CLOSE WINDOW

D3890
བོད་ཡིག

@##/ /rgya gar skad du/ kA ya tra ya a ba tA ra mu khan+nA ma shAs+t+ra/ bod skad du/ sku gsum la 'jug pa'i sgo zhes bya ba'i bstan bcos/ 'jam dpal gzhon nur gyur pa la phyag 'tshal lo/ /sprul dang longs spyod rdzogs pa dang / /de bzhin gzhan ni chos sku ste/ /gsum po 'di dag thub pa'i sku/ /de yis de yi byang chub bsdus/ / sbyor ba'i sa la brten rnams dang / /gzhan dag la yang ci rigs par/ /sangs rgyas dbang gis sems can snang / /rnam rig 'byung ba dang por 'dod/ /yang dag mthong ba'i blo can rnams//de bzhin bsam pa'i bye brag gis/ /sangs rgyas snang ba ci rigs par/ /rnam rig 'byung ba gzhan du 'dod/ /sgrib pa thams cad zad pa'i phyir/ /dkar po'i chos kun rab rdzogs pas//de bzhin nyid tsam yod pa dang / /de shes pa ni gzhan du 'dod/ /dang po gnyis ni btags pa'i yod/ /gsum pa don dam pa yang yin/ /de dag las kyang gsum pa ni//gnyis pa'i gnas su gyur par 'dod/ /dri med de bzhin nyid dang ni/ /mi rtog ye shes ma gtogs par/ /sangs rgyas rnams kyi chos gzhan ni/ /gang yang yod pa ma yin no//de bzhin gshegs rnams ye shes dang / /spangs pa phun sum tshogs pas phye/ /rtog med ye shes de bzhin nyid/ /dag pas de gnyis bsdus pa yin/ /bde gshegs rnams ni rang gzhan don//phun tshogs pha rol gshegs par 'dod/ /de dag rnams kyi de'i dngos de'ang / /de nyid du ni bsdus pa yin/ /de yi dbang gis gzhan dag tu/ /bya ba sna tshogs snang bas na/ /sangs rgyas chos rnams du ma dag /rnam par gzhag par 'dod pa yin/ /rnam par rtog pa kun nyon mongs/ /chos kun ji ltar gdags pa ltar/ /de bzhin rnam par mi rtog la/ /sangs rgyas chos kun rnam par gzhag /gang phyir rdzogs pa'i sangs rgyas chos/ /de las gzhan yod ma yin rnams/ /de yi dbang gis bya ba yis/ /thub pa che la rab tu gdags/ /de phyir kho na de bzhag pa/ /bye brag rnam pa sna tshogs bstan//nam mkhar sna tshogs 'jog pa bzhin/ /rab tu ngo mtshar che zhes bya/ /tha snyad gdags bya yod na ni/ /phan tshun dag gi dbang gis na/ /da ltar ji ltar mi rnams kyi/ /tha snyad rnams 'jug bzhin de tshe/ /dbang du bya bar de dag gi/ /bye brag 'di nyid 'ba' zhig ste//gcig ni rnam rtog bcas par 'dod/ /de bzhin cig shos rnam rtog med/ /ji ltar mya ngan 'das pa yi/ /sangs rgyas rnams kyi byin rlabs 'dod/ /de ltar rnam rtog med rnams kyi/ /dbang gi bya ba rnams kyang 'dod/ /de ltar rnam rtog med mod kyi//sngar [(]mngan [,]mngon [)]'dus byas dbang gis na/ /ji ltar 'gog las ldang 'gyur ba/ /de yang de bzhin 'gyur ba yin/ /dper na nyi ma la sogs pa/ /rnam rtog med pa rnams dbang gis/ /chu dang bcas pa'i snod rnams su/ /gzugs brnyan 'byung bar 'jig rten snang / / de bzhin mi rtog bdag nyid kyi/ /sangs rgyas rnams kyi dbang gis na/ /skal ldan rnams la sku gnyis kyi/ /gzugs brnyan rtag tu 'byung bar 'gyur/ /chu dang snod kyi bye brag gis/ /nam mkha' yi ni gzugs brnyan yang / /tha dad par ni snang mod kyi/ /nam mkha' la ni tha dad med//de bzhin gzugs brnyan tha dad pa/ /'dul ba'i bsam pa'i bye brag gis/ /chos kyi sku las snang mod kyi/ /de ni tha dad 'gyur ba med/ /gal te mi rtog de lta min/ /sangs rgyas gzhan don mdzad mi 'gyur/ /de lta na ni kun mkhyen nyid/ /ma grub pas na gzhan don nyams//ston pa kun mkhyen nyid du ni/ /cig car ram rim gyis brtag grang na/ /don smra rnams la rigs pas ni/ /gnyi ga ltar yang de mi 'grub/ /yod med yul la shes pa ni/ /cig car 'jug par mi nus so/ /ji ltar gcig pu'i mtshan nyid de/ /sna tshogs don la dmigs par 'dod//de lta min na dus gcig na/ /gdul ba mang po rnams kyi don/ /nyams su len gyur ston pa yi/ /kun mkhyen nyid ni btags yin 'gyur/ /dus gsum shes bya tha dad kun/ /gang phyir gnyis med mtshan nyid du/ /de mkhyen bcom ldan de yi phyir//cig car thams cad mkhyen par 'dod/ /log pa gnyis su lta ba yi/ /byis pa rnams ni rtog med 'dod/ /gnyis med yang dag yod gzigs pa/ /stobs bcu rnams ni rnam rtog bcas/ /yang dag ma yin kun rtog gi/ / bya ba gang tshe snang 'gyur na/ /don bzhin yongs su rtog pa yi/ /de ni ci'i phyir 'byung mi 'gyur/ /tha snyad gdags pa bya ba'i rgyu/ /rnam par rtog pa 'jug pa yi/ /rten ni rtsa ba'i sems yin te/ /rtsa ba'i yan lag der 'dod ltar/ /du ma'i mthu ldan mi rtog pa'i/ /ye shes 'jug pa'i gnas yin pas//de yi dbang gis de bzhin nyid/ /dag pa rtsa ba'i rgyur 'dod do/ /rnam pa du mar 'jug pas na/ /rnam rtog kun du song ba'i phyir/ /de rnams 'jig pas ye shes ni/ /de lta bu yi 'byor dang ldan/ /phung por bcas pa'i mya ngan 'das/ /thub sku gnyis la bzhag pa yin//phung po kun dang bral ba'i phyir/ /chos kyi sku la phung po med/ /mi gnas mya ngan 'das pa yi/ /khyad par brnyes pa skyob rnams kyi/ /sku gsum 'di dag nyid kyis ni/ /bsdus pa yin par rig par bya/ /sku gnyis kyis ni sangs rgyas rnams/ / mya ngan 'da' la bzhugs mi 'dod/ /chos kyi sku yis de dag rnams/ /'khor ba la yang bzhugs mi 'dod/ /sku gsum po ni de dag kyang / /yod min med pa'ang ma yin la/ /de dag phan tshun gcig pa'am/ /tha dad min par 'dod pa yin/ /chos sku brnyes par gyur pa yi//sangs rgyas rnams ni kun rtog kun/ /rnam pa kun tu chad pa'i phyir/ /mchog tu bde ba yin zhes brjod/ /log yin de ltar snang phyir dang / /longs spyod rdzogs pa gnyis mdzad dang / /sangs rgyas chos kyi rten yin phyir/ /de dag la ni go rims mtshan/ /ngo bo nyid ni rnam gsum mo//yongs su shes dang spangs dag pas/ /sku gsum po dag 'thob 'gyur te/ /de phyir de dag de yis bsdus/ /rtsa ba'i sems ni gyur pas na/ /chos sku thob par 'dod pa yin/ /'jug pa'i rnam shes gyur pa las/ /longs spyod rdzogs pa thob par 'gyur//gang phyir kun nas nyon mongs kun/ /'grub nus rten gyi bdag nyid can/ /rtsa ba'i sems yin de yi phyir/ /dag pas de yi chos sku 'thob/ /gang phyir 'jug pa'i rnam par shes/ /tha snyad gdags pa rnam pa kun/ /'jug pa'i rgyu yin de phyir te/ /dag pas longs spyod rdzogs pa 'thob//ji ltar gzhan dbang zad pa ltar/ /brtags la zad pa yod ma yin/ /de bas rang gi mtshan nyid ni/ /de dang tha dad nyid du bzhag /de bzhin longs spyod rdzogs las kyang / /sprul pa tha dad gzhag pa yin/ /de rgyur na ni longs spyod rdzogs/ / thob par gyur te cig shos min/ /sangs rgyas kun gyi mtshungs nyid de/ /dang po la ni las kyis 'dod/ /gnyis pa la ni bsam pas te/ /gsum pa la ni rten gyis te/ /gang phyir longs spyod rdzogs pa la/ /phan dang bde mdzad mthar phyin pa/ /de phyir de ni phan pa dang / / bde ba'i bsam pas rab tu phye/ /sprul pa du mar shes bya ste/ /rnam pa du mar 'jug phyir ro/ /rnam pa gcig pur zhugs pa'i phyir/ /longs spyod rdzogs pa gcig pur 'dod/ /de la sprul sku gzhan gyi don/ /phun sum tshogs pas rab tu phye/ /de la gzhan don bya ba yi/ / phun sum 'ba' zhig snang phyir ro/ /longs spyod rdzogs sku rang gi don/ /phun sum tshogs pas phye rig bya/ /de la rnam kun rang gi don/ /phun sum 'ba' zhig snang phyir ro/ /don de rnam gnyis grub pa yis/ /chos kyi sku ni rab tu phye/ /gang phyir de dag snang byed pa'i/ /mthu ni de la yod phyir ro//gzhan dbang zad pas der brten pa'i/ /brtags pa snang bar mi 'gyur ro/ /gang phyir grub pa rtogs pa'i phyir/ /gzhan gyi dbang ni zad par 'gyur/ /sku rnam gnyis ni chos sku la/ /brten pa yin yang de yi phyir/ /gnyis kyi don gnyis phun tshogs pa/ / rnam pa kun du gnas shes bya/ /'jug sems kun nas nyon mongs pa/ /ji ltar kun gzhi sems las ni/ /gnyis su snang bar 'byung 'gyur ba/ /de rnams dag pas sku 'thob po/ /de bzhin longs spyod rdzogs pa yang / /chos kyi sku dang 'brel bar 'dod/ /sprul pa'ang longs spyod rdzogs pa dang //rab tu 'brel bar brjod pa yin/ /sprul gnas gyur phyir de bzhin du/ /rnam gcig dngos phyir tshogs la sogs/ /tha dad phyir ni khams kun du/ /longs spyod rdzogs gnas cig shos min/ /de nyid phyir ni chos sku dang //longs spyod rdzogs pa 'brel par 'dod/ /yang na dbang gi 'bras bu yi/ /rnam pa kun dang ldan phyir ro/ /de lta de ltar de dang der/ /rgyun gyi 'jug pa yin pas na/ /sprul pa de ni rtag pa ste/ /rtag par zas sbyin 'dra bar 'dod/ /chos la longs spyod rdzogs 'jug pa//'khor ba srid du mi 'chad pas/ /longs spyod rdzogs pa rtag pa ste/ /rtag tu bde spyod bzhin du 'dod/ /'dus ma byas pa yin phyir dang / /gzhan 'gyur med phyir rnam kun du/ /chos sku rang bzhin nyid kyis rtag /nam mkha' bzhin du 'dod pa yin//sprul yod longs spyod rdzogs pa med/ /longs spyod rdzogs yod cig shos med/ /longs spyod rdzogs dang cig shos yod/ /longs spyod rdzogs med cig shos med/ /de la mos pas brten rnams dang / /mtshan ma med pa'i sa rnams dang / /mtshan ma bcas pa gzhan rnams dang //sangs rgyas nyid dang go rims bzhin/ /dam pa rnams kyi sems rgyu ba/ /ma grub pa la dbang 'dod kyi/ /de bzhin don shes sems rgyu ba/ /grub la de yod ga la 'gyur/ /des bshad stobs kyis de dag gi/ /ye shes de ltar 'jug pa'i phyir/ / gnas ngan len spangs de yi tshe/ /longs spyod rdzogs pa rnam par gzhag /sangs rgyas sa la nag po dang / /dkar po'i chos rnams thams cad ni/ /dngos po kun gyis ldog pa dang / /yongs su gyur par 'gyur ba dang / /dam pa dang ni dam chos min/ /bsten dang spangs pas gang gi phyir//de bzhin nyid dag rab phye bas/ /sangs rgyas dam pa thob par 'gyur/ /thub pa'i longs spyod rdzogs pa'i sku/ /rang don phun sum tshogs phye la/ /de dag gi ni 'bras bu dag /rnam pa kun du snang mi snang / /de phyir mtshungs pa spangs pa yin//de dag brtags pa'i rang bzhin pas/ /de dag ldog dang gyur pa ni/ /thub la rnam par 'jog par byed/ /rnam par mi rtog ye shes kyis/ /ngo bo nyid gsum yongs shes dang / /spong dang mngon du mdzad de'i phyir/ /de yi 'bras bu sku thob bo/ / rnam par mi rtog ye shes las/ /ye shes dam pa gzhan med do/ /shes bya chos kyi dbyings las kyang / /shes bya dam pa gzhan med do/ /shes bya ye shes bye brag gis/ /gnyis ni gnyis su med gyur pa/ /rnam rtog rnam par mi rtog pa/ /de lta bu ni gnas gyur yin//dri med ye shes rnam mi rtog /blta bar bya ste rnam rtog bzhin/ /de bzhin nyid kyi bdag nyid ni/ /gnyis med chos lta gnyis bzhin no/ /ji ltar chos dbyings gnyis med pas/ /rab tu phye bar 'dod pa ltar/ /de bzhin mi rtog ye shes kyang / / gnyis mi gzigs pas rab tu phye/ /'dus ma byas phyir gnyis med phyir/ /gnyis po med pa yod pa'i phyir/ /snga na med par stsogs pa stong / /gnyis med pa ni gzhan du 'dod/ /rnam par mi rtog ye shes kyi/ /gsal dang mi gsal gang yin pa/ /de ni gsal lam mi gsal ba'i//sems rnams kun la yod ma yin/ /gnyis po med pa'i don rtogs pa/ /de ni gsal zhes brjod pa yin/ /gnyis kyi don ni rtogs 'gyur ba/ /gsal ba ma yin shes par bya/ /de bzhin rgod dang bying ba dag /nye bar zhi bas gsal mi gsal/ / de tshe blo ldan de mkhyen te/ /mnyam du 'jug par shes par bya/ /dper na gnyis dang rnam par rtog /tha dad dbye bar mi nus ltar/ /de bzhin nyid dang ye shes kyang / /phan tshun tha dad med par gnas/ /dgra bcom rnams ni shes ldog pa/ /gnyis rtog spangs pa min phyir ro//sangs rgyas rnams kyi de 'jug pa/ /gtan nas bzlog par 'dod pa yin/ /dper na mda' ni 'phangs pa yang / /sngar bkang dbang gis 'gro ba ste/ /de bzhin mi rtog ye shes kyang / /sngon gyi shugs kyis 'jug pa yin/ /rtag la dmigs pa 'jug phyir dang //'gyur ba med dang ldan pa'i phyir/ /rnam par mi rtog rtag pa nyid/ /'dus byas yin pas mi rtag nyid/ /'byor pa'i rnam kun thob bya'i phyir/ /sbyin la sogs pa rnam 'jig pas/ /gzings 'drar brjod pa mdo sde'i don//dgongs pa sangs rgyas rnams la brjod/ /gnas po gzhan du gyur pa ni/ /de yi gnas su 'dod pa yin/ /nyes pa gnyis su 'gyur bas na/ /sems ni de yi gnas ma yin/ /'gro ba'i bgegs byed ma yin pas/ /skabs ni rab tu 'byed pas na/ /nam mkha' gzugs su snang kun gyi//gnas su 'di ni 'dod pa ltar/ /de bzhin gnas ni gyur pa na/ /de ni rab tu 'jug pa yin/ /skyon dang bcas pa'i gnas med la/ /des na de ni de yi gnas/ /ye shes dang ni gnas gyur pa/ /de gnyis de tshe phan tshun du/ /gnas kyi dngos por 'dod pa ste//rtsa ba'i sems las rnam rtog bzhin/ /rtsa ba'i sems la brten nas su/ /rnam par rtog pa 'byung ba ltar/ /de bzhin byung tshe de yang ni/ /de brtas byed par 'dod pa yin/ /de bzhin gnas por gyur pa la/ /brten nas dam pa rnam dag gi/ /rnam par mi rtog ye shes 'byung //de yang de 'grub byed pa yin/ /gzhi dang gnas dang dmigs pa dang / /'bras bu dang ni rten che bas/ /de nyid dam pa'i don du na/ /theg pa chen po zhes brjod do/ /dmigs par bya dang dmigs byed pa/ /mtshungs mnyam shes rab rgyu ba la//ting 'dzin ye shes tha dad med/ /gnas dang brten pa'i dngos por min/ /rnam rtog med la dmigs bya dang / /dmigs par byed pa mtshungs mnyam 'dod/ /gzung dang 'dzin pa med nyid du/ /gzung dang 'dzin pa'i dngos por yin/ /gnyis su rtog pa'i skabs kyis na//sems dang sems byung rnam par gzhag /de mi 'jug na brtan rnams la/ /de tshe de bzhag gang nas 'byung / /dngos po'i ngo bo nyid snang ba'i/ /rnam par rtog la sems zhes bya/ /de yi bye brag gang snang ba/ /de la sems las byung zhes rtog /dper na ngo bo nyid bstan nas//bye brag rnams ni bzhag pa ltar/ /de bzhin sems la brten nas su/ /sems las byung rnams rnam par 'jog /gang tshe 'di na dngos po yi/ /ngo bo nyid ni ci yang med/ /de tshe gang gi bye brag gis/ /yod par 'gyur ba ga la yod/ /'di dag thams cad 'khrul tsam ste//'di la sems med sems byung med/ /rnam rtog rnam pa tha dad pas/ /de dag tha dad brjod pa yin/ /de bas rnam rtog mi 'jug na/ /tha dad don min spyod yul gcig /ye shes 'ba' zhig 'khrul med pa'i/ /mtshan nyid du ni gzhag pa yin//gnyis med pa yi don dmigs pas/ /ye shes gnyis don mi dmigs par/ /shes rab rnam par rtog pa can/ /de nyid ting nge 'dzin zhes brjod/ /de ltar dran sogs chos gzhan yang / /rang gi mi mthun phyogs mi 'jug /de yi tshe na 'dogs byed kyi/ / mtshan nyid tha dad so so min/ /mi rtog ye shes gcig pu nyid/ /ting nge 'dzin du mchog rnams bzhed/ /de min ting 'dzin gang yin rnams/ /yang dag min gnas rnam par g.yeng / /gang du sems ni mnyam 'jog pa/ /yul der blo gros 'jug byed pa/ / bden par ting 'dzin gzhan min te/ /mi mnyam 'jog pa yin phyir ro/ /ye shes mi rtog mtshan nyid do/ /ting 'dzin chen po gcig pu la/ /ting nge 'dzin yod thams cad ni/ /khongs su chud par bstan pa yin/ /yid bzhin nor bu gcig pus kyang / /bsam pa sna tshogs skong byed ltar//de bzhin mi rtog ting 'dzin gcig /sems can don ni sna tshogs byed/ /de dag las mang tha dad pas/ /de phyir ye shes dngos gcig la/ /ting nge 'dzin gyi bye brag gis/ /mang po dag kyang 'dogs par byed/ /dbu ma'i lam las byung ba yi//ye shes rnam par mi rtog de/ /rtag dang chad par lta rnams kyi/ /thob par nus pa ma yin no/ /dbu ma'i lam zhes bya ba yang / /rnam rig tsam nyid ma gtogs par/ /rigs pas brtags na 'dir gzhan ni/ /rnam pa kun du mi 'thad do/ /rdzogs pa'i byang chub 'dod rnams kyis//mi rtog ye shes bskyed pa'i phyir/ /de bas rnam par rig tsam du/ /sgom la rtag tu sbyar bar bya/ /rnam rtog mi rtog bdag nyid dang / /gnyis kyang gnyis med bdag nyid de/ /'di dag thams cad rmi lam bzhin//'di la brtag bya med rtog med/ /dngos po gang yang bsnan med cing / /bsal pa med pas de yi phyir/ /chos kyi rang gi ngo bo nyid/ /de bzhin nyid tsam mthong bas grol/ /gser 'dod pas ni gser yod pa'i/ /sa la legs par sbyang ba yi/ / rnam pa rab tu brtson byas na/ /gser ni rnyed par 'gyur ba ltar/ /de bzhin stong pa nyid 'dod pas/ /stong pa'i bdag nyid chos rnams la/ /legs par rnam 'jig rnam par brtson/ /stong pa nyid la reg par 'gyur/ /rnam par 'jig par de dang des/ /'dod pa rnam par bshig byas na//'dod las 'dod chags bral 'thob kyi/ /'dod pa mi sten phyir min ltar/ /de bzhin rnam par mi rtog pa'i/ /ye shes bskyed phyir gnyis rtog pa/ /rnam par 'jig pa rgyur 'dod de/ /rnam rtog yid mi byed pas min/ /rtag tu dmigs pa gang la yang / / sems ni gdags par mi bya'o/ /kun la mngon zhen rnam kun du/ /spang bar bya ba 'ba' zhig go/ /kun la mngon par zhen gyur pa/ /rnam pa kun tu yongs spangs pa/ /rang gi ngang gis mi rtog ste/ /gnyis med mtshan nyid de la spyod/ /'phags pa ji lta ji lta bur/ /gnyis bshig gnyis po med la spyod//de lta de ltar de'i sgrib pa/ /rnam pa thams cad rab tu spong / /ji lta ji ltar de'i sgrib pa/ /rnam pa thams cad rab spangs pa/ /de lta de ltar de bzhin nyid/ /rnam par mi rtog ye shes dag /de lta de ltar khyab bdag gi/ /rnam pa thams cad yongs su 'dzin//sgrib pa thams cad spangs pas na/ /rnam pa kun du khyab bdag brnyes/ /rnam pa thams cad kun dag pa'i/ /de bzhin nyid mkhyen mtshan nyid ni/ /sangs rgyas yin te sku gnyis kyis/ /khyab bdag lhun grub de yi phyir/ /sems can don gyi rnam kun la/ / gtan du rjes su nan tan mdzad/ /sangs rgyas rnams kyi sku gzhag pa/ /gzhan dag gang du gang mdzad pa/ /ji snyed yod pa de dag kun/ /sku gsum dag tu 'dus pa yin/ /ngo bo nyid gsum rtogs pa yis/ /sku gsum brnyes pa nyid yin te/ /mdor na thams cad mkhyen nyid ni//rgyu dang 'bras bur bsdus pa yin/ /rtogs par bya dang thob bya dang / /thams cad mthar thug gyur par brjod/ /'di las rtogs bya gzhan med de/ /'di las gong na thob bya med/ /sangs rgyas mtshan nyid las brtsams nas/ /'jig rten 'das zhes bya ba yi//mdo las sangs rgyas bstan mdzad pa/ /kun rdzob dang ni don dam 'dod/ /tshig ni lnga dang lnga dag gis/ /go rims bzhin du de rig bya/ /sku gnyis po ni dang pos bstan/ /gnyis pa yis ni gsum pa bstan/ /rdzogs pa'i byang chub ston pa'i phyir//de bzhin sna tshogs lus rnams dang / /rigs kyi che ba nyid ston phyir/ /sangs rgyas mthu ni nyer sgrub phyir/ /bdag nyid gcig min brjod pa'i phyir/ /'di las gnyis po rnam gzhag par/ /'dod pa yin te cig shos ni/ /rang gi mtshan nyid gnas pa'i phyir//khyab bdag tshogs brnyes pa yi phyir/ /rang mtshan nyid dang khyab bdag gis/ /sangs rgyas thams cad mnyam pa'i phyir/ /rang gi rigs la skyes bu'i mthus/ /bskyed pa'i phyir dang de thob phyir/ /de min rigs la mnyam nyid kyi/ /ye shes bskyed pa nyid phyir ro//yang dag rtogs par mdzad pa'i phyir/ /yang dag gdams ngag rab sbyin pas/ /ji ltar sems can rnams kyi sems/ /rab tu smin pa yongs 'grel phyir/ /smon lam btab pa sgrub pa'i phyir/ /las kyi 'bras yod rtogs mdzad phyir/ /yang dag sbyor ba sgrub pa yis//ma smin pa rnams smin mdzad phyir/ /gnyis po de yis phun sum tshogs/ /thams cad kyi ni gzhi dngos yin/ /chos kyi sku yi dbang gis te/ /log par snang bar zhugs phyir ro/ /rdzogs sangs rgyas kyi chos gnas phyir/ /sems med pa yi rang bzhin phyir/ / ye shes de bzhin nyid dag pas/ /de bzhin ro gcig gyur pa'i phyir/ /dam pa'i don ni myong gyur pa/ /rnam par mi rtog ye shes kyis/ /kun rdzob don gyis de rjes la/ /thob pas de ni thob phyir ro/ /mdor bsdus na ni mtshan nyid ni/ /rnam pa brgyad kyi dbang mdzad nas//de bzhin gshegs kyi gsang ba las/ /thub pa'i dbang po sku bstan 'dod/ /rab tu dbye dang tshad dang ni/ /mtha' dang de bzhin phrin las dang / /ngo bo nyid dang 'byung ba dang / /phan 'dogs pa dang 'jug pa'o/ /de la rab dbye mtshan nyid ni/ /sangs rgyas sku ni rnam gsum 'dod//chos dang rgyu mthun sprul pa ste/ /'chad pa'i sku ni bye brag gis/ /rnam pa dgu yis chos kyi sku/ /der gsungs rnam pa lnga yis ni/ /rgyu mthun pa dang sprul pa'i sku/ /'chad pa'i sku ni rnam gcig go/ /mtshan nyid lhag ma gcig dang ni/ /gnyis dang gsum dang rnam dgu dang //bstan pa de dag go rims bzhin/ /tshig gi don ni go rims bzhin/ /yang dag yin par 'dir shes bya/ /sgrib pa med pa'i rgyu yin pas/ /shes byar ye shes rtag 'jug phyir/ /bla na med phyir rnam kun du/ /lus can kun dang mi mtshungs phyir//sems can kun dang bdag tu ni/ /mnyam nyid ldan pa grub pa'i phyir/ /dpag tu med phyir de bzhin du/ /gnyis dngos med phyir grub pa'i phyir/ /log pa'i phyir dang de yi gzhi/ /kun nas nyon mongs mi 'jug phyir/ /rang gi 'od kyis skye gnas gsum/ /sgo nga las skyes stsogs pa dang //brdzus te skye ba'i skye gnas su/ /gtogs pa ma yin dngos po'i phyir/ /rnam smin de las byung sems stsogs/ /rnam pa kun du ma bzung phyir/ /skal ba mthun phyir de lta bur/ /yod ma yin pas de bzhin min/ /de bzhin rnam thar sgo gsum la/ /rang gi kun shes 'jog pa'i phyir//rab tu dbye ba'i mtshan nyid ni/ /don du de ltar shes par bya/ /sangs rgyas rnams kyi sku kun ni/ /'jig rten du ni rnam 'phro phyir/ /sems can ji snyed 'jug 'gyur ba/ /de srid kyi ni dus su 'jug /byang chub mya ngan 'das ston pa'i/ /rgyu yi rgyun chad mi 'gyur phyir//spyod pa'i dus dang gnas pa dang / /bstan pa'i dus kyi tshe nyid dang / /rtsol dang ro myang med pa'i phyir/ /mtshungs las rnam par g.yengs med phyir/ /chos kyi sku yi rang bzhin phyir/ /phung po'i ngo bo nyid las 'das/ /mngal du 'jug dang ming dang gzugs/ / de 'og gnas skabs gang yin rnams/ /de dang mi mthun chos yin phyir/ /de bzhin sems can med pa'i phyir/ /ri bong rwa sogs mi mthun phyir/ /de ltar don ni mi dmigs phyir/ /dbang po drug don longs spyod las/ /shin du 'das pa'i bde dngos phyir/ / las dang nyon mongs 'phangs pa yi/ /sems la stsogs dbang mi 'jug phyir/ /de bzhin mya ngan 'das srid la/ /gnas pa med pa'i dngos po'i phyir/ /rang bde gshegs dang dgra bcom pa/ /grol ba'i bdag nyid can rnams kyi/ /yang dag spyod yul blo rnams kyis//gang la gting ni mi rnyed pa/ /rnam par mi rtog lhun gyis grub/ /chags med ye shes spyan ldan pa/ /sangs rgyas rnams kyi rang rig par/ /'dod pa 'ba' zhig gang yin pa/ /gang du byis pa nyon mongs pa/ /so so'i skye bo kun 'khrul te/ / 'khor ba'i gnod pas nyen pas na/ /phan tshun rnam par 'khyam byed pa/ /gang phyir lus dang srog la yang / /'dod med snying brtse bdag nyid rnams/ /dka' ba brgya phrag du ma dag /bskal pa du mar nyams su len/ /de ni mchog tu gsang ba ste/ /de ni go 'phang mchog yin no//phyogs 'di ngag yul thams cad las/ /'das yin de ni 'jigs pa med/ /'di la yang dag mos pa yang / /ngan 'gro dag par mi 'gro na/ /su zhig 'di phyir bsgrim byas nas/ /mngon par brtson pa smos ci dgos/ /shes rab 'chal dang bsod nams chung //dad pa tsam yang 'dir mi skye/ /gang zhig dge ba bstsags gyur pa/ /blo ldan de ni 'di la sbyor/ /skur 'jug sgo yi bstan bcos ni/ /bdag gis ci nus byas pa yi/ /dge ba gang yin de yis ni/ /'gro bas sku gsum thob par shog /sku gsum la 'jug pa'i sgo zhes bya ba'i bstan bcos slob dpon klu'i bshes gnyen gyis mdzad pa rdzogs so// //rgya gar gyi mkhan po pradz+nyA warma dang / zhu chen gyi lo tsA ba ban de ye shes sdes bsgyur cing zhus te gtan la phab pa'o// //