CLOSE WINDOW

D4068
བོད་ཡིག

@#/ /rgya gar skad du/ pany+tsa skan d+ha b+hA Sh+yaM/ bod skad du/ phung po lnga'i bshad pa/ 'jam dpal gzhon nur gyur pa la phyag 'tshal lo/ / rab tu byed pa 'di bshad pa la don rnam pa bzhi dang por bstan dgos te/ don rnam pa bzhi ni mchod pa'i cho ga brjod pa dang /'brel pa dang / dgos pa dang / dgos pa'i yang dgos pa'o/ /de la mchod pa'i cho ga brjod pa ni bdag gang la dad pa'i lha'i yon tan bstod cing brjod pa ste/ de yang skyes bu dam pa rnams kyi lugs dang mthun par bya ba dang / bgegs kyis bar chad ma byas par gtsug lag brtsams pa mthar phyin par bya ba'i phyir dang por mi brjod du mi rung ngo //de la gtsug lag 'di yang mngon pa'i chos mdzod la 'jug pa'i sgo lta bur gyur ba dang de'i yan lag tu gtogs pa / bstod pa'i cho ga ni mngon pa'i chos mdzod kyi mgor glengs zin pas/ der 'dus pa'i phyir logs shig tu ma bshad do//'brel pa ni bcom ldan 'das kyis sems can rnams kyi don du mngon pa'i chos le'u 'bum gsungs te/ de ni gzhung mangs pas kun gyis khong du chud par mi 'gyur la/ yi ge nyung ngu gtsug lag chung ngu 'di tsam khong du chud pas mngon pa'i chos 'bum gyi mtshan nyid la mkhas par 'gyur te/de ltar na mngon pa'i chos 'bum dang gtsug lag 'dir 'brel to/ /dgos pa ni chos rnams kyi mtshan nyid la mkhas par bya ba'i phyir gtsug lag 'di brtsams te/ chos kyi mtshan nyid la mkhas par bya ba nyid dgos pa'o//de la chos rnam pa gnyis te/ zag pa med pa'i phung po lnga dang / zag pa dang bcas pa'i phung po lnga'o/ / de la zag pa dang bcas pa'i phung bo lnga ni gzugs kyi phung po nas rnam par shes pa'i phung po'i bar du lnga'o/ /zag pa med pa'i phung po lnga ni tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po'o/ /chos rnams kyi mtshan nyid kyang rnam pa gnyis te/ rang gi mtshan nyid dang / spyi'i mtshan nyid do/ /de la rang gi mtshan nyid ni dper na sa'i rang gi mtshan nyid sra ba dang /chu'i rang gi mtshan nyid gsher ba dang / me'i rang gi mtshan nyid tsha ba dang / rlung gi rang gi mtshan nyid g.yo ba'o/ /spyi'i mtshan nyid ni mi rtag pa dang / sdug bsngal ba dang / stong pa dang / bdag med pa ste/ gtsug lag 'di thos na chos de dag gi rang dang spyi'i mtshan nyid la mkhas par 'gyur ro//chos rnams kyi rang dang spyi'i mtshan nyid la mkhas pa ni mngon pa'i chos mdzod dang rnal 'byor spyod pa'i sa las kyang dpyad zin pas na 'di brtsams pa don med do zhe na/ lan du slob ma rnam pa gnyis te/ spros pas shes pa dang / glengs pas shes pa'o/ /de la spros pas shes pa ni gzhung zhib tu bshad na/ don rtogs par 'gyur ba ste/ de dag gi don du ni mngon pa'i chos mdzod la sogs pa yang dgos par 'gyur ro/ /glengs pas shes pa ni mdo tsam du bstan na don mang du khong du chud par 'gyur ba ste/ de'i phyir gtsug lag 'di brtsams pas na brtsams pa don med pa ma yin no / /yang na khyim na gnas pa kha cig chos kyi mtshan nyid la yang dag par mkhas par 'dod la zhing dang tshong la sogs pa 'phral gyi bya ba la thogs pas gzhung mang por nyan par mi nus pa dang / rab tu byung ba rnal 'byor yid la byed pa kha cig gzhung mang po mnyan na/rnal 'byor gyi bar chad du 'ang 'gyur du dogs la/ chos kyi mtshan nyid la'ang mkhas par 'dod pa yod de/ de dag gi phyir 'di brtsams pas brtsams pa don med pa ma yin no/ /chos kyi mtshan nyid la mkhas pa na yang ji dgos she na/chos kyi mtshan nyid la mkhas par ma byas na/ nyon mongs pa spang bar bya ba'i thabs med do/ /nyon mongs pa ma spangs na 'khor ba'i btson ra las mi thar ro/ /'khor ba las mthar na mya ngan las 'das pa'i gnas mi thob po/ /de bas na chos kyi mtshan nyid la mkhas na nyon mongs pa spong bar 'gyur ro//nyon mongs pa spangs na/ 'khor ba'i btson ra las 'byung ngo / /'khor ba'i btson ra las byung na mya ngan las 'das pa'i gnas thob ste / de ni dgos pa'i yang dgos pa'o/ /yang na gtsug lag 'dis mgo nas mjug tu don rnam pa bzhi ston te/grangs dang / ming dang / rab tu dbye ba dang mtshan nyid do/ /de la phung po lnga zhes bya bas grangs ston to/ /gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po zhes bya bas ming bstan to//gzugs gang zhe na zhes bya ba nas / me'i khams dang rlung gi khams zhes bya ba yan chad kyis rab tu dbye ba bstan to/ /sa'i khams gang zhe na/ sra ba zhes bya ba la sogs pas mtshan nyid bstan to/ /tshor ba la sogs pa'i phung po la'ang ci rigs par bya'o //phung po lnga ni zhes bya ba la smras pa/ phung po drug la sogs par mang du yang ma bshad/ bzhir nyung ngu yang ma bshad par ci'i phyir lnga kho nar grangs nges par bstan/ de'i yang lan du bdag dang bdag gi dngos po bstan par bya ba'i phyir phung po lnga po kho na las mang du yang ma bshad nyung ngu yang ma bshad do//de la gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po bzhi ni bdag gi ba'i dgos pa dngos po ste/ sems can dag phal cher de la bdag gi yin no zhes chags so/ /rnam par shes pa'i phung po ni bdag ces bya ba'i dngos po ste/sems can dag de la bdag ces 'dzin pa'i phyir ro/ /yang na snod dang / zas dang / tshag tseg dang / byed pa po dang / zab po'i dngos po bstan pa'i phyir phung po lnga nyid du bshad kyi drug dang bzhi la sogs pa ma bstan to/ /de la snod lta bur gyur pa ni gzugs kyi phung po ste/snod la kha zas brten pa dang 'dra bar tshor ba dang / 'du shes la sogs pa'i phung po yang gzugs kyi phung po la brten pa'i phyir ro/ /zas lta bur gyur pa ni tshor ba'i phung po ste/ kha zas bza' bar bya ba yin pa bzhin du tshor ba bde ba dang / sdug bsngal yang myong bar bya ba'i dngos po yin pa'i phyir ro/ /tshag tseg lta bur gyur pa ni 'du shes kyi phung po ste/ kha zas tshod ma la sogs pa tshag tseg dang bsres na lhag par bza' bar nus pa bzhin du mi gtsang ba la gtsang ba dang sdug bsngal la bde bar 'dzin pa'i 'du shes phyin ci log yod na lhag par tshor ba'i phung po la chags par byed pas so//byed pa po lta bur gyur ba ni 'du byed kyi phung po ste/ las dge ba dang / mi dge ba dang / de'i 'bras bu bde ba dang sdug bsngal 'du byed kyi phung po sgrub par byed pa'i phyir ro/ /za ba bor gyur pa ni rnam par shes pa'i phung po ste/las dge ba dang mi dge ba'i 'bras bu bde ba dang sdug bsngal yang mjug tu rnam par shes pas myong ba'i phyir ro/ /'o na dang por gzugs kyi phung po bshad/ de'i 'og tu tshor ba/ de'i 'og tu 'du shes/ de'i 'og tu 'du byed/ de'i 'og tu rnam par shes pa ste/ rim pa 'di ltar ci'i phyir bkod ce na/smras pa/ ji ltar spom rim mam rags rim gyis rim pa 'di ltar bkod de/ gzugs kyi phung po ni thogs pa dang bcas pa dang / mig gi rnam par shes pa nas lus kyi rnam par shes pa'i bar du rnam par shes pa lnga'i rten du gyur pa dang / mig nas yid kyi rnam par shes pa'i bar du rnam par shes pa drug gi dmigs par gyur pa'i phyir thams cad pas rags shing pas na dang por gzugs kyi phung po bshad do//gzugs med pa'i phung po bzhi las 'du shes kyi phung po dang / 'du byed kyi phung po dang / rnam par shes pa'i phung po bas tshor ba'i phung po rags te/bdag gi mgo na bar tshor ro/ /rkang pa na bar tshor ro zhes 'jig rten pa dag gsal bar tha snyad du 'dogs pas na de'i 'og tu tshor ba'i phung po bshad do/ /'du byed kyi phung po dang rnam par shes pa'i phung po bas 'du shes kyi phung po rags te / 'di ni bud med 'di ni skyes pa zhes yul la mtshan mar 'dzin pa rtogs par sla bas na de'i 'og tu 'du shes kyi phung po bshad do//rnam par shes pa pas 'du byed kyi phung po rags te/ las dge ba dang mi dge ba mngon par 'du byed pa'i mtshan nyid khong du chud par sla zhing 'dod chags dang zhe sdang la sogs pa sems las byung zhing skyes pa na 'dod chags shig skyes so//zhe sdang zhig skyes so zhes zhe sdang tshor zhing shes par sla bas de'i 'og tu 'du byed kyi phung po bshad do/ /rnam par shes pa ni thams cad pas phra ba yin pa'i phyir mjug tu smos so/ /yang na khams gsum gyi rim pas phung po lnga'i rim pa de ltar bkod de/khams gsum ni 'dod pa'i khams dang gzugs kyi khams dang / gzugs med pa'i khams so/ /de la 'dod pa'i khams na ni rnam par shes pa gzugs la brten pas dang por gzugs kyi phung po bshad do/ / gzugs kyi khams kyi bsam gtan bzhi ni rnam par shes pa bsam gtan gyi bde ba'i tshor ba la brten pas de'i 'og tu tshor ba'i phung po bstan to/ /gzugs med pa'i khams na ni nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched na ni rnam par shes pa 'du shes la brten pas de'i 'og tu 'du shes kyi phung po bstan to//srid pa'i rtse mo cung zad med cung zad med min skye mched na ni rnam par shes pa sems las byung ba'i tshogs 'du byed kyi chos la brten pas de'i 'og tu 'du byed kyi phung po bstan to/ /rnam par shes pa ni de dag kun tu 'gro ba'i phyir mjug tu smos so//gzugs kyi phung po rab tu dbye ba bstan pa'i phyir gzugs gang zhe na zhes dris so/ /brgal ba gong du ming tsam du bstan pa'i tshe ni gzugs kyi phung bo zhes smras la/ 'dir gzugs kyi phung po gang zhe na zhes mi 'dri bar ci'i phyir gzugs gang zhe na zhes 'dri/smras pa/ gzugs las ma gtogs par phung po logs shig na med de/ nas dang 'bras la sogs pa'i phung po bzhin no/ /dper na nas dang 'bras grub na phung po yang zla la grub pa dang 'dra bar gzugs grub na phung po yang zla la grub pas gzugs gang zhe na zhes dris kyang nyes pa med do//yang na gzugs kyi don sngar bstan nas phung po'i don phyis 'chad pas gzugs gang zhe na zhes dris kyi gzugs kyi phung po gang zhe na zhes ma dris so/ /cung zad gzugs gang yin pa de dag thams cad ces bya ba ni gang gzugs kyi rnam grangs su gzhag pa 'das pa'i gzugs dang /ma 'ongs pa'i gzugs dang / da ltar gyi gzugs dang / gzugs bzang po dang / gzugs ngan pa dang / gzugs ring ba dang / gzugs thung ba dang / gzugs phra ba dang / gzugs sbom po zhes bya ba de dag thams cad 'byung ba chen po bzhi'i gzugs dang /'byung ba chen po bzhi dag rgyur byas pa'i gzugs su 'dus so zhes bya ba'i don to/ /de nas gzugs rnam pa gnyis pa bstan te/ rgyu'i gzugs dang / 'bras bu'i gzugs so/ /de la 'byung ba chen po bzhi zhes bya bas rgyu'i gzugs bstan te/gzugs thams cad kyi rgyu ni 'byung ba chen po bzhi yin pa'i phyir ro/ /'byung ba chen po bzhi dag rgyur byas pa'i gzugs zhes bya bas 'bras bu'i gzugs bstan to/ /de la 'byung ba'i don ci dkar po dang / ser po la sogs pa'i gzugs rnam pa sna tshogs chen po de dag de las 'byung zhing skye bas na 'byung ba'o//rgyur byas pa'i gzugs bcu gcig la khyab pas na chen po'o/ /yang na skye zhing 'jig pa'i chos can yin pas na 'byung pa'o/ /yang nas dang chu dang me dang rlung 'di dag sems can gyi las kyis 'byung bas na 'byung ba'o/ /chen po ni sa'i khams 'di dag gnas pa che ste/thog thag tu khyab par mngon sum du snang ba'i phyir ro/ /chu'i khams kyang che ste/ nam sems can rnams 'dod chags kyi shas che ba na / chu'i bskal pa byung bas bsam gtan dang po pa man chad 'jig par byed do/ /me'i khams 'di yang che ste/nam sems can zhe sdang gi shas che ba na / me'i bskal pas bsam gtan gnyis pa man chad sreg par byed do/ /rlung gi khams kyang che ste/ nam sems can gti mug bdo ba na rlung gi bskal pas bsam gtan gsum pa man chad 'jig par byed do/ /'o na ci'i phyir 'byung ba chen po bzhi kho nar bshad la lnga dang gsum la sogs par bshad/smras pa/ sa bon gyi rten dang / sa bon brlan pa dang / sa bon smin pa dang / 'phel bar 'di bzhi kho nas byed de/ lngar bshad du ni dgos pa med gsum du bshad na mi nus pas khri'i rkang pa bzhin te bzhi kho nar bshad do//de la sa bon gyi rten ni sa'i khams kyis byed do/ /sa bon brlan bar ni chu'i khams kyis byed do/ /sa bon smin par ni me'i khams kyis byed do/ /sa bon 'phel bar ni rlung gi khams kyis byed do/ /bskal pa nam mkha'i khams kyang sa bon skye ba la go skabs 'byed par byed na des bsnan te ci'i phyir 'byung ba chen po lngar mi gzhag /smras pa/ go skabs 'byed par byed pa ni gzugs can gyi chos kyis byed la nam mkha' la ni gzugs med pas go skabs 'byed pa med pa dang / 'byung ba chen po bzhi ni skye ba dang /'jig pa'i chos can yin la nam mkha' la skye ba dang / 'jig pa med pas 'byung ba chen po zhes mi bya'o/ /'byung ba chen po bzhi dag rgyur byas pa'i gzugs zhes bya ba la/ 'byung ba chen po bzhi'i rgyu las skyes pa'am / 'byung ba chen po 'di dag las mthong ba'i gzugs ni 'byung ba chen po bzhi dag rgyur byas pa zhes bya ste /de'ang mig gi dbang po la sogs pa rnam pa bcu gcig go zhes 'og nas 'chad do/ /de las 'byung ba chen po bzhi dag ni rgyu rnam pa lngas 'byung ba chen po las gyur pa'i gzugs kyi rgyu byed de / rgyu rnam pa lnga ni skyed pa dang /brten pa dang / gnas pa dang / rton pa dang / 'phel ba'o/ /de la sa bon med na myu gu mi skye ba bzhin du 'byung ba chen po bzhi med na rgyur byas pa'i gzugs mi skye bas na skyed pa'i rgyu byed do/ /'byung ba chen po bzhi la ma brten par rgyur byas pa'i gzugs dag logs shig tu gnas pa'i mthu med de/de bas na brten pa'i rgyu byed do/ /shing bcad na grib ma med par 'gyur ba de bzhin du/ 'byung ba chen po bzhi dag nyams sam snang rmas na rgyur byas pa'i gzugs rnams kyang nyams par 'gyur bas na gnas pa'i rgyu byed do/ /'byung ba chen po bzhi dper na rgan po 'khar ba la brten nas 'gro ba dang 'dra bar skad cig ma'i rgyun gyis skye ba dang /rgyur byas pa'i gzugs rnams kyi skad cig ma'i rgyun kyang rgyun mi 'chad par skye bar byed pas na rton pa'i rgyu byed do/ /'byung ba chen po bzhi brtas shing smin na rgyur byas pa'i gzugs kyang brtas par 'gyur bas na 'phel ba'i rgyu byed do//'byung ba chen po bzhi grangs tsam bstan pa dmigs kyis phye ste/ bshad par bya ba'i phyir 'byung ba chen po bzhi dag gang zhe na zhes dris nas / sa'i khams dang / chu'i khams dang / me'i khams dang / rlung gi khams so zhes bshad do//'byung ba chen po bzhi'i mtshan nyid bstan par bya ba'i phyir / sa'i khams gang zhe na sra ba nyid do zhes bya ba la sogs pa smos te/ sa'i khams gang zhe na zhes bya ba ni sa'i khams kyi mtshan nyid gang zhe na zhes dris pa'i tha tshig go / /gang sra ba dang / mkhrang ba dang / lci ba ni sa'i khams kyi mtshan nyid do//chu'i khams gang zhe na zhes bya ba la/ chu'i khams kyi mtshan nyid gang zhe na zhes dris pa'i don to/ /gsher ba nyid do zhes bya ba ni gang gsher ba dang snum pa dang brlan pa ni chu'i khams kyi mtshan nyid do/ /me'i khams gang zhe na zhes bya ba la/ ma'i khams kyi mtshan nyid gang zhe na zhes dris pa'o//tsha ba nyid do zhes bya ba ni gang tsha ba dang / dro ba dang tshig par byed pa ni me'i khams kyi mtshan nyid do/ /rlung gi khams gang zhe na zhes bya ba ni/ rlung gi khams kyi mtshan nyid gang zhe na zhes dris pa'o/ /yang zhing g.yo ba nyid ni rlung gi khams kyi mtshan nyid de yang ba ni 'gul bar byed pa'o//g.yo ba ni dngos po'i rgyun yul gzhan du phyin cing skye bar byed pa'o/ /brgal bas sa dang chu dang me'i gsum la mtshan nyid re re bstan la/ rlung gi khams la ni yang ba dang g.yo ba ste/ ci'i phyir mtshan nyid gnyis su bshad/lan du gal te yang ba 'ba' zhig smos la/ g.yo ba ma smos na ni rgyur byas pa'i gzugs lus kyi yul du gyur ba la yang 'jam pa dang / rtsub pa dang / lci ba dang / yang ba zhes bya ba'i rgyur byas pa'i gzugs yod pa ste / rlung gi khams su 'gyur du dogs pa'i skyon du 'gyur ro//gal te g.yo ba 'ba' zhig smos kyi yang ba ma smos na ni sems las byung ba'i chos bshad pa'i skabs su sems pa gang zhe na/ gang sems g.yo ba'o zhes 'byung ba'i sems pa de rlung gi khams su 'gyur du dogs pa'i skyon du 'gyur te/ de bas na gang yang ba dang g.yo ba'i chos gnyis gang yod pa de ni rlung gi khams kyi mtshan nyid do //'byung ba chen po bzhi'i mtshan nyid bshad nas las bstan par bya ste/ de la las ni brtan pa dang / sdud pa dang / smin pa dang / 'phel bar byed pa'o/ /sa'i khams kyi las ni brtan par byed pa'o/ / chu'i khams kyi las ni sdud par byed pa'o/ /me'i khams kyi las ni smin par byed pa'o/ /rlung gi khams kyi las ni 'phel bar byed pa'o/ /'o na khams kyi don ci/ khams kyi don ni 'dzin par byed pa'i don to ste/ rgyur byas pa'i gzugs bcu gcig 'dzin pas na/ sa'i khams chu'i khams me'i khams rlung gi khams zhes bya'o/ /yang na rang dang spyi'i mtshan nyid 'dzin pas na khams zhes bya'o/ /sa sra ba'i mtshan nyid 'dzin pa dang chu gsher ba'i mtshan nyid 'dzin pa la sogs pa dang / mi rtag pa dang sdug bsngal ba dang / stong pa dang /bdag med pa ste/ spyi'i mtshan nyid 'dzin pas so/ /yang na gang na 'byung ba chen po bzhi gcig yod pa de ni gcig gi nang na yang bzhi char yang yod do/ /dper na sa gang na yod pa na chu dang me dang rlung yang yod/ chu gang na yod pa na sa dang me dang rlung yang yod pa las de na gang mthu che zhing shas che ba de ni sa zhes dngos su ming gis smos la/chu dang / me dang / rlung lta bu shas chung zhing mthu chung bar gnas pa la ni khams zhes bya'o/ /de'ang dper na phye phul gang dang lan tshwa phul gang bsres pa las lan tshwa mthu che zhing shas che bar gyur pas lan tshwa kha zhing dngos su ming gis 'byin kyang phye de na khams kyi mtshan nyid du med pa ma yin te yod do//'byung ba chen po gcig yod pa na kun yod par ci mngon/ lan du bcom ldan 'das kyi lung mdo las kyang 'byung la rigs pas brtags na yang mngon no/ /lung las 'byung bas ni mngal du 'pho ba'i mdor dga' bo pha dang ma'i mi gtsang ba ska ba las lus su gyur pa la sa dang chu dang me dang rlung rnams sra ba dang sdud pa dang /smin pa dang 'phel ba'i bya ba byed cing gnas so/ /gal te dga' bo de na sa'i khams yod la chu'i khams med na ni phye'am thal ba'i chang bu bzhin du skams pa'am 'thul bar 'gyur te/chus bsdus pas na mi 'thul zhing mi 'jig go/ /gal te chu yod la sa med na ni 'bru mar ram yungs mar bzhin du 'dzag cing 'bo bar 'gyur ro/ /gal te sa dang chu yod la me med na sha rul bzhin du myags par 'gyur ro/ /gal te sa dang chu dang me yod la rlung med na ni ji tsam du gnas pa las 'phel zhing rgyas par mi 'gyur ro zhes gsungs so//rigs pas brtags na yang gcig gang na yod pa na kun yod par mngon te rdo ba dang shing la sogs pa 'byar zhing so sor ma gyes pas na sa'i khams la chu'i khams yod par mngon no/ /rdo dang shing la sogs pa g.yo zhing 'gul bas na rlung gi khams yod do//rdo gnyis phan tshun du phrad pa las me stag 'byung bas na me'i khams yod do/ /chu'i khams la yang gru dang 'dab ma la sogs pa 'dzin cing rten byed pas na chu'i khams la yang sa'i khams yod par mngon no/ /chu'i nang du shing gi 'dab ma dang rtswa lhung ba 'drul zhing chu dron po dag kyang dmigs pas na chu'i nang na me yod par mngon no//thur du 'bab cing g.yo bas na rlung yod par mngon no/ /rlung gi khams la yang 'dab ma dang rtswa 'dzin cing 'degs pas na sa'i khams yod par mngon no/ /rlung dro ba dag kyang dmigs la rdzas brlan pa rnams rlung la phyar na skam par 'gyur bas me'i khams yod par mngon no//tshub ma dang rlung gcig tu 'dus shing 'gyur zhing 'byung bas na/ chu'i khams kyang yod par mngon no/ /me'i khams la yang me lce gcig gis gcig 'dzin pa dang / me lces 'dab ma dang rtswa la sogs pa 'degs shing 'dzin pas na sa'i khams yod par yang mngon no/ /me lce rnams kyang so sor mi 'gyes par gcig tu 'bar bas na chu'i khams yod par mngon no/ /'gul zhing g.yo bas na rlung gi khams kyang yod par mngon no/ /'byung ba chen po bzhi dag bshad nas/rgyur byas pa'i gzugs la phye na grangs du yod pa dang ming gis gang dang gang yin pa dang de dag gi mtshan nyid bstan par bya ba'i phyir/ rgyur byas pa'i gzugs gang zhe na zhes dris te/ de'i don ni rgyur byas pa'i gzugs la grangs ni du zhig yod/ ming gis ni gang dang gang yin/gzugs nas reg bya'i phyogs mtshan nyid ni ji lta bu zhes dris pa'i tha tshig go/ /de dag bstan par bya ba'i phyir/ mig gi dbang po dang zhes bya ba la sogs pa smos te/ rgyur byas pa'i gzugs kyi grangs ni mig gi dbang po nas lus kyi dbang po'i bar du dbang po lnga dang /gzugs nas reg bya'i phyogs gcig gi bar du yul lnga dang / rnam par rig byed ma yin pas bsnan te bcu gcig go/ /de dag gi ming yang / mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang /gzugs dang / sgra dang / dri dang / ro dang / reg bya'i phyogs gcig dang rnam par rig byed ma yin pa'o zhes ming gis smos pa rnams so/ /de dag gi mtshan nyid bstan par bya ba'i phyir/ mig gi dbang po gang zhe na zhes dris te/ de yang mig gi dbang po'i mtshan nyid gang zhe na zhes dris pa'i don to//de'i mtshan nyid bstan par bya ba'i phyir/ yul kha dog gzugs dang ba'o zhes bshad do/ /mig gi dbang po'i yul ni sngon po dang / ser po dang / dkar po dang / dmar po la sogs pa yin la/ dper na me long dang shel dang chu la sogs pa gzugs dang zhing gsal bas gzugs brnyan snang ba 'byung ba bzhin du/mig gi dbang po yang gzugs dang zhing gsal ste/ gzugs dang phrad par 'gyur ba na/ gzugs kyi gzugs brnyan 'byung bar 'gyur nas gzugs kyi rang bzhin ji lta bu yin pa de dang mthun pa kho nar mig gi rnam par shes pa skye ba'i rgyu byed de/de bas na gzugs dang ba zhes bya'o/ /mig gi dbang po'i yul rdul phra rab ni mig gi sprin gyi nang na zar ma'i me tog kha 'bus ltar gnas so/ /smras pa/ de ltar na dang ba'i sgra smos pas chog mod gzugs kyi sgra smos pa ji dgos/ smras pa/ gzugs kyi sgra ma smos par dang ba 'ba' zhig smos pa na ni sems las byung ba bshad pa'i skabs su dad pa gang zhe na/ sems dang ba'o zhes bshad pa de mig gi dbang po yin no snyam du yid gol bar 'gyur bas gzugs kyi sgra smos te / dad pa dang ba yin yang sems pa ni gzugs kyi rang bzhin ma yin la/mig gi dbang po ni gzugs kyi rang bzhin yang yin no / /dang ba'i rang bzhin yang yin pas so/ /smras pa/ 'o na gzugs zhes smos pas chog mod/ dang ba'i sgra smos ji dgos lan du gzugs 'ba' zhig smos la dang ba ma smos na rdo dang shing la sogs pa'i gzugs kyang mig gi dbang po yin no snyam du yid gol bar 'gyur ba dang /ling tog gis khebs pa dang dmus long dag la yang mig gi dbang po yod pa'i skyon du 'gyur bas na dang ba'i sgra smos te/ rdo dang shing la sogs pa dang ling rtog gis khebs pa dang dmus long la sogs pa la gzugs yin du zin kyang dad pa med pa'i phyir mig gi dbang po ma yin no//yang smras pa de ltar na/ gzugs dang ba zhes smos pas chog mod yul kha dog zhes smos pa'i sgra ji dgos/ lan du de yang dgos pa rnam pa gnyis kyi phyir yul kha dog ces mi brjod du mi rung ste/ gzugs dang ba 'ba' zhig smos la yul kha dog ma smos na/rna ba la sogs pa'i dbang po yang gzugs dang ba yin pas de mig gi dbang po yin no snyam du yid gol bar 'gyur ba dang / me long dang / shel dang chu la sogs pa yang gzugs dang ba yin pas/ de dag mig gi dbang po yin no snyam du yid gol bar 'gyur te/de dag gzugs dang ba yin du zin kyang yul kha dog ma yin no/ /de bas na gang yul kha dog kyang yin gzugs kyang yin dang ba yang yin pa de ni mig gi dbang po'i mtshan nyid do zhes bya ba'i don to/ /de bzhin du rna ba la sogs pa'i dbang po lhag ma la yang so sor ci rigs par sbyar zhing bshad do//rna ba'i dbang po'i mtshan nyid bstan pa'i phyir/ rna ba'i dbang po gang zhe na zhes dris te/ rna ba'i dbang po'i mtshan nyid gang zhe na zhes dris pa'i don to/ /de'i mtshan nyid bstan pa'i phyir/ yul sgra gzugs dang ba'o zhes bya ba smos te/ rna ba'i dbang po'i yul ni sgra snyan pa dang /mi snyan pa la sogs pa yin la de'i gzugs kyang shel dang me long la sogs pa dang 'dra ba dang zhing gsal ba yin la/ de ltar gsal ba'i mthus rna ba'i rnam par shes pa skyed pa'i rgyu byed do/ /de'i rdul phran ni gro ga gcus pa'i mdud pa 'dra bar rna ba'i nang na gnas so//sna'i dbang po'i mtshan nyid bstan pa'i phyir/ sna'i dbang po gang zhe na zhes dris te/ de yang sna'i dbang po'i mtshan nyid gang zhe na zhes dris pa'i don to/ /de'i lan du yul dri gzugs dang ba'o zhes bya ba smos te / sna'i dbang po'i yul ni dri zhim pa dang / mi zhim pa la sogs pa yin la/de'ang shel dang me long la sogs pa ltar gzugs dang zhing gsal ba ste/ de'i phyir na sna'i rnam par shes pa skyed pa'i rgyu byed do/ /de'i rdul phran ni mig sman bsku ba'i lcags thur ltar mtshul nang thog thag gnas so/ /lce'i dbang po'i mtshan nyid bstan par bya ba'i phyir/lce'i dbang po gang zhe na zhes dris te/ lce'i dbang po'i mtshan nyid gang zhe na zhes dris pa'i don to/ /de'i lan du yul ro gzugs dang ba'o zhes bya ba smos te / lce'i dbang po'i yul ni ro mngar ba dang skyur ba la sogs pa yin la/ de'ang me long dang shel la sogs pa bzhin du gzugs dang zhing gsal ba ste/de'i rgyus na lce'i rnam par shes pa skyed pa'i rgyu byed do/ /lce'i dbang po'i rdul phran ni zla ba phyed pa 'dra bar lce'i dbus thog thag skra'i khyon tsam zhig dbang pos ma khyab par gnas te/ de'ang dbang pos khyab na ni glad rgyas rgyun du 'dzag pas snying po'i phyir yi ga 'chus par 'gyur ro//lus kyi dbang po'i mtshan nyid bstan pa'i phyir/ lus kyi dbang po gang zhe na zhes dris te/ lus kyi dbang po'i mtshan nyid gang zhe na zhes dris pa'i don to/ /de'i lan du/ yul reg bya gzugs dang ba'o zhes bya ba smos te/ lus kyi dbang po'i yul ni 'jam pa dang /rtsub pa la sogs pa'i reg bya yin la/ de'ang shel dang me long la sogs pa bzhin du gzugs dang zhing gsal ba ste/ de'i rgyus ni lus kyi rnam par shes pa skyed pa'i rgyu byed do/ /de'i rdul phran ni pags pa'am ko ba bzhin du lus thog thag khyab par gnas so//kha cig na re bai DUr+ya'i kha dog 'dra bar lus kyi dbus nas yar gnas te/ gang du reg bya byung ba der rgyug go zhes zer ro/ /dbang po'i don ci bdag po byed pa'am dbang byed pa'i don ni dbang po'i don te ci la dbang byed ce na/ gzugs la sogs pa so so'i yul la dbang byed de/ dper na gzugs kyang mig gi dbang pos mthong gi rna ba'i dbang po la sogs pa gzhan gyis mi mthong ba dang /sgra yang rna ba'i dbang pos thos kyi mig la sogs pa gzhan gyis mi thos pas/ so so'i yul la dbang byed do/ /dbang po lnga bshad zin to/ /da yang yul lnga bstan te/ de la yang gzugs kyi mtshan nyid bstan pa'i phyir/gzugs gang zhe na zhes dris te/ gzugs kyi mtshan nyid gang zhe na zhes dris pa'i don to/ /lan du mig gi yul te zhes bya ba smos te/ gzugs ni mig gi dbang po dang mig gi rnam par shes pa'i yul yin gyi rna ba la sogs pa dbang po gzhan gyi yul ma yin no zhes thun mong ma yin par ston to//gzugs la phye na du yod pa bstan pa'i phyir/ kha dog dang dbyibs dang rnam par rig byed do zhes bya ba smos te/ mig gi yul du gyur pa gzugs la phye na gsum ste/ kha dog dang dbyibs dang rnam par rig byed do/ /smras pa/ gzugs kyi yul la rnam pa gsum du ci'i phyir phye ste bshad/ lan du gzugs kyi rab tu dbye ba la the tshom za ba dang / phyin ci log tu 'dzin pa dang / mi shes pa rnams la gzugs la phye na rnam pa gsum yod do zhes bstan pa'i phyir/ kha dog dang dbyibs dang rnam par rig byed do zhes gsum du phye ste bstan to//de la the tshom za ba ni kha dog dang dbyibs dang rnam par rig byed gzugs yin nam 'on te ma yin zhes yid gnyis za ba'o/ /log par 'dzin pa ni kha dog dang dbyibs dang rnam par rig byed ni gzugs ma yin gyi gzugs zhes bya ba ni gzhan zhig yod do snyam du sems pa'o//mi shes pa ni gzugs la phye na du yod/ gzugs zhes bya ba gang la bya mi shes pa'o/ /de dag la kha dog dang dbyibs dang / rnam par rig byed gzugs yin no zhes bstan pas the tshom za ba dang / log par 'dzin pa dang / mi shes pa med par 'gyur te/de'i phyir gzugs la rnam pa gsum du phye ste bshad do/ /de la kha dog la phye na rnam pa bcu bzhi yod de / sngon po dang / ser po dang / dmar po dang / dkar po dang / sprin dang / du ba dang / rdul dang / khug rna dang / grib ma dang / nyi ma'i 'od dang / snang ba dang /mun pa dang / bla gab med pa dang / nam mkha'o/ /de la khug rna ni lho 'ur mo'o/ /grib ma ni gang na gzugs snang ba'o/ /nyi ma'i 'od ni nyi zer ro/ /snang ba ni zla ba dang skar ma dang sman dang nor bu'i 'od do/ /mun pa ni gang na gzugs mi snang ba'o/ /bla gab med pa ni thogs pa dang bcas pa gzugs kyi bar gang ci'ang thogs pa med pa'o//nam mkha' ni gang stong pa'i gong na gang kha dog sngon por snang ba'o/ /lhag ma be+e ba rnams ni dngos su brda phrad par sla bas ma bshad do/ /dbyibs ni brgyad de/ ring ba dang / thung ba dang / lham pa dang / zlum po dang / sgang dang / gshong dang / mnyam pa dang / mi mnyam pa'o/ /de la ring ba dang / thung ba gnyis ni ltos pa las gdags te/ dper na/ pha la ltos nas bu zhes gdags/ bu la ltos te pha zhes gdags pa bzhin du ring po la ltos te thung ngu zhes gdags/thung ngu la ltos te ring po zhes gdags so/ /lham pa ni kun tu dkyil 'khor ram gru bzhi pa'o/ /zlum po ni ril ril po'o / /sgang ni ri la sogs pa mtho ba'o/ /gshong ni khron pa la sogs pa dma' ba'o/ /mnyam pa ni ngos thag thug med pa la phya le 'dug pa'o/ /mi mnyam pa ni dbyibs mi mnyam pa ste thag thug can no//rnam par rig byed ni tshe rabs snga ma la dge ba'i chos la goms pas thal mo sbyor ba dang / phyag 'tshal ba la sogs pa'i lus kyi las dang / tshe rabs snga ma la mi dge ba la goms pas khu tshur bcangs pa dang / rdeg pa la sogs pas lus kyi las la rnam par rig byed ces bya'o//ci'i phyir de la rnam par rig byed ces gdags she na/ thal mo sbyor ba la sogs pa lus kyi las kyi sgo nas de'i sems dang ba zhig skyes so zhes gzhan gyis rig par 'gyur ba dang / khu tshur bcangs pa la sogs pa lus kyi las kyi sgo nas/de'i sems zhe sdang ba zhig skyes so zhes gzhan gyis rig pas na rnam par rig pa zhes bya'o/ /sgra'i mtshan nyid bstan pa'i phyir ro / /sgra gang zhe na zhes dris te/ sgra'i mtshan nyid gang zhe na zhes dris pa'i don to / /lan du rna ba'i yul te zhes bya ba smos te/ sgra ni rna ba'i dbang po dang / rna ba'i rnam par shes pas shes pa'i yul yin gyi mig la sogs pa dbang po gzhan gyi yul ma yin no zhes thun mong ma yin par ston to/ /sgra la phye na rnam pa du yod pa bstan pa'i phyir/ zin pa dang ma zin pa dang gnyi ga ste / 'byung ba chen po bzhi'i rgyu las byung ba'o zhes bya ba smos te/sgra la phye na rnam pa gsum ste / zin pa 'byung ba chen po bzhi'i rgyu las byung ba dang / ma zin pa 'byung ba chen po bzhi'i rgyu las byung ba dang / gnyi ga'i 'byung ba chen po bzhi'i rgyu las byung ba'o/ /de la zin pa ni sems dang sems las byung bas yongs su bzung ba ste/ gang lus su gtogs pa sems can rnams kyi lag pa dang ngag gi sgra ni zin pa 'byung ba chen po bzhi'i rgyu las byung ba'i sgra zhes bya'o//ma zin pa ni sems dang sems las byung bas yongs su ma bzung ba ste/ gang rlung dang nags tshal dang chu'i sgra ni ma zin pa 'byung ba chen po bzhi'i rgyu las byung ba'i sgra zhes bya'o//gnyi ga ni gang zin pa'i 'byung ba chen po bzhi yang yod la ma zin pa 'byung ba chen po bzhi'i rgyu yang yod pa las byung ba ste/ de yang lag pa dang / rnga la sogs pa phrad pa las byung ba'i sgra ni gnyi ga'i 'byung ba chen po bzhi'i rgyu las byung ba'i sgra zhes bya'o/ /dri'i mtshan nyid bstan pa'i phyir/dri gang zhe na zhes dris te/ dri'i mtshan nyid gang zhe na zhes dris pa'i don to/ /lan du sna'i yul te zhes bya ba smos te/ dri ni sna'i dbang po dang / sna'i rnam par shes pa'i yul yin gyi dbang po gzhan gyi yul ma yin no zhes thun mong ma yin par ston to/ / dri la phye na du yod pa bstan pa'i phyir/ dri zhim pa dang / dri mi zhim pa dang / de las gzhan pa'o zhes bya ba smos te/ de la phye na rnam pa gsum du gzhag go/ /de la dri zhim pa ni dbang po dang 'byung ba chen po bzhi la phan par byed pa ste/ gla rtsi dang tsan+dan dang gur gum la sogs pa'i dri'o//dri mi zhim pa ni dbang po dang 'byung ba chen po bzhi la gnod par byed pa ste/ ngan skyugs la sogs pa'i dri'o/ /de las gzhan pa ni dbang po lnga dang 'byung ba chen po bzhi la phan par yang mi byed gnod par yang mi byed pa ste/ dri zhim pa yang ma yin dri mi zhim pa yang ma yin pa'o//de yang dung phor dang nya phyis la sogs pa'i dri'o/ /dri zhim pa la yang rnam pa gsum ste/ lhan cig skyes pa dang sbyar ba dang smin pa'o/ /de la tsan+dan dang / gur gum la sogs pa'i dri ni lhan cig skyes pa'o/ /bdug pa'i ril bu la sogs pa rnams ni sbyar ba'o//a mra'i 'bras bu smin pa la sogs pa'i dri ni smin pa'o/ /dri mi zhim pa la yang lhan cig skyes pa dang sbyar ba dang smin pa yod par ci rigs par sbyar ro/ /ro'i mtshan nyid bstan pa'i phyir ro gang zhe na zhes dris te / ro'i mtshan nyid gang zhe na zhes dris pa'i don to//lan du lce'i dbang po ste zhes bya ba smos te/ ro ni lce'i dbang po dang / lce'i rnam par shes pa'i yul yin gyi/ dbang po gzhan gyi yul ma yin no zhes thun mong ma yin par bstan to / /rol phye na du yod pa bstan pa'i phyir/ mngar ba dang / skyur ba dang / lan tshwa dang / kha ba dang / tsha ba dang / bska ba'o zhes smos te/ rol phye ba rnam pa drug go/ /de la mngar ba ni/ ka ra dang / bu ram dang / sbrang rtsi la sogs pa'o/ /skyur ba ni tsha dang skyur rtsi la sogs pa'o/ /lan tshwa ni bro ba ste lan tshwa rnam pa lnga'o/ /kha ba ni mkhris pa dang /tig ta la sogs pa'o/ /tsha ba ni pi pi ling dang / na le sham dang sga la sogs pa'o/ /bska ba ni a ru ra dang ba ru ra la sogs pa'o/ /reg bya'i phyogs gcig gi mtshan nyid bstan pa'i phyir/ reg bya'i phyogs gcig gang zhe na zhes dris pa'i tshig ste/ reg bya'i phyogs gcig gi mtshan nyid gang zhe na zhes dris pa'i don to//lan du lus kyi yul te zhes bya ba smos te/ reg bya rnams ni lus kyi dbang po dang / lus kyi rnam par shes pa'i yul yin gyi dbang po gzhan gyi yul ma yin no zhes thun mong ma yin par bstan to/ /reg bya la phye na du yod pa bstan pa'i phyir/'byung ba chen po bzhi po gzhag ste/ 'jam pa dang / rtsub pa dang / lci ba dang / yang ba dang / grang ba dang / bru ba dang / skom pa'o zhes bya ba smos te/ lus kyi yul reg bya la phye na 'byung ba chen po bzhi'i steng du 'jam pa nas skom pa'i bar du rgyur byas pa'i gzugs bdun gyis bsnan te bcu gcig yod do//smras pa/ 'byung ba chen po bzhi gzhag ste/ zhes bya ba'i tshig ste cir dgos/ lan du de la dgos pa rnam pa gnyis yod de/ 'byung ba chen po bzhi'i mtshan nyid gong du bshad zin pas da 'dir bshad mi dgos pa'i phyir gzhag pa dang /'dir rgyur byas pa'i gzugs bshad pa'i skabs yin gyi 'byung ba chen po bshad pa'i skabs ma yin pas gzhag go/ /smras pa/ 'byung ba chen po bzhi gong du bshad zin pas da bshad mi dgos na yang ma smos pas mi chog gam / lan du yang mi smos su ni 'byung ba chen po bzhi yang lus kyi yul reg bya'i nang du gtogs par bstan dgos pas mi smos su mi rung ngo //de ltar na reg bya rnam pa gnyis te 'byung ba chen po bzhi dang / 'byung ba chen po bzhi'i rgyu las skyes pa rtsub pa la sogs pa bdun no/ /de la 'jam pa ni mnyen pa mi rtsub pa reg par bzod pa'o//rtsub pa ni mi mnyen pa reg par mi bzod pa'o/ /lci ba ni gang gi dbang gis srang gi mgo mthur du dma' bar 'gyur ba'o/ /yang ba ni bong cher zin kyang bong chung ngu lci ba la ljid kyis mi thub ste/ srang gi mgo mtho la mjug dma' bar 'gyur ba'o/ /grang ba ni gang gis nyen na dro bar 'dod pa'o//bru ba ni gang za bar 'dod pa skye ba'o/ /skom pa ni gang 'thung 'dod pa skye ba'o/ /brgal ba/ za 'dod pa dang 'thung 'dod pa ni/ sems las byung ba'i chos yin na/ de ji ltar lus kyi dbang po'i yul reg bya'i phyogs gcig 'byung ba chen po bzhi las skyes pa'i chos su gzhag /lan du 'di ni rgyu la 'bras bu btags pa ste / dper na/ sangs rgyas 'byung ba bde ba dang / /chos bstan pa yang bde ba'o/ /zhes gsungs pa bzhin no/ /tshigs bcad 'di yang rgyu la 'bras bu btags pa yin te/ sangs rgyas 'jig rten du 'byung zhing skye ba ni skye ba thams cad du sdug bsngal bar bshad pas bde ba ma yin med kyi/sangs rgyas 'jig rten du byung bas dam pa'i chos bstan pa'i rgyu las sems can rnams bde 'gro dang mya ngan las 'das pa'i 'bras bu thob par 'gyur bas lha dang mi'i bde 'gro dang mya ngan las 'das pa'i 'bras bu thob pa de rgyu sangs rgyas 'byung ba la btags nas/sangs rgyas 'byung ba bde ba dang / /zhes gsungs so/ /chos bshad pa yang / 'bad pa chen pos bya dgos pas bde ba ma yin mod kyi/ rgyu de las bde 'gro dang mya ngan las 'das pa'i 'bras bu bde ba 'thob pa'i bde ba 'byung ste/ 'bras bu de rgyu chos bstan pa la btags nas/chos bstan pa yang bde ba'o/ /zhes gsungs so/ /de dang 'dra par rlung gi khams kyi shas che bar gyur na lto'i nang du pho ba kha 'byar ba'i reg bya'i khyad par zhig 'byung ste/ des rgyu byas nas za 'dod pa skye'o/ /pho ba kha 'byar ba ni za 'dod pa'i rgyu yin la za 'dod pa ni de'i 'bras bu yin te/za 'dod pa'i 'bras bu'i ming de rgyu la btags nas/ pho ba kha 'byar ba la za 'dod pa zhes bshad do/ /de bzhin du me'i khams kyi shas che bar gyur na/ lto'i nang du lgang pa kha 'byar ba'i reg bya'i khyad par skye ste/ de'i rgyu la 'thung 'dod pa skye'o//de la lgang pa kha 'byar ba ni de'i rgyu'o/ /'thung 'dod pa ni 'bras bu ste / 'bras bu 'thung 'dod pa'i ming lgang pa kha 'byar ba la btags nas 'thung 'dod pa'o zhes bshad de / rgyu la 'bras bu btags pas na nyes pa med do/ /de la chu dang me'i shas che ba ni 'jam pa'o//sa dang rlung gi shas che ba ni rtsub pa'o/ /sa dang chu'i shas che ba ni lci ba'o/ /me dang rlung gi shas che ba ni yang ba'o/ /chu dang rlung gi shas che ba ni grang ba'o/ /rlung gi shas che ba ni bru ba'o/ /me'i shas che ba ni skom pa'o/ /yul lnga bshad zin to/ /rnam par rig byed ma yin pa'i mtshan nyid bstan pa'i phyir/rnam par rig byed ma yin pa gang zhe na zhes dris te/ rnam par rig byed ma yin pa'i mtshan nyid gang zhe na zhes dris pa'i don to/ /rnam par rig byed ma yin pa'i rgyu gang yin pa dang rang bzhin ji lta bu yin pa bstan pa'i phyir/ rnam par rig byed pa dang /ting nge 'dzin las skyes pa'i gzugs te/ bltar med pa thogs pa med pa'o zhes bya ba smos te/ rnam par rig byed pa dang / ting nge 'dzin rnam par rig byed ma yin pa'i rgyu'o/ /de'i rang bzhin ni bltar med pa thogs pa med pa'o/ /de la rnam par rig byed ni rnam pa gnyis te/lus kyi rnam par rig byed dang / ngag gi rnam par rig byed do/ /lus kyi rnam par rig byed la yang rnam pa gsum ste / dge ba dang mi dge ba dang lung du mi ston pa'o/ /de la srog mi gcod pa dang / ma byin par mi len pa dang / mi tshangs bar mi spyod pa ni lus kyi rnam par rig byed dge ba'o//srog gcod pa dang / ma byin par len pa dang / mi tshangs par spyod pa ni lus kyi rnam par rig byed mi dge ba'o/ /ri mo 'dri ba dang btsem 'drub byed pa la sogs pa bzo'i las rnams ni lus kyi rnam par rig byed lung du mi ston pa'o/ /ngag gi rnam par rig byed la yang rnam pa gsum ste/dge ba dang mi dge ba dang lung du mi ston pa'o/ /de la brdzun dang / phra ma dang / ngag 'khyal pa dang / tshig rtsub po spangs pa ni ngag gi rnam par rig byed dge ba'o/ /brdzun dang / phra ma dang / tshig rtsub mo dang / ngag 'khyal pa smra ba dag ni ngag gi rnam par rig byed mi dge ba'o//'jig rten gyi tha snyad phar song tshur shog ces bya ba la sogs pa smra ba ni ngag gi rnam par rig byed lung du mi ston pa'o/ /ting nge 'dzin la yang rnam pa gnyis te/ zag pa dang bcas pa dang / zag pa med pa'i ting nge 'dzin to/ /de las 'og ma la skyon du lta zhing sa gong ma la yon tan du lta ba'i 'jig rten pa'i bsam gtan mi lcogs su mi rung ba dang /bsam gtan dang po dang bsam gtan khyad par can dang / bsam gtan gnyis pa dang / gsum pa dang / bzhi pa dang / drug ni zag pa dang bcas pa'i ting nge 'dzin to//'phags pa'i lam yan lag brgyad la snyoms par zhugs pa ni zag pa med pa'i ting nge 'dzin to/ /rnam par rig byed ma yin pa yang rnam pa gsum ste / 'dod par gtogs pa'i rnam par rig byed ma yin pa dang / gzugs su gtogs pa'i rnam par rig byed ma yin pa dang /zag pa med pa'i rnam par rig byed ma yin pa'o/ /de la 'dod par gtogs pa'i rnam par rig byed ma yin pa la rnam pa bzhi ste/ so sor thar pa'i sdom pa dang / byang chub sems dpa'i sdom pa dang / sdom pa med pa dang / sdom pa yang ma yin mi sdom pa yang ma yin pa'o//de la so sor thar pa'i sdom pa ni lus dang ngag gi sgo nas gzhan la gnod par byed pa las slar ldog pa ste / de yang dge slong pha dang / dge slong ma dang / dge sbyong pha dang / dge sbyong ma dang / dge slob ma dang / dge bsnyen pha dang / dge bsnyen ma dang / dus khrims pa dang brgyad do//byang chub sems dpa'i sdom pa ni bdag gi lus dang srog la yang phangs pa med par lus dang ngag dang yid gsum gyi sgo nas rnam pa thams cad du gzhan la phan 'dogs par zhugs pa'o/ /sdom pa med pa ni lus dang ngag dang yid gsum gyi sgo nas rnam pa thams cad du gzhan la gnod pa byed par zhugs pa ste/de'ang bya ba dang / nya pa dang / rngon pa dang / shan pa dang / brtson srung dang / gshed ma pa la sogs pa'o/ /sdom pa yang ma yin mi sdom pa yang ma yin pa ni phan pa dang / gnod pa phyogs re re la zhugs pa ste phan pa phyogs gcig la zhugs pa ni yang nyin re zhing dkyil 'khor ma byas par zan mi bza'o zhes dam bcas pas 'cha' 'am zan chang gcig tsam yang gzhan la ma byin par zan mi bza'o zhes dam 'cha' ba'o// gnod pa phyogs gcig la zhugs pa ni nyin re zhing mi 'ga' gzhan la mi brdeg par zan mi bza'o zhes dam bcas pa 'cha' ba'o//de la so sor thar pa'i sdom pa dang / byang chub sems dpa'i sdom pa dang / phan pa phyogs gcig la zhugs pa ni skyabs su 'gro ba dang / brdzun la sogs pa las ldog pa ngag gi rnam par rig byed dge ba dang /srog gcod pa la sogs pa las ldog pa lus kyi rnam par rig byed dge ba'i rgyu las 'byung ngo / /sdom pa med pa dang / gnod pa phyogs gcig la zhugs pa ni brdzun zer ba la sogs pa ngag gi rnam par rig byed mi dge ba dang / srog gcod pa la sogs pa lus kyi rnam par rig byed mi dge ba'i rgyu las 'byung ngo //gzugs su gtogs pa'i rnam par rig byed ma yin pa ni gzugs kyi khams kyi bsam gtan bzhi dang / mi lcogs su mi rung ba dang / bsam gtan zag pa can la snyoms par 'jug pa'i tshe sdom pa'i gzugs skye ba ste /de ni bsam gtan gyi sdom pa zhes bya'o/ /zag pa med pa'i rnam par rig byed ma yin pa ni zag pa med pa'i ting nge 'dzin 'phags pa'i lam yan lag brgyad la snyoms par zhugs pa las/ gang sdom pa'i gzugs skye ba ste/ de ni zag pa med pa'i sdom pa zhes bya'o//de bas na gzugs su gtogs pa'i rnam par rig byed ma yin pa dang / zag pa med pa'i rnam par rig byed ma yin pa gnyis ni ting nge 'dzin las skyes pa'i gzugs zhes bya ste/ gzugs su gtogs pa'i rnam par rig byed ma yin pa ni zag pa dang bcas pa'i ting nge 'dzin las skyes pa'i gzugs so//zag pa med pa'i rnam par rig byed ma yin pa ni zag pa med pa'i ting nge 'dzin las skyes pa'i gzugs so/ /smras pa/ so sor thar pa'i sdom pa dang / byang chub sems dpa'i sdom pa dang sdom pa med pa dang / sdom pa yang ma yin mi sdom pa yang ma yin pa dang /ting nge 'dzin las skyes pa'i sdom pa dang / zag pa med pa'i sdom pa 'di dag la ci'i phyir rgyur byas pa'i gzugs zhes bya/ smras pa/ de dag kyang 'byung ba chen po bzhi la brten nas/ 'byung zhing 'byung ba chen po bzhi'i mthu ma nyams shing de rnams gtong bar byed pa'i rgyu med kyi bar du sems 'khrugs pa dang /ma 'khrugs pa dang sems med pa rnams kyi dus na yang chu'i rgyun bzhin du rgyun mi 'chad par 'byung bas na rgyur byas pa'i gzugs zhes bya'o/ /de la so sor thar pa'i sdom pa gtong ba'i rgyu ni rnam pa bzhi ste/ bslab pa phul ba dang /shi 'phos pa dang / mtshan gnyis skyes pa dang / lta ba log pa la zhugs pa'o/ /dus khrims pa'i sdom pa gtong ba'i rgyu ni gong ma bzhi'i steng du nyin zhag zad pas bsnan te lnga'o/ /byang chub sems dpa'i sdom pa gtong ba'i rgyu ni gnyis te/ sdom pa phul ba dang / log pa'i lta ba la zhugs pa'o/ /sdom pa med pa'i gtong ba'i rgyu ni bzhi ste/ sdom pa blangs pa dang / chos nyid kyi lta ba thob pa bden pa mthong ba dang / shi 'phos pa dang / mtshan gnyis skyes pa'o/ /sdom pa yang ma yin mi sdom pa yang ma yin pa'i gtong ba'i rgyu gcig ste/ dam bcas pa btang ba'o/ /ting nge 'dzin gyi sdom pa dang zag pa med pa'i sdom pa gtong ba'i rgyu gcig ste/ ting nge 'dzin las langs pa'o/ /rnam par rig byed ma yin pa'i gzugs kyi rang bzhin ni bltar med la thogs pa med pa'o/ /de la kha dog dang dbyibs dang rnam par rig byed dag 'di lta bu zhig gnas 'di na 'dug ces bdag gis kyang bltar rung la/gzhan la yang bstan du rung bltar rnam par rig byed ma yin pa de 'di lta bu zhig gnas 'di dag na gnas so zhes bdag gis kyang bltar med gzhan la yang bstan du med pas na bstan du med pa zhes bya'o//rang gnas pa'i phyogs su dngos po gzhan skye ba skyer mi ster zhing gegs byed pa ni thogs pa dang bcas pa zhes bya la/ rnam par rig byed ma yin pa de la rang gi gnas su gzhan 'byung ba la gegs byed mi srid pas thogs pa med pa zhes bya'o/ /de ltar na gzugs thams cad ni rnam pa gsum du 'dus te/bltar snang la thogs pa dang bcas pa'i gzugs dang / bltar mi snang la thogs pa dang bcas pa'i gzugs dang bltar yang mi snang la thogs pa yang med pa'i gzugs so/ /de la bltar snang la thogs pa dang bcas pa'i gzugs ni mig gi dbang po'i yul du gzhag pa kha dog dang dbyibs dang rnam par rig byed do//bltar yang mi snang la thogs pa dang bcas pa'i gzugs ni mig la sogs pa'i dbang po lnga dang / sgra dang dri dang ro dang reg bya dang yul bzhi ste dgu'o/ /bltar yang mi snang la thogs pa yang med pa'i gzugs ni rnam par rig byed ma yin pa'i gzugs so//sdom pa'i gzugs te de dag la ci'i phyir rnam par rig byed ma yin pa zhes gdags she na/ smras pa/ ji ltar rnam par rig byed gzugs kyi rang bzhin yin la/ thal mo sbyor ba la sogs pa lus kyi las kyi sgo nas/nang gi sems kyi ngo bo rig par rung bzhin du rnam par rig byed ma yin ba de yang gzugs kyi rang bzhin kyang yin mod kyi / de'i sgo nas nang gi sems kyi ngo bo rig par byar mi rung bas na rnam par rig byed ma yin pa zhes bya'o/ /'byung ba chen po bzhi nas rnam par rig byed ma yin pa'i bar de dag la ci'i phyir gzugs zhes bya /smras pa/ gzhig cing gnod par byed rung bas na gzugs zhes bya ste/ bcom ldan 'das kyis kyang dge slong dag gzhig cing gzhom du yod pa'i phyir gzugs nye bar len pa'i phung po zhes bya'o zhes gsungs so/ /smras pa/ 'o na rnam par rig byed ma yin pa bltar med la thogs pa med pas gzhig cing gnod pa byar mi rung na de ji ltar gzugs su 'gyur/ smras pa/ rnam par rig byed ma yin pa nyid la gzhig cing gnod pa byar mi rung yang shing bcad na grib ma med par 'gyur ba dang nor bu rin po che bcag na 'od med par 'gyur ba bzhin du 'byung ba chen po bzhi nyams par byas na rnam par rig byed ma yin pa'i gzugs kyang nyams par 'gyur bas gzugs zhes byas pa la nyes pa med do//gzugs kyi phung po bshad pa rdzogs so// //gzugs kyi phung po bshad zin pa'i 'og tu tshor ba'i phung po smos pas de bshad pa'i skabs su bab pa'i phyir/tshor ba gang zhe na zhes dris te/ tshor ba'i phung po'i mtshan nyid gang zhe na zhes dris pa'i don to/ /'dir tshor ba'i phung po gang zhe na zhes ma dris kyi / tshor ba gang zhe na zhes ci'i phyir 'dri zhe na/ yang gzugs kyi phung po'i skabs su lan btab pa bzhin du bshad par bya'o//dris pa'i lan du/ myong ba rnam pa gsum ste zhes bya ba smos te/ tshor ba zhes bya ba ni myong ba la bya ste/ yul gyi rang bzhin sim pa dang / yul gyi rang bzhin gdung ba dang / yul gyi rang bzhin sim pa yang ma yin/ gdung ba yang ma yin pa'i ngo bo rnam pa gsum myong zhing mngon sum du byed pas na tshor ba zhes bya'o//yang na las dge ba dang las mi dge ba dang lung du ma bstan pa'i 'bras bu bde ba dang / sdug bsngal dang bde ba yang ma yin sdug bsngal yang ma yin pa gsum myong bar byed pas na tshor ba zhes bya'o//tshor ba la yang phye na du yod pa bstan pa'i phyir/ bde ba dang / sdug bsngal dang sdug bsngal yang ma yin bde ba yang ma yin pa'o zhes bya ba smos te/ tshor ba la phye na rnam pa gsum ste/ bde ba'i tshor ba dang / sdug bsngal gyi tshor ba dang / sdug bsngal yang ma yin pa'i tshor ba'o//smras pa/ bde ba'i tshor ba dang sdug bsngal gyi tshor ba gnyis ni so sor rang gi rig par 'byung ba yod par mngon no/ /de gnyis las ma gtogs par bde ba yang ma yin sdug bsngal yang ma yin pa'i tshor ba yod par ci mngon/ lan du/ de ni bcom ldan 'das kyi lung las kyang 'byung la/rigs pas brtags na yang bde ba yang ma yin sdug bsngal yang ma yin pa'i tshor ba yod par mngon no/ /lung las 'byung ba ni mdo sde las tshor ba rnam pa gsum ste/ bde ba'i tshor ba dang sdug bsngal gyi tshor ba dang / bde ba yang ma yin sdug bsngal yang ma yin pa'i tshor ba'o zhes 'byung ngo //yang mdo sde gzhan dag las bde ba yang spangs sdug bsngal yang spangs nas dang po nyid du yid bde ba dang yid mi bde ba gnyis 'gag par 'gyur te/ bde ba yang ma yin sdug bsngal yang ma yin pa'i tshor ba so sor myong ba bsam gtan bzhi pa la snyoms par zhugs nas gnas so zhes gsungs so//rigs pas brtags na yang nam yang tshor ba dang bral ba'i sems 'byung mi srid la bar skabs su bde ba'i tshor ba yang mi 'byung sdug bsngal gyi tshor ba yang mi 'byung ba'i sems dmigs pas na/de'i skabs su ni bde ba yang ma yin/ sdug bsngal yang ma yin pa'i tshor ba 'byung bar rig par bya'o/ /bde ba'i tshor ba'i mtshan nyid bstan pa'i phyir/ bde ba ni gang 'gag pa las gang phrad par 'dod pa'o zhes bya ba smos te/ dngos po gang zhig dang phrad pa las bral bar 'gyur ba dang /yang de dang slar phrad par 'dod pa ni bde ba'i tshor ba zhes bya'o/ /'gag ces bya ba ni bral ba la bya'o/ /sdug bsngal gyi tshor ba'i mtshan nyid bstan pa'i phyir/ sdug bsngal ni byung ba las gang bral bar 'dod pa'o zhes bya ba smos te/ byung ba las zhes bya ba 'di dngos po gang dang phrad par gyur ba las de dang phyis bral bar 'dod cing mi phrad par 'dod pa ni sdug bsngal gyi tshor ba zhes bya'o/ /sdug bsngal yang ma yin bde ba yang ma yin pa'i tshor ba'i mtshan nyid bstan pa'i phyir/ sdug bsngal yang ma yin bde ba yang ma yin pa ni gang gnyi gar 'dod par mi 'gyur ba'o zhes bya ba smos te/dngos po gang dang phrad kyang bral bar 'dod pa yang mi skye dngos po gang dang bral yang slar phrad par 'dod pa yang mi skye ba ni sdug bsngal yang ma yin bde ba yang ma yin pa'i tshor ba zhes bya'o/ /yang na dngos po gang dang phrad pa'i tshe ni bral bar mi 'dod la bral ba'i tshe ni slar phrad par 'dod pa skye ba de ni bde ba'i tshor ba'o//dngos po gang dang phrad pa'i tshe ni/ bral bar 'dod la bral ba'i tshe ni slar phrad par mi 'dod pa de ni sdug bsngal gyi tshor ba'o/ /btang snyoms kyi tshor ba ni sngar bshad pa bzhin no/ / yang na bde ba'i tshor ba ni lus brtas pa dang sems brtan par byed pa dang yid dang mthun par byed pas nyams su len pa'i phyir de 'gags na yang slar de dang phrad par 'dod pa skye'o/ /sdug bsngal gyi tshor ba ni lus nyams par byed pa dang sems nyams par byed pa dang / yid du mi 'ong bas nyams su gnod par byed pa'i phyir de dang phrad na yang slar 'bral ba'i 'dod pa skye'o //sdug bsngal yang ma yin bde ba yang ma yin pa'i tshor ba ni sdug bsngal gyi tshor ba bzhin du lus dang sems la gnod par byed cing yid du mi 'ong bar byed pa yang med/ bde ba'i tshor ba bzhin du lus la phan par byed cing yid du 'ong bar byed pa yang med pas de dang phrad na yang 'bral bar 'dod pa ni mi skye la /bral na yang phrad par 'dod pa mi skye ba'o/ /tshor ba'i phung po bshad pa rdzogs so// //tshor ba'i phung po'i 'og tu 'du shes kyi phung po smos pa de bshad pa'i skabs su bab pa'i phyir/'du shes gang zhe na zhes dris te/ 'du shes kyi phung po'i mtshan nyid gang zhe na zhes dris pa'i don to/ /de'i mtshan nyid bstan pa'i phyir/ yul la mtshan mar 'dzi pa'o zhes bya ba smos te/ de la yul ni gzugs dang sgra dang dri dang ro la sogs pa'i yul lnga'o/ / yul de'i mtshan nyid yul gyi khyad par la bya ste/ sngon po dang ser po dang dmar po la sogs pa'o/ /'dzin pa ni 'di ni sngon po nyid yin gyi ser po ma yin zhes bye brag tu rtog pa'o/ /smras pa/ de ltar na mig gi rnam par shes pa dang 'du shes gnyis la khyad par ci yod/ smras pa/spyir gzugs tsam mo zhes shes pa ni rnam par shes pa'o/ /gzugs kyang 'di ni sngon po nyid yin gyi ser po ni ma yin no zhes bye brag tu 'byed pa ni 'du shes te de bas na khyad par yod do/ /'du shes kyi phung po la phye na du yod pa bstan pa'i phyir/ de ni rnam pa gsum ste/ phra ba dang chen por gyur pa dang tshad med pa'o zhes bya ba smos te / 'du shes la phye na rnam pa gsum mo/ /de la 'dod pa'i khams kyi 'du shes ni phra ba zhes bya ste/ gzugs la sogs pa'i 'dod pa'i yon tan lnga tsam la dmigs shing khams gzhan la ltos na ngan par gyur pa'i phyir ro//gzugs kyi khams kyi 'du shes ni chen por gyur pa zhes bya ste/ 'dod pa'i khams kyi 'du shes pas mchog tu gyur pa dang / ting nge 'dzin gyi yul la dmigs pa'i phyir ro/ /gzugs med pa'i khams kyi 'du shes ni tshad med pa zhes bya ste/ nam mkha' ni mtha' yas so zhes bya ba la sogs pa'i rnam par tshad med par dmigs pa'i phyir ro/ /yang na slob dpon kha cig na re yungs kar la sogs pa la dmigs pa'i 'du shes ni phra ba zhes bya'o/ /ri rab la sogs pa la dmigs pa'i 'du shes ni chen por gyur pa zhes bya'o//nam mkha' la sogs pa la dmigs pa'i 'du shes ni tshad med pa zhes 'chad do/ /'du shes kyi phung po bshad pa rdzogs so// //'du shes kyi phung po'i 'og tu 'du byed kyi phung po smos pas/ de bshad pa'i skabs su bab ba'i phyir/ 'du byed rnams gang zhe na zhes dris te/'du byed kyi phung po rnams kyi mtshan nyid dang rang bzhin gang zhe na zhes dris pa'i don to/ /de la rgyu dang rkyen rnams 'dus shing tshogs nas byas shing bskyed pa'i phyir 'du byed ces bya'o/ /smras pa/ gong du gzugs dang tshor ba la sogs pa'i skabs su ni gzugs gang zhe na/ tshor ba gang zhe na zhes dris kyi gzugs rnams gang zhe na/ tshor ba rnams gang zhe na zhes ma dris la/ 'dir 'du byed kyi phung po bshad pa'i skabs su 'du byed gang zhe na zhes mi 'dri bar ci'i phyir 'du byed rnams gang zhe na zhes 'dri/ smras pa/ gzugs dang tshor ba'i phung po bshad pa'i skabs pas 'du byed kyi phung po bshad pa'i skabs su chos mang du bstan cing 'chad pas na 'du byed rnams gang zhe na zhes dris so//lan du tshor ba dang 'du shes las gzhan pa sems las byung ba'i chos rnams dang sems dang mi ldan pa rnams so zhes bya ba smos te/ gzhan pa zhes bya ba ni bzhag ste zhes bya ba'i don tam bkol lam zhes bya ba'i don te/mdor na tshor ba dang 'du shes gnyis gzhag gam bkol te sems las 'byung ba'i chos ji snyed yod pa dang sems dang mi ldan pa'i chos ji snyed yod pa la 'du byed kyi phung po zhes pa'i do to/ /smras pa/ tshor ba dang 'du shes las gzhan pa zhes bya ba de'i tshig smos pa de cir dgos/ lan du de gnyis kyi mtshan nyid gong du bshad zin to / /da 'dir bshad mi dgos pas na gzhan pa zhes bya ba'i tshig smos te / de gnyis 'dir mi bshad do zhes bya ba'i don to/ /smras pa de gnyis kyi mtshan nyid ltag tu bshad zin to //'dir bshad mi dgos na yod ye ma smos pas mi chog gam/ lan du de gnyis kyang sems las byung ba'i chos su gtogs te/ 'du byed kyi chos su gtogs pa'i sems las byung ba'i chos yin no zhes bstan dgos pa'i phyir 'dir ming smos su mi rung ngo //smras pa/ sems las byung ba lnga bcu rtsa gcig yod pa las gzhan ni 'du byed kyi phung po zhes phung po gcig tu bsdus la tshor ba dang 'du shes gnyis ci'i phyir logs shig tu bkar te/ phung po re rer ci'i phyir bshad/ smras pa/ tshor ba ni myong bar byed pa'i rang bzhin te/de la dge ba dang / mi dge ba'i rnam par smin pa/ bde ba dang / sdug bsngal myong bar byed pas na bkar te logs shig tu phung por bshad pa dang / 'du shes ni tha snyad du 'dogs pa'i dngos po ste/ 'du shes kyi mthong ba dang thos pa dang rtogs pa la sogs pa'i don rnams la mtshan mar bzung nas mthong ngo thos so rtogs so zhes 'jig rten pa rnams tha snyad du 'dogs pas na logs shig tu bkar te phung po re rer byas te bshad do//yang na tshor ba dang 'du shes gnyis ni rtsod pa'i rtsa ba byed pa dang 'khor ba'i rgyur gyur pas/ sems las byung ba gzhan pas kyang nyon mongs pa'i rgyu lhag par byed pas na sems las byung ba'i chos yin du zin kyang logs shig tu phung po re re bya ste bshad do/ /de la rtsod pa'i rtsa ba gnyis te / 'dod pa la chags pa dang lta ba la chags pa'o/ /rtsod pa yang phyogs rnam pa gnyis te/khyim na gnas pa'i phyogs dang rab tu byung pa'i phyogs so/ /de la khyim na gnas pa'i phyogs ni 'dod pa la chags pa'i rgyus rtsod do / /mdo las kyang 'dod pa'i 'dod chags la chags shing rnam par bcings pa dang rab tu zhen pa'i rgyus khyim pa rnams kyang khyim pa dang lhan cig rtsod do zhes gsungs te/de ltar na khyim na gnas pa rnams rtsod pa'i rtsa ba ni tshor bas byed do/ /rab tu byung ba rnams ni lta ba la kun tu chags pa'i rgyus rtsod de/ mdo las kyang lta ba la kun tu chags shing rnam par bcings pa dang / kun tu zhen pa'i rgyus rab tu byung ba rnams kyang rab tu byung ba dang /lhan cig rtsod do zhes gsungs te/ rab tu byung ba rnams lta ba las rtsod pa'i rtsa ba yang bdag tu 'dzin pa dang / rtag par 'dzin pa la sogs pa'i 'du shes phyin ci log yin pas de gnyis logs shig tu phung po re rer gzhag go/ 'khor ba'i rgyu ni gang zag rnam pa gnyis te/ sred pa la spyod pa dang lta ba la spyod pa'o/ /sred pa la spyod pa'i gang zag rnams ni tshor ba la chags pa'i rgyus 'khor bar 'khor la/ lta ba la chags pa'i gang zag rnams ni bdag med pa la bdag tu 'du shes pa la sogs pa 'du shes phyin ci log gi rgyus 'khor bar 'khor bas na/de gnyis 'khor ba'i rgyu yin pa'i phyir logs shig tu phung po re rer bshad do/ /smras pa/ ji ste tshor ba dang 'du shes gnyis las gzhan pa reg pa la sogs pa sems las byung ba'i chos rnams dang / rnyed pa la sogs pa sems dang mi ldan pa'i chos rnams 'dir 'du byed kyi phung por bshad na mdo dang 'gal te/mdo las kyang 'du byed rnams kyi phung po gang zhe na/ sems pa'i tshogs drug ste/ mig gi kun tu reg pa las byung ba'i sems pa nas/ yid kyi kun tu reg pa nas byung ba'i sems pa'o zhes 'byung ba dang 'gal lo//lan du mdo las sems pa drug la 'du byed kyi phung por gsungs pa ni gtso bo'i dbang du byas te/ gsungs pas 'gal ba med do/ /ji ltar gtso bo zhe na/ sems pa ni sems mngon par 'du byed cing g.yo bar byed pas na gtso bo ste/ sems pa'i dbang gis dge ba la yang sems 'jug par byed/mi dge ba la yang sems 'jug par byed de / lung du mi ston pa la yang sems 'jug par byed pa'i phyir ro/ /yid la byed pa la sogs pa yang sems pa'i rjes su 'brang zhing 'byung ba yin pas mdo las sems pa'i tshogs drug 'ba' zhig smos pa der gzhan yang zhar gyis gsungs pa yin par rig par bya'o//gtso bo'i dbang du byas pa ni dper na rgyal po gshags zhes smras pa lta bu ste/ gzhan zham 'bring 'ong ngo zhes ma smras kyang de dag kyang de na ma 'ongs pa ma yin pa lta bu'o/ /'du byed kyi phung por sems las byung ba'i chos dang sems dang mi ldan pa'i chos rnam pa gnyis bsdus pa las sems las byung ba'i chos zhes bya ba dngos su gang la bya mi shes te/de bstan pa'i phyir sems las byung ba'i chos rnams gang zhe na zhes dris nas lan du chos gang sems dang ldan pa rnams so zhes bshad do//sems las skyes shing sems las 'thon pas na sems las byung ba zhes bya ste/ de yang chos gang sems dang ldan pa rnams la ni sems las byung ba'i chos zhes bya'o/ /de la sems dang ldan pa'i don ci zhe na/ rig pa nas spyod pa'i bar du chos 'di dag gnas mnyam pa dang dmigs pa mnyam pa dang /rnam pa mnyam pa dang / dus mnyam pa dang / rdzas mnyam pa ste/ mnyam pa lngas mnyam du skye zhing sems kyi rjes su 'brang bas na sems dang ldan pa zhes bya'o/ /gnas mnyam pa ni mig gi rnam par shes pa mig gi dbang po la gnas shing brten na/reg pa la sogs pa de'i rjes su 'brang ba'i sems las byung ba rnams kyang mig gi dbang po nyid la brten cing gnas kyi gzhan rnams la mi gnas so/ /dmigs pa mnyam pa ni mig gi rnam par shes pa gzugs la dmigs na reg pa la sogs pa de'i rjes su 'brang gi sems las byung ba rnams kyang gzugs nyid la dmigs kyi sgra la sogs pa gzhan la mi dmigs so//rnam par mnyam pa ni mig gi rnam par shes pa sngon po'i rnam pa lta bur skyes na reg pa la sogs pa de'i rjes su 'brang ba yang sngon po'i rnam pa lta bur skye'i ser po'i rnam pa lta bur mi skye'o//dus mnyam pa ni gang gi skad cig ma la mig gi rnam par shes pa skyes pa de'i skad cig ma nyid la reg pa la sogs pa sems las byung ba'ang de nyid kyi skad cig ma la skye'i skad cig ma phyi ma la mi skye'o/ / rdzas mnyam pa ni mig gi rnam par shes pa rdzas gcig byung na reg pa la sogs pa'ang reg pa rdzas gnyis mi 'byung gi reg pa'i rdzas gcig 'byung ngo / /'du byed sems dang ldan pa de dag kyang gang dang gang yin pa mi shes pa dang grangs su yod pa mi shes te/ de bas na de dag gang zhe na zhes dris te/de'i don ni sems dang ldan pa'i chos de dag ming gis ni gang dang gang yin/ grangs ni du zhig yod ces bya ba'i don to/ /de'i phyir smras pa reg pa dang yid la byed pa zhes bya ba la sogs pa smos te/ de dag gi ming ni reg pa dang / yid la byed pa dang tshor ba zhes dngos su ming gis smos pa'o//grangs ni rig pa nas brtsams te/ dpyod pa'i bar du lnga bcu rtsa gcig ste/ lnga bcu rtsa gcig po la 'du byed sems dang ldan pa zhes bya'o/ /de dag las kun tu 'gro ba ni du/ yul so sor nges pa ni du/ dge ba ni du/ nyon mongs pa ni du/ nye ba'i nyon mongs pa ni du/ gzhan pa ni du yin pa bstan pa'i phyir/ de rnams las lnga ni kun tu 'gro ba'o zhes bya ba la sogs pa smos te/ sems dang ldan pa'i chos lnga bcu rtsa gcig las reg pa nas sems pa'i bar du lnga ni kun tu 'gro ba zhes bya ste/ kun tu 'gro ba'i don ni 'dod pa dang gzugs dang gzugs med pa'i khams kyi khams gsum gyi sems can gyi sems thams cad kyi rjes su 'gro bas na kun tu 'gro ba zhes bya'o//yang na mig gi rnam par shes pa nas kun gzhi'i rnam par shes ba'i bar du rnam par shes pa brgyad car gyi rjes su 'gro bas na kun tu 'gro ba zhes bya'o//yang na dge ba'i sems dang mi dge ba'i sems dang lung du ma bstan pa'i sems dang zag pa med pa'i sems thams cad kyi rjes su 'jug bas na kun tu 'gro ba zhes bya'o/ /lnga ni yul so sor nges pa'o zhes pa la/ 'dun pa nas shes rab kyi bar du lnga ni yul so sor nges pa zhes bya ste yul so sor nges zhes bya ba yang de dag gi yul so sor nges shing chad pa yin gyi yul thams cad de dag gi yul ma yin zhing yul thams cad la de dag mi 'jug pas na yul so sor nges ba zhes bya'o//kha cig na re yul gang du lnga po las gcig 'byung ba der lnga car gdon mi za bar 'byung bas na yul so sor nges pa'o zhes 'chad do//bcu gcig ni dge ba'o zhes pa la dad pa nas brtsams te/ mi 'tshe ba'i bar dag tu bcu gcig la ni dge ba zhes bya ste/ dge ba'i don ni ma dad pa la sogs pa nag po'i phyogs kyi gnyen por gyur pa dang /'dod mi chags pa dang / zhe mi sdang ba dang / gti mi mug pa'i dge ba'i rtsa ba dang ldan pa'i phyir dge ba zhes bya'o/ /drug ni nyon mongs pa zhes pa la 'dod chags nas brtsams te/ the tshom gyi bar du drug ni nyon mongs pa zhes bya ste/ de dag gis lus dang sems la sdug bsngal zhing nyon mongs par byed pa dang /sems dri ma can du byed pas na nyon mongs pa zhes bya'o/ /lhag ma ni nye ba'i nyon mongs pa'o zhes bya ba la khro ba nas brtsams te/ shes bzhin med pa'i bar du lhag ma nyi shu ni nye ba'i nyon mongs pa zhes bya ste/ ngan skyugs dang de las byung ba'i khu ba dang 'dra bar nyon mongs pa las skyes shing byung bas na nye ba'i nyon mongs pa zhes bya'o//ngan skyugs lta bur gyur pa ni nyon mongs pa drug go/ /de las byung ba'i khu ba lta bu ni lhag ma nyi shu'o/ /yang na nyi shu po de dag nyon mongs pa drug gi yan lag tu gtogs pa dang /nyon mongs pa drug bzhin du lus dang sems la gnod pa byed cing sems dri ma can du byed pas na nye ba'i nyon mongs pa zhes bya'o/ /bzhi ni gzhan du yang ngo zhes pa la 'gyod pa nas dpyod pa'i bar du bzhi ni gzhan du yang zhes bya ste/ de bzhi la nye ba'i nyon mongs pa 'ba' zhig gi rang bzhin yin par ma zad kyi /dge ba'i rang bzhin yang yod/ /mi dge ba'i rang bzhin yang yod lung du ma bstan pa'i rang bzhin yang yod pas na gzhan du yang ngo zhes bya'o/ /da ni sems dang mi ldan pa'i 'du byed de dag gi mtshan nyid bshad par bya'o/ / sum cu pa'i gtsug lag dang mngon pa'i chos bsdus pa'i gtsug lag las sems las byung ba lnga bcu rtsa gcig po rnams kyi rang bzhin dang las gnyi ga bshad pa ltar/ phung po lnga'i gtsug lag 'di glengs pas shes pa 'dul ba'i don du byas te/ mdo tsam du bstan pas na rang bzhin 'ba' zhig bshad nas las ma bstan mod kyi/slob ma rnams chos kyi mtshan nyid la mkhas par bya ba dang / sems las byung ba de dag rang bzhin brda phrad par sla bar bya ba'i phyir bdag gis ni rang bzhin dang las gnyi ga bstan no/ /lnga kun tu 'gro ba las tshor ba dang 'du shes gnyis gong du bshad zin pas na bshad mi dgos te/da ni reg pa dang yid la byed pa dang sems pa gsum bshad do/ /de la reg pa'i rang bzhin bstan par bya ba'i phyir/ reg pa gang zhe na zhes dris te/ reg pa'i rang bzhin nam mtshan nyid gang zhe na zhes dris pa'i don to//lan du gsum 'dus nas yongs su gcod pa'o zhes bya ba smos te/ gsum ni dbang po dang yul dang rnam par shes pa gsum mo/ /de dag rgyu dang 'bras bu'i dngos por lhan cig tu tshogs pa ni 'dus pa zhes bya ste/ yul dang dbang po dang rnam par shes pa gsum ni rgyu yin no//de'i rgyu las byung ba'i reg pa ni 'bras bu yin te/ gsum 'dus pa'i rgyu las gang byung ba'i sems las byung ba de la reg pa zhes bya'o/ /de la yul dang dbang po dang rnam par shes pa gsum dus gcig tu 'dus pa las/ de nyid kyi dus na tshor ba bde ba dang sdug bsngal ba dang /bde ba yang ma yin sdug bsngal ba yang ma yin pa gsum skye bar byed pa dang rjes su mthun pa'am tshor ba gsum skye ba'i rgyu lta bur dbang po yongs su 'gyur ro/ /ci ltar dbang po tshor ba bde ba la sogs pa skye bar 'gyur ba dang rjes su mthun par 'gyur ba'am/tshor ba skye ba'i rgyu lta bur 'gyur ba de dang 'dra bar yul dang tshor ba bde ba la sogs pa skye bar 'gyur ba dang rjes su mthun par yongs su gyur pa'am/ tshor ba skye ba'i rgyu lta bur yongs su 'gyur ba'i yul gyi rnam pa ji lta bu yin pas gcod par byed pa ni reg pa zhes bya'o/ / de'i las ni tshor ba'i rten byed pa ste/ tshor ba skye ba'i rgyu byed pa'i don to/ /de bas na de mdo las kyang reg pa'i rkyen gyis tshor ba 'byung zhes bshad pa dang mdo gzhan dag las tshor ba myong ba'i reg pa la brten nas/ bde ba'i tshor ba skye'o zhes gsungs so/ /yid la byed pa'i rang bzhin bstan pa'i phyir/yid la byed pa gang zhes dris te/ yid la byed pa'i rang bzhin dang mtshan nyid gang zhe na zhes dris pa'i don to/ /lan du sems kyi 'jug pa'o zhes bya ba smos te/ 'jug pa zhes bya ba ni sems yul la 'gro bar byed pa'am der lta bar byed pa ste/ bsgom par bya ba yul dmigs pa'i khyad par la sogs pa dmigs par bya ba'i yul gang yang rung ba la sems mngon du lta zhing der phyogs par byed pas na sems kyi 'jug pa zhes bya ste/de lta bur byed pa de la yid la byed pa zhes bya'o/ /de'i las ni dmigs pa la sems 'dzin pa'o/ / dmigs pa la sems 'dzin ces bya ba'i don yang ji lta bu zhe na/ keng rus la sogs pa dmigs pa'i yul la sems yang nas yang du 'jog par byed pa ni sems 'dzin pa zhes bya'o/ /de bas na dmigs pa'i yul la sems kyi skad cig ma'i rgyun du dmigs pa de ni de'i las su bshad kyi//sems kyi skad cig ma gcig de la dmigs nas/ skad cig ma gnyis pa la sogs pa'i tshe skad cig ma gzhan la dmigs pa de ni de'i las su mi gzhag go/ /sems pa'i rang bzhin bstan pa'i phyir/ sems pa gang zhe na zhes dris te/ sems pa'i rang bzhin dang mtshan nyid gang zhe na zhes dris pa'i don to//lan du yon tan dang nyes pa dang gnyi ga ma yin pa la sems mngon par 'du byed pa yid kyi las so zhes bya ba smos te/ de la dge ba'i chos rnams ni yon tan no/ /mi dge ba'i chos rnams ni nyes pa zhes bya'o/ /lung du ma bstan pa'i chos rnams la ni gnyi ga ma yin pa zhes bya'o//sems mngon par 'du byed pa zhes bya ba ni sems g.yo bar byed 'gul bar byed ces bya ba'i don te / sems 'di ci 'ang mi byed cing mi g.yo ba yin na sems pa zhes bya ba sems las byung bas bskyod nas/ sems dge ba la yang mngon par 'du byed cing dge ba byed pa la yang 'jug /sems mi dge ba la yang mngon par 'du byed cing mi dge ba byed pa la yang 'jug /sems lung du ma bstan pa la yang mngon par 'du byed cing lung du ma bstan pa la yang 'jug par byed pa ni sems pa zhes bya ste/ dper na khab mi g.yo zhing byed pa med mod kyi/rdo khab long gi dbang gis khab g.yo zhing 'gul ba bzhin no/ /yang na dge ba'i chos rnams la ni sems yon tan can du sems shing lta ba dang mi dge ba'i chos rnams la ni nyes pa can du sems shing lta ba dang gnyi ga ma yin pa ste/ lung du ma bstan pa'i chos rnams la ni yon tan can dang nyes pa can gnyi gar mi sems mi lta bar byed pa ni sems pa zhes bya'o//yang na phan 'dogs pa rnams la ni yon tan du lta zhing sems/ gnod pa byed pa la ni nyes par lta zhing sems/ bar ma la ni gnyi gar yang mi sems mi lta bar byed pa ni sems pa zhes bya'o//smras pa/ yid kyi las zhes bya ba yang sems g.yo bar byed pa la bya bas yid kyi las zhes ma brjod kyang / sems mngon par 'du byed ces brjod pas yid kyi las yin no zhes zhar gyis thob na/ yid kyi las zhes brjod pa cir dgos/ lan du rnam par rtog pa dang / dpyod pa la sogs pa yang / sems mngon par 'du byed pa'i rang bzhin te/ sems g.yo bar byed pa yin du zin kyang yid kyi las ma yin te/ rnam par shes pa mi g.yo ba'i chos las g.yo ba bzhin du byed pa ni sems pas byed kyi sems las byung ba gzhan gyis mi byed pas na yid kyi las zhes bya ste/des ni sems las byung ba gzhan bkar ba yin no/ /de la yid kyi las zhes bya bas sems pa'i rang bzhin bstan to/ /yon tan dang nyes pa gnyi ga ma yin pa la sems mngon par 'du byed pa ni de'i las yin par bstan to/ /lnga kun tu 'gro ba bshad zin to//lnga yul so sor nges par bstan par bya ste/ de la yang 'dod pa'i rang bzhin bstan pa'i phyir/ 'dod pa gang zhe na zhes dris te/ 'dod pa'i rang bzhin dang mtshan nyid gang zhe na zhes dris pa'i don to / /de'i lan du 'dod pa'i dngos po la 'dod pa'o zhes bya ba smos te /'dod pa yang 'dod pa'i dngos po nyid la 'dod pa skye'i/ 'dod pa ma yin pa'i dngos po la 'dod pa mi skye bas yul nges pa'o/ /de la 'dod pa'i dngos po ni blta bar 'dod pa'i dngos po gzugs dang mnyan par 'dod pa'i dngos po sgra la sogs pa'o/ /'dod pa ni blta bar bya ba'i yul dang mnyan par bya ba'i yul de la ji ltar blta ji ltar mnyan snyam ste/blta bar bya ba dang mnyan par bya ba'i yul la mthong zhing thos kyang ji ma rung snyam du smon pa ni 'dod pa zhes bya'o/ /smras pa/ 'dod pa ni 'dod pa'i dngos po la 'dod pa yin na de lta na ni srid pa yang 'dod pa'i dngos po la 'dod pa yin pas srid pa dang de gnyis la khyad par ci yod/smras pa/ sred pa ni 'dod pa'i dngos po la chags shing zhen pa'i bdag nyid yin la/ 'dod pa ni dngos po la gcig tu zhen pa med kyi/ /smon pa tsam du zad pas na khyad par yod do/ /de'i las ni brtson 'grus kyi rten byed pa ste/'dod pa yod na brtson 'grus rtsom pa'i phyir ro/ /mos pa'i rang bzhin bstan pa'i phyir/ mos pa gang zhe na zhes dris te/ mos pa'i rang bzhin dang / mtshan nyid gang zhe na zhes dris pa'i don to/ /lan du nges pa'i dngos po nyid la de bzhin du 'dzin pa'o zhes bya ba smos te/mos pa'i yul ni nges pa'i dngos po kho na yin gyi/ ma nges pa'i dngos po la mos pa mi 'jug pas na yul nges par bstan to/ /mi slu ba'i lung dang mngon sum dang rjes su dpag pa'i rigs pas dngos po rnams la mi rtag pa dang / sdug bsngal ba dang bdag med pa'i rang bzhin du gtan la dbab par byas shing the tshom med par byas pa ni nges pa'i dngos po'o/ /de bzhin du 'dzin ces bya ba ni mi rtag pa dang sdug bsngal ba la sogs par gtan la phab cing yid ches par byas pa de la dngos po rnams ni mi rtag pa dang / sdug bsngal ba la sogs pa kho nar bden pa'i rtag pa la sogs pa ni ma yin no zhes 'dzin pa ni nges pa zhes bya'o/ /yang na phung po lnga la gzugs ni dbu ba'i gong bu lta bu tshor ba ni chu'i chu bur dang 'dra ba/ 'du shes ni smig rgyu lta bu/ 'du byed ni chu shing gi snying po dang 'dra ba/ rnam par shes pa ni sgyu ma lta bu yin par yid ches par byas nas de la de bzhin du bden no zhes 'dzin pa ni nges pa'i dngos po la de bzhin du 'dzin pa zhes bya ste/ de la mos pa zhes bya'o/ /de bas na bcom ldan 'das kyis kyang / gzugs ni dbu ba lta bu ste/ /tshor ba chu yi chu bur 'dra//smig rgyu lta bu 'du shes te/ /'du byed chu shing 'dra ba'o/ /rnam shes sgyu ma 'dra bar ni/ /nyi ma'i gnyen gyis rab tu gsungs/ /zhes bshad do/ /de'i las ni mi 'phrogs par byed pa ste/ dngos po rnams la mi rtag pa la sogs par yid ches par gyur na/rang gi lta ba las mu stegs can la sogs pa rgol ba gzhan gyis lta ba gzhan du bsgyur bar mi nus pa'i phyir ro/ /dran pa'i rang bzhin bstan pa'i phyir/ dran pa gang zhe na zhes dris te/ dran pa'i rang bzhin dang mtshan nyid gang zhe na zhes dris pa'i don to/ /de'i lan du/'dris pa'i dngos po ma brjed pa ste/ sems la gsal ba'o zhes bya ba smos te/ dran pa yang 'dris pa'i dngos po la sems ma brjed par 'byung gi ma 'dris pa'i dngos po la/ sems ma brjed pa mi 'byung bas yul nges par bstan to/ /sngon mthong ba dang thos pa la sogs pa'i sgo nas myong bar byas pa'i dngos po ni 'dris pa'i dngos po zhes bya'o//ma brjed pa ni sngon myong ba'i dngos po sems la bzung ba de med par ma gyur cing brjed pa dang chud za bar ma gyur pa ni ma brjed pa zhes bya'o/ /ma brjed pa'i don nyid gsal bar bya ba'i phyir/ sems la gsal ba'o zhes bya ba smos te/ sngon myong ba'i dngos po de la yang dang yang du goms par byas pas smra la rag pa bzhin du gsal bar dran pa'i phyir gsal ba zhes bya ste/ ma brjed pa dang gsal ba gnyis don tha dad pa ni ma yin no/ /de'i las ni g.yeng ba med pa ste/'dris pa'i dngos po sems la gsal bar gyur na/ gzugs la dmigs pa las dmigs pa gzhan sgra la dmigs par mi 'gyur ba dang / dkar po'i rnam pa la dmigs pa las sngon po la sogs pa'i rnam pa gzhan la sems g.yeng bar mi 'gyur bas na g.yeng ba med pa'i las can zhes bya'o//ting nge 'dzin gyi rang bzhin bstan pa'i phyir/ ting nge 'dzin gang zhe na zhes dris te/ ting nge 'dzin gyi rang bzhin dang / mtshan nyid gang zhe na zhes dris pa'i don to/ /de'i lan du/ brtags pa'i dngos po la sems rtse gcig pa'o zhes bya ba smos te/'dir ting nge 'dzin kyang brtags pa'i dngos po nyid sems rtse gcig tu 'gyur gyi ma brtags pa'i dngos po la sems rtse gcig tu mi 'gyur bas na yul nges par bstan to/ /brtags pa'i dngos po zhes bya ba ni yon tan gyi dngos po dang nyes pa'i dngos po gnyis la bya'o//de'ang bden pa bzhi las 'gog pa dang lam gyi dngos po la ni yon tan gyi dngos por brtags / sdug bsngal dang kun 'byung gi dngos po la ni nyes pa'i dngos por brtags so / /de la 'gog pa dang lam la yon tan gyi dngos por brtag pa yang 'gog pa'i bden pa la ni zhi ba dang 'gog pa dang gya nom pa dang nges par 'byung ba'i tshul lta bur yon tan du brtag pa lam gyi bden pa la yang lam dang rigs pa dang //bsgrub par bya ba dang nges par 'byung bar byed pa'i tshul lta bur yon tan du brtag go/ /sdug bsngal dang kun 'byung gi bden pa la nyes par brtag pa yang sdug bsngal gyi bden pa la mi rtag pa dang sdug bsngal ba dang /stong pa dang / bdag med pa'i tshul du nyes pas brtag go/ /kun 'byung ba'i bden pa la yang rgyu dang kun 'byung ba dang rkyen dang rab tu 'byung ba'i tshul lta bur nyes par brtags pas na bden pa bzhi la brtag pa'i dngos po zhes bya'o//rtse gcig ces bya ba ni dmigs pa gcig par byas pa ste/ bden pa bzhi 'ba' zhig la dmigs kyi gzhan du sems ma g.yengs pa la sems rtse gcig ces bya'o/ /de'i las ni shes rab kyi rten byed pa ste sems mnyam par bzhag na yang dag pa ji lta ba bzhin du shes pa'i shes rab skye ba'i phyir ro//shes rab kyi rang bzhin bstan pa'i phyir shes rab gang zhe na zhes dris te/ shes rab kyi rang bzhin dang mtshan nyid gang zhe na zhes dris pa'i don to/ /de'i lan du/ de dag nyid rang bzhin du 'byed pa ste zhes bya ba smos te/ de dag nyid ces bya ba ni brtag par bya ba'i dngos po bden pa bzhi nyid la bya'o//rab tu 'byed ces bya ba ni ma nor bar 'byed cing shes pa'am phyin ci ma log par 'byed cing shes pa ste/ bden pa bzhi po de dag gi rang dang spyi'i mtshan nyid ma 'dres kyang 'dres pa 'dra bar gnas pa la 'di ni rang gi mtshan nyid 'di ni spyi'i mtshan nyid do zhes phyin ci ma log par shes par 'gyur ba'am/yang dag pa'i chos la yang yang dag pa nyid do zhes shes/ log pa'i chos la yang log pa nyid do zhes shes pa ni shes rab ces bya'o/ /ji ltar ting nge 'dzin gyi yul brtag pa'i dngos po nyid yin gyi gzhan la ma yin par yul nges pa de bzhin du shes rab kyang brtags pa'i ngo bo nyid rab tu 'byed kyi gzhan mi 'byed pas na yul nges par bstan pa yin no//shes rab la phye na rnam pa du yod bstan pa'i phyir/ rigs pa dang mi rigs pas bskyed pa dang gzhan yang zhes bya ba smos te/shes rab la phye na rnam pa gsum ste / rigs pas bskyed pa'i shes rab dang mi rigs pas bskyed pa'i shes rab dang / gzhan yang ste rigs pas bskyed pa yang ma yin mi rigs pas bskyed pa yang ma yin pa'i shes rab bo/ /de la mi slu ba'i lung dang /rjes su dpag pa'i tshad ma dang / mngon sum gyi tshad ma gsum la rigs pa zhes bya ste/ rigs pa de gsum mnyan bsams bsgoms pa las byung ba'i shes rab ni rigs pas bskyed pa'i shes rab ces bya'o/ /nyon mongs pa kun spangs pa dang sdug bsngal thams cad spangs pa dang des bshad pa'i tshig la goms par byas na/nyon mongs pa rnams spong bar byed par 'gyur ba'i skyes bu'i tshig ni mi slu ba'i lung zhes bya'o/ /rjes su dpag pa na yod pa dang phyogs dang mthun pa na yod pa dang / phyogs dang mi mthun pa na med pa ni rjes su dpag par bya ba'i tshad ma zhes bya'o//de la rjes su dpag pa na yod pa ni gang na du ba 'thul bar snang ba de na me yod par dpag pa'o/ /phyogs dang mthun pa de na yod pa ni gang na du ba 'thul ba de na me yod par ci mngon zhe na/ dper na tshang mang chen po na du ba 'thul bar mthong bas de na me yod par snang ba'o//phyogs dang mi mthun pa na med pa ni me dang chur mi mthun pa ste/ de bas na gang na me yod pa de na du ba yod kyi gang na chu yod pa de na du ba mi 'thul lo/ /mngon sum ni mig gi dbang pos bum pa mngon sum du mthong ba lta bu ste/ de'ang rnal 'byor pa'i sems dang dbang po'i rnam par shes pa rnams dang / yid kyi rnam par shes pa dang / sems dang sems las byung ba'i chos rnams kyi dngos po so sor rang gis rig pa dang bzhi'o/ /mi rigs pa zhes bya ba ni mi slu ba ma yin pa'i lung dang rjes su dpag par snang ba dang /log par bshad pa'i ting nge 'dzin la mi rigs pa zhes bya ste/ de gsum mnyan pa dang bsams pa dang bsgoms pa las byung ba'i shes rab ni mi rigs pa bskyed pa'i shes rab ces bya'o/ /de la brdzun gyi rgyu nyon mongs pa thams cad ma spangs pa dang sdug bsngal thams cad ma spangs pa dang /de'i tshig bsgoms na yang nyon mongs pa spong bar mi 'gyur ba ste/ mu stegs pa grangs can dang bye brag pa la sogs pa'i tshig ni mi slu ba ma yin pa'i lung zhes bya'o/ /rjes su dpag par snang ba ni rjes su dpag pa dngos po ma yin gyi rtags kyis rjes su dpag pa dang tshul 'dra ba ste/dper na a mra'i shing gi yal ga 'di la 'bras bu gcig smin pas na thams cad smin to zhes dpog pa lta bu'o/ /log par bshad pa'i ting nge 'dzin ni bdag med pa la bdag tu bshad pa'i chos la sems rtse gcig tu 'jog pa'o//rigs pas bskyed pa yang ma yin mi rigs pas bskyed pa yang ma yin pa'i shes rab ni gang skyes ma thag tu thob pa'i shes rab dang / tshem drub la sogs pa 'jig rten na bzo sna tshogs shes pa'i shes rab bo/ /de'i las ni the tshom sel bar byed pa ste/ shes rab kyis chos rnams kyi rang dang spyi'i mtshan nyid rab tu phye nas/phyin ci ma log par shes par byas nas de yin nam ma yin snyam pa'i the tshom med par 'gyur ro/ /lnga yul so sor nges pa bshad zin to/ /bcu gcig dge ba bshad par bya ste/ de la dad pa'i rang bzhin bstan pa'i phyir/dad pa gang zhe na zhes dris te/ dad pa'i rang bzhin dang mtshan nyid gang zhe na zhes dris pa'i don to/ /lan du/ las dang 'bras bu dang / bde ba dang / dkon mchog la mngon par yid ches shing zhes bya ba smos te/ de la las ni rnam pa gsum ste/bsod nams kyi las dang bsod nams ma yin pa'i las dang mi g.yo ba'i las so/ /bsod nams kyi las ni gang 'dod pa'i khams nyid du gtogs pa'i dge ba'i las la bya ste/ de yang srog gcod pa las phyir ldog pa la sogs pa dge ba bcu la bya'o/ /bsod nams ma yin pa'i las kyang 'dod pa'i khams su gtogs pa'i mi dge ba'i las la bya ste/de yang srog gcod pa la sogs pa'i mi dge ba bcu'i las la bya'o/ /mi g.yo ba'i las ni gzugs su gtogs pa'i bsam gtan bzhi dang gzugs med par gtogs pa'i snyoms par 'jug pa bzhi'i dge ba'i las kyi rang bzhin la bya ste/de dag la rtag tu ting nge 'dzin la gnas pa las rnam par rtog pa'i rlung gis g.yo bar mi nus shing bskyod par mi nus pas mi g.yo ba'i las zhes bya'o/ /yang na 'dod pa'i khams kyi las dge ba dang mi dge ba ni sngar las gcig tu byas te 'bras bu 'phangs pa las phyis las gzhan byas na snga ma'i las kyi 'bras bu bskyod nas las phyis byas pa'i 'bras bu smin par 'gyur bas rnam par smin par 'gyur ba la g.yo ba yod pa ltar/gzugs dang gzugs med par gtogs pa'i las sngar byas te/ 'bras bu 'phangs na phyis las gang byas kyang sngar byas pa'i 'bras bu nyid smin par 'gyur gyi las phyi mas snga ma'i 'bras bu bskyod par mi nus pas na mi g.yo ba'i las zhes bya'o//'bras bu rnam pa gnyis te/ yid du 'ong ba dang yid du mi 'ong ba'o/ /yid du mi 'ong ba ni sems can dmyal ba dang /yi dags dang byol song ngo / /yid du 'ong ba ni lha dang mi'o/ /de la 'dod par gtogs pa las bsod nams ma yin pa'i las byas na ni ngan song gsum du 'bras bu rnam par smin par 'gyur ro/ /'dod par gtogs pa'i bsod nams kyi las byas pas ni 'dod pa'i khams nyid du lha dang mi'i 'bras bu rnam par smin pa yid du 'ong ba thob par 'gyur ro//gzugs dang gzugs med par gtogs pa'i mi g.yo ba'i las dge ba'i rang bzhin byas pa las ni/ gzugs dang gzugs med par gtogs pa'i lha'i nang du 'bras bu rnam par smin pa yid du 'ong ba 'thob par 'gyur ro//de la las dge ba byas na ni 'bras bu yid du 'ong ba rnam par smin pa la las mi dge ba byas na ni 'bras bu yid du mi 'ong ba rnam par smin par yid ches pas las kyang yod la 'bras bu yang yod ces de gnyi ga yod par mngon par yid ches pa ni dad pa zhes bya'o//bden pa ni rnam pa bzhi ste/ sdug bsngal gyi bden pa dang / kun 'byung gi bden pa dang / 'gog pa'i bden pa dang / lam gyi bden pa'o/ /de la las dang nyon mongs pas bskyed pas gzugs la sogs pa nye bar len pa'i phung po lnga 'bras bur gyur pa la ni sdug bsngal gyi bden pa zhes bya ste/de dag las kyang mi rtag pa dang sdug bsngal ba dang stong pa dang bdag med pa'i mtshan nyid du ma nor cing phyin ci ma log pa'i phyir bden pa zhes bya'o/ /las dang nyon mongs pa gnyis la ni kun 'byung gi bden pa zhes bya ste/ de dag kyang rgyu dang kun 'byung ba dang rkyen dang rab tu 'byung ba'i mtshan nyid du ma nor cing phyin ci ma log pas na bden pa zhes bya'o//las dang nyon mongs pa yang spangs nye bar len pa'i phung po lnga yang bkag pa la ni 'gog pa'i bden pa zhes bya ste/ de 'ang 'gog pa dang zhi ba dang gya nom pa dang nges par 'byung bar phyin ci ma log cing ma nor bas na bden pa zhes bya'o//de thob par byed pa'i thabs 'phags pa'i lam gyi yan lag brgyad la lam gyi bden pa zhes bya ste/ de 'ang lam dang rigs pa dang bsgrub par bya ba dang nges par 'byung bar byed par phyin ci ma log cing ma nor bas na bden pa zhes bya'o//de la sdug bsngal dang / kun 'byung gi bden pa gnyis la sdug bsngal yod de / kun 'byung yod do zhes mngon par yid ches pa dang 'gog pa dang lam gyi bden pa gnyis la 'gog pa ni thob par bya bar nus/ lam ni bsgrub par bya nus so zhes mngon par yid ches pa ni dad pa zhes bya'o//dkon mchog ces bya ba la dkon mchog gsum ste/ sangs rgyas dang chos dang dge 'dun no/ /de gsum nor bu rin po che dang 'dra ba'i phyir dkon mchog ces bya ste / dper na nor bu rin po che dkon pa dang rin che ba dang / dga' bar byed pa dang / phan 'dogs pa dang mi ma yin pa'i gnod pa med par byed pa bzhin du sangs rgyas dang chos dang dge 'dun gyis kyang rnam pa de lnga byed pas na dkon mchog ces bya'o/ /ji ltar nor bu rin po che dkon te dus thams cad du mi 'byung ba de bzhin du sangs rgyas kyang / byang chub sems dpa' rnams kyis lus dang srog la yang mi phongs par rgyun du bsod nams dang ye shes kyi tshogs bsgrubs kyang bskal pa grangs med pa gsum gyis 'tshang rgya bar 'gyur bas na/ dkon pa ste de bas na mdo las kyang sangs rgyas 'byung ba ni u dum bA ra'i me tog 'byung ba bzhin no zhes gsungs so//sangs rgyas 'byung ba dkon par gyur pas chos dang dge 'dun dkon mchog gnyis kyang dkon pa nyid do/ sangs rgyas 'byung ba la rag las pas de la brten nas de gnyis 'byung ba'i phyir ro/ /ji ltar nor bu rin po che rin che ba bzhin du sangs rgyas de yang bsod nams dang ye shes kyi tshogs kyis bsgrubs pas 'thob pas na rin po che rin che ba'o//de la pha rol tu phyin pa drug las sbyin pa dang tshul khrims dang bzod pa'i pha rol tu phyin pa gsum ni bsod nams kyi tshogs so/ /bsam gtan dang shes rab kyi pha rol tu phyin pa gnyis ni ye shes kyi tshogs so//brtson 'grus kyi pha rol tu phyin pa ni gnyi ga'i grogs su gyur pa'o/ /chos dkon mchog ces bya ba ni mya ngan las 'da' ba la bya ste/ de yang 'jig rten thams cad kyis phangs par brtsi ba'i phung po lnga spangs pas 'thob pas na rin che ba zhes bya'o/ /dge 'dun dkon mchog kyang 'khor bar skyes pa'i bsod nams dang ye shes lta bu ni ma yin gyi /'khor ba las 'byung bar 'gyur ba'i bsod nams dang ye shes kyi tshogs bsgrubs pas 'thob pas na rin che ba'o/ /ji ltar nor bu rin po che bdog na dga' bar byed pa de bzhin du dkon mchog gsum po 'di mthong yang rung thos kyang rung /rjes su dran par byas kyang rung dga' ba'i rgyur 'gyur bas na dga' bar byed pa'o/ /ji ltar nor bu rin po che bdog na nor bu gzhan yang 'du bas phan 'dogs par byed pa de bzhin du dkon mchog 'di gsum la bsu ba dang bsnyen bkur bya ba dang /yongs su shes par byas na/ lha dang mi'i 'bras bu 'thob pa nas/ mya ngan las 'da' ba'i bar du 'thob par byed pas bdog pa don chen po 'grub pa'i phyir phan 'dogs pa'o/ /dper na nor bu rin po che yod na mi ma yin pa'i gnod pas mi tshugs pa de bzhin du dkon mchog gsum rjes su dran par byas na yang mi ma yin pa'i gnod pas mi tshugs pas na mi ma yin pa'i gnod pa med par byed pa'o//de la sangs rgyas zhes bya ba yang dngos su na nyon mongs pa dang shes bya'i sgrib pa spangs nas/ phung po lnga gnas gzhan du gyur te/sku gsum lhun gyis grub nas stobs dang mi 'jigs pa la sogs pa'i yon tan phun sum tshogs pa dang ldan pa la sangs rgyas zhes bya'o/ /de la sangs rgyas de ni nyes pa thams cad spangs ba yon tan thams cad phun sum tshogs pa yin pas thos kyang rung / / bdag gis shes kyang rung / de'i sgo nas mchi ma dku ba dang ba spu ldang ba la sogs pa'i dad ba sems las g.yos pa ni dad pa zhes bya'o / /chos zhes bya ba la chos rnam pa gsum ste / bshad pa'i chos dang / bsgrub pa'i chos dang / don dam pa'i chos so/ /de la gsung rab yan lag bcu gnyis ni bshad pa'i chos so//'phags pa'i lam gyi yan lag brgyad ni sgrub pa'i chos so/ /mya ngan las 'da' ba ni don dam pa'i chos so/ /de la don dam pa'i chos ni kun 'byung dang sdug bsngal spangs pa'i bdag nyid yin no/ /sgrub pa'i chos ni de thob par byed pa'i rgyu yin no//bshad par bya ba'i chos ni de gnyis kyi don gsal bar ston par byed pa yin no zhes sems dang ba ni dang ba zhes bya'o/ /dge 'dun zhes bya ba la dge 'dun yang skyes bu gang zag brgyad la bya ste/ bdud la sogs pas mi phyed pa dang / mu stegs la sogs pas sangs rgyas kyi bstan pa 'di las bzlog nas/biSh+Nu la sogs pa'i bstan pa gzhan la gzhag par mi nus pas na gang zag brgyad po la dge 'dun zhes bya'o/ /dge 'dun de dag kyang 'khor ba'i rdzab las brgal ba dang 'khor ba'i rdzab las brgal bar 'gyur ba'i lam la gnas pa bsod nams kyi zhing du gyur ba'o zhes sems dang ba ni dad pa zhes bya'o//de ltar na dad pa 'di rnam pa gsum du 'jug ste/ yod pa'i dngos po la mngon pa yid ches pa'i rnam par 'jug pa dang / yon tan dang ldan pa la dang ba'i sems rnam par 'jug pa dang / yon tan dang ldan zhing yod pa thob par bya ba dang /skyed par nus pa'i dngos po la 'dod pa'i rnam par 'jug go/ /de la las dang las kyi 'bras bu dang bden pa bzhi ni yod pa'i dngos po zhes bya ste/ yod pa la yod pa nyid du yid ches pa ni yod pa'i dngos po la mngon par yid ches pa'i rnam par 'jug pa zhes bya'o//dkon mchog gsum ni yon tan dang ldan pa zhes bya ste/ de la yang yon tan dang ldan pa nyid du sems dga' ba ni yon tan dang ldan pa la sems dang bar 'jug pa'i rnam pa zhes bya'o/ /mya ngan las 'das pa ni yon tan dang ldan zhing thob par bya nus pa yin la/de'i lam ni bsgrub par bya nus pa yin te/ de bas na mya ngan las 'das pa ni ji ltar thob par bya/ lam ni ji ltar bsgrub par bya zhes 'dod pa skyes pa ni mngon par 'dod pa'i rnam par rin po che 'jug pa zhes bya'o/ /dad pa'i yon tan bstan pa'i phyir te / sems dang ba'o zhes bya ba smos te/dper na chu dngas bar byed pa'i nor bu chu rnyog pa can gyi nang du bcug na chu rnyog pa dngas par byed pa de bzhin du dngas pa zhes bya ba'i sems las byung ba'i nor bu rin po che 'di sems kyi rgyud la byung ba na sems la yod pa'i nyon mongs pa dang / nye ba'i nyon mongs pa'i rnyog pa dngas shing gsal bar byed pas na sems dang ba zhes bya'o//smras pa/ yid ches shing dang ba zhes bya ba smos pas chog mod sems zhes bya ba'i sgra smos ji dgos/ smras pa/ dngas pa ni gzugs can gyi chos shel dang me long la sogs pa yang yod pas/ sems ma smos na de dag la dang ba yin no snyam du 'dzin pa 'byung ba'i phyir sems dang ba zhes bya ba smos te/ me long la sogs pa de dag ni gzugs dang ba'i rang bzhin yin gyi/ dad pa ni sems dang ba'i rang bzhin no/ /de'i las ni 'dod pa'i rten byed pa ste/ dad pa yod na 'dod pa skye bar 'gyur ba'i phyir ro//ngo tsha shes pa'i rang bzhin bstan pa'i phyir/ ngo tsha shes pa gang zhe na zhes dris te/ ngo tsha shes pa'i rang bzhin dang mtshan nyid gang zhe na zhes dris ba'i don to/ /de'i lan du/ bdag gam chos kyi dbang du byas te/ kha na ma tho bas ngo tsha ba'o/ /zhes bya ba smos te/'phags pa rnams kyis smad pa dang / sems can dmyal ba la sogs par 'bras bu yid du mi 'ong ba rnam par smin par 'gyur bas na srog gcod pa la sogs pa sdig pa'i las la kha na ma tho ba zhes bya'o/ /yang na mkhan po'am/ slob dpon nam skyes bu dam pa rnams kyi mdun du smra bar mi 'os shing brjod du mi rung ba'i sdig pa'i las la kha na ma tho ba zhes bya'o//sdig pa'i las de byas kyang rung ma byas kyang rung bdag gam chos kyi dbang du byas nas gang sems bag 'khums par gyur pa de ni ngo tsha shes pa zhes bya'o/ /de la bdag gi dbang du byas zhes bya ba ni bdag la ltos zhes bya ba'i don to//ji ltar bdag la ltos she na/ sdig pa'i dngos po de la 'di ltar dpyod do/ /las ngan pa 'di ni 'phags pa dang skyes bu dam pa rnams kyis smad pa yin la bdag kyang cho rigs 'di lta bu las byung ba yin la/ mkhas shing shes pa yin pas 'di bdag gis bya ba'i mi rigs so snyam nas sdig pa'i las la sems bag 'khums pa ni bdag gi dbang du byas nas kha na ma tho bas ngo tsha ba'o//ji ltar chos kyi dbang du byas nas/ kha na ma tho bas ngo tsha ba yin zhe na/ sdig pa'i dngos po 'di byas na 'jig rten pha rol du 'bras bu yid du mi 'ong ba smin par 'gyur bar gsung rab dang chos kyi lugs las kyang 'byung ste/'di spyad na chos kyi lugs dang 'gal bas mi rigs so snyam nas sems bag 'khums par 'gyur ba ni chos kyi dbang du byas nas kha na ma tho bas ngo tsha ba'o/ /'di'i las ni log par spyod pa las sdom pa'i rten byed pa ste/ngo tsha shes pa yod na sdig pa las sdom zhing sdig pa'i las mi byed pa'i phyir ro/ /khrel yod pa'i rang bzhin bstan pa'i phyir/ khrel yod pa gang zhe na zhes dris te/ khrel yod pa'i rang bzhin dang mtshan nyid gang zhe na zhes dris pa'i don to//de'i lan du/ 'jig rten gyi dbang du byas nas kha na ma tho bas ngo tsha ba'o zhes bya ba smos te/ 'jig rten gyi dbang du byas nas zhes bya ba 'di ni 'jig rten gyi dbang du bya ba la ltos nas zhes bya ba'i don to/ ji ltar 'jig rten la ltos she na/las 'di byas na 'jig rten pas smad pa dang / brdeg pa dang / bcing ba la sogs pa'i bya ba byed la/ bdag gis kyang las 'di byas na bdag la 'di 'jig rten pa rnams smod pa dang / bcing ba dang / brdeg pa la sogs pa byed du 'ong ngo snyam nas/ gang sems bag 'khums pa ni 'jig rten gyi dbang du byas nas/kha na ma tho bas ngo tsha ba'o/ /'di'i las kyang log par spyod pa la sdom pa'i rten byed pa ste/ ngo tsha shes pa dang khrel yod par gyur na sdig pa'i las ma byas na ni mi byed la/ byas na yang phyin chad kyang mi byed par sdom pas na log par spyod pa sdom pa'i rten byed pa'o//ma chags pa'i rang bzhin bstan pa'i phyir/ ma chags pa gang zhe na zhes dris te/ ma chags pa'i rang bzhin dang / mtshan nyid dang zhe na zhes dris pa'i don to/ /de la ma chags pa'i don ni rnam pa gsum du 'jug ste/ med pa dang / gzhan dang gnyen po rnams so/ /med pa ni dper na grags pa med pa tsam la ma grags zhes bya ba bzhin du chags pa med pa tsam la ma chags pa zhes bya'o/ /don gzhan du 'jug pa ni 'di ltar chags pa las gzhan pa ni zhe sdang ste/ zhe sdang ba la yang ma chags pa zhes bya'o/ / gnyen po'i don du 'jug pa ni chags pa'i gnyen por gyur pa la ma chags pa zhes bya ste/ 'dir ni gnyen po'i don du 'gyur bar rig par bya'o/ /de bas na lan du/ chags pa'i gnyen po ste/ skyo zhing mi len pa'o zhes bya ba smos te / chags pa sngar bshad na/ ma chags pa khong du chud sla bar 'gyur bas na/chags pa je bshad par bya'o/ /de la srid pa dang srid pa'i longs spyod la zhen pa ni chags pa'o/ /srid pa zhes bya ba ni 'khor ba'i phung po lnga la bya'o/ /srid pa'i longs spyod ni bza' ba dang btung ba la sogs pa la bya'o/ /ma chags pa ni srid pa dang / srid pa'i longs spyod la zhen pa med pa'o//dper na me'i gnyen po chu yin pas chu byung na me med par 'gyur ba dang / mun pa'i gnyen po snang ba yin pas snang ba byung na mun pa med par 'gyur ba bzhin du ma chags pa byung na chags pa med par 'gyur bas chags pa'i gnyen po zhes bya'o/ /don de nyid bstan pa'i phyir skyo zhing mi len pa'i tshig smos te/srid pa dang srid pa'i longs spyod kyi skyon skye ba dang / rga ba'i chos can yin par rig nas de la yid 'byung ba ni skyo ba zhes bya'o/ /de ltar yid byung bar gyur nas srid pa dang srid pa'i longs spyod mi sdud cing de dang bral bar 'dod kyi phrad par 'dod pa mi 'byung zhing chags pa dang zhen pa med pa ni mi len pa zhes bya'o//'di'i las kyang log par spyod pa la mi 'jug pa'i rten byed pa ste / srid pa dang srid pa'i longs spyod la ma chags na de'i don du sdig pa'i las mi byed pa'i phyir ro / /zhe mi sdang ba'i rang bzhin bstan pa'i phyir/ zhe mi sdang ba gang zhe na zhes dris te zhe mi sdang ba'i rang bzhin dang mtshan nyid gang zhe na zhes dris pa'i don to//'dir yang zhe sdang gi gnyen por gyur pa la zhe mi sdang ba zhes bya ba'i don du blta'o/ /lan du zhe sdang gi gnyen po ste byams pa'o zhes bya ba smos te/ zhe sdang sngar bshad na zhe mi sdang ba khong du chud sla bas zhe sdang je bshad par bya'o//de la sems can dang sdug bsngal gyi gnas la gnod par sems pa ni zhe sdang ngo / /sems can ni dgra la sogs pa'o/ /sdug bsngal gyi gnas ni mtshon cha dang / dug dang / tsher ma la sogs pa'o/ /gnod par sems pa ni gsad par bya bar sems pa'o//zhe mi sdang ba ni sems can dang sdug bsngal gyi gnas la gnod par mi sems pa ste/ snang ba byung na mun pa byung ba med par 'gyur ba bzhin du zhe mi sdang ba byung na zhe sdang med par 'gyur bas na/ zhe sdang gi gnyen po zhes bya'o/ /de'ang dngos su byams pa la bya ste/ sems can la phan 'dogs pa'i rnam par zhugs pa'i byams pa la zhe mi sdang ba zhes bya'o//yang na zhe mi sdang ba yang zhe sdang gi gnyen po yin la/ zhe sdang gi gnyen po ni gzhan yang yod par bstan pa'i phyir byams pa smos te/ sems can dang sdug bsngal gyi gnas la gnod par mi sems pa'i zhe mi sdang ba yang zhe sdang gi gnyen po yin la/sems can la phan 'dogs pa'i rnam par zhugs pa'i byams pa yang zhe sdang gi gnyen po yin no/ /'di'i las kyang ngan par spyod la mi 'jug pa'i rten byed pa ste/ zhe mi sdang ba yod na srog gcod pa la sogs pa sdig pa'i las la mi 'jug pa'i phyir ro //gti mi mug pa'i rang bzhin bstan pa'i phyir ro/ /gti mi mug pa gang zhe na zhes dris te/ gti mi mug pa'i rang bzhin dang / mtshan nyid gang zhe na zhes dris pa'i don to/ /lan du/ gti mug gi gnyen po ste zhes bya ba smos te/ gti mug sngar bshad na/gti mi mug pa brda phrad par sla bar 'gyur ba'i phyir gti mug je bshad par bya'o/ /de la bden pa bzhi dang / rten cing 'brel bar 'byung ba'i yan lag bcu gnyis la sogs pa mi shes pa ni gti mug ces bya'o/ /bden pa bzhi dang / rten cing 'brel te 'byung ba'i yan lag bcu gnyis la sogs pa shes pa ni gti mi mug pa ste/snang ba byung na mun pa med par 'gro ba bzhin du gti mi mug pa skyes na gti mug med par 'gro bas gti mug gi gnyen po zhes bya'o/ /dge ba'i chos thams cad kyang gti mug gi gnyen po yin pas dge ba'i chos kun la gti mi mug pa yin no snyam du 'dzin pa dgag pa'i phyir/yang dag pa la yang dag par rtogs pa'o zhes bya ba smos te/ yang dag pa ni 'phags pa'i bden pa bzhi la sogs pa'i rang dang spyi'i mtshan nyid la bya'o/ /yang dag par rtogs pa ni bden pa bzhi'i rang dang spyi'i mtshan nyid phyin ci ma log par rtogs pa ste/dge ba'i chos kun gti mug gi gnyen po yin mod kyi de dag la gti mi mug pa zhes mi bya'i/ gang bden pa bzhi phyin ci ma log par rtogs pa'i shes rab la gti mug gi gnyen po zhes bya'o/ /de yang rnam pa gnyis te/ ye shes dang so sor rtog pa'o/ / de la ye shes kyang rnam pa bzhi ste/ rnam par smin pa dang / rtogs pa dang / bsams pa dang / chud pa'o/ /de la gang skyes ma thag tu thob pa'i shes rab ni rnam par smin pa'i ye shes zhes bya'o/ /gang thos pa las byung ba'i shes rab ni rtogs pa'i ye shes zhes bya'o/ /bsams pa las byung ba'i shes rab ni bsams pa'i ye shes zhes bya'o//bsgoms pa las byung ba'i shes rab ni chud pa'i ye shes zhes bya'o/ /so sor rtog pa yang brtson 'grus dang ldan pa'i shes rab bam / ting nge 'dzin dang ldan pa'i shes rab la bya ste/ de'i mthus nyon mongs pa'i sa bon rtsa nas ma bton ma bcom du zin kyang nyon mongs pa rnams skye ba'i skabs mi 'byed pa ni so sor rtog pa zhes bya'o//don du na 'phags pa'i bden pa bzhi rang dang spyi'i mtshan nyid yang dag pa ji lta ba bzhin du shes pa'i ye shes bzhi dang / so sor rtog pa'i bdag nyid kyi shes rab la gti mi mug pa zhes gdags so//smras pa/ shes rab la gti mi mug pa zhes bya na/ shes rab ni lnga yul so sor nges pa'i skabs su bshad zin pas/ da yang bzlas te bshad ci dgos/ smras pa/ der ni shes rab kyi mtshan nyid spyir bshad pa dang / chos kyi mtshan nyid phyin ci ma log par shes pa'i shes rab de dge ba zhig yin nam mi dge ba zhig yin nam/lung du ma bstan pa zhig yin pa dmigs kyis phye ste ma bstan to/ /da 'dir ni chos kyi mtshan nyid la mkhas pa'i shes rab de dge ba'i nang du gtogs par bstan pa'i phyir gti mi mug pa'i sgrar btags nas dge ba bcu gcig gi nang du bshad do//de'i las kyang nyes par spyod pa la mi 'jug pa'i rten byed pa ste/ gti mug med pa'i gang zag rnams ni srog gcod pa la sogs pa'i las la mi 'jug pa'i phyir ro/ /brtson 'grus kyi rang bzhin bstan pa'i phyir/ brtson 'grus gang zhe na zhes dris te/ brtson 'grus kyi rang bzhin dang mtshan nyid gang zhe na zhes dris pa'i don to/ /lan du le lo'i gnyen po ste zhes bya ba smos te/ 'dir yang le lo sngar bstan na brtson 'grus rtogs par sla bar 'gyur bas le lo ji bshad par bya'o/ /de la le lo rnam pa gnyis te/ smad pa'i dngos po la spro ba'i le lo dang /snyom las kyi mtshan nyid kyi le lo'o/ /de la smad pa'i dngos po la brtson pa'i le lo ni srog gcod pa la sogs pa'i mi dge ba'i las bya ba la brtson pa ste/ de la yang le lo zhes bya'o/ /snyom las kyi mtshan nyid kyi le lo ni 'phres pa dang / nyal ba la sogs pa la dga' zhing dge ba dang mi dge ba gang la yang sems 'jug par mi spro ba ste/de la yang le lo zhes bya'o/ /brtson 'grus yod na le lo rnam pa gnyis med par 'gyur bas brtson 'grus ni le lo'i gnyen po zhes bya'o/ /smad pa la spro ba'i le lo dang / snyom las kyi mtshan nyid kyi le lo gnyi ga yang le lo nyid yin gyi brtson 'grus ma yin pa dang /brtson 'grus kyi mtshan nyid gang yin pa bstan pa'i phyir ro / /dge ba la sems mngon par spro ba'o zhes bya ba smos te/ gang mnyan pa dang bsam pa la sogs pa dge ba'i las bya ba la zhugs nas sems nur ba dang ldog pa med pa ni brtson 'grus zhes bya'o//de bas na mi dge ba'i chos la sems spro ba ni ngan par spyod pa la zhugs pas le lo nyid ces bya ba'i brtson 'grus zhes mi bya'o/ /de bas na bcom ldan 'das kyis kyang gsung rab 'di las gzhan pa gang phyi rol pa rnams kyi brtson 'grus ni le lo nyid do zhes gsungs so/ / de'i las ni dge ba'i phyogs rdzogs par byed pa dang / 'grub par byed pa ste/ brtson 'grus yod na dge ba'i phyogs 'grub pa dang rdzogs par 'gyur ba'i phyir ro/ /shin tu sbyangs pa'i rang bzhin bstan pa'i phyir ro / /shin tu sbyangs pa gang zhe na zhes dris te/ shin tu sbyangs pa'i rang bzhin dang mtshan nyid gang zhe na zhes dris pa'i don to//de'i lan du/ gnas ngan len gyi gnyen po ste / lus dang sems las su rung ba'o zhes bya ba smos te/ de la gnas ngan len zhes bya ba ni nyon mongs pa dang nye ba'i nyon mongs pa rnams kyi sa bon dang shes bya'i sgrib pa'i sa bon la bya'o/ /de la nyon mongs pa dang nye ba'i nyon mongs pa rnams kyi sa bon ni nyan thos rnams la sgrib po//shes bya'i sgrib pa'i sa bon ni byang chub sems dpa' la sgrib po/ /shin tu sbyangs zhes bya ba ni lus dang sems las su rung ba la bya ste/ nyon mongs pa dang shes bya'i sgrib pa'i sa bon dang bral na lus las su rung ba dang sems las su rung ba 'byung bas shin tu sbyangs ba ni gnas ngan len gyi gnyen po yin no//de la lus shin tu sbyangs pa'i mtshan nyid ni/ lus dang sems las su rung ba ste/ lus las su rung ba ni dge ba'i phyogs bsgrub par bya ba la myur du 'grub par byed cing lus zo mdog bde zhing /lci ba med pa'o/ /sems las su rung ba ni rnal 'byor yid la byed pa'i tshe/ sems mi gsal ba med cing dmigs pa'i yul la sems thogs pa med par 'jug pa'o/ /smras pa/ lus las su rung ba ni reg bya'i khyad par yin te/ reg bya'i khyad par ni yang na 'byung ba chen po bzhi'i rang bzhin yin/yang na rgyur byas pa'i gzugs kyi rang bzhin yin la/ 'dir ni sems las byung ba shin tu sbyangs pa bshad pa'i skabs yin na/ lus kyi reg bya'i khyad par la ji ltar na shin tu sbyangs pa zhes bya/ smras pa/ lus kyi reg bya lus las su rung ba de sems las su rung ba ma yin du zin kyang lus las su rung ba des rgyu byas nas sems las su rung ba skyed pas na/rgyu lus la sems shin tu sbyangs pa'i ming btags nas lus la shin tu sbyangs pa zhes bshad do/ /'di'i las kyang de'i dbang gis gnas 'phos pa rnyed cing nyon mongs pa'i sgrib pa ma lus par spyod pa'o//shin tu sbyangs pa yod na sngon lus dang sems las su mi rung ba las/ phyis lus dang sems las su rung ba'i mtshan nyid du gnas 'phos pa rnyed nas/ lus dang sems las su rung ba'i gnas 'phos nas las su rung ba'i mthus nyon mongs pa'i sgrib pa ma lus par spong bar 'gyur ba'i phyir ro//bag yod pa'i rang bzhin bstan pa'i phyir/ bag yod pa gang zhe na zhes dris te/ bag yod pa'i rang bzhin dang mtshan nyid gang zhe na zhes dris pa'i don to/ /lan du/ bag med pa'i gnyen po ste zhes bya ba smos te/ 'dir yang bag med pa sngar bstan na bag yod pa brda phrad par sla bar 'gyur bas bag med pa ji bstan to//'dod chags dang zhe sdang dang / gti mug dang / le lo la brten te 'dod chags la sogs pa'i nyon mongs pa la sems 'jug pa srung zhing / de'i gnyen po dad pa la sogs pa dge ba'i chos rnams mi sgom pa ni bag med pa zhes bya'o//nyon mongs pa la sems 'jug pa srung bar byed cing de'i gnyen po dad pa la sogs pa dge ba'i chos rnams sgom pa ni bag yod pa zhes bya ste/ bag yod pa skyes na bag med par mi 'gyur ba'i phyir bag yod pa ni bag med pa'i gnyen por bshad do/ /bag yod pa'i gzhi dang /rgyu dang / de'i rang bzhin bstan pa'i phyir/ ma chags pa nas brtson 'grus kyi bar du de dag la gnas te mi dge ba'i chos spong zhing de'i gnyen po dge ba'i chos rnams sgom pa'o zhes bya ba smos te/ ma chags pa nas brtson 'grus kyi bar du zhes bya ba ni ma chags pa dang /zhe mi sdang ba dang / gti mi mug pa dang / brtson 'grus dang bzhi'o/ /de dag la gnas te zhes bya ba ni chos gong ma bzhi la brten nas zhes bya ba'i don te/ ma chags pa dang / zhe mi sdang ba dang / gti mi mug pa gsum ni bag yod pa'i rgyu'o/ /brtson 'grus ni bag yod pa'i gzhi'o //mi dge ba'i chos spong ba zhes bya ba la/ mi dge ba'i chos rnam pa gnyis te/ zag pa dang bcas pa'i chos dang / zag pa'i gnas kyi yul lo/ /de la zag pa dang bcas pa'i chos ni 'dod chags la sogs pa nyon mongs pa'i chos rnams so/ /zag pa'i gnas kyi yul ni gzugs dang /sgra dang / dri dang / ro la sogs pa'o/ /zag pa dang bcas pa'i chos rnams rnam par sel ba dang / rnam par 'joms pa dang sa bon yang dag par 'don par byed pa ni mi dge ba'i chos spong ba zhes bya'o/ /de la 'jig rten pa'i lam gyis nyon mongs pa bcil ba ni rnam par sel ba'o//mthong ba'i lam gyis nyon mongs pa spangs pa ni rnam par 'jog pa'o/ /bsgom pa'i lam gyis nyon mongs pa bag la nyal tshun chang spangs pa ni sa bon yang dag par 'don pa zhes bya'o/ /zag pa'i gnas kyi yul rnams kyang mi bsnyen par thag bsrings te btang ba ni spong ba'o//de'i gnyen po dge ba'i chos rnams bsgom pa zhes bya ba la ni de'i sgra mi dge ba'i chos dang sbyar te/ mi dge ba'i chos de dag gi gnyen po zhes bya ba'i don to/ /mi dge ba'i chos kyi gnyen po yang dge ba ste/ de'ang zag pa dang bcas pa'i dge ba dang / zag pa med pa'i dge ba ste rnam pa gnyis so//de la dad pa dang / sbyin pa dang / tshul khrims la sogs pa ni zag pa dang bcas pa'i dge ba'o/ /'phags pa'i lam yan lag brgyad po ni zag pa med pa'i dge ba'o/ /bsgom pa zhes bya ba ni chos de dag la 'dris par byed/ yang nas yang du chos de dag mngon sum du byed pa ste/ mi dge ba'i chos spong zhing dge ba'i chos la goms par byed pa ni bag yod pa'i rang bzhin no/ /de'i las kyang 'jig rten dang / 'jig rten las 'das pa'i phun sum tshogs pa thams cad yongs su rdzogs par byed pa'o/ /de la 'jig rten gyi phun sum tshogs pa ni lha dang mir skyes pa dang / longs spyod phun sum tshogs pa'o//'jig rten las 'das pa'i phun sum tshogs pa ni/ nyan thos kyi byang chub dang / rang sangs rgyas kyi byang chub dang / bla na med pa'i byang chub 'thob pa'o/ /btang snyoms kyi rang bzhin bstan pa'i phyir/ btang snyoms gang zhe na zhes dris te/ btang snyoms kyi rang bzhin dang mtshan nyid gang zhe na zhes dris pa'i don to//de la btang snyoms rnam pa gsum ste / tshor ba btang snyoms dang / tshad med pa btang snyoms dang 'du byed kyi btang snyoms so/ /tshor ba rnam pa gsum las tshor ba bde ba yang ma yin/ sdug bsngal yang ma yin pa ni tshor ba btang snyoms zhes bya'o//byams pa dang / snying rje dang / dga' ba dang / btang snyoms zhes smos pa la 'jug gi btang snyoms zhes smos pa ni tshad med pa'i btang snyoms te/ de'ang gang la'ang chags pa med pa su la yang zhe sdang ba med pa'i mtshan nyid do/ /rnal 'byor yid la byed pa na zhum rgod gnyis spangs na sems lhun gyis grub par 'jug pa ni 'du byed kyi btang snyoms zhes bya ste/'dir ni 'du byed kyi btang snyoms bshad par rig par bya'o/ /de'i lan du ma chags pa nas brtson 'grus kyi bar du de dag nyid la gnas shing zhes bya ba smos te/ ji ltar bag yod pa'i rgyu dang /gzhi ma chags pa dang / zhe mi sdang ba dang / gti mi mug pa dang brtson 'grus yin pa de bzhin du/ btang snyoms kyi rgyu dang / gzhi yang ma chags pa dang / zhe mi sdang ba dang / gti mi mug pa dang / brtson 'grus yin te/ de dag nyid la gnas zhes bya ba ni chos de bzhi la brten nas btang snyoms 'byung zhes bya ba'i don to//chos de bzhi la brten nas btang snyoms 'byung na ci zhig 'byung / ci 'thob par 'gyur zhe na/ de'i phyir sems mnyam pa dang sems zhi ba dang rnal du bab pa dang sems lhun gyis grub pa yang 'thob pa ste zhes bya ba smos te/tshig de gsum gyis btang snyoms kyi dang po'i gnas dang bar gyi gnas dang tha ma'i gnas bstan to / /de la zhum pa dang rgod pa ni sems mtho ba'am dma' bar byed pas na mi mnyam pa zhes bya'o/ /de la dang por zhum pa dang / rgod pa spangs nas sems mthon dman med par gyur pa ni sems mnyam pa ste/des btang snyoms kyi dang po'i gnas bstan to/ /der zhum rgod dang por spangs te/ sems mnyam par gyur pa las/ de nas sems mngon par 'du bya zhing bsgrim mi dgos par sngar sems mnyam par gzhag pa de'i ngang de bzhin du rgyun du 'byung ba ni/sems rnal du 'dug pa zhes bya ste/ des ni btang snyoms kyi bar gyi gnas bstan to/ /sems rnal du 'dug pa de'i tshe yang bsgoms nas ring po ma lon pa'i phyir zhum pa dang rgod pa gnyis 'byung du dogs pa'i sems skye'o/ /de'i 'og tu sgom pa la dus ring du byas pas bsgoms pa mthar phyin par 'gyur te/btang snyoms kyi mi mthun pa'i phyogs zhum pa dang / rgod pa yang ring du spangs na yang zhum rgod skye bar 'gyur ba'i dogs pa yang med par sems mnyam pa nyid la 'bad mi dgos par gnas pa ni/ sems lhun gyis grub pa zhes bya ste/ des btang snyoms kyi tha ma'i gnas bstan to//de dag thob nas yang cir 'gyur bstan pa'i phyir/ gang gis nyon mongs pa can gyi chos rnams bsal nas/ nyon mongs pa med par gnas pa yin no zhes bya ba smos te/ gang gis zhes bya ba ni thabs sam rgyur gyur pa'i btang snyoms la bya ste/ btang snyoms gang gis zhes bya ba'i don to//nyon mongs pa'i chos ni 'dod chags dang zhe sdang la sogs pa'i tshogs rnams la bya'o/ /bsal nas zhes bya ba ni nyon mongs pa'i chos rnams sems la mi skye bar bya'o/ /ji ltar sems la mi skye bar byed ce na/ btang snyoms ni 'dod chags la sogs pa nyon mongs pa'i tshogs la 'gal ba yin pas/btang snyoms skyes par gyur na gdon mi za bar nyon mongs pa rnams skye ba'i bgegs byed par 'jug pas na bsal ba zhes bya'o/ /gang gi phyir btang snyoms la gnas pa'i dus na/ nyon mongs pa rnams 'byung ba'i skabs med pas btang snyoms la gnas pa ni nyon mongs pa med par gnas pa yin no zhes bya'o//de ltar btang snyoms kyi nyon mongs pa sel bar byed pa dang / nyon mongs pa med par gnas shing spyod pa yin pas na/ btang snyoms kyi las kyang nyon mongs pa skye ba'i skabs med par byed pa'i rten byed pa'o/ rnam par mi 'tshe ba bstan pa'i phyir/ rnam par mi 'tshe ba gang zhe na zhes dris te/ rnam par mi 'tshe ba'i rang bzhin dang / mtshan nyid gang zhe na zhes dris pa'i don to/ /lan du rnam par mi 'tshe ba'i gnyen po ste zhes bya ba smos te / 'dir yang rnam par 'tshe ba sngar bstan na rnam par mi 'tshe ba rtogs par sla bar 'gyur bas rnam par 'tshe ba je bshad do//de la sems can la brdeg pa dang / bcing pa la sogs pa'i gnod pa sna tshogs pa byed pa ni rnam par 'tshe ba'o/ /sems can la brdeg pa dang bcing ba la sogs pa gnod par mi byed pa ni rnam par mi 'tshe ba'o/ /rnam par mi 'tshe ba skyes na rnam par 'tshe ba med par 'gyur bas rnam par mi 'tshe ba ni rnam par 'tshe ba'i gnyen po zhes bya'o//rnam par mi 'tshe ba'i dngos po gang yin pa bstan pa'i phyir/ snying rje'o zhes bya ba smos te/ sems can rnams kyi sdug bsngal sel bar byed pa ni snying rje ste/ snying rje la rnam par mi 'tshe ba zhes bya'o//yang na snying rje la rgya gar skad du/ kA ru Na zhes 'byung ste/ de la kA'i don ni bde ba la bya la ru Na zhes bya ba'i don ni 'gog pa la bya ste/ gzhan sdug bsngal ba mthong nas bdag kyang sdug bsngal bar gyur pa ste/ gzhan gyi sdug bsngal bsal bar bya ba'i don du bdag nyid 'bad pa sna tshogs kyis sdug bsngal sna tshogs nyams su len par byed pas na bdag gi sdig sgrib ces kyang bya'o//ji ltar 'dod ma chags pa dang / zhe mi sdang ba dang / gti mi mug pa dang / brtson 'grus bzhi las bag yod pa 'byung bas rdzas su med kyi btags par yod pa bzhin du rnam par mi 'tshe ba yang zhe mi sdang ba'i cha las 'byung bas na rdzas su med kyi btags par yod pa zhes bya'o//de'i las kyang bcing ba dang brdeg pa la sogs pa'i gnod pa sna tshogs kyis 'tshe bas sems can la mi 'tshe bas na rnam par mi 'tshe ba'i las byed pa'o/ /dge ba bcu gcig bshad pa rdzogs so// //nyon mongs pa drug bshad par bya ste/ de la yang 'dod chags kyi rang bzhin bstan pa'i phyir/ 'dod chags gang zhe na zhes dris te/ 'dod chags kyi rang bzhin dang mtshan nyid gang zhe na zhes dris pa'i don to/ /de'i lan du/ nye bar len pa'i phung po lnga la chags shing zhen pa'o zhes bya ba smos te/sred pa'i dbang gis khams gsum du skye ba len par byed pas sred pa la len pa zhes bya ba'am/ srid pa 'dis khams gsum du skye ba'i las len cing las skye bar byed pas na sred pa la ming du nye bar len pa zhes bya'o/ /dper na rtswa dang phub ma las byung ba'i me la rtswa'i me phub ma'i me zhes bya ba bzhin du sred pa las byung ba'i phung po lnga la nye bar len pa'i phung po zhes bya'o//yang na shing gang las me tog 'byung ba dang / 'bras bu 'byung ba'i shing de la me tog gi shing 'bras bu'i shing zhes bya ba bzhin du phung po gang las nyon mongs pa'i mtshan nyid sred pa 'byung bar byed pa'i phung po la nye bar len pa'i phung po zhes bya'o//yang na rgyal pos bka' gar stsal ba'i bka' bzhin byed pa'i mi de la rgyal po'i skyes bu zhes bya ba bzhin du nyon mongs pa'i mtshan nyid sred pas gang du btang ba bzhin du 'jug par byed pa'i phung po la nye bar len pa'i phung po zhes bya ste/nye bar len pa'i phung po lnga ni gzugs dang / tshor ba dang 'du shes dang 'du byed dang / rnam par shes pa'i phung po ste lnga'o/ /zhen pa zhes bya ba la 'dod chags 'di snum dang 'dra bar zhen pa'i rang bzhin yin pas na zhen pa zhes bya ste/ dper na 'bru mar la sogs pa'i snum gyis gos la sogs pa'i gnas su zhugs nas kun tu mched par 'gyur te/mched par gyur pa de la 'bad pa dang / brtsal ba chen pos kyang dbyung bar bka' ba de bzhin du 'dod chags 'dis kyang chags par bya ba'i rang gi yul la zhen tam/ phung po 'di la zhen nas chags pa mched par gyur na/ 'bad pa dang brtsal ba chen pos kyang dbral bar dka' bas na zhen pa zhes bya'o/ /zhen pa ni rgyur byas pa'i gzugs snum la yang zhen pa zhes bya bas snum la 'dod chags zhes bya'o snyam du log par 'dzin pa dgag pa'i phyir 'dod chags zhes bya ba smos te/ chags pa ni nye bar len pa'i phung po lnga la phongs par 'dzin cing gang yongs su gtong mi phod pa'o//de bas na snum ni phyi'i gos la sogs pa la snum zhen par byed par zad kyi phung po lnga la gtong mi phod par byed pa'i mtshan nyid ma yin pas 'dod chags zhes mi bya'o/ /de'i las kyang sdug bsngal skyed par byed pa ste/ sdug bsngal ni khams gsum gyi phung po lnga la bya'o//de la 'dod pa'i khams kyi 'dod chags kyis ni 'dod pa'i khams kyi phung po lnga skyed do / /gzugs kyi khams kyi 'dod chags kyis ni gzugs kyi khams kyi phung po lnga skyed / gzugs med pa'i khams na/ gzugs kyi phung po ni med kyi tshor ba dang 'du shes dang 'du byed dang /rnam par shes pa'i phung po bzhi yod pas gzugs med pa'i khams kyi 'dod chags kyis ni gzugs med pa'i khams kyi phung po bzhi bskyed pas na/ de'i las kyang sdug bsngal skyed par byed pa'o/ /khong khro ba'i rang bzhin bstan pa'i phyir/ khong khro ba gang zhe na zhes dris te/ khong khro ba'i rang bzhin dang mtshan nyid gang zhe na zhes dris pa'i don to//lan du sems can rnams la gnod pa'o zhes bya ba smos te/ gnod pa ni sems can rnams la sems rtsub pa ste/ sems can rnams la gsad pa dang / brdeg pa dang / bcing ba la sogs pa phan pa ma yin pa bya bar sems pa ni khong khro ba zhes bya'o//de'i las kyang rnam pa gnyis byed de/ reg pa med par gnas pa dang / log par spyod pa'i rten byed pa'o/ /de la reg pa zhes bya ba ni bde ba la bya ste/ bde ba dang lhan cig tu gnas pa ni reg par gnas pa'o/ /bde ba med par gnas pa ni reg pa med par gnas pa ste/rtag tu sdug bsngal dang lhan cig tu gnas zhes bya ba'i don to/ /ji ltar sdug bsngal dang lhan cig gnas she na/ zhe sdang can ni rtag tu sems 'khrug pas rgyun du yang sems la gdung ba dang bcas so/ /sems kyi rjes su lus 'brang ba'i phyir lus kyang gdung bar 'gyur te/ de bas na spyod lam thams cad du lus dang sems sdug bsngal dang lhan cig tu gnas par 'gyur ro/ /zhe sdang can dag ni gsad pa dang bcing ba la sogs pa'i las kyang gdon mi za bar byed pas/ de'i las log par spyod pa'i rten byed par yang bshad do/ /nga rgyal gyi rang bzhin bstan pa'i phyir nga rgyal gang zhe na zhes dris te/nga rgyal gyi rang bzhin dang mtshan nyid gang zhe na zhes dris pa'i don to/ /nga rgyal thams cad kyang 'jig tshogs su lta ba la brten nas 'byung zhing phung po lnga bdag dang bdag gi med pa la bdag dang bdag gir sgro btags nas gzhan gyi phung po bas bdag gi phung po khyad zhugs par 'phags so snyam du lhag par rlom zhing sems khengs pa'i mtshan nyid do//de'i las kyang gnyis byed do / /bsti stang med pa dang sdug bsngal skyed pa'i rten byed pa'o/ /bsti stang med pa ni mkhan po dang / slob dpon dang mkhas shing tshul khrims dang ldan pa'i gang zag yon tan can la lus ma gus pa dang /ngag ma gus pa dang / sems ma gus pa'o/ /de la lus ma gus pa ni lus kyis 'dud cing phyag 'tshal bar mi byed pa'o/ /dag ma gus pa ni de dag gi yon tan mi brjod pa'o/ /sems ma gus pa ni de dag la dga' bar mi sems shing tshod yod par sems pa'o//sdug bsngal skyed pa'i rten byed pa yang nga rgyal gyi dbang gis tshe rabs phyi ma'i phung po skyed par byed pa'i phyir ro/ /nga rgyal thams cad kyang sems khengs pa'i mtshan nyid du tha mi dad du zin mod kyi nga rgyal gyis dmigs par bya ba'i yul tha dad pa'i sgo nas nga rgyal rnam pa bdun du 'gyur bar bstan pa'i phyir/nga rgyal bdun te/ nga rgyal dang che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / chung ba'i nga rgyal dang / log pa'i nga rgyal lo zhes bya ba smos te/ nga rgyal bdun las nga rgyal gyi rang bzhin bstan pa'i phyir/nga rgyal gang zhe na zhes dris te/ nga rgyal gyi rang bzhin dang mtshan nyid gang zhe na zhes dris pa'i don to/ lan du chung ngu bas bdag che ba'am mtshungs pa dang mtshungs so snyam du gang sems khengs pa'o zhes bya ba smos te/ gang zag 'ga' zhig rigs dang shes nyen dang nor la sogs pa bdag pas chung la/bdag ni rigs dang shes nyen dang nor la sogs pa de bas che ba las rigs dang shes nyen dang nor la sogs pa chung ngu la bltas nas/ da ni rigs dang shes nyen dang nor la sogs pas 'di bas 'phags shing che'o zhes gang sems khengs pa ni nga rgyal zhes bya'o/ /yang na gang zag 'ga' zhig rigs dang shes nyen dang nor la sogs pas bdag dang mtshungs shing 'dra ba las 'dra ba de la bltas nas/'di dang bdag rigs dang shes nyen dang nor la sogs pas 'dra ste mi 'dra ba med do snyam nas gang sems khengs par gyur pa ni nga rgyal zhes bya'o/ /che ba'i nga rgyal gyi rang bzhin bstan pa'i phyir/che ba'i nga rgyal gang zhe na zhes dris te/ che ba'i nga rgyal gyi rang bzhin dang mtshan nyid gang zhe na zhes dris pa'i don to/ /lan du mtshungs pa bas bdag che ba'am che ba dang mtshungs so snyam du gang sems khengs pa'o zhes bya ba smos te/ gang zag kha cig rigs dang shes nyen dang nor la sogs pa cis kyang mi mtshungs pa med de mtshungs na mtshungs so snyam du mi sems kyi/'di dang bdag rigs dang shes nyen dang nor la sogs pas mtshungs kyang / 'di bas bdag gtong ba dang tshul khrims dang nyams rtsal gyis 'phags te bdag che'o snyam nas/ gang sems khengs pa ni che ba'i nga rgyal zhes bya'o//yang na gang zag kha cig rigs dang shes nyen dang nor la sogs pa bdag pas che ba la che'o snyam du mi sems kyi/ 'di dang bdag rigs dang shes nyen dang nor la sogs pa mtshungs so snyam nas gang sems khengs par gyur pa de ni che ba'i nga rgyal zhes bya'o/ / nga rgyal las kyang nga rgyal gyi rang bzhin bstan pa'i phyir/ nga rgyal las kyang nga rgyal gang zhe na zhes dris te/ nga rgyal las kyang nga rgyal gyi rang bzhin dang / mtshan nyid gang zhe na zhes dris pa'i don to/ /lan du/ che ba bas kyang bdag che'o snyam du gang sems khengs pa'o zhes bya ba smos te/ gang zag kha cig rigs dang /shes nyen dang nor la sogs pa bdag pas khyad zhugs par 'phags te che na/ bdag pas khyad zhugs par 'phags te che bar ni mi sems kyi rigs dang shes nyen dang nor la sogs pas 'phags te che ba de bas kyang bdag rigs dang shes nyen dang nor la sogs pas 'phags te che'o snyam nas/gang sems khengs par gyur pa ni nga rgyal las kyang nga rgyal zhes bya'o/ /nga'o snyam pa'i nga rgyal gyi rang bzhin bstan pa'i phyir/ nga'o snyam pa'i nga rgyal gang zhe na zhes dris te/ nga'o snyam pa'i nga rgyal gyi rang bzhin dang / mtshan nyid gang zhe na zhes dris pa'i don to//lan du nye bar len pa'i phung po lnga rnams la bdag gam bdag gir yang dag pa'i rjes su lta zhing gang sems khengs pa'o zhes bya ba smos te / nye bar len pa zhes bya ba ni 'dod pa dang 'dod chags gnyis la bya'o/ /de la ma 'ongs pa'i lus kyi dngos po la chags pa ni 'dod pa'o//de ltar gyi lus kyi dngos po la chags pa ni 'dod chags so/ /'dod pa dang 'dod chags gnyis la/ ci'i phyir nye bar len pa'i phung po zhes bya zhe na/ 'dod pas ma 'ongs pa'i lus kyi dngos po la chags pa'i rgyus ma 'ongs pa'i phung po len par byed pa dang / 'dod chags kyis da ltar gyi phung po la chags pa'i rgyus da ltar gyi phung po mi gtong zhing 'dzin pa dang len pa dang len par byed pas na/de bas na de gnyis la nye bar len pa zhes bya'o/ /'dod pa dang / 'dod chags gnyis dang ldan pa'i phung po rnams la nye bar len pa'i phung po zhes bya ste/ nye bar len pa'i phung po lnga ni gzugs kyi phung po nas/rnam par shes pa'i phung po'i bar du'o/ /phung po de dag bdag dang bdag gi med pa la rnam par shes pa'i phung po la ni bdag lhag ma bzhi la ni bdag gis zhes mngon par chags nas/ bdag de bdag gis shes pa lta bur gzhan gyis mi shes so zhes gang sems khengs pa ni nga'o snyam pa'i nga rgyal zhes bya'o//mngon pa'i nga rgyal gyi rang bzhin bstan par bya ba'i phyir/ mngon pa'i nga rgyal gang zhe na zhes dris te/ mngon pa'i nga rgyal gyi rang bzhin dang mtshan nyid gang zhe na zhes dris pa'i don to/ /lan du gong ma'i bye brag ma thob par bdag gis thob po snyam du gang sems khengs pa'o zhes bya ba smos te/gong ma'i bye brag ni lha la sogs pa'i chos la bya bas gong ma'i bye brag bstan par bya ba'i phyir mi'i chos je bshad do/ /de la 'dod chags dang zhe sdang dang / gti mug la sogs pa dang ldan zhing de'i rgyus lus dang ngag dang yid gsum gyi sgo nas mi dge ba spyod pa ni mi'i chos so//mi'i chos de'i gnyen por gyur pa gzugs kyi khams kyi bsam gtan bzhi dang / 'phags pa'i lam gyi yan lag brgyad la sogs pa dang / rgyun du zhugs pa la sogs pa'i 'bras bu ni gong ma'i bye brag ces bya'o/ /ma thob pa ni yon tan de dag ma rnyed mngon sum du ma byas pa ste/yon tan de dag ma thob par yang mtshan ma cung zad tsam yod pa la brten nas/ gang thob po snyam du sems shing sems khengs pa ni mngon pa'i nga rgyal zhes bya'o/ /chung ba'i nga rgyal gyi rang bzhin bstan pa'i phyir chung ba'i nga rgyal gang zhe na zhes dris te/ chung ba'i nga rgyal gyi rang bzhin dang mtshan nyid gang zhe na zhes dris pa'i don to//lan du bye brag mang pos 'phags pa bas bdag cung zad cig gis chung ngo snyam du gang sems khengs pa'o zhes bya ba smos te/ gang zag kha cig rigs dang shes nyen dang / nor la sogs pa bdag pas khyad zhugs par 'phags la/bdag rigs dang shes nyen dang nor la sogs pa khyad zhugs par de bas dma' ba yin na/ de khyad zhugs par 'phags par ni mi sems kyi 'di snyam du sems te/ 'di bas rigs dang shes nyen dang nor la sogs pa cung zad cig gis bdag chung ngo snyam du sems shing gang sems khengs pa ni chung ba'i nga rgyal zhes bya'o//log pa'i nga rgyal gyi rang bzhin bstan pa'i phyir log pa'i nga rgyal gang zhe na zhes dris te/ log pa'i nga rgyal gyi rang bzhin dang mtshan nyid gang zhe na zhes dris pa'i don to/ /lan du yon tan dang mi ldan par bdag yon tan dang ldan no snyam du gang sems khengs pa'o zhes bya ba smos te/sbyin pa dang tshul khrims dang bzod pa la sogs pa pha rol tu phyin pa drug la yon tan zhes bya ste/ yon tan de lta bu su la med pa de la yon tan dang mi ldan pa zhes bya'o/ /yang na tshul khrims zhig cing sdig pa'i las gang byed pa de la yon tan dang mi ldan pa zhes bya ste/yon tan ni med kyi skyon dang ldan pa zhes bya ba'i don to/ /sbyin pa dang tshul khrims la sogs pa'i yon tan med par de dag yod do zhes khas len pa'am/ tshul khrims nyams pa la sogs pa'i skyon yod pa la skyon yod do snyam du mi sems kyi/ bdag yon tan dang ldan no zhes khas len pa ni khas blangs nas bdag yon tan dang ldan no/ /'phags so snyam nas/ gang sems khengs pa ni log pa'i nga rgyal zhes bya'o/ /'dir yang dngos po yon tan gyi dngos po med kyi nyes pa'i dngos po nyid du yon tan du bzung nas/sems khengs pas na log pa'i nga rgyal zhes bya'o/ /smras pa/ mngon pa'i nga rgyal gyi skabs su yang gong ma'i bye brag ma thob par thob bo snyam du sems khengs pa yin la/ log pa'i nga rgyal 'di yang yon tan dang mi ldan par bdag ldan no snyam du sems khengs pa yin te/ gnyi ga yang med pa la yod par nga rgyal byed pa yin pas na khyad par ci yod smras pa/ mngon pa'i nga rgyal gyi skabs su ni gdeng cung zad yod pa la brten nas/ bdag gis kun thob po snyam du nga rgyal byed kyi/ log pa'i nga rgyal ni gdeng chung zad kyang med de/ skyon dang ldan pa la yon tan dang ldan no snyam du nga rgyal byed pas na bye brag yod do//ma rig pa'i rang bzhin bstan pa'i phyir ma rig pa gang zhe na zhes dris te/ ma rig pa'i rang bzhin dang mtshan nyid gang zhe na zhes dris pa'i don to/ /de'i lan du/ las dang 'bras bu dang / bden pa dang / dkon mchog mi shes pa de zhes bya ba smos te/de la las ni rnam pa gsum ste/ bsod nams kyi las dang / bsod nams ma yin pa'i las dang / mi g.yo ba'i las so/ /'bras bu rnam pa gnyis te/ yid du 'ong ba dang / yid du mi 'ong ba'o/ /de la lha dang mi'i bde 'gror skyes pa ni yid du 'ong ba'o/ /ngan song gsum du skyes pa ni yid du mi 'ong ba'o//yang na 'bras bu bzhi ste/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu'o/ /bden pa rnam pa bzhi ste/ sdug bsngal dang / kun 'byung dang / 'gog pa dang / lam mo/ /dkon mchog rnam pa gsum ste/ sangs rgyas dang / chos dang / dge 'dun no/ /ming gis smos pa'i chos de dag yod par ma rtogs shing khong du ma chud pa'am/ chos de dag gi mtshan nyid ma rtogs shing khong du ma chud pa de ni ma rig pa zhes bya'o/ /ma rig pa la phye na du yod pa bstan pa'i phyir/de'ang lhan cig skyes pa dang / yongs su brtags pa ste zhes bya ba smos te/ de'ang zhes bya ba'i sgra ni ma rig pa dang sbyar te/ ma rig pa de'ang zhes bya ba'i don to/ /de la ma rig pa rnam pa gnyis te/ lhan cig skyes pa'i ma rig pa dang / yongs su brtags pa'i ma rig pa'o//de la nyon mongs pa gzhan dang mi ldan zhing ma 'dres pa'i ma rig pa ni lhan cig skyes pa'i ma rig pa zhes bya ste/ de'ang las dang 'bras bu dang bden pa dang dkon mchog rnams yod par khong du ma chud cing mi shes pa ni lhan cig skyes pa'i ma rig pa zhes bya'o/ /the tshom dang / log pa'i lta ba dang / tshul khrims dang / brtul zhugs bsnyems pa dang / 'dod chags dang / khong khro ba la sogs pa nyon mongs pa gzhan dang 'dris shing 'grogs pa'i ma rig pa ni yongs su brtags pa'i ma rig pa zhes bya'o/ /de la de bsod nams dang bsod nams ma yin pa dang mi g.yo ba la sogs pa yod dam med snyam du yid gnyis za ba ni the tshom dang 'dres pa'i ma rig pa ste/de'ang yongs su brtags pa'i ma rig pa zhes bya'o/ /bsod nams dang bsod nams ma yin pa dang / mi g.yo ba'i las rnams med do zhes skur pa 'debs pa ni log pa'i lta ba dang 'dres pa'i ma rig pa ste/de yang yongs su brtags pa'i ma rig pa zhes bya'o/ /sbyin pa dang tshul khrims la sogs pa ni bsod nams kyi las yin na/ sbyin pa dang tshul khrims la bsod nams ma yin par 'du shes shing bsod nams ma yin pa phyugs bsad cing sbyin sreg byed pa dang / me'i nang du lus 'dor ba la sogs la bsod nams su 'du shes nas phyugs bsad de sbyin sreg byas pa dang lus mer bor nas mtho ris su skye'o zhes rtog pa dang /tshul khrims la brten nas 'phags pa'i lam bsgoms pas thar par gyur pa yin na/ tshul khrims dang brtul zhugs nyi tshe can gyis thar par 'gyur ro zhes lta ba ni/tshul khrims dang brtul zhugs bsnyems pa dang ldan pa'i ma rig pa ste/ de'ang yongs su brtags pa'i ma rig pa zhes bya'o/ /'gro ba bzang po tshul du shis pa la brtags nas 'dod chags skye ba dang / dgra la brtags nas zhe sdang skye ba yang yongs su brtags pa'i ma rig pa zhes bya'o//ma rig pa'i las kyang rnam pa gsum byed de/ log par gtan la 'bebs pa dang the tshom skyed pa dang kun nas nyon mongs pa skye ba'i gnas sbyin pa'i las can no/ /de la log par gtan la 'bebs pa ni ma rig pa'i dbang gis mi rtag pa la rtag par 'dzin pa dang bdag med pa la bdag tu 'dzin pa'i phyir ro//the tshom skyed pa ni ma rig pa'i dbang gis na las dang 'bras bu la sogs pa yod pa zhig gam med pa zhig ces yid gnyis skye bar byed pa'i phyir ro/ /kun nas nyon mongs pa skye ba'i rten byed pa ni ma rig pa yod pa las 'dod chags dang khong khro ba dang nyon mongs pa gzhan byung ba'i phyir ro//mi dge ba'i rtsa ba gsum ni 'dod pa'i khams nyid na ldan gyi/ gzugs dang gzugs med pa'i khams dang mi ldan par bstan pa'i phyir ro/ /'dod pa na spyod pa'i 'dod chags dang khong khro ba dang 'dod pa na spyod pa'i ma rig pa de dag ni mi dge ba'i rtsa ba gsum ste/chags pa ni mi dge ba'i rtsa ba dang zhe sdang dang gti mug go zhes bya ba smos te/ 'dod pa na spyod ces bya ba ni 'dod pa'i khams su gtogs pa zhes bya ba'i don to/ /'dod pa'i khams su gtogs pa'i 'dod chags dang / 'dod pa'i khams su gtogs pa'i khong khro ba dang /'dod pa'i khams su gtogs pa'i ma rig pa de dag gsum la mi dge ba'i rtsa ba gsum zhes bya ste/ 'dod pa na spyod pa'i 'dod chags la ni chags pa mi dge ba'i rtsa ba zhes bya'o/ /'dod pa na spyod pa'i khong khro ba la ni zhe sdang mi dge ba'i rtsa ba zhes bya'o/ /'dod pa na spyod pa'i ma rig pa la ni gti mug mi dge ba'i rtsa ba zhes bya'o//'dod pa na spyod pa'i 'dod chags dang khong khro ba dang ma rig pa de dag rang nyid kyang mi dge ba yin la srog gcod pa la sogs pa ni dge ba gzhan gyi yang rgyu byed pas mi dge ba'i rtsa ba zhes bya'o/ /gzugs dang gzugs med pa'i khams kyi 'dod chags dang ma rig pa la sogs pa'i nyon mongs pa rnams ni 'dod pa'i yon tan la kha phyir bltas pa ma yin gyi kha nang du bltas shing de dag gi nyon mongs pa ni srog gcod pa la sogs pa mi dge ba gzhan gyi rgyu yang mi byed pas na mi dge ba'i rtsa ba zhes mi bya'i/gzugs dang gzugs med pa'i khams kyi nyon mongs pa thams cad la lung du mi ston pa zhes bya'o//lta ba'i rang bzhin bstan pa'i phyir/ lta ba gang zhe na zhes dris te/ lta ba'i rang bzhin dang mtshan nyid gang zhe na zhes dris pa'i don to/ /de la shes rab kyis 'di dang 'di lta bu zhig ces rnam par rtog cing dpyod pa'i bdag mtshan nyid la lta ba zhes bya'o//de'ang rnam pa gsum ste/ 'jig rten gyi yang dag pa'i lta ba dang / zag pa med pa'i lta ba dang / nyon mongs pa dang bcas pa'i lta ba'o/ /de la yang las kyi 'bras bu yod/ tshe 'di yod/ tshe phyi ma yod ces lta ba ni 'jig rten gyi yang dag pa'i lta ba zhes bya'o//'phags pa rnams gang zag dang chos la bdag med par lta ba ni zag pa med pa'i lta ba zhes bya'o/ /mu stegs pa rnams bdag rtag pa la sogs par lta ba ni nyon mongs pa dang bcas pa'i lta ba zhes bya ste/ 'dir nyon mongs pa bshad pa'i skabs yin pas/ 'jig rten gyi yang dag pa'i lta ba dang /zag pa med pa'i lta ba la ni mi bya'o/ /nyon mongs pa dang bcas pa'i lta ba lnga la bya ba'i phyir/ lta ba lnga ste/ 'jig tshogs la lta ba dang / mthar 'dzin par lta ba dang / log par lta ba dang / lta ba bsnyems pa dang / tshul khrims dang brtul zhugs bsnyems pa'o zhes bya ba smos te/lta ba lnga po de dag kyang nyon mongs pa can gyi rang bzhin du khyad par med mod kyi lta ba de dag gis dmigs par bya ba'i yul la rnam pa tha dad par dmigs pa'i sgo nas lta ba rnam pa lngar gzhag go/ /lta ba de dag gis dmigs par bya ba'i yul ni phung po lnga yin te/ phung po lnga la 'jig tshogs la lta bas ni bdag dang bdag gir rnam par lta/phung po lnga la mthar 'dzin par lta bas ni rtag pa dang chad pa'i rnam par lta/ log pa'i lta bas ni phung po lnga la med pa'i rnam par lta/ phung po lnga la lta ba bsnyems pas ni mchog dang dam pa'i rnam par lta/ phung po lnga la tshul khrims dang brtul zhugs bsnyems pas ni phung po lnga po de nyid kyis dag pa dang grol ba'i rnam par lta'o//lta ba lnga las 'jig tshogs su lta ba'i rang bzhin bstan pa'i phyir/ 'jig tshogs la lta ba gang zhe na zhes dris te/ 'jig tshogs la lta ba'i rang bzhin dang mtshan nyid gang zhe na zhes dris pa'i don to//de la 'jig par 'gyur zhing mi rtag pa'i chos yin pas na 'jig pa zhes bya ste/ des ni rtag par lta ba zlog go/ /chos su ma brtsams pa las gyur pas na tshogs zhes bya ste/ des ni gcig pu'i rang bzhin du lta ba zlog go/ /don du na mi rtag pa du mi'i rang bzhin la bdag rtag pa gcig pur lta ba ni 'jig tshogs la lta ba zhes bya'o//'jig tshogs la lta ba de dngos su gang la lta ba bstan pa'i phyir/ nye bar len pa'i phung po lnga po rnams la bdag gam bdag gir yang dag par rjes su lta ba ste/ gang shes rab nyon mongs pa can no zhes bya ba smos te/nye bar len pa'i phung po lnga ni/ gzugs kyi phung po nas/ rnam par shes pa'i phung po'i bar du lnga'o/ /rjes su lta ba zhes bya ba ni nges par 'dzin par byed pa'o/ /de la phung po lnga ni mi rtag pa dang du ma'i rang bzhin yin pas bdag dang bdag gi med pa yin na/ rang gi rgyud du gtogs pa'i phung po lnga la ni bdag tu nges par 'dzin cing lta/gzhan gyi rgyun du gtogs pa'i phung po lnga la ni bdag gir nges par 'dzin cing lta ba ni 'jig tshogs la lta ba zhes bya'o/ /yang na phung po lnga las rnam par shes pa'i phung po la ni bdag tu lta/ phung po lhag ma gzugs dang tshor ba dang 'du shes dang /'du byed la ni bdag gir lta ste/ de ltar lta ba ni 'jig tshogs la lta ba zhes bya'o/ /yang na bdag ces bya ba phung po lnga las ma gtogs par rtag pa gcig pu zhig logs shig na yod la/ phung po lnga ni bdag de'i rten nam gnas su gyur pa yin pas phung po ni bdag de'i phung po'o zhes bya ba ni 'jig tshogs la lta ba zhes bya'o//'di ltar rmongs pa nyon mongs pa'am gti mug pa dang ldan pa la ni bdag dang bdag gir lta ba 'byung gi gti mug med cing shes rab can rnams la bdag dang bdag gir lta ba'i nyon mongs pa ni mi 'byung bas 'jig tshogs la lta ba 'di gti mug dang ldan pa yin pa dang /bdag med pa la bdag tu mngon par zhen pas/ phyin ci log dang ldan pa'i phyir shes rab nyon mongs pa can zhes bya'o/ /smras pa/ bdag dang bdag gir lta ba 'di/ /bdag dang dngos po yod par lta ba ni ma yin gyi nye bar len pa'i phung po lnga la bdag dang bdag gir lta bar ci mngon/lan du/ mdo las 'byung bas na bdag dang bdag gir lta ba 'di nye bar len pa'i phung po lnga nyid la lta bar mngon no/ /mdo las kyang dge sbyong ngam bram ze'am gang su dag bdag dang bdag gir rjes su lta zhing rjes su mthong ba de dag ni nye bar len pa'i phung po lnga po 'di nyid la lta'o zhes gsungs so//'di'i las kyang lta ba thams cad kyi gnas byed pa ste/ 'jig tshogs la lta ba byung bar gyur na/ de'i rgyus mthar 'dzin pa la sogs pa'i lta ba gzhan yang 'byung bas na lta ba thams cad kyi gnas byed pa'o/ /mthar 'dzin par lta ba'i rang bzhin bstan pa'i phyir/mthar 'dzin par lta ba gang zhe na zhes dris te/ mthar 'dzin pa'i lta ba'i rang bzhin dang mtshan nyid gang zhe na zhes dris pa'i don to/ /de'i lan du/ de dag nyid kyi dbang du byas nas rtag pa'am chad par yang dag par rjes su lta ba ste/ gang shes rab nyon mongs pa can no zhes bya ba smos te/de nyid ces bya ba'i sgra nye bar len pa'i phung po lnga dang sbyar te/ rtag pa'am chad par lta ba yang nye bar len pa'i phung po lnga la dmigs nas 'byung bas na/ de nyid kyi dbang du byas nas zhes bya'o/ /yang na de nyid kyi sgra 'jig tshogs la lta ba dang sbyar te/'jig tshogs la lta ba'i rgyus rtag pa dang chad pa'i lta ba 'byung bas na de nyid kyi dbang du byas nas zhes bya ste / 'jig tshogs su lta bas phung po lnga la bdag dang bdag gir bltas pa de la zhes bya ba'i don to/ /de la rtag pa zhes bya ba ni ther zug la bya ste/ dper na sbrul gyi gsob bor ba bzhin du lus bor nas bdag de yod par lta ba'o//chad par lta ba ni tshe gcig nas gcig tu 'pho ba na yang phung po lnga bor bar zad kyi/ bdag ces bya ba de ni rtag pa ste/ de la zhig pa'am shi ba med cing ther zug tu gnas so zhes lta ba ni rtag par lta ba'o/ /dper na shing mes tshig nas thal bar gyur pa slar shing du mi 'gyur ba bzhin du 'dir shi phan chad rgyun chad de phung po gzhan len pa med do zhes lta ba ni chad par lta ba zhes bya'o//yang dag par rjes su lta ba zhes bya ba ni de ltar nges par 'dzin cing de ltar rtog cing dpyod do zhes bya ba'i don to/ /gti mug dang ldan zhing rmongs pa dang bcas pa la ni rtag pa dang chad par lta ba 'byung gi//gti mug med pa'i shes rab can rnams la rtag pa dang chad par lta ba mi 'byung bas rtag pa dang chad par lta ba 'di yang gti mug dang ldan pa dang rtag chad med pa'i chos la rtag pa dang chad par phyin ci log tu 'dzin pas na shes rab nyon mongs pa can zhes bya'o//de'i las kyang dbu ma'i lam nas 'byung ba la bgegs byed do/ /de la dbu ma'i lam ni rtag pa dang chad par 'dzin pa rnams spangs nas rten cing 'brel te 'byung ba shes pa ste/ dbu ma'i lam des 'khor ba nas byung nas mya ngan las 'das pa'i lam thob par byed pas dbu ma'i lam nas 'byung ba zhes bya'o//rtag pa dang chad par bltas na dbu ma'i lam de rtog par mi 'gyur bas na dbu ma'i lam nas 'byung ba la bgegs byed pa'o/ /log pa'i lta ba'i rang bzhin bstan pa'i phyir/ log pa'i lta ba gang zhe na zhes dris te/ log pa'i lta ba'i rang bzhin dang mtshan nyid gang zhe na zhes dris pa'i don to/ /de'i lan du rgyu'am 'bras bu'am byed pa la skur nas yod pa'i dngos po 'jig pa ste/ gang shes rab nyon mongs pa can no zhes bya ba smos te/ skur zhes bya ba'i sgra ni rgyu la skur pa'am/ 'bras bu la skur pa'am/byed pa la skur zhes tshig re re dang sbyar ro/ /de la sbyin pa med/ sbyin sreg med/ las legs par byas pa med/ las nyes par byas ba med ces smra ba ni rgyu la skur ba'o/ /las de dag gi 'bras bu bde ba dang sdug bsngal myong ba med ces smra ba ni 'bras bu la skur ba zhes bya'o//'jig rten 'di med/ 'jig rten pha rol med/ pha med/ ma med/ sems can rdzus te skye ba med ces smra ba ni byed pa la skur pa ste/ de la byed pa yang rnam pa gsum mo/ /byed pa rnam pa gsum ni 'jig rten gzhan du 'gro bar byed pa dang / sa bon 'jog par byed pa dang /mtshams sbyor bar byed pa'o/ /'jig rten gzhan du 'gro bar byed pa ni tshe 'di nas shi 'phos nas tshe phyi mar skye bar byed pa ste/ 'jig rten 'di med/ 'jig rten phyi ma med ces smra bas 'jig rten gzhan du 'gro bar byed pa la skur pa'o/ /sa bon 'jog par byed pa ni lus kyi rgyu pha'i khu ba dang ma'i mi gtsang ba 'jog par byed pa ste/pha med ma med ces smra bas ni sa bon 'jog par byed pa la skur pa'o/ /mtshams sbyor bar byed pa ni sems can gang dag pad+mo la sogs pa'i nang du rdzus te skyes pa'am/ rnam par shes pa ma'i mngal du 'phos pa ste/ sems can rdzus te skyes pa med ces smra bas ni mtshams sbyor bar byed pa la skur pa'o//'jig rten na dgra bcom pa med ces smra ba ni yod pa'i dngos po chud za bar byed pa ste/ de ltar las dang 'bras bu dang byed pa dang dgra bcom pa la sogs pa med par lta ba la log pa'i lta ba zhes bya'o/ /yang na 'phags pa'i bden pa bzhi la skur pa ste/kun 'byung med ces smra ba ni rgyu la skur pa'o/ /sdug bsngal med ces smra ba ni 'bras bu la skur pa'o/ /lam med ces zer ba ni byed pa la skur pa'o/ /'gog pa med ces zer ba ni yod pa'i dngos po 'jig pa'o/ /yang na rten cing 'brel bar 'byung ba yan lag bcu gnyis nyon mongs pa dang las dang sdug bsngal gsum du gzhag go//de la ma rig pa dang sred pa dang len pa gsum ni nyon mongs pa'i yan lag tu gzhag ste/ de med ces smra ba ni rgyu la skur pa'o/ /rnam par shes pa dang ming dang gzugs dang skye mched drug dang reg pa dang tshor ba dang skye ba dang rga shi dang bdun ni sdug bsngal gyi yan lag ste/de med ces smra ba ni 'bras bu la skur pa'o/ /'du byed dang srid pa gnyis ni las kyi yan lag ste/ de med ces smra ba ni byed pa la skur pa'o/ /ma rig pa 'gags na rig pa skye bar 'gyur ba yin na de dag med ces smra ba ni yod pa'i dngos po 'jig par byed pa'o//ma rig pa 'gags pas 'du byed 'gag pa nas/ skye ba 'gags pas rga shi 'gag pa'i bar du ma rig pa 'gags na rig pa skye bar 'gyur ba yin na/ de dag med ces smra ba ni yod pa'i dngos po 'jig par byed pa'o/ /gti mug dang ldan zhing rmongs pa dang bcas pa rnams la ni thams cad med do zhes skur pa 'debs pa 'byung gi//rmongs pa med cing shes rab dang ldan pa rnams la thams cad med do zhes skur pa 'debs pa mi 'byung bas log pa'i lta ba 'di gti mug dang ldan pa dang yod pa'i chos rnams la med do zhes phyin ci log tu bzung bas phyin ci log dang ldan pa'i phyir shes rab nyon mongs pa can zhes bya'o//smras pa/ 'jig tshogs su lta ba yang bdag dang bdag gi med pa la bdag dang bdag gir phyin ci log tu lta ba dang / mthar 'dzin pa yang rtag pa dang chad pa med pa la rtag pa dang chad pa phyin ci log tu lta bas na lta ba lnga char yang log pa'i lta ba yin pa las ci'i phyir med par lta ba 'ba' zhig la log pa'i lta ba zhes btags pa lta ba gzhan la log pa'i lta ba zhes mi bya/smras pa/ shin tu log par lta ba la zhugs pa'i lta ba dang / shin tu sdig pa'i rgyur 'gyur ba 'ga' zhig la lta ba 'ba' zhig la log pa'i lta ba zhes bya ba'i lta ba gzhan la log pa'i lta ba zhes mi bya ste/dper na mar gyi dri mi zhim pa dang gdol bu sdig can zhes bya ba bzhin no/ /'di ltar mar kun kyang dri mi zhim pa yin mod kyi gang lhag par dri mi zhim pa de la mar dri mi zhim pa zhes bya ba dang / gdol bu kun kyang sdig pa'i las can yin mod kyi gang lhag par gzhan pas gsad gcad la dga' ba'i gdol bu la gdol bu sdig can zhes bya ba bzhin du lta ba gzhan yang log par lta ba yin mod kyi de dag phung po lnga la med par skur pa mi 'debs shing de las lhag par bdag la sogs pa yod par sgro 'dogs pa'i rnam par zhugs pa yin pas shin tu log par zhugs pa yang ma yin la shin tu sdig pa'i rgyu byed pa yang ma yin bas lta ba gzhan la log pa'i lta ba zhes ma btags kyi/thams cad med par lta ba 'di ni thams cad med do zhes skur pa'i rnam par zhugs pas shin tu log par zhugs pa dang / shin tu log pa sdig pa'i rgyu byed pa'i phyir log par lta ba zhes btags so/ /'di'i las ni dge ba'i rtsa ba gcod cing mi dge ba'i rtsa ba skyed 'phel bar byed pa'i rten byed pa ste/ log par lta ba skyes na sngon dge ba'i rtsa ba bsags pa thams cad kyang med par 'gyur la mi dge ba'i rtsa ba thams cad 'phel zhing rgyas par 'gyur ba'i phyir ro//de la lta ba bsnyems pa'i rang bzhin bstan pa'i phyir/ lta ba bsnyems pa gang zhe na zhes dris te/ lta ba bsnyems pa'i rang bzhin dang mtshan nyid gang zhe na zhes dris pa'i don to/ /lan du/ lta ba rnam pa gsum po de dag nyid dang / de'i gnas phung po rnams la mchog dam pa gtso bor yang dag par rjes su lta ba ste/gang shes rab nyon mongs pa can no zhes bya ba smos te/ lta ba rnam pa gsum po de dag nyid ces bya ba ni gong gong du bshad pa'i 'jig tshogs su lta ba dang / mthar 'dzin par lta ba dang log par lta ba ste gsum mo/ /de'i gnas phung po rnams la zhes bya ba ni lta ba gsum po de dag kyang phung po lnga la dmigs pa las 'byung bas lta ba gsum 'byung ba'i rgyu phung po lnga yin pa'i phyir ro//phung po lnga ni de'i gnas zhes bya'o/ /mchog dang dam pa dang gtso bo'i don gsum don gcig tu 'dra mod kyi gcig gis gcig bshad pa lta bur rig par bya ste/ji ltar mchog ce na/ dam pa'i phyir mchog go/ /ci ltar dam pa zhe na/ gtso bor gyur pa'i phyir dam pa'o zhes bshad par bya'o/ /yang dag par rjes su lta ba ni 'di kho na yin no zhes nges par 'dzin pa'o/ /don du na 'jig tshogs su lta ba dang / mthar 'dzin par lta ba dang /log par lta ba gsum la lta ba 'di dag ni mchog dam pa'i gtso bo yin no zhes sems nges par 'dzin pa dang / lta ba de dag skye ba'i gnas kyi phung po lnga la yang phung po lnga po 'di dag ni mchog dam pa gtso bo yin no zhes nges par 'dzin par byed pa la lta ba bsnyems pa zhes bya'o//rmongs pa dang bcas shing gti mug dang ldan pa rnams la ni lta ba ngan pa gsum dang / de'i gnas kyi phung po la mchog dang dam par 'dzin pa 'byung gi/ /rmongs pa med cing shes rab can rnams la lta ba ngan pa dang / de'i gnas kyi phung po la mchog dang dam par 'dzin pa mi 'byung bas lta ba bsnyems pa 'di yang gti mug dang ldan pa dang /mchog ma yin pa'i chos la mchog tu phyin ci log tu 'dzin pas phyin ci log dang ldan pa'i phyir shes rab nyon mongs pa can zhes bya'o/ /de'i las kyang lta ba ngan pa la mngon par zhen pa'i rten byed pa ste/ lta ba ngan pa la mngon par zhen pa ni 'jig tshogs su lta ba dang /mthar 'dzin par lta ba dang log pa'i lta ba la yon tan du gzung bas de mi gtong bar byed pas na lta ba ngan pa la mngon par zhen pa'i rten byed pa'o/ /tshul khrims dang brtul zhugs bsnyems pa'i rang bzhin bstan pa'i phyir/ /tshul khrims dang brtul zhugs bsnyems pa gang zhe na zhes dris te/tshul khrims dang brtul zhugs bsnyems pa'i rang bzhin dang mtshan nyid gang zhe na zhes dris pa'i don to/ /de'i lan du tshul khrims dang brtul zhugs dang / de'i gnas kyi phung po rnams la dag pa dang grol ba dang / 'byung bar yang dag par rjes su lta ba ste/gang shes rab nyon mongs pa can no zhes bya ba smos te/ de la srog gcod pa la sogs pa mi dge ba'i las byed pa las slar ldog pa ni tshul khrims so/ /mgo bregs pa dang / sgren mor 'phyan pa la sogs pa'i lus kyi cha lugs 'dzin pa dang / kha zas gcod pa dang / ba lang dang khyi la sogs pa'i spyod lam 'dzin pa ni brtul zhugs so//tshul khrims dang brtul zhugs kyang phung po lnga la brten nas 'byung ba ste/ tshul khrims dang brtul zhugs bsnyems pa 'byung ba'i rgyu phung po lnga yin pas na phung po lnga ni de'i gnas zhes bya'o/ /tshul khrims dang brtul zhugs dang / de'i gnas kyi phung po la brten nas srog gcod pa la sogs pa'i sdig pa byas pa'i las sbyong zhing dag par 'gyur ro zhes 'dzin pa ni yang dag par rjes su lta ba'o //tshul khrims dang brtul zhugs dang phung po 'dis 'dod chags la sogs pa'i nyon mongs pa'i bcing ba las grol bar byed do zhes 'dzin pa ni grol bar yang dag par rjes su lta ba'o//tshul khrims dang brtul zhugs dang de'i gnas kyi phung po 'dis 'khor ba las 'byung zhing mya ngan las 'das pa'i lam thob par byed do zhes 'dzin pa ni 'byung bar yang dag par rjes su lta ba zhes bya ste/ don du na tshul khrims dang brtul zhugs dang / de'i gnas kyi phung po la brten nas 'khor ba las 'byung zhing mya ngan las 'das pa 'thob po zhes 'dzin pa ni tshul khrims dang brtul zhugs bsnyems pa zhes bya'o//gti mug dang ldan zhing rmongs pa dang bcas pa rnams la tshul khrims dang brtul zhugs tsam gyis thar bar 'gyur zhes 'dzin pa 'byung gi rmongs pa med cing shes rab rnams la tshul khrims dang brtul zhugs tsam gyis thar par 'gyur zhes 'dzin pa mi 'byung bas tshul khrims dang brtul zhugs bsnyems pa 'di gti mug dang ldan pa yin pa'i phyir shes rab nyon mongs pa can zhes bya'o//smras pa/ bcom ldan 'das kyi gsung rab kyi gzhung las tshul khrims la brten nas ting nge 'dzin bsgoms te shes rab bskyed nas rnam par grol bar 'gyur ro zhes gsungs pas/tshul khrims dang brtul zhugs ni dag pa'i rgyu yin na ci'i phyir tshul khrims dang brtul zhugs bsnyems pa zhes bya/ smras pa/ yang dag pa'i lta ba dang ldan pa'i tshul khrims dang brtul zhugs ni thar pa'i rgyur 'gyur bas na/tshul khrims dang brtul zhugs bsnyems pa zhes mi bya'i/ /'jig tshogs su lta ba'am/ mthar 'dzin par lta ba'am log par lta bas yongs su zin pa'i tshul khrims dang brtul zhugs ni thar pa'i rgyur mi 'gyur gyi bcings pa'i rgyur 'gyur bas na tshul khrims dang brtul zhugs bsnyems pa zhes bya'o//'di'i las kyang lus sha thang chad pa'i 'bras bu don med par byed pa ste/ lta ba log pa dang ldan pa'i tshul khrims dang brtul zhugs bsrungs kyang thar pa thob par mi 'gyur bas na lus sha thang chad pa'i 'bras bu don med par byed pa zhes bya'o//lta ba lnga po de dag las lta ba du zhig ni sgro btags pa'i rang bzhin/ lta ba du zhig ni skur pa 'debs pa'i rang bzhin zhe na/ 'jig tshogs su lta ba dang mthar 'dzin pa'i lta ba las rtag par lta ba dang lta ba bsnyems pa dang tshul khrims dang brtul zhugs bsnyems pa rnams ni sgro 'dogs pa'i rang bzhin no//log pa'i lta ba dang / mthar 'dzin pa las chad par lta ba ni skur ba 'debs pa'i rang bzhin no/ /the tshom gyi rang bzhin bstan pa'i phyir/ the tshom gang zhe na zhes dris te/ the tshom gyi rang bzhin dang mtshan nyid gang zhe na zhes dris pa'i don to//lan du/ bden pa la sogs pa la gang yid gnyis za ba'o zhes bya ba smos te/ bden pa ni sdug bsngal la sogs pa'i bden pa bzhi'o/ /sogs pa'i sgras ni las dang 'bras bu dang / dkon mchog la sogs pa bsdu'o/ /yid gnyis za ba ni lam kha brag dang rtswa'i mi la blo gnyis su 'jug pa bzhin du gang blo gnyis su 'jug pa'o//dper na lam kha brag tu 'dug pa las ma du ra'i grong khyer du 'jug pa'i lam 'di yin nam 'on te 'di min zhes blo yid gnyis su 'jug pa yin pa dang / rtswa'i mi la 'di ni rtswa'i mi yin nam/ 'on te mi yang dag pa yin zhes yid gnyis su 'jug pa bzhin du las dang 'bras bu dang /bden pa dang dkon mchog la sogs pa la de dag yod pa yin nam zhes blo gnyis su 'jug pa yin pa dang / 'on te med pa yin zhes blo gnyis su 'jug pa ni the tshom zhes bya'o/ /de'i las kyang dge ba'i phyogs la mi 'jug pa'i rten byed pa ste/the tshom yod na dge ba'i phyogs la rgyun du 'jug par mi byed pa'i phyir ro/ /nyon mongs pa drug gi rang bzhin dang las bstan nas/ da 'di dpyad par bya ste/ nyon mongs pa drug las du zhig ni yongs su brtag pa 'ba' zhig yin la/ du zhig ni lhan cig skyes pa yang yin la yongs su brtag pa yang yin zhe na/de dag gzhan la mnyan nas 'phral du bsams te skyes pa rnams ni yongs su brtags pa zhes bya'o/ /'khor ba'i thog ma med pa nas rang bzhin gyis skyes yod pa ni lhan cig skyes pa zhes bya'o/ /de'i lan du nyon mongs pa de dag las lta ba 'og ma gsum dang /the tshom ni yongs su brtags pa'o zhes bya ba smos so/ /nyon mongs pa de dag las zhes bya ba ni 'dod chags dang / khong khro ba dang / nga rgyal dang / ma rig pa dang / lta ba dang / the tshom ste/ drug po de dag gi nang nas zhes bya ba'i don to/ /lta ba 'og ma gsum dang zhes bya ba la lta ba lnga ste/'jig tshogs su lta ba dang / mthar 'dzin par lta ba dang / log par lta ba dang / lta ba bsnyems pa dang / tshul khrims dang / brtul zhugs bsnyems pa dang lnga las log par lta ba dang / lta ba bsnyems pa dang / tshul khrims dang / brtul zhugs bsnyems pa gsum la ni lta ba 'og ma gsum zhes bya ste/ lta ba de gsum yang gzhan nas gtsug lag mnyan nas 'phral du bsams pa las 'byung bas na yongs su brtags pa las 'byung ba zhes bya'o/ /the tshom yang gzhan la gtsug lag mnyan nas 'phral du bsams pa las 'byung bas na yongs su brtags pa zhes bya'o//lhag ma ni lhan cig skyes pa dang yongs su brtags pa'o zhes bya ba la/ lta ba gsum dang the tshom bshad pa'i lhag ma ni 'dod chags dang / khong khro dang / ma rig pa dang / nga rgyal dang / 'jig tshogs su lta ba dang / mthar 'dzin par lta ba rnams te/de dag la lhan cig skyes pa yod la yongs su brtags pa yang yod do/ /de la 'khor ba thog ma med pa nas rang bzhin gyis yod pa'i 'dod chags pa dang khong khro ba dang / ma rig pa dang / nga rgyal dang / 'jig tshogs su lta ba dang / mthar 'dzin par lta ba rnams ni/ lhan cig skyes pa zhes bya'o/ /gzhan las gtsug lag thos nas 'phral du bsams nas skyes pa'i 'dod chags dang khong khro ba dang / ma rig pa dang / nga rgyal dang / 'jig tshogs su lta ba dang / mthar 'dzin par lta ba rnams ni yongs su brtags pa'o/ /nyon mongs pa drug bshad zin to//da ni nye ba'i nyon mongs pa rnams bshad par bya'o/ /de la nyan thos rnam par smra ba pa rnams ni nye ba'i nyon mongs pa rnams kyang rdzas su yod par 'dod mod kyi/ rnam par rig pa tsam du smra ba'i rnam par shes par lta bas nye ba'i nyon mongs pa rnams nyon mongs pa drug gi shas las 'byung bas na de dag btags pa tsam du yod kyi rdzas su med par rig par bya'o//khro ba'i rang bzhin bstan pa'i phyir/ khro ba gang zhe na zhes dris te/ khro ba'i rang bzhin dang mtshan nyid gang zhe na zhes dris pa'i don to/ /de'i lan du 'phral du gnod pa byed pa la gnas te gang sems kyis gnod par byed pa'o zhes bya ba smos te/'phral du gnod par byed pa bzung bas ni 'das pa dang ma 'ongs pa'i dus su gnod pa byas pa dgag pa ste/ da ltar gyi dus nyid na gnod par byas pa la bya'o/ /gnod par byed pa ni sems can dang sems can ma yin pas mi dben pa dang mi bde ba zhes byas pa'o//gnas te zhes bya ba ni gnod par byas pa dang / phrad par byas pa'o/ /gang sems kyis gnod par byed pa'o zhes bya ba ni sems can dang sems can ma yin pas 'phral du gnod par byas pa dang phrad nas sems can dang sems can ma yin pa la gang sems kyis gnod par bya bar sems pa ste/de ni khro ba zhes bya'o/ /sems kyis gnod par byed pa smos pas lus kyis gnod par byed pa bkag pa yin te/ lus kyis gnod par byed pa ni khro ba'i 'bras bu yin pas na de la khro ba zhes mi bya'o/ /khro ba 'di yang khong khro ba'i shas las 'byung bas na btags par yod kyi rdzas su med par rig par bya'o//de'i las ni dbyig pas rdeg pa la sogs pa'i rten byed pa'i las can te/ khro ba byung nas sems can la brdeg pa dang bcing ba la sogs pa gdon mi za bar 'byung bar byed pa'i phyir ro / khon du 'dzin pa'i rang bzhin bstan pa'i phyir khon du 'dzin pa gang zhe na zhes dris te/ khon du 'dzin pa'i rang bzhin dang mtshan nyid gang zhe na zhes dris pa'i don to/ /de'i lan du mdud par 'dzin pa'o zhes bya ba smos te/ dang por mi dben pa'am gnod par byas pa dang phrad do/ /de nas khros so//de nas khro ba'i 'og tu 'dis bdag la gnod pa 'di lta bu zhig byas pas lan ma lon bar du mi gtong ngo snyam du sems shing zhe sdang gi bsam pa rgyun du sems la 'jog cing mdud par 'dzin pa mi gtong ba ni khon du 'dzin pa zhes bya'o/ /yang na 'dis bdag la gnod pa sngon byas/ da ltar byed/phyis byed par 'gyur/ 'dis bdag gi mdza' bo la gnod pa sngon byas/ da ltar byed/ phyis byed par 'gyur/ 'dis bdag gi dgra la sngon phan btags/ da ltar phan 'dogs par byed/ phyis phan 'dogs par byed pas 'di la gnod par mi bya bar mi gtong ngo snyam du zhe sdang gi bsam pa rgyun du mi gtong ba ni khon du 'dzin pa zhes bya'o//'di yang zhe sdang gi shas las byung bas na rdzas su med kyi btags par yod par rig par bya'o/ /'di'i las kyang mi bzod par byed pa'i rten byed pa ste/ gnod par byed pas ji byas kyang mi bzod cing phyis de la gnod par byed par 'dod pas na de'i las ni mi bzod pa'i rten byed pa zhes bya'o//'chab pa'i rang bzhin bstan pa'i phyir/ 'chab pa gang zhe na zhes dris te/ 'chab pa'i rang bzhin dang mtshan nyid gang zhe na zhes dris pa'i don to/ /de'i lan du bdag gi kha na ma tho bar mkhyud pa'o zhes bya ba smos te/ kha na ma tho ba ni srog gcod pa la sogs pa'i sdig pa'i las byas pa'o/ /mkhan po'am slob dpon la sogs pas gleng ba'o/ /'dod chags dang zhe sdang dang gti mug la sogs pa'i dbang du mi 'gro zhing / 'jigs pa'i phyir smra ba yin pa la 'dis sdig pa ma bshags na sdug bsngal gyi rgyur 'gyur ro zhes de la phan par 'dod pa des mang po'i mdun du mi gleng par skabs su bab par byas nas/khyod kyi sdig pa 'di lta bu zhig byas kyi shogs shig ces byas pa dang sdig pa ma bshags na sdug bsngal gyi rgyur 'gyur bar mi shes pa'i gti mug gi dbang du song nas bdag gis sdig pa ma byas so zhes nas kha na ma tho ba byas pa mkhyud cing bsnyon pa ni 'chab pa zhes bya'o//'di yang gti mug gi shas las byung bas na rdzas su med kyi btags par yod par rig par bya'o/ /'di'i las kyang rnam pa gnyis byed de/ 'gyod pa dang mi bde bar gnas pa'i rten byed pa'o/ /chos nyid kyis gang gis kha na ma tho ba mkhyud pa de la 'gyod pa skye bar 'gyur ro//'gyod pa skyes nas gdon mi za bar yid mi bde ba dang ldan par 'gyur ba'i phyir mi bde bar gnas par yang 'gyur ro/ /'tshig pa'i rang bzhin bstan par bya ba'i phyir/ 'tshig pa gang zhe na zhes dris te/ 'tshig pa'i rang bzhin dang mtshan nyid gang zhe na zhes dris pa'i don to//de'i lan du/ tshig brlang po zher 'debs pa nyid do zhes bya ba smos te/ tshig brlang po ni shin tu mi bzad pa'i tshig la bya ste/ tshig gang smras na sems can gzhan gyi gnad du 'phen cing yid mi bde bar 'gyur ba'i tshig rtsub po la tshig brlang po zhes bya'o//dper na sbrul gdug pas zos na lus la gnod par 'gyur ba bzhin du dang po gzhan gyis gnod pa byas pa dang phrad do/ /de nas khros so/ /de nas khon du bzung ngo / /de nas rigs dang rus la sogs pa smos pa'i tshig rtsub pos gzhan gyi zher 'debs shing gzhan gyi yid mi bde ba skyed pa ni 'tshig pa zhes bya'o//'di yang khong khro ba'i shas las byung bas na rdzas su med kyi btags par yod par zad do/ /'di'i las kyang rnam pa gnyis byed de/ tshig ngan pa 'byin par byed pa dang / mi bde bar gnas par byed pa'o/ /tshig ngan 'byin par byed pa ni rus dang rigs la sogs pa smos pa'i tshig rtsub po 'byin par byed pa'o//mi bde bar gnas par byed pa ni tshig gdug par smra ba'i gang zag de dang lhan cig tu gnas pa'i gang zag gzhan dag kyang mi bde bar gnas par 'gyur ba'i phyir ro/ /phrag dog gi rang bzhin bstan pa'i phyir/ phrag dog gang zhe na zhes dris te/phrag dog gi rang bzhin dang mtshan nyid gang zhe na zhes dris pa'i don to/ /de'i lan du/ pha rol po'i phun sum tshogs pa la sems khyad par 'khrugs pa'o zhes bya ba smos te/ pha rol po'i phun sum tshogs pa ni gzhan gyi 'byor pa la bya ste/ sems can gzhan chos gos la sogs pa'i rnyed pa dang ldan pa dang / phyag 'tshal ba la sogs pa'i bkur sti dang ldan pa dang / rigs mtho ba dang tshul khrims dang / thos pa la sogs pa'i yon tan dang ldan pa'o/ /sems khyad par 'khrugs pa zhes bya ba ni zhe sdang gi shas kyis sems mi bzod par gyur pa ste/pha rol po rnyed pa dang bkur sti dang / rigs dang tshul khrims dang thos pa la sogs pa'i yon tan dang ldan pa mthong ba dang de la mi dga' zhing sems 'khrug la mi bzod pa ni phrag dog ces bya'o/ /'di yang zhe sdang gi shas las byung bas na rdzas su med kyi btags par yod par rig par bya'o//de'i las ni mi bde bar gnas pa'i rten byed pa ste / phrag dog dang ldan pa ni gzhan gyi yon tan yod par mthong ba dang / dus thams cad du bdag gi sems mi bde zhing 'khrug pa skye bar 'gyur bar byed pa'i phyir ro/ /ser sna'i rang bzhin bstan pa'i phyir/ ser sna gang zhe na zhes dris te/ ser sna'i rang bzhin dang mtshan nyid gang zhe na zhes dris pa'i don to/ /de'i lan du sbyin pa dang mi mthun pa'i sems kyis kun tu 'dzin pa'o zhes bya ba smos te/ bdag gir byas pa'i dngos po chos dang zang zing la sogs pas mchod pa dang / phan gdags par 'dod pas 'dod pa dang mi 'dod pa la yongs su gtong bar byed pa ni sbyin pa zhes bya'o//bdag gir byas pa'i dngos po zhes bya ba ni bdag dbang ba'am bdag la bya ba'i dngos po'o/ /chos ni gsung rab kyi don dang tshig 'chad pa la mkhas pa'o/ /zang zing ni lhung bzed dang chos gos la sogs pa'i yo byad do//mchod rten la sogs pa la ni mchod par 'dod pa'i phyir yongs su gtong ngo / /phongs pa rnams la ni phan 'dogs par 'dod pa'i phyir yongs su gtong ngo / /dge 'dun la ni mchod pa dang phan gdags par 'dod pa'i phyir yongs su gtong ngo / /ye phongs pa dang dge 'dun la yongs su gtong ba ni 'dod pa la sbyin pa zhes bya'o//sangs rgyas la sogs pa'i 'phags pa la yongs su gtong ba ni mi 'dod pa la sbyin pa zhes bya'o/ /ser sna yod na chos dang zang zing gzhan la gtong ba'i mtshan nyid kyi sbyin pa mi byed cing med par 'gyur bas na ser sna ni sbyin pa dang mi mthun pa zhes bya'o//sems kyi kun tu 'dzin pa zhes bya ba ni rnyed pa dang bkur sti la chags pas 'dod chags kyi shas kyis chos gos dang lhung bzed la sogs pa 'tsho ba'i yo byad rnams dang / dngos po gang mi mkho ba dang ngan pa yang gzhan la gtong mi phod cing zang zing rnams sdud par byed pa la ni ser sna zhes bya'o//'di yang 'dod chags kyi shas las 'byung bas na rdzas su med kyi btags par yod par rig par bya'o/ /de'i lan ni chog mi shes pa'i rten byed pa ste/ ser sna dang ldan pa rnams ni 'tsho ba'i yo byad zang zing rnams sdud pa la chog mi shes pa'i phyir ro/ / sgyu'i rang bzhin bstan pa'i phyir/ /sgyu gang zhe na zhes dris te/ sgyu'i rang bzhin dang mtshan nyid gang zhe na zhes dris pa'i don to/ /de'i lan du/ pha rol po slu ba yang dag pa ma yin pa'i don ston pa'o zhes bya ba smos te/ bdag gang tshul khrims dang mi ldan mkhas pa ma yin kyang tshul khrims dang ldan pa 'dra ba'am mkhas pa dang 'dra bar gzhan la ston cing sgrogs pa ni gzhan la slu ba'o //tshul khrims dang mi ldan pa 'dra bar bstan na gzhan gyis rnyed pa dang bkur sti mi ster du dogs nas rnyed pa dang bkur sti la chags pas rnyed pa dang bkur sti la chags pa'i rgyus bdag tshul khrims dang mi ldan par gnas pa yin yang tshul khrims dang ldan pa 'dra bar gnas par don gzhan du ston cing sgrogs pa dang /bdag mkhas pa ma yin yang mkhas pa 'dra bar yang dag par don ma yin pa ston cing sgrogs pa ni sgyu zhes bya'o/ /'di yang 'dod chags dang gti mug gi shas kyis yon tan yod pa ma yin kyang yon tan can du ston cing sgrogs par byed pas 'dod chags dang gti mug gi shas las byung ba'i phyir rdzas su med kyi btags par yod par rig par bya'o//'di'i las ni log par 'tsho ba'i rten byed pa ste/ yon tan med kyang lus dang ngag gi sgo nas yon tan can 'dra bar tshul bcos nas chos gos dang mal stan la sogs pa g.yo sgyus btsal ba la spyod par byed pas na log par 'tsho ba'i rten byed pa zhes bya'o//g.yo'i rang bzhin bstan pa'i phyir/ g.yo gang zhe na zhes dris te/ g.yo'i rang bzhin dang mtshan nyid gang zhe na zhes dris pa'i don to//de'i lan du/ bdag gi nyes pa 'chab pa'i thabs gzung ba ste/ sems gya gyu ba'o zhes bya ba smos te / bdag nyid kyis srog gcod pa la sogs pa'i skyon byas pa ni bdag gi nyes pa'o/ /bdag gi nyes pa 'chab pa ni bdag gi nyes pa mkhyud pa'am sbed pa'o/ /tshul cis nyes pa bcabs she na/thabs gzung ba ste/ thabs kyis gzung bas nyes pa 'chab ces bya ba'i don to/ /thabs gzung ba zhes bya ba ni gzhan mgo rmongs par byed pa ste/ de'ang gzhan dag gis khyod kyis nyes pa 'di lta bu zhig ma byas sam zhes dris na/ bdag ma du ra'i grong khyer nas rgyal po'i khab tu mchis zhes bya ba la sogs pa'i gtam gzhan nas gzhan du skyong zhing gtam rlung skur bar byed pa'am/smra na mi gsal bar nyes pa byas sam ma byas gtol med cing ci smras gtol med par smra ba ni g.yo zhes bya'o/ /g.yo dang ldan pa'i gang zag rnams drang por mi sems shing drang por mi smra bas na sems gya gyu ba zhes bya'o//'di yang rnyed pa dang bkur sti la chags pa dang nyes pa bcabs na sdug bsngal gyi rgyur 'gyur bar mi shes pa'i gti mug gi dbang gis 'byung bas na 'dod chags dang gti mug gi shas las 'byung ba'i phyir rdzas su med kyi btags par yod par rig par bya'o//de'i las kyang yang dag pa'i lung bsgo ba 'thob pa'i bgegs byed pa ste/ su nyes pa 'chab pa'i g.yo dang chags pa de la mkhan po dang slob dpon gyis yang dag pa'i lung bsgo bar mi byed cing sngar lung bsgo ba thob pa rnams kyang g.yo yod pas tshul bzhin ma yin pa yid la byed pas log par byas pa'i phyir yang dag par lung bsgo ba thob pa'i bgegs byed pa zhes bya'o//smras pa/ 'chab pa yang bdag gi kha na ma tho ba 'chab pa yin la g.yo yang rang gi nyes pa 'chab pa'i thabs 'dzin pa yin pas de gnyi ga nyes pa 'chab pa byed par zad na khyad par ji yod/smras pa/ 'chab pa ni bdag gis nyes pa ma byas so zhes dngos su gsal bar kha na ma tho ba mkhyud par byed kyi g.yo ni dngos su ma byas so zhes gsal bar mi smra ba'i thabs kyis ma byas pa 'dra bar nyes pa mkhyud par byed pas na khyad par yod do/ /rgyags pa'i rang bzhin bstan pa'i phyir/rgyags pa gang zhe na zhes dris te/ rgyags pa'i rang bzhin dang mtshan nyid gang zhe na zhes dris pa'i don to/ /de'i lan du/ bdag gi phun sum tshogs pa la chags nas rab tu dga' ba'i sems kyis yongs su 'dzin pa'o zhes bya ba smos te/ bdag gi phun sum tshogs pa ni bdag la yod pa 'byor pa la bya ste/rigs chen po dang / lus nad med pa dang / gzugs mdzes pa dang / lang tsho dar la bab pa dang / stobs che ba dang / dbang dang / phyug pa dang / blo dang / yid rno ba la sogs pa gzhan pas khyad zhugs par 'phags shing phul du byung ba la ni bdag gi phun sum tshogs pa zhes bya'o//ming gis smos pa'i bdag gi phun sum tshogs pa la zhen nas gtong mi phod pa ni chags pa ste/ chags nas zhes bya ba ni chags pa des rgyu byas nas zhes bya ba'i don to/ /rab tu dga' ba'i sems kyis zhes bya ba ni mgu ba dang ldan pa'i sems sam rlom pa dang bcas pa'i sems sam yid bde ba'i khyad par dang ldan pa'i sems kyis zhes bya ba'i don to//don de bstan pa'i phyir sems kyis yongs su 'dzin pa zhes bya ba smos te/ bdag gi phun sum tshogs pa la chags shing rlom pa dang bcas pa'i sems kyis sems rang dbang med par byas nas/longs spyod tshogs pa 'ba' zhig la sems 'dzin cing mi gtong gi dge ba'i sems 'jug pa'i dbang med par byas pa ni rgyags pa zhes bya'o/ /'di yang 'dod chags kyi shas las byung bas na rdzas su med kyi btags par yod par rig par bya'o/ /'di'i las kyang nyon mongs pa thams cad skye ba'i rten byed pa'i las can te/rgyags pa'i rgyus nyon mongs pa drug dang / nye ba'i nyon mongs pa gzhan yang skye bar 'gyur ba'i phyir ro/ /rnam par 'tshe ba'i rang bzhin bstan pa'i phyir rnam par 'tshe ba gang zhe na zhes dris te/ rnam par 'tshe ba'i rang bzhin dang mtshan nyid gang zhe na zhes dris pa'i don to//de'i lan du/ sems can rnams la rnam par tho 'tshams pa'o zhes bya ba smos te/ sems can rnams kyi lus la sdug bsngal bskyed pa dang / yid mi bde ba skyed pa'i phyir/ sems can rnams la bcing ba dang / brdeg pa dang / bsdigs pa la sogs pa rnams gnod pa sna tshogs kyis tho 'tshams shing mi bde ba skyed par byed pa la rnam par 'tshe ba zhes bya'o/ /rnam par 'tshe ba de yang ming du na brtse ba med pa dang / snying rje med pa dang bzod pa med pa zhes bya ba ste/ de gsum ni rnam par 'tshe ba'i ming gi rnam grangs so//yang na bdag nyid sems can rnams la bcing ba la sogs pa'i las byed pa ni brtse ba med pa zhes bya'o/ /gzhan dag la sems can dag bcing du bcug pa la sogs pa byed du bcug pa ni snying rje med pa zhes bya'o/ /gzhan dag sems can la bcing ba'i las byed pa mthong na dga' zhing de la legs so zhes rjes su yi rang ba ni bzod pa med pa zhes bya'o//'di yang khong khro ba'i shas las byung bas na rdzas su med kyi btags par yod par rig par bya'o/ /'di'i las ni sems can la sems rtsub par byed cing bcing ba dang rdeg pa la sogs pas sems can rnams la rnam par 'tshe ba'i las can no//ngo tsha mi shes pa'i rang bzhin bstan pa'i phyir/ ngo tsha mi byed pa gang zhe na zhes dris te/ ngo tsha mi shes pa'i rang bzhin dang / mtshan nyid gang zhe na zhes dris pa'i don to/ /de'i lan du kha na ma tho bas bdag la ngo mi tsha'o zhes bya ba smos te/sangs rgyas la sogs pa dam pa rnams kyis smad pa yin pas srog gcod pa la sogs pa'i las ngan pa la kha na ma tho ba zhes bya'o/ /ngo tsha shes pa bshad na ngo tsha mi shes pas mjal brda phrad sla bar 'gyur bas ngo tsha shes pa je bstan to/ /de la bdag ni cho rigs 'di lta bu las byung ste/ shes rab dang yon tan 'di lta bu dag dang ldan pa yin pas las ngan pa 'di 'dra ba bdag gis bya bar mi rigs so zhes bdag la bltas te/sdig pa'i las la bag byed cing bdag med par mi 'jug pa ni ngo tsha shes pa zhes bya'o/ /bdag cho rigs 'di lta bu las byung ba shes pa dang yon tan 'di lta bu dang ldan pas las ngan pa 'di 'dra ba bdag gis spyad pa'i cha ma yin par shes kyang bdag gis bdag khrel ba med de sdig pa'i las la 'dzem pa med par spyad pa ni ngo tsha mi shes pa zhes bya'o//'di yang 'dod chags dang zhe sdang dang gti mug gi shas las byung bas na rdzas su med kyi btags par yod par rig par bya'o//'dod chags dang zhe sdang gnyis dus gcig tu 'byung mi srid pas yang na ni gti mug dang 'dod chags kyi dbang gis ngo tsha mi shes pa 'byung ste/ gang ma byin par len pa dang / mi tshangs par spyod pa la 'dzem pa med par spyod pa'i tshe na'o/ /yang na ni gti mug dang zhe sdang gi dbang gis ngo tsha mi shes pa 'byung ste/nam srog gcod pa la sogs pa'i las la 'dzem pa med par zhugs pa'i tshe na'o/ /'di'i las kyang nyon mongs pa drug dang g.yo dang sgyu la sogs pa nye ba'i nyon mongs pa rnams skye ba'i rgyu'am grogs byed pa'o/ /khrel med pa'i rang bzhin bstan pa'i phyir/khrel med pa gang zhe na zhes dris te/ khrel med pa'i rang bzhin dang / mtshan nyid gang zhe na zhes dris pa'i don to/ /lan du kha na ma tho bas gzhan la mi 'dzem pa'o zhes bya ba smos te/ khrel yod pa sngar bstan na khrel med pa mjal chung sla bar 'gyur ba'i phyir khrel yod pa je bstan par bya'o//de la sdig pa mi dge ba'i las ngan pa 'di dag byas na 'jig rten pa rnams 'phya ba dang brdeg pa dang bcing ba la sogs pa'i gnod pa byed par 'gyur ro zhes 'jig rten pas dpyas pa dang bcing ba dang / gnod pa byas par dogs nas sdig pa'i las la mi 'jug cing 'dzem pa ni khrel yod pa zhes bya'o//sdig pa'i las 'di dag byas na 'jig rten pas dpyas pa dang bcing ba dang brdeg pa la sogs pa'i gnod pa byed par 'gyur bar shes kyang gzhan gyis dpyas pa dang / gnod pa byas pa la 'dzem pa med par sdig pa'i las la 'jug pa ni khrel med pa zhes bya'o/ /'di yang ngo tsha mi shes pa dang 'dra bar 'dod chags dang zhe sdang dang gti mug gi shas las byung bas na rdzas su med kyi btags par yod par rig par bya'o//'di'i las kyang nyon mongs pa drug dang / nye ba'i nyon mongs pa rnams skye ba'i grogs sam rgyu byed pa'o/ /rmugs pa'i rang bzhin bstan pa'i phyir/rmugs pa gang zhe na zhes dris te/ rmugs pa'i rang bzhin dang mtshan nyid gang zhe na zhes dris pa'i don to/ /de'i lan du/ sems las su mi rung ba ste blong ba'o zhes bya ba smos te/ dge ba'i chos la dmigs pa'i tshe dmigs par bya ba'i yul sems kyis rtogs par mi nus shing dmigs par bya ba sems la gsal bar 'jog mi nus pa ni sems las su mi rung ba zhes bya'o//sems las su mi rung ba'i don nyid bstan pa'i phyir blong ba zhes bya ba smos te/ pags pa bangs na ldar bar 'gyur ba dang 'dra bar sems blun pa'am sems slu ba'am sems mi gsal bar 'gyur ba ni blong ba ste/sems mi gsal ba'i mtshan nyid du gyur pa la rmugs pa zhes bya'o/ /'di yang gti mug gi shas las byung bas na rdzas su med kyi btags par yod par rig par bya'o/ /'di'i las kyang nyon mongs pa dang nye ba'i nyon mongs pa skye ba'i grogs byed pa'o//rgod pa'i rang bzhin bstan pa'i phyir/ rgod pa gang zhe na zhes dris te/ rgod pa'i rang bzhin dang mtshan nyid gang zhe na zhes dris pa'i don to/ /de'i lan du/ sems ma zhi ba'o zhes bya ba smos te/ de la sems zhi ba zhes bya ba ni zhi gnas dang ting nge 'dzin rtse gcig pa la bya ste/gang sems g.yengs pa ni ting nge 'dzin rtse gcig pa dang mi mthun pa'i chos la sems ma zhi ba zhes bya'o/ /de yang 'dod chags kyis rgyu byas nas sngon bgad pa dang / rtsed mo byas pa la sogs pa rjes su dran te/ der sems 'phros nas sems yeng yeng por ma zhi bar byed pa'i rgyu byed pa la rgod pa zhes bya'o//'di yang 'dod chags kyi shas las byung bas na rdzas su med kyi/ btags par yod par rig par bya'o/ /'di'i las ni zhi gnas dang mi mthun par byed pa ste/ sems rgod pa ma zhi ba'i mtshan nyid byung nas sems rtse gcig pa'i ting nge 'dzin med par 'gyur bas na zhi gnas dang mi mthun pa'i rten byed pa zhes bya'o//ma dad pa'i rang bzhin bstan pa'i phyir/ ma dad pa gang zhe na zhes dris te/ ma dad pa'i rang bzhin dang mtshan nyid gang zhe na zhes dris pa'i don to/ /lan du las dang / 'bras bu dang / bden pa dang / dkon mchog la yid mi ches shing sems ma dad pa ste/ dad pa dang mi mthun pa'i phyogs so zhes bya ba smos te/ de la las ni bsod nams dang / bsod nams ma yin pa dang / mi g.yo ba'i mtshan nyid dang gsum mo/ /'bras bu ni yid du 'ong ba dang / yid du mi 'ong ba ste gnyis so/ / bden pa ni sdug bsngal la sogs pa bzhi'o/ /dkon mchog ni sangs rgyas la sogs pa gsum mo/ /de la las dang 'bras bu dang bden pa la sogs pa yod par yid mi ches pa dang / dkon mchog la yon tan du sems dang ba med pa ni ma dad pa zhes bya'o/ /dad pa'i mi mthun pa'i phyogs zhes bya ba ni las dang 'bras bu dang bden pa dkon mchog la sogs pa la yod par yid ches pa dang /dkon mchog gsum la yon tan can du sems dang ba dang ldan pa dang / mya ngan las 'das pa ni thob par bya bar nus/ 'phags pa'i lam ni bsgrub par nus pa la gang 'dod pa skye ba ni dad pa zhes bya'o//ma dad pa ni las dang 'bras bu dang / bden pa la yid ches pa med dkon mchog gsum la sogs pa la yon tan can du sems dang ba med/ mya ngan las 'das pa dang / 'phags pa'i lam la 'dod pa med pas na ma dad pa ni dad pa dang mi mthun pa'i phyogs zhes bya'o / / 'di yang gti mug gi shas las byung bas na rdzas su med kyi/ btags par yod par rig par bya'o/ /de'i las ni le lo'i rten byed pa ste/ ma dad pa yod pa na ma dad pa'i shugs kyis mnyan pa dang bsam pa la sogs pa dge ba byed mi 'dod pas le lo'i rten byed pa'o/ /le lo'i rang bzhin bstan pa'i phyir//le lo gang zhe na zhes dris te/ le lo'i rang bzhin dang mtshan nyid gang zhe na zhes dris pa'i don to/ /de'i lan du/ dge ba la sems mi spro ba ste/ brtson 'grus dang mi mthun pa'i phyogs so zhes bya ba smos te/ nyal ba'i bde ba dang 'phres pa'i bde ba la chags nas lus dang ngag dang yid kyi sgo nas mnyan pa dang bsam pa la sogs pa'i dge ba bya ba la sems mi spro zhing dge ba'i las la sems 'jug par mi 'dod pa ni le lo zhes bya'o//brtson 'grus kyi mi mthun pa'i phyogs zhes bya ba la/ dge ba'i las spyad pa la sems spro ba ni brtson 'grus zhes bya ba la/le lo ni dge ba'i las bya ba la sems spro ba med pas brtson 'grus kyi mi mthun pa'i phyogs so/ /'di yang gti mug gi shas las byung bas na rdzas su btags su med kyi btags par yod par rig par bya'o/ /'di'i las kyang dge ba'i phyogs rab tu sbyor ba la bgegs byed pa'o//bag med pa'i rang bzhin bstan pa'i phyir/ bag med pa gang zhe na zhes dris te/ bag med pa'i rang bzhin dang mtshan nyid gang zhe na zhes dris pa'i don to/ /de'i lan du/ chags pa dang / zhe sdang dang / gti mug dang / le lo gang yin pa dag gis nyon mongs pa'i sems mi bsrung ba dang /dge ba la mi bsgom pa'o zhes bya ba smos te/ 'dod chags dang / zhe sdang dang / gti mug dang / le lo ste/ chos 'di bzhi'i dbang du byas sam chos de bzhi la gnas shing brten nas 'dod chags la sogs pa'i nyon mongs pa la sems zhugs pa las ni mi srung mi glon /dad pa la sogs pa'i dge ba'i chos rnams la ni sgom par mi byed pa la bag med pa zhes bya'o/ /'di yang 'dod chags dang zhe sdang dang gti mug dang le lo ste/ chos 'di bzhi'i shas las byung bas na rdzas su med kyi/ btags par yod par rig par bya'o/ /'di'i las ni mi dge ba 'phel ba dang dge ba nyams par byed pa'i rten byed pa'i las can te/mi dge ba la sems zhugs pa las ma bsrungs pas ni mi dge ba 'phel bar 'gyur ro/ /dran pa nyams pa'i rang bzhin bstan pa'i phyir/ dran pa nyams pa gang zhe na zhes dris te/ dran pa nyams pa'i rang bzhin dang mtshan nyid gang zhe na zhes dris pa'i don to//de'i lan du/ dran pa nyon mongs pa can te/ dge ba la sems mi gsal ba'o zhes bya ba smos te/ dran pa gang 'dod chags dang zhe sdang dang gti mug la sogs pa'i nyon mongs pa dang ldan pa'i dran pa la ni/ dran pa nyon mongs pa can zhes bya'o//de'i dge ba'i sems mi gsal ba zhes bya ba ni dper na sbrang rtsi dang khar zab las goms pa la sogs pa'i srog chags rnams kyang tig ta la sogs pa'i kha zas rdzas za bar mi nus pa de bzhin du/ dran pa gang 'dod chags la sogs pa'i nyon mongs pa dang ldan pas 'dod chags la sogs pa'i yul bud med la sogs pa gang yin pa de nyid sems la dran gyi dge ba sems la mi gsal te/yang dag pa'i gdams ngag la sogs pa'i dge ba'i sems mi dran te/ brjed par gyur pa la ni dran pa nyams pa zhes bya'o/ /'di yang gti mug gi shas las byung bas na rdzas su med kyi btags par yod par rig par bya'o//'di'i las ni rnam par g.yeng ba'i rten byed pa'i las can te/ dran pa nyams pa rnams nyon mongs pa'i yul bud med la sogs pa 'ba' zhig la sems 'jug pa'i phyir ro/ /rnam par g.yeng ba'i rang bzhin bstan pa'i phyir/ rnam par g.yeng ba gang zhe na zhes dris te/rnam par g.yeng ba'i rang bzhin dang mtshan nyid gang zhe na zhes dris pa'i don to/ /de'i lan du/ 'dod chags dang zhe sdang dang gti mug gi dbang gi shas kyi 'dod pa'i yon tan lnga po dag la gang sems yeng ba'o zhes bya ba smos te/ 'dod pa'i yon tan lnga ni gzugs dang sgra dang /dri dang ro dang reg go/ /'dod chags dang zhe sdang dang gti mug gi shas kyis rgyu byas nas gang sems ting nge 'dzin du rtse gcig tu dmigs pa'i tshe'am thos pa la sogs pa'i dge ba'i chos sems la sems pa'i tshe gzugs la sogs pa 'dod pa lnga'i yul la sems 'phros pa'am sems yeng bar song ba la rnam par g.yeng ba zhes bya'o//de'ang 'dod chags dang zhe sdang dang gti mug gi shas las byung bas na rdzas su med kyi btags par yod par rig par bya'o/ /de la 'dod chags dang zhe sdang dus gcig tu mi 'byung ba'i phyir yang na ni 'dod chags dang gti mug gi dbang gis g.yeng ba 'byung /yang na ni zhe sdang dang gti mug gis g.yeng ba 'byung bar rig par bya'o/ /'di'i las kyang 'dod chags dang bral ba la bar du gcod pa'i las can te/ 'dod pa lnga'i yon tan la sems la sems g.yengs par gyur pa rnams la khams gsum gyi 'dod chags spang bar bya ba la bar du gcod cing bgegs byed pa'i phyir ro//mdo dag las ni g.yeng ba rnam pa drug tu bshad do / /g.yeng ba rnam pa drug ni rang bzhin gyis g.yeng ba dang / phyi rol du g.yeng ba dang / nang du g.yeng ba dang / mtshan ma'i g.yeng ba dang / gnas ngan len gyi g.yeng ba dang / yid la byed pa'i g.yeng ba dang / de la mig gi rnam par shes pa nas lus kyi rnam par shes pa'i bar du rnam par shes pa lnga'i tshogs la ni rang bzhin gyis g.yeng ba zhes bya ste/ rnam par shes pa lnga po de dag ni rang bzhin gyis nang du rtse gcig par 'jog mi nus pa'i rang bzhin yin pa'i phyir ro//dge ba'i chos la zhugs pa'i tshe 'dod pa lnga'i yon tan la sems 'phros pa ni phyi rol du g.yeng ba zhes bya'o/ /ting nge 'dzin du zhugs pa'i tshe sems rmugs pa dang rgod pa'i dbang du btang ba ni nang du g.yeng ba zhes bya'o/ /ting nge 'dzin la sogs pa dge ba bsgoms na gzhan dag gis bdag la yon tan can yin no snyam du 'dzin pa'i dbang du byas nas dge ba la zhugs pa ni mtshan ma'i g.yeng ba zhes bya'o//ting nge 'dzin bsgoms pa'i tshe bdag dang bdag gir rtog pa 'byung ba ni gnas ngan len gyi g.yeng ba zhes bya'o/ /sngar ting nge 'dzin gcig bsgoms bsgoms pa las de'i 'og tu ting nge 'dzin gzhan sgom par byed pa ni yid la byed pa'i g.yeng ba zhes bya'o//'dir g.yeng ba drug las phyi rol gyi g.yeng ba 'ba' zhig bshad mod kyi/ g.yeng ba gzhan dag kyang rnam par g.yeng ba'i mtshan nyid yin par rig par bya'o/ /shes bzhin med pa'i rang bzhin bstan pa'i phyir/shes bzhin med pa gang zhe na zhes dris te/ shes bzhin med pa'i rang bzhin dang mtshan nyid gang zhe na zhes dris pa'i don to/ /de'i lan du/ nyon mongs pa dang rab tu ldan pa'i shes rab ste lus dang ngag dang yid kyi rgyu ba rnams la dbang med par spyod pa'o zhes bya ba smos te/shes rab gang 'dod chags dang zhe sdang la sogs pa'i nyon mongs pa dang bcas shing nyon mongs pa'i dbang du gyur cing nyon mongs pa dang 'dres pa'i shes rab la nyon mongs pa dang rab tu ldan pa'i shes rab ces bya'o/ /de ltar shes rab nyon mongs pa'i dbang du gyur pas lus kyi spyod pa 'gro 'dug ldang nyal dang / ngag gi spyod pa smra ba dang mi smra bar bya ba dang / yid kyi spyod pa bsam pa dang mi bsam par bya ba rnams la bdag da ltar 'di byed cing 'dug go zhes mi shes pa dang / bya ba dang mi bya ba'i dmigs mi shes pa na shes bzhin med pa zhes bya'o/ /'di yang gti mug gi shas las byung bas na rdzas su med kyi btags par yod par rig par bya'o//'di'i las kyang nyes pa 'byung ba'i rten byed pa ste/ lus dang ngag dang yid kyi sgo nas bya ba dang mi bya ba mi shes pas rtag tu skyon dang ltung ba sha stag 'byung ba'i phyir ro/ /nye ba'i nyon mongs pa rnams bshad zin to/ /bzhi ni gzhan du yang bshad par bya ste/ de yang 'gyod pa'i rang bzhin bstan pa'i phyir/'gyod pa gang zhe na zhes dris te/ 'gyod pa'i rang bzhin dang mtshan nyid gang zhe na zhes dris pa'i don to/ /de'i lan du yid la gcags pa'o zhes bya ba smos te/ srog gcod pa la sogs pa'i mi dge ba byas pa mtshar byas she'am/ ma legs pa zhes byas so zhes phyis yid la gdung zhing yid la gcags pa dang /sbyin pa la sogs pa'i dge ba byas pa mtshar byas so zhe'am / ma legs pa ni byas so zhes phyis mi dga' zhing yid la gcags pa'am/ btsem drub la sogs pa'i las byas pa mtshar byas she'am ma byas pa mtshar byas so zhes phyis yid la gdung zhing yid la gcags pa la 'gyod pa zhes bya'o//'gyod pa de yang rnam pa gsum ste/ dge ba dang mi dge ba dang / lung du ma bstan pa'o/ /de la sbyin pa la sogs pa'i dge ba byas pa la dge ba byas pa ma yin pa zhig byas so zhe'am/ nyes pa zhig byas zhes 'gyod pa ni 'gyod pa mi dge ba'o//yang na srog gcod pa la sogs pa'i mi dge ba ma byas par ma legs pa zhig byas so zhes 'gyod pa ni 'gyod pa mi dge ba'o/ /srog gcod pa la sogs pa mi dge ba'i las byas pa nyes pa zhig byas so zhe'am/ ma legs pa zhig byas so zhes 'gyod pa ni 'gyod pa dge ba'o//yang na sbyin pa la sogs pa dge ba ma byas pa ma legs pa zhig byas so zhes 'gyod pa de dag ni 'gyod pa dge ba'o/ /btsem drub la sogs pa'i las ma byas pa mtshar byas she'am de dag byas pa nyes pa zhig byas so zhes 'gyod pa ni 'gyod pa lung du ma bstan pa'o/ /'gyod pa gsum las 'gyod pa mi dge ba dang /'gyod pa lung du ma bstan pa gnyis ni gti mug gi shas las byung ba 'gyod pa de dag ni gti mug med pa'i shas las byung bas na rdzas su med kyi btags par yod par rig par bya'o/ /de'i las ni sems bde bar gnas pa dang / mi mthun par byed pa ste/ sems la 'gyod pa'am/gdung ba skye bar 'gyur na sems ting nge 'dzin du rtse gcig tu gnas pa'i bar chad byed pa'i phyir ro/ /gnyid kyi rang bzhin bstan pa'i phyir/ gnyid gang zhe na zhes dris te/ gnyid kyi rang bzhin dang mtshan nyid gang zhe na zhes dris pa'i don to/ /de'i lan du/ rang dbang med par 'jug pa sems mngon par sdud pa'o zhes bya ba smos te/ 'jug pa ni gzugs la sogs pa'i yul la sems zhugs shing dmigs pa'o/ /gnyid kyi dbang du song nas sems phyi rol gyi yul la 'jug pa'i dbang med pas ni rang dbang med pa zhes bya ste/ sems yul la 'jug pa'i rang dbang med pa dang sems kyis lus 'dzin par mi nus par gyur pas na lus sa la 'gyel bar 'gyur ba la gnyid ces bya'o//sems rang dbang med par byed pa ni gnyid 'ba' zhig tu yang ma zad kyi gzhan yang yod de/ dbyig pa la sogs pas phog ste brgyal ba na yang sems phyi rol tu 'jug pa'i dbang med la lus 'dzin kyang mi nus pas brgyal ba la gnyid ces bya'o snyam du 'dzin pa dgag pa'i phyir sems mngon par sdud pa'o zhes bya ba'i tshig smos te/sems mngon par sdud ces bya bas ni sems mig la sogs pa dbang po'i sgo nas phyi rol gyi yul la mi 'jug gi sems nang du bsdus pa zhes bya ba'i don to//sems nang du sdud pa ni gnyid 'ba' zhig tu ma zad kyi 'gog pa dang / 'du shes med pa'i snyoms par 'jug pa'i dus na yang sems nang du sdud par byed pas 'gog pa dang 'du shes med pa'i snyoms par 'jug pa la yang gnyid ces bya'o snyam du 'dzin pa dgag pa'i phyir rang dbang med ces bya ba'i tshig smos te/gang sems rang dbang med par yang byed la sems nang du sdud par yang byed pa de la gnyid ces bya'o/ /gnyid de yang rnam pa gsum ste/ dge ba dang / mi dge ba dang / lung du ma bstan pa'o/ /de la dge ba la sogs pa byed pa rmi lam du rmi ba ni gnyid dge ba'o//srog gcod pa la sogs pa mi dge ba rmi lam du rmi ba ni gnyid mi dge ba'o/ /btsem drub la sogs pa'i las byed par rmi lam du rmi na ni gnyid lung du ma bstan pa'o/ /yang na sbyin pa la sogs pa dge ba yid la byed pa las ni gnyid log pa ni gnyid dge ba'o//srog gcod pa la sogs pa'i las yid la byed byed pa las gnyid kyis log na ni gnyid mi dge ba'o/ /btsem drub la sogs pa'i las yid la byed pa las gnyid kyis log pa ni gnyid lung du ma bstan pa'o/ /yang na dge ba'i las yid la byed pa las sems de gnyid kyis non na gnyid mi dge ba zhes bya'o//mi dge ba yid la byed pa las sems de gnyid kyis non na gnyid dge ba zhes bya'o/ /lung du ma bstan pa'i las yid la byed pa las sems de gnyid kyis non na gnyid de lung du ma bstan pa zhes bya'o/ /gnyid kyi rgyu ni rid de nyam chung ba dang / lus ngal bar gyur pa dang / dpyid kyi dus la bab pa dang / kha zas kyis 'grangs te lus lci bar gyur ba dang / mun pa'i 'du shes yid la byas pa las gnyid skye bar 'gyur ro/ /'di yang gti mug gi shas las byung bas na rdzas su med kyi btags par yod par rig par bya'o/ /kha cig na re mi dge ba'i gnyid dang lung du ma bstan pa'i gnyid ni gti mug gi shas las byung gi dge ba'i gnyid ni gti mug gi shas las byung ba ma yin no zhes 'chad do//'di'i las ni bya ba mi 'grub pa'i rten byed pa ste/ gnyid kyis log nas las su bya ba thams cad mi 'grub cing nyams par 'gyur ba'i phyir ro//rtog pa'i rang bzhin bstan pa'i phyir rtog pa gang zhe na zhes dris te/ rtog pa'i rang bzhin dang mtshan nyid gang zhe na zhes dris pa'i don to/ /de'i lan du tshol ba yid kyis brjod pa ste/ sems pa dang shes rab kyi bye brag gang sems rtsing ba'o zhes bya ba smos te/ de la 'di go rdza ma zhig yin nam snam bu zhig yin nam ci zhig yin zhes spyi tsam rtog pa'i rnam par zhugs pa la tshol ba zhes bya'o//tshol ba de yang yid kyis brjod pa ste/ yid kyi rnam par shes pa'i rang bzhin gyi rtog pa'o zhes bya ba'i don to/ /de la yid kyis brjod pa zhes bya ba ni yid la smra bar byed ces bya ba'i don to/ /dper na tshig gis 'di ni snam bu 'di ni bum pa zhes don smra bar byed pa de bzhin du yid kyi rnam par shes pas 'di ni snam bu 'di ni bum pa'o zhes yid la smra zhing yid kyis rtog pa ni yid kyis brjod pa zhes bya'o//'dis ni rtog pa'i las bstan to/ /rtog pa de yang gang gi pha las byung zhe na/ de'i phyir sems pa dang shes rab kyi bye brag ces bya ba smos te/sems pa ni sems g.yo zhing 'gul bar byed pa'i rang bzhin yin la/ shes rab ni 'di ni yon tan can/ 'di ni nyes pa can zhes rnam par 'byed pa'i rang bzhin can yin pas sems kyi rtog pa yang de gnyis kyi dbang gis 'byung ba'i phyir/sems pa dang / shes rab gnyis kyis bye brag las rtog pa gdags pas na rtog pa 'di yang rdzas su med kyi btags par yod par rig par bya'o/ /de la bar bar ni sems dang sems pa gnyis la rtog pa gdags te/ nam rtog pa de mi rtog pa'i tshul du gnas pa'i dus na'o//bar bar ni shes rab dang sems gnyis la rtog pa gdags te/ nam rtog pa de rnam par rtog pa'i tshul du zhugs pa'i dus na'o/ /yang na sems pa dang shes rab gnyis po nyid la rtog pa zhes gdags te/ de gnyis kyi dbang gis 'di ni bum pa 'di ni snam bu zhes zhib tu rtog pa 'byung ba'i phyir ro//yang na sems 'ba' zhig la rtog pa gdags te/ nam rtog pa de mi rtog pa'i tshul du gnas pa'i dus na'o/ /yang na shes rab 'ba' zhig la rtog pa gdags te/ nam rtog pa de rtog pa'i tshul du zhugs pa'i tshe na'o/ /gang sems rtsing ba'o zhes bya ba ni bum pa'i nang na dmar po zhe'am legs pa zhe'am ma legs pa zhes zhib tu mi 'jug pa'i 'di ni bum pa 'di ni snam bu zhes spyi tsam du rtog pas na sems rtsing ba zhes bya'o//'dis ni rtog pa'i rang bzhin bstan to/ /rtog pa de la'ang rnam pa gsum ste/ dge ba dang / mi dge ba dang / lung du ma bstan pa'o/ / de la khams gsum nas 'byung bar byed pa'i chos la rtog par byed pa ni rtog pa dge ba'o/ /'dod pa lnga'i yon tan la rtog pa mi dge ba'o/ /bzo'i gnas rnam pa sna tshogs la rtog pa ni rtog pa lung du ma bstan pa'o/ /yang na 'di'i las kyang rnam pa gnyis byed de/ bde ba dang mi bde bar gnas pa'i rten byed pa'o//de la khams gsum las byung ba'i chos la rtog pa ni dge ba bde ba'i rgyur 'gyur bas na bde bar gnas pa'i rten byed pa'o/ /'dod pa lnga'i yon tan la rtog pa ni mi dge ba'i rgyur 'gyur bas na mi bde bar gnas pa'i rten byed pa'o/ /dpyod pa'i rang bzhin bstan pa'i phyir dpyod pa gang zhe na zhes dris te/dpyod pa'i rang bzhin dang mtshan nyid gang zhe na zhes dris pa'i don to/ /de'i lan du so sor rtog pa yid kyis brjod pa ste/ de bzhin du gang sems zhib pa'o zhes bya ba smos te/ sngar rtog pas 'di ni bum pa/ 'di ni snam bu zhes brtags pa las phyis bum pa'i nang na yang dmar po zhig ce'am /nag po zhig ce'am / bum pa ngos 'di ni dmar ro zhe'am/ bum pa 'di ni legs/ 'di ni ma legs zhes zhib tu dpyod par byed pa la so sor rtog pa zhes bya'o/ /so sor rtog pa de yang yid kyis brjod pa ste/ yid kyi rnam par shes pas zhib tu rnam par rtog par byed pa'i rang bzhin zhes bya ba'i don to//yid kyis brjod ces bya ba ni yid la zhib tu smra zhes bya ba'i don to/ /dper na tshig gis don gyi dngos po smra ba bzhin du yid kyis kyang bum pa 'di ni legs/ 'di ni ma legs zhes zhib tu smra zhing rtog par byed pas yid kyis brjod pa zhes bya ste de'i las bstan to/ / dpyod pa de yang ci la gdags she na/ de'i phyir de bzhin du zhes bya ba'i tshig smos te/ ji ltar rtog pa sems pa dang / shes rab kyi bye brag la gdags pa bzhin du dpyod pa 'di yang sems pa dang shes rab kyi bye brag las gdags te/ de nyid kyi shas las 'byung bas na 'di yang rdzas su med kyi btags par yod par rig par bya'o//de la bar bar ni sems dang sems pa la dpyod pa gdags te/ nam dpyod pa de mi dpyod pa'i dus su gnas pa'i tshe na'o/ /bar bar ni sems dang shes rab gnyis la dpyod pa gdags te/ nam dpyod pa de bzhin du dpyod pa'i tshul du zhugs pa'i tshe na'o/ / yang na sems 'ba' zhig la dpyod pa gdags te nam dpyod pa de mi dpyod pa'i tshul du zhugs pa'i tshe na'o/ /yang na shes rab 'ba' zhig la dpyod pa gdags te/ nam dpyod pa de zhib tu dpyod pa'i tshul du zhugs pa'i tshe na'o/ /gang sems zhib pa'o zhes bya ba ni sngar rtog pas bum pa tsam zhig tu brtags pa'i 'og tu dpyod pa 'di ni bum pa'i nang na legs pa zhig yin/'di ni ma legs pa zhig yin zhes phrar rtog par byed pas na sems zhib pa zhes bya ste des ni rang bzhin bstan to/ /dpyod pa la yang rnam pa gsum ste/ dge ba dang / mi dge ba dang / lung du ma bstan pa'o/ / de la sems can gzhan la phan gdags na thabs 'di dang 'dis phan gdags so zhes gzhan la phan 'dogs pa'i rnam pa sna tshogs la rtog par byed pa ni dpyod pa dge ba'o/ /gzhan la gnod par bya ba'i thabs sna tshogs la rtog pa ni dpyod pa mi dge ba'o/ /btsem drub la sogs pa bzo'i gnas rnams zhib tu rtog pa ni dpyod pa lung du ma bstan pa'o//yang na 'di'i las kyang bde ba dang mi bde bar gnas pa'i rten byed pa ste/ gzhan la phan gdags pa'i thabs rnam pa sna tshogs la dpyod pa ni/ bde ba'i rgyur 'gyur bas na bde bar gnas pa'i rten byed pa'o/ /gzhan la gnod par bya ba'i thabs la dpyod pa ni mi bde ba'i rgyur 'gyur bas na mi bde bar gnas pa'i rten byed pa'o//rtog pa dang dpyod pa gnyis sems pa dang / shes rab kyi bye brag la gdags par 'dra na khyad par ci yod/ smras pa/ de gnyis la khyad par yod de/ de gnyi ga sems pa dang / shes rab kyi bye brag la gdags par 'dra na yang rtog pa ni sems rtsing ba'i rang bzhin dpyod pa ni sems zhib pa'i rang bzhin yin pa'i phyir ro//bzhi gzhan du yang bshad zin to/ /gong du 'du byed kyi phung po bshad pa'i skabs su 'du byed rnams gang zhe na zhes dris nas/ lan du tshor ba dang 'du shes las gzhan pa sems las byung ba'i chos rnams kyi bdag nyid dang /sems dang mi ldan pa'i 'du byed rnams kyi bdag nyid do zhes glengs pa las 'du byed sems las byung ba rnams ni bshad zin to/ /da ni sems dang mi ldan pa'i 'du byed rnams bshad dgos te/ de'i phyir sems dang mi ldan pa'i 'du byed rnams gang zhe na zhes dris so//gnas pa dang / dmigs pa dang / rnam pa dang / dus dang / rdzas mnyam pas sems dang mnyam du skye zhing sems kyi rjes su 'brang ba med pa'i phyir sems dang mi ldan pa'i 'du byed ces bya'o/ /nyan thos rnam par smra ba pa rnams ni sems dang mi ldan pa'i 'du byed thams cad re re nas rdzas su yod par 'dod kyang /rnam par rig pa tsam du lta ba'i tshul gyis de dag btags pa tsam du yod par zad kyi rdzas su yod pa ma yin par bstan cing / de dag btags pa tsam du yod par yang ji la gdags pa bstan pa'i phyir/ gang dag gzugs dang sems dang sems las byung ba'i dus su gdags pa ste/de dag ni sems dang mi ldan pa'i 'du byed yin no zhes ma smos su zin kyang sems dang mi ldan pa'i 'du byed bshad pa'i skabs yin pas gang gzugs kyi dus la gdags pa dang / sems kyi dus la gdags pa dang / sems las byung ba'i dus la gdags pa de dag ni 'du byed sems dang mi ldan pa'o zhes bya ba'o/ /de la 'du byed sems dang mi ldan pa mang du yod pa las kha cig ni gzugs kyi dus la gdags/ kha cig ni sems kyi dus la gdags/ kha cig ni sems las byung ba'i dus la gdags te /de bas na de dag btags par yod kyi rdzas su med do zhes bya ba'i don to/ /yang na 'du byed sems dang mi ldan pa rnams gzugs dang sems dang sems las byung ba'i mthu las skyes pa'am/ de gsum gyi yan lag tu gtogs pa na gzugs dang / sems dang / sems las byung pa'i dus la gdags pa zhes bya ste/'du byed sems dang mi ldan pa de dag gzugs dang sems dang sems las byung ba'i ngag gis bskyed nas nam bdag gi ngo bo thob par gyur pa'i dus na chos de dag nyid kyi ming du btags te/ dper na 'gog pa'i snyoms par 'jug pa yang gzugs dang / sems dang sems las byung ba'i mthus bskyed par brtsams te/ nam sems 'gags pa'i tshe mtshan nyid thob par gyur pa'i skad cig ma gnyis pa phan chad 'gog pa'i snyoms par 'jug pa zhes gdags pa bzhin du 'du byed sems dang mi ldan pa gzhan yang gzugs dang sems dang sems las byung ba de dag gis thob par bya bar btsal nas/nam thob par gyur pa'i dus phan chad so so'i ming du gdags par rig par bya'o/ /'di ltar gzugs dang sems dang sems las byung ba'i mthus bskyed pa'i 'du byed sems dang mi ldan pa'i rnams nyan thos rnam par smra ba rnams ni gzugs dang sems dang sems las byung ba la ma gtogs par rdzas su logs shig na yod par rtog ste/de nyid rdzas su logs shig na yod pa ma yin par bstan cing 'du byed sems dang mi ldan pa'i rnams gzugs dang sems dang sems las byung ba'i dus su gdags so zhes bshad na/ kha cig gzugs dang sems dang sems las byung ba'i rang bzhin nyid de yin par gdags sam/'on te gzugs la sogs pa las gud na tha dad pa yod snyam du dogs pa bsal ba'i phyir/ de nyid dang gzhan du mi gdags so zhes bya ba smos te/ gzugs dang sems dang sems las byung ba'i bdag gis bskyed pa'i 'du byed sems dang mi ldan pa de dag gzugs dang sems dang sems las byung ba'i ngo bo nyid yin no zhes kyang mi gdags/gzugs dang sems dang sems las byung ba las gzhan du logs shig na yod do zhes kyang mi gdags te/ rten dang brten pa gcig na yang skyon du gyur ba'am tha dad na'ang skyon du gyur pas dper na bum pa dang sa gcig par yang mi gdags tha dad par yang mi gdags pa dang /khu tshur dang sor mo gcig par yang mi gdags tha dad par yang mi gdags pa bzhin no/ /'di ltar bum pa dang sa rang bzhin gcig par yang gdags su mi rung ste/bum pa ni lto zlum po skye sdeng sdeng po la chu 'dzin pa'i bya ba byed pa'i dbyibs can yin la sa'i dbyibs kyang rnam pa gzhan du 'dug pas sa dang gcig pa zhes gdags su yang mi rung ba las bum pa tha dad pa zhes kyang gdags su mi rung ste/ bum pa sa las byas pa'i phyir ro//de bzhin du sor mo dang khu tshur gcig pa zhes gdags su yang mi rung ste/ sor mo dang khu tshur gcig par gyur na ni sor mo brkyang ba'i tshe na yang sor mo re re la khu tshur kyi dbyibs 'dra bar snang bar gyur pa'i rigs na/ sor mo brkyang ba'i tshe sor mo re re la khu tshur gyi dbyibs 'dra ba mi snang bas gcig pa zhes gdags su yang mi rung ngo //sor mo dang khu tshur tha dad pa zhes kyang gdags su yang mi rung ste/ khu tshur ni sor mo bsdus pa las gyur pa'i phyir ro/ /de dang 'dra bar 'dir yang rten ni gzugs dang sems dang sems las byung ba'o/ /brten pa ni 'du byed sems dang mi ldan pa rnams so//gzugs dang sems dang sems las byung ba dang / 'du byed sems dang mi ldan pa gcig ces gdags su mi rung ste/ bum pa dang chu gcig par mi rung ba bzhin du rten dang brten par rang bzhin gcig par yang mi rung bar rigs pa'i phyir ro/ /gzugs dang sems dang sems las byung ba dang /'du byed sems dang mi ldan pa tha dad pa zhes bya bar yang mi rung ste/ gal te de dag tha dad par gyur na ni 'du byed sems dang mi ldan pa'i rnams gzugs dang sems dang sems las byung ba la brten mi dgos kyi de dag la ma brten par yang 'byung ba'i rigs na gzugs dang sems dang sems las byung ba la ma brten par 'du byed sems dang mi ldan pa mi 'byung bas na de dag tha dad pa zhes gdags su yang mi rung ngo //'di ltar 'du byed sems dang mi ldan pa gang zhe na zhes dris nas/ gang dag gzugs dang sems dang sems las byung ba'i dus su gdags pa ste/ de nyid dang gzhan du mi gdags so zhes spyi tsam du bstan pa de dag kyang khyad par du na ming gis gang dang gang yin pa mi shes pas khyad par shes par 'dod nas de dag kyang gang zhe na zhes dris te/ gzugs dang sems dang sems las byung ba'i dus su gdags pa de nyid dang gzhan du mi gdags pa'i 'du byed sems dang mi ldan pa de dag gang zhe na zhes dris pa'i don to//de'i lan du rnyed pa dang zhes bya ba smos te/ de lta bu'i tshul can dag go zhes bya ba'i bar du bstan to/ /de lta bu'i tshul can dag ces bya ba ni rnyed pa la sogs pa ming gis smos pa'i chos de dag dang rang bzhin 'dra ba'am/ rigs 'dra ba'am/ gzhan yang gzugs dang / sems dang sems las byung ba'i dus su gdags pa yang sems dang mi ldan pa'i 'du byed yin par bsdu'o/ /de dag kyang gang zhe na 'dir ma smos pa 'jug pa dang / so sor nges pa dang / sbyor ba dang / mgyogs pa dang / go rims dang / dus dang / yul dang / grangs dang / tshogs pa zhes bya ba la sogs pa rnams so/ /rnyed pa'i rang bzhin bstan pa'i phyir de la rnyed pa gang zhe na zhes dris te/ 'du byed sems dang mi ldan pa de dag gi nang nas rnyed pa'i rang bzhin ji lta bu yin zhes dris pa'i don to/ /de'i lan du thob pa dang ldan pa'o zhes bya ba smos te dge ba'am/mi dge ba'i chos sngon ma rnyed cing bdag la med pa las dang po nyid du rnyed par gyur pa la ni thob pa zhes bya'o/ /de ltar skad cig ma dang po la dge ba'am/ mi dge ba'i chos ma rnyed pa rnyed nas skad cig ma gnyis pa phan chad nas chos de dag bdag la yod cing de dag dang ldan pa la ni ldan pa zhes bya'o//de ltar na thob pa dang ldan pa gnyis la rnyed pa zhes bya'o zhes bstan pa yin no/ /rnyed pa de la phye na du yod pa bstan pa'i phyir/ de'ang sa bon dang / dbang dang / mngon du gyur pa dang ci rigs par sbyor ro zhes bya ba smos te/ rnyed pa de la'ang phye na rnam pa gsum yod de/sa bon rnyed pa dang / dbang rnyed pa dang / mngon du gyur pa rnyed pa'o/ /de la sa bon rnyed pa ni ma 'ongs pa na bdag dang 'dra ba'i dge ba dang / mi dge ba dang / lung du ma bstan pa'i chos bskyed pa'i phyir dge ba dang mi dge ba dang lung du mi ston pa'i chos rnams kyis rnam par shes pa'i rgyu la dge ba dang /mi dge ba dang / lung du mi ston pa'i chos kyis bskrun cing bag chags gzhag pa la sa bon rnyed pa zhes bya'o/ /de ltar rgyu bskrun pas des brtas par gyur nas bdag gi 'bras bu bskyed par bya ba la mthu dang ldan par gyur te/ gzhan gang gis kyang bar du gcad mi nus par 'bras bu bskyed pa'i mtha' ma'i skad cig ma 'bras bu skyes ni ma skyes/'bras bu skyed nus pa'i mtshan nyid du gnas pa de la ni dbang rnyed pa zhes bya'o/ /de nas de las rang gi 'bras bu grub ste/ 'bras bu skyes zin par gyur pa la ni mngon du gyur ba rnyed pa zhes bya'o/ /ci rigs par sbyar ro zhes bya ba la de 'di ltar sbyar ba'i rigs te/ji ltar sbyar ba'i rigs she na/ bar 'ga' ni sa bon la rnyed pa zhes bya'o / /bar 'ga' ni dbang la rnyed pa zhes bya/ bar 'ga' ni mngon du gyur pa la rnyed pa zhes bya'o/ /de la skad cig ma dang po ma rnyed pa las rnyed pa nas brtsams te/ skad cig ma gnyis pa dang gsum pa man chad nas dbang gi gnas rnyed kyi bar dag la sa bon zhes bya ba ni dbang dang thob par ldan pa rnyed pa gnyis la bya'i//dbang dang mngon du gyur pa la ni ldan pa 'ba' zhig tu gdags par zad kyi sa bon rnyed pa thob pa zhes mi bya'o/ /yang na sa bon rnyed pa ni 'dod pa'i 'dod chags dang ma bral ba'i rnams dge ba dang mi dge ba dang lung du bstan du med pa'i chos kyi sa bon sems kyi rgyud la rnyed pa la bya'o//dbang rnyed pa zhes bya ba ni 'dod pa'i 'dod chags dang bral ba rnams kyis nam 'dod pa na spyod pa'i ting nge 'dzin dang mngon par shes pa rnams mngon sum du bya ba la dbang yod par gyur pa la ni dbang rnyed pa zhes bya'o/ / mig gi dbang po nas lus kyi dbang po'i bar du/ dbang po lnga las so so'i yul mngon sum du byed pa ni mngon sum du gyur pa rnyed pa zhes bya'o/ /ci rigs par sbyor ro zhes bya ba ni 'di ltar rigs te/ sa bon ni rnyed pa dang sbyar/ dbang ni thob pa dang sbyar/ mngon du gyur pa ni ldan pa dang sbyar ro/ /'du shes med pa'i snyoms par 'jug pa'i rang bzhin bstan pa'i phyir/'du shes med pa'i snyoms par 'jug pa gang zhe na zhes dris te/ 'du shes med pa'i mtshan nyid du snyoms par 'jug pa'am 'du shes med pa ni 'du shes med pa'i lha rnams kyi nang du skyes pa rnam par smin pa'i 'bras bu yin te/ rnam par smin pa 'du shes med pa de thob par bya ba'i phyir snyoms par 'jug pa la 'du shes med pa'i snyoms par 'jug pa zhes bya ste/de'i rang bzhin dang mtshan nyid gang zhe na zhes dris pa'i don to/ /de'i lan du dge rgyas kyi 'dod chags dang bral la gong ma'i ma yin pa zhes bya ba la sogs pa smos so/ / de la 'dod pa'i khams kyi gnas ni nyi shu ste 'dzam bu gling 'di'i 'og na tsha ba'i sems can dmyal ba brgyad dang / gling bzhi dang / 'dod pa'i khams kyi lha drug dang / byol song dang / yi dags so/ /de la tsha ba'i sems can dmyal ba brgyad ni mnar med pa dang / rab tu gdung ba dang / gdung ba dang / 'o dod cher 'bod pa dang / 'o dod 'bod pa dang / 'dus 'joms dang / thig nag dang / yang sos so/ /gling bzhi ni lho'i 'dzam bu'i gling dang / nub kyi ba lang spyod dang / byang gi sgra mi snyan dang / shar gyi lus 'phags so/ /'dod pa'i khams kyi lha drug ni rgyal chen ris bzhi'i rigs dang /sum cu rtsa gsum dang / 'thab bral thun spyoms dang / dga' ldan dang / 'phrul dga' dang / gzhan 'phrul dbang byed do/ /gzugs kyi khams na bsam gtan dang po la gnas gsum ste/ tshangs ris dang / tshangs pa'i mdun na 'don dang / tshangs chen no//bsam gtan gnyis pa la gnas gsum ste/ 'od chung dang / tshad med 'od dang / 'od gsal lo/ /bsam gtan gsum pa la gnas gsum ste/ dge chung dang / tshad med dge dang / dge rgyas so/ /bsam gtan bzhi pa la gnas brgyad de/ sprin med dang / bsod nams 'phel dang /'bras bu che ba dang / mi che ba dang / mi gdung ba dang / shin tu legs par mthong ba dang / gya nom snang dang / 'og min no/ /gzugs med pa'i khams na skye mched pa rnam pa bzhi ste/ nam mkha' mtha' yas skye mched dang / rnam shes mtha' yas skye mched dang /cung zad med pa'i skye mched dang / cung zad med cung zad med min skye mched do/ /de la dge rgyas kyi 'dod chags dang bral ba zhes bya ba nas/ bsam gtan gsum pa la gnas gsum ste/ dge chung dang / tshad med dge dang / dge rgyas las/ dge rgyas kyi 'dod chags dang bral ba ni bsam gtan gsum pa man chad kyi 'dod chags kun spangs zhes bya ba'i don to//gong ma'i ma yin pa zhes bya ba la bsam gtan gsum pa'i gong ma ni bsam gtan bzhi pa dang gzugs med pa'i khams te/ don du na bsam gtan bzhi pa dang / gzugs med pa'i snyoms par 'jug pa'i 'dod chags da dung ma spangs zhes bya ba'i tha tshig go//'du shes med pa'i snyoms par 'jug pa de dang po'i bsams pa'am/ 'du shes gang gis snyoms par 'jug ce na/ de'i phyir 'byung ba'i 'du shes sngon du 'gro ba'i yid la byed pas zhes bya ba smos te/ gang zag so so'i skye bo 'du shes med pa'i ting nge 'dzin la snyoms par 'jug par 'dod pa des dang po snyoms par 'jug pa'i tshe na 'du shes sun 'byin te/'du shes 'di ni zug rngu yin/ 'du shes 'di ni nad yin/ 'du shes 'di ni shu ba yin/ 'du shes med pa 'di ni zhi ba yin/ gya nom pa yin/ 'byung ba yin no zhes 'du shes sun phyung nas de'i 'og tu snyoms par 'jug pas na/'byung ba'i 'du shes sngon du 'gro ba'i yid la byed pas zhes bya ba'am/ 'du shes med pa'i snyoms par 'jug pa 'di ni thar par 'gyur ba'i lam yin la/ de'i 'bras bu 'bras bu che gnam zhes bya ba'i lha rnams kyi nang du 'du shes med pa'i sems can du skyes pa ni thar pa yin gyi mya ngan las 'das pa yin no zhes yid la bya ba sngar byas nas/'du shes la sogs pa'i sems dang sems las byung ba'i 'gog par byed pas na/ 'byung ba'i 'du shes sngon du 'gro ba'i yid la byed pa zhes bya'o/ /de la sems dang sems las byung ba la rnam pa gnyis te/mi brtan pa dang brtan pa'o/ /de la mig gi rnam par shes pa nas yid kyi rnam par shes pa'i bar du rnam par shes pa drug ni mi brtan pa'i sems dang sems las byung ba zhes bya ste/ de ci'i phyir zhe na/ rnam par shes pa de drug 'gog pa'i snyoms par 'jug pa dang / 'du shes med pa'i snyoms par 'jug pa dang / sems med pa'i brgyal ba dang / gnyid stug pos non pa la sogs pa sems med pa'i dus de dag na yang rgyun chad de med pa dang / sems dang bcas pa'i dus na yang nam dge ba la dmigs pa'i tshe na mi dge ba'i sems dang lung du ma bstan pa'i sems mi gnas te med/nam mi dge ba la dmigs pa'i tshe na dge ba'i sems dang lung du ma bstan pa'i sems mi gnas te med/ nam lung du ma bstan pa la dmigs pa de'i tshe na dge ba'i sems dang mi dge ba'i sems mi gnas te med pas na 'jug pa'i rnam par shes pa drug ni mi brtan pa'i sems dang sems las byung ba zhes bya'o//kun gzhi rnam par shes pa dang nyon mongs pa'i yid gnyis ni brtan pa'i sems dang sems las byung ba zhes bya ste/ ci'i phyir zhe na/ kun gzhi yang nam dgra bcom pa thob pa'i dus na med du zin gyi 'gog pa'i snyoms par 'jug pa dang /'du shes med pa'i snyoms par 'jug pa dang / sems med pa'i brgyal ba la sogs pa sems med pa'i dus thams cad na yang yod la/ dge ba dang mi dge ba la sogs pa la dmigs pa'i sems dang bcas pa'i dus na yang rtag par yod pas na brtan pa'i sems dang sems las byung ba zhes bya la /nyon mongs pa'i yid kyang zag pa med pa'i lam gyi bden pa'i dus dang / 'gog pa'i snyoms par 'jug pa'i dus dang / mi slob pa'i dus rnams na med par zad kyi/ de las ma gtogs pa'i dus thams cad du yod pas na brtan pa'i sems dang sems las byung ba zhes bya'o/ / de ltar na don gyi shugs kyis 'di 'dra bar 'gyur te/ zag pa med pa'i lam gyi dus na nyon mongs pa'i yid med ces bshad na zag pa can 'jig rten pa rnams kyi lam gyi dus na nyon mongs pa'i yid yod do zhes bstan pa yin no/ /'gog pa'i snyoms par 'jug pa'i dus na nyon mongs pa'i yid med ces bshad na 'du shes med pa'i snyoms par 'jug pa dang 'du shes med pa'i tshe nyon mongs pa'i yid yod do zhes bstan pa yin no//mi slob pa'i dus na nyon mongs pa'i yid med ces bshad na slob pa'i dus na yod do zhes bstan pa yin no/ /de ltar sems dang sems las byung ba gnas pa dang /mi gnas pa rnam pa gnyis yod pa la 'du shes med pa'i snyoms par 'jug pa'i tshe na sems dang sems las byung ba gang 'gags she na/ de'i phyir/ sems dang sems las byung ba'i chos mi brtan pa rnams gang 'gags pa'o zhes bya ba smos te/ so so'i skye bo rnal 'byor pa des dang po 'du shes ni zug rngu/'du shes ni nad ces 'du shes sun phyung nas/ 'du shes sun 'byin pa'i bsam pa des sems de ma thag tu gnyis la sogs pa 'byung ba dang mi mthun zhing 'gal bar gyur pa'i lus skyed do/ /de las sems gzhan 'byung ba dang mi mthun pa'i lus des mig gi rnam par shes pa nas/yid kyi rnam par shes pa'i bar du rnam par shes pa'i tshogs drug sems las byung ba'i 'khor dang bcas par 'byung ba'i bgegs byas nas ril gyis mi 'byung bas bkag pas na/ sems dang sems las byung ba'i chos mi gnas pa rnams gang 'gog pa zhes bya'o//de ltar na lus kyi rnam par shes pa drug gi tshogs sems las byung ba dang bcas te rgyu bkag pas na 'du shes med pa'i snyoms par 'jug pa zhes bya ba yang gzugs kyi dus kyi khyad par la gdags kyi rdzas su med do/ /'gog pa'i snyoms par 'jug pa'i rang bzhin bstan pa'i phyir/ 'gog pa'i snyoms par 'jug pa gang zhe na zhes dris te/'gog pa'i snyoms par 'jug pa'i rang bzhin dang / mtshan nyid gang zhe na zhes dris pa'i don to/ /de'i lan du cung zad med pa'i skye mched kyi 'dod chags dang bral ba/ srid pa'i rtse mo nas gyen du bskyod pa zhes bya ba smos te/ gzugs med pa na skye mched bzhi la nam mkha' mtha' yas skye mched dang /rnam shes mtha' yas skye mched dang / cung zad med pa'i skye mched dang / cung zad med cung zad med min skye mched las 'phags pa 'gog pa'i snyoms par 'jug pa des cung zad med pa'i skye mched man chad kyi nyon mongs pa dang 'dod chags kun spangs pa na cung zad med pa'i skye mched kyi 'dod chags dang bral ba zhes bya'o//'phags pa cung zad med pa'i 'dod chags dang bral ba de srid pa'i rtse mo cung zad med cung zad med min skye mched kyi nyon mongs pa spongs pa'i phyir chas shing nyon mongs pa spang ba'i phyir brtson pa nas srid pa'i rtse mo nas gyen du bskyod pa zhes bya'o//de la so so'i skye bo 'jig rten pa'i lam la snyoms par 'jug pa rnams srid pa'i rtse mo'i 'dod chags dang ma bral yang cung zad med pa'i skye mched kyi 'dod chags dang bral ba yod pas srid pa'i rtse mo las gyen du bskyod pa zhes bya ba smos te/ so so'i skye bo 'jig rten pa'i lam la snyoms par zhugs pa rnams ni cung zad med pa'i skye mched kyi 'dod chags dang bral ba yang srid pa'i rtse mo'i nyon mongs pa mthong bas spang ba dang /bsgom pas spang ba cung zad kyang ma spangs pas srid pa'i rtse mo las gyen du bskyod ces bya ba'i tshig gis so so'i skye bo rnams kyis ni 'gog pa'i snyoms par 'jug mi nus so zhes bshad pa yin no//kha cig srid pa'i rtse mo mthong bas spang bar bya ba'i 'dod chags dang bral ba yin kyang cung zad med pa'i skye mched bsgom pas spang bar bya ba'i nyon mongs pa ma spangs te/ de'ang gang zhe na/ rgyun du zhugs pa'i 'bras bu la gnas pa dang / lan cig phyir 'ong ba'i 'bras bu la gnas pa'i 'phags pa'i bden pa de dag ste/de dag gis srid pa'i rtse mo'i mthong bas spang bar bya ba'i nyon mongs pa spangs pas srid pa'i rtse mo las gyen du bskyod kyang bsgom pas spang bar bya ba'i nyon mongs pa 'dod pa'i khams kyi dang yang ma bral bas cung zad med pa'i skye mched kyi bsgom pas spang bar bya ba yang ma spangs te/de'i phyir cung zad med pa'i skye mched kyi 'dod chags dang bral zhes smras te/ don du na 'phags pa phyir mi 'ong ba'i 'bras bu rnyed pa dang / dgra bcom pa gnyis kyis 'gog pa'i snyoms par 'jug nus kyi 'phags pa'i rgyun du zhugs pa'i 'bras bu la gnas pa dang /lan cig phyir 'ong ba'i 'bras bu la gnas pa dang / so so'i skye bos ni 'gog pa'i snyoms par 'jug mi nus so zhes bstan pa yin no/ /so so'i skye bo ni 'du shes med pa'i snyoms par 'jug pa rnams 'byung ba'i 'du shes sngon du byas nas 'du shes med pa la snyoms par 'jug na/'phags pa 'gog pa'i snyoms par 'jug pa de dag bsam pa'am 'du shes ci 'dra ba zhig /dang por byas nas 'gog pa'i snyoms par 'jug ce na/ de'i phyir/ gnas pa'i 'du shes sngon du 'gro ba'i yid la byed pas zhes bya ba smos te/ 'phags pa'i 'gog pa'i snyoms par 'jug pa de dag 'du shes med pa'i snyoms par 'jug pa bzhin du 'gog pa'i snyoms par 'jug pa de la 'byung ba'i 'du shes sngon du yid la byas nas snyoms par 'jug pa ma yin gyi/gnas pa'i 'du shes sngon du yid la byas nas snyoms par 'jug pa ste/ de dag 'gog pa la ci'i phyir 'byung ba'i 'du shes su sngon du yid la mi byed ce na/'gog pa'i snyoms par 'jug pa de ni srid pa'i rtse mo'i sar gtogs pa yin la srid pa ni khams gsum par gtogs pa yin pas khams gsum pa la 'phags pa rnams 'byung ba dang / mthar 'byin pa'i 'du shes mi skye ba'i phyir ro/ / 'o na 'gog pa de la ci 'dra ba'i 'du shes skye zhe na/ 'di ltar 'phags pa phyir mi 'ong ba dang / dgra bcom pa de dag tshor ba dang / 'du shes kyis skyo nas dang po snyoms par 'jug pa'i tshe tshor ba dang / 'du shes ni nad do/ /skran no/ /zug rngu ste/ tshor ba dang 'du shes med pa'i 'gog pa 'di ni mya ngan las 'das pa'i dngos po ma yin yang mya ngan las 'das pa dang 'dra bar bde ba yin te/bde ba 'di la thang cig gcig gnas par bya'o snyam pa'i snyoms par 'jug pa'i 'du shes sngar btang nas/ de nas srid pa'i rtse mo'i sems phra mo bskyed do/ /de nas de'i 'og tu de bas kyang phra bar byas so//de nas de bas kyang sems shin tu phra ba bskyed nas sems thams cad 'gag pa'i mtshan nyid 'gog pa'i snyoms par 'jug pa mngon sum du byed pas na gnas pa'i 'du shes sngon du yid la byed pas zhes bya'o/ /sems dang sems las byung ba la rnam pa gnyis te/ brtan pa dang mi brtan pa las 'gog pa'i snyoms par 'jug pa'i tshe na gang 'gags she na/de'i phyir sems dang sems las byung ba mi brten pa rnams dang zhes bya ba smos te/ sems dang sems las byung ba mi brtan pa ni/ mig gi rnam par shes pa nas yid kyi rnam par shes pa'i bar du sems las byung ba'i 'khor dang bcas pa drug la bya ste/gal te rnal 'byor pa 'phags pa phyir mi 'ong ba'am dgra bcom pa de 'dod pa dang / gzugs dang gzugs med pa'i khams la brten nas 'gog pa la snyoms par 'jug na 'jug pa'i rnam par shes pa drug dang bzhi dang gcig rnams rim bzhin du 'gog par byed do//de la phyir mi 'ong ba'i 'bras bu thob pa'am dgra bcom pa de 'dod pa'i khams kyi gnas sam lus la brten te 'gog pa la snyoms par 'jug na ni mi gnas yid kyi bar du 'jug pa'i rnam par shes pa drug 'gag go/ /rnal 'byor pa phyir mi 'ong ba'am dgra bcom pa de gzugs kyi khams kyi gnas sa ma lus la brten te 'gog pa la snyoms par 'jug na ni mig dang rna ba dang lus dang yid de/'jug pa'i rnam par shes pa bzhi 'gag ste/ de na zas kham gyis za ba'i 'dod chags dang bral bas sna dang lce'i rnam par shes pa gnyis med pa'i phyir ro/ /gal te rnal 'byor pa de dag gzugs med pa'i khams la brten nas 'gog pa la snyoms par 'jug na ni 'jug pa'i rnam par shes pa gcig 'gag ste/yid kyi rnam par shes pa 'gags pas na sems dang sems las byung ba mi gnas pa rnams gang 'gag pa zhes bya'o/ /de la 'gog pa'i snyoms par 'jug pa'i tshe sems dang sems las byung ba mi brtan pa 'ba' zhig 'gag gi brtan pa mi 'gag gam snyam pa la brtan pa yang 'gag par bstan pa'i phyir/brtan pa rnams las kyang kha cig gang 'gog pa'o zhes bya ba smos te/ sems dang sems las byung ba gnas pa la rnam pa gnyis te/ kun gzhi rnam par shes pa dang /nyon mongs pa'i yid gnyis la brtan pa gcig 'khor dang bcas te 'gags so zhes bya ba'i don to/ /'dir sems brtan pa gnyis las 'gog pa'i tshe 'di kho na 'gags so zhes dmigs kyis ma phyir zin kyang nyon mongs pa'i yid de'i tshe na 'gags par rig par bya'o/ /de ltar na rnal 'byor pa de 'dod pa'i khams la gnas shing snyoms par zhugs na ni 'jug pa'i rnam par shes pa gong ma drug gi steng du nyon mongs pa'i yid kyis bsnan te bdun 'gag go//gzugs kyi khams su snyoms par zhugs na ni gong ma bzhi'i steng du nyon mongs pa'i yid kyis bsnan nas lnga 'gag go//gzugs med pa'i khams su snyoms par zhugs na ni yid kyi rnam par shes pa'i steng du nyon mongs pa'i yid kyis bsnan nas gnyis 'gag go/ /de la 'gog pa 'di yang sems kyi dus kyi khyad par la gdags par zad do/ /ji lta zhe na/ dang po snyoms par 'jug pa'i tshe 'du shes dang tshor ba gnyis sun 'byin to//'du shes dang tshor ba gnyis sun phyung nas sems je phra je phrar gtang ba dang sems des kun gzhi rnam par shes pa la 'jug pa'i rnam par shes pa drug dang / nyon mongs pa'i yid kyi sa bon yod pa mthu nyams par bya'o/ / sa bon mthu nyams par byas pas kun gzhi la 'jug pa'i rnam par shes pa drug dang nyon mongs pa'i yid 'byung bar mi 'gyur te/ de ltar na kun gzhi'i sa bon nyams pa la 'gog pa'i snyoms par 'jug pa zhes bya bar zad pas na de sems kyi dus la gdags par zad kyi rdzas su yod pa ni ma yin no//'du shes med pa'i snyoms par 'jug pa dang / 'gog pa'i snyoms par 'jug pa gnyis la khyad par ci zhig gis dbye zhe na/ khyad par lngas phye ste/ lnga ni gang zag dang / sa dang yid la byed pa dang / rang bzhin dang / gdags pa'o/ /de la 'du shes med pa'i snyoms par 'jug pa ni so so'i skye bo 'jug la /'gog pa'i snyoms par 'jug pa ni 'phags pa 'jug pas na de ltar gang zag gis khyad zhugs so/ /'du shes med pa'i snyoms par 'jug pa ni dge rgyas kyi 'dod chags dang bral zhing gong ma'i 'dod chags dang bral ba ma yin pa / de las 'chi 'phos nas kyang 'bras bu che gnam gyi lha rnams kyi nang du skye la/'gog pa'i snyoms par 'jug pa ni cung zad med pa'i skye mched kyi 'dod chags dang bral zhing srid pa'i rtse mo'i nyon mongs pa spang bar bya ba'i phyir brtson la/ sa yang srid pa'i rtse mo nyid du gnas par gtogs pas sas khyad zhugs so/ / 'du shes med pa'i snyoms par 'jug pa ni dang po 'byung ba'i 'du shes sngon du 'gro ba'i yid la byed pas snyoms par 'jug la/ 'gog pa'i snyoms par 'jug pa ni gnas pa'i 'du shes sngon du 'gro ba'i yid la byed pas snyoms par 'jug pas yid la byed pas khyad zhugs so/ /'du shes med pa'i snyoms par 'jug pa'i tshe na ni mi gnas yid kyi bar du rnam par shes pa drug 'khor dang bcas par 'gog pa'i rang bzhin yin la/'gog pa'i snyoms par 'jug pa ni rnam par shes pa drug gi steng du nyon mongs pa'i yid kyis bsnan te rnam par shes pa bdun 'khor dang bcas te 'gog pa'i rang bzhin yin pas rang bzhin khyad zhugs so//'du shes med pa'i snyoms par 'jug pa ni gzugs kyi dus kyi khyad par la gdags la/ 'gog pa'i snyoms par 'jug pa ni sems kyi khyad par la gdags pas gdags pa khyad zhugs so/ /'du shes med pa'i rang bzhin bstan pa'i phyir / 'du shes med pa gang zhe na zhes dris te/'du shes med pa'i rang bzhin dang mtshan nyid gang zhe na zhes dris pa'i don to/ /de'i lan du 'du shes med pa'i snyoms par 'jug pa'i 'bras bu ste zhes bya ba smos te/ gang zag 'dod pa'i khams su 'du shes med pa'i ting nge 'dzin la snyoms par zhugs nas tshe 'phos pa dang las des 'phangs nas 'du shes med pa'i rnam par smin pa 'thob par 'gyur bas 'du shes med pa ni 'du shes med pa'i snyoms par 'jug pa'i 'bras bu zhes bya'o//'bras bu de yang dngos su gang yin zhe na/ de'i phyir/ 'du shes med pa'i sems can lha rnams kyi nang du skyes pa zhes bya ba smos te/bsam gtan bzhi pa la gnas brgyad yod pa la sprin med dang / bsod nams 'phel dang / 'bras bu che gsum ni/ so so'i skye bo'i sa yin la/ mi che ba dang / mi gdung ba dang / gya nom snang ba dang / shin tu mthong dang / 'og min dang lnga ni 'phags pa'i sa yin pa las bsam gtan bzhi pa so so'i skye bo'i gnas gsum pa'i mtha' ma 'bras bu che gnam zhes bya ba lha rnams gnas pa'i phyogs gcig na 'du shes med pa'i lha rnams gnas te/lha de'i nang du skyes pa ni 'du shes med pa'i snyoms par zhugs pa'i rnam par smin pa'i 'bras bu yin no/ / de'i tshe sems dang sems las byung ba 'gags na sems dang sems las byung ba brtan pa dang mi brtan pa gnyis las gang 'gog ce na/ de'i phyir sems dang sems las byung ba'i chos mi gnas pa rnams gang 'gog pa'o zhes bya ba smos te/ 'du shes med pa'i lha'i nang du skyes pa'i de dag dang po skyes pa'i tshe 'du shes zhig byung nas/de nas mi brtan pa'i sems dang sems las byung ba rnams rang gi lus la mi brtan pa'i sems dang sems las byung ba rang gi rigs phyi ma skye ba dang 'dra ba'i mi brtan pa'i sems dang sems las byung ba'i sa bon yod pa 'joms pa na dang por sems phra ba skye'o//de'i 'og tu sems de bas kyang phra ba skye'o/ /de'i 'og tu sems shin tu phra ba skyes nas shin tu phra bar gyur pa dang sems tha ma des sems gzhan skye bar mtshams sbyor bar mi nus te/ ci'i phyir zhe na/ rang gi lus la sems dang sems las byung ba'i sa bon yod pa mthu nyams par byas pas na sems tha ma des bdag dang 'dra ba'i sems gzhan bskyed par mi nus te/rnam par shes pa drug rnams 'gags par gyur pas na mi brtan pa'i sems dang sems las byung ba 'gag pa zhes bya'o/ /de bas na 'du shes med pa zhes bya ba yang gzugs kyi dus kyi khyad par la gdags te/de'i phyir/ de btags par yod par zad kyi rdzas su med do/ /ci ltar gzugs kyi dus kyi khyad par la gdags she na/ lus la rnam pa gnyis te/ sems dang bcas pa'i lus dang sems med pa'i lus so/ /de ltar lus rnam pa gnyis las 'du shes med pa ni/ sems dang sems las byung ba'i sa bon nyams pa'i lus kyi dus la gdags pas na/gzugs kyi dus kyi khyad par la gdags pa zhes bya'o/ /'du shes med pa ni sa dang yid la byed pa gnyis gzhag ste / gang zag dang rang bzhin dang btags pa gsum gyis bstan to/ /sa dang yid la byed pa ci'i phyir gzhag ce na/'du shes med pa'i snyoms par 'jug pa bzhin du 'du shes med pa la dge rgyas kyi 'dod chags dang bral la gong ma'i ma yin pa zhes bya ba med pas sa gzhag go/ /'du shes med pa'i snyoms par 'jug pa bzhin du 'du shes med pa la 'byung ba'i 'du shes sngon du 'gro ba'i yid la byed pa zhes bya ba med pas yid la byed pa gzhag go//phyi ma gsum gyis bshad pa ni 'du shes med par so so'i skye bo'i gang zag snyoms par 'jug pas gang zag gis bshad pa dang / 'jug pa'i rnam par shes pa drug 'gags pa'i rang bzhin yin pas rang bzhin gyis bshad pa dang / gzugs kyi dus kyi khyad par la gdags pas bshad do//srog gi dbang po'i rang bzhin bstan pa'i srog gi dbang po gang zhe na zhes dris te/ srog gi dbang po'i rang bzhin dang mtshan nyid gang zhe na zhes dris pa'i don to/ /de la srog ces kyang bya/ 'tsho ba zhes kyang bya ste/ ji srid ma shi bar gnas kyi bar du 'tsho bar byed pas na srog ces bya la/de nyid sems can ris 'dra ba rnams su gnas pa la dbang byed pas na dbang po zhes bya'o/ /de'i lan du ris 'dra ba rnams su sngon gyi las kyis 'phangs pas gang 'du byed rnams kyis gnas pa'i dus nges pa'o zhes bya ba smos te/ ris zhes bya ba ni mi dang lha la sogs pa'i sems can gyi tshogs mang po la bya'o//ris mtshungs par gyur pa la ris 'dra ba zhes bya ste/ ji ltar mtshungs she na/ lha dang mi dang lha ma yin dang byol song la sogs pa 'gro ba tha dad pa dang / las dge ba dang / mi dge ba tha dad pa'i rgyus kha cig sngon gyi las kyis 'phangs nas rgyal por byed pa dang /kha cig ni sngon gyi las kyis 'phangs nas sprang po byed pa la sogs pa sems can so sor skyes pa de dag kun kyang tshe re re yod pa las so so'i phung po lnga rgyun 'dra ba la ris 'dra ba zhes bya ste/ ris 'dra ba rnams su zhes bya ba ni sems can phung po 'dra ba 'dzin pa rnams kyi nang gnas su skyes zhes bya ba'i don to//de'ang cis skyes she na/ tshe rabs snga ma'i las dge ba dang / mi dge ba dang / mi g.yo ba'i las kyis bskyed pa na las kyis 'phangs pa zhes bya'o/ /de la mi dge ba'i las kyis ni ngan song gsum du skye bar byed do/ /dge ba'i las kyis ni mi dang 'dod pa'i khams kyi lha drug gi nang du skye par byed do//mi g.yo ba'i las kyis ni gzugs dang gzugs med pa'i khams su skye bar byed do/ /'du byed rnams kyi zhes bya ba ni phung po lnga rnams kyi zhes bya ba'i don to/ /gnas pa zhes bya ba ni dang po skye ba'i skad cig ma nas brtsams te shi ba'i bar du phung po lnga'i rgyun rgyun ma chad pa la gnas pa zhes bya'o//dus nges pa zhes bya ba ni ris mthun pa rnams su sngon gyi las dge ba dang mi dge ba'i rgyus lo brgya zhig gnas par 'gyur ba'am/ lo stong zhig gnas par 'gyur ba la sogs pa tshe'i tshad ring thung la dus nges pa zhes bya ste/ kha cig tshe ring bar dus nges kha cig tshe thung bar dus nges pa'o/ /de yang dper na byang gi sgra mi snyan gyi sems can phung po lnga'i rgyun lo stong gi bar du gnas par dus 'chad pa ste/de la srog gi dbang po zhes bya'o/ /de ltar na phung po lnga rnams gnas pa'i dus nges pa la srog gi dbang po zhes bya bar zad pas srog gi dbang po yang gzugs dang sems dang sems las byung ba gsum gyi dus la gdags par zad kyi rdzas su logs shig na yod pa ni ma yin no//ris 'dra ba'i rang bzhin bstan pa'i phyir/ ris 'dra ba gang zhe na zhes dris te/ ris 'dra ba'i rang bzhin dang mtshan nyid gang zhe na zhes dris pa'i don to/ /de'i lan du gang sems can rnams kyi lus 'dra ba'o zhes bya ba smos te/lha dang mi dang byol song dang yi dwags dang / sems can dmyal ba ste/ 'gro ba lngar skyes pa la sems can zhes bya'o/ /sems can de dag dngos po gang la bdag gam bdag gir 'dzin pa'i dngos po de la lus zhes bya ste/ 'dod pa dang gzugs kyi khams na ni phung po lnga la bdag tu 'dzin/gzugs med pa'i khams na ni phung po bzhi la bdag tu 'dzin pas don du na phung po lnga la lus zhes bya'o/ /so so'i phung po lnga char mthun pa la lus 'dra ba zhes bya ste/ mi yang mi rnams dang phung po lnga 'dra/ lha yang lha rnams dang phung po lnga 'dra/ byol song yang byol song rnams dang phung po lnga mthun pa la ris 'dra ba zhes bya'o//de la dbye na phung po lnga mthun pa 'ba' zhig la ris 'dra ba zhes gdags par ma zad kyi rgyal po so so'i cha lugs dang spyod pa mthun pa la yang ris 'dra ba zhes bya ba dang / skyes pa yang skyes par cha lugs mthun/ bud med kyang bud med dang cha lugs mthun/ ma ning yang ma ning dang cha lugs mthun/ dge slong pha yang dge slong pha dang cha lugs mthun/ dge slong ma yang dge slong mar cha lugs mthun/ dge bsnyen pha yang dge bsnyen phar cha lugs mthun/ dge bsnyen ma yang dge bsnyen mar cha lugs mthun pa dang / byol song yang nang dbye na rta yang rtar cha lugs mthun pa la sogs pa cha lugs mthun pa zhes bya'o//de ltar na phung po lnga mthun pa la ris 'dra ba zhes bya bas ris 'dra ba yang gzugs dang / sems dang / sems las byung ba'i dus la gdags par zad kyi rdzas su med do/ /skye ba'i rang bzhin bstan pa'i phyir/ skye ba gang zhe na zhes dris te/skye ba'i rang bzhin dang mtshan nyid gang zhe na zhes dris pa'i don to/ de'i lan du ris mthun pa gang 'du byed rnams ma byung ba las byung ba'o zhes bya ba smos te/ gang zhes bya ba ni sems can gang zhes bya ba'i don to/ /ris mthun par zhes bya ba ni sems can sems can so so'i phung po lnga mthun pa'i nang du tshe rabs snga ma'i las kyis 'phangs nas phung po lnga skyes pa la skye ba zhes bya ba'i don to//ris mthun pa smos pas ni 'du byed rnam pa gnyis te/ rtswa shing la sogs pa phyi'i 'du byed dang / phung po lnga ste nang gi 'du byed las/ 'dir nang gi 'du byed skyes pa la skye ba zhes bya bar 'dod kyi/ phyi'i 'du byed skyes pa rnams 'dir bshad pa'i skye ba'i nang du mi bsdu'o/ /de la nyan thos rnam par smra ba pa rnams ni phung po lnga skyes te 'gags pa dang / ma skyes te ma 'ongs pa dang / ma zhig ste da ltar gnas pa las ma gtogs par skye ba zhes bya ba'i rdzas zhig logs shig na yod par rtogs te / lta ba de bsal bar bya ba'i phyir/ 'du byed rnams ma byung ba las byung ba'o zhes bya ba smos te 'du byed rnams zhes bya ba ni phung po lnga la bya'o/ /ris mthun pa rnams su phung po lnga sngon ma skyes pa las phyis skyes pa la skye ba zhes gdags par zad kyi/ de las ma gtogs pa'i skye ba'i rdzas logs shig na yod pa ma yin no zhes bya ba'i don to//rga ba'i rang bzhin bstan pa'i phyir/ rga ba gang zhe na zhes dris te/ rga ba'i rang bzhin dang mtshan nyid gang zhe na zhes dris pa'i don to/ /de'i lan du/ de ltar de dag gi rgyun gzhan du gyur pa'o zhes bya ba smos te/ de ltar zhes bya ba ni gong du bshad pa ltar te/ ris mthun pa rnams su phung po lnga skyes pa'o/ /de dag gi zhes bya ba ni phung po lnga rnams dag gi'o/ /rgyun zhes bya ba la dang po ma'i mngal du rnam par shes pa mtshams sbyor te/ brgyal ba nas brtsams te/ mer mer po dang / nur nur po dang / ltar ltar po dang / ska ba dang / yan lag dod pa dang /byis pa dang / gzhon nu dang / dar la bab pa dang / rgas pa la sogs pa rim gyis 'byung ba las/ tha mar 'chi ba'i srid pa phung po la thug gi bar du skad cig mar gnas pa la skad cig ma snga ma snga ma ni rgyu skad cig ma phyi ma phyi ma ni 'bras bur gyur pa'i skad cig ma rnams rgyun ma chad pa la rgyun ces bya ba'am/mer mer po la sogs pa snga ma ni rgyu yin la ltar ltar po la sogs pa phyi ma phyi ma'i ni 'bras bu yin pa'i rgyu dang 'bras bur gnas pa rgyun ma chad pa la rgyun zhes bya'o/ /snga ma'i ngo bo las phyi mi'i ngo bo mi 'dra bar skyes pa la gzhan du gyur pa zhes bya ste/ mer mer po'i dus las nur nur po'i tshe gzhan du gyur pa dang /byis pa'i dus las gzhon nu'i dus gzhan du gyur pa nas/ dar la bab pa'i dus las rga ba'i dus gzhan du gyur pa la rga ba zhes bya'o zhes bya ba'i don to/ /ji ltar mer mer po las nur nur po dus gzhan du gyur pa la rga ba zhes gdags pa de bzhin du mer mer po la yang skad cig ma mang po yod pa las skad cig ma snga ma dang mi 'dra ba'i skad cig ma phyi ma gzhan skyes pa la gzhan du gyur pa zhes bya ste/de la yang rga ba zhes bya'o/ /de ltar na phung po lnga'i rgyun gzhan du gyur pa la rga ba zhes gdags pas rga ba 'di yang gzugs dang sems dang sems las byung ba'i dus la gdags pa tsam du zad kyi logs shig na rdzas su yod pa ni ma yin no zhes bstan pa yin no//de lta bas na rgyun gzhan du gyur pa la rga ba zhes gdags pas nyan thos rnam par smra ba pa rnams skad cig ma gcig la skye ba dang / gnas pa dang / rga ba dang / 'chi ba kun yod la/ de dag kyang phung po lnga las ma gtogs par logs shig na rdzas su yod de / /skye ba'i rdzas logs shig na yod pas ni dngos po skyed par byed/ gnas pa'i rdzas logs shig na yod pas ni dngos po gnas par byed/ rga ba'i rdzas logs shig na yod pas ni dngos po rga bar byed/'chi ba'i rdzas logs shig na yod pas ni dngos po zhig par byed de zhes rtog pa sel te/ phung po lnga'i rgyun gzhan du gyur pa la rga ba zhes gdags kyi skad cig ma gcig la yang rga ba zhes mi bya la rga ba zhes bya ba'i rdzas logs shig na yang yod pa ma yin zhes bya ba'i don to/ /yang na ris mthun pa rnams su phung po lnga skyes nas skad cig ma'i rgyun du gnas pa las skra dkar dang /sgur ba dang / gnyer ma can dang / 'khar ba la brten pa'i mtshan nyid du gzhan du gyur pa la rga ba zhes bya'o/ /gnas pa'i rang bzhin bstan pa'i phyir gnas pa gang zhe na zhes dris te/ gnas pa'i rang bzhin dang mtshan nyid gang zhe na zhes dris pa'i don to//de'i lan du de ltar de dag gi rgyun rjes su 'brang ba'o zhes bya ba smos te/ de ltar zhes bya ba ni gong du bshad pa ltar te/ ris mthun pa rnams su phung po lnga skyes pa'o/ /de dag gis zhes bya ba ni phung po lnga rnams kyi'o/ /rgyun zhes bya ba ni dang po ma'i mngal du rnam par shes pa mtshams sbyor ba nas brtsams te/nam ma shi'i bar du phung po lnga skad cig ma'i mtshan nyid du gnas pa la rgyun zhes bya'o/ /de ltar na skad cig ma'i mtshan nyid de dag skad cig ma snga ma'i rjes su phyi ma 'brang ste/ rjes su 'brang ba rgyun ma chad pa la gnas pa zhes bya'o/ /de ltar na phung po lnga rgyun ma chad pa la gnas pa zhes bya bas gnas pa zhes bya ba yang gzugs dang /sems dang sems las byung ba'i dus su gdags par zad kyi nyan thos rnam par smra ba pa rnams kyis skad cig ma gcig la yang gnas pa yod la gnas pa zhes bya ba'i rdzas de yang phung po lnga las ma gtogs par logs shig na yod do zhes brtags pa lta bur ni yod pa ma yin no zhes bstan pa yin no//mi rtag pa'i rang bzhin bstan pa'i phyir/ mi rtag pa gang zhe na zhes dris te/ mi rtag pa'i rang bzhin dang / mtshan nyid gang zhe na zhes dris pa'i don to/ /de'i lan du de ltar de dag gi rgyun 'jig pa'o zhes bya ba smos te/de ltar zhes bya ba ni gong du bshad pa ltar te/ ris mthun pa rnams kyi nang du phung po lnga skyes pa'o/ /de dag gi zhes bya ba ni phung po lnga dag gi'o/ /rgyun zhes bya ba ni phung po lnga po skyes pa nas brtsams te/ ma shi ba'i bar du skad cig ma'i mtshan nyid breng ma chad pa la rgyun zhes bya'o/ / 'jig pa ni ris mthun pa'i phung po lnga'i skad cig ma'i rgyun chad nas skad cig ma snga ma'i rjes su phyi ma mi 'brang ba byung ste/ ris mi mthun pa'i skad cig ma'i gzhan skyes pa la 'jig pa zhes bya ste/ de nyid la mi rtag pa zhes gdags so/ /don du ni mi la sogs pa ris mthun par skyes pa'i phung po rgyun chad de shi nas byol song la sogs pa'i phung po ris mi mthun pa'i phung po gzhan blangs pa la mi rtag pa zhes bya'o//de ltar ris mi mthun pa'i phung po lnga rgyun chad pa la mi rtag pa zhes bya ba las mi rtag pa zhes bya ba yang gzugs dang / sems dang sems las byung ba'i dus la gdags par zad de/de lta bas na nyan thos kyis brtags pa ltar skad cig ma gcig la mi rtag par brtags pa lta bu yang mi rtag pa ma yin pa ris mthun pa'i phung po lnga'i rgyun 'jig pa la ma gtogs par mi rtag pa'i rdzas logs shig na yod pa yang ma yin no zhes bstan pa yin no//smras pa phyi'i 'du byed rtswa shing la sogs pa dang / nang gi 'du byed phung po lnga ste/ gnyi ga la yang skye ba dang / rga ba dang / gnas pa dang mi rtag pa yod par 'dra bar smra ba las nang gi 'du byed 'ba' zhig la skye ba dang / rga ba dang / gnas pa dang mi rtag pa yod par bshad de/ phyi'i 'du byed rnams la ci'i phyir skye ba dang /rga ba dang / gnas pa dang / mi rtag pa yod par ma bshad/ smras pa/ bcom ldan 'das kyis 'du byed rnams kyi mtshan nyid skye ba dang / rga ba dang / gnas pa dang / mi rtag par gsungs pa gang yin pa de ni sems can gyi grangs su gtogs pa nang gi 'du byed kyi dbang du byas te gsungs kyi rtswa shing la sogs pa phyi'i 'du byed kyi dbang du byas te ma gsungs pas/slob dpon gyis kyang skye ba dang / rga ba la sogs pa nang gi 'du byed la yod par bshad kyi phyi'i 'du byed la yod par ma bshad do/ /smras pa/ phyi nang gi 'du byed gnyi ga la yang skye ba dang rga ba la sogs pa yod par 'dra ba las bcom ldan 'das kyis nang gi 'du byed 'ba' zhig la skye ba dang /rga ba yod par gsungs te/ phyi'i 'du byed rnams la ci'i phyir skye ba dang / rga ba yod par ma gsungs/ smras pa/ 'jig rten pa dang mthun par bya ba'i phyir te 'di ltar 'jig rten na ni phyi'i 'du byed rnams kyi skye ba dang rga ba la sogs 'byung ba dang /'jig pa zhes ma grags la nang gi 'du byed rnams la skye ba dang 'jig pa la ni skye ba dang / rga ba dang / gnas pa dang / mi rtag par grags pas 'jig rten du grags pa dang mthun par bya ba'i phyir bcom ldan 'das kyis kyang phyi'i 'du byed rnams kyi skye ba dang /rga ba la ni 'byung ba dang 'jig par ma gsungs/ nang gi 'du byed rnams kyi skye ba dang / 'jig pa la ni skye ba dang / gnas pa dang / rga ba dang / mi rtag par gsungs so/ /ming gi tshogs kyi rang bzhin de la ming zhes bya ba'i don bstan pa'i phyir/ ming gi tshogs gang zhe na zhes dris te/ ming gi tshogs kyi rang bzhin dang / mtshan nyid gang zhe na zhes dris pa'i don to/ /de la ming ni bum pa dang / snam bu dang / gzugs dang / sgra zhes bya ba la sogs pa'o/ /de la ming zhes bya ba'i don ci zhe na/ don la rnam par shes pa gzhol zhing 'jug par byed pa'am rnam par shes pa'i don rtogs par byed pa'i rjod par byed pa dang /rjod par byed pa la ming zhes bya'o/ /de la rjod par byed pa ni ma dang bum pa la sogs pa'i dngos po'o/ /brjod pa ni me zhes bya ba'i sgra dang bum pa zhes bya ba'i sgra la bya ste/ me dang bum pa zhes bya ba'i sgra de brjod pas rnam par shes pas me dang bum pa'i don de rtogs shing shes par 'gyur bas na me dang bum pa zhes bya ba'i sgra la ming zhes gdags so//don du na me dang bum pa la sogs pa'i don brda phrad par byed pa'i yi ge a dang ka la sogs pa mang po tshogs pa la ming zhes bya'o zhes pa'i don to//tshogs zhes bya ba ni ming yang yi ge a dang ka la sogs pa mang po 'dus pa las gyur pas na tshogs zhes bya ba'am/ yang na lha sbyin zhe'am/ mchod sbyin zhe'am/ gzugs she'am sgra zhes bya ba la sogs pa'i ming nyid grangs kyis mang ba'i phyir tshogs zhes bya'o/ /de'i lan du/ chos rnams kyi ngo bo nyid kyi tshigs bla dgas so zhes bya ba la sogs pa smos te/ de la snam bu dang / bum pa dang / gzugs dang / sgra la sogs pa dang / yang sa dang chu dang / me dang / rlung la sogs pa la tshogs rnams zhes bya'o/ /chos de dag gi ngo bo nyid ni chos de dag gi so so'i mtshan nyid la bya ste/dper na sa'i mtshan nyid ni sra ba dang / chu'i mtshan nyid ni gsher ba dang / me'i mtshan nyid ni tsha ba lta bu'o/ /de la chos rnams kyi rang bzhin ni tshig gis bstan cing brjod par mi nus pa yin te/ gal te chos rnams kyi mtshan nyid tshig gis brjod par nus na ni mi 'gyur bas ni me zhes brjod pa tsam gyis lce tshig par 'gyur la/chu zhes brjod pas skom ngoms par 'gyur ba'i rigs na / me zhes brjod pa tsam gyis kyang lce tshig par mi 'gyur la/ chu zhes brjod pa tsam gyis kyang skom ngoms par mi 'gyur bas chos rnams kyi ming sa dang / chu la sogs par bla dgas su btags pa yin pas na chos rnams kyi ngo bo nyid kyi tshig bla dgas zhes bya'o/ /de ltar chos rnams kyi mtshan nyid brjod du med kyang 'di ni sa 'di ni chu zhes brjod pa'i tshig de la ming zhes bya'o/ /de bas na ming gi tshogs 'di yang gzugs dang / sems dang sems las byung ba'i dus la gdags pas btags par yod kyi rdzas su med do/ /tshig gi tshogs kyi rang bzhin bstan pa'i phyir tshig gi tshogs gang zhe na zhes dris te/ tshig gi tshogs kyi rang bzhin dang mtshan nyid gang zhe na zhes dris pa'i don to/ /de'i lan du chos rnams kyi khyad par gyi tshig bla dgas so zhes bya ba smos te/chos ni bum pa dang / snam bu dang / gzugs dang / sgra la sogs pa'o/ /chos rnams kyi khyad par ni chos de dag gi bye brag ste/ mi rtag pa dang / sdug bsngal la sogs pa'i mtshan nyid do/ /tshig ces bya ba'i don kyang tshig ces bya ba 'dis don dang bcas pa'i khyad par khong du chud par byed cing ston par byed pas na tshig ces bya ba'am khyad par can gyi don ston cing khong du chud par byed pas na tshig ces bya'o//de ltar tshig gi don gyi khyad par ston par byed pas na/ ming dang 'jig rten gyi tshig las gtsug lag tu byas pa'i tshig bye brag yod par ston to//ci ltar zhe na/ ming gis ni chos rnams kyi ngo bo nyid ston la/ tshig gis ni chos rnams kyi khyad par nyid ston te/ ming gis me zhes brjod pa tsam du bstan pa las tshig gis me tsha ba zhes brjod na/ me tsha ba'i mtshan nyid du khyad par du ston par byed pa dang /ming gis 'dus byas zhes brjod na tshig gis 'dus byas mi rtag pa zhes brjod pas 'dus byas mi rtag pa'i mtshan nyid du ston par byed pas na ming dang tshig gnyis la bye brag yod do/ /gtsug lag gi tshig ni 'jig rten gyi tshig las kyang bye brag yod par ston to / /ji lta zhe na lha sbyin 'bras tshos zhes pa la/'jig rten pa rnams lha sbyin zhes bya ba la yang tshig gcig tu lta / 'bras zhes bya ba la yang tshig gcig tu lta/ chos zhes bya ba yang tshig gcig tu lta la/ gtsug lag las ni 'du byed kun mi rtag ces pa la tshig gcig tu 'dzin te/ des 'dus byas kun mi rtag pa yin zhes khyad par gyi don ston par byed pas na /'jig rten gyi tshig dang yang bye brag yod par ston to/ /smras pa/ lha sbyin zhes bya ba'i ming yang la dang ha la sogs pa'i yi ge tshogs pa las gyur pa yin/ 'dus byas mi rtag ces bya ba'i tshig kyang de dang ba la sogs pa'i yi ge tshogs pa las gyur pa yin na/de gnyis la khyad par ci yod/ smras pa/ ming dang tshig gnyis yi ge 'dus pa yin par khyad par med du zin kyang / don gyi khyad par las khyad par du dbye ste/ ming gis ni chos rnams kyi rang bzhin tsam ston la/ tshig gis ni chos rnams kyi khyad par ston par byed pa'i phyir ro//de bas na chos rnams kyi rang gi mtshan nyid tsam ston pa la ming zhes bya la/ chos de rtag pa yin nam mi rtag pa yin pa la sogs pa don gyi khyad par du ston par byed pa la tshig gi tshogs zhes bya'o/ /smras pa/ ming dang tshig gi tshogs gnyis las tshig gi tshogs pas ci'i phyir ming gi tshogs sngar bshad/smras pa/ chos rnams rtag pa dang mi rtag pa la sogs pa'i tshig gi gnas ni ming yin te/ bum pa zhes bya ba dang / snam bu zhes bya ba'i ming la brten nas bum pa rtag pa zhe'am bum pa mi rtag pa zhes bya ba'i tshig 'jug par 'gyur bas na tshig pas ming sngar bshad do//chos rnams kyi khyad par zhes bya ba la/ khyad par gyi don ji lta bu zhe na/ bum pa zhes bya ba ni ming yin la/ bum pa ni mi rtag pa zhes bya ba ni khyad par yin pa'am bum pa rtag pa zhes bya ba ni khyad par yin no/ /yang na 'dus byas thams cad mi rtag pa zhes brjod pa dang / ji snyed kyi 'dus byas thams cad ni mi rtag pa yin zhes khong du chud la/ de dang mi mthun pa'i 'dus ma byas ni mi rtag pa ma yin te/ mi rtag pa la sogs pas rtag pa yin par ston pa'i tshig ni chos rnams kyi khyad par gyi tshig ces bya ste/ tshig de'ang gang zhe na 'di lta ste/ 'dus byas thams cad ni mi rtag pa'o//chos thams cad ni bdag med pa'o/ /zhi ba ni mya ngan las 'das pa'o zhes gsungs pa lta bu'o / /'dus byas zhes bya ba ni rang bzhin gyi don te ming yin la/ 'dus byas bsdus nas 'dus byas thams cad mi rtag par bstan pa ni khyad par gyi don te tshig ces bya'o/ / chos zhes bya ba ni rang bzhin gyi don te ming yin la/ bsdus nas chos thams cad bdag med par bstan pa ni/ /khyad par gyi don te tshig yin no/ /mi rtag pa la sogs pa'i khyad par gyi don yang tshig gis bstan cing brjod par mi nus pa las 'dus byas mi rtag ces brjod pa 'di bla dgas su sgro btags pa yin pas na tshig bla dgas zhes bya'o//tshig de la yang grangs kyis mang du yod pa'i phyir tshig gi tshogs zhes bya'o/ /de bas na tshig 'di ni gzugs dang / sems dang sems las byung ba'i dus su gdags pas btags par yod kyi rdzas su med par rig par bya'o/yi ge'i tshogs kyi rang bzhin bstan pa'i phyir/ yi ge'i tshogs gang zhe na zhes dris te/ yi ge'i tshogs kyi rang bzhin dang mtshan nyid gang zhe na zhes dris pa'i don to/ /de'i lan du/ yi ge'i 'bru rnams te zhes bya ba smos te/ yi ge ni a dang ka la sogs pa'o/ / a dang ka nas brtsams te k+Sha'i bar du yi ge'i 'bru thams cad la yi ge'i tshogs zhes bya'o/ /yi ge de la ming rnam pa gsum du grags te 'byed pa dang / brjod pa dang / yi ge'o/ /yi ge'i don de la ci'i phyir 'byed pa zhes bya zhe na/ de'i lan du de gnyi ga 'du byed pa'i phyir ro zhes bya ba smos so //gong du bshad ma thag pa'i lha sbyin zhes bya ba'i ming dang / gong du bshad ma thag pa'i 'dus byas mi rtag ces bya ba'i tshig gnyi ga yi ges gsal bar ston par byed pas na yi ge la 'byed pa zhes bya'o/ /ji ltar na yi ges ming dang tshig gsal bar byed ce na/ nam yi ge rnams 'dus nas bum pa dang /snam bu zhes bya ba la sogs pa'i ngo bo nyid kyi tshig bla dgas su gyur pa'i tshe na ni yi ge la ming gi tshogs zhes bya la/ nam yi ge rnams 'dus nas 'dus byas mi rtag ces bya ba'i khyad par gyi tshig bla dgas su gyur pa'i tshe na ni yi ge de nyid la tshig gi tshogs zhes bya bas na yi ge ni ming dang tshig gi tshogs gsal bar byed pa yin no//smras pa/ de zhes bya ba'i sgra smos pas chog mod gnyi ga zhes smos pa'i sgra ci dgos she na/ lan du gal te de zhes bya ba'i sgra 'ba' zhig smos kyi gnyi ga'i sgra ma smos na ni yi ge bshad ma thag pa'i tshig gi tshogs 'ba' zhig gsal bar byed pa lta bur snyems kyi tshig gi tshogs kyi gong du bshad pa ming gi tshogs la gsal bar byed par mi snyems par 'gyur ro//smras pa/ de lta na gnyi ga zhes smos pas chog mod de zhes bya ba'i sgra smos ci dgos she na lan du gal te gnyi ga zhes bya ba'i sgra 'ba' zhig smos la/ de zhes bya ba'i sgra ma smos na ni gnyi ga zhes bya ba de gong du bshad pa'i ming dang /tshig gnyis la bya ba'am 'on te de ma yin pa'i chos gzhan zhig gnyis la bya gang la bya gtol med par 'gyur te/ de bas na gong du bshad pa'i ming dang tshig gnyis gsal bar yi ges 'byed de zhes bstan pa'i phyir de zhes bya ba'i tshig dang / gnyi ga zhes bya ba'i tshig smos so//yi ge'i ming gnyis bstan pa'i phyir/ brjod pa yang de dag yin te zhes bya ba smos te/ yi ge de dag la ming du brjod pa zhes kyang bya ba'i don to/ /yi ge la ci'i phyir brjod pa zhes bya zhe na/ de'i phyir ming dang tshig de la gnas nas/ don yang dag par rjod par byed pa'i phyir ro zhes bya ba smos te/yi ge'i 'bru la brten nas lha sbyin zhes bya ba'i ming byung ste/ lha sbyin zhes bya ba'i ming gis lha sbyin zhes bya ba'i rang bzhin gyi don brjod cing ston par byed pa dang / yi ge 'dus pa la brten nas 'dus byas mi rtag ces bya ba'i tshig 'byung ste/ tshig des 'dus byas mi rtag pa'i mtshan nyid du ston pa'i khyad par gyi don brjod cing ston par byed pas na yi ge la ming du brjod pa zhes bya'o//yang na yi ge la brten nas ming dang tshig byung ming dang tshig gis ni don ma nor bar ston par byed pas na yi ge la rjod par byed pa zhes bya'o/ /yi ge ming gsum pa bstan pa'i phyir/yi ge yang rnam grangs gzhan du mi 'gyur bar byed pa'i phyir zhes bya ba smos te/ a la sogs pa'i yig 'bru la/ yi ge zhes bya ba yang ji ltar ming gi tshogs mig ces bya ba dang / lag pa zhes bya ba dang / rkang pa zhes bya ba la sogs pa la ming gzhan brjod pa'i sgo nas rnam grangs gzhan du 'gyur te/mig ces kyang bya/ spyan zhes kyang bya la/ mig ces kyang bya ba'i don rnam grangs gzhan spyan zhes bya bas shes par rung ba ltar/ yi ge a la sogs pa la a zhes brjod pa las ma gtogs par a'i ming gi rnam grangs gzhan med la/ a go bar bya ba'i phyir a go bar byed pa'i a'i rnam grangs gzhan med de/rnam grangs gzhan du mi 'gyur bas na yi ge zhes bya'o/ /'di yang gzugs la sogs pa'i dus la gdags pas btags par yod par zad kyi rdzas su med do/ /de ci'i phyir ming dang tshig dang yi ge rnams bshad ce na/ ngo bo nyid la tha snyad mkhas par bya ba dang / khyad par la tha snyad mkhas par bya ba dang / de gnyi ga la tha snyad mkhas par bya ba'i phyir/ de gsum bshad de/ chos rnams kyi ngo bo nyid la tha snyad mkhas par bya ba'i phyir ni ming gi tshogs bstan to/ /chos rnams kyi khyad par la tha snyad mkhas par bya ba'i phyir ni tshig gi tshogs bstan to//de gnyi ga la tha snyad mkhas par bya ba'i phyir ni yi ge'i tshogs bstan pa'o / /so so'i skye bo'i rang bzhin bstan pa'i phyir/ so so'i skye bo nyid gang zhe na zhes dris te/ so so skye bo'i rang bzhin dang mtshan nyid gang zhe na zhes dris pa'i don to/ /de'i lan du 'phags pa'i chos rnams ma thob pa'o zhes bya ba smos te/'phags pa'i chos rnams ma rnyed pa'i mtshan nyid dang ldan pa la so so'i skye bo zhes bya'o/ /de la sdig pa mi dge ba'i chos rnams ring du spangs pa la ni 'phags pa zhes bya ste/ de'ang slob pa dang mi slob pa ste rnam pa gnyis so//de la theg pa chung ngu'i tshul gyis ni rgyun du 'jug pa dang / rgyun du 'jug pa'i 'bras bu 'thob pa dang / lan cig phyir 'ong ba la 'jug pa dang / lan cig phyir 'ong ba'i 'bras bu 'thob pa dang / phyir mi 'ong ba la 'jug pa dang phyir mi 'ong ba'i 'bras bu thob pa dang / dgra bcom pa la 'jug pa'i bar du bdun ni slob pa zhes bya'o//dgra bcom pa'i 'bras bu thob pa ni mi slob pa zhes bya'o/ /theg pa chen po'i tshul gyis ni mos pas spyod pa'i sa pa nas brtsams te/ sa bcu pa man chad kyi byang chub sems dpa' la slob pa zhes bya'o/ /'phags pa de dag gi chos ni rnam pa gsum ste/mthong ba'i lam dang / bsgom pa'i lam dang mi slob pa'i lam ste/ chos de gsum ma thob pa las so so'i skye bo nyid ces bya'o/ /de la theg pa chung ngu'i tshul gyis ni rgyun du 'jug pa thob pa'i tshe ni mthong ba'i lam zhes bya'o/ /rgyun du 'jug pa'i 'bras bu thob pa nas dgra bcom pa la 'jug pa'i bar du/drug gi tshe na ni bsgom pa'i lam zhes bya'o/ /dgra bcom pa'i 'bras bu thob pa'i tshe na ni mi slob pa'i lam zhes bya'o/ /theg pa chen po'i tshul gyis nas dang po'i tshe na ni mthong ba'i lam zhes bya'o/ /sa gnyis pa nas sa bcu man chad kyi tshe ni bsgom pa'i lam zhes bya'o//sangs rgyas kyi sa'i tshe na ni mi slob pa'i lam zhes bya'o/ /ma thob ces bya ba ni 'phags pa'i chos de rnams sems kyi rgyud dam/ phung po'i rgyud lam skyes pa la bya ste/ de ltar 'phags pa'i chos ma skyes pa'i sems kyi rgyud dam phung po'i rgyud la ni so so'i skye bo zhes bya la/phung po'i rgyud la skyes pa la ni 'phags pa zhes bya bas/ 'phags pa'i chos ma skyes pa'i sems can gyi sems kyi rgyud dam phung po'i rgyud la ni so so'i skye bo zhes bya la/ 'phags pa'i chos de dag phung po'i rgyud dam sems kyi rgyud la skyes pa la ni 'phags pa zhes bya bas so so'i skye bo zhes bya ba yang /gzugs dang sems dang sems las byung ba'i dus la gdags par zad kyi / nyan thos rnam par smra ba rnams kyi btags pa lta bur so so'i skye bo zhes bya'i rdzas logs shig na yod pa ni ma yin no zhes bya bar ston to/ /da ni de dang 'dra ba'i tshul can gyi 'du byed sems dang mi ldan pa rnams bshad par bya'o//de la 'jug pa gang zhe na/ phyi nang gi 'dus byas rnams skad cig ma'i rang bzhin du gnas pa la skad cig ma snga ma ni rgyu yin la skad cig ma phyi ma ni 'bras bu yin pa'i rgyu dang 'bras bu'i skad cig ma rgyun ma chad par 'byung ba la 'jug pa zhes bya'o/ / de bas na 'di yang gzugs dang sems dang sems las byung ba'i dus la gdags par zad kyi rdzas su ni med do/ /so sor nges pa gang zhe na/ rgyu rnam pa sna tshogs dang 'bras bu rnam pa sna tshogs la so sor nges pa zhes bya ste/ rgyu rnam pa sna tshogs ni 'bras bu yid du 'ong ba skyed pa'i rgyu grog mi gcod pa dang /ma byin par mi len pa la sogs pa legs par spyad pa mang po dang / 'bras bu yid du mi 'ong ba bskyed pa'i rgyu srog gcod pa dang / ma byin par len pa la sogs pa nyes par spyad pa rnam pa mang po'o/ /so sor nges pa 'di yang phung po lnga la gdags pas gzugs dang sems dang sems las byung ba'i dus la gdags par zad kyi rdzas su med do//sbyor ba gang zhe na/ rgyu dang 'bras bu rjes su mthun pa la sbyor ba zhes gdags te/ 'di ltar sbyin pa las ni 'bras bu longs spyod phun sum tshogs par sbyor ba dang / tshul khrims las ni lha dang mi'i bde 'gror 'gro bar sbyor ba dang bzod pa las ni byad gzugs bzang por 'gyur bar sbyor bar byed pas na sbyor ba zhes bya ste/'di yang phung po lnga la btags pas gzugs dang / sems dang sems las byung ba'i dus la gdags par zad kyi rdzas su med do/ /mgyogs pa gang zhe na/ rgyus 'bras bu myur du skyed par byed pa'am/ skad cig ma rnams la skad cig ma snga ma'i rjes su bar chad med par phyi ma skyed 'byung ba la mgyogs pa zhes bya ste/ 'di yang phung po lnga la gdags pas gzugs dang / sems dang sems las byung ba'i dus la gdags par zad kyi rdzas su med do/ / go rims gang zhe na/ rgyu dang 'bras bu rim par 'jug pa go rims zhes bya ste/ rgyu sngar byung ba 'bras bu phyis 'byung ba'o/ /'di yang phung po lnga la btags pas/ gzugs dang sems dang sems las byung ba'i dus gdags par zad kyi rdzas su med do/ /dus gang zhe na rgyu dang 'bras bu 'brel bar 'jug pa la dus zhes bya ste/ji lta zhe na/ rgyu dang 'bras bu byung ste 'gag pa de ni 'das pa'i dus zhes bya'o/ /rgyu dang 'bras bu ma byung ma 'gags pa la ni ma 'ongs pa'i dus zhes bya'o/ /rgyu dang 'bras bu byung lam 'gags pa la ni da ltar gyi dus zhes bya'o/ /de bas na 'di yang phung po lnga la btags pas gzugs dang sems dang sems las byung ba'i dus la gdags par zad kyi rdzas su med do//yul gang zhe na/ gzugs kyi phung po rgyu dang / 'bras bu'i mtshan nyid du gyur pa shar dang / nub dang / lho dang / byang dang / 'og dang / steng la sogs pa phyogs bcu na gnas pa la yul zhes bya ste/shar gyi phyogs na gzugs dang rgyu dang 'bras bu'i mtshan nyid du gnas pa la shar gyi yul zhes bya ste/ de bzhin du phyogs lhag ma dang yang sbyar ro/ /gzugs med pa'i khams na ni gzugs med pas yul du rnam par gzhag pa med do/ /de bas na 'di yang gzugs kyi dus la gdags par zad kyi rdzas su med do//grangs gang zhe na/ gzugs dang / tshor ba dang / 'du shes dang / 'du byed dang / rnam par shes pa la sogs pa so so tha dad pa la gcig gnyis zhes grangs su bzhag ste/ ci'i phyir zhe na/ tha dad pa la grangs su gzhag tu rung gi tha mi dad cing gcig pa'i bdag nyid du gnas pa la gnyis su bgrang du mi rung ba'i phyir ro//de bas na 'di yang phung po lnga la gdags pas gzugs dang / sems dang sems las byung ba'i dus la gdags par zad kyi rdzas su med do/ /tshogs pa gang zhe na/ rnam par shes pa rnams skye ba'i rgyu dang rkyen 'dus pa la tshogs pa zhes gdags te/de bas na 'di yang phung po lnga la gdags pas btags pa'i yod par zad kyi rdzas su med do/ /de ltar na sems dang mi ldan pa'i 'du byed 'di dag ni gzugs dang sems dang sems las byung ba'i dus la gdags pas btags par yod par rig par bya'o//'du byed kyi phung po bshad nas/ mjug bsdu bar bya ba'i phyir/ 'di ni 'du byed kyi phung po zhes bya'o zhes bya ba smos te/ gong du smos pa'i 'du byed sems dang ldan pa lnga bcu rtsa gcig dang / pany+tsa skan+d+ha'i nang du byung ba 'du byed sems dang mi ldan pa bcu bzhi'i steng du/de dang tshul 'dra ba 'du byed sems dang mi ldan pa dgus bsnan te/ 'di dag la 'du byed kyi phung po zhes bya ba'i don to/ /'du byed kyi phung po rnams bshad zin to / /'du byed kyi phung po'i 'og tu rnam par shes pa'i phung po smos pas de bshad pa'i skabs su bab pa'i phyir/ rnam par shes pa gang zhe na zhes dris te/rnam par shes pa'i phung po'i rang bzhin dang mtshan nyid gang zhe na zhes dris pa'i don to/ /de'i lan du dmigs pa so sor rnam par rig pa'o zhes bya ba smos te/ dmigs pa ni sems dang sems las byung ba'i yul gzugs dang / sgra dang / dri dang / ro dang / reg bya dang chos kyi bar du drug go/ /rnam par rig pa ni/ dmigs pa de dag 'dzin pa'am/ rtogs pa'am/ khong du chud pa la bya ste/ dmigs par bya ba gang yin pa rig cing shes pas na rnam par rig pa zhes bya'o/ /dmigs pa rnam par rig pa'i shes pa de la yang rnam pa drug yod de/ mig gi rnam par shes pa nas yid kyi rnam par shes pa'i bar du/ 'jug pa'i rnam par shes pa drug go/ /'jug pa'i rnam par shes pa drug po des ji ltar dmigs par rnam par rig ce na/ de la mig gi rnam par shes pa ni mig gi dbang po la brten nas gzugs la gzugs tsam du rig cing shes so//rna ba'i rnam par shes pa ni rna ba'i dbang po la brten nas sgra la sgra tsam du rig cing shes so/ /sna'i rnam par shes pa ni sna'i dbang po la brten nas dri la dri tsam du rig cing shes so/ /lce'i rnam par shes pa ni lce'i dbang po la brten nas ro la ro tsam du rig cing shes so/ / lus kyi rnam par shes pa ni lus kyi dbang po la brten nas/ reg bya la reg bya tsam du rig cing shes so/ /yid kyi rnam par shes pa ni yid kyi dbang po la brten nas chos rnams rig cing shes pas na/ rnam par shes pa drug po dag la dmigs pa rnam par rig pa zhes bya'o/ /de ltar rnam par shes pa'i rang bzhin bshad nas/de dag gi ming gi rnam grangs bstan par bya ba'i phyir/ sems dang yid dang de bzhin te zhes bya ba smos so / /'jug pa'i rnam par shes pa drug la rnam par shes pa zhes kyang bya/ dmigs pas rnam par rig pas rnam par shes pa zhes bya ba ste de la sems zhes kyang bya de la yid ces kyang bya/dper na dmigs pa rnam par rig pas rnam par shes pa zhes bya ba de bzhin du/ de la sems zhes bya ba dang / yid ces kyang bya'o/ /yang ci'i phyir de skad ces bya ba'i rnam grangs kyi don bstan pa'i phyir/ sna tshogs pa dang yid rten byed pa'i phyir bya ba smos te/sems kyi don ni sna tshogs kyi don te/ sna tshogs kyi rang bzhin bstan pa yin pa'i phyir ro / /sems zhes bya la sems de ma thag tu 'byung ba'i rten byed pa'i phyir yid ces kyang bya ba'i don to/ /de la 'jug pa'i rnam par shes pa rnams la ni ci'i phyir sna tshogs zhes bya zhe na/de ltar 'jug pa'i rnam par shes pa rnams te / gzugs la sogs pa dmigs pa so so'i rang bzhin yin pa dang / gzugs la sogs pa'i yul yang ser po dang / dkar po la sogs pa sna tshogs kyi rang bzhin yin la/ de la dmigs pa'i mig gi rnam par shes pa yang sngar sngon po la dmigs na sngon po'i rnam par skye/de nas ser po la dmigs na ser po'i rnam par skye/ de nas dmar po la dmigs na dmar po'i rnam par skye/ de nas dkar po la dmigs na dkar po'i rnam par skye ste/ yul sna tshogs pa bzhin du rnam par shes pa yang sna tshogs su skye bas na rnam par shes pa drug la sems zhes kyang bya'o//'di ltar rnam par shes pa drug dmigs pa sna tshogs la dmigs pa'i phyir sna tshogs yin pas na sems zhes bshad pa yang yul sngon po dang / ser po la sogs pa mang po rnam par shes pas skad cig mar rim gyis 'dzin pa'i rigs kyi dbang du byas nas sna tshogs zhes bya'i skad cig ma gcig la ni sna tshogs zhes mi bya ste/ci'i phyir zhe na skad cig ma gcig la ni yul nges pa dang / rnam pa nges pa'i phyir rnam pa sna tshogs med do/ /ji ltar yul nges shing rnam pa nges she na/ skad cig ma'i tshe na ni sna tshogs zhes mi bya ste/sngon po 'ba' zhig la dmigs kyi ser po la ma dmigs pa dang / sngon po la dmigs pa'i tshe sngon po'i rnam pa nyid du skyes kyi ser po'i rnam par ma skyes pa'i phyir sna tshogs med do/ /rnam par shes pa drug po sems de ma thag pa'i rten byed pa'i phyir yid ces bya ba 'di yang mig la sogs pa'i rnam par shes pa drug skyes nas 'gag go//'gags ma thag tu de'i rjes la yid kyi rnam par shes pa skyes pa'am / rnam par shes pa phyi ma drug gzhan skyes pas/ drug po snga ma 'gags ma thag pa de nyid rnam par shes pa de ma thag pa phyi ma gzhan skye ba'i rten byed pa'i phyir na drug po snga ma 'gags pa de nyid la yid ces bya'o//de ltar rnam par shes pa drug gi rang bzhin dang mig gi rnam grangs bstan nas/ dngos su'am gtso na sems zhes bya ba gang la bya bstan pa dang / rnam par shes pa'i gtso bo gang yin bstan par bya ba'i phyir/dngos su na sems ni kun gzhi rnam par shes pa ste zhes bya ba smos te/ 'jug pa'i rnam par shes pa rnam pa sna tshogs kyi rang bzhin gyi phyir sems zhes bshad pa de ni sems gtso bo zhes mi bya'i dngos su mngon sum na'am gtso bo na kun gzhi rnam par shes pa la sems zhes bya'o zhes bya ba'i don to//yang na sems kyi gtso bo ni kun gzhi rnam par shes pa yin no zhes bya ba'i don to/ /gtso bo na kun gzhi la sems zhes ci'i phyir bya ba dang / kun gzhi ci'i phyir sems rnams kyi gtso bo yin par bstan par bya ba'i phyir 'di ltar de ni 'du byed thams cad kyi sa bon bsags pa'o zhes bya ba smos te/'di ltar zhes bya ba ni/ 'og nas 'byung ba'i gtan tshigs ltar na zhes bya ba'i don to/ /de ni zhes bya ba'i sgra ni kun gzhi dang sbyar te/ kun gzhi rnam par shes pa de ni zhes bya ba'i tha tshig go/ /kun gzhi rnam par shes pa de skad cig ma'i rgyun gyis 'byung ba la skad cig ma re re la yang 'dus byas thams cad kyi sa bon bsags shing bslad pas na bsags pa'i don dang ldan pa'i phyir gtso bo'am dngos su na kun gzhi la sems zhes bya ba'i don to//kun gzhi'i skad cig ma re re la yang 'dus byas rnams kyi sa bon bsags pa yang ji ltar sogs she na/kun gzhi de la sngon sa bon yod pa rnams/ 'du byed rnams kyis yang nas yang du brtas par byas pas na de dag gi sa bon bsags pa zhes bya ba'am yang na kun gzhi de 'dus byas kyi sa bon brtas pa dang 'brel zhing ldan pas na de dag gi sa bon bsags pa zhes bya ba'o / /de'i don kyang zhib tu bshad par bya'o//'di ji ltar rgyu dang rkyen gyis byas pa rnams la 'dus byas zhes bya bas lam gyi bden pa yang rgyu rkyen gyis byas pa'i phyir/ zag pa med pa'i 'dus byas zhes bya la/ rgyu rkyen gyis byas pa'i phyir gzugs la sogs pa zag pa can gyi 'dus byas kyang yod na 'dir 'dus byas gang la bya zhe na/'di'i skabs su 'dus byas zhes bya ba ni zag pa dang bcas pa'i 'dus byas rnams la bya bar rig par bya'o/ /yang na 'dus byas thams cad kyi sa bon bsags pa zhes 'byung bas zag pa dang bcas pa'i 'dus byas dang / zag pa med pa'i 'dus byas gnyi ga la bya bar rig par bya'o//'dus byas de dag skye ba yang rkyen bzhi las skye ste/ rkyen bzhi ni rgyu'i rkyen dang / bdag po'i rkyen dang / de ma thag pa'i rkyen dang / mig gi dbang po'i rkyen to/ /de la rgyu'i rkyen ni kun gzhi rnam par shes pa la bsgos pa'i bag chags te/ 'dir gzhi dang gnas lta bur bag chags dang kun gzhi bshad mod kyi bsgo bar bya ba dang /sgo bar byed pa gnyis tha mi dad pas kun gzhi nyid ni 'du byed rnams kyi rgyu'i rkyen to/ /bdag po'i rkyen ni mig gi dbang po nas/ yid kyi dbang po'i bar du dbang po drug go/ /de ma thag pa'i rkyen ni mig la sogs pa'i rnam par shes pa drug kyang snga ma 'gags pa de yid kyi rnam par shes pa'am rnam par shes pa drug phyi ma skye ba'i rten byed pas na snga ma 'gags pa nyid ni/phyi ma'i de ma thag pa'i rkyen to/ /dmigs pa'i rkyen ni gzugs nas brtsams te chos kyi bar du yul drug go/ /'di lta bur 'dus byas rnams rkyen bzhi las skyes par ji mngon zhe na/mdo las gsungs pas na mngon te/ mdo sde las kyang mig ma nyams par gyur la gzugs rnams kyang snang bar gyur pa dang / de skyed pa yid la byed pa nye bar gnas par gyur na de ltar de dag las skyes pa'i mig gi rnam par shes pa 'byung bar 'gyur ro zhes gsungs pas rkyen bzhi la 'dus byas 'byung bar mngon no//de'i don kyang mig ma nyams pa zhes bya ba ni mig gi dbang po ling tog la sogs pas ma khebs shing ma god pa'o/ /gzugs rnams kyang snang bar gyur ces bya ba ni/ mig gi yul du gyur pa'i gzugs rnams kyang rtsig pa la sogs pas ma chod ces bya ba'i don to//de skyed pa'i yid la byed pa nye bar gnas pa zhes bya ba ni rnam par shes pa snga ma 'gags ma thag pa rnams phyi ma skyed pa'i de ma thag pa'i rkyen yin pas de ma thag pa'i rkyen kyang nye bar gnas pa zhes bya ba'i don to/ /de lta na mig dang gzugs dang de ma thag pa'i rkyen las mig gi rnam par shes pa skye bar 'gyur ro zhes bya ba'i tha tshig go//de bzhin du rna ba dang / sgra dang / de ma thag pa'i rkyen las rna ba'i rnam par shes pa skye'o zhes bya ba phyi ma rnams la yang rim bzhin du sbyar bar bya'o/ /smras pa/ khyod kyis ni rkyen bzhi las 'dus byas skye bar bshad la mdo las ni rkyen gsum las 'dus byas skye bar bshad na/ji ltar mi 'gal/ smras pa/ rgyu'i rkyen kun gzhi rnam par shes pa ni dus thams cad du yod la/ dmigs pa dang rnam pa mi gsal bar gcod pa bas shes par dka' ba'i phyir mdo las ma gsungs so/de ltar rkyen bzhi las mig gi rnam par shes pa skye ba'i 'og tu khyim 'di na bum pa brgya zhig yod dam/ ji tsam zhig yod ces tshol ba'i yid kyi rnam par shes pa 'byung ngo / /tshol ba'i yid kyi rnam par shes pa byung ba'i 'og tu 'di ni sngon po zhig yin no zhes rnam par 'jog pa'i yid kyi rnam par shes pa 'byung ngo //rnam par 'jog pa'i yid kyi rnam par shes pa'i 'og tu 'di ni sngon po nyid yin gyi ser po ma yin no zhes rnam par rtog pa'i yid kyi rnam par shes pa 'byung ngo / /de nas yid kyi rnam par shes pa de yang yul la dmigs nas/ yang na ni 'dod chags la sogs pa kun nas nyon mongs pa skye/yang na ni yul la dmigs nas 'khor ba la skyo ba la sogs pa rnam par byang ba 'byung ba'i phyogs skye bar 'gyur ro/ /de ltar na yid kyi rnam par shes pa nyon mongs pa skyes pa'i dus na bsod nams dang bsod nams ma yin pa dang / mi g.yo ba'i 'du byed rnams mngon par 'du byed do//mngon par 'du byed pa de dag gis mngon par 'du byas nas 'du byed de dag 'gags na ni ma 'gags par byed na kun gzhi la bag chags gnyis bsgo zhing brtas par byed do / /bag chags gnyis ni rgyu mthun pa'i bag chags dang /rnam par smin pa'i bag chags so/ /de la rgyu mthun pa'i bag chags zhes bya ba ni las ci 'dra ba byas pa 'bras bu yang de 'dra ba smin par 'gyur ba ste/ dper na tshe 'dir sbyin pa byas na tshe rabs gzhan du yang 'bras bu sbyin pa la dga' ba'o/ /rnam par smin pa'i bag chags ni sbyin pa'i rgyus lha dang mi'i nang du kun gzhi rnam par shes pa skyes nas longs spyod chen por 'gyur ba'o//de la kun gzhi la dge ba dang mi dge ba dang mi g.yo ba'i 'du byed rnams kyi rgyu mthun pa'i bag chags yod pa la brten nas ni tshe rabs gzhan du yang bsod nams dang bsod nams ma yin pa dang /mi g.yo ba'i 'du byed nyid skye bar 'gyur ro/ /rnam par smin pa'i bag chags yod pa la brten nas ni/ lha dang mi la sogs pa'i rigs mthun pa gzhan dag tu kun gzhi rnam par shes pa nyid skye zhing smin par 'gyur ro/ /spyod lam dang sprul ba dang / bzo'i gnas la sogs pa lung du ma bstan pa'i 'du byed rnams kyis ni ma 'ongs pa na yang bdag dang 'dra ba'i chos skyed pa'i phyir kun gzhi rnam par shes pa la rgyu mthun pa'i bag chags sogs shing brtas par byed de/ lung du ma bstan pa'i chos la rnam par smin pa'i bag chags ni med do/ ci'i phyir zhe na/ dge ba dang mi dge ba'i chos ni mthu che bas rnam par smin pa yod kyi/ lung du ma bstan pa ni zhing ba tsha can dang 'dra bas mthu chung ba'i phyir rnam par smin pa skyed par mi nus so/ /rgyu mthun pa'i bag chags la zhib tu dpyad par bya ste/ rgyu mthun pa'i bag chags la brten nas kun gzhi'i 'bras bu ngo bo nyid dang kun gzhi'i rgyu'i ngo bo ste rnam pa gnyis su gzhag go//ji lta zhe na/ 'di ltar 'du byed dge ba dang / mi dge ba dang / lung du ma bstan pa'i 'du byed rnams bdag dang 'dra ba'i rgyu mthun pa'i sa bon kun gzhi la 'jug pa'i tshe kun gzhi'i rnam par shes pa khyad par can skyed pa'i rgyu lta bur 'du byed rnams gnas pas 'du byed rnams ni rgyu yin la/kun gzhi rnam par shes pa ni 'bras bu'i mtshan nyid du gnas so/ /'di ltar dge ba dang / mi dge ba dang lung du ma bstan pa'i 'du byed rnams kyang rang gi rgyu mthun pa'i sa bon kun gzhi la yod pa la brten nas kun gzhi las 'du byed de dag 'byung bas na kun gzhi rgyu lta bur gnas la/'du byed rnams ni 'bras bu lta bur gnas so/ /rnam par smin pa'i bag chags kyi dbang du byas nas dpyad par bya ste/ 'di ltar dge ba dang mi dge ba'i 'du byed rnams kyi ni kun gzhi 'bras bu nyid du gzhag go //kun gzhi dge ba dang mi dge ba yi bag chags kyi rgyur ni mi gzhag go/ /ci'i phyir rgyur mi gzhag ce na/ kun gzhi la rnam par smin pa'i bag chags yod pa de las ma 'ongs pa na dge ba dang / mi dge ba'i rnam par smin pa gzhan bskyed pa med pas na dge ba dang mi dge ba'i 'du byed kyi rgyur kun gzhi mi gzhag go//dge ba dang mi dge ba dang 'bras bu lta bur kun gzhi gzhag pa ni rnam par smin pa'i bag chags la brtan nas lha dang mi la sogs pa'i ris mthun pa gzhan du kun gzhi skye zhing smin pa'i phyir ro/ /smras pa/ dmigs pa'i yul dang rnam pa med pa'i rnam par shes pa yang yod mi srid de/dper na 'jug pa'i rnam par shes pa rnams kyi dmigs pa'i yul ni gzugs la sogs pa yin la/ de yang sngon po la sogs pa'i rnam par skye na/ gal te kun gzhi rnam par shes pa zhes bya ba 'jug pa'i rnam par shes pa drug las ma gtogs par logs shig na yod na de dmigs pa ni ci la dmigs/yul la dmigs na yang / ji ltar dmigs zhes pa'i lan du/ de yang dmigs pa dang rnam pa yongs su mi gcod pa ste zhes bya ba smos te/ de yang zhes bya ba'i sgra ni kun gzhi dang sbyar te/kun gzhi rnam par shes pa de yang zhes bya ba'i don to/ /'jug pa'i rnam par shes pa drug rnams ni dmigs pa dang rnam pa yongs su chad pa ste/ ji lta zhe na/ 'di ltar 'jug pa'i rnam par shes pa drug la mig gi rnam par shes pa gzugs la dmigs kyi sgra la mi dmigs pa dang /rna ba'i rnam par shes pa ni sgra la dmigs kyi gzugs la mi dmigs pa nas/ yid kyi rnam par shes pa chos la dmigs pas na dmigs pa yongs su gcod do/ /mig gi rnam par shes pa sngon po la dmigs pa'i tshe sngon po'i rnam par skye'i ser po'i rnam par mi skye ba dang /ser po la dmigs pa'i tshe ser po'i rnam par skye'i/ sngon po'i rnam par mi skye bas rnam pa yongs su gcod pa'o/ /yang na 'jug pa'i rnam par shes pa drug rnams ni gzugs la dmigs pa na yang 'di ni gzugs so zhes dmigs pa la yang gsal bar gcod pa dang /'di ni sngon po zhes rnam pa la gsal bar gcod pa lta bur kun gzhi rnam par shes pa ni dmigs pa dang rnam pa yongs su mi gcod pa ste/ des dmigs pa la yang gsal bar gcod mi nus/ rnam pa la yang gsal bar gcod mi nus pa'i phyir ro/ /ci'i phyir kun gzhi rnam par shes pa dmigs pa dang rnam pa gsal bar gcod mi nus she na/'di ltar kun gzhi rnam par shes pa'i dmigs pa'i yul ni rnam pa gnyis te/ nang gi nye bar len pa'i rnam pa dang / phyi rol gyi snod la rnam par rig pa'i rnam pa yongs su ma chad pa'o/ /nang gi nye bar len pa'i rnam pa yang rnam pa gnyis te/kun brtags kyi rang bzhin la mngon par chags pa'i bag chags dang / gnas dang bcas pa'i dbang po'i gzugs so/ /kun brtags kyi rang bzhin la mngon par chags pa'i bag chags la rnam pa gnyis te/ bdag dang sems can dang srog la sogs pa yod par kun tu brtags pa la mngon par brtags pa'i bag chags dang /rnam par shes pa las ma gtogs par gzugs dang sgra la sogs pa'i chos logs shig na yod par chos la kun tu brtags pa'i rang bzhin la mngon par chags pa'i bag chags so/ /gnas dang bcas pa'i dbang po'i gzugs ni mig gi dbang po la sogs pa dbang po dang bcas pa'i lus la bya'o//phyi rol gyi snod la rnam par rig pa'i rnam pa yongs su ma bcad pa ni kun gzhi rnam par shes pa snod kyi 'jig rten la dmigs pa na ni 'di tsam tshun chad ni dmigs kyi de phan chad mi dmigs zhes tshad chad pa med par snod kyi 'jig rten rnam par rig pa'o//dper na nyin par srin bu me khyer 'phur ba ni de la 'od med pa ma yin gyi nyi ma la sogs pa'i 'od bzhin du de'i 'od gsal bar snang ba ma yin pa dang 'dra bar kun gzhi rnam par shes pa yang nang gi nye bar len pa'i rnam pa ste/ kun brtags kyi rang bzhin la mngon par zhen pa'i bag chags dang /gnas dang bcas pa'i dbang po la dmigs pa'i tshe na yang mi gsal bar dmigs sam / phra bar dmigs pa'am/ zhan par dmigs pa dang / phyi'i snod kyi 'jig rten la dmigs pa na yang mi gsal bar dmigs pa dang /phra bar dmigs pa dang / zhan par dmigs pas rang sangs rgyas dang / nyan thos dang / 'jig rten na mkhas pa rnams kyis kyang kun gzhi yul la ji ltar dmigs pa rtogs shing shes par dka' bas de'i phyir na dmigs pa dang / rnam pa yongs su mi gcod pa zhes bya ste/ kun gzhi yul la dmigs pa med pa dang yul la mi dmigs pa ni ma yin no/ /rnam par shes pa gzhan ni gsal bar dmigs shing sbom por dmigs pas na dmigs pa dang / rnam pa yongs su gcod do/ /smras pa/ dmigs pa dang rnam pa yongs su mi gcod pa'i rnam par shes pa ni yod par ni mi rigs te/dper na mig la sogs pa 'jug pa'i rnam par shes pa rnams rnam par shes pa yin pas gzugs la sogs pa'i dmigs pa dang rnam pa gsal bar gcod pa bzhin du 'jug pa'i rnam par shes pa las ma gtogs pa'i kun gzhi rnam par shes pa yod na de yang dmigs pa dang /rnam pa gsal ba yongs su gcod par 'gyur ro/ /gal te dmigs pa dang rnam pa yongs su mi gcod na ni/ kun gzhi rnam par shes pa zhes pa'i rnam par shes pa yod par mi rigs so/ /smras pa/ dper na nyan thos mdo sde pa dag 'gog pa'i snyoms par zhugs pa dang /'du shes med pa'i snyoms par zhugs pa dang / 'du shes med pa dang / gnyid stug pos non pa dang / ra ro ba dang / brgyal ba'i dus na yid kyi rnam par shes pa yod kyang yod la dmigs pa dang / rnam pa yongs su mi gcod pa zhes smras pa de bzhin du 'jug pa'i rnam par shes pa drug las ma gtogs par kun gzhi rnam par shes pa yod kyang dmigs pa dang /rnam pa yongs su mi gcod de de 'dra'o/ /de la chos rnam pa gsum ste/ dge ba dang / mi dge ba dang / lung du ma bstan pa'o//de la dge ba ni dad pa la sogs pa bcu gcig go/ /mi dge ba ni 'dod chags la sogs pa nyon mongs pa drug dang / khro ba la sogs pa nye ba'i nyon mongs pa nyi shu'o/ /yang na dge ba ni srog mi gcod pa la sogs pa dge ba bcu'o/ /mi dge ba ni srog gcod pa la sogs pa mi dge ba bcu'o//lung du mi ston pa'i chos la rnam pa gnyis te/ ma bsgribs la lung du mi ston pa dang / bsgribs la lung du mi ston pa'o/ /nga dang bdag gir rtog pa'i rang bzhin ma yin zhing de'i dri mas ma bsgos pa na kun gzhi rnam par shes pa rang bzhin ma bsgribs la dge ba dang mi dge ba'i rang bzhin ma yin pas na lung du mi ston pa'o//nga dang bdag gir rtog pa'i rang bzhin yin la de'i dri mas bsgos pas na bsgribs pa'o/ /dge ba dang mi dge ba'i rang bzhin ma yin pas na lung du mi ston pa'o/ /de ltar chos bzhi yod pa las kun gzhi rnam par shes pa dge ba'i rnam pa dang rang bzhin yin nam/mi dge ba'i rnam pa dang rang bzhin yin nam/ ma bsgribs la lung du mi ston pa'i rnam pa dang rang bzhin yin nam/ bsgribs la lung du mi ston pa'i rnam pa dang / rang bzhin yin zhes dris pa'i lan du/ rigs gcig pa dang zhes bya ba smos te/ 'jug pa'i rnam par shes pa drug rnams ni dge ba'i rang bzhin dang rnam pa yang yin/ mi dge ba'i rang bzhin dang rnam pa yang yin/ lung du ma bstan pa'i rnam pa dang rang bzhin yang yin pas rigs gcig pa ma yin no/ /ji lta zhe na 'jug pa'i rnam par shes pa drug po nam dad pa la sogs pa sems las byung ba dge ba bcu gcig dang ldan pa'i tshe na ni dge ba'i rang bzhin zhes kyang bya/'jug pa'i rnam par shes pa rnams nam 'dod chags la sogs pa nyon mongs pa dang / nye ba'i nyon mongs pa'i sems las byung ba dang ldan pa'i tshe na ni/ mi dge ba'i rang bzhin zhes bya'o/ / nam spyod lam dang bzo'i gnas la sogs pa dang ldan pa'i tshe na ni lung du ma bstan pa'i rang bzhin zhes bya'o/ /kun gzhi rnam par shes pa ni rigs gcig pa yin te ma bsgribs la lung du mi ston pa'i rang bzhin yin gyi dge ba'i rang bzhin yang ma yin mi dge ba'i rang bzhin yang ma yin/ bsgribs la lung du mi ston pa'i rang bzhin yang ma yin no/ /de la nga dang bdag gir rtog pa'i nyon mongs pa'i yid kyi dri mas ma bsgos shing de'i rang bzhin ma yin pas na ma bsgribs pa'o/ /dge ba dang mi dge ba'i rang bzhin ma yin pas na lung du mi ston pa'o/ /ci'i phyir zhe na/ gal te kun gzhi rnam par shes pa dge ba'i rang bzhin zhig yin na ni mi dge ba byed pa'i gang zag rnams la kun gzhi rnam par shes pa med pa'i skyon du 'gyur te/dge ba byed pa'i gang zag rnams la yang kun gzhi rnam par shes pa yod pas na kun gzhi rnam par shes pa mi dge ba'i rang bzhin yang ma yin no//gal te kun gzhi rnam par shes pa mi dge ba'i rang bzhin zhig yin na ni dge ba byed pa'i gang zag rnams la kun gzhi rnam par shes pa med pa'i skyon du 'gyur te/ dge ba byed pa'i gang zag rnams la yang kun gzhi rnam par shes pa yod pas/ kun gzhi rnam par shes pa mi dge ba'i rang bzhin yang ma yin no//nga dang bdag gir rtog pa'i mtshan nyid ma yin pas bsgribs la lung du ma bstan pa'i rang bzhin yang ma yin no/ /yang na dad pa la sogs pa sems las byung ba'i dge ba bcu gcig dang / kun gzhi rnam par shes pa mi ldan mi 'grogs pas na dge ba'i rang bzhin yang ma yin no//'dod chags la sogs pa nyon mongs pa dang / nye ba'i nyon mongs pa sems las byung ba rnams dang kun gzhi rnam par shes pa mi ldan mi 'grogs pas na mi dge ba'i rang bzhin yang ma yin no/ /nyon mongs pa'i yid kyis 'khor gyi sems las byung ba bdag tu gti mug pa dang /bdag tu lta ba dang / bdag tu nga rgyal dang / bdag la chags pa ste/ sems las byung ba bzhi dang kun gzhi rnam par shes pa mi ldan mi 'grogs pas na bsgribs la lung du ma bstan pa'i rang bzhin yang ma yin no//kun gzhi rnam par shes pa de dge ba'i sems las byung ba dang yang mi ldan/ mi dge ba'i sems las byung ba dang yang mi ldan/ nyon mongs pa'i yid kyis 'khor gyi sems las byung ba dang yang mi ldan na sems las byung ba gang dang ldan zhe na/ de yid la byed pa dang / reg pa dang / tshor ba dang / 'du shes dang / sems pa ste lnga kun tu 'gro ba dang ldan no/ /kun gzhi rnam par shes pa ni tshe rabs snga ma'i las dge ba dang / mi dge ba dang / mi g.yo ba'i las kyi rgyu las byung ba yin pas na gcig tu rnam par smin pa yin pa'i phyir ma bsgribs la lung du mi ston pa'i mtshan nyid du rigs gcig pa nyid do//'di ltar lnga kun du 'gro ba yang 'jug pa'i rnam par shes pa dge ba dang 'grogs pa'i tshe na ni lnga kun du 'gro ba yang dge ba zhes bya/ nam 'jug pa'i rnam par shes pa mi dge ba dang 'grogs pa'i tshe na ni lnga kun tu 'gro ba'i rang bzhin mi dge ba zhes bya'o//nam nyon mongs pa'i yid dang 'grogs pa'i tshe na ni bsgribs la lung du ma bstan pa'i rang bzhin zhes bya'o/ /nam kun gzhi rnam par shes pa dang 'grogs pa'i tshe na ni ma bsgribs la lung du ma bstan pa'i rang bzhin zhes bya'o/ /smras pa/ khyed rnam par rig pa tsam du smra bas kun gzhi rnam par shes pa dus thams cad du yod par khas blangs nas kun gzhi de rtag pa ther zug pa'i mtshan nyid du rtag par yod dam skad cig ma'i rgyun gyi rang bzhin du rtag par yod ces bya ba'i lan du rgyun du yang 'jug go zhes bya ba smos te/kun gzhi rnam par shes pa de lha dang mi la sogs pa'i rigs mthun pa'i gnas su dang po mtshams sbyar ba nas brtsams te skad cig ma'i rgyun gyis rgyun mi 'chad par 'jug pa'i rnam par shes pa bzhin du bar bar du rgyun 'chad pa yang ma yin pas kun gzhi ni mi rtag pa yin pa'i phyir rtag pa ther zug pa'i rang bzhin du rtag par yod pa ni ma yin gyi mi rtag pa'i rang bzhin du rtag par yod do zhes bya ba'i don to//ji ltar na 'jug pa'i rnam par shes pa rnams bar bar du rgyun 'chad pa yin zhe na/ ji ltar sngar mig gi rnam par shes pa skyes nas de'i rgyun chad de/ de'i 'og tu rna ba'i rnam par shes pa skyes pa'i 'og tu rgyun chad de de'i 'og tu mig gi rnam par shes pa skye ste /de bzhin du sna la sogs pa'i rnam par shes pa lhag ma rnams la yang sbyar bar bya'o/ /gzhan yang 'jug pa'i rnam par shes pa rnams ni/ sangs rgyas la sogs pa la dmigs nas dge ba'i rang bzhin du skyes pa las bud med dang dgra la sogs pa'i rnam pa'i gzugs mthong ba dang snga ma'i rang bzhin rgyun chad de mi dge ba'i rang bzhin du skye'o//bud med la sogs pa'i gzugs la dmigs nas mi dge ba'i rang bzhin du skyes pa las dge ba'i bshes gnyen gyis bshad pa thos te/dad pa skyes pa dang snga ma 'gags nas dge ba'i rang bzhin du skye'o/ /dge ba'i sems kyi rang bzhin las de rgyun chad nas lung du ma bstan pa'i sems kyi rang bzhin du skye'o/ /gzhan yang 'jug pa'i rnam par shes pa rnams ni khams chung ngu ste/ 'dod pa'i khams kyi sems kyi 'og tu khams bar ma ste gzugs kyi khams kyi sems 'byung ngo //khams bar ma'i sems kyi 'og tu khams rab ste/ gzugs med pa'i khams kyi sems 'byung bas bar bar du chad pa'o/ /nyan thos rnam par smra ba las brgal ba/ 'jug pa'i rnam par shes pa drug las ma gtogs par kun gzhi rnam par shes pa zhes bya ba yod par ci mngon/gtan tshigs ci yod/ de'i lan du 'jug pa'i rnam par shes pa drug las ma gtogs par kun gzhi rnam par shes pa zhes bya ba yod par lung las kyang 'byung la rigs pas brtags na yang mngon te de bas na gtan tshigs yod do//de la lung gi gtan tshigs ni bcom ldan 'das kyis chos mngon pa'i mdo las/ thog ma med pa'i dus ldan khams/ /chos rnams kun gyi gnas gyur pa/ /de yod pas na 'gro kun dang / /mya ngan 'das pa'ang thob par 'gyur//zhes gsungs pas kun gzhi rnam par shes pa yod par mngon no/ /lung gi tshigs su bcad pa de'i don yang 'khor ba la thog ma'i mtha' dang / /tha ma'i mtha' yod pa ma yin pas/ /thog ma med pa zhes bya'o/ /'khor ba'i thog ma med pa dang / tha ma med pa'i bar du kun gzhi rnam par shes pa rtag tu yod pas na thog ma med pa'i dus ldan zhes bya'o//kun gzhi rnam par shes pa de thog ma med pa'i dus nas/ kun nas nyon mongs pa'i chos thams cad kyi rgyu yin pas na khams zhes bya ste/ khams zhes bya ba ni rgyu la bya'o/ /don de nyid gsal bar bstan par bya ba'i phyir/chos rnams kun gyi gnas gyur pa/ /zhes bya ba smos te/ kun gzhi rnam par shes pa de kun nas nyon mongs pa'i chos thams cad kyi sa bon gyi rten du gyur pa dang / rgyur gyur pas na/ /chos rnams kun gyi gnas gyur pa/ /zhes bya'o/ /de yod pas na 'gro kun dang //mya ngan las 'das pa'ang 'thob par 'gyur/ /zhes bya ba ni chos rnams kun gyi gnas gyur pa'i kun gzhi rnam par shes pa de yod pas 'gro ba lnga po kun du skye ba yang yod la mya ngan las 'das pa thob par gyur pa yang yod do zhes bya ba'i don to/ /yang na kun gzhi rnam par shes pa de 'khor ba thog ma med pa nas kun nas nyon mongs pa'i chos thams cad kyi rgyu dang gzhi byed pas na thog ma med pa'i dus ldan khams zhes bya ba smos so//kun gzhi rnam par shes pa de rnam par byang ba'i chos thams cad kyi sa bon gyi gzhi dang rten du byed pas na/ chos rnams kun gyi gnas gyur pa//zhes bya'o/ /de ltar kun gzhi de kun nas nyon mongs pa rnams kyi rgyu byed pa de yod pas na/ 'gro ba lnga po kun du skye ba yang yod do/ /kun gzhi rnam par shes pa de rnam par byang ba'i chos rnams kyi gzhi byed pas na mya ngan las 'das pa yang des thob par 'gyur ro zhes bya ba'i don to//lung gi gtan tshigs gzhan gyis kyang kun gzhi rnam par shes pa de yod par bstan te/ 'phags pa dgongs pa nges par 'grel pa'i mdo las/ len pa'i rnam par shes pa zab cing phra/ /sa bon thams cad chu bo'i rgyun bzhin 'bab/ /bdag tu rtog par gyur na mi rung zhes//de ni byis pa rnams la ngas ma bstan/ /zhes gsungs pas na 'jug pa'i rnam par shes pa drug las ma gtogs par kun gzhi rnam par shes pa yod par mngon no/ /kun gzhi rnam par shes pa 'dis tshe gcig nas gcig tu lus len cing rang gi yul gang yin pa shes par byed pas kun gzhi rnam par shes pa la ming du len pa'i rnam par shes pa zhes bya'o//kun gzhi rnam par shes pa de so so'i skye bo rnams kyis mi rigs pas na zab pa'o/ /'phags pa nyan thos dang rang sangs rgyas rnams kyis mi rigs pas na phra ba'o/ /yang na kun gzhi de sangs rgyas dang byang chub sems dpa' rnams kyi spyod yul yin pas na zab pa'o //nyan thos dang rang sangs rgyas rnams kyi spyod yul ma yin pas na phra ba'o/ /kun gzhi la kun nas nyon mongs pa thams cad kyi sa bon gyi rten byed pas na sa bon thams cad pa zhes bya'o/ /'o na kun gzhi de rtag pa zhig yin nam mi rtag pa zhig yin nam snyam pa la/chu bo bzhin du 'bab ces bya ba smos te/ dper na chu bos shing dang rdo la sogs pa khyer nas skad cig ma'i rgyun gyis 'bab pa de bzhin du kun gzhi rnam par shes pa yang lnga kun tu 'gro ba dang 'grogs nas skad cig ma'i rgyun du rgyun mi 'chad par 'khor bar 'jug pas na mi rtag pa yin pa'i phyir chu bo bzhin du 'bab pa zhes bya'o//de ltar kun gzhi rnam par shes pa yod na ci'i phyir bdag cag la ma bstan ma bshad snyam pa la/ /de ni byis pa rnams la ngas ma bstan/ /zhes bya ba smos te/ so so'i skye bo dang rang sangs rgyas dang dgra bcom pa'i rigs can pa rnams la byis pa zhes bya ste/kun gzhi de yod kyang byis pa de dag la ngas ma bshad do zhes bya ba'i don to/ /kun gzhi de yod na ci'i phyir byis pa rnams la mi bshad snyam pa la/ bdag tu rtog par gyur na mi rung ngo / / zhes bya ba smos te/ kun gzhi de bshad na 'khor ba'i tha ma'i mtha'i bar du rgyun mi 'chad par 'byung bas bdag ces bya ba yang de yin no snyam du kun gzhi la bdag tu 'dzin par 'gyur te/ byis pa rnams kyis kun gzhi la bdag tu bzung na mi rung bas bdag tu 'dzin par mi gzhug pa'i phyir ngas ma bshad do zhes bya ba'i don to//rigs pa'i gtan tshigs gnyis kyis kun gzhi yod par bstan pa'i phyir gang gi phyir 'gog pa'i snyoms par 'jug pa dang / 'du shes med pa'i snyoms par 'jug pa dang / 'du shes med pa pa las langs nas yang yul rnam par rig pa 'jug pa'i rnam par shes pa 'byung ba dang zhes bya ba smos te/rtsa ba las ma byung mod kyi de bas na 'jug pa'i rnam par shes pa drug las ma gtogs par kun gzhi rnam par shes pa yod par mngon no zhes bya ba'i tshig lhag ma lus pa'o/ /'di ltar 'gog pa'i snyoms par 'jug pa dang / 'du shes med pa'i snyoms par 'jug pa dang / 'du shes med pa par gyur nas 'jug pa'i rnam par shes pa drug rnams ma lus par 'gags na phyis de dag las langs pa'i tshe kun gzhi rnam par shes pa med na 'jug pa'i rnam par shes pa rnams ci las skyes te skye bar mi rung ngo / /de bas na 'gog pa'i snyoms par 'jug pa dang /'du shes med pa'i snyoms par 'jug pa dang / 'du shes med pa pa las langs pa'i tshe na yang 'jug pa'i rnam par shes pa rnams skye zhing 'byung bas na kun gzhi rnam par shes pa yod par mngon no/ /de skad du bshad pa dang / nyan thos rnam par smra ba pa rnams kyis smras pa/'di ltar bdag cag ni 'das pa yang rdzas su yod par 'dod pas ting nge 'dzin de dag la dang po sbyor ba'i sems 'gog pa la zhugs pa de yang phyis ldang ba'i sems kyis de ma thag pa'i rkyen du 'dod de/ de bas na sbyor ba'i sems kyi de ma thag pa'i rkyen de las langs pa'i tshe 'jug pa'i rnam par shes pa rnams skye bas kun gzhi mi dgos so//rnam par rig pa tsam du smra bas brgal ba/ dang po sbyor ba'i sems de byung bas 'gags pa'i 'og tu snyoms bar 'jug pa'i rdzas mang pos bar du chod de snga ma 'gags nas ring du lon nas phyis ldang ba'i tshe ji ltar na snga ma 'gags pa'i sems de las 'jug pa'i rnam par shes pa skye/nyan thos rnam par smra ba pa rnams kyis lan smras pa/ bar du chod ces pa'i don ni rigs 'dra ba'i rdzas mang pos bar du chod pa ni bar du chod pa'i don du 'dod pas de ma thag pa'i rkyen du mi rung gi rigs mi 'dra ba'i rdzas mang pos bar du chod pa ni bar du chod pa ma yin pas de ma thag pa'i rkyen du 'dod de/de bas na dang po sbyor ba'i sems dang tha ma ldang ba'i sems gnyis kyi bar na ting nge 'dzin gyi rdzas rigs mi mthun pas ma chod pa'i phyir/ snga ma sbyor ba'i sems las phyi ma ldang ba'i tshe 'jug pa'i rnam par shes pa skye bas na 'gal ba med do //rnam par rig pa tsam du smra bas smras pa/ dang po sbyor ba'i sems de las langs pa'i sems skye bar ni mi rigs te/ ci'i phyir zhe na/ dang po'i sbyor ba'i sems 'gags nas bar du ting nge 'dzin gyi rdzas mang pos chod de yun ring du lon pa las gang 'gags pa de ni yod pa ma yin te/cung zad kyang med pas na 'gag pa med pa las ldang ba'i tshe sems 'byung bar mi rigs te/ dper na nam mkha'i me tog dang bdag dang gtso bo la sogs pa bzhin no/ /'di ltar nam mkha'i me tog dang / mu stegs can gyis brtags pa'i bdag dang gtso bo la sogs pa yod pa ma yin pas med pa'i chos de dag ni chos gang gi rgyu yang mi byed la/de dag las 'bras bu gang yang mi 'byung ba bzhin du dang po sbyor ba'i sems ni 'gags te med pa yin pas med pa de ni chos gang gi rgyu yang mi byed la/ de las 'bras bu gang yang 'byung bar mi 'gyur ro//de ltar nyan thos rnam par smra ba pa rnams sun byung ba dang / mdo sde pas smras pa/ rnam par smra ba pa rnams kyi sbyor ba'i sems des 'gog pa'i sems bskyed nas sems 'gags pa'i 'og tu snyoms par 'jug pa'i rdzas mang pos bar du chod nas sbyor ba'i sems las ldang ba'i tshe 'jug pa'i rnam par shes pa skye bar mi rung na yang /'gog pa'i snyoms par 'jug pa dang / 'du shes med pa'i snyoms par 'jug pa dang / 'du shes med pa'i tshe na lus yod pas lus las phyis ldang ba'i tshe sems bskyed pas na kun gzhi dgos pa med do//ji ltar sems lus las skyes she na/ 'di ltar dbang po dang bcas pa'i gzugs dang sems gnyis ni gcig la gcig sa bon 'jog ste/ bar 'ga' ni dbang po dang bcas pa'i gzugs la sems kyi sa bon 'jog pas gzugs las sems 'byung ste/ gang gi tshe zhe na/rnal 'byor pa 'gog pa'i snyoms par 'jug pa'am/ 'du shes med pa'i snyoms par 'jug pa'am/ 'du shes med pa'i tshe na gzugs la sems kyi sa bon gzhag pas/ nam langs pa'i dus na dbang po dang bcas pa'i gzugs las sems skye bas na gzugs la sems kyi sa bon gnas so//bar 'ga' ni sems la gzugs kyi sa bon 'jog ste/ gang gi tshe zhe na/ rnal 'byor ba 'dod pa'i khams nas shi 'phos te gzugs med pa'i khams su skyes pa dang / gzugs med pa'i khams su gzugs thams cad ma lus pa med par 'gyur ro/ / de nas rnal 'byor pa de gzugs med pa'i khams nas shi 'phos te/ 'dod pa'i khams su skyes pas na gzugs 'gags te ring du lon mod kyi sems nyid las dbang po dang bcas pa'i gzugs 'byung bas na sems la gzugs kyi sa bon gnas so/ /de ltar lus dang sems gnyis gcig gi rgyu gcig gis byed pas 'gog pa'i snyoms par 'jug pa la sogs pa'i dus na yang ldang ba'i tshe lus las skye bas na kun gzhi mi dgos so//smras pa/ yong ni sems can gyi sems kyi rgyud gcig tu zad na/ de ltar bshad na ni sems can re re la yang sems kyi rgyud gnyis gnyis yod par 'gyur ro//gang zhe na sems kyi rgyud gcig ni dbang po dang bcas pa'i gzugs las 'byung ba ste/ nam 'gog pa dang / 'du shes med pa'i snyoms par 'jug pa dang / 'du shes med pa'i tshe na'o/ /sems kyi rgyud gnyis pa ni sems gzhan las 'byung ba ste/'di ji ltar skad cig ma snga ma'i rgyus skad cig ma phyi ma'i sems skye ba'o/ /yong ni sems can gyi rgyud ni gcig tu zad de sems de nyid las sems nyid skye bar zad na/ de lta na ni sems can re re la yang sems kyi rgyud gnyis gnyis yod par 'gyur ro/ /ji lta zhe na/sems kyi rgyud gcig ni lus yin te/ nam 'gog pa la sogs pa la snyoms par zhugs nas langs pa'i tshe na'o/ /sems kyi rgyud gcig ni sems nyid yin te/ gang sems kyi skad cig ma snga ma 'gags pa las skad cig ma phyi ma'i sems skye ba na'o/ /gzhan yang lus las sems skye na ni 'di ltar 'dod pa dang gzugs kyi khams su rnal 'byor ba snyoms par zhugs pa'i tshe na dbang po dang bcas pa'i lus las sems skye bar rung na /nam rnal 'byor pa gzugs med pa'i khams su 'gog pa la snyoms par zhugs pa de'i tshe gzugs med pas phyis ji ltar ldang zhing sems skye ste ldang ba med par 'gyur ro//ma langs pa na mya ngan las 'das par 'gyur te/ de bas na lus las sems skye zhes bya ba 'di yang mi rigs so/ /yang lung gi gtan tshigs kyis kun gzhi rnam par shes pa yod par bstan te/ mdo las kyang 'gog pa la snyoms par zhugs pa na rnam par shes pa ni lus dang ma bral lo zhes gsungs pas na kun gzhi rnam par shes pa yod par mngon no/de skad du bshad pa dang / slob dpon ba su mi tras smras pa/ 'gog pa la snyoms par zhugs pa'i tshe yid kyi rnam par shes pa mi gsal ba de'i mtshan nyid du de na yod de/ de bas na mdo las kyang 'gog pa la snyoms par zhugs pa na rnam par shes pa ni lus dang ma bral ba'o zhes gsungs kyi kun gzhi la ni mi bya'o zhes smra'o/ /lan du 'gog pa la snyoms par zhugs pa'i tshe yid kyi rnam par shes pa mi gsal bar gnas pas rnam par shes pa lus las ma bral lo zhes bya bar mi rigs te/de bas na kun gzhi rnam par shes pa nyid 'gog pa la snyoms par zhugs pa'i tshe lus las ma bral bar rigs so/ /slob dpon ba su mi tras smras pa/ 'gog pa la snyoms par zhugs pa'i tshe kun gzhi las ma gtogs par yid kyi rnam par shes pa lus dang ma bral bar ci'i phyir mi rigs/lan du smras pa/ 'gog pa la snyoms par zhugs pa'i tshe yid kyi rnam par shes pa yod par khas blangs na ni nyes pa dang po skyon du 'gyur ro/ /ji ltar zhe na/ yid kyi rnam par shes pa de na yod pa dang / skad cig ma'i ngang la gnas pas de ma thag pa'i rkyen kyang yod la 'gog pa la sogs pa'i dus na dbang po ma nyams pas mig la sogs pa'i dbang po yang yod do/ /yul med par rnam par shes pa gnas mi srid pas yul yang yod par 'gyur te/ de ltar na yul dang dbang po dang rnam par shes pa gsum 'dus pas reg pa skye'o//reg pa'i rkyen gyis tshor ba 'byung ngo / /tshor ba'i rkyen gyis 'du shes dang / sems pa 'byung bas na 'gog pa la snyoms par zhugs pa'i tshe yid kyi rnam par shes pa yod par mi rigs so/ /gal te gzhan na re/ 'gog pa la snyoms par zhugs pa'i tshe yid kyi rnam par shes pa yod pas reg pa'i rkyen gyis tshor ba dang /'du shes la sogs pa yod par gyur na yang nyes pa ci yod/ lan du 'gog pa la snyoms par zhugs pa'i tshe 'du shes dang / tshor ba la sogs pa yod par khas blangs na ni 'gog pa ni 'du shes tshor ba 'gog par byed pa'o zhes bshad pa nyid don med par 'gyur ro//de lta bas na kun gzhi rnam par shes pa ni dus thams cad du gnas la/ 'jug pa'i rnam par shes pa skye ba'i sa bon yang kun gzhi la yod pas 'gog pa'i snyoms par 'jug pa dang / 'du shes med pa'i snyoms par 'jug pa dang /'du shes med pa pa las langs pa'i tshe/ kun gzhi rnam par shes pa nyid las 'jug pa'i rnam par shes pa skye bar khas blang dgos so/ /rigs pa'i gtan tshigs gzhan gyis kyang kun gzhi rnam par shes pa yod par bstan pa'i phyir/ yang dmigs pa'i rkyen la ltos nas rnam pa gzhan du 'jug pa nyid dang zhes bya ba smos te/phyir ro zhes bya ba'i tshig mjug nas 'byung ba 'di yang sbyar te/ yang dmigs pa'i rkyen la ltos nas rnam pa gzhan du 'jug pa nyid kyi phyir 'jug pa'i rnam par shes pa las ma gtogs pa kun gzhi rnam par shes pa yod par mngon no zhes bya ba'i don to//de la dmigs pa'i rkyen gyi don ni rkyen bzhi las mig gi rnam par shes pa'i yul gzugs nas lus kyi rnam par shes pa'i yul reg bya ste lnga dang / yid kyi rnam par shes pa'i yul chos thams cad de drug la dmigs pa'i rkyen zhes bya'o/ / dmigs pa'i rkyen de dag kyang rang bzhin tha dad de gzugs kyi rang bzhin dang rnam pa las sgra'i rang bzhin dang rnam pa gzhan yin pa dang / sgra'i rang bzhin dang rnam pa las gzugs kyi rang bzhin dang rnam pa gzhan yin pas rnam pa gzhan zhes bya ba dang / gzugs kyi rang bzhin la yang sna tshogs tha dad de/ser po'i rang bzhin dang rnam pa las sngon po'i rang bzhin dang rnam pa gzhan yin pa dang / sngon po'i rang bzhin dang rnam pa las dkar po'i rang bzhin dang rnam pa gzhan yin pas rnam pa gzhan zhes bya'o/ /de la mig gi dbang po rnam par shes pa gzugs kyi rang bzhin dang rnam par skyes pa las sgras rkyen byas nas sgra la brten te/rna ba'i rnam par shes pa sgra'i rnam par skyes pa ni dmigs pa'i rkyen la ltos nas rnam pa gzhan du 'jug pa zhes bya ba'am/ mig gi rnam par shes pa dkar po'i rnam par skyes pa las ser pos rkyen byas nas ser po'i rnam par skyes pa ni dmigs pa'i rkyen la ltos nas rnam pa gzhan du 'jug pa zhes bya'o//de ltar rnam par shes pa sngon po'i rnam par skyes pa las yul ser pos rkyen byas nas ser po'i rnam pa gzhan skye ba dang / mig gi rnam par shes pa gzugs kyi rnam par skyes pa las dmigs pa'i rkyen sgras rkyen byas nas rna ba'i rnam par shes pa sgra'i rnam par skye ba dang /dmigs pa'i rkyen la ltos nas rnam pa gzhan du skye zhing 'jug go/ /dmigs pa'i rkyen la ma ltos ma brten par rnam pa gzhan du 'jug cing skye bar mi nus te/ de bas na 'jug pa'i rnam par shes pa rnams kyi dmigs pa'i rkyen dgos so//dper na myu gu bskyed pa las chu me rlung la sogs pa'i grogs byed pa yod kyang rgyu'i rkyen sa bon med na myu gu mi skye ste/ sa bon dgos pa de bzhin du 'jug pa'i rnam par shes pa rnams la dmigs pa'i rkyen yod na de dag rgyu'i rkyen kyang med du mi rung ste/gdon mi za bar rgyu'i rkyen kyang dgos so/ /de la 'jug pa'i rnam par shes pa rnams kyi rgyu'i rkyen ni kun gzhi rnam par shes pa yin te/ de bas na 'jug pa'i rnam par shes pa las ma gtogs par kun gzhi rnam par shes pa zhes bya ba 'jug pa'i rnam par shes pa rnams kyi sa bon gyi gzhir gyur pa zhig yod par shes par bya'o//de la mig gi rnam par shes pa rna ba'i rnam par shes pa las rnam pa dang rang bzhin gzhan yin pa dang / rna ba'i rnam par shes pa las sna'i rnam par shes pa rnam pa dang rang bzhin gzhan yin te/'jug pa'i rnam par shes pa rnams rang bzhin tha dad pa yang de dag gi dmigs pa dang / rnam pa'i rkyen tha dad pa'i sgo nas de dag gi rang bzhin yang tha dad par gzhag gi de ma thag pa'i rkyen dang bdag po'i rkyen tha dad pas de dag tha dad par gzhag pa ni med do/ /de ltar dmigs pa'i rkyen tha dad pa'i sgo nas de dag gi rang bzhin tha dad par 'gyur ba'i phyir dmigs pa'i rkyen la ltos nas rnam pa gzhan du 'jug pa nyid do// dmigs pa'i rkyen tha dad pa'i sgo nas rnam par shes pa tha dad par 'gyur ba yang gzugs kyi rnam pa las sgra'i rnam pa gzhan yin pa dang /sgra'i rnam pa las dri'i rnam pa gzhan yin pas na mig gi rnam par shes pa'i dmigs pa'i rkyen gzugs yin te/ gzugs la rnam par shes pa dmigs nas gzugs kyi rnam par skye ba dang / rna ba'i rnam par shes pa'i dmigs pa'i rkyen sgra yin te/ sgra la dmigs nas sgra'i rnam par skye ba la sogs pa rang bzhin tha dad par gzhag pa yang yul tha dad pa'i sgo nas tha dad par gzhag dgos par zad do//de ma thag pa'i rkyen tha dad pa'i sgo nas 'jug pa'i rnam par shes pa rnams tha dad par gzhag pa ni med de/ ci'i phyir zhe na/ rnam par shes pa snga ma 'gag pa de dag 'di kho na bskyed pa'i rkyen rgyu ni byed pa gzhan skyed pa'i rkyen mi byed do zhes nges pa med de/dper na/ mig gi rnam par shes pa sngar 'gags na sngar 'gags pa de gal te mig gi rnam par shes pa phyi ma skye ba'i de ma thag pa'i rkyen byed/ gal te rna ba'i rnam par shes pa phyi ma skyed pa'i rkyen byed pas 'di kho na bskyed pa'i rten rkyen byed ces nges pa med pas na de ma thag pa'i rkyen las ni rnam par shes pa tha dad par gzhag pa med do//de bzhin du bdag po'i rkyen tha dad pas rnam par shes pa tha dad par gzhag pa yang med de/ ci'i phyir zhe na/ dper na/ mig gi dbang po lta bu mig gi rnam par shes pa sngon po'i rnam pa lta bu skye ba'i rkyen kyang byed la/mig gi rnam par shes pa ser po'i rnam pa lta bu skye ba'i rkyen kyang byed de/ yul mang po'i sgo nas mig gi rnam par shes pa rnam pa sna tshogs su skye ba kun gyi rkyen byed pas na bdag po'i rkyen tha dad pa'i sgo nas rnam par shes pa tha dad par gzhag pa med do//de ltar yul rnam pa tha dad pas rnam par shes pa rnam pa gzhan du 'jug pa de yang dmigs pa'i rkyen la mi ltos par 'jug mi srid de/ dmigs pa'i rkyen la ltos dgos pa de bzhin du 'jug pa'i rnam par shes pa de dag skye rgyu'i rkyen la mi ltos par skye mi srid pas rgyu'i rkyen yang dgos so//gal te nyan thos rnam par smra ba pa rnams na re/ 'jug pa'i rnam par shes pa rnams la dmigs pa'i rkyen med par mi rigs pa de bzhin du de dag la rgyu'i rkyen yang med par mi rigs pa ni bden mod kyi 'jug pa'i rnam par shes pa de dag gi ni rkyen reg pa dang /yid la byed pa la sogs pa sems las byung ba dang / lhan cig 'grogs pa rnams yin nam/ 'on te rgyu'i rkyen gzhan zhig yod par dpyad dgos so zhe na lan du/ rgyu'i rkyen zhes bya ba ni chos gang la mig la sogs pa'i rnam par shes pa'i sa bon yod cing de'i sa bon gyi gzhi yod par byed pa la rgyu'i rkyen zhes bya ste/de bas na mig la sogs pa'i sa bon ni kun gzhi rnam par shes pa la yod pas kun gzhi rnam par shes pa nyid rgyu'i rkyen yin no/ /de skad du bshad pa la / nyan thos rnam par smra ba pa rnams kyis smras pa/skad cig ma snga ma la rna ba'i rnam par shes pa skyes nas/ bdag 'gags pa'i dus na ma 'ongs pa na bdag dang 'dra ba'i rna ba'i rnam par shes pa bskyed par bya ba'i phyir mig gi rnam par shes pa skad cig ma phyi ma skye ba las sa bon 'jog ste/ de ltar 'jug pa'i rnam par shes pa nyid gcig la gcig sa bon 'jog gi kun gzhi rnam par shes pa dgos pa med do zhe na lan du 'jug pa'i rnam par shes pa rnams la ni gcig la gcig sa bon 'jog par mi rigs te/bag chags sgo bar byed pa dang bsgo bar bya ba gnyis dus mnyam par yod par 'dod de/gang gi tshe sgo bar byed pa yod pa de'i tshe bsgo bar bya ba yang yod na gcig gi gcig la bsgo bar 'dod pa las 'jug pa'i rnam par shes pa rnams ni dge ba dang / mi dge ba dang / lung du mi ston pa dang / khams tha ma dang bar ma dang / rab rnams dang /'jig rten dang / 'jig rten las 'das pa dang / zag pa bcas pa dang / zag pa med pa rnams rim pa bzhin du 'byung ba'i phyir de dag nang gcig la gcig bsgo bar mi rung ngo / /ji lta zhe na/ rna ba'i rnam par shes pa snga ma 'gags pa des mig gi rnam par shes pa phyi ma skye ba la bag chags bsgo zhes bya bar gang gi tshe/rna ba'i rnam par shes pa skyes pa de'i tshe mig gi rnam par shes pa ma skyes na gang la bag chags bsgo/ gang gi tshe mig gi rnam par shes pa skye ba de'i tshe rna ba'i rnam par shes pa 'gags na phyi ma la sus sgo bar byed de mi rigs so/ / gzhan yang 'jug pa'i rnam par shes pa rnams ni dge ba'i rang bzhin yang yin/ mi dge ba'i rang bzhin yang yin/ lung du mi ston pa'i rang bzhin yang yin pa las chos de dag ni phan tshun me dang chu bzhin du 'gal ba yin pa'i phyir dus gcig tu mi bde bzhin du mi 'byung ste/ gang gi tshe dge ba byung ba de'i tshe mi dge ba mi 'byung /gang gi tshe mi dge ba byung ba na de'i tshe lung du mi ston pa mi 'byung ngo / /de ltar na skad cig ma snga ma la 'jug pa'i rnam par shes pa dge ba'i rang bzhin zhig byung nas/ dge ba des ma 'ongs pa na bdag dang 'dra ba'i dge ba bskyed pa'i phyir skad cig ma gnyis pa la 'jug pa'i rnam par shes pa mi dge ba'i rang bzhin byung ba la bag chags bsgo zhes bya bar yang gang gi tshe skad cig ma la dge ba byung ba de'i skad cig ma la mi dge ba'i rang bzhin gyis 'jug pa'i rnam par shes pa ma byung bas na gang gi tshe bag chags bsgo/gang gi tshe mi dge ba skyes pa de na dge ba snga ma 'gags pas gang gis phyi ma de la bag chags bsgo ste de ltar mi rigs so//de bzhin du lung ma bstan pa la yang phan tshun du sbyar ro/ /de la khams tha ma ni 'dod pa'i khams so/ /khams 'bring po ni gzugs kyi khams so/ /khams rab ni gzugs med pa'i khams so//khams de dag gi 'jug pa'i rnam par shes pa rnams kyang rim gyis 'byung ba'i phyir gcig la gcig bsgo bar mi rigs te/ 'dod pa'i khams kyi sbyor ba'i sems kyis gzugs kyi ting nge 'dzin bskyed pa'i las snga mas phyi ma la bsgo zhes bya bar yang gang gi tshe 'dod pa'i khams kyi sbyor ba'i sems byung ba na gzugs kyi khams kyi ting nge 'dzin ma skyes na gang la bsgo /gang gi tshe gzugs kyi khams kyi ting nge 'dzin skyes pa na 'dod pa'i khams kyi sbyor ba'i sems 'gags na gang gis phyi ma la bsgo ste mi rigs so//de bzhin du gzugs med pa'i khams la sogs pa la yang sbyar bar bya'o/ /'di ltar 'jig rten dang 'jig rten las 'das pa'i sems kyang rim gyis 'byung bas na gcig la gcig bsgo bar mi rigs te/ ji lta zhe na 'jig rten pa'i sems 'jig rten pa'i chos mchog tu 'byung ba'i 'og tu 'jig rten las 'das pa'i sems sdug bsngal la chos shes pa 'byung bas na snga mas phyi ma la bsgo zhes bya bar yang gang gi tshe 'jig rten pa'i sems 'jig rten pa'i chos mchog 'byung ba na 'jig rten las 'das pa'i sems sdug bsngal la chos shes pa ma byung bas na gang la bsgo/gang gi tshe 'jig rten las 'das pa'i sems sdug bsngal la chos shes pa byung ba na 'jig rten gyi chos mchog gi sems 'gags pas na gang gis phyi ma la bsgo ste mi rigs so/ /zag pa dang bcas pa dang zag pa med pa'i sems rnams kyang rim gyis 'byung bas na gcig la gcig bag chags bsgo bar mi rigs so//de las sa gong ma la ni yon tan du lta/ sa 'og ma la ni skyon du lta ba ni zag pa dang bcas pa'i lam mo/ /mthong ba dang bsgom pa'i lam ni zag pa med pa'i lam mo/ /de la gang gi tshe zag pa can gyi lam byung ba de'i tshe zag pa med pa'i lam ma byung bas gang la bsgo/gang gi tshe zag pa med pa'i lam byung ba de'i tshe zag pa dang bcas pa'i lam 'gags pas na phyi ma la su bsgo ste mi rigs so/ /de skad du bshad pa dang / gal te gzhan gyis smras pa/ de ltar na sems nyid kyis nyid la bsgo ste/ 'di ltar skad cig ma gcig la dge ba'i sems 'byung ba de nyid kyis sems de nyid la bsgo bas kun gzhi mi dgos so zhe na yang ral gri so ji ltar rno na yang so de nyid kyis so de mi chod pa bzhin du bdag la bdag byed par 'gal bas sems de nyid kyis de nyid la bsgo bar mi rigs so de ltar ni mi rigs kyi 'di ltar rigs te/me tog tsam pa ka dang til 'bru gnyis skyes kyang mnyam du skyes 'gag kyang mnyam du 'gags la/ gang gi tshe me tog yod pa de'i tshe til 'bru yang yod de/ me tog gi skad cig ma des til 'bru'i skad cig ma la me tog gi dris sgo bar byed pa de bzhin du/rnam par smin pa'i rnam par shes pa/ kun gzhi rnam par shes pa dang / 'jug pa'i rnam par shes pa rnams lhan cig tu skyes pa lhan cig tu 'gags te/ gang gi tshe kun gzhi rnam par shes pa yod pa de'i tshe 'jug pa'i rnam par shes pa rnams kyang yod de/ kun gzhi rnam par shes pa'i skad cig ma de la de dang lhan cig tu 'byung ba'i 'jug pa'i rnam par shes pa ni ma 'ongs pa na bdag dang 'dra ba'i 'jug pa'i rnam par shes pa skyed pa'i phyir bag chags sgo bar byed de/kun gzhi bag chags dang ldan pa de las 'jug pa'i rnam par shes pa rnams skye'o zhes de ltar khas blang dgos so/ / de lta bas na 'jug pa'i rnam par shes pa las ma gtogs pa'i kun gzhi rnam par shes pa zhes bya ba 'dus byas thams cad kyi sa bon dang ldan pa logs shig na yod par grub po/ /rigs pa'i gtan tshigs gzhan gyis kyang 'jug pa'i rnam par shes pa las ma gtogs par kun gzhi yod par bsgrub pa'i phyir/chad nas yang 'jug pa dang zhes bya ba smos te/ phyir ro zhes bya ba'i tshig mjug nas 'byung ba 'dir yang sbyar te/ chad nas yang 'jug pa'i phyir 'jug pa'i rnam par shes pa las ma gtogs par kun gzhi rnam par shes pa zhes bya ba yang yod par rig par bya'o zhes bya ba'i don to//chad pa ni sems med pa'i gnyid kyis log pa dang / ra ro ba dang / brgyal ba la sogs pa'i dus na 'jug pa'i rnam par shes pa drug rnams rgyu'i rgyun chad de mi 'byung bas na chad pa zhes bya'o/ /de la gnyid rnam pa gnyis te/ sems dang bcas pa'i gnyid dang /sems med pa'i gnyid do/ /sems dang bcas pa'i gnyid ni mig la sogs pa'i rnam par shes pa lnga 'gags kyi yid kyi rnam par shes pa rmi lam dang bcas pa'o/ /sems med pa'i gnyid ni gnyid stug pos non pas yid kyi rnam par shes pa rmi lam med pa'o//sems med pa'i gnyid kyis log pa dang brgyal ba la sogs pa'i dus na 'jug pa'i rnam par shes pa rnams rgyu ba rgyun chad de med pa las/ gal te kun gzhi rnam par shes pa med du zin na sems med pa'i gnyid kyis log pa dang / brgyal ba la sogs pa las langs pa'i tshe 'jug pa'i rnam par shes pa rnams phyis ci las skye ste skye bar mi rung ngo //'gog pa'i snyoms par 'jug pa la brgal ba bzhin du 'dir yang dang po gnyid ldog du byed pa'i sems de'i 'og tu gnyid kyi rdzas mi 'dra bas chod pas dang po'i sems de las ldang ba'i sems skye'o zhe na yang dang po'i sems de ni 'gags te med pa yin na med pa ni chos gang yang skye ba'i rgyur mi rung bas na mi rigs so//gal te mdo sde pa na re lus dang sems gnyis gcig la gcig sa bon 'jog pas de'i tshe dbang po dang bcas pa'i lus yod pa'i phyir lus las sems skye'o zhe na yang / de ltar na sems can gcig la sems kyi rgyud gnyis yod par 'byung bar 'gyur te/ lus las skye ba'i sems kyi rgyud dang sems nyid las skye ba'i sems kyi rgyud de gnyis yod par mi rigs so/ /gal te a tsAr+ya ba su mi tra na re brgyal ba la sogs pa'i dus na yid kyi rnam par shes pa mi gsal bar gnas pas ldang pa'i tshe yid kyi rnam par shes pa de las 'jug pa'i rnam par shes pa skye bas na kun gzhi dgos so zhe na//yang yid kyi rnam par shes pa yod pa dang / gsum 'dus pa yod pas reg pa 'byung ngo / /reg pa 'byung ba dang / tshor ba dang 'du shes dang sems pa la sogs pa yang 'byung bas de'i tshe sems 'gags zhes byar mi rung ngo //yang rigs pa'i gtan tshigs gzhan gyis 'jug pa'i rnam par shes pa las ma gtogs par kun gzhi rnam par shes pa yod par bstan pa'i phyir/ 'khor bar 'jug pa dang ldog pa'i phyir ro zhes bya ba smos te/'di ltar 'khor bar 'jug pa yod pa dang 'khor ba las ldog pa yod pas na 'jug pa'i rnam par shes pa las ma gtogs par kun gzhi rnam par shes pa zhes bya ba yod par mngon no zhes bya ba'i don to/ /de la lha la sogs pa'i ris mthun pa'i gnas su nye bar len pa'i phung po lnga rnams skad cig ma'i rgyun du rgyun ma chad par 'byung zhing skye ba ni 'khor ba'o//de yang lha la sogs pa'i ris mthun pa las shi 'phos nas ris mi mthun pa gzhan du tshe'i mtshams sbyor ba ni 'khor bar 'jug pa zhes bya'o/ /phung po'i lhag ma dang bcas pa'i mya ngan las 'das pa'i dbyings thob pa dang phung po'i lhag ma ma lus pa'i mya ngan las 'das pa'i dbyings thob pa ni 'khor ba las ldog pa zhes bya'o//de la 'khor bar 'jug pa yang ma rig pa'i rkyen gyis 'du byed/ 'du byed kyi rkyen gyis rnam par shes pa la sogs te/ rten cing 'brel par 'byung ba yan lag bcu gnyis kyi tshul gyis 'jug pa yin na/gal te nyan thos rnam par smra ba pa khyed kun gzhi rnam par shes pa yod par khas mi len na ni kun gzhi las ma gtogs par 'du byed kyi rkyen gyis rnam par shes pa zhes bya ba'i rnam par shes pa gzhan med pas 'khor bar 'jug cing skye bar mi rung ngo //gal te nyan thos rnam par smra ba pa rnams na re kun gzhi rnam par shes pa yod par khas ma blangs na/ 'du byed kyi rkyen gyis rnam par shes pa med pas 'khor bar 'jug pa med do zhes dam bcas pa de kun gzhi khas ma blangs kyang ji ltar na 'du byed kyi rkyen gyis rnam par shes pa med pas 'khor bar 'jug pa med par 'gyur zhe na/lan du kun gzhi khas mi len na 'du byed kyi rkyen gyis rnam par shes pa zhes bya bar rnam pa gnyis ltar brtag grang ste/ nyan thos rnam par smra ba pa rnams kyis smras pa'i yid kyi rnam par shes pa gang gi tshe ma'i mngal du mtshams sbyor ba de'i tshe 'du byed kyi rkyen gyis rnam par shes pa zhes bya'o zhes brtag grang ngam/yang na ni mdo sde pas sems pa zhes bya ba sems las byung bas bskyod de 'jug pa'i rnam par shes pa rnams kyis dge ba dang mi dge ba dang mi g.yo ba'i 'du byed byas nas 'jug pa'i rnam par shes pa skad cig ma gnyis pa 'byung ba la bag chags sgo bar byed de/de 'du byed kyi rkyen gyis rnam par shes pa'o zhes brtags pa ltar brtag grang na phyogs gnyi ga ltar yang rigs pa ma yin no/ /de la yid kyi rnam par shes pa ma'i mngal du mtshams sbyor ba de la 'du byed kyis rnam par shes pa'o zhes lta ba'i phyogs de ji ltar mi rigs par sun 'byin to//'di ltar tshe rabs snga ma'am da ltar gyi tshe la las dge ba dang mi dge ba la sogs pa'i 'du byed byas pa de ni shi nas tshe phyi mar yid kyi rnam par shes pa ma'i mngal du mtshams sbyor bar byed pa'i rkyen du mi rung ste/de bas na mtshams sbyor ba'i yid kyi rnam par shes pa de la yang 'du byed kyi rkyen gyis rnam par shes pa zhes byar mi rung ngo / /ci'i phyir zhe na tshe rabs snga ma dang / da ltar gyi dus su las dge ba la sogs pa'i 'du byed byas pa rnams ni byas nas dus ring zhig lon te 'du byed de dag 'gags pa'i 'og tu gdod yid kyi rnam par shes pa ma'i mngal du mtshams sbyor bar byed pas na gang 'gags nas dus ring mo zhig lon pa'i 'du byed de ni rnam par shes pa phyi ma skyed pa'i rkyen du mi rung ngo //gal te nyan thos rnam par smra ba pa rnams na re/ bdag cag ni 'das pa yang rdzas su yod par 'dod pas sngon byas te 'gags pa'i 'du byed de dag kyang rdzas su yod pa'i phyir yid kyi rnam par shes pa ma'i mngal du mtshams sbyor ba'i rkyen byed do zhe na yang mi rung ste/dper na bya sngon shi ba de phyis sgo nga 'byung ba'i rkyen du mi rung ba dang / rdza ma chag ste med par gyur pa chu snod kyi rkyen du mi rung ba bzhin du sngar 'gags par ni med pa yin pas rdzas su yod ces bya bar yang mi rung ste/de bas na sngon bsags te 'gags pa'i 'du byed de dag yid kyi rnam par shes pa phyis mtshams sbyor ba'i rkyen du mi rung ngo / /de skad bshad pa dang / nyan thos rnam par smra ba pas spras pa/ gal te khyed kyi ltar byas te sngon las byas te 'gags pa rnams rkyen du mi 'dod na de lta na ni las byas pa rnams don med cing 'bras bu med par 'gyur te/ ci'i phyir zhe na/ gang gi tshe da ltar las byas pa de dag ni 'gags pas tshe rabs gzhan gyi dus na las de dag med pa'i phyir da ltar las byas pa ste tshe phyi ma'i 'bras bu skye ba'i rkyen du mi 'gyur ro//lan du/ de ltar ni ma yin te/ kun gzhi rnam par shes pa dang / 'jug pa'i rnam par shes pa mgo mnyam du byung ba las 'jug pa'i rnam par shes pa rnams kyis las dge ba dang mi dge ba byas nas kun gzhi la bag chags bsags te/kun gzhi'i bag chags de je brtas su gyur pa dang / kun gzhi rnam par shes pa nyid ma 'ongs pa na las kyi 'bras bu smin par 'gyur bas na 'bras bu med par yang mi 'gyur la/ nyan thos rnam par smra ba pa rnams kyis brtags pa ltar sngon 'gags pa'i las kyang rnam par smin pa 'bras bu myong bar mi 'gyur ro//yid kyi rnam par shes pa ma'i mngal du mtshams sbyor ba de 'du byed kyi rkyen gyis rnam par shes pa zhes bya'o zhes smras pa'i phyogs 'di la nyes pa gzhan yod de/'di ltar ma'i mngal du mtshams sbyor ba ni rnam par shes pa 'ba' zhig yod pa ma yin gyi/ de'i tshe na ming dang gzugs kyang yod pas mtshams sbyor ba'i tshe na 'du byed kyi rkyen gyis rnam par shes pa nyid ces bya ba'i 'du byed kyi rkyen gyis ming dang gzugs zhes mi bya ba la rigs pa ci yod de rigs pa med do//de bas na mtshams sbyor ba'i tshe rnam par shes pa 'ba' zhig tu ma zad de ming dang gzugs kyang yod pas na 'du byed kyi rkyen gyis ming dang gzugs zhes bya ba'i 'du byed kyi rkyen gyis rnam par shes pa zhes ni mi bya'o/ /de skad du bshad pa dang / nyan thos rnam par smra ba pa rnams kyis smras pa/'du byed kyi rkyen gyis rnam par shes pa zhes ci'i phyir mi bya ste/ gang gi tshe ma'i mngal du yid kyi rnam par shes pa mtshams sbyor ba de nyid 'du byed kyi rkyen gyis rnam par shes pa'o zhes bya'o zhe na/ lan du mtshams sbyor ba'i yid kyi rnam par shes pa de la 'du byed kyi rkyen gyis rnam par shes pa zhes bya bar 'dod na mtshams sbyor ba'i rnam par shes pa de las ma gtogs pa'i ming dang gzugs gang zhig yod de/gang gi phyir 'du byed kyi rkyen gyis rnam par shes pa zhes bya ba la rnam par shes pa'i rkyen gyis ming dang gzugs zhes bya ba'i ming dang gzugs gang yin pa smros shig /de skad du bshad pa dang / nyan thos rnam par smra ba pa rnams kyis smras pa/ 'di ltar skad cig ma dang po la ma'i mngal du rnam par shes pa mtshams sbyor ba'i tshe ming dang gzugs ni 'du byed kyi rkyen gyis rnam par shes pa zhes bya ba la skad cig ma gnyis pa dang / gsum pa phan chad kyis ming dang gzugs la ni rnam par shes pa'i rkyen gyis ming dang gzugs zhes bya'o zhes bya ba'i lan du/ 'di ltar gang gi tshe ma'i mngal du mtshams sbyor ba'i ming dang gzugs de yang ming dang gzugs yin la/ skad cig ma gnyis pa dang gsum pa phan chad kyi ming dang gzugs kyang ming dang gzugs yin te/ming dang gzugs 'dra ba las khyad ci zhig zhugs na skad cig ma phyi ma la 'byung ba'i ming dang gzugs la ni rnam par shes pa'i rkyen gyis ming dang gzugs zhes bya la/ snga ma mtshams sbyor ba'i ming dang gzugs la rnam par shes pa'i rkyen gyis ming dang gzugs zhes ci'i phyir mi bya/gzhan yang snga phyi gnyi ga ming dang gzugs 'dra ba las mtshams sbyor ba'i ming dang gzugs la ni 'du byed kyi rkyen gyis rnam par shes pa zhes bya ba na/ phyi ma skad cig ma gnyis pa la sogs pa las byung ba'i ming dang gzugs la ci'i phyir 'du byed kyi rkyen gyis rnam par shes pa zhes mi bya ste/'di la rigs pa ci yod/ de ltar snga phyi kun kyang ming dang gzugs tsam du zad pas na 'du byed kyi rkyen gyis ming dang gzugs zhes bya bas chog gi 'du byed kyi rkyen gyis rnam par shes pa zhes bya ba'i rten cing 'brel te 'byung ba yan lag bcu gnyis la rnam par shes pa'i yan lag gzhan brtag mi dgos so//nyan thos rnam par smra ba pa rnams kyis smras pa/ yid kyi rnam par shes pa ma'i mngal du mtshams sbyor ba 'du byed kyi rkyen gyis rnam par shes pa zhes bya bar mi rigs na/ khyed rnam par rig pa tsam du smra ba pa la 'du byed kyi rkyen gyis rnam par shes pa zhes bya ba gang yin pa smros shig /lan du bdag cag gi lta ba ltar na 'du byed kyi rkyen gyis rnam par shes pa zhes bya ba yod de/ 'di ltar las dang 'bras bu mi shes pa'i ma rig pa'i dbang gis las dge ba dang mi dge ba la sogs pa byas pa ni ma rig pa'i rkyen gyis 'du byed ces bya'o//las byed pa'i tshe las kyi bag chags kun gzhi rnam par shes pa la brlan pa ni 'du byed kyi rkyen gyis rnam par shes pa zhes bya'o/ /bag chags dang bcas pa'i kun gzhi rnam par shes pa ma'i mngal du mtshams sbyor ba ni rnam par shes pa'i rkyen gyis ming dang gzugs zhes bya ba ste/tshul 'di ltar ni skyon med do / /de ltar phyogs snga ma sun phyung ba dang / mdo sde pas smras pa/ yid kyi rnam par shes pa ma'i mngal du mtshams sbyor ba de 'du byed kyi rkyen gyis rnam par shes par mi rung na sems las byung ba sems pas bskyed nas 'jug pa'i rnam par shes pa drug gi las dge ba dang mi dge ba dang /mi g.yo ba byas pa'i bag chags skad cig ma gnyis pa la sogs pa la byung ba'i 'jug pa'i rnam par shes pa drug la sgo bar byed de/ de la 'du byed kyi rkyen gyis rnam par shes pa zhes bya bas kun gzhi rnam par shes pa dgos pa med do zhe na/lan du skad cig ma snga ma la 'jug pa'i rnam par shes pa rnams kyis las dge ba la sogs pa byas pa skad cig ma phyi ma'i 'jug pa'i rnam par shes pa la bag chags bsgos pa de la 'du byed kyi rkyen gyis rnam par shes pa zhes bya ba 'di yang mi rung ste/phyogs 'di yang bsgrub tu ma 'grub bo/ /ci'i phyir zhe na/ 'di la yang rnam pa gnyis su brtag dgos te/ yang na ni mig la sogs pa'i rnam par shes pa de dag rang nyid kyis dge ba dang mi dge ba la sogs pa'i las byas nas bdag nyid la bag chags sgo bar byed pas na 'du byed kyi rkyen gyis rnam par shes pa zhes brtag grang /yang na ni skad cig ma snga ma la mig la sogs pa'i rnam par shes pas las byas nas/ skad cig ma phyi ma 'jug pa'i rnam par shes pa la bag chags bsgos pas na de 'du byed kyi rkyen gyis rnam par shes pa zhes bya grang na/phyogs gnyi ga ltar yang mi 'grub po/ /ji lta zhe na/ mig la sogs pa'i rnam par shes pa nyid kyis dge ba la sogs pa'i las byas nas/ bdag nyid la bdag nyid kyis rnam par smin pa'i bag chags dang rgyu mthun pa'i bag chags bsgo bar mi nus te/ dper na bram ze'i bu ji ltar mnyen la goms kyang /rang nyid kyi phrag pa la yang bzhon par mi nus pa bzhin du bdag la bdag byed par mi srid pas bdag la bag chags bsgo bar mi rung ngo / /de ltar bshad pa dang / gal te gzhan na re bdag la bdag bag chags bsgo bar mi rung na skad cig ma snga ma'i 'jug pa'i rnam par shes pa rnams kyi skad cig ma phyi ma'i 'jug pa'i rnam par shes pa rnams la bag chags bsgo'o zhe na yang mi rung ste/ci'i phyir zhe na/ skad cig ma snga ma la 'jug pa'i rnam par shes pa dge ba la sogs pa byed pa'i tshe skad cig ma phyi ma'i 'jug pa'i rnam par shes pa da dung ma skyes te/ma skyes pa ni med pa yin pas na snga mas phyi ma la bsgo bar mi rung ngo / /gal te gzhan na re de lta na skad cig ma phyi ma'i 'jug pa'i rnam par shes pa de skyes nas da ltar gyi dus su phyin pa de la skad cig ma snga ma las byung ba'i 'jug pa'i rnam par shes pa rnams kyis bag chags sgo bar byed do zhe na yang mi rung ste/ci'i phyir zhe na/ nam skad cig ma phyi ma'i 'jug pa'i rnam par shes pa rnams skyes nas da ltar gyi dus su phyin pa na skad cig ma snga ma'i 'jug pa'i rnam par shes pa rnams skyes nas 'gags te/ med pas na sus bag chags bsgo ste mi rigs so/ / de bas na phyogs 'di ltar 'dzin pa yang rung ba ma yin no/ /'di de ltar thang cig skad cig ma snga ma'i 'jug pa'i rnam par shes pa rnams skad cig ma phyi ma'i 'jug pa'i rnam par shes pa la bag chags bsgo bar mi rung ba dang / 'jug pa'i rnam par shes pa de dag rang nyid la rang nyid bag chags bsgo bar mi rung bar sun phyung nas phyogs de khas blangs te/skad cig ma snga mas phyi ma la bsgo ba dang / de nyid kyis de nyid la bsgor chug na yang 'di ltar lta ba'i phyogs 'di la 'du byed kyi rkyen gyis rnam par shes pa zhes bya ba mi 'grub bo/ /ji lta zhe na/ sems med pa'i gnyid dang brgyal ba la sogs pa'i tshe rnam par shes pa drug gi tshogs rnams ma lus par 'gags te med par gyur pas sngon 'du byed kyis bsgos pa'i rnam par shes pa rnams kyang de'i tshe 'gags te/med pa de'i tshe na yang rnam par shes pa drug 'gags pas rnam par shes pa la 'du byed kyi bag chags bsgor med par gyur to//sems med pa'i gnyid la sogs pa'i tshe 'du byed kyis bsgos pa'i rnam par shes pa med pas 'du byed kyi rkyen gyis rnam par shes pa zhes bya ba med do/ /rnam par shes pa med pas ming dang gzugs med do/ /ming dang gzugs med pas skye mched drug med pa nas/rga shi'i bar du yang med par gyur pas na 'khor bar 'jug pa yang med par 'gyur ba'i phyir 'khor bar 'jug ces smra ba dang yang 'gal lo/ /'di ltar kun gzhi rnam par shes pa med na 'khor ba las ldog par yang mi rung mi rigs so/ / ci'i phyir zhe na/ phung po lnga tshe gcig nas gcig tu rgyun mi 'chad par skye ba ni 'khor ba ste/ 'khor ba de'i rgyu ni gnyis te/ las dang nyon mongs pa'o/ /de gnyis las kyang 'khor ba'i rgyu'i gtso bo ni nyon mongs pa yin te/ ci'i phyir zhe na/ nyon mongs pas grogs byas te/ nyon mongs pa dang ldan na gdod nyon mongs pa'i mtha' las kyi srid pa phyi ma 'phen par nus kyi nyon mongs pa med na las yod kyang las des srid pa phyi ma 'phen par mi nus pa'i phyir ro/ /'phags pa de dag tshe bdun gyi skye ba de ltar na nyon mongs pa med pa'i las kyis srid pa phyi ma 'phen par mi nus pas na 'phags pa'i bden pa mthong ba rgyun du zhugs pa dang /lan cig phyir 'ong ba la sogs pa tshe bdun gyi bar du skye ba'i las dang nyon mongs pa yod pas/ 'phags pa de dag tshe bdun gyi bar du ni skye'i tshe brgyad du skye ba'i las ma nges pa yod kyang tshe brgyad du skye ba'i nyon mongs pa mthong bar bya ba'i phyir lam gyis spang bar bya ba'i nyon mongs pa med pas na tshe brgyad du ni skye bas nyon mongs pa ni 'khor bar skye ba'i rgyu'i gtso bo yin no//yang na 'phags pa de dag la ngan song du skye ba'i las ma nges pa yod kyang ngan song du skye ba'i nyon mongs pa mthong ba'i lam gyis spang bar bya ba'i nyon mongs spangs pas na 'phags pa de dag las des ngan song du mi skye ste/de bas na mdo las kyang / bzod pa thob pa ngan song med/ /ces gsungs te/ bzod pa thob pa ni sdug bsngal la chos su bzod pa thob pa'o/ /de bas na nyon mongs pa ni 'khor bar skye ba'i rgyu'i gtso bo yin no/ /gzhan yang khams gsum gyi 'dod chags dang bral ba dgra bcom pa rnams tshe snga ma la las byas pas tshe 'dir skyes nas/tshe 'dir nyon mongs pa spangs pa dang / tshe phyi mar skye ba'i las tshe 'dir byas kyang las des 'phags pa de dag tshe phyi mar 'phen mi nus te/ tshe phyi mar mi skye bas na nyon mongs pa ni 'khor bar skye ba'i rtsa ba yin no//de lta bas na 'khor bar skye ba'i rgyu nyon mongs pa spangs pa dang 'khor bar skye ba las ldog par 'gyur gyi/ nyon mongs pa ma spangs par ni 'khor ba las ldog par mi 'gyur ro/ /de la yang kun gzhi rnam par shes pa med na ni nyon mongs pa spang bar mi rung ngo //ci'i phyir zhe na/ 'di ltar nyan thos rnam par smra ba pa khyed cag nyon mongs pa spong bar 'dod na rnam pa gnyis su brtag ste/ yang na ni nyon mongs pa mngon du gyur nas 'jug pa'i rnam par shes pa rnams nyon mongs pa la mngon sum du spyod pa'i nyon mongs pa de spang grang / yang na nyon mongs pa bag chags sa bon du gnas te mngon sum du ma gyur pa yang spang grang na/ kun gzhi khas ma blangs pas phyogs gnyi ga ltar yang mi rigs so/ /ci'i phyir zhe na/ nyon mongs pa mngon sum du gyur pa spong zhes bya bar yang / gang gi tshe nyon mongs pa mngon sum du gyur te/'jug pa'i rnam par shes pa rnams nyon mongs pa la spyod cing nyon mongs pa'i rang bzhin du gyur pa de na 'jug pa'i rnam par shes pa rnams ni zag pa can du gyur te/ zag pa med pa'i lam gyi mtshan nyid du ma gyur pas de'i tshe nyon mongs pa spong ba'i lam med pa'i phyir nyon mongs pa spang du mi rung ngo //de skad bshad pa dang / gal te gzhan na re/ nyon mongs pa mngon du ma byung gi sa bon gyi dus na gnas pa spong bar byed do zhe na yang / lan du/ kun gzhi rnam par shes pa yod par khas mi len na nyon mongs pa sa bon gyi dus na gnas pa yang spang du mi rung ngo //ci'i phyir zhe na/ mig nas lus kyi bar du rnam par shes pa lnga la ni 'phags pa'i lam du 'gyur ba med la/ 'phags pa'i lam du ni yid kyi rnam par shes par 'gyur te/ gang gi tshe yid kyi rnam par shes pa 'phags pa'i lam du gyur pa de na mig la sogs pa'i rnam par shes pa lnga ni 'gags te med kyi yid kyi rnam par shes pa 'ba' zhig yod do//yid kyi rnam par shes pa 'phags pa'i lam du gyur pa'i ngo bo nyid des nyon mongs pa'i sa bon spong zhes bya grang na/ yid kyi rnam par shes pa zag pa med pa 'phags pa'i lam gnyen po'i mtshan nyid du gyur pa de na 'phags pa'i lam des spang bar bya ba'i kun gzhi zhe'am/chos gzhan nyon mongs pa'i sa bon gyi rten dang gzhir gyur pa yod par khyed kyis cung zad kyang khams ma blangs te/ nyon mongs pa'i sa bon gyi gnas yid kyi rnam par shes pa lam du gyur pas spang bar bya bar khas ma blangs pas nyon mongs pa spang du med de/de bas na sa bon gyi gnas kyang spang du mi rung ngo / /de skad du bshad pa dang / gal te gzhan na re gnyen po'i sems yid de nyid la nyon mongs pa'i bag chags gnas pa gnyen po'i sems de nyid kyis spong ngo zhe na yang mi rigs te/ dper na me dang chu gnyis 'gal bas gang na me gnas pa de na chu mi gnas pa de bzhin du gnyen po dang nyon mongs pa gnyis ni mi mthun pa yin pas/ gang nyon mongs pa'i bag chags kyis zhen pa de nyid gnyen po'i sems zag pa med pa yin par mi rigs la/ gang gnyen po'i sems zag pa med pa de nyid nyon mongs pa'i sa bon dang ldan par yang mi rigs pas nyon mongs pa spang du mi rung ngo //de skad bshad pa dang / gal te gzhan na re/ sems dang nyon mongs pa'i sa bon dang ldan pa de nyid kyis nyon mongs pa'i sa bon mi spong ste spong bar mi byed do zhe na/ lan du/ de ltar khyod kyis lta ba'i tshul ltar byas na nyon mongs pa'i sa bon ma spangs pas mya ngan las 'das pa thob pa med pa'i phyir 'khor ba las ldog par yang mi rigs so//de lta bas na 'di ltar rigs te/ kun gzhi rnam par shes pa de la kun gzhi las gzhan pa 'jug pa'i rnam par shes pa dang lhan cig tu 'grogs pa'i nyon mongs pa dang nye ba'i nyon mongs pa rnams kyis kun gzhi la sa bon bsgos nas/sa bon de dag brtas par gyur pa dang kun gzhi nyid las nyon mongs pa dang nye ba'i nyon mongs pa rnams 'byung ngo / /nyon mongs pa dang nye ba'i nyon mongs pa'i sa bon kun gzhi la gnas pa de yang kun gzhi dang lhan cig 'byung ba yid kyi rnam par shes pa 'phags pa'i lam du gyur pa des kun gzhi la yod pa'i bag chags spong zhing sel bar byed do//de lta bas na gnyen po dang nyon mongs pa gnyis gnas so so nas 'byung dgos te/ kun gzhi ni nyon mongs pa thams cad kyi bag chags kyi gnas so//yid kyi rnam par shes pa ni de'i tshe lam du gyur nas yid kyi rnam par shes pa de lam du gyur pa de dag kun gzhi la nyon mongs pa'i bag chags spong zhing sel to zhes de ltar khas blang bar bya'o/ /de ltar kun gzhi la nyon mongs pa dang nye ba'i nyon mongs pa'i bag chags 'phags pa'i lam gyis bstsal na kun gzhi rnam par shes pa de las phyis nyon mongs pa dang nye ba'i nyon mongs pa mi skye ste/de bas na phung po'i lhag ma dang bcas pa'i mya ngan las 'das pa'i dbyings su thob pa zhes bya'o/ /de ltar nyon mongs pa spangs pas tshe rabs gzhan gyis 'phangs pa'i tshe 'di nyid kyang 'gags la phung po yang spangs pa dang /tshe rabs gzhan du skye ba'i mtshams mi sbyor zhing phung po mi len pas na phung bo'i lhag ma ma lus par spangs pa'i mya ngan las 'das pa'i dbyings thob pa zhes bya'o/ /de ltar kun gzhi rnam par shes pa yod pas 'khor bar 'jug pa dang ldog par yang rung gi/kun gzhi rnam par shes pa med na 'khor bar 'jug pa dang ldog par mi rung bas gdon mi za bar kun gzhi rnam par shes pa yod par khas blang bar bya'o/ /kun gzhi rnam par shes pa yod par lung dang / rigs pas bsgrubs nas rtsod pa med par byas te/ kun gzhi rnam par shes pa la ci'i phyir kun gzhi rnam par shes pa zhes bya ba'i don bstan par bya ba'i phyir/kun gzhi rnam par shes pa nyid ni sa bon thams cad kyi kun gzhi dang zhes bya ba smos te/ rang gi yul dmigs par bya ba'i yul shes pas na rnam par shes pa'o/ /yul shes pa yang kun gzhi nyid kyis shes par zad kyi de las ma gtogs par shes par byed pa'i byed pa po dang /byed pa po la sogs pa bdag med pas na kun gzhi nyid ces bya'o/ /sa bon thams cad kyi kun gzhi zhes bya ba la 'dod chags la sogs pa kun nas nyon mongs pa thams cad kyi sa bon ji snyed yod pa'i gnas dang rten byed pas na kun gzhi zhes bya ste/kun gzhi zhes bya ba dang / gnas zhes bya ba dang / rten zhes bya ba ni don gcig ste ming gi rnam grangs su zad do/ /yang na ma bsgribs la lung du mi ston pa dang / bsgribs la lung du mi ston pa dang / dge ba dang /mi dge ba dang / zag pa dang bcas pa dang / zag pa med pa'i chos thams cad kyi sa bon gyi gnas dang / kun gzhi byed pas na kun gzhi zhes bya'o/ /yang na kun gzhi zhes bya ba ni yul la bya ste/ nyon mongs pa'i yid kyi yul byed pas na kun gzhi zhes bya'o/ /yang na kun gzhi zhes bya ba'i tshig gi don ni 'dre ba'am 'brel pa'am 'jug pa la bya ste/kun gzhi rnam par shes pa de chos thams cad la 'bras bu'i dngos po'i ngo bor 'dre zhing 'brel pas kun gzhi zhes bya ba'am kun gzhi de chos thams cad kyi rgyu'i dngos por 'dre zhing 'brel bas na kun gzhi zhes bya'o//de la chos thams cad la 'bras bu'i ngo bor 'bre zhing 'brel pa ni nam dge ba dang mi dge ba la sogs pa'i chos rnams kyis kun gzhi la bag chags sogs pa na/ kun gzhi bag chags dang bcas pa'i mtshan nyid khyad par can du byas pa yin pas chos rnams ni rgyu yin la kun gzhi ni 'bras bu yin te/de ltar na kun gzhi de chos rnams la 'bras bu'i dngos por 'dre zhing 'brel pa zhes bya'o/ /kun gzhi de chos rnams la rgyu'i dngos por 'dre zhing 'brel pa ni nam kun gzhi bag chags de las chos rnams byung bas na kun gzhi ni rgyu ltar gnas la chos rnams 'bras bu ltar gnas pas na kun gzhi de chos thams cad kyi rgyu'i dngos por 'dre zhing 'brel pa zhes bya'o//kun gzhi zhes bya ba'i tshig gi don gzhan yang bstan pa'i phyir/ lus kyi kun gzhi dang rgyu dang lus la gnas pa'i phyir ro zhes bya ba smos te/ de la lus kyi kun gzhi zhes bya ba la tshor ba dang / 'du shes dang /'du byed dang / rnam par shes pa ste/ ming gi phung po bzhi dang / gzugs kyi phung po ste phung po lnga la lus zhes bya'o/ /lus de yang kun gzhi la gnas shing kun gzhi la brten la kun gzhi'i mthus rgyun ma chad par 'byung ste/ lus kyi gnas dang gzhi byed pa'i phyir yang kun gzhi zhes bya'o//lus kyi rgyu dang rten byed pas na kun gzhi zhes bya ste/ ji lta zhe na/ phung po lnga'i sa bon kun gzhi la yod pa brtas par gyur pa dang / ma'i mngal du kun gzhi rnam par shes pas mtshams sbyar nas/ lus de ming dang gzugs 'byung zhing 'grub par kun gzhis byed pas na lus kyi rgyu byed pa'i phyir yang kun gzhi zhes bya'o//lus la gnas pa'i phyir zhes bya ba la lus kyi mig la sogs pa'i dbang po dang bcas pa'i gzugs la bya'o/ /'di ltar mig la sogs pa'i rnam par shes pa drug gis ni lus mtha' dag la khyab par gnas pa ma yin gyi kun gzhi rnam par shes pa ni lus mtha' dag la khyab par gnas te/kun la khyab pa'i mtshan nyid du lus dang kun gzhir 'brel pas na lus kun la khyab par gnas pa'i phyir yang kun gzhi zhes bya'o/ /kun gzhi rnam par shes pa de la ming du kun gzhi zhes bya bar yang ma zad kyi ming gzhan yang yod par bstan pa'i phyir/len pa'i rnam par shes pa yang de yin te zhes bya ba smos te/ kun gzhi de la ming du len pa'i rnam par shes pa zhes bya'o zhes bya ba'i don to/ /kun gzhi de la ci'i phyir ming du len pa'i rnam par shes pa zhes bya zhe na/ de'i gtan tshigs su/ lus len pa'i phyir ro zhes bya ba smos te/ kun gzhi 'dis lus len pa dang / 'dzin pa dang / lus mi gtong bar byed pas na len pa'i rnam par shes pa zhes bya'o/ /gal te gzhan na re/ lus ni sems kyis ma blangs kyi mu stegs kyis brtags pa'i bdag gis lus len to zhe na/ 'jig rten na lus ni sems kyis len par grags kyi bdag gis len par ma grags pa dang /bdag ni rtag pa yin pas rtag pa la ni lus len pa dang mi len pa gnyis su mi rigs la/ bdag de lus len pa dang mi len pa gnyis byed na ni mi len pa las len pa'i mtshan nyid du gzhan du gyur pas rtag par mi rung ste/ de bas na bdag gis lus len par mi rigs so//sems kyis lus len pa yang kun gzhi rnam par shes pa la tshe rabs snga ma'i 'du byed kyi bag chags bsags pas bag chags de'i rgyus ma'i mngal du khu ba dang khrag gi nang du kun gzhi rnam par shes pa brgyal ba'i dus na sems des lus blangs te/ kun gzhi'i mthus ming dang gzugs yod par byas nas sems de nyid kyis nam ma shi ba'i bar du len cing 'dzin par byed pas na len pa'i rnam par shes pa zhes bya bar 'dod do/ /kun gzhis lus len gyi mig la sogs pa'i rnam par shes pa lngas ni khrag dang khu ba'i tshe lus len par mi byed la rnam par shes pa lnga'i rjes las byung ba'i yid kyi rnam par shes pas kyang ma'i mngal du khrag dang khu ba'i tshe lus len par mi byed do//ci'i phyir zhe na/ mig la sogs pa'i rnam par shes pa ni/ ma'i mngal du khrag dang khu ba'i dus na med kyi khrag dang khu ba'i ma'i mngal gyi dus 'das nas mngal nas byung ba dang /gdod so so'i rkyen dang phrad nas mig la sogs pa'i rnam par shes pa rnams 'byung bas na mngal gyi tshe na de dag med pa'i phyir lus mi len to/ /de'i rjes las byung ba'i yid kyi rnam par shes pa yang rkyen gyi mthu las skye ste/ mig gi rnam par shes pa'i rjes las byung bas na ma'i mngal gyi tshe na ni med kyi phyis gdod 'byung bas na lus mi len to//gzhan dag gis brgal ba la/ bden te khrag dang khu ba'i dus na mig la sogs pa'i rnam par shes pa ni med de/ de dag so so'i rkyen las skye ba yin pas na lus mi len kyang de dag las ma gtogs pa'i yid kyi rnam par shes pa rnam par smin pa'i rang bzhin 'du byed kyi rkyen gyis byung ba de ni 'du byed kyi rkyen gyis rnam par shes pa zhes bya ba de la bya bas des khrag dang khu ba'i dus na lus len to zhes bya ba'i lan du/'di ltar mig la sogs pa'i rnam par shes pa lnga dang / de'i rjes las byung ba'i yid kyi rnam par shes pa ma gtogs par gzhan rnam par smin pa'i rnam par shes pa zhes bya ba 'du byed kyi rkyen gyis 'byung ba'i yid kyi rnam par shes pa zhes bya ba khrag dang khu ba'i dus na lus len par byed pa ni cung zad kyang yod pa ma yin te de med do//de ci'i phyir zhe na/ 'di ltar mig la sogs pa'i rjes las byung ba'i yid kyi rnam par shes pa las ma gtogs pa'i yid kyi rnam par shes pa yod na/yang na ni dge ba'i rang bzhin zhig yin/ yang na ni mi dge ba'i rang bzhin zhig yin par 'gyur ro/ /gal te gzhan na re/ yid de dge ba dang mi dge ba'i rang bzhin yin na ni nyes snyam pa dang /de lta na ni mi rung ste/ 'di ltar 'du byed kyi rkyen gyis byung ba'i rnam par shes pa de rtag tu rnam par smin pa'i rang bzhin yin pas gcig tu lung du ma bstan pa yin la/ rnam par shes pa drug las ma gtogs pa'i yid de ni dge ba dang / mi dge ba'i rang bzhin yin pa'i phyir rnam par smin pa'i rang bzhin du mi rung bas de la 'du byed kyi rkyen gyis rnam par shes pa zhes bya bar mi rung ngo //de bas na des khrag dang khu ba'i dus na lus len par yang mi rigs so/ /gzhan yang khyed kyi lta ba ltar na sems can thams cad ni sems kyi rgyud gcig ste/ de bas na rnam par shes pa drug gi tshogs kyang rim gyis 'byung gi cig car mi 'byung ngo zhes lta'o//'di lta ste/ gang gi tshe dge ba'i ngo bo'i rnam par shes pa byung ba de'i tshe mi dge ba'i ngo bo'i rnam par shes pa mi 'byung ba gang gi tshe mi dge ba'i chos ngo bo'i rnam par shes pa byung ba de'i tshe dge ba'i ngo bo dang / lung du ma bstan pa'i ngo bo'i rnam par shes pa mi 'byung ste/ de dag rim gyis 'byung ngo / /de la gang rnam par smin pa'i rang bzhin de dag ni lan cig chad nas slar mtshams mi sbyor te/ dper na mig gi dbang po 'di dag rnam par smin pa'i rang bzhin yin pas na lan cig chad pa dang / phyis mi 'byung ba bzhin du gal te 'jug pa'i rnam par shes pa drug las ma gtogs pa'i yid kyi rnam par shes pa zhes bya ba rnam par smin pa'i rang bzhin yod na rnam par smin pa'i rang bzhin de chad nas 'byung ba'i skyon du 'gyur te/ci'i phyir zhe na/ rnam par shes pa de dge ba dang mi dge ba'i rang bzhin du khas blangs pas nam dge ba byung ba'i tshe na mi dge ba'i sems ma byung la mi dge ba'i tshe na dge ba'i sems ma byung ste/dge ba dang mi dge ba'i sems kyang mi dge ba'i sems sngar 'byung ba 'gags te chad nas gdod dge ba'i sems 'byung ba'i rnam par smin pa la chad pa yod pa'i skyon du 'gyur bas mi rigs so//de bas na kun gzhi rnam par shes pa las ma gtogs pa'i yid kyi rnam par shes pa rnam par smin pa'i rang bzhin dang / gcig tu lung ma bstan pa'i mtshan nyid ni yod pa ma yin te med do/ /de la lan pa'i rnam par shes pa zhes bya ba ni lus thams cad khyab par len pa la de'ang rgyun mi 'chad par lus len pa la len pa'i rnam par shes pa zhes bya na/'jug pa'i rnam par shes pa drug gi tshogs rnams ni gnas so sor nges par 'jug ste/ lus kun la khyab par mi 'jug pa dang / rtag tu lus mi len gyi rgyun 'chad nas 'jug pa'i phyir lus thams cad la len pa ma yin no//ji ltar gnas so sor nges par 'jug ce na/ mig gi rnam par shes pas kyang mig gi dbang po'i gnas 'ba' zhig blangs kyi/ gnas gzhan ma blangs pa nas/ lus kyi rnam par shes pas kyang gang du reg bya 'byung ba'i lus de nyi tshe blangs kyi/ gzhan ma blangs pas na lus kun len pa ma yin no//rgyun chad nas 'jug pa ni 'jug pa'i rnam par shes pa rnams las mig gi rnam par shes pa skyes nas de'i rgyun chad de gdod sna'i rnam par shes pa skye ba dang / sna'i rnam par shes pa skyes nas chad de gdod mig gi rnam par shes pa skye bas na rtag tu lus len pa ma yin no//gzhan yang sems med pa'i gnyid dang / brgyal ba la sogs pa'i dus na 'jug pa'i rnam par shes pa rnams ril gyis 'gags pas de'i tshe lus ma blangs pas rtag tu lus len pa ma yin no/ /de lta bas na kun gzhi rnam par shes pa ni ma'i mngal du nying mtshams sbyor ba'i tshe ming dang gzugs kyi mtshan nyid kyi lus blangs nas nam ma shi'i bar du lus len cing 'dzin par byed pas na len pa'i rnam par shes pa zhes bya'o//kun gzhi rnam par shes pa bshad pa rdzogs so// // da ni nyon mongs pa can gyi yid bshad par brtsams te/de bas na de bshad do/ /gal te 'jug pa'i rnam par shes pa drug las ma gtogs pa'i nyon mongs pa'i yid ces bya ba yod na dmigs pa'i yul med pa'i rnam par shes pas ni mi srid pas nyon mongs pas yid de ci la dmigs pa bstan pa dang / gong du sems zhes bya ba dngos su 'jug pa'i rnam par shes pa rnams la mi bya'i dngos su kun gzhi rnam par shes pa la sems zhes bya ba de bzhin du/'dir yang dngos su yid ces bya ba rnam par shes pa snga ma 'gags pa drug po la mi bya'i yid ces bya ba yang dngos su nyon mongs pa'i yid la bya'o zhes bstan pa'i phyir/ dngos su na yid ces bya ba smos te/ dngos sam gtso na nyon mongs pa'i yid la yid ces bya ba'i rnam par shes pa snga ma 'gags pa drug po la ni dngos su ni yid ces mi bya'o zhes bya ba'i don to/ /nyon mongs pa'i yid de ci la dmigs she na/ de'i phyir kun gzhi rnam par shes pa la dmigs te zhes bya ba smos te/nyon mongs pa'i yid ni rtag tu kun gzhi rnam par shes pa la dmigs te/ de bas na de yul ni kun gzhi rnam par shes pa yin no/ /nyon mongs pa'i yid kun gzhi la ji ltar dmigs she na/ nyon mongs pa'i yid des kun gzhi rnam par shes pa la bdag ces bya ba ni 'di yin no zhes kun gzhi la bdag tu dmigs pa'i phyir ro//yang na nyon mongs pa'i yid de yul gzhan na yang dmigs mod kyi yul gzhan pas kun gzhi la gtsor bdag tu dmigs pas dngos su na yid ni kun gzhi rnam par shes pa la dmigs te zhes bya'o/ /nyon mongs pa'i yid de ci'i phyir kun gzhi rnam par shes pa la bdag tu dmigs pa bstan pa dang /nyon mongs pa'i yid de sems yin na/ sems las byung ba'i chos dang mi ldan pa'i sems yod mi srid pas nyon mongs pa'i yid de sems las byung ba du dang ldan pa bstan par bya ba'i phyir/ rtag tu bdag tu gti mug pa dang / bdag tu lta ba dang / bdag tu nga rgyal ba dang / bdag la chags pa la sogs pa dang mtshungs par ldan zhes bya ba smos te/ nyon mongs pa'i yid de rtag tu sems las byung bas nyon mongs pa can bdag tu gti mug pa dang / bdag tu lta ba dang / bdag tu nga rgyal ba dang / bdag la chags pa ste sems las byung ba bzhi dang ldan pas kun gzhi rnam par shes pa la bdag ni 'di yin no snyam du dmigs so//rtag tu zhes bya ba ni ji srid du dgra bcom pa dang / 'phags pa'i lam dang / 'gog pa'i snyoms par 'jug pa'i dus las ma gtogs pa dge ba dang mi dge ba dang lung du ma bstan par byed pa'i dus dang /'du shes med pa'i snyoms par 'jug pa dang / 'du shes med pa pa dang / sems med pa'i gnyid dang / brgyal ba la sogs pa'i tshe dus thams cad du kun gzhi la bdag tu lta zhing dmigs pa rgyun ma chad par byed pas na rtag tu zhes bya'o//de ltar na nyon mongs pa'i yid rtag tu nga dang bdag go zhes rlom sems pa'i rang bzhin yin pas na dngos su na de la yid ces bya'o/ /gzhan dag gis smras pa/ de ltar dngos su na nyon mongs pa'i yid la yid ces bya na rnam par shes pa drug po 'gags ma thag pa de la don gang gis na yid ces bya zhes bya ba'i lan du/gang yang mig gi rnam par shes pa nas/ yid kyi rnam par shes pa'i bar du drug po 'gags ma thag pa la yid ces bya ba yang mig nas lus kyi bar du rnam par shes pa lnga'i rten ni mig gi dbang po nas lus kyi dbang po'i bar du lnga yin par grags na/yid kyi rnam par shes pa'i rten tam dbang po ma grags pas de'i rten grags par bya ba'i phyir rnam par shes pa drug po snga ma 'gags pa la yid ces bya bar btags par zad de/ gang dag dang bdag gir rlom sems pa de la dngos su yid ces bya bas rnam par shes pa snga ma 'gags pa ni bdag dang bdag gir rlom sems pa'i rang bzhin ma yin pas dngos su de la yid ces mi bya'o//de la kun gzhi bdag med pa la bdag med par khong du ma chud pa ni bdag tu gti mug pa zhes bya'o/ /de ltar bdag med par khong du ma chud pas kun gzhi la bdag rtag pa ni 'di yin no snyam du 'dzin pa ni bdag tu lta ba zhes bya'o//bdag tu bltas pa'i rgyu des sems mtho ba dang khengs par gyur pa ni bdag tu nga rgyal ba zhes bya'o/ /bdag tu gti mug pa dang / bdag tu lta ba dang / bdag tu nga rgyal ba gsum las/ bdag de la chags shing phangs par 'dzin pa ni bdag la chags pa zhes bya ste/nyon mongs pa'i yid de sems las byung ba'i nyon mongs pa can bzhi dang ldan no zhes bya ba'i don to/ /sogs pa'i sgras ni sems las byung ba bzhi po de 'ba' zhig 'byung bar ma zad kyi reg pa dang yid la byed pa la sogs pa lnga kun tu 'gro ba yang ldan par ston to//de bas na nyon mongs pa'i yid de sems las byung ba'i nyon mongs pa can bzhi dang / lnga kun tu 'gro bas bsnan te sems las byung bas dgu dang ldan no/ /nyon mongs pa'i yid de yod par nyan thos rnam par smra ba pa rnams la ma grags te/ de bas na de dag la yod do zhes bstan pa dang /nyon mongs pa'i yid de yang sems kyi rang bzhin gyi yin gyi sems las byung ba'i rang bzhin ma yin no zhes bstan pa'i phyir/ rnam par shes pa zhes bya ba smos te/ nyon mongs pa'i yid de rnam par shes pa'i rang bzhin yin pas sems kyi rang bzhin yin gyi sems las byung ba'i rang bzhin ma yin no zhes bya ba'i don to//nyon mongs pa'i yid de sems kyi rang bzhin yin na chos rnam pa bzhi la dge ba dang / mi dge ba dang / ma bsgribs la lung du ma bstan pa dang bsgribs la lung du ma bstan pa las chos de bzhi gang gi rang bzhin yin zhe na/de'i phyir/ rigs gcig pa dang zhes bya ba smos te/ chos rnam pa bzhi las nyon mongs pa'i yid de ni bsgribs la lung du ma bstan pa'i rang bzhin yin gyi dge ba'i rang bzhin yang ma yin/ mi dge ba'i rang bzhin yang ma yin/ ma bsgribs la lung du ma bstan pa'i rang bzhin yang ma yin pas rigs gcig pa zhes bya'o//nyon mongs pa'i yid de bdag tu gti mug pa la sogs pa sems las byung ba nyon mongs pa can bzhi dang ldan pas na bsgribs pa zhes bya'o/ /dge ba'i rang bzhin yang ma yin mi dge ba'i rang bzhin yang ma yin pas na lung du ma bstan pa zhes bya'o/ / ci'i phyir dge ba dang mi dge pa'i rang bzhin ma yin zhe na/ gal te nyon mongs pa'i yid de dge ba'i rang bzhin zhig yin par gyur na ni mi dge ba'i rang bzhin byed pa rnams la dge ba med pas nga mi dge ba byed do snyam du ngar 'dzin pa'i nyon mongs pa'i yid de med par 'gyur ba'i rigs na/ mi dge ba byed pa rnams la yang nga mi dge ba byed do snyam du 'dzin pa'i rang bzhin yod pas na nyon mongs pa'i yid de dge ba'i rang bzhin yang ma yin no//gal te nyon mongs pa'i yid de mi dge ba'i rang bzhin yin na ni dge ba byed pa rnams la mi dge ba byed pas nyon mongs pa'i yid med pa'i phyir bdag dge ba spyod do snyam du bdag tu sems pa med pa'i rigs na/dge ba byed pa rnams kyang bdag dge ba byed do snyam du bdag tu 'dzin pa yod pas nyon mongs pa'i yid de mi dge ba'i rang bzhin yang ma yin no/ /yang na nyon mongs pa'i yid de nyon mongs par rigs gcig par yin gyi dge ba dang mi dge ba dang /ma bsgribs la lung du mi ston pa'i rang bzhin ni ma yin te/ ci'i phyir nyon mongs par rigs gcig ce na/ rtag par bdag tu gti mug pa la sogs pa nyon mongs pa bzhi dang ldan pa'i phyir nyon mongs pa rigs gcig go/ /smras pa/ de ltar na nyon mongs pa'i yid de rtag gam mi rtag pa zhig yin snyam pa la/rgyun tu 'jug pa ste zhes bya ba smos te/ skad cig ma'i rgyun gyis rgyun mi 'chad par 'jug pas rgyun du 'jug pa zhes bya ste/ de ni mi rtag par bstan to/ /de ltar 'jug pa bstan nas / de 'gog pa ston te/ nyon mongs pa'i skad cig ma'i rgyun gyis rgyun mi 'chad par 'jug na/ gang gi dus kyi tshe nyon mongs pa'i yid med par 'gyur snyam pa la/ de'i phyir dgra bcom pa dang / 'phags pa'i lam dang / 'gog pa'i snyoms par 'jug pa'i dus ma gtogs so zhes bya ba smos te/ dgra bcom pas ni khams gsum gyi nyon mongs pa'i chos kun ma lus par spangs pas nyon mongs pa'i yid kyang spangs pa'i phyir dgra bcom pa'i dus na nyon mongs pa'i yid med do//'phags pa'i lam ni gang zag dang chos la bdag med par bsgoms pa ste/ don dam par bsgom pa de bdag tu lta ba dang mi mthun pa yin la/bdag tu lta ba'i gnyen po yin pas 'phags pa'i lam la snyoms par zhugs pa'i tshe nyon mongs pa'i yid med de/ lam las langs nas ni nyon mongs pa'i yid kyang 'byung ngo / /de ci'i phyir zhe na/ 'phags pa slob pa'i gang zag rnams lam la snyoms par 'jug ste/slob pa rnams kyi ni nyon mongs pa kun ma lus par ma spangs pa'i phyir nyon mongs pa'i yid kyi bag chags kyang bag chags da dung ma byang bas langs pa'i tshe kun gzhi rnam par shes pa las kyang 'byung ngo / /'du shes med pa'i snyoms par 'jug pa'i dus na ni nyon mongs pa'i yid yod pas zhi ba ma yin kyi 'gog pa'i snyoms par 'jug pa'i dus na nyon mongs pa'i yid med pas ches zhi ba zhes bya ste/'gog pa'i snyoms par 'jug pa de ches zhi bar gyur pa'i phyir 'gog pa'i snyoms par 'jug pa'i dus na nyon mongs pa'i yid med do/ /de gsum gyi dus las ma gtogs par dge ba dang mi dge ba dang lung du ma bstan pa'i dus dang /'du shes med pa'i snyoms par 'jug pa dang / 'du shes med pa pa dang / sems med pa'i gnyid dang / brgyal ba la sogs pa'i dus na rtag tu yod do zhes bstan pa yin no/ /mdor na nyon mongs pa'i yid kyi skabs su don bzhis bstan te/yid kyi nges pa'i tshig dang / dmigs pa dang / ldan pa dang / dus ji srid du yod pa'o/ /de la bdag dang bdag gir sems pa zhes bya bas yid kyi nges pa'i tshig bstan/ kun gzhil dmigs pa zhes bya bas dmigs pa bstan/ sems las byung ba'i nyon mongs pa bzhi dang /lnga kun tu 'gro ba dang ldan pas zhes bya bas ldan pa bstan/ dgra bcom pa la sogs pa'i dus gsum las ma gtogs par dus gzhan du 'jug ces bya bas dus ci srid du gnas pa bstan no / nyon mongs pa'i yid bstan pa rdzogs so// // gzugs la sogs pa la phung po zhes btags pa la phung po zhes bya ba'i don bstan pa yang / gong du gzugs la sogs pa ni je bshad kyi phung po'i don phyis bstan to zhes glengs pa de yang bstan pa'i phyir/ ci'i phyir phung po zhes bya zhe na zhes dris te/ gzugs la sogs pa'i chos la ci'i phyir phung po zhes gdags zhes dris pa'i don to//de'i lan du/ spungs pa'i phyir te zhes bya ba smos te/ gang cung zad gzugs su bgrang ba 'das pa dang / ma 'ongs pa dang / da ltar byung ba dang / nang gi dang / phyi'i dang / chen po dang / chung ngu dang / ngan pa dang / bzang po dang / nye ba dang / ring ba gang yin pa de dag thams cad dngos por bsdur mi rung yang tshig gis bsdus te/ chos mang po de dag gcig tu bsdus te spungs pa la/ gzugs kyi phung po zhes bya ba dang / de bzhin du gang cung zad rnam par shes pa'i mtshan nyid du bgrang ba/ 'das pa dang ma 'ongs pa zhes bya ba nas/nye ba dang ring ba gang yin pa de dag dngos por bsdur mi rung yang tshig gis bsdus te spungs ba la rnam par shes pa'i phung po zhes bya'o zhes pa'i don to/ /don de nyid bstan par bya ba'i phyir/ dus dang / rgyud dang / rnam pa dang / 'gro ba dang / yul tha dad pa'i gzugs la sogs pa'i mdor bsdus pa'i phyir ro zhes bya ba smos te/ tha dad pa zhes bya ba'i tshig kun dang yang sbyar te/ dus tha dad pa dang / rgyud tha dad pa dang / rnam pa tha dad pa dang / 'gro ba tha dad pa dang / yul tha dad pa'i gzugs ji snyed yod pa rnams gcig tu bsdus te spungs pa la phung po zhes bya ba'i don to//rnam par shes pa la sogs pa phung po lhag ma la yang de bzhin du sbyar ro/ /de la 'das pa dang ma 'ongs pa dang da ltar byung ba zhes bya bas dus tha dad pa'i gzugs bstan to/ /phyi dang nang gi zhes bya bas rgyud tha dad pa'i gzugs bstan te/ gang gi phyir mig la sogs pa'i dbang po'i rang gi rgyud la yod pa la ni nang gi gzugs zhes bya'o//gang gi phyir rang gi rgyud las gzhan pa rtsig pa la sogs pa la ni phyi'i gzugs zhes bya'o/ /yang na rang gi lus la yod pa mig la sogs pa'i skye mched rnams la ni nang gi gzugs zhes bya'o/ / sems can gzhan gyi rgyud la yod pa'i skye mched rnams la ni phyi'i gzugs zhes bya'o/ /chen po dang chung ngu zhes bya bas rnam pa tha dad pa phye ba'i gzugs bstan te/ chen po dang chung ngu'i gzugs ni phan tshun du ltos na chen po dang chung ngur gzhag ste/ chen po la ltos na chung ngu zhes bya/ chung ngu la ltos na chen po zhes bya/yang na thogs pa dang bcas pa'i gzugs rnams la ni chen po zhes bya'o/ /rnam par rig byed ma yin pa lta bu thogs pa med pa la ni chung ngu zhes bya'o/ /ngan pa dang bzang po dang zhes bya bas 'gro ba tha dad pas phye ba'i gzugs bstan te/ ngan song gsum gyi 'gro bar skyes pa'i gzugs la ni ngan pa zhes bya'o//lha dang mir skyes pa'i gzugs la ni bzang po zhes bya'o/ /nye ba dang ring ba zhes bya bas yul tha dad pas phye ba'i gzugs bstan te/ gang ltar snang ba ste/ mngon sum du mthong du rung ba'i yul na gnas pa'i gzugs la ni nye ba zhes bya'o//gzugs la sogs pa ltar mi snang ba'i yul na gnas pa la ni ring ba zhes bya'o/ /tshor ba la sogs pa'i phung po lhag ma la yang gang 'das pa dang / ma 'ongs pa dang / da ltar byung ba'i tshor ba dang / 'du shes la sogs pa'i phung po la ni dus tha dad pa zhes bya'o/ /bdag nyid kyi rgyud du gtogs pa'i tshor ba dang /'du shes la sogs pa ni nang zhes bya'o/ /sems can gyi rgyud du gtogs pa'i tshor ba dang / 'du shes la ni phyi zhes bya ste/ 'di ni rgyud tha dad pa'o/ /mig gi dbang po dang / lus kyi dbang po la brten pa'i tshor ba dang / 'du shes la sogs pa ni chen po zhes bya'o//yid kyi dbang po la brten pa'i tshor ba dang / 'du shes la sogs pa la ni chung ngu zhes bya ste/ 'di ni rnam pa tha dad pa'o/ /ngan song gsum du gtogs pa'i tshor ba dang / 'du shes la sogs pa ni ngan pa zhes bya'o/ /lha dang mi'i rgyud du gtogs pa'i tshor ba dang / 'du shes ni bzang po zhes bya ste/ 'di ni rgyud tha dad pa'o/ /tshor ba la sogs pa la yang nye ba dang ring bar gzhag pa ni tshor ba la sogs pa'i rten lus ltar snang mi snang las nye ring du gzhag ste/ lus ltar snang ba la brten pa'i tshor ba ni nye ba zhes bya'o/ /lus ltar mi snang ba la brten pa'i tshor ba la ni ring ba zhes bya ste/'di ni yul tha dad pa'o/ /phung po lnga bshad pa rdzogs so// //zag pa dang bcas pa dang / zag pa med pa'i 'dus byas thams cad ni phung po lngar 'dus/ zag pa dang bcas pa'i phung po lnga ni nye bar len pa'i phung po lngar 'dus/ 'dus byas dang 'dus ma byas kyi chos thams cad ni skye mched bcu gnyis dang /khams bco brgyad du 'dus so zhes bstan pa dang / mdo sde las phung po'i 'og tu skye mched bcu gnyis bshad de/ de bas na mdo sde bzhin du phung po bshad pa'i 'og tu skye mched bshad par bya ste/ de la skye mched rnams la grangs su ni du zhig yod pa dang /de dag dngos su ni gang dang gang yin pa dang / skye mched ces bya ba'i tshig gi don ci yin pa bstan par bya ba'i phyir/ skye mched bcu gnyis ni zhes bya ba smos te/ skye mched la grangs ni bcu gnyis yod do zhes bya ba'i don to/ /de dag dngos po gang dang gang yin pa bstan par bya ba'i phyir/mig gi skye mched nas chos kyi skye mched do zhes bya ba'i bar du smos so/ /phung po lnga las gzugs kyi phung po'i skabs su rgyur byas pa'i gzugs las bcu gcig tu bshad do/ /dbang po lnga dang yul lnga dang / rnam par rig byed ma yin pa dang bcu gcig tu bshad pa las/dbang po lnga dang / yul lnga la 'dir skye mched bcu zhes bya'o zhes bstan par bya ba'i phyir/ mig la sogs pa dang / gzugs dang sgra dang dri dang ro'i skye mched rnams kyang snga ma bzhin bshad do zhes bya ba smos te/ gzugs kyi phung po bshad pa'i skabs su mig gi dbang po dang /rna ba'i dbang po dang / sna'i dbang po dang / lce'i dbang po dang / lus kyi dbang po'i rang bzhin ji ltar bshad pa lnga po de nyid la skye mched kyi skabs su yang mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched ces skye mched lngar bzhag la/ skye mched de dag gi rang bzhin yang dbang po'i skabs su bshad pa bzhin du bshad par bya'o/ /ji lta zhe na/ mig gi skye mched gang zhe na/ yul kha dog gzugs dang ba'o/ /rna ba'i skye mched gang zhe na/ yul sgra gzugs dang ba'o/ / sna'i skye mched gang zhe na/ yul dri gzugs dang ba'o/ /lce'i skye mched gang zhe na/ yul ro gzugs dang ba'o/ /lus kyi skye mched gang zhe na/ yul reg bya gzugs dang ba'o/ /gzugs kyi phung po'i skabs su gzugs dang / sgra dang / dri dang / ro dang / bzhi bshad pa la/ skye mched kyi skabs su gzugs kyi skye mched dang / sgra'i skye mched dang /dri'i skye mched dang / ro'i skye mched ces skye mched bzhir gzhag cing / de dag gi rang bzhin yang gzugs kyi phung po'i skabs su bshad pa bzhin du 'dir yang bshad par bya ste/ ji lta zhe na/ gzugs kyi skye mched gang zhe na/ mig gi yul te/ kha dog dang / dbyibs dang / rnam par rig byed pa'o/ /sgra'i skye mched gang zhe na/ rna ba'i yul te/ zin pa dang ma zin pa dang / gnyi ga'i ste 'byung ba chen po bzhi'i rgyu las byung ba'o/ /dri'i skye mched gang zhe na/ sna'i yul te/ dri zhim pa dang / dri mi zhim pa dang / de las gzhan pa'o/ /ro'i skye mched gang zhe na/ lce'i yul te/ mngar ba dang / skyur ba dang / lan tshwa ba dang / kha ba dang / tsha ba dang / bska ba'o zhes bshad par bya'o/ /reg bya'i skye mched kyang gzugs kyi phung po bshad pa'i skabs su reg bya'i bshad pa nyid la ni reg bya'i skye mched ces bya'o zhes bstan par bya ba'i phyir/ reg bya'i skye mched ni 'byung ba chen po bzhi dag dang / gang reg bya'i phyogs gcig bshad pa'o zhes bya ba smos te/ gong du gzugs kyi phung po bshad pa'i skabs su lus kyi reg bya'i rgyu 'byung ba chen po bzhi'i steng du rgyur byas pa'i gzugs 'jam pa dang / rtsub pa dang / lci ba dang / yang ba dang / grang ba dang / bkres pa dang / skom pa dang bdun gyis bsnan te/bcu gcig po de nyid la reg bya'i skye mched ces bya'o/ /skye mched bcu'i mtshan nyid bshad nas/ yid kyi skye mched gang la bya ba bshad par bya ba'i phyir/ yid kyi skye mched ni rnam par shes pa'i phung po'o zhes bya ba smos te/ rnam par shes pa'i phung po bshad pa'i skabs su rnam par shes pa brgyad la rnam par shes pa'i phung po zhes bya'o zhes bshad pa'i rnam par shes pa brgyad la yid kyi skye mched ces bya'o//rnam par shes pa brgyad kyang 'jug pa'i rnam par shes pa drug gi steng du kun gzhi rnam par shes pa dang / nyon mongs pa'i yid kyis bsnan te brgyad do//de bas na skye mched bshad pa'i skabs su ni rnam par shes pa'i phung po la yid kyi skye mched ces bya'o/ /chos rnam pa brgyad la chos kyi skye mched ces bya'o zhes bstan pa'i phyir/ chos kyi skye mched ni gang tshor ba dang / 'du shes dang / 'du byed dang / rnam par rig byed ma yin pa dang / 'dus ma byas so zhes bya ba smos te/ chos kyi skye mched ni rnam pa brgyad yod de / /tshor ba dang / 'du shes dang / 'du byed dang / rnam par rig byed ma yin pa dang / 'dus ma byas bzhi ste brgyad do/ /de la tshor ba dang / 'du shes dang / 'du byed kyi phung po dang / rnam par rig byed ma yin pa la sogs pa'i rang bzhin ni gong du phung po bshad pa'i skabs su bshad zin pas da mi bshad kyi phung po'i skabs su 'dus ma byas ma bshad pas da 'dus ma byas kyi rang bzhin bstan par bya ba dang /'dus ma byas bzhi po gang dang gang yin pa bstan par bya ba'i phyir/ 'dus ma byas gang zhe na zhes dris nas/nam mkha' dang / so sor brtags pa ma yin pas 'gog pa dang / so sor brtags pas 'gog pa dang / de bzhin nyid do zhes bya ba smos so / /de la las dang nyon mongs pa'i rgyu dang rkyen gyi mthu las skyes pa'i rang bzhin ni 'dus byas zhes bya'i las dang nyon mongs pa'i rgyu rkyen la brten nas skye ba'i rang bzhin ma yin pa la ni 'dus ma byas zhes bya ste/de yang nam mkha' la sogs pa bzhi'o/ /de la nam mkha'i rang bzhin ji lta bu yin pa mi shes nas de'i rang bzhin shes par 'dod nas / nam mkha' gang zhe na zhes dris te/ nam mkha'i rang bzhin gang zhe na zhes dris pa'i don to//de'i lan du/ gzugs kyi go 'byed pa'o zhes bya ba smos te/ thogs pa dang bcas pa'i gzugs rnams gnas pa dang / yul gang du thogs par mi byed pa'i gnas dang / yul de ni thogs pa dang bcas pa'i gzugs gzhan gyi go 'byed pa yin te/de bas na gzugs rnams phan tshun 'gro ba'i go 'byed pa la nam mkha' zhes bya'o/ /yang na gzugs rnams skye ba la bgegs mi byed pa ni nam mkha' zhes bya'o/ /yang na nam mkha' 'di'i bar na dngos po rnams shin tu snang bas na nam mkha' zhes bya'o/ /nam mkha'i 'og tu so sor brtags pa ma yin pas 'gog pa smos na so sor brtags pa ma yin pas 'gog pa'i rang bzhin rtogs par 'dod nas/so sor brtags pa ma yin pas 'gog pa gang zhe na zhes dris te/ so sor brtags pa ma yin pas 'gog pa'i rang bzhin gang zhe na zhes dris pa'i don to/ /de la so sor brtags pa zhes bya ba la brtags pa zhes bya ba dang /'jal ba zhes bya ba dang / rnam par 'byed pa zhes bya ba dang / shes rab ces bya ba dag ni tshig gi rnam grangs su zad kyi don gcig go/ /so sor zhes bya ba ni 'di ltar sdug bsngal dang / kun 'byung dang / 'gog pa dang / lam gyi bden pa bzhi po so so la ni sdug bsngal gyi bden pa la ni shes rab kyis mi rtag pa dang /sdug bsngal ba dang / stong pa dang / bdag med pa yin no zhes brtags shing shes par byas/ kun 'byung gi bden pa la ni rgyu dang / rkyen dang / kun 'byung ba dang / rab tu 'byung ba zhes brtags shing shes par byas/ 'gog pa'i bden pa la ni 'gog pa dang /zhi ba dang / gya nom pa dang / byung ba zhes brtags shing shes par byas/ lam gyi bden pa la ni lam dang / rigs pa dang / bsgrub par bya ba dang 'byung bar byed par brtags shing shes par byas te/ bden pa bzhi po so so la brtags gzhal nas nyon mongs pa spangs te phung po mi skye par 'gag pa ni so sor brtags te 'gog pa zhes bya ste/don du na/ bden pa bzhi shes pa'i shes rab kyi khyad par la so sor brtags pa zhes bya ba'o / /so sor brtags pa med par 'gag pa ni so sor brtags pa ma yin pas 'gog pa zhes bya ste/ don du na shes rab med par phung po la sogs pa'i chos mi skye bar gyur pa ni so sor brtags pa ma yin pas 'gag pa zhes bya'o//de yang rkyen dang mi ldan pa ste/ gang ma 'ongs pa'i chos skye bar 'gyur ba de skye bar 'gyur ba'i chos rgyu dang rkyen dang mi ldan zhing rkyen med pas ma skyes te ma 'ongs pa'i dus su lus nas nams kyang mi skye bar 'gyur ba ni so sor brtags pa ma yin pas 'gag pa zhes bya'o//de'i lan du/ gang 'gog pa mi 'bral ba ste zhes bya ba smos te/ yang nyon mongs pa ma skyes la mi 'bral ba dang / nyon mongs pa skyes la 'bral ba gnyis yod pa las/ so sor brtags pa ma yin pas 'gog pa ni phung po mi skye bar 'dod pa ni yin gyi rnam par bral ba ni ma yin no zhes bya ba'i tha tshig go//don du na so sor brtags pa ma yin pas 'gog pa de phung po shin tu mi skye ba'i rang bzhin yin gyi nyon mongs pa spangs pa'i rang bzhin ni ma yin no zhes bstan pa yin no/ /de la 'gog pa'i sgra so sor brtags pa ma yin pas 'gog pa 'ba' zhig la 'gog pa zhes bya bar ma zad kyi gsung rab la so sor brtags te 'gog pa la yang 'gog pa zhes bya'o//'du shes med pa'i snyoms par 'jug pa la yang 'gog pa zhes bya/ 'du shes med pa la yang 'gog pa zhes bya/ chos rnams mi rtag ste skyes nas 'gags pa mi rtag pa la yang 'gog pa zhes bya ba gsungs te/de las kyang 'dir so sor brtags te 'gog pa mi 'chad do zhes bsal bar bya ba'i phyir mi 'bral ba zhes bya ba smos te/ so sor brtags te 'gog pa ni 'bral ba'i rang bzhin yin la so sor ma brtags pa'i rang bzhin ni mi 'bral ba yin pas mi 'bral ba zhes bya ba'i tshig gis so sor brtags te 'gog pa bsal ba yin no//de la mi 'bral ba zhes bya ba la 'bral ba'i don je bstan to/ /nyon mongs pa'i gnyen po shes rab kyis sems kyi rgyud la nyon mongs pa'i sa bon rtsa ba nas bton pas nyon mongs pa dang phung po phyis rab tu mi skye bar 'gyur ba gang yin pa de ni 'bral ba zhes bya'o//sems kyi rgyud la nyon mongs pa'i sa bon yod pa de dag shes rab kyis ma bton ma bsal kyang chos de dag skye ba'i rkyen dang mi ldan te/ rkyen med pas ma 'ongs pa'i chos rnams rab tu mi skye ste de rnams kyang skye bar mi 'gyur ba de ni so sor brtags pa ma yin pas 'gog pa zhes bya'o//de ltar bshad pa dang / brgal ba/ 'di ltar 'phags pa dgra bcom pa dag la lha'am mi'am sems can dmyal ba la sogs pa'i ris mthun pa'i gnas su phung po skye bar 'gyur ba'i las ma nges pa'i sa bon sems kyi rgyud la yod pa 'phags pa dgra bcom pa de dag gi phung po de ma 'ongs pa ni mi skye ste/nams kyang mi skye ba thob pa de yang so sor brtags pa ma yin pas 'gog pa ma yin pa'i skyon du 'gyur bar dogs pa bsal ba'i phyir/ de la gang nyon mongs pa'i gnyen po med par phung po rnams rab tu mi skyed pa'o zhes bya ba smos te/'phags pa dgra bcom pa'i phung po mi skye ba de las dge ba byas pas las des ma 'ongs pa'i phung po 'phen par 'gyur ba'i las kyi sa bon yod pa dang / las lung du ma bstan pa byas pas ma 'ongs pa na bzo shes pa'i lus skye bar 'gyur ba'i rgyu mthun pa'i las kyi sa bon yod pa 'phags pa dgra bcom pa des sa bon ma spangs te/yod kyang ma 'ongs pa na phung po mi skye ba dang / nyon mongs pa mi skye ba de nyon mongs pa'i gnyen po med par mi skye ba mi 'grub ste/ gnyen po dgos pas gang phung po'i sa bon yod kyang sa bon yod pa de nyon mongs pa'i gnyen pos phung po mi skye bar byas pa ni so sor brtags te 'gog pa de nyid de/de bas na phung po'i lhag ma dang bcas pa'i mya ngan las 'das pa'i dbyings dang / phung po'i lhag ma ma lus pa'i mya ngan las 'das pa'i dbyings ni so sor brtags pas 'gog pa yin par bshad do/ /ci'i phyir zhe na/ shes rab kyis nyon mongs pa spangs pa las gdod mya ngan las 'das pa gnyis thob pas na so sor brtags pas 'gog par gzhag go//nyon mongs pa'i gnyen po zhes bya ba ni 'di'i skabs su zag pa med pa 'phags pa'i lam la ni mi bya ste/ nyon mongs pa'i gnyen po'i 'phags pa'i lam gyis nyon mongs pa spangs nas phung po mi skye bar byas pa lta bu ni ma yin gyi/nyon mongs pa'i gnyen po med par ma 'ongs pa'i chos rgyu rkyen dang mi ldan pas phung po de rab tu mi skyed de/ nams kyang skye bar mi 'gyur ba ni so sor brtags pa ma yin pas 'gog pa zhes bya'o/ /de la shin tu zhes bya ba'i sgra smos pa 'du shes med pa'i snyoms par 'jug pa'i 'gog pa dang /'du shes med pa'i 'gog pa las dbye bar byed de ci'i phyir zhe na/ de dag gi tshe dus ji srid cig tu chos mi skye bar byed pa yin gyi shin tu mi skye bar byed pa ni ma yin te/ 'du shes med pa'i snyoms par 'jug pa dang / 'du shes med pa pa'i tshe sems dang sems las byung ba 'gags nas de las langs pa dang /yang phyis sems dang sems las byung ba 'byung bar 'gyur ba'i phyir ro/ /ma 'ongs pa'i chos mi skyed ces bya bas mi rtag pa'i 'gog pa las 'byed par byed de/ ci'i phyir zhe na/ mi rtag pa'i 'gog pa ni da ltar gyi dus kyi chos skyes pa la 'gog par byed kyi ma 'ongs pa'i chos mi skyed cing 'gog par mi byed pa'i phyir ro//de la dngos su 'di ltar gzugs kyi rnam pa gcig la mig gi rnam par shes pa zhen nas yengs pa na gzugs kyi rnam pa dkar po dang dmar po dang ser po la sogs pa dang / sgra dang / dri dang / ro dang / reg la sogs pa'i chos rnams dus gcig tu byung ba las gzugs kyi rnam pa sngon po la mig gi rnam par shes pa zhen nas yengs pa dang /gzugs kyi rnam pa dkar po dang dmar po la sogs pa ni skad cig ma yin pas 'gags te 'das pa'i dus sa song la/ de la dmigs pa'i rnam par shes pa lnga po rnams ni rkyen med pas ma skyes te/ ma 'ongs pa'i dus su lus nas nam yang mi skye bar 'gyur ba de la so sor brtags pa ma yin pas 'gag pa zhes bya'o//ci'i phyir zhe na/ skad cig ma de ma thag pa'i rkyen de ni rnam pa gcig la zhen pa'i rnam par shes pa'i de ma thag pa'i rkyen byas kyi rnam par shes pa gzhan gyi de ma thag pa'i rkyen ma byas pas de ma thag pa'i rkyen med pa dang /de dag gi dmigs pa'i yul lnga yang 'das pa'i dus su song bas dmigs pa'i rkyen med de rkyen gnyis dang mi ldan pas na rnam par shes pa de dag ma skyes te ma 'ongs pa'i dus su lus so/ /so sor brtags pa ma yin pa'i 'og tu so sor brtags pa smos te/de bas na so sor brtags pas 'gog pa'i rang bzhin shes par 'dod nas/ so sor brtags pas 'gog pa gang zhe na zhes dris te/ so sor brtags pas 'gog pa'i rang bzhin gang zhe na zhes dris pa'i don to/ /de la so sor brtags pa zhes pa la brtags pa dang 'byed pa dang shes rab ces bya ba dag don gcig ste/gang de ma thag pa'i lam du gtogs pa'i shes rab kyi khyad par la brtags pa zhes bya ste/ sdug bsngal dang kun 'byung ba dang 'gog pa dang lam ste/ bden pa bzhi la shes rab des so sor mi rtag pa dang / sdug bsngal ba la sogs par shes par byas nas nyon mongs pa spangs pas thob ste/nyon mongs pa spangs pas phung po mi skye bar 'gag pa ni so sor brtags pas 'gog pa zhes bya'o/ /de'i lan du/ gang 'gog la de ni bral ba'o zhes bya ba smos te/ so sor brtags pas 'gog pa de phung po mi skye bar 'gog pas na 'gog pa zhes bya la/ de yang nyon mongs pa'i mtshan nyid yin pas de ni bral ba zhes bya'o//de la 'gog pa'i tshig 'ba' zhig smos kyi 'bral ba'i tshig ma smos na ni so sor brtags pa ma yin pa'i 'gog pa dang / 'du shes med pa'i snyoms par 'jug pa'i 'gog pa dang / 'du shes med pa dang / mi rtag pa'i 'gog pa yang bya ba'i skyon du 'gyur bas de'i phyir/de ni bral ba'o zhes bya ba smos te/ so sor brtags pa ma yin pa la sogs pa'i 'gog pa bzhi ni 'gog pa yin kyang nyon mongs pa dang bral ba'i rang bzhin ma yin te/ de bas 'bral ba'i tshig gis 'gog pa lhag ma bzhi bkar ba yin no/ /gang 'gog la bral ba zhes bya ba'i don de nyid gsal bar bstan par bya ba'i phyir/de yang gang nyon mongs pa'i gnyen pos phung po rnams rab tu mi skyed pa'o zhes bya ba smos so/ /yang na mthong ba'i lam dang bsgom pa'i lam gyis nyon mongs pa rnams med par bkag pa ni gang 'gog pa zhes bya'o/ /nyon mongs pa sngar 'gags pas phyis nyon mongs pa dang bral ba'i sems kyi rgyud thob pa ni 'bral ba zhes bya ste/'bras bu dang bral ba bstan pa'i phyir de yang gang nyon mongs pa rnams spangs pas nyon mongs pa med pa'i phyir phung po lnga tshe rabs gzhan du mi skye bar 'gyur ba ni nyon mongs pa'i gnyen pos phung po rnams rab tu mi skyed pa zhes bya ste/ don du kun 'byung ba dang /sdug bsngal gyi bden pa gnyis spangs te/ bkag pa la so sor brtags pas 'gog pa zhes bya'o/ /de'i don zhib tu dpyad par bya'o/ /yong ni lus la gnas pa zhes bya ba med kyi/ lus dang longs spyod dang / gnas kun kyang kun gzhi la snang bas kun gzhi la gnas zhes bya /de la 'dod pa'i khams kyi gnas 'di ni/ khams gsum gyi mthong ba dang / bsgom pas spang bar bya ba'i nyon mongs pa'i sa bon dang ldan pa yin no/ /gzugs kyi gnas ni gzugs kyi khams dang gzugs med pa'i khams kyi nyon mongs pa'i sa bon dang ldan pa yin no/ /gzugs med pa'i khams ni khams gcig gi nyon mongs pa'i sa bon dang ldan te/gzugs med pa'i khams kyi sa bon dang ldan no/ /khams gsum las 'dod pa'i khams na nyon mongs pa'i gnyen pos nyon mongs pa spangs pas phung po mi skyed pa je dpyad par bya'o/ /de la 'dod pa'i khams na bden pa bzhi las sdug bsngal mthong bas spang bar bya ba'i nyon mongs pa bcu ste/'jig tshogs su lta ba dang / mthar 'dzin par lta ba dang / log par lta ba dang / lta bsnyems pa dang / tshul khrims dang brtul zhugs snyems pa dang / the tshom dang / 'dod chags dang / khong khro ba dang / nga rgyal dang / ma rig pa'o/ /kun 'byung mthong bas spang bar bya ba'i nyon mongs pa bdun te/ snga ma bcu las 'jig tshogs su lta ba dang / mthar 'dzin par lta ba dang / tshul khrims dang brtul zhugs snyems pa gsum bkol nas/ log par lta ba dang / lta ba snyems pa dang / the tshom dang / 'dod chags dang /khong khro ba dang / nga rgyal dang / ma rig pa ste bdun no/ /'gog pa mthong bas spang bar bya ba'i phyir spang bar bya ba'i nyon mongs pa bdun te/ kun 'byung mthong bas spang bar bya ba'i nyon mongs pa bdun po nyid do/ /lam mthong bas spang bar bya ba'i nyon mongs pa brgyad de/ snga ma bdun gyi steng du tshul khrims dang /brtul zhugs snyems pas bsnan nas brgyad do/ /de ltar 'dod pa'i khams kyi mthong bas spang bar bya ba'i nyon mongs bsdoms na nyon mongs pa sum cu rtsa gnyis so/ /'dod pa'i khams kyi bsgom pas spang bar bya ba'i nyon mongs pa 'dod chags dang / khong khro ba dang / nga rgyal dang / ma rig pa bzhi la ni dgur dbye ste/ chen po'i chen po dang / chen po'i 'bring po dang / chen po'i chung ngu dang / 'bring po'i chen po dang / 'bring po'i 'bring po dang / 'bring po'i chung ngu dang / chung ngu'i chen po dang / chung ngu'i 'bring po dang / chung ngu'i chung ngu'o/ /'dod pa'i khams kyi mthong bas spang bar bya ba'i nyon mongs pa'i gnyen po la yang bzhi ste/sdug bsngal la chos shes pa'i bzod pa dang / kun 'byung la chos shes pa'i bzod pa dang / 'gog pa la chos shes pa'i bzod pa dang / lam la chos shes pa'i bzod pa'o/ /sdug bsngal la mi rtag pa la sogs pa rnam pa bzhir shes pa ni/sdug bsngal la chos shes pa'i bzod pa'o zhes bya'o/ /kun 'byung ba la kun 'byung ba la sogs pa rnam pa bzhir shes pa'i kun 'byung la chos shes pa'i bzod pa zhes bya'o/ /'gog pa la 'gog pa la sogs pa rnam pa bzhir shes pa ni 'gog pa la chos shes pa'i bzod pa zhes bya'o//lam la lam la sogs pa rnam pa bzhir shes pa ni lam la chos shes pa'i bzod pa zhes bya'o/ /'dod pa'i khams kyi bsgom pas spang bar bya ba'i nyon mongs pa rnam pa dgur phye ba'i gnyen por ye shes kyang dgu yod de/ ye shes chen po'i yang chen po dang / ye shes chen po'i 'bring po dang /ye shes chen po'i chung ngu dang / ye shes 'bring po'i chen po dang / ye shes 'bring po'i 'bring po dang / ye shes 'bring po'i chung ngu dang / ye shes chung ngu'i chen po dang / ye shes chung ngu'i 'bring po dang / ye shes chung ngu'i chung ngu'o/ /de la mthong ba dang bsgom pa'i lam de dag la ming du de ma thag pa'i lam zhes bya'o//de la 'dod pa'i khams kyi gnas la mthong ba dang bsgom pas spang bar bya ba'i nyon mongs pa gang dang gang yod pa de dag de'i gnyen po de ma thag pa'i lam gyi skad cig ma gang dang gang skyes shing byung bar gyur na gnyen po des nyon mongs pa de dang de dag spang zhing de dang bral bar byed do/ji lta zhe na/ sdug bsngal la chos shes pa'i bzod pa skyes nas sdug bsngal mthong bas spang bar bya ba'i nyon mongs pa bcu spangs shing de dang bral bar 'gyur ro/ /kun 'byung la chos shes pa'i bzod pa skyes nas kun 'byung mthong bas spang bar bya ba'i nyon mongs pa bdun dang bral bar 'gyur ro//'gog pa la chos shes pa'i bzod pa skyes nas 'gog pa mthong bas spang bar bya ba'i nyon mongs pa bdun dang bral bar 'gyur ro/ lam la chos shes pa'i bzod pa skyes nas lam mthong bas spang bar bya ba'i nyon mongs pa brgyad dang bral bar 'gyur ro/ /bsgom pas spang bar bya ba'i nyon mongs pa dgu dang /ye shes dgu yang de ma thag pa'i lam ye shes chung ngu'i chung ngus ni nyon mongs pa chen po'i chen po spong bar byed pas na de ma thag pa'i lam ye shes chen po'i yang chen pos ni nyon mongs pa chung ngu'i yang chung ngu spong bar byed do/ /de ltar skad cig ma dang po la nyon mongs pa'i gnyen po lam dang bcas pa'i lus skyes pas nyon mongs pa spangs nas skad cig ma phyi ma phan chad mthong ba dang bsgom pas spang bar bya ba'i nyon mongs pa sa bon 'brel ba'i lus gzhan skyed par byed par mi nus te/gnyen po dang bcas pa'i lus skad cig ma phyi ma mi skyed cing nyon mongs pa dang bcas pa'i lus phyi ma'i rgyu mi byed pas nyon mongs pa'i gnyen pos phung po rnams rab tu mi skyed pa zhes bya'o//'phags pa'i lam dang bcas pa'i lus nyon mongs pa med pa snga ma des nyon mongs pa dang bcas pa'i lus phyi ma ci'i phyir mi skyed ce na/ 'phags pa'i lam dang 'grogs pa'i lus nyon mongs pa med pa lus skad cig ma snga ma la byung ba de lus nyon mongs pa dang bcas pa phyis 'byung ba dang 'gal ba yin te/de bas na lus snga ma de nyon mongs pa dang bcas pa'i lus phyi ma skye ba'i rgyu mi byed cing phyi ma skyed par mi byed do/ /lus nyon mongs pa med pa snga ma de nyon mongs pa dang bcas pa'i lus phyi ma skyed pa'i rgyu mi byed na/lus gang gis rkyen byed ce na/ de ni mthong ba dang bsgom pas spang bar bya ba'i nyon mongs pa'i sa bon dang bral ba'i lus phyi ma skye ba'i rgyu ni med do/ nyon mongs pa med pa'i lus snga ma de nyon mongs pa med pa'i lus phyi ma de skyed pa dang mthun pa'i rkyen yin pas na nyon mongs pa med pa'i lus phyi ma ni skyed pa'o//de bas na gnyen pos nyon mongs pa bsal na nyon mongs pa med pa'i lus phyi ma ni skyed kyi nyon mongs pa dang bcas pa'i lus phyi ma ni mi skyed pas na gnyen pos phung po rab tu mi skyed pa zhes bya ba ste/ de la so sor brtags pas 'gog pa zhes gdags so//da ni gzugs dang gzugs med pa'i khams na nyon mongs pa'i gnyen pos nyon mongs pa spangs nas phung po mi skyed par bshad par bya'o/ /de la snga ma gzugs kyi khams na sdug bsngal mthong bas spang bar bya ba'i nyon mongs pa dgu ste/ snga ma bcu las khong khro ba phri nas 'jig tshogs su lta ba dang /mthar 'dzin par lta ba dang / log par lta ba dang / lta ba snyems pa dang / tshul khrims dang brtul zhugs snyems pa dang / the tshom dang / 'dod chags dang / nga rgyal dang / ma rig pa'o/ /kun 'byung mthong bas spang bar bya ba drug ste/ 'jig tshogs su lta ba dang /mthar 'dzin par lta ba dang / tshul khrims dang brtul zhugs snyems pa dang / khong khro ba bzhi bkol te/ log par lta ba dang / lta ba snyems pa dang / the tshom dang / 'dod chags dang / nga rgyal dang / ma rig pa'o/ /'gog pa mthong bas spang bar bya ba'i nyon mongs pa drug ste sngar bshad pa'i drug po nyid do//lam mthong bas spang par bya ba'i nyon mongs pa bdun te/ log par lta ba dang / lta ba snyems pa dang / tshul khrims dang brtul zhugs snyems pa dang / the tshom dang / 'dod chags dang / nga rgyal dang / ma rig pa'o/ /gzugs kyi khams kyi mthong bas spang bar bya ba'i nyon mongs pa bsdoms nas nyon mongs pa nyi shu rtsa brgyad yod do//gzugs kyi khams kyi bsgom pas spang bar bya ba'i nyon mongs pa 'dod chags dang / nga rgyal dang / ma rig pa gsum chen po'i chen po la sogs pa rnam pa dgur dbye'o/ /gzugs med pa'i khams na yang bden pa bzhi mthong bas spang bar bya ba'i nyon mongs pa la yang gzugs kyi khams dang 'dra ste nyon mongs pa nyi shu rtsa brgyad do//gzugs med pa'i khams na bsgom pas spang bar bya ba'i nyon mongs pa yang gzugs kyi khams dang 'dra ste/ 'dod chags dang / nga rgyal dang / ma rig pa gsum las rnam pa dgur dbye'o/ /khams gnyis kyi bsgom pas spang bar bya ba'i nyon mongs pa rnams spang ba'i gnyen po yang bzhi ste/ sdug bsngal la rjes su shes pa'i bzod pa dang / kun 'byung la rjes su shes pa'i bzod pa dang / 'gog pa la rjes su shes pa'i bzod pa dang / lam la rjes su shes pa'i bzod pa'o/ /de la khams gong ma gnyis kyi sdug bsngal mi rtag pa la sogs pa bzhir shes pa ni/ sdug bsngal la rjes su shes pa'i bzod pa zhes bya'o/ /khams gong ma gnyis kyi kun 'byung rnam pa bzhi ltar shes pa ni kun 'byung ba rjes su shes pa'i bzod pa zhes bya'o//khams gnyis kyi 'gog pa la rnam pa bzhi ltar shes pa ni 'gog pa la rjes su shes pa'i bzod pa zhes bya'o/ /khams gong ma gnyis kyi lam la rnam pa bzhi lta bur shes pa ni lam la rjes su shes pa'i bzod pa zhes bya'o/ /khams gong ma gnyis kyi bsgom pas spang bar bya ba'i nyon mongs pa rnam pa dgu dgur phye ba'i gnyen po ye shes kyang dgu dgu yod do//chen po'i chen po la sogs pa snga ma bzhin no/ /de la mthong ba dang bsgom pas spang bar bya ba'i lam de dag la ming du de ma thag pa'i lam zhes bya'o/ /de la khams gnyis kyi gnas sam lus la mthong ba dang / bsgom pas spang bar bya ba'i nyon mongs pa gang dang gang yod pa de dang de dag de'i gnyen po de ma thag pa'i lam gyi skad cig ma gang dang gang skyes shing byung bar gyur na gnyen po des nyon mongs pa de dang de dag spong zhing de dag bral bar byed do/ /ji lta zhe na/ sdug bsngal la rjes su shes pa'i bzod pa skyes nas khams gnyis kyi sdug bsngal mthong bas spang bar bya ba'i nyon mongs pa dgu dgu yod pa spang bar 'gyur ro//kun 'byung la rjes su shes pa'i bzod pa skyes nas khams gnyis kyi kun 'byung mthong bas spang par bya ba'i nyon mongs pa drug drug yod pa dang bral bar 'gyur ro/ /'gog pa la rjes su shes pa'i bzod pa skyes nas khams gnyis kyi 'gog pa mthong bas spang bar bya ba'i nyon mongs pa drug drug yod pa dang bral bar 'gyur ro//lam la rjes su shes pa'i bzod pa skyes nas khams gnyis kyi lam mthong bas spang bar bya ba'i nyon mongs pa bdun bdun yod pa spong bar 'gyur ro//bsgom pas spang bar bya ba'i nyon mongs pa dgu yang de ma thag pa'i lam ye shes chung ngu'i yang chung ngus ni nyon mongs pa chen po'i yang chen po spong bar byed pas na ye shes chen po'i yang chen pos ni nyon mongs pa chung ngu'i yang chung ngu spong bar byed do/ /de ltar skad cig ma dang po la nyon mongs pa'i gnyen po'i lam dang bcas pa'i lus skyes pas nyon mongs pa spangs na skad cig ma phyi ma phan chad mthong ba dang /bsgom pas spang bar bya ba'i nyon mongs pa'i sa bon dang 'brel pa'i lus gzhan skyed par mi nus te/ nyon mongs pa med pa'i lus kyi skad cig ma snga ma des nyon mongs pa med pa'i lus phyi ma'i skad cig ma ni skyed kyi nyon mongs pa dang bcas pa'i lus phyi ma ni mi skyed pas na nyon mongs pa'i gnyen pos phung po rab tu mi skyed pa zhes bya ste/de la so sor brtags pas 'gog pa zhes bya'o/ /so sor brtags pas 'gog pa'i 'og tu de bzhin nyid smos te/ de bas na de bzhin nyid kyi rang bzhin khong du chud par bya ba'i phyir/ de bzhin nyid gang zhe na zhes dris te/ de bzhin nyid kyang rang bzhin gang zhe na zhes dris pa'i don to/ /rtag tu stong pa nyid kyi rang bzhin de bzhin du gnas te/ rang bzhin gzhan du mi 'gyur bas na de bzhin nyid ces bya'o/ /de'i lan du/gang chos rnams kyi chos nyid dang zhes bya ba smos te/ chos rnams zhes bya ba ni gzugs dang / tshor ba dang / 'du shes dang / 'du byed dang / rnam par shes pa rnams la bya'o/ /chos de dag gi chos nyid ni chos de dag gi rang bzhin nam chos de dag gi ngo bo nyid la bya ste/ chos de dag gi ngo bo nyid ni gzung ba dang 'dzin pas stong pa nyid de/gzung 'dzin dang bral ba'i stong pa nyid la chos nyid ces bya'o/ /de la chos nyid ni gzhan yang yod do / mi rtag pa dang / sdug bsngal ba la yang chos nyid ces bya bas mi rtag pa sdug bsngal ba'i chos nyid la bya'o snyam du 'dzin pa bzlog pa'i phyir/gang chos bdag med pa'o zhes bya ba smos te/ 'di ltar gzugs dang sgra la sogs pa'i chos rnams ni gzung ba dang / 'dzin pa'i rang bzhin yin pas shes pa dang brjod pa'i yul du gyur pa ste/ gzung ba dang 'dzin pa'i ngo bor shes pa dang brjod pa'i yul du gyur pa la chos zhes bya'o/ / chos bdag med pa ni gzung 'dzin gyi dngos po dang bral ba shes pa dang brjod pa'i yul du ma gyur pa'i stong pa nyid la chos bdag med pa zhes bya'o/ /don du kun brtags kyi dngos po rnams rang bzhin gyis stong pa yin pa la chos bdag med pa zhes bya ste/ de la chos zhes bya ba'i mi rtag pa la sogs pa la ni chos nyid ces mi bya'o//yang na chos thams cad ni 'dus byas dang 'dus ma byas gnyis su 'dus la/ de dag kyang mtshan nyid gsum du gzhag ste/ kun tu brtags pa'i mtshan nyid dang / gzhan gyi dbang gi mtshan nyid dang / yongs su grub pa'i mtshan nyid do/ /gzung ba dang 'dzin pa'i chos rnams la gzung 'dzin gyi dngos po yod par brtags pa ni kun brtags pa'i mtshan nyid do//kun gzhi rnam par shes pa ni gzhan dbang gi mtshan nyid do/ /kun gzhi gzung 'dzin gyi dri ma dag nas chos kyi skur grub pa ni yongs su grub pa'i mtshan nyid do/ /de la kun gzhi rnam par shes pa la gzung 'dzin gyi dri ma dag ste/med par gyur nas yongs su rdzogs pa'i mtshan nyid du gyur te/ chos kyi sku thob pa la chos bdag med pa zhes kyang de la bya ba de bzhin nyid ces kyang de la bya'o/ /skye mched kyi grangs dang dngos po gang yin pa bstan nas/ mig dang rna ba la sogs pa dang gzugs dang sgra la sogs pa la ming du skye mched ces btags pa ci'i phyir skye mched ces bya ba mi shes nas/ci'i phyir skye mched ces bya zhe na zhes dris te/ mig dang rna ba la sogs pa la ming du skye mched ces btags pa don gang gis skye mched ces btags she na zhes dris pa'i don to/ /de'i lan du/ rnam par shes pa skye ba'i sgo'i phyir ro zhes bya ba smos te/ rnam par shes pa'i sgo ni rnam par shes pa skye zhing 'byung ba'i bdag nyid du gyur pa'o/ /rnam par shes pa skye ba'i sgo zhes bya ba ni rnam par shes pa skye ba rnams skye ba'i rgyu dang rkyen dang gnas byed ces bya ba'i don to/ /rnam par shes pa rnams skye bar bya ba'i phyir mig la sogs pa de dag rgyu dang rkyen dang gnas su gyur pas ni mig la sogs pa la skye mched ces bya'o//de ltar yang ci mngon zhe na/ mdo las skye mched kyi nges pa'i tshig tu bshad pa sems dang sems las byung ba rnams skye zhing 'phel bar byed pa'i phyir skye mched ces bya'o zhes gsungs so//de bas na mig dang gzugs ni mig gi rnam par shes pa sems las byung ba'i 'khor dang bcas pa skye ba'i sgo dang / rgyu byed pa'i phyir mig gi skye mched dang gzugs kyi skye mched ces bya ba nas/ yid dang chos ni yid kyi rnam par shes pa 'khor dang bcas pa'i skye ba'i sgo dang rgyu byed pa'i phyir yid kyi skye mched dang /chos kyi skye mched ces bya ba'i bar du'o/ /skye mched bcu gnyis bshad pa rdzogs so// //mdo sde las skye mched bcu gnyis kyi 'og tu khams bco brgyad bshad de/ de bas na mdo dang mthun par 'dir yang skye mched kyi 'og tu khams bshad par bya'o//de la khams la grangs ni du yod/ de dag dngos su gang dang gang yin pa bstan pa dang / ci'i phyir khams zhes pa'i don bstan pa'i phyir/ khams bco brgyad ni zhes bya ba smos te/ khams la grangs ni bco brgyad yod/ /ces bya ba'i don to//de dag dngos gang yin pa bstan pa'i phyir/ mig gi khams dang zhes bya ba nas yid kyi rnam par shes pa'i khams dang zhes bya ba'i bar du smos so/ /de la mig gi khams dang / rna ba'i khams dang / sna'i khams dang / lce'i khams dang / lus kyi khams lnga dang / gzugs kyi khams dang /sgra'i khams dang / dri'i khams dang / ro'i khams dang / reg bya'i khams te/ khams bcu po de dag gang la bya dngos gang yin bstan pa'i phyir/ mig la sogs pa'i khams dang / gzugs la sogs pa'i khams ni skye mched ji lta ba bzhin no zhes bya ba smos te/ gzugs kyi phung po bshad pa'i skabs su rgyur byas pa'i gzugs bcu gcig las mig dang /rna ba dang / sna dang / lce dang / lus rnams ni dbang po yin par bshad la/ gzugs dang / sgra dang / dri dang / ro dang / reg bya rnams ni yul lnga yin par bshad pa las skye mched bshad pa'i skabs su yang mig la sogs pa'i dbang po nyid la mig gi skye mched nas lus kyi skye mched kyi bar du skye mched lngar bshad la/gzugs la sogs pa'i yul lnga ni skye mched kyi skabs su gzugs kyi skye mched nas reg bya'i skye mched ces skye mched lnga bshad do/ /khams bshad pa'i skabs su yang skye mched bcu po nyid la khams bcu zhes bya ste/mig gi skye mched la mig gi khams zhes bya ba dang / rna ba'i skye mched la rna ba'i khams zhes bya ba dang / sna'i skye mched la sna'i khams zhes bya ba dang / lce'i skye mched la lce'i khams zhes bya ba dang / lus kyi skye mched la lus kyi khams zhes bya ba dang / gzugs kyi skye mched la gzugs kyi khams zhes bya ba dang /sgra'i skye mched la sgra'i khams zhes bya ba nas reg bya'i skye mched la reg bya'i khams zhes bya bar zad pas na/ mig la sogs pa'i khams dang / gzugs la sogs pa'i khams ni skye mched ji lta ba bzhin no zhes bya ba smras so/ /chos kyi khams zhes bya ba yang chos kyi skye mched kyi skabs su tshor ba dang /'du shes dang / 'du byed de phung po gsum gyi steng du rnam par rig byed ma yin pas bsnan te bzhi dang / 'dus ma byas bzhi dang brgyad la chos kyi skye mched ces bya ba bshad pa'i chos brgyad po de nyid la chos kyi khams zhes bya'o/ /skye mched bshad pa'i skabs su rnam par shes pa'i phung po ste/rnam par shes pa brgyad la yid kyi skye mched ces bshad pa/ khams bshad pa'i skabs su ni yid kyi skye mched du bsdus pa'i chos brgyad la yid kyi khams zhes mi bya'i khams bshad pa'i tshe sems kyi khams bdun zhes bya ste/ de bas na de'i don bstan par bya ba'i phyir/rnam par shes pa drug gi khams ni mig la sogs pa la gnas te/ gzugs la sogs pa la dmigs pa rnam par rig pa'o zhes bya ba smos te/ de la mig la sogs pa la gnas te zhes bya ba ni mig gi rnam par shes pa'i khams nas/ yid kyi rnam par shes pa'i khams kyi bar du drug po de dag ni mig gi skye mched nas yid kyi skye mched kyi bar du skye mched drug la brten te/mig gi rnam par shes pa ni mig gi skye mched la brten pa nas yid kyi rnam par shes pa ni yid kyi skye mched la brten pas na rnam par shes pa drug gi khams ni mig la sogs pa gnas pa zhes bya'o//gzugs la sogs pa la dmigs pa rnam par rig pa zhes bya ba la mig gi rnam par shes pa'i khams la sogs pa'i rnam par shes pa drug gi yul ni gzugs dang / sgra dang / dri dang / ro dang / reg bya dang / chos rnams so/ /dmigs pa zhes bya ba ni yul de dag gi rang bzhin shes par byed pa la bya ste/gzugs kyi rang bzhin shes par byed pa'i mig gi rnam par shes pa la mig gi rnam par shes pa'i khams zhes bya ba nas/ chos kyi rang bzhin shes par byed pa'i yid kyi rnam par shes pa la yid kyi rnam par shes pa'i khams zhes bya bar zad do//de ltar khams bcu bdun bshad nas/ yid kyi khams zhes bya ba rnam par shes pa drug po nyid la bya'am 'on te de las ma gtogs pa'i yid kyi khams gzhan zhig yod snyam pa la/ rnam par shes pa drug po nyid la yid kyi khams zhes bya bar zad kyi de las ma gtogs par yid kyi khams zhes bya ba med do//yid kyi khams ni de dag 'gags ma thag pa ste zhes bya ba smos te/ rnam par shes pa drug gi khams de dag sngar 'gags ma thag pa la yid kyi khams zhes bya bar zad kyi de ma gtogs par yid kyi khams zhes bya ba med do zhes bya ba'i don to//brgal ba/ rnam par shes pa snga ma 'gags pa la yid kyi khams zhes bya ba ni yang na khams bcu bdun du 'gyur/ yang na khams bcu gnyis su 'gyur gyi de lta na khams bco brgyad du mi 'gyur ro/ /ji lta zhe na/ rnam par shes pa drug po snga phyi 'gags pa rnams phan tshun bsdus pa'i phyir te/rnam par shes pa snga ma drug po yid du btags pa rnam par shes pa'i khams drug gi rang bzhin las lhag par byed pas de'i nang du 'dus pa'i phyir khams bcu bdun du 'gyur ro/ /yang na rnam par shes pa'i khams drug yid kyi khams su bsdus na ni khams bcu gnyis su 'gyur te/khams bco brgyad du med do zhes dogs pa bsal ba'i phyir / rnam par shes pa drug pa'i gnas bstan pa'i phyir de ltar bco brgyad du rnam par gzhag go zhes bya ba smos te/ mig gi rnam par shes pa nas lus kyi rnam par shes pa'i bar du rnam par shes pa lnga'i rten nam gnas ni mig gi skye mched nas lus kyi skye mched kyi bar du skye mched lnga la bya bar grags na yid kyi rnam par shes pa'i gnas dang rten grags pas de'i phyir gnas dang rten bstan par bya ba'i phyir rnam par shes pa drug po 'gags ma thag pa la yid kyi khams zhes bshad pa dang khams bco brgyad du 'gyur ro//gong du phung po lngar bshad pa'i chos de nyid skye mched bcu gnyis su bshad pa dang / skye mched bcu gnyis su bshad pa'i chos de nyid khams bco brgyad du bshad pa'i don bsdus pa'i phyir/ gzugs kyi phung po gang yin pa ni skye mched dang / khams bcu dang /chos kyi skye mched dang / chos kyi khams kyi phyogs gcig go zhes bya ba smos te/ gzugs kyi phung po bshad pa'i skabs su rgyur byas pa'i gzugs rdzas bcu gcig tu bshad de/ mig la sogs pa'i dbang po lnga dang / gzugs la sogs pa'i yul lnga dang / rnam par rig byed ma yin pa dang / bcu gcig las dbang po lnga dang / yul lnga ste bcu la skye mched bshad pa'i skabs su skye mched bcur bshad do/ /mig gi skye mched nas lus kyi skye mched kyi bar du lnga dang / gzugs kyi skye mched nas reg bya'i skye mched kyi bar du lnga ste bcu'o//khams bshad pa'i skabs su yang khams bcur bshad de/ mig gi khams nas lus kyi khams kyi bar du lnga dang / gzugs kyi khams nas reg bya'i khams kyi bar du lnga ste bcu'o/ /rgyur byas pa'i gzugs su rnam par rig byed ma yin pa bshad pa ni skye mched kyi skabs su chos kyi skye mched kyi phyogs gcig ces bya'o//khams bshad pa'i skabs su yang chos kyi khams kyi phyogs gcig ces bya ste/ chos kyi skye mched dang / chos kyi khams la rdzas brgyad yod pa las rnam par rig byed ma yin pa rdzas gcig yin pas na chos kyi skye mched kyi phyogs gcig dang /chos kyi khams kyi phyogs gcig ces bya'o/ /gang rnam par shes pa'i phung po gang yin pa de yid kyi skye mched dang sems kyi khams bdun no zhes bya la/ phung po lnga las rnam par shes pa brgyad la rnam par shes pa'i phung po zhes bshad pa'i rnam par shes pa'i phung po la skye mched bshad pa'i skabs su rnam par shes pa brgyad car la yid kyi skye mched ces bya'o//rnam par shes pa brgyad las khams bshad pa'i skabs su kun gzhi rnam par shes pa dang / nyon mongs pa'i yid gnyis bkol te/ phyi na rnam par shes pa drug la sems kyi khams bdun zhes bya ste/mig gi rnam par shes pa'i khams nas yid kyi rnam par shes pa'i khams kyi bar du sems drug dang rnam par shes pa drug po snga ma 'gags pa nyid la yid kyi khams zhes btags te/ yid kyi khams dang sems kyi khams bdun no/ / gang dag phung po gsum dang gzugs kyi phung po'i phyogs gcig po de dag dang 'dus ma byas dang bcas pa ni chos kyi skye mched dang / chos kyi khams so zhes bya ba la/ phung po'i skabs su tshor ba'i phung po dang / 'du shes kyi phung po dang / 'du byed kyi phung po gsum phung po re rer bshad pa'i phung po de dang /gzugs kyi phung po'i phyogs gcig rnam par rig byed ma yin pas bsnan te de dang bzhi'i steng du nam mkha' la sogs pa'i 'dus ma byas bzhi dang brgyad la skye mched kyi skabs su ni chos kyi skye mched ces bya la/ khams kyi skabs su ni brgyad po de nyid la chos kyi khams zhes bya'o zhes bya ba'i don to//mig dang gzugs la sogs pa la khams zhes btags pa don gang dang gang gis khams zhes btags zhes bya ba'i don to/ /de'i lan du/ mi byed la rang gi mtshan nyid 'dzin pa'i phyir ro zhes bya ba smos te/ chos thams cad ci yang byed pa med pas na mi byed pa zhes bya ste/ci'i phyir zhe na/ chos rnams ni skad cig ma yin te skyes ma thag tu zhig pas ci yang byed par mi nus pa'i phyir ro/ /de ltar mi byed kyang rang gi mtshan nyid 'dzin pa'i phyir khams zhes bya ste/ dper na sa sra ba'i rang gi mtshan nyid 'dzin pas sa'i khams zhes bya ba dang 'dra bar chos de dag kyang so so rang gi mtshan nyid 'dzin pas na khams zhes bya'o//'di ltar phung por bshad pa'i chos gang yin pa de nyid skye mched dang khams kyi skabs su yang chos de dag bshad de/ phung po bshad pa'i skabs su skye mched kyi chos kyang bshad pas skye mched 'das te bshad mi dgos la/skye mched bshad pa'i skabs su khams kyi chos kun kyang bshad zin pas khams logs shig bshad mi dgos na chos de dag yang nas yang du bzlas te bshad pa la dgos pa ci yod pa 'dri ba'i phyir/ ci'i phyir zhe na / phung po la sogs pa bshad ce na zhes bya ba smos te/sangs rgyas bcom ldan 'das kyis chos bstan pa thams cad ni sems can gyi don du 'gyur ba dang / nyon mongs pa'i gnyen po yin pas dgos pa dang bcas pa yin na phung por bshad pa'i chos de dag nyid yang nas yang du ming skye mched dang / khams zhes gzhan dang gzhan du brjes te bstan pa la dgos pa ci yod ces bya ba'i don to//dgos pa yod par bstan pa'i phyir/ bdag tu 'dzin pa rnam pa gsum gyi gnyen por rim pa bzhin no zhes bya ba smos te/ mu stegs pa bdag tu 'dzin pa rnam pa gsum yod de/ bdag tu 'dzin pa rnam pa gsum spang bar bya ba'i gnyen po phung po dang skye mched dang khams rim bzhin du bshad de de ni dgos pa'o//bdag tu 'dzin pa rnam pa gsum po yang gang yin mi shes nas gsum po de gang yin bstan par bya ba'i phyir/ bdag tu 'dzin pa rnam pa gsum ni gcig tu 'dzin pa dang / za bar byed pa dang byed par 'dzin pa'o zhes bya ba smos so //de gcig tu 'dzin par byed pa'i gnyen por ni phung po lnga bshad de/ phung po lnga'i rang bzhin shes na gcig tu 'dzin pa med par 'gyur ro/ /za bar 'dzin pa'i gnyen por skye mched bcu gnyis bshad de/ skye mched bcu gnyis kyi rang bzhin shes na za bar 'dzin pa med par 'gyur ro//byed par 'dzin pa'i gnyen por khams bco brgyad bshad de/ khams bco brgyad kyi rang bzhin shes na byed par 'dzin pa med par 'gyur ro/ /de la bdag tu smra ba bye brag pa dang grangs can la sogs pa ni chos mang po 'dus pa mi rtag pa'i phung po 'di la bdag gcig pur 'dzin to//yang na bdag tu smra ba de dag phung po lnga las ma gtogs pa'i bdag ces bya ba gcig pu zhig logs shig na gzugs kyang bdag des mthong bar byed la/ sgra yang bdag des thos par byed/ dri yang bdag des snom/ ro yang bdag des myong ba nas/tshor ba yang bdag des tshor zhing myong bar byed/ yul la mtshan mar 'dzin pa yang bdag des 'dzin cing shes par byed/ dge ba la sogs pa'i las kyang bdag des mngon par 'du byed/ gzugs la sogs pa'i rang bzhin rnam par shes pa yang bdag des shes par byed de/bdag de ni gcig pu rtag pa'o zhes gcig tu 'dzin to/ /de'i lan du sems can rnams kyi lus kyi dngos po phung bo lnga las ma gtogs par gzugs la sogs pa la mthong bar bya ba'i bdag gcig pu ba'i rang bzhin ni gang yang med do/ /ci'i phyir zhe na/ gzugs ni mig nyid kyis mthong bar byed par zad kyi mig las ma gtogs par mthong bar byed pa'i bdag gzhan ni med do/ /de bzhin du sgra la sogs pa yang rna ba la sogs pa nyid kyis thos par byed do zhes bya bar sbyor ro/ /gzhan gyis brgal ba/ mig las ma gtogs pa'i bdag mthong bar byed pa med kyi mig nyid kyis mthong bar 'gyur ro zhes bshad na mig ni rdul phran las gyur pa yin te/blun po'i rang bzhin yin na des ji ltar gzugs mthong bar byed/ lan du/ gzugs ni mig gi rnam par shes pas mthong ba ste/ mig gi rnam par shes pas gzugs mthong ba'i rgyu thun mong ma yin pa mig gi dbang pos byed pas mig gi rnam par shes pas mthong yang mig gis mthong ngo zhes btags so//de bzhin du tshor ba'i phung po nyid myong bar byed pa'i rang bzhin yin pas tshor ba'i phung po nyid kyis tshor zhing myong bar byed par zad kyi tshor ba myong bar byed pa'i bdag gzhan med do//'du shes kyang yul la mtshan mar 'dzin pa'i bdag nyid yin pas yul gyi mtshan ma yang 'du shes nyid kyis 'dzin gyi bdag gcig pu med do/ /de bzhin du rnam par shes pa la sogs pa la yang sbyor ro/ /de bzhin du 'du byed kyang las dge ba dang mi dge ba mngon par 'du byed pa yin pas las dge ba dang mi dge ba yang 'du byed kyis byed par zad kyi bdag gcig pu des las dge ba dang mi dge ba byed pa ma yin no//rnam par shes pa yang gzugs dang / sgra la sogs pa'i yul shes par byed pa'i rang bzhin yin pas gzugs mig gi rnam par shes pas shes par byed pas na chos ni yid kyi rnam par shes pas shes par byed kyi bdag gcig pu des shes par byed pa ni ma yin no zhes de ltar sbyar bar bya'o//de lta bas na sems can rnams kyi lus kyi dngos po ni phung po lnga'i bdag nyid yin pas gzugs dang / tshor ba dang / 'du shes dang / 'du byed dang /rnam par shes pa ste dngos po du ma'i rang bzhin yin la/ lta ba la sogs pa yang phung po lnga nyid byed par zad kyi phung po rnams ma gtogs par bdag gcig pu zhes bya ba med de zhes khong du chud na bdag gcig pur 'dzin pa las rnam par ldog par 'gyur ro/ /gcig pur 'dzin pa las log par gyur na gcig pur 'dzin pa'i rgyu las byung ba bdag tu 'dzin pa las kyang log par 'gyur te/de bas na gcig pur 'dzin pa'i gnyen por phung po lnga bshad do/ /za bar 'dzin pa yang bdag tu smra ba rnams ni gang las dge ba'i 'bras bu bde ba dang / las mi dge ba'i 'bras bur sdug bsngal yang bdag des myong zhing las kyi 'bras bu la bdag za bar byed pa dang /gzugs dang sgra la sogs pa'i yul yang bdag des myong zhing yul la bdag ces za bar byed do zhes 'dzin to/ /de ltar bdag la za ba por 'dzin pa'i gnyen por skye mched rnams bshad pa yin te/ las dge ba dang mi dge ba'i 'bras bur bde ba'am /sdug bsngal ba dang / gzugs dang sgra la sogs pa'i yul rnams za bar byed ces bya ba ni las kyi 'bras bu dang yul du dmigs par byed pa ste/ las kyi 'bras bu la dmigs par byed pa yang las gang gis byas pa de nyid kyi las dge ba dang mi dge ba'i 'bras bu la spyod cing dmigs par byed de/las dge ba dang mi dge ba yang skye mched kyi sgo nas rnam par shes pas byas pas de'i 'bras bu bde ba dang sdug bsngal yang mig gi rnam par shes pa nas/ yid kyi rnam par shes pa'i bar dag gis myong zhing dmigs par byed par zad kyi las kyi 'bras bu la spyod par byed pa'i bdag ni med pa dang /gzugs la sogs pa'i yul la dmigs shing za bar byed pa yang skye mched nyid kyis za bar byed de/ 'di ltar gzugs mig gi skye mched kyis myong zhing dmigs par byed pa nas/ chos kyang yid kyi skye mched kyis myong zhing dmigs par byed par zad kyis de las ma gtogs pa'i las kyi 'bras bu dang /yul myong zhing za bar byed pa'i bdag ni yod pa ma yin no/ /de ltar las kyi 'bras bu dang / gzugs la sogs pa'i yul myong zhing za bar byed pa ni mig la sogs pa'i skye mched yin gyi de las gzhan pa'i bdag ces bya ba'i 'bras bu dang /yul za bar byed pa med do zhes khong du chud na za bar 'dzin pa las log par 'gyur te/ de'i phyir za bar 'dzin pa'i gnyen por skye mched bcu gnyis bshad pa yin no/ /byed par 'dzin pa yang bdag tu smra ba rnams las dge ba dang mi dge ba yang bdag des byas la mchod pa dang 'gro ba la sogs pa'i las kyang bdag byed do //bdag de ni phung po las ma gtogs par logs shig na yod par 'dzin to/ /de ltar bdag de la byed pa por 'dzin pa'i gnyen por khams bco brgyad bshad pa yin te/ de las dge ba dang mi dge ba yang mig la sogs pa'i khams kyis byed par zad kyi de las ma gtogs pa'i las byed pa po'i bdag med la/khams nyid kyang byed pa po'i rang bzhin ma yin te/ de'i phyir byed pa med cing rang gi mtshan nyid 'dzin pa'i phyir khams zhes bshad pa yin no/ /de ltar bdag byed pa po yang med la khams nyid byed pa po ma yin yang rgyu dang 'bras bu gcig la gcig skye ba ni rgyu yod pa 'bras bu skyed par byed pa po dang /'bras bu skye ba yang rgyu yod pa tsam la ltos par zad kyi 'bras bu dang rgyu'i rang bzhin las ma gtogs par bdag byed pa po'o zhes bya ba gzhan ni yod pa ma yin no/ /de ltar las kyang khams bco brgyad kyis byed par zad kyi de las gzhan pa'i bdag byed pa po med do zhes khong du chud na byed pa por 'dzin pa las log par 'dzin par 'gyur te/de bas na byed pa por 'dzin pa'i gnyen por khams bco brgyad bshad pa yin no/ /de ltar phung po dang / khams dang / skye mched rnams kyi rang bzhin bshad nas/ da ni slob ma rnams chos kyi mtshan nyid rab tu dbye bas phan gdags par bya ba'i phyir khams bco brgyad nyid nas brtsams nas phung po dang / skye mched dang / khams kyi skabs su bshad pa'i chos rnams la gzugs can du/ gzugs med pa du/ bltar yod pa du/ bltar med pa du zhes bya ba la sogs pa rab tu dbye ba brtsams shing bsam par bya'o/ /de ltar rab tu dbye ba bsam pa yang khams bco brgyad kyi chos nyid la gzugs can du/ gzugs med pa du zhes bya ba dbye ba brtsam gyi phung po lnga dang / skye mched bcu gnyis kyi chos las brtsams te ni rab tu dbye ba mi brtsam mo //ci'i phyir zhe na/ 'di ltar phung po lnga bshad pa'i skabs su phung po lnga gang zhe na/ gzugs kyi phung po dang / tshor ba dang / 'du shes dang / 'du byed dang / rnam par shes pa zhes bstan pa la tshor ba dang / 'du shes dang / 'du byed dang / rnam par shes par sems rnam pa bzhir phye ste bstan kyang gzugs la spyir gzugs kyi phung po zhes bsdus te bstan gyi gzugs rnam par ma phye bas gzugs can du zhes bya ba la sogs pa rnam par dbye ba rtogs par bya ba dka' ba dang / skye mched bcu gnyis su yang mig gi skye mched nas lus kyi skye mched kyi bar du lnga dang /gzugs kyi skye mched nas reg bya'i skye mched kyi bar du lnga ste/ gzugs bcur phye yang sems rnam par ma phye ste/ rnam par shes pa brgyad car yid kyi khams su bsdus pas gzugs can du zhes bya ba la sogs pa rnam par dbye ba rtogs par dka'i/khams kyi skabs su ni gzugs dang / sems gnyis rnam par phye ste/ gzugs la yang mig gi khams nas lus kyi khams kyi bar du lnga dang / gzugs kyi khams na reg bya'i khams kyi bar du bcur phye la/ sems la yang mig gi rnam par shes pa'i khams nas yid kyi rnam par shes pa'i khams kyi bar du drug dang /yid kyi khams kyis bsnan te sems kyi khams bdun du phye bas gzugs can du zhes bya ba la sogs pa'i rab tu dbye ba nas brtsams pa bde blag tu rtog par 'gyur bas na khams nyid las brtsams te rab tu dbye ba bsam par bya'i/phung po dang skye mched las brtsams nas rab tu dbye ba bsam par mi bya ste/ de'i phyir/ gzhung las kyang khams bco brgyad la gzugs can du zhe na zhes bya ba la sogs pa smos so/ /khams bco brgyad la zhes bya ba ni khams bco brgyad kyi nang na gzugs dang bcas pa ni du zhig yod ces bya ba'i don to//de la gzhig tu rung ba'am/ gnod par byar rung bas na gzugs zhes bya ste/ rang gi gnas su gzhan skye ba'i bar chad dang bgegs byed pa'i mtshan nyid kyis gnod par byed pas gzugs zhes bya'o//yang na gnas pa dang gnas kyi mtshan nyid kyi gzugs gang la yod pas bdag gi gnas su gzhan skye ba'i bgegs byed pa gzugs can zhes bya ste/ mig gi khams nas lus kyi khams kyi bar du ni gnas pa'o/ /brgal ba/ gnas dang gnas pa'i sgo nas bdag gi gnas su gzhan skye ba'i bgegs byed pa la gzugs can zhes bya na de lta na ni mig gi rnam par shes pa yang mig gi dbang po la gnas na bdag gi gnas su gzhan skye ba'i bgegs byed pas mig gi rnam par shes pa yang gzugs can du 'gyur ba'i skyon du 'gyur ro zhe na/lan du/ mig gi rnam par shes pa gzugs can gyi skyon du mi 'gyur te/ 'di ltar gzhong pa'i steng na shing thog gnas te/ rang gi gnas su gzhan 'ong ba'i bgegs byed pa lta bur mig gi dbang po la mig gi rnam par shes pa gnas pa na rang gi gnas su skye ba'i bgegs mi byed pas na rnam par shes pa rnams gzugs can gyi skyon du mi 'gyur ro//lan du/ gang dag gzugs kyi phung po'i ngo bo nyid do zhes bya ba smos te/ gang gzugs kyi phung por bshad pa mig gi khams nas lus kyi khams kyi bar du lnga dang / gzugs kyi khams nas reg bya'i khams kyi bar du lnga ste/ bcu ni rang gi gnas su gzhan skye ba'i bgegs byed pas na gzugs can zhes bya'o/ /brgal ba/ gal te gzugs kyi phung por gtogs pa la gzugs can zhes bya na/ khams bco brgyad kyi nang na gzugs kyi phung por gtogs pa rnam par rig byed ma yin pa'i gnas lta bu chos kyi khams su bsdus pas chos kyi khams kun kyang gzugs can du 'gyur ba'i skyon du 'gyur ro zhe na/chos kyi khams kyi nang na gzugs can rnam par rig byed ma yin pa yod kyang chos kyi khams gzugs can gyi skyon du mi 'gyur te/de ci'i phyir zhe na/ rnam par rig byed ma yin pa de rten dang brten pa'i sgo nas rang gi gnas su gzhan skye ba'i bgegs can gyi gzugs ma yin pas na gzugs can zhes mi bya la/ tshor ba la sogs pa gzhan yang rten dang brten pa'i sgo nas rang gi gnas su gzhan skye ba'i bgegs byed pa ma yin pas gzugs can zhes mi bya ste/de bas na gzugs kyi khams gzugs can gyi skyon du mi 'gyur ro/ /gzugs med pa du zhes bya ba ni de ltar na khams bcu gzugs can na gzugs med pa'i khams su du yod ces bya ba'i don to/ /lhag ma rnams so zhes bya ba la/khams bcu bshad pa'i lhag ma ni khams brgyad du lus pa ste/ khams brgyad la gzugs med pa zhes bya'o zhes pa'i don to/ /khams brgyad po de yang gang zhe na/ mig gi rnam par shes pa'i khams nas yid kyi rnam par shes pa'i khams kyi bar du/drug dang yid kyi khams te bdun dang / chos kyi khams kyis bsnan nas brgyad de/ de dag ni rten dang brten pa'i sgo nas rang gi gnas su gzhan skye ba'i bgegs byed pa ma yin pas gzugs med pa zhes bya'o/ /bltar yod pa du zhes bya ba la/ khams bco brgyad bshad pa'i skabs yin pas na/khams bco brgyad kyi nang nas khams du zhig ni bltar yod pa yin zhes bya ba'i don to/ /de la bltar yod pa du zhig bya ba ni gnas 'di na gzugs 'di lta bu zhig yod do zhes mig gis bltar yod pa dang bcas pa la yod do/ /lan du/ gzugs kyi khams gcig ste zhes bya ba smos te/gzugs kyi khams ni dbang po lnga dang / yul lnga dang bcu las khams gcig ste/ mig gi yul gzugs kyi khams gcig pu ni bltar yod pa zhes bya'o/ /bltar yod pa'i don nyid gang yin pa bstan par bya ba'i phyir/ yul bltar yod pa'i zhes bya ba smos te/yul la ma gnas gang na dngos po gang yin pa mig gis bltar rung ba ni bltar yod pa zhes bya ste/ mig gi khams kyi yul gzugs kyi khams ni gzugs 'di gnas 'di na gnas so/ /mig gis bltar rung bas na bltar yod pa zhes bya'o/ /bltar med pa du zhes bya ba ni khams bco brgyad kyi nang nas mig gis bltar mi rung ba ni du yod ces bya ba'i don to//lhag ma rnams so zhes bya ba ni mig gi yul gzugs gcig po bltar yod par bshad pa dang / phyi na lhag ma khams bcu bdun lus pa ni bltar med pa'o zhes bya bar grub ste/ bcu bdun po gang zhe na/ mig dang / rna ba dang / sna dang / lce dang / lus dang / sgra dang / dri dang / ro dang / reg bya dgu'i steng du/ chos kyi khams kyis bsnan te bcu dang / sems kyi khams bdun gyis bsnan te bcu bdun no/ /de dag ni gnas 'di na gzugs 'di 'dra ba zhig gnas zhes mig gis bltar mi rung bas bltar med pa'o zhes bya'o//thogs pa dang bcas pa du zhes bya ba la/ khams bco brgyad bshad pa'i skabs yin pas khams bco brgyad kyi nang nas thogs pa dang bcas pa du yod ces bya ba'i don to/ /bdag gang na gnas pa'i gnas su gzhan gnas pa'i go gcod cing bgegs byed pa la thogs pa dang bcas pa zhes bya'o//dmigs pa thogs pa dang bcas pa ni mig gi rnam par shes pa gzugs la dmigs te thogs pa med kyang sgra la mi dmigs te thogs pa dang / rna ba'i rnam par shes pa sgra la dmigs te thogs pa med kyang gzugs la mi dmigs te thogs pa lta bu'o//bar du gcod pa'i thogs pa dang bcas pa ni rang gnas pa'i gnas su gzhan skye zhing 'byung ba'i bgegs byed cing go gcod pa'o/ /de ltar thogs pa dang bcas pa rnam pa gsum las 'di'i skabs su yul thogs pa dang bcas pa dang /dmigs pa thogs pa dang bcas pa la ni mi bya'i/ bar du gcod pa'i thogs pa dang bcas pa la ni bya bar bstan pa'i phyir te / gang la gang thogs pa'o zhes bya ba smos te/ bar du gcod pa'i thogs pa dang bcas pa ni rang gi phyogs su gzhan 'byung ba la bgegs byed pa ste/dngos po gang rang gi gnas pa las rang gi phyogs su dngos po gzhan 'byung ba la bar chad byed pa dang / dngos po gzhan der 'ongs pa yang de la bar du gcod pa gnyi ga la thogs pa dang bcas pa zhes bya'o/ /mig la sogs pa'i khams bcu po yang de dag gcig la gcig rang gi phyogs su byung ba la bgegs byed cing bar du gcod par byed pas na thogs pa dang bcas pa zhes bya'o//khams bcu thogs pa dang bcas so zhes bshad na gzhung las ma byung yang sems kyi khams bdun dang / chos kyi khams kyis bsnan te brgyad ni thogs pa med pa yin par zhar gyis grub bo//ci'i phyir zhe na/ de dag rang gi phyogs su gzhan 'ong ba'i bgegs dang bar chad du mi byed pa'i phyir thogs pa med pa zhes bya'o/ /zag pa dang bcas pa du zhes bya ba la/ khams bco brgyad bshad pa'i skabs yin pas khams bco brgyad kyi nang nas zag pa dang bcas pa'i khams du yod ces bya ba'i don to//nyon mongs pa dang bcas pa ni zag pa dang bcas pa zhes bya'o/ /bco lnga dang tha ma gsum gyi cha'o zhes bya ba la mig gi dbang po nas lus kyi dbang po'i bar du dbang po lnga'i khams dang / gzugs nas reg bya'i bar du yul lnga'i khams dang /mig gi rnam par shes pa'i khams nas lus kyi rnam par shes pa'i bar du rnam par shes pa lnga'i khams te/ bco lnga po 'di dag ni gcig tu zag pa dang bcas pa zhes bya ste/ de dag la nam du yang zag pa med pa'i rang bzhin mi srid kyi/ dus thams cad du zag pa dang bcas pa 'ba' zhig gi rang bzhin no/ / gzhan yang tha ma gsum gyi cha ni zag pa dang bcas pa ste/ gsum nyi tshe'i tshig smos kyi/ tha ma'i tshig ma smos na ni thog ma gsum yang yod de/ mig dang gzugs dang / mig gi rnam par shes pa'i khams thog ma gsum yang yod pas de'i phyir tha ma gsum gyi tshig smos so/ /khams bco brgyad la mig la sogs pa rten drug gi tha ma ni yid kyi khams yin la/gzugs la sogs pa dmigs pa drug gi tha ma ni chos kyi khams yin pa dang / brten pa mig gi rnam par shes pa la sogs pa rnam par shes pa drug gi tha ma ni yid kyi rnam par shes pa'i khams yin te/ de bas na yid kyi khams dang chos kyi khams dang / yid kyi rnam par shes pa'i khams gsum la tha ma gsum zhes bya'o/ /mig la sogs pa'i khams bco lnga ji ltar gcig tu zag pa can 'ba' zhig yin gyi/ zag pa med pa'i rang bzhin nam yang mi srid pa ltar tha ma gsum gyi cha la zag pa can 'ba' zhig tu gzhag par ma zad kyi/ zag pa med pa'i rang bzhin yang yod de/de bas na zag pa dang bcas pa'i shas kyi tha ma gsum la ni zag pa dang bcas pa zhes bya'o/ /de la 'phags pa'i lam la dmigs pa'am/ 'phags pa'i lam du gtogs pa'i yid kyi khams dang / chos kyi khams dang yid kyi rnam par shes pa'i khams dang / chos kyi khams kyi 'dus ma byas pa rnam pa bzhi ni zag pa med pa ste/de las ma gtogs pa'i so so skye bo'i yid kyi khams dang / chos kyi khams la 'dus ma byas bzhi bkol ba'i phyir na tshor ba la sogs pa'i so so skye bo'i chos kyi khams dang / so so skye bo'i yid kyi rnam par shes pa'i khams kyi cha rnams ni zag pa dang bcas pa zhes bya ste/ chos de dag rtag tu zag pa dang lhan cig gnas pas na zag pa dang bcas pa zhes bya'o//de bas na de dag las nyon mongs pa skye ba'i phyir te zhes bya ba smos te/ mig la sogs pa'i khams bco lnga dang / tha ma gsum gyi cha las rtag tu 'dod chags la sogs pa'i nyon mongs pa skye bar 'gyur ba'i phyir de dag la zag pa dang bcas pa zhes bya'o//brgal ba/ mig la sogs pa'i dbang po lnga dang / gzugs la sogs pa'i yul lnga dang / mig gi rnam par shes pa nas lus kyi rnam par shes pa'i bar du lnga ste/ bco lnga ni blun po'i rang bzhin yin pas gzugs bzang ngan la rtog par mi nus na de dag gis gzugs la dmigs nas ji ltar nyon mongs pa skye bar 'gyur zhes pa'i lan du/mig la sogs pa'i rnam par shes pa'i khams mig gi dbang po dang bcas pa'i gzugs la dmigs pa tsam gyis ni nyon mongs pa skye zhes mi smra'i/ gzhan du na/ mngon sum pa'i spyod yul yin pa'i phyir zhes bya ba smos te/ mig gi rnam par shes pa mig gi khams la brten nas gzugs la mngon sum du dmigs te/mig gi rnam par shes pa skye bar 'gyur ro/ /mig gi rnam par shes pas yul myong ba'i rjes la yid kyi rnam par shes pa skyes nas gzugs bzang ngan du brtags pas nyon mongs pa skye bar 'gyur te/ de bas na de dag la zag pa dang bcas pa zhes bya'o/ /de bzhin du rna ba la sogs pa la yang sbyar bar bya'o//zag pa med pa du zhes bya ba ni khams bco brgyad las zag pa med pa'i khams du yod ces bya ba'i don to/ /tha ma gsum gyi cha'o zhes bya ba la tha ma gsum ni yid dang chos dang yid kyi rnam par shes pa'i khams gsum ste/ gang 'phags pa slob pa dang mi slob pa rnams kyi yid kyi khams dang /yid kyi rnam par shes pa'i khams 'phags pa'i lam du gtogs pa dang / 'dus ma byas bzhi ni zag pa med pa zhes bya'o/ /'dod pa dang ldan pa du zhes bya ba khams bco brgyad bshad pa yin pas khams bco brgyad kyi nang nas 'dod pa'i khams su gtogs pa ni du zhig yod ces bya ba'i don to//de la gzugs dang / sgra dang / dri dang / ro dang / reg bya ste/ yul la 'dod pa zhes bya la/ 'dod pa de la gtso bor 'dzin cing spyod pa'i khams la 'dod pa'i khams zhes bya'o/ /lan du/ thams cad do zhes bya ba smos te/ khams bco brgyad la mig gi khams nas/ yid kyi khams kyi bar du dbang po drug gi khams dang /gzugs kyi khams nas reg bya'i khams kyi bar du yul drug gi khams dang / mig gi rnam par shes pa nas yid kyi rnam par shes pa'i bar du rnam par shes pa'i khams drug ste/ 'dod pa'i khams na ni khams bco brgyad kun yod do zhes bya ba'i don to/ /gzugs dang ldan pa du zhes bya ba ni khams bco brgyad kyi nang nas gzugs kyi khams su gtogs pa'am gzugs kyi khams dang ldan pa'i khams du yod ces bya ba'i don to//bcu bzhi ste zhes bya ba la/ gzugs kyi khams na ni/ mig gi khams dang / rna ba'i khams dang / sna'i khams dang / lce'i khams dang / lus kyi khams dang / yid kyi khams te/dbang po drug gi khams dang / gzugs dang / sgra dang / reg dang / chos te yul bzhi'i khams dang / mig gi rnam par shes pa'i khams dang / rna ba'i rnam par shes pa'i khams dang / lus kyi rnam par shes pa'i khams dang / yid kyi rnam par shes pa'i khams te bcu bzhi ni gzugs kyi khams dang yang ldan te/gzugs kyi khams na yang de dag yod do zhes bya ba'i don to/ /dri dang ro dang sna dang lce'i rnam par shes pa ma gtogs so zhes bya ba ni gzugs kyi khams na dri'i khams dang / ro'i khams te yul gyi khams gnyis dang / sna'i rnam par shes pa dang / lce'i rnam par shes pa gnyis te khams bzhi ni gzugs kyi khams na med do zhes bya ba'i don to //de ci'i phyir zhe na/ gzugs kyi khams na ni dri dang / ro gnyis dang / sna dang lce'i rnam par shes pa'i khams gnyis med ce na/ 'di ltar dri dang ro gnyis ni za ba'i rang bzhin yin te/ ro yang zas dum bu dum bur bcad de kham gyis za ba dang / dri yang nang nas dbugs kyis drangs nas khong du dum bu dum bur bcug pa'i rang bzhin yin pas/kham gyis za ba'i rang bzhin yin la kham gyis za ba'i 'dod chags dang bral ba rnams gzugs kyi khams su skye bas gang gi 'dod chags dang bral ba gnas gang du skyes pa des yul de dang / rnam par shes pa de dag gnas de na med do//dper na gzugs kyi 'dod chags dang bral ba'i rnams gzugs med pa'i khams su skyes na mig gi khams nas lus kyi khams kyi bar du dbang po lnga dang / gzugs kyi khams nas reg bya'i khams kyi bar du yul lnga med pas mig gi rnam par shes pa nas lus kyi rnam par shes pa'i bar du rnam par shes pa'i khams lnga yang med pa de bzhin du gzugs kyi khams na zas kham gyis za ba'i 'dod chags dang bral ba'i dri dang ro gnyis med de/yul gnyis med pas na de la dmigs pa'i sna dang lce'i rnam par shes pa'i khams gnyis kyang med do//gzugs med pa dang ldan pa du zhes bya ba ni gzugs med pa'i khams dang ldan pa'i khams du yod ces bya ba'i don to/ /tha ma gsum ste zhes bya ba la yid kyi khams dang / chos kyi khams dang / yid kyi rnam par shes pa'i khams gsum ni gzugs med pa'i khams dang ldan pa'o zhes bya ba'i don to//ci'i phyir zhe na/ gzugs kyi khams las 'dod chags dang bral ba'i rnams gzugs med pa'i khams su skye ste/ de bas na gzugs med pa'i khams su mig nas lus kyi khams kyi bar du lnga dang / gzugs nas reg bya'i khams kyi bar du lnga ste/ gzugs kyi rang bzhin gyi khams bcu dang / de dag la brten cing dmigs pa'i mig gi rnam par shes pa'i khams dang lus kyi rnam par shes pa'i khams lnga'i bar du ste/ bco lnga ni gzugs med pa'i khams na med do/ /yid dang chos dang yid kyi rnam par shes pa'i khams gsum la zag pa dang bcas pa'i rang bzhin yang yod/zag pa med pa'i rang bzhin yang yod pa las gzugs med pa'i khams na phung po zag pa dang bcas pa'i yid dang ldan na zag pa med pa dang yang ldan nam snyam pa la gang zag pa dang bcas pa'o zhes bya ba smos te/ gzugs med pa'i khams na ni so so skye bo'i yid kyi khams dang /chos kyi khams dang / yid kyi rnam par shes pa'i khams zag pa dang bcas pa gsum po dang ldan no zhes bya ba'i don to/ /mi ldan pa du zhes bya ba la/ khams gsum du ma gtogs pa'am/ 'dod pa dang / gzugs dang / gzugs med pa'i khams kyi sred pas ma zin sred pas ma dmigs pa ni mi ldan pa zhes bya ste/khams bco brgyad las khams gsum gang dang yang mi ldan pa'i khams du yod ces bya ba'i don to/ /de nyid zag pa med pa'o zhes bya ba la/ yid kyi khams dang / chos kyi khams dang / yid kyi rnam par shes pa'i khams tha ma gsum po dag nyid gang 'phags pa'i lam du gtogs pa'i yid kyi khams dang chos kyi khams dang /yid kyi rnam par shes pa'i khams zag pa med pa dang / chos kyi khams las 'dus ma byas bzhi zag pa med pa'i rang bzhin de gsum ni khams gsum dang mi ldan pa zhes bya'o/ /phung por bsdus pa du zhes bya ba ni khams bco brgyad bshad pa'i skabs yin pas khams bco brgyad kyi nang nas phung po lngar khams du bsdus zhes bya ba'i don to//'dus ma byas ma gtogs so zhes bya ba ni 'dus ma byas bzhi phung po'i nang du ma bshad pas 'dus ma byas bzhi bkol te/ mig gi khams nas yid kyi bar du drug dang /mig gi rnam par shes pa'i khams nas yid kyi rnam par shes pa'i bar du drug dang / gzugs kyi khams nas reg bya'i khams kyi bar du lnga dang / chos kyi khams la 'dus ma byas bzhi gzhag ste/ tshor ba dang / 'du shes dang / 'du byed dang / rnam par rig byed ma yin pa dang bzhi ste/de rnams ni phung po lngar 'dus so/ /nye bar len pa'i phung por bsdus pa du zhes bya ba ni khams bco brgyad bshad pa'i skabs yin pas khams bco brgyad kyi nang nas zag pa dang bcas pa'i phung por bsdus pa'i khams su yod ces bya ba'i don to/ /gang dag zag pa dang bcas pa'i rnams so zhes bya ba la/khams bco brgyad las gang zag pa dang bcas pa'i khams ni nye bar len pa'i phung por bsdus so/ /gang zhe na/ dbang po lnga dang / yul lnga dang / rnam par shes pa lnga dang / yid dang chos dang yid kyi rnam par shes pa'i khams tha ma gsum la gang zag pa dang bcas pa'i rang bzhin dang /zag pa med pa'i rang bzhin yod pa las gang zag pa dang bcas pa'i rang bzhin gsum ste/ de rnams ni nye bar len pa'i phung por bsdus so / /dge ba du mi dge ba du lung du ma bstan pa du zhes bya ba la/ khams bco brgyad bshad pa'i skabs yin pas khams du zhig ni dge ba yin/khams du zhig ni mi dge ba yin/ khams du zhig ni lung du ma bstan pa yin zhes bya ba'i don to/ /de la srog gcod pa la sogs pa'i las ngan pa spangs pa ni dge ba'o/ /srog gcod pa la sogs pa'i las ngan pa ma spangs pa ni mi dge ba'o//dge ba'i rang bzhin yang ma yin mi dge ba'i rang bzhin yang ma yin pa ni lung du ma bstan pa'o/ /de la dge ba la rnam pa bzhi yod de/ rang bzhin gyis dge ba dang / ldan pa'i dge ba dang / bskyed pa'i dge ba dang / don dam pa'i dge ba'o/ /'di ltar 'dod ma chags pa dang /zhe mi sdang ba dang / gti mi mug pa'i dge ba'i rtsa ba dang / ngo tsha shes pa dang / khrel yod pa dang / lnga ni rang bzhin gyis dge ba'o zhes bya'o/ /dge ba de lnga dang ldan pa'i sems dang sems las byung ba rnams ni ldan pa'i dge ba zhes bya'o/ /dge ba dang ldan pa'i sems dang sems las byung bas bskyed pa'i lus kyi sgo nas thal mo sbyar ba dang /ngag gi sgo nas bstod pa dang / kha ton klog pa ni bskyed pa'i dge ba zhes bya'o/ /so sor brtags pas 'gog pa dang / de bzhin nyid ni don dam par dge ba zhes bya'o/ mi dge ba la yang rnam pa bzhi yod de/ rang bzhin gyis mi dge ba dang /ldan pas mi dge ba dang / bskyed pas mi dge ba dang / don dam par mi dge ba'o/ /de la rang bzhin gyis mi dge ba ni 'dod chags dang / zhe sdang dang gti mug mi dge ba'i rtsa ba dang / ngo tsha mi shes pa dang / khrel med pa dang lnga'o/ /chos de lnga dang ldan pa'i rang bzhin sems dang sems las byung ba rnams ni ldan pa'i mi dge ba'o//mi dge ba dang ldan pa'i sems dang sems las byung bas bskyed pa'i lus kyi sgo nas gzhan la brdeg pa dang / ngag gi sgo nas tshig rtsub mo smra ba la sogs pa ni bskyed pa'i mi dge ba zhes bya'o/ /'khor ba ni don dam par mi dge ba zhes bya'o//lung du ma bstan pa yang rnam pa bzhi yod de/ rang bzhin gyis lung du ma bstan pa dang / ldan pa'i lung du ma bstan pa dang / bskyed pa'i lung du ma bstan pa dang / don dam pa'i lung du ma bstan pa'o/ /de la mig nas lus kyi bar du dbang po lnga dang / dri dang / ro dang / reg bya ste/ chos brgyad rnams ni rang bzhin gyis lung du ma bstan pa'o/ /spyod lam dang bzo'i gnas la sogs pa dang ldan pa'i sems dang sems las byung ba rnams ni ldan pa'i lung du ma bstan pa'o/ /lung du ma bstan pa dang ldan pa'i sems dang sems las byung bas bskyed pa'i lus kyi sgo nas tshem drub byed pa dang /ngag gi sgo nas tshem drub kyi gtam smra ba ni bskyed pa'i lung du ma bstan pa zhes bya'o/ /so sor brtags pa ma yin pas 'gog pa dang nam mkha' ni don dam par lung du ma bstan pa zhes bya'o/ /bcu ni rnam pa gsum char te zhes bya ba la khams bco brgyad las khams bcu la ni gsum char gyi rang bzhin yod de/bcu po de dag la dge ba yang yod/ mi dge ba yang yod/ lung du ma bstan pa yang yod do zhes bya ba'i don to/ /khams bco brgyad kyi nang nas bcu zhes bya ba gang la bya mi shes nas/ de bas na bcu po gang yin pa bstan pa'i phyir/sems kyi khams bdun dang / gzugs dang / sgra dang / chos kyi khams rnams so zhes bya ba smos te/ mig gi rnam par shes pa'i khams nas yid kyi rnam par shes pa'i bar du sems kyi khams drug dang yid kyi khams kyis bsnan te bdun dang / gzugs kyi khams te brgyad sgra'i khams te dgu dang /chos kyi khams kyis bsnan te bcu la ni dge ba yang yod mi dge ba yang yod lung du ma bstan pa yang yod do zhes bya ba'i don to/ /de la je sems kyi khams bdun la rnam pa gsum ji ltar yod pa bstan te/ sems kyi khams bdun ni dge ba dang mi dge ba dang ldan pa'i sgo nas dge ba dang mi dge bar gzhag gi dge ba dang mi dge ba'i rang bzhin ni ma yin no//de la 'dod ma chags pa la sogs pa'i dge ba dang ldan pa'i sems kyi khams bdun la ni dge ba zhes bya'o/ /'dod chags la sogs pa mi dge ba dang ldan pa'i sems kyi khams bdun ni mi dge ba zhes bya'o//bzo la sogs pa'i las dang ldan pa'i sems kyi khams bdun ni lung du ma bstan pa zhes bya'o/ /gzugs kyi khams dang / sgra'i khams la rnam pa gsum du gzhag pa yang dge ba lnga dang ldan pa'i sems kyis bskyed pa'i sangs rgyas la sogs pa la phyag 'tshal ba'i lus kyi las ni dge ba zhes bya'o//mi dge ba lnga dang ldan pa'i sems kyis bskyed pa'i gzhan la brdeg pa dang / srog gcod pa la sogs pa'i lus kyi las ni mi dge ba zhes bya'o/ /spyod lam dang bzo'i gnas byed pa'i lus kyi las ni lung du ma bstan pa zhes bya'o//sgra yang dge ba'i las kyis bskyed nas sangs rgyas la bstod pa la sogs pa smra ba ni dge ba zhes bya'o/ /mi dge ba'i sems kyis bskyed pa'i gshe ba la sogs pa dag gi las la ni mi dge ba zhes bya'o/ /tha mal pa'i gtam dang bzo'i gtam smra ba la ni lung du ma bstan pa zhes bya'o//chos kyi khams la rnam pa gsum du gzhag pa yang chos kyi khams tshor ba dang / 'du shes dang / 'du byed dang / rnam par rig byed ma yin pa dang / 'dus ma byas bzhi ste brgyad yod pa las 'du byed kyi phung po la dge ba bcu gcig gi nang nas 'dod ma chags pa dang /zhe mi sdang ba dang / gti mi mug pa dang / ngo tsha shes pa dang / khrel yod pa ni rang bzhin gyis dge ba zhes bya'o/ /tshor ba dang / 'du shes dge ba dang ldan pa dang / brtson pa la sogs pa dge ba gzhan yod pa ni ldan pa'i dge ba zhes bya'o//'du byed sems dang mi ldan pa skye ba dang / rga ba la sogs pa dge ba dang ldan pa'i sems kyis bskyed pa ni bskyed pa'i dge ba zhes bya'o/ /so sor brtags pas 'gog pa dang / de kho na nyid ni don dam pa'i dge ba zhes bya'o/ /'du byed kyi phung po la 'dod chags dang /zhe sdang dang / gti mug dang / ngo tsha mi shes pa dang / khrel med pa dang lnga ni rang bzhin gyis mi dge ba zhes bya'o/ /tshor ba dang 'du shes mi dge ba'i chos dang ldan pa dang / rnam par 'tshe ba la sogs pa nye ba'i nyon mongs pa yod pa rnams ni ldan pa'i mi dge ba zhes bya'o//mi dge ba'i sems kyis bskyed pa'i skye ba dang / rga ba la sogs pa'i 'du byed sems dang mi ldan pa ni bskyed pa'i mi dge ba zhes bya'o/ /'du byed kyi phung po la bzhi gzhan du yang zhes bya ba las lung du ma bstan pa'i char bshad pa rnams ni ldan pa'i lung du ma bstan pa zhes bya'o//so sor brtags pa ma yin pas 'gog pa dang nam mkha' ni don dam par lung du ma bstan pa zhes bya'o/ /lhag ma brgyad ni lung du ma bstan pa'o zhes bya ba khams bco brgyad kyi nang nas bcu rnam pa gsum char yin no zhes bstan pa yin no zhes bshad pa'i phyir lhag ma brgyad lus te/de yang gang zhe na/ dri dang / ro dang / reg bya dang / mig dang / rna ba dang / sna dang / lce dang / lus kyi khams te brgyad do/ /brgyad po de dag ni lung du ma bstan pa nyid yin gyi de dag la/ rang bzhin dang ldan pa dang /bskyed pa dang / don dam par dge ba yang med la/ rang bzhin dang ldan pa dang / bskyed pa dang / don dam par mi dge ba yang med pa ni lung du ma bstan pa gcig pur gzhag go/ /nang gi du zhes bya ba ni khams bco brgyad bshad pa'i skabs yin pas khams bco brgyad kyi nang nas nang gi khams su gtogs pa du yod ces bya ba'i don to//nang zhes bya ba ni bdag gi lus su gtogs pa la bya'o/ /bcu gnyis te zhes bya ba ni khams bco brgyad las khams bcu gnyis ni nang gir zhes bya ba'i don to/ /nang gir gtogs pa'i khams bcu gnyis po de yang gang yin mi shes pas de'i phyir/gzugs dang / sgra dang / dri dang / ro dang / reg bya dang / chos kyi khams ma gtogs so zhes bya ba smos te/ gzugs dang / sgra dang / dri dang / ro dang / reg bya dang / chos te phyi'i yul gyi chos bkol nas/de'i phyir na/ mig gi khams nas yid kyi khams kyi bar du dbang po drug gi khams dang / mig gi rnam par shes pa'i khams nas yid kyi rnam par shes pa'i khams kyi bar du rnam par shes pa drug gi khams bcu gnyis la nang gi zhes bya'o/ /phyi rol gyi du zhes bya ba la/lus las ma gtogs pa ni phyi rol zhes bya ste/ khams bco brgyad las phyi rol du gtogs pa'i khams du yod ces bya ba'i don to/ /gang dag ma gtogs pa drug go zhes bya ba la/ gang du nang gir ma gtogs te bkol ba'i gzugs dang / sgra dang /dri dang / ro dang / reg bya dang / chos te phyi'i yul drug po de la phyi rol gyi zhes bya'o/ /dmigs pa dang bcas pa du zhes bya ba la/ khams bco brgyad bshad pa'i skabs yin pas/ khams bco brgyad kyi nang nas bdun ni dmigs pa dang bcas pa yin no//khams bdun po de yang gang yin pa mi shes nas/ de gang yin pa bstan pa'i phyir/ sems kyi khams bdun dang zhes bya ba smos te/ sems kyi khams bdun ni dmigs pa dang bcas pa yin no zhes bya ba'i don to/ /smras pa/ ci sems kyi khams bdun nyi tshe la dmigs pa dang bcas pa zhes bya ba /dmigs pa dang bcas pa gzhan med dam snyam pa la/ dmigs pa dang bcas pa ni sems kyi khams bdun du ma zad kyi/ gzhan yang yod par bstan pa'i phyir/ chos kyi khams kyi phyogs gcig ste zhes bya ba smos te /chos kyi khams kyi rdzas brgyad yod pa las kun ni dmigs pa dang bcas pa yin gyi/ de la phyogs gcig ni dmigs pa dang bcas pa yin no zhes bya ba'i don to/ /don du na sems kyi khams bdun dang / chos kyi khams kyi phyogs gcig ni/ dmigs pa dang bcas pa yin no zhes bya ba'i don to//de la dmigs pa dang bcas pa'i zhes bya ba ni yul dang bcas spyod yul dang bcas zhes bya ba'i don to/ /chos kyi khams kyi phyogs gcig po de yang gang yin mi shes pas bstan pa'i phyir/ gang sems las byung ba'o zhes bya ba smos te/chos kyi khams la cha gnyis su gzhag ste/ sems las byung ba'i rang bzhin dang / sems las byung ba ma yin pa'i rang bzhin no/ /de la tshor ba dang / 'du shes dang / 'du byed kyi phung po la 'du byed sems dang ldan pa lnga bcu rtsa gcig ni sems las byung ba'i rang bzhin zhes bya'o//rnam par rig byed ma yin pa dang / 'dus ma byas bzhi dang / 'du byed kyi phung po la 'du byed sems dang mi ldan pa rnams ni sems las byung ba ma yin pa'i rang bzhin no/ /de la chos kyi khams kyi phyogs gcig sems las byung ba'i rang bzhin rnams ni dmigs pa dang bcas pa rnams zhes bya'o//don du na mig gi rnam par shes pa nas yid kyi rnam par shes pa'i khams kyi bar du sems kyi khams drug dang / yid kyi khams kyis bsnan te sems kyi khams bdun dang / chos kyi khams kyi phyogs gcig sems las byung ba'i rang bzhin rnams ni dmigs pa dang bcas par bshad do//dmigs pa med pa du zhes bya ba la/ khams bco brgyad las dmigs pa med pa'i khams du zhig yod ces bya ba'i don to/ /lhag ma bcu dang / chos kyi khams kyi phyogs gcig go zhes bya ba la/khams bco brgyad las sems kyi khams bdun dang / chos kyi khams kyi phyogs gcig sems las byung ba'i rang bzhin dmigs pa dang bcas par bshad pa'i lhag ma mig gi khams nas lus kyi khams kyi bar du dbang po lnga dang / gzugs kyi khams nas reg bya'i khams kyi bar du yul lnga ste bcu dang /chos kyi khams las sems las byung ba'i rang bzhin dang / sems las byung ba ma yin pa'i rang bzhin gnyis yod pa las ni gang chos kyi khams kyi phyogs gcig sems las byung ba'i rang bzhin ma yin pa 'du byed sems dang mi ldan pa thams cad dang /rnam par rig byed ma yin pa dang / 'dus ma byas bzhi ni dmigs pa med pa zhes bya'o/ /don du na sems dang sems las byung ba la ni dmigs pa'i yul yod par bshad kyi/ sems dang sems las byung ba ma yin pa rnams la ni/dmigs pa'i yul med par bshad do/ /rtog pa dang bcas pa du zhes bya ba la/ khams bco brgyad bshad pa'i skabs yin pas khams bco brgyad kyi nang nas rtog pa dang bcas pa'i khams du yod ces bya ba'i don to/ /yid kyi khams dang /yid kyi rnam par shes pa'i khams dang / chos kyi khams kyi phyogs gcig go zhes bya ba la/ khams bco brgyad kyi nang nas yid kyi khams dang / yid kyi rnam par shes pa'i khams dang / chos kyi khams la cha gnyis te/ sems las byung ba'i rang bzhin dang /sems las byung ba ma yin pa'i rang bzhin gnyis yod pa las/ chos kyi khams kyi phyogs gcig sems las byung ba'i rang bzhin rnams ni rtog pa dang bcas pa zhes bya'o/ /ci'i phyir zhe na/ yid kyi khams dang / yid kyi rnam par shes pa'i khams dang /chos kyi khams kyi phyogs gcig la/ rtog pa dang bcas pa zhes bya zhe na/ 'di ltar rtog pa rnam pa gsum yod de/ rang bzhin gyis rtog pa dang / rjes su dran pa'i rtog pa dang / gtan la 'bebs pa'i rtog pa'o/ /de la rang bzhin gyis rtog pa ni mig gi rnam par shes pas gzugs la gzugs tsam du shes pa dang /rna ba'i rnam par shes pas sgra la sgra tsam du shes pa'o/ /rjes su dran pa'i rtog pa ni sngon mthong ba dang / thos pa la sogs pa phyis ma brjed cing / dran pa ma nyams pa'o/ /gtan la 'bebs pa'i rtog pa ni khams gsum dang dus gsum gyi dngos po rnams las kha cig mig gis mngon sum du mthong ba dang /kha cig mig gis mngon sum du mthong ba yang rna bas thos pa la sogs pa las shes rab dang sems pa'i khyad par gyis 'di ni yin 'di ni ma yin zhes rtog pa ni gtan la 'bebs pa'i rtog pa zhes bya'o//de bas na mngon pa'i chos bsdus pa'i gtsug lag las kyang rjes su dran pa'i rtog pa gang zhe na/ sngon rjes su myong ba'i 'du byed rnams 'dzin pa gang yin pa'o/ /gtan la 'bebs pa'i rtog pa gang zhe na/ 'das pa dang /ma 'ongs pa dang / da ltar byung ba rnams la mngon sum du ma gyur par rtog pa'i rnam par rtog pa'o zhes gsungs so/ /de la khri rkang pa gcig yod kyang gsum med na khri rkang pa med pa zhes bya ba dang 'dra bar rang bzhin gyis rnam par rtog pa yod kyang rjes su dran pa'i rtog pa dang /gtan la 'bebs pa'i rtog pa gnyis med na rnam par mi rtog pa zhes bya'o/ /de bas na yid kyi khams dang / yid kyi rnam par shes pa'i khams dang / chos kyi khams kyi phyogs gcig sems las byung ba'i rang bzhin rnams ni rjes su dran pa'i rtog pa dang /gtan la 'bebs pa'i rtog pa gnyis dang ldan pas rtog pa dang bcas pa zhes bya'o/ /gzhung las ma smos kyang khams lhag ma rnams ni rnam par mi rtog par grub ste/ de dag kyang gang zhe na/ mig gi khams nas lus kyi khams kyi bar du dbang po lnga dang /gzugs dang reg bya'i bar du yul lnga dang / mig gi rnam par shes pa'i khams nas lus kyi rnam par shes pa'i bar du lnga ste/ bco lnga dang / chos kyi khams kyi phyogs gcig sems las byung ba ma yin pa rnams ni rnam par mi rtog pa nyid du gzhag go/ / zin pa du zhes bya ba la/ khams bco brgyad bshad pa'i skabs yin pas khams bco brgyad kyi nang nas zin pa'i khams ni du zhig yod ces bya ba'i don to/ /de la sems dang sems las byung ba dang 'brel pa'am/ sems dang sems las byung bas zin pa'i gzugs la zin pa zhes bya'o//nang gi lnga dang zhes bya ba la/ nang gi dbang po lnga ni zin pa zhes bya ste/ de yang gang zhe na/ mig gi khams dang / rna ba'i khams dang / sna'i khams dang / lce'i khams dang / lus kyi khams so/ /ci'i phyir mig la sogs pa'i lnga nyi tshe la zin pa zhes bya bar zad kyi zin pa gzhan yang med snyam pa la yod par bstan pa'i phyir/bzhi'i phyogs te/ gzugs dang / dri dang / ro dang / reg bya rnams kyi'o zhes bya ba smos te/ 'di ltar gzugs dang / dri dang / ro dang / reg bya ste bzhi po de rnams la rnam pa gnyis yod de zin pa dang ma zin pa'o//de la gzugs dang / dri dang / ro dang / reg bya zin pa'i phyogs gang yin pa ni zin pa zhes bya'o/ /de yang gang zhe na/ mig la sogs pa'i dbang po dang / tha mi dad cing mig la sogs pa'i dbang po dang / lhan cig tu gnas pa'i gzugs dang /dri dang / ro dang / reg bya rnams dbang po sems dang / sems las byung ba zin pa bzhin du/ dbang po la yod pa'i bzhi po'i phyogs de dag kyang sems dang sems las byung bas gzung bas na zin pa zhes bya'o/ /'di ltar lus la yod pa'i gzugs la sogs pa yang skra dang /spu dang / sen mo dang / so'i rtsa ba ma gtogs pa gzhan skra dang / spu dang / sen mo dang / bshang ba dang / gci ba dang / mchil ma dang / snabs dang / khrag la sogs pa ni ma zin pa zhes bya'o/ /zin pa zhes bya ba'i don ji lta bur sems dang sems las byung bas 'di ni bdag gi yul sa yin no zhes bya ba'i tshul du bzung la/lus dang sems gnyis kyang gcig la gcig phan pa dang / gnod pas rjes su 'brel bar byed de/ lus la phan na yang sems la phan pa dang / sems la phan na yang lus la phan pa dang /lus la gnod na yang sems la gnod pa dang / sems la gnod na yang lus la gnod par byed pa ni zin pa zhes bya'o/ /ma zin pa du zhes bya ba la/ khams bco brgyad kyi nang nas ma zin pa'i khams du yod ces bya ba'i don to/ /lhag ma dgu dang bzhi po'i phyogs so zhes bya ba la/dbang po lnga dang lhan cig 'grogs pa'i gzugs dang / dri dang / ro dang / reg bya rnams zin par bshad pa'i lhag ma ni sems kyi khams bdun dang / chos kyi khams dang / sgra'i khams te dgu yang ma zin pa zhes bya'o/ /bzhi'i phyogs te/mig la sogs pa'i dbang po lnga dang / tha mi dad par gnas pa ma yin pa'i gzugs dang / dri dang / ro dang / reg bya'i phyogs kyang ma zin zhes bya la/ rtsa ba las ma gtogs pa'i skra dang / spu dang / sen mo dang / so dang / bshang ba dang / gci ba dang / mchil ma dang / snabs dang / khrag la sogs pa ni ma zin pa zhes bya'o/ /cha mtshungs pa du zhes bya ba la/ rnam par shes pa dang dbang po lhan cig tu 'grogs pa las dbang po rnam par shes pa skyed pa'i rgyu byed pa la ni cha mtshungs pa zhes bya ste/ khams bco brgyad bshad pa'i skabs yin pas khams bco brgyad kyi nang nas cha mtshungs pa'i khams du yod ces bya ba'i don to//nang gi gzugs can lnga ste zhes bya ba la/ nang gi gzugs can gyi khams lnga ni cha mtshungs pa zhes bya'o/ /de la nang gi khams ni bcu gnyis su bshad de/ mig gi khams nas yid kyi khams kyi bar du drug dang /mig gi rnam par shes pa'i khams nas yid kyi rnam par shes pa'i khams kyi bar du drug ste/ nang gi lnga po gang la bya mi shes te/ de bas na bstan pa'i phyir/ gzugs can zhes bya ba smos te/ 'di ltar nang gi dbang po ni mig dang /rna ba dang / sna dang / lce dang / lus kyi khams dang lnga ste/ de lnga ni cha mtshungs pa zhes bya'o/ /chos gang dang cha mtshungs pa dang / cha mtshungs pa zhes bya ba'i don ji lta bu yin pa mi shes nas bstan par bya ba'i phyir/ rang gi rnam par shes pa dag yul dang mthun pa'i phyir ro zhes bya ba smos te/mig gi khams kyi rang gi rnam par shes pa ni mig gi rnam par shes pa ste/ mig gi dbang po'i yul gzugs yin pa de nyid rnam par shes pa'i yul yang gzugs de nyid yin te/ mig gi dbang po dang / mig gi rnam par shes pa gzugs la mtshungs par 'jug pa ni/cha mtshungs pa zhes bya'o/ /yang na mig gi rnam par shes pa'i yul gzugs yin pa bzhin du dbang po'i yul yang gzugs yin par cha mtshungs te/ ji ltar gzugs kyis mig gi rnam par shes pa skyed pa'i rgyu byed pa bzhin du mig gi dbang pos kyang mig gi rnam par shes pa skyed pa'i rgyu byed de/gzugs dang mig gi dbang po gnyi ga mig gi rnam par shes pa skye ba dang rjes su mthun par gnas pa ni cha mtshungs pa zhes bya'o/ / don du mig la sogs pa'i dbang po rnams mig gi rnam par shes pa dang 'grogs shing ldan pa'i tshe na cha mtshungs pa zhes bya'o/ / de dang mtshungs pa du zhes bya ba la/ rnam par shes pa dang mi ldan pa'i dbang po rnams la de dang mtshungs pa zhes bya'o/ /khams bco brgyad kyi nang nas de dang mtshungs pa'i khams du yod ces bya ba'i don to/ /de dang mtshungs pa zhes bya ba ji lta bu yin pa bstan pa'i phyir/ de nyid rnam par shes pas stong pa zhes bya ba smos te/mig la sogs pa'i dbang po de dag nyid nam mig la sogs pa'i rnam par shes pas stong ste/ dbang po de dag gis rang gi rnam par shes pa skyed pa'i rgyu mi byed cing brgyal ba dang nyal ba la sogs pa'i dus na dbang po 'ba' zhig yod pa de dang mtshungs pa zhes bya'o/ /rang gi rnam par shes pas stong pa'i dbang po de dag la ci'i phyir de dang mtshungs pa bya zhe na/de'i phyir/ rang gi rigs dang mthun pa'i phyir ro zhes bya ba smos te/ mig la sogs pa'i dbang po rang gi rnam par shes pas stong pa de dag mig la sogs pa'i dbang po rang gi rnam par shes pas stong pa gzhan dag dang / rigs mthun pas de dang mthun pa zhes bya'o/ /yang na rang gi rnam par shes pas stong pa'i mig la sogs pa'i dbang po de dag rang gi rnam par shes pa dang ldan pa'i mig la sogs pa'i dbang po dang mig gi dbang por gnyi ga rigs 'dra bas na de dang mtshungs pa zhes bya ste/ nam lha sbyin gyi mig gi rnam par shes pa skyed par byed pa dang /nam lha sbyin gyi mig gi dbang pos mig gi rnam par shes pa mi skyed pa'i mig gnyi ga yang mig gi dbang por rigs 'dra bas na de dang mtshungs pa zhes bya'o/ /mig gi dbang po mig gi rnam par shes pas stong ste de dang mtshungs pa gnyi ga yang / mig gi rnam par shes pa skyed pa'i thun mong ma yin pa'i rgyu byed pas na/ cha mtshungs pa dang mtshungs pa zhes bya'i / gzugs dang sgra la sogs pa'i yul ni mtshungs pa dang de dang mtshungs pa zhes mi bya ste/ ci'i phyir zhe na/ nam gzugs des lha sbyin gyi mig gi rnam par shes pa skyed pa'i rgyu byed pas cha mtshungs pa zhes bya la/de nyid kyi dus na mchod sbyin gyi mig gi rnam par shes pa skyed pas de dang cha mtshungs par 'gyur bas na/ dus gcig tu cha mtshungs pa dang / de dang mtshungs pa gnyis su 'gyur ba'i phyir cha mtshungs pa zhe'am / de dang mtshungs pa zhes gzhag tu med la/ gzugs la sogs pa ni lha sbyin gyi mig gi rnam par shes pa skyed pa bzhin du mchod sbyin gyi mig gi rnam par shes pa yang skyed pas thun mong du gyur pa yin pa'i phyir/ de dang cha mtshungs pa zhes bya'o/ /phung po lnga bshad pa slob dpon sa'i rtsa lag gis mdzad pa rdzogs s+ho // //rgya gar mkhan po dzi na mi tra dang / dA na shI la dang / bod kyi lo tsA ba ban de ye shes sde la sogs pas bsgyur cing zhus te gtan la phab pa'o//