70b5 @##/ /rgya gar skad du/ Ar+ya pradz+nyA pA ra mi tA u pa de sha nA ma/ bod skad du/ 'phags pa shes rab kyi pha rol tu phyin pa'i man ngag ces bya ba/ sangs rgyas dang byang chub sems dpa' thams cad la phyag 'tshal lo/ /sangs rgyas yum gyur de yi ming / /rang bzhin
70b6 med pa'i rang bzhin can//tshig med yul las rnam par 'das/ /dge ma de la phyag 'tshal 'dud/ /dngos po brgyad sogs rgyas par ni/ /khong du chud nus ma yin pas/ /rjes 'jug spros pa med pa'i don/ /bdag gis rab tu bshad par bya/ /snying gi dkyil du gnas
70b7 pa ni//rdo rje dkar po rnam par mdzes/ /rtse mo lnga pa gzi brjid can/ /lte bar thig le dkar po gcig /lnga po steng du rim bzhin 'bar/ /pha rol phyin drug rim bzhin dag /rim bzhin thig le sgra spangs la/ /brtan 'gyur stobs bskyed ting 'dzin sbyang / /man
71a1 ngag rim pas sgra nang du//chu skyes 'ba' zhig 'dab brgyad nas/ /'dab ma stong gi bar du dmigs/ /slar bsdus sgra yi ngo bo las/ /'das pa'i ye shes mi phyed 'dod/ /de nyid gsal bar bya ba'i phyir/ /mkhas pas rab tu bsten par gyis/ /