1a1 @##/
1b1 /rgya gar skad du/ Ar+ya san+d+hi nir mo tsa naM b+hA Sh+yaM / bod skad du/ 'phags pa dgongs pa nges par 'grel pa'i rnam par bshad pa/ 'jam dpal gzhon nur gyur pa
1b2 la phyag 'tshal lo//dgongs pa nges par 'grel pa theg pa chen po'i mdo'i gleng gzhi ni/ 'di skad bdag gis thos pa'i dus gcig na/ bcom ldan 'das gzhal med khang chen po rin po che sna
1b3 bdun mchog tu 'bar ba bkod pa/'jig rten gyi khams dpag tu med pa shin tu rgyas par 'gengs pa'i 'od zer chen po rab tu 'byung ba/ gnas tha dad pa shin tu rnam par phye ba mtha' yas pas rnam
1b4 par gnas pa/rgya yongs su ma chad pa/ khams gsum pa las yang dag par 'das pa'i spyod yul/ 'jig rten las 'das pa de'i bla ma'i dge ba'i rtsa ba las byung ba/ shin tu rnam par dag
1b5 cing dbang sgyur ba'i rnam par rig pa'i mtshan nyid/de bzhin gshegs pa'i gnas/ byang chub sems dpa' dpag tu med pa'i dge 'dun dang ldan pa/ lha dang / klu dang / gnod sbyin dang / dri
2a1 za dang /lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa mtha' yas pa rnam par rgyu ba/ chos kyi ro'i dga' ba dang bde ba chen pos bstan pa/ sems
2a2 can thams cad kyi don thams cad yang dag par thob par byed par nye bar gnas pa/nyon mongs pa'i dri ma'i gnod pa thams cad dang bral ba/ bdud thams cad yongs su spangs pa/ thams cad kyi bkod pa las lhag pa/ de bzhin
2a3 gshegs pa'i bkod pa'i gnas/dran pa dang / blo gros dang / rtogs pa chen pos nges par 'byung ba/ zhi gnas dang lhag mthong chen po'i bzhon pa yin pa/ rnam par thar pa'i sgo chen po stong pa nyid dang / mtshan ma med pa
2a4 dang /smon pa med pa nas 'jug pa/ rin po che pad+ma'i rgyal po chen po yon tan mtha' yas pas brgyan pa'i bkod pa la brten nas bzhugs te/ bcom ldan 'das legs par thugs su chud pa'i blo dang ldan pa/ kun tu spyod pa
2a5 gnyis mi mnga' ba/mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa med pa'i rtogs pa thugs su chud pa/
2b1 phyir mi zlog pa'i chos dang ldan pa/ spyod yul gyis mi 'phrogs pa/ bsam gyis mi khyab pa rnam par 'jog pa/ dus gsum la mnyam pa nyid tshar phyin pa/ 'jig rten gyi khams thams cad du bzhugs pa'i sku dang ldan pa/ chos thams cad la the tshom med pa'i mkhyen pa
2b2 mnga' ba/spyod pa thams cad dang ldan pa'i blo mnga' ba/ chog shes pa la nem nur mi mnga' ba/ rnam par ma brtags pa'i sku mnga' ba/ byang chub sems dpa' thams cad kyi ye shes yang dag par blangs pa/ sangs rgyas kyi gnas pa gnyis su med pa dam pa'i pha rol tu
2b3 byon pa/de bzhin gshegs pa ma 'dres pa rnam par thar par mdzad pa'i ye shes kyi mthar phyin pa/ mtha' dang dbus med pa'i sangs rgyas kyi mnyam pa nyid thugs su chud pa/ chos kyi dbyings kyis klas pa/ nam mkha'i khams kyi mthas gtugs pa de nyan thos kyi dge 'dun
2b4 tshad med pa thams cad kyang cang shes pa/sangs rgyas kyi sras/ sems shin tu rnam par grol ba/ shes rab shin tu rnam par grol ba/ tshul khrims shin tu rnam par dag pa/ chos 'dod pa rnams bde bar phrad pa/ mang du thos pa/ thos pa 'dzin pa/ thos pa bsags pa/
2b5 legs par bsam pa sems pa/ legs par smra ba brjod pa/ legs par bya ba'i las byed pa/ shes rab myur ba/ shes rab mgyogs pa/ shes rab rno ba/ nges par 'byung ba'i shes rab can/ nges par rtogs pa'i shes rab can/ shes rab che ba/ shes rab yangs pa/
2b6 shes rab zab pa/ shes rab mnyam pa med pa/ shes rab rin po che dang ldan pa/ rig pa gsum dang ldan pa/ tshe 'di la bde bar gnas pa'i mchog thob pa/ yon yongs su sbyong ba chen po/ spyod lam rab tu zhi ba phun sum tshogs pa/ bzod pa dang des pa chen po dang ldan pa/
2b7 de bzhin gshegs pa'i bka' la shin tu zhugs pa sha stag dang / sangs rgyas kyi zhing tha dad pa nas 'dus pa'i byang chub sems dpa' dpag tu med pa thams cad kyang gnas chen po la yang dag par zhugs pa/ theg pa chen po'i chos kyis nges par 'byung ba/ sems can thams cad la
3a1 sems mnyam pa/rtog pa dang / rnam par rtog pa dang / yongs su rtog pa thams cad dang bral ba/ bdud kyi phyir rgol ba thams cad bcom pa/ nyan thos dang rang sangs rgyas kyi yid la byed pa thams cad las ring du gyur pa/ chos kyi ro'i dga' ba dang bde
3a2 ba chen pos brtan pa/'jigs pa lnga las yang dag par 'das pa/ phyir mi ldog pa'i sa bgrod pa gcig pur gyur pa/ sems can thams cad kyi gnod pa thams cad rab tu zhi bar byed pa'i sa mngon du gyur pa sha stag go zhes bya ba'o/ /de la bcom ldan 'das kyis don dam pa'i mtshan
3a3 nyid lnga bstan te/don dam pa'i mtshan nyid lnga ni/ brjod du med pa'i mtshan nyid dang / gnyis su med pa'i mtshan nyid dang / rtog ge'i spyod yul las yang dag par 'das pa'i mtshan nyid dang / gzhan dang gzhan ma yin pa las yang dag par 'das pa'i mtshan nyid dang / thams cad
3a4 du ro gcig pa'i mtshan nyid do//de la brjod du med pa'i mtshan nyid dang / gnyis su med pa'i mtshan nyid du lta ba ni 'di lta ste/ dgongs pa nges par 'grel pa'i mdo las byang chub sems dpa' tshul bzhin kun 'dris zhus pa ste/ rgya cher ni gud du bris pa de yin par shes par bya'o/ /
3a5 dgongs pa nges par 'grel ba'i don las gzhal med khang gi bsngags pa ni rnam pa bco brgyad du shes par bya ste/ 'di ltar tshig gnyis kyis kha dog phun sum tshogs pa dang / dbyibs phun sum tshogs pa dang / tshad phun sum tshogs pa dang / yul phun sum tshogs pa dang /
3a6 rgyu phun sum tshogs pa dang / rang bzhin phun sum tshogs pa dang / bdag po phun sum tshogs pa dang / zhabs 'bring ba phun sum tshogs pa dang / phyogs phun sum tshogs pa dang / longs spyod phun sum tshogs pa dang / bya ba sgrub pa phun sum tshogs pa dang / 'tshe ba med pa
3a7 phun sum tshogs pa dang /phyir rgol ba med pa phun sum tshogs pa dang / gnas phun sum tshogs pa dang / bdag po'i gnas kyi bye brag phun sum tshogs pa dang / bzhon pa phun sum tshogs pa dang / sgo phun sum tshogs pa dang / rten phun sum tshogs pa'o/ /sangs rgyas kyi
3b1 bsngags pa ni bcom ldan 'das kyi spangs pa dang ye shes bla na med pa nyid kyis rang gi don phun sum tshogs pa dang /bdag dang gzhan gyi sbyor ba gnyis kyis gzhan gyi don phun sum tshogs pa ste/ yan lag bzhis bstan to/ /legs par thugs su chud pa'i blo dang ldan pa
3b2 zhes bya ba ni yan lag gcig ste/blos thugs su chud par bya ba ji snyed yod pa de snyed thugs su chud pa'i phyir ro/ /de yang rnam pa bzhi ste/ legs par thugs su chud pa'i blo nyid ni nang dang phyi'i skye mched kyi mtshan ma kun tu mi spyod pa'i phyir ro/ /don zab mo legs par thugs su chud
3b3 pa'i blo nyid ni chos bdag med pa la kun tu gzhol ba'i phyir ro//legs par thugs su chud pa'i blo nyid dri ma med pa ni byang chub sems dpa'i gnas pa las yang dag par 'das pa'i phyir ro/ /legs par thugs su chud pa'i blo nyid bla na med pa ni sangs rgyas thams cad dang khyad par med
3b4 pa'i phyir ro//'di ni ye shes bla na med pas rang gi don phun sum tshogs pa'o/ /sgrib pa med pa'i rtogs pa thugs su chud pa zhes bya ba ni yan lag gnyis pa ste/ rtogs par bya ba ji snyed yod pa rtogs pa'i phyir ro/ /de yang rnam pa gsum ste/ nyon mongs pa'i sgrib pa mi mnga' bas
3b5 rtogs pa ni ma 'ongs pa'i dus na yang spangs pa de yongs su nyams pa dang /da ltar nyon mongs pa mi 'byung bas so/ /de dag la rnam par smin pa'i sgrib pa mi mnga' bas rtogs pa ni bsam gyis mi khyab par rnam par 'jog pa'i phyir ro/ /shes bya'i sgrib pa mi mnga' bas rtogs pa ni dus
3b6 gsum du yang chags pa med cing thogs pa med par ye shes mnyam pa nyid tshar phyin pa'i phyir ro//'di ni spangs pa bla na med pas rang gi don phun sum tshogs pa'o/ /'jig rten gyi khams thams cad du zhugs pa'i sku dang ldan pa zhes bya ba ni yan lag gsum pa ste/ sems can dpag tu
3b7 med pa'i don mdzad pa'i phyir ro//zhugs pa'i sku de ni dgongs pa dang / thabs dang kun nas nyon mongs pa med pa dang / ngo bo nyid kyis bstan to/ /de la dgongs pa ni the tshom thams cad gcod pa'o/ /thabs ni dga' ldan gyi gnas su skye ba la sogs pa kun tu ston pa'i spyod pa'o/ /kun
4a1 nas nyon mongs pa med pa ni 'jig rten gyi chos rnams thog ma nyid du so sor rig pa'i phyir kun nas nyon mongs pa med pa nyid do//ngo bo nyid ni nyon mongs pa'i rnam par rtog pa thams cad las ma byung ba nyid do/ /'di ni de'i bdag gis sbyor bas gzhan gyi don phun sum
4a2 tshogs pa'o//byang chub sems dpa' thams cad kyi ye shes yang dag par blangs pa zhes bya ba ni yan lag bzhi ste/ byang chub sems dpa'i ye shes rnams rang gi ye shes su blangs pa'i phyir ro/ /ye shes yang dag par blangs pa de ni/ khas len pa dang / 'grub pa dang / rtogs pa
4a3 dang rnam pa gsum gyis bstan to//khas len pa ji lta bu zhe na/ byang chub sems dpa' sangs rgyas su 'gyur ba'i chos kyi sku dang gcig pa nyid du khas len pa'i phyir ro/ /'grub pa ji lta bu zhe na/ de bzhin gshegs pa'i ye shes dang spangs pa tha dad pa med pa 'grub pa'i phyir ro/ /rtogs
4a4 pa ji lta bu zhe na/de gnyis ka'i gnas de bzhin nyid chos kyi dbyings rtogs pa'i phyir ro/ /chos kyi dbyings rtogs pa de yang chos kyi dbyings kyis klas pas nyan thos rnams las khyad par du 'phags so/ /nyan thos ni yongs su mya ngan las 'das la/ chos kyi dbyings kyis klas pa de ni
4a5 nam mkha'i khams kyi mtha' gtugs par bstan te/dper na nam mkha' ni 'jig pa'i dus sam chags pa'i dus na yang zad pa med do/ /de bzhin du sangs rgyas bcom ldan 'das rnams kyang mngon par rdzogs par byang chub pa'i dus sam/ yongs su mya ngan las 'das pa'i dus na 'khor
4a6 ba dang mya ngan las 'das pa la mi gnas pa'i phyir ro//dngos po bsdu ba'i sgo nas yang rnam grangs gzhan te/ de bzhin gshegs pa'i phun sum tshogs pa 'di rnam pa nyi shu rtsa gcig tu bstan te/ thugs phun sum tshogs pa dang / gsung phun sum tshogs pa dang / sku phun sum
4a7 tshogs pa mya ngan las 'das pa mtshan nyid med pa dang /bzhugs pa phun sum tshogs pa dang / yon tan yongs su 'dzin pa phun sum tshogs pa dang / dri ba lung ston pa phun sum tshogs pa dang / rab tu rgol ba zil gyis gnon pa phun sum tshogs pa dang / zhing yongs su dag pa phun
4b1 sum tshogs pa dang /gnas phun sum tshogs pa dang / spyod lam phun sum tshogs pa dang / sprul pa phun sum tshogs pa dang / bstan pa phun sum tshogs pa dang / sems can gyi spyod pa'i rjes su 'jug pa phun sum tshogs pa dang / thams cad du 'gro ba'i lam gyi gdams
4b2 ngag phun sum tshogs pa dang /phan pa dang gnod pa la kun nas nyon mongs pa med pa phun sum tshogs pa dang / gzhi phun sum tshogs pa dang / mi mthun pa med pa phun sum tshogs pa dang / cho 'phrul gyis rnam par rol pa phun sum tshogs pa dang / yon tan mi zad pa phun sum
4b3 tshogs pa dang /bdag gi dngos po phun sum tshogs pa dang / mya ngan las 'da' ba phun sum tshogs pa'o/ /de la bzhugs pa phun sum tshogs pa ni rnam pa gnyis te/ tshe 'di la stong pa nyid kyis bsdus pa'i bzhugs pa ni kun dga' bo de'i tshe dang da ltar yang stong pa nyid kyis mang du
4b4 gnas so zhes gsungs pa lta bu'o//so sor rtog pa'i bzhugs pa ni nyin mtshan lan drug tu 'jig rten la rnam par gzigs pa'i phyir ro/ /nyan thos kyi bsngags pa ni cang shes pa'i phyir ro/ /cang shes de yang phun sum tshogs pa rnam pa bcu gsum gyis bstan te/ gnyis su med
4b5 pa phun sum tshogs pa dang /shin tu dul ba phun sum tshogs pa dang / bsngags pa phun sum tshogs pa dang / khrun phun sum tshogs pa dang / rgyar phun sum tshogs pa dang / mthun pa'i lam du 'gro ba phun sum tshogs pa dang / myur ba nyid du phun sum tshogs pa dang / ring
4b6 du 'gro ba phun sum tshogs pa dang /'gro ba bzang po phun sum tshogs pa dang / yongs su spyod pa phun sum tshogs pa dang / nye bar zhi ba phun sum tshogs pa dang / 'grogs na bde ba phun sum tshogs pa dang / dbang du gyur pa phun sum tshogs pa dang / byang chub sems dpa'i
4b7 bsngags pa ni/gnas chen po la yang dag par zhugs pa'i phyir te/ gnas chen po la yang dag par zhugs pa de ni lam gyi skyon rnam pa dgu yongs su spangs par yang dag par bstan to/ /lam gyi skyon rnam pa dgu ni/ rdzogs pa'i byang chub mi mthun lam/ /rdul bcas pa dang tsher
5a1 mar bcas//chud za 'jig dang bde med dang / /'jigs bcas rim min phyogs min 'gro/ /don dam pa'i mtshan ma lnga bstan pa 'di lta ste/ shes rab kyi pha rol tu phyin pa'i le'u las bsam gyis mi khyab pa dang / mtshungs pa med pa dang / dpag tu
5a2 med pa dang /grangs med pa dang / mi mnyam pa dang mnyam pa'i don 'byung ba dang / go rims bzhin no/ /lung dang rtogs pa sgro btags pa med pa dang / skur pa med pa la rmongs pa'i gnyen por gnyis su med pa dang / brjod du med pa bstan to/ /ming gi snga rol blo med phyir/ /
5a3 mang ba'i phyir dang ma nges phyir/ /gnyis su med pa grub bo / /ston pas btags pa'i tshig nyid yin pa dang / kun tu rtog pa sna tshogs kyi tha snyad yin te/ yongs su ma grub pa dang / 'phags pa'i rgyud la mnga' ba kun rdzob kyi shes pa dang / don dam pa'i shes pa dang / mthong
5a4 ba de dag gis ngo bo nyid gsum rnam par gzhag pas ni brjod du med pa'i mtshan nyid gtso cher shes par bya'o//ston pas btags pa'i tshig ces bya ba ni kun brtags pa'i ngo bo nyid rnam par gzhag pa'i phyir ro/ /brjod pa ni dngos po med pa can yang ma yin zhes bya ba ni gzhan gyi dbang
5a5 rnam par gzhag pa'i phyir ro//brjod du med pa mngon par rdzogs par sangs rgyas zhes bya ba ni/ yongs su grub pa rnam par gzhag pa'i phyir ro/ /mchog tu bzung zhes bya ba ni rang gi lta ba mchog tu bzung nas gnas so/ /mngon par zhen zhes bya ba ni gzhan dag gis de las bzlog
5a6 pa ni de 'dzin cing mi 'dor ba'o//'di ltar don rnam par rig par bya ba'i phyir zhes bya ba ni don gang yin pa nyid la ming de'o / /dang po bshad zin to/ /gnyis pa ni rtog ge la brten nas don rnam par spyod pa/ gzhan mu stegs can rnams la gang gis don dam pa khong du chud par mi 'gyur ba'i
5a7 nyes pa lnga yod de/kun tu tshol ba'i nyes pa dang / mngon pa'i nga rgyal gyi nyes pa dang / mngon par zhen pa'i nyes pa dang / 'dogs pa'i nyes pa dang / rtsod pa'i nyes pa ste/ gzhan gyis bstan pa tsam gyis don dam pa khong du chud par re ba dang / zhi gnas tsam thob na mtshan
5b1 mar 'dzin pa tsam gyis don dam pa rtogs so snyam pa'i mngon pa'i nga rgyal dang /rnam par 'jog pa'i dbang gis ji ltar brjod pa bzhin du mngon par zhen pa dang / mthong ba la sogs pa'i tha snyad la brten nas/ srog la sogs pa yod par rnam par 'jog pa 'dogs pa dang / phan
5b2 tshun mi mthun par 'dogs pa bdag dang /gzhan gyi phyogs la rjes su chags pa dang / khong khro bar gyur na rtsod par 'gyur ba dang / go rims bzhin du sbyar ro/ /rnam pa 'di lnga ni don dam pa gong nas gong du mngon par sgrub pa'i tshul dang / go rims bzhin du khong du chud par
5b3 bya'o//dpe lnga ni don dam pa'i rnam pa lnga dang go rims bzhin du sbyar bar shes par bya ste/ 'di ltar mos pa rnam pa lnga las brtsams nas yod pa sel bar mos pa dang / 'dod pa la mos pa dang / rnam par rtog pa la mos pa dang / tha snyad la mos pa dang / bdag gir 'dzin
5b4 pa la mos pa'o//sngon gyi gdugs rnams zhes bya ba ni gang dag la bcom ldan 'das mngon par rdzogs par sangs rgyas pa'o/ /shin tu snga ba zhig na zhes bya ba ni/ gang dag la sangs rgyas gzhan dag mngon par rdzogs par sangs rgyas pa'o/ /mchis shing zhes bya ba ni gang dag dngos
5b5 po 'di ji lta ba bzhin du gtan la dbab pa'i phyir sngon 'khod pa'o//'dus nas zhes bya ba ni / gang dag gis de dag mthong nas lhags pa rnams so/ /sems par bgyid ces bya ba ni bstan pa'o/ /de yang rang gi gzhung lugs kyi sgro 'dogs pa dang / skur pa dang bral ba sems
5b6 pa ste/de'i phyir/ 'jal bar bgyid ces gsungs so/ /nye bar rtogs par bgyid ces bya ba ni rigs pa la brten nas so/ /'di gnyis kyis ni/ ji ltar sems pa dang / gang gi sems pa bstan pa yin no/ /de ltar yongs su tshol bar bgyid kyang ma rtogs nas blo gros tha dad pa
5b7 zhes bya ba ni blo gros so sor gyur pa'o//yid gnyis can zhes bya ba ni gang dag som nyi za ba'o/ /blo gros ngan pa zhes bya ba ni de dag las gang dag log par nges pa de dag go/ /rtsod pa zhes bya ba ni sems kyis so/ /'gyed par gyur pa zhes bya ba ni tshig gis so/ /gnod pa bgyis zhes bya ba ni
6a1 bstan pa'o//de yang mi rigs pa smras na ngag rtsub po 'byin pa'i phyir zher 'debs pa byas so/ /rigs par smras na spong ba la sogs pas gab gab kyis mnan pa byas so/ /tshar bcad bgyis zhes bya ba ni 'di gnyis nyid kyis so/ /rtogs pa zhes bya ba ni
6a2 mthong ba'i lam gyis so//mngon sum du bgyis zhes bya ba ni bsgom pa'i lam gyis so/ /bsnyad ces bya ba ni bstan pa'o/ /de yang gsal bar byas pa dang rnam par phye ba ste / de la gsal bar byas zhes bya ba ni chos gdags pa rnam par gzhag pas legs par gsal bar
6a3 byas pa'i phyir ro//rnam par phye zhes bya ba ni don rab tu bstan pa'i phyir ro/ /brtag pa'am rjes su dpag pa'am mos par mi nus so zhes bya ba ni rtog ge ba dang / rjes su dpag pa'i stobs dang / mos pa'i stobs kyis so/ /gsum pa la ni mos pas spyod pa'i sa la gnas
6a4 pa'i byang chub sems dpa' shin tu rmongs pa gnyis kyis shin tu rmongs nas don dam pa la tshul bzhin ma yin par sems te/btags pa la shin tu rmongs pa dang / rigs pa la shin tu rmongs pas so/ /btags pa la shin tu rmongs pa ni nges pa'i don gyi mdo sde las phyi
6a5 rol du gyur pa'i phyir ro//rigs pa la shin tu rmongs pa ni gtan tshigs la sogs pa yan lag mngon par mi shes pa'i phyir ro/ /bsgrim mi dgos par shes pa dang / bsgrims kyang mi shes pa ni gtan tshigs nyes par thal bar 'gyur ba med pas gtan tshigs te/ de ci'i
6a6 phyir zhe na/blo gros shin tu rnam par dag /gal te 'du byed kyi mtshan nyid dang / don dam pa'i mtshan nyid tha dad min par gyur na ni zhes bya ba nas/ bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur zhes bya ba dang / de'i phyir 'du byed kyi mtshan nyid
6a7 dang /don dam pa'i mtshan nyid tha dad pa ma yin zhes bya bar mi rung ste zhes bya ba'i bar du rgya cher gsungs pa'i gzhung des dam par 'gyur ba la sogs pa bstan pa dang sbyar ro/ /phra ba nyid bye brag tu bya ba'i phyir zab pa zhes bya ba gsungs so/ /de bzhin du gong ma gong ma brjod pa de dag gi
6b1 don ni thun mong yin par shes par bya'o//mchog tu phra ba nyid bstan pa ni nyan thos kyi theg pa la sogs pa las bye brag tu bya ba'i phyir ro/ /bzhi pa la ni mngon pa'i nga rgyal rnam pa gsum gyi gnyen por thams cad du ro gcig pa'i mtshan nyid bstan te/ mngon pa'i nga rgyal rnam pa
6b2 gsum ni/gzung ba'i mngon pa'i nga rgyal dang / 'dzin pa'i mngon pa'i nga rgyal dang / mtshan nyid rab tu dbye ba'i mngon pa'i nga rgyal lo/ /de la gzung ba'i mngon pa'i nga rgyal gyi gnyen por bstan pa ni/ de ci'i phyir zhe na/ rab 'byor phung po rnams la rnam par dag pa'i
6b3 dmigs pa gang yin pa de ni ngas don dam pa yin par yongs su bstan cing zhes rgya cher 'byung ba'o//'dzin pa'i mngon pa'i nga rgyal gyi gnyen por bstan pa ni/ rab 'byor gzhan yang dge slong rnal 'byor pa ni zhes rgya cher 'byung ba'o/ /mtshan nyid rab tu dbye ba'i mngon pa'i nga
6b4 rgyal gyi gnyen por bstan pa ni/rab 'byor gzhan yang ji ltar phung po dang zhes rgya cher 'byung ba'o/ /lnga pa la ni sems kyi gsang ba la shin tu rmongs pa rnam pa gsum ste/ ngo bo nyid la shin tu rmongs pa dang / rab tu dbye ba la shin tu rmongs pa dang / brgal ba'i lan la
6b5 shin tu rmongs pa'o//de la ngo bo nyid la shin tu rmongs pa'i gnyen por bstan pa ni/ blo gros yangs pa 'gro ba drug gi 'khor ba 'dir zhes bya ba nas/ gzugs can ma yin pa'i khams na ni len pa gnyis su med do zhes bya ba'i bar du'o/ /rab tu dbye ba ni rnam pa lnga ste/ mtshan
6b6 nyid rab tu dbye ba ni len pa'i rnam par shes pa zhes kyang bya ba dang /kun gzhi'i rnam par shes pa zhes kyang bya ba dang / sems zhes kyang bya ste zhes bya ba'o/ /las rab tu dbye ba ni 'di lta ste/ des lus 'di bzung zhing blangs pa'i phyir ro zhes bya ba la sogs pa'o/ /'jug pa'i rab tu
6b7 dbye ba ni mig gi rnam par shes pa la sogs pa dang /lhan cig tu cig car dang cig car ma yin par 'jug pa'i phyir ro/ /kun rdzob kyi rab tu dbye ba ni chos kyi lugs shes pa'i spyod yul gyi gsang ba'o/ /don dam pa'i rab tu dbye ba ni/ len pa mi mthong zhes bya ba nas yid kyi rnam par shes
7a1 pa yang mi mthong la zhes bya ba'i bar du ste/rnam par mi rtog pa'i ye shes kyi stobs dang ldan pa'i phyir ro/ /rnam par mi rtog pa'i ye shes kyi spyod yul gyi gsang ba gang yin pa de ni don dam pa'i spyod yul gyi gsang ba yin par shes par bya'o/ /brgal ba'i lan
7a2 gyi rab tu dbye ba ni sa bon bsdus pas gzhan gnyis kyang bsdus pa'i phyir/de gsang bar bsdus pas gzhan gnyis po yid dang rnam par shes pa yang gsang bar bsdus par shes par bya'o/ /sa bon thams cad pa yin pa'i phyir de ni gsang ba rnam par gnas pa ste/ de dag gi nang nas
7a3 de ni bstan pa'i 'os ma yin pa'i phyir dang /'jug pa'i rnam par shes pa rnams kyi sa bon gyi mtshan nyid du gnas pa'i phyir dang / rang gi mtshan nyid kyis mi gnas pa'i phyir shes par dka'o / /drug pa la ni dgos pa drug dang ldan pa'i chos kyi mtshan nyid bstan te/ gnyen
7a4 po'i dgos pa dang /kun tu bstan pa'i dgos pa dang / mngon par bsgrub pa'i dgos pa dang / thabs kyi dgos pa dang / rtogs pa'i dgos pa dang / phan yon gyi dgos pa'o/ /de la gnyen po'i dgos pa ni/ shin tu rmongs pa rnam pa bzhi'i gnyen po ste/ sgro 'dogs
7a5 pa'i rgyu med pa'i don la shin tu rmongs pa dang /skur pa'i rgyu yod pa'i don la shin tu rmongs pa dang / de 'jig pa'i rgyu kun nas nyon mongs pa la shin tu rmongs pa dang / rnam par byang ba la shin tu rmongs pa'o/ /de la kun tu bstan pa'i dgos pa ni rnam pa bzhi ste/ don kun tu bstan
7a6 pa dang /phyi kun tu bstan pa dang / nang kun tu bstan pa dang / mnyam par ma bzhag pa'i sa la kun tu bstan pa'o/ /de la mngon par bsgrub pa'i dgos pa ni rnam par thar ba'i sgo gsum mngon par bsgrub pa'i phyir ro/ /de la thabs kyi dgos pa ni gang la brten nas mtshan nyid gsum
7a7 rab tu shes pa'o// de la rtogs pa'i dgos pa ni shes bya'i dngos po'i don yongs su shes pa dang / de'i 'bras bu 'dogs par mdzad pa ste/ shes bya rnam pa thams cad dang ldan pa'i phyir ro/ /de la phan yon gyi dgos pa ni rnam pa thams cad mkhyen pa nyid thob pa ste/ de thams cad
7b1 mngon par rdzogs par bstan pa'i phyir ro//de la yongs su shes par bya ba'i phyir dngos po ni chos zhes smos pa yin par rig par bya'o/ /de la 'dogs par mdzad pa ni de lta bu yin na/ byang chub sems dpa' chos rnams kyi mtshan nyid la mkhas pa yin no zhes 'dogs par mdzad
7b2 pa'i phyir ro//bdun pa la ni don la log par rtog pa rnam pa bzhi'i gnyen po ngo bo nyid med pa nyid gsum bstan pa 'di ma brjod na/ ngo bo nyid med pa nyid kyi ldem por dgongs pa bstan pa la don la log par rtog pa rnam pa bzhis chud za bar 'gyur ba de'i gnyen por 'di bstan to/ /de la
7b3 don la log par rtog pa rnam pa bzhi ni ngo bo nyid gsum la ma brten pa'i phyir gnas med pa dang /ngo bo nyid med pa nyid rnam pa gsum la dgongs pa yongs su spangs pa'i phyir dgongs pa med pa dang / sgro 'dogs pa med cing skur pa med pa'i don rnam par spangs pa'i phyir don med pa dang /
7b4 rang gi mtshan nyid kyis med pa gang yin pa de ni ma skyes pa yin no zhes bya ba la sogs pa ltar snga phyi la ltos pa med pa'i phyir ma ltos pa'o/ /bstan pa 'dod pa'i gnyen po ma brjod na gang zag gi bye brag gis ni bsgrub pa'i bye brag dang / mos pa'i bye brag shes par bya'o/ /de la bsgrub
7b5 pa'i bye brag ni gzhi rnam pa gsum dang ldan pa yin te/bstan pa'i gzhi dang ldan pa ni/ de la sems can gang dag dang po nyid nas dge ba'i rtsa ba ma bskyed pa zhes bya ba la sogs pa'o/ /rigs kyi gzhi dang ldan pa ni/ don dam yang dag 'phags / nyan thos kyi rigs gang zag zhi ba'i
7b6 bgrod pa gcig pu pa ni zhes bya ba la sogs pa'o//rkyen gyi gzhi dang ldan pa ni/ nyan thos byang chub tu 'gyur ba gang yin pa de ni ngas rnam grangs kyi byang chub sems dpa' yin par bstan te zhes bya ba la sogs pa'o/ /mos pa'i bye brag ni rnam pa lnga ste/ rigs phun sum tshogs
7b7 pa las gyur pa dang /mos pa phun sum tshogs pa las gyur pa dang / shes rab phun sum tshogs pa las gyur pa ni gcig ste/ de la sems can gang dag dge ba'i rtsa ba chen po bskyed pa zhes bya ba la sogs pa'o/ /rigs dang mos pa phun sum tshogs pa las gyur la / shes rab
8a1 dang bral bar gyur pa ni gnyis pa ste/de la sems can gang dag dge ba'i rtsa ba bskyed pa zhes bya ba la sogs pa'o/ /rigs dang mos pa las gyur pa dang / shes rab chung ngu las gyur pa ni gsum pa ste/ de bzhin gshegs pa'i chos bstan pa ni sems can
8a2 mos pa sna tshogs can gyi phyir 'jug pa yin zhes bya ba la sogs pa'o//rigs dang mos pa phun sum tshogs pa las gyur pa shes rab 'chal pa ni rnam pa bzhi pa ste/ ci ste sems can de dag las sems can gang dag bsod nams dang ye shes kyi tshogs chen po'i bar du yang
8a3 dag par 'grub pa ma yin la zhes bya ba la sogs pa'o//thams cad phun sum tshogs shing mgo glengs pas go ba las gyur na ni lnga pa ste/ 'di ltar 'phags pa don dam yang dag 'phags kyis chab mar stsal na zhes bya ba dang / bca' sga dang ri mo bri ba'i gzhi dang / nam
8a4 mkha'i dpe bstan te /tshul khrims dang ting nge 'dzin gyi gtam dang / shes rab kyi gtam dang / kun rdzob kyi gtam dang / don dam pa'i gtam dang / go rims bzhin sbyar bar bya'o/ /brgyad pa la ni rnam pa drug gis rnal 'byor gyi lam bstan te/ yongs su shes pa dang /
8a5 yongs su mi shes pa dang / ngo bo nyid dang / sbyor ba'i rgyu dang / 'thob pa dang / 'thob pa'i thabs dang / chud mi za bar bya ba'i phyir gdags pa gtan la dbab pas de bstan to/ /de la zhi gnas dang lhag mthong gis yongs su bsdus pa ni ngo bo nyid do/ /chos gdags pa rnam
8a6 par gzhag pa la dmigs pa dang /smon lam mi gtong ba dang / dmigs pa'i dngos po bzhi ni sbyor ba'i rgyu'o/ /byams pa ngas chos gdags pa rnam par gzhag pa 'di lta ste zhes bya ba la sogs pa ni 'thob pa'o/ /bcom ldan 'das byang chub sems dpa' de ji srid du zhes bya ba la sogs
8a7 pa ni 'thob pa'i thabs so//lhag ma ni chud mi za bar bya ba'i phyir gdags pa gtan la dbab par shes par bya'o/ /de la chud mi za bar bya ba'i phyir gdags pa gtan la dbab pa ni rnam pa mang bar shes par bya ste/ rnam par mi rtog pa'i ye shes la gnas pa'i ting nge 'dzin chud mi za bar bya ba ni/ bcom
8b1 ldan 'das zhi gnas kyi lam dang lhag mthong gi lam tha dad ces bgyi'am/tha dad pa ma lags zhes bgyi zhes bya ba la sogs pa'o/ /rnam par mi rtog pa'i ye shes rtogs pa chud mi za bar bya ba ni/ bcom ldan 'das rnam par lta bar bgyid pa'i ting nge 'dzin gyi spyod yul gzugs
8b2 brnyan gang lags pa de zhes bya ba la sogs pa'o//mtshan ma gsum bsgom pa la dus ma shes pas chud mi za bar bya ba ni/ bcom ldan 'das ji tsam gyis na gcig tu lhag mthong bsgom pa lags zhes bya ba la sogs pa'o/ /cung zad tsam gyis chog par 'dzin pa rnam par gzhig
8b3 pa ni/bcom ldan 'das lhag mthong la rnam pa du mchis zhes bya ba la sogs pa ste/ mtshan ma las byung ba la sogs pas chog par mi 'dzin pa'i phyir ro/ /dbang po yongs su nyams pa rnam par gzhig par bya ba ni/ bcom ldan 'das zhi gnas dang lhag mthong ngam chos la gnas
8b4 pa zhes kyang bgyi zhes bya ba la sogs pa'o//dge ba 'phel ba chud mi za bar bya ba ni/ bcom ldan 'das zhi gnas dang lhag mthong nam ma 'dres pa'i chos la dmigs pas kyang bgyi zhes bya ba la sogs pa ste/ ji tsam du dmigs pa la sems bsdus pa de tsam du dge ba'i rtsa ba 'phel
8b5 ba'i phyir ro//rtog pa dang g.yo ba gnyen po dang bcas pa chud mi za bar bya ba ni/ bcom ldan 'das ji ltar na zhi gnas dang lhag mthong rtog pa dang bcas shing dpyod pa dang bcas pa'i ting nge 'dzin du 'gyur ba lags zhes bya ba la sogs pa'o/ /bsgom pa la rgyu yongs su shes pa dang chud mi
8b6 za bar bya ba ni/bcom ldan 'das zhi gnas kyi rgyu mtshan ni gang lags zhes bya ba la sogs pa'o/ /mngon pa'i nga rgyal rnam par gzhig par bya ba ni/ bcom ldan 'das byang chub sems dpa' zhi gnas dang lhag mthong bsgom pa chos so sor yang dag par rig pa dang zhes bya ba la sogs
8b7 pa ste/mngon pa'i nga rgyal med par bya ba'i phyir chos dang don so sor yang dag par rig pa'i mtshan nyid yongs su bstan pa'i phyir ro/ /don thams cad bsdus pa dang / bstan pas don thams cad bsdus pa dang / sems la brtag pa bsdus pa dang / gnas dang rten rgya che ba dang /
9a1 zab pa'i don thams cad kyis so/ /shes par bya ba'i chos thams cad bsdus pa ni ji snyed yod pa nyid dang / ji ltar bzhin du yod pa nyid gzung ba dang 'dzin pa la brjod do/ /gzung ba'i don ni gnas dang longs spyod kyi don gyis rab tu phye ba'o/ /'dzin pa la sogs
9a2 pa 'di dag la phyin ci log sngon du 'gro ba ni kun nas nyon mongs so //phyin ci ma log pa sngon du 'gro ba ni rnam par byang ba'o/ /grong mtshams dang de rgyal ba la sogs pa bstan pa ni 'jig rten gyi khams dpag tu med pa mngon par sgrub pa'i rgyu'o/ /bstan pas don thams cad bsdus
9a3 pa ni bden pa gnyis la brten nas sangs rgyas rnams chos ston to//der kun nas nyon mongs pa'i skyon brjod / rnam par byang ba'i yon tan brjod/ kun nas nyon mongs pa dang rnam par byang ba'i chos de dag ni rkyen rnams las 'byung ba yin gyi/ dbang phyug la sogs pa las byung ba ni ma
9a4 yin no//de dag kyang dus su gtogs pa ste/ 'dus byas kyi mtshan nyid rnams kyis rab tu phye ba'o/ /de ltar na mi rtag pa dang nad la sogs pas sdug bsngal ba dang / nyan thos kyi theg pa la ni sdug bsngal la sogs pa dang / theg pa chen po la ni de bzhin nyid la sogs pas yongs su
9a5 shes so//de dag ni bsdu ba dang / dbye ba gnyis kyis ston par mdzad do/ /lan 'debs na yang mgo gcig tu lan gdab pa la sogs pas lan 'debs par mdzad do/ /bzhi pa don thams cad bsdus pa la gnas ni tshig 'bru'o/ /rten pa ni don to/ /'di gnyis ni bstan pa zab pa dang /
9a6 don zab par shes par bya'o/ /khams kyi don gyis rgya che ste/ dpag tu med pa'i phyir ro/ /zhi gnas tsam du zad pas chud mi za bar bya ba ni shes pa dang mthong ba yongs su tshol ba'i phyir ro/ /phra ba kun tu 'byung ba yongs su shes pa chud mi za bar bya ba ni/ bcom ldan 'das byang chub sems
9a7 dpa' zhi gnas dang lhag mthong bsgoms pas yid la bgyid pa gang gis mtshan ma gang ji ltar rnam par sel bar bgyi lags zhes bya ba la sogs pa'o//stong pa nyid la skrag pa rnam par gzhig par bya ba ni/ bcom ldan 'das theg pa chen po la zhes bya ba nas stong pa nyid kyi mtshan nyid bsdus pa gang
9b1 lags zhes bya ba la sogs pa'o//zhi gnas dang lhag mthong bsgom pa la ngo bo nyid dang / rgyu dang / 'bras bu dang / las dang sbyor ba dang / 'jug pa'i don las brtsams te gdams ngag sbyin pa chud mi za bar bya ba ni/ bcom ldan 'das zhi gnas dang lhag mthong dag gis ting nge 'dzin du
9b2 zhig bsdus lags zhes bya ba la sogs pa'o//bsgom pa la 'dun pa drag po med pa rnam par gzhig par bya ba ni mtshan ma phra mo kun tu 'byung ba bzhi'i don ni dran pa nye bar gzhag pa'i rjes su 'brang bas rig par bya'o/ /lhag ma rnams ni stong pa nyid bcu drug gi rjes su 'brang bas rig par bya'o/ /
9b3 dor ba med pa stong pa nyid la ni tshig gnyis bsdus pa dang sbyar bar bya'o/ /mtshan nyid stong pa nyid la mtshan ma gnyis so/ /lhag ma rnams ni re re dang sbyar bar rig par bya'o/ /dgu pa la ni pha rol tu phyin pa yongs su rdzogs pa la mkhas par bya ba la brtsams nas 'dri ba dang lan brjod de/ pha
9b4 rol tu phyin pa rnams theg pa chen pos bsdus pa'i phyir ro//ji ltar yongs su rdzogs pa ni sa rab tu dbye bas te/ bcom ldan 'das byang chub sems dpa' rnams kyis bcu gang lags pa de dag ni 'di lta ste zhes bya ba la sogs pa'o/ /sbyin pa'i pha rol tu phyin pa la sogs pa gang dag
9b5 yongs su rdzogs pa ni/bcom ldan 'das byang chub sems dpa' rnams kyi bslab pa'i gzhi du mchis lags zhes bya ba la sogs pa'o/ /de la 'bras bu la mkhas pa dang / mi mthun pa'i phyogs dang gnyen po la mkhas pa dang / ming la mkhas par bya ba la brtsams nas dri ba
9b6 gsum mo//sa rnams kyi mi mthun pa'i phyogs kyi rab tu dbye ba la mkhas pa ni shes rab rnam par grol ba'i mi mthun pa'i phyogs dang / sems rnam par grol ba'i mi mthun pa'i phyogs te/ bcom ldan 'das de dag la kun tu rmongs pa ni du mchis/ gnas ngan len mi mthun pa'i phyogs
9b7 ni du mchis lags zhes bya ba la sogs pa'o//gnyen po'i rab tu dbye ba la mkhas pa ni sor chud pa'i dge ba bsdus pa'i phyir ro/ /bdag dang gzhan gyi rgyud yongs su smin pa'i gnas la mkhas pa ni/ bcom ldan 'das ci'i slad du srid par skye ba thams cad kyi nang na byang chub sems dpa'
10a1 skye ba rab mchog ces bgyi lags zhes bya ba la sogs pa'o//bsam pa yongs su rdzogs par bya ba'i thabs la mkhas pa ni/ bcom ldan 'das ci'i slad du byang chub sems dpa' rnams smon lam rgya chen pos mchi ba dang zhes bya ba la sogs pa'o/ /bdag
10a2 dang sems can yongs su smin par bya ba'i thabs la mkhas pa ni/bslab pa'i gzhi drug po dag la'o/ /gnas dang gnas pa la mkhas pa ni bslab pa gsum po snga ma snga ma la phyi ma phyi ma gnas pa'i phyir ro/ /mngon par mtho ba dang nges par legs pa'i thabs la mkhas pa ni bsod
10a3 nams dang ye shes gnyis de dag gi rgyu yin pa'i phyir ro//legs par shin tu bslab pa la mkhas pa ni/ bcom ldan 'das bslab pa'i gzhi drug po de dag la byang chub sems dpa' ji ltar bslab par bgyi lags zhes bya ba la sogs pa'o/ /legs par mkhas pa ni khams brtas
10a4 pa dang /tshogs yang dag par sgrub pa dang / theg pa la yongs su mi nyams pa dang / som nyi med pa dang gnas skabs las shes par bya'o/ /mthar thug pa bsdu ba la mkhas pa ni / bcom ldan 'das ci'i slad du bslab pa'i gzhi de dag dang grangs drug tu gdags par rig par
10a5 bgyi lags zhes bya ba la sogs pa'o//grogs la mkhas pa ni/ bcom ldan 'das ci'i slad du pha rol tu phyin pa gzhan dag grangs bzhir gdags par rig par bgyi lags zhes bya ba la sogs pa'o/ /'byung ba la mkhas pa ni/ bcom ldan 'das ci'i slad du pha rol tu phyin pa
10a6 drug po de dag gi go rims de ltar bstan par rig par bgyi lags zhes bya ba la sogs pa'o// tha dad pa rab tu dbye ba la mkhas pa ni/ bcom ldan 'das pha rol tu phyin pa de dag rnam pa du ma rab tu dbye lags zhes bya ba la sogs pa'o/ /rdzogs pa la mkhas pa ni/ bcom ldan 'das
10a7 ci'i slad du pha rol tu phyin pa de dag la pha rol tu phyin pa rnams zhes bgyi lags zhes bya ba la sogs pa'o//gdags pa bsdu ba la mkhas pa ni/ bcom ldan 'das rnam pa lnga po de dag gi so so'i las gang lags zhes bya ba la sogs pa'o/ /yon tan gyi khyad par la mkhas pa ni/ bcom
10b1 ldan 'das pha rol tu phyin pa de dag gi rgya che ba nyid gang lags zhes bya ba la sogs pa'o//rgyun mi 'chad pa la mkhas pa ni/ bcom ldan 'das ci'i slad du byang chub sems dpa' rtag tu pha rol tu phyin pa'i rnam par smin pa'i 'bras bu 'dod pa bsam 'tshal ba dang zhes bya ba la
10b2 sogs pa'o//rgyu nyid la gnas pa'i thabs la mkhas pa ni/ bcom ldan 'das ci'i slad du byang chub sems dpa' pha rol tu phyin pa rnams la ji lta ba de ltar pha rol tu phyin pa'i rnam par smin pa'i 'bras bu 'dod pa la dad pas gnas pa ma lags zhes bya ba la sogs pa'o/ /bya ba sgrub pa
10b3 la mkhas pa ni/bcom ldan 'das pha rol tu phyin pa de dag gi so so'i mthu gang lags zhes bya ba la sogs pa'o/ /yongs su bsdus pa'i yang dag par grub pa'i phan yon la mkhas pa ni/ bcom ldan 'das pha rol tu phyin pa de dag rgyu gang las byung ba dang / 'bras bu gang dang
10b4 ldan pa dang /don gang dag dang ldan pa lags zhes bya ba la sogs pa'o/ /'bras bu ni bdag dang gzhan gyi ched yin par rig par bya'o/ /sems can la phan gdags pa'i gegs byed pa la mkhas pa ni/ bcom ldan 'das gal te zhes bya ba nas ci'i slad du 'jig rten na dbul po dag
10b5 gda' lags zhes bya ba la sogs pa'o//thabs la 'jug pa chud mi zab la mkhas pa ni/ bcom ldan 'das byang chub sems dpa' chos rnams kyi ngo bo nyid ma mchis pa nyid pha rol tu phyin pa gang gis 'dzin lags zhes bya ba la sogs pa'o/ /'grib pa dang 'phel ba la mkhas pa ni/
10b6 bcom ldan 'das pha rol tu phyin pa zhes kyang bgyi zhes bya ba la sogs pa'o/ /kun nas nyon mongs pa'i rgyun rjes su 'dzin pa gzhig pa la mkhas pa ni/ bcom ldan 'das de dag nyon mongs pa'i bag la nyal rnam pa du mchis lags zhes bya ba la sogs pa'o/ /nges par 'byin pa'i bye
10b7 brag gi rab tu dbye ba la mkhas pa ni/bcom ldan 'das kyi nyan thos kyi theg pa gang yin pa dang / theg pa chen po gang yin pa de ni zhes bya ba la sogs pa'o/ /de la gang dag don la sgra ji bzhin kho nar rnam par rtog pa kha cig ni sgro 'dogs par byed ces bya ba ni/ kun brtags pa'i mtshan
11a1 nyid kyis gzugs la sogs pa'o//kha cig ni skur pa 'debs par byed ces bya ba ni chos thams cad ngo bo nyid med pa'o zhes bya ba 'dis chos thams cad kyi mtshan nyid la skur ba'i phyir ro/ /bcu pa la ni de bzhin gshegs pa'i sku la shin tu rmongs pa rnams kyi gnyen
11a2 por ni mi rtag par rtog pa'i gnyen por chos kyi sku bstan pa dang /nor bar rtog pa'i gnyen por skye bar 'byung ba bstan pas ston to/ /sde snod btags pa la shin tu rmongs pa rnams kyi gnyen por de ma nor bar bstan to/ /ma mo'i mtshan nyid bcu gcig gang yin pa de ni mtshan nyid rnam pa lngar
11a3 'gyur te/gnyis ni bstan pa'i mtshan nyid do/ /gsum ni yongs su brtags pa'i mtshan nyid do/ /gnyis ni 'bras bu'i mtshan nyid do/ /gnyis ni de dag gi gegs dang phan 'dogs pa'i mtshan nyid do/ /gnyis ni de'i nyes pa dang yon tan gyi mtshan nyid do/ /lhag ma ni sangs
11a4 rgyas kyi spyod yul la shin tu rmongs pa'i gnyen po ste/bstan pa de thams cad kyang de bzhin gshegs pa skye ba bstan pa'i tshul du rig par bya'o/ /bcu pa rdzogs so// //yang dag pa ma yin pa kun tu rtog pa ji ltar yongs su shes par bya zhe na/ gnas dang / mtshan nyid
11a5 dang thabs dang /'bras bu dang / rgyu dang / mthar thug par 'gyur ba dang / rten dang / rab tu dbye bas yongs su shes par bya'o/ /de la gnas ni byang chub sems dpa'o/ /mtshan nyid ni phyin ci log gi rgyu nyid do/ /thabs ni thos pa dang / bsams pa dang / bsgoms pa
11a6 las byung ba'i shes rab bo//'bras bu ni de spangs pa bla na med pa yang dag par rdzogs pa'i byang chub dang sems can gyi don thob par byed pa'o/ /rgyu ni rigs pa dang / sangs rgyas 'byung ba mnyes par byed pa dang / dam pa'i chos nyan pa dang / tshul bzhin yid la byed pa dang / chos kyi
11a7 rjes su mthun pa'i chos kyi nan tan no//mthar thug par gyur pa ni de bzhin nyid rtogs pa ste/ gang rtogs pa pas yang dag pa ma yin pa kun tu rtogs pa yongs su shes pa yin no/ /rten ni mos pas spyod pa'i sa dang / sa dang po dang / sangs rgyas kyi sa'o/ /rab tu dbye ba ni rnam pa bcu
11b1 bdun te/'byung ba'i rab tu dbye ba dang / ma byung ba'i rab tu dbye ba dang / 'dzin pa'i rab tu dbye ba dang / gzung ba'i rab tu dbye ba dang / phyi rol du bltas pa'i rab tu dbye ba dang / nang du bltas pa'i rab tu dbye ba dang / nyon mongs pa can gyi rab tu dbye ba dang / nyon mongs
11b2 pa can ma yin pa'i rab tu dbye ba dang /skyes nas myong bar 'gyur ba'i rab tu dbye ba dang / lan grangs gzhan la rab tu myong ba'i rab tu dbye ba dang / med pa'i rab tu dbye ba dang / yod pa dang med pa'i rab tu dbye ba dang / yang dag pa'i rab tu dbye ba dang / yang dag pa dang yang dag
11b3 pa ma yin pa'i ra btu dbye ba dang /yang dag pa'i rgyu mthun pa'i rab tu dbye ba dang / 'dir ci zhes bstan pa'i rab tu dbye ba dang / 'das pa dang da ltar byung ba la sogs pa'i rab tu dbye ba'o/ /yang dag min rtog yang dag min/ /yang dag min min mi rtog nyid/ /rtog pa ma yin
11b4 mi rtog min//thams cad shes par brjod par bya/ /zhes bya ba rnam pa 'di bzhis khong du chud par bya'o/ /'phags pa dgongs pa nges par 'grel pa'i rnam par bshad pa slob dpon thogs med kyis mdzad pa rdzogs so// //rgya gar gyi mkhan po dzi na mi tra dang / shI len dra
bo d+hi dang /