CLOSE WINDOW

D4044
བོད་ཡིག

@##/ /rgya gar skad du/ bo d+hi satwa b+hU mi br-it+ti/ bod skad du/ byang chub sems dpa'i sa'i 'grel pa/ sangs rgyas dang byang chub sems dpa' thams cad la phyag 'tshal lo/ /'phags pa 'jam dpal gzhon nur gyur pa la phyag 'tshal lo/ /sems can kun la phan 'dod pas/ / ma mo gang zhig shes pa de/ /shes bya'i pha rol mthar 'gro ba/ /de yi bshad pa brtsam par bya/ /tshigs su bcad pa 'di brtsams pa'i dgos pa gang zhe na/ dgos pa mthong ba'o/ /dgos pa'i don gang don chen po'i don mthong ba ste/ bstan bcos don chen mthong nas ni/ /mnyan pa dang ni gzung ba'i phyir//thos 'dod gus par gyur ba ni/ /dang po tshig gis dgos pa yin/ /zhes gsungs pas so/ /ma mo'i don chen po mthong bas / tshigs su bcad pa 'di yang don che ba nyid kyis/ yang 'di nyid kyi don che ba'i ngo bo ni brjod par bya ba ma yin no/ /'gro ba zhes bya ba ni 'thob pa'o/ /yang na rtogs pa ste/ye shes mthong ba'i don du 'gro bas so/ /tshig gcig la yang nges par bzung ba mthong ba'i phyir te/ 'di lta ste chu 'thung dang rlung za zhes bya ba lta bus na/ 'gro ba zhes bya ba nges par gzung ba'i don du rtogs par bya'o/ /gzhan du na tshig la nus pa med par 'gyur ro/ /'gro ba ni song bar gyur pa dang / 'ong bar 'gyur ba dang / 'gro ba ste/ 'di lta ste/ ri ni gnas so zhes bya ba lta bu'o/ /shes bya zhes bya ba ni shes par bya ba'o / /de'i mtha' ni shes bya'i mtha'o/ /'dir pa ri'i ri nye bar bsgyur ba ni khyab pa dang kun du'i don te/ kun dang khyab pa'i mtha' ni pa ri an ta ste/ mthar 'gro ba'o/ /gang zhig shes pa zhes bya ba ni gang de shes pas yin gyi/gzhan gyis ni ma yin la shes pa yin gyi mi shes pa ni ma yin no/ /gang zhig shes pas shes bya'i pha rol mthar 'gro ba de gang yin zhe na/ byang chub sems dpa'i sde snod rgyas pa ste/ shes bya'i pha rol mthar 'gro ba gzhan dag la ma mthong ba'i phyir ro/ / de'i ma mos ni shin tu rgyas pa'i mtshan nyid can gyi shin tu rgyas pa'i sde snod kyi ma mo zhes bya ba ste/ ma mo dang 'dra bas na ma mo'o/ /ji ltar yi ge'i ma mo ma gtogs pa'i bstan bcos mi dmigs pa de bzhin du/ byang chub sems dpa'i sar bstan pa'i mtshan nyid dang bral ba'i shin tu rgyas pa'i sde snod ma mthong ba'i phyir ro//de'i zhes bya ba ni ma mo'i'o/ /gang gis ci tsam zhe na/ smras pa/ sems can kun la phan 'dod pas so/ /sems can thams cad la phan par 'dod pa ni legs par byed pa ste/ sems can kun la phan par 'dod pa'o/ /ji lta bu'i phan pa zhig ce na/ bshad pa ma mo'i don bstan pa'o/ / de bstan pas kyang rgya chen po'i sde snod kyang bstan par 'gyur bas tshigs su bcad pa 'di'i bsdus pa'i don ni de yin no/ /byang chub sems dpa'i sa'i sde 'di'i bsdus pa'i don ni/ rnal 'byor gyi gzhi'i gnas dang / rnal 'byor gyi gzhi'i bdag nyid kyi gnas dang / rnal 'byor gyi gzhi'i mtha'i gnas so//rnal 'byor gyi gzhi'i gnas ni le'u bco brgyad do/ /rnal 'byor gyi gzhi'i sgrub pa'i chos ni le'u bzhi'o/ /rnal 'byor gyi gzhi'i mtha' ni le'u lnga ste/ gang de ni chos bcu po 'di dag ni theg pa chen po byang chub sems dpa'i lam 'bras bu dang bcas pa sdud par byed pa yin no//bcu gang zhe na/ gzhi dang / rtags dang / phyogs dang / lhag pa'i bsam pa dang / gnas pa dang / skye ba dang / yongs su 'dzin pa dang / sa dang / spyod pa dang / rab tu gnas pa'o zhes bya ba'o/ /grangs bcur bsdus pa ni grangs nges par gzung ba'i don te/ bcu las mi mang zhing mi nyung ngo //theg pa chen po sdud par byed pa yin no zhes bya ba la/ phyin par byed pas na theg pa'o/ /de ni theg pa yang yin la chen po yang yin pas theg pa chen po ste/ 'chad par 'gyur ba'i chen po nyid rnam pa bdun gyi tshul gyis so/ /rab tu gnas pa'i le'u ni 'bras bu nyid yin pas na/theg pa chen por ma bsdus pas des na byang chub sems dpa'i lam 'bras bu dang bcas pa zhes bstan to/ /'dis thob par byed pas na lam mam thob par bya bas na lam ste/ 'di ltar ye shes dang thob par bya ba'i 'bras bu ni lam zhes bstan par 'gyur ro/ /de lta bu'i mtshan nyid can gyis theg pa chen pos ni rab tu gnas pa'i le'u yang 'di ltar bsdus par 'gyur ro//'dis 'dzin par byed pas na rten te/ gang gi phyir brten pa la ltos nas rten nyid yin na/ gang gi rten yin zhes brten pa 'dri bas/ de lta bas na skal ba dang ldan pa zhes smras so/ /de bzhin du gzhan la yang sbyar bar bya'o//yang dag par rdzogs pa'i byang chub yongs su rdzogs zhes ci'i phyir brjod/ 'di ltar yang dag par rdzogs pa'i byang chub 'thob ces mi brjod ce na/ rnam pa thams cad shin tu gnas gyur pa'i mtshan nyid can ni byang chub yin la/ sbyin pa la sogs pa'i sbyor ba tsam gyis ni mi thob bo//'on kyang sbyin pa la sogs pa'i rim gyis gang glo bur pa'i dri ma bsal nas/ mthar rdo rje lta bu'i ting nge 'dzin la yang dag par brten pa'i lam ni byang chub bo/ /gang zag rigs la gnas pa zhes bya ba la sogs pa gsungs pa'i gzhung gis ci zhig bstan/ rigs la gnas pa'i rten rnams yod na yang rigs nyid gtsor brten zhes rab tu bstan te/ rigs med na gzhan yod na yang rnam pa thams cad du bla na med pa yang dag par rdzogs pa'i byang chub mngon par rdzogs par 'tshang rgya ba med pa nyid yin la/ rigs yod na ni dus gzhan na sems bskyed pa la sogs pa byas nas bla na med pa yang dag par rdzogs pa'i byang chub mngon par rdzogs par 'tshang rgya ba'i phyir ro//rigs ji lta ba bzhin du dang po sems bskyed pa dang / byang chub sems dpa'i spyod pa thams cad kyang de bzhin no/ /ci ltar rigs la gzhi zhes brjod cing nye bar rtog pa la sogs pa brjod pa ltar/dang po sems bskyed pa la yang gzhi dang rtog pa la sogs par brjod do/ /de la yang rigs zhes bya ba ni/ rang bzhin gyis gnas pa'i rigs so/ /'bras bu med pas cha phra ba zhes bya ba ni/ 'bras bu mi dmigs pa'i don to / /'bras bu la ltos nas rigs yod par shes kyi gzhan dag tu ni ma yin no//bdag la phan pa'i phyir zhugs pa zhes bya ba la sogs pa la/ dge ba la spyod pa ni phan pa zhes brjod do/ /bde ba ni gnod pa ma yin pa'o/ /snying brtse ba ni 'di na la la mi gnod pa'i dge ba la spyod pas gzhan dag la brtse ba'o/ /'dod par bya ba nyid dang don dang ldan pa nyid kyis don yin la gang 'dod par bya ba nyid dang kha na ma tho ba med pa nyid kyis phan pa dang bde ba'o//gang dag dge ba spyod pa la 'jug pa rnams ni mi ste/ rgyal rigs la sogs pa'o/ /gang dag sangs rgyas 'byung ba dang / legs par gsungs pa'i chos dang / legs par spyod pa'i dge 'dun la mang du zhugs pas phan pa 'byung bar 'gyur/ bde ba 'byung bar 'gyur zhes gsungs so/ /yang de ni bdag la phan pa dang bde ba byas nas 'jig rten la snying brtse bas/ 'di snyam du sems par 'gyur te/ ji ltar gzhan dag la phan pa dang / bde ba dang / ldan par bya snyam mo/ /gzhan dag kyang 'di snyam du sems te/ ji ltar bdag kyang 'di ltar 'gyur snyam mo/ /des na don dang phan pa dang bde ba zhes bya'o/ /lha dang mi rnams zhes bya ba ni/ don shes pa dang / bsgrub pa la nus pa dang ldan pas lha dang mi'o/ /sbyin pa'i pha rol tu phyin pa'i rigs kyi rtags ni mdor bsdu na rnam pa gsum ste/zang zing gi sbyin pa dang / chos kyi sbyin pa dang / mi 'jigs pa'i sbyin pa'o/ /sbyin pa'i rtags gsum po de rnams las/ de la re zhig dang por zang zing gi sbyin pa'i rtags ni yod cing bdog pa ni rtags gsum ste/ sbyin pa'i bdag nyid can dang / sbyin 'dod pa'i bsam pa nyid dang /rtag tu rgyun mi 'chad par bgo bsha' byed pa'i ngang tshul can dang / sbyin pa'i dus su rab tu dga' ba'i sems kyis ster ba'o/ /med cing mi bdog na yang chung na yang bgo bsha' byed pa dang / bsam pa ni sbyin par bya ba'am mi sbyin zhes sems dang 'thab mo byas na sbyin pa ma yin/de bzhin ser sna'i phyogs kyi gnyen po dang / rgud pa'i gnyen pos sbyin pa ni ngo tsha'o zhes de ltar re zhig sbyin pa la bdag nyid sgrub pa'o/ /gzhan la sgrub pa la yang rnam pa gnyis te/ gzhan sbyin pa la ma zhugs pa la sgrub pa dang / sbyin pa la zhugs pa la sgrub pa'o/ /sbyin pa la ma zhugs pa la yang rnam pa gnyis te/sbyin pa'i phan yon mi shes pa'i skye bo rmongs pa dang / bag med cing zhum pa ste/ rmongs pa rnams la bstan pa dang / bag med pa'i ngang tshul can rnams nye bar 'dun par bya'o / /yang dag par zhugs pa rnams la yid dga' ba dang yid bde ba ste/ sbyin pa pa la ni yid dga' la/sbyin pa la rjes su yi rang ba ni yid bde ba'o/ /chos kyi sbyin pa las brtsams nas bstan pa bla ma rnams zhes bya ba de la/ chos kyi phyir sbyin pa'am/ chos sbyin pa'o/ /de la chos kyi phyir sbyin pa'i dbang du byas nas bla ma rnams zhes bya ba la sogs pa gsungs pa de la/ mkhan po dang slob dpon ni pha ma'o/ /rgan rabs ni gang rab tu byung ba tshangs pa mtshungs par spyod pa'am los rgan pa'o/ /yon gnas ni yon tan dang ldan pa'o/ /bkur sti bya bar 'os pa ni yon tan dang ldan pa'i bye brag gam/ yang na gzhan yang bkur sti bya bar 'os pa'o/ / chos kyi sbyin pa'i dbang du byas nas/ dris kyang rung ma dris kyang rung zhes bya ba la sogs pas bstan to/ /mi 'jigs pa sbyin pa'i dbang du byas nas bstan pa ni/ rgyal po dang dgra zhes bya ba la sogs pas bstan te/ mi 'jigs pa la rjes su sbyin pa lus sam ngag gis bdag gi dngos po nyams pa las yongs su bsrung ba'o//longs spyod nyams pa la mi 'jigs pa sbyin pa ni/ gtams zhes bya ba la sogs pa la/ 'jigs nas pha rol rang gis gzhag pa'am bdag gis skyin por blangs pa la slu bar mi byed de/ de ji ltar chad pa'i skyed dang bcas par sbyin gyi dor yang mi byed la/ 'bros par yang mi byed do/ /rang gi rigs rgyud la yang zhes bya ba ni gnyis kyi phan tshun no/ /nor bu dang mu tig dang bai DUr+ya zhes bya ba la sogs pa ni tshong pa rnams kyi tha snyad du bya ba'o/ /longs spyod dang zhugs pa dang sbyin pa'i sems gsum du gyur pa'i sbyin pa dang / longs spyod pa dang zad pa zhes bya ba la/sbyin pa'i dbang du byas pa ni bshad zin to/ /longs spyod kyi dbang du byas nas brjod pa ni/ rang bzhin gyis longs spyod rgya chen po zhes bya ba la sogs pa bstan to/ /longs spyod de yang don dang ldan pa'i longs spyod dang / don dang mi ldan pa'i longs spyod do/ /don dang ldan pa'i longs spyod kyi dbang du byas pa ni/longs spyod de lus bde bar byed pa'o/ /yid mgu bar byed pa ni yongs su spyod pa ste/ las kyi mtha' rgya chen po dag la mos pas sgrub pa'o/ /gang 'jig rten na zhugs pa zhes bya ba la sogs pa ni/ phyin ci log gi longs spyod dgag pa'i dbang du byas nas bstan pa'o//'dod chags dang bral ba thob par 'gyur zhes bya ba ni/ zhugs pa thob pa rnams las ngo tsha dang khrol yod pa bstan pa'o/ /ma 'ongs pa'i ni/ longs spyod rgya chen po dag rnyed na zhes bya ba ste/ sngar gyi ni gtang bar bya ba rab tu bstan pa yin la/ 'di ni sbyin par bya ba'i rdzas 'thob par 'gyur ba yin no//tshul khrims kyi pha rol tu phyin pa'i rigs kyi rtags bsdus pa'i don ni/ tshul khrims rnam pa gsum gyi rtags rnams te/ sdom pa'i tshul khrims dang / dge ba chos sdud pa dang / sems can gyi don bya ba'i tshul khrims kyi'o/ /de la sdom pa'i tshul khrims kyi dbang du byas nas/lus dang ngag gi las zhes bya ba las brtsams pa'o/ /mi dge ba zhes bya ba la ni rang la mi phan pa byed pa'o/ /shin tu drag po'i zhes bya ba ni/ de'i mi mthun pa'i phyogs spong ba'o/ /sems can la shin tu gnod pa ma yin zhes bya ba ni/ srog gcod pa spangs pa'i tshul khrims kyi dbang du byas nas bstan pa ste/sbyor ba'i dus kyi'o/ /byas su zin kyang zhes bya ba ni mjug gi dbang du byas nas bstan pa'o/ /de yang 'dzem bzhin du zhes bya ba ni dngos po bzhi'i dus su'o/ /dga' bzhin pas ma yin zhes bya ba ni mi mthun pa'i phyogs spong ba'o/ /'di lta bu ni re zhig srog gcod pa'i las kyi lam gyis bsdus pa'i dbang du byas pa'o//lag pa dang bong pa zhes bya ba la sogs pa ni/ las kyi lam gyis bsdus pa'i dbang du byas pa ste/ rang bzhin gyis mnyes gshin zhes bya ba la sogs pa ni srog gcod pa la yang ngo / /dge ba chos sdud pa'i tshul khrims kyi dbang du byas nas/rang bzhin gyis kyang bsod nams la dga' ba yin zhes bya ba'i bar du'o/ /sems can gyi don bya ba'i tshul khrims kyi dbang du byas nas bshad pa/ sems can phan 'dogs pa zhes bya ba'i bar nas/ ma byin pa len pa spong ba'i tshul khrims kyi rtags kyi dbang du byas nas sems can gyi don bya ba'i tshul khrims ni ji ltar rtags dang mtshan ma la ltos la sbyar bar bya ste/bdag gis ni phyogs tsam bstan to/ /gnod pa byed pa la mi mjed pa'i bzod ba'i rtags ni 'dir rtags zhes bstan to / /gnod pa byed pa la mi bzod pa ni shin tu smad pa'i phyir ro//gnod pa byas kyang mi bzod pa mi byed la zhes bya ba ni/ lus dang ngag dag gis mi byed pa'o/ /gros btab na yang myur du nyan par byed la zhes bya ba ni lus dang ngag gis so/ /zhe la mi 'dzin zhes bya ba ni sems kyis so/ /yun ring du khon du mi byed ces bya ba ni/ smra'am mi smra'ang rung zhes bya ba'i don to//brtson 'grus kyi pha rol tu phyin pa'i rigs kyi rtags rnams kyi bsdus pa'i don ni rnam pa drug ste/ byang chub sems dpa' brtson pa gang dang ldan pas/ rnam pa thams cad du brtson 'grus brtsams pa dang / brtan pa dang ldan pa dang / brtson 'grus dang ldan pa dang /spro ba dang / pha rol gnod pa dang / blangs pa mi 'dor ba zhes bya'o/ /brtson 'grus rnam pa drug po 'di dag ni rtags zhes bstan te/ ji ltar byas nas she na/ dus rtag tu sbyor ba nyid dang / rtag tu brtson pa nyid ni brtson 'grus brtsams pa zhes brjod de/ de'i rtags ni rang bzhin gyis 'bad pa dang ldan pa yin te/nang par sngar ldang zhing dgongs kha nyal bar byed ces bya ba'o/ /sbyor ba mi zhan pa rtag tu bya ba la brtson pa ni brtan pa dang ldan pa zhes brjod de/ de'i rtags ni gnyid kyi bde ba dang / nyal ba'i bde ba dang / glos dbab pa'i bde ba ha cang nyams su len par mi byed ces bya ba'o//sngon gyi rgyu'i stobs kyis bskos pa'i rgyu mthun pa can ni brtson 'grus dang ldan pa zhes brjod do/ /de'i rtags ni bya ba zhig byung na don de 'grub par bya ba'i phyir byed mi 'dod pa dang / le lo zil gyis mnan te/ so sor brtags nas brtson pa de'i bya ba de mngon par rdzogs par byed ces bya ba'o//sbyor ba dang ldan pa'i brtson 'grus kyis so sor brtags nas sbyor ba nyid ni sbyor ba zhes bya ste/ de'i rtags ni bya ba thams cad brtson pa la yang nges pa yin zhes bya ba'o/ /mi 'khrugs pa'i brtson 'grus kyi sdug bsngal gyis reg pa thams cad kyis mi 'khrugs pa'i phyir dam bcas pa'i dngos po las gzhan du mi 'gyur ba nyid ni pha rol gnod pa zhes bya ste/de'i rtags ni ma byas sam ma zin gyi bar du thams cad kyi thams cad du brtson pa mi 'dor zhing / bar ma dor yang sgyid lug par mi byed pa dang zhes bya ba'o/ /chog mi shes pa'i brtson 'grus kyi don gyi khyad par chung ngu rtogs pas chog mi shes pa ni dge ba'i chos la blangs pa mi 'dor ba zhes brjod de/de'i rtags ni/ don gyi mchog rgya chen po dag la yang sems zhum par mi byed cing / bdag la khyad du gsod par mi byed pa dang / bdag gis ni 'di dag rtogs par nus te/ zho sha dang ldan pa'o zhes spro ba skyed pa dang zhes bya ba ste/de lta bu ni re zhig go cha'i brtson 'grus kyi rtags bstan pa'o/ /da ni dge ba chos sdud pa'i brtson 'grus kyi dbang du byas nas bstan pa ni/ tshogs chen po'i nang du 'gro ba'am/ gzhan dag dang 'gyed pa'am/ phyir brgal ba'am/ de las gzhan pa'i las dka' ba dag la yang brtan pa yin zhes bya ba'o//sems can gyi don bya ba'i brtson 'grus kyi rtags kyi dbang du byas nas bstan pa ni/ don dang ldan pa'i brtsal ba chen po dag la yang skyo bar mi byed na chung ngu dag la ci smos te zhes bya ba'o/ /bsam gtan gyi pha rol tu phyin pa'i rigs kyi rtags bsdus pa'i don ni/ting nge 'dzin 'dod pa'i slob ma gnas lnga la nges par sbyar bar bya ste/ 'di lta ste/ sems rtse gcig pa nyid dang / rab tu dben pa dang / sgrib pa rnam par sbyang ba dang yid la byed pa goms par bya ba dang / sdom pa srung zhing spel bar bya ba ste/ de dag ni bsam gtan gyi pha rol tu phyin pa'i rigs kyi rtags te/'di la chos kyi don la nges par sems pa ni/ rang bzhin gyis g.yeng ba mi mang ba yin zhes bya bas ni sems rtse gcig pa nyid kyi rtags so/ /dgon pa dang nags tshal gyi gnas zhes bya ba la sogs pas ni rab tu dben pa'i rtags so//rang bzhin gyis kyang nyon mongs pa shas chung zhing sgrib pa shas chung la/ gnas ngan len shas chung ba yin no zhes bya ba ni/ sgrib pa rnam par sbyong ba'i rtags so/ /rab tu dben pa la gnas shing zhes bya ba ni/ yid la byed pa goms par byed pa'i rtags kyi dbang du byas pa'o/ / mi dga' ba med pa yin zhes bya ba la sogs pa ni sdom pa srung zhing spel ba'i rtags te/ de dag ni bsam gtan gyi pha rol du phyin pa'i rigs kyi rtags so/ /de la khyad par ni 'di yin te/ go rims bzhin du ma bstan te de'i ting nge 'dzin gyi sdom pa bsrung ba dang / spel pa dang sems rtse gcig pa dang /sgrib pa rnam par sbyang ba dang / yid la byed pa goms par byed pa zhes bya ba de lta bu'i don ni byang chub sems dpa'i dbang du byas nas de'i rjes su 'brangs nas bstan par rig par bya'o/ /shes rab kyi pha rol tu phyin pa'i rigs kyi rtags rnams bsdus pa'i don ni shes rab kyi pha rol tu phyin pa'i le'u las byang chub sems dpa'i shes rab kyi ngo bo nyid bstan pa'o//shes bya thams cad la 'jug pa'i phyir zhes bya ba ni/ shes bya thams cad la rjes su 'jug pa dang / gang chos rnams la so sor rtog pa ste/ rig pa'i gnas lnga la dmigs nas 'jug pa nyid do//de'i rtags ni rig pa'i gnas thams cad la shes pa 'jug pas/ lhan cig skyes pa'i shes rab dang ldan pa'i phyir yid mi rtul ba yin zhes bya ba la sogs pa ste/ de dag ni lhan cig skyes pa'i shes rab de'i khyad par rnams so/ /rang bzhin gyis de ltar yon tan dang ldan pa zhes bya ba ni/rang bzhin gyis yon tan dang ldan pas phyin ci log gi yid la byed pa'i sems ma dag pa spong bar byed pa'o/ /ji lta bu zhe na/ smras pa/ bzang la ste/ cang shes lta bur bzang ba'o/ /dge ba ni gser bzang po lta bu ste/ ji ltar dge ba zhe na/ dkar po'i chos dang ldan pa nyid kyi phyir ro//bskyed par dka' ba zhes bya ba ni thob par dka' ba'o/ /gtso bor gyur pa zhes bya ba ni/ thams cad las shin tu khyad par du 'phags pa'o/ /bsam gyis mi khyab pa zhes bya ba ni so sor rang gis rig pa'o/ /mi g.yo ba zhes bya ba ni yongs su nyams pa med pa'o/ /bla na med pa zhes bya ba ni 'di las gzhan pa'i gong mar gyur pa med pa'o//de las gzhan pa'i sems can ngan song du skyes pa rnams las rgyu'i khyad par gyis khyad par du 'phags pa ste/ mi dge ba'i las mang du ma byas pa des na myur du ldog pa'o/ /sems can rnams la tshor ba drag po bdag gis mi bskyed la/gzhan gyis byas pa'i tshor pas sems can rnams sdug bsngal ba mthong na skyo ba skyed pa dang / snying rje'i sems bskyed pa ste/ de dag thams cad ni rigs kyis byas pa nyid do/ /dkar po'i chos dang mi mthun pa'i nye ba'i nyon mongs pa bzhi po'i bsdus pa'i don ni/ rgyu las gyur pa dang / rkyen gyi mtshan nyid ces bya ba ste/ rgyu las gyur pa ni gcig go/ /gsum ni rkyen las gyur pa'o/ /rkyen yang rnam pa gnyis te/ phyi'i dang / nang gi'o/ /phyi yang rnam pa gnyis te/ byang chub 'thob pa la mi phan pa dang / de 'thob pa la bar du gcod pa'o/ /nang gi ni 'tsho ba la ltos pa'i mtshan nyid kyis tshul bzhin ma yin pa yid la byed pa dang /rigs phun sum tshogs na yang bla na med pa yang dag par rdzogs pa'i byang chub par mi nus pa'o / /rgyu bzhi'i bsdus pa'i don ni/ rgyu rnams las dang po gsum ni rkyen no/ /tha ma'i bzhi pa ni rgyu ste/ dad pa dang 'dun pa dang skyed pa'i rkyen dang bral ba dang /bdag nyid thabs ma yin pa la sbyor ba dang / brtson 'grus g.yel ba'o/ /rigs kyi le'u'i bsdus pa'i don ni/ rigs ni byang chub 'thob pa'i rgyu'i gtso bo nyid du bsgrub pa dang / rigs kyi rnam grangs dang / rigs kyi mtshan nyid dang / rigs kyi dbye ba dang / rigs gzhan las byang chub sems dpa'i rigs khyad par du 'phags pa nyid dang / de khyad par du 'phags pa'i rgyu'i khyad par dang / de'i rtags rnam par gzhag pa dang / ngan song du skyes par mtshungs na yang de las gzhan pa'i rigs las byang chub sems dpa'i rigs kyi khyad par du 'phags pa dang /dkar po'i chos dang 'gal ba'i nye ba'i nyon mongs pa dang / rigs phun sum tshogs pa na yang byang chub mi thob pa'i rgyu zhes bya ba ste/ dang po bzhi ni rigs gsum gyi thun mong yin no/ /gzhan rnams ni byang chub sems dpa'i rigs kyi khyad par ston pa'o //dang po bzhi ni rigs gzhan la yang yod pas thun mong gi don to/ /gnyis pa ni bstan pa 'di la de yod par rab tu bstan pa'i don to/ /rigs kyi mtshan nyid dang / rigs kyi dbye ba ni shes par bya ba'i don du'o/ /rigs gzhan las khyad par du 'phags pa nyid du bstan pas ni byang chub sems dpa' 'jig rten thams cad las shin tu khyad par du 'phags pa'i yon tan nyid du bstan pa'i don to//de khyad par du 'phags pa'i rgyu'i khyad par ni rnam pa bzhi ste/ rnam par grol ba las gyur pa dang / thog ma dang bar ma dang tha ma las gyur pa dang / bde 'gror skyes pa dang /ngan 'gror skyes pa'i khyad par ro/ /de la rnam par grol ba las gyur pa ni/ nyan thos dang rang sangs rgyas thams cad kyi rigs las zhes bya ba la sogs pas bstan to/ /thog ma dang / bar ma dang tha ma las gyur pa ni rnam pa bzhi ste/ dbang po las gyur pa dang / bsgrub pa las gyur pa dang /mkhas pa las gyur pa dang / 'bras bu las gyur pa'o/ /de la dang po ni dbang po'i'o/ /bar ma ni bsgrub pa'i'o/ /mkhas pa dang 'bras bu ni tha ma'i'o/ /bde 'gror skyes pa las gyur pa ni khyad par gyi dbang du byas pa'i rtags so/ /ngan 'gror skyes pa las gyur pa'i khyad par gyi dbang du byas pa ni/'di la byang chub sems dpa' ni yun ring po zhig na zhes bya ba la sogs pa'i gzhung yin no/ /dkar po'i chos dang mi mthun pa dang mi thob pa'i rgyu la rgol ba dang / lan gdab pa las brtsams nas/ byang chub sems dpa' rnams rang bzhin gyis yon tan dang ldan zhing dkar po'i chos dang ldan na gang gis na dus rtag tu dkar po'i chos dang mi ldan zhe na/de lta bu'i rgol ba'i lan gdab par gsungs pa/ ji srid dkar po'i phyogs kyi chos dang mi mthun pa nye ba'i nyon mongs pa bzhi las ma lus pa'am 'gas kyang nyon mongs par ma gyur na skyed par dka' ba gtso bor gyur pa bsam gyis mi khyab pa mi g.yo ba bla na med pa de bzhin gshegs pa'i go 'phang thob pa nyid de/rgyu'i ngo bo dang ldan pa ni yin gyi/ gzhan dang ldan na ni ma yin pas so/ /gal te de yod pa nyid yin na gang gis bla na med pa'i go 'phang 'thob par mi 'gyur zhe na/ rgol ba 'di'i lan gdab pa'i don ni/ rgyu bzhis bla na med pa yang dag par rdzogs pa'i byang chub mngon par rdzogs par 'tshang rgya bar mi nus so zhes bya ba la sogs pa'o/ /byang chub sems dpa'i sa'i gzhi'i rnal 'byor gyi gnas las/ dang po'i rim par phye ba'o// //de las gzhan pa'i yang dag pa'i smon lam rnams bsdus pa yin zhes bya ba ni sems bskyed pa de las gzhan pa'i yang dag pa'i smon lam bsdus pa'i phyir rten nyid du bstan to//sems can thams cad kyi don yang byed cing zhes bya ba ni/ yongs su mya ngan las 'das pa'i rigs can rnams kyi dbang du byas pa'o/ / sems can thams cad shin tu mthar thug pa'i mya ngan las 'das pa la 'god pa zhes bya ba ni/ nyan thos dang rang sangs rgyas kyi rigs can gyi dbang du byas pa'o/ /de bzhin gshegs pa'i ye shes zhes bya ba ni/ sangs rgyas kyi rigs can gyi dbang du byas pa'o/ /sems bskyed pa de ni dge ba ste/ci ltar byas nas she na/ byang chub kyi phyogs rnams kyi dge ba'i rtsa ba thams cad kyi mtshan nyid ni shes rab la sogs pa'i ngo bo nyid yin la/ de rnams sdud pa'i phyir dge ba'o/ /ji ltar sdud ce na/ smras pa/ de rnams kyi thog mar 'gro ba'i don gyi phyir ro/ /mchog tu legs pa'i yon tan dang ldan pa'i phyir dge ba'am/shes rab dang snying rje'i dge ba'i rtsa ba dang ldan pas kyang snying rje ni zhe sdang med pa'i mtshan nyid can no/ /de bzhin du rgyu gnyis dag gis dge ba kho na ste/ dge ba'i rtsa ba yon tan du byed pa nyid dang / dge ba'i rtsa ba yang dag par sbyor ba'o/ /gzhan yang sems can thams cad la brten pa'i lus dang ngag dang yid kyi nyes par spyod pa dang mi mthun pa'i phyir dang /mi dge ba'i rtsa ba yang dag par sbyor ba'i kun nas slong ba srog gcod pa la sogs pa nyes par spyod pa dang mi mthun pa'i phyir yang dge ba'o/ /yang na mchog tu dge ba'i yon tan nyid kyis dge ba ste/byang chub kyi phyogs kyi dge ba'i rtsa ba'o/ /'di ltar yang dag par sdud pa de dag kyang byang chub kyi phyogs kyi chos rnams kyi thog mar 'gro ba'i phyir dge ba'o/ /bzang ba ni gzhan la phan pa'i phyir zhugs pa nyid do/ /mi 'gyur ba nyid kyis na legs pa'o/ / 'di ltar bstan par 'gyur te/ lnga po 'di dag gi ngo bo ni gang / sems bskyed pa'i mtshan nyid ni gang / rnam pa ni gang / dmigs pa ni gang dang yang dag par ldan/ khyad par gang gis khyad par du 'phags pa'i chos dang mtshungs par ldan par 'byung zhes bya ba ni rigs dang 'jug pa dang nges par 'byung ba zhes bya ba'i sa rnam pa gsum ste/des na sa'i rigs gsum gyis bsdus pa nyid de/ de la 'jug pas bsdus pa bstan pa ni/ sems bskyed pa de ni bla na med pa yang dag par rdzogs pa'i byang chub kyi rtsa ba zhes bya ba ste/ rgyu zhes bya ba'i don to/ /gang gi 'bras bu yin zhe na/ smras pa/ snying rje'i rgyu mthun pa zhes bya ba'o/ /cho 'phrul bsam gyis mi khyab pa ni/ cho 'phrul rnam pa gsum ste/ rdzu 'phrul dang / kun brjod pa dang / rjes su bstan pa'i cho 'phrul lo/ /gzhan mngon par shes pa la sogs pa mdo las ji ltar 'byung ba'i grong khyer du 'jug pa na long ba rnams kyis mig thob par 'gyur zhes bya ba la sogs pa ni mthu'o//mthu de gang las thos pa dang mthong ba ste/ yid ches pa dang / mngon sum gyi tshad mas nye bar dmigs pa dang / mi slu ba'i lung gis bstan pa'o/ /gang la gnas par gyur pa zhes bya ba ni de bzhin gshegs pa'o//zhugs par gyur pa zhes bya ba ni/ byang chub sems dpa'o/ /bla na med pa yang dag par rdzogs pa'i byang chub las brtsams te zhes bya ba ni/ nyan thos kyi theg pa'i dam pa'i chos la yang bla na med pa yang dag par rdzogs pa'i byang chub las brtsams nas nyan pa'o/ /byang chub sems dpa'i sde snod ces bya ba ni/shin tu rgyas pa'o/ /nye ba'i nyon mongs pa bcu'i bsdus pa'i don ni/ 'jug pa'i bar du gcod pa dang / 'jug pa'i shin tu bar du gcod pa dang / sgrub pa'i bar du gcod pa'o/ /de la 'jug pa'i rgyu ni gsum ste/ shes rab lhag pa dang / kha na ma tho bas 'dzem pa dang /bdag la ltos nas sems can la snying rje ba'o/ /gsum po 'di'i mi mthun pa'i phyogs su gyur ba gsum ni nye pa'i nyon mongs pa ste/ gti mug shas che ba dang / ngo tsha med cing khrel med pa shas che ba dang / phrag dog dang ser sna shas che ba ste/ de dag ni 'jug par dka' ba nyid do//sgrib pa gsum gyis bsgribs pas gnyis kar yang sgrib pa nyid de/ sdug bsngal gyis bsdus pa ni rnam par smin pa'i sgrib par bsdus so/ /gnas ngan len dang nyon mongs pa shas che ba ni/ nyon mongs pa'i sgrib pa'o/ /nyes par spyod pa shas che ba ni las kyi sgrib pa'o/ /yang na sdug bsngal dang gnas ngan len ni sdug bsngal te/rnam par smin pa'i sgrib pa'o/ /sgrib pa gsum po 'di dag gis 'jug par dka' ba nyid de/ de'i bar du gcod pas so/ /bag med pa dang / le lo dang / ma dad pa shas che ba rnams ni sgrub pa'i bar du gcod pa'o/ /bya ba ngan pa la chags pa nyid dang /bar du nyams pa dang / thob par bya ba dang / thob par byed pa la dad pa med pa dang / bag med pas mi sgrub pa dang / de bzhin du le los zhugs su zin na yang bar nas mngon par ldog pa ste/ ma dad pa'i shas che ba rnams kyis sgrub pa g.yel ba'o/ /sems bskyed pa'i rkyen bzhi'i bsdus pa'i don ni/byang chub sems dpa'i rigs nges pa sems bskyed pa'i rkyen gnyis dang / byang chub tu gyur pa'i sems bskyed pa'i rkyen gnyis so/ /byang chub sems dpa'i rigs nges pa rnam pa gnyis ni rgya che ba la mos pa dang / zab pa la mos pa'o/ /byang chub tu 'gyur ba rnam pa gnyis ni/slob pa dang mi slob pa zhes bya ba'o/ /bzhi po de rnams ni sems bskyed pa'i rkyen nyid pas/ bzhi po 'di dag ni sems bskyed pa'i rkyen du/ sems bskyed pa dang / ci ltar 'tsham par sbyar ro/ /rgyu bzhi'i bsdus pa'i don la/ rgyu gsum ni chos nyid kyis thob pa dang / phyi rol gyi gzhan gyi sgra'i mtshan ma las dang /nang gi tshul bzhin yid la byed pas bsdus pa'o/ /de yang rnam pa gnyis te/ gzhan sdug bsngal las bsgral bar 'dod pa dang / bdag gi rgyud du gtogs pa'i sdug bsngal gyis mi 'jigs pa nyid de/ 'khor ba'i sdug bsngal skye ba la sogs pa dang / dka' ba spyod pas sdug bsngal na yang tshogs gnyis kun nas sogs pa'o/ /byang chub sems dpa'i rigs phun sum tshogs pa ni chos nyid kyi sa thob pa yin par rig par bya'o zhes bya ba 'di ni rigs phun sum tshogs pa'i dbye ba yod pa'i rgyu rab tu bstan pa'i don du gsungs so/ / blun po ma yin pa zhes bya ba ni lhan cig skyes pa'i shes rab dang ldan pa'o/ /yid rtul ba'i rang bzhin can ma yin zhes bya ba ni/ myur du 'dzin par nus pa'o/ /mkhas shing zhes bya ba ni thos pa las byung ba'i shes rab dang ldan pa'o/ /mdzangs pa ni bsams pa las byung ba'i shes rab dang ldan pa nyid do//bshes gnyen phun sum tshogs pa rnam pa bzhi'i bsdus pa'i don ni/ shes rab phun sum tshogs pa dang / sbyor ba phun sum tshogs pa zhes bstan to/ /sbyor ba phun sum tshogs pa yang rnam pa gsum ste/ nyon mongs pa spyod pa las ldog par sbyor ba dang / mi dge ba'i las kyi lam ldog pa la sbyor ba dang /dge ba'i las la nus pa dang ldan pa gong ma gong ma'i khyad pa la sbyor ba ste/ bag med pa'i gnas la nye bar sbyor ba dang / nyes par spyod pa la rnam par sbyor ba dang / shin tu dman pa la dad pa dang / 'dun pa dang / dam 'cha' ba dang / brtson 'grus kyi thabs dang /yon tan du khas len pa la sogs pa'i gnyen por rig par bya'o/ /rgyu bzhis byang chub sems dpa' snying rje ba'i shas che bar 'gyur te/ rgyu bzhi'i bsdus pa'i don ni/ gang du sdug bsngal ba dang / gang gis sdug bsngal ba dang / gang sdug bsngal gyi rnam pa la nye bar dmigs nas snying rje shas che bar 'gyur ba ste/de la gang gis sdug bsngal zhes bya ba ni gzhan rnams bdag gam gnyi ga'am gzhan yang ji ltar rigs par sbyar ro/ /rang bzhin gyis snying stobs che zhing brtan pa dang ldan pas stobs dang ldan pa yin zhes bya ba la/ bstan pa ni dman pa'i sems nyon mongs pa bzhin du nges par spong ba ste/ nyon mongs pa'i dbang gis rjes su mi 'byung ba'o/ /sdug bsngal gyi sems mang zhing rab tu drag pas mi 'jigs pa'i ngang tshul nyid kyis yang dag par sbyor ba las mi bskyod pa ni rang bzhin gyis snying stobs che ba dang ldan pa ni/so sor rtog pa dang ldan pas mkhas par 'gyur te/ thos pa las byung ba'i shes rab dang ldan pa'o/ /yang dag par sems pa'i ngang tshul can zhes bya ba ni/ bsams pa las byung ba'i shes rab dang ldan pa'o/ /gang la so so so sor rtog pa'i stobs yod pa de ni so sor rtog pa'i stobs dang ldan pas 'khor ba'i sdug bsngal la mi 'jigs pa'o//gzhi'i rgyu'i bsdus pa'i don ni gang la mi 'jigs pa dang / rgyu gang gis mi 'jigs pa dang zhes bya ba ste/ snying stobs dang ldan pa dang / so sor rtog pa dang ldan pa dang / rgyu gang gis byang chub las mi g.yo ba dang / sems can gyi sdug bsngal bsal bar 'dod pa'o//sdug bsngal gyi rgyu bzhi'i bsdus pa'i don ni/ sdug bsngal ji snyed yod pa dang / sdug bsngal ji ltar yod pa'o/ /de la ji snyed yod pa ni yun ring ba zhes bya ba la sogs pa'o/ /de las gzhan pa rnam pa gsum ni ji ltar yod pa'o/ /de yang rnam pa gsum ste/sna tshogs pa nyid dang / drag pa nyid dang / bar chad med pa nyid do/ /stobs bzhi'i bsdus don ni rnam pa gnyis te/ dge ba'i chos goms pa dang / rgyud du gtogs pa'o/ /rgyud du gtogs pa yang rnam pa gnyis te/ bdag dang gzhan gyi bye brag gis so/ /dge ba'i chos la goms pa yang rnam pa gnyis te/'das pa'i dus kyi dang / mthong ba'i chos kyi dus kyi dbye bas so/ /byang chub sems dpa' dang po sems bskyed pa bstan pa'i ngo mtshar rmad du byung ba'i chos 'jig rten dang thun mong ma yin pa'i bsdus pa'i don ni/ sems can thams cad chung ma ltar yongs su 'dzin na yang nyon mongs pas mi gos pa ni skye mched phun sum tshogs pa'o//de nas sbyor ba phun sum tshogs pas bsam pa dang sbyor ba phun sum tshogs par byas nas dge ba'i chos skyed cing spel lo/ /de nas 'bras bu phun sum tshogs pa'o/ /de nas mthong ba'i chos dang tshe phyi ma'i phan yon te/tshe phyi ma'i ni/ ngan song du skyes su zin kyang zhes bya ba la sogs pa'o/ /yang 'bras bu'i khyad par ni nyan thos dang rang sangs rgyas kyi 'bras bu las shin tu khyad par du 'phags pa'o/ /dang po sems bskyed pa'i le'u 'di'i bsdus pa'i don ni/ dang po sems bskyed pa'i mtshan nyid dang /khyad par gyi mtshan nyid dang / rgyun mi 'chad par sems bskyed pa'i rkyen bzhi dang / rgyu bzhi dang / rgyu dang stobs gang dag gis sems bskyed pa bstan pas de'i mi mthun pa las ldog pa dang / dang po sems bskyed par bsten pa'i ngo mtshar rmad du byung ba'i chos dang /de'i phan yon ni rang gi mtshan nyid dang / khyad par gyi mtshan nyid dang / skye ba'i rgyu dang rkyen dang stobs dang / de la rmongs pa rnams la bstan pa dang / ngo mtshar rmad du byung ba'i chos la sogs pas rigs ma nges pa dang / nyan thos dang rang sangs rgyas kyi rigs la zhugs pa rnams rnam par bzlog nas gzhug pa'i don dang /ma nges pa'i rigs can rnams sangs rgyas nyid la rab tu dgod cing nges par bzung ba dang / byang chub sems dpa'i rigs can bag med pa dang / zhum pa dang yang dag par rab tu zhugs pa rnams la go rims ji lta ba bzhin du yang dag par bzung ba dang /yang dag par gzengs bstod pa dang / yang dag par mgu bar bya ba'o/ /'bras bu dang bcas pa'i bsod nams dang ldan pa'i byang chub sems dpa'i phan yon mdor bsdus pa'i don ni mthong ba'i chos la bdag gi lus la gnod pa med pa dang / 'khor los sgyur ba'i rdzu 'phrul gyi yon tan zhes bya ba la sogs pa bstan pa ni/ma 'ongs pa'i dus su thob pa'i skye ba la bdag dang gzhan gyi don sgrub nus pa'i lus rab tu 'thob pa ste/ tshe brjes pa'i 'og tu yang zhes bya ba la sogs pas bstan to/ /mthong ba'i chos nyid la bdag la gnod pa'i lus dang sems kyi gnas ngan len dang nyams smad pa'i phyir bdag la gnod pa'i ngo bo med do//de'i bsod nams kyi dbang gis gzhan gyis byas pa'i sngags la sogs pas gzhan la gnod pa yang med do / /byang chub sems dpa'i rigs la gnas pa ni rang bzhin gyis kyang zhes bya ba la sogs pas bstan to//bdag dang gzhan la gnod pa'i nyon mongs pa mi skye ba dang / dman pa dang myur du med pa ni mthong ba'i chos 'di la yang lhag par yang bzod pa dang des pa dang ldan te zhes bya ba la sogs pas bstan pa dang / gzhan gyi don las brtsams nas ni grong gi gnas gang na gnas pa der yang 'jigs pa dang 'jigs par 'gyur ba dang /mu ge'i nyes pa rnams dang / mi dang mi ma yin pas byas pa'i gnod pa ma byung ba rnams ni 'byung bar mi 'gyur/ byung ba rnams ni rnam par zhi bar 'gyur zhes bya ba la sogs pas bstan to/ /ma 'ongs pa'i phan yon ni ngan 'gror skye bar mi 'gyur ba la sogs pa snga ma bzhin du rig par bya ste/'di lta ste rigs su bstan pa'i phan yon de dag nyid rnam pa thams cad du phan yon du bstan par 'gyur ro/ /byang chub sems dpa'i sa las sems bskyed pa'i le'u rim par phye ba ste gnyis pa'o// //de ltar sems bskyed pa zhes bya ba ni/ sems bskyed pa'i le'u las ji skad bstan pa'o/ /ji ltar bstan zhe na/ 'di la byang chub sems dpa'i dang po sems bskyed pa zhes bya ba nas/ sems bskyed pa de yang / byang chub de dang / sems can gyi don la dmigs nas zhes bya ba'i bar gyis bstan to//de ltar sems bskyed pa'i byang chub sems dpa' rnams kyi byang chub sems dpa'i spyod pa gang zhes bya ba ni/ sbyor ba gang zhes bya ba'i don to/ /spyad par bya ba rnams la spyod pa zhes bya ba nas spyod pa'o/ /slob pa zhes bya ba yang don gcig pas bslab bar bya ba rnams la slob pa zhes bya ba nas slob pa zhes bya ba de'i sgras ngo bo nyid bsgrub pa'o//de'i rten rnams kyis sgom par byed pas gang dag slob pa zhes bya ba'o/ /byed pa po'i las rnams bya ba yin pas gang la slob pa dang zhes bya ba'o/ /des las rnams byed pa na ji lta bu'i rnam par goms par byed ces/ji ltar slob pa dang zhes bya bas bstan to/ /de dag thams cad ces bya ba ni/ gsum po 'di dag la byang chub sems dpa'i spyod pa zhes bya ba'o/ /bdag gi don dang gzhan gyi don zhes bya ba ni/ bdag dang gzhan gyi don la dmigs pa nyid kyis bdag gi don dang gzhan gyi don la bslab par bya ba'o//bdag dang gzhan gyi don la slob pa ni nyon mongs pa med pa'i thabs dang / skyo ba med pa'i thabs kyis mthu la bslab par bya'o/ /de ltar nyon mongs pa med pa dang skyo ba med pas sems can yongs su smin par bya ba dang / bdag gis sangs rgyas kyi chos yongs su smin par bya ba'o//de dag gnyi ga yongs su smin na bla na med pa yang dag par rdzogs pa'i byang chub ces bya'o/ /'di rnams kyi bsdus pa'i don dang go rims ni de ltar ro/ /de la 'ba' zhig ni rnam pa gnyis te/ bdag gi don gzhan gyi don dang 'brel ba dang / gzhan gyi don bdag gi don dang 'brel ba'o//yongs su shes par byas la spang bar bya'o zhes bya ba ni/ so sor brtags nas yongs su gtong ba'o/ /yongs su shes nas gtong ba nyid ni re re'i don du 'gyur na yang zhes bya ba'i don to/ /gang gi phyir rab tu spang bar bya ba yin zhe na/ smras pa/ rang gi don 'ba' zhig ni spang bar bya ba ste/ ji ltar zhe na/ byang chub sems dpa'i bya ba las shin tu 'das pa'i phyir te/ byang chub sems dpa'i bya ba ni gzhan gyi don la zhugs pa'i mtshan nyid can yin la/ de las rab tu 'das pa'i phyir ro/ /gang gi phyir gzhan gyi don 'ba' zhig yongs su shes nas spang bar bya ba yin zhe na/smras pa/ rjes su mthun pa ma yin pa'i phyir te/ rjes su mthun pa ma yin pa ni bdag nyid byang chub 'thob pa dang 'gal ba nyid ces bya ba'i don to/ /bdag nyid byang chub thob na sems can gyi don byed pas so/ /lhag ma rnams ni zhes bya ba ni/ 'ba' zhig las gang gzhan pa'o/ /ji lta bu zhe na/ gnyi ga'i don te de la ni bslab par bya ba'o/ /nyes par spyad pa zhes bya ba ni/ bdag gi bde ba 'dod pas so/ /sangs rgyas dang byang chub sems dpa' bshad pa zhes bya ba ni/ legs par bshad pa'i phyir gzung ba ste/ rab tu bstan pa'i don to //gzhan gyis bshad pa rnams ni tshol ba la sogs pas bdag dang gzhan gyi don du yang mi 'gyur bar bstan pa'i don te/ de ni nyes par bshad pa nyid kyis ser sna med na yang gzhan gyi don du mi 'gyur bas so/ /gang gi phyir rang gi don las yang bzod pa yang dag par blangs nas gnas pa zhes mi gzung zhe na/bdag nyid mtho ris 'dod pa yin na yang mthong ba'i chos la yang gnyi ga'i don byed la/ pha rol du yang byed pas so/ /des na re zhig pha rol tu phyin pa lnga 'ba' zhig gi dbang du byas nas rang gi don zhes bstan to/ /dge ba'i chos sdud pa'i tshul khrims kyi dbang du byas nas/'jig rten gyi zang zing gi zhes bya ba la sogs pa ste/ 'jig rten gyi zang zing gi 'bras bu 'dod pa zhes bya ba ni/ gzhan pa pha rol du yang zhes bya ba'i don to/ /'jig rten gyi zang zing 'thob pa'i rgyur zhes bya ba ni/ mthong ba'i chos la'o/ /de bzhin du mchod rten mchod pa yang bdag nyid kyi don 'ba' zhig yin la gzhan gyi don med ce na/mchod rten mchod pas kyang res 'ga' gnyi ga'i don du yang 'gyur te/ 'jig rten gyi zang zing gi 'bras bu 'dod pa dang / 'jig rten gyi zang zing la ltos pa med par dge ba'i chos sdud pa dang / bdag nyid kyi sangs rgyas kyi chos yongs su smin par yang dag par gnas pa ni gnyi ga'i don nyid du yang 'gyur ro//rnyed pa 'dod pa zhes bya ba ni gzhan dag las mchog tu rnyed pa 'dod pa'o/ /rnyed pa'i rgyu zhes bya ba ni/ mthong ba la don med pa'i rnyed pa sgrub pa'o/ /gzhan dag gi spro ba skyed pa zhes bya ba dang / yang dag pa ma yin pa'i yon tan sna tshogs ston pa zhes bya ba la sogs pa rnams kyis ni gzhan gyi don med par zhes bstan par 'gyur ro//gal te gzhan rnams yang dag par mgu bar 'gyur na gzhan gyi don yang yod par 'gyur ro zhe na/ de ni med par bstan pa yin te/ de ltar na dge ba'i chos sdud pa nyid kyi tshul khrims kyi dbang du byas pa'o//bdag la bsnyen bkur bya ba zhes bya ba la sogs pa ni sems can gyi don byed pa'i tshul khrims kyi dbang du byas pa'o/ /bsnyen bkur bya ba bdag gir bya ba 'dod pas zhes bya ba ni bsam pa nyid kyis so/ /bsnyen bkur bya ba bdag gir bya ba'i don du zhes bya ba ni/ sbyor ba dang gnyi ga dag la rang gi don to //chos ma yin pa nyid kyis yin gyi chos kyis ma yin zhes bya ba ni/ 'ba' zhig gis so/ /tshogs sdud pa zhes bya ba ni phan pa bya ba med pa'o / /tshe 'di'i bde ba la gnas shing zhes bya ba la sogs pa la/ mtho ris kyi don gyi bsam gtan ni 'ba' zhig pa ste/sngar bstan pa'o/ /'di ltar yang bzod pa zhes bya ba la/ mtho ris kyi don du tshul khrims dang / brtson 'grus rtsom pa dang / bsam gtan dang / shes rab rnams yang dag par blangs nas gnas pa ni 'ba' zhig par sngar bstan to/ /sbyin pa dang / bzod pa yang dag par blangs te gnas pa'i ma bstan pa'i rgyu rab tu bstan pa las brtsams te/snying rje sngon du 'gro ba'am zhes bya ba la/ snying rje med par sngon du 'gro ba na yang zhes bya ba'i don to/ /byang chub tu yongs su bsngos pa'am zhes bya ba ni/ byang chub tu yongs su ma bsngos pa yang zhes bya ba'i don to/ /sbyin pa dang bzod pa 'di dag ni 'ba' zhig pa yin na yang rang gi don gyi ngo bor ni mi 'gyur te/nges par 'tshang rgya ba nyid dang gzhan pa'i rang gi don du yang 'gyur bas/ byang chub kyang 'thob la/ mtho ris kyi rgyu yang yin te/ mtho ris kyi phyir dang rang gi mtho ris kyi phyir yin pas sbyin pa dang bzod pa 'ba' zhig nyid yin na yang gzhan gyi don med pa ni ma yin no//mtho ris kyi phyir ma yin pa ni snga ma ltar 'ba' zhig pa nyid du / lta ba log par zhugs pa zhes bya ba la/ ji ltar byas nas she na/ smras pa/ 'ong ba ma mthong ba dang / 'bras bu ma mthong ba zhes bya ba ste/ 'jig rten pha rol med do zhe'am/ legs par spyad pa dang /nyes par spyad pa'i 'bras bu rnam par smin pa med do zhes zer ba'o/ /tshul khrims nyams pa zhes bya ba ni tshul khrims 'chal ba'o/ /sgrub pa med pa zhes bya ba ni/ nan tan mi byed pa'o/ /sa 'og ma las yang dag par 'das pa zhes bya ba ni/ 'dod pa'i khams kyi 'dod chags dang bral ba'i phyir mi 'ong ba'am/khams nyid la 'dod chags dang bral ba'o/ /bsam gtan las gyur pa la mkhas pa'i byang chub sems dpa' zhes bya ba ni/ bsam gtan la gnas pa zhes bya ba'i don to/ /'di ltar zhes bya ba la sogs pas ni 'dir rgyu bstan to//de la gzhan gyi don 'ba' zhig yin na ji skad bstan pa snga ma gnyis ni zhes bya ba ni lta ba log par zhugs pa'i sbyin pa dang / tshul khrims nyams pas chos ston pa'o/ /de ma yin pa zhes bya ba ni sa 'og ma las yang dag par 'das pa zhes bya ba la sogs pa ji skad bstan pa'o/ / de la dge ba yongs su 'dzin par byed ces bya ba ni/ dge ba skyed par byed ces bya ba'i don to/ /dge ba la sogs pa zhes bya ba ni/ dge ba spel ba'o/ /dge ba yongs su gzung ba yang dag par 'dzin du 'jug ces bya ba ni/ dge ba nye bar sog tu 'jug pa'o/ /'dul bar byed ces bya ba dang 'jug par byed ces bya ba dang /'god par byed ces bya ba ni/ chung ngu dang / 'bring dang / chen po nyid do/ /rang dang gzhan gyi don gyis bsdus pa'i don ni nyon mongs pa can ma yin pa'i ngo bo nyid dang rgyu nyid dang / dus nyid dang / nye bar zhi ba nyid do zhes bstan te/ phan pa byed pa nyid kyis de ni phan pa nyid do//rgyu bzhi'i bsdus pa'i don ni/ rgyu rnam pa gnyis te/ bde ba 'phel ba dang skyed pa'o/ skyed pa yang rnam pa gsum ste/ rten dang / dmigs pa dang / lhan cig byed pa'i rkyen gyi mtshan nyid do/ /'phen pa yang rnam pa gnyis te mthong ba'i chos can dang / pha rol pa'i dbye bas so//bde ba'i rgyu la bde bar nye bar brtags par byas nas/ rgyu bde ba zhes brjod do/ /dper na me bde ba zhes bya ba lta bu'o/ /rgyu bde bar bsdus pa'i rgyu gsum po de dag ces bya ba ni/ dbang po dang / yul dang / bde ba tshor bar 'gyur ba'i reg pa ni lus kyi las kyis bsdus pa'i dbang po lnga sdud par byed pas nyams su myong ba'i tshor ba'o//slob pa dang mi slob pa'i lam dang yang dag par ldan pa'o/ /grang ba dang tsha bas bsdus pa ni dus las 'byung ba'i sdug bsngal gyis bsdus pa'o/ /bkres pa dang / skom pas bsdus pa ni/ nang gi bdag nyid can gyis bsdus pa la sogs pa'i sdug bsngal dang /ngal ba'i sdug bsngal dang / glo bur ba'i sdug bsngal dag go/ /sdig pa mi dge ba'i chos spangs te dben pas zhes bya ba ni/ spangs pa nyid dben pa'o/ /yang na spangs pa'i mtshan nyid kyis dben pa nyid de nye bar zhi ba'i bde ba'o/ /yang dag par sdug bsngal ba zhes bya ba ni/tshor ba rnam pa gsum po dag gis sdug bsngal lo/ /de las gzhan pa lhag ma rnams ni gnod pa med pa'i bde ba zhes bya ba la/ mngon par 'byung ba'i bde ba dang / rab tu dben pa'i bde ba dang / nye bar zhi ba'i bde ba'o/ /tha ma zhes bya ba ni/ rdzogs par byang chub pa'i bde ba'o//mngon par 'byung ba'i bde ba ni de dang rjes su mthun pa nyid yin/ rab tu dben pa'i bde ba ni de'i phyogs pa nyid yin/ nye bar zhi ba'i bde ba ni de 'dren par byed pa nyid yin gyi/ don dam par ni ma yin te/ don dam pa'i ni tha ma nyid de/ gnod pa med pa nyid kyi phyir ro//bde ba 'dod pa yin par shes par bya'o zhes bya ba ni/ bsam pas so/ /phan pa'i sbyin pa gang yin pa de bde ba sbyin pa yang yin par shes par bya ste zhes bya ba ni/ phan pa'i rgyu'i gnas kyi sbyor ba 'di dag las 'di ltar de'i rjes su byung ba'i 'bras bu bde ba'i gnas byung bar rig par bya'o zhes bya ba'i don to//gang kun nas nyon mongs pa zhes bya ba ni/ bdag nyid nyon mongs pa dang mtshungs par ldan pas nyon mongs pa gzhan gyis nyon mongs pa'am/ bdag nyid nyon mongs pa dang ldan pa dang / kha na ma tho ba dang bcas pa nyid ni/ bde ba yang mi phan pa zhes bya ba ste/don ma yin pa skyed par byed pa'i don to/ /gang gi phyir zhe na/ smras pa/ mi phan pa'i phyir te/ mi phan pa'i phyir ma 'ongs pa'i sdug bsngal gyi rgyu'o/ /de'i phyir de ni mi phan pa nyid pas thams cad nyon mongs pa can nam/ kun nas nyon mongs par 'gyur ro/ / dbang po dang / yul dang / reg pas bsdus pa ni bde ba'i rgyu'o/ /yang na gang dbang po dang yul dang reg pas bsdus pa'i rgyu bde ba dang tshor ba bde ba ni kun nas nyon mongs par yang 'gyur te/ kun nas nyon mongs pa de ni kha na ma tho ba dang bcas pa dang mi 'phrod pa ste/ mi phan pa'i phyir ro/ dkar po'i phyogs ni bstan pa las bzlog par rig par bya'o/ /ci nus kyis zhes bya ba ni bsgrub pa'i phyir byang chub sems dpa' nus pa dang mthun par zhes bya ba'i don to/ /ci lcogs pa zhes bya ba ni/ sems can gang rnams la nye bar bsgrub pa de dag la stobs ci lta ba dang mthun par zhes bya ba'i don to//de bzhin du yang dag par spyad par bya/ bslab par bya/ nyams su myong bar bya zhes bya ba ni/ tshor ba bde ba dang / dbang po dang / yul dang / reg pas bsdus pa gang kun nas nyon mongs pa'am/ nyon mongs pa can kha na ma tho ba dang bcas pa dang /mi phan pa dang / mi 'phrod pa la mi bslab pa nyid do/ /gang nyon mongs pa can ma yin pa dang / kha na ma tho ba med pa dang / phan pa dang / 'phrod pa'i tshor ba bde ba ni/ nyams su myong bar bya zhes bya ba'i don to/ /tshe ring zhing zhes bya ba ni/ las gang gis khu ba dang khrag gi nang du yang dag par brgyal ba'i dus dang /khyad par du 'phags pa'i dus nas 'di snyed cig 'tsho bar 'gyur ro zhes bya ba ste/ de ni tshe zhes kyang brjod la/ srog ces kyang bya'o/ /gang la tshe de ring ba yod pa de la tshe ring ba zhes bya ste/ de'i dngos po ni tshe ring ba nyid do/ /yun ring du gnas pa ji lta bu zhe na/las gang gis de'i tshe 'phangs pa de yang rnam pa gnyis yin te/ bar chad dang bcas pa dang / bar chad med pa'o/ /bar chad dang bcas pa ni las gang gis tshe 'phangs pa de rkyen gyi dbang gis rab tu 'chi ba srid pa ste/ 'chi ba de ni dus ma yin par 'chi ba zhes bya'o//bar chad med pa ni gang las kyis 'phangs pa'i tshe de bar ma dor mi 'chi ba ste/ las gang gis 'phangs pa de des ji ltar 'phangs pa bzhin gnas pa nyid de/ yun ring du gnas pa nyid do/ /gzugs bzang zhing zhes bya ba la/ 'dir bzang ba'i sgra ni mchod pa'i don gyi tshig gi phrad de/dper na mngon par dga'o zhes bya ba lta bu'o/ /gang gis gzugs la mchod pa yod pa de gzugs bzang ba ste/ de'i gzugs la mtshan phun sum tshogs pa yod pas mchod pa nyid de/ de'i gzugs de la mchod par 'gyur bas/ de'i ngo bo nyid ni gzugs bzang ba nyid do/ /blta na sdug pa ni mthong na phan pa ste/mig dang mthun pa'o/ /yang na mthong bar bzod pa ni blta na sdug pa ste/ yang dang yang du blta bar 'dod pa nyid do/ /rab tu dga' ba dang 'dren pa ni mdzes pa nyid de/ sems dga' zhing dri ma med pa'o/ /de'i dngos po ni mdzes pa nyid do/ /longs spyod che ba zhes bya ba la/ spyad par bya bas na longs spyod la/ de chen po yang yin pas longs spyod chen po'o/ /de'i dngos po ni longs spyod che ba nyid de/ sna tshogs kyi dngos po phun sum tshogs pa zhes bya ba'i don to/ /rtsa 'jing che ba zhes bya ba ni/ bshes kyi phyogs mang zhing che ba zhes bya ba'i don to/ /'khor phal che ba yin zhes bya ba ni/bu dang chung ma dang bran pho dang bran mo dang / las byed pa la sogs pa'i 'khor ro/ /yid brtan du rung zhing yid ches pa yin zhes bya ba la/ ji ltar yid brtan du rung ba yin zhe na/ smras pa/ sems can rnams kyi rtsod pa 'byung ngo / /mchog tu tshad mar gzhag par 'os zhes bya ba la sogs pa'o//yid ches pa yin zhes bya ba ji lta zhe na/ smras pa/ gzhal blugs la g.yo byed pa zhes bya ba la sogs pa ste/ gzhal blugs la zhes bya ba ni srang la'o/ /'jal ba la zhes bya ba ni/ bre phul la sogs pa ste/ srang dang bre la sogs pa'i phyi rol gyi nye bar spyad pa rnams kyis bslu ba'o//g.yo dang sgyu ni nang gi bdag nyid can te/ de dag gis slu ba med pa'o/ /nor gtams pa la dor mi byed pa ni/ nor gtams pa la mi bsnyon pa ste/ de lta bu ni yid ches pa'o/ /gzhi des zhes bya ba ni/ yid brtan du rung ba nyid dang / yid ches pa nyid kyi gzhi des tshig gzung bar 'os par 'gyur ro//grags pa chen po ni grags par 'gyur ba ste/ ci lta bu zhe na/ dpa' ba la sogs pa drug go/ /snyan pa ji lta bu zhe na/ 'jig rten 'dir grags par 'gyur ba'o/ /ji lta bu zhe na/ bzo dang las kyi gnas rnam pa sna tshogs lhag par rab dang phul dang zhes bya ba nas brtsams pa'o//gzhi des bya ba ni grags pa chen po dang snyan pas 'jig rten du shes pa nyid kyi gzhi'o/ /pho'i dngos po zhes bya ba ni/ gang dang ldan pas skyes pa zhes brjod pa'o/ /de yang gang gis 'gyur zhe na/ pho'i dbang po dang ldan pas te/ de ni mi nyid do/ / gnod pa chung ba ni glo bur ba'i nad nyung ba'o/ /nad med pa'i rang bzhin can ni/ lus la gnas pa'i nad med pa ste/ 'di dag gis ni mi mthun pa'i phyogs kyis zil gyis mi non par bstan to/ /spro ba che ba yin zhes bya ba ni/ bya ba byed pa thams cad la nus pa dang ldan pa zhes bya ba'i don te /'dis ni gnyen po'i phyogs phun sum tshogs pa bstan to/ /mi 'tshe ba'i mtshan nyid gang zhe na/ sems can rnams la mi 'tshe ba zhes bya ba la sogs pas bstan te/ sems can rnams la mi 'tshe ba'i bsam pa ni/ rjes su brtse ba'i bsam pa'am/de ni snying rje che ba'i bsam pa'o/ /snang ba'i sbyin pa ji ltar kha dog phun sum tshogs pa'i rgyu yin zhe na kha dog gsal bar byed pa la gtso bo snang ba yin pas so/ /gos gtsang ma sbyin pa ni kha dog phun sum tshogs te/ gos kyi sbyin pa ni de'i kha dog phun sum tshogs pa'i rgyu'i phyir ro//nga rgyal nges par bcom pa zhes bya ba ni/ nga rgyal nges par bcom pa'i phyir phyag la sogs pa bya bar 'os pa rnams la/ phyag la sogs pa byed pas de la 'os pa'i rigs su skye ba'o/ /slong ba rnams la zhes bya ba ni/ bdag nyid gang slong ba'o/ /yo byed mi bdog pa rnams la zhes bya ba ni mi slong na yang de la bdag nyid song nas ster ba nyid do//de ltar sbyin pa rnam pa gnyis po slong ba dang mi slong na yang sbyin pa ni dbang phyug phun sum tshogs pa'i rgyu'o/ /dkon mchog gsum la mchod pa nyid kyis ni grags pa chen po rgyas par 'gyur ro/ /bla ma mchod pas kyang snyan par grags par 'gyur ro//rgyu gnyis kyis zhes bya ba la/ bud med kyi dngos po la mi dga' ba dang / gzhan dag la skyes pa nyid sgrub pa'i rgyu gnyis po de dag gis 'gyur te/ de la bud med kyi dngos po la mi dga' ba ni 'dun pa bzlog pa'o/ /gang las 'dun pa bzlog ce na/bud med kyi dngos po nyid las so/ /gang dag 'dun pa bzlog ce na/ bud med rnams so/ /mtshan nyid gang las she na/ bud med kyi dngos po la dga' ba rnams las so/ /gzhan dag la skyes pa nyid sgrub pa ji lta bu zhe na/ nges par rnam par thar par byed pa'o/ /gang dag nges par rnam par thar par byed ce na/skyes pa rnams so/ /ji lta bu'i gnas skabs dag gi zhe na/ bzung ste khrid pa rnams te/ gnyis kyis ni nges pa bstan pa yin no/ /gang gi don du zhe na/ pho'i dbang po gcad pa'i phyir ro/ /ji ltar thar par byed ce na/ chos kyis te/ de la chos ni gang spyad par bya ba skyes pa pho'i dbang po gcad pa'i phyir srid pa dang brje ba'i rdzas rjes su mthun pa sbyin pa ste/des nye bar 'tsho ba'am gzhan pa yang rung ba la/ de'i 'dod pas byed kyi gnod pas ni ma yin no/ /bya ba la 'jug pa'i ngo bo ni zhal ta byed pa ste/ de'i byed pa ni sems can rnams kyi bya ba byed pa zhes bya ba'i don te/bya ba'i grogs byed cing bya ba byed par 'dod pas brtsams pa de'i de lta bu'i bya ba de la grogs byed pa'o/ /ci nus zhes bya ba ni bdag nyid kyi nus pa dang rjes su mthun par ro/ /ci lcogs zhes bya ba ni/ de'i bya ba la nus pa dang stobs la ltos pas so//chos dang mthun pa zhes bya ba ni/ bya ba de chos dang mthun pa nyid la ltos nas zhal ta byed pa ste/ grogs byed pa med pa la grogs byed pa'o/ /de lta bu ni re zhig gnod pa nyung ba dang / nad med pa'i rang bzhin can gyi rnam par smin pa'i rgyu'o/ /lta bar 'gyur ba'i zas dang skom bsgrub pa ni spro ba chen po nyid kyi rgyu'o//sems rnam par dag pa bzhi'i bsdus pa'i don ni/ gang la bsam pa dang / ji lta bur bsam pa dang / rnam pa ci lta bus bsam pa'o/ /gang la bsam pa zhes bya ba la/ /byang chub tu chos mthun pa dang mtshungs par ro/ / ji lta bur zhes bya ba la drag tu'o/ /rnam pa ji lta bus zhes bya ba la nyin gcig bzhin du skad cig re re la de dang mthun pa'i chos kho na la lan mang du rtog cing dpyod pas so/ /dang po gsum ni ji ltar yod pa'i mtshan nyid do/ /tha ma ni ji snyed yod pa'i mtshan nyid do/ /yun ring po zhes bya ba ni/sbyor ba de ji snyed pas rgyun mi 'chad par grims par byed pa dag go/ /ji ltar 'byung bar sbyor bas ni bag med pa rnams yang dag par len du gzhug pa'i phyir bsngags pa brjod pa nyid do/ /yang dag par blangs pa rnams la yang zhes bya ba la/ yang dag par zhugs pa dang / zhum pa rnams nges par gzhug pa dang / rab tu dgod pa'o/ /sbyor ba 'di'i bsdus pa'i don ni/ rnam pa ji lta bus dang / gang la sbyor bas so/ /yang rtag pa'i sbyor ba de'i 'bras bu la gnas pa nyid ni zhing dag par rig par bya ste/ zhing dang 'dra bas zhing zhes bya ba la/'bras bu 'byin par 'dra bar chos ni de dag pa ste/ 'bras bu la gnas pa'o/ /bdag gi don dang gzhan gyi don las brtsams nas zhes bya ba la/ bdag gi don las brtsams pa ni yun ring por dge ba'i phyogs la sbyor ba zhes bya ba'o/ /gzhan gyi don las brtsams pa ni/ dge ba'i rtsa ba mang po sogs par byed pa zhes bya ba'o//yang na rang gi don la yang yun ring por dge ba'i phyogs la sbyor ba dang / dge ba'i rtsa ba sogs pa yin la/ de bzhin du gzhan gyi don la yang sbyor bar bya ste/ sbyor bar byas nas mjug gi dus su sogs par byed pa'o/ /kha dog phun sum tshogs par gyur na zhes bya ba ni/sngar bstan pa'i kha dog phun sum tshogs pa nyid dang / gzugs bzang ba nyid dang / blta na sdug pa nyid dang / mdzes pa nyid ces bya ba'o/ /de la gzugs bzang ba'i mtshan nyid kyi kha dog phun sum tshogs pa ni skye bo'i tshogs chen po'i snying du sdug par 'gyur ro//snying du sdug par gyur na drung du 'du bar 'gyur ro/ /de nas yid du 'ong ba zhes bya ba rab tu mdzes pa nyid kyis mngon sum du phrad du 'ong bar 'gyur bas blta na sdug pa nyid do/ /skye bo'i tshogs chen po dag de'i tshig mnyan pa dang bya bar sems te zhes bya ba ni/ mngon du bsgrub par bya'o snyam du sems pa'o//skye bo'i tshogs kun gyis bkur ba dang zhes bya ba ni/ yid kyis so/ /mchod pa ni lus kyis so/ /bsngags pa ni ngag gis te/ nga rgyal med pa'i sems kyi yon tan dang ldan pa dang / bla ma la lus dang yid dang ngag gi las kyis de bya ba'i dus su mchod pa byed pa nyid kyis so//'dod pa la byin pas gang longs spyod phun sum tshogs par gyur pas ni/ sems can rnams sdud par byed do/ /yo byad kyis phongs pa la byin pas gang longs spyod phun sum tshogs par gyur na/ sems can yongs su smin par byed do/ /tshig rtsub po med pa'i rgyus tshig btsun pa nyid du gyur na snyan par smra ba nyid bas sems can rnams sdud do//bden par smra ba'i rgyu nyid kyi don spyod pas sems can rnams rjes su 'dzin to/ /phra ma med pa dang / 'khyal pa med par smra bas sems can rnams sdud cing yongs su smin par byed do/ /yang na snyan par smra bas ni sems can rnams sdud par byed la/don spyod pa dang don mthun pa nyid kyis ni sems can rnams yongs su smin par byed do/ /gus pa dang zhes bya ba ni/ gang gis 'di 'jig rten la grags par 'gyur ba'o/ /byas pa shes pa zhes bya ba ni gang gis 'jig rten na snyan par grags par 'gyur ba'o//bkur sti dang gus pa dang bcas pas zhes bya ba ni/ de dag nyid kyis so/ /byang chub sems dpa' skyes par gyur na zhes bya ba la/ skyes pa'i dngos po la mngon par dga' zhing bud med kyi dngos po la mi dga' ba dag gis so/ /pho'i dbang po dang ldan pas zhes bya ba la/ gzhan dag la skyes pa nyid bsgrubs pas skyes par gyur pa nyid yon tan thams cad dang / btsal ba thams cad dang / shes bya thams cad rab tu rnam par 'byed pa dag gi snod du gyur pa ltar bud med ni de lta bu ma yin te/ skyes pa'i dbang po dang ldan pa'i phyir 'jigs pa med par 'gyur ba dang 'jug pa la sgrib pa med pa zhes bya ba la sogs pa'o//sems can rnams la zhal ta byed pa'i rgyus stobs dang ldan pas skyo ba med par 'gyur te/ dge ba'i chos sgrub pa'i bya ba la grogs byed pa'i rgyu nyid kyi stobs kyis sems can rnams la phan gdags pa'i sbyor bas mi skyo bar 'gyur ro//las don che zhes bya ba ni mang ba'o/ /mthun pa zhes bya ba ni 'tsham zhing rjes su mthun pa'o/ /bdag nyid sangs rgyas kyi chos rnams la yongs su smin par byed la zhes bya ba ni/ yongs su smin na bdag nyid bla na med pa yang dag par rdzogs pa'i byang chub mngon par rdzogs par 'tshang rgya'o/ / sems can rnams kyang theg pa gsum la myur ba nyid du yongs su smin par byed la zhes bya ba ni/ sems can rnams yongs su smin pa nyid ni rnam par grol bar byed do/ /byams pa la sogs pa tshad med pa rnams bsgoms pa'am zhes bya ba ni/ bzod pa'i pha rol tu phyin pa bsgom pa'i phyogs kyi brtson 'grus so//rab tu 'byed cing zhes bya ba ni ye shes kyi phyogs kyi'o/ /de lta bu'i bsod nams dang ye shes de yang mdor bsdu na rnam pa drug tu 'gyur ro zhes bya ba ni/ pha rol tu phyin pa drug gi mtshan nyid do/ /yang na bsod nams dang bsod nams kyi phyogs dang /brtson 'grus dang / bsam gtan dang / ye shes dang ye shes kyi phyogs dang / brtson 'grus dang bsam gtan zhes bya ba'o/ /bsod nams dang ye shes kyi 'bras bu ni mdor bsdu na ci rigs par rnam pa bzhir rig par bya'o zhes bya ba la/ bsod nams kyi 'bras bu rnam pa gnyis ni gnod pa med par 'khor ba na 'khor zhing sdug bsngal pa dag gis shin tu gzir ba med pa dang /ji ltar dga' bar sems can gyi don dang phan 'dogs par nus pa zhes bya ba'o/ /ye shes kyi 'bras bu rnam pa gnyis ni ye shes la brten nas yang dag par bsod nams yongs su 'dzin pa dang /mkhas par bya ba rnam pa sna tshogs dpag tu med pa dag gis kyang bla na med pa yang dag par rdzogs pa'i byang chub mngon par rdzogs par 'tshang rgya ba'i bar du'o/ /gang rnam par smin pa dang / rnam par smin pa'i rgyu gang yin pa de ni bsod nams la brten pa'o/ /rnam par smin pa'i 'bras bu gang yin pa ni bsod nams las byung ba yin no//bsod nams kyang ye shes la brten ces bya ba ni/ ye shes la brten nas 'byung ba'o/ /ye shes las byung ba yin zhes bya ba ni/ ye shes nyid las 'byung ba'o/ /rig pa'i bzo dang las kyi gnas zhes bya ba ni/ rig pa nyid dang ldan pa'i bzo dang las kyi gnas skyes bu'i byed pa ste/gang de ni lung du ma bstan pa nyid kyis pha rol gyi ni ma yin no/ /longs spyod bsgrubs pa ste/ bza' ba dang / btung ba dang bgo ba la sogs pa longs spyad par bya ba bzung ba rnams so/ /tshod ma zin par longs spyod pas ni pha rol du yang 'bras bu mi 'dod par 'gyur la/mthong ba'i chos la yang tshod ma zin par longs spyod pas nad la sogs pa 'byung ba dang mthong ba'i chos kyi don yang nyams par 'gyur ba'o/ /sngon gyi las kyi zhes bya ba la sogs pa la/ 'bras bu 'dod pa'i las bzung bas mi 'dod pa'i 'bras bu med pa nyid do/ /'bras bu tshe 'di la longs spyod par gyur pa zhes bya ba ni/sbyin pa mi byed pa nyid kyi phyir pha rol gyi don med par 'di'i don du ste/ gzhan gyi don sgrub pa'i don ni pha rol gyi don yin pas de'i ngo bo bstan pa'i don du'o/ /de bzhin gshegs par 'gyur ba zhes bya ba'i tshig ni/ byang chub sems dpa' 'di nyid du mya ngan las 'da' ba brtsal ba'i don te byang chub sems dpa' rnams ni de lta bu'i tshul gyis pha rol du yang gong nas gong du skye ba'i khyad par thob pa'o//chos 'dus bas zhes bya ba ni/ lam yang gzings dang 'dra ba'i phyir yongs su gtang bar bya ba nyid yin la/ 'dus ma byas ni pha rol du yang yin pas byang chub sems dpa' ji lta ba bzhin du gzhan gyi yang yin la/ji ltar bshad pa'i mtshan nyid can gyis mthong ba'i chos can nyid ni rang gi don to/ /de bzhin du gzhan yang byang chub sems dpas btul ba rnams gzhan gyi don yang yin par rig par bya'o zhes bya ba la/ci thams cad kyang de ltar ram zhe na/ smras pa/ gang dag byang chub sems dpas btul ba ste/ gang byang chub sems dpas btul ba de rnams nyid de/ de la ltos nas de dag nyid las gzhan zhes brjod kyi gzhan thams cad kyi ni ma yin no/ /de la phyi ma la 'dod pa'i khams su longs spyod phun sum tshogs par 'gyur ba zhes bya ba la/'dir 'dod pa'i khams su smos pa ni/ 'dod pa'i khams las gzhan pa na/ phyi ma la longs spyod phun sum tshogs pa med do / /longs spyod kyis las shin tu 'das pas so/ /longs spyod phun sum tshogs pa'i tshig ni phun sum tshogs pa gzhan ni rnam par smin pa ma yin pa nyid de/lus phun sum tshogs pa 'chad par 'gyur ba'i bar du'o/ /phyi ma zhes smos pa ni/ 'di ni pha rol gyi ma yin pa nyid de/ de ltar 'di lus phun sum tshogs par ni 'dod pa'i khams dang / gzhan pa dag khyad par med par brjod pa'i phyir ro//de'i phyi ma la longs spyod dang lus phun sum tshogs pa zhes bya ba ni/ 'dod pa'i khams kyi sngar bstan pa'i phun sum tshogs pa'o/ /tshe 'di la sdug bsngal dang bcas yid mi bde ba dang bcas zhes bya ba ni/ bde ba dang yid bde ba dang mtshungs par ldan pa'i rgyu mthong ba'i chos nyid la brten pa'o//so sor brtags shing zhes brjod pa ni/ gang gis sdug bsngal dang bcas pa dang yid mi bde ba dang bcas pa des ma 'ongs pa ni 'bras bu 'dod pa nyid du 'gyur ba'i phyir de la brten par so sor brtags shing zhes bya ba smos so//gang yang tshe 'di la bde ba dang bcas pa dang yid bde ba dang bcas pas longs spyod dang lus phun sum tshogs par 'gyur ba'i rgyu la brten pa zhes bya ba de la/ 'dod pa'i khams las gzhan pa ma yin pa de'i phyir 'dod pa'i khams bye brag tu brjod par bya'o/ / gang 'dir nyams par 'gyur ba'i cha dang mthun pa ma yin pa'i bsam gtan dang / gzugs med pa'i snyoms par 'jug pa zhes bya ba de la/ 'dir zhes smos pa'i 'dod pa'i khams bzung ba'i don te/ gzhan dag na bsam gtan dang gzugs med pa'i snyoms par 'jug pa phyi ma la med pas so//nyams par 'gyur ba'i cha dang mthun pa ma yin pa smos pa ni nyams par 'gyur ba'i cha dang mthun pa ma yin pa'i phyir bsam gtan dang gzugs med pa'i snyoms par 'jug pa ni ma 'ongs pa'i nyid de/ des de la 'bras bu ster bas so/ /bsam gtan dang gzugs med pa'i snyoms par 'jug pa smos pa ni/de las gzhan pa'i snyoms par 'jug pa rnams la phyi ma la phan pa med pa nyid de srid pa sgrub pa ma yin pa'i phyir ro/ /so so'i skye bo rnams kyi 'jig rten pa'i dag pa zhes bya ba la/ 'dir so so'i skye bo smos pa ni 'jig rten pa'o/ /'phags pa rnams kyi dag pa ni gtan du ba nyid de/bden pa mthong ba bsgom pas spang bar bya ba'i nyon mongs pa spangs pa ni/ 'jig rten dang 'jig rten las 'das pa'i lam dag gis yin pas so/ /nyon mongs pa thams cad gtan spangs pa zhes bya ba la/ 'dir thams cad gtan zhes smos pa ni 'jig rten pa'i lam gyis ni nyon mongs pa mgo mnan pa tsam du spong gi gtan du ni ma yin pa nyid de/'di ltar des spangs pa'i nyon mongs pa rnams thams cad du spangs pa ma yin te/ 'jig rten pa'i lam gyis srid pa'i rtse mo pa'i nyon mongs pa mi spong bas nyon mongs pa gtan spangs pa ma yin te/bag la nyal ma spangs pas so/ /bdag dang gzhan gyi don rim par phye ba 'di'i bsdus pa'i don gyi rim pa ma bstan pa ni/ bstan pa'i don gyi tshigs su bcad par bstan pa'i phyir ro/ /'phags pa'i lam yan lag brgyad pa zhes bya ba la/ de ni gtan du ba yin pa'i phyir yongs su mi nyams pa nyid do//de la brten nas zhes bya ba ni/ 'jig rten las 'das pa'i lam la brten nas so/ /bdag dang gzhan gyi don rnam pa bcu'i bsdus pa'i don ni/ rgyun nyid dang / rjes su 'brel pa nyid dang / rgyu dang 'bras bu nyid dang / mthong ba'i chos dang / pha rol gyi bye brag nyid dang / rtag pa dang mi rtag pa nyid dang / gtan du ba dang gtan du ba ma yin pa nyid dang / ji snyed yod pa nyid dang / cig shos ji ltar yod pa nyid dang / bdag dang gzhan gyi don bcu po gong du bstan pa rnams kyi bsdus pa'i don ni de ltar 'byung ngo / /byang chub sems dpa'i sa'i gzhi'i rnal 'byor gyi gnas las/bdag dang gzhan gyi don rim par phye ba ste gsum pa'o// //de'i ngo bo ni de kho na nyid de/ de kho na nyid ces bya ba'i don to/ /gang ji lta ba bzhin yod pa'i ngang tshul can de ni ji ltar yod pa ste/ ji lta ba bzhin yod pas ji ltar yod pas so / /de'i ngo bo ni ji ltar yod pa nyid do//de bzhin du ji snyed yod pa la yang rig par bya ba'o / /de kho na'i don de yang zhes bya ba ni/ bstan pa'i mtshan nyid can gyi de kho na'i don rnam pa gnyis so/ /rab tu dbye na rnam pa bzhir rig par bya ste zhes bya ba la/ rnam pa gnyis po de nyid las so/ /'jig rten gyi grags pa zhes bya ba la sogs pa ste/'jig rten la grags pa ni 'jig rten gyi grags pa'o/ /brda dang kun rdzob la 'dris pa'i rjes su 'gro bas zhugs pa'i blos zhes bya ba la/ brda ni ming ngo / /kun rdzob ni tha snyad do/ /'dris pa ni dngos po 'di'i ming ni 'di'o zhes bya ba'o/ /brda dang kun rdzob la 'dris pa'i rjes su 'gro ba ni rjes su 'gro ba zhes bya ba ste/ brda dang kun rdzob la 'dris pa gcig nas gcig tu 'ongs pa'i blos mthong ba mnyam pa nyid do/ /ji ltar dngos po gang la zhe na/ bstan par bya ba nyid de/ sa'i dngos po la ji ltar mthong ba mnyam pa yin na/ sa la 'di ni sa kho na yin gyi ma ma yin no zhes bya ba'o/ /de lta bu la sogs pa 'byung ba dang 'byung ba las gyur pa dang /lus kyi yo byad bcu dang / zhing la sogs pa yongs su gzung ba'i dngos po dang / tshor ba ste lus kyi yo byad bcu po zhing la sogs pa la brten nas 'byung la/ de dag kun gyi rten du gyur pa ni 'byung ba las gyur pa'o/ /de dag kun kyang tshor ba'i don te/de las rab tu 'byung ba'i phyir/ bzang 'gro dang ngan 'gro la sogs pa de lta bu'i dngos po kho nar yongs su gzung ba nyid do/ /sogs pa smos pas ni/ de las gzhan pa yang gzung ba ste/ 'di ltar mdor bsdus na 'di ni yin gyi 'di ni ma yin no zhes bya ba ni mthong ba mnyam pa'o/ / nges par mos pa'i spyod yul zhes bya ba ni/ dngos po la nges par mos pa'i spyod yul ni dngos po la nges pa'i spyod yul te/ mos pas dngos po 'di'i mtshan nyid ni nges par 'di ltar ro zhes de ltar nges par 'dzin pa'o/ /de bstan par bya ba'i phyir gang 'jig rten gyi dngos po thams cad gcig nas gcig tu 'ong ba'i ming gis zhes bya bas ni/brda'i rjes su 'gro ba gong du bstan pa'i don brjod pa yin no/ /gcig nas gcig tu 'ongs pa zhes bya ba dang / rang gi rnam par rtog pa las grags pa zhes bya bas kun rdzob kyi don bstan pa ni ma bsams ma dpyad ma brtags par bzung ba zhes bya ba'o//rigs pas grags pa'i de kho na bstan pa'i phyir rtog ge pa dpyod pa dang ldan pa rtog ger gtogs pa'i sa la gnas pa rang gi spobs pa las byung ba so so'i skye bo pa dpyod pa'i rjes su dpyod pa la gnas pa zhes bya ba ste/ tshig 'di dag gi bsdus pa'i don ni/ rtog ge pa zhes bya ba ni bstan pa'i tshig go//dpyod pa dang ldan pa dang / rtog ger gtogs pa'i sa la gnas pa zhes bya ba'i tshig gnyis ni bshad pa'o/ /rnam par 'byed pa nyid ni dpyod pa dang ldan par 'gyur la/ de'i spyod yul las ma 'das pa nyid ni rtog ger gtogs pa'i sa la gnas pa yin no//yang rtog ger gtogs pa'i sa gang yin zhe na/ rang gi spobs pa las byung ba so so'i skye bo dpyod pa'i rjes su dpyod par zhugs pa rnams kyis yin gyi/ de kho na nyid kyi rjes su zhugs pa'i sa pa'i yul ni ma yin no zhes bya ba'i don to/ /de ltar tshig gcig ni bstan pa yin la/ tshig gnyis ni bshad pa yin pas/tshig gsum pa ni bstan pa yin/ tshig gsum ni bshad pa zhes de ltar rig par bya'o/ /rnam grangs gzhan yang / rtog ge rnam lngar rig bya ste/ brtag bya rtog de'i ngang tshul dang / /sngon goms mngon sum ma byas nyid/ /lung la mi brten pa nyid dang / /'bad pas yid la byed pa dang //snga ma'i 'phen pas yongs bzung nas / /rtog ge la ni 'dris pa ste/ /rnam lngas rdzogs par 'dod pa'o/ /de dag dang ldan rtog ge pa/ / de dag dang ldan pa ni rtog ge pa ste lung dang ldan pa ma yin no/ /de la yid la byed pa zhes bya ba ni/ brtag pa'i gnas yid la byed pa'o/ /yongs su gzung ba zhes bya ba ni/rigs pa'i tshad ma rnam pa gsum gyis yongs su gzung ba ste/ de ni so so'i skye bo'i sa na gnas pa'o/ /zag pa med pa zhes bya ba ni/ 'jig rten las 'das pa'i'o/ /zag pa med pa thob par byed pa ni sbyor ba'i lam gyi mtshan nyid can gyis so/ /zag pa med pa'i rjes las thob pa 'jig rten pa'i zhes bya ba ni/rnam pa gnyis ka yang 'jig rten pa'i ste/ zag pa med pa thob par byed pa dang / zag pa med pa'i rjes las thob pa'o/ /shes pas spyod yul du bya ba zhes bya ba ni shes pa des gang shes par bya ba'i yul te/ de'i spyod yul lo/ /gang gi phyir nyon mongs pa'i sgrib pa rnam par dag pa'i shes pa'i spyod yul zhes brjod ce na/de'i rgyu bstan pa'i phyir/ de la dmigs pas zhes bya ba nas brtsams pa ste/ de la dmigs pas nyon mongs pa'i sgrib pa las shes pa rnam par dag par 'gyur zhes bya ba'o/ /gang zag med pa'i shes pa de 'dir shes pa zhes brjod de/ de la bsdu ba byas nas nyon mongs pa'i sgrib pa las rnam par dag pa ni nyon mongs pa'i sgrib pa rnam par dag pa ste/ye shes gang la rnam par dag pa de yod pa'i ye shes de ni nyon mongs pa'i sgrib pa rnam par dag pa'i ye shes te/ de'i spyod yul la gzhan dag sbyor ba dang rjes las thob pa'i shes pa gong du bstan pa dag gis bsdus pa'i don 'di yin te/nyon mongs pa'i sgrib pa las rnam par dag pa ni nyon mongs pa'i sgrib pa rnam par dag pa'o/ /de'i phyir shes pa ni nyon mongs pa'i sgrib pa rnam par dag pa'i shes pa ste/ de'i spyod yul lo/ /'di ltar bsdu bar bya ste/ sgrib pa med par gyur na phyis yang dag par gnas par 'gyur te zhes bya ba'o//de bas na zhes bya ba ni/ rgyu des na'o/ /gnyis dag gam shes pa rnam pa gsum yang rung ste/ nyon mongs pa'i sgrib pa rnam par dag pa'i shes pa'i spyod yul ni de kho na nyid ces brjod do zhes bya ba'o/ /rab tu rnam par 'byed pa zhes bya ba ni zag pa med pa thob par byed pa'i shes pa gong du bstan pa des so//mngon par rtogs par 'gyur ba dang zhes bya ba ni/ zag pa med pa'i shes pa ste/ gang mngon par rtogs pa'i shes pa'o/ /mngon par rtogs par 'gyur ba'i shes pa zhes bya ba ni/ gang zag pa med pa'i rjes las thob pa'i shes pa'o/ /shes bya la shes pa'i gegs byed pa zhes bya ba la/shes bya la shes pa'i gegs byed cing gang dang ldan pas shes par bya ba mi shes pa de ni shes bya'i sgrib pa zhes brjod de / byang chub sems dpa' rnams kyi chos bdag med pa'i rjes la 'jug pa dang / sangs rgyas bcom ldan 'das rnams kyi chos bdag med pa la rab tu zhugs pa'i ye shes shin tu rnam par dag pa ste /brtags pa brjod pa'i ngo bo nyid kyis rnam par mi rtog pa ni de la rtog pa med pa'i phyir ro/ /de ltar brtags pa brjod pa'i ngo bo nyid rnam par mi rtog pa gnyis po des shes bya dang / shes pa ni mnyam pas mnyam pa'i ye shes de'i spyod yul te/ye shes de'i shes par bya ba'i yul zhes bya ba'i don to/ /ldog par 'gyur ba ste/ rab tu ldog par 'gyur ba'o/ /'da' bar mi 'gyur zhes bya ba ni shin tu 'da' bar mi 'gyur ba'o/ /'jig rten gyi mngon par zhen par byas zhes bya ba ni/ mngon par zhen pas bzung zhes bya ba'i don to//rnam par rtog pa dang spros pa thams cad kyi rtsa bas zhes bya ba la/ rnam par rtog pa thams cad ni 'chad par 'gyur ba rnam pa brgyad de/ rtog pa dang / mi rtag pa la sogs pa dag gi rnam pa'i rnam par rtog pas rnam par brtags pa'i tha snyad do/ /spros pa ni gzugs la sogs pa phung po lnga dang /dbang po drug dang / 'byung ba chen po bzhi dang / 'byung ba chen po las byung ba'i gzugs zhes bya ba ste thams cad kyang ngo bo nyid kyi rnam par rtog pa'o/ /dge ba la sogs pa zhes bya ba ni/ khyad par gyi rnam par rtog pa ste/ dge ba dang / mi dge ba dang / lung du ma bstan pa'i khyad par du rnam par rtog pa'i kun nas nyon mongs pa dang /rnam par byang ba dang / gnyi ga ma yin pa nyid dang / 'dus byas kyi mtshan nyid do/ /skye ba la sogs pa rten cing 'brel par 'byung ba zhes bya ba ni/ /'jug pa dang ldog pa nyid do/ /'das pa zhes bya ba la sogs pa ni dus nyid du'o/ /'dus byas dang 'dus ma byas zhes bya ba'i rkyen las byung ba dang ma byung ba nyid do//'jig rten 'di dang 'jig rten pha rol zhes bya ba ni/ mthong ba'i chos dang phyi ma'i bye brag go/ /nyi ma dang zla ba 'di gnyis zhes bya ba ni/ mtshan mo dang nyin par gyi bye brag gi khyad par du byas pa nyid de/ tha snyad rnam pa brgyad kyi khyad par nyid do//mya ngan las 'das pa zhes bya ba'i bar du zhes bya ba ni/ rnam par grol ba nyid do/ /thams cad kyi thams cad du med pa zhes bya ba ni/ brjod du med pa'i ngo bo yin pas 'jig rten las 'das pa'i ye shes yin na yang ngo / /dngos po tsam mam/ de bzhin nyid tsam du 'dzin pa zhes bya bas ni btags pa brjod pa'i rdzas med pa dang /mtshan ma med pa nyid dag 'gegs par byed do/ /ji lta bur yang rnam par rtog par mi byed do zhes bya ba ni/ rdzas tsam mam 'di lta bu'i de bzhin nyid tsam zhes bya ba'i ngo bor gang btags pa brjod pa'i rang bzhin du rnam par gzhag pa de 'gog par byed do/ / de bzhin nyid de dang mtshungs pa mnyam par yang dag pa ji lta ba bzhin du shes rab kyis mthong ste zhes bya ba ni/ brjod du med pa'i ngo bor khyad par med de/ kun tu brtags pa'i dngos po'i ngo bo med pa nyid do/ /sems snyoms pas mnyam pa nyid kyi btang snyoms rab tu 'thob pa ste/ thams cad khyad par med pa nyid do//khyad par yod na ni dngos po rnams mi mnyam par mthong bar 'gyur ro/ /de ltar phan pa mang po dang ldan pa ni bdag nyid kyang sangs rgyas kyi chos yongs su smin par bya ba dang / gzhan dag kyang theg pa gsum gyi chos la yongs su smin par bya ba'i phyir yang dag par rab tu zhugs pa yin te/bdag nyid kyi sangs rgyas kyi chos yongs su smin par bya ba'i phyir ni/ longs spyod rnams dang zhes bya ba la sogs pa nas brtsams pa ste/ bdag nyid kyi sangs rgyas kyi chos yongs su smin pa yin no/ /sems can ni rnam pa bzhi ste/ yon tan dang ldan pa dang / skyon dang ldan pa dang / bdag la gnod pa byed pa dang /phan pa byed pa zhes bya ba ste/ de dag la ji ltar 'os par sgrub pa ni yang dag par sbyor ba yin no/ /ngo bo nyid kyang ma yin la zhes bya ba nas/ dngos po gcig pu la mang po dag gis zhes bya ba ni gang brjod par bya ba'o / /de las gzhan pa zhes bya ba ni gzugs la sogs pa dag las gzhan pa'o//chos gang dag dang dngos po gang dag la zhes bya ba ni/ chos ni gzugs med pa/ dngos po ni gzugs can no/ /yang na chos de dag ces bya ba ni/ chos ni mang po 'dus pa'i brjod pa dang sbyar ro/ /dngos po re re la yang rnam pa sna tshogs zhes bya ba ni rnam pa'i bye brag go/ /mang por zhes bya ba dang /rnam pa sna tshogs mang po zhes bya ba ni/ gang brjod pa dang sbyar ro/ /btags te zhes bya ba ni/ gang brjod pa nye bar 'dogs pa zhes bya ba ste / de ni de ltar gzhan dang gzhan pa'i tha snyad do/ /de lta na yang btags pa'i tshig rnam pa sna tshogs mang po dag rnams dang sbyar ro /gal te nges pa nye bar bar dmigs par 'gyur ba de lta na yang chos de dag rnams dngos po'i bdag nyid du 'gyur na ni dmigs pa yang med do/ /gzugs kyi bdag nyid la btags pa'i zhes bya ba ni/ gzugs zhes btags pa'i phyir zhes bya ba'i don to/ /ji ltar btags nas she na/ smras pa/ btags pa'i tshig gis bsdus pa zhes bya ba'i don to/ /de lta na ni zhes bya ba ni/ snga ma bzhin du btags pa'i brjod pas nye bar btags pas gzugs kyi bdag nyid can gyi dngos por gyur pa de lta na'o/ /gzugs kyi blo 'jug par 'gyur zhes bya ba ni sngon du btags pa las so/ /btags pa'i tshig med par ni ma yin te/de'i bdag nyid yin pa'i phyir ro/ /gzugs la sogs pa'i chos rnams zhes bya ba ni/ lkog tu gyur pa'i chos rnams so/ /gzugs la sogs pa'i dngos po zhes bya ba ni/ mngon sum nyid du dmigs pa'o/ /yod pa ma yin pa la sgro 'dogs pa'i nyes pa ji snyed pa de dag ni thog ma nyid du dpyad cing gsal bar byas la dkrol zhing bstan zin zhes bya ba ni/du ma'i bdag nyid du ji ltar 'gyur te/ brjod pa'i snga rol na ni bdag med na'o/ /de las brjod par ji ltar 'byung ste/ re zhig snga rol na ni blo med de/ btags pa la gnas pa'i dngos po tsam gyi ngo bo med pas btags pa de thams cad kyi thams cad du med na/btags pa yang yod dam med pa zhig ce na/ btags pa yod pa nyid na ni btags pa tsam gyi dngos por yod do zhes sbyar bar mi bya ste/ de yod pa'i phyir ro/ /yang na btags par yod pa de yang med do zhes bya zer na ni de kho na nyid dang btags pa tsam la yang skur pa btab par 'gyur ro//btags pa dang de kho na nyid la skur pa 'debs pa de ni/ med pa pa'i gtso bor rig par bya'o/ /phung bar mi byed cing zhes bya ba ni/ ngan song dag tu ltung bar mi byed pa'o/ /slu bar mi byed ces bya ba ni/ bde 'gror 'gro ba las so/ /chos la 'god par byed ces bya ba ni/sbyin pa la sogs pa la'o/ /bden pa la yang 'god par byed ces bya ba ni/ kun rdzob kyi bden pa'am/ yang na don dam pa'i bden pa la yang ste rim gyis zhes bya ba'i don don to/ /bslab pa'i gzhi dag la yang g.yel bar mi 'gyur zhes bya ba ni/ las dang las kyi 'bras bu nyams par mi byed pa'o//gang gis stong pa zhes bya ba ni/ kun du brtags pa'i ngo bo brtags pa tsam mo/ /gang gis gang stong pa zhes bya ba ni/ gang gis stong pa nyid de kho na de yang mi bden pa'i ngo bo nyid de/ kun du brtags pa'i ngo bo yang bsal la/ gang stong pa'i ngo bo ni de'i rang bzhin nyid de/ stong pa nyid ces brjod do//thams cad med na ni gang du ci zhig gang gis stong par 'gyur te zhes bya ba la/ gang du zhes bya ba ni gzugs la sogs par ro/ /ci zhig ces bya ba ni de kho na nyid do/ /gang gis zhes bya ba ni kun du brtags pa'i ngo bos so/ /des de nyid stong pa nyid du 'gyur du mi rung ngo zhes bya ba la/ des zhes bya ba ni kun tu brtags pa'i ngo bo des so//de nyid ces bya ba yang kun du brtags pa de nyid do/ /gang gi phyir gang la gang med pa de ni des stong par yang dag pa ji lta ba bzhin du mthong ba zhes bya ba ni/ de ni yod pa ma yin pa la yang sgro mi 'dogs la/ yang dag pa la skur ba mi 'debs so zhes bya ba ste/ btags pa'i tshig gi bdag nyid kyi sgro 'dogs pa dang / yang dag pa la skur pa mi 'debs pa'o/ /de la dngos po ni gzugs la sogs pa la gzugs zhes bya ba la sogs par btags pa tsam pas des na 'di ltar lhag par yang mi byed la nyung bar yang mi byed do/ /'dor bar yang mi byed la snon par yang mi byed do zhes bya ba'o //thams cad du dbang thob pa'i byang chub sems dpa' zhes bya ba la/ thams cad ces bya ba gang zhe na/ phyi rol gyi dngos po shes bya dang nang gi bdag nyid can zhes bya ba'o/ /de la phyi rol gyi dngos po ni rnam pa gnyis te/ yod pa'i dngos po 'byung ba la dbang bsgyur ba dang yod pa'i dngos po las gzhan pa la dbang bsgyur ba'o//nang gi bdag nyid can yang rnam pa gnyis te/ ji srid du 'dod pa de srid gnas pa dang gnod pa med par dga' mgur 'chi 'pho ba la yang zhes bya ba'o/ /bya ba de dag kyang gang zhe na zhes bya ba ni bya ba rnams kyi bsdus pa'i don zhes bya ba'i don te/re zhig dang po ni bdag gi bde ba kun nas nyon mongs pa can no/ /de bzhin du kun nas nyon mongs pa med pa'i bya ba yang rnam pa bzhi ste/ byed pa ni bya ba'o/ /bdag gi rgyud yongs su smin pa dang / gzhan gyi rgyud yongs su smin pa dang / dam pa'i chos gzung ba dang /de'i mi mthun pa'i phyogs phas kyi rgol ba rnam par tshar gcod pa'o/ /de kho na'i don rim par phye na bsdus pa dang / dgos pa dang / go rims so/ /bde ba bsdus pa ni 'di ltar re zhig le'u 'dis bsdus pa ni/ 'di zhes bya ba'am/ don bsdus pa ni 'di dag go zhes bstan to//ci'i phyir don bsdus pa 'di dag go zhes bstan zhe na/ dgos pa brjod par bya ba'o/ /go rims gang zhes bya bas ni/ go rims brjod par bya ba'o/ /dang po re zhig kho na'i don gyis bsdus pa'i don ni rnam pa'i bye brag gis rnam par gzhag pa ste/ de kho na de'i don ni gang / gang gi zhes bya ba la/yang dag par mthong ba'i don te/ gang gi zhes bya ba 'dis ni ji snyed yod pa'i 'o/ /de kho na de'i don ni/ gang zhes bya bas ni ji ltar yod pa yang dag par bstan to/ /rnam pa'i bye brag bstan pa rnams ji lta ba bzhin de dag rtogs she na/ mngon par rtogs pa'i thabs kyis tshig de dag gis rtogs te/thos pa dang bsam pa dang bsgom pa dag gis te/ 'jig rten la grags pa'i de kho na ni thos pas rtogs te/ 'jig rten pa thams cad dag gis dngos po gang la brda dang kun rdzob dang 'dris pa'i rjes su 'gro bas zhugs pa'i blos/ lta ba mtshungs par 'gyur te /mdor bsdus nas kun rdzob tu 'di ni 'di yin gyi/ 'di ltar 'di ni gzhan du ma yin no zhes nges par mos pa'i spyod yul gang 'jig rten pa'i dngos po thams cad gcig nas gcig tu 'ongs pa'i ming gis rang gi rnam par rtog pa la grags pa ma yin pas/ ma dpyad ma brtags par bzung ba'i mos pas 'jig rten pa'i grags pa las de kho na zhes bya ba'i tshig las gcig nas gcig tu 'ongs pa'i ming thob pa nyid ni thos pas 'thob pa'o //rigs pa'i grags pa'i de kho na ni/ dam pa rigs pa'i don la mkhas pa zhes bya ba la sogs pa zhes bya ba smras nas/ mngon sum dang rjes su dpag pa dang yid ches pa'i lung gi tshad ma la brten nas/legs par dpyad cing nges pa'i shes pa'i spyod yul gyi shes bya'i dngos po 'thad pa sgrub pa'i rigs pas rab tu bsgrubs shing rnam par gzhag pa de ni 'di skad du brjod de/ rigs pas grags pa'i de kho na zhes bya ba'i tshig gis so//nyon mongs pa'i sgrib pa rnam par dag pa'i shes pa'i spyod yul gyi de kho na dang shes bya'i sgrib pa rnam par dag pa'i shes bya'i spyod yul gyi de kho na ni bsgoms pas rtogs par bya ba ste/ gnyi ga yang nyan thos dang rang sangs rgyas kyi zhes bya ba la sogs pa ste/ de thob par byed pa'i thabs nye bar bstan pas shes par bya ba ste/phung po las ma gtogs pa'i gang zag med par lta ba goms pa las byung ngo zhes bya ba'i tshig gis so/ /shes bya'i sgrib pa rnam par dag pa'i shes pa'i spyod yul gyi de kho na rnam par gzhag pa ni gnyis su med pa'i rang bzhin te/ de kho na de bsgrub pa ni gnyis su bcom ldan 'das rnams kyi ye shes zhes bya ba la sogs pas bstan te/bsgoms pas rtogs par bya ba'i shes bya'i sgrib pa rnam par dag pa'i shes pa'i spyod yul gyi de kho na rnam par gzhag pa ni gnyis su med pa'i rang bzhin te/ de kho na de bsgrub pa ni gnyis su med pa rnam par gzhag pas so//dbu ma'i lam mtha' gnyis spangs pa bla na med pa zhes bya ste zhes bya bas ni gsung rab kyi don gyi dbu ma'i lam bstan pas don chen po nyid gsal bar byas pa'i gong na med pa'i rgyu yang dag par bstan par rig par bya'o/ /gnyi ga dag gi rgyu ste/ gang gi phyir de kho na de la sangs rgyas bcom ldan 'das rnams kyi ye shes shin tu rnam par dag par rig par bya'o zhes brjod pas de lta bu'i rgyu rnams kyi gong na med pa nyid do//byang chub sems dpa' rnams kyi ni yang slob pa'i lam gyis rab tu phye ba yin par rig par bya ste zhes bya ba'i tshig gis ni gong na med pa gnyis pa nyid kyi rgyu ste/gang gi phyir yang de'i rgyu yin pas shes rab de ni byang chub sems dpa'i bla na med pa yang dag par rdzogs pa'i byang chub thob par bya ba'i thabs chen po yin te/ yang dag par rdzogs pa'i byang chub thob pa'i thabs yin pa'i phyir ro/ / 'di'i slob pa'i lam gyis rab tu phye ba'i bla na med pa nyid ni de'i thabs chen po nyid do/ /rab tu bsgrub pa ni de ci'i phyir zhe na zhes bya ba la sogs pa'i gzhung gis bstan to/ /'di ltar sangs rgyas kyi chos rnams yongs su smin par 'gyur la/ 'di ltar thabs 'dis sangs rgyas kyi chos rnams yongs su smin par 'gyur ba des na gang gi phyir gzhan du ma yin pas mi mthun pa dang gnyen po'i dngos po rab tu bsgrub pas mtha' gcig tu byas pa'i don te/stong pa nyid mchog la mos pa bsgom pa ji snyed pa de ni byang chub sems dpa'i slob pa'i lam gyis bsdus pa'i thabs chen po zhes brjod de zhes bya ba'o//thabs de'i phan yon rab tu bstan pa dang / go rims ni gzhung ci lta ba bzhin rig par bya ste/ de yang byang chub sems dpa' de ni ring nas chos bdag med pa la rjes su zhugs zhes bya ba nas brtsams te/ de bzhin du phan yon mang du yod de/ bdag nyid kyang sangs rgyas kyi chos yongs su smin par bya ba'i phyir dang /gzhan dag kyang theg pa gsum gyi chos la yongs su smin par bya ba'i phyir yang dag par rab tu zhugs pa yin zhes bya ba'o/ /de ni de dag gnyi ga'i chos yongs su smin par bya ba la ji ltar yang dag par rab tu zhugs par 'gyur zhes de'i phyir bsgrub pa'i thabs nye bar bstan pa ni/'di ltar yang dag par zhugs pa yin te zhes bya ba nas brtsams nas/ spros pa med pa'i tshul la zhugs shing don dam pa'i de kho na shes pa la yang dag par brten pa'i yang dag pa'i sbyor ba yin par rig par bya'o zhes bya ba'i bar du'o/ / de ltar rnam par gzhag pa'i de kho na de thob par bya ba'i thabs la 'jug pa'i byang chub sems dpa'i slob pa'i lam gyis bsdus pa'i bla na med pa yang dag par rdzogs pa'i byang chub thob pa'i thabs rab tu bstan to/ /'di'i phan yon gyis sangs rgyas kyi chos rnams yongs su smin par bya ba'i yang dag pa'i sbyor ba yang dag par bstan nas/de ni rigs pa dang lung gi chos thams cad brjod du med par bsgrub pa ni/ ma zhugs pa rnams gzhug pa'i don dang / thob par bya ba'i don dang / phyin ci log dang the tshom gyi blo dang ldan pa rnams kyi de spang ba'i don du'o/ /de la rigs pa ni chos thams cad brjod du med pa'i ngo bo nyid yin par khong du chud par bya zhes bya ba nas brtsams nas/ji ltar bstan pa'i chos tha na mya ngan las 'das pa'i bar du brtags pa tsam du rig par bya'o zhes bya ba'i bar du'o/ /sgro 'dogs pa'i mtha' rab tu dgag par nyes pa gsum gyis nyams pa'i phyir gcig la yang mang po'i bdag nyid can gyi skyon btags pa'i dngos pos ming gi snga logs na blo'i skyon du thal bar 'gyur ba'i nyes pa yin no//skur pa 'debs pa ni dngos po med pas btags pa'i dngos po yang med pa'i skyon rab tu dgag pas dbu ma pa'i rab tu bsgrub pa rigs par rab tu bstan pa'i rigs pa'o//'di gnyis ni chos 'dul ba 'di las rab tu nyams pa yin zhes bya ba nas brtsams pa 'di ni 'thad pa sgrub pa'i rigs pa phyin ci ma log pa gang gis brjod du med pa'i ngo bo nyid rab tu rtogs par byed pa ste/ 'di ltar re zhig 'di ni 'di las phyi rol ba rnams la brjod du med pa'i chos kyi ngo bo nyid rigs pas sgrub pa'o//chos 'di ba rnams la mi slu ba'i lung gis chos thams cad brjod du med pa'i ngo bo nyid du srid pa 'pho ba'i mdo'i tshigs su bcad pa dang / mdo sde'i lhug pa las kyang kha cig tshad ma gang gis snyam pa la/ rab tu bstan pa dang / tshigs su bcad pa gzhan dang /mdo sde gzhan dag las kyang yang dag par sdud pas yang dag par bsdus nas/ chos thams cad ngo bo nyid kyis brjod du med pa yang rab tu bstan la/ brjod par sbyor ba'i rgyu yang bstan nas/ rang gi phyogs kyi skyon bsal ba'i don dang / rgol ba'i skabs med par rab tu bstan pas/'di lta bu'i de kho na'i mtshan nyid do/ /gang mi shes pas 'jug pa dang / gang shes pas ldog pa zhes bya ba dang / ji ltar de mi shes pas 'jug pa dang / ji ltar de shes pas ldog pa yin zhe na zhes pa de lta bu yang rab tu bstan nas/ de'i mtshan nyid kyang rab tu bstan te/de lta bu yongs su ma shes pa'i phyir gzhi de las byis pa rnams zhes bya ba nas brtsams nas/ byang chub sems dpa'i theg pa chen po la spros pa'i 'gog pa de de lta bu byang chub sems dpa'i theg pa chen po'i yongs su mya ngan las 'das pa zhes bya ba'i bar du ste/ 'di lta bus ni sngar rab tu bsgoms pa'i slob pa'i lam de'i shes pa'i phan yon bstan to//da ni mthong ba'i chos de'i de kho na mchog gi don ye shes rnam par dag pa'i spyod yul la dbang du gyur pa thob pa dang / 'bras bu thob pa de'i phan yon ni lnga ste/ des ni de dang gzhan gyi thun mong ba dang / de dang gzhan thun mong ma yin pa'i rgyu rab tu bstan pa'i don te/phan yon de rnams kyis ji snyed yod pa'i phan yon rnam pa lnga po don chen po nyid kyi las dag byang chub sems dpa' thams cad kyis bya ba yongs su rdzogs par bstan to/ /dang po dang gnyis pa dag ni dman pa ste/ thos pa dang bsams pa tsam pa'i phyir ro//gsum pa ni 'bring po nyid de/ bdag gi don 'ba' zhig tsam pa'i phyir ro/ /bzhi pa ni mchog nyid de/ bdag dang gzhan gyi don nyid yin pa'i phyir ro zhes bya ba ste/ rim par phye ba mtha' dag gis bsdus pa'i don yin no/ /byang chub sems dpa'i sa'i gzhi'i rnal 'byor gyi gnas las bzhi pa de kho na rim par phye ba'o// //kun nas nyon mongs pa med pa'i thabs kyi rjes thogs la skyo ba med pa'i thabs kyi rgyu 'di ltar mthu brtsam par bya ba ni/ ting nge 'dzin la dbang thob pa zhes bya ba'o/ /ting nge 'dzin la dbang ba 'di la yod pas ting nge 'dzin la dbang ba ste de'i ngo bo ni ting nge 'dzin la dbang ba nyid yin la/de thob pa ni ting nge 'dzin la dbang thob pa ste/ de la 'phags pa'i mthu zhes brjod do/ /ji ltar dbang thob pa yin zhe na/ de la bstan par bya ba'i phyir smras pa/ sems las su rung ba/ sems shin tu yongs su bsgoms pa'i byang chub sems dpa'i lam 'phags pa'i mthu zhes bya ba'o //yang na gang gi mthu yin na/ sems las su rung ba'i ste/ sems las su rung ba nyid de / sems las su rung ba nyid ni / de'i las su rung ba nyid ni sems shin tu bsgoms pa nyid do/ /de nas de lta bu'i mtshan nyid can gyi sems kyi mthu ni 'phags pa'i mthu zhes brjod do//'bras bu chen po ni rnam par smin pa'i 'bras bu chen po nyid de phan yon no/ /de las gzhan zhes bya ba ni/ sangs rgyas dang byang chub sems dpa' rnams kyi bsod nams kyi tshogs chen po bsags pa las byung ba de yang ngo / /mdor bsdu na rdzu 'phrul ni rnam pa gnyis te/ yongs su bsgyur ba dang sprul pa'o//de la yongs su bsgyur ba'i rdzu 'phrul ni yod pa las gzhan du bsgyur ba ste/ yongs su bsgyur bas yongs su bsgyur nas/ spyod par byed pas yongs su bsgyur ba zhes brjod do/ /yongs su bsgyur ba yang rnam pa bzhi ste/ yongs su bsgyur ba ni 'jig rten ni 'di dag yongs su bsgyur te/'byung ba dang 'byung ba las gyur pa'i mtshan nyid can gyi dngos po ni/ sems can dang sems can ma yin pa rnam pa gnyis dang / bdag dang gzhan zhes bya ba'i 'byung ba dang 'byung ba las gyur pa'o/ /yang rnam pa gsum du gnas te sems can ma yin par brjod pa 'byung ba dang 'byung ba las gyur pa 'dus nas gnas pa dang /sems can du brjod pa 'dus nas gnas pa dang / 'byung ba dang 'byung ba las gyur pa'i ngo bo tha dad du gnas pa zhes bya ba 'di dag go/ /de la sems can du brjod pa'i 'byung ba dang 'byung ba las gyur pa 'dus nas gnas pa'i rlung gi khams yongs su bsgyur ba ni g.yo bar byed pa'o//me'i khams kyi ni rang gi rgyud du gtogs pa dag 'phel ba thob pas 'bar ba dang / char 'bebs pa dang / rang gi rgyud kyi nye bar len pa'i phung po'i mtshan nyid can gyi mdangs 'phel bar gyur pa'i spros pa'i dngos po ston pa dang / mig la gnas pa'i me'i khams kyis snang bar byas pas mun pa dang sgrib g.yogs kyi gnyen po snang ba yang dag par skyed par byed pa'o//'byung ba rnams kyang phan tshun gcig gzhan du byed la 'byung ba las gyur pa gzugs dang dri dang ro dang reg bya rnams la yang rig par bya'o/ 'byung ba las gyur pa sgra ma brjod pa ni lha'i rna ba'i yul nyid du 'chad par 'gyur ba'i phyir dang /tha dad du rnam par gnas su zin kyang sgra ni gzhan du bya bar mi nus pa'i phyir dang / g.yo ba'i phyir ro/ 'gro ba dang 'ong ba ni yang bdag nyid la gnas pa'i rlung gi khams mthu khyad par can du skyes pas/ bar gyi sgrib pa rtsig pa dang ri dang brag dang ra ba la sogs pa rnams la nam mkha' la sogs pa rnams kyis nam mkha'i ngo bor yongs su bsgyur nas/rnam pa gsum du lus kyis thogs pa med par 'gro ba ste/ 'byung ba chen po bzhi las byung ba'i lus rags pas sam/ mos pas te/ rgyang ring po la nye bar mos nas sems yid kyi shugs kyis te/yid dang 'dra bar mgyogs par 'gro ba'o/ /'byung ba dang 'byung ba las gyur pa 'dus pa de sdud pa dang rgyas par byed pa ni / gzugs kyi tshogs thams cad phan tshun sdud pa dang / sems can dang sems can ma yin par brjod pa/ 'byung ba dang 'byung ba las gyur pa 'dus pa thams cad rang gi lus su 'jug par byed pa'o//da ni sems can du brjod pa las gzhan du bya ba las brtsams nas sems can nam bdag nyid la phan pa nye bar spyad par bya ba dang / sdug bsngal nye bar bsal ba dang / bde ba nye bar sgrub pa'o / /de la phan pa nye bar sgrub pa'i dbang du byas nas skal ba mnyam pa'i gan du 'gro ba zhes bya ba la sogs pa nas brtsams nas bde ba sbyin pa zhes bya ba'i bar du'o//bya ba gang gis mi snang bar gyur cing snang bar gyur nas skal ba mnyam pa'i gan du 'gro zhe na/ gdul bya'i sems can rnams la chos bstan pa'i don dang /de dag nyid rab tu byang bar bya ba'i don du'o/ /chos bstan pas kyang spyod lam ngan pa la gnas pa rnams dbang du byed do/ /gzhan la chos ston pa na bar chad byed pa'i rdzu 'phrul dang ldan pa gzhan gyi rdzu 'phrul zil gyis gnon cing / chos nyan pa'i don du sems dang lus las su rung ba nyid dang /spobs pa dang dran pa sbyin pa dang / bde ba sbyin pa dang / 'od zer spros pa las kyang phan pa'i don dang / sdug bsngal bsal bar bya ba'i don ni/ sems can rnams kyi ming dang gzugs gzhan du byed pa'i gzhan du sgyur ba zhes bya ba'o/ /dbang po la brten zhes bya ba ni/'byung ba dang 'byung ba las gyur pa'i mtshan nyid can no/ /de la gtso bo nyid du lus sprul pa ji lta bu zhe na/ nges pa'i tshig nyid ni sngar bstan pa nyid do/ /sprul pa'i rdzu 'phrul gang zhe na/ mdor bsdu na dngos po med pa las dngos po thams cad sprul pa ste/ sprul pa'i sems kyis ji ltar 'dod pa bzhin du mngon par 'dus byas nas 'grub par 'gyur bas/'di la ji ltar 'dod pa zhes bya ba'i brjod pa 'grub pa'o / /ngag gi sprul pa'i bsdus pa'i don ni/ mtshan nyid gang yin pa dang / rten gang yin pa dang / gang gi don du yin pa'o/ /de la mtshan nyid gang zhe na/gdangs snyan pa dang ldan pa dang / skad gsal ba dang ldan pa'o/ /rten gang zhe na/ bdag dang gzhan dang 'brel pa la'o/ /gang gi don du zhe na/ chos ston par gtogs pa dang / bag med pa las skul bar gtogs pa'i'o/ /mtshan nyid rnam pa gnyis bstan pa ni/zab pa dang / 'brug gi sgra dang / ka la ping ka'i skad yid du 'ong ba dang / dga' bar byed pas snying du 'thad pa dang zhes bya ba ni tshig 'di dag gi bsdus pa'i don yin no/ /ji ltar zab ce na/ smras pa / 'brug sgra lta bu zhes bstan pa'o/ /ka la ping ka'i skad yid du 'ong ba 'dra ba ni rnar bde ba nyid do//snying du 'thad pa ni dga' bar byed pa'o/ /ngag de rdzogs pa'i sprul pa ngur 'gyur zhe na/ snyan cing 'jebs pa dang / rnar snyan cing zur phyin pa dang / brda phrad cing snyan pa dang / mi mthun pa med pa dang / mi brten pa dang / mi zad pa ste/ yon tan drug dang yang dag par ldan par sdud pa pos gsal bar bstan te/gdangs snyan pa nyid kyis dang / tshig 'bru bzang ba nyid kyis dang / rang gi don nyid kyis dang / ji ltar 'tsham pa nyid kyis dang / zang zing med pa nyid kyis dang / gsal ba nyid kyis so/ /de la rnam pa gnyis kyis gdangs stan pa yin par rig par bya ste/skad gsang bas 'khor gyi dkyil 'khor yongs su rdzogs par 'gengs pa dang / dbyangs snyan pa nyid kyis so/ /rnam pa gnyis kyis tshig 'bru bzang po yin te/ nges pa'i tshig 'bru yin pa nyid dang / brda phrad pa nyid kyis so/ /lhag ma ni don re re dang ldan pa nyid de /mnyan par 'os pa nyid kyis dang / 'khor ji lta ba bzhin du rjes su mthun pa nyid kyis dang / rnyed pa la sogs pa nyid dang / mi ldan pa kho nas dang / dpag tu med pa'i spobs pa dang ldan pa nyid kyis so/ /lung las ni mya ngan las 'das pa la gtod pa'i dbang du byas pa nyid dang /dbyangs snyan pa nyid dang / shin tu nges pa'i tshig 'bru yin pa nyid dang / chos kyi don dang yang dag par ldan pa nyid dang / rab tu dang ba'i dbang du byas pa la brten pa nyid dang / gsal ba la mkhas pa rnams so/ /sngon gyi gnas rjes su dran pa'i bsdus pa'i don ni/gang gis dran pa dang gang dran pa dang / rnam pa gang gis dran pa'o/ /de la gang gis dran pa ni/ byang chub sems dpa'am/ byang chub sems dpa' dang mtshungs par ldan pa gzhan gyis kyang ngo / /gang dran zhe na/ byang chub sems dpa' bdag nyid kyis rang gi dang gzhan dag gi'am/ gzhan gyis kyang bdag nyid dang gzhan rnams kyi dran pa nyid do//rnam pa gang dag gis she na/ cha phra ba'am/ chung ba'am/ mang po 'am/ bar chad med pa'am/ tshad bya bar nus pa'am/ tshad bya bar mi nus pa'am/ gzhal du med pa'o/ /de dag rnams kyi bsdus pa'i don ni/ gang bzhed pa dang / ji ltar bzhed pa dang / ji tsam bzhed pa zhes bya ba ste/ de la gang bzhed pa zhes bya ba ni/ gang du bdag gi ming ni 'di zhes bya bar gyur ces bya ba la sogs pa rgyas par 'byung ba'o/ /ji ltar bzhed ce na/ cha phra ba'am/ bar chad med pa'i tshul gyis so/ /ji tsam bzhed ces bya ba ni/ grangs bya bar mi nus pa'i tshad kyis sam/grangs med par yod do/ /gang gi don du zhe na/ skyes pa'i rabs las byang chub sems dpa'i spyod pa ni 'di lta bu zhes bya ba la sogs pa'i rabs rab tu bstan pa nyid kyis byang chub sems dpa'i spyod pa la rab tu dang ba skyed pa'i don du rab tu bstan pa dang / yang dag pa mchog gi spyod pa la gus pa skyed pa'i don du yang bstan to//spro ba skyed pa'i phyir ni rnam pa sna tshogs du ma ston te/ sngon gyi tshul dang ldan pa'i de lta bu byung ba dag kyang bstan to/ /sems can rnams kyi las kyi 'bras bu rnam par smin pa las brtsams te zhes bya ba la/ las byas pa rnams dang / byas pa bsags pa rnams kyi las ni nges par 'bras bur rnam par smin pa zhes bya ba'o/ /lha'i rna ba'i mkhyen pa'i bsdus pa'i don ni/ gang gi sgra dang / chos gang gi rnam pa dang / gang gi don du zhes bya ba ste/ yang dag pa ji lta ba bzhin du zhes bya ba la/ mdo de las ni bdag gnas che ge mo zhig tu skyes/ming ni 'di zhes bya/ rigs ni 'di zhes bya/ rus ni 'di zhes bya/ kha zas ni 'di lta bu/ tshe'i tshad ni 'di tsam zhig /yun ring po 'di srid du gnas/ bde ba dang sdug bsngal 'di lta bu myong zhes bya ba'o/ /lha dang mi rnams kyi rnam pa gang zhe na/ legs par smra ba dang / nyes par smra ba nyid de/ mchog dam pa'i yon tan nam/ yon tan med pa'am/ chung ngu dang / chen po nyid dang / don dang ldan pa dang don dang mi ldan pa nyid dang / mthu'i khyad par can nyid kyi dang / yun ring ba'i ngang thung ba'i ste/ de'i lha'i rna ba'i khams rnam par dag pa mi'i las 'das pas sgra de dang de dag thos so/ /lha'i dang mi'i dang /ring ba dang nye ba'i ste/ tha na sbrang ma'i dang / sha sbrang gi dang / sgrul gyi sgra yang thos so/ /mdo las 'chi 'pho dang skye ba mkhyen pa zhes 'byung ba'i sangs rgyas dang byang chub sems dpa' rnams kyi 'chi 'pho dang skye ba mkhyen pa gang zhe na/ 'di la de bzhin gshegs pa'am/ byang chub sems dpas lha'i mig rnam par dag pa mi'i las 'das pas sems can rnams 'chi ba'i tshe dang /shi 'phos pa na yang gzigs te/ mdog sdug pa dang / mdog mi sdug pa dang / ngan pa dang / bzang po dang / dman pa dang / gya nom pa dang / las kyis ji ltar skyes pa'i sems can rnams rab tu mkhyen to/ / ji ltar sems can lus kyis nyes par spyod pa dang ldan pa rnams dang / dag gis nyes par spyod pa dang ldan pa rnams dang / yid kyis nyes par spyod pa dang ldan pa rnams dang / 'phags pa la skur pa 'debs pa rnams dang / lta ba log pa can lta ba log pa'i chos kyi las khas blangs pa'i rgyus lus bor nas shi ba'i 'og tu ngan song ngan 'gro log par ltung ba'i sems can dmyal ba rnams su skye bar 'gyur ba yang ngo //lha'i mig gi bsdus pa'i don ni/ 'chi 'pho ba dang / skye ba dang / skyes ba dang / lus kyi las sna tshogs la gnas par mngon pa dang / gzugs phra ba dang / thams cad du zhes bya ba'o//gang gis mthong / gang mthong / gang zhig mtshan nyid gang gis/ gang gi dus su gnas skabs gang du mthong zhes bya ba 'di dag kho na 'ba' zhig tu ma zad kyi/ gzhan yang gzhan dag gi yul ma yin pa de dag kyang mthong ngo / /ci zhig ce na/ snang ba yang rung /cha phra ba yang rung / sprul pa yang rung / lha'i dang / dang ba'i dang / steng dang / 'og dang / thad kar yang ji tsam bzhed par gzigs pa ste/ gang gi don du mthong ba dang thos pa zhes bya ba'o/ /'di'i bsdus pa'i don ni/ sems can gzhan rnams dang / gang zag gzhan rnams kyi sems sems kyis yang dag pa ji lta ba bzhin du mkhyen te/sems 'dod chags dang bcas pa rnams kyang / 'dod chags dang bcas pa zhes bya bar yang dag pa ji lta ba bzhin du rab tu mkhyen to/ /sems 'dod chags dang bral ba rnams kyang / sems 'dod chags dang bral ba zhes bya bar yang dag pa ji lta ba bzhin du rab tu mkhyen to//sems zhe sdang dang bcas pa rnams kyang zhe sdang yang bcas par/ gti mug dang bcas pa yang gti mug dang bcas par/ nyon mongs pa dang bcas pa dang / nyon mongs pa med pa dang / chung ngu dang / rgya chen po dang / chen por gyur pa dang / tshad med pa zhes bya bar rab tu mkhyen to//'dod chags dang bcas pa'i sems kyang 'dod chags dang bcas pa'i sems zhes bya ba la sogs pa tshig drug gi bsdus pa'i don ni kun nas nyon mongs pas kun nas dkris pa 'di'i sems kyang rab tu mkhyen/ kun nas nyon mongs pa'i kun nas dkris pa dang bral ba dang /nyon mongs pa dang rjes su 'brel ba'i bag chags dang / nyon mongs pa dang rjes su ma 'brel cing bag chags med pa dag kyang rab tu mkhyen to/ /kun nas nyon mongs pa dang nyon mongs pa med pa dag gi tshig gi don gyi mdo ni/ smon lam log par btab pa'i sems kyang rab tu mkhyen la/gang 'di ltar nyon mongs pa'i bag chags dang / gang cung zhig zang zing dang bcas pa'i bsam pa can gyi sems nyon mongs pa can dang / gang nyon mongs pas kun nas dkris pa'i sems kyang rab tu mkhyen la/ ji skad bstan pa'i yang dag pa'i smon lam gyi sems kyang rab tu mkhyen/de las bzlog pa'i smon lam legs par btab pa'i sems kyang rab tu mkhyen pa ste/ nyon mongs pa'i sems dang ma 'brel zhing bag la nyal med pa dang / gang cung zhig zang zing med pa'i bsam pas nyon mongs pa can ma yin pas yang dag par smon lam btab pa dang / dman pa'i sems kyang rab tu mkhyen pa ste /'di lta ste 'dod pa'i khams su skyes pa'i sems can thams cad kyi sems so/ /rgya chen po dang / chen por gyur pa zhes bya ba bar mar gyur pa'i sems kyang rab tu mkhyen te/ 'di lta ste gzugs kyi khams su skyes pa'i sems can thams cad kyi'o/ /tshad med pa'i sems kyang rab tu mkhyen te/gya nom pa'i sems mkhyen pa 'di lta ste gzugs med pa'i khams su skyes pa thams cad kyi'o/ /gsum po 'di dag ltar 'jig rten gyi khams thams cad kyi bde ba dang mtshungs par ldan pa'am/ sdug bsngal dang mtshungs par ldan pa'am/ sdug bsngal yang ma yin bde ba yang ma yin pa'i tshor ba dang /mtshungs par ldan pa'i sems kyang mkhyen to/ /pha rol gyi sems mkhyen pa gcig gis sems can gcig gang gi sems gang yin pa dang / ji lta bu dang / ji 'dra ba dang / ji snyed nye bar gnas pa de yang cig car yang dag pa ji lta ba bzhin du rab tu mkhyen to//gang dag gi yin pa na ni sems can gzhan gyi'o/ /gang yin na ni sems so/ /ji lta bu yin na ni nyon mongs pa dang rjes su 'brel pa bag la nyal dang bcas pa nyid dang / nyon mongs pa dang ma 'brel zhing bag la nyal med pa nyid dang / nyon mongs pas kun nas dkris pa nyid dang / nyon mongs pas kun nas dkris pa dang bral ba nyid do/ /ji 'dra ba zhig na ni/ nyon mongs pa dang bcas pa dang / nyon mongs pa med pa'o/ /ji snyed ces bya ba ni/ dman pa'am/ gya nom pa ste/ de lta bu'i pha rol gyi sems mkhyen pa gcig kho nas/ sems can mang po gang dag gi sems gang yin pa dang /ji lta bu dang / ji 'dra ba dang / ji snyed nye bar gnas pa zhes bya ba ni/ 'di yang 'di ltar don gyi shugs kyis rtogs par bya ste/ de yang sangs rgyas dang byang chub sems dpa' rnams kyi mngon par shes pa zhes bya ba la sogs pa'o/ /zag pa zad pa mkhyen pa bdun pa'i don ni/ zag pa zad pa la mkhyen pa ni zag pa zad pa la mkhyen pa'am/zag pa zad pa'i phyir mkhyen pa ni zag pa zad pa mkhyen pa ste/ de bzhin du rnam pa bzhi yin la/ zag pa zad pa la mkhyen pa'i dbang du byas pa ni/ nyon mongs pa rnams zad pa thob pa zag pa zad pa bdag gis sam/ gzhan dag gis thob pa'am ma thob pa yang rung / zag pa zad pa'i thabs bdag dang gzhan gyi yang dag pa ji lta ba bzhin du rab tu mkhyen to/ /thabs ji lta ba yang yang dag pa ji lta ba bzhin du rab tu mkhyen to/ /zag pa zad pa mkhyen pa 'di'i dbang du byas pa ni/ gzhan dag gis zag pa zad pa thob pa'i mngon pa'i nga rgyal yang yang dag pa ji lta ba bzhin du rab tu mkhyen ces bya ba'o//gang gi don du mkhyen ce na/ de la sogs pa'i dbang du byas pa ni/ zag pa zad pa mkhyen pa des zhes bya ba la sogs pa'o/ /sbyin pa la sogs pa'i chos 'di rnams kyi mthu'i don gyi bsdus pa'i don ni rnam pa bzhi ste/'bras bu las bstan par 'gyur ro/ /ji ltar gang zhe na/ mi mthun pa'i phyogs spangs pa bral ba'i 'bras bu dang / tshogs yongs su smin pa'i skyes bu'i byed pa'i 'bras bu dang / bdag dang gzhan rjes su 'dzin pa'i bdag po'i 'bras bu dang / 'di ltar ma 'ongs pa ni 'bras bu sbyin pa'i 'bras bu rnam pa gnyis po rnam par smin pa'i 'bras bu dang /rgyu mthun pa'i 'bras bu'o/ /sbyin pa'i mi mthun pa'i phyogs ser sna yang spong ngo zhes bya ba ni bral ba'i 'bras bu'o/ /bdag nyid kyi byang chub kyi tshogs su gyur pa yang yin la zhes bya ba ni/ skyes bu byed pa'i 'bras bu ste//gang gi stobs las gang skyes pa/ de yi skyes bu byed las byung / /zhes bya ba'i tshig gis so/ /bsdu ba'i dngos po sbyin pas kyang sems can rnams yongs su smin par byed pa zhes bya ba la sogs pa ni dbang gi 'bras bu'o/ /pha rol du yang gang dang gang du skyes par phyug pa dang zhes bya ba la sogs pa ni rnam par smin pa'i 'bras bu'o//sbyin pa la yang mos par 'gyur te zhes bya ba ni/ rgyu mthun pa'i 'bras bu'o/ /de bzhin du tshul khrims la sogs pa'i chos gzhan dag la yang ji ltar rigs par brjod par bya'o/ /tshig dang rtog pa ni tshig gi rtog pa ste/de nyid nyon mongs pa'o/ /yang na tshig kun nas slong bar byed pa'i rtog pa ni tshig gi rtog pa ste/ tshig gi rtog pa can gyi mtshan nyid kyi kun nas nyon mongs pa 'dod pa'i khams la 'dod chags dang bral ba'i phyir rab tu rtog pa'i rtog pa'o/ /bsam gtan gnyis pa na ni dga' ba'o/ / bsam gtan gsum pa na ni bde ba dang / bzhi pa na ni gzugs kyi 'du shes la sogs pa ste/ gzugs kyi 'du shes dang / nam mkha' mtha' yas skye mched kyi nam mkha'i 'du shes dang / rnam shes mtha' yas skye mched kyi rnam par shes pa mtha' yas so snyam pa'i 'du shes dang / ci yang med pa'i skye mched kyi ci yang med do zhes bya ba'i 'du shes so//'du shes med 'du shes med min gyi skye mched rnam par dag pa'i lhar skyes pa'i rnam par smin pa'i 'bras bu ni ye shes rnam par dag pa'o/ /mngon par shes pa mngon par sgrub pa ni rgyu mthun pa'i 'bras bu'o/ /dge ba'i rtsa ba thams cad yongs su 'dzin pa nyid du yang dag par byed pas rgyu mthun pa'i 'bras bu ste/rgyu mthun rgyu dang 'dra ba'o zhes bya bas so/ /ma 'ongs pa na sgrib pa rnam pa gnyi ga yang mngon du 'brel par byed pas/ rnam pa thams cad du rten yongs su gyur pa nyid 'di tsam ni rnam par smin pa'i 'bras bu'o//rang bzhin gyis tshe rabs dgongs pa zhes bya ba ni/ gzhan dag gi khyad par can gyi don gyi tshe rabs dgongs pa'o/ /rang bzhin smos pa ni gzhan la phan pa'i smon lam btab par de 'byung bar byed pa'i las byas pas byung ba ste/ 'di ni yang smon lam la sogs pa med par 'byung ba'o//yun ring po la sogs par sdug bsngal la mi mjed pa ni ji srid du bdag dang gzhan gyi don ma bsgrub par te/ gang gi tshe gzhan gyi don yang dag par bsgrub par gyur pa des dga' ba'am/ yang na sems can gyi don du sems can la dmigs nas/ yun ring po la sogs par 'khor ba'i sdug bsngal las mi mjed pa'o//da ni 'di ltar yang sems can gyi don bsgrub pa'i zhes bya'o / /sems can gyi don la dmigs nas brtsams pa'i sdug bsngal gang yin pa des dga' ba'o/ /bltam kha dang bltams pa las zhes bya ba la bltam kha dang bltams pa las gzhan mkhyen bzhin gang yin zhe na/yang dag par mkhyen bzhin du yum gyi lhums su gshegs pa dang / bltam pa dang de ni rjes kyi byis pa'i gnas skabs na yang ngo / /dam pa rab mchog ces smos pa ni/ 'khor los sgyur ba'i mtshan gyi khyad par dang ldan pa'i rgyan no//byas pa sbyangs pa ma mdzad pa'i ngang tshul 'di la yod pas byas pa sbyangs pa ma mdzad pa ste/ sbyangs pa ma mdzad par bdag nyid kyis bya ba rnams la mkhas pa'o/ /byang chub sems dpa'i sa'i gzhi'i rnal 'byor gyi gnas las/ mthu'i le'u rim par phye ba ste lnga pa'o// //yongs su smin par ni mdor bsdu na rnam pa bcu drug ces bya ba'i don ni/ yongs su smin pa ni ci/ gang gis / gang du/ ci zhig yongs su smin par 'gyur/ gang gi gang zhig gis yongs su smin par byed/ yongs su smin pa'i mtshan nyid ni ji lta bur 'byung zhes bya ba'o//de la yongs su nges par ci zhig yongs su smin pa'i ngo bo nyid ni yongs su smin pa'am/ yongs su smin pa gang la brten nas 'jug snyam nas/ de la 'di yongs su smin par bya bas ni / yongs su smin pa'am/ 'di dag la yongs su smin par bya bas te/ nyan thos kyi theg pa pa la sogs pa'o//de la yang nges par ci zhig yongs su smin par bya ba yin pas yongs su smin par bya ba 'di dag ni yongs su smin pa'o/ /ji lta bu'i rim gyis she na/ chung ngu la sogs pas so/ /'dis yongs su smin par byed pas na/ thabs ni yongs su smin pa'o/ /nges par 'dir byed pa po 'byung bas yongs su smin par gang gis byed pa ni yongs su smin pa'o//'di ltar ji ltar shes snyam pas ni yongs su smin pa'i gang zag gi mtshan nyid do/ /rma yongs su smin pa zhes brjod pa ni/ brtol la rag pa'o/ /de bzhin du nyon mongs pa dang shes bya'i sgrib pa spangs la rag pa pa'i rgyud ni yongs su smin pa zhes brjod do//bum pa dang / rje'u dang / kham phor la sogs pa'i snod dang / a mra dad pa na sa la sogs pa yongs su longs spyod pa'i 'os gnyis smos pas ni nye bar longs spyod pa'i 'os rten dang brten pa gnyis rab tu bstan pa'i don te/ rten ni lus so/ /brten pa ni sems dang sems las byung ba'i chos so//go rims ni dang por brtol ba yin la/ phyi nas yongs su longs spyad pa zhes bya ba yongs su smin pa'i gang zag rigs la gnas pa dang / rigs la mi gnas pa'i bye brag gam/ bla na yod pa'am bla na med pa'i khyad par ram/ chung ngu dang 'bring dang chen po'i khyad par ro//gang gang la yongs su smin par bya ba'i khyad par rnam pa drug gi bsdus pa'i don ni de dag yongs su smin pa ni yongs su smin pa ste/ yongs su smin pa de'i khyad par gsum ni yongs su smin pa'o/ /de dag las gzhan pa'i go rims kyi khyad par gsum yang yongs su smin pa ste/chung ngu dang 'bring dang chen po'i mtshan nyid do/ /rnam par smin pa zhes bya ba ni/ rnam par smin pa brgyad de/ bdag dang gzhan gyi don gyi le'ur bstan pa'o/ /sdig pa mi dge ba'i chos rnams la sems mi 'jug cing sgrib pa chung ba dang / rtog pa nyung ba dang zhes bya bas ni/ las dang nyon mongs pa'i rnam par rtog pa mi mthun pa'i phyogs chung bar gyur pa nyid bstan to//drang ba ni rang gi bsam pa ji lta ba bzhin du ston pa nyid do/ /mthun par 'dzin pa ni gdams ngag rjes su bsgrub pa nyid do/ /dran pa dang ldan pa ni sngar byas pa dang / sngar smras pa'i rnam par rtog pa mi mthun pa'i phyogs chung bar gyur pa nyid bstan to//drang ba ni rang gi bsam pa zhes bya ba la sogs pas ni/ don 'dzin par byed pa'i shes rab kyi khyad par ston par byed de/ sems kyis rab tu rtogs pa shes rab kyis don rab tu rtogs pa nyid do/ /thams cad nas nyon mongs pa thams cad las sems pa gtan du rnam par grol bar byed pa zhes bya ba la/thams cad nas zhes bya ba ni dmigs pa thams cad nas so/ /gtan du zhes bya ba ni bag chags rab tu spangs pa'o/ /nyon mongs pa thams cad las zhes bya ba ni/ mthong ba dang bsgom pas spangs pa'i nyon mongs pa'o//yun ring po nas goms pa zhes bya bas ni/ de'i sbyor ba med pa nyid bstan to/ /dbang po dang / dge ba'i rtsa ba dang / shes pa yongs su smin pa'i rgyu ni sngon gyi skye ba la'o/ /rgyud yongs su ma brtags pa ni mthong ba'i chos la'o/ /rgyu chung ngu la goms pa zhes bya ba ni dam bar byed pa'i sbyor ba dang bral bas zhes bya bas bstan to//yongs su smin pa'i thabs nyi shu rtsa bdun po rnams kyi bsdus pa'i don ni/ bstan pa dang / bshad pa ste/ 'di dag gi gnas skabs so/ /bstan pa ni khams brtas pa dang / da ltar gyi rkyen nye bar sgrub pa zhes bya ba'o//'di dag las gzhan pa'i thabs rnams ni bshad pa'o/ /khams brtas pa'i bshad pa ni drug go/ /khams brtas pa de yang rnam pa gnyis te/ chung ngu dang chen po'o/ /chung ngus ni 'jug par 'gyur la/ chen pos dga' bar 'dzin pa'o/ /gang de ltar 'jug pa de nyid dang por 'jug pa nyid kyang yin no//yang 'di dag gi khyad par gang yin zhe na/ 'jug pa ni khyim pa dang rab tu byung ba'i gnas skabs gnyis dag gi bslab pa'i gnas yang dag par len pa'o/ /dang por 'jug pa yang ma yin te/ rig pa'i don la phan yon mthong nas 'jug pa 'di nyid la dang por 'jug pa zhes brjod do//dang por 'jug pa ma yin pa ni/ sangs rgyas dang byang chub sems dpa' rnams kyi btang snyoms mi mdzad pa la rten cing zhes bya ba la sogs pa ste/ 'di ni khams brtas pa'i bshad pa'o/ /de la rnam par dag pa thag ring ba ni/ le lo'am/ rkyen dang mi ldan pa ste/ sngar brtson 'grus brtsams pa'i khams la brten pa nyid dang / le lo dang rkyen dang mi ldan pa'o/ /de nas 'di ltar de dang mi ldan pa ste/ rnam par dag pa thag ring ba'i phyir/ rnam par dag pa thag nye ba ma yin par rig par bya'o/ /sbyor ba ni mi rtsom pa'i nyes dmigs mthong ba'o/ /yang dag par rtog pa'i bzod pa la brten cing zhes bya ba ni/chos la rnam par dpyod pa'i rgyu las byung ba'i bzod pa thob po zhes bya ba'i don to/ /chos 'dul ba 'di las zhes bya ba ni/ sangs rgyas kyi bstan pa las so/ /dkon mchog gsum la dad pa mi g.yo ba'i gter mi 'phrogs par bya ba'i phyir te/bzod pa nyid du byed do/ /gzhan dag gis rtogs pa la yid ches pa dang / yon tan 'byung ba rtogs pa nas rang gi don thob par bya ba la mi dad pas g.yo ba nyid gang yin pa 'byung ngo / /sbyor ba dang bsam pa ni 'di dag go/ /da ltar gyi rkyen bshad pa ni/ de la da ltar gyi rkyen yang rnam pa gsum ste /chos la phyin ci ma log pa'i chos 'chad pa dang / de la phyin ci log par 'dzin pa nyid dang / chos dang rjes su mthun pa'i chos la ji lta ba bzhin du nan tan byed pa zhes bya ba ste/ de la phyin ci ma log par 'dzin pa nyid do/ /bsam pa'i thabs kyis bshad pa ni chos dang / rjes su mthun pa'i chos la nan tan byed pa'o/ /sbyor ba'i thabs kyis bshad pa ni/ zang zing nye bar bsgrub pa zhes bya ba la sogs pa ste/ thabs drug go/ /da ltar gyi rkyen nye bar bsgrub pa 'di la mthong ba'i chos phyin ci ma log par ston pa ni bshad pa'o/ /chos ston pa 'ba' zhig tu yang ma zad de/ 'di ltar 'on kyang gzhan gyi bya ba thams cad kyi thabs ma lus pa'i bshad pa yang yin no/ /zang zing nye bar bsgrub pa dang chos nye bar sgrub pa ni bsdu ba'i thabs yin no/ /rdzu 'phrul gyis 'dun par byed pa ni/ 'dun par bya ba'i thabs yin te/ ma dad pa dad par byed pa'i phyir dang / bsam pa dag par byed pa'i phyir dang /sbyor ba dag par byed pa'i don gyis so/ /'di ltar 'dun par byed pa'i phyir dgos pa yang gnyis su bstan te/ rang gis bdag gi don thob par mi nus pa dbang po rtul po dang / dbang po rnon po mngon par shes pa myur ba dag gi'o/ /gsang ste chos brjod pa ni/ sems can byis pa'i spyod pa can gyi dbang du byis pa'o/ /rnam par phye ste chos brjod pa ni/ shes rab rgya che ba'i dbang du byas pa'o/ /da ltar gyi skyon sbyor ba chos dang rjes su mthun pa'i chos la nan tan byed pa las brtsams nas/ chung ngu la sogs pa gsum po rtag tu sbyor ba med pa dang / gus bar sbyor ba med pa dang / de gnyi ga las gang yang rung ba gcig med pa dang / de gnyi ga dag dang ldan pa ste go rims bzhin no/ /thos pa la sogs pa gsum la sbyor ba ni/ sngar gyi zang zing nye bar bsgrub pa dag go/ /yongs su smin par byed pa ni rnam pa gnyis su gyur te/ yang dag par rab tu zhugs pa dang /log par zhugs pa zhes bya ba ste/ de la yang dag par ma zhugs pa ni tshar bcad pa'o/ /de la mthong ba'i chos la gzhan la brten pa'i yongs su smin pa de ni rnam pa gsum ste/ rang gis byas pa nyid dang / gzhan dag gis gsol ba btab pa nyid dang / de dag gnyi ga nyid ces bya ba'o//yongs su smin par byed pa'i byang chub sems dpa' drug gi bsdus pa'i don ni/ lhag pa'i bsam pa dag pa dang / nges pa pa dang / nges pa'i sa la gnas pa gsum dang / byang chub sems dpa' gsum po de dag gi sbyor ba'i lam la gnas pa gsum ste/ mos pas spyod pa'i sa la gnas pa ni/ bsam pa dag pa'i sa la 'jug pa'i phyir sbyor ba'i lam la gnas pa'o/ /de bzhin du gzhan dag la yang sbyar bar bya'o/ /rang sangs rgyas dang khyad par ni 'di yin te/ lus tha ma thob par gyur pa na slob dpon med pa nyid du dgra bcom pa chen po nyid du thob par byed/ mngon sum du byed pa des na rang sangs rgyas zhes bya ba'o / /'dun pa chung bar gyur pa dang / sbyor ba chung ba zhes bya ba ni/ bsam pa dang sbyor ba gnyi ga chung ba'i phyir chung ba nyid do/ /de bzhin du gzhan dag la yang ngo / /le'u 'di'i bsdus pa'i don gyi go rims ni ma bris te/ de nyid kyis 'dir yang yongs su smin pa ni rnam pa drug tu rig par bya ste zhes bya ba la sogs pas bstan pa'i phyir ro//byang chub sems dpa'i sa'i gzhi'i rnal 'byor gyi gnas las rim par phye ba drug pa rdzogs so// //mdor bsdu na spangs pa rnam pa gnyis dang / ye shes rnam pa gnyis la ni byang chub ces bya ste zhes bya ba la/'dir spangs pa rnam pa gnyis smos pa ni/ ye shes nyid la 'di ltar byang chub ces bya ste/ ye shes rnam pa gnyis thob pa ni/ spangs pa rnam pa gnyis byas pas ye shes kyi rgyur yang dag par bstan pa'o/ /rnam grangs gzhan yang zhes bya ba la/ 'dir khyad par ni snga ma'i rnam grangs las ni shes bya'i sgrib pa spangs pa dang / gang shes bya thams cad la thogs pa med cing sgrib pa med pa ni/ rnam grangs te ma las ma phye bar ye shes bstan to/ /'dir ni ye shes de nyid rnam par phye nas rab tu bstan to/ /'dus byas dang 'dus ma byas kyi dngos po de nyid la rnam par phye ba'i rab tu dbye ba tshad med de zhes bya ba la/ji ltar byas nas 'di ltar tsam zhe na/ rang gi mtshan nyid phyi ma phyi ma'i zhes bya ba la sogs pas so/ /'dus byas kyi dngos po la ni rang gi mtshan nyid la sogs pa'i rab tu dbye ba legs par bstan pa yin na/ 'dus ma byas la rang gi mtshan nyid la sogs pa'i dbye ba ji ltar zhe na/ de dag nyid kyi rang gi mtshan nyid la sogs pa'i dbye bas tha dad pa'i 'dus byas kyi chos rnams kyi chos nyid dang / de bzhin nyid la 'dir 'dus ma byas zhes 'dus byas kyi dngos pos byas pa nyid ni 'dus ma byas kyi dbye ba zhes bya ste/'di la 'gal ba med do/ /rnam grangs gzhan yang zhes bya ba ni/ sangs rgyas kyi chos thams cad kyi bdag nyid ni sangs rgyas zhes bya bar bstan pa'i don du rnam grangs gzhan brtsams pa'o/ /dam pa bdun gyi bsdus pa'i don ni/ gang la brten pa dang / gang gi don du bsgrub pa dang /gang la gnas pa dang / thabs gang gis dang / 'bras bu gang thob pa dang / gnas pa gang gis gnas pa zhes bya ba'o/ /dam pa 'di dag nyid ni dam pa bdun te/ sbyor ba gang gis dam pa yin pa ni byang chub ces brjod do/ /de la gang la rab tu gnas na ni/ tshul khrims la rab tu gnas so//thabs gang gis she na/ ye shes dam pa nyid kyis nyon mongs pa med pa'i thabs dang mthu nyid kyis skyo ba med pa'i thabs kyis so/ /'bras bu gang 'thob pa ni nyon mongs pa dang shes bya'i sgrib pa spangs pa'i 'bras bu'o/ /gang gi gnas na gnas pa gsum gyis so/ / phyin ci ma log par gsungs pas de bzhin gshegs pa zhes bya'o zhes bya ba ni de bzhin gshegs pa ni 'dir 'di ltar yi ge tar bsgyur ba byas nas de bzhin gshegs pa'o/ /de bzhin gshegs pa de thob par bya ba'i don thams cad brnyes pa'i phyir dgra bcom pa'o/ /des na 'jig rten na dgra bcom pa chen po zhes brjod do //thob par bya ba'i don thams cad kyi phyir dang / gang 'jig rten gyi rin po che la sogs pas bcom ldan 'das de mchod par 'os pas kyang brjod de/ de thob par bya ba'i don thams cad thob pa'i phyir ram/ bla na med pa'i bsod nams kyi zhing yin pa nyid de gnyi gas kyang mchod par 'os pa'i phyir yang ngo //chos rnams ji lta ba bzhin du don dam par thugs su chud pas zhes bya ba la/ chos rnams ji lta ba bzhin du thugs su chud pas zhes bya bas ni/ yang dag par zhes bya ba'i sgra'i don bstan to/ /don dam par chos rnams thugs su chud pas zhes bya bas ni/rdzogs pa'i zhes bya ba'i sgra'i don bstan to/ /rig pa gsum zhes bya ba ni/ sngon gyi gnas rjes su dran pa mkhyen pa'i rig pa dang / 'chi 'pho dang skye ba mkhyen pa'i rig pa dang / zag pa zad pa mkhyen pa'i rig pa'o/ /rig pa de dag ni sngon dang phyi ma la sogs pa mi rig pa zlog par byed pa'i mtshan nyid can te/mdo las ji skad gsungs pa bzhin no/ /tshul khrims las brtsams nas ting nge 'dzin gyi bar ni zhabs te des 'gro bar byed pas so/ /lhag mthong gi phyogs ni rig pa'o/ /zhi gnas kyi phyogs ni ting nge 'dzin to/ /de gnyi ga'i phyogs ni tshul khrims te mchog tu mthar phyin par byin pas so//ji srid 'god par bya bar byon pa'i don gyis dang / yang mi ldog par gshegs pas bde bar gshegs pa'o/ /de nyid kyis na bcom ldan 'das bla na med pa skyes bu 'dul ba kha lo sgyur ba zhes bya'o/ /sems 'dul ba'i thabs dam pa mkhyen pa zhes bya ba ni/skyes bu dam pas 'dul ba ni 'dul bar bya ba ste/ ci zhe na sems so/ /de 'dul ba'i thabs mkhyen pa'i phyir bla na med pa / skyes bu 'dul ba kha lo sgyur ba zhes bya ba la/ kha lo sgyur ba ni 'jig rten na 'dul ba'i thabs shes pa lta bu'o/ /des na de bla na med pa zhes bya ba ste/khyad par du 'phags pa'i 'dul ba'i thabs mkhyen pa'i phyir ro/ /lha dang mi rnams kyi ston pa zhes bya ba la/ legs par ston par mdzad pa nyid kyi ston pa ste/ don 'di nyid gsal bar bstan pa'i phyir smras pa/ yang dag par zhes bya bas ston pa'i don bshad de/ ci zhig bshad ce na/smras pa/ sdug bsngal thams cad las nges par 'byung ba'o/ /gang gi zhe na/ smras pa/ lha dang mi rnams kyi'o/ /ji ltar bstan zhe na/ 'di'i don bstan par bya ba'i phyir smras pa/ mig tu gyur pa'i phyir dang / ye shes su gyur pa'i phyir dang / don du gyur pa'i phyir dang /chos su gyur pa'i phyir ro/ /ji ltar mig tu gyur pa yin zhe na/ smras pa/ don gsal ba gtan la 'bebs pa'i phyir ro/ /don gsal ba gtan la 'bebs pa nyid yang dag par bstan pa ni/ ji ltar slob dpon ma khol gyis bstod pa bzhi brgya pa las/ khyod kyi bstan la ma brten par//de nyid mthong ba 'ga' yang med/ /long ba lta bu'i 'jig rten gyi/ /mig tu gyur pa khyod la 'dud/ /ces bstan pas de kho na nyid gsal bar brjod pas de ston pas sam/ yang na don gsal bar gtan la 'bebs pa nyid kyis mig tu gyur pa ste/ rang nyid kyis rab tu bstan pa'i don nges par mdzad pa'i phyir/nges par skyed par byed pa'i don to/ /ji ltar snang bas yongs su 'dzin pa'i gzugs ni rab tu mthong bar gyur pa de bzhin du/ bcom ldan 'das kho na snang bar gyur pa yin te/ don gsal bar gtan la 'bebs pa'i phyir ro/ /de lta bas na bcom ldan 'das ni snang bar gyur pa yin te/ji ltar slob dpon ma khol gyis bstod pa bzhi brgya pa de nyid las/ me dang mar me'i 'od yod cing / /zla skar nor bu yod gyur kyang / /nyi ma med na sa steng 'di/ /gsal bas rgyas par mi 'gyur la/ /de las gzhan pa'i snang ba'am/ /de las khyad 'phags gzhan dag ni//yod kyang khyod med 'gro ba 'di/ /snang ba med par gyur pa yin/ /ji ltar ma rig mun pa yi/ /sgrib pas sems ni yongs bkag pas/ /mun par gyur pa'i 'jig rten gyi/ /snang bar gyur pa khyod la 'dud/ /ces bstan pas de lta bas na snang bar gyur pa nyid kyis snang bar gyur ba zhes brjod pa yin no//ji ltar don du gyur ba yin zhe na/ smras pa/ don thams cad ston pa'i phyir zhes bya ba ste/ don thams cad ni 'dus byas dang 'dus ma byas la sogs pa'o/ /'di ltar ro zhes ston par byed pa'i don gyis ston pa ste/ shes par 'dod pas ston pa de yang bcom ldan 'das la ma brten par de rtogs pa med pas so//de yang ji ltar slob dpon ma khol gyis bstod pa de nyid las/ don ni don du ma rig cing / /don ma yin yang don min du/ /blo yis chos ni ma rtogs pa/ /khyod la brten nas rtogs pa yin/ /phal cher don min spong 'dod kyang //rmongs pas don ni spong 'gyur te/ /mi shes pa ni don 'dod kyang / /don ma yin pa grub par 'gyur/ /khyod la brten nas ci rigs par/ gnyi ga dag ni rtogs 'gyur te/ /de dag gnyi ga nyer bstan pa'i/ /don du gyur pa khyod la 'dud/ /ces bstan pas/ des na don thams cad ston pa yin te/'di ni don 'di ni don ma yin pa'o zhes dge ba dang mi dge ba la sogs pa'i don rtogs par 'dod pa dag gis khyod la brten pa med par rtogs pa med do/ /ji ltar ye shes su gyur pa yin zhe na/ smras pa/ mi rtogs zhes bya ba la sogs pa ste/mi rtogs pa'i zhes bya ba ni mi shes pa'o/ /rtogs par mdzad pa'i phyir zhes bya ba ni go bar byed pas so/ /'dis mi shes pa'i gnyen por bstan to/ /rtogs pa rnams kyi the tshom skyes pa gcod par mdzad pa'i phyir zhes bya ba ni the tshom skyes pa'i shes pa'i gnyen po 'di yin te/ nges pa'i shes pa skyed par byed pas so/ /zab mo'i gnas rnams rnam par 'grel pa zhes bya ba ni/ phyin ci log gi shes pa'i gnyen por gyur pa'i yang dag pa'i shes pa skyed pas so/ /grol ba rnams yongs su byang bar mdzad pa'i phyir te/ bstan par mdzad pa'i don du sbyong bar mdzad pa'i don to/ / 'dir slob dpon ma khol gyis bstod pa de nyid las/ rnam pa thams cad yongs mkhyen pas/ /mkhyen bya thams cad kun snang ba/ /ye shes snang ba mdzad pa yi/ /ye shes gyur la phyag 'tshal lo/ /zhes bya ba ste/ 'dis ni rnam pa thams cad mi shes pa dang / the tshom gyi shes pa dang / phyin ci log gi shes pa rnams kyi gnyen por gyur pa rtogs pa'i shes pa dang /nges pa'i shes pa dang / yang dag pa'i shes pa rnams rnam par sbyong ba nyid do/ /ji ltar chos su gyur pa yin zhe na/ smras pa/ de chos thams cad kyi rtsa ba yin pa'i phyir zhes bya ba la sogs pa ste/ chos ni mdo'i sde dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang / de lta bu byung ba dang / skyes pa'i rabs dang / shin tu rgyas pa dang / chos rmad du byung ba dang / gtan la phab pa zhes bya ba ste/ gsung rab yan lag bcu gnyis su gtogs pa'i chos de rnams ni chos thams cad kyi rtsa ba yin pa'i phyir zhes bya ba bcom ldan 'das kyis dang por bstan pa yin pa'i phyir rtsa ba nyid yin no//de 'dren pa yin pa'i phyir zhes bya ba la/ chos de dag rnams des 'dren pa yin te/ de 'dren pa yin pa ni/ de 'dren pa'i ngo bo yin pa'i phyir ro//des na gang gi phyir bcom ldan 'das kho na chos de 'dren pa yin pa de'i phyir/ bcom ldan 'das ni chos su gyur pa'o/ /'on kyang ston pa nyid kyis ston pa yin pa'i phyir zhes bya ba ste/ de nyid ston pa yin pas na ston pa yin pa ste/ chos gang rnams de'i chos yin pa de la stan pa yin pa'o//de bas na de'i ngo bo ni ston pa yin pa nyid do/ /rgyu 'dis kyang bcom ldan 'das ni chos su gyur pa yin te/ de'i phyir lha dang mi rnams kyi ston pa zhes brjod do/ /tshogs mtha' dag rnam pa thams cad du mngon par rdzogs par thugs su chud pa zhes bya ba la/ mtha' dag ni chos kyi phung po rnam pa gsum mo//rnam pa thams cad ni dge ba dang mi dge ba la sogs pa'i rnam pa'o/ /de dag rnam pa nyid kyis thugs su chud pa ste/ mngon par rdzogs par sangs rgyas zhes bya ba'o/ /bdud dpung dang bcas pa thams cad kyi g.yul chen po bcom pas na bcom ldan 'das te/bcom ldan 'das nyag gcig 'jig rten gyi khams thams cad du 'byung zhes bya ba ni/ sde pa gzhan kha cig gi 'dod pa'o/ /de'i lan du brtsams pa ni/ de la bskal pa du mar yang sangs rgyas gcig kyang mi 'byung zhes bya ba la sogs pa'o/ /rang bzhin gyis nyon mongs pa mang ba'i rgyud dang /shes rab 'chal pa'i rgyud kyis kyang bla na med pa yang dag par rdzogs pa'i byang chub mngon par rdzogs par 'tshang rgya bar mi nus zhes bya ba ni/ nyon mongs pa dang shes bya'i sgrib pas zil gyis mnan pa'i phyir sangs rgyas dang byang chub sems dpa' rnams kyis zhes bya ba'i don to//ngo bo nyid kyis zhes bya ba la sogs pa la/ byang chub kyi le'u'i bsdus pa'i don dang go rims dag ni 'di nyid du nye bar bstan zin pa'i phyir/ yang nye bar bstan par bya ba ma yin pas des na ma bris so/ /byang chub sems dpa' sa'i gzhi'i rnal 'byor gyi gnas las byang chub sems dpa'i rim par phye ba ste bdun pa rdzogs so// //sdom ni/ mos pa mang po nyid dang ni/ /chos tshol ba dang ston pa dang / /sgrub pa dang ni de bzhin du/ /legs par gdams ngag rjes bstan dang / /lus dang ngag dang yid kyi las/ /thabs dang bcas pa phyi ma yin//zhes bya ba ni/ ji ltar bslab pa'i dbang du byas pa yin la/ byang chub sems dpa' gang la bslab par bya ba ni sngar bstan zin to/ /bsdus pa'i don ston pa bdun po 'di dag gi bsdus pa'i don ni/ bdag nyid ji ltar slob pa dang / gzhan dag la yang zhes bya ba ni bsdus pa'i don to//de la bdag nyid slob par byed pa ni/ byang chub sems dpa' chos kyis rjes su 'brang ba dang / dad pas rjes su 'brang ba'o/ /de la chos kyis rjes su 'brang ba ni rnam pa gsum du slob ste/ mos pa mang po nyid kyi bsam pa'i rgyun nyid dang / sbyor ba nyid dang / chos tshol ba la sbyor ba nyid la'o/ / dad pas rjes su 'brang ba ni rnam pa bzhi ste/ bdag nyid kyis bslab pa'i sngar chos kyis rjes su 'brang ba la bstan pa'i bslab pa rnam pa gsum dang / bzhi pa gdams ngag rjes su bstan pa 'dzin pa'o/ /gzhan bslab pa yang rnam pa gnyis te/ gzhan rnam pa gnyis ni zhugs pa dang ma zhugs pa zhes bya ba'o//de la gzhan zhugs pa dbang po rnon po la bstan pa dang / dad pas rjes su 'brang ba la bstan cing gdams ngag rjes su bstan pa'o/ /ma zhugs pa rnams la ni/ lus dang ngag dang yid kyi las dang / thabs dang bcas pa zhes bya ba ste/ de la dang por bdag nyid mos pa la slob par byed do//de nas ni chos tshol lo/ /de nas ni bsgrub ste/ chos kyis rjes su 'brang ba ni de ltar bdag nyid gang dang gang la slob pa de la gzhan dag kyang 'dzud par byed de/ bdag nyid kyang mos pa la slob par byed/ chos tshol bar byed la/ gzhan pha rol dag la yang mos pa bskyed par bya ba'i don du chos ston par byed do//bdag nyid kyi sgrub par byed cing gzhan dag gis kyang rtogs par bya ba'i phyir gdams ngag dang rjes su bstan pa sbyin pa ste/ de ltar re zhig zhugs pa rnams kyi'o/ /yang ma zhugs pa rnams la ni bdag nyid bsgrub pa la slob pa ni lus dang ngag dang yid kyi las thabs dang bcas pa la slob par byed pa nyid do//go rims de dag gi bsdus pa'i don de la/ ji ltar na byang chub sems dpa'i mos pa mang ba yin zhe na zhes bya ba la/ 'di'i bsdus pa'i don ni gang la mos pa spyad pa dang gang gis mos pa zhes bya ba'o/ /dad pa dang dang ba sngon du 'gro bas te/ dad pa'i mtshan nyid ni dang ba'o//nges pa gang la de sngon du 'gro ba yod pa ni rgyu des na 'dod pa skye bar 'gyur la/ de dang ldan pa'i mos pa gang yin zhe na/ nges pa'i dngos po la de nyid du nges par 'dzin pa'i mtshan nyid do/ /mos pa'i gnas rnam pa brgyad ni/ dkon mchog dang / yon tan la sogs pa'i / /mos pa'i gnas brgyad po mdor bsdus pa ni/mchog la mos pa dang / zab cing rgya che ba la mos pa dang / rgyu dang 'bras bu'i mtshan nyid can gyi tshogs la mos pa dang / thob par bya ba la mos pa'o/ /sangs rgyas dkon mchog gi yon tan la mos pa ni/ thob par bya ba la mos pa'o/ /sgrub pa'i thabs ni sgrub pa'i chos thob pa'i thabs su gyur pa legs par gsungs pa'i bstan pa'i chos so//rnam grangs de las gzhan yang gnas la mos pa bstan pa dang / de'i rab tu dbye ba la mos pa ste/ 'di ltar mdor bsdus pa gzhan gnas la mos pas bsten pa dang / rab tu dbye ba la brten pa'o/ /'di ltar mdor bsdus pa gzhan yang dkon mchog gsum gyi yon tan dang /de'i rab tu dbye ba la brten pa'o/ /de las gzhan yang bstan pa rnam pa bdun te/ ji ltar byas nas she na sangs rgyas dang chos dang dge 'dun gyi yon tan la mos pa byas pa/ sangs rgyas dang byang chub sems dpa'i mthu la mos pa dang /chos kyi yon tan la mos pa byas pa/ de kho na'i don la mos pa ste/ don dam pa'i chos yin pa nyid kyis de kho na'i don to/ /dge 'dun gyi yon tan la mos pa'i stobs nyid kyis rgyu dang 'bras bu la mos pa ste/ rgyu 'di las 'bras bu 'di 'thob po zhes bya ba'o/ /lam rab tu bsgom pa nyid kyis byang chub sems dpa' gnas skabs kyi thob par bya ba la mos pa ste/sangs rgyas dkon mchog gi yon tan la mos pa las rab tu byung ba'o/ chos dkon mchog gi yon tan la mos pa las byung ba ni thob par bya ba'i thabs la mos pa'o/ /'dir thob pa'i thabs ni sgrub pa'i chos te/ byang chub kyi phyogs kyi chos thams cad do//legs par gsungs pa la mos pa ni/ chos dkon mchog gi yon tan la mos pa byas pa nyid de/ bstan pa'i chos la chos zhes byas nas so/ /mos pa la goms pa lan mang du byed pa dang zhes bya ba ni/ ji srid bzod pa chen po ma bskyed kyi bar du'o/ /bzod pa drag po yod pa ni lhag pa'i bsam pa dag pa nye bar gnas pa'i gnas skabs su /rgyu dang 'bras bu yang dag par ston pa'i rnam pa zhes bya ba la/ yang dag par zhes bya ba ni/ phyin ci ma log pa'o/ /rgyu dang 'bras bu ni rjes su mthun pa zhes bya ba'i don to/ / byas pa chud mi za zhing bsal bar byed ces bya ba la/ byas pa'i las rnams kyis nges par 'bras bu sbyin pa'o/ /ma byas pa dang phrad par mi 'gyur ba zhes bya ba ni/ ma byas pa'i las rnams las 'bras bu 'byung bar mi 'gyur ba'o/ /pha rol klan ka tshol ba brjod pa'i yon tan ston pa'i rnam pa dang zhes bya ba ni/klan ka tshol ba zhes bya ba la/ 'dir nye bar zhes bya ba'i sgra ni nye bar bsgyur ba'am brnyas pa ste/ 'di ltar nyes pa brjod cing rgol ba dang / skyon nas brjod cing nye bar brjod pa'am/ gzhan dag la brnyas pa'i tshig gis skyon nas brjod cing smras pa'o/ /de nyid ni phan yon te/des ston pa'i rnam pa'o/ /'di lta bu smra ba las zhes bya ba la/ gzhan las 'os pa ni 'di lta bu smras pa'o / /de lta bu las thar pa ni de lta bu smra ba las thar pa'o/ /de nyid ni phan yon te/ gzhan dag gi smras pa ni skyon 'di dang 'di lta bu zhes bya ba'i don to/ /skad kyi dbyings kyi ngo bo sgrub pa rnam par gzhag pa ston pa'i rnam pa zhes bya ba la/dbyings kyi ngo bo rnam par gzhag pa ni dbyings kyi ngo bo rnam par gzhag pa ste/ dbyings kyi ngo bo 'di zhes rnam par gzhag pa de ston pa'i rnam pa'o/ /tshig legs par sbyar ba ni legs par sbyar ba'i brjod pa ste/ phan yon no//dbyangs sam yi ge nyams pa dang ldan pa'i sngags kyis ni/ nyams pas don mi 'grub ste/ ngag gi rdo rje des sgrub pa po nyid nyams par byed do/ /de ston pa'i rnam pa ni legs par sbyar ba'i thabs kyis te/ 'di lta bu'i phan yon ston pa'i rnam pa'o/ /nad la mkhas pa ston pa'i rnam pa dang zhes bya ba la/nad 'di'i ming ni 'di'o zhes bya bar nad de la mkhas pa'o/ /nad ci las byung ba la mkhas pa ston pa'i rnam pa dang zhes bya ba la/ 'di las kun du byung bas na nad kun du slong ba ni nad ci las byung ba'o/ /de la mkhas pa ste/ mi 'phrod pa 'di las nad 'di byung ngo zhes bya bar shes pa'o//nad byung ba bsal ba la mkhas pa ston pa'i rnam pa dang zhes bya ba la/ 'dir sel bar byed pas na bsal ba ste/ nad bsal ba'o/ /de la mkhas pa ni sman 'dis sos par byed do zhes bya bar shes pa'o/ /yang na bsal bar bya ba ni bsal ba ste/ nye bar zhi bar bya ba zhes bya ba'i don to/ /nad nye bar zhi bar bya ba yin pas/ nad rab tu zhi ba nyid do/ /rang rang gi bzo dang las kyi gnas grub pa'i 'bras bu yongs su grub pa ston pa'i rnam pa zhes bya ba la/ rang rang gi bzo dang las kyi gnas sgrub pa ste/ 'bras bu 'di yongs su grub pa ni 'di las yongs su sgrub pa'o//zhes ston pa'i rnam pa'o/ /phyin ci ma log pa'i rgyu rnam par gzhag pa dang / rgyu thams cad bsdus pa zhes bya ba la/ rgyu rnams ji ltar yod pa nyid dang / ji snyed yod pa nyid de sems can gyi 'jig rten las brtsams nas kun nas nyon mongs pa'am rnam par byang ba dag go//'jig rten pa'i yang de dag tu lo thog la sogs pa snod kyi 'jig rten gyi dbang du byas nas/ lhan cig byed pas de kun nas bslang ba'i rtsi la sogs pa dag go/ /ming dang zhes bya ba la skyes pa dang rta zhes bya ba la sogs pa'o/ /ming sngon du 'gro ba'i 'du shes zhes bya ba dang /'du shes sngon du 'gro ba'i brjod pa zhes bya ba la/ 'di ni skyes pa / 'di ni rta zhes bya ba'i gzhan go bar byed pa'i tha snyad do/ /chos de dang de dag gi rjes su tha snyad 'dogs pa'i rgyu ste/ rjes su ni nye bar sgyur ba'am/ goms pa las rjes su tha snyad byed pa ste/goms pa nyid las tha snyad du byed pa'o/ /lag pa la ltos nas ni len pa yod pa nyid do/ /bkres pa dang skom pa la ltos nas ni zas dang skom len to/ /rang gi 'bras bu tha ma'i bar te/ rang gi 'bras bu tha ma'i bar du'o/ /de las gzhan pa'i rkyen ni chu dang sa la sogs pa'i rkyen no// rang gi 'bras bu ni myu gu'o/ gang gi rjes thogs la gang byung ba ni 'bras bu ste/ de ni yang sa bon las 'grub pa'i 'bras bu ste/ myu gu ni sa bon gyis 'phangs pa zhes bya ba ste/ 'phangs pa'i 'bras bu yin no/ /rnam pa sna tshogs rnam pa tha dad pa zhes bya ba la/ sna tshogs ni tha dad par ris mi mthun pa ring ba'i rigs nyid do//tha dad pa'i rgyu nyid ni rnam pa tha dad cing rigs tha dad pa nyid do/ /so sor nges pa zhes bya ba ni yun ring ba nyid dam/ ltos pa med pa'o/ /ltos pa yin pas ltos pa ste/ de nyid rgyu'o/ /'dis yongs su 'dzin pas na yongs su 'dzin la/de nyid ni rgyu'o/ /'grub pa'i rgyu zhes bya ba la/ /'di mngon par grub par bya bas na mngon par 'grub pa ste/ de nyid ni rgyu'o/ /yang na mngon par 'grub par byed pa ni/ mngon par 'grub pa yin la/ de'i rgyu'o/ /'dren par byed pas ni 'dren pa ste/ de nyid ni rgyu'o/ /lhag par bsdams shing mchog tu dga' bas bsdams pas so sor nges pa ste/so sor nges pa'i rgyu ni so sor nges pa'i rgyu'o/ /lhan cig byed pa'i ngang tshul gang la yod pa de ni lhan cig byed pa ste/ lhan cig tu byed pa'i rgyu ni lhan cig byed pa'i rgyu'o/ /'dis mi mthun par byed pas na mi mthun pa ste/ mi mthun pa de nyid ni rgyu ste/mi mthun pa'i rgyu'o/ /tshig gi mi mthun pa dang / de bzhin du rigs pa dang mi mthun pa dang / lhan cig tu mi gnas pa'i mtshan nyid kyi mi mthun pa dang / mi 'phrod pa'i mi mthun pa dang zhes bya ba la/ rab tu mi mthun pa dang / shin tu rab tu mi mthun pa dang / shin tu cher mi mthun pa dang /rnam par mi mthun pa dang / rnam par mi mthun pa'i mtshan nyid can gyi 'gal ba ni rab tu rnam par mi mthun pa'o/ /mi mthun pa'i phyogs dang gnyen po'i phyogs kyi mi mthun pa zhes bya ba la/ rnam par smad pas ngan pa'i phyogs ni mi mthun pa'i phyogs so/ /gnyen po'i phyogs zhes bya ba la/'dir rab tu mngon par phyogs nas yang dag par 'byung ba'am/ yang dag pa la mngon du phyogs pa'i phyogs ni gnyen po'i phyogs so/ /gnyen po'i phyogs dang mi mthun pa'i phyogs ni gnyen po'i phyogs dang mi mthun pa'i phyogs te/ de'i mtshan nyid can gyi mi mthun pa ni mi mthun pa dang gnyen po'i phyogs kyi mi mthun pa'o//skabs 'byed pa ni yul gyi cha ni skabs yin la/ de sbyin pa ste/ snga ma skyes pa rnams kyi skabs sbyin pa ni snga ma skyes pa rnams kyi skabs 'byed pa ste/ des yongs su zin pa'o/ /'byung bar 'gyur ba ni rigs mi gcig pa'i sems bskyed pa'o//'jug par 'gyur ba ni rgyun dang 'dra ba'i sems 'byung ba'o/ /gang dag gis zhes bya ba la sogs pa la/ 'jig rten na 'bru kho na nges par gzung ba ni 'jig rten gyi dngos po dpag tu med pa yod pa yin na yang nye bar mtshon par bstan pa'i don to/ /kun nas nyon mongs pa dang / rnam par byang ba'i dbang du byas nas rten cing 'brel par 'byung ba thams cad ces bya ba nas brtsams te/ yul gyi ro myang ba la ltos nas srid pa'i yan lag ces bya ba'i bar te/ kun nas nyon mongs pa thams cad kyi ro myang ba'i rgyu yin pa'i phyir ro/ /tshe 'di la skyes shing byung ba'i zhes bya ba dang /mthong ba'i chos rnams kyi sa bon zhes bya ba dang / skye ba gzhan gyi zhes bya ba la / skyes nas myong bar 'gyur ba'am/ lan grangs gzhan la myong bar 'gyur ba'i ma rig pa la sogs pa'o/ /rang rang gi sa bon zhes bya ba la/ kun gzhi'i rnam par shes pa'i gnas dang / ma rig pa'i sa bon las ma rig pa la sogs pa mthong ba'i chos bsgrub pa'i rgyu nyid do//de las gzhan pa ma rig pa la sogs pa srid pa'i mthar thug pa zhes bya ba la/ ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba la sogs pa'i rim gyis so/ /rang gi sa bon rnams dang bcas pa zhes bya ba ni sa bon gang yin pa kun gzhi'i rnam par shes pa dang /srid pa'i yan lag gang yin pa dang / mthong ba'i chos la ma rig pa la sogs pa 'byung ba'o/ /med pa zhes bya ba ni phyogs gcig ma tshang ba'o/ /bral ba nyid ces bya ba ni thams cad nas med pa nyid do/ / kun nas nyon mongs pa'i phyogs de ltar bstan nas/ rnam par byang ba'i phyogs zhes bya ba la/ dran pa nye bar gzhag pa la sogs pa'i phyogs te/ 'gog pa mya ngan las 'das pa zhes bya ba la/ ma rig pa 'gags pas 'du byed 'gag ces bya ba nas/ skye ba 'gags pas rga shi 'gag ces bya ba'i bar du'o//'du byed kyi nyes dmigs la ltos nas zhes bya ba ni/ thams cad kyi nyes dmigs mthong ba ni rnam par byang ba'i rgyu yin pa'i phyir de'i zhes bya ba smos pa yin no/ /gang zag rigs la gnas pa'i zhes bya ba la rigs la gnas pa ni rigs kyis bsdus pa zhes bya ba la sogs pa ste/rigs zhes bya ba ni theg pa gsum gyis mya ngan las 'da' ba'i sa bon des bsdus pa yin te/ sa bon des byang chub sems dpa' de'i rgyud la byang chub kyi phyogs kyi sa bon rnams skyed par byed do/ /sngon gyi las dang mthun par phyis 'bras bu'i rjes su 'jug pa zhes bya ba la/ 'di lta ste srog gcod pa kun du bsten pa dang / mang du goms pas ngan song du skye ba ni rnam par smin pa'i 'bras bu ste/ de gal te mir skyes na yang tshe thung bar 'gyur ro zhes bya ba la sogs pa'o/ /de ltar dbang po nyi shu rtsa gnyis po thams cad kyi so so'i dbang gis zhes bya ba la/ kun nas nyon mongs pa'i bdag po tshor ba'i dbang po lnga po rnams dang /'jig rten pa'i rnam par byang ba'i bdag po dad pa la sogs pa'i dbang po lnga po rnams dang / 'jig rten las 'das pa'i rnam par byang ba'i bdag po mi shes pa kun shes par byed pa'i dbang po la sogs pa gsum po dag go/ /khengs pa'i kun nas nyon mongs pa dang bral ba dang /khyad du gsod pa'i kun nas nyon mongs pa dang bral ba dang / zhum pa'i kun nas nyon mongs pa dang bral zhes bya ba la/ gsum po 'di dag mdor bsdu na bdag tu nga rgyal mang bas byas pa ni khengs pa'o/ /gzhan dag la yang yod par mi 'dzin pas byas pa ni khyad du gsod pa'i kun nas nyon mongs pa'o//bdag nyid la brnyas pas byas pa ni zhum pa'i kun nas nyon mongs pa'o/ /dus su zhes bya ba ji lta bu zhe na/ smras pa/ rjes su zhes bya ba la sogs pa'o/ /ji lta zhe na bkur sti byed pa dang zhes bya ba la sogs pa'o/ /thams cad la ston cing zhes bya ba la/ji lta zhe na/ rgyun mi 'chad par thams cad ston pa zhes bya ba'o/ /ji lta zhe na/ tshig dang yi ge go rims bzhin du zhes bya ba la sogs pa'o/ /ji ltar rjes su mthun pa'i don dang bcas pa zhes bya ba la sogs pa la/ ji ltar dga' bar byed pa yin zhe na/ de bstan par bya ba la bstan pas so/ / ji ltar 'dod par byed pa yin zhe na/ dgod par bya ba rnams skul zhing bkod pas so/ /ji ltar mgu bar byed ce na/ gzengs bstod par bya ba rnams gzengs bstod nas so/ /ji ltar spro bar byed pa dang / sma mi 'bebs pa yin zhe na/ yang dag par dga' bar bya ba rnams yang dag par dga' bar byed pas so//ji ltar rig pa yin zhe na/ mngon sum la sogs pas so/ /ji ltar 'tsham pa yin zhe na/ bde 'gror 'gro ba dang rjes su mthun pa'o/ /ji ltar ma 'dres pa yin zhe na/ ma 'dres par gyur nas kyang go mi dka' zhing myur du 'jug par sla ba'o/ /ji ltar chos dang ldan pa yin zhe na/ 'phags pa'i bden pa bzhi dang /rjes su mthun pa'o/ /ji ltar na 'khor ba ji lta ba yin zhe na/ thams cad la 'tsham pa'o/ /ji ltar byams pa'i sems yin zhe na/ gnod pa byed pa la sogs pa la yang ngo / /ji ltar phan pa'i sems yin zhe na/ nyes par byed pa spyod pa la'o/ /ji ltar snying brtse ba'i sems yin zhe na/bde ba nyid dang sdug bsngal ba la sogs pa la'o/ /ji ltar bdag la mi bstod cing gzhan la mi smod pa yin zhe na/ phrag dog la mi gnas pa la sogs pa'o/ /ji ltar rnyed pa dang bkur sti la mi gnas pa yin zhe na/ zang zing med pa'i sems la sogs pa'o/ /chos gang dag lus la sogs pa dag la bkag pa de dag yongs su spong ba ste/gang dag lus la sogs pa la ma gnang ba rab tu bkag pa de dag go/ /rjes su sgrub pa ni sngar thob pa la ji lta ba bzhin du'o/ /gcig pu dben par song ste zhes bya ba ni dben pa'i gnas su song ba'o/ /thog ma kho nar bsam par bya ba ma yin pa'i gnas rnams spangs nas/chos rnams bsam pa brtson par byed de zhes bya ba la/ bsam pa zhes bya ba ni ji ltar mthong zhing chub par byas pa dang / yongs su brtags pa ste/ bsam par nus pa dang / bsam par 'os pa ni bsam par bya ba'o/ /bsam par bya ba ma yin pa ni mi bsam pa ste/de'i mi mthun pa'i phyogs su gyur pa bsam par mi nus pa dang / bsam par mi 'os pa'o/ /gnas gang la yin na chos rnams bsam pa las rtsom par byed de/ rgyas par bsam pa zhes bya ba'i don to/ /rtag tu gus par byed pa'i sbyor ba sems pas rtag tu gus par byed pa'i sbyor ba'i mi mthun pa'i phyogs ni lhod la/de'i gnyen po'i phyogs ni lhod par mi byed do/ /spyod par byed cing zhes bya ba ni 'di ltar rigs la 'di ltar ni mi rigs pa'o zhes rjes su zhugs shing de ltar sbyor ba'o/ /nag po bstan pa dang chen po bstan pa rnams kyang yang dag pa ji lta ba bzhin du rab tu shes so zhes bya ba ni/gang mdo sde la 'jug cing 'dul ba la snang la/ chos nyid dang mi 'gal ba de ni chen po bstan pa yin la/ de las bzlog pa ni nag po bstan pa'o/ /thog ma 'jug pa nas zhes bya ba ni sngon ma zhugs par sems pa las 'jug pa ni thog ma 'jug pa'o/ / rmongs par mi 'gyur zhes bya ba ni bsam par mi nus pa'i sems pa'o/ /sems g.yeng bar 'gyur zhes bya ba ni bsam par mi 'os pa mi sems pa'o/ /sngon ma rtogs pa'i don khong du chud cing thob par 'gyur ba'am/ thos pa sngon du 'gro bas rtogs pa ni mngon par shes pa'am/ sngar ma thob pa thob pas na de dag gnyi ga rtogs shing thob pa ste/rim pa bzhin du des shes pa rab tu thob pa zhes bya ba la sogs pas chud za bar mi 'gyur te brjed par mi 'gyur zhes bya ba de gnyi ga nyid la go rims bzhin no/ /gzhan gyi dring mi 'jog pa zhes bya ba ni gzhan la mi ltos pa zhes bya ba'i don to/ / ma smas shing mi nyams par te/ ma 'ongs pa dang mthong ba'i chos la kha na ma tho ba med pa 'dzin pa la mkhas pa na nag po bstan pa la mkhas pa yin pa nyid kyis bskyod par mi nus te/ mi mthun pa'i phyogs la zhugs par mi nus pa'i phyir ro/ /bsgul bar yang mi nus te/ chen po bstan pa la mkhas pa'i phyir ro//phyogs las bzlog par mi nus pa nyid ni sus kyang zhes bya ba ste/ thos pa mang po dag gis sam/ 'jig rten na shes rab che bar 'dod pa dag gis sam/ rgan rabs so/ /ji ltar yang zhes bya ba ni lung dag gis sam/ rigs pa dag gis so/ /bsam pa rnam pa brgyad kyi bsdus pa'i don ni gang bsam pa dang /de ji ltar bsam par bya ba dang / gang gi don du bsam pa ste/ bsam pa ni chos so/ /ji ltar bsam na rgyas pa la sogs pa rnam pa lngas so/ /gang gi don du zhe na/ sems pas 'jug par bya ba'i don dang / bzod pa thob pa de nyid snying por bya ba'i don dang bsgom pa la zhugs pa'i don to//mdor bsdus pa ni rnam pa gang gis ci la brten zhing gang la brten nas ci zhig shes pa'o/ /ci la brten nas rigs pa'am lung gis lus dang ngag dang yid kyis rjes su zhugs pas/ gang las log pa'i ngang tshul dang / zhugs pa'i ngang tshul gyis rjes su zhugs pa brten pa de la rab tu gnas sam /bsam pa dang bsgom pa la sbyor bar byed de/ 'di ni 'di'i go rims so/ /spros pa thams cad dang bral ba zhes bya ba la/ spros pa ni rnam par rtog pa ste/ ngo bo nyid kyi rnam par rtog pa la sogs pa'o/ /yongs su g.yeng ba thams cad dang bral ba zhes bya ba ni rnam par g.yeng ba thams cad dang bral ba'o//'du shes yid la byed pa ni 'du shes yid la byed pa nang gi ting nge 'dzin gyis mtshan ma rnams la zhes bya ba nas rgyas par sems 'jog cing shin tu 'jog pa nas rtse gcig tu byed cing mnyam par 'jog pa'i bar 'di ni zhi gnas zhes bya ba'o/ /mtshan ma yid la byed cing 'byed pa nas shes rab kyis 'jug pa zhes bya ba'i bar la/de la 'byed pa ni sdug bsngal ma lus par bsdoms nas sdug bsngal 'phags pa'i bden pa zhes bya ba'o/ /rab tu rnam par 'byed pa zhes bya ba ni so sor bya ba'i cha 'dzin pa ste/ dper na skye ba sdug bsngal rga ba sdug bsngal zhes bya ba la sogs pa lta bu'o//chos rab tu rnam par 'byed pa ni de la brten nas mdo sde la sogs pa'i chos rnams rnam par 'byed pa ste/ 'di ltar de la brten nas snga ma gnyis 'byed pa ste/ de la 'byed pa ni nges par gzung ba'i mtshan nyid do/ /rab tu rnam par 'byed pa ni yang dag par nges par gzung ba'i mtshan nyid do//chos rab tu rnam par 'byed pa ni nye ba'i mtshan nyid nges par bzung ba'o/ /de la snga mas ni lam tshol ba yin la 'di ni lam rnam par nges pa'o/ /rnam grangs gzhan yang mtshan nyid ni shes bya'i dngos po yid la byed pa ma spangs pa'o/ /yang dag pa'i mtshan nyid ni kun du gtad nas tshol ba'o//nye ba'i mtshan nyid ni btsal ba rnam par nges par 'byed pa'o/ /bsnyen pa ni rnam par 'byed pa'i lus kyi shes bya'i dngos po rab tu rtogs pa'o/ /rnam grangs gzhan yang bsnyen pa ni rang gi mtshan nyid yang dag par so sor rig pa'o/ /rig pa'i spyi'i mtshan nyid kyis ji snyed yod pa rnams ji lta ba bzhin du 'dzin pa'o//sngon dang phyi ma dag tu yang dang yang du 'phel zhing rgyas pa ni rtogs pa ste/ sngon dang phyi ma'i don mi brjod pa'o/ /blo ni rab tu rnam par 'byed par nus pa'i lhan cig skyes pa'i shes rab bo/ /mkhas pa ni kun du brtags pa'i shes rab gang yin pa'o/ / shes rab kyis 'jug pa ni bsten pa dang / brjod pa dang / yongs su dri ba dang / 'phel ba'i gtam gtan la dbab pa las kun du shes pa'i don khyad par can du rnam par shes pa dang ldan pa ni shes rab po/ /lus shin tu sbyangs pa ni lus las su rung ba nyid do/ /sems shin tu sbyangs pa ni sems las su rung ba nyid do//gnas ngan len bsal bar bya ba zhes bya ba la/ gnas ngan len zhes bya ba ni rten la yod pa'i nyon mongs pa'i sa bon no/ /ye shes ni lkog tu gyur pa rjes su 'dzin pa'o/ /mthong ba ni mngon sum gyi rdzas 'dzin pa'o/ /yang dag pa'i yon tan rjod par byed pas snyan par smra ba'am/yang na yang dag pa'i yon tan brjod pa nyid ni snyan par smra ba ste/ de gang la yod pa ni mnyan par bya ba dang / gzung bar bya ba ste/ thos par 'dod pa dang / bsgrub par 'dod pas zhes bya ba'o/ /brgyad pa rigs rnam par phye ba rdzogs so// //ngo bo nyid dang zhes bya ba la sogs pa sdom gyi tshigs su bcad pa'i bsdus pa'i don de nyid kyis bshad pas des ni bdag gis yang brjod par mi bya'o//yo byad thams cad dang rang gi lus la mi lta ba zhes bya ba 'dis ni byang chub sems dpa'i sbyin pa'i ngo bo 'dod pa med pa'i sems kyis sbyin par bya ba'i rdzas la ltos pa med pa nyid dang /lus dang ngag gi las kha na ma tho ba med pa dag gis sbyor ba bstan to/ /gsum po 'di ni nges pa'i sbyor ba ste/ gzhan du gyur na ma tshang ba yin no/ /lus dang ngag gi las sbyin par bya ba'i dngos po kha na ma tho ba med pa zhes bya ba ni kun nas slong ba kha na ma tho ba med pas kun nas slong ba nyid kyi lus dang ngag gi las ni des kun nas bslang ba yin na yang sbyin pa nyid de /yang dag par gsol ba ma btab na ni sbyin par mi byed de/ yang dag par gsol ba btab pa ni sbyin par 'dod pa yid la byed pa dang / yid mi bde ba med cing yid bde ba dang 'dun pas khro ba med pa sngon du 'gro bas bu dang chung ma la sogs pas mi bzlogs par ni brtson par byed do//pha dang ma la mi gnod pa nyid du bsam pa thag pas yongs su gtong ba'o/ /sdom pa la gnas pa zhes bya ba ni tshul khrims phun sum tshogs pa'o/ /'ong ba mthong zhing 'bras bu lta ba zhes bya ba ni lta ba'i phun sum tshogs pa'o//thams cad sbyin pa'i bsdus pa'i don ni gang la gang sbyin pa dang / ji ltar sbyin pa'o/ /ji dga' dgur byed du 'jug pa zhes bya ba ni gte'u dang 'tsho ba la sogs pa byed du 'jug pa'o/ /dbang yod pa zhes bya ba ni gzhan gyi dbang 'ba' zhig tu gyur pas gzhan gyi tshig gis dbang sgyur zhing gzhan gyis 'di ni khyod kyi lugs kyi bya ba'o zhes gte'u 'jug pa'o//gang gi phyir byang chub mchog 'dod pas nus pa la nges par sbyor ba de'i phyir rang gi lus ci dga' dgur byed du 'jug par rjes su sbyin par gzhan la phan pa dang bde bar 'dod pas byed de/ de lta bas na gzhan la dbang yod par rjes su sbyin par byed do//gang gi phyir sbyin pa'i pha rol tu phyin pa rdzogs par 'dod pas de'i phyir gzhan gyi dbang yin no/ /yang na ci dga' dgur byed du 'jug pa la sogs pa gsum rab tu sbyin par byed pas so/ /gang gi don du zhe na/ de la smras pa/ byang chub dam pa 'dod pa dang / pha rol la bde bar 'dod pas dang por sems bskyed pa'i dus dang /de bzhin du pha rol tu phyin pa la sbyor ba'i dus su'o/ /pha rol tu phyin pa yongs su rdzogs par 'dod pas lag pa dang rkang pa la sogs pa na tha na lus kyi sbyin pa las brtsams pa'o/ /mchod sbyin ngan pa zhes bya ba ni rnam par 'tshe ba dang bzhad gad la rtsom pa chen po rtsom pa ste/rnam par 'tshe ba dang / rtsom pa chen po gang la yod pa'i mchod sbyin no/ /nu ma snun pa zhes bya ba ni nu ma ldud pa'o/ /gso ba zhes bya ba ni rgyas par byed pa'o/ /skyed pa ni 'phel ba thob par byed pa'o/ /ji ltar sems te zhes bya ba ni yid kyis kyang zhes bya ba'i don to//sbyin par lta ga la byed ces bya ba ni lus dang ngag gis so/ /rgyal po zhes bya ba ni rigs nyid do/ /rgyal po'i rigs su skyes par 'gyur ba'o/ /spyi bo nas dbang bskur ba zhes bya ba ni bye brag nyid kyi 'khor rnams kyis yongs su bzung ba nyid do/ /bdag po zhes bya ba ni dbang phyug dang ldan pa dbang phyug ma nyams pa ste/bdag nyid kyis byin pa ma gtogs pa zhes bya ba'i don to/ /brjed nga ba ni bsod pa'i las so/ /snyoms par sems kyis sbyin pa'i mtshan nyid ci lta bu zhe na / sems snyoms pa nyid ni yon gnas kyi blo'i mtshan nyid kyis so//gang la na/ sems can thams cad de/ mdza' bshes dang / dgra bo dang / tha mal pa la phan pa byed pa dang / de'i mi mthun pa'i phyogs dang / de gnyi ga ma yin pa dang / phan 'dogs pa'i zhing la yon tan dang ldan pa'i phyogs dang / de las bzlog pa'i phyogs dag dang /'gro ba'i zhing gi phyogs la ni dma' ba dang / mtshungs pa dang / khyad par du 'phags pa dag la'o/ /snying rje'i zhing gi phyogs la skyid pa nyid la sogs pa la ji ltar mdza' bshes pa dang / mdza' bshes ma yin pa dang / tha mal pa dag la yon gnas ji lta ba bzhin du blo nye bar gzhag go zhes thams cad du brjod par bya ste/yon tan dang ldan pa la ji lta ba dang / khyad par du 'phags pa la ji lta ba de bzhin du dman pa dang mtshungs pa dag la yang ngo / /bde ba dang ldan pa la ji lta ba bzhin du sdug bsngal dang ldan pa la yang de bzhin du byed pa'o/ /ji skad du smras pa zhes bya ba ni gsol ba 'debs pa la khas blangs pa'o//ji ltar dam bcas pa'i zhes bya ba ni re zhig bdag nyid kyis sbyin no zhes dam bcas pa'o/ /bskyungs te zhes bya ba ni grangs kyi sgo nas sam tshad las so/ /bzang po ni khyad par du 'phags pa ste/ rnam pa gnyis kyis gya nom pa yin te/ rigs kyis sam/ rin thang gis so/ /de'i mi mthun pa'i phyogs ni ngan pa tha chad do/ /yid mi dga' la zhes bya ba ni sems rnam par g.yengs pa'o/ /khros pa ni khros pas zil gyis non pa'o/ /yid 'khrugs pas rjes su bzung ba zhes bya ba ni yid dri ma can gyis so/ /phan btags so zhes bya ba ni bde ba nye bar bsgrub pa'o//skyed do zhes bya ba ni 'phel ba thob par byas pa'o/ /drangs so zhes bya ba ni rgud pa'am/ gzhan pa'i sdug bsngal las so/ /smras pa ni 'gyur ba dang bcas pa smod pa'o/ /sgrub pa dman pa ni log par sgrub pa'o/ /de la gnas pa ni log par sgrub pa la gnas pa ste/de lta bu'i log par sgrub pa rnam pa sna tshogs la gnas pa de dag la sbyin pa'o/ /rgod pa zhes bya ba ni dbugs ma phyin pa'o/ /bdag nyid ma bsdams pa zhes bya ba ni sdom pa ma yin pa la gnas pa'o/ /ma brjod pa zhes bya ba ni sbyin pa pos so//'jig rten pa dang 'jig rten las 'das pa'i 'dod chags dang bral ba'i rnam par dag pa zhes bya ba la/ 'jig rten pa ni 'dod chags dang bral ba'o/ /'jig rten las 'das pa ni rnam par dag pa ste/ khams gnyis sam/ khams gsum las so/ /rnam par dag pa zhes bya ba ni rnam pa gnyis las te/ma dag pa las so/ /lhag par gyur pa ni gtang bar 'os pa'i chos su byas pa'o/ /grags pa dang sgra dang tshigs su bcad pa la brten pa ste/ mngon sum du bstod pa ni grags pa'o/ /sgra dang tshigs su bcad pa ni lkog nas bsngags pa brjod pa ste/ 'khor los sgyur ba nyid la brten pa'am/dbang phyug la brten pa'o/ /bdud ces smos pa ni 'dod pa'i khams kyi dbang phyug nyid do/ /sa la brten pa'i yul gyi dbang phyug nyid yin pas brgya byin zhes smos so/ /gling bzhi dbang phyug yin pa'i phyir 'khor los sgyur ba zhes smos so/ /dbang phyug ni de dag ma yin pa'i sa phun sum tshogs pa'i bdag po'o//nyung ngu las kyang spabs cher sbyin par byed ces bya ba ni myur bar sbyin par byed ces bya ba'i don to/ /longs spyod mang po rgya che zhing rgyas pa zhes bya ba ni rnam pa mang po dang / shin tu yang ba'am/ yul mang po na gnas pa'o//tshim par bya ba ni nang yongs su gang bar byed pa'o/ /'dod pa bzhin du yongs su bkang ba ni yid la bsam pa yongs su rdzogs par ro/ /rnam grangs zhes bya ba ni sbyin pa dang / don rnam par gtong ba dang / yongs su gtong ba dang / don 'grub par byed pa zhes bya ba la sogs pa'o//mtshan nyid ces bya ba ni sbyin pa'i ngo bo nyid ni sbyin pa'i ngo bo ji lta ba bzhin du bstan pa'o/ /nges pa'i tshig kyang phongs pa sel bar byed pas ni sbyin pa'o/ /rab tu dbye ba ni/ bzang ba byin pas stobs dang ldan zhes bya ba la sogs pa ste/ chos kyi sbyin pa dang / zang zing gi sbyin pa ste/zang zing gi sbyin pa ni nang gi bdag nyid sbyin pa dang / phyi rol gyi dngos po sbyin pa ste/ nang gi bdag nyid sbyin pa zhes bya ba la sogs pa'o/ /thams cad sbyin pa 'di'i bsdus pa'i don dang go rims bshad par bya ste/ de la thams cad sbyin pa gang zhe na zhes bya ba las brtsams nas ji ltar ngan song thams cad las shin tu 'das pa thob pa zhes bya ba'i bar du'o//de la zang zing gi sbyin pa ni mdor bsdu na rnam pa gsum ste/ yod cing bdog bzhin du zhes bya ba la sogs pa ste/ yod cing bdog bzhin du zhes bya ba dang / 'di dang gzhan rgyas par dbye bar bya ba nas brtsams nas yang dag par sbyin pa'i chos dag yod bzhin du zhes bya ba dang /shes rab can gyi sbyin pa yin par rig par bya zhes bya ba'i bar du'o/ /med cing mi bdog ces bya ba ni sbyin par bya ba'i chos med cing mi bdog na'o/ /bsam pa dag pa zhes bya ba nas brtsams nas tshe rabs thams cad du longs spyod zad mi shes pa thob ces bya ba dang /de bzhin du des chos kyi sbyin pa nye bar sbyin par byed pa na mu stegs can glags tshol ba la mi sbyin zhes bya ba nas brtsams nas chos kyi sbyin pa las brtsams nas shes rab dang ldan pa'i sbyin par rig par bya'o zhes bya ba'i bar dang /so so yang dag par rig pa la brten pa dang / thams cad sbyin pa'i chos dang / zang zing dang mi 'jigs pa las brtsams nas rab tu dbye ba yang ci lta ba bzhin du rab tu shes so zhes bya ba'i bar du ste/ lhag pa'i bsam pa la brten pa zhes bya ba ni gnod pa byed pa'i sems can la zhes bya ba nas brtsams nas grogs bshes rnams kyi bar la btang snyoms kyi bsam pa byed pa'o//sbyin pa la nye bar brten pa ni sbyin pa'i gegs yod na yang ngo / /sbyin pa la gegs byed pa'i gnyen po las kyang brtsams nas gnyen po'i shes pa tha ma 'dis ni bsod nams kyi 'bras bu yang dag par yongs su 'dzin par byed do zhes bya ba'i bar du'o//lhag pa'i bsam pas mos pa'i sbyin pa la brten pa zhes bya ba ni nang gi bdag nyid do/ /dben bar song zhes bya ba 'di las brtsams nas 'di ni byang chub sems dpa' shes rab chen po dang ldan pa sbyin pa la brten pa zhes bya ba'i bar du'o//dka' ba'i sbyin pa ni mdor bsdu na rgyu gsum gyis te/ dga' ba'i sbyin pa nyid dang / bdag la chags pas sam/ sbyin pa'i rdzas la mngon par chags pas sam/ sngar skye ba gzhan du sbyin pa la goms par ma byas pa'o/ / de la byang chub sems dpa' bdag nyid la gnod pa byas te zhes bya ba ni sbyin par bya ba'i rdzas chung ngu las kyang bgo bsha' byas nas sbyin par byed pa ste/ de lta bur bdag nyid goms par byed pa'o/ /sdug bsngal dang du blangs nas zhes bya ba ni gal te sbyin par bya ba'i rdzas chung na yang thams cad sbyin par byed pa ste/de ltar bdag nyid kyis sdug bsngal dang du blangs par gyur pa'o/ /sdug pa'i dngos po zhes bya ba la/ rgyu gsum gyis sbyin par bya ba'i dngos po sems can du grags pa sdug par gyur pa yin te/ skye ba gzhan du brtse bar byas pa'am/ mthong ba'i chos la yun ring du yang dag par 'dris pa'am/de dag med na yang shas cher phan pa byas pa nyid do/ /sems can ma yin pa'i dngos po'i mchog yin pa'i phyir 'dzin pa dam po 'byung bar 'gyur ba'o/ /ji ltar na mchog yin zhe na/ smras pa/ skyon med pa'i phyir dang / rab mchog nyid kyi phyir te/ dngos po rnam pa de gnyi ga la mngon par zhen pa bsal nas sbyin par byed do//chags chen pos bsgrubs pa zhes bya ba ni sngon sbyin pa la goms par ma byas pas tshegs chen pos bsgrubs pa'i phyir ro/ /thams cad kyi sgo nas sbyin pa'i bsdus pa'i don ni rnam pa bzhi ste/ sbyin pa gang yin pa dang / gang la sbyin pa dang /gang du gang gis sbyin par byed pa ste rang gi 'am gzhan gyi la gsol ba btab nas bskul ba'o/ /de la rang gi la ji ltar zhe na/ gang gis ji ltar gzhan gyi bskul ba med par chos dang mthun par rnyed pa'o/ /pha dang ma zhes bya ba la sogs pa ni 'brel pa dang / phan pa byed par 'dod pa de dag la'o//skyes bu dam pa'i sbyin pa rnam pa lnga'i bsdus pa'i don ni gtong ba nyid phun sum tshogs pa dang / sgrub pa po phun sum tshogs pa dang / sbyin pa'i rdzas phun sum tshogs par gsungs te/ dad pa zhes bya ba ni zang zing med pa'i sems nyid de/ gtong ba nyid phun sum tshogs pa'o//yongs su gtong ba po ni rgyu phun sum tshogs par 'gyur te/ 'di ltar yongs su gtong ba ni len pa po la bkur sti byas nas 'di ltar yid kyis dga' ba skyes par byed pa'o/ /rang gi lag pa zhes bya ba ni de lta bur yongs su btang ba ni bdag mi khengs par sbyin pa'o/ / dus su yongs su gtong ba ni 'dod pa'i dngos pos yongs su 'dzin pa'o/ /gzhan la mi gnod par zhes bya ba 'dis ni lhag pa'i rdzas phun sum tshogs pa bstan te/ lung las dag par bstan pa dag go/ /rnam pa thams cad kyi sbyin pa'i bsdus pa'i don ni mi brten par sbyin pa la sogs pas ni mdo'i dum bu'i don bshad pa yin te/grol bar gtong ba dang / rab tu lag brkyang ba dang / lhag par mthong ba la dga' ba dang / lhag par mchod sbyin la dga' ba dang / gtong ba phun sum tshogs pa dang / bgo bsha' byed pa la dga' ba zhes bya ba ste/ mi brten par sbyin pa la sogs pa rnam par smin pa la mi re ba rnams dang go rims bzhin du sbyar bar shes par bya'o//gtong ba phun sum tshogs pa zhes bya ba ni snod la sbyin pa'o/ /bgo bsha' byed pa zhes bya ba ni snod ma yin pa la sbyin pa ste/ 'di dag gis ni rnam pa gang gis sbyin pa phun sum tshogs pa yin pa'i sbyin bdag gi yon tan rnams bstan pa yin no//da ni rnam pa thams cad kyi sbyin pa phun sum tshogs par 'gyur ba'i dbang du byas pa ni kun la sbyin pa la sogs pa sbyin pa bzhi ni thams cad sbyin pa nyid kyi bye brag go/ /phongs shing 'dod pa la sbyin pa zhes bya ba la/don gyis phongs pa ni phongs pa'o/ /gang la don gyis phongs pa yod pa de ni phongs shing 'dod pa ste/ phongs shing 'dod pa nyid ni phongs shing 'dod pa'o/ /de la sbyin pa ni phongs shing 'dod pa la sbyin pa'o/ /gang gis phongs shing 'dod ce na/ zas la sogs pas te/ rnam pa brgyad kyis phongs shing 'dod pa la sbyin pa ni mdor bsdus pa'i don bstan pa yin no//lus skyes pa rnams ni 'di dag nyid 'dod pa yin gyi/ 'jig rten pa rnams de las gzhan pa ni mi 'dod pas lus la ltos nas rnam pa lnga ste/ lhan cig skyes pa'i sdug bsngal bzlog par 'dod pa dang /lus la phan pa 'du byed pa'i yo byad 'dod pa dang / spyod lam gyi sdug bsngal mi 'byung bar 'dod pa dang / lus la phan pa byed pa'i yo byad 'dod pa dang / lus la gnod pa skyob par byed pa 'dod pa zhes bya ba ste/ de la lhan cig skyes pa'i sdug bsngal zlog par byed pa la phan pa 'dod pa de dag zas dang skom gyis phongs shing 'dod par gyur pa la zas dang skom la sogs pa sbyin par byed do//lus kyis 'gro ba'i sdug bsngal bsal bar 'dod pa'i don du bzhon pa sbyin pa sbyin par byed do/ /lus la phan pa byed pa'i yo byad kyang rnam pa bzhi ste/ gsang ba'i gnas dgab pa'i yo byad dang /rgyun du bya ba'i yo byad dang / zas la nye bar spyad pa la sogs pa sna tshogs kyi snod spyad dang / mal stan la sogs pa yo byad rnam pa sna tshogs dang / dri dang phreng ba dang bsku ba dang byug pa'i yo byad ces bya ba'o/ /de 'dod pa rnams de dag ma thob pas nyon mongs par gyur pa de rnams la yo byad de dag sbyin par byed de/grang ba dang / dro ba dang / rlung dang / tsha ba dang / char 'bab pa'i sdug bsngal yongs su spang bar 'dod pa dang / mig gis mthong bar 'dod pa sdug bsngal gyi gnod pa mi mnyam pa dag nye bar bsal bar 'dod pa de dag la rten dang snang ba dag sbyin par byed do//gang dag mig gis mthong bar byas nas gnod pa yongs su spang bar 'dod pa rnams snang ba med pas gnod par gyur pa dag la snang ba sbyin par byed de / thos pa la sogs pas gzhan gyis mthon dman la sogs pa spong ba la ji ltar mig gi rnam par shes pa la snang bas byed pa ltar/rnam par shes pa de dag 'byung ba la lhan cig byed pa'i rgyu gzhan ni med do/ /de lta bas na snang ba zhes smos pas ni mthon dman la sogs pa'i gnod pas lus la gnod pa spong ba yin no/ /kun du 'dzin pa yongs su btang zhes bya ba ni / sems kyis 'dzin pa gang gis sems kun du bzung bar gyur pa ste/ de ltar byas nas sems kyi kun du 'dzin pa zhes bya'o/ /ser sna dang gsog 'jog gi dri ma bsal nas bzang po dang gtsang ma dang / rung ba zhes bya ba 'di dag gi bsdus pa'i don ni gang sbyin pa dang / ji ltar sbyin pa'o//gang sbyin zhe na/ bzang po dang / gtsang ma dang / rung ba'o/ /ji ltar zhe na/ bzang pos lus tshim par byed cing / gtsang ba dang / rung bas sems 'dzin par byed do/ ser sna'i dri ma bsal bas ni sbyin bdag gis 'di dang gzhan du rnam par smin pa la longs spyod chen po 'thob bo//gsog 'jog gi dri ma bsal bas ni 'di dang gzhan du longs spyod rnams la 'dzin pa med par gyur te/ rgyu mthun pa'i 'bras bu'o/ /de la zang zing dang mi 'jigs pa'i sbyin pa rab tu dbye ba dang bcas pa zhes bya ba la/ zang zing gi sbyin pa nyid ni 'dir dbye ba dang bslab pa yin gyi/mi 'jigs pa'i sbyin pa la ni 'dir dbye ba med do/ /mi skyo bar sbyin pa sbyin zhes bya ba la/ 'di'i rgyu las brtsams te/ byang chub sems dpa' ji ltar sbyin pa las brtsams te rkyen du byed pa de ltar slong ba pos zhes bya ba la sogs pas shes par bya'o/ /mchog tu 'dzin pa zhes bya ba ni lta ba rnam pa gsum ste/sbyin pa 'di'i 'bras bu med do zhes bya ba'i log par lta ba mchog tu 'dzin pa'i lta ba ste/ 'tshe ba'i sbyin pas chos su 'gyur ro zhes bya ba'am/ tshul khrims mchog tu 'dzin pa'i lta ba ste/ sbyin pa shin tu rdzogs pa tsam gyis 'jig rten pa dang 'jig rten las 'das pa'i rnam par dag par 'gyur ro zhes bya ba'o//gang gi phyir shin tu bsags shing phyis dus gcig tu sbyin par mi byed pa skyon ci yod ce na/ de rab tu bstan pa'i phyir byang chub sems dpa' ni sbyin par bya ba'i chos dag yod bzhin du zhes bya ba nas brtsams pa ste/ sogs par byed pa'i nyes pa las brtsams nas sbyin par bya ba'i chos dag yod bzhin du zhes brjod par bya'o/ /sogs par byed pas slong mo pa phyir bzlog pa'i rgyu ni rnam pa gnyis yin te/ sbyin par bya ba'i chos med pa'am slong mo pa yang dag par slong bar byed pa ma yin pa'o/ /de gnyi g.yang med pa bzhin du phyir zlog par byed pa la skyon gnyis ston par byed pa nyid do //sbyin par bya ba'i chos yod bzhin du sbyin par mi spro bas slong ba phyir zlog pa dang / yang dag par slong bar byed pa nye bar lhags par gyur kyang yang dag par slong bar byed pa de dag la phyir zlog par byed pa ni rigs pa ma mthong ngo //byang chub sems dpas sbyin par bya ba'i dngos po yod bzhin du slong mo pa nye bar lhags pa spong bar bzod pa ma yin te phyir spong bar byed pa ni rigs pa ma yin par mthong ba'i phyir ro/ /yang de ci ltar sogs par 'gyur/ slong ba phyir bzlog pa ma byas pa la ni sogs pa med pa'i phyir te/phyis dus gcig tu sbyin par byed pa la yon tan ma mthong bas sogs pa'i sbyin pa las bsod nams 'du ba'i sgo lhag par ma mthong zhes bya ba nas brtsams te/ bsod nams khyad par yod pa yongs su 'dzin par 'gyur zhes bya ba la sogs pas ston to/ /sbyin par bya ba'i dngos po yang mtshungs te zhes bya ba la sogs pas ni sbyin par bya ba'i rdzas yod kyang mtshungs la/slong ba po yang mtshungs pa rnams la khyad par yod par mthong bas bsags shing sbyin par mi bya'o/ /byang chub sems dpa' ni slong ba po la zhes bya ba la sogs pa la/ dma' ba'i sems kyis zhes bya ba la sogs pas ni bdag nyid kyi nga rgyal bcag pa ston to//mi brten pa'i sbyin pa'i bsdus pa'i don ni tshe 'di'i grags pa la mi brten pa ste/ de ni rtog pa tsam gyis bdag nyid smad pa yin pa'i phyir ro/ /zhum pa med pa dus gsum du spros pa dang bcas pa'o/ /ngan pa ma yin pa'i sbyin pa ni bdag la yod pa'i mchog ster ba'o//rgyab kyis phyogs pa med pa'i sbyin pa ni mdza' bo dang dgra la bye brag med par sbyin pa gtong bar byed pa ste/ snying rje dang ldan pa'i phyir ro/ /lam la mi lta ba'i sbyin pa gang zhe na/ pha rol gyis slar bdag la lan byas su mi re ba ste/ ci'i phyir zhe na/ snying brtse ba dang ldan pa'i phyir ro//phan 'dogs su re ba med ces bya ba ni phan gdags pa nyid kyi rgyu mthong ba ste/ bde ba 'dod pa sred pa'i mes bsregs par gyur pa rnams mthu med pa mthong ba'i phyir ro/ /bde ba'i rgyu 'dod pas 'jug pa rnams la yang phan pa dang / snying brtse ba'i sems kyis de'i ched du bstan par bya ba'i phyir gsungs pa ni/skye bo rang bzhin gyis sdug bsngal ba dag mthong ba'i phyir zhes bya ba'o/ /phyi ma la longs spyod phun sum tshogs pa'am/ rnam par smin pa la re ba med ces bya ba 'di la/ de'i rgyu bstan par bya ba'i phyir/ 'du byed thams cad ni snying po med par lta zhes bya ba'o//ci'i phyir lus phun sum tshogs par 'gyur ba sbyin pa'i 'bras bu rnam par smin pa la re ba med ces bya ba de'i rgyu ston par byed pa ni/ byang chub mchog la phan yon du lta ba'i phyir ro zhes bya ba'o/ /yang na nyes pa gnyi ga yang mthong ba'i phyir te/ 'du byed thams cad snying po med par lta ba dang /de'i gnyen po nyid la phan yon du lta ba nyid kyi phyir ro/ /sbyin pa rim par phye ba ste dgu pa rdzogs so// //tshul khrims rim par phye ba ni gong du phyung ba yin/ slob dpon yon tan 'od kyis mdzad pa byang chub sems dpa'i sa'i 'grel pa las ji snyed 'gyur ba rdzogs so/