| བོད་ཡིག |
254a1 /legs par bris shig ku mA ra/ /bsod nams 'gro ba yang la bsngo/ /skyabs 'gro yan lag drug pa/ slob dpon bi ma las mdzad pa rdzogs so//[ ]@##/ /rgya gar skad du/ A pat+ti de sha na bi d+hi/
254a2 bod skad du/ ltung ba bshags pa'i cho ga /thams cad mkhyen pa la phyag 'tshal lo/ /dge 'dun btsun pa rnams dgongs su gsol/ /bdag dge slong ming 'di zhes bgyi ba byis pa nyid dang / mi shes pa nyid kyis 'dod chags dang / zhe sdang dang / gti mug dang / phrag dog dang /
254a3 ser sna'i dbang gis/ lus ma bsgoms pa dang / tshul khrims ma bsgoms pa dang / shes rab ma bsgoms pa dang / dran pa nyams pa nyid kyis/ lus dang ngag dang yid kyis dge slong dang rjes su mthun pa ma lags pa bgyis pa dang / bgyid du stsal ba dang / gzhan bgyid pa la rjes su yi rang
254a4 ba de dag thams cad/dge 'dun btsun pa rnams la bzod par gsol gyis bzod par mdzad du gsol/ khyed la ji ltar bzod par gsol ba de bzhin du mkhan po dang / slob dpon dang / lhan cig skyes pa dang / chos dang lta ba mthun pa dang / rtag tu rjes su 'brang ba dang / gtsug lag
254a5 khang dang brang khang na gnyug mar gnas pa'i lha dang /lam dang nye ba'i lam na gnyug mar gnas pa'i lha dang / bstan pa 'di la mngon par dga' ba'i lha dang / gzhan gyi bstan pa la mngon par dga' ba'i lha dang / pha dang / ma dang / gtong ba po dang / sbyin bdag dang / ji srid srid pa'i rtse mo'i
254a6 bar gyi sems can te/'phrog ma'i bu lnga brgya 'khor dang bcas pa dang / nag po chen po la sogs pa phyogs bcu'i 'jig rten na gnas pa'i sems can thams cad la nongs pa bgyis pa gang lags pa de bdag gi tshul khrims kyi phung po la sogs pa yongs su rdzogs par bgyi ba'i slad
254a7 du bzod par gsol gyis bzod par mdzad du gsol/de bzhin lan gnyis lan gsum du bzlas/ thabs yin no/ /legs so/ /dge 'dun btsun pa rnams dgongs su gsol/ /bdag dge slong ming 'di zhes bgyi bas ltung ba rigs lnga po dag la/ lus dang ngag dang yid kyis sbyor
254b1 ba dang /dngos gzhi dang mjug rnams su/ 'dod chags kyis kun nas bslang ba dang / zhe sdang gis kun nas bslang ba dang / gti mug gis kun nas bslang ba dang / chad pas kun nas bslang ba dang / skyed kyis kun nas bslang ba dang / de'i tshan du gtogs pa dang / de'i sder gtogs pa
254b2 dang /de'i rigs su gtogs pa dang / de'i mtshan nyid dang / de'i ngo bo nyid dang / nang du btsos pa dang / nang du zhag lon pa dang / ched du byas pa dang / btang nas za ba dang / kham 'phror bcad pa dang / kha bkang nas smra ba dang / lag nyar blangs pa dang / byin len ma byas pa dang / gsog 'jog byas pa dang /
254b3 dus ma yin pa'i zas te/ mdor na phas pham pa'i chos bzhi dang / des kun nas bslang ba'i ltung ba sbom po sbyor ba dang dngos gzhi dang / mjug gis bsdus pa dang / dge 'dun lhag ma'i chos bcu gsum dang / des kun nas bslang ba'i nyes pa sbom po sbyor ba dang / dngos gzhi dang /
254b4 mjug dang / spang ba'i ltung byed kyi chos sum cu dang / des kun nas bslang ba'i nyes pa sbyor ba dang / dngos gzhi dang / mjug dang / ltung byed kyi chos bcu dgu dang / des kun nas bslang ba'i nyes pa sbyor ba dang / dngos gzhi dang / mjug dang / so sor bshags par bya ba'i chos bzhi dang /
254b5 des kun nas bslang ba'i nyes pa sbyor ba dang / dngos gzhi dang / mjug dang / bslab par bya ba'i chos brgya rtsa mang po dang / des kun nas bslang ba'i nyes pa sbyor ba dang / dngos gzhi dang / mjug dang / rtsod pa nye bar zhi bar bya ba'i chos bdun dang / des kun nas bslang ba'i nyes
254b6 pa sbyor ba dang /dngos gzhi dang / mjug ste/ de dag dang / gzhan yang gang sangs rgyas kyis bcas pa'i bslab pa dang 'gal ba dang / dge 'dun gyis bcas pa'i nang khrims dral ba dang / gos pa dang / gos par bgyis pa de dag thams cad bdag gi tshul khrims kyi phung
254b7 po la sogs pa yongs su rdzogs par bgyi ba'i slad du/dge 'dun gyi spyan sngar mi 'chab pa'i sems kyis mtho lo bshags so/ /mthol zhing bshags na bdag bde ba la reg par gnas par 'gyur gyi/ ma mthol ma bshags na de ltar mi 'gyur lags so/ /de bzhin du
255a1 lan gnyis lan gsum du bzlas/ltung ba de dag la ltung bar mthong ngam/ kha cig la khums lags/ phyin chad shin tu legs par sdom mam/ chos ji lta ba dang 'dul ba ji lta ba dang ston pa'i bstan pa ji lta ba bzhin du legs par sdom lags kyis/ yang 'di
255a2 ltar shes bzhin du phyin chad mi bgyid lags so zhes dang /thabs yin no/ /legs so/ /ltung ba bshags pa'i cho ga thams cad yod par smra ba'i paN+Di ta de ba shAn+tis mdzad pa rdzogs so// //rgya gar gyi mkhan po dI paM ka ra shrI dz+nyA na dang / bod kyi lo tsA ba dge slong tshul khrims
rgyal bas bsgyur cing zhus te gtan la phab pa/