CLOSE WINDOW

D4080
བོད་ཡིག

shes rab kyi pha rol tu phyin pa'i man ngag paN+Di ta chen po rat+na a ka ra shAn tis mdzad pa rdzogs so// //paN+Di ta chen po zhi ba bzang po dang / zhu chen gyi lo tsA ba 'gos lhas btsas kyis bsgyur cing zhus te gtan la phab pa'o//[ ]@#/ /rgya gar skad du/ ka l+ya na kan+to nA ma pra ka ra Na/bod skad du/ dge ba'i sdong po zhes bya ba'i rab tu byed pa/ 'jam dpal gzhon nur gyur pa la phyag 'tshal lo/ /'khor ba dang mya ngan las 'das pa dang / sdug bsngal dang bde ba dang / ngan 'gro dang / bde 'gro dang / de dag gi rgyu rnams rtogs par byas la/ de nas dor ba dang blang bar bya ba yang dag par rig par bya'o//de la ngan 'gro ni dmyal ba dang yi dwags dang / dud 'gro'i 'gro ba rnams so/ /sdug bsngal ni yid du mi 'ong ba nyams su myong ba'o/ /thob par byed pa'i rgyu ni chos ma yin pa ste/ srog gcod pa dang / ma byin par len pa dang / 'dod pas log par g.yem par spyod pa dang /brdzun du smra ba dang / phra ma dang / tshig rtsub po dang / ngag 'khyal ba dang / brnab sems dang / gnod sems dang / log par lta ba dang / myos par 'gyur ba 'thung ba dang / log pas 'tsho ba dang / rnam par 'tshe ba dang / ser sna dang / mu stegs pa rnams la mchod cing gus pas phyag byed pa dang /sems can thams cad la byams pa'i sems med pa ste/ nyes par spyod pa bcu drug po de rnams kyang rang gis yi dam du bcas te byed pa dang / yi dam du bcas pa med par res 'ga' byed pa dang / gzhan byed du 'jug pa dang /gzhan byed pa la rjes su yi rang ba'i dbye bas re re la yang rnam pa bzhi bzhir dbye ba ste/ chos ma yin pa'o/ /de rnams kyang dus yun ring po'i dag nyid yin pa'i phyir byang chub kyi bar du spang bar bya'o/ /gzhan rnams kyang spong du gzhug par bya'o/ /bde 'gro ni lha dang mi dang lha ma yin gyi 'gro ba rnams so//bde ba ni yid du 'ong ba nyams su myong ba'o/ /de thob par byed pa'i rgyu ni dge ba'i chos te/ srog gcod pa spong ba dang / ma byin par len pa spong ba dang / 'dod pas log par g.yem pa spyod pa spong ba dang / brdzun du smra ba spong ba dang / dbyen byed pa spong ba dang / tshig rtsub po las log pa dang /ngag 'khyal ba spong ba dang / brnab sems spong ba dang / gnod sems spong ba dang / log par lta ba spong ba dang / myos par 'gyur ba 'thung ba spong ba dang / log pas 'tsho ba spong ba dang / rnam par 'tshe ba spong ba dang / ser sna spong ba dang / mu stegs pa rnams la gus par mchod pa dang phyag byed pa spong ba dang / sems can thams cad la byams pa'i sems med pa spangs te/ nyes par spyod pa bcu drug las ldog pa'o/ /de rnams kyang yi dam du blangs pa dang / res 'ga' byed pa dang / gzhan byed du 'jug pa dang /gzhan byed pa la rjes su yi rang ba de re re yang bzhi bzhir phye ba ni phyin ci ma log pa'i chos so/ /de yang dge ba'i bshes gnyen mchog nyid de yin pas na nam byang chub kyi bar du dang du blang bar bya'o/ /gzhan rnams kyang de la gzhug par bya'o/ /de bzhin du gzhan gyi srog bsrung ba dang /rang gi srog kyang ster ba dang / gzhan gyi rdzas srung ba dang / rang gi rdzas ster ba'o/ /gzhan gyi bud med srung ba dang / rang gi bud med kyang ster ba'o/ /bden pa'i tshig smra ba dang / gzhan bsrung ba'i tshig smra ba dang / snyan pa'i tshig smra ba dang / sdig pa med pa'i tshig dang /sems can thams cad la phun sum tshogs pa thams cad rab tu ster bar 'dod pa dang / gsod pa dang / 'tshong ba dang / brdeg pa la sogs pa mi 'dod pa thams cad las sems can thams cad yongs su sgrol bar 'dod pa dang / dge ba dang mi dge ba'i las de'i 'bras bu dag yod par yang dag par yid ches pa'o//de bzhin gshegs pa'i chos bdud rtsi 'thung ba dang / 'tsho ba rnam par dag pa dang / sems can rnams la bsnyen bkur byed pa dang / ji ltar nus pa bzhin du rab tu ster ba dang / sangs rgyas dang chos dang dge 'dun las ston pa gzhan med par gus pas yang skyabs su 'gro ba sngon du song bas gus pas mchod cing phyag 'tshal ba la dngos po thams cad bdag nyid kyis rab tu 'jug pa dang /sems can thams cad la snying rje chen po sngon du 'gro ba can gyi byams pa dang / 'chad par 'gyur ba'i pha rol tu phyin pa bcu'o/ / de rnams kyang yi dam du blangs pa dang / res 'ga' byed pa dang / gzhan byed du 'jug pa dang / gzhan dag byed pa la rjes su yi rang ba ste/ re re la yang rnam pa bzhi bzhir so sor dbye ba ni 'jug par bya ba'i chos so/ /de yang dge ba'i bshes gnyen te mchog nyid yin pa'i phyir nam byang chub ma thob kyi bar du khas blang bar bya'o//gzhan rnams kyang de la gzhug par bya'o/ /'khor ba'i phung po ni sdug bsngal gyi bden pa yin te/ sdug bsngal yongs su shes par bya'o/ /de thob par byed pa'i rgyu ni phung po rnams la rtag pa dang / bde ba dang / bdag dang / bdag gi ba nges par sngon du song ba can gyi 'dod chags dang /zhe sdang dang / gti mug dang / nga rgyal dang / the tshom dang / 'jig tshogs la lta ba dang / mthar 'dzin pa'i lta ba dang / log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa ste/nyon mongs pa rnams dang / dge ba dang / mi dge ba la sogs pa'i las rnams ni kun 'byung ste/ kun 'byung gi bden pa'o/ /kun 'byung ni 'khor bar 'gro ba ris drug tu nyon mongs pa dang bcas pa'i phung po skye ba ste spang bar bya'o/ /bye brag tu smra ba'i lta ba la gnas pa'i mya ngan las 'das pa rnam pa gnyis te/lhag ma dang bcas pa'i mya ngan las 'das pa dang / lhag ma med pa'i mya ngan las 'das pa'o/ /de la gang zag yod par smra ba ni yongs su dag pa'i phung po khyad par du 'phags pa tsam yod cing / las dang nyon mongs pa dang skye ba rnams zad pa ni phung po'i lhag ma dang bcas pa'i mya ngan las 'das pa'o//yongs su dag pa'i phung po yang zad nas gang zag tsam du gnas pa ni phung po lhag ma med pa'i mya ngan las 'das pa'o/ /gang zag med par smra ba ni yongs su dag pa'i phung po tsam gyi bdag nyid kyi 'phags pa las dang nyon mongs pa dang skye ba zad pa ni lhag ma dang bcas pa'i mya ngan las 'das pa'o//mar me zad pa bzhin yongs su dag pa'i phung po zad pa ni lhag ma med pa'i mya ngan las 'das pa ste/ thar pa dang 'gog pa'i bden pa'o/ /'gog pa ni mngon du bya ba'o/ /de thob par byed pa'i rgyu ni yang dag pa'i lta ba dang /yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ tshul khrims dang ting nge 'dzin dang shes rab kyi bdag nyid kyis 'phags pa'i lam yan lag brgyad de/lam gyi bden pa'o/ /lam ni bsgom par bya ba'o/ /theg pa chen po shes rab kyi pha rol tu phyin pa'i tshul la gnas pa ni sna tshogs gnyis su med pa'i ye shes gsal ba'i rang bzhin chos dang sprul pa'i sku gnyis kyi rten du gyur pa dang /mtshan dang dpe byad 'bar ba'i dpal 'byor longs spyod rdzogs pa'i sku'i bdag nyid sna tshogs pa'i sprul pas ji srid nam 'khor ba ma stongs kyi bar du 'gro ba'i don du byed pa dang ldan pa ste/ yang dag par rdzogs pa'i sangs rgyas rnams bag chags dang bcas pa'i nyon mongs pa dang /las dang skye ba rnams zad pa ni thar pa dang / sangs rgyas dang / yongs su mya ngan las 'das pa dang / 'gog pa'i bden pa ste/ 'gog pa ni mngon du bya ba'o/ /de thob par byed pa'i rgyu ni 'gro ba mtha' dag sdug bsngal rnam pa gsum gyi me rab tu 'bar bar blta ste/snying rje dang / byams pa dang / dga' ba dang / btang snyoms dang / dkon mchog gsum la skyabs su 'gro ba dang / byang chub tu sems bskyed pa dang / zang zing gi sbyin pa dang / mi 'jigs pa'i sbyin pa dang / chos kyi sbyin pa ste/ sbyin pa'i pha rol tu phyin pa gsum mo//dge ba'i chos sdud pa'i tshul khrims dang / sdom pa'i tshul khrims dang / sems can gyi don byed pa'i tshul khrims te/ tshul khrims kyi pha rol tu phyin pa gsum mo/ /sdug bsngal la ji mi snyam pa'i bzod pa dang gzhan gyi gnod pa dang du len pa'i bzod pa dang chos nyid zab mo la mi skrag pa'i bzod pa ste/bzod pa'i pha rol tu phyin pa gsum mo/ /dge ba'i las rnams la sbyor ba'i brtson 'grus dang / go cha'i brtson 'grus dang / brtsams pa mthar phyin pa'i brtson 'grus te/ brtson 'grus kyi pha rol tu phyin pa rnam pa gsum mo/ /rang gi skyon sel bar byed pa'i bsam gtan dang /rdzu 'phrul thob par byed pa'i bsam gtan dang / mthong ba'i chos la bde bar gnas par byed pa'i bsam gtan te/ bsam gtan gyi pha rol tu phyin pa gsum mo/ /thos pa las byung ba'i shes rab dang / bsams pa las byung ba'i shes rab dang / bsgoms pa las byung ba'i shes rab ste/ shes rab kyi pha rol tu phyin pa rnam pa gsum mo/ /sems can thams cad kyi skyon thams cad sel bar byed pa'i thabs dang / sems can thams cad kyi yon tan thams cad thob par byed pa'i thabs dang / bde bar myur du yang dag par rdzogs pa'i byang chub sgrub par byed pa'i thabs te/thabs kyi pha rol tu phyin pa gsum mo/ /bsod nams dang ye shes kyi tshogs thams cad yongs su rdzogs par byed pa'i smon lam dang / sangs rgyas kyi zhing yongs su dag par byed pa'i smon lam dang / sems can thams cad kyi don byed pa'i rgyun mi gcod pa'i smon lam ste/smon lam gyi pha rol tu phyin pa rnam pa gsum mo/ /las thams cad 'joms par byed pa'i stobs dang / nyon mongs pa 'joms par byed pa'i stobs dang / bdud dang phas kyi rgol ba la sogs pa rab tu 'joms par byed pa'i stobs te/ stobs kyi pha rol tu phyin pa rnam pa gsum mo//rnam par rtog pa sel bar byed pa'i ye shes dang / rtog pa dang mi rtog pa mnyam pa nyid du byed pa'i ye shes dang / sems can gyi don thams cad rtogs par byed pa'i ye shes te/ ye shes kyi pha rol tu phyin pa rnam pa gsum mo/ /bsod nams dang ye shes kyi tshogs mtha' dag bsdus pa'i rang bzhin ni pha rol tu phyin pa bcu'i bdag nyid kyi lam ste/lam gyi bden pa'i lam ni pha rol tu phyin pa'i theg pa'i tshul gyis dngos su kun du spyad par bya'o/ /gsang sngags kyi theg pa la gnas pa ni sna tshogs gnyis su med pa'i ye shes shin tu gsal ba'i rang bzhin bde ba chen po dang /chos dang ngo bo nyid kyi sku bzhi mnyam par brten pa dpal gsang ba 'dus pa la sogs pa'i dkyil 'khor gyi bdag po'i rang bzhin mtshan dang dpe byad kyis 'bar ba'i dpal longs spyod rdzogs pa'i sku'i bdag nyid ji srid du rab tu phye ba'i sprul pas ji srid du nam 'khor ba ma stongs kyi bar du 'gro ba'i don byed pa po yang dag par rdzogs pa'i sangs rgyas rnams ni bag chags dang bcas pa'i nyon mongs pa dang skye ba rnams zad pa ni thar pa dang /sangs rgyas dang / mya ngan las 'das pa dang / 'gog pa'i bden pa ste/ 'gog pa ni mngon du bya ba'o//de thob par byed pa'i rgyu ni ji ltar gsungs pa'i bsod nams dang ye shes kyi tshogs mtha' dag bsdus pa'i rang bzhin ting nge 'dzin rnam pa gsum gyi bdag nyid cho ga ji lta ba bzhin du ting nge 'dzin rtogs pa rnam par rtog pas byas la/ dpal gsang ba 'dus pa la sogs pa'i dkyil 'khor gyi 'khor lo'i bdag nyid kyi lam gyi bden pa ste/lam ni bsgom par bya zhes pa'o/ /ji ltar gsungs pa ma lus pa 'di kun yongs su shes pa'i shes rab gang gis yongs su sbyangs na yang dag par rdzogs pa'i byang chub tu mngon par rdzogs par 'gyur ro/ /da ni mdor bsdus te bye brag tu smra ba la sogs pa'i lta ba la gnas pas sna tshogs dang de kho na nyid rim par smra ba nye bar bstan par bya ste/gzugs dang / tshor ba dang / 'du shes dang / 'du byed dang / rnam par shes pa'i bdag nyid kyi 'das pa'i phung po lnga dang / ma 'ongs pa'i phung po lnga dang / da ltar gyi phung po lnga dang / mya ngan las 'das pa dang / gang zag ste/ ngo bo lnga'i bdag nyid ni sna tshogs so/ /phung po rnams ni rtag pa de kho na nyid dang / mya ngan las 'das pa rtag pa ni de kho na nyid dang / gang zag mi rtag pa yang ma yin rtag pa yang ma yin pa ni de kho na nyid de/ nub phyogs pa'i bye brag tu smra ba rnams kyis rtogs pa'i sna tshogs dang / de kho na nyid do/ /da ltar gyi phung po lnga dang / nam mkha' dang / so sor brtags pa'i 'gog pa dang / so sor brtags pa ma yin pa'i 'gog pa ste/ ngo bo nyid bzhi'i bdag nyid ni sna tshogs so/ /phung po rnams mi rtag pa ni kho na nyid dang /nam mkha' dang / so sor brtags pa'i 'gog pa dang / so sor brtags pa ma yin pa'i 'gog pa rnams rtag pa ni de kho na nyid do/ /kha che bye brag tu smra ba rnams kyis rtogs pa'i sna tshogs dang de kho na nyid do/ /rnam pa dang bcas pa'i shes pa ni phyi rol gyi yul 'dzin cing da ltar gyi phung po lnga po tsam mo zhes dngos po gcig gi bdag nyid ni sna tshogs so//de rang rang gi rgyur byas pa nas bzung ste ji srid rgyun gnas pa de srid du rab tu 'jug pa'i bdag nyid tsam ni skad cig ma nyid dang bdag med pa zhes bya ba ni de kho na nyid de/ mdo sde pa'i lta ba la gnas pa rnams kyis rtogs pa'i sna tshogs dang de kho na nyid do//don dam par ston ka'i nam mkha'i sprin med pa lta bu'i gnyis su med pa'i ye shes nyid gcig pu'o/ /yang ma rig pa'i dbang gis brdzun pa 'di lta bu gzung bar 'dzin pa'i bdag nyid kyi sngon po la sogs pa'i rnam pa'i 'khor lor gsal ba zhes pa rnal 'byor spyod pa'i gzhung gcig go//bde ba chen po rang bzhin gsal ba tsam ni bden pa'o/ /ma rig pa'i bag chags kyi dbang gis sgyu ma bzhin brdzun pa'i rnam pa'i 'khor lor/ rigs pa'i rjes su 'brangs pa rnams don 'di dag gi khyad par bstan par 'dod pa rnams la ma nyams pa'i spyan gyis tshad mas gzhan dag tu bsgrubs zin to zhes bya ba'i don to//de ltar sna tshogs dang de kho na rnam pa du mar brjod du zin kyang 'gro ba ma lus pa la phan par 'dod pas/ 'phags pa byams pas gsungs pa'i dbu ma yang dag par rdzogs pa'i byang chub kyi sgrub pa'i thabs nyid la sems can kun gzhug par bya'o//de la sna tshogs rnams ji srid du so sor snang ba de srid lus dang longs spyod dang gnas la sogs pa'i rnam pa rnams rang rang gi sems kyi snang ba tsam ste/ sems can dang snod kyi 'jig rten gnyis su sgro btags pa ni 'khor ba ste/de zad pa ni thar pa'o/ /de ltar sna tshogs gnyis su med par gsal ba'i rgyun gyi bdag nyid kyi chos thams cad brtags pa'i gzung ba dang 'dzin pas stong pa nyid ni sna tshogs dang de kho na nyid do/ /de dag kyang shin tu rnam par gyur pa ni/ de bzhin gshegs pa rnams ni chos kyi sku'o//de nyid bems po las log pa'i longs spyod rdzogs pa'i sku mngon sum du mdzad pa ni/ 'bras bu'i gnas skabs nyid don dam pa'i shes rab kyi pha rol tu phyin pa'o/ /de nges pa tsam du byas pa ni/ rgyu'i gnas skabs kyi bdag nyid kyi shes rab kyi pha rol tu phyin pa'o/ /sdug bsngal ba gsum gyi mes rab tu 'bar bar 'khor ba'i sems can thams cad la bltas pas snying rje chen po'i dbang gis/ sems can de rnams kun la mnyam pa'i sems dang /phan pa'i sems dang / gnod sems med pa'i sems dang / byams pa'i sems dang / mi smod pa'i sems dang / pha dang ma'i sems dang / bu dang bu mo'i sems dang / mdza' bshes kyi sems dang / snag gi gnyen mtshams kyi sems su bya ba ste/ rang gi srog las kyang lhag pa'i byams pa dang por bya zhing / sems can de rnams kun 'khor ba las bsgral zhing / sangs rgyas nyid la rab tu gzhag par bya ste/ yang dag par rdzogs pa'i sangs rgyas su gyur cig ces byang chub kyi sems bskyed par bya zhing /dkon mchog gsum la skyabs su song zhing / mi dge ba bcu la sogs pa'i nyes pas spyod pa mtha' dag las log cing / sbyin pa la sogs pa'i pha rol tu phyin pa bcu la goms par bya zhing /bsod nams dang ye shes kyi tshogs mtha' dag gi rgya mtsho'i pha rol tu phyin pa/ chos dang longs spyod rdzogs pa dang sprul pa'i sku gsum gyi bdag nyid kyi de bzhin gshegs par gyur nas/ ji srid nam 'khor ba ma stongs kyi bar du 'gro ba rnams sgrol bar byed pa ste/pha rol tu phyin pa'i theg pa la gnas pa'i rim pa'o// //bi kra ma shI la'i paN+Di ta rat+na kI rtis mdzad pa dge ba'i sdong po zhes bya ba rdzogs so// // paN+Di ta bid+yA ka ra sing ha dang / lo tsA ba many+dzu shrI wa rmas bsgyur ba'o// //