| བོད་ཡིག |
198b6 / //paN+Di ta de nyid dang / lo tsA ba dge slong tshul khrims rgyal bas bsgyur ba'o//[ @##/ /rgya gar skad du/ skan+d+ha tri sA d+ha na nA ma/ bod skad du/ phung po gsum pa'i sgrub thabs zhes bya ba/ 'phags pa 'jam dpal la phyag 'tshal lo/ /'gro ba'i mi shes gdung
198b7 sel ba//thub pa nyi zla la btud nas/ /sdig pa thams cad rab 'khru ba'i/ /cho ga yang dag bstan par bya/ /dus yul kun slong byed pa dang / /ngo bo rnam smin bsam byas pas/ /dug 'thungs lta bur yid byung des/ /'bad na nges par dag 'gyur ro/ /zla stod skar ma bzang ba'i tshe/ /gnas khang phyag dar
199a1 brgyan par bya//phyogs bzhir tho bzhi btsugs pa la/ /sngags chu yongs su blugs par bya/ /de yi sngags ni 'di yin te/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ mahA satwA ya/ mahA kA ru Ni kA ya/ tad+ya thA/ ti li ban+d+ha mi/ mi li ban+d+ha mi/ tsi li mi li
199a2 ban+d+ha mi/sa me ban+d+ha mi/ zhes lan nyi shu rtsa gcig bzlas par bya'o/ /de nas khrus byas stan la 'dug /byams pa la sogs bsgom bya ste/ /dang por yi dags gtor ma btang / /de nas chos skyong srung ma la/ /gtor ma btang nas gsol ba gdab/ /sangs rgyas bstan srung zhal bzhes pa/ /rgyal
199a3 chen bzhi sogs ma lus rnams//bdag la dgongs gsol bdag cag rnams/ /byang chub ltung ba bshags pa yi/ /lam zhugs nas ni sdig 'chags la/ /bar chad rkyen ni mi 'byung zhing / /bgegs kyi dbang du mi 'gyur bar/ /sdig pa bshags pa'i cho ga 'di/ /myur du 'grub par mdzad du
199a4 gsol//de nas phyag 'tshal sogs bdun bya/ /yang ni gsol ba gdab bya ba/ /phyogs bcu dag na bzhugs pa yi/ /sangs rgyas byang chub sems dpa' rnams/ /bdag la dgongs gsol snga ma bzhin/ /de nas byang shar phyogs gnas pa/ /rgyal ba sum cu rtsa lnga rnams/ /rgyal sras lhag pa'i
199a5 lha kun dang //rang bzhin dbyer med bsam byas te/ /phyag re btsal bas lce thog na/ /yod sdig bsal bar bsam bya'o/ /lhag ma 'dug la gus pas gdon/ /de bzhin du ni tshar lnga nyid/ /de nas gcig ni dang po bzhin/ /bton nas de ni mi dmigs bsam/ /ngal na lha yi bzlas pa bya/ /ngal sos
199a6 nas kyang de bzhin te//nyin mtshan lan drug 'bad bya ba/ /zhag ni gsum la sogs par bya/ /zin nas tho rangs khrus byas te/ /mchod dang gsol ba gdab par bya/ /phyogs dus kun na bzhugs pa yi/ /sangs rgyas byang chub sems dpa'i rnams/ /bdag la dgongs gsol bdag sdig rnams/ /dag
199a7 pa'i mtshan ma bstan du gsol//lan gsum brjod de tshul bzhin nyal/ /de nas rmi lam brtag bya ba/ /chu bo chen po rgal ba dang / /zam pa la 'gro khrus byed dang / /gos med pa la char 'bab dang / /rgyal ba sum cu rtsa lnga rnams/ /mthong ba la sogs rtags zhes zer/ /skul byed gzungs las
199b1 'di ltar bshad//skyug dang 'o zho 'thung ba dang / /nyi zla mthong dang me 'bar dang / /ma he mi nag thub pa dang / /dge 'dun mthong dang 'o ma'i shing / /glang po khyu mchog ri bo dang / /seng ge khang bzangs steng 'dzegs dang / /chos nyan rmi na sdig bral rtags/ /de dag mtshan 'dzin brjod pa dang / /chos 'di
199b2 bklags pa nyid kyis kyang //ltung ba 'gyod las 'byung ba dang / /ting nge 'dzin sogs 'thob par 'gyur/ /nyan thos theg pas de ltar min/ /de dges 'gro ba ma lus pa/ /nges shes sdig pa rab spangs te/ /sgrib gnyis dag pa'i ye shes ni/ /thob nas 'gro ba'i don byed shog /phung po gsum pa'i sgrub
thabs slob dpon kr-iSh+Na pas mdzad pa rdzogs so/