| བོད་ཡིག |
374b2 thugs dam pa'i snying po tho ling du/ kha che'i mkhan po pa ra hi ta'i zhal snga nas nyid dang / lo tsA ba shAkya'i dge slong gzhon nu mchog gis bsgyur cing zhus te gtan la phab pa'o// //[ ]@#/ /rgya gar skad du/ tarka mung+ga
374b3 ra kA ri kA nA ma/bod skad du/ rtog ge tho ba'i tshig le'ur byas pa zhes bya ba/ 'phags pa 'jam dpal gzhon nur gyur pa la phyag 'tshal lo/ /yul dngos stobs kyis zhugs pa yi/ /tshad mas de nyid rtogs so zhes/ /chos kyi grags pa'i rjes 'brang ba'i/ /
374b4 rtog ge ba rnams smra bar byed/ /blo gang bcad don thob byed pa/ /tshad ma yin zhes kha cig smra/ /la la ma rtogs don gsal 'dod/ /gzhan dag bden pa'i don rtogs smra/ /ha cang thal phyir ma 'brel ba/ /gzhan dang 'jal byed nyid ma yin/ /de phyir tshad ma'i gzhal bya ni/ /
374b5 rdzas yod yin par smra bar byos/ /rdzas kyang skad cig ma nyid phyir/ /bcad don thob pa ga la srid/ /rgyun ltos she na rgyun can las/ /gzhan med de min phyir rdzas min/ /bcad zhugs thob rgyun gsum phyir yang / /rgyun ltos bcad don thob pa med/ /ldog pa gcig
374b6 bcad rgyun ce na//rdzas ldog rdzas las gzhan min phyir/ /ldog pa gcig pa ga la yod/ /gal te rdzas gzhan ldog gcig na/ /gsal ba gzhan la spyi gcig la/ /ci yi phyir na khas mi len/ /gnyis ka rdzas yod 'gal zhe na/ /rdzas ldog rdzas las gzhan min
374b7 pa//ci yi phyir na rdzas ma yin/ /gal te de nyid gzhan min na/ /smig rgyu la ni chu bzhin du/ /rdzas ldog rdzas su 'thad ma yin/ /de lta yin na tshad ma ni/ /dngos po'i yul can ma yin zhing / /ma 'brel phyir na dngos med pa/ /tshad mas ji ltar 'jal bar byed/ /sngo mdog yul
375a1 can sngo rdzas la//tshad min thal 'gyur de mi 'dod/ /de phyir ldog pa gcig bcad kyi/ /rgyun ltos tshad ma mi 'thad do/ /rdzas rgyun yun rings mi gnas dang / /'gal dang bden don 'gog pa yis/ /ma rtogs don gyis gsal byed kyang / /tshad ma'i
375a2 mtshan nyid mi 'thad do//bden don rtogs pa tshad ma yi/ /mtshan nyid min te gang gi phyir/ /bden nyid grub pa med phyir dang / /tshad min tshad mar 'gyur phyir ro/ /'di ltar snang tsam bden snang dang / /bden nges ldog pa gnyis ldan pas/ /yul bden yin par 'gyur zhig grang / /log
375a3 shes tshad mar 'gyur ba'i phyir//bstan ldog rnams kyis bden mi 'grub/ /ma bstan ldog pa gang zhig gis/ /bden pa 'grub pa'i thabs de smros/ /kha cig don du snang tsam gyis/ /bden mi 'grub kyang don byed par/ /snang bar bden pa nyid du 'dod/ /'di mi rigs te
375a4 gnyis kar yang //snang bar khyad par med phyir te/ /rtog bral 'jug yul mi ston phyir/ /mngon sum tshad ma nyid ma yin/ /khyab dang phyogs chos mi 'grub phyir/ /rjes su dpag pa yod ma yin/ /rang gi mtshan nyid yul can phyir/ /khyab pa mngon sum gyis mi 'grub/ /
375a5 tshad ma yin phyir rjes dpag ni/ /yul dus spyi la 'jal mi byed/ /gang zhig spyi yi yul can min/ /de yi khyab pa ji ltar 'grub/ /shugs rtogs she na mi 'thad de/ /so sor nges pa'i yul can la/ /spyi la dmigs pa'i blo skye bas/ /de ni spyod pa yin par 'dod/ /ldog pa gcig
375a6 dang tha dad dang //mtshungs pa gtan tshigs yin gyur grang / /dang po med phyir phyogs chos med/ /gnyis gsum pa la khyab pa med/ /tshad ma med kyang khas blangs dang / /'gal phyir rang bzhin log rtogs sel/ /log rtogs log pa tsam zhig la/ /de nyid nges zhes tha snyad btags/ /
375a7 rtog ge tho ba'i tshig le'ur byas pa nyi shu pa/ kha che'i paN+Di ta dza ya A nan das mdzad pa rdzogs so// //zhu chen gyi lo tsA ba khu mdo sde 'bar dang / paN+Di ta de nyid kyis bsgyur cing gtan la phab pa'o// //