92b7 /[ ]@##/ /rgya gar skad du/ d+har+m+ma ShaT d+h+yA nod bya ba s+thA na/ bod skad du/ bsam gtan gyi chos drug rnam par gzhag pa/ 'jam dpal gzhon nur gyur pa la phyag 'tshal lo/ /ser skya mo dang chu
93a1 skyar sbrul//nags na ri dgas tshol ba dang / /mda' mkhan dang ni gzhon nu ma/ /'di drug nga yi slob dpon yin/ /re ba stobs ldan nyon mongs te/ /re ba med pa bde ba'i mchog /re ba re ba med byed pa/ /bde bar gnyid log ser skya mo/ /zang zing phyir ni
93a2 rtsod 'gyur te//zang zing med la rtsod pa med/ /zang zing yongs su spangs pa las/ /chu skyar bde ba 'phel bar 'gyur/ /khyim gyi rtsom pa sdug bsngal te/ nam yang bde bar 'gyur ba min/ /sbrul gyis gzhan gyi gnas mthong na/ /zhugs pas bde ba 'phel bar 'gyur/ /rngon pa nags su song gyur te/ /
93a3 ri dgas tshol bar rtsom pa na/ /'tshe ba thams cad spangs nas ni/ /de nyid du ni gnas bcas gyur/ /'dir ni rgyal po'i yan lag bzhi'i/ /dpung tshogs chen pos bskor ba dag /dmigs pa yun rings gtod pas na/ /mda' mkhan gyis ni ma mthong bzhin/ /mang po rtag
93a4 tu 'thab gyur te//gnyis po dag ni 'gran zlar 'gyur/ /gzhon nu ma yi gdu bu bzhin/ /gcig pu rnam par rgyu bar bya/ /re ba zang zing khyim spangs dang / /de bzhin gzhan yang nags gnas dang / /dmigs pa brtan dang gcig pu nyid/ /bdag gi bla ma las 'di rnyed/ /