CLOSE WINDOW

D4073
བོད་ཡིག

#/ /rgya gar skad du/ d+h+ya na dI paM nA mo pa de shA/ bod skad du/ bsam gtan gyi sgron ma zhes bya ba'i man ngag /bcom ldan 'das bde ba chen po la phyag 'tshal lo/ /sdom ni/ rnal 'byor zhi gnas rgyu dang grogs/ /sngon 'gro dmigs pa gtad pa'i thabs//rjes bya khams tshod gzung dang tshad/ /spyod lam sems dpas bcos pa'i thabs/ /yon tan rjes bya go rims dang / /rnam dbye de sbyor 'bras bur bcas/ /de la zhi gnas kyi rnal 'byor pa gang zhe na/ gang du gnyid shas chung ba dang / 'dod chags la sogs pa'i nyon mongs pa shas chung ba dang /dge ba la mos pa dang / de'u dang bral ba dang / lung dang man ngag gi rjes su 'jug pa ste/ ji skad du/ nyon mongs tshogs bral sdom pa srung la mos/ /dge ba'i don la mos shing brjed pa med/ /bsgo ba'i tshig la nyan cing snyan par smra//mkhas pa zhi gnas don dang ldan par 'gyur/ /zhes 'byung ba dang / gzhan yang / sems ma 'khrugs dang nad dang bral/ /bsgo ba 'dzin cing kun tu gsong / /zhes 'byung ba lta bu'o/ /de la zhi gnas dngos gang zhe na dmigs pa la 'dzin pa dang / sems kun tu gtod pa dang /nyon mongs pa nyung ba dang / bying ba dang / rgod pa snyoms pa dang / lhag mthong la phan par byed pa dang / sems dal bar gyur pa dang / kun tu mi g.yo ba dang / bstan pa dang / zhi bar rab tu gnas pa ste/ lung gzhan dag las/ sdud par byed dang g.yo ba med/ /dal gyur ting 'dzin nyon mongs srungs //yon tan kun gyi rten du gyur / /zhi gnas yon tan kun tu bde/ /zhes 'byung ba dang / sems dpa' chen po'i zhi gnas ni sems 'phro ba med pa'i ting nge 'dzin dang / sems las byung ba rnams so zhes 'byung ba dang / gzhan dag las/ nyes pa lnga spong ba ni sems las byung ba'i 'du byed brgyad do zhes 'byung ba lta bu'o//de la zhig nas kyi rgyu gang zhe na/ gang zhi gnas skyed par byed cing zhi gnas la phan par byed pa rnams so/ /de dag kyang gang zhe na/ 'di lta ste/ de bzhin gshegs pa'i lung dang de la brten pa dang /dmigs pa khyad par can dang / sun 'byin pa dang / gnyen po dang / gzhan mthong ba dang / thos pa dang / rang gis nyams su myong ba dang / gnas dang / yul dang dus dang zas dang skom dang grogs dang rten dang phrad pa dang bral ba dang / gtong ba dang 'dzin pa dang / yongs su sdud pa dang sems las byung ba'o/ /de la lung gis ji ltar 'gyur zhe na/ theg pa chen po'i mdo'am rgyud dag las zhi gnas dang / de'i thabs dang / de'i yon tan brjod pa gang gis gang zhig 'phel bar 'gyur ba'i phyir ro/ /de la brten pas ji lta zhe na/ bka' gang la gang gis brten nas gang la brten pa des de 'phel bar 'gyur ba'i phyir ro//de yang lung las sems dpa' chen po sgra gang la brten nas sems can dman pa la rtogs pa 'byung ngo / /rtogs pa la brten nas zhi gnas dang ldan par 'gyur ro/ /de la brten nas lhag mthong 'phel bar 'gyur ro/ / de la zung du 'brel ba'i ye shes 'byung bar 'gyur ro/ /sems dpa' chen po ngan song du byang chub sems dpa'i spyad pa spyod pa'i dus su sangs rgyas rnam par gzigs kyi sgra la brten nas bla na med pa yang dag par rdzogs pa'i byang chub tu mngon par rdzogs par sangs rgyas so zhes bya ba la sogs pa rgya cher gsungs so//dmigs pas ji lta bu zhe na/ gang la gzhan las gyur pa'i dmigs pa yod pa ste/ ji ltar rnam par bam pa dang / rnam par bsngos pa la brten nas mi sdug pa'i bsam gtan yongs su rdzogs par 'gyur ro/ /dus mtha'i me la sogs pa la brten nas zad par gyi ting nge 'dzin yongs su rdzogs par 'gyur ro zhes bya ba la sogs pa dang /rin po che sna lnga'i sku'i snang ba'i gnyen po dang bcas pas sku'i ting nge 'dzin yongs su rdzogs par 'gyur ro/ /rdul ba dang zhu ba'i stobs kyis thig le'i bsam gtan phun sum tshogs par 'gyur ro/ /snang ba'i 'od ces bya ba ni 'od kyi bsam gtan phun sum tshogs par 'gyur ro//nam mkha' dang ba la brten nas 'od gsal gyi ye shes phun sum tshogs par 'gyur ro zhes bya ba la sogs pa rgya cher gsungs so/ /gang 'dod pa'i yul de dam par 'gyur ro/ /sun 'byin pas ji ltar 'gyur zhe na 'di ltar 'dod chags dang 'dod chags kyi yul la nyes pa dang chags su mi rung bar lta ste/dang po'i dus rjes su dran pa dang mtshungs par ldan pa dang / zla gzhan dang / dus phyis 'byung bas phyis rjes su dran pa dang / gtsang ba med pa dang / bdag med pa dang / rtag pa med pa dang / ro bro ba med pas gang 'dod pa rtse gcig tu 'gyur ro/ /lung gzhan las/ dang po'i dus dang mtshungs ldan dang / /zla gzhan phyis 'byung rjes dran pas/ /gti mug chags dang nyon mongs bral/ /ting 'dzin yon tan phun sum tshogs/ /zhes 'byung ba dang / gzhan las/ rtag min rang dbang yod min dang /gzhan skyon gzhan la ldan gyur dang / /rang gis rang gi yon tan nyid/ /'byor pa phun sum tshogs par 'gyur/ /zhes 'byung ba lta bu'o/ /gnyen pos ji lta bu zhe na/ ma chags pa dang / zhe sdang med pa la sogs pas rang gi mi mthun pa'i phyogs sel bar 'gyur ro//de ci'i phyir zhe na/ mi mthun pa dang / gnyen po dag lhan cig mi gnas pa'i phyir 'gal ba yin no/ /gal te de ltar na dge bar 'gyur ba gang lhan cig mi gnas par 'gyur ba'i phyir tha dad pa med par 'gyur ro zhe na/ ma yin te phan tshun spangs pa'i phyir 'gal ba nyid do/ /de bas na chos dge ba nang tha dad pas gcig tu mi 'gyur ro//gzhan mthong bas ji ltar 'gyur zhe na/ dmigs pa gsal ba dang bsam gtan dang ldan pa mthong na dad par 'gyur ro/ /gang la dad par gyur pa de las sems rtse gcig par 'gyur ro zhe'o/ /thos pas ji ltar 'gyur zhe na / de nyid bzhin no/ /rang gi nyams su myong bas ji ltar 'gyur zhe na/gang gis snga ma'i dus su zin pa dang / 'gal ba dang / rab tu rdzogs pa dang mngon du gyur pas gang du gtad pa de 'phel bar 'gyur te/ ji skad du/ sems dpa' chen po gang gis de kho na nyid kyi bsam gtan yongs su rdzogs par 'dod pa des gang la brten te bslab par bya ba'i thabs yongs su rdzogs par bya ba ni 'di lta ste/snga ma'i dus kyi dmigs pa rnam par gsal ba dang / yongs su rdzogs pa la brten nas bla na med pa'i thabs chen po thob par 'gyur ro/ /de ci'i phyir zhe na/ snga ma'i dus kyi dmigs pa des phyi ma'i rkyen byed par 'gyur te/dang po ni rang gi dmigs pa la dran pa skye'o/ /de nas phyi ma la mngon du byed do zhes 'byung ba lta bu'o/ /gnas kyis ji ltar 'gyur zhe na/ lung las/ 'di ltar rigs kyi bu'am/ rigs kyi bu mo gang la la dag ting nge 'dzin nyams pa med pa 'dod pa dang / shes rab nyams pa med pa 'dod pa dang / rnam par grol ba nyams pa med pa thob par 'dod pas/ thog ma nyid du ni yid du 'ong ba'i gnas la brten par bya'o/ /de ci'i phyir zhe na/ gnas yongs su dag pas thog ma nyid du dmigs pa ma dag pa spong bar 'gyur ro/ /gang gi tshe dmigs pa ma dag pa spangs pas 'dod chags la sogs pa nyon mongs pa spangs par 'gyur ro//gang gi tshe nyon mongs pa spangs par gyur pa de'i tshe sems rtse gcig pa 'thob par 'gyur ro zhes bya ba la sogs pa rgya cher gsungs so/ /yul gyis ji lta bu zhe na/ rigs kyi bu sems can tsha ba'i nad dang ldan pa rnams kyis ni shin tu mtho bar gyur pa dang /grang ba'i reg pa yod pa dang / tsan dan go shiR+Sha dang / tsan dan sbrul gyi snying po can la sogs pa yod pa gang yul khams sam/ 'brog dgon pa'am/ khams chen po la gnas na de'i nad thams cad zhi bar 'gyur ro//de bas na de'i bsam gtan dang cho ga phun sum tshogs par 'gyur te / 'di ltar rin po che'i mdzod ces bya ba'i ting nge 'dzin dang / rin po che tog brtsegs pa zhes bya ba'i ting nge 'dzin dang / rin chen snang ba zhes bya ba'i ting nge 'dzin dang / rin chen snying po zhes bya ba la sogs pa'i ting 'dzin tshad med grangs med cing bgrang ba las 'das pa thob par 'gyur ro zhes bya ba la sogs pa rgya cher gsungs so//dus kyis ji ltar 'gyur zhe na/ 'di lta ste/ 'di nas yun ring po ma lon par bsam gtan phun sum tshogs par 'dod na/ nyi ma lnga'am/ gcig gi bar du yan lag yongs su sbyang ba dang /phung po'i rgyun rab tu 'phel ba zhes bya ba'i cho ga la gnas par bya'o zhes 'byung ba lta bu'o/ /zas kyis ji ltar 'gyur zhe na/ rigs kyi bu'am rigs kyi bu mo gang la la dag la/ zas kyi tshod shes pa dang zas kyi mtshan nyid shes pa dang / zas dang mthun pa'i lus shes pa des ji ltar zas la spyad pa bzhin du bsam gtan phun sum tshogs par 'gyur ro//de ci'i phyir zhe na/ 'di ltar zas la legs par brten pas ni lus bde bar 'gyur ro/ /de nas sems bde bar 'gyur ro/ /de nas ni bsam gtan phun sum tshogs par 'gyur ro zhes 'byung ba lta bu'o//zas la ji lta bar skom pa yang sbyar bar bya'o/ /grogs kyis ji ltar 'gyur zhe na/ sems dpa' chen po'i bsam gtan dang ldan pa'i gang zag la la zhig bsam gtan la gnas par 'gyur zhing bsam gtan la bsngags pa brjod nas/ bsam gtan gzungs su 'dzin par byed na/byis pa ma rabs kyi rjes su 'jug par mi byed na/ bsam gtan de rang las byung snyam mam/ gsol pa bcom ldan 'das de ni ma lags so/ /bka' stsal pa/ gal te bsam gtan de gzhan las byung snyam mam/ gsol pa/ bcom ldan 'das de ni ma lags so//bka' stsal pa/ sems dpa' chen po de de bzhin no/ /de de bzhin te/ sems can de dag gi bsam gtan de ni rang las kyang byung ba ma yin no/ /gzhan las kyang byung ba ma yin te/ rkyen gzhan la ltos shing rang gi sa bon las byung bar rig par bya'o zhes 'byung ba lta bu'o//grogs la ji ltar brten pa'ang de bzhin no/ /phrad pas ji ltar 'gyur zhe na/ 'di ltar lung dang phrad pa dang / rigs pa dang phrad pa dang / dge ba'i grogs po dang phrad pas kyang bsam gtan phun sum tshogs par 'gyur ro/ /bral bas ji ltar 'gyur zhe na/ ji ltar 'gro ba bzang mo dang bral ba dang /sdig pa dang bral ba dang / dgra dang sbrul gdug pa dang / stag dang seng ge la sogs pa bsam gtan gyi dgrar gyur pa dang bral bar gyur pa'o/ /gtong bas ji lta bu zhe na/ sbyin pa la sogs pa dge ba'i stobs kyis 'gyur ba'o/ /'dzin pas ji ltar 'gyur zhe na/gang gi sdom pa dang / sdom pa'i bdag po dang / grogs dang gnas dang mthun par 'gyur pas so/ /sdud pas ji ltar 'gyur zhe na/ bsdu ba'i dngos po bzhi la brten nas bsam gtan phun sum tshogs par 'gyur ro/ /sems las byung bas ji ltar 'gyur zhe na/ dran pa dang mos pa la sogs pa dang ldan pas bsam gtan phun sum tshogs par 'gyur ro//'di la'ang kha cig ni dngos su'o/ /kha cig ni brgyud nas 'gyur te ci rigs su sbyar ro/ /de la zhi gnas kyi grogs gang zhe na/ dmigs pa mngon du byed pa'i dus na gang gis de la phan par 'gyur ba thams cad do/ /sngon du 'gro ba gang zhe na/gang gis dang po stan bde ba la 'dug ste/ skyil mo krung legs par bcas te/ lus bsrang / sun 'byin pa dang / spro ba rnam pa gnyis bya ste/ e ma'o khams gsum kun gyi sems can 'di dag ni ci skad du/ tshe rabs thog ma med pa nas nyon mongs pa'i 'ching ba dang ldan pa ste/de'i rgyu de'i rkyen gyis mtshams med pa'i sdug bsngal sna tshogs myong bar 'gyur ro zhes spong bar bsam par bya'o/ /gzhan yang bdag gi tshe rabs thog ma med pa'i dus nas don med pa'i las kyis bcings pa ste/ ji skad du/ mi rtag lus 'di'i don gyi phyir/ /sdig dang don med las rnams byas//lus dang sems bral so so nas/ /khyed kyis ci ste thang du gso/ /dge bral thabs ni sna tshogs pas/ /phung po'i don phyir las rnams byas/ /'bras bu bya dang khyi sbyang zas/ /bdag la dgos pa med du zad/ /ces pa 'di dag gi don yang bsam par bya'o//gzhan yang / bdag lus gcig min phyi nang gnyis dang ldan/ /nang grol don snying pags pa gzugs dang mgo/ /re re cha yis phye bas snying po med/ /de phyir lus la mkhas pa su zhig chags/ /zhes pa dang / khams gsum gcig min snod dang bcud du ldan/ /re re cha yis phye bas bsam mi khyab//phra rab rdul la dngos po ci yang med/ /de phyir phyi rol gcig dang du ma bral/ /zhes pa 'di yang bsam par bya'o/ /gzhan yang / de nas bdag ni 'bras bu can/ /'jig rten dge ba thams cad kyis/ /bsam gtan dge ba'i char mi 'gro/ /de phyir bdag ni dbugs 'byin 'gyur//zhes pa 'di yang bsams te/ 'di yang sngon du 'gro ba'o/ /de la zhi gnas kyi dmigs pa gang zhe na yid kyi rnam par shes pa dang / ting nge 'dzin dang / sems las byung ba dge ba gzhan gyi yul du gyur pa'o/ /dmigs pa la gtang ba'i thabs gang zhe na/gang gis de'i rnam pa la sems lhan ner 'jog pa'o// //sdom ni/ sngon 'gro grogs dang dus dang mthong / /spyi dang bye brag dmigs pa bzhi'i/ /mtshan ma dmigs gzhan gtong dang bstod / /bcings dang sun 'byin tshogs rdzogs pa'o/ /de la sngon du 'gro ba dang bcas pas sems bzung ba'ang yod de/gang gis sngon du 'gro ba legs par spyad pas 'di la rtse gcig tu 'gyur ba'o/ /grogs kyi bye brag gis sems bzung ba yang yod de/ dmigs pa gang la ting nge 'dzin gyi yul du byed pa'i dus su sems las byung ba dran pa la sogs pas sems legs par gnas par 'gyur ba'o //dus kyi bye brag gis sems bzung ba'ang yod de/ gang du dus legs par gnas pa ste/ ji ltar chu tshod drug cha nas bzung ba'o/ /gzhan mthong ba'i bye brag gis sems bzung ba'ang yod de/ 'dod pa'i bya ba'i yul gang legs par 'gyur sngar mthong ba'i stobs kyis phyis dmigs par 'gyur ba'o//dmigs pa spyis spyi la sems bzung ba'ang yod de/ ting nge 'dzin gang gis sku la sogs pa thams cad yul du byas nas/ thams cad gsal bar 'gyur ba'o/ /dmigs pa spyis bye brag la sems bzung ba'ang yod de/spyi gtad pas gsal pa gang la rtse gcig tu 'gyur ba'o/ /dmigs pa bye brag gis spyi la sems bzung ba'ang yod de/ sla bar gyur pa gcig la sems bzung bas phyis gzhan gsal bar 'gyur ba'o/ /bye brag gis bye brag la sems bzung ba'ang yod de/ gang la gtad pa de nyid gsal bar 'gyur ba'o/ /mtshan mas sems bzung ba'ang yod de/ gang rdo rje dang rin po che dang / 'khor lo la sogs pa rgyan gsal bas der 'gyur ro/ /dmigs pa gzhan gyis gzhan la sems bzung ba'ang yod de/ 'di ltar khams gsum dag pas 'gyur ba dang /bdag dag pas 'gyur ba ni dag pa'i stobs kyis so/ /'dod chags dang zhe sdang dang bral bar 'gyur ba ni spangs pas 'gyur ba'o/ /rlung gyen du 'gro ba dang / sna sgo g.yas su 'gro ba dang / g.yon du 'gro ba dag las 'byung ba la sogs pa'i rim pa dang /snying ga dang lte ba dang gsang ba'i gnas su slob pa ni dul nas 'dzin pa'o/ /gtong ba'i bye brag gis sems bzung ba'ang yod de/ /gsal bar gyur na btang bas de yongs su gsal bar 'gyur ba'o/ /kun tu bstod pa'i bye brag gis sems bzung ba'ang yod de/ bying bar gyur na sems bstod pas gsal bar 'gyur ba'o/ /gting du bcings pas sems bzung ba'ang yod de/ sems rgod par gyur na gang gi bcings bas gsal bar 'gyur ba'o/ /sun 'byin pas sems bzung ba'ang yod de/ 'jig rten gyi las la nyes par shes pa spangs te/sems rtse gcig par 'gyur ba'o/ /tshogs yongs su rdzogs pas sems bzung ba'ang yod de/ gang gis sangs rgyas thams cad la phyag 'tshal ba dang mchod pa la sogs pa'i dge ba'i stobs kyis gang la dmigs te gsal bar 'gyur ba'o/ /gzhan yang / kha dog dbyibs dang grangs dang tshad/ /yongs rdzogs de yis de dag 'grub/ /ce'o/ /de nas rjes su bya ba'i cho ga bshad par bya ste/ sdom ni/ nyams su myong rtog de la gang dmigs dang / /bying dang rgod rtog de la gnas byed dang / /rang la rab spro bsngo la yi rang dang / lus ngag nyams lta 'di dag rjes su byed/ /de la nyams su myong ba'i rtog pa gang zhe na/ gang gis bdag gi gsal ba dang / yongs su rdzogs pa ji ltar gnas par rtog go/ /de la gang dmigs pa rtog ce na/ 'di ltar nyon mongs pa dang bcas pa'i sems sam/ de las gzhan pa'i sems kyis rtog go//bying ba ji ltar rtog ce na/ sems myal myal por 'dug pa dang / gnyid kyis non pa lta bur 'dug pa dang / bsam gtan dang gnyid dbye ba med par 'dug pa'o/ /rgod pa ji ltar rtog ce na/ sems gnyis 'dzin du gnas pa dang / nyon mongs pa'i yul la rab tu 'phro ba'o/ /de la gnas pa gang zhe na/ ro myang ba dang / zhi bar shes pa'o/ /rang la rab tu spro ba ji lta bu zhe na/ rang gi bsam gtan 'di mchog tu gyur pa'o/ /'di ni yang dag pa'o snyam du'o/ /bsngo bas ji lta bu zhe na/ bsam gtan gyi dge ba'i rtsa ba 'dis/'gro ba thams cad sangs rgyas par gyur cig pa'o/ /yi rang bas ji lta bu zhe na/ sems can gzhan pa dag pa bsam gtan dang ldan pa la yi rang ba'o/ /lus kyi nyams la lta ba ji lta bu zhe na/ lus ngag la bsam gtan phan pa'am/ de las gzhan du phan par gyur pa rtag pa ste/smra ba dang sems pa la yang de bzhin no/ /khams kyi tshod bzung ba ji lta bu zhe na/ gang du bsam gtan de khams la gnod par 'gyur ba de srid du/ thun thud dus gnas par bya'o/ /gang du khams la gnod pa med pa de srid du bsring zhing nyung ngu nyung dus gnas par bya'o//bsgom pa'i tshad gang zhig ce na/ rnam pa gnyis te/ goms pa'i tshad dang / mthar phyin pa'i tshad do/ /gang gis dmigs pa rtsol bas gsal ba dang / rnam pa gzhan du bsgyur nus pa'o/ /yang ji ltar snang ba rang gi bsam gtan las gzhan du mi snang ba'o//spyod lam ji lta bu zhe na/ de ni rnam pa gsum ste/ las dang po pa'i spyod lam dang / bar ma'i spyod lam dang / tshad du phyin pa'i spyod lam mo/ /las dang po pa'i spyod lam gang zhe na/ dang po dus kyi rnal 'byor pas/ nang par nyi ma ri la gnas pa'i dus su bsam gtan byas te/de nas zas legs par bza' ba dang / skom legs par btung ba dang / las drag po la sogs pa spang ba dang / gzugs la sogs pa yun ring du lta ba spang bar bya'o/ /gzhan yang tha mal par gnas par bya'o/ /gzhan yang bdag nyid kyi lus ngag gi spyod lam ci bde bar gnas par bya ste/'di ni las dang po pa'i spyod lam mo/ /rnal 'byor par ma'i spyod lam gang zhe na/ gang gis snang ba thams cad lha'i dkyil 'khor du gnas pa dang / snang ba nyid sgyu ma tsam du gnas pa dang / gong ma tsam nyid sgyu ma tsam du gnas pa ste/lung las/ rnal 'byor mos pa'i sa la gnas / /gong du gyur pa'i spyod lam ni/ /snang ba'i dngos po brdzun par 'dzin/ /de nyid gzhan du bzlog pa dang / /gzhan gyur dngos po sgyu mar blta / /yon tan dam pa thob par 'gyur/ / zhes 'byung ba lta bu'o/ /rnal 'byor pa mchog gi spyod lam gang zhe na/ /gang gi sngon du snang ba'i log pa'i sgyu ma tsam dang / stong pa nyid du blta ste/ sems can gyis brtags pa 'khrul par yang shes/ 'khrul pa de la'ang ma chags bzhin spyod do/ /dngos po lha'i dkyil 'khor yang snang ba tsam du shes te/de la'ang ma chags bzhin du spyod do/ /de ni lung las/ rang snang gzhan la snang ba kun/ /snang ba 'khrul pa tsam du gnas/ /zhen pa med bzhin kun tu spyod/ /de la dngos grub mchog dang ldan/ /zhes 'byung ba lta bu'o/ /de la dus kyi spyod lam gzhan yang gsungs pa//gang gis zas dang skom dag ni/ /kun tu bdud rtsi'i longs spyod che/ /'chi nyal stong pa nyid du gnas/ /langs pa'i dus su rang lha nyid/ /kun tu bde ba nyid la gnas/ /mthong ba'i chos la mya ngan 'da'/ /zhes pa la sogs pa gsungs pa lta bu'o//sems nyams du zhe na/ sdom ni/ myur dang dal dang brtan pa dang / /sra dang snyi dang thogs pa dang / /snyam sems pa dang rgya che zab/ /de bzhin rtags ni rnam pa lnga/ /de la myur zhes bya ba ni shes pa chu 'bab pa lta bur snang ba'o/ /dal zhes bya ba ni chu klung bzhin no//brtan pa zhes bya ba ni mtsho gting bzhin no/ /sra ba zhes bya ba ni dmigs pa thogs can du gyur pa'o/ /snyi ba zhes bya ba ni de las bzlog pa'o/ /dang po snyi la de nas sra na thogs pa'o/ /snyam sems pa ni snyam sems pa dang / ring ba snyam sems pa dang / ngal bsnyam sems pa dang /brel ba snyam sems pa dang / zin pa snyam sems pa dang / ma zin pa snyam sems pa dang / sangs rgyas pa snyam sems pa dang / mi snyam pa snyam sems pa dang / gzhan du phyin pa snyam sems pa dang / ma phyin pa snyam sems pa dang / kun bde ba snyam sems pa dang /mi bde ba snyam sems pa'o/ /rgya che ba ni shes pa nam mkha' lta bur gyur pa'o/ /zab pa ni mtsho gting lta bu'o/ /rtags rnam pa lnga na / smig rgyu du ba lta bu'o/ /srin bu me khyer mar me bzhin/ /lnga pa nam mkha' lta bu bzhin/ /'di la dmigs pa'i bye brag dang //dmigs pa po'i bye brag dang / de las gzhan pa'i bye brag gis gzhag go/ /de la bcos pa'i thabs gang zhe na/ sdom ni/ zas dang skom dang gnas la sogs/ /dor ba dang ni blang ba dang / /ring thung rtsol bcas rtsol med dang / /rang las bzlog pa'i rnam pa'o//de la zas skom la sogs pa ji lta bu zhe na/ gong du bshad pa bzhin no/ /dor bas ji lta bu zhe na/ /sems nyams mi bde ba'o/ /blang bas ji lta bu zhe na/ bde ba dang po bas tha ma bde ba'o/ /ring bas ji lta bu zhe na/ gang shin tu gsal la brtan pa'o/ / thung bas ji lta bu zhe na/ gsal ba brtan pa'i dus so/ /rtsol ba dang bcas pas ji lta bu zhe na/ ma yengs par gtong ba'o/ /de las bzlog pa ni rtsol ba med pa'o/ /rang las bzlog pa ji lta bu zhe na/ myur bar gnas pa ni dal bar byed do/ /dal ba las brtan pa 'byung ngo / / brtan pa dman pa ni myur bar byed do/ /sra ba ni snyi bar byed do zhes bya ba la sogs pa shes par bya'o / /de la bsam gtan gyi yon tan gang zhe na/ gang du rang gi spyi dmigs pa gsal bar 'gyur ba dang / de las gzhan pa'i dmigs pa 'phel bar byed pa dang / mi dge ba'i sa bon ma skyes pa mi skyes pa dang /skyes pa nyams par byed pa dang / dge ba'i sa bon ma skyes pa skyed pa dang / skyes pa 'phel bar byed pa dang / ngan song gi skye ba dang bral ba dang / de'i sdug bsngal dang bral ba dang / bsnyen gnas kyi yon tan te/ dge slong gi bar gyi yon tan dang ldan pa dang /ye shes kyi bar gyi yon tan dang ldan pa dang / phyogs mtshams su snyan pa 'thob pa dang / tshogs la bag 'khums pa med pa dang / mngon par shes pa nyams pa med pa thob pa dang / gzhan dang ba dang / 'jug par byed pa dang / mdor na bcom ldan 'das kyis yon tan gyi tshogs dpag tu med pa gsungs pa de bsam gtan gyi yon tan te/ci skad du/ bskal pa stong du sbyin pa'i bsod nams kyis/ /skad cig mnyam par gzhag pa char mi 'gro/ /ye shes yon tan dpag med sogs pa'i phyir/ /dgon par sems bsdus bla med yon tan blang //zhes 'byung ba lta bu'o/ /go rims gang zhe na/ dang po phyi rol gyi dmigs pa rags pa la 'jog pa'o/ /de nas ni phra ba shin tu phra ba la 'jog pa'o/ /de nas ni stong pa nyid la mngon du byed pa'o / /de'i rjes su bya ba'ang 'di ltar stong pa nyid kyi ting nge 'dzin bsgom pa'o//de las langs nas bsam gtan dang po'i ting nge 'dzin sgom mo zhes bya ba la sogs pa gsungs so/ /rnam par dbye ba gang zhe na/ 'di ltar zhi gnas ni rnam pa gsum ste/ slob pa'i zhi gnas dang / goms pa'i zhi gnas dang /mngon du gyur pa'i zhi gnas te/ rtsol ba byas kyang mi gsal ba dang / ma byas kyang mi gsal ba dang / byas na gsal ma byas na mi gsal ba dang / gnyi gar gsal ba dang go rims bzhin no/ /lhag mthong gang zhe na/ rgyu'i lhag mthong dang / slob pa dang mngon du gyur pa ste/yongs su rtog pa dang / brtags pa yang nas yang du byed pa dang / ci lta bur rig pa'o/ /de'i sbyor ba gang zhe na/ zhi gnas dang lhag mthong gnyis su med pa'o/ /de'i 'bras bu gang zhe na/ yon tan gyi phyogs gcig pa'o/ /gang zag zhi gnas dang ldan pa la/gang gis ci ltar yongs su rtog ce na/ 'di ltar rtags la brten nas yongs su brtags te/ 'di ltar de'i rtags ni gang gis kun tu khro ba med pa dang / zhe sdang med pa dang / nga rgyal med pa dang / rdzas dang yul dang gnyin 'dun la chags pa med pa dang / ting nge 'dzin dang ldan pa gzhan la yi rang ba'i sems dang ldan pa dang /dgon pa dang du len pa dang / gzhan la dgon pa'i bsngags pa dang / dgon pa dang du len pa la yon tan brjod pa dang / tshogs kyi nang na mi gnas shing de la skyon du lta ba dang / sdig pa'i grogs po mi bsten pa dang /dge ba'i grogs po dang du len pa dang / bsam gtan yun ring ba dang / lus la gnod pa med pa dang / lus kyis spyod lam drag po mi byed pa dang / lus kyi mi dge ba med pa dang / ngag gis smra ba drag po mi byed pa dang / sems mi dge ba'i bsam pa med pa dang / don med pa'i g.yeng ba la mi sems pa dang /'dus byas kyi dge ba ched du mi byed pa dang / grogs ci yang mi 'gog pa dang / zas la 'dun pa med pa la sogs pa dang / bab chol gyi las mi byed pa dang / khe dang re ba med pa dang / rtsod pa med pa dang / le lo med pa dang bsam gtan gyi las las gzhan spro ba dang du mi byed pa dang /tshul 'chos dang kha gsag dang / sgyu dang g.yo la sogs pa dang bral ba ni zhi gnas kyi rtags su shes par bya'o/ /lhag mthong gi rtags ni mngon par shes pa la sogs pa'o/ /'di ni re zhig bsam gtan gyi cho ga'i thabs mdor bsdus pa'o//legs pa'i don chen kun ston rgyal ba yis ni legs gsungs pa/ /mi pham mgon pos ma nor ba la legs bkod rang gi blos/ /ljags kyi rtser ston ye shes spyan gyis gzigs te 'gro la phan don du/ /legs 'ongs ma nor don rnams ji ltar gsal bar bkod pa yin//'jig rten na ni blun po nor bu stor la 'gyod pa med pa bzhin/ /rmongs pa dag ni sdom bral bas ma gtan dag la mi gnas te/ chos kyis khengs shing rang 'dod yul 'gyur mi dga' bag kyang med/ /dmyal khams na yang chos kyi snying po la smod bstan min te//rdzogs sangs rgyas kyis legs gsungs smad pa'i gang zag la/ kun tu don ston smad gyur skye bo bdud du rig par bya/ /nyi mi'i dkyil 'khor pad mas kha bye ji bzhin du/ legs gsungs snying po dpag med sangs rgyas spyod yul lo/ / bsam gtan gyi sgron ma zhes bya ba rnal 'byor pa mig gi snying po slob dpon 'phags pa thogs med kyis mdzad pa rdzogs so/