CLOSE WINDOW

D4074
བོད་ཡིག

/ // @##/ /rgya gar skad du/ yo ga a ba ta ra/ bod skad du/ rnal 'byor la 'jug pa/ 'phags pa 'jam dpal gzhon nur gyur pa la phyag 'tshal lo//bstan bcos rgya chen po ni thos nas kyang / don dam de bzhin nyid ni nges byas la/ /dad ldan de ni 'jam pa'i stan gnas te/ /blo dang ldan pas rnal 'byor brtson par bya/ gzung dang 'dzin dang gnyi ga gnyis min dang /bdag dang gzhan dang mya ngan 'das pa dang / /'khor ba zhes bya'i rnam rtog mang po ni/ /rtag tu spangs la yid ni mnyam par gzhag /sgyu ma dri za'i grong khyer lta bu ni/ /shes bya ma lus rnam par bltas nas su/ /de bzhin nyid kyi ye shes rdo rje yis //lus kyi 'khrul 'khor rab tu gzhig par bya/ /rnam pa thams cad du ni rab mdzes la/ /thog dang tha ma'i cha bral rnam mi rtog /dri ma med pa'i 'od zer stong gis ni/ /mun pa nges bsal mkha' dang mtshungs pa yin / /rang gi snang ba tsam gyi ngo bo ru//gzod nas skye ba med pa'i rang sems mthong / /gang gis kyang ni de mthong gyur pa dag /de yang de bzhin du ni blta bar bya/ /dmigs pa med dang bcas pa'i sems nyid ni/ /de bzhin nyid dang yang dag mtha' ru bshad/ /de ltar rim gyis bslabs par gyur pa las//ming du shes pa 'gog pa 'thob par 'gyur/ /de la yang dag reg par sbyor ba las/ /'bad pa med par mngon shes lnga ru 'gyur/ /de dang mngon par ldan pa'i rnal 'byor pa/ /'gro ba'i don ni dpag tu med par byed/ /'di ni yongs su rdzogs pa'i rnal 'byor pa//shin tu yun ring dus su gnas par 'gyur/ /lus ni rdo rje lta bur mi shig shing / /nyon mongs bdud la sogs pas g.yo mi 'gyur/ /shes rab pha rol phyin pa zhes bya yi/ /rnal 'byor 'di dag rtag tu rab ldan pa/ /nam mkha' mdzod la sogs pa'i ting nge 'dzin//mang po rnams ni yang dag rdzogs par 'gyur/ /bdag gi rnal 'byor pa ni 'jug pa tsam/ /yang dag sbyar bas dge ba gang bsags pa/ /der ni 'gro ba thams cad rab myur ba / /thams cad mkhyen pa'i ye shes thob par shog /rnal 'byor la 'jug pa zhes bya ba/