1a1 @##/
1b1 /rgya gar skad du/ saM k+Ship+ta nA nA dr-iSh+Ta bi b+ha dz+ya/ bod skad du/ lta ba tha dad pa rnam par phye ba mdor bsdus pa/ bcom ldan 'das bdud kyi sde rab tu bcom zhing / lta
1b2 ba'i thibs po thams cad yang dag par snang bar mdzad pa la phyag 'tshal lo//bram ze mchog gi rgyud dag ni bdag rtag pa khyab pa lus med pa gcig pa zhig yod par 'dod do zhes grag go/ /
1b3 de ni 'dir dgag par bya ba kho na bas dgag pa'i sbyor ba bshad par bya ste/ de 'dra ba'i bdag de re zhig phung po ni ma yin te/ bdag rtag pa yin la/ phung po ni skye ba dang 'jig pa'i chos can yin
1b4 pa'i phyir mi rtag pa yin pa'i phyir ro//gang bdag rtag pa ma yin zhing skye ba dang 'jig pa'i chos can du 'dod na ni rtsod par mi 'gyur ro/ /yang ji lta bu bum pa dang snam bu ltar bdag dang phung po tha dad
1b5 par ni yod pa ma yin te/bum pa dang snam bu ltar phung po las gzhan na bdag yod par sus kyang gang du yang nam yang nye bar ma dmigs la/ sus kyang gang du yang nam yang nye bar mi dmigs
2a1 bzhin du yod par 'dod na ri bong gi rwa dang mo gsham gyi bu yang yod par khas long shig /de bas na phung po las gzhan na bdag nam yang med do/ /tha dad pa dang tha dad pa ma yin pa las gzhan pa'i gnas ni
2a2 yod pa ma yin te/gzhan du na dus gcig nyid dang yul gcig nyid la yang gcig pa dang tha dad pa'i skyon du thal bar 'gyur ro/ /de bas na gcig pa dang tha dad pa las bdag nyid grol bar ma smra shig /de ltar smra na bum pa
2a3 gcig nyid la bum pa dang bum pa ma yin pa las grol bar smra bar bya dgos so//bdag dang phung po brten pa dang brten du yod pa yang ma yin te/ ji ltar chu dang bum pa ltar bdag dang phung po de 'dra ba'i dngos por sus kyang ma mthong
2a4 ngo //sus kyang ma dmigs pa dag khyod 'dod na khyod la sgrub pa mang po gzhan yang 'byung gi sgrubs shig /de ltar na dam pa yang yin gyi/ phung po'i phyogs gcig na bdag yod pa yang ma yin te/ ji ltar sdong po la 'dzer
2a5 ba dang /lus la mig la stsogs pa ltar bdag phung po la de 'dra bar mi dmigs pa'i phyir ro/ /bdag gis phung po la khyad par yang med de/ phung po ni du ma yin la bdag ni gcig pa yin pas 'gal ba grub po/ /bdag
2b1 gcig gis phung po du ma la khyab par 'dod na/de lta na du ba'i rgyun gcig gis phyogs bcu kun gyi me la khyab par gyis shig /de lta na khyod rjes su dpag pa la mkhas par zung shig /bdag phung po dang ldan par yang yod pa ma yin te/ 'di na lha sbyin dang de'i bu lta bu'i 'brel
2b2 pa ma mthong ngo //bdag dang phung po'i 'brel pa nges par grub par byed nus na khyod kyang dam pa kho nar bya'o/ /de phung po las gzhan na ni bdag med la/ phung po ni mi rtag pas na bdag rtag par 'dod pa thong shig /gang yang bdag khyab par yod ces zer na/ de yang rnam par
2b3 dpyad de/khyod zer ba ltar na ni dngos po rnams yul gcig par 'gyur te/ shar phyogs gang yin pa de nyid nub phyogs la stsogs pa phyogs bcu kun yin par thal bar 'gyur la/ srog chags gcig bsad pas thams cad bsad par thal bar 'gyur na/ de ltar gyur yang
2b4 kho bos ni nam yang ma mthong bas gya tshom 'di thong shig /bdag gcig pa zhig yod par 'dod pa de yang ma yin te/ dngos po rnams kyi rgyud tha dad pas bdag tha dad par 'gyur zhing / yang bdag gcig yin na ni gang zag gcig bcings pa'am grol bas gang zag thams cad
2b5 bcings pa'am grol bar 'gyur ba yang bzlog par dka' bar 'gyur ro//lus med par yang bdag yod pa ma yin te/ lus las logs shig na bdag yod par 'dod pa de ni bzlog zin na / lus nyid bdag yin par 'dod na ni lus ji ltar yod pa nyid bdag yin pas de'i phyir lus
2b6 med pa zhes bya ba de yang thong shig /gzhan yang ji ltar bdag rang dbang ba ni ma yin te/ rang dbang yod pa dag su zhig bdag la bdag tu sdug bsngal byed par 'gyur/ ther zug tu yang yod pa ma yin te/ nye ba nyid du bde ba dang sdug bsngal la stsogs pa'i rnam par 'gyur ba mthong
2b7 ba'i phyir ro//byed pa po yang yod pa ma yin te/ bdag nyid la bdag nyid sdug bsngal bar su zhig byed/ byed pa med par yang yod pa ma yin te/ las rnams byed par snang la gang yang ma byas pa'i 'bras bu byung ba yang gcig 'thad par 'gyur ram/ bdag de rtag par yod pa
3a1 yang ma yin te/de ltar na skye ba phyi ma dang rga ba la sogs pa mi 'byung bar 'gyur na/ de yang ci khyod kyis mthong ngam/ bdag mi rtag par yang yod pa ma yin te/ de lta na las rnams 'bras bu med pa dang / yang srid pa dang thar pa yang med par 'gyur ba dang /
3a2 'bad mi dgos par thal bar 'gyur ro/ /de bas na bdag rtag pa zhes bya ba 'di dag thong shig /'di la dgos pa cung zad kyang med kyis ring du sring ngo / /rnam pa 'di dag gis bdag med par bzlog pa dang / bram ze mchog gi rgyud kyis smras pa de ltar bdag rnam pa thams cad du med na
3a3 khyod kyi sbyin pa la stsogs pa don med de/dper na shi ba'i lus la bde ba la sogs pa'i tshor ba med pa ltar/ bdag med na sbyin pa la stsogs pa'i 'bras bu nam yang ga la 'gyur/ 'di la bshad pa/ ci gzhan bzlog pas gzhan bzlog par 'gyur ro/ /bdag ni bdag 'og
3a4 gi phung po 'gog par ni mi byed do//de bas na gang zag la bdag med pa'i phung po tsam rnam par gnas pas las kyi 'bras bu la stsogs pa 'byung ba 'di la sus 'gog /gang khyod kyis bdag de ni thag pa la sbrul med pa la sbrul du btags pa dang 'dra ba kho na'o/ /'di ni gang zag la
3a5 bdag med pa mdor bstan pas bram ze mchog gi 'dod pa bsal ba'o// // de ltar gzhan gyi 'dod pa'i lugs bsal nas/ da ni rang gi sde pa dag gi 'dod pa yang bsal bar bya ste/ de yang 'di pa phyi rol gyi dngos po rnams rdul phra rab tu yod pa dang / rdul phra rab rnams
3a6 kyang bar dang bcas pa dang /bar med pa dang / bar med pa la ma 'byar bar yod par 'dod do zhes grag go/ /da ni 'dir de dpyad de ji ltar thag pa la sbrul du 'dzin pa 'khrul par shes pa ltar thag par 'dzin pa yang 'khrul pa kho na'o/ /ji ltar zhe na/ 'di ni thag pa ma yin te/ nyis
3a7 sgril yin pa'i phyir ro//nyis sgril yang ma yin te/ rtsa 'dus pa yin pas so/ /rtsa 'dus pa'i rtsa yang med pa ste/ rdul phra rab yin pas so/ /rdul phra rab dag yod dam med ce na/ bshad pa/ rdul phra rab dag med pa'o/ /ji ltar zhe na/ phyogs cha dbye ba med pa ste/
3b1 shar la sogs pa phyogs cha tha dad pas rdul phra rab gcig pa nyid du yod par 'dod pa ma grub bo/ /gal te rdul phra rab dag la dbyer med do zhe na/ de lta na rung gi phyogs bcu tsam na gnas pa'i rdul phra rab rnams kyi dbus na/ rdul phra rab gcig gnas pa de cha gang gis nub phyogs na
3b2 gnas pa'i rdul phra rab dang ldan pa'i cha de nyid kyis byang phyogs na gnas pa'i rdul phra rab rnams dang ldan pa yin nam/yang na cha gzhan gyis ldan pa yin/ de la re zhig cha de nyid kyis ldan pa'o zhes zer na bdag nyid thams cad kyis sbyor ba yin pas thams cad rdul phra rab tu 'gyur ba yin
3b3 te/drug po dag ni go gcig na/ /gong bu rdul phran tsam du 'gyur/ /zhes bshad pa'i skyon 'di zlog shig /de ma bzlog na phyogs bcu'i dngos po kun dbus na gnas pa'i rdul phra rab kho na'i bdag nyid yin pas thams cad rdul phra rab tu 'gyur ro/ /cha gzhan gyis rdul phra rab rnams la sbyor
3b4 ba yang ma yin te/cha shas med pa'i rdul phra rab rnams cha shas dang bcas par mi 'dod la/ drug gis cig car sbyar bas na/ /phra rab rdul cha drug tu 'gyur/ /zhes bshad pa'i skyon 'di sol la/ rdul phra rab gcig pa las ma nyams par gyis shig /de bas na rdul phra rab rnams dag
3b5 ni gcig par yang med la/du mar yang med de / gcig pa nyid ma grub na de bzhin du bar dang bcas dang / bar med par 'byar ba dang / bar med par ma 'byar bar 'dod pa rnams thong shig /kho bos rdul phra rab rnams nyid rtsa ba nas bton zin gyis rang ngam gzhan gyi yang rung ba dag dngos po
3b6 rnams phreng ba dang skud pa ltar yan lag can du yod par 'dod do zhes grag go//'di la bshad pa/ ci yan lag can dang yan lag gnyis tha dad dam/ 'on te gcig /de la tha dad par ni brjod par mi bya ste/ yan lag rnams las yan lag can 'ga' yang ma dmigs te/ phreng ba'i ri
3b7 lu re re ba nyid dang skud pa nyis sgril dang spu re re las gzhan pa'i yan lag can rdzas gcig pa nyid sus mthong /gcig pa yang ma yin te/ gcig na ni chos 'gal ba 'byung ste/ gang gi thog ma'i cha dmar po la sogs pa yin pa de nyid kun dbus kyi cha dang / thog ma'i cha cig shos kyang
4a1 dmar po la sogs pa yin par thal bar 'gyur te gcig pa'i phyir ro//gal te dmar po la stsogs pa dang yan lag can gnyis mi gcig go zhe na/ de ni ma yin te/ grub pa dang gcig pas gcig pa nyid yin pa'i phyir ro/ /yang gang dag dngos po rnams skad
4a2 cig ma ma yin zhing rtag par 'dod par grag go//'di la bshad pa/ rtag pa de ni rim dang cig car gyis don byed par 'gal te/ sngon la 'bras bu 'byung na ni rgyu la dgos pa med de/ des ci zhig bya/ gal te sngon la rgyu 'byung na ni rgyu'i nus pa rdzogs nas 'bras bu 'byung bas rgyus de la
4a3 ci zhig phan/de bas na rim gyis mi byed do/ /cig car yang mi byed de/ cig car byed na ni thams cad kyi rgyu dang byed pa po rtag pa de min par 'gyur te/ phyogs bcu'i sa bon thams cad dus gcig tu myu gur 'gyur ba la sogs pa'i skyon du thal bar 'gyur ro/ /skyon de rnams ni phal cher phyi
4a4 rol pa la 'byung ba'o//'di ni chos bdag med pa sgrub pa rdul phra rab la stsogs pa bzlog pas bye brag tu smra ba dang / mdo sde pa dang / phyi rol pa'i 'dod pa bkag pa'o/ /yang 'dir rnam par rig pa tsam du smra ba rnams nar bdag ni med pa rdul phra rab la sogs pa yang med cing / sems
4a5 skad cig ma rgyun chags su 'byung ba dang /ye shes skad cig ma rgyun chags su 'byung ba ni yod do zhes rab tu smra'o/ /de la bshad kyis legs par nyon cig /re zhig skad cig ma nyid med pa ste/ 'das pa'i skad cig ma ni zhig pas med la/ ma 'ongs pa ni ma grub pas med cing / de
4a6 gnyis med pas 'bras bu'i skye ba da ltar gyi skad cig ma ga la yod/des na gang smras pa skad cig ma nyid ma grub bo/ /yang sems de'i rgyu'i sngon las byung ba'am/ rgyu'i rting las byung bar rtog grang na/ de ni kho bos bkag zin la/ rgyu dang 'bras bu dus mnyam par rtog na ni rgyu des 'bras
4a7 bu la ci zhig phan la/rwa g.yas g.yon lta bu dus mnyam pa rnams kyi rgyur ni gang gzung 'bras bur ni gang gzung / de bas na dus mnyam par rtog pa spongs shig /dus tha dad pa la skye bar 'dod pa'i skyon gzhan yang rtsod de/ dus tha dad pa la skye bar 'dod na dus gzhan gyis bar
4b1 du chod pa la byung ba'am/bar du ma chod pa la byung / dang po ltar na ni 'das pa kho na las skye bar 'gyur la/ de yang rung ba ma yin zhing / de ni khyod nyid kyang 'dod pa ma yin te/ 'das pa ni med pa'o zhes mdo sde dag la khyod nyid kyis brjod pa'i phyir ro/ /gnyis pa ltar na yang mi rung
4b2 ste/bdag nyid thams cad kyis bar du ma chod na dus thams cad skad cig ma gcig gi nang du zhugs par 'gyur la de lta na bskal pa yang skad cig ma tsam nyid du thal bar 'gyur bas mi rung zhing skad cig ma la yang dus kyi cha shas yod par 'gyur ro/ /gzhan yang sems de yod pa skye'am
4b3 med pa skye/re zhig dang po ltar na ni mi rung ste/ yod pa skye na myu gu las myu gu 'byung ba dang / bum pa las bum pa 'byung ba dang / sems las kyang sems gnyis pa la stsogs pa 'byung bar thal bar 'gyur ro/ /med pa skye na ni mo gsham gyi bu dang / ri bong gi rwa yang skye bar thal bar
4b4 'gyur ro//sems rgyu med pa las skye na ni rdo dang bong ba la sogs pa la yang ci nas sems mi 'byung / dngos po rnams kyi rgyu la mi ltos pas nam mkha' las pad+ma skye ba dang / bye ma las til mar 'byung bar yang 'gyur ro/ /rang dang gzhan gnyi ga las skye bar rtog na yang kho bos
4b5 gong du gnyi ga bkag zin pas thong shig /yang rgyu gcig las zer na ni rgyu gcig gis 'bras bu gcig bskyed pa ma yin te/ 'bras bu dag ni rgyu dang rkyen du ma la rag las par mngon sum du mthong ba'i phyir ro/ /gcig las du ma'o zhes zer na ni de yang mi 'thad de/ rgyu dang 'bras bu rjes
4b6 su mi mthun pa'o//ji ltar zhe na/ rgyu gcig gis 'bras bu du ma dag bskyed pa ni rgyu la ltos nas 'bras bu dag mang la/ 'bras bu la ltos nas rgyu nyung zhing / gzhan yang rgyu gcig kho nas 'bras bu gcig kyang bskyed mi nus na du ma lta smos kyang ci dgos/ du ma las she na/ yang ma
4b7 yin te/rgyu ni mang la/ 'bras bu ni gcig kho na yin pas rgyu dang rgyu can mi mthun pa'i phyir ro/ /rgyu du ma las 'bras bu du ma'o zhes zer na de yang ma yin te/ da lta na rgyu gcig gis 'bras bu gcig bskyed ces gong du smra ba nyid dang 'dra la/ de yang kho bos bkag zin to / /mdor
5a1 na 'das pa las dang /dus mnyam pa las skye ba bkag pa nyid kyis 'di yang bkag zin to/ /ci snyed kyi rgyu tshogs kyang skye bar mi rung ba nyid du kho bos rnam par zin pas so/ /de'i phyir gang khyed 'dod pa'i sems de rgyu gang las kyang ji ltar yang mi skye ba kho na'o/ /da ni
5a2 sems de gcig yin nam/du ma yin pa yang dpyad de/ gcig ni ma yin te/ shes pa rnam pa dang bcas pa khyed dmigs pa rnams sems nyid kyi rnam pa dang bye brag khyad par zhes bya ba'i bar du 'dod la/ dmigs pa ni gcig ma yin te/ du ma yin pas na sems kyang du ma kho
5a3 nar thal bar 'gyur te/bdag nyid gcig pa ni gcig la/ gcig ni du ma yin par ga la 'gyur te/ de ltar 'dod na khyed nyid kyang yan lag can gyis rdzas 'dod pa la skyon ma brjod cig /du ma yang ma yin te/ rdzas du ma yin na ni rdul phra rab bstan pa'i skabs su sun phyung zin
5a4 la/skad cig ma du ma yin na ni de yang kho bos skad cig ma nyid legs par bkag zin to/ /de las ma gtogs pa'i dus la ni gang yang med do/ /de bas na khyed gang 'dod pa'i sems de gcig dang du mar kho bos bkag zin pa'o/ /shes pa rnam pa med pa dag sems rnam pa
5a5 med pa tsam rig pas bems po las logs pa dpyad du med pa/brjod du med pa zhig yod do zhes 'dod pas de dpyad de/ ci shes pa de mar me ltar gzugs can du yod dam/ gzugs can ma yin pa bstan du med par yod/ phyogs dang po ltar na ni ji ltar khyod nyid kyis mthong
5a6 ba ltar bdag cag gzhan la yang ston cig /khyod la mngon sum du grub na bdag cag la yang mngon sum du grub par gyis shig /gzhan du tshig tsam gyis ni kho bo cag ji ltar yid ches par 'gyur/ tshig tsam gyis grub na ni/ gzhan gyis 'dod pa'i bdag nyid kyang grub par
5a7 'gyur ro//gzhan yang bram ze mchog gi rgyu dag la yang sun 'byin pa'i skyon bsnyad pa de nyid khyed la yang bsnyad par bya ba nyid du 'gyur la/ de ltar na khyed kyang bram ze mchog gi rgyu dang gcig gam bye brag tu 'gyur ram/ phyogs gnyis pa ltar na ni brjod du med cing bstan du med pa
5b1 khyed nyid kyis ji ltar shes/bla ma dag gis bstan to zhe na/ gang khyed nyid kyis brjod du med par 'dod na de khyed la ji ltar bla mas brjod par nus/ gzhan yang rang rig pa yod na rig par bya ba dang / rig pa po dang / rig pa gsum yod par 'gyur na/ rig par bya ba dang /
5b2 rig pa po khyed kyis ji ltar mi 'dod pa de ltar rig pa nyid kyang mi 'dod par gyis shig /'dra ba las gcig na gzhan 'dod la gzhan 'dod na rang rig pa brjod du med pa dpyad pa dang bstan du med pa zhig yod par 'dod la/ gzhan gyis 'dod pa'i bdag dang khyad par ci zhig yod pa mig
5b3 rab tu phye la ltos shig /bdag dang mnyam par 'dod na ni rigs pa'i phung po gong du bstan pa nyid gdab par zad do/ /yang ye shes rgyun du byung ba yod pa nyid dpyad de ci 'das pa dang da ltar med pa'i ma 'ongs pa yod par thos sam/ gang yang gnas gyur pa'i sems nyid med na
5b4 de gnas gyur pa'i ye shes ji ltar yod par 'gyur/shes pa rnam pa dang bcas pa dag 'dod pa ltar dmigs pa rnam par dag pa dang ldan pa'i ye shes yod na nor pa thams cad spangs nas kyang gal te mtshan mar skyer zin na/ de na nor pa yang dag ste/ /rab rib yongs su ma dag bzhin/ /
5b5 zhes gsungs pa 'di yang legs par zlog shig /shes pa rnam pa med par smra ba dag gi ltar na ye shes bag chags ma lus pa dang bral ba rang rig pa tsam yod par 'dod na yang skyon gong du bstan pa las ma 'das pa de lta bu'i ye shes des dgos pa ni ci zhig yod/ de med pas na ci
5b6 zhig mnyam/de bas na dgos pa med pa rtog pa tsam 'di dag rab tu spongs shig /'di ni rnam par rig pa tsam du 'dod pa dag gi mngon par zhen pa spang ba'i rim pa mdor bstan pa'o// //'di theg pa chen po dbu ma pa dag la rnam par brtsad pa/ gang ye shes nyid med par
5b7 smra na gang khyed kyi mya ngan las 'das pa nyid ni gang zhig /sems can gyi don dag ji ltar byed ce na/ 'di la bshad pa/ dper na til mar dang sdong bu dag yod kyi bar du mar me'i rgyun 'bar bar 'gyur la/ sdong bu dang til mar de dag zad pa'i dus na mar me de'i rgyun kun du chad par
6a1 'gyur la/de bzhin du sdong bu dang til mar lta bu'i ma rig pa zad pa na/ rnam par shes pa mar me lta bu 'di rang gi ngang gis rgyun chad pa'i skra'i cha brgyar gshags pa'i tshad tsam med par rnam pa thams cad du kun nas rgyun chad par 'gyur ro/ /de bas na gnas
6a2 gyur pa'i ye shes gang nas kyang byung ba med pa'o//de nas kun nas stong pa nyid gang yin pa de nyid mya ngan las 'das par gzung ngo / /de ltar na chad par cis mi 'gyur bshad pa/ dpe bshad kyis nyon cig /skyes bu zhig gis nam mkha' med do zhes brjod na/ de chad
6a3 par mos pa yin nam/de bzhin du kho bo yang nam mkha' dang 'dra ba'i sems ye nas med pa nyid med par ma shes pa dag la med do zhes 'gog gi/ gang yod pa rnam par bcad nas med par byed pa ni/ kho bo cag dbu ma pa ma yin pas chad par ji ltar 'gyur/ gang sems
6a4 can gyi don byed par ji ltar 'gyur zhes dris pa de yang bshad de sa bcu pa'i dbang phyug tu gyur pa rgyal ba'i thugs kyi sras smon lam thams cad la dbang thob pa des sems can gyi khams la bltas nas gang dag gis sems can thams cad kyi don nye bar sgrub pa ni chos kyi sku ma thob par
6a5 mi nus so zhes bsams nas skad cig ma gcig gis chos kyi sku mngon sum du byed nas 'di lta bu'i smon lam byin gyis rlob ste/skad cig ma gang la bdag mngon par rdzogs par byang chub pa nas bzung ste/ 'khor ba yongs su drongs kyi bar du sems can rnams la skal ba ji lta ba bzhin
6a6 du sku sna tshogs dang gsung sna tshogs dag rgyun mi 'chad par nam mkha'i khams kyi mthas klas par 'byung bar gyur cig /byang chub sems dpa' rnams la longs spyod rdzogs pa'i sku yid du 'ong ba 'byung bar gyur cig ces de lta bu'i smon lam byin gyis brlabs nas stong pa nyid ston ka'i nyi
6a7 ma phyed kyi nam mkha'i dkyil lta bu mtshan rdul thams cad rab tu zhi ba'i bdag nyid du 'gyur te/de nyid la mya ngan las 'das par smra'o/ /gang yang ye shes dang stobs dang / dbang la sogs pa dang / rang rig pa la sogs pa bshad pa ni skrag par 'gyur ba spang ba'i phyir bstan
6b1 pa kho na yin no//de bas na smon lam la dbang ba'i smon lam gyi stobs dang / skal ba dang ldan pa'i 'gro ba'i dbang gis sku dang / gsung dang / cho 'phrul sna tshogs 'byung gi/ dngos po nyid du cung zad tsam yang med pa kho na yin te/ gal te dngos por yod na de'i tshe 'dus byas
6b2 kyi bdag nyid thams cad pa dag dang /khyad par ci 'dra bar 'gyur/ de bas na kha cig yid bzhin gyi nor bu dang / mkha' lding grub pa'i chos sdong lta bu'o zhes dper 'dzin pa dag ni tshul thams cad pa'i dper mi rung ste/ de dag ltar 'di dngos por gyur pa ni ma yin pa'i phyir ro/ /
6b3 'dir yang smras pa/ de ltar thams cad med pa yin/ skye ba dang / gnas pa dang / 'jig pa dag ji ltar blta bar bya/ dris pa dang po nyid gang 'byung / /smras pa/ skye ba'o/ /bshad pa/ gang gnas pa dang 'jig pa dang bral ba'i skye ba ji ltar 'byung / gal te gnas pa
6b4 dang /'jig pa dang bral ba'i skye ba 'dod na de'i tshe ri bong gi rwa'i skye ba sus bzlog par 'gyur/ yang smras pa/ dang po nyid du gnas pa 'byung ngo / /bshad pa/ skye ba dang 'jig pa dang bral ba'i gnas pa ji ltar 'byung / gal te skye ba dang 'jig pa dang bral ba'i gnas pa 'dod
6b5 na/de'i tshe dang po ma skyes pa yin la/ gnyis pa ni skye ba ste/ gsum pa ni 'jig pa yin pas gnas pa med pa kho na'o/ /yang smras pa/ 'jig pa'o/ /bshad pa/ gal te skye ba dang gnas pa dang bral ba'i 'jig pa 'dod na de'i tshe mo gsham gyi bu 'jig par 'gyur ba sus
6b6 bzlog par 'gyur/gal te skye ba dang gnas pa dang 'jig pa dag dus gcig kho nar yod do zhe na/ bshad pa/ ci mun pa dang snang ba dag go cig car kho nar yod dam/ skye ba dang gnas pa dang / 'jig pa dag phan tshun 'gal ba yin pas cig car ga la 'byung / de bas na skye
6b7 ba dang gnas pa dang 'jig pa dag med pa kho na'o//'dir smras pa/ de ltar thams cad med pa kho na bas sbyin pa la sogs pa spyod pa don med par 'gyur zhing / thob par bya ba byang chub ces bya ba yang med pa nyid yin par 'gyur la/ des na rnam pa thams cad du rnam par gzhag pa
7a1 'khrug par 'gyur ro//'dir bshad pa/ skyes bu 'ga' zhig gi mig mig ser gyi nad kyis btab nas des nam mkha' la skra shad 'dzings pa dang / bal gyi 'khor lo dang rab rib dag mthong la/ skyes bu de yang mkhas pa'i rang bzhin can yin pas 'di snyam
7a2 du bdag gis dmigs pa 'di dag yod pa ma yin te/mig nad kyis mig nyams pas 'di ltar snang ba'o snyam na ci skyes bu des log par rtog pa yin nam/ skyes bu de log par snang ba'i mig nad de bsal ba la 'bad par mi byed dam/ de bzhin du med par snang ba'i rtog pa 'byung ba
7a3 mig ser gyi nad lta bu'i log par rtog pa bsal nas/nad dang bral ba'i mig lta bu mtshan ma'i nad thams cad dang bral ba/ nam mkha' ltar dngos po med pa'i dngos po'i bdag nyid du 'gyur ba 'di la nyes pa yod dam/ sgyu ma'i skyes bus sgyu ma'i skyes bu la sbyin pa byin pa la sogs
7a4 pa dang /des kyang byang chub ces bya ba thob pa ltar/ bdag cag rnams kyang sbyin pa la sogs pa dang / de rnams kyi 'bras bu de ltar 'dod de/ de bas na rnam par gzhag pa 'khrugs pa 'jig rten rgyang 'phen pa ltar bdag cag ni 'di mi smra'o/ /de bas na thog ma nyid du sngon nyid
7a5 du 'das pa'i rigs pa dag gis brtags pa'i bdag med pa nyid du nges par bya zhing /chos tsam la gnas par bya'o/ /de nas phung po la sogs pa'i chos tsam gang yin pa de yang ji skad bshad pa'i rigs pas mi snang bar byas la/ sems tsam nyid la gnas par bya'o/ /de
7a6 bzhin du yang rigs pa'i tshogs rgya chen pos sems snang ba med par byas la/mtha' thams cad las rgal ba/ mtshan ma'i rdul nye bar zhi ba/ bdag dang sems can dang srog la sogs pa ma yin pa/ rang rig pa'i rlabs med pa 'di lta bu la blta bar bya ste/ dper na skyes bu
7a7 ji srid du mig sman lan mang du bstan pa de srid du mig gi nad nyams par 'gyur ro//de bzhin du ji srid du med par rtog pa de srid du rtog pa'i nad nyams par yang 'gyur la/ ring zhig na med do zhes rtog pa nyid kyang spong bar 'gyur ro/ /de dang mthun pa nyid du/ gang tshe gang zhig med do zhes
7b1 brtags pa'i dngos po mi dmigs pa de'i tshe cung zad med do zhes rtog pa nyid kyang spong par 'gyur zhes bshad do//de bas na bag yod par ji skad du bshad pa'i chos rnams rab tu rtogs par 'gyur bar bya ba'i phyir nan tan gyis rtag tu brtson par gyis shig /'di ltar nye bar bstan pa gnang nas/
7b2 bsdu ba'i tshigs su bcad pa 'di dag gsungs te/ bdag tu 'dzin pa bzlog pa'i phyir/ /phung po khams sogs bstan pa ste/ /sems tsam la ni rnam gnas nas/ /skal chen rnams kyis de yang gzhom/ /'di dag thams cad sems tsam zhes/ /thub pa yis ni gang gsungs
7b3 pa//byis rnams skrag pa spang phyir te/ /de ni de nyid ma yin no/ /zhes 'di dag kyang slob ma'i tshogs la sgrogs so/ /lta ba tha dad pa rnam par phye ba mdor bsdus pa/ slob dpon dbu ma'i seng ge'i zhal snga nas kyis mdzad pa rdzogs so// //'di ni paN+Di ta chen po dbu ma'i seng
7b4 ge zhes bya bas rtsod pa chen po'i dus su ji skad bshad pa rnams mkhas pa dag gis bzung ste/gcig nas gcig tu bshad pa gtam gyi man ngag ces bya bar grags pa la slad kyis gzhung du bkod pa'o/ /gcig nas gcig tu 'byung ba/ mngon par brtson pa'i dge bsnyen ta ro shrI mi
tras byas pa /