| བོད་ཡིག |
312b3 slob dpon mkhas pa chen po dpal mar me mdzad ye shes kyis mdzad pa rdzogs so// //rgya gar gyi mkhan po de nyid dang / zhu chen gyi lo tsA ba dge slong tshul khrims rgyal bas bsgyur cing zhus te gtan la phab pa//[ @##/ /rgya gar skad du/ tsAr+ya saM gra ha pra dI pa/ bod skad du/
312b4 spyod pa bsdus pa'i sgron ma/ 'jig rten dbang phyug la phyag 'tshal lo/ /gang gi gsung gi 'od zer gyis/ /bdag sogs rmongs pa ma lus pa'i/ /snying gi pad+ma kha 'byed pa'i/ /dam pa'i skyes mchog de la 'dud/ /gsang sngags pha rol phyin pa la/ /brten nas byang chub bsgrub bo zhes/ /bla ma sangs rgyas gsungs
312b5 pas na//de don bdag gis bri bar bya/ /gsang sngags 'di ru brjod mi bya/ /pha rol phyin lugs spyod pa yi / /byang chub sems dpa'i spyod pa dag /mdo tsam bdag gis bshad par bya/ /sems bskyed sngon du song ba yis/ /byang chub sems dpa'i sdom pa blang / /mdo sde ma lus kun blta zhing / /bstan bcos mtha' dag
312b6 mnyan par bya//lus dang ngag dang yid gsum gyis/ /ji skad bshad pa'i sdom pa rnams/ /ma nyams gtsang mar bsrung byas la/ /tshul khrims rnam par dag par bya/ /zas kyi tshod kyang rig par bya/ /dbang po rnams kyi sgo yang bsdams/ /nam gyi cha stod cha smad la/ /mi nyal rnal 'byor brtson par bya/ /
312b7 kha na ma tho phra rab la'ang / /shin tu 'jigs pa bskyed par bya/ /mtshan mo cha gsum bgo bya ste/ /tha ma'i cha la ldang bar bya/ /gdong la sogs pa bkru ba'am/ /yang na ma bkrus pa yang rung / /bde ba'i stan la 'dug nas ni/ /chos rnams chos nyid dran par bya/ /mtshan mas g.yengs pas ma nus na/ /langs
313a1 la dngos po snang ba kun//sgyu ma lta bur nye bar brtag /bar skabs der yang dge sbyor yang / /yan lag bdun pa rdzogs par bya/ /smon lam shin tu rgya chen gdab/ /yang na sngar gyi sgom la bsgom/ /de nas zas kyi dus dag tu/ /snying po med pa'i lus 'di yis/ /snying po dam pa btsal bya zhes/ /lus la
313a2 gru yi blo gzhag la//rgyags pa skyed phyir mi bza' zhing / /ro la chags pas mi bza'o/ /zas la cha bzhir bgo bya ste/ /dang po lha la bshos gtsang dbul/ /de rjes chos kyi srung ma la/ /gtor ma shin tu rgya chen btang / /rang gis zos shing 'thungs pa yi / /lhag ma 'byung po kun la sbyin/ /bar skabs der yang sgrung rgyud
313a3 dang //ngo mtshar can gyi gtam yang bya/ /de nas langs la cung zhig bcag /yang na rten la bskor ba bya/ /bzlas brjod glegs bam bklag pa'am/ /yang na bde gshegs gzugs brnyan bya/ /ji srid rdul ni ma byung bar/ /de srid bskor ba ma yengs par/ /byas la smon lam rgya chen gdab/ /mdor na mgon po
313a4 byams pa yis//bshad pa'i chos spyod bcu po rnams/ /yid ni rab tu ma yengs shing / /sgyu ma lta bur dran pas spyad/ /gal te yod na dge 'dun mchod/ /yang na byis pa'i ston mo bya/ /mgon med dag la sbyin pa ni/ /rnal 'byor bsod nams tshogs su 'gyur/ /nyin mo'i bya ba rdzogs pa dang / /mtshan mo'i cha ni dang po
313a5 ru//chos nyid spros pa dang bral ba/ /shes pa'ang spros dang bral bar gzhag /mtshan mo'i gung la bab pa na/ /ldang dang snang ba'i 'du shes kyis/ /seng ge ji ltar nyal ba ltar/ dge ba'i gnyid ni log par bya/ /spyir na mnyam gzhag sems brtan na/ /lus ngag dge ba gtsor mi bya/ /yang na mnyam gzhag mi gsal
313a6 na//'jig rten mthun 'jug bya ba'i phyir/ /lus ngag dge ba ci nus bya/ /'jig rten sems dang ma mthun na/ /'di ni bdag gi chos min zhes/ /bsam pa bzang po sngon btang la/ /'jig rten yul chos dri bar bya/ /ne pa la yi yul du ni/ /rang gi grogs pos bskul nas byas/ /gsang sngags lugs la mi mos na/ /
313a7 'di ltar mdzod cig s+tha bi ra/ /spyod pa bsdus pa'i sgron ma slob dpon mkhas pa chen po dpal mar me mdzad ye shes kyis mdzad pa rdzogs so// //rgya gar gyi mkhan po paN+Di ta dI paM ka ra shrI dz+nyA na de nyid dang / lo tsA ba dge slong tshul khrims rgyal bas bsgyur cing zhus pa'o// //