CLOSE WINDOW

D4048
བོད་ཡིག

@##/ /rgya gar skad du/ ma hA yA na saM gra ha/ bod skad du/ theg pa chen po bsdus pa/ bam po dang po/ bcom ldan 'das 'phags pa 'od dpag tu med pa dang / 'jam dpal gzhon nur gyur pa la phyag 'tshal lo/ /theg pa chen po la shin tu zhugs pa'i byang chub sems dpas/ theg pa chen po'i che ba'i bdag nyid brjod pa'i phyir/ bcom ldan 'das kyi spyan sngar 'di lta ste/theg pa chen po las brtsams nas/ chos mngon pa theg pa chen po'i mdo las/ sangs rgyas bcom ldan 'das rnams kyi gsung khyad par rnam pa bcus khyad par du 'phags pa gsungs te/'di lta ste/ sangs rgyas bcom ldan 'das rnams kyi gsung zhes bya ba'i gnas kyi khyad par gyes khyad par du 'phags pa dang / sangs rgyas bcom ldan 'das rnams kyi gsung zhes bya ba'i mtshan nyid kyi khyad par gyis khyad par du 'phags pa dang /shes bya'i mtshan nyid de la 'jug pa'i khyad par gyis khyad par du 'phags pa'i gsung dang / de la 'jug pa de'i rgyu dang 'bras bu'i khyad par gyis khyad par du 'phags pa'i gsung dang /de'i rgyu dang 'bras bu bsgom pa rab tu dbye ba'i khyad par gyis khyad par du 'phags pa'i gsung dang / bsgom pa rab tu dbye ba de nyid la lhag pa'i tshul khrims kyi khyad par gyis khyad par du 'phags pa'i gsung dang /lhag pa'i sems kyi khyad par gyis khyad par du 'phags pa'i gsung dang / lhag pa'i shes rab kyi khyad par gyis khyad par du 'phags pa'i gsung dang /de'i 'bras bu spangs pa'i khyad par gyis khyad par du 'phags pa'i gsung dang / de'i 'bras bu ye shes kyi khyad par gyis khyad par du 'phags pa'i gsung ngo / /sangs rgyas bcom ldan 'das rnams kyis mdo sde'i tshig bstan pa 'di ni theg pa chen po sangs rgyas kyi bka' nyid du brjod pa'o//ji ltar brjod ce na/ 'di ltar bstan pa 'dis/ nyan thos kyi theg par gang dag ma bstan pa'i gnas bcu po dag theg pa chen po las bstan te/'di lta ste/ kun gzhi rnam par shes pa ni shes bya'i gnas su bstan to/ /ngo bo nyid gsum po gzhan gyi dbang dang / kun brtags pa dang / yongs su grub pa dag ni shes bya'i mtshan nyid du bstan to/ /rnam par rig pa tsam nyid ni shes bya'i mtshan nyid la 'jug par bstan to//pha rol tu phyin pa drug po dag ni de la 'jug pa'i rgyu dang 'bras bur bstan to/ /byang chub sems dpa'i sa bcu po dag ni de'i rgyu dang 'bras bu bsgom pa rab tu dbye bar bstan to / /byang chub sems dpa'i sdom pa ni der lhag pa'i tshul khrims su bstan to//dpa' bar 'gro ba dang nam mkha' mdzod la sogs pa'i ting nge 'dzin dag ni der lhag pa'i sems su bstan to/ /rnam par mi rtog pa'i ye shes ni lhag pa'i shes rab tu bstan to/ /mi gnas pa'i mya ngan las 'das pa ni de'i 'bras bu spangs par bstan to/ / sangs rgyas kyi sku gsum ste/ ngo bo nyid dang / longs spyod rdzogs pa dang / sprul pa ni de'i 'bras bu ye shes su bstan to/ /nyan thos kyi theg pa las khyad par du byas pa gnas bcu po 'di dag ni gang dag bcom ldan 'das kyis byang chub sems dpa' rnams las brtsams nas/ theg pa chen po las khyad par du 'phags pa mchog nyid du bstan pa dag go/ /de bas na theg pa chen po las brtsams te/ sangs rgyas bcom ldan 'das rnams kyi gsung khyad par rnam pa bcus khyad par du 'phags par shes par bya'o/ /ji ltar na de bzhin gsheg pa'i gsung khyad par rnam pa bcus khyad par du 'phags pa 'dis theg pa chen po sangs rgyas kyi bka' nyid du yongs su bstan pa yin la/nyan thos kyi theg pa ni theg pa chen por mi chud par bkag pa yin te/ 'di ltar gnas bcu po 'di dag nyan thos kyi theg pa la ni bstan par mi snang la/ theg pa chen po la ni snang ba'i phyir ro zhe na/gnas bcu po 'di dag ni byang chub chen po kun tu sgrub par byed pa ste/ thams cad mkhyen pa'i ye shes 'thob par shin tu 'thad pa mthun pa 'gal ba med pa'o/ /'dir tshigs su bcad pa/ shes bya'i gnas dang mtshan nyid der 'jug dang //de yi rgyu 'bras de rab dbye ba dang / /bslab pa gsum dang de 'bras spangs pa dang / /ye shes theg pa mchog gyur khyad par 'phags/ /bstan 'di 'di ltar gzhan na ma mthong la/ /'di dag byang chub mchog gi rgyur mthong bas/ /gnas bcu bstan pas khyad par zhugs gang yin pa//theg pa chen po sangs rgyas bkar 'dod do/ /ci'i phyir gnas bcu po 'di dag gi go rims 'di ltar bstan zhe na/ 'di ltar byang chub sems dpas thog ma nyid du re zhig chos rnams kyi rgyu la mkhas pa la brten nas/ rten cing 'brel par 'byung ba la mkhas par bya'o//de'i 'og tu sgro 'dogs pa dang skur pa 'debs pa'i mtha'i nyes pa yongs su spang ba la mkhas pa nye bar bzung ste / rten cing 'brel par 'byung ba'i chos de dag gi mtshan nyid la mkhas par bya'o/ /de ltar rab tu sbyor ba'i byang chub sems dpas mtshan nyid shin tu bzung ba de rtogs par bya ste/des sgrib pa rnams las sems rnam par grol bar 'gyur ro/ /de'i 'og tu shes bya'i mtshan nyid rtogs nas lhag pa'i bsam pa rnam par dag pa la brten te/ sngon sbyor ba can gyi pha rol tu phyin pa drug po dag rtogs par bsgrub par bya'o//de'i 'og tu lhag pa'i bsam pa rnam par dag pas yongs su bzung ba'i pha rol tu phyin pa drug po de dag sa bcu dag tu rab tu phye ste/ bskal pa grangs med pa gsum du bsgom par bya'o/ /de'i 'og tu byang chub sems dpa'i bslab pa gsum po dag yongs su rdzogs par bya'o/ / yongs su rdzogs nas de'i 'bras bu mya ngan las 'das pa dang / bla na med pa yang dag par rdzogs pa'i byang chub mngon par rdzogs par 'tshang rgya bar bya ste/ gnas bcu po de dag gi go rims ni de ltar bstan to/ /bstan pa 'dir ni theg pa chen po thams cad yongs su rdzogs pa yin no//de la re zhig thog ma kho nar kun gzhi rnam par shes pa ni shes bya'i gnas so zhes brjod pa bcom ldan 'das kyis kun gzhi rnam par shes pa zhes bstan pas/ kun gzhi rnam par shes pa gang du bstan zhe na/ bcom ldan 'das kyis chos mngon pa'i mdo las tshigs su bcad de/thog ma med pa'i dus kyi dbyings/ /chos rnams kun gyi gnas yin te/ /de yod pas na 'gro kun dang / /mya ngan 'das pa'ang 'thob par 'gyur/ /zhes gsungs so/ /yang de nyid las/ chos kun sa bon thams cad pa'i/ /rnam par shes pa kun gzhi ste/ /de bas kun gzhi rnam shes te//dam pa dag la ngas bshad do/ /zhes gsungs te/ 'di ni re zhig lung ngo / /ci'i phyir de kun gzhi rnam par shes pa zhes bya zhe na/ skye ba can kun nas nyon mongs pa'i chos thams cad 'bras bu'i dngos po der sbyor ba'am/ de yang rgyu'i dngos por de dag tu sbyor ba'i phyir kun gzhi rnam par shes pa'o//yang na sems can dag de'i bdag nyid du sbyor bas kun gzhi rnam par shes pa'o/ /de ni len pa'i rnam par shes pa zhes kyang bya ste/ 'di la lung ni dgongs pa nges par 'grel pa'i mdo las/ len pa'i rnam par shes pa zab cing phra/ /sa bon thams cad chu bo'i rgyun bzhin 'bab//bdag tu rtog par gyur na mi rung zhes/ /'di ni byis pa rnams la ngas ma bstan/ /zhes ji skad gsungs pa lta bu'o/ /ci'i phyir len pa'i rnam par shes pa zhes bya zhe na/ dbang po gzugs can thams cad kyi rgyu yin pa dang / lus can nye bar len pa'i gnas su gyur pa'i phyir te/'di ltar tshe ji srid par rjes su 'jug gi bar du des dbang po gzugs can lnga po dag ma zhig par nye bar bzung ba dang / lus thams cad nye bar len pa'i gnas su 'gyur ba'i phyir / nying mtshams sbyor ba sprel ba na yang de mngon par 'grub pa nye bar 'dzin pa'i phyir lus bzung ba yin te/de lta bas na de len pa'i rnam par shes pa zhes bya'o/ /de ni sems zhes kyang bya ste/ bcom ldan 'das kyis sems dang / yid dang rnam par shes pa zhes ji skad gsungs pa lta bu'o/ /de la yid ni rnam pa gnyis te/ de ma thag pa'i rkyen byed pas gnas su gyur pa'i phyir/rnam par shes pa 'gags ma thag pa'i yid ces bya ba rnam par shes pa skye ba'i gnas dang / gnyis pa nyon mongs pa can gyi yid nyon mongs pa bzhi po 'jig tshogs la lta ba dang / nga'o snyam pa'i nga rgyal dang / bdag la chags pa dang /ma rig pa dang rtag tu mtshungs par ldan pa ste/ de ni rnam par shes pa kun nas nyon mongs pa'i gnas so/ /rnam par shes pa ni gang gnas gcig pos ni bskyed la/ gnyis pas ni nyon mongs pa can du byas pa ste/ yul la rnam par rig pa'i phyir rnam par shes pa'o//de ma thag pa dang / ngar sems pa'i phyir yid ni rnam pa gnyis so/ /nyon mongs pa can gyi yid de yod par ci mngon zhe na/ de med du zin na ma rig pa ma 'dres pa med pa'i skyon du 'gyur ro/ /lnga po dag dang 'dra ba med pa'i skyon du yang 'gyur te/'di ltar rnam par shes pa lnga'i tshogs dag gi lhan cig 'byung ba'i gnas ni mig la sogs pa'o/ /nges pa'i tshig med pa'i skyon du yang 'gyur ro/ /'du shes med pa dang / 'gog pa'i snyoms par 'jug pa bye brag med pa'i skyon du yang 'gyur te/ 'di ltar 'du shes med pa'i snyoms par 'jug pa ni nyon mongs pa can gyi yid kyis rab tu phye ba yin gyi / 'gog pa'i snyoms par 'jug pa ni ma yin te/ gzhan du na 'di gnyis bye brag med pa nyid du 'gyur ro/ /gal te 'du shes med pas de na ngar 'dzin pa dang / nga'o snyam pa'i nga rgyal med na 'du shes med par skye ba thog thag tu nyon mongs pa can ma yin pa'i skyon du yang 'gyur ro//dge ba dang mi dge ba dang lung du ma bstan pa'i sems rnams la yang ngar 'dzin pa dus thams cad du kun tu 'byung bar dmigs pa'i yang phyir ro/ /gzhan du na ni mi dge ba'i sems kho na dang de mtshungs par ldan pas nga'o snyam pa'i nyon mongs pa kun tu 'byung gi dge ba dang lung du ma bstan pa dag la ni ma yin no//de'i phyir lhan cig 'byung bar kun tu 'byung ba dang / mtshungs par ldan par kun tu 'byung bas skyon 'di dag tu mi 'gyur ro/ /'dir tshigs su bcad pa/ ma 'dres pa yi ma rig dang / /lnga po dag dang 'dra ba dang / /snyoms par 'jug pa'i bye brag dang / /nges tshig med pa'i skyon du 'gyur/ /'du shes med pa'i skye ba'i rgyun/ /ngar 'dzin med pa'i skyon du 'gyur/ /ngar 'dzin pa dang ldan par ni/ /rnam pa kun tu mi 'thad do/ /nyon mongs can gyi yid med na//gnyis med gsum po 'gal bar 'gyur/ /de med na ni ngar 'dzin pa/ /kun na yod par mi 'gyur ro/ /yang dag don la 'jug pa yi/ /sems kyi bgegs su rtag 'gyur dang / /dus rnams kun tu 'byung ba de/ /ma 'dres pa yi ma rig 'dod/ / yid ni nyon mongs pa can yin pa'i phyir bsgribs la lung du ma bstan pa ste/ sgrib pa'i nyon mongs pa rnam pa bzhi dang rtag tu mtshungs par ldan no/ /gzugs dang gzugs med pa na spyod pa'i nyon mongs pa bzhin du 'di ni bsgribs la lung du ma bstan pa nyid do/ /gzugs dang gzugs med pa na spyod pa'i yid ni zhi gnas kyis khyud pa yin la/yid ni dus thams cad du ldan pa'i phyir ro/ /kun gzhi rnam par shes pa ma gtogs par sems kyi lus gsum pa mi dmigs te/ de lta bas na kun gzhi rnam par shes pa ni sems nyid yin par grub bo/ / sa bon thams cad pa de las yid dang rnam par shes pa 'byung ngo / /de yang ci'i phyir sems zhes kyang bya zhe na/ chos kyi bag chags kyi sa bon sna tshogs rnams kyis kun tu bstsags pa'i phyir ro/ /ci'i phyir nyan thos kyi theg par sems de kun gzhi rnam par shes pa zhes bya bar ram/len pa'i rnam par shes pa zhes bya bar ma bstan zhe na/ shes bya phra mo bsdu ba'i phyir te/ nyan thos rnams ni shes bya thams cad lhag par shes pa la gtogs pa ma yin no/ /de'i phyir de dag ni de bstan pa med par yang shes par rab tu grub pas rnam par grol ba rab tu grub pa'i phyir ma bstan to//byang chub sems dpa' rnams ni shes bya thams cad lhag par shes pa la gtogs pa yin no/ /de'i phyir de dag la de bstan te/ de shes pa med par ni thams cad mkhyen pa'i ye shes thob par sla ba ma yin no/ /yang rnam grangs kyis kun gzhi rnam par shes pa nyan thos kyi theg par yang bstan te/gcig las 'phros pa'i lung de bzhin gshegs pa 'byung ba'i phan yon rnam pa bzhi'i mdo las/ skye dgu kun gzhi la kun tu dga' ba / kun gzhi las yang dag par byung ba kun gzhi la mngon par dga' ba can dag la kun gzhi spang ba'i phyir/chos bstan na nyan 'dod la/ rna ba gtod de/ kun shes par byed par sems nye bar 'jog cing chos kyi rjes su mthun pa'i chos sgrub ste/ de bzhin gshegs pa 'jig rten du byung na ngo mtshar rmad du byung ba'i chos 'di yang 'jig rten du 'byung ngo zhes ji skad gsungs pa lta bu ste/rnam grangs 'dis ni kun gzhi rnam par shes pa nyan thos kyi theg par yang bstan pa yin no/ /dge 'dun phal chen sde'i lung las kyang rtsa ba'i rnam par shes pa zhes 'byung ste/ rnam grangs des kyang de nyid bstan te/ rtsa ba de la brten pa'i shing ljon pa bzhin no//sa ston gyi sde'i lung las kyang 'khor ba ji srid pa'i phung po rnams zhes 'byung ste/ rnam grangs des kyang de nyid bstan te/ la lar res 'ga' gzugs dang sems rgyun chad par snang yang kun gzhi rnam par shes pa la de'i sa bon ni rgyun mi 'chad pa'i phyir ro//'phags pa gnas brtan pa rnams kyi lung las kyang / srid pa'i yan lag lta ba dang / /shes pa dang ni gtong ba dang / /g.yo ba dang ni rtogs pa dang / bdun pa 'jug par byed pa yin/ /zhes 'byung ngo / /de'i phyir gang shes bya'i gnas la len pa'i rnam par shes pa nyid dang /sems nyid dang / kun gzhi rnam par shes pa nyid dang / rtsa ba'i rnam par shes pa nyid dang / 'khor ba ji srid pa'i phung po dang / srid pa'i yan lag tu bstan pa de ni kun gzhi rnam par shes pa ste/ kun gzhi rnam par shes pa'i lam chen po btod pa kho na yin no//kha cig 'di snyam du sems dang yid dang rnam par shes pa zhes bya ba ni don gcig kho na ste/ 'dir tshig 'bru tha dad do snyam du sems pa de yang mi 'thad de/ yid dang rnam par shes pa gnyis don tha dad par dmigs pa'i phyir ro/ /de'i phyir sems kyang don tha dad par 'gyur ro//yang kha cig ni bcom ldan 'das kyis skye dgu kun gzhi la kun tu dga' ba zhes rgya cher gang gsungs pa de la nye bar len pa'i phung po lnga po de dag ni kun gzhi zhes bya'o snyam du sems so/ /gzhan dag ni bde ba'i tshor ba 'dod chags dang bcas pa ni kun gzhi'o snyam du sems so//gzhan dag ni 'jig tshogs la lta ba kun gzhi'o snyam du sems te/ de dag ni kun gzhi rnam par shes pa la rmongs nas lung dang rtogs pas de snyam du sems so/ /nyan thos kyi theg par rnam par gzhag pa'i tshul du na yang de dag gi rnam par gzhag pa de mi rung ba med mod kyi/de la ma rmongs pa rnams kyis kun gzhi rnam par gzhag pa de kun gzhi rnam par shes pa yin par yongs su bzung nas rnam par 'jog pa ni ches bzang ngo / /ji ltar ches bzang zhe na/ 'di ltar nye bar len pa'i phung po lnga po dag ni shin tu sdug bsngal ba'i ngan 'gro rnams su skyes pa dag dang mi mthun pa yin no//des ni shin tu 'dod pa med pa de dag la sbyor ba ni mi rigs te/ 'di ltar de dag ni de dang 'bral ba nyid du 'dod do/ /bde ba'i tshor ba 'dod chags dang bcas pa yang bsam gtan bzhi pa yan chad gong ma la med de / de dang ldan pa'i sems can rnams dang mi mthun pa yin pas der yang de dag sbyor ba mi rigs so/ /'jig tshogs la lta ba yang chos 'di pa bdag med pa la mos pa dag dang mi mthun pa yin te/ de'i phyir de la yang de dag sbyor ba mi rigs so/ /kun gzhi rnam par shes pa la nang gi bdag gi dngos por khas blangs pa ni shin tu sdug bsngal ba'i 'gro ba rnams su skyes pa sdug bsngal gyi phung po rnam par zhig par 'dod kyang /kun gzhi rnam par shes pa la bdag tu chags pas bcings pa rnams de rnam par zhig par 'dod par ni nam yang mi 'gyur ro/ /bsam gtan bzhi pa yan chad gong mar skyes pa rnams 'dod chags dang bcas pa'i bde ba dang mi mthun du zin kyang kun gzhi rnam par shes pa la bdag gi dngos por chags pa'i rjes su 'brel pa ni yod pa nyid do//de bzhin du chos 'di bdag med pa la mos pa rnams bdag tu lta ba dang mi mthun du zin kyang kun gzhi rnam par shes pa la bdag gi dngos por chags pa'i rjes su 'brel pa yod pa nyid de/de lta bas na kun gzhi rnam par shes pa la kun gzhi nyid du ches legs par rnam par gzhag pa grub bo/ /'di ni re zhig kun gzhi rnam par shes pa'i rnam grangs rnam par gzhag pa'o/ / de nas 'di'i mtshan nyid rnam par gzhag pa ji ltar blta zhe na/ de ni mdor bsdu na rnam pa gsum ste/ rang gi mtshan nyid rnam par gzhag pa dang / rgyu nyid du rnam par gzhag pa dang / 'bras bu nyid du rnam par gzhag pa'o/ /de la kun gzhi rnam par shes pa'i rang gi mtshan nyid ni/gang kun nas nyon mongs pa'i chos thams cad kyi bag chags la brten nas/ sa bon yongs su 'dzin pa dang ldan pas/ de skye ba'i rgyu mtshan nyid do/ /de la rgyu nyid kyi mtshan nyid ni de ltar kun gzhi rnam par shes pa'i rang gi sa bon thams cad pa de kun nas nyon mongs pa'i chos de nyid kyi rgyu nyid du dus thams cad du nye bar gnas pa yin no //de la 'bras bu nyid du rnam par gzhag pa nyid ni/ gang kun gzhi rnam par shes pa kun nas nyon mongs pa'i chos de dag nyid kyi thog ma med pa'i dus kyi bag chags la brten nas byung ba'o//bag chags zhes bya ba 'di ci zhig /bag chags zhes brjod pa 'di'i brjod par bya ba ni ci zhe na/ chos de dang lhan cig 'byung ba dang / 'gag pa la brten nas de 'byung ba'i rgyu mtshan nyid gang yin pa de ni brjod par bya ba ste/ dper na til dag la me tog gis bsgos pa til dang me tog lhan cig 'byung zhing 'gags kyang til rnams de'i dri gzhan 'byung ba'i rgyu mtshan nyid du 'byung ba dang /'dod chags la sogs pa la spyod pa rnams kyi 'dod chags la sogs pa'i bag chags 'dod chags la sogs pa dang lhan cig 'byung zhing 'gags kyang sems ni de'i rgyu mtshan nyid du 'byung ba dang /mang du thos pa rnams kyi mang du thos pa'i bag chags kyang thos pa de yid la byed pa dang lhan cig tu 'byung zhing 'gags kyang sems ni de brjod pa'i rgyu mtshan nyid du 'byung ste/ bag chags des yongs su zin par chos 'dzin pa zhes bya ba ltar kun gzhi rnam par shes pa la yang tshul de bzhin du blta bar bya'o//kun gzhi rnam par shes pa la kun nas nyon mongs pa'i chos kyi sa bon de dag ci so so tha dad dam/ 'on te tha dad pa ma yin par gnas she na/ de la gnas pa de dag dang rdzas su tha dad pa yang ma yin/tha mi dad pa yang ma yin mod kyi/ gang de 'byung ba'i mthu'i khyad par can kun gzhi rnam par shes pa de/ de bzhin du byung ba la sa bon thams cad pa zhes bya'o/ kun gzhi rnam par shes pa dang / kun nas nyon mongs pa'i chos de dag dus mnyam du gcig gi rgyu nyid du gcig 'gyur bar ji ltar blta zhe na/dper na mar me'i me lce 'byung ba dang / snying po tshig pa phan tshun dus mnyam pa dang / mdung khyim yang dus mnyam du gcig la gcig brten nas mi 'gyel ba de bzhin du 'dir yang gcig gi rgyu nyid du gcig 'gyur bar blta'o/ / ji ltar kun gzhi rnam par shes pa kun nas nyon mongs pa'i chos rnams kyi rgyu yin pa de ltar kun nas nyon mongs pa'i chos rnams kyang kun gzhi rnam par shes pa'i rgyu'i rkyen nyid du rnam par gzhag ste/ rgyu'i rkyen gzhan mi dmigs pa'i phyir ro/ /bag chags tha dad pa ma yin zhing sna tshogs ma yin pa chos tha dad pa sna tshogs dag gis rgyur ci ltar rung zhe na/dper na tshig gu'i rtsi sna tshogs kyis bsgyur ba'i ras sna tshogs su mi snang ba gang gi tshe tshon gyi snod du bcug pa de'i tshe ras la tshon rnams kyi dbye ba tha dad pa rnam pa sna tshogs du ma ston pa de bzhin du/kun gzhi rnam par shes pa bag chags sna tshogs kyis bsgos pa yang bag chags kyi dus na sna tshogs ma yin yang 'bras bu mngon par 'grub pa'i tshon gyi snod du mngon par phyogs na chos sna tshogs tshad med pa dag ston te/ 'di ni theg pa chen po la phra ba mchog tu zab pa'i rten cing 'brel par 'byung ba'o//mdor bsdu na rten cing 'brel par 'byung ba ni 'di gnyis te/ ngo bo nyid rnam par 'byed pa can dang / sdug pa dang mi sdug pa rnam par 'byed pa can no/ /de la gang kun gzhi rnam par shes pa la brten nas chos rnams 'byung ba de ni ngo bo nyid rnam par 'byed pa can te/ngo bo nyid sna tshogs rnam par 'byed pa'i rkyen gyi dngos por 'gyur ba'i phyir ro/ /rten cing 'brel par 'byung ba'i yan lag bcu gnyis gang yin pa de ni sdug pa dang mi sdug pa rnam par 'byed pa can te/ bde 'gro dang ngan 'gro dag tu sdug pa dang mi sdug pa'i lus rnam par dbye ba sna tshogs kyi rkyen gyi dngos por 'gyur ba'i phyir ro//de la rten cing 'brel par 'byung ba dang po kun gzhi rnam par shes pa la rmongs pa dag kha cig ni rang bzhin gyi rgyu las byung ba nyid du rtog /kha cig ni sngon byas pa nyid kyi rgyu las byung ba nyid du rtog /kha cig ni dbang phyug gis sprul pa'i rgyu las byung ba nyid du rtog /kha cig ni bdag gi rgyu las byung ba nyid du rtog /kha cig ni rgyu med pa dang / rkyen med pa nyid du rtog go/ /rten cing 'brel par 'byung ba gnyis pa la rmongs pa dag ni bdag la byed pa po dang za ba por rtog ste/dper na mi dmus long mang zhig yod la/ de dag kyang glang po che ma mthong ba sha stag cig ste/ de dag la la la zhig gis glang po che bstan la/ de dag las kha cig gis ni glang po che de'i sna la reg/ /kha cig gis ni mche ba la reg /kha cig gis ni rna ba la reg /kha cig gis ni rkang pa la reg /kha cig gis ni mjug ma la reg /kha cig gis ni sgal tshigs la reg la de dag la glang po che ci 'dra zhes dris pa dang / kha cig na re gshol mda' lta bu zhig go zhes zer/ kha cig na re gtun shing lta bu zhig go zhes zer/kha cig na re zhib ma lta bu zhig go zhes zer/ kha cig na re gtun gyi gzhi lta bu zhig go zhes zer/ kha cig na re phyags ma lta bu zhig go zhes zer/ kha cig na re pha bong lta bu zhig go zhes zer ba de bzhin du/ 'di na rten cing 'brel par 'byung ba rnam pa gnyis po 'di mi shes pa ma rig pas dmus long bzhin du gyur pa/glang po che lta bu'i kun gzhi rnam par shes pa'i ngo bo nyid dang / rgyu dang 'bras bu mi shes pa dag kyang / kha cig ni rang bzhin rgyu nyid du sems/ kha cig ni sngon byas pa'i rgyu las byung bar sems/ kha cig ni dbang phyug yod par sems/kha cig ni bdag yod par sems/ kha cig ni rgyu med pa las byung bar sems/ kha cig ni byed pa por sems/ kha cig ni za ba por sems so/ /mdor bsdu na kun gzhi rnam par shes pa'i ngo bo nyid ni rnam par smin pa'i rnam par shes pa sa bon thams cad pa ste/des khams gsum pa'i lus thams cad dang / 'gro ba thams cad bsdus so/ /'dir tshigs su bcad pa/ phyi dang nang dang mi gsal ba/ /gnyis dang kun rdzob nyid dang ni/ /dam pa'i don te de dag kun/ /sa bon rnam pa drug tu 'dod/ /skad cig pa dang lhan cig byung //de ni rgyun chags 'byung bar 'dod/ /nges dang rkyen la ltos pa dang / /rang gi 'bras bus bsgrubs pa'o/ /brten lung ma bstan bsgo bya ba/ /sgo bar byed dang 'brel pa la/ /sgo byed de las gzhan ni min/ /de ni bag chags mtshan nyid do/ /drug po dag la 'brel med de//tha dad gsum dang 'brel ba'i phyir/ /skad cig lhan cig med pa'i phyir/ /rigs la bya na gzhan du thal/ /phyi dang nang gi sa bon de / /bskyed pa dang ni 'phen par 'dod/ /ma btab shi ba 'phen pa'i phyir/ /mda' ni bar du mi ltung bzhin/ /phyi rol gyi sa bon ji lta ba bzhin du nang gi rnams kyi sa bon nyid ni de lta ma yin pa'i tshigs su bcad pa/phyi rol sa bon ma btab bam / /nang gi 'dod pa ma yin te/ /thos sogs bag chags med na ni/ /de 'bras skye ba mi rigs phyir/ /byas dang ma byas 'jigs dang phrad/ /nyes par 'gyur bas 'gal phyir ro//nang ni phyi rol rkyen yin te/ /'di ltar de ni bag chags rten/ /yang 'jug pa'i rnam par shes pa gzhan gang yin pa de ni lus dang 'gro ba thams cad du nye bar spyod pa can du blta ste/ dbus dang mtha' rnam par 'byed pa'i tshigs su bcad pa las/ gcig ni rkyen gyi rnam par shes/ /gnyis pa nye bar spyod pa can/ /nye bar spyod dang yongs gcod dang / de yi 'jug byed sems las byung / /zhes ji skad gsungs pa lta bu'o/ /rnam par shes pa de gnyis ni gcig gi rkyen gcig yin te/ chos mngon pa'i mdo las/ chos kun rnam par shes la sbyor/ /de dag la yang de de bzhin/ /phan tshun 'bras bu'i dngos po dang / /rgyu yi dngos por rtag tu sbyor/ /zhes tshigs su bcad pa gsungs so/ /gal te rten cing 'brel par 'byung ba dang po la rnam par shes pa de dag phan tshun du rgyu'i rkyen yin na/'o na rten cing 'brel bar 'byung ba gnyis pa la gang gi rkyen zhes bya zhe na/ bdag po'i rkyen to/ /yang rnam par shes pa drug po dag rkyen du zhig gis skye zhe na/ bdag po dang / dmigs pa dang / de ma thag pa'i rkyen rnams kyis skye'o/ /rten cing 'brel par 'byung ba rnam pa gsum po 'khor ba pa dang /'dod pa dang mi 'dod pa'i 'gro ba pa dang / nye bar spyod pa can gyi rkyen ni bzhi po 'di dag yin no/ /'di ni kun gzhi rnam par shes pa rnam grangs dang mtshan nyid kyis rnam par gzhag pa'o/ /ji ltar kun gzhi rnam par shes pa nyid rnam grangs 'di dag gis bstan pa dang /de bzhin du mtshan nyid kyang bstan pa ltar 'jug pa'i rnam par shes pa ni ma yin par de cis mngon zhe na/ de ltar rnam par gzhag pa'i kun gzhi rnam par shes pa med par/ 'di ltar kun nas nyon mongs pa dang rnam par byang ba mi rung ste/nyon mongs pa'i kun nas nyon mongs pa dang / las kyi kun nas nyon mongs pa dang / skye ba'i kun nas nyon mongs pa yang mi rung ngo / /'jig rten pa dang / 'jig rten las 'das pa'i rnam par byang ba yang mi rung ngo / /nyon mongs pa'i kun nas nyon mongs pa ji ltar mi rung zhe na/'di ltar nyon mongs pa dang / nye ba'i nyon mongs pas bag chags sa bon nyid du byas pa ni rnam par shes pa'i tshogs drug po dag la mi rung ste/ 'di ltar mig gi rnam par shes pa gang 'dod chags la sogs pa nyon mongs pa dang / nye ba'i nyon mongs pa gang dag dang lhan cig skyes shing 'gags pa de nyid la de dag gi sa bon gyi dngos por bag chags bsgos par 'gyur gyi gzhan la ni ma yin no//mig gi rnam par shes pa 'gags pa rnam par shes pa gzhan gyis bar du chod pa de la ni bag chags med cing bag chags kyi gnas kyang mi dmigs te/ mig gi rnam par shes pa sngar 'gags pa ni med pa rnam par shes pa gzhan gyis bar du chod pa yin pas/ med pa 'das pa de las 'dod chags la sogs pa dang bcas pa 'byung du mi rung ste/ 'das pa'i las las rnam par smin pa'i 'bras bu 'byung ba bzhin no/ /mig gi rnam par shes pa 'dod chags la sogs pa dang lhan cig 'byung ba de la yang bag chags mi rung ngo //re zhig 'dod chags la ni ma yin te/ 'dod chags ni de la brten pa'i phyir dang / mi brten pa'i phyir ro/ /rnam par shes pa gzhan dag la yang ma yin te/ rnam par shes pa rnams kyi gnas tha dad pa'i phyir dang /lhan cig 'byung ba dang 'gag pa med pa'i phyir ro/ /rang gi dngos po la yang ma yin te/ rang gi dngos po ni lhan cig 'byung ba dang / 'gag pa med pa nyid kyi phyir ro/ /de lta bas na mig gi rnam par shes pa la 'dod chags la sogs pa nyon mongs pa dang nye ba'i nyon mongs pas bag chags bsgos par mi rung ngo //rnam par shes pa de la rnam par shes pas bsgos par yang mi rung ngo ste / mig gi rnam par shes pa la ji lta ba bzhin du 'jug pa'i rnam par shes pa lhag ma rnams la yang ci rigs su rig par bya'o/ / gang yang sa gong ma 'du shes med pa nas 'chi 'phos te/ 'dir skyes pa rnams kyi rnam par shes pa nyon mongs pa dang nye ba'i nyon mongs pas nyon mongs par gyur pa thog ma nyid du skye ba de yang sa bon med par skye bar 'gyur te/ bag chags de gnas dang bcas par 'das pas med pa'i phyir ro/ / nyon mongs pa'i gnyen po'i rnam par shes pa byung na de ma yin pa gzhan 'jig rten pa'i rnam par shes pa thams cad ni 'gags na/ kun gzhi rnam par shes pa med par gnyen po'i rnam par shes pa de ni nyon mongs pa dang nye ba'i nyon mongs pa'i sa bon dang bcas par mi rung ste/ ngo bo nyid kyis rnam par grol ba dang nyon mongs pa rnams dang lhan cig 'byung ba dang 'gag pa med pa'i phyir ro//kun gzhi rnam par shes pa med na/ de'i 'og tu yang 'jug pa'i rnam par shes pa 'byung ba na bag chags de gnas dang bcas te 'das nas yun ring ste/ med pa'i phyir sa bon med pa las skye bar 'gyur ro//de lta bas na kun gzhi rnam par shes pa med na nyon mongs pa'i kun nas nyon mongs pa mi rung ngo / /las kyi kun nas nyon mongs pa ji ltar mi rung zhe na/ 'du byed kyi rkyen gyis rnam par shes pa mi rung ba'i phyir ro/ /de med na len pa'i rkyen gyis srid pa yang ma rung ba'i phyir ro//skye ba'i kun nas nyon mongs pa ji ltar mi rung zhe na/ nying mtshams sbyor ba sprel ba mi rung ba'i phyir ro/ /mnyam par ma bzhag pa'i sa nas shi 'phos pa'i yid bar ma do'i srid pa na gnas pa'i tshe/ yid kyi rnam par shes pa nyon mongs pa can gyis nying mtshams sbyor ba sprel te/yid kyi rnam par shes pa nyon mongs pa can de ni bar ma do'i srid par 'gags la/ rnam par shes pa yang ma'i mngal du nur nur po nyid du brgyal lo/ /gal te yid kyi rnam par shes pa de nyid brgyal na ni brgyal ba de la brten nas yid kyi rnam par shes pa ma'i mngal du 'jug par 'gyur te/des na yid kyi rnam par shes pa gnyis lhan cig tu ma'i mngal du 'jug par 'gyur ro/ /yid kyi rnam par shes pa brgyal ba de ni yid kyi rnam par shes pa nyid du mi rigs te/ dus rtag tu nyon mongs pa can gnas yin pa dang /yid kyi rnam par shes pa'i dmigs pa la mi dmigs pa'i phyir ro/ /yid kyi rnam par shes pa de brgyal ba yin du chug na yang ci yid kyi rnam par shes pa brgyal ba de sa bon thams cad pa yin nam/ 'on te gang de la brten nas zhugs pa yin/ gal te gang brgyal ba de sa bon thams cad pa yin na ni/ des na yid kyi rnam par shes pa zhes bya ba kun gzhi rnam par shes pa nyid kyi rnam grangs kyi ming du gzhag pa yin no / /ji ste de la brten pa sa bon thams cad pa yin na ni/ /des na gang gnas kyi dngos pos rgyur gyur pa'i rnam par shes pa de yang sa bon thams cad pa ma yin na/gang rten pa 'bras bur gyur pa de lta sa bon thams cad par rung re skan / de'i phyir rnam par shes pa brgyal ba gang yin pa de ni yid kyi rnam par shes pa ma yin gyi/ de ni rnam par smin pa'i rnam par shes pa ste de sa bon thams cad pa'o zhes bya ba der grub bo//nying mtshams sbyor ba sprel zin pa rnams kyi dbang po gzugs can 'dzin par byed ba yang de las gzhan rnam par smin pa'i rnam par shes par mi 'thad de/ de ma yin pa'i rnam par shes pa gzhan rnams ni gnas so sor nges pa dang mi brten pa'i phyir ro/ / rnam par shes pa med pa'i dbang po gzugs can ni mi rung ngo / /rnam par shes pa dang / ming dang gzugs mdung khyim ltar gcig la gcig brten pa'i tshul gyis 'dug pa gang yin pa de yang / rnam par smin pa'i rnam par shes pa med na mi rung ngo / /rnam par shes pa gzhan ni sems can 'byung po rnams kyi zas su yang mi rung ste/rnam par smin pa'i rnam par shes pa med na/ rnam par smin pa'i rnam par shes pa drug po rnams las gang yang rung bas/ khams gsum pa'i sems can 'byung po rnams kyi zas byed pa ni mi dmigs so/ /'di nas shi 'phos te mnyam par gzhag pa'i sar skye ba na/yid kyi rnam par shes pa nyon mongs pa can mnyam par ma bzhag pas nying mtshams sbyor zhing sprel ba yang rnam par smin pa'i rnam par shes pa med na/ de'i sa bon mnyam par ma bzhag pa'i sems nyon mongs pa can gyi sa bon dang ldan pa gzhan de mi 'thad do/ / yang gzugs med pa'i khams su skyes pa'i nyon mongs pa can gyi dge ba'i sems yod pa rnams la nyon mongs pa can gyi dge ba'i sems kyang / sa bon thams cad rnam par smin pa'i rnam par shes pa med na/ sa bon med cing gzhi med par 'gyur ro/ /de nyid na 'jig rten las 'das pa'i sems mngon par byed pa'i tshe de ma yin pa gzhan 'jig rten pa'i sems med par 'gyur bas de'i 'gro ba ldog pa nyid du 'gyur ro//'du shes med 'du shes med min skye mched du skyes pa rnams kyang ci yang med pa'i skye mched pa'i 'jig rten las 'das pa'i sems mngon du byed pa na/ de dag gi 'gro ba gnyi ga ldog par 'gyur te/'jig rten las 'das pa'i rnam par shes pa de'i gnas ni/ 'du shes med 'du shes med min skye mched kyi 'gro ba yang ma yin zhing ci yang med pa'i skye mched kyi 'gro ba yang gnas ma yin la/ mya ngan las 'das pa'i 'gro ba yang gnas su mi rung ngo //legs par bya ba byed pa'am/ nyes par bya ba byed pa 'chi 'pho ba na lus smad dam stod nas rim gyis drod yal bar 'gyur ba yang kun gzhi rnam par shes pa med na mi rung ste/ de lta bas na skye ba'i kun nas nyon mongs pa yang sa bon thams cad pa rnam par smin pa'i rnam par shes pa med na mi rung ngo //ji ltar na 'jig rten pa'i rnam par byang ba yang mi rung zhe na/ 'di ltar 'dod pa rnams las 'dod chags dang ma bral ba gzugs na spyod pa'i sems ma thob pas 'dod pa na spyod pa'i dge ba'i sems nyid kyis 'dod pa'i 'dod chags dang bral bar bya ba'i phyir rab tu sbyor ba na/'dod pa na spyod pa'i sbyor ba las byung ba'i sems de yang gzugs na spyod pa'i sems dang lhan cig 'byung ba dang 'gag pa med pa'i phyir des bsgos pa med pas de sa bon du mi rung ngo / /gzugs na spyod pa'i sems 'das pa tshe rabs du mar sems gzhan gyis bar du bcad pa de yang med pa'i phyir mnyam par gzhag pa'i sems de'i sa bon nyid du mi rung ngo //de bzhin du 'dod chags dang bral ba nyid kyi sa bon thams cad la yang ci rigs su sbyar bar bya'o/ /de lta bas na gang sa bon thams cad pa rnam par smin pa'i rnam par shes pa gcig nas gcig tu brgyud de 'ongs pa de ni gzugs na spyod pa'i mnyam par gzhag pa'i sems de'i rgyu'i rkyen yin la/sbyor ba las byung ba'i dge ba'i sems de ni bdag po'i rkyen yin par de grub bo/ /de bzhin du 'jig rten las 'das pa'i rnam par byang ba yang sa bon thams cad pa rnam par smin pa'i rnam par shes pa med na mi rung ste/ji ltar na 'jig rten las 'das pa'i rnam par byang ba mi rung zhe na/ gzhan gyi sgra la brten pa dang so so rang gi tshul bzhin yid la byed pa la brten nas/ de'i rgyu las yang dag pa'i lta ba 'byung ngo zhes bcom ldan 'das kyis bka' stsal pa /gzhan gyi sgra las yid la byed pa des rna ba'i rnam par shes pa'am/ yid kyi rnam par shes pa'am/ de gnyi ga la bag chags su bsgos par 'gyur grang na/ de la chos de dag tshul bzhin yid la byed pa na rna ba'i rnam par shes pa ni re zhig mi 'byung ngo //yid kyi rnam par shes pa yang de las gzhan pa'i rnam par shes pa rnam par g.yeng bas bar du chod la/ gang gi tshe tshul bzhin yid la byed pa dang mtshungs par ldan pa'i sems byung ba de'i tshe/ yid kyi rnam par shes pa thos pa'i bag chags bsgos pa de ni bag chags dang bcas te 'gags shing 'das nas yun ring du lon te med na/phyis de'i sa bon can tshul bzhin yid la byed pa dang mtshungs par ldan pa'i sems gang las 'byung bar 'gyur/ gang yang tshul bzhin yid la byed pa dang mtshungs par ldan pa'i 'jig rten pa'i sems de ni/ yang dag pa'i lta ba dang mtshungs par ldan pa'i 'jig rten las 'das pa'i sems dang nam yang lhan cig tu skyes pa dang 'gag pa med de/de'i phyir des bsgos pa ma yin no/ /ma bsgos pa'i phyir de sa bon du mi rung ste/ de lta bas na 'jig rten las 'das pa'i rnam par byang ba yang sa bon thams cad pa rnam par smin pa'i rnam par shes pa med na mi rung ste/de la thos pa'i bag chags kyis ni de'i sa bon yongs su 'dzin par mi rigs pa'i phyir ro/ /sa bon thams cad pa rnam par smin pa'i rnam par shes pa ni kun nas nyon mongs pa'i rgyu yin na de'i gnyen po 'jig rten las 'das pa'i sems kyi sa bon du ji ltar rung /'jig rten las 'das pa'i sems ni ma 'dres pa ste/ de bas na de'i bag chags ni med pa nyid do/ /bag chags de med na sa bon gang las 'byung ba brjod dgos so zhe na/ chos kyi dbyings shin tu rnam par dag pa'i rgyu mthun pa thos pa'i bag chags sa bon las de 'byung ngo //thos pa'i bag chags gang yin pa de yang ci kun gzhi rnam par shes pa'i ngo bo nyid yin nam/ gal te kun gzhi rnam par shes pa'i ngo bo nyid yin na ni/ ji ltar de'i gnyen po'i sa bon du rung / ji ste de'i ngo bo nyid ma yin na ni des na thos pa'i bag chags kyi sa bon de'i gnas ci zhig yin par blta zhe na/sangs rgyas rnams kyi byang chub la brten nas thos pa'i bag chags su gyur pa gang yin pa gnas gang la 'jug pa de lhan cig 'dug pa'i tshul gyis rnam par smin pa'i rnam par shes pa la 'jug ste/ 'o ma dang chu bzhin no/ /de ni kun gzhi rnam par shes pa ma yin te/de'i gnyen po'i sa bon nyid yin pa'i phyir ro/ /de la bag chags chung ngu la brten nas bag chags 'bring por 'gyur ro/ /bag chags 'bring po la brten nas bag chags chen por 'gyur te/ thos pa dang bsam pa dang bsgom pa lan mang du bya ba dang ldan pa'i phyir ro//de la thos pa'i bag chags kyi sa bon chung ngu dang 'bring po dang chen po yang chos kyi sku'i sa bon du blta ste/ kun gzhi rnam par shes pa'i gnyen po yin pas kun gzhi rnam par shes pa'i ngo bo nyid ma yin pa dang / 'jig rten pa yin yang 'jig rten las 'das pa chos kyi dbyings shin tu rnam par dag pa'i rgyu mthun pa yin pas 'jig rten las 'das pa'i sems kyi sa bon du gyur pa'o//'di ni 'jig rten las 'das pa'i sems ma byung du zin kyang nyon mongs pas kun nas dkris pa'i gnyen po dang /ngan song du 'gro ba'i gnyen po dang / nyes par byas pa thams cad de nges par byed pa'i gnyen po yin no/ /sangs rgyas dang byang chub sems dpa' dang phrad pa'i rjes su mthun pa'o/ /byang chub sems dpa' las dang po pa rnams kyi 'jig rten pa yin yang chos kyi skur bsdus pa dang /nyan thos dang rang sangs rgyas rnams kyi rnam par grol ba'i lus su bsdus par yang blta'o/ /de ni kun gzhi rnam par shes pa ma yin gyi/ chos kyi sku dang rnam par grol ba'i lus su bsdus pa ste/ chung ngu dang 'bring po dang chen po ji lta ji lta bur rim gyis 'phel ba de lta de lta bur rnam par smin pa'i rnam par shes pa yang 'bri zhing gnas kyang 'gyur ro//gnas rnam pa thams cad du gyur na rnam par smin pa'i rnam par shes pa sa bon thams cad pa yang sa bon med par gyur pa dang rnam pa thams cad du spangs pa yang yin no/ / ji ltar na yang kun gzhi rnam par shes pa dang /kun gzhi rnam par shes pa ma yin pa chu dang 'o ma bzhin du lhan cig tu gnas pa rnams rnam pa thams cad du 'grib par 'gyur zhe na/ ngang pas chu las 'o ma 'thungs pa lta bu dang / 'jig rten pa'i 'dod chags dang bral ba na/ mnyam par gzhag pa ma yin pa'i sa'i bag chags 'grib ste/mnyam par gzhag pa'i sa'i bag chags 'phel nas gnas gyur pa bzhin no/ /'gog pa la snyoms par 'jug pa rnams kyang rnam par shes pa dang mi 'bral lo zhes gsungs pa'i yang phyir de ni rnam par smin pa'i rnam par shes pa dang ma bral bar rigs te/de'i gnyen por 'gog pa'i snyoms par 'jug pa skye ba ni ma yin no/ /de las langs pa rnams kyi gdod 'byung ba yang ma yin te/ rnam par smin pa'i rnam par shes pa rgyun chad nas nying mtshams sbyor ba ma gtogs par gzhan du 'byung ba med pa'i phyir ro/ /gang yang 'gog pa'i snyoms par 'jug pa la yid kyi rnam par shes pa yod pas sems dang bcas pa snyam du sems pa de'i ltar na yang sems de mi rung ste/snyoms par 'jug pa mi rung ba'i phyir dang / dmigs pa dang rnam pa mi dmigs pa'i phyir dang / mi dge ba dang lung du ma bstan par mi rigs pas/dge ba'i rtsa ba dang mtshungs par ldan par 'gyur ba'i phyir dang / reg pa dmigs pas 'du shes pa dang tshor ba kun tu 'byung bar 'gyur ba'i phyir dang / 'du shes rgyun chad pa tsam du 'gyur bas de'i mthus mnyam par gzhag par 'gyur ba'i phyir dang / sems pa dang dad pa la sogs pa dge ba'i rtsa ba kun tu 'byung bar 'gyur ba'i phyir dang /rten las brten pa dbyer mi rung ba'i phyir dang / dpe yod pa'i phyir dang / kun tu 'gro ba nyid yin pa las de bzhin du med pa'i phyir ro/ /dge ba dang mi dge ba dang lung du ma bstan par mi 'thad pa'i phyir de yang mi rung ngo //gang yang gzugs dang sems kyi mjug thogs su 'byung ba chos rnams kyi sa bon nyid du rtog pa de'i yang gong ma bzhin du mi 'thad kyi steng du gzugs med pa dang 'du shes med pa nas shi 'phos pa dang / 'gog pa'i snyoms par 'jug pa las langs pa'i de yang mi rung ngo / de ma thag pa'i rkyen nyid du rung ba ma gtogs par dgra bcom pa'i tha ma'i sems kyang mi rung bar 'gyur ro/ /de ltar na sa bon thams cad ba rnam par smin pa'i rnam par shes pa med na kun nas nyon mongs pa dang rnam par byang ba mi rung ngo / /de lta bas na de yod pa nyid dang / ji ltar bshad pa'i mtshan nyid kyang 'grub bo//'dir tshigs su bcad pa/ byang chub sems dpa' bzang po'i sems/ /rnam par shes pa lnga spangs pa/ /bstsal ba de las gzhan pa la/ /sems ni ji ltar 'gyur bar byed/ /gnyen po gyur ba yin zhes byar/ /spangs pa min phyir mi rung ngo / / de ni spangs pa yin na yang / /rgyu 'bras tha dad med par 'gyur/ /gal te sa bon bral ba 'am/ /dngos po med par 'gyur 'dod na/ /de med par ni gnyis med de/ /'gyur ba rung ba ma yin no/ /kun gzhi rnam par shes pa 'di'i rab tu dbye ba gang zhe na/ /mdor bsdu na rnam pa gsum dang rnam pa bzhir blta bar bya'o//de la bag chags rnam pa gsum gyi bye brag gis rnam pa gsum ste/ mngon par brjod pa'i bag chags kyi bye brag dang / bdag tu lta ba'i bag chags kyi bye brag dang / srid pa'i yan lag gi bag chags kyi bye brag gis so//rnam pa bzhi ni 'phen pas rab tu dbye ba dang / rnam par smin pas rab tu dbye ba dang / rgyu nyid du rab tu dbye ba dang / mtshan nyid kho nas rab tu dbye bas so/ /de la 'phen pas rab tu dbye ba ni gang rnam par smin pa'i bag chags gsar du 'byung ba ste/ de med du zin na 'du byed kyi rkyen gyis rnam par shes pa dang /len pa'i rkyen gyis srid pa mi rung ngo / /de la rnam par smin pas rab tu dbye ba ni gang 'du byed dang srid pa'i rkyen gyis 'gro ba rnams su rnam par smin pa ste/ de med du zin na sa bon med pas yang 'byung ba'i chos rnams skye bar mi rung ngo / /de la rgyu nyid du rab tu dbye ba ni gang de nyid la yid kyis bdag tu 'dzin pa'i rgyu nyid de de med du zin na yid kyis bdag tu 'dzin pa'i dmigs pa mi rung ngo //de la mtshan nyid kyis rab tu dbye ba ni/ gang de nyid kyi thun mong gi mtshan nyid dang / thun mong ma yin pa'i mtshan nyid dang / tshor ba med pa 'byung ba'i sa bon gyi mtshan nyid dang /tshor ba dang bcas pa 'byung ba'i sa bon gyi mtshan nyid de thun mong ni snod kyi 'jig rten gyi sa bon gang yin pa'o/ /thun mong ma yin pa de ni so so rang gi skye mched kyi sa bon gang yin pa'o/ /thun mong gang yin pa de ni tshor ba med pa 'byung ba'i sa bon no/ /gnyen po byung na thun mong ma yin pa mi mthun pa'i phyogs dag go//thun mong pa gzhan gyi rnam par rtog pas yongs su zin pa la ni mthong ba rnam par dag par 'gyur te/ rnal 'byor ba rnams kyi mos pa tha dad pas dngos po gcig la blta bar bya ba tha dad pa dmigs pa bzhin no/ /'dir tshigs su bcad pa//thun mong 'ching ba spang dka' dang / /yongs shes bya bar dka' bar 'dod/ /phyi rol mtshan ma chen po las/ /rnal 'byor ba yi tha dad sems/ /de ni 'gags par ma gyur kyang / /dag pa rnams kyi mthong ba dag/ /sangs rgyas gzigs pa rnam dag phyir/ /sangs rgyas zhing ni rnam par dag//thun mong ma yin pa gang yin pa de dag ni tshor ba dang bcas pa 'byung ba'i sa bon te/ de med du zin na snod kyi 'jig rten dang / sems can gyi 'jig rten 'byung ba'i bye brag mi rung ngo / /yang gnas ngan len gyi mtshan nyid dang / shin tu sbyangs pa'i mtshan nyid do//gnas ngan len gyi mtshan nyid ni nyon mongs pa dang nye ba'i nyon mongs pa'i sa bon gang yin pa'o/ /shin tu sbyangs pa'i mtshan nyid ni zag pa dang bcas pa'i dge ba'i chos kyi sa bon gang yin pa ste/ de med du zin na rnam par smin pas gnas kyi las su mi rung ba dang / las su rung ba'i bye brag mi rung bar 'gyur ro//yang spyad zin pa dang / ma spyad pa'i mtshan nyid de spyad zin pa'i mtshan nyid ni gang dge ba dang mi dge ba'i sa bon gyi rnam par smin pa rnam par smin zin pa'o/ /ma spyad pa'i mtshan nyid ni mngon par brjod pa'i bag chags kyi sa bon te/ thog ma med pa'i dus nas spros pa 'byung ba'i sa bon yin pa'i phyir ro//de med du zin na dge ba dang sdig pa'i las byas shing byas pa 'bras bu 'byin pas spyad zin pa yang mi rung la/ mngon par brjod pa'i bag chags gsar du 'byung ba yang mi rung ngo / /yang na dpe'i mtshan nyid ni kun gzhi rnam par shes pa de sgyu ma dang /smig rgyu dang rmi lam dang rab rib lta bu'i phyir ro/ /de med du zin na yang dag pa ma yin pa kun rtog pa'i sa bon gyis phyin ci log gi rgyu nyid du mi rung ngo / /yang mtha' dag nyid dang / mtha' dag nyid ma yin pa'i mtshan nyid de/ bcings pa mtha' dag dang ldan pa rnams kyi ni mtha' dag nyid kyi mtshan nyid do//'jig rten pa'i 'dod chags dang bral ba rnams kyi ni nyams par byas pa'i mtshan nyid do/ /nyan thos dang byang chub sems dpa' slob pa rnams kyi ni phyogs gcig bton pa'i mtshan nyid do/ /dgra bcom pa dang rang sangs rgyas dang de bzhin gshegs pa rnams kyi ni nyon mongs pa'i sgrib pa mtha' dag bton pa'i mtshan nyid do//nyon mongs pa dang shes bya'i sgrib pa mtha' dag bton pa'i mtshan nyid de ci rigs su sbyar ro/ /de med du zin na kun nas nyon mongs pa rim gyis ldog par mi rung ngo / /ci'i phyir dge ba dang mi dge ba'i chos rnams kyi rnam par smin pa ma bsgribs la lung du ma bstan pa'i rnam par smin pa zhes bya zhe na/'di ltar ma bsgribs la lung du ma bstan pa ni dge ba dang mi dge ba dang 'gal ba med de/ dge ba dang mi dge ba ni phan tshun mi mthun no/ / rnam par smin pa yang dge ba dang mi dge bar gyur na ni kun nas nyon mongs pa ldog par mi rung ngo / /de lta bas na rnam par smin pa'i rnam par shes pa ni ma bsgribs la lung du ma bstan pa nyid do/ /shes bya'i gnas bshad zin to// //bam po gnyis pa/ shes bya'i mtshan nyid ji ltar blta bar bya zhe na/de ni mdor bsdu na rnam pa gsum ste/ gzhan gyi dbang gi mtshan nyid dang / kun brtags pa'i mtshan nyid dang / yongs su grub pa'i mtshan nyid do/ /de la gzhan gyi dbang gi mtshan nyid gang zhe na/ gang kun gzhi rnam par shes pa'i sa bon can yang dag pa ma yin pa kun rtog pas bsdus pa'i rnam par rig pa'o//de yang gang zhe na/ lus dang lus can dang / za ba po'i rnam par rig pa dang / des nye bar spyad par bya ba'i rnam par rig pa dang / de la nye bar spyod pa'i rnam par rig pa dang / dus kyi rnam par rig pa dang / grangs kyi rnam par rig pa dang / yul gyi rnam par rig pa dang / tha snyad kyi rnam par rig pa dang / bdag dang gzhan gyi bye brag gi rnam par rig pa dang / bde 'gro dang ngan 'gro dang 'chi 'pho dang skye ba'i rnam par rig pa'o/ /de la lus dang lus can dang za ba po'i rnam par rig pa gang yin pa dang /des nye bar spyad par bya ba'i rnam par rig pa gang yin pa dang / de la nye bar spyod pa'i rnam par rig pa gang yin pa dang / dus dang / grangs dang / yul dang / tha snyad kyi rnam par rig pa gang yin pa de ni mngon par brjod pa'i bag chags kyi sa bon las byung ba'i phyir ro//bdag dang gzhan gyi bye brag gi rnam par rig pa gang yin pa de ni bdag tu lta ba'i bag chags kyi sa bon las byung ba'i phyir ro/ /bde 'gro dang ngan 'gro dang 'chi 'pho dang skye ba'i rnam par rig pa gang yin pa de ni/ srid pa'i yan lag gi bag chags kyi sa bon las byung ba'i phyir ro//rnam par rig pa 'di rnams kyis khams dang 'gro ba dang skye gnas thams cad bsdus pa gzhan gyi dbang gi mtshan nyid kyi yang dag pa ma yin pa kun tu rtog pa bstan pa yin no/ /rnam par rig pa 'di rnams kyi rnam par rig pa tsam nyid yang dag pa ma yin pa kun rtog pas bsdus pa yod pa ma yin pa dang /nor ba'i don snang ba'i gnas gang yin pa 'di ni gzhan gyi dbang gi mtshan nyid do/ /de la kun brtags pa'i mtshan nyid gang zhe na/ gang don med kyang rnam par rig pa tsam de don nyid du snang ba'o/ /de la yongs su grub pa'i mtshan nyid gang zhe na/ gang gzhan gyi dbang gi mtshan nyid de nyid la don gyi mtshan nyid de gtan med pa nyid do//de la lus dang lus can dang za ba po'i rnam par rig pa ni mig la sogs pa nang gi khams drug tu rig par bya'o/ /des nye bar spyad par bya ba'i rnam par rig pa ni gzugs la sogs pa phyi'i khams drug tu rig par bya'o//de la nye bar spyod pa'i rnam par rig pa ni mig gi rnam par shes pa la sogs pa'i khams drug tu rig par bya'o/ /rnam par rig pa lhag ma rnams ni rnam par rig pa 'di dag gi rab tu dbye bar rig par bya'o/ /rnam par rig pa 'di dag ni don med pa'i phyir rnam par rig pa tsam mo zhes bya ba 'di la dpe ci yod ce na/rmi lam la sogs pa ni dper blta bar bya'o/ /dper na rmi lam na don med par yang rnam par shes pa tsam nyid du gzugs dang / sgra dang / dri dang / ro dang / reg bya dang / khang khyim dang / nags tshal dang / sa dang ri la sogs pa'i don sna tshogs kyi rnam par snang gi de na don ni ci yang med do//dpe 'dis ni thams cad du yang rnam par rig pa tsam nyid du khong du chud par bya'o/ /sogs pa zhes bya ba smos pas ni sgyu ma dang / smig rgyu dang / rab rib rnams dper rig par bya'o/ /gal te rmi lam la sogs pa bzhin du sad pa na yang thams cad du yang rnam par rig pa tsam nyid du zad na/dper na rmi lam la rnam par rig pa tsam nyid kyi blo 'byung ba de bzhin du 'dir yang ci'i phyir mi 'byung zhe na/ de kho na shes pas sad pa rnams la 'byung ste/ dper na rmi lam rmi zhing ma sad pa la mi 'byung gi sad pa la 'byung ba de bzhin du/de kho na shes pas ma sad pa la mi 'byung gi de kho na shes pas sad pa la 'byung ngo / /de kho na shes pas ma sad pas rnam par rig pa tsam nyid du ji ltar rjes su dpag par bya zhe na/ lung dang rigs pas dpag par bya ste/ de la lung ni bcom ldan 'das kyis sa bcu ba las 'di lta ste/khams gsum pa 'di ni sems tsam mo zhes gsungs pa dang / dgongs pa nges par 'grel pa las byang chub sems dpa' byams pas zhus nas bcom ldan 'das kyis bka' stsal pa lta bu ste/ bcom ldan 'das gang ting nge 'dzin gyi spyod yul gyi gzugs brnyan de ci sems de las tha dad pa zhes bgyi'am tha dad pa ma lags zhes bgyi/bcom ldan 'das kyis bka' stsal pa/ byams pa tha dad pa ma yin zhes bya'o/ /de ci'i phyir zhe na/ rnam par shes pa ni dmigs pa rnam par rig pa tsam gyis rab tu phye ba can yin no zhes ngas bshad do//bcom ldan 'das ting nge 'dzin gyi spyod yul gyi gzugs brnyan de gal te sems las tha dad pa ma lags na/ sems de nyid kyis sems de nyid ji ltar 'dzin pa lags/ byams pa chos gang yang chos gang la yang mi 'dzin mod kyi/ 'on kyang de ltar skyes pa'i sems gang yin pa de ni de ltar snang ngo //dper na gzugs kyis rkyen byas te/ gzugs nyid mthong yang / gzugs brnyan mthong ngo snyam du sems te/ de la ni gzugs de dang gzugs brnyan snang ba de don tha dad par snang ngo / /de bzhin du de ltar skyes pa'i sems de yang de las don tha dad par snang ngo zhes gsungs pa ste/lung 'dis rigs pa yang bstan pa yin no/ /'di ltar sems mnyam par gzhag pa na shes bya'i gzugs brnyan rnam par bsngos pa la sogs pa gang dang gang mthong ba de dang de nyid sems mthong ba ste/ rnam par bsngos pa la sogs pa don gzhan med do/ /rigs pa 'dis byang chub sems dpa' rnam par rig pa thams cad la rnam par rig pa tsam nyid du rjes su dpag par bya bar 'os so//rnam par bsngos pa la sogs pa la dran pa'i rnam par shes pa yang mi rung ste/ dmigs pa de mdun du bzhag na snang ba'i phyir ro/ /thos pa dang bsams pa las byung ba la dran pa'i rnam par shes pa gang yin pa de yang 'das pa la dmigs pa'i phyir/der snang ba rnam par rig pa tsam du 'gyur ro/ /rjes su dpag pa 'dis byang chub sems dpa' de kho na shes pas ma sad pas kyang rnam par rig pa tsam du rjes su dpag par bya'o/ /gang rmi lam lta bu'i rnam par rig pa sna tshogs bstan pa de dag las mig gi rnam par shes pa la sogs pa'i rnam par rig pa rnams ni rnam par rig pa tsam nyid du rigs na/mig la sogs pa'i rnam par rig pa gzugs can rnams ji ltar rnam par rig pa tsam nyid du blta zhe na/ de dag kyang lung dang rigs pas blta bar bya ste/snga ma bzhin no/ /gal te de dag kyang rnam par rig pa tsam nyid yin na/ de dag ci'i phyir gzugs nyid du snang zhing mtshungs la bstan par rgyun gyis 'jug ce na/ phyin ci log la sogs pa'i kun nas nyon mongs pa'i gzhi gnas pa yin pa'i phyir ro/ /gzhan du na ni don med pa la don du phyin ci log tu mi 'gyur te/de med du zin na nyon mongs pa dang / shes bya'i sgrib pa'i kun nas nyon mongs pa med par 'gyur ro/ /de med du zin na rnam par byang ba yang med par 'gyur te/ de'i phyir de ltar 'di dag 'byung du ni mi rung ngo / /'dir tshigs su bcad pa/ 'khrul pa'i rgyu dang 'khrul pa ni//gzugs kyi rnam par rig par 'dod / /rnam par rig pa med na ni / /gzugs can min dang cig shos med/ /ci'i phyir lus dang lus can dang za ba po'i rnam par rig pa dang / des spyad par bya ba'i rnam par rig pa dang / de la nye bar spyod pa'i rnam par rig pa lus thams cad la lhan cig 'byung zhing 'dus par 'byung zhe na/skye ba dang nye bar spyod pa yongs su rdzogs par mngon pa'i phyir ro/ /ci'i phyir dus kyi rnam par rig pa la sogs pa sna tshogs ji skad du smos pa rnams 'byung zhe na/ thog ma med pa'i dus kyi 'khor ba'i rgyun mi 'chad pa dang / sems can gyi khams dpag tu med pa dang /'jig rten gyi khams dpag tu med pa dang / phan tshun gyi bya ba bsgrub pa'i tha snyad dpag tu med pa dang / yongs su gzung ba nye bar spyad pa'i bye brag dpag tu med pa dang / las kyi 'bras bu rnam par smin pa 'dod pa dang mi 'dod pa la nye bar spyad pa'i bye brag dpag tu med pa dang /skye ba dang rga shi myong ba'i rab tu dbye ba dpag tu med pa'i phyir ro/ /ji ltar rnam par rig pa 'di dag rnam par rig pa tsam nyid du gnas par 'gyur zhe na/ mdor bsdu na rnam pa gsum gyis te / de tsam du zad pas ni don med pa dang /gnyis kyis ni rnam par rig pa rgyu mtshan dang lta ba dang bcas pa'i phyir ro/ /sna tshogs cig car 'byung bas ni sna tshogs kyi rnam par 'byung ba'i phyir te/ de ltar rnam par rig pa 'di dag thams cad ni don med pas de tsam yin la/ mig la sogs pa'i rnam par rig pa dag ni gzugs la sogs pa rgyu mtshan yin pa dang /de dag gi rnam par shes pa lta ba yin pa nas lus kyi rnam par shes pa lta ba yin pa'i bar dag ni rgyu mtshan dang lta ba dang bcas pa'o/ /yid kyi rnam par rig pa ni mig la sogs pa nas chos la thug pa'i rnam par rig pa thams cad kyi rgyu mtshan dang bcas shing /yid kyi rnam par shes pa'i rnam par rig pas ni lta ba dang bcas pa ste/ yid kyi rnam par shes pa rnam par rtog pa gang yin pa dang / rnam par rig pa snang ba thams cad kyis bskyed pa'i phyir ro/ /'dir tshigs su bcad pa/ de tsam gnyis dang sna tshogs nyid//rnal 'byor pa rnams rtogs par 'dod/ /sems tsam la ni zhugs gyur pa/ /de dang bral na de phyir yang / /kha cig ni yid kyi rnam par shes pa de nyid rten de dang de nas 'byung ba na de dang de'i ming 'thob ste/ sems pa la lus dang ngag gi las zhes bya ba bzhin no snyam mo/ /rten thams cad du 'byung ba sna tshogs kyi rnam pas gnyis su snang ba 'byung ste/de ni don tsam du snang ba dang / rnam par rtog par snang ba'i phyir ro/ /gzugs can gyi khams na yid kyi rnam par shes pa lus la gnas pa'i phyir/ de las gzhan pa'i dbang po gzugs can lus la gnas pa bzhin du gnas thams cad du yang reg bya la 'dzin par snang ba yang 'byung ngo //'dir tshigs su bcad pa/ gang zhig lus med phug gnas shing / /ring du 'gro la gcig pu rgyu/ /gdul bar dka' ba'i sems 'dul byed/ /de ni bram zer ngas bshad do/ /yang dbang po lnga po 'di dag gi spyod yul gyi yul ni yid kyis myong ste/yid ni 'di dag gi ston pa'o zhes ji skad gsungs pa lta bu'o/ /yang skye mched bcu gnyis bstan pa las rnam par shes pa'i tshogs drug ni yid kyi skye mched do zhes ji skad gsungs pa lta bu'o/ /gang du yang kun gzhi rnam par shes pa'i rnam par rig pa ni don gyi rnam par rig par rnam par 'jog pa der yang de las gzhan pa'i rnam par rig pa thams cad ni de'i rgyu mtshan gyi rnam par rig pa'o//yid kyi rnam par shes pa'i rnam par rig pa rten dang bcas pa ni de'i lta ba yin par rig par bya'o/ / rnam par rig pa rgyu mtshan du gyur pa de dag nyid de'i lta ba 'byung ba'i rgyu mtshan yin pa'i phyir don bzhin du snang ba na de 'byung ba'i rten gyi bya ba byed do/ /de ltar na rnam par rig pa 'di dag ni rnam par rig pa tsam nyid du gnas pa yin no/ /ji ltar na don snang bzhin du yang med pa nyid du blta zhe na/bcom ldan 'das kyis ji skad du byang chub sems dpa' chos bzhi dang ldan na rnam par rig pa thams cad kyi don med pa khong du chud par 'gyur te/ rnam par shes pa mi mthun pa'i rgyu mtshan nyid shes pas ni dper na yi dags dang / dud 'gro dang / mi dang lha rnams kyis dngos po gcig la rnam par rig pa tha dad pa mthong ba lta bu dang /dmigs pa med pa'i rnam par rig pa dmigs pas ni/ dper na 'das pa dang / ma 'ongs pa dang / rmi lam dang / gzugs brnyan dmigs pa lta bu dang / 'bad pa med par yang phyin ci log med par 'gyur ba shes pas ni don yod na don du dmigs pa'i rnam par shes pa 'bad pa med par de kho na shes pa'i phyir phyin ci log med par 'gyur ba dang /rnam par shes pa rnam pa gsum gyi rjes su mthun par shes pas ni 'di ltar byang chub sems dpa' dang / bsam gtan pa sems la dbang thob pa rnams la mos pa'i dbang gis de lta de ltar don de dag snang ba dang /zhi gnas thob pa'i rnal 'byor pa chos la lhag mthong la brtson pa rnams la yid la byed pa tsam du don snang ba dang / rnam par mi rtog pa'i ye shes thob pa de la gnas pa rnams la don thams cad mi snang ngo zhes gsungs pa lta bu ste/de ltar na don shes pa rnam pa gsum gyi rjes su mthun pa dang / gtan tshigs gong ma rnams kyis don med par grub pa yin no/ /'dir tshigs su bcad pa/ yi dags dud 'gro mi rnams dang / /lha rnams ji ltar rigs rigs su//dngos gcig yid ni tha dad phyir/ /don ma grub par 'dod pa yin/ /'das sogs de bzhin rmi lam dang / /gzugs brnyan rnam pa gnyis la yang / /dmigs pa yod pa ma yin pas/ /de la dmigs par rung phyir ro/ /don ni don du grub gyur na/ /shes pa rtog pa med mi 'gyur//de med pas na sangs rgyas nyid/ /'thob par 'thad pa ma yin no/ /byang chub sems dpa' dbang thob dang / /rnal 'byor pa la 'di ltar yang / /mos pa'i dbang gis sa la sogs/ /dngos po de ltar dmigs par 'gyur/ /'di la su zhig blo ldan zhing / /zhi ba grub pa thob pa yi/ /chos kun yid la byed pa la//de ltar don rnams snang phyir dang / /mi rtog ye shes rgyu ba la/ /don kun snang ba med phyir yang / /don med khong du chud par bya/ /de med pas na rnam rig med/ /gal te rnam par rig pa tsam don snang ba'i gnas gzhan gyi dbang gi ngo bo nyid yin na/ de ji ltar na gzhan gyi dbang yin la/ci'i phyir na gzhan gyi dbang zhes bya zhe na/ rang gi bag chags kyi sa bon las skyes pa yin pas de lta bas na rkyen gyi gzhan dbang yin no/ /skyes nas kyang skad cig las lhag par bdag nyid gnas par mi nus pas na gzhan gyi dbang zhes bya'o/ /gal te de la gnas pa'i don med pa snang ba kun brtags pa'i ngo bo nyid yin na de ji ltar na kun brtags pa yin la/ci'i phyir kun brtags pa zhes bya zhe na/ yid kyi rnam par shes pa kun tu rtog pa dpag tu med pa'i rnam pa can gyi phyin ci log 'byung ba'i rgyu mtshan yin pas kun brtags pa'o/ /rang gi mtshan nyid med la kun tu rtog pa tsam du dmigs pas kun brtags pa zhes bya'o//gal te de gtan med pa'i mtshan nyid yongs su grub pa'i ngo bo nyid yin na/ de ji ltar na yongs su grub pa nyid yin la/ ci'i phyir na yongs su grub pa zhes bya zhe na/ gzhan du mi 'gyur ba'i phyir yongs su grub pa'o//rnam par dag pa'i dmigs pa yin pa dang / dge ba'i chos thams cad kyi mchog yin pa'i phyir mchog gi don gyis yongs su grub pa zhes bya'o/ /yang kun tu rtog pa yod cing kun tu brtag par bya ba yod na kun brtags pa'i ngo bo nyid do/ /de la kun tu rtog pa ni gang yin/ kun tu brtag pa ni ci zhig/kun tu brtags pa'i ngo bo nyid ni gang zhe na/ yid kyi rnam par shes pa ni kun tu rtog pa ste/ rnam par rtog pa can gyi phyir ro/ /de ni rang brjod pa'i bag chags kyi sa bon las byung ba dang / rnam par rig pa thams cad kyi brjod pa'i bag chags kyi sa bon las 'byung ba'o/ / de lta bas na rnam pa mtha' yas pa'i rnam par rtog pa dag gis 'byung ste/ thams cad du rtog pas kun tu rtog pa zhes bya bas na kun tu rtog pa zhes bya'o/ /gzhan gyi dbang gi ngo bo nyid ni kun tu brtag par bya'o/ /rnam pa gang du gzhan gyi dbang gi ngo bo nyid la kun tu brtag pa de ni de la kun brtags pa'i ngo bo nyid do//rnam pa gang du zhes bya ba ni ji ltar na zhes bya ba'i tha tshig go/ /kun tu rtog pas ji ltar kun tu rtog cing dmigs pa gang dang / mtshan mar 'dzin pa gang dang / mngon par zhen pa gang dang / dag kun nas slong ba gang dang / tha snyad gang dang / sgro 'dogs pa gang gis kun tu rtog ce na/ming gis dmigs pa dang / gzhan gyi dbang gi ngo bo nyid la der mtshan mar 'dzin pa dang / lta bas de la mngon par zhen pa dang / rnam par rtog pa rnams kyis ngag kun nas slong ba dang / lta ba la sogs pa tha snyad bzhi po dag gis tha snyad 'dogs pa dang / med pa'i don la yod do zhes sgro 'dogs pas kun tu rtog go//ngo bo nyid gsum po 'di dag gi tshul ci tha dad pa zhig gam/ 'on te tha dad pa ma yin zhe na/ tha dad pa yang ma yin la / tha dad pa ma yin pa yang ma yin par brjod par bya'o/ /rnam grangs kyis na gzhan gyi dbang gi ngo bo nyid ni gzhan gyi dbang ngo //rnam grangs kyis na de nyid kun brtags pa'o/ /rnam grangs kyis na de nyid yongs su grub pa'o/ /gang gis na gzhan gyi dbang gi ngo bo nyid la gzhan gyi dbang zhes bya ba'i rnam grangs gang zhe na/ gzhan gyi dbang gi bag chags kyi sa bon las 'byung ba'i gzhan gyi dbang gi phyir ro//gang gis de nyid kun tu brtags pa zhes bya ba'i rnam grangs gang zhe na/ kun tu rtog pa'i rgyu mtshan yin pa dang / des kun tu brtags pa'i phyir ro/ /gang gis de nyid yongs su grub pa zhes bya ba'i rnam grangs gang zhe na/ ji ltar kun tu brtags pa de ltar de gtan med pa'i phyir ro/ /gzhan gyi dbang gi ngo bo nyid la rnam pa du yod ce na/ mdor bsdu na rnam pa gnyis te/ bag chags kyi sa bon gyi gzhan gyi dbang dang / kun nas nyon mongs pa dang / rnam par byang ba'i ngo bo nyid yongs su ma grub pa gzhan gyi dbang ste/ gzhan gyi dbang rnam pa 'di gnyis kyis gzhan gyi dbang ngo / /kun tu brtags pa'i ngo bo nyid kyang rnam pa gnyis te/ ngo bo nyid du kun tu rtog pa dang / khyad par du kun tu rtog pas brtags pa'i phyir ro/ /yongs su grub pa'i ngo bo nyid kyang rnam pa gnyis te/ rang bzhin gyis yongs su grub pa dang / rnam par dag par yongs su grub pa'o/ /yang kun tu rtog pa ni rnam pa bzhi ste/ ngo bo nyid du kun tu rtog pa dang / khyad par du kun tu rtog pa dang / byang ba dang ma byang ba'o/ /byang ba ni tha snyad la mkhas pa rnams kyi kun tu rtog pa'o/ /ma byang ba ni tha snyad la mi mkhas pa rnams kyi kun tu rtog pa'o/ / yang rnam pa lnga ste/ ming la brten te don gyi ngo bo nyid la kun tu rtog pa ni 'di lta ste/ ming 'di'i don ni 'di'o zhes bya ba'o / /don la brten te ming gi ngo bo nyid la kun tu rtog pa ni 'di lta ste/ don 'di'i ming ni 'di yin no zhes bya ba'o/ /ming la brten te ming gi ngo bo nyid la kun tu rtog pa ni 'di lta ste/don ma rtogs pa'i ming la kun tu rtog pa'o/ /don la brten te don gyi ngo bo nyid la kun tu rtog pa ni 'di lta ste/ ming ma rtogs pa'i don gyi ngo bo nyid la kun tu rtog pa'o/ /de gnyi ga la brten te/ de gnyi ga la kun tu rtog pa ni 'di lta ste/ don 'di lta bu'i bdag nyid 'di'i ming ni 'di'o zhes bya ba'o //thams cad bsdu na rnam par rtog pa rnam pa bcu ste/ rtsa ba'i rnam par rtog pa ni 'di lta ste/ kun gzhi rnam par shes pa'o/ /mtshan ma'i rnam par rtog pa ni 'di lta ste/ gzugs la sogs pa'i rnam par rig pa'o/ /mtshan mar snang ba'i rnam par rtog pa ni 'di lta ste/ rten dang bcas pa'i mig gi rnam par shes pa la sogs pa'i rnam par rig pa'o/ /mtshan ma 'gyur ba'i rnam par rtog pa ni 'di lta ste/ rga ba la sogs pa dang / bde ba'i tshor ba la sogs pa dang / 'dod chags la sogs pa dang / gnod pa dang dus kyis yongs su 'gyur ba la sogs pa dang / sems can dmyal ba'i 'gro ba la sogs pa dang /'dod pa'i khams la sogs pas de 'gyur ba'o/ /mtshan mar snang ba 'gyur ba'i rnam par rtog pa ni 'di lta ste/ ji skad smos pa'i 'gyur ba 'di dag nyid kyis de 'gyur ba'o/ /gzhan gyis bstan pa'i rnam par rtog pa ni 'di lta ste/ dam pa ma yin pa'i chos mnyan pa'i rjes su 'gro ba dang /dam pa'i chos mnyan pa'i rjes su 'gro ba'i rnam par rtog pa gang yin pa'o/ /tshul bzhin ma yin pa'i rnam par rtog pa ni 'di lta ste/ dam pa ma yin pa'i chos mnyan pa las byung ba ste/ 'di las phyi rol pa rnams kyi rnam par rtog pa'o/ /tshul bzhin gyi rnam par rtog pa ni 'di lta ste/dam pa'i chos mnyan pa las byung ba ste/ chos 'di pa rnams kyi rnam par rtog pa'o/ /mngon par zhen pa'i rnam par rtog pa ni 'di lta ste/ tshul bzhin ma yin pa'i yid la byed pa las byung ba'i 'jig tshogs la lta ba'i rtsa ba las byung ba ltar song ba drug cu rtsa gnyis dang mtshungs par ldan pa'i rnam par rtog pa gang yin pa'o//rnam par g.yeng ba'i rnam par rtog pa ni 'di lta ste/ byang chub sems dpa' rnams kyi rnam par rtog pa rnam pa bcu ste/ dngos po med pa'i mtshan ma'i rnam par g.yeng ba dang / dngos po'i mtshan ma'i rnam par g.yeng ba dang / sgro 'dogs pa'i rnam par g.yeng ba dang /skur pa 'debs pa'i rnam par g.yeng ba dang / gcig pa nyid du rnam par g.yeng ba dang / tha dad pa nyid du rnam par g.yeng ba dang / ngo bo nyid du rnam par g.yeng ba dang / khyad par du rnam par g.yeng ba dang / ming ji lta ba bzhin du don du rnam par g.yeng ba dang /don ji lta ba bzhin du ming du rnam par g.yeng ba'o/ /de la dngos po med par rnam par rtog pa'i gnyen po'i don du bka' stsal pa/ byang chub sems dpa' nyid du yod bzhin du zhes bya ba la sogs pa'o/ /dngos por rnam par rtog pa'i gnyen po'i don du bka' stsal pa/ byang chub sems dpa' yang dag par rjes su mi mthong ngo zhes bya ba'o//sgro 'dogs pa'i rnam par rtog pa'i gnyen po'i don du bka' stsal pa/ byang chub sems dpa'i ming yang dag par rjes su mi mthong / shes rab kyi pha rol tu phyin pa yang dag par rjes su mi mthong / spyod ces bya bar yang dag par rjes su mi mthong /gzugs yang dag par rjes su mi mthong / /tshor ba dang 'du shes dang 'du byed dang rnam par shes pa'i bar du yang dag par rjes su mi mthong ngo / /de ci'i phyir zhe na/ 'di ltar ming ni ngo bo nyid kyis stong ngo zhes bya ba la sogs pa'o/ /skur ba 'debs pa'i rnam par rtog pa'i gnyen po'i don du bka' stsal pa/stong pa nyid kyis ni ma yin no zhes bya ba'o / /gcig pa nyid du rnam par rtog pa'i gnyen po'i don du bka' stsal pa/ gzugs kyi stong pa nyid gang yin pa de gzugs ma yin no zhes bya ba la sogs pa'o/ /tha dad pa nyid du rnam par rtog pa'i gnyen po'i don du bka' stsal pa/ gzugs ni stong pa nyid las gzhan pa yang ma yin te/ gzugs nyid stong pa nyid do/ /stong pa nyid gzugs so zhes bya ba'o / /ngo bo nyid du rnam par rtog pa'i gnyen po'i don du bka' stsal pa/ /rab 'byor 'di lta ste/ gzugs zhes bya ba 'di ni ming tsam zhes bya ba la sogs pa'o/ /khyad par du rnam par rtog pa'i gnyen po'i don du bka' stsal pa/ngo bo nyid ni mi skye mi 'gag /kun nas nyon mongs pa ma yin/ /rnam par byang ba ma yin no zhes bya ba'o/ /ming ji lta ba bzhin du don du rnam par rtog pa'i gnyen po'i don du bka' stsal pa/ ming bcos ma la chos de dag so sor rtog nas ming glo bur gyis rjes su tha snyad 'dogs te/ ji lta ji ltar rjes su tha snyad 'dogs pa de lta de ltar mngon par zhen to zhes bya ba'o//don ji lta ba bzhin du ming du rnam par rtog pa'i gnyen po'i don du bka' stsal pa/ byang chub sems dpa' ming de dag thams cad yang dag par rjes su mi mthong ngo / /yang dag par rjes su mi mthong bas mngon par zhen pa med do zhes bya ba ste/don ji lta ba bzhin du zhes bya bar dgongs pa'o/ /gzugs la ji lta ba de bzhin du rnam par shes pa'i bar du yang sbyar bar bya'o/ /rnam par g.yeng ba bcu po 'di dag gi gnyen por shes rab kyi pha rol tu phyin pa thams cad du rnam par mi rtog pa'i ye shes bstan te/ de ltar na shes rab kyi pha rol tu phyin pa'i don mtha' dag ni mi mthun pa'i phyogs dang gnyen po dang bcas par rig par bya'o//gal te rnam grangs kyis gzhan gyi dbang gi ngo bo nyid gsum yin du zin na/ 'o na ji ltar ngo bo nyid gsum bye brag med par mi 'gyur zhe na/ rnam grangs gang gis gzhan gyi dbang yin pas des kun tu brtags pa ma yin/yongs su grub pa ma yin no/ /rnam grangs gang gis kun tu brtags pa yin pa des gzhan gyis dbang ma yin yongs su grub pa ma yin no/ /rnam grangs gang gis yongs su grub pa gang yin pa des gzhan gyi dbang ma yin/ kun brtags pa ma yin no/ /gzhan gyi dbang gi ngo bo nyid kun tu brtags pa'i ngo bo nyid du ji ltar snang ba de'i bdag nyid ma yin par cis mngon zhe na/ming gi snga rol na blo med pas de'i bdag nyid du 'gal ba dang / ming mang pos bdag mang por 'gal ba dang / ming nges pa med pas bdag 'dres par 'gal ba nyid kyi phyir ro/ /'dir tshigs su bcad pa/ming gi snga rol blo med phyir/ /mang ba'i phyir dang ma nges phyir/ /de yi bdag nyid bdag mang dang / /bdag 'dres 'gal bas grub par 'gyur/ /chos rnams med la dmigs pa dang / /kun nas nyon mongs med rnam dag /sgyu ma la sogs med 'dra dang / /de bzhin mkha' 'drar shes par bya//ji ltar snang ba de bzhin du med du zin na/ gzhan gyi dbang gi ngo bo nyid thams cad kyi thams cad du med par ci'i phyir mi 'gyur/ de med na yongs su grub pa'i ngo bo nyid med de thams cad med pa nyid du ji ltar mi 'gyur zhe na/ gzhan gyi dbang dang yongs su grub pa'i ngo bo nyid med du zin na/kun nas nyon mongs pa dang rnam par byang ba med pa'i nyes par 'gyur ba'i phyir ro/ /kun nas nyon mongs pa dang rnam par byang ba ni dmigs so/ /de lta bas na thams cad med pa ma yin no/ /'dir tshigs su bcad pa/ gzhan gyi dbang dang yongs su grub pa/ /rnam pa kun tu yod min na //kun nas nyon mongs rnam par dag/ /dus kun tu ni med par 'gyur/ /sangs rgyas bcom ldan 'das rnams kyis theg pa chen po shin tu rgyas pa bstan pa gang yin pa'i bstan pa der kun tu brtags pa'i ngo bo nyid ji ltar rig par bya zhe na/ med pa'i rnam grangs bstan pas rig par bya'o//gzhan gyi dbang gi ngo bo nyid ji ltar rig par bya zhe na/ sgyu ma dang / smig rgyu dang / rmi lam dang / mig yor dang / gzugs brnyan dang / brag ca dang / chu zla dang / sprul pa lta bur rig par bya'o/ /yongs su grub pa'i ngo bo nyid ji ltar rig par bya zhe na/rnam par byang ba'i chos rnam pa bzhi bstan pas rig par bya ste/ rnam par byang ba'i chos rnam pa bzhi la/ rang bzhin gyis rnam par byang ba ni 'di lta ste/ de bzhin nyid dang / stong pa nyid dang / yang dag pa'i mtha' dang / mtshan ma med pa dang / don dam pa ste/ chos kyi dbyings kyang de yin no/ /dri ma med par rnam par byang ba ni 'di lta ste/ de nyid sgrib pa thams cad dang mi ldan pa'o/ /de thob pa'i lam rnam par byang ba ni 'di lta ste/ byang chub kyi phyogs dang mthun pa'i chos thams cad dang / pha rol tu phyin pa la sogs pa'o/ /de bskyed pa'i phyir dmigs pa rnam par byang ba ni 'di lta ste/theg pa chen po'i dam pa'i chos bstan pa ste/ 'di ltar de ni rnam par byang ba'i rgyu yin pa'i phyir kun tu brtags pa ma yin no/ /chos kyi dbyings rnam par dag pa'i rgyu mthun pa yin pas gzhan gyi dbang ma yin no/ /rnam pa bzhi po 'di dag gis rnam par byang ba'i chos thams cad bsdus pa yin no//'dir tshigs su bcad pa/ byung rten sgyu ma la sogs bstan/ /rtags la brten nas med pa bstan/ /rnam par dag pa bzhi brten nas/ /yongs su grub pa bstan pa yin/ /dag pa de ni rang bzhin dang / /dri ma med dang lam dang dmigs//rnam par dag pa'i chos kyi rnams/ /rnam pa bzhi pos bsdus pa yin/ /gzhan gyi dbang gi ngo bo nyid ci'i phyir ji skad smos pa'i sgyu ma la sogs pa lta bur bstan zhe na/ gzhan gyi dbang gi ngo bo nyid la gzhan dag nor ba nyid du som nyi za ba bzlog pa'i phyir ro/ /gzhan gyi dbang gi ngo bo nyid la gzhan dag ji ltar nor ba nyid du som nyi za bar 'gyur zhe na/'di ltar gzhan dag 'di snyam du don med pa ji ltar spyod yul du 'gyur snyam du sems pa de dag gi som nyi za ba de bzlog pa'i phyir sgyu ma lta bu nyid do/ /sems dang sems las byung ba don med pa rnams ji ltar dbyung snyam du som nyi za ba bzlog pa'i phyir smig rgyu lta bu nyid do//don med na 'dod pa dang mi 'dod pa'i nye bar spyod par ji ltar 'gyur snyam du som nyi za ba bzlog pa'i phyir rmi lam lta bu nyid do/ /don med na las dge ba dang mi dge ba rnams kyi 'bras bu 'dod pa dang mi 'dod pa ji ltar mngon par 'grub par 'gyur snyam du som nyi za ba bzlog pa'i phyir gzugs brnyan lta bu nyid do//don med na ji ltar rnam par shes pa sna tshogs 'byung snyam du som nyi za ba bzlog pa'i phyir mig yor lta bu nyid do/ /don med na ji ltar tha snyad brjod pa sna tshogs 'byung snyam du som nyi za ba bzlog pa'i phyir brag cha lta bu nyid do//don med na ji ltar yang dag par 'dzin pa'i ting nge 'dzin gyi spyod yul 'byung snyam du som nyi za ba bzlog pa'i phyir chu zla lta bu nyid do/ /don med na byang chub sems dpa' sems phyin ci ma log pa rnams sems can gyi bya ba sgrub pa'i phyir bsams bzhin du ji ltar skye snyam du som nyi za ba bzlog pa'i phyir sprul pa lta bu nyid bstan to//bcom ldan 'das kyis ci las dgongs te/ tshangs pas zhus pa las de bzhin gshegs pas 'khor ba yang mi dmigs/ mya ngan las 'das pa yang mi dmigs zhes bstan zhe na/ gzhan gyi dbang gi ngo bo nyid kun tu brtags pa dang / yongs su grub pa'i ngo bo nyid yin pa'i phyir 'khor ba dang mya ngan las 'das pa nyid bye brag med pa las dgongs nas bstan te/ 'di ltar gzhan gyi dbang gi ngo bo nyid de nyid kun tu brtags pa'i chos ni 'khor ba'o/ /yongs su grub pa'i chos ni mya ngan las 'das pa'o/ /chos mngon pa'i mdo las chos ni gsum ste/kun nas nyon mongs pa dang / rnam par byang ba dang / de gnyi ga'i char gtogs pa'o zhes bcom ldan 'das kyis gang gsungs pa ci las dgongs te gsungs she na/ gzhan gyi dbang gi ngo bo nyid la kun tu brtags pa'i ngo bo nyid yod pa ni kun nas nyon mongs pa'i char gtogs pa'o//yongs su grub pa'i ngo bo nyid yod pa ni rnam par byang ba'i char gtogs pa'o/ /gzhan gyi dbang de nyid ni de gnyi ga'i char gtogs pa ste/ 'di la dgongs nas bka' stsal to/ /don 'di la dpe ci yod ce na/ dpe ni sa khong na gser yod pa ste/ dper na sa khong na gser yod pa la ni sa'i khams dang sa dang gser dang gsum dmigs so//de la sa'i khams la ni med pa'i sa dmigs la/ yod pa'i gser ni mi dmigs te/ 'di ltar mes reg nas ni mi snang la gser ni snang ngo / /sa'i khams ni sar snang ba la log par snang ngo / /gser du snang ba na de bzhin du snang ngo //de bas na sa'i khams ni gnyi ga'i char gtogs pa'o/ /de bzhin du rnam par rig pa la rnam par mi rtog pa'i ye shes kyi mes ma reg pa na/ rnam par rig pa de yang dag pa ma yin pa kun brtags pa'i ngo bo nyid du snang gi/ yang dag pa yongs su grub pa'i ngo bo nyid du ni mi snang la/rnam par shes pa la rnam par mi rtog pa'i ye shes kyi mes reg pa na/ rnam par rig pa de yang dag pa yongs su grub pa'i ngo bo nyid du snang gi/ log par kun tu brtags pa'i ngo bo nyid du ni mi snang ngo / /de lta bas na yang dag pa ma yin pa kun tu rtog pa'i rnam par rig pa gzhan gyi dbang gi ngo bo nyid de ni gnyi ga'i char gtogs pa yin te/sa khong na gser yod pa la sa'i khams bzhin no/ /bcom ldan 'das kyis la lar ni chos thams cad rtag go zhes bstan/ la lar ni mi rtag go zhes bstan/ la lar ni rtag pa yang ma yin mi rtag pa yang ma yin no zhes bstan pa ci las dgongs te rtag pa zhes bstan zhe na/gzhan gyi dbang gi ngo bo nyid yongs su grub pa'i chas rtag pa'o/ /kun tu brtags pa'i ngo bo nyid kyi chas mi rtag pa'o/ /gnyi ga'i chas rtag pa yang ma yin mi rtag pa yang ma yin pa 'di las dgongs nas bstan to/ /ji ltar rtag pa dang mi rtag pa dang gnyis su med pa de bzhin du/bde ba dang sdug bsngal ba dag kyang gnyis su med pa dang / dge ba dang mi dge ba dag kyang gnyis su med pa dang / stong pa dang mi stong pa dang gnyis su med pa dang / bdag dang bdag med pa dang gnyis su med pa dang / zhi ba dang ma zhi ba dang gnyis su med pa dang / ngo bo nyid yod pa dang ngo bo nyid med pa dang gnyis su med pa dang /skyes pa dang ma skyes pa dang gnyis su med pa dang / 'gags pa dang ma 'gags pa dang gnyis su med pa dang / gzod ma nas zhi ba dang gzod ma nas ma zhi ba dang gnyis su med pa dang / rang bzhin gyis mya ngan las 'das pa dang / rang bzhin gyis mya ngan las ma 'das pa dang gnyis su med pa dang /'khor ba dang mya ngan las 'das pa dag kyang gnyis su med do zhes bya ba la sogs pa'i rab tu dbye ba dag gis sangs rgyas bcom ldan 'das rnams kyi ldem po dag thams cad rtag pa dang mi rtag pa la sogs pa'i rnam grangs bstan pa bzhin du/ ngo bo nyid gsum yin pa dag tu khong du chud par bya'o/ /'dir tshigs su bcad pa/ ji ltar chos rnams yod min zhing / /ji ltar rnam pa du mar snang / /de bzhin chos dang chos med pa / /gnyis su med pa'i don du bstan / /cha res de dag med pa dang / /yod pa zhes ni rab tu bstan / /gnyi ga'i chas ni yod min zhing /med pa'ang min zhes brjod pa mdzad/ /ji ltar snang ba de bzhin med/ /de phyir med ces brjod pa mdzad / /gang phyir de ltar snang gyur pa/ /de phyir yod ces brjod pa mdzad/ /rang dang bdag nyid med pa'i phyir/ /rang gi dngos la mi gnas phyir/ /gzung ba bzhin du de med phyir//ngo bo nyid med du bzhed pa / /ngo bo nyid ni med pa yis/ /phyi ma phyi ma brten byas te/ /skye med 'gag med gzod zhi dang / /rang bzhin mya ngan 'das par grub/ /yang dgongs pa bzhi dang ldem por dgongs pa bzhis sangs rgyas kyi gsung thams cad khong du chud par bya'o/ /mnyam pa nyid la dgongs pa ni 'di lta ste/nga nyid de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rnam par gzigs su gyur to zhes bya ba lta bu'o/ /dus gzhan la dgongs pa ni 'di lta ste/ de bzhin gshegs pa rin chen mang gi mtshan bzung bas bla na med pa yang dag par rdzogs pa'i byang chub tu nges par 'gyur ro zhes bya ba lta bu dang smon lam btab pa tsam gyis 'jig rten gyi khams bde ba can du skye bar 'gyur ro zhes ji skad gsungs pa lta bu'o//don gzhan la dgongs pa ni sangs rgyas gang gA'i klung gi bye ma snyed cig la bsnyen bkur byas na theg pa chen po'i chos kyi don khong du chud par 'gyur ro zhes ji skad gsungs pa lta bu'o//gang zag gi bsam pa la dgongs pa ni 'di lta ste/ gang zag kha cig la sbyin pa bsngags la/ de nyid la bsngags pa ma yin pa'ang gsungs pa dang / sbyin pa ji lta bar tshul khrims dang bsgom pa kha cig kyang de bzhin du /'di ni dgongs pa rnam pa bzhi'o/ /yang ldem por dgongs pa bzhi ste/ gzhug pa la ldem por dgongs pa ni 'di lta ste/ nyan thos kyi theg pa'am/ theg pa chen por gang zag dang chos kyi ngo bo nyid dang khyad par kun rdzob kyi bden pa'i tshul du bstan pa'o//mtshan nyid la ldem por dgongs pa ni gang du chos kyi mtshan nyid bstan pas ngo bo nyid gsum po dag ston pa'o/ /gnyen po la ldem por dgongs pa ni/ gang du spyod pa brgyad khri bzhi stong gi gnyen po bstan pa'o/ /bsgyur ba la ldem por dgongs pa ni gang du sgras don gzhan du brjod la/don nyid gzhan du ston pa ste/ 'dir tshigs su bcad pa/ snying po med la snying por shes/ /phyin ci log la shin tu gnas/ /nyon mongs kun nas rab nyon mongs/ /byang chub dam pa thob par 'gyur/ /theg pa chen po'i chos 'chad par 'dod pas mdor bsdu na rnam pa gsum gyis bshad par bya ste/rten cing 'brel par 'byung ba bstan pa dang / rten cing 'brel par 'byung ba'i chos rnams kyi mtshan nyid bstan pa dang / bshad zin pa'i don bstan pas bshad par bya'o/ /de la rten cing 'brel par 'byung ba bstan pa ni/ chos rnams brjod pa'i bag chags las byung ste de dag nyid las de zhes ji skad gsungs pa lta bu ste/rnam par smin pa dang 'jug pa'i rnam par shes pa dag phan tshun du rkyen du gyur pas 'byung ba'i phyir ro/ /'jug pa'i rnam par shes pa'i mtshan nyid kyi chos de dag ni rgyu mtshan dang lta ba dang bcas pa'i rnam par rig pa'i ngo bo nyid do/ /de dag kyang gnas kyi mtshan nyid dang /kun brtags pa'i mtshan nyid dang / chos nyid kyi mtshan nyid do/ /'dis ni ngo bo nyid gsum gyi mtshan nyid bstan pa yin te/ rgyu mtshan lta dang bcas pa las/ /de dag mtshan nyid gsum shes bya/ /zhes ji skad gsungs pa lta bu'o/ /de dag gi mtshan nyid ji ltar bshad par bya zhe na/gzhan gyi dbang gi mtshan nyid la kun brtags pa'i mtshan nyid ni med la/ yongs su grub pa'i mtshan nyid ni de na yod na/ de kho na ma mthong ba dang mthong bas dus gcig tu de gnyi ga yod pa dang med par mi dmigs pa'am dmigs pa'o/ /gzhan gyi dbang gi ngo bo nyid la kun brtags pa med pa dang yongs su grub pa yod pa'i phyir 'byung ste/de dmigs pa na de mi dmigs pa'i phyir ro/ /de mi dmigs pa na de dmigs pa'i phyir ro/ /gzhan dbang la ni brtags pa med/ /yongs su grub pa de na yod/ /de phyir de la gnyi ga yang / /mi dmigs dmigs pa mnyam pa yin//zhes ji skad bshad pa lta bu'o/ /bshad zin pa don bshad pa gang zhe na/ 'di lta ste/ tshig sngar bshad zin pa'i tshig lhag ma rnams kyis de yon tan gyi dbang du bya ba'am/ don gyi dbang du bya bas rnam par phye ste bstan pa'o/ /yon tan gyi dbang du bya ba ni/ 'di lta ste/ shin tu rnam par dag pa'i blo mnga' ba kun tu spyod pa gnyis mi mnga' ba/mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa mi mnga' bas rtogs par thugs su chud pa/ phyir mi ldog pa'i chos dang ldan pa/spyod yul gyis mi 'phrogs pa/ rnam par gzhag pa bsam gyis mi khyab pa/ dus gsum mnyam pa nyid du thugs su chud pa/ 'jig rten gyi khams thams cad du khyab pa'i sku dang ldan pa/ chos thams cad la the tshom med pa'i ye shes mnga' ba/ spyod pa thams cad dang ldan pa'i blo mnga' ba/chos mkhyen pa la nem nur med pa/ rnam par ma brtags pa'i sku mnga' ba/ ye shes byang chub sems dpa' thams cad kyis yang dag par mnos pa/ sangs rgyas kyi gnas pa gnyis su med pa dam pa'i pha rol tu phyin pa/ de bzhin gshegs pa ma 'dres pa'i rnam par thar par mdzad pa'i ye shes kyi mthar phyin pa/mtha' dang dpung med pa'i sangs rgyas kyi sa mnyam pa nyid du thugs su chud pa/ chos kyi dbyings kyis klas pa/ nam mkha'i khams kyi mthas gtugs pa/ phyi ma'i mtha'i mur thug pa zhes sangs rgyas kyi yon tan rnams bstan pa'o/ /shin tu rnam par dag pa'i blo mnga' ba zhes bya ba'i tshig 'di'i rnam par dbye ba ni tshig lhag ma rnams yin par rig par bya ste/de ltar na chos nyid legs par bshad pa yin no/ /shin tu rnam par dag pa'i blo mnga' ba zhes bya ba 'di ni sangs rgyas bcom ldan 'das rnams kyi blo shin tu rnam par dag pa 'di ni yon tan bcu dgus bsdus par rig par bya ste/shes bya la shin tu sgrib pa med par 'jug pa'i yon tan dang / yod pa dang med pa gnyis su med pa'i mtshan nyid de bzhin nyid mchog tu rnam par dag pa shes par mdzad pa'i yon tan dang / sangs rgyas kyi mdzad pa lhun gyis grub pa rgyun mi gcod par gnas pa'i yon tan dang /chos kyi sku la gnas pa dang dgongs pa dang / phrin las tha dad pa med pa'i yon tan dang / sgrib pa thams cad kyi gnyen po bsgoms pa'i yon tan dang / mu stegs can thams cad kyis mi thub pa'i yon tan dang / 'jig rten du skyes kyang 'jig rten pa'i chos kyis mi 'phrogs pa'i yon tan dang /chos rnam par gzhag pa'i yon tan dang / lung ston pa'i yon tan dang / 'jig rten gyi khams thams cad du longs spyod rdzogs pa dang sprul pa'i sku ston pa'i yon tan dang / the tshom gcod pa'i yon tan dang / spyod pa sna tshogs kyis 'jug par mdzad pa'i yon tan dang /phyi ma la chos 'byung ba mkhyen pa'i yon tan dang / mos pa ji lta ba bzhin du ston pa'i yon tan dang / sku dpag tu med pas sems can 'dul bar sbyor ba'i yon tan dang / chos kyi sku mnyam pa la pha rol tu phyin pa rnams 'grub pa'i yon tan dang /mos pa ji lta ba bzhin du sangs rgyas kyi zhing ma 'dres pa ston pa'i yon tan dang / sangs rgyas kyi sku gsum gyi yul yongs su ma chad pa'i yon tan dang / 'khor ba'i mtha' ji tsam par sems can thams cad la phan pa dang / bde ba nye bar gnas pa'i yon tan dang / mi zad pa nyid kyi yon tan rnams kyis bsdus so//don gyi dbang du bya ba ni yang byang chub sems dpa' chos sum cu rtsa gnyis dang ldan na byang chub sems dpa' byang chub sems dpa' zhes bya ste/ sum cu rtsa gnyis gang zhe na/ sems can thams cad la phan pa dang bde bar bya ba'i lhag pa'i bsam pa dang / thams cad mkhyen pa'i ye shes la 'dzud pa dang bdag ci ri zhes yongs su shes pa dang / nga rgyal bcom pa dang / lhag pa'i bsam pa brtan pa dang / bcos ma ma yin par byams pa dang / mdza' ba dang mi mdza' ba la sems snyoms pa dang / mya ngan las 'das pa'i mtha'i bar du gtan du mdza' ba dang /tshig ran pa dang / 'dzum pa'i bzhin gyis gsong por smra ba dang / snying rje chen po yongs su ma chad pa dang / khur blangs pa rnams la sgyid lug pa med pa dang / yid yongs su mi skyo ba dang / thos pa dang don gyis ngoms mi myong ba dang / bdag gi 'khrul pa rnams la nyes par lta ba dang / gzhan gyi 'khrul pa rnams la mi gshe bar bsgo ba dang / spyod lam thams cad du byang chub kyi sems yongs su sbyong bar byed pa dang / rnam par smin pa la mi re ba'i sbyin pa dang / srid pa'i 'gro bar skye ba thams cad la mi gnas pa'i tshul khrims dang / sems can thams cad la zhe 'gras pa med pa'i bzod pa dang /dge ba'i rtsa ba thams cad yang dag par sdud pa'i brtson 'grus dang / gzugs med pa'i khams rnam par bstsal ba'i bsam gtan dang / thabs dang ldan pa'i shes rab dang / bsdu ba'i dngos po bzhis zin pa'i thabs dang / tshul khrims dang ldan pa rnams dang / tshul khrims 'chal pa rnams la gnyis su med pa'i byams pa dang /gus par byas te chos nyan pa dang / gus par byas te dgon par gnas pa dang / 'jig rten gyi sna tshogs dag la mi dga' ba dang / theg pa dman pa mi 'dod pa dang / theg pa chen po'i phan yon la lta ba dang / sdig pa'i grogs po yongs su spong ba dang /dge ba'i bshes gnyen la brten pa dang / tshangs pa'i gnas pa bzhi yongs su spong ba dang / mngon par shes pa lngas rnam par rtsen pa dang / ye shes la rton pa dang / sgrub pa dang log par sgrub pa la gnas pa'i sems can rnams mi gtong ba dang / tshig gcig tu chad pa dang /bden pa gces su byed pa dang / byang chub kyi sems de sngon du 'gro ba zhes ji skad gsungs pa lta bu ste/ tshig 'di rnams kyis kyang tshig dang po rab tu dbye bar rig par bya'o / /sems can thams cad la phan pa dang bde bar bya ba'i lhag pa'i bsam pa zhes bya ba la phan pa dang / bde bar bya ba'i lhag pa'i bsam pa'i tshig 'di ni las bcu drug gis rab tu dbye bar rig par bya ste / de la las bcu drug ni gcig nas gcig tu brgyud pa'i sbyor ba'i las dang / phyin ci log med pa'i las dang / gzhan gyis byed du ma bcug par bdag nyid sbyor ba'i las dang / mi 'khrugs pa'i las dang /zang zing dang ma 'dres pa dang / phan 'dogs pa dang / gnod pa byed pa la rjes su chags pa dang / khong khro ba med pa dang / tshe rabs gzhan du yang rjes su 'jug pa dang / tshig gsum gyis zang zing med pa'i las dang / tshig gnyis kyis de dang mthun pa'i ngag dang /lus kyi las dang / bde ba dang / sdug bsngal gnyis su med par mnyam pa nyid kyi las dang / mi zhum pa'i las dang / mi bzlog pa'i las dang / thabs yongs su 'dzin pa'i las dang / tshig gnyis kyis mi mthun pa'i phyogs las 'dun pa bzlog pa'i las dang /rgyun mi 'chad par de yid la byed pa'i las dang / pha rol tu phyin pa drug la yang dag par sbyor ba dang / bsdu ba'i dngos po la sbyor ba dang / tshig bdun gyis khyad par du 'gro ba'i las dang / skyes bu dam pa la brten pa dang / dam pa'i chos nyan pa dang / dgon pa la gnas pa dang /rnam par rtog pa bzang po ma yin pa yongs su spong ba dang / gnyis kyis yid la byed pa'i yon tan dang / gnyis kyis grogs kyi yon tan dang / tshig drug gis grub par sbyor ba'i las dang / tshad med pa yongs su dag pa dang / mthu thob pa dang / rtogs pa'i yon tan dang / tshig gsum gyis grub pa'i las dang / tshogs yongs su sdud pa'i yon tan dang / the tshom med par 'doms shing rjes su ston pa dang / gcig ni chos dang zang zing gis sdud pa dang / sems kun nas nyon mongs pa can ma yin pa dang / tshig bzhis des 'jog pa'i las dang / tshig 'di rnams kyis tshig dang po rab tu dbye bar rig par bya ste/dang po'i tshig ni nyer bzung nas/ /tshig dbye yon tan rjes su 'gro/ /dang po'i tshig ni nyer bzung nas/ /tha dad don gyis tha dad tshig/ /ces ji skad gsungs pa lta bu'o/ /theg pa chen po bsdus pa las shes bya'i mtshan nyid de le'u gnyis pa rdzogs so// // bam po gsum pa/ shes bya'i mtshan nyid de ltar bshad pa la shes bya'i mtshan nyid la 'jug pa ji ltar blta zhe na/ mang du thos pas bsgos pa'i gnas/ kun gzhi rnam par shes pas bsdus pa ma yin la/ kun gzhi rnam par shes pa ltar tshul bzhin yid la byed pas bsdus pa chos dang don snang ba 'byung ba'i tshul can gzung ba'i dngos po'i gnas lta bu lta ba dang bcas pa'i yid kyi rjod pa rnams kyi sa bon yin pa'o//'di la shes bya'i mtshan nyid la 'jug pa su zhe na/ sems kyi rgyud theg pa chen po'i chos mang du thos pas bsgos pa/sangs rgyas 'byung ba tshad med pa mnyes par bya ba thob pa gcig tu mos pa can dge ba'i rtsa ba legs par bsags pa'i phyir/ bsod nams dang ye shes kyi tshogs legs par bsags pa'i byang chub sems dpa'o/ /gang du 'jug ce na lta ba dang bcas pa'i chos dang don snang ba'i yid kyi brjod pa theg pa chen po'i chos kyi rgyu las byung ba de nyid la mos pas spyod pa'i sa dang /mthong ba'i lam dang / bsgom pa'i lam dang / mthar phyin pa'i lam la 'jug ste/ chos thams cad rnam par rig pa tsam du rjes su sgrogs pa la mos pa dang / ji lta ba bzhin du de rab tu rtogs pa dang /sgrib pa thams cad kyi gnyen po sgom pa dang / sgrib pa med pa'i phyir ro/ /ji ltar gang gis 'jug ce na/ dge ba'i rtsa ba'i stobs bskyed pa dang / rnam pa gsum gyis sems sbyong ba dang / gnas bzhi spong ba dang / chos dang don la dmigs pa'i zhi gnas dang / lhag mthong bsgom pa rtag tu dang gus par byas te sbyor ba la bag yod pas 'jug go//'jig rten gyi khams dpag tu med pa rnams kyi mir gyur pa'i sems can dpag tu med pa dag skad cig gcig la bla na med pa yang dag par rdzogs pa'i byang chub mngon par rdzogs par 'tshang rgya'o snyam pa ni sems sbyong ba dang po'o//bsam pa gang gis sbyin pa la sogs pa pha rol tu phyin pa rnams la kun tu spyod pa'i bsam pa de bdag gis thob ste/ des bdag tshegs chung ngus pha rol tu phyin pa bsgom pa yongs su rdzogs par 'gyur ro snyam pa ni sbyong ba gnyis pa'o/ /dge ba sgrib pa dang bcas pa yang dge ba'i chos rnams dang ldan na 'phral du shi la/'phral du 'dod pa bzhin du lus thams cad phun sum tshogs par skye na/ bdag dge ba sgrib pa med pa'i dge ba dang shin tu ldan pa lta 'phral du thams cad phun sum tshogs par ci'i phyir mi 'gyur snyam pa ni sbyong ba gsum pa'o/ /'dir tshigs su bcad pa/gang phyir sems can dpag med pa/ /mir gyur skad cig re re la/ /rdzogs pa'i byang chub thob gyur pa/ /de phyir zhum par mi bya'o/ /bsam pa gang gis legs yid kyis/ /sbyin pa la sogs byed pa yi/ /bsam pa de thob brtan rnams kyi //sbyin pa la sogs nyid du brjod/ /dge dang ldan pa shi ma thag /'dod bzhin phun sum tshogs lus 'thob/ /spangs pa dge ldan 'phral du yang / /phun sum tshogs de cis mi 'thob/ /yid la byed pa spangs pas nyan thos dang rang sangs rgyas yid la byed pa yongs su spong ba dang /yid gnyis dang som nyi spangs pas theg pa chen po la the tshom thams cad the tshom med pa dang / chos la mngon par zhen pa spangs pas thos pa dang bsam pa'i chos la ngar 'dzin pa dang / nga yir 'dzin par mngon par zhen pa yongs su spong ba dang / rnam par rtog pa spangs pas mdun na gnas pa dang /bzhag pa'i mtshan ma thams cad yid la mi byed cing rnam par mi rtog pa'i phyir ro/ /'dir tshigs su bcad pa/ mtshan ma gang zhig mdun bzhag dang / /gang yang bdag nyid gnas pa rnams/ /kun la blo ldan mi rtog na/ /byang chub dam pa 'thob par 'gyur/ /gang gis ji skad 'jug ce na//thos pa'i bag chags kyi rgyu las byung ba/ tshul bzhin yid la byed pas bsdus pa/ chos dang don snang ba lta ba dang bcas pa'i yid kyi brjod pa dang / yongs su tshol ba bzhi ste/ ming dang don dang / ngo bo nyid dang / bye brag tu btags pa yongs su tshol ba rnams dang / yang dag pa ji lta ba bzhin du yongs su shes pa bzhi ste/ming dang / dngos po dang / ngo bo nyid dang / khyad par du btags pa dang / ngo bo nyid dang / khyad par yang dag pa ji lta ba bzhin du yongs su shes pa rnams kyis 'jug ste/ de dag mi dmigs pa'i phyir ro/ /'di ltar byang chub sems dpa' rnam par rig pa tsam la 'jug par brtson pa de lta bu de ltar gyur pa de yi ge dang don snang ba'i yid kyi rjod pa de la yi ge'i ming de yang yid kyi rtog pa tsam du zad par yang dag par rtog go//yi ge la brten pa'i don de yang yid kyi rjod pa tsam du zad pa de nyid du yang dag par rtog go/ /ming de yang ngo bo nyid dang /khyad par du btags par zad pa tsam du yang dag par rtog go/ /de'i phyir yid kyi rjod pa tsam du zad pa nyid du dmigs shing ming dang bcas pa'i don ngo bo nyid dang / khyad par du btags pa dang bcas shing / ngo bo nyid dang khyad par du bcas pa don gyi mtshan nyid du mi dmigs pa na/ yongs su tshol ba bzhi dang / yang dag pa ji lta ba bzhin du yongs su shes pa bzhi po dag gis yi ge dang don snang ba'i yid kyi rnam par rtog pa de dag la rnam par rig pa tsam nyid du 'jug go/ /rnam par rig pa tsam nyid de la 'jug ces ni ji skad bya / ci 'dra bar ni 'jug ce na/ de tsam nyid dang / rgyu mtshan dang lta ba dang bcas pa gnyis dang /sna tshogs kyi rnam pa gnyis la 'jug ste/ ming dang don dang / ngo bo nyid dang / khyad par du btags pa dang / ngo bo nyid dang khyad par gyi don rnam pa drug don med pa nyid dang / de dag gzung ba dang 'dzin pa'i dngos por nye bar gnas pa dang / lhan cig tu sna tshogs kyi don snang ba 'byung ba'i phyir ro//mun khung na sbrul du snang ba'i thag pa bzhin du 'jug ste/ dper na med pa'i phyir thag pa la sbrul ni nor pa ste/ de'i don rtogs pa rnams ni med pa la sbrul gyi blo ldog cing / thag pa'i blor gnas so/ /de yang rnam pa phra mor bya na nor ba ste/kha dog dang / dri dang / ro dang / reg pa'i mtshan nyid yin pa'i phyir ro/ /de la ji ltar kha dog la sogs pa'i blo la brten te/ thag pa'i blo yang bzlog par bya ba de bzhin du yongs su grub pa'i ngo bo nyid kyi blo la brten te/ yi ge dang don rnam pa drug snang ba'i yid kyi rtog pa de dag la/ sbrul gyi blo bzhin du rnam pa drug la yang dag pa'i don bsal na/ rnam par rig pa tsam gyi blo yang rnam par gzhig par bya ba yin no/ /de ltar byang chub sems dpa' 'di yid kyi brjod pa snang ba'i don gyi mtshan nyid la 'jug pas/ kun brtags pa'i ngo bo nyid la 'jug pa yin no/ /rnam par rig pa tsam la 'jug pas gzhan gyi dbang gi ngo bo nyid la 'jug pa yin no//yongs su grub pa'i ngo bo nyid la ji ltar 'jug ce na/ rnam par rig pa tsam gyi 'du shes kyang bzlog nas 'jug ste/ de'i tshe byang chub sems dpa' don gyi 'du shes rnam par bshig pa de la yid kyi brjod pa thob pa'i chos kyi bag chags kyi rgyu las byung ba de dag don du snang ba thams cad 'byung ba'i skabs med pa yin no//des na rnam par rig pa tsam du snang ba yang mi 'byung ste/ gang gi tshe don thams cad la rnam par mi rtog pa'i ming la gnas shing / chos kyi dbyings la mngon sum gyi tshul gyis gnas pa de'i tshe/byang chub sems dpa' de'i dmigs par bya ba dang / dmigs par byed pa mnyam pa'i ye shes rnam par mi rtog pa 'byung ste/ de ltar na byang chub sems dpa' 'di yongs su grub pa'i ngo bo nyid la zhugs pa yin no/ / 'dir tshigs su bcad pa/ chos dang gang zag chos dang don/ /bsdus pa dang ni rgyas dang rigs/ /ma dag pa dang dag dang mtha'/ /rab tu dbye bas ming gi yul/ /de ltar na byang chub sems dpa' 'di shes bya'i mtshan nyid la rnam par rig pa tsam nyid du 'jug pas zhugs pa yin te/ der zhugs pas sa rab tu dga' ba la zhugs pa yin te/chos kyi dbyings legs par rtogs pa yin/ de bzhin gshegs pa'i rigs su skyes pa yin/ /sems can thams cad la sems mnyam pa dang / byang chub sems dpa' thams cad la sems mnyam pa dang / sangs rgyas thams cad la sems mnyam pa thob pa yin te/de ni de'i mthong ba'i lam yin no/ /ci'i phyir yang rnam par rig pa tsam de la 'jug ce na/ 'dres pa'i chos la dmigs pa 'jig rten las 'das pa'i zhi gnas dang / lhag mthong gi shes pa de dang / /de'i rjes las thob pa sna tshogs kyi rnam par rig pa'i shes pas kun gzhi rnam par shes pa'i sa bon rgyu mtshan dang bcas pa thams cad spangs nas/chos kyi sku la reg pa'i sa bon spel te/ gnas gyur nas sangs rgyas kyi chos thams cad yang dag par 'grub pa'i sgo nas/ thams cad mkhyen pa'i ye shes thob par bya ba'i phyir 'jug go//rjes la thob pa'i shes pa de ni kun gzhi rnam par shes pa thams cad rab tu skye ba dang / rnam par rig pa'i mtshan ma thams cad la sgyu ma lta bu nyid la sogs par kun tu lta bas rang bzhin gyis phyin ci log par 'byung ngo / /des na byang chub sems dpa' de sgyu ma byas pa'i chos rnams la sgyu ma mkhan bzhin du rgyu dang 'bras bur bcas pa ston pa la yang dus thams cad du phyin ci log med pa yin no//rnam par rig pa tsam nyid la 'jug pa de la ting nge 'dzin bzhi la gnas pa'i nges par 'byed pa'i cha dang mthun pa bzhi ji ltar blta zhe na/ yongs su tshol ba bzhi po de dag gis don med par bzod pa chung ngu'i tshe snang ba thob pa'i ting nge 'dzin te/nges par 'byed pa'i cha dang mthun pa dro bar gyur ba'i gnas yin no/ /bzod pa chen po'i tshe snang ba mched pa'i ting nge 'dzin te rtse mo'i gnas so/ /yang dag pa ji lta ba bzhin du yongs su shes pa bzhi po dag la rnam par rig pa tsam nyid du zhugs pa dang /don med pa la nges pa ni/ de kho na'i don gyi phyogs gcig la zhugs pa'i rjes su song ba'i ting nge 'dzin te/ bden pa'i rjes su mthun pa'i bzod pa'i gnas so/ /gang gi 'og tu rnam par rig pa tsam gyi 'du shes rnam par 'jig pa de ni de ma thag pa'i ting nge 'dzin te/ 'jig rten pa'i chos kyi mchog gi gnas su blta'o/ /ting nge 'dzin 'di dag ni mngon par rtogs pa dang / nye ba pa yin par blta bar bya'o/ /de ltar sa la zhugs te mthong ba'i lam thob pa'i byang chub sems dpa' rnam par rig pa tsam nyid la zhugs pa bsgom pa'i lam la ji ltar sbyor zhe na/ ji ltar rnam par gnas pa bstan pa byang chub sems dpa'i sa bcu pa mdo sde thams cad bsdus pa nyid du nye bar gnas pa rnams la 'dres pa la dmigs pa 'jig rten las 'das pa dang de'i rjes la thob pa'i zhi gnas dang lhag mthong gi shes pas/ bskal pa bye ba khrag khrig brgya stong phrag mang por goms par byas pa'i phyir de gnas gyur nas/sangs rgyas kyi sku rnam pa gsum thob par bya ba'i phyir sbyor ro/ /nyan thos rnams kyi mngon par rtogs pa gang yin pa dang / byang chub sems dpa' rnams kyi mngon par rtogs pa gang yin pa 'di gnyis bye brag ci yod ce na/ nyan thos kyi mngon par rtogs pa las khyad par bcus/ byang chub sems dpa'i mngon par rtogs pa khyad par du 'phags par blta bar bya ste/ dmigs pa'i khyad par ni theg pa chen po'i chos la dmigs pa'i phyir ro/ /nye bar brten pa'i khyad par ni bsod nams dang ye shes kyi tshogs chen pos brtan pa'i phyir ro//rtogs pa'i khyad par ni gang zag dang chos la bdag med par rtogs pa'i phyir ro/ /mya ngan las 'das pa'i khyad par ni/ mi gnas pa'i mya ngan las 'das pa yongs su 'dzin pa'i phyir ro/ /sa'i khyad par ni sa bcus nges par 'byung ba'i phyir ro//yongs su dag pa'i khyad par ni/ nyon mongs pa'i bag chags spong ba dang / sangs rgyas kyi zhing yongs su sbyong ba'i phyir ro/ /sems can thams cad dang / bdag sems mnyam pa nyid thob pa'i khyad par ni sems can yongs su smin par byed par sbyor ba rgyun mi gcod pa'i phyir ro//skye ba'i khyad par ni de bzhin gshegs pa'i rigs su skye ba'i phyir ro/ /skye 'byung gi khyad par ni/ sangs rgyas kyi 'khor gyi dkyil 'khor du dus thams cad du skye 'byung yongs su 'dzin pa'i phyir ro/ /'bras bu'i khyad par ni stobs bcu dang / mi 'jigs pa dang / sangs rgyas kyi chos ma 'dres pa 'bras bu yon tan tshad med pa 'grub pa'i phyir ro//'dir tshigs su bcad pa/ ming dang dngos gnyis phan tshun du/ /glo bur yin par yongs su btsal/ /btags pa rnam pa gnyis po la/ /de tsam nyid du btsal bar bya/ /yang dag ji bzhin yongs shes pas/ / don med par ni rtog gsum dang / /de med phyir yang de med par/ /mthong ba gsum la 'jug pa yin/ /'di lta ste yang rnal 'byor gyi rnam par dbye ba las gdams pa'i tshigs su bcad pa/ byang chub sems dpa' mnyam gzhag pas/ /gzugs brnyan yid du mthong ba ni/ /don gyi 'du shes bzlog nas su//rang gi 'du shes nges par gzung / /de ltar nang du sems gnas so/ /gzung ba med pa rab rtogs byos/ /de phyir 'dzin pa med rtogs kyis / /des na dmigs pa med la reg /'di lta ste theg pa chen po'i mdo sde'i rgyan las/ gzhan yang mngon par rtogs pa'i tshigs su bcad pa dag 'byung ba/byang chub sems dpas bsod nams ye shes kyi/ /tshogs rnams mtha' yas pha rol med bsags te/ /chos la sems pa legs par rnam nges phyir/ /don gyi rnam pa brjod pa'i rgyus byung rtogs/ /brjod pa tsam du don ni nges shes nas//de 'dra ba yi sems tsam nyid la gnas/ /de bas gnyis kyi mtshan nyid bral ba yi / /chos kyi dbyings ni mngon sum nyid du 'gyur/ /sems las gzhan med par ni blos rtogs nas/ /de phyir sems kyang med pa nyid du rtogs/ /blo dang ldan pas gnyis po med rtogs nas//de dang mi ldan chos kyi dbyings la gnas/ /rtogs med shes stobs mnyam pa'i rjes song bas/ /blo dang ldan pas kun nas rtag par yang / /de'i gnas thibs po nyes par bsags pa sel/ /rtsi sman chen pos dug ni sel ba bzhin / /thub pas gsungs pa'i legs chos legs bzhag pa//rtsa ba chos dbyings bcas la des blo bzhag /dran pa'i rgyud ni rtog pa tsam shes nas/ /yon tan rgya mtsho'i pha rol brtan myur 'gro / /de ltar shes bya'i mtshan nyid la 'jug par bstan pa la/ de'i rgyu dang 'bras bu bstan pa ji ltar blta zhe na/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa dang drug gis 'jug go / /pha rol tu phyin pa drug gis rnam par rig pa tsam nyid la ni ji ltar 'jug/ ji ltar na pha rol tu phyin pa drug po dag de la 'jug pa'i 'bras bu ci yin zhe na/ 'di la byang chub sems dpa' longs spyod rnams la kun tu ma chags pa/tshul khrims rnams la ltung ba med pa/ sdug bsngal rnams la 'khrug pa med pa/ bsgom pa la le lo med pa/ rnam par g.yeng ba'i rgyu 'di dag la mi 'jug pa/ sems rtse gcig tu byas nas/ tshul bzhin du chos rnams la rab tu rnam par 'byed cing /pha rol tu phyin pa drug la brten nas rnam par rig pa tsam nyid la 'jug go/ /rnam par rig pa tsam nyid la zhugs pa'i byang chub sems dpas ni lhag pa'i bsam pa dag pas yongs su zin pa'i pha rol tu phyin pa drug po dag 'thob ste/ 'di ltar 'di'i pha rol tu phyin pa drug la kun tu spyod pa'i sbyor ba med kyang /bstan pa la mos pa dang / ro myong ba dang / rjes su yi rang ba dang / mngon par dga' ba yid la byed pas kyang rtag par rgyun du rgyun mi 'chad pa'i tshul du pha rol tu phyin pa drug bsgom pa yongs su rdzogs par 'gyur ro/ /'dir tshigs su bcad pa/byang chub sems dpa' rnam dag gi /dkar po'i chos rnams kun rdzogs dang / /bzod rnon thob dang rang gi theg /zab cing rgya che bstan pa la/ /rtog pa tsam du rtogs pa'i phyir / /mi rtog ye shes thob pa'i phyir/ /'dod pa dang ni mos pa dag /dag pa bsam pa dag pa nyid//snga logs su yang chos rgyun der/ /sangs rgyas rnams ni mthong bas na/ /byang chub nye bar rtogs gyur nas/ /tshegs med par ni thob phyir ro/ /tshigs su bcad pa 'di dag gis ni rnam pa brgyad kyis lhag pa'i bsam pa dag pa'i mtshan nyid mtha' dag yongs su bstan pa yin te/tshogs dang / bzod pa dang / dmigs pa dang / yid la byed pa dang / gnyen po dang rang gi mtshan nyid dang / rtags dang / phan yon gyis te/ tshigs su bcad pa'i rtsa ba rnams dang go rims bzhin du sbyar bar rig par bya'o/ /de dag grangs dang de yi mtshan nyid dang / /go rims nges tshig goms byas yon tan dang //rab tu dbye dang bsdu dang mi mthun phyogs/ /yon tan phan tshun rnam nges shes par bya/ /ci'i phyir pha rol tu phyin pa drug kho na zhe na/ mi mthun pa'i phyogs dang / gnyen po rnam par gzhag pa dang / sangs rgyas kyi chos thams cad yang dag par 'grub pa'i gzhi'i gnas dang /sems can thams cad yongs su smin par bya ba dang mthun pas drug nyid do/ /mi 'phags pa'i rgyu'i gnyen por sbyin pa'i pha rol tu phyin pa dang / tshul khrims kyi pha rol tu phyin pa ste/ mi 'phags pa'i rgyu ni longs spyod la chags pa dang / khyim la chags pa'o//spags pa ldog pa'i rgyu'i gnyen por bzod pa'i pha rol tu phyin pa dang / brtson 'grus kyi pha rol tu phyin pa ste/ ldog pa'i rgyu ni 'khor ba'i sems can log par sgrub pa las byung ba'i sdug bsngal dang / yun ring por dkar po'i phyogs la sbyor bas yongs su skyo ba'o/ / spags nas mi ldog pa'i chud za ba'i rgyu'i gnyen por bsam gtan gyi pha rol tu phyin pa dang / shes rab kyi pha rol tu phyin pa ste/ chud za ba'i rgyu ni rnam par g.yeng ba dang 'chal ba'i shes rab bo/ /de ltar mi mthun pa'i phyogs dang gnyen pos grangs rnam par gzhag go/ /rnam par mi g.yeng ba'i rgyu la pha rol tu phyin pa bzhis pha rol tu phyin pa rnam par mi g.yeng ba gcig 'grub bo//rnam par mi g.yeng ba de la brten nas chos kyi de kho na ji lta ba bzhin du mngon du yang dag par rtogs pa'i phyir/ sangs rgyas kyi chos yang dag par 'grub bo/ /de ltar sangs rgyas kyi chos thams cad yang dag par 'grub pa'i gzhi'i gnas kyis grangs drug tu rnam par gzhag go//sbyin pa'i pha rol tu phyin pas sems can la phan 'dogs pa dang / tshul khrims kyi pha rol tu phyin pas sems can la gnod pa mi byed pa dang / bzod pa'i pha rol tu phyin pas gnod pa la ji mi snyam pa dang / brtson 'grus kyi pha rol tu phyin pas bya ba byed par 'gyur ba'i phyir/phan 'dogs pa'i rgyu 'di dag gis sems can rnams yongs su smin par bya ba'i las su rung bar 'gyur ro/ /de'i 'og tu sems mnyam par ma bzhag pa dang / sems mnyam par gzhag pa rnam par thar par bya ba'i phyir gdams par bya ba rnams yongs su smin par 'gyur te/de ltar sems can thams cad yongs su smin par bya ba dang mthun pas grangs rnam par gzhag par blta'o/ /'o na 'di dag gi mtshan nyid ji ltar blta zhe na/ dam pa drug gis blta bar bya ste/ gnas dam pa ni byang chub kyi sems gnas yin pa'i phyir ro//dngos po dam pa ni mtha' dag kun tu spyod pa'i phyir ro/ /ched du bya ba dam pa ni sems can thams cad la phan pa dang bde ba'i ched du bya ba'i phyir ro/ /thabs la mkhas pa dam pa ni rnam par mi rtog pa'i ye shes kyis yongs su zin pa'i phyir ro/ /yongs su bsngo ba dam pa ni/bla na med pa yang dag par rdzogs pa'i byang chub tu yongs su bsngo ba'i phyir ro/ /rnam par dag pa dam pa ni/ nyon mongs pa dang shes bya'i sgrib pas sgrib pa med par yang dag par 'grub pa'i phyir ro/ /sbyin pa gang yin pa de pha rol tu phyin pa yang yin nam/ pha rol tu phyin pa gang yin pa de sbyin pa yang yin nam zhe na/sbyin pa yin la/ pha rol tu phyin pa ma yin pa yang yod ces bya ba mu bzhi'o/ /sbyin pa la ji lta ba de bzhin du pha rol tu phyin pa lhag ma rnams la yang mu bzhi ci rigs su blta bar bya'o/ /pha rol tu phyin pa 'di dag gi go rims 'di ci'i phyir bstan zhe na/pha rol tu phyin pa snga ma rnams de'i phyi ma 'byung ba dang mthun pa'i phyir ro/ /'di dag gi nges pa'i tshig ji ltar blta zhe na/ 'jig rten pa dang / nyan thos dang / rang sangs rgyas kyi sbyin pa la sogs pa'i dge ba thams cad las phul du byung bar pha rol tu 'gro ba'i phyir pha rol tu phyin pa rnams so//ser sna dang dbul ba 'joms pa dang / longs spyod chen po dang / bsod nams kyi tshogs thob par byed pas sbyin pa'o/ /'chal ba'i tshul khrims dang / ngan 'gro zhi bar byed pa dang / bde 'gro dang / ting nge 'dzin thob par byed pas tshul khrims so//khro ba dang 'khon pa zad par byed pa dang / bdag dang gzhan dag la bde bar byed pas bzod pa'o/ /le lo dang sdig pa mi dge ba'i chos rnams dang bral bar byed pa dang / dge ba'i chos tshad med pa rnam par spel ba mthar phyin par byed pas brtson 'grus so/ /rnam par g.yeng ba sel ba dang /nang du sems gnas pa sgrub par byed pas bsam gtan no/ /lta bar gyur ba dang 'chal ba'i shes rab thams cad sel ba dang / yang dag par rnam pa thams cad du chos rnams rab tu shes pas shes rab bo/ /'di dag sgom pa ji ltar blta bar bya zhe na/ mdor bsdu na sgom pa rnam pa lngar blta bar bya ste/kun tu spyod pa la sbyor ba sgom pa dang / mos pa sgom pa dang / yid la byed pa sgom pa dang / thabs la mkhas pa sgom pa dang / bya ba sgrub pa sgom pa'o/ /de la sgom pa bzhi ni snga ma bzhin no/ /bya ba sgrub pa sgom pa ni/ /gang sangs rgyas rnams kyi mdzad pa lhun gyis grub pa rgyun mi gcod pa na/pha rol tu phyin pa rnams yongs su rdzogs pa'i tshe/ pha rol tu phyin pa sgom pa'o/ /yid la byed pa sgom pa ni/ ro myong ba dang / rjes su yi rang ba dang / mngon par dga' ba yid la byed pa dang / mi ngoms pa'i bsam pa dang / rgyun ring po'i bsam pa dang /dga' ba'i bsam pa dang / phan 'dogs pa'i bsam pa dang / che ba'i bdag nyid kyi bsam pa dang / dge ba'i bsam pa dang / bsam pa drug gis yongs su zin pas sgom pa'o/ /gal te byang chub sems dpa' bskal pa grangs med pa ji snyed kyis/ bla na med pa yang dag par rdzogs pa'i byang chub mngon par rdzogs par 'tshang rgya ba de snyed kyi dus skad cig ma gcig tu byas pa'i skad cig re re la bdag gi lus thams cad yongs su gtong ba dang /'jig rten gyi khams gang gA'i klung gi bye ma snyed rin po che sna bdun gyis so sor bkang ste/ de bzhin gshegs pa rnams la dbul bas/byang chub kyi snying po la gnas kyi bar du mi ngoms pa nyid byang chub sems dpa'i sbyin pa'i bsam par 'gyur la/ dus de srid kho nar stong gsum gyi stong chen po'i 'jig rten gyi khams mes yongs su gang bar skad cig re re la spyod lam bzhi byed cing / yo byad thams cad dang mi ldan yang tshul khrims dang /bzod pa dang / brtson 'grus dang / bsam gtan dang / shes rab kyi sems mngon du byed de/ byang chub kyi snying po la gnas kyi bar du mi ngoms pa nyid byang chub sems dpa'i tshul khrims dang / bzod pa dang / brtson 'grus dang / bsam gtan dang /shes rab kyi bsam par 'gyur ba 'di ni byang chub sems dpa'i mi ngoms pa'i bsam pa'o/ /gang byang chub sems dpa' de byang chub kyi snying po la gnas kyi bar du mi ngoms pa'i bsam pa de mi 'dor ba 'di ni de'i rgyun ring po'i bsam pa'o/ /gang byang chub sems dpa' de'i pha rol tu phyin pa drug gis sems can la phan btags pas shin tu dga' ba yin gyi /phan btags pa des sems can rnams ni de lta ma yin pa 'di ni byang chub sems dpa'i dga' ba'i bsam pa'o/ /gang byang chub sems dpa' de pha rol tu phyin pa drug gis phan btags pa'i sems can de dag thams cad ni bdag la shin tu phan 'dogs pa yin par mthong gi/bdag ni sems can de dag la de lta ma yin par mthong ba 'di ni byang chub sems dpa'i phan 'dogs pa'i bsam pa'o/ /gang byang chub sems dpa' de de ltar pha rol tu phyin pa drug gis dge ba'i rtsa ba bsags pa sems can rnams la 'dod pa'i 'bras bu rnam par smin par yongs su bsngo ba 'di ni byang chub sems dpa'i che ba'i bdag nyid kyi bsam pa'o//gang byang chub sems dpa' de de ltar pha rol tu phyin pa drug gi dge ba'i rtsa ba bsags pa de sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/byang chub sems dpa'i dge ba'i bsam pa ste bsam pa drug po 'di dag gis yongs su zin pa'i ro myang ba yid la byed pa sgom mo/ /gang yang byang chub sems dpa' de bsam pa drug sgom pa la sogs pa la zhugs pa'i byang chub sems dpa' gzhan dpag tu med pa rnams kyi dge ba'i rtsa ba de la rjes su yi rang ste/de ltar byang chub sems dpa' bsam drug gis yongs su zin pa'i rjes su yi rang ba yid la byed pa sgom mo/ /gang yang byang chub sems dpa' de sems can thams cad kyi pha rol tu phyin pa drug sgom pa bsam pa drug gis yongs su zin pa dang /bdag gi pha rol tu phyin pa drug sgom pa la brtson pa bsam pa drug gis yongs su zin pa la/ byang chub kyi snying po la gnas kyi bar du mngon par dga' ste/ de ltar byang chub sems dpa' bsam pa drug gis yongs su zin pa'i mngon par dga' ba yid la byed pa sgom mo//gang dag byang chub sems dpa'i yid la byed pa'i sgom pa bsam pa drug gis yongs su zin pa 'di thos nas/ dang ba'i sems gcig kyang skyed pa de dag bsod nams tshad med pa skye bar 'gyur zhing / nyes pa byas pa'i sgrib pa thams cad kyang bshig par 'gyur na/byang chub sems dpa' lta smos kyang ci dgos/ pha rol tu phyin pa 'di dag gi rab tu dbye ba ji ltar blta zhe na/ de ni rnam pa gsum gsum du blta bar bya ste/ chos kyi sbyin pa dang / zang zing gi sbyin pa dang / mi 'jigs pa'i sbyin pa dang / sdom pa'i tshul khrims dang /dge ba'i chos sdud pa'i tshul khrims dang / sems can gyi don bya ba'i tshul khrims dang / gnod pa byed pa la ji mi snyam pa'i bzod pa dang / sdug bsngal dang du len pa'i bzod pa dang / chos la nges par rtog pa'i bzod pa dang / go cha'i brtson 'grus dang / sbyor ba'i brtson 'grus dang /mi zhum zhing mi 'khrugs pa la chog par mi 'dzin pa'i brtson 'grus dang / gnas pa dang / mngon par sgrub pa dang / bya ba sgrub pa'i bsam gtan dang / rnam par mi rtog par sbyor ba dang / rnam par mi rtog pa dang / rnam par mi rtog pa'i rjes la thob pa'i shes rab bo/'di dag bsdus par ji ltar blta zhe na/ 'di dag gis dge ba'i chos thams cad de'i mtshan nyid dang / de dang mthun pa dang / de'i 'bras bur bsdus pa'i phyir ro/ /'di dag gi mi mthun pa'i phyogs kyis kun nas nyon mongs pa thams cad ji ltar bsdus par blta zhe na/ de'i mtshan nyid dang / de'i gzhi dang / de'i 'bras bus so/ /pha rol tu phyin pa 'di dag gi phan yon ji ltar rig par bya zhe na/ 'khor ba na 'khor ba'i tshe/ dbang phyug bsdus pa dang / chen por skye ba bsdus pa dang / phyogs gang dang g.yog 'khor chen po bsdus pa dang / las kyi mtha' chen po la sbyor ba 'grub pas yongs su bzung ba dang /gnod pa med pa dang / nyon mongs pa chung ba yongs su bzung ba dang / bzo dang / bstan bcos dang / rig pa'i gnas thams cad la mkhas pa yongs su bzung ba dang / mngon par mtho ba kha na ma tho ba med pa dang / byang chub kyi snying po la gnas kyi bar du sems can thams cad kyi don bya bar nye bar gnas pa ni byang chub sems dpa' rnams kyi phan yon no//'di dag gi phan tshun rnam par nges pa ji ltar blta zhe na/ bcom ldan 'das kyis la lar ni pha rol tu phyin pa thams cad sbyin pa'i sgrar bstan/ la lar ni tshul khrims kyi sgrar bstan/ la lar ni bzod pa'i sgrar bstan/la lar ni brtson 'grus kyi sgrar bstan/ la lar ni bsam gtan gyi sgrar bstan/ la lar ni shes rab kyi sgrar bstan pa de la dgongs pa gang zhe na/ pha rol tu phyin pa thams cad la sbyor ba na/ 'di dag thams cad kyi spyod pa 'gro ba las dgongs pa'o/ /de ltar shes bya'i mtshan nyid la 'jug pa'i rgyu dang 'bras bu bstan nas/de sgom pa'i rab tu dbye ba ji ltar blta zhe na/ byang chub sems dpa'i sa bcu rnams su blta ste/ de dag kyang gang zhe na/ rab tu dga' ba dang / dri ma med pa dang / 'od byed pa dang / 'od 'phro ba can dang / shin tu sbyang dka' ba dang /mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin no/ /'di dag bcu nyid du rnam par gzhag pa ji ltar blta zhe na/ mi mthun pa'i phyogs ma rig pa rnam pa bcu'i gnyen po'i phyir te/ 'di ltar shes bya chos kyi dbyings rnam pa bcu la mi mthun pa'i phyogs ma rig pa rnam pa bcu nyid gnas so//shes bya chos kyi dbyings rnam pa bcu ji lta bu zhe na/ sa dang po la ni kun tu 'gro ba'i don du shes par bya'o/ /gnyis pa la ni mchog gi don du'o/ /gsum pa la ni rgyu mthun pa don gyi mchog tu'o//bzhi pa la ni yongs su bzung ba ma yin pa'i don du'o/ /lnga pa la ni rgyud tha dad pa med pa'i don du'o/ /drug pa la ni kun nas nyon mongs pa dang rnam par dag pa ma yin pa'i don du'o/ /bdun pa la ni chos sna tshogs tha dad pa med pa'i don du'o/ /brgyad pa la ni bri ba med cing lhag pa med pa'i don dang /mtshan ma la dbang ba'i gnas kyi don dang / zhing la dbang ba'i gnas kyi don du'o/ /dgu pa la ni ye shes la dbang ba'i gnas kyi don du'o/ /bcu pa la ni las la dbang ba'i gnas kyi don dang / gzungs dang ting nge 'dzin gyi sgo la dbang ba'i gnas kyi don du shes par bya'o//'dir tshigs su bcad pa/ kun tu 'gro don mchog gi don/ /rgyu mthun don gyi mchog nyid dang / /yongs su 'dzin pa don med dang / /rgyud rnams tha dad med pa dang / /nyon mongs rnam dag med don dang / /tha dad med pa'i don nyid dang / /bri med 'phel ba med don dang / /dbang ni rnam pa bzhi yi gnas//chos kyi dbyings la ma rig pa/ /nyon mongs can min sgrib pa bcu/ sa bcu'i mi mthun phyogs rnams kyi/ /gnyen po dag ni sa yin no/ /ma rig pa 'di yang nyan thos rnams kyi ni nyon mongs pa can ma yin gyi/ byang chub sems dpa' rnams kyi ni nyon mongs pa can du rig par bya'o//ci'i phyir sa dang po rab tu dga' ba zhes bya zhe na/ des thog ma kho nar bdag dang gzhan gyi don sgrub nus pa thob pa'i phyir ro/ /ci'i phyir sa gnyis pa dri ma med pa zhes bya zhe na/ 'chal ba'i tshul khrims kyi dri ma thag bsrings pa'i phyir ro/ /ci'i phyir sa gsum pa 'od byed pa zhes bya zhe na/ting nge 'dzin dang snyoms par 'jug pa nyams pa med pa'i gnas yin pas chos kyi snang ba chen po'i gnas su gyur pa'i phyir ro/ /ci'i phyir sa bzhi pa 'od 'phro ba can zhes bya zhe na/ byang chub kyi phyogs kyi chos rnams kyis sgrib pa thams cad sreg pa'i phyir ro/ /ci'i phyir sa lnga pa shin tu sbyang dka' ba zhes bya zhe na/bden pa dang 'jig rten pa'i shes pa gnyis phan tshun mi mthun pas de bsgrub dga' ba'i phyir ro/ /ci'i phyir sa drug pa mngon du gyur zhes bya zhe na/ rten cing 'brel par 'byung ba shes pa'i gnas yin pas/ shes rab kyi pha rol tu phyin pa la gnas pa mngon du byed pa'i phyir ro//ci'i phyir sa bdun pa la ring du song ba zhes bya zhe na/ sbyor ba las byung ba'i spyod pa'i mthar 'gro ba'i phyir ro/ /ci'i phyir sa brgyad pa mi g.yo ba zhes bya zhe na/ mtshan ma dang mngon par 'du byed pa thams cad kyis mi g.yos pa'i phyir ro/ /ci'i phyir sa dgu pa legs pa'i blo gros zhes bya zhe na/so so yang dag par rig pa'i shes pa dang po thob pa'i phyir ro/ /ci'i phyir sa bcu pa chos kyi sprin zhes bya zhe na/ 'dres pa la dmigs pa'i chos thams cad shes pa gzungs dang ting nge 'dzin gyi sgo thams cad khong na yod pa sprin lta bus nam mkha' ltar rgya che ba'i sgrib pa khebs pa dang / chos kyi sku yongs su rdzogs par byas pa'i phyir ro/ /sa 'di dag thob pa ji ltar blta zhe na/ rnam pa bzhis blta ste/ mos pa thob pas ni sa la mos pa nyid kyi phyir ro/ /spyod pa thob pas ni sa dang rab tu ldan pa'i chos spyod pa bcu thob pa'i phyir ro/ /rtogs pa thob pas ni sa dang po la chos kyi dbyings rtogs nas thams cad rtogs pa'i phyir ro//'grub par thob pas ni sa 'di dag gi sgom pa'i mthar 'gro ba'i phyir ro/ /sa 'di dag gi sgom pa ji ltar blta zhe na/ 'di la byang chub sems dpa' sa dang sa la zhi gnas dang lhag mthong sgom pa na/ rnam pa lngas sgom ste/ lnga gang zhe na/ 'di lta ste/'dres par sgom pa dang / mtshan ma med par sgom pa dang / lhun gyis grub par sgom pa dang / 'bar bar sgom pa dang / chog par mi 'dzin par sgom pas so/ /sgom pa rnam pa lnga po 'di dag gis byang chub sems dpa' rnams kyi 'bras bu lnga mngon par 'grub par byed de/ 'di ltar skad cig re re la gnas ngan len rnams kyi gnas thams cad 'jig par byed pa dang /sna tshogs kyi 'du shes dang bral te/ chos kyi kun dga' la dga' ba thob pa dang / chos kyi snang ba thams cad du tshad med cing rnam pa yongs su ma chad pa yang dag par shes pa dang / rnam par ma brtags par rnam par dag pa'i cha dang mthun pa'i mtshan mar rnam par brtags pa ma yin pa rnams de la kun tu 'byung ba dang /chos kyi sku yongs su rdzogs pa dang / yongs su grub par bya ba'i phyir gong ma bas ches gong ma'i rgyu yongs su 'dzin par byed pa'o/ /gtsor na sa bcu dag tu pha rol tu phyin pa bcu sgom par 'gyur te/drug tu ni drug ji skad du bstan pa rnams so/ /phyi ma bzhir ni bzhi ste/ thabs la mkhas pa'i pha rol tu phyin pa ni/ pha rol tu phyin pa drug gis dge ba'i rtsa ba bsags pa sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba'i phyir ro//smon lam gyi pha rol tu phyin pa ni/ phyi ma la smon lam sna tshogs mngon par bsgrubs pas/ pha rol tu phyin pa'i rkyen sdud pa'i phyir ro/ /stobs kyi pha rol tu phyin pa ni/ so sor rtog pa dang bsgoms pa'i stobs kyis pha rol tu phyin pa drug rgyun mi 'chad par kun tu spyod pa'i phyir ro//ye shes kyi pha rol tu phyin pa ni/ pha rol tu phyin pa drug po dag rnam par 'jog pa ste/ ye shes kyis chos la longs spyod pa myong ba dang / sems can yongs su smin par byed pa'i phyir ro/ /yang pha rol tu phyin pa bzhi po 'di dag ni shes rab kyi pha rol tu phyin pa rnam par mi rtog pa'i ye shes dang /de'i rjes la thob pa'i ye shes kyis bsdus par blta'o/ /sa thams cad du pha rol tu phyin pa thams cad sgom par mi 'gyur ba yang ma yin te/ chos kyi rnam grangs de pha rol tu phyin pa'i sde snod kyis bsdus pa'i phyir ro/ /dus ji srid cig gis sa bcu po 'di dag gi sgom pa yongs su rdzogs par 'gyur zhe na/gang zag lnga ni bskal pa grangs med pa gsum gyis rdzogs par 'gyur te/ mos pas spyod pa'i gang zag ni bskal pa grangs med pa dang pos rdzogs par 'gyur ro/ /lhag pa'i bsam pa dag pa la spyod pa mtshan ma la spyod pa dang /mtshan ma med pa la spyod pa dag ni sa drug po dag dang / bdun pa la bskal pa grangs med pa gnyis pas rdzogs par 'gyur ro/ /de nyid mngon par 'du byed pa med par spyod pa ni/ /de yan chad sa bcu'i bar du bskal pa grangs med pa gsum pas sgom pa yongs su rdzogs par 'gyur ro/ /'dir tshigs su bcad pa/bzang dang smon pa'i stobs can dang / /sems brtan khyad par 'gro ba yi/ /byang chub sems dpa' grangs med gsum/ /kun tu rtsom pa mdzad ces brjod/ /de ltar rgyu dang 'bras bu sgom pa'i rab tu dbye ba bstan nas/ de la lhag pa'i tshul khrims kyi khyad par ji ltar blta zhe na/ byang chub sems dpa'i sa las byang chub sems dpa'i sdom pa yang dag par blangs pa las ji skad bshad pa lta bu'o//mdor bsdu na khyad par bzhis khyad par du blta ste/ rab tu dbye ba'i khyad par dang / bslab pa thun mong dang / thun mong ma yin pa'i khyad par dang / rgya che ba nyid kyi khyad par dang / zab pa nyid kyi khyad par gyis khyad par du blta'o//de la rab tu dbye ba'i khyad par ni/ sdom pa'i tshul khrims dang / dge ba'i chos sdud pa'i tshul khrims dang / sems can gyi don bya ba'i tshul khrims kyi phyir ro/ /de la sdom pa'i tshul khrims ni tshul khrims gnyis kyi rten gyi don du rig par bya'o/ /dge ba'i chos sdud pa'i tshul khrims ni/sangs rgyas kyi chos yang dag par 'grub pa'i rten gyi don du rig par bya'o/ /sems can gyi don bya ba'i tshul khrims ni/ sems can yongs su smin par byed pa'i rten gyi don du rig par bya'o/ /byang chub sems dpa' rnams kyi bslab pa nyan thos rnams dang thun mong ba ni/rang bzhin gyis kha na ma tho ba dang bcas pa kun tu mi spyod pa'i phyir ro/ /bslab pa thun mong ma yin pa ni/ bcas pa'i kha na ma tho ba dang bcas pa kun tu spyod pa'i phyir te/ bslab pa de la ni gang du nyan thos kyi ltung bar 'gyur ba de la byang chub sems dpa'i ltung ba med do/ /gang du byang chub sems dpa'i ltung bar 'gyur ba de la nyan thos kyi ltung ba med do//byang chub sems dpa' rnams kyi tshul khrims ni/ lus dang ngag dang sems kyi'o/ /nyan thos rnams kyi ni lus dang ngag nyid do/ /de nyid kyi phyir byang chub sems dpa' rnams kyi sems kyi ltung bar yang 'gyur gyi/ nyan thos rnams kyi ni ma yin no//mdor bsdu na gang kha na ma tho ba med par sems can thams cad la phan 'dogs pa'i lus dang / ngag dang yid kyi las de dag thams cad byang chub sems dpa' kun tu spyad par bya'o/ /de la bslab par yang bya ste/ de ltar na thun mong dang thun mong ma yin pas khyad par du blta'o/ rgya che ba nyid kyi khyad par ni rgya che ba nyid rnam pa bzhi'i phyir te/ sna tshogs dang tshad med pa'i bslab pa rgya che ba nyid dang / bsod nams tshad med pa yongs su 'dzin pa rgya che ba nyid dang / sems can thams cad la phan pa dang bde ba bya ba'i bsam pa yongs su 'dzin pa rgya che ba nyid dang /bla na med pa yang dag par rdzogs pa'i byang chub la brten pa rgya che ba nyid kyi phyir ro/ /de la zab pa nyid ni gang byang chub sems dpa' thabs la mkhas pa rnams de lta bus srog gcod pa la sogs pa'i las rnam pa bcu spyod kyang / des kha na ma tho bar yang mi 'gyur la/bsod nams tshad med pa yang skyed cing / bla na med pa yang dag par rdzogs pa'i byang chub kyang myur du mngon par rdzogs par 'tshang rgya ba'o/ /yang sprul pa'i lus dang ngag gi las kyang / byang chub sems dpa'i zab pa'i tshul khrims su rig par bya ste/ des rgyal srid kyang byed cing / sems can rnams la gtse ba sna tshogs bstan nas/ sems can 'dul ba la 'god do/ /skyes pa'i rabs sna tshogs bstan pas/ sems can gzhan la gnod pa bya bas/ de las gzhan pa'i sems can la phan 'dogs pa kun tu ston pas/ gzhan dag sems dang pa sngon du 'gro ba'i yongs su smin par bya ba yang 'grub par byed de/'di ni byang chub sems dpa'i tshul khrims zab pa nyid kyi khyad par ro/ /mdor bsdu na khyad par rnam pa 'di bzhis byang chub sems dpa'i tshul khrims kyi sdom pa khyad par can du rig par bya'o/ /rab tu dbye ba 'dis na byang chub sems dpa'i bslab pa'i rab tu dbye ba tshad med de/dper na 'dul bar bsnyad pa shin tu rgyas pa'i mdo sde las 'byung ba lta bu'o// //bam po bzhi pa ste tha ma'o/ /de ltar lhag pa'i tshul khrims kyi khyad par bstan nas/ lhag pa'i sems kyi khyad par ji ltar blta zhe na/ mdor bsdu na rab tu dbye ba drug gis blta bar bya ste/dmigs pas rab tu dbye ba dang / sna tshogs nyid kyis rab tu dbye ba dang / gnyen pos rab tu dbye ba dang / las su rung ba nyid kyis rab tu dbye ba dang / mngon par sgrub pas rab tu dbye ba dang / las kyis rab tu dbye ba ste/ theg pa chen po'i chos la dmigs pa'i phyir ro//theg pa chen po snang ba dang / bsod nams thams cad yang dag par bsags pa dang / ting nge 'dzin gyi rgyal po bzang skyong dang / dpa' bar 'gro ba la sogs pa'i ting nge 'dzin sna tshogs nyid tshad med pa'i phyir ro/ /chos thams cad 'dres pa la dmigs pa'i ye shes kyis/khye'us khye'u dbyung ba'i tshul du kun gzhi rnam par shes pa la sgrib pa'i gnas ngan len yod pa thams cad 'byin pa'i phyir ro/ /bsam gtan gyi bde ba dag gis gnas gang nas gang du 'dod par skye ba yongs su 'dzin pa'i phyir ro/ /'jig rten gyi khams thams cad du thogs pa med pa'i mngon par shes pa mngon par sgrub pa dang /g.yo bar byed pa dang / 'bar bar byed pa dang / khyab par byed pa dang / ston pa dang / gzhan gyi dngos por bsgyur ba dang / 'gro ba dang / 'ong ba dang / sdud pa dang / rgyas par byed pa dang / gzugs kyi lus thams cad 'jog pa dang / skal ba mnyam pas 'gro ba dang /snang bar byed cing mi snang bar yang byed pa dang / dbang nyid du byed pa dang / gzhan gyi rdzu 'phrul rab tu 'jog pa dang / spobs pa dang / dran pa dang / bde ba sbyin pa dang / 'od zer gtong ba'i rdzu 'phrul chen po mngon par sgrub pa dang / dka' ba spyod pa thams cad bsdus pa dka' ba spyod pa rnam pa bcu mngon par sgrub pa'i phyir ro//dka' ba spyod pa rnam pa bcu ni 'di lta ste/ khas blang bar dka' ba spyod pa ni/ byang chub chen por smon lam 'debs pa khas len pa'i phyir ro/ /mi ldog par dka' ba spyod pa ni 'khor ba'i sdug bsngal rnams kyis mi bzlog pa'i phyir ro//phyir mi phyogs par dka' ba spyod pa ni/ sems can thams cad kyi log par sgrub pa rnams kyis de las phyir mi phyogs pa'i phyir ro/ /mngon du phyogs par dka' ba spyod pa ni/ gnod par byed pa'i sems can rnams kyi don thams cad bya ba la mngon du phyogs pa'i phyir ro//mi gos par dka' ba spyod pa ni/ 'jig rten du skyes kyang 'jig rten pa'i chos kyis mi gos pa'i phyir ro/ /mos par dka' ba spyod pa ni/ rtog pa med par yang theg pa chen po la rgya che ba nyid dang / zab pa nyid thams cad la mos pa'i phyir ro/ /rtogs par dka' ba spyod pa ni/gang zag dang chos la bdag med pa rtogs pa'i phyir ro/ /khong du chud par dka' ba spyod pa ni/ de bzhin gshegs pa rnams kyis dgongs te gsungs pa zab mo khong du chud pa'i phyir ro/ /mi 'byed pa kun nas nyon mongs pa med par dka' ba spyod pa ni/'khor ba yongs su mi gtong yang / des kun nas nyon mongs pa med pa'i phyir ro/ /sbyor bar dka' ba spyod pa ni/ sgrib pa thams cad las rnam par grol ba la bzhugs pa'i sangs rgyas rnams 'khor ba'i mtha'i bar du lhun gyis grub par sems can thams cad kyi don thams cad mdzad pa dag la sbyor ba'i phyir ro//khong du chud par dka' ba spyod pa la sangs rgyas rnams kyis dgongs te gsungs pa la/ de dag gis khong du chud pa ci 'dra zhe na/ dper na ji ltar na byang chub sems dpa' sbyin phod pa yin zhe na/ gal te sbyin pa cung zad mi sbyin la de phyogs bcu'i 'jig rten sbyin pa bya ba tshad med pa la yang 'jug go//ji ltar na sbyin pa 'dod pa yin zhe na/ gal te sbyin pa thams cad la 'dod par mi byed pa'o/ /ji ltar na sbyin pa la mos pa yin zhe na/ gal te de bzhin gshegs pa rnams la dad pas mi 'gro ba'o/ /ji ltar na sbyin pa la 'jug par byed pa yin zhe na/gal te bdag sbyin pa la 'jug par mi byed pa ste/ rang bzhin nyid kyis sbyin zhes bya ba'i tha tshig go/ /ji ltar na sbyin pa la mngon par dga' ba yin zhe na/ gal te lan 'ga' sbyin pa ci yang sbyin par mi byed pa'o/ /ji ltar na sbyin pa la che ba yin zhe na/ gal te sbyin pa la snying po med pa'i 'du shes su gyur pa'o//ji ltar na sbyin pa dag pa yin zhe na/ gal te ser sna 'byung bar byed pa'o/ /ji ltar na sbyin pa mthar phyin pa yin zhe na/ gal te mtha' la mi gnas par gyur pa'o/ /ji ltar na sbyin pa la bdag po yin zhe na/ gal te sbyin pa la dbang byed pa ma yin pa'o//ji ltar na sbyin pa mi zad pa yin zhe na/ gal te mi zad pa la mi gnas par gyur pa'o/ /sbyin pa la ji lta ba de bzhin du tshul khrims la sogs pa shes rab la thug pa rnams la yang ci rigs su shes par bya'o/ /ji ltar na srog gcod pa yin zhe na/ gal te srog chags rnams 'khor ba las shin tu bzlog pa'o //ji ltar na ma byin par len pa yin zhe na/ gal te sus kyang ma byin par bdag nyid kyis sems can thams cad len pa'o/ /ji ltar na 'dod pa la log par spyod pa yin zhe na/ gal te 'dod pa rnams la log pa'o zhes spyod pa'o/ /ji ltar na brdzun du smra ba yin zhe na/gal te gang brdzun pa de la brdzun no zhes smra ba'o/ /ji ltar na phra ma byed pa yin zhe na/ gal te stong pa nyid la gnas pa'i mchog gis rtag tu gnas pa'o/ /ji ltar na ngag rtsub po smra ba yin zhe na/ gal te shes bya'i pha rol tu gnas pa'o/ /ji ltar na tshig kyal pa smra ba yin zhe na/gal te chos thams cad yang dag par rnam par phye ste smra ba'o/ /ji ltar na brnab sems can yin zhe na/ gal te rgyun du bdag bla na med pa'i bsam gtan thob par byed pa'o/ /ji ltar na gnod sems kyi sems dang ldan pa yin zhe na/ gal te sems la nyon mongs par byed pa thams cad la 'dis gnod par byas pa yin no//ji ltar na log par lta ba can yin zhe na/ gal te gang thams cad na thams cad la 'dug pa'i log pa de ji lta ba bzhin du mthong ba'o/ /sangs rgyas kyi chos rnams zab bo zhes bya ba la/ sangs rgyas kyi chos rnams zab pa gang zhe na/ 'dir bstan pa rtag pa'i chos rnams ni sangs rgyas kyi chos rnams te/chos kyi sku rtag pa'i phyir ro/ /chad pa'i chos rnams ni sangs rgyas kyi chos rnams te/ sgrib pa thams cad chad pa'i phyir ro/ /skye ba'i chos rnams ni sangs rgyas kyi chos rnams te/ sprul pa'i sku skye ba'i phyir ro/ /dmigs pa'i chos rnams ni sangs rgyas kyi chos rnams te/sems can gyi spyod pa brgyad khri bzhi stong gi gnyen po dag dang bcas pa dmigs pa'i phyir ro/ /'dod chags dang bcas pa'i chos rnams ni/ sangs rgyas kyi chos rnams te/ 'dod chags dang bcas pa'i sems can rnams kyis bdag tu khas blangs pa'i phyir ro//de bzhin du zhe sdang dang bcas pa'i chos rnams ni sangs rgyas kyi chos rnams te / gti mug dang bcas pa'i chos rnams ni sangs rgyas kyi chos/ so so'i skye bo'i chos rnams ni/ sangs rgyas kyi chos rnams su blta bar bya'o/ /mi gos pa'i chos rnams ni/ sangs rgyas kyi chos rnams te/ grub pa'i de bzhin nyid la sgrib pa thams cad kyis mi gos pa'i phyir ro/ /nye bar gos pa med pa'i chos rnams ni/ sangs rgyas kyi chos rnams te/ 'jig rten du skyes kyang 'jig rten pa'i chos rnams kyis nye bar gos pa med pa'i phyir ro//de'i phyir sangs rgyas kyi chos rnams ni zab pa zhes bya'o/ /pha rol tu phyin pa bsgom pa dang / sems can yongs su smin par bya ba dang / sangs rgyas kyi zhing yongs su dag par bya ba dang / sangs rgyas kyi chos thams cad bsgrub pa'i phyir/ byang chub sems dpa'i ting nge 'dzin rnams kyi las kyi rab tu dbye bar blta'o//de ltar lhag pa'i sems kyi khyad par bstan nas/ lhag pa'i shes rab kyi khyad par ji ltar blta zhe na/ rnam par mi rtog pa'i ye shes kyi ngo bo nyid dang / gnas dang / gzhi dang / dmigs pa dang / rnam pa dang / brgal ba'i lan dang / rten dang /grogs dang / rnam par smin pa dang / rgyu mthun pa dang / nges par 'byung ba dang / mthar thug par 'gro ba dang / sbyor ba las byung ba dang / rnam par mi rtog pa dang / rjes las thob pa'i phan yon dang / rab tu dbye ba dang / /rnam par mi rtog pa dang / rjes las thob pa'i dpe dang /lhun gyis grub par bya ba sgrub pa dang / zab pa nyid kyis kyang rnam par mi rtog pa'i ye shes ni/ lhag pa'i shes rab kyi khyad par du blta bar bya'o/ /de la rnam pa lngas rnam par spangs pa ni/ rnam par mi rtog pa'i ye shes kyi ngo bo nyid ces bya ste/ yid la mi byed pa yongs su spangs pa dang /rtog pa dang bcas pa dang / dpyod pa dang bcas pa'i sa las shin tu 'da' ba yongs su spangs pa dang / 'du shes dang / tshor ba 'gog pa nye bar zhi ba yongs su spangs pa dang / gzugs kyi ngo bo nyid yongs su spangs pa dang / de kho na'i don la bkra bar 'dzin pa yongs su spangs pa'i phyir te/rnam par mi rtog pa'i ye shes ni/ rnam pa 'di lnga yongs su spangs par rig par bya'o/ /rnam par mi rtog pa'i ye shes rnam par gzhag pa ji skad bstan pa 'dir tshigs su bcad pa/ byang chub sems dpa' rnams kyis shes// rnam rtog med pa'i ngo bo nyid/ /rnam pa lnga ni rnam spangs shing / /yang dag don la bkrar 'dzin med/ /byang chub sems dpa' rnams kyis shes/ /rnam par rtog pa med pa'i gnas/ /sems min sems ni kho na ste/ /don la mi sems rgyus byung phyir/ /byang chub sems dpa' rnams kyis shes //rnam par rtog pa med pa'i gzhi/ /thos pa'i bag chags rjod bcas pa'i/ /yid byed de ni tshul bzhin no/ /byang chub sems dpa' rnams kyis shes/ /rnam rtog med pa'i dmigs pa ni/ /chos rnams brjod du med pa nyid/ /bdag med de bzhin nyid kyang de/ /byang chub sems dpa' rnams kyis shes//rnam par mi rtog rnam pa ni/ /shes bya dmigs pa de nyid la/ /mtshan ma med pa gang yin pa'o/ /sbyor las byung ba'i rang bzhin de / /rnam brtags de las gzhan du min/ /yi ge phan tshun sbyor bas na/ /don de sbyor las byung ba yin/ /rjod pa med par brjod bya la//shes pa 'jug pa ma yin no/ /'gal ba'i phyir na brjod la min/ /de phyir thams cad brjod du med/ /rnam par mi rtog ye shes ni/ /byang chub sems dpa'i de rjes la/ /thob pa'i spyod pa'i rten yin te/ /de ni 'phel bar 'gyur phyir ro/ /byang chub sems dpa' rnams kyis shes//rnam par rtog pa med pa'i grogs/ /lam gnyis su ni brjod pa ste/ /pha rol phyin lnga'i rang bzhin no/ /byang chub sems dpa' rnams kyis shes/ /rnam rtog med pa'i rnam smin ni/ /sangs rgyas dkyil 'khor gnyis su ste/ /sbyor ba dang ni thob pas so/ /byang chub sems dpa' rnams kyis shes//rnam rtog med pa'i rgyu mthun ni/ /phyi ma phyi ma'i tshe rnams su/ /khyad par du ni 'gro bar 'dod/ /byang chub sems dpa' rnams kyis shes/ /rnam rtog med pa'i 'byung ba ni/ /sa bcu dag tu shes bya ste/ /thob pa dang ni grub phyir ro/ /byang chub sems dpa' rnams kyis shes//rnam rtog med pa'i mthar thug pa/ /dag pa'i sku gsum thob phyir dang / /dbang gi mchog ni thob phyir ro/ /rnam rtog med pa'i ye shes de / /dad pa tsam dang mos pa yis/ /sdig pa sna tshogs drag rnams kyis/ /gos pa med de nam mkha' bzhin/ / rnam rtog med pa'i ye shes de / /sgrib pa kun las grol ba'i phyir/ /thob dang grub dang ldan pas na/ /gos pa med de nam mkha' bzhin/ /rnam rtog med pa'i ye shes de / /gos pa med de nam mkha' bzhin/ /'jig rten dag na rnam rgyu yang / 'jig rten chos kyis rtag mi gos//lkugs pas don ni myong 'dod dang / /ji ltar lkugs pas don myong dang / /ma lkugs pas ni don myong ltar/ /ye shes gsum ni brjod pa yin/ /rmongs pas don ni myong 'dod dang / /ji ltar rmongs pas don rmongs dang / ma rmongs pas ni don rmongs ltar/ /ye shes gsum ni brjod pa yin//lnga pos don ni myong 'dod dang / /ji ltar lnga pos don myong dang / /yid kyis don ni myong ba ltar/ /ye shes gsum ni brjod pa yin/ /bstan bcos mi shes bstan bcos 'dod/ /chos dang don myong go rims ltar/ /sbyor ba las ni byung ba sogs/ /shes gsum de bzhin gshegs par bya//mi zhig mig ni btsums pa ltar/ /rnam rtog med pa'i shes de 'dra/ /de nyid mig ni phye ba ltar/ /de rjes thob pa'i shes de 'dra/ /rnam rtog med pa'i shes de ni/ /nam mkha' bzhin du shes par bya/ /de la gzugs ni snang ba ltar/ /de yi rjes thob shes de 'dra//ji ltar nor bu sil snyan dag /rtog pa med pa rang las byung / /de ltar rtag tu rtog med par/ /sangs rgyas phrin las sna tshogs 'byung / /de la ma yin gzhan la min/ /mi shes pa dang shes pa'ang min/ /shes bya dang ni khyad med pa'i/ /shes gang de ni mi rtog nyid//rnam par brtag bya med pas na/ /chos rnams thams cad rang bzhin gyis/ /rnam rtog med par gang phyir bzhed/ /de phyir shes de mi rtog nyid/ /de la rnam par mi rtog pa la sbyor ba las byung ba'i ye shes ni rnam pa gsum ste/ rgyu dang 'phen pa dang / goms pa las byung bas rab tu dbye ba'i phyir ro//rnam par mi rtog pa'i ye shes kyang rnam pa gsum ste/ chog shes pa dang / phyin ci ma log pa dang / spros pa med pas rnam par mi rtog pa'i phyir ro/ /de'i rjes las thob pa ni rnam pa lnga ste/ rtogs pa dang / rjes su dran pa dang / rnam par gzhag pa dang /'dres pa dang / 'byor ba la dpyod pa tha dad pa'i phyir ro/ /rnam par mi rtog pa'i ye shes grub pa'i tshigs su bcad pa gzhan dag ni/ yi dags dud 'gro mi rnams dang / /lha rnams ji ltar 'os 'os su/ /dngos gcig yid ni tha dad pas/ /don rnams grub pa med par 'dod//'das sogs de bzhin rmi lam dang / /gzugs brnyan rnam pa gnyis po la/ /dmigs pa yod pa ma yin phyir/ /de la dmigs pa ldan pa'i phyir/ /don ni don du grub na ni/ /ye shes rtog pa med mi 'gyur/ /de med pas na sangs rgyas nyid/ /'thob par 'thad pa ma yin no//byang chub sems dpa' dbang thob dang / /bsam gtan pa yi mos dbang gis/ /'di ltar sa la sogs pa dag /dngos po de ltar dmigs par 'gyur/ /'di la rnam par 'byed 'grub pa/ /blo ldan zhi ba thob pa yi/ /chos kun yid la byed pa la/ /de ltar don du snang phyir ro/ / ye shes rgyu ba rtog med la/ /don rnams thams cad mi snang phyir/ /don med khong du chud par bya/ /de med pas na rnam rig med/ /shes rab kyi pha rol tu phyin pa dang / rnam par mi rtog pa'i ye shes ni khyad par med de/ ji skad du byang chub sems dpa' shes rab kyi pha rol tu phyin pa la mi gnas pa'i tshul gyis gnas nas de las gzhan pa'i pha rol tu phyin pa rnams bsgoms pas yongs su rdzogs par byed do zhes gsungs pa lta bu'o//ji ltar mi gnas pa'i tshul gyis yongs su rdzogs par byed ce na/ gnas rnam pa lnga yongs su spong ba'i phyir te/ mu stegs can gyi ngar 'dzin pa'i gnas yongs su spong ba dang /de kho na ma mthong ba'i byang chub sems dpa'i rnam par rtog pa'i gnas yongs su spong ba dang / 'khor ba dang mya ngan las 'das pa'i mtha' gnyis kyi gnas yongs su spong ba dang / nyon mongs pa'i sgrib pa spangs pa tsam gyis chog par 'dzin pa'i gnas yongs su spong ba dang /sems can gyi don la mi lta ba phung po'i lhag ma med pa'i mya ngan las 'das pa'i dbyings kyi gnas yongs su spong ba'i phyir ro/ /nyan thos kyi ye shes dang / byang chub sems dpa'i ye shes gnyis la khyad par ci yod ce na/ rnam pa lngas khyad par yod par rig par bya ste/rnam par mi rtog pa'i khyad par ni phung po la sogs pa'i chos la rnam par mi rtog pa'i phyir ro/ /nyi tshe ba ma yin pa'i khyad par ni de kho na zad par rtogs pa dang / shes bya'i rnam pa thams cad la 'jug pa dang / sems can thams cad kyi ched du bya ba'i nyi tshe ba ma yin pa'i phyir ro//mi gnas pa nyid kyi khyad par ni mi gnas pa'i mya ngan las 'das pa'i phyir ro/ /gtan du ba'i khyad par ni mya ngan las 'das pa'i dbyings su zad par mi 'gyur ba'i phyir ro/ /gong na med pa'i khyad par ni de'i gong na de ma yin pa'i theg pa ches khyad par du 'phags pa gzhan med pa'i phyir ro//'dir tshigs su bcad pa/ snying rje'i bdag nyid ye shes kyis/ /rnam lnga khyad par 'phags pa rnams/ /'jig rten 'jig rten 'das pa yi/ /phun sum tshogs dang mi ring brjod/ /gang gi tshe byang chub sems dpa' de ltar lhag pa'i tshul khrims dang /lhag pa'i sems dang / lhag pa'i shes rab kyi yon tan phun sum tshogs pa dang ldan zhing nor thams cad la dbang 'byor pa thob par gyur pa de'i tshe/ ci'i phyir sems can brel phongs can dag snang zhe na/ sems can de dag la de'i bgegs su gyur ba'i las mthong ba dang / longs spyod de nye bar sgrub na dge ba'i chos skye ba'i bar du gcod pa nyid du mthong ba dang / /kun tu skye ba mngon du gyur par mthong ba dang / longs spyod de nye bar sgrub na mi dge ba'i chos sogs pa'i rgyu nyid du mthong ba dang / longs spyod de nye bar sgrub pa nyid de las gzhan pa'i sems can ches mang ba dag la gnod pa'i rgyu nyid du mthong ba'i phyir/sems can brel phongs can dag snang ngo / /'dir tshigs su bcad pa/ las kyi sgrib dang mngon 'gyur dang / /sogs dang gnod byed mthong ba'i phyir/ /byang chub sems dpa' rnams kyis ni/ /sems can longs spyod mi 'thob brjod//de ltar lhag pa'i shes rab kyi khyad par bstan to/ /spong ba'i khyad par ji ltar blta zhe na/ byang chub sems dpa' rnams kyi spong ba ni mi gnas pa'i mya ngan las 'das pa ni gang yin pa'o/ /de'i mtshan nyid ni/ gang nyon mongs pa yongs su btang ba dang bcas pas 'khor ba yongs su mi gtong ba'i gnas te gnas gyur pa'o//de la 'khor ba ni gzhan gyi dbang gi ngo bo nyid de kun nas nyon mongs pa'i char gtogs pa'o/ /mya ngan las 'das pa ni de nyid rnam par byang ba'i char gtogs pa'o/ /gnas ni de nyid gnyi ga'i char gtogs pa ste/ gzhan gyi dbang gi ngo bo nyid do//gzhan gyur pa ni gang gzhan gyi dbang gi ngo bo nyid de nyid kyi gnyen po skyes nas gang kun nas nyon mongs pa'i cha ldog cing rnam par byang ba'i char gyur pa'o/ /gyur pa de yang mdor bsdu na rnam pa drug ste/ nyam chung bar byed cing rgyas par gyur pa ni mos pa'i dbang gis thos pa'i bag chags gnas pa dang /'dzem pa dang bcas pa la nyon mongs pa chung ngu tsam kun tu 'byung ba'am/ kun tu mi 'byung ba'i phyir ro/ /rtogs nas gyur pa ni sar chud pa'i byang chub sems dpa' rnams kyi ste sa drug pa'i bar du de kho na dang de kho na ma yin pa snang ba nye bar gnas pa'i phyir ro/ /bsgoms pas gyur pa ni sgrib pa dang bcas pa rnams kyi ste/sa bcu'i bar du mtshan ma thams cad mi snang ba dang / de kho na snang ba'i phyir ro/ /'bras bu yongs su rdzogs pa'i gyur pa ni sgrib pa med pa rnams kyi ste/ mtshan ma thams cad mi snang ba dang / shin tu rnam par dag pa'i de kho na snang ba dang / mtshan ma thams cad la dbang 'byor pa thob pa'i phyir ro//gyur pa dman pa ni nyan thos rnams kyi ste/ gang zag la bdag med par rtogs pa dang / 'khor ba la shin tu rgyab kyis bltas pas 'khor ba shin tu yongs su gtong ba'i phyir ro/ /gyur pa rgya che ba ni byang chub sems dpa' rnams kyi ste/ chos la bdag med par rtogs pa dang /de nyid la zhi bar mthong bas kun nas nyon mongs pa spong zhing yongs su mi gtong ba'i phyir ro/ /gyur pa dman pa byang chub sems dpa' rnams kyi yin na nyes dmigs ci yod ce na/ sems can gyi don la mi lta bas byang chub sems dpa'i chos nyid las shin tu 'das te/theg pa dman pa pa rnams dang rnam par thar pa mtshungs pa'i nyes dmigs su 'gyur ro/ /byang chub sems dpa' rnams kyi gyur pa rgya chen po la phan yon ci yod ce na/ rang bzhin gnas gyur pa'i gzhis 'khor ba'i chos thams cad la dbang 'byor pa thob pa'i phyir te/ 'gro ba thams cad du sems can thams cad kyi lus ston pas 'dul ba'i thabs la mkhas pa sna tshogs kyis mngon par mtho ba dang /theg pa gsum po dag la 'dul zhing 'god pa ni phan yon no/ /'dir tshigs su bcad pa/ byis pa rnams la yang dag bsgribs/ /yang dag ma yin kun tu snad//de bstsal yang dag thams cad du/ /byang chub sems dpa' rnams la snang / /don med pa dang don yod pa/ /mi snang snang bar shes par bya/ /gnas ni gzhan du gyur pa de/ /'dod dgur rgyu phyir thar pa yin/ /'khor ba dang ni mya ngan 'das/ /mtshungs par shes pa nam skye ba//de tshe de phyir de la ni/ /'khor nyid mya ngan 'das par 'gyur/ /de yi phyir na 'khor ba ni/ /gtong ba ma yin mi gtong min/ /de phyir mya ngan 'das pa yang / /thob pa ma yin mi thob min/ /de ltar spong ba'i khyad par bstan nas/ ye shes kyi khyad par ji ltar blta bar bya zhe na/ sangs rgyas kyi sku gsum po ngo bo nyid dang / longs spyod rdzogs pa dang / sprul pa'i skus ye shes kyi khyad par du blta bar bya'o/ /de la ngo bo nyid kyi sku ni gang de bzhin gshegs pa rnams kyi chos kyi sku ste/ thams cad la dbang sgyur ba'i gnas yin pa'i phyir ro/ /longs spyod rdzogs pa'i sku ni/gang sangs rgyas kyi 'khor gyi dkyil 'khor sna tshogs kyis rab tu phye ba dang / chos kyi sku la brten pa ste/ sangs rgyas kyi zhing yongs su dag pa dang / theg pa chen po chos kyi longs spyod myong bar mdzad pa'i phyir ro/ /sprul pa'i sku ni gang chos kyi sku la brten pa nyid de dga' ldan gyi gnas na bzhugs pa nas bzung ste/'pho ba dang / bltams pa dang / 'dod pa la spyod pa dang / mngon par 'byung ba dang / mu stegs can gyi gan du gshegs pa dang / dka' ba spyod pa dang / mngon par rdzogs par byang chub pa dang / chos kyi 'khor lo bskor ba dang /yongs su mya ngan las 'das pa chen po kun tu ston pa'i phyir ro/ /'dir sdom gyi tshigs su bcad pa / mtshan nyid dang ni 'thob pa dang / /dbang dang gnas dang yongs su bsdus dang / /dbye dang yon tan zab pa dang / /dran dang phrin las sangs rgyas nyid/ /sangs rgyas rnams kyi mtshan nyid ji lta bu zhe na/chos kyi sku'o/ /mdor bsdu na mtshan nyid lngar rig par bya ste/ gnas gyur ba'i mtshan nyid ni sgrib pa thams cad pa kun nas nyon mongs pa'i char gtogs pa'i gzhan gyi dbang gi ngo bo nyid rnam par log na sgrib pa thams cad las rnam par grol zhing chos thams cad la dbang sgyur ba nye bar gnas pa rnam par byang ba'i char gtogs pa gzhan gyi dbang gi ngo bo nyid du gyur pa'i phyir ro//dkar po'i chos kyi rang bzhin gyi mtshan nyid ni pha rol tu phyin pa drug yongs su rdzogs nas/ dbang bcu thob pa'i phyir te/ de la tshe la dbang ba dang / sems la dbang ba dang /yo byad la dbang ba ni sbyin pa'i pha rol tu phyin pa yongs su rdzogs pa'i phyir ro/ /las la dbang ba dang / skye ba la dbang ba ni tshul khrims kyi pha rol tu phyin pa yongs su rdzogs pa'i phyir ro/ /mos pa la dbang ba ni bzod pa'i pha rol tu phyin pa yongs su rdzogs pa'i phyir ro/ /smon lam la dbang ba ni brtson 'grus kyi pha rol tu phyin pa yongs su rdzogs pa'i phyir ro//mngon par shes pa lngas bsdus pa'i rdzu 'phrul la dbang ba ni bsam gtan gyi pha rol tu phyin pa yongs su rdzogs pa'i phyir ro/ /ye shes la dbang ba dang chos la dbang ba ni shes rab kyi pha rol tu phyin pa yongs su rdzogs pa'i phyir ro//gnyis su med pa'i mtshan nyid ni yod pa dang med pa gnyis su med pa'i mtshan nyid kyis chos thams cad dngos po med pa dang / stong pa nyid kyi mtshan nyid kyi dngos po yin pa'i phyir ro/ /'dus byas dang / 'dus ma byas gnyis su med pa'i mtshan nyid ni las dang nyon mongs pa rnams kyis mngon par 'dus ma byas pa nyid dang /'dus byas su snang ba kun tu ston pa la dbang 'byor ba'i phyir ro/ /tha dad pa dang gcig pa gnyis su med pa'i mtshan nyid ni/ de la sangs rgyas thams cad kyi gnas tha dad pa ma yin pa dang / rgyud tshad med pa mngon par rdzogs par byang chub pa'i phyir ro//'dir tshigs su bcad pa/ bdag tu 'dzin pa med pa'i phyir/ /gnas la tha dad yod ma yin/ /sngon gyi rjes su 'brang bas na/ /de la gdags pas tha dad med/ /tha dad rigs phyir don med phyir/ /kun phyir thog ma med pa'i phyir/ /dri ma med pa'i gnas la ni sangs rgyas gcig min mang po'ang min//rtag pa'i mtshan nyid ni de bzhin nyid rnam par dag pa'i mtshan nyid dang / sngon gyi smon lam gyi shugs dang / bya ba yongs su ma rdzogs pa'i phyir ro/ /bsam gyis mi khyab pa'i mtshan nyid ni de bzhin nyid rnam par dag pa de so so rang gis rig par bya ba dang /'jig rten na dpe med pa dang / rtog ge pa'i spyod yul ma yin pa'i phyir ro/ /yang ji ltar chos kyi sku 'di reg pas thog ma nyid du thob ce na/ theg pa chen po'i chos 'dres pa la dmigs pa rnam par mi rtog pa dang / de'i rjes las thob pa'i ye shes rnam pa lnga legs par bsgoms pas thams cad du tshogs legs par bsags pa dang /sgrib pa srab mo gzhig par dka' ba shigs pa'i phyir rdo rje lta bu'i ting nge 'dzin gyis de'i mjug thogs su sgrib pa thams cad dang bral ba'i phyir/ de dag gis gnas gyur pas thob po//yang dbang 'byor ba rnam pa dus chos kyi sku dbang 'byor ba 'thob ce na/ mdor bsdu na rnam pa lngas 'thob ste/ gzugs kyi phung po gyur ba'i phyir zhing dang / lus dang / mtshan dang / dpe byad bzang po dang / dbyangs mtha' yas pa dang / spyi gtsug bltar mi mthong ba la dbang 'byor ba dang /tshor ba'i phung po gyur ba'i phyir kha na ma tho ba med cing tshad med la rgya che ba'i bde bar gnas pa la dbang 'byor pa dang / 'du shes kyi phung po gyur ba'i phyir ming gi tshogs dang / tshig gi tshogs dang / yi ge'i tshogs thams cad kyis bstan pa la dbang 'byor ba dang / 'du byed kyi phung po gyur ba'i phyir/ sprul pa dang / bsgyur ba dang / 'khor bsdu ba dang / dkar po'i chos bsdu ba la dbang 'byor ba dang / rnam par shes pa'i phung po gnas gyur pa'i phyir/ me long lta bu dang / mnyam pa nyid dang / so sor rtog pa dang / bya ba sgrub pa'i ye shes la dbang 'byor pas dbang 'byor pa 'thob bo//chos kyi sku gnas du zhig gi gnas nyid du rig par bya zhe na/ mdor bsdu na gsum gyi gnas te/ sangs rgyas kyi gnas pa sna tshogs kyi gnas ni/ 'dir tshigs su bcad pa/ gang phyir sangs rgyas rang gi dbyings brnyes nas// rnam pa lnga yi bdag nyid dgyes brnyes la/ /de ma thob pas dga' dang bral gyur pa/ /de phyir de 'dod pas na de thob byos/ /mthu dang bya ba grub dang chos ro dang / /don dang yon tan 'byor pa dpag med dang / /rtag tu mi zad gzigs pas sangs rgyas rnams/ /dgyes mchog kha na ma tho med pa brnyes//longs spyod rdzogs pa'i sku sna tshogs kyi gnas ni byang chub sems dpa' yongs su smin par mdzad pa'i phyir ro/ /sprul pa'i sku sna tshogs kyi gnas ni/ phal cher nyan thos rnams yongs su smin par mdzad pa'i phyir ro/ /sangs rgyas kyi chos du zhig gis chos kyi sku bsdus par rig par bya zhe na/mdor bsdu na rnam pa drug gis bsdus te/ sangs rgyas kyi chos rnam par dag pas ni kun gzhi rnam par shes par gyur nas chos kyi sku thob pa'i phyir ro/ /rnam par smin pa bas ni dbang po gzugs can gyur nas rnam par smin pa ba'i ye shes thob pa'i phyir ro/ /gnas pas ni 'dod pa la spyod pa la sogs pa la gnas par gyur nas ye shes tshad med pas gnas pa thob pa'i phyir ro//dbang 'byor ba bas ni yongs su 'dzin pa'i las sna tshogs gyur nas 'jig rten gyi khams thams cad du thogs pa med pa'i mngon par shes pa'i ye shes la dbang 'byor ba thob pa'i phyir ro/ / tha snyad pas ni mthong ba dang / thos pa dang / bye brag phyed pa dang / rnam par shes pa'i tha snyad brjod par gyur nas sems can thams cad kyi sems tshim par bya ba'i bstan pa mkhyen pa la dbang 'byor ba thob pa'i phyir ro/ /sel ba bas ni gnod pa dang / /nyes pa thams cad sel bar gyur nas sems can thams cad kyi gnod pa thams cad sel ba mkhyen pa brnyes pa'i phyir te/sangs rgyas kyi chos 'di drug gis/ sangs rgyas rnams kyi chos kyi sku bsdus par rig par bya'o/ /sangs rgyas bcom ldan 'das rnams kyi chos kyi sku gang yin pa de ci tha dad pa zhes bya ba'am/ tha dad pa ma yin pa zhes bya zhe na/gnas dang / dgongs pa dang / phrin las tha dad pa med pas tha dad pa ma yin pa zhes bya'o/ /lus tshad med pa mngon par rdzogs par byang chub pa'i phyir tha dad pa zhes bya'o/ /chos kyi sku ji lta ba de bzhin du/ longs spyod rdzogs pa'i sku yang dgongs pa dang phrin las tha dad pa med pas tha dad pa ma yin gyi/gnas tha dad pas tha dad pa med pa ni ma yin te/ gnas tshad med pas 'byung ba'i phyir ro/ /sprul pa'i sku yang longs spyod rdzogs pa'i sku bzhin du blta bar bya'o/ /chos kyi sku de yon tan du zhig dang ldan par rig par bya zhe na/shin tu yongs su dag pa'i tshad med pa bzhi dang / rnam par thar pa brgyad dang / zil gyis gnon pa'i skye mched brgyad dang / zad par gyi skye mched bcu dang / nyon mongs pa med pa dang / smon nas shes pa dang / so so yang dag par rig pa bzhi dang / mngon par shes pa drug dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / rnam pa thams cad yongs su dag pa bzhi dang / stobs bcu dang / mi 'jigs pa bzhi dang / bsrung ba med pa gsum dang / dran pa nye bar gzhag pa gsum dang / bag chags yang dag par bcom pa dang /bsnyel ba med pa'i chos nyid dang / thugs rje chen po dang / sangs rgyas kyi chos ma 'dres pa bco brgyad dang / rnam pa'i mchog thams cad mkhyen pa nyid dang / pha rol tu phyin pa drug yongs su rdzogs pa dang ldan no/ /'dir tshigs su bcad pa/ sems can rnams la thugs brtse ba//phrad dang bral bar dgongs pa can/ /mi 'bral dgongs shing bde dang ldan/ /dgongs pa khyod la phyag 'tshal lo/ /sgrib pa kun las nges par grol/ /thub pas 'jig rten kun zil mnan/ /khyod kyi mkhyen pas shes bya khyab/ /sems grol khyod la phyag 'tshal lo//sems can kun gyi nyon mongs kun/ /ma lus pa dag 'dul mdzad pa/ /nyon mongs sel ba snyon rmongs pa/ /brtser bcas khyod la phyag 'tshal lo/ /lhun gyis grub cing chags mi mnga'/ /thogs pa mi mnga' rtag tu yang / mnyam par gzhag cing 'dri kun gyi//lan ldon khyod la phyag 'tshal lo/ /gnas dang gnas pa bshad bya dang / /tshig dang shes pa ston pa la/ /rtag tu blo gros mi thogs pa/ /ston mchog khyod la phyag 'tshal lo/ /ched du bzhud dang de dag gi / tshig dang spyod mkhyen 'ongs pa dang / / 'gro dang nges 'byung sems can la/ /legs 'doms khyod la phyag 'tshal lo/ /sems can kun gyis khyod mthong na/ /skyes bu mchog tu rtogs par 'gyur/ /mthong ba tsam gyis dad 'gyur bar / /mdzad pa khyod la phyag 'tshal lo/ /len dang gnas dang gtong ba dang / /sprul pa dang ni sgyur ba dang //ting nge 'dzin dang ye shes la/ /mnga' brnyes khyod la phyag 'tshal lo/ /thabs dang skyabs dang dag pa dang / /nges 'byung theg pa chen po la/ /sems can rnams la mi slu ba'i/ /bdud 'joms khyod la phyag 'tshal lo/ /ye shes dang ni spangs pa dang / /nges 'byung bgegs byed ston mdzad pa//bdag gzhan don la mu stegs gzhan/ /mi tshugs khyod la phyag 'tshal lo/ /'khor du tshar gcad gsung mdzad pa/ /kun nas nyon mongs gnyis spangs pa/ /bsrung ba mi mnga' bsnyel mi mnga'/ /tshogs sdud khyod la phyag 'tshal lo/ /gshegs bzhugs kun tu rtag par yang //kun mkhyen ma lags spyod mi mnga'/ /khyod ni yang dag don du na/ /kun mkhyen khyod la phyag 'tshal lo/ /sems can kun gyi don mdzad la/ /khyod ni dus las yol mi gda'/ /rtag tu 'bras bu yod mdzad pa/ /mi bsnyel khyod la phyag 'tshal lo//'jig rten kun tu gdugs zhag gcig /lan drug tu ni gzigs mdzad pa/ /thugs rje che dang ldan pa po/ /phan 'dogs khyod la phyag 'tshal lo/ /gshegs dang thugs su chud pa dang / /mkhyen pa dang ni phrin las kyis/ /nyan thos dang ni rang sangs rgyas/ /kun mchog khyod la phyag 'tshal lo//byang chub chen po rnam pa kun/ /sku gsum dag gis brnyes gyur pa/ /kun tu sems can thams cad kyi/ /dogs gcod khyod la phyag 'tshal lo/ /sri ba mi mnga' skyon mi mnga'/ /rnyog pa mi mnga' bzhugs mi mnga'/ /g.yo ba mi mnga' chos kun la//mi spros khyod la phyag 'tshal lo/ /sangs rgyas rnams kyi chos sku ni/ /yon tan 'di dag dang ldan no/ /gzhan yang ngo bo nyid dang / rgyu dang / 'bras bu dang phrin las dang ldan pa dang / 'jug pa'i yon tan rnams dang yang ldan te/ de lta bas na sangs rgyas bcom ldan 'das rnams kyi yon tan bla na med par rig par bya'o//'dir tshigs su bcad pa/ khyod ni dam pa'i don grub ste/ /sa rnams kun gyis 'byung ba lags/ /sems can gyi ni mchog nyid brnyes/ /sems can thams cad rnam 'grel ba/ /mi bas mtshungs pa ma mchis pa'i //yon tan ldan zhing 'jig rten dang / /'khor na gda' la rnam kun tu/ /lha mis mthong ba yang ma lags/ /yang sangs rgyas rnams kyi chos kyi sku ni/ zab pa mchog tu zab pa ste/ de'i zab pa ji ltar blta zhe na/ 'dir tshigs su bcad pa/ skye med sangs rgyas skye ba ste//mi gnas pa la rab tu bzhugs/ /lhun gyis grub par thams cad mdzad/ /zas bzhi po ni gsol ba lags/ /tha dad med cing dpag tu med/ /phrin las dpag tu med cing gcig /mi brtan brtan pa'i phrin las can/ /sangs rgyas rnams ni sku gsum ldan/ /gang yang mngon rdzogs sangs rgyas med//thams cad sangs rgyas ma yin min/ /skad cig re la dpag tu med/ /dngos po'i dngos med rab tu phye/ /chags pa ma yin mi chags min/ /'dod chags nyid kyis byung ba yin/ /'dod chags 'dod chags min mkhyen nas/ /'dod chags chos nyid la yang zhugs/ / sangs rgyas phung po rnams las 'das/ /phung po rnams la'ang rnam par bzhugs / /de las gzhan min gzhan min min/ /de ma btang bas legs par 'das/ /kun kyang 'dres pa'i phrin las can/ /rgya mtshor chu 'dra rgyal ba rnams/ /byas so byed do bya'o zhes/ /gzhan gyi don la dgongs pa med/ / sems can nyes pas mi snang ste/ /snod chag pa yi zla ba bzhin/ /'jig rten kun la nyi bzhin du/ /de dag chos 'od khyab par mdzad/ /la lar rdzogs par byang chub ston/ /la lar me bzhin mya ngan 'das/ /nam yang med pa ma yin te/ /de bzhin gshegs pa rnams kyi sku/ /sangs rgyas 'phags min chos rnams dang //mi dang ngan song pa rnams dang / /tshangs spyod ma yin chos rnams la/ /bdag nyid dang ni bzhugs pa mchog /de dag kun tu rnam par dpyod/ /gang du'ang rnam par dpyod mi mnga'/ /gnas rnams kun tu mthong mod kyi/ /dbang po drug gi spyod yul min/ / nyon mongs thul la spangs pa med/ /sngags kyis bsad pa'i dug dang 'dra/ /sangs rgyas rnams ni nyon mongs las/ /nyon mongs zad pa kun mkhyen brnyes/ /thabs chen rnams dang ldan pa la/ /nyon mongs byang chub yan lag 'gyur/ /'khor ba'ang zhi ba'i bdag nyid de/ /de phyir de bzhin gshegs bsam yas//'di dag ni zab pa rnam pa bcu gnyis su rig par bya ste/ 'di lta ste/ skye ba dang / mya ngan las 'das pa dang / phrin las dang / gnas pa zab pa nyid dang / rnam par gnas pa dang / grangs dang / phrin las zab pa nyid dang / mngon par rdzogs par byang chub pa zab pa nyid dang /'dod chags dang bral ba zab pa nyid dang / phung po spangs pa zab pa nyid dang / sems can yongs su smin par mdzad pa zab pa nyid dang / mthong ba zab pa nyid dang / mngon par rdzogs par byang chub pa nyid dang / mya ngan las 'das pa kun tu ston pa zab pa nyid dang / bzhugs pa zab pa nyid dang / sku kun tu ston pa zab pa nyid dang / nyon mongs pa spangs pa zab pa nyid dang / bsam gyis mi khyab pa zab pa nyid do/ /byang chub sems dpa' rnams chos kyi skur sangs rgyas rjes su dran na/ rjes su dran pa du zhig gis rjes su dran zhe na/ mdor bsdu na byang chub sems dpa' rnams rnam pa bdun gyis sangs rgyas rjes su dran pa sgom ste/'jig rten gyi khams thams cad du thogs pa med pa'i mngon par shes pa brnyes pa'i phyir sangs rgyas bcom ldan 'das rnams ni chos thams cad la dbang sgyur ba'i ngang can no zhes sangs rgyas rjes su dran pa sgom mo//'dir tshigs su bcad pa/ bsgribs shing rgyu dang mi ldan la/ /nges pa gnyis dang ldan pa yi/ /sems can khams la kun tu yang / /sangs rgyas rnams la mnga' dbang byed / /de bzhin gshegs pa rnams rgyun mi 'chad par dri ma las rnam par grol ba nyid kyi phyir de bzhin gshegs pa rnams kyi sku rtag pa'o zhes bya ba dang /nyon mongs pa dang shes bya'i sgrib pa thams cad dang bral ba nyid kyi phyir/ de bzhin gshegs pa rnams mchog tu kha na ma tho ba mi mnga'o zhes bya ba dang / sangs rgyas kyi mdzad pa thams cad lhun gyis grub par rgyud mi gcod pa'i phyir/de bzhin gshegs pa rnams lhun gyis grub pa'o zhes bya ba dang / sangs rgyas kyi zhing yongs su dag pa dang / chos kyi longs spyod che ba'i phyir de bzhin gshegs pa rnams longs spyod chen po mnga' ba'o zhes bya ba dang / 'jig rten du byung yang 'jig rten pa'i chos thams cad kyis mi gos pa'i phyir/de bzhin gshegs pa rnams gos pa med pa'o zhes bya ba dang / mngon par rdzogs par byang chub pa dang / yongs su mya ngan las 'das pa kun tu ston pas yongs su smin par ma byas pa'i sems can rnams yongs su smin par mdzad pa dang /yongs su smin par byas pa rnams rnam par grol bar mdzad pa'i phyir/ de bzhin gshegs pa rnams don chen po'i zhes bya bar sangs rgyas rjes su dran pa sgom mo/ /'dir tshigs su bcad pa/ rang gi sems la rag las dang / /rtag dang dge ldan bstsal mi dgos/ /chos kyi longs spyod chen po rnams//rjes su sbyin mdzad phun sum tshogs/ /dbang du ma gyur rab tu rgyu/ /skye bo mang por de 'dod do/ /sangs rgyas kun gyi 'di dag kun/ /blo ldan rnams kyis rjes dran bya/ /sangs rgyas rnams kyi sangs rgyas kyi zhing yongs su dag pa ji ltar rig par bya zhe na/ byang chub sems dpa'i sde snod stong phrag brgya ba'i mdo sde'i gleng gzhi las ji skad gsungs pa lta bu ste/bcom ldan 'das gzhal med khang chen po rin po che sna bdun mchog tu 'bar ba bkod pa/ 'jig rten gyi khams dpag tu med pa rgyas par 'gengs pa'i 'od zer chen po shin tu 'byung ba/ gnas kyi bye brag shin tu rnam par phye ba tshad med pa rnam par gzhag pa/dkyil 'khor yongs su ma chad pa/ khams gsum pa las yang dag par 'das pa'i spyod yul/ 'jig rten las 'das pa de'i bla ma'i dge ba'i rtsa ba las byung bar dbang sgyur ba'i rnam par rig pa shin tu rnam par dag pa'i mtshan nyid/ de bzhin gshegs pa'i gnas/byang chub sems dpa' chen po'i rten/ lha dang klu dang gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa tshad med pa rnam par rgyu ba/ chos kyi ro'i dga' ba dang bde ba chen pos brtan pa/ sems can thams cad kyi don thams cad mdzad pas nye bar gnas pa/ nyon mongs pa'i gnod pa thams cad dang bral ba/ bdud thams cad yongs su spangs pa/ thams cad kyi bdog pa las lhag pa/ de bzhin gshegs pa'i byin gyi rlabs kyis bkod pa/ /dran pa dang blo gros dang / rtog pa chen pos nges par 'byung ba/zhi gnas dang lhag mthong chen po'i theg pa/ rnam par thar pa'i sgo chen po stong pa nyid dang / mtshan ma med pa dang / smon pa med pa nas 'jug pa/ yon tan gyi tshogs tshad med pas brgyan pa/ rin po che'i pad+ma'i rgyal po chen po bkod pa la brten pa na bzhugs zhes bya ba ste/ de lta bas na sangs rgyas kyi zhing yongs su dag pa 'di'i kha dog phun sum tshogs pa yang yongs su bstan la/dbyibs phun sum tshogs pa dang / tshad phun sum tshogs pa dang / yul phun sum tshogs pa dang / rgyu phun sum tshogs pa dang / 'bras bu phun sum tshogs pa dang / bdag po phun sum tshogs pa dang / phyogs phun sum tshogs pa dang / zha 'bring phun sum tshogs pa dang / ston pa phun sum tshogs pa dang / phrin las phun sum tshogs pa dang / phan 'dogs pa phun sum tshogs pa dang / 'jigs pa med pa phun sum tshogs pa dang / rten phun sum tshogs pa dang / lam phun sum tshogs pa dang /bzhon pa phun sum tshogs pa dang / sgo phun sum tshogs pa dang / gzhi phun sum tshogs pa yang yongs su bstan to/ /yang sangs rgyas kyi zhing yongs su dag pa de'i longs spyod ni shin tu dag pa/ shin tu ba dang / shin tu kha na ma tho ba med pa shin tu dbang sgyur ba'o/ /yang sangs rgyas rnams kyi chos kyi dbyings de ni dus thams cad du phrin las lnga dang ldan par rig par bya ste /mthong ba tsam gyis long ba dang / 'on pa dang / smyon pa la sogs pa'i gnod pa las skyob pa'i phyir sems can rnams kyi gnod pa yongs su skyob pa'i phrin las can dang / mi dge ba'i gnas nas blangs te /dge ba'i gnas la 'jug pa'i phyir ngan song las yongs su skyob pa'i phrin las can dang / mu stegs can thabs ma yin pas thar par bya ba'i phyir brtson pa rnams kyi 'dun pa bzlog nas sangs rgyas kyi bstan pa la rab tu 'god pa'i phyir thabs ma yin pa las yongs su skyod ba'i phrin las can dang /khams gsum las yang dag par 'das pa'i lam nye bar sgrub pa'i phyir 'jig tshogs las yongs su skyob pa'i phrin las can dang / ma nges pa'i rigs can gyi byang chub sems dpa' theg pa gzhan la yang dag par zhugs pa rnams dang / nyan thos rnams theg pa chen po sgrub pa la rab tu 'god pa'i phyir/theg pa las yongs su skyob pa'i phrin las can te/ sangs rgyas thams cad ni phrin las lnga po 'di dag la phrin las mtshungs par blta bar bya'o/ /'dir tshigs su bcad pa/ rgyu dang gnas dang bya ba dang ni bsam pa dang / /'du byed tha dad phyir na de yi dbang gis na//'jig rten rnams kyi las ni tha dad gyur par 'dod/ /de med pas na 'jig rten 'dren pa'i de lta min/ /gal te de ltar nyan thos dang rang sangs rgyas dang thun mong ba ma yin te/ sangs rgyas rnams kyi chos kyi sku yon tan phun sum tshogs pa 'di lta bu 'di dang ldan pa yin na/ dgongs pa gang gis theg pa gcig bstan ce na/'dir tshigs su bcad pa/ kha cig dag ni drang phyir dang / /gzhan yang kun tu gzung ba'i phyir/ /rdzogs pa'i sangs rgyas rnams kyis ni/ /ma nges rnams la theg gcig bstan/ /chos dang bdag med grol mthun phyir/ /rigs ni tha dad gyur pa'i phyir/ / bsam gnyis brnyes phyir sprul pa'i phyir/ /mthar phyin pas na theg pa gcig /de ltar sangs rgyas thams cad kyi chos kyi sku mthun pa yin na/ ci'i phyir sangs rgyas mang por blta zhe na/ 'dir tshigs su bcad pa/ khams gcig na ni gnyis med phyir/ /dpag med lhan cig tshogs bsags phyir//rim gyis 'byung bar mi rigs phyir/ /sangs rgyas mang por rab tu grags/ /sangs rgyas rnams chos kyi skur gtan du yongs su mya ngan las 'da' ba ma yin par ji ltar blta zhe na/ 'dir tshigs su bcad pa/ sgrib pa kun las nges grol phyir/ /mdzad pa rnams kyang ma rdzogs phyir//sangs rgyas gtan du mya ngan 'das/ /mya ngan 'das pa'ang mang bar 'dod/ /longs spyod rdzogs pa'i sku ci'i phyir/ /ngo bo nyid kyi sku ma yin zhe na/ rgyu drug gi phyir te/ de gzugs kyi skur snang ba dang / sangs rgyas kyi 'khor gyi dkyil 'khor tshad med pa dag na tha dad par snang ba dang /mos pa ji lta ba bzhin du mthong bas ma nges pa'i ngo bo nyid du snang ba dang / gzhan dang gzhan du snang bas/ g.yo ba'i ngo bo nyid du snang ba dang / byang chub sems dpa' dang / nyan thos dang / lhag la sogs pa 'khor sna tshogs dang / 'dres pas 'dres par snang ba dang /kun gzhi rnam par shes pa dang / 'jug pa'i rnam par shes pa gnyis gnas gyur pas mi rigs par snang ba'i phyir longs spyod rdzogs pa nyid ngo bo nyid kyi skur mi rigs so/ /sprul pa'i sku ni ci'i phyir ngo bo nyid kyi sku ma yin zhe na/ rgyu brgyad kyi phyir te/ byang chub sems dpa' yun ring po nas mi nyams pa'i ting nge 'dzin thob pa rnams dga' ldan dang mi'i nang du skye bar mi rigs so//skye ba dran pa rnams yi ge dang / rtsis dang / grangs dang / lag rtsis dang / bzo dang / bstan bcos dang / 'dod pa la spyod pa dang / longs spyod mi mkhyen pa mi rigs so/ / nyes par bshad pa dang / legs par bshad pa'i chos bstan pa mi mkhyen pa rnams/ gzhan mu stegs can gyi gan du bzhud pa mi rigs so/ /theg pa gsum gyi lam gyi chos bzang po mkhyen pa rnams dka' ba spyod pa mi rigs so/ /'dzam bu gling bye ba phrag brgya bor te gcig tu mngon par rdzogs par byang chub pa dang /chos kyi 'khor lo bskor bar mi rigs so/ /gal te mngon par rdzogs par byang chub pa bstan pa'i thabs med par yang lhag ma rnams su sprul pa rnams kyis sangs rgyas kyi mdzad pa mdzad do zhe na/ 'o na dga' ldan nyid du mngon par rdzogs par sangs rgyas la/'dzam bu gling thams cad mtshungs par sangs rgyas 'byung bar ci'i phyir mi mngon zhe na/ mi mngon pa las na lung dang rigs pa med do/ /sprul pa mang du byung na/ 'jig rten ni gling bzhi par bsdus pa yin pas de bzhin gshegs pa gnyis 'jig rten du 'byung ba'i mdo dang 'gal ba med de/'khor los sgyur ba'i rgyal po gnyis mi 'byung ba bzhin no/ /'dir tshigs su bcad pa/ sangs rgyas sprul pa phra ba ni/ /rnam kun mngon rdzogs byang chub pa/ /kun tu bstan pa mdzad pa'i phyir/ /mtshungs par mang po mngal du zhugs/ /sems can thams cad kyi don du smon lam btab pa dang /sgrub pa nyid kyis byang chub chen po yang dag par sgrub pas gtan du yongs su mya ngan las 'da' ba mi rung ste/ smon lam btab pa dang / sgrub pa don med par 'gyur ba'i phyir ro/ /longs spyod rdzogs pa dang / sprul pa'i sku gnyis mi rtag pa'i phyir/de bzhin gshegs pa rnams kyi sku rtag pa'o zhes ji skad du bya zhe na/ rgyu mthun pa dang sprul pa'i skur chos kyi sku brten pa'i phyir ro/ /longs spyod rdzogs pa rgyun mi 'chad pa dang / sprul pa yang dang yang ston pas rtag pa nyid du rig par bya ste/ rtag tu bde bar spyod do zhes bya ba bzhin no/ /rtag tu zas sbyin pa zhes bya ba bzhin no//rgyu drug gis ni sangs rgyas bcom ldan 'das rnams sprul pa'i skus gtan du mi bzhugs te/ yongs su smin par bya ba'i sems can rnam par grol bar mdzad pas/ mdzad pa yongs su rdzogs pa dang / sangs rgyas kyi sku rtag par 'dod pas mya ngan las 'das pa la 'dun pa med pa bzlog pa dang /chos zab mo bstan pa khong du ma chud pas sangs rgyas la brnyas pa bzlog pa dang / rgyun du mthong na khyad du bsad pas spro ba skyed pa dang / ston pa mi dmigs pas so so rang gis brtson 'grus bskyed par bya ba dang / so so rang brtson 'grus mi 'dor bas myur ba nyid du yongs su smin par bya ba'i phyir ro//'dir tshigs su bcad pa/ mdzad pa rdzogs par gyur pa'i phyir/ /zhi ba mi 'dod bzlog pa'i phyir/ /sangs rgyas brnyas pa bzlog pa'i phyir/ /spro ba bskyed par bya ba'i phyir/ /so so rang brtson brtsam bya'i phyir/ / myur du yongs su smin bya'i phyir/ /sangs rgyas rnams ni sprul pa'i skus/ /gtan du bzhugs par mi bzhed do/ /sangs rgyas rnams kyi chos kyi sku/ /thog ma med pa'i dus nas dpag tu med du zin kyang / de'i phyir 'bad par mi bya'o/ /'dir tshigs su bcad pa/ gal te sangs rgyas brnyes pa khyad med dpag med pa//sems can rnams kyi der 'bad nyams pa'i rgyu yin na/ /brnyes pa rtag tu rgyu med nyid du gyur pa'am/ /rgyu yi rgyun gcod pa ni rigs pa'i tshul ma yin/ /theg pa chen po bsdus pa/ slob dpon chen po thogs med kyis mdzad pa rdzogs so/ /paN+Di ta dzi na mi tra dang shI len+d+ra bo d+hi dang ban de ye shes sdes bsgyur ba'o / /