med de de lta bas na bye brag tu smra ba rnams kyis de ltar mi 'dod na zhes bya ba de lta bu la sogs pa smras pa gang yin pa'i rigs pa de yang rig pa ma yin te/ 'di ltar gzhan du dri la sogs pa la tha snyad 'dogs par 'gyur bas so//mig gis mngon sum du byas pa gang yin pa zhes bya ba ni dbang po lngas ma yin pa'o/ /rna bas thos pa dang pha rol las 'ongs pa gang yin pa zhes bya ba ni gnyi ga yang yin par 'dod pa'o/ /bdag nyid kyis so so yang dag par rig pa ni mnyam par gzhag pa ma yin pa'i sems kyi bde ba la sogs pa'o//rtogs pa zhes bya ba ni 'jig rten pa'i mnyam par gzhag pa kho na yin gyi/ 'jig rten las 'das pas ni ma yin te/ 'jig rten pa'i tha snyad kyi skabs yin pa'i phyir ro/ /de ltar na rnal 'byor spyod pa pa'i lugs kyis kyang yul drug car yang so sor ci rigs par mthong ba zhes bya ba'am/thos pa 'am rtogs pa 'am rnam par shes pa zhes bya bar tha snyad 'dogs te/ de'i phyir dri la sogs pa la tha snyad 'dogs pa med par thal bar 'gyur ba med do/ /gang zhig lus kyi don gzhan go bar byed na zhes bya ba ni gang zhig lus kyi brdas don go bar byed pa de'i yang brdzun du smra ba yin nam zhes bya ba'o//mi byed na zhes bya ba ni mi rtsol na'o/ /ngag gis byed par 'gyur na'o zhes bya ba ni tshig gis gzhan gsod par byed na'o zhes bya ba'i tha tshig go/ /'di la ni srog gcod pa lus kyi yin pa'i phyir dngos kyis bsdus pa'i rnam par rig byed ma yin pa lus kho na yin gyi ngag gis ni ma yin no//'di la lus kyi rnam par rig byed kyang ni med do/ /yod de lus kyis byed par 'gyur na'o zhes bya ba 'dir yang brdzun du smra ba ni ngag gi yin pa'i phyir dngos kyis bsdus pa'i rnam par rig byed ma yin pa ngag gi kho na'i yin no zhes bya bar khong du chud par bya'o/ / kha na ma tho ba gnyi gas zhes bya ba ni lus dang ngag gi kha na ma tho bas so/ /'dir drang srong rnams yid rab tu khros pas ni lus kyi kha na ma tho ba dang ldan par 'gyur ro/ /gso sbyong dper bya'o zhes bya ba ni ngag gi kha na ma tho ba dang ldan par 'gyur ba ste/ dge slong gi gso sbyong la 'dul ba 'dzin pas ci yongs su dag gam zhes bsgrags pa las gal te dge slong 'ga' zhig ltung ba byung ba yin bzhin du 'chags par mi byed kyi cang mi zer bar 'dug par byed na brdzun du smra bar 'gyur ro//ji ltar na de gnyis kyi las kyi lam du 'grub ces bya ba ni ji ltar na drang srong dang dge slong lus dang ngag dag gis mi byed pa de gnyis kyi srog gcod pa dang brdzun du smra ba go rims bzhin du las kyi lam du 'grub ste/bye brag tu smra ba rnams kyis 'di la 'bad par bya ste lan gdab dgos so zhes bya ba'i tha tshig go/ /'di la slob dpon 'dus bzang gis lan smras pa/ drang srong dag ni don gyis na rnam par rig byed byed pa yin te/mi ma yin pa rnams kyi de dag gis sdig pa'i bsam pa sems can yongs su 'dor bar zhugs pa yin par rtogs nas de dag la dad pa rnams gang gis na drang srong de dag la las kyi lam skye bar 'gyur ba lus kyis byed do/ /ji ltar na gzhan gyi rnam par rig byed kyis 'gyur zhe na/de lta bu la ni gdon mi za bar lus dang ngag 'gyur ba yang 'byung ngo / /gzhan yang de dag ni de ltar dmod pa yang 'dor la de la yang gdon mi za bar lus dang ngag gi g.yo ba yod par 'gyur ro zhes zer ro/ /'dod pa'i khams kyi rnam par rig byed ma yin pa ni thams cad rnam par rig byed la rag las par nges pa yang ma yin te/rten lnga po la sogs pa 'bras bu thob pa'i mod la so sor thar pa'i sdom pa skye ba srid pa'i phyir ro/ /de lta bas na mi dge ba yang de lta bu 'ga' zhig rnam par rig byed med par yang 'gyur ro/ /de dag gi sngon rnam par rig byed byas so zhe na/cig shos la yang gdon mi za bar 'byung bar ni 'gyur ro zhe'o/ /re zhig drang srong rnams kyi ni bshad zin to/ /gso sbyong gi brdzun smra ba la yang gal te yongs su ma dag pa zhig dge 'dun gyi nang na 'jug par byed cing 'dug par byed rang gi spyod lam ston par byed la de dang 'brel ba cung zad cig kyang smra bar byed na de ni 'di'i sngon gyi rnam par rig byed yin no zhes zer ro//nyon mongs pa can gyi tshig thams cad ni tshig kyal pa yin no zhes bya ba ni nyon mongs pa can gzhan yin pa 'ba' zhig tu ma zad kyi/ brdzun du smra ba la sogs pa gsum yang yin pa'o/ /de dang ldan pa ste/ tshig kyal pa dang ldan pa'i gang zag de ni tshig kyal pa can yin no//brdzun du smra ba la sogs pa gsum las gzhan pa'i nyon mongs pa can gyi tshig gang yin pa ni tshig kyal pa yin no zhes bshad pa'i dper brjod par bstan pa'i phyir/ kha gsag glu dang zlos gar bzhin/ /bstan bcos ngan bzhin ces bya ba smos te/kha gsag byed pa zhes bya ba ni rnyed pa dang grags pa dang bkur sti 'dod pa nyid kyis de dag rjod par byed pa'i tshig 'don par byed pa zhes bya ba'i tha tshig go/ /smre sngags 'don pa dang / 'du 'dzi'i gtam la sogs pa zhes bya ba'i sgras ni smre sngags 'don pa dang 'du 'dzi dag las gzhan pa nyon mongs pa can gyi sems dang ldan pa'i gang cung zad smra ba'o//bag ma len pa dang / bag mar gtong ba la sogs pa'i mngon par brjod pa yod pas zhes bya ba la/ bag ma len pa ni bu mo khye'u'i khyim du 'gro ba'o/ /bag mar gtong ba ni khye'u bu mo'i khyim du 'gro ba'o/ /gzhan dag na re bag ma len pa ni kha 'dus pa'o//bag ma gtong ba ni cho ga byas te len pa'o zhes zer ro/ /sogs pa zhes bya ba'i sgras ni sems chags pa dang ldan pa rnams kyis kun du brjod pa bsdu'o/ /log pa mi rigs pas zhes bya ba ni bstan pa dang bshad pa'i ngo bo'i rnam grangs dag yin no/ /'di ltar zhes bya ba rgyas par 'byung ba ni gang gi phyir sgrib pa lnga'i skabs su 'dod pa la 'dun pa ste/'dod pa'i sred pa'i ngo bo nyid kyi dbang du mdzad nas/ de'i 'jig rten na brnab sems spangs te brnab sems dang bral ba'i sems kyis lan mang du gnas shing 'jig rten na gnod sems dang rmugs pa dang gnyid dang rgod pa dang 'gyod pa dang the tshom spangs te dogs pa las rgal zhing the tshom las rgal nas chos dge ba rnams la nem nur med par gyur pa yin no//de sgrib pa lnga spangs nas zhes bya ba de lta bu la sogs pa gsungs pa de'i phyir 'dod pa na spyod pa'i srid pa thams cad brnab sems yin no zhes bya bar shes so//'khor los sgyur ba rnams dang / byang gi sgra mi snyan pa rnams la yang brnab sems kyi las kyi lam yod par 'gyur du 'ong bas zhes bya ba de ni 'dod pa spyod pa'i sred pa med pa yang ma yin la/ de ni mi dge ba'i lam yod par yang mi 'dod do//nyes par spyod pa che long bsdus pa'i phyir/ /zhes bya ba la/ gzhan dag gi bsam pa ni mi dge ba'i las kyi lam bcu dag tu nyes par spyod pa che long gang dag yin pa de bsdus kyi thams cad ni ma yin no/ /dge ba dag la yang de dang 'dra ste/ de'i phyir brnab sems thams cad ni las kyi lam ma yin no//'o na ci zhe na/ gzhan gyi nor la log pas chags pa gang yin pa de ni las kyi lam yin no snyam pa yin no/ /las dang 'bras bu dang 'phags pa la skur pa 'debs pa 'di ni ril gyis log par lta ba yin no zhes bya ba ni 'di skad du sbyin pa med do/ /mchod sbyin med do/ /sbyin sreg med do//legs par spyad pa med do/ /nyes par spyad pa med do/ /legs par spyad pa dang nyes par spyad pa'i lam rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /ma med do/ /pha med do/ /sems can rdzus te skye ba med do/ /'jig rten na dgra bcom pa dag med do zhes bya ba yin no zhes 'byung ste/de la sbyin pa med do zhes bya ba nas nyes par spyad pa med do zhes bya ba'i bar ni las la skur pa 'debs pa yin no/ /de bzhin du ma med do pha med do zhes bya ba yang las la skur pa 'debs pa kho na yin no//legs par spyad pa dang nyes par spyad pa'i las rnams kyi 'bras bu rnam par smin pa med do/ /'jig rten 'di med do/ /'jig rten pha rol med do zhes bya ba dang / de bzhin du sems can rdzus te skye ba med do zhes bya ba ni 'bras bu la skur pa 'debs pa yin no/ /'jig rten na dgra bcom pa dag med do zhes bya ba ni 'phags pa la skur pa 'debs pa yin no//tshigs su bcad par ni dang po tsam zhig bstan par zad do zhes bya ba ni/ dge dang mi dge med lta ba/ /zhes bya ba ni/ dper brjod pa tsam du zad pa'i phyir ro/ /las kyi lam yin pas zhes bya ba ni sems pa zhes bya ba'i las kyi lam yin pas so//ji lta zhe na/ smras pa de dag dang mtshungs par ldan pa can gyi sems pa ste/ brnab sems la sogs pa dang mtshungs par ldan pa can ni brnab sems la sogs pa de dag gi rgyu bas te 'gros kyi rgyu ste 'gro'o zhes bya ba'i tha tshig go/ /de dag gi dbang gis de bzhin du mngon par 'du byed pa'i phyir te/'di ltar rgyu brnab sems la sogs pa go rims bzhin du 'chag pa dang mi mthun pa dang log par lta ba rnams kyi dbang gis de dag dang mthun par mngon par 'du byed cing sems par byed do zhes bya ba'i tha tshig ste/ de'i phyir de dag gi rgyu bas rgyu ba yin no/ /lus dang ngag gi las yin pa'i phyir las kyang yin la sems pa zhes bya ba'i las kyi lam yin pa las kyi lam yang yin no//de dag kun nas slong ba'i sems pa ste/ lus dang ngag gi las kyi sems pa ni de dag la brten nas te/ srog gcod pa la sogs pa de dag la brten nas 'jug pa'i phyir ro/ /de'i phyir de dag gi mi 'dra ba rnams la yang gcig lus par grub pa'i phyir ro zhes bya ba ni sgra 'dra ba rnams sam don 'dra ba rnams la ni gcig bsdus par 'dod de/'di ltar shing dang shing ni shing dag go zhes bya ba dang / yon po dang khyor po ni yon po dang khyor po dag go zhes bya ba lta bu yin na 'di la ni las dang las kyi lam ni zhes bya ba las shes bya ba'i sgra dang las kyi lam zhes bya ba'i sgra'i sgo nas kyang 'dra ba ma yin la las kyi don dang las kyi lam gyi don tha dad pa'i phyir don gyi sgo nas kyang 'dra ba ma yin pas gcig bsdus par mi 'gyur ro zhe na 'di ltar ril gyis mi 'dra zhing phyogs gcig gis 'dra ba rnams la yang gcig bsdus par 'grub ste/'dod ces bya ba'i tha tshig go//'di lta ste gang dang gang mi mngon pa dag ni yon tan yin no zhes bya ba lta bu gang dang gang mi mngon pa ni gang mi mngon pa dag ste/ de gnyis ni zhes bya ba yin no/ /gang dang mi mngon pa ni gang mi mngon pa dag go zhes brjod par yang mi nus te/ 'di ni mi mngon pa mi 'dod pa'i phyir ro//phyogs gcig 'dra ba'i phyir te/ gang zhes bya ba dang / gang mi mngon pa zhes bya ba'i phyogs gcig po gang zhes bya ba 'dra ba'i phyir ni gang mi mngon pa dag ces gcig bsdus par 'grub po/ /khungs 'di na las dang las kyi lam dag ni las kyi lam mo zhes bya ba 'di yang 'grub par 'gyur ro//phyis ni brnab sems la sogs pa yang las kyi lam yin la srog gcod pa la sogs pa la yang las kyi lam yin pas las kyi lam mo zhes gcig bsdus pa yin no/ /yang na 'di ltar sbyar te/ las kyi lam ni las kyi lam mo/ /de dag ni las kyang yin la las kyi lam dag kyang yin pas las dang las kyi lam dag ste/brnab sems la sogs pa yang las kyi lam yin la srog gcod pa la sogs pa yang las dang las kyi lam dag yin pas las dang las kyi lam dag ces bya'o/ /brnab sems med pa la sogs pa dang srog gcod pa spong ba la sogs pa yang de bzhin du zhes bya ba rgyas par 'byung ba ni dge ba'i las kyi lam dag kyang de bzhin du sbyar bar bya ba yin te/brnab sems med pa la sogs pa ni las kyi lam kho na yin la/ srog gcod pa spong ba la sogs pa ni las kyang yin la las kyi lam yang yin pas zhes bya ba yin no//'di ltar de dag ni de'i don dang zhes bya ba rgyas par 'byung ba ni gang gi phyir de'i phyir de'i sbyor ba de dag las kyi lam dngos kyi don du 'jug pa yin pa dang / gang gi phyir de'i mjug de dag las las kyi lam dngos kyi rtsa ba can du 'jug pa yin pa'i phyir de dag ni las kyi lam yin no/ /las kyi lam yang las kyi lam gyi sbyor ba yin par ni bshad mod kyi/de ni dngos yin pa'i phyir las kyi lam gyi sbyor ba dang mjug tu gyur pa'i phyir ni ma yin no/ /sngar yang che long bsdus pa'i phyir zhes bshad pa yin no zhes bya ba ni de las che long bsdus nas ni/ dge dang mi dge ci rigs par//las kyi lam ni bcur gsungs so/ /zhes 'byung ba'i phyir sbyor ba dang mjug gang dag yin pa de dag ma bsdus so/ /'jig rten na gang dag ces bya ba rgyas par 'byung ba ni 'jig rten na dngos gang dag 'phel ba dang 'grib pas phyi nang gi dngos po rnams 'phel ba dang 'grib pa yin gyi sbyor ba dang mjug dag ni ma yin pas de dag kho na las kyi lam yin te/thams cad bdag po rgyu mthun dang / /rnam smin 'bras su 'byin par 'dod/ /ces bya ba 'dir de dag 'phel ba dang 'grib pas de rnams 'phel ba dang 'grib par 'chad par 'gyur ro/ /de'i phyir sbyor ba dang mjug de dag ni las kyi lam ma yin no//de dag gi ltar na de dag ji ltar las kyi lam yin zhes bya ba ni de dag gi ltar na brnab sems la sogs pa de dag las gang zhig gi lam yin pas na las kyi lam du 'gyur ba brnab sems la sogs pa las ma gtogs pa yid kyi las sems pa ni med do//de dag nyid la dris shig ces bya ba ni gang dag de ltar sems pa de dag kho nas lan gdab dgos so/ /de lta mod kyi brjod par ni nus te zhes bya ba rgyas par 'byung ba ni rang gi gzhung lugs kyis phyogs de gzhung 'dzugs par byed pa yin no/ /yang na gcig gis gcig 'dren pas na zhes bya ba ci zhe na brnab sems la sogs pa de dag las kyi lam yin no zhes bya bar skabs dang sbyar te/brnab sems kyis kyang gnod sems dang log par lta ba dag 'dren par byed la de dag gis kyang de dag 'dren par byed do/ /de dag ni las kyang yin la de dag gi nang nas las gang yang rung ba zhig gi lam yang yin pas las kyi lam mo//dge ba'i rtsa ba ni log par lta bas kun du gcod do zhes bya ba'i don 'di brjod par 'dod nas/ de dag thams cad kyang dge ba'i chos rnams zhes bya ba rgyas par gleng slong bar byed do/ /chen po yongs su rdzogs pa'i zhes bya ba ni chen po'i chen po zhes bya ba'i tha tshig go//'o na ci'i phyir bstan bcos las bshad ces bya ba ni gal te log par lta bas dge ba'i rtsa ba kun du gcod kyi mi dge ba'i rtsa ba rnams kyis ni ma yin na bstan bcos las mi dge ba'i rtsa ba gang dag gis dge ba'i rtsa ba gcod par byed pa zhes bshad pa gang yin pa de ji ltar drang ste/ de dag ni chags pa la sogs pa'i ngo bo nyid yin gyi log par lta ba'i ngo bo nyid ni ma yin no zhes bya ba'i tha tshig go//mi dge ba'i rtsa bas drangs pa'i phyir zhes bya ba ni mi dge ba'i rtsa ba chags pa la sogs pa chen pos log par lta ba drangs shing bskyed pa yin te/ de lta bas na mi dge ba'i rtsa bas log par lta ba drangs pa'i phyir de dag kho na la las kyi lam de bstan par mdzad de/mi dge ba'i rtsa ba de dag kho na la log par lta ba'i dge ba'i rtsa ba kun du gcod par byed pa'i las gang yin pa de bstan to/ /gal te 'dod pa na spyod pa'i dge ba'i rtsa ba rnams kun du 'chad par 'gyur te/ gzugs dang gzugs med pa dag na spyod pa dag dang mi ldan pa'i phyir ro zhes brjod na/'o na btags pa las bshad pa ji ltar drang / de ni de'i thob pa thag sring bar byed pa zhes bya ba ni gang zag de'i gzugs dang gzugs med pa na spyod pa'i thob pa thag sring bar byed pa las dgongs nas 'di skad du/ khams gsum pa'i dge ba'i rtsa ba rnams kun du gcod pa yin no zhes bshad pa yin no//yang ji ltar des thob pa thag sring bar byed ce na/ rgyud de'i snod ma yin pa nyid kyi phyir te/ gang gi phyir de'i rgyud sngon de dag gi thob pa rnams kyi snod du gyur pa las dge ba'i rtsa ba kun du chad nas de'i tshe de dag gi thob pa rnams kyi snod ma yin pa nyid du byas pa de'i phyir de'i thob pa thag sring bar byas pa yin no//sbyor ba las byung ba dag las ni sngar yongs su nyams zin pa'i phyir ro zhes bya ba ni sbyor ba las byung ba thos pa dang bsams pa dang bsgoms pa las byung ba de dag las ni sngar chung ngu'i chung ngu'i gnas skabs nyid na yongs su ma nyams te/de'i tshe nyid na de'i thob pa chad zin to zhes bya ba'i tha tshig go/ /bar chad med pa'i lam dang rnam par grol ba'i lam lta bu yin no zhes bya ba ni kha cig gi phyogs ni rgyu la skur pa 'debs pa ni bar chad med pa'i lam lta bu yin la/ 'bras bu la skur pa 'debs pa ni rnam par grol ba'i lam lta bu yin te/'di skad du dge ba'i rtsa ba kun du gcad par bya ba la log par lta ba rgyu dang 'bras bu la skur pa 'debs pa 'di gnyi ga yang las byed kyi gcig kho na ni ma yin no zhes bshad pa yin no/ /zag pa dang bcas pa la dmigs pa kho nas yin gyi zhes bya ba ni sdug bsngal dang kun 'byung ba la dmigs pas yin gyi zag pa med pa la dmigs pas ni ma yin te/'gog pa dang lam la dmigs pas ni ma yin no zhes bya ba'i tha tshig go/ /skal ba mnyam pa'i khams la dmigs pa kho nas yin gyi zhes bya ba ni 'dod pa'i khams la dmigs pa kho nas dge ba'i rtsa ba rnams kun du gcod pa yin gyi skal ba mi mnyam pa'i khams la mi dmigs pas ni ma yin te/gang gzugs dang gzugs med pa'i khams la dmigs pas ni ma yin no zhes bya bar skabs dang sbyar ro/ /ci'i phyir zhe na/ mtshungs par ldan pa tsam gyi sgo nas rgyas par nyam chung ba'i phyir ro zhes bya ba smras te log par lta ba zag pa med pa la dmigs pa dang skal ba mi mnyam pa'i khams la dmigs pa gang yin pa de ni mtshungs par ldan pa tsam gyi sgo nas mtshungs par ldan pa'i chos rnams la rgyas par 'gyur gyi dmigs pa'i sgo nas ni ma yin te/de lta bas na 'di ni stobs chung ba yin no/ /de'i phyir des kun du gcod par mi 'gyur ro/ /bye brag tu smra ba rnams ni 'di skad du brjod do/ /kun gyis zhes bya ba ni rgyu la skur pa 'debs pa gang yin pa dang / 'bras bu la skur pa 'debs pa gang yin pa dang skal ba mnyam pa'i khams la dmigs pa gang yin pa dang skal ba mi mnyam pa'i khams la dmigs pa gang yin pa dang /zag pa dang bcas pa la dmigs pa gang yin pa dang / zag pa med pa la dmigs pa gang yin pa de thams cad kyis kun du gcod par 'gyur te/ nyon mongs pa bzhin no//mthong bas spang bar bya ba dag bzhin no zhes bya ba ni kha cig na re ji ltar sdug bsngal la sogs pa mthong bas spang bar bya ba'i nyon mongs pa rnam pa dgu char yang sdug bsngal gyi bden pa la sogs pa mthong bas cig car spong bar 'gyur/ de bzhin du dge ba'i rtsa ba rnam pa dgu char yang cig car kun du 'chad do zhes zer ro//bsgom pas spang bar bya ba'i nyon mongs pa bzhin zhes bya ba ni ji ltar lam chung ngu'i chung ngus nyon mongs pa'i rnam pa chen po'i chen po spong ba nas chen po'i chen pos chung ngu'i chung ngu spong ba'i bar lam rnam pa dgus nyon mongs pa rnam pa dgu spong ba de bzhin du log par lta ba chung ngu'i chung ngus dge ba'i rtsa ba'i rnam pa chen po'i chen po kun du gcod pa nas chen po'i chen pos dge ba'i rtsa ba'i rnam pa chung ngu'i chung ngu kun du gcod pa'i bar log par lta ba rnam pa dgus kyang dge ba'i rtsa ba rnam pa dgu kun du gcod par 'gyur ro//de ltar na gzhung 'di bskyabs pa yin no zhes bya ba ni gal te de dag ji skad bshad pa ltar bsgom pas spang bar bya ba'i nyon mongs pa bzhin du kun du 'chad na'o/ /phra mo dang lhan cig tu gyur pa zhes bya ba ni chung ngu'i chung ngu'o/ /mi dge ba'i rtsa ba gang gis dge ba'i rtsa ba rnams kun du gcod par byed pa'o zhes bya ba ni mi dge ba'i rtsa ba chen po'i chen po dag gis dge ba'i rtsa ba kun du gcod par bshad kyi chung ngu'i chung ngu la sogs pas ni ma yin no snyam du dgongs pa yin no//de ni rdzogs pa las dgongs te gsungs pa yin zhes bya ba ni dge ba'i rtsa ba kun du 'chad pa rdzogs pa las dgongs te 'di skad du/mi dge ba'i rtsa ba chen po gang dag yin zhe na zhes bya ba rgyas par bshad pa yin te chung ngu'i chung ngu la sogs pa kun du 'chad pa ni mi smos kyang gzung bar bya'o/ /de lta bas na de dag gis ma lus pa gcod pa'i phyir de ni rdzogs pa kho na la dgongs nas bshad pa yin te/'di ltar log yin par lta ba rnam pa dgus dge ba'i rtsa ba rnams ma lus par gcod par 'gyur ro/ /de dag las las rnam pa gcig ste/ rnam pa dgu pa chung ngu'i chung ngu ma chad na yang rnam pa dgu po thams cad yang skye ba'i rgyur 'gyur ro/ /de'i phyir 'di ni rdzogs pa las dgongs te gsungs pa yin no//gnyi gar gcod par byed do zhes bya ba 'di ni langs na yang gcod par byed ma langs na yang gcod par byed do/ /de btang bas de yang gtong ngo zhes bya ba ni sems chung ngu'i chung ngus sdom pa de yang dag par blangs par gyur pa'i sems chung ngu'i chung ngu dge ba'i rtsa ba chung ngu'i chung ngu dang mtshungs par ldan pa btang zhing kun du chad na sdom pa de yang btang bar 'gyur ba nas/de bzhin du gang zhig rgyu mtshan chen po'i chen pos sdom pa yang dag par blangs pa de btang bas de yang gtong ba'i bar du 'gyur ro//las kyi 'bras bu mngon sum du gyur pa'i phyir ro zhes bya ba ni lha'i bu skyes nas ring po ma lon pa la bdag gang nas 'chi 'phos te/ gang du ni skyes gang zhig gis skyes snyam pa'i sems gsum kun du 'byung ste/ de ltar las dang 'bras bu mngon sum du gyur pa'i phyir lha dag gi nang na dge ba'i rtsa ba kun du 'chad pa med do//'dzam bu'i gling kho na yod do zhes bya ba ni de na khyad par du rtog ge ba nyid yod pa'i phyir ro snyam du bsam pa yin no/ /thams cad pas nyung na dbang po brgyad dang ldan pa yin te/ dge ba'i rtsa ba kun du chad pa kho na tshor ba'i dbang po lnga dang lus dang srog dang yid kyi dbang po dang ldan no//de'i dad pa la sogs pa'i dbang po ni kun du 'chad do/ /so so'i skye bo yin pa'i phyir mi shes pa kun shes par byed pa'i dbang po la sogs pa la yang med do/ /mig dag la sogs pa'i dbang po yang ma tshang ba'i tshul lam rim gyis 'chi ba'i gnas skabs na med do//shar gyi lus 'phags po dang nub kyi ba lang spyod pa yang de dang 'dra'o zhes mthun par bsgres pa'i phyir de dag na yang dge ba'i rtsa ba kun du 'chad pa yod do zhes bya bar ston par byed do/ /skyes pa bud med kyis gcod do zhes bya ba ni skyed pa dang bud med kyis zhes bya ba yin te/dang zhes bya ba'i sgra mi mngon par bstan pa yin no/ /gang mo'i dbang po dang ldan pa de gdon mi za bar dbang po brgyad dang ldan te/ tshor ba'i dbang po bzhi dang lus dang srog dang yid kyi gsum dang brgyad pa mo'i dbang po dang ldan no/ /dad pa la sogs pa ni ma yin te/dge ba'i rtsa ba kun du chad pa'i gnas skabs na 'khrul lo snyam du bsam pa yin no/ /mig la sogs pa yang snga ma bzhin du 'khrul par 'gyur te/ 'dir ni don 'di kho na dang 'gal bar 'gyur ro/ /de dag las kyang zhes bya ba ni kun du gcod par byed pa ji skad bshad pa de dag las kyang sred pa spyad pa ni kun du gcod par byed do//sdig pa'i bsam pa brtan pa dang mkhyud pa can yin pa'i phyir ro zhes bya ba ni 'di la sdig pa la bsam pa sems pa brtan pa yod pas zhes bya bar tshig bsdu ba ste/ brtan pa ni sran la sgre ba'o/ /sdig pa mi dge ba mkhyud pa ni 'chab pa'o//sred pa spyad pa spyod pa'i phyogs dang mthun pa'i phyir zhes bya ba ni sred pa spyad pa dang 'dra ba'i phyir zhes bya ba'i tha tshig ste/ ji ltar sred pa spyad pa bsam pa g.yo ba yin pa ltar ma ning la sogs pa la yang de dang 'dra'o/ /ngan song ba bzhin no zhes bya ba ni ji ltar ngan song ba rnams shes rab nyon mongs pa can dang nyon mongs pa ma yin pa dag mi brtan pa'i phyir dge ba'i rtsa ba rnams kun du mi gcod pa ltar ma ning la sogs pa yang de dang 'dra'o//nying mtshams sbyar zhes bya ba ni nying mtshams sbyar bar byas pa'o/ /nad med nas stobs rnyed pa bzhin no zhes bya ba ni ji ltar sngar nad med par 'gyur la rim gyis stobs rnyed par 'gyur ba de dang 'dra'o//mtshams med byed pa'i 'di la min/ /zhes bya ba ni mtshams med pa byed pa kho na'i 'di la nying mtshams sbyor bar mi 'gyur ro zhes bshad pas don gyis na 'di skad du mtshams med pa mi byed pa ni 'di la nying mtshams sbyor bar 'gyur ro zhes bshad pa yin no//srid pa bar ma la gnas pa zhes bya ba ni dmyal bar 'gro bar 'gyur ba'i srid pa bar ma la gnas pa'o/ /'chi 'pho ba la mngon du phyogs pa zhes bya ba ni dmyal ba nas 'chi 'pho ba mngon du phyogs pa'o/ /rgyu'i stobs kyis zhes bya ba ni 'di ltar gang dag skal ba mnyam pa'i stobs kyis bdag nyid log par lta bar 'dod pa'o//rkyen gyi stobs kyis zhes bya ba ni 'di ltar gang dag gzhan gyi sgra'i stobs kyis log par lta bar 'dod pa ste/ rgyu'i stobs ni snying po dang ldan pa'i phyir ro/ /rang gi stobs kyis gcod pa gang yin pa dang / gzhan gyi stobs kyis gcod pa gang yin pa yang de dang 'dra'o zhes bya ba ni gang zhig rang gi rtog ge'i stobs kyis gcod pa de ni 'chi 'pho ba na nying mtshams sbyor bar 'gyur la gang zhig gzhan gyi stobs kyis te/gzhan las thos pa tsam gyi stobs kyis gcod pa de ni skye ba na'o/ /bsam pa nyams pa zhes bya ba ni log par lta ba mngon du gyur pas nyams shing ma rung ba ste/de ni mthong ba'i chos kho na nying mtshams sbyor bar 'gyur ro/ /gang zhig bsam pa dang sbyor ba nyams pa zhes bya ba ni gang zhig log par lta ba mngon du gyur pa dang mtshams med pa la sogs pa'i las kyis nyams pa ste/de ni lus zhig nas nying mtshams sbyor bar 'gyur ro/ /'dir rang gi stobs kyis gcod pa gang yin pa dang gzhan gyi stobs kyis gcod pa gang yin pa 'di yang gong du bshad pa kho na'i rnam grangs yin la/ de bzhin du lta ba nyams pa gang yin pa dang lta ba dang tshul khrims nyams pa gang yin pa zhes bya ba 'di yang bshad ma thag pa kho na'i rnam grangs yin no zhes bya bar khong du chud par bya'o//rdzogs byed la sogs pa'o zhes bya ba la sogs pa zhes bya ba'i sgras ni ston pa drug po 'di lta ste/ 'od srungs rdzogs byed dang kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang /mi pham pa skra'i la ba can dang / ka t+ya'i bu nog can dang / gcer bu pa gnyen gyi bu zhes bya ba bsdu ste/ de dag ni med par lta ba yin pa'i phyir dge ba'i rtsa ba kun du chad pa ni yid la mtshams med pa byed pa ma yin pa'i phyir log pa nyid du nges pa ni ma yin te/mtshams med pa byed pa ni log pa nyid du nges pas so/ /ma skyes dgra ni mtshams med pa byed pa yin pa'i phyir log pa nyid du nges pa yin la yang dag pa'i lta ba can yin pa'i phyir dge ba'i rtsa ba kun du 'chad pa ni ma yin no/ /lhas sbyin ni dge 'dun gyi dbyen byed pa yin pa'i phyir dang / de bzhin gshegs pa la ngan sems kyis khrag 'byin par byed pa yin pa'i phyir/ dge ba'i rtsa ba kun du chad pa yang yin la log pa nyid du nges pa yang yin no/ /bzhi pa ni rnam pa de dag ma gtogs pa'o zhes bya ba ni bdag cag la sogs pa'o/ /gzhan med par brnab sems la sogs pa mngon du gyur pa zhes bya ba ni srog gcod pa la sogs pa las kyi lam gzhan med par brnab sems la sogs pa'i nang nas gang yang rung ba zhig mngon du gyur na sems pa las kyi lam brnab sems sam gnod sems sam log par lta ba gcig dang lhan cig 'byung ngo //sems pa nyon mongs pa can ma yin pa can zhes bya ba dge ba dang lung du ma bstan pa'i sems dang ldan pa sbyor ba po de'i sbyor bas srog gcod pa la sogs pa 'dod pas log par g.yem pa ma gtogs pa gzugs can rnams las gang yang rung ba cig mthar phyin par byed na sems pa gcig pu de dang lhan cig 'byung ngo //brnab sems la sogs pa la ma gtogs pa'i nyon mongs pa can gyi sems dang ldan pa zhes kyang rjod par byed de/ tshul 'di ni de la yang srid do/ /gnod sems su gyur pa srog gcod pa zhes bya ba rgyas par 'byung ba ni gnod sems dang srog gcod pa dang gnyis dang lhan cig 'byung ngo //'dod pas log par g.yem pa'am tshig kyal pa smra na gnyis dang lhan cig 'byung ba ste/ brnab sems dang 'dod pas log par g.yem pa gnyis dang / tshig kyal pa dang / brnab sems la sogs pa'i nang nas gang yang rung ba zhig dang gnyis kho na dang lhan cig 'byung ngo //'di gleng bar bya ste/ gnod sems su gyur pa srog gcod pa zhes bya ba dang / brnab sems dang ldan pa ma byin par len pa zhes bya ba 'di ci rang byed pa la bya'am 'on te gzhan byed du bcug pa zhig yin/ gal te rang byed pa yin na ni srog gcod pa la gnod sems gdon mi za bar yod pa'i phyir la/ma byin par len pa yang brnab sems gdon mi za bar yod pa'i phyir gnod sems su gyur pa zhes bya ba dang brnab sems dang ldan pa zhes bya ba'i khyad par du bya ba rung ba ma yin te/ 'khrul pa la ni khyad par du bya bar 'dod do/ /'on te gzhan byed du bcug pa zhig yin na ni brnab sems dang gnod sems dang log par lta ba rnams las gang yang rung ba zhig dang ldan pa srog gcod pa dang ma byin par len pa dang 'dod pas log par g.yem pa dang /tshig kyal pa smra na'o zhes brjod dgos so zhe na smras pa rang byed pa yin no/ /khyad par du bya ba mi rung ngo zhes bshad pas ma yin nam zhe na de ni nyes pa med de/'di ni khyad par du bya ba brjod pa ma yin no/ /'o na ci zhe na 'di ni de la gnyis par gyur pa gnod sems dang brnab sems dag yod pa nyid du bstan to zhes rang gi ngo bo de la bsnyad par zad do/ /de lta na yang brnab sems la sogs pa'i nang nas sems gang yang rung ba zhig dang ldan pa srog gcod pa la sogs pa de dag byed du bcug pa'i sems pa gnyis dang lhan cig 'byung ba srid pas de yang brjod dgos par 'gyur ro zhe na brjod dgos pa ni bden na de skad du bshad pa de ni dper brjod pa tsam du zad pas nyes pa med do//gnod sems dang ldan pa cig car du gzhan gyi srog chags bsad pas 'phrog na'o zhes bya ba ni yang bsad pa kho nas dbrog pa grub pa gang yin pa ste/ gang la gnod sems dang srog chags gsod pa dang ma byin par len pa'i las kyi lam cig car 'byung ba'o//'o na ni mi 'grub pa ma yin nam zhes bya ba rgyas par 'byung ba ni gal te gzhan gyi nor 'phrog pa'i tshe gnod sems yod na 'o na de ma byin par len pa ni chags pa kho nas mthar phyin par byed do zhes bya ba grub par mi 'gyur te/ chags pa dang zhe sdang dag cig car mi 'byung ba'i phyir ro//sems gzhan dang mi ldan pa'i phyir zhes bya ba rgyas par 'byung ba ni/ log g.yem brnab sems ma byin len/ /chags pa yis ni rdzogs par byed/ /ces bya ba'i nges pa de ni 'phrog pa'i sems dang ldan pa kho na'i de rdzogs pa la ste/ ma byin par len pa rdzogs pa la shes par bya'i nges pa 'di sems gzhan dang ldan pa ste/gsod pa'i sems dang ldan pa ni ma yin no/ /dbyen bya ba'i bsam pa dang ldan pa brdzun gyi tshig ces bya ba ni dbyen bya ba'i bsam pa ldan pa'i phyir brdzun de nyid phra ma yang yin la grub pa'i mtha' las/ nyon mongs pa can kun kyal pa nyid ces 'byung ba'i phyir de nyid tshig kyal pa yang yin no//de bzhin du dbyen bya ba'i bsam pa dang ldan pa'i phyir tshig rtsub po de nyid kyang phra ma yang yin la de bzhin du tshig kyal pa yang yin pas bzhi dang lhan cig 'byung ngo / /ji ltar zhe na de la ni yid kyi gcig yin la ngag gi gsum yin no zhes bya ba smos te/brdzun du smra na yang brnab sems sam gnod sems gcig dang ngag gi gsum ste/ brdzun du smra ba dang phra ma dang tshig kyal pa dag go/ /tshig rtsub po smra na yang yid kyi gcig ste gnod sems dang / ngag gi gsum ste/ tshig rtsub po dang phra ma dang tshig kyal pa dag go//ming gi sgo nas de ltar gsum yin gyi ngo bo nyid kyi sgo nas ni ma yin te/ brdzun du smra ba de nyid la phra ma dang / tshig kyal pa zhes kyang bya'i ngo bo nyid gsum yod pa ni ma yin no/ /de bzhin du tshig rtsub po la yang ming gsum yin no zhes bya bar sbyar bar bya'o/ /gzhan dag na re ngo bo nyid kyi khyad par yang yod de brdzun du smra ba dang phra ma dang tshig kyal pa'i rnam par rig byed ma yin pas bdag kyang tha dad la de bzhin du tshig rtsub po dang phra ma dang tshig kyal pa rnam par rig byed ma yin pa dag kyang tha dad do zhes zer ro//yang na brnab sems la sogs par gyur pa zhes bya ba rgyas par 'byung ba ni yang na brnab sems la sogs pa dang ldan pa bzhi dang lhan cig 'byung ste de la ni yid kyi gcig ste/brnab sems la sogs pa'i nang nas gang yang rung ba zhig yod pa dang / de'i sbyor bas te brnab sems la sogs pa dang ldan pa'i sbyor bas srog gcod pa la sogs pa las kyi lam gang yang rung ba gsum mthar phyin par byed cing rdzogs pa'i tshe'o//sems pa lnga pa dang drug pa bdun dang yang de bzhin du sbyar bar bya'o/ /ji ltar zhe na re zhig lnga dang lhan cig gcig 'byung ba ni brnab sems la sogs pa dang ldan pa de'i sbyor bas gzhan bzhi mthar phyin par byed na'o//de bzhin du brnab sems la sogs pa dang ldan pa gzhan lnga dang drug mthar phyin par byed na yang drug dang bdun dang lhan cig 'byung ngo / /brgyad dang lhan cig 'byung ba ni brnab sems la sogs pa dang ldan pa srog gcod pa la sogs pa drug la sbyor ba byas nas 'dod pas log par g.yem pa bdag nyid kyis byed la mnyam du mthar phyin par 'gyur na'o//dgu dang bcu dang lhan cig 'byung ngo zhes bya ba 'di ni med de/ yid kyi las kyi lam rnams cig car 'byung ba med pa'i phyir ro/ /gcig dang brgyad dang lnga dang min/ /zhes bya ba ni yid kyi gcig kho na dang ni ma yin te/sems pa dge ba la brnab sems med pa dang gnod sems med pa dag gdon mi za bar yod pa'i phyir ro/ /sems pa las kyi lam gzugs can sdom pas bsdus pa gcig dang lhan cig 'byung ba yang ma yin te/ dge bsnyen gyi sdom pa la sogs pa la nyon mongs pa can dang lung du ma bstan pa'i sems kyi gnas skabs na yang srog gcod pa dang ma byin par len pa dang 'dod pas log par g.yem pa dang brdzun du smra ba spong ba dag gdon mi za bar lhan cig 'byung ba'i phyir ro//lnga kho na la yang ma yin te/ sems pa dge ba la ni brnab sems med pa dang /gnod sems med pa dag kyang gdon mi za bar lhan cig 'byung ba'i phyir la/ srog gcod pa spong ba la sogs pa sdom pas bsdus pa bzhi po 'di dag kyang gdon mi za bar lhan cig 'byung ba'i phyir ro/ /brgyad pa kho na dang yang ma yin te/ dge slong gi sdom pas bsdus pa'i lus dang ngag gi las kyi lam rnams ni nyon mongs pa can dang lung du ma bstan pa'i sems kyi gnas skabs na yang bdun char yod pa'i phyir la/dge ba'i sems kyi gnas skabs na ni dgu'am bcu yod pa'i phyir te/ shugs kyis na gnyis la sogs pa dang lhan cig 'byung ngo zhes bshad pa yin no//de la gnyis dang lhan cig 'byung ba zhes bya ba rgyas par 'byung ba ni de la gnyis dang lhan cig 'byung ba dge ba'i rnam par shes pa lnga la gnas pa la ni brnab sems med pa dang gnod sems med pa dag yod kyi grub pa'i mtha' las/ rnam shes lnga dang mtshungs skyes blo//nges rtog med phyir lta ba yin/ /zhes 'byung ba'i phyir yang dag pa'i lta ba ni med do/ /de'i phyir 'di la ni brnab sems med pa dang / gnod sems med pa dag kho na dang lhan cig 'byung ngo / /gzugs med pa'i snyoms par 'jug pa'i zad pa dang mi skye ba'i shes pa la gnas pa'o zhes bya ba ni gzugs med pa'i snyoms par 'jug pas bsdus pa'i zad pa dang mi skye ba shes pa dag la gnas pa'i yang 'di gnyis kho na dang lhan cig 'byung ste/zad dang mi skye blo lta min/ /zhes 'byung bas de ni yang dag pa'i lta ba med pa'i phyir ro/ /gzugs med pa'i snyoms par 'jug pa smos pa ni bsam gtan gyi snyoms par 'jug pas bsdus pa'i zad pa dang mi skye ba shes pa dag la gnas pa la lus dang ngag gi las kyi lam zag pa med pa'i sdom pa'i rang bzhin ni rnam pa bdun yod pa zlog pa'i phyir ro//zad pa dang mi skye ba shes pa smos pa ni yang dag pa'i lta ba bsal ba'i phyir te zad pa dang mi skye ba shes pa dag ni yang dag pa'i lta ba'i ngo bo nyid ma yin pa'i phyir ro//gsum dang lhan cig 'byung ba ni yang dag pa'i lta ba dang mtshungs par ldan pa'i yid kyi rnam par shes pa la gnas pa'o zhes bya ba ni las kyi lam gzugs can med pa la zhes bya ba'i tshig lhag ma yin te/ de la ni las kyi lam brnab sems med pa dang /gnod sems med pa dang yang dag pa'i lta ba gsum kho na yin no/ /bzhi dang lhan cig 'byung ba zhes bya ba rgyas par 'byung ba la/ mi dge ba'am lung du ma bstan pa'i sems dang ldan pa zhes khyad par du byas pa'i phyir/ yid kyi ni med do zhes bstan pa yin no//dge bsnyen dang dge tshul gyi sdom pa yang dag par len pa na yang las kyi lam srog gcod pa dang / ma byin par len pa dang / 'dod pas log par g.yem pa dang / brdzun du smra ba spong ba'i mtshan nyid bzhi kho na yod de/ myos par 'gyur ba 'thung ba spong ba la sogs pa ni las kyi lam bcu'i nang du ma gtogs pa'i phyir te/tshig rtsub po spong ba la sogs pa yang dge bsnyen dang dge tshul gyi sdom pas ma bsdus pa'i phyir ro/ /dge tshul gyi sdom pa yang dag par len pa smos pas ni dge bsnyen gyi sdom pa yang dag par len pa yang bshad pa'i ngo bor khong du chud par bya ste/dge tshul gyi sdom pa yang dag par len pa na ni/ las kyi lam bzhi mi tshangs par spyod pa spong ba yin la/ 'dod pas log par g.yem pa spong ba yang de'i nang du 'dus pa kho na yin no/ /drug pa dang lhan cig 'byung ba ni dge ba'i rnam par shes pa lnga la gnas pa de yang dag par len pa na'o zhes bya ba ni ji skad bshad pa bzhi po de dag dang /brnab sems med pa dang / gnod sems med pa dag dang drug dang lhan cig 'byung ste/ rnam par shes pa lnga la yang dag pa'i lta ba med pa'i phyir ro/ /bdun pa dang lhan cig 'byung ba ni dge ba'i yid kyi rnam par shes pa la gnas te de kho na yang dag par len pa ste/dge bsnyen dang dge tshul gyi sdom pa kho na yang dag par len pa na ji skad bshad pa de dag kho na dang las kyi lam bdun pa ni yang dag pa'i lta ba dang lhan cig 'byung ste/ dge ba'i yid kyi rnam par shes pa la ni yang dag pa'i lta ba yod pas so// // bam po sum cu rtsa drug pa/ mi dge ba dang lung du ma bstan pa'i sems dang ldan pa kho na dge slong gi sdom pa yang dag par len pa na gzugs can bdun kho na dang lhan cig 'byung ste mi dge ba dang lung du ma bstan pa'i sems dang ldan pa'i phyir yid kyi dag dang ni ma yin no//dgu dang lhan cig 'byung ba ni dge ba'i rnam par shes pa lnga la gnas pa de yang dag par len pa ste/ dge slong gi sdom pa yang dag par len pa na ste/ yang dag pa'i lta ba kho na med pa'i phyir ro/ /zad pa dang / mi skye ba shes pa dang / mtshungs par ldan pa'i yid kyi rnam par shes pa la gnas pa'i yang dgu po de dag kho na dang lhan cig 'byung ste/de la yang dag pa'i lta ba med pa'i phyir ro/ /de dag nyid bsam gtan gyis bsdus pa la gnas pa'o zhes bya ba ni zad pa dang / mi skye ba shes pa dang / mtshungs par ldan pa'i rnam par shes pa de nyid bsam gtan gyis bsdus pa la gnas pa'i yang gzugs can bsam gtan gyi sdom pas bsdus pa bdun dang /brnab sems med pa dang / gnod sems med pa dang / dgu dang lhan cig 'byung ngo / /bcu dang lhan cig 'byung bas ni de las gzhan pa'i zhes bya ba ni zad pa dang / mi skye ba shes pa las gzhan pa'i yid kyi rnam par shes pa la gnas pa dge slong gi sdom pa yang dag par len pa kho na'o//thams cad yin no zhes bya ba rgyas par 'byung ba ni bsam gtan dang / zag pa med pa'i sdom pa dang lhan cig 'byung ba'i sems pa zad pa dang / mi skye ba shes pa dang mtshungs par ldan pa ma yin pa thams cad kyang lus dang ngag gi bsam gtan dang /zag pa med pas bsdus pa bdun dang / yid kyi gsum dang / bcu dang lhan cig 'byung ngo / /sems pa sdom pas bsdus pa'i las kyi lam rnams dang ni de ltar lhan cig 'byung ngo zhes bstan pa yin no/ /sdom pa ma gtogs par te/sdom pa rnam pa brgyad ma gtogs par ni gcig dang lhan cig 'byung ba yod do/ /ji ltar zhe na/ sems gzhan dang ldan pa zhes bya ba smos te/ de dag gi sdom pa las ma gtogs pa'i dge ba'i las kyi lam kun nas slong bar byed pa'i sems las gzhan pa'i sems dang ldan pa ste/ nyon mongs pa can dang /lung du ma bstan pa'i sems dang ldan pa zhes bya ba'i tha tshig go/ /spong ba'i yan lag gcig yang dag par len pa na'o zhes bya ba ni srog gcod pa'i yan lag spong ba'am/ ma byin par len pa spong ba yang dag par len pa na las kyi lam de gcig dang lhan cig 'byung ngo //lnga dang brgyad dang lhan cig 'byung ba yang yod de zhes bya ba ni dge ba'i yid kyi rnam par shes pa dang lhan cig gang zag cig car du yan lag gnyis yang dag par len pa na yid kyi gsum dang / gzugs can gnyis dang / lnga dang lhan cig 'byung ngo / /cig car yan lag lnga yang dag par len pa na gzugs can lnga po de dag dang /yid kyi gsum dang / brgyad dang lhan cig 'byung ngo / /'di ni dper brjod pa'i ngo bor bshad pa yin pas de las gzhan du yang brjod par nus te/ nyon mongs pa can dang / lung du ma bstan pa'i sems dang ldan pa sdom pas bsdus pa'i yan lag lnga yang dag par len pa na yang lnga dang lhan cig 'byung ngo //chags par bya ba'i dngos po med pa'i phyir zhes bya ba ni dmyal ba na chags par bya ba'i dngos po med pa'i phyir brnab sems mngon sum du gyur pa'i sgo nas med do/ /las kyi 'bras bu mngon sum du gyur pa'i phyir log par lta ba med do//de nyid kyi phyir dang zhes bya ba ni dgos pa med pa'i phyir dang / phan tshun snying du sdug pa la sogs pa med pas rtag tu bye zin pa'i phyir phra ma med do/ /nga yir 'dzin pa med pa'i phyir sgra mi snyan na brnab sems kyi las kyi lam mngon sum du gyur pa'i sgo nas med do//rgyud 'jam pa'i phyir dang / kun nas mnar sems kyi dngos po med pa'i phyir gnod sems med do/ /sdig pa can gyi bsam pa ma yin pa'i phyir log par lta ba med cing / brnab sems la sogs pa de gsum char yang med do/ /dngos su yang zhes bya ba ni mngon sum du gyur pas zhes bshad pa yin no//sdig pa can gyi bsam pa ma yin pa'i phyir srog gcod pa la sogs pa drug car yang mngon sum du gyur pa'i sgo nas med do/ /tshe nges pa'i phyir srog gcod pa med do/ /rdzas dang bud med yongs su bzung ba med pa'i phyir go rims bzhin du ma byin par len pa dang / 'dod pas log par g.yem pa med do//dgos pa med pa'i phyir brdzun du smra ba dang / phra ma dang tshig rtsub po dag med do/ /gal te yongs su bzung ba med na ni ji ltar 'di dag mi tshangs par spyod pa yin zhe na zhes 'dri bar byed do/ /sdom pa ma yin pa ma gtogs so zhes bya ba ni sdom pa yang ma yin sdom pa ma yin pa yang ma yin pas bsdus pa zhes bya ba'i tha tshig go//'gro ba gzhan dag na gnas pa ni gsod par byed do zhes bya ba ni yi dags la sogs pa'i 'gro ba na gnas pa'o/ /mgo dang rked pa bcad na 'chi'o zhes bya ba ni lha dag kyang mgo bcad pa dang /rked pa bcad na 'chi bar 'gyur ro/ /lhas lha mi gsod ces bshad pa ni lha dag mi gsod do zhes bya bar 'dod pa yin no/ /lha rnams kyi yan lag dang nying lag bcad cing bcad kyang phyir skye bar 'gyur te/ de lta yin mod kyi/ 'on kyang mgo dang rked pa bcad na ste/ mgo bcad pa dang /rked pa bcad na yang slar 'byor pa med pas lha rnams kyang gsod do snyam du bsam pa yin no/ /sa gang la brten pa can gyi zhes bya ba rgyas par 'byung ba la/ sa ni bsam gtan bzhi pa'i bar lnga'o/ /'di la sa gang la brten pa yod pas na sa gang la brten pa can no//'phags pas zag pa med pa'i tshul khrims bskyed de/ 'gags pas zhes bya ba la/ bskyed pa ni da ltar gyi dus su phyin par byas pa'o/ /'gags pa ni 'das pa'i dus su phyin par byas pa ste/ gzugs med pa dag na sa gcig la brten pa can nas sa bzhi pa la brten pa can gyi bar gyi 'das pa de dang ldan no//'dod pa la spyod pa la brten pa can nas bsam gtan bzhi pa'i bar la brten pa can gyi bar sa lnga char la brten pa can dang ni ma 'ongs pa dang ldan te/ der skyes kyang rung der ma skyes kyang rung ste/ de la brten pa can dang ldan no/ /dmyal ba dang / byang gi sgra mi snyan pa dag ma gtogs pa zhes bya ba ni de na yang dag par blangs pa'i tshul khrims med pa'i phyir ro/ /gzhan dag na ni gnyi ga yod do zhes bya ba ni lha dang / dmyal ba dang / byang gi sgra mi snyan pa ma gtogs pa dag na ni sdom par ma gtogs pa dang / sdom pas bsdus pa gnyi ga yod do//sdom pa rnam pa gsum po so sor thar pa'i sdom pa dang / bsam gtan gyi sdom pa dang / zag pa med pa'i sdom pa ci rigs par gzung bar bya'o/ /kun du brten pa dang / goms par byas pa dang / lan mang du byas pa zhes bya ba ni sbyor ba dang / dngos dang / mjug gi gnas skabs dag tu'o//'o na ci zhe na/ tshe thung ngur 'gyur ba zhes bya ba ni tshe thung ba nyid rgyu mthun pa'i 'bras bu yin no zhes bya bar ston to/ /phyi'i dngos po rnams ni sman dang / sa la sogs pa'o/ /gzi mthu chung ba ni mthu chung ba'o/ /ser ba dang / char pa mang ba zhes bya ba la/ ser ba ni ser drag go//char pa ni rdul 'bab pa'am btsa' 'byung ba ste/ gang gis na 'bru la sogs pa ma rungs par 'gyur ba'o/ /rdul gyis 'khrigs par 'gyur zhes bya ba ni rdul gyis khebs par 'gyur ba'o/ /mtho dman can du 'gyur ro zhes bya ba ni thag thug can du 'gyur ba'o/ /tsha sgo can dang dgon dung ni tsha sgo can dang dgon dung ngo //de dag kyang gang zhe na/ phyi'i dngos po zhes bya bar skabs dang sbyar te/ de lta bu'i sar 'gyur ro snyam du bsam pa yin no/ /tha chad ni smad pa yin no/ /dus log pa can zhes bya ba ni 'di dag la dus log pa yod pas na dus log pa can te/'bru la sogs pa'i sman dag yin te/ gang du char pa 'bab pa'i rgyu der ni char pa mi 'bab cing / gang du grang ba'i rgyu der ni mi grang la/ gang du dro ba'i rgyu der ni mi dro zhes bya bar sbyar ro/ /de ni rnam par smin pa'i 'bras bu yin la zhes bya ba ni sems can gyi rgyud la yod pa'o/ /'di ni rgyu mthun pa'i 'bras bu yin no zhes bya ba ni phyi'i dngos po yin pas de rnam par smin pa'i 'bras bu ni ma yin no//der ni sbyor bas yin la zhes bya ba rgyas par 'byung ba ni srog gcod pa'i sbyor ba ni dmyal bar sdug bsngal mi bzad pa nyams su myong bar 'gyur te/ srog gcod pa'i sbyor ba byed pa na gsad par bya ba'i srog chags shin tu sdug bsngal bar 'gyur ro//'dir ni dngos kyis tshe thung bar 'gyur te/ ji ltar gsad par bya ba'i srog chags de'i srog gcad pa ltar 'dir yang de dang 'dra ba kho na yin no/ /las kyi lam dngos ni skad cig ma gcig kho na yin no/ /de na yang sdug bsngal gyi tshor ba med pas 'dir ni dngos kyi yin te zhes brjod par rigs so//smras pa gal te der ni sbyor bas yin la/ 'dir ni dngos kyis yin na ci'i phyir 'di skad du srog gcod pa kun du bsten pa dang / goms par byas pa dang / lan mang du byas pas dmyal ba dag gi nang du skye bar 'gyur ro zhes gsungs te/mdo'i don ni srog gcod pa dngos kyis zhes bya ba yin no zhes bya bar mthong nas de skad du 'dri ba yin no/ /'khor dang bcas pa smos pa'i phyir zhes bya ba ni srog gcod pa ni dngos kho na yin no/ /de'i 'khor ni sbyor ba yin te/ sbyor ba de la srog gcod pa nye bar gdags pa mdzad nas 'di skad du/ srog gcod pas zhes bya ba rgyas par bshad pa yin no/ /gnyis po 'di las mi 'da'i zhes bya ba ni rnam par smin pa'i 'bras bu dang / bdag po'i 'bras bu zhes bya ba ste/ rang gi rgyud la yod pa ni rnam par smin pa'i 'bras bu yin la/gzhan la yod pa ni bdag po'i 'bras bu yin pa'i phyir ro/ /'dra ba'i khyad par las de skad du bshad par zad do zhes bya ba ni srog yid du 'ong ba 'chad pa dang / longs spyod kyis phongs pa la sogs pa'i khyad par las de skad du/ brgya la 'di lta bur mi rnams dang skal ba mnyam par 'ong na yang srog gcod pas ni tshe thung bar 'gyur la/ma byin par len pas ni longs spyod kyis phongs par 'gyur ro zhes rgyas par bshad par zad de/ 'di la ni rgyu dang 'bras bu dag 'dra ba nyid yin no/ /de bzhin du dge ba dag la yang rgyu mthun pa'i 'bras bu ni rnam par smin pa'i 'bras bu dang /bdag po'i 'bras bu las mi 'da'i 'dra ba'i khyad par las de skad du/ brgya la 'di lta bur mi rnams dang skal ba mnyam par 'ong na yang srog gcod pa spong bas ni tshe ring por 'gyur ro zhes bshad par zad do zhes bya bar rgyas par brjod par bya'o/ /gzhan dag la yang de bzhin du sbyar bar bya'o zhes bya ba ni ma byin par len pas ni rdzas kyi bdag po sdug bsngal bskyed pa dang /longs spyod kyis phongs par byas pa dang / gzi byin med par byas pa yin te/ de'i phyir 'di sdug bsngal bar byas pa dang / longs spyod bor bar byas pa dang / gzi byin med par byas pa'i phyir 'bras bu rnam pa gsum du 'gyur ro//ji ltar gzi byin med par byas she na/ de'i rgyu med par byas pas longs spyod kyis phongs par byas pas de la gnod pa'i phyir ro/ /de nyid kyi phyir ma byin par len pas ni ser ba dang / char pa mangs par 'gyur ro zhes bya ste/ des de'i gzi byin la gnod pa dang bcas par 'gyur bas so//de bzhin du gzhan gyi bud med la nyal po byed pas ni gzhan sdug bsngal bskyed pa dang / chung ma dgra dang bcas par byas pas ni 'jig rten na gzi byin gang gis gzi dang bcas pa'o zhes nges par brjod pa'i gzi byin med par byas pa yin te/ de nyid kyi phyir 'dod pas log par g.yem pas ni rdul gyis 'khrigs par 'gyur ro zhes bshad do//de bzhin du gzhan dag la yang sbyar bar bya ste/ 'di ni phyogs yin no/ /thams cad mi dge ba las bzlog ste sbyar bar bya'o zhes bya ba ji lta zhe na/ ma byin par len pa spong pa kun du bsten pa dang / goms par byas pa dag lan mang du byas pas lha dag gi nang du skye bar 'gyur ro//brgya la 'di lta bur mi rnams dang skal ba mnyam par 'ong na yang longs spyod kyis mi phongs par 'gyur ro/ /de bzhin du 'dod pas log par g.yem pa spong ba kun du brten pa dang / goms par byas pa dang zhes bya ba rgyas par brjod nas/mi rnams dang skal ba mnyam par 'ong na yang skur pa nyung bar 'gyur ro zhes bya ba'i bar brjod do/ /phyogs 'dis thams cad sbyar bar bya'o/ /lta ba sna tshogs pa'i zhes bya ba ni ngo mtshar dang / bkra shis dang / tshes grangs dang / yud tsam dang / rgyu skar la sogs pa'i lta ba can gyi'o//gzhan la 'tsho ba rag lus pa'i zhes bya ba ni bsod snyoms la brten nas zhes 'byung ba'i phyir te/ gzhan la 'tsho ba rag las pa'i dge slong de'i 'tsho ba ni tshul 'chos pa dang / kha gsag dang / gzhogs slong dang / thob kyis 'jal ba dang / rnyed pas rnyed par byed 'dod pas log par 'gyur te/'tsho ba'i tshul de dag ni sbyang dka' ba yin no/ /tshul khrims kyi phung po'i mdo las zhes bya ba ni tshul khrims kyi phung po zhes bya ba'i le'u ste/ de las dbyu gu gsum pa de la 'di lta ste/ dge sbyong ngam/ bram ze kha cig dad pas byin pa yongs su longs spyad nas ltad mo sna tshogs 'di lta ste/glang po 'thab pa dang / rta 'thab pa dang / shing rta 'thab pa dang / rkang thang 'thab pa dang / dbyug pas 'thab pa dang / khu tshur gyis 'thab pa dang / stobs 'gyed pa dang / khyu mchog 'thab pa dang / ma he 'thab pa dang /ra 'thab pa dang / lug 'thab pa dang / khyim bya 'thab pa dang / bye'u bar ta ka 'thab pa dang / phag 'thab pa dang / bud med 'thab pa dang / skyes pa 'thab pa dang / gzhon nu 'thab pa dang / gzhon nu ma 'thab pa dang / dgra nang nas 'thab pa dang / pang stobs byed pa dang /rgyal mtshan gyi rtse mo dang / dpung dang / dmag gi tshogs dang / dmag byin po ston pa la lta bar rtsom pa'i brtson pa dang ldan par gnas pa'am/ 'dus pa chen po nyams su myong bar byed de/ dge slong ni de lta bu'i ltad mo sna tshogs lta bar rtsom par brtson pa spong ba yin no//dbyu gu gsum pa de la 'di lta ste/ dge sbyong ngam bram ze kha cig dad pas byin pa yongs su longs spyad nas/ sgra sna tshogs 'di lta ste/ glang po che'i sgra dang / shing rta'i sgra dang / rkang thang gi sgra dang / dung gi sgra dang / rnga bo che'i sgra dang / rnga a raM b+ha ra'i sgra dang / gar gyi sgra dang / glu'i sgra dang / se gol gyi sgra dang / lag pa'i sgra dang / rdza ma'i sgra mnyan par rtsom pa la brtson pa dang ldan par gnas shing / kha cig ni snyan dngags yi ge sna tshogs pa dang / 'jig rten rgyang pan pa dang ldan pa'i tshig dang / yi ge sna tshogs bsnyad par nyan par 'dod de/dge sbyong gi sgra sna tshogs pa de lta bu mnyan par rtsom pa'i brtson pa spong ba yin no zhes bya ba de lta bu la sogs pa bshad pa yin no/ /log pa'i yul la yongs su longs spyod pa'i phyir ro zhes bya ba ni yang dag pa ma yin pa'i yul la yongs su longs spyod pa'i phyir ro/ / gong du 'bras bu lnga bshad pa gang dag yin pa zhes bya ba ni bdag po'i 'bras bu dang /[ (]skyas [,]skyes [)]bu byed pa'i 'bras bu dang / rgyu mthun pa'i 'bras bu dang / rnam par smin pa'i 'bras bu dang bral ba'i 'bras bu'o/ /spong ba'i phyir lam yin pa zhes bya ba ni ngo bor bsgrub pa yin te/ spong ba'i ched kyi lam ni spong ba'i lam zhes bya'o//'dis nyon mongs pa spong bar byed pas zhes bya ba ni byed par bsgrub pa yin te/ spong ba yang yin la lam zhes bya ba yang yin pas zhes bya bar tshig rnam par sbyar ro/ /ting nge 'dzin las skyes pa'i chos 'dra ba phyi ma rnams so zhes bya ba la/ting nge 'dzin las skyes pa zhes bya ba smos pa ni mnyam par gzhag pa ma yin pa bsal ba'i phyir ro/ /'dra ba smos pa ni zag pa med pa dang / lung du ma bstan pa bsal ba'i phyir ro/ /lhan cig 'byung ba zhes bya ba ni de la yod pa mtshungs par ldan pa tshor ba la sogs pa dang ldan pa ma yin pa skye ba la sogs pa'o//gang yang ma 'ongs pa thob pa zhes bya ba ni de'i stobs kyis chos ma 'ongs pa 'thob pa gang yin pa de yang skyes bu byed pa'i 'bras bu yin no/ /de nyid kyi phyir spangs pa de yang skyes bu byed pa'i 'bras bur rnam par gzhag gi /bral ba'i 'bras bu 'ba' zhig tu ni ma yin no//sngar byung ba rnams ma gtogs zhes bya ba ni sngar byung ba ni 'bras bur mi rung ba'i phyir te/ 'di ltar/ sngar byung ma yin 'dus byas ni/ /'dus byas kho na'i bdag po'i 'bras/ /zhes 'byung bas so/ /rnam par smin pa'i 'bras bu ma gtogs so zhes bya ba ni zag pa med pa la rnam par smin pa med pa'i phyir ro//de'i rgyu mthun pa'i 'bras bu ni ting nge 'dzin las skyes pa'i chos 'dra ba phyi ma rnams so/ /bral ba'i 'bras bu ni bral ba kho na yin te/ spangs pa gang yin pa de yin no/ /skyes bu byed pa'i 'bras bu ni des drangs pa'i chos 'di lta ste/ rnam par grol ba'i lam dang /de dang lhan cig 'byung ba dang / gang yang ma 'ongs pa 'thob pa dang / spangs pa de yang yin no/ /bdag po'i 'bras bu ni sngar 'byung ba ma gtogs par rang gi ngo bo las gzhan pa'i 'du byed thams cad do/ /dge dang mi dge gang yin pa'ang / /zhes bya ba'i spong ba'i lam las gzhan pa zag pa dang bcas pa'i las mnyam par bzhag pa dang /mnyam par ma bzhag pa gang yin pa de yang bral ba'i 'bras bu ma gtogs pa 'bras bu bzhis 'bras bu dang bcas pa yin te/ spong ba'i lam ma yin pa'i phyir bral ba'i 'bras bu ni med do/ /de'i rnam par smin pa'i 'bras bu ni rang gi sar gtogs pa'i rnam par smin pa yid du 'ong ba 'am/yid du mi 'ong ba yin no/ /rgyu mthun pa'i 'bras bu ni ting nge 'dzin las skyes pa'i chos 'dra ba phyi ma rnams so/ /skyes bu byed pa'i 'bras bu ni des drangs pa'i chos lhan cig 'byung ba 'am/mjug thogs su 'byung ba rnams so/ /lhag ma bdag po'i 'bras bu ni snga ma bzhin no/ /zag pa med pa lhag ma dang / /zhes bya ba la/ lhag ma zhes smos pa ni spong ba'i lam bsal ba'i phyir ro/ /de yang sbyor ba dang / rnam par grol ba dang / khyad par gyi lam dag la yod pa gang yin pa ste/de ni spong ba'i lam ma yin pa'i phyir bral ba'i 'bras bu yang med la/ zag pa med pa yin pa'i phyir rnam par smin pa'i 'bras bu yang med do/ /lhag ma ni snga ma bzhin du yod do/ /lung du ma bstan pa'i las gang yin pa ste/ bsgribs la lung du ma bstan pa dang / ma bsgribs la lung du ma bstan pa de yang gsum gyis 'bras bu dang bcas pa yin te/spong ba'i lam ma yin pa'i phyir de la bral ba'i 'bras bu yang med la/ lung du ma bstan pa yin pa'i phyir rnam par smin pa'i 'bras bu yang med do/ /lhag ma ni snga ma bzhin du yod pa kho na'o/ /dge ba'i dge ba la sogs pa ni/bzhi dang gnyis dang de bzhin gsum/ /zhes bya ba 'di ni go rims ji lta ba bzhin te/ ji lta zhe na/ dge ba'i 'bras bu chos dge ba ni bzhi'o/ /de nyid kyi 'bras bu mi dge ba ni gnyis so/ /de nyid kyi 'bras bu lung du ma bstan pa ni gsum mo zhes bya ba yin no/ /rnam par smin pa'i 'bras bu ma gtogs so zhes bya ba ni rnam par smin pa ni lung du ma bstan pa yin pa'i phyir ro//mi dge ba gnyis te zhes bya ba ni skyes bu byed pa dang / bdag po'i 'bras bu dag go/ /rgyu mthun pa'i 'bras bu ni med de/ 'di ltar dge ba rnams kyi skal ba mnyam pa'i rgyu ni chos dge ba rnams yin pas so//rnam par smin pa'i 'bras bu yang med de/ 'di ltar rnam par smin pa ni lung du ma bstan pa yin pa'i phyir la/ mi dge ba dag ni rnam par smin pa'i phyir lung du ma bstan pa yin pas so/ /bral ba'i 'bras bu yang med de/ mi dge ba yin pa'i phyir ro/ /shugs kyis na skyes bu byed pa dang /bdag po'i 'bras bu dag yin te/ de dag ni snga ma bzhin du bshad par bya'o/ /lung du ma bstan pa ni bzhi ste zhes bya ba ji ltar mi dge ba'i rgyu mthun pa'i 'bras bu lung du ma bstan pa'i chos dag yin zhe na/ ji ltar yin par mi 'gyur/ mi 'dra ba'i phyir te/ rnam par smin pa dang bcas pa dang /rnam par smin pa med pa yin pa'i phyir te/ mi dge ba ni lung du ma bstan pa'i chos dag dang mi 'dra'o zhe na de ni nyes pa med de/ mi dge ba dang lung du ma bstan pa'i chos rnams ni nyon mongs pa can du 'dra ba nyid kyis 'dra ba yod do/ /de lta bas na bsgribs la lung du ma bstan pa rnams kyang mi dge ba dag gi rgyu mthun pa'i 'bras bur rung la/mi dge ba rnams kyang bsgribs la lung du ma bstan pa dag gi rgyu mthun pa'i 'bras bur rung ngo / /de'i phyir/ lung du ma bstan pa zhes bya ba rgyas par smos te/ 'jig tshogs dang / mthar 'dzin par lta ba dag ni mi dge ba kun du 'gro ba sdug bsngal dang /kun 'byung ba mthong bas spang bar bya ba rnams dang / sdug bsngal mthong bas spang bar bya ba 'dod chags la sogs pa'i rgyu mthun pa'i 'bras bu yin te/ skal mnyam kun du 'gro ba yi/ /'bras bu rgyu mthun zhes 'byung ba'i phyir ro/ /mi dge ba rnams ni zhes bya ba rgyas par 'byung ba ni/sdug bsngal la sogs pa mthong bas spang bar bya ba'i mi dge ba ris lnga pa rnams ni lung du ma bstan pa'i 'jig tshogs dang / mthar 'dzin par lta ba gnyis kyi 'bras bu yin no/ /de dag kho na yin no zhes bya ba ni rnam par smin pa dang bral ba'i 'bras bu ma gtogs pa gsum mo//'das pa'i las kyi 'bras bu dus gsum pa 'das pa dang / ma 'ongs pa dang / da ltar byung ba'i chos ni bzhi'o/ /bral ba'i 'bras bu ni ma gtogs so zhes bya ba ni de ni khams su ma gtogs pa'i phyir ro/ /ji ltar byas pas she na/ 'das pa'i las kyi rnam par smin pa'i 'bras bu ni de'i rnam par smin pa 'das pa phyi ma yin no//skyes bu byed pa'i 'bras bu ni des drangs pa 'das pa lhan cig skyes pa'am/ phyis mjug thogs su 'das pa yin no/ /bdag po'i 'bras bu ni 'das pa de dang lhan cig 'byung ba rang gi ngo bo ma gtogs pa rnams dang /phyis 'byung ba'i chos rnams yin no/ /rgyu mthun pa'i 'bras bu ni phyis 'byung ba'i chos 'dra ba rnams yin no/ /'das pa'i rnam par smin pa'i 'bras bu ma 'ongs pa ni de'i rnam par smin pa yin no/ /skyes bu byed pa'i 'bras bu ni gang gi stobs kyis chos ma 'ongs pa 'thob pa de yin no//bdag po'i 'bras bu ni de'i 'bras bu ma 'ongs pa gang yin pa'o/ /rgyu mthun pa'i 'bras bu ni de dang 'dra ba ma 'ongs pa yin no/ /da ltar byung ba dag kyang de dang 'dra ste/ 'das pa de'i 'bras bu bzhi sbyar bar bya'o/ /bar ma yi ni ma 'ongs pa'ang / /zhes bya ba ni da ltar byung ba'i 'bras bu chos ma 'ongs pa yang bzhi'o//de dag nyid do zhes bya ba ni bral ba'i 'bras bu ma gtogs pa zhes bya ba'i tha tshig ste/ de dag kyang de kho na bzhin du sbyar bar bya'o/ /da ltar byung ba'i 'bras bu de ltar byung ba'i chos ni gnyis te zhes bya ba ni de dang lhan cig byung ba ni de'i stobs las skyes pa yin pas skyes bu byed pa'i 'bras bu dang /bdag po'i 'bras bu kho na yin gyi/ bral ba'i rang bzhin ma yin pa'i phyir bral ba'i 'bras bu yang med cing / snga phyi nyid med pa'i phyir rgyu mthun pa'i 'bras bu yang med la/ rnam par smin pa ni rgyu la ltos pa'i phyir da ltar gyi rnam par smin pa'i 'bras bu da ltar byung ba yang med do//rgyu mthun pa dang / bral ba'i 'bras bu dag ma gtogs so zhes bya ba ni ma 'ongs pa'i rgyu mthun pa'i 'bras bu ma 'ongs pa ni med de/ 'di ltar ma 'ongs pa'i skal ba mnyam pa dang / kun du 'gro ba'i rgyu dag med de/ de na 'tshol bar 'dug pa'i phyir dang /'dra ba nyid kyi phyir 'di'i 'bras bu 'di'o zhes yongs su gcad par mi nus pa'i phyir ro/ /bral ba'i 'bras bu yang med de/ 'di ltar bral ba ni ma 'ongs pa yang ma yin no/ /rnam par smin pa'i 'bras bur ni 'byung ste/ mi dge ba'am dge ba zag pa dang bcas pa ma 'ongs pa'i rnam par smin pa'i 'bras bu ma 'ongs pa ni phyis skye bar 'gyur ba yin no//skyes bu byed pa'i 'bras bu ni ma 'ongs pa lhan cig skyes pa dang / ma 'ongs pa mjug thogs su 'byung ba yin no/ /bdag po'i 'bras bu ni rtogs par sla bas yang mi brjod do/ /bral ba ni sa'i rang bzhin ma yin pa'i phyir bral ba'i 'bras bu rang gi sa pa'i chos ni med do//gal te gzhan gyi sa pa'i chos zag pa med pa zhig yin na ni 'bras bu gsum ste zhes bya ba ni grub pa'i mtha' las/ sa dgu'i lam ni phan tshun du/ /zhes 'byung bas gsum pa rgyu mthun pa'i 'bras bu srid pa'i phyir ro/ /slob pa ni las kyi 'bras bu slob pa'i chos gsum ste/'di ltar rnam par smin pa yang slob pa ma yin pa la/ bral ba yang slob pa ma yin pas so/ /slob pa yang ma yin mi slob pa yang ma yin pa yang gsum ste zhes bya ba ni slob pa la rnam par smin pa med pa'i phyir rnam par smin pa'i 'bras bu yang med la/slob pa ni slob pa yang ma yin mi slob pa yang ma yin pa dang mi 'dra ba'i phyir rgyu mthun pa'i 'bras bu yang med do/ /bral ba'i 'bras bu ni 'gyur te/ bral ba ni slob pa yang ma yin mi slob pa yang ma yin pa'i rang bzhin yin pa'i phyir ro/ /skyes bu byed pa'i 'bras bu yang yod de/slob pas slob pa yang ma yin/ mi slob pa yang ma yin pa 'thob par srid pa'i phyir ro/ /bdag po'i 'bras bu yang yod pa de kho na yin te/ de ltar na gsum srid do/ /mi slob las kyi 'bras bu ni/ /zhes bya ba rgyas par 'byung ba ni mi slob pa'i las kyi 'bras bu slob pa'i chos ni gcig ste/bdag po'i 'bras bu'o/ /dman pa yin pa'i phyir rgyu mthun pa'i 'bras bu ni med de/ mnyam dang khyad par can gyi yin/ /zhes 'byung ba'i phyir ro/ /lhan cig dang mjug thogs su skye ba med pa'i phyir skyes bu byed pa'i 'bras bu yang med do/ /mi slob pa'i mjug thogs su slob pa ni mi 'byung ste/yongs su nyams pa'i tshe na yang nyon mongs pa kun du 'byung bas bar du chod pa'i phyir ro/ /rnam par smin pa'i 'bras bu dang / bral ba'i 'bras bu yang slob pa yang ma yin mi slob pa yang ma yin pa'i phyir la/ mi slob pa la yang rnam par smin pa med pas de'i phyir rnam par smin pa'i 'bras bu yang med do//mi slob pa ni gsum ste zhes bya ba ni skyes bu byed pa dang / bdag po dang / rgyu mthun pa'i 'bras bu rnams so/ /rnam par smin pa'i 'bras bu dang / bral ba dag ni med de/ de gnyis ni slob pa yang ma yin mi slob pa yang ma yin pa'i rang bzhin yin pa'i phyir la/'dir ni mi slob pa'i ngo bo nyid gang yin pa de bsam par bya ba yin pas so/ /slob pa yang ma yin mi slob pa yang ma yin pa ni gnyis te/ skyes bu byed pa dang / bdag po'i 'bras bu dag go zhes bya ba la/skyes bu byed pa'i 'bras bu ni 'di lta ste/ des drangs pa'i chos mjug thogs su 'byung ba rnams yin no/ /bdag po'i 'bras bu ni snga ma bzhin no/ /ji skad bshad pa'i gtan tshigs kyis na 'bras bu gsum ni med do/ /mi slob pa yang de dang 'dra'o zhes bya ba ni gnyis te/ skyes bu byed pa dang / bdag po'i 'bras bu dag go zhes bya ba'i tha tshig go/ /de la sogs pa zhes bya ba ni mthong bas spang bar bya ba la sogs pa'o/ /de dag ces bya ba ni mthong bas spang bar bya ba la sogs pa'o/ /bsgom pas spang bar bya ba ni gnyis te zhes bya ba la/ skyes bu byed pa'i 'bras bu ni zag pa med pa'i lam las langs pa'i tshe dge ba bsgom pas spang bar bya ba rnams yin no//thog ma dang tha ma bzhin zhes bya ba rgyas par 'byung ba ni thog ma dang tha ma dag lta bur te/ yang go rims bzhin zhes smos pa ni dbus su yang thog ma dang tha ma bzhin shes par bya ba'i phyir ro//ji lta zhe na/ thog mar ni go rims bzhin gyi don rim pa bzhin zhes bya ba'i sgrar sbyar ba yin te/ mi dge'i dge sogs gnyis dang ni/ /gsum dang bzhi ste go rims bzhin/ /zhes 'byung ba'i phyir ro/ /tha mar yang / spang bya min pa'i de dag gcig /gnyis dang bzhi ste go rims bzhin//zhes sbyar ba yin te/ ji ltar de ltar thog ma dang tha ma dag tu go rims bzhin gyi don bshad pa ltar dbus su yang de dang 'dra bar khong du chud par bya'o/ /de ni mthun par sbyar ba'i chos yin no zhes bya ba de ni mdor bsdu ba'i tshul yin no/ /de lta ma yin na/lung bstan min gyi dge la sogs/ /de dag gnyis dang gsum dang gsum/ /zhes bya ba de lta bu la sogs pa thams cad go rims bzhin no zhes bya ba brjod dgos so/ /tshul bzhin ma yin pa yid la byed pa las byung ba nyid kyi phyir ro zhes bya ba ni yid la byed pa gang zhig tshul bzhin ma yin zhing rigs pa ma yin la/nyon mongs pa dang ldan par zhugs pa gang yin pa de de las byung ba'o/ /de'i ngo bo nyid de de'i phyir ro/ /gang gis ji ltar 'gro bar bya ba ste/ gang zag gang zhig gis ji ltar 'gro bar bya ba de ltar mi 'gro bas 'di'i las ni rigs pa ma yin pas skyes pa yin no//cho ga nyams pa yang yin no zhes bya ba la/ yang zhes bya ba'i sgras ni nyon mongs pa can yang yin no zhes bya bar bsdu ba yin no/ /de gnyis las gzhan pa ni gnyi ga ma yin pa'o zhes bya ba ni rigs pas bskyed pa yang ma yin la/ rigs pa ma yin pas bskyed pa yang ma yin pa'o//gzhan de yang gang zhig yin zhe na/ lung du ma bstan pa'i las dang / cho ga nyams pa dang cho ga nyams pa ma yin pa dag las gzhan pa'i lung du ma bstan pa'o/ /skye ba zhes bya ba ni ris mthun pa la bya ste zhes bya ba ni sems dang ldan pa ma yin pa'i 'du byed yin gyi/mtshan nyid kyi skye ba ni ma yin no snyam du bsam pa yin no/ /'o na gnas brtan ma 'gags pas zhes bya ba la/ tshig gi don ni gal te las gcig kho nas skye ba gcig kho na 'phen na gnas brtan ma 'gags pas bdag ni bsod snyoms gcig po de'i zhes bya ba rgyas par smras pa gang yin pa de ji ltar mi 'gal zhes bya ba yin te/des ni tshe rabs gzhan na rang sangs rgyas spyi gtsug me tog ta ga ra lta bu la bsod snyoms phul te/ des na 'di skad du bdag ni bsod snyoms gcig po de'i zhes bya ba rgyas par smras so/ /bsgyur te zhes bya ba ni bsgrubs te zhes bya ba'i tha tshig go//mir 'dra ba la la la ni dbang po tshang ba yin la/ la la ni dbang po ma tshang ba rdzogs par byed pa'i las tha dad pa las gyur to zhes bya bar mi 'thad do/ /dbang po drug 'phen par byed pas mig la sogs pa ni 'phen par byed pa'i las kyi 'bras bu yin pa'i phyir ro/ /kha dog la sogs pa ni rdzogs par byed pa'i las kyi 'bras bu yin pas/mir 'dra ba la la la ni kha dog bzang la/ la la ni ma yin no zhes brjod par ni mi rigs so zhe na/ de dag 'byung ba dang 'gal ba'i rkyen spang bar bya ba la rdzogs par byed pa'i las kyi nus pa yod pas 'gal ba med do/ /de lta ma yin na skye ba 'phen pa yod phan chad 'ga' yang dbang po ma tshang bar mi 'gyur ro//rnam par smin pa dang bcas pa gzhan yang yin no zhes bya ba ni tshor ba la sogs pa'o/ /las dang lhan cig mi 'byung ba'i phyir ro zhes bya ba ni 'di ltar snyoms par 'jug pa de dag ni sems pa zhes bya ba'i las dang lhan cig mi 'byung la/sems med pa yin pa'i phyir lus dang ngag gi las dag dang yang lhan cig mi 'byung ngo / /rnam par smin pa dang bcas pa thob pa rnams kyis kyang 'phen pa ma yin te/ las dang 'bras bu mi gcig pa'i phyir ro/ /thob pa rnams ni de 'phen par byed pa'i las dang lhan cig pa yin mod kyi/de dang 'bras bu gcig pa ni ma yin te/ thob pa rnams ni shing gi phyi shun lta bur phyi rol na gnas pa yin pas so/ /las kyi sgrib pas zhes bya ba ni las nyid sgrib pa yin zhing / nyon mongs pa nyid sgrib pa yin la/ rnam par smin pa nyid sgrib pa yin pas so//'phags pa'i lam la sbyor bar byed pa'i dge ba'i rtsa ba rnams zhes bya ba ni dro bar gyur pa la sogs pa'o/ /ngan song la sogs par nges par 'gyur ba zhes bya ba ni dmyal ba dang / dud 'gro dang yi dags su nges par 'gyur ba dag go/ /sogs pa zhes bya ba'i sgras ni 'du shes med pa'i snyoms par 'jug pa dang tshangs pa chen por 'gyur bar nges pa'i las kyang bsdu la/za ma dang / ma ning dang / mtshan gnyis par 'gyur ba yang brjod par bya'o/ /de bzhin du sgo nga las skye bar 'gyur ba dang / drod gsher las skye bar 'gyur ba dang / bud med nyid du 'gyur ba dang /srid pa brgyad par nges par 'gyur ba'i las dag kyang brjod par bya ste/ 'phags pa ni dmyal ba la sogs par yang mi skye zhing / sgo nga las skye ba dang / drod gsher las skye ba'i skye gnas su yang mi skye la/ bud med nyid dang / srid pa brgyad pa yang 'grub par mi byed de/re ltar thogs na srid pa lan bdun pa yin pa'i phyir ro/ /bstan par sla zhing zhes bya ba ni gzhan dag la bstan sla bas na bstan par sla ba ste/ bstan pa sla ba nyid bstan par sla ba dag yin no/ /de bzhin du bdag nyid kyis gdags sla bas na gdags sla ba'o//gdags sla ba nyid gdags par sla ba dag yin no/ /bstan par sla ba dang / gdags par sla ba zhes bya ba 'di gnyis ni rnam grangs kyang yin no/ /gzhi zhes bya ba ni las kyi lam gyi gzhi ste/ mtshams med pa gsum gyi gzhi ni srog gcod pa'i las kyi lam yin no//gcig gi gzhi ni brdzun du smra ba'i las kyi lam yin no/ /lnga pa'i gzhi ni srog gcod par sbyor ba yin te/ de ltar na gzhi las bstan par sla zhing gdags par sla ba dag yin no/ /'bras bu ni thams cad kyi 'bras bu yid du mi 'ong ba yin pa'i phyir ro/ /'gro ba ni dmyal ba'i 'gro ba thob par byed pa yin no//skye ba ni skyes nas myong bar 'gyur ba yin pa'i phyir ro/ /gang zag ni nyon mongs pa chen po kun du spyod pa'i phyir gang zag 'di ni pha gsod par byed pa yin no zhes bya ba nas/ 'di ni de bzhin gshegs pa'i sku la ngan sems kyis khrag 'byin par byed pa yin no zhes bya ba'i bar yin no//gzhan dag na re gzhi ni snga ma bzhin no/ /'bras bu ni 'bras bu dmyal ba can yin pa'i phyir ro/ /'gro ba ni mi'i 'gro ba can byed pa'i phyir te/ mtshams med gling gsum dag na yod/ /ces 'byung bas so/ /skye ba ni de kho na dang 'dra bar skyes nas myong bar 'gyur ba yin pas so//gang zag ni skyes pa dang bud med dag yin gyi/ za ma dang / ma ning dag ni ma yin te/ de ltar na rgyu lngas bstan par sla zhing gdags par sla ba dag yin gyi/ ngan song la sogs par nges par 'gyur ba'i las de dag ni rgyu lngas bstan par sla zhing /gdags par sla ba ma yin pas de dag ma bshad do zhes zer na'o/ /phyi ma phyi ma 'dren pa'i phyir ro zhes bya ba ni 'di ltar nyon mongs pa'i sgrib pas ni las kyi sgrib pa 'dren par byed la/ las kyi sgrib pas kyang ngan song du rnam par smin pa mi 'dod pa 'dren par byed pas nyon mongs pa'i sgrib pa ni thams cad pas sdig can no//las kyi sgrib pa ni de bas yang ngo / /de bas ni rnam par smin pa'i sgrib pa ste/ rnam par smin pa'i sgrib pa ni mthong ba'i chos kho na la bya ba byed kyi/ gnyis pa la ni ma yin no/ /pha gsod pa la sogs pa'i chos gang dang ldan pa'i phyir de bar chad med pa yin pa de brjod par bya ba la/mtshams med pa nyid do zhes ngo bo'i rkyen yin te/ dge sbyong nyid bzhin no/ /dper na zag pa med pa'i lam gang dang ldan pas dge sbyong yin pa de brjod par bya ba la/ dge sbyong nyid ni dri med lam/ /zhes ngo bo'i rkyen yin pa de dang 'dra'o//byang gi sgra mi snyan na med/ /ces bya ba ni rang bzhin gyi tshul khrims dang ldan pa'i phyir dang / de na bstan pa med pa'i phyir ro/ /sdom pa med pa'i gtan tshigs gang yin pa de nyid kyi phyir ro zhes bya ba ni sdig pa dag la yang bsam pa mi brtan pa'i phyir dang / gang la sdom pa yod pa de la sdom pa ma yin pa yang yod de/gnyen por gyur pa'i phyir ro/ /de lta bas na za ma la sogs pa la sdom pa ma yin pa med do zhes bshad pa gang yin pa'o/ /gang dag med par byas pas zhes bya ba ni de dag kyang pha ma la ngo tsha dang / khrel gang zhig med par byas shing nyams par byas pas za ma la sogs pa mtshams med pa'i kha na ma tho bas reg par 'gyur ba shas chen por mi 'gyur te/de'i phyir de dag gis mtshams med pa yin par mi 'dod do/ /gal te lus ma tshang ba'i rgyu yin pa'i phyir phan pa chung ba nyid yin te/ de'i phyir de dag gi mtshams med pa yin par mi 'dod na/skyes pa dang bud med long ba la sogs pa yang / ma la sogs pa bsad pas mtshams med par mi 'gyur ro zhe na ma yin te/ rtogs pa'i chos dang 'gal ba'i lus ma tshang ba brjod par 'dod pa'i phyir ro/ /ma tshang ba rtogs pa'i chos dang 'gal ba gang yin pa de'i dbang du byas pa yin te/des ni de kho nas byams pa chung ba nyid kyang yin gyi/ long ba la sogs pa'i ma tshang ba la ni ma yin no/ /de nyid kyi phyir yi dags dang / dud 'gro rnams la yang mi 'dod de/ phan pa dang ngo tsha chung ba nyid kyi phyir ro/ /rta cang shes bzhin no zhes bya ba ni yi dags dang / dud 'gro rnams kyang blo gsal ba rnams kyis mtshams med par 'gyur ro zhes bya bar skabs dang sbyar te/rta cang shes zhes bya ba ni dper na rta cang shes shig ma la mi rgal ba las gdong gos kyis g.yogs te/ ma la rgal du bcug pa dang / des phyis shes nas rang gi pho mtshan bcad do zhes grag ste/ de ltar na rta cang shes de blo gsal ba yin te/de la mtshams med par 'gyur ro snyam du bsam pa yin no/ /mi'i yang pha ma mi ma yin pa bsad na mtshams med par mi 'gyur ro zhes bya ba ni mtshams med par mi 'gyur ba kho na'o zhes bya ba'i tha tshig go/ /ji lta zhe na/ phan pa dang ngo tsha chung ba kho na'i phyir te/mi ma yin pas kyang mi dang 'tsham pa'i pham par bya bar mi nus la/ mi de yang pha ma mi ma yin pa dag la ngo tsha dang / khrel shas chen po yang dag par mi gnas te/ 'gro ba mi mthun pa nyid kyi byams pa chung ba'i phyir ro/ /bzhi ni lus kyi las yin la zhes bya ba ni ma gsod pa la sogs pa'o//gcig ngag gi las yin te zhes bya ba ni dge 'dun gyi dbyen no/ /gsum ni srog gcod pa yin no zhes bya ba ni ma bsad pa la sogs pa'o/ /gcig ni brdzun du smra ba yin zhes bya ba ni dge 'dun gyi dbyen no/ /gcig ni srog gcod pa'i sbyor ba ste zhes bya ba ni de bzhin gshegs pa'i sku la ngan sems kyis khrag 'byin pa'o//ci'i phyir srog gcod pa ma yin zhe na/ de bzhin gshegs pa rnams ni nye bar mi brdzi ba'i chos can yin no zhes bya ba ni grangs su med pa'i chos can yin no zhes bya ba'i tha tshig go/ /rgyu la 'bras bu btags pa'am zhes bya ba ni dge 'dun gyi dbyen sems dang ldan pa ma yin pa'i mtshan nyid kyi rgyu ni brdzun du smra ba yin no//rgyu de la 'bras bu nye bar btags pa ste/ dge 'dun gyi dbyen zhes bya bar 'bras bu sems dang ldan pa ma yin pa'i chos nye bar 'dogs pa yin no/ /'dis 'byed par byed pas na zhes bya ba ni byed par sgrub pa yongs su bzung nas brdzun du smra ba la dge 'dun gyi dbyen zhes brjod de/brdzun du smra bas ni dge 'dun 'byed par 'gyur ro/ /dge 'dun gyi dbyen ni dge 'dun bye ba yin no zhes ngo bo bsgrub par yongs su bzung ba ni ma yin no/ /dge 'dun dbyen ni mi 'phrod pa'o zhes bya ba ni bye brag tu smra ba rnams kyi ltar na dngos kyi tshul du rdzas su yod pa yin no//de'i phyir/ rang bzhin ldan pa ma yin chos/ /nyon mongs can min lung bstan min/ /zhes bya ba smos so/ /de ji ltar mtshams med par 'gyur zhes bya ba ni de lta bu'i mtshan nyid can de ni mtshams med par mi 'gyur ba kho na'o zhes bya ba'i tha tshig go/ /ldan pa ma yin pa'i chos de dang 'byed pa por yang mi ldan pa kho na yin te/des na 'di mtshams med pa ma yin no snyam du bsam pa yin no/ /dge 'dun gyi dbyen dang lhan cig skyes pa ni ldan pa ma yin pa'i chos dang lhan cig skyes pa ste/ ngag gi rnam par rig byed dang / rnam par rig byed ma yin pa'i ngo bo nyid dag go zhes bya ba'i tha tshig go//dge slong gis 'byed kyi zhes bya ba ni sangs rgyas ni dge slong yin pa'i phyir la/ 'byed pa po yang de la sdom pa yin pa'i phyir ro/ /de yang lta ba spyad pa kho nas 'byed kyi zhes bya ba ni/ 'jig tshogs la lta ba la sogs pa lnga la spyad cing zhugs pas na lta ba spyad pa'o//yang na 'di la lta ba spyad pa yod pas na lta ba spyad pa ste des ni brtag cing sel nus pa'i phyir ston pa'i khyad par dang / lam gyi khyad par gzhan bzung bar nus kyi/ sred pa spyad pas ni ma yin no/ /bzod par dka' ba'i phyir zhes bya ba ni zil gyis mnan par dka' ba'i phyir ro//chos mngon sum du gyur pa'i phyir ro zhes bya ba ni lung dang / rtogs pa'i chos dag mngon sum du gyur pa'i phyir ro zhes bya ba'i tha tshig go/ /bzod pa thob pa rnams ni ma yin no zhes bya ba ni nges par 'byed pa'i cha dang mthun pa bzod pa thob pa rnams ni ma yin no zhes bya ba'i tha tshig ste/bden pa mthong ba dang 'dra ba'i phyir ro/ /de ni mi gnas so zhes bya ba ni de'i mtshan mo rangs par mi gnas so zhes bya ba'i tha tshig go/ /phye ba yin te zhes bya ba ni ji ltar phye ba yin zhe na/ lam 'jug pa'i gags su gyur pa'i phyir zhes bya ba smos te/lam 'jug pa'i gags byas pa'i phyir ro zhes bya ba'i tha tshig go/ /ji srid du dge 'dun 'dum par ma gyur pa de srid du lam 'jug pa 'gags pa yin te/ 'ga'i rgyud la yang 'phags pa'i lam mngon du mi 'gyur ro zhes bya ba'i tha tshig go/ /dge 'dun gyi dbyen ni 'khor lo'i dbyen gyi rgyu mtshan du gyur pa'i phyir 'khor lo'i dbyen zhes kyang bya'o//gdon mi za bar dge 'dun phyogs gnyis su gnas par 'gyur ba zhes bya ba ni sangs rgyas kyi phyogs dang / 'byed pa po'i phyogs la gnas par 'gyur ro zhes bya ba'i tha tshig go/ /dge 'dun ni dge slong bzhi yin la/dge 'dun gnyis pa la yang yod par 'gyur bas de ltar na dbye bar bya ba'i dge slong brgya dang / dgu pa 'byed pa po yod par 'gyur ro/ /dge 'dun gyi dbyen gzhan zhes bya ba ni 'khor lo'i dbyen las gzhan pa ni 'dir mtshams med pa ma yin no snyam du bsam pa yin te/ 'di ltar de ni las kyi dbyen las 'gyur ro/ /mi mthun pas zhes bya ba ni blo gros tha dad pas so/ /las dag ces bya ba ni dge 'dun gyi las gso sbyong la sogs pa'o/ /de ni brgyad dag yan chad kyis/ /zhes bya ba ni 'di la yang dge 'dun gnyis yod par 'gyur te/ 'byed pa po ston par mngon pa'i nga rgyal byed pa ni med pas dge slong brgyad kho na yod par 'gyur gyi/dgu la sogs pa ni ma yin no/ /sha gcig pa yin no zhes bya ba ni mi mthun pa med de/ blo gros gcig pa yin no zhes bya ba'i tha tshig go/ /gnas skabs snga mar ni dga' ba dang rab tu dga' ba skyes pa yin la/phyi mar ni mi rtag pa yid la byed pas sems la skyo ba kun du skyes pa yin no/ /skyon ma byung ba'i sngon rol du zhes bya ba la/ skyon ni nyes pa ste/ lta ba'i skyon nam/ tshul khrims kyi skyon no/ /de la lta ba'i skyon ni ji skad du/ bdag gis bcom ldan 'das kyis bshad pa'i don 'tshal ba ltar na/bcom ldan 'das kyis 'dod pa gang dag bar du [(]bcod [,]gcod [)]par bgyid par bka' stsal pa de dag ni bsten na bar du gcod par bgyid par mi 'gyur lags so zhes bya ba dang / de bzhin du sems de nyid kun du rgyug cing 'khor bar 'gyur lags so zhes bya ba la sogs pa bshad pa lta bu'o//tshul khrims kyi skyon ni 'chal pa'i tshul khrims so/ /des phyir bsdum par 'gyur ba'i phyir ro zhes bya ba ni 'di ltar nyan thos zung des phyir bsdum dgos pas zhes bya ba'i tha tshig go/ /sangs rgyas thams cad la nyan thos zung gdon mi za bar yod de/ gcig ni shes rab dang ldan pa rnams kyi mchog go//gnyis pa ni rdzu 'phrul dang ldan pa rnams kyi mchog go/ /bcom ldan 'das shAkya thub pa 'di'i shes rab dang ldan pa rnams kyi mchog ni 'phags pa shA ri'i bu'o/ /rdzu 'phrul dang ldan pa rnams kyi mchog ni 'phags pa maud gal gyi bu'o/ /'gran zla med pa'i phyir ro zhes bya ba ni 'di ltar bcom ldan 'das yongs su mya ngan las 'das na/'byed pa po de'i 'gran zlar gyur pa med do// //bam po sum cu rtsa bdun pa/ mtshams ma bcad pa dag tu yang zhes bya ba ni dkyil 'khor gyi mtshams de mtshams gcig gi nang du las tha dad par byed pas ni dge 'dun de rnam pa gnyis su 'gyur ro//rang bzhin gyi mtshams grong dang grong khyer yod pa ma yin nam zhe na/ bden mod kyi/ bcad pa'i mtshams yod na rang bzhin gyi mtshams der rnam par gzhag pas de yang bcad par rnam par gzhag pa kho na yin no zhes bya bar rig par bya'o//las la rag lus pa'i phyir zhes bya ba ni gang gis slob ma dge 'dun 'bye bar 'gyur ba'i las byas pa de kho na'i de 'bye bar 'gyur gyi/ gzhan gyi ni ma yin no/ /bcom ldan 'das shAkya thub pas kyang byang chub sems dpa'i gnas skabs na drang srong mngon par shes pa lnga dang ldan pa zhig gi 'khor gyi dbyen byas par gyur te/des na 'di'i dge 'dun lhas byin gyis phye'o zhes grag go/ /gzhan ni ma yin zhe na zhes bya ba ni bud med phal pa bsad pa la sogs pa'o/ /phan 'dogs pa dang yon tan zhing / /spangs dang med par byas phyir ro//zhes bya ba ni pa bsad pa la sogs pa ni phan 'dogs pa'i zhing ngam/ yon tan gyi zhing spangs shing yongs su bor ba'i phyir yang mtshams med pa yin la/ de med par byas shing nyams par byas pa'i phyir yang mtshams med pa yin no/ /de bzhin gshegs pa'i sku la ngan sems kyis khrag phyung ba dang /dge 'dun gyi dbyen byed pa gang yin pa de yang de nyams par byas pa yin no/ /'di skad du phan 'dogs pa'i zhing yin pa'i phyir dang / yon tan gyi zhing yin pa'i phyir de spangs pa dang / med par byas pas ma gsod pa la sogs pa kho na mtshams med pa yin gyi/gzhan gyi ni ma yin no zhes bshad pa yin no/ /yon tan gyi zhing yin pa'i phyir zhes bya ba ni yon tan rnams kyi rten yin pa'i phyir zhes bya ba'i tha tshig go/ /yang na yon tan rnams kyi zhing yin pa ni yon tan gyi zhing ste/ yon tan dang ldan pas bsod nams kyi zhing yin no//dper na zhing la sa bon btab na 'bras bu mang por 'gyur ba de bzhin du bsod nams kyi zhing la sa bon btab na 'bras bu mang por 'gyur ro/ /gal te pha'am ma mtshan gyur na zhes bya ba ni mtshan gyur pas de ma nyid yin pa dang / de pha nyid yin par yang mi 'dod pas ma bsad pa med pa'i phyir ram/pha bsad pa med pa'i phyir mtshams med par mi 'gyur ro snyam nas de med par dogs pas 'dri ba yin no/ /gang gi zla mtshan las byung ba/ /zhes bya ba ni 'di la gang gi zla mtshan las byung ba yod pas na gang gi zla mtshan las byung ba'o/ /bya ba thams cad zhu bar bya ba yin//zhes bya ba ni ma la zhu dgos pa'i bya ba thams cad dri bar bya ba yin no snyam du bsam pa yin te/ ma dang 'dra ba'i phyir ro/ /nu zho ldud pa ni pang na 'tsho bar byed pa'o/ /gso bar byed pa ni nu zho ldud par byed pa'o/ /skyed par byed pa ni zas rags pa la sogs pa snyod par byed pa'o//gzhan dag na re nu zho ldud pa ni nu zho snun par byed pa zhes bya ba'i tha tshig go/ /gso bar byed pa ni zas rags pa goms par byed pa'o/ /skyed par byed pa ni khrus dang / lus mnye ba dang / ya nga ba yongs su spong bar byed pa zhes bya ba'i tha tshig go/ /ma khri'u'i 'og na 'dug pa zhes bya ba ni bus khri'u'i steng na gos yod pa dang sbyar na 'di na mi zhig nyal lo snyam du bsams nas der mtshon gyis btab pa dang /mtshon btab pa des ma khri'u'i 'og na 'dug pa bsad do zhes bya ba dang / khrus pa btso blag mkhan gyi bus sbrang bu bsad do snyam pa'i sbyor bas pha bsad pa zhes bya ba brjod par bya'o//rnam par rig byed ma yin pa gnyis yin la zhes bya ba ni mtshams med pa'i rnam par rig byed ma yin pa dang / srog gcod pa 'ba' zhig gi rnam par rig byed ma yin pa'o/ /rnam par rig byed ni mtshams med pa kho na yin te/ de ni des bsdus pa kho na yin gyi gzhan ni ma yin no zhes bya ba'i tha tshig go//de la mtshams med pa ni gcig kho nar 'gyur te zhes bya ba ni dgra bcom pa bsad pa zhes bya ba'o/ /song la skra can la khyod kyis ni mtshams med pa gnyis byas te/ pha bsad pa gang yin pa dang / gang yang dgra bcom pa gsod pa'o zhes smros shig ces bya ba ni grong khyer ro ru ka zhes bya ba na rgyal po u tra ya na zhes bya bas bu skra can zhes bya ba dbang bskur nas rab tu byung ngo //rab tu byung nas kyang dgra bcom pa nyid thob par gyur te/ de ro ru ka dang nye ba zhig tu 'ongs pa dang / yang rgyal srid 'dod do snyam nas blon pos sbran pa dang /rgyal po skra can des rang gi pha de bsad do/ /des bsad par bya ba'i gnas skabs na gshed ma'i mi de la song la/ skra can la smros shig ces bya ba de lta bu la sogs pa rgyas par smras so/ /rgyu gnyis kyis zhes brjod par bya'o zhes bya ba ni des song la/skra can la khyod kyis ni mtshams med pa'i rgyu gnyis kyis mtshams med pa byas so zhes smros shig ces brjod par bya ba yin no/ /sgo gnyis nas spyod pa yin no zhes bya ba ni mtshams med pa sgo gnyis dang ldan pa'i phyir gnyis nyid du nye bar btags so snyam du bsam pa yin te/ mtshams med pa de ni rgyu gnyis dang ldan pa'i phyir shin tu lci ba yin no/ /rten de dang shin tu 'gal ba'i phyir ro zhes bya ba ni 'phags pa'i lam skyes pa'i rten ni las kyi lam de dag dang shin tu 'gal ba'i phyir ro/ /'dir gtsen ma'i rtogs pa brjod pa dper brjod de/ shAkya'i mi gtsen ma zhes bya ba zhig 'phags skyes pos skrag nas gangs khrod kyi nags tshal gyi phyogs shig na 'khras shing 'tsho ba rngon gyis tshol tshol ba las/bcom ldan 'das sum cu rtsa gsum pa'i nang du zla ba gsum lon nas de nas babs te/ gtsen ma 'khor dang bcas pa kho na la chos bstan pa dang /de dang de'i bu rnams kyis rgyun du zhugs pa'i 'bras bu thob bo zhes grag ste/ de dag ni 'bras bu thob pa'i sngon rol du ri dgas dag gi gdos dang / rgya la sogs pa bshams la/ de dag gi sbyor bas kyang ri dwags dag gsad par byas mod kyi/ 'bras bu thob pas mi dge ba'i las kyi lam de dag gis ma rig go//lnga pa dang / gsum pa dang / dang po rnams ches lci ba yin zhes bya ba la/ mtshams med pa 'don pa'i go rims ni ma gsod pa dang / pha gsod pa dang / dgra bcom pa gsod pa dang / dge 'dun gyi dbyen byed pa dang / de bzhin gshegs pa la ngan sems kyis khrag 'byin pa zhes bya ba 'di yin no/ /de la lnga pa ngan sems kyis khrag 'byin pa de ni dge 'dun dbyen byed pa las gzhan pa lhag ma bzhi'i nang nas ches lci ba yin no/ /gsum pa dgra bcom pa gsod pa de ni ma dang pha gsod pa dag pas ches lci ba yin no//dang po ma gsod pa ni pha gsod pa bas ches lci ba yin te/ de'i phyir pha gsod pa ni thams cad kyi nang na yang ba yin no zhes bya ba smos so/ /nges par mdzad nas zhes bya ba ni de kho na nges par bzung nas zhes bya ba'i tha tshig go/ /rnam par smin pa rgya che ba'i dbang du mdzad nas ni dge 'dun gyi dbyen byed pa kha na ma tho ba che bar gsungs te/rnam par smin pa bar gyi bskal par 'byin pa'i phyir ro/ /skye bo phal po che 'chi ba'i dbang du mdzad nas ni yid kyi nyes pa ste/ dan da ka'i dgon pa la sogs pa stongs pa'i rgyu yin pa'i phyir ro//gzhan lus kyi las sam ngag gi las kyis ni skye bo phal po che de snyed 'chi mi srid do/ /dge ba'i rtsa ba kun du gcod pa'i dbang du mdzad nas ni log par lta ba kha na ma tho ba chen por gsungs te/ gzhan mi dge ba'i rtsa ba ni kun du 'byung ba tsam dang 'gal ba'i phyir dge ba'i rtsa ba rnams kun du gcod pa ma yin no//bar chad med pa kho nar ni ma yin no zhes bya ba la/ gzhan dag gi bsam pa ni de dag ni gdon mi za bar dmyal bar skye bas de dang 'dra ba'i phyir de dang cha 'dra ba dag ces bya ba'o/ /der bar chad med par skye bas ni ma yin no/ /de lta ma yin na mtshams med pa dag kho na yin par 'gyur ro snyam pa yin no//phyogs snga ma dag gi lan ni de dag bar chad med par 'byung ba nyid can yin yang mtshams med pa kho na ni ma yin te/ dus dang rnam par smin pa mi 'dra ba yin no zhes bya ba yin no/ /ma dgra bcom ma sun byas dang / /zhes bya ba ni ma bsad pa'i mtshams med pa dang cha 'dra ba yin no//nges par gtogs pa'i byang chub sems dpa' bsad pa ni pha bsad pa'i mtshams med pa dang cha 'dra ba yin no/ /slob pa bsad pa ni dgra bcom pa bsad pa'i mtshams med pa dang cha 'dra ba yin no/ /dge 'dun gyi 'du ba'i sgo 'phrog pa ni dge 'dun gyi dbyen byed pa'i mtshams med pa dang cha 'dra ba yin no//mchod rten 'jig pa ni de bzhin gshegs pa la ngan sems kyis khrag 'byin pa'i mtshams med pa dang cha 'dra ba yin no/ /slob dpon dbyig bshes na re dge 'dun gyi 'du ba'i sgo 'phrog pa ni nar mar 'du ba 'phrog pa yin no zhes zer ro//'di skad du/ dge 'dun gyi zhal du 'du ba'i sgo 'phrog pa'o zhes brjod de/ gang zhig gis dge 'dun 'tsho bar byed pa zhal du gsol ba gang yin pa de 'phrog pa yin no/ /de'i rnam par smin pa'i sa las 'das pa'i phyir zhes bya ba ni/ bzod thob ngan song mi 'gro'o//zhes 'byung bas ngan song gi sa las 'da' ba'i phyir ro/ /de bzhin du zhes bya ba ni de'i rnam par smin pa'i sa las 'da' ba'i phyir 'dod pa na spyod pa'i las rnams bgegs bya ba'i phyir nye bar gnas te/ dper na mi zhig yul 'dor bar byed pa la bu lon pa dag ldang ba bzhin no zhes bya ba de kho na bzhin du zhes bya ba'i tha tshig go//rigs shing sA la chen po lta bur skye ba zhes bya ba ni rigs chen po dang ldan par skye ba zhes bya ba'i tha tshig go/ /rgyal rigs shing sA lta chen po la bur skye ba yin no zhes bya ba nas/ khyim bdag gi rigs sA la chen po lta bur skye ba yin no zhes bya ba'i bar ni khyim bdag gi rigs chen por skye ba yin no zhes bya ba'i tha tshig go//brnyas gnod ni brnyas pa'i gnas skabs sngon du btang ba'i rnam par tho 'tshams pa'o/ /lus dang ngag gi 'jug pas gzhan la sdug bsngal dang yid mi bde ba dag 'byung ba de la ltos nas de sdom pa ni brnags pa zhes bya'o//bskal pa dgu bcu rtsa gcig gi bar du zhes bya ba ni dgu bcu rtsa gcig tu tshang ba'i bskal pa ni dgu bcu rtsa gcig go/ /de'i bar du ste/ grong dpon dge sbyong gcer bu pa ral gri thogs pa zhig gis/ bcom ldan 'das la kye dge slong gau tam gang khyod lo nyes pa 'di lta bu'i nang na dge slong gi dge 'dun 'di snyed cig dang thabs cig ser ba bzhin du ma rungs par byed cing slong mo la rgyu ba ji ste khyim rnams phung bar bya ba'i phyir zhugs zhes smras pa dang /bcom ldan 'das kyis de la grong dpon ngas 'di nas bzung ste/ bskal pa dgu bcu rtsa gcig gi bar du zhes bya ba rgyas par bka' stsal to/ /skyon bzhi po 'di dag ni zlog par byed la zhes bya ba ni ngan 'gro'i skyon dang / rigs dma' ba nyid kyi skyon dang / dbang po ma tshang ba nyid kyi skyon dang / bud med kyi dngos po'i skyon no/ /yon tan gnyis ni 'thob po zhes bya ba ni tshe rabs dran pa nyid kyi yon tan dang /phyir mi ldog pa nyid kyi yon tan no/ /byang chub sems dpa' nye ba ma gtogs pa zhes bya ba ni mtshan gyi rnam par smin pa can gyi las byed pa gang yin pa'o/ /stong gsum 'chag pa zhes bya ba ni sems can gyi las kyi dbang gang gis stong gsum gyi stong chen po'i 'byung ba de'i tshad gang yin pa ste/tshad de ltar bcas pa de dag brgyas skyes bu chen po'i mtshan gcig 'grub pa nas sum cu rtsa gnyis pa'i bar du yang de dang 'dra'o/ /kha cig na re sangs rgyas rnams kyi sku rnam pa gnyis te/ skye ba'i sku dang / chos kyi sku'o/ /de la skye ba'i sku ni skyes bu chen po'i mtshan sum cu rtsa gnyis kyi mtshan nyid do/ /chos kyi sku ni sangs rgyas kyi chos ma 'dres pa bco brgyad do/ /de la sangs rgyas la dmigs pa'i yid la byed pa mngon sum du gyur pa las sems pa lnga bcu 'byung la/ bdag kyang 'di 'dra bar gyur cig snyam pa'i las kyang gzhan lnga bcu 'byung ste/de ltar na bsod nams brgya yin no zhes zer ro/ /gzhan dag na re 'dod pa'i khams gnas nyi shu dang / gzugs kyi khams bcu drug dang / gzugs med pa bzhi dang / grang ba'i dmyal ba brgyad de/ de ltar na khams gsum pa ni khyad par bzhi bcu rtsa brgyad yin la/de la dmigs pa'i byang chub sems dpa' la snying rje'i sems skye ste/ de'i phyir de dang mtshungs par ldan pa'i sems pa bzhi bcu rtsa brgyad 'byung ngo / /de'i rjes la ji ltar 'dis khams gsum pa 'di las sems can dag bkrol ba lta snyam pa de lta bu'i sems pa sangs rgyas la dmigs pa'i sems pa 'byung ngo //de'i rjes la bdag kyang de dang 'dra bar 'grol bar byed par gyur cig snyam pa bdag la dmigs pa'i sems pa gnyis pa 'byung bas sems pa lnga bcu 'byung ngo / /yang de dag lan gnyis su mngon du gyur pas sems pa brgyar 'gyur ba yin no zhes zer ro//gzhan dag na re sangs rgyas bcom ldan 'das ni rgyu lngas srog gcod pa spong ba dang ldan pa yin te/ rgyu lnga ni las kyi lam dngos yongs su dag pa dang / nyer bsdogs yongs su dag pa dang /rnam par rtog pas ma smas pa dang / dran pas yongs su zin pa nyid dang / mya ngan las 'das par bsngos pa nyid de/ de la dmigs pa'i sems pa yang lnga 'byung ngo / /las kyi lam bcu char la dmigs pa de dang 'dra ste/ sems pa lnga phrag bcu ni sems pa lnga bcu yin no//yang ji ltar bcom ldan 'das de dge ba'i las kyi lam ma 'dres pa bcu las nges par skyes pa ltar bdag kyang de dang 'dra bar shog shig snyam du de dag lan gnyis su mngon du gyur pas sems pa brgyar 'gyur ba yin no zhes zer ro/ /de ltar na re re yang bsod nams brgya las skyes so zhes bya ba 'di 'grub po//bsnyen bkur byas so zhes bya ba ni bsnyen bkur byas par gyur to zhes bya ba'i tha tshig go/ /gang la bcom ldan 'das zhes bya ba rgyas par 'byung ba ni rdza mkhan snang byed ces bya bar gyur pas dang por smon lam btab pa'o/ /de'i tshe 'di'i tshul khrims dang bzod pa'i pha rol tu phyin pa dag yongs su rdzogs pa yin no zhes bya ba ni re zhig sems ma 'khrugs pa'i phyir bzod pa'i pha rol tu phyin pa yongs su rdzogs so//lus dang ngag gis nyes par spyod pa mi byed pa'i phyir tshul khrims kyi pha rol tu phyin pa yongs su rdzogs so/ /lha yul sa na med ces bya ba rgyas par 'byung ba la/lha yul sa zhes bya ba ni bstan pa'i tshig gi tshul du bshad pa yin no/ /'jig rten 'di na'ang yod pa ma yin la/ /rnam thos bu yi gnas na'ang yod ma yin/ /lha yi pho brang gnas mchog na yang yod ma yin/ /zhes bya ba ni de gsal bar bya ba'i phyir bstan pa'i tshig dag yin te/ 'jig rten 'di na zhes bya ba ni mi'i 'jig rten na'o//rnam thos bu'i gnas na zhes bya ba ni rgyal po chen po bzhi'i gnas na'o/ /lha'i pho brang zhes bya ba ni lha'i gnas te/ sum cu rtsa gsum pa'i gnas na zhes bya ba'i tha tshig go/ /gnas mchog dag na zhes bya ba ni 'thab bral la sogs pa'i gnas dag na'o//'jig rten gyi khams gzhan dag na yang khyod 'dra ba/ med par shes par bya ba'i phyir/ /phyogs dang phyogs mtshams dag na'ang med/ /ces bya ba smos so/ /'on te yid mi ches na 'ga' zhig gis ri rnams dang nags dag tu bcas pa'i ri dang nags su bcas pa'i sa stengs rgyas pa sems can mang po gnas pa 'di kun du yul gcig /bdag nyid tshol cig ces bya bar bsam pa yin no/ /bskal pa dgu yang bsdums so zhes bya ba ni brtson 'grus brtsams pa des bskal pa dgu bcu rtsa gcig gis brtson 'grus kyi pha rol tu phyin pa yongs su rdzogs pa'i phyir ro/ / de nyid kyi phyir bskal pa dgu bcu rtsa gcig lus pa'i tshe 'phangs so zhes bshad do/ /byang chub pa'i sngon rol gyi de ma thag ces bya ba ni zad pa dang mi skye ba shes pa'i mtshan nyid kyi byang chub kyi sngon rol gyi de ma thag go/ /de ci'i phyir zhe na/ pha rol tu phyin pa yongs su rdzogs pas byang chub 'thob kyi/pha rol tu phyin pa yongs su ma rdzogs pas ni ma yin no/ /ci rigs par zhes bya ba ni la la ni bsod nams kyang yin/ bya ba yang yin/ gzhi yang yin/ la la ni bsod nams kho na yin pas so/ /ji lta zhe na/ dper na zhes bya ba la sogs pa smos te/ srog gcod pa la sogs pa las kyi lam bdun po de dag ni las kyi rang bzhin yin pa'i phyir dang /sems pa'i lam yin pa'i phyir las kyang yin/ lam yang yin la/ brnab sems la sogs pa gsum ni sems pa zhes bya ba'i las kyi lam kho na yin pas las kyi lam mo/ /lus dang ngag gi las ni rnam pa gsum char yin no zhes bya ba ni re zhig rnam par smin pa yid du 'ong ba'i phyir bsod nams kyang yin la/las kyi ngo bo nyid yin pa'i phyir bya ba yang yin no/ /de dag kun nas slong bar byed pa'i sems pa ni de dag la brten nas 'jug pa'i phyir gzhi yang yin no/ /de kun nas slong bar byed pa'i sems pa ni lus dang ngag gi las kun nas slong bar byed pa yin te/rnam par smin pa yid du 'ong ba'i phyir bsod nams kyang yin la/ yid kyi las yin pa'i phyir bya ba yang yin no/ /gzhi ni ma yin te/ bya ba'i rten ma yin pa'i phyir ro/ /de dang lhan cig 'byung ba tshor ba la sogs pa ni rnam par smin pa yid du 'ong ba'i phyir bsod nams kho na yin gyi/bya ba 'am gzhi ni ma yin te/ de dag gi mtshan nyid med pa'i phyir ro/ /tshul khrims las byung ba zhes bya ba ni rnam pa gsum snga ma bzhin du sbyar bar bya'o/ /byams pa ni bsod nams kyang yin zhes bya ba yang snga ma bzhin du sbyar bar bya'o//bya ba'i gzhi yang yin te/ byams pa'i sgo nas byams pa'i dbang gis de dang mtshungs par ldan pa ste/ byams pa dang mtshungs par ldan pa'i sems pa mngon par 'du byed cing / sems par byed pa'i phyir ro/ / de dang lhan cig 'byung ba ste/ byams pa dang lhan cig 'byung ba'i sems pa dang / tshul khrims ni bsod nams kyang yin la/ bya ba yang yin te/ snga ma bzhin no/ /sems pa ni bsam gtan gyi sdom pa 'jug par bya'o snyam du brten nas 'jug pa ma yin te/ de'i phyir de bya ba'i gzhi ni ma yin no//de dang lhan cig 'byung ba tshor ba la sogs pa gzhan ni bsod nams kho na yin te/ snga ma bzhin no/ /de ltar na sbyin pa las byung ba'i bsod nams kyang yin/ bya ba yang yin/ gzhi yang yin pa dang / bsod nams kyang yin/ bya ba yang yin pa dang / bsod nams yin pas bsod nams bya ba'i gzhi'o//tshul khrims la sogs pa ni bsod nams kyang yin/ bya ba yang yin/ gzhi yang yin pas bsod nams bya ba'i gzhi'o/ /bsgoms pa las byung ba ni bsod nams kyang yin/ bya ba'i gzhi yang yin pa dang / bsod nams kyang yin/ bya ba yang yin pa dang /bsod nams yin pas bsod nams bya ba'i gzhi'o/ /mi mthun pa rnams la yang gcig bsdus par 'dod de/ dper na gang mi mngon pa dag ni yon tan no zhes bya ba de lta bu'o/ /gang sbyin par bya ba de yang sbyin pa yin mod kyi zhes bya ba ni sbyin par bya ba'i dngos po ste/ las su sgrub pa yin no//gang gis sbyin byed de sbyin pa/ /zhes bya ba ni 'dir sbyin pa dge ba yin par 'dod de/ sbyin par bya ba gos la sogs pa ni lung du ma bstan pa nyid yin no/ /'dod chags la sogs pas zhes bya ba la sogs pa zhes bya ba'i sgras ni khro ba dang / phrag dog la sogs pa bsdu'o//tshogs gang gis zhes bya ba ni sems dang sems las byung ba'i tshogs so/ /phung po rnams zhes bya ba ni phung po lnga'o/ /yang na lus dang ngag gi rnam par rig byed kyang gzugs kyi phung po yin par blta'o/ /byung ba zhes bya ba 'di ni rang bzhin yin zhes bya ba ni gyur pa la sogs pa ma yin pa'o//dper na rtswa las byung ba'i khyim zhes bya ba ni rtswa las gyur pa med kyi/ de dag ma gyur pa kho nas de byas pa yin pas de'i phyir rtswa las byung ba de ni rtswa'i ngo bo nyid yin no zhes bya bar shes te/ de gyur pa nyid yin par yongs su brtags nas byung ba zhes bya'o snyam du bsam pa yin no//yang na de'i rang bzhin yin par brjod par bya ba'i phyir byung ba zhes bya ba'i mtshan nyid 'dis byung ba zhes brjod do/ /de bzhin du lo ma las byung ba'i snod ces bya ba 'di yang brjod par bya'o/ /mthong ba'i chos la myong bar 'gyur ba ma gtogs zhes bya ba ni de gnyi ga'i don yin pa'i phyir ma gtogs so//de'i rnam par smin pa'i sa las yang dag par 'das pa'i phyir zhes bya ba 'dod pa'i khams las shin tu yang dag par 'das pa'i phyir zhes bya ba'i tha tshig ste/ 'dod pa'i khams ni sbyin pa'i rnam par smin pa'i sa yin pas so/ /thos pa la sogs pa'i yon tan dang ldan pa zhes bya ba la sogs pa zhes bya ba'i sgras ni gtong ba dang /shes rab dang / 'dod chen chung ba la sogs pa'i yon tan dang ldan pa bsdu'o/ /gus la sogs pas sbyin par byed/ /ces bya ba ni 'di la gus pa la sogs pa yod pas na gus la sogs te/ 'di ni bya ba'i khyad par yin no//go rims bzhin du khyad par bzhir 'gyur ro zhes bya ba ni gus par sbyin pas ni bkur sti rnyed par 'gyur ro/ /rang gi lag nas sbyin pas ni longs spyod rgya chen po la dad pa rnyed par 'gyur ro/ /dus su byin pas ni gang gi tshe longs spyod longs spyad par nus pa'i dus las mi yol bar dus su rnyed par 'gyur ro//gzhan la mi gnod par byin pas ni longs spyod bar chad med par rnyed par 'gyur ro/ /'di'i dus su reg na bde ba'i lus su 'gyur ro zhes bya ba ni grang ba'i tshe ni dro ba la/ dro ba'i tshe ni grang zhing / thal mal pa'i tshe ni tha mal par 'dug pa'o//grang ba la sogs par zhes bya ba la sogs pa zhes bya ba'i sgras ni yul ngan dang / char 'bab pa la sogs pa bsdu ste/ de ni mdo las ji skad 'byung ba bzhin no/ /'di lta ste pha ma zhes bya ba ni phan 'dogs pa'i khyad par las te/ de gnyis la phan pa dang gnod pa byas pas 'bras bu chen po dag tu 'gyur ro zhes bya ba'i don du khong du chud par bya'o//dom dang ri dgas la sogs pa'i skyes pa'i rabs dper bya'o zhes bya ba ni dom dang ri dgas kyi phug tu bcug nas lus kyi drod kyis bsros pa dang / chus khyer ba las bsgral ba las phan 'dogs 'dogs pa dag la gnod pa byas pas 'phral la lag pa chad pa lta bu'o//sogs pa zhes bya ba'i sgras ni spre'u'i skyes pa'i rabs la sogs pa dper brjod par bya'o/ /tshul khrims dang ldan pa la byin na rnam par smin pa 'bum 'gyur zhes bya ba de lta bu la sogs pa'o zhes bya ba la sogs pa zhes bya ba'i sgras ni rgyun du zhugs pa'i 'bras bu la 'jug pa la byin na rnam par smin pa tshad med do//de bas kyang rgyun du zhugs pa la byin na ches tshad med do zhes bya ba la sogs pa bsdu'o/ /de ma gtogs pa zhes bya ba ni byang chub sems dpa'i sbyin pa bshad ma thag pa ste/de ni yang dag par rdzogs pa'i byang chub kyi don dang / sems can thams cad kyi don du byin pa yin no/ /lhag ma ni go sla bas rnam par ma phye'o zhes bya ba ni bdag la byin pas sbyin pa zhes bya ba de lta bu la sogs pa'o/ /bdag la byin pas sbyin pa zhes bya ba ni 'dis sngon bdag la byin no snyam nas sbyin pa ste/gsum pa yin no/ /bdag la sbyin par 'gyur bas sbyin pa zhes bya ba ni bzhi pa yin no/ /sngon bdag gi pha dang mes po dag gis sbyin pa byin pas/ sbyin pa byin pa zhes bya ba ni lnga pa yin no/ /mtho ris kyi don du sbyin pa ni drug pa yin no//grags pa'i don du sbyin pa zhes bya ba ni bdun pa yin no/ /sems kyi rgyan gyi don zhes bya ba nas don gyi mchog thob par bya ba'i phyir sbyin pa zhes bya ba'i bar ni brgyad pa yin no/ /sems kyi rgyan gyi don ni rdzu 'phrul gyi don no/ /sems kyi yo byad kyi don ni sems kyi yo byad brgyad de/'phags pa'i lam yan lag brgyad pa'o/ /rnal 'byor gyi tshogs kyi don ni rnal 'byor gyi rgyu'i don no/ /don gyi mchog thob pa ni dgra bcom pa nyid dam/ mya ngan las 'das pa thob pa ste/ de'i phyir sbyin pa'o/ /brgyad pa ni khyad par bzhi yin yang de dag ni mya ngan las 'das pa thob par byed pa kho na yin pa'i phyir/gcig yin pas slob dpon gyis go sla'o zhes bshad do/ /zhing gi khyad par rnam pa bzhi zhes bya ba ni 'grol ba dang / sdug bsngal dang / phan 'dogs pa dang / yon tan gyi zhing ngo / /phyogs gang du gtogs par bya zhes bya ba ni gang gi phyir de 'gro ba'i zhing nyid dang /yon tan gyi zhing nyid du yang mi rung ba de'i phyir 'dri ba yin no/ /mthun pa dang mi mthun pa rab tu ston par byed pa ni zhes bya ba ni chos dang chos ma yin pa'o/ /rnam par smin pa nges par gnas pa'i phyir zhes bya ba ni rnam par smin pa 'byin par nges par gnas pa'i phyir zhes bya ba'i tha tshig go//la la ni zhing gi dbang po kho nas so zhes bya ba ni dper na mi phal pa bsad pa bas pha bsad pa lta bu'o/ /de nyid la gzhi'i dbang gis zhes bya ba ni las kyi lam gyi dbang gis so/ /ji ltar zhe na/ smras pa pha dang ma la srog gcod pas las lci ba ltar ma byin par blangs pa la sogs pas ni de ltar lci ba ma yin no//pha dang ma dag gi nor rku ba'i las ni de dang 'dra bar lci ba ma yin te/ de dag bsad pa ni mtshams med pa'i ngo bo nyid yin pa'i phyir ro/ /sogs pa zhes bya ba'i sgras ni brdzun du smra ba dang /phra ma la sogs pa bsdu'o/ /de bzhin du gzhan la yang sbyar bar bya'o zhes bya ba ni la la ni sbyor ba'i khyad par gyis lci bar 'gyur te/ rnam par smin pa nges par gnas pa'i phyir ro/ /la la ni sems pa'i khyad par gyis so/ /la la ni bsam pa'i khyad par gyis so//blo sngon du ma btang ba yang ma yin la/ bab col du byas pa yang ma yin no zhes bya ba la/ rnam pa gcig tu na blo sngon du ma btang bar byas pa ni 'di bya'o snyam du ched du bsams nas byas pa ma yin pa'o/ /de ni bsags pa ma yin gyi/ las de ni lung du ma bstan pa yin no//bab col du byas pa ma yin pa zhes bya ba ni blo sngon du btang zin kyang byung rgyal du byas pa ma yin pa ste/ goms te kha lang du red pas brdzun du smra ba la sogs pa mi dge ba gang yin pa de ni byas pa yin gyi/ bsags pa ni ma yin no/ /gsum gyi bar gyi zhes bya ba ni lus dang /ngag dang / yid kyis nyes par spyad pa dag gis so/ /gnyen po med pa yin no zhes bya ba ni phyir 'chags pa la sogs pa'i gnyen po med pa'i phyir ro/ /mi dge ba la 'khor yang mi dge ba yin zhes bya ba ni gang zhig byas nas kyang rjes su yi rang bar byed pa'o/ / rnam par smin pa 'byin par nges pa yin no zhes bya ba ni mi dge ba'i mtshan nyid rgyas par bskyed pa'i phyir ro/ /de bzhin du dge ba la yang sbyar bar bya'o zhes bya ba ni bsams bzhin las ji lta bu zhe na/ ched du bsams nas byas pa yin gyi/ blo sngon du ma btang bar byas pa ma yin pa ste/dper na lung du ma bstan pa'i sems kyis rdo sbyin no snyam pa las gser gyi gong bu byin par gyur pa lta bu'o/ /de ni byas pa yin gyi/ bsags pa ni ma yin te/ las de ni lung du ma bstan pa yin no/ /bab col du byas pa ma yin pa ni dper na kha goms pas bden pa smra ba lta bu ste/de ni byas pa yin gyi mi dge ba yang ma yin la/ bsags pa yang ma yin no/ /rdzogs pas ji lta bu zhe na/ kha cig ni legs par spyad pa gcig gis mtho ris su 'gro la/ kha cig ni gsum gyi bar gyis 'gro ba dang / kha cig ni las kyi lam gcig gis mtho ris su 'gro la/kha cig ni bcu'i bar gyis 'gro ba de la gang zhig gis ji tsam gyis der 'gro bar 'gyur ba rdzogs par ma byas na las de byas pa yin gyi/ bsags pa ma yin no/ /rdzogs na ni bsags pa yin no/ /de bzhin du rnam par smin pa 'byin par byed pa zhes bya ba'i bar ci rigs par sbyar bar bya'o//'dod chags dang bcas pas mchod rten la sbyin pa byin pa ni bdag gi don du'o zhes bshad pa zhes bya ba ni/ bdag gzhan don phyir gnyis don phyir/ /zhes bya ba der ro/ /gtong ba'i rgyu las byung ba kho na bsod nams yin no zhes bya bar mi bzod nas/su la'ang phan btags pa med pa'i phyir ro zhes bya ba smos so/ /len par byed par yod na ni gtong ba'i rgyu las byung ba'i bsod nams rung ste/ de la ni dga' ba dang phan btags pa yin pas blangs so zhes bya bar rung ngo / /len med byams sogs bzhin zhes bya ba ni byams pa la sogs pa dang 'dra bas na byams sogs bzhin te/len par byas pas len pa med kyang rung ngo / /pha rol po la phan btags pa med kyang rung / dge ba'i rtsa ba la sogs pa'i stobs bskyed pas bsod nams su 'gyur ba de bzhin du de bzhin gshegs pa la sogs pa yon tan dang ldan pa 'das kyang de la dad pas byas pa ste/mchod rten la phul ba bsod nams su 'gyur ro/ /'o na ni sbyin pa dang mchod pa bya ba don med par 'gyur ro zhes bya ba ni/ gal te rang gi sems kho na las bsod nams su 'gyur na/ sems 'ba' zhig gi sbyin pa dang mchod pa dag bya dgos te/de kho na las bsod nams 'thob pa'i phyir ro/ /ma yin te/ las de kun nas slong bar byed pa'i dad pa ni ches mchog yin pa'i phyir zhes bya ba ni de lta ma yin no/ /ci'i phyir zhe na/ 'di ltar bcom ldan 'das la sems tsam gyis sbyin pa dang / mchod pa dag sems par byed pa'i dad pa gang yin pa de bas ni sbyin pa dang /mchod pa dag dngos su byed pa'i dad pa 'di ches mchog yin te/ lus dang ngag gi las dag kyang 'jug par byed pa'i phyir ro/ /sems tsam gyi sems par byed pa'i dad pa ni lus dang ngag gi las dag 'jug par mi byed do/ / ji ltar zhes bya ba rgyas par 'byung ba ni ji ltar dgra bsad do snyam du bsam pa'i bsam pa can 'ga' zhig des kun nas bslang ba'i lus dang / ngag gi las de shi bzhin du dgra'i 'du shes kyis te/ dgra 'di da dung ma shi'o snyam pa'i 'du shes 'dis byed na/ sems pa'i rgyun chags phyir bsod nams ma yin pa ches mang du skye bar 'gyur gyi/bsam pa tsam bya bas stong pa ni ma yin pa de bzhin du bcom ldan 'das yongs su mya ngan las 'das pas 'das kyang de la dad pas kun nas bslang ba ste/ ston pa la dad pas kun nas bslang ba'i sbyin pa dang / mchod pa bya ba mjug tu gyur pa ji lta bu byed na bsod nams ches mang du 'gyur gyi/dad pa tsam bya bas stong pas ni ma yin no/ /'o na ni zhing ngan pa la byin pa 'bras bu yid du mi 'ong bar 'gyur ro zhes bya ba ni gcer bu pa dag chom rkun pa la sogs pa la byin na 'bras bu yid du mi 'ong bar 'gyur ro zer ba ltar na/zhing bzang po la ni 'bras bu yid du 'ong bar 'gyur la/ /zhing ngan pa la ni zlog pa yin pas de'i phyir smra bar byed do/ /rgyu las 'bras bu mi 'khrul phyir/ /ngan pa'i zhing la'ang 'bras yid 'ong / /zhes bya ba ni/ zhing gi khyad par las 'bras bu yid du 'ong bar 'gyur ro zhes ni mi zer ro//'o na ci zhe na/ khyad par du 'phags par 'gyur ro zhes zer te/ zhing bzang po la srog gcod pa la sogs pa'i sa bon gyi 'bras bu ni yid du 'ong bar mi 'gyur ro/ /zhing ngan pa la yang sa bon las te/ rgyun gyi sa bon las 'bras bu rgyun gyi 'bras bu mi 'khrul pa mthong ste/rgyun gyi 'bras bu kho na mngar bar mthong gi nim pa'i 'bras bu ni ma yin no zhes bya ba'i tha tshig go/ /de bzhin du nim pa'i sa bon las ni nim pa'i 'bras bu kha ba kho na skye ste/ rgyun gyi sa bon ni dge ba'i dper brjod pa yin no/ /nim pa'i sa bon ni mi dge ba'i dper brjod pa yin no//'chal ba'i tshul khrims ni mi dge'i gzugs zhes bya ba ni/ 'chal ba'i tshul khrims ni srog gcod pa la sogs pa'i mtshan nyid rang bzhin gyi kha na ma tho ba'i gzugs yin no/ /sangs rgyas kyis ni bcas pa yang / /zhes bya ba ni/bcas pa'i kha na ma tho ba'o/ /bslab pa mnos pas de dag spyad na 'chal ba'i tshul khrims su 'gyur ro zhes bya ba ni/ de dag spong ba mnos pa bcom ldan 'das kyi bka' la ma gus pa'i phyir 'chal ba'i tshul khrims su 'gyur te/ shugs kyis na tshul khrims ma nos pa'i ni 'chal ba'i tshul khrims ma yin no zhes bshad pa yin no//rnam dag yon tan bzhi ldan no/ /zhes bya ba ni 'di la yon tan bzhi yod pas na yon tan bzhi ldan no/ /'chal ba'i tshul khrims kyis 'phan ma byung ba ni ji skad bshad pas zhes bya ba ni/ 'chal ba'i tshul khrims mi dge'i gzugs//zhes bya ba 'di lta bus so/ /'chags pa la sogs pa zhes bya ba ni 'chal ba'i tshul khrims kyi rgyu de dag kun du spyod pa dang ldan pas ni 'phan 'byung bar 'gyur ro/ /'chal ba'i tshul khrims kyi gnyen po la brten pa zhes bya ba bstan pa'i phyir/dran pa nye bar gzhag pa la brten pa'i phyir ro zhes bya ba smos te/ las kyi lam dngos kyi rnam par dag pa zhes bya ba ni srog gcod pa la sogs pa dngos kyis nyams par ma byas pa zhes bya ba'i tha tshig go/ /nyer bsdogs dag gis rnam par dag pa zhes bya ba ni srog gcod pa la sogs pa'i sbyor ba dag gi sa sun ma phyung ba zhes bya ba'i don to//rnam par rtog pa rnams kyis zhes bya ba ni 'dod pa'i rnam par rtog pa la sogs pas so/ /dran pas yongs su bzung ba zhes bya ba ni lus dran pa nye bar gzhag pa dag gis brtan por byas pa'am/ tshul khrims dran pas yongs su bzung ba'o//legs su smon pa'i tshul khrims zhes bya ba la/ legs su smon pa ni don du gnyer ba'o/ /srid pa dang / /longs spyod dang / bkur sti la chags nas bsrung ba gang yin pa'o zhes bya ba ni srid pa dang / longs spyod dang / bkur sti la sred pa des mnos pa zhes bya ba'i tha tshig go//yang dag pa'i lta ba can rnams zhes bya ba ni sangs rgyas kyi bstan pa la zhugs pa rnams te/ gzhan mu stegs can rnams kyi ni yang dag pa'i lta ba can ma yin pa'i phyir ro/ /byang chub kyi yan lag gi rjes su 'jug pa ma yin no//mnyam par gzhag pa'i dge ba ni zhes bya ba la/ mnyam par gzhag pa zhes bya ba smos pa ni mnyam par gzhag pa ma yin pa bzlog pa'i phyir ro/ /dge ba zhes bya ba smos pa ni snyoms par 'jug pa'i ro myang ba dang mtshungs par ldan pa'i bsam gtan nyon mongs pa can bsal ba'i phyir te/de yang mnyam par gzhag pa'i dge ba dang 'dra ba ni 'byung ngo / /ting nge 'dzin gyi rang bzhin dang / de dang lhan cig 'byung ba gang yin pa'o zhes bya ba ni ting nge 'dzin gyi ngo bo nyid dang / de dang lhan cig 'byung ba gang yin pa'o zhes bya ba'i tha tshig go/ /mnyam par gzhag pa'i dge ba de ni zhes bya ba rgyas par 'byung ba ni mnyam par gzhag pa'i dge ba de ni sems la shin tu bsgo bar byed cing /goms par byed de/ mnyam par gzhag pa ma yin pa yang bsgo bar byed mod kyi de ltar shin tu ni ma yin no zhes ston par byed do//ji lta zhe na/ rgyud yon tan rnams kyis de'i bdag nyid du byed pa'i phyir zhes bya ba smos te/ 'di ltar rgyud ting nge 'dzin gyi yon tan rnams kyis de'i bdag nyid du byed pas so/ /'dir dpe me tog rnams kyis til la bsgos pa bzhin no zhes bya ba smos te/ dper na me tog rnams kyis me tog gi dri'i bdag nyid du byed pa'i phyir til la bsgo bar byed pa de dang 'dra ste 'di skad du/bsgoms pa las byung ba ni bsgom pa'i bag chags de'i ngo bo nyid kyi bsod nams yin no zhes bshad par 'gyur ro/ /yang tshul khrims dang bsgom pas cir 'gyur zhes bya ba'i tshig lhag ma'i sgo nas don 'dri ba yin no//mtho ris don du tshul khrims gtso phyir zhes bya ba ni mtho ris kyi don du tshul khrims gtso bo yin gyi/ gzhan ni mtho ris kyi don du ma yin no/ /gzhan yang gang zhig ce na sbyin pa'o/ /sbyin pa yang mtho ris kyi don du 'gyur la/ zhi gnas dang /lhag mthong dag ni tshul khrims la brten pa'i phyir tshul khrims kyis kyang 'bral bar ni 'gyur mod kyi/ dngos su bral ba thob par byed pa'i phyir ram/ spong ba'i las kyis bsdus pa yin pa'i phyir 'bral bar bya ba la bsgom pa ni gtso bo yin pa'i phyir ro/ /bsod nams bya ba'i gzhi'i zhar la/mdo las zhes bya ba ni 'di rgyas par 'god de/ mdo las gang zag bzhi ni tshangs pa'i bsod nams bskyed de/ ma byas pa'i sa phyogs su de bzhin gshegs pa'i sku gdung gi mchod rten byed pa 'di ni gang zag tshangs pa'i bsod nams bskyed pa dang po yin no//phyogs bzhi'i dge 'dun la kun dga'i ra ba 'bul zhing / kun dga'i ra ba de nyid du gtsug lag khang rtsig par byed pa 'di ni/ gang zag tshangs pa'i bsod nams bskyed pa gnyis pa yin no/ /de bzhin gshegs pa'i nyan thos bye ba sdums byed pa 'di ni gang zag tshangs pa'i bsod nams bskyed pa gsum pa yin no//byams pa'i sems kho na med pa/ 'gran zla med pa/ gnod pa med pa/ yangs pa/ rgya chen por gyur pa/ mi gnyis pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas so//de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar rnam pa thams cad du thams cad dang ldan pa'i 'jig rten 'di khyab par byas nas rdzogs par byas te/ gnas pa 'di ni gang zag tshangs pa'i bsod nams bskyed pa bzhi pa yin no zhes bshad do//mtshan rnam par smin pa can gyi las kyi tshad shes par bya ba'i phyir bshad pa gang yin pa'o zhes bya ba ni byang chub sems dpa' nye ba ma gtogs pa sems can thams cad kyi longs spyod kyi 'bras bu can zhes bya ba de lta bu la sogs pa bshad pa gang yin pa'o//tshangs pa'i bsod nams zhes bya ba ni tshangs pa rnams kyi yin pas na tshangs pa'i 'o/ /'dir ni tshangs pa'i mdun na 'don pa rnams kyang tshangs pa'i zhes bya ba'i sgrar 'dod de/ 'di ltar tshangs pa'i mdun na 'don pa rnams kyi tshe bskal par thub pa'i phyir te/ tshangs pa'i mdun na 'don rnams kyi tshe yang bskal par thub par bshad la/ las 'dis kyang mtho ris dag tu bskal par dga' bar 'gyur bas so/ /sde pa gzhan gyi gzhung las/ tshangs pa'i bsod nams skyed pa ni/ /bskal par mtho ris dga' bar gnas/ /zhes 'byung bas de dang chos mthun pa'i phyir 'di tshangs pa'i bsod nams zhes bya'o//'dod pa'i khams na las dge ba'i rnam par smin pa bskal par thub pa med pa ma yin nam zhe na/ gcig gi ni med pa bden na shi 'phos nas yang de nyid du skye ba'i nying mtshams sbyor ba'i phyir gang dag gi mtho ris kyi 'bras bu rim gyis bskal pa'i tshad tsam du thub pa mngon par 'grub par 'gyur ba'i sems pa/rten gcig pa dag ni mang po zhig 'byung ngo / /kha cig na re tshangs pa'i bsod nams ni bsod nams chen po yin no zhes zer ro/ /mdo sogs zhes bya ba la sogs pa zhes bya ba'i sgras ni bstan pa'i yan lag bcu gnyis bsdu ste/mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang /de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i sde dang / gtan la bab par bstan pa'i sde zhes bya ba'i yan lag rnams so/ /nyon mongs pa can ma yin pas zhes bya ba ni nyon mongs pa can gyi sems kyis kun nas ma bslangs pa zhes bya ba'i tha tshig go//bsod nams chen po nyams par byed pa zhes bya ba ni bsod nams ma rung bar byed pa'o/ /bsod nams kyi cha dang mthun pa zhes bya ba ni bsod nams kyi cha thob pa yin pas na bsod nams kyi cha ste/ bsod nams kyi 'bras bu thob pa zhes bya ba'i tha tshig go//de dang mthun par ni bsod nams kyi cha dang mthun pa'o/ /de nyid kyi phyir/ rnam par smin pa yid du 'ong ba can gang yin pa'o zhes bya ba smos so/ /rnam pa gcig tu na cha ni gsum ste/ bsod nams kyi cha dang / bsod nams ma yin pa'i cha dang /mi g.yo ba'i cha'o/ /de las de dang mthun pa'i cha ni bsod nams kyi cha dang mthun pa'o/ /yang na bsod nams la brten pas na bsod nams kyi cha'o/ /bsod nams nyid bsod nams kyi cha dang mthun pa yin te/ rang gi don gyi rkyen gyi dbang du byas pa yin no//thar pa'i cha dang mthun pa yang de dang 'dra'o/ /yang na cha ni gnyis te/ 'khor ba'i cha dang / thar pa'i cha'o/ /de las thar pa'i cha dang mthun pa gang yin pa de ni thar pa'i cha dang mthun pa'o/ /yang na thar pa'i cha ni thar pa thob pa'o/ /de'i phyir de dang mthun pa de ni de'i thob pa dang mthun pa yin pas thar pa'i cha dang mthun pa ste/de'i mtshan nyid ni 'og nas 'chad do/ /nges par 'byed pa'i cha dang mthun pa yang de bzhin du sbyar bar bya'o/ /'og nas bshad par bya'o zhes bya ba ni/ de las dro bar gyur pa skye/ /zhes bya ba der ro/ /las kyi skabs su las kyi rang bzhin gyi mtshan nyid 'jig rten na yig 'bru zhes bya ba la sogs pa 'di brjod de/kun nas slong ba dang bcas pa zhes bya ba ni sems dang sems las byung ba'i tshogs dang bcas pa ste/ gang gis lus kyi las slong bar byed pa'o/ /lus kyi las kun nas slong ba dang bcas pa rigs pas rab tu bcug pa de ni yig 'bru dang rgya yin no// //bam po sum cu rtsa brgyad pa/ rgyu la 'bras bu btags pa'i phyir te/ bstan bcos las ni lus kyi las gang gis yig 'bru 'bri zhing rgya rko bar byed pa ste/ yig 'bru dang rgya yin par bzhed kyi/ 'jig rten na ji skad grags pa lta bu ni ma yin te/ 'jig rten na ni yig 'bru ni glegs bam la sogs pa na yod pa'i yi ge'i mtshan ma yin no/ /rgya ni yi ge dang yi ge ma yin pa'i mtshan ma yin no zhes bya bar 'dod do/ /bgrang ba dang snyan dngags ni ngag gi las rigs pas rab tu bcug pa kun nas slong ba dang bcas pa yin no zhes bya bar sbyar ro//phung po lnga'i rang bzhin no zhes bya ba ni yig 'bru dang rgya dag gi gzugs kyi phung po ni lus kyi las so/ /bgrang ba dang snyan dngags dag gis gzugs kyi phung po ni ngag gi las so/ /gnyis ka la yang kun nas slong bar gyur pa tshor ba la sogs pa phung po bzhi yod pas de dag ni phung po lnga'i rang bzhin no//yid kyi chos rnams sdom par byed pa gang yin pa'o zhes bya ba ni gcig gnyis/ gsum zhes bya ba la sogs pa'i grangs so/ /chos mngon pa pa rnams na re yang na gang la yid kyis bgrang bar byed pa yin no zhes zer ro/ / grangs 'di yang 'khor dang bcas pas gzung ba'i phyir phung po bzhi'i rang bzhin no/ /yig 'bru la sogs pa'i mtshan nyid bstan pa'i zhar la kha na ma tho ba dang bcas pa la sogs pa'i chos rnams kyi mtshan nyid bstan pa yang nye bar 'god par byed do/ /'brel pa gzhan yang rnam grangs 'di dag ni chos kyi phung po'i rnam par bshad pa las bstan la/'di yang de mdor bsdus pa yin pas rnam grangs 'di dag nye bar 'god do zhes bya ba yin no/ /nyon mongs pa'i mtshan nyid kyi kha na ma tho ba dang lhan cig 'jug pas na kha na ma tho ba dang bcas pa'o/ /nyon mongs pas bkab pa'i phyir bsgribs pa ste/nyon mongs pa rnams kyang mtshungs par ldan pa'i nyon mongs pa gzhan gyis bsgribs pa yin no/ /gnag pa'i phyir ram/ 'phags pa rnams kyis bor ba'i phyir ngan pa ste/ gnag pa ni nyon mongs pa dang ldan pa'i sgo nas khong du chud par bya'o//dri med dge zhes bya ba ni dge ba zag pa med pa de dag ni dag pa'i rab kyi mthar phyin pa'i phyir gya nom pa yin no/ /ngan pa dang gya nom pa dag las gzhan pa ni bar ma zhes bya bar grub pa yin no zhes bya ba ni nyon mongs pa dag kho na ngan pa yin la/ dge ba dri ma med pa dag kho na nges par gya nom pa yin no zhes bya bar nges par gzung ba'i phyir ro//de las gzhan pa dag ni ngan pa yang ma yin la/ gya nom pa yang ma yin pas bar ma yin par grub po/ /'dus byas dge bstan bya zhes bya ba ni zag pa dang bcas pa'ang rung zag pa med pa yang rung ste/khyad par med par bsten par bya zhing rgyud la bskyed pa'i sgo nas gus par bya ba yin no/ /lhag ma ni bsten par bya ba ma yin pa zhes bya ba lhag ma gang zhe na/ 'dus ma byas dang / mi dge ba dang / nyon mongs pa can gang dag yin pa ste/ bsgribs la lung du ma bstan pa zhes bya ba'i tha tshig go//goms par byar mi rung ba'i phyir ro zhes bya ba ni yang dang yang du byar mi rung ba'i phyir ro zhes bya ba'i tha tshig go/ /gzhan dag na re bskyed du mi rung ba'i phyir ro zhes zer ro/ /'bras bu yang med pa'i phyir ro zhes bya ba ni/ 'dus byas la ni rgyu 'bras dag /'dus ma byas la de dag med/ /ces 'byung bas so/ /bla ma dang bcas pa zhes bya ba ni phul du phyin pa dang bcas pa ste/ mi dge ba rnams ni bsgribs la lung du ma bstan pa rnams kyis bla ma dang bcas pa yin te/ bsgribs la lung du ma bstan pa rnams la rnam par smin pa yid du mi 'ong ba med pa'i phyir ro//bsgribs la lung du ma bstan pa rnams ni 'dus byas ma bsgribs la lung du ma bstan pa rnams kyis bla ma dang bcas pa yin te/ de dag nyon mongs pa can ma yin pa'i phyir ro/ /de rnams kyang dge ba zag pa dang bcas pa rnams kyis bla ma dang bcas pa yin te/dge ba zag pa dang bcas pa'i 'bras bu ni yid du 'ong ba yin pa'i phyir ro/ /de rnams kyang zag pa med pa rnams kyis bla ma dang bcas pa yin te/ nyon mongs pa med pa'i phyir ro/ /zag pa med pa'i 'dus byas rnams kyang 'dus ma byas rnams kyis bla ma dang bcas pa yin te/'dus ma byas rnams ni rtag pa'i phyir ro/ /'dus ma byas nam mkha' dang / so sor brtags pa yin pas 'gog pa dag kyang so sor brtags pas 'gog pas bla ma dang bcas pa yin te/ so sor brtags pas 'gog pa ni dge ba rtag pa yin pa'i phyir ro//thar pa bla na med pa yin/ /mya ngan las 'das pa las lhag par khyad par du 'phags pa ni med de/ 'di ltar dge slong dag chos 'dus byas sam 'dus ma byas ji snyed pa de dag gi nang na mchog ni 'dod chags dang bral ba yin par brjod do zhes brjod do//so sor brtags pas 'gog pa ni rtag pa'i phyir dang / dge ba'i phyir 'dus byas thams cad dang / 'dus ma byas nam mkha' dang so sor brtags pa ma yin pas 'gog pa dag pas kyang ches mchog yin no/ /chos mngon pa'i mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa las/las bstan pa zhes bya ba ste mdzod kyi gnas bzhi pa rdzogs so// //las las 'jig rten sna tshogs skyes/ /zhes bshad pa zhes bya ba ni bzhi pa'i dang por bshad pa yin te/de'i phyir 'brel pa 'dis na phra rgyas nye bar 'god do zhes 'brel pa ston par byed do/ /ji skad du bshad pa'i mtshan nyid kyi las rab tu dbye ba de dag kyang phra rgyas kyi dbang gis bsags par 'gyur zhing rnam par smin par nges par gnas te/ rnam par smin pa 'byin par nges par 'gyur ro zhes bya ba'i tha tshig go//phra rgyas med par te/ phra rgyas dag med par ni las dge ba'am mi dge ba dag srid pa ste/ skye ba mngon par 'grub cing bskyed par mi nus te/ dgra bcom pa la yang srid pa'i las ma nges pa dag ni med pa ma yin mod kyi/phra rgyas med pa'i phyir yang srid pa mngon par 'grub par mi nus so/ /de nyid kyi phyir de dag ma nges pa nyid du 'grub bo/ /ni zhes bya ba 'di ni gang gi phyir zhes bya ba'i don du ston pa yin te/ gang gi phyir phra rgyas dag med par srid pa mngon par 'grub par mi nus pa de'i phyir/phra rgyas kyi dbang gis bsags par 'gyur ro zhes bya bar bsams pa yin no/ /gzhan dag ni tshig 'di gnyis la 'di skad du 'chad de/ las de dag kyang phra rgyas kyi dbang gis bsags par 'gyur zhes bya ba ni las ma byas pa gang dag yin pa de dag phra rgyas kyi dbang gis yang srid pa mngon par 'grub par sogs par 'gyur ro zhes bya ba'i tha tshig ste/dgra bcom pa dag ni yang srid pa mngon par 'grub par bya ba'i phyir las rnams sogs par mi byed do/ /phra rgyas med par ni srid pa mngon par 'grub par mi nus zhes bya ba ni byas pa gang dag yin pa de dag kyang phra rgyas rnams med par srid pa mngon par 'grub par mi nus te/dgra bcom pa dag la so so'i skye bo'i gnas skabs na byas pa yang srid pa pa'i las dge ba'am/ mi dge ba ma nges pa dag ni med pa ma yin mod kyi/ phra rgyas med pa'i phyir de dag gis srid pa mngon par 'grub par mi nus so//de lta bas na de ltar don tha dad par brjod pas ni zhes bya ba ni bsdu ba'i don yin no zhe'o/ /srid pa'i rtsa ba phra rgyas zhes bya ba ni yang srid pa'am/ las kyi srid pa'i rtsa ba ni phra rgyas rnams yin te/ de sogs pa dang / kun nas slong ba'i rgyu yin pa'i phyir ro snyam du bsams pa yin no//rtsa ba brten par byed do zhes bya ba la rtsa ba ni 'dir thob pa yin te/ de rgyun mi 'chad pa'i don gyis brtan por byed do zhes bya ba'i tha tshig go/ /rgyud gnas par byed do zhes bya ba ni nyon mongs pa'i rgyun brgyud pas gnas par byed do zhes bya ba'i don to//zhing du sgrub par byed do zhes bya ba ni las bdag nyid skye ba dang mthun par byed do zhes bya ba'i tha tshig go/ /rgyu mthun pa sgrub par byed do zhes bya ba ni rang gi rgyu mthun pa nye ba'i nyon mongs pa skyed par byed pa ste/ dper na 'dod chags kyis ni ngo tsha med pa dang / rgod pa dang /ser sna dag skyed par byed la/ zhe sdang gis ni khro ba dang / phrag dog skyed par byed do zhes bya ba la sogs pa lta bu'o/ /las kyi srid pa mngon par sgrub par byed do zhes bya ba ni las nyid srid pa yin pas las kyi srid pa'o/ /de yang srid pa mngon par 'grub par bya ba'i phyir skyed par byed do zhes bya ba'i don te/'di ni srid pa'i rtsa ba phra rgyas zhes bya ba 'dis don bstan pa yin no/ /rang gi tshogs yongs su 'dzin par byed do zhes bya ba la/ rang gi tshogs ni nyon mongs pa'i tshul bzhin ma yin pa yid la byed pa'o/ /de yongs su 'dzin pa ste/ de ma 'ongs pa'i rgyu'i ngo bor gnas par byed do zhes bya ba'i tha tshig go//dmigs pa la kun du rmongs par byed do zhes bya ba ni yang dag pa ji lta ba bzhin mi 'dzin pa'i phyir ram/ blo nyams par byed pa'i phyir kun du rmongs par byed pa yin no/ /rnam par shes pa'i rgyun 'khrid par byed do zhes bya ba ni rnam par shes pa'i rgyun dmigs pa'am/yang srid par 'khrid par byed pa ste/ gal te srid pa'i rtsa ba phra rgyas zhes bya ba yang srid pa yin par bzung na ni 'di de'i dper brjod pa yin no/ /dge ba'i phyogs las g.yo bar byed do zhes bya ba ni dge ba'i phyogs las yongs su nyams par byed pa'o//'ching ba'i don du khyab par byed do zhes bya ba ni 'ching ba'i ched du khyab par byed cing mched par byed do zhes bya ba'i tha tshig go/ /ji lta zhe na/ khams las mi 'da' ba'i tshul gyis zhes bya ba smos te/ khams las mi 'da' ba'i rnam pas zhes bya ba'i don to/ /de ni 'di skad nyon mongs pa gang zhig khams gang du gtogs pa des ni khams de las mi 'da' bar byed do zhes bshad pa yin no//'dod chags kyi dbang gis gzhan dag ces bya ba ni dmigs pa gang la 'dod chags yod pa de la ni khong khro ba la sogs pa gzhan dag kyang rgyas par 'gyur te/ de nyid kyi phyir 'dod chags kyi phra rgyas med pas zag pa med pa dang /skal ba mi mnyam pa'i khams dag la nyon mongs pa rgyas par mi 'gyur ro/ /de ni 'og nas bshad par bya'o zhes bya ba ni dngos po gang zhig bdag tu lta ba dang sred pa dag gis bdag gir byas pa la ni phra rgyas gzhan dag kyang rgyas par 'gyur te/ras yug gsher ba la rdul dag 'chags par nus pa lta bu'o zhes de skad du bstan par bya'o/ /'on te 'dod pa'i 'dod chags kyi phra rgyas yin pas zhes bya ba la bye brag tu smra ba'i lugs kyis ni phra rgyas kun nas dkris pa yin no//gnas ma'i bu'i sde pa rnams kyi ltar na ni phra rgyas thob pa yin no/ /mdo sde pa'i lugs kyis ni sa bon yin no/ /phyis nges par 'byung ba zhes bya ba ni mjug tu nges par 'byung ba zhes bya ba'i tha tshig go/ /mthus yang dag par shin tu kun nas 'joms pa ni mtshan gyis yang dag par legs par 'joms zhes bya ba'i don to//'dir dper brjod pa ni/ phra rgyas dang bcas par spong bar byed do zhes bya ba 'di yin no/ /'di la 'gal ba ni 'di yin te/ bcas pa dang ldan pa'i tshig bsdu ba la ni gzhan nyid du mthong ste/dper na lha sbyin bu dang bcas pa zhes bya ba lta bu'o/ /de lta yin na ni mdo dang 'gal lo/ /chos mngon pa dang 'gal lo zhes bya ba ni 'dod pa'i 'dod chags kyi phra rgyas ni dbang po gsum dang mtshungs par ldan pa yin no/ /gsum gang zhe na/ bde ba dang / yid bde ba dang /btang snyoms kyi dbang po dag dang mtshungs par ldan no zhes 'byung ba 'di la ldan pa ma yin pa thob pa'i mtshan nyid/ dbang po gsum po de dag dang mtshungs par ldan par thal bar 'gyur bas bstan bcos dang 'gal ba yin no/ /phra rgyas dang bcas pa ni rjes su 'brel pa dang bcas pa zhes bya ba'i don yin pa'i phyir ro zhes bya ba ni 'dod pa'i 'dod chags kyi rjes su 'brel pa ni phra rgyas kyi sgrar gsungs te/rjes su 'brel pa yang nyon mongs pa gzhan skye ba dang mthun par gnas pa yin no/ /yang na phra rgyas rang rjes su 'jug pa yin te/ phra rgyas dang bcas par spong bar byed pa ni nyon mongs pa de yang rjes su mi 'jug par byed ces bya ba'i don to//yang na mdo las phra rgyas zhes bya ba'i sgra 'byung ba ni thob pa la nye bar btags pa yin te zhes bya ba ni nye bar btags pa la yod pa ni nye bar btags pa pa'o/ /gang la nye bar btags pa yin zhe na/de'i phyir thob pa la zhes bya ba smos so/ /phra rgyas zhes bya ba'i sgra dngos su ni kun nas dkris pa la 'jug go/ /nye bar gdags pas ni thob pa la 'jug ste/ de ni phra rgyas kyi rgyur gyur pa'i phyir ro/ dper na sdug bsngal gyi tshor ba'i rgyu yin pa'i phyir me sdug bsngal zhes bya ba de dang 'dra'o//chos mngon pa las phra rgyas zhes bya ba'i sgra 'byung ba ni nyon mongs pa kho na mtshan nyid pa yin te zhes bya ba ni mtshan nyid la yod pa'am/ mtshan nyid kyis rtsen pa ni mtshan nyid pa'o/ /mtshan nyid pa gang la yin zhe na/ de'i phyir/ nyon mongs pa kho na la zhes bya ba smos so//dmigs pa dang mtshungs par ldan pa'i sgo nas rgyas par 'gyur bas de lta bas na phra rgyas rnams ni mtshungs par ldan pa kho na yin no/ /don 'di la ni/ sems ni nyon mongs med phyir dang / /sgrib phyir dge dang 'gal phyir dang / /dge ba'ang dmigs pa'i phyir na 'dir//phra rgyas ldan pa ma yin min/ /zhes bya ba'i tshigs su bcad pa dper rjod par byed de/ sems ni nyon mongs byed phyir zhes bya ba 'di'i 'grel pa ni/ gang gi phyir phra rgyas rnams kyis sems nyon mongs pa can du 'gyur zhes bya ba 'di yin te/ ldan pa ma yin pa rnams kyis ni sems ni nyon mongs pa can du 'gyur mi srid do//sgrib phyir zhes bya ba'i tshig 'di'i 'grel pa ni/ sngon med pa'i dge ba mi skye ba zhes bya ba yin te/ phra rgyas dang bcas pa'i sems la ni sngon med pa'i dge ba mi skye'o/ /dge dang 'gal phyir zhes bya ba'i tshig 'di'i 'grel pa ni/skyes pa las kyang yongs su nyams par 'gyur zhes bya ba yin no/ /phra rgyas rnams ni dge ba dag dang 'gal te/ gang gi phyir dge ba skyes pa las yongs su nyams par 'gyur ba de'i phyir phra rgyas rnams ni dge ba dag dang 'gal lo/ /de'i phyir ldan pa ma yin pa ma yin no zhes bya ba ni gang gi phyir sems la de dag med par ni ji skad bshad pa'i nyon mongs pa can la sogs pa mi srid la/mtshungs par ldan pa dag gis ni de thams cad rung bar 'gyur bas so/ /'on te ldan pa ma yin pa rnams kyis kyang de ltar 'gyur na ni zhes bya ba ni ldan pa ma yin pa rnams kyis kyang sems nyon mongs pa can du 'gyur ba dang sngon med pa'i dge ba mi skye ba dang /skyes pa las kyang yongs su nyams par 'gyur na'o/ /gal te de lta na ni ldan pa ma yin pa de dag rtag tu nye ba'i phyir dge ba rnams kyang dmigs par mi 'gyur ba zhig ste/ 'di ltar ldan pa ma yin pa de dag ni nyon mongs pa can gyi gnas skabs dang /gzhan gyi gnas skabs na yang yod do/ /dge ba ni dmigs kyang dmigs te/ de bas na/ dge ba'ang dmigs pa'i phyir na 'dir/ /phra rgyas ldan pa ma yin min/ /zhes bya ba ni gnas pa yin no/ /slob dpon gyis bye brag tu smra ba rnams kyis/sems ni nyon mongs byed phyir dang / /zhes bya ba la sogs pa smos pa gang yin pa 'di gtan tshigs su mi rung ste zhes bya ba smras so/ /gang zhig phra rgyas ldan pa ma yin par 'dod pa zhes bya ba ni gnas ma'i bu'i sde pa'o/ /'di thams cad ces bya ba ni sems nyon mongs pa can la sogs pa'o//nyon mongs pas byas pa kho nar 'dod do zhes bya ba ni kun nas dkris pas byas pa kho nar zhes bya ba'i tha tshig ste/ kun nas dkris pa ni rtag tu nye ba ma yin pas dge ba dmigs pa 'grub po/ /'dod pa'i 'dod chags kyi phra rgyas ni zhes bya ba'i phyogs yongs su bzung na phra rgyas dang bcas par spong bar byed do zhes bya ba'i mdo dang ni 'gal ba med mod kyi/'on kyang phra rgyas ldan pa ma yin pa yin no zhes bya bar 'gyur bas de'i phyir phra rgyas ni mtshungs par ldan pa yang ma yin la/ ldan pa ma yin pa yang ma yin no zhes bya ba smos so//ji ltar zhe na/ de rdzas gzhan ma yin pa'i phyir zhes bya ba smos te/ nus pa'i ngo bo'i sa bon ni 'dod chags la sogs pa las don gzhan ma yin pa'i phyir ro/ /lus de rten gyi nyon mongs pa las skyes pa nyon mongs pa sngar byung bas bskyed pa nyon mongs pa bskyed pa'i mthu yin te/nyon mongs pa skyed par byed pa'i mthu yin no/ /dper na nyams su myong ba'i shes pa las skyes pa dran pa skyes pa'i mthu rdzas gzhan du gyur pa ma yin pa de dang 'dra'o/ /la la dran pa skyed pa'i rgyu ldan pa ma yin pa rdzas gzhan zhig yin par 'dod par dogs nas/yang dper na myu gu la sogs pa'i zhes bya ba rgyas pa dpe gzhan nye bar 'god de/ dper na myu gu la sogs pa'i sA lu'i 'bras bu sngar byung ba las skyes pa sA lu'i 'bras bu gzhan skyed par byed pa'i mthu rdzas gzhan du gyur pa ma yin pa de dang 'dra'o/ /gang zhig ces bya ba ni gnas ma'i bu'i sde pa'o//gal te nyon mongs pa'i phra rgyas zhes bya bar 'dod na 'o na mdo las nyon mongs pa nyid phra rgyas su gang gsungs pa de ji lta bu ste/ drug tshan drug pa'i mdo las/ gang zag 'di'i 'dod chags de bde ba'i tshor ba la rgyas par 'gyur ro zhes gsungs so//'dod chags kho na phra rgyas yin te/ bde ba'i tshor ba'i gnas skabs na 'dod chags kun du 'byung ba la de skad du gsungs kyi/ de'i sa bon ni ma yin no snyam du bsams pa yin no/ /'gyur ro zhes gsungs pa'i phyir de kho na na ni phra rgyas ma yin no zhes bya ba ni 'gyur ro zhes 'byung bas de ni 'dod chags kyi phra rgyas kho na yin gyi/'dod chags ni ma yin no/ /gnas skabs de na 'dod chags de'i phra rgyas skye bar 'gyur bas sa bon skye bar 'gyur ba yin gyi/ skyes pa ni ma yin pas der ni sa bon 'byung bar 'gyur ba'i gnas skabs brjod pa yin no snyam du bsam pa'o//'o na nam 'gyur zhe na zhes bya ba ni nam zhig phra rgyas yod ces bya ba'i tha tshig go/ /gang gi tshe nyal ba na 'gyur ro zhes bya ba ni gang gi tshe zhig pa na 'gyur ro zhes bya ba'i don to/ /yang na 'di ni rgyu la nye bar btags pa yin zhes bya ba ni rgyu 'dod chags la phra rgyas nye bar btags pa yin no//'dod chags ni 'dod chags kyi phra rgyas kyi rgyu yin te/ 'di ltar 'dod chags skyed pa'i nus pa 'dod chags las skyes pa la 'dod chags kyi phra rgyas zhes bshad do/ /de ni 'di skad du phra rgyas zhes bya ba'i sgra kha cig tu ni sa bon la bya la/ kha cig tu ni kun nas dkris pa la bya'o zhes bshad pa yin no//de dag ni phal cher snyoms par 'jug pa la 'dod chags pa yin la zhes bya ba ni de dag phal cher ro myang ba dang mtshungs par ldan pa'i bsam gtan la 'dod chags pa yin no/ /gzhal med khang la sogs pa la 'dod chags pa yang yod pas de'i phyir phal cher zhes bya ba smos so//de yang kha nang du bltas pa yin te/ mnyam par gzhag pa'i ngo bo yin pa'i phyir ro/ /de ltar yin na thar pa'i 'du shes nye bar gnas par 'gyur ba/ bcom ldan 'das kyis de la 'dun pa bzlog pa'i phyir 'dod pa'i 'dod chags dang / srid pa'i 'dod chags zhes bya ba de lta bu la sogs pa bstan to/ /de ni srid pa la 'dod chags pa yin gyi/ de thar pa la ni ma yin te/ thar pa la ni dge ba'i chos la 'dun pa yin no/ /lus kho na srid pa yin zhes bya ba ni slob dpon gyi gzhung lugs yin no snyoms par 'jug pa rten dang bcas pa zhes bya ba ni snyoms par 'jug pa lus dang bcas pa'o//ro myong bar byed pa ni 'dod pa'i 'dod chags dang bral ba'i phyir lus kho na ro myong bar byed pa yin gyi/ 'dod pa'i yon tan dag ni ma yin no/ /de'i phyir 'dod chags de ni srid pa'i 'dod chags zhes bshad kyi 'dod pa'i 'dod chags zhes ni ma yin no zhes ston par byed do//chos mngon pa las zhes bya ba ni mdo las ni ma yin no snyam du bsam pa yin no/ /kun 'byung ba mthong bas spang bar bya ba bdun zhes bya ba ni 'jig tshogs la lta ba ni 'bras bur gyur pa nye bar len pa'i phung po lnga la dmigs par byed pa yin pas sdug bsngal mthong bas spang bar bya ba kho na yin no//de bzhin du mthar 'dzin par lta ba yang phung po de dag nyid la rtag pa dang chad pa'i mthar 'dzin pa'i phyir la/ tshul khrims dang brtul zhugs mchog tu 'dzin pa yang phung po de dag nyid la 'dag pa dang grol ba dang nges par 'byung bar dmigs par byed pa yin pas na kun 'byung ba mthong bas spang bar bya ba ma yin te/de bzhin du 'gog pa mthong bas spang bar bya ba la yang sbyar bar bya'o/ /lam mthong bas spang bar bya ba ni brgyad de zhes bya ba ni tshul khrims dang brtul zhugs mchog tu 'dzin pas bsnan te/lam gyis 'dag par 'gyur ba de bor nas gzhan tshul khrims dang brtul zhugs kyis 'dag 'dag par yid ches pas log par zhugs pa'i phyir lam mthong bas spang bar bya ba yin no/ /nyon mongs pa gang zhig bden pa gang la skur pa 'debs par zhugs pa de ni de mthong na spong bar 'gyur te/thag par mthong bas sbrul du 'khrul pa bzhin no/ /bden pa rnams mthong ba tsam gyis spong ba'i phyir ro zhes bya ba ni goms pas spong ba ma yin pa'i phyir ro snyam du bsam pa yin no/ /bden pa mthong ba phyis lam goms par byas pas spong ba'i phyir ci zhe na/de dag ni bsgom pas spang bar bya ba yin no zhes bya bar skabs dang sbyar ro/ /de ltar na sgom pa ni goms pa yin te/ yang dang yang du skyed par byed pa zhes bya ba'i tha tshig go/ /de dag ni ji lta bu yin zhes bya ba ni 'dod chags la sogs pa nyon mongs pa bzhi la rtag pa yin te/'dod chags dang / khong khro ba dang / nga rgyal dang / ma rig pa de dag ni bshad ma thag pa yin la/ de dag kyang 'di dag ni mthong bas spang bar bya'o/ /'di dag ni bsgom pas spang bar bya'o zhes bya bar yongs su gcad par dka' bas so//'jig tshogs la sogs pa la sems par byed pas ni ma yin te/ gang dag sdug bsngal gyi bden pa la log par zhugs pa de dag ni sdug bsngal gyi bden pa mthong bas spang bar bya ba yin la/ de bzhin du gang dag lam la log par zhugs pa de dag ni lam mthong bas spang bar bya ba yin no zhes bya ba'i bar du de lta bur yongs su bcad sla ba'i phyir ro//de la gang dag ces bya ba ni 'dod chags la sogs pa'o/ /gang zhig mthong ba ni bden pa gang zhig mthong ba ste/ 'di dag la gang zhig mthong bas spang bar bya ba'i dmigs pa yod pas de dag ni gang zhig mthong bas spang bar bya ba'i dmigs pa can yin no//de dag ni de mthong bas spang bar bya ba'i yin zhes bya ba ni 'dod chags la sogs pa de dag go/ /de mthong ba ni bden pa de mthong ba'o/ /de mthong bas spang bar bya ba ni de mthong bas spang bar bya ba yin te/ 'di skad du 'dod chags la sogs pa gang dag sdug bsngal mthong bas spang bar bya ba nas lam mthong bas spang bar bya ba'i bar gyi nyon mongs pa la dmigs par byed pa de dag ni de mthong bas spang bar bya ba yin no zhes bshad pa yin no//ma rig pa'i phra rgyas ni 'phags pa'i bden pa bzhi char la yang dmigs pa can yang yin pas gang zhig gi dmigs pa can dang /gang zhig mthong bas spang bar bya ba'i dmigs pa can zhes brjod dgos so zhe na/ gcig bsdus pa'i tshul gyis 'grub pa'i phyir brjod par bya mi dgos te/ 'di dag la bden pa gang zhig dang gang zhig mthong bas spang bar bya ba'i nyon mongs pa la dmigs pa yod pas 'di dag ni gang zhig mthong bas spang bar bya ba'i dmigs pa can te/de dag ni de mthong bas spang bar bya ba yin no/ /ma rig pa'i phra rgyas kun du 'gro ba kun 'byung ba mthong bas spang bar bya ba yang ris lnga char la dmigs pa yin pa'i phyir sdug bsngal dang 'gog pa la sogs pa'i bden pa mthong bas spang bar bya ba la sogs pa la yang dmigs pa ma yin nam/de'i phyir 'di sdug bsngal dang 'gog pa la sogs pa'i bden pa mthong bas spang bar bya ba nyid du thal bar 'gyur ro zhe na/ de ni nyes pa med de/ ris lnga char la dmigs pa yin mod kyi/ ris de rnams la kun 'byung ba'i ngo bo'i rnam par dmigs par byed pas/ des na de ltar dmigs pa'i phyir de ni kun 'byung ba mthong bas spang bar bya ba kho na yin no/ /de bzhin du sdug bsngal mthong bas spang bar bya ba la yang sbyar bar bya'o/ /de lta yin na gang dag /gang dag gang zhig mthong bas spang bar bya ba'i dmigs pa can zhes bya ba ni mthong bas spang bar bya ba thams cad kyi dbang du byas pa yin gyi/ 'dod chags la sogs pa 'ba' zhig tu ma zad do zhes 'chad par byed pa de dag gi rnam par bshad pa la yang brgal ba'i lan ni de gnyis kho na brjod dgos so//de ltar na chos mngon pa dag ni phra rgyas drug po de dag ces bya ba rgyas par 'byung ba la/ rnam pa dang bye brag dang khams kyi dbye bas zhes bya ba ni phra rgyas bcu la/ rnam pa'i dbye ba ni/ bdag dang bdag gi rtag chad dang / /me dang dman la mchog lta dang //zhes bya ba de lta bu la sogs pa'o/ /bye brag gi dbye ba ni sdug bsngal mthong bas spang bar bya ba'i ris nas bsgom pas spang bar bya ba'i bar yin no/ /khams kyi dbye ba ni 'dod pa na spyod pa dang / gzugs na spyod pa dang / gzugs med pa na spyod pa'o/ /de la 'dod chags kyi phra rgyas ni bye brag dang /khams kyi dbye ba dag gis rnam pa bco lnga yin no/ /de la phan tshun rnam pa tha dad pa ni med do/ /'dod chags ni thams cad chags pa'i rnam pa yin pas so/ /de lta bas na rnam pa'i dbye bas ni rnam par mi gzhog go/ /khong khro ba'i phra rgyas ni bye brag gi dbye bas rnam pa lnga yin no//phan tshun rnam pa tha dad pa ni med de/ thams cad khong khro ba'i rnam pa yin pa'i phyir ro/ /khams kyi dbye ba yang med de/ gzugs dang gzugs med pa'i khams dag na de med pa'i phyir ro/ /nga rgyal gyi phra rgyas ni bye brag dang khams kyi dbye ba dag gis rnam pa bco lnga yin no//rnam pa'i dbye ba ni med de/ thams cad khengs pa'i rnam pa yin pa'i phyir ro/ /de bzhin du ma rig pa'i phra rgyas dag kyang de dag kho nas rnam pa bco lnga yin no/ /rnam pa'i dbye ba ni med de/ thams cad mi gsal ba'i rnam pa yin pa'i phyir ro/ /de dag nyid kyi the tshom rnam pa bcu gnyis yin no//rnam pa'i dbye ba ni med de/ thams cad the tshom za ba'i rnam pa yin pa'i phyir ro/ /lta ba'i phra rgyas ni rnam pa dang / bye brag dang / khams kyi dbye bas rnam pa sum cu rtsa drug yin no/ /srid rtse las skyes bzod pa yis/ /gzhom bya zhes bya ba la/bzod pa yis gzhom bya zhes bya ba smos pa ni bsgom pas spang bar bya ba bzlog pa'i phyir ro/ /srid rtse las skyes zhes smos pa ni srid rtse'i nyon mongs pas mthong bas spang bar bya ba'i ni mthong ba'i lam 'ba' zhig kyang gzhan gyi sa pa las khyad par bya ba'i phyir te/ 'jig rten pa'i bsgom pa'i lam srid pa'i rtse mo'i gnyen por gyur pa ni med do/ /sa lhag ma dag na zhes bya ba ni 'dod pa'i khams nas ci yang med pa'i skye mched kyi bar gyi sa dag na'o/ /ci rigs par zhes bya ba ni 'dod pa'i khams na ni chos shes pa'i bzod pas spang bar bya ba yin la/de yan chad sa lhag ma dag na ni rjes su shes pa'i bzod pas spang bar bya ba yin te/ de dag 'phags pa rnams kyi ni mthong bas spang bar bya ba yin la/ de dag nyid so so'i skye bo rnams kyi ni bsgom pas spang bar bya ba dag yin no/ /bsgom pa'i lam ni 'jig rten pa dang /'jig rten las 'das pa dang rnam pa gnyis te/ 'di ltar bstan bcos las/ bcom ldan 'das kyi nyan thos ni mthong ba'i lam gyis spong la/ so so'i skye bo ni bsgom pa'i lam gyis spong ngo zhes gsungs so/ /bzod pas gzhom min bsgom kho nas//zhes bya ba la/ bzod pas gzhom min zhes bya ba smos pa ni bsgom pas spang bar bya ba nye bar gzung ba'i phyir te/ 'dod pa'i khams nas srid pa'i rtse mo'i bar gyi sa thams cad na ci rigs par 'dod chags dang / khong khro dang / nga rgyal dang / ma rig pa'i phra rgyas gang dag bzod pas gzhom par bya ba ma yin gyi/shes pas gzhom par bya ba yod pa de dag ni 'phags pa dang / so so'i skye bo gnyi ga'i yang rtag tu bsgom pa'i lam 'jig rten pa 'am 'jig rten las 'das pas bsgom pas spang bar bya ba kho na yin no/ /srid pa'i rtse mo'i ni 'jig rten las 'das pa kho nas yin te/'jig rten pa'i lam sa gong ma med pa'i phyir ro/ /phyi rol pa rnams kyi mthong bas spang bar bya ba rnams mi spong ba kho na ste zhes bya ba ni de dag gi bsgom pas spang bar bya ba kho na rnam par gnon par byed kyi/ mthong bas spang bar bya ba rnams ni sa thams cad na 'jig rten las 'das pa'i lam gyis gzhom par bya ba kho na yin no//'di ltar las rnam par 'byed pa chen po'i mdo las/ 'dod chags dang bral ba rnams la 'dod pa'i khams la dmigs pa'i lta ba kun du 'byung bar gsungs te/ kun dga' bo 'di na la la srog gcod pa spong ba nas log par lta ba spong ba'i bar du yin la/'di la yang mi dga' zhing so sor mi dga' la/ lus zhig nas shi ba'i 'og tu ngan song ngan 'gro log par ltung ba dmyal ba dag gi nang du skye bar 'gyur ro/ /de phyi rol gyi mu stegs pa dge sbyong ngam bram ze yang rung / rdzu 'phrul dang ldan pa/lha'i mig dang ldan pa/ gzhan gyi sems shes pa gang zhig gis mthong na de 'di snyam du lus kyis legs par spyad pa yang med la/ lus kyis legs par spyad pa'i rnam par smin pa yang med do/ /ngag dang yid kyis legs par spyad pa yang med la/ ngag dang yid kyis legs par spyad pa'i 'bras bu rnam par smin pa yang med do snyam sems so zhes bya ba rgyas par 'byung ngo //log par lta ba 'di ni 'dod pa'i khams la dmigs pa can yin te/ las de 'dod pa na spyod pa yin pa'i phyir dang / dmyal ba yang de kho na na srid pa'i phyir ro/ /sngon gyi mtha' la rtog pa rnams las rtag par smra ba rnams zhes bya ba ni tshangs pa'i dra ba'i mdo las 'dod chags dang bral ba rnams la 'dod pa'i khams la dmigs pa'i lta ba kun du 'byung bar gsungs pa yin te/gang dag tshe snga ma mthong ba'i rjes su 'brangs te de lta bu'i lta ba skyes pa de dag ni sngon gyi mtha' la rtog pa yin no//de las rtag par smra ba mang po zhig gsungs pa de dag gi nang nas dper brjod pa gcig cig bstan par bya ste/ 'di na dge sbyong ngam bram ze la la dgon pa na 'dug kyang rung / shing drung na 'dug kyang rung / khang stong na 'dug kyang rung ste/ kun du sbyangs pa'i rgyu dang /spong ba'i rgyu dang / bsgom pa'i rgyu dang / lan mang du byas pa'i rgyu dang / legs par yid la byas pa'i rgyus sems mnyam par gzhag pa ji lta bus 'jig pa dang 'chags pa'i bskal pa nyi shu yang dag par rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhing /de 'di snyam du bdag dang 'jig rten 'di ni rtag pa yin no snyam du sems par 'gyur ro zhes 'byung ngo / /de ltar sngon gyi mtha' la rtog pa rtag par lta ba de dag ni rtag par smra ba des bdag dang 'jig rten la dmigs pa na 'dod pa'i khams la dmigs par byed pa yin te/ de ltar na 'dod pa'i khams la dmigs pa'i lta ba dag kun du 'byung ba gsungs pa yin no/ /de bzhin du tshangs pa'i dra ba'i mdo de nyid las sngon gyi mtha' la rtog pa rnams las la la rtag par smra ba 'dod chags dang bral ba rnams la 'dod pa'i khams la dmigs pa'i lta ba kun du 'byung ba gsungs pa yin no//ji lta zhe na/ dge slong dag 'jig rten 'jig cing 'jig rten zhig na sems can phal cher 'od gsal gyi lha'i ris su skye bar 'gyur zhing der gzugs bzang ba yid las byung ba dbang po ma tshang ba med cing dman pa ma yin pa/ yan lag dang nying lag thams cad dang ldan pa/kha dog bzang po la gnas pa/ rang gi 'od dang ldan pa/ nam mkha' la 'gro ba/ dga' ba za zhing zas su dga' ba za ba/ tshe ring ba/ dus ring por gnas par 'gyur ba/ gang yin pa'i dus de lta bu yang yod do/ /dge slong dag 'jig rten 'chags shing 'jig rten 'chags na nam mkha' la tshangs pa'i gzhal med khang stong pa mngon par 'grub par 'gyur la/de nas sems can gang yang rung ba zhig tshe zad cing bsod nams zad la las zad pas 'od gsal gyi lha'i ris nas shi 'phos nas tshangs pa'i gzhal med khang stong par skye bar 'gyur zhing /de de na gcig pu zla med cing g.yog med par tshe ring po dus ring por gnas so/ /de nas sems can de dus ring mo zhig 'das pa dang mi dga' bar gyur nas sems can gzhan dag kyang 'dir bdag dang skal ba mnyam par skyes kyang ci ma rung snyam du sred pa skyes so//sems can de yang sems la de ltar smon la/ sems can gzhan dag kyang tshe zad cing bsod nams zad la las zad pas 'od gsal gyi lha'i ris nas shi 'phos nas sems can de dang skal ba mnyam par skyes so/ /de nas sems can de 'di snyam du bdag gcig pu zla med cing /g.yog med par tshe ring po zhes bya ba nas sems can gzhan dag kyang 'dir bdag dang skal ba mnyam par skyes kyang ci ma rung snyam du sred pa skyes la zhes bya ba'i bar du ste/ sems la yang de ltar smon la/ sems can 'di dag kyang 'dir bdag dang skal ba mnyam par skyes pas sems can 'di dag ni bdag gis sprul te/bdag ni sems can 'di dag gi dbang phyug dang / byed pa po dang / sprul pa po dang / 'byin pa po dang / 'byin byed dang / dngos po rnams kyi phar gyur pa yin no snyam du sems par 'gyur ro//sems can de dag kyang 'di snyam du bdag cag gis sems can 'di gcig pu zla med cing g.yog med par tshe ring po dus ring por gnas pa mthong ste/ sems can de dus ring mo zhig 'das pa dang / mi dga' bar gyur nas sems can gzhan dag kyang 'dir bdag dang skal ba mnyam par skyes kyang ci ma rung snyam du sred pa skyes so//sems can 'di'i sems la yang de ltar smon la/ bdag cag kyang 'dir sems can 'di dang skal ba mnyam par skyes pas bdag cag ni sems can 'dis sprul pa ste/ sems can 'di ni bdag cag gi dbang phyug nas dngos po rnams kyi phar gyur pa'i bar yin no snyam du sems par 'gyur ro/ /de nas de dag gi nang nas sems can gang yang rung ba zhig tshe zad cing bsod nams zad la las zad pas gnas de nas shi 'phos te/ de lta bur mi rnams dang skal ba mnyam par skye bar 'gyur te/de rim gyis nar son te/ dbang po rnams yongs su smin nas skra dang kha spu dag bregs te/ gos kha dog bsgyur ba gyon nas dad pas yang dag par khyim nas khyim med par rab tu 'byung zhing / de dgon pa na 'dug kyang rung shing drung na 'dug kyang rung zhes bya ba nas rgyas par sems mnyam par gzhag pa ji lta bus sngon gyi lus rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhes bya ba'i bar du ste/de 'di snyam du gang gis bdag cag sprul pa'i tshangs pa gang yin pa 'di ni rtag pa brtan pa ther zug pa mi 'gyur ba'i chos can yin no//bdag cag gang dag tshangs pa des sprul pa de dag ni mi rtag mi brtan pa ther zug ma yin par 'gyur ba'i chos can yin no snyam du sems par 'gyur ba gang yin pa de lta bu'i dus kyang yod do zhes gsungs so/ /de ltar na mthar 'dzin par lta ba des 'dod pa'i khams la yang dmigs pa yin te/de'i phyir 'dod pa'i khams la dmigs pa'i lta ba dag kun du 'byung bar gsungs pa yin no/ /de bzhin du tshangs pa'i dra ba'i mdo de nyid las/ rgyu med pa las kun du 'byung bar smra ba ste/ sngon gyi mtha' la rtog pa rnams las zhes bya ba skabs dang sbyar ro//'dod chags dang bral ba rnams la 'dod pa'i khams la dmigs pa'i lta ba kun du 'byung bar gsungs te/ ji lta zhe na/ gzugs kyi khams na 'du shes med pa zhes bya ba'i lha dag yod de/ sems can de dag 'du shes bskyed pas gnas de nas shi bar 'gyur ro//de nas sems can gang yang rung ba zhig gnas de nas shi 'phos nas 'di lta bur mi rnams dang skal ba mnyam par 'ong bar 'gyur zhes bya ba nas sngon gyi lus rjes su dran par 'gyur zhes bya ba'i bar snga ma bzhin no/ /'di snyam du bdag dang 'jig rten 'di ni rgyu med pa las kun du 'byung ba yin no snyam du sems par 'gyur ro zhes gsungs so//de bas na bdag dang 'jig rten ni rgyu med pa las kun du 'byung ba yin no zhes bya ba 'dis ni 'di snyam du bdag sngon ma byung ba las da bdag byung ba las na bdag dang 'jig rten ni rgyu med pa las byung ba yin no snyam du sems pa yin no//de ltar na bdag dang 'jig rten la dmigs pa na log par lta ba des 'dod pa'i khams la yang dmigs pa yin pas de rnams la 'dod pa'i khams la dmigs pa'i lta ba dag kun du 'byung bar gsungs pa yin no/ / yang ji ltar na de rnams bdag dang 'jig rten rgyu med pa las kun du 'byung ba yin no snyam du sems pa de log par lta ba yin zhe na/ bdag dang 'jig rten gyi rgyu sngon byas pa dge ba zag pa dang bcas pa'am/ mi dge ba ma yin no snyam du de ltar yid kyis skur pa 'debs par byed pa'i phyir ro//'dod pa'i khams las 'dod chags dang bral ba de rnams la gzugs na spyod pa'i lta ba de dag 'byung bar 'gyur ro zhes bya ba'i tha tshig gi skabs las bsams nas gzugs na spyod pa'i nyon mongs pa rnams 'dod pa'i khams la mi dmigs pa ni ma yin te/ 'dod chags dang bral ba'i phyir ro zhes bya ba smos so//kha cig ni de dag 'dod pa na spyod pa'i lta ba ma yin gyi/ de dag ni log pa'i shes pa yin no zhes lan 'debs par byed de/ de dag ni lta ba'i ngo bo nyid yin pa'i phyir de dag gi ltar ni rigs pa ma yin no/ /bye brag tu smra ba na re yongs su nyams pa'i phyir te/lha sbyin bzhin no zhes zer ro/ /dper na lha sbyin gyis dge slong gi dge 'dun 'khor du bya ba'i phyir bcom ldan 'das thugs las chung ngur bzhugs par gsol nas sdig pa'i bsam pa skyed pas rdzu 'phrul las yongs su nyams pa lta bu ste mdo las 'byung ba'i phyir ro//mdo las ni 'di skad du de nas lha sbyin rnyed pa dang bkur stis zil gyis non te/ kye ma bcom ldan 'das kyis dge slong gi dge 'dun bdag la byin kyang ci ma rung / dge slong gi dge 'dun ni bdag gi 'khor du byas la/ bcom ldan 'das ni mthong ba'i chos la bde bar gnas pa dang ldan zhing thugs las chung ngur gnas par gsol lo snyam pa de lta bu'i sdig pa'i bsam pa'i rnam pa de skyes so//lha sbyin gyis sems de skyes ma thag rdzu 'phrul de las yongs su nyams so zhes bya ba rgyas par 'byung ste/ de bzhin du de dag kyang lta ba bskyed pa dang dus mnyam du yongs su nyams pa yin no zhe'o//de dag la bdag tu 'dzin pa ni de dag sngon du 'gro ba can yin no zhes bya ba ni rtag pa dang / ril por 'du shes pa sngon du 'gro ba can no/ /'jig tshogs la lta ba la sogs pa log par zhugs pa'i lta ba thams cad log par lta ba yin te/log par rtog pa'i phyir ro/ /gzhan dag ni sgro 'dogs par byed pa yin no zhes bya ba ji ltar chad par lta ba sgro 'dogs par byed pa yin zhe na/ bstan pa 'di ni ming brtsan par byas pa yin no/ /'phags pa rnams kyis spang ba'i phyir ro zhes bya ba ni bor ba'i phyir ro//sogs pa'i sgra mi mngon par byas so zhes bya ba ni lta ba la sogs pa nye bar len pa'i phung po rnams la mchog dang / gtso bor 'dzin pa ni lta ba mchog tu 'dzin pa zhes bya'o/ /slob dpon 'dus bzang na re mchog tu zhes bya ba'i sgra sbyar bas kyang khyad par gyi don 'dir 'gyur ro zhes zer ro//rgyu ma yin la rgyur lta ba'i phyir sdug bsngal mthong bas spang bar bya ba zhes bya'o/ /lam ma yin pa la lam du lta ba'i phyir lam mthong bas spang bar bya ba yin no/ /tshul khrims dang brtul zhugs tsam zhes bya ba ni tshul khrims dang brtul zhugs ni sangs rgyas pa rnams kyi ltar na yang thar pa thob par byed pa yin mod kyi/de de tsam du ni ma zad pas de'i phyir de las gzhan pa dag gi lta ba yin no/ /'dir yang sogs pa'i sgra mi mngon par byas so zhes grag go zhes bya ba ni tshul khrims dang brtul zhugs la sogs pa mchog tu 'dzin pa ni tshul khrims dang brtul zhugs mchog tu 'dzin pa yin no//ci'i phyir zhe na/ tshul khrims dang brtul zhugs ni gzugs kyi phung pos bsdus pa yin no/ /de'i phyir phung po gzhan bsdu ba'i don du sogs pa zhes bya ba'i sgra smos dgos so/ /ci'i phyir kun 'byung mthong bas spang bar bya ba ma yin zhe na zhes bya ba ni rgyu la log par zhugs pa'i phyir ro snyam du bsams pa yin no//de byas pa'i rgyur mngon par zhen pa yang zhes bya ba ni bdag rtag pa byed pa po/ /gcig pus byas pa yang zhes bya ba'i tha tshig go/ /de nyid kyis spong bar 'gyur ro zhes bya ba ni sdug bsngal mthong ba kho nas spong bar 'gyur ro//'o na gang me dang chur 'jug pa la sogs pas mtho ris su skye ba'am/ tshul khrims dang brtul zhugs kyis 'dag par lta ba ji lta bu yin zhes bya ba ni rgyur mngon par zhen pa 'di ni des byas pa ma yin na/ ji ltar sdug bsngal mthong bas spang bar 'gyur/de lta bas na 'di ni kun 'byung mthong bas spang bar bya ba kho na yin par 'gyur ro snyam du bsams pa yin no/ /bye brag tu smra bas/ de yang sdug bsngal mthong bas spang bar bya ba yin te zhes bya ba rgyas par smos so/ /sdug bsngal la log par zhugs pa'i phyir ro zhes zer ba ni bye brag tu smra ba rnams te/ji ltar sdug bsngal la log par zhugs pa yin zhe na des mtho ris su 'gro ba'am 'dag par lta ba'i phyir ro/ /slob dpon gyis ha cang thal bar 'gyur ro zhes bya ba rgyas par smos te/ zag pa dang bcas pa'i dngos po thams cad sdug bsngal yin pas/zag pa dang bcas pa sdug bsngal la sogs pa mthong bas spang bar bya ba lta ba'i ngo bo nyid dam/ lta ba'i ngo bo nyid ma yin yang / thams cad sdug bsngal la log par zhugs pa yin pa'i phyir sdug bsngal mthong bas spang bar bya bar thal bar 'gyur ro/ / de lta yin na ni kun 'byung ba la sogs pa mthong bas spang bar bya ba cung zad kyang med par 'gyur ro/ /gzhan 'di yang brjod dgos te/ yang na tshul khrims dang brtul zhugs mchog tu 'dzin pas lam mthong bas spang bar bya ba gzhan ji lta bu zhig yod pas de brjod dgos te/ gang zhig ba lang gi tshul khrims la sogs pas 'dag pa nas bde ba dang /sdug bsngal las rnam par 'das pa yang rjes su 'thob par 'gyur ro zhes bya ba'i bar du lta ba de'i tshul khrims dang brtul zhugs mchog tu 'dzin pa 'di yang rgyu ma yin pa la rgyur yid ches pa yin pas sdug bsngal mthong bas spang bar bya ba'o zhes 'don pas so// //bam po sum cu rtsa dgu pa/ bye brag tu smra bas lam mthong bas spang bar bya ba la dmigs pa gang yin pa'o zhes bya ba smras te/ tshul khrims dang brtul zhugs mchog tu 'dzin pa gang zhig lam mthong bas spang bar bya ba log par lta ba la sogs pa brgyad la dmigs par byed pa 'di ni lam mthong bas spang bar bya ba yin no//slob dpon gyis de yang sdug bsngal la log par zhugs pa yin no zhes bya ba smos te/ lam mthong bas spang bar bya ba log par lta ba la sogs pa phra rgyas brgyad ni tshul khrims dang brtul zhugs mchog tu 'dzin pa'i dmigs pa yin zhing /de dag kyang zag pa dang bcas pa yin pa'i phyir/ sdug bsngal gyi bden pas bsdus pa yin la/ de yang de la log par rtog pa yin pas sdug bsngal mthong bas spang bar bya ba kho nar 'gyur ro snyam du bsams pa yin no//yang gang la zhes bya ba rgyas par 'byung ba ni gang zag gang zhig la lam med do snyam du lam la dmigs pa la log par lta ba'am/ the tshom yod pa'i gang zag de thar pa'i lam med do zhes lta ba'am/ the tshom za ba na ste/ ci lam 'di yod dam med snyam du the tshom za ba na ji ltar log par lta ba des log par lta ba 'dis sam/the tshom 'dis 'dag go snyam du yid ches par 'gyur zhing rtog par 'gyur te/ log par lta ba dang / the tshom kho nas de la 'dag par yid ches pa med do/ /'on te thar pa'i lam gzhan zhes bya ba rgyas par 'byung ba ni/'on te grangs can la sogs pas brtags pa'i thar pa'i lam gzhan mchog tu bzung zhing blangs nas/ 'di ni thar pa'i lam yin gyi/ sangs rgyas pa'i ni med do zhes smra'o zhe na/ de yang grangs can pas brtags pa de kho nas dag par yid ches kyi/log par lta ba des na ma yin pa'i phyir/ de'i tshul khrims dang brtul zhugs mchog tu 'dzin pa de yang lam mthong bas spang bar bya ba la dmigs par mi 'grub bo/ /'o na ci zhe na/ grangs can pa la sogs pas kun brtags pa'i lam kho na la dmigs pa yin no//nyes pa gzhan 'di yang yod pas/ yang gang zhig ces bya ba rgyas par smos te/ log par lta ba gang zhig kun 'byung ba dang / 'gog pa mthong bas spang bar bya ba la dmigs pa'i log par lta bas dag par yid ches par 'gyur ba de yang /ci'i phyir de dag mthong bas spang bar bya ba ma yin/ tshul khrims dang brtul zhugs mchog tu 'dzin pa de ci'i phyir kun 'byung ba dang / 'gog pa mthong bas spang bar bya ba ma yin zhes bya ba'i tha tshig go/ /de lta bas na don 'di ni brtag par bya ba yin no zhes bya ba ni/ gang gi phyir de ltar tshul khrims dang /brtul zhugs mchog tu 'dzin pa/ sdug bsngal mthong bas spang bar bya ba yin par yang mi srid la/ lam mthong bas spang bar bya ba yin du yang ha cang thal ba la sogs pa'i nyes pa yod pa de'i phyir/ tshul khrims dang brtul zhugs mchog tu 'dzin pa/sdug bsngal mthong bas spang bar bya ba yin pa dang / lam mthong bas spang bar bya ba yin no zhes bya ba'i don 'di ni brtag par bya ba yin no/ /slob dpon gyis the tshom bskur ba 'di byas kyis/ rang gi gzhung lugs ni ma bstan to/ /gzhan dag na re rnal 'byor spyod pa'i gzhung lugs la ltos nas de ltar byas so zhes zer ro//rnal 'byor spyod pa rnams kyang nyon mongs pa brgya nyi shu rtsa brgyad du brjod de/ ji ltar sdug bsngal mthong bas spang bar bya ba'i phra rgyas 'di dag 'jig tshogs la lta ba dang mthar 'dzin par lta ba dang / log par lta ba dang /lta ba mchog tu 'dzin pa dang / tshul khrims dang brtul zhugs mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa zhes bya ba bcu yin pa de bzhin du kun 'byung ba mthong bas spang bar bya ba bcu dang / 'gog pa mthong bas spang bar bya ba bcu dang /lam mthong bas spang bar bya ba bcu ste/ 'dod pa na spyod pa mthong bas spang bar bya ba bzhi bcu yin no/ /bsgom pas spang bar bya ba ni 'jig tshogs la lta ba brtags pa ma yin pa dang / chad par lta ba lhan cig skyes pa dang / 'dod chags dang /khong khro ba dang / nga rgyal dang / ma rig pa zhes bya ba drug ste/ 'dod pa na spyod pa'i phra rgyas bzhi bcu rtsa drug tu 'gyur ro/ /gzugs na spyod pa bzhi bcu rtsa gcig ste/ khong khro ba ma gtogs pa de dag nyid yin no/ /gzugs na spyod pa dag ji lta bar gzugs med pa na spyod pa rnams kyang de dang 'dra'o//de la kha cig lan 'debs par byed pa ni zag pa dang bcas pa la dmigs pa thams cad sdug bsngal la log par zhugs pa'i phyir/ ha cang thal bar 'gyur ro zhes bshad pa gang yin pa 'di la smra bar bya ste/ sdug bsngal la sogs pa'i sgo nas log par zhugs pa'i phyir/ha cang thal bar mi 'gyur ro/ /zag pa dang bcas pa la dmigs pa rnams sdug bsngal la log par zhugs pa yin mod kyi/ 'on kyang kha cig ni sdug bsngal gyi sgo nas log par zhugs pa yin la/ kha cig ni kun 'byung ba'i sgo nas log par zhugs pa yin no//kha cig ni 'gog pa'i sgo nas log par zhugs pas log par zhugs pa yin la/ kha cig ni lam gyi sgo nas log par zhugs pa la log par zhugs pa yin no/ /de la gang dag sdug bsngal gyi sgo nas sdug bsngal la log par zhugs pa de dag ni sdug bsngal mthong bas spang bar bya ba yin no//tshul khrims dang brtul zhugs mchog tu 'dzin pa yang rtag pa dang bdag tu 'dzin pas sdug bsngal gyi sgo nas sdug bsngal la log par zhugs pa yin te/ de lta bas na sdug bsngal mthong bas spang bar bya ba yin no//lam la log par zhugs pa gang zhig gis 'di lta ste/ grangs can pa dang / gcer bu pa la sogs pas rang gi kun brtags pa'i lam bzung nas/ sangs rgyas pa rnams la thar pa'i lam med do zhes log par lta ba skyed par byed pa'i log par lta ba de la yang /tshul khrims dang brtul zhugs mchog tu 'dzin pas mchog tu lta bar byed de/ de dag gi tshul khrims dang brtul zhugs mchog tu 'dzin pa 'di ni/ lam la log par zhugs pa la log par zhugs pa yin pa'i phyir lam mthong bas spang bar bya ba yin no//tshul khrims dang brtul zhugs mchog tu 'dzin pa gang zhig kun 'byung ba'i sgo nas log par 'jug par 'gyur ba yang med la/ gang zhig 'gog pa'i sgo nas log par zhugs pa la log par zhugs pa yang med de/ de lta bas na tshul khrims dang brtul zhugs mchog tu 'dzin pa ni sdug bsngal dang /lam mthong bas spang bar bya ba dag kho na yin no/ /yang ji ltar kun 'byung ba dang / 'gog pa'i sgo nas log par mi 'jug ce na/ 'di la slob dpon 'dus bzang na re/ tshul khrims dang brtul zhugs mchog tu 'dzin pa ni kun 'byung ba dang 'gog pa mthong bas spang bar bya ba ma yin te/de'i lus su mi 'thad pa'i phyir ro/ /tshul khrims dang brtul zhugs mchog tu 'dzin pa'i lus ni rgyu ma yin pa la rgyur mngon par zhen pa dang / lam ma yin pa la lam du mngon par zhen pa yin na/kun 'byung ba la skur pa 'debs pa'i log par lta ba la 'dag par mngon par zhen pas ni 'di rgyu med pa las skye bar lta bar 'gyur te/ gang la rgyu'i blo med pa'i phyir ro/ /sdug bsngal dang / kun 'byung ba dag ni rjes su tha dad pa ma yin pa'i phyir/ des dbang phyug la sogs pa'i phung po yang spang bar 'gyur ro//'gog pa la skur pa 'debs pa'i log par lta ba la 'dag par yid ches pas na 'gog pa'i thabs la rtog pa mi srid pa kho na yin no/ /ji lta zhe na/ 'gog pa med do snyam du lta ba'i rjes la/ de'i thabs la rtog pa ni [(]dan [,]don [)]med par 'gyur ro//de ltar na tshul khrims dang brtul zhugs mchog tu 'dzin pa'i lus su mi 'thad do/ /de lta na lam med do snyam du lta ba'i rjes la lam du yongs su rtog pa mi 'thad pa'i phyir/ tshul khrims dang brtul zhugs mchog tu 'dzin pa lam mthong bas spang bar bya ba yang mi 'gyur ro/ /gang la lam la dmigs pa log par lta ba 'am/the tshom thar pa'i lam med do snyam pa'i lta ba 'am/ the tshom za ba yod pa de ji ltar des 'dag par yid ches par 'gyur zhe na/ 'phags pa'i lam la skur pa 'debs pa'i log par lta ba la 'dag par mngon par zhen pa ni 'thad pa kho na ste/de la rigs par 'dzin pa'i phyir ro/ /des ni gang gis na de yang dag pa'i lam la skur pa 'debs pa'i log par lta ba la rigs pa'i blo skye bar 'gyur ba thar pa'i lam gzhan zhig snying la gzhag pa yin te/ thar pa'i lam gzhan med do zhes bya ba gang yin pa dang / thar pa'i lam gzhan yod dam/ 'on te med snyam du the tshom za ba gang yin pa 'di ni rigs pa yin no snyam du sems pas so/ /rigs pa'i sgo nas ni 'dag pa'i thabs len par 'thad do/ /des thar pa'i lam gzhan la dmigs pa snying la gzhag pa gang yin pa 'di nyid tshul khrims dang brtul zhugs mchog tu 'dzin pa lam mthong bas spang bar bya ba de'i yul yin te/rang gi ris tsam la dmigs pa'i phyir ro/ /'on te de dang mtshungs par rtag tu rung ba'i phyir 'gog pa mthong bas spang bar bya bar yang thal bar 'gyur te/ de ni gang gis na de yang dag pa'i thar pa la skur pa 'debs pa'i log par lta ba la rigs par 'dzin par 'gyur ba thar pa'i gnas gzhan zhig snying la gzhag pa yin no//de'i phyir de ni 'dra'o zhe na/ de ni ma yin te/ rtag pa dang zhi bar 'dzin par mtshungs na de la skur pa 'debs pa la 'dag par mngon par zhen pa mi 'thad pa'i phyir ro//rdzas dang rdzas ma yin par rtog pa tha dad pa yod na 'ga' zhig thar pa'i thabs tshol bar byed la/ de la ni gdon mi za bar thar pa yod do snyam pa'i nges pa yod do/ gang gdon mi za bar thar pa yod do snyam pa'i nges pa yod pa de ni de la rtag pa dang zhi bar yang 'dzin to//de lta ma yin na de don du gnyer ba mi 'thad pa'i phyir ro/ /de la dper na chos 'di pa rnams la mya ngan las 'das pa rdzas dang rdzas ma yin par rtog pa tha dad kyang rtag pa dang / zhi bar 'dzin par mtshungs pa'i phyir de la skur pa 'debs pa'i lta ba ni skyon kho na yin pa ltar/gang gis thar pa'i gnas cung zad cig sems la bzhag pa de yang rtag pa dang zhi bar 'dzin par mtshungs pa'i phyir thar pa la skur pa 'debs pa la rigs par 'dzin pa mi 'thad do/ /tshul khrims dang brtul zhugs la sogs pa ni 'phags pa'i lam las ngo bo nyid dang /rnam pa'i sgo nas tha dad pa yin gyi/ rtag pa dang zhi bar 'dzin pa la ni tha dad pa med pas mtshungs par rtag tu rung ba med do/ /de'i phyir tshul khrims dang brtul zhugs mchog tu 'dzin pa ni lam mthong bas spang bar bya ba kho na yin pa srid kyi/'gog pa mthong bas spang bar bya ba ni ma yin no zhes zer ro/ /'dir chos mngon pa pa rnams tshul khrims dang brtul zhugs mchog tu 'dzin pa rnam pa gnyis su 'dod na tshul khrims dang brtul zhugs mchog tu 'dzin pa ji lta bu zhig ni sdug bsngal mthong bas spang bar bya bar rnam par 'jog /ji lta bu zhig lam mthong bas spang bar bya bar rnam par 'jog ste/ gang zhig ba lang gi tshul khrims la sogs pas 'dag par yid ches pa de dag kyang lam ma yin pa la lam du ni lta'o zhe na/ tshul khrims dang brtul zhugs mchog tu 'dzin pa gang zhig tshul khrims dang brtul zhugs la sogs pa sdug bsngal dmigs pa de ni sdug bsngal mthong bas spang bar bya ba yin la/gang zhig lam la log par zhugs pa la dmigs pa de ni lam mthong bas spang bar bya ba yin no/ /tshul khrims dang brtul zhugs la sogs pa la dmigs pa gang yin pa de ni lam la log par zhugs pa ma yin zhing /lam la log par zhugs pa la dmigs pa ji lta ba de ltar gnod par byed pa yang ma yin te/ 'di ltar tshul khrims dang brtul zhugs la sogs pa la dmigs pa ni rags pa dang /ring du song ba ma yin pa dang / bsam pa brtan po ma yin pa dang / 'bad pa chung ngus gzhom par bya ba yin la/ lam la log par zhugs pa la dmigs pa ni de las bzlog pa ma yin pas so/ /lta ba gsum las phyin ci log bzhi tshan zhes bya ba ni phyin ci log dag ni lta ba gsum gyi ngo bo nyid yin no zhes ston par byed do//'jig tshogs la lta ba las ni bdag tu lta ba phyin ci log go zhes bya ba ni bdag gir lta ba ma yin no snyam du bsams pa yin no/ /gzhan dag na re thams cad yin no zhes zer ro zhes bya ba ni 'jig tshogs la lta ba bdag tu lta ba dang /bdag gir lta ba thams cad bdag tu phyin ci log pa yin no zhes bya ba'i tha tshig go/ /bye brag tu smra bas ji ltar na bdag gir lta ba phyin ci log yin zhes bya ba smos te/ bdag gir lta ba la phyin ci log ces mi bya'o/ /pha rol pos ji ltar na phyin ci log ma yin zhes bya ba smras pa dang /bye brag tu smra bas phyin ci log gi mdo las mi 'byung ba'i phyir ro zhes bya ba smos te/ mdo las bdag med pa la bdag go snyam du phyin ci log pa zhes 'byung gi /bdag gi snyam du zhes bya bar mi 'byung ba'i phyir ro/ /mdo las de skad du bstan pa ni yod mod kyi/ de yang bdag tu lta ba las don gzhan du 'gyur ba ni ma yin no/ /ji lta zhe na/ de las ni bdag kho na nye bar len pa'i phung po lnga la dbang byed par lta ba ni bdag gir lta bar 'gyur bar bshad de/ bdag la lta ba 'ba' zhig tu ma zad kyi/ bdag gir yang lta'o zhes bya ba'i tha tshig go//bdag tu lta ba 'di nyid sgo gnyis can yin no zhes bya ba ni bdag dang bdag gi sgo can te/ rdzas su ni gcig yin no/ /ngar 'dzin pa dang / nga yir 'dzin pa'i sgo gnyis dang ldan pa yin no zhes bya ba'i tha tshig go/ /'on te bdag ces bya ba dang por bstan pa 'di las bdag gi zhes bya ba drug par bstan pa lta ba gzhan zhig yin na ni bdag gi zhes bya ba dang /bdag gi phyir zhes bya ba 'di yang 'gyur ro/ /lta ba tha dad pa zhes bya ba skabs dang sbyar te/ bdag gi zhes bya ba ni gsum par bstan pa'i phyir la/ bdag gi phyir zhes bya ba ni bzhi par bstan pa'i phyir ro//de yang 'dod pa ma yin te/ de lta bas na thams cad yin no zhes bya bar grub po/ /ci'i phyir nyon mongs pa gzhan dag phyin ci log ma yin zhe na zhes bya ba ni 'jig tshogs la lta ba dang / mthar 'dzin par lta ba dang / lta ba mchog tu 'dzin pa dag las gzhan chad par lta ba dang /log par lta ba dang / tshul khrims dang brtul zhugs mchog tu 'dzin par lta ba dang / 'dod chags la sogs pa'o/ /rgyu gsum gyis zhes bya ba ni phyin ci log pa dang / nges par rtog pa dang / sgro 'dogs pa dag gis phyin ci log rnams rnam par gzhag ste/gang la rgyu 'di dag ril gyis yod pa de dag ni phyin ci log tu rnam par gzhag go/ /gang la ril gyis med pa de dag ni phyin ci log ma yin no zhes bshad pa yin no/ /de tsam zhig gis 'dag par dmigs pa'i phyir ro zhes bya ba ni gang gi phyir tshul khrims dang brtul zhugs tsam gyis 'dag go snyam du dmigs pa la nges par rtog par byed do//'di ltar tshul khrims dang brtul zhugs mchog tu 'dzin pa ni gcig tu phyin ci log pa ma yin te/ tshul khrims dang brtul zhugs 'dag pa'i rgyur mi 'gyur ba ni ma yin gyi/'ba' zhig gis mi 'gyur bar zad do/ /'di'i sgro 'dogs pa'i rnam pa nyid ji lta bu zhe na/ de tsam gyis 'dag pa'i rgyu'i dngos por sgro 'dogs pa'i phyir ro/ /gal te nges par rtog par mi byed pa phyin ci log ma yin na 'o na mdo las gsungs pa gang yin pa de ji lta bu ste/'du shes kyang nges par rtog par byed pa ma yin la/ sems kyang nges par rtog par byed pa ni ma yin no/ /phyin ci log bcu gnyis yin no zhes bya ba ni phyin ci log bzhi po re re la 'du shes dang sems dang lta ba phyin ci log dag yod pas so/ /ji lta zhe na/ mi rtag pa la rtag go snyam du zhes bya ba nas rgyas par de bzhin du bdag med la bdag go snyam pa'i bar zhes bya ba smos te/ sdug bsngal la bde'o snyam du 'du shes dang sems dang lta ba phyin ci log gsum dang / mi gtsang ba la gtsang ngo snyam du de nyid gsum nas bdag med pa la bdag go snyam du de nyid gsum gyi bar yin no//de la brgyad ni mthong bas spang bar bya ba yin no zhes bya ba ni mi rtag pa la rtag go snyam du 'du shes dang sems dang lta ba phyin ci log gsum dang / bdag med pa la bdag go snyam pa yang gsum dang / sdug bsngal la bde'o snyam du lta ba phyin ci log dang /mi gtsang ba la gtsang ngo snyam du lta ba phyin ci log go/ /bzhi ni bsgom pas spang bar bya ba dag yin no/ /gang dag ce na/ gang dag sdug bsngal dang mi gtsang ba la 'du shes dang phyin ci log pa zhes bya ba smos te/ sdug bsngal la bde'o snyam du 'du shes dang sems phyin ci log gnyis dang /mi gtsang ba la gtsang ngo snyam du 'du shes dang sems phyin ci log kyang gnyis te bzhi'o/ /'phags pa 'dod chags dang ma bral ba la zhes bya ba ni rgyun du zhugs pa dang / lan cig phyir 'ong ba la'o/ /de dag ni phyin ci log dag tu yang ci'i phyir mi 'dod ces bya ba ni sems can gyi 'du shes kun du 'byung ba'i phyir dang /sems can no snyam pa'i sems kun du 'byung ba'i phyir de dag gi 'du shes su yang ci'i phyir mi 'dod/ sems can la dmigs pa'i 'du shes dang / sems phyin ci log dag kyang yod par ci'i phyir mi 'dod de/bdag tu phyin ci log pa dag kyang ci ste yod par 'dod par mi byed snyam du bsams pa yin no/ /ci'i phyir zhe na/ bud med dang bdag la sems can du 'du shes pa med par ni 'dod pa'i 'dod chags skye bar rigs pa ma yin no zhes bya ba smos te/ de lta bas na bdag med pa la bdag go snyam du 'du shes dang sems phyin ci log 'di dag kyang bsgom pas spang bar bya ba yin no zhes bya bar gyur to//rgyas par zhes 'byung ba'i phyir 'di ltar sbyar bar bya ste/ sdug bsngal la bde'o snyam pa dang / mi gtsang ba la gtsang ngo snyam pa nas bdag med pa la bdag go snyam du 'du shes phyin ci log dang /sems phyin ci log dang / lta ba phyin ci log de spong bar byed do zhes bya ba yin no/ /de lta bas na lta bas kun nas bslang ba kho na ste/ lta ba dang mtshungs par ldan pa'i 'du shes dang sems kho na phyin ci log yin gyi gzhan ni ma yin te/ lta ba dang mtshungs par mi ldan pa dag ni ma yin no zhes bya ba'i tha tshig go//'di skad du 'du shes dang sems 'khrul pa 'di yang yod mod kyi/ 'di ltar de ni lta bas kun nas bslang ba ma yin pas phyin ci log ma yin no zhes bshad pa yin no/ /ci'i phyir zhe na/ de'i dus su 'khrul pa tsam yin pa'i phyir zhes bya ba smos te/bud med mthong ba'i tshe 'khrul pa tsam yin pa'i phyir ro zhes bya ba'i tha tshig go/ /de lta bas na 'phags pa rnams kyis ni de'i dus su de ltar mthong ba'i 'khrul pa kho nas log pa'i shes pa yin te/ mgal me'i 'khor lo dang / ri mo'i gnod sbyin la 'khrul pa bzhin no//dper na mgal me'i 'khor lo myur du bskor na de'i dus tsam du 'khor lo'o snyam du 'khrul pa skye'i phyis ni ma yin pa dang / ri mor bris pa'i gnod sbyin mthong nas de'i dus su gnod sbyin no snyam du 'khrul pa skye'i phyis ni ma yin pa de dang 'dra'o/ /'phags pa ni 'di la nges par rtog pa yin pa'i phyir bde ba 'am gtsang bar 'khrul pa'am/sems can du 'khrul pa'ang rung / yud tsam par zad kyi/ 'di phyin ci log ni ma yin te/ bcom ldan 'das kyis dge slong dag 'phags pa nyan thos thos pa dang ldan pa la dran pa nyams pa cung zad 'byung mod kyi/'on kyang myur ba kho nas mi snang ba dang / yongs su zad pa dang / yongs su gtugs par 'gyur ro zhes gsungs pas so/ /gal te 'du shes dang sems 'khrul pa de phyin ci log ma yin na phyogs gsum pa 'dzin pa gzhan kha cig gis/ 'o na gnas brtan kun dga' bos zhes bya ba rgyas par smos te/'phags pa ngag gi dbang phyug gis gnas brtan kun dga' bo la/ 'dod pa'i chags pas zil non phyir/ /bdag gi sems ni gdung bar 'gyur/ /gau tam khyod kyi thugs brtse'i phyir/ /zhi ba mchog ni bshad du gsol//zhes smras pa dang / 'phags pa kun dga' bo yi phyir/ /'du shes phyin ci log pa yis/ /khyod kyi sems ni yongs su gdungs/ /de phyir 'dod chags ldan pa yi/ /rgyu mtshan sdug pa spang bar gyis/ /zhes smras te/ de ni rgyun du zhugs pa yin la tshigs su bcad pa 'dis ni de la yang phyin ci log yod pa nyid du yongs su bstan pas so//de lta bas na zhes bya ba rgyas par 'byung ba ni gang gi phyir sde pa gzhan gyi gzhung lugs kyang bye brag tu smra ba rnams kyi lung dang 'gal bar byas la/ bye brag tu smra ba'i gzhung lugs kyang sde pa gzhan dag gi lung dang 'gal bar byas pa/de'i phyir slob pas 'du shes dang sems phyin ci log brgyad po thams cad ma spangs pa kho na'o zhes zer ro/ /mdo dang 'gal ba yang spong bar byed do/ /mdo gang zhig ce na/ bye brag tu smra ba rnams kyis khungs su khyer te/ 'ong ba 'di ltar 'phags pa nyan thos thos pa dang ldan pa zhes bya ba rgyas par de spong bar byed do zhes bya ba'i bar gang yin pa 'di lta ste/de dag kyang 'phags pa'i bden pa rnams zhes bya ba rgyas par smos te/ 'du shes dang sems phyin ci log brgyad po de dag kyang sdug bsngal la sogs pa 'phags pa'i bden pa rnams yang dag pa ji lta ba bzhin shes pas spong bar 'gyur gyi/yang dag pa ji lta ba bzhin shes pa de med par ni ma yin no zhes thabs yang dag par bstan pa'i phyir te/ thabs legs par brjod pa'i phyir mdo sde dang 'gal ba med do zhes zer ro/ /'di ni sdug bsngal 'phags pa'i bden pa'o//'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa yin no zhes bshad pa gang yin pa de yang mthong ba'i lam kho na'i dbang du mdzad pa ni ma yin no/ / 'o na ci zhe na/ bsgom pa'i lam gyi dbang du mdzad pa yang yin te/ bsgom pa'i lam zag pa med pa'i 'phags pa'i bden pa la dmigs pa'i kho nas so/ /'jug pa'i bye brag las ni zhes bya ba ni rnam pa'i bye brag las zhes bya ba'i tha tshig go/ /khyad par thob par bya ba ma thob par zhes bya ba la/khyad par ni ting nge 'dzin de la brten pa'i chos zag pa dang bcas pa dang / zag pa med pa dag go/ /de thob par bya ba ni mngon sum du bya ba'o/ /khyad par thob par bya ba de ma thob cing mngon du ma byas par bdag gis khyad par thob par bya ba de thob po snyam pa ni mngon pa'i nga rgyal yin no//yon tan ma yin pa dang ldan pa la bdag yon tan dang ldan no snyam pa zhes bya ba ni yon tan dang mi ldan pa la bdag yon tan dang ldan no snyam pa'i nga rgyal log pa'i yul can ni log pa'i nga rgyal lo/ /log pa'i nga rgyal dang mngon pa'i nga rgyal dag la khyad par ci yod ce na/mngon pa'i nga rgyal ni khyad par thob par bya ba dang 'dra ba'i yon tan thob pa'i bsam pa yin pas gzhi dang bcas pa yin no/ /log pa'i nga rgyal ni yon tan med pa las bdag ni yon tan dang ldan pa yin no snyam pa yin pas gzhi med pa yin no//nga rgyal gyi rnam pa zhes bya ba ni nga rgyal gyi rnam pa ste/ bdag dang 'dra'o snyam pa dang / bdag dman no snyam pa zhes bya ba la yang nga rgyal gyi rnam pa zhes brjod par bya'o/ /lta ba la brten pa'i nga rgyal gsum ste zhes bya ba ni/ so so'i skye bo'i dbang du byas nas lta ba la brten pa zhes brjod de/sngar ni nga'o snyam du bdag tu lta ba 'byung la/ phyis ni mjug thogs su nga rgyal/ /lhag pa'i nga rgyal dang / nga rgyal dang / cung zad snyam pa'i nga rgyal 'di dag 'byung ngo / /'di dag kyang go rims bzhin yin te/ ji lta zhe na/ bdag mchog yin no snyam pa'i nga rgyal gyi rnam pa ni lta ba la brten pa'i lhag pa'i nga rgyal yin no//bdag dang 'dra'o snyam pa nga rgyal gyi rnam pa ni lta ba la brten pa'i nga rgyal yin no/ /bdag dman no snyam pa'i nga rgyal gyi rnam pa ni 'jig tshogs la lta ba la brten pa'i cung zad snyam pa'i nga rgyal yin no//gnyis pa'i ni 'di las bzlog ste/ go rims bzhin du sbyar te/ bdag pas mchog yod do/ /bdag dang mnyam pa yod do/ /bdag pas dman pa yod do zhes bya ba ni lta ba la brten pa'i cung zad snyam pa'i nga rgyal dang / nga rgyal dang / lhag pa'i nga rgyal rnams so/ /gsum pa ni bdag pas mchog med do//bdag dang mnyam pa med do/ /bdag pas dman pa med do zhes bya ba ni go rims bzhin du lta ba la brten pa'i nga rgyal dang / lhag pa'i nga rgyal dang / cung zad snyam pa'i nga rgyal rnams yin no/ /rab tu byed pa las bstan pa yongs su bzung ste zhes bya ba ni rab tu byed pa'i rkang pa las bstan pa yin no//de yang gang zhig ce na/ sngar bshad pa ste chung ngu bas bdag khyad par du 'phags pa 'am/ mnyam pa dang mnyam mo snyam pa la sogs pa bstan pa yin no/ /bdag mchog yin no snyam pa'i nga rgyal gyi rnam pa ni dman pa las ltos na nga rgyal yang yin te/nga rgyal gyi mtshan nyid ni chung ngu bas bdag khyad par du 'phags pa'am mnyam pa dang zhes bstan pa'i phyir ro/ /'di mnyam pa la ltos na ni lhag pa'i nga rgyal yang yin te/ lhag pa'i nga rgyal gyi mtshan nyid ni mnyam pa bas bdag khyad par du 'phags so snyam pa zhes bstan pa'i phyir ro//'di khyad par du 'phags pa la ltos na ni nga rgyal las kyang nga rgyal yang yin te/ nga rgyal las kyang nga rgyal gyi mtshan nyid ni khyad par du 'phags pa bas kyang bdag khyad par du 'phags so snyam pa zhes bstan pa'i phyir ro/ /thams cad ces bya ba smos pa ni nga'o snyam pa'i nga rgyal yang bsgom pas spang bar bya ba yin gyi/lhag ma dag ma yin pa 'ba' zhig tu ni ma zad do zhes bya ba dang / lhag ma dag kyang mthong bas spang bar bya ba ma yin gyi/ nga'o snyam pa'i nga rgyal yin pa 'ba' zhig tu ni ma zad do zhes rab tu bstan pa'i phyir ro/ /gsod sogs kun nas dkris pa'o//zhes bya ba la sogs pa zhes bya ba'i sgras ni ma byin par len pa dang / 'dod pas log par g.yem pa dang / brdzun du smra ba la sogs pa bsdu'o/ /de ni bsgom pas spang bar bya ba yin te/ bsgom pas spang bar bya ba'i chos la dmigs pa'i phyir ro zhes bya ba ni 'di'i dmigs pa ni bsgom pas spang bar bya ba'i chos rnams kho na yin pas so//'jig tshogs la lta ba la sogs pa ni bsgom pas spang bar bya ba'i chos la dmigs par ni byed mod kyi/ bsgom pas spang bar bya ba 'ba' zhig la ni ma yin pas de'i phyir de dag ni bsgom pas spang bar bya ba ma yin no//de la don du gnyer ba zhes bya ba ni khams gsum pa'i mi rtag pa nyid la don du gnyer ba'o/ /ci de la yang don du gnyer ba yod dam zhe na/ smras pa yod de/ mdo las ji skad du/ bdag ji srid gson zhing 'dug la sdod cing 'tsho ba de srid du nad dang bcas pa/'bras dang bcas pa/ zug rngu dang bcas pa/ rims nad dang bcas pa/ yongs su gdung ba dang bcas pa ste/ 'di ltar bdag 'di chad par gyur cing zhig par gyur la 'byung bar mi 'gyur na de tsam gyis bdag nyid 'di yang dag par kun nas 'chad pa yin no snyam du sems so zhes 'byung ba lta bu'o//skye ba'i sred pa'i phyogs gzung ngo zhes bya ba ni bdag ni glang po che'i rgyal po sa srung gi bur gyur kyang ci ma rung zhes bya ba de lta bu la sogs pa skye ba'i sred pa kun du mi 'byung ba'o/ /phyogs smos pas ni dbang por gyur cig snyam pa de lta bu la sogs pa de lta bu ni kun du 'byung ngo zhes bstan pa yin no//sogs pa zhes bya ba'i sgras ni lus ngan por gyur cig /bud med du gyur cig snyam pa de lta bu la sogs pa bsdu'o/ /bsgom pas spang bar bya ba ni nga rgyal gyi rnam pa rnams kyang yod do zhes bshad la zhes bya ba ni/mthong dang bsgom pas zad bya ba/ /zhes 'byung ba'i phyir ro/ /'phags pa la/ rnam sogs nga'o snyam mi 'byung / /zhes bya ba ni gang du/ mthong dang bsgom pas zad bya ba/ /bsgom pas spang bar bya ba ni/ /gsod sogs kun nas dkris pa'o/ /de bzhin 'jig sred ces bya ba'i gzhung 'dis bsgom pas spang bar bya ba'i tshad yongs su bcad pa yin no/da ni 'phags pa la rnam pa la sogs pa de dag kun du mi 'byung bar bstan pa'i phyir/ 'phags pa la/ rnam sogs nga'o snyam mi 'byung / /zhes bya ba smos so/ /sogs pa smos pas ni 'jig pa'i sred pa'i bar bzung ngo zhes bya ba ni gsod pa la sogs pa'i kun nas dkris pa dang /'jig pa'i sred pa dang / skye ba'i sred pa'i phyogs bsdu'o zhes bya ba'i tha tshig go/ /mi 'byung ba ni kun du mi 'byung ba'o/ /lta bas rgyas par 'gyur phyir ro zhes bya ba ni de dag ni de sngon du 'gro ba nyid kyis rgyas par byas pa'i phyir ro//rked pa bcag pa'i phyir ro zhes bya ba ni de rgyas par byed pa med pas rked pa bcag pa'i phyir zhes bya ba'i tha tshig go/ /gsod pa la sogs pa kun nas dkris pa ni log par lta bas rgyas par 'gyur te/ de la goms pas las dang 'bras bu la skur pa 'debs par byed pa'i phyir ro/ /'gyod pa ni bsgom pas spang bar bya ba yin te/ bsgom pas spang bar bya ba'i chos la dmigs pa yin pa'i phyir ro/ /kun du 'gro ba dag ces bya ba ni thams cad du 'gro bas kun du 'gro ba ste/ rigs lnga char la yang dmigs par byed pa zhes bya ba'i tha tshig go//gzhan dag na re 'di dag gi mthus ris gzhan pa'i nyon mongs pa dag kyang skye'o zhes 'chad par 'gyur bas ris lnga char gyi rgyu'i dngos por gnas pa yin no zhes zer ro/ /phra rgyas bcu gcig po zhes bya ba rgyas par 'byung ba la/lta ba bdun ni sdug bsngal mthong bas spang bar bya ba 'jig tshogs la lta ba la sogs pa lnga dang / kun 'byung mthong bas spang bar bya ba lta ba gnyis po log par lta ba dang / lta ba mchog tu 'dzin pa dang bdun no/ /the tshom gnyis ni sdug bsngal dang / kun 'byung mthong bas spang bar bya ba dag go//ma rig pa gnyis ni sdug bsngal dang / kun 'byung mthong bas spang bar bya ba dag kho na ste/ phyogs gcig gi sgo nas yin gyi/ mtha' dag gi sgo nas ni ma yin no/ /ma rig pa gang dag kun du 'gro ba de dag dang mtshungs par ldan pa dang / ma 'dres pa de dag kho na kun du 'gro ba yin gyi/'dod chags la sogs pa dang mtshungs par ldan pa ni ma yin no/ /de ltar na phra rgyas bcu gcig ni kun du 'gro ba yin te/ phra rgyas dgu ni mtha' dag gi sgo nas yin la/ gnyis ni phyogs gcig gi sgo nas yin pas so/ /ma 'dres pa zhes bya ba'i don ci zhe na/'di skad du 'chad de/ 'grogs pa ni 'dres pa zhes bya'o/ /'dres pa med pas na ma 'dres te/ logs shig tu gyur pa zhes bya ba'i tha tshig go/ /'di skad du bcom ldan 'das ma 'dres la/ dge slong gi dge 'dun ma 'dres zhes gsungs te/ bcom ldan 'das kyang logs shig la/dge slong gi dge 'dun yang logs shig go snyam du dgongs pa yin no/ /'dres pa med par spyod pas na ma 'dres pa ste/ phra rgyas gzhan dang lhan cig mi 'byung ba zhes bya ba'i tha tshig go/ /rang gi khams mtha' dag la dmigs pa'i phyir zhes bya ba ni gang gi phyir 'di dag rang gi khams mtha' dag la dmigs par byed pa de'i phyir kun du 'gro ba zhes bya'o//su zhig 'dod pa'i khams mtha' dag gis zhes bya ba rgyas par 'byung ba ni su zhig 'dod pa'i khams mtha' dag gis 'dag par yid ches par 'gyur ba 'am/ 'dod pa'i khams mtha' dag rgyu ma yin pa la rgyur yid ches par 'gyur zhes bya bar skabs dang sbyar te/de lta bas na tshul khrims dang brtul zhugs mchog tu 'dzin pa ni kun du 'gro ba ma yin no snyam bsam pa yin no/ /bye brag tu smra ba rnams kyi lan ni rang gi khams bye brag du mas tha dad pas ma lus pa mtha' dag cig car du dmigs so zhes ni mi zer ro//'on kyang sdug bsngal mthong bas spang bar bya ba nas bsgom pas spang bar bya ba zhes bya ba'i bar rnam pa lnga po thams cad kyang cig car du dmigs te/ kun du 'gro ba nyid yin la/ kun zhes bya ba'i sgra ni rnam pa yin par lta'o zhes bya ba 'di yin no//gang la bdag tu lta ba yod pa zhes bya ba ni nye bar len pa'i phung po lnga dag la'o/ /de la bdag la sred pa yod de/ de dag ni bdag tu mngon par zhen pa'i gzhi yin pa'i phyir ro/ /gang la mchog dang dag par lta ba yod pa ste/ nye bar len pa'i phung po lnga'i mtshan nyid kyi dngos po gang la'o//mchog tu lta ba ni lta ba mchog tu 'dzin pa'o/ /dag par lta ba ni tshul khrims dang brtul zhugs mchog tu 'dzin pa'o/ /de la don du gnyer ba ni sred pa'i mtshan nyid do/ /kha cig de la de'i don du gnyer ba yod ces bya ba 'don te/dngos po de la gang zag de'i don du gnyer ba yod pa ni de la de'i don du gnyer ba yod ces bya ba'i tha tshig go/ /des kyang nga rgyal du 'gyur zhes bya ba ni de'i sgo nas khengs par 'gyur zhes bya ba'i tha tshig go/ /de lta yin na zhes bya ba ni sred pa dang / nga rgyal dag kun du 'gro ba nyid yin na'o//sred pa dang nga rgyal gyi mtshan nyid 'di gnyi ga mthong bas spang bar bya ba 'jig tshogs la lta ba la sogs pa dang / bsgom pas spang bar bya ba la dmigs pa'i phyir ci zhig gis spang bar bya ba yin/ gang gis spang bar bya ba ni ci zhig gis spang bar bya ste/ ci mthong bas spang bar bya ba yin nam/'on te bsgom pas spang bar bya ba yin zhes bya ba'o/ /gang dag gang zhig mthong bas spang bar bya ba'i dmigs pa can de dag ni de mthong bas spang bar bya ba yin la zhes bya ba nges pa 'di yin la bzhag nas 'dri bar byed pa yin no/ /de lta ma yin na 'jig tshogs la lta ba la sogs pa kho na bzhin du 'di gnyi ga mthong bas spang bar bya ba nyid du 'gyur bas 'dir dri ci dgos te/'jig tshogs la lta ba la sogs pa ni mthong ba dang bsgom pas spang bar bya ba'i dmigs pa can ma yin pa yang ma yin la/ de dag mthong bas spang bar bya ba ma yin pa yang ma yin no//'di la slob dpon gyis lan du/ 'dres pa la dmigs pa'i phyir bsgom pas spang bar bya ba yin no zhes bya ba smos te/ gal te sred pa dang nga rgyal dag mthong bas spang bar bya ba la dmigs pa can kho na zhig yin par gyur na ni de dag mthong bas spang bar bya ba yin par 'gyur na de lta ni ma yin no//de bas na 'dren ma la dmigs pa'i phyir bsgom pas spang bar bya ba dag yin te/ lhag ma bsgom pas spang bya yin/ /zhes bya bar mtshan nyid nges pa'i phyir ro/ /yang zhes bya ba ni yang slob dpon 'di nyid kyis bzlog ste bshad pa yin no//mthong bas spang bar bya ba yin no zhes bya ba ni ci zhe na/ de gnyi ga zhes bya bar sbyar ro/ /ci'i phyir zhe na/ lta ba'i stobs bskyed pas bcug pa can nyid yin pa'i phyir zhes bya ba smos te/ lta ba'i stobs bskyed pa ni mthu'o/ /de la lta ba'i stobs bskyed pas bcug pa'i ngang tshul can yod pas na de gnyis ni lta ba'i stobs bskyed pas bcug pa can no//de'i ngo bo nyid de/ de'i phyir de gnyis ni mthong bas spang bar bya ba yin no/ /da ni bye brag tu smra ba nyon mongs pa 'di gnyis rang gi mtshan nyid pa yin gyi/spyi pa yin pa ni ma yin te zhes rang gi phyogs 'jog par byed do/ /gang la bdag tu lta ba yod pa de la sred pa dang nga rgyal dag yod mod kyi/ rang gi mtshan nyid pa'i nyon mongs pa yin pa'i phyir thams cad la cig car yod pa ni ma yin te/ de dag ni phyogs gcig pa la dmigs pa can yin no//de lta bas na kun du 'gro ba dag ma yin no/ /des na gang dag mthong bas spang bar bya ba la dmigs pa de dag ni mthong bas spang bar bya ba yin la/ lhag ma dag ni bsgom pas spang bar bya ba yin no zhes bya bar grub po/ /res 'ga' ni skal ba mi mnyam pa'i khams gcig la dmigs so//res 'ga' ni gnyi ga la dmigs zhes bya'i/ res 'ga' ni khams gsum la dmigs so zhes de skad du ni ma bshad de/ 'dod pa'i khams na gnas pa res 'ga' ni skal ba mi mnyam pa gzugs kyi khams sam/gzugs med pa'i khams gcig na dmigs so/ /res 'ga' ni gzugs dang gzugs med pa'i khams gnyis la dmigs so/ /bdag dang bdag gir mi 'dzin pa'i phyir zhes bya ba ni gang gi phyir tshangs pa de la bdag nyid dam bdag gi nyid du mi 'dzin pa de'i phyir/tshangs pa la sems can du lta ba ni 'jig tshogs la lta ba ma yin no/ /gang gi phyir mthar 'dzin par lta ba yang des kun nas bslang ba de'i phyir tshangs pa de la rtag par lta ba yang mthar 'dzin par lta ba ma yin no/ /'o na 'di'i lta ba gang zhig yin zhes bya ba ni tshangs pa la sems can du lta ba dang /bdag tu lta ba'o/ /'di ni lta ba ma yin gyi 'di ni log pa'i shes pa yin no zhes bya ba ni 'di ni log par dmigs pa'i phyir log pa'i shes pa yin no/ /log par dmigs pa'i shes rab thams cad lta ba yin par ni mi 'dod de/ rang gi lus kho na la bdag go snyam du phyin ci log gi shes rab ni 'jig tshogs la lta ba yin la/des kun nas bslang ba'i rtag par lta ba ni mthar 'dzin par lta ba yin par 'dod kyi/ gzhan dag ni ma yin no/ /gang zhig nga'o snyam du ngar 'dzin pa'i rten du gyur pa'i de kho na 'jig tshogs la lta ba yin na/ tshangs pa chen po la sems can du lta ba ni nga'o snyam du ngar 'dzin pa'i rten du yang mi 'gyur te/ de'i phyir/ bdag dang bdag gir mi 'dzin pa'i phyir zhes bshad do/ /de dag dang ni lhan cig gang / /'byung de'ang kun 'gro thob ma gtogs/ /zhes bya ba ni tshor ba la sogs pa'o/ /thob pa rnams ni 'bras bu mi gcig pa'i phyir de lta ma yin no zhes bya ba ni thob pa rnams dang /thob pa de dang ldan pa ni 'bras bu rnam par smin pa dang / rgyu mthun pa gcig pa ma yin no zhes bshad zin to/ /de'i phyir kun du 'gro ba'i chos kyi thob pa dag ni kun du 'gro ba ma yin par rnam par gzhag go/ / de nyid kyi phyir zhes bya ba ni gang gi phyir lhan cig 'byung ba dag kyang kun du 'gro ba yin par rnam par gzhag pa de'i phyir mu bzhir bya'o/ /mu dang po ni ma 'ongs pa'i phra rgyas kun du 'gro ba rnams so zhes bya ba ni 'di dag ni kun du 'gro ba'i ngo bo nyid yin pa'i phyir ro/ /kun du 'gro ba'i rgyus kun du 'gro ba ni ma yin te/ma 'ongs pa'i gnas skabs su kun du 'gro ba'i rgyu rnam par mi gzhag pa'i phyir ro/ /gnyis pa ni 'das pa dang da ltar byung ba'i lhan cig 'byung ba rnams so zhes bya ba ni kun du 'gro ba dang lhan cig 'byung ba dag 'das pa dang da ltar byung ba yin pa'i phyir kun du 'gro ba'i rgyu yin no//kun du 'gro ba'i phra rgyas ni ma yin te/ phra rgyas kyi ngo bo nyid ma yin pa'i phyir ro/ /gsum pa dang / bzhi pa dag ni sbyar bar bya ste/ gsum pa ni 'das pa dang da ltar byung ba'i phra rgyas kun du 'gro ba rnams so/ /bzhi pa ni rnam pa de dag ma gtogs pa ste/ de dag dang lhan cig 'byung ba ma 'ongs pa rnams dang thob pa la sogs pa'o//drug ni zag med spyod yul can/ /zhes bya ba ni drug kho na zhes nges par gzung ba yin te/ 'di ltar/ 'dod chags min te spang bya'i phyir/ /gnod mi byed phyir zhe sdang min/ /zhes bya ba la sogs pa 'byung ba'i phyir 'dod chags la sogs pa ni zag pa med pa la dmigs pa mi rung bas so//de dag dang mtshungs par ldan pa'i ma rig pa zhes bya ba ni log par lta ba dang / the tshom dag dang mtshungs par ldan pa gang yin pa dang / ma 'dres pa'i ma rig pa gang yin pa de ni ma rig pa'i phra rgyas te gcig go//'gog pa mthong bas spang bar bya ba zag pa med pa la dmigs pa gsum dang / de bzhin du lam mthong bas spang bar bya ba yang gsum po de dag nyid de drug pa dang sa na yod do/ /de'i spyod yul can gyi yul yin no zhes bya ba ni 'di rnams la spyod yul 'gog pa dang lam de dag yod pas de'i spyod yul can dag ste/de rnams la go rims bzhin du gsum gyi spyod yul te/ dmigs pa ni rang gis pa'i 'gog pa ste/ bdag nyid kyi sa'i 'gog pa yin no/ /lam la chos shes pa'i phyogs dang mthun pa sa drug pa dang / rjes su shes pa'i phyogs dang mthun pa sa dgu pa ni lam spyod yul can gyi phra rgyas gzhan gsum gyi dmigs pa yin no//ji lta zhe na/ 'gog pa la dmigs pa'i phra rgyas de dag ni 'dod pa na spyod pa nas srid pa'i rtse mo'i bar sa dgu pa yin la/ de rnams la 'dod pa na spyod pa rnams kyi dmigs pa ni/'dod pa na spyod pa'i chos kyi 'gog pa kho na yin zhing / bsam gtan dang po'i sa pa rnams kyi dmigs pa yang bsam gtan dang po'i sa pa'i chos kyi 'gog pa kho na yin pa de bzhin du srid pa'i rtse mo pa rnams kyi dmigs pa yang srid pa'i rtse mo pa'i chos kyi 'gog pa kho na'i bar du yin no//lam ni chos shes pa'i phyogs dang mthun pa mi lcogs pa med pa dang / bsam gtan khyad par can gyi sa pa dang / bsam gtan dang po nas bsam gtan bzhi pa'i sa pa'i bar du sa drug pa de thams cad ni 'dod pa na spyod pa'i phra rgyas gsum po de dag gi dmigs pa kho na yin no//rjes su shes pa'i phyogs dang mthun pa mi lcogs pa med pa dang / bsam gtan khyad par can dang / bsam gtan bzhi dang / nam mkha' dang / rnam shes dang / ci yang med pa'i skye mched kyi sa pa ste/ sa dgu po de thams cad ni bsam gtan dang po'i sa pa'i phra rgyas rnams kyi dmigs pa kho na yin pa nas de bzhin du srid pa'i rtse mo'i sa pa rnams kyi dmigs pa'i bar yin no//yang ci'i phyir de dag gi spyod yul can rnams kyi dmigs pa 'gog pa ni rang gi sa pa kho na yin la/ lam ni sa drug pa 'am sa dgu pa yang de rnams kyi dmigs pa yin zhe na/'di la gtan tshigs bstan pa'i phyir/ /lam ni phan tshun rgyu yin pas/ /zhes bya ba smos so/ /ji ltar phan tshun gyi rgyu yin zhe na/ chos shes pa'i phyogs dang mthun pa'i lam sa drug pa ni chos shes pa'i phyogs dang mthun pa gzhan dang /'og ma pa 'am/ gong ma pa 'am/ mnyam pa 'am/ khyad par can gyi lam rjes su shes pa'i phyogs kyi yang rgyur 'gyur la rjes su shes pa'i phyogs dang mthun pa'i sa dgu pa de yang de'i rgyu kho na yin par sbyar bar bya ste/ 'di rgyas par ni sa dgu'i lam ni phan tshun du/mnyam dang khyad par can gyi yin/ /zhes bya ba der bshad zin to/ /de ltar na lam la dmigs pa 'dod pa na spyod pa rnams kyi dmigs pa ni chos shes pa'i phyogs dang mthun pa mi lcogs pa med pa'i sa pa nas bsam gtan bzhi pa'i sa pa'i bar yin la/rjes su shes pa'i phyogs dang mthun pa'i lam mi lcogs pa med pa'i sa pa nas ci yang med pa'i skye mched kyi sa pa'i bar yang lam la dmigs pa bsam gtan dang po'i sa pa de rnams kyi dmigs pa nyid yin pa nas de bzhin du srid pa'i rtse mo'i sa pa rnams kyi bar gyi dmigs pa yin no// //bam po bzhi bcu pa/ gal te chos shes pa'i phyogs dang mthun pa thams cad kyang phan tshun gyi rgyu can yin pas lam la dmigs pa 'dod pa na spyod pa log pa'i lta ba la sogs pas gzugs dang gzugs med pa'i gnyen po 'gog pa dang lam zhes bya ba la/chos shes pa la yang dmigs par byed na go ci'i phyir log par lta ba la sogs pa de dag nyid rjes su shes pa'i phyogs dang mthun pa'i lam la yang dmigs par mi byed de/ chos shes pa dang rjes su shes pa dag ni phan tshun gyi rgyu can yin pa'i phyir ro zhe na/ gal te chos shes pa dang rjes su shes pa dag kyang zhes bya ba rgyas par smos te/ rjes su shes pa ni 'dod pa'i khams kyi gnyen po ma yin pas de rnams de la dmigs par mi byed do/ /chos shes pa ni 'dod pa'i khams kyi gnyen po yin pas gzugs dang gzugs med pa'i gnyen po yin yang dmigs par byed do//'o na ni chos shes pa zhes bya ba rgyas par 'byung ba ni grub pa'i mtha' las/ bsgom pa'i lam la 'gog pa dang / /lam la chos shes gang yin te/ /khams gsum gyi ni gnyen po yin/ /zhes 'byung ba'i phyir ro/ /chos shes pa ni gzugs dang gzugs med pa'i gnyen po yin no//de'i ngo bo nyid de/ de'i phyir gzugs dang gzugs med pa'i sa pa'i log par lta ba la sogs pa sa dgu pa'i dmigs pa yin par 'gyur ro/ /de mtha' dag kyang gnyen po ma yin la zhes bya ba rgyas par 'byung ba ni chos shes pa de mtha' dag ni gzugs dang gzugs med pa'i khams dag gi gnyen po ma yin no//'o na ci zhe na/ cung zad cig yin no/ /ci'i phyir zhe na/ sdug bsngal dang kun 'byung la sogs pa chos shes pa'i bsgom pa'i lam gyis bsdus pa dag de dag gi gnyen po ma yin pa'i phyir te/gzugs dang gzugs med pa'i khams dag gi gnyen po ma yin no zhes bya ba'i tha tshig go/ /de'i phyir chos shes pa de ni gzugs dang gzugs med pa na spyod pa'i log par lta ba la sogs pa'i dmigs pa ma yin no/ /gzhan yang mtha' dag gi yang ma yin te zhes bya ba rgyas par smos te/chos shes pa de ni gzugs dang gzugs med pa'i khams mtha' dag gi gnyen po ma yin no/ /ci'i phyir zhe na/ bsgom pa'i lam la 'gog pa dang / /lam la chos shes gang yin de/ /zhes 'byung bas mthong bas spang bar bya ba rnams kyi gnyen po ma yin pa'i phyir ro//'dir dang po med pa'i phyir dang / dang po rnams kyi ma yin pa'i phyir dmigs pa ma yin no zhes bya ba ni mjug sdud par byed pa yin te/ sdug bsngal dang / kun 'byung ba dang / 'gog pa dang / lam la chos shes pa rnams ni dang po sdug bsngal dang / kun 'byung ba la chos shes pa dag gzugs dang gzugs med pa ji skad bshad pa'i gnyen po de nyid du med pa'i phyir dang /chos shes pa de mthong ba dang bsgom pas spang bar bya ba gzugs dang gzugs med pa na spyod pa rnams kyi dang po mthong bas spang bar bya ba dag gi gnyen po nyid ma yin pa'i phyir chos shes pa ni de'i sa pa ste/gzugs dang gzugs med pa'i sa pa'i log par lta ba la sogs pa'i dmigs pa ma yin no/ /de ltar na zag pa med pa la dmigs pa khams gsum pa/ bco brgyad ma gtogs pa phra rgyas lhag ma brgyad cu ni zag pa dang bcas pa la dmigs pa yin no zhes bya bar gzhag pa yin no//spang bar bya ba ma yin par 'gyur te zhes bya ba ni thob pa bcad pas spang bar bya ba ma yin no zhes bya ba'i tha tshig go/ /dper na dge ba'i chos la 'dun pa mngon par dad pa'i ngo bo ni yang dag pa'i lta ba yin pas/ thob pa bcad pas spang bar bya ba ma yin pa ltar 'di yang de dang 'dra bar 'gyur bas de'i phyir zag pa med pa la dmigs pa ma yin no//gnod mi byed phyir zhe sdang min/ /zhes bya ba ni 'gog pa dang / lam dag ni kun nas mnar sems kyi dngos po dgu'i mtshan nyid las 'das pa'i phyir ro/ /de la zhe sdang med do/ / yang dag pa'i don du dag pa'i phyir zhes bya ba ni 'gog pa ni nyon mongs pa'i dri ma spangs pa'i phyir yang dag pa'i don du dag pa yin la/ lam yang 'dis don dam par dag par 'gyur ba'i phyir don dam par dag pa yin pas/ gang zhig de nyid la dag pa'o snyam du 'dzin pa ni tshul khrims dang brtul zhugs mchog tu 'dzin pa'o zhes bya ba rnam par gzhag tu mi rung ba'i phyir ro//de gnyis ni mchog kyang yin te zhes bya ba ni yang dag pa'i don du dag pa'i phyir 'gog pa dang / lam de dag ni mchog yin no/ /dngos po dman pa la mchog tu 'dzin pa ni lta ba mchog tu 'dzin pa yin par rung na 'gog pa dang /lam de dag ni de lta bu yang ma yin pas de gnyis la mchog tu 'dzin pa ni lta ba mchog tu 'dzin pa ma yin no/ /du ni dmigs pa'i sgo nas rgyas par 'gyur/ du ni mtshungs par ldan pa kho na'i sgo nas rgyas par 'gyur zhes bya ba ni/ du ni dmigs pa kho na'i sgo nas zhes nges par bzung nas dri bar mi byed pa ni 'di ltar gang dag dmigs pa'i sgo nas rgyas par 'gyur ba de dag ni gdon mi za bar mtshungs par ldan pa'i sgo nas kyang rgyas par 'gyur ro//gang dag mtshungs par ldan pa kho na'i sgo nas rgyas par 'gyur ba de dag ni dmigs pa'i sgo nas ma yin te/zag pa med pa dang skal ba mi mnyam pa'i sa la dmigs pa'i phra rgyas dag yin no/ /phra rgyas kyi don ni rjes su mthun pa'i don yin na sa de dag pa'i rkyen rnams ni de dag bskyed par bya ba la mthun par mi 'gyur ro/ /de dag ni de rnams kyi rjes su mthun pa ma yin te zhes bya ba ni 'gog pa la sogs pa de dag ni log par lta ba la sogs pa de rnams kyi rjes su mthun pa ma yin no//rlung nad can la kha zas rtsub po rgyas par mi 'gyur ba bzhin no zhes bya ba ni dper na rlung nad can la kha zas rtsub bag rgyas par mi 'gyur ro zhes byas na lus dang mthun par mi 'gyur zhes bya bar go ba dang 'dra'o//phyogs snga ma ltar na ni phra rgyas kyi don gnas thod pa'i don yin te/ de dag tu gnas mi thod do zhes 'byung ba'i phyir ro/ /chos gang dang zhes bya ba ni tshor ba la sogs pa dang ngo / /de yang de gnyis na med ces bya ba ni sdug bsngal de yang gzugs dang gzugs med pa'i khams de gnyis na med do//ci'i phyir zhe na/ pha rol po la gnod pa'i rgyu med pa'i phyir/ pha rol po la gnod pa'i rgyu ni gnod sems la sogs pa yin te/ de med pa'i phyir ro/ /lta bar gyur pa rnams kyi nang na 'di mchog yin no zhes bya ba ni lta ba'i rnam pa'i nang na 'di khyad par du 'phags pa yin te/ha cang kha na ma tho ba dang bcas pa ma yin no zhes bya ba'i tha tshig go/ /thar pa'i rgyu ni lam yin la chad pa ni rgyu med pa can du 'dod pas 'khrul pa'i phyir chad par lta ba kha na ma tho ba dang bcas pa yin pas khyad par yod do//rang gi rdzas la kun du rmongs pa'i phyir zhes bya ba ni 'jig tshogs la lta ba ni rang gi rgyud du gtogs pa'i nye bar len pa'i phung po rnams la bdag dang bdag gi nyid du 'dzin pa'i phyir rang gi rdzas la kun du rmongs pa yin la/ mthar 'dzin par lta ba yang de dag nyid la rtag pa dang chad pa'i mthar 'dzin pa'i phyir de kho na dang 'dra'o//lta ba de dag ji lta bar de dag dang mtshungs par ldan pa'i ma rig pa yang de dang 'dra'o/ /pha rol po la gnod pa'i rnam par zhugs pa ma yin pa'i phyir/ ci zhe na/ 'jig tshogs dang mthar 'dzin par lta ba dag lung du ma bstan pa yin no zhes bya ba skabs dang sbyar te de dag ni pha rol po la gnod pa cung zad kyang mi byed do//mtho ris la sred pa dang / nga'o snyam pa'i nga rgyal dag kyang de ltar thal bar 'gyur ro zhes bya ba ni mtho ris la sred pa dang / nga'o snyam pa'i nga rgyal yang sbyin pa la sogs pa dang mi 'gal ba'i phyir dang /rang gi rdzas la kun du rmongs pa'i phyir dang / pha rol po la gnod pa'i rnam par zhugs pa ma yin pa'i phyir lung du ma bstan pa nyid du thal bar 'gyur ro/ /de ltar yang mi 'dod de/ de lta bas na rgyu de dag gis 'di gnyis lung du ma bstan pa nyid ma yin no//bsam pa 'dis sngon gyi slob dpon gyi gzhung lugs lhan cig skyes pa'i 'jig tshogs la lta ba zhes bya ba la sogs pa nye bar 'god par byed do/ /rnam par brtags pa ni mi dge ba yin no zhes bya ba ni ser skya dang 'ug pa ba la sogs pa bdag tu smra ba rnams kyis rnam par brtags pa gang yin pa de ni lung du ma bstan pa ni ma yin no//'o na ci zhe na/ lung du bstan pa yin no/ /de dag gi rnam par brtags pa'i mthar 'dzin par lta ba gang yin pa de yang mi dge ba yin te/ ma bshad kyang de sngon du 'gro ba can yin pa'i phyir de dang tshul mtshungs par rtogs pa nyid do//lhag ma rnams 'dir mi dge ba/ /zhes bya ba la/ 'dir zhes bya ba ni 'dod pa na spyod pa'i lhag ma nye bar bzung ba'i phyir te/ 'dod pa'i khams na 'jig tshogs la lta ba la sogs pa'i lhag ma nyon mongs pa can rnams ni mi dge ba kho na yin no zhes bya bar nges par 'dzin par byed do//du ni mi dge ba'i rtsa ba dag yin/ du ni ma yin zhes bya ba ni phra rgyas dgu bcu rtsa brgyad po 'di dag las zhes bya bar skabs dang sbyar ro/ /des na 'di skad du/ 'dod na 'dod chags khong khro dang / /rmongs rnams mi dge'i rtsa ba yin/ /zhes lan 'debs par byed de/ 'dod pa'i khams na 'dod chags dang khong khro ba dang /gti mug gang dag yin pa de dag ni rnam pa lnga po thams cad kyang mi dge ba'i rtsa ba kho na yin gyi phra rgyas gzhan dag ni ma yin no/ /rmongs zhes bya ba ni gti mug gi rnam grangs te/ 'jig tshogs la lta ba dang / mthar 'dzin par lta ba dang mtshungs par ldan pa gti mug ma gtogs pa'i rmongs pa thams cad do//'di mdo las ma smos par ji ltar de skad ces bya zhe na/ mi dge ba zhes bya ba'i skabs yin pa'i phyir dang / phyogs gcig bstan pa'i phyir ro/ /de nyid kyi phyir gang zhig mi dge ba yang yin la mi dge ba'i rtsa ba yang yin pa de kho na mi dge ba'i rtsa ba yin par 'dod do zhes bya ba smos so//de kho na zhes nges par bzung ba'i phyir log par lta ba la sogs pa phra rgyas lhag ma rnams ni mi dge ba'i rtsa ba dag ma yin no zhes bya bar 'grub po/ /lung ma bstan pa'i rtsa ba gsum/ /zhes bya ba ni phra rgyas dgu bcu rtsa brgyad po 'di dag las lung du ma bstan pa'i rtsa ba ni gsum yin no zhes bya'o//gsum zhes bya ba smos pa ni nyi 'og pa'i gzhung lugs las khyad par du bya ba'i phyir te/ gsum kho na yin gyi bzhi ni ma yin no zhes bstan pa yin no/ /gsum gang zhe na/ de ni sred dang ma rig blo//zhes bya ba smos so/ /de zhes bya ba ni lung du ma bstan pa yin par ston to zhes bya ba ni/ lung ma bstan pa'i rtsa ba gsum/ /zhes bya ba'i lung du ma bstan zhes bya ba'i sgra 'di kho nas sred pa dang ma rig pa dang blo dag khyad par du byas so zhes ston par byed do/ /'dir ni blo ni nyon mongs pa'i ngo bo nyid ma yin yang bye brag tu smra ba rnams lung du ma bstan pa'i rtsa ba yin no zhes bya bar 'dod do//sred pa gang cung zad lung du ma bstan pa zhes bya ba ni ro myang ba dang mtshungs par ldan pa'i bsam gtan dang gzugs med pa dag skyes pa'i tshe gzhal med khang la sogs pa la ste 'os 'os su sbyar ro//ma rig pa gang cung zad gzugs dang gzugs med pa'i khams dag na yod pa dang / 'dod pa'i khams na yod pa'i 'jig tshogs dang mthar 'dzin par lta ba dang / mtshungs par ldan pa de dang / de bzhin du shes rab gang cung zad lung du ma bstan pa tha na rnam par smin pa las skyes pa yang rung ste/'dod pa'i khams na yod pa rnam par smin pa las skyes pa dang / spyod lam pa dang / bzo'i gnas pa dang / sprul pa'i sems dang mtshungs par ldan pa dang / 'jig tshogs dang mthar 'dzin par lta ba dang mtshungs par ldan pa dang /gzugs dang gzugs med pa'i khams dag na yod pa'o/ /nyon mongs pa dang mtshungs par ldan pa'i shes rab thams cad dang / rnam par smin pa la sogs pa dang mtshungs par ldan pa'i shes rab dag ni lung du ma bstan pa yin no/ /rnam pa gnyis nyid du 'jug pa'i phyir zhes bya ba la/rnam pa gnyis kyi ngo bo ni rnam pa gnyis nyid do/ /rnam pa gnyis su 'jug pas na rnam pa gnyis su 'jug pa'o/ /de'i phyir the tshom ni rtsa ba yin par 'os pa ma yin te/ rnam pa gnyis su 'jug pa'i sgo nas g.yo ba'i phyir ro/ /khengs pa'i mtshan nyid kyis zhes bya ba ni khengs pa'i mtshan nyid des mthon por 'jug ste/de'i phyir nga rgyal ni rtsa ba yin par 'os pa ma yin no/ /rtsa ba rnams ni brtan pa dang 'og nas gnas pa dag yin zhes bya ba ni rtsa ba dang chos mi mthun pa'i phyir te/ the tshom ni mi brtan pa'i phyir rtsa ba ma yin la/nga rgyal ni mthon por 'jug pa'i phyir rtsa ba ma yin no zhes brjod par bya'o/ /lung du ma bstan pa'i sred pa zhes bya ba ni gzugs dang gzugs med pa'i khams dag na yod pa'o/ /lta ba yang de dag na yod pa dang 'dod pa'i khams na yod pa 'jig tshogs dang mthar 'dzin par lta ba'i ngo bo nyid dag go//ma rig pa yang 'dod pa'i khams na yod pa de dag dang mtshungs par ldan pa kho na dang / gzugs dang gzugs med pa'i khams dag na yod pa thams cad do/ /sred pa dang lta ba dang / nga rgyal shas che ba'i bsam gtan pa dag yin zhes bya ba ni gang zhig ro myong ba dang mtshungs par ldan pa'i bsam gtan sgom pa de ni sred pa shas che ba'i bsam gtan pa yin no//gang zhig bsam gtan la brten nas rtag pa la sogs par lta ba skyed par byed pa de ni lta ba shas che ba'i bsam gtan pa yin no/ /nga rgyal shas che ba'i bsam gtan pa ni gang zhig des bdag ni bsam gtan bzhi thob pa yin gyi gzhan dag ni de lta ma yin no snyam du rlom pa ste/de ni nga rgyal shas che ba'i bsam gtan pa yin no/ /de la 'di la sred pa shas che zhing sred pa lhag pa sgom pa'i ngang tshul yod pas na sred pa shas che ba'i bsam gtan pa'o/ /yang na sred pa shas che ba yang yid la bsam gtan pa yang yin pas sred pa shas che ba'i bsam gtan pa ste/sred pa lhag pa zhes bya ba'i tha tshig go/ /lta ba shas che ba'i bsam gtan pa dang / nga rgyal shas che ba'i bsam gtan pa yang de dang 'dra'o/ /de dag kyang ma rig pa'i dbang gis 'gyur ro zhes bya ba ni bsam gtan gsum po de dag kyang ma rig pa'i dbang gis te/ma rig pa dang ldan pas de ltar 'gyur ro/ /de'i phyir ma rig pa yang lung du ma bstan pa'i rtsa ba yin no snyoms par 'jug pa la snyoms par zhugs pa rnams la nyon mongs pa'i rnam pa 'di dag kun du 'byung ba'i skabs ni lung du ma bstan pa'i chos rnams kyi rtsa ba ste rgyu yin no//lung du ma bstan pa'i skabs kyis glengs pa dang / mdo las lung du ma bstan pa'i dngos po bcu bzhi gsungs pa zhes bya ba rgyas par smos te/ 'jig rten rtag pa zhig gam/ 'jig rten mi rtag pa zhig ces bya ba de lta bu la sogs pa yin no/ /ci de dag lung du ma bstan pa'i phyir yin nam zhes bya ba ni ci de dag dge ba yang ma yin la mi dge ba yang ma yin pas lung du ma bstan pa yin pa'i phyir lung du ma bstan pa'i dngos po dag tu ston tam zhes bya ba yin no//gzhag par bya ba'i 'dri ba la lung du ma bstan pa zhes bshad do zhes bya ba ni gang zhig gzhag par bya ba nyid kyis lung bstan cing ma bshad pa'i 'dri ba de ni lung du ma bstan pa yin la/ de'i dngos po ni gzhi yin pas lung du ma bstan pa'i dngos po'o/ /de'i zhar la 'dri ba ni rnam pa bzhi ste zhes bya ba 'di rgyas par nye bar 'god de/'chi dang skye dang khyad par 'phags/ /bdag gzhan la sogs lta bu yin/ /zhes bya ba ni 'chi ba lta bu dang / skye ba lta bu dang / khyad par du 'phags pa nyid lta bu dang / bdag gzhan nyid la sogs pa lta bu'o zhes grangs bzhin du mgo gcig tu lung bstan pa la sogs pa'i dper brjod pa yin no//'chi bar 'gyur ro zhes bya ba ni mgo gcig tu lung bstan par bya ba la 'chi ba dper brjod pa yin no/ /nyon mongs pa can dang bcas pa rnams ni skye bar 'gyur gyi/ nyon mongs pa med pa rnams ni ma yin no zhes bya ba ni rnam par phye ste lung bstan par bya ba la skye ba dper brjod pa yin no//gang la ltos te 'dri zhes bya ba ni dris nas lung bstan par bya ba la khyad par du 'phags pa nyid dper brjod pa yin no/ /ci phung po rnams las sems can gzhan nam zhes bya ba ni gzhag par lung bstan par bya ba la bdag gzhan nyid dper brjod pa yin no//ci sems can thams cad 'chi bar 'gyur ram zhes 'dri na 'chi bar 'gyur ro zhes mgo gcig tu lung bstan par bya'o zhes bya ba ni ji skad du bcom ldan 'das kyis dge slong dag mi rnams ni tshe thung ba tshe phyi mar 'gro dgos pa yin pas dge ba spyad par bya ste/skyes pa la ni mi 'chi ba med do zhes gsungs pa lta bu'o/ /ci phung po rnams las sems can gzhan nam gzhan ma yin zhes 'dri na gzhag par bya ste zhes bya ba ni/ ji skad du/ bcom ldan 'das kyis/ kye gau ta ma ci lags/ des byas shing des myong ngam bram ze 'di ni lung du ma bstan pa yin no/ / gzhan gyis byas shing gzhan gyis myong ngam bram ze 'di ni lung du ma bstan pa yin no/ /des byas shing des myong ngam zhes zhus na yang 'di ni lung du mi bstan pa yin no zhes gsungs la/ gzhan gyis byas shing gzhan gyis myong ngam zhes zhus na yang 'di ni lung du mi bstan pa yin no zhes gsungs na/ gau ta ma khyod kyis bshad pa 'di'i don ji lta bu zhig lags/bram ze des byas shing des myong ngo zhes bya ba ni rtag par 'gyur ro/ /gzhan gyis byas shing gzhan gyis myong ngo zhes bya ba ni chad par 'gyur ro/ /de bzhin gshegs pa ni 'di gnyis thugs su chud nas dbu ma'i lam gyi chos ston par mdzad do zhes gsungs pa lta bu'o//gzhan dag na re zhes bya ba ni btsun par ma'o/ /thams cad skye bar mi 'gyur ro zhes bya ba 'di yang mgo gcig tu lung ston pa yin no zhes bya ba ni sems can thams cad 'chi bar 'gyur ro zhes bya ba 'di 'ba' zhig mgo gcig tu lung bstan par bya ba yin pa 'ba' zhig tu ni ma zad do//slob dpon gyis gang zhig 'dri ba zhes bya ba rgyas par smos te/ ci gang dag 'chi bar 'gyur ba de dag skye bar 'gyur ram zhes rnam pa de lta bur 'dri ba de la thams cad ni skye bar mi 'gyur ro/ /'o na ci zhe na/ nyon mongs pa dang bcas pa rnams ni skye bar 'gyur gyi nyon mongs pa med pa rnams ni ma yin no zhes bya ba rnam par phye ste/lung bstan dgos par 'gyur ro/ /de lta bas na thams cad skye bar 'gyur ro zhes bya ba 'di yang mgo gcig tu lung bstan par bya ba yin no zhes smras pa gang yin pa ni mi 'thad kyi bye brag tu smra bas dper brjod pa nyid du rung ngo snyam du bsams pa yin no/ /btsun par ma de nyid kyis mi la yang gnyi ga yod de zhes bya ba smras te/dman pa nyid dang khyad par du 'phags pa nyid do/ /'di gnyis ni ltos pa can du yod pas gnyi gar mgo gcig tu lung bstan par bya ba yin te/ dper na rnam par shes pa rgyu yin nam 'bras bu yin zhes 'dri na rgyu dang 'bras bu la ltos nas rgyu yang yin la 'bras bu yang yin zhes mgo gcig tu lung bstan zhes bya ba dang 'dra'o//de la ci mi 'di khyad par du 'phags pa yin nam dman pa yin zhes 'dri na gang las ltos te 'dri zhes dris nas lung bstan par bya ste zhes smras pa gang yin pa de rigs pa ma yin te/ 'di ltar 'dri ba 'di mgo gcig tu lung bstan par bya bas so//slob dpon gyis gcig tu 'dri ba la zhes bya ba la sogs pas bye brag tu smra ba'i phyogs gzhung 'dzugs par byed de/ ci mi 'di khyad par du 'phags pa kho na zhig gam dman pa kho na zhig yin zhes gcig tu 'dri ba la ni dman pa'o zhe'am khyad par du 'phags pa'o zhes gcig tu lung bstan du mi rung bas gang la ltos te 'dri zhes rnam par phye ste/lung bstan par rigs so/ /de la mi la yang gnyi ga yod de zhes bya ba rgyas par smras pa gang yin pa de rigs pa ma yin no/ /de nyid kyis/ phung po dag las sems can gzhan na ma zhes bya ba thams cad smras so//slob dpon gyis gzhag par bya ba'i 'dri ba gang yin pa zhes bya ba smos so/ /bye brag tu smra ba'i lugs kyis rnam pa bzhi'i dper brjod pa 'di ni bshad zin to/ /chos mngon pa pa rnams na re zhes bya ba ni chos mngon pa tshan drug pa tsam 'dod pa rnams so/ /sdug bsngal gdags pa nas lam gdags pa'i bar zhes bya ba ni 'phags pa'i bden pa bzhi gdags pa ste/mdo las ji skad 'byung ba lta bu'o/ /don dang ldan pa yin pa'i phyir zhes bya ba ni don dang yang dag par ldan pa'i phyir ro zhes bya ba'i tha tshig go/ /g.yon can gyi zhes bya ba ni 'dri ba po g.yon can rnam par tho 'tshams pa'i bsam pa can gyi 'dri ba lung bstan pa yang rnam par phye ste lung bstan par bya ba'i dri ba'i tshig de nyid yin par rig par bya'o//btsun par mas gang gi tshe zhes bya ba rgyas par smras te/ gang gi tshe g.yon can dang g.yo med pa de gnyis cung zad kyang mi 'dri'i chos bshad du gsol zhes gsol ba 'debs pa 'ba' zhig tu zad la/g.yon can dang g.yo med pa de gnyis la yang chos ni gzugs la sogs pa rab tu dbye ba dang bcas pa rgyas pa 'di dag yin no zhes bya bar cung zad kyang lung mi ston gyi/ gang dag bshad par bya ba zhes 'dri ba 'ba' zhig tu zad na de ji ltar na g.yon can g.yo med pa de gnyis kyi 'dri ba yin/ji ltar na chos mngon pa'i lung ston pa yin/ slob dpon gyis gang zhig ces bya ba rgyas par smras te/ gang zhig de mi shes na lam smros shig ces zer na ci des lam ma 'dres pa yin nam/ des gsol ba 'debs pa'i sgo nas dris so snyam du bsams pa yin no//ji ltar lam smros shig ces smra bas lam gang zhig yin zhes smra bar 'gyur ba de bzhin du chos bshad du gsol zhes smra bas chos gang dag yin zhes smras par 'gyur ro/ /dri ba nyid kyis de lung bstan pa'i phyir zhes bya ba ni chos mang mo zhig yod na gang dag smra bar bya zhes dri ba kho nas dris pa de'am chos de rnams lung bstan pa'i phyir te/chos mang ba nyid du lung bstan pas so/ /ji ltar na dris nas lung bstan pa ma yin zhes bya ba ni dris pas lung bstan pa yin no zhes bya ba'i tha tshig go/ /de la de gnyis kyang cung zad kyang mi 'dri'i gsol ba 'debs pa 'ba' zhig tu zad la zhes bya ba nas/ji ltar lung ston pa yin zhes smras pa gang yin pa de rigs pa ma yin no/ /slob dpon gyis mdo kho na las zhes bya ba rgyas par smos te/ mdo 'di ni tshig phal pa yin pa las legs par sbyar bar rnam par gzhag nas 'don par byed do/ /ched du bsam par bya ba'i las byas nas ci zhig so sor yang dag par myong bar 'gyur/ci bde ba'am sdug bsngal ba'am/ bde ba yang ma yin sdug bsngal yang ma yin pa zhig ces de skad du dris na/ ched du bsam par bya ba ni dge ba la sogs pa tha dad pa'i phyir ched du bsam par bya ba dge ba zag pa dang bcas pa byas pas ni bde ba'am bde ba yang ma yin sdug bsngal ba yang ma yin pa so sor yang dag par myong bar 'gyur ro//ched du bsam par bya ba'i las mi dge ba byas pas ni sdug bsngal so sor yang dag par myong bar 'gyur ro zhes rnam par phye ste lung du bstan par bya ba yin no/ /gal te 'di skad du bdag rags pa yin par shes so zhes bya ba ni gzugs so//srog kyang gzhan la lus kyang gzhan zhig gam zhes bya ba'i bar zhes bya ba rab tu dbye ba rgyas par 'byung ba'i bar du zhes bya ba'i sgras ni de bzhin 'ongs pa shi nas med pa zhig gam/ de bzhin 'ongs pa shi nas yod kyang yod la med kyang med pa zhig gam/de bzhin 'ongs pa shi nas yod pa yang ma yin med pa yang ma yin pa zhig gam/ lus de nyid srog yin nam/ lus kyang gzhan la srog kyang gzhan zhig gam zhes bya ba thams cad brjod par bya'o/ /de ni des de dang ldan pa yin no zhes bya ba ni gang zag de ni phra rgyas des bcings so zhes bya bar shes par 'gyur ba kho na'o zhes bya ba'i tha tshig go//rang gi mtshan nyid pa'i nyon mongs pa zhes bya ba la rang gi mtshan nyid ni bde ba myong bar 'gyur ba la sogs pa'i dngos po de la 'dod chags pa ni bde ba myong bar 'gyur ba'i dngos po kho na la dmigs te skye bas rang gi mtshan nyid pa'i nyon mongs pa zhes bya'o//bde ba myong bar 'gyur ba'i dngos po dmigs par bya ba des khengs par 'gyur bas nga rgyal yang rang gi mtshan nyid dag gi nyon mongs pa yin no/ /de bzhin du sdug bsngal myong bar 'gyur ba'i dngos po dmigs te khong khro ba 'byung bas/ khong khro ba yang rang gi mtshan nyid dag gi nyon mongs pa zhes bya'o//nyon mongs pa spyi pa ni lta ba dang the tshom la sogs pa ste/ spyi pa'i'am spyir nyon mongs pa yin pas ni nyon mongs pa spyi pa dag go/ /de dag ni khyad par med par bde ba myong bar 'gyur ba la sogs pa'i dngos po la skye bar 'gyur te/de'i phyir de dag la dmigs te skyes pa'i nyon mongs pa rnams ni nyon mongs pa spyi pa zhes bya'o/ /'das dang nyer gnas zhes bya ba ni 'das pa dang da ltar byung ba'o/ /dngos po gang la 'dod chags dang khong khro ba dang nga rgyal rnams skyes la zhes bya ba rgyas par 'byung ba ni khyad par med par brjod pa'i phyir 'dod chags la sogs pa 'di dag ni rnam par shes pa'i tshogs drug pa yang rung ste/ci rigs par sdug bsngal mthong bas spang bar bya ba nas bsgom pas spang bar bya ba'i bar dus gsum pa'i dngos po gang la skyes pa ma spangs pa'i 'dod chags la sogs pa de dag gi dngos po de dang ldan te/thag pas glang bu phur pa la btags pa dang 'dra'o/ /de dag ni rang gi mtshan nyid pa'i nyon mongs pa yin pa'i phyir gdon mi za bar gang zag thams cad la thams cad 'byung ba ma yin zhes bya ba ni 'ga' zhig kha cig la 'byung ngo zhes bya ba'i tha tshig go/ / de'i phyir/ gang la de skyes ma spangs pa'i zhes de dag kyang khyad par du byas pa yin te/ ma spangs pa zhes bya ba'i khyad par smos pa 'di ltar 'dod chags la sogs pa gang dag gis sngon dngos po de dang ldan par gyur pa de dag gal te spangs par gyur nas de dag gis de dang ldan pa ma yin te/ spangs pas yul la rgyas par mi 'gyur ba'i phyir ro/ /yid kyi de dag ma 'ongs pas kun dang zhes bya ba la/ yid kyi zhes bya ba smos pa ni rnam par shes pa'i tshogs lnga pa rnams ni/ gzhan gyi rang du sa pa zhes gzhan du rnam par gzhag par bya ba yin pa'i phyir ro/ /'di ni 'dod chags dang khong khro ba khyad par du bya ba yin te/nga rgyal ni gdon mi za bar yid kyi yin pa'i phyir ro/ /ma 'ongs pa'i de dag gis ni ris lnga pa dus gsum pa thams cad dang yang bdag nyid ji lta ba bzhin ldan pa yin no/ /zag pa dang bcas pa'i dngos po gang zhig rang gi mtshan nyid pa'i nyon mongs pas kyang 'dod chags dang bcas pa ma yin pa dang /zhe sdang gis zhe sdang dang bcas pa ma yin pa dang / nga rgyal gyis nga rgyal dang bcas pa ma yin pa de ni med de/ 'dod chags la sogs pa ma 'ongs pa zag pa dang bcas pa'i dngos po thams cad la bdag nyid ji lta ba bzhin du dmigs pa dag ni dpag tu med pa zhig yod do//'dod chags dang khong khro ba ma 'ongs pa gzhan dag gis ni ma 'ongs pa'i dngos po kho na dang ldan no zhes bya ba ni sems dang sems las byung ba thams cad ni dmigs pa la nges pa yin pas chos skye bar 'gyur ba'i chos de dag gis ma 'ongs pa'i dngos po kho na dang ldan te/rnam par shes pa'i tshogs lnga rnams kyi yul ni da ltar yin pa'i phyir ro/ /'dod chags dang khong khro ba gzhan dag gis zhes smos kyi nga rgyal ma smos pa ni/ mthong spang bya nyid nga rgyal bcas/ /yid rnam shes kyi sa pa yin/ /zhes 'byung bas nga rgyal rnams yid kyi sa yin pa'i phyir ro//rnam par shes pa'i tshogs lnga pa dag gis kyang zhes bya ba la/ kyang zhes bya ba'i sgras ni yid kyi sa pa dag 'ba' zhig tu ni ma zad kyi zhes ston par byed do/ /mi skye ba'i chos can de dag gis ni dus gsum pa'i dngos po thams cad dang ldan te mi skye ba'i chos can de dag ni ma 'ongs pa'i dus kho na na rnam par gnas la/de dag gi dmigs pa dag ni 'pho bar 'gyur ro/ /nyon mongs pa dang ldan pa mi skye ba'i chos can rnams ni lcam pa bzhin du yul la mngon par phyogs pa kho nar gnas te/ 'di ltar mi skye ba'i chos rnams ni dmigs pa la dmigs nas skye bar 'gyur ba ma yin pa nyid do//de'i phyir kha cig gi dmigs pa ni 'das pa yin no/ /kha cig ni da ltar yin no/ /kha cig ni ma 'ongs pa yin no/ /de dag ni dmigs pa mi skye ba kho nas mi skye ba ma yin no/ /'o na ci zhe na/ rkyen ma tshang ba'i phyir te/ grub pa'i mtha' ni tshogs pa ni gnas skabs kyi 'bras bu can yin gyi rdzas kyi 'bras bu can ni ma yin no zhes bya ba yin no//lhag ma kun gyis kun dang ldan/ /zhes bya ba ni lta ba la sogs pa'i ris du ma dus gsum pa dag gis kyang dus gsum pa'i dngos po rnam pa lnga char dang ldan te yang dag par ldan no zhes bya ba'i tha tshig go/ / ci'i phyir zhe na/ nyon mongs pa'i spyi pa yin pa'i phyir zhes bya ba smos te/ 'di dag ni nye bar len pa'i phung po lnga char la dmigs pa yin pa'i phyir thams cad kun la 'byung ngo / /ji ltar na 'das pa dang ma 'ongs pa'i dngos po de dang ngam/ 'das pa dang ma 'ongs pa'i phra rgyas des ldan pa'am bral ba yin te/ji ltar na ma spangs pa dang spangs pa'i gnas skabs su rnam par gzhag /'dus byas kyi mtshan nyid dang ldan pa'i phyir zhes bya ba ni 'di ltar 'dus byas kyi mtshan nyid skye ba la sogs pa 'du byed rnams dus su 'pho bar bya ba'i phyir 'jug ste/ de'i phyir de dag rtag pa nyid ma yin par dam 'cha'o//dge slong dag gal te 'das pa'i gzugs zhes bya ba'i mdo 'di'i mgo ni 'di skad ces 'byung ba yin te/ gzugs 'das pa dang ma 'ongs pa yang mi rtag na da ltar byung ba lta ci smos/ 'phags pa nyan thos thos pa dang ldan pa de ltar lta ba ni 'das pa'i gzugs la lta bar mi 'gyur/ma 'ongs pa'i gzugs la mngon par dga' bar mi 'gyur gyi/ da ltar byung ba'i gzugs la yid byung bar bya ba dang / 'dod chags dang bral bar bya ba dang 'gog par bya ba'i phyir zhugs pa yin no/ /gal te 'das pa'i gzugs shig yod par ma gyur na/ 'phags pa nyan thos thos pa dang ldan pa 'das pa'i gzugs la mi lta bar yang mi 'gyur ba zhig na gang gi phyir 'das pa'i gzugs yod pa de'i phyir 'phags pa nyan thos thos pa dang ldan pa 'das pa'i gzugs la mi lta ba yin no/ /gal te ma 'ongs pa'i gzugs shig yod par ma gyur na/'phags pa nyan thos thos pa dang ldan pa ma 'ongs pa'i gzugs la mngon par dga' ba med par yang mi 'gyur ba zhig na/ gang gi phyir ma 'ongs pa'i gzugs yod pa de'i phyir 'phags pa nyan thos thos pa dang ldan pa ma 'ongs pa'i gzugs la mngon par dga' ba med pa yin no//dge slong dag gal te da ltar byung ba'i gzugs shig yod par ma gyur na zhes bya ba rgyas par gsungs pa yin no/ /'phags pa nyan thos thos pa dang ldan pa 'das pa'i gzugs la mi lta bar yang mi 'gyur ba zhig na zhes bya ba ni yul med pa'i phyir 'phags pa nyan thos la 'dod chags dang bral ba de'i tshe 'das pa'i yul la mi lta ba'i blo 'byung bar mi 'gyur ro zhes bya ba'i tha tshig ste/gang gi tshe 'das pa'i gzugs la lta ba de'i tshe de la chags pa yin no/ /mngon par dga' ba zhes bya ba ni mngon par 'dod pa'o/ /dge slong dag gal te da ltar byung ba'i gzugs shig yod par ma gyur na/'phags pa nyan thos thos pa dang ldan pa da ltar byung ba'i gzugs la yid byung bar bya ba dang / 'dod chags dang bral bar bya ba dang / 'gog par bya ba'i phyir zhugs par yang mi 'gyur ba zhig na zhes bya ba 'di ni ma smos te/ gnyi ga la rab tu grub pa'i phyir ro//gnyis phyir zhes bya ba ni snga ma ni zhal nas gsungs pa yin no zhes rab tu bstan pa yin no/ /da ni rnam grangs kyi sgo nas yin gyi zhal nas ni ma yin pas khyad par yod do/ /yid kyi rnam par shes pa 'das pa dang ma 'ongs pa la dmigs pa gang yin pa gnyis la brten par mi 'gyur ro//de bas na dmigs pa med pa'i phyir rnam par shes pa nyid du yang mi 'gyur ro zhes bya ba ni rnam par shes par bya ba yod na rnam par shes pa yin pas so/ /'di la sgrub pa ni yid kyi rnam par shes pa ni yod pa la dmigs pa kho na yin te/ dmigs pa'i ngo bo nyid yin pa'i phyir mig gi rnam par shes pa bzhin no//'bras phyir zhes bya ba ni/ dge ba dang mi dge ba'i las 'das pa ni rang gi ngo bor yod pa yin te/ smin pa'i tshe 'bras bu 'byung bar 'gyur ba yin pa'i phyir da ltar gyi bzhin no/ /dngos po gzhan du 'gyur gyi zhes bya ba ni 'das pa dang ma 'ongs pa dang da ltar byung ba'i dngos po gzhan du 'gyur ba yin zhes bya ba'i tha tshig go//rdzas gzhan du 'gyur ba ni ma yin zhes bya ba ni gzugs la sogs pa rang gi mtshan nyid gzhan du 'gyur ba ni ma yin no zhes bya ba'i don te/ ma 'ongs pa da ltar byung ba'i dus su 'gyur ba na ma 'ongs pa'i dngos po 'dor zhing da ltar byung ba'i dngos po ni 'thob po//da ltar byung ba yang 'das pa'i dus su 'gyur ba na da ltar byung ba'i dngos po 'dor zhing 'das pa'i dngos po 'thob po/ /gser zhes bya ba dang / 'o ma zhes bya ba'i dpe gnyis ni go rims bzhin du dbyibs dang yon tan gzhan nyid du 'gyur bar shes par bya ba'i phyir ro//mtshan nyid gzhan du gyur pa ni mtshan nyid 'jug pa thob pa la ltos nas tha snyad rjod par byed do/ /de nyid kyi phyir chos dus rnams su 'jug pa na 'das pa'i mtshan nyid dang ldan la/ ma 'ongs pa dang da ltar byung ba'i mtshan nyid dang ni mi ldan pa ma yin no zhes bya ba rgyas par smras te/mtshan nyid 'jug pa thob pa ni mtshan nyid dang ldan par rnam par gzhag pa de las gzhan dang mi ldan pa ma yin pa ni bral ba ma yin zhes bya ba'i tha tshig go/ /de nyid kyi phyir/ dper na skyes bu bud med cig la chags pa lhag ma rnams la 'dod chags dang bral ba ma yin pa bzhin no zhes bya ba dper rjod par byed do//de bud med cig la lhag par zhen par gyur na/ bud med lhag ma rnams la 'dod chags kyi thob pa kho na yod kyi kun du 'byung ba ni ma yin pa lta bu'o/ /gnas skabs gzhan du 'gyur ba pa ni gnas skabs la ltos nas tha snyad rjod par byed de/chos de gnas skabs gang na bya ba mi byed pa'i gnas skabs de na ni ma 'ongs pa zhes bya la/ gang na byed pa de na ni da ltar zhes bya'o/ /gang na byas nas 'gags pa de na ni 'das pa zhes bya'o/ /de'i phyir gnas skabs dang gnas skabs su phyin nas gnas skabs gzhan gyi sgo nas ma 'ongs pa'i gnas skabs su phyin nas ma 'ongs pa zhes bya ba nas 'das pa'i gnas skabs su phyin nas/'das pa'i zhes bya ba'i bar gzhan dang gzhan zhes ston gyi rdzas gzhan gyi sgo nas ma yin te/ ma 'ongs pa la sogs pa'i gnas skabs su phyin pa la mtshan nyid tha dad pa ni med kyi/ ma 'ongs pa la sogs pa zhes bya ba'i sgrar ston pa 'ba' zhig tu zad do zhes bya ba'i tha tshig go//de nyid kyi phyir dper na ri lu gcig ces bya ba rgyas par dper rjod par byed do/ /dper na ri lu gcig gi sho mig tu bzhag cing gnas gcig tu bzhag na gcig ces bya la/ de bzhin du brgya'i sho mig tu bzhag na brgya/stong gi sho mig tu bzhag na stong zhes bya ba bzhin te/ gnas skabs tha dad la ltos nas yin gyi/ de'i ngo bo nyid gzhan du 'gyur ba ni ma yin no/ /'o na ci zhe na/ gnas skabs tha dad pa'i bye brag las grangs rjod par byed pa'i ming gzhan 'byung bar zad do/ /snga ma dang phyi ma la ltos nas gzhan dang gzhan zhes brjod ces bya ba ni/snga ma dang phyi ma la ltos nas 'das pa dang / ma 'ongs pa dang da ltar zhes bya'o zhes bya ba'i tha tshig ste/ snga ma 'das pa dang da ltar kho na la ltos nas ma 'ongs pa zhes bya'o/ /snga ma 'das pa dang / phyi ma ma 'ongs pa la ltos nas da ltar zhes bya'o//phyi ma da ltar dang ma 'ongs pa kho na la ltos nas 'das pa zhes bya'o/ /de bas na gzhan dang gzhan du 'gyur ba pa ni snga ma dang phyi ma la ltos nas tha snyad rjod par byed do/ /de nyid kyi phyir dper na bud med gcig la ma zhes bya la/ bu mo zhes kyang bya ba bzhin no zhes bya ba dper rjod par byed de/dper na bud med gcig cig la bu mo la ltos nas ni ma zhes kyang bya la/ ma la ltos nas ni bu mo zhes kyang bya ba ltar snga ma dang phyi ma la ltos pa yin gyi rdzas gzhan gyi sgo nas ni ma yin no/ /grangs can gyi phyogs la brlan par bya'o zhes bya ba ni grangs can gyi phyogs dgag pa gang yin pa de nyid de'i phyogs dgag pa yin te/grangs can gyi phyogs ni sngar bkag zin to snyam du bsams pa yin no/ /gnyis pa btsun pa dbyangs sgrogs kyi'ang dus 'chol bar 'gyur te/ 'das pa'i dus su 'dod pa gang yin pa de da ltar dang ma 'ongs par yang 'gyur ro/ /ji lta zhe na 'das pa ni 'das pa'i mtshan nyid dang ldan pa yin la/ma 'ongs pa dang da ltar gyi mtshan nyid dag ni mi ldan pa ma yin te/ ldan pa kho na yin no zhes bya ba'i tha tshig go/ /ma 'ongs pa yang ma 'ongs pa'i mtshan nyid dang ldan la/ 'das pa dang da ltar gyi mtshan nyid dag ni mi ldan pa ma yin no/ /da ltar yang da ltar gyi mtshan nyid dang ldan la/'das pa dang ma 'ongs pa'i mtshan nyid dag ni mi ldan pa ma yin no/ /de lta bas na re re zhing mtshan nyid gsum char dang ldan pa'i phyir/ 'das pa dang ma 'ongs pa dang da ltar du 'gyur te/ de bzhin du ma 'ongs pa dang da ltar dag la yang sbyar bar bya'o//'dir ci zhig mtshungs zhes bya ba ni/ skyes bu gcig 'ba' zhig dang ldan pa de bzhin du/ chos la mtshan nyid gcig yod kyi mtshan nyid gzhan gnyis med dam ci na/ gang gi phyir de skad du dper rjod par byed/ de lta bas na mtshungs pa med do/ /bzhi pa'i yang zhes bya ba ni btsun pa sangs rgyas lha'i yang ngo //dus gcig la dus gsum char du 'gyur te zhes bya ba ni 'das pa'i dus gcig kho na la snga ma dang phyi ma'i skad cig rnam par gzhag pa yod pas so/ /de la snga ma dang phyi ma'i skad cig pa dag ni 'das pa dang ma 'ongs pa yin te/ skad cig ma snga ma ni 'das pa yin la dbus kyi skad cig ma ni da ltar byung ba yin/phyi ma ni ma 'ongs pa yin pas 'das pa'i dus la dus gsum char du 'gyur ro/ /bye brag tu smra bas/ de lta bas na de dag thams cad kyi nang na gsum pa bzang ste zhes bya ba smos so/ /ji ltar bzang zhe na smras pa/ 'di ltar de'i ni bya ba yi/ / dus rnams rnam gzhag /bya ba yang mig la sogs pa'i bya ba ni lta ba la sogs pa yin no/ /gzugs la sogs pa'i yang rang gi dbang po'i spyod yul nyid yin no/ /gal te de lta na zhes bya ba rgyas par 'byung ba ni gal te bya bas rnam par gzhag na mig de dang 'dra ba'i bya ba gang zhig yin te/gang zhig bya ba'i mtshan nyid rang gi las mi byed pa de ni de dang 'dra ba yin la/ de la yang lta ba'i mtshan nyid kyi bya ba med na de ji ltar da ltar byung ba yin snyam du bsams pa yin no/ /'bras bu 'byin pa dang 'dzin pa yin no zhes bya ba ni mig de ni rang gi rgyu mthun pa'i 'bras bu 'dzin cing 'phen pa yang yin la/'bras bu 'byin pa yang yin te/ mjug thogs su rgyu mthun pa'am skyes bu byed pa'i 'bras bu 'byin to/ /lta ba'i bya ba mi byed kyang 'bras bu gzhan byed de/ de la 'bras bu 'byin pa dang / 'dzin pa yod pa'i phyir de ni da ltar byung ba zhes bya bar rnam par gzhag go// //bam po bzhi bcu rtsa gcig pa/ skal ba mnyam pa'i rgyu la sogs pa 'das pa rnams kyang zhes bya ba la sogs pa zhes bya ba'i sgras ni rnam par smin pa'i rgyu la sogs pa yang bsdu ste/ de dag ni/ da ltar gyi dang 'das pa dag /gcig ni 'das pas 'byin par 'gyur/ /zhes 'byung bas/ 'bras bu 'byin pa'i sgo nas byed pa yod pa'i phyir/ byed pa yod par thal bar 'gyur ro/ /de'i phyir skal ba mnyam pa'i rgyu la sogs pa de dag kyang da ltar bzhin du bya ba yod pa'i phyir da lta nyid du thal bar 'gyur bas/ mtshan nyid 'chol bar 'gyur ro/ /gal te khyod gang dag la 'bras bu 'dzin pa dang 'byin pa gnyi ga yod pa de dag ni da ltar yin gyi/gang dag la gcig yod pa de dag ni ma yin no zhes smra na/ de'i phyir bya ba phyed du zhes bya ba smos te/ thal bar 'gyur ro zhes bya bar skabs dang sbyar ro/ /bya ba phyed yod par thal bar 'gyur ba ste/ 'das pa de dag phyed da ltar yin no zhes bya bar thal bar 'gyur ro//'das pa de dag 'bras bu 'dzin pa'i mtshan nyid kyi bya ba zhig pa'i phyir 'das pa'i mtshan nyid dang yang ldan la/ da ltar gyi 'bras bu 'byin pa'i phyir da ltar gyi mtshan nyid dang yang ldan te de nyid mtshan nyid 'chol ba'i nyes pa yin no/ /'das pa la sogs pa'i mtshan nyid du 'dod pa ni/bya ba zhig pa ni 'das pa yin la bya ba ma thob pa ni ma 'ongs pa yin/ bya ba thob la ma zhig pa ni da ltar yin no zhes bya ba yin pas so/ /bgegs su byed ces bya ba ni bgegs byed pa su yod ces bya ba'i tha tshig go/ /gzhan dag na re bgegs su byed ces bya ba ni/'di la bgegs byed pa su yod ces bya ba ste/ bya ba'i yin no zhes zer ro/ /gal te rkyen rnams ma tshogs pa yin no zhe na zhes bya ba ni de la 'di snyam du rgyu dang mtshungs pa de ma thag pa la sogs pa rkyen rnams ma tshogs pa yin te/ de'i phyir dus thams cad du ni bya ba mi byed do snyam du sems na mi rung ste/rtag tu yod pa nyid du khas blangs pa'i phyir ro/ /rkyen rnams ma tshogs par rtag tu ni mi rung ste/ 'di ltar khyed ni rkyen rnams yod pa nyid du khas len la yod pa rnams ni zhig pa ma yin pa'i phyir ro/ /bya ba 'das pa dang zhes bya ba rgyas par 'byung ba ni grub pa'i mtha' las bya ba zhig pa ni 'das pa yin no zhes bya ba de lta bu la sogs pa 'byung bas bya ba 'das pa zhes bya ba dang ma 'ongs pa dang da ltar byung ba zhes bya ba la/yang bya ba gzhan zhig yod dam ci na gang gi phyir 'das pa la sogs pa nyid du brjod/ gal te yod na ni thug pa med par thal bar 'gyur ro//ji ste med na ni ji ltar 'das pa la sogs pa zhes bya'o/ /'on te 'das pa yang ma yin zhes bya ba rgyas par 'byung ba ni gang zhig 'das pa yang ma yin/ ma 'ongs pa yang ma yin/ da ltar byung ba yang ma yin pa de ni 'dus ma byas pa yin pa'i phyir 'dus ma byas yin pas rtag tu yod do zhes bya bar 'gyur te bya ba zhes bya bar skabs dang sbyar ro//des na ni ci zhe na/ de'i phyir gang gi tshe chos bya ba mi byed pa de'i tshe ma 'ongs pa yin no zhes brjod par mi bya ste/ bya ba byed par mi nus pa nyid du gyur pa'i phyir ro/ /gal te chos las bya ba gzhan zhig yin na ni skyon der yang 'gyur ba zhig na zhes bya ba ni gal te chos las bya ba gzhan zhig yin na ni bya ba la yang bya ba gzhan yod ces bya ba'i thal ba'am/'dus ma byas su thal ba'i nyes pa der yang 'gyur ba zhig na/ de ni gzhan yang ma yin pas 'di ni nyes pa med do zhes bya ba yin no/ /de'i bdag nyid kho nar zhes bya ba ni da ltar byung ba'i ngo bo nyid gang yin pa de kho na bzhin du zhes bya ba'i tha tshig go//'di sngon ci zhig ma byung bar gyur ces bya bar ni ma 'ongs pa'i gnas skabs na ste/ gal te bya ba yin no zhe na ni gzhan ma yin pa'i phyir chos nyid med do zhes smras par 'gyur ro//phyis ci zhig med ces bya ba ni 'das pa'i gnas skabs na ste/ gal te bya ba yin no zhe na ni chos dang bya ba dag ni gzhan ma yin pa'i phyir chos nyid med do zhes smras par 'gyur ro/ /gal te ma byung ba las byung bar mi 'dod na da ltar byung ba 'grub par mi 'gyur ro/ / gal te byung nas kyang yang mi 'byung bar mi 'dod na 'das pa'i dus 'grub par mi 'gyur ro/ /ma 'ongs pa ni gang zhig ma byung ba las re zhig mi 'byung ba yin no zhes bya bar shugs kyis go bar 'gyur ro/ /tshig gi don ni de ltar na dus gsum 'grub kyi de lta ma yin na ni 'grub par mi 'gyur ro zhes bya ba yin no//skye ba dang 'jig pa dag mi rung ba'i phyir zhes bya ba ni dus thams cad du yod pa'i phyir skye ba dang 'jig pa dag mi rung ngo / /de lta bas na 'dus byas kyi mtshan nyid dang ldan pa'i phyir/ rtag pa nyid du thal bar mi 'gyur ro zhes bya ba 'di ni tshig tsam du zad do/ / tshig gi lugs 'di ni sngon ma byung ba yin no zhes bya ba ni dus thams cad du yang yod la skye ba dang 'jig pa dag dang ldan no zhes bya ba'i tshig gi lugs ni sngon ma thos pa yin no zhes bya ba'i don tam tshig gi lugs 'di ni snga phyi 'gal ba yin no zhes bya ba yin no/ /rang bzhin yang ni rtag tu yod//ces bya ba ni gzugs la sogs pa'i rang gi mtshan nyid de dus thams cad na yod do zhes bya bar 'dod do/ /gal te gzugs la sogs pa'i ngo bo nyid dus thams cad du yang yod na des na gzugs la sogs pa'i dngos po rtag par thal bar 'gyur ro zhe na/ de'i phyir smras pa/ dngos po yang ni rtag mi 'dod/ /de lta yin na gdon mi za bar rang bzhin de las dngos po gzhan yin no zhe na/ de'i phyir/ rang bzhin las kyang dngos mi gzhan/ /zhes smras so/ /de lta bas na 'di ni 'dod rgyal tsam du zad pa'i phyir/ dbang phyug tha snyad yin par gsal te rigs pa ni med do/ / sngon byung ba gang yin pa ni 'das pa yin la zhes bya ba ni rang gi mtshan nyid du med do zhes ston par byed do/ /rkyen yod na 'byung bar 'gyur ba gang yin pa de ni ma 'ongs pa yin no zhes bya ba ni med kyang rgyu yod pa'i sgo nas rnam par 'jog go zhes ston par byed do/ /de ltar byas nas zhes bya ba ni sngon byung ba dang 'byung bar 'gyur ro zhes byas nas yin gyi rdzas su yod pa ni ma yin pa nyid do//rgyu la skur pa 'debs par lta ba dgag pa'i phyir 'das pa yod do zhes gsungs so/ /'bras bu la skur pa 'debs par lta ba pa dgag pa'i phyir/ ma 'ongs pa yod do zhes gsungs so/ /'das pa byung bar gyur te/ma 'ongs pa 'byung bar 'gyur ro zhes gsungs so zhes brjod par bya ba las yod do zhes gsungs so zhes smos pa ni yod ces bya ba'i sgra tshig gi phrad yin pa'i phyir ro/ /tshig gi phrad ni dus gsum pa'i yul can yin pas byung bar gyur to//'byung bar 'gyur ro zhes bya ba'i don la yang yod do/ /dper na smra ba po mar me zhes bya ba rgyas par 'byung ba ni/ dper na smra ba po mar me snga na med pa yod do/ /phyis med pa yod do zhes smra yang rdzas su yod pa ma yin pa lta bu dang / yang dper na smra ba po mar me de shi ba ni yod mod kyi/kho bos ni ma bsad do zhes zer yang yod ces bya ba'i sgra sbyar bas shi ba de yod pa ni ma yin pa lta bu'o/ /bye brag tu smra ba ltar na 'gags pa yang yod pa ma yin nam zhe na/ yod pa bden mod kyi de ni mar me'i ngo bo nyid 'dzin pa kho nar yod pa ni ma yin no/ /de bzhin du rdzas su yod pa nyid ma yin pa yang 'das pa dang ma 'ongs pa yang yod do zhes gsungs kyi/de lta ma yin na 'das pa dang ma 'ongs pa mi 'grub pa kho nar 'gyur te/ gal te mtshan nyid de kho na bzhin du yod par gyur na 'das pa dang ma 'ongs pa nyid 'grub par mi 'gyur ro zhes bya ba'i tha tshig go//gal te 'das pa sngon byung ba zhig yin na/ 'o na bcom ldan 'das kyis kun du rgyu dbyug thogs thor gtsug can rnams la zhes bya ba rgya cher smos te/ 'phags pa'i gleng gzhi yul na lan dar sangs rgyas kyis gsungs pa'i mdo yang dag par ldan pa'i lung las 'phags pa maud gal gyi bu bsad do zhes gleng ba dang kun du rgyu dbyug thogs thor gtsug can rnams kyis 'di ltar bsad pa med do zhes smras pa yod do//de'i phyir mdo las 'di skad du kun du rgyu dbyug thogs thor gtsug can mtshams med pa byed pa rnams las 'das pa de ni med do zhes de skad du smra'o zhes bya ba rgyas par 'byung ngo //ci kun du rgyu dbyug thogs thor gtsug can de dag mtshams med pa'i las de sngon byung ba nyid du mi 'dod par gyur tam/ 'di skad du bshad pa yin te/ de dag las de sngon byung ba nyid du ni 'dod par gyur mod kyi 'on kyang de dag las 'das pa de ni med do zhes las de la rdzas su med par log par rtog pa yin no//de ltar bcom ldan 'das kyis ni ngo bo nyid gang la de dag log par rtog pa'i las 'das pa de ni yod do zhes rgyas par gsungs te/ de lta bas na 'das pa ni rang gi ngo bo yod do zhes zhib tu bshad pa yin no/ /mdo de las ni 'das pa ni sngon byung ba'i las gang yin pa de kho nar zad do zhes bya bar dgongs nas las de yod do zhes gsungs pa ni ma yin no//'o na ci zhe na/ rgyud de la des kun du drangs pa ste/ sngon byung ba'i las kyis kun du drangs shing bzhag pa 'bras bu skyed pa'i mthu yod pa las dgongs te gsungs pa yin no/ / dgongs pa 'dis gsungs so zhes bya bar ci mngon zhe na/ de lta ma yin te rang gi ngo bo nyid kho nar yod na 'das pa 'grub par mi 'gyur ro zhes bya ba smos te/ las de rang gi mtshan nyid du yod cing da ltar byung ba'i mtshan nyid du yod na/ 'das pa zhes bya ba 'grub par mi 'gyur gyi/ da ltar byung ba kho nar 'grub par 'gyur ro snyam du bsams pa yin no//rgyud de la des kun du drangs pa zhes bya ba rgyas par de skad du bshad na ni las 'das pa de yod do zhes bya bar 'grub par 'gyur ro/ /de ni gdon mi za bar de lta bu yin par shes par bya ste zhes bya ba ni ji ltar 'das pa dang ma 'ongs pa rdzas su med do zhes bya ba de lta bur ro//gal te da ltar gyi dus su zhes bya ba rgyas par 'byung ba ni da ltar gyi ngo bor ma byung ba las byung ba zhes bya ba'i tha tshig go/ /mi rung ste dus ni dngos po las don gzhan ma yin pa'i phyir ro zhes bya ba ni de ni de lta ma yin te/ da ltar byung ba'i dus ni mig ces bya ba'i dngos po las don gzhan ma yin pa'i phyir ro//rdzas gzhan ma yin pa'i phyir ro zhes bya ba'i don te/ da ltar gyi dus gang yin pa de nyid dngos po yin na de ji ltar na da ltar de nyid rang gi bdag nyid du ma byung ba las 'byung bar 'gyur te 'di ltar/ de nyid dus dang gtam gzhi dang zhes bshad do//'on te mig gi bdag nyid du ma byung ba las 'byung ngo zhe na ni ma 'ongs pa'i mig med do zhes bya ba 'di grub pa yin no/ /dmigs pa tsam zhig yin zhes bya ba la/ tsam zhes bya ba'i sgra ni skyed par byed pa nyid bzlog pa'i phyir te/ chos rnams de'i rnam par skye ba'i dmigs pa ni yin no snyam du bsams pa yin no//ma 'ongs pa bskal pa stong na 'byung bar zhes bya ba ni ma 'ongs pa nye ba yang skyed par byed pa yin par mi rung na dus shin tu ring mo zhig na 'byung bar 'gyur ba gang yin pa lta bu smos kyang ci dgos te/'bras bu ni dus snga la rgyu ni dus phyi ba yin no zhes bya bar ni rung ba ma yin no/ /mya ngan las 'das pa yang zhes bya ba ni mya ngan las 'das pa ni rnam par shes pa 'gag par byed kyi 'khor ba'i 'jug pa dang 'gal ba'i phyir skyed par byed pa ni ma yin no snyam du bsams pa yin no/ / byung bar gyur pa dang 'byung bar 'gyur ro zhes bya ba ni da ltar gyi gnas skabs su gzugs byung bar gyur pa dang 'byung bar 'gyur ba de ltar dmigs pa ni yin no zhes bya ba'i tha tshig go/ /ji ltar na de la de ltar dmigs kyi yod do zhes bya bar ni ma yin no zhes bya bar shes she na/ de'i phyir 'das pa'i gzugs sam tshor ba dran pa na yod do zhes bya bar ni su yang mi lta'o//'o na ci zhe na/ gzugs de tshor ba dang mig gi rnam par shes pas myong ba'i stobs kyis ji ltar mthong ba dang / ji ltar nyams su myong ba bzhin 'byung bar gyur to zhes bya bar dran no/ /slob dpon nyid kyis kyang ji ltar zhes bya ba rgyas par gtan tshigs su bsdu ba bshad de da ltar gyi gzugs kho na bzhin du byung bar gyur pa dang /'byung bar 'gyur ba yang 'dzin to snyam du bsams pa yin no/ /gal te yang de de bzhin du yod do zhe na ni zhes bya ba ni da ltar ji lta ba bzhin yin na ni de da ltar du 'gyur ro/ / 'on te de kho na bzhin du med do zhe na ni med par yang dmigs pa yin no zhes bya bar 'grub po/ /da ltar gyi gzugs su med pa'i phyir dang de yang dran pa'i phyir ro/ /ma yin te sil bu la mi 'dzin pa'i phyir ro zhes bya ba ni sil bu la mi 'dzin pa'i phyir de ni rigs pa ma yin te/ gzugs 'di sngon ni sil bu ma yin la/da ni sil bu yin no zhes bya ba de lta bu de la mi 'dzin pa'i phyir ro/ /gal te yang gzugs de kho na yin te zhes bya ba rgyas par 'byung ba ni gal te yang da ltar gyi gnas skabs kyi gzugs gong bur gyur pa de 'das pa dang ma 'ongs pa'i gnas skabs na rdul phra rab tu gyes pa yin te/de'i phyir da ltar bzhin du mi 'dzin to zhe na/ de lta na ni rdul phra rab rnams de'i son 'dug pas rtag par 'gyur te/ ma 'ongs pa dang da ltar byung ba dang 'das pa dag kyang de dag nyid de dag yin no/ /de lta yin na ni rdul phra rab rnams bsags pa dang gyes pa tsam kho nar 'gyur gyi cung zad skye ba yang med la 'gag pa yang med pas ya mtshan can 'tsho byed rnams kyis rtsod pa bslangs pa yin no//yang de ltar 'dod na dge slong dag mig ni skye ba na yang gang nas kyang mi 'ong la 'gags pa na yang gang du yang bsags par mi 'gyur ro/ /dge slong dag de lta bas na mig ni ma byung ba las 'byung zhing byung nas med par 'gyur ba yin no zhes gsungs pa'i mdo yang bor bar 'gyur ro//yang ci ltar na mdo 'di bor zhing 'gal bar byas pa yin zhe na/ 'di ltar mig rang gi ngo bor skye ba na gang nas kyang mi 'ong la zhes gsungs pa'i bka' 'di la yang gnod pa byas pa yin la/'gags pa na yang gang du yang bsags par mi 'gyur ro zhes gsungs pa'i bka' 'di la yang gnod pa byas pa yin te/ 'das pa'i dus na de'i rdul phra rab rnams sil bu'i bsags pa nyid du khas blangs pa'i phyir ro/ / rdul phra rab bsags pa ma yin pa rnams kyang zhes bya ba ni tshor ba la sogs pa rdul phra rab kyi bdag nyid ma yin pa rnams kyang ji ltar na sil bu nyid yin/ bsags pa nyid dam sil bu nyid gcig tu 'gyur na/ lus can rnams la 'gyur gyi lus can ma yin pa rnams la ni ma yin no//de dag kyang ji ltar byung zhing nyams su myong ba dran te zhes bya ba ni da ltar gyi ngo bo dag kho na dran no/ /gal te yang de dag da ltar gyi dag ji lta ba de bzhin du yod do zhe na ni rtag par 'gyur ro/ /'on te de'i ngo bor med do zhe na ni med pa yang dmigs pa yin no zhes bya ba grub pa yin no//skye mched bcu gsum pa yang dmigs pa yin par 'gyur ro zhes bya ba ni skye mched bcu gsum du skong ba ni skye mched bcu gsum pa'o/ /de yang rnam par shes pa'i dmigs par 'gyur te/ med par dmigs pa nyid du 'dod na ni de la dmigs pa'i rnam par shes par yang 'gyur ro//bye brag tu smra bas de skad du smras pa dang / slob dpon gyis 'o na skye mched bcu gsum pa zhes bya ba rgyas par smos so/ /bye brag tu smra bas ming de nyid dmigs pa yin no zhes bya ba smras te/ skye mched bcu gsum pa zhes bya ba'i ming gang yin pa de dmigs pa yin no//de lta na ni 'o na ming nyid med do zhes bya bar rtogs par 'gyur gyi brjod par bya ba skye mched bcu gsum pa med pa'i mtshan nyid ni ma yin no/ /gzhan yang gang zhig sgra'i snga na med pa la dmigs pa de'i dmigs pa yang ci zhig yin zhes bya ba'i tshig gi lhag ma yin no/ /de lta bu'i gnas su bye brag tu smra bas sgra kho na yin no zhes bya ba smras te/dmigs pa zhes bya bar skabs dang sbyar ro/ /slob dpon gyis de lta na ni 'o na zhes bya ba rgyas par smos te gal te gang zhig gang sgra'i snga na med pa la dmigs pa des sgra kho na la dmigs pa yin gyi snga na med pa la ni ma yin na gang zhig sgra med pa don du gnyer ba de la sgra dbyung dgos pa kho nar 'gyur ro zhes bya ba 'dir yang 'gyur ba yin no//gal te ma 'ongs pa'i gnas skabs yin no zhe na ni zhes bya ba ni ji ste des snga na med pa ni 'di gang gi yin pa ma 'ongs pa'i gnas skabs de la dmigs te/ de lta bas na gang zhig sgra snga na med pa don du gnyer bar byed pa de la sgra dbyung dgos pa kho nar mi 'gyur ro snyam du sems na de'i phyir yod na ji ltar med pa'i blor 'gyur zhes bya ba smos te/snga na med pa 'di gang gi yin pa'i sgra de yod na ji ltar gang zhig snga na med pa la dmigs pa de la med pa'i blor 'gyur/gal te da ltar med pa yin no zhe na zhes bya ba ni de la 'di snyam du da ltar med do snyam pa de lta bur de la dmigs pa med pa'i blo 'byung ngo snyam du sems na/ de ni ma yin te gcig pa'i phyir ro/ /ma 'ongs pa gang yin pa de nyid da ltar yin gyi de las gzhan pa ni ma yin pas ji ltar na da ltar gyi de kho na la med pa'i blo 'byung bar 'gyur/yang na de'i bye brag gang yin pa zhes bya ba ni yang na ma 'ongs pa de'i khyad par phyis da ltar gyi gnas skabs dag na 'byung ba gang yin pa khyad par de med na med do snyam pa'i blo 'byung ba yin na ni/ de ma byung ba las 'byung bar 'grub ste/khyad par de sngon ma byung ba las phyis 'byung ba des 'grub ces bya ba yin no/ /yod pa dang med pa gnyi ga yin no zhes bya ba ni da ltar gyi gnas skabs na ni yod pa yin la 'das pa dang ma 'ongs pa'i gnas skabs dag na ni med pa yin pas gnyi ga rnam par shes pa'i dmigs pa yin no//gal te med pa rnam par shes pa'i dmigs pa yin na/ 'o na byang chub sems dpa' zhes bya ba rgyas par smos te/ byang chub sems dpa'i srid pa tha ma pas 'di skad du 'jig rten na med pa gang yin pa de bdag gis shes so zhes bya ba de ni mi srid do zhes gsungs so zhes 'byung ba'i phyir med pa la dmigs pa'i rnam par shes pa med do zhes bstan pa yin no//slob dpon gyis mdo 'di dgongs pa gzhan yin par bstan pa'i phyir mngon pa'i nga rgyal can gzhan dag ces bya ba rgyas par smos te/ mdo 'di la dgongs pa ni ting nge 'dzin yongs su ma dag pa nga rgyal can gzhan dag sbyor ba'i gnas skabs na snang bas te lha'i mig gi snang ba med bzhin du yod par lta'i bdag ni lha'i mig gi snga ltas snang ba yod pa kho na la yod do zhes bya bar lta'o zhes bya ba 'di yin no//'di'i rtog par yang ga la 'gyur zhes bya ba ni blo thams cad kyi yul yod pa nyid du rnam par gzhag na 'di 'jig rten na med pa gang yin pa de zhes rgyas par gsungs pa gang yin pa de lta bur brtag pa ste dpyod pa dang the tshom du yang ga la 'gyur blo rnams kyi dmigs pa yod pa dang /med pa nyid gcig yin na ni rtog pa 'di srid kyi gzhan du ni ma yin no//yang na khyad par ci zhig yod ces bya ba ni gal te de dag kyang yod pa kho na la yod par mthong gi med pa la ni ma yin la gzhan dag las kyang byang chub sems dpa' khyad par ci zhig yod de/ blo rnams kyi dmigs pa yod pa dang med pa nyid gcig yin na ni 'di khyad par yod do//de ni gdon mi za bar de lta bu yin par shes par bya ste zhes bya ba ni blo dag med pa la dmigs pa yin pa zhes bya bar ro/ /'dir dper brjod pa ni yod pa la yang yod par shes la med pa la yang med par shes so zhes bya ba 'di yin te/ dngos po yod pa la yang yod pa nyid du shes so//khyad par du 'gro'o zhes bya ba ni bye brag tu shes par 'gyur ba'o/ /med pa la yang med pa nyid du shes pas blo dag med pa la dmigs pa yin no zhes bya bar grub bo/ /de lta bas na de yang gtan tshigs su mi rung ngo zhes bya ba ni byang chub sems dpas smras pa zhes smras pa gang yin pa'o//de sngon du 'gro'o zhes bya ba ni las sngon du 'gro ba'i sems kyi khyad par las so/ /bdag tu smra ba dgag pa nas zhes bya ba ni bstan bcos kyi mjug nas gnas ma'i bu'i gzhung lugs dgag pa nas so/ /'o na ni skye ba ma byung ba las 'byung ba zhes bya bar 'grub pa yin no zhes bya ba ni skye ba sngon med pa las da 'byung bas sngon med pa las 'byung bar grub pa yin no//skye ba ni skye ba dang ldan pa dang lhan cig tshul 'dra ba'i phyir yang thams cad yod pa kho na yin na zhes bya ba smos te/ gal te rgyu dang 'bras bu ma 'ongs pa na yod pa 'ba' zhig tu ma zad kyi skye ba yang yod do snyam du bsams pa yin no//de ni gang la gang zhig nus/ /zhes bya ba ni 'bras bu gang la rgyu gang zhig nus te/ rgyu dang ji skad bshad pa'i skye ba dang 'bras bu ma 'ongs pa yang yod pas so/ /bye brag tu smra bas da ltar du byed pa nus pa yin no zhes smras pa dang slob dpon gyis da ltar du byed pa zhes bya ba 'di ci yin zhes bya ba rgyas par smras te/skye ba ni da ltar du byed pa ma yin te de ni yod pa'i phyir de skad du 'dri ba yin no/ /gal te yul gzhan du 'dren pa yin no zhe na zhes bya ba ni gal te da ltar du byed pa rgyus 'bras bu yul gzhan du 'dren pa yin no snyam du sems ni 'di la rtag par thal bar 'gyur ro zhes smras te/'bras bu zhes bya ba tshig lhag ma yin no/ /yul nas yul gzhan du 'dren pa 'ba' zhig tu zad kyi skye ba ni cung zad kyang med pas rtag par thal bar 'gyur ro/ /gzugs can ma yin pa tshor ba la sogs pa la yang yul gzhan du 'dren pa ji lta bu ste/lus can ma yin pa nyid kyi yul na mi gnas pa'i phyir de mi rung ngo snyam du bsams pa yin no/ /de 'dren pa zhes bya ba gang yin pa de yang ma byung ba las byung ba yin no zhes bya ba ni ma byung ba las byung bar 'grub po snyam du bsams pa yin no/ /gal te rang gi ngo bo'i khyad par zhig yin no zhe na zhes bya ba ni gal te rgyus 'bras bu 'di'i rang gi ngo bo khyad par du byed de des na 'bras bu'i khyad par yin no snyam du sems na 'dir ma byung ba las 'byung ba grub pa yin no zhes smras te khyad par ma byung ba las 'byung zhing skye'o zhes bya bar grub pa yin no//yul na dus gsum ste ci zhe na thams cad yod ces bya bar skabs dang sbyar ro//ji ltar yod pa de bzhin du bshad zin to zhes bya ba ni sngon byung ba gang yin pa de ni 'das pa yin no/ /rgyu yod na 'byung bar 'gyur ba gang yin pa de ni ma 'ongs pa yin no/ /byung nas ma zhig pa gang yin pa de ni da ltar yin no zhes bya ba ste/ de skad du thams cad yod par smra ba ni bstan pa la legs pa yin no//ji ltar na des sam der ldan pa yin zhe na zhes bya ba ni ji ltar na 'das pa dang ma 'ongs pa'i nyon mongs pa des sam/ ji ltar na 'das pa dang ma 'ongs pa'i dngos po der ldan pa yin zhes bya ba yin no/ /de las skyes pa de'i rgyu'i phra rgyas yod pa'i phyir nyon mongs pa des ldan la zhes bya ba ni 'das pa de las skyes pa ni/de las skyes pa'o/ /ma 'ongs pa de'i rgyu ni de'i rgyu'o/ /de ni de las skyes pa yang yin la de'i rgyu yang yin pas de las skyes pa de'i rgyu'o/ /phra rgyas ni sa bon no/ /de las skyes pa de'i rgyu'i phra rgyas yod pa'i phyir go rims bzhin du 'das pa dang ma 'ongs pa'i nyon mongs pa des ldan no//'di las 'das pa dang ma 'ongs pa'i dngos po de la dmigs pa yod pas na de la dmigs pa'i nyon mongs pa'o/ /de'i phra rgyas te/ de yod pas go rims bzhin du 'das pa dang ma 'ongs pa'i dngos po dang ldan pa yin no//chos nyid ces bya ba ni chos rnams kyi ngo bo nyid do/ /'das pa la sogs pa'i dus rnams rnam par gzhag pa la de dag gi tha snyad bye brag tu shes par bya ba'i phyir rnam grangs kyang yod ces bya ba la sogs pa smos te/ go rims kyi tshad yod do/ /gang skyes pa de 'gags zhes smras nas dpe bstan pa'i phyir gzugs skye la gzugs 'gag go zhes bya ba smos te/rdzas gzhan ni ma yin pa'i phyir ro/ /gzhan skye la gzhan 'gag ste skye ba la mngon du phyogs pa'i phyir gzhan ma 'ongs pa skye la 'gag pa la mngon du phyogs pa'i phyir gzhan da ltar gyi 'gag go//dus kyang skye ste/ chos skye ba dus kyis bsdus pa'i phyir ro/ /dus kyi ngo bo nyid yin pa'i phyir ro zhes bya ba'i tha tshig ste/ de dag nyid dus gtan gzhi dang / /zhes mtshan nyid 'byung ba'i phyir ro/ /dus las kyang chos skye'o/ /ci'i phyir zhe na/ma 'ongs pa'i dus skad cig ma du ma yin pa'i phyir ro zhes bya ba smos te/ gang gi phyir ma 'ongs pa'i skad cig ma'i tshogs kyi du ma zhig las skad cig ma 'ga' zhig skye ba de'i phyir dus las kyang skye'o zhes bya'o/ /zhar la 'ongs pa zhes bya ba ni 'das pa dang ma 'ongs pa dpyad pa ni/ lhag ma kun gyis kun dang ldan/ /zhes bya ba'i zhar la 'ongs pa yin no/ /kun 'gro lhag ma rnams kyis ldan/ /zhes bya ba ni kun 'byung ba mthong bas spang bar bya ba'i kun du 'gro ba rnams kyis so/ /de yi yul can dri ma lhag rnams kyis/ /zhes bya ba ni/ spangs pa'i rnam pa'i yul can gyi phra rgyas rnams kyis zhes bya ba'i tha tshig ste/dper na chen po'i chen po'i rnam pa spangs kyang chen po'i 'bring po la sogs pa phra rgyas lhag ma ma spangs pa rnams kyis ldan pa yin no/ /'di ltar 'di chen po'i chen po'i rnam pa spangs pas bral ba yin yang lhag ma de dag gis ldan pa kho na yin no//bsdus te rnam par 'chad par byed de zhes bya ba ni mdor bsdus nas rnam par 'chad par byed do/ /su dag gcig ce na bye brag tu smra ba rnams so/ /bcu drug po zhes bya ba ni 'dod pa na spyod pa rnam pa lnga ste/ sdug bsngal dang kun 'byung ba dang / 'gog pa dang / lam mthong bas spang bar bya ba bzhi dang /lnga pa bsgom pas spang bar bya ba dang / de bzhin du gzugs med pa na spyod pa'i bar du rnam pa lnga ste/ bco lnga dang bcu drug pa zag pa med pa ste/ chos ni bcu drug go/ /chos 'di dag kyang gang dag mthong bas spang bar bya ba de dag ni phung po bzhi'i ngo bo nyid yin no//gang dag bsgom pas spang bar bya ba de dag ni phung po lnga'i ngo bo nyid yin no/ /ji lta zhe na mthong bas spang bar bya ba'i phra rgyas de dag dang mtshungs par ldan pa'i tshor ba gang yin pa de ni tshor ba'i phung po yin no/ /'du shes gang yin pa de ni 'du shes kyi phung po yin no/ / phra rgyas gang dag yin pa dang de dag dang mtshungs par ldan pa sems las byung ba sems pa la sogs pa gang dag yin pa dang / tshor ba la sogs pa de dag thams cad kyi ldan pa ma yin pa thob pa dang skye ba dang rga ba dang gnas pa dang mi rtag pa nyid gang dag yin pa de ni 'du byed kyi phung po yin no//de dag dang mtshungs par ldan pa yid kyi rnam par shes pa gang yin pa de ni rnam par shes pa'i phung po yin te/ de ltar na mthong bas spang bar bya ba ni phung po bzhi'i ngo bo nyid yin no/ /bsgom pas spang bar bya ba ni de las gzhan pa'i zag pa dang bcas pa'i chos rnams yin no//ji ltar zhe na phyi dang nang gi gzugs zag pa dang bcas pa thams cad ni gzugs kyi phung po yin no/ /zag pa med pa dang mthong bas spang bar bya ba ma gtogs pa'i tshor ba dang 'du shes dang 'du byed dang rnam par shes pa dag ni phung po bzhi ste/ de ltar na bsgom pas spang bar bya ba ni phung po lnga'i ngo bo nyid yin par shes par bya'o//sems kyang bcu drug ste de dag nyid do zhes bya ba ni 'dod pa na spyod pa'i sems sdug bsngal mthong bas spang bar bya ba nas bsgom pas spang bar bya ba zhes bya ba'i bar lnga dang / de bzhin du gzugs na spyod pa dang gzugs med pa na spyod pa lnga lnga dang zag pa med pa'i sems te sems bcu drug go//de dag ni chos bcu drug la dmigs pa yin par brjod do/ /'di la ni phra rgyas 'di snyed cig ces bya ba ni chos 'di la ni phra rgyas sems de dang mtshungs par ldan pa gang dag yin pa 'di snyed cig dmigs pa'am mtshungs par ldan pa'i sgo nas rgyas par 'gyur ro zhes bya ba 'di ni brtag par bya'o//sdug bsngal rgyu mthong goms pa yis/ /spang bya 'dod khams las skyes pa/ /zhes bya ba ni sdug bsngal dang kun 'byung ba mthong ba dang / bsgom pas spang bar bya ba 'dod pa na spyod pa dag ces bya ba'i tha tshig go//de ni tshig rnam par sbyar ba'i rnam pa yin no zhes bya ba ni rang gi gsum dang gzugs su gtogs pa gcig dang dri ma med pa ni/ rang gi gsum dang gzugs gtogs gcig /dri med ces bya ba yin no/ /de dag ni rang gi gsum dang gzugs su gtogs pa gcig dang dri ma med pa yang yin la rnam par shes pa yang yin pas/rang gi gsum dang gzugs gtogs gcig /dri med rnam shes zhes bya bas te/ de dag gi spyod yul lo/ /re zhig sdug bsngal dang kun 'byung zhes bya ba rgyas par 'byung ba ni 'dod pa na spyod pa'i sdug bsngal dang /kun 'byung ba mthong bas spang bar bya ba'i phra rgyas go rims bzhin du bcu dang bdun dang de dag dang lhan cig 'byung ba dang / de rnams kyis thob pa rjes su 'brang ba dang bcas pa dag dang bsgom pas spang bar bya ba'i phra rgyas bzhi dang de dag dang lhan cig 'byung ba dang de rnams kyis thob pa rjes su 'brang ba dang bcas pa dag dang /zag pa dang bcas pa'i gzugs thams cad dang / nyon mongs pa can ma yin pa'i chos gzhan dag ste/ chos 'di dag ni sems lnga'i dmigs pa yin no/ /gang dag gi yin zhe na/ rang gi khams pa gsum ste/ de dag nyid ces bya ba smos te/ 'dod pa na spyod pa sdug bsngal dang / kun 'byung ba mthong ba dang / bsgom pas spang bar bya ba rnams kyi'o/ /ji lta zhe na re zhig sdug bsngal mthong bas spang bar bya ba ni/ sdug bsngal mthong bas spang bar bya ba kun du 'gro ba dang kun du 'gro ba ma yin pa dang mtshungs par ldan pa dang kun 'byung ba mthong bas spang bar bya ba kun du 'gro ba dang mtshungs par ldan pa dang /bsgom pas spang bar bya ba dge ba dang 'dod pa'i khams su skyes pa 'jig rten pa'i lam gyi 'dod pa na spyod pa'i chos la dmigs pa'i gnas skabs sam/gzugs kyi khams su skyes pa 'dod pa'i khams la lta ba'i gnas skabs na gzugs na spyod pa bsgom pas spang bar bya ba gcig kho na dang / zag pa med pa chos shes pa'i phyogs dang mthun pa ste/ sems lnga'i dmigs pa yin no/ / 'dod pa na spyod pa'i 'gog pa dang lam mthong bas spang bar bya ba'i sems dag gis dmigs pa ni ma yin te/ zag pa med pa la dmigs pa'i sems dag ni 'gog pa dang lam dag la dmigs pa'i phyir zag pa dang bcas pa la dmigs pa dag kyang 'gog pa dang lam mthong bas spang bar bya ba tsam la dmigs pa'i phyir ro//sa gong ma'i nyon mongs pa can rnams kyi yang ma yin te/ sa 'og ma la dmigs pa ma yin pa'i phyir ro/ /gzugs med pa na spyod pa ni dge ba'i yang ma yin te/ ring ba nyid bzhis ring ba'i phyir ro/ /de bzhin du kun 'byung ba mthong bas spang bar bya ba yang kun 'byung ba mthong bas spang bar bya ba rnam pa gnyis dang /sdug bsngal mthong bas spang bar bya ba kun du 'gro ba dang mtshungs par ldan pa dang / bsgom pas spang bar bya ba dge ba dang / gzugs na spyod pa bsgom pas spang bar bya ba gcig kho na dang zag pa med pa ste/lnga kho na'i dmigs pa yin no/ /'dir yang bshad pa ni snga ma bzhin du bya'o/ /bsgom pas spang bar bya ba dag kyang sdug bsngal dang / kun 'byung ba mthong bas spang bar bya ba'i sems kun du 'gro ba dang mtshungs par ldan pa dag dang / bsgom pas spang bar bya ba ci rigs par dge ba dang mi dge ba dang lung du ma bstan pa dang /gzugs na spyod pa bsgom pas spang bar bya ba gcig kho na dang / zag pa med pa dang lnga kho na'i dmigs pa kho na yin te/ snga ma bzhin du brjod par bya'o/ /gzugs khams las skyes rang gi dang / / 'og gsum gong gcig dri med kyi/ /zhes bya ba ni/ rang gi gsum dang 'og ma'i gsum ni rang gi dang 'og gsum ste/ rang gi dang 'og ma gsum dang gong ma gcig dang / dri ma med pa zhes tshig rnam par sbyar ro/ /chos rnam pa gsum po de dag nyid gzugs na spyod pa zhes bya ba ni sdug bsngal dang /kun 'byung ba mthong ba dang bsgom pas spang bar bya ba ste/ de dag gi skabs yin pa'i phyir ro/ /de dag ni sems brgyad kyi dmigs pa yin te rang gi khams pa gsum ste/ de dag nyid dang zhes bya ba ni sdug bsngal dang kun 'byung ba mthong ba dang / bsgom pas spang bar bya ba ste/ snga ma bzhin du bshad par bya'o/ /khams 'og ma pa gsum ste/ de dag nyid dang zhes bya ba ni sdug bsngal dang kun 'byung ba mthong bas spang bar bya ba'i sems skal ba mi mnyam pa'i khams kun tu 'gro ba dang mtshungs par ldan pa dag dang / bsgom pas spang bar bya ba thos pa las byung ba'am bsams pa las byung ba dang / gzugs med pa'i gcig ste/ bsgom pas spang bar bya ba nam mkha' mtha' yas skye mched kyi nyer bsdogs kyis bsdus pa'i kho na dang / zag pa med pa rjes su shes pa'i phyogs dang mthun pa'i dmigs pa yin no//gzugs med las skyes khams gsum gtogs/ /gsum dang zag med spyod yul lo/ /zhes bya ba ni khams gsum du gtogs pa gsum gsum dang / zag pa med pa'i spyod yul yin te/ de dag nyid ces bya ba ni sdug bsngal dang / kun 'byung ba mthong ba dang bsgom pas spang bar bya ba de dag kho na'i dbang du byas pa yin no//rnam pa gsum gsum ste de dag nyid dang zhes bya ba ni 'dod pa dang gzugs na spyod pa sdug bsngal dang kun 'byung ba mthong bas spang bar bya ba skal ba mi mnyam pa'i khams su kun du 'gro ba dang mtshungs par ldan pa bzhi dang /bsgom pas spang bar bya ba ci rigs par gnyis dang / rang gi khams pa gsum ste/ gsum gang zhe na/ ci rigs par kun du 'gro ba dang / kun du 'gro ba ma yin pa dang mtshungs par ldan pa gnyis dang / bsgom pas spang bar bya ba dang zag pa med pa ste/ sems bcu'i dmigs pa yin no//'gog dang lam mthong spang bya kun/ /rang gis klags pa'i spyod yul lo/ /zhes bya ba la kun zhes bya ba smos pa ni khams gsum pa nye bar bsdu ba'i phyir ro/ /rang gis klags pa'i spyod yul yin no zhes 'byung bas shugs kyis na sngar bshad pa rnams kyi spyod yul yang yin no zhes bshad pa yin no//rnam pa gcig tu na rang gis bsnan pa ni/ rang gis klags pa ste/ rang gis klags pa rnams kyi spyod yul ni rang gis klags pa'i spyod yul lo zhes bya'o/ /des klags pa'i zhes bya ba ni 'dod chags la sogs pa dang mtshungs par ldan pa'i yin gyi log par lta ba la sogs pa dang mtshungs par ldan pa ni ma yin te/de ni rtag tu 'gog pa dang lam la dmigs pa'i phyir ro/ /sngar bshad pa lnga zhes bya ba ni 'dod pa na spyod pa gsum po ris gnyis kyis kun du 'gro ba dang mtshungs par ldan pa dang /bsgom pas spang bar bya ba rnams dang / gzugs na spyod pa bsgom pas spang bar bya ba dang / zag pa med pa zhes bya ba'o/ /lam mthong bas spang bar bya ba rnams kyang de dang 'dra ste zhes bya ba la ci zhig de dang 'dra zhe na sems drug gi dmigs pa yin zhes bya ba'o/ / sems dgu dang bcu gcig gi dmigs pa yin no zhes bya ba ni gzugs na spyod pa 'gog pa dang lam mthong bas spang bar bya ba'i chos dag ni sems dgu'i dmigs pa yin no/ /gzugs med pa na spyod pa dag ni bcu gcig gi dmigs pa yin no/ /ji ltar zhe na gzugs na spyod pa 'gog pa dang lam mthong bas spang bar bya ba dag ni 'dod pa'i khams na spyod pa gsum po skal ba mi mnyam pa'i khams kun du 'gro ba dang mtshungs par ldan pa dang /bsgom pas spang bar bya ba rnams dang / rang gi khams pa gsum ste/ rigs gnyis kyis kun du 'gro ba dang mtshungs par ldan pa dang /bsgom pas spang bar bya ba rnams dang / gzugs med pa na spyod pa bsgom pas spang bar bya ba nam mkha' mtha' yas skye mched kyis bsdus pa dang / zag pa med pa rjes su shes pa'i phyogs dang mthun pa dang 'gog pa mthong bas spang bar bya ba'am/ lam mthong bas spang bar bya ba'i sems klags pa de nyid de so sor sems dgu'i dmigs pa yin no/ /gzugs med pa na spyod pa ni 'gog pa dang lam mthong bas spang bar bya ba'i chos dag kyang so sor sems bcu gcig gi dmigs pa yin te/ 'dod pa dang gzugs na spyod pa drug ste/skal ba mi mnyam pa'i khams su kun du 'gro ba dang mtshungs par ldan pa dang / bsgom pas spang bar bya ba rnams dang / rang gi khams pa gsum ste/ kun du 'gro ba dang mtshungs par ldan pa dang / bsgom pas spang bar bya ba rnams dang / so sor 'gog pa dang / lam mthong bas spang bar bya bas rang gis klags pa dang /zag pa med pa rjes su shes pa'i phyogs dang mthun pa ste/ de ltar na bcu gcig gi dmigs pa yin no/ /zag med khams gsum mthar gsum dang / /zag pa med pa'i spyod yul lo/ /zhes bya ba la zag pa med pa 'gog pa la sogs pa ni ci rigs par khams gsum pa dag na tha ma gsum po 'gog pa dang lam mthong ba dang /bsgom pas spang bar bya ba'i mtshan nyid gang dag yin pa de dag dang / zag pa med pa'i spyod yul yin no/ /ji lta zhe na so sor brtags pas 'gog pa dang / 'phags pa'i lam dag ni de dag la dmigs pa'i log par lta ba dang / the tshom dang ma rig pa dang mtshungs par ldan pa rnams dang / bsgom pas spang bar bya ba dge ba rnams dang / zag pa med par ci rigs par chos shes pa dang rjes su shes pa'i phyogs dang mthun pa'i dmigs pa yin no//nam mkha' dang so sor brtags pa ma yin pas 'gog pa dag ni bsgom pas spang bar bya ba'i sems nyon mongs pa can ma yin pa kho na'i dmigs pa yin no zhes bya bar rig par bya'o/ /slob dpon yon tan blo gros dang dbyig gnyen dag na re nam mkha' dang so sor brtags pa ma yin pas 'gog pa dag bsgom pas spang bar bya ba nyon mongs pa can dang nyon mongs pa can ma yin pa'i dmigs pa yin no zhes zer ro//de ni rigs pa ma yin te/ 'gog dang lam mthong spang bya ba/ /log lta the tshom de dag dang / /ldan dang 'ba' zhig ma rig dang //drug ni zag med spyod yul can/ /zhes bya bar nges pa'i phyir ro/ /de bas na bsgom pas spang bar bya ba nyon mongs pa can gyi dmigs pa yin no zhes bya ba ni grub pa'i mtha' ma yin no/ /rnam shes lnga brgyad bcu dang ni/ /rnam shes bcu yi spyod yul te/ / zhes bya ba ni sdug bsngal dang / kun 'byung ba mthong ba dang bsgom pas spang bar bya ba 'dod pa na spyod pa dag ni lnga'i spyod yul yin no/ /gzugs na spyod pa dag ni brgyad kyi yin no/ /gzugs med pa na spyod pa dag ni bcu'i yin no/ /dri ma med pa dag kyang bcu kho na'i yin no zhes gong du bshad pa'i rjes su 'brang ste sbyar bar bya'o//'dod pa na spyod pas bsgom pas spang ba zhes bya ba ni rnam par shes pa'i tshogs lnga'i bde ba'i dbang po'o/ /gzugs na spyod pa rnam pa lnga dang zhes bya ba ni bsam gtan dang po'i sa pa rnam par shes pa'i tshogs gsum dang / bsam gtan gsum pa'i sa pa yid kyi sa pa yin te/mdor bsdus nas ci rigs par sdug bsngal mthong bas spang bar bya ba nas bsgom pas spang bar bya ba'i bar rnam pa lnga'o/ /zag pa med pa ni bsam gtan gsum pa'i sa pa kho na'o/ /'dod pa na spyod pa rnam pa bzhi dang zhes bya ba ni sdug bsngal dang /kun 'byung ba dang lam mthong ba dang / bsgom pas spang bar bya ba'o/ /bde ba'i dbang po ni sdug bsngal dang kun 'byung ba mthong bas spang bar bya ba dag gi dmigs pa yin te/ 'di ltar rang gi sa pa'am/ sa gong ma pa'i bde ba'i dbang po ni 'jig tshogs dang log par lta ba la sogs pa'i dmigs pa yin no//lam gyis bsdus pa'i bde ba'i dbang po ni lam mthong bas spang bar bya ba log par lta ba la sogs pa dang ldan pa'i dmigs pa yin no/ /rnam par shes pa'i tshogs lnga pa'i bde ba'i dbang po de ni bsgom pas spang bar bya ba 'dod chags la sogs pa dang mtshungs par ldan pa'i dmigs pa yin te/de ltar na de ni rnam pa bzhi'i dmigs pa yin no/ /'gog pa mthong bas spang bar bya ba'i sems kyi dmigs pa ni ma yin te/ de la log par lta ba la sogs pa ni 'gog pa la dmigs pa'i phyir ro//lta ba mchog tu 'dzin pa la sogs pa yang rang gi rigs la dmigs pa'i phyir de la yang bde ba'i dbang po med pa'i phyir ro/ /gzugs na spyod pa rnam pa lnga dang zhes bya ba ni 'di ltar bsam gtan gsum pas bsdus pa'i bde ba'i dbang po rnam pa lnga yin no/ /lam mthong ba dang bsgom pas spang bar bya ba dang zhes bya ba ni lam gyis bsdus pa'i bde ba'i dbang po ni gzugs med pa na spyod pa'i sems lam mthong bas spang bar bya ba log par lta ba la sogs pa dang mtshungs par ldan pa'i dmigs pa yin no//de nyid bsgom pas spang bar bya ba'i sems dge ba'i dmigs pa yang yin no//thams cad kyang zag pa med pa'i dmigs pa yin par ni srid do/ /de la ci rigs par zhes bya ba ni gang gi phyir zag pa med pa la phra rgyas dag rgyas par mi 'gyur ba dang / gang gi phyir kha cig kho na la kha cig rgyas par 'gyur ba de'i phyir ci rigs pa zhes brjod do//de la zhes bya ba ni rnam par shes pa la'o/ /phra rgyas 'dod pa na spyod pa na rigs bzhi dang zhes bya ba ni 'di lta ste bde ba'i dbang po la dmigs pa/ log par lta ba dang mtshungs par ldan pa la ni sdug bsngal mthong bas spang bar bya ba'i phra rgyas bcu char yang ci rigs par dmigs pa'am/mtshungs par ldan pa'i sgo nas rgyas par 'gyur te/ kun 'byung mthong bas spang bar bya ba dag kyang de dang 'dra'o/ /lam mthong bas spang bar bya ba dag kyang bde ba'i dbang po la dmigs pa'i rnam par shes pa de la rgyas par 'gyur te/lam gyi bde ba'i dngos po la dmigs pa'i rnam par shes pa la log par lta ba la sogs pa dang mtshungs par ldan pa la/ log par lta ba la sogs pa ni mtshungs par ldan pa'i sgo nas rgyas par 'gyur ro/ /lta ba mchog tu 'dzin pa la sogs pa yang dmigs pa'i sgo nas rgyas par 'gyur te/de lta bas na rigs de yang de la rgyas par 'gyur ro/ /bsgom pas spang bar bya ba'i rigs kyang de la rgyas par 'gyur te/ 'dod chags la sogs pa ni bde ba'i dbang po las dmigs pa'i rnam par shes pa la dmigs pa dang mtshungs par ldan pa'i phyir ro//'gog pa mthong bas spang bar bya ba'i rigs ni de la rgyas par mi 'gyur te/ bde ba'i dbang po la dmigs pa'i rnam par shes pa med pa'i phyir ro/ /gzugs na spyod pa 'dus byas la dmigs pa rnams dang zhes bya ba ni gzugs na spyod pa'i bde ba'i dbang po la dmigs pa ni rnam pa lnga yod do//de la rigs bzhi rgyas par 'gyur ba de ni go sla'o// //bam po bzhi bcu rtsa gnyis pa/ 'gog pa mthong bas spang bar bya ba 'dus byas la dmigs pa rnams ji ltar rgyas par 'gyur zhe na/ bsam gtan gsum pa na lta ba mchog tu 'dzin pa la sogs pa bde ba'i dbang po dang mtshungs par ldan la de rnams kyang phan tshun dmigs pa yin te/de dag ni bde ba'i dbang po la dmigs pa'i rnam par shes pa la mtshungs par ldan pa'am/ dmigs pa'i sgo nas rgyas par 'gyur ro/ /gzugs med pa na spyod pa'i rigs gnyis dang zhes bya ba ni lam mthong ba dang bsgom pas spang bar bya ba'i rigs dag ste/log par lta ba la sogs pa ni lam gyi bde ba'i dbang po la dmigs pa'i rnam par shes pa log par lta ba la sogs pa dang mtshungs par ldan pa'i sgo nas rgyas par 'gyur ro/ /lta ba mchog tu 'dzin pa la sogs pa ni de la dmigs pa'i sgo nas rgyas par 'gyur ro//bsgom pas spang bar bya ba'i rigs kyang rgyas par 'gyur te/ bsgom pas spang bar bya ba'i sems dge ba lam la dmigs pa yin la/ de la ni 'dod chags la sogs pa'i rigs rgyas par 'gyur ro/ /gzugs med pa na spyod pa'i phra rgyas kun du 'gro ba rnams kyang rnam par shes pa de nyid lam la dmigs pa'i rnam par shes pa log par lta ba la sogs pa dang mtshungs par ldan pa la rgyas par 'gyur ba shes par bya'o//rnam pa bcu gnyis po de nyid dang zhes bya ba ni 'gog pa mthong bas spang bar bya ba ma gtogs pa 'dod pa na spyod pa rnam pa bzhi dang /gzugs na spyod pa rnam pa lnga dang / gzugs med pa na spyod pa rnam pa gnyis te/ lam mthong ba dang / bsgom pas spang bar bya ba dang / zag pa med pa ste de ltar na de dag ni phan tshun dmigs pa'i tshul gyis bde ba'i dbang po la dmigs pa'i rnam par shes pa la dmigs pa yin no//bde ba'i dbang po la dmigs pa'i rnam par shes pa ni yang gzugs med pa na spyod pa rnam pa gnyis kyis klags pa de ni bden pa'i dbang po la dmigs pa'i rnam par shes pa la dmigs pa yin no/ /gang gi zhe na sdug bsngal dang kun 'byung ba mthong bas spang bar bya ba'i zhes bya ba smos te/gzugs med pa na spyod pa sdug bsngal dang kun 'byung ba mthong bas spang bar bya ba'i bye brag gis rnam pa gnyis yod pa'i dmigs pa ni lam la dmigs pa'i rnam par shes pa gzugs med pa na spyod pa na lam mthong bas spang bar bya ba log par lta ba la sogs pa dang mtshungs par ldan pa dang /gzugs med pa na spyod pa bsgom pas spang bar bya ba dge ba yin te/ de ltar na rnam pa bcu bzhi po 'di ni bde ba'i dbang po la dmigs pa la dmigs pa'i rnam par shes pa yin no//de la gzugs med pa na spyod pa sdug bsngal dang kun 'byung ba mthong bas spang bar bya ba dag bskyed nas zhes bya ba ni sngar ni gzugs med pa na spyod pa kun du 'gro ba dag kho na bden pa'i dbang po la dmigs pa'i rnam par shes pa la rgyas par 'byung ba yin no//bde ba'i dbang po la dmigs pa la dmigs pa'i rnam par shes pa la ni gzugs med pa na spyod pa sdug bsngal dang kun 'byung ba mthong bas spong bar bya ba'i rigs thams cad rgyas par 'gyur te/ 'di ltar kun du 'gro ba dang mtshungs par ldan pa'i sems de la sdug bsngal dang kun 'byung ba mthong bas spang bar bya ba'i phra rgyas rnams ci rigs par mtshungs par ldan pa'am/dmigs pa'i sgo nas rgyas par 'gyur ro/ /lhag ma rnams ni snga ma bzhin du sbyar bar bya'o/ /lam 'dis gzhan yang khong du chud par bya'o zhes bya ba ni srol 'dis gzhan yang khong du chud par bya'o//ji lta zhe na sdug bsngal gyi dbang po la dmigs pa'i rnam par shes pa la phra rgyas du zhig rgyas par 'gyur zhes bya ba'i dri ba 'ongs pa la dpyad par bya [(]sto[,]ste/[) ]sdug bsngal gyi dbang po ni 'dod pa na spyod pa rnam pa gcig ste/ rnam par shes pa'i tshogs lnga pa yin pa'i phyir bsgom pas spang bar bya ba yin no//de dag kyang mdor bsdu na rnam par shes pa lnga'i dmigs pa yin te/ 'dod pa na spyod pa rnam pa gsum po sdug bsngal dang kun 'byung ba mthong bas spang bar bya ba kun du 'gro ba dang / mtshungs par ldan pa dag dang bsgom pas spang bar bya ba dang /gzugs na spyod pa bsgom pas spang bar bya ba dang / zag pa med pa'i dmigs pa yin te/ rnam pa lnga po 'di ni sdug bsngal la dmigs pa'i rnam par shes pa yin no/ /de la ci rigs par 'dod pa na spyod pa'i ris gsum po sdug bsngal dang / kun 'byung ba mthong ba dang / bsgom pas spang bar bya ba rnams la sdug bsngal dang kun 'byung ba mthong bas spang bar bya ba'i rigs dag ni kun du 'gro ba dang mtshungs par ldan pa'i sems de dang / bsgom pas spang bar bya ba'i sems la ci rigs par mtshungs par ldan pa'am/ dmigs pa'i sgo nas rgyas par 'gyur ro//bsgom pas spang bar bya ba'i rigs ni bsgom pas spang bar bya ba la rgyas par 'gyur ro/ /gzugs na spyod pa ni bsgom pas spang bar bya ba gcig ste/ bsgom pas spang bar bya ba'i sems la rgyas par 'gyur ro/ /gzugs na spyod pa kun du 'gro ba rnams kyang de kho na la rgyas par 'gyur ro zhes bya bar khong du chud par bya'o//sdug bsngal gyi dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ sdug bsngal gyi dbang po la dmigs pa'i rnam par shes pa lnga po de rnam par shes pa gang gi dmigs pa yin zhe na/ phan tshun dmigs pa'i tshul gyis rnam pa lnga po de nyid kyi dmigs pa yin no//yang 'dod pa na spyod pa lam mthong bas spang bar bya ba zag pa med pa la dmigs pa dang / gzugs na spyod pa kun du 'gro ba dang mtshungs par ldan pa'i dmigs pa yang yin te/ des ni gzugs na spyod pa bsgom pas spang bar bya ba dge ba sdug bsngal gyi dbang po dmigs pa la dmigs par byed do//gzugs med pa na spyod pa nam mkha' mtha' yas skye mched kyi nyer bsdogs kyis bsdus pa yang rags pa la sogs pa'i rnam par sdug bsngal gyi dbang po la dmigs pa de la dmigs te/de lta bas na rnam pa brgyad po 'di ni sdug bsngal gyi dbang po la dmigs pa la dmigs pa'i rnam par shes pa yin no/ /de la 'dod pa na spyod pa'i phra rgyas rigs bzhi ste/ sdug bsngal dang kun 'byung ba dang / lam mthong ba dang / bsgom pas spong bar bya ba rnams dang / gzugs na spyod pa rigs gsum ste/sdug bsngal dang / kun 'byung ba mthong ba dang / bsgom pas spang bar bya ba rnams dang / gzugs med pa na spyod pa gcig ste/ bsgom pas spang bar bya ba rnams dang / kun du 'gro ba rnams rgyas par 'gyur ro zhes bya bar shes par bya'o/ /yang yid bde ba'i dbang po dmigs pa'i rnam par shes pa phra rgyas du zhig rgyas par 'gyur zhes bya ba'i dri ba 'ongs pa la dpyad par bya ste/yid bde ba'i dbang po ni rnam pa bcu gcig ste/ 'dod pa dang gzugs na spyod pa rnam pa lnga lnga dang / zag pa med pa'o/ /de dag kyang mdor bsdu na rnam par shes pa rnam pa bcu gsum gyi dmigs pa yin te/de ni 'dus byas yin pa'i phyir 'dod pa na spyod pa 'dus byas la dmigs pa rnam pa lnga'i dmigs pa yin te/ gzugs na spyod pa yang de dang 'dra'o/ /gzugs med pa na spyod pa gnyis kyi ste/ lam mthong ba dang /bsgom pas spang bar bya ba dang / zag pa med pa'i dmigs pa yin te/ rnam pa bcu gsum po 'di ni yid bde ba'i dbang po la dmigs pa'i rnam par shes pa yin no/ /de la ci rigs par phra rgyas 'dod pa na spyod pa dang / gzugs na spyod pa la 'dus byas la dmigs pa rigs lnga dang /gzugs med pa na spyod pa'i rigs gnyis dang / kun du 'gro ba dang rgyas par 'gyur ro zhes bya bar shes par bya'o/ /yid bde ba'i dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ yid bde ba'i dbang po la dmigs pa'i rnam par shes pa rnam pa bcu gsum po de rnam par shes pa gang gi dmigs pa yin zhe na/rnam pa bcu gsum po de nyid dang yang gzugs med pa na spyod pa rnam pa gnyis te/ sdug bsngal dang kun 'byung ba mthong bas spang bar bya ba'i dmigs pa yin te/ rnam pa bco lnga po 'di ni yid bde ba'i dbang po la dmigs pa la dmigs pa'i rnam par shes pa yin no/ /de la phra rgyas gzugs med pa na spyod pa sdug bsngal dang / kun 'byung ba mthong bas spang bar bya ba dag bskyed nas 'dod pa na spyod pa dang / gzugs na spyod pa 'dus byas la dmigs pa rnams dang /'gog pa mthong bas spang bar bya ba ma gtogs pa gzugs med pa na spyod pa rigs bzhi rgyas par 'gyur ro zhes bya bar shes par bya ste/ phyogs 'dis gzhan yang khong du chud par bya'o/ /nyon mongs phra rgyas bcas rnam gnyis/ /zhes bya ba ni nyon mongs pa can ni phra rgyas par 'gyur ba dang /rgyas par mi 'gyur ba dag gi phra rgyas dang bcas pa yin no zhes bya ba'i tha tshig go/ /de dag lhan cig 'dug pa'i phyir ro zhes bya ba ni lhan cig 'dug pa'i phyir ro/ /nyon mongs pa can ma yin pa ni dbral bar nus pa'i phyir rgyas par 'gyur ba dag kho nas phra rgyas dang bcas pa yin te/'di ltar nyon mongs pa ni dmigs pa las/ spang bar bya bar 'dod pa yin zhes 'chad par 'gyur ro/ /ma spangs shing yongs su ma shes pa yin zhes bya ba la ma spangs pa ni de'i thob pa ma bcad pa'i phyir ro/ /yongs su ma shes pa ni de'i gnyen po ma skyes pa'i phyir ro/ / 'dod pa'i 'dod chags kyi kun nas dkris pa dang mthun pa zhes bya ba ni 'di dag gis kun nas 'khri bar byed pas na kun nas dkris pa dang mthun pa ste/ khrus dang mthun pa lta bu'o/ /'dod pa'i 'dod chags kyi kun nas dkris pa dang / mthun pas 'dod pa'i 'dod chags kyi kun nas dkris pa dang mthun pa'o//yang na 'dod pa'i 'dod chags nyid kun nas dkris pa yin pas 'dod pa'i 'dod chags kyi kun nas dkris pa ste/ de dang mthun pa ni 'dod pa'i 'dod chags kyi kun nas dkris pa dang mthun pa dag go/ /de dag kyang gzugs la sogs pa yul rnams yin no//snang bar gyur pa yin zhes bya ba ni yul gyi ngo bo nyid du gyur pa yin zhes bya ba'i tha tshig go/ /de la yang tshul bzhin ma yin pa yid la byed pa yin zhes bya ba ni yul snang bar gyur pa de la yang phyin ci log gi mtshungs pa de ma thag pa'i rkyen dang ldan pa yin zhes bya ba'i don to/ /rgyu dang yul dang sbyor ba'i stobs dag yin te zhes bya ba la rgyu'i stobs ni 'dod pa'i 'dod chags skyed par byed pa'i 'dod pa'i 'dod chags kyi phra rgyas ma spangs shing yongs su ma shes pa yin no//yul gyi stobs ni 'dod pa'i 'dod chags kyi kun nas dkris pa dang mthun pa'i yul yin no/ / sbyor ba'i stobs ni de la yang tshul bzhin ma yin pa yid la byed pa yin no/ /nyon mongs pa gzhan yang de bzhin du skye bar rig par bya'o zhes bya ba ni khong khro ba'i phra rgyas ma spangs shing yongs su ma shes pa yin/ khong khro ba'i kun nas dkris pa dang mthun pa'i chos rnams kyang snang bar gyur pa yin/de la yang tshul bzhin ma yin pa yid la byed pa yin zhes bya ba ste tshul ni de lta bu'o/ /sbyor ba bzhi ste/ de dag nyid dang zhes bya ba ni 'dod pa'i sbyor ba dang srid pa'i sbyor ba dang lta ba'i sbyor ba dang ma rig pa'i sbyor ba'o/ /gti mug ma gtogs pa'i zhes bya ba ni ma rig pa'i zag pa ni logs shig tu bshad pa'i phyir ro//kun nas dkris byas zhes bya ba ni ngo tsha med pa la sogs pa 'chad par 'gyur ba rnams dang bcas pa'o/ /rdzas bzhi bcu rtsa gcig ste/ phra rgyas sum cu gcig dang zhes bya ba ni lta ba bcu gnyis te/ sdug bsngal mthong bas spang bar bya ba lnga dang /kun 'byung ba mthong bas spang bar bya ba gnyis dang 'gog pa mthong bas spang bar bya ba yang gnyis kho na dang lam mthong bas spang bar bya ba gsum dang the tshom bzhi dang 'dod chags lnga dang / de bzhin du khong khro ba dang nga rgyal lnga dang / kun nas dkris pa bcu ste/de ltar na bzhi bcu rtsa gcig yin no/ /phra rgyas kho na zhes bya ba la kho na zhes bya ba smos pa ni kun nas dkris pa bsal ba'i phyir ro/ /phra rgyas nyi shu rtsa drug ces bya ba ni lta ba bcu gnyis dang the tshom bzhi dang 'dod chags lnga dang nga rgyal lnga'o/ /de na yang rmugs pa dang rgod pa kun nas dkris pa gnyis yod pa yin nam zhes bya ba ni gzugs dang gzugs med pa'i khams de kho na ste/rmugs rgod rgyags pa khams gsum na/ /zhes 'byung ba'i phyir ro/ /ci'i phyir 'dir de ma smos she na zhes bya ba ni kun nas dkris pa de gnyis so/ /rang dbang can ma yin pa'i phyir ro zhes bya ba ji ltar rang dbang can ma yin zhe na/'dod chags la sogs pa dang mtshungs par ldan pa'i phyir dang / phrag dog la sogs pa de bzhin du ma rig pa tsam dang / mtshungs par ldan pa ma yin pa'i phyir te/ 'di gnyis ni 'dod chags la sogs pa dang mtshungs par ldan par 'gyur gyi/ ji ltar phrag dog dang ser sna dang 'gyod pa dang khro ba dang 'chab pa rnams ma rig pa tsam dang mtshungs par ldan pa'i phyir rang dbang can yin pa lta bu ni ma yin no//de gnyi ga yang zhes bya ba ni gzugs dang gzugs med pa la sogs pa na spyod pa gnyi ga yang zhes bya ba'i tha tshig go/ /kha nang du bltas te 'jug ces bya ba ni yul gtsor byed pa ma yin pa zhes bya ba'i don to//rgyu gang gis srid pa'i 'dod chags zhes bshad pa zhes bya ba ni/ kha ni nang du bltas phyir der/ /thar pa'i 'du shes bzlog phyir bshad/ /ces bya ba yin te/ des na srid pa'i zag pa zhes bya'o/ /rdzas bco lnga zhes bya ba ni khams gsum char na yang rnam pa lnga lnga yod pa'i phyir ro//zag pa zhes bya bar grub bo zhes bya ba ni ma rig pa gong du bshad pa'i zag pa gnyis las bkar ba yin te/ de lta bas na khams gsum char ba yang ma rig pa'i zag pa zhes bya ba de grub bo/ /chu bo sbyor ba'ang de bzhin du/ /zhes bya ba ni zag pa dag kho na chu bo dang sbyor ba yin te/lta ba logs shig tu gzhag par bya ba 'ba' zhig tu zad do/ /ji lta zhe na/ bshad par bya ste/ 'dod pa'i zag pa kho na 'dod pa'i chu bo dang / 'dod pa'i sbyor ba yin la de bzhin du srid pa'i zag pa kho na srid pa'i chu bo dang srid pa'i sbyor ba yin no/ /ma rig pa'i sbyor ba ni snga ma kho na bzhin du khong du chud par bya'o//'dir lta ba'i sbyor ba ni bzhi pa yin par bshad de de'i phyir lta ba rnams ma gtogs pa zhes bya ba smos so/ /logs shig tu rnam par gzhag go zhes grag go zhes bya ba la grag ces bya ba'i sgra ni gzhan gyi gzhung lugs ston par byed pa yin te/dgongs pa ni 'dul ba'i skye bo'i dbang gis lta ba'i sbyor ba logs shig tu bshad do zhes bya bar rung ngo / /ci'i phyir zag pa dag gi nang du lta ba rnams logs shig tu ma bzhag ce na/ zag par ma yin grogs med rnams/ /zhes bya ba la sogs pa smos te/ lta ba grogs med pa rnams ni 'jog pa'i rjes su mthun pa nyid ma yin te/'jog pa'i rjes su mi mthun pa nyid ces bya ba'i tha tshig go/ /de ni 'di skad du/ gang gi phyir lta ba 'di dag yan gar ba ni 'jog pa'i rjes su mthun pa ma yin gyi grogs dang bcas nas 'jog pa'i rjes su mthun pa de'i phyir 'di dag grogs dang bcas pa kho na zag pa rnams kyi nang du zag pa dag tu bshad de/bsres te bshad pa yin no zhes bya ba'i don to/ /ci'i phyir zhe na/ zag pa rnams kyi nges pa'i tshig ni 'jog par byed pas na zhes 'og nas 'chad ces bya ba smos te/ de'i phyir zag pa dag gi nang du 'jog pa'i don dgos so snyam du bsams pa yin no//de ltar na 'dod pa'i chu bo ni rdzas nyi shu dgu ste zhes bya ba ni lta ba bcu gnyis kyis bton pas zag pa bzhin du rdzas bzhi bcu rtsa gcig ni ma yin no/ /'o na ci zhe na rdzas nyi shu dgu yin no/ /ji lta zhe na 'dod chags dang khong khro ba dang nga rgyal zhes bya ba thams cad brjod do/ / srid pa'i chu bo ni rdzas nyi shu rtsa brgyad de zhes bya ba ni srid pa'i zag pa rdzas lnga bcu rtsa gnyis bshad pa de las lta ba nyi shu rtsa bzhi ston na/ rdzas nyi shu rtsa brgyad du 'gyur ro/ /'dod chags dang nga rgyal nyi shu dang zhes bya ba ni khams gnyis pa'i 'dod chags bcu yin la nga rgyal yang bcu yin pas nyi shu'o//lta ba'i chu bo ni rdzas sum cu rtsa drug go zhes bya ba ni khams gsum na lta ba bcu gnyis bcu gnyis yod pas so/ /ma rig pa'i chu bo ni rdzas bco lnga ste snga ma bzhin no/ /sbyor ba yang chu bo bzhin du rig par bya'o zhes bya ba ni 'dod pa'i sbyor ba ni rdzas nyi shu rtsa dgu ste/ 'dod chags dang khong khro ba dang /nga rgyal bco lnga dang the tshom bzhi dang / kun nas dkris pa bcu'o/ /srid pa'i sbyor ba nyi shu rtsa brgyad de/ 'dod chags dang nga rgyal nyi shu dang the tshom brgyad do/ /lta ba'i sbyor ba ni rdzas sum cu rtsa drug go/ /ma rig pa'i sbyor ba ni rdzas bco lnga'o/ /ji skad bshad gnyis ma rig bcas//zhes bya ba rgyas par 'byung ba ji skad bshad pa gang dag yin zhe na/ sbyor ba zhes bya ba'i dbang du byas pa yin no/ /de'i phyir 'dod pa'i sbyor ba ma rig pa dang bcas pa rdzas sum cu rtsa bzhi kho na 'dod pa'i nye bar len pa yin no zhes bshad do/ /ma rig pa ni 'dod pa nye bar len pa dang bdag tu smra ba nye bar len pa dag gi nang du bdag nyid ji lta ba bzhin du bsdu bar bya'o//lta ba rnam pa gnyis su tha dad par bya ba'i phyir bzhi yin te/ 'dod pa nye bar len pa dang / lta ba nye bar len pa dang / tshul khrims dang brtul zhugs nye bar len pa dang / bdag tu smra ba nye bar len pa zhes bya ba'o/ /lta ba'i sbyor ba las tshul khrims dang brtul zhugs phyung ste zhes bya ba ni lta ba'i sbyor ba khams kyi bye brag gis rdzas sum cu rtsa drug yod pa las tshul khrims dang brtul zhugs mchog tu 'dzin pa drug bton na/lta ba'i nye bar len pa rdzas sum cu yin no/ /tshul khrims dang brtul zhugs nye bar len pa ni rdzas drug ste/'dod pa'i khams na gnyis dang de bzhin du gzugs dang gzugs med pa'i khams na gnyis gnyis yod pas so/ /lam gyi dgrar gyur pa zhes bya ba ni grangs can pa'i rnal 'byor dang shes pa la sogs pas thar pa thob par lta ba'i phyir tshul khrims dang brtul zhugs nye bar len pa ni lam gyi dgrar gyur pa yin no//phyogs gnyi ga slu ba'i phyir zhes bya ba rgyas par 'byung ba ni khyim pa dang rab tu 'byung ba'i phyogs slu bar byed pa'i phyir zhes bya ba'i tha tshig go/ /zas mi za ba la sogs pas zhes bya ba la sogs pa zhes bya ba'i sgras ni chu dang mer 'jug pa dang / mi smra ba dang / dpa' bo byed pa la sogs pa bsdu ba'o/ /zas mi za ba la sogs pa dang / yul yid du 'ong ba yongs su spangs pa ni tshul khrims dang brtul zhugs kyis bsdus pa yin no/ /ma rig pa/ 'dzin par byed pa min phyir bsres/ /zhes bya ba ni ma rig pa 'ba' zhig gis srid pa nye bar len par mi byed do//ci'i phyir zhe na/ mi shes pa'i mtshan nyid kyis mi gsal ba'i phyir ro zhes bya ba smos te/ 'dres pa ni nyon mongs pa gzhan dang 'brel pa'i stobs kyis nye bar len par byed pa yin no snyam du bsams pa yin no/ /grag go zhes bya ba la grag ces bya ba'i sgra ni gzhan gyi gzhung lugs ston par byed pa yin no//de'i phyir rang gi gzhung lugs bcom ldan 'das kyis mdo las ni zhes bya ba rgyas par smos so/ /lta ba'i sbyor ba yang de dang 'dra ba'i bar du gsungs so zhes bya ba ni ji ltar zhe na/ lta ba'i sbyor ba gang zhe na zhes bya ba nas rgyas par 'di'i lta ba rnams la lta ba la 'dod chags pa dang lta ba la 'dun pa dang lta ba la sred pa dang zhes bya ba ste snga ma bzhin no//mdo gzhan dag las 'dun pa'i 'dod chags kyang nye bar len par gsungs te/ ji skad du zhe na/ nye bar len pa gang zhe na/ 'di la 'dun pa'i 'dod chags gang yin pa'o zhes gsungs so/ / 'di ni slob dpon gyi gzhung lugs yin te/ 'di skad du 'dir 'dod chags kho na sbyor ba dang / nye bar len pa yin gyi nyon mongs pa gzhan dag ni ma yin no zhes bshad pa yin no/ /de'i phyir 'dod pa la sogs pa la 'dun pa'i 'dod chags pa gang yin pa de ni zhes bya ba smos so/ /gang gi phyir de dag phra ba dang zhes bya ba rgyas par 'byung ba ni/phra mo dag rgyas par 'gyur bas na phra rgyas so zhes bya ba 'di ni nges pa'i tshig gi tshul gyis grub po/ /rgyu ba phra ba'i phyir zhes bya ba ni 'jug pa phra ba'i phyir zhes bya ba'i tha tshig go/ /ji ltar 'jug pa phra zhe na/ gzugs can ma yin pa rnams shes par dka' ba'i phyir ro//sbyor ba med par te bsgrim mi dgos par bzlog bzhin du yang ste bkag bzhin du yang gang zag la yang dang yang mngon du 'gyur ba'i phyir phra rgyas zhes bya'o/ /'khor bar 'jog par byed pas na zag pa yin pa'am 'jog pa'i don du 'dzag pas na zag pa yin no zhes bya ba ni nges pa'i tshig gi tshul yin no//srid pa'i rtse mo nas mnar med pa'i bar du skye mched drug gi rma nas 'dzag pas na zhes bya ba ni srid pa'i rtse mo nas mnar med pa'i bar du skye mched drug gi rma ste/ mig la sogs pa skye mched rma lta bu'i sgo nas 'dzag cing 'bo la 'gro bas na zag pa rnams yin no//'khyer bar byed pas na chu bo dag yin no/ /'byar bar byed pas na sbyor ba yin no/ /nye bar 'dzin pas na nye bar len pa dag yin no zhes bya ba 'di ni bye brag tu smra ba rnams kyis rab tu bstan pa yin no/ /chu bo zhes bya ba'i sgra 'di ni 'khyer ba'i tshul yin te/ 'gro ba gzhan nam yul gzhan du 'khyer bar byed cing 'khrid par byed pas na chu bo dag yin no//'gro ba gzhan nam yul gzhan du sbyor bar byed cing 'byar bar byed pas na sbyor ba dag yin no/ /yang srid pa'am 'dod pa la sogs par rnam par shes pa nye bar 'dzin par byed cing len par byed pas na nye bar len pa dag yin no//'di skad du ches legs pa yin no zhes bya ba ni slob dpon gyi ltar na ches legs pa yin no zhes 'chad do/ /ji lta zhe na smras pa/ phra rgyas 'di dag gi rgyud de rnam par shes pa'i rgyud yul rnams la 'dzag par byed cing 'gro bar byed pas na zag pa rnams te/ byed pas sgrub pa yin no/ /mngon par 'du bya ba ste de dag nyid med par zhes bya ba bstsal ba de dag nyid med par zhes bya ba'i don to//shugs chen po dang ldan pa'i phyir chu bo dag ces bya ba ni chu bo dang chos mthun pa nyid du ston par byed pas te/ chu bo dang 'dra bas ni chu bo dag ces bya ba'i phyir ro/ /de'i rjes su byed pa'i phyir zhes bya ba ni 'dod chags la sogs pa'i rjes su byed pa'i phyir ro//che thang du kun du mi 'byung ba rnams ni sbyor ba dag ces bya ba ni chu bo dang sbyor ba rnams tha dad du bya bar ston pa yin te/ che thang du kun du 'byung ba gang dag yin pa de dag ni sbyor ba yin la/ che thang du kun du mi 'byung ba gang dag yin pa kho na ni chu bo yin no zhes bya'o//de dag ji ltar sbyor ba yin zhe na/ sdug bsngal sna tshogs dang sbyor ba'i phyir zhes bya ba smos te/ skye ba la sogs pa'i sdug bsngal sna tshogs dang sbyor ba'i phyir zhes bya ba'i tha tshig go/ /yang na yang dang yang du rjes su 'brel pa'i sgo nas te/ gang gi phyir rgyud la yang dang yang du sbyor bar byed pa de'i phyir sbyor ba dag ces bya'o//'dod pa la sogs pa nye bar len pa'i phyir nye bar len pa rnams yin no zhes bya ba ni gang dag gis 'dod pa la sogs pa nye bar len par byed pa de dag ni 'dod pa la sogs pa de nye bar len pa ste 'dun pa'i 'dod chags kyi bdag nyid dag yin no/ /phra rgyas de dag nyid kun nas dkris pa'i bar gyi dbye bas yang rnam pa lngar phye nas bshad de zhes bya ba ni gang du zag pa la sogs pa'i dbye bas phra rgyas rnam pa bzhir bshad pa de dag mdo dang chos mngon pa las kun du sbyor ba dang 'ching ba dang phra rgyas dang nye ba'i nyon mongs pa dang /kun nas dkris pa'i dbye bas yang rnam pa lngar phye nas bshad do//phra rgyas las ma gtogs pa ngo tsha med pa la sogs pa kun nas dkris pa gzhan dag kyang yod pa ma yin nam/ ji ltar na phra rgyas dag nyid kun nas dkris pa yin no zhes de skad du brjod ce na/ de las ma gtogs pa dag yod pa bden mod kyi tha dad pa ma yin pa dag kyang yod par ni 'dod de 'dir nyon mongs pa yang kun nas dkris pa yin te/mdo las kyang 'dod chags pa'i 'dod chags kyi kun nas dkris pa sdug bsngal gyi rkyen zhes 'byung ba'i phyir ro zhes bya ba 'chad par 'gyur ro/ /de bzhin du gzhan dang gzhan dag kyang ci rigs par sbyar bar bya'o zhes bya ba ni khong khro ba dang phrag dog dang ser sna'i kun du sbyor ba rnams ni 'dod pa na spyod pa yin no//nga rgyal dang ma rig pa dang lta ba dang / mchog tu 'dzin pa dang / the tshom gyi kun du sbyor ba rnams ni khams gsum pa yin no/ /lta ba'i kun du sbyor ba ni lta ba gsum mo zhes bya ba ni 'jig tshogs dang mthar 'dzin pa dang log par lta ba dag go//mchog tu 'dzin pa'i kun du sbyor ba ni gnyis so zhes bya ba ni lta ba dang tshul khrims dang brtul zhugs mchog tu 'dzin pa dag go/ /de nyid kyi phyir zhes bya ba ni gang gi phyir de ltar lta ba gsum ni lta ba'i kun du sbyor ba yin la/ lta ba gnyis ni mchog tu 'dzin pa'i kun du sbyor ba yin pa de nyid kyi phyir ro/ /lta ba dang mtshungs par ldan pa'i chos rnams la zhes bya ba rgyas par 'byung ba ni dri ba yin te/ lta ba dang mtshungs par ldan pa zhes bya ba ni mchog tu 'dzin pa'i lta ba dang mtshungs par ldan pa'i chos de la tshor ba la sogs pa'o//rjes su chags pa'i kun du sbyor bas te/ 'dod chags kyis ldan zhing lta ba'i kun du sbyor ba ste/ 'jig tshogs la lta ba la sogs pa'i mtshan nyid kyis ma yin la/ de la lta ba'i phra rgyas rgyas par mi 'gyur ba yang ma yin zhing lta ba dang mtshungs par ldan pa'i chos de la lta ba'i phra rgyas rgyas par mi 'gyur ba yang ma yin pa ste/'o na ci zhe na/ rgyas par 'gyur ba lta ba yod dam/ dgag pa gnyis kyis rnal ma khong du chud par byed do/ /smras pa yod de zhes bya ba rgyas par 'byung ba ni dris pa'i lan 'debs par byed do/ /kun 'byung shes pa skyes la zhes bya ba'i khyad par smos pa ni/lta ba'i kun du sbyor ba kun du 'gro ba spangs par bstan pa'i phyir ro/ /'gog pa shes pa ma skyes pa'i phyir zhes bya ba ni mchog tu 'dzin pa'i lta ba gnyis ma spangs na de dang mtshungs par ldan pa yod par rab tu bstan pa'i phyir ro/ /'gog pa dang lam mthong bas spang bar bya ba zhes bya ba nas chos rnams dang ste zhes bya ba'i bar ni tshor ba la sogs pa rnams dang ngo //de dag dang ni rjes su chags pa'i kun du sbyor ba 'gog pa mthong bas spang bar bya ba'am lam mthong bas spang bar bya ba ldan no/ /ji lta bu zhig gis she na/ de la dmigs pas te/ gang gi phyir 'gog pa dang lam mthong bas spang bar bya ba lta ba mchog tu 'dzin pa dang /tshul khrims dang brtul zhugs mchog tu 'dzin pa dang mtshungs par ldan pa'i chos tshor ba la sogs pa de dag la dmigs te/ 'dod chags skye ba de'i phyir dmigs pa'i sgo nas des ldan pa yin no/ /lta ba'i kun du sbyor bas ni mi ldan te/ci'i phyir zhe na smras pa kun du 'gro ba sdug bsngal dang kun 'byung ba mthong bas spang bar bya ba'i ngo bo nyid ni kun 'byung ba shes pa skyes pas spang ba'i phyir la/ kun du 'gro ba ma yin pa de la dmigs pa dang mtshungs par ldan pa can lta ba'i kun du sbyor ba ni med pa'i phyir ro//'gog pa dang lam mthong bas spang bar bya ba lta ba'i kun du sbyor ba kun du 'gro ba ma yin pa log par lta ba'i ngo bo nyid ni yod mod kyi de ni zag pa med pa la dmigs pa'i phyir mchog tu 'dzin pa dang mtshungs par ldan pa'i chos tshor ba la sogs pa la dmigs pa ni ma yin no/ /de lta bas na dmigs pa'i sgo nas lta ba'i kun du sbyor bas ldan pa ma yin no//tshogs pa tha dad pa'i phyir de tshor ba la sogs pa de dag dang mtshungs par ldan pa can yang ma yin te/ de lta bas na mtshungs par ldan pa'i sgo nas kyang des ldan pa ma yin no/ /de dag lta ba'i phra rgyas dag ni rgyas par 'gyur ro/ / de dag kyang ji lta bu zhig ce na/ mchog tu 'dzin pa'i lta ba de dag kha nas mtshungs par ldan pa'i sgo nas zhes bya ba smos te/ tshor ba la sogs pa'i chos de dag la lta ba mchog tu 'dzin pa'am tshul khrims dang brtul zhugs mchog tu 'dzin pa ni mtshungs par ldan pa'i sgo nas rgyas par 'gyur te/rang gi tshogs su byung ba yin pa'i phyir ro/ /de la lta ba'i kun du sbyor ba ni rgyas par mi 'gyur ro/ /ci'i phyir zhe na/ lta ba'i kun du sbyor ba zhes ming du ma btags pa'i phyir te/ lta ba'i phra rgyas zhes smos na ni lta ba lnga char bsdu ba yin no/ /lta ba'i kun du sbyor ba zhes smos na ni 'jig tshogs dang mthar 'dzin pa dang log par lta ba dag gzung gi mchog tu 'dzin pa'i lta ba dag ni ma yin no zhes bya bar khong du chud par bya'o//lta gnyis kun du sbyor gzhan no/ /zhes bya ba ni mchog tu 'dzin pa'i lta ba dag go/ /lta ba gsum yang rdzas bco brgyad/ /ces bya ba ni yin zhes bya ba'i tshig lhag ma yin te/tshig gi don ni 'jig tshogs dang / mthar 'dzin pa dang log par lta ba rnams la ni rdzas kyi grangs bco brgyad do zhes bya ba'i tha tshig go/ /mchog tu 'dzin pa'i lta ba gnyis kyang bco brgyad kho na yin te zhes bya ba ni rdzas zhes bya bar skabs dang sbyar ro//ji lta zhe na 'dod pa'i khams na 'jig tshogs dang mthar 'dzin pa'i lta ba gnyis yod la/ de dag kyang log par lta ba rnams sdug bsngal mthong bas spang bar bya ba kho na yin par 'dod do/ /log par lta ba ni sdug bsngal mthong bas spang bar bya ba nas lam mthong bas spang bar bya ba'i bar rnam pa bzhi yod de/de ltar na 'dod pa'i khams na drug yod do/ /'dod pa'i khams ji lta bar gzugs dang gzugs med pa'i khams na yang de dang 'dra bas bco brgyad yin no/ /mchog tu 'dzin pa'i lta ba gnyis kyang rdzas bco brgyad yin te/ ji lta zhe na 'dod pa'i khams na lta ba mchog tu 'dzin pa sdug bsngal mthong bas spang bar bya ba nas lam mthong bas spang bar bya ba zhes bya ba'i bar rnam pa bzhi yod do/ /tshul khrims dang brtul zhugs mchog tu 'dzin pa yang sdug bsngal mthong bas spang bar bya ba dang lam mthong bas spang bar bya ba zhes bya ba rnam pa gnyis te/de ltar 'dod pa'i khams na drug yod do/ /'dod pa'i khams ji lta bar gzugs dang gzugs med pa'i khams na yang de dang 'dra ste/ de ltar na rdzas bco brgyad yin no/ /lhag ma rnams ni ma yin pas zhes bya ba ni lta ba rnams so/ /gzung ba dang 'dzin pa tha dad pa'i phyir ro zhes bya ba la gzung ba ni lta ba'i kun du sbyor ba'o//'dzin pa ni mchog tu 'dzin pa'i kun du sbyor ba'o/ /rgyu de'i phyir te gcig tu mi dge ba'i phyir dang rang dbang can yin pa'i mtshan nyid kyi phyir ro/ /de dag la bshad ces bya ba ni phrag dog dang / ser sna gnyis ngo tsha med pa la sogs pa kun nas dkris pa de dag gi nang nas phyung nas bshad pa'o//gang la gcig tu mi dge ba dang rang dbang can 'di gnyis yod pa zhes bya ba ni gang la gcig tu mi dge ba nyid dang / rang dbang can nyid ces bya ba 'di gnyi ga yod pa de lta bu kun nas dkris pa gzhan ni med do zhes bya bar sbyar ro//de lta bu'i kun nas dkris pa gzhan ni med do zhes bya ba ni ngo tsha med pa dang / khrel med pa dag kyang gcig tu mi dge ba yin mod kyi 'dod chags la sogs pa dang mtshungs par ldan pa'i phyir rang dbang can ni ma yin no/ /'gyod pa yang ma rig pa tsam dang mtshungs par ldan pa'i phyir rang dbang can ni yin mod kyi gcig tu mi dge ba ni ma yin te/de ni dge ba yang yin no/ /rmongs pa dang rgod pa dang / gnyid dag ni 'dod chags la sogs pa dang mtshungs par ldan pa'i phyir rang dbang can yang ma yin la/ gcig tu mi dge ba yang ma yin te/ de dag ni dge ba dang lung du ma bstan pa yang yin no//gang gi bcu yin pa zhes bya ba ni bye brag tu smra ba dag gi ltar na kun nas dkris pa bcu yin pa de'i ltar na khro ba dang 'chab pa dag kyang gcig tu mi dge ba dang rang dbang can zhes bya ba rnam pa gnyi ga yin pas de'i phyir 'di lan ma yin no zhes zer ro//'o na de'i lan gang yin zhe na/ 'di la slob dpon 'dus bzang na re phrag dog dang ser sna dag ni yang dang yang du kun du 'byung ba'i phyir logs shig kun du sbyor ba nyid du bshad do/ /de nyid kyi phyir 'dod pa'i khams su skyes pa rnams la kun du sbyor ba sum cu rtsa drug yod kyang / kau shi ka lha dang mi rnams ni phrag dog dang ser sna'i kun du sbyor ba can yin no zhes gsungs te/ nyon mongs pa 'di gnyis ni bdo na lhag par 'ching ba yin no zhes zer ro/ /yang na phrag dog dang ser sna dag ni dbang chung bar grags pa dang / longs spyod chung ba nyid kyi rgyu yin pa'i phyir dang /thams cad ston pa'i phyir dang / phyogs gnyis nyon mongs par byed pa yin pa'i phyir logs shig tu bshad do/ /bde 'gror skyes pa 'di shin du brnyas par 'gyur ba gang yin pa de la rgyu ni phrag dog dang ser sna dag yin te/ 'di ltar dbang chung bar grags pa dang longs spyod chung ba ni btson la sogs pa dang 'dra bas so//nyon mongs pa ni rnam pa gnyis te/ kun du gdung ba dang ldan pa dang / kun du dga' ba dang ldan pa yin la/ de dag thams cad kyang 'di gnyis kyis bstan pa yin no/ /khyim pa'i phyogs kyang longs spyod kyi rten can 'di gnyis kyis shin tu nyon mongs par 'gyur la/rab tu byung ba'i phyogs kyang chos kyi rten can 'di gnyis kyis shin tu nyon mongs par 'gyur ro/ /yang na lha dang lha ma yin gyi phyogs bdud rtsi dang bud med kyi phyir shin tu nyon mongs par byed do/ /de nyid kyi phyir bcom ldan 'das kyis/kau shi ka lha dang mi rnams ni phrag dog dang ser sna'i kun du sbyor ba yin no zhes gsungs te/ de bas na kun nas dkris pa bcu dag las 'di gnyis kho na kun du sbyor bar bshad do/ /tha ma'i cha ni 'dod pa'i khams yin la zhes bya ba la/ 'dod pa'i khams ni khams gsum ril la ltos na gcig tu mnyam par ma bzhag pa yin pa'i phyir tha ma ste/dman pa yin no/ /gnyis kyis 'dod pas mi 'da' la/ /zhes bya ba ni de dag ma spangs na 'dod pa'i khams las mi 'da' ba'i phyir ro/ /sgo ba dang rjes su 'brang ba dang chos mthun pa'i phyir ro zhes bya ba la/sgo ba dang chos mthun pa ni 'dod pa la 'dun pa dang gnod sems dag yin te/ de gnyis kyis 'dod pa'i khams kyi btson ra nas 'byung du mi ster bas sgo ba lta bu yin no/ /rjes su 'brang ba dang chos mthun pa ni 'jig tshogs la lta ba la sogs pa yin te/dper na sgo ba bag med par gyur te btson ra nas btson shor kyang sgo ba'i rjes su 'brang ba rnams kyis phyir zlog par byed pa ltar gsum po 'di dag gis de dang 'dra'o/ /sems can gyi tha ma zhes bya ba ni gzhan rnal 'byor spyod pa rnams na re 'jig tshogs la lta ba dang / tshul khrims dang brtul zhugs mchog tu 'dzin pa dang /the tshom gyi kun du sbyor ba rnams kyis ni sems can gyi tha ma so so'i skye bo nyid las mi 'da'o/ /'dod pa la 'dun pa dang / gnod sems gnyis kyis ni khams kyi tha ma 'dod pa'i khams kyi mtshan nyid las mi 'da'o zhes bya bar sbyar bar bya'o//sems can gyi nang na tha ma so so'i skye bo dag yin la/ khams kyi nang na tha ma yang 'dod pa'i khams yin te/ de'i phyir de dag tha ma'i cha dang mthun pa rnams zhes bya'o zhes zer ro/ /kun du sbyor ba gsum yongs su gtugs te spang ba'i phyir zhes bya ba ni 'jig tshogs la lta ba dang tshul khrims dang brtul zhugs mchog tu 'dzin pa dang /the tshom gyi kun du sbyor ba ma lus par spangs pa'i phyir zhes bya ba'i tha tshig go/ /nyon mongs pa drug spangs pa yin na zhes bya ba ni lta ba lnga dang / the tshom mo/ /'dod chags la sogs pa ni ma bshad de/ lhag ma dang bcas pa'i phyir ro//lta ba gsum bor la zhes bya ba ni mthar 'dzin par lta ba dang / log par lta ba dang / lta ba mchog tu 'dzin pa'i lta ba'o/ /gsum kho na gsungs zhes bya ba ni 'jig tshogs la lta ba dang / tshul khrims dang brtul zhugs mchog tu 'dzin pa dang / the tshom dang gsum kho na gsungs pa'o//sus gsungs she na/ bcom ldan 'das kyis te/ 'di ltar mdo las/ btsun pa ji tsam gyis na/ rgyun du zhugs pa lags/ ming chen 'di ltar 'phags pa nyan thos ni 'di ni sdug bsngal 'phags pa'i bden pa'o zhes bya bar yang dag pa ji lta ba bzhin du rab tu shes so//'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes bya bar yang dag pa ji lta ba bzhin rab tu shes so/ /'di ni kun du sbyor ba gsum po 'di lta ste 'jig tshogs la lta ba dang tshul khrims dang brtul zhugs mchog tu 'dzin pa dang /the tshom yang yongs su spangs shing yongs su shes pa yin no/ /des kun du sbyor ba gsum po de dag spangs pas rgyun du zhugs pa yin/ rnam par mi ltung ba'i chos can yin/ rdzogs pa'i byang chub tu 'gro ba yin/re ltar thogs na srid pa lan bdun pa yin te/ lha dang mi dag gi nang du lan bdun du 'khor zhing song nas sdug bsngal gyi mthar byed par 'gyur ro zhes gsungs te/ 'di thams cad brjod par bya dgos so zhes bya ba'i tha tshig go/ /nyon mongs pa rnams ni rnam pa gsum ste zhes bya ba ni 'dir mthong bas spang bar bya ba'i dbang du byas pa yin no//'jig tshogs dang mthar 'dzin par lta ba de dag ni rnam pa gcig ste/ sdug bsngal mthong ba tsam gyis spang bar bya ba yin pa'i phyir ro/ /tshul khrims dang brtul zhugs mchog tu 'dzin pa ni rnam pa gnyis so/ / the tshom dang log par lta ba dang lta ba mchog tu 'dzin pa rnam pa bzhi'o/ /de la rnam pa gcig pa rnams kyi sgo ni 'jig tshogs la lta ba yin te/ de'i phyir 'jig tshogs la lta ba smos pas mthar 'dzin par lta ba yang smos pa yin no/ /rnam pa bzhi pa rnams kyi sgo ni the tshom yin te/ de smos pas log par lta ba dang / lta ba mchog tu 'dzin pa rnams kyang smos pa yin no/ /tshul khrims dang brtul zhugs mchog tu 'dzin pa ni dngos su smos pa kho nar zad do/ /mthong bas spang bar bya ba 'dod chags la sogs pa gang dag yin pa de dag kyang de dag la dmigs pa yin pa'i phyir bsdus pa kho na yin no zhes brjod par nus so//mthar 'dzin par lta ba ni 'jig tshogs la lta bas rab tu bcug ces bya ba ni bdag la rtag pa dang chad pa'i mthar 'dzin pa'i phyir ro/ /lta ba mchog tu 'dzin pa ni tshul khrims dang brtul zhugs mchog tu 'dzin pas rab tu bcug ces bya ba ni gang gis 'dag par yid ches pa de la mchog tu 'dzin pa'i phyir ro//log par lta ba ni the tshom gyis rab tu bcug ste zhes bya ba ni the tshom za ba log par lta ba ni mnyan pa dang bsams pa'i sgo nas log par nges pa skye ba'i phyir ro/ /de'i phyir rtsa ba bsdus pas grub pa'i phyir mthar 'dzin pa la sogs pa yang bshad pa'i ngo bo yin par rig par bya'o//gzhan dag na re zhes bya ba ni slob dpon 'di nyid do/ /lam nor ba zhes bya ba ni ji lta zhe na/ lam gzhan la brten pa'i phyir zhes bya ba smos so/ /kun du sbyor ba tha ma'i cha dang mthun pa zhes smos pa'i phyir shugs kyis na gzhan gyi cha dang mthun pa yang yod do zhes bshad pa yin pas de'i phyir/gong ma'i cha dang mthun lnga nyid/ /ces bya ba 'di smos te/ kun du sbyor ba'i spros pa yin no/ /de dag kun du sbyor sogs kyi/ /dbye bas rnam pa lngar bshad do/ /zhes bya ba'i 'brel pa 'dis na kun du sbyor ba bstan pa'i 'og tu 'ching ba bstan pa'i skabs la babs te/'ching ba 'dod chags thams cad ces bya ba ni rnam pa dang khams kyi sgo nas thams cad do/ /zhe sdang ci zhe na thams cad de rnam pa kho na'i sgo nas so/ /gti mug ni rnam pa dang khams kyi sgo nas thams cad do//dmigs pa dang mtshungs par ldan pa'i sgo nas zhes bya ba ni ci rigs par rang dang gzhan gyi rgyud la yod pa'i bde ba'i tshor ba la ni 'dod chags rgyas par 'gyur ro/ /dmigs pa dang mtshungs par ldan pa nyid kyi sgo nas sdug bsngal gyi tshor ba la ni zhe sdang rgyas par 'gyur ro/ / de bdag nyid kyi sgo nas bde ba yang ma yin sdug bsngal yang ma yin pa la ni gti mug rgyas par 'gyur ro/ /'dod chags dang zhe sdang dag kyang bde ba yang ma yin sdug bsngal yang ma yin pa la de kho na bzhin rgyas par 'gyur ba ma yin nam/ ci'i phyir gti mug kho na brjod ce na/ de'i phyir 'dod chags dang zhe sdang dag ni de lta ma yin no zhes bya ba smos te/'dod chags dang zhe sdang dag kyang de la rgyas par ni 'gyur mod kyi gti mug ji lta ba de ltar ni ma yin no/ /gti mug ni mi gsal bas bde ba yang ma yin sdug bsngal yang ma yin pa'i tshor ba mi gsal ba dang rjes su mthun pa'i phyir shin tu rgyas par 'gyur ro//yang na rang gi rgyud la yod pa'i dmigs pa'i sgo nas nges pa yin no zhes bya ba ni rang gi rgyud la yod pa'i bde ba la sogs pa nyams su myong ba'i mthus de ltar nges pa yin te/ mtshungs par ldan pa'i sgo nas rang gi rgyud la yod pa'i tshor ba bde ba la ni 'dod chags rgyas par 'gyur la/sdug bsngal la ni zhe sdang ngo / /sdug bsngal yang ma yin bde ba yang ma yin pa la ni gti mug go// //bam po bzhi bcu rtsa gsum pa/ gzhan dag na re 'dod chags dang zhe sdang dag ni de lta ma yin no zhes bya ba ni ji ltar bde ba la 'dod chags rgyas par 'gyur ba ltar zhe sdang ni de lta ma yin no//yang ci bde ba la yang zhe sdang rgyas par 'gyur ram zhe na/ dgra bo'i bde ba la dmigs pa'i sgo nas rgyas par 'gyur ro/ /ji ltar sdug bsngal la zhe sdang rgyas par 'gyur ba ltar 'dod chags ni de lta ma yin no/ / yang ci sdug bsngal la yang 'dod chags rgyas par 'gyur ram zhe na/ dgra bo'i sdug bsngal la dmigs pa'i sgo nas rgyas par 'gyur ro/ /yang na rang gi rgyud la yod pa'i dmigs pa'i sgo nas nges pa yin no zhes bya ba ni rnam pa gcig tu na rang gi rgyud la yod pa'i bde ba la dmigs pa'am/mtshungs par ldan pa'i sgo nas 'dod chags rgyas par 'gyur gyi gzhan gyi rgyud la yod pa'i dgra bo'i bde ba la ni ma yin no/ /de bzhin du rang gi rgyud la yod pa'i sdug bsngal la dmigs pa'am/ mtshungs par ldan pa'i sgo nas khong khro ba rgyas par 'gyur gyi/ gzhan gyi rgyud la yod pa dgra bo'i sdug bsngal la ni ma yin no/ /de ltar na rang gi rgyud la yod pa'i dmigs pa'i sgo nas nges pa yin te/ tshor ba bde ba la ni dmigs pa dang mtshungs par ldan pa dag gi sgo nas 'dod chags rgyas par 'gyur la/ sdug bsngal la ni zhe sdang rgyas par 'gyur ro//sems nye bar nyon mongs par byed pa'i phyir ro zhes bya ba ni sems nyon mongs pa can du byed pa'i phyir ro/ /nyon mongs las gzhan nyon mongs can/ /sems byung zhes bya ba ni nyon mongs pa dag las gzhan pa zhes bya ba'i tha tshig go//nye ba'i nyon mongs pa kho na yin zhes bya ba ni 'di dag la nyon mongs pa dang nye ba'i ngo bo'am/ nyon mongs pa nye bar 'dug pa yod pas nye ba'i nyon mongs pa ste/ de dag kyang sems las byung ba kho na yin gyi sems dang mi ldan pa ni ma yin no/ /de dag kyang gzhi phran tshegs las 'byung ba gang dag yin pa'o zhes bya ba ni gsung rab kyi cha gzhi phran tshegs las 'byung ba gang dag yin pa yin gyis/sems pa la sogs pa kho na ni ma yin no snyam du bsams pa yin te/ 'di lta ste mi dga' ba dang / glal byed pa dang / sems zhum pa nyid dang / rmya ba dang / zas kyi drod mi zin pa nyid dang / tha dad pa nyid kyi 'du shes dang / yid la mi byed pa dang / lus kyi gnas ngan len dang / ru gdug dang / 'phya smod dang / gnam pa nyid dang / mi gnam pa nyid dang / rang bzhin du mi 'dug pa nyid dang / 'dod pa'i rnam par rtog pa dang /'tshe ba'i rnam par rtog pa dang / nye ba'i rnam par rtog pa dang / yul gyi rnam par rtog pa dang / mi 'chi ba'i rnam par rtog pa dang / brnyas pa dang ldan pa'i rnam par rtog pa dang / rigs snyems pa dang ldan pa'i rnam par rtog pa dang / mya ngan dang / sdug bsngal dang /yid mi bde ba dang / 'khrug pa zhes bya ba dag yin no/ /de la ngo tsha med pa dang khrel med pa dag ni bshad zin to zhes bya ba ni/ ma gus ngo tsha med khrel med/ /kha na ma tho 'jigs mi lta/ /zhes bya ba yin no/ /chos dang zang zing dang zhes bya ba rgyas par 'byung ba ni ser sna ni chos dang zang zing dang mkhas pa rab tu sbyin pa dang /'gal ba can sems kyi kun du 'dzin pa ste/ bdag las gzhan du ma 'gro shig snyam pa'i rnam pa ni ser sna yin no/ /ser sna nyid ser sna yin pa'am/ ser sna can gyi ngo bo ni ser sna'o/ /'gyod pa dang rmugs pa ni bshad zin te zhes bya ba ni ngan pa byas pa'i dngos po ni 'gyod pa'o//'dir ni 'gyod pa de la dmigs pa'i chos yin zhes pa dang / rmugs pa ni lus dang sems las su mi rung ba nyid do zhes bya ba yin no/ /gnyid ni sems mngon par sdud pa'o zhes bya ba de tsam zhig brjod na ni snyoms par 'jug pa la yang thal bar 'gyur bas de'i phyir lus yang dag par 'dzin mi nus pa zhes bya bas khyad par du byed de/de ni nyon mongs pa can kho na yin no/ /de dang 'gyod pa ni nyon mongs pa can kho na kun nas dkris pa yin no zhes bya ba ni gnyid ni nyon mongs pa can gang yin pa de kun nas dkris pa yin gyi/dge ba'am lung du ma bstan pa gang yin pa de ni kun nas dkris pa ma yin te/ gnyid ni rnam pa gsum du 'dod do/ /'gyod pa yang nyon mongs pa can gang yin pa de kun nas dkris pa yin gyi dge ba ni ma yin te/ de ni dge ba dang mi dge ba yin par 'dod do//khro ba ni gnod sems dang rnam par 'tshe ba ma gtogs pa sems can dang sems can ma yin pa la kun nas mnar sems pa gang yin pa'o zhes bya ba ni gnod sems ni kun nas mnar sems kyi khyad par sems can la zhe sdang ba yin te/ sems can 'di rnams bsad dam bcings sam brlag gam 'dis phongs par gyur kyang ci ma rung snyam pa'i rnam par zhugs pa ni gnod sems yin no//rnam par 'tshe ba ni sems can la snyogs pa dang / rdeg pa dang / skrag par byed pa dang / bsdigs pa la sogs pa'i las la zhugs pa yin no/ / khro ba ni de gnyis las gzhan pa sems can dang sems can ma yin pa dag la kun nas mnar sems pa yin te/ 'di lta ste/ dge slong bslab pa 'dod pa'i sems 'khrugs pa'am tsher ma la sogs pa la 'khrugs pa lta bu'o/ /go rims bzhin du shes pa dang mi shes pa rnams kyi yin no zhes zer ro zhes bya ba ni//gzhan dag na re rgyal po la sogs pas shes pas gang zag 'chab pa dang ldan pa rnams kyi 'chab pa ni srid pa'i rgyu mthun pa yin te/ bdag la rnyed pa dang / bkur sti med par gyur na mi rung ngo snyam pa'i phyir ro/ /mi shes pa rnams kyi ni mi rig pa'i rgyu mthun pa yin te/las bdag gir bya ba nyid du ma dad pa ni kha na ma tho ba de 'chab cing gtsang mar bya ba'i phyir gzhan la 'chags par mi byed do/ /de lta bas na 'chab pa ni gnyi ga'i rgyu mthun pa yin no zhes zer ro/ /ji ltar na khrel med pa ma rig pa'i rgyu mthun pa yin zhe na/'di ltar khrel med/ kha na ma tho 'jigs mi lta/ /zhes 'byung ba'i phyir ro/ /the tshom las 'gyod ces bya ba ni nyon mongs pa can gang yin pa de kho na ste/ kun nas dkris pa'i skabs yin pa'i phyir ro/ /gzhan yang nyon mongs dri ma drug /ces bya ba ni/dper na lus la dri ma dag 'byung ba de bzhin du nyon mongs pa dag las kyang sgyu la sogs pa'i dri ma lta bu 'di rnams 'byung ngo / /gtam rlung bskur ba ni gzhan du sgyur ba'o/ /rgyags pa ni sngar bshad zin te/ rgyags pa ni/ rang gi chos la chags pa yi/ /sems ni yongs su gtugs pa'o//zhes bya ba yin no/ /gang zhig gang mthong bas spang bar bya ba dang mtshungs par ldan pa zhes bya ba ni bden pa gang zhig mthong ba ni gang mthong ba'o/ /de mthong bas spang bar bya ba ni gang mthong bas spang bar bya ba'o/ /de dang mtshungs par ldan pa ni gang mthong bas spang bar bya ba dang /mtshungs par ldan pa ste/ de ni de mthong bas spang bar bya ba yin no/ /gang dag cig yin zhe na/ ngo tsha med pa la sogs pa'o/ /de las gzhan ni bsgom spang bya/ /de las gzhan pa zhes bya ba ni ngo tsha med pa la sogs pa las gzhan pa phrag dog la sogs pa ni bsgom pas spang bar bya ba kho na yin gyi/mthong bas spang bar bya ba ni ma yin no/ /nye ba'i nyon mongs pa lnga po dag ni rang dbang yin te/ 'dod chags la sogs pa gzhan gyi dbang du gyur pa ma yin no zhes bya ba'i tha tshig go/ /rmugs pa dang rgod pa dang gnyid rnams ni mi dge ba dang lung du ma bstan pa dag yin no zhes bya ba ni kun nas dkris pa'i skabs yin pa'i phyir grub pas dge ba yang yin no zhes mi brjod do//de yan chad ni lung du ma bstan zhes bya ba la ci rigs par zhes bya ba ni/ 'dod pa'i khams kyi gong na ji snyed sred pa ste/ de dag kyang g.yo dang sgyu la sogs pa yin no//bdag nyid log par kun du ston pas zhes bya ba ni tshangs pa chen po des bdag nyid log par kun du ston pas tshe dang ldan pa rta thul la 'drid par zhugs te/ tshangs pa chen po 'byung ba chen po 'di dag ma lus par gang du'ang 'gag par 'gyur zhes dris pa dang ma shes nas gtam rlung bskur te/bdag ni tshangs pa'o/ /tshangs pa chen po'o/ /dbang phyug go/ /byed pa po'o/ /sprul pa po'o/ /'byin pa po'o/ /'byin byed do/ /dngos po rnams kyi phar gyur pa yin no zhes sgyus 'drid par brtsams so/ /de'i 'og tu tshangs pa chen po des tshe dang ldan pa rta thul gyi lag nas bzung ste phyogs gcig tu 'dug go//phyogs gcig tu 'dug nas kyang 'di skad ces/ de bzhin gshegs pa bzhugs bzhin du bdag la 'dri bar sems sam zhes smras so/ /de lta bas na de'i 'di ni sgyu yin par snang ste/ rang gi 'khor gyis brnyas pa'i ngo tsha bas bdag nyid kyis mi shes pa sbed pa na des de skad du smras pa yin no//g.yo ni bshad zin mod kyi zhes bya ba ni g.yo ni/ de las 'gyod gnyid mi dge rnams/ /bsam gtan dang po dag na med/ /ces bya ba der ni bshad mod kyi zhar la 'ongs pas yang smos so//lnga bor te zhes bya ba ni g.yo dang sgyu dang rmugs pa dang rgod pa dang rgyags pa rnams so/ /de dag ni thams cad yid kyi sa pa dag yin no zhes bya ba ni gnyid dang nga rgyal dag go/ /nye ba'i nyon mongs rang dbang yang / /zhes bya ba ni phrag dog dang ser sna la sogs pa'o/ /nyon mongs pa'i sa mang po dag gi nang du bshad pa gang dag yin pa'o zhes pa ni ma dad pa dang le lo dang bag med pa dag kho na yin no//gzhan dag ni ma yin te/ rmugs pa dang rgod pa dag ni 'di nyid du sngar smos zin pa'i phyir ro/ /gti mug ni nyon mongs pa zhes smos pas bsdus pa'i phyir ro//bde ba dag dang zhes bya ba ni bde ba'i tshor ba'i ngo bo nyid kyi dbang po dag dang zhes bya ba'i tha tshig go/ /dga' ba dang skyo ba'i rnam par 'jug pa'i phyir zhes bya ba ni 'dod chags ni dga' ba'i rnam par 'jug pa yin la/ zhe sdang ni skyo ba'i rnam par 'jug pa yin pa'i phyir te go rims bzhin no//rnam par shes pa drug gi sa pa yin pa'i phyir ro zhes bya ba ni rnam par shes pa lnga pa'i sa pa yin pa'i phyir 'dod chags ni bde ba'i dbang po dang mtshungs par ldan no/ /zhe sdang ni sdug bsngal gyi dbang po dang mtshungs par ldan no/ /yid kyi rnam par shes pa'i sa pa yin pa'i phyir 'dod chags ni yid bde ba'i dbang po dang mtshungs par ldan no//zhe sdang ni yid mi bde ba'i dbang po dang mtshungs par ldan no/ /bsod nams kyi las can rnams dang sdig pa'i las can rnams kyi dang go rims bzhin no zhes bya ba ni bsod nams kyi las can rnams kyi log par lta ba ni yid mi bde ba dang mtshungs par ldan pa yin te/bsod nams byed pa'i 'bad pa don med par mthong ba'i phyir ro/ /sdig pa'i las can rnams kyi log par lta ba ni yid bde ba dang mtshungs par ldan pa yin te/ rang gis byas pa'i sdig pa 'bras bu med par mthong ba'i phyir ro//lta ba bzhi dang zhes bya ba ni 'jig tshogs la lta ba dang / mthar 'dzin par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa'o/ /ji ltar chad par lta ba yid bde ba dang mtshungs par ldan pa yin zhe na/ de mngon par 'dod pa'i phyir ro//btang snyoms kun du gnas so zhes bya ba ni 'jig pa'i gnas skabs na gzhan pa'i phyir ro/ /sa gang na dbang po ji snyed cig yod pa zhes bya ba ni/ skye ba'i bsam gtan dag na ni/ /yid bde bde dang btang snyoms dang / /btang snyoms yid bde bde ba dang / / btang snyoms btang snyoms tshor ba yod/ /ces bya ba lta bu khong du chud par bya'o/ /sa gong ma de na yang mig dang rna ba dang lus dang yid kyi rnam par shes pa'i sa pa rnam par shes pa'i tshogs bzhi po rnams ni/ bsam gtan dang po kho na na yod de bsam gtan dang po na ni bde ba'i dbang po rnam par shes pa'i tshogs gsum pa dang /yid bde ba'i dbang po yid kyi rnam par shes pa'i tshogs pa dang / btang snyoms kyi dbang po rnam par shes pa'i tshogs bzhi pa yod do/ /de yan chad kyi sa pa kho na na yod de/ bsam gtan gnyis pa na ni yid bde ba dang btang snyoms kyi dbang po dag yod do/ / gsum pa na ni bde ba dang btang snyoms kyi dbang po dag yod do/ /bsam gtan bzhi pa dang gzugs med pa dag na ni btang snyoms kyi dbang po kho na yod do/ /de la phra rgyas thams cad kyang ji ltar 'os 'os su tshor ba'i dbang po dang mtshungs par ldan pa yin te/ de ni zhi gnas kyis rgyud brlan pa'i phyir dga' ba dang skyo ba rnam par gzhag pa ni med do//'gyod pa la sogs pa 'di dag ni skyo ba'i rnam par 'jug pa'i phyir/ yid bde ba dang mtshungs par mi ldan la/ yid kyi sa pa yin pa'i phyir sdug bsngal gyi dbang po dang yang mtshungs par mi ldan no/ /chags pa'i rgyud las byung bas zhes bya ba ni chags pa'i rgyu can nyid kyis te/chags pas kun nas bslang ba nyid kyis zhes bya ba'i tha tshig go/ /de dag dang rgyags pa zhes bya ba ni bde ba dang / yid bde ba dag dang ngo / /bsam gtan gsum pa na ni bde ba dang mtshungs par ldan no zhes bya ba ni rgyags pa ni yid kyi sa pa yin pa'i phyir ro//ma rig pa bzhin du zhes bya ba ni ji ltar ma rig pa nyon mongs pa dang nye ba'i nyon mongs pa gang la yang mtshungs par ldan pa dgag pa med pa ltar btang snyoms kyang de dang 'dra'o/ /ngo tsha med pa dang khrel med pa dag ni mi dge ba'i sa mang po pa yin pa'i phyir te/mi dge la ni khrel med dang / /ngo tsha med pa'o zhes 'byung bas so/ /rmugs pa dang rgod pa ni nyon mongs pa'i sa mang po pa yin pa'i phyir/ rnam par shes pa'i tshogs drug la ni mi dge ba dang nyon mongs pa can dag srid pas de'i phyir de dag ni dbang po lnga char dang yang mtshungs par ldan pa srid do//ci rmugs pa dang rgod pa dang the tshom khams gsum pa dag gzung ngam zhes bya ba ni 'di rnams ni khams gsum pa yin pa'i phyir de dag kho na bkar te 'dri bar byed do/ /mi dge ba'i phung po 'di ni ma 'dres pa zhes bya ba rgyas par 'byung ba ni dge slong dag sgrib pa lnga ni mi dge ba'i phung po yin no zhes smra ba de dag ni yang dag par smra ba smra bar 'gyur ro//ci'i phyir zhe na/ dge slong dag 'di ni mi dge ba'i phung po ma 'dres pa yongs su rdzogs pa yin te/ 'di lta ste sgrib pa lnga'o zhes bya ba rgyas par gcig tu mi dge bar gsungs pa'i phyir ro//'dod na sgrib rnams yod kyi khams gzhan na med do zhes bya ba ni 'grel pa dang mdo'i tshig gcig pa nyid du sbyor ba yin no/ /sgrib rnams zhes bya ba ni bsam gtan dang snyoms par 'jug pa dag gi sgrib pa rnams zhes bya ba'i tha tshig go/ / mi mthun dang / zas dang bya ba gcig pa'i phyir zhes bya ba ni mi mthun pa dang / zas dang bya ba gcig pa can nyid kyi phyir zhes bya ba'i tha tshig ste/ ngo bo'i rkyen med kyang ngo bo gtsor bstan pa yin no/ /yang na mi mthun pa dang zas dang bya ba gcig pas na mi mthun pa dang / zas dang bya ba gcig pa'i phyir zhes bya ba'o//mi mthun pa dang gnyen po dang / /zhes bya ba ni/ 'dir tshig le'ur byas pa dang mthun par mi mthun pa ni gnyen po yin par 'dod de/ nyon mongs pa dang 'gal ba'i phyogs ni mi mthun pa'i phyir ro/ /chos mngon pa las ni nag po'i phyogs ni mi mthun pa yin la dkar po'i phyogs ni gnyen po yin no zhes bya bar grags so//kha zas kyi drod mi zin pa zhes bya ba ni ma 'os par mang du zos pa'i lus shig shig por 'gyur ba gang yin pa'o/ /zas ma yin pa zhes bya ba ni gnyen po'o/ rmugs pa dang gnyid kyis ni shes rab kyi phung po la ji zhe na/gnod par byed do zhes bya bar skabs dang sbyar ro/ /rtog pa 'di la zhes bya ba rgyas par 'byung ba ni go rims gang gi tshul khrims kyi phung po dang / ting nge 'dzin gyi phung po dang / shes rab kyi phung po zhes phung po rnams rnam par 'jog pa'i go rims de nyid kyis de dag gi mi mthun par gyur pa'i sgrib pa 'dod pa la 'dun pa dang /gnod sems dang / rgod pa dang 'gyod pa dang / rmugs pa dang gnyid dang / the tshom zhes 'don par 'gyur te/ shes rab kyi phung po bas ting nge 'dzin gyi phung po gong nas 'byung ba'i phyir rgod pa dang 'gyod pa'i sgrib pa lngar smos par 'gyur ba zhig na de lta yang yin te/de'i phyir 'di ni gtan tshigs su mi rung ngo snyam du bsams pa yin no/ /'di la ni gtan tshigs gang yin snyam nas smras pa de'i phyir grangs bzhin du rmugs pa dang gnyid dang rgod pa dang 'gyod pa'i sgrib pa 'di gnyis kyis ting nge 'dzin dang /shes rab kyi phung po la gnod par byed pa yin no/ /ji ltar zhe na smras pa ting nge 'dzin la brtson pa ni rmugs pa dang gnyid kyis 'jigs te ngo bo 'dra ba lta bu yin pa'i phyir ro/ /chos rab tu rnam par 'byed pa la brtson pa yang de dang 'dra'o/ /the tshom ni de la langs na yang chos la nges par rtog pa'i tshe bar chad byed do//gzhan dag ni tshig 'di skad du rmugs pa dang / gnyid dang rgod pa dang / 'gyod pa dang / the tshom zhes bya bar 'don cing 'di skad du yang 'chad de/ rmugs pa dang gnyid ni zhi gnas kyi bar du gcod par byed pa yin la/ rgod pa dang 'gyod pa ni lhag mthong gi bar du gcod par byed pa yin/the tshom ni langs pa la chos nges par rtog pa'i tshe bar chad byed pa yin pas rgod pa dang 'gyod pas 'jigs so zhes bya'o zhe'o/ /gzhan dag ni gzhan du brjod do zhes bya ba ni sngon gyi slob dpon dag go/ /rgyu bar gyur pas zhes bya ba ni bsod snyoms kyi phyir 'byams pas so//mtshan mar gzung ba'i phyir zhes bya ba ni/ bud med kyi gzugs zhes bya ba'am/ bud med kyi sgra zhes bya bar gzung ba'i phyir ro/ /gnas par gyur pa nang du yang dag 'jog pa 'greng ba'am/ 'dug pa'am/ 'chag pa'am de sngon du 'gro bas te/yul sdug pa dang mi sdug pa la mtshan mar 'dzin pa sngon du 'gro ba'am/ yul sdug pa dang mi sdug pa sngon du 'gro ba dag go/ /go rims bzhin du rmugs pa dang gnyid dang / rgod pa dang 'gyod pa dang / the tshom ni zhi gnas dang lhag mthong dag la bar chad byed la zhes bya ba ni/rmugs pa dang gnyid ni zhi gnas kyi bar chad byed de/ rmugs pa dang gnyid dag nye ba'i ngo bo nyid du gnas pa'i phyir ro/ /rgod pa dang 'gyod pa dang tshom dag ni lhag mthong gi bar chad byed do/ /rgod pa dang / 'gyod pa zlas dbye ba gcig pa lta bu'i ngo bor byas pa the tshom dang / lhan cig yang zlas dbye ba byas te/ rgod pa dang 'gyod pa dang the tshom ni rgod pa dang 'gyod pa dag dang the tshom dag ces bya ba yin no/ /skal ba mi mnyam pa'i khams kun du 'gro ba log par lta ba la sogs pa sdug bsngal dang / kun 'byung mthong bas spang bar bya ba nyid kyis tha dad pa gnyis su gyur pa rnams gang gi tshe gzugs dang gzugs med pa'i khams la dmigs pa'i gnas skabs na sdug bsngal dang kun 'byung ba la rjes su shes pa dang mthun pa'i lam gyis dmigs pa yongs su shes pa de'i tshe ni sngar sdug bsngal la chos shes pa dang /kun 'byung ba la chos shes pas ci rigs par spangs zin pa nyid kyi phyir spang bar mi 'gyur te/de dag ni 'dod pa na spyod pa yin pa'i phyir chos shes pas gzhom par bya ba yin pas so/ /'gog pa dang lam mthong bas spang bar bya ba zag pa dang bcas pa la dmigs pa lta ba mchog tu 'dzin pa la sogs pa yang gang gi tshe dmigs pa sdug bsngal dang kun 'byung ba'i bden pa'i ngo bo nyid sdug bsngal la chos shes pa'i phyogs dang mthun pa'am/rjes su shes pa'i phyogs dang mthun pas khams ji lta ba bzhin yongs su shes pa de'i tshe na de dag spong bar mi 'gyur te/ 'gog pa dang lam mthong bas spang bar bya ba yin pa'i phyir ro//ji ltar de dag spang zhe na zhes bya ba ni dmigs pa yongs su shes pas ni de dag spong bar mi rung ngo snyam du bsams pa yin no/ /rang gi sa pa la dmigs pa rnams zhes bya ba khyad par smos pa ni skal ba mi mnyam pa'i khams su kun du 'gro ba bsal ba'i phyir ro//de la dmigs pa yang dag par zad pas zhes bya ba ni 'di dag la dmigs pa skal ba mi mnyam pa'i khams su kun du 'gro ba de dag yod pas na de la dmigs pa ste/ skal ba mi mnyam pa'i khams su 'gro ba rnams so/ /de dag zad cing spangs pas skal ba mi mnyam pa'i khams su 'gro ba de dag kun du spangs par 'gyur ro//dmigs pa spangs pas zhes bya ba ni lta ba mchog tu 'dzin pa la sogs pa'i dmigs pa 'gog pa dang lam mthong bas spang bar bya ba log par lta ba la sogs pa spangs pas lta ba mchog tu 'dzin pa la sogs pa zag pa dang bcas pa la dmigs pa de dag spang bar 'gyur ro//gnyen po skyes pas zad par 'gyur/ /zhes bya ba ni bsgom pas spang bar bya ba rnams ni gnyen po skyes pa kho nas zad par 'gyur gyi dmigs pa yongs su shes pas ni ma yin no zhes ston par byed do/ /'og nas bshad par bya'o zhes bya ba ni/ sa dang sa na nyes rnams dgu//de bzhin du ni yon tan rnams/ /zhes bya ba 'di nas 'chad par 'gyur ro/ /spong ba gnyen po ni bar chad med pa'i lam mo zhes bya ba ni mi mthun pa'i dgra bo'i phyogs ni gnyen po yin pas spong ba gnyen po'o/ /rnam par grol ba'i lam yang gnyen po yin mod kyi spong ba'i ched du ni ma yin pas de'i phyir de skad du khyad par smos so//yang na 'dis spong bar byed pas spang ba yin la/ 'di ni spong ba yang yin gnyen po yang yin pas spong ba gnyen po ste/ 'di lta ste/ sdug bsngal la chos shes pa'i bzod pa'o/ /gzhi gnyen po ni de yan chad kyi lam gang yin pa zhes bya ba ni bar chad med pa'i lam de yan chad kyi lam gang yin pa de/de ni de'i thob pa kun du 'dzin pa'i phyir spangs pa'i gzhi gnyen po yin te/ 'dis kun du 'dzin pas na gzhi'o/ /de nyid gnyen po yin pas na gzhi gnyen po ste 'di lta ste sdug bsngal la chos shes pa'i bzod pa'i gong ma sdug bsngal la chos shes pa'o//de'i phyir rgyu gang gis de spangs pa'i thob pa zhes bya ba rgyas par smos te/ lam gang gis de'i thob pa kun du 'dzin par byed pa yin no/ /khyad par gyi lam dang bar chad med pa'i lam gyis kyang de'i thob pa rgyun mi 'chad pa'i phyir bar chad med pa'i lam gyis spang ba'i thob pa de'i kun du 'dzin pas de yang gzhi gnyen po yin no//thag bsring ba'i ngo bo'i gnyen po ni zhes bya ba rgyas par 'byung ba ni gang gi nyon mongs pa'i thob pa sring bar byed pa ni thag bsring ba'i ngo bo'o/ /de nyid gnyen po yin pas na thag bsring ba'i ngo bo'i gnyen po'o/ / yang na thag bsring ba'i ngo bo ni thag bsring bar 'gyur ba'o/ /de'i gnyen po ni thag bsring ba'i ngo bo gnyen po'o/ /rnam par grol ba yan chad kyi lam gang yin pa ste zhes bya ba ni rnam par grol ba'i lam sdug bsngal la chos shes pa gang yin pa de yan chad kyi lam sdug bsngal la rjes su shes pa'i bzod pa la sogs pa gang yin pa de ni thag bsring ba'i ngo bo gnyen po yin no zhes ston par byed do//gzhan dag na re rnam par grol ba'i lam yang yin zhes bya ba ni rnam par grol ba'i lam dang po de yang thag bsring ba'i ngo bo gnyen po zhes bya ste/ des kyang nyon mongs pa'i thob pa de thag sring bar byed do zhes zer ro//de lta na rnam par grol ba'i lam ni gzhi gnyen po dang thag bsring ba'i ngo bo gnyen po zhes bya ba ming gnyis thob bo zhes bshad pa yin no/ /khams de la skyon du mthong nas rnam par sun 'byin par byed pa'o zhes bya ba ni gang gis khams de mi rtag pa la sogs pa'i rnam par sun 'byin pa'o zhes bya ba'i tha tshig go//de lta na spong ba'i gnyen po la sogs pa sdug bsngal kun 'byung la dmigs pa gang yin pa de yang rnam par sun 'byin pa gnyen po yin no zhes bstan par 'gyur ro/ /yang 'di dag gi go rims 'di ni chos legs par 'gyur ro zhes zer ba ni slob dpon yin te/them skas kyi tshul la brten pa'i phyir dang mtshan nyid ma 'chol ba'i phyir go rims ches legs pa yin no zhes ston par byed do/ /sdug bsngal dang kun 'byung la dmigs pa sbyor ba'i lam mo zhes bya ba ni dro bar gyur pa la sogs pa'i lam kho na yin par gzung gi bar chad med pa'i lam la sogs pa ni ma yin te/de ni spong ba gnyen po'i ched du rnam par gzhag pa'i phyir ro/ /bar chad med pa'i lam thams cad do zhes bya ba ni dus phyis 'byung ba gang yin pa gzhan yang yin no//rnam par grol ba'i lam mo zhes bya ba ni thams cad do zhes bya ba nyid du yang skabs dang sbyar ro/ /khyad par gyi lam ni 'dir 'di gsum las ma gtogs pa gang yin pa de yin par yongs su gzung ngo / /mtshungs par ldan pa las ni nyon mongs pa rnam par dbye bar mi nus so zhes bya ba ni rang gi tshogs las dga' bar mi nus pa'i phyir ro//re zhig ma 'ongs pa ni rnam par phye zin pa yang dngos po de la dmigs nas mi skye'o zhes bya ba ni gtan tshigs des na dmigs pa las rnam par dbye bar yang nus grang na/ dngos po gang zhig la dmigs nas skyes pa'i 'das pa go ji ltar nus te/dmigs par byas pa'i dngos po dmigs pa ma yin par byas par ni mi nus so/ /de yang ma nges te zhes bya ba ni dmigs pa yongs su shes pa dang / de la dmigs pa yang dag par/ /zad dang dmigs pa spangs pas so/ / gnyen po skyes pas zad par 'gyur/ /zhes rnam pa bzhis nyon mongs pa zad par 'dod de/ de'i phyir dmigs pa yongs su shes pas zhes bya ba ni ma nges pa yin no/ /de lta bas na 'di brjod par bya dgos so zhes bya ba ni 'di la lan gdab dgos so zhes bya ba'i tha tshig go/ /'di la slob dpon 'dus bzang lan 'debs pa ni nyon mongs pa rnams ni dmigs pa las spang bar bya ba yin te/dmigs pa yongs su shes pa'i stobs kyis nyon mongs pa rnams spang bar 'gyur bas so/ /phra rgyas kyi dmigs pa ni rnam pa gnyis te/ ldan par 'gyur ba'i dngos po dang ldan par mi 'gyur ba'i dngos po'o//de la gang zag gi rgyud la ldan par 'gyur ba'i dngos po'i yul can rnams dang / de'i yul can ma yin pa'i phra rgyas de dag gi stobs kyis bskyed pa rnams kyi thob pa nyon mongs pa ma 'ongs pa dang 'das pa'i rgyu dang 'bras bur gyur pa ni gang zag gi rgyud nyon mongs pa can ma yin pa'i sems la yang rgyun mi 'chad par rab tu 'byung la/ldan par mi 'gyur ba'i dngos po'i yul can rnams dang / de'i yul can ma yin pa de'i yul can gyi nyon mongs pa dag gi rjes la kun du 'byung ba'i nyon mongs pa rnams kyi thob pa yang de dang 'dra bar rig par bya'o//de ni ma 'ongs pa rnams skye ba'i rkyen du 'gyur ba'i phyir rgyur gyur pa yang yin la 'das pa rnams kyi rgyu mthun par 'gyur ba'i phyir 'bras bur gyur pa yang yin no/ /nyon mongs pa rnams ni des kun du gzung ba'i phyir de yang spong ba gnyen po rgyu mthun pa thob pa dang /phrad par 'gal lo/ /de'i phyir dmigs pa gang zhig gis skyes pa'i nyon mongs pa rnams ni gzhan la dmigs pa'i nyon mongs pa dag kyang rab tu 'byung bar byed la de la dmigs pa spong ba gnyen po'i rgyu mthun pa skyes na nyon mongs pa de dag de la dmigs pa yin yang rgyu dang 'bras bu dang bral na de dag gi thob pa bcom pa la spangs pa zhes bya'o//de bas na gang gi phyir nyon mongs pa'i yul 'ga' zhig gi dngos po ji lta ba bzhin yongs su ma shes na rgyud la de'i yul can gyi nyon mongs pa'i stobs kyis de'i yul can ma yin pa'i nyon mongs pa rnams kyi thob pa ma 'ongs pa dang /'das pa'i rgyu dang 'bras bur gyur pa dngos po ji lta ba bzhin ma yin par rab tu 'byung ba de'i phyir dmigs pa las nyon mongs pa spang bar bya ba yin no zhes bya bar 'dod do zhes zer ro/ /de la dmigs pa spangs pa la sogs pas kyang nyon mongs pa spang bar 'gyur ro zhes bya bar 'dod pa ma yin nam ci ste dmigs pa yongs su shes pa'i stobs kyis nyon mongs pa rnams spang bar 'gyur zhes bya ba 'di smras she na/bsam pa ni de dag kyang sdug bsngal la sogs pa yongs su shes pa'i stobs kho nas spang bar 'gyur te/ /de yod pa'i ngo bo dang ldan pas de yod pa'i ngo bo dang ldan pa'i phyir ro//gang dag gnyen po skyes pas spong bar brjod pa bsgom pas spang bar bya ba'i nyon mongs pa de dag kyang dmigs pa sdug bsngal gyi bden pa la sogs pa yongs su shes pa kho nas spang bar 'gyur ro zhes bya bar khong du chud par bya'o/ /de la dmigs pas spangs pa la sogs pas kyang nyon mongs pa rnams spang bar 'gyur ro zhes bya ba gang yin pa de ni rnam par gzhag pa tsam du zad do zhes bya ba yin par mngon no//rang gi rgyud la yod pa ni thob pa chad pas so zhes bya ba rgyas par 'byung ba ni rang gi rgyud kyi nyon mongs pa ni thob pa dang bral bas spangs par brjod par bya'o//gzhan gyi rgyud kyi nyon mongs pa ni thob pa chad pas ma yin te/ rang gi rgyud la de'i thob pa med pa'i phyir ro/ /'o na ci zhe na/ de la dmigs pa'i nyon mongs pa rang gi rgyud la yod pa spangs pas te gzhan gyi rgyud kyi nyon mongs pa la dmigs pa dang rang gi rgyud la yod pa'i thob pa chad pas so zhes bya ba'i don to//gzugs dge ba dang mi dge ba dang lung du ma bstan pa thams cad dang nyon mongs pa can ma yin pa zhes bya ba dge ba zag pa dang bcas pa dang ma bsgribs la lung du ma bstan pa gzugs can ma yin pa yang de kho na bzhin du de dag la dmigs pa'i nyon mongs pa dag rang gi rgyud la yod pa spangs pas spangs par brjod par bya'o//'byung dang tshul khrims phyogs dang ni/ /dus gnyis ring ba nyid lta bu'o/ /zhes bya ba la lta bu'o zhes bya ba ni dper brjod pa ste/ dper na zhes bya ba'i don du blta bar bya'o/ /mtshan nyid kyis ni mtshan nyid kyis ring ba nyid de/dper na 'byung ba rnams lta bu ste/ chu'i khams kyang sa'i khams las mtshan nyid tha dad la sa'i khams kyang de las mtshan nyid tha dad pa ni ring ba yin no/ /mi mthun pa nyid kyis ni gnyen pos ring ba nyid de/ dper na 'chal ba'i tshul khrims las tshul khrims lta bu'o//yul rnam par 'chad pas ni yul gyis ring ba nyid de/ dper na shar gyi rgya mtsho las nub kyi rgya mtsho lta bu'o dus kyi ni dus kyis ring ba nyid de/ dper na 'das pa dang ma 'ongs pa'i dus gnyis lta bu'o/ /'das pa dang ma 'ongs pa de ni ring ba zhes bshad de/ gang nas bshad ce na/chos mngon pa las te/ 'di skad du chos ring ba dag gang zhe na/ 'das pa dang ma 'ongs pa'i chos rnams so/ /chos nye ba dag gang zhe na/ da ltar byung ba'i chos rnams dang / 'dus ma byas so zhes 'byung ngo / /de ni dus tha dad pa nyid kyis ring ba yin gyi zhes bya ba ni 'das ma thag pa dang skye bar 'gyur ba zhes bya ba skye ba la mngon du phyogs pa'i ma 'ongs pa gang yin pa zhes bya ba'i tha tshig go//yun ring mo zhig ni byung ba dang 'byung ba nyid kyis ni ma yin no zhes bya ba ni yun ring mo zhig na byung bar gyur pa nyid kyis 'das pa yang ma yin la/ 'byung ba nyid kyis ma 'ongs pa yang ma yin no zhes bya ba'i tha tshig go//da ltar yang de bzhin du ring bar 'gyur ro zhes bya ba ni dus tha dad pa nyid kyis na da ltar byung ba'i dus nyid kyis da ltar yang ring bar 'gyur te/ dper na 'das pa dang ma 'ongs pa'i dus nyid kyis 'das pa dang ma 'ongs pa lta bu'o/ /'o na ni byed pas ring ba yin no zhes bya ba ni byed pa zhig pa ni 'das pa yin la/byed pa ma thob pa ni ma 'ongs pa yin pas 'das pa dang ma 'ongs pa de ring ba zhes bya'o/ /'dus ma byas ji ltar nye ba nyid du 'grub ces bya ba ni de la byed pa med pa'i phyir nye ba nyid du mi 'gyur ba zhig na bstan bcos las chos nye ba dag gang zhe na/da ltar byung ba'i chos rnams dang / 'dus ma byas so zhes 'byung ba'i phyir der yang 'dod do/ /de thams cad thob pa'i phyir ro zhes bya ba ni 'dus ma byas so sor brtags pas 'gog pa dang so sor brtags pa ma yin pas 'gog pa de'i thob pa yul thams cad du skye ba'i phyir ro//'das pa dang ma 'ongs pa dag la yang thal bar 'gyur ro zhes bya ba ni dge ba la sogs pa 'das pa dang ma 'ongs pa'i thob pa yul thams cad du 'byung bas 'das pa dang ma 'ongs pa nye ba nyid du thal bar 'gyur ro/ /nam mkha' yang ji ltar nye ba yin zhes bya ba ni nam mkha' yang ji ltar nye ba yin te/de la ni thob pa med do/ /'das pa dang ma 'ongs pa'i phan tshun ring ba yin zhes bya ba ni ma 'ongs pa yang 'das pa las ring la 'das pa yang ma 'ongs pa las ring ngo zhes bya ba'i tha tshig go/ /'dus ma byas kyang chod pa med pa'i phyir zhes bya ba ni ji ltar da ltar gyi 'das pa dang ma 'ongs pa ltar gang gis kyang bar du chod pa med de de ltar na nye ba nyid yin no//de lta na yang zhes bya ba ni rtog pa de la yang 'das pa dang ma 'ongs pa gang yin pa de da ltar dang nye ba'i phyir ring ba dang nye ba zhes bya ba rgyas par gnyi gar 'gyur te/ 'das pa de da ltar gyis bar du chod pa'i phyir ma 'ongs pa las ring ba yang yin la/da ltar dang bar du ma chod pa'i phyir nye ba yang yin zhes bya bar yang 'gyur te/ ma 'ongs pa yang de bzhin du sbyor bar bya'o/ /'di skad du rigs par 'gyur ro zhes bya ba ni slob dpon rang gi gzhung lugs yin te/ ma 'ongs pa ni chos kyi rang gi mtshan nyid las ring ba yin no//ci'i phyir zhe na/ ma thob pa'i phyir te/ 'di ltar ma 'ongs pas ni rang gi mtshan nyid ma thob po/ /yang na 'di ltar de ni rang gi mtshan nyid ma thob cing nye bar mi gnas pa yin no/ /'das pa ni ci zhe na zhig pa'i phyir chos kyi rang gi mtshan nyid las ring ba yin te/'di ltar chos kyi rang gi mtshan nyid de 'das pas zhig pa'am/ 'das pa de chos kyi rang gi mtshan nyid las zhig pas so/ /gnyen po skyes pas zad par 'gyur/ /zhes bshad pas de'i phyir ci lam khyad par du 'gro ba'i phyir zhes bya ba 'dri bar byed de/ spangs pas yang khyad par du 'gyur ram zhes bya ba ni spangs pa khyad par du 'gyur ram zhes bya ba'i tha tshig go//'dir ni gnyen po rnam par grol ba'i lam yin par bsams so zhes bya ba ni de ni bral ba'i thob pa dang lhan cig skyes pa'i phyir ro/ /bar chad med pa'i lam la ni re zhig bral ba'i thob pa med do/skye ba la mngon du phyogs pa yin pa'i phyir ro/ /rnam par grol ba'i lam yang bar chad med pa'i lam gnyen po dngos dang lhan cig 'bras bu gcig pa'i phyir gnyen po yin no zhes bya bar rnam par gzhag par mi nus te/ 'di ltar bral ba'i thob pa 'dren par byed pa dang /rten du gyur pa'i phyir gnyi gas de 'thob po zhes bshad do/ /'bras bu dag ni dge sbyong gi tshul gyi 'bras bu bzhi'o zhes bya ba la 'bras bu bzhi zhes smos pa ni 'bras bu brgyad cu rtsa dgu yin par go bar 'gyur ba bstsal ba'i phyir ram/ skyes bu byed pa'i 'bras bu la sogs pa lnga yin par go bar 'gyur ba bsal ba'i phyir ro//'bras bu thob pa yang rnam par grol ba'i lam la rnam par gzhag pa kho nar gzung bar bya ste/ bral ba'i rnyed pa yod pa nyid dang ldan pa'i phyir ro/ /dbang po rnam par 'phel ba ni dbang po 'pho ba'o zhes bya ba ni dbang po lhag pa yin par go bar 'gyur ba bsal ba'i phyir don 'di rab tu bstan pa yin te/slob dpon 'dus bzang na re dbang po rnam par 'phel ba zhes bya ba ni 'bras bu thob pa zhes smos pa kho nas grub pa'i phyir ro zhes zer ro/ /'di la smra bar bya ste/ 'bras bu thob pa kho na dbang po rnam par 'phel ba yin pa bden mod kyi gang la bral ba rnyed par 'gyur ba'i 'bras bu thob pa khyad par can ni rab tu bstan dgos so//de lta ma yin na gnyen po skyes pa smos pa kho nas de grub pa'i phyir 'bras bu thob pa yang smos par bya mi dgos par 'gyur te zug zug tu brgal mi dgos so/ /kha cig gi ni dus gnyis kyi bar du 'thob par blta bar bya'o zhes bya ba ni nyon mongs pa kha cig gi bral ba ni dus drug tu 'thob po//bar du zhes bya ba'i sgras ni kha cig gi ni dus lngar ro/ /kha cig gi ni bzhir ro/ /kha cig gi ni gsum du'o/ /kha cig gi ni gnyis su'o zhes bstan pa yin no/ /yang thob pa'i bral ba'i dbang du byas pa yin pa'i phyir/kha cig gi ni dus gcig tu 'thob po zhes ni ma bshad de dbang po rnon pos srid pa'i rtse mo'i rnam pa dgu pa'i bral ba dus gcig kho nar 'thob pa srid mod kyi de ni yang 'thob pa ma yin pas mi brjod do/ /de la re zhig dbang po rtul pos bral ba dus drug tu 'thob ste/ sdug bsngal dang kun 'byung dang 'gog pa mthong bas spang bar bya ba khams gsum pa rnams dang / lam mthong bas spang bar bya ba 'dod pa na spyod pa rnams kyi bral ba ni gnyen po skyes pa'i dus dang rgyun du zhugs pa'i 'bras bu'i dus dang / lan cig phyir 'ong ba'i 'bras bu'i dus dang / phyir mi 'ong ba'i 'bras bu'i dus dang / dgra bcom pa nyid kyi 'bras bu'i dus dang / dbang po 'pho ba'i dus zhes bya ba dus drug tu 'thob po/ /srid pa'i phyir de skad du bshad par zad kyi dbang po rtul po gdon mi za bar dbang po dag 'pho ba ma yin no/ /dbang po rtul po de nyid kyis lam mthong bas spang bar bya ba gzugs dang gzugs med pa na spyod pa rnams kyi bral ba gnyen po skyes pa'i dus zhes bya ba'am 'bras bu thob pa'i dus zhes bya bar gzung yang rung ste/lam la rjes su shes pa'i dus na dang po nyid du 'thob pa dang / yang lan cig phyir 'ong ba'i dus nas dbang po 'pho ba'i dus zhes bya ba'i bar te dus lngar 'thob po//de nyid kyis bsgom pas spang bar bya ba 'dod pa na spyod pa chen po nas 'bring po'i 'bring po'i bar rnam pa lnga'i bral ba yang rgyun du zhugs pa'i 'bras bu ma gtogs pa dus lnga po de dag nyid du 'thob po/ /de nyid kyi rnam pa drug pa 'bring po'i chung ngu'i bral ba ni gnyis po skyes pa dang 'bras bu thob pa'i dus dag gcig pa'i phyir de'i gang yang rung ba zhig dang phyir mi 'ong ba'i 'bras bu'i dus nas dbang po 'pho ba'i dus zhes bya ba'i bar dus bzhir 'thob po//de nyid kyi rnam pa bdun pa dang brgyad pa chung ngu'i chen po dang chung ngu'i 'bring po thob pa ni gnyen po skyes pa'i dus dang phyir mi 'ong ba'i 'bras bu'i dus nas dbang po 'pho ba'i dus kyi bar dus bzhi kho nar 'thob po//de nyid kyis rnam pa tha ma'i chung ngu'i chung ngu bral ba ni gnyen po skyes pa'i dus zhes bya bar yang rung / 'bras bu thob pa'i dus zhes bya bar yang rung ste/ gang yang rung ba zhig dang / dgra bcom pa nyid kyi 'bras bu thob pa'i dus dang dbang po 'pho ba'i dus zhes bya ba dus gsum du 'thob po/ /de bzhin du dgra bcom pa nyid kyi 'bras bu thob par byed pa des gzugs dang gzugs med pa'i nyon mongs pa bsgom pas spang bar bya ba chen po'i chen po nas chung ngu'i chung ngu'i bar rnam pa dgu spangs pa gang dag yin pa de dag las srid pa'i rtse mo pa'i rnam pa tha ma chung ngu'i chung ngu ma gtogs pa thams cad kyi bral ba yang gnyen po skyes pa'i dus dang /dgra bcom pa nyid kyi 'bras bu'i dus dang dbang po 'pho ba'i dus zhes bya ba dus gsum kho nar 'thob bo//gzugs med pa na spyod pa'i rnam pa chung ngu'i chung ngu gang yin pa de'i bral ba ni gnyen po skyes pa dang bral ba nyid kyi 'bras bu thob pa dus gcig pa'i phyir gnyen po skyes pa'i dus zhes bya bar yang rung dgra bcom pa nyid kyi 'bras bu thob pa'i dus zhes bya bar yang rung ste/ gang yang rung ba zhig dang dbang po 'pho ba zhes bya ba dus gnyis su 'thob ste re zhig de lta bu ni dbang po rtul pos 'thob pa bshad pa yin no//dbang po rnon pos ni dbang po 'pho ba'i dus gcig tu bor nas nyon mongs pa kha cig gi ni dus lngar 'thob pas na dus gnyis kyi bar du 'thob po zhes bya bar brjod par bya ste/de la ni thams cad du dbang po 'pho ba med do/ /des ni nyon mongs pa rnams kyi bral ba dus gcig tu 'thob pa yod de/ bsgom pas spang bar bya ba srid pa'i rtse mo pa'i rnam pa chung ngu'i chung ngu bral ba lta bu yin na de ni yang 'thob par mi 'gyur bas mi brjod do zhes bya bar lta'o//'bras bu la rgyu btags pa'i phyir ro zhes bya ba ni spangs pa'o/ /rgyu ni yongs su shes pa ste/ /ye shes kyi ngo bo nyid yin no/ /'bras bu spangs pa de la yongs su shes pa'o zhes rgyu nye bar btags pa yin te/ dper na reg pa'i skye mched drug po sngon mngon par 'dus byas shing ched du bstsags pa 'di dag ni sngon gyi las yin par rig par bya'o zhes 'byung ba lta bu'o//yang gang nas spang ba la yongs su shes pa'i sgrar bstan zhe na mdo las te/ 'di skad du dge slong dag yongs su shes par bya ba'i chos rnams dang / yongs su shes pa dag dang / yongs su shes pa dang ldan pa'i gang zag kyang bshad par bya ste/ yongs su shes par bya ba'i chos rnams gang zhe na/ nye bar len pa'i phung po lnga'o/ /yongs su shes pa gang zhe na/ 'di la 'dun pa'i 'dod chags spangs pa dang / 'dun pa'i 'dod chags las yang dag par 'das pa ste/'di ni yongs su shes pa zhes bya ba'o zhes bya ba rgyas par gsungs so/ /'dod pa na dang po'i rnam gnyis zad la gcig ces bya ba ni yongs su shes par rnam par gzhag pa'i gtan tshigs bral ba'i thob pa zad med dang / srid rtse nyams par byas pa dang / rgyu gnyis kun du bcom pa'i phyir/ /yongs shes zhes bya ba 'di nas 'chad par 'gyur ro/ /tha ma'i cha dang mthun pa spangs pa zhes bya ba ni 'dod pa'i khams kyi zag pa spangs pa zhes bya ba'i tha tshig ste 'di nyid de'i ming yin no/ /gzugs kyi zag pa spangs pa zhes bya ba ni gzugs kyi khams kyi zag pa spangs pa zhes bya ba'i don te/de'i ming nas gzugs kyi khams kyi 'dod chags zad pa'i yongs su shes pa zhes bya'o/ /nga rgyal la sogs pa'i nyon mongs pa dang nye ba'i nyon mongs pa gzugs na spyod pa gzhan dag kyang yod mod kyi 'di'i yongs su shes pa rnam par gzhag pa ni de na 'dod chags gtso bo yin pa'i phyir gong ma'i cha dang mthun pa'i kun du sbyor ba'i ni gzugs kyi 'dod chags zad pa'i yongs su shes pa zhes bshad do//kun du sbyor ba thams cad yongs su gtugs pa'i yongs su shes pa'o zhes bya ba 'di ni zag pa thams cad spangs pa'i ming yin no/ /yongs su shes pa ni tha dad par bstan la zhes bya ba ni bsgom pas spang bar bya ba gzugs na spyod pa rnams spangs pa ni gzugs kyi 'dod chags zad pa'i yongs su shes pa yin no//gzugs med pa rnams kyis ni kun du sbyor ba thams cad yongs su gtugs pa'i yongs su shes pa yin no zhes 'byung ba'i phyir ro/ / mthong bas spang bar bya ba rnams kyi ni ma yin te zhes bya ba ni ci'i phyir gzugs dang gzugs med pa na spyod pa'i mthong bas spang bar bya ba rnams kyi yongs su shes pa so sor mi bstan te/ de bzhin du gzugs dang gzugs med pa na spyod pa mthong bas spang bar bya ba rnams spangs pa yang yongs su shes pa gsum yin te zhes 'byung ba'i phyir ro//bsgom pas spang bar bya ba rnams kyi gnyen po mi 'dra ba'i phyir ro zhes bya ba ni 'di ltar sa dang sa na gzugs na spyod pa'i bsgom pas spang bar bya ba rnam pa dgu'i gnyen po bar chad med pa dang rnam par grol ba'i lam zag pa med pa mi lcogs pa med pa la sogs pa'i sa dang /zag pa dang bcas pa bsam gtan gnyis pa'i nyer bsdogs kyis bsdus pa nas nam mkha' mtha' yas skye mched kyi nyer bsdogs kyis bsdus pa'i bar rnam pa dgu yod la gzugs med pa na spyod pa rnams kyi gnyen po bar chad med pa'i lam dang / rnam par grol ba'i lam ni ci rigs par zag pa med pa'i sa 'og ma pa'am/ci rigs par zag pa dang bcas pa gong ma'i nyer bsdogs kyis bsdus pa dag yod de/ gzhan kho na yin pas gnyen po mi 'dra ba'i phyir 'di dag gis yongs su shes pa tha dad par bstan to/ /mthong bas spang bar bya ba rnams kyi gnyen po 'dra ste/rjes su shes pa'i bzod pa la sogs pa gzugs na spyod pa rnams kyi gnyen po de dag nyid gzugs med pa rnams kyi yang yin pas yongs su shes pa tha dad du rnam par mi gzhag go/ /tha ma'i cha dang mthun pa spangs pa la sogs pa yongs su shes pa ste zhes bya ba ni tha ma'i cha dang mthun pa spangs pa'i yongs su shes pa dang /gzugs kyi 'dod chags zad pa'i yongs su shes pa dang / kun du sbyor ba thams cad yongs su gtugs pa'i yongs su shes pa'o/ /'di dag ni bsgom pa'i lam gyi 'bras bu yin pa'i phyir shes pa'i 'bras bu yin te/bsgom pa'i lam la bzod pa dag ni med do/ /ji ltar yongs su shes pa bzod pa'i 'bras bu yin zhes bya ba ni yongs su shes pa dang shes pa zhes bya ba ni don gcig ste/ shes pa dang yongs su shes pa ni zag pa med pa'i ye shes yin no zhes 'byung ba'i phyir ro// // bam po bzhi bcu rtsa bzhi pa/ dri med bzod rnams shes pa min/ /zhes 'byung bas bzod pa ni shes pa'i ngo bo nyid yin par yang mi rung na/ de ji ltar yongs su shes pa bzod pa'i 'bras bu yin te/ 'bras bu la rgyu btags pa byas na yang mi rung ngo snyam du bsams pa yin no/ /'dir bzod pa rnams ni shes pa'i 'khor can yin pa'i phyir zhes bya ba smos te/'di dag la 'khor shes pa yod pas na shes pa'i 'khor can te/ bzod pa rnams so/ /de'i phyir shes pa'i 'bras bu yang bzod pa rnams kyi 'bras bu zhes bya'o/ /rgyal po'i 'khor la rgyal po nye bar btags pa bzhin te/dper na rgyal po'i 'khor la rgyal po nye bar btags pa'i phyir 'khor gyis byas pa la yang rgyal pos byas pa zhes bya ba dang 'dra'o/ /shes pa dang 'bras bu gcig pa'i phyir ro zhes bya ba ni bzod pa dag ni shes pa dang lhan cig 'bras bu gcig pa yin te/bzod pa dag gi 'bras bu gang yin pa de nyid shes pa rnams kyi yin pas bzod pa'i 'bras bu yang yongs su shes par rung ngo / /mi lcogs med 'bras thams cad do/ /zhes bya ba ni 'di ltar mi lcogs pa'i sa pa'i lam gyis khams gsum pa'i mthong ba dang / bsgom pas spang bar bya ba'i zag pa rnams spong ba srid de/ zag med mi lcogs med pa yis/ /thams cad las ni 'dod chags bral/ /zhes 'byung ba'i phyir ro/ /gzugs dang gzugs med pa na nyon mongs pa spangs pa'i rang bzhin gang dag yin pa'o zhes bya ba ni bye brag tu smra ba rnams na re gzugs dang gzugs med pa na spyod pa'i mthong bas spong bar bya ba rnams spangs pa ji skad bshad pa'i yongs su shes pa gsum dang bsgom pas spang bar bya ba gzugs na spyod pa rnams spangs pa gzugs kyi 'dod chags zad pa'i yongs su shes pa dang /gzugs med pa na spyod pa rnams spangs pa kun du sbyor ba thams cad yongs su gtugs pa'i yongs su shes pa zhes bya ba lnga ste/bsam gtan gyi dngos gzhi la brten nas gzugs dang gzugs med pa na spyod pa'i nyon mongs pa spong ba srid pa'i phyir ro/ /'dod pa na spyod pa'i nyon mongs pa spangs pa ni bsam gtan gyi dngos gzhi'i 'bras bu ma yin te/bsam gtan gyi dngos gzhi rnams ni 'dod pa'i khams kyi gnyen po ma yin pa'i phyir ro/ /de lta bas na 'dod chags dang bral ba rnams la bral ba'i thob pa zag pa med pa yod du zin kyang tha ma'i cha dang mthun pa spangs pa'i yongs su shes pa bzhin du 'dod pa na spyod pa mthong bas spang bar bya ba spangs pa ni bsam gtan gyi dngos gzhi'i 'bras bu ma yin no zhes zer ro//btsun pa dbyangs sgrogs kyi lugs kyis ni brgyad de zhes bya ba ni btsun pa dbyangs sgrogs de ni 'dod pa'i 'dod chags dang bral ba'i gang zag gi yang 'dod pa na spyod pa mthong bas spang bar bya ba rnams spangs pa yongs su shes pa gsum gyi ngo bo nyid 'phags pa'i lam gyi 'bras bu yin par 'dod do//ci'i phyir zhe na/ bral ba'i thob pa zag pa med pa rnyed pa'i phyir te/ bsam gtan gyi dngos gzhi la brten nas nges pa la 'jug pa na yang mthong bas spang bar bya ba'i zag pa sngon 'jig rten pa'i lam gyis spangs pa rnams kyis bral ba'i thob pa zag pa med pa yang 'thob la de la ni mthong ba'i lam gyi nus pa yod pas gzugs dang gzugs med pa na spyod pa'i mthong bas spang bar bya ba spangs pa bzhin du/'dod pa na spyod pa'i mthong bas spang bar bya ba sngon spangs pa'i yongs su shes pa yang dngos gzhi bsam gtan gyi 'bras bu'o zhes bya bar rnam par gzhag go//de lta bas na 'dod pa na spyod pa'i mthong bas spang bar bya ba spangs pa'i yongs su shes pa gsum po 'di dag dang sngar bshad pa [(]gzug [,]gzugs [)]dang gzugs med pa'i yongs su shes pa dang bcas pa yongs su shes pa brgyad bsam gtan gyi 'bras bu yin no zhes bya ba ni btsun pa dbyangs sgrogs kyi gzhung lugs yin no//tha ma'i cha dang mthun pa spangs pa'i yongs su shes pa ni mi lcogs pa med pa'i 'bras bu kho na yin no zhes bya ba ni 'dod pa las 'dod chags dang ma bral ba ni mi lcogs pa med pa kho nas tha ma'i cha dang mthun pa spong bar byed kyi dngos gzhis ni ma yin te/de ma thob pa'i phyir ro/ /'dod chags dang bral ba sngon du 'gro ba yang gang gi tshe bsam gtan la brten nas nges pa la 'jug pa des kyang so so'i skye bo'i gnas skabs na 'jig rten pa'i lam gyis 'dod pa na spyod pa'i nyon mongs pa thams cad spangs pas de bsam gtan gyi dngos gzhi'i 'bras bu ma yin no//sems kyi skad cig ma bcu drug la de'i tha ma'i cha dang mthun pa spangs pa'i yongs su shes pa bsam gtan gyi dngos gzhi la brten par yang rnam par gzhag mod kyi de'i 'bras bu zhes bya bar rnam par gzhag pa ni ma yin no//'o na ci zhe na/ gnas skabs de na tha ma'i cha dang mthun pa spangs pa 'jig rten pa'i lam gyis thob pa'i bral ba'i thob pa zag pa med pa yang 'thob pas de spangs pa'i yongs su shes par rnam par gzhag ste/ de'i tshe ni mthong bas spang bar bya ba snga ma spangs pas sngar mthong ba'i lam gyis spang bar bya ba spangs pa gang yin pa dang / sngar spangs pa tha ma'i cha dang mthun pa spangs pa bsdoms nas tha ma'i cha dang mthun pa spangs pa'i yongs su shes pa gcig tu rnam par gzhag ste/khams las 'dod chags bral ba dang / /'bras bu thob phyir de dag bsdoms/ /zhes thams cad bsdoms pa'i gtan tshigs yod pa'i phyir ro/ /de lta bas na tha ma'i cha dang mthun pa spangs pa'i yongs su shes pa de ni mi lcogs pa med pa'i 'bras bu kho nar rnam par gzhag gi / dngos gzhi'i 'bras bu ni ma yin te/ 'di la ni bye brag tu smra ba dang / btsun pa dbyangs sgrogs kyi gzhung lugs mthun no/ /bsam gtan khyad par can yang bsam gtan bzhin du blta bar bya'o zhes bya ba ni bsam gtan khyad par can gyi zag pa med pas kyang nyon mongs pa spong bar 'gyur te/de lta bas na mi lcogs pa med pa dang / dngos gzhi'i bsam gtan rnams kho na'i 'bras bu kho na bshad kyi/ bsam gtan khyad par can gyis ni ma yin no/ /de'i phyir bsam gtan khyad par can yang bsam gtan bzhin du blta bar bya'o zhes bya ba smos te/ bsam gtan khyad par can ni bsam gtan dang po kho na rtog pa dang bral bas khyad par du 'phags pa yin pa'i phyir ro//nam mkha' mtha' yas skye mched kyi nyer bsdogs kyi zhes bya ba ni de ni 'jig rten yin yang 'phags pa kho na la 'bras bu yongs su shes par rnam par gzhag ste/ bral ba'i thob pa zag pa med pa srid pa'i phyir ro//gzugs med dngos gzhi gsum gyi yang / /zhes bya ba ni zag pa med pa'i'o/ /'jig rten pa'i lam gyi 'bras bu ni gnyis te zhes bya ba ni 'phags pa 'jig rten pa'i lam gyis 'dod pa'i khams las 'dod chags dang bral bar byed pa na'o/ / rjes su shes pa'i 'bras bu yang yongs su shes pa gnyis te zhes bya ba ni bsgom pa'i lam gyis bsdus pa'i ste/ tha ma gzugs kyi 'dod chags zad pa dang / kun du sbyor ba thams cad yongs su gtugs pa'i yongs su shes pa dag go/ /chos shes pa ni gsum yin no zhes bya ba ni bsgom pa'i lam gyis bsdus pa'i ste/bsgom pa'i lam la 'gog pa'am/ /lam la chos shes gang yin te/ /khams gsum gyi ni gnyen po yin/ /zhes 'byung bas so/ /de'i 'bras bu ni tha ma gsum po tha ma'i cha dang mthun pa spangs pa dang gzugs kyi 'dod chags zad pa dang kun du sbyor ba thams cad yongs su gtugs pa'i yongs su shes pa yin no//ci'i phyir zhe na/ khams gsum pa'i bsgom pas spang bar bya ba'i gnyen po yin pa'i phyir ro zhes bya ba smos so/ /de phyogs mthun gyi drug dang lnga/ /zhes bya ba ni chos shes pa dang rjes su shes pa dag gi phyogs dang mthun pa'i ni ci rigs par drug dang lnga yin no//phyogs dang mthun pa zhes smos pa ni bzod pa dang shes pa dag bsdu ba yin no/ /chos kyi bzod pa dang shes pa rnams kyi 'bras bu gang dag yin pa kho na'o zhes bya ba ni chos kyi bzod pa rnams dang chos shes pa rnams kyi zhes bya bar tshig bsdu ste/chos shes pa'i bzod pa rnams kyi 'bras bu ni ma yin/ 'dod pa na spyod pa mthong bas spang bar bya ba spangs pa'i ngo bo nyid kyis yongs su shes pa ji skad bshad pa gsum yin no/ /chos shes pa rnams kyi yang bsgom pa'i lam la sdug bsngal dang kun 'byung ba shes pas bsdus pa rnams kyi ni tha ma'i cha dang mthun pa spangs pa'i yongs su shes pa gcig go//'gog pa dang lam shes pas bsdus pa rnams kyi ni tha ma'i cha dang mthun par spangs pa dang gzugs kyi 'dod chags zad pa dang / kun du sbyor ba thams cad yongs su gtugs pa'i yongs su shes pa gsum char yang yin no//rjes kyi bzod pa dang shes pa rnams kyi 'bras bu gang dag yin pa kho na'o zhes bya ba ni rjes kyi bzod pa rnams dang rjes kyi shes pa rnams kyi ste/ de dag kyang gzugs dang gzugs med pa na spyod pa'i mthong bas spang bar bya ba spangs pa'i ngo bo nyid kyis yongs su shes pa ji skad bshad pa gsum dang /yongs su shes pa tha ma gnyis so/ /ci'i phyir spangs pa re re yongs su shes par rnam par mi gzhag ces bya ba ni ci'i phyir sdug bsngal mthong bas spang bar bya ba spangs pa dang / kun du 'byung ba mthong bas spang bar bya ba spangs pa nas rgyas par srid pa'i rtse mo'i rnam pa chung ngu'i chung ngu spangs pa zhes bya ba'i bar du mi gzung /bral ba'i thob pa zag med dang / /zhes bya ba ni bral ba'i thob pa zag pa med pa rnyed pa'i phyir zhes bya ba'i tha tshig go/ /srid rtse nyams par byas pa dang / /zhes bya ba ni srid pa'i rtse mo'i phyogs spangs pa'i phyir zhes bya ba'i don to//rgyu gnyis kun du bcom pa'i phyir/ /zhes bya ba ni sdug bsngal dang kun 'byung mthong bas spang bar bya ba'i kun du 'gro ba gnyis spangs pa'i phyir zhes bya ba'i tha tshig go/ /de spangs pa'i yongs su shes pa zhes bya ba ni rgyu de dag gis khyad par du 'phags pa ni spangs pa yin te/de'i phyir yongs su shes pa zhes bya bar rnam par gzhag go/ /chos dang rjes su shes pa gzhan dag la zhes bya ba ni chos shes pa dang rjes su shes pa kun 'byung la chos shes pa nas bzung ste zad pa shes pa zhes bya ba'i bar de dag la'o/ /shes pa'i 'bras bu spangs pa ni zhes bya ba ni bsgom pa'i lam la ste/de ni bzod pa'i 'bras bu ma yin pas so/ /khams las 'das pa las kyang zhes bya ba ni khams las 'das pa las kyang zhes bya ba ste/ 'dir kyang zhes bya ba'i sgra mi mngon par byas pa yin pas so/ /de'i phyir 'di skad du bzhi pa zhes 'brel par byed do//gang gi tshe khams las yang dag par 'da' ba na'o zhes bya ba ni 'dod pa'i khams gzugs kyi khams dang gzugs med pa'i khams las yang dag par 'da' ba ste/ de'i tshe yongs su shes pa'i ming 'thob bo zhes bya ba'i tshig lhag ma yin no/ /ci'i phyir zhe na/ khams mtha' dag las 'dod chags dang bral ba'i phyir zhes bya ba smos te/khams ril las 'dod chags dang bral ba'i phyir yin gyi nyams par byas pa tsam gyi phyir ni ma yin te/ de'i tshe ni shin tu spangs pa yin no snyam du bsams pa yin no/ /gnyis kun du sbyor ba dang bral ba zhes bya ba ni dmigs par bya ba dang dmigs par byed pa'i nyon mongs pa'i skad cig kun du sbyor ba ni gnyis kun du sbyor ba'o//de dang bral ba ni gnyis kun du sbyor ba dang bral ba ste/ chos mngon pa pa rnams kyis rgyu lnga pa de smras te/ rgyu 'dis na spangs pa la yongs su shes pa zhes bya'o/ /rnam pa gang zhig spangs la zhes bya ba ni sdug bsngal mthong bas spang bar bya ba nas lam mthong bas spang bar bya ba'i bar dang bsgom pas spang bar bya ba'o//gal te spangs pa'i rnam pa de la dmigs pa'i nyon mongs pa mthong bas spang bar bya ba'am bsgom pas spang bar bya ba gzhan dang bral bar gyur na'o zhes bya ba yin te/de gzhan dag na re 'di yang spangs pa la yongs su shes pa zhes bya ba'i rgyu lnga pa yin no zhes zer ro/ /de ni gzhan ma yin zhes bya ba rgyas par 'byung ba ni gnyis kun du sbyor ba dang bral ba de ni rgyu gnyi ga yang dag par bcom pa ste/ sdug bsngal mthong bas spang bar bya ba dang /kun 'byung mthong bas spang bar bya ba'i kun du 'gro ba'i rgyu yang dag par bcom pa dang / khams las yang dag par 'das pa las gzhan ma yin no/ /'di ltar sdug bsngal mthong bas spang bar bya ba dag spangs kyang ji srid du de la dmigs pa kun du 'byung ba mthong bas spang bar bya ba'i kun du 'gro ba'i rgyu spangs par ma gyur pa de srid du rgyu gnyi ga yang dag par bcom pa med la bsgom pas spang bar bya ba dag kyang rnam pa brgyad kyi bar spangs kyang ji srid du rnam pa dgu pa ma spangs pa/de srid du khams las yang dag par 'da' ba med pas mi brjod do/ /gcig min zhes bya ba rgyas par 'byung ba la re zhig so so'i skye bo ni mi ldan pa kho na ste/bral ba'i thob pa zag pa med pa med pa'i phyir ro/ /'phags pa mthong ba'i lam la gnas pa yang kun 'byung la chos shes pa'i bzod pa la gnas pa'i bar du zhes bya ba ni bar du zhes bya ba'i sgras ni sdug bsngal la chos shes pa dang rjes su shes pa'i bzod pa dang /kun 'byung ba la chos pa'i bzod pa la gnas pa yang mi ldan pa kho na ste/ rgyu gnyi ga ma spangs pa'i phyir ro/ /kun 'byung la chos shes pa ni gcig dang ldan la kun 'byung la rjes su shes pa'i bzod pa la gnas pa yang gcig kho na dang ldan no zhes bya bar khong du chud par bya'o//kun 'byung la rjes su shes pa ni gnyis dang ldan te/ de'i tshe sngar bshad pa'i 'dod pa na spyod pa'i sdug bsngal dang kun 'byung ba mthong bas spang bar bya ba spangs pa'i yongs su shes pa dang / gzugs dang gzugs med pa na spyod pa'i sdug bsngal dang kun 'byung ba mthong bas spang bar bya ba spangs pa'i yongs su shes pa dang ldan la/'gog pa la chos shes pa'i bzod pa la gnas pa yang gnyis kho na dang ldan no/ /'gog pa la chos shes pa ni gsum dang ldan no zhes bya ba la sogs pa ni sbyar bar bya ste/ mthong ba'i lam la gnas pa lnga'i bar dang ldan gyi drug dang ni ma yin te/skad cig ma bcu drug pa ni bsgom pa'i lam gyis bsdus pa'i phyir ro/ /lam la rjes su shes pa la gnas pa yongs su shes pa drug dang ldan no zhes bya ba ni sngar bshad pa rnams dang / gzugs dang gzugs med pa na spyod pa lam mthong bas spang bar bya ba spangs pa'i yongs su shes pa dang ldan no//'bras bu bzhi rnams gzhag pa ni/ /rgyu lnga dag ni srid phyir ro/ /'bras la sngon lam btang ba dang / /gzhan thob pa dang zad bsdoms dang / /shes pa brgyad mtshan thob pa dang / /rnam pa bcu drug thob pa'o/ / zhes 'chad par 'gyur ba ma yin nam zhe na/ spangs pa sdom pa yin mod kyi/ yongs su shes pa sdom pa ni ma yin pas 'gal ba med do/ /ji srid du 'dod pa la 'dod chags dang bral ba ma thob pa zhes bya ba la/ ji srid du zhes bya ba'i sgras ni bsgom pas spang bar bya ba'i nyon mongs pa'i rnam pa dang po spangs pa nas rnam pa brgyad spangs pa'i bar la gnas pa yang drug kho na dang ldan no zhes bstan pa yin no//de las yongs su nyams pa zhes bya ba ni 'dod pa las 'dod chags dang bral ba ni yongs su nyams pas bsdoms pa de dang 'dra bas so/ /sngon nam phyis 'dod pa la 'dod chags dang bral ba thob pa zhes bya ba ni mngon par rtogs pa'i sngon rol lam 'og tu'am ji lta zhe na 'jig rten pa'i lam gyis 'dod pa la 'dod chags dang bral bar byas nas nges pa la zhugs pa ni lam la rjes su shes pa'i tshe tha ma'i cha dang mthun pa spangs pa'i yongs su shes pa gcig dang ldan te/'di ltar 'phags pa de ni sems kyi skad cig bcu drug la thob na phyir mi 'ong ba yin gyi rgyun du zhugs pa'am phyir 'ong ba ni ma yin no/ /tha ma'i cha dang mthun pa lnga spangs pas phyir mi 'ong ba yin no zhes kyang 'byung ste/ de lta bas na mthong bas spang bar bya ba spangs pa rnams dang /tha ma'i cha dang mthun pa lnga spangs pa bsdoms pa'i phyir tha ma'i cha dang mthun pa spangs pa'i yongs su shes pa gcig kho na dang ldan la/ mngon par rtogs pa'i 'og tu rim gyis 'dod pa las 'dod chags dang bral ba thob pa yang tha ma'i cha dang mthun pa spangs pa'i yongs su shes pa gcig kho na dang ldan no//dgra bcom pa nyid thob pa ni gcig kho na dang ldan te/ de'i tshe yongs su shes pa bsdoms pa'i phyir ro/ /gzugs na spyod pa'i kun nas dkris pas yongs su nyams na yang zhes bya ba'i khyad par smos pa ni 'dod pa na spyod pas yongs su nyams pa yongs su shes pa drug dang ldan pa spangs pa'i phyir dang gzugs med pa na spyod pas yongs su nyams pa yongs su shes pa gnyis dang ldan pa spangs pa'i phyir ro//gzugs kyi 'dod chags dang bral ba thob pa ni yongs su shes pa gnyis dang ldan no zhes bya ba ni phyir mi 'ong ba gzugs kyi 'dod chags dang bral ba zhes bya ba'i don to//khams las 'dod chags dang bral ba yin na ci'i phyir mi sdom zhe na/ 'bras bu thob pa med pa'i phyir te/ khams las 'dod chags dang bral ba dang 'bras bu thob pa rgyu mtha' dag gis yongs su shes pa sdom par 'dod kyi gcig kho nas ni ma yin no//gzugs med pa na spyod pa'i kun nas dkris pas yongs su nyams pa yang zhes bya ba ni dgra bcom pa nyid thob pas bsdoms pa tha ma'i cha dang mthun pa spangs pa dang / gzugs kyi 'dod chags zad pa'i yongs su shes pa dag gzugs med pa na spyod pa'i nyon mongs pas dgra bcom pa nyid las yongs su nyams na phyir 'thob pa'i phyir ro//gzugs na spyod pas yongs su nyams pa ni gcig dang ldan par 'gyur la/ 'dod pa na spyod pas yongs su nyams na ni drug dang ldan par 'gyur bas de'i phyir gzugs med pa na spyod pa'i kun nas dkris pa zhes smos so//phyir mi 'ong ba dang dgra bcom pa dag gi zhes bya ba ni gzugs kyi 'dod chags dang ma bral ba'i phyir phyir mi 'ong ba dang dgra bcom pa dag gi zhes bya bar brjod par 'dod pa yin te/ gzugs kyi 'dod chags dang bral ba'i phyir mi 'ong ba ni yongs su shes pa gnyis dang ldan par 'byung ba'i phyir ro//mang du ni ma yin zhes bya ba ni rim gyis rgyun du zhugs pa bzhin du ches mang ba ni ma yin no snyam du bsams pa yin no/ /sdom zhes bya ba ni don ci zhe na/ gcig tu rnam par 'jog pa zhes bya ba'i tha tshig go/ /rgyu gnyis kyis zhes bya ba ni rnam par bshad pa yin no//de gnyis yang zhes bya ba ni khams las 'dod chags dang bral ba dang 'bras bu thob pa'o/ /gnas skabs de gnyis na zhes bya ba ni gzugs kyi 'dod chags dang ma bral ba'i phyir mi 'ong ba dang / dgra bcom pa dag nyid kyi gnas skabs dag na'o/ / yongs su shes pa gcig ces bya'o zhes bya ba ni gzugs kyi 'dod chags dang ma bral ba'i phyir mi 'ong ba ni tha ma'i cha dang mthun pa spangs pa'i yongs su shes pa gcig yin la/ dgra bcom pa'i yang kun du sbyor ba thams cad yongs su gtugs pa'i yongs su shes pa gcig yin no/ / la la gcig gnyis lnga dang drug /ces bya ba rgyas par 'byung ba ni la las gcig 'dor/ la las gnyis/ la las lnga/ la las ni drug 'dor ro zhes bya ba'i tha tshig go/ /'thob pa yang la las ni gcig /la las ni gnyis/ la las ni drug go/ /la las lnga 'thob po zhes bya ba 'di med do//de'i phyir lnga min no zhes bya ba smos te/ mdo'i don gyi tshul ni 'gas kyang mi 'thob pa kho na'o zhes bya ba yin no/ /'grel pa bshad par bya ste/ sems gang yang rung ba zhig gis dgra bcom pa nyid las yongs su nyams na kun du sbyor ba thams cad yongs su gtugs pa'i shes pa gcig 'dor te/dgra bcom pa nyid kyi gnas skabs na bsdoms pas/ de gcig pu kho na yod pa'i phyir ro/ /de bzhin du gzugs kyi 'dod chags dang bral ba'i phyir mi 'ong ba 'dod pa la 'dod chags dang bral ba las yongs su nyams pa'i yang tha ma'i cha dang mthun pa spangs pa'i yongs su shes pa gcig kho na gtong ngo //tha ma'i cha dang mthun pa spangs pa'i yongs su shes pa dang / gzugs kyi 'dod chags spangs pa'i yongs su shes pa gtong ngo / /de su zhig yin zhe na/ phyir mi 'ong ba gzugs kyi 'dod chags dang bral ba zhig 'dod pa la 'dod chags dang bral ba las yongs su nyams na zhes bya ba smos so//'dod chags dang bral ba sngon du 'gro ba lam la rjes su shes pa la gnas pa ni lnga gtong zhes bya ba ni mngon par rtogs pa'i sems kyi skad cig bcu drug pa la gnas te/ de ni tha ma'i cha dang mthun pa spangs pa'i yongs su shes pa thob na 'jig rten pa'i lam gyis thob pa de'i bral ba zag pa med pa thob pa yongs su shes pa snga ma skad cig ma bco lnga thob pa lnga gtong ngo //drug pa gzugs dang gzugs med pa na spyod pa lam mthong bas spang bar bya ba spangs pa'i yongs su shes pa ni mi gtong mod kyi/ 'on kyang khams las 'dod chags dang bral ba dang 'bras bu thob pa'i sgo nas tha ma'i cha dang mthun pa spangs pa'i yongs su shes pa'i nang du bsdoms pa'i phyir med pa'i ngo bo nyid dang 'dra bas de nye bar mi 'god do/ /mthar gyis pa 'dod chags dang bral ba sngon du 'gro ba ma yin pa gang yin pa ni 'dod pa la 'dod chags dang bral bar byed pa'i rgyus drug gtong ste/khams gsum pa'i mthong bas spang bar bya ba rnams spangs pa'i yongs su shes pa gang dag yin pa'o/ /de bzhin du thob pa yang zhes bya ba ni lnga zhes bya ba ma gtogs pa la las ni gcig 'thob pa nas drug gi bar du 'thob pa yin no//gang la la zhig gis sngon med pa thob pa'o zhes bya ba ni mthong ba'i lam la gnas pa gang zhig gis yongs su shes pa dgu las sngon ma thob pa zhig dang por thob pa des ni gcig 'thob bo/ /bsgom pa'i lam yang 'dod chags dang bral ba sngon du 'gro bas mthong ba'i lam gyi tha mar tha ma'i cha dang mthun pa spangs pa'i yongs su shes pa gcig 'thob bo//mthar gyis pas kyang 'dod pa las 'dod chags dang bral ba'i lam rnam par grol ba'i lam dgu pa la gcig kho na 'thob bo/ /dgra bcom pas kyang tha ma gcig thob bo/ /gzugs med pa'i khams las kyang 'dod chags dang bral ba 'ga' zhig las yongs su nyams pa'o zhes bya ba ni gzugs kyi 'dod chags dang bral ba las yongs su nyams pa ma yin zhes bya bar ston te/des ni tha ma'i cha dang mthun pa spangs pa'i yongs su shes pa dang / gzugs kyi 'dod chags zad pa'i yongs su shes pa 'thob po//kha cig gis ni drug ste/ gang zhig phyir mi 'ong ba'i 'bras bu las yongs su nyams zhes bya ba ni mthar gyis rgyun du zhugs pa'o/ /'dod chags dang bral ba sngon du 'gro ba la ni yongs su nyams pa med de/ de'i 'dod chags dang bral ba ni lam gnyis thob pa'i phyir ro//de nyid kyi phyir lnga 'thob pa ni 'ga' yang med pa nyid de/ gal te 'dod chags dang bral ba sngon du 'gro ba zhig yongs su nyams par gyur na/ de kho nas cig car yongs su shes pa lnga 'thob par 'gyur ro/ /chos mngon pa'i mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa las phra rgyas bstan pa zhes bya ba mdzod kyi gnas lnga pa'o// //mdzod kyi gnas lnga pa dang drug pa dag gi 'brel pa nye bar bstan pa'i phyir/ ji skad du spangs pa ni zhes bya ba la sogs pa 'di nye bar 'god de/ji skad du spangs pa ni yongs su shes pa'i ming 'thob bo zhes bshad pa zhes bya ba ni 'bras bu la rgyu nye bar btags pa'i phyir zhes 'byung ba'i phyir ro/ /spangs pa de yang bshad do zhes bya ba ni bstan pa'o/ /ji skad du zhe na/ bden pa mthong dang bsgoms pa las/ / zhes bya ba smos so/ /zlas dbye ba gcig dang ldan pa'i ngo bor bstan pa yin te/ bden pa rnams mthong ba'i phyir dang / bsgom pa'i phyir na bden pa mthong ba dang bsgoms pa las te rgyu de las so/ /de dag bcu dang bdun bdun brgyad/ /lta ba gsum gnyis ma gtogs pa/ /'dod na sdug bsngal la sogs pa//mthong bas rim bzhin spong bar byed/ /ces bya ba dang / bzhi ni bsgom pas spang bya yin/ /zhes bya ba la sogs pas nyon mongs pa rnams mthong bas spang bar bya ba dang / bsgom pas spang bar bya ba yin no zhes rgyas par bshad pa bden pa mthong ba ni mthong ba'i lam gyis yin la/bden pa bsgom pa ni bsgom pa'i lam gyis yin pas de'i phyir da ni mthong ba dang bsgom pa'i lam de dag ci zag pa med pa'am zhes bya ba la sogs pa 'di brjod do/ de lam bstan pa nye bar dgod pa la zhes bya bar sbyar ro/ /khams gsum pa'i gnyen po yin pa'i phyir zhes bya ba ni mthong ba'i lam 'jig rten pa nyid cig yin na srid pa'i rtse mo'i gnyen por mi 'gyur ro zhes bya ba yin no//gzhan yang mthong bas spang bar bya ba rnam pa dgu cig car du spong ba'i phyir bsgom pa'i lam bzhin du 'jig rten pa ni ma yin no/ /'jig rten pa la ni khams gsum pa spong ba dang rnam pa dgu cig car du spong ba de 'dra ba'i mthu med do//gal te 'jig rten las 'das pa rnam pa dgu cig car du spong ba'i mthu zhig yod na bsgom pas spang bar bya ba rnams kyang 'jig rten las 'das pas cig car spong bar thal bar 'gyur ro zhe na/ 'jig rten las 'das pa kho nas cig car spong ngo zhes bya bar nges par gzung gi /'jig rten las 'das pas cig car du spong ba kho na yin no zhes bya bar ni ma yin pas der thal bar ni mi 'gyur ro/ /bsgom pas spang bar bya ba'i nyon mongs pa rnams ni gzhi dang bcas pa yin pa'i phyir bstan pa yin te/ de'i phyir de dag ni 'jig rten las 'das pas kyang cig car du mi spong ngo //de lta ma yin na zhes bya ba ni gal te ji ltar mngon par rtogs pa bzhin bstan par bzhed pa ma yin pa zhig tu gyur na/ 'jig rten na rgyu rnams snga bar mthong ba'i phyir rgyu ni sngar bstan te/ kun 'byung ba'i bden pa sngar bstan par 'gyur ro//dper na dran pa nye bar gzhag pa dang / bsam gtan la sogs pa lta bu'o zhes bya ba ni dran pa nye bar gzhag pa la sogs pa skye ba dang mthun par bstan pa lta bu ste/ lus dran pa nye bar gzhag pa ni ji ltar rags pa bzhin dmigs pa'i sgo nas te/ rgyu ba phra ba dang rags pa'i sgo nas sam/snga ma dang phyi ma rgyu dang 'bras bur gyur pa'i sgo nas sngar skyes la de'i 'og tu tshor ba dran pa nye bar gzhag pa'o/ /de'i 'og tu sems dran pa nye bar gzhag pa'o/ /de'i 'og tu chos dran pa nye bar gzhag pa'o/ /de ltar na 'di dag ni skye ba dang mthun par bstan pa yin te/ bsam gtan la sogs pa yang de dang 'dra'o//stsogs pa zhes bya ba'i sgras ni rnam par thar pa dang / zil gyis gnon pa'i skye mched dang / zad par gyi skye mched la sogs pa yang skye ba dang mthun par bstan pa yin no/ /kha cig ni rab tu brtags pa dang mthun par bstan zhes bya ba ni rab tu brtags pa dang mthun par te/rtogs sla bar bstan zhes bya ba'i tha tshig go/ /dper na yang dag par spong ba rnams lta bu ste zhes bya ba ni dkar po dang nag po'i phyogs dag la so sor skyes pa dang ma skyes pa'i bye brag gi sgo nas bstan pa lta bu ste/ skyes pa ni 'dul ba'i skye bos skyes pa rtogs par sla'i ma skyes pa ni ma yin pa'am/nag po'i phyogs rtogs par sla bas so/ /ji lta zhe na/ sdig pa mi dge ba'i chos skyes pa rnams spangs pa'i phyir 'dun pa bskyed do/ /brtson 'grus rtsom mo/ /sems rab tu 'dzin to/ /yang dag par rab tu 'jog go/ / ma skyes pa rnams mi skyed pa'i phyir 'dun pa bskyed do zhes bya ba snga ma bzhin no/ /dge ba'i chos ma skyes pa rnams bskyed pa'i phyir 'dun pa bskyed do zhes bya ba snga ma bzhin no/ /skyes pa rnams gnas par bya ba dang / mi brjed par bya ba dang goms par bya ba'i phyir 'dun pa bskyed do zhes bya ba snga ma bzhin no//gang sngar ni skyes pa rnams spang bar bya ba'i phyir 'dun pa bskyed la/ phyis ni ma skyes pa rnams mi skye bar bya ba'i phyir 'dun pa bskyed pa'i nges pa 'di ni med do/ /'o na ci zhe na/ sngar yang ma skyes pa rnams mi skyed pa'i phyir/ 'dun pa bskyed la phyis kyang skyes pa rnams spang ba'i phyir 'dun pa bskyed de/dper brjod pa ni 'di yin no/ /dge ba'i phyogs la yang de bzhin du sbyar bar bya'o/ /bden pa rnams ni mngon par rtogs pa dang mthun par bstan pa yin no zhes bya ba ni gzhan du na rgyu dang 'bras bu sdug bsngal dang kun 'byung ba'i bden pa sngar dang phyis bstan pa dag phyis dang sngar bstan par thal bar 'gyur ro zhes ston par byed do//gang la chags pa zhes bya ba ni sdug bsngal gyi bden pa la'o/ /gang gis gnod pa byed pa zhes bya ba ni de nyid kyis so/ /gang las thar pa zhes bya ba ni sdug bsngal gyi bden pa de kho na las te/ de nyid la dang por te sbyor ba'i gnas skabs su'o/ /gang du zhe na/ rnam par dpyod pa'i gnas skabs na zhes bya ba smos so/ /yongs su rtogs pa'i gnas skabs na ste/ nges par 'byed pa'i cha dang mthun pa'i gnas skabs na zhes bya ba'i tha tshig go/ /nad mthong nas zhes bya ba la sogs pa 'byung ba la nad ni sdug bsngal gyi bden pa'i dpe yin no//de'i gzhi ni kun 'byung gi bden pa yin no/ /de zad pa ni 'gog pa'i bden pa yin no/ /de'i sman ni lam gyi bden pa'i dpe yin no/ /bden pa rnams kyi dpe 'di ni mdo las kyang bstan to zhes bya ba ni nad la sogs pa'i mdo las so//ji skad du zhe na/ yan lag bzhi dang ldan pa'i sman pa zug rngu 'byin pa ni rgyal po'i 'os yin zhing rgyal po'i spu la 'bab pa yin la rgyal po'i yan lag nyid kyi grangs su yang 'gro'o/ /bzhi po gang dag ce na/ nad la mkhas pa yin/ nad kyi gzhi la mkhas pa yin/ nad spong ba la mkhas pa yin nad spangs nas phyir mi skye ba la mkhas pa yin no//de bzhin du yan lag bzhi dang ldan pa'i de bzhin gshegs pa dgra bcom pa yang dag par rdzogs pa'i sangs rgyas kyang sman pa zug rngu 'byin pa bla na med pa zhes bya ba'o/ /bzhi po gang dag ce na/ dge slong dag 'di na de bzhin gshegs pa dgra bcom pa yang dag par rdzogs pa'i sangs rgyas kyis ni 'di ni sdug bsngal 'phags pa'i bden pa'o zhes bya ba yang dag pa ji lta ba bzhin du rab tu mkhyen to//'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes bya bar yang dag pa ji lta ba bzhin du mkhyen to zhes 'byung ba yin no//sngar 'phangs pa'i phyir zhes bya ba ni sngon gyi shugs kyis so/ /dkyus bstan pa'i rta thags thogs med par rgyug pa bzhin no zhes bya ba ni/ rta ji ltar dkyus kyis bstan pa la 'gyur ba med par rgyug pa de dang 'dra'o//kha cig ni thags thogs med par dkyus snyol ba bzhin no zhes 'don to/ /rdzas su yang bye brag yod de zhes bya ba la yang zhes bya ba'i sgras ni ming gi sgo nas kyang zhes bstan pa yin no/ /phyin ci ma log pa'i phyir zhes bya ba ni 'di ltar de ni 'phags pa rnams dang /gzhan dag la yang phyin ci ma log pa ste/ sdug bsngal la sogs pa kho na yin gyi gzhan ni ma yin no/ /'phags pa rnams kyis ni bden pa 'di dag ji lta ba de kho na bzhin du gzigs te/ sdug bsngal gyi bden pa la yang sdug bsngal dang / mi rtag pa dang / stong pa dang /bdag med par gzigs la/ de bzhin du lam gyi bden pa la yang lam dang rigs pa dang / sgrub pa dang / nges par 'byin pa'i bar du gzigs kyi 'phags pa ma yin pa gzhan dag gis ni de ltar mthong ba ma yin pas de'i phyir 'di dag ni 'phags pa rnams kyi bden pa zhes bya'i/'phags pa ma yin pa rnams kyi bden pa zhes bya ba ni ma yin no/ /ci'i phyir zhe na/ phyin ci log tu mthong ba'i phyir ro/ /de dag gis ni sdug bsngal gyi bden pa la ni bde'o zhes bya ba la sogs pa'i rnam par mthong la/ kun 'byung ba la ni kun 'byung ba ma yin pa'o zhes bya ba la sogs par mthong ngo //'gog pa la ni 'gog pa ma yin no zhes bya ba la sogs par ro/ /lam la ni lam ma yin no zhes bya ba la sogs par mthong ngo / /de ni gzhan gyi sdug bsngal rig /ces bya ba ni 'di lta ste/ 'gog pa'i bden pa ni yang srid pa med pa'i phyir/g.yang sa bzhin du byis pa rnams 'jigs par byed pa yin pas so/ /'phags pas sdug bsngal rig ces bya ba ni nye bar len pa'i phung po lnga'o/ /gnyis ni 'phags pa rnams kyi bden pa yin la zhes bya ba sdug bsngal dang / kun 'byung ba'i bden pa dag ste/ phyin ci ma log par gzigs pa'i phyir ro//gnyis ni 'phags pa yang yin te/ dge ba'i phyir dang zag pa med pa'i phyir ro/ /'phags pa rnams kyi bden pa yang yin te/ phyin ci ma log par gzigs pa'i phyir ro/ /de ltar na gcig lus par bstan pa'i phyir/ 'phags pa'i bden pa dag ces bya bar 'gyur ro//gang gi tshe tshor ba'i phyogs gcig sdug bsngal gyi rang bzhin yin pa zhes bya ba ni tshor ba'i phung po'i phyogs gcig po sdug bsngal dang / yid mi bde ba'i ngo bo nyid do/ /ci rigs ma lus sdug bsngal lo/ /zhes bya ba la/ ci rigs pa'i don ni yid du 'ong ba rnams ni 'gyur ba'i sdug bsngal nyid dang /'du byed kyi sdug bsngal nyid kyis sdug bsngal ba yin no/ /yid du mi 'ong ba rnams ni sdug bsngal gyi sdug bsngal nyid dang / 'du byed kyi sdug bsngal nyid kyis so/ /de dag las gzhan pa rnams ni 'du byed kyi sdug bsngal kho nas so zhes bya ba yin no//yid du 'thad pas na yid du 'ong ba rnams so/ /de dag las gzhan pa rnams zhes bya ba ni yid du 'ong ba dang / yid du mi 'ong ba dag las gzhan pa rnams so/ /tshor ba gsum dang go rims bzhin te zhes bya ba ni tshor ba bde ba ni yid du 'ong ba dag yin no/ /sdug bsngal ba ni yid du mi 'ong ba dag yin no//bde ba yang ma yin sdug bsngal ba yang ma yin pa ni yid du 'ong ba yang ma yin/ yid du mi 'ong ba dag kyang ma yin pa dag yin no zhes bya ba'i tha tshig go/ /de'i dbang gis zhes bya ba ni tshor ba'i dbang gis te gzugs dang sgra la sogs pa'i tshor ba'i rang bzhin ma yin pa rnams kyang de dang mthun pa'i phyir/yid du 'ong ba la sogs pa'i ming 'thob bo/ /'gyur bas sdug bsngal ba nyid ces bya ba ni mi rtag pa nyid kyis 'gyur bas zhes bya ba'i don to/ /ji skad du/ kyi hud shing rta sna tshogs tshal/ /kyi hud mtshe'u dang dal gyis 'bab//kyi hud sdug pa rnam shes lha/ /smre sngags 'don bzhin sa la lhung / /zhes 'byung ba lta bu'o/ /sdug bsngal gyi ngo bo kho nas zhes bya ba ni gnod pa'i ngo bo nyid kho nas zhes bya ba'i tha tshig go/ /sdug bsngal gyi tshor ba ni skye ba na yang sdug bsngal la gnas pa na yang sdug bsngal lo zhes bya ba shugs kyis na 'di 'gyur ba'i bde bar 'gyur ba ma yin nam/de lta yin na ni mtshan nyid 'chol bar 'gyur ro zhe na/ 'di ni 'di'i mtshan nyid ma yin no/ /'o na ci zhe na/ sun dbyung ba'i phyir nye bar bstan par zad do/ /yang na de lta yin du zad de de ni ngo bo gang gis rnam par sun 'byin pa de nyid la ltos nas sdug bsngal kho na yin te/dper na bde ba'i tshor ba skye ba dang / gnas pa na bde ba'i phyir bde ba yin du zin kyang rnam par sun dbyung bar bya ba nyid du bzhed pa'i phyir/ 'gyur ba'i sdug bsngal nyid kyis sdug bsngal ba yin no zhes de ltar rnam par sun 'byin par byed pa dang 'dra'o//'du byed kho nas sdug bsngal ba nyid ces bya ba ni 'du byed kho nas te/ skye ba kho nas zhes bya ba'i tha tshig go/ /gang mi rtag pa de ni sdug bsngal ba yin no zhes bya ba ni gang zhig nges par mi gnas pa de ni sdug bsngal ba ste/ gang zhig skyes shing 'jig pa de sdug bsngal ba'o zhes bya ba'i don to//de'i phyir rkyen gyis mngon par 'du byed pa'i phyir zhes bya ba smos te/ gang gi phyir rkyen gyis mngon par 'du byed pa de'i phyir sdug bsngal ba zhes bya'o/ /de myong bar 'gyur ba'i 'du byed rnams kyang tshor ba dang 'dra bar brjod do zhes bya ba ni bde ba'i tshor ba myong bar 'gyur ba'i 'du byed rnams ni 'gyur bas sdug bsngal ba nyid de/bde ba'i tshor ba myong bar 'gyur ba'i 'du byed rnams ni skye ba na yang bde/ gnas pa na yang bde la/ 'gyur ba na sdug bsngal lo zhes bya ba dang / sdug bsngal gyi tshor ba myong bar 'gyur ba'i 'du byed rnams ni sdug bsngal gyi rang gi ngo bo kho nas sdug bsngal ba nyid de/sdug bsngal gyi tshor ba myong bar 'gyur ba'i 'du byed rnams ni skye ba yang sdug bsngal la/ gnas pa yang sdug bsngal lo zhes bya ba dang / bde ba yang ma yin sdug bsngal ba yang ma yin pa'i tshor ba myong bar 'gyur ba'i 'du byed rnams ni rkyen gyis mngon par 'du byed pa'i phyir 'du byed kho nas sdug bsngal ba nyid de zhes bya ba yin no//sdug bsngal nyid sdug bsngal nyid yin pas zhes bya ba la yin pa'i bar zhes 'byung ba'i phyir 'gyur ba nyid sdug bsngal ba nyid yin pas 'gyur ba'i sdug bsngal nyid yin la/'du byed nyid sdug bsngal nyid yin pas 'du byed kyi sdug bsngal nyid do zhes brjod par bya'o/ /rnam grangs 'di ni tshig rnam par sbyar ba kho nas khyad par du gyur par zad kyi don gyis ni ma yin pas 'dir don ni de kho na gzung bar bya'o/ /thun mong ma yin pa'i phyir zhes bya ba rgyas par 'byung ba ni 'du byed yid du 'ong ba rnams ni sdug bsngal gyi sdug bsngal nyid dang thun mong ma yin te/de'i phyir de dag ni thun mong ma yin pas 'gyur ba'i sdug bsngal nyid du bshad do/ /yid du mi 'ong ba rnams ni 'gyur ba'i sdug bsngal nyid dang thun mong ma yin te/ de'i phyir de dag ni thun mong ma yin pas sdug bsngal gyi sdug bsngal nyid du bshad do zhes bya ba yin no/ /yid du 'ong ba la sogs pa 'du byed thams cad ni 'du byed kyi sdug bsngal nyid kyis sdug bsngal ba nyid de/ de ni khyab pa yin pa'i phyir ro/ /gal te thams cad kyang de ltar sdug bsngal ba yin na/ci'i phyir kun gyis mi mthong zhe na/ de'i phyir smras pa/ de dag kyang 'phags pa rnams kho nas gzigs kyi gzhan dag gis ni ma yin no/ /ji lta zhe na/ 'dir smras pa zhes pa 'di thams cad nye bar 'god par byed do/ /de lta na 'o na ni zhes bya ba ni gal te 'du byed kyi sdug bsngal nyid kyis 'du byed thams cad kyang sdug bsngal ba yin na ni/lam yang 'dus byas yin pa'i phyir 'du byed kyi sdug bsngal nyid du thal bar 'gyur te/ rkyen gyis bskyed pa yin pa'i phyir zhes bya ba'i tha tshig go/ /sdug bsngal zhes bya ba'i mtshan nyid ni mi mthun pa yin pa'i phyir zhes bya ba ni gzhan kho na zhig ci ste brjod/sngar rkyen gyis mngon par 'dus byas pa'i phyir 'du byed thams cad mi rtag pa yin la/ gang mi rtag pa de ni sdug bsngal ba yin no zhes bshad pas lam yang rkyen gyis mngon par 'dus byas pa'i phyir/ mi rtag pa yin te/ de lta bas na sdug bsngal ba yin no zhes bya bar thal bar 'gyur ro//gal te sdug bsngal gyi mtshan nyid mi mthun pa kho na yin par 'dod na ni sngar bshad pa de mtshan nyid ma yin par 'gyur ro/ /ji ste de sdug bsngal gyi mtshan nyid yin na ni/ 'di mtshan nyid ma yin no zhe na de ni nyes pa med do/ /ji lta zhe na 'dir dgongs pa'i don ni mi rtag pa gang zhig 'phags pa rnams dang mi mthun pa de sdug bsngal ba yin no zhes bya ba 'di yin no//'phags pa rnams dang mi mthun pa yang gang zhig yin zhe na/ zag pa dang bcas pa'i dngos po gang yin pa'o/ /yang ci'i phyir zag pa med pa'i lam yang de kho na dang 'dra bar mi rtag pa yin bzhin du yang 'phags pa rnams dang mi mthun pa ma yin zhe na/de'i phyir de skye ba ni sdug bsngal thams cad zad pa 'dren pa'i phyir 'phags pa rnams dang mi mthun pa med do zhes bya ba smos so/ /'jig rten na khyad par med par brjod kyang khyad par rtog pa mthong ste/ dper na 'gro bas na ba lang ngo zhes bya bar 'gro bas na ma he yang ba lang du 'gyur ba ni ma yin no zhes bya ba lta bu'o//don de ltar nges pa yin dang ci'i phyir ba lang yin zhe na/ gang gi phyir 'gro bas so zhes bya ba de bzhin du 'dir yang zag pa dang bcas pa'i dngos po gang yin pa de ni 'phags pa rnams dang mi mthun pa yin no//ci'i phyir zhe na/ mi rtag pa'i phyir ro zhes bya ba yin no/ /sdug bsngal du mthong bas gang yin pa de kho na zhes bya ba ni zag pa dang bcas pa'i dngos po de'i 'gog pa la de ltar lta'i lam gyi la ni ma yin no zhes bya bar khong du chud par bya'o/ /mon sran sde'u la sogs pa yod bzhin du mon sran gre'u'i phung po zhes ston pa bzhin zhes bya ba ni 'jig rten na mon sran gre'u'i phung po'i nang na mon sran sde'u dang /sran chung dang / sran ma la sogs pa yod bzhin du yang nyung ba'i phyir mon sran sde'u la sogs pa la mon sran gre'u'i phung po zhes tha snyad 'dogs pa snang ba de dang 'dra'o//chus gdab pa'i bde ba chung ngus zhes bya ba ni/ de ni bde ba yang yin la chung ngu yang yin pas bde ba chung ngu'o/ /chus gdab pa'i bde ba chung ngu ni chus gdab pa'i bde ba chung ngu ste des so/ /yang smras pa zhes bya ba ni btsun pa gzhon nu len gyis te/ sdug bsngal bdun cu pa las so/ / sdug bsngal gyi ni rgyu phyir dang / /zhes bya ba ni bde ba ni sdug bsngal gyi rgyu yin te/ sdug bsngal myong bar 'gyur ba'i las dang mtshungs par ldan pa'i phyir ro/ /sdug bsngal mang pos skyed phyir dang / /zhes bya ba ni 'di ltar bde ba ni gzhan la brten pa dang / zhing la sogs pas byas pa'i sdug bsngal shin tu mang pos bskyed de 'byung bar byed pa yin pas so//sdug bsngal yod na bde 'dod phyir/ /zhes bya ba ni 'di ltar bkres pa dang skom pa la sogs pas byas pa'i sdug bsngal yod na zas dang skom la sogs pas byas pa'i bde ba 'dod kyi gzhan du ni ma yin no/ /de'i phyir rgyu de dag gis na/ bde ba sdug bsngal zhes rtogs so/ /zhes bya'o srid pa thams cad ni bde ba dang bcas te zhes bya ba la ni zhes bya ba'i sgra phyogs snga ma bzlog pa'i phyir ro/ /'du byed kyi sdug bsngal du ro gcig pas zhes bya ba ni 'du byed kyi sdug bsngal du rnam pa gcig pas so/ /da ni ji ltar bde ba'i rang bzhin gyi zhes bya ba ni ji ltar sdug bsngal gyi rang bzhin ma yin pa'i tshor ba rnams la sdug bsngal zhes bya ba yin no//mi rtag pa'i mtshan nyid kyis mi mthun pa'i phyir ro zhes bya ba ni mi rtag pa'i phyir mi mthun la mi mthun pa'i phyir sdug bsngal du lta'o zhes bya ba'i tha tshig go/ /dper na gzugs dang 'du shes la sogs pa yang zhes bya ba ni/dper na gzugs dang 'du shes dang 'du byed dang rnam par shes pa dag la yang sdug bsngal nyid du lta mod kyi de dag ji ltar sdug bsngal gyi tshor ba bzhin du sdug bsngal ba ni ma yin pa bzhin te/ de ni gnod par byed pa'i ngo bo nyid yin pa'i phyir la/ de dag gi mtshan nyid ni de ma yin pa'i phyir ro/ / gang zhig ces bya ba ni btsun pa gzhon nu len to/ /btsun pa gzhon nu len de'i de ni kun 'byung gi rnam pa yin gyi/ sdug bsngal gyi rnam pa ni ma yin te/ sdug bsngal la rgyur lta ba'i phyir ro/ /gzhan yang gzugs dang gzugs med par skyes pa'i 'phags pa rnams la yang sdug bsngal gyi 'du shes 'jug par 'gyur te/'jug par mi 'gyur ba zhig na zhes bya ba'i tha tshig go/ /phyir mi 'ong ba de dag gi sdug bsngal gyi tshor ba'i rgyu ste/ tshor ba sdug bsngal ba'i rgyu ni ma yin no/ /gang dag cig ce na/ gzugs dang gzugs med pa na spyod pa'i phung po rnams so/ /ci'i phyir rgyu ma yin zhe na/ yang sdug bsngal ba'i gnas su mi 'ong ba'i phyir ro/ /'du byed kyi sdug bsngal nyid kyang ci'i phyir gsungs par gyur ces bya ba ni gal te sdug bsngal gyi rgyu yin pa'i phyir bde ba yang sdug bsngal nyid du lta na gang mi rtag pa de ni sdug bsngal ba yin no zhes 'du byed kyi sdug bsngal du bshad pa gang yin pa de ci dgos te/sdug bsngal gyi rgyu yin pa kho nas dgos pa de grub pa'i phyir ro/ /sdug bsngal gyi rgyu yin par smra bas gal te zhes bya ba la sogs pa smras te/ gal te gang mi rtag pa de ni sdug bsngal ba yin pas mi rtag pa'i phyir sdug bsngal nyid du lta'i sdug bsngal gyi rgyu yin pa'i phyir ni ma yin no/ / 'o na mi rtag pa dang sdug bsngal gyi rnam pa dag la khyad par ci zhig yod/ slob dpon gyis/ skye zhing 'jig pa'i chos can yin pa'i phyir/ /zhes bya ba la sogs pas rgyas par smos so/ /ji ltar na mi mthun pa'i phyir sdug bsngal yin pa de bzhin du bstan pa'i phyir mi rtag par mthong na mi mthun par 'gyur bas mi rtag pa'i rnam pas sdug bsngal gyi rnam pa 'dren par byed do zhes bya ba smos so//de ni 'di skad du gang mi rtag pa de ni sdug bsngal ba yin no zhes bshad pa gang yin pa de ni rnam pa gcig pa'i phyir de skad bshad pa ni ma yin gyi/ 'on kyang bde ba de mi rtag par mthong na ni mi mthun par 'gyur la/mi mthun pa'i phyir sdug bsngal nyid du lta'o zhes bshad pa yin no/ /kha cig na re zhes bya ba ni btsun pa dpal len la sogs pa'o/ /de ni 'di ltar sdug bsngal lo zhes bya ba ni 'dir sdug bsngal gyi mtshan nyid yin no zhes bya ba'i tha tshig go/ / bde ba'i tshor ba ni sdug bsngal du blta bar bya'o zhes bya ba ni mdo'i tshig gzhan yin no/ /grang ba dang dro ba la sogs pa zhes bya ba la sogs pa zhes bya ba'i sgra ni skyur ba dang mngar ba la sogs pa bsdu'o// //bam po bzhi bcu rtsa lnga pa/ ha cang spyad pa ni ha cang yongs su spyad pa'o/ / dus ma yin par spyad pa ni dper na dgun grang ba spyad pa dang so ga dro ba spyad pa lta bu'o/ /mnyam pas zhes bya ba ni bde ba'i rgyus so/ /spyod lam gyi bye brag la yang de bzhin du brjod par bya'o zhes bya ba ni bde ba'i rgyu nyal ba la sogs par 'dod pa gang dag yin pa de dag kho na zhes bya ba nas gsal bar 'gyur bar zad de zhes bya ba'i bar thams cad brjod par bya'o//sdug bsngal gyi gnyen po la bde ba'i blo skye ba'i yang phyir ci zhe na/ bde ba'i tshor ba med do zhes bya ba'i skabs dang sbyar ro/ /sdug bsngal gyi bye brag la ci zhe na/ bde ba'i blo skye ba'i phyir de bzhin du bde ba'i tshor ba med do zhes bya bar sbyar ro//sdug bsngal gyi gnyen po la bde ba'i blo skye ba bstan pa'i phyir/ ji skad du bkres pa dang zhes bya ba la sogs pa rgyas par smos so/ /sdug bsngal gyi bye brag la bde ba'i blo skyes pa bstan pa'i phyir byis pa rnams ni sdug bsngal gyi bye brag la yang zhes bya ba la sogs pa rgya cher smos so//phrag pa nas phrag par khur sbed pa khur tsa ba rnams khur gyis non te/ sdug bsngal ba kho nar gnas bzhin du bde'o snyam du blo skyed par byed do/ /'di nyid rigs pa yin no zhes zer ba ni slob dpon no/ /'phags pa rnams mi bzhed pa yin te zhes bya ba ni 'dod pa'i bde ba'o/ /mi 'dod pa ni gzhan du yin pa'i phyir ro zhes bya ba ni bag med pa'i gnas nyid la sogs pa'i rnam pa gzhan gyis so//don de bstan par bya ba'i phyir tshor ba gang zhig ces bya ba la sogs pa rgyas par smos te/ bag med pa'i gnas zhes bya ba ni bde ba las nyams pa'i rgyu yin pa'i phyir ro/ /mngon par 'du bya ba chen pos bsgrub par bya ba dang /rnam par 'gyur ba can ni mjug thogs su sdug bsngal skye ba can dang / sdug bsngal yang ma yin bde ba yang ma yin pa skye ba can zhes bya ba'i don nam/ yang na ngo bo nyams par gyur pa zhes bya ba yin no/ /mi rtag par zhes bya ba ni rnam par 'jig par zhes bya ba'i tha tshig go//rang gi mtshan nyid kyi rnam pas ni ma yin no zhes bya ba ni phan 'dogs par byed pa'i rang gi mtshan nyid kyi rnam pa ste/ bde ba'i tshor ba ni 'phags pa rnams la yang phan 'dogs par byed pas mi slu ba yin no/ /gal te bde ba'i tshor ba 'di rang gi mtshan nyid kyis te/ phan 'dogs par byed pa'i bdag nyid kyis mi 'dod pa zhig yin par gyur na ni bde ba'i tshor ba de la su yang 'dod chags skye bar mi 'gyur ba zhig ste/sdug bsngal gyi tshor ba bzhin no snyam du bsams pa yin no/ /gang gi phyir 'dod chags dang 'bral ba'i ched du zhes bya ba ni rgyu gang gi phyir 'dod chags dang 'bral bar bya ba'i ched du rnam pa gzhan gyis kyang skyon can du lta bar 'gyur te/gzhan du na tshegs med pa kho nar 'dod chags med pa 'grub pas 'dod chags dang bral bar bya ba'i ched du 'bad pa don med par 'gyur ro/ /bcom ldan 'das kyis gang ci tshor yang rung de ni 'dir sdug bsngal lo zhes kyang gsungs na zhes bya ba'i mdo'i tshig 'di ni gnas brtan kun dga' bos bzlas pa yin no//des kyang 'di skad du zhus par 'gyur la zhes bya ba ni gnas brtan kun dga' bos gang ci tshor yang rung de ni 'dir sdug bsngal lo zhes bya ba'i tshig 'di rigs pa ma yin pa'i ngo bor mthong na ni de kho na zhus par 'gyur te/gang ci tshor yang rung de ni 'dir sdug bsngal lo zhes bya ba 'gal ba'i phyir ro/ /gal te tshor ba gsum zhes bya ba 'di rigs pa ma yin pa'i ngo bor mthong na ni bcom ldan 'das kyis ci las dgongs nas tshor ba gsum zhes bka' stsal zhes zhus par 'gyur te de 'gal ba'i phyir ro//bcom ldan 'das kyis kyang 'di skad du tshor ba gsum zhes bya ba 'di ni ngas dgongs nas bshad pa yin no zhes lung bstan par 'gyur gyi/ 'di skad du gang ci tshor yang rung de ni 'dir sdug bsngal lo zhes bya ba ni ngas 'du byed mi rtag pa nyid dang / 'du byed rnam par 'gyur ba nyid las dgongs nas gsungs so zhes lung bstan par yang mi 'gyur ba zhig na yang tshor ba gsum smos pa'i phyir de skad kyang bka' ma stsal te/de lta bas na tshor ba gsum ni rang gi ngo bos yod la/ gang ci tshor yang rung de ni 'dir sdug bsngal lo zhes bya ba 'di ni ngas dgongs nas bshad pa yin no zhes gsungs pa'i phyir gang ci tshor yang rung de ni 'dir sdug bsngal lo zhes bya ba'i tshig 'di ni bcom ldan 'das kyis dgongs pa can du ston par mdzad pa yin te/'du byed 'gyur ba nyid las dgongs pa'i phyir ro/ /rnam par 'gyur ba dang / mi rtag pa'i chos can yin pa'i phyir zhes bya ba ni rnam par 'gyur ba'i chos can yin pa'i phyir dang /mi rtag pa'i chos can yin pa'i phyir te/ rnam par 'gyur ba ni gzhan du 'gyur ba nyid do/ /'dod pa'i yon tan zhes bya ba 'di ni gzugs dang sgra dang / dri dang ro dang reg bya yid du 'ong ba rnams kyi ming yin no/ /skye ba yang skye ba yid du 'ong ba'i ming yin te/skye ba yang de 'dra bar bde ba ni chung la sdug bsngal ni mang ba yin na gcig tu bde bar lta ba ni phyin ci log pa yin no/ /gal te 'jig rten dang mthun par gsungs pa yin no zhe na zhes bya ba ni ji ste 'jig rten gyi tshor ba rtogs pa dang mthun par tshor ba gsum mo zhes gsungs so zhe na/ de ni ma yin te/ tshor ba thams cad sdug bsngal ba nyid ni dgongs nas gsungs so zhes bka' stsal pa'i phyir te/ bcom ldan 'das kyis kun dga' bo gang ci tshor yang rung ste 'di ni sdug bsngal lo zhes bya ba ni/ ngas 'du byed mi rtag pa nyid dang / 'du byed rnam par 'gyur ba nyid las dgongs nas gsungs so zhes dgongs te/bshad pa yin par bka' stsal pa'i phyir ro/ /de'i phyir 'jig rten dang mthun par tshor ba gsum zhes gsungs pa ni ma yin no/ /'o na ci zhe na/ rang gi mtshan nyid kyi sgo nas nges par 'dzin par mdzad do zhes bya bar bsams pa yin no/ /yang dag pa ji lta ba bzhin zhes gsungs pa'i yang phyir 'jig rten dang mthun par tshor ba gsum mo zhes gsungs pa ni ma yin no//ji lta zhe na/ bde ba'i dbang po gang yin pa dang / yid bde ba'i dbang po gang yin pa 'di ni bde ba'i tshor ba yin par blta bar bya'o zhes rgyas par gsungs nas zhes bya ba smos te/ sdug bsngal gyi dbang po gang yin pa 'di ni bde ba'i tshor ba yin par blta bar bya'o//yid mi bde ba'i dbang po gang yin pa 'di ni sdug bsngal gyi tshor ba yin no/ /btang snyoms kyi dbang po gang yin pa 'di ni bde ba yang ma yin sdug bsngal yang ma yin pa'i tshor ba yin no zhes bya ba de lta bu la sogs pa rgyas par gsungs nas so//'dir tshor ba gsum yod pa'i khungs ni gang gis dbang po lnga po 'di dag de ltar yang dag pa'i shes rab kyis yang dag pa ji lta ba bzhin du mthong zhing zhes bya ba 'di yin te/ yang dag pa ji lta ba bzhin zhes bya ba ni sgro 'dogs pa med pa dang / skur pa 'debs pa med pa'i phyir ro//'jig rten yang ji ltar na sdug bsngal gyi tshor ba la bde ba dang sdug bsngal dang bde ba yang ma yin sdug bsngal yang ma yin pa rnam pa gsum du rtogs par 'gyur te/ sdug bsngal gyi ngo bo nyid kyis sdug bsngal du rtogs pa kho nar 'gyur ba'i phyir ro/ /gal te chung ngu dang 'bring dang chen po dag la zhes bya ba rgyas par 'byung ba ni ji ste sdug bsngal chung ngu la ni bde ba'i blo 'byung la/chen po la ni sdug bsngal gyi blo 'byung / 'bring la ni bde ba yang ma yin sdug bsngal ba yang ma yin pa'i blo 'byung ngo zhe na/ 'di la bde ba la yang rnam pa gsum yod pas zhes bya ba rgyas par smos te/chung ngu dang 'bring dang chen po tha dad pas so/ /sdug bsngal chung ngu la sogs pa la zhes bya ba ni chung ngu dang 'bring dang chen po dag la'o/ /bde ba chen po la sogs pa'i blo skye bar 'gyur ro zhes bya ba ni bde ba chen po dang 'bring dang chung ngu'i blo skye bar 'gyur ro zhes bya ba'i tha tshig go/ /ji lta zhe na sdug bsngal chung ngu la ni bde ba chen po'i blo skye bar 'gyur la/'bring la ni bde ba 'bring gi blo skye bar 'gyur zhing / chen po la ni bde ba chung ngu'i blo skye bar 'gyur ro/ /sdug bsngal chen po la bde ba chung ngu'i blo skye bar ni rigs pa ma yin no/ /ci'i phyir zhe na/ gal te de la bde ba chung ngu'i blo skye bar gyur na sdug bsngal de chen po nyid du yang mi 'gyur ro//gal te sdug bsngal chung ngu la bde ba chen po'i blo skye bar gyur na yang sdug bsngal de ji ltar chung ngu nyid yin te/ de ltar gsal bar nyams su myong ba la ni chung ngu nyid du rigs pa ma yin no/ /sdug bsngal yang ma yin bde ba yang ma yin pa'i mjug thogs su bde ba nyams su myong ba mthong bas/gang gi tshe dri dang ro dang reg bya'i khyad par las skyes pa'i zhes bya ba smos te/ khyed kyi ltar na bde ba yang ma yin sdug bsngal yang ma yin pa ni 'bring yin gyi chung ngu'i rnam pa ma yin pas de'i phyir de'i tshe gang la 'di bde ba'i blor 'gyur ba sdug bsngal chung ngur gyur pa yang gang zhig yin pa brjod dgos so//de lta bas na bde ba ni yul gyi stobs kho nas skye'i mtshungs pa de ma thag pa'i rkyen sdug bsngal chung ngu'i stobs sam mtshungs pa de ma thag pa'i rkyen sdug bsngal chen po'i stobs kyis ni ma yin no/ /gzhan yang gal te sdug bsngal chung ngu la bde ba'i blo skye bar sems na/sdug bsngal chung ngu de ma skyes pa dang 'gags na ste/ ma skyes pa dang 'gags par gyur na/ sdug bsngal ma lus pa dang bral ba'i phyir bde ba'i blo shin tu ches skye bar yang 'gyur ro/ /'di ltar sdug bsngal ma lus pa dang bral ba/ sdug bsngal lhag ma dang bcas par bral na yang bde ba'i blo skye bar 'dod na ma lus par bral na lta smos kyang ci dgos snyam du bsams pa yin no//'dod pa'i bde ba mngon sum du gyur pa yang de bzhin du brjod par bya'o zhes bya ba ni dri dang ro dang reg bya'i khyad par las skyes pa'i bde ba bshad pa ltar 'dod pa'i bde ba mngon sum du gyur pa yang de bzhin du brjod par bya ste/ji lta zhe na/ 'dod chags kyi sdug bsngal chung ngu la 'dod pa'i bde ba'i blo skye bar 'gyur na/ 'dod chags kyi sdug bsngal chung ngu de ma skyes pa dang 'gags na 'dod pa'i bde ba skye ba'i blo shin tu ches skye bar yang 'gyur ba zhig na de lta bu yang ma mthong ngo //tshor ba chung ngu la ni zhes bya ba la sogs pa rgyas par 'byung ba ni tshor ba chung ngu la zhes bya ba ni sdug bsngal gyi la zhes bya ba'i tha tshig go/ /nyams su myong ba shas chen por 'dzin zhes bya ba ni mngon par 'dzin pa'o/ /'bring la ni mi gsal bar 'dzin zhes bya ba ni sdug bsngal 'bring la bde ba yang ma yin sdug bsngal yang ma yin pa'i tshor bar 'dzin zhes bya ba gang yin pa 'di yang ji ltar rung zhes bya ba'i tha tshig ste/sdug bsngal chung ngu la de yang mi gsal bar 'gyur ro snyam du bsams pa yin no/ /bsam gtan gsum na zhes bya ba rgyas par 'byung ba ni mdo las de na bde ba'i tshor ba yod do zhes gsungs pa'i phyir/bsam gtan gsum po dang po dang gnyis pa dang gsum pa na bde ba yod do zhes 'byung bas sdug bsngal chung ngur yang 'gyur te/ ci'i phyir zhe na/ khyed sdug bsngal chung ngu la bde ba'i blo skye bar 'dod pa'i phyir ro/ /mdo las/ gong na ste bsam gtan bzhi pa dang gzugs med pa dag na bde ba yang ma yin sdug bsngal ba yang ma yin pa yod do zhes 'byung bas sdug bsngal 'bring du'ang 'gyur te/ci'i phyir zhe na/ de bzhin du sdug bsngal 'bring la bde ba yang ma yin sdug bsngal yang ma yin pa'i blo skye bar yang 'dod pa'i phyir ro/ /de'i phyir sdug bsngal chung ngu la sogs pa la bde ba la sogs pa'i tshor ba rnam par gzhag tu mi rung ste/bsam gtan 'og ma dag na ni sdug bsngal chung ngu yod la/ gong na ni 'bring yod do zhes bya bar ji ltar rung bar 'gyur/ ming chen gal te gzugs zhes bya ba ni ming chen gal te gzugs gcig tu sdug bsngal ba zhig yin par gyur na ni bde ba yang med/bde ba dang rjes su 'brel pa yang med/ yid bde ba yang med/ yid bde ba dang rjes su 'brel pa yang med la/ bde ba'i tshor ba yang gzugs la kun du 'dod chags pa'i rgyur yang mi 'gyur ba zhig na/ gang gi phyir gzugs bde ba yang yod/bde ba dang rjes su 'brel pa yang yod ces bya ba snga ma bzhin te/ de'i phyir gzugs kyang 'di lta ste/ kun du 'dod chags pa'i rgyur 'gyur ro zhes 'byung ba yin no/ /bde ba'i rgyu rnam par mi gnas pa'i phyir ro zhes bya ba 'di la brjod par bya ste/ gal te bde ba'i rgyu rnam par mi gnas pa'i phyir bde ba med na sdug bsngal gyi yang rnam par mi gnas pa'i phyir sdug bsngal yang med pa yin no//gzhan yang bde ba'i rgyu ni rnam par gnas pa kho na yin no/ /ji lta zhe na/ rten gyi khyad par la ltos pa'i zhes bya ba rgyas par smos te/ gal te yul 'ba' zhig rgyu yin na ni rgyu rnam par mi gnas pa kho nar yang 'gyur ba zhig na yang /yul 'ba' zhig ni rgyu ma yin gyi 'di ltar rgyu ni rten gyi khyad par la ltos pa yin no/ /me de nyid ces bya ba la don gyi lugs te/ dper na me de nyid mngon par 'dod pa'i 'bras chan tshos pa'i rgyu yin pa'i phyir btso bar bya ba'i 'byung ba'i khyad par 'bras kyi tshogs shas kyis tshos pa la ni zhim par tshos pa'i rgyu yang yin zhing /de nyid de tshig pa'i rgyu yin pa'i phyir mi zhim par tshos pa'i rgyu yang yin la/ btso bar bya ba'i 'byung ba'i gnas skabs gang dang phrad nas zhim par tshos pa'i rgyu yin par gyur pa de dang phrad nas phyis rgyu ma yin pa ni ma yin te/zhim par tshos pa de lta bu'i zhes bya ba'i tha tshig go/ /'di ni dngos kyi don sngar bshad pa de'i dpe yin no/ /bsam gtan dag na yang bde ba'i rgyu ji ltar mi gnas pa yin zhes bya ba ni bsam gtan dang po nas gsum pa'i bar de nyid ni dus ring mo zhig tu yang snyoms par zhugs pa rnams kyi sdug bsngal gyi rgyur mi 'gyur bas so//bsam gtan las skyes pa'i bde ba la yang gang gi gnyen po yin zhes bya ba ni/ bsam gtan dag na sdug bsngal med pas so/ /stsogs pa zhes bya ba'i sgras ni gal te sdug bsngal gyi gnyen po la bde ba'i blo skye bar 'gyur na/ming chen gal te gzugs gcig tu sdug bsngal ba zhig yin par gyur na ni/ bde ba yang med bde ba dang rjes su 'brel pa yang med ces bya ba de lta bu la sogs pa gsungs par yang mi 'gyur ro zhes bya ba 'di yang brjod par bya ba yin no/ /ji srid du lus kyi gnas skabs de lta bu de zhes bya ba ni bde ba skye ba dang mthun pa'o//bde ba kho na skye bar 'gyur ro zhes bya ba ni de ni bde ba'i tshor ba kho na skye bar 'gyur ba yin gyi/ de sdug bsngal gyi tshor ba la bde ba nyid du btags pa ni ma yin no/ /de lta ma yin te/ ji srid du lus kyi gnas skabs de lta bu de med par ma gyur gyi bar du gnas skabs gzhan las skyes pa'i bde ba kho na skye bar mi 'gyur na ni/de lta ma yin na phyis bde ba'i blo je mang du skye bar 'gyur ro/ /gal te dang po nas zhes bya ba rgyas par 'byung ba ni ji ste/ gal te dang po nas de'i rtsom pa zhig med na zas dang skom la sogs pa'i mjug tu sdug bsngal gyi rgyur ga la 'gyur zhe na/'di la lus yongs su 'gyur ba'i khyad par las te zhes smos te/ skom pa la sogs pa la chang bsten pas gang gis na bde ba skye ba'i gnas skabs na sdug bsngal mi skye'i mjug tu ni skye bar 'gyur ba de lta bu'i lus yongs su 'gyur ba'i khyad par phyis skye ba 'byung bar 'gyur ro//ci dang 'dra zhe na/ /chang la sogs pa mngar ba mjug tu skyur por 'gyur ba bzhin no zhes bya ba smos te/ dper na chang dang 'o ma la sogs pa sngar mngar ba'i gnas skabs yin pa las mjug tu mngar ba med pa skyur po ste/ skyur ba nyid 'byung bar 'gyur ba gang yin pa de 'dra ba'i yongs su 'gyur ba'i khyad par phyis skye bar 'gyur ba lta bu'o//yang na dper na chang la sogs pa yongs su 'gyur ba'i khyad par las dang por mngar ba kho nar 'gyur ba'am/ skyur ba de las de bcos pa'i phan pa las sman byas pa'i 'gyur ba'i khyad par las mngar por 'gyur zhing yongs su 'gyur ba'i khyad par kho na las/yang phyis skyur ba nyid du 'gyur ba lta bu ste/ 'dir mngar ba ni bde ba'i dper brjod pa yin no/ /skyur ba ni sdug bsngal gyi dper brjod pa yin no/ /kun 'byung gi bden pa gang yin pa de nyid sdug bsngal gyi bden pa yin no zhes bya ba de zhes bya ba ni rgyur gyur pa rnams ni kun 'byung gi bden pa yin te zhes 'byung ba'i phyir dang /mdzod kyi gnas dang po nas/ sdug bsngal kun 'byung 'jig rten dang / /zhes 'byung ba'i phyir ro/ /mdo las ni sred pa kho na yin par bshad do zhes bya ba ni kun 'byung gi bden pa gang zhe na/ gang 'di dga' ba'i 'dod chags dang lhan cig pa'i sred pa ste/de dang de la mngon par dga' ba can yin no zhes 'byung ngo / /bye brag tu smra bas de ni gtso bo yin pa'i phyir zhes bya ba smos te/ gzhan las gzhan yang yin par gsungs pa'i phyir zhes bya ba ni mdo gzhan las las dang ma rig pa la sogs pa gzhan yang yin par gsungs pa'i phyir gzhan dag kyang kun 'byung ba yin no//phyi ma'i tshe la zhes bya ba ni tshe phyi ma la ste/ 'jig rten pha rol zhes bya ba'i tha tshig go/ /yang mdo gzhan las dge slong dag sa bon gyi rnam pa lnga ma grugs/ ma smas/ ma rul la/ rlung dang nyi mas ma nyams shing grung por gnas la/ sa'i khams dang chu'i khams kyang yod na de lta na sa bon de dag 'phel zhing rgyas pa dang mched par 'gyur ro//dge slong dag de ltar na ci nas kyang don 'di khong du chud par bya ba'i phyir dpe 'di bstan pa yin te zhes gsungs so/ /dpe 'di nye bar bkod nas yang dge slong dag sa bon gyi rnam pa lnga zhes bya ba 'di ni nye bar len pa dang bcas pa'i rnam par shes pa'i tshig bla dgas yin no//sa'i khams zhes bya ba 'di ni rnam par shes pa gnas pa bzhi'i tshig bla dgas yin no zhes gsungs te sa bon gyi rgyu yin no/ /rgyu gang yin pa de ni kun 'byung ba yin no/ /rnam par shes pa gnas pa yang rten gyi rgyu yin no//de lta bas na zhes bya ba ni gang gi phyir las la sogs pa yang rgyu yin pa nyid du gsungs pas kun 'byung ba'i bden pa nyid du grub pa'i phyir mdo las bstan pa ni dgongs pa can yin no/ /dgongs pa las byung ba'am/ dgongs pas rtsen pa ni dgongs pa can te/sred pa lhag pa'i gang zag gi dbang du mdzad nas bstan to snyam du bsams pa yin no/ /chos mngon pa las bstan pa ni mtshan nyid pa yin no zhes bya ba ni mtshan nyid las byung ba ni mtshan nyid pa ste/ zag pa dang bcas pa'i phung po lnga char kun 'byung ba'i bden pa nyid kyi mtshan nyid dang ldan pa'i phyir chos mngon pa las zag pa dang bcas pa'i dngos po thams cad kun 'byung ba'o zhes bstan pa ni mtshan nyid pa yin no zhes pas so//bye brag tu smra ba de nyid kyis sred pa la sogs pa kun 'byung ba nyid yin pa dgongs pa can yin par brjod par 'dod nas so/ /gzhan yang zhes bya ba rgyas par smras te/mngon par 'grub pa'i rgyu bka' stsal pa na ni mdo las kun 'byung gi bden pa sred pa kho na yin par gsungs la skye ba dang mngon par 'grub pa'i rgyu rgyu dang bcas par bka' stsal pa na ni las dang sred pa dang ma rig pa'i bar yin par gsungs te skye ba'i rgyu ni las yin no//mngon par 'grub pa'i rgyu ni srid pa dag la sred pa yin no/ /de dag gi rgyu las dang sred pa kho na yin par gsungs la skye ba dang sred pa de gnyis kyi rgyu ni ma rig pa yin no/ /smras pa/ tshigs su bcad pa las skyes pa'i rgyu ni las yin la/ mngon par 'grub pa'i rgyu ni sred pa yin par 'byung ngo zhes bya ba ji ltar shes she na/mdo las/ las ni skye ba'i rgyu yin la sred pa ni mngon par 'grub pa'i rgyu yin zhes 'byung ba'i phyir te/ mdo gzhan las 'byung ba'i phyir ro/ /yang na mdo las rgyu dang bcas rkyen dang bcas zhes bya ba rgyas par 'byung ba ni/ yang na tshigs su bcad pa las/las dang sred pa dang ma rig pa dag tshe phyi ma la mig la sogs pa'i 'du byed rnams kyi rgyu yin par bstan pa 'di ni mdo 'di las 'byung ba'i rim par te rgyu brgyud pa'i rim pa dang mthun par bstan pa yin no/ /de ni 'di skad du tshigs su bcad pa las byung ba 'di ni las ni skye ba'i rgyu yin la zhes 'byung ba'i mdo 'di dang /rgyu dang bcas/ rkyen dang bcas/ gzhi dang bcas pa'i rim pa 'byung ba'i mdo dang sbyar na 'di lta bu yin no zhes bshad par 'gyur ro/ /ji lta zhe na/ dge slong dag mig ni rgyu dang bcas/ rkyen dang bcas/ gzhi dang bcas pa yin no/ /dge slong dag mig gi rgyu ni gang yin/rkyen ni gang yin/ gzhi ni gang yin zhe na/ dge slong dag mig gi rgyu ni las yin no/ /rkyen ni las yin no/ /gzhi ni las yin no/ /dge slong dag las kyang rgyu dang bcas/ rkyen dang bcas/ gzhi dang bcas pa yin no/ /dge slong dag las kyi rgyu ni gang yin/rkyen ni gang yin/ gzhi ni gang yin zhe na/ dge slong dag las kyi rgyu ni sred pa yin no/ /rkyen ni sred pa yin no/ /gzhi ni srid pa yin no/ /dge slong dag sred pa yang rgyu dang bcas/ rkyen dang bcas/ gzhi dang bcas pa yin no/ /dge slong dag sred pa'i rgyu ni gang yin/ rkyen ni gang yin/gzhi ni gang yin zhe na/ dge slong dag sred pa'i rgyu ni ma rig pa yin no/ /rkyen ni ma rig pa yin no/ /gzhi ni ma rig pa yin no/ /dge slong dag ma rig pa yang rgyu dang bcas/ rkyen dang bcas/ gzhi dang bcas pa yin no/ /dge slong dag ma rig pa'i rgyu ni gang yin/ rkyen ni gang yin/gzhi ni gang yin zhe na/ dge slong dag ma rig pa'i rgyu ni tshul bzhin ma yin pa yid la byed pa'o/ /rkyen ni tshul bzhin ma yin pa yid la byed pa'o/ /gzhi ni tshul bzhin ma yin pa yid la byed pa'o zhes 'byung ngo / /sa bon dang zhing gi dngos por ston par mdzad pas rnam par shes pa la sogs pa yang kun 'byung gi bden par gsungs kyi sred pa la sogs pa 'ba' zhig tu ni ma zad pas mdo las bstan pa ni dgongs pa can yin te/de ltar na sdug bsngal thams cad kyang kun 'byung ba'i dngos po mtshan nyid pa yin par bsgrubs pa yin no/ /skye gnas la sogs pa'i rnam pa'i bye brag gis zhes bya ba la sogs pa la zhes bya ba'i sgras ni/rigs dang pho dang mo la sogs pa'i rnam pa'i bye brag ces bya ba bsdu'o/ /bye brag med par zhes bya ba ni/ khams dang 'gro ba dang skye gnas la sogs pa'o/ /de nyid kyi rgyu ni go rims bzhin du zhes bya ba ni skye ba'i rgyu ni las yin no//mngon par 'grub pa'i rgyu ni sred pa yin no/ /dper na sa bon ni zhes bya ba rgyas par 'byung ba ni sA lu'i sa bon ni sA lu'i myu gu skye ba'i rgyu yin no zhes bya ba la sogs pa lta bu'o/ /chu ni bye brag med par ji ltar sA lu'i myu gu skye ba'i rgyu yin pa de bzhin du nas kyi yang yin pas de'i phyir de ni myu gu thams cad skye ba tsam gyi rgyu yin pa lta bu'o//sred pa med na skye ba med pa'i phyir zhes bya ba 'di la sgrub pa ni skye ba'i rgyu ni srid pa yin te/ de yod dam med na de yod pa dang med pa'i phyir dper na myu gu'i sa bon lta bu'o/ /rgyud gzhol ba'i yang phyir te zhes bya ba 'di'i don rnam par dgrol ba'i phyir gang la sred pa dang bcas pa zhes bya ba rgyas par smos te/gzugs la sogs pa'i yul gang la sems kyi rgyud sred pa dang bcas pa der sems kyi rgyud yang dang yang du gzhol bar mthong bas/ de lta bas na yang srid pa la yang sems kyi rgyud sred pa dang bcas pa de dang 'dra'o//ci'i phyir zhe na/ de la gzhol bas te/ gang la gzhol ba de la ni 'jug par shes so/ /'di la grub pa ni yang sred pa la sems kyi rgyud sred pa dang bcas pa 'jug par 'gyur te/ gzhol ba'i phyir gzugs la sogs pa'i yul la gzhol ba bzhin no/ /'dag pa'i chal sran chung gi phye ma'i lde gu skams pas lus bzung ba bzhin du zhes bya ba la/'dag pa'i chal sran chung gi phye ni khrus kyi chal sran chung gi phye'o/ /de'i lde gu ni 'di la 'dag pa'i chal sran chung gi phye ma'i lde gu skam po yod pas na 'dag pa'i chal sran chung gi phye ma'i lde gu skams pas lus bzung ba'o/ /de dang 'dra bar te/dper na 'dag pa'i chal sran chung gi phye ma'i lde gu skams pas lus bzung ba de bzhin du sred pas lus bzung ngo zhes bstan pa yin no/ /'di ni rigs pa yin no zhes bya ba ni mngon par 'grub pa'i rgyu sred pa yin no zhes bya ba'i don 'di la'o/ /bden pa gnyis zhes kyang gsungs zhes bya ba 'di ni bden pa bzhi'i zhar la smos pa yin no//bum chu bzhin zhes bya ba ni 'jig pa gnyis nye bar bstan pa'i phyir dpe gnyis nye bar bkod pa yin te/ 'joms pas 'jig pa ni bum pa la sogs pa'o/ /blos 'jig pa ni chu la sogs pa ste/ chu la sogs pa la ni bcom pas ro la sogs pa bsal bar mi 'thad pa'i phyir ro//rnam pa gcig tu na kun rdzob ni rnam pa gnyis te/ kun rdzob gzhan la brten pa dang / rdzas gzhan la brten pa'o/ /de la kun rdzob gzhan la brten pa gang yin pa de la ni 'jig pa yang srid la gzhan sel ba yang srid do/ /rdzas gzhan la brten pa gang yin pa de la ni gzhan sel ba kho na srid kyi 'jig pa ma yin te/rdul phra rab rdzas brgyad la cha shas su dbral bar ni mi nus so/ /kun rdzob tu yod de zhes bya ba ni tha snyad du yod pa'o/ /don dam yod ces bya ba ni don dam par yod pa ste/ rang gi mtshan nyid du yod pa zhes bya ba'i tha tshig go/ / tshor ba yod pa la sogs pa yang de bzhin du blta bar bya'o zhes bya ba ni tshor ba dang / 'du shes dang / sems pa la sogs pa yang rdzas su yod pa kho nar lta'o/ /ji lta zhe na/ tshor ba la sogs pa'i chos rnams ni blos bsal na tshor ba'i ngo bo nyid kyi blo 'byung bas tshor ba ni rdzas su yod pa yin te/ 'du shes dang sems pa la sogs pa la yang de bzhin du sbyar bar bya'o/ /bum pa dang chu yod do zhes brjod pa na bden pa kho nar smras pa yin gyi brdzun pa ni ma yin pas zhes bya ba ni kun rdzob kyi bden pa smos pa'i dgongs pa ston par byed de/ sangs rgyas rnams kyis chos bstan pa/ /bden pa gnyis la brten nas te//'jig rten kun rdzob bden pa dang / dam pa'i don gyi bden pa'o/ /zhes bshad do/ /de bzhin du don dam pa'i bden pa zhes bya ba ni ye shes dam pa'i don yin pas don dam pa'o/ /de ni don dam pa yang yin la de ni bden pa yang yin pas don dam pa'i bden pa'o//ji ltar gzhan 'jig rten pas 'dzin pa de ltar ni kun rdzob kyi bden pa yin te/ kun rdzob kyi tha snyad dam shes pa nyon mongs pa can dang / nyon mongs pa can ma yin pas 'dzin pas na kun rdzob kyi bden pa'o/ /rnal 'byor spyod pa rnams kyi ltar na yod pa ni rnam pa gsum ste/ kun rdzob tu yod pa dang / don dam par yod pa dang / rdzas su yod pa'o/ /de la rdzas su ste/ rang gi mtshan nyid du yod pa ni rdzas su yod pa zhes bya ba'o/ /tshul gnas zhes bya ba rgyas par 'byung ba la tshul ni tshul khrims te/ de ni 'du 'dzi med pa'i rgyu dang / rnam par mi g.yeng ba'i rgyu dang /cho ga phun sum tshogs pa'i rgyu yin no/ /bden pa mthong ba dang mthun pa'i zhes bya ba ni thos pa gang zhig bden pa mthong ba la phan 'dogs pa'i thos pa de 'dzin zhing 'don par byed do/ /don nyan par byed do zhes bya ba ni de'i don mnyan pa'i sgo nas rnam par shes par byed do//bsams pa las byung ba ji ltar gnyi ga la dmigs pa yin pa bstan pa'i phyir smras pa/ res 'ga' ni yi ges don 'dren par byed de/ ming 'di'i don ni 'di yin no zhes yi ges bsgrub pa'i ming gis don 'dren par byed do/ /res 'ga' ni brjod par bya ba'i don 'di'i yi ge ni 'di'o zhes don gyis yi ge 'dren par byed de/ming ni 'di'i zhes bya ba'i tha tshig go/ /yi ge zhes bya ba'i sgra 'di ni ming yin par rab tu sbyar ba yin te/ mdo las kyang / don bzang po/ yi ge bzang po zhes 'byung bas so/ /slob dpon gyis rtog pa 'di la ni zhes bya ba rgyas par smos te/ bsams pa las byung ba'i shes rab 'grub par mi 'gyur gyi zhes bya ba ni mtshan nyid thos pa dang bsgoms pa las byung ba'i mtshan nyid dang 'chol bar bshad kyi/ma 'chol bar ni ma yin pas 'grub par mi 'gyur ro/ /rigs pas nges par brtags pa las skyes pa yin no zhes bya ba ni rigs pas nges par brtags shing nges par dpyad pa de las skyes pa yin no//'du 'dzi dang mi dge ba'i rnam par rtog pa thag bsrings pa'i phyir zhes bya ba la 'du 'dzi thag bsrings pa ni gang gcig tu gnas pa nyid de/ de lta bas na lus kyis bsrings pa yin no/ /mi dge ba'i rnam par rtog pa thag bsrings pa ni gang nyon mongs pa can gyi rnam par rtog pa spangs pas te/de lta bas na sems kyis bsrings pa yin no/ /gya nom pa ma yin pa dang / mang po ma yin pa rnyed pas yid mi bde ba ni zhes bya ba ni slob dpon gyi gzhung lugs yin te/ yid mi bde ba ni yid mi bde ba nyid do/ /des ma mgu zhing ma rangs pa zhes bya ba'i tha tshig ste/gya nom pa ma yin pa'am mang po ma yin pa'i phyir rnyed pa des yid mi bde ba ni chog mi shes pa yin no/ /gya nom pa'ang rung / mang po 'ang rung ba rnyed pa las 'dod pa ni 'dod chen can yin no/ /'dod pa na spyod pa dag kho na yin no zhes bya ba ni chags pa ni mi dge ba'i rang bzhin yin pa'i phyir ro//spong ba dang bsgom pa la dga' ba nyid ni 'gog pa dang / lam la dga' ba nyid do/ /de ni chog shes pa'i ngo bo nyid ma yin pas/ ji ltar na 'phags pa'i rigs bzhi pa 'di yang ma chags pa'i rang bzhin yin zhe na/ de'i phyir srid pa dang / 'dod pa'i 'dod chags la rgyab kyis phyogs pa'i phyir ro zhes bya ba smos so//srid pa la rgyab kyis phyogs pa'i phyir dang / 'dod pa'i 'dod chags la rgyab kyis phyogs pa'i phyir te/ rgyab kyis phyogs pa ni ma chags pa yin no/ /rang gi tshul dang / las kyi mtha' yongs su spangs pa zhes bya ba ni rang gi tshul yongs su spangs pa dang /rang gi las kyi mtha' yongs su spangs pa ste/ de la tshul ni gang gis 'tsho bar byed pa'i 'tsho ba 'am/ zas dang skom la sogs pa'o/ /las kyi mtha' ni zhing dang bzo la sogs pa'o/ /'byung ba dang 'jig pa de lta bu'i phyir zhes bya ba la de lta bu zhes bya ba'i sgra ni 'byung ba dang 'jig pa'i rnam par ston par byed pa yin te/de la 'byung ba'i rnam pa la sred pa ni kye ma bdag dbang por gyur kyang ci ma rung / 'khor los sgyur bar gyur kyang ci ma rung snyam pa de lta bu la sogs pa yin no/ /'jig pa la sred pa ni rnam par 'jig pa la sred pa ste/ kye ma bdag shi yang ci ma rung /med kyang ci ma rung / ma byung yang ci ma rung snyam pa la sogs pa yin no/ /'jug pa ni gang nas 'jug pa'i mtha' yin no/ /'dod chags nye ba dang / shin tu spyad pa zhes bya ba ni gang gi 'dod chags gzhi chung ngus myur du skye ba de ni 'dod chags nye bar spyad pa yin no/ /gang gi 'dod chags che ba de ni 'dod chags shin tu spyad pa yin no//sna tshogs la mi dmigs pa'i phyir zhes bya ba ni rlung la kha dog dang dbyibs sna tshogs med pa'i phyir ro/ /kha phyir ma bltas pa'i phyir te/ kha nang du bltas pa'i phyir 'di ni rnam par rtog pa gcod par byed pa yin no zhes bya ba skabs dang sbyar ro//de'i yul la nye bar rtog pa'i phyir ro zhes bya ba ni mig gi yul la nye bar rtog pa'i phyir ro zhes bya ba'i tha tshig go/ /rnam par bsngos pa la sogs pa dmigs pa zhes bya ba la/ sogs pa zhes bya ba smos pa ni rnam par rnags pa la sogs pa bsdu'o/ /rnam par 'bus gzhigs pa zhes bya ba ni 'bu zhugs pa gang yin pa'o//chags pa'i gzhi rnam pa bzhi po 'di thams cad med do zhes bya ba ni kha dog dang / dbyibs dang / reg pa dang / bsnyen bkur gyi bdag nyid do/ /mos pa dang / nyi tshe yid la byed pa yin pa'i phyir zhes bya ba ni mos pa yid la byed pa yin pa'i phyir dang / nyi tshe yid la byed pa'i phyir zhes bya ba'i tha tshig go//'di ni gtsor mos pa yid la byed pa yang yin la/ 'di ni nyi tshe ba yang yin te/ khyab pa ma yin no zhes bya ba'i tha tshig go/ /mi sdug pa ni phung po lnga char la dmigs pa'am/ sa thams cad la dmigs pa ma yin no/ /'o na ci zhe na/ phung po'i phyogs gcig la dmigs pa yin te/de'i phyir mi sdug pas nyon mongs pa spong ba ni ma yin gyi rnam par gnon pa'i spong ba ni yin no zhes bya ba'i don to/ /rang gi lus kyi yan lag la sems gtod par byed ces bya ba ni 'dod chags dang bcas pa'i rgyu yongs su spong ba'i phyir re zhig sbyor ba'i gnas skabs nyid na bud med kyi yan lag ni ma yin no//rus pa rnam par sbyong bar byed pa na zhes bya ba ni rus pa las sha bsal nas thams cad rus pa'i keng rus su lta ba na ste/ ji skad du/ dge slong slob pa gzhon pa'i rabs/ /sems ma byung ba gang zhig ni/ /gal te 'dod chags 'joms 'dod na/ / des ni dur khrod 'gro bar gyis/ /de nas rnam par bsngos la ltos/ /de nas rnam par rnags la ltos/ /de nas rnam par bam rus pa'i/ /rus gong la sogs blta bar gyis/ /zhes gsungs pa lta bu'o/ /'di la mi sdug pa la gnas pa'i rnal 'byor spyod pa ni mdor bsdu na rnam pa gsum ste/ las dang po pa dang / yongs su sbyang ba byas pa dang / yid la byed pa rdzogs pa'o/ /de la sems sdud pa'i rnal 'byor spyod pa'i las dang po pa ni rkang pa'i mthe bo gcig cig la sems gtad nas rkang pa'i mthe bo myugs par lta ba nas de bzhin du bdag gi lus thams cad kyi bar du rus pa'i keng rus su mos par byed pa yin no//yongs su sbyang ba byas pa ni de bzhin du thod pa phyed kyi bar du mos par byed pa yin no/ /yid la byed pa rdzogs pa ni smin ma gnyis kyi bar du sems 'dzin par byed pa'i bar yin no/ /rgyas par ni/ rus pa rgya mtsho'i bar du ni/ /spro zhing sdud pa las dang po/ /zhes bya ba la sogs pa rnam pa gsum 'byung ba yin no//de ltar byas na mu bzhi pa'i 'dri ba 'byung bas yid la byed pa sbyang ba byas pa dang / sbyang ba ma byas pa dag dang zhes bya ba rgyas par smos so/ /mu dang po ni yid la byed pa sbyang ba byas pa'i mi sdug pa rang gi lus la dmigs pa yin te/ lus chung ba'i phyir dmigs pa yang chung bas chung ba yin gyi yid la byed pa sbyang ba byas pa'i phyir dbang chung bas ni ma yin te/yid la byed pa rdzogs pa'i phyir ro zhes bya ba'i tha tshig go/ mu gnyis pa ni yid la byed pa sbyang ba ma byas pa'i mi sdug pa rgya mtsho'i mthas klas pa la dmigs pa yin te/ dbang chung bas chung ba yin gyi dmigs pa chung bas ni ma yin no//nyer bsdogs dang / bsam gtan khyad par can dang bcas pa dang zhes bya ba ni bsam gtan bzhi nyer bsdogs dang bsam gtan khyad par can dang bcas pa dang / 'dod pa'i khams na yod de/ de ltar na bsam gtan gyi nyer bsdogs bzhi yod pas sa bcu pa yin no//de nyid kyi phyir don la dmigs pa zhes bya ba ni kha dog dang dbyibs la dmigs pa'i phyir don la dmigs pa yin gyi/ ming la dmigs pa ni ma yin no snyam du bsams pa yin no/ /ming nyid kyi mi sdug pa'i rnam pa zhes bya ba grub po zhes bya ba ni rnam pa'i don ni bshad mi dgos so snyam du bsams pa yin no//dus gang yin pa de'i dus la dmigs so zhes bya ba ni mig gi rnam par shes pa bzhin du 'das pa'i dmigs pa yang 'das pa yin pa nas da ltar byung ba'i dmigs pa yang da ltar byung ba'i bar du yin no/ /rang gi dmigs pa nges pa'i phyir dang / mos pa yid la byed pa yin pa'i phyir mdor ni ma byas so//'dris pa dang ma 'dris pa yin pa'i phyir zhes bya ba ni thog ma med pa can gyis 'khor ba na 'dris pa'i phyir 'dod chags dang bral bas thob pa yin no/ /ma 'dris pa'i phyir sbyor ba las byung ba yin no/ /shes rab kyi rang bzhin yin pa las de'i stobs bskyed pas 'jug pa'i phyir te/de dag las dran pa de stobs bskyed pas 'jug pa yod pa'o/ /lus dran pa nye bar gzhag pa la sogs pa dran pa'i stobs bskyed pas 'jug pa'i phyir lus la sogs pa'i shes rab la dran pa nye bar gzhag pa zhes bya ba de bzhin du dran pa'i stobs bskyed pas 'jug pa'i phyir dbugs rngub pa dang dbugs 'byung ba'i shes rab la dbugs rngub pa dang dbugs 'byung ba'i dran pa zhes bya'o//sa lnga po zhes bya ba ni bsam gtan bzhi pa'i nyer bsdogs ma gtogs pa'i nyer bsdogs gsum dang / bsam gtan khyad par can dang / 'dod pa'i khams na spyod pas sa lnga na yod do//ci'i phyir zhe na/ btang snyoms dang mtshungs par ldan pa'i phyir te/ 'di ltar bsam gtan dang po la sogs pa'i nyer bsdogs na btang snyoms kyi tshor ba yod pas so/ /bsam gtan bzhi pa'i nyer bsdogs na yang btang snyoms yod mod kyi de ni dbugs rngub pa dang dbugs 'byung ba dag gis ma yin no//yang ci'i phyir btang snyoms kyi dbang po dang mtshungs par ldan pa kho nar nges par bzung zhe na/ de'i phyir rnam par rtog pa dang mthun pa'i phyir zhes bya ba smos so/ /de'i gnyen po ste/ rnam par rtog pa'i gnyen po dbugs rngub pa dang dbugs 'byung ba dran pa ni bde ba dang sdug bsngal de dag dang mtshungs par mi ldan no//bde ba dang yid bde ba dag kyang gtod pa la bar chad byed pa'i phyir te/ gtod par byed pa'i dgrar gyur la/ dbugs rngub pa dang dbugs 'byung ba de yang gtad pas bsgrub par bya ba yin pa'i phyir de dag dang mtshungs par mi ldan no/ /rnam par rtog pa dang mthun pa'i phyir zhes bya ba la sogs pa zhes grag go zhes bya ba la grag ces bya ba'i sgra ni gzhan gyi gzhung lugs ston par byed pa yin no//de'i phyir phyogs gzhan gang dag bsam gtan dngos gzhi de dag na zhes bya ba 'di rgyas par 'god do/ /yan chad ces bya ba ni bsam gtan bzhi pa nas bzung ste'o//'dod pa'i khams kyi rten can yin zhes bya ba ni de na rnam par rtog pa mang ba'i phyir ro/ /sbyor ba las byung ba ni ma 'dris pa'i phyir ro/ /'dod chags dang bral bas thob pa ni 'dris pa'i phyir ro/ /chos 'di pa rnams zhes bya ba ni 'di dag la sangs rgyas kyi chos 'di yod pas na chos 'di pa rnams te/sangs rgyas pa 'di dag kho na'i yin gyi zhes bya ba'i tha tshig go/ /lung med pa'i phyir zhes bya ba ni phyi rol pa rnams la srog 'dzin pa'i lung yod kyi dbugs rngub pa dang dbugs 'byung ba dran pa'i lung ni med do/ /bdag nyid kyis chos zab mo mngon par mi rtogs pa'i phyir ro zhes bya ba ni lung med par ro//'di ltar phyi rol pa rnams la ni bdag nyid kyis chos zab mo mngon par rtogs pa med de/ 'di'i zag pa nyid ni rgyu drug dang ldan pa'i phyir ro/ /lus dang sems rnal du gzhag ste zhes bya ba ni ma chags par byas te zhes bya ba'i tha tshig go/ /mtho gang dang 'dom gang gi bar du zhes bya ba ni srog chags stobs dang ldan pa dang /nyam chung ba dang 'brel ba'i phyir ro/ /rlung gi dkyil 'khor zhes bya ba ni 'og tu 'gro ba'o/ /rnam par 'thor byed kyi rlung zhes bya ba ni gyen du'o/ /rlung gi dkyil 'khor dang rnam par 'thor byed kyi rlung gi bar du'o zhes bya ba 'di ni de kho na yid la byed pa yin pa'i phyir rigs pa ma yin gyi/ rtog pa 'di ni mos pa yid la byed pa la rung bar 'gyur ro/ /ci 'di dag phan 'dogs par byed pa zhig gam zhes bya ba nas dro ba dag cig ces bya ba'i bar 'di ni 'jog pa kho na yin par blta bar bya ste/ lus kyi phyogs la phan 'dogs pa la sogs pa'i khyad du 'jog pa'i sgo nas so/ /de dag la brten pa sems dang sems las byung ba rnams zhes bya ba ni de dag la rag las te/'byung ba rnams zhes bya ba'i tha tshig go/ /gong nas gong du dge ba'i rtsa ba rnams la zhes bya ba ni dran pa nye bar gzhag pa dang dro bar gyur pa la sogs pa'o/ /mthong ba'i lam la sogs pa la/ /zhes bya ba la/ sogs pa zhes bya ba'i sgras ni bsgom pa'i lam bsdu'o//rnam par dag pa ni zad pa shes pa la sogs pa'o zhes bya ba la/ sogs pa zhes bya ba'i sgras ni mi skye ba shes pa dang mi slob pa'i yang dag pa'i lta ba bsdu ba'o/ /dbugs rngub dbugs 'byung gang las lus/ /zhes bya ba ni dbugs rngub pa dang dbugs 'byung ba dran pa dang 'brel pas dbugs rngub pa dang dbugs 'byung ba'i sa thams cad ston par byed do//lus sa gang yin pa zhes bya ba ni 'dod pa na spyod pa nas bsam gtan gsum pa'i sa pa'i bar te/ 'di dag ni de'i sa pa yin gyi gzhan gyi sa pa ni ma yin no/ /lus dang sems khyad par can la brten nas zhes bya ba ni dbugs rngub pa dang /dbugs 'byung ba dag ni lus khyad par can la brten pa dang / sems khyad par can la brten nas 'jug pa yin no/ /ci'i phyir zhe na/ gzugs med pa dang nur nur por gyur pa la sogs pa rnams la med pa'i phyir zhes bya ba smos te/ gzugs med par gyur pa rnams la ni lus med pa'i phyir med do//nur nur po la sogs par gyur pa ste/ nur nur po dang / mer mer po dang / nar nar po la sogs par gyur pa rnams la yang lus khyad par can med pa'i phyir med do/ sbubs can med pa'i phyir ro zhes bya ba'i don to/ /sems med pa rnams la yang sems med pa'i phyir med do//bsam gtan bzhi pa la snyoms par zhugs pa rnams la yang dbugs rngub pa dang dbugs 'byung ba'i sa pa'i sems med pa'i phyir med do/ /de nyid kyi phyir gal te lus kyang sbubs yod pa yin la zhes bya ba rgyas par smos so/ /dbang po dang tha dad pa'i phyir ro zhes bya ba ni dbang po dang tha dad par 'jug pa'i phyir ro zhes bya ba'i tha tshig go//lus rgyas pas 'grib par 'gyur ba'i phyir rgyas pa las byung ba ma yin no/ /dbugs rngub pa dang dbugs 'byung ba rnams chad nas yang nying mtshams sbyor ba'i phyir rnam par smin pa las skyes pa ma yin no/ /rnam par smin pa'i gzugs la ni de lta bu med do zhes bya ba ni rnam par smin pa'i bdag nyid kyi gzugs mig la sogs pa la ni yang nying mtshams sbyor ba 'di med kyi/sems dang sems las byung ba ni yang nying mtshams sbyor ba mi zlogs so/ /'og ma pa spyod lam pa dang sprul pa'i sems kyis mi rtogs so zhes bya ba ni bsam gtan bzhi par skyes pa'i bar yang sa 'og ma pa'i spyod lam dang sprul pa'i sems mngon du byed de/de'i phyir dogs nas sa 'og ma pa de dag gis mi rtogs so zhes brjod do/ /lhag mthong bsgrub par bya ba'i phyir zhes bya ba ni shes rab bsgrub par bya ba'i phyir zhes bya ba'i don to/ nyon mongs pa rnams ni ye shes kyis gzhom par bya ba yin no zhes 'byung ba'i phyir ting nge 'dzin grub tu zin kyang shes rab med par nyon mongs pa rnams spong bar mi 'gyur ro//yang dran pa nye bar gzhag pa bsgoms pas lhag mthong 'grub par 'gyur ro zhes bya ba 'di ga las she na/ mdo las te/ dge slong dag bgrod pa gcig pa'i lam ni 'di yin te/ 'di lta ste dran pa nye bar gzhag pa rnams so//dge ba'i phung po ma 'dres pa ni 'di yin te/ 'di lta ste/ dran pa nye bar gzhag pa bzhi'o zhes 'byung ba'i phyir ro/ /lus tshor zhes bya ba la/ tshor zhes bya ba 'di ni tshor ba'o/ /de dag gi rang gi mtshan nyid ni rang gi ngo bo'o zhes bya ba ni lus rang gi ngo bo ni 'byung ba dang 'byung ba las gyur pa nyid do//tshor ba ni myong ba nyid do/ /sems kyi ni dmigs pa nyid do/ /gsum po de dag las gzhan pa rnams kyi rang gi ngo bo ni bdag nyid ji lta ba bzhin no/ /zag pa dang bcas pa rnams sdug bsngal ba nyid ces bya ba la/ sdug bsngal gyi mtshan nyid ni 'phags pa dang mi mthun pa'o zhes de ni bshad zin to//gsum las gzhan pa dag ces bya ba 'di ma 'dres par rnam par gzhag pa las bsams nas de skad du brjod pa yin te/ 'dres par rnam par bzhag na ni lus la sogs pa yang gzung ngo / /de dag kyang 'dus byas dang 'dus ma byas kyi chos thams cad yin par lta'o/ /rang bzhin gyi dran pa nye bar gzhag pa ni shes rab po zhes bya ba ni gang gi phyir 'brel pa dang dmigs pa la ltos nas shes rab nyid nye bar gnas pa de'i phyir dran pa nye bar gzhag pa zhes bya'o//thos pa la sogs pas byung ba'o zhes bya ba'i khyad par smos pa ni 'di ltar dran pa nye bar gzhag pa rnams sbyor ba las byung ba yin gyi skye bas 'thob pa ni ma yin pas so//ci'i phyir shes rab kyi rang bzhin zhes bya/ ci de lta ma yin pa'i dran pa nye bar gzhag pa yang yod dam zhe na/ gzhan ni 'brel dang dmigs pa las/ /zhes bya ba smos te/ gzhan de dang lhan cig 'byung ba ni tshor ba la sogs pa'o/ /'brel pas dran pa nye bar gzhag pa ni 'brel pa'i dran pa nye bar gzhag pa yin te/rang bzhin gyi dran pa nye bar gzhag pa dang 'brel pa'i phyir ro/ /de dag gi dmigs pa yin pa'i phyir zhes bya ba ni rang bzhin dang 'brel pa'i dran pa nye bar gzhag pa'i dmigs pa yin pa'i phyir dmigs pa'i dran pa nye bar gzhag pa'o/ /kha cig ni de dag gi dmigs pa ni dmigs pa'i dran pa nye bar gzhag pa'o zhes 'don te/dmigs par bya ba yin pas na dmigs pa ste/ de dag kyang lus dang / tshor ba dang / sems dang / chos rnams so/ /de lta yin na dmigs pa'i dran pa nye bar gzhag pa de ni chos thams cad kyi ngo bo nyid yin te/bcom ldan 'das kyis kyang dge slong dag chos thams cad ces bya ba 'di ni dran pa nye bar gzhag pa bzhi'i tshig bla dgas yin no zhes gsungs so/ /shes rab des de dang ldan pa ste/ shes rab dang ldan pa rjes su lta bar byed do zhes bya ba ni rjes su lta bar byed pas na rjes su lta bar byed pa'o//shes rab kyi ngo bo nyid yin na ni 'di ltar tshig rnam par sbyar te/ rjes su lta ba'i gang zag tu byed pas na rjes su lta bar byed pa ste rjes su lta bar byed pa ni rjes su lta ba yin no/ /shes rab des de dang ldan pa ste/ shes rab dang ldan pa rjes su lta bar byed de/ dper na shes rab dang ldan pa'i phyir gang zag shes rab can zhes bya ba de bzhin du rjes su lta ba dang ldan pa'i phyir rjes su lta ba can yin no//de ltar shes rab ni rjes su lta ba zhes bya bar grub po/ /de ltar bcom ldan 'das kyis nang gi lus dang / so so'i nang gi lus la lus kyi rjes su lta ba dang / lus dang mthun par lta zhing gnas so zhes kyang gsungs te/de'i phyir yang rjes su lta ba shes rab yin no zhes bya ba mang ngo / /ji lta zhe na/ sgrub par byed de 'di la rjes su lta ba ste/ ji lta zhe na/ lta ba yod pas so/ /rjes su lta ba ni lta ba'i mtshan nyid do/ /de'i phyir rjes su lta ba pa ni gang zag yin te dbyug pa can zhes bya ba lta bu'o//de bas na lus la rjes su lta ba ni lus kyi rjes su lta ba'o zhes bdun par tshig bsdu ba yin no/ /gal te 'di la lus la rjes su lta ba'i ngang tshul yod pas lus la rjes su lta ba'o zhes bya bar brjod na/ de lta na yang ngo bo 'di 'grub po zhes bya bar lta'o/ /dran pa shas ches pa'i phyir zhes bya ba ni dran pa lhag pa'i phyir zhes bya ba'i tha tshig go//shing gshegs pa khye'us 'dzin pa ltar zhes bya ba ni dper na shing 'cheg pa shing mkhan gyis shing gshegs pa khye'us 'dzin pa de bzhin du shes rab 'di yang dran pa'i stobs bskyed pas dmigs pa la 'jug go/ /dran pa'i stobs bskyed pas 'jug pa nyid kyi phyir zhes bya ba la stobs bskyed pa ni stobs spel ba ste/dran pa'i stobs bskyed pa yin no/ /'di la dran pa'i stobs bskyed pas 'jug pa yod pas na dran pa'i stobs bskyed pas 'jug pa'i shes rab ste de'i ngo bo nyid do/ /de'i phyir te/ gal te dran pas dmigs pa 'dzin na de lta na shes rab kyis rab tu shes par 'gyur ro//de ltar na bye brag tu smra ba'i don ni dran pas nye bar gzhag pa ni dran pa nye bar gzhag pa'o zhes bya ba yin no/ /'di ltar na rung ste zhes brjod pa ni slob dpon te/ 'di ni byed par sgrub pa yin no/ /'dis dran pa nye bar gnas pas na zhes bya ba 'di ni don rab tu bstan pa tsam du zad do//tshig rnam par sbyar ba ni 'di ltar bya ste/ 'dis nye bar 'jog pas na nye bar gzhag pa'o/ /dran pa nye bar 'jog pas na dran pa nye bar gzhag pa'o zhes bya'o/ /ji ltar na 'dis dran pa nye bar 'jog ce na/ ji ltar mthong bas mngon par brjod pa'i phyir ro zhes bya ba smos so//'di ltar shes rab kyis don ji ltar mthong ba de kho na bzhin du dran pas mngon par rjod par byed de 'dzin par byed do zhes bya ba'i don to/ /gang la nye bar 'jog ce na/ lus nas chos rnams kyi bar la ste/ lus la dran pa nye bar 'jog pa ni lus dran pa nye bar gzhag pa yin pa nas de bzhin du chos rnams la dran pa nye bar 'jog pa ni chos dran pa nye bar gzhag pa'i bar du yin no//rang bzhin gyi dran pa nye bar gzhag pa ji lta bar 'brel pa'i dran pa nye bar gzhag pa yang de dang 'dra ste/ ji ltar shes rab kyis lus la sogs pa la dran pa nye bar 'jog pa de bzhin du de dang mtshungs par ldan pa dag gis kyang nye bar 'jog par byed do//da ni mdo gzhan las gsungs pa'i dran pa nye bar gzhag pa rnams byed par bsgrub pa nyid du mi 'thad par mthong ste/ byed pa gzhan du don brjod par 'dod nas gang las dge slong dag ces bya ba rgya cher smos so/ /ji ltar lus kun 'byung ba dang nub pa dag bshad pa ltar tshor ba la sogs pa la yang de bzhin du brjod par bya'o//ji ltar zhe na/ reg pa kun 'byung bas ni tshor ba kun 'byung ba yin la/ reg pa 'gags pas ni tshor ba nub pa yin no/ /ming dang gzugs kun 'byung bas ni sems kun 'byung ba yin la ming dang gzugs 'gags pas ni sems nub pa yin no/ /yid la byed pa kun 'byung bas ni chos rnams kun 'byung ba yin la/yid la byed pa 'gags pas ni chos rnams nub pa yin no zhes bya ba'o/ /mdo de las ni dmigs pa lus dang tshor ba dang sems dang / chos rnams kho na dran pa nye bar gzhag par gsungs pa yin te/ lus la sogs pa 'di la dran pa nye bar gnas pa'i phyir ro/ /de ltar na bzhir bsgrub par bstan pa yin te/'di la dran pa nye bar 'jog pas na dran pa nye bar gzhag pa'o lus nyid dran pa nye bar gzhag pa yin pa nas chos rnams nyid dran pa nye bar gzhag pa'i bar yin pas na chos dran pa nye bar gzhag pa'o zhes bya bar tshig rnam par sbyar ro/ / gal te de las dmigs pa'i dran pa nye bar gzhag pa yin par bzhed par ma gyur na ni bcom ldan 'das kyis 'di skad du/ dge slong dag ji ltar dran pa nye bar gzhag pa rnams kun du 'byung ba dang nub pa yin zhe na/ zas kun 'byung bas ni lus kun 'byung ba yin la zas 'gags na ni lus nub pa yin no zhes rgyas par gsungs par yang mi 'gyur te/lus la sogs pa dran pa nye bar gzhag pa nyid yin na ni de skad du brjod par rung bar 'gyur ro/ /de lta bas na lus la sogs pa ni dmigs pa'i dran pa nye bar gzhag pa yin no zhes bya bar grub po/ /'di dag gi ming ni dmigs pa ji lta ba bzhin no zhes bya ba ni lus dran pa nye bar gzhag pa la sogs pa'i ming ni dmigs pa la ltos nas lus dran pa nye bar gzhag pa nas chos dran pa nye bar gzhag pa zhes bya ba'i bar du rnam par gzhag go///bam po bzhi bcu rtsa drug pa/ rang dang gzhan dang gnyi ga'i rgyud la dmigs pa'i phyir zhes bya ba ni lus dran pa nye bar gzhag pa la sogs pa 'di dag rang gi rgyud la dmigs pa'i phyir dang /gzhan gyi rgyud la dmigs pa'i phyir dang / gnyi ga'i rgyud la dmigs pa'i phyir so so re re zhing rnam pa gsum gsum yin no zhes bya ba ni/ mdo las byung ba'i phyir te ji skad du zhe na/brtun pa dang shes bzhin dang dran pa dang ldan par gyur na 'jig rten la brnab sems dang yid mi bde ba rnam par spangs te/ nang gi lus la lus kyi rjes su lta zhing gnas so zhes bya ba dang / phyi'i lus la lus kyi rjes su lta zhing gnas so zhes bya ba snga ma bzhin no/ / nang dang phyi'i lus la lus kyi rjes su lta zhing gnas so zhes bya ba snga ma bzhin te/ de ltar na re zhig lus dran pa nye bar gzhag pa rnam pa gsum yin no/ /tshor ba dran pa nye bar gzhag pa la sogs pa la yang nang gi tshor ba la tshor ba'i rjes su lta zhing gnas so zhes bya ba rgyas par rnam pa gsum gsum sbyar bar bya'o//sngar rags pa mthong ba'i phyir ro zhes bya ba ni lus ni rnam par shes pa drug gis rnam par shes par bya ba yin pa'i phyir gsum pas de sngar mthong ngo / /tshor ba ni gnyis pas rgyu ba rags pa'i phyir de'i 'og tu de mthong ngo / /chos rnams ni rgyu ba phra ba'i phyir rnam par shes par dka' bas phra ba yin te/de'i phyir de'i rnam pas ni sems sngar mthong la tha mar ni chos rnams mthong ngo / /de yang zhes bya ba ni 'dod pa la 'dod chags pa'o/ /de yang sems zhes bya ba ni tshor ba mngon par 'dod pa de'o/ /de yang nyon mongs pa ma spangs pa'i phyir zhes bya ba ni ma zhi ba de yang ngo //go rims bzhin du bstan te zhes bya ba ni lus dran pa nye bar gzhag pa ni gtsang bar phyin ci log pa'i gnyen por bstan to/ /tshor ba dran pa nye bar gzhag pa ni bde bar phyin ci log pa'i gnyen por te/ gang ci tshor yang de ni 'dir sdug bsngal ba'o zhes 'byung bas so/ /sems dran pa nye bar gzhag pa ni rtag par phyin ci log pa'i gnyen por te/sems ni myur du 'gyur ba'i phyir ro/ /chos dran pa nye bar gzhag pa ni bdag tu phyin ci log pa'i gnyen por bstan to/ /chos rnams ni ril po rnam par dbye ba'i sgo nas rang dbang med pa'i phyir te/ chos rnams zhes bya'i tshig ni khams tsam du zad de/bdag dang bral ba'o zhes bya ba yin pas so/ /yang na de ni chos 'di dag ni so so logs shig na gnas pa yin gyi 'di la bdag ni 'ga' yang med do zhes bstan pa'i phyir ro/ /bzhi pa ni gnyi ga yin zhes bya ba ni chos dran pa nye bar gzhag pa ni lus dang tshor ba dang sems la ma gtogs pa'i chos la dmigs pa nyid srid pas ma 'dres shing 'dres pa ma yin pa la dmigs pa yang srid la 'dres pa la dmigs pa yang srid do//lus la sogs pa gnyis sam gsum mam bzhi po spyi la lta na zhes bya ba ni gal te 'dres pa la dmigs pa de lus dang tshor ba gnyis la lta na yang chos dran pa nye bar gzhag pa yin la/ci ste lus nas sems kyi bar la lta na de yang kho na dang 'dra'o/ /'on te lus dang tshor ba dang sems par chos rnams spyi la lta na de yang chos dran pa nye bar gzhag pa zhes bya'o/ /spyi la dmigs pa la gnas te zhes bya ba ni lus dang tshor ba dang sems dang chos rnams spyir bsdus te'o//dro bar gyur pa zhes bya ba ni dro ba'i rnam pa'i dge ba'i rtsa ba'o/ /snga ltas yin pa'i phyir ro zhes bya ba ni dang po'i mtshan ma yin pa'i phyir ram dang po'i ngo bo nyid yin pa'i phyir ro/ /rgyun chags pa yin pa'i phyir ro zhes bya ba ni rgyun 'brel pa yin pa'i phyir zhes bya ba'i tha tshig go//'di dag gi bye brag ni 'og nas bshad par bya'o zhes bya ba ni mdzod kyi gnas bdun pa nas/ rdzas su rnam pa bcu drug go zhes bya ba 'di nas so/ /gal te de yang de dang 'dra na go 'o na ci'i phyir bstan zhe na de'i phyir ches mchog tu gyur pa'i phyir ming gzhan du btags so zhes bya ba smos so//yang ci'i phyir rtse mo zhes bya zhe na/ dge ba'i rtsa ba g.yo ba'i rtse mo yin pa'i phyir zhes bya ba smos so/ /rtse mo zhes bya ba'i sgra 'di ni rab kyi mtha' ston pa yin te/ 'di ltar 'jig rten na yang 'di dpal gyi rtse mor phyin to zhes zer ro/ /dro bar gyur pa dang rtse mo'i mtshan nyid kyi dge ba'i rtsa ba gnyis ni g.yo ba yin te/yongs su nyams pa srid pa'i phyir ro/ /bzod pa dang 'jig rten pa'i chos kyi mchog gi mtshan nyid gnyis ni mi g.yo ba ste/ bzlog pa yin pa'i phyir ro/ /de la g.yo ba dag las chung ngu gang yin pa de ni dro bar gyur pa yin no/ / chen po gang yin pa de dag ni rtse mo yin no/ /mi g.yo ba dag las kyang chung ngu gang yin pa de ni bzod pa yin no/ /chen po gang yin pa de dag ni 'jig rten pa'i chos kyi mchog yin no/ /de dag las ltung ba'am 'da' bar 'gyur ba'i phyir ro zhes bya ba la rtse mo dag las ltung ba ni yongs su nyams pa'o//'da' ba ni bzod pa mngon du 'gyur ba ste/ rtse mo dag ni g.yo ba yin pa'i phyir ro/ /'jig rten na yang shing gi rtse mo nas ltung ba'am 'da' ba ste/ gong du phyin par 'gyur ba mthong bas rtse mo dang chos mthun no/ /dang po nyid du bden pa rnams la rnam pa dag 'god pa'o zhes bya ba ni thog mar bden pa rnams la mi rtag pa la sogs pa'i rnam pa dag gtod par byed pa ste/de dag la dmigs pa rnams 'jug par byed pa'o zhes bya ba'i tha tshig go/ /gzhan dag gis kyang zhes bya ba ni chos dran pa nye bar gzhag pa ma yin pa dag gis kyang zhes bya ba'i tha tshig go/ / 'phel bar byed pa ni goms par byang bar byed pa'o/ /rnam par 'phel bar byed pa na zhes bya ba rgyas par 'byung ba ni rnam par 'phel bar byed pa'i rnal 'byor pa ni 'phel bas khyad par can du gyur pa rnams mngon sum du byed do/ /sngon thob pa rnams zhes bya ba ni khyad par can ma yin pa dag ni mngon sum du mi byed do//ci'i phyir zhe na/ dga' ba chen po med pa'i phyir te/ dman pa nyid kyis dga' ba med pa'i phyir ro zhes bya ba'i tha tshig go/ /bden pa la cher bzod pa'i phyir ro zhes bya ba ni dro bar gyur pa'i gnas skabs na ni bden pa la chung ngu bzod cing 'dod do/ /rtse mo'i gnas skabs na ni 'bring du'o//de'i rjes la ni bden pa la cher bzod pa'i phyir bzod pa skye'o/ /ji ltar shes she na/ de'i phyir yongs su mi nyams pa'i sgo nas zhes bya ba smos te/ 'di ltar bzod pa las yongs su nyams par mi 'gyur gyi/ rtse mo dag las ni yongs su nyams pa zhes bya ba srid pa yod do/ / rnam pa gnyis de bzhin zhes bya ba ni rtse mo rnams ji skad bshad pa ltar bzod pa chung ngu dang 'bring dag kyang de dang 'dra'o/ /de kho na bzhin du rnam pa gtod pa'i phyir ro zhes bya ba ni chos dran pa nye bar gzhag pa'i bden pa rnams la rnam pa dag gtod pa'i phyir ro zhes bya ba'i don to/ /bzod pa ni thams cad ces bya ba ni bzod pa ni chung ngu dang 'bring dang /chen po'i bye brag gis tha dad pa thams cad chos dran pa nye bar gzhag pa kho nas 'phel bar byed kyi lus dran pa nye bar gzhag pa la sogs pa gzhan gyis ni ma yin no/ /ci'i phyir zhe na/ chos kyi mchog dang nye ba'i phyir te/ chos kyi mchog ni mthong ba'i lam dang nye bas chos dran pa nye bar gzhag pa'i bdag nyid kho na yin no//chos kyi mchog dang nye ba'i phyir/ /zhes bya ba ni bzod pa ni rtse mo'i mjug thogs su skye ba'i phyir chos kyi mchog 'dod pa na spyod pa'i sdug bsngal gyi bden pa la dmigs pa rnams dang nye bas 'dod pa na spyod pa'i sdug bsngal gyi bden pa la dmigs pa nyid yin te/chos kyi mchog dang nye ba'i phyir de dang 'dra'o/ /nges pa ma smos pa'i phyir zhes bya ba ni dro bar gyur pa la sogs pa'i dmigs pa ni bzod pa chen po bzhin du so sor nges pa ma smos pa'i phyir bzod pa chen po bzhin nges par gzung ba kho nas dro bar gyur pa la sogs pa de dag ni khams gsum pa'i sdug bsngal la sogs pa la dmigs pa nyid du grub po//ji lta zhe na/ 'di la yul 'dod par gtogs pa kho na'i sdug bsngal yod pas de ni 'dod par gtogs pa'i sdug bsngal gyi yul can yin te/ bzod pa chen po yin no/ /bzod pa chen po kho na'o zhes nges par gzung ba'i phyir dro bar gyur pa la sogs pa gzhan ni khams gsum pa'i sdug bsngal gyi bden pa la dmigs pa yin no zhes bya bar grub po//gang gi tshe zhes bya ba rgyas par 'byung ba ni gang gi tshe gzugs dang gzugs med pa'i gnyen po la sogs pa zhes bya ba la sogs pa zhes bya ba'i sgras ni gzugs dang gzugs med pa'i 'gog pa dang /kun 'byung ba dang / sdug bsngal rnams dang 'dod pa na spyod pa'i gnyen po la sogs pa bsdu'o/ /bden pa'i rnam pa dmigs pa re re nas phri nas zhes bya ba ni bden pa'i rnam pa re re dang bden pa'i dmigs pa re re nas phri nas gzugs dang gzugs med pa'i rnam pa 'bri ba nas bzung ste/'dod pa na spyod pa'i sdug bsngal kho na la skad cig ma gnyis su yid la byed pa'i bar de thams cad ni bzod pa 'bring yin no/ /ji lta zhe na/ re zhig rjes su shes pa'i phyogs dang mthun pa'i lam la lam dang / rigs pa dang / sgrub pa dang / nges par 'byin pa ste/ rnam pa bzhi po 'di dag gis rnam pa gtod par byed do/ /de'i 'og tu gcig bor nas gsum gyis so/ /de'i 'og tu gnyis bor nas gnyis kyis so/ /de'i 'og tu gcig gis so/ /de nas lam bor nas gzugs dang gzugs med pa'i 'gog pa la rang gi rnam pa bzhis rnam pa gtod par byed de/de'i 'og tu gsum dang gnyis dang gcig kho nas rnam pa gtad nas 'gog pa'i bden pa de yang bor te kun 'byung ba'i bden pa la rang gi rnam pa bzhi dang gsum dang gnyis dang gcig gis rnam pa gtad nas de kho na bzhin du de yang bor te sdug bsngal gyi bden pa la rang gi rnam pa bzhi nas gcig gi bar gyis rnam pa gtad nas bden pa de yang bor te/'dod pa na spyod pa'i gnyen po la rang gi rnam pa bzhi dang gsum dang gnyis dang gcig gis rnam pa gtod par byed do/ /de yang bor te 'dod pa na spyod pa'i 'gog pa dang /kun 'byung ba'i bden pa dag la de kho na bzhin du rang gi rnam pa 'bri ba'i rim pas rnam pa gtod pa dang dor bar byas nas 'dod pa na spyod pa'i sdug bsngal gyi bden pa la rnam pa bzhis rnam par gtod par byed do/ /de'i 'og tu gsum gyis so/ /de'i 'og tu gnyis kyis rnam pa gtod par byed do/de ltar na dang po 'bri ba nas bzung ste/ skad cig ma de thams cad bzod pa 'bring yin no zhes bshad pa yin no/ /de la dmigs pa nyid skad cig ma gsum pa la ni bzod pa chen po yin no/ /de la dmigs pa nyid bzhi pa la ni chos kyi mchog yin no/ /bzod pa chung ngu ni gang sngar rtse mo dag gi mjug thogs su 'dod pa na spyod pa'i sdug bsngal gyi bden pa nas lam gyi bden pa'i bar dang /gzugs dang gzugs med pa na spyod pa la rang rang gi rnam pa thams cad kyis mi dbri bar yid la byed pa yin par khong du chud par bya'o/ /de ltar re zhig kha cig ni dmigs pa dbri ba rnam pa dbri ba sngon du 'gro ba can yin no zhes zer ro//gzhan dag na re dmigs pa rnam pa re re nas phri nas zhes bya ba ni de ltar bden pa'i rnam pa re re nas phri ba dang dmigs pa re re nas phri nas zhes bya ba ni gzung bar mi bya'o/ /'o na ci zhe na/ gzugs dang gzugs med pa'i gnyen po la sogs pa bden pa re re'i rnam pa gang dag yin pa de dag dmigs pa phri nas zhes bya bar bshad par bya'o//bzod pa 'bring ni skad cig ma brgya rtsa bcu dgu yin par brjod na dmigs pa 'bri ba rnam pa 'bri ba sngon du 'gro ba can yin na ni sems kyi skad cig ma mang por 'phro bar 'gyur ro/ / de yang rigs pa ma yin te/ bden pa dag yod bzhin du rnam pa 'dor bar ni rung ba ma yin no/ /gang gi tshe bden pa dag bor bar gyur pa de'i tshe ni rnam pa 'dor ro zhes bya bar rigs so/ /de lta yin na sngar ni bden pa'i dmigs pa 'bri bar byed la phyis ni rnam pa 'bri bar byed de/ yul gyi gzhi ni bor na de la dmigs pa 'dor bar rigs so//sdug bsngal dang kun 'byung ba dang 'gog pa dang lam dag ni mnyam par bzhag pa dang mnyam par ma bzhag pa ste/ brgyad du rnam par gzhag la/ de dag gi rnam pa sum cu rtsa gnyis yin no zhes zer ro/ /da ni rigs pa gzhan 'di nye bar bstan par bya ste/ji ltar byas pas she na/ gang gi tshe 'dod pa na spyod pa'i sdug bsngal la rnam pa bzhis yid la byed pa nas de bzhin du gzugs dang gzugs med pa na spyod pa rnams kyi gnyen po la rnam pa bzhis yid la byed pa'i bar 'di ni bzod pa chung ngu yin no/ /gang gi tshe gzugs dang gzugs med pa na spyod pa rnams kyi gnyen po bor te/'dod pa na spyod pa'i sdug bsngal la rnam pa bzhis yid la byed pa nas de bzhin du 'dod pa na spyod pa'i 'du byed rnams kyi gnyen po'i bar la rnam pa bzhis yid la byed pa de nas bzung ste/ bzod pa 'bring brtsams pa yin no/ /de la gzugs dang gzugs med pa na spyod pa'i gnyen po bor nas sems kyi skad cig ma nyi shu rtsa brgyad yin no//'dod pa na spyod pa'i 'du byed kyi gnyen po bor na nyi shu rtsa bzhi'o/ /gzugs dang gzugs med pa na spyod pa'i 'du byed kyi 'gog pa bor na nyi shu'o/ /'dod pa na spyod pa'i 'gog pa bor na bcu drug go//gzugs dang gzugs med pa na spyod pa'i kun 'byung ba bor na bcu gnyis so/ /'dod pa na spyod pa'i kun 'byung ba bor na brgyad do/ /gzugs dang gzugs med pa na spyod pa'i sdug bsngal bor na bzhi ste/ 'dod pa na spyod pa'i sdug bsngal rnam pa bzhis yid la byed pas de dag ni 'di'i rnam pa bzhi yin no//rnal 'byor spyod pa de yang rnam pa gnyis te/ lta ba spyad pa dang / sred pa spyad pa'o/ /lta ba spyad pa yang rnam pa gnyis te/ bdag tu lta ba spyad pa dang / bdag gir lta ba spyad pa'o/ /de la bdag tu lta ba spyad pa gang yin pa de ni bdag med pa'i rnam pas nges pa la 'jug go//bdag gir lta ba spyad pa gang yin pa de ni stong pa'i rnam pas so/ /sred pa spyad pa yang rnam pa gnyis te nga'o snyam pa'i nga rgyal gyis nyams pa dang / le lo lhag pa can no/ /de la nga'o snyam pa'i nga rgyal gyis nyams pa gang yin pa de ni mi rtag pa'i rnam pas nges pa la 'jug go//le lo lhag pa can gang yin pa de ni sdug bsngal gyi rnam pas so/ /de la rnal 'byor spyod pa bdag tu lta ba spyad pa ni 'dod pa na spyod pa'i sdug bsngal la rnam pa gcig bor nas rnam pa gsum gyis yid la byed do/ /de'i 'og tu stong pa dang bdag med pa'i rnam pa gnyis kyis so/ /de'i 'og tu sdug bsngal la chos shes pa'i bzod pa dang sdug bsngal la chos shes pa dang 'dra bas bdag med pa'i rnam pa gcig pu la lan gnyis su mngon sum du byed de/de ltar na bzod pa 'bring de ni sems kyi skad cig ma brgya rtsa bcu dgu yin par 'gyur ro/ /bdag gir mos pa yang de dang 'dra ste/ de ni stong pa dang /bdag med pa'i rnam pa dag gis rnam pa gtad nas stong pa nyid kyi rnam pa lan gnyis su mngon du byed de/ de ltar na bzod pa 'bring de ni skad cig ma brgya rtsa bcu dgu yin no/ /de bzhin du sred pa spyad pa rnam pa gnyis po nga'o snyam pa'i nga rgyal gyis nyams pa dang / le lo lhag pa can yang brjod par bya'o//bzod pa chen po ni skad cig ma gcig kho na yin te/ de ni gang zag gis ji ltar spyad pa bzhin du mi rtag pa'i rnam pa'am/ sdug bsngal gyi rnam pa'am/ stong pa'i rnam pa'am/ bdag med pa'i rnam pa dang mtshungs par ldan pa yin no/ /yang ci'i phyir bden pa'i rnam pa dmigs pa re re nas 'bri bar byed ce na/khams gsum pa la sun 'byin par byed pa des dang por ni gnyen po mtha' dag la dmigs so/ /phyis ni 'dod pa'i khams dang por spang bar bya ba dang / yongs su shes par bya ba yin pa'i phyir 'dod pa na spyod pa'i sdug bsngal kho na la dmigs pa yin no//de'i rtsal gyis lam 'dren par byed pa'i phyir ro zhes bya ba ni sngon zag pa med pa'i phyir skal ba mnyam pa'i rgyu med par chos kyi mchog gi rtsal gyis lam gyi bden pa 'dren par byed pa'i phyir chos kyi mchog rnams ni 'jig rten pa kun gyi nang na mchog nyid yin par shes so//thams cad phung po lnga/ 'khor dang bcas te smos pa'i phyir ro zhes bya ba ni dro bar gyur pa la sogs pa mnyam par gzhag pa'i sa pa yin pa'i phyir rnam par rig byed ma yin pa'i mtshan nyid kyi gzugs kyi phung po yod pas 'khor dang bcas te smos pa'i phyir dro bar gyur pa la sogs pa ni phung po lnga yin te/'khor dang bcas pa yin par gzung ngo / /'phags pa la zhes bya ba rgyas par 'byung ba ni 'phags pa la thob pa mngon sum du gyur pas 'bras bu thob pa na/ dro bar gyur pa la sogs pa sbyor bar gyur pa rnams mngon sum du 'gyur du 'ong bas thob pa rnams ni dro bar gyur pa la sogs pas ma bsdus te/sbyor ba'i 'bras bu thob zin pa'i 'phags pa mngon du byed par ni rigs pa ma yin no/ /bden pa gsum la dmigs pa'i dro bar gyur pa rnam pa gtod pa la zhes bya ba ni sdug bsngal dang / kun 'byung ba dang / lam la dmigs pa'i dro bar gyur pa rnam pa gtod pa la/chos dran pa nye bar gzhag pa da ltar byung ba yin te/ dang po 'bad pas bskyed par bya ba'i rnam pa gtod pa la ni spyi la dmigs pa nyid kyis chos dran pa nye bar gzhag pa kho nas gtod par nus pa'i phyir ro/ /so sor nges pa la dmigs pa'i phyir lus dran pa nye bar gzhag pa la sogs pas ni mi nus so//ma 'ongs pa ni bzhi char 'thob po zhes bya ba ni gang gi phyir dran pa nye bar gzhag pas ni lus dang tshor ba la sogs pa sdug bsngal gyi bden pa la sogs pas bsdus pa yang bsdus la/ lus dran pa nye bar gzhag pa la sogs pa yang sngar thob pa yin pa de'i phyir bzhi char yang 'thob ste/thob pa skye ba'i phyir ro/ /'gog pa'i bden pa la dmigs pa la ni de kho na gnyi ga yin no zhes bya ba ni 'gog pa'i bden pa la dmigs pa'i dro bar 'gyur ba rnam pa gtod pa la ni chos dran pa nye bar gzhag pa da ltar byung ba yin zhing de kho na ma 'ongs pa 'thob kyi/lus dran pa nye bar gzhag pa la sogs pa ni ma yin te/ 'gog pa'i bden pa la lus la sogs pa med pa'i phyir ro/ /rnam pa dag ni thams cad du 'dra ba yin no zhes bya ba ni bden pa gsum la dmigs pa dang / 'gog pa la dmigs pa'i dro bar gyur pa'i rnam pa gtod pa la yang rnam pa dag ni 'dra ba kho na 'thob ste/sdug bsngal gyi bden pa la dmigs pa la yang sdug bsngal gyi bden pa'i rnam pa bzhi kho na 'thob kyi kun 'byung ba'i bden pa la sogs pa'i rnam pa ni ma yin no/ /kun 'byung ba'i bden pa la dmigs pa la yang kun 'byung ba'i bden pa'i rnam pa bzhi kho na 'thob kyi gzhan dag ni ma yin no zhes bya ba la sogs pa yin no//bden pa gsum la dmigs pa rnam par 'phel ba la ni lus dran pa nye bar gzhag pa la sogs pa bzhi las gang yang rung ba zhig da ltar byung ba yin no/ /'gog pa la dmigs pa de kho na la ni tha ma da ltar byung ba yin no//gnyi ga la yang ma 'ongs pa ni bzhi char ro/ /rnam pa ni bcu drug po thams cad kyang 'thob bo/ /ci'i phyir zhe na/ rigs rnams thob zin pa'i phyir te/ ci rigs par bden pa bzhi la dmigs pa lus dran pa nye bar gzhag pa la sogs pa'i rigs rnams thob zin pa'i phyir ro zhes bya ba'i tha tshig go//rtse mo bden pa bzhi la dmigs pa zhes bya ba rgyas par 'byung ba ni/ rtse mo rnam pa gtod par byed pa la ni thams cad la yang chos dran pa nye bar gzhag pa kho na da ltar byung ba yin te/ lus dran pa nye bar gzhag pa la sogs pas ni rnam pa gtod pa mi nus pa'i phyir ro//'gog pa la dmigs pa 'phel ba yang tha ma chos dran pa nye bar gzhag pa da ltar byung ba yin te/ gzhan dag ni ma yin pa'i phyir ro/ /bden pa gsum la dmigs pa rnam par 'phel ba la ni bzhi las gang yang rung ba zhig da ltar byung ba yin no/ /thams cad du yang ma 'ongs pa ni bzhi char ro//de dag gi rigs thob zin pa'i phyir rnam pa yang thams cad do zhes bya bar khong du chud par bya'o/ /bzod pa rnams ni thams cad du tha ma yin la zhes bya ba ni rnam pa gtod pa dang rnam par 'phel ba yang tha ma chos dran pa nye bar gzhag pa da ltar byung ba yin te/ 'di ltar bzod pa ni thams cad chos kyis 'phel bar byed ces bshad do/ /chos kyi mchog dag ni tha ma yin zhes bya ba ni chos kyi mchog dag mngon sum du byed pa la ni tha ma chos dran pa nye bar gzhag pa da ltar byung ba yin no/ /ma 'ongs pa ni mi skye ba'i chos can kho na bzhi char 'thob po/ / rnam pa bzhi kho na ste zhes bya ba ni mi rtag pa dang / sdug bsngal ba dang / stong pa dang / bdag med pa'i bdag nyid kyi rnam pa dag go/ /gzhan med pa'i phyir zhes bya ba ni 'di ltar chos kyi mchog la kun 'byung ba la sogs pa'i rnam pa gzhan ni med de/ sdug bsngal tsam la dmigs pa'i phyir ro//'o na ji ltar chos kyi mchog gi ngo bo nyid ma yin pa lus dran pa nye bar gzhag pa la sogs pa mngon du ma gyur kyang chos kyi mchog kun du 'byung ba'i gnas skabs na/ lus dran pa nye bar gzhag pa la sogs pa ma 'ongs pa thob pa de bzhin du chos kyi mchog gi ngo bo nyid ma yin pa kun 'byung ba la sogs pa'i rnam pa kun du mi 'byung yang kun 'byung ba la sogs pa'i rnam pa ma 'ongs pa thob par go ci ste mi 'dod ce na/de'i phyir mthong ba'i lam dang 'dra ba'i phyir zhes bya ba smos te/ sdug bsngal gyi rnam pa bzhi kho na 'thob bo/ /ci'i phyir zhe na/mthong ba'i lam dang 'dra ba'i phyir te/ mthong ba'i lam la ni bden pa gang zhig mthong bar 'gyur ba de'i rnam pa dag kho na 'thob la/ chos kyi mchog rnams kyang mthong ba'i lam dang 'dra bas so/ /yang nye ba'i phyir 'di dag mthong ba'i lam dang 'dra ba ci zhig yod ce na/ de kho na bzhin du dang por 'dod pa na spyod pa'i sdug bsngal la dmigs pa nyid yin no//yang na sa mtshungs pa nyid yin te/ 'di ltar mthong ba'i lam gyi dbang du byas nas/ de ni chos mchog dang sa gcig ces 'chad par 'gyur ro/ /yang na chos kyi mchog rnams ni so so'i skye bo nyid 'joms par byed pa sdug bsngal la chos shes pa'i bzod pa'i bar chad med pa'i lam lta bur gyur pa yin no//de ltar na 'di dag ni mthong ba'i lam dang 'dra ba yin te/ bar chad med pa'i lam rnams ni rnam par grol ba'i lam dag dang 'dra bas so/ /nges par 'byed pas na zhes bya ba rgyas par 'byung ba la/ji ltar nges par 'byed pa yin zhe na/ smras pa/ des the tshom spang ba'i phyir te/ bden pa rnams la 'di ni sdug bsngal lo zhes bya ba nas 'di ni lam mo zhes bya ba'i bar du gtan la phab nas rnam par 'byed pa'i phyir nges par 'byed pa ste/ 'phags pa'i lam yin no/ /de'i cha ni mthong ba'i lam gyi phyogs gcig yin te/de 'dren par byed pa nyid kyis te/ skyed par byed pa nyid kyis phan 'dogs pa'i phyir ro/ /des na nges par 'byed pa'i cha dang mthun pa zhes bya ba yin no/ /mi lcogs med pa dang / khyad par bsam gtan sa pa'o/ /zhes bya ba ni 'di la mi lcogs pa med pa dang khyad par can dang bsam gtan gyi sa dag yod pas na/mi lcogs pa med pa dang / khyad par bsam gtan sa pa'o/ /gong na ni med do zhes bya ba ni mthong ba'i lam gyi 'khor yin pa'i phyir gzugs med pa dag na ni nges par 'byed pa'i cha dang mthun pa med de/ mthong ba'i lam gyi sbyor ba med pa'i phyir ro zhes bya ba'i tha tshig go/ /de med pa ni 'dod pa'i khams la dmigs pa yin pa'i phyir ro zhes bya ba la/ de med pa zhes bya ba ni mthong ba'i lam de med pa'o/ /gang zhe na/ gong na zhes bya bar sbyar te/ gzugs med pa na zhes bya ba'i tha tshig go/ / ci'i phyir zhe na/ 'dod pa'i khams la dmigs pa yin pa'i phyir te/ 'di ltar gzugs med pa dag ni 'dod pa'i khams la mi dmigs pa yin no/ /smras pa/ mthong ba'i lam 'dod pa'i khams la dmigs pa cir dgos she na/ de'i phyir/ de yang sngar yongs su shes par bya zhing spang bar bya ba yin pa'i phyir ro zhes bya ba smos te/'dod pa'i khams de'i sdug bsngal gyi ngo bo ni sngar yongs su shes par bya ba yin pa'i phyir ro/ /kun 'byung ba'i ngo bo ni spang bar bya ba yin pa'i phyir ro/ /'di la gtan tshigs ni tshig 'di ltar rnal 'byor pa de ni 'dod pa na spyod pa'i sdug bsngal gyis rnam par gnod par byas pas des na de dang por de las thar pa tshol bar byed do//de dag gi rnam par smin pa ni gzugs kyi khams kyi phung po lnga yin no zhes bya ba ni nges par 'byed pa'i cha dang mthun pa de dag ni gzugs na spyod pa yin pa'i phyir gal te rnal 'byor pa de gzugs kyi khams su skye na/ de'i rnam par smin pa der phung po lnga mngon par 'grub par 'gyur ro//de dag kyang yid du 'ong ba myong bar 'gyur ba skyed pa'i phyir yongs su rdzogs par byed pa dag kho na yin gyi ris mthun pa 'phel bar byed pa dag ni ma yin te/ srid pa'i gnyen po yin pa'i phyir te/ mi rtag pa la sogs pa'i rnam pas sun 'byin pas so//gnyis ni zhes bya bas ni dro bar gyur pa dang / rtse mo'i ngo bo nyid dag go/ /'dod rten zhes bya ba ni 'di ltar 'di kho nar bden pa mngon par rtogs kyi khams gzhan du ni ma yin pa dang / gong na mthong lam med/ /mi skyo lung las 'di rtsom zhing / /der mthar phyin ces 'byung phyir ro//zhes bya ba'i phyir ro/ /gling gsum du zhes bya ba ni byang gi sgra mi snyan ma gtogs par zhes bya bar rnam par bshad par bya ste/ byang gi sgra mi snyan pa rnams ni dbang po rtul ba'i phyir ro/ /lha dag gi nang du mngon sum du byed do zhes bya ba ni 'dod pa na spyod pa gang dag gi nang du'o//nges par 'byed pa'i cha dang mthun pa bzhi pa ni lha dag gi nang du skyed par yang byed do zhes bya ba ni de dag kho na'i nang du ste/ gzhan du ni ma yin no/ /nges par 'byed pa'i cha dang mthun pa gsum ni chos kyi mchog dag ma gtogs pa'o/ /tshe 'di nyid la skyes pa dang bud med kyi dbang po gyur na/skyes pa dang bud med rnams kyis gnyi ga'i rten can te/ skyes pa dang bud med kyi rten can dag 'thob po/ /bud med rnams kyis 'di dag bskyed nas tshe gzhan du bud med kyi lus su skyes na bud med kyi rten can dag mngon du byed do/ /tshe gzhan du skyes par skyes na ni skyes pa'i rten can dag mngon du byed de/de dag thob pa'i bud med rnams tshe gzhan du mo'i lus su mi skye ba ni ma yin no/ /skyes pa rnams kyang de bzhin du tshe gzhan du mo'i lus su gyur na ni mo'i rten can dag mngon du byed la/ pho'i lus su gyur na ni pho'i rten can dag mngon du byed do/ /chos kyi mchog rnams kyi dbang du byas nas/chos mchog bud med kyis/ gnyi ga'i rten can thob par 'gyur/ /zhes bya ba smos te/ bud med kho nas chos kyi mchog gnyi ga'i rten can thob kyi/ skyes pas ni ma yin no/ /'di ltar de dag thob nas bud med kyi rten can de'i tshe na yod pa de dag dang ldan pa yin gyi/tshe gzhan du brjes na ni 'dod pa'i khams su skyes pa'i lus su skyes na yang skyes pa de skyes pa'i rten can dag dang ldan no/ /skyes pas ni skyes pa'i rten can 'ba' zhig thob bo/ /ci'i phyir zhe na/ bud med nyid ni so sor brtags pa ma yin pas 'gog pa thob pa'i phyir ro zhes bya ba smos te/ tshe de nyid la tshe rabs gzhan du yang bud med nyid du 'gyur ba med pa zhes bya ba de'i so sor brtags pa ma yin pas 'gog pa 'thob po/ /gang zhig chos kyi mchog dag skyed par byed pa des na gdon mi za bar mjug thogs su mthong ba'i lam skyed par byed la/ bden pa mthong ba yang bud med nyid du skye ba med do zhes bya ba ni grub mtha' yin no//sa bor nas zhes bya ba rgyas par 'byung ba ni 'phags pa ni nges par 'byed pa'i cha dang mthun pa bsam gtan dang po'i sa pa nas bsam gtan bzhi pa'i sa pa'i bar sa gang dag thob par gyur pa'i bsam gtan dang po nas bsam gtan bzhi pa'i bar gyis de dag 'dor ba na bdag nyid ji lta ba bzhin bsam gtan dang po'i sa pa nas bsam gtan bzhi pa'i sa pa'i bar de dag kyang stong gi gzhan du ni ma yin te/so so'i skye bo ltar 'chi ba'am nyams pas ni ma yin no zhes bya ba'i tha tshig go/ /sa 'dor ba ni sa 'phos pa'i phyir ro zhes bya ba ni 'dod chags dang bral ba'i sgo nas ni ma yin no zhes bya bar ston to//so so'i skye bo ni zhes bya ba ni so so'i skye bo ni sa 'pho yang rung mi 'pho yang rung ste/ nges par 'byed pa'i cha dang mthun pa rnams ris mthun pa btang ba kho nas gtong ngo / /'di ltar so so'i skye bo ni sa gang ba'i nges par 'byed pa'i cha dang mthun pa dag thob pa de'i gong du skye ba ni de dag gi sa 'pho ba na 'chi bas 'dor ro//'dod chags dang ma bral ba ni sa 'pho ba med par 'chi bar gtong ste 'dod pa'i khams nyid du skye'o/ /'phags pa'i gang zag ni de lta ma yin te/ de'i dge ba'i rtsa ba'i rgyud ni mthong ba'i lam gyis nye bar spel ba'i phyir ro//so so'i skye bo kho na de ltar gtong ngo zhes bya bar ji ltar shes she na/ bstan bcos las sgo nga dang / nur nur po la sogs par gyur pa'i so so'i skye bo ni lus dang ldan gyi lus kyi las dang ni ma yin no zhes 'byung ba'i phyir ro/ /slob dpon dbyig bshes na re ni so so'i skye bo ni sa 'pho ba yang rung mi 'pho ba yang rung ste ris mthun pa kho nas gtong ngo zhes bya ba 'dir sa smos par bsam gtan mtha' dag gzung ste/de la gang gi tshe so so'i skye bo tshangs ris pa dag nas shi 'phos te/ tshangs pa'i mdun na 'don dag gi nang du skye ba de'i tshe ris mthun pa btang bas gtong ngo / / gang gi tshe bsam gtan dang po nas shi 'phos nas bsam gtan gnyis par skyes pa de'i tshe ni sa bor ba dang ris mthun pa btang ba dag gis gtong ngo zhes zer ro/ /de ni tshangs pa'i 'jig rten du skyes pa'i so so'i skye bo rnams la nges par 'byed pa'i cha dang mthun pa med pa'i phyir rigs pa ma yin te/ nges par 'byed pa'i cha dang mthun pa dag ni 'dod pa'i khams su skyed par byed la/'dod pa'i khams nas 'chi 'pho ba nyid kyis de dag gi nges par 'byed pa'i cha dang mthun pa gtong bas so/ /'di ni slob dpon 'dus bzang gis kyang bstan te/ so so'i skye bo yang sa gang ba'i nges par 'byed pa'i cha dang mthun pa thob pa de nas gong du skye ba'i tshe nges par 'byed pa'i cha dang mthun pa dag 'dor ba ma yin nam zhe na/de ni med de/ ris mthun pa btang ba kho nas bor ba'i phyir ro/ /'chi ba'i srid pa la gnas pas de dag 'dor bas srid pa bar ma la gnas pas bor zin te/ de'i gong du skye ba na 'dor bar gyur pa gang yin pa de ni med pas 'chi ba kho nas zhes bshad do zhes bya ba yin no//so sor thar pa'i sdom pa bzhin du zhes bya ba ni dper na so sor thar pa'i sdom pa btang ba phyis len pa na sngon gyi ma yin pa thob pa dang 'dra'o/ /ci'i phyir zhe na/ ma 'dris pa dang 'bad de bsgrub par bya ba yin pa'i phyir ro zhes bya ba smos te/ma 'dris pa'i phyir dang / 'bad de bsgrub par bya ba yin pa'i phyir ro/ /gong gi phyir thog ma med pa can gyi 'khor ba na 'dris pa ma yin pa'i phyir 'dod chags dang bral bas 'thob pa ma yin no/ /gang gi phyir 'bad pas bsgrub par bya ba yin pa de'i phyir sngun btang ba dag mi 'thob po//mtshams ston par byed pa zhig yod na ni zhes bya ba la/ mtshams ni bar mtshams so/ /ston par byed pa ni ston pa po ste/ smon nas shes pa 'thob pa'o/ /de yod na thob ste nyams pa'i gong ma skyed par byed de ma bskyed pa gang yin pa skyed par byed do zhes bya ba'i don to//mtshams ston par byed pa med na ni bzhi kho nas skyed par byed de dro bar gyur pa nas brtsams te zhes bya ba'i tha tshig go/ /rnam par nyams pa dang yongs su nyams pa 'di dag gi zhes bya ba ni/ 'phags pas de dag sa bor nas/ /gtong ngo zhes 'byung bas rnam par nyams pa yang bshad la/dang po gnyis yongs nyams pas kyang / /zhes 'byung bas yongs su nyams pa yang bshad de/ de'i phyir 'di dag gi zhes bya ba ston to/ /nyams pa gnyis zhes bya ba ni rnam par nyams pa dang yongs su nyams pa dag gi spyi'i ngo bo yongs su bzung bas gnyi ga smos pa yin no/ /yongs su nyams pa ni nyes pas byas pa yin gyi zhes bya ba ni nyon mongs pas byas pa yin gyi zhes bya ba'i tha tshig go//rnam par nyams pa ni gdon mi za ba ma yin no zhes bya ba de ni nyes pas byas pa 'ba' zhig tu ma zad kyi yon tan gyis byas pa yang yin no/ /de la yon tan gyis byas pa ni 'di lta ste mthong ba'i lam skyes na so so'i skye bo nyid rnam par nyams pa lta bu'o//nyes pas byas pa ni 'di lta ste/ log par lta bas dge ba'i rtsa ba rnam par nyams pa lta bu'o/ /yang na nying mtshams sbyor ba'i sems kyis chos kha cig rnam par nyams pa lta bu'o/ /de lta na yongs su nyams pa gang yin pa de ni rnam par nyams pa yang yin no//rnam par nyams pa gang yin pa de ni gdon mi za bar yongs su nyams pa ma yin te/ yongs su nyams pa ni yon tan gyi khyad par dag kho na las yongs su nyams pas so/ /mi skye ba'i chos nyid 'thob ste zhes bya ba ni 'gro ba la sogs pa de dag gi so sor brtags pa ma yin pas 'gog pa 'thob ste zhes bya ba'i don to//de dag ci rigs par te zhes bya ba ni mi skye ba'i chos nyid de de dag ni ji ltar 'os 'os su bzod pa chung ngu dang chen po'i tshe 'thob po zhes bya bar sbyar ro/ /ji ltar byas pas she na/ bzod pa chung ngu'i tshe ni ngan song gi 'gro ba rnams kyi mi skye ba'i chos nyid 'thob po//chen po'i tshe ni sgo nga las skye ba dang / drod gsher las skye ba'i skye gnas dag gi'o/ /chung ngu'i tshe ni 'du shes med pa'i sems can dang / byang gi sgra mi snyan dang / tshangs pa chen por skye ba rnams kyi'o/ /chen po'i tshe ni za ma dang ma ning dang mtshan gnyis pa'i lus rnams kyi'o//chen po nyid kyi tshe ni srid pa brgyad pa la sogs pa ste/ srid pa brgyad pa la sogs pa dang / dgu pa la sogs pa dang / mthong bas spang bar bya ba'i mi skye ba'i chos nyid 'thob po/ /rigs de nyid ces bya ba ni slob dpon gyi gzhung lugs yin te/ bzod pas yongs su bsgos pa'i nyan thos kyi rigs te/de ni bzod pas yongs su bsgos pa nyid kyis bzlog tu mi rung ba'i phyir ro snyam du bsams pa'o/ /gzhan gsum yang zhes bya ba ni rang sangs rgyas su ni nyan thos kyi rigs las bzod pa yang bzlog nas 'gyur te/ de dag ni gzhan gyi don du ngan song du mi 'gro ba'i phyir ro snyam du bsams pa yin no//ting nge 'dzin mi g.yo ba dang / gsal ba'i phyir zhes bya ba ni skyon brgyad las grol ba'i phyir ting nge 'dzin mi g.yo ba yin no/ /de nyid kyi phyir ram dbang po rnon po'i phyir gsal zhing sbyangs pa yin no/ /gang dag gi ltar na bse ru lta bu las gzhan pa'i rang sangs rgyas yod par 'dod pa zhes bya ba ni chos mngon pa pa gang dag gi gzhung lugs kyis bse ru lta bu las gzhan pa'i rang sangs rgyas kyang yod par 'dod pa ste/nges par 'byed pa'i cha dang mthun pa tsam bskyed pa tshogs shing spyod pa'i rang sangs rgyas so snyam du bsams pa yin no//de dag gi ltar na de'i rigs dro bar gyur pa dang / rtse mo rnams ni zlog par dgag pa med de/ bse ru lta bu kho na dmigs kyis bkar ba'i phyir ro/ /myur ba srid pa gsum gyis thar/ /zhes bya ba ni gang zhig thar pa myur bar thob pa de tshe gcig la ni thar pa'i cha dang mthun pa'i dge ba'i rtsa ba skyed par byed do//gnyis pa la ni nges par 'byed pa'i cha dang mthun pa rnams so/ /gsum pa la ni 'phags pa'i lam mo/ /gang zhig tshe snga ma la thar pa'i cha dang mthun pa'i tshogs bsags pa de ni tshe gcig kho na la yang nges par 'byed pa'i cha dang mthun pa rnams dang /'phags pa'i lam skyed par byed do zhes bya bar khong du chud par bya'o/ /sa bon 'debs pa dang zhes bya ba la sogs pa 'byung ba ni sa bon 'debs pa lta bu'i thar pa'i cha dang mthun pa skye ba yin no/ /'bru skye ba lta bu ni nges par 'byed pa'i cha dang mthun pa skye ba yin no/ /'bras bu chags pa lta bu ni 'phags pa'i lam yin no//chos nyid 'di la zhes bya ba ni gsung rab kyi chos nyid la'o/ /'jug pa dang yongs su smin pa dang rnam par grol bar 'gyur zhes bya ba ni don gyi dngos yin te/ 'jug pa ni thar pa'i cha dang mthun pas so/ /yongs su smin pa ni nges par 'byed pa'i cha dang mthun pa rnams kyis so//rnam par grol ba ni 'phags pa'i lam gyis so/ /de'i smon lam gyis yongs su bzung ba'i phyir zhes bya ba ni yid kyi smon lam gyis yongs su bzung ba'i phyir te/ smon lam ni sems pa'i khyad par yin no/ /zas 'ga' tsam byin nas zhes bya ba ni lus kyi las yin no/ / bslab pa 'ga' tsam yang mnos nas zhes bya ba ni ngag gi las yin te/ de dag kyang yid kyi las kyi kun nas bslang bas las gsum gyi rang bzhin yin no/ /'di ni chung ngu zin kyang thar pa 'dod pa'i stobs skyed pa las thar pa'i cha dang mthun pa'i 'phen par 'gyur ro/ /thar pa'i cha ni thar pa'i cha ste thar pa 'thob pa yin no//de la phan pa ni thar pa'i cha dang mthun pa zhes bya'o/ /gzhan nas ni ma yin te/ ci rigs par shes rab dang / skyo ba med pa'i phyir ro zhes bya ba ni re zhig sgra mi snyan dag na ni gnyi ga med do/ /ngan song dag na ni skyo ba yod la shes rab med do/ /lha dag gi nang na ni skyo ba med la shes rab yod de/de'i phyir mi rnams kyi nang kho na dang gling gsum nas 'phen gyi gzhan nas ni ma yin no/ /mngon par rtogs pa'i rim par bshad par brtsams pa zhes bya ba ni/ tshul gnas thos dang bsam ldan pa/ /bsgom pa la ni rab tu sbyor/ /zhes bya ba nas brtsams te/ nges par 'byed pa'i cha dang mthun pa'i go rims dang /de'i zhar la thar pa'i cha dang mthun pa nye bar bkod pa yin no/ /chos kyi bzod pa zag pa med/ /ces bya ba ni nges par 'byed pa'i cha dang mthun pa rnams kyis kyang chos la bzod pas de'i phyir rgyu mthun pas khyad par du bya ste/ gang gi rgyu mthun pa chos shes pa yin pa de ni chos shes pa'i bzod pa yin no//chos shes pa'i phyir bzod pa ni chos shes pa'i bzod pa ste/ me tog dang 'bras bu'i shing bzhin no zhes bya ba ni dper na me tog gi ched kyi shing la me tog gi shing zhes bya ba dang / 'bras bu'i ched kyi shing la 'bras bu'i shing zhes bya ba dang 'dra'o//tshig le'ur byas pa las chos kyi bzod pa zhes smos pa ni phyogs gcig smos pa'i phyir te/ dper na lhas byin la lhas byin zhes bya ba dang 'dra'o/ /yang dag pa nyid ni mdo las mya ngan las 'das pa yin par bshad do zhes bya ba ni yang dag pa nyid gang zhe na/ gang zhig 'dod chags yongs su gtugs te/spangs pa de yin no zhes bya ba rgyas par 'byung ngo / /de nges pa ni nges pa ste zhes bya ba ni yang dag pa nyid der nges shing gcig tu gyur pa ni nges pa zhes bya'o/ /der 'jug pa ni mngon par 'gro ba ste zhes bya ba ni gcig tu gyur pa der 'jug pa ni phyin pa ste/ de ltar na phyin ci ma log par 'jug pa'i phyir nges par 'jug pa zhes bya'o//de skyes na zhes bya ba ni chos shes pa la bzod pa'o/ /mar me dang skye ba bzhin no zhes bya ba ni mar me bzhin dang / skye ba bzhin no zhes bya ba'i tha tshig ste/ dper na mar me ma 'ongs pa mun pa bsal bar nus pa dang / skye ba ma 'ongs pa bskyed par bya ba skyed par nus pa de bzhin du sdug bsngal la chos shes pa'i bzod pa ma 'ongs pas kyang so so'i skye bo nyid bzlog par nus par khas len gyi byed pa gzhan nyon mongs pa spong ba ni ma yin no//gzhan dag na re 'jig rten pa'i chos kyi mchog rnams kyis bzlog go zhes zer ro zhes bya ba ni so so'i skye bo nyid zlog par byed do zhes bya bar skabs dang sbyar ro//ma yin te de'i chos yin pa'i phyir ro zhes bya ba ni 'jig rten pa'i chos kyi mchog rnams kyis de zlog par byed do zhes bya ba de ni rigs pa ma yin no/ /ci'i phyir zhe na de dag so so'i skye bo'i chos yin no so so'i skye bo'i chos kyis so so'i skye bo chos ji ltar bzlog par 'gyur/de dang 'gal ba'i phyir nyes pa med do zhes bya ba ni chos kyi mchog rnams ni so so'i skye ba nyid dang 'gal ba'i phyir de ni nyes pa med do/ /dper na ci dang 'dra zhe na/ dgra bo'i phrag pa la zhon nas de la 'tshog pa bzhin no zhes bya ba smos te/ dper na 'ga' zhig gis dgra bo'i phrag pa la zhon la dgra bo nyid la 'tshog par byed pa de bzhin du chos kyi mchog rnams kyis kyang dgra bo so so'i skye bo nyid kyi phrag pa la zhon te/ so so'i skye bo nyid de kho na la 'joms par byed do zhes grag go/ /gzhan dag na re gnyi gas zlog ste zhes bya ba ni so so'i skye bo nyid 'jig rten pa'i chos kyi mchog rnams dang /bzod pas kyang zlog go zhe'o/ /ji lta zhe na/ bar chad med pa dang rnam par grol ba'i lam dang chos mthun pa'i phyir ro zhes bya ba smos te/ 'jig rten pa'i chos kyi mchog rnams ni bar chad med pa'i lam dang chos mthun pa yin no/ /bzod pa ni rnam par grol ba'i lam dang chos mthun pa yin te/dper na bar chad med pa'i lam gyis nyon mongs pa spong bar byed la rnam par grol ba'i lam gyis spangs pa de bzhin du 'jig rten pa'i chos kyi mchog rnams kyis so so'i skye bo nyid rnam par nyams par byed la bzod pas rnam par nyams pa yin no//de ni sdug bsngal la chos shes pa zhes bya'o zhes bya ba ni bstan bcos las ming des tha snyad 'dogs so zhes bya bar ston te/ thams cad du yang zag pa med pa'i skabs yin zhes bya ba ni de'i phyir/ de nas ni de nyid la chos shes zhes bya ba zag pa med par zhes bya bar mngon no/ / spyi la dmigs pa zhes bya ba ni gzugs dang gzugs med pa na spyod pa'i sdug bsngal la dmigs pa'i phyir ro/ /dang po nyid du chos kyi de kho na nyid shes pa'i phyir zhes bya ba ni dang po sdug bsngal la sogs pa'i chos kyi de kho na nyid shes pa'i phyir zhes bya ba'i tha tshig go/ /de'i rgyu las byung ba'i phyir zhes bya ba ni de'i rgyu can yin pa'i phyir zhes bya ba'i don to//de bzhin du rtogs pa'i phyir ro zhes bya ba ni ji ltar chos shes pas sdug bsngal la sogs pa'i bden pa la sdug bsngal la sogs pa'i rnam par rtogs shing yongs su shes pa kho na bzhin du gzugs dang gzugs med pa na spyod pa'i sdug bsngal la sogs pa yang rtogs pa'i phyir rjes su shes pa yin no//de bzhin du zhes bya ba rgyas par 'byung ba ni de bzhin du mjug thogs su skye ba'i rim gyis gzugs dang gzugs med pa na spyod pa'i kun 'byung lhag ma la rjes su shes pa'i bzod pa dang zhes bya ba rgyas par sbyar bar bya'o/ /sde pa gzhan zhes bya ba ni 'phags pa chos srung ba'i sde pa la sogs pa'o//bye brag med par ni mngon par rtogs pa zhes bya'o zhes bya ba ni/ de ltar bden pa mngon rtogs 'di/ /sems bcu drug go zhes bya ba mthong ba'i mngon par rtogs pa dang / dmigs pa'i mngon par rtogs pa dang / bya ba'i mngon par rtogs pa yin te/de ltar na sems bcu drug ces bya ba ni bye brag med pa yin no/ /mthong ba'i mngon par rtogs pa zhes bya ba ni mthong ba nyid mngon par rtogs pa yin te dmigs pa'i mngon par rtogs pa dang / bya ba'i mngon par rtogs pa yang de dang 'dra'o/ /mthong ba'i mngon par rtogs pa ni zag pa med pa'i shes rab kyis zhes bya ba ni/dge slong dag zag pa med pa'i shes rab kyis mthong ba gang yin pa de ni mthong ba'o zhes 'byung bas shes rab nyid mthong ba yin no zhes bya bar rnam par gzhag go/ /dmigs pa zhes bya ba smos pa ni de dang mtshungs par ldan pa tshor ba la sogs pas kyang mngon par rtogs pa yin no//kyang zhes bya ba'i sgras ni shes rab kyis kyang yin te/ 'di ltar sems dang sems las byung ba rnams kyis bden pa dag la dmigs par byed do/ /bya ba ni bden pa gang zhig la bya ba gang yin pa ste/ 'di lta ste sdug bsngal la yongs su shes pa dang / kun 'byung ba la spang ba dang /'gog pa la mngon sum du bya ba dang / lam la bsgom pa'o/ /de dang ldan pa ma yin pa tshul khrims dang / skye ba la sogs pas kyang mngon par rtogs pa'o zhes bya ba la/ kyang zhes bya ba'i sgras ni shes rab dang mtshungs par ldan pa dag gis kyang yin te/bya ba bzhi po ni shes rab dang mtshungs par ldan pa dang / ldan pa ma yin pa rnams kyis byed pas so/ /skye ba la sogs pa zhes bya ba la sogs pa zhes bya ba'i sgras ni mtshan nyid gzhan dang thob pa rnams kyang bsdu'o/ /sdug bsngal mthong na zhes bya ba rgyas par 'byung ba ni shes rab kyis sdug bsngal mthong na mngon par rtogs pa po'am/sdug bsngal de'i mngon par rtogs pa ni ji skad bshad pa gsum mo/ /kun 'byung zhes bya ba la sogs pa 'byung ba ni kun 'byung ba dang / 'gog pa dang / lam rnams kyi ni bya ba'i mngon par rtogs pa yin te/ spong ba dang mngon sum du byed pa dang /bsgom pa'i phyir ro/ /go rims bzhin du kun 'byung ba ni spong ba ste/ nyon mongs pa'i thob pa chad pa'i phyir ro/ /'gog pa ni mngon sum du byed de/ thob pa skyed pa'i phyir ro/ /lam ni bsgom ste/ mngon sum du byed pa'i phyir ro/ /rnam pa tha dad pa'i phyir zhes bya ba ni sdug bsngal la sogs pa 'di dag gi rnam pa ni re re zhing tha dad pa'i phyir te/de dag gi rnam pa'i tha dad pas kun 'byung ba la sogs pa sdug bsngal gyi rnam par mthong ba ni rung ba ma yin no/ /'on te sde pa gzhan dag chos thams cad kyi spyi'i mtshan nyid stong pa nyid dang bdag med pa dag nyid yin zhes te/bden pa thams cad bdag med pa'i rnam par mthong ngo zhes zer na ni 'o na ni bden pa rnams/ sdug bsngal ba dang kun 'byung ba dang / 'gog pa dang lam zhes bya ba lta bur sdug bsngal la sogs par mthong bar mi 'gyur ro/ /de lta yin na ni thams cad bdag med pa'i rnam par mthong ngo zhes smra ba mdo dang 'gal te/'di ltar mdo las ni 'di skad du/ 'phags pa nyan thos zhes bya ba rgyas par 'byung ngo / /'on te mdo dang 'gal ba med de/ 'di ltar 'phags pa nyan thos sdug bsngal la sdug bsngal du yid la byed pa'am zhes bya ba la sogs pa 'byung ba ni mngon par rtogs pa'i gnas skabs kyi sngon rol sbyor ba'i gnas skabs na yin no//de'i phyir thams cad bdag med pa'i rnam par mthong ba'i phyir mngon par rtogs pa ni gcig kho na yin no snyam du sems na/ zag pa med pa'i yid la byed pa dang mtshungs par ldan pa'i chos rnams rnam par 'byed pa gang yin pa zhes 'byung ba'i phyir de yang rung ba ma yin te/sbyor ba'i gnas skabs na ni zag pa med pa'i yid la byed pa mi srid do/ /gal te 'phags pa nyan thos sdug bsngal la sdug bsngal du yid la byed pa 'am zhes bya ba rgyas par 'byung ba gang yin pa de lta bu ni bsgom pa'i lam la yin no zhe na ma yin te/ji ltar mthong ba bzhin bsgom pa'i phyir ro zhes bya ba ni de ni de lta ma yin te/ ji ltar bden pa rnams sngar mthong ba kho na bzhin du phyis de dag bsgom ste/ bsgom pa'i lam yin no zhes bya ba'i tha tshig go/ /lhag ma rnams la dbang thob pa'i phyir zhes bya ba la/dbang thob pa ni sbyor ba med par kun 'byung ba la sogs par mthong ba mngon sum du 'gyur ba'i mthu 'thob pa ste de'i phyir ro/ /bar skabs su ldang ba yod dam med ces dpyad par bya ba yin no zhes bya ba ni lhag ma rnams la dbang thob pa'i phyir bar skabs su ldang bar 'gyur bas nyes par 'gyur ro snyam du bsams pa yin no//gnyi ga ltar rnam par dpyad na yang mdo sde mang po dang 'gal te/ de dag dang ji ltar 'gal ba de lta bu ni lung las mnyan par bya'o/ /gcig mthong na lhag ma rnams bya ba'i mngon par rtogs pa yin no zhes 'byung ba'i phyir ro zhes bya ba ni gang gi phyir 'di skad du sdug bsngal mthong na de'i mngon par rtogs pa ni gsum mo//kun 'byung ba la sogs pa ni bya ba'i mngon par rtogs pa yin te/ spong ba dang mngon sum du byed pa dang bsgom pa'i phyir ro zhes 'byung ba de yod pa'i phyir kho bo cag kyang de ltar khas len pas nyes pa med do/ /smras pa/gal te khas len pas de ltar mngon par rtogs pa yin na mdo las bden pa rnams rim gyis mngon par rtogs par 'byung ba dang 'gal lo zhe na/ de'i phyir mdo las mthong ba'i mngon par rtogs pa'i phyir zhes bya ba rgyas par smos so/ /dpe dang bcas pa'i mdo gsum khungs su yod do zhes bya ba ni yang dag par ldan pa'i mdo las 'byung ba yin no//ji skad du zhe na/ mgon med zas sbyin gyis gsol ba/ btsun pa ci lags/ 'phags pa'i bden pa bzhi po mthar gyis mngon par rtogs sam/ 'on te mngon par rtogs pa gcig lags/ khyim bdag 'phags pa'i bden pa bzhi ni mthar gyis mngon par rtogs kyi mngon par rtogs pa gcig pa ni med do//khyim bdag gang zhig 'di skad du bdag gis sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa mngon par rtogs par bya'o zhes bya ba nas/ rgyas par sdug bsngal 'gog pa 'phags pa'i bden pa ma rtogs par sdug bsngal 'gog par 'gro ba'i lam 'phags pa'i bden pa mngon par rtogs par bya'o zhes bya ba'i bar du smra na/de skad du ni ma smra shig ces brjod par bya'o/ /de ci'i phyir zhe na/ sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa mngon par rtogs par 'gyur ba gang yin pa de ni gnas med cing go skabs med do zhes bya ba nas 'di ni gnas med cing zhes bya ba'i bar snga ma bzhin no//'di ni gnas yod do zhes bya ba'i bar yang snga ma bzhin no/ /khyim bdag dper na gang zhig 'di skad du bdag gis khang pa brtsegs ma 'am/khang pa brtsegs ma chen po'i rmang la rkang pa ma bzhag par rtsig pa la gzhag par bya'o/ /rtsig pa la ma bzhag par phyam so la gzhag par bya'o/ /phyam so la ma bzhag par g.yogs ma la gzhag par bya'o zhes smra na de skad du ma smra shig ces brjod par bya'o// //bam po bzhi bcu rtsa bdun pa/ de ci'i phyir zhe na/ khang pa brtsegs ma 'am zhes bya ba nas gnas med cing go skabs med do zhes bya ba'i bar snga ma bzhin no/ /rmang la rkang pa bzhag nas rtsig pa la rkang pa gzhag go zhes bya ba nas phyam so la rkang pa bzhag nas g.yogs ma la gzhag go zhes bya ba gang yin pa de ni gnas yod do zhes bya ba'i bar snga ma bzhin no//khyim bdag de bzhin du sdug bsngal gyi bden pa ma mthong bar kun 'byung ba'i bden pa mthong bar 'gyur ba gang yin pa de ni gnas med cing zhes bya ba rgyas par 'byung ba'i bar snga ma bzhin no//de nas dge slong gcig cig gis gsol pa/ btsun pa ci lags/ 'phags pa'i bden pa bzhi po mthar gyis mngon par rtogs sam/ 'on te mngon par rtogs pa gcig lags/ bcom ldan 'das kyis bka' stsal pa/ dge slong bden pa bzhi ni zhes bya ba la sogs pa snga ma bzhin no//dge slong dper na gang zhig 'di skad du bdag gis bang rim bzhi yod pa'i them skas tha ma la ma gzegs par gnyis pa la 'dzeg par bya'o/ /gnyis pa la ma gzegs par gsum pa la/ gsum pa la ma gzegs par bzhi pa la 'dzeg par bya'o zhes smra na de skad du ma smra shig ces brjod par bya'o//de ci'i phyir zhe na/ bang rim bzhi pa'i them skas la bang rim tha ma la ma gzegs par bang rim gnyis pa la 'dzeg pa nas/ de bzhin du gsum pa la ma gzegs par bzhi pa la 'dzeg pa'i bar 'di ni gnas med cing go skabs med do/ /de bzhin du 'di la yang sdug bsngal gyi bden pa ma mthong bar kun 'byung ba'i bden pa mthong bar 'gyur ba gang yin pa 'di ni gnas med do zhes bya ba la sogs pa 'byung ngo //de bzhin du 'phags pa kun dga' bos gsol pa/ btsun pa ci lags/ 'phags pa'i bden pa bzhi po mthar gyis mngon par rtogs sam/'on te mngon par rtogs pa gcig pa lags zhes bya ba la sogs pa mdo snga ma bzhin no/ /kun dga' bo dper na gang zhig 'di skad du bdag gis gdang bu bzhi pa'i skas la/ gdang bu tha ma la rkang pas ma gzegs par gdang bu gnyis pa la 'dzeg go zhes bya ba nas de bzhin du gdang bu bzhi pa la rkang pas ma gzegs par khang bzangs kyi thog tu 'dzeg go zhes smra na de skad du ma smra zhig ces brjod par bya'o zhes bya ba la sogs pa rgyas par snga ma bzhin no//kun dga' bo gang zhig 'di skad du bdag gis sdug bsngal 'phags pa'i bden pa mngon par ma rtogs par kun 'byung ba'i bden pa mngon par rtogs par bya'o zhes bya ba nas rgyas par 'di ni gnas med de zhes bya ba'i bar snga ma bzhin te/mdo gsum ni 'di dag yin no/ /gang zhig sdug bsngal la zhes bya ba rgyas par 'byung ba ni ci ste mdo las/ gang zhig sdug bsngal la nem nur med cing the tshom med pa de ni sangs rgyas la yang zhes gsungs pas mngon par rtogs pa gcig go zhes bya bar 'dod na'o//ji lta zhe na/ sangs rgyas ni mi slob pa'i chos rnams yin la/ mi slob pa'i chos de dag kyang lam yin no/ /de lta bas na sdug bsngal mngon par rtogs pa'i phyir des lam yang mngon par rtogs pa yin te//'di ltar sdug bsngal bzhin du sangs rgyas la yang nem nur med cing the tshom med pas so/ /nem nur dang / the tshom zhes bya ba ni don tha dad pa ma yin no/ /yang na nem nur ni nges par mi 'dod pa yin no/ /the tshom ni ji skad bshad pa'i mtshan nyid kyi yid gnyis yin no//ma yin te/ kun du mi 'byung ba dang / gdon mi za bar spong ba las dgongs te/ gsungs pa'i phyir ro zhes bya ba ni kun du mi 'byung ba dang / gdon mi za bar spong ba las dgongs te/ gsungs pa'i phyir mdo las mngon par rtogs pa gcig pa'o zhes 'byung ngo zhes zer ba de ni de lta ma yin te/sdug bsngal mngon par rtogs na yang sangs rgyas kyi yul la the tshom za ba kun du mi 'byung ba dang gdon mi za bar spong bar 'gyur ro/ /de'i phyir gang zhig sdug bsngal la nem nur med cing the tshom med pa de ni sangs rgyas la yang zhes gsungs par dgongs pa yin no//de dag ni sa drug pa'o zhes sngar bshad zin to zhes bya ba ni/ mi lcogs pa med pa dang khyad par bsam gtan sa pa'o zhes 'byung ba'i phyir ro/ /bar chad bya bar mi nus pa'i phyir zhes bya ba la bar chad bya bar nus pa ni bar chad do/ /bar chad med pas na bar chad med pa'o//de dag gis nyon mongs pa'i thob pa rnam par gcod de de dag gi gnas skabs de ni ring ba yin par 'dod do/ /bar chad med pa'i lam zhes bya ba la/ bar chad med pa ni bar chad med pa'i ngo bo 'am bar chad med pa'i lam mo/ /de'i lam ni bar chad med pa'i lam mo/ /rnam par grol ba'i lam zhes bya ba ni rnam par grol ba'i lam ni rnam par grol ba'i lam ste/nyon mongs pa las rnam par grol ba'i gnas skabs kyi lam mo zhes bya ba'i tha tshig go/ /gnyis kyis rkun po 'byin pa dang / sgo gcod pa bzhin no zhes bya ba ni dper na gnyis las gcig gis ni rkun po phyir 'byin par byed la/gnyis pas ni de nang du mi shor bar bya ba'i phyir sgo gcod pa de bzhin du/ bar chad med pa'i lam gyis ni nyon mongs pa'i chom rkun de'i thob pa gcod pa'i sgo nas 'byin par byed la/ rnam par grol ba'i lam gyis ni bral ba'i thob pa da ltar du byed pa'i sgo nas sgo gcod par byed do//gal te zhes bya ba rgyas par 'byung ba ni gal te bar chad med pa'i lam gnyis pa sdug bsngal ba la rjes su shes pa'i bzod pa kho na bral ba'i thob pa lhan cig spyi'i sdug bsngal la chos shes pa ni mi skye ba kho na ste/ 'dis bya dgos pa gang yin pa de ni sdug bsngal la rjes su shes pa'i bzod pa kho nas byed par 'gyur na zhes bsams pa yin no//dmigs pa de kho na la the tshom spangs pa'i shes pa zhes bya ba ni dmigs pa 'dod pa na spyod pa'i sdug bsngal de kho na la the tshom spangs pa'i shes pa skye bar mi 'gyur ro/ /sdug bsngal de la chos shes pa'i bzod pa ni the tshom dang bcas pa kho nar 'jug ste/the tshom ma spangs pa'i phyir ro/ /sdug bsngal de la rjes su shes pa'i bzod pa the tshom spangs pa yin no zhes bya bar rnam par gzhag par yang mi nus te de'i yul ma yin pa'i phyir ro/ /gal te bzod pa rnams kyis zhes bya ba rgyas par 'byung ba ni gal te bzod pa rnams kyis nyon mongs pa spong ba'i phyir bstan bcos la kun du sbyor ba'i ris dgu ste/sdug bsngal la chos shes pas spang bar bya ba'i kun du sbyor ba'i ris dang / kun 'byung ba la chos shes pas spang bar bya ba dang / 'gog pa la chos shes pas spang bar bya ba dang / lam la chos shes pas spang bar bya ba dang sdug bsngal la rjes su shes pas spang bar bya ba dang /kun 'byung ba la rjes su shes pas spang bar bya ba dang / 'gog pa la rjes su shes pas spang bar bya ba dang / lam la rjes su shes pas spang bar bya ba dang / bsgom pas spang bar bya ba'i kun du sbyor ba'i ris so zhes 'byung ba dang / mdo las/ dge slong dag de lta na nyon mongs pa rnams ni shes pas gzhom par bya ba yin no/ /sems ni glog lta bu'o zhes 'byung ba gang yin pa de dang yang 'gal te/ de las ni bzod pas spang bar bya ba'i kun du sbyor ba'i ris ma bshad do zhe na ma yin te/ bzod pa rnams ni zhes bya ba rgyas par smos te/ de ni de lta ma yin no/ /ci'i phyir zhe na/ bzod pa rnams ni shes pa'i 'khor yin pa'i phyir te/ bzod pa rnams ni shes pa'i 'khor yin no/ /de'i phyir bzod pas spang bar bya ba'i kun du sbyor ba'i ris la shes pas spang bar bya ba zhes brjod de/ rgyal pos byas so zhes tha snyad 'dogs pa bzhin no dper na rgyal po'i 'khor gyis byas pa'i don 'ga' zhig la rgyas pos byas so zhes tha snyad 'dogs pa de dang 'dra'o//bsgom pas spang bar bya ba'i kun du sbyor ba'i ris ni shes pas spang bar bya ba kho na yin te/ de la ni bar chad med pa'i lam yang shes pa'i ngo bo nyid yin pas so/ / nyon mongs pa spang bar bya ba la ni bar chad med pa'i lam kho na khyad par du gtogs pa yin no/ /bden pa ma mthong ba mthong ba'i phyir ro zhes bya ba shes pa'i tshe ji ltar bden pa ma mthong ba mthong ba yin zhe na/ de yang bden pa gzhan ma mthong ba'i tshe na yod pas mthong ba'i lam gyi bar na yod pa'i shes pa mthong ba'i lam yin te/brgyud pa la bsams nas des kyang mthong ba mthong ba yin no/ /yang na ma mthong bas ma mthong ba mthong ba'i phyir skad cig ma bco lnga ni mthong ba'i lam yin te/ ji srid du gang zag 'di'i ma mthong ba mthong ba 'jug pa de srid du 'di'i skad cig ma rnams mthong ba'i lam yin no//'dis sdug bsngal mthong yang 'di la kun 'byung ba la ma mthong ba mthong ba 'jug pa kho na'o zhes bya ba la sogs pa yin no/ /skad cig ma bcu drug pa ni bsgom pa'i lam kho na yin no zhes bya bar tshig khong nas drang ngo / /des kyang ma mthong ba mthong ba ma yin nam zhes bya ba ni ci zhig ma mthong zhe na/lam la rjes su shes pa'i bzod pa zhes bya ba smos te/ lam la rjes su shes pa'i bzod pa ni bdag nyid ma gtogs pa lhag ma rjes su shes pa'i phyogs dang mthun pa'i lam la dmigs par byed de/ rang la bdag nyid byed pa ni 'gal ba'i phyir ro//de'i phyir lam la rjes su shes pa'i bzod pa ma mthong ba mthong zhes bya'o/ /bden pa'i phyir bsam gyi zhes bya ba rgyas par 'byung ba ni bden pa la mthong ngam ma mthong zhes bsam gyi skad cig ma mthong ngam 'on te ma mthong zhes bya ba ni ma yin no/ /ci'i phyir zhe na/ skad cig ma bco lnga pas rjes su shes pa'i phyogs dang mthun pa'i mtshan nyid kyis bden pa mthong ba gang yin pa de kho na bcu drug pas kyang mthong bas bden pa sngon ma mthong ba mthong ba med pa'i phyir skad cig ma bcu drug pa mthong ba'i lam zhes bya ba rnam par mi gzhag go//lam la rjes su shes pa'i bzod pa'i mtshan nyid kyi skad cig ma gcig ma mthong bas ni lam gyi bden pa ste ma mthong ba ma yin no//'jig rten pa'i dpe bstan par smras pa/ dper na nyag ma gcig ma brngas pas te/ zor bas 'bru'i nyag ma gcig ma brngas shing ma bcad pa zhing ma brngas pa ma yin pa bzhin no/ / 'o na ci zhe na/ brngas pa kho na yin no zhes bya ba'i tha tshig ste/ 'di ltar bag med par gyur pas zhing la nyag ma gcig cig ma brngas kyang 'di skad du bdag cag gis zhing brngas so zhes zer ba lta bu'o/ /'bras bu yin pa'i phyir dang zhes bya ba rgyas par 'byung ba ni/ 'bras bu yin pa'i phyir zhes bya ba la sogs pa'i gtan tshigs kyis skad cig ma bcu drug pa bsgom pa'i lam kho na yin par sgrub par byed do//skad cig ma bcu drug pa ni bsgom pa'i lam yin te/ 'dus byas kyi dge sbyong gi tshul gyi 'bras bu yin pa'i phyir lan cig phyir 'ong ba'i 'bras bu'am/ dgra bcom pa nyid kyi 'bras bu'i bar lta bu'o//de bzhin du shes pa brgyad dang rnam pa bcu drug thob pa'i phyir dang / zhugs pa'i lam rnam par nyams pa'i phyir dang / rgyun chags pa yin pa'i phyir bsgom pa'i lam kho na yin te/ 'bras bu gzhan bzhin no/ /skad cig ma bcu drug pa la ni sdug bsngal la chos shes pa nas lam la rjes su shes pa'i bar shes pa brgyad kyang 'thob la/mi rtag pa la sogs pa'i rnam pa bcu drug kyang 'thob bo/ /mthong ba'i lam la ni de kho na bzhin du shes pa brgyad dang / rnam pa bcu drug 'thob pa med de/ mthong ba la ni bzod pa dang / /shes pa ji ltar skyes pa rnams//ma 'ongs pa thob ces 'byung ba'i phyir de la ni shes pa dang rnam pa skal ba mnyam pa kho na 'thob bo/ /lam la rjes su shes pa la ni lam snga ma ste/ zhugs pa'i lam rnam par nyams pa yin gyi mthong ba'i lam gyis ni lam snga ma rnam par nyams pa ma yin no/ /lam la rjes su shes pa 'di ni rgyun chags pa yin gyi/mthong ba'i lam la ni bzod pa'am shes pa'ang rung rgyun chags pa chung zad kyang med de de'i phyir lam la rjes su shes pa ni bsgom pa'i lam yin no/ /'dod chags dang bral ba phyir rgol bar byed de/ skad cig ma bcu drug pa ni mthong ba'i lam yin te/gdon mi za bar yongs su mi nyams pa'i phyir sdug bsngal la chos shes pa'i bzod pa la sogs pa bzhin no/ /yang na phyogs snga ma sun 'byin par byed de/ phyogs 'di ni rjes su dpag pas 'ongs pa'i chos kyi rang gi ngo bo las bzlog pas skyon chags pa yin te/bsgom pa'i lam nyid du bsgrub par bya ba yin no/ /yang de'i yongs su mi nyams pa nyid kyi rjes su dpag pas bsal ba yin no zhe na/ de lta bas na rgol ba 'di'i dogs pa bsu bar yongs su mi nyams pa ni zhes bya ba rgyas par smos te/ 'di ltar mthong bas spang bar bya ba'i nyon mongs pa rnams kyis spangs pa lam la rjes su shes pa rten gyi gnyen pos yang dag par 'dzin to//gal te yang 'bras bu'i lam skad cig ma bcu drug pa de las yongs su nyams par 'gyur na ni/ rgyun du zhugs pa'i 'bras bu las yongs su nyams par 'gyur ba zhig na/rgyun du zhugs pa'i 'bras bu las ni yongs su nyams pa yang med de/ de'i phyir de las yongs su nyams par mi 'gyur ro/ /pha rol pos de nyid kyi phyir zhes bya ba smos so/ /de ci zhig ce na/ yongs su mi nyams pa'i gtan tshigs kho na smra ba yin/ kho bo cag kyang don 'di smra na dmigs par 'dra ba las ci ste 'di lan du rjod par byed ce na/slob dpon gyis gal te de nyid kyi phyir mthong ba'i lam yin no zhe na zhes bya ba smos te/ gal te gang gi phyir mthong bas spang bar bya ba'i spangs pa lam la rjes su shes pas 'dzin pa de nyid kyi phyir mthong ba'i lam yin no snyam du sems na ma yin te/ha cang thal bar 'gyur ba'i phyir ro/ /gal te lam la rjes su shes pas mthong bas spang bar bya ba'i spangs pa yang dag par 'dzin pas de'i phyir mthong ba'i lam du gyur na/ de lta yin na ni ha cang thal bar 'gyur te/ 'di ltar lam la rjes su shes pa phan chad kyi bsgom pa'i lam thams cad kyis mthong bas spang bar bya ba'i spangs pa yang dag par 'dzin pas thams cad mthong ba'i lam kho nar 'gyur ba zhig na/de yang 'dod pa ma yin te/ khyed ni skad cig ma bcu drug kho na mthong ba'i lam yin par 'dod kyi/ rgyun chags pa'i tshul gyis 'byung ba skad cig ma bcu bdun pa dang bco brgyad pa zhes bya ba la sogs pa 'am/nyi ma gnyis pa 'am/ gsum pa la de dang rigs mthun pa khyad par gyi lam gyis bsdus pa gang yin pa de ni ma yin te/ de'i phyir yang yongs su nyams pa med do/ /de lta ma yin na gtan tshigs gdon mi za bar yongs su mi nyams pa nyid gang yin pa de ma nges pa yin no zhes bstan par 'gyur ro//de ma nges pa yin pa'i phyir de ni phyir sgrub pa yang ma yin la/ phyogs snga ma sun 'byin pa yang ma yin no zhes bstan to/ /smras pa/ ci'i phyir sdug bsngal la chos shes pa nas lam la chos shes pa'i bar shes pa bdun mthong ba'i lam yin zhe na zhes bya ba ni brgyad pa lam la rjes su shes pa ni ma yin no snyam du sems pa yin no//mthong ba ma rdzogs pa'i phyir zhes bya ba ni lam la rjes su shes pa'i bzod pa la mthong ba rdzogs pa yin te/ de'i tshe bden pa thams cad mthong ba'i phyir ro//sdug bsngal la chos shes pa skyes pa'i tshe na 'dod pa na spyod pa'i sdug bsngal mthong mod kyi re zhig gzugs dang gzugs med pa na spyod pa'i sdug bsngal la sogs pa ni ma mthong ngo / /de bzhin du lam la chos shes pa skyes pa'i bar du re zhig gzugs dang gzugs med pa'i gnyen po ma mthong bas mthong ba de lhag ma dang bcas pa yin te/ma rdzogs pas de'i bar mar gyur pa'i phyir te/ mthong ba'i lam gyi bar mar gyur pa'i phyir ram bzod pa de gnyis kyi bar mar gyur pa'i phyir de dag kyang mthong ba'i lam yin no/ /rnal 'byor pa de blta bar bya ba lhag ma la 'dod pa dang bcas pa'i phyir ro snyam du bsams pa yin no//sngon gzhan gyi dring gis te gzhan gyi lung gis don gyi rjes su 'brang ba'i phyir te/ sdug bsngal la sogs pa'i bden pa rtogs pa'i phyir ro zhes bya ba'i tha tshig go/ /sngon zhes bya ba'i khyad par smos pa ni bsgom pa'i tshe ni gzhan gyi lung la mi ltos pas don gyi rjes su 'brang ngo zhes bstan pa yin no//chos kyi rjes su 'brang ba yang de dang 'dra ste zhes bya ba ni chos dag gi rjes su 'brang bas na chos kyi rjes su 'brang ba'o/ /de 'di la yod pas sam 'di chos kyi rjes su 'brang ba'i ngang tshul can yin pas na chos kyi rjes su 'brang ba'o//sngon bdag nyid kho nas mdo la sogs pa gsung rab kyi yan lag bcu gnyis kyi chos kyi don gyi rjes su 'brang ba'i phyir te/ snga ma bzhin du rnam par bshad do/ /rnam pa lnga'i bar du spangs pa zhig yin na yang zhes bya ba la/bar du zhes bya ba'i sgras ni gal te rnam pa gcig gam/ gnyis sam/ gsum mam/ bzhi'am/ lnga spangs pa zhig yin na yang ji ltar 'ching ba mtha' dag dang ldan pa de kho na bzhin du dang po'i 'bras bu la zhugs pa dag ces bya'o/ /gnyis pa la dgu pa tshun chad zad pa yin zhes bya ba la/gnyis pa la zhes bya ba ni gnyis pa'i phyir zhes bya ba'i tha tshig ste/ dper na pags pa'i phyir gung gsod do zhes bya ba lta bu'o/ /dgu pa tshun chad zad pa yin zhes bya ba ni rnam pa dgu spangs pa man chad de don gyis na rnam pa dgu spangs pa ma gtogs pa zhes bshad do/ /gal te gang zag de gnyis kyis rnam pa lnga pa spangs pa de yan chad rnam pa drug gam bdun nam brgyad cig sngon 'jig rten pa'i lam gyis spangs pa yin na ni de gnyis 'bras bu gnyis pa la zhugs pa zhes bya ste/gnyis pa la zhes 'byung ba'i phyir dang / zhugs pa dag ces bya ba'i skabs kyang yin pa'i phyir tshig gi don de ltar rnam par gzhag par 'gyur ro//yang na gong ma las zhes bya ba ni bsam gtan dang po las 'dod chags dang bral ba nas ci yang med pa'i skye mched kyi bar las 'dod chags dang bral ba dag go/ /dgra bcom pa nyid ni dang po nyid du thob par mi nus zhes bya ba ni phyir mi 'ong ba'i 'bras bu ma thob par dang po kho nar dgra bcom pa nyid thob par ni mi nus so//ci'i phyir zhe na/ mthong ba'i lam gyis bsgom pas spang bar bya ba mi spong ba'i phyir zhes bya ba smos te/ gang gis na mthong ba'i lam gyi ngo bo nyid kyis skad cig ma bco lnga la gnas pa 'bras bu gsum pa la zhugs pa'i sngon rol du dgra bcom pa nyid kyi 'bras bu mngon du bya ba'i phyir zhugs par 'gyur zhing sems bcu drug pa skyes na phyir mi 'ong ba'i sngon rol du dgra bcom par 'gyur ba/srid pa'i rtse mo pa'i bsgom pas spang bar bya ba spangs pa ni med do/ /dgra bcom pa nyid ni srid pa'i rtse mo bsgom pas spang bar bya ba spangs pa la rnam par gzhag go//smras pa/ gal te mthong ba'i lam gyis srid pa'i rtse mo pa'i bsgom pas spang bar bya ba rnams spong ba med pas de'i phyir dgra bcom pa nyid thob par mi nus na/ 'o na ni dang po so so'i skye bo gnas skabs kho na na bsgom pa'i lam gyis srid pa'i rtse mo las 'dod chags dang bral ba'i phyir de dag la gnas pa dgra bcom pa nyid kyi 'bras bu mngon du bya ba'i phyir zhugs pa yin par 'gyur la/sems kyi skad cig ma bcu drug pa la ni dang po dgra bcom pa nyid yin no zhe na de'i phyir sngar yang srid pa'i rtse mo las 'dod chags dang bral ba mi srid pa'i phyir ro zhes bya ba smos te/sngon so so'i skye bo'i gnas skabs na ni 'jig rten pa'i lam gyis srid pa'i rtse mo las 'dod chags dang 'bral ba mi srid de/ gong na sa med pa'i phyir ro/ /de lta bas na dang po nyid du dgra bcom pa nyid la zhugs pa dang dgra bcom par rnam par ma bzhag go//dad pa dang shes rab lhag pas mos pa dang mthong bas rab tu phye ba'i phyir ro zhes bya ba ni dad pa lhag pas mos pas rab tu phye ba'i phyir dad pas mos pa ste/ dad pa lhag pas mos pa'i phyir ro/ /de la shes rab med pa ni ma yin mod kyi des rab tu ma phye bas de'i ming mi 'grub bo//shes rab lhag pas lta bas rab tu phye ba'i phyir mthong bas thob pa ste/ de la dad pa med pa ni ma yin mod kyi zhes bya ba snga ma bzhin du brjod par bya'o/ /gzhan dag ni nges pa'i tshig gi tshul la dmigs nas rnam par 'chad par byed de/dad pa'i dbang gis mthong bas spang bar bya ba dag las grol bas na dad pa'i dbang gis grol ba yin no/ /lta ba'i dbang gis 'bras bu thob pas na mthong bas thob pa yin no zhe'o/ /rnam lnga'i bar bcom zhes bshad pa de'i phyir/ ci'i phyir zhes bya ba rgyas par 'dri bar byed do//'bras bu khyad par can gyi lam mi thob po zhes bya ba ni bsgom pas spang bar bya ba'i rnam pa dang po la sogs pa'i gnyen po'i lam mi bsgom mo zhes bya ba'i tha tshig go/ /ji srid khyad par du bya ba'i phyir 'bras bu gzhan thob par bya ba la mi brtson pa zhes bya ba ni ji srid du nyon mongs pa ma spangs pa spang ba'i phyir 'bras bu gzhan thob par bya ba'i ched du sbyor ba gzhan mi byed pa de srid du zhugs pa zhes mi bya'o//shugs kyis na gang gi tshe rab tu sbyor ba de'i tshe ni zhugs pa yin no zhes bshad par 'gyur te/ grub pa'i mtha' las de sngon nyon mongs pa spangs pa'i gnyen po sngar ma thob pa dang /de'i spangs pa'i zag pa med pa yang skye'o zhes 'byung bas so/ /de bzhin du 'bras bu gzhan la yang sbyar bar bya'o zhes bya ba ni sems kyi skad cig ma bcu drug pa la rgyun du zhugs pa kho na yin no zhes 'byung bas rgyun du zhugs pa bshad zin to/ /de'i phyir gzhan lan cig phyir 'ong ba'i 'bras bu dang phyir mi 'ong ba'i 'bras bu la yang rig par bya ste/'jig rten pa'i lam gyis rnam pa drug spangs kyang sems bcu drug pa la lan cig phyir 'ong ba kho na'o zhes bya'i/ phyir mi 'ong ba'i 'bras bu la zhugs pa ni ma yin te/ gang gi phyir/ 'bras thob 'bras bu khyad par gyi//lam thob med pas zhes 'byung ba'i phyir ro/ /de bzhin du 'dod pa'am yang na gong ma las 'dod chags dang bral ba yang sems bcu drug pa la dgra bcom pa nyid kyi 'bras bu la zhugs pa zhes mi bya ste/ gang gi phyir/ 'bras thob 'bras bu khyad par gyi/ /zhes bya ba snga ma bzhin no//gang zhig bsam gtan gsum pa las 'dod chags dang bral la zhes bya ba rgyas par 'byung ba ni bsam gtan gsum pa las 'dod chags dang bral ba zhig sa 'og ma la brten te/ mi lcogs pa med pa dang / bsam gtan khyad par can nam/ bsam gtan dang po'am/gnyis pa la brten te nges par 'jug pa zhes bya ba ni srid pa yod de/ de ni gdon mi za bar gang las bsam gtan gsum pas bsdus pa'i zag pa med pa'i bde ba'i dbang po thob par 'gyur ba 'bras bu khyad par can gyi lam bsam gtan gsum pas bsdus pa mngon du byed do//'dis 'bras bu khyad par can gyi lam mngon du byed par 'gyur ba gang yin pa de ni srid pa yod de/ 'di ltar na 'dis bsam gtan gsum pa'i sa pa'i nyon mongs pa spangs pas so/ /de'i phyir gdon mi za bar 'bras bu khyad par can gyi lam mngon du byed do zhes bya bar nges par byed pa yin no//de lta ma yin na zhes bya ba ni gal te mngon du mi byed na zhes bya ba'i tha tshig go/ /de'i gong du skyes pa de zhes bya ba ni 'phags pa ste/ bsam gtan gsum pa de'i gong bsam gtan bzhi pa'am/ gzugs med pa dag tu skyes pa bde ba'i dbang po dang mi ldan par 'gyur ro/ / zag pa dang bcas pa'i bde ba'i dbang po gang yin pa de ni sa 'phos nas gtong ngo / /zag pa med pa gang yin pa de yang gal te mngon sum du ma byas par gyur na bde ba'i dbang po gnyi ga dang yang mi ldan par 'gyur ba zhig na bde ba'i dbang po dang ni bsam gtan bzhi pa dang / gzugs med par skyes pa'i so so'i skye bo mi ldan gyi 'phags pa ni ldan no zhes 'byung ba'i phyir dang gang zhig yid bde ba'i dbang po dang ldan pa de ni gdon mi za bar btang snyoms dang /srog dang / yid dang / bde ba dang / yid bde ba zhes bya ba lnga dang ldan no zhes bya ba la sogs pa 'byung ba'i phyir gong du skyes pa'i 'phags pa yang gdon mi za bar bde ba'i dbang po dang yang ldan par bshad do//'dir smras pa/ phyogs 'di ni rnam par bshad pa'i nang du bris pa yod mod kyi/ de ni gzhag pa'i phyogs ma yin par mngon te/ gzhan dag na re ni zhes 'byung ba'i phyir ro/ /bsam gtan bzhi pa thob pa gang zhig sa drug las gang yang rung ba zhig la brten te nges par 'jug pa de ni sems bcu drug pa la phyir mi 'ong ba'i 'bras bu mi lcogs pa med pa'i sa pa nas bsam gtan bzhi pa'i sa pa'i bar sa drug pa dang ldan pa yin te/de ltar 'dod chags dang bral ba'i phyir ro/ /gang zhig bsam gtan gsum pa thob pa de ni bsam gtan bzhi pa'i sa pa ma gtogs pa sa lnga pa dang ldan no//bsam gtan gnyis pa thob la gsum pa ma thob pa de ni gsum pa dang / bzhi pa'i sa pa ma gtogs pa bzhi pa dang ldan no/ /'dod chags dang bral ba bsam gtan dang po thob la gnyis pa ma thob pa gang yin pa de ni gal te phyir mi 'ong ba'i 'bras bu thob na de phyir mi 'ong ba'i 'bras bu mi lcogs pa med pa dang /bsam gtan khyad par can dang / bsam gtan dang po'i sa pa ste/ sa gsum dang ldan no/ /phyir mi 'ong ba thams cad kyi tha shal ba yang gdon mi za bar de ltar phyir mi 'ong ba'i 'bras bu sa gsum pa dang ldan no zhes brjod do//de lta bas na slob dpon gyis gzhan gyi phyogs la ltos pas de skad du bshad pas rigs pa yin no/ /re zhig phal cher las dang 'dod pa las 'dod chags dang bral ba rnams kyi zhes bya ba ni phal cher las 'dod chags dang bral ba rnams dang /'dod pa las 'dod chags bral ba rnams kyi ste/ de la phal cher las 'dod chags dang bral ba ni gang gis sngar rnam pa bdun nam brgyad spangs pa yin no/ /gang gi sa sngar rnam pa dgu spangs pa de ni 'dod pa las 'dod chags dang bral ba yin no//phal cher las 'dod chags dang bral ba rnams kyi gang zag rnam par gzhag pa ni gnyis pa la/ dgu pa tshun chad zad pa yin/ /zhes 'byung ba'i phyir ro/ /'dod pa las 'dod chags dang bral ba rnams kyi ni/ 'dod pa'am yang na gong ma las/ chags bral zhes 'byung ba'i phyir ro/ /ji ltar 'dod pa'i khams kyi zhes bya ba ni/ rnam lnga'i bar bcom gnyis pa la/ /dgu pa tshun chad zad pa yin/ /'dod pa'am yang na gong ma las/ /chags bral zhes 'byung ba'i 'dod pa'i khams kyi nyon mongs pa rnam pa dgu pa bstan pa ltar ro//gos las zhes bya ba ni bgo ba las so/ /'di ni dpe'i rnam pa yin no zhes bya ba ni dpe'i tshul yin no/ /gzhan dag na re dpe'i rnam pa zhes bya ba ni dpe'i rnam pa yin no zhes zer te/ de ltar tshul 'dis sam rnam pa 'dis dpe gzhan yang brjod par bya'o zhes ston par byed do//de lta ma yin na 'di ni dpe yin no zhes de skad du brjod par 'gyur ro/ /'khor ba thog ma med pa zhes bya ba ni 'khor ba thog ma med pa na ste/ brgyud pas spel ba ni mngon par spel ba'o/ /de dag la bdag nyid kyis tshad chen po yod pas na chen po'o/ /nyon mongs pa de rnams thob pa gcod pa'i sgo nas rtsa ba nas med par byed pa'i phyir ro//thob pa rnams ni rtsa ba dang chos mthun pa yin te/ de las nyon mongs pa rnams rgyun chags pa'i phyir ro/ /sman tri brid thun gcig gis 'byin pa lta bu zhes bya ba ni/ dper na/ sman tri brid srang la bcal ba'i zho gcig gis rlung las gyur pa dang /mkhris pa las gyur pa la sogs pa yun ring mo nas bsags pa'i skyon rnams sel ba de bzhin du 'phags pa'i lam chung ngus kyang nyon mongs pa rnams de dang 'dra'o/ /yang dper na mar me skad cig ma chung ngus mun pa chen po 'joms pa ltar nyon mongs pa rnams kyang de dang 'dra'o//de mchog tu thogs na srid pa lan bdun zhes bya ba ni de rab tu thogs na srid pa lan bdun du zad kyi phan chad ni ma yin no zhes bya ba'i tha tshig go/ /de nas der 'gro ba'i phyir ro zhes bya ba ni lam de las mya ngan las 'das par 'gro ba'i phyir ro zhes bya ba'i don te/ 'jig rten na yang rgyun gyi nang nas 'gro ba'i phyir ro/ /gal te lam dang po thob pa'i phyir ro zhe na zhes bya ba la/ zag pa med pa'i lam dang po ni mthong ba'i lam yin te/ gal te de thob pa'i phyir ro zhe na/ brgyad pa yang rgyun du zhugs pa yin par 'gyur te/ rgyun du zhugs pa'i 'bras bu la zhugs pa yang yin par 'gyur ro zhes bya ba'i tha tshig go//'di ltar dgra bcom pa nas bzung ste lugs las bzlog pa'i rim gyis bgrang na dgra bcom pa dang / dgra bcom pa la zhugs pa la sogs pa skyes bu gang zag brgyad kyi nang na rgyun du zhugs pa'i 'bras bu la 'jug pa dad pas rjes su 'brang ba dang /chos kyis rjes su 'brang ba brgyad pa yin te/ des kyang lam dang po thob pa'i phyir de yang rgyun du zhugs pa yin par 'gyur ro/ /gal te 'bras bu dang po thob pa'i phyir ro zhe na zhes bya ba ni/ 'on te 'bras bu dang po thob pa'i phyir rgyun du zhugs pa'o zhes bya bar 'dod na ni phal cher las 'dod chags dang bral ba yang yin par 'gyur te/nyon mongs pa rnam pa drug spangs pa la gnas pa gang zhig skad cig ma bcu drug pa la lan cig phyir 'ong ba yin pa de yang rgyun du zhugs pa yin par 'gyur te/ des kyang sngon ma thob pa'i 'bras bu thob pa'i phyir ro//de bzhin du 'dod pa las 'dod chags dang bral ba yang yin par 'gyur te/ de'i 'bras bu de ni dang po yin pas so/ /da ni lan brjod par bya ste/ 'bras bu thams cad 'thob pa'i dbang du byas nas 'bras bu dang po 'thob pa'i phyir ro zhes bya ba smos so//'bras bu thams cad ces bya ba ni rgyun du zhugs pa'i 'bras bu la sogs pa bzhi'o/ /'di ni de dag 'thob pa'i ngang tshul can yin pas 'bras bu 'thob pa'am/ 'di la 'bras bu thams cad 'thob pa yod pas na 'bras bu thams cad 'thob pa'o/ /de'i dbang du byas nas de las bsams nas 'bras bu dang po 'thob pa'i phyir te/sngon ma thob pa'i 'bras bu 'thob pa'i phyir rgyun du zhugs pa zhes bya'o/ /ci'i phyir zhes bya ba rgyas par 'byung ba ni/ ci'i phyir de kho na la rgyun du zhugs pa zhes bya'i/ brgyad pa ni ma yin te/ de yang 'phags pa'i lam gyi rgyun la ni zhugs so zhe na/zhugs pa dang 'bras bu'i lam thob pa'i phyir ro zhes bya ba rgyas par smos te/ 'di ltar 'bras bu thams cad 'thob pa des ni zhugs pa'i lam skad cig ma bco lnga'i ngo bo nyid kyang thob la/ bsgom pa'i lam skad cig ma bcu drug gi mtshan nyid kyang thob kyi/ brgyad pas ni zhugs pa'i lam kho na thob par zad pas so//mthong ba dang bsgom pa'i lam thob pa 'di'i phyir yang ste/ 'di ltar des ni mthong ba'i lam de kho na dang / bsgom pa'i lam de kho na yang thob kyi brgyad pas ni mthong ba'i lam kho na thob pas so/ /lam la rjes su shes pas rgyun thams cad mngon par rtogs pa'i yang phyir te/'di ltar 'dis ni lam la rjes su shes pa'i bzod pa'i mtshan nyid kyang mthong bas rgyun thams cad mngon par rtogs pa yin gyi brgyad pas ni ma yin no/ /de lta bas na rgyu de dag gis na 'bras bu thams cad 'thob pa kho na la rgyun du zhugs pa zhes bya'i/ brgyad pa la ni ma yin no//mchog tu gyur pa'i phyir de skad ces brjod de/ dper na 'jig rten na yang gang zhig mchog tu gsal bar byed pa de la nyi ma zhes bya'i/ srin bu me khyer la ni ma yin pa de dang 'dra'o/ /de las gzhan pa zhes bya ba ni de'i tshe srid pa de las gzhan pa'o/ /gnas bdun la mkhas pa zhes bya ba dang /'dab ma bdun pa zhes bya ba bzhin no zhes bya ba ni dper na bdun tshan du mthun pa'i phyir mdo las dge slong gnas bdun la mkhas pa zhes bshad pa lta bu'o/ /ji lta zhe na rgyas par bshad nas bka' stsal pa/ dge slong dag ji ltar na dge slong gnas bdun la mkhas pa yin zhe na/gzugs yang dag pa ji lta ba bzhin rab tu shes so/ /gzugs kun 'byung ba dang / gzugs 'gog pa dang / gzugs 'gog par 'gro ba'i lam dang / gzugs kyi ro myang ba dang / gzugs kyi nyes dmigs dang / nges par 'byung ba yang dag pa ji lta ba bzhin rab tu shes so//de bzhin du tshor ba dang / 'du shes dang / 'du byed rnams dang / rnam par shes pa yang dag pa ji lta ba bzhin rab tu shes so zhes bya ba nas rnam par shes pa kun 'byung ba zhes bya ba rgyas par nges par 'byung ba yang dag pa ji lta ba bzhin rab tu shes so zhes bya ba'i bar du 'byung ngo //de ltar na tshul 'dis bdun tshan lnga ni sum cu rtsa lnga yin pas sum cu rtsa lnga la mkhas pa yin no/ /lo ma bdun pa zhes bya ba dang yang 'dra ste/ dper na lo ma re re la 'dab ma bdun yod par 'dra ba'i phyir/ 'dab ma brgya phrag du ma zhig yod kyang shing de la lo ma bdun pa zhes bya ba de dang 'dra'o//dpe gnyis nye bar bkod pa'i dgos pa ni dpe dang po ni gsung rab la grub pa yin la/ gnyis pa ni 'jig rten na grags pas so/ /gal te bdun tshan du mthun pa'i phyir re ltar thogs na srid pa lan bdun pa yin no zhes 'chad na/'o na gang mdo las gsungs pa de dang 'gal te/ de'i phyir bshad pa 'di ni ngan to snyam du bsams pa yin no/ /'gro ba gcig tu srid pa brgyad pa mngon par mi 'grub kyi/ 'gro ba gzhan du ni mngon par 'grub par 'gyur bas 'gal ba med do/ /'on te lha rnams dang mi'i nang du lan bdun 'khor zhing song nas sdug bsngal gyi mthar byed do zhes 'byung ba sgra ji bzhin du brtags na ni lha dang mi zhes 'byung ba'i phyir srid pa bar ma yang yod par mi 'gyur ba zhig na/lha dang mi'i 'gro ba dag tu srid pa bdun mngon par 'grub kyi/ srid pa bar ma rnams ni ma bgrangs so zhes bya bar yang 'dod do//gal te srid pa bar ma rnams dang bcas te srid pa bdun du bgrang bar gyur na ni de'i skye ba bzhi kho nar 'gyur ro/ /de ltar na mi 'dod par 'gyur ba'i tshig 'dis ni bdag nyid kyi rnam par bshad pa 'gro ba gcig tu dgongs pa yin no zhes bya ba de gzhung 'dzugs par byed do//cig shos kyis de ltar yang srid pa'i rtse mo'i bar du gong du 'pho ba zhes bya ba rgyas par smras te/ gal te 'gro ba gcig tu srid pa brgyad pa mngon par mi 'grub pa'i phyir ro zhes rnam par 'chad par byed na/'o na ji ltar gong du 'pho ba 'gro ba gcig tu srid pa brgyad pa mngon par 'grub par 'gyur/ de 'phar phyed 'phar thams cad du/ /'chi 'pho gzhan srid rtse mor 'gro/ /zhes 'byung ba'i phyir 'og min gyi bar du gong du 'pho ba la yang srid pa brgyad pa mngon par 'grub pa srid na/ci'i phyir srid pa'i rtse mo'i bar du zhes bya ba khyad par du smos she na/ de yang brjod par bya ba ni yin mod kyi bsam pa ni srid pa'i mchog brjod par 'dod nas srid pa'i rtse mo'i bar du gong du 'pho ba smos pa yin no zhes bya bar mngon no/ /'dod pa'i khams las dgongs te gsungs pa'i phyir nyes pa med do zhes bya ba ni 'gro ba gcig po mi'i 'gro ba'am lha'i 'gro ba gang yin pa der srid pa brgyad pa mngon par mi 'grub kyi gzugs dang gzugs med pa'i khams dag tu ni ma yin no//de ni 'dod pa'i khams las dgongs te gsungs so zhes bya ba ni 'di la shes par byed pa mdo'am rigs pa ci zhig yod ces bya ba la mdo ni lung ngo //rigs pa ni don rjes su dpog pa'o/ /gang gis 'di la shes par byed pa mdo'am rigs pa ci zhig yod ces glengs pa de nyid kyis yang lha dang mi dag gi nang du so sor zhes bya ba rgyas par smos te/lha dang mi dag gi nang so sor lan bdun du 'khor gyi lha dang mi gnyi ga'i nang du ni ma yin no zhes bya ba la yang shes par byed pa ci zhig yod/ 'di skad du gang zhig mi rnams kyi nang du bden pa mthong ba de ni lha rnams kyi nang du lan gsum du 'khor la mi rnams kyi nang du yang lan gsum kho na 'khor nas de nas lha rnams kyi nang du 'ongs te yongs su mya ngan las 'da'o//gang zhig lha rnams kyi nang du bden pa mthong ba de yang de kho na bzhin du mi rnams kyi nang du lan gsum 'khor la/ lha rnams kyi nang du yang lan gsum kho na 'khor nas de nas mi rnams kyi nang du 'ongs te/yongs su mya ngan las 'da'o zhes smras pa yin no/ /'di skad du lha dang mi rnams kyi nang du lan bdun zhes 'byung ngo zhes bya ba ni spyi'i ngo bor 'byung gi khyad par du byas nas so sor zhes ni mi 'byung ngo zhes bya ba'i tha tshig go/ /de ltar bye brag tu smra ba'i phyogs the tshom dang bcas pa'i gnas skabs su byas pa dang /slob dpon gyis gzhung gzugs pa'i phyir 'od srungs pa rnams zhes bya ba rgyas par smos te/ 'od srungs pa rnams zhes bya ba ni sde pa gzhan dag go/ /de dag ni 'di skad du/ lha rnams su lan bdun mi rnams su lan bdun zhes 'don te/ de ltar na so so zhes bya ba'i don du 'gyur ro//de lta bas na 'dis ni 'dod pa'i khams las dgongs te gsungs so zhes bya ba 'di la shes par byed pa mdo'am rigs pa ci zhig yod ces gang smras pa dang / lha dang mi dag gi nang du so sor lan bdun skye'i gnyi ga'i nang du lan bdun ma yin pa nyid do zhes bya ba 'di la yang shes par byed pa ci zhig yod ces smras pa gnyi ga'i lan yang btab pa yin te/so sor yin pa'i don smos pa kho nas 'dod pa'i khams la dgongs par yang bstan pa yin te/ gzugs dang gzugs med pa'i khams dag tu lha dang mi rnams kyi nang du lan bdun 'khor bar rung ba ma yin te/der skyes pa'i phyir mi 'ong ba rnams mi'i nang du mi 'ong ba'i phyir ro/ /rigs pa yang de nyid kyi phyir khong du chud par byed de/ gang du re ltar thogs na srid pa lan bdun par bshad pa'i sa de kho nar srid pa brgyad pa bkag par zad kyi gzhan du ni ma yin no//de bas na 'di la yang shes par byed pa ci zhig yod ces 'di la mngon par zhen par mi bya'o/ /de 'dra ste zhes bya ba ni gang gis na dus de srid kyis gdon mi za bar rgyud yongs su smin pa'i phyir srid pa brgyad mngon par mi 'grub pa de lta bu yin no/ /sbrul gom pa bdun pas zin pa lta bu zhes bya ba ni dper na sbrul gom pa bdun pa zhes bya ba des zin na gom pa bdun bor nas 'chi'i phan chad du yang ma yin la tshun chad du yang ma yin te/dug gi rigs de de lta bu yin pa dang / rims nyin bzhi pa bzhin te/ dper na rims nyin bzhi pa ni nyi ma bzhi zhing 'debs kyi phan chad kyang ma yin la tshun chad kyang ma yin te/nad kyi rigs de de lta bu yin pa de dang 'dra'o/ /tha ma'i cha dang mthun pa gnyis/ /zhes bya ba ni 'dod pa la 'dun pa dang / gnod sems dag ste/ 'dod pa las 'dod chags dang ma bral ba'i phyir de gnyis yod do//gong ma'i cha dang mthun pa lnga/ /zhes bya ba na gzugs dang gzugs med pa las skyes pa'i 'dod chags gnyis dang / rgod pa dang / nga rgyal dang / gti mug go/ /de'i phyir tshun chad du yang mya ngan las 'das pa mi 'thob la srid pa brgyad pa yang mngon par 'grub par mi 'gyur ro//slob dpon 'dus bzangs na re/ kun du sbyor ba bdun lus pa'i phyir ro zhes bya ba de ni gtan tshigs su mi rung ste/ gong ma'i cha dang mthun pa rnams ni sa gong ma pa yin pa'i phyir 'dod pa'i khams su skye ba 'grub par byed mi nus so zhes zer ro/ /gtan tshigs de smra ba na re yang de dgas gong ma yin mod kyi de dag gi thob pa'i mthus srid pa de snyed cig mngon par 'grub par 'gyur te/de dag ni lung du ma bstan pa'i phyir gong mar yang rnam par smin pa'i rgyu nyid du ni rnam par mi gzhag go zhes zer ro/ /bar skabs su zhes bya ba ni bar du ste tshun chad du zhes bya ba'i tha tshig go//chos nyid kyis thob pa zhes bya ba ni mi slob pa'i lam gyi mthus thob pa zhes bya ba'i don te/ yang dge slong gi rtags dang sbyor bar byed pa de ni de'i rang bzhin no/ /log par ltung ba'i chos can ma yin pa zhes bya ba ni mdo las rgyun du zhugs pa yin te/ log par ltung ba'i chos can ma yin pa dang /rdzogs pa'i byang chub tu nges par gzhol ba yin/ re ltar thogs na srid pa lan bdun pa yin te/ lha rnams dang mi rnams kyi nang du lan bdun 'khor zhing song nas sdug bsngal gyi mthar byed do zhes 'byung ngo / /ci'i phyir de lta bu yin zhe na/ der 'gro ba'i las mi sogs pa'i phyir zhes bya ba smos te/log par ltung ba ni ngan song ste/ dmyal ba la sogs pa'o/ /der 'gro bar 'gyur bas na der 'gro ba ste/ der 'gro ba nyid der 'gro ba yin no/ /ci'i phyir zhe na las te/ 'phags pa'i gnas skabs na de mi sogs pa'i phyir dang bsags pa yang rgyud rnam par smin pa dang mi mthun par byas pa'i phyir te/so so'i skye bo'i gnas skabs na der 'gro ba'i las myong bar 'gyur ba ma nges pa bsags pa yang rgyud rnam par smin pa dang mi mthun par byas pa'i phyir log par ltung ba'i chos can ma yin no zhes bya'o/ /de'i phung po'i rgyud de der 'gro ba'i las bsags pa rnam par smin pa dang mi mthun par gnas pa de lta bur yongs su gyur pa yin no//yang ci'i phyir phung po'i rgyud de der 'gro ba'i las bsags pa rnam par smin pa dang mi mthun par gnas pa yin zhe na/ de'i phyir dge ba'i rtsa ba stobs dang ldan pas bsgos pa'i phyir zhes bya ba smos te/'di ltar phung po'i rgyud de ni dge ba'i rtsa ba stobs dang ldan pa rnams kyis bsgos shing bsgos pa yin no/ /dge ba'i rtsa ba stobs dang ldan pas kyang ji ltar bsgos she na/ sbyor ba dang bsam pa dag pa'i sgo nas zhes bya ba smos te/ sbyor ba dag pa dang / bsam pa dag pa'i sgo nas so/ / de la sbyor ba dag pa ni 'phags pa dgyes pa'i tshul khrims so/ /bsam pa dag pa ni sangs rgyas la sogs pa la dad pa mi phyed pa'o/ /skad cig kyang bskyed par mi 'gyur ro zhes bya ba ni skad cig kyang sems bskyed par mi 'gyur na sbyor ba lta ci smos snyam du bsams pa yin no/ / yang na ngan song du nges pa'i las yod na ni gang zag des nges par 'byed pa'i cha dang mthun pa'i mtshan nyid kyi bzod pa yang bskyed par mi 'gyur na zag pa med pa'i lam lta ci zhig smos zhes bya ba yin no/ /ji ltar dge ba'i rtsa ba stobs dang ldan pas bsgos pa'i mi dge ba bsags pa rnam par smin pa dang mi mthun par 'gyur ba de tshigs su bcad pas ston pa'i phyir/mi mkhas pas ni sdig pa chung ngu byas kyang zhes bya ba thams cad smos so/ /mi mkhas pas ni sdig pa chung ngu byas kyang 'og tu ste ngan song du 'gro'o/ /mkhas pas ni sdig pa chen po byas kyang gnod pa ste/ngan song rab tu spong bar 'gyur ro/ /don 'di gnyis go rims bzhin du dpe gnyis kyis sgrub par byed de/ lcags kyi gong bu ste thu lum gyi ngo bo chung ngu yang bcos legs ma byas pa'i phyir chu'i gting du 'bying bar 'gyur la/ lcags de nyid snod du byas na cher yang bcos legs byas pa'i yon tan gyis chu'i steng du 'phyo zhing 'bying bar mi 'gyur ro//de bzhin du mi mkhas pa ni yon tan rnams kyi snod du ma byas pa'i phyir 'bying bar 'gyur gyi/ mkhas pas ni ma yin te/ yon tan dag gi snod du byas pa'i phyir ro/ /gang phan chad sdug bsngal med pa zhes bya ba ni srid pa gzhan gyis bsdus pa'o//sdug bsngal gyi mtha' ni sdug bsngal gyi mjug ces bya ba'i tha tshig go/ /gzhan yang 'chi ba'i tshe sdug bsngal gyi mtha' yod mod kyi sdug bsngal de ni nying mtshams sbyor ba dang bcas pa yin pas de'i phyir sdug bsngal gyi nying mtshams mi sbyor bar byed ces bya ba'i tha tshig go zhes bya ba smos so//mya ngan las 'das pa ci ltar byed ces bya ba ni rtag pa'i phyir bya bar mi rung ngo snyam du bsams pa yin no/ /de 'thob pa'i gags bsal ba'i phyir zhes bya ba ni mya ngan las 'das pa 'thob pa'i gags bsal ba'i phyir ro//de 'thob pa'i gags ni nyon mongs pa'am phung po yin no/ /de bsal ba'i phyir mya ngan las 'das pa byed de/ dper na nam mkha' ni khang pa'i gnas na mi mngon te/ de ni de'i gags yin pas so/ /de bsal ba'i phyir rtag kyang nam mkha' byed do zhes bya ba yin no/ / de'i phyir dper na smra ba po 'dun khang rtib la nam mkha' gyis zhes 'dzer ba lta bu yin no zhes bya ba smos so/ /gzhan yang zhes bya ba ni so so'i skye bo'i rgyud yongs su smin pa'o/ /ma nges pas zhes bya ba ni gal te na 'di nyid dam srid pa bar ma la sogs par yongs su mya ngan las 'das par 'gyur bas de'i phyir mi brjod do//tshe gnyis gsum zhes bya ba ni 'di la tshe gnyis sam gsum yod pas na tshe gnyis gsum mo/ /tshigs su bcad pa'i nang du ni gnyis shig smos zhes bya ba ni nyon mongs pa spangs pa dang tshe dag go/ /ci'i phyir zhe na/ mthar gyis pa'i rgyun du zhugs pa mthong bas spang bar bya ba rnams spangs nas phyis bsgom pas spang bar bya ba'i nyon mongs pa rnams las rnam pa gcig nas bzhi'i bar spong bar byed na de'i gnyen po ste/rnam pa gcig dang gnyis dang gsum la sogs pa'i gnyen po'o/ /zag pa med pa'i dbang po 'thob pa ni ma smos kyang 'grub pa'i phyir de tshigs su bcad pa las ma smos so//gnyen po med par ni nyon mongs pa'i rnam pa spong ba med de/ 'phags pa de ni 'jig rten pa'i lam gyis nyon mongs pa'i rnam pa spangs na yang de'i gnyen po zag pa med pa'i dbang po 'thob par 'gyur ro/ /skye ba ni gal te na ches nyung bar yang 'gyur bas zhes bya ba ni gal te 'di nyid du'am srid pa bar ma'am skyes nas yongs su mya ngan las 'da' bar 'gyur na'o//gong ma'i skal ba dang ldan pa'i phyir te/ rgyun du zhugs pa'i 'bras bu'i gong ma lan cig phyir 'ong ba nyid nas dgra bcom pa nyid kyi bar gyi skal ba dang ldan pa'i phyir ro//de'i phyir 'di'i tshe ni/ tshe gnyis gsum du rigs nas rigs zhes nges par bya ba'i phyir smos pa yin no/ /'dir 'di dpyad par bya ste/ gang zhig rnam pa gcig gam gnyis las grol ba de ci zhig yin zhe na/ kha cig na re rigs nas rigs su skye ba yin te/ rnam pa gsum dang bzhi las grol ba smos pa ni/dper na brjod pa'i phyir ram/ de phan chad du ni ma yin no zhes tshad du bya ba'i phyir ro zhes zer ro// //bam po bzhi bcu rtsa brgyad pa/ gzhan dag na re rnam pa gcig gam gnyis las grol ba ni tsho lnga'am drug pa yin te/ rnam pa gsum mam bzhi las grol ba zhes khyad par smos pa'i phyir ro zhes zer te/'di ni bshad pa byed pa rnams kyis ma dpyad pas 'di dpyad dgos pa yin no/ /ci'i phyir rnam pa lnga spangs pa'i phyir ma yin zhe na zhes bya ba ni ci yin zhe na/ rigs nas rigs su skye bar 'gyur ba zhes bya ba'i skabs yin no//de spangs na zhes bya ba rgyas par 'byung ba ni rnam pa lnga spangs na rnam pa drug pa yang gdon mi za bar spong ba'i phyir ro/ /ci'i phyir zhe na/ smras pa/ de'i rnam pa drug pa gcig gis ni lan cig phyir 'ong ba'i 'bras bu la bgegs bya bar mi nus so/ /bar chad gcig pa'i bzhin du zhes bya ba 'di ni bzlog pa'i dpe yin te/ji ltar bar chad gcig pa'i rnam pa dgu pa gcig gis phyir mi 'ong ba'i 'bras bu la bgegs bya bar nus pa de ltar rgyun du zhugs pa 'di'i rnam pa drug pas ni lan cig phyir 'ong ba'i 'bras bu la bgegs bya bar mi nus so//ci'i phyir zhe na/ khams las mi 'da' ba'i phyir ro zhes bya ba smos so/ /bar chad gcig pa ni 'dod pa'i khams las 'da' bas de'i phyir 'di rnam pa dgu pa gcig gis kyang 'bras bu la bgegs bya bar nus te/ khams las 'da' ba ni dka' ba'i phyir ro/lan cig phyir 'ong ba ni khams las mi 'da' bas de'i nyon mongs pa'i rnam pa drug pa gcig gis 'bras bu la bgegs bya bar mi nus so/ /lha'i ris de'am gzhan du zhes bya ba ni 'di lta ste/ sum cu rtsa gsum pa dag gi nang du bden pa rnams mthong nas rigs gnyis sam gsum du 'khor te/sum cu rtsa gsum pa de nyid kyi nang du yongs su mya ngan las 'da' ba'am gzhan rgyal chen rigs bzhi pa'am/ 'thab bral ba rnams kyi nang du yongs su mya ngan las 'da' ba lta bu ste/ de bzhin du gzhan dag la yang sbyar bar bya'o/ /'dod chags dang zhe sdang dang gti mug rnams bsrabs pa'i phyir zhes 'byung ba zhes bya ba ni mdo sde las so//ji skad du zhe na/ kun du sbyor ba gsum spangs pa'i phyir dang / 'dod chags dang zhe sdang dang gti mug rnams bsrabs pa'i phyir lan cig phyir 'ong ba zhes 'byung ba'i phyir ro/ /chung ngu'i rnam pa lus pa'i phyir ro zhes bya ba ni chung ngu'i chen po dang /chung ngu'i 'bring dang / chung ngu'i chung ngu zhes bya ba de tsam zhig lus pa'i phyir ro/ /nyes cha bdun dang brgyad zad pa/ /zhes bya ba la/ nyes cha ni nyes pa'i cha shas te/ rnam pa bdun dang brgyad kyi mtshan nyid yin no/ /'dir yang dbang po las ni zhes bya ba rgyu gsum pa mdor ma byas pas de kho na bzhin du bshad par bya'o//ji ltar na 'di'i zhes bya ba rgyas par 'byung ba ni ji ltar na 'di'i rnam pa dgu pa gcig gis 'bras bu la bgegs bya bar nus kyi/ rigs nas rigs su skye ba'i rnam pa gcig gis ni 'bras bu la bgegs bya bar mi nus she na/smras pa/ khams las 'da' ba'i phyir ro/ /'di ltar 'di ni rnam pa dgu pa spangs na 'dod pa'i khams las yang dag pas 'da' bar 'gyur bas der yang mi skye la/ rnam pa dgu pa de yang las dang lhan cig tu der skyes nas myong bar 'gyur ba yin te/ de'i phyir de'i rnam par smin pa dang rgyu mthun pa'i 'bras bu'i sa las 'da' bas 'bras bu la bgegs byed par nus pa yin no/ /gong du las rnams ni gnas skabs gsum du bgegs bya ba'i phyir nye bar gnas so zhes bshad zin to zhes bya ba ni/ bzod dang phyir mi 'ong dgra bcom/ / 'thob la las bgegs shin tu byed/ /ces bya ba yin no/ /'dir nyon mongs pa dag dang sbyor ba yin te/ de nyid kyi phyir/ las rnams ji lta bar nyon mongs pa rnams kyang de dang 'dra'o zhes bya ba la sogs pa smos so/ /de'i mya ngan las 'das pa la tshe gcig gis chod pa'i phyir ram zhes bya ba ni rnam pa bdun dang brgyad zad pa'i lan cig phyir 'ong ba de'i mya ngan las 'das pa la tshe gcig gis chod pa'i phyir ram/'di'i phyir mi 'ong ba'i 'bras bu la nyon mongs pa'i rnam pa gcig gis chod pas na bar chad gcig pa yin no/ /de srid du rigs nas rigs su skye ba'am bar chad gcig pa ma yin zhes bya ba ni sngon 'jig rten pa'i lam gyis rnam pa gsum dang bzhi las grol yang /re zhig rigs nas rigs su skye ba ma yin la/ rnam pa bdun dang brgyad zad kyang re zhig bar chad gcig pa ma yin te/ de dag gi gnyen po zag pa med pa'i dbang po thob pa med pa'i phyir ro//de nyid kyi phyir/ ji srid du 'bras bu khyad par can gyi lam mngon du ma byas pa zhes bya ba smos te/ de dag gi gnyen po'am de dag gi gong ma'i gnyen po 'bras bu khyad par can mngon du byas na/ de'i tshe zag pa med pa'i dbang po 'thob pa'i phyir rigs nas rigs su skye ba'am/bar chad gcig pa yin no zhes shugs kyis bshad par 'gyur ro/ /kun du sbyor ba/ tha ma'i cha dang mthun pa lnga/ /zhes bya ba rgyas par 'byung ba ni mdo sde las/ kun du sbyor ba tha ma'i cha dang mthun pa lnga spangs pa'i phyir phyir mi 'ong ba zhes bya'o zhes 'byung ba ni spangs pa bsdoms pa'i phyir te/'jig tshogs la lta ba la sogs pa spangs pa gcig nyid du rnam par gzhag pa'i phyir ro/ /sngon gnyis sam gsum spangs pa yin no zhes bya ba ni gal te re zhig 'dod pa las 'dod chags dang bral ba zhig nges pa la 'jug na sngon 'jig rten pa'i lam gyis 'dod pa'i 'dun pa dang /gnod sems dang gnyis spangs pa yin te/ 'jig tshogs la lta ba la sogs pa yongs su gtugs te ma spangs pa'i phyir ro/ /'on te mthar gyis pa zhig yin na ni mngon sum spangs pa yin no//gang gis she na/ mthong ba'i lam gyis te/ 'jig tshogs la lta ba dang / tshul khrims dang / brtul zhugs mchog tu 'dzin pa dang / the tshom mo/ /de lta bas na/ bsdoms pa lnga spangs pa yi phyir/ /zhes bya ba yin no/ /de ni bar skyes 'du byed dang //'du byed med yongs mya ngan 'da'/ /zhes bya ba la/ de ni zhes bya ba ni phyir mi 'ong ba'o/ /'di la bar ma do dang / skyes nas dang / 'du byed pa dang / 'du byed pa med par yongs su mya ngan las 'da' ba yod pas na/ bar skyes 'du byed dang / 'du byed med yongs mya ngan 'da'//zhes bya ba yin no/ /phyir mi 'ong ba de nyid rnam pa lnga yin te zhes bya ba ni bar ma dor yongs su mya ngan las 'da' ba dang / skyes nas yongs su mya ngan las 'da' ba dang / mngon par 'du byed pa dang bcas pas yongs su mya ngan las 'da' ba dang / mngon par 'du byed pa med par yongs su mya ngan las 'da' ba dang / gong du 'pho ba'o zhes ston par byed pa yin no/ /phung po'i lhag ma dang bcas pa'i yongs su mya ngan las 'da' bas zhes bya ba ni mya ngan las 'da' ba rnam pa gnyis yod pas phung po'i lhag ma dang bcas pa'i mya ngan las 'da' bas yongs su mya ngan las 'da'o zhes khyad par du byed pa yin te zag pa thams cad zad par byed do zhes bya ba'i tha tshig go//mngon par brtson pa dang / lam ngang gis 'byung ba nyid kyi phyir ro zhes bya ba la mngon par brtson pa ni brtson 'grus dang ldan pa ste/brtson 'grus brtsams pa zhes bya ba'i tha tshig go/ 'di la lam ngang gis 'byung ba yod pas na lam ngang gis 'byung ba'o/ /ji ltar lam ngang gis 'byung ba yin zhe na/ mngon par 'du byed pa med par mngon du 'gyur ba'i phyir ro/ /'di ni mngon par brtson pa yang yin la lam ngang gis 'byung ba yang yin pas mngon par brtson pa dang lam ngang gis 'byung ba'o//de'i ngo bo ste/ de'i phyir skyes pa tsam las mi 'chi bar yongs su mya ngan las 'da'o/ /de yang phung po'i lhag ma med pas so zhes bya ba ni gzhan dag na re bar ma dor yongs su mya ngan las 'da' ba 'ba' zhig dgra bcom pa nyid thob nas tshe yongs su ma rdzogs par phung po'i lhag ma med pa'i mya ngan las 'da' bas yongs su mya ngan las 'da' bar ma zad kyi/skyes nas yongs su mya ngan las 'da' ba yang de dang 'dra'o zhes zer ro/ /ma yin te/ tshe 'dor ba la dbang med pa'i phyir ro zhes bya ba ni de yang phung po'i lhag ma med pas so zhes bya ba de ni de lta ma yin no//ci'i phyir zhe na/ tshe 'dor ba la dbang med pa'i phyir te/ de ni tshe dor bar bya ba la dbang med pa'i phyir ro/ /yang ci'i phyir 'di de la dbang med ce na/ 'di ltar rab kyi mtha' ba'i bsam gtan bzhi pa thob pa ni tshe 'dor ba la dbang la rab kyi mtha' pa'i bsam gtan de yang gling gsum dag tu mi rnams kyi nang du skyed par byed na de ni gzugs kyi nang du skyes pas so//bar ma dor yongs su mya ngan las 'da' ba tshe 'dor ba la dbang ngam zhe na/ gang gi phyir 'di go 'di ltar phung po'i lhag ma med pa'i yongs su mya ngan las 'da' bas yongs su mya ngan las 'da' zhe na/de la yang dbang med mod kyi srid pa bar mar gnas par byed pa la ni skyes nas yongs su mya ngan las 'da' ba'i ci 'dra ba de lta bu'i las ni med do/ /de'i phyir bar ma dor yongs su mya ngan las 'da' ba ni myur du yongs su mya ngan las 'da' la/skyes nas yongs su mya ngan las 'da' ba ni tshe ji srid par gnas nas yongs su mya ngan las 'da' bas skyes nas yongs su mya ngan las 'da' ba kho na phung po'i lhag ma dang bcas pa'i yongs su mya ngan las 'da' bas yongs su mya ngan las 'da'o zhes bya'o//mngon par 'du byed pa dang bcas pas zhes bya ba la sogs pa la/ grag go zhes bya ba'i sgra ni bye brag tu smra ba'i gzhung lugs rjod par byed pa yin te/ rang gi gzhung lugs ni mdo sde dang mthun par phyis 'chad do//sbyor ba ma btang zhes bya ba ni sngon gyi sbyor ba'i 'phen pas sbyor ba ma bor bar zhes bya ba'i tha tshig ste/ mngon par 'du byed pa dang bcas shing 'bad pa dang bcas pa'o/ /mngon par brtson pa dang lam ngang gis 'byung ba ma yin pa'i phyir ro zhes bya ba ni rnal 'byor pa de mngon par brtson pa'i phyir dang /lam ngang gis 'byung ba ma yin pa'i phyir te/ de nyid kyi phyir 'di mngon par 'du byed pa dang bcas pas yongs su mya ngan las 'da' bar 'grub po/ /mngon par 'du byed pa med par zhes bya ba ni snga ma las bzlog pa ste sbyor ba btang ba'i phyir ro//mngon par brtson pa dang / lam ngang gis 'byung ba med pa'i phyir ro zhes bya ba ni mngon par brtson pa ste/ brtson 'grus med pa'i phyir dang / lam ngang gis 'byung ba med pa'i phyir ro zhes bya ba'i tha tshig go/ /de lta bas na de ltar mngon par brtson pa la sogs pa de dag tha dad pa'i phyir yongs su mya ngan las 'da' ba'i khyad par bshad pa yin te/skyes nas yongs su mya ngan las 'da' ba la ni mngon par brtson pa dang lam ngang gis 'byung ba gnyi ga yang yod do/ /mngon par 'du byed pa dang bcas pas yongs su mya ngan las 'da' ba la ni mngon par brtson pa yod kyi 'di la lam ngang gis 'byung ba ni med do//mngon par 'du byed pa med par yongs su mya ngan las 'da' ba la ni gnyi ga yang med de/ mngon par brtson pa yang med la/ lam ngang gis 'byung ba yang med do/ /'dus byas dang 'dus ma byas la dmigs pa'i lam gyis yongs su mya ngan las 'da' ba'i phyir ro zhes bya ba la/'dus byas dang 'du byed ces bya ba ni don gcig ste/ 'dus ma byas dang 'du byed ma yin pa yang de dang 'dra'o/ /gang zhig 'du byed la dmigs pa ste/ sdug bsngal dang kun 'byung dang / lam la dmigs pa'i lam gyis nyon mongs pa rnams spong bar byed pa de ni mngon par 'du byed pa dang bcas pas yongs su mya ngan las 'da' ba yin la/gang zhig 'du byed ma yin pa la dmigs pa ste/ 'gog pa la dmigs pas spong ba de ni mngon par 'du byed pa med par yongs su mya ngan las 'da' ba yin no zhe'o/ / de ni mi rung ste/ ha cang thal bar 'gyur ba'i phyir ro zhes bya ba ni de ni de lta ma yin no/ /ci'i phyir zhe na/ ha cang thal bar 'gyur ba'i phyir te/ bar ma do dang / skyes nas yongs su mya ngan las 'da' ba dag kyang 'dus byas dang / 'dus ma byas la dmigs pa'i lam gyis yongs su mya ngan las 'da' bas/so sor mngon par 'du byed pa dang bcas pa dang / mngon par 'du byed pa med par yongs su mya ngan las 'da' ba nyid du thal bar 'gyur ro/ /de'i phyir gang zag gnyis kho nar thal bar 'gyur gyi lnga ni ma yin no/ /mngon par 'du byed pa med par yongs su mya ngan las 'da' ba sngar 'byung bas zhes bya ba ni mngon par 'du byed pa med par yongs su mya ngan las 'da' ba 'di mngon par 'du byed pa dang bcas pas yongs su mya ngan las 'da' ba bas sngar 'byung ngo //de kho na bzhin du rung ste zhes bya ba rgyas par 'byung ba ni/ gang zag mngon par 'du byed pa med pa dang /mngon par 'du byed pa dang bcas pas yongs su mya ngan las 'da' ba lam ngang gis 'byung ba dang / ngang gis 'byung ba ma yin pa dag gis yongs su mya ngan las 'da' ba dag ni go rims bzhin du snga ma ni mngon par 'du byed pa med pas bsgrub par bya ba yin pa'i phyir la/ cig shos ni mngon par 'du byed pas mngon par bsgrub par bya ba yin pa'i phyir ro/ /ji ltar na de ltar bsgrub par bya ba nyid yin zhe na/ smras pa/ de dag gi yongs su mya ngan las 'da' ba dag ni go rims bzhin du 'bad pa med pa dang / 'bad pas 'thob pa'i sgo nas so/ /yang na lam ngang gis 'byung ba dang ngang gis 'byung ba ma yin pa dag kho na mos pas gang zag dang mi sbyar gyi 'bad pa med pa dang 'bad pas 'thob pa'i sgo nas te/lam snga ma 'bad pa med par mngon du 'gyur ba dang / cig shos 'bad pas 'thob pa'i sgo nas lam ngang gis 'byung ba ni mngon par 'du byed pa med pas bsgrub par bya ba yin pa'i phyir la/ngang gis 'byung ba ma yin pa ni mngon par 'du byed pas bsgrub par bya ba yin pa'i phyir ro/ /de ltar na mngon par 'du byed pa med par yongs su mya ngan las 'da' ba snga bar rung ngo / /smras pa/ gal te mngon par 'du byed pa med pas bsgrub par bya ba yin pa'i phyir mngon par 'du byed pa med par yongs su mya ngan las 'da' ba'i lam ngang gis 'byung ba yin na/ skyes nas yongs su mya ngan las 'da' ba'i lam yang ngang gis 'byung ba yin pas de gnyis la khyad par ci zhig yod ce na/ de'i phyir smras pa/ skyes nas yongs su mya ngan las 'da' ba ni lam ches ngang gis 'byung ba dang ches che ba yin gyi mngon par 'du byed pa med par yongs su mya ngan las 'da' ba ni de ltar rgyu bsags pa'i sgo nas ches che ba ma yin no/ /lam ches che ba nyid kyis zad par byas pa'i phyir phra rgyas ches chung ba yin no//gong du 'pho ba zhes bya ba ni 'di la gong du 'pho zhing 'gro ba yod pas na gong du 'pho ba dag go/ /bsam gtan spel ba dang / spel ba ma yin pa'i phyir ro zhes bya ba ni bsam gtan bsres pa dang / bsres pa ma yin pa'i phyir ro zhes bya ba'i tha tshig ste/bsam gtan zag pa dang bcas pa dang zag pa med pa dang bsres pa'i phyir ro/ /'dir bsam gtan rnams spel nas bsam gtan gsum las yongs su nyams pa zhes bya ba ni/ dang por bzhi pa spel bar byed/ /ces 'byung bas bsam gtan spel ba ni bsam gtan bzhi pa spel ba sngon du 'gro ba can yin te/bsam gtan bzhi pa kho nas dang por spel bar nus kyi gzhan gyis ni ma yin no/ /bsam gtan bzhi pa las yongs su ma nyams par bsam gtan dang po la sogs par skye ba med pas de'i phyir bsam gtan gsum pa las yongs su nyams pa zhes smos so//ji ltar yongs su nyams she na/ bsam gtan dang po'i ro myangs te zhes bya ba smos so/ /bar du mi 'gro bas na zhes bya ba ni bar mar mi 'gro bas so/ /phyed du 'phar bas zhes bya ba rgyas par 'byung ba ni gnas gtsang ma rnams su skyes nas/gnas gzhan 'ga' tsam yang rgal te 'og min du 'jug pa gang yin pa'o zhes tshig de ltar sbyar bar bya'o/ /lta ba'i gnas yin pa'i phyir zhes bya ba ni tshangs pa chen po dang / dang por skyes pa rnams kyang tshangs pa chen po la sprul pa po yin par mngon pa'i nga rgyal byed pa'i phyir ro//gtso bo gcig tu zad pa'i phyir zhes bya ba ci zhe na/ 'phags pa ni tshangs chen pa dag gi nang du mi skye ste/ 'phags pa der skye na mthu'i sgo nas gnyi ga gtso bo nyid du 'gyur ba zhig na/ de'i bdag po ni 'gran zla med pa'i las kyis 'gyur bas de'i phyir 'gran zla dang bcas par mi 'gyur ro//gnas gzhan thams cad du zhes bya ba ni tshangs ris pa dag gi nang nas shi 'phos te tshangs pa'i mdun na 'don la sogs pa gya nom snang ba la thug pa'i bar gnas gzhan bcu bzhir 'phos nas 'og min du 'jug pa yin no/ /gong du skyes pa de'i 'og dang der gtan du mi 'ong ba'i phyir zhes bya ba ni gang du skyes pa 'di lta ste/bsam gtan dang por skyes nas de'i 'og 'dod pa'i khams su gtan mi 'ong ba'i phyir dang / de bzhin du gong du skyes pa der yang gtan mi 'ong ba'i phyir te/ bsam gtan dang po der yang gtan mi 'ong ba'i phyir lan gnyis su phyir der mi skye bas phyir mi 'ong ba nyid yongs su rdzogs pa yin no//'di ni zhi gnas spyad pa yin no zhes bya ba ni srid pa'i rtse mor thug pa gang yin pa de ni ting nge 'dzin la dga' ba yin te/ gzugs med pa dag gi ting nge 'dzin ni rab tu zhi ba yin pas de'i phyir 'di gzugs med pa dag tu 'jug go/ / snga ma ni lhag mthong spyad pa yin no zhes bya ba ni 'og min gyi mthar thug par bshad pa gang yin pa de ni shes rab la dga' ba yin te/ gnas gtsang ma rnams su 'jug go/ /bar skabs su yang yongs su mya ngan las 'da' bar zhes bya ba rgyas par 'byung ba ni 'di ni bstan bcos byed pa rnams kyis bris pa yang med la bkag pa yang med do//de'i phyir ma bkag pas gong du 'pho ba 'og min gyi mthar thug pa dang / srid pa'i rtse mo'i mthar thug pa yang 'og min dang srid pa'i rtse mor ma zhugs par bar skabs su mya ngan las 'da' bar rung bar lta ste srid par lta'o zhes bya ba'i tha tshig go//'og min gyi mthar thug pa dang / srid pa'i rtse mo'i mthar thug pa zhes bshad pa ma yin nam zhe na/ smras pa/ 'og min dang srid pa'i rtse mo'i mthar thug pa nyid ni phan chad du 'gro ba med pa'i phyir te/ 'og min dang / srid pa'i rtse mo las gong du 'gror med pa'i phyir ro//dper na rgyun du zhugs pa mchog tu thogs na lan bdun pa nyid bzhin te/ de la srid pa gnyis sam gsum mngon par grub nas yongs su mya ngan las 'da' ba mi srid pa ma yin mod kyi/ de phan chad srid pa brgyad pa mngon par 'grub par mi byed pas mchog tu thogs na lan bdun pa zhes bshad do//de yang rnam pa bzhi ste zhes bya ba ni bar ma dor yongs su mya ngan las 'da' ba med pa'i phyir rnam pa lnga ni med do/ /de dag ni phyir mi 'ong ba drug yin no zhes bya ba ni bar ma dor yongs su mya ngan las 'da' ba dang / skyes nas yongs su mya ngan las 'da' ba dang /mngon par 'du byed pa dang bcas pas yongs su mya ngan las 'da' ba dang / mngon par 'du byed pa med pas yongs su mya ngan las 'da' ba dang / gong du 'pho ba dang drug pa gzugs med par nye bar 'gro ba ste dbye ba rnam pa bzhi pa bgrangs so/ /mthong ba'i chos la yongs su mya ngan las 'da' ba ni tshe 'di la yongs su mya ngan las 'da' ba zhes bya ba'i tha tshig go//gsum po gang dag ce na zhes bya ba rgyas par 'byung ba ni pha rol po phyir mi 'ong ba gsum zhes nges par phye ste/ ma bshad pas khong du ma chud de 'dri ba yin no/ /slob dpon gyis kyang de dag ni don gyi shugs gyis bshad pa yin no zhes bya bar gzigs nas rnam par 'grel par mdzad de/bar ma do dang skyes nas yongs su mya ngan las 'da' ba dag ni bar ma dor yongs su mya ngan las 'da' ba dang / skyes nas yongs su mya ngan las 'da' ba zhes bya ba'i tha tshig go/ /gong du 'pho ba ni gsum pa yin no//dpe gsum gyis myur ba dang / myur ba ma yin pa dang / yun ring mo zhig na yongs su mya ngan las 'da' ba'i phyir ro zhes bya ba ni myur bar yongs su mya ngan las 'da' ba dang / myur ba ma yin par yongs su mya ngan las 'da' ba dang / yun ring mo zhig na yongs su mya ngan las 'da' ba dpe gsum dang sbyar bar bya ba yin te/dper na zhog ma chung ngu'i me mngon par 'grub bzhin du 'chi bar 'gyur ba ltar dang po de/ myur bar yongs su mya ngan las 'da' ba gang yin pa de dang 'dra'o/ /dper na lcags kyi thu lum mam/ thong lcags me kun du 'bar ba rab tu bsregs pa lcags kyi tho bas brgyab pa rnams kyi tsha tsha gyen du yar bzhin du 'chi bar 'gyur ba ltar gnyis pa myur ba ma yin pa yongs su mya ngan las 'da' ba gang yin pa yang de dang 'dra'o//dper na lcags kyi thu lum mam zhes bya ba la sogs pa snga ma bzhin te/ tsha tsha gyen du yar nas sa la ma lhung ba kho nar 'chi bar 'gyur ba ltar gsum pa yun ring mo zhig na yongs su mya ngan las 'da' ba gang yin pa yang de dang 'dra ste/mdo 'di ni gong du bris zin pas yang mi 'dri'o/ /skyes nas dang / mngon par 'du byed pa dang / mngon par 'du byed pa med par yongs su mya ngan las 'da' ba'i phyir ro zhes bya ba ni skyes nas yongs su mya ngan las 'da' ba'i phyir dang /mngon par 'du byed pa dang bcas pa dang / mngon par 'du byed pa med par yongs su mya ngan las 'da' ba'i phyir rnam pa gsum du phye bas phyir mi 'ong ba dgu yin no zhes bya bar sbyar ro//skyes nas yongs su mya ngan las 'da' ba ni skyes pa tsam gyis yongs su mya ngan las 'da' ba gang yin pa ste/ mngon par 'du byed pa'am/ mngon par 'du byed pa med par yongs su mya ngan las 'da' ba ni ma yin no/ /mngon par 'du byed pa dang bcas pas yongs su mya ngan las 'da' ba ni skyes pa tsam kho nas yongs su mya ngan las 'da' ba ma yin no//'o na ci zhe na/ mngon par 'du byed pa dang / sngon mngon par 'du byed pa ma btang ba'i mthus yongs su mya ngan las 'da' ba yin no/ /'di la ni lam ngang gis 'byung ba ni yod mod kyi/ mngon par brtson pas yongs su mya ngan las 'da' la skyes nas yongs su mya ngan las 'da' ba ni mngon par brtson pa med pas khyad par yod do//mngon par 'du byed pa med pas yongs su mya ngan las 'da' ba ni sngon gyi mngon par 'du byed pa btang ba ste/ mngon par 'du byed pa med par yongs su mya ngan las 'da' ba yin no//de ltar na de dag gi khyad par ni de yin par khong du chud par bya'o/ /ji ltar na mngon par 'du byed pa dang bcas pa dang / mngon par 'du byed pa med par yongs su mya ngan las 'da' ba dag kyang skyes nas yongs su mya ngan las 'da' ba'i ming thob par 'gyur ba de bzhin du bstan pa'i phyir de dag thams cad kyang skyes nas yongs su mya ngan las 'da' ba'i phyir skyes nas yongs su mya ngan las 'da' ba dag yin no zhes bya ba smos so//'phar ba la sogs pa'i bye brag gis so zhes bya ba ni 'phar ba dang /phyed du 'phar ba dang / thams cad du 'chi 'pho ba'i bye brag gis so zhes bya ba'i tha tshig go/ /yang na gsum po thams cad ces bya ba ni bar ma do dang / skyes nas yongs su mya ngan las 'da' ba dang / gong du 'pho ba rnams myur ba dang / myur ba ma yin pa dang / yun ring mo zhig na yongs su mya ngan las 'da' ba'i phyir rnam pa gsum du dbye ste/ bar ma dor yongs su mya ngan las 'da' ba yang la la ni myur bar yongs su mya ngan las 'da'o/ /la la ni myur ba ma yin par yongs su mya ngan las 'da'o/ /la la ni yun ring mo zhig nas yongs su mya ngan las 'da'o//skyes nas yongs su mya ngan las 'da' ba dang / gong du 'pho ba yang de dang 'dra ste/ /rnam pa gsum du dbye ba'i phyir yang phyir mi 'ong ba dgu yin no zhes sbyar ba de nyid brjod par bya'o/ /de dag gis ni khyad par rnams zhes bya ba rgyas par 'byung ba ni gsum po bar ma do dang /skyes nas yongs su mya ngan las 'da' ba dang / gong du 'pho ba dang de dag nyid so sor rnam pa gsum du phye bas dgu po de dag gi khyad par ji skad du brjod pa ni las dang / nyon mongs pa dang / dbang po'i bye brag las te/ las dang / nyon mongs pa dang / dbang po'i bye brag las 'gyur ro/ /ji lta zhe na/ re zhig gsum po ni zhes bya ba rgyas par smos so/ /mngon par 'grub pa ni srid pa bar ma ste/ mngon par 'grub pa myong bar 'gyur ba'i las bsags pa'i phyir bar ma dor yongs su mya ngan las 'da' ba yin no/ /skyes nas myong bar 'gyur ba'i las bsags pa'i phyir skyes nas yongs su mya ngan las 'da' ba yin no//lan grangs gzhan la myong bar 'gyur ba'i las bsags pa'i phyir gong du 'pho ba yin te/ re zhig gsum po de dag gi khyad par las kyi bye brag las gyur pa ni de lta bu yin no/ / nyon mongs pa kun du spyod pa chung ba dang / 'bring dang / chen po'i phyir go rims bzhin du de dag nyid kyi khyad par nyon mongs pa'i bye brag las gyur pa yin no/ /dbang po chen po'i dang / 'bring dang / chung ngu'i phyir go rims bzhin du de dag nyid kyi khyad par dbang po'i bye brag las gyur pa yin no//de nyid kyi phyir de dag so so'i bye brag kyang ci rigs par zhes bya ba ni las la sogs pa'i bye brag de nyid kyi phyir te/ so so tha dad pa dgu po de dag gi khyad par yang zhes bya ba'i tha tshig go/ /ci rigs par yin gyi go rims bzhin du khong du chud par bya ba ni ma yin no/ / ji lta zhe na/ gsum tshan dang po gnyis ni zhes bya ba rgyas par smos te/ gsum tshan bar ma dor yongs su mya ngan las 'da' ba rnams gang yin pa des/ skyes nas yongs su mya ngan las 'da' ba rnams gang yin pa'o/ /gsum tshan de gnyis kyi khyad par ni nyon mongs pa dang dbang po'i bye brag las 'gyur te/nyon mongs pa kun du spyod pa chung ba dang / 'bring dang / chen po'i phyir dang / dbang po chen po dang / 'bring dang / chung ngu'i phyir go rims bzhin du khyad par du 'gyur ro/ /las kyi bye brag las ni ma yin te/ 'di ltar gsum tshan dang po'i las mngon par 'grub pa myong bar 'gyur ba yang mtshungs la/gnyis pa'i las skyes nas myong bar 'gyur ba yang mtshungs pas so/ /gsum tshan tha ma ni lan grangs gzhan la myong bar 'gyur ba'i las kyi bye brag las kyang khyad par du blta ste/ 'bar ba la sogs pa'i las lan grangs gzhan la myong bar 'gyur ba ni tha dad pas de'i phyir/lan grangs gzhan la myong bar 'gyur ba'i las kyi bye brag dag kyang zhes bya bas drangs pa nyon mongs pa dang / dbang po'i bye brag las khyad par du 'gyur te/ nyon mongs pa kun du spyod pa chung ngu dang / 'bring dang / chen po'i phyir dang / dbang po chen po dang /'bring dang / chung ngu'i phyir go rims bzhin no zhes bya ba'i tha tshig go/ /de dag ni nyon mongs pa dang dbang po'i rnam pa dgu'i phyir zhes bya ba ni phyir mi 'ong ba de dag ni nyon mongs pa'i rnam pa dgu'i phyir dang / dbang po'i rnam pa dgu'i phyir phyir mi 'ong ba dgu yin no//las ma smos pa ni khyab pa yin pa'i phyir te/ gsum tshan dang po gnyis ni las kyi bye brag las khyad par du gyur pa med do/ /yang ji ltar na nyon mongs pa de dag rnam pa dgu yin zhe na/ 'di la nyon mongs pa ni chung ngu dang / 'bring dang / chen po dang rnam pa gsum ste/ bar ma dor yongs su mya ngan las 'da' ba rnams kyi ni chung ngu yin no//skyes nas yongs su mya ngan las 'da' ba rnams kyi ni 'bring yin no/ /gong du 'pho ba rnams kyi ni chen po yin no/ /de yang bar ma dor yongs su mya ngan las 'da' ba dang po ni nyon mongs pa chung ngu'i chung ngu can yin no/ /gnyis pa ni nyon mongs pa chung ngu'i 'bring po can yin no//gsum pa ni nyon mongs pa chung ngu'i chen po can yin no/ /skyes nas yongs su mya ngan las 'da' ba rnams la yang dang po ste/ skyes nas yongs su mya ngan las 'da' ba ni nyon mongs pa 'bring po'i chung ngu can yin no/ /gnyis pa mngon par 'du byed pa dang bcas pas yongs su mya ngan las 'da' ba ni nyon mongs pa 'bring po'i 'bring po yin no//gsum pa mngon par 'du byed pa med par yongs su mya ngan las 'da' ba ni nyon mongs pa 'bring po'i chen po can yin no/ /gong du 'pho ba rnams la yang 'phar ba ni nyon mongs pa chen po'i chung ngu can yin no//phyed du 'phar ba ni nyon mongs pa chen po'i 'bring po can yin no/ /gnas thams cad du 'chi 'pho ba ni nyon mongs pa chen po'i chen po can yin no/ /ji ltar na dbang po'i rnam pa dgu yin zhe na/ de bzhin du dbang po yang chen po dang 'bring po dang chung ngu rnams te/bar ma dor yongs su mya ngan las 'da' ba rnams kyi ni chen po yin no/ /skyes nas yongs su mya ngan las 'da' ba rnams kyi ni 'bring yin no/ /gong du 'pho ba rnams kyi ni chung ngu yin no/ /de la yang bar ma dor yongs su mya ngan las 'da' ba dang po ni dbang po chen po'i chen po can yin no//gnyis pa ni dbang po chen po'i 'bring po can yin no/ /gsum pa ni dbang po chen po'i chung ngu can yin no/ /skyes nas yongs su mya ngan las 'da' ba rnams la yang dang po ste/ skyes nas yongs su mya ngan las 'da' ba ni dbang po 'bring po'i chen po can yin no//mngon par 'du byed pa dang bcas pas yongs su mya ngan las 'da' ba ni dbang po 'bring po'i 'bring po can yin no/ /mngon par 'du byed pa med par yongs su mya ngan las 'da' ba ni dbang po 'bring po'i chung ngu can yin no/ /gong du 'pho ba rnams la yang 'phar ba ni dbang po chung ngu'i chen po can no/phyed du 'phar ba ni dbang po chung ngu'i 'bring po can yin no/ /gnas thams cad du 'chi 'pho ba ni dbang po chung ngu'i chung ngu can yin no/ /'o na mdo las skyes bu dam pa'i 'gro ba bdun bstan pa ji lta bu zhe na zhes bya ba ni dge slong dag ngas skyes bu dam pa'i 'gro ba bdun dang /nye bar len pa med par yongs su mya ngan las 'da' ba yang bstan par bya'o zhes 'byung ba yin no/ /mdo de thams cad ni 'gro mdo las zhes bya ba'i phyogs der bris zin pas yang mi bri'o/ /mdo de las ni skyes bu dam pa'i 'gro ba bdun bstan te/ bar ma dor yongs su mya ngan las 'da' ba gsum dang /skyes nas yongs su mya ngan las 'da' ba gsum ste/ 'gro ba drug go/ /bdun pa ni gong du 'pho ba'i 'gro ba yin no/ /de ma phye bar bstan pa'i phyir zhes bya ba ni gong du 'pho ba de 'phar ba la sogs pa phye ste ma bstan pa'i phyir zhes bya ba'i tha tshig ste/mdo las bstan pa ni gdul ba'i bsam pa la ltos pa yin no/ /slob pa'i 'gro ba gzhan dag ni ma yin zhes bya ba ni rgyun du zhugs pa dang lan cig phyir 'ong ba'i 'gro ba dag ma yin zhes bya ba'i tha tshig ste/ 'gro ba dang / skye ba dang / tshe phyi ma zhes bya ba 'di dag ni mdo las rnam grangs su bshad do//de dag ces bya ba ni phyir mi 'ong ba dag ste/ srog gcod pa la sogs pa mi byed pa'i phyir las dam pa la 'jug cing mi tshangs par spyod pa la sogs pa mi byed pa'i phyir dam pa ma yin pa la mi 'jug ste/ mi tshangs par spyod pa la sogs pa ni mi dge ba'i bsam pa'i sems kyis byed na/'dod chags dang bral ba de dag ni mi dge ba spangs pa'i phyir dam pa kho na la 'jug gi dam pa ma yin pa la mi 'jug go/ /yang phyir 'ong ba med ces bya ba ni 'gro ba gang dag tu skyes pa de'i 'og gam der gtan mi 'ong zhes bya ba'i tha tshig go//ji skad du bshad pa 'di gzhan la ni med pas zhes bya ba ni dam pa kho na la 'jug cing dam pa ma yin pa la mi 'jug pa dang / yang phyir 'ong ba med pa gang yin pa de rgyun du zhugs pa dang / lan cig phyir 'ong ba la med pas so/ /gzhan dag la yang zhes bya ba ni rgyun du zhugs pa dang /lan cig phyir 'ong ba dag la yang zhes bya ba'i don to/ /rnam grangs pa zhes bya ba ni rnam grangs las byung bas na rnam grangs pa ste/ rnam pa 'ga' zhig gis yin zhes bya ba'i tha tshig go/ /ji ltar zhe na sdig pa rnam pa lnga gtan mi byed pa'i sdom pa thob pa'i phyir zhes bya ba smos te/srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / chang 'thung ba'i mtshan nyid kyi sdig pa rnam pa lnga mi byed pas mi byed par sdom pa ni sdom par byed pa ste/ de thob pa'i phyir ro/ /'phags pa ni tshe rabs gzhan na yang sdig pa rnam pa lnga po 'di mi spyod do//mi byed pa'i sdom pa zhes smos pa ni yang dag par len pa'i sdom pa ni gdon mi za ba ma yin pa'i phyir ro/ /phal cher zhes bya ba ni mthong bas spang bar bya ba ni mi dge ba thams cad gtan spangs pa'i phyir dang / ci rigs par bsgoms pas spang bar bya ba 'dod pa na spyod pa kha cig spangs pa'i phyir ro//gang dag la zhes bya ba rgyas par 'byung ba ni gang dag la rnam grangs med par yod pa ste/ rgyun du zhugs pa dang / lan cig phyir 'ong ba ltar rnam pa gzhan gyis skyes bu dam pa nyid yin pa lta bu ni ma yin no//'o na ci zhe na/ sdig pa thams cad gtan mi byed pa'i sdom pa thob pa'i phyir dang / mthong bas spong bar bya ba mi dge ba thams cad spangs pa'i phyir dang / bsgom pas spang bar bya ba 'dod pa na spyod pa rnam pa dgu po thams cad spangs pa'i phyir mdo 'dir skyes bu dam pa'i 'gro ba bdun zhes gsungs pa ni skyes bu dam pa phyir mi 'ong ba de dag gi skabs yin no//de'i phyir gzhan dag kyang rnam grangs pa'i skyes bu dam pa nyid yin pa ni mi dag go/ /ci phyir mi 'ong ba tshe yongs su gyur pa la yang bar ma dor yongs su mya ngan las 'da' ba zhes bya ba de lta bu la sogs pa'i dbye ba 'di yod dam zhes bya ba phyir mi 'ong ba tshe yongs su gyur pa ni gang zhig tshe dang po la rgyun du zhugs pa'i 'bras bu 'am/lan cig phyir 'ong ba'i 'bras bu thob nas tshe gnyis pa la phyir mi 'ong bar gyur pa yin no/ /'dod par zhes bya ba khyad par smos pa ni 'di ltar gzugs kyi khams su tshe yongs su gyur pa ni res 'ga' gzugs med pa dag tu 'jug pas so//tshe de nyid la yongs su mya ngan las 'da' ba'i phyir ro zhes bya ba ni 'di 'dod pa'i khams la sdug bsngal mang ba nyid kyis shin tu skyo ba'i phyir ro/ /'o na brgya byin gyis zhes bya ba rgyas par 'byung ba ni brgya byin gyis bdag 'di nas shi 'phos te mi'i nang du skyes nas gal te dgra bcom pa nyid thob ste/yongs su mya ngan las mi 'da'i/ bdag ni tha mar nyams na lha gang 'og min zhes/ rnam par grags pa der ni skye bar 'gyur bar shog /ces smras te de ni lha dag gi nang kho nar rgyun du zhugs par gyur nas mi dag gi nang du 'ongs te/yongs su mya ngan las 'da'o zhes smras pa'i phyir tshe yongs su gyur pa yin par 'gyur ro/ /tha mar ris mthun pa'i mjug tu nyams na ste/ dgra bcom pa nyid ma thob par ma thob pa'i yongs su nyams pas nyams na/ 'og min der ni skye bar 'gyur bar shog /ces don du gnyer bar smras pa'i phyir khams gzhan du 'gro ba yod do zhes bstan pa yin no zhes bya bar mngon na de ji ltar mdo'i don 'dod pa'i khams su tshe gzhan du yongs su gyur pa'i 'phags pa khams gzhan du mi 'gro'o zhes bshad do zhes bya bar snang / khyod brgya byin gyis chos kyi mtshan nyid mngon par mi shes pa'i phyir de skad du smras par zad de/ de lta bas na zhes pa med do zhes zer na/ bcom ldan 'das de skad du gsan pas kyang ci'i phyir khyod de skad du ma smra shig ces de ma bzlog ce na/ de'i phyir yang dag par dga' bar bya ba yin pa'i phyir bcom ldan 'das kyis kyang ma bkag go zhes bya ba smos te/'dod pa'i sdug bsngal yongs su spang bar 'dod pas yang dag par dga' bar bya ba yin no snyam du bsams pa'o/ /slob dpon 'dus bzangs na re shi 'pho ba'i rgyu mtshan can gyi skye ba'i sdug bsngal gyis yid byung ba ni yang dag par dga' bar bya ba yin pa'i phyir ro zhes zer ro//dbang po rnams ches yongs su smin pa'i phyir zhes bya ba ni shes rab la sogs pa'i dbang po rnams kyi rgyu mthun pa'i 'bras bu khyad par du gyur pa'i phyir zhes bya ba'i tha tshig go /rten khyad par can thob pa'i phyir ro zhes bya ba ni 'di ltar rten khyad par can ma nyams pa lam mngon du 'gyur ba dang mthun pa thob pa ste/dbang po rnon po dag yin yang rten mi mthun pas yon tan dag las nyams pa snang ngo / /de lta bas na tshe rabs gzhan nas yongs su 'dris pas dbang po rnams ches yongs su smin pa'i phyir dbang po 'pho ba med la/rten khyad par can thob pa'i phyir yongs su nyams pa med de/ tshe rabs gzhan nas yongs su 'dris pa de nyid kyis khams gzhan du 'gro bar yang mi 'gyur ro/ /lam ma 'dris pas mngon sum du mi 'gyur ba'i phyir zhes bya ba ni gang gi phyir lam ma 'dris pas mngon sum du mi 'gyur ba rgyu de'i phyir slob pa 'dod chags dang ma bral ba rgyun du zhugs pa dang /lan cig phyir 'ong ba bar ma dor yongs su mya ngan las 'da' bar mi 'gyur ro/ /phra rgyas rnams shin du chung ba ma yin pa'i phyir ro zhes bya ba ni gang gi phyir de'i phra rgyas rnams shin du chung ba ma yin pa de'i phyir bar ma dor yongs su mya ngan las 'da' bar mi 'gyur ro zhes bya ba yin te 'di ni slob dpon gyi lan yin no//bye brag tu smra ba rnams kyi lan gang yin zhe na/ bye brag tu smra ba rnams na re 'dod pa'i khams las 'da' bar dka' ba'i phyir zhes bya ba smos so//ji lta zhe na/ smras pa/ 'dis nyon mongs pa mi dge ba dang lung ma bstan pa spang pa ste/ 'dis mi dge ba 'dod pa na spyod pa rnams dang / lung du ma bstan pa gzugs dang gzugs med pa na spyod pa rnams spang bar bya dgos so/ / slob pa 'dod chags dang bral bas ni lung du ma bstan pa kho na spang bar zad do/ /dge sbyong gi tshul gyi 'bras bu gnyis sam gsum thob pa zhes bya ba ni dge sbyong gi tshul gyi 'bras bu gnyis sam gsum thob par bya dgos te/ lan cig phyir 'ong bas ni phyir mi 'ong ba'i 'bras bu dang / dgra bcom pa nyid kyi 'bras bu dang /dge sbyong gi tshul gyi 'bras bu gnyis thob par bya dgos la/ rgyun du zhugs pas ni gsum ste/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu'o/ /'dod chags dang bral bas ni dgra bcom pa nyid kyi 'bras bu gcig kho na thob par bya bar zad do//'dod chags dang ma bral bas khams gsum las yang dag par 'da' bar yang bya dgos la/ 'dod chags dang bral ba gzugs kyi 'dod chags dang ma bral ba bar ma dor yongs su mya ngan las 'da' bar 'gyur bas ni khams gnyis las yang dag par 'da' bar bya bar zad do//spel bar byed ces bya ba ni sre bar yang byed cing 'dren mar byed pas te/ zag pa dang bcas pa'i bsam gtan bzhi pa zag pa med pa dag dang spel bar byed ces bya ba'i tha tshig go/ /lam sla ba rnams kyi nang na mchog yin pa'i phyir ro zhes bya ba la/lam sla ba ni dngos gzhi'i bsam gtan bzhi yin te/ bsam gtan dag gi lam rnams sla/ /zhes 'byung ba'i phyir ro/ /bsam gtan bzhi pa ni skyon brgyad las grol ba'i phyir de dag gi nang na mchog yin no/ /gang gi tshe zhes bya ba la/ grag ces bya ba ni/bye brag tu smra ba'i gzhung lugs ston par byed pa yin te/ rang gi gzhung lugs ni 'og nas skad cig ma spel bar ni mi nus te zhes bya ba rgyas par 'byung bas ston to/ /skad cig ma gnyis ni bar chad med pa'i lam lta bu yin zhes bya ba ni zag pa med pa dang / zag pa dang bcas pa dag go/ /gsum pa ni rnam par grol ba'i lam lta bu yin no zhes bya ba ni zag pa med pa'o/ /dbang po rtul po rnams ni nyon mongs pas kyang 'jigs pa'i phyir spel bar byed de/ yang zhes bya ba'i sgras ni gnas gtsang mar skye bar bya ba'i phyir dang / mthong ba'i chos la bde bar gnas par bya ba'i phyir yang spel bar byed do//dbang po rnon po rnams ni gnas gtsang mar skye bar bya ba'i phyir dang / mthong ba'i chos la bde bar gnas par bya ba kho na'i phyir spel bar byed kyi de dag la yang yongs su nyams pa mi srid pa'i phyir nyon mongs pas 'jigs pa'i phyir ni ma yin no//yang ji ltar na nyon mongs pas 'jigs pas yongs su mi nyams par bya ba'i phyir spel bar byed ce na/ ro myong ba dang mtshungs par ldan pa'i ting nge 'dzin thag bsring ba'i sgo nas yongs su mi nyams par bya ba'i phyir ro zhes bya ba smos te 'bras bu las yongs su mi nyams par bya ba'i phyir ro//rnam pa lnga yin te zhes bya ba ni chung ngu dang / 'bring dang / chen po dang / shin tu che ba dang / shin tu ches che ba'o/ /dang po la ni sems gsum zhes bya ba ni gang zag de la nus pa de tsam zhig yod pas te/ de bzhin du 'og ma rnams la yang brjod par bya'o//gnyis pa la ni drug go zhes bya ba ni zag pa med pa dang / zag pa dang bcas pa dang / zag pa med pa zhes bya ba gsum dang / yang zag pa med pa dang / zag pa dang bcas pa dang / zag pa med pa zhes bya ba gsum ste drug yin no/ /gsum pa la ni dgu'o//bzhi pa la ni bcu gnyis so/ /lnga pa la ni bco lnga ste zhes bya ba la/ yang de kho na bzhin du sbyar bar bya'o/ /de dag gi 'bras bu ni grangs bzhin du zhes bya ba ni spel mar bsgom pa de dag gi 'bras bu ni grangs bzhin du gnas gtsang ma lnga yin te/ bsgom pa chung ngu'i 'bras bu mi che ba yin pa nas bsgom pa shin tu ches che ba'i 'bras bu 'og min yin pa'i bar du'o//dad pa'i dbang po la sogs pa lhag pa'i phyir zhes bya ba ni btsun pa dpal len gyi gzhung lugs yin te/ bsgom pa dang dad pa shas che ba'i 'bras bu mi che ba yin pa nas de bzhin du bsgom pa shes rab shas che ba'i 'bras bu 'og min yin pa'i bar du'o//phyir mi 'ong ba gang la la zhes bya ba ni dad pas mos pa'am mthong bas thob pa'o/ /lus kyi mngon sum du byed pa'i phyir zhes bya ba ni sems med pa'i phyir lus kho nas mngon sum du byed do/ / ji ltar lus kho nas yin zhe na/ smras pa/ lus la brten te skye ba'i phyir ro/ /'di lta bu yin par 'gyur te zhes bya ba ni slob dpon rang gi gzhung lugs yin no/ /thob pa dang zhes pas mngon sum du byed pa dag gis zhes bya ba ni ting nge 'dzin gyi dus na de dang mthun pa'i rten gyis thob pa mngon sum du byed pa'i phyir dang langs pa'i dus na de yang so sor yang dag par myong ba'i shes pas mngon sum du byed pa'i phyir ro//mngon sum du gyur pa ni mngon du byed pa yin no zhes bya ba ni rnam par shes pa dang bcas pa'i lus zhi ba thob pa'i gnas skabs na mngon du byed par rung ngo snyam du bsams pa yin no//rnam par shes pa dang bcas pa'i lus zhi ba thob pas rnam par shes pa med pa'i lus zhi ba'i gnas skabs na yang de thob par mngon no/ /mdo las slob pa bco brgyad ces gsungs pa der zhes bya ba ni bcom ldan 'das la khyim bdag mgon med zas sbyin gyis zhus pa/btsun pa yon gnas du zhig mchis lags/ bcom ldan 'das kyis bka' stsal pa/ khyim bdag slob pa bco brgyad dang / mi slob pa dgu ni yon gnas yin te/ slob pa bco brgyad gang zhe na/ rgyun du zhugs pa'i 'bras bu mngon du bya ba'i phyir zhugs pa dang / rgyun du zhugs pa dang /lan cig phyir 'ong ba'i 'bras bu mngon sum du bya ba'i phyir zhugs pa dang / lan cig phyir 'ong ba dang / phyir mi 'ong ba'i 'bras bu mngon du bya ba'i phyir zhugs pa dang / phyir mi 'ong ba dang dgra bcom pa nyid kyi 'bras bu mngon du bya ba'i phyir zhugs pa dang / dad pas rjes su 'brang ba dang / chos kyi rjes su 'brang ba dang /dad pas mos pa dang / mthong bas thob pa dang / rigs nas rigs su skye ba dang / bar chad gcig pa dang / bar ma dor yongs su mya ngan las 'da' ba dang / skyes nas yongs su mya ngan las 'da' ba dang / mngon par 'du byed pa dang bcas pas yongs su mya ngan las 'da' ba dang / mngon par 'du byed pa med pas yongs su mya ngan las 'da' ba dang /gong du 'pho ba ste/ khyim bdag de dag ni slob pa bco brgyad yin no/ /mi slob pa dgu gang yin zhe na/ yongs su nyams pa'i chos can dang / 'chi bar sems pa'i chos can dang / rjes su srung ba'i chos can dang / gnas pa las mi g.yo ba dang /rtogs pa'i skal ba can dang / mi g.yo ba'i chos can dang / yongs su mi nyams pa'i chos can dang / shes rab kyis rnam par grol ba dang / gnyi ga'i cha las rnam par grol ba ste/ khyim bdag de dag ni mi slob pa dgu yin no zhes 'byung ba yin no//bslab pa gsum dang de'i 'bras bu zhes bya ba la/ bslab pa gsum ni 'phags pa'i lam gyi rang bzhin yin te/ lhag pa'i tshul khrims dang / lhag pa'i shes rab bo/ /de dag gi 'bras bu ni bral ba'o/ /de'i khyad par gyis slob pa rnams rnam par gzhag go zhes bya ba ni bslab pa'i khyad par dang /de'i 'bras bu'i khyad par gyis zhes bya ba'i tha tshig go/ /de'i khyad par yang ji lta bu zhig yin zhe na/ /slob pa bco brgyad kyi bslab pa dang / 'bras bu bral ba gzhan dang gzhan mi 'dra ba yin no/ /'gog pa'i snyoms par 'jug pa ni spong ba'i lam gyi rang bzhin ma yin pa'i phyir bslab pa yang ma yin la/bral ba'i rang bzhin ma yin pa'i phyir slob pa'i 'bras bu yang ma yin te/ de'i phyir de dang ldan pas te/ 'gog pa'i snyoms par 'jug pa dang ldan pas slob pa bco brgyad po de dag ji lta bar slob pa'i bye brag tu ma gsungs kyi/ 'di slob pa ma yin pa ni ma yin no/ /de la mdo las/ slob pa bco brgyad ces gsungs pa der lus kyis mngon sum du byed pa ci'i phyir ma gsungs zhes gang zer ba de ni de lta bu'i slob par ma gsungs par zad do/ /dbye ba che long yin no zhes bya ba ni gzugs su nye bar 'gro ba'i phyir mi 'ong ba lnga zhes bya ba dang /gzhan ni gzugs med 'gro rnam bzhi/ /zhes bya ba dang / gzhan ni 'di la mya ngan 'da'/ /zhes bya ba de lta bu la sogs pa'o// //bam po bzhi bcu rtsa dgu pa/ zhib tu dbye ba ni zhes bya ba rgyas par 'byung ba ni 'dir slob dpon gyis brtse ba'i thabs rab tu bstan pa'i phyir dang po'i bar ma dor yongs su mya ngan las 'da' ba'i dbang po dang /sa dang rigs la sogs pa'i khyad par bye brag tu ston par mdzad do/ /ci'i phyir zhe na/ de'i bye brag bgrangs na ji ltar bar ma dor yongs su mya ngan las 'da' ba dbang po la sogs pa'i bye brag gis tha dad pa ltar gong du 'pho ba'i bar du yang de dang 'dra'o zhes bsgre sla bar bya ba'i phyir ro//de dag nyid sa'i bye brag gis bzhi'o zhes bya ba la/ de dag nyid ni bar ma dor yongs su mya ngan las 'da' ba rnams so/ /sa dag ni bsam gtan bzhi yin te/ gzugs su nye bar 'gro ba'i phyir mi 'ong ba rnams brjod par bzhed pa'i phyir ro/ /de la bsam gtan dang por bar ma dor yongs su mya ngan las 'da' ba nas bsam gtan bzhi pa'i bar te bzhi'o/ /yongs su nyams pa'i chos can la sogs pa'i rigs kyi bye brag gis drug go zhes bya ba ni de nyid yongs su nyams pa'i chos can dang /'chi bar sems pa'i chos can dang / rjes su srung ba'i chos can dang / gnas pa las mi g.yo ba dang / rtogs pa'i skal ba can dang / mi g.yo ba'i chos can zhes bya ba yin no/ /gnas gzhan gyi bye brag gis bcu drug go zhes bya ba ni tshangs ris la sogs pa 'og min la thug pa dag go//tshangs chen ni bye brag tu smra ba'i lugs kyis kyang gnas gzhan ma yin la/ nyi 'og pa'i lugs kyis ni gnas gzhan nyid yin mod kyi der 'phags pa mi skye bas mi bgrang ste/ de ltar na gnas gzhan gyi bye brag gis bar ma dor yongs su mya ngan las 'da' ba bcu drug yin no//sa dang 'dod chags dang bral ba'i bye brag gis sum cu rtsa drug ste zhes bya ba ni sa'i bye brag dang de la 'dod chags dang bral ba'i bye brag gis bar ma dor yongs su mya ngan las 'da' ba sum cu rtsa drug go/ /ji lta zhe na/ gzugs kyi khams kyi 'ching ba mtha' dag dang ldan pa zhes bya ba rgyas par 'byung bas ston par byed de/ gzugs kyi khams kyi bsam gtan dang po'i 'ching ba mtha' dag dang ldan pa dang rnam pa gcig las 'dod chags dang bral ba nas rnam pa brgyad las 'dod chags dang bral ba'i bar dgu'o//gnyis pa'i yang 'ching ba mtha' dag dang ldan pa nas rnam pa brgyad las 'dod chags dang bral ba'i bar dgu'o/ /de bzhin du gsum pa'i dgu dang / de bzhin du bzhi pa'i dgu ste/ dgu bzhi sum cu rtsa drug yin no/ /bsam gtan bzhi pa'i rnam pa brgyad las 'dod chags dang bral ba'i bar ro zhes bya ba la/bar zhes bya ba'i sgras ni bsgres pa'i don 'di 'thob po/ /bsam gtan bzhi pa'i dgu pa'i rnam pa las 'dod chags dang bral ba zhes ni mi brjod de/ 'di ni gzugs med pa'i 'ching ba mtha' dag dang ldan pa yin no/ / 'dir ni gzugs med par 'gro ba'i dbang du byed pa ma yin gyi/ srid pa bar ma dang sbyar bas 'dir gzugs su nye bar 'gro ba rnams brjod par 'dod pa'i phyir ro/ /de lta yin pas gnas gzhan dang rigs dang 'dod chags dang bral ba dang dbang po'i bye brag gis zhes bya ba rgyas par smos te/ gnas gzhan rnams dang / rigs rnams dang / 'dod chags dang bral ba rnams dang / dbang po rnams kyi bye brag gis bar ma dor yongs su mya ngan las 'da' ba de dag nyis stong lnga brgya dgu bcu rtsa gnyis yin te/ rtsa dgu bcu rtsa gnyis so/ /ji ltar byas pas de ltar 'gyur zhe na/ smras pa/ gnas gcig na ste/ dper na tshangs ris lta bu na yongs su nyams pa'i chos can la sogs pa'i bye brag gis rigs drug go/ /rigs re re la zhes bya ba ni zlog pa yin no/ /'ching ba mtha' dag dang ldan pa nas rang gi gnas dper na tshangs ris lta bu'i rnam pa brgyad las 'dod chags dang bral ba'i bar gang zag dgu dgu'o//rigs dang ldan pa'i gang zag dgu dgu smos pa'i phyir dgu drug ni lnga bcu bzhi'o/ /gnas gzhan bcu drug smos pa'i phyir lnga bcu rtsa bzhi phrag bcu drug na brgyad brgya drug cu rtsa bzhi ste/ rtsa drug cu rtsa bzhi'o/ /yang dbang po bye brag gis gsum du 'gyur te/chung ngu dang 'bring dang / chen po'i bye brag gis so/ /de ltar byas pas so/ /ci zhe na/ nyis stong lnga brgya dgu bcu rtsa gnyis yin no/ /tshul gang gis 'ching ba mtha' dag dang ldan pa nas rnam pa brgyad las 'dod chags dang bral ba'i bar gang zag dgu dgur rnam par gzhag pa'i tshul de bstan pa'i phyir/bsam gtan 'og ma'i zhes bya ba rgyas par smos te/ bsam gtan 'og ma ste/ dang po nas gsum pa'i bar gyi rnam pa dgu las 'dod chags dang bral ba gang yin pa de ni bsam gtan gong ma ste/ gnyis pa nas bzhi pa'i bar gyi 'ching ba mtha' dag dang ldan pa yin no zhes bshad do/ /ci'i phyir zhe na/ 'dra bar brtsi ba'i phyir zhes bya ba rgyas par smos te/ ci nas kyang bsam gtan bzhi pa na dgu dgur 'gyur bar bya ba'i phyir ro/ /gzhan du na mi 'dra bar brtsis par 'gyur te/ bsam gtan dang po na 'ching ba mtha' dag dang ldan pa nas rnam pa dgu las 'dod chags dang bral ba'i bar bcur 'gyur ro/ /gnyis pa ni rnam pa gcig las 'dod chags dang bral ba nas rnam pa dgu las 'dod chags dang bral ba'i bar dgur 'gyur te/ gsum pa na yang de dang 'dra'o//bzhi pa na ni rnam pa gcig las 'dod chags dang bral ba nas rnam pa brgyad las 'dod chags las bral ba'i bar brgyad du 'gyur te/ rnam pa dgu las 'dod chags dang bral ba ni gzugs med pa'i 'ching ba mtha' dag dang ldan pa yin pa'i phyir ro zhes bshad zin to/ /gong du 'pho ba'i bar du yang de dang 'dra bas zhes bya ba ni skyes nas dang /mngon par 'du byed pa dang bcas pa dang mngon par 'du byed pa med pa dang / gong du 'pho ba rnams kyang gnas gzhan dang / rigs dang / 'dod chags dang bral ba dang / dbang po'i bye brag gis de bzhin du so sor nyis stong lnga brgya dgu bcu rtsa gnyis yin te/thams cad bsdus na phyir mi 'ong ba'i khyad par lnga po dag khri nyis stong dgu brgya rtsa drug cu yin no/ /gzugs med par 'gro ba skyes nas zhes bya ba la sogs pa rnam pa bzhi'i khyad par dag dang bcas na ni de'i tshe de dag mang mo zhig tu 'gyur ba lam 'dis khong du chud par 'gyur ba nyid pas ma bris so//srid rtse'i bar cha brgyad zad pa/ /zhes bya ba ni srid pa'i rtse mo'i rnam pa brgyad kyi bar zad par byed pa nas srid rtse'i bar cha brgyad zad pa ste/ srid pa'i rtse mo'i rnam pa brgyad kyi bar zad par yang byed pa zhes bya ba'i tha tshig go//phyir mi 'ong ba de bsam gtan dang po'i rnam pa gcig las 'dod chags dang bral ba nas bzung ste zhes bya ba ni gang gi phyir 'dod pa las 'dod chags dang bral bas phyir mi 'ong ba rnam par gzhag pa de'i phyir de yan chad ni dgra bcom pa nyid kyi 'bras bu la zhugs pa yin no/ / ji ltar rdo rjes thams cad 'joms pa de bzhin du ting nge 'dzin 'dis kyang phra rgyas thams cad 'joms pas mthu'i sgo nas 'di rdo rje dang 'dra bas na rdo rje lta bu yin no/ /bcom zin pa'i phyir 'dis thams cad 'joms pa ni ma yin zhes bya ba ni khams gsum pa'i mthong bas spang bar bya ba dang /bsgom pas spang bar bya ba 'dod pa na spyod pa nas srid pa'i rtse mo pa'i rnam pa brgyad kyi bar dag go/ /gal te thams cad mi 'joms na ci'i phyir phra rgyas thams cad 'joms pa yin zhes bya zhe na/ de'i phyir thams cad 'joms par nus pa yin no zhes bya ba smos te/ srid pa'i dbang du byas nas bshad do snyam du dgongs pa yin no/ /mi lcogs pa med pas bsdus pa zhes bya ba rgyas par 'byung ba ni dgra bcom pa nyid ni sa dgu po mi lcogs pa med pa dang / bsam gtan khyad par can dang / bsam gtan bzhi dang / srid pa'i rtse mo ma gtogs pa gzugs med pa gsum la brten nas 'thob ste/de'i phyir 'di ltar spros so/ /sdug bsngal dang kun 'byung ba la rjes su shes pa'i rnam pa dag dang mtshungs par ldan pa brgyad ces bya ba ni srid pa'i rtse mo pa'i sdug bsngal la dmigs pa rjes su shes pa'i rnam pa bzhi dang mtshungs par ldan pa bzhi dang /srid pa'i rtse mo pa'i kun 'byung ba la dmigs pa rjes su shes pa'i rnam pa gzhan bzhi dang mtshungs par ldan pa bzhi ste brgyad do/ /'gog pa dang lam la chos shes pa'i rnam pa dag dang mtshungs par ldan pa brgyad ces bya ba la'ang de kho na bzhin du brjod par bya ste/bsgom pa'i lam la 'gog pa'am/ /lam la chos shes gang yin te/ /khams gsum gyi ni gnyen po yin/ /zhes 'byung bas 'dir de gnyis kho na nye bar dgod kyi sdug bsngal dang kun 'byung ba la chos shes pa dag ni mi gzung ngo / /de bzhin du srid pa'i rtse mo'i 'gog pa la dmigs pa'i bar du zhes bya ba la/bar du zhes bya ba'i sgras ni ji ltar bsam gtan dang po'i 'gog pa la dmigs pa'i rnam pa dag dang mtshungs par ldan pa bzhi yin pa de bzhin du bsam gtan gnyis pa dang / gsum pa dang / bzhi pa dang / nam mkha' dang / rnam shes dang / ci yang med pa'i skye mched dang / srid pa'i rtse mo'i 'gog pa la dmigs pa dag kyang so sor bzhi bzhi yin par brjod par bya'o/ /lam la rjes su shes pa'i rnam pa dag dang mtshungs par ldan pa bzhi ste zhes bya ba 'di ni so so'i lam la dmigs pa rjes su shes pa'i rnam pa dag dang mtshungs par ldan pa bzhi bzhi zhes mi brjod do//ci'i phyir lam la zhe na/ rjes su shes pa'i phyogs dang mthun par zad pa la dmigs pa'i phyir ro zhes bya ba smos so/ /rjes su shes pa'i phyogs dang mthun pa'i lam ni gnyen po'i ngo bor yang khyad par med la lam ni phan tshun gyi rgyu yang yin pas ril kho na la dmigs kyi 'gog pa ni ma yin no//de'i phyir lam la rjes su shes pa'i rnam pa dag dang mtshungs par ldan pa ni bzhi kho nar zad do/ /de dag ni shes pa'i rnam pa dag dang dmigs pa'i bye brag gis tha dad pa'i phyir zhes bya ba ni shes pa'i rnam pa'i bye brag dang /dmigs pa'i bye brag gis tha dad pa'o/ /yang na shes pa rnams dang rnam pa rnams dang / dmigs pa rnams kyi bye brag gis tha dad pa ste/ re zhig shes pa'i rnam pa'i bye brag gis tha dad pa ni sdug bsngal dang kun 'byung ba la rjes su shes pa'i rnam pa dag dang zhes bya ba de lta bu la sogs pa 'byung ba'i phyir ro//dmigs pa'i bye brag gis tha dad pa yang srid pa'i rtse mo pa'i sdug bsngal dang kun 'byung ba la dmigs pa zhes bya ba de lta bu la sogs pa 'byung ba'i phyir ro/ /lnga bcu rtsa gnyis yin no zhes bya ba ni dang po brgyad tshan gnyis te/bcu drug dang / bsam gtan dang po'i 'gog pa la dmigs pa bzhi nas lam la rjes su shes pa'i rnam pa dag dang mtshungs par ldan pa bzhi'i bar du bzhi tshan dgu la sum cu rtsa drug ste/ bcu drug dang sum cu rtsa drug ni lnga bcu rtsa gnyis su 'gyur ro/ /mi lcogs pa med pas bsdus pa ji lta bar zhes bya ba rgyas par 'byung ba ni dngos gzhi'i bsam gtan la ma brten cing ma zhugs par skye bas na mi lcogs pa med pas te/bshad ma thag pa'i rnam pa gang gis mi lcogs pa med pas bsdus pa'i rdo rje lta bu'i ting nge 'dzin lnga bcu rtsa gnyis yin pa'i rnam pa de nyid kyi bsam gtan khyad par can gyis bsdus pa yang lnga bcu rtsa gnyis yin no//ji ltar shes pas she na/ bsam gtan khyad par can gyis bsdus pa srid pa'i rtse mo pa'i sdug bsngal dang kun 'byung ba la dmigs pa sdug bsngal dang kun 'byung ba la rjes su shes pa'i rnam pa dag dang mtshungs par ldan pa brgyad dang /'gog pa dang lam la chos shes pa'i rnam pa dag dang mtshungs par ldan pa brgyad dang / 'gog pa la rjes su shes pa'i rnam pa dag dang mtshungs par ldan pa bsam gtan dang po'i 'gog pa la dmigs pa bzhi nas de bzhin du srid pa'i rtse mo'i 'gog pa la dmigs pa'i bar du bzhi dang /lam la rjes su shes pa'i rnam pa dag dang mtshungs par ldan pa bzhi ste/ rjes su shes pa'i phyogs dang mthun pa zad par la dmigs pa'i phyir ro/ /de dag ni shes pa'i rnam pa dang / dmigs pa'i bye brag gis tha dad pa'i phyir lnga bcu rtsa gnyis yin no//bsam gtan khyad par can gyis bsdus pa ji lta ba de bzhin du bsam gtan dang pos bsdus pa lnga bcu rtsa gnyis yin pa nas bsam gtan bzhi pas bsdus pa'i bar du lnga bcu rtsa gnyis yin no/ /grangs bzhin du zhes bya ba rgyas par 'byung ba ni nam mkha' mtha' yas skye mched kyis bsdus pa ni nyi shu rtsa brgyad do//rnam shes mtha' yas skye mched kyis bsdus pa ni nyi shu rtsa bzhi'o/ /ci yang med pa'i skye mched kyis bsdus pa ni nyi shu'o/ /srid pa'i rtse mo na ni 'phags pa'i lam med pas des bsdus pa med pa'i phyir mi bsam mo//de dag na chos shes pa med pa'i phyir zhes bya ba ni chos shes pa ni sa drug pa yin pa'i phyir de lta bas na 'gog pa dang lam la chos shes pa'i rnam pa dag dang mtshungs par ldan pa brgyad med do/ /rjes su shes pas sa 'og ma'i 'gog pa la dmigs pa med pa'i phyir 'gog pa la rjes su shes pa'i rnam pa dag dang mtshungs par ldan pa bsam gtan bzhi'i 'gog pa la dmigs pa bcu drug kyang med pas nyi shu rtsa brgyad du 'gyur te/lnga bcu rtsa gnyis las brgya dang bcu drug de ltar bor ba'i phyir ro/ /ji lta zhe na/ nam mkha' mtha' yas skye mched kyis bsdus pa srid pa'i rtse mo pa'i sdug bsngal dang kun 'byung ba la rjes su shes pa'i rnam pa dag dang mtshungs par ldan pa brgyad do//'gog pa la rjes su shes pa'i rnam pa dag dang mtshungs par ldan pa nam mkha' mtha' yas skye mched la sogs pa'i 'gog pa la dmigs pa bcu drug dang / lam la rjes su shes pa'i rnam pa dag dang mtshungs par ldan pa bzhi ste/de dag ni shes pa'i rnam pa dang / dmigs pa'i bye brag gis tha dad pa'i phyir nyi shu rtsa brgyad yin no/ /de bzhin du rnam shes mtha' yas skye mched kyis bsdus pa ni nam mkha' mtha' yas skye mched kyi 'gog pa la dmigs pa bzhi bor nas nyi shu rtsa bzhi yin par sbyar ro//ci yang med pa'i skye mched kyis bsdus pa ni rnam shes mtha' yas skye mched kyi 'gog pa la dmigs pa gzhan bzhi yang bor nas nyi shu yin no/ /yang ci'i phyir gzugs med pa rnams rang gi sa dang sa gong ma pa kho na'i 'gog pa la dmigs kyi/ bsam gtan bzhin du sa 'og pa ni ma yin zhe na/ sa 'og ma'i sdug bsngal la ma dmigs par de'i 'gog pa la dmigs par mi nus so/ /sdug bsngal yang thams cad zag pa dang bcas pa yin la/ gzugs med rnam bzhi dge rnams kyi/ /spyod yul zag bcas 'og ma yin/ /zhes bya ba 'di yang nges pas 'di ni rgyu yin no//bsam gtan rnams ni kun du lta ba yin pa'i phyir mi dgag ste/ bsam gtan dge yul yod dgu yin/ /zhes 'chad par 'gyur ro/ /yang ci'i phyir 'gog pa kho na la dmigs kyi sdug bsngal lam kun 'byung ba la ni ma yin zhe na/ srid pa'i rtse mo man chad kyi sa las 'dod chags dang bral ba'i phyir ro//de la ni srid pa'i rtse mo pa'i rnam pa dgu pa rdo rje lta bus gzhom par bya ba kho na lus so/ /sa 'og ma pa'i gnyen po la dmigs pa ni yod de zhes bya ba ni shes pa'i dbang du byas pa yin te/ de yang rdo rje lta bu'i ting nge 'dzin dang mtshungs par ldan par rig par bya'o//gnyen po de ni phan tshun du rgyu yin pa'i phyir ro zhes bya ba ni/ sa dgu'i lam ni phan tshun du/ /mnyam dang khyad par can dag gi /zhes bya ba'i phyir lam la rjes su shes pa thams cad ni rjes su shes pa'i phyogs dang mthun pa sa dgu pa'i dmigs pa yin no//gang dag ces bya ba rgyas par 'byung ba ni chos mngon pa gang dag 'gog pa la rjes su shes pa 'ba' zhig tu ma zad kyi/ lam la rjes su shes pa yang sa re re'i gnyen po la dmigs pa yin par 'dod pa de dag gi ltar na nyi shu rtsa brgyad lhag par bsnan na mi lcogs pa med pas bsdus pa'i rdo rje lta bu ni brgyad cu yin no//ji ltar byas pas she na/ snga ma ltar na rjes su shes pa'i phyogs dang mthun pa zad par la dmigs pa yin pa'i phyir lam la rjes su shes pa'i rnam pa bzhi dang mtshungs par ldan pa bzhi yin no/ /da ni kha cig gi gzhung lugs kyis sa re re'i gnyen po la dmigs pa yin par yang rnam par 'jog ste/mi lcogs pa med pas bsdus pa bsam gtan dang po'i gnyen po la dmigs pa/ lam la rjes su shes pa'i rnam pa dag dang mtshungs par ldan pa bzhi nas/ de bzhin du ci yang med pa'i skye mched kyi gnyen po la dmigs pa lam la rjes su shes pa'i rnam pa dag dang mtshungs par ldan pa'i bar du bzhi ste/de ltar na nyi shu rtsa brgyad lhag pa yin no/ /lnga bcu rtsa gnyis la nyi shu rtsa brgyad kyis lhag par bsnan na brgyad cur 'gyur ro/ /yang ci'i phyir srid pa'i rtse mo'i gnyen po la dmigs pa lam la rjes su shes pa'i rnam pa dag dang mtshungs par ldan pa bzhi mi bgrang zhe na/smras pa/ zag pa med pa'i lam srid pa'i rtse mo'i bsdus pa srid pa'i rtse mo'i gnyen po ni med kyi/ bsam gtan dang po'i sa pa nas ci yang med pa'i skye mched kyi sa pa'i bar ni yod de/de lta bas na de dag gi gnyen po la dmigs pa kho na bshad kyi srid pa'i rtse mo'i gnyen po la dmigs pa ni ma yin no/ /gzhan dag 'chad pa ni gang dag lam la rjes su shes pa yang sa re re'i gnyen po la dmigs pa yin par 'dod pa ni 'gog pa la rjes su shes pa ji lta ba bzhin du 'dod pa zhes bya bar bsam pa yin no//de dag gi ltar na srid pa'i rtse mo pa'i sdug bsngal dang / kun 'byung ba la rjes su shes pa'i rnam pa dag dang mtshungs par ldan pa brgyad dang / 'gog pa dang lam la chos shes pa'i rnam pa dag dang mtshungs par ldan pa brgyad dang / 'gog pa la rjes su shes pa'i rnam pa dag dang mtshungs par ldan pa bsam gtan dang po'i 'gog pa la dmigs pa bzhi nas srid pa'i rtse mo'i 'gog pa la dmigs pa'i bar du bzhi ste sum cu rtsa gnyis dang / de bzhin du lam la rjes su shes pa'i rnam pa dag dang mtshungs par ldan pa yang de dang 'dra bar sum cu rtsa gnyis yin pas mi lcogs pa med pas bsdus pa rdo rje lta bu ni brgyad cu yin no zhes zer ro//de dag gi ltar na rjes su shes pa'i phyogs dang mthun par zad par la dmigs pa'i phyir lam la rjes su shes pa'i rnam pa dag dang mtshungs par ldan pa bzhi po gang dag yin pa dag ni med kyi de dag gi gor srid pa'i rtse mo'i gnyen po la dmigs pa dag yod pas 'dir rdo rje lta bu brgyad cu yin no//bsam gtan bzhi pas bsdus pa'i bar du yang de dang 'dra'o/ /ji lta zhe na/ nyi shu rtsa brgyad lhag par bsnan nas bsam gtan khyad par can gyis bsdus pa'i rdo rje lta bu brgyad cu yin no//bsam gtan khyad par can gyis bsdus pa ji lta ba de bzhin du/ bsam gtan dang po dang / gnyis pa dang / gsum pa dang / bzhi pas bsdus pa'i rdo rje lta bu yang brgyad cu yin no/ /nam mkha' mtha' yas skye mched la sogs pa dag ni zhes bya ba ni srid pa'i rtse mo ma gtogs pa'i gzugs med pa gsum po dag na ni go rims bzhin du bzhi bcu dang /sum cu rtsa gnyis dang / nyi shu rtsa bzhi yin no/ /ji ltar byas pas she na/ re zhig nam mkha' mtha' yas skye mched kyi rdo rje lta bu'i ting nge 'dzin nyi shu rtsa brgyad la nam mkha' mtha' yas skye mched kyi gnyen po la dmigs pa lam la rjes su shes pa'i rnam pa dag dang mtshungs par ldan pa bzhi nas ci yang med pa'i skye mched kyi gnyen po la dmigs pa'i bar bzhis bsnan te/bcu gnyis kyis bsnan na bzhi bcur 'gyur ro/ /de bzhin du nyi shu rtsa bzhi la ni rnam shes mtha' yas skye mched kyi gnyen po la dmigs pa bzhi dang /ci yang med pa'i skye mched kyi gnyen po la dmigs pa bzhis bsnan nas sum cu rtsa gnyis su 'gyur ro/ /de bzhin du nyi shu la ni ci yang med pa'i skye mched kyi gnyen po la dmigs pa gnyen po bzhis bsnan nas nyi shu rtsa bzhir 'gyur ro/ / smras pa/ sa 'og ma'i gnyen po la dmigs pa ni yod de/ de ni phan tshun rgyu yin pa'i phyir ro zhes bshad pa yin nam/ /yang ci'i phyir nam mkha' mtha' yas skye mched la sogs pas bsdus pa rang gi sa dang sa gong ma'i gnyen po la dmigs pa kho nar bshad kyi/ sa 'og ma'i gnyen po la dmigs pa ni ma yin zhe na/'dir smras pa/ khyad par du ma byas par rjes su shes pa'i phyogs dang mthun pa'i lam sa dgu pa ni sa 'og ma'i gnyen po la dmigs pa yin no zhes bshad kyi/ nam mkha' mtha' yas skye mched la sogs pas bsdus pa sa 'og ma'i gnyen po la dmigs pa ni ma yin no//'o na ci zhe na/ rang gi sa dang sa gong ma'i gnyen po kho na la dmigs pa yin no/ /de la rjes su shes pa'i khyad par med pa'i ngo bor 'og ma la dmigs pa yin gyi/ khyad par gyi ngo bor ni ma yin no/ /rang gi sa dang sa gong ma la dmigs pa ni khyad par gyi ngo bor yang yin no zhes bya ba 'dir ni gzhan gyi gzhung lugs kyis bshad pa yin no//snga ma ste rjes su shes pa ni rjes su shes pa'i phyogs dang mthun pa thams cad la ci'i ngo bo kho nar dmigs so zhes bya ba de ni bye brag tu smra ba rnams kyi gzhag pa'i phyogs yin te/ 'di ltar slob dpon 'dus bzangs kyis lam la rjes su shes pa thams cad ni rjes su shes pa'i phyogs dang mthun pas dgu pa'i dmigs pa yin no zhes bshad do//gzhan dag ni 'di skad zer te/ srid pa'i rtse mo'i sdug bsngal dang / kun 'byung ba la rjes su shes pa'i rnam pa dag dang mtshungs par ldan pa brgyad dang /'gog pa la rjes su shes pa'i rnam pa dag dang mtshungs par ldan pa nam mkha' mtha' yas skye mched kyi 'gog pa la dmigs pa bzhi nas srid pa'i rtse mo pa'i 'gog pa la dmigs pa'i bar bzhi ste/ bcu drug dang / lam la rjes su shes pa'i rnam pa dag dang mtshungs par ldan pa yang nam mkha' mtha' yas skye mched kyi gnyen po la dmigs pa bzhi nas srid pa'i rtse mo'i gnyen po la dmigs pa'i bar bzhi ste bcu drug go//de dag ni bcu drug phrag gnyis dang / sngar bshad pa'i brgyad nas nam mkha' mtha' yas skye mched kyis bsdus pa'i rdo rje lta bu bzhi bcur 'gyur ba yin no//rnam shes mtha' yas skye mched kyis bsdus pa ni sum cu rtsa gnyis te/ nam mkha' mtha' yas skye mched kyi 'gog pa dang gnyen po la dmigs pa brgyad dor ro/ /ci yang med pa'i skye mched kyis bsdus pa ni nyi shu rtsa bzhi ste/ rnam shes mtha' yas skye mched kyi 'gog pa dang /lam la dmigs pa gzhan brgyad kyang dor ro zhes zer te/ /de dag ni srid pa'i rtse mo la yang / gnyen po'i lam sa 'og ma pa yod do zhes zer ro/ /yang rigs dang dbang po'i bye brag gis ni ches mang ba yin no zhes bya ba ji lta bu yin zhe na/ re zhig thams cad kyi dang por brgyad bshad pa de dag las srid pa'i rtse mo pa'i sdug bsngal la dmigs pa mi rtag pa'i rnam pa dang mtshungs par ldan pa'i rdo rje lta bu gang yin pa de rigs drug gi bye brag gis khyad par rnam pa drug go//de bzhin du sdug bsngal la sogs pa'i rnam pa dang mtshungs par ldan pa gsum yang so sor khyad par rnam pa drug yin la/de dag kyang so sor dbang po chung ngu dang 'bring dang chen po'i bye brag gis tha dad do/ /ji ltar 'di dag gi so sor rigs dang dbang po'i bye brag gis tha dad pa de bzhin du srid pa'i rtse mo pa'i kun 'byung ba la dmigs pa bzhi yang so sor rigs drug gi bye brag gis khyad par rnam pa drug yin la/dbang po gsum gyi bye brag gis khyad par rnam pa gsum yin no/ /ji ltar brgyad po 'di dag rigs dang / dbang po'i bye brag gis so sor khyad par rnam pa drug dang / rnam pa gsum yin pa de bzhin du mi lcogs pa med pas bsdus pa shes pa'i rnam pa dang /dmigs pa'i bye brag gis tha dad pa dag nas ci yang med pa'i skye mched kyis bsdus pa'i bar thams cad kyang rigs dang / dbang po'i bye brag gis tha dad par lam 'dis sbyar bar bya'o/ /yang na 'di ltar sbyar bar bya'o/ /phyogs dang po la mi lcogs pa med pas bsdus pa lnga bcu rtsa gnyis yin par rigs dang dbang po'i bye brag gis tha dad par lam 'dis sbyar bar bya'o//phyogs dang po la mi lcogs pa med pa med pas bsdus pa lnga bcu rtsa gnyis yin pa ltar ci yang med pa'i skye mched kyis bsdus pa nyi shu yin pa'i bar yang de dang 'dra ste/spyir bsdus na rdo rje lta bu sum brgya brgyad cu rtsa bzhir 'gyur ro/ /de dag rigs dang dbang po'i bye brag gis drug 'gyur dang / sum 'gyur du bsgyur na drug stong dgu brgya rtsa bcu gnyis su 'gyur ro/ /phyogs gnyis pa la ni gang la dang po brgyad cu yin pa nas ci yang med pa'i skye mched la nyi shu rtsa bzhi yin pa'i bar gcig tu bsdoms na lnga brgya bdun cu rtsa drug tu 'gyur ro//rigs dang dbang po'i bye brag gis drug 'gyur dang sum 'gyur du bsgyur na rdo rje lta bu khri sum brgya drug cu rtsa brgyad du 'gyur ro/ /de nyid kyi phyir de ni dang po nyid du zhes bya ba gang gi phyir zhe na/dang po nyid du zag pa thams cad zad pa'i thob pa dang lhan cig skye ba'i phyir zhes bya ba smos te/ gang gi phyir shes pa de dang po nyid du zag pa thams cad zad pa'i thob pa dang lhan cig skyes pa'i phyir zad pa shes pa zhes bya ste/ bar gyi tshig mi mngon par byas pa'i phyir ram/nges pa'i tshig gi tshul gyis so/ /dang po nyid du zhes smos pa ni mi skye ba shes pa las khyad par du bya ba'i phyir ro/ /thams cad ces smos pa ni rgyun du zhugs pa la sogs pa'i shes pa las khyad par du bya ba'i phyir te/ sgra 'jug pa ni brda la ltos pas so/ /de nyid kyi phyir zhes bya ba ni de rang gi don yongs su rdzogs pa na gzhan gyi don byed par 'os pa'i phyir te/gzhan gyi don byed par bshad pa'i phyir zhes bya ba'i tha tshig go/ /'dod chags dang bcas pa thams cad kyis mchod par 'os pa'i phyir zhes bya ba la 'dod chags dang bcas pa ni so so'i skye bo dang slob pa rnams te/de dag thams cad kyis mchod par 'os pas dgra bcom pa yin no/ /grub po zhes bya ba ci grub ce na/ gang zag sngar bshad pa gzhan bdun ni slob pa dag yin no zhes bya ba smos te/ 'bras bu la gnas pa gsum dang / zhugs pa bzhi bshad pa yin te/ 'di kho na mi slob pa yin no zhes dmigs kyis bstsal ba'i phyir 'di las gzhan pa'i 'phags pa rnams ni slob pa yin no zhes bya bar grub bo//ci'i phyir slob pa yin zhes bya ba ni rgyu gang gis na gang zag bdun po de dag slob pa zhes bya zhe na/ zag pa zad par bya ba'i phyir rtag tu slob pa'i ngang tshul can yin pa'i phyir zhes bya ba smos te/'di dag slob pa'i ngang tshul can yin pas na slob pa dag go/ /gang la slob pa'i ngang tshul can yin zhe na/ bslab pa gsum po la'o/ /bslab pa gang yin zhe na/ lhag pa'i tshul khrims dang / lhag pa'i sems dang / lhag pa'i shes rab bo/ /de dag gi rang bzhin ci zhe na/tshul khrims dang / ting nge 'dzin dang / shes rab kyi rang bzhin dag yin no zhes bya ba smos so/ /lhag pa'i tshul khrims la slob pas na lhag pa'i tshul khrims la ste/ de bzhin du lhag pa'i shes rab kyi bar la slob pas na lhag pa'i shes rab slob pa'o/ /bslab pa gsum las tha mi dad pa'i phyir tshul khrims la sogs pa'i rang bzhin nyid bslab pa yin no zhes zer ro//so so'i skye bo yang slob pa yin par 'gyur ro zhes bya ba ni so so'i skye bo yang ji skad bshad pa dag la slob pas so/ /ma yin te/ bden pa yang dag pa ji lta ba bzhin rab tu mi shes pa'i phyir dang zhes bya ba ni de ni de lta ma yin no//ci'i phyir zhe na/ dge slong dag 'phags pa'i shes rab kyis mthong ba gang yin pa de ni zhes 'byung bas sdug bsngal la sogs pa'i bden pa rnams yang dag pa ji lta ba bzhin rab tu mi shes pa'i phyir te/ khong du ma chud pa'i phyir ro/ /'di ltar mdo las lhag pa'i tshul khrims dang /lhag pa'i sems kyi bslab pa rgya cher bshad nas lhag pa'i shes rab kyi bslab pa gang yin zhe na/ 'di ni sdug bsngal 'phags pa'i bden pa yin no zhes bya bar yang dag pa ji lta ba bzhin rab tu shes shing / 'di ni sdug bsngal kun 'byung ba'o//'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa yin no zhes bya bar yang dag pa ji lta ba bzhin shes pa yin no zhes gsungs te/ de ltar bden pa yang dag pa ji lta ba bzhin du mi shes pa'i phyir ro/ /gzhan yang slob pa gtong ba'i phyir te/so sor thar pa'i sdom pa yongs su gtong ba dang dro bar gyur pa la sogs pa las yongs su nyams pa'i sgo nas tshul khrims la sogs pa gang la bslab pa de la slob pa gtong ba'i phyir ro/ /'phags pa ni chung zad gtong du zin kyang thams cad ma yin te/'phags pa ni nam yang bslab pa gsum char med pa ma yin no/ /'phags pa rang bzhin du gnas pa zhes bya ba ni sems can rnams kyi rang bzhin ni mnyam par ma bzhag pa'i gnas skabs yin te/ de la gnas pa'i 'phags pa bsod snyoms pa la sogs pa spyod du gshegs pa slob pa'i ngang tshul can ma yin pas slob pa ma yin par 'gyur ro snyam du bsams pa yin no//bsam pa'i sgo nas te zhes bya ba ni 'dun pa'i sgo nas so/ /lam du 'gro ba gnas pa bzhin no zhes bya ba la/ lam du 'gro ba zhes bya ba ni gang zhig lam du zhugs te 'gro ba de ni 'dug tu zin kyang 'gro ba'i bsam pa ma bor ba'i phyir lam du 'gro ba zhes bya ba nyid de de dang 'dra'o//thob pa dang rjes su 'brel pa'i yang phyir te/ 'phags pa ni rang bzhin du gnas kyang tshul khrims dang / ting nge 'dzin dang / shes rab dag gis thob pa dang rjes su 'brel to/ / de lta bas na rang bzhin la gnas kyang slob pa'i ngang tshul can kho na yin no/ /slob pa dang mi slob pa'i zhar la yang slob pa'i chos rnams gang zhe na zhes bya ba la sogs pa 'di brjod do/ /slob pa'i chos zag pa med pa 'dus byas kyi ngo bo nyid dag yin te/ mi slob pa'i chos mi slob pa rnams kyang de dang 'dra'o//ci'i phyir mya ngan las 'da' ba slob pa ma yin zhes bya ba ni slob pas thob pa gang yin pa snyam du bsams pa yin no/ /mi slob pa dang so so'i skye bo gnyi ga yang de dang ldan pa'i phyir ro zhes bya ba ni so so'i skye bo yang 'jig rten pa'i lam gyis thob pa'i mya ngan las 'das pa dang ldan no//zhugs pa dang po zhes bya ba ni mthong ba'i lam la gnas pa'o/ /zhugs pa lhag ma rnams zhes bya ba rgyas par 'byung ba ni zhugs pa lhag ma lan cig phyir 'ong ba dang / phyir mi 'ong ba dang / dgra bcom pa nyid la zhugs pa rnams ni 'bras bu la gnas pa gsum las tha mi dad pa'i phyir ro//rgyun du zhugs pa dang / lan cig phyir 'ong ba dang / phyir mi 'ong ba'i 'bras bu la gnas pa dag las tha mi dad pa'i phyir te/ lan cig phyir 'ong ba la zhugs pa la sogs pa ni rgyun du zhugs pa la sogs pa las tha dad pa ma yin no zhes bya ba'i tha tshig go/ /mthar gyis 'thob pa'i phyir de skad ces bshad kyi zhes bya ba ni mthar gyis 'bras bu bzhi 'thob pa'i phyir rdzas su ni lnga yin te zhes bshad par zad do//phal cher dang 'dod pa las 'dod chags dang bral ba dag cig yin na ni zhes bya ba ni phal cher las 'dod chags dang bral ba ni rnam pa drug zad pa'o/ / 'dod pa las 'dod chags dang bral ba ni rnam pa dgu zad pa'o/ /mthong ba'i lam la ste/ mthong ba'i lam gyi gnas skabs na go rims bzhin du lan cig phyir 'ong ba dang / phyir mi 'ong ba'i 'bras bu la zhugs pa dag yin gyi rgyun du zhugs pa dang / lan cig phyir 'ong ba dag ni ma yin no/ / 'o na ci zhe na/ de las gzhan pa dag yin no/ /de lta yin dang rdzas su rgyun du zhugs pa dang / lan cig phyir 'ong ba dang / phyir mi 'ong ba'i 'bras bu la zhugs pa gsum dang / 'bras bu la gnas pa bzhi ste bdun du 'gyur gyi dgra bcom pa nyid kyi 'bras bu la zhugs pa gcig pu phyir mi 'ong ba'i 'bras bu las tha mi dad do zhes bya bar khong du chud par bya'o//bsgom pa'i lam rnam pa gnyis su bshad pa la zhes bya ba ni bsgom pa'i lam ni rnam pa gnyis te/ mthong ba zhes bya zag pa med/ /ces 'byung ba'i phyir ro/ /de'i nyon mongs pa rgyas par 'gyur ba'i phyir te zhes bya ba ni 'di ltar 'jig rten pa'i lam de la de'i sa pa'i nyon mongs pa dmigs pa'i sgo nas rgyas par 'gyur ro//nyon mongs pa gang zhig ces bya ba rgyas par 'byung ba ni/ chos mthun pa dang chos mi mthun pa'i dpe ston par byed pa yin te/ sa gang ba'i lam yin pa de ni sa de'i nyon mongs pa'i gnyen po ma yin te/de'i nyon mongs pa rgyas par 'gyur ba'i phyir sa de pa'i chos gzhan mnyam par ma bzhag pa lta bu'o/ /chos mi mthun pa ni gong ma'i nyer bsdogs kyi lam lta bu'am de'i gnyen po zag pa med pa'i lam lta bu'o/ /'jig rten pa'i lam gyis kyang 'dod chags dang bral ba zhes bya ba ni sa gong ma'i nyer bsdogs kyis so//'jig rten las 'das pas kyang zhes bya ba ni de'i gnyen po zag pa med pa'i lam rang gi dang sa 'og ma pas so/ /'phags pa 'jig rten pa'i lam gyi 'dod chags dang bral bar zhes bya ba ni dper na rgyun du zhugs pa zhi gnas spyad pa zhig 'jig rten pa'i lam gyis 'dod chags dang bral bar gyur pa rnams rnam pa re re zhing bral ba'i thob pa zag pa dang bcas pa dang /zag pa med pa dag skye'o/ /bsam gtan la brten te zhes bya ba ni 'di ltar/ mi slob pa dgu la brten te/slob pa drug la zhes 'byung ba'i phyir slob pa ni sa drug la brten te dbang po rnams 'pho bar byed kyi gzugs med pa la ni ma yin no zhes bya bar nges so/ /de'i phyir smras pa/ bsam gtan la brten te dbang po rnams 'pho bar byed pa gang yin pa de lam snga ma zad par btang ba'i phyir te/gzugs med pa'i lam dbang po rtul pos bsdus pa sngar thob pa rnams btang ba'i phyir dang / 'phel ba 'bras bu khyad par bcas/ /btang ste 'bras bu 'thob par 'gyur/ /zhes 'byung bas 'bras bu'i lam 'ba' zhig thob pa'i phyir te/ phyir mi 'ong ba'i 'bras bu dbang po rnon po'i ngo bo nyid 'ba' zhig thob pa'i phyir/sa gong ma'i nyon mongs pa'i bral ba ste/ gzugs med pa na spyod pa'i nyon mongs pa'i bral ba dang mi ldan par 'gyur ro/ /nyes pa gzhan 'di yang yod de/ sa gong ma pa'i nyon mongs pa'i bral ba de btang nas sa gong ma'i nyon mongs pa de dag dang ldan par yang 'gyur ro//srid rtse'i phyed las rnam grol dang / /gong mar skyes pa bzhin mi ldan/ /zhes bya ba ni phyed las rnam par grol ba ni phyed las rnam par grol lo/ /srid pa'i rtse mo'i phyed las rnam par grol ba ni srid rtse'i phyed las rnam grol lo/ /gong du skyes pa ni gong du skyes pa'o/ /srid pa'i rtse mo'i phyed las grol ba dang /gong du skyes pa ni srid pa'i rtse mo'i phyed las grol ba dang / gong du skyes pa yin no/ /de dang 'dra bas srid rtse'i phyed las rnam grol dang / gong mar skyes pa bzhin no/ /mi ldan pa ni de dag dang de zhes bya ba tshig lhag ma yin no/ /du zhes bya ba'i sgra ni nyes pa snga ma bsal ba'i phyir ro//don de rnam par grol ba'i phyir de la 'jig rten pa'i bral ba'i thob pa med du zin kyang zhes bya ba rgyas par smos te/ gang zag de la 'jig rten pa'i thob pa med du zin kyang nyon mongs pa de dag ldan par mi 'gyur ro/ /dper na srid pa'i rtse mo'i rnam pa phyed las rnam par grol ba la zhes bya ba rgyas par 'byung ba ni de la ni srid pa'i rtse mo'i rnam pa phyed las bral ba'i thob pa 'jig rten pa med de/de'i gnyen po 'jig rten pa'i lam med pa'i phyir ro/ /de'i bral ba'i thob pa 'jig rten las 'das pa yang bsam gtan la brten te/ dbang po 'pho bas btang bar 'gyur mod kyi/khyed srid pa'i nyon mongs pa'i rnam pa de dag dang ldan par mi 'gyur bar khas len pa ltar 'di yang de dang 'dra'o/ /yang dper na so so'i skye bo bsam gtan dang po yan chad du skyes pa ste/ bsam gtan gnyis pa la sogs par skyes pa bsam gtan dang po'i sa pa de'i bral ba thob pa'i phyir ro//'dod pa na spyod pa'i nyon mongs pa'i bral ba'i thob pa gtang bas te/ sa 'phos pa dang nyams pa yis/ /bsam gtan thob pa'i dge ba gtong / /de bzhin du gzugs med ces bya bar nges pas gtong ba yin no/ /de'i phyir yang 'dod pa na spyod pa'i nyon mongs pa de dag dang ldan par mi 'gyur bar khas len pa ltar gang zag 'di yang de dang 'dra'o//so so'i skye bo zhes smos pa ni 'di ltar 'phags pa 'jig rten pa'i lam gyis 'dod pa'i khams kyi gong ma las 'dod chags dang bral bar 'gyur ba la ni nyon mongs pa'i bral ba'i thob pa 'jig rten pa dang 'jig rten las 'das pa yang yod do//de la 'dod pa na spyod pa'i nyon mongs pa'i bral ba'i thob pa 'jig rten pa gang yin pa de ni bsam gtan dang po yan chad du skyes pas 'pho bas btang bar 'gyur gyi 'jig rten las 'das pa ni ma yin te/ 'phags pa ni/ 'bras thob sbyangs dang nyams pa yis/ /zhes bya bar gtong bar nges pa'i phyir ro/ /'phags pa ni bsam gtan dang po yan chad du skyes kyang 'jig rten las 'das pa de yod na yang de dag dang ldan pa mi srid kyi so so'i skye bo ni de lta ma yin pas so so'i skye bo smos so//de lta bas na/ btang la nyon mongs mi ldan phyir/ zhes smos pa gang yin pa 'di ni shes par byed pa ma yin no/ /thams cad las zhes bya ba ni rang gi sa dang sa gong ma dang 'og ma las te/ de ni zag pa med pa'i phyir ro/ /btang snyoms kyi dbang po thun mong ma yin pa'i phyir zhes bya ba ni bsam gtan bzhi pa la sogs pa'i snyoms par 'jug pa dang /de'i nyer bsdogs dag btang snyoms kyi dbang po 'dra bas so/ /la la bsam gtan dngos gzhi la 'jug mi nus te zhes bya ba ni dbang po rtul po'o/ /dbang po 'pho ba ni dka' ba'i phyir ro zhes bya ba ni btang snyoms kyi dbang po'i mjug thogs su yid bde ba'i dbang po'am/bde ba'i dbang po bskyed dka' ba'i phyir dngos gzhi dang nyer bsdogs dag gis btang snyoms kyi dbang po 'dra bas so/ /ci'i phyir dngos gzhi kho na las rnam par grol ba'i lam tha ma mngon du byed kyi nyer bsdogs las ni ma yin zhe na/'dod chags dang bral ba'i sa la gus pa'i phyir ro/ /'dod chags dang bral zin pa'i phyir 'og ma la ni ma yin te/ de'i nyer bsdogs kho nas 'og ma las 'dod chags dang bral bar byas pa'i phyir ro/ /bden pa'i rnam par zhugs pa dag yin no zhes bya ba ni mi rtag pa la sogs pa'i rnam par zhugs pa dag yin no//ci rigs par zhes bya ba ni kha cig na re sa 'og ma la rags par lta na gong sa la de las bzlog pa zhi bar blta'o zhes zer ro/ /gzhan dag na re zhi ba la sogs pa'i rnam pa dag la res 'ga' ni rnam pa dang po gcig gi rnam par lta ste/mtha' dag tu lta bar nges pa ni med do zhes zer ro/ /rags pa zhes bya ba la/ rags pa zhes bya ba ni che long yin no/ /ma zhi ba'i phyir rags pa'o/ /ji ltar sa 'og ma zhi ba yin zhe na/ mngon par 'du byed pa shin tu ches pa nyid kyis te/gnas 'og ma 'di yang lam dang bcas te mngon par 'du byed pa chen pos 'bad de bsgrub par bya ba yin la/ gnas gong ma 'di yang lam dang bcas te mngon par 'du byed pa chen po yin pa las/ de gnyis kyi nang na 'di mngon par 'du byed pa shin tu ches che ba yin no/ /de'i ngo bo ni nyid de de'i phyir ro//tha ba ni gzhig par dka' ba yin no/ /smad pa'i tha ba ni ngan pa ste/ tha ba ngan pas na tha ba ngan pa'o/ /ji ltar sa 'og ma gya nom pa ma yin zhe na/ gnas ngan len rab tu mang ba nyid kyis mi mthun par gyur pa'i phyir ro zhes bya ba smos te/ gnas ngan len ni lus dang sems dag las su mi rung ba nyid de/nyon mongs pa dang mthun pa zhes bya ba'i tha tshig go/ /'di la gnas ngan len mang po yod pas na gnas ngan len mang po ste/ gnas 'og ma 'di yang lam dang bcas te gnas ngan len mang po yin la/ gnas gong ma 'di yang lam dang bcas te gnas ngan len mang po yin pa las de dag gnyis kyi nang na 'di gnas ngan len shin tu ches mang ngo //de'i ngo bo ni nyid de de'i phyir ro/ /rtsig pa las nges par mi 'byung ba bzhin te/ dper na rtsig pa de nyid kyis des non pa'i nam mkha'i phyogs kyi rtsig pa de nyid las nges par mi 'byung ba ltar de nyid kyis sa de las nges par mi 'byung ba'i phyir te/sa de nyid kyis sa de nyid las nges par mi 'byung ba'i phyir ro/ /rtsig pa stug po lta bur zhes bya ba ni rtsig pa stug po'i ngo bor ro/ /de dag las bzlog pa zhes bya ba ni mngon par 'du byed pa shin tu chung ba nyid kyi phyir dang / gnas ngan len rab tu nyung ba nyid kyis mi mthun pa med par gyur pa'i phyir dang /sa de gnyis las des nges par 'byung ba yin pa'i phyir go rims bzhin du zhi ba dang / gya nom pa dang / nges par 'byung ba'i rnam pa can dag yin no/ /zhar la 'ongs pa rdzogs so// //dkyus ma kho na brjod par bya ste zhes bya ba ni zad pa shes pa'i rjes la 'byung ba brjod par bya ba yin te/'jig rten pa'i bar chad med pa dang rnam par grol ba'i lam gyi mtshan nyid ni zhar la bstan par zad do/ /gal te mi g.yo zad shes las/ /mi skyes blo gros zhes bya ba ni yang byar med pa nyid du shes pa ste/ de'i tshe de la 'di skye'o/ /yongs su nyams pa srid pa'i phyir zhes bya ba ni nyon mongs pa skye ba'i go skabs yod pas 'di la mi skye ba shes pas mi skye'o/ /ci'i phyir zhe na/ yongs su nyams pa srid pa'i phyir te/ 'di ltar 'di ni yongs su nyams pa srid la gang la mi skye ba shes pa yod pa de la ni yongs su nyams pa med pas so//des dge sbyong du 'gyur zhes bya ba ni dge sbyong gi tshul dang ldan pas dge sbyong yin te/ dper na dkar po'i tshul dang ldan pas ras yug dkar po zhes bya ba lta bu'o/ /de'i rgyu mthun pa dang skyes bu byed pa'i 'bras bu yin pa'i phyir ro zhes bya ba ni ci rigs par rnam par grol ba'i lam dang /'dus ma byas rnams kyang dge sbyong gi tshul bar chad med pa'i lam gyi mtshan nyid de'i rgyu mthun pa'i 'bras bu dang skyes bu byed pa'i 'bras bu yin pa'i phyir te/ rnam par grol ba'i lam rnams ni de'i rgyu mthun pa dang / skyes bu byed pa'i 'bras bu yin no/ /'dus ma byas rnams ni skyes bu byed pa'i 'bras bu kho na yin te/gang gi stobs kyis gang bskyed de/ /skyes bu byed las skyes pa'i 'bras/ /gang gi stobs kyis gang thob pa/ /de ni skyes bu byed pa'i 'bras/ /zhes bya ba'i phyir ro/ /de lta na 'o na ni zhes bya ba rgyas par 'byung ba la/ tshig gi don ni ji ltar so so'i skye bo pa ni ni'i tshig la kha bskang ba byed pa ltar sangs rgyas thams cad mkhyen pas gang gsungs pa yang kha bskang bar bya dgos par 'gyur ro zhes bya ba'o//lam snga ma btang ba dang zhes bya ba rgyas par 'byung ba la/ lam snga ma btang ba ni zhugs pa'i lam btang ba'i phyir ro/ /sngon med pa'i lam thob pa ni 'bras bu'i thob pa'i phyir ro//thams cad kyi thob pa gcig rnyed pa'i phyir ro zhes bya ba ni rgyun du zhugs pa'i 'bras bu 'thob pa'i dus na mthong bas spang ba thams cad kyi thob pa bsgom pa'i lam gyis bsdus pa gcig rnyed la/ de bzhin du lan cig phyir 'ong ba'i 'bras bu thob pa'i dus na yang mthong bas spang bar bya ba spangs pa dang /bsgom pas spang pa rnam pa drug po thams cad kyi thob pa gcig rnyed de/ phyir mi 'ong ba dang / dgra bcom pa nyid kyi 'bras bu dag la yang de bzhin du sbyar bar bya'o/ /chos dang rjes su shes pa rnam pa bzhi'i zhes bya ba ni bden pa'i bye brag gis chos dang rjes su shes pa rnam pa bzhi po yang de kho na bzhin du rnam pa bzhi bzhi yin pas shes pa brgyad cig car du 'thob bo//'jig rten pa'i lam gyis thob pa'i 'bras bu gnyis zhes bya ba ni lan cig phyir 'ong ba'i 'bras bu dang / phyir mi 'ong ba'i 'bras bu ste/de dag ni 'jig rten pa'i lam gyis kyang thob par srid na/ de ji ltar dge sbyong gi tshul zag pa med pa'i lam gyis mtshan nyid kyi 'bras bur rung / mthong ba'i lam kyi 'bras bu spangs pa yang zhes bya ba la/ yang zhes bya ba'i sgras ni bsgom pa'i lam gyi 'bras bu yang gzung ste/spangs pa rnam pa gnyis po de'i thob pa yang lan cig phyir 'ong ba'i 'bras bur bsdus pa'am phyir mi 'ong ba'i 'bras bur bsdus pa gcig rnyed do/ /de lta bas na mthong ba'i lam gyi 'bras bu spangs pa dang ldan pa'i phyir lan cig phyir 'ong ba'i 'bras bu'am phyir mi 'ong ba'i 'bras bu 'dus ma byas ni dge sbyong gi tshul gyi 'bras bu yin no//kun du sbyor ba gsum spangs pa zhes bya ba la kun du sbyor ba gsum ni mthong ba'i lam gyis spangs pa yin no/ /tha ma'i cha dang mthun pa lnga'i phyogs gcig po 'jig tshogs la lta ba dang tshul khrims dang brtul zhugs mchog tu 'dzin pa dang / the tshom rnams kyang mthong ba'i lam kho nas spangs na/spangs pa de ci'i phyir lan cig phyir 'ong ba dang / phyir mi 'ong ba'i 'bras bu nyid dag tu gzhag /de'i phyir spangs pa 'dren mar 'jug pas bcom ldan 'das kyis de skad gsungs so zhes bya bar mngon no/ /de'i stobs kyis yongs su nyams pa mi 'chi ba'i phyir zhes bya ba ni/ 'jig rten pa yis chags bral ba'i//'phags la bral ba'i thob rnams gnyis/ /zhes bya ba de la bral ba'i thob pa zag pa med pas 'jig rten pa'i lam gyis thob pa'i spangs pa gang yin pa de 'dzin par byed do/ /'bras la nyams pa 'chi ba med/ /ces 'byung ba'i phyir thob pa dang ldan pa'i gnas so zhes bya ba'i tha tshig ste/de med na 'jig rten pa yongs su nyams pa bzhin du 'chi bar 'gyur ro/ /de'i stobs kyis zhes bya ba ni bral ba'i thob pa zag pa med pa'i stobs kyis zhes bya ba'i tha tshig go// //bam po lnga bcu pa/ zag pa med pa'i thob pa 'jig rten pa'i lam gyis nye bar skyed pa da ltar yod pa dang /'phags pa'i lam yan lag brgyad po 'jig rten pa'i stobs kyis thob par bya ba ma 'ongs pa 'dus byas de la dge sbyong gi tshul gyi 'bras bu yod par rnam par gzhag na yang mi 'gal lo/ /mdo las ni gtso bo yin pa'i phyir dge sbyong gi tshul gyi 'bras bu 'dus ma byas smos te/der ni 'dus byas kyang 'dod par bya'o/ /nyon mongs pa rnams spong ba'i phyir tshangs pa'i tshul lo zhes bya ba ni 'dis sdig pa mi dge ba'i chos rnam pa du ma spangs pas tshangs pa'o/ /de'i ngo bo ni tshangs pa'i tshul yin te/ zag pa med pa'i lam mo/ / ji ltar tshangs pa'i 'khor lo yin zhe na/ tshangs pa'i 'khor lo ni/ tshangs pas bskor phyir ro zhes bya ba smos te/ gang gi phyir tshangs pas bskor ba de'i phyir tshangs pa'i 'khor lo zhes bya'o/ /tshangs pa'i tshul bla na med pa dang ldan pa'i phyir zhes bya ba ni zag pa med pa'i lam bla na med pa dang ldan pa'i phyir zhes bya ba'i tha tshig go//dper brjod pa ni/ bcom ldan 'das de ni tshangs pa zhes kyang bya zhes bya ba 'di ni yin te/ 'di ni 'tsho byed kyis smras pa yin no/ /myur bar 'gro sogs rtsibs sogs phyir/ /zhes bya ba ni myur bar 'gro ba la sogs pa'i phyir dang /rtsibs la sogs pa'i phyir zhes bya ba'i tha tshig go/ /myur du 'gro ba'i phyir dang zhes bya ba rgyas par 'byung ba ni 'di ni mthong ba'i lam 'khor lo rin po che dang chos mthun par brjod pa yin te/ ji ltar 'khor lo rin po che myur du 'gro ba de bzhin du mthong ba'i lam yang sems kyi skad cig bco lngas bden pa mngon par rtogs pa'i phyir myur du 'gro ba yin no//'dor ba dang 'jug pa'i phyir zhes bya ba ni ji ltar yul gzhan 'dor zhing yul gzhan du 'jug pa de bzhin du 'dir yang bar chad med pa'i lam ni 'dor la rnam par grol ba'i lam ni mngon du 'gyur ba'i sgo nas 'jug pa 'am bden pa'i dmigs pa gzhan 'dor ba dang 'jug pa'i phyir ro//ma rgyal ba rgyal bar byed pa dang rgyal ba rnal du dgod pa'i phyir zhes bya ba ni ji ltar de grong dang grong rdal la sogs pa ma rgyal ba las ni rgyal bar byed la rgyal ba dag ni rnal du dgod pa de bzhin du 'di yang bar chad med pa'i lam gyis 'jig tshogs la lta ba la sogs pa nyon mongs pa ma rgyal ba rnams las ni de dag gis thob pa gcod pa'i sgo nas rgyal bar byed la/rnam par grol ba'i lam gyis rgyal ba rnams ni nyon mongs pa'i bral ba'i thob pa dang lhan cig skyes pa'i sgo nas rnal du 'god do/ /'phar ba dang 'bab pa'i phyir zhes bya ba ni ji ltar de la lar 'phar shing la lar 'bab pa de bzhin du 'di yang bar chad med pa'i lam dang rnam par grol ba'i lam rnams yang dang yang mngon du byed pa'am/'dod pa la sogs pa'i sdug bsngal la sogs pa'i dmigs pa'i sgo nas ci rigs par 'phar zhing 'bab ste/ gzugs dang gzugs med pa'i khams la dmigs pa'i phyir 'phar ro//'dod pa'i khams la dmigs pa'i phyir 'bab bo/ /yang dag pa'i lta ba dang zhes bya ba rgyas par 'byung ba ni/ 'di ni tshul khrims la brten nas ting nge 'dzin thob la ting nge 'dzin thob pas shes rab yang dag pa ji lta ba bzhin rab tu skye'o/ /de'i phyir yang dag pa'i ngag dang / las kyi mtha' dang / 'tsho ba rnams ni lte ba lta bu yin te/ tshul khrims ni gzhir gyur pa yin pas yang dag pa'i lta ba la sogs pa de la rag las te 'jug pa'i phyir ro/ /ting nge 'dzin ni mu khyud lta bu yin te/ des gzhan dag nye bar 'dzin pa'i phyir ro/ /yang dag pa'i lta ba la sogs pa ni rtsibs lta bu yin te/'khor lo'i rtsibs bzhin du phan tshun du 'jug pa'i phyir ro/ /'di ga las zhes bya ba ni mthong ba'i lam chos kyi 'khor lo yin no zhes bya ba ni bye brag tu smra ba rnams kyi rang dga' zhig yin nam/ 'on te lung las 'byung zhes bya ba yin no/ /de skyes na chos kyi 'khor lo bskor ro zhes bya ba ni mdo las mthong ba'i lam skyes na/chos kyi 'khor lo bskor to zhes 'byung ba'i phyir ro/ /ji skad du zhe na/ bcom ldan 'das yul bA rA Na sI na drang srong lhung ba ri dgas kyi gnas na bzhugs so/ /de nas bcom ldan 'das kyis dge slong lnga sde po rnams la bka' stsal pa/dge slong dag sngon ma thos pa'i chos rnams la 'di ni sdug bsngal 'phags pa'i bden pa yin no zhes tshul bzhin du yid la byed pa la mig skyes so/ /shes pa dang / rig pa dang / slo skyes so/ /sngon ma thos pa'i chos rnams la 'di ni sdug bsngal kun 'byung ba'o/ /'di ni sdug bsngal 'gog pa'o//'di ni sdug bsngal 'gog par 'gyur ba'i lam 'phags pa'i bden pa'o zhes bya bar tshul bzhin yid la byed pa la mig skyes so/ /shes pa dang / rig pa dang / blo skyes so/ /sngon ma thos pa'i chos rnams la sdug bsngal 'phags pa'i bden pa de bdag gis mngon par shes pas yongs su shes par bya'o zhes tshul bzhin du yid la byed pa la mig skyes so zhes bya ba snga ma bzhin no//sngon ma thos pa'i chos rnams la sdug bsngal kun 'byung ba 'phags pa'i bden pa de bdag gis mngon par shes pas spang bar bya'o zhes bya ba snga ma bzhin no/ /sngon ma thos pa'i chos rnams la sdug bsngal 'gog pa 'phags pa'i bden pa de bdag gis mngon par shes pas mngon du bya'o zhes bya ba de snga ma bzhin no//sngon ma thos pa'i chos rnams la sdug bsngal 'gog par 'gyur ba'i lam 'phags pa'i bden pa de bdag gis mngon par shes pas bsgom par bya'o zhes bya ba snga ma bzhin no//sngon ma thos pa'i chos rnams la sdug bsngal 'phags pa'i bden pa de bdag gis mngon par shes pas yongs su shes so zhes bya ba snga ma bzhin no/ /sngon ma thos pa'i chos rnams la sdug bsngal kun 'byung ba 'phags pa'i bden pa de bdag gis mngon par shes pas spangs so zhes bya ba snga ma bzhin no//sngon ma thos pa'i chos rnams la sdug bsngal 'gog pa 'phags pa'i bden pa de bdag gis mngon par shes pas mngon du byas so zhes bya ba de snga ma bzhin no/ /sngon ma thos pa'i chos rnams la sdug bsngal 'gog par 'gyur ba'i lam 'phags pa'i bden pa de da dag gis mngon par shes pas bsgoms so zhes bya ba snga ma bzhin no//dge slong dag ji srid du nga la 'phags pa'i bden pa bzhi po dag la de ltar lan gsum du bzlas te/ rnam pa bcu gnyis pa'i mig ma skyes shing / shes pa yang med/ rig pa yang med/ blo yang med pa de srid du nga lha dang bcas/bdud dang bcas/ tshangs pa dang bcas/ dge sbyong dang bram ze dang bcas/ lha dang mir bcas pa'i skye dgu'i 'jig rten 'di las grol zhing nges par 'byung ste/ mi ldan pas phyin ci log dang bral ba'i sems kyis mang du gnas par ma gyur to/ /de srid du nga bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes par ma gyur to//dge slong dag gang nas bzung ste/ nga 'phags pa'i bden pa bzhi po dag la de ltar lan gsum du bzlas te/ rnam pa bcu gnyis pa'i mig skyes shing / shes pa dang /rig pa dang / blo skyes pa de nas bzung ste/ nga lha dang bcas/ bdud dang bcas/ tshangs pa dang bcas/ dge sbyong dang bram zer bcas pa/ lha dang mir bcas pa'i skye dgu'i 'jig rten 'di las grol zhing nges par 'byung ste/ mi ldan pas phyin ci log dang bral ba'i sems kyis mang du gnas par gyur to//de nas nga bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes par gyur to/ /chos kyi rnam grangs 'di bshad pa na/ tshe dang ldan pa kun shes kauN+Di n+ya dang / lha brgyad khri chos rnams la chos kyi mig rdul med cing dri ma dang bral ba skyes so//de nas bcom ldan 'das kyis tshe dang ldan pa kun shes kauN+Di n+ya khyod kyis chos kun shes sam/ bcom ldan 'das bdag gis chos kun 'tshal to/ /kun shes kauN+Di n+ya khyod kyis chos kun shes sam/ bde bar gshegs pa bdag gis chos kun 'tshal to zhes gsol ba dang /sa bla ba'i gnod sbyin rnams kyis tshe dang ldan pa kun shes kauN+Di n+yas chos kun shes so zhes sgra 'byin dbyangs sgrogs par byed cing grogs po dag bcom ldan 'das kyis yul bA rA Na sIr drang srong lhung ba ri dgas kyi gnas 'dir chos kyi 'khor lo chos dang mthun pa dge sbyong ngam bram ze'am/lha'am/ bdud dam tshangs pa'am/ sus kyang 'jig rten na skye bo mang po la phan par bya ba'i phyir chos dang mthun par ma bskor ba lan gsum du bzlas te/ rnam pa bcu gnyis pa bskor to zhes bya ba rgyas par 'byung ngo / /de bas na mdo las de ltar 'phags pa kauN+Di n+ya la mthong ba'i lam skyes pa dang lha rnams kyis bcom ldan 'das kyis chos kyi 'khor lo bskor to zhes smras par 'byung ba'i phyir mthong ba'i lam chos kyi 'khor lo yin no zhes bya bar mngon no//ji ltar na de lan gsum du bzlas pa dang zhes bya ba rgyas par 'byung ba ni/ 'di ni sdug bsngal 'phags pa'i bden pa'o zhes bya ba ni bzlas pa gcig yin no//de yongs su shes par bya'o zhes bya ba ni gnyis pa yin no/ /de yongs su shes so zhes bya ba ni gsum pa yin te/ 'di dag ni lan gsum du bzlas pa yin no/ /bzlas pa re re la ste/ sdug bsngal lo zhes bya ba 'di la mig skyes so//shes pa dang / rig pa dang / blo skyes so zhes bya ba rnam pa bzhi'o/ /yongs su shes par bya'o zhes bya ba 'di la yang rnam pa bzhi'o/ /yongs su shes so zhes bya ba 'di la'ang bzhi ste/ 'di dag ni rnam pa bcu gnyis yin no/ /de la zag pa med pa'i shes rab ni don mngon sum gyi phyir mig go//the tshom med pa'i phyir shes pa'o/ /yang dag pa'i don gyi phyir rig pa'o/ /rnam par dag pa'i phyir blo ste/ nges pa'i tshig tu rnam par dag pa'i blo la blo zhes bya ba'i phyir ro/ /yang phyi rol pa dag gis bden pa mthong ba ni lta ba ngan pa dang / the tshom dang / ma rig pa rnams kyi gnyen po ma yin la zag pa dang bcas pa yang yin pas khyad par du bya ba'i phyir mig la sogs pa smos so/ /yang lan gsum du bzlas pa dag la dang po mthong ba ni mig go/ /ji ltar mthong ba la dpyod pa ni shes pa'o/ /ji ltar yod pa la brten nas rig pa ste/ ji snyed yod pa 'dzin pa'i phyir ro/ /ji lta ba bzhin du yod pa la brten nas blo ste/ yang dag pa ji lta ba bzhin du rab tu rtogs pa'i phyir ro/ /yang ma thos pa'i chos dag la rjes su dpog pa'i shes pa dgag pa'i phyir mig ces bya'o/ /mos pa las byung ba'i shes pa dgag pa'i phyir shes pa zhes bya'o//mngon pa'i nga rgyal las byung ba'i shes pa dgag pa'i phyir rig pa zhes bya'o/ /zag pa dang bcas pa dgag pa'i phyir blo zhes bya'o/ /bden pa re re la yang de dang 'dra'o zhes bya ba 'di ni sdug bsngal kun 'byung ba 'phags pa'i bden pa'o/ /de spang bar bya'o/ /de spangs so zhes bya ba 'di dag ni lan gsum du bzlas pa yin no//bzlas pa re re la mig skyes so/ /shes pa dang / rig pa dang / blo skyes so zhes bya ba 'di dag ni rnam pa bcu gnyis yin te/ 'gog pa dang lam gyi bden pa dag la yang de bzhin du sbyar bar bya'o/ /smras pa gal te bden pa re re la yang de dang 'dra bar lan gsum du bzlas pa dang rnam pa bcu gnyis yin na go//lan bcu gnyis su bzlas pa dang rnam pa bzhi bcu rtsa brgyad du 'gyur na/ ci'i phyir lan gsum du bzlas te rnam pa bcu gnyis zhes bya zhe na/ de'i phyir gsum tshan dang bcu gnyis su chos mthun pa'i phyir lan gsum du bzlas te rnam pa bcu gnyis zhes bshad ces bya ba smos so//gnyis dang / gnas bdun la mkhas pa bstan pa bzhin no zhes bya ba ni gnyis bstan pa lta bu dang / gnas bdun la mkhas pa bstan pa lta bu'o/ /dper na mang po zhig bshad pa'i rjes la/ dge slong dag de'i phyir khyed la gnyis shig bstan par byas te de legs par rab tu nyon la yid la zung shig dang bshad do//gnyis gang zhe na/ mig dang / gzugs rnams zhes bya ba nas yid dang chos rnams so zhes bya ba'i bar lta bu ste/ ji ltar 'di la gnyis su chos mthun pa'i phyir gnyis zhes bshad pa de bzhin du sum tshan dang bcu gnyis su chos mthun pa'i phyir lan gsum du bzlas te rnam pa bcu gnyis zhes bshad do//yang dper na dge slong gnas bdun la mkhas pa ni gzugs yang dag pa ji lta ba bzhin rab tu shes so/ /gzugs kun 'byung ba dang / gzugs 'gog pa dang / gzugs 'gog par 'gyur ba'i lam dang / gzugs kyi ro myang ba dang / nges par 'byung ba dang / nyes dmigs kyang yang dag pa ji lta ba bzhin rab tu shes so/ /gnas bdun la mkhas pa'i dge slong don rnam pa gsum la nye bar rtog pa ni myur ba kho nar chos 'dul ba 'di la sdug bsngal gyi mtha' rab tu shes so zhes 'byung ba lta bu ste/phung po re re la gnas bdun la mkhas par chos mthun pa'i phyir ro/ /de bzhin du 'dir yang sum tshan dang bcu gnyis su chos mthun pa'i phyir lan gsum du bzlas te rnam pa bcu gnyis zhes bshad do/ /bzlas pa 'di dag gis zhes bya ba rgyas par 'byung ba ni mdo las ji skad du bstan pa'i bzlas pa 'di dag gis ni grangs bzhin du mthong ba dang /bsgom pa dang / mi slob pa'i lam rnams bstan te/ 'di ni sdug bsngal 'phags pa'i bden pa'o zhes bya ba nas bzung ste/ 'di ni sdug bsngal 'gog par 'gyur ba'i lam 'phags pa'i bden pa'o zhes bya ba'i bar gyis ni mthong ba'i lam bstan to//sdug bsngal 'phags pa'i bden pa de mngon par shes pas yongs su shes par bya'o zhes bya ba nas bzung ste/ sdug bsngal 'gog par 'gyur ba'i lam 'phags pa'i bden pa de mngon par shes pas bsgom par bya'o zhes bya ba'i bar gyis ni bsgom pa'i lam bstan to//sdug bsngal 'phags pa'i bden pa de mngon par shes pas yongs su shes so zhes bya ba nas bzung ste/ sdug bsngal 'gog par 'gyur ba'i lam 'phags pa'i bden pa de mngon par shes pas bsgoms so zhes bya ba'i bar gyis ni mi slob pa'i lam bstan to//'dir slob dpon gyis/ gal te de lta na zhes bya ba rgyas par smos te/ gal te de ltar bzlas pa de dag gi grangs bzhin du mthong ba la sogs pa'i lam bstan na/ 'o na ni mthong ba'i lam kho na lan gsum du bzlas pa yang ma yin la rnam pa bcu gnyis kyang ma yin no//'o na ci zhe na/ lan cig bzlas pa dang rnam pa bzhi yin na/ ji ltar mthong ba'i lam 'di chos kyi 'khor lor rnam par gzhag /bzlas pa med pas 'khor lo dang chos mthun pa med pa'i phyir 'khor lo mi rung ngo snyam du dgongs pa yin no/ /de lta bas na chos kyi rnam grangs de nyid chos kyi 'khor lo yang yin te/chos kyi 'khor lo rab tu ston pa'i phyir ro/ /lan gsum du bzlas pa dang rnam pa bcu gnyis kyang yin par rung ste de dag gi don rab tu ston pa'i phyir ro/ /lan gsum du bzlas pa'i phyir ro zhes bya ba ni sdug bsngal zhes bya ba nas lam zhes bya ba'i bar ni bzlas pa gcig yin no//yongs su shes par bya zhes bya ba nas bsgom par bya zhes bya ba'i bar ni gnyis pa yin no/ /yongs su shes so zhes bya ba nas bsgoms so zhes bya ba'i bar ni gsum pa yin no/ /bden pa rnams la rnam pa gsum du byas pa'i phyir ro zhes bya ba ni sdug bsngal lo//kun 'byung ba'o/ /'gog pa'o/ /lam mo zhes bya bar bden pa'i rang gi ngo bo la dmigs pa'i rnam pa bzhi'o/ /yongs su shes par bya/ spang bar bya/ mngon sum du bya/ bsgom par bya zhes bya ba yongs su shes pa la sogs pa'i tshul bya ba'i ngo bor dmigs pa'i rnam pa gnyis pa bzhi'o//yongs su shes so/ /spangs so/ /mngon sum du byas so/ /bsgoms so zhes bya ba yongs su shes pa la sogs pa'i tshul mthar thug par dmigs pa'i rnam pa gsum pa bzhi ste/ rnam pa bcu gnyis su 'gyur ro/ /de bskor ba zhes bya ba ni chos kyi rnam grangs de bskor ba ni gzhan gyi rgyud la go bar byed pa ste/gdul ba'i skye bo'i rgyud la gtong bar byed pa yin no/ /ji ltar go bar byed ce na/ don shes par byed pa'i phyir ro/ /yang na 'phags pa'i lam thams cad de/ mthong ba dang / bsgom pa dang / mi slob pa'i lam yang chos kyi 'khor lo yin te/'dul ba'i skye bo'i rgyud la 'jug pas 'khor lo zhes bya ba'i phyir ro/ /gal te 'phags pa'i lam thams cad chos kyi 'khor lo yin na/ ji ltar 'phags pa kauN+Di n+ya la mthong ba'i lam skyes pa tsam gyis de bskor to zhes smras she na de'i phyir smras pa/ de ni gzhan gyi rgyud la ste/ 'phags pa kauN+Di n+ya'i rgyud la mthong ba'i lam bskyed pa'i phyir bskor bar brtsams pa yin te/ dang por bskor ba yin pas de'i phyir bskor ba zhes bya'o/ /las dang po pa la yang rab tu zhes pa'i sgra yod de/ dper na 'bras chan rab tu zos so zhes bya ba lta bu'o/ /gsum pa go ci'i phyir mi thob ces bya ba ni/gal te gzugs kyi khams su skyes pa zhig nges pa la 'jug na sems kyi skad cig bcu drug la ci'i phyir phyir mi 'ong ba'i 'bras bu mi thob snyam du bsams pa yin no/ /lan du gong na mthong lam med ces bya ba smos te/ nyan pa med ces bya ba ni gzugs med pa'i khams na yod na yang rang byung gi byang chub ni mi srid pa'i phyir nyan thos kyi byang chub kho na yod par 'gyur grang na/nyan thos kyi mngon par rtogs pa yang gzhan las ma thos par mi 'byung ngo / /gzhan yang khams 'og ma la mi dmigs pa'i phyir te/ gzugs med dngos gzhi dge rnams kyi/ /spyod yul zag bcas 'og ma min//zhes 'byung ba la mthong ba'i lam ni khams gsum char la dmigs dgos pas de'i phyir de na de med do/ /rtsom pa ni mgo 'jug pa ste/ thabs zhes bya ba'i tha tshig go/ /'di la yongs su nyams pa'i chos kyi rang bzhin yod pas na yongs su nyams pa'i chos can no//'chi bar sems pa'i chos can ni bdag nyid 'chi bar sems pa'i chos can no/ /rjes su srung ba'i chos can ni rnam par grol ba de rjes su srung nus pa gang yin pa'o/ /gnas pa las mi bskyod pa ni rnam par grol ba gang la gnas pa de las mi g.yo ba'o/ /rtogs pa'i skal ba can ni dbang po 'pho ba'i skal ba can no//mi g.yo ba'i chos can ni 'di la mi g.yo zhing mi 'gyur ba'i chos yod pas na mi g.yo ba'i chos can no/ /de yang rnam pa gnyis te/ rang bzhin gyis dbang po rnon po dang / dbang po 'phos pas dbang po rnon po'o/ /lnga ni dad pas mos las skyes//zhes bya ba ni dad pas mos pa las skyes pa kho na yin no zhes nges par bzung ba yin no/ /de dag ni dad pas mos par gyur pa las skyes pa'o zhes bya ba'i tha tshig ste/ /dad pas mos pa sngon du 'gro ba dag yin no zhes bshad pa'i don to/ /drug pa ni gzhan du yang 'gyur ro zhes bshad zin to//dus dang sbyor ba zhes bya ba ni yo byad dang / nad med pa dang / yul gyi khyad par la sogs pa'i mtshan nyid kyi dus las byung bas na dus dang sbyor ba pa'o/ /'phangs pa yin zhes bya ba ci zhe na/ sems kyi rnam par grol ba'o/ /ci'i phyir 'phangs she na/ rtag tu rjes su bsrung bar bya ba yin pa'i phyir te/'jig rten na yang 'phangs pa ni rtag tu rjes su bsrung bar bya ba yin no zhes bya bar snang ngo / /mdo las kyang 'di lta ste dper na skyes bu mig gcig yod pa la nye du rnams 'di'i mig gcig ma zhar ba gang yin pa nga yang zhar bar gyur na mi rung ngo zhes de'i mig la grong ba dang /tsha ba dang / rdal rdul gyis mi phog par bya ba'i phyir mig ya gcig la legs par rab tu rjes su bsrung bar bya'o snyam du sems pa ltar zhes gsungs so/ /de bzhin du dgra bcom pa dus kyis rnam par grol ba'i chos 'di yang rjes su bsrung bar bya ba dang / brtse bar bya ba dang / rjes su gzung bar bya ba yin no/ /de'i phyir dus kyis rnam par grol ba'i dgra bcom pa yang de bzhin du ci nas kyang bdag chos 'di las yongs su mi nyams par bya'o zhes legs par rab tu rjes su srung bar sems pas de las yongs su nyams par ma 'gyur ro/ /mar gyi bum pa bzhin no zhes bya ba ni dper na mar gyis gang ba'i bum pa la bar gyi tshig gang ba zhes bya ba'i sgra mi mngon par byas pa'i phyir mar gyi bum pa zhes bya ba lta bu'am/dper na mar la ltos pa'i bum pa ni mar gyi bum pa ste/ gang du mar ldugs pa yin no/ /ltos pa zhes bya ba'i sgra mi mngon par byas pa'i phyir mar gyi bum pa zhes bya ba de bzhin du 'dir yang bar gyi tshig ltos pa zhes bya ba'i sgra mi mngon par byas pa'i phyir ro//'di dag ni dus la ltos pa yang yin la rnam par grol ba yang yin pas dus kyis rnam par grol ba zhes bshad do/ /dus ni yo byad la sogs pa yin par bshad zin to/ /ji ltar g.yo bar mi nus pa'i phyir zhe na/yongs su mi nyams pa'i sgo nas zhes bya ba smos so/ /yang na dus gzhan gyi bar dang / gtan du rnam par grol ba'i phyir zhes bya ba ni dus gzhan gyi bar du rnam par grol ba'i phyir dus kyis rnam par grol ba nyid yin la gtan du rnam par grol ba'i phyir dus dang mi sbyor bar rnam par grol ba nyid yin no zhes bya ba'i tha tshig go//ji ltar de lta yin zhe na smras pa/ yongs su nyams pa srid pa dang / mi srid pa'i sgo nas te/ yongs su nyams pa srid pa'i sgo nas dus gzhan gyi bar du rnam par grol ba'i phyir dus kyis rnam par grol ba zhes bya ba la yongs su nyams pa mi srid pa'i sgo nas gtan du rnam par grol ba'i phyir dus dang mi sbyor bar rnam par grol ba zhes bya'o//de ni mthong thob rgyu las byung / /zhes bya ba ni gal te de slob par gyur pa las dbang po dag 'pho bar byed na yang mthong bas thob pa nyid du 'gyur la/ 'on te rang bzhin gyis dbang po rnon po zhig yin na yang sems kyi skad cig bcu drug la mthong bas thob pa kho na yin te/de lta bas na mi g.yo ba'i chos can 'di ni mthong bas thob pa sngon du 'gro ba zhes bya'i/ mi g.yo ba'i chos can dgra bcom pa nyid kyi gnas skabs na dbang po dag 'pho bar byed pa gang yin pa de ni mthong bas thob pa sngon du 'gro ba ma yin zhes bya bar khong du chud par bya'o//kha cig ni dang po nyid nas 'chi bar sems pa'i chos can gyi rigs can yin la zhes bya bar brjod kyi yongs su nyams pa'i chos can yin no zhes ni mi brjod do/ /'di ltar de ni sbyangs pa las gyur pa ma yin pas kha cig ni dang po nas de'i rigs can yin no zhes bstan to//yongs su nyams pa'i chos can gyi rigs can zhes bya ba nas mi g.yo ba'i chos can gyi rigs can zhes bya ba'i bar 'di ci zhig yin zhe na/ des ni yongs su nyams pa'i chos can la sogs pa'i rigs ma bstan to//de la kha cig ni 'di skad du rigs zhes bya ba ni dge ba'i rtsa ba dag yin te/ 'ga' zhig la yongs su nyams pa'i chos can nas mi g.yo ba'i chos can gyi bar du 'gyur ba gang yin pa de lta bu de dag yod do zhes brjod do/ /gzhan dag na re rigs zhes bya ba ni so so'i skye bo'i gnas skabs nas bzung ste/dbang po'i khyad par yin no zhes zer ro/ /mdo sde pa dag na re rigs zhes bya ba ni sems kyi sa bon nus pa yin te so so'i skye bo dang slob pa'i gnas skabs na yang yongs su nyams pa'i chos kyi sa bon rgyu yod na yongs su nyams pa'i chos can gyi rigs can zhes bya ba la/de bzhin du mi slob pa'i gnas skabs na yang de'i sa bon 'jug pa rnyed nas yongs su nyams pa'i chos can zhes bya ste/ mi g.yo ba'i chos can gyi bar du yang de dang 'dra'o zhes zer ro/ /de la yongs su nyams pa'i chos can zhes bya ba rgyas par 'byung ba la/ gal te yongs su nyams pa'i chos can ni yongs su nyams par 'gyur ba'i skal ba dang ldan zhes bya ba de tsam kho na zhig brjod kyi/'di 'chi bar sems pa la sogs pa'i chos can ni ma yin pa zhes bya ba de ma brjod na/ 'chi bar sems pa'i chos can la sogs pa bzhi po de dag thams cad kyang yongs su nyams par 'gyur ba'i skal ba dang ldan pas yongs su nyams pa'i chos can de dag kho na gang yang rung ba zhig yin par 'gyur gyi/de dag las gzhan lnga pa ni med do/ /de'i phyir lnga pa 'di ni de dag las gzhan pa kho na zhes khyad par du bya ba'i phyir 'chi bar sems pa la sogs pa'i chos can ma yin pa'o zhes smos so//'chi bar sems pa'i chos can la sogs pa bzhi ni yongs su nyams pa'i chos can ma yin pa las re re'i khyad par gyi mtshan nyid bstan pa kho nas 'chi bar sems pa'i chos can ni 'chi bar sems par 'gyur ba'i skal ba dang ldan gyi/ rjes su srung ba'i chos can ma yin pa gang yin pa'o zhes bya ba 'di ni brjod mi dgos par 'gyur te/rjes su srung ba'i chos can yang de dang 'dra'o/ /yongs su nyams par 'gyur ba'i rkyen stobs dang ldan pa med na zhes bya ba ni gal te yongs su nyams par 'gyur ba'i rkyen stobs dang ldan par gyur na de yongs su nyams par 'gyur ro snyam du bsams pa yin no//rkyen stobs dang ldan pa smos pa 'dis ni sngar bshad pa yongs su nyams pa'i chos can las khyad par du byed de/ yongs su nyams pa'i chos can ni yongs su nyams par 'gyur ba'i rkyen stobs dang mi ldan pas kyang yongs su nyams par 'gyur ro//yongs su nyams par 'gyur ba'i rkyen rnams ni mdo las ji skad du 'byung ba ste/ rkyen lnga dang / rgyu lngas dus kyis rnam par grol ba'i dgra bcom pa yongs su nyams par 'gyur ro/ /lnga gang zhe na/ las kyi mtha' la zhugs pa yin/ smra ba la zhugs pa yin/ rtsod pa la zhugs pa yin/ring du rgyu ba'i sbyor ba dang ldan pa yin/ nad kyi rnam pa yun ring pos thebs pa yin zhes bya ba yin no/ /rjes su ma bsrungs kyang zhes bya ba 'dis ni rjes su srung ba'i chos can las khyad par du byed de/ 'di ni rjes su ma bsrungs kyang yongs su nyams par mi 'gyur la de ni bsrungs kyang nyams par 'gyur bas 'bras bu de rjes su ma bsrungs kyang 'bras bu de la gnas par 'gyur ba'i skal ba can yin zhing 'bras bu de las nyams par mi 'gyur ba dang /mngon par brtson pa med na ste/ brtson 'grus med na rtogs pa'i skal ba can thob par 'phel bar yang mi 'gyur ba ste/ shugs kyis na gal te brtson par byed na skal ba can du 'gyur ro zhes bshad pa yin no/ /de ltar na 'di rtogs pa'i skal ba can las kyang bye brag tu byas pa yin te/ de ni mngon par brtson pa med kyang rtogs par 'gyur ba'i skal ba can yin no/ /dang po gnyis zhes bya ba rgyas par 'byung ba la yongs su nyams pa'i chos can ni rgyun du sbyor ba dang gus par sbyor ba med pa yin no//'chi bar sems pa yang rgyun du sbyor ba med pa yin mod kyi/ khyad par du gus par sbyor ba med pa yin pas 'di gnyis bye brag yin no/ /dbang po rtul po yin no zhes bya ba ni drug pa las khyad par du byed pa yin no//drug pa ni dbang po rnon po yin te/ 'di gnyis dbang pos byas pa'i bye brag yod kyi sbyor bas byas pa ni ma yin no/ /de ltar byas na zhes bya ba rgyas par 'byung ba ni gang gi phyir de ltar nges pa med pa de'i phyir gzugs dang gzugs med pa'i khams dag na yang dgra bcom pa drug yod kyi/ 'dod pa'i mas 'ba' zhig na drug yod pa ni ma yin no snyam du bsams pa yin no/ /gzugs dang gzugs med pa'i khams dag na ni gnas pa las mi bskyod pa dang mi g.yo ba'i chos can dang gnyis zhes bya ba la/ gnas pa las mi bskyod pa ni gnas pa las mi bskyod pa nyid du dad par 'gyur ba yin gyi rtogs pa'i skal ba can nyid du bya bar gus pa ni ma yin pas 'dod pa'i khams kyi gnas pa las mi g.yo ba ni rtogs pa'i skal ba can nyid du 'gyur la/de gzugs dang gzugs med pa'i khams dag na ni yongs su nyams pa'i rkyen stobs dang ldan pa med pas de yongs su nyams par yang mi 'gyur la/dbang po dag 'pho ba yang med pas de na gnas pa las mi g.yo ba'i rigs kho nar 'dug go/ /mi g.yo ba'i rnam par grol ba dang ldan pa'i phyir mi g.yo ba'i chos can yang yod pa nyid pas de gnyis kho na yod kyi de las gzhan pa dag ni med do//gzugs dang gzugs med pa'i khams de gnyis na yongs su nyams pa dang 'chi bar sems pa dang dbang po 'pho ba med pa'i phyir te/ re zhig de na yongs su nyams pa med pa'i phyir yongs su nyams pa'i chos can med do/ /rjes su srung ba'i chos can yang yongs su nyams pa med pa nyid kyis rjes su bsrung bar bya ba nyid mi 'thad pa'i phyir med do//dbang po 'pho ba med pa de nyid kyi phyir rtogs pa'i skal ba can yang med de/ de skad du/ de dang gong du skyes pa ni/ /yongs nyams dbang po 'pho mi bsten/ /zhes 'byung bas so/ /de na ni bdag nyid 'chi bar sems pa yang med la gzhan gyis gsod pa yang med pas 'chi bar sems pa yang med do//'chi bar sems pa'i chos can la sogs pa zhes bya ba ni 'chi bar sems pa dang / rjes su srung ba'i chos can dang / gnas pa las mi bskyod pa dang / rtogs pa'i skal ba can dag go/ /yongs su nyams pa'i chos can ni rang gi rigs las yongs su nyams par mi 'gyur ro zhes bya ba ni rigs de bcos ma ma yin pa'i phyir ro//yongs su nyams pa'i chos can la sogs pa lnga zhes bya ba ni 'di ltar 'bras bu ni glo bur ba yin pa'i phyir yongs su nyams pa'i chos can yang 'bras bu las yongs su nyams pa srid do//dang po las ni zhes bya ba ni rigs dang 'bras bu las so/ /de yongs su nyams par mi 'gyur zhes bya ba ni dgra bcom pa'o/ /ci'i phyir zhe na/ slob pa dang / mi slob pa'i lam dag gis brten por byas pa'i phyir ro zhes bya ba smos te/ slob pa'i gnas skabs na yod pa'i rigs gang yin pa de ni slob pa'i lam gyis kyang bsgoms la mi slob pa'i gnas skabs na yang bsgoms pas lam de dag gis brtan por byas pa'i phyir dgra bcom pa de de las yongs su nyams par mi 'gyur ro//slob pa ji lta bu yin zhe na/ smras pa/ slob pa ni 'jig rten pa dang 'jig rten las 'das pa'i lam dag gis brtan por byas pa'i phyir rigs dang po las yongs su nyams par mi 'gyur te/de'i bdag nyid kyi rigs dang po gang yin pa de ni sngon 'jig rten pa'i lam gyis kyang bsgoms la phyis slob pa'i lam gyis kyang bsgoms pas de de las yongs su nyams par mi 'gyur ro//'dir la la na re gang gi rigs dang po gang yin pa de las ni de yongs su nyams par mi 'gyur te/ slob pa dang mi slob pa'i lam dag gis brten por byas pa'i phyir ro zhes bshad pa gang yin pa de ni gtan tshigs ma yin te/ 'di ltar 'chi bar sems pa'i chos can sbyangs pa las gyur pa'i rigs gang yin pa de las yongs su nyams par 'gyur ba'i rigs de yang slob pa dang mi slob pa'i lam dag gis brtan por byas pas yongs su mi nyams par 'gyur ro//de lta bas na rigs de nyid 'di ltar dang po las ni yongs su nyams par mi 'gyur la sbyangs te thob pa las ni yongs su nyams par 'gyur ba de lta bu yin no//gang yang slob pa ni 'jig rten pa dang 'jig rten las 'das pa'i lam dag gis brtan por byas pa'i phyir yongs su nyams par mi 'gyur ro zhes smras pa gang yin pa de yang gtan tshigs ma yin te/rgyun du zhugs pa yang yongs su nyams par thal bar 'gyur ba'i phyir te/ rgyun du zhugs pa'i 'bras bu ni 'jig rten pa'i lam gyis brtan por byas pa ma yin pas 'di la 'bad par bya'o zhes zer ro/ /'dir bdag gis gang gi phyir de skad du bshad pa/ slob dpon gyi dgongs pa bstan par bya'o/ /ji ltar zhe na/ re zhig 'chi bar sems pa'i chos can sbyangs pa las gyur pa'i rigs gang yin pa de las yongs su nyams par 'gyur zhes smras pa gang yin pa de ni rigs pa ma yin te/ 'chi bar sems pa'i chos can gyi rigs gang yin pa ni slob pa'i gnas skabs na yang bsgoms la/phyis mi slob pa'i gnas skabs na yang bsgoms te brten por byas pas dgra bcom pa nyid las yongs su nyams par mi 'gyur te/ slob pa'i gnas skabs na dang por gyur pa'i phyir ro/ /slob dpon 'dus bzang gis kyang slob pa'i gnas skabs na rigs gzhan thob nas dgra bcom pa nyid 'thob pa gang yin pa de yang lam de yongs su mi 'dor te/sbyangs pa las gyur pa'i rigs kho na las mi gnas pa ni ma yin no zhes bshad do/ /'chi bar sems pa'i chos can gyi rigs mi slob pa'i gnas skabs na 'phral kho na la thob kyi slob pa'i gnas skabs na thob pa ma yin pa gang yin pa de las ni de yongs su nyams pas na nyams par 'gyur te/de ni gnas skabs gnyis kyis brtan por ma byas pa'i phyir ro/ /de bas na 'di ni gtan tshigs su mi rung ba nyid do/ /gang yang slob pa ni 'jig rten dang 'jig rten las 'das pa'i lam dag gis brtan por byas pa'i phyir yongs su nyams par mi 'gyur ro zhes smras pa gang yin pa de yang gtan tshigs ma yin te/rgyun du zhugs pa yang yongs su nyams par 'gyur ba'i phyir te/ rgyun du zhugs pa'i 'bras bu ni 'jig rten pa dang 'jig rten las 'das pa'i lam gyis brtan por ma byas pas zhes smras pa gang yin pa de yang khong du ma chud par smras pa yin no//gtan tshigs de ni rigs kyi phyir bshad pa yin gyi/ 'bras bu'i phyir ni ma yin te/ de la ni gang gis na 'bras bu dang po las yongs su nyams par mi 'gyur ba'i gtan tshigs 'chad par 'gyur ro//'bras bu gang zhig cig car du 'jig rten dang 'jig rten las 'das pa'i lam dag gis 'thob pa ni chung zad kyang med kyi/ rigs ni 'jig rten dang 'jig rten las 'das pa'i lam dag gis brtan por byas pa srid de/ tshe 'di pa'i dro bar gyur pa la sogs pa'am tshe pha rol po'i spong ba'i lam mam/'jig rten pa dang 'jig rten las 'das pa'i lam gzhan gyis slob pa'i gnas skabs na bsgoms pa'i phyir ro/ /phyis sbyangs pas thob pa gang yin pa de las ni zhes bya ba ni phyis thob pa'i rigs glo bur ba gang yin pa ste/ gnas skabs gnyis su thob pa ma yin pa de las ni yongs su nyams par 'gyur ro/ /rigs bstan nas 'bras bu bstan par bya ste/ gang gi 'bras bu dang po gang yin pa zhes bya ba rgyas par smos so/ /de nyid kyi phyir rgyun du zhugs pa'i 'bras bu las yongs su nyams pa med do zhes bya ba ni 'di ltar rgyun du zhugs pa'i 'bras bu ni gal te 'thob na gdon mi za bar dang po yin no//lan cig phyir 'ong ba dang / /phyir mi 'ong ba'i 'bras bu dag ni res 'ga' dang po yin te/ gal te phal cher 'dod chags dang bral ba dang / 'dod pa las 'dod chags dang bral ba dag yin na'o//res 'ga' ni dang po ma yin te/ gal te mthar gyis pa'i yin na'o/ /de la rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu yang rung 'bras bu dang po gang dang gang yin pa de las ni yongs su nyams par mi 'gyur gyi/ lan cig phyir 'ong ba'i 'bras bu'am/phyir mi 'ong ba'i 'bras bu'am/ dgra bcom pa nyid kyi 'bras bu'ang rung phyis thob pa gang yin pa de las ni yongs su nyams par 'gyur ro/ /de ltar byas na zhes bya ba ni gang gi rigs dang 'bras bu dang po gang yin pa de las yongs su nyams par mi 'gyur ro zhes byas na'o//go rims bzhin du rnam pa lnga dang drug dang bdun yin zhes bya ba ni rjes su srung ba'i chos can ni rnam pa lnga yin te/ de'i so na gnas bzhin du yongs su mya ngan las 'da' ba dbang po 'pho ba dang / yongs su nyams nas slo ba pa nyid du 'gyur ba dang / yongs su nyams pa dang /'chi bar sems pa'i chos can gyi rigs su slar 'ong ba dang / gnas pa las mi bskyod pa ni rnam pa drug yin te/ lnga po de dag nyid dang / drug pa rjes su srung ba'i chos can gyi rigs su slar 'ong ba'o/ /rtogs pa'i skal ba can ni rnam pa bdun yin te/ drug po de dag nyid dang / bdun pa gnas pa las mi bskyod pa'i rigs can du slar 'ong ba'o/ /de slob par gyur na phyis zhes bya ba'i tshig gcig khong nas dbyung ngo / /gang gi rigs dang po gang yin pa slob pa'i gnas skabs na yod pa de kho na la gnas kyi gzhan la ni ma yin no/ /de lta ma yin na rigs khyad par can rnyed pa'i phyir te/slob pa'i gnas skabs kyi rigs las khyad par can rnyed pa'i phyir gang zag de 'phel ba kho nar 'gyur gyi yongs su nyams par ni mi 'gyur ro/ /ji ltar byas pas she na/ re zhig dper na yongs su nyams pa'i chos can dgra bcom pa nyid kyi gnas na dbang po sbyangs pas rtogs pa'i skal ba can nyid du gyur pa de dgra bcom pa nyid las yongs su nyams te/slob par gyur pa de'i rigs pas kyang yongs su nyams na lugs las bzlog pa gnas pa las mi bskyod pa'i rigs nas 'chi bar sems pa'i chos can gyi rigs kyi bar la mi gnas so//de lta ma yin na zhes bya ba ni gal te rigs gzhan la gnas par gyur na'o/ /rigs khyad par can rnyed pa'i phyir zhes bya ba ni rigs de ni yongs su nyams pa'i rigs las khyad zhugs pa yin pas so/ /de lta bas na dgra bcom pa nyid las yongs su nyams na dbang po sbyangs pas thob pa las kyang gdon mi za bar yongs su nyams par 'gyur ro//ci'i phyir 'bras bu dang po las yongs su nyams pa med ces bya ba ni gang gi 'bras bu dang po gang yin pa de ste/ rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'o//mthong bas spang bar bya ba rnams gzhi med pa'i phyir te/ rten med pa'i phyir ro zhes bya ba'i tha tshig go/ /de dag ni/ bdag gi gzhi la 'jug pa yin/ /zhes bya ba rgyas par 'byung ba ni mthong bas spang bar bya ba de dag la brten nas zhugs pa yin no/ /ci'i phyir zhe na/ 'jig tshogs la lta ba'i rtsa ba can yin pa'i phyir ro/ /'di ltar mthong bas spang bar bya ba rnams ni bdag tu lta ba'i dbang gis kun du 'byung ste/ mdo las kyang / 'jig rten na lta ba tha dad par gyur pa gang yin pa de dag ni 'jig tshogs la lta ba'i gzhi can yin te/ 'jig tshogs la lta ba las kun du 'byung ba/'jig tshogs la lta ba'i rigs can/ 'jig tshogs la lta ba las rab tu skye ba yin no zhes gsungs so/ /bdag de yang med do zhes bya ba ni gzhi med pa'i phyir yongs su nyams pa med do/ /bden pa la dmigs pa'i phyir zhes bya ba ni sdug bsngal la sogs pa'i bden pa dag la rtag pa la sogs par 'dzin pa'i phyir ro//de lta ma yin pa'i nyon mongs pa gang zhig yin te/ 'dod chags la sogs pa bsgom pas spang bar bya ba yang mi gtsang ba la sogs pa'i dngos po la gtsang ba dang / bde ba dang / rtag pa dang bdag gi rnam pa dag tu dmigs pa'i phyir phyin ci log tu dmigs pa yin no//bdag yang dag pa ma yin pa sgro 'dogs par byed la zhes bya ba ni ji skad du dge slong dag gang la la bdag go zhes yang dag pa rjes su lta ba ni nye bar len pa'i phung po lnga po 'di kho na la bdag dang bdag gir yang dag par rjes su lta bar zad do zhes gsungs pa lta bu yin no//mthar 'dzin pa la sogs pa yang de'i gzhi la zhugs pa yin pas zhes bya ba ni de las gzhan pa'i mthong bas spang bar bya ba rnams kyang bdag gi gzhi'i rjes su zhugs pa yin te/ bdag rtag go/ /chad do zhes bya ba'am/ bdag med do zhes bya ba'am/'di kho na mchog yin no/ /'di ni dag pa yin no/ /ci 'di yod dam med ces bya ba de lta bu la sogs pa'i rnam par zhugs pas gzhi med pa dag ces bya ste/ rten dag med ces bya ba'i don to/ /bdag la sogs pa ni bdag kyang med do zhes bya ba ni gang gi phyir dngos por brjod pa zhes bya ba'i tha tshig ste/stsogs pa smos pa ni bdag gi bsdu ba 'am/ dbang phyug la sogs pa bsdu ba yin no/ /gzhi yid du 'ong ba dang / yid du mi 'ong ba'i mtshan nyid so sor nges pa zhes bya ba ni bsgom pas spang bar bya ba 'dod chags kyi gzhi ni skra dang so sdug pa la sogs pa'i mtshan nyid yid du 'ong ba yin no//khong khro ba'i ni de dag mi sdug pa yid du mi 'ong ba yin te/ nga rgyal gyi yang yid du 'ong ba yin no/ /ma rig pa'i yang gnyis po de nyid chung zad kun du rmongs par 'gyur ba yin no/ /mthong bas spang bar bya ba rnams la ni/ bdag la sogs pa'i mtshan nyid med/ces bya ba ni mthong bas spang bar bya ba de la dmigs pa'i 'dod chags la sogs pa la ma gtogs pa rnams la ni bzhi po bdag gi mtshan nyid so sor nges pa cung zad kyang med pas/ de lta bas na gzhi med pa dag ces bya ba ste/ de lta bas na gzhi so sor nges pa med pa dag ces bya ba'o zhes bya ba'i don to//slob dpon gyis gzhan yang zhes bya ba rgyas par smos te/ 'phags pa slob pa nges par mi rtog cing mi sems pa la dran pa nyams pas te/ dran pa nyon mongs pa can dang ldan pas 'dod chags la sogs pa nyon mongs pa rnams skye bar 'gyur gyi nges par rtog pa la ni ma yin te/nges par mi rtog pa 'ga' zhig la dran pa nyams pas thag pa la sbrul gyi 'du shes skye'i nges par rtog pa la ni ma yin pa de dang 'dra'o/ /bdag tu lta ba la sogs pa zhes bya ba la sogs pa bya ba'i sgras ni mthar 'dzin par lta ba la sogs pa bsdu'o//yang ci'i phyir nges par mi rtog pa la bdag tu lta ba la sogs pa 'byung bar mi rung zhe na/ kun du rtog par byed pa yin pa'i phyir te/ gang dag ce na bdag tu lta ba la sogs pa nyon mongs pa rnams so/ /de bas na 'phags pa la nges par mi rtog pa'i sgo nas bdag tu lta ba la sogs pa 'byung bar mi rung bas yongs su nyams pa'i rgyu med pa'i phyir mthong bas spang bar bya ba spangs pas yongs su nyams pa med do//dgra bcom pa nyid las kyang yongs su nyams pa med do zhes bya ba la/ kyang zhes bya ba'i sgras ni mthong bas spang bar bya ba spangs pas yongs su nyams pa med pa 'ba' zhig tu ma zad kyi/dgra bcom pa nyid las kyang yongs su nyams pa med do zhes ston par byed do/ /dang po ma yin pa la lan cig phyir 'ong ba dang phyir mi 'ong ba'i 'bras bu dag las ni yongs su nyams pa srid de/ de ni 'jig rten pa'i lam gyis thob pa srid pa'i phyir ro snyam du bsams pa yin no//de nyid rigs pa yin no zhes bya ba ni slob dpon gzhung 'dzugs pa yin no/ /dge slong dag 'phags pa'i shes rab kyis spangs pa gang yin pa de ni spangs pa yin no zhes bya ba ni 'phags pa'i shes rab kyis spangs pa gang yin pa de kho na spangs pa yin te/da ni yang mi skye'i 'jig rten pas spangs pa gang yin pa de ni yang skye'o snyam du dgongs pa yin no/ /slob pa la bag yod pa la zhes bya ba rgyas par 'byung ba ni dgra bcom pa nyid las yongs su nyams pa med do zhes bya ba'i khungs mdo'i tshig gnyis pa yin te/'di'i don ni slob pa la bag yod par bya ba'i phyir slob pas bag yod par bya'o zhes bag yod pa'i las ston par mdzad pa 'di yin no/ /slob pa la yang 'phags pa'i shes rab kyis spangs pa yod pa ma yin nam/ ji ltar na de la bag yod pa la bag yod par byar yod ce na/'di ltar 'dis ni 'bras bu'i khyad par ba yang thob par bya dgos la/ de la spangs pa 'jig rten pa'i lam gyis byas pa yang yod pas so/ /'dir bye brag tu smra ba dag na re mdo las/ kun dga' bo dgra bcom pa la yang rnyed pa dang bkur stis bar chad byed pa yin par nga smra'o zhes 'byung ba'i phyir dgra bcom pa la yang yongs su nyams pa yod do zhes zer na de'i phyir/kun dga' bo dgra bcom pa la yang zhes bya ba rgyas par mdo 'di las mthong ba'i chos la bde bar gnas pa tsam kho na las yongs su nyams par 'gyur bar gsungs par zad de/ zhes 'byung ba'i bar 'di smos so// //bam po lnga bcu gcig pa/ ji lta zhe na/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dgra bcom pa la yang rnyed pa dang bkur stis bar chad byed pa yin par nga smra'o/ /tshe dang ldan pa kun dga' bos gsol pa/bcom ldan 'das de ci'i slad du 'di skad ces kun dga' bo dgra bcom pa la yang rnyed pa dang bkur stis bar chad byed pa yin par nga smra'o zhes gsungs/ bcom ldan 'das kyis bka' stsal pa/ kun dga' bo ma thob pa thob par bya ba dang / ma rtogs pa rtogs par bya ba dang /mngon sum du ma byas pa mngon sum du bya ba la bar chad byed pa ni ma yin pa nyid do/ /'on kyang 'dis lhag pa'i sems las byung ba mthong ba'i chos la bde bar gnas pa bzhi po thob pa gang dag yin pa de gang yang rung ba zhig las 'di yongs su nyams par 'gyur bar nga smra ste/de yang 'dres par gnas pa yin no/ /gcig pu ma 'dres pa bag yod pa brtun par gnas pa 'dis sems kyi rnam par grol ba lus kyis mngon du byas pa gang yin pa de las ni rnam grangs gang gis kyang yongs su nyams par 'gyur bar nga mi smra'o/ / kun dga' bo de lta bas na khyod kyis 'di ltar slob par bya ste/ rnyed pa dang bkur sti gang yin pa de zil gyis gnon par bya'i/ rnyed pa dang bkur sti byung ba la sems kun nas dkris te mi 'dug pa de ltar kun dga' bo khyod kyis bslab par bya'o zhes gsungs pa yin no/ /gal te bye brag tu smra ba na re mi g.yo ba zhes khyad par du byas pa'i phyir rnam par grol ba dus dang sbyor ba la yongs su nyams pa yod do zhes zer na de'i phyir smras pa/gal te dus dang sbyor ba la yod do zhe na/ kho bo cag kyang de skad du dus dang sbyor ba la yongs su nyams pa yod do zhes zer ro/ /de dpyad par bya ste/rnam par grol ba dus dang sbyor ba de ni dpyad par bya ba yin no/ /ji lta zhe na/ smras pa ci rnam par grol ba dus dang sbyor ba dgra bcom pa nyid yin nam/ 'on te rnam par grol ba dus dang sbyor ba 'jig rten pa'i bsam gtan dag kho na yin zhes bya ba yin no/ /ci'i phyir de ltar dogs par byed ce na/ bsam gtan dngos gzhi'i ting nge 'dzin zhes bya ba la sogs pa smos te/ bsam gtan nyid ting nge 'dzin yin pas bsam gtan gyi ting nge 'dzin no/ /dngos gzhi smos pa ni lam sla ba rnams kyi mchog yin pa'i phyir ro/ /dus su mngon sum du 'gyur ba'i phyir ro zhes bya ba ni sgra med pa la sogs pa'i dus la lar mngon sum du 'gyur ba'i phyir te/dus las byung bas na rnam par grol ba dus dang sbyor ba zhes kyang bya'o/ /yang dang yang du btsal bar bya ba yin pa'i phyir phangs pa zhes bya ba ni nyams shing nyams na 'dod par bya ba yin pa'i phyir te/ don du gnyer bar bya ba yin pa'i phyir ro zhes bya ba'i tha tshig go//gzhan dag na re ro myang bar bya ba yin pa'i phyir zhes zer ro zhes bya ba ni btsun pa dga' ldan yin te/ zag pa dang bcas pa nyid kyis ro myang ba dang mtshungs par ldan pa'i bsam gtan dang ldan pa'i phyir phangs pa yin no snyam du bsams pa yin no/ / dgra bcom pa nyid kyi rnam par grol ba zhes bya ba rgyas par 'byung ba ni dgra bcom pa nyid rnam par grol ba yin pas na dgra bcom pa nyid kyi rnam par grol ba ste/ thob pa'i tshul gyis rtag tu rjes su 'brel pa'i phyir ro/ /dus dang sbyor ba yin par yang mi rung zhes bya ba 'dis ni rnam par grol ba dus dang sbyor ba las dgra bcom pa nyid kyi rnam par grol ba bzlog ste ston to//yang don du gnyer bar bya ba ma yin pa'i phyir phangs pa yang ma yin no zhes bya ba 'dis ni phangs pa las bzlog ste/ dgra bcom pa nyid kyi rnam par grol ba phangs pa ma yin no zhes ston par byed do/ /rtag tu rjes su 'brel pa nyid du yod pas don du gnyer bar bya ba ma yin pa'i phyir phangs pa ma yin no zhes bya ba'i tha tshig go//lhag pa'i sems las byung ba dag kho na las zhes bya ba ni lhag pa'i sems la yod pas na lhag pa'i sems las byung ba ste/ mthong ba'i chos la bde bar gnas pa dag yin no/ /ci'i phyir de dag kho na las yongs su nyams par gsungs she na/lhag pa'i sems las byung ba mthong ba'i chos la bde bar gnas pa bzhi po thob pa gang dag yin pa de gang yang rung ba zhig las 'di yongs su nyams par 'gyur bar nga smra'o zhes 'byung ba'i phyir ro/ /gal te rnam par grol ba dus dang sbyor ba'i mtshan nyid kyi dgra bcom pa nyid las yongs su nyams pa zhig srid par gyur na/de ci'i phyir de dag kho na las yongs su nyams par 'gyur ro zhes gsungs par 'gyur te/ de dag kho na las yongs su nyams par 'gyur ro zhes gsungs par mi 'gyur ro zhes bya ba'i tha tshig go//dbang nyams pa'i phyir zhes bya ba ni ting nge 'dzin mngon du 'gyur ba'i dbang nyams pa'i phyir ro zhes bya ba'i don to/ /de ni yongs su nyams par mi 'gyur ba'i chos can yin zhes bya ba ni mdo las yongs su nyams par mi 'gyur ba'i chos can las gzhan yin par 'byung ste/ slob pa bco brgyad cher bshad nas/ bka' stsal pa/ mi slob pa dgu gang zhe na/ yongs su nyams pa'i chos can dang / yongs su nyams par mi 'gyur ba'i chos can dang / 'chi bar sems pa'i chos can dang / rjes su bsrung ba'i chos can dang / gnas pa las mi bskyod pa dang /rtogs pa'i skal ba can dang / mi g.yo ba'i chos can dang / shes rab kyis rnam par grol ba dang / gnyi ga'i cha las rnam par grol ba ste/ 'di dag ni mi slob pa dgu zhes bya'o zhes gsungs so/ /de la gang zhig mthong ba'i chos la bde bar gnas pa dag las yongs su nyams par 'gyur ba de ni yongs su nyams pa'i chos can yin no//gang zhig de dag nyid las yongs su nyams par mi 'gyur ba de ni yongs su nyams par mi 'gyur ba'i chos can yin no/ /de bzhin du 'chi bar sems pa'i chos can la sogs pa la yang sbyar bar bya'o/ /ji lta zhe na/gang zhig ting nge 'dzin nyams pa'i 'jigs pas bdag nyid 'chi bar sems pa de ni 'chi bar sems pa'i chos can no/ /gang zhig yon tan gyi khyad par cung zad cig rjes su bsrung ba de ni rjes su bsrung ba'i chos can no/ /gang zhig yon tan gang kho na la gnas pa de las rjes su ma bsrungs kyang mi g.yo ba de ni gnas pa las mi bskyod pa yin no//gang zhig gang du rtogs par byed cing yon tan gyi khyad par skyed par byed pa zhes bya ba'i tha tshig ste/ de ni rtogs pa'i skal ba can no/ /gang zhig byung ba dag las yongs su nyams par mi 'gyur ba de ni mi g.yo ba'i chos can no//khyad par ci yod ce na zhes bya ba ni yongs su nyams par mi 'gyur ba'i chos can la sogs pa gsum char yang yongs su mi nyams pa dang ldan pa'i phyir khyad par ma mthong nas 'dri ba yin no/ /sbyangs pa las gyur pa ma yin zhes bya ba ni rang bzhin gyis dbang po rnon po yin gyi/dbang po sbyangs pas thob pa ni ma yin no zhes bya ba'i tha tshig go/ /de las g.yo bar 'gyur ba yin zhes bya ba ni yon tan gyi khyad par de las zhes bya ba'i don to/ /'di ni khyad par yin par mngon no zhes bya ba ni slob dpon rang gi gzhung lugs ston pa yin no/ /gal te bye brag tu smra ba na re tshe dang ldan pa gnag tshogs can dgra bcom pa nyid las yongs su nyams pa ma yin nam zhes de skad du smra bar 'gyur bas de'i lan brtsam par bya ste/tshe dang ldan pa gnag tshogs can zhes bya ba rgyas par smos so/ /slob par gyur pa zhes bya ba ni re zhig dgra bcom pa ma yin pa'o//lus dang srog la mi lta ba'i rgyus mtshon gyis 'debs par byed ces bya ba ni mtshon gyis snun par byed pa'o/ /'chi ba'i dus kho nar dgra bcom pa nyid thob pa ni mtshon gyis btab pa'i 'og tu zhes bya ba'i tha tshig ste/ mtshon gyis btab pa de nyid kyis yongs su mya ngan las 'das par gyur to//bcu las 'phros pa las kyang zhes bya ba ni bcu las 'phros pa zhes bya ba'i mdo las so/ /ci zhig gsungs she na/ bskyed par bya ba'i chos ni gcig ste zhes bya ba smos so/ /gang yin zhe na/ sems rnam par grol ba dus dang sbyor bas yid du 'ong ba yin no zhes bya ba smos te/mthong ba'i chos la bde bar gnas pa'o snyam du dgongs pa yin no/ /mngon sum du bya ba'i chos ni gcig ste/ gang zhe na/ sems rnam par grol ba mi g.yo ba yin no zhes bya ba smos te/ dgra bcom pa nyid do snyam du dgongs pa yin no/ /rnam par grol ba mi g.yo ba'i mtshan nyid kyi dgra bcom pa nyid logs shig tu smos pa'i phyir sems rnam par grol ba yid du 'ong ba ni dgra bcom pa nyid kyi ngo bo nyid ma yin par gsungs so snyam du bsams pa yin no//bye brag tu smra ba dag dgra bcom pa rnam pa gnyis yod pa'i phyir logs shig tu smos par zad do zhes smra bar 'gyur ba'i go skabs mthong nas yang /gal te zhes bya ba rgyas par smos te/ gal te sems rnam par grol ba dus dang sbyor ba pa yid du 'ong ba dgra bcom pa nyid kho na yin par gyur na ci'i phyir mdo gzhan las ma yin gyi/ bcu tshan de kho na las mngon sum du bya ba'i chos ni gcig ste/sems rnam par grol ba ni mi g.yo ba'o zhes dgra bcom pa nyid las gnyis su smos par 'gyur/ mi 'gyur ba kho na'o zhes bya ba'i tha tshig ste/ 'di skad du mngon sum du bya ba'i chos ni gcig ste/ sems rnam par grol ba yin no zhes bshad par 'gyur ro//gal te khyod dgra bcom pa nyid rnam pa gnyis yod pas de'i phyir gcig ni bskyed par bya ba yin no/ /gnyis pa ni mngon sum du bya ba yin no zhes tshig gi bye brag tu bshad pa yin no zhes zer na/ 'dir smras pa/ dgra bcom pa nyid bskyed par bya ba yin par ni gang du yang ma gsungs so//'o na ci zhe na mdo de dang de las mngon sum du bya ba yin par gsungs so/ /khas blangs te yang brjod par bya ste/ dbang po rtul pos bsdus pa'i dgra bcom pa nyid bskyed par bya ba yin no zhe na/ yang 'dis ci zhig shes par byas shing bstan pa yin/ re zhig gal te bskyed par bya bar nus pa yin no zhes bya ba 'di shes par byas pa yin no zhe na ni gzhan dbang po rnon pos bsdus pa'i dgra bcom pa nyid kyang nus so/ /de lta yin na ni mdo las 'di skad du/ bskyed par bya ba'i chos ni gcig ste/ sems rnam par grol ba'o zhes brjod dgos par 'gyur ro//'on te bskyed par 'os pa yin no zhes bya ba 'di shes par byas pa yin no zhe na ni gzhan dbang po rnon pos bsdus pa'i dgra bcom pa nyid ches shin tu 'os pa yin te/ de ni mi g.yo ba'i phyir shin tu bskyed par bya bar 'os so snyam du bsams pa yin no//'o na dus kyis rnam par grol ba zhes bya ba rgyas par 'byung ba ni gal te rnam par grol ba dus dang sbyor ba dgra bcom pa nyid yin na ni de lta na de dang ldan pa'i phyir dus kyis rnam par grol ba'i dgra bcom pa zhes byar rung ngo snyam du bsams pa yin no/ /ting nge 'dzin mngon sum du 'gyur ba dus la ltos pa yin no zhes bya ba ni 'di ltar 'di'i ting nge 'dzin ni zag pa dang bcas pa'am zag pa med pa yang rung nad med pa dang /yul gyi khyad par la sogs pa'i mtshan nyid kyi dus la ltos so/ /chos mngon pa las kyang zhes bya ba rgyas par 'byung la/ 'dir dper brjod pa ni 'dod pa'i 'dod chags kyi phra rgyas ma spangs zhes bya ba 'di yin no//de la yang tshul bzhin ma yin pa'i yid la byed pa zhes bya ba 'di yang dper brjod pa yin no/ /gal te de lta bu ni yongs su tshang ba las skyes pa yin no zhe na zhes bya ba ni gal te de lta bu ni nyon mongs pa'i rgyu yongs su tshang ba las skye ba yin no//yul gyi stobs kho na las skye ba ni nyon mongs pa'i rgyu yongs su ma tshang ba yin no snyam du sems na/ de ni rigs pa ma yin no/ /ci'i phyir zhe na/ rgyu yongs su ma tshang bar go gang zhig skye zhes bya ba smos te/ skye ba dang ldan pa gang zhig rgyu yongs su ma tshang bar skye/rgyu dang rkyen tshogs pa ji snyed cig gis 'bras bu skyed par grags pa de ni de'i phyogs gcig ma tshang na de skyed par mi 'gyur te/ dper na mig dang gzugs la sogs pa dang yid la byed pa tshogs pas mig gi rnam par shes pa skyed par grags pa de ni de las gang yang rung ba zhig ma tshang na de skyed par mi 'gyur ba lta bu'o//de lta bas na de ni gyi na'o/ /de lta bu zhes bya ba ni de'i rnam pa 'am de'i ngo bo nyid do/ /'on te ma skyes zhes bya ba ni gnyen po'o/ /de'i sa bon gyi chos nyid ces bya ba ni sa bon gyi ngo bo nyid ces bya ba'i tha tshig ste/ de rtsa nas ma bton cing drungs ma phyung na ji ltar zag pa zad pa yin/khyod de lta yin du zad mod ces zer na/ de'i phyir zag pa ma zad na yang ji ltar dgra bcom pa nyid yin zhes bya ba smos te/ de ltar dpyod pa zhes bya ba ni dran pa dang ldan par dpyod pa zhes bya ba'i tha tshig ste/ de ma thag tu dran pa smos pa'i phyir ro//de ni slob pa yin no zhes zer ba 'di yongs su spang ba'i phyir yongs su nyams par smra ba de nyid kyis de ni de las dgra bcom pa kho na yin par bstan zhes bya ba smos so/ /ji ltar bstan pa yin zhe na/ yun ring po nas zhes bya ba rgyas par smos so/ /yongs su mi nyams par smra ba dag 'di skad du/sems dben pa la gzhol ba yin zhes bya ba nas mya ngan las 'da' ba la bab pa zhes bya ba'i bar 'di ni slob pa yin no zhes smra bar 'gyur ba'i go skabs 'di yongs su spangs pa'i phyir yang yongs su nyams par sma bas mdo gzhan las de ni dgra bcom pa'i stobs yin par yang gsungs zhes bya ba smras so//ji skad du zhe na/ btsun pa dge slong dgra bcom pa zag pa zad pa'i stobs du zhig mchis/ shA ri'i bu dge slong dgra bcom pa'i stobs ni brgyad de/ yun ring po nas sems dben pa la gzhol ba yin zhes bya ba nas/ mya ngan las 'das pa la bab pa yin zhes bya ba'i bar dang /'dis ni 'dod pa rnams sol ba'i phung po lta bur mthong ba yin te/ ji ltar 'dod pa rnams shes shing 'dod pa rnams mthong ba 'dis 'dod pa la 'dod pa'i 'dun pa dang / 'dod pa'i chags pa nas rgyas par 'dod pa la lhag par zhen pa'i bar gang yin pa de la 'di'i sems yongs su gtugs te mi gnas pa de ltar yang 'dis 'dod pa rnams mthong ba yin no zhes rgyas par 'byung ngo //gzhan yang sol ba'i phung po lta bu'i mdo de nyid las bsil bar gyur cing gsal bar gyur pa zhes gsungs pa'i phyir dgra bcom pa kho na yin par bstan to//de skad du 'byung ba yang yod mod kyi zhes bya ba ni sol ba'i phung po lta bu'i mdo las dgra bcom pa yin par bstan to zhes gang smras pa'o/ /ji srid du spyod pa legs par ma rtogs pa zhes bya ba ni bsod snyoms la sogs pa spyod pa'o//slob pa'i gnas skabs kyi dbang du mdzad nas de skad gsungs pa'i phyir nyes pa med do zhes bya ba ni brgya la res 'ga' zhig dran pa nyams pa las sdig pa mi dge ba'i rnam par rtog pa dag skye bar 'gyur ro zhes gsungs pa gang yin pa de ni slob pa'i gnas skabs kyi dbang du mdzad nas gsungs kyi dgra bcom pa nyid kyi gnas skabs ni ma yin no//yun ring po nas sems dben pa la gzhol ba zhes gsungs pa gang yin pa de ni slob pa la yang srid la dgra bcom pa ni phul du phyin pa yin pas khyad par yod do/ /zag pa'i gnas lta bu'i chos thams cad las bsil bar gyur cing bsal bar gyur pa zhes gsungs pa gang yin pa de yang slob pa'i gnas skabs kyi dbang du mdzad pa yin te/zag pa'i gnas lta bu'i chos 'dod pa na spyod pa las bsil bar gyur pa zhes gsungs pa'i phyir ro/ /slob dpon ni dgra bcom pa nyid kyi gnas skabs kyi dbang du mdzad nas de skad du gsungs kyang nyes pa med do snyam du dgongs so//sbyor ba mi srid pa'i phyir mthong ba'i lam la ni ma yin no zhes bya ba ni mthong ba'i lam ni skad cig bco lnga yin te/ de la dbang po 'pho bar sbyor ba'i go skabs med do/ /la la ni so so'i skye bo'i gnas skabs na dbang po rnams 'pho'o zhes bya ba ci rigs pa'i rnam pa dang ldan pa'i lam gyis dbang po rnams 'pho'am/'on te zhi ba la sogs pa'i rnam pa dang ldan pas yin zhe na/ khyad par du ma byas pa'i phyir gnyi gar yang srid do snyam byed de/ 'di ltar don 'di ni slob dpon gyis 'phags pa rnams kyi dbang po ni zag pa dang bcas pa'i lam gyis 'pho ba med do zhes 'chad par 'gyur bas 'bags pa rnams kyi zhes khyad par du mdzad pa'i phyir ro//ci nas kyang bdag gi dbang po dag rnon por 'gyur bar bya'o zhes sbyor bar bsams nas/ 'jig rten pa'am 'jig rten las 'das pa'i lam goms par byed pa na bar chad med pa dang rnam par grol ba'i lam gyi rim gyis dbang po dag 'pho'o zhes bya bar rig par bya'o//la la ni dad pas mos pa'i gnas skabs na'o zhes bya ba 'dir mi slob pa ma smos pa ni slob pa dang so so'i skye bo'i gnas skabs yin pa'i phyir te/mi slob pa yang dbang po dag 'pho'o zhes bya bar khong du chud par bya'o/ /ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes bya ba ni 'di dbang po rno ba'i phyir mthong ba'i chos la bde bar gnas pa dag las kyang yongs su nyams pa mi srid na rnam par grol ba mi g.yo ba las lta smos kyang ci dgos te mi srid do snyam nas 'dri ba yin no//sangs rgyas la ni nye bar spyad pa las yongs su nyams pa kho na mnga' zhes bya ba ni gdul ba'i don la zhugs pa'i phyir mthong ba'i chos la bde bar gnas pa dag nye bar mi spyod de mngon du mi mdzad do zhes bya ba'i don to//de dang ma thob pa las yongs su nyams pa yang yod ces bya ba ni mi g.yo ba'i chos can la ni ji zhig gis brtsal bas nye bar spyad pa la yongs su nyams pa de dang / gang zag khyad par can gyi chos ma thob pa'i phyir ma thob pa las yongs su nyams pa yang yod de/'di ltar mi g.yo ba'i chos can la yang la las nyan thos chen po 'phags pa shA ri'i bu dang maud gal la sogs pa'i rab kyi mtha' pa la sogs pa'i chos dang / rang byung gi chos kyang kha cig ma thob la nyan thos chen pos kyang rang byung gi chos khyad par can kha cig thob pa dang mi ldan no zhes bya ba la sogs pa yin no//dgra bcom pa gzhan la zhes bya ba ni yongs su nyams pa'i chos can la sogs pa dbang po rtul po la'o/ /thob pa las yongs su nyams pa yang yod do zhes bya ba la/yang zhes bya ba'i sgras ni sngar bshad pa'i yongs su nyams pa yang yod do/ /mi g.yo ba'i chos can nye bar spyad pa las yongs su nyams par 'byung ba'i phyir mdo dang mi 'gal lo zhes bya ba ni/ 'dis mthong ba'i chos la zhes bya ba nas gang yang rung ba zhig las 'di yongs su nyams par 'gyur bar ni nga smra zhes bya ba'i bar 'byung ba gang yin pa'i mdo de dang mi 'gal lo//dgra bcom pa drug car gyi rnam par grol ba yang mi g.yo ba yin no zhes bshad pa dang bye brag tu smra ba na re gal te dgra bcom pa thams cad kyi rnam par grol ba zag pa med pa mi g.yo ba nyid yin na/ci'i phyir dus dang mi sbyor bar rnam par grol ba kho na mi g.yo ba'i chos can du rnam par 'jog la gzhan dag ni ma yin zhes smra bar 'gyur te/ de'i phyir yongs su mi nyams par smra ba na re thams cad kyi rnam par grol ba zag pa med pa mi g.yo ba yin la zhes bya ba 'di smos te/de yang bden na/ mi g.yo ba'i chos can du ji ltar rnam par bzhag pa ni de bzhin du bshad zin ces bya ba ni mthong ba'i chos la bde bar gnas pa dag las ni la la rnyed pa dang bkur stis g.yen spyo ba'i nyes pas dbang nyams pa'i phyir yongs su nyams par 'gyur te/dbang po rtul po gang yin pa'o/ /la la yongs su nyams par mi 'gyur te/ dbang po rnon po gang yin pa ste/ de nyid mi g.yo ba'i chos can du gzhag go zhes bya ba yin no/ /gang gi phyir dbang po rtul po mthong ba'i chos la bde bar gnas pa dag las rnyed pa dang bkur stis g.yen spyo ba'i nyes pas yongs su nyams par 'gyur gyi dbang po rnon po ni ma yin pa de'i phyir ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes bya ba 'di ni klan kar mi rung ngo zhes zer ro//yang na 'di ni sbyar ba gzhan yin te/gong du ni mi g.yo ba'i chos can mthong ba'i chos la bde bar gnas pa dag las yongs su nyams pa med do zhes bshad do/ /mdo las ni khyad par du ma smos pas gang la rnam par grol ba mi g.yo ba yod pa de yang mthong ba'i chos la bde bar gnas pa dag las yongs su nyams pa skad du 'byung bas de'i phyir/thams cad kyi rnam par grol ba zag pa med pa ni mi g.yo ba yin zhes bya ba 'di brjod de/ de kho nas mi g.yo ba'i chos can du rnam par gzhag pa ni ma yin no snyam du bsams pa yin no/ /de nyid kyi phyir mi g.yo ba'i chos can du ji ltar rnam par gzhag pa ni de bzhin du bshad zin pas de'i phyir mdo sde la brten nas ji ltar mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes smras pa gang yin pa 'di ni klan kar mi rung ngo zhes zer ro//chung ngu zhes bya ba ni zhan pa'o//de lta ma yin na tshangs par spyad pa yid brtan du mi rung bar 'gyur ro zhes bya ba ni gal te dgra bcom pa nyid las yongs su nyams pa yang skye bar 'gyur na/ tshangs spyod 'di la legs spyad cing / /rnam la 'ang legs par bsgoms pa ni/ /ji ltar nad dang bral ba bzhin/ / che zad pa las dga' bar 'gyur/ /zhes bya ba yid brtan du rung ba de lta bur mi 'gyur ro/ /bya ba ma yin de mi byed/ /ces bya ba ni mi tshangs par spyod pa la sogs pa'i mtshan nyid do/ /rtsal po che 'gred pa rdeg mi 'cha' ba bzhin no zhes bya ba ni dper na rtsal po che 'gred na mthus bdag nyid gzung ba'i phyir rdeg 'cha' bar mi 'gyur ba de bzhin du 'phags pa 'bras bu las yongs su nyams pa yang 'bras bu de ma thob par mi 'chi 'o//rtsal po che zhes smos pa ni rtsal zhan pa ma yin no/ /gzhan dag na re rtsal po che ni stobs dang ldan pa yin no zhes zer ro/ /ji ltar goms par byas pa yin zhe na/slob pa dang mi slob pa'i lam dag gis brten por byas pa'i phyir ro zhes bya ba smos so/ /sbyor ba'i lam ni thams cad du gcig kho na yin no zhes bya ba ni mi g.yo ba rtogs par bya ba dang / mthong bas thob par byed pa la'o/ /'phags pa rnams kyi dbang po ni zag pa dang bcas pa'i lam gyis 'pho ba med do zhes bya ba ni 'phags pa'i dbang po 'pho bar brjod par 'dod pa'i phyir ro//de lta ma yin na/ la la ni so so'i skye bo'i gnas skabs na dbang po rnams 'pho'o zhes bya ba de 'gal bar 'gyur ro/ /gzhan du ni ma yin te/yongs su nyams pa mi srid pa'i phyir ro zhes bya ba ni yongs su nyams pas 'jigs pa'i phyir dbang po 'pho bar 'dod na gzhan 'dod pa na spyod pa'i lha'i ris drug dang / gzugs dang gzugs med pa'i khams dag na ni yongs su nyams pa med do/ /'phags pa khams gong mar skyes pa ni dbang po dag kyang mi 'pho la/ji ltar yang yongs su nyams par mi 'gyur ro zhes bshad pa yin te/ 'di la gtan tshigs ni dus gzhan gyi bar du yongs su bsgoms pas dbang po rnams ches yongs su smin pa'i phyir dang / rten khyad par can rnyed pa'i phyir ro zhes bshad pa yin no/ /yang ci'i phyir 'dod pa na spyod pa'i lha dag gi nang na yongs su nyams pa med ce na/ sngon yul shin tu rgya chen po dag las yid byung ste/ des na bden pa rnams mthong bar gyur pa gang yin pa de dag ji ltar de dag nyid la dmigs nas yongs su nyams par 'gyur te/gdon mi za bar dbang po rnon po dag yin no snyam du bsams pa yin no/ /mi slob pa dgu dag la brten te zhes bya ba ni de'i 'bras bu sa dgus bsdus pa nyid srid pa'i phyir ro/ /'bras bu dang 'bras bu khyad par can zhes bya ba la/ 'bras bu ni lan cig phyir mi 'ong ba'i 'bras bu'o//'bras bu khyad par can ni spong ba'i sbyor ba dang / bar chad med pa dang / rnam par grol ba dang / khyad par gyi lam gyi mtshan nyid bsam gtan dang po la sogs pa'o/ /lam gyi 'bras bu kho na 'thob par 'gyur zhes bya ba ni 'dod pa'i khams las 'dod chags dang bral ba tsam gyis bsdus pa'o//phyir mi 'ong ba'i 'bras bu gzugs med pas bsdus pa ni med do zhes bya ba ni/ mdo las/ tha ma'i cha dang mthun pa lnga spangs pa'i phyir phyir mi 'ong ba yin no zhes 'byung ba'i phyir dang / de na yang mthong ba'i lam med pa'i phyir te/de med pa ni 'dod pa'i khams la mi dmigs pa'i phyir ro zhes de ni bshad zin to/ /mi g.yo ba'i chos can rnam pa gnyis te zhes bya ba ni mdo las 'byung ba'i phyir ro/ /sangs rgyas gnyis ni mi g.yo ba'i bye brag kho na yin zhes bya ba ni mi g.yo ba'i chos can dbang po chung ngu dang /'bring dang / chen po'i bye brag gis rnam pa gsum du dbye ste/ nyan thos kyis mi g.yo ba'i chos can ni dbang po chen po'i chung ngu yin no/ /rang sangs rgyas ni dbang po chen po'i 'bring yin no/ /yang dag par rdzogs pa'i sangs rgyas ni chen po'i chen po yin no/ / chung ngu'i chung ngu la sogs po dbang po rnam pa dgu'i bye brag gis zhes bya ba ni yongs su nyams pa'i chos can dbang po chung ngu'i chung ngu yin pa nas bcom ldan 'das dbang po chen po'i chen po yin pa'i bar ro/ /bdun yin te zhes bya ba ni/ rang sangs rgyas dang yang dag par rdzogs pa'i sangs rgyas dag ni gnyi ga'i cha las rnam par grol ba kho nas bsdus pa'i phyir ro//dang po nyid nas zhes bya ba rgyas par 'byung ba ni dang po so so'i skye bo'i gnas skabs nyid na gzhan gyi dring 'jog pas gzhan las dran pa nye bar gzhag pa la sogs pa'i chos thos nas phyis don rnams la sbyor ba'i phyir te/bsam pa dang bsgom pa ston pa'i phyir ro zhes bya ba'i tha tshig go/ /de bzhin du sngon so so'i skyo bo'i gnas skabs nyid na shes rab kyis gsung rab yan lag bcu gnyis pa'i chos kyi rjes su 'brang bas bdag nyid kyis byang chub kyi phyogs dang mthun pa la sogs pa'i chos kyi rjes su 'brang zhing don rnams la sbyor ba'i phyir te/bsam pa dang bsgom pa bsten pa'i phyir ro/ /de ltar na sbyor ba las ni dad pa dang / chos kyi rjes su 'brang ba dag yin no/ /dad pas mos pa dang shes rab lhag pa'i sgo nas zhes bya ba ni dad pas mos pa lhag pa dang / shes rab lhag pa'i sgo nas so//dad pas mos pa ni dad pas mos pa ste/ de lhag pa'i phyir/ dbang po rtul po nyid yin la/ shes rab lhag pa'i phyir dbang po rnon po nyid yin no/ /rnam par grol ba las ni zhes bya ba ni nyon mongs pa las rnam par grol ba las so/ /shes rab kyis rnam par grol ba zhes bya ba ni shes rab kyis nyon mongs pa las rnam par grol ba'i phyir ro//snyoms par 'jug pa dang rnam par grol ba las ni zhes bya ba ni snyoms par 'jug pa dang rnam par grol ba las so/ /de la dad pa'i rjes su 'brang ba la dbang po'i sgo nas ni zhes bya ba rgyas par 'byung ba la/ dad pas rjes su 'brang ba 'di dag ji ltar bgrang ba de bzhin du gzhung ji lta ba rab tu bstan par bya ste/dbang po chung ngu dang / 'bring dang / chen po'i phyir dbang po'i sgo nas ni gsum mo/ /'dir yang 'di ltar khong du chud par bya ste/ dad pas rjes su 'brang ba thams cad dbang po rtul po kho na yin mod kyi/'on kyang shin tu rtul ba dang ches shin tu rtul bar gnas pa'i phyir 'di dag la dbang po chung ngu dang / 'bring dang / chen po zhes bya ba khyad par rnam pa gsum yod do/ /rigs kyi sgo nas ni lnga'o/ /ji lta zhe na/ yongs su nyams pa'i chos can gyi rigs nas rtogs pa'i skal ba can gyi rigs zhes bya ba'i bar lnga yin no//yang rigs dang dbang po'i bye brag gis brgyad du gyur pa de dag re re zhing lam gyi sgo nas ni bco lnga yin no/ /ji lta zhe na bzod pa brgyad dang shes pa bdun la gnas pa'o zhes bya ba smos te/ mthong ba'i lam la skad cig bco lnga ste/sdug bsngal la chos shes pa'i bzod pa nas lam la rjes su shes pa'i bzod pa'i bar bzod pa brgyad dang / sdug bsngal la chos shes pa nas 'gog pa la rjes su shes pa'i phyir shes pa bdun no/ /lam la rjes su shes pa ni bsgom pa'i lam gyis bsdus pa'i phyir ro//brgyad dang bdun ni bco lngar 'gyur te/ de lta bu de la gnas pa bco lnga yin no/ /de ltar lam gyi sgo nas rnam pa bco lngar tha dad pa 'di dag yang re re bzhin 'dod chags dang bral ba'i sgo nas ni bdun cu rtsa gsum ste/ ji lta zhe na/ re zhig 'dod pa'i khams la 'ching ba mtha' dag dang ldan pa gcig dang /'dod pa las 'dod chags dang bral ba rnam pa gcig las 'dod chags dang bral ba nas rnam pa dgu las 'dod chags dang bral ba'i bar dang / ci yang med pa'i skye mched las 'dod chags dang bral ba dgu'i bar yin no/ /gong na ni mi srid de/'jig rten pa'i lam srid pa'i rtse mo'i gnyen po med pa'i phyir ro/ /de dag ni dgu brgyad ni bdun cu gnyis yin te/ sngar bshad pa 'ching ba mtha' dag dang ldan pas bsnan na bdun cu rtsa gsum du 'gyur ro/ /yang 'dod chags dang bral ba'i sgo nas bdun cu rtsa gsum du so sor tha dad pa 'di dag re re zhing rten gyi sgo nas ni dgu'o//ji lta zhe na/ gling gsum dang / lha'i ris drug tu skyes pa'o zhes bya ba smos te/ gling gsum ni byang gi sgra mi snyan ma gtogs pa dag ste/ byang gi sgra mi snyan na ni lam med pa'i phyir ro/ /lha'i ris drug ni 'dod pa na spyod pa dag ste/ de'i gong na mthong ba'i lam med pa'i phyir ro/ /de rnams su skyes pas na 'di dag re re zhing dgu 'gyur du 'gyur ro/ /dbang po dang rigs dang / lam dang / 'dod chags dang bral ba dang / rten gyi sgo nas bsdoms na ni zhes bya ba ni mjug sdud par smos pa ste/ 'di nyid gcig go zhes bya ba ni 'grel pa'i nang du bris par zad do//gang zag gzhan dag kyang ci rigs par de bzhin du brtsi bar bya'o zhes bya ba ni chos kyi rjes su 'brang ba la sogs pa ste/ ji ltar dad pas rjes su 'brang ba dbang po dang / rigs dang lam dang 'dod chags dang bral ba dang rten gyi sgo nas brtsis pa de kho na bzhin du brtsi bar bya'o//ci rigs par zhes bya ba ni chos kyi rjes su 'brang ba dang / mthong bas thob pa dang / dus dang mi sbyor bar rnam par grol ba rnams la ni rigs kyi khyad par med la/ dad pas mos pa dang / dus kyis rnam par grol ba dag la ni/ rigs kyi khyad par yang yod pas ci rigs par zhes smos so/ / de la chos kyi rjes su 'brang ba dbang po'i sgo nas ni gsum mo/ /rigs kyi sgo nas ni gcig kho na ste khyad par med do/ /lam gyi sgo nas ni bco lnga ste/ bzod pa brgyad dang shes pa bdun la gnas pa'o/ /'dod chags dang bral ba'i sgo nas ni bdun cu rtsa gsum ste/ 'ching ba mtha' dag dang ldan pa dang /'dod pa las 'dod chags dang bral ba'i phyir dgu nas de bzhin du ci yang med pa'i skye mched las 'dod chags dang bral ba'i phyir gyi bar du'o/ /rten gyi sgo nas ni dgu ste/ gling gsum dang / lha'i ris drug tu skyes pa'o/ /de bzhin du dbang po dang / rigs dang / lam dang /'dod chags dang bral ba dang / rten gyi sgo nas bsdoms na ni nyi khri dgu stong lnga brgya drug cu rtsa lngar 'gyur ro/ /de bzhin du dad pas mos pa dbang po'i sgo nas ni gsum mo/ /rigs kyi sgo nas ni so sor lnga'o/ /'dod chags dang bral ba'i sgo nas ni so sor bdun cu rtsa gsum kho na ste snga ma bzhin no//rten gyi sgo nas ni dgu ste/ gling gsum dang / lha'i ris drug tu skyes pa'o/ /de bzhin du dbang po dang / rigs dang / 'dod chags dang bral ba dang / rten gyi sgo nas bsdoms na ni dgu stong brgyad brgya lnga bcu rtsa lngar 'gyur ro/ /'dir ni 'bras bu la gnas pa sems bcu drug thob pa 'ba' zhig gi dbang du byas pa yin te/de'i tshe dbang po rtul po dang / rnon po dag dad pas mos pa dang / mthong bas thob pa dag yin pas 'dir de gnyis brjod par 'dod pa'i phyir ro/ /skal ldan khyad par can na re lam gyi sgo nas ni dgu yin te/ bsgom pa'i lam la gnas pa yin no zhes zer ro/ /de ni bsam pa gang gis de skad du smras pa khong du ma chud do/ /gal te 'di skad du lam gyi sgo nas ni sa dang sa na dgur 'gyur ro snyam du sems par 'gyur na ni 'dod chags dang bral ba'i sgo nas ni bdun cu rtsa gsum ste zhes bya ba de dang tha mi dad pa'i phyir de kho na bstan par gyur pas rigs pa yin te/tshad kyang de kho nar zad do/ /'on te bsgom pa'i lam zag pa med pa sa dgu pa la gnas pa'i phyir 'di dag dgu nyid du rnam par 'jog na ni/ de lta yin na tshad de yang dgur bsgyur ba byas na de dag 'di snyed du 'gyur te/ brgyad khri brgyad stong drug brgya dgu bcu rtsa lngar 'gyur te/de bzhin du 'og ma yang bshad par bya'o/ /gal te dad pas mos pa rdo rje lta bu'i ting nge 'dzin gyi bar bzung na ni de'i phyir de lta bu ma yin par brtsi dgos te/ dad pas mos pa dbang po'i sgo nas ni gsum mo/ /rigs kyi sgo nas ni so sor lnga'o/ / 'dod chags dang bral ba'i sgo nas ni bdun cu rtsa gsum gyi thog tu srid pa'i rtse mo'i rnam pa brgyad las 'dod chags dang bral ba'i phyir brgyad kyis bsnan te brgyad cu rtsa gcig go/ /rten gyi sgo nas ni nyi shu rtsa dgu'o/ /ji lta zhe na/ 'dod pa'i khams ni skye ba'i gnas dgu dang / gzugs kyi khams na gnas bcu drug dang /gzugs med pa bzhi'o/ /de bzhin du dbang po dang / rigs dang / 'dod chags dang bral ba dang / rten gyi sgo nas bsdoms na ni sum khri lnga stong nyis brgya sum cu rtsa lnga'o/ /mthong bas thob pa la rigs kyi bye brag ni med do/ /dbang po dang / 'dod chags dang bral ba dang /rten gyi sgo nas bsdoms na ni stong dgu brgya bdun cu rtsa gcig tu 'gyur ro/ /gal te mthong bas thob pa rdo rje lta bu'i ting nge 'dzin gyi bar gzung na ni 'di ltar brtsi bar bya ste/ dbang po dang / 'dod chags dang bral ba dang / rten gyi sgo nas bsdoms na bdun stong bzhi bcu rtsa bdun du 'gyur ro//lus kyis mngon du byed pa ni dad pas mos pa dang / mthong bas thob pa'i nang du 'dus pas mi rtsi'o/ /gal te rtsi na dbang po'i sgo nas ni gsum mo/ /rigs kyi sgo nas ni gal te lus kyis mngon du byed pa de dad pas mos pa yin na lnga'o/ /gal te mthong bas thob pa yin na ni rigs kyi khyad par med do//lam ni gnyi ga'i yang dbye ba med do/ /ci yang med pa'i skye mched las 'dod chags dang bral ba'i phyir 'dod chags dang bral ba'i sgo nas kyang khyad par med do/ /gal te srid pa'i rtse mo pa'i 'ching ba mtha' dag dang ldan pa dang rnam pa gcig las 'dod chags dang bral ba nas rnam pa brgyad las 'dod chags dang bral ba'i bar zhig yin na ni lam dang 'dod chags dang bral ba'i sgo nas khyad par yod mod kyi lus kyis mngon du byed pa nyid ni lam dang 'dod chags dang bral bas byas pa ma yin pas 'di des byas pa de'i khyad par du ni rnam par mi gzhag [(]'o[,]go/[) ]/skal ldan khyad par can na re rten gyi sgo nas ni khyad par rnam pa mang ste/'dod pa na spyod pa'i rten can yin pa nas srid pa'i rtse mo'i bar gyi rten can yin pa'i phyir ro zhes zer te/ ji ltar na lus kyis mngon du byed pa nam mkha' mtha' yas skye mched la sogs pa'i rten can yin/ 'di ltar rigs pa snyam byed de/ rten gyi sgo nas ni 'dod pa'i khams na skye ba'i gnas dgu dang / gzugs kyi khams na gnas bcu drug ste nyi shu rtsa lnga'o/ /'phags pa ni de dag tu 'gog pa'i snyoms par 'jug pa skyed do/ /gal te 'dod pa dang gzugs kyi rten can gyi 'gog pa'i snyoms par 'jug pa'i skyed pa dang ldan pa'i phyir mi 'ong ba lus kyis mngon du byed par gyur pa de'i ldan pa tsam dang 'brel pa'i phyir phyis kyang lus kyis mngon du byed pa srid pa'i rtse mo'i rten can nyid du 'dod na ni srid pa'i rtse mo'i rten can dang nyi shu rtsa drug yin par khong du chud par bya'o//de bzhin du dbang po dang / rigs dang rten gyi sgo nas bgrangs te brtsi bar bya ste/shes rab kyis rnam par grol ba'i bye brag kyang dbang po'i sgo nas ni gsum mo/ shes rab kyis rnam par grol ba rigs kyi sgo nas ni gal te dus kyis rnam par grol ba zhig yin na lnga'o/ /'on te dus dang mi sbyor ba rnam par grol ba zhig yin na ni khyad par med do/ / gnyi ga'i cha las rnam par grol ba yang de bzhin du sbyar bar bya'o/ /shes rab dang ting nge 'dzin gyi stobs dag gis nyon mongs pa dang rnam par thar pa'i sgrib pa las rnam par grol ba'i phyir ro zhes bya ba ni shes rab kyi stobs kyis nyon mongs pa'i sgrib pa las rnam par grol ba'i phyir dang /ting nge 'dzin gyi stobs kyis rnam par thar pa'i sgrib pa las rnam par grol ba'i phyir ro/ /rnam par thar pa dag ni gzugs can gzugs rnams la lta ba zhes bya ba brgyad 'chad par 'gyur ro/ /de la nyon mongs pa'i sgrib pa zhes bya ba ni nyon mongs pa nyid sgrib pa yin no//rnam par thar pa'i sgrib pa zhes bya ba ni rnam par thar pa rnams kyis sgrib pa yin te/ de yang gang gis rnam par thar pa dag skyed par mi nus pa ste/ lus dang sems las su mi rung ba nyid do/ /'di la gang zhig nyon mongs pa lnga spangs te zhes bya ba ni 'jig tshogs la lta ba la sogs pa tha ma'i cha dang mthun pa lnga bshad pa yin no//mi 'phrogs chos ldan zhes bya ba ni yongs su mi nyams pa'i chos can zhes bya ba'i tha tshig go/ /'bras bu kho na las so zhes bya ba rgyas par 'byung ba ni dad pas mos pa yin pa'i phyir dbang po'i sgo nas yongs su rdzogs pa nyid ma yin no/ / lus kyis mngon du byed pa ma yin pa'i phyir snyoms par 'jug pa'i sgo nas kyang ma yin no/ /phyir mi 'ong ba yin pa'i phyir 'bras bu'i sgo nas ni yongs su rdzogs pa nyid yod do/ /dbang po kho na las so zhes bya ba ni mthong bas thob pa yin pa'i phyir dbang po'i sgo nas yongs su rdzogs pa nyid yin la/'dod chags dang ma bral ba'i phyir 'bras bu'i sgo nas kyang ma yin la/ snyoms par 'jug pa'i sgo nas kyang ma yin te/ phyir mi 'ong ba'i 'bras bu dang / snyoms par 'jug pa dag ma thob pa'i phyir ro/ /de bzhin du gzhan dag la yang ci rigs par sbyar bar bya'o/ /snyoms par 'jug pa kho na dang zhes bya ba ni snyoms par 'jug pa kho na'i sgo nas yongs su rdzogs pa nyid yin gyi/dbang po dang 'bras bu dag gi sgo nas ni ma yin no zhes bya ba de ni med do/ /ci'i phyir zhe na/ phyir mi 'ong ba'i 'bras bu ma thob par 'gog pa'i snyoms par 'jug pa med pas so/ /'bras bu med par snyoms par 'jug pa dang /dbang po las zhes bya ba ni 'gog pa'i snyoms par 'jug pa dang dbang po kho na las yongs su rdzogs pa nyid yin gyi 'bras bu'i sgo nas ni ma yin no zhes bya ba de yang med de/ 'di ltar phyir mi 'ong ba'i 'bras bu ma thob pa la 'gog pa'i snyoms par 'jug pa med pas so/ /dbang po dang snyoms par 'jug pa las so zhes bya ba ni dbang po rno ba'i phyir dang /'gog pa'i snyoms par 'jug pa thob pa'i phyir zhes bya ba'i tha tshig go/ /dbang po kho na las so zhes bya ba ni dus dang mi sbyor bar rnam par grol ba zhes 'byung ba'i phyir/ 'di dbang po'i sgo nas ni yongs su rdzogs pa nyid yin la/shes rab kyis rnam par grol ba zhes 'byung ba'i phyir 'di snyoms par 'jug pa'i sgo nas yongs su rdzogs pa nyid ni ma yin te/ 'gog pa'i snyoms par 'jug pa ma thob pa ni shes rab kyis rnam par grol ba zhes bshad do/ /snyoms par 'jug pa kho na las so zhes bya ba ni dus kyis rnam par grol ba zhes 'byung ba'i phyir 'di dbang po'i sgo nas yongs su rdzogs pa nyid ma yin no//gnyi ga'i cha las rnam par grol ba zhes 'byung ba'i phyir 'di snyoms par 'jug pa'i sgo nas yongs su rdzogs pa nyid ni yin te/ 'gog pa'i snyoms par 'jug pa thob pa ni gnyi ga'i cha las rnam par grol ba zhes bshad do//dbang po dang snyoms par 'jug pa dag las so zhes bya ba ci zhe na/ yongs su rdzogs pa nyid yin te/ dus dang mi sbyor bar rnam par grol ba'i phyir dbang po'i sgo nas so/ /gnyi ga'i cha las rnam par grol ba'i phyir snyoms par 'jug pa las so zhes ston par byed do//bar chad med pa'i lam ni gang gis sgrib pa rab tu spong ba'o zhes bya ba ni mi spong ba'i lam srid pa'i phyir te/ bar chad med pa'i lam gang zhig gis dbang po 'pho ba la sogs par sgrib pa rab tu mi spong bar byed pa de yod do/ /des spang bar bya ba'i sgrib pa las nges par grol ba dang po nyid du skye ba gang yin pa'o zhes bya ba ni bar chad med pa'i lam gyis spang bar bya ba'i sgrib pa las nges par grol ba gang yin pa'o//dang po nyid du zhes bya ba khyad par smos pa ni/ 'di ltar skad cig ma gsum pa la sogs pa la de dang rigs mthun pa'i lam ni khyad par can gyi lam yin par 'dod de/de nyid kyi phyir khyad par can gyi lam ni de dag las gzhan pa'i lam gang yin pa'o zhes bya ba smos so/ /gzhan yang gal te dang po nyid du zhes bya ba ma brjod kyi rnam par grol ba'i lam ni des spang bar bya ba'i sgrib pa las nges par grol ba gang yin pa'o zhes bya ba de tsam zhig smos par 'gyur na/de lta na ni sdug bsngal la chos shes pa phan chad bar chad med pa'i lam la sogs pa thams cad des spang bar bya ba'i sgrib pa las nges par grol bar skye ba yin pas thams cad rnam par grol ba'i lam du 'gyur ba zhig na bar chad med pa'i lam la sogs pa yang rnam par grol ba'i lam nyid du thal bar 'gyur ba'i phyir de yang mi 'dod do//de lta bas na bar chad med pa'i lam sdug bsngal la chos shes pa'i bzod pas spang bar bya ba'i sgrib pa mthong bas spang bar bya ba'i ris nas/ bsgom pas spang bar bya ba'i ris kyi bar gang yin pa spang bar bya ba'i sgrib pa de las nges par grol bas dang po nyid du skyes pa gang yin pa des rnam par grol ba'i lam yin gyi gzhan ni des spang bar bya ba'i sgrib pa las nges par grol ba nyid yin yang ma yin no//sbyor ba'i lam la sogs pa gsum po de dag las gzhan pa gang yin pa de ni khyad par can gyi lam yin te/ skad cig ma bcu drug pa lam la rjes su shes pa'i mtshan nyid phan chad de dang ris mthun pa skad cig ma bcu bdun pa la sogs pa zag pa med pa'i skad cig ma gang yin pa de dag ni khyad par can gyi lam gyi ngo bo nyid yin par khong du chud par bya'o//gzhan rnam par grol ba'i ye shes kyi rab kyi mtha' pa zad pa shes pa la sogs pa gang yin pa de yang de dang 'dra bar brjod par bya ste/mthong ba'i chos la bde bar gnas par byed pa'am/ yon tan khyad par can mngon par sgrub par byed pa'i lam gang yin pa de yang khyad par can gyi lam kho na yin no/ /sbyor ba'i lam ni gang gi mjug thogs su bar chad med pa'i lam skye ba'o zhes bshad pas de'i phyir sbyor ba'i lam ni 'jig rten pa'i chos kyi mchog yin no zhes bya bar mngon no//lugs las bzlog par bzod pa la sogs pa'i lam gang yin pa de gang gi nang du 'dus par brjod par bya zhe na smras pa/ sbyor ba'i lam kho na'i nang du 'dus na 'di ni sbyor ba'i lam thag ring po yin pas de ni 'jig rten pa'i chos kyi mchog dag dang khyad par de yod do//yang na dper brjod pa'i phyir bar chad med pa dang / nye ba kho na sbyor ba'i lam du bshad do// //bam po lnga bcu gnyis pa/ de nas der 'gro ba'i phyir 'di ni mya ngan las 'das pa'i lam yin no zhes bya ba ni 'jig rten na gang nas 'gro ba de lam yin no zhes grags la 'di nas kyang mya ngan las 'das par 'gro zhing phyin par byed de/de lta bas na lam yin no zhes ston par byed do/ /'dis mya ngan las 'das pa tshol ba'i phyir zhes bya ba ni skad kyi dbyings las lam tshol bar byed pa yin no zhes 'byung bas gang gis mya ngan las 'das pa tshol zhing thob par byed pa de ni lam yin no//rnam par grol ba dang khyad par can gyi lam dag ji ltar na lam nyid yin zhes bya ba ni de gnyis kyis mya ngan las 'das pa thob par byed pa ma yin te/ de thob pa la ni sbyor ba dang bar chad med pa'i lam kho na nus pa yod kyi de gnyis ni ma yin no snyam du bsams pa yin no//de dang 'dra ba dang ches che ba yin pa'i phyir zhes bya ba ni dmigs pa dang rnam pa dang zag pa med pa nyid du chos mthun pa'i phyir spang ba'i lam dang 'dra ba yin la/ rgyu bsags pa'i sgo nas ches che ba dag kyang yin te/ ji ltar bar chad med pa'i lam bden pa bzhi la dmigs shing rnam pa bcu drug dang zag pa med pa yin pa ltar rnam par grol ba dang khyad par can gyi lam dag kyang de dang 'dra la ches che ba nyid kyis de gnyis khyad zhugs pa yang yin no//gong nas gong du phyin par byed pa'i phyir ram phung po'i lhag ma ma lus par 'jug pa'i phyir ro zhes bya ba ni gang gi phyir rnam par grol ba'i lam dang khyad par can gyi lam gyis lam gong nas gong du phyin par byed pa'am/gang gi phyir de gnyis kyis phung po'i lhag ma med pa'i mya ngan las 'das par 'jug ste/ de dag skyes nas phung po'i lhag ma med pa'i mya ngan las 'das par 'jug pa de'i phyir 'di gnyis lam nyid yin no zhes bya ba'i tha tshig go//gzhan dag na re 'di skad du gong nas gong du phyin par byed pa'i phyir phung po'i lhag ma ma lus par 'jug pa yin te/ de lta bas na 'di gnyis lam nyid yin no zhes zer ro/ /mya ngan las 'das pa sgrub par byed pa'i phyir zhes bya ba ni 'di ltar 'dis mya ngan las 'das pa sgrub par byed pas zhes bya ba'i tha tshig go//de bzhin du sla ba yang rnam pa gnyis so zhes bya ba ni mngon par shes pa bul ba sla ba'i lam yang yod/ mngon par shes pa myur ba sla ba'i lam yang yod ces bya ba yin no/ /yan lag gis yongs su zin pa dang / zhi gnas dang lhag mthong mnyam pa dag gis 'bad mi dgos par ngang gis 'byung ba'i phyir ro zhes bya ba ni yan lag dag gis yongs su zin pa dang /zhi gnas dang lhag mthong dag mnyam pa nyid ni yan lag gis yongs su zin pa dang / zhi gnas dang lhag mthong mnyam pa nyid de/ de dag gis na 'bad mi dgos par ngang gis 'byung ba yin pas de'i phyir lam sla ba yin no//gang gi phyir bsam gtan dag ni yan lag gis yongs su zin pa dang / zhi gnas dang lhag mthong dag mnyam pa yin pa de'i phyir 'bad pa mi dgos par ngang gis 'byung ba yin pas de'i phyir lam de ni sla ba zhes bya'o/ /yan lag gis yongs su ma zin pa'i phyir zhes bya ba rgyas par 'byung ba ni mi lcogs pa med pa dang /bsam gtan khyad par can dang / gzugs med pa dag ni yan lag gis yongs su ma zin pa'i phyir 'bad nas 'byung ba yin no/ /de dag ci rigs par zhi gnas dang lhag mthong chung ba'i phyir 'bad nas 'byung ba yang yin te/mi lcogs pa med pa dang / bsam gtan khyad par can dag ni zhi gnas chung ba'i phyir 'bad nas 'byung ba yin no/ /gzugs med pa dag ni lhag mthong chung ba'i phyir 'bad nas 'byung ba yin no/ /de'i phyir mi lcogs pa med pa la sogs pa de dag ni lam dka' ba yin no//mngon par shes pa bul ba zhes bya ba ni 'di la mngon par shes pa bul ba yod pas mngon par shes pa bul ba ste/ shes rab chung ba zhes bya ba'i tha tshig go/ /mngon par shes pa myur ba zhes bya ba ni shes rab rno ba'o/ /yang na mngon par shes pa 'di gang zag mong rtul zhing blun pa'i yin pas mngon par shes pa bul ba yin te/de bzhin du mngon par shes pa gang zag yid rnon po'i yin pas mngon par shes pa myur ba'o zhes bya bar sbyar bar bya'o/ /dran pa nye bar gzhag pa bzhi ni lus dang / tshor ba dang / sems dang / chos dran pa nye bar gzhag pa ji skad du bshad pa dag yin no//yang dag par spong ba bzhi ni sdig pa mi dge ba'i chos skyes pa rnams spong ba'i phyir 'dun pa skyed do/ /rtsol ba byed do/ /brtson 'grus rtsom mo/ /sems rab tu 'dzin to/ /yang dag par rab tu 'jog go/ /sdig pa mi dge ba'i chos ma skyes pa rnams ni mi skyed pa'i phyir 'dun pa skyed do zhes bya ba snga ma bzhin no//dge ba'i chos ma skyes pa rnams skyed pa'i phyir 'dun pa skyed do zhes bya ba snga ma bzhin no/ /dge ba'i chos skyes pa rnams gnas pa dang / mi brjed pa dang / bsgom pa yongs su rdzogs par bya ba dang / phyir zhing goms pa dang / 'phel zhing rgyas pa dang /ye shes kyis mngon sum du bya ba'i phyir 'dun pa skyed do zhes bya ba snga ma bzhin no/ /rdzu 'phrul gyi rkang pa bzhi ni 'dun pa'i ting nge 'dzin spong ba'i 'du byed dang ldan pa/ rdzu 'phrul gyi rkang pa dang / de bzhin du brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa rdzu 'phrul gyi rkang pa dag ste/rdzu 'phrul gyi rkang pa ni rdzu 'phrul gyi rgyu zhes bya ba'i tha tshig go/ /dbang po lnga ni dad pa dang / brtson 'grus dang / dran pa dang / ting nge 'dzin dang / shes rab kyi dbang po dag go/ /stobs lnga ni dad pa dang / brtson 'grus dang / dran pa dang / ting nge 'dzin dang / shes rab kyi stobs dag go//byang chub kyi yan lag bdun ni dran pa dang / chos rab tu rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag dag ste/ dran pa nyid yang dag byang chub kyi yan lag yin pas dran pa yang dag byang chub kyi yan lag ste btang snyoms nyid yang dag byang chub kyi yan lag yin pas na btang snyoms yang dag byang chub kyi yan lag gi bar du yang de dang 'dra'o//'phags pa'i lam yan lag brgyad ni yang dag pa'i lta ba dang / yang dag pa'i rtog pa dang / yang dag pa'i ngag dang /yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /de gnyis kyis ma rig pa ma lus par spangs pa'i phyir zhes bya ba ni gang gi phyir khams gsum pa'i ma rig pa ma lus par spangs pa de'i phyir de gnyi ga byang chub yin te/'dis ni slob pa dang so so'i skye bo rnams kyi shes rab ni byang chub tu rnam par mi bzhag go zhes ston par byed do/ /gzhan yang go rims bzhin du/ rang gi don byas pa dang yang byar med pa nyid yang dag pa ji lta ba bzhin du rtogs pa'i phyir te/zad pa shes pas bdag gis sdug bsngal yongs su shes so zhes bya bar yang dag pa ji lta ba bzhin du rab tu shes so/ /bdag gis kun 'byung ba spangs so zhes bya ba dang / bdag gis 'gog pa mngon du byas so zhes bya ba dang / bdag gis lam bsgoms so zhes bya bar yang dag pa ji lta ba bzhin du shes so zhes bya bar yang dag pa ji lta ba bzhin rtogs pa'i phyir zad pa shes pa de byang chub yin no//mi skye ba shes pas kyang bdag gis sdug bsngal yongs su shes te/ yang yongs su shes par byar med do zhes bya bar yang dag pa ji lta ba bzhin du rab tu shes so/ / bdag gis kun 'byung ba spangs te/ yang spang du med do zhes bya ba dang / bdag gis 'gog pa mngon du byas te/ yang mngon du byar med do zhes bya ba dang / bdag gis lam bsgoms te/ yang bsgom du med do zhes bya bar yang dag pa ji lta ba bzhin du rab tu shes so zhes bya bar yang byar med pa ji lta ba bzhin rtogs pa'i phyir mi skye ba shes pa de yang byang chub yin no//bdag gis sdug bsngal yongs su shes so zhes bya ba 'dis ni zad pa shes pa bstan la/ yang shes par byar med do zhes bya ba 'dis ni mi skye ba shes pa bstan pas gnyi ga yang gang zag dbang po rnon po'i yin par ston to zhes thams cad la sbyar bar bya'o//de ltar zad pa shes pa dang / mi skye ba shes pa byang chub yin no zhes yan lag gi don rab tu bsgrubs nas spyi'i don rab tu bsgrub pa'i phyir/ de dang mthun pa nyid phyir/ sum cu rtsa bdun de'i phyogs mthun/ /zhes bya ba smos te/ byang chub de dang mthun pa ni de dang mthun pa'o//de'i ngo bo ni de dang mthun pa nyid de/ de dang mthun pa nyid de'i phyir byang chub kyi phyogs dang mthun pa'o/ /byang chub kyi phyogs la bzang zhing mthun pas na gsung rab las/ dran pa nye bar gzhag pa la sogs pa sum cu rtsa bdun byang chub kyi phyogs dang mthun pa yin par 'byung ngo //rdzas sum cu zhes bya ba ni kha cig gi gzhung lugs yin te/ bye brag tu smra ba rnams kyi ltar na lus dang ngag dag tha dad pa'i phyir tshul khrims kyi yan lag rnams rdzas gnyis yin pas bcu gcig yin no zhes 'chad par 'gyur ba'i phyir ro/ /dran pa nyer gzhag shes rab ste/ /zhes bya ba ni dran pa nye bar gzhag pa ni shes rab yin no zhes bya ba'i tha tshig go//'dis dran pa nye bar 'jog pa'i phyir te/ 'di ltar mdo las/ lus la lus kyi rjes su lta zhing gnas so zhes bya ba rgyas par 'byung ngo / /brtson 'grus yang dag 'jog ces bya/ /zhes bya ba ni 'di ltar sdig pa mi dge ba'i chos skyes pa rnams spangs pa'i phyir 'dun pa skyed do//rtsol bar byed do/ /brtson 'grus rtsom mo zhes 'byung ba thams cad sbyar ro/ /rdzu 'phrul rkang pa'i ting 'dzin to/ /zhes bya ba ni 'di ltar 'dun pa'i ting nge 'dzin spong ba'i 'du byed dang ldan pa rdzu 'phrul gyi rkang pa sgom par byed do zhes 'byung ba thams cad sbyar ro//'dir spong ba'i 'du byed ces smos pa'i mdo las brgyad 'byung ba yin no/ /ji lta zhe na de lta bu'i 'dun pa gang yin pa dang / rtsol ba gang yin pa dang / shin tu sbyangs pa gang yin pa dang / dran pa gang yin pa dang / shes bzhin gang yin pa dang / sems 'du byed pa gang yin pa dang / sems mngon par 'du byed pa gang yin pa dang / btang snyoms gang yin pa de dag ni spong ba'i 'du byed ces bya'o zhes 'byung ngo / /de'i phyir re zhig dbang po dang zhes rgyas par 'byung ba ni rang gi ming gis smos pa'i dbang po dang stobs kyi ngo bo nyid dad pa dang / brtson 'grus dang / dran pa dang / ting nge 'dzin dang / shes rab kyi rdzas lnga gang dag yin pa de dag las dran pa nye bar gzhag pa bzhi po gang dag yin pa de ni shes rab kho na yin la/ byang chub kyi yan lag dag gi nang na chos rnam par 'byed pa yang dag byang chub kyi yan lag gang yin pa dang / lam dag gi nang na yang dag pa'i lta ba gang yin pa yang rdzas gzhan ma yin no//yang dag par spong ba bzhi po gang dag yin pa dang / byang chub kyi yan lag dag gi nang na brtson 'grus yang dag byang chub kyi yan lag gang yin pa dang / lam dag gi nang na yang dag pa'i rtsol ba gang yin pa de ni brtson 'grus kho na yin no/ / rdzu 'phrul gyi rkang pa bzhi po gang dag yin pa dang / byang chub kyi yan lag dag gi nang na ting nge 'dzin yang dag byang chub kyi yan lag gang yin pa dang / lam gyi nang na yang dag pa'i ting nge 'dzin ni ting nge 'dzin kho na yin no/ /gang shes rab kyi dbang po la sogs pa'i ngo bo nyid ma yin pa ci zhig lus she na/byang chub kyi yan lag dag gi nang na dga' ba dang / shin tu sbyangs pa dang / btang snyoms yang dag byang chub kyi yan lag rnams dang / lam gyi yan lag dag gi nang na yang dag pa'i rtog pa dang / tshul khrims kyi yan lag gsum po yang dag pa'i ngag dang / yang dag pa'i las kyi mtha' dang /yang dag pa'i 'tsho ba rnams zhes bya ba dag lus so/ /rdzas bcu po yin no zhes bya ba ni dad pa la sogs pa lnga dang / dga' ba yang dag byang chub kyi yan lag la sogs pa lnga ste/ tshul khrims kyi yan lag gsum ni rnam par rig byed ma yin pa'i ngo bo nyid yin pa'i phyir rdzas gcig tu rnam par gzhag go//bye brag tu smra ba rnams kyi ltar na lus dang ngag gi las dag tha dad cing rigs mi mthun pa'i phyir rdzas gnyis yin pas rdzas bcu gcig yin no/ /bsam pa'i dbang gis ni phyogs gnyi ga ltar na yang nyes pa med do/ /gal te dngos su tshogs pa de la rdzas ji snyed cig yod pa ril gyis bgrang na ni de dag rdzas bcu ma yin pa de nyid de/mnyam par gzhag pa'i rnam par rig byed ma yin pa'i gzugs rnams rdzas bdun yin pa'i phyir rdzas bcu drug yin no zhes brjod dgos par 'gyur ro/ /gtso bo smos pas dran pa nye bar gzhag pa la sogs pa ni shes rab la sogs pa'i rang bzhin yin no zhes de skad bshad kyi dran pa nye bar gzhag pa dang /yang dag par rab tu 'jog pa dang rdzu 'phrul gyi rkang pa rnams ni ci rigs par sbyor ba las byung ba'i yon tan thos pa dang bsams pa dang bsgoms pa las byung ba zag pa dang bcas pa dang zag pa med pa thams cad kyang yin no//gtso bo zhes bya ba ni de'i stobs kyis gzhan dag 'jug pa la bya'i de dag med pa ni ma yin te/ dran pa nye bar gzhag pa rnams kyi gtso bo ni shes rab yin pas de'i phyir shes rab smos kyi/ dran pa nye bar gzhag pa shes rab kho na yin par ni ma zad do/ /'o na ci zhe na/ shes rab dang / brtson 'grus dang / ting nge 'dzin dang / dga' ba dang / shin tu sbyangs pa dang / btang snyoms dang / yang dag pa'i rtog pa la sogs pa yang yin no/ /sbyor ba las byung ba zhes smos pa ni skyes nas thob pa'i dad pa la sogs pa gsal ba'i phyir ro/ /de bzhin du yang dag par spong ba rnams kyi gtso bo ni brtson 'grus yin la/rdzu 'phrul gyi rkang pa rnams kyi gtso bo ni ting nge 'dzin yin pas zhes bya ba rgyas par brjod par bya'o/ /rdzu 'phrul gyi rkang pa dag ni ting nge 'dzin yin no zhes bya ba 'di ga las byung zhe na/ mdo las te/ dge slong dag dge slong gi 'dun pa'i dbang du byas nas ting nge 'dzin thob ste/de ni 'di'i 'dun pa'i ting nge 'dzin yin no/ /dge slong dag dge slong gi sems dang / brtson 'grus dang / dpyod pa'i dbang du byas nas kyang ting nge 'dzin thob ste/ de ni 'di'i dpyod pa'i ting nge 'dzin gyi bar yin no zhes gsungs so/ /des lus dang ngag dang yid yang dag par rab tu 'jog pas so zhes bya ba ni rab tu 'jog pa dang /'dzin pa dang / nges par byed pa'am/ res 'ga' 'dis 'jug par byed pas na rab tu 'jog pa'o/ /de ni yon tan thams cad 'byor pa'i rten yin pa'i phyir ro zhes bya ba ni 'di ltar yon tan thams cad 'byor pa'i mtshan nyid rdzu 'phrul ni ting nge 'dzin de la brten te/rdzu 'phrul gyi rkang pa dang / rten yin pas na rdzu 'phrul gyi rkang pa zhes bya'o/ /gang dag rdzu 'phrul ni ting nge 'dzin kho na yin la 'dun pa la sogs pa 'dun pa dang / sems dang brtson 'grus dang / dpyod pa zhes bya ba dag ni rkang pa yin no zhes de skad du zer ba bye brag tu smra ba de dag gi ltar na 'dun pa dang sems pa dag lhag pa'i phyir bcu gcig gi nang du bsnan na byang chub kyi phyogs dang mthun pa bcu gsum du 'gyur ro//brtson 'grus dang shes rab dag ni lhag ma yin te/ yang dag par spong ba dang / dran pa nye bar gzhag pa dag gi nang du 'dus pa'i phyir ro/ /mang por 'gyur ba zhes bya ba'i bar rgyas par gsungs zhes bya ba ni mang por gyur cing gcig tu 'gyur ba dang /snang bar 'gyur ba dang mi snang bar 'gyur ba shes pa dang mthong bas nyams su myong bar byed de/ lus kyis thogs pa med par rtsig pa la yang thal byung du 'gro'o/ /sa la yang bye'u zul byed de/ dper na chu la bya ba bzhin no//chu'i rgyun la yang mi 'bying bar 'gro ste/ dper na sa la bya ba bzhin no/ /nam mkha' la yang skyil mo krung bcas nas 'dug ste/ dper na 'dab chags bya bzhin no/ /nyi ma dang zla ba 'di ltar rdzu 'phrul che zhing 'di ltar mthu che ba 'di dag la yang lag pas nyug par byed yongs su nyug par byed cing tshangs pa'i 'jig rten gyi bar du lus kyis dbang sgyur bar byed de/'di ni rdzu 'phrul zhes bya'o/ /rdzu 'phrul gyi rkang pa dag gang zhe na/ 'dun pa'i ting nge 'dzin dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin te/ 'di dag ni rdzu 'phrul gyi rkang pa zhes bya'o zhes 'byung ba yin no//ting nge 'dzin gyi mtshan nyid ni de lta bu ma yin te/ de lta bas na rdzu 'phrul ni ting nge 'dzin kho na ma yin no/ /'dir slob dpon 'dus bzang na re de dag la nyes pa 'dir mi 'gyur te/ de dag ni ting nge 'dzin rdzu 'phrul gyi rkang pa dang rdzu 'phrul yang yin no zhes bya bar 'dod do//'dun pa la sogs pa smos pa ni ting nge 'dzin bzhi tshan nyid du shes par bya ba'i phyir ro/ /ting nge 'dzin la la ni dge ba'i rtsa ba sbyor ba'i gnas skabs na gtso bo yin la/ la la ni dge ba'i rtsa ba grub pa'i gnas skabs na gtso bo yin te/ 'di la snga ma ni rdzu 'phrul gyi rkang pa yin no//phyi ma ni rdzu 'phrul zhes bya'o/ /'di las rdzu 'phrul gyi rkang pa'i 'bras bu rdzu 'phrul gyi sgrar bshad pas 'di dag la mdo sde dang 'gal ba yang med de/ yongs su shes pa'i 'bras bu la de'i sgrar brjod pa la sogs pa bzhin no zhes zer ro/ /chung ngu dang / chen po dag gis zhes bya ba ni/dbang po rnams ni chung ngu yin no/ /stobs rnams ni chen po yin no/ /'di dag gi chung ngu dang / chen po'i bye brag ji lta bu zhe na/ gtan tshigs su rdzi ba dang rdzi ba med pa'i phyir ro zhes bya ba smos te/ de dag gi mi mthun pa'i phyogs su gyur pa ma dad pa dang / le lo dang / brjed ngas pa dang / g.yeng ba dang / shes bzhin ma yin pa rnams par bar du kun du 'byung ba'i phyir dbang po rnams ni rdzi ba yin no/ /stobs rnams ni de lta ma yin pas yang de dag la stobs zhes bshad do/ /las ni dang po pa dag dang / /nges 'byed cha mthun rnams dang ni/ /zhes bya ba ni 'di dag gnas skabs sngar bshad pa yin no//bsgom dang mthong la rab tu phye/ /zhes bya ba ni gnas skabs gnyis yin pas gnas skabs bdun dag tu sde tshan bdun go rims bzhin rab tu 'byed cing rab tu rnam par 'jog pa'am/ gtso bor byed pa yin te/ las dang po pa'i gnas skabs su ni dran pa nye bar gzhag pa rnams so//dro bar gyur pa'i gnas skabs su ni yang dag par rab tu 'jog pa rnams so/ /rtse mo'i gnas skabs su ni rdzu 'phrul gyi rkang pa rnams so/ /bzod pa'i gnas skabs su ni dbang po rnams so/ /'jig rten pa'i chos kyi mchog gi gnas skabs su ni stobs rnams so/ /bsgom pa'i lam gyi gnas skabs su ni byang chub kyi yan lag rnams so//mthong ba'i lam gyi gnas skabs su ni 'phags pa'i lam yan lag brgyad pa'o/ /khyad par thob pa'i rgyus brtson 'grus spel te/ de'i phyir dro bar gyur pa dag la ni yang dag par rab tu 'jog pa rnams so/ /yongs su nyams par mi 'gyur ba'i dge ba'i rtsa ba la 'jug pa'i phyir rtse mo dag la zhes bya ba ni/rtse mo thob pa rtsa mi 'chad/ /ces 'byung bas rtse mo rnams ni yongs su mi nyams pa dang / mthun pa dag la 'jug pa yin te/ 'di rnams kyis 'jug pa'i phyir 'jug pa'o/ /yongs su mi nyams pa ni bzod pa dag gi tshe yin te/de'i gnas skabs kyi ting nge 'dzin rnams 'byor pa'i rten yin pas rtse mo dag la ni rdzu 'phrul gyi rkang pa rnams rnam par gzhag go/ /yang yongs su nyams par mi 'gyur ba'i sgo nas zhes bya ba rgyas par 'byung ba ni gang gi phyir snga ma gnyis kho na las yongs su nyams pa srid kyi bzod pa dag la ni yang yongs su nyams pa med pa de'i phyir dad pa la sogs pa dbang po thob pa yin no//de bas na bzod pa dag la ni dbang po rnams rnam par gzhag go/ /nyon mongs pa rnams kyis mi brdzi ba'i phyir ram zhes bya ba ni 'di ltar gnas skabs de na nyon mongs pa kun du mi 'byung ba'i phyir nyon mongs pa rnams kyis mi brdzi ba yin no//'jig rten pa'i chos gzhan dag gis mi brdzi ba'i phyir zhes bya ba ni yang na 'jig rten pa'i chos gzhan dag gis mi brdzi ba'i phyir 'jig rten pa'i chos kyi mchog gi gnas skabs su ni dad pa la sogs pa stobs rnams zhes bya bar rab tu 'byed do//byang chub dang nye ba'i phyir zhes bya ba ni zad pa dang / mi skye ba shes pa dang nye ba'i phyir zhes bya ba'i tha tshig go/ /zad pa dang mi skye ba shes pa dag ni bsgom pa'i lam la yin gyi mthong ba'i lam la ni ma yin te/ mthong ba'i lam ni de dag dang thag ring ste/ de'i bar du bsgom pa'i lam gyis chod pa'i phyir ro/ /'gro bas rab tu phye ba'i phyir/ /zhes bya ba ni lam la ni 'jig rten na 'dis 'gro'o zhes 'gro bas rab tu phye ba yin no/ /yang na lam 'gro bas na lam yin te/ 'jig rten na lam 'di dmar bu can du 'gro zhes zer ba'i phyir ro/ / mthong ba'i lam ni shin tu 'gro bas rab tu phye ba yin gyi bsgom pa'i lam ni ma yin no/ /ji lta zhe na/ de ni myur bar 'gro ba yin pa'i phyir ro zhes bya ba smos te/ de dang ldan pa yang des myur du 'gro'i bsgom pa'i lam la ni sa'i dbye ba brtsal ba'i phyir yun ring mo zhig tu 'gro'o/ /gzhan dag ces bya ba ni slob dpon yin te/bdag la sogs pa zhes bsam pa'i phyir ro/ /go rims ma nyams pa kho nar zhes bya ba ni ji ltar bye brag tu smra ba rnams kyis rim pa gzhan du sbyar ba de ltar de bzhin du ma sbyar bar byang chub kyi phyogs dang mthun pa rnams go rims bzhin du brjod de/ byang chub kyi yan lag rnams mthong ba'i lam la 'jog pa'i phyir ro//yul rnam pa mang po la zhes bya ba rgyas par 'byung ba ni yul ni gzugs la sogs pa'i bye brag dang sngon po la sogs pa'i bye brag gis rnam pa mang po yin te/ de la g.yeng ba ni rnam par g.yeng ba'o/ /'di dag la yul rnam pa mang po la g.yeng bar 'phro ba'i ngang tshul yod pas na yul rnam pa mang po la g.yeng bar 'phro ba'i blo rnams te/de dag tshar gcad pa'i phyir dran pa nye bar gzhag pa rnams so/ /zhen pa la brten pa zhes bya ba ni sred pa la brten pa zhes bya ba'i tha tshig go/ /dran pa'i kun du rtog pa rnams zhes bya ba ni yul nyams su myong ba dran pa'i kun du rtog pa rnams zhes bya ba'am/'dod pa'i kun du rtog pa rnams zhes bya ba'i don to/ /de'i stobs kyis zhes bya ba ni dran pa nye bar gzhag pa'i stobs kyis zhes bya ba'i tha tshig go/ /dgos pa rnam pa bzhi bsgrub pa'i phyir zhes bya ba la/ dgos pa rnam pa bzhi ni sdig pa mi dge ba'i chos skyes pa rnams spang ba dang ma skyes pa rnams mi skyed pa dang /de bzhin du dge ba ma skyes pa rnams skyed pa dang / skyes pa rnams gnas par bya ba la sogs pa yin no/ /de'i 'og tu ting nge 'dzin rnam par sbyong ba'i phyir zhes bya ba ni de'i 'og tu yang dag par rab tu 'jog pa dag gi rjes la ting nge 'dzin rnam par sbyong ba'i phyir rdzu 'phrul gyi rkang pa rnams rab tu 'byed do//'jig rten las 'das pa'i chos rnams kyi bdag por gyur pa zhes bya ba ni de 'dren par byed pa yin pa'i phyir de dag gi bdag por gyur par rig par bya'o/ /dbang po de dag nyid gang gi tshe mi mthun pa'i phyogs kun du spyod pa las nges par rgyal ba ste/ma dang pha la sogs pa kun du spyod pa las nges par rgyal bar gyur pa de'i tshe stobs rnams so/ /dbang po'i gnas skabs na ni nyon mongs pa kun du spyod pa srid de/ bzod pa'i gnas skabs na ni thag ring ba'i phyir ro/ /mthong ba'i lam la ni byang chub kyi yan lag rnams zhes bya ba ni byang chub ni zag pa med pa'i shes rab yin pa'i phyir ro//gnyi ga la ni lam gyi yan lag rnams zhes bya ba ni mthong ba'i lam dang bsgom pa'i lam dag la'o/ /ji lta zhe na/ 'di ltar zhes bya ba rgyas par smos te/ bsgom pa'i lam yongs su rdzogs pa ni bsgom pa yongs su rdzogs pa'o//'phags pa'i lam yan lag brgyad pa gnas skabs der gyur pa na ste der gyur na dran pa nye bar gzhag pa bzhi yongs su rdzogs par 'gyur ba nas byang chub kyi yan lag bdun gyi bar du yongs su rdzogs par 'gyur ro zhes bsgom pa yongs su rdzogs na zhes gsungs pa'i phyir bsgom pa'i lam la yang 'phags pa'i lam yan lag brgyad po yod do zhes bya bar mngon no//mthong ba'i lam la ni bsgom pa yongs su rdzogs par mi 'gyur ro/ /'o na ji lta zhe na/ bsgom pa'i lam la rdzogs par 'gyur ro/ /yang gsungs so zhes bya ba ni gnyi ga la lam gyi yan lag dag rnam par gzhag pa zhes bya ba yin no//'di ni 'phags pa'i bden pa'i tshig bla dgas yin no zhes bya ba ni mthong ba'i lam yin par ston to/ /ji ltar rtogs pa'i lam gyis 'jug ces bya ba nas rgyas par 'di ni 'phags pa'i lam yan lag brgyad kyi tshig bla dgas yin no zhes bya ba'i bar 'byung ba ni bsgom pa'i lam yin par ston te/ji ltar thob pa'i lam gyis byang chub kyi bar du 'jug cing nges par 'byung bas so/ /de ltar mthong ba'i lam la yang lam gyi yan lag rnams rnam par 'jog pas de'i phyir/gnyi ga la 'phags pa'i lam yan lag brgyad 'dod par bya dgos pas byang chub kyi yan lag rnams ni snga la/ 'phags pa'i lam yan lag brgyad pa ni 'phyi'o zhes bya ba'i go rims grub pa yin no/ /byang chub yan lag lam yan lag /zag pa med ces bya ba ni zag pa med pa kho na yin no zhes nges par gzung ba yin no//gzhan rnams gnyis po zhes bya ba ni dran pa nye bar gzhag pa la sogs pa stobs la thugs pa rnams so/ /stobs kyis drang dgos pa'i phyir zhes bya ba ni stobs kyis te/ brtson 'grus kyis mngon du bya ba yin pa'i phyir mi lcogs pa med pa na dga' ba med de/bde blag tu thob pa ni sems dga' bar 'gyur gyi gzhan ni ma yin no/ /gzhan yang sa 'og ma'i dogs pa dang bcas pa'i phyir te/ yongs su nyams par dogs pa dang bcas pa de'i phyir de na dga' ba med de/ dogs pa dang bcas na sems dga' bar mi 'gyur ro/ /yang dag pa'i rtog pa ma gtogs pa zhes bya ba la/yang dag pa'i rtog pa ni rnam par rtog pa yin pas so/ /byang chub dang ni lam yan lag /ma gtogs 'dod khams srid rtse na/ /zhes bya ba ji ltar na srid pa'i rtse mo na lus dran pa nye bar gzhag pa yod de de na lus ni med do/ /lus dran pa nye bar gzhag pa ni lus la dmigs pa'i shes rab yin na grub pa'i mtha' las/gzugs med dngos gzhi dge rnams kyi/ /spyod yul zag bcas 'og ma min/ /zhes 'byung bas srid pa'i rtse mo ni 'dod pa'i khams dang gzugs kyi khams la dmigs pa yang ma yin no zhe na/ 'di ni rnam par bshad pa byed pa gang gis kyang ma bris te/de'i phyir 'dir ni rnam par gzhag par bya'o/ /lus kyi ngo bo nyid gang yin zhe na/ 'byung ba dang 'byung ba las gyur pa nyid yin par bshad de/ lus ni 'byung ba dang 'byung ba las gyur pa yin no zhes bya ba'i tha tshig go/ /de la gal te shes rab 'byung ba 'ba' zhig la dmigs pa 'am/'byung ba las gyur pa 'ba' zhig la dmigs par gyur na yang de lus dran pa nye bar gzhag pa kho na yin par 'gyur la/ srid pa'i rtse mo na yang shes rab dge ba zag pa dang bcas pas zag pa med pa'i sdom pa la lam zhes bya ba 'am/ ci yang med pa'i skye mched ces bya bar dmigs so//gzugs med pa'i dngos gzhi dge ba rnams ni zag pa dang bcas pa 'og ma la dmigs par mi 'dod kyi/ zag pa med pa 'og ma la dmigs par mi 'dod pa ni ma yin pas de'i phyir de na lus dran pa nye bar gzhag pa yod par rig par bya'o/ / shes nas dad pa ni bzhi ste/ sangs rgyas dang / chos dang / dge 'dun la shes nas dad pa dang / 'phags pa dgyes pa'i tshul khrims dag go/ /de la sdug bsngal gyi bden pa la sogs pa ni chos yin pa'i phyir dang / sangs rgyas dang / chos dang / dge 'dun gyi ngo bo nyid ma yin pa'i phyir go rims bzhin du/chos shes nas dad pa dang / 'phags pa dgyes pa'i tshul khrims zag pa med pa rnams 'thob kyi sangs rgyas dang dge 'dun la shes nas dad pa ni ma yin no/ /lam gyi bden pa mngon par rtogs na/ /sangs rgyas dang de'i nyan thos kyi dge 'dun la shes nas dad pa 'thob ste/lam ni sangs rgyas dang / dge 'dun gyi ngo bo nyid yin pa'i phyir ro/ /'dir gang la chos su dgongs pa yin zhes bya ba ni dge ba'i chos zhes bya ba la sogs pa mang ba zhig yod na/ chos la shes nas dad pa 'thob po zhes bshad pa gang yin pa de 'dir gang la chos su dgongs pa yin zhes bya ba yin no//yang na 'di ni sangs rgyas dkon mchog dang dge 'dun dkon mchog ces bya ba yin te/ de lta bas na 'di yang 'dir chos dkon mchog yin par dgongs par 'gyur te/ dkon mchog gsum gyi ngo bo nyid ni/ gang zhig gsum la skyabs 'gro de/ /sangs rgyas dge 'dun byed pa'i chos//mi slob pa dang gnyi ga dang / /mya ngan 'das la skyabs su 'gro/ /zhes bshad pa 'di yin pas/ de ci 'di mya ngan las 'das pa'i chos yin par dgongs sam snyam nas/ de'i phyir 'dir gang la chos su dgongs pa yin zhes 'dri'o/ /chos bden gsum dang zhes bya ba rgyas par 'byung ba ni sdug bsngal dang /kun 'byung ba dang / 'gog pa'i bden pa dang / byang chub sems dpa' slob pa'i gnas skabs kyi lam zag pa med pa dang / rang sangs rgyas kyi lam slob pa dang mi slob pa'i mtshan nyid ni 'dir chos yin par dgongs so/ /de'i phyir bden pa bzhi char yang zhes bya ba rgyas par 'byung ba ni lam gyi bden pa mngon par rtogs na yang byang chub sems dpa' dang rang sangs rgyas kyi lam gyi mtshan nyid kyi chos mngon par rtogs par 'gyur te/de lta bas na bden pa bzhi char yang mngon par rtogs na chos la shes nas dad pa thob po zhes bshad do//sangs rgyas dang dge 'dun dag gi lam la ni chos zhes mi brjod de 'di ltar de mngon par rtogs na sangs rgyas dang dge 'dun la shes nas dad pa thob pas so/ /yang ji ltar lam mngon par rtogs na dad pa'i mtshan nyid gsum po sangs rgyas dang / chos dang dge 'dun la shes nas dad pa rnams cig car du mngon du 'gyur zhe na/de nyid dad pa'i gzhi'i bye brag la ltos nas ming gsum 'thob pas nyes pa med do/ /yang na chos la shes nas dad pa ni da ltar byung ba yin la/ ma 'ongs pa ni gsum char 'thob pas de'i phyir/ lam mngon rtogs na sangs rgyas dang / /de yi dge 'dun dag la yang //zhes bshad do/ /gal te gzhi la ltos te shes nas dad pa rnam par gzhag na ni chos la shes nas dad pa sngar gdon dgos so zhe na/ de'i phyir 'di dag gi rim pa ni langs nas ji ltar mngon du byed pa de bzhin du bkod do zhes bya ba smos so/ /sman pa dang / sman dang nad g.yog lta bur gyur pa'i phyir ro zhes bya ba la/bcom ldan 'das ni mdo las sman pa zug rngu 'byin pa bla na med pa zhes 'byung bas sman pa lta bu yin te/ chos kyi sman ston pa'i phyir ro/ /chos ni sman lta bu yin te/ nyon mongs pa'i nad gso ba'i phyir dang / mya ngan las 'das pa nad med pa 'thob par byed pa'i phyir ro//dge 'dun ni nad g.yog lta bu yin te/ mya ngan las 'das pa nad med pa thob par bya ba'i phyir/ phan tshun grogs byed pa'i phyir ro/ /sems rab tu dang bas byas pa'i tshul khrims kyang rab tu dang ba yin pas zhes bya ba ni sems rab tu dang ba rnam pa gsum po kye ma bcom ldan 'das ni yang dag par rdzogs pa'i sangs rgyas yin no//de'i chos 'dul ba ni legs par gsungs pa yin no/ /de'i nyan thos kyi dge 'dun ni legs par zhugs pa yin no zhes bya ba des byas pa'i tshul khrims kyang rab tu dang ba yin no/ /tshul khrims nyid rab tu dang ba yin pa 'am tshul khrims kyi rab tu dang ba zag pa med pa nyid yin pas tshul khrims rab tu dang ba ste tshul khrims rab tu dang ba ni rab tu dang ba gsum gyi tha mar bzhi pa bshad do//ci'i phyir zhe na/ smras pa/ 'di ni kye ma bcom ldan 'das ni yang dag par rdzogs pa'i sangs rgyas yin no zhes bya ba rgyas par 'byung ba de ltar rab tu dang bar gyur pa'i sgrub pa yin te/'phags pa dgyes pa'i tshul khrims ni sgrub pa yin no zhes bya ba'i tha tshig go/ /yang na nad med par gyur pa lta bu yin pa'i phyir ro zhes bya ba ci zhe na/ sman pa dang / sman dang / nad g.yog dang / nad med pa'i go rims dang mthun par tshul khrims rab tu dang ba tha mar bshad pa yin no//yang na ston par byed pa dang / lam dang / lam grogs dang / bzhon pa lta bu yin no zhes bya ba ci zhe na/ tha mar bzhi pa bshad do zhes bya ba'i skabs yin no/ /bcom ldan 'das ni ston par byed pa lta bu yin no/ / chos ni lam lta bu yin no/ /dge 'dun ni lam grogs lta bu yin no/ /'phags pa dgyes pa'i tshul khrims dag ni bzhon pa lta bu yin no/ /'phags pa rnams dgyes shing mnyes par 'gyur bas na 'phags pa dgyes pa dag go/ /yan lag brgyad dang ldan no zhes bya ba ni slob pa ni yan lag brgyad dang ldan no//brgyad gang zhe na slob pa'i yang dag pa'i lta ba nas/ slob pa'i yang dag pa'i ting nge 'dzin gyi bar ro/ /mi slob pa ni yan lag bcu dang ldan no/ /bcu gang zhe na/ mi slob pa'i yang dag pa'i lta ba nas mi slob pa'i yang dag pa'i ting nge 'dzin gyi bar dang / mi slob pa'i yang dag pa'i rnam par grol ba dang /mi slob pa'i yang dag pa'i shes pa'o/ /rnam par grol ba dang de so so rang gi shes pa dag gi rab tu phye ba yin pas zhes bya ba ni rnam par grol ba ste so so rang gi shes pas de'i so so rang gi shes pa'o/ /rnam par grol ba dang de'i so so rang gi shes pa ni rnam par grol ba dang de'i so so rang gi shes pa dag go//de dag gis rab tu phye ba yin te/ nyon mongs pa las rnam par grol ba dang / nyon mongs pa las rnam par grol ba so so rang gi shes pas bdag ni nyon mongs pa dag las rnam par grol lo zhes bya bar rab tu phye zhing rab tu bstan pas zhes bya ba'i tha tshig go//mi slob pa de kho na la de smos pa ste rnam par grol ba smos pa dang / rnam par grol ba'i ye shes smos pa rigs pa dang ldan pa yin gyi slob pa la ni ma yin no/ /mos pa ni rnam par grol ba 'dus byas yin no zhes bya ba ni mos pa dang rnam par grol ba zhes bya ba ni skad kyi dbyings gcig pa'i phyir ro//yan lag rnams ni 'dus byas yin pa'i phyir ro zhes bya ba ni ji ltar yang dag pa'i lta ba la sogs pa'i dus byas yin pa de bzhin du mos pa yang 'dus ma byas ni ma yin te/ skal ba mi mnyam pa'i phyir ro/ /mdo las/ rnam par grol ba gnyis su gsungs//zhes bya ba ni 'dod chags las 'dod chags dang bral ba'i phyir sems rnam par grol la/ ma rig pa las 'dod chags dang bral ba'i phyir shes rab rnam par grol bas sems rnam par grol ba dang / shes rab rnam par grol ba yin no zhes bya ba'i tha tshig go/ /de nyid rnam par grol ba'i phung po yin par yang lta'o zhes bya ba ni tshul khrims kyi phung po dang /ting nge 'dzin gyi phung po dang shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po zhes bya ba 'dir blta bar bya'o/ /gzhan dag na re zhes bya ba ni slob dpon no//'o na mdo las zhes bya ba ni stag gi byang chub kyi bu dag bzhi po 'di dag ni yongs su dag pa'i gtso bo yin te/ bzhi gang zhe na/ tshul khrims yongs su dag pa gtso bo dang / ting nge 'dzin yongs su dag pa gtso bo dang / lta ba yongs su dag pa gtso bo dang / rnam par grol ba yongs su dag pa gtso bo zhes bya ba rgyas par bshad nas/stag gi byang chub kyi bu dag rnam par grol ba yongs su dag pa gtso bo gang yin zhe na zhes bya ba nas 'dun pa dang brtson 'grus zhes bya ba'i bar rgyas par gsungs so/ /stag gi byang chub kyi bu dag ces mang po'i tshig smos pa ni de dag mang ba'i phyir ro//rnam par grol ba yongs su dag pa'i gtso bo zhes bya ba ni rnam par grol ba'i yongs su dag pa'i gtso bo ni rnam par grol ba yongs su dag pa ste de'i ched kyi gtso bo ni brtson 'grus yin pas rnam par grol ba yongs su dag pa'i gtso bo'o/ /de ltar na 'dir rnam par grol ba dang /yongs su dag pa dang / gtso bo zhes bya ba dri ba gsum ste/ de la 'di la dge slong 'dod chags las sems 'dod chags dang bral zhing rnam par grol ba yin zhe sdang dang gti mug las sems 'dod chags dang bral zhing rnam par grol ba yin te zhes bya ba ni rnam par grol ba bshad do//'di ltar rnam par grol ba'i phung po yongs su ma rdzogs pa yongs su rdzogs par byed pa'am/ yongs su rdzogs pa rjes su 'dzin par byed pa zhes bya bas ni rnam par grol ba yongs su dag pa yongs su rdzogs pa dang rjes su 'dzin pa'i mtshan nyid bshad do/ /'dun pa dang brtson 'grus gang yin pa zhes bya ba rgyas par 'byung bas ni gtso bo bshad de/gang gi phyir de ltar 'dod chags la sogs pa las rnam par grol zhing spangs pa yin no zhes mdo las rnam par grol ba'i mtshan nyid de lta bu yin par bshad kyi mos pa ni ma yin par bshad pa de'i phyir rnam par grol ba ni mos pa kho na yin par ma zad do//'o na ci zhe na/ de kho na shes pas 'dod chags la sogs pa spangs na/ sems dri ma med pa nyid de zag pa med pa'i ngo bo nyid dang don gzhan ma yin par gyur pa mar gyi nying khu dang ba lta bu yin no zhes zer ro/ /de skye ba la gegs byed pa'i phyir ro zhes bya ba ni mi slob pa'i sems de skye ba la gegs byed pa'i phyir nyon mongs pa'i thob pa ni gegs yin no//'o na skye bar 'gyur ba ma yin pa zhes bya ba ni mi slob pa ma 'ongs pa nyid rdo rje lta bu'i mjug thogs su mi 'byung ba gang yin pa'o/ /'jig rten pa zhes bya ba ni mi slob pa kho na'i rgyud la 'jig rten pa yod pa gang yin pa'o//skye bar nges pa gang yin pa de kho na bshad do zhes bya ba ni bstan bcos las/ ma 'ongs pa skye ba la mngon du phyogs pa gang yin pa de kho na rnam par grol bar 'gyur ro zhes bshad de/ de rnam par grol ba ni brtag sla ba'i phyir ro snyam du dgongs pa yin no/ /skye ba'i sgrib pa de nyid las so zhes bya ba ni de'i nyon mongs pa'i thob pa de nyid las te/'dir gtan tshigs kyang de skye ba la gegs byed pa'i phyir ro zhes bya ba de kho na brjod par bya'o/ /gal te mi slob pa'i rgyud la yod pa'i 'jig rten pa rnam par grol bar 'gyur ro zhes khas len na slob pa la yang 'jig rten pa skye na ci'i phyir rnam par grol bar 'gyur ro zhes bya bar khas mi len ce na/de'i phyir de ni de dang mi 'dra'o zhes bya ba la sogs pa smos te/ slob pa'i 'jig rten pa de ni nyon mongs pa'i thob pa dang / lhan cig pa yin gyi mi slob pa'i 'jig rten pa de ni de lta ma yin pas mi 'dra'o/ /'gag par 'gyur ba zhes bya ba ni 'gag pa la mngon du phyogs pa'o//de'i sgrib pa zhes bya ba ni mi slob pa'i sems kyi sgrib pa'o/ /bstan bcos sam/ 'di nyid las/ nyon mongs bcom pa 'dus ma byas/ /zhes rnam par grol ba 'dus ma byas su bshad pa gang yin pa dang / khams gsum po 'byung ba gang dag yin pa ste/gang las 'byung zhe na/ mdo 'am/ bstan bcos las so/ /'dod chags kun zad 'dod chags bral/ /zhes bya ba ni khyad par brjod par bzhed nas 'di skad ces bshad do/ /khyad par brjod par mi bzhed na ni 'dod chags dang bral ba gang yin pa de spangs pa zhes kyang bya la/'gog pa zhes kyang bya ba la sogs pa yin no/ /gzhi zhes bya ba ni gzugs la sogs pa zag pa dang bcas pa'o/ /mu bzhi'o zhes bya ba ni yid 'byung bar 'gyur la 'dod chags dang bral bar mi 'gyur ba yang yod/ 'dod chags dang bral bar 'gyur la yid 'byung bar mi 'gyur ba yang yod/gnyi gar 'gyur ba yang yod/ gnyi gar mi 'gyur ba yang yod ces bya ba yin no/ /sdug bsngal rgyu bzod shes rnams kyis/ /yid 'byung zhes bya ba 'dis ni dngos po'i rgyu las byung ba'i yid 'byung ba ston to/ /gang gis spong 'gyur ba/ kun gyi 'dod chags bral bar 'gyur//zhes bya ba 'dis ni spong bar byed pa'i rgyu las byung ba'i 'dod chags dang bral bar ston to/ /de lta na mu bzhi grub ste zhes bya ba ni de ltar yid 'byung ba dang 'dod chags dang bral ba'i rgyu yongs su bcad de/ sbyar na mu bzhi 'grub po snyam du dgongs pa yin no/ /ji lta zhe na/ yid 'byung ba kho na yin zhes bya ba rgyas par smos te/sdug bsngal dang kun 'byung ba la bzod pa rnams dang / sdug bsngal ba dang kun 'byung ba la shes pa rnams kyis ni yid 'byung ba kho na yin te/ yid 'byung ba'i dngos po la dmigs pa'i phyir ro/ /sdug bsngal dang kun 'byung ba dag ni yid 'byung ba'i dngos po'i dmigs pa yin no//'dod chags dang bral bar mi 'gyur te/ nyon mongs pa dag mi spong na zhes bya ba'i tshig gis spong bar byed pa med pa'i phyir ro/ /mthong ba'i lam la 'gog pa dang / lam la bzod pa rnams dang bsgom pa'i lam la 'gog pa dang lam shes pa rnams kyi ni 'dod chags dang bral ba kho na yin te/nyon mongs pa dag spong na zhes 'byung bas spong bar byed pa yod pa'i phyir ro/ /yid 'byung bar mi 'gyur te/ mchog tu dga' ba'i dngos po la dmigs pa'i phyir ro/ /mya ngan las 'das pa dang lam dag ni mchog tu dga' ba'i dngos po'i dmigs pa yin no/ / snga ma rnams kyi nyon mongs pa dag spong na gnyi ga yin no zhes bya ba ni snga ma sdug bsngal dang kun 'byung ba la bzod pa dang shes pa rnams kyis ni yid 'byung bar yang 'gyur la/ 'dod chags dang bral bar yang 'gyur te/ yid 'byung ba'i dngos po la dmigs pa'i phyir yid 'byung bar 'gyur ro/ / nyon mongs pa dag spong na zhes bya ba'i tshig gis de spong bar byed pa yod pa'i phyir 'dod chags dang bral bar 'gyur ro/ /phyi ma rnams kyi nyon mongs pa dag mi spong ba gnyi ga ma yin no zhes bya ba ni phyi ma 'gog pa dang lam la bzod pa dang shes pa rnams kyis ni yid 'byung bar yang mi 'gyur la/ 'dod chags dang bral bar yang mi 'gyur te/ mchog tu dga' ba'i dngos po la dmigs pa'i phyir yid 'byung bar mi 'gyur ro/ /nyon mongs pa dag mi spong na zhes bya ba'i tshig gis spong bar byed pa med pa'i phyir 'dod chags dang bral bar mi 'gyur ro/ /smras pa mu dang po dang / bzhi pa la nyon mongs pa dag mi spong na zhes bstan pa gang zhig gang dag nyon mongs pa mi spong zhe na/de la 'dod chags dang bral ba zhig ces bya ba rgyas par smos te/ de la zhes bya ba ni don nye bar dgod pa'i phyir ro/ /'dod pa'i khams nas ci yang med pa'i skye mched kyi bar las kyang rung 'dod chags dang bral ba zhig bden pa rnams lta zhing mngon par rtogs par byed na chos shes pa dang bzod pa rnams kyis chos shes pa rnams dang /chos la bzod pa rnams kyis nyon mongs pa dag mi spong ste/ 'jig rten pa'i bsgom pa'i lam gyis sngar spangs zin pa'i phyir bral ba'i thob pa zag pa med pa skye ba 'ba' zhig tu zad do//rjes su shes pa dang bzod pa dag gis ni gdon mi za bar nyon mongs pa dag spong ste/ 'jig rten pa'i lam gyis srid pa'i rtse mo las 'dod chags dang bral ba med do/ /shes pa rnams kyis ni bsgom pa'i lam la sbyor ba dang / rnam par grol ba dang /khyad par can gyi lam rnams dang / bar chad med pa'i lam yang kha cig gis dbang po 'pho ba la sogs pa'i gnas skabs na nyon mongs pa dag mi spong ngo / /gang dag cig lus she na/ de dag las gzhan pa'i bar chad med pa'i lam rnams te/ de rnams kyis nyon mongs pa spong ngo zhes bya bar grub po//chos mngon pa'i mdzod kyi 'grel bshad slob dpon rgyal po'i sras grags pa'i bshes gnyen gyis mdzad pa don gsal ba zhes bya ba las gang zag dang lam bstan pa zhes bya ba ste mdzod kyi gnas drug pa'o// //bam po lnga bcu gsum pa/ mdzod kyi gnas drug pa'i 'og tu bdun pa nye bar dgod pa 'brel pa bstan pa'i phyir/bzod pa rnams zhes kyang 'byung zhes bya ba rgyas par smos te/ 'jig rten pa'i chos mchog las/ chos kyi bzod pa zag pa med/ /ces bya ba nas bzung ste/ bzod pa brgyad bshad do/ /'dod sdug bsngal la de nas ni//de nyid la chos shes de bzhin/ /zhes bya ba der shes pa bshad do/ /gal te min/ zad pa shes sam mi slob lta/ /zhes bya ba der yang dag pa'i lta ba bshad do/ /de nyid rnam grol gnyis byang chub/ /ji skad bshad shes pa zhes bya bar yang dag pa'i shes pa bshad do/ /yang na drug pa'i mjug 'di nyid nas//sdug bsngal rgyu bzod shes rnams kyis/ /yid 'byung gang gis spong 'gyur ba/ /kun gyi 'dod chags bral bar 'gyur/ /zhes 'byung bas 'di thams cad bshad do/ /yang na bstan bcos dang 'brel ba'i phyir 'di nye bar 'god de/ bstan bcos las ni bzod pa rnams zhes kyang 'byung /shes pa rnams zhes kyang 'byung / yang dag pa'i lta ba zhes kyang 'byung / yang dag pa'i shes pa zhes kyang 'byung la/ 'di ni der mdor bsdu ba tsam yin pas de'i phyir/ ci bzod pa dag yin la shes pa ma yin nam zhes bya ba rgyas par 'dri'o/ /dri med bzod rnams shes pa min//zhes bya ba bzod pa dri ma med pa dag kho na shes pa ma yin no zhes nges par gzung ba'i phyir bzod pa zag pa dang bcas pa rnams ni shes pa yin no zhes bshad par 'gyur te/ de ni kun rdzob shes pa yin par 'dod do/ /des spang bar bya ba zhes bya ba ni bzod pas spang bar bya ba'i phra rgyas the tshom ma spangs pa'i phyir te/skabs la bab pa'i phyir gnas skabs de dag tu phra rgyas rnams spong gi spangs pa ni ma yin no/ /shes pa ni nges pa yin par 'dod kyi ma nges pa ni ma yin pas bzod pa rnams shes pa ma yin te/ bzod pa rnams ni bzod pa'i ngo bor skye'i nges pa'i ngo bo ma yin pas shes pa ma yin no zhes brjod do//phra rgyas the tshom ma spangs pa'i phyir ro zhes bya ba de tsam zhig brjod par bya ba yin na/ ci'i phyir des spang bar bya ba'i zhes khyad par smos she na/ skad cig ma gnyis pa la bzod pa dang po spang bar bya ba'i phra rgyas the tshom spang bar 'gyur bas bzod pa dang po kho na shes pa ma yin no zhes bya bar go bar 'gyur gyi bzod pa gzhan dag ni ma yin pas de'i phyir de spang bar bya ba'i zhes khyad par smos so//yang dag par rtog pa'i bdag nyid can yin pa'i phyir zhes bya ba ni nye bar rtog pa'i ngo bo nyid yin pa'i phyir ro zhes bya ba'i tha tshig go/ / yang dag par rtog pa med pa dang yongs su tshol ba'i bsam pa can ma yin pa'i phyir zhes bya ba ni 'di la yang dag par rtog pa med pas na yang dag par rtog pa med pa'o/ /yongs su tshol bar sems shing 'dod pa ni yongs su tshol ba'i bsam pa med pa'o/ /'di la yongs su tshol ba'i bsam pa med pas yongs su tshol ba'i bsam pa can ma yin no//de ni yang dag par rtog pa med pa yang yin la/ yongs su tshol ba'i bsam pa can ma yin pa yang yin pas yang dag par rtog pa med pa dang / yongs su tshol ba'i bsam pa can ma yin pa ste/ de'i phyir zad pa shes pa dang mi skye ba shes pa lta ba ma yin no zhes bya ba'i tha tshig go//'di ji srid du bya ba ma byas pa de srid du sdug bsngal la sogs pa'i bden pa dag la nye bar rtog cing bsam pa dag pa nas mi rtag pa la sogs pa'i rnam pa ji skad bshad pa dag gis yongs su tshol bar byed do//bya ba byas nas ni de dag gis sdug bsngal la sogs pa 'phags pa'i bden pa ji ltar mthong ba dag kho na la bdag gis sdug bsngal yongs su shes te yang shes par byar med do zhes bya ba la sogs par so sor rtog pa tsam du zad de/ de lta bas na de dag ni lta ba'i ngo bo nyid ma yin no/ / de las gzhan 'phags blo gnyi ga /zhes bya ba ni sdug bsngal la chos shes pa nas lam la rjes su shes pa'i bar gyi shes rab de ni nye bar rtog par zhugs pa yang yin la/ de'i yul can gyi the tshom spangs pa yin no/ /gzhan zhes bya ba ni 'jig rten pa ste/ de ni thams cad shes pa yin no zhes nges par gzung bas shes pa ma yin pa'i shes rab gang yin pa de med do zhes bya ba'i tha tshig go//shes rab de yang gang zhe na/ rnam par shes pa'i tshogs lnga las byung ba dge ba dang / mi dge ba dang / lung du ma bstan pa dang / yid las byung ba lta ba'i ngo bo nyid ma yin pa nyon mongs pa dang mtshungs par ldan pa dang /ma bsgribs la lung du ma bstan pa'o/ /lta ba'i ngo bo nyid gang yin pa dang / yid las byung ba dge ba gang yin pa de ci zhig yin zhe na/ drug ni lta ba'ang yin zhes bya ba smos te/ 'jig rten pa'i shes rab rnam pa de drug ni lta ba yin gyi drug kho na zhes nges par gzung ba'i phyir gzhan ni lta ba ma yin no//gzhan yang gang zhe na/ sngar bshad pa 'jig rten pa gang yin pa'o/ /'di dang gzhan dag kyang shes pa ni yin no zhes bya ba ni lta ba'i ngo bo nyid kyi shes rab rnam pa drug po 'di dang / de las gzhan pa sngar bshad pa rnams kyang shes pa zhes ni bya'o//gang gi phyir drug po 'di dag shes pa zhes kyang bya la/ lta ba zhes kyang bya ba de nyid kyi phyir drug ni lta ba'ang yin zhes yang zhes bya ba'i sgra 'don to/ /shes pa bcus zhes bya ba gang dag gis she na/ chos dang rjes dang kun rdzob dang / /gzhan gyi sems dang sdug bsngal dang /kun 'byung ba dang 'gog pa dang / lam dang zad dang mi skye shes pa dag gis so/ /shes pa bcu kho nar bshad pa 'di ni nges par gzung bar bya ba'i don yin te/ 'chi 'pho ba dang skye ba dang / gang zag dang 'khor shes pa la sogs pa ni 'di dag kho na'i nang du 'dus pa'i phyir ro//mdor bsdu na ni gnyis te/ shes pa zag bcas zag pa med/ /ces bya ba yin no/ /phal cher zhes bya ba khyad par smos pa ni kun rdzob kyi shes pa phal cher bum pa dang snam bu la sogs pa kun rdzob tu yod pa'i dngos po la dmigs kyi res 'ga' ni rang dang spyi'i mtshan nyid kyang 'dzin to//kun rdzob kyi zhes bya ba ni kun rdzob la 'byung ba'o/ /zag pa med pa yang mdor bsdu na chos shes pa dang / rjes su shes pa zhes bya ba gnyis te/ sdug bsngal shes pa la sogs pa ni 'di dag kho na'i nang du 'dus pa'i phyir ro/ /dmigs pa ni ci rigs par zhes bya ba ni gang gis dmigs pa gang yin pa de ni de'i yin te/mig gi rnam par shes pa'i dmigs pa ni sgra ma yin no/ /de dag la dmigs pa'i phyir ro zhes bya ba ni sdug bsngal la sogs pa la dmigs pa'i phyir ro zhes bya ba'i tha tshig go/ /rnam bzhi de dag ni zhes bya ba ni chos dang rjes su shes pa gnyis po lta ba'i rang bzhin ma yin pa sdug bsngal la sogs pa la dmigs pa'i bye brag gis rnam pa bzhi po de dag kho na zad pa shes pa dang /mi skye ba shes pa zhes bya'o/ /de gnyis dang po skyes pa ni zad pa shes pa dang mi skye ba shes pa de gnyis dang po skyes pa ni sdug bsngal rgyu rjes shes pa yin te/gdon mi za bar sdug bsngal dang kun 'byung ba la dmigs pa dag yin no zhes bya ba'i don te/ ci'i phyir zhe na/ srid pa'i rtse mo pa'i phung po la sdug bsngal lam kun 'byung ba la rjes su shes pa'i rnam par dmigs pa'i phyir ro zhes bya ba smos te/'di ltar zad pa dang mi skye ba shes pa dang po skyes pa de dag ni gdon mi za bar srid pa'i rtse mo pa'i phung po rnams la mi rtag pa la sogs pa'i sdug bsngal gyi rnam pa dang / rgyu la sogs pa'i kun 'byung ba'i rnam par dmigs so/ /dang por skyes pa ma yin pa de dag ni bden pa gzhan la dmigs pa dag kyang yin no zhes bya bar shugs kyis bshad par 'gyur ro//rdo rje lta bu'i ting nge 'dzin gyi mjug thogs su zad pa shes pa 'byung la/ de'i rjes la mi skye ba shes pa 'byung ba de'i phyir ci rdo rje lta bu'i ting nge 'dzin kyang de gnyis dang dmigs pa gcig pa zhig yin nam zhes 'dri ste/kyang zhes bya ba'i sgra'i don ni ji ltar zad pa dang / mi skye ba shes pa dmigs pa gcig yin pa ltar/ ci rdo rje lta bu'i ting nge 'dzin kyang de gnyis dang dmigs pa gcig pa zhig yin nam zhes bya ba yin no/ /de gnyis dang zhes bya ba ni dang po skyes pa dag dang zhes bya ba'i don to//gal te sdug bsngal dang kun 'byung ba la dmigs na ni yin no zhes bya ba ci zhe na/ de gnyis dang dmigs pa gcig pa yin no zhes bya bar sbyar ro/ /'on te 'gog pa dang lam la dmigs pa zhig yin na ni dmigs pa gcig pa ma yin te/ de gnyis ni nges par srid pa'i rtse mo pa'i phung po la dmigs pa'i phyir ro/ /dper na dug mdas phog ste/ shi ba'i dug yan lag thams cad la khyab nas shi ba'i tshe rma'i phyogs kho nar gnas kyi gzhan du ma yin pa de bzhin du rnal 'byor pa 'di'i shes pa de dag kyang spang bar bya ba srid pa'i rtse mo pa'i phung po'i mtshan nyid kho na la gnas so//bzhi las pha rol sems rig pa/ zhes bya ba ni chos shes pa la sogs pa bzhi kho na las yin te/ de dag gis bsdus pa'i phyir ro/ /sdug bsngal shes pa la sogs pa las ni ma yin te/ gzhan gyi rnam pa can yin pa'i phyir ro//gzhan gyi sems shes pa zag pa med pa ni lam shes pa yin pa'i phyir lam gyi rnam pa can kho na yin no/ /zag pa dang bcas pa gang yin pa de ni 'dod chags dang bcas pa dang / /'dod chags dang bral ba zhes bya bar 'jig rten pa'i rnam pa can yin no/ /dad pas mos pa dang dus kyis rnam par grol ba'i lam gyis zhes bya ba ni grangs bzhin du dad pas mos pa'i lam gyis mthong bas thob pa'i lam mi shes la/dus kyis rnam par grol ba'i lam gyis dus dang mi sbyar bar rnam par grol ba'i lam mi shes so/ /'og mas gong ma zhes bya ba ni phyir mi 'ong ba'i lam gyis dgra bcom pa'i lam mi shes la/dgra bcom pa'i lam gyis rang sangs rgyas kyi lam mi shes so zhes bya ba la sogs pa'o/ /de gnyis ni 'dod pa'i khams la sogs pa dang khams gong ma'i gnyen po la dmigs pa'i phyir ro zhes bya ba ni chos shes pa'i phyogs dang mthun pa dang /rjes su shes pa'i phyogs dang mthun pa de gnyis la chos shes pa'i phyogs dang mthun pa ni 'dod pa'i khams kyi gnyen po la dmigs so/ /rjes su shes pa'i phyogs dang mthun pa ni khams gong ma'i gnyen po la dmigs so zhes bya bar nges so/ /mthong ba'i lam la pha rol gyi sems shes pa med do zhes bya ba ni mthong ba'i lam yun thung ba'i phyir ro//sdug bsngal la chos shes pa'i bzod pa dang chos shes pa'o zhes bya ba ni srid pa'i phyir de skad bshad de/ res 'ga' ni sbyor ba'i dbang gis sdug bsngal la rjes su shes pa'i bzod pa dang sdug bsngal la rjes su shes pa yang shes par srid do//brgyad pa kun 'byung ba la rjes su shes pa dang zhes bya ba ni chos la shes pa dang bzod pa'i phyogs dang mthun pa gnyis shes nas rjes su shes pa'i phyogs dang mthun pa'i sems shes par bya'o zhes sbyor bar byas nas brgyad pa kun 'byung ba la rjes su shes pa shes par nus so//sbyor ba chung ba'i phyir ro zhes bya ba ni sbyor ba chung ba'i phyir zhes bya ba'i tha tshig ste/ nyan thos kyi gzhan gyi sems shes pa rjes su shes pa'i phyogs dang mthun pa la dmigs pa de ni sbyor ba chen pos bsgrub par bya ba yin te/ de'i phyir de ji srid de la sbyor ba rtsom pa de srid kyis des sems bcu drug rjes su 'thob par 'gyur bas de'i phyir bar skabs su ni mi shes so//dang po dang gnyis pa dang bco lnga pa rnams zhes bya ba de gsum kho na shes so/ /ji lta zhe na/ sdug bsngal la chos shes pa'i bzod pa dang / sdug bsngal la chos shes pa shes nas sbyor ba gzhan byas te skad cig ma bco lnga pa lam la rjes su shes pa'i bzod pa shes so//ji ltar na zag pa med pa'i shes pas de ltar shes zhes bya ba ni zag pa med pa rnams ni sdug bsngal la sogs pa'i rnam pa can yin pa'i phyir la/ 'di ni bdag gis sdug bsngal yongs su shes so zhes bya ba la sogs pa'i rnam pa can yin pa'i phyir kun rdzob la sogs pa'i rnam pa can yin pas de'i phyir 'dri'o//bstan bcos las de'i bye brag gis de gnyis kyi bye brag bstan to zhes bya ba ni/ de'i rjes la thob pa kun rdzob kyi shes pa gnyis po de'i bye brag gis te/bdag gis sdug bsngal yongs su shes so zhes bya ba nas/ lam bsgoms so zhes bya bar shes pa'i bar dang / bdag gis sdug bsngal yongs su shes te/ yang yongs su shes par byar med do zhes bya ba nas/ bdag gis lam bsgoms te yang bsgom du med do zhes bya bar shes pa'i bar de lta bu'i ngo bos zad pa dang mi skye ba shes pa zag pa med pa de gnyis kyi bye brag bstan cing shes par byas so//de nyid kyi phyir de'i rgyu las byung ba ni de rgyur byas pa dang de sngon du btang ba zhes bya ba'i tha tshig ste/ rgyu mthun pas rnam par mi rtog pa de gnyis kyi khyad par rjes su dpag go snyam du bsams pa yin no//zag pa med pas kyang de ltar shes te zhes bya ba ni gzhan dag na re rnam pa bcu drug la ma gtogs pa'i zag pa med pa'i rnam pa yod de/ des de ltar shes so zhes zer ro/ /gal te bstan bcos las de'i rgyu las byung ba'i shes pa dang mthong ba zhes 'byung bas zad pa dang mi skye ba shes pa zag pa med pa ni sdug bsngal yongs su shes so zhes bya ba la sogs pa kun rdzob kyi shes pa'i 'bras bu can yin par brjod na/zad dang mi skye'i blo lta min/ /zhes lta ba ma yin par 'byung ba gang yin pa de dang 'gal lo zhe na de'i phyir mthong ba smos pa ni bshad pa 'phangs pa'i phyir zhes bya ba smos so//bstan bcos las shes pa dang / mthong ba zhes smos pa gang yin pa de ni bshad pa 'phangs pa las gyur te/ sdug bsngal shes pa la sogs pa la shes pa dang mthong ba dang / rig pa dang / blo dang / rtogs pa zhes 'byung bas tshig de 'phangs pa'i phyir 'di nye bar gnas pa yin pas de 'don pa rnams kyi tshig tu zad kyi zad pa dang mi skye ba shes pa de dag lta ba'i ngo bo nyid ni ma yin te/ lta ba ma yin pa'i ngo bo nyid dag go zhes bya ba'i tha tshig go/ / yang na mngon sum du 'jug pa'i phyir ro zhes bya ba ni shes pa 'di gnyis la mngon sum du 'jug pa yod pas 'di ni mngon sum du 'jug pa'o/ /de'i phyir 'di gnyis la mthong ba zhes smos te/ shes pa 'di gnyis ni rjes su dpag pa las byung ba lta bu'am/ lung las byung ba lta bur lkog tu 'jug pa ni ma yin no//mthong ba yang mngon sum du 'jug pa yin par 'dod de/ dper na mig gi rnam par shes pa lta bu'o/ /de dang chos mthun par shes pa 'di gnyis kyang mthong ba zhes bshad do/ /de nyid kyi phyir zhes bya ba ni mngon sum du 'jug pa de nyid kyi phyir bstan bcos las/re zhig shes pa gang yin pa de ni mthong ba yang yin no/ /mthong ba yin la shes pa ma yin pa yang yod de/ mngon par rtogs pa'i khongs su gtogs pa bzod pa brgyad lta bu'o zhes 'byung ngo / /de'i phyir 'di skad du 'di gnyis ni mthong ba nyid yin par 'dod kyi lta ba ma yin no zhes bshad par 'gyur ro//de la zhes bya ba ni shes pa bcu po dag la kun rdzob shes pa ni kun rdzob shes pa kho na ste/ rang gi ngo bos bsdus pa yin no/ /gcig po gzhan gyi sems shes pa'i cha phyogs gcig kyang yin te/ zag pa dang bcas pa dang / zag pa med pa de'i zag pa dang bcas pa'i cha kho na kun rdzob shes pa yin gyi/zag pa med pa ni ma yin no/ /chos shes pa ni shes pa bcu dag gi nang na shes pa gcig yin te/ chos shes pa kho na yin no/ /sdug bsngal dang kun 'byung ba dang 'gog pa dang / lam dang / gzhan gyi sems dang / zad pa dang mi skye ba shes pa bdun gyi cha yang yin no//ji lta zhe na/ sdug bsngal shes pa ni chos dang rjes su shes pa'i ngo bo nyid yin te/ de'i cha chos shes pa gang yin pa de chos shes pa yin no/ /de bzhin du kun 'byung ba shes pa nas mi skye ba shes pa'i bar chos dang rjes su shes pa'i ngo bo nyid kyi cha chos shes pas de chos shes pa yin gyi rjes su shes pa'i cha ni ma yin no//gzhan gyi sems shes pa chos dang rjes dang kun rdzob shes pa'i ngo bo nyid kyi yang chos shes pa'i cha de chos shes pa yin no/ /rjes su shes pa yang de dang 'dra ste/ rjes su shes pa gcig kho na yin la/bdun gyi cha yang yin te/ sdug bsngal shes pa la sogs pa de dag nyid kyi cha rjes su shes pa gang yin pa de ni rjes su shes pa yin no zhes bya bar sbyar ro/ /sdug bsngal shes pa ni shes pa bcu'i nang na shes pa gcig yin te/ sdug bsngal shes pa de nyid yin no//chos dang rjes dang zad pa dang mi skye ba shes pa bzhi'i cha yang yin te/ chos shes pa la sogs pa bzhi po de dag ni bden pa bzhi la dmigs pa yin te/ de dag gi cha sdug bsngal la dmigs pa gang yin pa de sdug bsngal shes pa yin gyi cha gzhan ni ma yin no/ / kun 'byung ba dang 'gog pa shes pa yang de 'dra bar sbyar bar bya ste/ so sor shes pa gcig yin te/ kun 'byung ba shes pa dang 'gog pa shes pa yin la/ bzhi'i cha yang yin te/ chos dang rjes dang zad pa dang mi skye ba shes pa rnams kyi cha kun 'byung ba la dmigs pa 'am/ 'gog pa la dmigs pa'i cha gang yin pa de ni kun 'byung ba shes pa dang / 'gog pa shes pa yin no/ /lam shes pa ni shes pa bcu'i nang na shes pa gcig yin te/ lam shes pa de nyid yin no/ /chos dang / rjes dang / zad pa dang / mi skye ba dang / gzhan gyi sems shes pa dang /lnga'i cha yang yin te/ lnga po 'di dag ni lam shes pa dang / lam shes pa ma yin pa'i ngo bo nyid yin te/ de dag gi cha lam shes pa gang yin pa de ni lam shes pa yin gyi gzhan ni ma yin no/ /pha rol gyi sems shes pa ni shes pa bcu'i nang na shes pa gcig yin te/ pha rol gyi sems shes pa de nyid yin no/ /chos dang / rjes dang / lam dang / kun rdzob shes pa bzhi'i cha yang yin te/ shes pa bzhi po 'di dag ni gzhan gyi sems shes pa dang / gzhan gyi sems shes pa ma yin pa'i ngo bo nyid yin te/ de dag gi cha gzhan gyi sems shes pa gang yin pa de ni gzhan gyi sems shes pa yin gyi gzhan ni ma yin no//zad pa shes pa ni shes pa bcu'i nang na shes pa gcig yin te/ zad pa shes pa de nyid yin pas rang gi ngo bos bsdus pa yin no/ /chos dang / rjes dang / sdug bsngal dang / kun 'byung ba dang / 'gog pa dang / lam shes pa drug gi cha yang yin te/zad pa shes pa ni bdag gis sdug bsngal yongs su shes so zhes bya ba la sogs pa'i rnam pa can gyi shes pa'i rgyu mthun pa can yin no/ /de la 'dod pa na spyod pa'i sdug bsngal la sogs pa la dmigs pa gang yin pa de ni chos shes pa'i nang du 'dus so//gzugs dang gzugs med pa na spyod pa'i sdug bsngal la sogs pa la dmigs pa gang yin pa de ni rjes su shes pa'i nang du 'dus so/ /sdug bsngal la sogs pa so so la dmigs pa gang yin pa de ni sdug bsngal shes pa nas lam shes pa'i bar yin no/ /de lta bas na 'dir de dag gi cha de lta bu'i mtshan nyid gang yin pa de ni zad pa shes pa yin gyi gzhan ni ma yin pas drug gi cha yang yin zhes bya'o//mi skye ba shes pa yang de dang 'dra bar shes pa bcu'i nang na shes pa gcig yin te/ mi skye ba shes pa de nyid yin no/ /drug gi cha yang yin te/ chos dang rjes dang sdug bsngal dang kun 'byung ba dang 'gog pa dang lam shes pa dag gi cha bdag gis sdug bsngal yongs su shes te yang yongs su shes par byar med do zhes bya ba la sogs pa'i rnam pa can 'dod pa dang /gzugs dang gzugs med pa na spyod pa'i sdug bsngal la sogs pa la dmigs pa gang yin pa de ni mi skye ba shes pa yin gyi/cha gzhan ni ma yin pas drug gi cha yang yin zhes bya'o/ /rnam pa rnam pa spyod yul dang / /zhes bya ba ni rnam pa dang / spyod yul ni rnam pa spyod yul lo/ /rnam pa dang rnam pa dang spyod yul ni rnam pa rnam pa spyod yul te/ de'i phyir ro//rang bzhin las ni kun rdzob shes pa ste zhes bya ba ni rang bzhin las te/ ngo bo nyid kyi kun rdzob kyi shes pa yin no/ /yang na kun rdzob la shes pas na kun rdzob shes pa ste/ de ci'i phyir zhe na/ don dam pa mi shes pa'i phyir ro/ /chos shes pa ni 'dod pa'i khams kyi gnyen po yin la rjes su shes pa ni/khams gong ma'i gnyen po yin te/ 'di ltar bstan bcos las/ chos shes pa gang zhe na/ 'dod pa dang ldan pa'i 'du byed rnams shes pa zag pa med pa gang yin pa dang / 'dod pa dang ldan pa'i 'du byed rnams kyi rgyu shes pa zag pa med pa gang yin pa dang /'dod pa dang ldan pa'i 'du byed rnams 'gog pa shes pa zag pa med pa gang yin pa dang / 'dod pa dang ldan pa'i 'du byed rnams spong bar 'gyur ba'i lam shes pa zag pa med pa gang yin pa 'di ni chos shes pa zhes bya'o/ /gzhan yang chos shes pa dang /chos shes pa'i sa shes pa zag pa med pa gang yin pa de ni chos shes pa zhes bya'o/ /rjes su shes pa gang zhe na/ gzugs dang gzugs med pa dang ldan pa'i 'du byed rnams shes pa zag pa med pa gang yin pa dang / gzugs dang gzugs med pa dang ldan pa'i 'du byed rnams kyi rgyu shes pa zag pa med pa gang yin pa dang /gzugs dang gzugs med pa dang ldan pa'i 'du byed rnams 'gog pa shes pa zag pa med pa gang yin pa dang / gzugs dang gzugs med pa dang ldan pa'i 'du byed rnams spong bar 'gyur ba'i lam shes pa zag pa med pa gang yin pa 'di ni rjes su shes pa zhes bya'o//gzhan yang rjes su shes pa dang / rjes su shes pa'i sa shes pa zag pa med pa gang yin pa 'di ni rjes su shes pa zhes bya'o zhes bya ba la sogs pa bshad do/ /rnam pa las ni sdug bsngal dang kun 'byung ba shes pa dag ces bya ba ni rnam pa kho na las yin gyi de gnyis nye bar len pa'i phung po lnga'i mtshan nyid du khyad par med pa'i phyir dmigs pa las ni ma yin te/'di ltar bstan bcos las/ sdug bsngal shes pa gang zhe na/ nye bar len pa'i phung po lnga la mi rtag pa dang / sdug bsngal ba dang / stong pa dang bdag med par yid la byed pa'i shes pa zag pa med pa gang yin pa'o//kun 'byung ba shes pa gang zhe na/ zag pa dang bcas pa'i rgyu la rgyu dang / kun 'byung ba dang / rab tu skye ba dang / rkyen nyid du yid la byed pa'i shes pa zag pa med pa gang yin pa ste/ 'di ni kun 'byung ba shes pa zhes bya'o zhes bshad do/ /rnam pa dang dmigs pa las ni 'gog pa dang lam shes pa dag ces bya ba ni 'gog pa dang /lam shes pa dag ni rnam pa dang dmigs pa las rnam par gzhag ste/ 'di ltar bstan bcos las/ 'gog pa shes pa gang zhe na 'gog pa la 'gog pa dang / zhi ba dang / gya nom pa dang / nges par 'byung ba'i yid la byed pa'i shes pa zag pa med pa gang yin pa ste/ 'di ni 'gog pa shes pa zhes bya'o/ /lam shes pa gang zhe na/ lam la lam dang / rigs pa dang / sgrub pa dang / nges par 'byin par yid la byed pa'i shes pa zag pa med pa gang yin pa ste/ 'di ni lam shes pa zhes bya'o zhes bshad do//dang po nyid du zhes bya ba smos pa ni mi skye ba shes pa las khyad par du bya ba'i phyir te/ de yang bya ba byas pa'i rgyud la ni skye'o/ /zag pa med pa'i shes pa thams cad kyi rgyu can yin pa'i phyir ro zhes bya ba ni shes pa bcu sngar skyed pa'i dbang du byas te mi skye ba shes pa ni skal ba mnyam pa'i rgyus zag pa med pa thams cad kyi rgyu can yin no//zad pa shes pa ni zag pa med pa thams cad kyi rgyu can ma yin te/ mi skye ba shes pa khyad par du 'phags pa'i phyir rgyu ma yin no/ /thams cad kyi gnyen po thams cad yin pa'i phyir zhes bya ba ni 'dod pa'i khams mthong ba dang bsgom pas spang bar byas pas bsdus pa rnam pa lnga po thams cad kyi gnyen po chos shes pa mthong ba dang bsgom pa'i lam gyis bsdus [(]pa'iphags [,]pa'i 'phags [)]pa'i bden pa bzhi la dmigs pa thams cad yin pas chos shes pa 'dod pa'i khams kho na'i gnyen po yin no zhes bshad mod kyi/'on kyang chos shes pa gzugs dang gzugs med pa'i khams dag gi gnyen po yang yod pa srid do/ /de gang zhe na/ 'gog pa dang lam la chos shes pa gang yin pa ste/ 'gog pa dang lam dag ni/ khams su gtogs pa ma yin pas de dag ni 'og ma yang dman par rnam par mi gzhag go//sdug bsngal dang kun 'byung ba'i bden pa dag ni sa 'og ma dman pa yin pas de dag la dmigs pa'i chos shes pa ni gzugs dang gzugs med pa'i khams kyi gnyen po ma yin no zhes bya bar khong du chud par bya'o/ /bsgom pa'i lam la zhes bya ba smos pa ni gzugs dang gzugs med pa na spyod pa'i mthong bas spang bar bya ba rnams ni rjes su shes pa'i bzod pas gzhom par bya ba yin no//'o na rjes su shes pa 'gog pa dang lam la dmigs pa bsgom pa'i lam gyis bsdus pa ci'i phyir khams gsum gyi gnyen po ma yin zhe na/'dod pa'i khams las rgyal zin pa'i phyir te/ chos shes pa kho nas 'dod pa'i khams las sngar rgyal bar gyur nas de'i 'og tu rjes su shes pa skye bas de'i phyir 'dod pa'i khams las rgyal zin pas de ni 'dod pa'i khams kyi gnyen po ma yin gyi/ chos shes pa ni gzugs dang gzugs med pa'i khams dag las ma rgyal ba'i phyir gnyen po yin par rung ngo / /rjes su shes pa ni rnam pa thams cad du zhes bya ba ni bsgom pa'i lam gyis bsdus pa yang zhes bya ba yin no/ /de dag ni 'og nas zhes bya ba ni mi rtag pa la sogs pa'i rnam pa de dag ni 'og nas bshad par bya'o//rnam pa bcu drug ces bya ba ni dro bar gyur pa la sogs pa na'o/ /rang dang spyi'i mtshan nyid la sogs pa 'dzin pa'i phyir ro zhes bya ba ni rang gi mtshan nyid dang spyi'i mtshan nyid 'dzin pa'i phyir ro/ /sogs pa zhes bya ba'i sgras ni zo shig /'dug shig song shig ces bya ba la sogs pa bsdu ste/'di dag ni rang gi mtshan nyid kyi rnam pa yang ma yin la/ spyi'i mtshan nyid kyi rnam pa yang ma yin no/ /'o na ci zhe na/ de lta bu rnam pa dag kho na yin no/ /gnyi ga yang zhes bya ba ni zag pa dang bcas pa dang zag pa med pa'o/ /'o na zhes bya ba rgyas par 'byung ba ni 'dod chags dang sems cig car 'dzin to snyam du bsams pa yin te/mdo las 'di skad du/ 'dod chags dang bcas pa'i sems la 'dod chags dang bcas pa'i sems so zhes bya bar yang dag pa ji lta ba bzhin rab tu shes so/ /'dod chags dang bral ba'i sems la 'dod chags dang bral ba'i sems so zhes bya bar yang dag pa ji lta ba bzhin rab tu shes so//'dod chags dang bcas pa dang 'dod chags dang bral ba ji lta ba bzhin du zhe sdang dang bcas pa dang zhe sdang dang bral ba dang / gti mug dang bcas pa dang / gti mug dang bral ba dang /kun du bsdus pa dang / rnam par g.yengs pa dang / zhum pa dang / rab tu gzung ba dang / chung ngu dang chen por gyur pa dang / nye bar ma zhi ba dang / nye bar zhi ba dang / rgod pa dang / rgod pa ma yin pa dang / mnyam par ma bzhag pa dang / mnyam par bzhag pa dang / ma bsgoms pa dang / bsgoms pa dang / rnam par ma grol ba dang / rnam par grol ba'o zhes bya bar yang dag pa ji lta ba bzhin rab tu shes so zhes 'byung ngo / /gos dang dri ma cig car mi 'dzin pa bzhin no zhes bya ba ni ji ltar gos dang dri ma dag cig car mi 'dzin pa de 'dra'o/ /ji lta zhe na/gang gi tshe rnam par shes pa gos so snyam du yongs su gcod pa'i rnam pa can du skye ba de'i tshe dri ma mi 'dzin la/ gang gi tshe rnam par shes pa dri ma'o snyam du yongs su gcod pa'i rnam pa can du skye ba de'i tshe gos mi 'dzin to/ /'dres pa'i 'dod chags dang bcas pa nyid dang / ldan pa'i 'dod chags dang bcas pa nyid do zhes bya ba la/'dres pa'i 'dod chags dang bcas pa nyid ni 'dod chags dang mtshungs par ldan pa'i phyir ro/ /ldan pa'i 'dod chags dang bcas pa nyid ni/ kha cig na re 'dod chags kyi thob pa dang 'brel pa'i phyir ro zhes zer ro/ /gzhan dag na re 'dod chags rgyas par 'gyur ba'i dmigs pa yin pa'i phyir ro zhes zer ro//gnyis kyis zhes bya ba ni 'dres pa'i 'dod chags dang bcas pa nyid dang / ldan pa'i 'dod chags dang bcas pa nyid kyis zhes bya ba'i tha tshig go/ /de las gzhan pa zag pa dang bcas pa zhes bya ba ni nyon mongs pa can dang /lung du ma bstan pa dang / 'jig rten pa'i dge ba gang yin pa de ni ldan pa'i 'dod chags dang bcas pas 'dod chags dang bcas pa yin te/ de ltar na 'di gnyi ga yang 'dod chags dang bcas pa kho nar bshad pa yin no/ /smras pa ci'i phyir la la'i gzhung lugs kyis 'dod chags kyi gnyen po ni 'dod chags dang bral ba yin no zhes zer na/'di ltar de dag na re gal te 'dod chags dang mtshungs par mi ldan pa 'dod chags dang bral ba yin na ni nyon mongs pa gzhan dang mtshungs par ldan pa ste/ zhe sdang la sogs pa dang mtshungs par ldan pa yang 'dod chags dang bral ba yin par 'gyur ba zhig na/'dod chags dang mtshungs par mi ldan pa de yang 'dod chags dang bcas pa yin te/ mdo las zhe sdang la sogs pa dang mtshungs par ldan pa la 'dod chags dang bral ba zhes ni ma bshad de/ zhe sdang dang bcas pa dang / gti mug dang bcas pa zhes bya ba la sogs pa 'byung ba'i phyir ro/ /gang dag gi ltar na 'dod chags kyi gnyen po ni 'dod chags dang bral ba yin no zhes bya ba de dag gi ltar na ni 'di nyes pa med de/ 'dod chags kyi gnyen po ni zhe sdang la sogs pa dang mtshungs par ldan pa ma yin no zhes zer ro//gzhan dag na re zhes bya ba ni chos mngon pa pa dag go/ /de lta na ni 'o na zhes bya ba rgyas par 'byung ba ni gal te 'dod chags dang mtshungs par ldan pa'i sems ni 'dod chags dang bcas pa yin la/ 'dod chags kyi gnyen po ni 'dod chags dang bral ba yin na de'i gnyen po ma yin pa 'dod chags dang bcas pa'i sems kyi gnyen po ma yin pa'i sems nyon mongs pa can ma yin pa ma bsgribs la lung du ma bstan pa ni 'dod chags dang mtshungs par mi ldan pa'i phyir 'dod chags dang bcas pa yang ma yin la/'dod chags kyi gnyen po ma yin pa'i phyir 'dod chags dang bral ba yang ma yin no/ /de lta bu la sogs pa zhes bya ba'i sgras ni zhe sdang dang bcas pa dang / gti mug dang bcas pa zhes bya ba yang 'dra bar thal bar 'gyur bar sbyar bar bya'o/ /ji lta zhe na/ kha cig na re mdo 'dir ni zhe sdang dang mtshungs par ldan pa'i sems ni zhe sdang dang bcas pa yin la/zhe sdang gi gnyen po ni zhe sdang dang bral bar bshad pa yin te/ gal te zhe sdang dang mtshungs par mi ldan pa zhe sdang dang bral ba yin na ni nyon mongs pa gzhan dang mtshungs par ldan pa yang yin par 'gyur ro zhes zer ro//gzhan dag na re de lta na ni 'o na de'i gnyen po ma yin pa'i sems nyon mongs pa can ma yin pa zhe sdang dang bcas pa ma yin la/ zhe sdang dang bral ba yang ma yin zhes bya ba dang / de bzhin du gti mug dang bcas pa'i sems kyang brjod par bya'o/ /de lta bas na 'dir 'dod chags dang ldan pas kyang 'dod chags dang bcas pa'i sems su 'dod par bya'o//kyang zhes bya ba'i sgras ni 'dod chags dang mtshungs par ldan pas kyang zhes bya ba yin no/ /gti mug dang bcas pa dang / gti mug dang bral ba'i bar du yang de dang 'dra bar shes par bya'o zhes bya ba ni de lta bas na mdo 'dir zhe sdang dang ldan pas kyang zhe sdang dang bcas pa dang /gti mug dang ldan pas kyang gti mug dang bcas par 'dod par bya'o zhes bya ba yin no/ /dmigs pa la mngon par sdud pa'i phyir zhes bya ba ni dge ba'i sems ni rnam par g.yeng ba dang mtshungs par mi ldan te/ de lta bas na de'i dmigs pa la de mngon par sdud pas kun du bsdus pa yin no//nyon mongs pa can gyi gnyid dang mtshungs par ldan pa'i phyir zhes bya ba ni gnyid ni rnam pa gnyis te/ nyon mongs pa can dang / nyon mongs pa can ma yin pa'o/ /sems de nyid nyon mongs pa can gyi gnyid dang mtshungs par ldan pa'i phyir bsdus pa yang yin la/nyon mongs pa can yin pa'i phyir rnam par g.yeng ba yang yin par 'gyur bar 'chol ba'i skyon du 'gyur ro/ /bstan bcos dang 'gal bar yang 'gyur ro zhes bya ba ji lta zhe na/ sems kun du bsdus pa yang dag pa ji lta ba bzhin rab tu shes so zhes rgyas par ji skad du 'grel pa'i nad du bris pa lta bu yin no//de dag las re zhig rjes su shes pa ni kun du bsdus pa'i sems la dmigs pa ma yin te/ 'dod pa'i khams las yan chad na gnyid med pa'i phyir dang / rjes su shes pa yang 'dod pa'i khams la mi dmigs pa'i phyir ro//lam la shes pa yang kun du bsdus pa la dmigs par mi srid de/ lam shes pa ni lam la dmigs pa yin la lam gyis bsdus pa'i sems kyang gnyid dang mtshungs par mi ldan pas so/ /des na 'di skad du de shes pa'i shes pa ni gnyis te/ chos shes pa dang / kun rdzob shes pa'o zhes brjod dgos par 'gyur ro//gang dag na re kun du bsdus pa'i shes pa ni dmigs pa la mngon par sdud pa'i phyir dge ba yin no zhes zer ba de dag gi ltar na nyes pa 'di gnyis su mi 'gyur te/ de ni nyon mongs pa can gyi gnyid dang mtshungs par mi ldan pas bsdus pa yang yin la/rnam par g.yengs pa yang yin par mi 'gyur ro/ /bstan bcos dang 'gal ba yang med de/ kun du bsdus pa'i sems dge ba ni khams gsum gyis bsdus pa dang ma bsdus pa yin pas de shes pa'i shes pa ni bzhi zhes bya ba 'grub ste/ gzugs dang gzugs med pa'i sems dge ba la dmigs pa zag pa med pa'i shes pa ni rjes su shes pa yin la/lam gyis bsdus pa'i sems dge ba la dmigs pa ni lam shes pa yang yin no/ /rnam par byang ba chung ngu dag gis bsten pa'i phyir zhes bya ba ni dge ba chung ngu dag gis bsten pa'i phyir zhes bya ba'i tha tshig go//de las bzlog pa yin pa'i phyir zhes bya ba ni rnam par byang ba chen po dag gis bsten pa'i phyir zhes bya ba'i don to/ /rtsa ba dang rin dang zhes bya ba rgyas par 'byung ba ni rtsa ba la sogs pa stobs la thug pa rnams re re zhing chung ba dang che ba nyid yin te/rtsa ba nyung ba dang mang ba'i phyir go rims bzhin du chung ngu dang chen por gyur pa yin par rig par bya'o/ /ji lta zhe na/ smras pa nyon mongs pa can mi dge ba'i rtsa ba gnyis pa gti mug dang chags pa dang zhe sdang dag las gang yang rung ba zhig gis rtsa ba dang bcas pa yin te/tshogs pa gcig la de gnyis 'du ba med pa'i phyir ro/ /dge ba ni dge ba'i rtsa ba gsum po ma chags pa dang / zhe sdang med pa dang gti mug med pa dag gis te/ 'di rnams ni med na mi 'byung ba'i phyir ro/ /de dang 'dra ba ma 'ongs pa thob pa med pa'i phyir zhes bya ba ni lugs kyi dge ba'i chos 'dus byas dag 'thob par 'gyur ro zhes bya ba yin pas nyon mongs pa can dang 'dra ba ma 'ongs pa thob cing rnyed pa ni med pa'i phyir ro//phung po gsum gyis rjes su 'brang ba dang bcas pa yin no zhes bya ba ni tshor ba dang / 'du shes dang / 'du byed kyi phung po rnams so/ /rnam par shes pa'i phung pos ni ma yin te/tshogs pa gcig la rnam par shes pa gnyis pa med pa dang / bdag nyid kyis bdag nyid la byed pa yang 'gal ba'i phyir ro/ /dge ba ni de dang 'dra ba ma 'ongs pa thob pa yod pa'i phyir 'khor ba mang ba yin la/ phung po bzhi po tshor ba la sogs pa gsum po de dag gzugs kyi phung po bsam gtan dang /zag pa med pa'i sdom pas bsdus pa/ sems kyi rjes su 'brang bas ci rigs par rjes su 'brang ba dang bcas pa yin no/ /yang nyon mongs pa can ni stobs chung ba yin no zhes bya ba dge ba yang log par lta ba'i skad cig ma gcig gis dge ba'i phung po lnga 'joms pa'i phyir/stobs chung ba ma yin nam zhe na/ de ni gtan du 'chad pa ma yin te/ yang mtshams sbyor ba'i phyir ro/ /sdug bsngal la chos shes pa'i bzod pas ni phra rgyas bcu po gtan du gcod do/ /de'i phyir yang zhes bya ba la/yang zhes bya ba'i sgras ni sngar bshad pa'i phyir yang zhes bya ba yin no/ /de'i gnyen po yin pa'i phyir zhes bya ba ni rgod pa'i gnyen po yin pa'i phyir ro zhes bya ba'i tha tshig go/ /rnam par ma zhi ba dang / rnam par zhi ba yang de dang 'dra'o zhes bya ba ni rnam par ma zhi ba ni rgod pa dang mtshungs par ldan pa'i phyir nyon mongs pa can yin la/rnam par zhi ba ni de'i gnyen po yin pa'i phyir dge ba yin no/ /yang na de ni nyon mongs pa dang mtshungs par ldan pa dang mtshungs par mi ldan pa'i sgo nas nye bar ma zhi ba dang nye bar zhi ba yin no/ /mnyam par gzhag pa ni de'i gnyen po yin pa'i phyir dge ba yin no zhes bya ba ni rnam par g.yeng ba'i gnyen po yin pa'i phyir ro//'thob pa dang bsten pa'i bsgom pa dag gis zhes bya ba ni sngon ma thob pa las 'thob pa ni 'thob pa'o/ /mngon du byed pa ni bsten pa'o/ /de dag nyid bsgom pa yin te/ ma bsgoms pa ni de dag gis ma bsgoms pa'i phyir ro//nyon mongs pa can ni dge ba bzhin du ma 'ongs pa thob pa yang med la/ dman pa'i phyir bsten par 'os pa yang ma yin te/ 'thob dang bsten ces bya ba ni dge ba 'dus byas 'thob pa'o zhes 'byung ngo / /de gnyis kyis zhes bya ba ni 'thob pa dang bsten pa'i bsgom pa dag gis zhes bya ba'i tha tshig go//rang bzhin dang rgyud rnam par grol ba dag gis rnam par ma grol ba'i phyir zhes bya ba ni nyon mongs pa dag dang mtshungs par ldan pa'i phyir rang bzhin rnam par grol bas kyang rnam par grol ba ma yin la/ nyon mongs pa zad pa'i rgyud la mi skye ba'i phyir rgyud rnam par grol bas kyang rnam par grol ba ma yin no/ /rnam par grol ba ni nyon mongs pa dang mtshungs par mi ldan pa'i phyir dang / nyon mongs pa zad pa'i rgyud la skye ba'i phyir dge ba yin no/ /rmugs pa dang gnyid dang lhan cig par gyur zhes bya ba ni rmugs pa dang gnyid dang mtshungs par ldan pa'o//lhag mthong dang mtshungs par mi ldan pa zhes bya ba ni nang du kun du 'gog pa dang lhan cig par gyur zhes bya ba de kho na ston par byed pa yin no/ /rnam par 'phros pa zhes bya ba ni rjes su g.yengs pa zhes bya ba 'di'i bshad pa yin no//nyon mongs pa can gyi gnyid dang lhan cig par gyur pa rnam par g.yengs pa nyid du dam ma bcas pa'i phyir ro zhes bya ba ci'i phyir 'di la rnam par g.yengs pa nyid du yin par dam mi 'cha'/ ci nyon mongs pa can gyi sems gnyid dang lhan cig par gyur pa la rnam par g.yengs pa nyid med pas dam mi 'cha' 'am 'on te 'di la rnam par g.yengs pa nyid yod mod kyi kun du bsdus pa nyid du rnam par gzhag pa'i phyir dam mi 'cha' zhe na/gnyi gar yang 'chad de kha cig na re nyon mongs pa can gnyid dang lhan cig par gyur pa las gzhan pa'i nyon mongs pa can gang yin pa de ni rnam par g.yengs pa yin la/gnyid dang lhan cig par gyur pa ni nyon mongs pa can ma yin par khyad par med par kun du bsdus pa yin par dam 'cha'o zhes zer ro/ /gzhan dag na re gnyid dang mtshungs par ldan pa gang yin pa de ni kun du bsdus pa kho na yin gyi rnam par g.yengs pa ni ma yin te/rnam par g.yengs pa ni yul rnams la rnam par 'phros pa gang yin pa de kho na yin no/ /de'i phyir 'dir gnyid dang mtshungs par ldan pa'i sems la dam mi 'cha'o zhes zer ro/ /bstan bcos dang 'gal ba ni bla'i zhes bya ba ni bstan bcos chos mngon pa sangs rgyas kyis gsungs pa ma yin no snyam du bsams pa yin no//mtshan nyid kyang tha mi dad par bshad pa'i phyir zhes bya ba ni de dag thams cad nyon mongs pa can du bshad pas rnam par g.yengs pa la sogs pa nas rnam par ma grol ba la thug pa 'di dag gi mtshan nyid nyon mongs pa can nyid du khyad par med de/nyon mongs pa can nyid ni nyon mongs pa'i sa mang po dag dang mtshungs par ldan pa'i phyir ro/ /kun du bsdus pa dang / rab tu gzung ba la sogs pa'i mtshan nyid kyang tha mi dad par bshad pa'i phyir don gyi khyad par yang ma bshad pa yin no zhes bya bar sbyar ro//sogs pa zhes bya ba'i sgras ni chen po dang / rgod pa ma yin pa dang / rnam par zhi ba dang / mnyam par bzhag pa dang / bsgoms pa dang / rnam par grol ba rnams bsdus te/ 'di dag ni dge ba nyid du khyad par med do/ /dge ba nyid gang yin zhe na/dge ba'i sa mang po pa dag dang mtshungs par ldan pa'i phyir ro/ /ma bshad pa ma yin pa nyid de zhes bya ba la/ nyid ces bya ba ni tshig gi phrad do/ /ma bshad pa ma yin zhes dgag pa gnyis smos pa ni bshad pa kho na zhes bya ba'i tha tshig go/ /ci zhig bshad ce na/tshig rnams kyi don gyi khyad par ro/ /ji ltar zhe na/ smras pa/ rnam par g.yengs pa la sogs pa nyon mongs pa can du mtshungs shing nyon mongs pa can nyid du 'dra yang 'di ltar sems nyon mongs pa can 'di ni rnam par g.yengs pa dang ldan pa'i phyir rnam par g.yengs pa nyid yin no/ / nyon mongs pa can gyi le lo dang ldan pa'i phyir zhum pa yin no/ /rgod pa dang ldan pa'i phyir rgod pa yin no zhes bya ba de lta bu la sogs pa nyes pa'i khyad par bstan pas de dag gi nyes pa'i khyad par yang dag par bstan pa'i phyir don gyi khyad par bshad pa kho na yin no/ /de bzhin du kun du bsdus pa la sogs pa dge ba'i yang 'di ltar sems dge ba 'di ni kun du bsdus pa yin no//rab tu bzung ba yin no zhes bya ba rgyas par yon tan gyi khyad par yang dag par bstan pas don gyi khyad par bshad pa kho na yin no/ /mdo dang 'gal ba ma spangs pa'i phyir zhes bya ba ni mdo las ni kun du bsdus pa ni rmugs pa dang /gnyid dang lhan cig par gyur pa yin no zhes 'byung ste/ rmugs pa dang ldan pas nyon mongs pa can gyi gnyid dang mtshungs par ldan pa gang yin pa de ni kun du bsdus pa yin gyi/ dge ba ni ma yin te/ rmugs pa ni nyon mongs pa'i sa mang po pa yin pa'i phyir ro//gal te mdo las zhes bya ba rgyas par 'byung ba ni gal te mdo las khyed kyi lugs ltar bcom ldan 'das kyis zhum pa nyid rgod pa yin par dgongs par gyur na ni/ zhum pa dang rgod pa dag tha dad par gsungs pa nyid du mi 'gyur ro/ /ji lta zhe na/ smras pa/ gang gi tshe sems zhum pa ste le lo dang mtshungs par ldan pa dang / zhum par dogs pa ste 'di ni zhum par 'gyur ro zhes bya bar dogs pa ni zhum par dogs pa'o/ /de'i tshe shin tu sbyangs pa dang / ting nge 'dzin dang / btang snyoms yang dag byang chub kyi yan lag rnams bsgom pa ni dus ma yin no zhes bya ba nges par 'dir mi 'gyur gyi 'di skad du de'i tshe chos rab tu rnam par 'byed pa dang /brtson 'grus dang / dga' ba yang dag byang chub kyi yan lag rnams bsgom pa'i dus kyang ma yin no zhes brjod dgos par 'gyur ro//ci'i phyir zhe na/ sems zhum pa de nyid rgod pa yin pa'i phyir ro/ /de bzhin du sems rgod pa dang rgod par dogs pa de'i tshe chos rab tu rnam par 'byed pa dang / brtson 'grus dang / dga' ba yang dag byang chub kyi yan lag rnams bsgom pa'i dus ma yin no zhes bya ba'i nges pa 'dir mi 'gyur gyi 'di skad du de'i tshe shin tu sbyangs pa dang /ting nge 'dzin dang / btang snyoms yang dag byang chub kyi yan lag rnams bsgom pa'i dus kyang ma yin no zhes brjod dgos par 'gyur ro/ /ci'i phyir zhe na/ sems rgod pa de nyid zhum pa ma yin pa'i phyir ro//yang na bye brag med par gang gi tshe sems zhum pa dang zhum par dogs pa'am/ rgod pa dang rgod par dogs pa de'i tshe shin tu sbyangs pa dang / ting nge 'dzin dang / btang snyoms dang / chos rab tu rnam par 'byed pa dang / brtson 'grus dang / dga' ba yang dag byang chub kyi yan lag rnams bsgom pa'i dus ma yin no zhes brjod dgos par 'gyur ro//dran pa yang dag byang chub kyi yan lag ma smos pa ni dran pa ni kun du 'gro ba yin pa'i phyir sems gnyi ga la ma bshad kyang grub pa'i phyir te/ mdo las/ dran pa ni kun du song ba yin no zhes nga smra'o zhes 'byung ba'i phyir ro//yang ji ltar na bye brag tu smra ba zhum pa gang yin pa de nyid rgod pa yin no zhes bya bar 'dod par mngon zhe na/ sems zhum pa ni le lo dang mtshungs par ldan pa'i phyir nyon mongs pa can yin no/ /sems rgod pa ni rgod pa dang mtshungs par ldan pa'i phyir nyon mongs pa can yin no zhes 'byung ba'i phyir ro//ci 'di la byang chub kyi yan lag rnams so sor bsgom mam zhes bya ba ni gal te res 'ga' shin tu sbyangs pa la sogs pa bsgom pa kho na yin la/ chos rab tu rnam par 'byed pa la sogs pa bsgom pa ma yin pa'am/res 'ga' chos rab tu rnam par 'byed pa la sogs pa bsgom pa kho na yin gyi shin tu sbyangs pa la sogs pa bsgom pa ma yin na so sor bsgom pa yin no/ /'di dag yid la byed pa bsgom pa yin par 'dod kyi mngon sum du 'gyur ba ni ma yin no zhes bya ba la/ yid la byed pa ni dmigs par byed pa ste/sems zhum pa'i tshe shin tu sbyangs pa la sogs pa la dmigs par bya zhing gtad par bya ba'i dus ma yin la/ sems rgod pa'i tshe chos rab tu rnam par 'byed pa la sogs pa dmigs par bya ba'i dus ma yin no zhes bya ba'i don yin gyi/ de'i tshe shin tu sbyangs pa la sogs pa mngon du mi bya ba'i chos rab tu rnam par 'byed pa la sogs pa ni mngon du bya'o zhes bya ba'am/ chos rab tu rnam par 'byed pa la sogs pa mngon du bya'i shin tu sbyangs pa la sogs pa ni ma yin no zhes bya ba lta bur mngon sum du 'gyur ba'i bsgom pa yin par ni mi 'dod do//'di las le lo lhag pa'i sems zhes bya ba rgyas par 'byung ba ni gang le lo lhag cing shas che la rgod pa ni bag la zha bar 'dug pa de ni zhum pa yin la/ gang la rgod pa lhag la le lo ni bag la zha bar 'dug pa de ni rgod pa yin pas 'di gnyis la bye brag yod pa'i phyir mdo las so sor smos pa dang 'gal ba med do// //bam po lnga bcu bzhi pa/ de gnyis kyang tshogs pa gcig la lhan cig pa yin pa'i phyir sems de nyid zhum pa yang yin la/ de nyid rgod pa yang yin no zhes smra'o zhes bya ba ni zhum pa ni le lo dang mtshungs par ldan pa'i phyir nyon mongs pa can yin no//rgod pa ni rgod pa dang mtshungs par ldan pa'i phyir nyon mongs pa can yin no/ /slob dpon gyis bsam pa can zhes bya ba nas mdo'i dgongs pa ni le lo lhag pa'i sems ni zhum pa zhes bshad la/ rgod pa lhag pa ni rgod pa zhes bshad ces bya ba 'di ma yin no zhes bya ba'i bar smos te/'di ltar gang gi tshe sems zhum pa dang zhum par dogs pa zhes bya ba rgyas par gsungs kyi/ 'di skad du le lo lhag pa zhe 'am/ rgod pa lhag pa zhes khyad par du ni ma mdzad do/ /'dod chags dang ldan pa'i sems thams cad 'dod chags dang bcas pa yin no zhes gang bshad pa zhes bya ba ji skad du bshad ce na/de la 'dod chags dang mtshungs par ldan pa'i sems ni gnyis kyi 'dod chags dang bcas pa yin no/ de las gzhan pa gang zag pa dang bcas pa ni ldan pa'i 'dod chags dang bcas pas 'dod chags dang bcas pa yin no zhes 'byung ba'i phyir dang /de lta bas na 'dir 'dod chags dang ldan pas kyang 'dod chags dang bcas pa'i sems su 'dod par bya ste zhes 'byung ba'i phyir ro/ /slob pa'i sems zag pa med pa yang 'dod chags dang bcas par 'gyur ro zhes bya ba ni slob pa'i rgyud la 'dod chags kyi lhag ma dang bcas pa'i phyir ro//gal te 'dod chags kyi dmigs pa yin no zhes bya ba ni 'dod chags kyi dmigs pa gang yin pa ste 'dod chags dang ldan pas 'dod chags dang bcas pa yin par 'dod na ni dgra bcom pa'i sems zag pa dang bcas pa yang gzhan gyi 'dod chags kyi dmigs pa yin pa'i phyir 'dod chags dang ldan pas na gzhan gyi sems rig pa'am/gzhan gyi sems shes pas 'dod chags dang bcas pa zhes bya bar gzung bar 'gyur ro/ /'on te de la 'dod chags kyi mi dmigs so zhes bya bar 'dod na de'i phyir/yang na de ji ltar zag pa dang bcas pa yin zhes bya ba smos so/ /gal te nyon mongs pa spyi pa'i dmigs pa yin pa'i phyir ro zhe na zhes bya ba ni 'on te nyon mongs pa spyi pa lta ba dang / the tshom dang ma rig pa rnams kyi dmigs pa yin pas de'i phyir zag pa dang bcas pa'o zhes bya bar 'dod na de lta na yang dgra bcom pa'i sems zag pa dang bcas pa gti mug gi dmigs pa yin pa'i phyir gti mug dang bcas par gzung bar 'gyur te/gti mug kyang nyon mongs pa spyi pa yin pa dgra bcom pa nyid kyi sems kyang gzhan gti mug gi dmigs par 'gyur bas so//gzhan gyi sems shes pa ni thob pa la dmigs pa yang ma yin zhes bya ba ni gang gi phyir gzhan gyi sems shes pa sems dang sems las byung ba la dmigs pa yin par 'dod pas de'i phyir 'dod chags kyi thob pa dang bcas pa nyid kyi 'dod chags dang ldan pa'i phyir 'dod chags dang bcas pa'o zhes bya bar yang mi dmigs so//sems de la dmigs pa'i 'dod chags la dmigs pa can yang ma yin no zhes bya ba la/ de la zhes bya ba ni pha rol po'i sems gzhan gyi sems shes pas gzung bar bya ba gang yin pa de ni de la zhes bya ba'i sgrar brjod do/ /sems de la dmigs pa ni sems de la dmigs pa'i 'dod chags so//gzhan gyi sems shes pa 'di la dmigs pa sems de la dmigs pa'i 'dod chags yod pas na de ni sems de la dmigs pa'i 'dod chags la dmigs pa can no/ /'di ltar gzhan gyi sems shes pa ni 'dod chags de lta bu la dmigs pa yang ma yin te/shin tu bskal pa'i phyir ro/ /gzhan gyi sems shes pa ni rdzas re re zhing yul yin pas gzhan gyi sems shes pa ni sems de'i dmigs pa ni mi 'dzin te/ de'i rnam pa dang dmigs pa la mi ltos pa yin te zhes 'byung ba'i phyir dang / sems 'di chags pa yin no zhes bya bar shes kyi zhes 'byung ba'i phyir ro//de'i phyir 'dod chags dang ldan pas 'dod chags dang bcas pa'i sems ma yin no/ /'dod chags dang mtshungs par mi ldan pa'i sems zhes bya ba ni 'dod chags kyi thob pa yod du zin kyang zhes bya bar bsams pa yin no//'dod pa'i srid pa dang / gzugs kyi srid pa dang / gzugs med pa'i srid par phyir mi ldog pa'i chos can yin zhes bya ba ni khams gsum pa'i 'dod chags dang bral bar bstan pa'i phyir ro snyam du bsams pa yin no/ /der ni de'i thob pa dang bral ba las dgongs te gsungs pa yin no zhes bya ba ni 'dod chags la sogs pa'i thob pa'i bral ba las dgongs te gsungs pa yin gyi/mi ldan pa tsam ni ma yin no zhes ston par byed do/ /bshad pa ma yin nam zhes bya ba rgyas par 'byung ba gong du bshad ce na/ kha cig na re mdo 'dir ni zhes bya ba nas/gal te 'dod chags dang mtshungs par mi ldan pa 'dod chags dang bral ba yin na ni nyon mongs pa gzhan dang mtshungs par ldan pa yang yin par 'gyur ro zhes zer ba der ro/ /nyon mongs pa gzhan dang mtshungs par ldan yang 'dod chags dang mtshungs par mi ldan pa'i phyir 'dod chags dang bral ba yin no snyam pa'i dgongs pa 'dis so//gal te de lta na zhe sdang dang bcas pa dang / gti mug la stsogs pa dang bcas pa zhes bya ba la sogs par brjod par mi bya bar 'gyur ro zhe na/ de'i phyir de ni 'dod chags dang bral ba zhes bya bar mi gzung ngo zhes bya ba la sogs pa smos te/zhe sdang la sogs pa dang mtshungs par ldan pa'i sems de ni 'dod chags dang bral bar mi gzung ngo / /'o na ci zhe na/ zhe sdang dang bcas pa dang / gti mug dang bcas pa zhes bya ba de lta bu la sogs par bzung ste/ zhe sdang la sogs pa dang mtshungs par ldan pa nyid kyi khyad par du byas pa nyid do/ /'dir stsogs pa zhes bya ba'i sgras ni kun du bsdus pa dang / rnam par g.yengs pa zhes bya ba la sogs pa mdo las bshad pa'i tshig rnams bsdu'o/ /de lta ma yin na zhes bya ba rgyas par 'byung ba ni gal te gzugs la sogs pa'i dngos po che ge mo zhig la chags so zhes bya bar shes par 'gyur na ni/de la gzugs la dmigs par yang 'gyur te/ de lta yin na ni gzugs la dmigs pa'i phyir de gzhan gyi sems shes pa yin par yang mi 'gyur ro/ /de la dmigs pa'i pha rol gyi sems 'dzin pa na rang gi ngo bo 'dzin par 'gyur ro zhes bya ba ni pha rol gyi sems dmigs pa dang bcas pa 'dzin par 'dod na gzhan gyi sems shes pas rang gi bdag nyid 'dzin par 'gyur te/'di ltar gzhan gyi sems rig pas gang zhig gi sems 'dzin par byed pa de yang gzhan gyi sems rig pa de'i sems la dmigs par 'gyur ba gang yin pa de ni srid pa yod do//de'i phyir gzhan gyi sems shes pas dmigs pa rang nyid yongs su shes pa'i phyir gzhan gyi sems rig pa 'dis rang gi sems kho na la dmigs par 'gyur ba zhig na/ sems des de nyid 'dzin pa gang yin pa de ni rigs pa ma yin te/bdag nyid la byed pa 'gal ba'i phyir ro/ /gzhan gyi sems shes pa thams cad ces bya ba rgyas par 'byung ba ni 'di la yul sems dang sems las byung ba rnams dang / rdzas kyi rang gi mtshan nyid dang / da ltar byung ba rnams dang / pha rol gyi rgyud dang / 'dod pa dang / gzugs dang ldan pa yin pa rnams zhes bsdu ba'i tshig rnam par sbyar te/ sems dang sems las byung ba zhes smos pa ni gzugs la sogs pa las khyad par du bya ba'i phyir ro/ /rdzas zhes smos pa ni kun rdzob tu yod pa bsal ba'i phyir ro/ /rang gi mtshan nyid ces smos pa ni spyi'i mtshan nyid bzlog pa'i phyir ro//da ltar byung ba zhes smos pa ni 'das pa dang ma 'ongs pa las dgar ba'i phyir ro/ /pha rol gyi rgyud ces smos pa ni rang gi rgyud gsal ba'i phyir ro/ /'dod pa dang gzugs dang ldan pa dang / ldan pa ma yin pa zhes smos pa ni gzugs med pa dang ldan pa dgag pa'i phyir ro//mthong ba'i lam bkag pa zhes bya ba ni mthong ba'i lam la gnas pa na gzhan gyi sems shes pa mngon du mi byed pas de'i phyir mthong ba'i lam gyis bsdus pa med de/ mthong ba'i lam ni sems dang sems las byung ba rnam par chad pa la dmigs pa ma yin no/ / bsgom pa'i lam la dmigs pa zhes bya ba ni bsgom pa'i lam gyis bsdus pa yin no zhes bya ba'i tha tshig go/ /stong pa nyid dang mtshan ma med pa dang mi ldan pa zhes bya ba ni stong pa nyid kyi ting nge 'dzin dang / mtshan ma med pa'i ting nge 'dzin dang mi ldan pa ste/ stong pa nyid kyi ting nge 'dzin ni sdug bsngal shes pa dang mtshungs par ldan la/mtshan ma med pa'i ting nge 'dzin ni 'gog pa shes pa dang mtshungs par ldan pa yin na/ gzhan gyi sems shes pa ni rnam pa dang dmigs pa tha dad pa'i phyir sdug bsngal shes pa'am 'gog pa shes pa ma yin pas de gnyis dang mi ldan pa zhes bya'o//shugs kyis na smon pa med pa'i ting nge 'dzin dang mtshungs par ldan pa ni srid do zhes bshad par 'gyur ro/ /zad pa dang mi skye ba shes pas ma bsdus pa zhes bya ba ni zad pa shes pa dang mi skye ba shes pas ma bsdus pa ste/ zad pa dang mi skye ba shes pa'i ngo bo nyid ma yin no zhes bya ba'i don to//ci'i phyir zhe na/ gzhan gyi sems shes pa ni rdzas kyi rang gi mtshan nyid la dmigs pa dang / kun du rtog pa dang yongs su tshol ba'i bsam pa can yin na/ zad pa shes pa dang mi skye ba shes pa ni de lta bu ma yin pas de gnyis kyis ma bsdus so//bar chad med pa'i lam bkag pa zhes bya ba ni de'i spong ba'i lam yin la/ gzhan gyi sems shes pa ni rnam par grol ba dang khyad par gyi lam yin pas so/ /don dam pa dag yin yang kun rdzob la brten pa'i phyir ro zhes bya ba ni don dam pa'i rgyu mtshan can yin pa 'am/don dam pas rtsen pa'i phyir don dam pa dag go/ /de gnyis kun rdzob la brten pa'i phyir te/ gang gi phyir 'di dag kun rdzob la brten pa de'i phyir stong pa dang bdag med pa'i rnam pa can dag med do/ /ji ltar 'di dag kun rdzob la brten ce na/ bdag gi skye ba zad do/ / 'di las srid pa gzhan mi shes so zhes bya ba yin te go rims bzhin no/ /'di dag zag pa med pa yin na ji ltar de lta bu'i rnam pa can dag yin zhe na/ de dag gi stobs kyis rjes su tha snyad 'dogs pa'i sgo nas te/ shes pa gzhan gyis zhes bya ba tshig lhag ma yin no/ /gang gi phyir de dag gi rjes las skyes pa kun rdzob kyi shes pa de dag de lta bu'i rnam pa can du 'jug pa de'i phyir de dag gi rgyu mthun pas de gnyis kun rdzob la brten pa zhes bya'i de gnyis dngos su kun rdzob la brten pa ni ma yin no snyam du bsams pa yin no//gang gi phyir de ltar rgyu mthun pas de nyid bdag tu lta ba la brten pa kho nar 'jug pa'i phyir stong pa dang bdag med pa'i rnam pa ma gtogs pa rnam pa bcu bzhi dang mtshungs par ldan pa dag yin no//mi ldan pa'i sems kyis zhes bya ba ni zag pa med pas so/ /rigs pas bskyed pa'i sgo nas shes par 'gyur ro zhes bya ba ni phyin ci ma log par shes par 'gyur ro zhes bya ba'i tha tshig go//'di ni gnas yod do/ /'di ni gzhi yod do zhes bya ba ni 'di gnyis kyang zag pa med pa'i rnam pa yin te/ 'di ni gnas yod do zhes bya ba ni 'di ni mtshan nyid yod do zhes bya ba'i don to/ /'di ni gzhi yod do zhes bya ba ni 'di ni rgyu yod do zhes bya ba'i tha tshig go/ / 'di'i don ni 'di ma yin zhes bya ba rgyas par 'byung ba ni ngag gam tshig gnyis po 'di yin te/ gal te 'di ni gnas yod do/ /'di ni gzhi yod do zhes bya ba mi rtag pa la sogs par shes par 'gyur ba gang yin pa 'di ni srid do/ /'di ni rigs so zhes bya ba yin no zhes bya bar 'dod na de ni gzhan nas mi 'byung ba'i phyir mi rung ste/tshig gzhan nas tshig de gnyis mi 'byung ba'i phyir ro/ /mthong bas spang bar bya ba zhes bya ba ni mthong bas spang bar bya ba'i rnam pa'o/ /rigs pa ma yin pas bskyed pa'i sgo nas shes par 'gyur zhes bya ba ni phyin ci log tu shes par 'gyur ro zhes ston to//bdag dang bdag gi zhes bya ba ni 'jig tshogs la lta ba dang mtshungs par ldan pa'i sems kyis so/ /chad pa dang rtag pa zhes bya ba ni mthar 'dzin pa'i lta bas so/ /rgyu med pa dang byed pa med pa dang skur pa 'debs pa zhes bya ba ni log par lta bas so/ /mchog dang gtso bo dang khyad par du 'phags pa dang /dam pa zhes bya ba ni lta ba mchog tu 'dzin pas so/ /dag pa dang grol ba dang nges par 'byin pa zhes bya ba ni tshul khrims dang brtul zhugs mchog tu 'dzin pas so/ /nem nur dang yid gnyis dang the tshom zhes bya ba ni the tshom gyis so/ /chags pa zhes bya ba ni 'dod chags kyis so//sdang ba zhes bya ba ni zhe sdang gis so/ /rlom pa zhes bya ba ni nga rgyal gyis so/ /rmongs pa zhes bya ba ni gti mug gis so/ /der yang 'di skad du 'byung bar 'gyur ba zhig na/ de skad kyang mi 'byung ste/ de'i phyir de'i don ni 'di ma yin no zhes bya bar shes so//rdzas su bdun yin zhes bya bar ni kha cig gi gzhung lugs kyis rdzas su sdug bsngal gyi rnam pa bzhi dang kun 'byung ba la sogs pa rnam pa re re ste bdun yin no/ /rgyu'i rnam pa gang yin pa de ni kun 'byung ba dang / rab tu skye ba dang / rkyen kyang yin pas rnam grangs tsam du zad kyi khyad par ni med de dper na dbang po dang brgya byin dang khyer 'jig ces bya ba dang 'dra'o//de bzhin du 'gog pa nyid zhi ba dang gya nom pa dang nges par 'byung ba yin pas rnam pa gcig yin la/ lam nyid kyang rigs pa dang / sgrub pa dang / nges par 'byin pa yin pas rnam pa gcig yin no zhes zer te/des na 'di skad du rnal 'byor pas sdug bsngal gyi rnam pa ni bzhir mngon du byed la rgyu la sogs pa'i rnam pa ni gcig tu mngon du byed do zhes bshad par 'gyur ro/ /bye brag tu smra ba rnams ni rdzas su rnam pa bcu drug go zhes brjod de sdug bsngal gyi rnam pa bzhin du kun 'byung ba la sogs pa'i rnam pa thams cad kyang so sor mngon du bya dgos pa'i phyir rnams rnams ni shes rab kyi ngo bo nyid yin pas so zhes zer ro//rkyen la rag las pa'i phyir zhes bya ba rgyas par 'byung ba ni mi rtag pa ni rkyen la rag las pa'i phyir nges pa ma yin te/rkyen la rag las te skye ba'i phyir ro zhes bya ba'i tha tshig go/ /gnod pa'i bdag nyid yin pa'i phyir zhes bya ba ni gnod par byed pa'i bdag nyid yin pa'i phyir ro zhes bya ba'i don to/ /mi mthun pa'i phyogs kyis zhes bya ba ni gnyen pos zhes bya ba'i tha tshig ste/'gal ba'i phyogs ni mi mthun pa'i phyogs yin pas so/ /sa bon gyi chos kyi tshul gyi rgyu'o zhes bya ba ni thag ring po'i gnas skabs kyi rgyu ston par byed de/ dang po'i sa bon lta bu'o/ /tshul zhes bya ba'i sgras ni 'dir lugs kyi don yin no/ /'byung ba'i tshul gyis kun 'byung ba'o zhes bya ba ni skad cig ma gang gi mjug thogs su skye bar 'gyur ba thag nye ba'i gnas skabs kyi rgyu ston par byed de/'di las kun 'byung ba'i phyir ro/ /'brel ba'i tshul gyis rab tu skye ba'o zhes bya ba ni/ rgyun gyi tshul gyis rgyun mi 'chad par ston par byed de sa bon dang myu gu dang sdong bu la sogs pa dang 'dra'o//mngon par sgrub pa'i don gyis na rkyen zhes bya ba ni rgyu la sogs pa mang po zhig las skye bar ston par byed de dper na 'jim gong dang thal zhar la sogs pa mang po zhig las bum pa 'grub pa de dang 'dra'o/ /me gsum zhi ba'i phyir zhes bya ba ni 'dod chags dang zhe sdang dang gti mug gi me zhi ba'i phyir zhes bya ba'i don to//'tshe ba med pa'i phyir zhes bya ba ni sdug bsngal med pa'i phyir zhes bya ba'i don to/ /skyon thams cad dang bral ba'i phyir zhes bya ba ni sdug bsngal gyi rgyu thams cad dang bral ba'i phyir ro/ /bgrod pa'i don gyis zhes bya ba ni mya ngan las 'das par ro//rigs pa dang ldan pa'i phyir zhes bya ba ni 'thad pa dang ldan pa'i phyir ram thabs dang ldan pa'i phyir ro/ /yang dag par bsgrub pa'i don gyis sgrub pa'o zhes bya ba ni 'dis mya ngan las 'das pa sgrub pas na sgrub pa'o/ /nges par 'byin par byed pa'o zhes bya ba ni gtan du nges par 'byin par byed pas na nges par 'byin par byed pa'o//gtan du ba ma yin pa'i phyir mi rtag pa'o zhes bya ba sngar ni snga na med pas mi rtag par bshad la nga ni zhig nas med pas mi rtag pa'o zhes ston to/ /khur lta bur gyur pa'i phyir zhes bya ba ni khur bu lta bur gyur pa'i phyir zhes bya ba'i don to//sdug bsngal gyis gang zag de 'tshir zhing gnod par byed do zhes bya ba'i tha tshig go/ /'dod dgur byed pa med pa'i phyir zhes bya ba ni 'di la 'dod dgur byed pa'i ngang tshul yod pas na 'dod dgur byed pa'o/ /'dod dgur byed pa ma yin pas na 'dod dgur byed pa med pa ste/de'i phyir bdag med pa yin no/ /don 'di ni mdo las kyang gsungs te/ dge slong dag gal te gzugs bdag yin par gyur na gzugs bdag nyid la gnod pa byed par mi 'gyur gyi/ nges pa'i tshig las bdag ni 'dod dgur byed pa yin no zhes smos pa'i phyir gzugs la 'di ltar ni gyur cig /'di ltar ni ma gyur cig ces bya ba bzhin du yang 'gyur ba zhig na zhes 'byung ba yin no/ /'ong ba'i tshul gyis rgyu'o zhes bya ba ni 'di las 'ong bas na rgyu ste 'di las skye bas na zhes bya ba'i tha tshig go/ /'byung ba'i tshul gyis zhes bya ba ni ma 'ongs pa'i dus nas 'byung bas na zhes bya ba'i tha tshig go//'phel ba'i tshul gyis zhes bya ba ni rgyun chags pa'i tshul gyis so/ /so sor 'brang ba'i don gyis zhes bya ba ni bskyed par bya ba la gtso bo yin no snyam du bsams pa yin no/ /'brel pa med pas 'brel pa zhig pa'i phyir zhes bya ba ni sdug bsngal snga ma zhig pas phyi ma'i 'brel pa zhig par 'gog pa yin no zhes bya ba'i tha tshig go//'dus byas kyi mtshan nyid gsum dang bral ba'i phyir zhes bya ba ni skye ba dang 'jig pa dang gnas pa las gzhan du 'gyur ba nyid dang bral ba'i phyir ro/ /yid brtan pa'i mchog yin pa'i phyir zhes bya ba ni sdug bsngal thams cad rgyun chad pas mchog tu bde ba'i phyir ro//mya ngan las 'das pa'i grong dang mi 'gal ba'i don gyis sgrub pa'o zhes bya ba ni 'di ltar 'di ni mya ngan las 'das pa'i grong dang mi 'gal zhing slu bar mi byed do//'o na ci zhe na sgrub par byed pa kho na ste/ de'i phyir 'dis sgrub par byed pas na sgrub pa'o/ /'dun pa'i rtsa ba can zhes bya ba ni 'dun pa'i rgyu can zhes bya ba'i tha tshig ste/ 'dir 'dun pa ni sred pa'i rnam grangs yin no/ /'dun pa las kun 'byung ba zhes bya ba ni 'dun pa las yang dag par sgrub pa'o//'dun pa'i rigs can zhes bya ba ni 'dun pa'i rkyen can zhes bya ba'i tha tshig go/ /rab tu skye ba zhes bya ba'i sgra tha mar gdon pa 'ba' zhig tu zad do zhes bya ba ni chos mngon pa pa rnams kyis zhes bya ba'i tshig gcig khong nas 'byung ba ste/mdo'i rjes su 'brang bar bya'o snyam du bsams pa yin no/ /rgyu dang kun 'byung ba dang rkyen dang rab tu skye zhes bya ba'i tha tshig gam 'dun pa'i tshogs 'di dag la khyad par ci zhig yod par 'gyur/ nga'o snyam pa ni bye brag med par lus la 'dun pa yin no zhes bya ba ni rdzas gcig la dmigs kyis ma bkar bar nye bar len pa'i phung po lnga po spyi la khyad par med par nga'o snyam du 'dzin pa'am rnam pa gzhan gyis khyad par du byas pa da ltar byung ba'i lus kyi dngos po la dmigs pa 'am dus gsum pa'i lus la dmigs pa'i sgo nas lus don du gnyer ba ni lus la 'dun pa ste dang po yin no//gyur cig snyam pa ni bye brag med par zhes bya ba ni yang srid pa tsam don du gnyer gyi khyad par gyi ngo bo'i don du gnyer ba ni ma yin pa ste gnyis pa yin no/ /'di lta bur gyur cig snyam pa zhes bya ba ni rnam pa 'di lta bur gyur cig snyam pa ni bye brag tu yang srid pa la 'dun pa ste gsum pa yin no//bzhi pa ni nying mtshams sbyor ba 'ching ba la 'dun pa yin no zhes bya ba ni nying mtshams sbyor ba nyid 'ching ba yin pas na nying mtshams sbyor ba 'ching ba ste/ bzhi pa ni de la 'dun cing don du gnyer ba yin no/ /yang na las mngon par 'du byed pa la 'dun pa yin no zhes bya ba ni bzhi pa zhes bya ba'i skabs yin te/yang na las mngon par 'du byed pa de la 'dun pa yin no/ /ji ltar de la 'dun zhe na sbyin pa 'di lta bu dang 'di lta bur sbyin no snyam pa yin no/ /yang na ji ltar na 'dun pa de dag rtsa ba la sogs pa'i sgrar brjod ce na/ de bstan pa'i phyir de la dang po ni zhes bya ba rgyas par smos te/ rgyu dang po'am dang po'i rgyu yin pas na dang po'i rgyu ste/ de'i phyir 'dun pa'i rtsa ba can yin te/ rtsa ba'i sgra ni rgyu'i don yin no/ /'bras bu'i sa bon bzhin no zhes bya ba ni dper na 'bras bu'i dang po'i rgyu ste thag ring ba'i rgyu sa bon yin pa de dang 'dra bar 'dun pa dang po 'di yang sdug bsngal gyi dang po'i rgyu yin no//des de yang dag par 'grub pa'i phyir zhes bya ba ni 'dun pa gnyis pa des skad cig ma brgyud pas yang srid pa yang dag par 'grub pa'i phyir 'bras bu'i myu gu la sogs pa skye ba bzhin te dper na myu gu la sogs pa skye ba brgyud pas 'bras bu kun 'byung ba de dang 'dra'o//'dun pa gsum pa 'di lta bur gyur cig snyam pa ni de dang 'dra ba'i sdug bsngal gyi rkyen yin zhes bya ba ni yang srid pa'i 'dun pa ci 'dra ba de dang 'dra ba'i sdug bsngal gyi rkyen du 'gyur te/ de la khyad par gyi ngo bo yod pa'i phyir 'bras bu khyad par gyi ngo bo can kho na skye'o snyam du bsams pa yin no//'bras bu'i zhing dang / chu dang lud la sogs pa bzhin no zhes bya ba la/ lud ni ba lang gi lci ba skam po'o/ /stsogs pa zhes bya ba'i sgras ni rlung dang nyi ma la sogs pa bsdu ste/des kyang 'bras bu phun sum tshogs par 'gyur bas so/ /nus pa ni bsil ba'i nus pa dang dro ba'i nus pa nyid do/ /smin pa ni dro ba zhu ba dang / bsil ba zhu ba nyid do/ /mthu ni nus pa'i khyad par yin te/ dper na 'bras bur 'dra ba las bi dza pu ra'i khu ba ni mkhris pa skyed la/skyu ru ra'i khu ba ni zhi bar byed pa lta bu'o/ /de kho na las de skye ba'i phyir zhes bya ba ni nying mtshams sbyor ba 'ching ba la 'dun pa de kho na las yang srid pa'i mtshan nyid de skye zhing 'byung ba'i phyir 'bras bu'i tha ma me tog bzhin no/ /dper na tha ma me tog las 'bras bu rab tu skye ba de dang 'dra ste/'dir 'dun pa bzhi pa ni yang srid pa'i mngon sum gyi rgyu yin no/ /snga ma gsum ni brgyud pa'i rgyu yin no/ /yang na zhes bya ba rgyas par 'byung ba ni srid pa rnam par dpyad pa rnams kyi 'dun pa bzhi ni go rims bzhin du lnga tshan gnyis dang bzhi tshan gnyis yin te/'dun pa dang po ni rnam pa lnga yin la/ gnyis pa yang rnam pa lnga yin no/ /gsum pa ni rnam pa bzhi yin la/ bzhi pa yang rnam pa bzhi yin no/ /ji ltar zhe na dge slong dag nga'o snyam pa yod cing bdag tu lta ba yod na nga 'di lta bu'o snyam pa 'byung ste zhes bya ba ni nga ni 'di 'dra ba'o snyam pa 'byung ba ste/de dang ldan pas sred pa skyed par byed do zhes bya ba'i don to/ /nga ni 'di 'dra'o snyam pa zhes bya ba ni sngon ji lta ba kho na yin gyi gzhan du ma yin no zhes bya ba'i tha tshig go/ /nga de lta ma yin no snyam pa zhes bya ba ni kha dog dang stobs dang spobs pa la sogs pa rnam pa gzhan du mthong ba'i phyir ro//nga bzang ngo snyam pa dang / bzlog pa nga ngan no snyam pa 'byung bar 'gyur te/ bdag la 'dun pa rnam pa lnga po 'di ni khyad par med pa dang po yin no/ /de la 'byung bar 'gyur ro snyam pa 'byung bar 'gyur zhes bya ba ni rtag pa'i ngo bor ro/ /'byung bar mi 'gyur ro snyam pa zhes bya ba ni chad pa'i ngo bor ro//'di lta bur 'byung bar 'gyur ro snyam pa zhes bya ba ni rgyas par bshad pa snga ma dang 'dra ste/ yang srid pa la 'dun pa rnam pa lnga po 'di khyad par med par gnyis pa yin no/ /de la gyur cig snyam pa 'byung bar 'gyur zhing de la 'di lta bur gyur cig snyam pa dang /de 'dra bar gyur cig snyam pa dang / de lta ma yin par gyur cig snyam pa 'byung bar 'gyur ba yang srid pa las 'dun pa rnam pa bzhi po 'di khyad par med pa gsum pa yin no/ /gyur kyang ci ma rung snyam pa dang / 'di lta bur gyur kyang ci ma rung snyam pa dang / de 'dra bar gyur kyang ci ma rung snyam pa dang /de lta ma yin par gyur kyang ci ma rung snyam pa 'byung bar 'gyur ba nying mtshams sbyor ba 'ching ba la 'dun pa rnam pa bzhi po 'di ni bzhi pa yin no/ /de la dang po ni sdug bsngal gyi dang po'i rgyu yin pa'i phyir rtsa ba'i rgyu yin no zhes bya ba rgyas par snga ma bzhin du sbyar bar bya'o//so sor nges pa'i phyir sgrub pa ste zhes bya ba ni nges par sgrub cing sgrub par byed pa ni sgrub pa'o/ /yang ji ltar so sor nges pa yin zhe na/ de nyid kyis der 'gro ba'i phyir te/ ji skad du zhes bya ba rgyas par 'byung ba lta bu yin no/ /rtag pa dang bde ba dang bdag gi dang bdag tu lta ba spyad pa rnams kyi zhes bya ba ni 'di dag la rtag pa dang bde ba dang bdag gi dang bdag go zhes bya bar lta ba spyad pa yin pas na gang zag 'di dag ni rtag pa dang bde ba dang bdag gi dang bdag tu lta ba spyad pa yin te de dag gi gnyen por go rims bzhin du mi rtag pa la sogs pa'i rnam pa yin no//rgyu med do zhes rgyu med par lta ba spyad pa rnams kyi gnyen por rgyu'i rnam pa'o//rgyu dbang phyug gam/ gtso bo 'am/ dus zhes bya ba gcig pu yin no zhes rgyu gcig pur lta ba spyad pa rnams kyi gnyen por rgyu ni kun 'byung ba yin gyi gcig pu ma yin no zhes 'byung ba'i rnam pa'o/ /dngos po ni 'gyur ba yin no zhes 'gyur bar lta ba spyad pa rnams kyi gnyen por dang po 'byung ba 'di yin gyi snga nas gnas pa las 'gyur ba ni ma yin no zhes rab tu skye ba'i rnam pa'o//'jig rten 'di ni blo sngar btang ste byas pa yin no zhes blo sngar btang bar lta ba rnams kyi gnyen por rkyen gyi rnam pa ste/ 'gro ba 'di ni dbang phyug gis byas pa ma yin no//'o na ci zhe na/ rkyen ces bya ba'i sgras ni zlos pa'i don yin pas de dang de la brten nas 'di 'byung ngo zhes bya ba yin no/ /de lta bas na 'gro ba ni rkyen du mas bskyed pa yin no zhes bstan par 'gyur ro/ /'di ltar rig par 'gyur ro zhes bya ba ni mdo sde ba'i gzhung lugs yin no//rnam pa ni dmigs pa 'dzin pa'i bye brag yin no zhes bya ba ni nges pa'i tshul ston par byed de/ de lta yin na shes rab kyang rnam pa dang bcas par 'gyur ro zhes bya bar grub po/ /dge ba la sogs pa'i bye brag ces bya ba la/ stsogs pa zhes bya ba'i sgras ni mi dge ba dang lung du ma bstan pa dang /sa dang rten bsdu'o/ /tshigs su bcad pa'i dang po na yod pa'i phyir zhes bya ba ni 'di'i dang po yin gyi bstan bcos kyi ni ma yin no zhes ston te/ bstan bcos las ni chos shes pa dang por 'byung ngo / /drug na chos zhes bya ba ni 'dod pa na spyod pa'i sdug bsngal la sogs pa la dmigs pa'i phyir ro//gzugs med pa gsum na yod do zhes bya ba ni rjes su shes pa bsgom pa'i lam gyis bsdus pa kho na'o/ /de bzhin drug ces bya ba ni sdug bsngal shes pa la sogs pa rjes su shes pa'i ngo bo nyid srid pa'i phyir ro//gzugs dang gzugs med pa'i khams dag tu ni mngon sum du mi byed do zhes bya ba ni gzugs med pa rnams 'dod pa na spyod pa'i sdug bsngal la sogs pa la mi dmigs pa'i phyir re zhig chos shes pa gzugs med pa'i khams su mngon sum du mi byed par ni rigs na/gzugs kyi khams su go ci'i phyir mngon sum du mi byed ce na/ kha cig na re chos shes pa ni lhur 'dod pa'i khams rnam par sun 'byin pa yin na/ gzugs kyi khams su skyes pa la ni chos shes pa 'dod pa'i khams rnam par sun 'byin pa mi 'byung ste/ 'dod chags dang bral ba dang sa 'phos pas de yongs su btang ba'i phyir ro/ /'dod pa'i khams su skyes pa ni de'i 'dod chags dang bral yang 'dod pa'i khams kyi phung po'i lhag ma lus pa'i phyir de mngon sum du byed do/ /de'i phyir chos shes pa gzugs kyi khams su mngon sum du mi byed do zhes zer ro//slob dpon 'dus bzang na re chos shes pa 'dod pa'i khams kho nar mngon sum du byed kyi de la snyoms par 'jug pa dang ldang ba'i sems rnams 'dod pa'i khams kho na na yod pa'i phyir gzugs dang gzugs med pa'i khams dag tu ma yin no/ /yang na rjes su 'brang ba'i rten med pa'i phyir te/'chal ba'i tshul khrims kun nas slong bar byed pa'i nyon mongs pa'i 'thob pa'i mi mthun pa'i phyogs yin pa'i phyir chos shes pa'i rjes su 'brang ba'i tshul khrims kyi rten 'dod pa na spyod pa'i 'byung ba dag kho na yin na/ de dag kyang de na med pas chos shes pa ni 'dod pa'i khams kyi rten can kho na yin no zhes zer ro//'gog pa shes pa ni gcig ste/ chos dran pa nye bar gzhag pa yin no zhes bya ba ni chos dran pa nye bar gzhag pa bstan pa las chos ni lus dang tshor ba dang sems dag las gzhan pa yin zhes bshad pas so/ / gzhan pa'i shes pa rnams ni dran pa nye bar gzhag pa bzhi char yin no zhes bya ba ni chos dang rjes dang kun rdzob dang / sdug bsngal dang / kun 'byung ba dang / lam dang / zad pa dang mi skye ba shes pa rnams la ni dran pa nye bar gzhag pa bzhi'i ngo bo nyid yod de/ sdug bsngal shes pa yang res 'ga' ni lus la dmigs la/res 'ga' ni chos kyi bar la dmigs so/ /kun 'byung shes pa yang de dang 'dra'o/ /lam shes pa yang gal te zag pa med pa'i sdom pa la dmigs na de lus dran pa nye bar gzhag pa yin no/ /lhag ma ni go sla'o/ /rjes su shes pa ma gtogs so zhes bya ba ni chos shes pa ma gtogs so//gal te zag pa med pa'i shes pa la dmigs par byed na/ chos shes pa'i phyogs dang mthun pa kho na la dmigs par byed la/ de bzhin du rjes su shes pa yang rjes su shes pa'i phyogs dang mthun pa kho na la dmigs par byed do zhes bya bar nges te/de la chos shes pa lam shes par gyur pa'i dmigs pas ni chos shes pa gzhan dang sdug bsngal shes pa la sogs pa mi skye ba shes pa la thug pa'i bar yin par srid la/ sdug bsngal ba dang kun 'byung ba shes par gyur pa'i dmigs pa ni kun rdzob shes pa yin par srid la/gzhan gyi sems shes par gyur pa'i dmigs pa ni gzhan gyi sems shes pa yin par srid pas/ de'i dmigs pa shes pa dgu yin no/ /de bzhin du rjes su shes pa la yang sbyar bar bya'o/ /lam shes pa'i dmigs pa la yang dgu kho na yin te/kun rdzob shes pa ma gtogs so zhes bya ba ni lam shes pa ni zag pa med pa'i lam la dmigs par nges pa'i phyir kun rdzob shes pa la mi dmigs so/ gnyis te kun rdzob dang gzhan gyi sems shes pa yin no zhes bya ba ni sdug bsngal dang kun 'byung ba'i bden pa'i khongs su gtogs pa dag go//gzhan gyi sems shes pa zag pa med pa gang yin pa de'i dmigs pa ni shes pa dgu yin la/ zag pa dang bcas pa gang yin pa de'i dmigs pa ni kun rdzob shes pa dang / gzhan gyi sems shes pa yin par srid do/ /zad pa shes pa dang mi skye ba shes pa dag ni sdug bsngal dang kun 'byung ba shes pa la sogs pa'i ngo bo nyid yin pas de dag gi dmigs pa ni shes pa bcu char yang yin no//mtshungs par ldan pa dang ldan pa ma yin pa'i bye brag gis zhes bya ba la/ mtshungs par ldan pa ni sems dang sems las byung ba rnams so//ldan pa ma yin pa ni thob pa la sogs pa'o/ /dge ba dang lung du ma bstan pa'i bye brag gis zhes bya ba la dge ba ni so sor brtags pas 'gog pa yin te/ mchog tu bde ba'i phyir ro/ /lung du ma bstan pa ni nam mkha' dang / so sor brtags pa ma yin pas 'gog pa dag go/ /'dod pa na spyod pa dang / zag pa med pa dang bzhi zhes bya ba ni mtshungs par ldan pa dang ldan pa ma yin pa'i bye brag gis so/ /gzugs dang gzugs med pa na spyod pa dang zag pa med pa dang drug ces bya ba ni so sor mtshungs par ldan pa dang ldan pa ma yin pa'i bye brag gis te/'dod pa dang gzugs dang / gzugs med pa na spyod pa rnams kyang bye brag de nyid kyis drug yin no/ /gnyis te zag pa med pa dag yin no zhes bya ba ni de nyid kyis so/ /'dod pa dang gzugs na spyod pa dang zag pa med pa mtshungs par ldan pa rnams yin no zhes bya ba ni gzugs med pa na spyod pa'i sems dang sems las byung ba rnams dang ldan pa ma yin pa dang /'dus ma byas thams cad ni gzhan gyi sems shes pa'i yul ma yin pa'i phyir ro/ /'dus ma byas lung du ma bstan pa ma gtogs so zhes bya ba ni zad pa dang mi skye ba shes pa dag ni bden pa bzhi la dmigs pa'i phyir la/'dus ma byas lung du ma bstan pa ni bden pa bzhi la ma gtogs pa'i phyir ro/ /shes pa gcig gis chos thams cad shes par 'gyur ba yod dam zhe na/ med do zhes bya ba ji ltar shes she na/ mdo las te/ kye gau ta ma bdag cag 'dun khang 'dir 'dus te mchis pa rnams 'di lta bu'i bka' mchid thor bu gleng langs te/ dge sbyong gau ta ma 'di skad du dge sbyong ngam bram ze yang rung gang thams cad shes shing thams cad mthong bar 'gyur ba de ni 'ga' yang med do zhes gsungs zhes grag go zhes mchi na kye gau ta ma 'di mad dam/bka' stsal pa/ kye ngas de skad du smras par ni dran mod kyi/ 'on kyang dge sbyong ngam bram ze yang rung gang cig car thams cad shes pa'am mthong ba de ni 'ga' yang med do zhes bya ba yin no zhes 'byung ngo / /yul dang yul can tha dad pa'i phyir zhes bya ba rgyas par 'byung ba ni yul dang yul can gang yin pa de nyid de'i yul ma yin te/ral gri'i so de nyid de nyid kyis mi gcod pa de'i phyir kun rdzob shes pa des rang gi ngo bo mi 'dzin to/ /dmigs pa gcig pa'i phyir des lhan cig 'byung ba'i sems dang sems las byung ba rnams kyang mi 'dzin te/kun rdzob shes pa 'di'i dmigs pa gang yin pa de nyid mtshungs par ldan pa rnams kyi yin no/ /gal te mtshungs par ldan pa de dag 'dzin par 'gyur na ni/ kun rdzob shes pa dang dmigs pa gcig pa'i phyir rang gi ngo bo la dmigs par 'gyur ba zhig na de yang rigs pa ma yin te/de lta bas na des de dag mi 'dzin to/ /ha cang nye ba'i phyir lhan cig 'byung ba ldan pa ma yin pa de dag kyang mi 'dzin te/ mig gis mig sman dang mig sman gyi thur ma mi mthong ba bzhin no/ /de yang zhes bya ba ni kun rdzob shes pa'o/ /de ni sa rnam par chad pa la dmigs pa'i phyir ro zhes bya ba ni 'di ltar kun rdzob shes pa gzugs na spyod pa bsgoms pa las byung ba ni 'dod pa'i khams sam/bsam gtan dang po nas srid pa'i rtse mo'i bar sa rnam par chad pa kho na la dmigs so/ /ci'i phyir zhe na/ bar chad med pa dang rnam par grol ba'i lam rnams go rims bzhin du sa 'og ma dang gong ma la dmigs pa'i phyir te go rims bzhin du/zhi stsogs rags stsogs rnam pa ni/ /gong dang 'og ma'i spyod yul can/ /zhes 'byung bas so/ /gal te des sa thams cad la dmigs par gyur na ni thams cad las cig car 'dod chags dang bral bar 'gyur ro//sbyor ba dang khyad par gyi lam dag gi dmigs pa yang ci rigs par sa 'ga' zhig kho na yin no/ /ji lta zhe na/ nges par 'byed pa'i cha dang mthun pa'i sbyor ba'i lam gyis bsdus pa gang gi dmigs pa 'dod pa'i khams yin pa de'i khams gzhan dag ma yin te/gang gi dmigs pa gzhan dag yin pa de'i 'dod pa'i khams ma yin no/ /mi sdug pa dang / tshad med pa dang / zil gyis gnon pa'i skye mched la sogs pa dang / rnam par sun 'byin pa dang / khyad par can gyi lam gyis bsdus pa'i dmigs pa ni 'dod pa'i khams kho na yin gyi/khams gzhan dag ma yin no/ /zag med skad cig dang po la/ /chags can shes pa gcig dang ldan/ /zhes bya ba ni 'di ltar bzod pa yang shes pa ma yin la/ zag pa med pa'i shes pa gzhan dang yang mi ldan pas so//chags can zhes smos pa ni 'di ltar 'dod chags dang bral ba ni gzhan gyi sems shes pa dang yang ldan par 'gyur ro/ /gnyis pa la gsum zhes bya ba ni sdug bsngal la chos shes pa de nyid chos shes pa zhes kyang bya la/ sdug bsngal shes pa zhes kyang bya bas ming tha dad pa'i sgo nas gnyis su nye bar gdags na chos shes pa dang /sdug bsngal shes pa dang / kun rdzob shes pa ste gsum dang ldan no/ /bzhi la zhes bya ba ni sdug bsngal la rjes su shes pa'i skad cig dang / kun 'byung ba dang / 'gog pa dang / lam la chos shes pa'i skad cig ma dag la ste/bzod pa dag la ni snga ma kho na bzhin du ldan pa'i phyir ro/ /sdug bsngal la rjes su shes pa'i skad cig ma la ni rjes su shes pa kho na 'phel gyi/ chos shes pa ni ma yin te/ de dag dang ni snga nas ldan pa'i phyir ro/ /kun 'byung ba la chos shes pa'i skad cig ma la ni kun 'byung ba shes pa kho na 'phel gyi/chos dang rjes su shes pa dag ni ma yin te/ de dag dang ni snga nas ldan pa'i phyir ro/ /de bzhin du 'gog pa dang lam la chos shes pa'i skad cig ma dag la ni 'gog pa dang lam shes pa dag kho na 'phel lo zhes brjod par bya'o/ /'dod chags dang bral ba zhig yin na ni thams cad du gzhan gyi sems shes pa lhag par ldan zhes bya ba ni sdug bsngal la chos shes pa'i bzod pa nas lam la chos shes pa'i skad cig ma'i bar la gzhan gyi sems shes pa dang ji skad bshad pa'i shes pa de dag dang yang ldan no zhes bya bar rig par bya'o//lam la rjes su shes pa la ni 'dod chags dang ma bral ba zhig yin na bdun po de dag dang ldan no//'dod chags dang bral ba zhig yin na ni brgyad de/ de dag dang gzhan gyi sems shes pa dang ldan no/ /zad pa dang mi skye ba shes pa dag dang ni dgra bcom pa kho na dang ldan no zhes bya bar rtogs par sla ba'i phyir de'i phyir mdor ma byas so zhes bya bar khong du chud par bya'o//shes pa ji ltar skyes pa rnams/ /ma 'ongs pa 'thob ces bya ba ni 'dir rnyed pa'i 'thob pa dang / bsten pa'i 'thob pa dang / 'thob pa rnam pa gnyis kyi dbang du byas pa yin te/ rnyed pa'i 'thob pa ni thob pa'i sgo nas so//bstan pa'i 'thob pa ni mngon sum du gyur pa'i sgo nas so/ /ji ltar skyes pa rnams 'thob ces bya ba ni gang dang gang skyes pa de dag 'thob po zhes bya ba'i tha tshig ste/ dper na sdug bsngal la chos shes pa'i bzod pa skyes na de dang 'dra ba'i bzod pa ma 'ongs pa kho na 'thob po/ /de'i rnam pa bzhi zhes bya ba ni skal ba 'dra ba'i phyir bzod pa'i rnam pa ste/mi rtag pa la sogs pa'i rnam pa bzhi yin gyi gzhan ni ma yin no/ /de bzhin du sdug bsngal la chos shes pa skyes na de nyid ma 'ongs pa 'thob cing de'i rnam pa bzhi kho na 'thob ste/ de bzhin du sdug bsngal la rjes su shes pa'i bzod pa la sogs pa la yang sbyar bar bya'o//shes pa dang rnam pa 'dra ba kho na 'thob ce na zhes bya ba ni ci'i phyir mthong ba'i lam kho na la shes pa 'dra ba 'thob cing rnam pa yang 'dra ba 'thob kyi bsgom pa'i lam la ni ma yin zhes bya ba yin no/ /bzod pa rnams yongs su ma dris pa ni bsgom pa'i lam la de dag med pa'i phyir ro//yang na de dag kyang 'dra ba 'thob pa'i phyir dri bar bya dgos te/ sdug bsngal la bzod pa skyes na kun 'byung ba la sogs pa'i bzod pa'i rnam pa 'thob pa ni ma yin no/ /dper brjod pa tsam gyi don du zad pas shes pa yongs su dris kyi bzod pa ni yongs su ma dris so//rigs rnams ma thob pa'i phyir zhes bya ba ni skal ba mnyam pa'i rgyu rnams ma thob pa'i phyir ro zhes bya ba'i tha tshig go/ /ji lta zhe na/ sdug bsngal la chos shes pa'i bzod pa skyes na de'i rigs dang de'i rnam pa bzhi'i rigs rnams 'thob par 'gyur gyi/sdug bsngal la chos shes pa la sogs pa'i ma yin no/ /yang mi rtag pa la sogs pa'i rnam pa dag las rnam pa re re zhig mngon sum du gyur na/ ci'i phyir rnam pa lhag ma rnams kyi rigs 'thob/ gang gis na de dag kyang 'thob par 'gyur zhe na/ dmigs pa mtshungs pa nyid kyis 'dra ba'i phyir thams cad kyi rigs 'thob bo/ /de bzhin du sdug bsngal la chos shes pa skyes pa nas/ lam la rjes su shes pa'i bzod pa skyes pa'i bar la de dag dang de dag gi rnam pa'i rigs rnams 'thob par 'gyur bas de dag kho na 'thob par 'gyur gyi gzhan ni ma yin no//bsgom pa'i lam la ni shes pa 'dra ba dang / mi 'dra ba dang / de dag gi rnam pa thams cad mngon sum du 'gyur ba'i phyir thams cad kyi rgyu thob par 'gyur bas de las khyad par du 'phags pa'i shes pa'i rnam pa ma 'ongs pa 'thob par 'gyur ro/ /rjes gsum la ni kun rdzob kyang //zhes bya ba ni sngon ma thob pa'o/ /chos shes pa la ni ma yin te/ bden pa zad par mngon par ma rtogs pa'i phyir ro zhes bya ba ni de'i tshe gzugs dang gzugs med pa na spyod pa'i sdug bsngal yongs su shes pa dang / kun 'byung ba spangs pa dang / de'i 'gog pa mngon du byas pa ma yin no//lam gyi bden pa ni sngon 'jig rten pa'i lam gyis mngon par ma rtogs pa'i phyir zhes bya ba ni thog ma med pa can gyi 'khor ba ni sngon 'jig rten pa'i lam gyis sdug bsngal dang kun 'byung ba dang / 'gog pa mngon par rtogs kyi/ kun rdzob shes pas ni nam yang lam la lam la sogs pa'i rnam par mngon par ma rtogs so//de bas na gsum las bden pa re re mngon par rtogs pa'i rjes la 'thob par 'gyur gyi/ lam la rjes su shes pa la ni ma yin no/ /lam ni zad par bsgom par mi nus zhes bya ba ni mngon sum du bya bar zhes bya ba'i tha tshig go /de'i tshe kun 'byung ba yang thams cad spangs pa ma yin pas zhes bya ba ni 'gog pa dang / lam mthong ba dang / bsgom pas spang bar bya ba'o/ /sdug bsngal ni khams gsum pa thams cad yongs su shes te/ de ni yongs su shes par bya ba yin pa'i phyir ro//de'i phyir kun 'byung ba 'ba' zhig la rgol lo/ /de'i bden pa mthong bas spang bar bya ba zhes bya ba ni kun 'byung ba'i bden pa mthong bas spang bar bya ba zhes bya ba'i don to/ /rigs mang ba'i phyir zhes bya ba la/ rigs ni lus kyi rgyud kyi nus pa'i khyad par yin no/ /'di la rigs de dag mang po zhig yod pas lam rigs mang po can yin te/nyan thos kyi rigs dang / rang sangs rgyas kyi rigs dang / de bzhin du sangs rgyas kyi rigs so/ /nyan thos kyi rigs kyang chung ngu dang chen po'i bye brag gis phan tshun tha dad pa ste/ de dag las mthong bas spang bar bya ba'i gnyen po 'ga' zhig kho na bsgom zhing mngon sum du byed par zad kyi lam zad par bsgom par ni mi nus so//mthong ba'i lam gyi 'khor yin pa'i phyir zhes bya ba ni kun rdzob shes pa ni mthong ba'i lam gyi 'khor yin pas de'i phyir mthong ba'i lam la bden pa gsum gyi rjes kho na la 'thob kyi/lam gyi rjes la ni ma yin te/ de ni bsgom pa'i lam yin pa'i phyir ro/ /bsgrub par bya ba ma yin pa'i phyir/ shes par byed pa ma yin no zhes bya ba ni mthong ba'i lam gyi 'khor kho na yin gyi/ bsgom pa'i lam gyi 'khor ma yin no zhes bya ba 'di ni bsgrub dgos so//kho bo ni de bsgom pa'i lam gyi 'khor yang yin no zhes zer ro/ /ches khyad par du 'phags pa bden pa la dmigs pa zhes bya ba ni mthong ba'i gnas skabs las sngon 'jig rten pa yod pa gang yin pa de bas 'jig rten pa 'di ches khyad par du 'phags so snyam du bsams pa yin no//de mngon sum du 'gyur bar nus pa'i rten rnyed pa gang yin pa de nyid ces bya ba ni kun rdzob shes pa ste/ mngon sum du 'gyur bar nus pa'i rten rnyed pa gang yin pa 'di de rnyed pa yin gyi don gzhan du 'gyur ba ni med do zhes bya ba yin no/ /rigs rnyed na rigs las byung ba yang rnyed pa yin no zhes bya ba la/rigs ni de skyed par nus pa'i rgyu yin no/ /de las byung ba na rigs las byung ba ni kun rdzob shes pa yin te/ 'di skad du de mngon sum du 'gyur bar nus pa'i rten rnyed na rten des bskyed par bya ba de yang rnyed pa yin no zhes bshad par 'gyur ro//yang ci'i phyir bye brag tu smra ba rnams de ltar mi 'dod ce na/ de ni mthong ba'i lam gyis thob par bya ba yin no/ /ji ltar de bsgom pa'i lam la mngon sum du 'gyur te mthong ba'i lam la ni de skye ba'i go skabs med pas mi skye ba'i chos can yin no zhes brjod do//de bzhin du mthong ba'i lam bsam gtan bzhi pa'i sa pa yin no zhes bya ba rgyas par 'byung ba ni gal te bsam gtan dang po'i sa pa zhig yin na/ bsam gtan dang po'i sa pa dang / mi lcogs pa med pa'i sa pa dang / 'dod pa na spyod pa dang sa gsum pa 'thob po/gal te bsam gtan khyad par can gyi sa pa zhig yin na bsam gtan khyad par can gyi sa pa dang / sngar bshad pa bsam gtan dang po la sogs pa'i sa pa dang / sa bzhi pa 'thob po/ de bzhin du gal te bsam gtan gnyis pa'i sa pa yin na/ bsam gtan gnyis pa'i sa pa nas 'dod pa na spyod pa'i bar sa lnga pa 'thob po//gal te bsam gtan gsum pa'i sa pa zhig yin na/ bsam gtan gsum pa nas 'dod pa na spyod pa'i bar sa drug pa 'thob bo/ /gal te bsam gtan bzhi pa'i sa pa zhig yin na bsam gtan bzhi pa'i sa pa nas 'dod pa na spyod pa'i bar sa bdun pa 'thob bo//gcig grangs bcad pas lhag ma ni dran pa nye bar gzhag pa bzhi char yin no zhes bya bar grub po zhes bya ba ni 'gog pa'i ni tha ma kho na yin la tha ma kho na yang 'gog pa'i yin no zhes gnyi ga nges par gzung ba'i phyir lhag ma ni dran pa nye bar gzhag pa bzhi'i ngo bo nyid yin no zhes bya bar grub par 'gyur ro//sdug bsngal ni lus la sogs pa'i ngo bo nyid yin pa'i phyir sdug bsngal mngon par rtogs pa na 'thob pa'i kun rdzob shes pa gang yin pa de ni dran pa nye bar gzhag pa bzhi char yin te/ de bzhin du kun 'byung ba la yang brjod par bya'o//bden pa de'i rnam pa can kho na yin no zhes bya ba ni sdug bsngal mngon par rtogs pa na/ 'thob pa'i kun rdzob shes pa gang yin pa de ni so sor mi rtag pa dang sdug bsngal ba dang /[ (]stang [,]stong [)]pa dang / bdag med pa'i rnam pa can yin te/de bzhin du kun 'byung ba dang / 'gog pa la yang brjod par bya'o/ /'di'i dmigs pa yang bden pa de nyid yin no zhes bya ba ni 'di ltar rnam pa de ni de la dmigs pa'i phyir ro/ /sbyor ba las byung ba yin zhes bya ba ni des na skye bas 'thob pa ma yin no/ /phung po bzhi dang / lnga'i rang bzhin yin no zhes bya ba ni 'dod pa na spyod pa la rjes su 'brang ba'i gzugs med pa'i phung po bzhi'i rang bzhin yin te/tshor ba dang / 'du shes dang / 'du byed dang / rnam par shes pa'i phung po'i ngo bo nyid yin no zhes bya ba'i tha tshig go/ /sa gong ma pa ni phung po lnga'i rang bzhin yin te/bsam gtan gyi sdom pa'i mtshan nyid kyi gzugs kyi phung po yod pa'i phyir ro/ /shes pa gnyis da ltar byung ba yin zhes bya ba ni rjes su shes pa dang lam shes pa ste/ lam la rjes su shes pa ni de gnyi ga'i ngo bo nyid yin pa'i phyir ro/ /ma 'ongs pa drug ces bya ba ni chos shes pa la sogs pa'o//kun rdzob shes pa ni mi 'thob ste/ sngon rnyed zin pa ni mi 'thob bo zhes 'chad par 'gyur ro/ /gzhan gyi sems shes pa yang mi 'thob ste/ 'dod chags dang bral ba'i phyir ro/ /de'i gong ma chags bcas kyi/ /bsgom pa'i lam la bdun 'thob bo/ /zhes bya ba ni rnam pa gcig spangs pa nas rnam pa brgyad spangs pa'i bar te/ji srid du 'dod chags dang bral ba ma yin zhing / ji srid du rnam pa dgu pa spangs pa yin pa'i bar skabs 'dir sbyor ba dang bar chad pa med pa dang rnam par grol ba dang khyad par can gyi lam thob pa na shes pa bdun 'thob ste/gzhan gyi sems shes pa ma gtogs pa chos shes pa la sogs pa 'thob bo/ /gal te bsgom pa'i lam 'jig rten pa zhi ba la sogs pa dang rags pa la sogs pa'i rnam pa can zhig yin ni kun rdzob shes pa da ltar 'byung ba yin no/ /shes pa bzhi las zhes bya ba ni sdug bsngal dang kun 'byung ba dang 'gog pa dang /lam la chos shes pa gang yang rung ba zhig go/ /'dod pa'i khams kyi gnyen po ma yin pa'i phyir rjes su shes pa rnams ni ma yin no// //bam po lnga bcu lnga pa/ mngon par shes pa lnga zhes bya ba ni zag pa zad pa'i mngon par shes pa ma gtogs so//rjes su shes pa bzhi zhes bya ba ni sdug bsngal dang kun 'byung ba dang 'gog pa dang / lam la rjes su shes pa'o/ /chos shes pa gnyis zhes bya ba ni 'gog pa dang / lam la dmigs pa dag ste/ khams gsum gyi gnyen po nyid du rung ba'i phyir ro/ /kun rdzob shes pa mi 'thob ste/srid pa'i rtse mo'i gnyen po ma yin pa'i phyir ro zhes bya ba ni sa bdun las 'dod chags dang bral ba ni 'jig rten las 'das pas thob kyang kun rdzob shes pa 'thob ste/ nyon mongs pa'i rnam pa de'i gnyen po ni 'jig rten las 'das pa 'ba' zhig tu ma zad kyi/ kun rdzob shes pa yang yin pas de na de lta bu'i kun rdzob shes pa yang 'thob po//mi g.yo ba rtogs par byed pa na ni kun rdzob shes pa gnyen po'i ngo bo de lta bu med pas de'i phyir de ni mi 'thob po/ /der ni zad pa shes pa bdun pa yin zhes bya ba ni bar chad med pa'i lam la gnas pa'i phyir de na zad shes pa 'thob kyi/mi skye ba shes pa ni ma yin te/ bar chad med pa'i lam la gnas pa ni mi g.yo ba'i chos can ma yin no/ /mi g.yo ba'i chos can gyis ni mi skye ba shes pa yang 'thob po/ /srid pa'i rtse mo las 'dod chags dang bral ba'i rnam par grol ba'i lam brgyad la yang shes pa bdun kho na 'thob ces bya ba ni gzhan gyi sems shes pa ji ltar 'thob ce na/gzhan gyi sems shes pa ni bar chad med pa'i lam la bkag gi /rnam par grol ba'i lam la ni ma yin pas/ de'i phyir rnam pa gcig spangs pa nas rnam pa brgyad spangs pa'i bar la 'phags pa'i gang zag de lam de las langs nas mngon sum du byed par 'gyur ba gzhan gyi sems shes pa snga ma bas khyad par du 'phags pa'i gzhan gyi sems shes pa 'thob ste/rgyud kyi khyad par gyi sgo nas gzhan gyi sems shes pa khyad par can du 'dod do/ /'dod chags dang bcas pa dang / 'dod chags dang bral ba gnyi gas rnam par grol ba'i lam la 'thob bo zhes bya ba yin no//sbyor ba'i lam la ni de gnyis kyis zhes bya ba ni 'dod chags dang bcas pa dang 'dod chags dang bral ba de gnyis kyis kun rdzob shes pa yang 'thob bo/ /rnam par grol ba'i lam la ci'i phyir rtsod ce na/ kha cig na re mthong ba'i lam dang 'dra ba'i phyir de na mngon par rtogs pa'i rjes las byung ba dang 'dra bar de 'thob po zhes zer ro/ /gzhan dag na re/ mngon par rtogs pa yang med la/ mthong ba'i lam dang 'dra ba yang ma yin no zhes zer te/ de ltar rtsod do/ /drug 'thob ste snga ma bzhin no zhes bya ba ni chos dang rjes dang sdug bsngal dang /kun 'byung ba dang 'gog pa dang lam shes pa rnams so/ /kun rdzob shes pa ni ma yin te/ mthong ba'i lam dang 'dra ba'i phyir ro zhes bya ba 'dir mthong ba'i lam dang ci zhig 'dra zhe na/ 'bras bu 'thob pa ste/ji ltar mthong ba'i lam gyis rgyun du zhugs pa'i 'bras bu'am/ lan cig phyir 'ong ba'am/ phyir mi 'ong ba'i 'bras bu 'thob pa de bzhin du 'dis kyang bar chad med pa'i lam gyis slob pa'i dbang po sbyong ba na rgyun du zhugs pa'i 'bras bu la sogs pa dbang po rnon pos bsdus pa 'dus byas dag 'thob la/mthong ba'i lam la yang bar chad med pa'i lam gyi gnas skabs na kun rdzob shes pa mi 'thob pa ltar 'dir yang de dang 'dra'o/ /de lta bas na mthong ba'i lam dang 'dra ba'i phyir bar chad med pa'i lam la kun rdzob shes pa mi 'thob po/ /de bzhin du drug 'thob po zhes bya ba ni chos dang rjes dang sdug bsngal dang /kun 'byung ba dang 'gog pa dang / lam shes pa rnams so/ /'dir yang srid pa'i rtse mo'i gnyen po ma yin pa'i phyir kun rdzob shes pa yang mi 'thob la/ bar chad med pa'i lam thams cad la bkag pa'i phyir gzhan gyi sems shes pa yang ma yin no//lhag ma gang zhig yin pa'i zhes bya ba rgyas par 'byung ba ji ltar 'dod pa las 'dod chags dang bral ba'i rnam par grol ba'i lam dgu pa lhag ma yin zhe na/ de yi gong ma chags bcas kyi/ /bsgom pa'i lam la bdun 'thob po/ /zhes 'byung ba'i phyir ro//sa bdun las 'dod chags dang bral ba dang / mngon par shes pa dang / spel mar bsgom pa dag gi rnam par grol ba'i lam rnams kyang lhag ma yin te/ sa bdun las rgyal mngon shes dang / /mi g.yo thob dang spel bsgoms pa'i/ /bar chad med pa'i lam dag dang //zhes 'byung ba'i phyir ro/ /de bzhin du gang zhig mi g.yo ba nyid du 'pho ba de'i rnam par grol ba'i lam tha ma la yang bcu 'thob po zhes 'byung ba'i phyir rnam par grol ba'i lam brgyad kyang lhag ma yin no/ /'dod chags dang bral ba phyir mi 'ong ba'i sbyor ba dang khyad par can gyi lam thams cad kyang lhag ma yin te/de dag gi thob pa ma smos pa'i phyir ro/ /slob pa'i ni de lta bu yin no zhes bya ba ni bshad pa'i lhag ma la brgyad 'thob ces gang bstan pa yin no/ /yang de ltar khyad par du ni ma byas na/ ji ltar khyad par rtogs par 'gyur zhe na/ mi slob pa ni gdon mi za bar shes pa dgu 'am bcu 'thob pa dang ldan pa'i phyir ro//de nyid kyi phyir mi slob pa ni mngon par shes pa la sogs pa zhes bya ba la sogs pa smos te/ stsogs pa zhes bya ba'i sgras ni spel mar bsgom pa dang / bsam gtan la sogs pa bsdu'o/ /mngon par shes pa mngon par sgrub pa dang /spel mar bsgoms pa'i sbyor ba dang / rnam par grol ba dang / khyad par can gyi lam gang yin pa de dag la gal te dus kyis rnam par grol ba zhig yin na ni mi skye ba shes pa ma gtogs pa shes pa dgu 'thob po/ /gal te mi g.yo ba'i chos can zhig yin na ni de nyid bsnan te bcu 'thob po//brgyad dam dgu 'thob po zhes bya ba ni dus kyis rnam par grol bas ni brgyad 'thob la/ mi g.yo ba'i chos can gyis ni gzhan gyi sems shes pa ma gtogs pa dgu 'thob ste/ de'i bar chad med pa'i lam dag la bkag pa'i phyir ro/ /mngon par shes pa'i rnam par grol ba'i lam gnyis zhes bya ba ni lha'i rna ba dang lha'i mig gi mngon par shes pa'i rnam par grol ba'i lam dag ste/mig dang rna ba'i mngon shes ni/ /lung du ma bstan zhes 'byung ba'i phyir de dag gi rnam par grol ba'i lam dag kyang lung du ma bstan pa yin la/ chos lung du ma bstan pa la ni ma 'ongs pa 'thob pa med do//so so'i skye bo ni 'dod pa dang / bsam gtan gsum las 'dod chags dang bral ba zhes bya ba ni bsam gtan bzhi pa ma smos pa ni 'di ltar bsam gtan bzhi pa las 'dod chags dang bral ba'i rnam par grol ba'i lam tha ma gang yin pa de la ni nam mkha' mtha' yas skye mched kyi dngos gzhi 'thob la/gzhan gyi sems shes pa gzugs med pa'i khams kyis bsdus pa yang med de/ gzugs la brten nas sgrub par byed pa yin pa'i phyir ro/ /sbyor ba rnams dang mngon par shes pa gsum gyi rnam par grol ba'i lam rnams dang /tshad med pa la sogs pa'i yon tan mngon par sgrub pa rnams zhes bya ba ni sbyor ba'i lam rnams dang mngon par shes pa gsum gyis rnam par grol ba'i lam rnams dang / tshad med pa la sogs pa'i yon tan mngon par sgrub pa rnams zhes tshig rnam par sbyar ro/ /stsogs pa zhes bya ba'i sgras ni rnam par thar pa dang /zil gyis gnon pa'i skye mched la sogs pa'i yon tan bsdus te/ tshad med pa la sogs pa'i yon tan mngon par bsgrub pa zhes bya ba yin no/ /bsam gtan gyi sa pa smos pa ni nyer bsdogs bstsal ba'i phyir te/ de la gzhan gyi sems shes pa med do/ /mngon par shes pa gsum ni rdzu 'phrul gyi yul shes pa'i mngon par shes pa dang /sngon gyi gnas rjes su dran pa'i mngon par shes pa gsum gyi rnam par grol ba'i lam dang sems kyi rnam grangs shes pa'i mngon par shes pa'o/ /'dod pa dang bsam gtan gsum las 'dod chags dang bral ba'i rnam par grol ba'i lam tha ma de dag dang /bsam gtan gyi sa pa dag gi sbyor ba'i lam dag dang / bsam gtan gyi sa pa kho na'i mngon par shes pa gsum gyi rnam par grol ba'i lam dang tshad med pa dang / rnam par thar pa dang / zil gyis gnon pa'i skye mched dang / zad par gyi skye mched la sogs pa'i yon tan mngon par [(]bsgrur [,]bsgrub [)]pa rnams kyi sbyor ba dang /rnam par grol ba dang / khyad par can gyi lam de dag la de dag gis bsdus pa gang yin pa'i kun rdzob shes pa ma 'ongs pa 'thob po/ /dro bar gyur pa la sogs pa nges par 'byed pa'i cha dang mthun pa dag ma gtogs pa pha rol gyi sems shes pa khyad par can yon tan gyi khyad par thob pa mngon sum du byed par 'gyur ba gang yin pa de kho na yang 'thob po//nges par 'byed pa'i cha dang mthun pa de dag la ni gzhan gyi sems shes pa mi 'thob po/ /ci'i phyir zhe na/ mthong ba'i lam gyi 'khor yin pa'i phyir ro zhes bya ba smos te/ji ltar mthong ba'i lam la gzhan gyi sems shes pa mi 'thob pa de bzhin du/ de'i 'khor la yang mi 'thob po snyam du bsams pa yin no/ /sngon med pa'i lam 'thob pa gzhan la zhes rgyas par 'byung ba ni so so'i skye bo kho na'i sngon med pa'i lam 'thob pa gzhan la ste/'dod pa dang bsam gtan gsum las 'dod chags dang ma bral ba'i rnam par grol ba'i lam tha ma rnams ma gtogs pa sbyor ba dang / bar chad med pa dang / khyad par can gyi lam 'thob pa gang yin pa sngon med pa'i lam thob pa de la ni kun rdzob shes pa kho na ma 'ongs pa 'thob kyi gzhan gyi sems shes pa ni ma yin no//de bzhin du mngon par shes pa gsum dang / tshad med pa la sogs pa'i yon tan mngon par sgrub pa dag gi bar chad med pa'i lam thob pa gang yin pa sngon med pa'i lam thob pa de de la yang kun rdzob shes pa kho na ma 'ongs pa 'thob kyi gzhan gyi sems shes pa ni ma yin te/de ni gnyan po ma yin pa'i phyir ro/ /yang lam gang la zhes bya ba ni 'jig rten pa'am 'jig rten las 'das pa la'o/ /lam sa gang yin pa zhes bya ba ni mi lcogs pa med pa la sogs pa zag pa dang bcas pa dang zag pa med pa'o/ /dang po nyid du sa gang thob pa zhes bya ba ni 'dod chags dang bral ba'i sgo nas bsam gtan dang po nas srid pa'i rtse mo'i bar te/sa de la zhes bya ba'i tha tshig go/ /ji lta zhe na/ gal te mi lcogs pa med pa'i sa la brten te/ 'jig rten pa'i lam gyis 'dod pa las 'dod chags dang bral nas bsam gtan dang po thob na rnam par grol ba'i lam dgu pa la kun rdzob shes pa nyer bsdogs kyi ngo bo nyid mi lcogs pa med pa'i sa pa dang /dngos gzhi'i ngo bo nyid bsam gtan dang po'i sa pa 'thob po/ /de bzhin du bsam gtan gnyis pa'i nyer bsdogs la brten te bsam gtan dang po las 'dod chags dang bral nas/bsam gtan gnyis pa 'thob na yang de kho na bzhin du kun rdzob shes pa bsam gtan gnyis pa'i nyer bsdogs kyis bsdus pa dang bsam gtan gnyis pa'i dngos gzhis bsdus pa 'thob po/ /de bzhin du 'du shes med 'du shes med min skye mched kyi nyer bsdogs la brten te/ci yang med pa'i skye mched las 'dod chags dang bral nas srid pa'i rtse mo 'thob na zhes bya ba'i bar rgyas par sbyar bar bya'o/ /gang gi tshe mi lcogs pa med pa'i sa zag pa med pa la brten te 'dod pa las 'dod chags dang bral nas bsam gtan dang po 'thob pa de'i tshe yang de kho na bzhin du kun rdzob shes pa de 'thob po//gang gi tshe bsam gtan dang po'i dngos gzhi'i sa la brten te bsam gtan dang po las 'dod chags dang bral nas zag pa med pa'i bsam gtan dang po 'thob pa de'i tshe yang kun rdzob shes pa bsam gtan gnyis pa'i nyer bsdogs kyis bsdus pa bsam gtan dang po'i rnam pa dang po'i gnyen por gyur pa nas/brgyad pa'i gnyen por gyur pa'i bar 'thob ste/ sa de ni de'i tshe dang por 'thob bo/ /rnam par grol ba'i lam dgu pa la ni kun rdzob shes pa ma 'ongs pa bsam gtan gnyis pa'i dngos gzhis bsdus pa yang 'thob po//de bzhin du zag pa med pa'i bsam gtan khyad par can gyi sa pa la brten pa nas ci yang med pa'i skye mched zag pa med pa la brten te kun rdzob shes pa 'thob pa'i bar sbyar bar bya'o/ /gang las chags bral bya phyir zhes bya ba ni sa gang las 'dod chags dang bral bar bya ba'i phyir ro/ / gang thob pa zhes bya ba ni sa gang zhig thob pa ni gang thob pa ste/ de gnyi gar yang zag pa med pa'i shes pa de'i 'og ma yang 'thob bo/ /ji lta zhe na/ 'grel pa las sa gong las 'dod chags dang bral bar bya ba la yang zhes bya ba smos te/ yang zhes bya ba'i sgras ni sa gang yin pa 'ba' zhig tu ma zad kyi zhes bya ba yin no//sbyor ba'i lam la sogs pa zhes bya ba la/ stsogs pa zhes bya ba'i sgras ni bar chad med pa dang / rnam par grol ba dang / khyad par can gyi lam bsdu'o/ /lam yang rnam pa gnyis yin zhes bya ba ni 'jig rten pa dang 'jig rten las 'das pa'o/ /'dod chags dang bral bas sa gang zhig thob pa zhes bya ba ni sa gong ma pa ste/de'i sa pa dang sa 'og ma pa'i zag pa med pa'i shes pa rnams thob par 'gyur ro/ /'di lta ste/ zag pa med pa'i bsam gtan gnyis pa la brten nas bsam gtan gsum pa las 'dod chags dang bral bar byed na/ lam sa gang yin pa ste/ bsam gtan gnyis pa'i sa pa yin pa de'i sa pa'i zag pa med pa'i shes pa yang 'thob la/ rnam par grol ba'i lam dgu pa las sa gang las 'dod chags dang bral bar byed pa ste/ sa gsum las 'dod chags dang bral bar byed pa de'i sa pa bsam gtan gsum pa'i sa pa'i zag pa med pa'i shes pa yang 'thob po//sa 'og ma pa bsam gtan dang po'i sa pa dang / bsam gtan khyad par can gyi sa pa dang / mi lcogs pa med pa'i sa pa'i zag pa med pa'i shes pa yang 'thob ste/ sa 'og ma pa yang de'i sbyor ba'i lam la sogs pa yin pa srid pas de lta bu 'thob par 'gyur ro//'on te bsam gtan gsum pa'i nyer bsdogs la brten te bsam gtan gnyis pa las 'dod chags dang bral bar byed na/ de na bar chad med pa'i lam dang / rnam par grol ba'i lam brgyad la nyer bsdogs te zag pa dang bcas pa yin pas de'i sa pa'i zag pa med pa'i shes pa mi 'thob ste/de med pa'i phyir ro/ /sa 'og ma pa'i zag pa med pa'i shes pa bsam gtan gnyis pa'i sa pa dang / bsam gtan dang po'i sa pa dang / mi lcogs pa med pa'i sa pa de lta bu ni 'thob po/ /de bzhin du gzhan la yang sbyar bar bya ste/ 'di ni phyogs yin no/ /zad pa shes pa zag bcas kyang / /zhes bya ba la/kyang zhes bya ba'i sgras ni zag pa med pa yang zhes bya ba yin te/ dgra bcom par gyur nas yon tan zag pa dang bcas pa gang dag mngon sum du byed pa de dag gnas skabs de na 'thob par 'gyur ro/ /tshad med pa dang rnam par thar pa la sogs pa zhes bya ba la sogs pa zhes bya ba'i sgras ni zil gyis gnon pa'i skye mched dang /zad par gyi skye mched la sogs pa bsdu'o/ /sprog ma thag pa bcad de dbugs phyin pa lta bu dang chos mthun par zhes bya ba ni sprog ma gang zhig thag pas gzhungs te bcings pa thag pa bcad nas sprog ma dbugs phyin pa lta bu zhes bya ste/ dbugs phyin pa lta bu dang 'dra ba'i sgrar brjod pa'i phyir ro//sprog ma thag pa bcad de dbugs phyin pa lta bu de dang chos mthun par te/ ji ltar sprog ma de thag pas gzhungs te bcings pa las thag pa bcad de dbugs phyin pa lta bu de bzhin du rdo rje lta bu'i ting nge 'dzin gyis nyon mongs pa'i thob pa bcad de/ mi slob pa'i rgyud la mi sdug pa la sogs pa'i yon tan ji skad bshad pa rnams 'byung ba na dbugs phyin pa lta bu yin no//dbugs phyin pa ni srog chags kyi chos yin pa'i phyir lta bu zhes bya bar smos so/ /ci'i phyir zhe na/ rang gi sems la rgyal srid chen po nyid thob na zhes bya ba smos te/ rgyal po thams cad pas lhag pa'i rgyal po ni rgyal srid chen po'o//de'i ngo bo ni rgyal srid chen po de nyid do/ /nyon mongs pa'i gzhan gyi dbang dang bral ba'i phyir rang gi sems la rgyal srid chen po nyid de/ rang gi sems la dbang ba zhes bya ba'i tha tshig go/ /de thob pa'i dgra bcom pa la chos dge ba thams cad skyes lta bu'i thob pa dag gis bstsu ba'i phyir yon tan de dag thob par 'gyur te/dper na rgyal po yang rgyal po 'ga' zhig gis rgyal srid chen po thob na yul gyi mi rnams gos la sogs pa'i skyes kyis bstsu ba de dang 'dra'o/ /de bzhin du nyon mongs pa'i thob pa bcad na rang gi thob pa rnyed pa'i phyir yon tan rnams dbugs phyin pa bzhin du de dag ches sbyangs pa'i thob pa skye'o zhes bya ba'i tha tshig ste/'dod pa'i khams su dgra bcom pa nyid thob na ni ci rigs par mi sdug pa la sogs pa thos pa dang bsams pa dang bsgoms pa las byung ba khams gsum pa thob po/ /gzugs dang gzugs med pa'i khams dag tu dgra bcom pa thob na ni go rims bzhin du khams gnyis pa dang /khams gsum pa 'thob ste/ de bzhin du sa'i sgo nas kyang rtogs par bya'o/ /'du shes med 'du shes med min skye mched du skyes pa zhig gis dgra bcom pa nyid thob na ni de'i sa pa kho na'i yon tan 'thob po zhes bya bar khong du chud par bya'o//gang ji snyed pa zhes bya ba rgyas par 'byung ba la slob dpon ni 'khor ba na 'dris pa gang rnam par nyams pa las yang rnyed cing mngon sum du byed pa de yang ma 'ongs pa mi 'thob ste/ 'khor ba na thob pa btang ba'i phyir ro/ /'di ni bsam gtan dang tshad med pa la sogs pa 'khor ba na 'dris pa ma yin pa khyad par can gang zag pa med pa dang mthun pa gang yin pa de mngon sum du gyur na/de dang mthun pa kho na ma 'ongs pa 'thob po zhes ston to/ /slob dpon 'dus bzang yang don de nyid 'chad de sngon rnyed zin pa ni mi 'thob po//gang rnam par nyams pa las kyang rnyed pa de yang mi 'thob ste/ shugs kyis na gang sngon ma rnyed pa de ni 'bad nas mngon du byed pa'i phyir 'thob po/ /lam rgyun ma bcad pa ni 'bad nas mngon du byed pas/ des 'phangs pa yang stobs dang ldan pa'i phyir ma 'ongs pa 'thob po//sngon rgyun bcad pa ni thob pa rgyun bcad pa'i phyir 'bad pa med par mngon sum du 'gyur te/ bya ba byas pa dang 'bras bu byung zin pa'i phyir shugs nyams pas de mngon du gyur na ma 'ongs pa 'thob pa med kyi/ ma 'ongs pa gang zhig 'bad nas bskyed pa de ni 'thob po snyam du bsams pa yin no//de lta yin na re zhig kun rdzob shes pa ni zhes bya ba la sogs pa rgyas par 'byung ba gang yin pa de ni 'phags pa'i rgyud la mnga' ba kho na yin par gzung ste/ 'khor ba na 'dris pa ma yin pa'i phyir ro/ /'dir slob dpon dbyig bshes kyis bris pa ni/ 'di la bye brag tu smra ba rnams na re 'di ni de lta ma yin no//ci'i phyir zhe na/ 'di ltar btang ba'i phyir 'di ni ma thob pa yin te/ de lta bas na thob pa btang ba yang phyis rnyed na thob par 'gyur ba kho na'o zhes zer zhes grags te/ de ji ltar na sngon med pa yin/ ji tsam du sngon rnyed pa zhes bya ba de lta bu ni 'jig rten na sngon med par grags pa ma yin no zhe'o//gzhan dag na re 'di ni tshe gcig gi dbang du byas nas bshad pa yin gyi tshe rabs gzhan du ni ma yin te/ tshe 'di kho na la rnam par nyams pa las yang rnyed pa gang yin pa de ni mi 'thob ste/ thob pa btang ba'i phyir ro/ /tshe rabs gzhan na rnyed pa gang yin pa de ni thob ste/ rnyed pa brjed pa'i phyir ro zhes zer ro//'thob pa ni rnam pa bzhi zhes bya ba la/ rnyed pa nyid 'thob pa yin pas na/ rnyed pa 'thob pa ste/ ma 'ongs pa rnyed pa nyid 'thob pa yin no zhes bya ba'i tha tshig go/ /de bzhin du bsten pa nyid dang / gnyen po nyid dang / thag bsring ba nyid thob pa yin pas zhes brjod par bya'o//bsten pa ni ci zhig yin thag bsring ba'i bar ni ci zhig yin zhe na/ bsten pa ni yang dang yang du mngon sum du byed pa'o/ /gnyen po ni lam yin te/ ji skad du mdo las lus bsgoms pa/ sems bsgoms pa zhes 'byung ba lta bu ste/ lus dang sems kyi gnyen po bsgoms pa zhes bya ba'i tha tshig go//lus kyi gnyen po ni bsam gtan bzhi pa las 'dod chags dang bral bar byed pa'i lam gang yin pa ste/ 'di ltar lus bsgoms pa dang / sems bsgoms pa dang / tshul khrims bsgoms pa ni dge slong zhes bya'o/ /ji ltar lus bsgoms pa yin zhe na/ lus la 'dod chags dang bral ba/srid pa dang bral ba skom pa dang bral ba/ dga' ba dang bral ba/ 'chums pa dang bral ba'o zhes 'byung ngo / /yang na lung las gzugs kyi 'dod chags zad par byed pa'i bar chad med pa'i lam gang yin pa de yin te/ des 'dod chags dang bral bar 'gyur ro zhes 'byung ngo / /thag bsring ba ni nyon mongs pa'i thob pa gcod pa'o//ma 'ongs pa rnams kyi ni gcig go zhes bya ba ni rnyed pa 'thob pa'o/ /da ltar byung ba rnams kyi ni gnyi ga'o zhes bya ba ni rnyed pa dang bsten pa thob pa dag go/ /de ltar na zhes bya ba rgyas par 'byung ba ni gang gi phyir zag pa dang bcas pa dang / zag pa med pa rnams kyi khyad par med par rnyed pa dang bsten pa thob pa dag ni/dge ba 'dus byas rnams kyi yin/ /zhes bshad pa la nyon mongs pa can dang nyon mongs pa can ma yin pa khyad par med par gnyen po dang thag bsring ba 'thob pa dag ni zag pa dang bcas pa'i chos rnams kyi yin zhes bshad pa de'i phyir 'di ltar dge ba zag pa dang bcas pa 'thob par 'dod pa gang dag yin pa'i 'thob pa bzhi yin te/dge ba yin pa'i phyir rnyed pa dang bsten pa 'thob pa dag yin la/ zag pa dang bcas pa dag yin pa'i phyir gnyen po dang thag bsring ba 'thob pa dag yin no/ /'o na 'dus byas kyi dge ba zag pa dang bcas pa ma yin pa zag pa med pa gang dag yin pa dang /nyon mongs pa can lung du ma bstan pa gang dag yin pa de dag gi thob pa du zhe na/ zag pa med pa rnams kyi gnyis yin zhes bya ba smos te/ rnyed pa dang bsten pa 'thob pa dag yin no/ /nyon mongs pa can lung du ma bstan pa rnams kyi ci zhe na/ 'thob pa gnyis yin te/gnyen po dang / thag bsring ba 'thob pa dag go/ /snga ma ni dbang po rnams kyi yin zhes bya ba ni mig la sogs pa'i ni sdom pa 'thob pa yin no zhes bya ba'i tha tshig go/ /phyi ma ni lus kyi yin zhes bya ba ni rnam par 'jig pa 'thob pa'o/ /yang thob pa de gnyis go rims bzhin du lung gis bstan pa'i phyir dbang po drug po 'di dag ces bya ba rgyas par smos te/dbang po sdom pa de ni dran pa dang shes bzhin gyi ngo bo nyid yin par bshad la/ rnam par 'jog pa yang lus la dmigs pa'i nyon mongs pa thag bsring ba yin no/ /de gnyis zhes bya ba rgyas par 'byung ba ni sdom pa dang rnam par 'jig pa 'thob pa dag ni go rims bzhin du gnyen po dang thag bsring ba 'thob pa'i khongs su yang 'dus la/gnyi ga yang gnyi ga'i khongs su 'dus so zhes byas kyang 'gal ba med do/ /gang zag thams cad kyis 'thob pa spyir bshad kyi zhes bya ba ni/ zad pa shes la zag bcas kyang //zhes 'byung ba'i phyir nyan thos dang rang sangs rgyas dang / yang dag par rdzogs pa'i sangs rgyas rnams kyis zad pa shes pa'i skad cig ma las yon tan thob par bshad pa yin no/ /stobs bcu zhes bya ba rgyas par 'byung ba la/ bye brag tu smra ba rnams ni stobs la sogs pa thugs rje chen po la thug pa 'di dag ma 'dres pa bco brgyad du rnam par 'jog go//kha cig ni stobs la sogs pa ma gtogs pa ma 'dres pa bco brgyad gzhan brjod de/ 'di lta ste/ de bzhin gshegs pa la 'khrul pa mi mnga'/ ca co mi mnga'/ 'phyar ba mi mnga'/ 'du shes tha dad pa mi mnga'/ thugs lung du ma bstan pa mi mnga'/ so sor ma brtags pa'i btang snyoms mi mnga'/ 'das pa la ye shes gzigs pa thogs pa mi mnga'/ ma 'ongs pa la ye shes gzigs pa thogs pa mi mnga'/ da ltar byung ba la ye shes gzigs pa thogs pa mi mnga'/ sku'i phrin las thams cad ye shes kyi rjes su 'brang ba yin/gsung gi phrin las thams cad ye shes kyi rjes su 'brang ba yin/ thugs kyi phrin las thams cad ye shes kyi rjes su 'brang ba yin te/ 'dun pa nyams pa mi mnga'/ brtson 'grus nyams pa mi mnga'/ dran pa nyams pa mi mnga'/ ting nge 'dzin nyams pa mi mnga'/rnam par grol ba nyams pa mi mnga'/ rnam par grol ba'i ye shes gzigs pa nyams pa mi mnga' zhes bya ba yin no/ /de la ca co zhes bya ba ni bab col du smra ba'o/ /'phyar ba ni rtse bar sems pa'o/ /'du shes sna tshogs ni 'dod chags dang zhe sdang dang gti mug gi sgo nas bde ba dang /sdug bsngal dang / sdug bsngal yang ma yin bde ba yang ma yin pa'i yul dag la 'du shes tha dad pa nyid do/ /lhag ma ni go sla'o/ /stobs bcu ni gnas dang gnas ma yin pa mkhyen pa'i stobs dang / lam dang rnam par smin pa mkhyen pa'i stobs dang / bsam gtan dang rnam par thar pa dang /ting nge 'dzin dang snyoms par 'jug pa mkhyen pa'i stobs dang / dbang po mchog dang mchog ma yin pa mkhyen pa'i stobs dang / mos pa sna tshogs mkhyen pa'i stobs dang / khams sna tshogs mkhyen pa'i stobs dang / thams cad du 'gro ba'i lam mkhyen pa'i stobs dang / sngon gyi gnas rjes su dran pa mkhyen pa'i stobs dang / 'chi 'pho dang skye ba mkhyen pa'i stobs dang / zag pa zad pa mkhyen pa'i stobs so/ /mdo las 'byung ba ni/ tshe dang ldan pa de bzhin gshegs pa'i stobs ni bcu ste/ bcu gang zhe na/ tshe dang ldan pa 'di la de bzhin gshegs pa ni gnas la yang gnas su yang dag pa ji lta ba bzhin rab tu mkhyen/gnas ma yin pa yang gnas ma yin par yang dag pa ji lta ba bzhin rab tu mkhyen to/ /tshe dang ldan pa 'di ni de bzhin gshegs pa'i stobs dang po yin te/ stobs de dang ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/'khor gyi nang du seng ge'i sgra sgrogs par mdzad do/ /tshe dang ldan pa gzhan yang de bzhin gshegs pa ni las kyi chos yang dag par blangs pa 'das pa dang / ma 'ongs pa ba dang /da ltar byung ba rnams la gnas dang / rgyu dang / gzhi dang rnam par smin par yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas gong ma ltar rnam par smin pa'i bar du yang dag pa ji lta ba bzhin rab tu mkhyen pa gang yin pa 'di ni de bzhin gshegs pa'i stobs gnyis pa yin te/stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni bsam gtan dang / rnam par thar pa dang / ting nge 'dzin dang / snyoms par 'jug pa rnams kyi kun nas nyon mongs pa dang / rnam par byang ba dang / rnam par dag pa yang dag pa ji lta ba bzhin rab tu mkhyen to//tshe dang ldan pa de bzhin gshegs pa zhes bya ba snga ma bzhin no/ /'di ni de bzhin gshegs pa'i stobs gsum pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni sems can gzhan rnams dang /gang zag gzhan rnams kyi dbang po mchog dang mchog ma yin pa yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs bzhi pa yin te/ stobs de dang zhes bya ba snga ma bzhin no/ / tshe dang ldan pa gzhan yang de bzhin gshegs pa ni sems can rnams kyi khams sna tshogs dang / khams du ma yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs lnga pa yin te/ stobs de dang zhes bya ba snga ma bzhin no//tshe dang ldan pa gzhan yang de bzhin gshegs pa ni 'jig rten gyi mos pa sna tshogs dang / mos pa du ma yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs drug pa yin te/stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni thams cad du 'gro ba'i lam yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /de bzhin gshegs pa'i stobs bdun pa yin te/stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni sngon gyi gnas rnam pa du ma rjes su dgongs te/ 'di lta ste tshe gcig kyang dgongs/ gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu nas 'jig pa dang chags pa'i bskal pa du ma'i bar du yang rjes su dgongs te/ gang du bdag ming ni 'di zhes bya/ rigs ni 'di lta bu/ rus ni 'di lta bu/ kha zas ni 'di lta bu za za/ bde ba dang / sdug bsngal ni 'di lta bu zhig nyams su myong / tshe ni 'di tsam thub/yun ni 'di srid cig gnas gnas/ tshe'i mtha' ni 'di srid cig yin par gyur pa na sems ni de dag byung ngo / /bdag gnas de nas shi 'phos nas ni che ge mo zhig tu skyes so/ /de nas kyang shi 'phos nas ni 'dir skyes so zhes sngon gyi gnas rnam pa du ma rnam pa dang bcas/ yul phyogs dang bcas/gleng gzhi dang bcas par rjes su dgongs so/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs brgyad pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni lha'i spyan rnam par dag pa mi'i las 'das pas sems can 'chi 'pho ba dang /skye ba dang / kha dog bzang po dang / kha dog ngan pa dang / dman pa dang / gya nom pa rnams kyang gzigs la sems can las ji lta ba bzhin du nye bar 'gro ba bde 'gro la sogs par 'gro ba yang yang dag pa ji lta ba bzhin rab tu mkhyen te/sems can 'di dag ni lus kyi nyes par spyod pa dang ldan pa/ ngag dang yid kyi nyes par spyod pa dang ldan pa/ 'phags pa rnams la skur pa 'debs pa/ log par lta ba'i las kyi chos yang dag par blangs pa'i phyir rgyu de dang rkyen des lus zhig ste/ shi ba'i 'og tu ngan 'gro log par ltung ba sems can dmyal ba dag gi nang du skye bar 'gyur ro//sems can 'di dag ni lus kyi legs par spyod pa dang ldan pa/ ngag dang yid kyi legs par spyod pa dang ldan pa/ 'phags pa rnams la skur pa mi 'debs pa yang dag pa'i lta ba can te/ yang dag pa'i lta ba'i las kyi chos yang dag par blangs pa'i phyir rgyu de dang rkyen des lus zhig nas bde 'gro mtho ris su lha dag gi nang du skye bar 'gyur ro zhes bya bar yang dag pa ji lta ba bzhin rab tu mkhyen to//tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs dgu pa ste/stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni zag pa rnams zad pa'i phyir mthong ba'i chos kho na la zag pa med pa'i sems rnam par grol ba dang / shes rab rnam par grol ba rang gi mngon par shes pas mngon sum du byas nas rdzogs par byas te/bdag gi zag pa zad do/ /tshangs par spyod pa bsten to/ /bya ba byas so/ /'di las srid pa gzhan mi shes so zhes bya ba gsungs so/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs bcu pa yin te/stobs de dang zhes bya ba snga ma bzhin du 'byung ngo / /gnas dang gnas min shes pa bcu/ /zhes bya ba la gnas dang / gnas ma yin pa ni gnas dang gnas min te/ de mkhyen pa nyid stobs yin no/ /de ni shes pa bcu yin te/ shes pa bcu'i ngo bo nyid do zhes bya ba'i don to/ /ji lta zhe na/ gnas dang gnas ma yin pa ni mdor bsdu na 'dus byas dang 'dus ma byas so/ /de yang 'dod pa dang gzugs dang gzugs med pa na spyod pa dang / zag pa med pa rnams mtshungs par ldan pa dang / ldan pa ma yin pa'i bye brag gis rnam pa brgyad du dbye'o/ /de bzhin du 'dus ma byas kyang dge ba dang lung du ma bstan pa'i bye brag gis rnam pa gnyis su dbye'o//de la kun rdzob shes pa'i yul ni chos bcu char yin te/ de chos bcu char la 'jug go zhes bya ba'i tha tshig go/ /chos shes pa ni lnga ste/ 'dod pa na spyod pa dang zag pa med pa dang gzhi dang 'dus ma byas dge ba'o/ /rjes su shes pa ni bdun te/gzugs dang gzugs med pa na spyod pa dang / zag pa med pa drug dang 'dus ma byas dge ba'o/ /sdug bsngal dang kun 'byung ba shes pa dag gi ni drug ste/ 'dod pa dang gzugs dang gzugs med pa na spyod pa rnams so/ /'gog pa shes pa'i ni gcig ste/ 'dus ma byas dge ba kho na'o//lam shes pa'i ni gnyis te/ zag pa med pa dag go/ /gzhan gyi sems shes pa'i ni gsum ste/ 'dod pa dang gzugs na spyod pa dang / zag pa med pa mtshungs par ldan pa dag go/ /zad pa dang mi skye ba shes pa dag gi yul ni chos dgu yin te/ 'dus ma byas lung du ma bstan pa ma gtogs so//de ltar byas na gnas dang gnas ma yin pa mkhyen pa'i stobs ni shes pa bcu yin no/ /yang ji ltar na chos bcu la gnas dang gnas ma yin pa zhes bya zhe na/ srid pa ni gnas so/ /mi srid pa ni gnas ma yin pa'o/ /yang na bud med sangs rgyas nyid byed par 'gyur ba gang yin pa 'di ni gnas ma yin zhing go skabs med do//skyes pa byed bar 'gyur ba gang yin pa 'di ni gnas yin no/ /bud med tshangs pa nyid byed par 'gyur ba gang yin pa 'di ni gnas ma yin zhing go skabs med do/ /skyes pa byed par 'gyur ba gang yin pa 'di ni gnas yin no zhes bya ba dang /de bzhin du sdug bsngal 'gog pa 'di ni gnas yin no zhes bya ba de lta bu la sogs pa'i rnam par zhugs pa ni gnas dang gnas ma yin pa mkhyen pa'i stobs yin par khong du chud par bya'o/ /las 'bras la brgyad ces bya ba ni las zag pa dang bcas pa dang de'i rnam par smin pa ni sdug bsngal dang kun 'byung ba'i bden pas bsdus pa'i phyir 'gog pa dang lam shes pa dag ni ma yin no//de'i phyir de las gzhan pa de dag la dmigs pa'i shes pa brgyad srid do/ /bsam gtan stsogs/ /dbang po mos dang zhes bya ba rgyas par 'byung ba ni/ 'di dag la bsam gtan la sogs pa yod pas na bsam gtan la sogs pa ste/bsam gtan dang rnam par thar pa dang / ting nge 'dzin dang snyoms par 'jug pa'o/ /bsam gtan ni bzhi'o/ /rnam par thar pa ni brgyad do/ /ting nge 'dzin ni stong pa nyid la sogs pa gsum mo/ /snyoms par 'jug pa ni 'du shes med pa'i snyoms par 'jug pa dang 'gog pa'i snyoms par 'jug pa dang gnyis dang /mthar gyis gnas pa'i snyoms par 'jug pa dgu'o/ /dbang po ni dbang po rnams so/ /mos pa ni sems las byung ba'o/ /bsam gtan la sogs pa dang / dbang po rnams dang mos pa dag ces zlas dbye ba yin te/ de dag la ni 'gog pa shes pa ma gtogs pa shes pa dgu'o//ji lta zhe na/ bsam gtan la sogs pa ni zag pa dang bcas pa dang zag pa med pa dang / mtshungs par ldan pa dang / ldan pa ma yin pa'i bye brag gis de dag la dmigs pa'i shes pa dgu srid do/ /de dag 'dus byas yin pa'i phyir 'gog pa shes pa ni ma yin no//dad pa la sogs pa'i dbang po dag la yang dbang po chung ngu dang / 'bring dang chen po'i bye brag gis gtso bo dang gtso bo ma yin pa mkhyen pa gang yin pa de ni mchog dang mchog ma yin pa mkhyen pa'i stobs yin la/ zag pa dang bcas pa dang zag pa med pa'i bye brag gis tha dad pa de dag la yang 'gog pa shes pa ma gtogs pa shes pa dgu srid do//mos pa sna tshogs pa de dag ni zag pa dang bcas pa dang / zag pa med pa dang / khams gsum pa yin pas de dag la dmigs pa'i phyir de kho na bzhin du 'gog pa shes pa ma gtogs pa shes pa dgu srid de/khams sna tshogs mkhyen pa'i stobs kyang de dang 'dra'o/ /de la khams ni slob dpon 'dus bzang na re/ sngon goms pa'i bag chags kyis yang dag par grub pa'i bsam pa la bya'o zhes zer ro/ /de yang sems dang sems las byung ba khyad par can de dang de dag yin te/de bzhin du zag pa dang bcas pa dang / zag pa med pa'i bye brag gis tha dad pa rnams la 'gog pa shes pa ma gtogs pa shes pa dgu yin no zhes snga ma bzhin du sbyar bar bya'o/ /lam dag la zhes bya ba rgyas par 'byung ba la/ 'dir lam ni dmyal ba la sogs par 'gro ba mang po zhig yod de/dmyal bar 'gro ba'i lam nas lhar 'gro ba dang 'gog par 'gro ba'i bar yin no/ /de la dmyal bar 'gro ba'i lam gang yin pa de ni rgyu yin te de dag gis bsgrub pa'i phyir ro/ /lam ni sgrub pa yin par rung ste/ des bral bsgrub par byed na 'gog pa go ji lta zhe na/de yang sgrub pa yin te/ der bsgrub pa'i phyir ro/ /yang na bsgrubs pa'i 'bras bu yin pa'i phyir sgrub pa zhes bya'o/ /de nyid kyi phyir gal te lam 'bras bu dang bcas par gzung na ni zhes bya ba smos so/ /thams cad du 'gro ba'i lam ni 'dir rgyun yin par 'dod de/ 'di ltar thams cad du 'gro ba'i lam mkhyen pa'i stobs zhes 'byung ngo //'jig tshogs 'byung ba dang bral bar 'gro ba zhes bya ba'i tha tshig ste/ de la 'jig tshogs ni nye bar len pa'i phung po lnga'o/ /'byung ba ni 'dir kun 'byung ba yin par 'dod de/ de ltar na sdug bsngal gyi phung po chen po 'ba' zhig kun 'byung bar 'gyur ro zhes 'byung ngo //'bral ba ni 'jig tshogs 'gog pa yin no/ /'di la de thams cad du 'gro ba'i ngang tshul yod pas na thams cad du 'gro ba'o/ /'di ni thams cad du 'gro ba yang yin la lam yang yin pas thams cad du 'gro ba'i lam ste/de mkhyen pa'o/ /de nyid stobs yin pas thams cad du 'gro ba'i lam mkhyen pa'i stobs te/ de ni shes pa bcu yin par sbyar bar bya'o/ /gal te zag pa zad pa shes pa 'gog pa shes pa kho na yin na zhes bya ba ni zag pa rnams zad cing 'gag par shes pa ste/ zag pa med pa'i 'gog pa la dmigs pa'i shes pa zhes bya ba'o//de lta yin na shes pa drug yin te/ 'gog pa shes pa'i rigs kho na chos shes pa la sogs pa'i bye brag gis tha dad par byas pa'i phyir ro/ /'on te zad pa shes pa zag pa zad pa'i rgyud la zhes bya ba ni zag pa zad pa na shes pa gang yin pa de ni zag pa zad pa'i shes pa'o zhes bya ba'i don te/zag pa zad pa'i rgyud la ni shes pa thams cad 'byung bas shes pa bcu yin no/ /gzhan du sangs rgyas mi 'byung ba'i phyir ro zhes bya ba ni 'dzam bu'i gling las gzhan du sangs rgyas mi 'byung ba'i phyir ro/ /stobs bcu ni 'dzam bu'i gling gi skyes pa'i rten can yin te/sangs rgyas la brten nas skye ba'i phyir ro snyam du bsams pa yin no/ /shes pa rnam pa bcu po de nyid gzhan gyi ni stobs zhes mi bya'i zhes bya ba ni gzhan la ni de yod mod kyi thogs pa yod pa'i phyir stobs ma yin gyi/ gang thogs pa med pa de stobs ma 'dres pa yin no snyam du bsams pa yin no//rab tu 'byung bar 'dod pa'i phyir btang ba zhes bya ba rgyas par 'byung ba ni/ rab tu 'byung bar 'dod pa ni rab tu 'byung bar 'dod pa'o/ /rab tu 'byung bar 'dod pa'i mi de slar btang ba na ni rab tu 'byung bar 'dod pa'i mi phyir btang ba'o//'di ni ji ltar gzhan gyi shes pa thogs par 'gyur ba'i dper brjod pa yin te/ 'phags pa shA ri'i bus rab tu 'byung bar 'dod pa'i mi zhig thar pa'i cha dang mthun pa'i dge ba'i rtsa ba rnam par bltas na/ ma mthong nas slar btang ste rab tu ma byung ngo zhes bya ba'i tha tshig go/ / bcom ldan 'das kyis ni gzigs nas rab tu byung ngo / /de'i dbang du byas nas dge slong rnams kyis zhus pa dang / bcom ldan 'das kyis bka' stsal pa/ 'di nyid kyis gang dgra bcom pa nyid 'thob pa'i las de byas te/ las rnams ni sa'i khams la rnam par mi smin/ chu'i khams la ma yin/ me'i khams la ma yin/ rlung gi khams la ma yin gyi/ zin pa'i phung po dang / khams dang / skye mched de dag kho na la zhes bya ba rgyas par gsungs so/ /yang 'di skad du/ 'byung khungs rdo yi gsab gseb na/ /bag la zha ba'i gser bzhin du/ / ngas ni 'di yi thar pa yi/ /sa bon shin tu phra ba mthong / /zhes bya ba gsungs so zhes grag go/ /skye ba la sogs pa'i mtha' ma zhes bya ba la sogs pa zhes bya ba'i sgras ni 'chi 'pho ba'i mtha' ma shes pa bsdu'o/ /sred med kyi bu'i stobs zhes bya ba la/ sred med ces bya ba 'di ni stobs kyi ming yin no//gang la stobs de yod pa de ming sred med kyi bu zhes bya ba ste/ stobs mchog dang tshan po che bzhin no/ /btsun pa zhes bya ba ni dpes ston pa'i gnas brtan yin no/ /de lta ma yin na zhes bya ba ni sku'i stobs thugs kyi stobs bzhin du mi 'dod na ye shes kyi stobs mtha' yas pa bzod par mi 'gyur te/bcom ldan 'das bzod pa'i ngang tshul can du mi 'gyur ro zhes bya ba'i tha tshig go/ /gzhan dag tshigs na zhes bshad par rus pa'i tshigs kyi khyad par nye bar dgod pa'i phyir/ klu mdud pa zhes bya ba rgyas par smos te/ sangs rgyas rnams kyi tshigs ni klu mdud pa lta bu yin no//glu mdud pa ni klu sbrel ba yin no/ /rang sangs rgyas rnams kyi tshigs ni lu gu rgyud lta bu yin no/ /'khor los sgyur ba rnams kyi tshigs ni gzer bus btab pa lta bu yin no/ /glang chen stsogs/ bdun cus klags pa'i stobs yin no/ /zhes bya ba ni glang chen la sogs pa ste/glang po dang / spos kyi glang po che dang / tshan po che dang / rab gnon dang / yan lag mchog dang / stobs mchog dang / sred med kyi bu dang bdun yin no/ /de'i stobs bcur bsgres pa ste/ ji lta zhe na/ smras pa glang po che phal pa bcu'i stobs gang yin pa de ni spos kyi glang po che gcig gi stobs yin no//de bzhin du spos kyi glang po che bcu'i stobs gang yin pa de ni tshan po che gcig gi stobs yin pa nas/ de bzhin du stobs mchog bcu'i stobs gang yin pa de ni sred med kyi bu gcig gi stobs yin te/ 'di ni gong du bcur bsgre ba'i lugs yin no/ /gong du bcu 'gyur du skyed pa ni sred med kyi bu'i stobs kyi phyed yin zhes bya ba ni dang por de kho na bzhin du bsdoms la stobs mchog la sogs pa bcu'i stobs gang yin pa de ni sred med kyi bu'i stobs phyed yin no//de gnyis su bsgyur ba ni sred med kyi bu'i stobs yin no/ /slob dpon ni ji ltar ches che ba de ltar rung ngo zhes phyogs snga ma nyid gzhung 'dzugs te/gtan tshigs ni de lta ma yin na/ mkhyen pa'i stobs mtha' yas pa bzod par mi 'gyur ro zhes bya ba de nyid yin no/ /gzhan du na lhas byin gyis bsad pa'i glang po che zhabs kyi mthe bos ra ba dang 'obs bdun 'dor bar yang mi 'gyur ro/ /'byung ba chen po'i khyad par kho na yin zhes bya ba ni stobs 'di ni 'byung ba chen po'i khyad par kho na yin gyis 'byung ba las gyur pa ni ma yin no zhes ston par byed do//bdun las don gzhan du gyur pa rgyur byas pa'i gzugs yin zhes bya ba ni gzhan dag na re stobs zhes bya ba ni rgyur byas pa'i gzugs 'jam pa nyid la sogs pa sngar bshad pa dag las don gzhan du gyur pa kho na yin no zhes zer ro// //bam po lnga bcu drug pa/ mdo las ji skad 'byung ba bzhin no zhes bya ba ni shA ri'i bu bzhi bo 'di dag ni de bzhin gshegs pa'i mi 'jigs pa yin te/ mi 'jigs pa de dag dang ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/'khor gyi nang du seng ge'i sgra yang dag par sgrogs par mdzad do/ /bzhi gang zhe na/ kye ma nga mngon par rdzogs par sangs rgyas pa la 'di na chos 'di dag mngon par rdzogs par sangs ma rgyas so zhes nga la dge sbyong ngam bram ze gang yang rung 'ga' yang chos dang mthun pas rgol zhing gleng bar byed pa'i rgyu mtshan yang dag par rjes su ma mthong ngo //de ltar ngas rgyu mtshan yang dag par rjes su ma mthong bas bde ba thob pa dang 'jigs pa med par gyur cing mi 'jigs pa thob par gnas te/khyu mchog gi gnas rlabs po che zhal gyis 'che zhing / tshangs pa'i 'khor lo bskor/ 'khor gyi nang du seng ge'i sgra yang dag par sgrogs pa 'di ni mi 'jigs pa dang po yin no/ /kye ma nga zag pa zad pa la 'di na zag pa 'di dag ma spangs so zhes nga la zhes bya ba snga ma bzhin no//'khor gyi nang du seng ge'i sgra sgrogs zhes bya ba'i bar du snga ma bzhin te/ 'di ni mi 'jigs pa gnyis pa yin no/ /'di ni ngas nyan thos rnams la bar du gcod pa'i chos su gsungs pa gang dag yin pa de dag bsten na bar du gcod par mi 'gyur ro zhes nga la zhes bya ba snga ma bzhin te/'di ni mi 'jigs pa gsum pa yin no/ /'di na ngas nyan thos rnams la nges par 'byin pa'i lam du gsungs pa nges par 'byin pa sdug bsngal yang dag par zad par byed pa'i ched du nges par 'byung ba la sdug bsngal gyi mthar byed pa'i ched du nges par 'byung ba ma yin no zhes nga la zhes bya ba snga ma bzhin te//'di ni mi 'jigs pa bzhi pa yin no zhes 'byung ngo / /gnas dang gnas ma yin pa mkhyen pa'i stobs ji lta bar zhes bya ba rgyas par 'byung ba ni gnas dang gnas ma yin pa mkhyen pa'i stobs shes pa bcu dang sa thams cad kyis bsdus pa ji lta bar kye ma nga mngon par rdzogs par sangs rgyas par gyur pa la zhes bya ba'i mi 'jigs pa 'di yang de dang 'dra ste/de kho na bzhin du chos rnams rnam pa bcur phye nas sbyar bar bya'o/ /zag pa zad pa mkhyen pa'i stobs shes pa drug gam bcu dang sa bcu gcig gis bsdus pa ji lta bar kye ma nga zag pa zad par gyur pa la zhes bya ba'i mi 'jigs pa 'di yang de dang 'dra ste/'dir yang kho na bzhin du chos rnams rnam pa bcur phye nas shes pa drug gam bcur sbyar bar bya'o/ /las bdag gir bya ba mkhyen pa'i stobs 'gog pa dang / lam shes pa ma gtogs pa shes pa brgyad dang / sa thams cad kyis bsdus pa ji lta bar ngas gang dag nyan thos rnams la bar du gcod pa'i chos su gsungs pa la zhes bya ba rgyas par gsungs pa mi 'jigs pa gsum pa yang de dang 'dra'o//'dir yang de kho na bzhin du chos rnams phye nas sdug bsngal dang kun 'byung ba'i bden pas bsdus pa kho na bar du gcod pa yin gyi/'gog pa dang lam gyi bden pas bsdus pa ni ma yin pas/ shes pa brgyad do zhes sbyar bar bya'o/ /kun du 'gro ba'i lam mkhyen pa'i stobs shes pa bcu'am dgu dang / sa thams cad kyis bsdus pa ji lta bar ngas nyan thos rnams kyi nges par 'byung ba'i lam du gsungs pa la zhes bya ba'i mi 'jigs pa 'di yang de dang 'dra'o//'di yang zag pa dang bcas pa dang / zag pa med pa'i lam 'bras bu dang bcas pa gzung na ni shes pa bcu'o de 'bras bu med pa gzung na ni dgu'o zhes bya bar sbyar ro/ /mi 'jigs pa ni mi skrag pa yin la 'di dag gis kyang mi skrag par 'gyur ro zhes bya ba ni bye brag tu smra ba ni shes pa rnams mi 'jigs pa yin no zhes zer ro//slob dpon ni shes pas byas pa ni mi 'jigs pa yin par rung gi shes pa nyid ni ma yin no zhes 'chad do/ /yang na mi 'jigs pa ni mi skrag pa yin la zhes bya ba ni 'di thams cad slob dpon gyi tshig kho na yin te/'di ltar de ni 'jigs pa'i gnyen pos sems las byung ba'i chos yin la 'jigs pa yang sems las byung ba'i chos yin no/ /shes pa rgyur gyur pa 'di dag gis kyang mi skrag par 'gyur bas na ji ltar shes pa nyid mi 'jigs pa yin te/ shes pas byas pa ni mi 'jigs pa yin par rung gi shes pa nyid ni ma yin no zhe'o//mdo las ji skad 'byung ba bzhin no zhes bya ba ni dge slong dag dran pa nye bar gzhag pa gsum po 'di dag ni gang dag 'phags pa sten par byed pa ste/ 'phags pas de dag bsten na 'khor la rjes su ston par 'os so/ / gsum gang zhe na/ dge slong dag 'di na ston pa thugs brtse ba thugs rje can/ don bzhed pa phan par bzhed pa thugs rje ste/ nyan thos rnams la 'di ni khyed la phan par byed pa/ 'di ni khyed la bde bar byed pa 'di ni khyed la phan pa dang bde bar byed pa'o zhes chos ston par mdzad cing / nyan thos de dag de la nyan par byed/rna ba gtod par byed kun shes pa'i sems nye bar 'jog par byed/ chos kyi rjes su mthun pa'i chos sgrub par byed/ ston pa'i bstan pa las mi 'gal bar byed na/ des de bzhin gshegs pa kun du dgyes par yang mi 'gyur gyi/ yid bde ba yang ma yin thugs ya ya por yang mi 'gyur gyi/de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pa sten par byed pa ste/ 'phags pas de dag bsten na tshogs la rjes su ston par 'os pa'i dran pa nye bar gzhag pa dang po yin no/ /gzhan yang dge slong dag 'di na ston pa thugs brtse ba zhes bya ba snga ma bzhin no//nyan thos de dag de la nyan par mi byed/ /rna ba gtod par mi byed/ kun shes pa'i sems nye bar 'jog par mi byed/ chos kyi rjes su mthun pa'i chos sgrub par mi byed/ ston pa'i bstan pa las 'gal bar byed na/des de bzhin gshegs pa kun nas mnar sems su yang mi 'gyur/ mi bzod pa yang ma yin/ 'tshig pa yang mi mnga'/ thugs ma rangs pa yang mi mnga'i/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pas sten par byed pa ste/'phags pas de dag bsten na tshogs la rjes su ston par 'os pa'i dran pa nye bar gzhag pa gnyis pa yin no/ /gzhan yang dge slong dag 'di na ston pa thugs brtse ba zhes bya ba snga ma bzhin no/ /nyan thos kha cig ni de la nyan par byed pa nas ston pa'i bstan pa las mi 'gal ba'i bar du byed la/kha cig ni nyan par mi byed pa nas ston pa'i bstan pa las 'gal ba'i bar du byed na/ des de bzhin gshegs pa kun du dgyes par yang mi 'gyur/ yid bde ba yang ma yin/ thugs ya ya por yang mi 'gyur la/ kun nas mnar sems su yang mi 'gyur//mi bzod pa yang ma yin/ 'tshig pa yang mi mnga'/ thugs ma rangs pa yang mi mnga'i/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pa sten par byed pa ste/ 'phags pas de dag bsten na tshogs la rjes su ston par 'os pa'i dran pa nye bar gzhag pa gsum pa yin no zhes 'byung ngo //dran dang shes rab ces bya ba ni gnyi ga'i ngo bo nyid yin par ston te/ dran pa dang shes bzhin du zhes 'byung ba'i phyir ro/ /gang gi tshe nyan thos kyang zhes bya ba rgyas par 'byung ba ni/ gang gi tshe nyan thos nyon mongs pa spangs pa yang slob ma gus par nyan pa dang /gus par mi nyan pa dang / gnyi ga dag la kun du dga' ba ste/ rjes su chags pa'am/ kun nas mnar sems te zhe sdang mi 'byung na/ ci'i phyir 'di dag sangs rgyas kyi chos ma 'dres pa thun mong ma yin pa rnams zhes bya zhe na/bag chags dang bcas par spangs pa'i phyir ro zhes bya ba smos te/ kun du dga' ba la sogs pa bag chags dang bcas te spangs pa'i phyir ro/ /bag chags zhes bya ba 'di ci zhe na/ nyan thos rnams las gang zhig gis sngon nyon mongs pa gang spyad pa de'i des byas pa'i lus dang ngag gi g.yo bar 'gyur ba'i rgyu nus pa'i khyad par sems la yod pa ni bag chags zhes bya'o//btsun pa go cha mtha' yas na re bag chags ni lung du ma bstan pa'i sems kyi khyad par yin no zhes zer ro/ /slob dpon gyis yang na zhes bya ba rgyas par smos te/ nyan thos rnams gang gi yin pa ni nyan thos rnams sangs rgyas bcom ldan 'das kyi yin gyi/nyan thos kyi ma yin no/ /ci'i phyir zhe na/ nyan thos thams cad ni sangs rgyas kyi phyir rab tu byung ba yin no/ /gus par nyan pa dang gus par ma nyan pa dang gnyis po de dag la ste/ nyan thos de dag gus par nyan pa dang gus par mi nyan pa dang / gnyi ga dag la nyan pa dang thos pa dang ldan pa'i de kho na la de mi 'byung ba ste/kun du dga' ba dang / kun nas mnar sems mi 'byung ba ya mtshan rmad du byung bar rnam par gzhag gi gzhan nyan thos la ni ma yin no zhes bya ba'i tha tshig go/ /de lta ma yin na zhes bya ba rgyas par 'byung ba ni gal te kun rdzob shes pa'i ngo bo nyid ma yin gyi snying rje bzhin du zhe sdang med pa'i ngo bo nyid yin par gyur na ni sems can thams cad la dmigs par yang 'grub par mi 'gyur te/khams gsum pa'i sems can la dmigs par 'grub par mi 'gyur ro zhes bya ba'i tha tshig go/ /dper na snying rje ni khams gsum pa la dmigs pa ma yin no//'o na ci zhe na/ sems can sdug bsngal ba la dmigs pa'i phyir/ 'dod pa na spyod pa'i sems can la dmigs pa yin te/ 'di yang de dang 'dra bar 'gyur ro snyam du bsams pa yin no/ /snying rje bzhin du sdug bsngal gsum gyi rnam pa can du yang 'grub par mi 'gyur ro zhes bya bar sbyar ro//ji ltar snying rje sdug bsngal gyi sdug bsngal kho na'i rnam pa can yin gyi sdug bsngal gsum gyi rnam pa can ma yin te/ sdug bsngal gyi sdug bsngal dang / 'gyur ba'i sdug bsngal dang / 'du byed kyi sdug bsngal gyi rnam pa can de lta bur mi 'gyur ba zhig na sdug bsngal gsum gyi rnam pa can du yang 'dod de/de'i phyir kun rdzob shes pa'i ngo bo nyid yin no/ /chen po'i sgrar brjod pa nyid kyi rgyu bstan pa'i phyir 'di ci'i phyir zhes bya ba la sogs pa smos so/ /bsod nams dang ye shes kyi tshogs chen pos yang dag par 'grub pa'i phyir ro zhes bya ba ni/ bsod nams kyi tshogs chen pos yang dag par 'grub pa'i phyir dang /ye shes kyi tshogs chen pos yang dag par 'grub pa'i phyir ro zhes bya ba'i tha tshig ste/ de la bsod nams kyi tshogs chen po ni pha rol tu phyin pa gsum po sbyin pa dang / tshul khrims dang bzod pa'i pha rol tu phyin pa'o/ /ye shes kyi tshogs chen po ni shes rab kyi pha rol tu phyin pa'o//brtson 'grus dang bsam gtan gyi pha rol tu phyin pa dag ni gnyi gar gtogs pa'i phyir rnam pa gnyi ga yin te/ brtson 'grus med par sbyin pa sbyin pa dang / tshul khrims yang dag par len pa dang / bzod pa bsgom pa yang med pas brtson 'grus ni bsod nams kyi tshogs chen po dang cha mthun pa yin no//de bzhin du brtson 'grus med par shes rab mi 'byung bas ye shes kyi tshogs chen po dang cha mthun pa yin no/ /de bzhin du bsam gtan yang byams pa la sogs pa tshad med pa rnam pa bzhi bsgom pa'i phyogs dang mthun pa ni bsod nams kyi tshogs chen po dang cha mthun pa yin no//dran pa nye bar gzhag pa la sogs pa byang chub kyi phyogs dang mthun pa'i chos sum cu rtsa bdun bsgom pa'i phyogs dang mthun pa'i bsam gtan ni ye shes kyi tshogs chen po dang cha mthun pa yin no/ /de ltar bsod nams dang ye shes kyi tshogs chen po dag gis yang dag par 'grub cing 'grub pa'i phyir/thugs rje 'di che bas na thugs rje chen po'o/ /rnam pa ni sdug bsngal gsum la rtogs pa'i phyir ro zhes bya ba ni 'di ltar sdug bsngal gsum char la yang dmigs kyi/ snying rje bzhin du sdug bsngal gyi sdug bsngal kho na la dmigs pa ni ma yin no/ /dmigs pa ni khams gsum pa'i sems can la dmigs pa'i phyir ro zhes bya ba ni 'di ltar khams gsum du skyes pa'i sems can rnams la dmigs kyi/snying rje bzhin du 'dod pa'i khams su skyes pa kho na la dmigs pa ni ma yin te/ spyod yul 'dod pa'i sems can yin/ /zhes 'byung ba'i phyir ro/ /mnyam pa nyid ni sems can thams cad la 'dra bar 'jug pa'i phyir ro zhes bya ba ni 'di ltar khams gsum du gtogs pa'i sems can thams cad la 'du byed kyi sdug bsngal gyi rnam par 'dra bar 'jug ste/de'i phyir yang thugs rje chen po zhes bya'o/ /de bas ches che ba med pa'i phyir ro zhes bya ba ni shes rab kyi ngo bo nyid yin pas shin tu rno ba'i phyir te/ji ltar des thugs rje che ba ltar snying rje ni de lta ma yin no/ /tha dad du bya ba ni khyad par ro/ /zhe sdang med pa dang gti mug med pa'i ngo bo nyid yin pa'i phyir ro zhes bya ba ni go rims bzhin du snying rje ni zhe sdang med pa'i ngo bo nyid yin pa'i phyir la/ thugs rje chen po ni gti mug med pa'i ngo bo nyid yin pa'i phyir ro zhes bya ba'i tha tshig go//sdug bsngal gcig dang gsum gyi rnam pa can yin pa'i phyir ro zhes bya ba ni snying rje ni sdug bsngal gcig gi rnam pa can yin pa'i phyir la/ thugs rje chen po ni sdug bsngal gsum gyi rnam pa can yin pa'i phyir te/'og ma thams cad la yang grangs bzhin du sbyar bar bya'o/ /bsam gtan bzhi dang bsam gtan bzhi pa'i sa pa yin pa'i phyir ro zhes bya ba ni snying rje ni bsam gtan bzhi pa'i sa pa yin no/ /mi lcogs pa med pa dang / bsam gtan khyad par can dag ni bsam gtan dang po smos pas bsdus pa'i phyir sa drug pa zhes ni ma bshad do//thugs rje chen po ni bsam gtan bzhi pa'i sa pa kho na yin te ting nge 'dzin thams cad las su rung ba nyid kyis de kho nas de skyed par nus pa'i phyir ro/ /nyan thos la sogs pa dang / sangs rgyas kyi rgyud las skyes pa yin pa'i phyir ro zhes bya ba la sogs pa zhes bya ba'i sgras ni rang sangs rgyas dang so so'i skye bo rnams bsdu'o//'dod pa'i khams dang srid pa'i rtse mo las 'dod chags dang bral bas thob pa'i phyir ro zhes bya ba ni snying rje ni 'dod pa las 'dod chags dang bral bas 'thob la/ thugs rje chen po ni srid pa'i rtse mo las 'dod chags dang bral bas 'thob po//yongs su mi skyob pa dang yongs su skyob ces bya ba ni snying rje ni nyan thos la sogs par snying rje bar byed pa 'ba' zhig tu zad pas yid la nyam nga ba 'ba' zhig tu zad kyi zhes bya ba'i tha tshig ste 'khor ba'i 'jigs pa las ni yongs su mi skyob po//thugs rje chen pos ni bcom ldan 'das thugs rje bar mdzad pa ni 'khor ba'i 'jigs pa chen po las yongs su skyob po/ /mi 'dra ba dang 'dra bar thugs rje mdzad pa'i phyir ro zhes bya ba ni snying rjes ni sdug bsngal ba kho na la snying rje ba'i phyir mi 'dra bar snying rje bar byed de/thugs rje chen pos ni sems can thams cad la 'dra bar thugs rje bar mdzad pa'i phyir ro/ /sngon gyi bsod nams dang ye shes kyi tshogs kyis yang dag par 'grub pa zhes bya ba ni tshe rabs snga ma dag gi bsod nams kyi tshogs dang / ye shes kyi tshogs sngar bshad pas yang dag par 'grub po//chos kyi sku yongs su 'grub ces bya ba la/ chos kyi sku ni zag pa med pa'i chos kyi rgyun gyi tshogs sam gnas yongs su gyur pa yin no/ /don spyod pa zhes bya ba la/ /don ni 'jig rten gyi mtho ris dang byang grol mdzad pa'o/ /de sgrub pa ni don spyod pa ste/ sangs rgyas thams cad kyi gzhan gyi don mdzad pa'i rgyu thugs rje chen po ni 'dra'o//dus ji lta ba bzhin du zhes bya ba ni thams cad la sbyar ro/ /ji lta zhe na/ yun shin tu ring ba dang yun thung ngur 'tsho ba'i phyir zhes bya ba smos te/ dus ji lta ba bzhin du skye dgu rnams kyi tshe ring ba'i tshe ni sangs rgyas bcom ldan 'das sku tshe ring bar 'byung la/ thung ba'i tshe ni thung bar ro//de bzhin du ci rigs par 'jig rten gyi rgyal rigs bkur ba'i tshe ni rgyal rigs su 'byung la/ bram ze bkur ba'i tshe ni bram zer ro/ /dus ji lta ba bzhin du 'od srungs la sogs pa'i rigs dang / gau ta ma la sogs pa'i rigs su yang 'byung ngo / /de bzhin du 'jig rten pa'i bong tshod chung ba'i tshe ni sku bong tshod chung la/bong tshod che ba'i tshe ni sku bong tshod che ba'o/ /rgyu phun sum tshogs pa ni bsod nams dang ye shes kyi tshogs ni mtshan nyid do/ /'bras bu phun sum tshogs pa ni chos kyi sku'i mtshan nyid do/ /phan 'dogs pa phun sum tshogs pa ni 'gro ba'i don spyod pa'i mtshan nyid do/ / bsod nams dang ye shes kyi tshogs thams cad la goms pa zhes bya ba la/ bsod nams ni pha rol tu phyin pa lnga'i ngo bo nyid do/ /ye shes ni shes rab kyi pha rol tu phyin pa'i ngo bo nyid dag ste/ bsod nams dang ye shes de dag thams cad kyi tshogs so/ /de goms pa ni yang dang yang du sbyor ba'o/ / yun ring po nas goms pa zhes bya ba ni bskal pa grangs med pa gsum du'o/ /bar chad med pa'i goms pa zhes bya ba ni bar chad dang bcas pa ma yin par ro/ /gus par byas te goms pa zhes bya ba ni gus pa drag pos so/ /'bras bu phun sum tshogs pa yang rnam pa bzhi ste zhes bya ba ni chos kyi sku yongs su grub pas/ye shes la sogs pa phun sum tshogs pa bzhir 'gyur bas de dag kyang 'bras bu phun sum tshogs pa zhes bya bar rnam par gzhag go/ /ye shes phun sum tshogs pa yang rnam pa bzhi ste zhes 'chad par 'gyur la/ de bzhin du spangs pa phun sum tshogs pa dang / mthu phun sum tshogs pa dang / gzugs kyi sku phun sum tshogs pa yang rnam pa bzhi ste zhes 'chad par 'gyur bas 'di dag ni de'i tshe nyid la 'chad par 'gyur ro/ /phan 'dogs pa phun sum tshogs pa yang rnam pa bzhi ste/ ji lta zhe na/ /ngan song gsum dang 'khor ba'i sdug bsngal las gtan du thar par mdzad pa phun sum tshogs pa'o zhes bya ba ni dmyal ba la sogs pa ngan song gsum dang 'khor ba ste/de dag gi sdug bsngal las gtan du thar par mdzad pa de nyid phun sum tshogs pa yin no/ /yang na theg pa gsum dang bde 'gro la 'god par mdzad pa phun sum tshogs pa'o zhes bya ba ni nyan thos kyi theg pa la sogs pa theg pa gsum dang bde 'gro la 'god pa'o//de nyid phun sum tshogs pa yin te yang na phan 'dogs pa phun sum tshogs pa rnam pa bzhi de yin no/ /ma bstan par mkhyen pa zhes bya ba ni bdag nyid kyis mngon par rdzogs par byang chub pa'i don gyis so/ /thams cad mkhyen pa zhes bya ba ni rang dang spyi'i mtshan nyid ma lus par thugs su chud pa'i don gyis so//rnam pa thams cad mkhyen pa zhes bya ba ni rnam pa kun mkhyen pa'i don gyis so/ /ma 'bad par mkhyen pa zhes bya ba ni bzhed pa tsam gyis thugs su chud pa'i don gyis so/ /nyon mongs pa thams cad spangs pa zhes bya ba ni mthong ba dang bsgom pas spang bar bya ba'i nyon mongs pa khams gsum pa chad pa'i phyir ro//gtan du spangs pa zhes bya ba ni yongs su mi nyams pa'i sgo nas so/ /bag chags dang bcas te spangs pa zhes bya ba ni rjes su 'brel pa med pa'i phyir ro/ /ting nge 'dzin dang snyoms par 'jug pa'i sgrib pa thams cad spangs pa'o zhes bya ba ni gnyi ga'i cha las rnam par grol ba'i phyir ro//phyi'i yul sprul pa dang yongs su bsgyur ba dang / byin gyis rlob pa'i mnga' phun sum tshogs pa zhes bya ba de la sprul pa ni phyi'i yul sngon med pa 'byin pa'o/ /yongs su bsgyur ba ni rdo la sogs pa gser la sogs pa'i dngos por mdzad pa'o//byin gyis rlob pa ni yun ring du gnas par mdzad pa'o/ /sku tshe gtong ba dang byin gyis rlob pa'i mnga' phun sum tshogs pa ni sku tshe gtong ba dang byin gyis rlob par mdzad pa la mnga' phun sum tshogs pas so/ /bsgribs pa dang zhes bya ba rgyas par 'byung ba ni bsgribs pa la gshegs pa dang /nam mkha' la gshegs pa dang / shin tu ring ba la myur du gshegs pa'o/ /chung ngur mang po 'jug par mdzad pa ni khyod chung ngu'i nang du glang po che la sogs pa mang po 'jug par mdzad pa ste/ bsgribs pa dang nam mkha' dang shin tu ring ba la myur bar gshegs pa dang / chung ngur mang po 'jug par mdzad pa ste/de dag la mnga' phun sum tshogs pa zhes bya bar sbyar ro/ /ya mtshan gyi chos nar ma rang bzhin gyis 'byung ba rnam pa sna tshogs rnam pa du ma de dag phun sum tshogs pa zhes bya bar sbyar ro/ /sangs rgyas bcom ldan 'das de dag gshegs pa na mthon dman mnyam par 'gyur te mthong ba gang yin pa de ni dma' bar 'gyur la/dma' ba gang yin pa de ni mthon por 'gyur ro/ /long ba rnams kyis ni mig 'thob bo/ /'on pa rnams kyis ni rna ba 'thob po/ /smyon pa rnams kyis ni dran pa 'thob bo zhes bya ba gang yin pa de ni chos nyid yin te/ thams cad mdo las ji skad 'byung ba bzhin khong du chud par bya'o//mtshan phun sum tshogs pa zhes bya ba ni skyes bu chen po'i mtshan mdzod spu dang / gtsug tor la sogs pa sum cu rtsa gnyis phun sum tshogs pa'o/ /dpe byad bzang po phun sum tshogs pa zhes bya ba ni sor mo zlum pa dang / sen mo zangs kyi mdog lta bu la sogs pa dpe byad bzang po brgyad cu phun sum tshogs pa'o//stobs phun sum tshogs pa ni sred med kyi bu'i stobs so/ /'di'i sku gdung rdo rje lta bur sra bas na sku gdung rdo rje ltar sra ba'o/ /sku gdung rdo rje ltar sra ba'i ngo bo ste/ de phun sum tshogs pas na sku gdung rdo rje ltar sra ba nyid phun sum tshogs pa'o//de ltar na de dag ni sangs rgyas rnams kyi che ba'i bdag nyid kun nas mdor bsdus pa yin te/ skyes bu dam pa rab tu dang ba skyed pa gang su yang rung ba sangs rgyas bcom ldan 'das la bstod pa dang / stod pa dang / bstod par 'gyur ba de dag thams cad ni phun sum tshogs pa dam pa gsum po 'di kho nas so//'di la bskal pa grangs med pa du ma yod pas na sku tshe bskal pa grangs med pa du ma ste/ sangs rgyas bcom ldan 'das rnams gal te de byin gyis rlob par mdzad na/ de ltar na de dag gi che ba'i bdag nyid de mtha' dag mkhyen pa dang brjod par spyod de/ de'i rab tu dbye ba mtha' yas pas shin tu mang ba'i phyir ro snyam du dgongs pa yin no//re zhig de ltar na zhes bya ba rgyas par 'byung ba ni/ yon tan rnams dang ye shes rnams/ /mthu dang phan 'dogs pa zhes zlas dbye ba yin no/ /mtha' yas pa yang yin la rmad du byung ba yang yin pas zhes gzhi mthun par bsdu ba yin no/ /de dag nyid rin po che chen po ste/de bzhin gshegs pa rnams ni de dag gi 'byung gnas yin no/ /'on kyang byis pa so so'i skye bo rang gi yon tan dbul bas rjes su dpog par gyur pas mos pa bcom zhing dga' ba bcom par gyur pa rnams ni sangs rgyas la gus pa'i bar du mi byed de/ dad par mi byed do zhes bya ba'i tha tshig go//dad pa tsam gyis zhes bya ba ni mi rtogs par zhes bya ba'i tha tshig go/ /rnam par smin par ma nges pa zhes bya ba ni rnam par smin par nges pa rnams las ni rgal bar mi 'gyur ro snyam du bsams pa yin no/ /lha dag gi nang na yod pas na lha'i yin no/ /'bras bu med pa ma yin pa dang / yid du 'ong ba dang /mchog tu gyur pa dang / myur ba dang mtha' bzang ba'i phyir ro zhes bya ba la/ 'bras bu med pa ma yin pa ni 'bras bu 'byin par nges par gnas pa'i phyir ro/ /'bras bu yid du 'ong ba ni 'bras bu lha'i yul yin pa'i phyir ro/ /'bras bu mchog tu gyur pa ni 'bras bu mang ba'i phyir ro/ /'bras bu myur ba ni 'bras bu mthong ba'i chos la sogs pa la myong bar 'gyur ba'i phyir ro//'bras bu mtha' bzang ba ni 'bras bu mya ngan las 'das pa yin pa'i phyir yin te/ de bzhin gshegs pa ni de dag mnga' ba'i phyir bsod nams kyi zhing bla na med pa zhes bya'o/ /bya ba zhes bya ba ni mchod pa la sogs pa phan pa'o/ / ci rigs par zhes bya ba ni ji srid par te/ sangs rgyas bcom ldan 'das rnams kyi yon tan nyon mongs pa med pa dang / /smon nas shes pa la sogs pa kha cig ni nyan thos dang thun mong yin no/ /mngon par shes pa dang / bsam gtan dang gzugs med pa la sogs pa kha cig ni so so'i skye bo dang thun mong yin no//sogs pa zhes bya ba'i sgras ni stong pa nyid dang mtshan ma med pa dang / smon pa med pa la sogs pa bsdu'o/ /'ga' yang de la dmigs nas 'dod chags sam zhe sdang ngam nga rgyal skye bar mi 'gyur ba zhes bya ba ni des bdag nyid mthong ba la sogs pa yongs su spong ba'i phyir te/ji lta ji ltar ting nge 'dzin las ma langs pa des bdag mthong nas 'di'i 'dod chags skye bar ma gyur cig /'di'i zhe sdang dang / 'di'i nga rgyal dang / 'di'i bag med pa skye bar ma gyur cig ces bya bar mngon par rtogs par gyur pa de lta de ltar ting nge 'dzin de las langs nas kyang rjes su mthun par byed do//'di ni gzhan gyi sems srung ba'i thabs kyi khyad par yin gyi/ nyon mongs pa med pa'i ting nge 'dzin de skyes pa tsam kho na'i mthus gzhan dag gi nyon mongs pa skye bar mi 'gyur ba ni ma yin no zhes bya ba'i don du bzung ngo / /nyon mongs par mi byed pas na zhes bya ba ni nyon mongs par byed par mi 'gyur bas zhes bya ba'i tha tshig go//bsam gtan bzhi pa ni lam sla ba rnams kyi mchog yin pa'i phyir ro/ /nyon mongs pa med pa ni de'i sa pa kho na yin gyi/ sa gzhan pa ni ma yin no/ /yongs su spang bar mi nus so zhes bya ba ni yongs su nyams pa srid pa'i phyir ro/ /nyon mongs pa bzhi dang bcas pa ni 'dod chags la sogs pa bsgom pas spang bar bya ba dag yin no//nyon mongs pa bzhi med pa ni kun du 'gro ba mthong bas spang bar bya ba dag yin te/ kun du 'gro ba ni rang gis mtha' dag la dmigs pa'i phyir gzhan gyi rgyud la dmigs pa yang yod pas yongs su spang bar mi nus so/ /de'i dmigs pa thams cad cad do zhes bya ba ni thams cad la dmigs pas dmigs pa thams cad do//yang na 'di'i dmigs pa thams cad yin pas dmigs pa thams cad de nyon mongs pa med pa bzhin du nyon mongs pa tsam la dmigs pa ni ma yin no/ /'o na ci zhe na/ gzugs la sogs pa la dmigs pa yang yin no zhes bya ba'i tha tshig go//bye brag tu smra ba rnams na re zhes smos pa ni gzhan dag gi gzhung lugs ltar na gzugs med pa yang mkhyen to zhes ston te/ sangs rgyas rnams kyi yul du ma gyur pa ni med do snyam du bsams pa yin no/ /smon nas shes pas gzugs med pa rnams mngon sum du ni mi shes so//ci'i phyir zhe na/ 'di ltar smon nas shes pa ni bsam gtan bzhi pa'i sa pa yin te/ rang dang 'og sa'i yul can yin zhes 'chad par 'gyur la/ smos nas shes pa yang mngon par shes pa dang 'dra ba yin pas so/ /rgyu mthun pa dang spyod pa'i bye brag las zhes bya ba de la rgyu mthun pa ni dman zhing dman pa yin no//spyod pa ni gzugs med pa'i snyoms par 'jug pa la gnas pa yin no/ /de ltar na 'bras bus rgyu rjes su dpag la/ rgyus kyang 'bras bu rjes su dpag go zhes bstan pa yin te/ de nas shi 'phos pa rnams dang / de'i snyoms par 'jug pa thob pa rnams kyi de gnyi ga 'dir mngon sum pa yin no//'dir dpe ni zhing pa lta bu'o zhes bya ba ni dper na zhing pas 'bras bus sa bon dang sa bon gyis 'bras bu rtogs pa lta bu'am/ dper na zhing pas zhing 'di lta bu lus ni 'bru 'di lta bur 'gyur ro zhes bya bar shes pa'am/ 'bru mthong nas 'di'i zhing ni 'di 'dra'o zhes rjes su dpag par byed pa de bzhin du sems can lus zhi ba mthong nas 'di ni gzugs med pa nas shi 'phos pa'o zhes bya ba dang /gzugs med pa dag tu skye bar 'gyur ro zhes bya bar rjes su dpog go/ /smon pa sngar btang ba zhes bya ba ni gtod pa sngar btang ba ste/ smon cing gtod nas zhes bya ba'i tha tshig go/ /ting nge 'dzin de'i yul du ji tsam zhig gyur pa zhes bya ba ni nyan thos kyi yul du yang ji tsam zhig gyur pa de tsam shes la/rang sangs rgyas kyi bar du yang rang gi yul du ji tsam zhig gyur pa zhes bya ba la sogs pa yin no/ /chos so so yang dag par rig pa ni 'dir bstan pa'i chos yin no/ /chos zhes bya ba'i sgra ni don du ma ste/'di lta ste/ dge slong dag khyed la chos bshad par bya ste/ thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su dag pa/ yongs su byang ba/ tshangs par spyod pa rab tu bshad do zhes bya ba der ni bshad pa'i chos yin no/ /chos gang zhe na/'phags pa'i lam yan lag brgyad pa'o zhes bya ba der ni sgrub pa'i chos yin no/ /chos la skyabs su 'gro'o zhes bya ba der ni 'bras bu'i chos mya ngan las 'das pa zhes bya ba la sogs pa yin no/ /thogs pa med pa zhes bya ba ni bzlog par mi nus pa'o/ /de bzhin zhes bya ba'i sgra ni mi g.yo ba'i chos can gyi yin pa dang /mi'i rten can nyid yin no zhes bya ba'i don 'di gnyis kho na dang sbyar te/ dmigs pa la sogs pa ni logs shig smos pa'i phyir ro/ /rigs pa dang thags thogs med par mngon par brjod pa nyid ces bya ba la rigs pa ni don dang 'brel pa'o/ /thags thogs med pa ni thogs pa med pa'o//rigs pa dang thags thogs med par mngon par brjod pa ni rigs pa dang thags thogs med par mngon par brjod pa'o/ /de'i ngo bo ste/ rigs pa dang thags thogs med par mngon par brjod pa nyid de la'o/ /ting nge 'dzin la dbang ba ni ting nge 'dzin la dbang ba'o/ / ting nge 'dzin la dbang ba gsal bar bya zhing mi brjed par bya ba ni ting nge 'dzin la dbang ba gsal bar bya'o/ /spobs pa so so yang dag par rig pa ni de la thogs pa med par shes pa yin pas khyad par yod do/ /ji ltar spobs pa so so yang dag par rig pa ni shes pa dgu'i rang bzhin yin zhe na/ ngag la dmigs pa gang yin pa de ni sdug bsngal dang /kun 'byung ba dang / chos dang rjes dang zad pa dang / mi skye ba dang / kun rdzob shes pa'i rang bzhin yin la/ lam la dmigs pa gang yin pa de ni lam dang / chos dang / rjes dang / zad pa dang / mi skye ba dang / kun rdzob dang / gzhan gyi sems shes pa'i rang bzhin yin pas mdor bsdu na shes pa dgu'i rang bzhin yin te/'gog pa shes pa ma gtogs so/ /gal te don chos thams cad yin na ni shes pa bcu yin no zhes bya ba ni ci rigs par shes pa bcu'i dmigs par mi 'gyur ba'i chos gang yin pa de ni med do/ /gal te don mya ngan las 'das pa yin na ni shes pa drug ste zhes bya ba ni 'gog pa shes pa ni chos shes pa la sogs pa lnga'i rang bzhin yin pa'i phyir ro//ming gi tshogs la sogs pa dang / ngag la dmigs pa'i phyir ro zhes bya ba ni sdug bsngal shes pa la sogs pa zad pa med pa ni sdug bsngal gyi phyogs gcig gam/ kun 'byung ba'i phyogs gcig la rang gi mtshan nyid kyi rnam par mi dmigs so//'o na ci zhe na/ nye bar len pa'i phung po lnga la spyi'i mtshan nyid du dmigs te/ de'i phyir kun rdzob shes pa'i rang bzhin dag yin no/ /yan chad na ming gi tshogs med pa'i phyir ro zhes bya ba ni/ gzugs med pa'i khams na chos so so yang dag par rig pa med do zhes ston par byed de/gang na ming gi tshogs yod pa de nyid na tshig dang yi ge'i tshogs kyang yod do zhes bya bar tshul 'dra bas ming gi tshogs med par brjod pas tshig dang yi ge'i tshogs kyang med par grub pa yin no/ /yan chad na rtogs pa med pa'i phyir ro zhes bya ba ni bsam gtan gnyis pa la sogs pa na ste/mdo las brtags shing dpyad nas tshig tu smra'o zhes 'byung ba'i phyir ro/ /so so yang dag par rig pa 'di dag ni snyoms par zhugs pa na yang ming dang don la sogs pa la dmigs pa nyid yin la/ langs nas yang de'i rjes la thob pa'i shes pa thogs pa med pas ming dang don la sogs pa la dmigs pa nyid yin no//smra ba ni de'i rjes las thob pa kho na yin no/ /pho dang mo la sogs pa'i tshig bla dgas zhes bya ba la sogs pa zhes bya ba'i sgras ni dus dang byed pa po la sogs pa bsdu'o/ /tshig bla dgas ni rnam grangs yin no/ /yang na de'i dbang du byas pa'i tshig ni tshig bla dgas so//de la thags thogs med par zhes bya ba ni tshig bla dgas de la'am/ tshig dang yi ge'i tshogs de la'o/ /de nyid kyis 'di dag gi go rims drug pa yin no zhes bya ba ni gang gi phyir tshig dang yi ge'i rjes su 'brangs nas don rtogs pa dang / de'i gcig dang / gnyis dang mang po dang /mo dang / pho la sogs pa'i bla dgas dang / de la thags thogs med par de'i phyir go rims drug pa yin no/ /de'i phyir gzugs zhes bya ba de lta bu la sogs pa yin no zhes bya ba la/ sogs pa zhes bya ba'i sgras ni rnam par shes pas na rnam par shes pa'o/ /sogs pas na sems so zhes 'byung ba la sogs pa'i nges pa'i tshig bsdu'o//lan dang lan spobs pas na spobs pa yin no zhes bya ba ni brtsad pa'i tshul gyis so/ /go rims bzhin du zhes bya ba ni chos so so yang dag par rig pa'i sngon gyi sbyor ba ni rtsis yin no/ /don so so yang dag par rig pa'i ni sangs rgyas kyi bka' yin no/ /nges pa'i tshig so so yang dag par rig pa'i ni sgra rig pa yin no//spobs pa so so yang dag par rig pa'i ni gtan tshigs yin no/ /bye brag tu smra ba rnams na re sangs rgyas kyi bka' kho na yin no zhes brjod do/ /de ni rnam drug ces bya ba ni bsam gtan bzhi pa la la ni nyon mongs pa med pa'i bdag nyid yin la/la la ni smon nas shes pa'i bdag nyid yin no/ /la la ni so so yang dag par rig pa gsum gyi bdag nyid yin no/ /la la ni de dag la ma gtogs par rab kyi mtha' pa 'ba' zhig yin no/ /so so yang dag par rig pa gsum zhes bya ba ni de na rtog pa med pa'i phyir nges pa'i tshig so so yang dag par rig pa ma gtogs te/de ni rtog pa dang dpyod pa dang bcas pas slong bar byed do/ /'o na ji ltar khyad par med pa drug po de dag rab mtha' pas zhes de skad du bshad ce na/ de'i phyir nges pa'i tshig so so yang dag par rig pa ni de'i stobs kyis 'thob pa yin gyi/ de bsam gtan bzhi pa'i sa pa ni ma yin no zhes bya ba smos so/ /'o na ci zhe na/ 'dod pa'i khams dang bsam gtan dang po'i sa pa zhes bya ba'i tha tshig go/ /sa thams cad kyis mthun par byas pa zhes bya ba ni sa kun gyis mthun par byas pa zhes bya ba'i don to/ /'di la mthar rab tu phyin pa yod pa'i phyir rab kyi mtha' pa'o//mu bzhi pa bzhin no zhes bya ba ni dper na mu bzhi pa ni dri ma rnam pa bzhi yin pa de dang 'dra'o/ /rdzu 'phrul gyi yul zhes bya ba rgyas par 'byung ba la/ mngon par shes pa drug ni rdzu 'phrul gyi yul shes pa mngon du bya ba dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang / skye ba dang / zag pa zad pa shes pa mngon du bya ba'i mngon par shes pa'o/ /'dir mdo ni 'di na dge slong rdzu 'phrul gyi yul shes pa mngon du bya ba'i mngon par shes pa rnam pa du ma nyams su myong bar byed de/ gcig tu gyur nas mang por 'gyur/ /mang por gyur nas gcig tu 'gyur//zhes bya ba nas 'di ni rdzu 'phrul gyi yul shes pa mngon du bya ba'i mngon par shes pa zhes bya'o zhes bya ba'i bar 'byung ba yin te/ gzhung rgyas par ni/ rdzu 'phrul rkang pa ting nge 'dzin/ /zhes bya ba der bris par blta bar bya'o/ /de bzhin du 'di na dge slong lha'i rna ba rnam par dag pa mi las 'das pas mi dang mi ma yin pa'i sgra thag ring po na yod pa gang dag yin pa 'am/thag nye ba na yod pa gang dag yin pa yang rung gnyi ga thos te/ 'di ni lha'i rna ba shes pa mngon du bya ba'i mngon par shes pa zhes bya'o/ /'di na dge slong lha'i mig rnam par dag pa mi'i las 'das pas sems can rnams mthong ste zhes bya ba nas 'di ni lha'i mig shes pa mngon du bya ba'i mngon par shes pa zhes bya'o zhes bya ba'i bar gzhung mdo mang po las 'byung ba bzhin no//'di na dge slong sngon gyi gnas rnam pa du ma rjes su dran te zhes bya ba nas 'di ni sngon gyi gnas rjes su dran pa mngon du bya ba'i mngon par shes pa zhes bya'o zhes bya ba'i bar dang /'di na dge slong sems can gzhan dang gang zag gzhan dag ni yid kyi rtog pa dang dpyod pa yid kyis yang dag pa ji lta ba bzhin rab tu shes te/ 'dod chags dang bcas pa'i sems la 'dod chags dang bcas pa'i sems so zhes bya bar yang dag pa ji lta ba bzhin rab tu shes so//'dod chags dang bral ba'i sems la 'dod chags dang bral ba'i sems so zhes bya bar yang dag pa ji lta ba bzhin rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang /rnam par g.yengs pa dang / kun du bsdus pa dang / zhum pa dang / rab tu 'dzin pa dang / rgod pa dang / rgod pa ma yin pa dang / rnam par ma zhi ba dang / rnam par zhi ba dang / mnyam par bzhag pa dang / rnam par bzhag pa ma yin pa dang / ma bsgoms pa dang / bsgoms pa dang / sems rnam par ma grol ba la sems rnam par ma grol ba'o zhes bya bar yang dag pa ji lta ba bzhin rab tu shes so//sems rnam par grol ba la sems rnam par grol ba'o zhes bya bar yang dag pa ji lta ba bzhin rab tu shes te/ 'di ni sems kyi rnam grangs shes pa mngon du bya ba'i mngon par shes pa zhes bya ba'o//'di na dge slong 'di ni sdug bsngal 'phags pa'i bden pa'o zhes bya bar yang dag pa ji lta ba bzhin rab tu shes so/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa'o zhes bya bar yang dag pa ji lta ba bzhin rab tu shes so//de ltar shes shing de ltar mthong ba de 'dod pa'i zag pa las sems rnam par grol bar 'gyur/ /srid pa'i zag pa dang / ma rig pa'i zag pa las sems rnam par grol bar 'gyur ro/ /rnam par grol na rnam par grol lo zhes bya bar ye shes mthong bar 'gyur zhing /bdag gi zag pa zad do zhes bya ba nas/ 'di las srid pa gzhan mi shes so zhes bya ba'i bar du yang dag pa ji lta ba bzhin rab tu shes te/ 'di ni zag pa zad pa shes pa mngon du bya ba'i mngon par shes pa zhes bya'o zhes bya ba gzhung mdo mang po las 'byung ba bzhin no//rdzu 'phrul ni ting nge 'dzin to/ /de'i yul ni sprul pa dang 'gro ba ste/ rdzu 'phrul gyi yul shes pa'o/ /de mngon du bya ba ni mngon sum du 'gyur ba yin pas rdzu 'phrul gyi yul shes pa mngon du bya ba'i mngon par shes pa'o/ /lha'i rna ba de las byung ba'i shes pa ste/ de mngon du bya ba ni lha'i rna ba shes pa mngon du bya ba'i'o/ /sems kyi rnam grangs ni khyad par te/ chags pa dang / sdang ba dang / rmongs pa zhes bya ba'am/ yang na rnam grangs ni go rims yin te/ res 'ga' ni chags so/ /res 'ga' ni sdang ngo / /rmongs so zhes bya ba lta bu'o/ /de shes pa ste/ de mngon du bya ba'i'o//sngon gyi gnas de rjes su dran pa ste/ de shes pa de mngon du bya ba'i'o/ /'chi 'pho ba dang skye ba ni 'chi 'pho dang skye ba dag go/ /de dag shes pa ste/ de mngon du bya ba'i'o/ /zag pa rnams zad pa de shes pa ste/ de mngon du bya ba'i mngon par shes pa zhes re re la sbyar bar bya'o/ /de dge sbyong gi tshul gyi 'bras bu bzhin du zhes bya ba ni dper na dge sbyong gi tshul gyi 'bras bu 'dus byas rnam par grol ba'i lam gyi rang bzhin yin pa dang 'dra'o//sems la shes pa lnga yin no zhes bya ba la sems la zhes bya ba ni sems kyi rnam grangs mngon par shes pa'o/ /de ni shes pa lnga'i ngo bo nyid yin no zhes bya ba'i tha tshig ste/gzhan gyi sems shes pa zag pa med pa ni chos dang / rjes dang lam dang gzhan gyi sems shes pa nyid srid la/ zag pa dang bcas pa ni kun rdzob dang gzhan gyi sems shes pa nyid srid pa'i phyir ro/ /stobs bzhin no zhes bya ba ni zag pa zad pa'i stobs shes pa ji lta ba bzhin no//gal te zag pa zad pa shes pa zag pa zad pa la dmigs pa yin na ni shes pa drug yin te/ 'gog pa shes pa ni chos dang rjes dang zad pa dang mi skye ba shes pa zhes bya ba'i phyir la/ kun rdzob shes pa yang 'gog pa la dmigs pa nyid srid pa'i phyir ro/ /gal te zag pa zad pa'i shes pa gang yin pa de yin na ni shes pa bcu ste/zag pa zad pa'i rgyud la shes pa bcu char yod pa'i phyir ro/ /de bzhin du gal te zag pa zad pa la dmigs par 'gyur ba mngon par shes pa gang yin pa de zag pa zad pa shes pa mngon sum du bya ba'i mngon par shes pa yin na ni shes pa drug yin te/de dang 'dra'o/ /gal te zag pa zad pa'i mngon par shes pa gang yin pa de yin na ni shes pa bcu ste/ de dang 'dra'o/ /'di ni sa thams cad pa yin par yang shes par bya'o zhes bya ba ni stobs bzhin no zhes smos pa 'di kho nas kyang don 'dir 'gyur la/ gang gi phyir lnga kho na bsam gtan bzhi dag na'o zhes nges par gzung ba de'i phyir yang mngon par shes pa drug pa 'di ni sa thams cad pa yin no zhes bya bar mngon no//re zhig gsum ni med de zhes bya ba ni rdzu 'phrul dang / lha'i rna ba dang / mig gi mngon par shes pa dag go/ /ci'i phyir zhe na/ gzugs la dmigs pa yin pa'i phyir te/gzugs med pa rnams ni gzugs kyi 'du shes bshig pa'i phyir gzugs la mi dmigs so/ /gzugs la stegs bcas nas mngon par bsgrub par bya ba yin pa'i phyir ro zhes bya ba ni gzugs kyi sgo nas bsgrub par bya ba yin pa'i phyir ro/ /gzugs la dmigs pa'i lam gyis bsgrub par bya ba yin pa'i phyir ro zhes bya ba'i tha tshig ste/gzugs 'di 'dra bas na sems 'di 'dra bar 'gyur ro zhes bya ba yin na/ gzugs med pa rnams ni gzugs la mi dmigs so/ /sngon gyi gnas rjes su dran pa yang med de/ mthar gyis sngon gyi gnas gzhan rjes su dran pas mngon par 'grub pa'i phyir ro//'di ltar mthar gyis bdag nyid kyi gnas gzhan dag rjes su dran pas sgrub par byed na/ gzugs med dngos gzhi dge rnams kyi/ /spyod yul zag bcas 'og ma min/ /zhes 'chad par 'gyur bas gzugs med pa rnams kyang 'dod pa na spyod pa'i chos la mi dmigs la/bdag nyid kyi gnas gzhan 'dod pa na spyod pa de dag kyang mngon par bsgrub pa'i dus na de'i dmigs pa yin pas de'i phyir de'i sa pa med do/ /gnas dang rus la sogs pa la dmigs pa'i phyir zhes bya ba ni de nas shi 'phos nas kyang che ge mo zhig tu skyes so zhes bya ba lta bu ste/'di ltar mdo las/ gang du bdag ming 'di zhes bya/ rigs ni 'di lta bu/ rus ni 'di lta bu/ kha zas ni 'di lta bu za za/ bde ba dang sdug bsngal ni 'di lta bu zhig nyams su myong / tshe ni 'di tsam zhig thub/ yun ni 'di srid cig gnas gnas/ tshe'i mtha' na 'di srid cig yin par gyur na/sems can ni de dag byung ngo / /bdag gnas de nas shi 'phos nas ni che ge mo zhig tu skyes so/ /de nas kyang shi 'phos nas ni 'dir skyes so zhes sngon gyi gnas rnam pa du ma rnam pa dang bcas/ yul phyogs dang bcas/ gleng gzhi dang bcas par rjes su dran no zhes gsungs na/gzugs med pa rnams ni gnas dang rus la sogs pa la dmigs pa dang / sa 'og ma la dmigs pa ma yin pas 'di'i phyir yang gzugs med pa'i sa pa ma yin no/ /ji ltar gzhan gyi sems shes pa gzugs la stegs bcas nas mngon par bsgrub par bya ba yin zhe na/ de'i phyir gzhan gyi sems shes par 'dod pa ni zhes bya ba rgyas par smos so/ /gtod ces bya ba ni gtod par byed pa'o/ /mtshan ma bzung nas zhes bya ba ni sems kyi rnam pa yongs su bcad nas zhes bya ba'i tha tshig go/ /de'i lugs las bzlog ste zhes bya ba ni sems de'i lugs las bzlog pa ste/ 'gags ma thag pa'i gnas skabs gzhan rnams yid la byed do/ /thod rgal du yang dran no zhes bya ba tshe gcig gam gnyid thod rgal du rgal nas kyang dran no/ /gnas gtsang ma rnams ji ltar dran zhe na zhes bya ba ni gal te sngon nyams su myong ba kho na dran na'o/ /gnas gtsang ma rnams 'dir 'ong ba ni med de phyir mi 'ong ba yin pa'i phyir ro//des na 'dir de dag nyams su myong ba med do/ /der yang ma yin te so so'i skye bo rnams der mi skye ba'i phyir ro/ /thos pas nyams su myong ba'i phyir ro zhes bya ba ni des gnas gtsang ma pa'i lha rnams ni 'di lta bu yin no zhes thos pas so/ /nyam su myong ba rnam gnyis te//mthong bas nyams su myong ba dang / /thos pas nyams su myong ba'o/ /pha rol po'i rgyud la brten nas bskyed do zhes bya ba ni sngon gyi gnas rjes su dran pa shes pa ni bsam gtan gyis bsdus pa yin pas des gzugs med pa na spyod pa'i sems mi 'dzin na ni ji ltar pha rol po'i rgyud la brten nas skyed ce na/pha rol po'i yid kyi rnam par shes pa 'gags ma thag pa'i mtshan ma bzung nas zhes bya ba rgyas par sbyar ro/ /gzhan dag ces bya ba ni gang dag gzugs med pa nas shi 'phos pa ma yin pa de dag gi sngon gyi gnas rjes su dran pa shes pa ni rang gi rgyud la brten nas skyed de sla ba'i phyir ro//rdzu 'phrul la sogs pa'i zhes bya ba ni rdzu 'phrul dang / lha'i rna ba dang / lha'i mig gi mngon par shes pa gsum po dag gi ste/ go rims bzhin du rdzu 'phrul gyi sbyor ba ni yang ba yid la byed pa yin no/ /lha'i rna ba'i sbyar ba ni sgra yid la byed pa yin no/ /lha'i mig gi ni snang ba yid la byed pa yin no//'di dag ji ltar 'thob ce na zhes bya ba ni 'thob pa'i dbang du byas nas 'dri ba ste/ mngon sum du 'gyur ba ni 'dris pa dang ma 'dris pa gnyi ga yang sbyor ba kho nas yin no/ /ma 'dris pa rnams ni sbyor bas zhes bya ba ni bye brag can te sngon ma bskyed pa thams cad do/ /thams cad kyang sbyor bas bskyed pa yin no zhes bya ba ni 'dod chags dang bral bas 'thob pa gang dag yin pa dang /sbyor bas 'thob pa gang dag yin pa de dag thams cad kyang ngo / /sgra ma gtogs so zhes bya ba ni sgra ni rgyun chad pa'i phyir sprul par mi byed de/ 'dod par gtogs pa'i sprul pa ni phyi'i skye mched bzhi zhes 'chad par 'gyur ro//'o na ci zhe na zhes bya ba rgyas par 'byung ba ni gal te mig gi mngon par shes pa'i dmigs pa gzugs kyi skye mched yin na/ 'o na ji ltar shi 'phos pa dang skye ba shes pas sems can 'di dag ni lus kyis nyes par spyod pa dang ldan no zhes bya ba de lta bur shes te/ mig gi rnam par shes pas ni ngag dang yid kyi las dang ldan par mi 'dzin no//sogs pa zhes bya ba'i sgras ni log par lta ba bsdu'o/ /de ni des mi shes so zhes bya ba ni ngag dang yid kyi las dang ldan pa la sogs pa de ni mig gi rnam par shes pa des mi shes so/ /'o na gang gis shes she na/ de las gzhan pa mngon par shes pa'i 'khor du gyur pa'i shes pa zhes bya ba smos te/de ni yid kyi yin no zhes bya ba'i tha tshig go/ /lhag ma zhes bya ba ni sngon gyi gnas dang zag pa zad pa'i mngon par shes pa dag ni dran pa nye bar gzhag pa bzhi char gyi rang bzhin dag yin no/ /ji ltar zag pa zad pa'i mngon par shes pa dran pa nye bar gzhag pa bzhi'i rang bzhin yin zhe na/shes pa bcu'i ngo bo nyid yin pa'i phyir ro/ /shes pa drug gi ngo bo nyid yin na yang lus dang tshor ba dang sems dran pa nye bar gzhag pa ma 'ongs pa dag 'thob bo/ /'o na ji ltar de dag bsam gtan bzhi pa'i sa par 'grub ces bya ba ni mig gi shes pa dang /rna ba'i shes pa dang bsam gtan gnyis pa la sogs pa'i sa pa ni med de/ mig dang rna ba'i shes pa dang mtshungs par mi ldan pa'i phyir ro/ /de dag kyang gnyis pa la sogs pa na med pa'i phyir te/ gnyis pa sogs na lus mig dang / /rna ba'i rnam shes rnam rig slong //gang yin de ni dang por gtogs/ /zhes khyad par 'gyur ro/ /rten gyi dbang gis zhes bya ba rgyas par 'byung ba ni rten mig dang rna ba'i dbang gis de dag gi shes pa dag kyang bsam gtan bzhi pa'i sa pa nyid yin te/ mig dang rna ba dag ni bsam gtan bzhi pa'i sa par rnam par gzhag go//de ni gtso bo'am phal che ba bstan pa yin no zhes bya ba ni gtso bor gyur pas na gtso bo ste/ phal che ba yang de dang 'dra'o/ /mngon par shes pa dge ba ni gtso bor gyur pas de'i phyir de la ltos nas mngon par shes pa bcu ni shes rab dge ba'i zhes bstan par mdzad do/ /yang na mngon par shes pa phal cher dge ba yin pas de'i phyir de skad du bstan te/mon sren sde'u la sogs pa yod bzhin du yang mon sran gre'u'i phung po zhes tha snyad 'dogs pa bzhin no/ /sngon mtha' sogs/ ma rig pa ni bzlog phyir ro/ /zhes bya ba nas go rims bzhin du zhes bya ba'i bar 'byung ba ni re zhig skal ldan khyad par can la sogs pa na re sngon gyi gnas rjes su dran pas ni sngon gyi mtha' la kun du rmongs pa zlog par byed do//'chi 'pho dang skye ba'i mngon par shes pas ni bar la kun du rmongs pa zlog par byed do/ /zag pa zad pa'i mngon par shes pas ni 'di las srid pa gzhan mi shes so zhes phyi ma'i mtha' la kun du rmongs pa sel bar byed do zhes zer te/'chad par byed pa de dag gi bsam pa ni dus kyi rim pa ni 'das pa dang / da ltar byung ba dang / ma 'ongs pa'i dus zhes bya ba yin pas de lta bas na don gyi tshul ni de lta bu yin no snyam pa yin no/ /slob dpon 'dus bzang na re/sngon mtha' sogs/ ma rig pa ni bzlog phyir ro/ /zhes bya ba sngon gyi gnas mngon par shes pas ni sngon gyi mtha' la kun du rmongs pa zlog par byed do/ /'chi 'pho dang skye ba'i mngon par shes pas ni phyi ma'i mtha' la kun du rmongs pa zlog par byed do// //bam po lnga bcu bdun pa/zag pa zad pa'i mngon par shes pas ni bar la kun du rmongs pa zlog par byed do/ /de'i phyir gsum kho na rig pa nyid yin te/ snga mas ni bdag dang gzhan gyi rgud pa mthong nas kun du skyo ba skye ba'i phyir ro/ /bar mas ni gzhan kho na'i ste/ de ltar kun du skyo na gsum pas yang dag pa'i don rtogs pa'i phyir ro zhes zer ro//'dir gang yin par khong du chud par bya zhe na/ slob dpon 'dus bzang gis bshad pa kho na rig pa'i ngo bo yin par blta bar bya'o/ /slob dpon gyi dgongs pa yang de lta bu nyid yin par mngon te/ 'di ltar sngon gyi gnas dang / 'chi 'pho dang / skye ba dang zag pa zad pa shes pa mngon du bya ba rnams ni mi slob pa'i rig pa gsum zhes bya'o zhes bshad nas/'di dag gis ni go rims bzhin du sngon gyi mtha' dang / phyi ma'i mtha' dang / bar la kun du rmongs pa zlog par byed do zhes bshad do/ /mngon par shes pa gsum kho na rig pa gsum yin no zhes bya ba ci mngon zhe na/'di ltar mdo nyid las 'di skad du mi slob pa'i sngon gyi gnas rjes su dran pa shes pa mngon du byed pa'i rig pa dang / mi slob pa'i 'chi 'pho dang skye ba shes pa mngon du bya ba'i rig pa dang / mi slob pa'i zag pa zad pa shes pa mngon du byed pa'i rig pa zhes 'byung bas rig pa gsum du rnam par gzhag pa'i phyir la/'di skad du sde snod gsum pa yin/ rig pa gsum yin zhes kyang 'byung bas so/ /mi slob pa'i rig pa yin no zhes bya ba ni/ zag pa med pa'i phyir ro snyam du bsams pa yin no/ /de gnyis ni zhes bya ba ni sngon gyi gnas dang / 'chi 'pho dang skye ba'i mngon par shes pa dag ni zag pa zad pa dang bcas pa'i phyir slob pa yang ma yin la mi slob pa yang ma yin no//go rims bzhin du cho 'phrul gsum yin te zhes bya ba ni rdzu 'phrul gyi yul gyi mngon par shes pa dag ni rdzu 'phrul gyi cho 'phrul yin no/ /sems kyi rnam grangs kyi mngon par shes pa ni kun rjod pa'i cho 'phrul te/khyod kyi sems ni 'di 'dra'o zhes bya ba yin no/ /zag pa zad pa'i mngon par shes pa ni rjes su bstan pa'i cho 'phrul te/ yang dag pa ji lta ba bzhin ston pa zhes bya ba'i tha tshig go/ /zhe 'gras pa dang bar mar gnas pa rnams kyi zhes bya ba ni nges pa'i tshig gi tshul brten nas bshad pa yin no//mi 'khrul pa'i phyir zhes bya ba ni nyon mongs pa zag pa zad pa med na mi 'byung ba'i phyir ro/ /'byor par byed ces bya ba ni 'grub par byed ces bya ba'i tha tshig go/ /thag ring po la nye bar mos nas zhes bya ba ni mos pas grub pa ni mos pa las byung ba ste/ thag ring po gang yin pa de nye bar mos shing des myur du 'gro ba'i phyir mos pa las byung ba zhes bya'o//phyi'i skye mched bzhi zhes bya ba ni nang gi skye mched ni sprul par mi byed de/ de sprul na sngon med pa'i sems can 'byung bar thal bar 'gyur ba'i phyir ro/ /bdag dang gzhan gyi lus dang 'brel pa'o zhes bya ba ni bdag nyid seng ger bsgyur ba'am glang po cher bsgyur ba gang yin pa de ni bdag gi lus dang 'brel pa yin no//bdag nyid las phyi rol du seng ge'am glang po cher sprul pa gang yin pa de ni gzhan gyi lus dang 'brel pa yin no/ /de kho na bzhin du rnam pa gnyis yin zhes bya ba ni bdag dang gzhan gyi lus dang 'brel pa'o//gzugs kyi khams na yang de dang 'dra bas zhes bya ba ni ji ltar 'dod pa'i khams su skyes pa sprul pa 'dod pa na spyod pa dang / /gzugs na spyod pa dang rnam pa gnyis sprul par byed la/ de yang bdag gi lus dang 'brel pa dang / gzhan gyi lus dang 'brel pa dang rnam pa gnyis yin pas rnam pa bzhi yin pa de bzhin du/gzugs kyi khams su skyes pa yang rnam pa bzhi sprul par byed pas mdor bsdu na sprul pa ni rnam pa brgyad yin no/ /gos dang rgyan bzhin du mi ldan no zhes bya ba ni dper na gos dang rgyan rang gi lus dang 'brel pa dag kyang sems can du mi bgrang ba'i phyir ram/ dbang po'i rten dang ma 'brel pa'i phyir mi ldan pa de dag 'dra'o//skye mched gnyis zhes bya ba ni gzugs dang reg bya'i skye mched do/ /dri dang ro'i skye mched ni ma yin te/ mi ldan pa'i phyir ro snyam du bsams pa yin no/ /sgra'i skye mched kyang ma yin te 'chad pa'i phyir ro/ /gzhan dag na re bsnun pa las 'byung ba'i phyir ro zhes zer te/glo bur ba yin pa'i phyir ro snyam du bsams pa yin no/ /bsam gtan gnyis pa'i 'bras bu ni gsum ste zhes bya ba ni sa 'og ma pa de gnyis dang rang gi sa pa'o/ /bzhi dang lngar sbyar bar bya'o zhes bya ba ni bsam gtan gsum pa'i sa pa ni bzhi ste/ sa 'og ma pa gsum dang rang gi sa pa'o//bsam gtan bzhi pa'i sa pa ni lnga ste/ sa 'og ma pa bzhi dang rang gi sa pa'o zhes bya ba yin no/ /bsam gtan gnyis pa la sogs pa'i 'bras bu zhes bya ba rgyas par 'byung ba ni sprul pa pos sprul pa bsam gtan gnyis pa la sogs pa'i 'bras bu sprul pa gang yin pa de ni bsam gtan dang po'i sa pa'i sprul pa de'i 'bras bu ste/bsam gtan dang po'i 'bras bu las khyad par du 'phags te/ sprul pa bsam gtan gnyis pa'i 'bras bu de ni bsam gtan gnyis pa'i sa par 'gro ba'i bsam gtan dang po'i 'bras bu ni der mi 'gro'o/ /'o na ci zhe na/bsam gtan dang po'i sa pa kho nar 'gro bas/ 'gro ba'i bye brag gi sgo nas khyad par yod do/ /de bzhin du bsam gtan gsum pa la sogs pa'i 'bras bu la yang sbyar bar bya'o/ /rnyed pa ni bsam gtan bzhi yin no zhes bya ba ni sprul pa'i sems rnams kyang bsam gtan gyi dngos gzhi dag bzhin du 'dod chags dang bral ba'i sgo nas rnyed do//sprul pa'i sems ni bsam gtan dag pa pa'i mjug thogs su skye zhes bya ba ni sprul pa'i sems mngon sum du gyur pa na/ dang po gang yin pa de ni dag pa pa las skye'o/ /sprul pa'i sems kyi mjug thogs su zhes bya ba ni gnyis pa la sogs pa'i rgyun gyi tshe'o//sprul pa'i sems las kyang bsam gtan dag pa pa zhes bya ba ni sprul pa'i sems las langs pa'i tshe'o/ /sprul pa'i sems zhes bya ba ni rgyun gyi tshe'o/ /ting nge 'dzin gyi 'bras bu la gnas pa zhes bya ba ni sprul pa'i sems la gnas pa'o/ /sa gong ma pa zhes bya ba ni bsam gtan gnyis pa la sogs pa'i sa pa ste/bsam gtan dang po'i sa pas smrar 'jug go/ /yan chad bsam gtan gnyis pa la sogs pa na ni rnam par rig byed kun nas slong bar byed pa rtog pa dang dpyod pa dang bcas pa'i sems med pa'i phyir ro/ / 'di ltar brtags shing dpyad nas tshig tu smra'o zhes 'byung bas so/ /sprul pa'i sems med pa'i phyir sprul pa med na zhes bya ba ni rgyu mtshan med na rgyu mtshan las byung ba yang med pas yod pa ma yin na/ ji ltar sprul pa 'di smrar 'jug snyam du bsams pa yin no/ /byin gyis brlabs nas gzhan 'jug phyir//zhes bya ba ni sprul pa po gnas par 'dod pas sprul pa'i sems kyis sprul pa sprul nas/ de yang 'di gnas par gyur cig ces byin gyis brlabs nas de'i 'og tu gzhan rnam par rig byed kun nas slong bar byed pa rtog pa dang dpyod pa dang bcas pa'i sems kyis smrar 'jug go/ / sngon gyi bsam pa'i rgyun rjes su 'brang ba'i phyir te/ des sngar sprul pa sprul par bya'o/ /des byin gyis brlab par bya'o/ /de smar gzhug go snyam du sems la rnam par gzhag pas so/ /gnas skabs gnyis la byin gyi rlabs srid pa'i phyir ci gson po kho na la byin gyi rlabs yod dam zhes 'dri'o/ / 'phags pa 'od srungs chen po'i byin gyi rlabs kyis zhes bya ba ni 'phags pa 'od srungs chen po'i mos pas zhes bya ba'i tha tshig go/ /skye ba las skyes rnam gsum mo/ /zhes bya ba ni lha la sogs pa res 'ga' ni gzhan dag la phan gdags pa'i phyir sprul par byed la/ res 'ga' ni rnam par 'tshe ba'i phyir zhes bya ba la sogs pa yin no//de dag gis byas pa zhes bya ba rgyas par 'byung ba ni lha la sogs pas byas pa'i sprul pa'i bdag dang gzhan dang 'brel pa ni skye mched dgu pa yin no/ /de ci'i phyir zhe na/ sgra med pa'i gzugs can gyi skye mched yin pa'i phyir te/ 'di ltar de la sgra med pa'i mig la sogs pa'i skye mched dang /gzugs la sogs pa'i skye mched yod pas so/ /sgra ni rgyun med pa'i phyir sprul par mi byed do/ /sems med pa yin pa'i phyir yid dang chos kyi skye mched dag kyang sprul par mi byed do/ /sprul pa sems med do zhes bya ba ci mngon zhe na/ bstan bcos las te/'di skad du sprul pa de 'byung ba chen po bzhi las gyur pa zhes brjod par bya'am/ 'byung ba chen po bzhi las gyur pa ma yin pa zhes brjod par bya/ smras pa 'byung ba chen po bzhi las gyur pa'o zhes brjod par bya'o/ /rgyur byas pa'i gzugs can nam/ rgyur byas pa'i gzugs can ma yin pa zhes brjod par bya/smras pa rgyur byas pa'i 'bras bu gzugs can no zhes brjod par bya ste/ sems med pa zhes kyang brjod par bya'o/ /gang gi sems kyi dbang gis 'jug ces brjod par bya/ smras pa/ sprul pa po'i sems kyi dbang gis 'jug go zhes brjod par bya'o zhes 'byung ngo / / gal te skye mched dgu pa sprul par byed na dbang po sprul pa'i phyir ji ltar sngon med pa'i sems can 'byung bar mi 'gyur te/ dbang po rnams ni sems can du ston pa yin no zhe na/ de'i phyir dbang po dang tha mi dad pa'i phyir ro zhes bya ba smos te/ 'di gang gi phyir mig la sogs pa'i dbang po lnga rang dang gzhan gyi lus dang 'brel pa'i sprul pa gzugs dang dri dang /ro dang reg bya'i ngo bo nyid dang tha mi dad par gnas pa de'i phyir skye mched dgu pa zhes bya ba'i dbang po ni sprul par mi byed de/ 'di ni grub pa'i mtha' yin no/ /rang dang gzhan gyi lus dang ma 'brel pa sprul par byed pa gang yin pa de ni skye mched bzhi pa kho na yin no//dper na nga las gzhon nu dang / srid pa bar ma rnams kyi lta bu'o zhes bya ba 'di gnyis ni las las skyes pa'i rdzu 'phrul gyi dper brjod pa yin no/ /de dag ci lha'i kho na yin nam zhes bya ba ni lha'i zhes bya ba sgra 'di dngos shig yin nam/ 'on te nye bar btags pa zhig yin snyam du sems pa ste/gal te de dag lha la yod pas na lha'i'o zhes bya ba'i don du gzung na ni sgra 'di dngos yin par 'gyur ro/ /'on te lha'i dang 'dra bas lha'i'o zhes bya ba ni nye bar btags pa yin no/ /byang chub sems dpa' dang / 'khor los sgyur ba dang / khyim bdag rin po che rnams kyi lta bu zhes bya ba ni nye bar btags pa nyid kyi dpe yin par ston to//rnam par shes pa dang bcas pa yin pa'i phyir zhes bya ba ni gzugs nyams su myong ba'i sgo nas bsgrub pa'i phyir rtag tu rnam par shes pa dang bcas pas brten pas mtshungs pa kho na yin no/ /zhar ba dang nongs pa med pa'i phyir zhes bya ba la zhar ba ni gtan ma tshang ba'o//nongs pa ni yo ba'o/ /thams cad mi mthong ba zhes bya ba ni don gyis ni 'di skad du lha'i mig gis ni rgyab logs su yang mthong la mdun du yang mthong gi /lha'i mig ma yin pas ni de lta ma yin no zhes bshad pa yin no/ /lha'i rna ba la sogs pa bzhi yang zhes bya ba la sogs pa zhes bya ba'i sgras ni lha'i mig dang /sngon gyi gnas rjes su dran pa dang / gzhan gyi sems shes pa bsdus te/ lha'i rna ba la sogs pa bzhi po 'di yang skye bas 'thob pa yod do/ /gang dag gis lha'i mig skye bas 'thob pa yin zhe na/ 'dod pa na spyod pa'i lha rnams dang /klu rnams dang / gzugs na spyod pa rnams kyi'o/ /gzugs med pa na spyod pa rnams kyi ni ma yin te/ de na gzugs med pa'i phyir ro/ /rdzu 'phrul gyis 'gro ba dang / sprul pa yang med do/ /lha'i rna ba dang mig kyang 'thob pa med do/ /rang dang gzhan gyi rgyud du yongs su dpyod pa med pa'i phyir gzhan gyi sems shes pa yang med do//'dod pa dang gzugs na spyod pa'i sems can lta bur sngon gyi gnas rjes su dran pa yang med de/ de lta bu'i lus yang dag par mi 'grub pa'i phyir ro/ /yang na 'dod pa dang gzugs na spyod pa'i sems can lta bur mngon par shes pa thams cad kyang med de/de lta bu'i lus yang dag par mi 'grub pa'i phyir ro/ /ji ltar bsgoms pa'i 'bras bu dge ba kho na yin pa lta bu ni ma yin no zhes bya ba ni bzlog pa'i dpe'o/ /'gro ba gzhan na gnas pas ni rtag tu shes so zhes bya ba ni lha la sogs pa'i 'gro ba na gnas pas ni gzhan gyi sems shes pa dang /sngon gyi gnas rjes su dran pa de dag gis de rtag tu shes te/ sdug bsngal gyi tshor bas mnyen pa'i phyir/ mi la skye bas thob pa med/ ces bya ba ni mi rnams kyi rdzu 'phrul la sogs pa ji skad bshad pa de ni 'dod chags dang bral ba thob pa dang / rtog ge dang / rig pa dang / sman gyi las kyis byas pa ni yod kyi//skyes nas thob pa ni med do/ /'o na rang bzhin gyis tshe rabs dran pa gang yin pa ji lta bu zhes bya ba ni tshe rabs dran pa nyid ni sngon gyi gnas rjes su dran par 'gyur la/ de yang skyes nas 'byung bas ji ltar ro/ /'di skyes nas thob pa ma yin snyam du bsams pa yin no/ / de dag gis ni las kyi khyad par las skyes pa yin zhes smos pa ni byang chub sems dpa' de dag gi ni las kyi khyad par gyis 'grub pa yin no/ /skyes nas thob pa zhes bya ba ni gang thams cad kyi skyes pa'i dus nyid na rang bzhin gyis 'thob pa yin gyi dper na bya rnams nam mkha' la 'gro ba lta bu skyes pa'i dus kyi 'og tu yang gang yang rung ba'i ni ma yin pa nyid do//de lta bas na de dag gi de ni las kyi khyad par las skyes pa yin no/ /ji lta zhe na/ rnam pa gsum ste zhes bya ba rgyas par smos te/ bsgoms pa'i 'bras bu ni ji skad du bshad pa lta bu yin no/ /skye bas thob pa ni lha la sogs pa yin no//las las skyes pa ni dper na byang chub sems dpa' de dag gi lta bu yin no/ /chos mngon pa'i 'grel bshad slob dpon rgyal po'i sras grags pa'i bshes gnyen gyis mdzad pa don gsal ba zhes bya ba las ye shes bstan pa zhes bya ba ste mdzod kyi gnas bdun pa'o// //bdun pa'i 'og tu mdzod kyi gnas brgyad pa nye bar dgod pa'i 'grel pa bstan pa'i phyir/ shes pa'i skabs kyis zhes bya ba rgyas par smos te/ shes pa'i skabs shes pa bcu'i skabs kyis shes pa'i rang bzhin shes pa'i ngo bo nyid smon nas shes pa dang / so so yang dag par rig pa'i shes pa la sogs pa bshad zin to//rang bzhin gzhan ting nge 'dzin la sogs pa brjod par bya'o/ /yon tan thams cad kyi rten yin pa'i phyir zhes bya ba ni gzugs med pa dag kyang yon tan gyi rten yin par ni 'dod mod kyi/ yon tan thams cad kyi rten ni ma yin no/ /bsam gtan rnams ni yon tan rnams kyi rten yin no//bsam gtan rnams ni rnam pa gnyis so zhes bya ba ni rgyu'i bsam gtan dang 'bras bu'i bsam gtan rnams so zhes bya ba'i tha tshig go/ /dge ba rtse gcig pa zhes bya ba ni sems dge ba rnams kyi rtse gcig pa'o/ /bye brag med par zhes bya ba ni bsam gtan thams cad kyi mtshan nyid kyang 'di yin no//de'i phyir ting nge 'dzin gyi rang bzhin yin pa'i phyir ro zhes bya ba smos te/ bsam gtan rnams ni zhes bya ba tshig lhag ma yin no/ /yang na bye brag med par zhes bya ba ni ting nge 'dzin tsam smos pa yin no/ /dbye na ni/ rjes 'brang bcas na phung po lnga//zhes bya ba yin te/ 'dir gzugs kyi phung po ni rnam par rig byed ma yin pa'i gzugs so/ /dmigs pa gcig pa nyid do zhes bya ba ni sems rnams kyi dmigs pa gcig pa nyid do/ /yang sems dang sems las byung ba thams cad kyang dmigs pa gcig pa nyid yin na/ci'i phyir sems rnams kyi dmigs pa gcig pa nyid ces bya'i/ sems dang sems las byung ba rnams kyi zhes ni mi bya zhe na gtso bo yin pa'i phyir ro/ /sems dmigs pa gcig pa dag kho na ting nge 'dzin yin zhes bya ba ni gnas skabs kyi khyad par yin pa'i phyir sems kyi yon tan dang ngo bo bzhin no//bye brag tu smra ba na re/ sems rnams kho na ting nge 'dzin ma yin gyi/ gang gis de dag rtse gcig cing mnyam par gzhag par byed pa'i chos de ting nge 'dzin yin te/ dper na bye brag pa'i lugs kyis dkar po'i yon tan dang ldan pa'i phyir ras yug dkar po yin la/yon tan de nyid 'di la yod pas ni dkar po can zhes bya ba de dang 'dra'o zhes zer ro/ /skad cig ma yin pa'i phyir sems thams cad rtse gcig pa ni ma yin nam/ ci na 'di skad du gang gis de dag rtse gcig par byed pa'i chos de ting nge 'dzin yin zhes brjod gal te gnyis pa de las rnam par mi g.yeng ba yin no zhe na zhes bya ba ni/gal te 'di snyam du sems gnyis pa ting nge 'dzin de'i sgo nas dmigs pa de las rnam par mi g.yeng ba yin no snyam du sems na/ mtshungs par ldan pa la ting nge 'dzin don med pa yin no/ /sems dang po ting nge 'dzin dang mtshungs par ldan pa gang yin pa'i mtshungs par ldan pa de las ting nge 'dzin don med pa yin te/ting nge 'dzin gyis de la bya ba ni mi byed kyi/ gnyis pa la bya ba byed pa'i phyir ro/ /gzhan yang rgyu gang kho na las ting nge 'dzin rtse gcig pa nyid kyi mtshan nyid du 'dod pa'i rgyu de kho na las sems rnams kyi dmigs pa gcig pa nyid du yang ci'i phyir mi 'dod/ting nge 'dzin don gzhan du gyur pas ci zhig bya snyam du bsams pa yin no/ /ma yin te/ ting nge 'dzin stobs chung ba'i phyir ro zhes bya ba ni ting nge 'dzin sa mang po pa yod pa'i phyir sems thams cad rtse gcig pa nyid du ni thal bar mi 'gyur te/ sems gang zhig ting nge 'dzin stobs chung ba de dang mtshungs par ldan pa de ni rtse gcig pa ma yin la sems gang zhig stobs can dang mtshungs par ldan pa de ni rtse gcig pa yin pas ting nge 'dzin sa mang po pa nyid yin yang sems thams cad rtse gcig pa nyid du thal bar mi 'gyur ro//sems rtse gcig pa dag kho na zhes bya ba rgyas par 'byung ba ni sems rtse gcig pa dag kho na ting nge 'dzin yin gyi/ /don gzhan du gyur pa ni ma yin no/ /'di ltar mdo las lhag pa'i sems kyi bslab pa zhes bya ba ni lhag pa'i sems kyi bslab pa gang zhe na/ bsam gtan bzhi'o zhes bya ba thams cad dang /de bzhin du sems yongs su dag pa'i gtso bo ni bsam gtan bzhi kho na yin no zhes bshad do/ /mdo 'di ni/ rdzu 'phrul rkang pa ting nge 'dzin/ /ces bya ba der bris so/ ji ltar lhag pa'i tshul khrims kyi bslab pa tshul khrims kho na yin gyi de las gzhan pa ma yin la/lhag pa'i shes rab kyi bslab pa yang shes rab kho na yin gyi/ de las gzhan pa ma yin pa de bzhin du lhag pa'i sems kyi bslab pa yang sems kho na yin gyi de las gzhan pa ni ma yin pas sems las ma gtogs pa'i ting nge 'dzin med do zhes bya ba'i tha tshig ste/ lhag pa'i sems kyi bslab pa ni ting nge 'dzin min par 'dod do//yang ji ltar mdo de nyid las tshul khrims yongs su dag pa'i gtso bo dang / lta ba yongs su dag pa'i gtso bo dang / rnam par grol ba yongs su dag pa'i gtso bo zhes bshad pa'i tshul khrims yongs su dag pa ni tshul khrims las gzhan pa ma yin la/de bzhin du lta ba yongs su dag pa dang / rnam par grol ba yongs su dag pa yang de dag las gzhan pa ma yin pa de kho na dang 'dra bar sems yongs su dag pa yang sems las gzhan pa ma yin te/ sems yongs su dag pa ni bsam gtan bzhi'i mtshan nyid kyi ting nge 'dzin yin pas so//de lta na ni 'o na zhes bya ba ni gal te bsam gtan rnams ting nge 'dzin gyi rang bzhin yin na/ ting nge 'dzin thams cad bsam gtan du thal bar 'gyur ro/ /ting nge 'dzin dge ba dang nyon mongs pa can dang lung du ma bstan pa rnams kyang bsam gtan du thal bar 'gyur te/ ting nge 'dzin ni sa mang po pa yin pa'i phyir ro//ma yin te/ phul du phyin pa dang ldan pa la zhes bya ba rgyas par 'byung ba ni de ni de lta ma yin te/ ting nge 'dzin phul du phyin pa dang ldan pa la bsam gtan gyi ming du btags pa'i phyir nyi ma bzhin no/ /dper na gang zhig phul du phyin par snang bar byed pa de kho na nyi ma yin gyi/srin bu me khyer la sogs pa ni ma yin pa de dang 'dra'o/ /de ni zhes bya ba rgyas par 'byung ba ni yan lag dang ldan pa'i ting nge 'dzin de ni zhi gnas dang lhag mthong rta gnya' sbrel bas shing rta 'dren pa dang 'dra bas zung du 'brel bar ngang gis 'byung ba'o/ /de'i phyir mdo las mthong ba'i chos la bde bar gnas pa zhes bshad do//lam sla ba zhes bya ba ni yan lag dang ldan pa'i ting nge 'dzin nyid lam sla ba zhes bshad do zhes bya bar sbyar te/ sla ba'i phyir des ni shin tu yang sems par byed do/ /nyon mongs pa can ji ltar bsam gtan yin zhe na zhes bya ba ni gal te dge ba'i yan lag dang ldan pa'i ting nge 'dzin bsam gtan yin na//nyon mongs pa can ro myang ba dang mtshungs par ldan pa ji ltar bsam gtan nyid du bshad ces bya ba tshig lhag ma yin no/ /bsam gtan ni rnam pa gsum ste ro myang ba dang mtshungs par ldan pa dang / dag pa dang / zag pa med pa'o zhes 'byung ba'i phyir ro//log par nges par sems pa'i phyir ro zhes bya ba ni log par nges par rtog pa'i phyir ro zhes bya ba'i tha tshig go/ /ha cang thal bar 'gyur ro zhes bya ba ni 'dod pa'i 'dod chags kyis kun nas dkris pa'i sems kyis kyang log par nges par sems pa'i phyir der thal bar 'gyur ro zhe na/ma yin te de dang mthun pa kho na la zhes bya ba rgyas par smos te de ni de ltar thal bar 'gyur ba ma yin te/ de dang mthun pa mtshar gcig mtshan nyid mang po mi mthun pa med pa'i nyon mongs pa can la bsam gtan zhes ming du btags pa ste sa bon rul ba bzhin no/ /dper na rdo la sogs pa sa bon ma yin pa kha cig ni de'i rigs dang mtshan nyid shin tu mi 'dra ba'i phyir sa bon rul pa zhes mi bya'o//'o na ci zhe na/ sa bon gyi rigs nyid nyams pa gang yin pa de kho na la sa bon rul ba'o zhes ming du 'dogs pa de dang 'dra'o/ /bsam gtan mi dge ba dag kyang gsungs so zhes bya ba ni 'dod pa'i 'dod chags kyis kun nas dkris pa de 'dod pa'i 'dod chags kyis kun nas dkris pa nang du byas nas sems par byed/rab tu sems par byed do zhes rgyas par 'byung ba yin te/ 'dis ni 'dod pa'i 'dod chags la sogs pas kun nas dkris pa yang bsam gtan nyid yin pas nyes pa med do/ / zhes ston par byed do/ /du ba dang me bzhin no zhes bya ba ni dper na 'di na du ba yod pas zhes du ba smos pas me yang smras pa yin te/ me med na du ba mi 'byung bas lhan cig spyod pa'i phyir ro/ /med na mi 'byung ba 'di nyid kyis du ba gtso bo yin no/ /gang na du ba yod pa de na me yod kyi gang na me yod pa de na du ba yod pa ni ma yin te/'di ltar lcags bzhu ba dang mdag ma la sogs pa la me kho na 'dzin gyi du ba ni ma yin no/ /de lta bas na du ba ni gtso bo yin pa'i phyir sngar smos te/ nor lha dang srid sgrub bzhin no/ /de lta ma yin na ni me zhes bya ba'i sgra sngar smos par 'gyur ro/ /yang lhan cig spyod pa ji lta bu rtog pa med par ni dga' ba dang bde ba dang ldan pa'i dpyod pa med do zhes bya ba smos te/ji ltar bsam gtan khyad par can gyi dpyod pa dga' ba dang bde ba dang ldan pa ma yin pas rtog pa med pa ltar dpyod pa 'di ni de lta bu ma yin no/ /de bas na dpyod pa dang dga' ba dang bde ba dang ldan zhes dga' ba dang bde ba dang bcas par ston pas dpyod pa 'di khyad par du byas pa yin te/bsam gtan dang po ni dga' ba dang bde ba dang ldan pa'i dpyod pa dang dga' ba dang bde ba dang mtshungs par ldan no zhes bya ba'i tha tshig go/ /gal te rtog pa dang dga' ba dang bde ba dang ldan pa'o zhes mdor byas na nyes pa ci yod ce na/de ltar bya bar ni mi nus te/ yan lag lnga lnga spangs pa yin/ /zhes 'chad par 'gyur ba bsam gtan gnyis pa ni rtog pa spangs pa'o zhes byas na bsam gtan khyad par can yang bsam gtan gnyis par 'gyur ro/ /gzhan yang bsam gtan dang po yan lag bzhi par bstan pa'i mjug nas go rims bzhin 'di skad du/rtog pa dang bcas/ dpyod pa dang bcas dben pa las skyes pa'i dga' ba dang bde ba can bsam gtan dang po rdzogs par byas te gnas so zhes bshad do/ /de la bsam gtan dang po la dpyod pa dang dga' ba dang bde ba dang ting nge 'dzin dag yod pas yan lag de bzhi dang thams cad kyi dang por bshad pa rtogs pa dang /yan lag lnga pa zhes bya ba'o/ /gnyis pa yang rtog pa med cing dpyod pa med la ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so zhes 'byung ste/yan lag bzhi po 'di dag las yan lag dang po dpyod pa'i mtshan nyid spangs pa yin no/ /gsum pa yang 'di skad du/ dga' ba las 'dod chags dang bral nas btang snyoms su gnas shing zhes bya ba nas rgyas par bde bar gnas so zhes brjod pa bsam gtan gsum pa rdzogs par byas te gnas so zhes bya ba'i bar 'byung ba yin te/yan lag gzhan dga' ba'i mtshan nyid kyang spangs pa yin no/ /bzhi pa yang 'di skad du/ bde ba yang spangs shing zhes bya ba nas rgyas par sdug bsngal yang ma yin pa bde ba yang ma yin pa btang snyoms dang dran pa yongs su dag pa can bsam gtan bzhi pa rdzogs par byas te gnas so zhes bya ba'i bar 'byung ba yin te/yan lag bde ba yang spangs pas de la ting nge 'dzin 'ba' zhig lus so/ /de'i phyir 'di skad du/ dpyod dang dga' dang bde dang ldan/ /zhes mdor byas so/ /de dag gi yang skye ba rnams ni bshad zin to zhes bya ba ni/gzugs med khams na gnas med de/ /skye ba las ni rnam pa bzhi/ /zhes 'byung ba'i phyir ro/ /rjes su 'brang ba'i gzugs med pa'i phyir ro zhes bya ba ni bsam gtan dang zag pa med pa'i sdom pa med pa'i phyir ro zhes bya ba'i tha tshig go/ /dben pa zhes bya ba ni 'dis rnam par 'byed par byed pas dben pa'o//lam gang gis zhes bya ba ni bar chad med pa'i lam gyis so/ /yang na rnam par grol ba'i lam gyis kyang yin te/ de dang 'bras bu gcig pa'i phyir ro/ /'dod chags dang bral bar 'gyur ba'i phyir ro zhes bya ba ni des 'dod chags dang bral bar 'gyur ba'i phyir ro zhes bya ba'i don to//gzugs kyi 'du shes bshig ces bya/ /zhes bya ba ni 'di la gzugs kyi 'du shes bshig pa yod pas na gzugs kyi 'du shes bshig pa'o/ /'di dag la gzugs kyi 'du shes bshig pa zhes bya bas na gzugs kyi 'du shes bshig ces bya'o//re zhig 'di ni bsgrub par bya ba yin no zhes zer ba ni sde pa gzhan dag go/ /gal te yod na zhes zer ba ni bye brag tu smra ba'o/ /chung zad ser ba bzhin no zhes bya ba ni ji ltar chang chung tsam ser ba la cung zad ser ba zhes bya ba de bzhin du/ gzugs cung zad cig yod pa la gzugs med pa zhes bya'o//de dag med na de lus dang ngag med na ji ltar de dag gi sdom pa ste lus dang ngag gi sdom pa dag tu 'gyur/ gzugs med pa na spyod pa'i 'byung ba med par ni gzugs med pa na spyod pa'i 'byung ba las gyur pa mi rung ngo / /gal te zag pa med pa'i sdom pa bzhin no zhes bya ba ni de la 'di snyam du ji ltar zag pa med pa'i 'byung ba dag med bzhin du yang zag pa med pa'i sdom pa 'byung ba las gyur pa'i gzugs yod pa de bzhin du gzugs med pa na spyod pa'i 'byung ba dag kyang med mod kyi/'on kyang gzugs med pa na spyod pa'i sdom pa 'byung ba las gyur pa'i gzugs yod do snyam du sems na/de ni ma yin te/ zag pa dang bcas pa'i 'byung ba yod pa'i phyir ro/ /zag pa dang bcas pa'i 'byung ba dag yod pas de dag gzugs med pa rnams na yod cing / zag pa med pa'i 'byung ba dag ni med de/ de'i phyir zag pa med pa'i sdom pa ni gang du skyes pa de na yod pa'i zag pa dang bcas pa dag rgyur byas nas skyes pas mi 'dra ba'i phyir rtog pa 'di ni rung ba ma yin no//snyoms par 'jug pa la yang de dgag pa bshad do zhes bya ba ni skye ba'i gzugs bkag pa 'di nyid kyis snyoms par 'jug pa la yang gzugs bkag par bshad pa yin pas 'di la 'bad pa gzhan ni mi bya'o//ji lta zhe na/ gal te lus dang ngag gi sdom pa tsam zhig go zhe na/ de dag med na ji ltar de dag gi sdom par 'gyur/ 'byung ba med par ni 'byung ba las gyur pa mi rung ngo / /gal te zag pa med pa'i sdom pa bzhin no zhe na ma yin te/ zag pa dang bcas pa'i 'byung ba yod pa'i phyir ro zhes bya ba yin no//gzhan dag na re rnam pa thams cad du gzugs kyi 'du shes las yang dag par 'das nas zhes 'byung bas snyoms par 'jug pa la yang de dgag par bshad pa yin no zhes zer ro/ /de ltar na gzugs med pa'i snyoms par 'jug pa la yang gzugs med la gzugs med par skye ba dag la yang med do zhes bshad pa yin no//gal te bong tshod chung ba'i phyir ro zhe na ni zhes bya ba ni 'on te rdul phra rab tsam gyi gzugs shig yod pa de'i phyir de dag la gzugs cung zad cig yod do zhes bya bar 'dod na ni phra ba'i phyir chu'i skye bo gzugs bltar mi snang ba dag la yang thal bar 'gyur te/gzugs med par thal bar 'gyur ro zhes bya ba'i don to/ /gal te dang ba'i phyir ro zhe na zhes bya ba ni de la 'di snyam du gzugs dang ba'i phyir gzugs med pa dag yin no snyam du sems na/ srid pa bar ma dang /gzugs na spyod pa dag la yang thal bar 'gyur te/ srid pa bar ma dang gzugs na spyod pa dag la yang thal ba ni dang ba'i phyir rdo rje'i ri la yang thogs pa med par 'gro bas de dag la yang thal bar 'gyur ro/ /snyoms par 'jug pa bzhin du skye ba khyad par du 'phags pa'i phyir ro zhes bya ba ni ji ltar nam mkha' mtha' yas la sogs pa'i snyoms par 'jug pa dag ches shin tu khyad par du 'phags pa de bzhin du dag gi skye ba'i khyad par yang dang ba dang ches dang ba dang ches shin tu dang ba'o zhes khas blang dgos so//de'i phyir snyoms par 'jug pa bzhin du skye ba ches shin tu dang bas zhes bya bar khyad par du 'phags pa'i phyir de kho na gzugs med pa kho nar 'gyur ro//gal te yang gzugs med par skye ba'i gzugs ni dang ba'i phyir sa 'og ma pa'i dbang pos mi 'dzin pas gzugs med pa rnams zhes bya ba'o zhe na/ bsam gtan du skye ba'i gzugs kyang zhes bya ba rgyas par smos so//'di ltar sbyar te/ bsam gtan du skye ba'i gzugs/ bsam gtan gnyis pa'i sa pa yang sa 'og ma pa'i dbang po ste/ bsam gtan dang po'i sa pa'i dbang pos mi zin la/ de bzhin du sa gong ma pa'i ches shin tu dang ba'i phyir bsam gtan bzhi pa'i sa pa'i gzugs kyang bsam gtan gsum pa'i sa pa'i bar gyi dbang pos mi zin to//de ltar na bsam gtan du skyes pa'i gzugs kyang sa 'og ma pa'i dbang pos mi zin pa'i phyir/ gzugs med pa de dang khyad par ci zhig yod na 'di ltar ches shin tu gsal ba'i tshul 'dra ba yang de dag kho na gzugs med par 'dod kyi gzugs na spyod pa rnams ni ma yin te/de lta bas na de na gzugs med do/ /'on te khams gnyis kyi ming ni don dang mthun pa yin te/ 'dod pa'i yon tan gyis rab tu phye ba ni 'dod pa'i khams yin la/ gzugs kyis rab tu phye ba ni gzugs kyi khams yin gyi/gzugs med pa'i khams kyi ming ni don dang mthun pa ma yin no/ /'o na ci zhe na/ 'dod rgyal ba yin no zhe na/ khams gnyis kyi ming ni don dang mthun pa yin gyi/ gzugs med pa'i khams kyi ni ma yin no zhes bya ba de la rigs pa ci zhig yod/de ltar rigs pas gzugs med pa'i khams na gzugs med do zhes bkag nas lung smos te dogs pa zlog par byed do/ /de la gzugs rab tu grub par bya ba'i phyir gal te tshe dang drod gnyis zhes bya ba rgyas par smos te/ gal te gzugs med pa dag na gzugs yod pa nyid grub bo zhe na zhes bya ba'i tshig 'di ni re re la sbyar bar bya'o//ji lta zhe na/ gal te tshe dang drod gnyis 'dres par gsungs pa'i phyir/ gzugs yod pa nyid du grub bo zhe na zhes bya ba ste/ de la 'di snyam du mdo las/ tshe dang ldan pa gsus po che tshe gang yin pa dang drod gang yin pa'i chos 'di dag ni 'dres pa ste/ma 'dres pa ma yin no zhes rgyas par 'byung bas de'i phyir de na tshe yod na drod kyang yod par 'gyur la/ drod ni gzugs yin no zhes bya bar grub bo snyam du sems na'o/ /gal te 'dam bu'i shog gnyis bzhin du ming dang gzugs dag phan tshun bsten to zhes gsungs pa'i phyir gzugs med pa dag na gzugs yod pa nyid du 'grub bo zhe na zhes bya ba ste/mdo las tshe dang ldan pa shA ri'i bu dper na 'dam bu'i shog gnyis gnam du bsgrengs te phan tshun bsten cing 'dug pa de la 'ga' zhig gis gcig bor na cig shos 'gyel bar 'gyur la cig shos bor na yang cig shos 'gyel bar 'gyur ro//tshe dang ldan pa shA ri'i bu de bzhin du ming dang gzugs kyang phan tshun brten cing gnas zhes bya ba rgyas par 'byung ba yin no/ /gal te rnam par shes pa'i rkyen gyis ming dang gzugs zhes gsungs pa'i phyir de lta bas na gzugs med pa dag na gzugs yod pa nyid du 'grub bo zhe na zhes bya ba ste/rten cing 'brel par 'byung ba'i mdo las/ nying mtshams sbyor ba'i mtshan nyid kyi skabs su rnam par shes pa'i rkyen gyis ming dang gzugs zhes gsungs pa'i phyir de lta bas na gzugs med pa dag na gzugs yod do zhes bya bar grub bo zhe na zhes bya ba yin no//gzugs nas 'du byed kyi bar las zhes bya ba rgyas par 'byung ba ni gal te mdo las dge slong dag rnam par shes pa gzugs su nye bar 'gro ba/ gzugs la dmigs pa/ gzugs la brten pa gnas so//dge slong dag gang la la zhig 'di skad du bdag ni gzugs dang tshor ba nas 'du byed kyi bar dag las gzhan du rnam par shes par 'gro ba'am 'ong bar smra'o zhes zer na/ de'i ngag de ni de'i tshig tsam du zad do zhes gsungs te/ lung 'di dang sbyar na yang gzugs med pa dag na gzugs yod do zhes bya bar 'grub bo zhes de snyam du sems na ma yin te/dpyad par bya ba yin pa'i phyir ro/ /'on te thams cad las zhes bya ba ni 'dod pa dang gzugs dang gzugs med pa na spyod pa las so/ /'dir dgongs pa'i don 'di yin te/ 'dod pa na spyod pa'i tshe kho na las dgongs nas de skad du gsungs pa yin te/'di ltar/ tshe dang drod dang rnam shes kyis/ /gang tshe lus 'di 'dor byed cing / /bor nas de tshe nyal ba ni/ /ji ltar shing la sems med bzhin/ /zhes 'byung ngo / /gzugs med pa'i khams na ni lus kyang med na lus 'jig pa lta ga la zhig yod/ gzugs kyi khams na ni lus yod mod kyi lus 'jig par mngon pa ni med do//gang yang ming dang gzugs dag phan tshun bsten pa nyid du gsungs pa de yang 'dod pa dang / gzugs na spyod pa kho na las dgongs te gsungs so zhes bya bar mngon te/ gnyi ga yod na phan tshun bsten pa nyid srid pas so/ / gang yang rnam par shes pa'i rkyen gyis ming dang gzugs zhes bya ba ni 'di la rkyen rnam par shes pa yod pas rnam par shes pa'i rkyen gyis ming dang gzugs so zhes de skad du drug pa'i don du 'bru mang po par tshig bsdus pa yin no/ /'dir ci rnam par shes pa 'dod pa na spyod pa'i 'du byed kyi rkyen can nas/gzugs med pa na spyod pa'i 'du byed kyi rkyen can gyi bar thams cad ming dang gzugs kyi rkyen yin nam/ 'on te ming dang gzugs thams cad rnam par shes pa'i rkyen can yin zhe na/ rnam par shes pa'i rkyen gyis ming dang gzugs zhes bya ba 'di la bdag ni ming dang gzugs thams cad kyi rkyen rnam par shes pa yin no zhes bya bar nges par gzung gi rnam par shes pa thams cad ming dang gzugs kyi rkyen yin no zhes bya bar ni nges par mi bzung ngo zhes zer te/rnam par shes pa cung zad cig ni ming kho na'i rkyen yin te/ gzugs med pa na spyod pa'i 'du byed kyi rkyen can gang yin pa'o//cung zad cig ni ming dang gzugs kyi rkyen yin te/ 'dod pa dang / gzugs na spyod pa'i 'du byed kyi rkyen can gang yin pa'o/ /des na 'di skad du ming dang gzugs 'di'i rkyen ni rnam par shes pa kho na yin gyi/ ming dang gzugs 'di 'dus pa kho na'i rkyen ni ma yin no zhes bshad pa yin no//srid pa'i phyir de skad du bshad par zad de/ 'di ltar rdzus te skye ba rnams ni rnam par shes pa'i rkyen gyis skye mched drug kho na yin gyi/ ming dang gzugs ni ma yin no/ /skye mched drug ma grub pa'i gnas skabs kyi phung po lnga la ni ming dang gzugs zhes bya'o/ / don 'di nyid mdo las kyang ston te/ kun dga' bo gal te rnam par shes pa ma'i mngal du zhugs par ma gyur na/ 'on kyang ming dang gzugs de nur nur po nyid du brgyal bar 'gyur ram/ btsun pa ma lags so/ /kun dga' bo gal te rnam par shes pa zhugs nas myur ba kho nar 'dor bar byed na 'on kyang ming dang gzugs de 'di lta bu nyid du mngon par 'gyur ram/btsun pa ma lags so/ /kun dga' bo gang gi tshe byis pa'am gzhon nu ma'am gzhon nu ma'i rnam par shes pa chad cing zhig la med par gyur na/ 'on kyang ming dang gzugs de 'phel zhing rgyas par 'gyur ram/btsun pa ma lags so/ /de lta bas na khyod kyis rnam grangs 'dis kyang 'di ltar rig par bya ste/ ming dang gzugs kyang rnam par shes pa'i rkyen can yin la/ rnam par shes pa gang yin pa yang ming dang gzugs kyi rkyen can yin no zhes bya ba rgyas par gsungs so/ / 'dir ci gzugs la sogs pa de dag thams cad med na de bkag gam zhes bya ba ni 'ong ba dang 'gro ba bkag pa'o/ /de la 'jig rten snga ma nas srid pa bar ma'i rgyun gyis 'dir skye ba ni 'ong ba'o/ /srid pa bar ma'i rgyun gyis yang 'jig rten 'di nas 'jig rten pha rol du skye ba ni 'gro ba'o//'on te gzugs la sogs pa'i nang nas gang yang rung ba 'ga' zhig kyang zhes bya ba ni 'di dpyad par bya dgos so/ /bdag ni thams cad med na de bkag pa yin no zhes zer ro/ /gal te bye brag med par gsungs pa'i phyir dpyad par mi bya'o zhe na zhes bya ba ni gal te 'di snyam du mdo'i tshig /tshe dang ldan pa gsus po che tshe gang yin pa dang drod gang yin pa zhes bya ba nas/ rgyas par rnam par shes pa gzugs su nye bar 'gro ba gnas so zhes bya ba'i bar 'di ni khyad par med par gsungs pa yin te/ mdo'i tshig 'di dang sbyar na 'dod pa dang gzugs na spyod pa'i tshe las dgongs te gsungs sam zhes bya ba nas de dag thams cad med na de bkag gam zhes bya ba'i bar lta bur bye brag tu ni ma phye'o snyam du sems na/'dir smras pa/ ha cang thal bar 'gyur te/ bye brag med par gsungs pa'i phyir tshe med par phyi'i dro ba yang yod par mi 'gyur te/'di skad du tshe dang ldan pa gsus po che tshe gang yin pa dang / nang gi dro ba gang yin pa zhes bya ba la sogs pa lta bur khyad par du ni ma byas so/ /phyi'i gzugs shing dang rtsig pa la sogs pa sems can du bgrang ba ma yin pa yang rnam par shes pa la brten pa nyid du 'gyur te/khyad par med par 'byung ba'i phyir ro/ /rnam par shes pa gnas pa bzhi bzhin du zhes bya ba rgyas par 'byung ba ni ji ltar khyod kyi ltar na rnam par shes pa gnas pa bzhi khyad par med par gsungs pa'i phyir gzugs med pa'i khams na gzugs yod pa nyid bzhin du zas bzhi gsungs pa'i phyir gzugs dang gzugs med pa'i khams dag na yang kham du byed pa'i zas yod pas thal bar 'gyur ro//mdo las ni 'di skad du zas bzhi ni sems can byung ba rnams gnas par byed pa dang srid pa tshol ba rnams la phan 'dogs par byed pa yin no/ /bzhi gang zhe na/ kham gyi zas rags pa dang phra ba dang /gnyis pa reg pa'i zas dang / gsum pa yid la sems pa'i zas dang / bzhi pa rnam par shes pa'i zas so zhes 'byung ste/ de ltar sems can rnams gnas par bya ba'i phyir zas bzhi khyad par med par gsungs kyi 'dod pa na spyod pa rnams zhes bye brag tu ni ma mdzad pa'i phyir khyod kyi ltar na gzugs dang gzugs med pa'i khams dag na yang kham gyi zas yod par thal bar 'gyur ro//gal te kham du byed pa'i zas za ba'i lha rnams las 'das zhes bya ba rgyas par 'byung ba ni de la sde pa gzhan dag 'di snyam du spyir bstan pa la dmigs kyis bstsal ba yod de/'char byed la sogs pa'i mdo las/ lus zhig nas kham du byed pa'i zas za ba'i lha rnams las 'das te/ lha yid kyi lus can 'ga' zhig tu skye'o zhes kham du byed pa'i zas za ba'i lha rnams las 'das te zhes gsungs pa'i phyir dang dga' ba'i zas zhes gsungs pa'i phyir zhes bya ba ni dge slong dag 'jig rten 'jig pa'i dus gang yin pa de yod de/'jig rten 'jig pa na sems can phal cher 'od gsal ba'i lha'i ris su skye bar 'gyur zhing de dag gzugs bzang po yid las byung ba dbang po ma tshang ba med cing ngan pa ma yin pa/ yan lag dang nying lag thams cad dang ldan pa/kha dog bzang po brtan pa rang gi 'od can nam mkha' la 'gro ba/ dga' ba za zhing dga' ba'i zas can tshe ring ba dus ring por gnas par 'gyur ro zhes bya ba de lta bu la sogs pa mdo dag las gsungs pa'i phyir kham du byed pa'i zas yod par thal bar mi 'gyur ro snyam du sems na/gal te de lta na gzugs med pa dag na yang gzugs yod par thal bar mi 'gyur ro/ /ci'i phyir zhe na/ dmigs kyis bstsal ba'i phyir ro/ /ji lta zhe na/ gzugs med pa rnams ni gzugs rnams las nges par 'byung ba yin no zhes bya ba ni mdo'i tshig dmigs kyis bstsal ba gcig yin no//gzugs med pa'i rnam par thar pa zhi ba gang dag gzugs rnams las 'das nas zhes bya ba ni gnyis pa yin no/ /gzugs can ma yin pa'i sems can dag yod ces bya ba ni gsum pa yin no/ /rnam pa thams cad du gzugs kyi 'du shes rnams las yang dag par 'das nas zhes bya ba ni bzhi pa yin no//gzugs shig yod na zhes bya ba ni gal te gzugs med pa'i snyoms par 'jug pa dang / skye ba dag la gzugs shig yod par gyur na/ gzugs yod phan chad rang gi gzugs gdon mi za bar 'du shes par byed par 'gyur bas rnam pa thams cad du gzugs kyi 'du shes rnams las yang dag par 'das nas zhes 'byung ba smos par mi 'gyur ba zhig na smos te/de'i phyir yang de na gzugs med do/ /gal te sa 'og ma pa'i gzugs rags pa zhes bya ba rgyas par 'byung ba ni gal te 'di snyam du gzugs med pa'i rnam par thar pa gang dag ces bya ba rgyas par 'byung ba ni sa 'og ma pa'i gzugs rags pa las dgongs te gsungs pa yin no snyam du sems na/'di la bdag kham gyi zas la yang mtshungs so zhes zer ro/ /ji lta zhe na/ kham du byed pa'i zas za ba'i lha rnams las 'das te zhes bya ba ni sa 'og ma pa'i kham gyi zas rags pa las dgongs te gsungs pa yin gyi/gzugs na spyod pa'i kham gyi zas phra ba las dgongs pa ni ma yin no/ /gal te yang sa 'og ma pa'i gzugs rags pa las nges par 'byung ba'i phyir gzugs med pa dag ces bya na ni bsam gtan rnams kyang sa 'og ma pa las nges par 'byung ba yin pa'i phyir gzugs med par thal bar 'gyur ro//ji lta zhe na/ bsam gtan dang por ni 'dod pa na spyod pa'i gzugs rags pa las nges par 'byung ba yin la/ de bzhin du bsam gtan bzhi pa'i bar du gong nas gong du gzugs rags pa las nges par 'byung ba yin pas gzugs med par thal bar 'gyur ro//tshor ba la sogs pa las kyang nges par 'byung ba yin par ci'i phyir ma bshad ces bya ba ni gal te rang gi sa pa'i gzugs yod bzhin du yang sa 'og ma pa'i gzugs yod bzhin du rags pa las nges par 'byung ba'i phyir gzugs med pa dag ces bya ba ni rang gi sa pa'i tshor ba yod bzhin du yang gzugs med pa rnams ni tshor ba la sogs pa las nges par 'byung ba yin pa'i phyir tshor ba med pa'o zhes kyang ci'i phyir ma bshad/sogs pa zhes bya ba'i sgra ni rang gi sa pa'i rnam par shes pa yod bzhin du rnam par shes pa med pa'o zhes bya ba'i bar du ci'i phyir ma bshad ces bya ba yin no//ci'i phyir zhe na/ sa 'og ma pa'i tshor ba la sogs pa las nges par 'byung ba'i phyir te/ sa 'og ma pa'i tshor ba la sogs pa rags pa las nges par 'byung ba'i phyir ro zhes bya ba'i tha tshig go//gzugs kyi rnam pa zad pa las 'das pa zhes bya ba ni gzugs med pa dag ni snyoms par 'jug pa dang / skye ba la gzugs kyi rnam pa gang ci yang rung rags pa'am/ phra ba'am/ nang gi'am/ phyi'i yang rung ste de thams cad las 'das pa yin no/ /tshor ba la sogs pa'i rnam pa las ni ma yin te/gzugs med pa dag ni snyoms par 'jug pa dang / skye ba la tshor ba thams cad las 'das pa ma yin te/ bde ba yang ma yin sdug bsngal yang ma yin pa'i tshor ba yod pa'i phyir ro/ /sogs pa zhes bya ba'i sgras ni rnam par shes pa'i bar brjod par bya'o//de'i phyir gzugs rnams las nges par 'byung ba zhes gsungs kyi tshor ba la sogs pa las nges par 'byung ba zhes ni ma gsungs so/ /de lta bas na kho bo cag de skad du smra ba la ni sa 'og ma pa'i tshor ba la sogs pa las nges par 'byung ba'i phyir tshor ba la sogs pa las kyang nges par 'byung ba yin par ci'i phyir ma bshad ces bya ba'i thal ba 'dir mi 'gyur ro//smras pa/ gal te gzugs med pa rnams gzugs rnams las nges par byung ba yin na/ 'o na mdo las nga ni srid pas srid pa las 'byung bar mi smra'o zhes gsungs pa gang yin pa de ji ltar na gzugs med pa'i srid pas gzugs kyi srid pa las nges par 'byung zhe na/srid pas srid pa la nges par mi 'byung bar gsungs pa ni de nyid kyis de las nges par mi 'byung ba'i phyir de skad du bshad par zad do/ /thams cad dang gtan du nges par 'byung ba ma yin pa'i phyir te/ thams cad las nges par 'byung ba ma yin pa ni gzugs kyi srid pas 'dod pa'i srid pa las nges par 'byung mod kyi/des gzugs med pa'i srid pa las kyang nges par 'byung ba ni ma yin no/ /des 'dod pa'i srid pa las gtan du nges par 'byung ba yang ma yin te/ yang 'ong ba'i phyir ro/ /de bzhin du gzugs med pa'i srid pas kyang gzugs kyi srid pa las nges par byung gi 'dod pa'i srid pa las ni ma yin la gzugs med pa'i srid pas gzugs kyi srid pa las gtan du nges par 'byung ba yang ma yin no//ji ltar gnas pa ni sngar bshad zin to zhes bya ba ni/ der ni ris dang srog la yang //sems kyi rgyud ni brten pa yin/ /zhes bya ba la sogs pa yin no/ /gsum po zhes bya ba ni gzugs med pa zhes bya bar sbyar ba'i phyir pho'i rtags kyis bstan pa yin no/ /de ltar sbyor phyir zhes bya ba ni sbyor ba'i dus na nam mkha' la sogs par 'gyur gyi gzhan na ni ci rigs par chos gzhan dag la yang dmigs so zhes ston to//dman phyir 'du shes med 'du shes med pa'ang ma yin pa'o zhes bya ba ni ci'i phyir gzugs med pa bzhi pa 'du shes can zhes kyang mi bya la 'du shes med pa zhes kyang mi bya zhe na/ dman pa'i phyir te/ dman phyir zhes bya ba ni rgyu gang gis gzugs med pa bzhi pa de 'du shes med 'du shes med min skye mched ces bya ba'i rgyu de nyid brjod pa yin no//ming dang don dang mthun par btags pa'i phyir 'di'i sbyor ba yang de lta bu yin par brjod pa yin no/ /de nyid kyi phyir gal te de la yang 'di ltar sbyor mod kyi zhes bya ba la sogs pa smos so//'du shes ni 'bras so zhes bya ba ni 'bras dang 'dra bas na 'bras te zug rngu'i bar du yang de dang 'dra'o/ /'du shes med pa pa ni kun du rmongs pa'o zhes bya ba ni 'du shes med pa yang kun du rmongs pa'i rgyu yin no zhes bya bar shes te/ 'du shes kun du chad pa'i phyir ro snyam du bsams pa yin no//'di ni zhi ba zhes bya ba gang yin zhe na/ 'di lta ste/ 'du shes med 'du shes med min skye mched ces bya ba smos te/ 'du shes dman pa la mngon par dga'o// //bam po lnga bcu brgyad pa/ 'dir ci'i phyir de dag gis de la de ltar 'dzin zhes dri bar bya ste/ de dag gis zhes bya ba ni de la snyoms par 'jug pa dag gis so//de la zhes bya ba ni 'du shes med 'du shes med min skye mched la'o/ /de ltar 'dzin zhes bya ba ni 'du shes med 'du shes med min zhes 'dzin zhes bya ba'i tha tshig go/ /de bas na de skad du yongs su 'dri bas brgal bas ni 'du shes rnams chung ba'i phyir 'du shes med 'du shes med min skye mched ces bya'o zhes bya ba 'di gdon mi za bar brjod dgos pas de nyid bshad do//snyoms par 'jug pa'i dngos gzhi'i rdzas zhes bya ba ni de dag gi yan lag ni nye bar mi dgod do snyam du bsams pa yin no/ /ji ltar bdun ni rnam pa gsum yin zhe na/ ro myang ba dang mtshungs par ldan pa rnams dang dag pa pa rnams dang / zag pa med pa rnams so zhes bya ba smos so/ /zag pa med pa ni med do zhes bya ba ni 'du shes dman pa'i phyir ro/ /ro myong bar byed pa gang yin pa de las ni langs pa yin no zhes bya ba dag pa pa las so/ /gang gis ro myong bar byed pa de la ni snyoms par zhugs pa yin no zhes bya ba ni ro myong ba dang mtshungs par ldan pa la'o//yan lag bzhi pa'i dmag yan lag las don gzhan du gyur pa ma yin pas ji lta bar yan lag lnga pa'i bsam gtan yang de dang 'dra ste/ don gzhan ma yin no zhes rang gi gzhung lugs ston par byed do//dga' ba la sogs pa zhes bya ba ni sngar bshad pa dga' ba dang bde ba dang / sems rtse gcig pa nyid dang nang rab tu dang ba ste/ gnyis pa ni yan lag bzhi pa yin no/ /gsum pa la lnga btang snyoms dang zhes bya ba ni 'di 'du byed kyi btang snyoms yin par bzung ste/dga' ba la rtsol ba med pa'i mtshan nyid gang yin pa'o/ /dran pa ni btang snyoms kyi rgyu mtshan mi brjed pa yin no/ /shes bzhin ni dran pa mi brjed pa yin no/ /bzhi pa la btang snyoms yongs su dag pa zhes bya ba ni btang snyoms kyi yongs su dag pa ni btang snyoms yongs su dag pa ste/sa 'og ma pa'i skyon dang bral ba'i phyir ro/ /skyon ni brgyad 'chad par 'gyur ro/ /dran pa yongs su dag pa yang de dang 'dra'o/ /bsam gtan dang po pa zhes bya ba ni bsam gtan dang po na yod pa'o/ /de nyid kyi phyir smras pa zhes bya ba ni gang gi phyir gnyis pa la sogs pa na nang rab tu dang ba la sogs pa 'phel bas so//ji lta zhe na/ mu bzhi ste bsam gtan dang po na yod la gnyis pa na ma yin pa yang yod/ gnyis pa na yod la dang po na ma yin pa yang yod/ gnyi ga na yod pa yang yod/ /gnyi ga na ma yin pa yang yod do/ /de bzhin du bsam gtan gyi yan lag thams cad phan tshun sbyar bar bya'o zhes bya ba ji lta zhe na/yan lag gang dag bsam gtan dang po na yod pa de dag gsum pa na yang yod dam zhe na/ mu bzhi ste/ mu dang po ni rtog pa dang dpyod pa dang dga' ba dang bde ba dag go/ /gnyis pa ni btang snyoms dang dran pa dang shes bzhin dang bde ba dag go//gsum pa ni ting nge 'dzin to/ /mu bzhi pa ni bshad pa la ma gtogs pa'i chos rnams so/ /yan lag gang dag bsam gtan dang po na yod pa de dag bzhi pa na yang yod dam zhe na/ mu bzhi ste/ mu dang po ni rtog pa dang dpyod pa dang dga' ba dang bde ba dag go//gnyis pa ni bde ba yang ma yin/ sdug bsngal ba yang ma yin pa'i tshor ba dang / btang snyoms yongs su dag pa dang / dran pa yongs su dag pa'o/ /gsum pa ni ting nge 'dzin to/ /bzhi pa ni bshad pa la ma gtogs pa'i chos rnams so/ /yan lag gang dag bsam gtan gnyis pa na yod pa de dag gsum pa na yang yod dam zhe na/mu bzhi ste/ mu dang po ni nang rab tu dang ba dang / dga' ba dang bde ba dag go/ /gnyis pa ni btang snyoms dang dran pa dang shes bzhin dang bde ba dag go/ /gsum pa ni ting nge 'dzin to/ /bzhi pa ni bshad pa la ma gtogs pa'i chos rnams so//yan lag gang dag bsam gtan gnyis pa na yod pa de dag bzhi pa na yang yod dam zhe na/ mu bzhi ste/ mu dang po ni nang rab tu dang ba dang / dga' ba dang bde ba dag go/ /gnyis pa ni ting nge 'dzin ma gtogs pa de'i yan lag rnams so/ /gsum pa ni ting nge 'dzin to//bzhi pa ni bshad pa la ma gtogs pa'i chos rnams so/ /yan lag gang dag bsam gtan gsum pa na yod pa de dag bzhi pa na yang yod dam zhe na/ mu bzhi ste/ mu dang po ni ting nge 'dzin ma gtogs pa de'i yan lag rnams so/ /gnyis pa ni ting nge 'dzin ma gtogs pa de'i yan lag rnams so//gsum pa ni ting nge 'dzin to/ /bzhi pa ni bshad pa la ma gtogs pa'i chos rnams te/ 'di ni de dag las gcig dbri ba zhes bya ba yin no/ /ci'i phyir bsam gtan gsum pa na yod pa'i bde ba rdzas gzhan du brjod ce na zhes bya ba ji skad du brjod ce na/ /de dag ni bsam gtan gyi yan lag bco brgyad yin te zhes rgyas par bshad nas/yang ming gi sgo nas ni de lta'o/ /rdzas su bcu gcig /rdzas su ni de dag bcu gcig yin te/ bsam gtan dang po'i sa pa ni lnga pa'o/ /gnyis pa la ni nang rab tu dang ba lhag go/ /gsum pa la ni btang snyoms dang /dran pa dang / shes bzhin dang / bde ba rnams so zhes smos pa'i phyir ro/ /bde ba'i dbang po dang mi ldan pa'i phyir te zhes bya ba ni bde ba'i dbang po mi srid pa'i phyir ro/ /bsam gtan gsum char na yang sems las byung ba'i bde ba'i dbang po med pa kho na'o/ /'o na ci zhe na/ lus kyi bde ba kho na yan lag tu rnam par gzhag ste/ mnyam par gzhag pa'i gnas kyi bar skabs su kun 'byung ba'i phyir ro/ /'di ni dpes ston pa rnams kyi phyogs yin no zhes grag ste/ de dag gi ltar na bde ba'i dbang po sa gnyis pa 'dod pa dang bsam gtan dang po'i sa pa kho nar ma zad do//'o na ci zhe na/ bde ba'i dbang po ni 'dod pa na spyod pa nas bsam gtan gsum pa'i sa pa'i bar sa bzhi pa yang yin no/ /de nyid kyi phyir bye brag tu bshad pa las/ mdo sde pa'i btsun pas chos mngon pa pa rnams kyi ltar na zo chun rgyud mo lta bur mig gi rnam par shes pa la sogs pa 'og nas gong du 'dren to zhes bshad de/de'i 'dod pa ni mig gi rnam par shes pa la sogs pa bsam gtan gnyis pa la sogs pa'i sa pa yang yod do zhes bya ba 'di yin no/ /tshig de ni 'ga' zhig gis sgro btags pa yin zhes bya ba ni sems las byung ba zhes 'byung ba gang yin pa de'o/ / bde ba lus kyis myong la zhes rang gi sgras gsungs pa'i phyir ro zhes bya ba ni bsam gtan gsum pa bstan pa las 'di skad du/ dga' ba las 'dod chags dang bral nas/ btang snyoms dang dran pa dang shes bzhin du gnas shing bde ba lus kyis myong la gang 'phags pa rnams kyis btang snyoms dang dran pa dang shes bzhin dang ldan zhing bde ba la gnas so zhes brjod pa bsam gtan gsum pa rdzogs par byas te gnas so zhes bshad do//gal te de sems las byung ba yin par gyur na ji ltar de lus kyis myong bar 'gyur/ yid kyi lus kyis zhes bya ba ni yid kyi tshogs kyis so//de skad du bshad de yon tan ci zhig yod ces bya ba ni bde ba yid kyis myong la zhe'am/ bde ba myong la zhes de skad du brjod par bya bar 'gyur ro snyam du bsams pa yin no/ /bsam gtan bzhi pa la shin tu sbyangs pa mang bzhin du bde ba ma smos pa'i yang phyir ro zhes bya ba ni bsam gtan bzhi pa la shin tu sbyangs pa'i bde ba mang ba yin zhing ches phal che ba yin te/bsam gtan gzhan dag pas bsam gtan bzhi pa ches shin tu sbyangs pa'i phyir ro/ /de mang bzhin du yang bde ba ma smos te/ bsam gtan bzhi pa la bde ba ma brjod do/ /bde ba de ma brjod pa'i phyir bsam gtan gsum pa la tshor ba'i bde ba kho na yod do zhes bya bar shes kyi/bzhi pa la ni tshor ba'i bde ba yod pa ma yin pas de la ma brjod do snyam du bsams pa yin no/ /gal te bde ba'i tshor ba dang mthun pa'i shin tu sbyangs pa bde ba yin no zhe na zhes bya ba ni/ gal te bsam gtan dang po dang gnyis pa dag la ni bde ba'i tshor ba dang mthun pa'i shin tu sbyangs pa yod pas de dag gis ni bde ba zhes bshad do//bsam gtan bzhi pa'i shin tu sbyangs pa ni bde ba'i tshor ba dang mthun pa ma yin pas ma bshad do snyam du sems na/ gal te de lta na gsum pa na yod pa'i shin tu sbyangs pa bde bar ma gsungs pa yang ci'i phyir bsam gtan gsum pa'i shin tu sbyangs pa yang bde ba'i tshor ba dang mthun pa yin na/ci'i phyir de la shin tu sbyangs pa'i bde ba ma bshad/ khyed kyis ni de la tshor ba'i bde ba kho na rnam par gzhag gi shin tu sbyangs pa'i bde ba ni ma yin te/bde ba gnyis mi smos pa'i phyir ro/ /gal te btang snyoms kyis bcom pa'i phyir ro zhe na zhes bya ba ni/ gal te bsam gtan gsum pa'i btang snyoms ni las su rung ba'i mtshan nyid yin te/ des shin tu sbyangs pa bcom pas ma brjod do zhes bya bar 'dod na ma yin te/ btang snyoms kho nas de 'phel ba'i phyir ro//de ni de lta ma yin te/ btang snyoms kho nas bsam gtan gsum pa'i shin tu sbyangs pa'i bde ba 'phel ba'i phyir ro/ /gnod par byed pa'i rgyu nyid kyi 'phel bar rung ba ma yin na/ ji ltar btang snyoms kho nas de 'phel zhe na/ de'i phyir snga ma gnyis pas de khyad par du 'phags pas zhes bya ba smos te/snga ma bsam gtan dang po dang gnyis pa'i shin tu sbyangs pa dag pas bsam gtan gsum pa'i shin tu sbyangs pa khyad par du 'phags pa yin te/ bsam gtan snga ma dag pas gsum pa khyad par du 'phags pa'i phyir ro/ /gang gi tshe zhes bya ba rgyas par 'byung ba ni gang gi tshe 'phags pa nyan thos rab tu dben pa las skyes pa'i bde ba lus kyis mngon sum du byas nas rdzogs par byas te/gnas pa de'i tshe 'di'i chos lnga ni spong bar 'gyur la/ chos lnga po nang rab tu dang ba dang / dga' ba dang shin tu sbyangs pa dang / bde ba dang ting nge 'dzin ni bsgoms pa yongs su rdzogs par 'gyur ro zhes 'byung ngo //shin tu sbyangs pa dang bde ba dag gzhan ma yin pa nyid yin na ji ltar 'di dag lnga nyid du 'gyur/ don gzhan nyid yin na ni bsam gtan gsum char na yang bde ba lus kyi kho na yin no zhes bya bar grub pa yin no/ /gal te snyoms par zhugs pa la ji ltar lus [(]gyi [,]kyi[)]rnam par shes pa 'byung zhe na/'dir smras pa/ ting nge 'dzin gyi khyad par las skyes pa shin tu sbyangs pa zhes bya ba ni shin tu sbyangs pa zhes brjod pa bde ba myong bar 'gyur ba bde ba'i tshor ba dang mthun pa'i rlung gis lus la rgyas pa'i phyir te/ lus la khyab pa'i phyir ro/ /ci zhe na/ lus kyi rnam par shes pa 'byung ba kho na'o/ /gal te phyi rol du rnam par g.yengs pa'i phyir ting nge 'dzin las nyams par 'gyur ro zhe na zhes bya ba ni gal te lus kyi rnam par shes pa skyes pas phyi rol du rnam par g.yengs pa'i phyir te/ phyi'i yul la rnam par g.yengs pa'i phyir ting nge 'dzin nyams par 'gyur ro snyam du sems na ma yin te/ting nge 'dzin las skyes pa zhes bya ba rgyas par smos te/ de ni de ltar mi 'gyur ro/ /ci'i phyir zhe na/ ting nge 'dzin las skyes pa lus kyi nang du byung ba ste/ phyi rol du byung ba ma yin pa zhes bya ba'i tha tshig go//lus kyi bde ba lus kyi rnam par shes pa dang mtshungs par ldan pa'i tshor ba'i bde ba ni ting nge 'dzin dang mthun pa'i phyir ting nge 'dzin nyams par mi 'gyur ro zhes bya ba'i tha tshig go/ /ma yin te/ de nyid kyi phyir ro zhes bya ba ni de nyid kyi phyir lus kyi rnam par shes pa skyes pa'i tshe ldang bar mi 'gyur te/ting nge 'dzin dang mthun pa'i phyir ro zhes bya ba'i tha tshig go/ /de mngon du gyur ma thag tu ting nge 'dzin nye bar gnas so snyam du bsams pa yin no/ /'dod pa na spyod pa'i lus kyi rnam par shes pas gzugs na spyod pa'i reg bya mi 'dzin pa'i phyir lus kyi rnam par shes pa de ni gzugs na spyod pa kho na yin gyi 'dod pa na spyod pa ni ma yin no//de nyid kyi phyir de dang mtshungs par ldan pa'i bde ba ni bsam gtan gyi yan lag tu mi 'grub bo zhe na/ shin tu sbyangs pa'i rnam par shes pa skyes pa'i phyir ro zhes bya ba ni ting nge 'dzin gyi stobs bskyed pa'i sgo nas 'dod pa na spyod pa'i lus kyi dbang pos gzugs na spyod pa 'dzin te mnyam par gzhag pa'i lus kyi dbang po gang yin pa de ni sa gong ma pa'i lus kyi rnam par shes pa'i rten du 'gyur ba'i gnas skabs der 'gyur ba yin no//zag pa med pa dag tu yang 'gyur ro zhes bya ba ni shin tu sbyangs pa'i mtshan nyid kyi reg bya dang de la dmigs pa lus kyi rnam par shes pa ste/reg bya dang lus kyi rnam par shes pa de dag zag pa med par yang 'gyur ro/ /ci'i phyir zhe na/ yan lag cung zad cig ni zag pa dang bcas pa cung zad cig ni zag pa med pa yin na mi rung bas zhes bya ba smos te/gal te de snyam du sems na/ lus kyi shin tu sbyangs pa yang dag byang chub kyi yan lag tu gsungs pas 'dod pa'i phyir ro zhes bya ba smos te/ lus shin tu sbyangs pa yang dag byang chub kyi yan lag mngon par shes pa dang / rdzogs par byang chub pa dang mya ngan las 'da' bar 'gyur ba gang yin pa dang /sems shin tu sbyangs pa yang dag byang chub kyi yan lag mngon par shes pa dang / rdzogs par byang chub pa dang mya ngan las 'da' bar 'gyur ba gang yin pa zhes 'byung ba'i phyir ro/ /byang chub kyi yan lag nyid du 'byung ba'i phyir reg bya dang lus kyi rnam par shes pa dag zag pa med par 'dod do//gal te byang chub kyi yan lag dang mthun pa'i phyir ro zhe na zhes bya ba ni ji ste 'di skad du gang gi phyir lus shin tu sbyangs pa byang chub kyi yan lag dang mthun pa de'i phyir byang chub kyi yan lag ces nye bar 'dogs kyi de byang chub kyi yan lag ni ma yin no zhes lan 'debs par byed na/ zag pa med pa nyid kyang de dang 'dra ste/ reg bya dang lus kyi rnam par shes pa de dag ni zag pa med pa dang mthun pa'i phyir zag pa med pa zhes nye bar 'dogs kyi/ zag pa med pa nyid ni ma yin pas de ltar na 'di dag zag pa med pa nyid yin no/ /gal te zag pa dang bcas pa'i chos zhes bya ba rgyas par 'byung ba ni gal te zag pa dang bcas pa'i chos rnams gang zhe na/mig ji snyed pa dang / gzugs rnams ji snyed pa dang / mig gi rnam par shes pa gzhan ji snyed pa dang / lus ji snyed pa dang / reg bya rnams ji snyed pa dang / lus kyi rnam par shes pa rnams ji snyed pa'o zhes 'byung ba'i mdo 'di dang 'gal lo zhes de snyam du sems na ma yin te/reg bya dang lus kyi rnam par shes pa gzhan las dgongs te gsungs pa'i phyir shin tu sbyangs pa de la ma gtogs pa'i reg bya rnams dang / lus kyi rnam par shes pa de la ma gtogs pa'i lus kyi rnam par shes pa rnams las dgongs te gsungs pa'i phyir ro//gal te zag pa med pa la zhes bya ba rgyas par 'byung ba ni zag pa med pa ste/ zag pa med pa rnam par gzhag pa la yan lag cung zad cig ni zag pa dang bcas pa cung zad cig ni zag pa med par 'gyur ba ma yin nam zhes bya ba ni gal te reg bya dang lus kyi rnam par shes pa ni zag pa dang bcas pa yin pa'i phyir la/de dag las gzhan pa ni zag pa med pa yin pa'i phyir nyes pa der 'gyur ro snyam du sems na/ 'dir cig car ma yin pa'i phyir nyes pa ci zhig yod ces bya ba smos te/ gang gi tshe zag pa med pa'i yan lag kun du 'byung ba de'i tshe zag pa dang bcas pa kun du mi 'byung la/gang gi tshe zag pa dang bcas pa kun du 'byung ba de'i tshe zag pa med pa kun du mi 'byung bas de ni nyes pa med do/ /gal te bde ba dang dga' ba phrad pa med pa'i phyir te/ lus kyi bde ba dang sems kyi dga' ba phrad pa med cing cig car ma yin pa'i phyir bsam gtan dang po yan lag lnga par mi 'gyur ro zhe na zhes bya ba ni gal te de snyam du sems na/de ni nyes pa med do/ /ci'i phyir zhe na/ srid pa'i phyir bstan pas rtog pa dang dpyod pa bzhin no/ /ji ltar bsam gtan dang po rtog pa dang bcas dpyod pa dang bcas zhes bya ba rtog pa dang dpyod pa dag rnam grangs kyis 'byung ba ltar bde ba dang dga' ba dag kyang de dang 'dra ste/srid pa'i phyir bstan pas de ni nyes pa med do/ /gal te bsgrub par bya ba yin no zhe na zhes bya ba ni rtog pa dang dpyod pa dag rnam grangs kyis 'byung ngo zhes bya ba bsgrub par bya ba yin no zhe na smras pa/sgrub pa yin no/ /ji lta zhe na/ rtog pa dang dpyod pa dag 'gal ba'i phyir zhes bya ba smos te/ gang gi tshe sems rtsing ba de'i tshe zhib pa nyid med la/ gang gi tshe zhib pa nyid de'i tshe rtsing ba nyid med pas 'gal ba'i phyir rtog pa dang dpyod pa dag cig car ma yin no/ /nyes pa smos pa'i phyir zhes smos pa ni rtsing ba dang zhib pa nyid sa dang rnam pa'i bye brag gis ltos pa can yin na ni srid pa'i rtse mo'i bar la rtog pa dang dpyod pa dag yod par 'gyur ro zhes bya ba la sogs pa yin no//kha cig ni nyes pa ma smos pa'i phyir zhes 'don te/ phrad pa med pa la nyes pa 'ga' yang ma smos so zhes bya ba'i tha tshig go//yan lag gnyis dang gsum dang bzhi bor nas zhes bya ba ni yan lag gnyis bor nas bsam gtan gnyis pa rnam par gzhag ste/ de na rtog pa dang dpyod pa dag med pa'i phyir ro/ /yan lag gsum bor nas bsam gtan gsum pa rnam par gzhag ste/de na dga' ba yang med pas so/ /yan lag bzhi bor nas bsam gtan bzhi pa rnam par gzhag ste/ de ni bde ba yang med do/ /'du shes la sogs pa ni yan lag nyid du bshad pa ma yin no zhes bya ba ni don 'du shes la sogs pa ni bsam gtan gzhan dag la bor ba med pas so//yang na ci'i phyir lnga kho na yan lag nyid yin zhes bya ba ni gal te don 'di yin par mi dgongs na'o/ /gal te phan pa'i phyir lnga kho na yan lag nyid yin no zhe na/ de ni ma yin te rtog pa dang dpyod pa gnyis pas dran pa dang shes rab dag ches phan pa'i phyir ro/ /ji ltar dran pa dang shes rab dag phan par 'dod pa de ltar rton pa dang dpyod pa dag ni ches phan pa ma yin te/dran pa nye bar gnas pa yang dag pa ji lta ba bzhin rab tu shes pa la zhum pa dang rgod pa la sogs pa med pa'i phyir ro/ /de lta bas na 'di ni dpyad par bya ba yin no zhes bya ba ni 'di ni rnal 'byor spyod pa'i sa mthong bas dpyod par bya ba yin no zhes slob dpon gyis der blta bar khungs 'byin pa yin no//de la bsdus pa'i don ni 'di yin par blta ste/ chos gzhan dag yod bzhin du ci'i dbang du byas nas rtog pa la sogs pa kho na yan lag nyid du rnam par gzhag ce na de tsam gyis gnyen po dang /phan yon dang / de gnyi ga'i rten gyi yan lag yongs su rdzogs pa'i phyir ro/ /gzugs med pa dag la ni yan lag rnam par gzhag pa med do/ /zhi gnas su ro gcig pa nyid kyi phyir ro/ /'di skad du gnyen po'i yan lag gi phyir dang / phan yon gyi yan lag gi phyir dang /de gnyi ga'i rten gyi yan lag gi phyir zhes bshad pa yin te/ re zhig bsam gtan dang po la gnyen po'i yan lag ni rtog pa dang dpyod pa yin te/ de dag gis 'dod pa'i gnod sems dang / rnam par 'tshe ba spong ba'i phyir ro/ /phan yon gyi yan lag ni dga' ba dang bde ba yin te/rtog pa dang dpyod pa dag gis mi mthun pa'i phyogs spangs nas de las dben pa las skyes pa'i dga' ba dang bde ba 'thob pa'i phyir ro/ /de gnyi ga'i rten gyi yan lag ni sems rtse gcig pa nyid yin te/ rten gyi stobs kyis rtog pa la sogs pa 'jug pa'i phyir ro/ /de bzhin du bsam gtan gnyis pa la gnyen po'i yan lag ni nang rab tu dang ba yin te/des rtog pa dang dpyod pa spong ba'i phyir ro/ /dga' ba dang bde ba dang sems rtse gcig pa nyid ni yan lag lhag ma dag yin te/ snga ma bzhin no/ /bsam gtan gsum pa la gnyen po'i yan lag ni btang snyoms dang / dran pa dang / shes bzhin yin te de dag gis dga' ba spong ba'i phyir ro/ /bde ba dang sems rtse gcig pa nyid ni go rims bzhin du yan lag lhag ma dag yin te snga ma bzhin no/ /bsam gtan bzhi pa la gnyen po'i yan lag ni btang snyoms yongs su dag pa dang / dran pa yongs su dag pa yin te/de dag gis bsam gtan dag na bde ba spong ba'i phyir ro/ /phan yon gyi yan lag ni bde ba yang ma yin sdug bsngal yang ma yin pa'i tshor ba yin no/ /de gnyi ga'i rten gyi yan lag ni sems rtse gcig pa nyid yin no/ /rab tu dang ba dad pa yin/ /zhes bya ba ni dad pa nyid rab tu dang ba yin pas rab tu dang ba dad pa yin no//rdzas gzhan med na ji ltar sems las byung ba nyid du 'grub ces bya ba ni rtog pa la sogs pa'o/ /skal ldan khyad par can na re sems la sna tshogs pa yod pa'i phyir sems kyi gnas skabs kyi bye brag kyang sems las 'byung ba yin te/yid kyi brjod pa tshol ba'i gnas skabs ni rtog pa'o/ /yid kyi brjod pa so sor rtog pa'i gnas skabs ni dpyod pa'o/ /sems kyi gnas skabs dag kun nas slong bar byed pa ni rtog pa'o/ /de las gzhan pa'i gnas skabs ni dpyod pa'o zhes zer ro/ / sems kyi gnas skabs rnam par ma g.yengs pa ni ting nge 'dzin to/ /sems kyi gnas skabs rab tu zhi bar 'byung ba ni nang rab tu dang ba'o/ /bsam gtan dag na yod pa'i bde ba ni yid bde ba yin par mi rung ba nyid kyi zhes bya ba ni bde ba'i tshor ba'i ngo bo nyid du 'dra na yid kyi yin yang ci'i phyir yid bde ba la bde ba zhes mi brjod ce na/rgyu yod de dga' ba 'di ni nye bar ma zhi ba yin pas de ni sems mnyam par gzhag pa de yang g.yengs pa lta bu dang / khengs pa lta bu dang / dga' ba dang bcas pa dang / gad mo dang bcas pa dang / 'phyar ba lta bur rnam par 'jog ste/ gang gi tshe nye bar zhi bar gyur pa de'i tshe sa gzhan thob na de'i rigs can nyid kyi tshor ba la bde ba zhes bya'o/ /nyon mongs pa las dben pa ma yin pa'i phyir ro zhes bya ba ni de'i sa pa'i nyon mongs pa rnams las ma grol ba'i phyir ro zhes bya ba'i tha tshig go/ /nyon mongs pas rnyogs pa'i phyir ro zhes bya ba ni nyon mongs pa rnams kyis rab tu ma dang ba'i phyir ro zhes bya ba'i tha tshig go//nyon mongs pa can gyi bde bas kun du rmongs par byas pa'i phyir ro zhes bya ba ni nyon mongs pa can gyi bde bas bslad pa'i phyir dran pa dang shes bzhin med do/ /nyon mongs pas dri ma can du byas pa'i phyir ro zhes bya ba ni de'i sa pa'i nyon mongs pa rnams kyis dri ma can du byas pa'i phyir btang snyoms dang dran pa yongs su rdzogs pa dag med do//de gnyis ni dge ba'i sa mang po pa yin pa'i phyir ro zhes bya ba ni shin tu sbyangs pa dang btang snyoms dag ni dge ba'i sa mang po pa las byung ba ste/ dad dang bag yod shin tu sbyangs//btang snyoms ngo tsha shes khrel yod/ /rtsa ba gnyis rnam mi 'tshe dang / /brtson 'grus rtag tu dge las 'byung / /zhes 'byung ba'i phyir ro/ /yang ci phyogs snga ma ltar na bsam gtan nyon mongs pa can dag la yang de dag yod dam zhe na smras pa med do/ / ci'i phyir de skad du ma bshad ce na/ ma bshad bzhin du 'grub pa'i phyir ro/ /gzhan dag na re dge ba'i sa mang po pa shin tu sbyangs pa dang btang snyoms dag ma smos pa'i phyir de dag yod pa kho na'o zhes zer ro/ /dbugs dag ces bya ba ni dbugs 'byung ba dang / dbugs rngub pa dag ste gnyis nyid du rab tu bstan pa'i phyir 'dir gnyis kyi tshig tu bstan to//gzhan dag na re rtog pa dang dpyod pa dang dga' ba dang bde ba dag gis g.yo bar mi 'gyur ba'i phyir zhes bya ba ni ji ltar bsam gtan snga ma gsum rtog pa la sogs pas g.yo bar byed de/ bsam gtan dang po ni rtog pa dang dpyod pa dag gis g.yo la/gnyis pa ni dga' bas/ gsum pa ni bde bas g.yo ba/ de ltar bzhi pa ni skyon brgyad dang bral ba'i phyir de dag gis mi g.yo ste/ mdo las/ dper na rlung med pa'i mar me rlung gis mi g.yo ba de dang 'dra'o zhes gsungs so zhes zer ro/ / dang por gtogs zhes bya ba ni bsam gtan dang pos bsdus pa yin no/ /sprul pa'i sems bzhin du zhes bya ba ni sa de pa'i sprul pa sprul par 'dod pa'i sprul pa po gang dag yin pa sa 'og ma'i sprul pa'i sems mngon sum du byed pa de dang 'dra'o/ /dman pa'i phyir dge ba yang ma yin no zhes bya ba ni bsam gtan dang po'i sa pa'i dge ba de ni bsam gtan gnyis pa'i sa pa bas dman zhing tha chad yin pas de'i phyir mngon sum du mi byed de/dgongs pa'i phyir de dag bsam gtan dang po'i sa pa mngon sum du byed kyi gus pas ni ma yin no/ /dge ba de ni rnam par smin pa dang bcas pa yin na de dag ni de'i rnam par smin pa don du gnyer ba ma yin pas dge ba'i sems mngon du bya ba la 'bad pa mi byed do//'dod chags bral/ skye ba las zhes bya ba ni 'dod chags dang bral bas so/ /skye bas she 'am zhes bya ba'i sgra mi mngon par bstan pa yin te/ de dang mi ldan pa ni sa 'og ma las 'dod chags dang bral bas bsam gtan nam gzugs med pa dag pa pa 'thob ste/'dod pa las 'dod chags dang bral bas ni nges par 'byed pa'i cha dang mthun pa ma gtogs pa dag pa pa dang po rnam pa gsum 'thob la/ de bzhin du ci yang med pa'i skye mched las 'dod chags dang bral bas ni srid pa'i rtse mo 'thob pa'i bar du'o//srid pa'i rtse mo ma gtogs pa zhes bya ba ni de ni sa 'og ma las 'dod chags dang bral ba kho nas 'thob bo/ /sa 'og mar skye ba las zhes bya ba ni gong nas sa 'og mar skye ba na de 'thob bo/ /sbyor ba las kyang nges par 'byed pa'i cha dang mthun pa'i zhes bya ba ni de'i 'thob pa de ni 'dod chags dang bral ba dang skye bas byas pa ma yin no//yongs su nyams pa las kyang nyams pa'i cha dang mthun pa zhes bya ba ni/ gnas pa'i cha dang mthun pa las yongs su nyams na nyams pa'i cha dang mthun pa 'thob bo/ / de nyid kyi phyir zhes bya ba ni gang gi phyir yongs su nyams pas kyang nyams pa'i cha dang mthun pa 'thob pa'i phyir ro/ /de bzhin du yongs su nyams pa dang / skye bas 'thob pa dang 'dor bar 'gyur ba yang sbyar bar bya'o/ /ji lta zhe na/ dag pa pa yongs su nyams pas 'thob la yongs su nyams pas 'dor ba yod dam zhe na/yod do/ /dag pa pa skye bas 'thob la skye bas 'dor ba yod dam zhe na/ smras pa yod do/ /ji lta zhe na/ bsam gtan dang po nyams pa'i cha dang mthun pa'o zhes bya ba smos te/ bsam gtan dang po ni tshangs pa'i 'jig rten sa gsum gyi khyad par can te/ tshangs pa'i 'jig rten skye ba na zhes 'byung ba'i phyir ro//tshangs pa'i 'jig rten las 'dod chags dang bral bas 'dor ro zhes bya ba ni/ 'di ltar bsam gtan dang po las 'dod chags dang bral bas nyams pa'i cha dang mthun pa'i bsam gtan nyon mongs pa dang mthun pa'i phyir/ de'i sa pa'i nyon mongs pa bzhin du 'dor te/de'i phyir tshangs pa'i 'jig rten las 'dod chags dang bral bas 'dor ro zhes bya ba'o/ /re zhig dri ba dang po'i lan ni de lta bu yin no/ /tshangs pa'i 'jig rten las 'dod chags dang bral ba las yongs su nyams pa las 'thob ces bya ba ni gal te tshangs pa'i 'jig rten las 'dod chags dang bral ba las yongs su nyams pas yongs su nyams na yang sa de pa'i nyon mongs pa bzhin du yongs su nyams pa'i cha dang mthun pa de 'thob bo//'dod pa las 'dod chags dang bral ba las yongs su nyams pa las 'dor ro zhes bya ba ni gang gi tshe 'dod pa las 'dod chags dang bral ba las yongs su nyams pa de'i tshe dag pa pa 'dor ro//gong nas tshangs pa'i 'jig rten du skye ba na 'thob ces bya ba ni bsam gtan gnyis pa la sogs pa nas tshangs pa'i 'jig rten du skye ba ni de'i sa pa'i nyon mongs pa bzhin du nyams pa'i cha dang mthun pa 'thob bo//de nas 'dod pa'i khams su skye ba na 'dor ro zhes bya ba ni tshangs pa'i 'jig rten de nas 'dod pa'i khams su skye ba na 'dor ro/ /dbang po 'pho ba las kyang slob pa dang mi slob pa 'thob bo zhes bya ba ni dad pas mos pa mthong bas thob pa nyid du gyur na slob pa 'thob la dus kyis rnam par grol ba yang mi g.yo ba rtogs na mi slob pa 'thob bo//mthar gyi sa pas mi 'thob pa'i phyir gdon mi za ba ma yin te zhes bya ba ni gal te mthar gyi sa pa zhig mi lcogs pa med pa la brten nas nges pa la 'jug pa la ni mi 'thob bo/ /rang gi sa pa'i dag pa pa dang zag pa med pa dag ces bya ba ni langs pa'i tshe dang rgyun gyi tshe'o//bsam gtan gnyis pa dang gsum pa'i sa pa'i zhes bya ba ni spel ma dang spel ma ma yin pa lugs bzhin snyoms par 'jug pa dang thod rgal du snyoms par 'jug pa na'o/ /rang gi sa pa'i dag pa pa dang / zag pa med pa zhes bya ba ni snga ma bzhin no//rnam shes mtha' yas skye mched kyi sa pa'i yang de kho na bzhin te/ lugs dang mi mthun par snyoms par 'jug pa na'o/ /srid pa'i rtse mo'i dag pa pa kho na ste/ zag pa med pa med pa'i phyir ro zhes bya ba ni zhen pa'i phyir zag pa med pa med do zhes bshad de/ lugs dang mthun par snyoms par 'jug pa las langs pa'i tshe de 'byung ngo / /bsam gtan gsum pa dang bzhi pa dang / dang po'i sa pa pa'i zhes bya ba ni spel ma dang / spel ma ma yin pa lugs dang mthun pa dang lugs dang mi mthun pa dang thod rgal du snyoms par 'jug pa'i dus dag na'o//nam mkha' mtha' yas skye mched dang bsam gtan bzhi pa'i sa pa bzhi zhes bya ba ni dus de dag nyid du'o/ /gsum po zhes bya ba ni zag pa med pa med pa'i phyir ro/ /de bzhin du bsam gtan dang gzugs med pa gzhan gyi mjug thogs su yang rdzas bcu sbyar bar bya'o zhes bya ba ni/'di lta ste/ bsam gtan gsum pa'i mjug thogs su bcu ste/ rang gi sa pa dag pa pa dang zag pa med pa dang gnyis dang bsam gtan bzhi pa dang nam mkha' mtha' yas skye mched kyi sa pa bzhi dang / de bzhin du bsam gtan dang po dang gnyis pa'i sa pa bzhi'o/ / bsam gtan bzhi pa'i mjug thogs su bcu ste/ rang gi sa pa dag pa pa dang zag pa med pa dang gnyis dang / nam mkha' dang rnam shes mtha' yas skye mched kyi sa pa bzhi dang / bsam gtan gnyis pa dang gsum pa'i sa pa bzhi'o/ /nam mkha' mtha' yas skye mched kyi mjug thogs su bcu ste/rang gi sa pa gnyis dang rnam shes dang ci yang med pa'i skye mched kyi sa pa dang / bsam gtan gsum pa dang bzhi pa'i sa pa bzhi 'byung bas de ltar na bcur 'gyur ro/ /rjes su shes pa'i mjug thogs su zhes bya ba rgyas par 'byung ba ni bsam gtan rnams ni sa gong ma dang 'og ma la dmigs pa'i phyir thal bar 'gyur ba yod pas 'di bye brag tu bshad do//de'i rten dang dmigs pa 'og ma yin pa'i phyir ro zhes bya ba ni 'di ltar chos shes pa de'i rten ni 'og ma yin te/ 'dod pa'i khams kyi rten can yin la dmigs pa yang 'og ma yin te/ 'dod pa'i sdug bsngal la sogs pa la dmigs so//de'i rten dang dmigs pa 'og ma yin pa'i phyir chos shes pa'i mjug thogs su gzugs med pa dag la snyoms par mi 'jug go/ /lhag ma ni zag pa med pa las ji lta ba bzhin no zhes bya ba ni lhag ma ji ltar zag pa med pa las rang gi sa pa'i dag pa pa dang zag pa med pa dag dang sa gong ma dang sa 'og ma pa gsum pa'i bar 'byung ba bzhin no//bsams nas zhes bya ba rgyas par 'byung ba ni/ gal te 'ga' zhig gis 'di snyam du bdag gis nam phyed dam/ zla ba shar ba'am zla ba nub pa'i tshe sad par bya'o snyam du blo bskyed nas nyal na rgyun sngon gyi bsam pa'i rjes su 'jug pa'i phyir dus de kho nar sad par 'gyur ro//ji ltar de ltar bsams nas nyal ba de 'dod pa'i dus su sad par 'gyur ba ltar 'di yang de dang 'dra 'o/ /rnam pa thams cad du mi skye'o zhes bya ba ni rang gi sa pa yang mi skye las 'og ma pa yang mi skye'o zhes bya ba'i tha tshig go//snyoms par 'jug pa'i dus kyi phyir de skad du bshad kyi zhes bya ba ni dag pa pa dang nyon mongs pa can gyi mjug thogs su rang gi sa pa'i nyon mongs pa can kho na skye'i gzhan gyi sa pa ni ma yin no zhes bya ba yin no/ /ji skad du zhe na/ dag pa las/ de bzhin rang gi sa pa'i nyon mongs kyang //nyon mongs can las rang dag dang / /nyon mongs zhes de skad du'o/ /shi 'pho ba'i tshe ni 'chi ba'i srid pa na'o/ /skye bas thob pa'i dag pa pa'i zhes bya ba rgyas par 'byung ba ni skye ba'i bsam gtan dag na skye bas thob pa'i dge ba mnyam par gzhag pa ma yin pa gang yin pa de yang bsam gtan dag pa pa zhes bya bas de 'dir shi 'pho ba'i tshe zhes bya ba 'di rgyas par smos so//ci'i phyir zhe na/ 'chi ba'i srid pa ni mnyam par gzhag pa ma yin pa'i phyir te/ de'i tshe snyoms par 'jug pa'i bsam gtan dag pa pa med pas so/ /de'i phyir sa thams cad pa'i nyon mongs pa skye'o zhes bya ba smos te/nying mtshams sbyor ba'i sems nyon mongs pa can mnyam par gzhag pa ma yin pa rang gi sa pa dang sa gong ma pa dang 'og ma pa skye'o zhes bya ba'i tha tshig go/ /sa 'og ma pa ni ma yin no zhes bya ba ni nyon mongs pa can yod na der skye ba mi srid pa'i phyir ro/ / khyad par gyi cha dang mthun pa ma gtogs so zhes bya ba ni gong na med pa'i phyir ro/ /zag pa med pa ni de las skye'o zhes bya ba ni nges par 'byed pa'i cha dang mthun pa las so/ /nyams pa dang gnas pa'i cha dang mthun pa dag go zhes bya ba ni nyams pa'i cha dang mthun pa ni rgyun gyi dus su'o/ / gnas pa'i cha dang mthun pa ni khyad par du 'gro ba'i dus su'o/ /nyams pa'i cha dang mthun pa ma gtogs so zhes bya ba ni khyad par gyi cha dang mthun pa las rnam par nyams pa gnas pa'i cha dang mthun pa yongs su ma btang na de nyid skye bar rung ba'i phyir ro/ /de gcig pu skye'o zhes bya ba ni nges par 'byed pa'i cha dang mthun pa de nyid rgyun gyi tshul gyis so//'brel pa dang zhes bya ba ni go rims bzhin du'o zhes bya ba ni lugs dang mthun pa'i go rims bzhin dang lugs dang mi mthun pa'i go rims bzhin du'o/ /byed de zhes bya ba ni byed pa'i ma 'jog pa zhes bya ba'i tha tshig go//ci'i phyir zhe na/ dman pa'i phyir/ srid rtser 'phags pa ci yang med/ /ces bya ba la/ 'phags pa ni zag pa med pa ste/ srid pa'i rtse mor skyes pa ni zag pa med pa'i ci yang med pa'i skye mched mngon sum du byas shing mngon sum du gyur pa las zag pa spong bar 'gyur ro//ni zhes bya ba'i sgra ni dmigs kyis bstsal ba'i don ston par byed do/ /rang gi med pa'i phyir zhes bya ba ni srid pa'i rtse mo pa'i zag pa med pa'i lam med pa'i phyir ro zhes bya ba'i tha tshig go/ /de yang nye ba'i phyir ro zhes bya ba ni ci yang med pa'i skye mched zag pa med pa de nye ba'i phyir te thag nye ba'i phyir ro//sa rnams ni sred pas yongs su bcad pa'i phyir zhes bya ba ni sa gang gi sred pa gang yin pa de ni sa de kho na la rgyas par 'gyur ba'i phyir des sa de yongs su bcad pa yin no/ /de lta ma yin na de gong ma nyid du yang 'grub par mi 'gyur ba kho na ste/ sa gcig pa'i gnas gzhan bzhin no//de nyid kyi phyir gnas gzhan gsum gsum pa rnams dang / brgyad po dag ltag 'og tu 'dug kyang sa gcig pa nyid du 'grub ste/ sred pa'i 'chol bar 'gro ba dang ldan pa'i phyir ro/ /dge ba nyid du thal bar 'gyur ba'i phyir zag pa med pa la yang ma yin no zhes bya ba ni de don du gnyer ba ni dge ba'i chos la 'dun pa yin pas so//gzugs med dngos gzhi dge rnams kyi/ /spyod yul zag bcas 'og ma min/ /zhes bya ba la gzugs med ces smos pa ni bsam gtan bstsal ba'i phyir te/ bsam gtan dag ni kun du lta ba yin pa'i phyir dngos gzhi yang zag pa dang bcas pa'i dngos po 'og ma la dmigs par 'gyur ro//dngos gzhi zhes smos pa ni nyer bsdogs bstsal ba'i phyir te/ gzugs med pa'i nyer bsdogs dag ni sa 'og ma pa zag pa dang bcas pa la dmigs so/ /dge ba zhes smos pa ni ro myang ba dang mtshungs par ldan pa bstsal ba'i phyir dang /gnyi ga dge bar bsdu ba'i phyir ro/ /gal te gzugs med pa zhes bya ba de kho na zhig brjod na ni gzugs med pa'i dngos gzhi ro myang ba dang mtshungs par ldan pa dag kyang spyod yul zag pa med pa 'og ma can yin no zhes bya ba srid par 'gyur bas 'di skad du gzugs med pa zag pa dang bcas pa dag ces 'dzin par 'gyur ro//zag bcas zhes smos pa ni zag pa med pa bzlog pa'i phyir te/ chos 'og ma zag pa med pa dag ni gzugs med pa'i dngos gzhi dge ba rnams kyi dmigs par 'gyur ro/ /'og ma zhes smos pa ni gong ma las khyad par du bya ba'i phyir te/zag pa dang bcas pas gong ma pa ni dmigs par srid pa'i phyir ro/ /dmigs pa zag pa med pa ni zhes bya ba smos nas/ rjes su shes pa'i phyogs dang mthun pa yin zhes bya ba ston te/ rjes su shes pa'i phyogs dang mthun pa zhes bya ba la/phyogs dang mthun pa zhes smos pas ni sdug bsngal la sogs pa la rjes su shes pa'i bzod pa dag dang de dag dang / lhan cig 'byung ba rnams gzung ngo / /thams cad ces bya ba ni dbang po dang rigs la sogs pa'i bye brag gis tha dad pas dgu pa ril gzung ngo / / chos shes pa'i phyogs dang mthun pa yang ma yin te/ 'dod pa'i sdug bsngal la sogs pa la dmigs pa nyid kyis thag ring ba'i phyir ro/ /sa 'og ma pa'i 'gog pa yang ma yin no zhes bya ba ni 'di ni gong du sa 'og ma pa la 'dzin par thal bar 'gyur ro zhes rnam par bshad zin to/ / zag pa med pas nyon mongs pa rnams spong ngo zhes bya ba ni bsam gtan dang gzugs med pa rnams la zag pa med pa gang zhig sred pa des nyon mongs pa rnams ci rigs par spong ngo / /zag pa med pa gang gis she na/ dngos gzhis te/ nyer bsdogs ni nyer bsdogs pas kyang zhes dmigs kyis bstsal ba'i ngo bor 'chad par 'gyur ro//dag pa pas kyang mi spong na/ /zhes bya ba ni nyon mongs pa rnams mi spong na zhes bya ba'i tha tshig dbang du byas pa yin no/ /nyon mongs can gyis lta smos kyang ci dgos zhes bya ba ni nyon mongs pa can gyis nyon mongs pa spong pa mi srid pa kho na'o snyam du bsams pa yin no//ci'i phyir dag pa pas nyon mongs pa dag mi spong zhe na/ 'dod chags dang bral ba'i phyir 'og ma pa la yang ma yin zhes bya ba rgyas par smos te/ sa 'og ma las 'dod chags dang bral ba'i phyir dag pa pas kyang sa 'og ma pa'i nyon mongs pa rnams mi spong na nyon mongs pa can gyis lta smos kyang ci dgos/de nyid de'i gnyen po ma yin pa nyid kyi phyir rang gi sa na yod pa yang ma yin no zhes bya ba ni bsam gtan dang po nas 'du shes med 'du shes med min skye mched kyi bar de nyid de'i gnyen po ma yin pa'i phyir ro/ / de'i gnyen po ma yin pa ni de'i gnyen po ma yin pa'o/ /de'i ngo bo ni nyid de/ de'i gnyen po ma yin pa nyid kyi phyir rang gi sa na yod pa'i nyon mongs pa rnams spong bar mi 'gyur te/ srid pas srid pa las nges par 'byung ba ni ma yin no/ /ches khyad par du 'phags pa'i phyir gong ma yang ma yin no zhes bya ba ni sa gong ma pa'i nyon mongs pa rnams ni sa 'og ma pa'i dag pa pas mi spong ste/nyon mongs pa rnams ches khyad par du 'phags pa'i phyir ro/ /dman pa la brten nas khyad par can rnams spong bar ni rung ba ma yin te/ de'i phyir dag pa pas kyang nyon mongs pa rnams mi spong na nyon mongs pa can gyis lta smos kyang ci dgos zhes bya ba 'di grub pa yin no//dag pa pas kyang zhes bya ba la/ kyang zhes bya ba'i sgras ni zag pa med pas kyang zhes bya ba yin te/ srid pa'i sgo nas de skad du bshad pa yin no/ /de nyid kyi phyir sa 'og ma pa'i gnyen po yin pa'i phyir ro zhes bya ba smos te/'dod pa na spyod pa'i nyon mongs pa rnams ni bsam gtan dang po'i nyer bsdogs kyis spong la/ bsam gtan dang po'i sa pa rnams ni bsam gtan gnyis pa'i nyer bsdogs kyis spong ba nas de bzhin du ci yang med pa'i skye mched pa rnams ni 'du shes med 'du shes med min skye mched kyi nyer bsdogs kyis spong ba'i bar du'o//gang gis de la 'jug pa zhes bya ba ni nyer bsdogs gang gis bsam gtan dang gzugs med pa'i dngos gzhi de dag la 'jug pa'o/ /ci de dag kyang rnam pa gsum yin la zhes bya ba ni ro myong ba dang mtshungs par ldan pa la sogs pa'i bye brag gis so//de dag la tshor ba yang de dang 'dra bar yod dam zhes bya ba ni ci bsam gtan dang po dang gnyis pa na ni dga' ba yod la/ gsum pa la ni bde ba/ bzhi pa la ni btang snyoms zhes bshad pa ltar nyer bsdogs dag la yang de dang 'dra 'am zhes bya ba yin no//btang snyoms kyi dbang po dang mtshungs par ldan pa dag kyang yin te 'bad de drang bar bya ba yin pa'i phyir zhes bya ba ni mngon par 'du bya ba med par 'byung ba'i lam ni dga' ba dang bde ba dag dang mtshungs par ldan pa yin na/ nyer bsdogs de dag ni 'bad de drang dgos pas mngon par 'du bya ba dang bcas par 'byung ba yin te/de'i phyir btang snyoms kyi dbang po dang mtshungs par ldan pa yin no/ /yang sa 'og ma las yid byung ba dang ma bral ba'i phyir dga' ba dang bde ba dag dang mi ldan te/ de'i phyir yang btang snyoms kyi dbang po dang mtshungs par ldan no//'dod chags dang bral ba'i lam yin pa'i phyir ro myang ba dang mtshungs par ldan pa ma yin no/ /gal te ro myang ba dang mtshungs par ldan par gyur na/ 'dod chags dang bral ba'i lam yin par mi 'gyur te/ sred pa dang mtshungs par ldan pa'i lam gyis ni nyon mongs pa spong bar mi 'gyur ro//yang na 'di ltar sbyar te/ 'bad de drang bar bya ba yin pa'i phyir btang snyoms kyi dbang po dang mtshungs par ldan pa dag kyang yin la/ sa 'og ma las yid byung ba dang ma bral ba'i phyir dang / 'dod chags dang bral ba'i lam yin pa'i phyir zhes bya bar rgyu gnyis kyis ro myang ba dang mtshungs par ldan pa ma yin no zhes bya ba yin no//lhag ma ni snga ma bzhin du brjod do/ /nyer bsdogs kyi sems kyis nying mtshams sbyor ba nyon mongs pa can yin mod kyi zhes bya ba ni bsam gtan dang gzugs med pa brgyad car na yang gang gi nyer bsdogs gang yin pa de'i nyer bsdogs kyi sems nyon mongs pa can mnyam par gzhag pa ma yin pa des nying mtshams sbyor ro zhes bya ba 'di ni grub pa'i mtha' yin no//de'i phyir 'di skad du nyer bsdogs kyi sems kyis nying mtshams sbyor ba nyon mongs pa can yin mod kyi zhes bya ba rgyas par smos so/mi lcogs pa med pa ro myang ba dang mtshungs par yang 'dod do zhes bya ba ni mi lcogs pa med pa ni bsal ba'i phyir ji ltar de zag pa med pa yang srid pa de bzhin du ro myang ba dang mtshungs par ldan pa yang yin no snyam du bsams pa'o/ /slob dpon 'dus bzangs na re dngos gzhi la snyogs pa'i phyir ro myang ba'i snyoms par 'jug pa yod pa'i phyir ro zhes zer ro//bsam gtan gyi khyad par yin pa'i phyir ro zhes bya ba ni bsam gtan dang po'i dngos gzhi de nyid rtog pa dang bral bas khyad par du 'phags par gyur pa la bsam gtan khyad par can zhes bya ba'i tha tshig go//khyad par med pa'i phyir zhes bya ba ni ji ltar bsam gtan dang po la khyad par yod de/ la lar ni rtog pa dang dpyod pa dag /la lar ni dpyod pa kho na yin pa ltar gnyis pa la sogs pa la ni de lta ma yin pas de'i phyir bsam gtan gnyis pa la sogs pa la bsam gtan khyad par can rnam par mi gzhag go//de gnyis kyi phyir lam dka' ba yin no zhes bya ba ni mngon par 'du bya ba dang bcas pas drang ba yin pa de nyid kyi phyir ro/ /rtog pa tsam zhig bkag pa'i phyir zhes bya ba ni/ rtog med bsam gtan khyad par can//zhes smos pa'i phyir ro/ /de la dmigs pa'i ting nge 'dzin mtshan ma med pa'i ting nge 'dzin yin te zhes bya ba ni mtshan ma med pa las byung bas na mtshan ma med pa'o/ /rnam pa bcu yin no zhes bya ba ni mi rtag pa dang sdug bsngal gyi rnam pa ste gnyis dang kun 'byung gi rnam pa bzhi dang /lam gyi rnam pa bzhi ste/ de dag ni rnam pa bcu yin no/ /mi rtag pa dang sdug bsngal ba dang de'i rgyu dag gis yid 'byung ba'i phyir zhes bya ba ni mi rtag pa dang sdug bsngal ba dang de'i rgyu ste sdug bsngal de'i rgyu kun 'byung bas yid 'byung ba'i phyir ro/ /ci zhe na smon pa med pa yin te/ 'khor ba ma byas pa yin zhes bya ba'i tha tshig go//lam yang gdon mi za bar gzings lta bur dor bar bya ba yin pa nyid kyi phyir de gzings zhes bya ba ni gzings so/ /'di la de dang 'dra ba yin pas na lam ni gzings lta bu'o/ /de'i ngo bo ni nyid de/ lam ni gzings lta bu'i phyir gdon mi za bar dor bar bya ba nyid yin no//de lta bas na smon pa med pa yin no zhes bya ba'i dbang du byas pa ste/ /dper na gzings la brten nas chu bo rgal ba ni de gdon mi za bar dor bar bya ba yin pa'i phyir gzings la 'chel te mi 'dug pa de bzhin du lam la brten nas rgal ba yang de gdon mi za bar dor bar bya ba yin pa'i phyir lam la 'chel te mi 'dug go//de'i rnam pa can zhes bya ba ni de dag gi rnam pa bcu po ji skad du bshad pa can no/ /de las 'da' bar mngon du phyogs pa'i phyir ro zhes bya ba ni lam de las 'da' bar mngon du phyogs pa'i phyir te/ 'dis ni de gdon mi za bar spong bar bya ba nyid du ston to/ / mi rtag pa dang sdug bsngal ba dang de'i rgyu las 'da' bar mngon du phyogs pa zhes bya ba de ni ma bshad kyang khong du chud pa nyid do/ /stong pa dang bdag med pa dag gis ni yid mi 'byung ngo zhes bya ba ni stong pa dang bdag med pa'i rnam pa dag gis ni rnal 'byor pa yid 'byung bar mi 'gyur ro/ /sdug bsngal gyi bden pa la stong pa dang bdag med pa'i rnam pa dag tu dmigs mod kyi de dag gis sdug bsngal de las yid 'byung ba ni ma yin no//de ci'i phyir zhe na/ mya ngan las 'das pa dang 'dra ba'i phyir te/ stong pa dang bdag med pa dag ni chos thams cad kyi mtshan nyid yin pas mya ngan las 'das pa yang stong pa dang bdag med pa'i mtshan nyid yin na/de dag gis mya ngan las 'das pa de las yid 'byung ba yang ma yin no/ /de lta bas na smon pa med pa'i ting nge 'dzin ni de dag gi rnam pa can ma yin no/ /'jig rten pa rnams ni sa bcu gcig na yod do zhes bya ba ni 'dod pa'i khams dang mi lcogs pa med pa dang bsam gtan khyad par can dang bsam gtan dang gzugs med pa dag na'o//gang na lam yod pa na yod do zhes bya ba ni 'dod pa'i khams dang srid pa'i rtse mo dang bsam gtan gnyis pa la sogs pa'i nyer bsdogs ma gtogs pa'i sa rnams na'o/ /thar pa'i sgo yin pa'i phyir zhes bya ba ni sgo'i don ni sgo mo'i don to zhes ston to//stong pa nyid la sogs pa la dmigs pa'i phyir de skad ces bya'o zhes bya ba ni stong pa nyid dang smon pa med pa dang / mtshan ma med pa la dmigs pa'i phyir stong pa nyid stong pa nyid dang / smon pa med pa smon pa med pa dang / mtshan ma [(]med med [,]med [)]pa mtshan ma med pa zhes bya'o//stong pa dang mi rtag par zhes bya bar ni grangs bzhin du stong pa nyid stong pa nyid ni mi slob pa'i stong pa nyid kyi ting nge 'dzin la 'di ni bdag gi ma yin no zhes stong pa nyid kyi rnam par dmigs kyi bdag med pa'i rnam par ni ma yin no/ / smras pa 'dir stong pa nyid stong pa nyid kyi ting nge 'dzin ni stong pa'i rnam pa kho na yin gyi/ stong pa nyid ltar bdag med pa'i rnam pa yang yin pa ni ma yin pa gang yin pa de ci'i phyir zhe na/ 'dir smras pa stong pa nyid kyi rnam par zhugs pa'i stong pa nyid kyi rjes la bskyed par bya ba yin pa'i phyir ro/ /smras pa ci'i phyir stong pa nyid kyi rnam par zhugs pa'i stong pa nyid kyi rjes las skye'i/bdag med pa'i rnam par zhugs pa'i stong pa nyid kyi rjes las ma yin zhe na/ 'dir smras pa de skye ba dang mthun pa'i phyir te stong pa nyid kyi rnam pa can gyi stong pa nyid kyi ting nge 'dzin de kho na stong pa nyid stong pa nyid kyi ting nge 'dzin de skye ba dang mthun par gnas kyi bdag med pa'i rnam pa ni ma yin no//ji ltar stong par mthong ba de bzhin du bdag med par mthong ba ni skyo bar byed pa ma yin te/ srid pa dag la bdag med par mthong bzhin du yang stong par ma mthong ba'i phyir 'khor ba la mngon par dga' ba yod de/dper na lam du zhugs pa ni 'dron po ngo mi shes pa mthong bas kyang dga' la gcig pu ni des stong pa'i phyir mi dga' ba de dang 'dra'o// //bam po lnga bcu dgu pa/ mi rtag pa'i rnam par dmigs so zhes bya ba ni rnam pa bcu'i nang nas so/ /sdug bsngal bar yang ma yin la zhes bya ba rgyas par 'byung ba ni zag pa med pa ni de'i mtshan nyid ma yin pa'i phyir sdug bsngal du mi dmigs te/'phags pa dang mi mthun pa nyid kyis sdug bsngal du 'dod do/ /zag pa med pa ni de'i mtshan nyid ma yin pa nyid kyi phyir rgyu dang kun 'byung ba dang / rab tu skye ba dang rkyen gyi rnam pa dag tu yang ma yin te/zag pa med pa ni kun mi 'byung ba la sogs pa'i mtshan nyid yin pa'i phyir ro zhes bya ba'i tha tshig go/ /lam gyi rnam pa rnams su yang ma yin te/ sun dbyung bar bya ba yin pa'i phyir ro zhes bya ba ni mi slob pa'i ting nge 'dzin de ni sun dbyung bar bya ba yin na/ lam gyi rnam pa dag kyang sun 'byin pa'i ngo bo ma yin pas de'i phyir ting nge 'dzin de la lam gyi rnam pa dag tu mi dmigs so//'gog pa'i rnam pa dag tu ni 'brel pa med pa nyid pas de dag tu ni mi bsam mo/ /lhag ma ni mi rtag pa'i rnam pa kho nar ro/ /ma brtags zad pa la zhes bya ba ni so sor ma brtags pas 'gog pa la zhes bya ba'i tha tshig ste/mi slob pa'i mtshan ma med pa'i ting nge 'dzin gyis so sor ma brtags pas 'gog pa la 'di ni zhi ba'o zhes zhi bar dmigs so/ /de'i so sor ma brtags pas 'gog pa ji lta bu zhe na/ mi slob pa'i mtshan ma med pa'i ting nge 'dzin las langs pa la de'i rjes la zag pa dang bcas pa'i skad cig ma dang zag pa med pa gzhan 'da' ba gang dag yin pa ste/gal te de dag byung bar ma gyur na mi slob pa'i mtshan ma med pa'i skad cig ma rnams 'byung bar 'gyur ro/ /zag pa dang bcas pa dang zag pa med pa gzhan de dag skye ba'i dus na mi slob pa'i mtshan ma med pa'i skad cig ma de dag rkyen ma tshang bas so sor ma brtags pas 'gog par 'gyur te/so sor ma brtags pas 'gog pa de la zhi ba'i rnam par dmigs so/ /zag pa med pa la so sor brtags pas 'gog pa med pa'i phyir so sor brtags pas 'gog pa la mi dmigs so/ / ci'i phyir zag pa med pa la so sor brtags pas 'gog pa med ce na/ mi mthun pa med pa'i phyir te/ gang zhig 'phags pa rnams dang mi mthun pa de ni ldan pa bral bar bya ba'i phyir de dag sgrim mo/ /bral ba yang so sor brtags pas 'gog pa yin te/ de'i phyir zag pa med pa la so sor brtags pas 'gog pa med do//gzhan yang mi slob pa'i mtshan ma med pa'i ting nge 'dzin la so sor brtags pas 'gog pa med pa'i phyir dang so sor ma brtags pas 'gog pa yang de'i phyir rgol bar 'gyur ba'i phyir de la dga' ba kho nas de rnam par sun 'byin par 'dod pa na/ de'i so sor ma brtags pas 'gog pa kho na la dmigs te/'jig rten na yang dgra dang bsdongs nas gsad par bya ba gsod pa snang ngo / /'gog pa dang gya nom pa dang / nges par 'byung ba'i rnam par ni ma yin te zhes bya ba ni 'di ltar mi rtag pa nyid kyi 'gog pa dang thun mong yin te/ de'i ngo bo ni nyid de/ mi rtag pa nyid kyi 'gog pa dang thun mong yin pa nyid de/de'i phyir so sor ma brtags pas 'gog pa 'di la 'gog pa'i rnam par mi dmigs so/ /de lta ma yin na de la zhi ba'i rnam par khyad par du 'phags pa dmigs par mi 'gyur ro/ /'gog pa'i rnam pas ni mi rtag pa nyid kyi 'gog pa kho nas so sor ma brtags pas 'gog pa de sun phyung ba nyid du 'gyur la/de sun phyung na yang mi slob pa'i mtshan ma med pa'i ting nge 'dzin sun phyung bar ma gyur to snyam du bsams pa yin no/ /so sor ma brtags pas 'gog pa ni lung du ma bstan pa yin pa'i phyir gya nom pa'i rnam par yang ma yin te/ gya nom pa ni dge ba yin gyi lung du ma bstan pa ni ma yin pas de'i phyir gya nom pa'i rnam par mi dmigs so//so sor ma brtags pas 'gog pa ni bral ba ma yin pa'i phyir nges par byung ba'i rnam par mi dmigs te/ kun nas nyon mongs pa dang bral ba ni kun nas nyon mongs pa las nges par 'byung ba yin par 'dod do//de lta bas na so sor ma brtags pas 'gog pas 'khor ba las nges par byung ba ma yin te/ 'di ltar chos dge ba dang mi dge ba kha cig gi so sor ma brtags pas 'gog pa yod bzhin du de dag gi thob pa ma chad pa'i phyir de dag dang ldan pa kho na yin no/ /'phags pa'i lam la sdang ba'i phyir zhes bya ba ji ltar sdang zhe na/stong po nyid la sogs pa'i rnam pas de la rgyab kyis phyogs pa'i phyir ro/ /mi g.yo la zhes bya ba'i mi g.yo ba'i chos can la ste/ dbang po rno ba'i phyir de skyed pa'i mthu yod kyi dgra bcom pa gzhan la ni ma yin no/ /de dag gi mthong ba'i chos la bde bar gnas par 'gyur ba'i phyir kun du chags pa'i gnas su 'gyur ba mi slob pa'i stong pa nyid la sogs pa'i ting nge 'dzin dag la rgyab kyis phyogs par bya ba'i phyir ting nge 'dzin gzhan dag la snyoms par 'jug go//rgya cher 'byung zhes bya ba ni mdo las ting nge 'dzin bsgom pa kun du bsten goms par byas lan mang du byas na mthong ba'i chos la bde bar gnas par 'gyur ba yang yod ces bya ba nas/ting nge 'dzin bsgom pa kun du bsten goms par byas lan mang du byas na zag pa zad par 'gyur ba yang yod ces bya ba'i bar 'byung ba yin no/ /de la kun du bsten pa ni bsten pa bsgoms pas so/ /goms par byas pa ni mi mthun pa spangs pas so//lan mang du byas pa ni mi mthun pa thag bsring bas so/ /de dang po yin pa'i phyir gzhan dang gzhan dag kyang yin par shes par bya'o zhes bya ba ni dper brjod pa'i ngo bo yin pa'i phyir ro/ /tshe phyi ma la bde bar gnas par 'gyur ba ni nges pa med ces bya ba la/ tshe phyi ma ni ma 'ongs pa'i skye ba'o/ /der bde bar gnas pa ste/'di ni de'i ched du gdon mi za ba ma yin no/ /ci'i phyir zhe na smras pa/ bsam gtan dang po las nyams pa rnams dang / gnyis pa la sogs par skyes pa rnams dang / yongs su mya ngan las 'das pa rnams la tshe phyi ma la bde bar gnas pa med pa'i phyir ro/ /shes pa mthong bar 'gyur ba zhes bya ba ni shes par 'gyur ba dang /mthong bar 'gyur ba zhes bya ba'i tha tshig bsdu'o/ /de la shes pa ni yid kyi rnam par shes pa dang mtshungs par ldan pa'i shes rab ste/ sems can 'di dag ni lus kyi nyes par spyod pa dang ldan pa'o zhes bya ba de lta bu la sogs par rnam par rtog pa'o/ /mthong ba ni mig gi rnam par shes pa dang mtshungs par ldan pa'i shes rab rtog pa med pa'o//smras pa lha'i mig gi mngon par shes pa ni shes pa mthong bar 'gyur ba yin no zhes bshad pa lha'i mig gi mngon par shes pa ni ting nge 'dzin bsgom pa ma yin no zhe na/ 'dir smras pa 'di ni 'bras bu la rgyu btags pa yin te/rgyu ting nge 'dzin bsgom pa gang gi 'bras bu lha'i mig gi mngon par shes pa yin pa'i 'bras bu de la shes pa mthong bar 'gyur ba'i ting nge 'dzin bsgom pa yin no zhes rgyu nye bar btags so/ /gang dag gi phyogs/ rnam grol lam blo rnam pa drug /ces bya ba 'di yin pa de dag gi ltar na ni mngon par shes pa drug yid kyi rnam par grol ba'i lam bsam gtan gyis bsdus pa kho na yin pas de ni klan kar mi rung ba nyid de/rnam par grol ba'i lam de dag ni mnyam par gzhag pa yin pa'i phyir ro/ /chos mngon pa'i mdzod sems pa rnams kyi ltar na ni phyogs gong ma kho na ltar khong du chud par bya ste/lha'i mig dang rna ba'i rnam par shes pa dag mngon par shes pa nyid du 'dod pa'i phyir ro/ /khams gsum pa dang zag pa med pa zhes bya ba la/ khams gsum pa ni mi sdug pa dang dbugs rngub pa dang 'byung ba dran pa dang / nyon mongs pa med pa dang / smon nas shes pa dang / so so yang dag par rig pa dang /mngon par shes pa dang / rnam par thar pa dang / zil gyis gnon pa'i skye mched la sogs pa'o/ /zag pa med pa ni rnam par thar pa'i sgo dang thod rgal gyi snyoms par 'jug pa dang / zag pa zad pa'i mngon par shes pa la sogs pa ste/ 'dir ni ting nge 'dzin dang mtshungs par ldan pa'i phyir sbyor ba las byung ba'i yon tan rnams la ting nge 'dzin bsgom pa'o zhes bya bar nye bar btags pa yin no//shes rab rab tu rnam par dbye bar 'gyur ba zhes bya ba ni shes rab kyi khyad par phul du phyin par 'gyur ba'o/ /bcom ldan 'das kyis chos ston pa 'di ni bdag nyid la nye bar gtod pa yin te zhes bya ba la//rang la nye bar gtod pa ni bdag nyid la nye bar gtod pa'o/ /bdag nyid kyi dbang du mdzad de bshad ces bya ba'i tha tshig ste/ byang chub sems dpa' las kyi mtha' la gzigs pa'i ched du phyir byung ste/ shing 'dzam bu'i drung du bsam gtan dang po bskyed do/ /byang chub kyi shing drung du ni thun dang po la lha'i bu'i bdud bcom nas lha'i spyan bskyed de/lha'i spyan des 'chi 'pho ba dang skye ba'i gnas nyam nga bar sems can rnams la gzigs nas de dag yongs su bskyab pa'i phyir gung thun la bsam gtan dang / rnam par thar pa dang / snyoms par 'jug pa rnams mngon sum du mdzad de/'di'i sbyor ba las byung ba'i yon tan de dag ni shes rab rab tu rnon por byed par 'gyur ba yin no/ /de'i 'og tu thun gsum pa la bsam gtan bzhi pa la brten te/ nges par zhugs pa nas/ rdo rje lta bu'i ting nge 'dzin gyis kun du sbyor ba thams cad spangs pa'i dbang du mdzad do/ / gang gi phyir de ltar chos ston pa bdag nyid la nye bar gtod pa yin pa de'i phyir bsam gtan tha ma bzhi pa kho na'i rdo rje lta bu'i ting nge 'dzin gang yin pa zhes bya ba'o/ /sems can tshad med pa la dmigs pa'i phyir ro zhes bya ba 'di ni tshad med pa'i 'du shes su bya ba'i byed rgyu yin no/ /grangs bzhin no zhes bya ba ni gnod sems mang ba rnams kyi ni de spang ba'i phyir byams pa'o//rnam par 'tshe ba mang ba rnams kyi ni de spong ba'i phyir snying rje'o/ /mi dga' ba mang ba rnams kyi ni de spang ba'i phyir dga' ba'o/ /'dod pa'i 'dod chags dang gnod sems mang ba rnams kyi ni de dag spang ba'i phyir btang snyoms so//'dod pa'i 'dod chags kyi gnyen po nyid du khyad par ci zhig yod ce na zhes bya ba ni 'dod pa'i 'dod chags mang ba rnams kyi phyir sems pa yin no/ /pha dang ma dang bu dang nye du'i 'dod chags kyi gnyen po ni zhes bya ba ni mi 'brel ba med pa dag la ji lta ba de bzhin du de dag la btang snyoms su byed do snyam du bsams pa yin no//de ni chags pas drangs pa yin pa'i phyir ro zhes bya ba ni gang gi phyir gnod sems chags pas drangs pa yin pa de'i phyir chags pa'i gnyen po'i ngo bo nyid ston to snyam du bsams pa yin no/ /'di ni gnyi ga'i rang bzhin yin na rung ngo zhes bya ba ni ma chags pa'i rang bzhin dang zhe sdang med pa'i rang bzhin yin na rung ngo zhes bya ba'i tha tshig ste/ci'i phyir zhe na/ 'dod chags dang zhe sdang dag gi gnyen po yin pa'i phyir ro/ /'dir chos gcig la gnyi ga'i rang bzhin yin no zhes bya bar ni mi bzung ngo / /'o na ci zhe na/ ma chags pa dang zhe sdang med pa dag la btang snyoms kyi sgra 'jug pa yin no//kye ma sems can rnams bde bar gyur cig ces bya ba ni shog shig snyam du bsams pa yin no/ /kye ma sems can rnams ni sdug bsngal lo zhes bya ba ni sdug bsngal las grol bar gyur cig snyam du bsams pa yin te/ de skad du 'chad par 'gyur ro/ /bar mar gnas pa yin pa'i phyir ro zhes bya ba ni phyogs su ma lhung ba nyid kyis rjes su chags pa yang med/zhe 'gras pa yang med ces bya ba'i tha tshig go/ /de dang mi ldan pa rnams la zhes bya ba rgyas par 'byung ba ni bde ba dang mi ldan pa rnams bde ba yod par mos pa'i phyir ji ltar na phyin ci log pa nyid du mi 'gyur zhe na/gyur cig snyam du sems pa'i phyir ro zhes bya ba ni bde bar gyur cig snyam du sems pa'i phyir phyin ci log ma yin no zhes bya bar skabs dang sbyar ro/ /yang na bsam pa phyin ci ma log pa'i phyir zhes bya ba la/ bsam pa ni dge ba'i chos te/ sems can rnams bde bar gyur cig snyam pa'i sems dang sems las byung ba 'khor dang bcas pa de dag yin te/bsam pa de phyin ci ma log pa'i phyir phyin ci log nyid ma yin no/ /ji ltar bsam pa phyin ci log nyid ma yin zhe na/ mos par 'du shes pa'i phyir ro zhes bya ba smos te/ mos pa'i 'du shes pa ni mos par 'du shes pa'o/ /de lta bas na ji ltar mos pa de kho na ltar 'du shes te/'di ni mos pa yid la byed pa yin no zhes bya bar yongs su gcod do/ /gal te mi dge ba nyid yin no zhe na zhes bya ba ni phyin ci log tu 'dzin pas so/ /ma yin te/ dge ba'i rtsa ba yin pa'i phyir ro zhes bya ba ni de ni de lta ma yin no/ /ci'i phyir zhe na/dge ba'i rtsa ba yin pa'i phyir ro/ /yang ji ltar dge ba yin zhe na/ gnod sems la sogs pa'i gnyen po yin pas zhes bya ba smos te/ byams pa ni gnod sems med pa'i rang bzhin yin pas gnod sems kyi gnyen po'o/ /snying rje ni sdug bsngal sel ba'i rnam pa yin pas sdug bsngal nye bar bsgrub pa rnam par 'tshe ba'i gnyen po yin no//dga' ba ni yid bde ba'i ngo bo yin pa'i phyir mi dga' ba'i gnyen po'o/ /btang snyoms ni bar mar gnas pa'i phyir 'dod pa'i 'dod chags dang gnod sems dag gi gnyen po yin pas so/ /de la dmigs pa'i zhes bya ba ni 'dod pa na spyod pa'i sems can la dmigs pa rnams kyi zhes bya ba'i don to//de ni snod kyis snod na gnas pa bstan pa yin no zhes bya ba ni snod kyis snod can sems can gyi 'jig rten bstan to zhes bya ba'i tha tshig go/ /mnyam par gzhag pa dang mnyam par gzhag pa ma yin pa dang / dngos gzhi sbyor ba smos pa'i phyir ro zhes bya ba ni ci rigs par gsum char yang sa drug dang lnga dang bcu pa nyid yin pa dag gi rgyu brjod pa yin te de las mnyam par gzhag pa ma yin pa ni 'dod pa'i khams dang sbyor ba ni nyer bsdogs dag yin par ci rigs par sbyar ro//sa drug par rnam par gzhag pa la ni nyer bsdogs mi lcogs pa med pa yang yin par 'dod de/gsal ba nyid kyis dngos gzhi dang 'dra ba'i phyir ro/ /sa snga ma rnam par gzhag pa la la ni dngos gzhi dag kho na bzung ste/ bsam gtan khyad par can ni dngos gzhi'i bsam gtan dang po'i khyad par yin pa'i phyir ro/ /sa bcu pa rnam par gzhag pa la ni mnyam par gzhag pa ma yin pa 'dod pa'i khams kyang yin par 'dod la/sbyor bar gyur pa nyer bsdogs rnams kyang yin par bzung na dngos gzhi dag lta smos kyang ci dgos/ bsam gtan dngos gzhi'i sa pa yin pa'i phyir ro zhes bya ba ni dngos gzhi ni bsam gtan dag pa pa'i sa pa yin zhes bya ba'i tha tshig ste/ bsam gtan dag pa pa dag gis ni nyon mongs pa mi spong ngo zhes sngar bshad zin to/ /mos pa yid la byed pa'i phyir de dag gi nyon mongs pa rnams mi spong ste/ de kho na nyid yid la byed pas ni nyon mongs pa spang na/ sems can la dmigs pa yin pa'i phyir de dag gis mi spong ste/ chos kyi spyi'i mtshan nyid yid la byed pas nyon mongs pa spong ngo zhes bya ba ni grub pa'i mtha' yin no//'o na ji lta bu zhe na/ de dag gi sbyor bas zhes bya ba rgyas par smos te/ byams pa la sogs pa'i sbyor bas gnod sems la sogs pa rnam par gnon pa'i phyir ro/ /de dag gi gnyen po nyid du bshad do zhes bya ba ni gnod sems la sogs pa'i gnyen po nyid du bshad de/de dag ni rnam par gnon pa'i spong ba yin no zhes bya ba'i tha tshig go/ /spangs pa thag sring bar byed pa'i phyir zhes bya ba la/ 'di ltar bar chad med pa'i lam 'jig rten pa'am 'jig rten las 'das pa'i gnod sems la sogs pa nyon mongs pa dang nye ba'i nyon mongs pa spangs pa rnams de dag gis thag sring bar byed de/de'i phyir de dag gi gnyen po nyid du bshad do/ /ji lta zhe na/ ston par byed de/ byams pa la sogs pa gsum po dag 'dod pa'i khams kyi sa pa dang mi lcogs pa med pa'i sa pa rnams ni dngos gzhi'i tshad med pa dang 'dra ba dag yod do//sbyor ba dang dmigs pa dang rnam pa dang ngo bo nyid 'dra ba'i phyir dngos gzhi dag dang 'dra ba yin no/ /tshad med pa gsum po de dag gis nyon mongs pa de rnams rnam par mnan nas spong ba'i lam bar chad med pa'i lam rnams kyis rab tu spong bar byed do/ /rkyen stobs dang ldan pa rnyed kyang zhes bya ba ni gnod sems la sogs pa'i rkyen stobs dang ldan pa rnyed du zin kyang nyon mongs pa de dag gis mngon du 'gyur ba'i sgo nas mi brdzi ba yin no//chen po la zhes bya ba ni mdza' bo'i phyogs la ste/ mdza' bo'i phyogs la ni byams par bya sla bas so/ /rgyas par byed do zhes bya ba ni khyab par byed do//sngon gyi bsod nams dang bsod nams ma yin pa'i 'bras bu snang ba'i sgo nas zhes bya ba ni sngon bsod nams kyi 'bras bu snang ba'i sgo nas gang zag dge ba'i rtsa ba kun du chad pa la yang 'dis ni gang gis na 'di'i gzugs la sogs pa phun sum tshogs par gyur pa'i bsod nams zhig byas par gyur to zhes yon tan gzung bar nus la/rang sangs rgyas la yang 'dis ni gang gis na 'di la 'di lta bu'i gzugs la sogs pa med pa'i bsod nams ma yin pa zhig gdon mi za bar byas par gyur to zhes skyon gzung bar nus so/ /sdug bsngal las thar kyang ci ma rung snyam du mos shing snying rje la sbyor bar byed do//mngon par dga' bar gyur kyang ci ma rung snyam du mos shing dga' ba la sbyor bar byed do/ /dga' ba dang mi ldan no zhes bya ba ni gsum pa dang bzhi pa dag na yid bde ba med pa'i phyir ro/ /rnam par thar pa brgyad ces bya ba ni mdo las ji skad 'byung ba bzhin no//ji skad du zhe na/ rnam par thar pa ni rnam pa brgyad de/ brgyad gang zhe na/ gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o//sdug pa'i rnam par thar pa lus kyis mngon sum du byas te rdzogs par byas nas gnas pa 'di ni rnam par thar pa gsum pa'o/ /rnam pa thams cad du gzugs kyi 'du shes rnams las yang dag par 'das nas thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam ste/nam mkha' mtha' yas skye mched rdzogs par byed de gnas pa 'di ni rnam par thar pa bzhi pa ste/ 'di lta ste nam mkha' mtha' yas skye mched du nye bar 'gro ba'i lha rnams lta bu'o/ /gzhan yang rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so snyam nas rnam shes mtha' yas skye mched rdzogs par byas te gnas pa 'di ni rnam par thar pa lnga pa ste/'di lta ste rnam shes mtha' yas skye mched du nye bar 'gro ba'i lha rnams lta bu'o/ /gzhan yang rnam pa thams cad du rnam shes mtha' yas skye mched las yang dag par 'das te/ci yang med do snyam nas ci yang med pa'i skye mched rdzogs par byas te gnas pa 'di ni rnam par thar pa drug pa ste/ 'di lta ste ci yang med pa'i skye mched du nye bar 'gro ba'i lha rnams lta bu'o/ /gzhan yang rnam pa thams cad du ci yang med pa'i skye mched las yang dag par 'das nas 'du shes med 'du shes med min skye mched rdzogs par byas te gnas pa 'di ni rnam par thar pa bdun pa ste/'di lta ste 'du shes med 'du shes med min skye mched du nye bar 'gro ba'i lha rnams lta bu'o/ /rnam pa thams cad du 'du shes med 'du shes med min skye mched las yang dag par 'das te tshor ba dang 'du shes 'gog pa lus kyis mngon sum du byas nas rdzogs par byas te gnas pa 'di ni rnam par thar pa brgyad pa'o zhes 'byung ngo //gzugs can gzugs rnams la lta ba zhes bya ba ni bdag nyid kyi gzugs rnams la rnam par ma bshig par phyi rol gyi gzugs rnams la yang lta ba yin no//rnam par bsngos pa la sogs par dmigs pa'i phyir tshul ni mi sdug pa bzhin rig par bya'o zhes bya ba ni 'dod chags lhag pa'i kha dog gi 'dod chags la sogs pa'i gnyen po las brtsams te ci rigs par/ mi sdug ma chags sa bcu dang / / dmigs pa 'dod snang mis skyed dge /zhes bya ba rgyas par sbyar bar bya'o/ /grangs bzhin no zhes bya ba ni 'dod pa na spyod pa'i kha dog gi 'dod chags kyi gnyen por ni bsam gtan dang po'i sa pa'i rnam par thar pa yin la/ bsam gtan dang po'i sa pa'i kha dog gi 'dod chags kyi gnyen po yang bsam gtan gnyis pa'i sa pa'i rnam par thar pa yin te/'di gnyis kyang thag bsring ba'i gnyen po yin par rig par bya'o/ /smras pa bsam gtan gnyis pa la sogs pa ni kha dog gi 'dod chags med do zhes bya bar ji ltar shes she na/ mig gi rnam par shes pa med pa'i phyir ro/ / gang zhig yul gang las 'dod chags dang bral ba de ni nges par de 'dzin par byed pa'i rnam par shes pa las kyang 'dod chags dang bral ba yin la/ bsam gtan gnyis pa la sogs pa na mig gi rnam par shes pa la sogs pa med pas de'i phyir de dag ni kha dog gi 'dod chags dang bral ba'o zhes bya bar grub bo//gzugs med mnyam gzhag dge rnams so/ /zhes bya ba ni dag pa pa dang / zag pa med pa'o/ /gzhan na yang mnyam par ma bzhag pa yod de zhes bya ba ni gzugs med pa dag gi rnam par smin pa'i sems dang sems las byung ba rnams las bsams nas brjod pa yin no//phyogs snga ma la ni gzugs med pa mnyam par ma bzhag pa zhes bya ba 'chi ba'i srid pa'i gnas skabs kho na'i yin par ston to/ /nyer bsdogs kyi rnam par grol ba'i lam dag kyang rnam par thar pa zhes bya ba'i ming 'thob bo zhes bya ba la/ kyang zhes bya ba'i sgras ni dngos gzhi dag lta smos kyang ci dgos zhes bya ba'i don to//bar chad med pa'i lam rnams ni ma yin te zhes bya ba rgyas par 'byung ba ni gang gi phyir sa 'og ma pa la rgyab kyis phyogs par rnam par thar pa dag ces bya ba de'i phyir bar chad med pa'i lam rnams ni 'og ma la dmigs pas rnam par thar pa zhes bya ba'i ming mi 'thob kyi rnam par grol ba'i lam dag ni gong ma la dmigs pa'i phyir ming 'thob bo//'gog pa'i snyoms par 'jug pa zhes bya ba ni brgyad pa'o zhes bya ba'i tshig lhag ma yin no/ /'du shes dang tshor ba la rgyab kyis phyogs pa'i phyir zhes bya ba ni 'du shes la rgyab kyis phyogs pa'i phyir dang tshor ba la rgyab kyis phyogs pa'i phyir rnam par thar pa'o//yang na 'du shes thams cad la rgyab kyis phyogs pa'i phyir rnam par thar pa'o/ /snyoms par 'jug pa'i sgrib pa las rnam par thar pa'i phyir rnam par thar pa'o zhes bya ba'i tha tshig go/ /de la snyoms par 'jug pa'i sgrib pa ni sgrib pa gang zhig yod na sems las su mi rung bas khams gsum pa'i 'dod chags dang bral ba dag gis kyang bsam gtan dang po'i dngos gzhi yang skyed par mi byed pa yin no//ci rigs par zhes bya ba ni gnyis kyi dmigs pa ni rnam par bsngos pa la sogs pa'i gzugs yid du mi 'ong ba 'o//gsum pa'i dmigs pa ni yid du mi 'ong ba'o/ /de'i rgyu dang 'gog pa dag ces bya ba ni sdug bsngal de'i kun 'byung ba dang 'gog pa dag go/ /rjes su shes pa'i phyogs dang mthun pa'i lam thams cad ces bya ba ni gong ma dang / 'og ma dang / rang gi sa pa zhes bya ba'i tha tshig go//so sor ma brtags pas 'gog pa yang yin no zhes bya ba ni so sor ma brtags pas 'gog pa yang gzugs med pa'i rnam par thar pa rnams kyi dmigs pa yin no zhes brjod par bya ste/ gang dag gzugs can min de dag /spyod yul gang dang rang gi sa'i/ /sdug bsngal sogs dang rjes shes phyogs//zhes bya ba 'dir ma smos pa'i phyir ro/ /smras pa so sor ma brtags pas 'gog pa gang zhig de dag gis dmigs pa yin zhe na/ 'dir smras pa/ mi slob pa'i mtshan ma med pa'i ting nge 'dzin gyis so sor ma brtags pas 'gog pa la dmigs te/ gzugs med pa'i rnam par thar pa de dag ni mtshan ma med pa mtshan ma med pa'i ting nge 'dzin gyi ngo bo nyid yin pa srid pas so//de dag kyang nyer bsdogs bdun ma gtogs pas gzhan bcu gcig po 'dod pa'i khams dang / mi lcogs pa med pa dang / bsam gtan khyad par can dang / bsam gtan dang gzugs med pa dag ni brgyad na yod do//bstan bcos ni kha bskang ba dang bcas pa yin pas bstan bcos kyi mtshan nyid bstan pa yin no/ /nam mkha' yang gcig yin no zhes bya bar brjod par bya ste/ nam mkha' mtha' yas skye mched kyi dmigs pa yin no/ /bsam gtan gnyis pa'i sa pa'i kha dog gi 'dod chags med pa'i phyir zhes bya ba ni spang bar bya ba bsam gtan gnyis pa'i sa pa'i kha dog gi 'dod chags med pa'i phyir zhes bya ba'i don to//de med pa ni mig gi rnam par shes pa med pa'i phyir ro/ /bde ba'i snying pos bskyed pa'i phyir ro zhes bya ba la/ bde ba'i snying po ni bde ba thams cad kyi gong na 'dug pa'o zhes bya ba'i tha tshig go//des bskyed pa'i phyir te/ g.yo bar byas pa'i phyir bsam gtan gsum pa la rnam par thar pa rnam par mi gzhag go/ /gal te bsam gtan gsum pa'i sa pa'i kha dog gi 'dod chags med na/ ci'i phyir sdug pa'i rnam par thar pa skyed par byed ce na de'i phyir mi sdug pas rgyud zhum par rab tu dga' bar bya ba'am/rtag pa'i phyir te zhes bya ba smos so/ /rnam par thar pa la sogs pa zhes bya ba la/ sogs pa zhes bya ba'i sgras ni zil gyis gnon pa'i skye mched la sogs pa nye bar bsdu'o/ /'phags pa'i rdzu 'phrul ci zhe na/ mngon par bsgrub pa'i ched du zhes bya bar skabs dang sbyar ro//nyon mongs pa thag bsring ba'i phyir zhes bya ba ni rnam par thar pa la sogs pa thag bsring ba'i gnyen po yin pa'i phyir ro/ /snyoms par 'jug pa la dbang bar bya ba'i phyir zhes bya ba ni snyoms par 'jug pa la dbang ba nyid de yang nyon mongs pa med pa la sogs pa'i yon tan mngon par bsgrub pa'i ched yin no//de yang gang gis dngos po yongs su bsgyur ba dang byin gyis rlob pa dang tshe gtong ba la sogs pa byed pa'o zhes bya ba ni de la dngos po yongs su bsgyur ba ni dngos po gang zhig la ji ltar mos pa de kho na bzhin du der 'gyur ba ste/ ji ltar gser la sar bya ba de ltar mos pa'i phyir ro//byin gyis rlob pa ni dngos po bstan pa la dus 'di srid du gnas par gyur cig snyam pa ste/ tshe gtong ba yang de dang 'dra'o/ /sogs pa zhes bya ba'i sgras ni ri rab rdul phra rab kyi nang du 'dzud pa zhes bya ba de lta bu la sogs pa ste/ gzhan yang mdo sde las blta bar bya'o//ci'i phyir gsum pa dang brgyad pa dag kho na mngon sum du bya bar bshad la gzhan dag ni ma yin zhes bya ba la/ ji ltar gsum pa mngon sum du bya bar bshad ce na/ sdug pa'i rnam par thar pa lus kyis mngon sum du byas nas rdzogs par byas te gnas pa zhes 'byung ngo / /brgyad pa yang 'du shes dang tshor ba 'gog pa lus kyis mngon sum du byas nas rdzogs par byas te gnas pa zhes 'byung bas so//de la mngon sum du byas nas zhes bya ba ni mngon sum du byas te zhes bya ba'i tha tshig go/ /rdzogs par byas te gnas pa zhes bya ba ni ting nge 'dzin de dag la snyoms par zhugs te gnas pa zhes bya ba'i don to zhe na 'dir smras pa/rnam par thar pa dang po dang gnyis pa bas rnam par thar pa gsum pa gnas gyur pa'i sgo nas gzugs can gyi rnam par thar pa'i sgrib pa mtha' dag spangs pas gtso bo yin pa'i phyir gsum pa mngon sum du bya bar bshad do/ /de bzhin du brgyad pa yang gnas gyur pa'i sgo nas gzugs med pa'i rnam par thar pa'i sgrib pa mtha' dag spangs pa'i phyir gtso bo yin pas mngon du bya bar bshad do//khams dang sa'i mtha' na gnas pa'i phyir ro zhes bya ba ni bsam gtan bzhi pa ni gzugs kyi khams dang sa'i mtha' na gnas pa yin la srid pa'i rtse mo yang gzugs med pa'i khams dang sa'i mtha' na gnas pa yin no//de bzhin du chen po rnams dang zhes bya ba ni nang gzugs su 'du shes pas phyi rol gyi gzugs chen po kha dog bzang po dang kha dog ngan pa rnams la lta zhing zhes bya ba nas rgyas par 'di ni zil gyis gnon pa'i skye mched gnyis pa'o zhes bya ba'i bar 'byung ba'o/ /de kho na bzhin du nang gzugs med par 'du shes pa zhes bya ba ji lta bu zhe na/nang gzugs med par 'du shes pas phyi rol gyi gzugs chung ngu kha dog bzang po dang kha dog ngan pa rnams zhes bya ba nas 'di ni zil gyis gnon pa'i skye mched gsum pa'o zhes bya ba'i bar snga ma bzhin no/ /de bzhin du nang gzugs med par 'du shes pas phyi rol gyi gzugs chen po kha dog bzang po dang kha dog ngan pa rnams la lta zhing zhes bya ba nas 'di ni zil gyis gnon pa'i skye mched bzhi pa'o zhes bya ba'i bar snga ma bzhin te/de ltar bzhi po de dag dang / gzugs med par 'du shes pa kho na sngon po dang ser po dang dmar po dang dkar po rnams la lta ste zhes bya ba'o//ji lta bu zhe na/ nang gzugs med par 'du shes pas phyi rol gyi gzugs sngon po kha dog sngon po sngon po lta bur ston pa/ 'od sngon po 'byung ba dper na zar ma'i me tog gam/ yul bA rA Na sI'i ras phun sum tshogs pa sngon po kha dog sngon po sngon po lta bur ston pa/'od sngon po 'byung ba lta bu rnams la lta zhing gzugs de dag zil gyis mnan nas shes zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched lnga pa'o/ /nang gzugs med par 'du shes pas phyi rol gyi gzugs ser po kha dog ser po ser po lta bur ston pa 'od ser po 'byung ba dper na dong ka'i me tog gam/yul bA rA Na sI'i ras phun sum tshogs pa ser po kha dog ser po ser po lta bur ston pa 'od ser po 'byung ba lta bu rnams la lta zhing zhes bya ba nas rgyas par 'di ni zil gyis gnon pa'i skye mched drug pa'o zhes bya ba'i bar dang / nang gzugs med par 'du shes pas phyi rol gyi gzugs dmar po kha dog dmar po dmar po lta bur ston pa 'od dmar po 'byung ba dper na ban du dzi ba ka'i me tog gam/yul bA rA Na sI'i ras phun sum tshogs pa dmar po kha dog dmar po dmar po lta bur ston pa 'od dmar po 'byung ba rnams la lta zhing zhes bya ba nas rgyas par 'di ni zil gyis gnon pa'i skye mched bdun pa yin no zhes bya ba'i bar dang /nang gzugs med par 'du shes pas phyi rol gyi gzugs dkar po kha dog dkar po dkar po lta bur ston pa 'od dkar po 'byung ba dper na skar ma pa ba sangs sam/ yul bA rA Na sI'i ras phun sum tshogs pa dkar po kha dog dkar po dkar po lta bur ston pa/'od dkar po 'byung ba rnams la lta zhing zhes bya ba nas rgyas par 'di ni zil gyis gnon pa'i skye mched brgyad pa'o zhes bya ba'i bar 'byung ste/ snga ma bzhi dang 'di bzhin brgyad du 'gyur ro/ /gnyis ni rnam par thar pa dang po bzhin te zhes bya ba ni ji ltar rnam par thar pa dang po gzugs can gzugs rnams la lta ba zhes bya ba bdag la yod pa'i gzugs la lta zhing phyi rol gyi gzugs la lta ba ltar zil gyis gnon pa'i skye mched dang po dag kyang de dang 'dra'o//de gnyis las gcig ni bdag yod pa'i gzugs la lta zhing phyi rol na yod pa'i gzugs la lta ste 'di skad du nang gzugs su 'du shes pas phyi rol gyi gzugs chung ngu zhes bya ba rgyas par 'byung ngo //gnyis pa yang de kho na dang 'dra ste/ khyad par ni phyi rol gyi gzugs chen po rnams la lta ba zhes bya ba 'di yod do/ /gzhan yang ji ltar rnam par thar pa dang po bsam gtan dang po'i sa pa dang /'dod pa na spyod pa'i kha dog gi 'dod chags kyi gnyen po dang / 'dod pa na spyod pa'i gzugs kyi skye mched la dmigs pa yin pa ltar zil gyis gnon pa'i skye mched 'di dag kyang de dang 'dra bar rig par bya'o/ /gnyis ni gnyis pa bzhin no zhes bya ba ni ji ltar rnam par thar pa gnyis pa'i mtshan nyid nang gzugs med par 'du shes pas phyi rol gyi gzugs rnams la lta ba zhes bya ba de lta bu yin pa ltar zil gyis gnon pa'i skye mched gsum pa dang /bzhi pa dag kyang de dang mtshan nyid de dang 'dra ste/ de dag kyang 'di skad du 'byung ste/gsum pa ni nang gzugs med par 'du shes pas phyi rol gyi gzugs chung ngu kha dog bzang po dang kha dog ngan pa rnams la lta zhes 'byung ngo / /bzhi pa ni nang gzugs med par yang 'du shes pas phyi rol gyi gzugs chen po kha dog bzang po dang kha dog ngan pa rnams la lta zhing zhes 'byung ngo //gzhan yang ji ltar rnam par thar pa gnyis pa bsam gtan gnyis pa'i sa pa dang bsam gtan dang po'i sa pa'i kha dog gi 'dod chags kyi gnyen po dang gzugs na spyod pa'i gzugs la dmigs pa yin pa ltar zil gyis gnon pa'i skye mched gsum pa dang bzhi pa yang de dang 'dra'o//gzhan sdug pa'i rnam par thar pa bzhin zhes bya ba ni ji ltar sdug pa'i rnam par thar pa bsam gtan bzhi pa'i sa pa dang / gzugs na spyod pa'i gzugs kyi skye mched yid du 'ong ba la dmigs pa yin pa ltar sngon po dang dmar po dang ser po dang dkar po zil gyis gnon pa'i skye mched dag kyang de dang 'dra ste/'dir ni kha dog bzhi can rnam par phye nas bzung ba 'ba' zhig tu zad do/ /sdug pa'i rnam par thar pa'i ngo bo nyid ma chags pa yin pa ltar 'di dag gi yang de dang 'dra'o/ /ji ltar sdug pa'i rnam par thar pa 'di 'khor dang bcas par bzung bas phung po lnga'i rang bzhin yin pa ltar 'di dag kyang de dang 'dra bar khong du chud par bya'o//de dag gis ni rgyab kyis phyogs pa tsam du zad la zhes bya ba ni dmigs pa zil gyis gnon pa ma yin pa'o/ /ji ltar na zil gyis gnon pa'i skye mched dag gis dmigs pa zil gyis gnon ce na/ de'i phyir ji ltar 'dod pa bzhin du mos pa'i phyir zhes bya ba smos te/de dag gis sngon po dang ser po la sogs par mos pa'i phyir te/ skad cig la sngon po dang skad cig la ser po zhes bya ba la sogs pa lta bu'am rnam par bsngos pa la sogs pa yid du mi 'ong ba yid du 'ong bar mos pa'i phyir ro/ /nyon mongs pa mi skye ba'i phyir ro zhes bya ba ni kun nas nyon mongs pa'i dngos po la sdug par dmigs kyang nyon mongs pa mi skye ba'i phyir zil gyis gnon pa'i skye mched de dag gis dmigs pa zil gyis gnon pa yin no//bar chad med par zad par rgyas par byed pa'i phyir zhes bya ba ni bar chad med par zad par sa la sogs par rgyas shing khyab par byed pas de'i phyir zad par gyi skye mched rnams zhes bya'o//'dod pa na spyod pa'i gzugs kyi skye mched yin no zhes bya ba ni/ 'jig rten gyi ni tha snyad du/ /kha dog dbyibs la sa zhes brjod/ /chu me yang ngo rlung tshogs khams/ /nyid yin de dang 'dra ba'ang yin/ /zhes 'byung ba'i phyir ro//kha cig na re rlung gi ni reg bya'i skye mched yin no zhes zer ro zhes bya ba ni gang dag rlung la gzugs kyi skye mched yin par mi 'dod pa de dag na re zad par rlung gi dmigs pa ni reg bya'i skye mched yin no zhes zer ro/ /rnam par thar pa 'jug pa las byung ba can yin zhes bya ba ni 'jug pa nyid 'jug pa las byung ba can yin pa'am 'jug pa las byung ba yin no//gong nas gong du khyad par du 'phags pa'i phyir ro zhes bya ba ni 'di ltar rnam par thar pa dag pas gong ma zil gyis gnon pa'i skye mched khyad par du 'phags la zil gyis gnon pa'i skye mched dag pas gong ma zad par gyi skye mched khyad par du 'phags te/'di skad du rnam par thar pa dag bskyed nas zil gyis gnon pa'i skye mched rnams skyed par byed la/ zil gyis gnon pa'i skye mched dag bskyed nas zad par gyi skye mched rnams skyed par byed do zhes bshad pa yin no/ /'gog pa las gzhan pa'i rnam par thar pa zhes bya ba ni de ni gcig tu 'phags pa'i rgyud la yod pa'i phyir ro//'dris pa dang ma 'dris pa'i phyir ro zhes bya ba ni 'dod chags dang bral bas thob pa ni 'dris pa dag yin no/ /sbyor ba las byung ba ni ma 'dris pa dag yin no/ /lhag ma zhes bya ba rgyas par 'byung ba la lhag ma gang zhig yin zhe na/rnam par thar pa dang po gsum dang / zil gyis gnon pa'i skye mched brgyad dang / zad par gyi skye mched brgyad de de dag ni mi'i rten can kho na yin no/ /ci'i phyir zhe na/ lung gi mthus skyed pa'i phyir te lha la sogs pa gzhan na ni lung med pa'i phyir ro/ /ji ltar na gzugs dang gzugs med pa'i khams dag tu gzugs med pa dang bsam gtan gyi khyad par skye zhe na zhes bya ba ni gzugs med pa'i khams sam/gzugs kyi khams su ste/ sa gong du skyes pa de'i gong ma'i bsam gtan dang gzugs med pa gang yin pa de ni de bas khyad par du 'phags pas gzugs med pa dang bsam gtan gyi khyad par ro//gzugs med pa dang bsam gtan gyi khyad par de lung med par ji ltar skyed de/ lhag ma ni mi'i rten can kho na yin te/ lung gi mthus skyed pa'i phyir ro zhes bshad pas de'i phyir 'brel pa des na ji ltar na gzugs dang gzugs med pa'i khams dag tu zhes bya ba rgyas par 'dri'o//rgyu'i stobs kyis ni nye ba dang yang dang yang du goms pa las so zhes bya ba ni nye ba las dang yang dang yang du goms pa las so/ /ji lta zhe na/ 'ga' zhig gzugs med pa'i snyoms par 'jug pa la mnyam par bzhag nas de las yongs su nyams te rjes kho na la gzugs kyi khams su skye na gzugs med pa'i snyoms par 'jug pa'i mtshan nyid kyi skal ba mnyam pa'i rgyu stobs dang ldan pa'i phyir de la gzugs kyi khams su gzugs med pa'i snyoms par 'jug pa skye'o//yang dang yang du goms pa las kyang 'ga' zhig gzugs med pa'i snyoms par 'jug pa la yang dang yang du mnyam par bzhag nas de las yongs su nyams te/gzugs kyi khams su skye na de'i gzugs med pa'i snyoms par 'jug pa'i mtshan nyid kyi skal ba mnyam pa'i rgyu stobs dang ldan pa'i phyir gzugs kyi khams su gzugs med pa'i snyoms par 'jug pa skye'o/ /de bzhin du rnam shes mtha' yas skye mched las yongs su nyams te/nam mkha' mtha' yas skye mched du skyes pa la yang de kho na bzhin du de'i snyoms par 'jug pa skye ste/ de'i gong du skyes pa la yang de dang 'dra'o/ /las kyi stobs kyis ni gzugs kyi khams su skyes pa la lan grangs gzhan la myong bar 'gyur ba'i las kyi rnam par smin pa nye bar gnas pa'i phyir de las 'dod chags dang bral ba dang mthun pa'i rgyud gnas te/'og ma las 'dod chags dang ma bral bas ni gong ma gzugs med pa'i khams su skye bar mi nus so/ /de bzhin du gzugs med pa'i khams su yang nam mkha' mtha' yas skye mched du skyes pa la las kyi stobs kyis ni sa gong ma pa rnam shes mtha' yas skye mched kyi sa pa'i las lan grangs gzhan la myong bar 'gyur ba'i rnam par smin pa nye bar gnas pa'i phyir de las 'dod chags dang bral ba dang mthun pa'i rgyud gnas te/'og ma las 'dod chags dang bral bas ni gong du skye bar mi nus so/ /rgyu dang las kyi stobs de dag gis bsam gtan dang po la sogs par/bsam gtan gnyis pa la sogs pa ji ltar skye zhe na/ rgyu'i stobs kyis ni nye ba dang yang dang yang du goms pa las so/ /lam gyi stobs kyis ni sa gong ma'i zhes bya ba rgyas par sbyar bar bya'o/ /chos nyid kyis kyang zhes bya ba la chos nyid ces bya ba 'di ci zhe na/mdo sde pa kha cig na re chos 'jug pa shas chen po 'di dag nyid sngon gyi bsam gtan gyi bag chags kyi dbang gis de skyes pa'i lung med par bsam gtan skye ba dang mthun pa ni chos nyid de/ rang bzhin dang ngo bo nyid yin no zhes bya ba'i tha tshig go zhes zer ro/ /bye brag tu smra ba kha cig na re yang /gzhan las de'i lung ma mnos par tshe rabs snga ma'i skal ba mnyam pa'i rgyu las rgyu mthun pa'i 'bras bu bsam gtan skye ba ni chos nyid yin no zhes zer ro/ /dge ba'i chos rnams kyi 'jug pa shas che ba nyid kyi phyir zhes bya ba ni 'jig pa'i dus de na dge ba'i las kyi lam rnams kyi zhes bya ba'i tha tshig ste/'jug pa ni chos de dag nyid kyi byed pa gang yin pa'o/ /'di dag la 'jug pa shas che zhing mchog tu gyur pa yod pas na 'jug pa shas che ba dag go/ /de'i ngo bo ni nyid de de'i phyir ro/ /'di skad du dge ba de dag bdag nyid mchog tu gyur pa thob pa'i phyir te/de skye ba dang mthun pa'i bdag nyid du red pa'i phyir gzhan las lung mnos pa med par sngon gyi bsam gtan gyi bag chags yod na bsam gtan skye'o zhes bshad pa yin no/ /chos rnams kyi rnam pa 'di lta bu zhes bya ba ni zag pa dang bcas pa dang zag pa med pa'i chos rnams kyi rnam pa khams dang sa dang /dmigs pa dang rnam pa la sogs pa ste ci rigs pa zhes bya ba'i tha tshig go/ /de 'dzin byed pa smra byed dang / /sgrub par byed pa kho na yin/ /zhes bya ba ni lung dang rtogs pa'i bdag nyid kyi dam pa'i chos de ste grangs bzhin du lung ni smra bar byed pa gang dag yin pa de dag de 'dzin par byed pa yin la/ rtogs pa ni sgrub par byed pa gang dag yin pa de dag 'dzin par byed pa yin no/ /rtogs pa ni de lta bu yin gyi zhes bya ba ni lo stong du gnas so zhes bya ba'o/ /lung ni yun ring du gnas so zhes bya ba ni lo stong gi 'og tu yang zhes bya ba'i tha tshig ste/ phyogs 'di dag nyid rigs par lta'o/ /gang yin pa'i zhes bya ba rgyas par 'byung ba ni ci chos mngon pa'i mdzod kyi mtshan nyid 'di las chos mngon pa bshad pa gang yin pa 'di nyid ston pas chos mngon pa ye shes la 'jug pa la sogs pa'i mtshan nyid du bshad dam zhe na/de'i phyir/ bdag gi mngon pa'i chos 'di phal cher ni/ kha che bye brag smra ba'i tshul grub bshad/ /ces bya ba 'di rgyas par smos te/ kha che'i yul na 'khod pas na kha che'o/ /bye brag tu bshad pas rtsen pas na bye brag tu smra ba'o zhes de ni rnam par bshad zin to/ /kha che yin la bye brag tu smra ba ma yin pa yang yod de/ 'dul ba shes pa la sogs pa dang /mdo sde pa btsun pa la sogs pa gang dag yin pa'o/ /bye brag tu smra ba yin la kha che ma yin pa yang yod de/ nyi 'og pa'i bye brag tu smra ba gang dag yin pa'o/ /de bas na khyad par gnyi ga smos te/ bdag gis ni 'dir de dag gi lugs kyi grub pa'i chos mngon pa gang yin pa de phal cher bshad do//shugs kyis na gzhan gyi lugs kyis grub pa yang bstan to zhes bshad pa yin no/ /kha che bye brag tu smra ba'i lugs sam/ gzhan gyi lugs kyang rung tshig 'di la nyes par zin pa gang yin pa de ni bdag gis nyes te bdag gi skyon yin no/ /ci'i phyir zhe na/ dam chos tshul la tshad ma thub rnams yin//zhes bya ba smos te/ rtogs pa dang lung gi mtshan nyid kyi dam pa'i chos kyi tshul la ste brjod pa la tshad ma ni thub pa sangs rgyas bcom ldan 'das rnams dang / sangs rgyas kyi sras 'phags pa shA ri'i bu la sogs pa yin te/ chos thams cad rnam pa thams cad du rtogs par bya ba la thugs gcugs pa dag ces bya ba'i tha tshig go//ston pa 'jig rten mig ni zum gyur cing / /zhes bya ba ni 'jig rten gyi khams kyi mig tu gyur pa lam dang lam ma yin pa yang dag par ston par byed pa bcom ldan 'das yongs su mya ngan las 'das shing ste/'dis ni 'jig rten long bar gyur pa nyid ston to/ /dpang gyur skye bo phal cher zad pa na/ /zhes bya ba la/ dpang du gyur pa ni mngon sum du mthong ba ste/ bcom ldan 'das kyi dpang du gyur pa'i skye bo bcom ldan 'das ni lam dang lam ma yin pa mkhyen pa yin no zhes bya bar de kho na nyid rtogs pa grogs su gyur pa gang yin pa de zad cing yongs su mya ngan las 'das pa na ma rig pa'i mun pas de kho na nyid ma mthong ba rang dgar gyur pa bcos su mi btub pa rang gi lta bas rtog ge ngan par zhugs pa khyed cag gis bcom ldan 'das kyi bstan pa tshig dang don gyi sgo nas dkrugs so//rang byung rang byung bstan pa gces 'dzin rnams/ /mchog tu zhir gshegs 'gro mgon med pa na/ /zhes bya ba'i tshigs su bcad pa gnyis pa 'dis ni sngar bshad pa'i tshigs su bcad pa'i don gyi gtan tshigs kyi ngo bo nye bar bkod pa yin te/ sangs rgyas dang sangs rgyas kyi sras rnams yongs su mya ngan las 'das te/ 'gro ba mgon med pa na bstan pa nub par byed pa'i rgyu lta ba la sogs pa skyon gyi dri ma rang nyams su gyur pas dga' mgur rang dgar deng sang 'jig rten 'di na spyod do/ /de bas na de ltar lkog mar srog phyin 'dra ste srog lkog mar phyin pa dang 'dra bar zhes bya ba'i tha tshig go//de yang rig la skyon rnams kyang stobs dang ldan pa'i dus su rig nas thar pa 'dod pa dag gis bag yod kyis zhes bya ba yin no/ /chos mngon pa mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa las snyoms par 'jug pa bstan pa zhes bya ba ste mdzod kyi gnas brgyad pa'o// //bam po drug cu pa/ yang ci 'di las gzhan la thar pa yod dam zhes bya ba ni/ thar pa 'dod pa dag gis bag yod gyis/ / zhes 'byung bas don gyis ni slob dpon gyis 'di kho na thar pa'i thabs yin gyi 'di las thar pa'i thabs gzhan med de/ de lta bas na thar pa 'dod pa rnams kyis 'di la bag yod par bya'o zhes bshad pas/ gleng ba pos kyang ci 'di las zhes bya ba rgyas par 'dri ba la med do zhes bya ba smras so//ci'i phyir zhe na/ bdag tu lta ba'i phyin ci log la zhen pa nyid kyi phyir zhes bya ba smos te/ mu stegs can rnams ni bdag tu lta ba'i phyin ci log la zhen pa yin pas bdag tu lta ba phyin ci log la zhen pa'o/ /de'i ngo bo ni nyid de/ de'i phyir gzhan la thar pa med do/ /don 'di ni bstod pa byas pas kyang bshad de/yid la nga ru 'dzin dang bcas na skye rgyun zhi ma 'gyur/ /bdag tu lta ba yod na snying las ngar 'dzin mi g.yo lags/ /gang phyir 'gro la bdag med smra ba'i ston pa gzhan med pa/ /de'i phyir khyod kyi lugs las nyer zhi byed pa'i lam gzhan med/ / ces bya ba yin no/ /'di la sgrub pa ni ser skya dang 'ug pa pa la sogs pa la ni thar pa med de/ bdag tu lta ba phyin ci log la zhen pa'i phyir de kho na nyid ma mthong ba'i skyes bu bzhin no/ /nyon mongs pa rnams ni bdag tu 'dzin pa las rab tu skye ba yin no zhes bya ba ni ji skad du 'jig rten 'di na dge sbyong dang bram ze kha cig gi lta ba tha dad par gyur pa gang dag yin pa de dag ni 'jig tshogs la lta ba'i rtsa ba can yin no zhes rgyas par 'byung ba lta bu ste/bdag tu lta ba yod na bdag la chags pa la sogs pa nyon mongs pa rnams rab tu 'byung ngo / /bdag tu mngon par brjod pa 'di ni phung po'i rgyud kho na la 'jug gi zhes bya ba la/bdag tu mngon par brjod pa ni bdag tu 'dogs pa zhes bya ba'i tha tshig go/ /brjod par bya ba gzhan la ni ma yin no zhes bya ba ni phung po'i rgyud las gzhan pa brtags pa la ni zhes bya ba'i don to/ /ci'i phyir de ltar yin zhe na/ mngon sum dang rjes su dpag pa med pa'i phyir zhes bya ba smos te/mngon sum dang rjes su dpag pa med pa'i phyir de med pa nyid do snyam du bsams pa yin no/ /lung ni rjes su dpag pa'i nang du 'dus pa'i phyir logs shig tu ma brjod do/ /de dag ni bar chad byed pa med na mngon sum du dmigs pa yin te zhes bya ba la bar chad byed pa med na zhes bya ba ni dmigs pa'i bgegs byed pa ha cang nye ba dang ha cang ring ba la sogs pa med na'o//mngon sum zhes bya ba ni dmigs pa'i khyad par yin te/ mngon sum nyid du dmigs pa zhes bya ba'i tha tshig go/ /yang na dmigs pa ni mngon sum gyi tshad ma yin te 'dis dmigs par byed pas na dmigs pa'o//yul drug ces bya ba ni gzugs dang sgra dang dri dang ro dang reg bya'i skye mched rnams dang chos kyi skye mched tshor ba la sogs pa'i mtshan nyid dang rnal 'byor pa'i yul lung dang rnam par rtog pa las 'das pa'o//yid ces bya ba ci zhe na mngon sum du dmigs pa yin te/ 'gags ma thag pa'i yid ni mjug thogs su byung ba'i yid kyi rnam par shes pas chags pa'am sdang ba'am/ bde ba dang mtshungs par ldan pa'am/ sdug bsngal dang mtshungs par ldan pa zhes bya ba de lta bu la sogs pa rnam par shes so//gzhan dag na re rang rig pas dmigs su zhes zer ro/ /mngon sum rnam pa gnyis po 'di ni gzung ba'i rnam pa dang 'dzin pa'i rnam pa yin no/ /yang na rjes su dpag pas zhes bya ba rgyas par 'byung ba ni gang du mngon sum mi 'jug pa der ni rjes su dpag pas dmigs pa yin no//dper na dbang po lnga lta bu'o zhes bya ba ni mig gi dbang po la sogs pa lta bu'o/ /rgyu zhing dang chu la sogs pa yod kyang rgyu gzhan sa bon gyi mtshan nyid med na 'bras bu med par mthong la sa bon de yod na ni yang myu gu yod par mthong ngo //dper na myu gu lta bu'o zhes bya ba ni dpe nye bar bkod pa yin no/ /de ltar dpe nye bar bkod nas dngos bstan pa'i phyir yul snang bar gyur pa dang rgyu yid la byed pa yod kyang zhes bya ba rgyas par smos te/ yul gzugs la sogs pa mngon sum du gyur pa dang / de skyed pa rgyu yid la byed pa yod du zin kyang yul 'dzin pa mig gi rnam par shes pa la sogs pa med par mthong la yang yod par mthong ngo //gang dag gi zhe na/ grangs bzhin du ston te/ long ba dang 'on pa la sogs pa'i ni med do/ /ma long ba dang ma 'on pa la sogs pa'i yod do/ /stsogs pa zhes bya ba'i sgras ni sna'i dbang po la sogs pa nyams pa'i bsdu'o//de'i phyir de la yang rgyu gzhan ma nges pa'i ngo bo ci zhig grangs bzhin du med pa dang yod pa kho nar nges so/ /de yang ci zhig yin zhe na/ smras pa ltos par bya ba'i rgyu gzhan gang yin pa de ni dbang po ste mig la sogs pa yin no snyam du bsams pa yin no//'di la sgrub pa ni rnam par shes pa lnga'i tshogs skyed par byed par 'dod pa yul dang yid la byed pa'i mtshan nyid kyi dngos po 'di ni rgyu gzhan dang lhan cig rang gi 'bras bu skyed par byed pa yin te/ res 'ga' kho na rang gi 'bras bu skyed par byed pa'i phyir ro/ /gang zhig res 'ga' kho na rang gi 'bras bu skyed par byed pa de ni rgyu gzhan dang lhan cig rang gi 'bras bu skyed par byed pa yin no//dper na myu gu skyed par byed pa zhing dang chu dang sa bon gyi mtshan nyid kyi rgyu gzhan dang lhan cig rang gi 'bras bu myu gu skyed par byed pa res 'ga' kho na rang gi 'bras bu skyed par byed pa lta bu ste/sa bon yod pa'i gnas skabs na myu gu skyed par byed pa'i phyir dang / sa bon med pa'i gnas skabs na rang gi 'bras bu skyed par mi byed pa'i phyir ro/ /yul dang yid la byed pa'i mtshan nyid kyi dngos po de yang de dang 'dra ste/ de ni ma long ba dang ma 'on pa'i gnas skabs na ni rang gi 'bras bu rnam par shes pa lnga'i tshogs kyi mtshan nyid skyed par byed pa yin la/long ba dang 'on pa'i gnas skabs na ni skyed par byed pa ma yin no/ /de lta bas na 'di ni rgyu gzhan dang lhan cig 'bras bu skyed par byed pa yin no/ /de ni dbang po yin no zhes bya ba ji ltar na de dbang po yin no zhes bya bar yongs su gcod de/'di la rgyu gzhan zhig yod do zhes bya ba de kho na tsam zhig tu yongs su gcod kyi de dbang po yin no zhes bya bar ni ma yin no zhe na 'di ni drang srong chen po'i smon nas shes pa'i yongs su bcad pa'i phyir dang / mig gi rnam par shes pa la sogs pa'i rgyu mig gi dbang po la sogs pa yod pa nyid do zhes bya ba la/thams cad rtsod pa med pa'i phyir grub pa kho na yin no/ /bdag ni de ltar yod pa ma yin pas bdag med do zhes bya ba ni mjug sdud pa yin no/ /sgrub pa ni don gyis na 'di skad du bdag ni med de/ tshad mas mi dmigs pa'i phyir gtan med pa lta bu'o zhes bshad pa yin no//gal te rjes su dpag pa yod de de'i phyir gtan tshigs ma grub pa yin no zhe na ma yin te/ de brjod dgos pa'i phyir ro/ /gal te de yod na de smros shig /tshig tsam gyis ni gtan tshigs 'di ma grub pa yin no zhes bzlog tu mi rung ngo //'o na gang gnas ma'i bu rnams zhes bya ba rgyas par 'byung ba gnas ma'i bu ni 'phags pa mang pos bkur ba'i sde pa dag ste/ 'dis ni bdag tu lta ba phyin ci log la zhen pa nyid kyi mtshan nyid kyi gtan tshigs ma nges so zhes ston par byed de/ gnas ma'i bu rnams ni sangs rgyas pa yin pa'i phyir thar pa mi 'dod pa ma yin no//yang na bdag med do zhes bya ba 'dis phyogs 'di skyon dang bcas pa yin no zhes phyogs snga ma 'gal bar ston te/ gnas ma'i bu'i sde dag rang gi phyogs yin pas so/ /'di ni re zhig dpyad par bya ba yin te zhes bya ba ni de'i sde'i gang zag btags par yod pa yin pas nyes pa med do snyam du bsams pa'o//rdzas su zhes bya ba ni ci zhig btags par zhes bya ba 'di yang ci zhig yin zhes glengs pa dang / slob dpon gyis gal te gzugs la sogs pa bzhin du dngos po gzhan zhig yin no zhe na ni rdzas su yod pa yin no zhes bya ba smos te/gal te ji ltar gzugs la sogs pa sgra la sogs pa las dngos po tha dad pa ltar 'dod na ni gzugs ni sgra las mtshan nyid tha dad pa yin no zhes bya ba la sogs pa lta bur gang zag rdzas su yod do zhes khas blangs pa yin no//gal te 'o ma la sogs pa bzhin du spyi yin no zhe na zhes bya ba ni gal te ji ltar 'o ma dang khyim dang / dmag la sogs pa gzugs dang sgra dang dri dang ro dang reg bya dag dang rtswa dang shing dang so bag dag dang / glang po che dang / rta dang shing rta la sogs pa de dag las dngos po gzhan yin par mi 'dod kyi/de dag nyid kyi spyi tsam du zad do zhes bya ba de ltar 'dod na ni/ gang zag btags par yod do zhes khas blangs pa yin te/ gzugs la sogs pa dang rtswa la sogs pa dang / glang po che la sogs pa las gzhan pa 'o ma dang / khyim dang dmag ces bya ba'i dngos po ni ci yang med do//de las cir 'gyur zhes bya ba ni de las nyes pa cir 'gyur zhes bya ba'i tha tshig go/ /re zhig gal te rdzas su yod na zhes bya ba ni phyogs snga ma la brten na'o/ /gang zag de rang bzhin tha dad pa'i phyir te mtshan nyid tha dad pa'i phyir phung po rnams las gzhan no zhes brjod par bya'i phung po'i spyi tsam ni ma yin no//phan tshun gyi phung po bzhin no zhes bya ba ni ji ltar mtshan nyid tha dad pa'i phyir gzugs kyi phung po las tshor ba'i phung po gzhan yin pa ltar phung po dag las gang zag kyang de dang 'dra bar 'gyur te/ gang zag ni gzugs kyi phung po la sogs pa'i mtshan nyid ma yin pa'i phyir ro//'di'i rgyu yang brjod dgos so zhes bya ba ni gal te 'dus byas yin no snyam du bsams pa yin no/ /'on te 'dus ma byas yin na ni de'i phyir mu stegs can gyi lta bur yang thal bar 'gyur zhes bya ba ni 'dus ma byas yin pa de'i phyir gnas ma'i bu rnams mu stegs can gyi lta bar thal bar 'gyur ro//dgos pa med pa nyid du yang 'gyur ro zhes bya ba ni/ mkha' la char nyis ci zhig bya/ /de gnyis 'bras bu pags pa yod/ /gal te pags 'dra de mi rtag /gal te mkha' 'dra 'bras bu med/ /snyam du bsams pa yin no//long ba lta bu'i tshig don mi gsal ba 'di zhes bya ba 'di long ba dang 'dra bas na long ba lta bu'o/ /ci'i phyir zhe na/ 'di ltar don mi gsal ba ste/ don mi mngon pa zhes bya ba'i tha tshig go/ /phung po rnams la dmigs nas zhes bya ba ni bzung nas zhes bya ba'i don te/ ji ltar dper na gzugs la sogs pa bzung nas 'o ma 'dogs kyi/gzugs la sogs pa la ma gtogs pa'i 'o ma med pa ltar gang zag kyang de dang 'dra bas gang zag btags pa'i yod par 'gyur ro zhes bya ba'i tha tshig go/ /phung po rnams la brten nas zhes bya ba ni gal te phung po rnams la brten te gnas nas so//skyon de nyid du 'gyur ro zhes bya ba ni phung po de dag nyid la gang zag 'dogs par 'gyur ro zhes bya ba'i tha tshig go/ /yang na gang zag 'dogs pa'i rkyen ni phung po dag yin gyi gang zag ni ma yin no/ /gang zag ni de kho na bzhin du btags pa'i yod pa yin pas skyon de nyid du 'gyur ro//ji ltar bud shing rgyur byas nas me 'dogs pa bzhin no zhes bya ba la/ gnas ma'i bu rnams kyi bsam pa ni gang zag rdzas su yod pa la gzhan ma yin pa yang ma yin te/ rang gi nye bar len pa rgyur byas nas gdags par bya ba yin pa'i phyir ro/ / dngos po gzhan yang ma yin gzhan ma yin pa yang ma yin pa gang zhig rang gi nye bar len pa rgyur byas nas 'dogs pa de ni rdzas su yod de/ dper na me lta bu'o snyam pa yin no/ /de nyid kyi phyir gal te gzhan yin na ni zhes bya ba rgyas par smras te/ 'jig rten dang 'gal ba dang rang gi grub pa'i mtha' dang 'gal ba ston par byed do//rtag par thal bar 'gyur ro zhes bya ba ni 'dus ma byas lta bur ro/ /chad par thal bar 'gyur ro zhes bya ba ni phung po bzhin du'o/ /re zhig 'jig rten na ni shing la sogs pa me 'bar ba la bud shing zhes bya ba rgyas par 'byung ba 'dis ni dpe ma grub pa nyid du ston te/me dang bud shing dag ni gzhan pa nyid du 'dod do/ /des de tshig pa dang sreg par byed ces bya ba ni me des bud shing de tshig par byed sreg par byed ces bya ba'i tha tshig ste/ de gzhob tu 'byin cing thal bar rlog go/ /rgyur 'gyur bar byed pa'i phyir ro zhes bya ba ni thal bar rlog go zhes bya ba'i tha tshig go//gzhan dag na re tshig pa dang sreg par byed pa zhes bya ba ni rnam grangs dag yin no zhes zer ro/ /brgyad pa yin no zhes bya ba ni bud shing dang me de gnyi ga 'byung ba chen po bzhi dang rgyur byas pa'i gzugs bzhi po gzugs nas reg bya'i bar zhes bya ba rdzas brgyad pa yin te/grub pa'i mtha' las/ 'dod na dbang po med pa yi/ /sgra med rdul phran rdzas brgyad do/ /zhes bya ba'i phyir ro/ /dus tha dad pa'i phyir zhes bya ba ni bud shing ni snga la me ni 'phyi'o/ /dus tha dad pa dag kyang gzhan pa nyid du mthong ste sa bon dang myu gu dag lta bu'o//mi rtag par yang 'gyur ro zhes bya ba ni skye ba dang ldan pa gzugs la sogs pa mi rtag pa nyid du mthong ba'i phyir ro/ /'on te shing la sogs pa 'bar ba de nyid la zhes bya ba ni de gnyi ga'i mtshan nyid kyi spyi la'o/ /de gnyis kyang mtshan nyid tha dad pa'i phyir gzhan nyid yin par grub bo zhes bya ba ni me dang bud shing mtshan nyid de lta bu de gnyis kyang mtshan nyid tha dad pa'i phyir gzhan nyid yin par grub ste/sa'i khams la sogs pa'i mtshan nyid gzhan yin pa'i phyir ro/ /mtshan nyid tha dad pa rnams ni gzhan nyid yin par mthong ste/gzugs dang tshor ba la sogs pa lta bu'o/ /rgyur byas pa'i don yang brjod dgos te zhes bya ba ni gzhan yin pa'i phyir ro snyam du bsams pa yin no/ /de ni de'i rgyu yang ma yin la zhes bya ba ni 'byung ba gsum gyi mtshan nyid kyi bud shing de ni dro ba'i mtshan nyid kyi me de'i rgyur rung ba ma yin te/lhan cig skyes pa'i phyir ba lang gi rwa g.yas g.yon bzhin no/ /de gdags pa'i rgyu yang ma yin zhes bya ba ni me gdags pa'i 'o/ /gal te rgyur byas pa'i don rten gyi don nam zhes bya ba ni bud shing rgyur byas nas zhes bya ba bud shing la brten nas zhes bya ba'i tha tshig go//lhan cig 'byung ba'i don zhes bya ba ni lhan cig 'byung ba'i don bud shing dang lhan cig 'byung ba nyid du bzung nas zhes bya ba'i don to/ /rten nam lhan cig 'byung ba dag yin par 'gyur zhes bya ba ni rten du gyur pa dang lhan cig 'byung bar 'gyur ro zhes bya ba'i tha tshig ste/gnas ma'i bu rnams gzhan nyid du gsal bar dam 'cha' ba yin no/ /da mad na zhes bya ba ni phung po med na'o/ /'byung ba gzhan gyi rang bzhin yin pa'i phyir ro zhes bya ba ni sa'i khams la sogs pa'i rang bzhin yin pa'i phyir ro/ /gzhan pa de yang zhes bya ba ni dro ba nyid dang ldan pa 'ba' zhig dro bar ma zad kyi gzhan me 'bar ba dang 'brel pa'i sa la sogs pa de yang dro bar 'grub po//de'i phyir ji ltar de gzhan nyid yin na nyes pa med pa ltar 'di yang de dang 'dra'o/ /des na brjod par bya ba ma yin no zhes bya ba'i phyogs de med par 'gyur ro/ /shing la sogs pa zhes bya ba ni shing dang rtswa dang ba lang gi lci ba la sogs pa'o//brjod par bya ba ma yin pa zhes bya ba ni gang zag go/ /brjod par mi bya bar 'gyur te zhes bya ba ni shes bya ni rnam pa lnga ste zhes bya bar ro/ /'o na ji skad du brjod par bya zhe na/ de ni 'das pa la sogs pa las lnga pa yang ma yin la lnga pa ma yin par brjod par bya'o zhes bya ba smos so//gzugs kyang zhes bya ba rgyas par 'byung ba ni gzugs kyang mig la sogs pa yod na de dmigs pa'i phyir mig la sogs pa rgyur byas nas gzugs 'dogs so zhes btags pa yin par brjod par bya'o/ /dmigs par byed na zhes bya ba ni nye bar mtshon par byed na ste/de'i nye bar len pa yin pa'i phyir ro/ /gzugs rnams zhes kyang brjod par mi bya gzugs rnams ma yin no zhes kyang brjod par mi bya'o zhes bya ba ni de'i mtshan nyid ma yin pa'i phyir dang brjod par bya ba ma yin pa'i phyir te/ chos kyi bar du yin pa dang ma yin par brjod par mi bya ba yang de dang 'dra'o//'o ma'am chu dmigs par byed na zhes bya ba ni dper brjod pa gnyis so/ /de lta bas na de ni 'di skad du gal te mig gis rnam par shes par bya ba'i gzugs rnams la brten nas 'o ma dmigs par byed na ni 'o ma mig gis rnam par shes par bya ba yin no zhes brjod par bya ba la/gzugs rnams zhes kyang brjod par mi bya/ gzugs rnams ma yin zhes kyang brjod par mi bya'o zhes bya ba thams cad brjod par bya'o/ /de bzhin du gal te mig gis rnam par shes par bya ba'i gzugs rnams la brten nas chu dmigs par byed na ni chu mig gis rnam par shes par bya ba yin no zhes brjod par bya la/gzugs rnams zhes kyang brjod par mi bya/ gzugs rnams ma yin zhes kyang brjod par mi bya'o zhes bya ba 'di thams cad kyang brjod par bya'o//'o ma dang chu gnyis bzhi nyid du thal bar 'gyur du 'ong bas so zhes bya ba ni gal te gzugs rnams zhes bya ba nas reg bya rnams zhes bya ba'i bar du brjod na ni 'o ma dang chu bzhi tshan du thal bar 'gyur te 'o ma dang chu rnam pa bzhi par 'gyur ro zhes bya ba'i tha tshig go/ /sgra ni glo bur pa yin pas 'dir ma gtogs so//de'i phyir ji ltar gzugs la sogs pa 'dus pa'i spyi kho na la 'o ma 'am chu zhes 'dogs pa de bzhin du phung po rnams kyi spyi kho na la gang zag 'dogs so zhes bya bar grub bo/ /gzugs rnams gang zag dmigs pa'i rgyu zhig yin nam zhes bya ba dang / gzugs rnams dmigs na gang zag dmigs zhes bya ba 'di gnyis la khyad par ci zhig ce na/ phyogs snga ma la ni gzugs rnams rgyu nyid kyi dbang du byas pa yin no/ /gnyis pa la ni rgyu nyid ma yin no/ /'o na ci zhe na/ gzugs rnams rgyur byas nas gang zag dmigs so zhes bya ba yin no//de la gal te gzugs rnams rgyu nyid yin par 'dod la gang zag de yang phung po de dag las gzhan du brjod par mi bya'o zhe na/ 'o na ni khyed la gzugs kyang zhes bya ba rgyas par 'byung ba 'di lta bur thal bar 'gyur te/ ji ltar khyed kyi gzugs rnams gang zag dmigs pa'i rgyu yin la de yang de dag las gzhan du brjod par mi bya ba ltar/snang ba dang mig dang yid la byed pa dag kyang gzugs dmigs pa'i rgyu yin la/ de yang snang ba la sogs pa de dag las gzhan du brjod par mi bya'o/ /de dag ni de dmigs pa'i rgyu yin pa'i phyir ro zhes bya ba ni snang ba la sogs pa de dag ni gzugs dmigs pa'i rgyu yin pa'i phyir ro//gang zag gzugs las rang bzhin tha mi dad par 'gyur te/ dmigs pa de kho nas dmigs par bya ba yin pa'i phyir gzugs bzhin no/ /gzugs kho na la de 'dogs par zhes bya ba ni gang zag de 'dogs par te 'gyur na zhes bya bar sbyar ro//ci'i phyir zhe na/ rgyu de nyid kyi phyir ro/ /'di ni gzugs so zhes bya ba rgyas par 'byung ba ni dmigs pa gcig pa nyid yin na gzugs dang gang zag dag yongs su gcod par mi 'gyur ro/ /'on te 'di ni gzugs so/ /'di ni gang zag go zhes bya ba de ltar yongs su mi gcod na ni ji ltar gnyi ga dam bca'/gzugs kho na dam bca' dgos par 'gyur te/ de dmigs pa yod pa'i phyir ro/ /de bzhin du chos kyi bar dag las kyang brjod par bya'o zhes bya ba ji ltar zhe na/ gang yang rna bas rnam par shes par bya ba'i sgra rnams la brten nas gang zag dmigs par byed ces smras pa'i tshig de'i don ci zhig yin zhe na/ci re zhig sgra rnams gang zag dmigs pa'i rgyu zhig yin nam/ 'on te sgra rnams dmigs na gang zag dmigs so zhes bya ba yin/ gal te sgra rnams gang zag dmigs pa'i rgyu yin la/ de yang de dag las gzhan du brjod par mi bya'o zhe na ni/de lta na ni 'o na sgra yang rna ba dang yid la byed pa la sogs pa las gzhan du brjod par mi bya ste/ de dag ni de mi dmigs pa'i rgyu yin pa'i phyir ro/ /'on te sgra rnams dmigs na gang zag dmigs so zhe na ni/ ci dmigs pa de kho nas dmigs sam 'on te gzhan gyis/ gal te de kho nas so zhe na ni gang zag sgra las rang bzhin tha mi dad pa'am/sgra kho na la de 'dogs par 'gyur na 'di ni sgra'o/ /'di ni gang zag go zhes bya ba 'di yang ji ltar yongs su gcod 'on te de ltar yongs su mi gcod na ni gzugs kyang yod do/ gang zag kyang yod do zhes bya ba 'di yang ji ltar dam bca' ste/dmigs pa'i dbang gis de yod par dam bca' bar zad do/ /phyogs 'dis chos kyi bar dag las kyang sbyar bar bya'o/ /sngon po las ser po lta bu zhes bya ba ni gang gi tshe yongs su gcod pas sngon po dmigs pa de'i tshe ser po mi dmigs so/ /phyis dmigs pa ni dmigs pa gzhan gyis dmigs te ser po de yang sngon po las gzhan yin no zhes bya bar grags so//de lta na gang zag kyang dmigs pa gzhan gyis dmigs pas gzugs las gzhan par 'gyur ro/ /de bzhin du skad cig ma las skad cig ma gzhan gzhan yin pa bzhin no zhes dper brjod par bya'o//de bzhin du chos kyi bar dag las kyang brjod par bya'o zhes bya ba ji lta zhe na/ 'on te gzhan gyis so zhe na ni/ dus tha dad par dmigs pa'i phyir gzhan yin par 'gyur te/ dper na rdza bo che'i sgra las rdza rnga'i sgra dang / skad cig ma las skad cig ma gzhan bzhin te/ji skad du gong du sngon po las ser po lta bu dang / skad cig ma las skad cig ma gzhan bzhin no zhes bshad pa lta bu'o/ /'on te gzhan gyis so zhe na ni zhes bya ba nas rgyas par chos kyi bar dag las kyang brjod par bya bas na yul mtshan nyid tha dad pa dang mtshan nyid tha dad ma yin pa dus tha dad par dmigs pas gzhan pa nyid du bstan pa kho na yin no//'o na gzugs dang gang zag bzhin du zhes bya ba rgyas par 'byung ba ni gal te ji ltar gzugs dang gang zag dag gzhan dang gzhan ma yin par brjod par bya ba ma yin pa de bzhin du/ de dag dmigs pa dag kyang gzhan dang gzhan ma yin par brjod par bya ba ma yin no zhes de skad du smra na 'o na ni des na 'dus byas kyang brjod par bya ba ma yin pa'i phyir ro//de dag dmigs pa 'dus byas de yang brjod par bya ba ma yin pas grub pa'i mtha' nyams pa yin no/ /grub pa'i mtha' gang zag kho na brjod par bya ba ma yin no zhes bya ba gang yin pa 'di nyams par 'gyur te/'dus byas kyang brjod par bya ba ma yin pa'i phyir ro/ /gal te yang 'di yod la zhes bya ba rgyas par 'byung ba ni gal te 'di gzugs rnams sam ma yin no zhes brjod par bya ba ma yin na/ 'o na ci'i phyir bcom ldan 'das kyis gzugs bdag ma yin pa nas rnam par shes pa bdag ma yin zhes bya ba'i bar 'di gsungs te/de skad du gsungs pas gang zag ni brjod par bya ba kho na yin gyi brjod par bya ba ma yin pa ni ma yin no zhes bstan pa yin no/ /sgra la sogs pa bzhin du zhes bya ba ni gang zag ni gzugs kyi rnam par shes pas mi dmigs te/de'i dmigs pa'i rkyen du ma gyur pa'i phyir sgra bzhin no/ /sogs pa zhes bya ba'i sgras ni 'dir dri bzhin no/ /ro bzhin no zhes bya ba la sogs par sbyar te/ de bzhin du 'di rna ba'i rnam par shes pa la sogs pa mi dmigs pa nyid du brjod par bya ste 'di ni phyogs yin no//nye bar dgod pa 'dis ni dam bcas pa chos can gyi khyad par las bzlog pa'i skyon brjod do zhes bya bar khong du chud par bya'o/ /gnyis la brten nas zhes bya ba ni gnyis la brten nas zhes gsungs kyi gsum la brten nas skye'o zhes ni ma gsungs pas 'dis ni mdo dang 'gal ba yin no//dge slong mig gi rnam par shes pa skyed pa la rgyu ni mig yin no zhes bya ba rgyas par 'byung ba la nye ba'i rkyen ni rgyu yin no/ /ring ba ni rkyen kho na yin no/ /gzhan dag na re skyed par byed pa ni rgyu'o/ /rkyen ni dmigs pa tsam du zad do zhes zer ro//gzhan dag na re 'di gnyis ni rnam grangs yin no zhes zer ro/ /gang zag gzugs las gzhan yin zhes bya ba'i phyogs su thal bar 'gyur te/ rna ba'i rnam par shes pas rnam par shes par bya ba yin pa'i phyir sgra bzhin no/ /de bzhin du gang zag sgra las gzhan yin zhes bya ba'i phyogs su thal bar 'gyur te/mig gi rnam par shes pa'i yul yin pa'i phyir gzugs bzhin no/ /de bzhin du gzhan dag las kyang sbyar bar bya'o zhes bya ba ni gang zag gzugs dang sgra dag las gzhan yin no zhes bya ba'i phyogs su thal bar 'gyur te/ sna'i rnam par shes pas rnam par shes par bya ba yin pa'i phyir dri bzhin no zhes bya ba ste/'di ni sbyor ba'i phyir phyogs yin no/ /rang rang gi spyod yul dang yul nyams su myong ba yin gyi zhes 'byung ba'i phyir gang zag nyams su myong ba ni ma yin no zhes bshad pa yin no/ /yid kyi dbang po ni 'di dag gi rten yin no zhes bya ba 'di ni zhar la bshad par zad kyi 'di dper brjod pa ni ma yin no//de lta mod kyi yid ni dbang po 'di dag gi rten yin no zhes bya ba ni de la ltos pa'i dbang po rnams rnam par shes pa skye ba'i rgyu yin no zhes bya ba'i tha tshig go/ /yang na gang zag yul ma yin par 'gyur ro zhes bya ba ni gal te mdo sde tshad mar bya na'o/ /des na cir 'gyur zhe na/gal te yul ma yin no zhe na zhes bya ba smos te/ gal te gang gi yul yang ma yin na 'o na ni rnam par shes par bya ba ma yin par 'gyur ro/ /de'i phyir zhes bya ba ni rnam pa lnga ste zhes bya ba rang gi grub pa'i mtha' dang 'gal bar 'gyur ro/ /gal te de ltar mdo las gzhan gyis gzhan gyi spyod yul dang yul nyams su myong ba ni ma yin no zhes 'byung ba'i phyir mig la sogs pa lnga'i tshad mar byas na rang gi yul 'khrul pa med do//rang gi yul la 'khrul pa med na yang gang zag mig gi rnam par shes pa la sogs pas rnam par shes par bya ba ma yin no/ /de ltar na ni yid kyi dbang po yang 'khrul pa med par 'gyur te/mdo las dbang po drug po 'di dag ni spyod yul tha dad pa can yin zhing zhes bya ba rgyas par 'byung ba'i phyir ro/ /'ga' zhig gis srog chags drug po khyi dang bya dang wa dang chu srin byis pa gsod dang sbrul dang spre'u rnams sbrel nas bar du mdud pa bor te/ bor ba de dag grong dang nam mkha' dang /dur khrod dang / chu'i nang dang grog mkhar dang / nags tshal gyi nang 'dod pa'i phyir rang rang gi spyod yul dang yul 'dod pa de bzhin du dbang po drug po 'di dag kyang rang rang gi spyod yul dang yul 'dod pa yin no zhes de ltar 'dir dpe tsam du bya'o/ /gal te mdo'i tshig yod bzhin du yang yid kyi dbang po 'khrul pa yin na ni/de lta na mig la sogs pa'i dbang po rnams kyang 'khrul par 'gyur ro/ /'khrul na ni gang zag mig gi rnam par shes pa la sogs pas rnam par shes par bya ba yin par 'gyur ro zhe na/ /'dir de ni dbang po kho na la dbang po yin par ma gsungs kyi zhes bya ba rgyas par smos te/srog chags drug pa lta bu'i mdo de las ni/ mig la sogs pa'i dbang po kho na la dbang po yin par ma gsungs so/ /ci'i phyir zhe na/ mig la sogs pa dbang po lnga la mthong ba la sogs par 'dod par mi srid pa'i phyir ro/ /'di ltar 'di dag la mthong ba dang thos pa la sogs par 'dod pa mi srid de/gzugs kyi ngo bo nyid yin pa'i phyir ro/ /de dag ni rnam par shes pa zhes mig gi rnam par shes pa la yang mthong ba la sogs par 'dod pa mi srid pa'i phyir ro/ /ci'i phyir 'di dag la mthong ba dang thos pa la sogs pa 'dod pa mi srid ce na/ rnam par rtog pa med pa'i phyir ro//de dag gi dbang gis drangs pa'i yid kyi rnam par shes pa ni dbang po yin par gsungs te dbang po dang 'dra ba'i phyir ro/ /de ni de dag gi dbang gis drangs pa yin no zhes bya bar ji ltar shes she na/ gal te mig gi sgo dang rna ba la sogs pa'i sgo nas mig gi rnam par shes pa la sogs pa skyes par ma gyur na gzhan du na ji ltar yid kyi rnam par shes pa rnam par rtog pa can de skye bar 'gyur/de'i phyir de dag gi dbang gis drangs pa yin no zhes bya bar shes pas yid kyi rnam par shes pa mig gi dbang po la sogs pa lta bu de rang rang gi spyod yul dang yul nyams su myong zhing gzugs la sogs pa 'dod pa yin no//yid kyi dbang 'ba' zhig gis drangs pa'i yid kyi rnam par shes pa gang yin pa zhes bya ba rgyas par 'byung ba ni yid kyi dbang gis drangs pa gang yin pa de ni de las gzhan pa mig la sogs pa'i yul la mi 'dod pa nyid do/ /'o na ci zhe na/ rang gi yul chos kyi skye mched kho na la dmigs te/de'i phyir gal te de lta na yid kyi dbang po yang 'khrul pa med par 'gyur te zhes smras pa gang yin pa de nyes pa med do/ /gang zag ni ma yin pas zhes bya ba ci zhe na mngon par shes par bya ba dang yongs su shes par bya ba'o/ /de lta bas na gang zag 'di rnam par shes par bya ba yang ma yin te/don gyis na 'di mngon par shes par bya ba dang yongs su shes par bya ba ma yin no zhes bshad kyi don gyi rnam par shes par bya ba ma yin no zhes ni ma bshad pa yin nam zhe na/ de'i phyir shes rab dang rnam par shes pa gnyis ni yul 'dra ba'i phyir ro zhes bya ba smos so//mig la sogs pa ni rnam par shes par bya ba yang yin gyi mngon par shes par bya ba 'ba' zhig tu ni ma zad do/ /bdag med pas zhes bya ba ni mig gis te/ mig gi rnam par shes pas zhes bya ba'i don to/ /nges pa'i don gyi mdo la brten par gsungs zhes bya ba ni dge slong dag bzhi po 'di dag ni brten pa yin no//bzhi gang zhe na/ chos la brten gyi gang zag la ma yin pa dang / don la brten gyi tshig 'bru la ma yin pa dang / nges pa'i don gyi mdo la brten gyi drang ba'i don la ma yin pa dang / ye shes la brten gyi rnam par shes pa la ma yin pa'o zhes 'byung ba yin no//btags pa la lhung bar zad ces bya ba ni gang kho na la tha snyad gdags pa'i don du bdag go zhes gdags par bya ba de kho na la bdag tu mngon par zhen par zad do/ /'dir dper brjod pa ni/ 'di la bdag gam sems can med/ /ces bya ba 'di dang / gang zag dmigs pa ma yin no/ /zhes bya ba 'di yin no/ /de yang 'ga' yang mi dmigs so/ /zhes bya ba 'di yang dper brjod pa yin te/ gang zhig stong pa nyid goms par byed pa'i rnal 'byor pa yang med do/ /bdag tu lta ba dang zhes bya ba nas srog tu lta bar 'gyur zhes bya ba'i bar ni nyes dmigs dang po'o//mu stegs can rnams dang khyad par med par 'gyur zhes bya ba ni gnyis pa'o/ /lam gol bar zhugs par 'gyur zhes bya ba ni gsum pa'o/ /'di'i sems stong pa nyid la mi 'jug cing zhes bya ba nas rnam par grol bar mi 'gyur zhes bya ba'i bar ni bzhi pa'o//'di'i 'phags pa'i chos rnams rnam par byang bar mi 'gyur ro zhes bya ba ni lnga pa'o/ /'o na ni de dag gi ston pa yang sangs rgyas ma yin zhes bya ba ni de dag la sangs rgyas kyi bka' tshad ma ma yin pas so snyam du bsams pa'o/ /'di ni sangs rgyas kyi bka' ma yin no zhes bya ba 'di 'ga' zhig gis mdo sde rnams sgro btags so snyam du bsams pa yin no//sde pa gzhan thams cad las zhes bya ba ni gos dmar ba'i sde pa la sogs pa las so/ /mdo dang mi 'gal ba ni mdo sde dang 'gal ba med pa'o/ /chos nyid dang yang mi 'gal ba ni rten cing 'brel par 'byung ba'i chos nyid dang ngo //chos thams cad ni bdag med pa'o zhes bya ba ni de dag ni bdag gi ngo bo nyid kyang ma yin la/ de dag la yang bdag med pas chos thams cad ni bdag med pa'o/ /gnyis la brten nas zhes bya ba ni mig dang gzugs rnams nas/ yid dang chos rnams kyi bar la'o/ / bdag med pa ni phung po dang / skye mched dang khams rnams yin no zhes smras na re zhig sngar gzugs rnams zhes kyang brjod par mi bya/ gzugs rnams ma yin zhes kyang brjod par mi bya'o zhes smras pa gang yin pa de ni bsal te/ bdag gzhan yin pa'i phyir de ni bor bar 'gyur ro/ / de lta bas na bdag tu 'dzin pa thams cad ni bdag med pa kho na la yin no zhes bya ba ni de las gzhan med pas so/ /gal te de lta na zhes bya ba rgyas par 'byung ba ni gal te rjes su dran pa na nye bar len pa'i phung po lnga po 'di dag kho na rjes su dran par gyur tam/ rjes su dran nam rjes su dran par 'gyur gyi gang zag ni ma yin nam/ci'i phyir bdag ni 'das pa'i dus na gzugs 'di lta bu dang ldan par gyur to zhes gsungs te/ bdag ces gsungs pa'i phyir gang zag la bya bar ston to/ /gang zag de ltar rnam pa du mas rjes su dran pa de dag de ltar rjes su dran no zhes bya bar tshig khong nas drang ngo / /'di la ni ma bton pa kho na skabs yin no zhes bya ba ni bdag med ces 'don pa yin na 'jig tshogs la lta ba yongs su 'dzin par thal bar 'gyur ro zhes bya ba'i tha tshig go//'jig tshogs la lta ba'i mu ni nyi shu 'byung ste/ bdag gzugs yin no zhes yang dag par rjes su lta ba dang / bdag gzugs dang ldan pa dang /gzugs bdag gi yin pa dang / gzugs la bdag gnas pa zhes bya ba nas de bzhin du rnam par shes pa'i bar du brjod par bya'o/ /phung po dang rgyun la sogs pa bzhin no zhes bya ba ni phung po bzhin dang rgyun bzhin no/ /sogs pa zhes bya ba'i sgras ni btung ba la sogs pa bsdu'o/ /skad cig ma gcig la mang po rnams 'dus pa ni phung po'o//skad cig ma mang po la 'dus pa dag ni rgyun no/ /phung po'i dpe ni chos mang po dag la gang zag 'dogs par ston to/ /rgyun gyi dpe ni gzugs dang tshor ba la sogs pa'i phung po dag ni rgyun mang po nyid yod na gang zag 'dogs par ston to/ /'di ji ltar khong du chud ces bya ba ni sangs rgyas zhes bya ba'i rgyud la gang du bzhed par gtad pa tsam gyis phyin ci ma log pa'i mkhyen pa skye ba gang yin pa'i mthu 'di yod kyi/gang zag ni ma yin no zhes bya ba'o/ /smras pa/ 'das pa la sogs pa gsungs pa'i phyir te/ rdzogs sangs rgyas 'das gang dag dang //zhes bya ba rgyas par brjod nas/ de lta bas na phung po'i rgyun kho na la sangs rgyas zhes bya'i gang zag la ni ma yin no zhes mjug bsdu'o/ /dge slong dag khyed la khur yang bstan to zhes bya ba rgyas par 'byung ba ni dge slong dag khyed la khur len pa dang khur 'dor ba dang khur khyer ba yang bstan gyi de'i phyir legs par rab tu nyon la yid la zung shig dang bshad do//khur gang zhe na/ nye bar len pa'i phung po lnga'o/ /khur len pa gang zhe na/ yang srid pa'i sred pa dga' ba'i 'dod chags dang ldan pa de dang der mngon par dga' ba'o/ /khur 'dor ba gang zhe na/ yang srid pa pa'i sred pa dga' ba'i 'dod chags dang ldan pa de dang der mngon par dga' ba de nyid ma lus par spangs pa dang /so sor nges par 'byung ba dang / byang bar gyur pa dang / zad pa dang / 'gog pa dang / nye bar zhi ba dang / nub pa gang yin pa'o/ /khur khyer ba gang zhe na/ gang zag yin no zhes brjod par bya ste/ tshe dang ldan pa de ming ni 'di zhes bya/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig myong / tshe ni 'di tsam zhig thub/ yun ni 'di srid cig gnas gnas/ tshe'i mtha' ni 'di tsam zhig go zhes bya ba gang yin pa'o//khur khyer bar byed pas na khur khyer ba ste dper brjod pa ni 'di yin no/ /de nyid kyi phyir khur nyid khur khyer ba yin par ni rigs pa ma yin te zhes bya ba smos so/ /ji skad du bshad pa'i mtshan nyid can gyi phung po len pa yang phung pos ma bsdus par thal bar yang 'gyur ro zhes bya ba ni gang zag bzhin du phung pos ma bsdus par thal bar 'gyur ba zhig na/de ltar yang mi 'dod de de lta bas na phung po len pa bzhin gang zag phung po dag las don gzhan du 'gyur ba ma yin no/ /khur khyer ba ni bcom ldan 'das kyis ci nas kyang zhes bya ba thams cad rgyas par brjod nas/gzhan du shes par mi 'gyur bar zhes bya ba brjod par bya'o/ /gal te gang zag rdzas su yod par 'gyur na mdo de las khur khyer ba gang zhe na/ gang zag yin no zhes brjod par bya ste zhes bya ba de kho na tsam zhig gsungs par 'gyur gyi/ yang tshe dang ldan pa ming ni 'di zhes bya zhes bya ba nas rgyas par tshe'i mtha' ni 'di tsam zhig go zhes bya ba'i bar rnam par ma phye bar 'gyur ro//yang khyad par du mdzad pa 'di ni gang zag btags par yod pa yin no zhes shes par bya ba'i phyir ro snyam du dgongs pa yin te/ ci nas kyang de nyid btags pa'i yod pa yin par shes par bya'i/gang zag rdzas su yod pa la rtag pa dang brjod par bya ba ma yin no zhes gzhan du ni shes par ma byed cig ces bya ba yin no/ /phung po snga ma rnams zhes bya ba rgyas par 'byung ba de la phung po gang dag gnod pa byed cing sdug bsngal gyi rgyur gyur pa de dag ni khur zhes bshad do//phyi ma gnod par 'gyur ba gang dag yin pa de dag ni khur khyer ba zhes bshad do/ /sems can skye ba pa zhes bya ba ni skye ba la mdzes par byed pa'i phyir ro/ /gang zag bden pa rnams kyi khongs su ma gtogs pa'i phyir ro zhes bya ba ni ji ltar kun brtags pa'i gang zag ni sdug bsngal la sogs pa'i khongs su ma gtogs te/gang zag ni sdug bsngal nas lam gyi bar ma yin no/ /de'i gang zag la skur pa 'debs pa'i log par lta ba 'di ni bden pa mthong bas spang bar bya ba yang ma yin te/ bden pa gang la log par zhugs pa de ni bden pa de mthong bas spong bar 'gyur ro//de bzhin du gang zag sdug bsngal dang kun 'byung ba'i khongs su ma gtogs pa'i phyir bsgom pas spang bar bya ba yang ma yin te/ bsgom pas spang bar bya ba'i nyon mongs pa ni bsgom pas spang bar bya ba'i sdug bsngal dang kun 'byung ba'i dngos po kho na la dmigs so//de ltar na de ni bsgom pas spang bar bya ba ma yin pa nyid du thal bar 'gyur te/ gang zag de gnyis kyi khongs su ma gtogs pas de'i phyir de bsgom pas spang bar bya ba ma yin par 'gyur ro/ /yang na lta ba ni nam yang bsgom pas spang bar bya ba ma yin pas de bsgom pas spang bar bya ba ma yin no//til gcig dang 'bras thug po che gcig ces bya ba lta bu dang / phung po gcig dang tshig gcig ces bya ba bzhin no zhes bya ba ni ji ltar rdzas brgyad pa yin yang til gcig dang 'bras thug po gcig ces bya ba dang / de bzhin du phung po gcig dang tshig gcig ces bya ba ltar gang zag gcig ces bya ba yang de dang 'dra'o//skye ba dang ldan pa nyid du khas blangs pa'i phyir ro zhes bya ba ni skye'o zhes smras pas de skye ba dang ldan pa nyid du khas blangs pa yin te/ de'i phyir khyed kyis 'dus byas yin no zhes brjod dgos so/ /phung po gzhan len pa'i phyir zhes bya ba ni de 'dus byas nyid du mi 'gyur ro snyam du bsams pa yin no//dper na rig pa blangs pa'i phyir mchod sbyin pa skyes so zhes bya ba 'di 'byung ba'i don du skyes pa ma yin pa de dang 'dra ste/ thams cad sbyar bar bya'o/ /chos su brdar btags pa ma gtogs pa zhes bya ba ni rten cing 'brel par 'byung ba'i mtshan nyid la ma gtogs pa ste/de yang 'di lta ste/ 'di yod pas na zhes bya ba la sogs pa yin no/ /byed pa po ni mi dmigs so zhes bya ba rgyas par 'byung ba ni las ni byed pa po mi dmigs so/ /de yang ci 'dra ba zhig ce na smras pa/ gang zhig tshe 'di'i phung po rnams 'dor zhing gtong la tshe phyi ma'i phung po gzhan dag nying mtshams sbyor zhing nye bar len par byed pa rdzas su yod par gnas pa'o//dbo las skyes len ces mi smra'o zhes bya ba ni gal te ngas 'di skad du 'di len to smras na/ tshig de khyod la legs par 'gyur ram/ btsun pa ma lags so//de lta bas na phung po rnams len par byed pa dang 'dor bar byed pa ni 'ga' yang med do zhes 'byung ba yin no/ /de yang de dang 'dra la zhes bya ba ni skad cig re re la sngon med pa kho na las skye ba kho na'o zhes bya ba'i tha tshig ste/ gal te gang zag yin no zhe na ni de ma grub bo zhes bya ba la sogs pa nye bar dgod pas ni dpe ma grub pa nyid du ston to//lus dang rig pa dang rtags bzhin du zhes bya ba la rig pa dang rtags ni rig pa dang rtags so/ /lus dang rig pa dang rtags ni lus dang rig pa dang rtags dag go/ /de dag dang 'dra bar te lus dang rig pa dang rtags bzhin du phung po dang gang zag dag gzhan nyid du 'gyur ro//ji ltar blang bar bya ba'i rig pa dang rtags las lus gzhan nyid yin pa de bzhin du blang bar bya ba phung po las kyang gang zag gzhan nyid yin no snyam du bsams pa yin no/ /rga ba dang na ba yang lus gzhan kho na yin no zhes bya ba ni gnas skabs rnams skad cig re re la gzhan nyid yin par bsams pa ste de la rga ba skyes so//na ba skyes so zhes gang smras pa'i dpe ma grub po zhes ston par byed do/ /'on te yang lus gnas pa la gnas skabs gzhan log na gnas skabs gzhan 'byung ngo snyam du sems na grangs can pa'i 'gyur bar smra ba de ni mdzod gyi gnas gong mar bkag zin to//ji skad du zhe na gnas pa gang la chos gzhan gyi khyad par du yongs su brtag par bya ba'i chos can de nyid yod pa ma yin te/ de nyid 'di yin la de lta na yang ma yin no zhes bya ba'i tshig gi rigs pa 'di ni sngon ma byung ba zhes bya ba'o//'byung ba dag ni bzhi yin/ gzugs ni gcig yin zhes bya ba ni gzugs gang zhe na/ 'byung ba chen po bzhi dag dang zhes bya ba la sogs pa yin no/ /smra ba 'di ni phyogs la yod pa yin no zhes bya ba ni smra ba 'di phyogs 'ga' zhig la yod do zhes bya ba'i tha tshig go//'byung ba tsam gyi phyogs la 'o zhes bya ba ni gnas brtan sangs rgyas lha'i phyogs la yod kyi/ kho bo cag gi phyogs la ni ma yin no zhes bya ba'i don to/ /de lta na yang zhes bya ba ni 'byung ba tsam gyi phyogs la 'byung ba dag las gzugs gzhan ma yin pa de bzhin du phung po dag las gang zag gzhan ma yin no zhes khas blangs pa yin pas rang gi grub pa'i mtha' yongs su bor bar 'gyur ro snyam du bsams pa yin no//ci'i phyir bcom ldan 'das kyis srog de nyid lus yin pa'am gzhan yin no zhes lung ma bstan zhes bya ba la/ de la de dag gi bsam pa ni gal te phung po dag kho na la gang zag nye bar 'dogs na ci'i phyir lus kho na srog yin no zhes ma bshad snyam pa 'di yin no//snga ma dag kho nas zhes bya ba ni gnas brtan klu sde la sogs pas so/ /smra ba mang ba zhes bya ba ni gcor pa'o/ /pha rol pos gal te gang zag brjod par bya ba ma yin na ci'i phyir bcom ldan 'das kyis kyang med pa kho na'o zhes ma gsungs zhes bya ba smos so//de ni de bstan pa yang mi bzod do zhes bya ba ni bdag med pa bstan du mi rung ngo zhes bya ba'i don to/ /snga nas kun du rmongs pa zhes bya ba ni 'jig tshogs la lta ba dang ldan pa'i rmongs pas so/ /phyir zhing ches rgyas par 'gyur zhes bya ba ni chad par lta ba dang ldan pa'i lta ba gzhan skyed par 'gyur ro snyam du bsams pa yin no//de nyid kyi phyir bdag gi bdag sngon yod par 'gyur ba las da ni bdag gi de yang med do zhes bya ba smos so/ /'dir smras pa zhes bya ba ni btsun pa gzhon nu len gyis so/ /lta ba'i mche bas smas pa dang zhes bya ba ni lta ba nyid mche ba yin te/sangs rgyas bcom ldan 'das rnams ni des smas pa la ltos nas gnyen po chos bdag med pa yang ston par mdzad do/ /las rnams 'jig pa la ltos nas te byas pa chud za ba la ltos nas gang zag yod pa nyid lta bur ston pa rnams gzhan du yang ston par mdzad do//stag mos phru gu khyer ba ltar/ /zhes bya ba ni ji ltar stag mos 'di'i lus mche bas smos par 'gyur na mi rung ngo snyam nas sos ha cang bag med par bzung ste yang phru gu mi khyer mi khrid la 'dis 'di la lhung ste snad par gyur du 'ong ngo snyam nas sos ha cang lhad lhod du bzung ste/yang de mi khyer gyi ran par bzung ste khyer ba lta bur zhes bya ba'i tha tshig go/ /gzhan dag ni khrid pa zhes 'don te gnas gzhan nas khrid cing spog par byed pa zhes bya ba'i don to/ /de bzhin du don ston pa la rgyu bstan pa'i phyir bdag yod nyid du zhes bya ba la sogs pa rgyas par smos te/gal te bdag yod pa nyid du zhugs par gyur na 'dul ba'i skye bo ni 'jig tshogs la lta ba'i mtshan nyid kyi lta ba'i mche bas zhes smos par 'gyur ro/ /kun rdzob rtogs par ma gyur nas zhes bya ba ni chos kyi brda mi shes pa ste/ las kyi 'bras bu med do snyam nas dge ba'i chos stag gi phru gu lta bu nyams par byed par 'gyur ro//btags pa la yod pa ni btags pa ste la la gang zag kun rdzob tu yod pa yang med do snyam du 'dzin par 'gyur bas de'i phyir med do zhes kyang ma gsungs so/ /yod na ci'i phyir yod mi gsung / /zhes bya ba ni gal te gang zag yang dag pa'i don du yod na bcom ldan 'das ci'i phyir gang zag yod do zhes mi gsung /gzugs yod do zhes smras pa la ni nyes par mi 'gyur te/ de yod pa'i phyir ro/ /gcer bu pa'i nyan thos kyi bye'u bzung ba bzhin no zhes bya ba ni gcer bu pa'i nyan thos shig gis bye'u gson po zhig bzung nas bcom ldan 'das la byi'u 'di gson nam mi gson zhes dris so//de'i bsam pa ni 'di yin te/ gal te dge sbyong gau ta ma gson no zhes gsungs na ni des de btsir nas bsad de ston par byed do/ /gal te bcom ldan 'das kyis 'di skad du shi'o zhes gsungs na ni des de gson po kho nar ston par byed do/ / de ni ji ltar na 'jig rten gyi thams cad mkhyen pa ma yin par shes par 'gyur snyam du mngon par zhen to/ /bcom ldan 'das kyis ni de'i bsam pa mkhyen nas lung ma bstan gyi/ 'di gson nam mi gson pa ni khyod kyi sems kyi kho na las so zhes bya ba kho na gsungs pa de dang 'dra bar 'di yang lung ma bstan to//bzhi tshan 'di ni don mthun no/ /zhes bya ba ni 'jig rten rtag go 'jig rten mi rtag go zhes bya ba'i bzhi tshan 'di dang 'jig rten mtha' dang ldan no/ /'jig rten mtha' dang mi ldan no zhes bya ba'i bzhi tshan 'di don gcig go/ /gal te de lta na ji ltar lung ma bstan pa'i dngos po bcu bzhir 'gyur te/ 'jig rten rtag go zhes bya ba ni bzhi tshan gcig go//mtha' dang ldan no zhes bya ba ni bzhi tshan gnyis pa'o/ /de bzhin 'ongs pa shi nas yod/ /ces bya ba ni bzhi tshan gsum pa'o/ /srog de lus de yin pa dang / /srog kyang gzhan la lus kyang gzhan no zhes bya ba ni gnyis tshan no/ /bzhi tshan gsum dang / gnyis tshan gcig na lung du ma bstan pa'i dngos po bcu bzhi'o zhe na/rnam grangs kyi ngo bo nyid du rnam par gzhag pa la yang bcu bzhi nyid srid pas nyes pa med do/ /de nyid rnam grangs gzhan gyis 'dri'am zhes bya ba 'di mtha' dang ldan pa zhes zhus pa gang yin pa'o/ /ji lta zhe na ci lags/ 'jig rten thams cad lam 'dis nges par 'byung ngam zhes bya ba 'di ni mtha' dang ldan pa zhes bya ba dang rtag pa zhes bya ba zhus pa yin no//'on te 'jig rten phyogs gcig lags/ /zhes bya ba 'dis ni mtha' dang ldan pa yang yin la mtha' dang mi ldan pa yang yin zhes bya ba dang / rtag pa yang yin mi rtag pa yang yin zhes bya ba dang po yin no//gang zag gson po ni yod do zhes bya ba ni gang zag de nyid dang gzhan nyid du brjod par bya ba ma yin par brjod pa 'di ni lung ston pa snyam du bsams pa yin no/ /rtag pa'i nyes par thal bar 'gyur ba'i phyir ro zhes bya ba ni gnas ma'i bu'i tshig go/ / 'o na ci'i phyir 'di lung ston ces bya ba rgyas par 'byung ba ni slob dpon gyi tshig go/ /gzigs sam mi gzigs zhes bya ba 'di yang brjod par mi bya ba yin na zhes bya ba ni gzigs so/ /mi gzigs so zhes brjod par mi bya ba yin na zhes bya ba'i tha tshig go/ /rim gyis rim gyis mi brjod par gyis shig ces bya ba ni bcom ldan 'das thams cad mkhyen pa yin nam ma yin zhes mi brjod pa'o//rim gyis rim gyis zhes smos pa ni shAkya bu'i mtshungs pa dag rab tu 'khrug pa yongs su spangs pa'i phyir ro/ /bden pa dang gnas par zhes bya ba ni brtan pa'i ngo bor zhes bya ba'i tha tshig go//lta ba'i gnas su gsungs so zhes bya ba ni log par lta ba'i gnas su gsungs so snyam pa yin no/ /slob dpon gyis yod do snyam pa yang lta ba'i gnas su gsungs zhes bya ba smos te/ 'jig tshogs la lta ba'i gnas su zhes bya ba'i don to//phyogs 'di ni lan btab zin zhes bya ba ji skad du zhe na/ /ma yin te bkag pa'i phyir ro/ /bcom ldan 'das kyis don dam pa stong pa nyid kyi mdo kho na las zhes bya ba nas rgyas par 'di dag ni dpe ngan pa yin no zhes bya ba'i bar yin no/ /gzhan dag na re rgyur byas nas zhes bya ba 'di ci zhes bya ba nas bzung ste zhes rnam par 'chad do//rang gi gzhung lugs kyis ji ltar 'khor ba de bzhin du bstan pa'i phyir/ ji ltar me skad cig ma yin yang zhes bya ba rgyas par smos so/ /me ni skad cig ma yin par grags la/ de yang yul gzhan du 'byung ba'i rgyun gyis 'gro ba de bzhin du sred pa nye bar len pa can sems can zhes bya ba phung po'i tshogs 'di la sred pa nye bar len pa yod pa sred pas nye bar len pa can te/skad cig ma yin yang 'khor ro/ /mig bzangs zhes bya ba'i ston pa zhes bya ba ni nyi ma bdun 'char ba'i mdo las/ bcom ldan 'das 'di yang drang srong mig bzangs zhes bya bar gyur to zhes 'byung ngo //phung po rnams gzhan yin pa'i phyir ro zhes bya ba ni skad cig ma nyid yin na gzhan yin pa'i phyir ro snyam du bsams pa'o/ /rgyud gcig pa nyid du ston par mdzad pa yin zhes bya ba ni gang gi phyir mig bzangs/ sangs rgyas kyi rgyud kho na yin par 'gyur ba de'i phyir de nyid nga yin no zhes tha mi dad par nye bar btags so// //bam po drug cu gcig pa ste tha ma'o/ /dper na sngon mthong ba'i me gang yin pa de sreg cing 'ongs so zhes bya ba de lta bu ste/ rgyun gyi 'jug pas de nyid yin no zhes bya bas de dang 'dra'o/ /de ni de dag gi 'jig tshogs la lta ba yin no zhes bya ba ni de ni de bzhin gshegs pa de dag gi bdag dang bdag gi rnam pa can gyi 'jig tshogs la lta bar 'gyur ro//bdag dang bdag gir chags pa 'ching ba shin tu dam pos glags pa zhes bya ba ni/ bdag tu lta ba dang bdag gir lta ba yod na bdag tu chags pa dang bdag gir chags par 'gyur ro//de'i phyir 'jig tshogs ni 'ching ba yin pas 'ching ba dam po can rnams la thar pa thag ring bar 'gyur te med pa kho nar 'gyur ro snyam du bsams pa yin no/ /kha cig ni gang zag tu 'dzin zhes bya ba ni gnas ma'i bu rnams so//kha cig ni thams cad med pa nyid du 'dzin pa gang yin pa zhes bya ba ni dbu ma sems par byed pa rnams so snyam du bsams pa'o/ /dran pa'i yul la 'du shes pa'i rgyu las byung ba'i sems kyi khyad par las so zhes bya ba la dran pa'i yul ni nyams su myong ba'i don to/ /'di la de la 'du shes pa'i rgyu las byung ba rgyu yod pas na dran pa'i yul la 'du shes pa'i rgyu las byung ba'i sems kyi khyad par te/sems 'ga' kho na zhig yin gyi thams cad ni ma yin no zhes bya ba'i tha tshig go/ /de las dran pa'am ngo shes par 'gyur ro/ /de ltar gnyi ga khyad par du byas pa dang /sems kyi khyad par ji lta bu las zhes 'dri ba la de la gtad pa dang zhes bya ba rgyas par smos so/ /dran par bya ba de la gtad pa ni de la gtad pa ste/ gang la de dang 'dra ba dang 'brel pa can gyi 'du shes la sogs pa dang ldan pa gang dag yin pa de dag yod pa ni de la gtad pa dang 'dra ba dang 'brel pa can gyi 'du shes la sogs pa dang ldan pa'i sems kyi khyad par ro//sogs pa zhes bya ba smos pas ni smon pas gzas pa dang goms pa la sogs pa bsdu'o/ /'di dag la rten gyi khyad par dang mya ngan dang / rnam par g.yengs pa la sogs pa yod pas na rten gyi khyad par dang mya ngan dang rnam par g.yengs pa la sogs pa'o//de dag gi mthu ma nyams pa'i sems kyi khyad par te de nyid 'dis bstan pa yin no/ /sems kyi khyad par de lta bu de las dran pa'am ngo shes par 'gyur ro/ /de lta bas na 'di skad du bshad pa yin te/ de la gtad pa dang ldan pa las ni gal te de la gtong bar byed na 'o//'dra ba'i 'du shes la sogs pa dang ldan pa las ni gang la 'dra ba las kyang dran par 'byung ba'o/ /'brel ba can gyi 'du shes la sogs pa dang ldan pa las ni gang la 'dra ba med kyang du ba la sogs pa mthong ba las dran par 'gyur ba'o//smon pas gzas pa dang goms pa la sogs pa dang ldan pa las ni gang la dus 'di'i tshe dran par bya'o snyam pa'am/ 'di de dran par bya ba la goms pa'o/ /rten gyi khyad par la sogs pas mthu ma nyams pa can las zhes bya ba ni rten gyi khyad par nad kyi mtshan nyid dang mya ngan dang bya ba gzhan la rnam par g.yengs pas so//sogs pa zhes bya ba'i sgras ni las dang rig sngags la sogs pas zin pa bsdu'o/ /de lta bu yin yang zhes bya ba rgyas par 'byung ba ni de la gtad pa zhes bya ba nas 'du shes pa la sogs pa dang ldan pa dang / mthu ma nyams pa can yin yang ngo zhes bya ba'i tha tshig go/ /de'i rgyu las byung ba ma yin pa zhes bya ba ni dran pa'i yul la 'du shes pa'i rgyu las byung ba ma yin pa zhes bya ba'i don to/ /skyed par zhes bya ba ni skyed pa'o/ /gzhan lta bus zhes bya ba ni de la gtad pa zhes bya ba nas 'du shes la sogs pa dang ldan pa dang mthu ma nyams pa can ma yin pas so//ma yin te 'brel pa med pa'i phyir ro zhes bya ba ni lha sbyin dang mchod sbyin gyi sems dag rgyu dang 'bras bu'i dngos por zhen pa'i tha tshig go/ /ji ltar rgyud gcig la yod pa'i sems dag rgyu dang 'bras bur gyur pa'i phyir 'brel pa ltar lha sbyin dang mchod sbyin gyi sems dag ni de ltar 'brel pa ma yin pas 'dis ni dpe dang dngos po dag mi 'dra ba nyid du ston to//de la gal te pha rol po 'di skad du lha sbyin gyis nyams su myong ba'i sems kyis don nyams su myong ba ni de'i dran pa'i sems kyis mi dran te/ gzhan yin pa'i phyir mchod sbyin gyi sems bzhin no zhes sgrub par smra bar byed na/ de'i sgrub pa'i gtan tshigs ni rang la ma nges pa'i phyir dang phyogs snga ma mngon sum dang 'gal bas phyogs skyon dang bcas pa'i phyir ro/ /'on te lha sbyin gyis nyams su myong ba'i sems dang rjes su dran pa'i sems dag gzhan pa nyid du dam bca' ba la sun 'byin pa 'di brjod na ni de sun 'byin pa ma yin te/mthong bas gnod pa sun 'byin pa mi 'thad pa'i phyir ro/ /khyod kyi grub pa'i mtha' las kyang lha sbyin gyi nyams su myong ba'i sems kyis nyams su myong ba'i don ni de'i dran pa'i sems kyis dran par 'byung ngo //sems gzhan gyis mthong la sems gzhan gyis dran no zhes kyang mi zer ro zhes bya ba ni gzhan gyi na zhig gis dran pa ma yin no snyam du bsams pa yin no/ /mthong ba'i sems las dran pa'i sems gzhan skye'o zhes bya ba ni rgyu yod pa'i phyir te/rgyu sa bon yod pa las myu gu bzhin no zhes bya ba'i tha tshig go/ /dran pa kho na las ngo shes pa yang yin no zhes bya ba ni dran pa yod na ngo shes te bdag gis mthong ba gang yin pa de nyid 'di yin no zhes bya bar dran pa'i phyir ro/ /'o na gang nag pas dran no zhes bya ba ni gal te sems kyi khyad par kho nas dran na/'o na gang nag pas dran no zhes bya ba ji lta bu yin zhes bya ba'i tshig khong nas drang ngo / /de yang de zhes bya ba rgyas par 'byung ba ni nag pa zhes bya ba 'du byed kyi tshogs kyi rgyun de yang ba zhes bya ba de yul gzhan du dang 'gyur ba 'byung ba ste/ yul gzhan du 'byung ba dang 'gyur ba 'byung ba la rgyu'i dngos por yin la bsams nas ci zhe na/rje bo zhes brjod par zad kyi gang zag ni ma yin te/ tha snyad 'di ni rgyu dang 'bras bu'i dngos po la ltos pa yin gyi gang zag la ltos pa ni ma yin no snyam du bsams pa yin no/ /de nyid kyi phyir gcig pu ni 'ga' yang med ces bya ba rgyas par smos so//de bzhin du su zhig gis rnam par shes pa zhes bya ba la sogs pa rgyas par 'byung ba ni bdag med na su zhig gis de ltar rnam par shes/ rnam par shes zhes bya ba'i don 'di ci yin/ rnam par shes pas yul 'dzin pa'o/ /ci de 'dzin pa rnam par shes pa las gzhan zhig yin nam/'o na ni rnam par shes par byed do/ /gang gis de byed pa de ni bshad zin te/ rnam par shes pa'i rgyu ni dbang po dang don dang yid la byed pa dag dang sems kyi khyad par yin no zhes brjod par bya ste/ dbang po la sogs pa rgyu gzhan dang ldan pa'i phyir ro//de nyid kyi phyir ci rigs par dbang po dang don dang yid la byed pa dag yin no zhes bya ba 'di ni khyad par yin no zhes bya ba smos so/ /'o na gang nag pas rnam par shes so zhes bya ba ji lta bu zhe na/ nag pa zhes bya ba'i rgyud de las de skye bar mthong nas smra bar zad do/ /bdag med na rnam par shes pa 'di su'i yin/drug pa 'di'i don ji lta bu yin/ rje bo'i don yin no/ /dper na gang gi rje bo gang lta bu yin zhes bya ba nas rgyas par rnam par shes pa gang du sbyar bar bya ba ni 'di ltar 'di'i rje bo btsal/ rnam par shes par bya ba'i don la'o/ /ci'i phyir sbyar bar bya/ rnam par shes par bya ba'i phyir ro//kye ma de nyid de'i don du sbyar ro zhes bya ba ni bsod nams kyis bskyed pa rnams kyis legs par smras so/ /ji ltar sbyar bar bya/ bskyed pa'i sgo nas sam/ 'on te mngag pa'i sgo nas rnam par shes pa la 'gro ba mi rung bas bskyed pa'i sgo nas so/ /de lta bas na ni rgyu kho na rje bo yin la/'bras bu kho na bran yin par 'gyur te zhes bya ba'i bar dang rgyas par de ni rnam par shes pa'i rgyu gang yin pa de kho na'i yin no/ /gang yang nag pas zhes bya ba'i bar dang / rgyas par de lta bas na de la yang rgyu'i dngos po ma gtogs pa rje bo'i dngos po med do zhes bya ba'i bar yin no/ /sogs pa zhes bya ba'i sgras ni su zhig gis tshor/su'i tshor ba yin/ su zhig gis 'du shes/ su'i 'du shes yin zhes bya ba la sogs pa bsdu ste/ 'di ni phyogs yin no/ gang bya ba ni byed pa po la ltos pa'i phyir te zhes zer ba ni/ brda sprod pa pa'o/ /de yang dgos so zhes bya ba ni rnam par shes pa po yang dgos te/gang zag go snyam du bsams pa yin no/ /'gro'o 'gro ba'o zhes brjod pa bzhin no zhes bya ba ni dper na me 'gro'o/ /sgra 'gro'o zhes 'gro ba pa'i sgrar brjod pa'am/ dper na me'i 'gro ba'o sgra'i 'gro ba'o zhes bya ba ltar lha sbyin gyi 'gro ba'o//lha sbyin gyi 'gro ba'o zhes bya ba yang de dang 'dra ste/ dpe 'dis na lha sbyin gyis rnam par shes so zhes bya ba 'grub bo/ /'dra bar bdag nyid thob pa'i phyir/ zhes bya ba ni rgyu dang 'dra bar 'bras bu'i bdag nyid thob pa'i phyir ro/ /chung zad kyang mi byed mod kyi zhes bya ba ni yongs su g.yo ba mi byed mod kyi zhes bya ba'i don to//de'i rnam pa nyid do zhes bya ba ni sngon po la sogs pa yul gyi rnam pa nyid do zhes bya ba'i tha tshig go/ /rnam par shes pa'i rgyur gyur pa'i phyir zhes bya ba ni rnam par shes pa yang rnam par shes pa gzhan gyi rgyu yin te/ de'i phyir rnam par shes pa gzhan skyed par byed pa la rnam par shes so zhes bya'o//rgyu la byed pa po'i sgrar bstan pa'i phyir zhes bya ba ni rgyu ni byed pa por gyur pa'i phyir dper na dril bu ni sgrogs pa'i rgyu yin pas dril bus sgrogs so zhes bya ba de dang 'dra'o/ /gcig kho na yin pa'i phyir sgron ma zhes bya ba ni me lce rnams kyi rgyun la nye bar 'dogs par byed la de yul gzhan dag tu 'byung ba ste/sgron ma rgyun gyi ngo bo de yul gzhan du 'byung ba la yul de dang der 'gro'o zhes bya'o/ /de bzhin du gcig kho na yin pa'i phyir sems rnams kyi rgyud la rnam par shes pa nye bar 'dogs par byed la/ rnam par shes pa rgyun gyi ngo bo de yul gzhan dag la skye ba la rnam par shes so zhes bya ste/rnam par shes pa rgyun gyi skye bas rnam par shes so snyam du bsams pa yin no/ /yang na ji ltar gzugs 'gyur ro zhes bya ba la sogs pa rgyas par 'byung ba ni ji ltar 'gyur ba po gzugs las 'gyur ba dang /gnas pa po las gnas pa don gzhan ma yin pa ltar rnam par shes pa la yang de dang 'dra bar 'gyur te/ bya ba logs shig na mi dmigs pa'i phyir rnam par shes pa po'i rnam par shes pa las bya ba don gzhan ma yin pa nyid do/ /yang na bye brag tu smra ba'i gzhung lugs kyi rjes su 'brangs pas sun dbyung ba yin no//bdag las ma yin na zhes bya ba ni gal te rnam par shes pa bdag las mi skye na/ rnam par shes pa'i mtshan nyid kyi rgyu la khyad par med pa'i phyir rnam par shes pa de dang 'dra ba kho nar skye bar 'gyur ro/ /gal te bdag las skye na ni de'i bsam pa'i khyad par las rnam par shes pa khyad par can skye'o snyam du bsams pa yin no//rim pa nges par skye bar mi 'gyur zhes bya ba ni ci'i phyir rim pa dang nges par skye bar mi 'gyur/ rim pa ma nges par ni mi skye ste/ ba lang gi blo'i mjug thogs su bud med kyi blo dang / bud med kyi blo las ma he'i blo skye na ci'i phyir myu gu dang sdong bu dang 'dab ma la sogs pa bzhin du mjug thogs su ba lang gi sems kho na skye bar mi 'gyur/ myu gu las sdong bu kho na skye bar 'gyur gyi 'dab ma la sogs pa ma yin pa dang / sdom bu las 'dab ma kho na skye bar 'gyur gyi/ me tog la sogs pa'am/ myu gu la sogs pa ma yin pa de dang 'dra bar ro/ /bsam gtan rdzogs pa las mnyam par gzhag pa rnams la zhes bya ba ni bsam gtan rdzogs shing mthar phyin pas mnyam par gzhag pa rnams la lus dang sems 'dra ba skye na'o/ / bdag nyid ces bya ba ni gzhan gyis ma brtsal bar snyam du bsams pa yin no/ /de ltar na 'dis ni ci'i phyir rtag tu de dang 'dra ba kho nar skye bar mi 'gyur zhes dris pa gang yin pa de'i lan btab pa yin no/ /rim pa nges par skye bar mi 'gyur zhes dris pa gang yin pa de bstan pa'i phyir/ sems rnams kyi rim pa yang nges pa kho na ste zhes bya ba ste/ 'di ni 'dod pa kho na'o/ /rigs kyi bye brag las zhes bya ba ni bsgos pa'i bye brag las so/ /bud med kyi sems kyi mjug thogs su zhes bya ba rgyas par 'byung ba ni bud med kyi sems te bud med la dmigs pa'i sems kyi mjug thogs su'o//bud med kyi de'i lus ni de'i lus so/ /gal te bram ze 'am gzhan yang rung dge ba zhig la de'i lus sun 'byin pa byed pa'i sems sam/ de'i khyo'am bu la sogs pa'i sems skyes pa ste de'i khyo dang bu la sogs pa'o/ /sogs pa zhes bya ba'i sgras ni bu mo la sogs pa bsdu'o//de dag la dmigs pa'i sems ni khyo dang bu la dmigs pa'i sems te/ gal te de'am gzhan zhig bud med kyi sems de'i mjug thogs su skyes par 'gyur ba yang phyis dus gzhan rgyud la yongs su gyur pa las bud med kyi sems skye na bud med kyi sems phyis skyes pa de ni de'i lus sun 'byin pa'i sems bskyed pa ste/bud med kyi lus sun 'byin pa'i sems bskyed pa la nus pa'am/ de'i khyo'am bu la sogs pa'i sems bskyed pa la nus pa yin no/ /ci'i phyir zhe na/ de'i rigs can yin pa nyid kyi phyir ro zhes bya ba smos te/'di la de'i lus sun 'byin pa'i sems sam/ de'i khyo'am bu la sogs pa'i rigs yod pas na de'i rigs can gyi sems so/ /de'i ngo bo ni nyid do/ /de'i phyir te de dang rigs mthun pa'i phyir ro snyam du bsams pa yin no/ /gzhan du na ni zhes bya ba ni de'i rigs can ma yin pa'o//yang bud med kyi sems las rnam grangs kyis zhes bya ba rgyas par 'byung ba ni cig car ma yin par rnam grangs kyis bud med kyi sems las de'i lus sun 'byin pa'i sems kyang skye ba de las de'i khyo'i sems dang / de las de'i bu'i sems dang de nyid las de'i bu mo'i sems dang de nyid las yang yongs su gyur pa las dang po'i sems skyes par gyur na bud med kyi sems de las mjug thogs su skyes pa'i sems rnams kyi nang nas bskyed par bya ba'i sems rgyun gyis ches mang ba dang nus pa'i sgo nas ches gsal ba dang /ches nye ba gang yin pa'i sems de kho na skye bar 'gyur ro//de'i dgos pa stobs dang ldan pa'i phyir ro zhes bya ba ni ches mang ba'am/ ches gsal ba'am ches nye ba de'i dgos pa stobs dang ldan pa'i phyir ro/ /de'i 'dus pa'i lus dang zhes bya ba rgyas par 'byung ba de'i dus na nye bar gnas pa ni de'i 'dus pa ste/ lus kyi rkyen gyi khyad par dang / phyi rol gyi rkyen gyi khyad par ro/ /ma gtogs pa ni med na zhes bya ba'i tha tshig ste/ gang la lus sam phyi rol gyi rkyen nye bar gnas pa de nyid skye bar 'gyur bas so/ /bsgos pa de nyid chos stobs dang ldan zhes bya ba ni ches mang ba dang / ches gsal ba dang ches nye bar bsgos par bshad pa gang yin pa de nyid stobs dang ldan pa yin na ci'i phyir rtag tu 'bras bu mi 'byin/sems de mi 'byung ba ni ma yin no zhes gzhan gyis brgal ba dang / bshad pa gnas pa gzhan du 'gyur ba nyid na 'dus byas kyi mtshan nyid yin pa'i phyir/ 'di'i mtshan nyid gnas pa las gzhan du 'gyur ba nyid yin pas na gnas pa las gzhan du 'gyur ba'i mtshan nyid de'i phyir ro/ /'dus byas kyi mtshan nyid gzhan du 'gyur ba de yang bsgos pa gzhan gyi 'bras bu skye ba ste/ bsgos pa gzhan gyi 'bras bu sems gzhan skye ba'i rjes su mthun pa'i phyir rtag tu de nyid 'bras bu mi 'byin to zhes bya bar sbyar ro//'di skad du zhes bya ba ni gnas brtan sgra gcan zin gyis so/ /rnam pa thams cad ces bya ba 'di rnam pa kun te rnam pa kun rma bya'i mdongs 'di'i kha dog dang dgod pa la sogs pa'i rnam pa ji snyed pa de dag gi / 'dis na kha dog ni 'di lta bu'o/ /dgod pa ni 'dra ba'o/ /'di ltar ni 'tsher ro zhes bya ba 'di lta bu la sogs pa'i rnam pa 'di ni rgyu yin no/ /'di ni rgyu ma yin no zhes bya bar shes par bya ba min te/ thams cad mkhyen pa ma yin pa nyan thos dang rang sangs rgyas la sogs pas shes par mi nus so//de shes kun mkhyen stobs yin no/ /zhes bya ba ni gang gis de'i rgyu shes par byed pa de ni thams cad mkhyen pa'i stobs yin no snyam du bsams pa yin no/ /gzugs can ma yin pa'i sems kyi bye brag rnams lta smos kyang ci dgos zhes bya ba ni gzugs kyi rgyu yang rnam pa thams cad shes par mi nus na gzugs can ma yin pa rnams kyi lta smos kyang ci dgos zhes bya ba'i tha tshig go//mu stegs can gang la la zhes bya ba ni bye brag pa'o/ /gal te yid dang phrad pa'i bye brag la ltos pa'i phyir ro zhe na zhes bya ba ni gal te sems skye ba ni bdag las rab tu skye bar 'dra mod kyi/ bdag res 'ga' yid dang 'brel pa'i bye brag las skye bas de'i phyir sems rtag tu de dang 'dra ba kho nar yang skye bar mi 'gyur la myu gu dang sdong bu dang 'dab ma la sogs pa bzhin du rim pa nges par yang skye bar mi 'gyur ro zhes bya bar 'dod na ni ma yin no/ /'brel pa gzhan ma yin pa'i phyir ro zhes bya ba ni de ni de lta ma yin no//ci'i phyir zhe na/ bdag dang yid de dag las 'brel pa gzhan du ma grub pa'i phyir te/ kho bo cag la ni 'brel pa zhes bya ba'i dngos po grub pa ci yang med do/ /'brel pa can dag ces bya ba rgyas par 'byung ba ni 'brel pa khas blangs kyang 'brel pa can 'jig rten na grags pa shing ngam gzhan gang yang rung ba dag ni yongs su chad pa'i phyir te/yul yongs su chad par mthong ba'i phyir zhes bya ba'i tha tshig go/ /mtshan nyid rnam par bshad pa'i phyir zhes bya ba ni bye brag pa'i rgyud las phrad pa'i mtshan nyid bstan pa'i phyir ro/ /des na ci zhe na bdag yongs su chad par thal bar 'gyur te/gang na bdag yod pa de na yid med la gang na yid yod pa de na bdag med pas yul yongs su chad pa nyid du thal bar 'gyur ro/ /bdag yid dang phrad pa zhes bya ba 'dis ni rjes su dpag pa dang / lung gi phyogs pa 'di chos can gyi khyad par las bzlog par 'gyur ba bstan pa yin te/chos can ni bdag go/ /de'i khyad par ni thams cad na yod pa nyid do/ /de las bzlog pa ni thams cad na med pa nyid do/ /de'i phyir yid 'phos pa las bdag 'pho bar thal bar 'gyur zhes bya ba ni phrad pa ni ma phrad pa sngon du 'gro ba'i phrad pa yin no zhes bya ba'i mtshan nyid de'i phyir te/yid 'phos pa las te yid lus kyi phyogs gang dang gang du 'pho ba de dang de nas bdag 'pho zhing 'dor ro zhes bya bar thal bar 'gyur te/ dper na skyes bu sa'i phyogs gang dang gang du 'pho ba de dang de nas nyi ma 'phos pa lta bu'o/ /de lta yin na yang 'di ni bya ba med pa nyid la gnod par 'gyur bas de nyid dam bcas pa'i nyes pa yin no//nyams par zhes bya ba ni bdag ces bya ba dang thal bar 'gyur ro zhes bya bar sbyar ro/ /gang dang gang du yid 'pho ba de dang der bdag 'jig pas de nyid 'dir dam bcas pa'i nyes pa yin te/ bdag mi rtag par 'gyur ba'i phyir ro//gal te phyogs gcig phrad do zhe na zhes bya ba ni yid bdag gi phyogs gcig dang phrad pa'am/ bdag gi phyogs gcig yid dang phrad pa ste/ gal te lus kyi phyogs gang na yid gnas par gyur pa de na yod pa'i bdag gi phyogs dang ni yid mi phrad kyi/ phyogs gzhan dang ni glo nas phrad do de lta bas na phrad pa ni ma phrad pa sngon du 'gro ba nyid yin yang bdag gi phyogs ma phrad pa kho na dang yid dang phrad do zhes bya bar 'dod na/de ni ma yin te phyogs de nyid kyi yin pa nyid du mi rung ba'i phyir ro/ /bdag la ni phyogs gzhan yang yod pa ma yin la/ bdag gi phyogs kyang rung ba ma yin no//phrad pa yod du chug na yang zhes bya ba rgyas par 'byung ba ni phrad pa khas blangs su zin kyang / 'on kyang 'gyur ba med pa'i phyir yid rtag tu khyad par med pa la ji ltar phrad pa khyad par du 'gyur te/ ji ltar phrad pa khyad par can du 'gyur na 'di ltar de skad bshad/gal te blo'i khyad par ltos pa yin no zhe na/ ji ltar blo'i khyad par yin zhes de nyid la klan ka tshol bar byed do zhes bya ba ni/ bdag rtag tu khyad par med pa yin na ci'i phyir de 'dra ba kho nar mi skye/ rgyu'i khyad par las ni 'bras bu'i khyad par du 'dod de dung dang rdza rnga pa Ta ha la sogs pa'i sgra bzhin no//gal te 'du byed kyi khyad par la ltos pa'i bdag dang yid phrad pa las so zhe na zhes bya ba ni gal te bdag dang yid ni rtag tu khyad par med mod kyi bdag dang yid sbyor ba 'du byed kyi khyad par la ltos pa'i khyad par las blo'i khyad par du 'gyur bar 'dod na'o//'di skad du dgos pa'i khyad par gyi mtshan nyid kyis 'du byed kyi khyad par las bdag dang yid sbyor ba'i khyad par du 'gyur la/ de'i khyad par las blo'i khyad par du 'gyur ro zhes smras pa yin no/ /'dir 'du byed kyi khyad par la ltos pa'i sems kho na las zhes bya ba rgyas par smos te/'di la slob dpon gyi dgongs pa ni kho bo'i ltar na sems kyang yod na/ dgos pa'i khyad par gyi mtshan nyid kyi 'du byed kyi khyad par gang kho bo cag bag chags dang sa bon zhes bya bar rnam par 'jug pa de yang yod pa nyid pas brtsad pa med kyi/ dngos po gzhan yin nam ma yin zhes bya ba tsam zhig khyad par yod do//de lta bas na 'du byed kyi khyad par la ltos pa'i sems kho na las blo'i khyad par du 'gyur ba na/ bdag gam de dang phrad par brtags pas ci zhig bya snyam pa 'di yin no/ /bdag gi nus pa ni chung zad kyang mi dmigs te zhes bya ba rgyas par 'byung ba ni sman pa ngan g.yo can 'ga' zhig gis nad pa 'ga' zhig sman byin nas bsams pa/sman 'di ni rnyed sla ba yin te/ de 'khor dang bcas pas kyang shes so/ /sman 'dis kyang nad pa 'di'i nad zhi bar ni 'gyur ro/ /de lta bas na bdag khyad du bsad nas gzhan yang 'di byed par 'gyur ro/ /de nas bdag gis nor rnyed par mi 'gyur ro snyam du bsams nas phu swA hA phu swA hA zhes sngags kyis btab nas sngags 'dis ni sman 'di 'grub bo zhes skye bo la bstan na/de la ji ltar sman gyi don 'grub par bya ba la sman pa ngan pa g.yo can gyis phu swA hA zhes bya ba rnams kyi nus pa med kyi/ sman gyi nus pa yin pa de bzhin du blo'i khyad par skye bar bya ba la bdag gi nus pa med kyi sems kho na'i nus pa yin no//gal te bdag yod na de gnyis srid do zhe na ni zhes bya ba ni gal te bdag yod na 'du byed dang sems de gnyis srid pas de'i phyir bdag yod do zhes bya bar 'dod na/ 'dir smras pa'i tshig tsam du zad kyi 'di la rigs pa ni 'ga' yang med do//gal te de ni rten yin no zhe na zhes bya ba ni gal te de ni de gnyis kyi rten yin no zhes bya bar 'dod na'o/ /dper na gang gi rten gang yin pa de lta bu zhes bya ba ni rten gyi ngo bo'i dper brjod pa tshol ba'o/ /'di rten gyi don du mi rigs pa de bstan pa'i phyir de dag kyang zhes bya ba rgyas par smos te/'du byed dang sems de dag kyang ri mo dang rgya shug la sogs pa ltar de dper na rtsig pa la ri mo dang gzhong bu la rgya shug brten pa ltar ro/ /sogs pa zhes bya ba'i sgras ni snod la zas zhes bya ba nas sogs pa bsdu ste/ 'du byed dang sems de dag ni rten bdag de la de lta ma yin la/de yang rtsig pa dang gzhong bu la sogs pa ltar rten du rigs pa ma yin te/ bdag de yang rtsig pa lta bu dang gzhong bu lta bur rten du rigs pa ma yin no/ /sogs pa zhes bya ba'i sgras ni snod la sogs pa bsdu'o/ /ci'i phyir zhe na/ thogs pa tha dad pa nyid kyi nyes par 'gyur ba'i phyir ro zhes bya ba smos te thogs pa nyid du nyes par 'gyur ba'i phyir dang /tha dad pa nyid kyi nyes par 'gyur ba'i phyir ro/ /thogs pa dang bcas pa nyid du thal bar 'gyur ba'i phyir dang / yul tha dad pa nyid du thal bar 'gyur ba'i phyir ro zhes bya ba'i tha tshig ste/ ji ltar ri mo dang rgya shug dag dang /rtsig pa dang gzhong bu dag la brten pa dang rten gyi ngo bo yin la/ thogs pa nyid dang tha dad pa nyid du mthong ba ltar de dag kyang de dang 'dra bar 'gyur ba zhig na de ltar yang mi 'dod de de'i phyir bdag ni rten ma yin no/ /dper na dri la sogs pa las sa gzhan ma yin pa ltar blo la sogs pa las kyang bdag gzhan ma yin no//skyes bu dam pa su zhig dri la sogs pa las sa gzhan yin par nges par 'dzin par byed de/ sa gang zhig yin zhes smra na 'di ltar gzugs dang dri la sogs pa las gzhan pa'o zhes bya ba lta bur gzugs dang dri dang ro dang reg bya dag las gzhan par ni bstan par mi nus so//gal te dri la sogs pa las sa gzhan pa yin na sa'i dri la sogs pa zhes bya ba'i tha snyad 'di ji ltar 'dogs te/ nag pa'i la ba zhes gzhan gyis gzhan tha snyad 'dogs par mi mthong ngo zhe na/ 'dir sa'i dri la sogs pa zhes bya ba'i tha snyad ni zhes bya ba rgyas par smos so//khyad par du bya ba'i phyir zhes bya ba ni chu la sogs pa khyad par du bya ba'i phyir zhes bya ba'i tha tshig go/ /ji lta zhe na ci nas de bdag nyid ces bya ba rgyas par 'byung bas ston par byed do/ /nyid ces bya ba ni de dag la ma gtogs pa sa'i rdzas bzlog pa'i phyir te/ci nas kyang dri la sogs pa bsdu'o/ /de dag nyid de zhes bya bas zhes bya bar shes par 'gyur ba de ltar khyad par du bya ba'i phyir tha snyad 'dogs so zhes bya bar sbyar ro/ /gzhan ni ma yin no zhes bya ba ni ci nas kyang sa zhes bya ba las gzhan pa chu zhes bya ba la sogs par shes par mi 'gyur bar zhes bya ba'i don to//shing gi gzugs kyi lus bzhin no zhes bya ba ni 'ji ba las byas pa la sogs pa gzhan dag las khyad par du bya ba'i phyir shing gi gzugs kyi lus zhes tha snyad 'dogs la shing gi gzugs kyi lus gzhan yang ma yin pa ltar 'dir yang de bzhin du tha snyad 'dogs par 'gyur bas bri la sogs pa las gzhan pa yang ma yin no//'du byed kyi khyad par la ltos pa yin du zin kyang bdag dang yid phrad pa'o/ /gang zhig stobs che ba zhes bya ba ni 'du byed kyi khyad par te/ des 'du byed kyi khyad par gzhan dag la bgegs byed do/ /stobs che ba nyid ci'i phyir 'bras bu mi 'byin te zhes bya ba ni slob dpon gyi tshig yin no//de nyid kyi yang bshad pa de'i tshul te 'du byed kyi tshul 'jigs pa'am bgegs byed pa gang yin pa de ni sa bon gyi bdag nyid kyis bsgos pa'i yin na ni bdag tu rtog pa ni don med cing dgos pa med pa yin te/ 'du byed kyi don du der brtag grang na 'du byed de'i bya ba gang yin pa de ni bsgos pa kho nas byed do//dran pa la sogs pa zhes bya ba rgyas par 'byung ba ni gal te dran pa dang 'du byed dang 'dod pa dang zhe sdang la sogs pa ni yon tan gyi dngos po yin pa'i phyir la/ rdzas la brten pa'i yon tan ni yon tan dang ldan pa yin no zhes de skad du mtshan nyid bstan pa'i phyir yon tan gyi rdzas de yang gdon mi za bar rdzas la brten pa yin pa'i phyir ro//gzhan ni mngon sum pa ma yin pa nyid la sogs pa'i rgyus na de dag gi rten sa la sogs pa'i gzhan yin par yang rung ba ma yin no/ /de bas na 'di dag gi rten gang yin pa de ni bdag yin pas de lta bas na bdag ni yod do zhes bya bar 'dod na/ma yin te ma grub pa'i phyir te/ de ni de lta ma yin no/ /ci'i phyir zhe na/ dran pa la sogs pa ni yon tan gyi dngos po nyid du ma grub pa'i phyir ro/ /yod pa thams cad rdzas yin zhes bya ba ni mtshan nyid kyi sgo nas yod pa gang yin pa de ni rdzas yin no//dge sbyong gi tshul gyi 'bras bu ni rdzas drug go zhes bya ba ni gzugs kyi phung po la sogs pa lnga ni dge sbyong gi tshul gyi 'bras bu 'dus byas yin la/ drug pa ni 'dus ma byas yin pas rdzas drug yin no/ /de dag rdzas la brten pa nyid du yang ma grub pa ste zhes bya ba ni dran pa la sogs pa'o//rten gyi don ni brtags zin to zhes bya ba ni dper na gang gi rten gang lta bu de dag kyang ri mo dang rgya shug la sogs pa lta bur brten pa ma yin la zhes bya ba rgyas par ro/ /rnam pa de dag ces bya ba ni dkar sham la sogs pa'i rnam pa dag go//'di ni phung po rnams las zhes bya ba ni bdag tu 'dzin pa'o/ /bdag tu 'dzin pa ni ma yin no zhes bya ba ni bdag go snyam pa de lta bu'i rnam pa can gyi shes pa ni ma yin no zhes bya ba'i tha tshig go/ /'di ni de nyid 'ongs pa yin no zhes bya ba ni drug pa 'di'i don ji lta bu yin/ rje bo'i don yin no/ /dper na gang gi rje bo gang lta bu yin/ dper na ba'i rnam pa nag pa lta bu yin no/ /'di ji ltar de'i rje bo yin/ de rmo ba dang bzho ba la sogs pa la sbyar ba de la rag lus pa yin no/ /ngar 'dzin pa gang du sbyar bar bya ba ni 'di ltar 'di'i rje bo btsal/ bdag tu 'dzin par bya ba'i don la'o//ci'i phyir sbyar bar bya/ bdag tu 'dzin par bya ba'i phyir ro/ /kye ma de nyid de'i don du sbyar ro zhes bya ba ni bsod nams kyis bskyed pa rnams kyis legs par smras so/ /ji ltar sbyar bar bya/ ci skyed pa'i sgo nas sam/ 'on te ma dag pa'i sgo nas bdag tu 'dzin pa las 'gro ba mi rung bas bskyed par bya ba'i sgo nas so//de lta na ni rgyu kho na rje bo yin la 'bras bu kho na bran yin par 'gyur te/ 'di ltar rgyu ni 'bras bu la dbang byed la 'bras bus kyang de dang ldan pa rgyu yin pas de ni bdag tu 'dzin pa'i rgyu gang yin pa de kho na'i yin no zhes bya ba yin no/ /shing ljon pa'i me tog chags so zhes bya ba ni grub pa'i mtha' gang la shing ljon pa yan lag can du mi 'dod cing 'byung ba chen po rigs mi mthun pa bzhis brtsams pa yin par mi 'dod pa de la dpe yin no//gang la shing ljon pa yan lag can yod pa de la ni dpe gnyis pa nags tshal 'bras bu chags so zhes bya ba yin te//nags tshal zhes bya ba ni chung zad kyang med do/ /ji ltar nags tshal gang la 'bras bu byung ba de'i 'bras bu chags so zhes bya ba de bzhin du skye mched drug gi mtshan nyid kyi rten gang la bde ba'am sdug bsngal byung ba de la bde ba'am sdug bsngal ba zhes bya'o//de ltar ni bshad zin to zhes bya ba ni/ de gyur pa las 'gyur ba'i phyir/ /rten ni mig la sogs pa yin/ /zhes skye mched drug ji ltar brten pa de ltar ni bshad zin to/ /'on te phung po lnga zhes bya ba ni khyod dper byed na zhes bya bar skabs dang sbyar ro/ /de nyid byed pa po yin te zhes bya ba ni phung po lnga'i mtshan nyid de nyid byed pa po yin gyi bdag ni ma yin pas/kho bo cag gi phyogs grub po/ /de la yang rang dbang med par brten pa'i phyir las 'di rnam pa gsum ste zhes bya ba rgyas par smras so/ /lus ni sems gzhan gyi dbang gis 'jug ste lus kyi las ni sems kyis rab tu bcug pa'i phyir ro//sems kyang lus la rang gi rgyu'i dbang gis 'jug ste/ yid la byed pa la sogs pa'i gzhan gyi dbang yin pa'i phyir ro/ /de yang de dang 'dra ste sems kyi rgyud yang rang gi rgyu'i gzhan gyi dbang gis 'jug pas lus sam sems sam sems kyi rgyu 'am gzhan yang rung gang la yang rang dbang med kyi/bzhi yis sems dang sems byung rnams/ /gsum gyis snyoms par 'jug pa gnyis/ /gzhan dag gnyis las skye bar 'gyur/ /zhes 'byung bas dngos po thams cad ni rkyen gyi gzhan gyi dbang gis 'jug go/ /bdag kyang ltos pa med pa ni blo'i khyad par skye ba'i rgyu ma yin pas rgyu nyid du khas mi len pa'i phyir rang dbang can du mi 'grub bo//de lta bas na de lta bu'i mtshan nyid ces bya ba ni byed pa po rang dbang can no/ /'o na byed pa po ji lta bu zhe na/ gang zhig gang gi rgyu'i gtso bo yin pa de ni de'i byed pa po zhes bya ba smos te/ gtsor de la brten nas skye ba'i phyir ro//de ni de lta bur yang byed pa por mi rung ngo zhes bya ba ni rgyu'i gtso bo'i ngo bor yang mi rung ngo zhes bya ba'i tha tshig go/ /de rgyu ma yin pa nyid du bstan pa'i phyir dran pa las ni 'dun pa skye'o zhes bya ba rgyas par smos te/ dang por dran par bya ba'i don la dran pa skye'o/ / dran pa las ni 'dun pa skye ste byed par 'dod pa'o/ /'dun pa las ni rtog pa ste/ /rnal 'byor spyod pa'i lugs kyis ni 'du byed kyi mtshan nyid sems pa'i khyad par ram/ shes rab kyi khyad par yin no/ /bye brag tu smra ba'i lugs kyis ni rnam par rtog pa'i mtshan nyid kyi nges par rtog pa'o/ / rnam par rtog pa las rab tu 'bad pa ste brtson 'grus so/ /rab tu 'bad pa las rlung ngo / /de nas rlung las ni las de yul gzhan du 'byung ba'i mtshan nyid 'byung na/ 'di la bdag ci zhig byed rnam par shes pa la nus pa bkag pa'i phyir ro zhes bya ba ni dmigs pa gang yin pa de nyid rnam par shes pa yin na 'du byed kyi khyad par la ltos pa'i sems kho na las yin par zad kyi bdag gi nus pa ni chung zad kyang mi dmigs te/sman gyi 'bras bu grub pa la sman pa ngan g.yo can gyis phu swA hA zhes smras pa dag bzhin no zhes rnam par shes pa la ni bdag gi nus pa bkag go/ /ji ltar yin pa de ltar ni bshad zin to zhes bya ba ni/der gyur pa las 'gyur ba'i phyir/ /rten ni mig la sogs pa yin/ /zhes bya ba'o/ /de la brten pa zhes bya ba ni bdag la brten pa'o/ /tshig gi lugs kyis ni lan btab zin to zhes bya ba ni gang gi rten gang lta bu/ de dag kyang ri mo dang rgya shug la sogs pa lta bur brten pa ma yin la/de yang rtsig pa dang gzhong bu la sogs pa ltar rten du rigs pa ma yin te/ thogs pa dang tha dad pa nyid kyi nyes par 'gyur ba'i phyir ro/ /gal te de ni de lta bur rten ma yin no/ /'o na ji lta bu zhe na zhes bya ba rgyas par 'byung ba yin no/ /des bskyed pas so zhes bya ba ni sa bon des de'i nus pa bskyed pas so zhes bya ba'i tha tshig go//ji skad du bshad pa lta bu'o zhes bya ba lta bu ni gnas brtan sgra gcan zin gyis so/ /nye ba gang dang goms gang dang / /zhes bya ba rgyas par 'byung ba ni rgyud gcig la las bzhi po lci ba dang nye ba dang goms pa dang sngon byas pa yod pa'i bzhi po de dag ni de dag gi nang na las lci ba snga ma yin pas de ni gsum pas sngar smin to//nye ba dang goms pa dang sngar byas pa rnams kyi nang na yang nye ba snga ma yin pas de ni gnyis pas sngar smin to/ /goms pa dang sngar byas pa dag la yang goms pa snga ma yin pas gcig pas sngar smin to//de dag med na tshe snga ma la byas pa lan grangs gzhan la myong ba smin par 'gyur ro/ /nyon mongs pa can ma yin pa rnams kyi zhes bya ba ni dge ba dang ma bsgribs la lung du ma bstan pa rnams kyi'o/ /rnam par 'drul ba'i khyad par las skyes pa zhes bya ba ni sa dang chu dang 'brel pa las 'bras bu'i rnam par 'gyur ba phra mo ni rnam par 'drul ba'o//de'i khyad par ni de nyid khyad par can yin te/ de las rnam par 'gyur ba'i khyad par skye'o/ /de las 'bras bu gzhan skye'o/ /rnam par 'gyur ba'i khyad par ji lta bu zhig las yin pa bstan pa'i phyir/ de las 'byung ba'i rnam pa myu gu 'grub par byed pa yod pa gang yin pa de ni de'i sa bon zhes bya ba smos te/myu gu de'i sa bon yin no/ /'byung ba'i rnam pa gzhan ni ma yin te/ sngon gyi sa bon gyi gnas skabs kyi 'byung ba'i rnam pa ni ma yin no zhes bya ba'i tha tshig go/ /'gyur ba'i ming gis zhes bya ba ni ji ltar 'bras chan 'tshed do//phye 'thag go zhes 'byung bar 'gyur ba'i ming gis tha snyad 'dogs pa de bzhin du/ rgyun snga ma sa bon gyi gnas skabs ma rul ba la yang 'byung bar 'gyur ba'i ming gis sa bon zhes bya'o/ /'dra ba'i phyir zhes bya ba ni rgyun snga ma de yang 'byung ba rnam par 'gyur ba'i khyad par rnam par 'drul ba'i khyad par las skyes pa dang 'dra ba'i phyir sa bon zhes bya'o//de bzhin du 'di la yang zhes bya ba rgyas par 'byung ba ni gal te dam pa'i chos nyan pa dang tshul bzhin yid la byed pa'i rkyen gyi khyad par las skyes pa dge ba zag pa dang bcas pa'i sems kyi 'gyur ba skye ba'am dam pa ma yin pa'i chos mnyan pa dang tshul bzhin ma yin pa yid la byed pa'i rkyen gyi khyad par las skyes pa mi dge ba'i sems kyi 'gyur ba skye na/de las rnam pa gzhan skye'i/ gzhan du ni ma yin pas de ni mtshungs so/ /ji ltar 'bras bu kho na las 'bras bu gzhan mi 'byung gi /'o na ci zhe na 'gyur ba'i khyad par las yin pa de bzhin du rnam par smin pa kho na las rnam par smin pa gzhan mi 'byung ngo //'o na ci zhe na sems kyi 'gyur ba'i khyad par las 'byung bas de ni mtshungs so/ /'bras bu'i nang du ge sar dmar po zhes bya ba ni 'bras bu'i nang du gang na bi dza pu ra'i khu ba skyur bo yod pa'i ge sar ro//de las ni de gzhan mi skye ba zhes bya ba ni ge sar dmar po de las ni yang ge sar dmar po de mi skye'o/ /'o na ci zhe na ge sar phal pa dmar po ma yin pa kho na skye'o zhes bya ba'i tha tshig go/ /'di ni 'dir dper brjod pa yin te/ ji ltar rgya skyegs kyis kha dog bsgyur ba'i ma tu lung ga'i me tog dang 'bras bu can gyi ge sar dmar po gzhan mi 'byung ba de bzhin du las las skyes pa'i rnam par smin pa las kyang rnam par smin pa gzhan mi skye'o//'dir smras pa/ sems 'di sa bon mtha' yas pa dang lhan cig rgyun gyis 'byung / /sa bon de ni rang rkyen byung na sems la rgyas par 'gyur/ / de rgyas rim gyis 'jug pa rnyed na dus su 'bras bu 'grub/ /ma tu lung ga'i me tog bskus tshon de yi ge sar bzhin/ /yang smras pa/ ji ltar ras bal sa bon dang / /ma tu lung ga'i me tog la/ /rgya skyegs bskus na de zhig kyang / /bsgos pa'i rgyud kyi rim pa yis/ /ras bal dang ni ge sar la//dmar po 'byung bar 'gyur ba ltar/ /las rnams zhig na'ang bsgos pa ni/ /de nyid de yi 'bras bu skyed/ /las dang zhes bya ba thams cad 'byung ba la/ de bsgos zhes bya ba ni las kyis bsgos pa'o/ /bsgos pa de'i 'jug pa rnyed pa ni de'i rnyed pa ste/ /de dang 'jug pa rnyed pa de las 'bras bu zhes bya ba 'di bzhin no//sangs rgyas las gzhan pa nyan thos la sogs pas dga' mgur rnam pa thams cad de'i rnam pa kun nges par gdon mi za bar rab tu mi shes so/ /don gyis na sangs rgyas kho nas de thams cad rnam pa thams cad rab tu mkhyen to zhes bshad pa yin no/ / de ltar zhes bya ba rgyas par 'byung ba ni skabs rdzogs pa'i don tam gong du rab tu bstan pa'i don to/ /sangs rgyas rnams kyi gsung rab kyi chos nyid gtan tshigs kyi lam legs par gsungs pas dag pa kha na ma tho ba med pa 'di mthong nas te mthong bar gyur nas so/ /mu stegs dag ni yang dag pa ji lta ba bzhin mthong ba med pas long ba dag go//lta ngan ni lta ba smad pa ste/ de g.yo ba'o/ /'di dag la lta ba ngan pa sna tshogs g.yo ba yod pas na lta ba ngan pa sna tshogs g.yo can dag ste/ mtho ris dang byang grol gyi lam la ma zhugs pa dang log pa la zhugs pa rnams so zhes bya ba'i tha tshig go//mu stegs ser skya ba dang 'ug pa la sogs pa de lta bu de dag gi gzhung lugs sam/ lta ba spangs shing bor te 'khor ba nas mya ngan las 'das par 'gro'o zhes bya ba'i tshig khong nas drang ngo / /sems can de dag gang zhe na/ 'phags pa nyan thos shes rab kyi mig dang ldan pa rnams so//yang na gsung rab kyi chos nyid de kho na la 'gro ste sgrub po zhes bya ba'i tha tshig go/ /gsung rab kyi chos nyid ni 'dir bdag med pa'am/ sangs rgyas kyi rjes su bstan pa'o/ /gzhan dag na re gsung rab ni mdo la sogs pa gsung rab kyi yan lag bcu gnyis su btags pa'o//de'i chos nyid ni rigs pa dang ldan pa'i phyir legs par gsungs pa nyid dang mya ngan las 'das pa brjod pa'i phyir mya ngan las 'das pa la gzhol ba nyid yin te/ ji skad du chos 'di dag thams cad ni mya ngan las 'das pa la gzhol ba mya ngan las 'das pa la bab pa mya ngan las 'das pa la 'bab pa ste/mngon par brjod pa na mya ngan las 'das pa kho na mngon par brjod pa'o zhes gsungs pa lta bu'o zhes zer ro/ /bdag med par 'du shes pa ni mya ngan las 'das pa zhi ba'i 'du shes su gnas te/ bdag chad pa dang bral ba'i phyir ro/ /de ltar na long ba ma yin pa rnams 'gro'i/long ba rnams ni ma yin no/ /long ba rnams ni bdag med pa ma mthong bas 'khor ba'i rgya mtshor 'khyams pa nyid do/ /de bstan pa'i phyir de bzhin gshegs pa zhes bya ba la sogs pa smos so/ /de bzhin gshegs pa nyid nyi ma ste/ de bzhin gshegs pa ni chos zab mo mngon par rab tu ston pa'i phyir nyi ma lta bu yin no//de'i gsung dag ste de dag nyid 'od yin no/ /de dag gi snang ba dang ldan pas de bzhin gshegs pa nyi ma'i gsung 'od kyi snang ldan zhes bya'o/ /mya ngan las 'das pa nyid grong yin pas mya ngan las 'das grong ngo / /de'i lam gcig pa zhes bya ba ni mya ngan las 'das pa'i grong gi lam gcig pu ste/lam gzhan ma yin no zhes bya ba'i tha tshig go/ /'phags pa stong phrag gis bgrod pas na 'phags pa stong gis bgrod pa'o/ /'di zhes bya ba ni bdag med pa 'di'o/ /phye yang zhes bya ba ni bdag med pa mya ngan las 'das pa'i grong gi lam gcig pu de bzhin gshegs pa nyi ma'i gsung gi 'od zer gyi snang ba dang ldan pa'i 'di'i rnam pa phye yang mu stegs can nam gnas ma'i bu yang rung ste/shes rab kyi mig gsal ba med pa'i phyir ram/ mig ma rig pa'i rab rib kyi sbubs kyis khebs pa'i phyir dman pa'i mig gis mi mthong ngo / / 'dir lam gyi yon tan ni gsum ste 'di lta ste/ 'dod pa'i yul du phyin par byed pa'i phyir bgrod pa gcig pu nyid dang gang gis na bag tsha ba med par 'gro ba snang ba dang bcas pa nyid du/ sdong dum dang tsher ma la sogs pa rnal ba'i phyir gang gis na bde blag tu 'gro ba bgrod cing rjes su bgrod pa'o//bdag med pa'i lam 'di yang de dang chos mthun par blta bar bya'o/ /rgyu bzhis ni lam mi mthong ste/ mun pa mun nag dang bcas pa nyid dang / nyi mas snang bar byas kyang ma bgrod pa nyid dang / mi mang pos bgrod kyang bsgribs pa nyid dang / phye yang lta ba po'i mig dman pa nyid do//de dag las 'dir lam 'di mi mthong ba'i rgyur ni lta ba po'o/ /nyes pa kho nas lam ma mthong gi lam gyi nyes pas ni ma yin no zhes bya ba gcig kho na bshad de/ 'dir mig dman pa des 'di mi mthong zhes bya bar khong du chud par bya'o/ /de ltar 'di ni phyogs tsam zhig ces bya ba thams cad 'byung ba la/de ltar zhes bya ba ni ji skad du bshad pa ltar ro/ /phyogs nyid phyogs tsam ste tsam zhes bya ba ni nyid ces bya ba'i don to/ /yang na 'di la phyogs tsam yod pas na phyogs tsam ste/ chos mngon pa'i bstan bcos chen po las nyung ngu 'di dag gis bstan to zhes bya ba tshig lhag ma yin no//su dag la zhe na shin tu mkhas pa rnams la zhes bya ba ste dam pa rnams la zhes bya ba'i don to/ /ji lta bur zhe na/ rang gi mthu yis rnam 'phel ba'i/ /dug la rma yi phyogs bzhin du/ /zhes bya ba smos te/ ji ltar 'ga' zhig gi dug ni nang gi mthus rma'i phyogs khyab nas yan lag dang nying lag thams cad kyi nang du 'phel bar 'gyur ro snyam du bsams nas ji ltar na 'di 'phel bar 'gyur snyam ste/de'i rma 'byin pa de bzhin du shin tu mkhas pa rnams ni rang gi mthus 'phel ba'i phyir dug dang 'dra ba yin no/ /de bas na shin tu mkhas pa mgo smos pas go ba shes rab can de dag la bdag gis ji ltar na gzhung nyung ngus chos mngon pa'i bstan bcos chen po kha che'i bye brag tu smra ba'i lugs grub pa don gyi sgo nas rtogs par 'gyur snyam ste 'di bstan to//gzhan dag na re 'di ni phyogs tsam zhig ces bya ba 'di ni bdag med par dgag pa 'di kho na'i dbang du byas nas bshad pa yin te/bdag gis mngon pa'i chos 'di phal cher ni/ /kha che bye brag smra'i tshul grub pa bshad/ /ces bya ba 'di nyid kyis don de bshad zin pa de'i phyir ro zhes zer ro/ /mdzod kyi gnas brgyad pa dang 'grel pa gang zag rnam par gtan la 'bebs pa 'di yang rdzogs so// //chos mngon sna tshogs don gyi za ma tog /chos mngon mdzod 'di rnam par phye ba yi/ /dge ba bdag gis thob pa gang yin des/ /'jig rten kun gyi bde ba 'byung gyur cig /bstan bcos pad+ma mtsho las skyes pa gtsang / /bdud rtsi'i ro rmad byung ba sred sel gnas gyur pa//bdag gi bshad tshig nyi zer dag gis gsal byas 'di/ /skye bo mkhas pa'i bung ba rnams kyis brten par shog /gang gis bstan bcos thams cad rtogs gyur nas/ /mkhas pa'i grags thob grags pa'i bshes gnyen des/ /rnam par bshad pa gzhan la ma mgu nas//rnam par bshad pa 'di ni byas pa yin/ /de yis rnam par bshad pa 'di/ /dpal dang tshig gi bdag po ste/ /dam pa'i don lung don gnyer ba/ /lha sku lha dang 'dra phyir byas/ /chos mngon pa'i mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa rdzogs so// //rgya gar gyi mkhan po bi shud+d+ha siM ha dang / zhu chen gyi lo tsA ba ban+de dpal brtsegs kyis bsgyur cing zhus te gtan la phab pa/ /'di la sh+loka ni khri brgyad stong yod do/ /bam po ni drug cur byas so// //