50a6 / //rgya gar gyi mkhan po bid+yA ka ra pra b+ha ba dang / /zhu chen gyi lo tsA ba ban de dpal brtsegs rak+Shi tas bsgyur cing zhus te gtan la phab pa'o//[ ]@##/ /rgya gar skad du/ na rA kA ra biM shi kA/ bod skad
50a7 du/rnam pa med pa'i tshig le'ur byas pa/ 'jam dpal gzhon nur gyur pa la phyag 'tshal lo/ /shes rab 'od kyi dkyil 'khor can/ /'phags pa 'jam dpal dpa' bo ni/ /'jig rten kun gyi bde skyed pa'i/ /mgon po la ni mgos phyag 'tshal/ /rnam pa kun las
50b1 rnam grol ba'i//shes pa nam mkha' dang 'dra ba/ /yang dag don dam yin pa ru/ /lung rigs mkhas pa gzhan dag 'dod/ /rnam pa zad pa bden pa ste/ /rnam pa yang ni brdzun pa yin/ /ji srid du ni rnam pa snang / /de srid shes skye 'khrul pa yin/ /zad pa med pa'i 'khrul
50b2 rgyud la//shes pa rnam pa med 'dzin pa/ /'khrul pa thams cad kyi ni gzhi/ /shes pa rnam med bdag nyid yin/ /'on te shes nyid 'khrul yin na/ /nam mkha' 'ang 'khrul pa med mi srid/ /'khrul pa rgyu med yin zhe na/ /rtag tu yod par thal bar 'gyur/ /rgyu dang
50b3 bcas na brdzun min te//de ni gzhan dbang yin par gsal/ /mngon sum mam ni rjes dpag gis/ /rnam pa med par sgrub par byed/ /rnam pa de las log pas na/ /mngon sum gyis ni rtogs ma yin/ /brdzun par snang ba'i shes pa ni/ /'khrul nyid phyir na tshad ma min/ /
50b4 shes pa nam mkha' dang 'dra ba/ /da ltar nyams su myong ba med/ /rang bzhin 'khrul pa 'byung ba'i phyir/ /de phyir mngon sum tshad ma min/ /chos can mngon sum ma grub la/ /rjes dpag nges par 'jug pa med/ /brdzun pa'i rnam pa rtags yin phyir/ /bsgrub bya sgrub byed
50b5 gnas pa med//mngon sum 'khrul dang 'brel pa'i phyir/ /rjes su dpag pa'ang bslad pa yin/ /de phyir rnam pa med sgrub pa'i/ /tshad ma nyid ni yod ma yin/ /rnam pa med par lung gis kyang / /sgrub par byed pa'i gsung rab med/ /rmi lam sgyu ma dang mtshungs par/ /chos
50b6 kun sangs rgyas rnams kyis bstan//lung dang rigs pa gnyis kyis gsal bar rab grub pa/ /gzugs brnyan dang mtshungs shes pa'i rang bzhin rnam dag pa/ /gsal bar snang ba ma lus gzhi ni rnam spangs pa/ /rnam pa med par snang ba'i gsal 'ga' yod ma yin/ /
50b7 du ma zhe'am gcig nyid yin/ /brtags par 'gyur phyir de nyid min/ /ma khyab ce na'ang khyab nyid yin/ /mi gsal ba'am gsal ba nyid/ /mi rtag pa la rtag ces pa/ /bdag tu smra dang mtshungs par 'gyur/ /mi rtag skad cig yin smra na/ /de dag phan tshun ldan pa med/ /
51a1 rnam pa'i skabs na shes yin na/ /ji ltar khyab pa zhes byar brjod/ /rnam pa brdzun pa yin pa'i phyir/ /khyab pa'i nus pa yod mi srid/ /shes pa khyab pa'i nus med la/ /'dod na 'dir mkhas ji ltar yin/ /nam mkha' khyab bya yin zhe na/ /nam mkha' yod par 'dod dam ci/ /nam
51a2 mkha' sun ni phyung nyid kyis//shes pa sun ni byung ba 'thob/ /gcig dang du ma dang bral bas/ /shes pa'ang brdzun pa nyid du 'gyur/ /shes pa rnam med mtha' yas pa ru snang / /longs spyod rdzogs dang sprul pa'i sku gnyis kyi/ /gzhi ru nges pa
51a3 tshogs gnyis dang ldan nyid//de 'dra dpal ldan chos sku yin zhes smra/ /rnam pa med pa'i shes pa nam mkha' dang 'dra chos kyi sku/ /gang tshe rnam pa des bskyed de yang 'khrul tshogs cis ma yin/ /'on te brdzun par rtogs phyir de 'khrul grub pa yod min na/ /brdzun 'gyur mi rigs de ni
51a4 gzhan dbang ma yin nam//rnam pa thams cad mi gsal zhe na khyed kyi rnam med ci zhig bya/ /rnam pa thams cad gsal yin zhe na khyod kyi rnam med ci zhig bya/ /rnam bsregs shes pa'i rnam pa ji ltar srid par 'gyur/ /srid na'ang de yi rnam pa sngon med ji ltar 'gyur/ /chags bral
51a5 'dod chags phyir yang skye med bzhin//gal te skye na de yi chags nyid thogs pa med par 'gyur/ /'on te sgyu ma nyid du rtogs phyir de dag 'khrul med na/ /de bzhin 'on te yod na rnam med 'bras bu ci zhig yod/ /rnam pa med pa'i tshig le'ur byas pa bal yul gyi paN+Di ta dga' ba'i
dpal gyis mdzad pa rdzogs so/