CLOSE WINDOW

D3952
བོད་ཡིག

byang chub sems dpa'i nor bu'i phreng ba rdzogs so//[ @##/ /rgya gar skad du/ bo d+hi satwa karmA di margA ba tA ra de sha na/ bod skad du/ byang chub sems dpa' las dang po pa'i lam la 'jug pa bstan pa/ bla ma dam pa la phyag 'tshal lo/ /ngan 'gro 'khor ba 'joms pa dang / /mngon mtho nges 'byung rtsol mdzad pa/ /phyogs bcu'i dkon mchog thams cad dang / /bla ma'i zhabs la phyag 'tshal lo/ /'di na gang dag rang bzhin gyis snying rje dang shes rab che ba theg pa chen po'i rigs can dang /yang gang dag skye ba snga ma dag tu theg pa chen po la goms par byas pa'i skyes bu/ 'khor ba la yid legs par byung ba 'chi ba rjes su dran pa/ phyi nang gi dngos po thams cad la zhen pa chung ba dang / dge ba'i bshes gnyen dam pa cig la theg pa chen po'i lam phyin ci ma log pa cig thos par gyur na ci ma rung /bdag gis dam pa cig btsal bar bya'o snyam du sems pa des/ dge ba'i bshes gnyen du rung ba'i bla ma btsal te/ gzhan du bstan pa bzhin du gsum la skyabs su 'gro ba khyad par can dang / 'gro ba mtha' yas pa yul du byas te bsam pa bzang po dang ldan pas bla na med pa'i byang chub chen por sems thun mong ma yin pa bskyed pa dang /lhag pa'i bsam pa bzang po dang ldan pas g.yo sgyu dang bral ba'i 'jug pa byang chub kyi sems chen pos/ byang chub sems dpa'i tshul khrims kyi bslab pa gsum legs par blang bar bya'o//de nas khyi dang gdol pa dang / bran gyi 'du shes dang ldan pa/ g.yo sgyu dang bral ba'i byang chub sems dpa' de tshogs kyi lam pa yin pas nyin dang mtshan du lus dang ngag dang yid kyi bya ba thams cad don med par mi 'gyur ro/ /'di ltar sems des zas tshod rig par bya ba dang /dbang po'i sgo rnams bsdam pa dang / kha na ma tho ba phra rab tsam la yang 'jigs par lta ba dang / nyin dang mtshan du rnal 'byor la brtson par bya'o/ /de nas dbugs phyi nang du rgyu ba yang gzhan gyi don du 'gyur bar 'dod pa des tho rangs kyi thun la langs te/bshang ba dang gci ba dor ba la sogs pa'i spyod lam legs par byas nas/ yul dbus dang yul mtha' 'khob kyi bye brag gis khrus byas la/ 'gro ba mtha' dag la dmigs te tshad med pa bzhis byang chub tu sems bskyed la/ dkon mchog gsum gyi gzugs brnyan gyi spyan sngar byug ris legs par byas te me tog dri zhim po sil ma legs par gtor nas/de dag gi spyan sngar pus mo gnyis sa la btsugs nas thal mo sbyar te/ phyogs bcu'i 'jig rten gyi khams kyi sangs rgyas thams cad dang chos thams cad dang /theg pa chen po'i dge 'dun gyi spyan sngar lus kyi bkod pa grangs med cing brjod du med par sprul te/ de dag re re'i zhabs la legs par phyag bya'o/ /de dag la zang zing gi mchod pa tshad med pa rgya che ba dpag tu med pas mnyes par bya'o/ /de nas lus re re la mgo brjod du med pa mgo re re la lce brjod du med par sprul te bdag dang gzhan gyi sdig pa ma lus par bshags par bya'o//bdag dang gzhan gyi dge ba la rjes su yi rang bar bya'o/ /sangs rgyas bcom ldan 'das mngon par rdzogs par sangs rgyas nas ring po ma lon pa rnams la chos kyi 'khor lo bskor bar bskul ma gdab bar bya'o//gang dag chos kyi 'khor lo bskor nas tshe'i 'du byed gtong ba dag la 'khor ba ji srid pa'i bar du yongs su mya ngan las mi 'da' bar gsol ba gdab par bya'o/ /dge ba'i rtsa ba de dag thams cad bla na med pa yang dag par rdzogs pa'i byang chub tu bsngo bar bya'o//ji ltar mdo las 'byung ba bzhin du yan lag de dag re re la tshig shin tu rgyas par brjod par bya'o/ /de nas mchod pa bdun po'i rjes la 'gro ba mtha' dag la dmigs te/ gsum la skyabs su 'gro ba'i tshig lan gsum gyi bar du brjod par bya'o//de nas byang chub tu sems bskyed par bya ste/ ji ltar cho ga las 'byung ba bzhin du bya'o/ /tha na yang 'di skad du/ sangs rgyas chos dang tshogs kyi mchog rnams la/ /byang chub bar du bdag ni skyabs su mchi/ /bdag gis sbyin sogs bgyis pa 'di dag gis/'gro la phan phyir sangs rgyas 'grub par shog /ces lan gsum brjod par bya'o/ /de nas bdag gi lus dbul ba dang / de nas skyes bu chen po'i chos lugs shing rta chen po'i lam la gnas par dam bca' bar bya'o/ /de nas rang gi mal du skyil mo krung gis 'dug la/bla ma rje btsun dpal byang chub bzang pos bkod pa'i ting nge 'dzin gyi le'u las gsungs pa'i yan lag dgu po shes par byas la/ zhi gnas dang lhag mthong gi rnal 'byor bsgom par bya ste/ de yang bying ba dang rgod pa la sogs pa'i skyon du gyur pa thams cad bsal te bsgom par bya'o//de nas mig phye la dbugs phyung ste/ phyi dang nang gi dngos po mthong ba na/ e ma'o re mtshar/ e ma'o re mtshar/ nam mkha' lta bu'i skye ba med pa las rten cing 'brel par 'byung ba'i stobs kyis sna tshogs su snang zhing gnas pa 'di/ e ma'o ngo mtshar ro snyam du sgyu ma'i dpe brgyad kyi tshul du shes par bya'o/ /de nas snying rje chen po'i yid kyis mi snang ba'i sems can thams cad la chos bshad pa'i phyir rtog pa ci yod pas theg pa chen po'i mdo sde kha ton du gdon par bya'o/ /de nas zas kyi bya ba'i dus su mi gtsang ba'i rdzas sum cu rtsa drug gis gang ba'i lus snying po med pa mthar 'jig pa 'dis sangs rgyas kyi chos kyi sku'i snying po de btsal bar bya'o zhes bsams la rgyags pa'i phyir ma yin la/ro la chags pas kyang ma yin te/ gru lta bu'i blos bza' bar bya'o/ /zas kyi tshod rig par yang bya ste/gso ba rig pa'i rgyud yan lag brgyad pa las/ lto yi sum cha zas kyis te/ /cha gnyis pa ni skom gyis so/ /rlung la sogs pa'i gnas su ni/ / cha gcig stong par gzhag par bya/ /zhes bshad do/ /zas de la cha bzhir bgo bar bya/ cha dang po dkon mchog gsum dang bla ma la dbul bar bya'o//cha gcig rang nyid longs spyad par bya'o/ /cha gcig byis pa dang mgon med pa dag la sbyin par bya'o/ /cha gcig ni khyi dang bya rog la sogs pa'i byol song la sbyin par bya'o/ /gang dag gis spyod pa bsdus par ni gzhan du yang brjod do//tshul gzhan ni spyod pa bsdus pa'i sgron ma las bshad pa bzhin no/ /de nas snga dro'i thun la yang tho rangs kyi thun la ji skad brjod pa ltar thams cad bya'o/ /gung gi thun dang / dgongs mo'i thun dang / srod kyi thun dang / mtshan mo'i gung gi thun thams cad du ji ltar brjod pa'i cho ga thams cad rdzogs par bya'o//de ltar rnal 'byor pa de la ni gnyid log pa dang nyal ba'i dus la nges pa med do zhes bla ma dag gsung ngo / /de lta bu'i rnal 'byor pa tshogs kyi lam pa/ thar pa'i cha dang mthun pa'i dge ba'i rtsa ba bskyed 'dod pa'i las dang po pa nyin dang mtshan du don med par mi gnas pa de lta bu la ltung ba'i nyes pa ga la 'byung /gal te bag chags ngan pa'i stobs kyis ltung ba byung bar gyur na/ 'di ltar myur du gso bar byed de/ de yang 'di ltar thun drug po dag dum bu bco brgyad du bgos nas skad cig ma lnga bcu rtsa bzhir 'gyur ro//byang chub sems dpa' yang rab 'bring dgur 'gyur ro/ /bla ma'i man ngag gis gso ba'i thabs rnams shes par bya'o/ /dam pa rnams kyis bshad pa'i lam bzang po/ /byang chub 'od sogs slob mas bskul byas pa/ /theg chen rigs can rnams kyis bgrod byas nas//rkang gnyis dbang po'i gnas su 'gro bar shog /rje btsun bla ma byang chub sems dpa' la/ /dge slong byang chub 'od kyis gsol ba btab/ /dge slong tshul khrims rgyal bas zhus nas bsgyur/ /theg pa chen po pa rnams spyod gyur cig /byang chub sems dpa' las dang po pa'i lam la 'jug pa bstan pa/