253b2 / //rgya gar gyi mkhan po paN+Di ta chen po dI paM ka ra shrI dz+nyA na dang / sgra bsgyur gyi lo tsA ba dge slong rin chen bzang pos bsgyur cing zhus te gtan la phab pa//[ ]@##/ /rgya gar skad du/ Sha DaM a ga sha ra NaM/ bod
253b3 skad du/skyabs 'gro yan lag drug pa/ dkon mchog gsum la phyag 'tshal lo/ /skyabs 'gro yan lag drug pa bshad/ /cis 'gro dgos dang yul dus dang / /phan yon bslab bya blang ba rnams/ /rtsa ba sdom du bshad pa yin/ /'jigs dang yon tan dran pas 'gro/ /
253b4 gnas gsum bstan pa'i yul de la/ /'di nas byang chub thob par ro/ /mu stegs spyod las log pa yin/ /gsum du mi skye rten du 'gyur/ /bar chad med pas nad nyung ring / /'byang zhing sogs pa'i phan yon no/ /skyabs gsum dang po'i bslab bya ni/ /gnod sbyin mi bsten
253b5 phyag mi 'tshal//gnyis pa sems can thams cad la/ /'tshe ba spang zhing brtse bar bya/ /gsum pa bdag dang gzhan gyi yul/ /sdig pa can dang 'grogs pa min/ /sku gzugs tshigs su bcad pa dang / /lhan pa ser po btab pa la/ /dad mos sgo nas brten par
253b6 bdag /zhal nas gsungs pa mtha' dag la/ /skur pa mi gdab spyi bor blang / /gang zag dag dang ma dag la/ /dam par blta bar bya ba yin/ /lus srog phyir yang gsum mi spang / /dus 'dir rkyen rnams ci byung yang / /mgon skyabs gzhan du btsal ba min/ /che ba'i
253b7 yon tan zas dag gis//rtag tu dran cing mchod pa yin/ /rgyun gyi skyabs 'gro brjod bya ba/ /dus drug rgyun gyi bskul ma yin/ /blang ba dang por shes bya ba/ /'jigs pa byung tshe bskul ma yin/ /rgyud la shes bya mang mchis kyang / /rgyal blon yid ches ma gyur pas/ /skyabs
'gro'i cho ga bdag gis bshad/