CLOSE WINDOW

D4011
བོད་ཡིག

lo tsA ba dge slong tshul khrims rgyal bas bsgyur cing zhus/ yongs kyi dge ba'i bshes gnyen chen po khu brtson 'grus g.yung drung gi sku'i bsod nams su bsgyur//[ @##/ /rgya gar skad du/ Ar+ya b+ha dra tsar+ya pra Ni d+ha na ma hA rA dza ni ban+d+ha na/bod skad du/ 'phags pa bzang po spyod pa'i smon lam gyi rgyal po chen po'i bshad sbyar/ kun du bzang po la phyag 'tshal lo/ /bzang po spyod pa'i smon lam gyi rgyal po chen po la don mdor bsdu na bcu ste/ 'di lta ste/ de bzhin gshegs pa rnams la phyag 'tshal ba dang /de la mchod pa dang / sdig pa bshags pa dang / bsod nams la rjes su yi rang ba dang / chos kyi 'khor lo bskor bar bskul ba dang / de bzhin gshegs pa rnams bzhugs par gsol ba dang / dge ba'i rtsa ba yongs su bsngo ba dang / de'i rab tu dbye ba dang / de'i mthar thug pa dang /de'i phan yon no/ /de la phyogs bcu kun gyi zhing la sogs pa na bzhugs pa'i sangs rgyas bcom ldan 'das rnams la spyir lus dang ngag dang yid rnam par ma phye bar phyag 'tshal ba'i dbang du mdzad nas gsungs pa ni ji snyed su dag ces bya ba la sogs pa'o/ /ji snyed ces bya ba ni ji srid pa ste tshad ji tsam yin pa'o//de'i phyir tshad yongs su bcad par 'gyur ro/ /des na spyi'i sgras sangs rgyas bcom ldan 'das rnams gzhal du med pa nyid du ston pas gsungs pa ni su dag ces bya ste/ grangs dang ming gi sgo nas tshad las 'das pa zhes bya ba'i don to//phyogs bcu'i 'jig rten na zhes bya ba ni phyogs bcu po rnams kyi 'gro ba na'o/ /dus gsum kun gshegs mi yi seng ge rnams/ /zhes bya ba ni dus gsum por gyur pa mtha' dag ste/ dus gsum na bzhugs pa rnams zhes bya ba'i don to/ /mi'i seng ge zhes bya ba ni thams cad la 'jigs pa dang bral zhing gang las kyang dogs pa med pa ni seng ge zhes bya'o//sangs rgyas bcom ldan 'das rnams kyang lha dang bcas pa'i 'jig rten na de dang 'dra ba yin te/ des na seng ge dang 'dra bas seng ge'o/ /mi rnams su skye ba kun du bstan pa'i phyir de dag ni mi yang yin pas na sangs rgyas bcom ldan 'das rnams ni mi'i seng ge yin no//de dag thams cad la bdag gis phyag bgyis te rab tu 'dud do/ /brjod par 'dod pa'i dbang gis phyogs gcig brjod pas thams cad kyi sgra mthong ba des na lhag ma ma lus pa yangs yongs su gzung ba'i don du ma lus zhes gsungs so//lus dang ngag dang yid rab tu dang ba ni mchog tu dang bar gyur pa ste/ sems rab tu dang bas kun nas bslang ba'i phyir lus dang ngag kyang rab tu dang ba yin no/ /da ni lus la sogs pa so so rnam par phye bas phyag 'tshal ba gsungs te/ de la re zhig lus kyis phyag 'tshal ba ni/ zhing gi rdul snyed lus rab btud pa yis/ /zhes bya ba la sogs pa yin te/ sangs rgyas kyi zhing gang gi rdul dang mnyam pa'i lus rab tu btud pas so/ /snyed kyi sgras ni 'dir dpe dang mthun pa'i rnam grangs yin te khyad par med pa'i phyir ro/ / phyogs bcu dus gsum du son pa'i sangs rgyas kyi zhing thams cad kyi rdul dang mnyam pa'i zhing de'i grangs kyi lus rab tu btud pas / rgyal ba kun la rab tu phyag 'tshal lo/ /zhes bya ba ni nyon mongs pa'i dgra las rgyal ba'i phyir dang bdud las rgyal ba'i phyir na sangs rgyas bcom ldan 'das rnams la rgyal ba zhes brjod de/ji skad du bcom ldan 'das kyis/ sdig pa'i chos las nga rgyal te/ /des na nyer 'gro nga rgyal ba/ /zhes bya ba la sogs pa gsungs pa bzhin no/ /dus gsum du gshegs pa'i rgyal ba de dag thams cad la rab tu phyag 'tshal lo/ /bcom ldan 'das gcig la sems phyogs par gyur pa'i phyir na gzhan la yid kyis stong pa'i lus zhing gi rdul dang mnyam pa kho nas rab tu phyag 'tshal lam ci zhe na ma yin no zhes brjod pa ni/rgyal ba kun la mngon phyogs yid kyis su/ /zhes bya ba ste/ de bzhin gshegs pa rnams re re la mngon du phyogs pa'i sems kyis zhes bya ba'i don to//bzang po spyod pa'i smon lam stobs dag gis/ /zhes bya ba la/ bzang po ni dge ba'o/ /de ni bzang po yang yin pas na bzang po spyod pa ste/ byang chub sems dpa'i zhes bya ba'i don to/ /de'i don du smon pa ni smon lam ste don du gnyer ba'o//de'i stobs ni nyon mongs pa la sogs pa rnams kyis zil gyis mi non pa dang mi mthun pa'i phyogs las nges par rgyal ba yin te/ de nas de'i stobs kyis te/ rnam pa gzhan du ni 'di lta bu'i tshul gyi bya ba mi srid pa'i phyir ro/ /de bzhin du yid kyis phyag 'tshal ba ni/rdul gcig steng na zhes bya ba la sogs pa'o/ /rdul gcig steng na zhes bya ba ni rdul gcig gi thog na'o/ /sangs rgyas sras kyi dbus na bzhugs pa zhes bya ba ni byang chub sems dpa' tshogs dpag tu med pa'i dbus na so sor bzhugs pa'o/ /sangs rgyas rdul snyed rnams zhes bya ba ni 'dir yang khyad par med pa'i phyir na phyogs bcu dus gsum du rjes su son pa'i sangs rgyas kyi zhing gi rdul dang mnyam pa'i bde bar gshegs pa rnams mos zhes 'chad par 'gyur ba dang 'brel lo//ji ltar rdul gcig gi steng na de ltar te tshul 'di nyid kyis ma lus par mtha' dag par ro//chos kyi dbyings zhes bya ba la/ chos thams cad kyi rang bzhin ni chos nyid do/ /de nyid ni dbyings zhes bya ba'o/ /rnam pa de lta bu'i chos kyi dbyings nam mkha'i khams kyi mthas gtugs pa ste/ rdul gcig gi steng na gnas pa'i byang chub sems dpa'i tshogs dpag tu med pas so sor bskor ba'i bcom ldan 'das rnams kyis gang zhing bar chad med par khyad par yid kyis mos pa'o//lus dang ngag gi las dag ni yid kyis kun nas bslang ba'i phyir na yid kyi lam rab tu bstan to/ /da ni/ de dag bsngags pa rgya mtsho mi zad rnams/ /zhes bya ba la sogs pas dag gis phyag 'tshal lo/ /de dag ces bya ba la/ de ltar lhag par mos par byas pa de dag la ste/ gang dag la bsngags pa rgya mtsho ste/ yon tan rgya mtsho yod pa dang nyams pa dang mtha' gtugs pa med pa'i phyir zad pa med pas mi zad pa yod pa de dag ni bsngags pa rgya mtsho mi zad pa rnams so//'dir bsngags pa'i sgra ni yon tan gyi rnam grangs yin la/ rgya mtsho'i sgra ni don mang po brjod pa yin par rtogs par bya ste/ bsngags pa rgya mtsho mi zad pa mnga' ba de dag la'o/ /dbyangs kyi yan lag rgya mtsho'i sgra kun gyis//zhes bya ba la/ 'dir yang yan lag gi sgra ni yon tan gyi rnam grangs yin no/ /ji ltar yin zhe na/ 'di ltar nyan thos kyi theg pa la yan lag lnga dang ldan par brjod pa dang / theg pa chen por yang yan lag drug cu dang ldan pa dang / yan lag stong phrag bcu dang ldan pa dang / yan lag dpag tu med pa dang ldan par brjod pa der yang yon tan lnga dang ldan pa zhes bya ba la sogs par rtogs par bya ba yin pa'i phyir dbyangs kyi yon tan dang ldan pa'i sgras te don gyi tshul gang yin pa rgya mtsho dpag tu med pa de dag kun gyis so//rgyal ba kun gyi zhes bya ba la sogs pa la/ /rgyal ba rnams kyi yon tan te byang chub kyi sems bskyed pa nas nye bar bzung nas lus dang ngag dang yid kyi rang bzhin gzhal du med cing thun mong ma yin pa gang dag yin pa de dag rab tu brjod cing ste mngon par smra bar byed//rab tu sgrogs par byed cing ngo / /bde bar gshegs pa so so nas mdun na bzhugs pa lta bur gyur pa de dag thams cad bdag gis bstod par bgyi'o//yang na bsngags pa rgya mtsho mi zad ces bya ba ni gzhi mthun pa nyid kyi sgo nas yon tan zhes bya ba 'di nyid kyi khyad par yin te/ bde bar gshegs pa rnams kyi yon tan bsngags pa rgya mtsho mi zad pa rab brjod cing zhes bya ba'i don to//da ni sangs rgyas bcom ldan 'das de dag nyid la bla na yod pa dang bla na med pa'i mchod pa rnam pa gnyis gsungs te/ me tog dam pa zhes bya ba la sogs pa'i tshigs su bcad pa gnyis kyis ni bla na yod pa yin te/ me tog la sogs pa rnams kyi nang na dam pa gang dag yin pa'i me tog dam pa de dag dang /phreng ba dam pa dang / sil snyan dam pa dang / gur gum dang / tsan dan la sogs pa'i byug pa dam pa dang / gdugs dam pa mchog dang / mar me mchog dang / bdug pa dam pa dang / na bza' dam pa dang / dri dam pa dang / dri sna tshogs sbyar cing legs par bsgrubs pa'i phye ma'i phur ma ste tsan dan dang gur gum dang ga pur dang a ga ru la sogs pa sna tshogs kyi rang bzhin ri rab dang mnyam pa dang /bkod pa khyad par 'phags pa mchog kun gyis/ /zhes bya ba bkod pa dam pa dang / 'dir bkod pa'i sgra ni tshogs pa'i rnam grangs yin te/lha dang mi rnams kyi lha rdzas rnam pa thams cad kyi mchog dang ldan pa rnams kyis rgyal ba thams cad la mchod par bgyi'o/ /mchod pa gang rnams bla med rgya che ba/ /zhes bya ba la sogs pas ni bla na med pa yang gsungs so/ /byang chub sems dpa'i ting nge 'dzin gyi mthus bskyed pa'i mchod pa gang rnams bla na med cing sangs rgyas kyi zhing thams cad du spros pas chos kyi dbyings kyi mthar thug pa'i rgya che ba de dag rgyal ba thams cad la bdag lhag par mos so//bzang po spyod la dad pa'i stobs dag gis/ /zhes bya ba la bzang po spyod pa la lhag par mos shing mngon par yid ches pa dang /mngon par nges pa de'i stobs kyis te/ de la ming du ma dag las bzang po spyod pa na de ltar rnam pa sna tshogs pa'i mchod pa byang chub sems dpa'i byams pa ltar mos pa yin no/ /da ni ji skad brjod pa'i phyag 'tshal ba dang /mchod pa nye bar bsdus par gsungs pa ni/ rgyal ba kun la phyag 'tshal mchod par bgyi/ /zhes bya ba ste/ rgyal ba thams cad la phyag 'tshal zhing mchod par bgyi ba'o/ /kun nas slong ba dang / gnas dang / ngo bo nyid rnam pa gsum gyi sgo nas sdig pa bshags pa gsungs pa ni/'dod chags zhe sdang zhes bya ba la sogs pa'o/ /de la sdig pa kun nas slong ba'i rgyu gang zhig yin zhe na/ 'dod chags zhe sdang gti mug ni kun nas slong ba'i rgyu yin no/ /gnas gang yin zhe na/ gnas ni lus dang ngag dang yid yin no/ /ngo bo nyid ni/ sdig pa bdag gis bgyis pa ci mchis pa//zhes bya ba ste/ skye ba 'di 'am skye ba phyi ma dag tu bdag nyid kyis byas pa dang byed du bcug pa dang byed pa la rjes su yi rang ba'o/ /de thams cad ni de dag thams cad rgyal ba sras dang bcas pa rnams kyi spyan sngar mngon sum du 'dug pa lta bus skad cig tsam la'ang 'gyod bzhin pas so sor bshags par bya zhing bsal bar bgyi'o//da ni phyogs bcu'i 'gro ba kun dang zhes bya ba la sogs pas bsod nams la rjes su yi rang ba gsungs so/ /phyogs bcu'i 'gro ba'i bsod nams sbyin pa dang / tshul khrims dang / bsgom pa las byung ba dus gsum pa gang yin pa dang /gang yang slob pa'i gang zag bdun po rnams dang / gang yang mi slob pa'i dgra bcom pa rnams dang / rang rgyal ba rnam pa gnyis po bse ru lta bu dang / tshogs na spyod pa rnams kyi bsod nams dus gsum la 'jig rten las 'das pa gang yin pa dang / gang yang sems dang po bskyed pa nas nye bar bzung ba'i byang chub sems dpa' thams cad dang /sangs rgyas bcom ldan 'das dus gsum du gshegs pa rnams kyi brda las byung ba'i byang chub kyi sems bskyed pa nas nye bar bzung ste/ pha rol tu phyin pa dang sa la sogs pa las nges par skyes pa re re zhing dus gsum du gyur pa 'jig rten pa dang /'jig rten las 'das pa'i bsod nams kyi tshogs gzhal du med cing bsam gyis mi khyab pa sangs rgyas kyi ye shes kyi skyod yul du gyur pa gang yin pa de dag thams cad la bdag rjes su yi rang bar bgyid do/ /'gro ba'i sgra ma lus pa rjod par byed pa nyid kyis slob pa dang mi slob pa la sogs pa'i bsod nams 'dus par grub bzhin du so sor nye bar blangs pa la don ci zhig yod ce na de ni ma yin te/'gro bas na 'gro ba ste srid pa dang bcas pa zhes bya ba'i don nam/ 'khor bar 'gro ba zhes bya ba'i don no/ /de la kha cig la ni shin tu 'gro ba med pa'i phyir dang /kha cig ni mi 'gro ba nyid kyis 'gro ba'i sgrar brjod par bya ba ma yin te/ des na tha dad par bstan pa yin no/ /da ni chos kyi 'khor lo bskor bar bskul ba ni/ phyogs bcu'i 'jig rten zhes bya ba la sogs pa gsungs so/ /phyogs bcu'i 'jig rten rnams na 'gro ba'i sgron ma ste/'jig rten gyi phyi dang nang gi mun pa'i tshogs rnams sel bar byed pa'i bdag nyid yin pa'i phyir na sangs rgyas bcom ldan 'das rnams ni 'jig rten gyi sgron ma yin no/ /byang chub rim par sangs rgyas zhes bya ba ni bla na med pa yang dag par rdzogs pa'i byang chub tu mngon par sangs rgyas pa'o//ma chags brnyes zhes bya ba ni ma chags pa nyid thob pa ste/ mngon par byang chub pa'i chos kyi tshul las don ma lus pa'i rang bzhin yongs su shes pa'i phyir na chags pa thams cad las yang dag par 'das pa'o/ /chos zab mo rtogs pa'i don du mi gnyer zhing mngon par mi brtson pa gzhan dag gis rtogs par dka' ba des na gang dag chos bstan pa la spros pa med par 'jig rten gyi khams sna tshogs pa rnams na byang chub kyi shing mchog gi drung du gshegs nas bzhugs pa gang yin pa'i 'jig rten gyi mgon po de dag thams cad la bdag gis 'gro ba'i mi shes pa'i mun pa bsal ba'i phyir dang /bla na med pa'i ye shes kyi snang ba bya ba'i phyir na bla na med pa'i chos kyi 'khor lo bskor ba'i don du sa'i steng du pus mo btsugs shing thal mo sbyar ba byas nas so so'i mdun du gnas pa lta bus bskul bar bgyid do zhes bya ba ni chos kyi 'khor lo bskor ba'i don du bskul ba'o/ /da ni/ mya ngan 'das ston gang bzhed de dag la/ /zhes bya ba la sogs pas gsol ba 'debs so/ /gang zhes bya ba ni khyad par med pa yin yang skabs yin pa'i phyir phyogs bcu'i 'jig rten sgron ma zhes bya ba dang mngon par 'brel to/ /phyogs bcu'i sangs rgyas bcom ldan 'das gang dag mya ngan 'das ston te/mya ngan 'das pa ston par bzhed pa de dag thams cad la bdag gis thal mo rab tu sbyar nas yun ring du bzhugs pa'i don du gsol bar bgyi ste zhu ba 'bul lo/ /dus ji srid du zhe na/ bskal pa zhing gi rdul snyed de dus gsum du rtogs pa'i sangs rgyas kyi zhing thams cad kyi rdul dang mnyam pa'i bskal par bzhugs par ro//ci'i don du zhe na/ mgon med par gyur pa'i 'gro ba kun la phan zhing bde ba'i phyir ro/ /de la phan pa ni gtan du ba'i grub pa dang bde ba ste mya ngan las 'das pa'i lam thob pa'o/ /bde ba ni lha grangs kyi nye bar spyod pa thob ba'o/ /da ni ji skad brjod pa'i phyag 'tshal ba la sogs pas bskyed pa'i bsod nams kyi phung po gzhal du med par yongs su sngo bar byed pa ni/phyag 'tshal ba dang mchod cing bshags pa dang zhes bya ba la sogs pas so/ /phyag 'tshal ba dang / mchod pa dang / sdig pa bshags pa dang / bsod nams la rjes su yi rang ba dang /chos kyi 'khor lo bskor bar bskul ba dang / de bzhin gshegs pa la gsol ba btab pa'i dge ba cung zad bdag gis ci bsags pa ste nye bar bsgrubs pa de dag thams cad bdag gis bla na med pa yang dag par rdzogs pa'i byang chub kyi phyir bsngo bar bgyi'o/ /da ni brgyad pa de'i rab tu dbye ba ste/kun du bzang po'i smon lam de'i yan lag so so'i rab tu dbye ba ni de'i rab tu dbye ba yin no/ /de yang rnam pa bcu drug ste/ 'di lta ste bsam pa'i sgo nas dang / byang chub kyi sems mi brjed pa'i sgo nas dang / ma gos pa'i sbyor ba'i sgo nas dang / sems can la phan pa'i sgo nas dang /go cha'i sgo nas dang / skal pa mnyam pa'i byang chub sems dpa' dang phrad pa'i sgo nas dang / dge ba'i bshes gnyen mnyes par byed pa'i sgo nas dang / de bzhin gshegs pa mngon du gyur pa'i sgo nas dang / dam pa'i chos yongs su 'dzin pa'i sgo nas dang / mi zad pa'i mdzod thob pa'i sgo nas dang /'jug pa'i sgo nas dang / stobs kyi sgo nas dang / sgrub pa'i sgo nas dang / las kyi sgo nas dang / rjes su slob pa yongs su phye ba'i sgo nas dang / bsdu ba'i sgo nas so/ /de la bsam pa'i sgo nas ni rnam pa dang po'o/ /de yang rnam pa gsum ste/ de bzhin gshegs pa la mchod pa dang dgongs pa yongs su rdzogs pa'i bsam pa ni/'das pa'i sangs rgyas rnams dang zhes bya ba la sogs pa'o/ /mya ngan las 'das pa bstan zin pa'i sangs rgyas bcom ldan 'das rnams la bla na med pa'i mchod pas mchod par gyur cing phyogs bcu'i 'jig rten te/ 'jig rten gyi khams du ma rnams na 'gro ba mtha' dag la phan pa dang bde ba sgrub pa lhur mdzad pa dang /de ltar bzhugs shing 'tsho ba gang yin pa de dag rnams kyang de bzhin du mchod par gyur cig pa'o/ /gang yang ma byon pa 'byung bar 'gyur ba de dag kyang rab myur bar te dka' ba med pa kho nar bsam rdzogs byang chub rim par sangs rgyas spyon cig pa'o//phyed snga mas ni de bzhin gshegs pa la mchod pa'i bsam pa dang / phyed phyi mas ni dgongs pa yongs su rdzogs pa'i bsam pa bstan to/ /sangs rgyas kyi zhing yongs su sbyong ba'i bsam pa ni/ phyogs bcu'i zhing rnams gang dag ji snyed pa/ /zhes bya ba la sogs pa gang gsungs pa yin no//phyogs bcu rnams na sangs rgyas kyi zhing rnams gang dag ces bya ba gang dag yod pa ji snyed ces bya ba ni srid pa de dag thams cad bde ba can bzhin du rgya cher yongs su dag par gyur te/ dpag tu med pa'i 'jig rten gyi khams kyi gnas rnams so sor tha gru che bar gyur cing /byang chub shing dbang drung gshegs rgyal ba ste/ bcom ldan 'das rnams dang byang chub sems dpa' rnams kyis rab tu gang bar te kun nas bar mtshams med par khyab par shog ces bya ba'o/ /sems can thams cad bde ba'i lhag pa'i bsam pa ni phyogs bcu'i zhes bya ba la sogs pa gang gsungs pa yin te/phyogs bcu rnams na skye gnas bzhis bsdus pa 'gro ba drug gi sems can gang rnams ji snyed yod pa de dag rtag tu ste/ gtan du lus dang sems kyi nad dang bral bar gyur cig /nyams pa med pa mchog tu gyur pa'i bde bas bde bar gyur cig /de dag gi chos dang ldan pa'i don de mthun pa ste rjes su mthun par grub par shog la/'gro ba kun gyis chos dang ldan pa'i re ba yang rtag tu 'grub par shog ste/ yongs su rdzogs par gyur cig pa'o/ /da ni mi mthun pa'i phyogs spang ba nye bar ston pa'i sgo nas tshigs su bcad pa bzhis rnam pa gnyis pa byang chub kyi sems mi brjed pa ni/byang chub spyod pa dag ni bdag spyod tshe/ /zhes bya ba nas brtsams nas/ de dag ma lus yongs su byang bar shog /ces bya ba'i bar gyis gang gsungs pa yin no/ /byang chub ces bya ba ni bla na med pa yang dag par rdzogs pa'i byang chub ste/ de'i don du spyod pa ni byang chub spyod pa'o//de la bdag spyod pa'i tshe 'gro ba kun du skye ba dran par gyur cig /de bzhin du tshe rabs kun du 'chi 'pho ba dang skye ba nas bdag ni rab tu 'byung bar shog /ces bya ba 'chi 'pho ba dang skye ba dag gis ni don gyis na bar gyi gnas skabs brjod pa nyid du blta bar bya ste/'di ni byang chub kyi sems mi nyams pa'i rgyu dang po yin no/ /de bzhin du rgyal ba kun gyi rjes su slob byed cing / /zhes bya ba la sogs pa la/ dus gsum du gshegs pa'i rgyal ba ma lus pa rnams kyi bslab pa la rjes su slob par byed cing / bzang po spyod pa zhes pa la/ bzang po spyod pa yongs su rdzogs byed cing / /zhes bya ba yang dag par sgrub par byed pa na ci zhig gi bdag gis bya zhe na/ /tshul khrims spyod pa dri med yongs dag pa/ /rtag tu ma nyams skyon med spyod par shog /ces bya ba ste/ dper na yid bzhin gyi nor bu rin po che ni glo bur gyi dri ma dang mi ldan pa nyid kyis dri ma med pa dang /lus kyi nyes pa dang bral ba'i phyir rang bzhin gyis yongs su dag pa yin no/ /de nyid kyi phyir ma nyams pa dang skyon med pa yin te/ 'dod pa thams cad skong bar byed pa dang / yongs su gdung ba thams cad sel bar byed pa yin zhing nad thams cad dang bral bar byed pa dang /dus ma yin par 'chi ba rab tu zhi bar byed pa dang / gzhan gyi don bsgrub pa la 'jug pa 'ba' zhig yin te/ de bzhin du byang chub sems dpa' rnams kyi tshul khrims kyang rin po che dang 'dra bas rin po che yin te/ glo bur gyi las dang nyon mongs pa'i dri ma dang /ma 'dres pa'i phyir dri ma med pa dang / nyan thos dang rang sangs rgyas kyi theg pa'i sems bskyed pa'i lus kyi skyon dang bral ba'i phyir dang / med na mi 'byung ba nyid kyis rnam pa thams cad mkhyen pa nyid du sems bskyed pa rin po che'i rang bzhin yin pa'i phyir/ kun nas yongs su dag pa dang /byang chub sems dpa'i bslab pa thams cad la gus par byed pa nyid kyis ltung ba kun du mi spyod pa'i phyir na bslab pa ma nyams pas ma nyams pa dang / 'das pa'i yul nyams su myong ba la ltos nas sred pa skye zhing ma 'ongs pa'i skye ba la yang 'dir bdag nyid du mngon par dga' ba dang /da ltar byung ba la lhag par zhen pa'i sred pa ste dus gsum pa'i sred pas ston par byed pa 'di dag gis cung zhig kyang skyo ba med pa'i phyir skyon med pa yin zhing sa bzhin du sangs rgyas dang byang chub sems dpa'i yon tan thams cad kyi rten du gyur pa'i phyir dang / 'gro ba'i 'dod pa thams cad yongs su skong ba'i phyir yongs su gdung ba thams cad sel zhing nad thams cad sel ba dang / lha dang mi rnams su dpag tu med pa'i tshe bsgrub pa dang / gzhan gyi don bsgrub pa la 'jug pa la 'jug pa 'ba' zhig tu gyur pa yin no/ /nges pa'i tshig gis lus dang sems kyi gdung ba thams cad sel bar byed pa'i phyir na bsil bar gyur pa nyid kyis na tshul khrims so//tshul khrims spyod pa zhes bya ba ni tshul khrims nyid spyod pa yin pas tshul khrims spyod pa ste spyad pas na spyod pa'o/ /rnam pa de lta bu'i tshul khrims spyod pa dri med pa yongs su dag pa ma nyams pa skyon med pa la byang chub kyi bar du rtag tu spyod par shog cig ces bya ba ste/'di ni byang chub kyi sems mi brjod pa'i rgyu gnyis pa yin no/ /lha yi skad dang zhes bya ba la sogs pa ni lha rnams la lha'i skad kyis so/ /klu dang gnod sbyin dang grul bum dang mi rnams la ni de'i skad de sgra rnams kyis so//mdor na/ 'gro ba kun gyi sgra rnams ji tsam pa/ /de dang de dag gis de dag la de ltar so sor byang chub kyi bar du dam pa'i chos bstan to zhes bya ba 'di ni byang chub kyi sems mi brjed pa'i rgyu gsum pa yin no/ /des shing zhes bya ba la sogs pa la des pa ni rgyud 'jom pa'o//pha rol tu phyin pa ni sbyin pa la sogs pa bcu'o/ /de dag la brtson pa ni bdag nyid thams cad kyis rnam pa thams cad du grims shing yid mi skyo ba'o/ /nams kyang zhes bya ba ni byang chub kyi sems byang chub kyi snying po'i bar du nam yang brjed par ma gyur cig pa ste/ 'di ni rgyu bzhi pa'o//tshigs su bcad pa phyed dang bzhi po 'di dag gis ni byang chub kyi sems kyi mi mthun pa'i phyogs su gyur pa'i sgrib pa gang yin pa de dag gi gnyen po bstan par mdzad pa yin no/ /da ni tshigs su bcad pa phyed kyis mi mthun pa'i phyogs spang ba bstan pa ni/ sdig pa gang rnams sgrib par gyur pa dag /ces bya ba la sogs pa gang gsungs pa yin no/ /sdig pa gang rnams byang chub sems la bar du gcod par byed pa'i sgrib par gyur pa de dag thams cad du thams cad ma lus par yongs su byang bar ste spang bar shog cig ces pa'o/ / de ni rnam pa gsum ma gos pa'i sbyor ba rgyu rnam pa gsum po gang las gang du ji ltar zhes bya bas gsungs pa ni/ las dang nyon mongs zhes bya ba la sogs pa'o/ /rnams las zhes bya ba ni las dang nyon mongs pa dang bdud kyi las rnams las te/ las 'di yang khyad par med pa'i phyir na dge ba dang mi dge ba dang mi g.yo ba rnam pa gsum gang yang gzung ngo //de la mi dge ba'i las dang nyon mongs pa bdud kyi las rnams las grol ba ni de dag gis ma gos par 'jig rten gyi 'gro ba la sogs pa rnams su rtag tu spyad do/ /ci dang 'dra bar zhe na/ ji ltar pad+ma chus mi chags pa bzhin//zhes bya ba ste/ dper na pad+ma chur skyes pa chus mi gos pa de bzhin du bdag las dang nyon mongs pa dang bdud kyi las la sogs pa 'jig rten gyi chos rnams kyis ma gos par ro/ /de bzhin du dge ba dang mi g.yo ba'i las rnams su chags pa med pa ste/ rnam par smin pa'i 'bras bu la mi ltos par de bzhin 'gro ba mtha' dag la phan pa dang bsgrub pa'i don nyid 'ba' zhig tu spyad par bya ste byang chub sems dpa'i spyod pa la zhes khong nas dbyung ngo //ci 'dra bar zhe na/ nyi zla nam mkhar thogs pa med ltar zhes bya ba ste/ dper na nyi ma dang zla ba dag 'jig rten na yid bzhin gyi nor bu ltar gzhan gyi don byed pa la ro gcig tu 'jug pa'i phyir rang gi don la chags pa phra mo yang med par nyin dang mtshan mo nam mkha' la rgyu ba de bzhin du spyad pa'o//de la bdud ces bya ba ni dge ba'i bar chad byed cing byang chub kyi gegs su gyur pa lam dam pa las ldog par byed pa yin no//dam pa'i nges tshig ni chos ni dam pa yin la chos kyi 'tsho ba 'gog par byed pa'i phyir gsod par byed pas na bdud ces brjod do/ /de'i las ni rgyus phan pa'i dngos po las phyir phyogs pa'o/ /rnam pa bzhi pa 'di dang pha rol tu sems bskyed ma lus pa la phan 'dogs pa ni zhing gi khyon dang zhes bya ba la sogs pa gang gsungs pa yin no//'gro ba'i ngan song gi sdug bsngal ngan song gsum gyis dbye ba can thams cad rab tu zhi byed cing ngo / /ci'i phyir ngan song gi sdug bsngal kho na zhi bar byed par gsungs she na/ de dag ni shin tu gdung bar byed pa yin pa'i phyir gtsor nye bar blangs pa yin te/'khor ba'i sdug bsngal thams cad nyid zhi bar byed pa zhes bya bar rig par bya'o/ /phul du byung ba'i bde ba dag la 'gro ba kun 'god pa na'o/ /ci zhig byed ce na/ 'gro ba thams cad la ni phan phyir spyad de/ yid skyo ba med par sbyor ba gzhan med par bla na med pa'i ye shes thob bar byed pa'i don du zhes bya ba'i don to//spyad pa ni 'bad par bya ba'o/ /dus ji srid du zhe na/ zhing gi khyon dang phyogs rnams ji tsam par/ /zhes bya ba ste/ ji tsam par zhes pa ni ji srid du'o/ /zhing gi khyon zhes bya ba ni sangs rgyas kyi zhing ji srid pa'i khyon rab tu rgyugs dang rgyan te skabs brgyud las 'byung ba'o//phyogs rnams zhes bya ba ni phyogs bcu pa rnams su ste de srid du spyad ces 'brel to/ /rnam pa lnga pa ni go cha'o/ /de yang rnam pa gsum ste/ sangs rgyas kyi chos yongs su rdzogs par byed pa dang /sems can gyi spyod pa dang mthun par 'dug pa dang / dam pa'i chos rab tu sbyin pa'i sgo nas te/ byang chub spyod pa yongs su rdzogs byed cing / /zhes bya ba la sogs pa gang gsungs pa yin no/ /byang chub spyod pa yongs su rdzogs byed cing / /zhes bya ba la/byang chub kyi don du spyod pa ni byang chub spyod pa ste/ de yongs su rdzogs par byed pa ni sangs rgyas kyi chos rnams sgrub par byed cing zhes bya ba'i don to/ /skye ba dang skye bar sems can rnams kyi sems kyi spyod pa rnams shes par byas nas/ rang bzhin gyis rgyu med cing 'grogs na bde bas de dag dang mi mthun pa med par rjes su mthun par 'jug pa'o//bzang po spyod pa dag ni rab ston cing / /zhes bya ba la 'dir bzang po spyod pa ni chos ston pa'i rang bzhin yin par bzung ste/ rab tu ston par brjod par 'dod pa'i ngag las bzang po spyod par btags pa'i phyir na/de 'gro ba la rab tu ston pa dang brjod pa dang gsol bar byed cing / ma 'ongs pa bskal pa phyi ma'i mthar thug pa kun du yid yongs su mi skyo bar spyod par gyur zhes bya ba dang / rnam pa drug pa lus dang ngag dang yid kyi spyod pa dang smon lam gyis skal ba mnyam pa'i byang chub sems dpa' dang 'grogs pa ni/bdag gi spyod dang mtshungs par ldan pa zhes bya ba la sogs pa gang gsungs pa yin no/ /bdag gi spyod dang ste spyod pa'i sgo nas mtshungs par gang spyod pa ste/ mnyam par spyod pa'i byang chub sems dpa' de dag dang ni rtag tu 'grogs par shog ste/ji srid byang chub kyi bar du lhan cig gnas par gyur cig pa'o/ /lus dang ngag rnams dang ni yid kyis kyang / /de dag nyid dang lhan cig tu byang chub sems dpa'i spyod pa gcig pa smon lam gcig tu spyad de kun nas nyon mongs pa can ma yin par gnas par bya'o//rnam pa bdun pa phan pa'i bsam pas nye bar bstan pa sgrub pa dag gis dge ba'i bshes gnyen mnyes par byed pa'i sgo nas ni/ bdag la phan par 'dod pa'i grogs po gang / /zhes bya ba la sogs pa rnams kyis gang gsungs pa yin no/ /grogs po gang dag phan par 'dod cing bzang po spyod pa rab tu ston par byed/'chad par byed la chos smra bar byed pa de dag dang yang bdag lhan cig rtag tu phrad par te nye bar gnas par shog cig pa'o/ /de dag kyang bdag gis nams kyang ste 'ga'i tshe yang yid mi 'byung ste cung zad tsam sun par yang mi bya'i//ji srid byang chub kyi bar du gtan du rjes su mthun par 'jug par bya'o/ /rnam pa brgyad pa dus ring par mchod pa'i bya bas mi skyo bar de bzhin gshegs par mngon du gyur pa ni/ sangs rgyas sras kyis bskor ba'i mgon po rnams/ /zhes bya ba la sogs pa'o//phyogs bcu po rnams thams cad du rgyal ba sangs rgyas bcom ldan 'das mgon po zhes bya ba 'gro ba'i gnyen gcig tu gyur pa byang chub sems dpa'i tshogs kyis kun nas bskor ba rnams rtag tu thogs pa med pa'i mig gis mngon sum du zhes bya ba mngon du phyogs shing mngon du gyur par blta bar bgyi zhing /de dag la yang so sor skad cig re re la rnam pa thams cad kyi mchog dang ldan pa'i mchod pa nam mkha'i ltar yangs pa rgya chen por gyur pa chos kyis dbyings khyab pa dag bgyi'o/ /dus ji srid du zhe na/ ma 'ongs bskal pa kun du mi skyo bar//zhes bya ba ste/ phyi ma'i mtha'i mur thug pa ma 'ongs pa'i bskal pa thams cad du skyo ba med pa'i yid dang ldan pas bgyi ba'o/ /rnam pa dgu pa 'dzin pa dang ston par byed pa'i bya ba dag gis dam pa'i chos yongs su 'dzin pa'i rgyal ba rnams kyi dam chos 'dzin pa dang zhes bya ba la sogs pa gang gsungs pa yin no//dus gsum gyi rgyal ba thams cad kyis bstan pa'i chos gsung rab yan lag bcu gnyis po gang yin pa de dag gzungs kyi stobs kyis 'dzin par byed pa yang dag par 'dzin par byed pa dang / chos ston pa'i rang bzhin gyis byang chub spyod pa 'gro ba la kun du snang bar byed ces bya ba yang dag par 'chad par byed cing ngo //'dir yang byang chub spyod pa zhes bya ba ni de ston par byed pa'i tshig la brjod pa yin no/ /bzang po spyod pa rnam par sbyong ba ni/ /zhes bya ba la/ bzang po spyod pa ni byang chub sems dpa'i spyod pa yin te/ de rnam par sbyong ba ni dri ma med par byed pa yin pas/ma 'ongs bskal pa kun du ste dus ring por byed pas ma lus rnams su spyad par bgyi zhes bya ba ni 'bad par bgyi ba'o/ /rnam pa bcu pa bsod nams dang ye shes la sogs pa rnyed pas na mi zad pa'i mdzod thob pa ni/ srid pa thams cad du yang 'khor ba na//zhes bya ba la sogs pa gang gsungs pa yin te/ 'dod pa la sogs pa'i srid pa thams cad du yang sems can gyi don gyi dbang gis 'khor ba ste skye ba na bsod nams dang ye shes dag ni mi zad rnyed de zad mi shes pa dang ldan par gyur cig /de bzhin du thabs dang / shes rab dang /nam mkha' mdzod dang / dri ma med pa'i phyag rgya la sogs pa'i ting nge 'dzin rnams dang / de bzhin du byang chub sems dpa'i rnam par thar pa'i snying rje chen po dang / dri ma med pa dang / sgyu ma'i rnam pa la sogs pa rnams nas byang chub sems dpa'i yon tan thun mong dang thun mong ma yin pa rnams kyi mi zad mdzod de/'gro ba thams cad la phan pa dang / bde ba bskyed pa'i don du yon tan zad mi shes pa'i gzhir gyur cig ces bya ba'o/ /rnam pa bcu gcig pa ni 'jug pa'o/ /de yang rnam pa brgyad de/ 'di lta ste/ sangs rgyas kyi zhing blta ba la 'jug pa rnam pa gnyis dang /sangs rgyas kyi gsung la 'jug pa dang / de bzhin gshegs pa'i chos kyi 'khor lo bskor ba la 'jug pa dang / bskal pa'i 'jug pa la 'jug pa dang / de bzhin gshegs pa la blta ba dang / de'i spyod yul la 'jug pa dang / sangs rgyas kyi zhing mngon par bsgrub pa la 'jug pa dang /de bzhin gshegs pa'i thad du 'gro ba la 'jug pa ni brgyad pa'o/ /de la sangs rgyas kyi zhing blta ba la 'jug pa rnam pa gnyis ni/ rdul gcig steng na rdul snyed zhing rnams te/ /zhes bya ba la sogs pa'i tshigs su bcad pa gnyis kyis gang gsungs pa yin te/rdul gcig nyid kyi steng na phyogs bcu dus gsum du son pa'i sangs rgyas kyi zhing gi rdul dang mnyam pa'i sangs rgyas kyi zhing de rnams dang / zhing der zhes bya ba zhing dang zhing rnams su bsam gyis mi khyab ces bya ba bsam du med cing bsam pa las 'das pa'o/ / sangs rgyas bcom ldan 'das rnams sangs rgyas sras kyi zhes bya ba ni byang chub sems dpa' rnams kyi dbus na bzhugs pa zhes bya ba bzhugs par gyur pa rnams la blta bar bgyi zhes 'brel te byang chub spyad pa spyod cing zhes bya ba ni byang chub kyi spyod pa sgrub par byed cing ngo / /blta bar bgyi'o zhes bya ba ni 'jug par bgyi'o//gal te de lta yin na mi srid pa don du gnyer ba nyid kyis byang chub sems dpa' rnams 'bras bu med pa'i smon lam nyid 'debs par byed par mi 'gyur ram/ 'di ltar re zhig sangs rgyas kyi zhing gcig nyid rnam par dbye ba so so dang bcas pa ma lus par rdul gcig gi steng na mthong ba mi srid pa yin na/de ji ltar bgrang las 'das pa'i sangs rgyas bcom ldan 'das byang chub sems dpa'i 'khor gyi dbus na bzhugs pa rnams kyis gang ba'i sangs rgyas kyi zhing dus gsum du son pa'i sangs rgyas kyi zhing gi rdul dang mnyam pa so sor rnam par phye ba rnams rdul gcig gi steng du mthong bar gyur cig ces smon lam ji ltar 'debs par byed ce na/de ni ma yin te/ gang gi phyir ji ltar bsam gyis mi khyab pa'i las kyis sprul pa'i 'jig rten gyi khams sna tshogs pa rnams steng dang 'og dang thad kar yul tha dad pa yin pa de bzhin du bsam gyis mi khyab pa'i ye shes kyi sprul pa rnams rdul gcig gi yang steng du de ltar ci ste mi srid/bsam gyis mi khyab pa nyid kyang / /gang tshe sa ni mkhas rnams la/ /mtshar min cung zad yod min pa/ /de tshe dbang po rnams kyis ni/ /rtog pa nyid la mtshar ci yod/ /'jig rten mgon po skyob pa yis//bsam gtan las tshul klu rnams dang / /sangs rgyas bdag nyid che rnams kyi/ /bsam mi khyab pa bzhir gsungs so/ /zhes brjod pa 'dzin no/ /de ltar na mi srid pa'i don ma yin yang blo rnam par 'gyur ba med pa rnams kyis sangs rgyas kyi gsung 'di thams cad la de kho na ltar yin no snyam du mngon par dad par bya'o//'di la shin tu gsal bar rab tu bsgrags pa yin te/ sangs rgyas kyi gsung lkog gyur la/ /gang zhig the tshom skyed byed des/ /'di nyid du ni stong nyid la/ /yang dag par ni yid ches bya'o/ /zhes bya ba'o//'jig rten na yang re zhig chu dngas pas khengs pa'i snod shin tu chung ngu'i nang du gza' dang skar ma dang rgyu skar la sogs pas brgyan par byas pa'i nam mkha' thams cad mthong ba kho na'o/ /de nyid kyi phyir bcom ldan 'das kyis/ chos rnams gzugs brnyan dang mtshungs te//rab rib rmi lam mtshan nyid can/ /sgyu ma smig rgyu dang 'dra zhing / /dri za'i grong khyer lta bu yin/ /zhes gsungs so/ /'dir yang / gang yang dus gsum dag gi zhing bkod pa/ /zhes bya ba'i tshigs su bcad pa 'dir phyir gsal bar bya'o/ /de ltar ma lus phyogs rnams thams cad du//zhes bya ba la sogs pa ni rdul gcig gi steng du ji ltar de ltar ro/ /ma lus phyogs rnams thams cad du ni phyogs ma tshang ba med pa rnams su'o/ /skra tsam khyon la zhes bya ba la skra'i khyon ni skra'i steng ngo / /'di skad du skra nyag ma tsam gyi go skabs su dus gsum gyi tshad dang mnyam pa dus gsum du gtogs pa'i sangs rgyas rgya mtsho rnams dang /de'i zhing rgya mtsho rnams su spyod cing zhes bya ba spyod pa la 'jug bzhin pas/ bskal pa rgya mtshor rab tu 'jug ste 'jug par bya'o zhes brjod pa yin no/ /sangs rgyas kyi gsung la 'jug pa ni/gsung gcig yan lag rgya mtsho'i skad rnams kyis/ /zhes bya ba la sogs pa gang gsungs pa yin no/ /chos ston par mdzad pa'i de bzhin gshegs pa gcig gi gsung dbyangs rgya mtsho sgra skad rnams te/ bgrang ba las 'das pa'i nyan pa po skye bo'i mos pa'i dbye ba nyid las gcig pa kho nar tshig dang yi ge gzhan dang gzhan rnams su tha dad pa nyid kyis gzhan dang gzhan du gyur pa rnams nyan pa'i sgo nas de kho na bzhin du chos ston par mdzad pa phyogs bcu dus gsum du bzhugs pa rgyal ba kun gyi dbyangs kyi yan lag rnam par dag pa gang yin pas chos nyan par byed pa'i 'gro ba dpag tu med pa kun gyi bsam pa ji lta ba bzhin du gyur pa'i dbyangs sangs rgyas kyi gsung de lta bur gyur pa yin pa ste/de ltar thos pa'i rna bas 'jug par bgyi ste/ de bzhin gshegs pa gcig gi gsung gi yan lag rgya mtsho'i sgra skad de nyid la 'jug par bgyi'o//de skad du yang mos pa sna tshogs can gyi ni/ /'khor mang rnams ni gnas pa la/ /gsung gcig bka' ni stsal pa na/ /gsung rnams du mar go 'gyur zhing / /nga yi ched du yin no zhes/ /skye bo kun gyis rtogs 'gyur gang / /'di las ches rmad ci yod de/ / 'di las ches mtshar ci zhig yod/ /ces gsungs pa dang / de bzhin du 'phags pa sdong po bkod pa'i mdo'i 'phags pa byams pa'i rnam par thar pa las kyang / 'di ni gang dag theg mchog la gnas rmongs med dang / /bskal pa bye ba khrag khrig mang po rnams su yang / / ngoms med sems kyis phyogs bcu'i bde gshegs rnams kyi ni/ /chos sprin mthun par byed pa rnams kyi gnas yin no/ /zhes gsungs pa yin te/ tshigs su bcad pa snga ma gnyis kyis ni 'chad pa po'i che ba dang / tshigs su bcad pa phyi mas ni nyan pa po'i skye bo'i che ba'i bdag nyid yin no//gang dag gcig gsung yan lag rgya mtsho'i sgra skad la/ /rgyal ba kun dbyangs yan lag rnam dag pa/ /zhes bdun pa'i gcig tshig gi mtha' can du 'dod pa ste de dag gis ni ste'i sgra tshig gi kha skong ba yin par blta bar bya'o/ /chos kyi 'khor lo bskor ba la 'jug pa ni/dus gsum gshegs pa rgyal ba 'khor lo yi/ /zhes bya ba la sogs pa gang gsungs pa yin te/ de dag rnams thams cad kyi don zhes bya ba ni dus gsum gshegs pa rgyal ba rnams kyi'o/ /ci 'dra ba rnams kyi zhe na/ 'khor lo'i tshul rnams rab tu skor mdzad rnams kyi gsung dbyangs mi zad pa gang yin pa zad pa las 'das pa de rnams la blo'i stobs kyis zhes bya ba shes pa'i bdag nyid che bas cig car du 'jug par bgyi zhing zhugs par bgyi'o//thabs gang dang gis chos bstan pa gang dang gang yin pas dus gang dang gang gi tshe/ yul gang dang gang du mos pa sna tshogs can gyi sems can rnams gdul byar gyur pa de ni 'dir tshul yin par blta'o//dbyangs kyi sgra ni 'dir yang tshig gis kha skong ba'i don du'o/ /bskal pa'i 'jug pa la 'jug pa ni/ ma 'ongs bskal pa kun gyi bskal 'jug la/ /zhes bya ba la sogs pa gang gsungs pa yin te/phyogs bcur gtogs pa'i ma 'ongs pa'i bskal pa kun gyi bskal 'jug la zhes bya ba bskal pa brgyud par 'byung ba rnams la mdor bsdus te bdag gis 'jug par bgyi'o/ /gang yang bskal pa dus gsum tshad de dag /ces bya ba ni dus gsum gyi grangs snyed pa ste/de dag thams cad shes pa'i skad cig gi cha shas zhes bya ba skad cig ma gcig gi phyogs gcig tu zhugs par spyad pa byed de zhugs zhes bya'o/ /de bzhin gshegs pa blta ba dang de'i spyod yul la 'jug pa ni/ /dus gsum gshegs pa mi yi seng ge gang / /zhes bya ba la sogs pa gang gsungs pa yin te/phyogs bcu po rnams kyi dus gsum du gshegs pa'i mi'i seng ge sangs rgyas bcom ldan 'das gang yin pa de dag shes pa'i skad cig gcig gis bdag gis blta zhing / de dag gi ni spyod yul te yul la yang 'jug pa'o/ /sgyu mar gyur pa'i rnam thar stobs kyis zhes bya ba ni byang chub sems dpa'i rnam par thar pa sgyu mar gyur pa zhes bya ba shes pa'i rang bzhin yin la de'i stobs kyis rtag tu 'jug pa'o//sangs rgyas kyi zhing mngon par bsgrub pa la 'jug pa ni/ gang yang dus gsum dag gi zhing bkod pa//zhes bya ba la sogs pas gang gsungs pa yin te/ gang yang dus gsum dag gi zhing bkod pa rgya mtsho de dag rdul gcig gi steng na rdzu 'phrul gyi stobs kyis mngon par bsgrub par bya zhing / de ltar ma lus phyogs rnams thams cad du/ /zhes bya ba de ni de ltar de phyogs ma lus pa thams cad du zhing gi bkod pa rnams rdul gcig gi steng du de kho na bzhin mngon par bsgrub par bgyi ste shes pa'i skad cig gis 'jug par bya'o//gal te re zhig da ltar ba nyid kyi sangs rgyas kyi zhing gi rang bzhin dang / tshad dang / mdog dang / dbyibs kyi dbye bas tha dad pa rnams rdul gcig gi steng na gnas pa la ma yin na/dus gsum gyi sangs rgyas kyi zhing ma lus pa phyogs bcu na yod pa rnams de kho na bzhin du rang bzhin la sogs pa'i dbye bas tha dad pa rnams rdul gcig gi steng du bar ma chod cing ma 'dres par gnas pa ji ltar 'gyur te/ des ni 'di ji ltar yid ches par bya zhe na/ 'dir brjod pa/gang gi phyir yongs su ma chub cing ngo bo nyid med pa sgyu ma lta bu/ ma skyes pa/ ma 'gags pa/ skra shad lta bu gdod ma nas zhi ba/ rang bzhin gyis yongs su mya ngan las 'das pa/ mos pa ji lta ba bzhin rtog pa tsam gyis rab tu phye ba rnam pa sna tshogs pa du ma'i rang bzhin gyi chos thams cad ni legs par bsgoms shing rnam pa sna tshogs par gyur pa'i ting nge 'dzin dang /rnam par thar pa'i khyad par rnams kyis bsam gyis mi khyab par nye bar dgod par nyams su myong bar 'gyur ba na legs par sgom par byed pa'o/ /gnas 'dir gsal bar 'jog par byed pa yin te/'jig rten na yang 'tshe ba mang ba yid ches pa cung zad tsam gyis nus pa bskyed pa'i mig 'phrul mkhan blo gros mchog tu ya mtshan par byed pa'i sgyu ma sgrub par byed pa rnams mthong ba kho na yin pa de'i phyir/ ji skad brjod pa 'di thams cad yid ches par bya ba yin gyi/ 'di la the tshom cung zad kyang mi bya'o//de bzhin gshegs pa rnams kyi drung du 'gro ba la 'jug pa ni/ gang yang ma byon 'jig rten sgron ma rnams/ /zhes bya ba la sogs pa gang gsungs pa yin te/ gang yang ma byon pa'i dus phyi ma'i mtha'i mur thug par gyur pa'i sangs rgyas bcom ldan 'das 'jig rten gyi sgron ma phyogs bcu'i 'jig rten gyi khams kyi mtha' gtugs pa gzhan dang gzhan na bzhugs pa bgrang ba las 'das pa sangs rgyas kyi ye shes kyi spyod yul du gyur pa rnams skad cig so sor dus mtshungs pa kho nar bla na med pa yang dag par rdzogs pa'i byang chub tu mngon par rdzogs par 'tshang rgya ba dang /de bzhin du gzhan dag dus mtshungs pa kho nar chos kyi 'khor lo bskor ba dang / de bzhin du gzhan dag mya ngan 'das pa ston par 'gyur ba de dag gi drung du ste/ des na/ de dag rnam par 'tshang rgya 'khor lo bskor/ /zhes bya ba la sogs pa gsungs pa yin no//de dag ces bya ba ni de dag gis te/ mngon par rdzogs par 'tshang rgya ba dang / de bzhin du chos kyi 'khor lo bskor ba dang / mya ngan las 'das pa ston pa dang / de bzhin du 'jig rten gyi mgon po gcig pu pa de dag kun gyi zhabs drung du/ yid mgyogs kyi rdzu 'phrul gyi stobs kyis cig car lus kyi sprin ma 'ongs phyogs bcu khyab par byas nas/nam mkha' khyab pa'i mchod pa'i sprin mchog tu khyad par du 'phags pa bgrang ba las 'das pa rnams kyis re re la mchod pa dang / bstod pa 'bul ba dang / lan brgya dang / lan stong du bskor ba byed cing 'khor ba ji srid kyi bar du bdag 'chi'o zhes bya ba dus mtshungs par 'gro ba'o//rnam par 'tshang rgya zhes bya ba ni mngon par 'tshang rgya ba'o/ /mya ngan 'das pa ston ces bya ba 'di la rab tu zhi mtha' zhes bya bas bshad pa ni tshig kha bskang ba'i don du yin par rtogs so/ /gtso bo yin pa'i phyir de skad gsungs par zad kyi/'on kyang chu zla snang ba ltar dga' ldan gyi gzhal yas khang na bzhugs pa dang / 'chi 'pho ba ston pa dang / lhums na zhugs pa dang / bltams pa dang / lha'i gam du gshegs pa dang / bzo dang sgyu rtsal ston pa dang / khab nas 'byung ba dang / rab tu 'byung ba dang / dka' ba spyod pa dang / byang chub kyi snying por gshegs pa dang / byang chub kyi shing gi rgyal po'i drung du seng ge'i gdan la bzhugs nas bdud btul ba'i dus rnams su yang de dag gi zhabs drung du de kho na ltar dus gcig par nyid mchi ba'o//de skad du yang / gang phyir sems can gzhal med rnams/ /so sor 'jig rten khams rnams su/ /skad cig skad cig 'tshang rgya des/ /zhum pa dang du blang mi bya/ /zhes gsungs so/ /rnam pa bcu gnyis pa ni stobs so/ /de yang rnam pa bcu ste/ kun du myur ba'i rdzu 'phrul stobs rnams dang //zhes bya ba la sogs pa gang gsungs pa yin no/ /grub pas na rdzu 'phrul te yang dag par grub cing 'dod pa ji lta ba bzhin rdzogs par byed pa'i cho 'phrul zhes bya ba'i don to/ /rdzu 'phrul cho 'phrul yin no zhes ji ltar rtogs she na/ sems can so so ba rnams kyi yid 'phrog cing mgu bar byed pas na cho 'phrul yin no//de'i stobs ni don yod pa nyid do/ /kun du myur ba'i zhes bya ba ni ji ltar byang chub sems dpa' gzhan gyis mi 'gro bas kun du rgyu ba'i rdzu 'phrul gyis cig car phyogs bcur 'gro ba de bzhin du'o/ /theg pa'i stobs kyis zhes bya ba ni theg pa chen po'i stobs kyis te 'dis 'gro bar byed pas na theg pa'o//theg pa yang yin la chen po yang yin pas theg pa chen po yin pa'am/ yang na sangs rgyas dang byang chub sems dpa' chen po rnams kyi theg pa yin pas theg pa chen po'o/ /de'i rang bzhin ci yin zhe na/sangs rgyas kyi byang chub thob par byed pa'i lam yin te/ theg pa chen po ni bsod nams dang ye shes zhes bya ba nyid yin no/ /yang na pha rol tu phyin pas dang bcas pa theg pa chen po yin no/ /de'i stobs ni thogs pa med pa nyid dang / mi mthun pa'i phyogs kyis mi rdzi ba zhes bya ba'i don to//kun nas sgo'i zhes bya ba ni thams cad nas 'jug pa'i sgo'o/ /ji ltar zhe na/ gang byang chub kyi sems mi skye ba dang / gang la sems can thams cad la phan pa dang bde bar bsngags par ma gyur pa'i gnas skabs dang / dmigs pa de ni gang yang yod pa ma yin te/ 'di thams cad spyod yul yongs su dag pa'i mdor blta bar bya'o//spyod pa'i stobs rnams dang zhes bya ba ni khyad par med pa'i phyir spyod pa gnyis ka'i stobs kyis te/ byang chub sems dpa'i spyod pa'i stobs dang / bzang po spyod pa'i stobs kyis so/ /kun du yon tan zhes bya ba ni thog ma dang /bar dang / tha mar dge bas so/ /byams pa'i stobs zhes bya ba ni sems can gyi khams thams cad la bde ba'i bsam pas khyab par byas pa'o/ /kun du khyab pa zhes bya ba ni phyogs bcur khyab pas so/ /bsod nams stobs zhes bya ba ni dag par byed cing gtsang bar byas pas bsod nams yin pa'am/yang nas yang legs par 'gyur bas na bsod nams te/ de'i stobs ni byang chub tu sems bskyed pa nyid kyis 'gyur ro/ /ji skad du/ byang chub sems kyi bsod nams gang / /gal te de la gzugs mchis na/ /nam mkha'i khams ni kun gang nas//de bas kyang ni lhag par 'gyur/ /zhes gsungs so/ /de bzhin du theg pa chen po dang ldan pa'i chos zab cing rgya che ba la 'dzin pa dang / klog pa dang / ston pa dang / mos pa dang / tshigs su bcad pa gnyis kyi gzungs dang / yang dag par rdzogs pa'i byang chub tu yongs su bsngos pas kyang 'gyur te/bsod nams kyi stobs des nges so/ /kun du dge ba zhes bya ba ni sems can thams cad la phan pa dang bde bar bya ba'i bsam pas bsgrubs pa'i phyir ro/ /ye shes stobs zhes bya ba ni shes bya thams cad rig pa'i shes pa yin pa'i phyir ro/ /chags pa med par gyur pa zhes bya ba ni dus gsum po rnams la chags pa med pa'i phyir ro//shes rab stobs zhes bya ba ni don gyi de kho na rtogs pas so/ /thabs kyi stobs ni nyer bar 'gro bas na thabs te/ de'i stobs ni don yod pa nyid do/ /ting 'dzin stobs zhes bya ba ni yang dag par 'dzin pas ting nge 'dzin te bsam gtan no//de'i stobs ni 'gro ba mtha' dag gi don bya ba'i ched du mngon par shes pa la sogs pa'i yon tan mngon par sgrub pa la thogs pa med pa nyid do/ /ting nge 'dzin gyi stobs des so/ /byang chub stobs rnams zhes bya ba la/ byang chub ni bla na med pa yang dag par rdzogs pa'i byang chub kyi stobs gang yin pa de mthu'o//yang dag sgrub par byed pa'o/ /rnam pa bcu gsum pa ni gnyen po'o/ /de la mi mthun pa'i phyogs las dang nyon mongs pa dang bdud kyi stobs 'joms pa las rnam pa gsum pa ni/ las kyi stobs rnams stobs med rab byed cing //zhes bya ba logs pa gang gsungs pa yin te/ khyad par med pa'i phyir na dge ba dang mi dge ba dang mi g.yo ba'i dbye ba las te rnam pa gsum mo/ /de la re zhig nges par myong bar 'gyur ba'i mi dge ba'i stobs ni ngan song gsum bskyed par nus pa ste/ yongs su dag par byed/sel bar byed/ rnam par sun 'byin pa la sogs pa'i stobs kyis sbyor bar byed pa ste/ sdig pa shin tu mi zad byas pa dag /bdag la rnam par smod pas srab par byed/ /rab tu bshags dang sdom par byed pas ni/ /de dag rtsa nas 'byin par ngas bshad do/ /zhes ji skad gsungs pa bzhin no//gnyen po'i stobs kyis kyang rnam par dag par byed de/ dper na mdza' bo'i bu mos ma la gnod pa byas pas kun nas bslang ba'i mi dge ba'i las kyis/ zhing gi khyad par las mthong ba'i chos nyid la rnam par smin pa'i 'bras bu ster bar zhugs te 'bras bu cung zad byas kyang lhag pa'i bsam pa'i khyad par skyes pa sems can gyi don du smon pa byang chub kyi sems bskyed pa kho nas de ma lus par drungs phyung zhing bcom pa bzhin no//sems can gyi don du smon pa byang chub tu sems bskyed pa ci 'dra ba zhig yin zhe na/ smras pa/ 'gro ba thams cad na sems can gang su dag bdag dang 'dra bar ma la gnod pa byed par 'gyur ba de dag thams cad kyi don du spyi bor 'khor los dral ba'i sdug bsngal gyi phung po chen po mtha' yas pa sdug pa dag kho nas 'khor ba ji srid du rgyun ma chad par myong bar 'gyur te/ 'dir nam yang sems can gcig kyang 'ong bar ma gyur cig ces bya ba yin no//rten gyi stobs kyis kyang dper na phag mo'i rtogs pa brjod pa las/ lha'i bu tshe zad pa 'ga' zhig grong gi phag mo'i mngal du skye bar byed pa nges par myong bar 'gyur ba'i las 'bras bu bskyed pa la mngon sum du phyogs par gyur la/de yang gsum la skyabs su song ba tsam gyis thams cad gtan du drungs phyung nas sum cu rtsa gsum pa'i lha rnams nas shi 'phos nas dga' ldan gyi lha rnams kyi nang du skyes pa bzhin no/ /chos thams cad bdag med par rtogs pa las kyang gtan rtsa ba nas phyung bar 'gyur te/ji skad du las kyi sgrib pa rnam par sbyong ba'i mdo las/ dper na dge slong gzhan zhig gis mi tshangs par spyod pa dang / ma gsod pa'i phas pham pa gnyis byas te phyi nas de skyo ba skyes shing snying la gdung ba skyes par gyur te/ smyon pa bzhin du gtsug lag khang nas gtsug lag khang dang / grong nas grong dang / srang nas srang du rgyu zhing skye bo thams cad kyi mdun du bdag bcom mo/ /bdag bcom mo zhes yang dag par sgrogs te/ yang nas yang kyi hud kyi hud ces zer zhing sdig pa bshags pa'i stobs kyis 'dor bar byed pa nas las de bsrabs pa'i bar du byas par gyur to/ /de de ltar sems shin tu gdungs par gyur pa na mngon par shes pa thob pa'i byang chub sems dpa' gzhan zhig gang gis chos zab mo de lta de lta bu bstan pas chos thams cad bdag med pa nyid du rtogs nas thams cad nas thams cad rnam pa thams cad nas sdig pa de thams cad drungs phyung nas mi skye ba'i chos la bzod pa thob par gsungs pa bzhin no//zab mo'i chos la lhag par mos pa 'di ni ltung ba dang 'gyod pa thams cad sel ba dang / las kyi sgrib pa thams cad rnam par sbyong bar byed pa yin no zhes de ltar dad par bya ste/ ji skad du/ 'phags pa de bzhin gshegs pa'i mdzod kyi mdo las/ 'od srungs gang zhig pa yang yin la rang sangs rgyas kyang yin pa de srog dang bral bar byed la 'di ni srog gcod pa rnams kyi nang nas lci ba yin no/ /'di lta ste/ dkon mchog gsum gyi dkor 'phrog pa 'di ni ma byin par len pa rnams kyi nang nas lci ba yin no/ /'di lta ste/ ma yang yin la dgra bcom ma yang yin pa de la log par bsgrub pa 'di ni 'dod pas log par spyod pa rnams kyi nang nas lci ba yin no//'di lta ste/ de bzhin gshegs pa la skur pa 'debs pa 'di ni brdzun du smra ba rnams kyi nang nas lci ba'o/ /'di lta ste/ dge 'dun gyi dbyen byed pa 'di ni phra ma rnams kyi nang nas lci ba yin no//'di lta ste/ 'phags pa rnams la gshe ba 'di ni tshig rtsub mo rnams kyi nang nas lci ba yin no/ /'di lta ste/ chos 'dod pa rnam par g.yeng ba 'di ni ngag 'khyal pa rnams kyi nang nas lci ba'o/ /'di lta ste/ yang dag par song ba rnams dang / yang dag par zhugs pa rnams kyi rnyed pa 'phrog par sems pa 'di ni brnab sems kyi nang nas lci ba'o//'di lta ste/ mtshams med pa nye bar rtsom pa 'di ni gnod sems kyi nang nas lci ba'o/ /'di lta ste/ lta ba shin tu thibs por gyur pa 'di ni log par lta ba rnams kyi nang nas lcis yin te/ mi dge ba'i las kyi lam bcu po 'di dag thams cad ni kha na ma thob chen po yin no//'od srungs gal te sems can gcig 'ga' la la zhig mi dge ba bcu'i las kyi lam gyi las kha na ma tho ba chen po 'di dag dang ldan par gyur la/ de yang de bzhin gshegs pa'i chos bstan pa rgyu rkyen du ldan pa la 'jug ste/'di la gang zhig byed pa'am/ gang gis myong bar byed pa bdag gam/ sems can nam/ srog gam/ gang zag ni 'ga' yang med do snyam zhing de ltar chos thams cad bcos bu nyid dang / mngon par 'dus ma byas pa nyid dang / kun nas nyon mongs pa med pa nyid dang / sgyu ma'i chos nyid dang / rang bzhin gyis 'od gsal ba nyid la 'jug cing / chos thams cad gdod ma nas rnam par dag pa nyid la mngon par dad par byed/ lhag par mos par byed na sems can de ngan song du 'gro bar nga mi smra'o/ /de ci'i phyir zhe na/ nyon mongs pa rnams la ni tshogs su gyur pa yod pa ma yin te/nyon mongs pa thams cad kyi skye ba dang 'jig pas nyams par gyur pa/ rgyu dang rkyen tshogs pa las skye zhing skyes ma thag tu yang 'gag par 'gyur ba ste/ skye ba'i 'jig pa gang yin pa de ni nyon mongs pa thams cad kyi yang 'jig pa yin no zhes de ltar mos pa gang yin pa de la ni ltung ba med cing ltung ba'i gnas yod pa ma yin no//sgrib pa med pa la ltung ba gnas par 'gyur ba gang yin pa de ni gnas ma yin zhing go skabs med do zhes gsungs pa yin no/ /de bzhin du byang chub kyi sems bskyed pa mngon du byas pa nyid las kyang ltung bas kun nas bslang ba'i mi dge ba 'di shin tu gsal bar 'gyur ba yin te/ji skad du 'phags pa nye ba 'khor gyis zhus pa'i mdo las/ gal te byang chub sems dpa' snga dro'i dus na ltung ba dang bcas pa nyi ma phyed na byang chub kyi sems mngon du byed na byang chub sems dpa' de'i tshul khrims kyi phung po ni mtha' med pa nyid du rig par bya'o//de bzhin du nyi ma phyed na ltung ba dang bcas pa phyi dro'i dus na byang chub kyi sems mngon du byed na byang chub sems dpa' de'i tshul khrims kyi phung po mtha' med pa nyid du rig par bya'o zhes gsungs pa bzhin no/ /de skad du 'phags pa sdong po bkod pa'i mdo las kyang / rigs kyi bu byang chub kyi sems ni nyes par byas pa thams cad nges par sreg pa nyid kyis bskal pa sreg pa'i me lta bu'o zhes bya ba la sogs pa gsungs pa'o/ /sum brgya pa las kyang / rab 'byor rigs kyi bu'am/ rigs kyi bu mo gang dag 'di lta bu'i rang bzhin gyi mdo sde 'di dag 'dzin par 'gyur ba dang /'chang bar 'gyur ba dang / klog par 'gyur ba dang / kun chub par byed par 'gyur ba de dag ni gdung bar 'gyur/ shin tu gdung bar 'gyur te/ de ci'i phyir zhe na/ sems can de dag ni tshe rabs snga ma'i mi dge ba'i las ngan song 'grub pa dang rjes su mthun pa byas pa gang yin pa de dag mthong ba'i chos nyid la yongs su longs spyod pas na sngon gyi mi dge ba'i las de dag zad par 'gyur ba'i phyir ro zhes gsungs te/de lta bu la sogs pa'i tshul gyis nges par myong bar 'gyur ba'i sdig pa'i las shin tu yongs su dag par byas par 'gyur ro zhes bstan pa yin no//kha cig 'di skad ces sdig pa'i las chung ngu dang 'bring dag ni sdig pa bshags pa la sogs pa'i stobs kyis shin tu bsal bar 'gyur mod/ mtshams med pa la sogs pa las lci ba rnams ni thams cad rtsa ba nas byang bar ji ltar 'gyur zhes zer ba gang yin pa de dag la brjod pa/ bsam pa chung ngu dang 'bring dang chen po'i dbye ba las rgyal po ma skyes dgra la sogs pa mtshams med pa byed pa gang yin pa rnams kyis mnar med par bskal pa'am/bskal ba dang nye ba'am/ bskal pa phyed du gnas par bya dgos pa shin tu 'gyod pa'i sems gdung bar 'gyur ba de dag gi las rnams yang dag par bshags pa la sogs pa'i stobs kyis bsrabs par gyur pa yin te/'di lta ste/ de la las de 'bras bu pho long ltung ba'i dus tsam zhig yang dag par myong bar gyur to zhes gsungs pa yin no/ /des na de tsam gyis las de shin tu rtsa ba nas byung bar don la ma song ngam ci/gshol gcig gis ma rmos pa nyid du 'gyur ba ni ma yin no/ /gal te sbrang bu'i rkang pa tsam gyi khyad par can yang mi 'gyur bar nges pa'i las kyi tshogs yongs su zad par ji ltar 'gyur zhe na/ de yang gal te gnyen po'i sems pa 'jug pa 'bad na zad par 'gyur ba kho na'o//'o na bskal pa bye ba brgyar yang ni/ /las rnams chud mi za ba de/ /tshogs shing dus la bab pa na/ /lus can rnams la 'bras bu 'byin/ /ces bya ba la sogs pa gsungs pa gang yin pa de ji ltar drang zhe na/ las gang dag rnam par sun 'byin pa kun du spyod pa la sogs pa'i stobs kyis ma spangs shing ma bsrabs pa de dag la de skad bstan par bya'o//de skad du yang / mi mkhas sdig pa cung zad byas kyang 'og 'gro zhing / mkhas pas chen po byas kyang don med rab spong ste/ /lcags ni chung yang chu stengs bzhag na nub 'gyur ba/ /de nyid che yang snod du byas na lding ba bzhin//zhes gsungs so/ /myong bar ma nges pa'i sdig pa'i las dus gsum pa bgrang ba las 'das pa gang yin pa de yang yongs su dag par byed pa ni ngan song du skyes pa'i sems can rnams la phan pa dang bde ba nye bar bsgrub pa'i phyir las la dbang ba nyid kyis phyogs bcu rnams su cig car kho nar 'khor ba ji srid kyi bar du rgyun mi 'chad par de dang skal ba mnyam pa'i skye ba dang /mdog dang / dbyibs dang / tshad kyi dbye ba tha dad pa'i rnam par smin pa skyes pas nges par byed pa dang / dge ba'i las kyi stobs srid pa'i 'bras bu bskyed par nus pa de yang yongs su dag par byed do//ji ltar zhe na/ rnam par smin pa'i 'bras bu spangs nas byang chub nyid du smon lam gyis yongs su sngo bar byed pas nges par byed pa dang / gzugs dang gzugs med pa na spyod pa mi g.yo ba'i las bsam gtan dang / gzugs med pas kun nas bslang ba de'i las kyang de nyid yin te/de yang bsal nas las la dbang ba nyid ji ltar 'dod pa bzhin sems can gyi don du nges par brtson par byed pa ste/ 'dir sbyor bar byed pa ni 'di yin no/ /nyon mongs stobs rnams kun du 'joms par byed/ /zhes bya ba la/ lus dang sems kyi rgyun nyon mongs par byed pas nyon mongs pa ni 'dod chags la sogs pa'o//de dag gi stobs ni gang gi dbang gis 'gro ba mtha' dag bgrod par bya ba dang / bgrod par mi bya ba dang / phan pa dang mi phan pa dang / lci ba dang yang ba la sogs pa thams cad mi shes par 'gyur ba shas cher 'jug pa nyid do//de 'joms par byed pa ni mi sdug pa la sogs pa bsgom pa dang / 'jig rten pa'i lam gyis zil gyis gnon par byed pa ste/ mdor na nyon mongs pa la dbang bas de dag nyid byang chub kyi yan lag tu sgom par byed pa'o/ /bdud kyi stobs rnams stobs med rab byed cing //zhes bya ba la/ bdud ces bya ba ni lha'i bu la sogs pa ste/ de rnams kyi stobs ni byang chub sems dpa'i spyod pa la sogs pa la bar chad byed par nus pa de stobs med par rab tu byed pa ni mngon par shes pa'i stobs kyis gzi brjid med cing mthu med par byed ces bya bar sgrub cing ngo //bzang po spyod pa'i stobs kun rdzogs par bgyi/ /zhes bya ba la/ bzang po spyod pa'i stobs ni mi mthun pa'i phyogs kyis zil gyis mi non pas lhun gyis grub par 'jug pa nyid do/ /kun zhes bya ba ni de ma lus pa'o/ /rdzogs par bgyi zhes bya ba ni sngar brjod pa rdzu 'phrul gyi stobs la sogs pa rnam pa bcu dang /bshad ma thag pa'i gnyen po rnam pa gsum po 'dis rdzogs par bgyi ba'o/ /da ni rnam pa bcu bzhi pa byang chub sems dpa' rnams kyi las gang yin pa de ston no/ /las de yang sangs rgyas kyi zhing yongs su sbyong ba la sogs pa rnam pa brgyad tshigs su bcad pa gnyis kyis gsungs pa ni/zhing rnams rgya mtsho zhes bya ba la sogs pa gang yin pa ste/ bde ba can dang pad+ma can la sogs pa lta bu sangs rgyas kyi zhing rgya mtsho skad cig re re la rnam par dag par byed pa dang / de bzhin du 'khor ba'i btson rar nyon mongs pa'i lcags sgrog gi 'ching bas nye bar bcings pa'o//sems can rgya mtsho snyed la rdzu 'phrul dang / kun brjod pa'i cho 'phrul gnyis kyis mgu bar byas nas rjes su bstan pa'i cho 'phrul gyis rnam par grol bar byed pa dang / chos rnams rgya mtsho zhes bya ba ni bstan pa'i chos rgya mtsho dang /rtogs pa'i chos rgya mtsho rnams shes rab kyi mig gis skad cig so so la mthong bar byed/ lta bar byed pa dang / shes bya mtha' yas pa nyid kyis ye shes mtha' yas pa yin pa de bas na/ ye shes rgya mtsho zhes gsungs pa'i ye shes rgya mtsho de dag skad cig so so la 'jug cing rtogs par byed pa de mngon du mthong ba zhes bya ba'i don dang /spyod pa rgya mtsho zhes bya ba la sogs pa ni byang chub kyi spyod pa rgya mtsho dang / bzang po spyod pa'i spyod pa gnyis ka gzung bar rigs te/ khyad par med pa'i phyir ro/ /de la byang chub kyi spyod pa ni sangs rgyas kyi chos sgrub par byed pa ye shes kyi tshogs so//bzang po spyod pa yang 'gro ba mtha' dag la phan pa dang bde ba bskyed pa dang rjes su mthun pa bsod nams kyi tshogs so/ /gzhan yang bzang po spyod pa yang byang chub kyi spyod pa kho na ste/ gnyis ka yang sangs rgyas thob par byed pa yin pa'i phyir ro//'on kyang dngos dang brgyud pa'i zhes bya ba'i khyad par de tsam du zad de/ spyod pa rgya mtsho de dag mngon par shes pa'i stobs kyis skad cig re re la yang rnam par sbyong zhing dri ma med par byed pa dang / skad cig re re la smon lam rgya mtsho tshul khrims dang ting nge 'dzin gyi stobs kyis rab tu rdzogs par byed pa dang /skad cig re re la phyogs bcu'i sangs rgyas rgya mtsho nam mkhar khyab pa'i mchod pa rnams kyis rab tu mchod par byed cing / bskal pa rgya mtshor mi skyo bar spyad par bgyi ste mi skyo ba'i sems kyis mchod par bgyi'o/ /rnam pa bco lnga pa ni sangs rgyas dang byang chub sems dpa'i rjes su slob pa'i yongs su bsngo ba'o//de yang rnam pa gnyis las/ de la de bzhin gshegs pa'i rjes su bslab pa'i yongs su bsngo ba ni/ gang yang dus gsum gshegs pa rgyal ba yi/ /zhes bya ba la sogs pa gang gsungs pa yin te/ gang yang dus gsum gshegs pa rgyal ba rnams kyi byang chub sems dpa'i spyod pa'i smon lam gyi bye brag gi de kun ma lus par bdag gis rdzogs par byas shing yang dag par bsams nas/bzang po spyod pa zhes bya ba/ bzang po'i spyod pas byang chub 'tshang rgya bgyi/ /zhes bya ba bla na med pa yang dag par rdzogs pa'i byang chub par bya ba'o//lus dang ngag dang yid kyi spyod pa dang zhing dang smon lam rnam par dag pa rnams kyis 'phags pa kun du bzang po la sogs pa byang chub sems dpa'i rjes su bslab par yongs su bsngo ba ni/ rgyal ba kun gyi sras kyi thu bo pa/ /zhes bya ba la sogs pa gang gsungs pa yin te/byang chub sems dpa' rnams kyi kun du bzang po'i spyod pa gang yin pa dang / de bzhin du byang chub sems dpa'i rnam par thar pa gang ji snyed pa dang / byang chub sems dpa'i ting nge 'dzin ji snyed pa dang / mdor bsdus na de lta bu la sogs pa byang chub sems dpa'i yon tan ji snyed pa de snyed pa thams cad kyi pha rol tu phyin pa des na byang chub sems dpa' sems dpa' chen po 'phags pa kun du bzang po ni sras kyi thu bo pa yin no//thu bo zhes bya ba la sogs pa la/ rgyal ba thams cad kyi sras kyi thu bor gyur pa byang chub sems dpa' chen po 'phags pa kun du bzang po zhes bya ba'i ming gang la yod pa'i mkhas pa de dang zhes bya ba la mkhas pa de nyid dang mtshungs par spyod pa'i phyir zhes bya ba ni bskal pa 'di'i bar du spyad pa'i phyir na ji skad bstan pa'i dge ba 'di dag thams cad skad cig re re la yongs su bsngo zhes pa'o//lus dang ngag dang yid kyang zhes bya ba la sogs pa ni/lus dang ngag dang yid rnam par dag pa dang zhing rnam par dag pa'o/ /mkhas pa bzang po'i zhes bya ba ni mkhas pa 'phags pa kun du bzang po'o/ /bsngo ba zhes bya ba ni yongs su bsngo bar byed pa'o/ /ci 'dra ba zhes bya ba ni ji lta bar ro/ /de 'drar zhes bya ba ni de 'dra ba kho nar bdag kyang de dang zhes bya ba ni 'phags pa kun du bzang po dang mnyam par shog cig pa'o zhes bya ba ni bzang po spyod pa'i don du'o//kun nas dge ba bzang po zhes bya ba ni thog ma dang bar dang tha mar dge zhing shis la legs pa'o/ /'jam dpal gyi ni smon lam zhes bya ba ni 'phags pa 'jam dpal gyi smon lam la spyad par bgyi ba'o//de'i smon lam gang yin zhe na/ ji skad du 'phags pa 'jam dpal rgyal po nam mkhar gyur pas/ 'khor ba tha ma med pa yi/ /sngon gyi tha ma ji srid pa/ /de srid sems can phan don du/ /spyod pa dpag yas spyad par bgyi//zhes bya ba la sogs pa rgya cher gsungs pa bzhin no/ /ma 'ongs bskal pa kun du mi skyo bar/ /zhes bya ba ni ma 'ongs pa'i bskal pa ma lus pa thams cad du yid mi skyo zhing bsam pa gzhan med par sangs rgyas dang byang chub sems dpa'i bya ba ste/ las de dag ma lus par rdzogs par bgyi'o//rnam pa bcu drug pa sbyor ba dang / yon tan tshad med pa dang / spyod pa la gnas pa rnams kyis gsungs pa ni/ spyod pa dag ni tshad yod ma gyur cig /ces bya ba la sogs pa gang gsungs pa yin te/ bdag gi spyod pa rnams tshad med par gyur cig /yon tan rnams kyang tshad med par gyur cig /spyod pa tshad med pa dang / yon tan tshad med pa rnams la gnas nas kyang sangs rgyas dang byang chub sems dpa' de dag gi rnam par 'phrul pa rmad du byung ba'i rdzu 'phrul la sogs pa thams cad kyi tshe 'tshal bar bgyi ba'o/ /de rnams ni brgyad pa de'i rab tu dbye ba rnam pa bcu drug yin no//da ni don dgu pa de'i mthar thug pa ji srid du gyur pa dang / sems can gyi khams thams cad kyi mtha' ji srid pa dang / 'gro ba las kyi mtha' ji srid pa dang / nyon mongs pa'i mtha' ji srid pa de srid par gyur pa dang / bdag gi kun du bzang po'i spyod pa'i smon lam gyi mtha' 'di yang de srid du gyur cig pa ste/nam mkha' la sogs pa mthar thug cing yongs su rdzogs pa med pa de bzhin du bdag gi smon lam mthar thug cing yongs su rdzogs pa med par gyur cig pa'o/ /don bcu pa ni smon lam gyi phan yon yin no/ /de yang rnam pa gnyis te/ mthong ba'i chos dang ldan pa dang /pha rol dang ldan pa'o/ /de la mthong ba'i chos dang ldan pa ni rnam pa bzhi ste/ 'di lta ste khyad par can gyi bsod nams yongs su 'dzin pa dang / de bzhin gshegs pa mthong ba dang / byang chub sems dpa' dang skal ba mnyam pa nyid thob pa dang / las kyi sgrib pa yongs su zad pa'o//de la zhing khyad par du 'phags pa dang yongs su 'dzin par byed pa'i dngos po rab tu mang zhing rgya che ba rnam pa sna tshogs pa phul ba'i bsod nams kyi dpes byang chub don du gnyer bar gyur pa smon lam la mos pas bsod nams khyad par du 'phags pa mchog yongs su 'dzin pa ni/gang yang phyogs bcu'i zhing rnams zhes bya ba la sogs pa ste/ rigs kyi bu'am rigs kyi bu mo gcig po gang zhig gis/ phyogs bcu'i sangs rgyas kyi zhing mtha' yas mu med pa rnams/ gos dang bla re dang / gdugs dang / rgyal mtshan dang / ba dan dang / rnam pa sna tshogs pa dang /sil snyan dang / rin po che dang / dril bu dang / phreng ba dang / me tog dang / bdug pa dang / mar me'i phreng ba la sogs pa lha dang mi'i las 'das pa rnams kyis brgyan pa dang / lha dang mi'i bza' ba dang bca' ba la sogs pa ro lnga brgya dang ldan pa mchog tu bde bskyed par byed pa rnams sangs rgyas kyi zhing gi rdul dang mnyam pa'i bskal par sangs rgyas bcom ldan 'das rnams la sbyin pa phul ba dang /gzhan gang zag gang gis bsngo ba'i rgyal po 'di thos nas mos shing ste/ 'di kho na ltar yin no zhes lan cig tsam yang zhes bya ba dus gcig gi tshe dad pa bskyed pa'o//de su yin zhe na/ byang chub mchog ni rab tu don gnyer ba ste/ theg pa chen po pa'o/ /des ni sbyin pa las byung ba'i bsod nams dam pa mchog tu gyur pa 'di thob par 'gyur ro/ /gang dag gi ltar na don gyis na skyes bu de'i zhes bya ba yin te/de'i bsod nams 'di ni dag pa mchog tu 'gyur ba zhes bya ba yin no/ /log par ltung ba dang grogs po ngan pa spangs pas de bzhin gshegs pa mthong ba ni/ gang zhig gi bzang po spyod pa'i smon lam 'di btab pas zhes bya ba la sogs pa'o/ /des ni ngan song gsum po thams cad spang bar 'gyur zhing /des ni nyan thos la sogs pa grogs po ngan pa mi dge ba'i bshes gnyen rnams spang par 'gyur ro/ /'chi ba'i dus na bcom ldan 'das de bzhin gshegs pa snang ba mtha' yas de yang myur du mthong bar 'gyur ro/ /sus mthong zhe na/ bzang po spyod pa 'di'i don dang gzhung gi sgo nas su'i snying du chud pa des so//rnyed pa dang 'tsho ba dang skye ba rab tu bsngags pa thob pa'i phyir byang chub sems dpa' dang skal ba mnyam pa nyid thob pa ni de dag rnyed ces bya ba la sogs pa gang gsungs pa yin te/ de dag gis ni smon lam rin po che bla na med pa rab tu rnyed pa yin no//smon lam rin po che bla na med pa 'di rnyed pa'i phyir na de dag ni bde bar 'tsho ba yin no/ /de nyid kyi phyir mchog tu gyur pa thob par bya ba'i dngos po skye bas thob pa'i phyir mi tshe 'dir yang legs par te dge bar 'ongs pa yin la/ 'phags pa kun du bzang po 'di ci 'dra bar de dag kyang ring por mi thogs par de bzhin du 'gyur ro//bzhi pa las kyi sgrib pa zad pa'i phan yon ni/ mtshams med lnga po dag gi sdig pa rnams/ /zhes bya ba la sogs pa gang gsungs pa yin te/ ma gsod pa la sogs pa mtshams med pa lnga'i sdig pa rnams gang gis mi shes pa'i dbang gis byas pa dag ste/mi shes pa'i rtsa ba can yin pa'i phyir 'dod chags la sogs pa gang yang rung ba dag ni mi shes pa'i dbang gis byas pa zhes brjod do/ /ji skad du brjod pa nges par 'dzin pa'i phyir rab tu dngas pa'i chus brlan zhing legs par gyur pa'i yid dang ldan pa de yis bzang spyod smon lam 'di brjod na ste/lhag par mos pas brjod pa dang / 'dzin pa dang 'gro ba mtha' dag la nyin mtshan du ston par byed na mtshams med pa dag myur du ma lus par yongs su byang bar 'gyur te drungs phyung zhing zad par 'gyur ro/ /pha rol dang ldan pa yang rnam pa gnyis te/rgyus bsdus pa dang / 'bras bus bsdus pa'o/ /de la rgyus bsdus pa ni gzugs dang / mtshan dang / dpe byad dang / rigs dang / rus dang / gnod pa med pa dang / mchod par bya ba nyid kyi mtshan nyid de/ ye shes dang ni zhes bya ba la sogs pa gang gsungs pa yin te/ye shes zhes bya ba ni spyod pa thams cad yang dag par 'grub pa'o/ /gzugs zhes bya ba ni yid 'phrog pa'i gzugs so/ /mtshan zhes bya ba ni skyes bu chen po'i mtshan sum cu rtsa gnyis te/ dbu gtsug tor dang ldan pa la sogs pa dang mtshan gyi 'khor du gtogs pa'i phyir dpe byad de rnams dang yang ldan pa nyid du nges par bya'o//rigs zhes bya ba ni bram ze dang rgyal rigs gang yang rung ba'i rigs so/ /rus zhes bya ba ni thams cad las khyad par du 'phags pa mngon par shes par gyur pa ste/ de dag dang ldan par 'gyur zhes bya ba la/ ldan pa ni rtag tu yang dag par ldan zhing 'brel ba'o//'gyur ba ni grub pa'o/ /bdud dang mu stegs tshogs kyis de mi thub/ /ces bya ba ni gang zhig kun du bzang po'i spyod pa'i smon lam 'di 'dzin pa dang ston par byed pa de ni bdud dang mu stegs pa'i tshogs rnams kyis mi thub cing zil gyis mi non pa dang / 'jig rten gsum po thams cad du mchod par 'gyur ro/ /'bras bus bsdus pa ni/ byang chub kyi snying por 'gro ba dang / seng ge'i khri la bzhugs par ston pa dang / bdud 'dul ba dang / mngon par byang chub pa dang / chos kyi 'khor lo bskor ba la sogs pa'i mtshan nyid de/ byang chub shing dbang drung du de myur 'gro//zhes bya ba la sogs pa gang gsungs pa yin te/ gang la bzang po spyod pa bla na med pa'i rin po che 'di yod cing bsod nams dang ye shes kyi tshogs bsags pa de ni byang chub shing gi dbang po'i drung du myur du 'gro la/ byang chub kyi shing gi drung du song nas kyang / sems can thams cad la phan pa bsgrub pa'i don du seng ge'i khri la skyil mo krung bcas nas 'dug ste/ 'dug nas kyang bdud kyi sde pham par byas nas de'i 'og tu bla na med pa yang dag par rdzogs pa'i byang chub tu mngon par rdzogs par sangs rgyas nas bla na med pa'i chos kyi 'khor lo bskor bar byed cing mdor bsdus te ston par byed ces pa'i don to//gzhan yang 'jig rten pa dang 'jig rten las 'das pa'i phun sum tshogs pa ma lus pa thob pa'i phan yon ni/ gang yang bzang po spyod pa'i smon lam 'di/ /zhes bya ba la sogs pa gang gsungs pa yin te/ gang la la zhig bzang po spyod pa'i smon lam 'di 'chang zhing ston pa dang /klog par byed pa de'i rnam par smin pa gang yin pa ni 'jig rten 'dir sangs rgyas te/ rje btsun bcom ldan 'das nyid kyis mkhyen par 'gyur gyi/ gzhan nyan thos dang rang sangs rgyas rnams kyi ni ma yin no/ /smon lam rin po che 'di'i rnam par smin pa ci 'dra ba zhig yin par mkhyen zhe na/gsungs pa ni/ byang chub mchog la zhes bya ba ni 'bras bu bla na med pa yang dag par rdzogs pa'i byang chub po/ /'jig rten pa'i phun sum tshogs pa 'di med na mi 'byung ba'i phyir na/ 'jig rten pa'i phun sum tshogs pa ma lus pa thob pa'i phan yon yang don gyis brjod pa nyid du blta bar bya'o//de'i phyir smon lam 'di la som nyi ma byed cig ste/ the tshom ma skyed cig pa'o/ /da ni bar gyi yongs su bsngo ba gsungs pa ni/ 'jam dpal dpa' bos ji ltar mkhyen pa dang / /zhes bya ba la sogs pa ste/ji ltar 'phags pa 'jam dpal dang / 'di ltar byang chub sems dpa' kun du bzang pos mkhyen pa bzhin du/ de dag gi ni rjes su bdag slob phyir/ dge ba 'di dag thams cad rab tu bsngo/ /zhes bya ba 'di ni byang chub sems dpa'i yongs su bsngo ba'o/ /da ni gnyis pa de bzhin gshegs pa'i yongs su bsngo ba gsungs pa ni/dus gsum gshegs pa'i rgyal ba thams cad kyis/ /zhes bya ba la sogs pa ste/ dus gsum gshegs pa rgyal ba thams cad kyis/ bsngo ba gang la mchog tu bla na med par bsngags shing phan yon yon tan brjod pa'i yongs su bsngo ba des bdag gis dge ba'i rtsa ba'i tshogs rgya mtsho dang ldan pa 'di dag kun kyang /bzang po spyod phyir mchog tu bsngo bar bgyi/ /zhes bya ba'o/ /da ni tshigs su bcad pa phyed kyis sgrib pa dang bral ba nyid dang / phyed phyi mas pha rol tu phyin pa dang rjes su mthun pa'i bdag gi dngos po yongs su 'dzin pa gsungs pa ni/bdag ni 'chi ba'i dus byed gyur pa na/ /zhes bya ba la sogs pa ni 'chi ba'i dus byed gyur pa na che 'dir bar chad byed pa'i dus su ste/ 'chi ba'i tshe sgrib pa gang dag cung zad yod pa de dag bzang po spyod pas bzlog nas/ mngon sum du bcom ldan 'das snang ba mtha' yas de mthong nas bde ba can gyi sangs rgyas kyi zhing der rab tu 'gro ba'o//der song nas ni zhes bya ba la sogs pa la/ bde ba can gyi sangs rgyas kyi zhing der song nas kyang ji skad bstan pa'i smon lam 'di dag thams cad kyang ma lus par bdag gis mngon sum du gyur par shog cig /de dag kyang bdag gis ma lus par yongs su rdzogs par byas te bskangs nas sems can thams cad la phan par bgyi'o/ /dus ji srid du zhe na/ 'jig rten ji srid ces bya bas te/ 'gro ba ji srid par zhes bya ba'i don to/ /lung bstan pa thob pa dang / sems can gyi don grub pa ni lhag mas so//ji ltar zhe na/ rgyal ba'i dkyil 'khor bzang zhing dga' ba der/ /zhes bya ba la sogs pa ste/ rgyal ba'i dkyil 'khor zhes bya ba ni de bzhin gshegs pa 'khor gyi dkyil 'khor du'o/ /bzang zhing zhes bya ba ni dga' bar bya ba'o/ /de ni de lta bu der ro/ /pad+ma dam pa ni/pad+ma mchog ste rin po che sna tshogs kyi rang bzhin can no/ /bstan pa mdzes pa ni 'od dang ldan pa ste 'od zer gyi dra ba 'phro ba'o/ /skyes zhes bya ba ni byung bar gyur pa'o/ /bcom ldan 'das snang ba mtha' yas de'i mngon sum du 'dis lung ston par byed pas na lung bstan pa ste dus 'di tsam na 'jig rten gyi khams che ge mo zhes bya ba zhig tu de bzhin gshegs pa dgra bcom pa yang dag par rdzogs pa'i sangs rgyas che ge mo zhes bya ba zhig tu 'gyur ro zhes bya ba rnam pa de lta bu'i lung bstan pa der rgyal ba de'i thad nas thob par shog cig pa'o//de las zhes bya ba ni bcom ldan 'das 'od dpag med de las lung bstan pa thob ste/de nas sprul pa bye ba phrag brgya yis te/ sprul pa'i sprin rnams kyis phyogs bcu po rnams su khyab par byas nas chags pa med cing thogs pa med pa'i ye shes kyi che ba'i bdag nyid kyi blo'i stobs kyis phyogs bcu'i 'gro ba thams cad du sems can rnams la phan pa mang po bgrang ba las 'das pa rnams 'gro ba ji srid kyi bar du skad cig re re la bgyi zhing nye bar bsgrub par bgyi'o zhes bya ba'i don to//smon lam rgyal po 'di la bshad sbyar byas pa las/ /bsod nams dri med dge ba thob pa gang yin des/ /rgyu mthun pa ni btang zhing yongs su bsngos pa yin//'gro don bsgrub phyir 'di ni yang yang byed par shog /'phags pa kun du bzang po spyod pa'i smon lam gyi rgyal po'i bshad sbyar/ /slob dpon klu sgrub kyi zhal snga nas mdzad pa rdzogs so// //kha che'i mkhan po thig le bum pa dang / sgra sgyur gyi lo tsA ba chen po shAkya'i dge slong blo ldan shes rab kyis bsgyur cing zhus te gtan la phab pa'o/