CLOSE WINDOW

D3892
བོད་ཡིག

/[ ]@##/ /rgya gar skad du/ ta twA ba tA ra br-it+ti/ bod skad du/ de kho na la 'jug pa'i 'grel pa/ 'jam dpal gzhon nur gyur pa la phyag 'tshal lo/ /gang gis dam pa'i don du na/ /'gro kun rang bzhin med gsungs pa//kun mkhyen de la phyag 'tshal te/ /de nyid la ni 'jug pa bshad/ /yang dag pa'i lta ba sngon du btang ba ni/ nges par legs pa dang mngon par mtho ba thob pas na de mdor bsdus te rnam par gzhag go/ /phyi rol nang na gnas 'di kun/ /yang dag tu ni rang bzhin med//gcig dang du ma'i rang bzhin nyid/ /bral ba'i phyir na gzugs brnyan bzhin/ /gang zhig gcig dang du ma'i rang bzhin dang bral ba de ni don dam par rang bzhin med de/ dper na gzugs brnyan bzhin no/ /phyi rol dang nang na gnas pa'i dngos po 'di dag thams cad kyang gcig dang du ma'i rang bzhin dang bral bas na rang bzhin med do//ma grub pa ni ma yin te/ 'di ltar/ bstsags mi rung phyir rdul gcig min/ /rdul phra rab ni gcig pa nyid ma yin te/ rang bzhin gcig pu de la mngon par phyogs par yul gcig na gnas pas na bstsags pa mi rung ba'i phyir ro//rang bzhin gzhan gyis mngon du phyogs pa yang ma yin te/ du ma nyid du thal bar 'gyur ba'i phyir ro/ /gal te de lta yin du zad mod ce na/ de med phyir na gzhan nyid min/ /du ma nyid kyang ma yin te/ gcig mang po'i ngo bo yin pas de med na 'di yang mi srid pa'i phyir ro//'gal ba'i phyir ni rnam pa gzhan/ /yod par yang ni mi 'thad do/ /'gal ba dag ni gcig nye bar gzung ba cig shos yongs su btang ba med na med pa yin pa'i phyir phung po gzhan mi srid do/ /de ltar rtsom byed med pa'i phyir//rdzas la sogs pa thams cad bsal/ /de lta bur rdul phran rang bzhin med pa nyid yin pas na de mngon sum dang / gzhan du brtsams pa yan lag can gyi rdzas dang de la brten pa dang / yon tan dang / las dang / spyi la sogs pa'ang ring du spangs pa kho na'o/ /rdul phran bsags pa'i rang bzhin gyis//gzugs sogs mig kyang de bzhin no/ /rdul phra rab bsags pa'i ngo bo gzugs kyi phung po yang rigs pa ma yin te/ rdul phran so sor med na bsags pa'ang mi rung ba'i phyir ro/ /'di snyam du ma rig pa'i bag chags 'khrugs pa'i dbang gis gnyis su shes par 'gyur ba'i rnam par shes pa kho na kun du snang ngo snyam du sems na de ni mi rung ste/de yang gcig dang du ma'i rang bzhin nyid las mi 'da' ba'i phyir ro/ /de la/ rnam pa tha dad ma yin rnams/ /sna tshogs phyir na sems gcig min//shes pa gcig pu ma yin te/ /rnam pa du ma dang tha mi dad pa'i phyir ro/ /gzhan du na chos 'gal bar gnas pa gnyis tha dad par 'gyur te/ de'i phyir na rnam par rig pa tsam la skur ba yin no/ /gal te 'o na sems kyang rnam pa'i grangs bzhin no zhe na/ ma yin te/shes pa du ma'i phyogs bsags pa/ /mi rung phyir na 'thad par dka'/ /cig car du shes pa du ma khas len na/ rnam pa rnams rdul phran bzhin du bsags par mi 'gyur te/ ji ltar rtag tu bsgrubs pa bzhin no/ /gal te 'di rnams bden pa ma yin pa nyid khas blangs na 'di thams cad legs par smras pa ma yin nam zhe na/rnam rnams mi bden nyid yin na/ /ha cang thal 'gyur ba/ gal te nyams su myong na 'di dag kyang mi bden pa nyid yin te/ rtogs pa'i ngo bo yang der thal bar 'gyur te/ mtshan nyid dang ldan pa la gnod srid na/thams cad yid brtan du mi rung ba'i phyir ro/ /ma 'brel ba'i phyir/ ji lta bur na snang 'gyur/ gzhan yang brdzun pa rnams dang shes par ma 'brel ba'i phyir snang ba nges pa dang ldan par mi 'gyur ro/ /gal te don bdag 'di 'dod na/ /de la ngas ci bya snyam na//rtogs pa'i rang gi ngo bo yang / /smra ba la ni su zhig 'gog /ces bya ba ni bar skabs kyi tshigs su bcad pa dag go/ /de lta min na bden pa nyid/ /nges par snang ba'i dbang gis 'brel par khas len na ni bden pa kho nar 'gyur te/ gzhan du na de'i bdag nyid dang de las byung ba mi srid pa'i phyir ro//gzugs ni 'brel zhes mi 'thad na/ /de lta yin na rnam pa bden par khas blang ba'i phyir shes pa gzung ba dang / 'dzin pa dang bral mi 'thad do/ /gnod par byed pa med pa'i phyir/ /gnyis shes ma 'khrul shes byar gnas/ / gnod pa byed pa'i rgyu yin pas/ /gnyis med shes pa 'khrul pa nyid/ /ces bya ba ni bar skabs kyi tshigs su bcad pa dag go/ /'on te bden na go/ /de ni ji ltar shes pa yin/ 'on te gnyis las nges par grol ba yin na/ de ni ji ltar na shes pa yin/ 'on te rig pa'i phyir ro zhe na/de lta ma yin te/ gnyis su med pa mi rung ba'i phyir ro/ /gal te brtags na yang dag min/ /rig bya dang rig pa po'i dngos por brtag pa ni/ de kho na nyid ma yin par 'gyur ro/ /rig bya med phyir gzhan mi rig /gnyis su med phyir bdag nyid min/ / brtags na yang dag nyid mi 'gyur/ /rnam pa gzhan gang yin pa smros/ /gal te gnas skabs de bstan par/ /bya min zhe na rkang brkyang ste/ /grags pas dad pa bskyed pa yi/ /dad ldan rnams la mdzes pa yin/ /zhes bya ba ni bar skabs kyi tshigs su bcad pa yin no/ /sems ni de ltar med pa'i phyir//sems las byung ba rnams kyang bsal/ /de ltar na grub pa dang bde ba gcig pa'i phyir/ sems med na sems las byung ba rnams kyang med par khong du chud par sla ba nyid do/ /yang dag par na dngos med par/ /skad cig pa nyid ci la brten/ /de ltar dngos po rnams yang dag par med pa yin na/skad cig la 'jig pa nyid gnas pa med pa kho na'o/ /dngos yod na ni der bstan pa'i/ /chos de dag gi de bsam gyi/ /mo gsham bu la gtong ba yi/ /ngang tshul can du 'gas mi rtogs/ /rim dang rim min 'gal ba'i phyir/ /rtag pa don byed rung ma yin/ / dus dang phyogs dang bdag dang nam mkha' la sogs pa g.yung drung gang dag yin pa de dag ni don byed pa mi rung ba'i phyir med pa nyid 'thob par sla ba kho na'o/ /'di dag ni rim gyis byed pa ma yin te/ de'i nus pa dang ma bral ba'i phyir ro/ /gal te tshogs pa skyed par byed pa yin no zhe na/ ma yin te/tshogs pa dang cig shos kyi gnas skabs gnyis khyad par med pa'i phyir ro/ /khyad par yod na ni gzhan bskyed pa'i phyir mi brtan pa yin no/ /cig car yang ma yin te/ don bya ba byas zin kyang rang gi ngo bo ma nyams pa'i phyir/ yang byed pa thal bar 'gyur ba'i phyir ro/ /mi byed na ni de'i rang bzhin ma yin pas re zhig gzhag go//de yi mthu dang ma bral phyir/ /'di dag rim gyis don mi byed/ /tshogs rnams skyed par byed pa bzhin/ /khyad par med phyir mi 'thad do/ /khyad par yod na gzhan nyid 'gyur/ /bstan pa nyid ni nyams par 'gyur/ /'di dag rim min byed yin na//de yi ngo bo yin phyir te/ /yang byed 'gyur ro 'on te de/ /sngon byas zin pas mi byed na/ /byed yin mi byed yang yin zhes/ /bya ba'i tshig de kye re 'brel/ /zhes bya ba ni bar skabs kyi tshigs su bcad pa dag go/ /tha dad yul rnams dang 'brel phyir/ /gcig pu'i khyab pa ji lta bu//mang po dang gcig pu dang ldan na yul gcig pa nyid du 'gyur ro/ /yul tha dad na ni 'di yang gcig nyid yin pas gcig pus khyab pa nyid ga la yod/ /sna tshogs 'di dag cig shos gtong / /gcig dang du ma nyid spangs shing / /khyab pa ma yin ma khyab pa'ang //ma yin zhes ni bya bar gnas/ /ma brtags gcig pu nyams dga' ste/ /de 'dra las byung de bzhin no/ /dngos po de dag de lta bu'i/ /don bya de dang de byed do/ /de lta bas na phyi rol dang nang na snang ba'i dngos po brtag pa'i spungs mi bzod pa rang dang mthun pa'i rgyus bskyed pa 'di dag ni gang las tha snyad 'dir 'gyur ba don bya ba ma brtags na nyams dga' ba nyid de dang der nye bar byed do//dam pa'i don du gcig pa dang / /du ma la sogs dngos dang bral/ /rnam par rtog pa ma byas na/ /nyams dga' ba yi ngo bor snang / /phyi nang gnas pa'i dngos po rnams//'jig rten spyod pa 'di byed gang / /de ni ji ltar de dag rnams/ /mo gsham bu dang mtshungs pa nyid/ /gal te med na ji lta bu/ /snang ba 'gyur snyam sems na ni/ /gal te snang ba 'di 'dod na/ /de la kho bos ci byar yod/ /yang dag lta bas phra rab kyi/ /ngo bo yang ni mi shes so//de phyir rang bzhin med smra yi/ /snang ba bsal phyir ma yin no/ /zhes bya ba ni bar skabs kyi tshigs su bcad pa dag yin no/ /rgyu dang 'bras bu kun rdzob pa'i/ /dngos po rnam par gnas pa'i phyir/ /'jig rten pha rol rnam gzhag sogs/ /smos shig su zhig 'gog par byed//de ltar na rten cing 'brel bar 'byung ba'i 'khor lo skye ba dang 'jig pa med pa snang ba'i phreng ba la sems phyin ci log pa can rnams kyi tshe rabs gzhan du nying mtshams sbyor ba la sogs pa'i sgrub pa 'bad mi dgos pa kho na'o/ /dngos por zhen pa'i dbang gis skye/ /de yod na ni rga la sogs/ / las dang de yi 'bras 'brel pa/ /kun rdzob pa ni ma bkag go/ /de phyir sdig la dga' bral bya/ /dge ba'i chos la 'bad par bya/ /snang ba'i phreng ba 'di gnas te/ /rang dang mthun pa'i 'bras rab skye/ /zhes bya ba ni bsdu ba'i tshigs su bcad pa dag go/ /'ga' zhig sgom pa goms pa yi/ /mthu yis chos kun ngo bo nyid//med pa yi ni bdag nyid du/ /'gyur te dngos po mthong ba bzhin/ /gang zhig ji ltar goms par byed pa de ni sgom pa 'phel ba khyad par 'gyur ba'i phyir/ de'i bdag nyid du 'gyur te/ dper na dngos po la mngon par zhen pa lta bu'o/ /'ga' zhig kyang chos thams cad rang bzhin med pa nyid go bar byed do zhes bya ba 'dis ni thams cad rig pa srid pa zhes 'chad de/'di ltar dngos por 'dzin pa dang / /cig shos kyang 'gal la/ 'gal ba gnyis kyang gang yang rung ba zhig 'phel na cig shos 'grib ste/ de'i phyir na 'gal ba dang ma nges pa dag ma yin no//snang ba'i rang gi ngo bo nyid/ /mngon du rig pas thams cad rig /bden par 'dzin pa log na ni/ /dngos po ma skyes ston pa yin/ /ma brtags nyams dga' nyid gnas na/ /gang la gang gis sems can don/ /ji ltar ji lta bu zhes bya/ /brgal ba 'di ni ji zhig yin//rang dgas 'jug pa bskyed pa yis/ /snang ba rnams ni ga la zad/ /des na sems can don bya stsogs/ /'di kun legs par gnas pa yin/ /zhes bya ba ni bar skabs kyi tshigs su bcad pa dag go/ /bden pa 'dzin pa'i dbang gis skyon/ /chags dang zhe sdang la sogs pa//dgra rnams rab 'byung de ldog na/ /de rnams 'byung bar ga la 'gyur/ /nyes pa thams cad 'byung ba ni/ /yang dag par mngon par zhen pa sngon du 'gro ba yin pa'i phyir de dag rab tu zhi na yang / 'dod chags la sogs pa skye bar ga la 'gyur/ / bdag dang bdag gir 'dzin pas chags/ /der gnod pa la zhe sdang ngo / /de las nyes tshogs skye de las/ /skye bo kun nas nyon mongs bsten/ /'khrul pa tsam du rtogs pa'i phyir/ /ma 'khrul rims nad med pa'i thabs/ /thob par gyur nas ci yi phyir/ /nyon mongs glo bur nyam ngar lhung //zhes bya ba ni bsdus pa'i tshigs su bcad pa dag go/ /sems can gyi ni don mdzad thabs/ /rnam rtog ye shes mnga' ba na/ /de yi kun mkhyen rtsom pa ni/ /de don yin phyir nyes pa med/ /de ni byang grol la sogs pa lung 'bogs pa'i rgyu rnam par rtog pa'i ye shes mnga' ba ni/nyes pa la brten par 'os pa ma yin te/ de'i bdag nyid kyi ngo bo ni sems can la phan gdags pa'i ched yin pa'i phyir ro/ /dngos po yod na kun mkhyen la/ /don ni gsal bar snang bar 'gyur/ /nor pa tsam la gzhi med phyir//gsal dang mi gsal su zhig sems/ /rnam rtog rjes su 'brel pa la/ /don snang gsal ba ma yin zhes/ /bya ba phyi rol lta bas gsungs/ /gang yin de 'dir skabs med do/ /de bas don kun stong pa nyid/ /thub pas kun rdzob brjod pa na/ /rtog bzhin du yang sems can don//mdzad dang ldan na ci zhig nyes/ /zhes bya ba ni bar skabs kyi tshigs su bcad pa dag go/ /phung po la sogs bstan pa kun/ /'dul bar bya ba dag gi ngor/ /dgos pa'i dbang gis gsungs pa ste/ /dper na bdag ces brjod pa bzhin/ /gdul ba'i skye bo'i ngor phung po la sogs pa bstan te/bdag zhal gyis bzhes pa yin no/ /gdul ba'i rjes su thub pa yi/ /gang zag zhal bzhes ci 'dra ba/ /de 'dra skyob pas phung po dang / /skye mched khams rnams rab tu bshad/ /de bzhin rnam rig bstan pa yang / /dngos 'dzin thog ma yod min pa//yun ring gnas pa spang dka' ba/ /rim gyis drang phyir mdzad pa yin/ /chos rnams dag ni thams cad kyi/ /rang bzhin med nyid bstan gang yin/ /de ni chos kyi gces pa yin/ /de ni dbang phyug seng ge'i sgra/ /zhes bya ba ni bar skabs kyi tshigs su bcad pa dag go//slu ba mthong phyir ma brtags na/ /nyams dga' ba yi tshad ma yid/ /de yi gzhal bya rnam gzhag na/ /'jig rten spyod pa skyob par 'gyur/ /mngon par 'dod pa'i snang bas rtogs par bya ba'i tshad mas gzhal bya rnam par gzhag na/ tha snyad 'jal bas 'di la cis kyang mi 'brel lo//lung gis bskyed pas 'dus byas pa'i/ /rtogs pas bskyed pa'i bdag nyid nyid/ /rnam par bsal nas snang rnams la/ /ngo bo spyod par byed pa yin/ /gzhan du gzhi rab ma grub phyir/ /'di ni gtan tshigs ma grub 'gyur/ /dmigs pa pa rnams 'gal ba yi/ /yon tan grub par byed pa yin//zhes bya ba ni bar skabs kyi tshigs su bcad pa dag go/ /thams cad bsdus phyir gnod pa yi/ /rkyen la brten pa'i khyab pa grub/ /de yi phyir na gtan tshigs la/ /'gal ba dang ni 'khrul pa med/ /rnam pa gzhan med pa yi phyir/ /gtan tshigs dngos la khyab byed pa//rang bzhin med pa nyid yin pas/ /'gal ba dang ma nges pa nyid du thal bar ga la 'gyur/ ma grub pa nyid ni rtag tu gsal ba kho na'o/ /de nyid phyir ni gzugs brnyan las/ /sogs pa'i dpe ni ma grub po/ /rtsa ba'i gtan tshigs 'di nyid kyis gzugs brnyan la sogs pa rang bzhin med pa nyid kyang grub pa yin no//'di ni byis pas go bya'i phyir/ /sngon gyi slob dpon rnams kyis bshad/ /'di ni 'brel pa brjed pa dran pa nye bar bskyed pa'i phyir slob dpon klu sgrub la sogs pas bkod do/ /de lta ma yin na cir yang mi dgos pa'i phyir te/dpe la gtan tshigs dngos po dang / /de dngos de mi shes la bstan/ /mkhas pa la ni gtan tshigs nyid/ /'ba' zhig brjod par bya ba yin/ /zhes gang bshad pa yin no/ /gnod pa'i rkyen phyir bsgrub bya yi/ /mi mthun phyogs las gtan tshigs ldog /de yi 'khrul pa nyid dang ni/ /'gal ba nyid dag gnas med do/ /yang dag gtan tshigs 'di yis ni/ /gnyi ga la brten dpe yang grub/ /dran smos mnyam par gzhag pa'i rgyur/ /snga ma rnams kyis bshad pa yin/ /zhes bya ba ni bsdus pa'i tshigs su bcad pa dag go//gal te dngos su na bsgrub par bya ba las tha mi dad pa'i phyir gtan tshigs dam bcas pa'i phyogs gcig nyid yin no zhe na/ ma yin te/ rang bzhin med pa'i tha snyad du/ /rung ba nyid du sgrub par byed/ /gcig dang du ma'i rang bzhin nyid/ /bral bas rang bzhin med pa nyid//dngos por mngon par zhen pa la chos thams cad bdag med pa'i tha snyad du rung ba nyid du sgrub kyi chos thams cad bdag med pa kho na ni ma yin te/ gtan tshigs grub pa nyid kyis de grub pa'i phyir ro/ /de ltar chos kun gzod ma nas/ /ma skyes zhes ni bya bar gnas//nang dang phyi rol 'di dag ni/ /'khrul pa tsam zhig rab tu snang / /de bas na dngos po thams cad gzod ma nas ma skyes pa dang / nang dang phyi rol gyi snang ba gang yin pa 'di dag thams cad ni 'khrul pa kho na'o zhes bya ba 'di gnas pa yin no/ /sna tshogs 'di ni 'khrul tsam na//ma 'khrul ci zhig yin pa smros/ /'khrul pa tsam zhig yod shes pa/ /ma 'khrul yin par nges par bzung / /sgro 'dogs pa dang skur pa'am/ /mtha' gnyis kyi ni rnam spangs pa/ /'di ni dbu ma'i lam yin par/ /seng ge'i nga ros bstan pa yin//'gro ba sdug bsngal bskyab phyir thugs rjes gzhan gyi dbang gis sems can phan gdags la/ /phyogs pa'i bde gshegs rnams kyis tshad ma dang ldan shes rab de nyid 'di bstan pa/ /gang yin de la srid pa'i rgya mtsho nyon mongs chu bo stong 'khrug mthar bgrod par//mngon sum dag tu bya phyir deng sang mkhas rnams sems mnyam gzhag par gyis/ /yang dag rtog la brtson pa yi/ /blo ldan skye bos gang brtsams pa'i/ /bstan bcos zab mo'i gzhung 'di la/ /don bzhin ma nor rtogs dka' yang / / mkhas pa rnams kyi rjes snyegs dang / /bdag pas dman zhing rmongs rnams la/ /phan 'dogs snyam pa'i rnam rtog gis/ /de nyid brjed byang 'di brtsams so/ /bdag gi nus pa la ltos nas/ /dad byas gus pas brtsams pas na/ /gzhung dang mi mthun 'gal smras rnams/