| བོད་ཡིག |
294b7 @##/ /rgya gar skad du/ bod+hi satwa ma N+ya ba li/ bod skad du/ byang chub sems dpa'i nor bu'i phreng ba/ thugs rje chen po la phyag 'tshal lo/ /dad pa'i lha la phyag 'tshal lo/ /bla ma rnams la phyag 'tshal lo/ /the tshom thams cad rnam spangs shing / /sgrub la nan tan gces
295a1 su bya//gnyid rmugs le lo spang bya zhing / /rtag tu brtson 'grus 'bad par bya/ /dran dang shes bzhin bag yod pas/ /dbang po'i sgo rnams rtag tu bsrung / /nyin mtshan dus gsum yang dang yang / /sems kyis rgyud la brtag par bya/ /bdag gi nyes pa
295a2 bsgrag bya zhing //gzhan gyi 'khrul pa btsal mi bya/ /gzhan gyi yon tan bsgrag bya zhing / /bdag gi yon tan sba bar bya/ /rnyed dang bkur sti spang bya zhing / /khengs grags rtag tu spang bar bya/ /byams dang snying rje bsgom bya zhing / /byang chub sems ni brtan par bya/ /mi dge bcu po
295a3 spang bya zhing //rtag tu dad pa brtan par bya/ /'dod pa chung zhing chog shes dang / /byas pa drin du gzo ba dang / /khro dang nga rgyal gzhom bya zhing / /dman pa'i sems dang ldan par bya/ /log pa'i 'tsho ba rnam spang zhing / /chos kyi 'tsho bas 'tsho bar bya/ /zang zing thams cad
295a4 rnam spang zhing //'phags pa'i nor gyis brgyan par bya/ /dad pa'i nor dang tshul khrims nor/ /khrel yod ngo tsha shes pa'i nor/ /thos pa'i nor dang gtong ba'i nor/ /shes rab nyid kyi nor bdun po/ /nor gyi rnam pa 'di dag ni/ /mi zad pa yi gter bdun de / /mi ma yin la
295a5 brjod mi bya//rtag tu 'du 'dzi spang bya zhing / /dgon pa la ni gnas par bya/ /'khyal pa'i tshig rnams spang bya zhing / /ngag rnams rtag tu bsdam par bya/ /bla ma mkhan po mthong ba'i tshe/ /gus pas rim gro bskyed par bya/ /gang zag chos kyi mig can dang / /las dang po pa'i
295a6 sems can la//ston pa'i 'du shes bskyed par bya/ /sems can thams cad mthong ba'i tshe/ /pha ma bu tsha'i 'du shes bskyed/ /sdig pa'i grogs po spang bya zhing / /dge ba'i bshes gnyen bsten par bya/ /sdang dang mi bde'i sa spang zhing / /gang du bde bar 'gro bar bya/ /gang
295a7 la chags pa spang bya zhing //chags pa med par gnas par bya/ /chags pas bde 'gro mi thob cing / /thar pa'i srog kyang gcod par byed/ /gang du dge ba'i chos mthong ba/ /der ni rtag tu 'bad par bya/ /thog ma brtsams pa gang yin pa/ /dang po de nyid bsgrub bya ste/ /de lta
295b1 na ni kun legs byas//gzhan du gnyis ka 'grub mi 'gyur/ /rtag tu sdig la dga' bral bya/ /gang du mtho ba'i sems 'byung tshe/ /de tshe nga rgyal bcag bya zhing / /bla ma'i gdams ngag dran par bya/ /zhum pa'i sems ni byung ba'i tshe/ /sems kyi gzengs ni bstod par bya/ /rtag tu
295b2 stong nyid bsgom par bya//gang du chags sdang yul byung tshe/ /sgyu ma sprul pa bzhin du blta/ /mi snyan tshig rnams thos pa'i tshe/ /brag ca bzhin du blta bar bya/ /lus la gnod pa byung ba'i tshe/ /sngon gyi las su blta bar bya/ /bas mtha' dgon par rab gnas shing / /ri dgas shi
295b3 ba'i ro bzhin du//bdag gis bdag nyid sba bya zhing / /chags pa med par gnas par bya/ /rtag tu yi dam brtan bya zhing / /le lo rnyog pa'i sems byung tshe/ /de tshe bdag la brngan bgrang zhing / /brtul zhugs snying po dran par bya/ /gal te gzhan dag mthong ba'i tshe/ /zhi des
295b4 gsong por smra ba dang //khro gnyer ngo 'dzum spang bya zhing / /rtag tu 'dzum zhing gnas par bya/ /rtag tu gzhan dag mthong ba'i tshe/ /ser sna med cing sbyin la dga'/ /rtag tu phrag dog spang bar bya/ /gzhan gyi sems ni bsrung ba'i phyir/ /rtsod pa thams cad spang bya zhing / /rtag tu bzod
295b5 dang ldan par bya//ngo dga' med cing gsar 'grogs med/ /rtag tu zungs ni thub par bya/ /gzhan la brnyas pa spang bya zhing / /gus pa'i tshul gyis gnas par bya/ /gzhan la gdams ngag byed pa'i tshe/ /snying rje phan sems ldan par bya/ /chos la skur ba gdab mi bya/ /gang mos 'di
295b6 la 'dun par bya//chos spyod rnam bcu'i sgo nas ni/ /nyin mtshan med par 'bad par bya/ /mang po'i nang du ngag la brtag /gcig pu 'dug na sems la brtag /dus gsum dge rtsa ci bsags pa/ /bla med byang chub chen por bsngo/ /bsod nams sems can rnams la bdar/ /rtag tu
295b7 yan lag bdun pa yi//smon lam chen po gdab par bya/ /de ltar byas na bsod nams dang / /tshogs chen gnyis kyang rdzogs 'gyur te/ /sgrib pa gnyis kyang zad par 'gyur/ /mi lus thob pa'i don yod pas/ /bla med byang chub thob par 'gyur// //rgya gar gyi mkhan po dang dpal mar
me mdzad ye shes kyis mdzad pa/