CLOSE WINDOW

D3868
བོད་ཡིག

@##/ /rgya gar skad du/ shU n+ya tA sap+ta ti bi br-it+ti/ bod skad du/ stong pa nyid bdun cu pa'i rnam par bshad pa/ sangs rgyas la phyag 'tshal lo/ /gang gis rten cing 'brel par 'byung / /skye ba med par mkhyen nas bstan/ /thugs rje che mnga'i rdzogs sangs rgyas//'gro ba'i bla ma de la 'dud/ /yid kyi mun la nyi ma'i lta'i/ /'phags pa klu sgrub la btud nas/ /de yi stong nyid bdun cu pa'i/ /don ni rnam par dbye bar bya/ /sgyu ma ji bzhin rmi lam bzhin/ /dri za'i grong khyer ji bzhin du/ /de bzhin skye dang de bzhin gnas//de bzhin du ni 'jig pa gsungs/ /zhes bya ba la sogs pa'i dbu ma'i lhag mar gyur pa nyid kyis de'i brgal ba'i lan btab pa gtso bo nyid du brtsams par 'dod pa'i phyir rab tu byed pa 'di rang rgyud pa nyid spangs pa'i phyir/ bstod pa dang phyag 'tshal ba ma brjod par thog mar 'phags pa klu sgrub kyi/gnas pa'am skye 'jig ces bya ba la sogs pa gsungs so/ /'di ni 'di ltar 'jug par bya ba yin te/ bskal par mi nyung bar goms pas brnyes pa'i de kho na nyid mngon sum du mdzad pas rnam par 'khrul pa mtha' dag bsal zhing thugs rje chen pos khyab pa'i thugs mnga' bas slu bar mi mdzad pa'i bcom ldan 'das chos kyi 'khor lo bskor ba na/sgrib pa thams cad sbyangs pa'i phyir/ chos thams cad bdag med par bstan pa'i yan lag nyid du sgyu ma la sogs pa'i dpe dag gis skye ba la sogs pa mi bden par gyur pa gang bstan pa de nyid gzhan gyi tshe rnam pa gzhan du ji ltar yin snyam du dogs pa sel ba lhur len pa nyid du 'di bstan to//skyob pa'i bstan pa ni drang ba dang nges pa'i don gyi dbye ba las rnam pa gnyis so//de la dang po ni rab tu 'bar ba'i khyim na gnas pa'i byis pa dag 'don pa'i thabs su chad pa stong pa bstan pa'i tshul gyis/ mi bden du zin kyang bden pa nyid du bstan pas don bya ba can ni dgongs pa can yin te/ de skad du/ mi bden na yang thugs rje yis/ / bdag yod ces ni gsungs pa ltar/ /nyan thos rnams ni 'jug bya'i phyir/ /sdug bsngal la sogs bden pa gsungs/ /zhes bshad do/ /dman pa'i byang chub kyi rigs can dag la ni de kho na nyid zab mo bstan par rung ba ma yin te/ de dag ni nges don ma byas pa slar skrag pa rnams de spangs pa'i las chos kyis phongs par 'gyur ba'i las nye bar sog cing /ngan song gi sdug bsngal yang so sor nyams su myong bar 'gyur ro/ /gnyis pa ni de kho na can te/ de kho na nyid ji lta ba bzhin du 'jug pa'i phyir ro/ /'dir yang 'jig rten bsnyad pa'i sgra ni/dang po yongs su gzung ba'i phyir 'gal ba cung zad kyang med do zhes bstan pa yin no/ /kha cig na re skye ba las dus phyis nyid du gnas pa yin yang dang por brjod pa'i tshigs su bcad pa sdeb pa'i ngor yin no zhe'o/ /gzhan dag ni rten cing 'brel par 'byung ba'i rim pa yang dag par bstan pa'i don du'ang zhe'o//'di ltar skye ba ni 'dod rgyal mi srid la/ dbang phyug gi rgyu can yang ma yin gyi 'on kyang nyon mongs pa dang las kyi rgyu mtshan can yin no/ /de yang byed pa po gnas na ni de'i 'bras bu longs spyod par rigs kyi mi gnas na ni ma yin te/byas pa chud zos shing ma byas pa dang phrad pa'i nyes par thal ba'i phyir ro/ /gnas pa yang mu stegs bye brag pa rnams ni snga ma'i ngo bo ma dor ba'i ngo bo nyid do zhes smra'o/ /bde bar gshegs pa dag ni de yang byed pa po'i gnas skabs bzhin du za ba po'i gnas skabs su yang za ba po ma yin par thal bas mi 'thad pas na de ni rgyud gcig tu gtogs pa'i 'dra ba gzhan dang gzhan 'byung ba nyid do zhe'o//de lta bu'i ngo bo gnas pa de yang / ma rig nyon mongs sngon gnas skabs/ /'du byed dag ni sngon las kyi/ /zhes 'byung ba'i mtshan nyid can gyi yan lag dag gis/rnam shes mtshams sbyor phung po yin/ /zhes bya ba la sogs pa'i yan lag rnams kyis mtshon pa'i skye ba'i rgyu mtshan nyid du bstan to/ /rgyu mtshan yang rgyu mtshan can las snga ma kho na yin no/ /skye ba yang 'jig pa'i mtha' can yin no zhes mtshon pa'i don du tshor ba'i bar ni rga shi yin zhes phyi ma'i mtha'i skye ba'i kun nas nyon mongs pa rga shi'i sgras bstan to//de lta ba yin pa des na/ gnas pa'am skye 'jig ces bya ba'i tshig gis 'dir rten cing 'brel par 'byung ba'i yan lag bcu gnyis go rims bzhin du bstan to//yod med dam zhes bya ba la kye bram ze 'di lta ste/ thams cad thams cad ces bya ba ni phung po lnga dang skye mched bcu gnyis dang khams bco brgyad dag go/ /zhes 'byung ba'i phyir phung po dang skye mched dang khams zhes bya ba'i dngos po ni yod pa ste/ 'jig rten pa'i tshad mas rtogs pa'i phyir ro/ /rdzas dang yon tan dang las la sogs pa ni med pa ste tshad ma med pa de'i phyir dang tshad mas gnod pa'i phyir ro/ /yang na yod pa ni myong ba yin la/ med pa ni de las cig shos te/ kye rgyal ba'i sras dag 'di lta ste/ khams gsum po 'di dag ni rnam par rig pa tsam mo zhes 'byung ba'i phyir ro/ /yang na yod med kyi sgras ni gang zag ces bya ba'i dngos po brjod do/ /gang phung po 'di dag 'dor zhing / phung po gzhan nye bar len pa khur khyer ba'i gang zag ni yod do zhes 'byung ba'i phyir de ni yod pa'o//de nyid dang gzhan du brjod du med pa'i phyir med pa ste/ de dag brjod du med pa ni med pa nyid kyi phyir ro/ /ji skad du/ med phyir bcom ldan 'das kyis srog /de nyid gzhan du ma gsungs so/ /zhes bya ba dang / dngos po yod pa ni de nyid dam gzhan nyid las mi 'da'o zhes bshad do//da 'o na ni ji ltar yod pa yin zhe na/ phung po'i rgyun nyid la de ltar tha snyad btags pa'i phyir ro/ /'di ltar nyon mongs pa dang las kyi bag chags dag gis gang zhing khams dang 'gro ba dang skye gnas dag tu skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dag gis zag cing 'grib pa'am/ zo chun gyi 'khrul 'khor gyi chu bzhin du zag cing rgyun du 'byung ba ni gang zag go/ /don 'di yang phung po'i rgyun las gzhan ni rigs pa ma yin te/de skad du yang / btags pa'ang med du 'gyur 'ong bas/ /med do zhes kyang ma gsungs so/ /phung po'i rgyun ni gang la dge /mi dge'i 'bras bu yod pa nyid/ /de la srog ces bya ste de/ /srog med bstan pas med par 'gyur/ /zhes bshad do//dman pa'am zhes bya ba ni zag pa dang bcas pa'i dngos po'o/ /khyad par can ni zag pa med pa'o/ /mnyam pa nyid ni gnyi ga ltar yang / rigs mthun pa la ltos nas so/ /bstan pa 'di kho na nyid du ci ltar ma rig pa yin zhe na/ bdag min zhes bya ba la sogs pa smos te/gang gi phyir de kho na nyid du yod pa min zhes bya ba ni lhag ma'o/ /de lta bas na de dag gi don ni 'di yin te/ gal te bdag de kho na nyid du gyur pa yin na de'i tshe gnas pa yang de'i ngo bor rtag par brjod par 'gyur ba zhig na 'di ni de lta bu yang ma yin te/tshad ma med pa can nyid yin pa'i phyir dang / tshad mas gnod pa'i phyir ro/ /'dra ba gzhan dang gzhan du 'byung ba'i ngo bo yin yang nye bar btags pa nyid do/ /de bzhin du bdag med pa'i ngo bo phung po dang khams dang skye mched rnams dang / rnam par rig pa tsam gyi bdag med pa dang /bdag dang bdag med kyi ngo bo'i gang zag de kho na nyid can yin na ni skye ba dang 'jig pa dang yod pa la sogs pa'i sgra'i tha snyad kyang dngos po pa kho nar 'gyur na/ gang gi tshe/ gzugs ni dbu ba ltar shes shing / /tshor ba chu yi chu bur bzhin/ /'du shes smig rgyu 'dra ba ste//'du byed dag ni chu shing bzhin/ /rnam shes sgyu ma lta bu zhes/ /de ltar phung po bstan pa yin/ /zhes gzhan du 'phags pa'i zhal snga nas kyis gsungs pa'i phyir dang / 'chad par 'gyur ba'i rigs pas 'di dag de kho na nyid can ma yin pa de'i tshe der skye ba la sogs pa'i chos kyi tha snyad ji ltar na de kho na nyid can du 'gyur/de lta bas na pha rol pos kun brtags pa'i bdag dang nyan thos la sogs pa'i lhag par zhen pa'i bdag med pa'i phung po la sogs pa dang / de nyid kyi gang zag tu zhen pa'i bdag dang bdag med pa ni gang gi phyir de kho na nyid du yod pa ma yin pa de'i phyir gnas pa la sogs pa'i brjod pa'i tha snyad de kho na nyid du cung zad kyang rigs pa ma yin no zhes gnas so//'o na ni chos 'di dag de kho na nyid du ji ltar brjod par bya ba yin zhe na/ chos kun mya ngan 'das pa dang / /mtshungs par brjod bya dang zhes bya ba smos te/ de kho na nyid du zhes bya ba 'brel to/ /spros pa thams cad nye bar zhi ba'i bdag nyid kyi mya ngan las 'das pa dang / spros pa'i bdag nyid can gyi chos rnams thams cad ci ltar mtshungs te 'gal ba'i phyir ro zhe na/rang bzhin stong zhes bya ba 'di yang khyad par gyi sgo nas gtan tshigs su bkod pa'o/ /des na don ni 'di yin te/ ci ltar rab rib can gyis skra shad dang sbrang bu mchu rings dang / sbrang bu la sogs pa mi bden pa nyid kyis spros pa'i bdag nyid can yin du zin kyang ji ltar snang ba bzhin de kho na nyid du yod pa ma yin pas rang bzhin gyis stong pa'i phyir/de ltar rtogs pa med kyang de med pa dang mtshungs pa de bzhin du 'khor ba thog ma med pa nas bden pa nyid du 'dzin pa'i mngon par zhen pa'i bag chags las yang dag par 'byung bar snang ba can gyi gzugs la sogs pa chos rnams kyi tshogs kyang yin pa'i phyir 'di mya ngan las 'das pa dang mtshungs pa la 'gal ba cung zad kyang med do//de nyid kyi phyir dman pa dang mnyam pa dang khyad par can zhes bya ba'i tha snyad kyang de kho na nyid du mi rigs so zhes bstan pa yin no//de ltar yang / ji ltar gos bzhin dngos po rnams/ /du ma'i rnam pa tha dad kyang / /stong nyid me yis bsregs rnams kyi/ /thal ba tha dad cung zad med/ /ces bshad do/ /'dir 'bras bu yod par smra ba'i grangs can pa dang / de las gzhan 'bras bu med par smra ba dag /gtan tshigs 'di ma grub bo zhes rjod par byed do/ /de dag 'di skad du/ gang zhig gang las skye ba de la ni de'i rang bzhin yin pa'i phyir rgyu ni rang bzhin gyi sgras brjod par bya ba yin te/ gser gyi rang bzhin gyi gzugs can no/ / der yang dngos po 'bras bu'i bdag nyid du yod pa yin te med pa ni ri bong gi rwa bzhin du de las skye bar mi rigs pa'i phyir ro/ /de lta bas na 'bras bu'i bdag nyid rnams ni rgyu'i bdag nyid la yod pa'i phyir/ ji ltar na rang bzhin stong pa nyid yin/ yang na rang gi ngo bo rang bzhin gyi sgras brjod par bya ba yin te/dper na sa'i khams sra ba'i rang bzhin no zhes bya ba lta bu'o/ /rgyu las skye bzhin pa'i dngos po de'i bdag nyid du yod pa ma yin pa rnams rang gi bdag nyid du yang de lta ma yin te/ de dag ni rang rang gi ngo bo dang mi ldan pa ma yin pa dag kho na skye ba'i phyir/dper na lus kyi dbang pos gzung bar bya ba'i 'byung ba bzhi las 'byung ba dbang po tha dad pas gzung bar bya ba'i gzugs dang dri dang ro lta bu'o/ /de'i phyir de dag ni rgyu las rang bzhin stong pa nyid ma yin no zhes zer ro/ /'dir lan ni/ gang phyir dngos po thams cad kyi//zhes bya ba la sogs so/ /gang gi phyir rgyu'i bdag nyid yod pa'am med par khas blangs pa rnams ni/ skye dgu'am de las gzhan pa thams cad la de ma thag tu 'chad par 'gyur ba'i rigs pas yod pa ma yin pa de'i phyir rang bzhin stong pa nyid du grub bo//rgyu rkyen tshogs pa'am so so'i dngos po rnams zhes bya ba 'dis ni thams cad la zhes bya ba'i tshig 'dir bshad pa yin no/ /rgyu dang rkyen tshogs pa dang / so so'i dngos po nyid ces bya bar tshig rnam par sbyar ro/ /rgyu ni nye bar len pa'o/ /rkyen ni lhan cig byed pa rnams so//tshogs pa ni rgyu dang rkyen tshang ba'o/ /rgyu dang rkyen las phyi rol du gyur pa ni so so'i dngos po nyid do/ /de la rgyu'i bdag nyid la 'bras bu rang gi ngo bo yod pa nyid du sems pa gang yin pa de dag la rgyu dang rkyen tshogs pa'i dbye bas rgyu las rnam pa gsum du brtags nas de dang bral ba bstan to//'bras bu med par smra ba la yang rgyu las gzhan du 'bras bu'i rang bzhin yod pa nyid du khas len pa de bsal ba'i phyir so so'i dngos po bsnyad do/ /gang yang gang la skye ba dang gnas pa dang 'jig par mngon pa de ji ltar rang bzhin stong pa pa yin snyam du sems pa de la skye ba bkag pa'i sgo gnas pa dang 'gag pa yang bsal bar bya ba'i phyir/yod pa yod phyir zhes bya ba la sogs pa smos so/ /'di ltar dgongs pa yin te/ re zhig skye ba 'di ni rgyu med pa can yin te/ res 'ga' ba nyid kyis de ni khyed nyid kyis rgyu dang bcas pa nyid du khas blangs pa'i phyir ro//'di rgyu las byung na yang rang ngam gzhan nam de gnyi ga las 'gyur zhes brtag ste/ phyogs gzhan med pa'i phyir ro/ /de la re zhig rang las ni ma yin te/ 'di ni skye ba'i snga rol du rgyu'i bdag nyid la 'bras bu'i rang bzhin yod par khas blangs na 'gyur te/med la 'byung ba yod ma yin/ /zhes bya ba gang smras pa yin no/ /yod pa ni skye bar yang rigs pa ma yin te/ yod pa'i phyir gsal ba'i bum pa de dang skyes bu bzhin no/ /ji ste nus pa'i bdag nyid yod pa gsal ba'i bdag nyid du skye bar 'dod do zhe na/de ltar na ni 'o na bdag nyid gang gis yod pa des ni mi skye zhing / gang gis skye ba des ni yod pa ma yin pa'i phyir 'bras bu med par smra bar gsal bar khas blangs par 'gyur ro/ /de bas na rang las skye bar rigs pa ma yin no//gzhan las kyang ma yin te/ gang gi phyir 'di gzhan las 'dod pa na 'bras bu med par 'dod pa yin na/ med par yang skye bar rigs pa ma yin te/ med pa'i phyir ro/ /'di ltar sems pa yin te/ skye ba ni bya ba yin la de la yang byed pa po med par yang mi rigs la tha dad pa'i byed pa ma yin te/las tha dad pa med pa'i phyir ro/ /las tha dad pa dang bcas pa nyid la ni byed pa po tha dad pa srid pa yin te/ byed do zhes bya ba la sogs pa bzhin no/ /tha mi dad pa skye ba'i snga rol du med pa ni nus pa'i byed pa po'i phyogs sam/ rdzas kyi byed pa po'i phyogs yin yang sla ste/byed pa po nyid du mi rigs pa'i phyir gang zhig skye ba yin/ ci ste 'di brda sprod pa pa rnams kyi gzhung lugs kyi rigs pa yin gyi/ kho bo cag rkyen nyid 'di pa tsam du smra ba rnams kyis bstan par bya ba ni ma yin te/ de skad du yang / 'dus byas thams cad skad cig ma/ /mi gnas bya ba ga la yod/ /de dag 'byung gang de nyid ni/ /bya ba de nyid byed par brjod/ /ces kho bo cag ni de skad du smra'o/ /de'i phyir na skye ba ni rgyu yod na 'byung ba zhes bya ste/ 'bras bu med du zin kyang rgyu'i de ma thag tu 'byung ba'i ngang tshul can du 'byung ba de nyid la de skad du bstan pa'i phyir nyes pa cung zad kyang med do zhe na/'dir yang bshad pa/ 'bras bu med pa la rgyu gang yin pa de la rgyu ma yin pa dang mtshungs pa po zhes 'chad par 'gyur ba'i rigs pas gzhan las de'i med par skye bar rigs pa ma yin no zhes bya ba'i dgongs pas 'dir med pa nyid sgrub par byed pa gsungs so//'o na ni de gnyis ka las 'gyur ro zhe na/ chos mi mthun phyir zhes bya ba la sogs pa smras so/ /dgongs pa ni 'di yin te/ gal te rgyu'i bdag nyid la skye ba'i snga rol du 'bras bu yod pa dang med pa cig car 'gyur ba/de'i tshe gnyi ga las shes bya ba'i phyogs kyi skabs yod par 'gyur na/ dngos po dang dngos po med par nye bar phan tshun 'gal ba dag gcig la cig car rigs pa yang ma yin pa'i phyir yod pa dang med pa skye ba ma yin no zhes bstan to//'gal ba'i chos gang la yod pa de ni chos mi mthun pa ste/ 'di'i dngos po ni chos mi mthun pa nyid do/ /des na 'gal ba'i chos dang 'dre ba'i phyir zhes bya ba'i don to/ /de ltar skye ba spangs pa na gnas pa dang dgag pa dag kyang spangs par rig par bya ste/de dag ni de'i rtsa ba can yin pa'i phyir ro zhes bshad pa ni skye ba med pa'i phyir/ gnas 'gag med ces bya ba'o/ /gzhan yang skye bar 'os pa la skye bar brtag na skye bar 'os pa ni cung zad kyang yod pa ma yin no/ /'di ltar skyes pa'am/ ma skyes pa'am/ skye bzhin pa zhig skye bar rung bar 'gyur zhes rnam par brtag na/ de dag la yang cung zad kyang rigs pa ma yin no zhes bshad pa ni/ skyes pa zhes bya ba la sogs pa'i dgongs pa ni 'di yin te/ gang gi phyir gang las skye ba'i bya ba grub pa de ni skyes pa zhes bya bar brjod la de lta bu gang yin pa de ni skye bar 'os pa nyid ma yin te/byas zin pa la byed pa mi rigs pa'i phyir ro/ /gang zhig ri bong gi rwa ltar skye ba'i bya ba dang bral bar grub pa de ni/ ma skyes pa yin na gang zhig de ltar nye bar brjod pa med par de ji ltar na skye bar rung bar 'gyur/skyes pa dang ma skyes pa dag phan tshun spangs te gnas pa nyid kyis de las tha dad pa'i rnam pa gzhan med pa na de gnyi ga'i ngo bo kho nar skye bzhin par 'dus par 'gyur te/ de ltar yang brtsams la yongs su ma rdzogs par bya ba'i dngos po kho na la da ltar ba zhes smra'o//de la yang sngar bstan pa'i nyes pa dang rjes su 'brel pa'i phyir/ skye bar rung ba nyid ni med de/ de lta bas na skye bar 'os pa nyid cung zad kyang med do zhes bya ba 'di gnas pa yin no/ /da ni dus gsum du 'jug pa nyid du rnam par brtags pa'i 'bras bu'i rgyu ni rgyu nyid du mi 'thad do zhes bstan pa ni yod pa'i 'bras bu la'ang zhes bya ba la sogs pa'o//'di na gang gi phyir rgyur gyur pa na yod pa 'byung bzhin pa dang da ltar ba'i 'bras bu la yin nam/ med pa ma byung ba ma 'ongs pa'am/ yod min med pa'ang sngar yod la phyis med pa 'das pa la yin zhes rnam par brtag grang na/de la re zhig phyogs dang po ni ma yin te/ ba lang gi rwa g.yas g.yon bzhin du rgyu dang 'bras bu gnyi ga yang dus mtshungs pa nyid kyi 'bras bu dang bcas pa'i rgyu yin pa'i phyir phan gdags par bya ba dang /phan 'dogs par byed pa'i dngos po med pas/ 'di rgyu ma yin pa nyid dang / khyad par med pa'i phyir ro/ /gnyis pa la yang sun dbyung ba ni rgyu ma yin pa dang mtshungs pa nyid do/ /de nyid kyi phyir yang gi sgras gnyis nye bar gzung ba ni 'bras bu dang bcas pa nyid du 'gro ba yin no//'dir ji ltar rgyu ma yin pa dang mtshungs pa yin zhe na/ yi ge a dang 'brel par byas pas 'bras bu dang mi ldan pa nyid ni 'dir gtan tshigs nyid yin pa'i phyir ro/ /des na don ni 'di yin te/ de ji ltar rgyur mngon par 'dod pa ma yin pa la med pa ma 'ongs pa'i 'bras bu dang mi ldan pa de bzhin du rgyur mngon par 'dod pa la yang yin no//'on te de dang rgyu mngon par 'dod pa la/ rgyu dang 'bras bu'i dngos po zhes bya ba'i ldan pa yod pa ma yin no zhe na/ de nyid ji ltar yin zhes kho bo cag gi mi shes so//de yod na yod pa'i phyir ro zhe na/ gnyis ka la yang mtshungs so/ /ldog pa na mtshungs pa ma yin no zhe na/ ma yin te/ rgyu dang dus mtshungs pa'i rgyu ma min par mngon par 'dod pa ni skad cig ma nyid du khyad par med pas rgyu bzhin du nges par ldog pa'i phyir te/de ldog pa na yang 'bras bu yang nges par ldog pa'i phyir ro/ /gang gi phyir 'bras bu gang kho na rgyur mngon par 'dod pa'i dngos po ldog pa na ldog pa de nyid de'i dus su rgyu ma yin pa mngon par 'dod pa'i dngos po ldog pa na sdod pa ni ma yin no//ci ste rgyur mngon par 'dod pa'i dngos po skad cig gzhan nye bar len pa can skye ba med pa na de las gzhan skye ba yin na yang 'bras bur mngon par 'dod pa'i rigs 'dra'i skad cig gzhan mi skye ba'i ngo bo nyid ldog pa yin no zhe na/ 'o na ni gzhi gcig pa can gyi gzhi rjes su 'gro ba dang /ldog pa dag ma yin te/ de'i phyir gcig la yang de dag gi rgyu mtshan can gyi rgyu nyid dam 'bras bu nyid du rtogs pa ma yin no/ /rtogs pa po'i zhen pa'i dbang gis rgyun la gcig nyid du nye bar bzung nas nyes pa de dang rjes su 'brel ba med na rgyu dang 'bras bu'i dngos po kun rdzob pa kho nar khas blangs par 'gyur ro//der ni theg pa 'dir yang ma spangs pa'i phyir dngos po'i 'jug pa la ltos nas rgyu ni rgyu ma yin pa dang mtshungs par sgrub pa la 'dir 'bras bu dang 'brel par med pa sgrub par byed pa nyid du bstan pa yin no/ /yod med kyi bdag nyid 'bras bu nyid du khas blangs pa la rgyur brtag pa ni 'gal te 'gal bar bya ba zhes bya ba'i don to//rigs pa khas blangs pa dag gis zhes bya ba'i lhag ma'o/ /gang gi phyir da ltar ba ni 'das pa skyes shing 'gag pa nyid du khas blangs par skyed par byed pa nyid du rigs pa'am 'ba' zhig gis khas blangs pa ni med do//de'i phyir khong nas phyung nas dus gsum rnams su zhes bya ba la sogs pa des na don 'di yin te/ gang gi phyir de ltar na 'das pa dang ma 'ongs pa dang / da ltar ba'i dbye bas rnam pa gsum du rnam par brtag pa'i 'bras bu la da ltar ba'i rgyu ni rgyu nyid du rigs pa ma yin pa de'i phyir/dus gsum rnams su'ang 'thad pa ma yin no/ /de dag nyid dus zhes 'byung bas dus kyi sgras ni 'dir 'bras bu'i bdag nyid bstan par rig par bya'o/ /de'i phyir de ltar 'bras bu'i bdag nyid kyis dngos po rnams rang bzhin stong pa nyid du bstan nas rgyu'i bdag nyid rnams der nye bar bstan pa'i phyir bshad pa na/gcig med pa ni mang po dang / /zhes bya ba la sogs pa'o/ /'di ltar nye bar len pa'i rgyu sa bon la sogs pa gcig med par ni/ lhan cig byed pa'i rkyen mang po de dag nyid med par sa bon la sogs pa'i nye bar len pa'i rgyu gcig pu myu gu la sogs pa'i 'bras bu skyed par byed pa nyid du mi 'jug go//de'i phyir dngos po rnams ni gang dag yod na 'bras bu 'byung ba de'i phyir dngos po ste rgyur mngon par 'dod pa de dag skyed par byed pa nyid du 'byung ba la brten nas yin gyi ma brten par ni ma yin te/phan tshun yod pa la ltos nas yin gyi/ rang gi ngo bo nyid las 'byung ba ni ma yin no zhes bya ba'i don to/ /de'i phyir mtshan ma med pa ni rgyu mtshan med pa ste/ rgyu rang bzhin stong pa nyid du grub bo zhes bya ba'i tha tshig go//'di skad bstan pa yin te/ 'bras bu skyed par byed pa'i rang bzhin gang yin pa de ni rgyu zhes bya bar brjod la/ de yang de'i rang bzhin du rang nyid las grub par rigs pa ma yin te/ ltos pa med par 'byung ba ni res 'ga' 'byung bar mi 'gyur zhing / rtag tu yod par thal ba'i phyir dang / rgyu'i rgyu snga ma rnams nyid med par thal bas de rjes su tshol ba'i 'bad pa don med par thal ba'i yang phyir ro/ /de'i phyir de ni de ltar ltos pa med par yod pa ma yin pas sgyu ma la sogs pa bzhin du brten nas skyes pa'i phyir de kho na nyid du skye ba med pas na rang bzhin stong pa nyid du grub bo//gal te rgyu dang 'bras bu'i bdag nyid kyi dngos po rnams bshad zin pa'i rigs pas rang bzhin stong pa nyid yin na/ 'o na ni ji ltar bcom ldan 'das kyis de dang der rten cing 'brel par 'byung ba sdug bsngal gyi 'bras bu can nyid du bstan/rgyu dang 'bras bu'i bdag nyid du rang bzhin med pa de ni sdug bsngal gyi 'bras bu can du rigs pa ma yin no zhe na/ de yang de kho na nyid du ma yin par bshad pa ni/ rten 'brel yan lag bcu gnyis gang / /zhes bya ba la sogs pa'o/ / ma rig pa'i rkyen gyis 'du byed dang / skye ba'i rkyen gyis rga shi zhes bya ba'i bar rten cing 'brel par 'byung ba yan lag bcu gnyis gang sdug bsngal gyi 'bras bu can te/ sdug bsngal gsum dang ldan pa'i phyir sdug bsngal yan lag bdun 'bras bu gang la yod pa'i zhes bcom ldan 'das kyis sdug bsngal gyi 'bras bu can nyid du gsungs pa de ma skyes pa ste de kho na nyid du zhes bya ba lhag ma'o//'di nyid la 'thad pa bstan pa ni sems gcig la yang zhes bya ba la sogs pa'o/ /'di ltar rtogs pa yin te/ bdag med phung po tsam nyid do//nyon mongs las kyis mngon 'dus byas/ /srid pa bar ma'i rgyun gyis ni/ /mar me bzhin du mngal du 'jug /ces 'byung ba'i phyir ro/ /rten cing 'brel par 'byung ba'i rten nyid du phung po tsam brjod pas ni nyon mongs pa dang las kyis mngon par 'dus byas pa nyid kyis khyad par gzhan du mi 'thad pa gzugs can ma yin pa'i phung po bzhi'i bdag nyid sems dang sems las byung ba'i rgyun la mngon par 'dod pa yin no//rgyun zhes bya ba ni sems dang sems las byung ba'i skad cig ma brgyud pa las tha dad par dngos por yod pa ma yin pas skad cig ma nyid dngos po ma yin te/de'i phyir rten cing 'brel par 'byung ba de sems kyi skad cig ma gcig gi rten can yin nam/ sems kyi skad cig du ma'i rten can yin zhes bya ba 'di dpyad pa na/ gnyi ga ltar yang 'thad pa ni ma yin no/ /'di ltar sems gcig la 'thad pa nyid yin na ni/cig car 'byung bar thal bar rgyu dang 'bras bu'i dngos por mi rung ste/ ba lang gi rwa g.yas g.yon bzhin no/ /sems du ma la brten pa nyid yin na yang nyes pa 'di nyid yin te/ yod pa'i 'bras bu la'ang 'bras ldan rgyu//zhes bya ba la sogs pa bshad zin pa'i rigs pa dus gsum pa'i 'bras bu la ltos pa nyid kyis rgyu ni rgyu nyid du 'thad pa ma yin pa'i phyir ro/ /'di ji tsam gyis skye ba'i rim pa la ltos nas de sun dbyung ba'i dgongs pa gsal bar byas pa yin no/ /yang na rten cing 'brel par 'byung ba sgrub par byed pa'i tshad ma med par bstan pa lhur len pa nyid du sems gcig la yang zhes pa la sogs pa 'di gsungs so//dgongs pa ni 'di yin te/ rgyu dang 'bras bu'i dngos po tshad mas rtogs na ni/ de brgyud pa'i bdag nyid can gyi rten cing 'brel par 'byung ba 'di yang 'thad pa zhig na/de sgrub par byed pa'i tshad ma ni cung zad kyang rigs pa ma yin no/ /'di ltar rjes su 'gro ba dang ldog pa rtog pa na/ de rtogs par 'dod pa yin na/ rjes su 'gro ba sgrub par byed pa yang shes pa gcig la 'dre ba'i dngos po gzhan dmigs par byed pa po'i mngon sum nyid yin no//de yod pa nyid na yod pa dang / de med na med pa nyid du zhes bya ba'i rjes su 'gro ba dang ldog pa dag gi ngo bo yin pa de lta bu'i ngo bo can gyi rjes su 'gro ba dang ldog pa'i ngo bo la yongs su gcad par bya ba'i phyir/ mngon sum gcig gam du ma 'jug pa yang ma yin no//de ltar re zhig gcig ni ma yin te/ rgyu dang 'bras bu nyid du mngon par 'dod pa'i dngos po dag gcig par ma yin pas de 'dzin par byed pa'i shes pa dag kyang de yin pas rgyur mngon par 'dod pa'i dngos po 'dzin par byed pa'am/ 'bras bur mngon par 'dod pa'i dngos po 'dzin par byed pa de gcig gis 'bras bur mngon par 'dod pa dang / rgyur mngon par 'dod pa'i dngos po'i ngo bo yang mi 'dzin na/ de'i khyad par gyi ngo bo 'bras bu nyid dam rgyu nyid kyis rtogs pa lta smos kyang ci dgos/ shes pa ni rang gi ngo bo dang /rang gi yul yongs su gcod pa tsam gyis mthar thug pa'i bya ba can nyid yin pa'i phyir ro/ /de nyid kyi phyir gcig gis ni ma yin te/ bum pa dang snam bu la sogs pa dag la yang der thal bar 'gyur ba'i phyir ro/ /'di dang 'di'o zhes rtogs pa ni rjes su 'gro ba rtogs pa ma yin gyi/'on kyang 'di yod na 'di'o zhes bya ba'o/ /'dir ni gcig gam gnyi gas kyang rtogs pa ma yin pa'i phyir/ rjes su 'gro ba khong du chud pa med do/ /gal te nyams su myong ba gnyis kyi 'og tu snga rol gyi dus su 'byung ba'i lhag par zhen pas rjes su 'gro ba rtogs par 'gyur ro zhe na/ma yin te nyams su myong ba ji lta ba bzhin yin pa 'jug pa'i phyir dang / nyams su myong ba de ltar 'jug pa yang da gzod nyid gsal ba yin no/ /'dis ni ldog pa khongs su chud pa med pa yang nges par rtogs par bya'o//de bas na sems gcig la yang mi 'thad la/ du ma la yang mi 'thad do zhes gsungs pa ni rigs pa ma yin no/ /'di'i phyir yang rigs pas rten cing 'brel par 'byung ba skye ba med pa yin no zhes 'thad pa gzhan bstan pa'i phyir/ mi rtag rtag min zhes bya ba la sogs pa 'phags pa'i tshigs su bcad pa gnyis smos so//'di ltar dgongs pa yin te/ ma rig pa la sogs pa'i yan lag nyid thob pa rnams 'bras bu phyi ma phyi ma skyed par byed pa la rkyen nyid du 'dod la de dag gi bdag nyid thob pa de yang rgyu snga ma snga ma la rag las pa'i phyir/ma rig pa la rgyur 'gyur ba'i yan lag gzhan snga ma nyid 'dod par bya dgos shing / de'i yang gzhan yin zhing de la yang gzhan yin pa'i phyir/ thug pa med pa'i phyir du thal bar 'gyur ba spang bar bzhed pas chos mngon pa la sogs par de'i rgyu rigs mthun pa snga ma snga ma'i rgyu can gyi phyin ci log yin par bstan to//de yang yan lag gzhan ma yin te/ de yang rigs mthun pa nyid kyis de kho na'i khongs su gtogs pa'i phyir de las gzhan pa'i nyon mongs pa bzhin no/ /dgongs pa 'di nyid kyis/ ma rig nyon mongs sngon gnas skabs//zhes bya ba ma rig pa'i mtshan nyid kyi ngag la nyon mongs pa'i sgra ci'i tshig tu nye bar gzung ba yin no/ /de yang mi rtag pa dang bdag med pa dang / mi gtsang ba dang sdug bsngal ba'i bdag nyid can gyi 'du byed thams cad la/ rtag pa dang / bdag dang / gtsang ba dang / bde ba'i rnam par 'jug pa'i dbye bas rnam pa bzhir 'dod do/ /de ltar ni 'thad pa ma yin te/ gal te mi rtag pa la sogs pa'i chos rnams dngos po'i chos nyid du grub pa yin na/ de'i tshe de las phyin ci log gi rnam par zhen pa'i shes pa phyin ci log gi ngo bo nyid du 'gyur ba zhig na/de nyid ni grub pa ma yin te/ sngar bstan pa'i rim pas dngos po thams cad rang bzhin stong pa nyid kyis gdod ma nas zhi ba nyid du bsgrub pas na dngos po cung zad kyang ma grub pa'i phyir ro/ /chos can yin na ni chos dpyad par rigs te/chos can yod na 'jig rten na/ /chos rnams dpyad pa 'jug pa yin/ /zhes bshad pa yin no/ /de lta bas na mi rtag pa nyid la sogs pa rnams ni rtag pa nyid la sogs pa dag dang med pa nyid du khyad par med pa dag yin pa de'i phyir gnyi ga spangs pa'i sgo nas phyin ci log spangs pa bstan pa yin no//des na de ltar ma rig pa'i rgyu mtshan phyin ci log tu ma grub pas ma rig pa ma grub la/ de ma grub na 'du byed rnams so zhes bya ba'i rim pa 'dis yan lag snga ma snga ma rgyur mngon par 'dod pa ma grub pa na/ 'bras bur mngon par 'dod pa'i yan lag phyi ma phyi ma rnams ma grub par bstan pas rten cing 'brel par 'byung ba mtha' dag skye ba med par bstan pa yin no//gzhan yang ma rig pa dang 'du byed dag ni sems las byung ba nyid du 'dod pa yin te/ 'di ltar/ rmongs dang bag med le lo dang / / ma dad pa dang rmugs dang rgod/ /nyon mongs can la rtag tu 'byung / /zhes bya ba'i tshig gis nyon mongs pa'i sa mang po pa yin pa'i phyir/ rmongs pa'i sgras ma rig pa sems las byung ba nyid du bstan to/ /'du byed rnams kyang las kyi bdag nyid rnams te/ de ni sems pa dang des byas zhes 'byung ba las kyang mdor bsdus na rnam pa gnyis kho na'o//der yang thar pa/ dam pa'i don du dge rtsa ba/ /ngo tsha khrel yod bdag nyid kyis/ /bya ba la sogs kun slong bas/ /zhes 'byung bas sems pa'i dbang gis des byas pa'i lus dang ngag gi las dge ba la sogs par 'gyur ba'i phyir ro//sems pa'i ngo bo las ni gtso bo yin la/ sems pa yang sems las byung ba'i phyir yin no/ /de yang dge ba dang nyon mongs pa can la sogs pa'i sems thams cad dang mtshungs par ldan pa nyid kyi sa mang po thams cad pa nyid du bstan te/ji skad du/ tshor dang sems pa 'du shes dang / /'dun dang reg dang blo gros dran/ /yid la byed dang mos pa dang / /ting nge 'dzin sems thams cad la/ /zhes bshad do/ /de ltar na gnyi ga dag ni sems las byung ba nyid du rnam par gnas pa na/lhan cig 'byung gang phan tshun 'bras/ /'byung ba bzhin sems rjes 'jug dang / /sems dang mtshan nyid mtshan gzhi bzhin/ /sems las byung dang sdom gnyis dang / /sems dang de dag gi mtshan nyid/ /sems kyi rjes 'jug dus dang ni/ /'bras sogs dge la sogs pas so//zhes 'byung bas lhan cig 'byung ba'i rgyu nyid kyis phan tshun 'bras bu nyid bstan pas phan tshun brten pa nyid yin pa de'i phyir gcig kyang grub pa yin pa ma yin pas ma rig pa ma grub pa na 'du byed rnams kyi ma grub pa la/ gzhan las ma grub pa de dag las kyang rnam par shes pa grub pa ma yin te/de ltar na brgyud nas rten cing 'brel par 'byung ba mtha' dag skye ba med pa yin no zhes bstan pa'i phyir/ ma rig 'du byed med mi 'byung / /zhes bya ba la sogs pa 'phags pa'i tshigs su bcad pa gnyis smras so/ / 'du byed mi 'byung ba zhes bya ba'i de ma thag tu gang gi phyir lhan cig 'byung ba'i rgyu nyid yin pa de'i phyir zhes khong nas dbyung ba sbyin par bya'o/ /des na don 'di yin te/ gang gi phyir lhan cig 'byung ba'i rgyu nyid yin na/ 'du byed med na ma rig pa dang / de med na 'du byed mi 'byung ba de bas phan tshun rgyu nyid de phan tshun brten pa nyid yin pa de'i phyir ma rig pa dang /'du byed ces bya ba'i yan lag de gnyis kyang rang bzhin gyis ma grub pa ste rang gi ngo bo las kyang ma grub bo zhes bya ba'i tha tshig go/ /kyang gi sgra ni sun 'byin pa gzhan sdud pa la smos so//ma rig pa'i rang gi ngo bo ma grub pa na yang nyes pa gang yin pa de bstan pa'i phyir/ gang zhig ces bya ba la sogs pa smos so/ /spyir brjod pa yin du zin kyang skabs su bab pas khyad par can gyi don rtogs pa yin pa de'i phyir gang zhig gi sgras ma rig pa zhes bya ba'i yan lag brjod pa yin par shes par bya'o//des na don ni 'di yin te ma rig pa zhes bya ba la sogs pa yan lag gang zhig rang nyid kyis 'du byed la mi ltos pa'i bdag nyid kyis rang bzhin gyis ma grub cing rang gi ngo bos ma grub pa de 'du byed ces bya ba'i yan lag gzhan rnams la 'ga' zhig gis dang ji ltar bskyed de/ji ltar yang ma yin pa kho na'o zhes bya ba'i don to/ /gang gi phyir de ltar yin pa de lta bas na ma rig pa zhes bya ba'i yan lag gi pha rol las rang gi ngo bo ma skyes shing ma grub pa 'du byed rnams zhes bya ba'i rkyen gzhan rnam par shes pa la sogs pa skyed par byed pa ma yin te dngos dang brgyud pas zhes bya bar dgongs pa'o//don 'di nyid 'jig rten pa'i 'thad pa bstan pa'i phyir pha bu ma yin zhes bya ba la sogs pa smos so/ /'jig rten na gang la ltos nas pha yin gang pha yin pa de ni/de nyid la ltos pa kho nas bu ma yin zhing / gang la ltos nas bu yin pa de ni de nyid la ltos pa kho nas pha ma yin no/ /gal te de ltar yin na de'i tshe nyes pa cir 'gyur zhes dogs par byas nas nyes pa gang yin pa de bstan pa ni/ de gnyis phan tshun med min la//zhes bya ba la/ 'byung ba zhes bya ba ni lhag ma ste/ de gnyis phan tshun brten pa nyid yin no zhes bya ba'i tha tshig go/ /de yin na skyon gang zhig yin pa de bstan pa ni de gnyis cig car yang min zhes bya ba ste/ gcig kyang 'ga' zhig gi tshe yang grub pa ma yin no zhes bya ba'i don to//don 'di yang gnyis dper bya ba'i phyir ltar zhes par nye bar bkod do/ /yan lag bcu gnyis zhes bya ba la sogs pas dkyus ma nyid ces nye bar bsdu ba'o/ /'dir yang mthar thug pa'i dgongs pa bstan te/ rnam pa gzhan du na yan lag gnyis phan tshun brten pa nyid kyis rang gi ngo bo ma grub pa sun 'byin pa'i skabs su rten cing 'brel par 'byung ba'i mtha' dag yongs su bzung nas 'di nye bar bsdu bar ji ltar rigs/'di dag tsam gyis ni gnas pa dang skye ba dang 'jig pa 'jig rten gyi tha snyad kyi dbang gis sangs rgyas kyis gsungs kyi yang dag pa'i dbang gis ni ma yin no zhes bya ba gtan la phab pa yin no//da ni yod pa dang med pa zhes gsungs pa bsdus pa'i phyogs la brten nas/ bdag dang bdag med min zhes bya ba'i tshig gis gang zag gnyi ga'i ngo bo nyid du khas blangs pa mi srid pa bstan pa na/sngar drang ba'i don nyid du gtan la phab tu zin kyang / yang so so'i phyogs yongs su bzung nas gtan la phab pa'i phyir/ ji ltar rmi lam yul brten nas/ /zhes bya ba la sogs pa smos so/ /gang yang 'di snyam du gang la brten nas gang zhig 'byung bzhin par mngon sum gyis nyams su myong ba dang /gang zhig dmigs pa'i rig byar gyur pa yod pa na nyams su ma myong ba de dag rim pa ji lta ba bzhin du yod pa dang med pa nyid du tshad mas khong du chud pa nye bar bstan pa de kho na nyid du ji ltar yang spang bar bya ba yin/ nyams su myong bas grub pa'i dngos po ni sus kyang bsnyon par nus pa ni ma yin no snyam du sems na de ni 'di skad brjod par bya ste/ji ltar rmi lam na phreng ba dang tsan+dan la sogs pa phan 'dogs par byed pa dang sbrul dang tsher ma la sogs pa gnod par yul gyi dngos po la brten nas de ltos nas nyams su myong bzhin pa yin yang /bde ba dang sdug bsngal dang de'i yul med pa ste/ de kho na nyid du zhes bya ba'i lhag ma'o/ /de bzhin du don gyis sad pa'i gnas skabs na rgyur mngon par 'dod pa'i dngos po gang zhig la brten nas de ltos pa'o/ /'bras bur mngon par 'dod pa gang zhig rten cing 'brel par 'byung ba de 'di gnyi ga yang kun rdzob pa'i tshad mas nyams su myong du zin kyang med pa de kho na nyid du yod pa ma yin pa nyid do//ji skad ston pa yin te/ rmi lam gyi snang ba las sad pa'i shes pa la ni khyad par cung zad kyang mi mngon pa'i phyir ji ltar na gcig ni bden pa'i don can nyid yin la/de las gzhan sad pa'i shes pa ni bden pa'i don can nyid yin no zhes bya ba 'di ni shin tu rgyas par gzhan du dpyad zin to/ /de lta bas na rang bzhin stong pa nyid kyis thams cad dngos po pa nyid du med pa nyid yin pas na/yod pa dang med pa'i rnam par dbye ba bstan pa ni dgongs pas 'jug pa yin no zhes bya ba 'di yang gnas pa yin no/ /'di'i 'og rol du ngag dang por kun rdzob nyid du mdor bstan pa'i dman pa dang / mnyam pa dang khyad par can du bstan pa'i gzhung gzugs pa'i phyir gal te dngos po rnams rang bzhin gyis zhes bya ba la sogs pa smos so//'dir phyed snga mas ni phyogs snga ma rjes su brjod pa yin la/ phyed phyi mas ni lan sgrub pa'i/ 'dir phyogs snga ma smra ba'i bsam pa 'di yin te/ gal te dngos po rnams rang bzhin med na ni dman pa dang mnyam pa dang khyad 'phags nyid du mi 'gyur ba zhig na 'di dag ni de'i tshe zhes bya ba lhag ma'o//de ni yod pa yang yin te de'i phyir/ de rnam pa gzhan du mi 'thad pas dngos po rnams ni rang bzhin dang ldan pa yin no zhes bya ba'o/ /lan smras pa'i sems pa ni dman pa dang mnyam pa dang khyad par can gyi dbye ba sna tshogs pa nyid dngos po rang bzhin dang ldan pa nyid bsgrub par bya ba la sgrub par byed pa nyid du bstan pa gang yin pa de nga la ma grub pa yin te stong pa nyid du smra ba ni de lta bu'i rnam par dbye ba yang dag pa nyid du khas len par ni mi byed do//sgrub par byed pa gang yang rung ba la ma grub pa yang sgrub par byed pa yin pa kho na'o/ /yang na gnyi ga la yang ma grub pa yin no zhes bya bar/ rgyu las kyang ni mngon grub med/ /ces bya ba gang yin pa smos te/ gal te rgyu las dang kyang gi sgras rgyu med par rang kho na las dngos po rnams mngon par grub cing /rang gi ngo bo grub pa yin na ni rnam par dbye ba 'di de la brten pa nyid kyis de kho na nyid can du 'gyur la/ gang gi phyir gnyi ga ltar yang sngar bstan pa'i rigs pa brgyud pa des rigs pa ma yin pa'i phyir ji ltar na 'di khyed la yang grub pa yin te de bas na gnyi ga la ma grub pa yin pa de'i phyir/ji ltar 'di las bsgrub bya grub/ /ces bstan par 'gyur/ gnyi ga'i rnam pas mngon par ma grub pa 'di nyid sngar nye bar bstan pa la mjug bsdu ba'i phyir de lta bas na zhes bya ba la sogs pa smos so/ /gang gi phyir/ji ltar rmi lam yul brten nas/ /zhes bya ba la sogs pa'i ngag gis brten nas skyes pa de kho na nyid du ma skyes pa nyid yin no zhes bstan pa de lta bas na brten 'byung la/ rang bzhin grub pa ga la yod de rnam pa ji ltar yang med pa nyid do zhes bya ba'i don to/ / 'on te rang bzhin grub pa'i gzhung gzugs pa'i phyir mi brten par 'byung ba ste/ rang kho na las skye ba'i bdag nyid du khas blangs pa der yang rang bzhin med mi 'byung ste nam yang zhes bya ba lhag ma'o/ /grub pa'i snga rol lam phyis kyi dus su rang bzhin dang bral ba nyid du mi 'gyur zhing rtag tu kho nar yod pa'i dngos por 'gyur ro//'dir yang / yod pa yod phyir skye ba yin/ /zhes bya ba 'dir yod phyir zhes bya ba'i gtan tshigs smos pas ston par byed do/ /'di nyid la 'thad pa bstan pa ni rang bzhin gyi yang med pa gang la med ces bya ba'o/ / yang ni gang gi phyir gyi don la ste/ gang gi phyir rang nyid las 'byung ba gang la yod pa de'i rgyu gzhan la mi ltos pa med pa ni dngos po dang bral zhing log pa'i rnam pa la ste gang na yang med pa nyid do zhes bya ba'i don to/ /gang zhig ltos pa med pa de ni rtag tu kho na yod pa yin te/ ltos pa dang bcas pa nyid res 'gar 'byung ba'i phyir ro//de ni rgyu med gzhan la ltos med phyir/ /rtag tu yod pa'am med par 'gyur/ /dngos po rnams ni res 'ga' zhig /'byung ba ltos pa las yin no/ /zhes bstan to/ /gang yang 'di snyam du gal te ma grub pa'i rang bzhin kun gyi dngos po yin na/'o na ni 'dir ri bong gi rwa bzhin du yod pa ma yin la/ yod pa ma yin pa'ang dngos po zhes bya ba'am/ gzhan dngos zhes bya ba'am/ dngos med ces bya ba'i tha snyad du ji ltar 'jug par byed/ de'i phyir de dag gi tha snyad 'jug pa gzhan du mi 'thad pas de grub pa'i ngo bo nyid do snyam du sems na/de la gtan tshigs ma grub par bstan pa'i phyir/ med la rang gi dngos po'am zhes bya ba la sogs pa smos te/ gang zhig sngar bstan pa'i rigs pas skye ba med pa de'i med pa la rang gi dngos po la sogs pa gang la yin te de dag gi tha snyad ni rmi lam bzhin du brdzun pa yin no zhes phyed phyi mas ston par byed de/de'i phyir zhes bya ba la sogs pa la de'i phyir zhes bya ba ni rang gi dngos po la sogs pa rnams de kho na nyid du mi srid pa'i phyir de de dag gi tha snyad brdzun pa yin no zhes bya ba'i don to//yang gang gis skye ba dang 'gag pa bzhin du mi 'thad pas dngos po'i rang bzhin nyid du rab tu ston pa de'i yang gtan tshigs snga mas ldog pa'i sgo nas rjes su brjod nas phyed phyi mas gtan tshigs go bar bya ba la ma grub pa nyid du bstan pa'i phyir/ gal te dngos po stong yin na//zhes bya ba la sogs pa smos te/ 'phags pa 'di ni rtogs pa'i don can nyid du zad do/ /dngos dang dngos med cig car med/ /ces bya ba la sogs pa 'phags pa gnyis kyis de lta ba'i ral ga la rjes su 'jug pa'i sgo nas gtan tshigs 'di nyid go bar byed pa la ma grub pa nyid du bstan pa ni/gang gi phyir 'di ni 'di ltar bstan par bya ba yin te/ skye ba dang 'gag pa dag ni dngos po dang dngos po med pa dag tu bshad la/ de dag kyang khyod kyis 'dus byas su 'dod pa yin gyi/ 'dus ma byas su ni ma yin no/ /de la yang de dag rim pa ma yin pa'am rim gyis yin/re zhig rim pa ma yin pa ni ma yin te/ gang gi phyir/ dngos dang dngos med cig car med/ /ces bya ba ste/ 'gal ba'i phyir ro snyam du bsam pa'o/ /de'i phyir don ni 'di yin te/ dngos po dang dngos po med pa ni cig car te/ dus gcig tu yod par mi rigs te/ phan tshun spangs pas gnas pa'i ngo bo nyid yin pa'i phyir ro/ /gang gi phyir sngon po'i med pa ma spangs sngon po gnas pa ni med do/ /rim gyis kyang ma yin te gang gi phyir/ dngos med med na dngos po med/ /ces bya ba ste/ khyod kyi 'dod pas zhes bya bar dgongs pa'o//khyod kyis ni 'di 'dus byas nyid du 'dod pa yin te/ 'dus byas nyid kyang ji srid du de'i mtshan nyid dang mi ldan pa de srid du 'dus byas nyid ma yin no/ /skye ba dang / gnas pa dang / mi rtag pa nyid ni so so'i mtshan nyid du gnas pa ni ma yin no//nam mkha' la sogs pa rnams la yang gnas pa nyid khas blangs pa'i phyir 'dus byas nyid du thal ba'i phyir ro/ /bsdus pa rnams de'i mtshan nyid yin na yang mi rtag pa dang ldan pa gzhan 'jig pa'i rnam grangs can dngos po med na med pa na ste skye ba dang ldan pa'i skye ba'i dngos po med par 'gyur te/de dag 'dus byas la lhan cig pa kho nar 'gyur ro zhes bya ba'i don to/ /de las cir 'gyur zhe na/ rtag tu dngos po yang dngos med 'gyur/ /zhes bya ba smos te/ dngos po'ang ste 'dus byas nyid rtag tu ste skye ba dang gnas pa'i dus dag tu yang dngos po med ste yod pa ma yin par thal bar 'gyur ro zhes bya ba'i don to//'on te skye ba'i dus nyid ni rang gi byed pa med par mi rtag pa nyid dngos po la gnas pa yin la gnas pa las phyis kyi dus kho nar de'i 'jig pa sgrub par byed pas de'i phyir skyon 'di med do zhe na/ skyon med pa yin no zhes/ dngos med med na med mi 'byung / /zhes bya ba smos te dngos po med pa ni dngos po med pa ste/ de las med na ste/ mi rtag pas sgrub pa'i 'jig pa med na'o/ /'di yod na dngos po mi 'gyur bas dngos po med pa ste mi rtag pa nyid yin la de yod na dngos por mi 'gyur ba'i phyir/de mi 'byung zhing mi srid do zhes bya ba'i don te/ 'di skad bstan pa yin te/ gang gi tshe gang zhig rang gi bya ba byed pa de'i tshe de yod pa yin no zhes smra bar rigs pa yin te/ yod pa ni don bya ba byed pa'i mtshan nyid can yin pa'i phyir dang /med pa ni de las bzlog pa'i mtshan nyid can yin pa'i phyir te/ ji skad du nus pa ni dngos po'i mtshan nyid yin la/ nus pa thams cad dang bral ba ni dngos po med pa'i mtshan nyid yin no zhes bstan pa lta bu'o/ /gal te mi rtag pa ni dngos po'i bdag nyid grub pa'i dus na rang gi 'bras bur mngon par 'dod pa 'jig pa sgrub par mi byed pa de'i phyir rgyu mtshan du yod pa 'di la de'i tshe yod do zhes brjod par ji ltar nus/de'i phyir/ rtag tu dngos po'ang dngos med 'gyur/ /zhes bya ba 'dis brjod pa'i thal bar 'gyur ba 'jug pa las mi 'da' ba nyid do//'on te dang po dngos po med pa nyid yod do zhe na/ de yang rigs pa ma yin zhes bya bar/ dngos po med par dngos med med/ /ces bya ba la sogs pa smos te/ 'dir dngos med ni zhi gnas med pa la mngon par 'dod kyi snga na med pa la sogs pa la ni ma yin te/de nyid kyi skabs su bab pa nyid yin pa'i phyir ro/ /de yang sngar byung ba'i dngos po'i ngo bo med par med pa ste/ 'jig pa ni dngos po'i gzhan dbang nyid yin pa'i phyir ro/ /med ces bya ba'i de ma thag tu de yang zhes bya ba'i/lhag ma khong nas dbyung la bdag nyid ni/ /zhes bya ba la sogs pa gdon par bya'o/ /des na don ni 'di yin te/ /dngos po gang zhig med na dngos po med par mi rigs par 'gyur ba de yang sngar bstan pa'i rigs pas rang las ma yin/ gzhan las grub pa ma yin no//gang gi phyir/ de lta bas na de med na/ /dngos po med cing dngos med med/ /'di ni rigs pa'i phyogs la brten pa'i phyogs gnyis su mjug sdud par byed de 'di ltar dang po ni skye ba'i bdag nyid kyi dngos po yin la/ phyi nas ni 'jig pa'i bdag nyid kyi dngos po med pa yin no zhes bya ba'i phyogs gcig po de yang gal te khyod kyis khas blangs kyi dngos po skye ba dang 'brel ba'i dus na mi rtag pa zhes bya ba'i 'dus byas kyi mtshan nyid dang 'brel pa ma yin pa de'i tshe rnam par gnas par 'gyur na 'di yang yod pa ma yin no//de lta bas na de med na skye ba'i dus kho nas dngos po de'i mi rtag pas byas pa'i 'jig pa 'byung ba na dngos po med pa ste/dngos po ni ma byung ba las byung ba'i mtshan nyid kyi skye ba yin la/ med pa ni mi srid pa yin no zhes bya ba'i don to/ /de bzhin du dang po ni 'jig pa'i bdag nyid kyi dngos po med pa yin la phyi nas ni skye ba'i bdag nyid kyi dngos po yin no zhes bya ba'i phyogs gnyis pa de yang gang gi tshe dngos po la mi ltos par 'jig par 'gyur ba de'i tshe rigs pa yin gyi 'jig par bya ba med par ni 'jig par rigs pa ma yin no//gang gi phyir 'jig bya mngon par 'dod pa'i dngos po de yang rang las sam gzhan las mi 'grub pa ste/de lta bas na de med na ste 'jig byar mngon par 'dod pa'i dngos po de ma grub na dngos med med de/ 'jig pa 'ba' zhig mi srid do zhes bya ba'i don to/ /de lta bas na 'di ltar skye ba dang 'jig pa dag rim pa ma yin pa'am rim pa yin par mi 'gyur bar bstan pas dngos po rnams kyi ngo bo nyid bsgrub par bya ba la skye ba dang 'jig pa gzhan du mi 'thad pa zhes bya ba'i gtan tshigs kho nar go bar byed pa la ma grub pa nyid du bsgrubs pa yin no//'jig rten mtha' dag gis khas blangs pa'i dngos po yang khyod kyis kyang skyon mthong ba med par khas blang bar 'os pa ma yin nam/de'i phyir de'i stong pa nyid bstan pa la 'bad pas ci dgos/ 'on te de khas blangs pa la skyon cung zad yod na/ 'o na ni de brjod par bya dgos so snyam du dgongs pa la/ yod pa nyid dam rtag pa nyid//ces bya ba la sogs pa smos so/ /dgongs pa ni 'di yin te/ yang dag pa dngos po khas len pa na byas pa'am/ ma byas pa khas len pa yin grang na/ de la re zhig byas pa ni khas blang bar rigs pa ma yin te/ de ni khyod 'dod pa nyid kyis skye ba'i dus kyi tshe mi rtag pa zhes bya ba 'dus byas kyi mtshan nyid dang 'brel pa'i dbang gis skad cig tu yang yod par ma grub pa da gzod nyid bstan pa'i phyir ro//'on te ma byas pa yin na de yang rigs pa ma yin te/ de ni yod pa nyid na de khas len pa na rtag pa nyid de rtag pa'i tha snyad 'jug pa'i rgyu mtshan 'dod chags la sogs pa'i nyes pa mtha' dag gi gleng gzhi bstan pa'i dngos por mngon par zhen pa'i mtshan nyid can rtag par lta ba'i nyes pa'i rgyu dngos por thal bar 'gyur zhes bya ba lhag ma'o//'on te gang gi tshe skyon 'di spong bar 'dod nas de yang yod do zhes khas mi len pa de'i tshe de yang med na nges par te gdon mi za bar 'chad pa yin te shin tu med par chad par lta ba rgyur thal bar 'gyur te zhes sbyar bar bya'o//gang gi phyir de ltar yod pa dang med pa nyid du khas len pa na dngos po yin pa de gnyis yin te/ skyon gnyis su thal bar 'gyur ba de'i phyir dngos po ni kho bo cag gis khas blang bar bya ba ma yin no//'di gal te ji skad bstan pa'i nyes par thal bar 'gyur ba'i 'jigs pas bye brag tu smra ba'i lta ba'am/ mu stegs pa'i lta bas yang dag pa'i dngos po khas mi len na/ 'o na ni mdo sde pa'i lta bas de khas len par gyis shig /gang gi phyir de dag ni gang gis skye ba'i dus kho nar 'jig pa dang 'brel pa'i dbang gis rtag tu dngos po dngos med du thal bar 'gyur ba 'dus byas kyi mtshan nyid dang ldan pas mjug 'dus byas su 'dod pa ma yin te/ 'on kyang skad cig snga mas bsdus pa'i rgyu dang rkyen dag las snga ma byung ba las skye ba gang yin pa de ni 'dus byas zhes bya ste/de ltar yang rgyu dang rkyen dag kyang yang dag par tshogs shing 'dus pa las byung ba rnams ni 'dus byas rnams zhes bya ba dang / rang gi ngo bo grub par bya ba'i phyir gzhan gyi byed pa la ltos pa'i dngos po ni byas pa zhes bshad pa lta bu'o//de yang de ltar skyes pa ni skad cig gnyis pa na nye bar len pa can skye ba na rang gi ngang gis ldog par 'gyur la/ de bzhin du de'i nye bar len pa can yang skad cig gsum pa la zhes bya ba rgyu dang 'bras bur gyur pa skad cig gzhan dang gzhan gyi bdag nyid rgyun gyi ngo bo yang dag pa'i dngos po khas len na/sngar bstan pa'i nyes pa gang yin pa de rgyun 'di la dngos po'i ngo bo khas len pa na med pa ste/ de khas len pa po nyes pa dang ldan par mi 'gyur ro zhes bya ba'i don to/ /gang gi phyir skad cig gnyis pa la skad cig gsum pa la 'byung ba'i 'bras bu'i rgyu byin nas ni dngos po 'gag ste rang gi ngang gis 'jig pa yin no zhes bya ba'i don to//'dir yang skad cig gcig la bya ba gnyis yod pa'i phyir snga phyi'i dngos po med kyang kha gdangs nas nyal lo zhes bya ba bzhin du ka'i rkyen mi 'gal lo//snga ma bzhin du zhes bya ba la sogs pa phyed phyi mas lan 'debs par byed do/ /ji ltar gong du med de de la yang rgyu min mtshungs zhes smos pas bshad pa'i tshul gyis 'bras bu ma 'ongs pa la ltos nas rgyur mngon par 'dod pa'i rgyu nyid ma grub pa de bzhin du 'dir de'i sgo nas bstan par bya ba rgyun du mngon par 'dod pa'i rgyun nyid 'di ma grub pa yin no//slar rgyu ma yin pa dang mtshungs par gyur pas 'ga' dang 'ga'i rgyur med pa nyid do zhes rgyun chad par thal ba bzlog par dka'o/ /de lta bas na rnam pa ji ltar yang dngos por khas blang bar rigs pa ma yin no//gal te de ltar skye ba dang 'jig pa med na de ma mthong ba la bcom ldan 'das kyis mya ngan las 'das pa'i lam bstan pa 'bras bu dang ldan par ci ltar rigs zhes phyogs snga mar bya ba'i phyir/ skye 'jig mthong phyir zhes bya ba la sogs pa smos so//gang gi phyir gang dag lam gyi bden pas bsdus pa rnam par byang ba'i chos skye ba rnams skye ba dang / sdug bsngal dang kun 'byung gi bden pas bsdus pa rnams ni de'i dbang gis 'jig par mthong na/ de la sangs rgyas bcom ldan 'das rnams kyis lhag ma dang bcas pa dang /lhag ma med pa'i bdag nyid kyi mya ngan las 'das pa'i lam gyi tshogs dang / sbyor ba dang / mthong ba dang / sgom pa dang / mi slob pa'i dbye bas tha dad pa de bstan pa ni rigs zhes bya ba lhag ma'o/ /yang gang zhig rang bzhin kun nas nyon mongs pa ma yin zhing rnam par byang ba ma yin pa rigs pa de la ni ma yin te/stong pa nyid yin pa'i phyir ro/ /'dir ldan bstan pa ni 'di dag ces bya ba la sogs pa ste/ 'di dag ni skye ba dang 'jig pa'o/ /phan tshun ni gzhan ni gzhan dag go/ / gang bzlog pa ni gzhan mi mthun pa'i mtshan nyid kyi rnam grangs can phyin ci log pa rung ste/ de las des mthong ba ste/ shes pa gang yin pa de ni phyin ci log las yin te/ med pa snang bar nus pa'i ngo bo ma rig pa'i dbang gis de kho na mthong ba las ma yin no zhes bya ba'i don to//'di skad bstan pa yin te/ ji skad bstan pa'i rigs pas rang bzhin stong pa yin phyir gzod ma nas zhi ba'i chos thams cad kyi skye ba dang 'jig pa dag gis sna tshogs pa nyid yod pa ma yin zhing / gang zhig de rig pa de ni gzhan ma yin pa'i rnam grangs can phyin ci log nas gzhan las ma yin pa de'i phyir/ji ltar de'i ched du bstan pa 'bras bu dang bcas pa yin/ 'dir gzhan smra ba ni/ gal te skye 'gag med yin no/ /zhes bya ba la sogs pa'o/ /'di snyam du gang zhig la ma skyed par byed pa dang / kun 'byung 'gog par byed pa de la de'i dbang gis ma 'ongs pa'i sdug bsngal mi skye ba'i ngo bo mya ngan las 'das par rig na/stong pa nyid du smra ba khyod kyis chos thams cad rang bzhin stong pa nyid yin pa'i phyir gal te skye ba dang 'gag pa yod pa ma yin pa de'i tshe gang zhig 'gag pas gang zhig mya ngan las 'das par 'gyur te/'ga' zhig kyang ma yin pa nyid do/ /de'i phyir thar ba med par thal bar 'gyur ro snyam du sems na/ ma yin te/ gang gi phyir rang bzhin nyid kyis zhes bya ba rgyas par te rang gi ngo bo dang / sgro ma btags pa'i ngo bo dang de kho na nyid ces bya ba don gcig pa de nyid kyis gzod ma nyid nas chos thams cad skye ba med pa dang de nyid kyi phyir 'gag pa med pa gang yin pa de nyid thar min nam zhes bya ba'o//'di nyid khyod kyis kyang gdon mi za bar khas blang bar bya ste/ gzhan du na gal te 'gog las zhes bya ba rgyas par te/ 'ga' zhig ces bya ba lhag ma'o//gal te chos 'ga' zhig 'gog las te/ dngos po med par 'gyur ba las mya ngan las 'das par thal bar 'gyur zhes bya ba lhag ma'o/ /'on te mi 'gog pa las zhes bya ba ni cig shos ltar gyi sgra'i don yin te/ de'i tshe rtag pa ni dngos po'i rang gi ngo bo brtan pa kho na ste/mya ngan las 'das par thal bar 'gyur ro zhes sbyar ro/ /mya ngan las 'das pa de lta bu yang mi rigs shing khyod kyis kyang khas ma blangs te/ nyon mongs pa 'gog pa yin na yang de'i bag chags ni mi 'gog pas skye ba rnam par chad pa ma grub pa'i phyir te/mar me bzhin mya ngan las 'das pa bstan pa yang dgongs pa can yin pa'i phyir dang / 'dus byas thams cad skad cig ma nyid du khas blangs pa'i phyir ro/ /de phyir dngos po dngos med min/ /zhes bya ba ste/ thar pa zhes bya bar 'brel to/ /'o na ci zhe na/ skye ba med dang 'gag med yin/ /zhes bya ba ste/ gzod ma nas zhi ba nyid thar pa yin no zhes bya ba'i don to/ /'on te so sor brtags pa'i 'gog pa ni thar pa yin te/ de yang 'dus ma byas pa nyid du 'dod pas rtag tu yod pa nyid du gnas pa yin no/ /de ltar yang / 'dus ma byas rnams gsum yang ste//nam mkha' dang ni 'gog pa gnyis/ /zhes bstan to/ /de'i phyir 'di 'gog par bya ba ma yin pas ji ltar de yang bkag pa las thar bar bya zhes bya snyam du dogs pa la gal te 'gog pa 'gal zhes bya ba la sogs pa'o/ /dgongs pa ni 'di yin te/gnas pa nyid du 'dod pa'i 'gog pa 'di ni re zhig gang gis kyang mi rtogs pa nyid kyi ngo bo de lta bu yin yang gal te yod do zhes kha cig sems pa de'i tshe/ lam gang zhig yod pa na'am/ 'dod chags la sogs pa'i ngo bo'i ldan pa'i rdzas gang yin pa 'di ni 'di yod na 'byung bar 'gyur bas sam/'byung bar byed pa yin pas dngos po zhes bsgrub pa'i dbye bas tha dad pa de gnyi ga'i ngo bo de med par yang der 'gyur te/ gang gi phyir rang gi ngo bo 'grub pa la gzhan la ltos pa dang bcas pa ni/ 'dus ma byas su rigs pa ma yin no/ /mi ltos par khas blangs pa yang ma yin te/so sor brtags pa ni de'i lam nyid du khas len pa'i phyir dang / 'dod chags la sogs pa bral bar bya ba nyid du khas blangs pa'i phyir ro/ /de ltar yang / so sor brtags pas 'gog pa gang / /bral ba so so so so yin/ /zhes bstan to//gal te gzhan yang de dag so sor brtags pa ni 'gog pa thob pa'i yan lag nyid du 'dod na de lta yang thob pa ni skye ba las tha dad par rigs pa ma yin no zhes mi ldan pa'i 'du byed dpyad pa'i zhar la gzhan du gtan la phab zin to/ /de'i phyir gnas pa'i bdag nyid kyi 'gog pa de med de/de yod pa nyid du khas len pa na bye brag tu sgrub pa'i dbye bas sngar brjod pa'i dngos po so sor brtags pa'i mtshan nyid kyi lam ni ltos par bya ba ma yin pa'i phyir dang / 'dod chags la sogs pa kun nas nyon mongs pa ni des thob par bya ba'i bral ba'i rten nyid du mi rigs pas yod kyang ni/med pa dang khyad par med pa'i phyir dngos po med par thal ba'i phyir ro/ /'on te gal te de'i lam dang de'i byed pa'i rten du gyur pa kun nas nyon mongs pa ltos par bya ba yin pa de nyid du khas blangs pa de'i tshe de dag la mi ltos pa'i bral ba'i mtshan nyid kyi dngos po med pa med pa'i phyir yang gnas pa'i 'gog pa med do//de'i phyir sngar brjod pa kho na thar pa'i mchog yin no/ /gang yang ji ltar dngos po rnams kyi skye ba med pa nyid thar pa yin te/ mtshan gzhi dang mtshan nyid yod pa nyid kyis de nyid ma grub pa'i phyir ro//gang gi phyir gzugs la sogs pa rnams skye ba med pa yin na gzugs su rung ba dang / nyams su myong ba dang / mtshan mar 'dzin pa la sogs pa'i mtshan nyid de kho na nyid du rigs pa ma yin no zhes zer ba de la/ mtshan gzhi dang mtshan nyid ma grub par bstan par 'dod nas mtshan gzhi las mtshan nyid grub ces bya ba la sogs pa smos so//dgongs pa ni 'di yin te/ gang gi phyir sgrub par byed pa gang zhig rang nyid grub pa'i khang bzangs kyi steng du 'dzegs nas de nyid gzhan ma grub pa sgrub par byed par nus pa yin gyi 'di dngos po rnams skye ba dang ldan pa nyid du bsgrub par bya ba la sgrub byed nyid du bstan pa na mtshan gzhi dang mtshan nyid 'di grub pa ni ma yin te/'di ltar re zhig mtshan gzhi dang mtshan nyid las 'das pa'i de'i dngos po gzhan srid pa ni ma yin te/ de gzhan nyid yin na ji ltar 'di dag de dag gi zhes bya ba'i 'brel pa gzhan 'dod pa gzhan yin la de la yang 'di'i don gzhan nyid du khas len na/ji ltar de dang de dag 'brel pa yin zhes de la yang de ltar/ de kho na yod pa nyid du rtog pa na thug pa med pa nyid kyis rtogs pa med par thal ba'i phyir ro/ / de dag kyang rang las grub pa ma yin te/ gang gi phyir/ mtshan gzhi las mtshan grub mtshan las/ /mtshan gzhi grub ste zhes bya bar sbrel bar bya'o/ /gang gi phyir gang gis mtshan gzhi mtshon par byed pa de ni mtshan nyid ces bya ba yin gyi mtshan gzhi la mtshan gzhi nyid du mtshon par mi byed pa'i mtshan nyid de mtshan gzhi nyid du mtshon pa ni ma yin no//de ltar re zhig mtshan gzhi la rag las nas mtshan nyid grub pa yin no/ /mtshan gzhi yang mtshan nyid la ltos nas grub pa yin te/ 'di ltar gang zhig mtshan nyid kyis mtshan par bya ba de ni mtshan gzhi zhes bya ba yin gyi/mtshan nyid de lta bus nye bar mtshon pa ni mtshan gzhi de'i mtshan gzhi nyid du nye bar mtshon pa ni ma yin no/ /de lta bas na de dag rang nyid las grub pa ma yin no/ /'on te de dag rang las grub par ma gyur mod/ 'on kyang phan tshun ltos pa nyid las grub pa yin no zhe na/gcig las gcig kyang ma grub ste zhes bya ba smos te/ gang gi phyir/ ma grub ma grub grub byed min te/ gang gi phyir phan tshun ltos pa na gnyis po dag grub par 'dod na gcig kyang grub pa ma yin te/ de'i phyir mtshan gzhi ma grub pa ni mtshan nyid ma grub pa'i sgrub byed ma yin pa la mtshan nyid ma grub pa yang mtshan gzhi ma grub pa'i ma yin no//de lta bas na ci las kyang mtshan gzhi dang mtshan nyid grub pa ma yin no/ /de las cir 'gyur zhes dgongs pa las ma grub ces bya ba la sogs pa skabs kyi don la sbyar ba'i phyir yang gdon par bya'o//des na don ni 'di yin te/ ma grub pa'i mtshan gzhi dang mtshan nyid gang yin pa de yang ma grub pa'i skye ba dang ldan pa'i grub byed nges pa skyed par byed pa ni ma yin no zhes bya ba'o/ /rigs pa 'di nyid rgyu dang 'bras bu nyid la sogs pa gzhan dag kyang dngos po rnams skye ba dang ldan pa nyid du bsgrub par bya ba la sgrub byed nyid du gzhan dag gis nyes par sbyar ba dag ma grub pa nyid du brjod pa'i phyir/gzhan la bsgre ba bstan pa'i phyir/ /'dis ni rgyu dang 'bras bu dang //zhes bya ba la sogs pa smos so/ /de la re zhig rgyu dang 'bras bu nyid ni rgyu dang 'bras bur mngon par 'dod pa'i dngos po las phyi rol du gyur pa ma yin te/ snga ma thug pa med par thal bar 'gyur ba bzlog dka' ba'i phyir ro/ /dngos po de dag kyang de nyid du rang las grub pa ma yin te/gang gi phyir rgyur grub pa ni 'bras bu las yin la/ 'bras bu'i yang rgyu las yin no/ /gang gi 'bras bu byed pa de ni rgyu zhes bya ba yin gyis 'bras bu la 'bras bu nyid du ma rtogs na rgyu de nyid du rtogs par 'gyur ba yang ma yin no/ /de bzhin du rgyus bskyed par bya ba 'bras bu las yin gyi rgyu la rgyu nyid du nye bar ma mtshon pa na 'bras bu la 'bras bu nyid du yongs su gcod par 'gyur ba yang ma yin no//gal te rjes su 'gro ba dang ldog pa rtogs pas gnyis po dag gi rgyu 'bras nyid rtogs par bya ba yin gyi phan tshun ltos pa ma yin no zhe na ma yin te/rjes su 'gro ba sgrub par byed pa dang ldog pa sgrub par byed pa'i tshad ma ni gcig gam du ma mi srid pa'i phyir ro/ /ji ltar yang de mi srid pa de ltar sems gcig la yang mi 'thad la/ du ma la yang mi 'thad do zhes bya ba'i nang 'dir bshad pa yin no//de'i phyir de dag grub pa la phan tshun ltos pa srid pa'i phyir rang las grub pa ma yin no/ /'o na ni phan tshun ltos pa nyid du 'gyur ro zhe na/ de yang rigs pa ma yin te/ de nyid du gcig kyang ma grub pa yin na/ de las gzhan gyi sgrub par byed pa nyid du mi srid pa'i phyir ro//de lta bas na rang dang / phan tshun las ma grub pa'i rgyu dang 'bras bu nyid 'di ni gzhan gyi skye ba dang ldan pa nyid ma grub pa'i sgrub byed ma yin no zhes bya ba 'di gnas pa yin no/ /de ltar bya ba dang byed pa po nyid dang byed pa po dang las nyid kyang 'di la sgrub par byed pa ma yin no zhes bstan pa'i phyir ro//tshor ba tshor ba po sogs dang / /zhes bya ba la sogs pa smos so/ /gal te yang tshor ba las tha dad par bdag la sogs pa gzhan gyis yongs su brtags pa'i tshor ba po ni shin tu med pa de lta na yang nag pa la sogs pa kun rdzob tu der khas blangs nas gtan tshigs su bstan pa 'di la bsgre bar rnam par gzhag par bya ba yin no//'di dag rang rig pa dang dbang po'i mngon sum dag gis yang dag par khong du chud pa'i ngo bo dag yin yang bya ba dang byed pa po nyid du tshad med pa de dag gis rtogs par bya ba yang ma yin te/de ni phan tshun ltos pa kho nas rtogs par bya ba yin pa'i phyir ro/ /byed pa pos bsgrub par bya ba'i ngo bo bya ba yin te/ de yang byed pa por mngon par 'dod pa la byed pa po nyid du ma rtogs na rtogs par nus pa ma yin no/ /de yang bya ba sgrub par byed pa nyid kyis byed pa po yin pa'i phyir bya ba rtogs pa la ltos pa kho nas byed pa po nyid du rtogs pa yin no//de'i phyir de dag ni de'i ngo bor rang las rtogs par bya ba yin no/ /phan tshun las kyang ma yin te/ de lta na gcig ma grub na ma grub pa la yang gzhan du sgrub par byed pa nyid du mi rigs pa'i phyir ro//de lta bas na tshor ba dang tshor ba po zhes bya ba rang dang phan tshun las ma grub pa'i gtan tshigs 'di yang skabs kyis skye ba dang ldan pa nyid kyis gtan tshigs ma yin no zhes bya bar gnas pa yin no/ /de ltar byed pa po dang las nyid kyi bdag nyid lta ba po dang ba lta bar bya ba nyid kyang sgrub par byed pa nyid ma yin par sbyar bar bya'o//sgra gnyis po dag gis 'di 'tshed pa po dang 'tshed pa dang nyan pa po dang / mnyan bya nyid la sogs pa'i gtan tshigs gzhan dag kyang rigs pa thun mong ba nyid kyis ma grub pa'i phyir/skabs kyis bsgrub bya sgrub par byed pa'i nus pa dang bral ba nyid du nye bar brjod par bya'o/ /gal te gang yang dngos po rnams rang bzhin gyis skye ba dang 'gag pa med pa dag yin na 'o na ni de dag yod pa ma yin zhing gang dag yod pa ma yin pa de dag kyang dus gsum du 'jug pa nyid du tha snyad bya bar mi nus par 'gyur na/tha snyad kyang byed pa yin no/ /de'i phyir de'i tha snyad gzhan du mi 'thad pas skye ba dang 'gag pa dang ldan pa'i dngos po rnams yin pa de'i phyir ji ltar na/ rang bzhin nyid kyis skye med cing //'gag med gang de thar min nam/ /zhes rjod par byed snyam du sems na/ de la dus gsum nyid med do zhes bstan pa'i phyir bdag nyid ma grub mi gnas zhes bya ba la sogs pa smos so/ /gang gi phyir dus zhes bya ba dngos po las don gzhan du gyur pa zhig yin nam/don gzhan du gyur pa de yang ci gcig yin nam/ dus ma yin/ de la re zhig don gzhan du gyur pa ni ma yin te/ bdag nyid de rang nyid dngos po'i bdag nyid ma yin par gyur pa rang gi ngo bo nyid du ma grub pa'i phyir te/ tshad mas khong du ma chud pa'i phyir ro//de ltar khas blangs pa na yang gcig ma yin te/ mi gnas phyir te de gcig tu zhes bya ba ni lhag ma'o/ /gang gi phyir rnam pa gsum du tha snyad du bya ba de ni gcig nyid du rnam par gnas pa ma yin no/ /'o na ni du mar 'gyur ro zhe na/ de yang rigs pa ma yin te/ phan tshun grub phyir dang / 'chol phyir zhes bya ba'i gtan tshigs gnyis po dag gis so/ /gang gi phyir 'das pa dang / da ltar ba dang / ma 'ongs pa dag de ltar rtogs par bya ba rnams re re zhing de las gzhan grub pa la rag las na grub pa dag yin te/ da ltar yang /ma 'ongs pa dag de ltar nyid du rtogs pa med par ni 'das pa'i dus de ltar rtogs par nus pa med pa ma yin na 'das pa'i ngo bor rtogs pa med na da ltar dang ma 'ongs pa dag rang gi bdag nyid du yang ma yin no/ /de ltar gzhan la yang brjod par bya'o/ /de'i phyir gcig la gcig brten pa nyid kyis gcig kyang ma grub pa de'i phyir ji ltar 'di du ma'i bdag nyid du yang grub pa yin/'di dag ni 'chol ba yang yin te/ 'di ltar da ltar nyid la ltos nas gang da ltar ba nyid 'das pa la ltos nas ma 'ongs pa nyid yin te/ de la ltos nas 'di 'byung bar 'gyur ba yin no//ma 'ongs pa la ltos nas 'das pa yin te/ de la ltos nas 'das pa'i ngo bo yin pa'i phyir ro/ /de ltar gzhan du yang ltos pa'i dbye bas gsum nyid yin no/ /de ltar 'chol ba'i phyir yang 'di du ma 'di yang dag par ma grub pa nyid do//de'i phyir 'di ltar dngos po las don gzhan du gyur pa'i dus gcig gam du mar ma grub pa yin no zhes bya bar rnam par gnas pa yin na/ gang zhig dngos po nyid skyes la 'gags pa dang / skyes la ma 'gags pa dang / ma skyes pa las 'das pa dang / da ltar dang ma 'ongs pa'i bdag nyid dus kyi dbye ba yin par sems pa de las yang 'di dngos po pa nyid du ma grub po zhes bstan pa'i phyir gtan tshigs bstan pa ni dngos po med phyir yod min te zhes bya ba'o//gang gi phyir gal te dngos po nyid 'ga' zhig dngos po pa nyid yin pa de'i tshe 'di gnas skabs kyi dbye ba la brten nas dus gsum gyi bdag nyid du rnam par gzhag par bya ba ma yin na 'di yod pa yang ma yin te/de ni sngar kho na 'thad pa mang po'i sgo nas rang bzhin stong pa nyid du nye bar bstan pa'i phyir ro/ gal te dngos po las don gzhan du gyur ba'am/ don gzhan ma yin par gyur pa'i dus kyi dbye ba dngos po pa nyid du yod pa ma yin na/de'i tshe 'jig rten na thog ma med pa'i brgyud pa nas grags pa de la brten pa'i tha snyad 'di ji ltar yin snyam du dogs pa bsal ba'i phyir/ dus gsum nyid ni rtogs pa tsam/ /zhes bya ba smos so/ / thog ma med pa'i brdzun pa'i rnam par rtog pa goms pa'i bag chags las byung ba can dus gsum mo snyam pa de lta bu'i rnam par rtog pa nyid 'ba' zhig yin gyi dngos po'i nye bar len pa can ni ma yin no zhes brjod pa yin no/ /gang yang skye ba dang 'gag par bya ba'i ngo bo dag spong ba yin na 'dus byas spang bar 'gyur la/de spangs na yang 'dus byas kyi mtshan nyid gsum po rnams spong bar 'gyur na de dag ni spang bar nus pa yang ma yin zhes zer ba de la/ gang phyir skye dang gnas dang 'jig /ces bya ba la sogs pa smos so/ / 'dus byas mtshan nyid ces bya bar rigs la gcig gis tshig yin la/ rigs kyang gsal ba mtha' dag 'phen par 'jug pa yin no/ /de'i phyir 'dus byas kyi mtshan nyid rnams zhes bya ba'i don du gnas pa yin no/ /de ltar 'dus byas kyi mtshan nyid rjes su brjod nas spang ba'i phyir/'di gsum med ces bya ba la sogs pa smos so/ /gang gi phyir 'chad par 'gyur ba'i rigs pas 'di gsum yod pa ma yin zhing / de'i sgo nas 'dus byas nyid kyang yod pa ma yin no/ /'dus byas dang 'dus ma byas dag phan tshun spangs pas gnas pa'i phyir gcig dgag pa ni gzhan sgrub par byed na med pa'i phyir zhes bya ba'i rigs pas 'dus ma byas nyid yod pa nyid du lus pa yin na de yang ci yang yod pa ma yin te/gzhan gyis khas blangs pa'i don byed nus pa'i mtshan nyid kyi yod pa ni de la mi rigs pa'i phyir ro snyam du sems pa'o//'di skad bstan pa yin te/ gal te 'dus byas kyi mtshan nyid gsum gdon mi za bar khas blang bar bya bar yod par gyur pa de'i tshe de'i byed pa'i gnas 'dus byas kyang yod pa nyid du khas blang bar bya bar 'os par 'gyur na 'di gsum ni gdon mi za bar khas blang bar bya bar yod pa can yang ma yin te/de'i byed pa ni ji ltar yang 'thad pa ma yin pa nyid yin pa'i phyir ro/ /'di nyid bstan pa'i phyir/ ma zhig ces bya ba la sogs pa smos so/ /'dis ni 'di skad bstan te/ gal te 'dus byas skye ba dang / gnas pa dang / 'jig pa yang yin la/ de'i tshe de'i mtshan nyid kyang de dag rab tu sbyor du 'jug pa nyid kyis byed pa dang ldan pa nyid du gdon mi za bar khas blang bar bya bar yod par 'gyur na/ de'i tshe skye ba dang / gnas pa dang / 'jig pa yang ma yin no/ /gang gis skyes pa ni skye ba ma yin te/skye ba'i bya ba rdzogs pa nyid yin pa'i phyir ro/ /ma skyes pa yang ma yin te/ gang zhig ri bong gi rwa bzhin du skye ba'i bya ba'i dgag pa grub pa yin no/ /gal te gang la skye ba la rgyu med pa ni skye ba'i chos can gyis ma skyes pa de ni skye bar mi 'gyur du chug na/ gang la skye ba la rgyu yod pa skye ba'i chos can gyi ma skyes pa de ni ci'i phyir skye bar mi 'gyur zhe na/de yang skye ba ma yin te/ de'i rgyur mngon par 'dod pa ni rgyu ma yin pa dang mtshungs pa'i phyir ro/ /'dir yang rigs pa ni/ yod pa'i 'bras la'ang 'bras ldan rgyu/ /zhes bya bya ba la sogs pa lan mang du bstan zin to//de ltar gnas pa dang mi gnas pa dang / zhig pa dang ma zhig pa'i yul gyi dbye bas gnas pa dang 'jig pa mi rigs par bshad par bya ba yin no/ /de'i phyir skye ba la sogs pa 'dus byas kyi mtshan nyid gsum ni byed pas stong pa'i phyir rang bzhin stong pa nyid yin te/de'i phyir de'i rjes su 'brangs nas kyang 'dus byas dngos po pa nyid du khas blang bar 'os pa ma yin no/ /gang gi phyir de ltar 'dus byas dang 'dus ma byas sna tshogs nyid rang bzhin nyid med pa nyid de/ de'i phyir du ma dang gcig nyid la sogs pa'i rnam par rigs pa rnams kyang de la brten pa nye bar len pa med pa rnams nyid yin no//'dus byas dang 'dus ma byas nyid kyi mtshams las phyi rol du gyur pa nyid du dngos po srid du yang ma yin zhing thams cad 'di kho nar 'dus pa yin pa'i phyir gzod ma nas zhi ba nyid kho na rigs pa dang ldan pa'i thar pa yin no zhes bstan pa'i phyir ro//'dus byas ni 'dus ma byas zhes bya ba la sogs pa smos te/ 'phags pa 'di'i don rtogs par zad do/ /'dir thams cad gang zhig 'dus par 'dod pa de ni phyogs snga ma bkod pa sngon du 'gro ba can gyi grub pa'i mtha' bstan pa'i sgo nas gsal bar bya ba'i phyir/bla ma bcom ldan 'das zhes bya ba la sogs pa smos so/ /gal te 'dus byas dang 'dus ma byas thams cad rang bzhin stong pa nyid yin pa de'i tshe las kyang 'dus byas kyi nang du gtogs pa'i phyir de ltar gyur na yang ma yin te/'di ltar bla ma ste 'jig rten gsum gyi ston pa gcig pu'o/ /bcom ldan 'das zhes bya ba ni/ dbang phyug dang ni gzugs bzang dang / /dpal dang grags dang ye shes dang / /brtson 'grus phun sum tshogs pa la/ /drug po de la ldan zhes brjod/ /ces bya ba bcom ldan 'das kyi sgras brjod par bya ba yon tan ma lus pa 'phen par byed pa'i yon tan drug dang ldan pa'i sangs rgyas so//nges par rnam par smin par byed pa yin pa'i phyir las gnas te nges par gnas shing nye bar bstan pa'o/ /de yang rnam pa gsum ste/ mthong ba'i chos la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba'i dbye ba ste/ ji skad du/ nges pa dang ni ma nges las/ /nges pa yang ni rnam gsum ste/ /mthong chos la sogs myong phyir ro/ /zhes bstan pa lta bu'o/ / de bzhin du/ las bdag dang ni 'bras bu dang / /zhes bya ba ste/ gnas pa dang gsung zhes bya ba dang sbrel bar bya'o/ /'dir bdag nyid kyi sgra ni rang bzhin brjod do/ /des na 'di skad bstan pa yin te/ gang yang las rnams kyi bdag nyid gnas pa ste/ mtshan nyid nges pa ni 'di lta ste/yid kyi ni sems pa'o/ /lus dang ngag gi ni sems pas kun nas bslang ba nyid de/ sems pa yid kyi las yin te/ /des bskyed lus dang ngag gi las/ /zhes gang bstan pa'o/ /rang gi don la bka' sgrub pa'i phyir de ni las kyi bdag nyid do/ /de'i 'bras bu ste/ las gcig tu gnag pa rnams kyi bdag nyid smin pa ni gcig tu gnag pa'o/ /gcig tu dkar ba rnams kyi rnam par smin pa ni gcig tu dkar ba'o/ /'dren ma rnams kyi rnam par smin pa ni 'dren ma'o zhes bya ba'i dbye ba gnas pas nye bar gnas pa yin no/ /'jig rten ni las bdag gir bya ba yin no zhes gsungs pas las nyid rang gi bdag nyid du bya ba rtag tu dbang sgyur ba yin te/'jig rten gzhan du rjes su 'brang ba'i be'u lta bu gang dag yin pa de dag ste/ de dag ni sems can dag bya ba gsung zhes bya ba dang sbrel bar bya'o/ /de bzhin du/las rnams bskal pa brgyar yang ni/ /chud mi za ba nyid yin te/ /tshogs shing dus la bab pa na/ /lus can rnams la 'bras bu smin/ /zhes gsungs pa las rnams chud mi za bar gsungs pa'o/ /dang po ni tha ma dag tu gsungs zhes bya ba'i tshig gnyis nye bar bzung ba ni dbus su yang de sbyar ba'i don du'o//de lta bas na gal te las kyang stong pa nyid yin na 'di ltar bcom ldan 'das gsung bar mi 'gyur ba zhig na zhes bstan pa yin no/ /grub pa'i mtha' smra ba ni/ las gsungs te gang phyir ma skyes zhes bya ba la sogs pa smos te/gang las gnas pa zhes bya ba 'di lta bu'i rang bzhin can zhes bya ba'i/ sems can rnams kyis las bdag gir zhes bya ba 'bras bu ma byin par chud mi za zhes bya bar gsungs pa ni 'jig rten gyi tha snyad kyi dbang gis te/ de ni gang gi phyir ma skyes/ /mi 'jig pa de'i phyir/de kho na nyid du rang bzhin med ces tshig sbrel te sbyar bar bya'o/ /sgyu ma la sogs pa bzhin du brten nas skyes pa'i phyir/ gang zhig de kho na nyid du skye ba dang 'gag pa mi rigs pa de ni ji ltar rang bzhin dang ldan pa nyid ces gsungs par 'gyur te/ de la 'di snyam du sems te/gal te rang bzhin med pa'i las de'i dbang gis ji ltar bdag nyid kyi dngos po yongs su 'dzin pa yin zhe na/ 'dir lan bstan pa ni/ de skyes bdag 'dzin de 'dzin med/ /ces bya ba'i las las skyes pa nyid du mngon par 'dod pa bdag nyid kyi dngos po yongs su 'dzin pa gang yin pa de yang de kho na nyid du de yongs su 'dzin pa med pa de kho na'o//gang las she na/ de yang rnam par rtog pa las yin zhes bya ba smos so/ /yang ni gang gi phyir gyi don te/ gang gi phyir las las skyes par mngon par 'dod pa bdag nyid kyi dngos por snang ba gang yin pa de ni thog ma med pa'i ma rig pa'i bdag nyid kyi rnam par rtog pa kho na las yin gyi dngos po nyid ni ma yin te/rab rib kyi rgyu mtshan skra shad 'dzings pa dang zla ba gnyis pa la sogs pa lta bu'o/ /'di nyid kyang khyod kyis kyang gdon mi za bar khas blang bar bya ba yin te/gzhan du gal te las ni rang bzhin du gyur zhes bya ba rgyas par ro/ /dgongs pa ni 'di yin te/ gang zhig rten 'brel ma yin pa de ni rang bzhin gyis yin no zhes bya bar rigs pa yin te/ rgyu dang rkyen las skyes pa ni sgyu ma la sogs pa bzhin du yang dag par ma skyes pa nyid kyis rang bzhin med pa'i phyir ro//gal te las kyang rten 'brel ma yin te/ der 'gyur ba na gzhan la ltos pa med pa'i phyir rtag tu ba nyid du 'gyur ba de'i phyir des bskyed par bya bar mngon par 'dod pa lus kyi dngos po yang rgyu ma tshang ba med pa nyid kyis rtag pa nyid du 'gyur ro zhes bya ba ni nyes pa gcig ste/gang gi phyir khyod kyis rtag pa nyid dngos po'i chos nyid du mi 'dod do/ /las dang las kyi 'bras bu rtag pa nyid yin na ni/ las kyang sdug bsngal rnam smin can mi 'gyur/ /zhes bya ba nyes pa gnyis pa dang /de'i phyir bdag tu 'gyur te bdag med pa ma yin no zhes bya ba nyes pa gsum pa yin te/ mi rtag kho na las sdug bsngal ba de nyid dang / bdag med pa nyid du 'dod pa'i phyir ro/ /gang gi phyir rtag pa ni 'du byed dang / 'gyur ba'i sdug bsngal dag dang / bdag med pa dang 'brel ba'am/khyod kyis khas blangs pa yang ma yin te/ gang mi rtag pa de ni sdug bsngal ba yin la/ gang sdug bsngal ba de ni bdag med pa yin no zhes bya bar grub pa'i mtha' yin pa'i phyir ro/ /gal te de yang sgyu ma nyid la sogs pa bzhin du brten nas skye ba'i phyir de kho na nyid du rang bzhin med par khyod kyis khas len pa de'i phyir ji skad bshad pa'i nyes par thal ba ma yin te/gang gi phyir/ gang brten nas skyes pa de ni mi rtag pa nyid yin la/ gang mi rtag pa de ni sdug bsngal ba yin la/ gang sdug bsngal ba de ni bdag med pa yin no zhes stong pa nyid du smra bas kyang kun rdzob kyi bden pa la mi bsnyon pa'i phyir khas len pa nyid do//de'i phyir/ las ni rkyen skyes ci yang med/ /ces rgyas par ro/ /gang gi phyir las brten nas skyes par khas len na/ sgyu ma la sogs pa bzhin du de kho na nyid du skye ba med cing 'gag pa med pa'i phyir dang /brten nas ma skyes pa la ji skad bshad pa'i skyon gsum du thal ba'i phyir go rims bzhin du 'phags pa gnyis po dag gis de ma thag tu rang bzhin med pa nyid du bstan pa de'i phyir/ las ni rkyen skyes ci yang med/ /rkyen las skyes min yod min te/ /de kho na nyid du zhes bya ba lhag ma'o//'on te de las rab tu spangs na rigs pa thun mong ba nyid kyis de'i rgyu nyid du 'dod pa'i nyon mongs pa dang / de gnyi ga rgyu mtshan can gyi skye ba yang rab tu spang bar 'gyur ba ma yin nam/ de'i phyir 'du byed 'di gang dag gis 'du byed pa dang / gang dag 'du byed pa zhes bye brag tu sgrub pa'i dbye bas dngos po rgyu dang 'bras bu'i bdag nyid rnams so sor snang ba'i spyod yul du 'gro ba ji ltar 'gyur snyam du dogs pa bsal ba'i phyir/'du byed rnams ni sgyu ma dang zhes bya ba la sogs pa smos so/ /ji ltar dri za'i grong khyer la sogs pa yang dag par yod pa ma yin pa rnams kyang brten nas byung ba'i ngo bo nyid du log par snang ba'i bdag nyid kyis snang ba de bzhin du 'du byed thams cad kyang yin te/gang gis na de dag nyid yang dag par yod pa nyid du rnam par gzhag pa las rgyu mtshan lhag ma mthong ngo zhes dgongs pa yin no/ / 'di dag nyid gsal bar byed pa'i phyir/ las ni nyon mongs rgyu mtshan can/ /zhes bya ba rgyas par smos so/ /gang gi phyir dri za'i grong khyer la sogs pa bzhin du 'du byed thams cad rten cing 'brel par 'byung ba yin pa'i phyir dngos po nyid du med kyang brdzun pa'i rnam pa nyid du snang / ba de nyid kyi phyir las 'ba' zhig stong pa nyid du dpyod pa'i skabs su bab pa yin na yang rigs pa thun mong nyid kyis gsum ka yang ngo bo nyid kyis stong par dpyod pa yin no snyam du dgongs pa yin no/ /gsum ka zhes bya ba gang yin zhe na/ nyon mongs pa dang / las dang / lus zhes bya ba yin no/ /sngar 'du byed ces brjod pas gtso bo yin pa'i phyir 'di dag nyid tsam sngar bstan pa'i bye brag tu bsgrub pa'i dbye bas bsdus pa yin pa'i phyir ro/ /de la byed pa sgrub pa bstan pas nyon mongs pa dang las dag ni rgyu nyid du bstan te/ nyon mongs pa ni las kyi rgyu yin la/las kyang lus kyi yin pa'i phyir ro/ /de nyid kyi phyir/ las ni nyon mongs la rgyu mtshan can zhes bya ba dang / lus ni las kyi rgyu mtshan can zhes bya ba smos so/ /'di ji ltar rtogs par yin zhe na/ 'du byed nyon mongs pa las bdag nyid ces bya bar smos so//'ang ni gang gi phyir gyi don te/ gang gi phyir las dang nyon mongs pa'i bdag nyid kyi 'du byed kyi rnams te/ rgyu rnams ni grub pa'i mtha' las bstan to zhes bya ba dgongs pa'o/ /de ltar yang / srid pa'i rtsa ba phra rgyas yin/ /las las 'jig rten sna tshogs skyes//zhes bya ba bstan to/ /'dir rtsa ba ni rgyu las kyi rgyu yin par rtogs par bya'o/ /las sgrub pa bstan pa ni lus gtso bor las kyi 'bras bu nyid yin la de las gzhan longs spyod dang gnas kyi dngos po la sogs pa ni de'i yan lag nyid kyis yin no/ /de nyid kyi phyir yang de nyid kyis de 'phen par grub pa'i phyir logs shig tu ma smos te/rgyal po 'ongs zhes ston pa na de'i 'khor logs shig tu ston par mi byed pa lta bu'o/ /de bas na 'di ltar rang bzhin stong pa nyid du rnam par dpyod pa'i skabs su bab na de dang rjes su 'brel ba'i dbang gis 'du byed thams cad rang bzhin stong pa nyid du nye bar bstan pa yin la/skabs su bab pa'i las rang bzhin med par mthar phyin pas/ rang bzhin nyid kyis skye med cing / /'gag med gang tshe mthar min nam/ /zhes bya ba skabs kyi rang gzod ma nas zhi ba'i mtshan nyid mya ngan las 'das pa'i gzhung gzugs la ches shin tu grub po zhes bstan pa'i phyir/las med na ni byed pa med ces bya ba la sogs pa smos so/ /las ni bya ba yin la de yang byed pa po med par mi rigs pa'i phyir de dag nyid yod na byed pa po yang yod pa 'phen par byed do/ /de byed pa dang ldan pa 'di de ni 'bras bu med pa ma yin la/'bras bu yang longs spyod pa po rnams kyang de nyid thob pa med pa'i phyir las dang byed pa po yod pa ni 'bras bu dang longs spyod pa po'i yod pa 'phen par byed do/ /yang gang gi tshe bstan zin pa'i rigs pas rang bzhin stong pa nyid kyi las nyid yod pa ma yin pa de'i tshe der med pas der 'brel par 'jug par byed pa po dang 'bras bu dang longs spyod pa po rnams kyang med pa yin pa de bas na dben pa yin te/rnam par dben pa nyid yin zhing rang bzhin stong pa nyid de gzod ma nas zhi ba nyid kho na mthar phyin pa nyid do/ / de nyid kyang sngar thar par rnam par gzhag pa yin pas stong pa nyid smra ba la 'gal ba cung zad kyang yod pa ma yin no/ /gal te gzod ma nas zhi ba nyid kho na thar pa yin no/ /'o na ni de bsgrub par bya ba ma yin pa de'i phyir stong pa nyid smra ba la lam goms pa'i 'bad pa don med pa nyid do zhe na/ ma yin te/gang gi phyir/ las stong par ni yang dag par/ /zhes rgyas par ro/ /'di ltar rtogs pa yin te/ gal te don dam par rten cing 'brel par 'byung ba skye ba med pa de ltar na yang de kun rdzob tu yang de ltar ma yin te/ gang gi phyir ma rig pa ni kun rdzob yin te/ de kho na nyid la sgrib par byed pa'i phyir ro//'di na yang dag min dngos kyang / /yang dag nyid du snang gang de/ /ma rig de nyid kun rdzob yin/ /de yi skye bar yang dag 'dod/ /de ltar yang / rgyu dang rkyen las skyes dngos rnams/ /yang dag par ni rtogs pa gang / /de ni ston pas ma rig gsungs//de las yan lag bcu gnyis 'byung / /zhes 'chad par 'gyur ro/ /de bas na 'di ltar skye ba'i rim pa mi 'gal ba yin na/ 'gog pa'i rim pa yang mi 'gal ba nyid yin te/ dngos stong shes na yang dag pa/ /mthong phyir ma rig mi 'byung ba/ /de ni ma rig 'gog pa yin//de'i phyir yan lag bcu gnyis 'gag /ces 'chad par 'gyur ro/ /de'i phyir stong pa nyid du lta ba la kun rdzob kyi bden pa skye ba dang 'gag pa dag mi 'gal ba'i phyir ro/ /pha rol po sa lam goms pa'i 'bad pas 'bras bu med pa'i nyes pas thal bar 'gyur ba smra ba la lan 'debs par 'dod pas/las stong par ni yang dag par/ /zhes bya ba la sogs pa'i lan bstan pa gang yin pa de ni rigs pa nyid yin te/ 'di ltar tshogs dang sbyor ba'i lam rnams med par las yang dag par stong par rnam par shes par mi 'gyur te/de la chos mchog gi gnas skabs su nem nur med par stong par rnam par shes na de ma thag tu de nyid mthong ba'i phyir dang lam mi 'byung ste/ ma rig pa 'gags pas 'gog par 'gyur te mi 'jug go zhes bya bar dgongs pa'o/ /de las de med na/ las las rnam par shes pa la sogs pa 'byung ba ste skye ba'o//mi 'byung ba ni mi skye ba'o/ /de zhes bya ba lhag ma'o/ /rgyu med pa'i phyir ro snyam du dgongs pa'o/ /de bas na 'di ltar rten cing 'brel par 'byung ba yan lag bcu gnyis lugs las bzlog pa'i rim pa bstan pas kun rdzob tu lam 'bras bu dang bcas par bsgrubs pa yin no//'on te don dam par rnam par dpyad na med pa gang yin pa de nyid ma brtags na nyams dga' bar grags pa'i mtshan nyid kun rdzob tu rgyu'i ngo bo nyid dam 'bras bu'i ngo bo nyid du yod do zhes bya bar dngos po gcig la ltos pa'i dbye bas yod pa dang med pa'i bdag nyid du khas blangs pa yin na/de yang dpe med par bstan pa'i med par 'ga' zhig gis kyang rtogs par nus pa ma yin zhing 'di la dpe 'ga' zhig kyang yod pa yang ma yin pa de'i phyir 'di ma bstan pa dang 'dra ba kho na ma yin nam/ zhes bya bar phyir rgol ba de la shin tu grags pa'i dpe rab tu bstan pas don 'di nyid bstan par bya ba'i phyir/ ji ltar bcom ldan 'das de bzhin gshegs zhes bya ba la sogs pa smos so/ /ji ltar khyod dang kho bo cag la rtsod pa med par grub pa/ bcom ldan 'das ni chos rnams thams cad kyi ji lta ba de kho na bzhin gnas pa de ni de kho na bzhin du rtogs shing khong du chud pa'am yang na thabs dang shes rab gnyis su med pa'i ting nge 'dzin mthar thug pa'i bdag nyid du gyur pa thob pa dang 'brel bas 'khor ba kho na'am/mya ngan las 'das pa kho nar ji ltar gnas par mi 'gyur ba de bzhin du mya ngan las 'das pa'i dbyings su gshegs shing thob pa zhes bya ba'i de bzhin gshegs pa sangs rgyas gang yin pa de ni rdzu 'phrul gyis zhes bya ba'i cho 'phrul gyi khyad par gyis gdul bya'i skye bo rjes su bzung nas rjes su mthun pa'i rnam pa'i khyad par sprul pa sprul par mdzad la ste skyed par byed pa'o//sprul pa des kyang sprul pa gzhan la yang ste slar yang sprul par byed do/ /de la ste sprul pa de dag gi nang nas de bzhin gshegs pas dngos su sprul pa gang yin pa de dag tu stong pa rang bzhin dang bral ba der sprul pas sprul pa la gtam du brjod pa lta smos kyang ci dgos zhes bya bar bstan pa ni/sprul pas sprul smos ci dgos zhes bya ba ste/ dpe 'dis de kho na nyid du rang bzhin med pa bstan nas de nyid la kun rdzob tu yod pa yin yang mi 'gal lo zhes bstan pa'i phyir smos pa ni/ de ni gnyi ga yod min te/sprul pa gnyi ga zhes bya ba'i don to/ /ci yang dag pa nyid du yin nam zhe na/ gang ci yang rung ste zhes bya ba smos te/ dpyad par 'os pa ma yin pa'i ngo bo ni dpyad mi bzod pa'i phyir te kun rdzob bo zhes bya bar dgongs pa'o/ /de nyid kyi phyir bstan pa rtogs pa tsam ste 'khrul pa tsam zhes bya ba'i don to//de ltar na rgyu dang 'bras bu'i ngo bor gyur pa nyid kyis dpe la ltos pa'i dbye bas gcig la yang dag par med pa'i ngo bo dang / kun rdzob tu yod pa'i ngo bo nyid du bstan nas gnyi ga'i ngo bo de nyid don la sbyar bar bya ba'i phyir de bzhin zhes bya ba la sogs pa smos te/byed pa po 'dir de bzhin gshegs pas dngos su sprul pa gang yin pa de dang mtshungs par rtogs par byas te/ skyed par byed pa nyid du mtshungs pa'i phyir ro/ /las ni de'i sprul pa dang mtshungs pa yin te/ bskyed par bya ba mtshungs pa'i phyir ro/ /byed pa po dang las kyi ngo bo de lta bu gnyis ka de ni de bzhin te rgyu dang 'bras bu'i dngos por gyur pa'i sprul pa gnyis bzhin du/don dam par rang bzhin gyis ni zhes bya ba rang gi ngo bos stong pa yin par rtogs par bya zhes bya ba lhag ma'o/ /de tsam gyis rnam pa thams cad du med pa ni ma yin te/de ni kun rdzob tu yin no zhes bstan pa'i phyir/ rtog tsam gang ci zhes bya ba la sogs pa smos te/ de 'dir yang de bzhin zhes bya bar sbyar ro/ /don ni snga ma bzhin no/ /'on te las la sogs pa gcig kho nar yod pa nyid med pa nyid du khas blangs nas skyon ci zhig tu 'gyur/gang gis ni de spang ba'i phyir ltos pa'i dbye bas gnyi ga'i ngo bor 'dod pa yin zhe na/ gal te rang bzhin gyis las yod ces bya ba la sogs pa smos so/ /gal te gcig kho nar rang bzhin gyis las dang des nye bar mtshon pa gzhan byed pa po la sogs pa yod par khas blangs pa de'i tshe de'i 'bras bur skye ba'i yang rgyu ma tshang ba med pa gnyis kyis rtag pa nyid du 'jug pas de nye bar zhi ba'i bdag nyid kyi mya ngan las 'das pa med pa de'i phyir thar pa la skur pa nyid yin no zhes bya ba dgongs so//'on te las dang byed pa po rang bzhin gyis gtan du gal te med na de'i tshe rgyu med pa'i phyir 'bras bu med pa yin no zhes bya ba'i rigs pas de'i 'bras bu sdug pa dang mi sdug pa yang med pa de'i phyir 'khor bar 'jug pa'i rim pa nyams su myong bas grub pa 'di la bsnyon pa nyid du 'gyur ro/ / yang sngar bstan pa'i rigs pas skyon 'di gnyis kyi go skabs med pa de'i phyir thams cad legs par gnas pa yin no/ /gang gi phyir de ltar kun rdzob dang don dam pa'i bden pa'i dbye ba la ltos nas yod pa gang yin pa de nyid med pa yin par mi 'gal ba yin pa de'i phyir theg pa gsum gyis bsdus pa'i bstan pa ni gdul bya'i skye bo'i bsam pa'i bye brag gi ngo bor 'jug pa don snga phyi 'gal ba nyid lta bur mngon du snang yang don mi 'gal ba don can kho na'o zhes bstan pa'i phyir yod ces rgyas par smos so//yod ces pa'am ni ji ltar phyi rol gyi tshul la gzugs kyi phung po lta bu'o//med ces pa'am ni ji ltar de nyid rnam par shes pa'i tshul lta bu'o/ /yod med dam zhes bya ba ni ji ltar rnam par shes pa'i tshul lta bu ste/ bcom ldan 'das kyis bstan par bya ba gang yin pa de kun rdzob dang / don dam pa la ltos nas ci rigs par mi 'gal ba'i phyir yod pa nyid do zhes shes par bya'o//phyogs gnyis pa dag la yod par zhes bya ba byed pa'i tshig dang 'brel te brjod pa na phyogs gsum pa la yang gi sgras 'phangs pa de dang 'brel par shes par bya'o/ /mchog gi don dam pa la ltos nas ni/ yang med pa zhes bya ba smos te/med pa yang zhes yang gi sgras rim pa bzhin du sbyar ro/ /ci zhig ces sdig pa la/ yod ces bya ba'am med ces bya ba'am/ yod med ces bya ba rnam pa gsum bstan pa ma brjod pa sdud pa'i don can gyi yang gi sgras 'phangs pa rnam pa gsum pa 'gog pa'i bdag nyid rnam pa bzhi par bstan par bya ba dgag pa nyid du 'di sbyar bar bya ste/gang gi phyir mchog gi dam pa ni rnam pa bzhi po 'di dag gis kyang bstan par 'os pa ma yin te/ de ni mtha' bzhi dag las rnam par grol ba nyid yin pa'i phyir ro/ /de ltar yang / yod min med min yod med min//gnyi ga min pa'i bdag nyid min/ /mtha' bzhi dag las grol ba la/ /dbu ma pa yis dam par rtogs/ /zhes bstan to/ /'phags pa'i zhal snga nas kyis kyang / gang blo yod dang med pa las/ /rnam par 'das shing mi gnas pa/ /de dag zab mo dmigs med par//rkyen gyi don la rnam par sgom/ /zhes gsungs so/ /'dir yang mtha' gnyis smos pa ni cig car sgrub pa dang dgag pas de las gzhan pa'i mtha' gnyis yod pa yin te/ de'i phyir don gyis 'phangs pa nyid kyis mthar phyi ma gnyis ma bstan pa ni mdor bsdus pa brjod par 'dod pa'i phyir ro//de kho na nyid ni mtha' bzhi dag las rnam par 'das pa nyid yin te/ gnyis su med cing brjod du med pa nyid kyis tha snyad thams cad las 'das pa nyid yin pa'i phyir ro/ /gal te mchog gi don dam pa ni ngag dang rnam par rtog pa las 'das pa nyid kyi sangs rgyas rnams kyis kyang bstan par mi spyod pa yin na/'o na ni de las gzhan du de dag gi bstan pa rnams 'jug par byed ce na/ sangs rgyas rnams kyis zhes bya ba la sogs pa smos so/ /mchog gi don dam pa gzigs pa'i skyob pa sangs rgyas rnams kyis dgongs nas te/rigs kyi khyad par la ltos nas dgongs pa'i khyad par gdul bya'i skye bo rjes su bzung ba dang / rjes su mthun pa'i dgongs pa la rgyu nyid du brten nas sngon gyi smon lam gyi shugs kyi dbang gis gang gsungs pa bstan pa'i ngo bo'i gsung 'jug pa de ni rtogs par sla ba ma yin pa ste/rgan po nye bar bsten pa ma byas pa rnams kyis ni rtogs par sla ba ma yin no zhes bya ba'i don to/ /'di skad bstan pa yin te/ gang dag bla ma dam pa nye bar bsten pa de'i dbang gis bsgrubs pa bde bar gshegs pa'i bka' la mkhas pa'i blo gros can yin pa de dag gis de dag rtogs par sla ba ma yin no//de ltar yang bstan bcos mdzad pa po nyid kyis 'dir gnas pa'am/ skye 'jig ces bya ba la sogs pas bstan bcos rtsom pa ni theg pa gsum dang 'brel ba'i sangs rgyas kyi bstan pa'i rgyu bstan pa yin no/ /'di nyid kyi phyir yang de dag gis ni rtogs par sla ba ma yin te/gang gi phyir de ltar kun rdzob dang don dam pa'i bden pa gnyis la bsten par mi 'gal bar 'jug pa bde bar gshegs pa'i bka' ma lus pa'i bstan pa 'bras bu dang bcas pa nye bar bstan pa yin na yang / kha cig thog ma med pa'i srid pa brgyud pa nas goms pa'i bden pa'i dngos por 'dzin pa'i zhen pas mi mkhas pa'i blo can gzugs la sogs pa rnams la kun rdzob nyid bzod par mi byed do//de nyid kyi phyir bstan bcos mdzad pas kyang de dag la don dam pa nyid du rang gi lugs kyis sngar gsal ba yin yang / mi 'gyur ba'i nges pa bskyed par bya ba'i phyir de nyid kyi lugs kyis gsal bar bzhed pa na/ gal te gzugs ni 'byung rang bzhin/ /zhes bya ba la sogs pa smos so/ /'byung ba rnams rang bzhin tha mi dad pa'i rgyu gang la yod pa de ni gal te gzugs ni 'byung ba'i rang bzhin te/ de kho na nyid du zhes rjes su brjod nas gzugs de zhes bya ba la sogs pa sun 'byin par byed do//gzugs de 'byung las zhes bya ba ni bdag nyid du gyur pa'i 'byung ba las byung ba ste grub pa ma yin no/ /'dir a'i tshig phrad ni dgag pa gsal bar byed pa yin te/ a dang ma dang na dang nA dag ni dgag par byed pa yin no zhes 'byung ba'i phyir ro//gang yang sems pa rang bzhin las min ma yin nam ste/ rang gi ngo bor grub pa'i 'byung ba las zhes bya ba'i don to/ /des ni gdon mi za bar gzhan du gyur pa'i 'byung ba las byung ngo zhes khas len pa nyid yin no zhe na/ 'di la bstan pa ni/gzhan las kyang min te don gzhan du gyur pa'i 'byung ba las zhes bya ba'i don to/ /gang las she na/ de med phyir zhes smos te gzhan du gyur pa'i 'byung ba de dag med pa'i phyir ro/ /dgongs pa ni 'di yin te/ dbang po dang yul gyi dbye bas gzugs rnam pa bcu 'byung ba las gyur pa dang /reg byas bsdus pa 'byung ba rnam pa bzhi'i bdag nyid dngos po bar khas len pa gang yin pa de ni 'di lta bur brjod par bya ba yin te/ gang zhig 'byung ba'i rgyu can de ni 'byung ba las gyur pa zhes bya ste/ 'di ltar 'byung ba las grub pa ni 'byung ba las gyur pa zhes rjod par byed do//'byung ba de dag kyang ci de las don gzhan ma yin par gyur pa'am/ 'on te don gzhan du gyur pa zhig yin/ de la re zhig don gzhan ma yin par gyur pa dag ni ma yin te/ de dag ni skyed par byed pa nyid du mi rigs pa'i phyir ro/ /de mi rigs pa ni 'bras bu las sngar 'bras bu bzhin du de dag kyang med pa'i phyir ro//yang na yod pa nyid de las tha mi dad pa'i phyir 'bras bu yang yod pa nyid yin pa'i phyir/ de ni 'bras bu nyid ma yin te des phan gdags par bya ba ma yin pa'i phyir ro/ /de ni de'i 'bras bu nyid du 'dod rgyal ba nyid yin na yang de dag kyang de la ltos nas 'bras bu nyid du gyur na/de ltar yang ma yin no/ /de lta bas na don gzhan ma yin par gyur pa'i 'byung ba la ltos nas 'byung ba las gyur pa la mngon par 'dod pa'i gzugs de'i 'bras bu nyid du rigs pa ma yin no/ /'on te yang skyon 'di spang ba'i phyir don gzhan du gyur pa'i 'byung ba rnams de'i rgyu nyid du rtog par byed na/de yang rigs pa ma yin te/ don gzhan du gyur pa nyid ma grub pa'i phyir ro/ /de ma grub pa'i gzugs las rnam par dbye ba med par gnas pa nyid kyi de dag khyed kyis de'i rgyu nyid du khas len par byed pa'i phyir ro/ /de ltar yang rnam 'grel mdzad pas brten pa'i gzugs rnam par bshad pa na/de brten sgra yang rgyu don dam/ /yang na rang gi rten dang ni/ /dbyer med par ni gnas pa'i phyir/ /rten yin gzhan du 'thad ma yin/ /zhes bya ba'i tshig gis 'byung ba rnams ni 'byung ba las gyur pa las tha mi dad pa nyid du de'i rgyur bshad pa yin no//don gzhan nyid yin na rnam par dbye ba med par rigs pa yang ma yin te/ bum pa las snam bu lta bu'o/ /de lta bas na khyed cag gis khas blangs pa kho nas gzhan nyid du ma grub pa'i phyir gzhan du gyur pa'i 'byung ba las kyang 'byung ba las gyur pa byung ba ma yin no zhes bya ba 'di gnas pa yin no//gzhan yang gal te yang 'byung ba las gyur pa la ltos nas 'byung ba rnams kyi rnam par dbye ba med par gnas pa nyid de'i rten nyid du rnam par gzhag pa'i rgyu mtshan nyid du 'dod pa de yang gzhan phan tshun bdag nyid du grub pa yin ni rigs na de nyid kyang ma grub po zhes bstan pa ni/gcig las bzhi nyid yod min zhing / /zhes bya ba la sogs pa'o/ /dgongs pa ni 'di yin te/ gal te gang gi phyir 'byung ba las gyur pa rnam pa bcur khas blangs pa so sor 'byung ba bzhi'i rang bzhin yin na de'i tshe de'i so sor gcig ni de las tha mi dad pa'i phyir gcig nyid nyams shing 'byung ba bzhin du bzhi nyid du 'gyur na de yang yod pa ma yin no//de yod na ni 'byung ba bzhin du mig la sogs pa dang / gzugs la sogs pa rnams kyang lus kyi dbang po'i gzung ba nyid du thal ba'i phyir dbang po las 'das pa nyid dang dbang po tha dad pa'i gzung ba nyid med par thal ba bzlog par dka'o//de lta bas na gcig la bzhi nyid yod pa ma yin no/ /de la 'di snyam du ji skad bshad pa'i skyon du thal ba'i phyir 'byung ba las gyur pa 'byung ba bzhi'i rang bzhin du ma gyur mod/ 'byung ba bzhi po dag ni 'byung ba las gyur pa'i rang bzhin nyid yin na skyon ci yang med do sems na/'di yang yang dag pa ma yin te/ gang gi phyir/ bzhi la'ang gcig nyid yod min te/ /zhes bya ba'o/ /dgongs pa ni 'di yin te/ gang gi tshe bzhi po dag gis 'byung ba las gyur pa gcig gi rang bzhin yin pa de'i tshe de dag de las tha mi dad pa'i ngo bo nyid kyis bzhi nyid nyams shing /'byung ba las gyur pa bzhin du gcig nyid kho nar 'gyur na bzhi po dag la gcig nyid yod pa yang ma yin no/ /de dag la de yod pa yin na 'byung ba las gyur pa bzhin du dbang po las 'das pa nyid dang / dbang po tha dad pa'i gzung ba nyid dag tu ci rigs par thal ba'i phyir lus kyi dbang pos gzung ba nyid med par thal ba lan gdab par mi nus pa can du 'gyur ro//de lta bas na bzhi po dag ni gcig nyid ma yin no/ /de bas na 'di ltar 'byung ba dang 'byung ba las gyur pa dag phan tshun de'i bdag nyid du ma grub pa'i phyir 'byung ba chen po bzhi po rnams ni 'byung ba las gyur pa'i gzugs las rnam par dbye ba med par gnas pa med pa nyid du med pa yin la/de dag kyang de lta bur med pa dag la brten nas de rgyu nyid du brten nas 'byung ba las gyur pa'i gzugs ni ji ltar grub par 'gyur te ji ltar yang ma yin pa nyid do zhes bya ba'i don to//de bas na 'di ltar skye ba'i sgo nas 'byung ba las gyur pa dang / de'i zhar la 'byung ba'i bdag nyid kyi ngo bo dngos po nyid du bsal ba mdzad nas shes pa'i sgo nas de nyid sel bar byed pa'i phyir shin tu mi 'dzin phyir zhes bya ba la sogs pa smos so/ /gang 'byung ba dang 'byung ba las gyur pa'i dbye bas dngos po pa'i ngo bor khas blangs pa med ces bya ba yod pa'i tha snyad du byar rung bar mi nus so zhes bya ba'i don to//de la re zhig 'byung ba las gyur pa dbang po'i bdag nyid kyi gzugs yod pa'i tha snyad byar mi rung ba nyid la gtan tshigs bstan pa ni/ shin tu mi 'dzin phyir zhes bya ba smos te/ rtag tu lkog tu gyur pa'i phyir ro zhes bya ba'i don to/ /'dis ni 'di la mi dmigs pa mngon sum gyi tshad ma mi 'jug pa'i ngo bor gtan tshigs nyid du bstan pa yin no/ /ci ste de la rjes su dpag pa 'jug pa yin no zhes khas len pa gang yin pa de'i 'dod pa'i dogs pa bsu ba'i phyir/rtags las she na zhes bya ba smos so/ /rtags can gyi don go bar byed pa'am/ 'dis lkog tu gyur pa'i don go bar byed cing khong du chud par byed pa'i phyir rtags yin la de las yod ces gal te sems so zhe na/ lan bstan pa ni/rtags de yang med ces bya ba ste/ de med ces bya ba'i tshig sngar don byas zin pa yang grub pa'i mtha'i gzhung 'dir yang blangs te sbyar bar bya'o/ /gang gi phyir dbang po'i gzugs ni rtag tu lkog tu gyur pa nyid kyis 'bras bu ldog pa'i sgo nas go bar bya ba nyid du 'dod pas dbang po'i blo rtags nyid du khas blangs pa yin la/rtags de yang dbang po yod pa'i dus su ni med la gang gi tshe yang yod pa de'i tshe ni dbang po gzugs med pa yin no/ 'di nyid ga las she na/ rgyu dang rkyen las skyes phyir te/ /zhes bya ba smos so/ /'di skad bstan pa yin te/dbang po yod pa'i go byed nyid du 'dod pa'i dbang po'i blo rang dbang can yin nam/ gzhan dbang can yin grang na/ re zhig rang dbang can ni ma yin te/ res 'ga' ba yin pa'i phyir te/ de dang 'brel pa med pas rtags nyid du mi rigs pa'i phyir dang mi 'dod pa'i phyir ro//'on te rgyu dang rkyen la rag las te skye ba nyid yin pa'i phyir gzhan dbang yin na de'i tshe dbang po la yang bdag po'i rkyen nyid kyis de la rgyu nyid du khas blangs par 'gyur na/ dus mnyam pa nyid ni de dag bskyed bya dang skyed byed nyid kyang ma yin no/ /de'i phyir rgyur mngon par 'dod pa'i dbang po yod pa'i dus su blo zhes bya ba'i rtags de med pa yin no//de las skyon cir 'gyur zhe na/ yod la'ang zhes bya ba la sogs pa smos so/ /dbang po'i gzugs yod cing bdog pa la med cing mi bdog pa ni rtags su yang rigs pa ma yin te/ gang zhig ma grub pas bsgrub par bya ba de ni mi grub bo zhes bya ba'i rigs pas so//de lta bas na dbang po'i gzugs rjes su dpag pas go bar bya ba yang ma yin la tshad ma gzhan yang med pa'i phyir ji ltar na yod pa'i tha snyad du byar rung ba yin/ /'dis ni 'byung ba las gyur pa'i dbang po'i gzugs la sgrub par byed pa'i tshad ma mi srid par bstan pas yod pa'i tha snyad du byar mi rung bar bstan nas 'byung ba dang 'byung ba las gyur pa'i bdag nyid kyi/yul gyi gzugs la'ang gang du med/ /ces bya bas dam bcas pa de bstan pa'i phyir/ /gal te blo gzugs 'dzin gyur na/ / zhes bya ba la sogs pa smos so/ /gal te dbang po las skyes pa'i blo yul du gyur pa'i gzugs 'dzin par gyur na ste/ mngon sum du gyur na zhes bya ba 'dis ni gzhan dag la grags pa'i mngon sum gyis gzugs 'dzin pa nyid rjes su brjod nas sun dbyung ba'i phyir bstan pa ni/ bdag gis zhes bya ba la sogs pa'o/ /bdag gi rang bzhin nyid rang gi ngo bo kho na blos 'dzin par 'gyur te mngon sum du byed kyi yul gyi ngo bo ni ma yin no zhes bya ba'i don to/ /'di ltar dgongs pa yin te/ gang gi phyir yul kho na mngon sum du gzung bar bya ba nyid du dam bca' bar byed pa gang yin pa de ni gdon mi za bar don dang shes pa dag la dus mnyam pa nyid du gzung ba dang 'dzin pa'i dngos por mngon par 'dod pa yin la 'di ni phan gdags par bya ba dang //phan 'dogs par byed pa nyid kyis rgyu mtshan can yang ma yin te/ dus gcig dag la de mi srid pa'i phyir ro//de'i phyir de dag gis 'di ma nges pa kho nar 'gyur ro/ /gal te rang gi rigs su skyes pa'i phyir de lta ma yin no zhe na/ ma yin te/ de ltar rnam par gnas pa yin na rang gi rigs su skyes pa nyid du brjod par rigs na/ rnam par gnas pa nyid kyang ma yin te rgyu mtshan med pa'i phyir ro//gal te so sor snang ba nyid kyi phyir yul gzugs kho na bzung ba nyid yin zhe na/ de'i tshe shes pa yang so sor snang ba nyid yin pas de yang bzung ba nyid du thal ba'i phyir ro/ /nang dang phyi'i ngo bo nyid rgyu mtshan gyi khyad par de dag la yod pa bzhin no zhe na/de ni ma bstan pa dang mtshungs pa yin te/ gzugs brnyan snang bas 'khrul pa srid pa'i phyir ro/ /'on te shes pa ni lkog tu gyur pa yin pa'i phyir de'i tshe so sor snang ba nyid ma yin te/ don gsal bas rjes su dpag par bya ba yin pa'i phyir ro zhe na/ 'o na ni gsal ba de shes pas bskyed pa yul gyi rang gi chos yin te/'di ni ma rtogs par grub pa'am shes pa yod pa'i sgrub par byed pa yang ma yin no/ /rtogs pa yang shes pa de nyid kyis ni ma yin te/ khyad par ma bzung bar khyad par can rtogs par mi 'gyur ro zhes bya ba'i rigs pas rang nyid ma rtogs pa'i ngo bo de ni 'di la rtogs par byed pa po nyid du mi rigs pa'i phyir ro//de nyid las de rtogs na phan tshun brten pa yin pa'i phyir ro/ /shes pa gzhan la rag las nas grub pa nyid yin na yang thug pa med par 'gyur ba'i phyir ro/ /des na 'dir rig pa kho nar khas blang bar bya'o//de ltar na yang shes pa ni de mi 'dzin pa nyid du thal bar 'gyur ro/ /'on te 'di ni shes pa nyid kyi chos yin no zhe na/ 'o na ni 'di shes pa bzhin du nyams su myong bar bya ba mi 'gyur la/ de nyams su ma myong yang don kyang nyams su myong bar mi 'gyur bas 'gro ba ma lus pa long ba nyid du 'ongs pa yin no//de lta bas na shes pa ni lkog tu gyur par khas blang bar mi bya'o/ /lkog gyur ma yin pa nyid na de yang so sor snang ba nyid yin pas de ni bzung ba nyid du thal bas bzlog par bya ba ma yin no/ /'on te de yang shes pa la so sor snang ba yod na yang gzung bar bya ba nyid med pa ni yul la yang de med par 'gyur te/khyad par med pa'i phyir ro/ /gzung bar bya ba nyid med na yang gang zhig so sor snang ba de ni shes pa nyid yin te/ bde ba la sogs pa lta bu'o/ /de'i phyir yang sngon po la sogs pa rnams ni shes pa'i bdag nyid rnams kho na yin pas shes pa'i bdag nyid las gzhan ni nam yang mi 'dzin pa'i phyir/blo bdag rang bzhin nyid 'dzin 'gyur/ /zhes bya bar bstan pa ni rigs pa yin no/ /de bas na 'di ltar yul gzugs kyi yod pa dgag pa sgrub par byed pa la mi dmigs pa mngon sum mi 'jug pa'i ngo bo bstan nas/da rjes su dpag pa mi 'jug pa'i ngo bor yang bstan pa'i phyir/ med pa zhes bya ba la sogs pa smos so/ /mdo sde pa dag ni ji skad du bshad pa'i skyon du thal ba'i phyir shes pa dang dus mnyam pa'i don so sor snang ba nyid gzung bar bya ba nyid ni ma yin no//'o na ci yin zhe na/ 'dra ba'i shes pa skyed par byed pa nyid yin te/ 'di ltar shes pa nye bar skye ba na rnam pa med par skye ba ni ma yin te/ sngon po la sogs pa rnams la de'i rnam pa nyid du med pa yin na nyams su myong ba med par thal ba'i phyir ro/ / nyams su myong ba ni shes pa chos yin la/ shes pa yang don las don gzhan nyid yin no/ /gzhan gyi chos ni gzhan gyi yin pa yang mi rigs te/ sgron ma gsal ba'i mun pa lta bu'o/ /de lta bas na shes pa nyid rnam pa dang bcas pa nyid yin no/ /de yang res 'ga' ba yin pa'i phyir rjes su mthun pa'i rgyu mtshan la ltos pa yin la/dbang po la sogs pa rnams ni de la rjes su mthun pa nyid kyang ma yin te/ thun mong ba nyid yin pa'i phyir ro/ /de bas na shes pa'i rnam pa gtod par byed pa de lta bu'i rnam pa'i rgyu gang yin pa de ni phyi rol te rtag tu lkog tu gyur pa yin yang rgyu nyid yin pa nyid kyis shes pa'i gzung bar kho bo cag gi 'dod pa yin zhes zer ro//de ltar smra ba de dag gis don 'di blo'i mtshan nyid kyi 'bras bu ldog pas khong du chud pa nyid kyis de kho na nyid du rjes su dpag pas gzung bar bya bar khas blangs par 'gyur na de de yang rigs pa ma yin no zhes pa bstan pa ni/med pa zhes bya ba la sogs pa ste/ rgyu dang 'bras bu nyid du gyur pa don dang blo'i skad cig dag ni dus tha dad pa yin pa'i phyir/ gang gi tshe don yod pa de'i tshe blo med pa yin la med pa de yang gzugs ni ji ltar 'dzin par 'gyur la zhes sbyar te/ ma yin pa nyid do zhes bya ba'i don to//yang gang gi tshe dmigs pa la sogs pa'i rkyen las skyes pa ste grub pa'i blo de'i tshe shugs kyis de yod pa yin yang 'gags pa yin pa'i phyir gzugs med ji ltar 'dzin par 'gyur te/ ji ltar yang mi 'gyur ba zhes bya ba'i don to/ /de bas na 'di ltar yul gzugs yod pa dgag pa sgrub par byed pa mi dmigs pa rjes su dpag pa mi 'jug pa'i ngo bo bsgrub pa yin no//de lta bas na shes pa'i sgo nas kyang 'byung ba dang 'byung ba las gyur pa'i ngo bo'i gzugs ma grub pa yin no/ /de gzugs mdor bsdus pa'i bdag nyid kyi phung po'i ni gtam tsam nyid du lta ga la 'gyur te/'di ltar gzugs kyi phung po rnam par 'jog par byed pa dag na gzugs gang ci yang rung 'das pa dang ma 'ongs pa dang da ltar byung ba'am/ nang ngam phyi'i bdag nyid dam/ rags pa'am/ phra ba'am/ dman pa'am/ gya nom pa'am/ rgyang ring po gang yin pa'am/ thag nye ba gang yin pa de thams cad gcig tu bsdus nas gzugs kyi phung po zhes bya ba'i grangs su 'gro'o zhes de ltar gdon par bya'o/ /de la 'das pa la sogs pa gzugs kyi dbye ba rnams tshad mas rtogs pa yin na ni de mdor bsdus pa la phung po rnam par gzhag pa rigs na de nyid kyang med do zhes bstan pa'i phyir gang tshe skad cig ces bya ba la sogs pa smos so//yang gang gi tshe de ltar lta ba gnyis kyi skad cig pa blo ni gzugs skyes te da ltar ba skad cig ma mi 'dzin to zhes bshad pa ste/ rab tu bstan pa de'i tshe skad cig pa'i blo de ni 'das pa dang ma 'ongs pa'i gzugs rtogs par ni ji ltar 'gyur te/ma yin pa nyid do zhes bya ba'i don to/ /'di skad bstan pa yin te/ gang gi phyir gang la gzugs da ltar ba blo la nye ba nyid du khyed kyis khas blangs kyang yul du 'gro ba ma yin na/de las 'das pa dang / ma 'ongs pa bskal pa dag gi gtam du brjod pa lta ga la yod/ 'di yang 'di las gzhan pa'i dbye ba ma grub pa'i phyir nye bar mtshon pa gtsor bstan pa yin no/ /de lta bas na dbye ba rnams ma rtogs pa nyid kyis gzugs kyi phung po ma grub pa yin no/ / da ni gzugs kyi phung po'i nang du ma gtogs pa nang gi bdag nyid kyi mig la sogs pa dang phyi rol gyi gzugs la sogs pa rnams gdul bya'i skye bo'i bye brag gi ngor skye mched nyid du bstan pa dag la gang dag de kho na nyid du zhen par byed pa de spang bar bya ba'i phyir de dag la mig dang gzugs kyi skye mched gnyis rnam par dpyad pa'i sgo nas skye mched thams cad rang bzhin stong pa nyid du bstan pa'i phyir/gang tshe nam yang zhes bya ba la sogs pa smos so/ /'dis ni gzugs kyi skye mched la kha dog dang dbyibs kyi dbye bas gzugs rnam gnyis te zhes bya ba'i tshig gi dbye ba bstan pa gang yin pa de ni grub pa dang shes pa'i rim pa dag gis ma grub par bstan pa yin no//nam yang kha dog dbyibs de dag dang / sngon po dang ser po la sogs pa bzhin du tha dad pa'i dbye bas yod cing bdog pa ni ma yin no/ /kha dog dang dbyibs de gnyis tha dad pa 'dzin pa ste shes pa gzung ba yang med pa yin no//gang la yang tha dad par yod pa'am sgrub par byed pa'i tshad ma yin pa de dag ji ltar dngos po pa nyid du khas blang bar 'os pa dag yin/ 'o na ni gzugs de rnam pa gcig pur yod pa yin no zhe na/ gzugs de'ang zhes bya ba la sogs pa smos so//'dir grag ces bya ba ni lung mtshon par byed pa'i don to/ /des na don 'di yin te gzugs de gcig pu ste/ rnam pa gcig nyid du grub pa'i mtha' las grags pa yod pa yang ma yin no/ /de bas na ji ltar khas blangs pa bzhin ma grub pa'i phyir gzugs kyi skye mched med pa yin no//'o na ni mig dang gzugs la brten nas mig gi rnam par shes pa skye'o zhes bya ba'i grub pa'i mtha' ji ltar drang bar bya/ gang gi phyir med pa 'ga' zhig 'ga' zhig gi rten yin par brjod par rigs pa ni ma yin no zhe na/ 'di yang snying po med pa yin no zhes bstan pa ni/mig blo mig la zhes bya ba la sogs pa'o/ /gang gi phyir skye mched ces bya ba ni skye ba'i gnas te skye ba mched par byed pa zhes bya bas so/ /de yang 'bras bu skyed par byed pa las lhag ma ni ma yin no/ /skyed par byed pa yang yul mtshungs pa'am/ yul mi mtshungs pa'i 'bras bu la yin gyi rnam pa gzhan ni mi srid do//gnyi ga ltar yang mig dang gzugs dag las skye mched nyid du mi rigs te/ 'di ltar/ mig blo mig la 'byung min te/ /gzugs la 'byung min zhes bya ba 'dis ni yul mtshungs pa'i 'bras bu byed pa nyid du de med par bstan te/bar na med ces bya ba 'dis ni yul mi mtshungs pa'i 'bras bu byed pa nyid du'o/ /de'i yul nyid dang de ma yin pa'i yul nyid du de mi dmigs pa'i phyir ro zhes bya bar dgongs pa'o/ /des na yang blo skye mched gnyi ga las skye ba nyid du yongs su brtags pa ni 'khrul pa nyid yin no zhes bstan pa ni/de ni mig dang gzugs zhes bya ba la sogs pa'o/ /de bas na 'di ltar mig dang gzugs dag la skye mched nyid yin pa bsal nas mtshan nyid las kyang gsal bar bstan pa ni/ gal te mig ces bya ba la sogs pa'o/ /lta ba po dang blta bar bya ba nyid ni mig dang gzugs dag gi mtshan nyid du 'dod de/de ltar yang / mig gis gzugs rnams mthong brten bcas/ /de la brten pa'i rnam shes min/ /gang phyir rab tu chod pa yi/ /gzugs ni mthong ba yin phyir ro/ /zhes smras pa yin no/ /'di yang 'thad pa ma yin te/'di ltar dngos po nyid du khas blang bar bya ba mig bdag kyang mthong ngam ma mthong / gal te des bdag nyid mi mthong na gzugs de mthong bar ni ji ltar 'gyur te/ des zhes bya ba lhag ma'o/ /'di skad bstan pa yin te/ blta ba'i bya ba de ni mig gi chos ma yin te/de'i chos nyid yin na ni de'i bdag nyid gdon mi za bar mthong bar 'gyur ro/ /gang gi phyir chos de dag gi ma yin pa de yang gang gi dbang gis gang la mthong du rung ba de la 'di dngos su gang gi chos yin pa de'i ma mthong ba la gtam du brjod pa lta ga la yod/de ni de'i chos nyid du ma yin yang mthong du rung ba ma yin pa'i chos nyid du khas blangs par 'gyur ro/ /de nyan pa po la sogs pa bzhin du mig ni blta ba'i bya ba dang bral ba'i phyir lta ba po med pa nyid yin pas mig mtshan nyid stong pa nyid yin na/ de'i mtshan nyid la rag las pa'i mtshan nyid can gyi gzugs kyang mtshan nyid med pa nyid do zhes don gyis bstan par 'gyur ro//'di nyid nye bar sdud par byed pa ni/ /de phyir mig dang gzugs bdag med/ /ces bya ba ste/ bdag med ces bya ba ni rang bzhin dang bcas pa ma yin te/ dngos po med pa yin no zhes bya ba'i don to/ /rigs pa 'di nyid gzhan la bsgre bar bstan pa'i phyir/ skye mched lhag ma la yang de dang 'dra/ /zhes bya ba smos so/ /rigs pa gang kho nas mig gi skye mched dang / gzugs kyi skye mched rang bzhin med par bstan pa de nyid kyis skye mched lhag ma rna ba dang sgra la sogs pa rang bzhin med par rtogs par bya'o//de bas na 'di ltar mig la sogs pa'i skye mched thams cad dag ni rang bzhin du stong pa nyid bstan du zin kyang brgya la gzhan 'ga' zhig de dag la gzhan gyi bdag nyid kyis rang bzhin dang ldan pa nyid du dogs par 'gyur ba de dag de'i dogs pa rnam par gcad pa'i phyir bstan pa ni/mig ni rang bzhin nyid kyis stong / /zhes bya ba la sogs pa'o/ /dgongs pa ni 'di yin te/ de dag la gzhan gang gis bdag nyid kyi rang bzhin dang ldan pa nyid du dogs par 'gyur ba des mtshan nyid dang ldan par yang bya dgos la mtshan nyid de yang sngar bstan pa'i rigs pas de la yang mi 'thad pa'i phyir de'i bdag nyid kyang stong pa nyid do//de bas na 'di ltar gzugs kyi phung po dang de'i nang du gtogs pa'i nang dang phyi'i skye mched dag la rang bzhin stong pa nyid du yongs su dpyad pa dag ni de'i bdag nyid kyi lus rtag par phyin ci log par 'jug pa'i rgyu mtshan yang yongs su dpyod pa yin no//da ni bde ba'i phyin ci log pa 'jug pa'i rgyu mtshan tshor ba'i phung po rang bzhin med pa nyid du de'i rgyu reg pa med par bstan pa'i sgo nas nye bar bstan pa'i phyir/'phags pa gnyis bstan pa ni/ gang tshe gcig reg lhan cig 'gyur/ /zhes bya ba la sogs pa'o/ /gang nyan thos dag gis tshor ba dngos po la rang bzhin yod pa nyid du khas len par byed do/ /de yang rkyen med na mi rigs pas reg pa yang de'i rgyu nyid du de dag gis khas blangs pa yin te/reg pa'i rkyen gyis tshor ba'o/ /zhes 'byung ba'i phyir ro/ /de yang rigs pa ma yin te/ 'di ltar 'di 'dis reg par byed pas reg pa zhes bya ba byed pa'i ngo bo yin nam reg pas reg pa zhes bya ba'i ngo bo grang /de la re zhig 'di byed pa po'i ngo bor rigs pa ni ma yin te/ gang gi phyir dbang po dang yul dang / rnam par shes pa zhes bya ba gsum pa 'di ni 'di la byed pa po dag yin te/ de dag kyang thun mong ma yin pa'i ngo bo dag yin no/ /de'i phyir gang gi tshe byed pa po gcig dper na mig reg pa gang reg pa'i bya ba sgrub par byed pa nyid du gyur pa'i bdag nyid la nye bar gyur pa'i ngo bo dang lhan cig par gyur cing 'brel pa'i tshe yang gzugs la sogs pa gzhan rnams stong pa yin te/de zhes bya ba lhag ma'o/ /gzhan yang gal te skabs su bab pa gsum po 'di la sngar gcig bstan pa ni lhag mar gyur pa gzhan dag stong pa yin zhes bstan par rigs pa de lta na yang de las gzhan gsum po rnams rigs pa mtshungs pa nyid yin par bstan pa'i phyir/de la ltos nas gsal ba mang po nyid kyis gzhan rnams stong pa yin te/de'i phyir mang po'i tshig tu bstan pa ni 'thad pa ma yin no/ /gang yang gzhan dag la reg pa des stong zhing bral ba'i ngo bo de ni nam yang mi stong pa nyid de ldan pa nyid mi bsten pa yin no/ /gang zhig des mi stong pa de yang stong pa ni stong pa nyid de bstan pa ni dngos po nyid gtso bo yin pa'i phyir te/bsten pa min zhes sbyar ro/ /dgongs pa ni 'di yin te/ reg pa'i bya ba sgrub par byed pa nyid du gyur pa'i ngo bo ni gsal ba so so tha dad pa nyid yin pa'i phyir du ma nyid yin la/ tshor ba'i rkyen reg pa ni du ma'i bdag nyid du 'dod pa yang ma yin no//de lta bas na reg pa'i bya ba sgrub par byed pa'i ngo bo'i reg pa ni med pa yin no/ /'di bya ba'i ngo bor yang rigs pa ma yin no zhes bstan pa ni/ rang gi ngo bo gnas med pas zhes bya ba la sogs pa'o/ /'du ba ni 'dus shing reg pa ste/de yang dbang po la sogs pa yod pa rnams nyid la rigs kyis med pa dag la ni ma yin no/ /'di dag yod pa yang ma yin te/ rang gi ngo bo gnas pa med pa'i phyir ro/ /gang gi phyir sngar bstan pa'i rigs pas rnam par dpyad pa bzhin 'di dag la 'byung ba dang 'byung ba las gyur pa nyid du nges par gnas pa'i ngo bo yod pa ma yin no//gang gi phyir de ltar dbang po la sogs pa gsum po rnams la bya ba'i ngo bo'i rigs pa yod pa ma yin no/ /de'i phyir rgyu med pas tshor ba yang yod pa ma yin na de'i phung po yod par 'gyur ba lta ga la yin/ da ni bdag tu phyin ci log 'jug pa'i rgyu mtshan rnam par shes pa'i phung po gzhan gsal bar 'dod pas bstan pa ni/ nang dang zhes bya ba la sogs pa smos pa'o/ /gang gi phyir nang mig la sogs pa dang / phyi gzugs la sogs pa'i skye mched la brten nas rnam par shes pa 'byung ba de skye ba'o//de lta bas na rnam shes med do/ /rang bzhin yod pa ma yin no/ /de'i rgyu nyid du khas blangs pa'i skye mched gnyis po 'di nyid sngar bstan pa'i rigs pas rang bzhin yod pa ma yin pa'i phyir ro snyam du dgongs pa'o/ /'o na ji ltar de med kyang snang zhe na/smig rgyu zhes bya ba la sogs pa smos so/ /ji ltar smig rgyu bye ma dang 'brel ba nyid kyis nyi ma'i 'od zer rnams dang / nor bu dang sngags dang sman la sogs pa rnams kyis yongs su gzung ba shing bu dang 'jim dum la sogs pa sgyu ma'i bdag nyid rnams ni brdzun pa'i rnam pa chu dang glang po la sogs pa'i rnam pa nyid du snang ste 'on kyang ji ltar snang ba'i rang bzhin stong pa yin pa de bzhin du rnam par shes pa yang ma rig pas yongs su bzung bas gang dang gang gi bdag nyid du snang ba de yang des ni de kho na nyid du stong pa yin pa'i phyir de med pa yin yang snang ba mi 'gal lo//de la gal te 'di snyam du sems te/ rnam par shes pa don dam par ma gyur mod bdag ni rnam par shes pa po nyid du 'ga' zhig gis khas blangs pa de yang yang dag par 'gyur ro zhe na/ 'di yang snying por gyur pa ma yin te/ gang gi phyir rnam shes zhes bya ba rgyas par ro//rnam par shes pa po zhes bya ba ni rnam par shes pa'i bya ba'i byed pa po ste/ de yang las dang bcas pa'i bya ba yin pa de'i phyir/ des gdon mi za bar las zhes bya ba'i ngo bo la ltos par bya ba yin la gzugs la sogs pa'i rnam par shes pa bya ba de yang sngar bstan par rigs pas yod pa ma yin la de med pa'i phyir shes pa yang yod pa ma yin no//des na shes dang shes bya med pa'i phyir de gnyi ga la ltos nas 'jug pa'i rnam par shes par byed pa po yang med pa yin no/ /shes pa dang shes bya dag la skur pa btab na 'dus byas thams cad la skur pa btab par gyur pa ma yin nam/de ni de las phyi rol du gyur pa yang cung zad kyang yod pa ma yin no/ /de'i phyir chos kyi mdo bzhi ston pa'i bcom ldan 'das de bzhin gshegs pa nyid kyis mgur nas gsungs pa/ 'dus byas thams cad mi rtag pa/ zhes bya ba 'di ji ltar yin zhes bya ba'i dogs pa bsal bar mdzad par bzhed nas/ thams cad mi rtag ces bya ba pa sogs pa smos so/ /dgongs pa ni 'di yin te/ gal te kun rdzob kyi bden pa la ltos nas 'dri bar byed na/ de'i tshe thams cad mi rtag pa nyid yin te/ ngas ni cung zad kyang 'dus byas rang gi chos nyid du lhan cig tu gyur pa la/ skur pa ma btab bo zhes bya ba'i don to/ /'on te don dam pa'i bden pa la ltos nas nyid kyis mgur nas gsungs pa ma yin pa'i phyir ro/ /de la bsnyon yang 'gal ba cung zad kyang med do zhes bstan pa ni yang na ni zhes bya ba la sogs pa'o//'dis ni 'di skad bstan te/ ji ltar chos can bdag dang nam mkha' la sogs pa dngos po la tshad ma med pa nyid dang / tshad mas gnod pa nyid kyis med pa'i phyir/ de la rten pa rtag pa nyid kyang byed pa nyid du khas blangs pa de bzhin du mi rtag pa nyid kyang de'i rten du gyur pa 'dus byas kyi dngos po la sngar rgyas par brjod pa'i rigs pas dngos po nyid yin pa gsal ba'i phyir khyed kyis med do zhes khas blang bar bya dgos pa yin no//gal te nang dang phyi'i skye mched med pa'i phyir shes pa med pa 'o na ni 'du byed kyi phung pos bsdus pa 'dod chags la sogs pa rnam par shes pa dang mtshungs par ldan par grub pa ma yin te/gang gi phyir sems dang lhan cig de dag rten dang dmigs pa dang / rnam pa dang / dus dang / rdzas mtshungs pa rnams kyis mtshungs par ldan pa nyid du de ltar 'dod pa'i phyir dbang po dang yul dang rnam par shes pa rnams med par brjod par mi bya ba yin nam zhes phyir rgol bar gnas pa gang yin pa de la phyin ci log tsam las byung ba nyid kyis 'dod chags la sogs pa de dag gi ngo bo nyid kyis yang dag par yod pa ma yin no zhes bstan pa'i phyir mi sdug ces bya ba la sogs pa smos so//mi sdug pa dman pa'i dngos po la sdug par mchog gi rnam par zhen pa'i bdag nyid kyi phyin ci log gang yin pa de nyid rgyu yin pa'i phyir rkyen te de las gang gi phyir 'dod chags dang zhe sdang dang gti mug rnams dngos dang brgyud pas dngos po 'byung ste skye ba 'grub par byed do//de'i phyir 'dod chags dang zhe sdang dang gti mug 'di rang bzhin gyis te rang gi ngo bos yang dag par med pa yin no/ /mtshungs par ldan pa gzhan dag kyang yod na 'dir 'dod chags pa dag kho na nye bar smos pa ni de dag gsal bar yang dag par yod pa'i phyir ro//gang yang ji skad du 'di la 'dod pa dang dgra bo dang bar ma la sogs pa'i gzugs kyi yul la yang rgyu nyid du yod pa yin pa de'i phyir ji ltar na 'khrul pa tsam gyis bskyed pa nyid kyis 'di dag la yang dag par med pa nyid ston par byed/de ltar yang / phra rgyas spangs pa ma yin dang / /yul ni nye bar gyur pa dang / /tshul bzhin ma yin yid byed las/ /nyon mongs rgyu ni tshang ba yin/ /zhes bstan to zhes zer ba de la/ yul ni de'i rgyu nyid kho nar ma grub ces bstan pa'i phyir/ gang phyir der chags zhes bya ba la sogs pa smos so/ /'dis ni 'di skad bstan te/ gang gi phyir gal te yul gyis kyang 'dod chags la sogs pa rnams skyed par byed pa de'i tshe yul gang zhig gang skyed par byed pa'i rang bzhin des de nyid bskyed dgos na/ bskyed pa ni ma yin te/de nyid la rtogs pa po gzhan nam de nyid dus gzhan gyi tshe de las gzhan pa'i nyon mongs pa skyed pa mthong ba'i phyir ro/ /'di ltar 'dod pa gang la snang ba'i spyod yul du spyod pa na 'dod pa dang ldan pas 'dod chags skyed par byed la/ de nyid gzhan gyi tshe nyid dam de'i tshe kun du rgyus zhe sdang skyed par byed de/de las gzhan pas ni gti mug skyed par byed pa yin no/ /de ltar rtogs pa po tha dad pa rnams kyis yul gcig la mthar thug pa nyid kyis gang gi phyir 'dod chags dang zhe sdang dang gti mug skye bar nyams su myong bar byed pa de'i phyir 'di lta ste/'di dag rnam par rtog pa ji ltar goms pa bzhin du tshul bzhin ma yin pa yid la byed pa dag kho nas skye bar khong du chud par bya ste/ rmi lam du nyams su myong bar gyur pa 'dod pa la sogs pa'i yul la ji lta ba bzhin du phyi rol gyi dngos po'i rgyu mtshan can ma yin no zhes bya ba'i don to//gang de nyid ni rtag tu mngon par 'brel ba yin pa'i phyir 'dir gcig la gang gi sgra ma smos pa ni 'dun pa'i mtha' can gyis der gyi sgra 'ba' zhig lan gsum brjod pa ma 'brel ba lta bur mdzad pa ni lan gsum brjod pa'i der gyi sgra'i don gyi shugs kyis 'phangs pa'i gang gi sgra der gyi sgras sgrub pa'i don la rim pa ji lta ba bzhin du 'brel par shes par bya ba yin par de'i phyir ro//de ltar na gang kho na la 'dod chags pa de nyid la zhe sdang ba yin la/ de nyid la rmongs pa yin no/ /gang kho na la zhe sdang ba de nyid la 'dod chags pa yin pa de nyid la rmongs pa yin no//gang kho na la rmongs pa de nyid la 'dod chags pa yin la/ de nyid la zhe sdang ba yin no zhes ngag gi don tha dad pa 'thad pa yin na thams cad la 'bras bu ma nges par bstan par 'gyur ro/ / gzhan du na yul gcig la gang gi sgra 'brel par byas nas de nyid la 'bras bu ma nges par dogs pa yin la/ de lta bas na 'dod chags la sogs pa rnams mtshungs par ldan pa'i 'du byed kyi phung po'i bdag nyid yul la ltos pa med pa rnams kho na phyin ci log tsam gyi rgyu mtshan can dang rang nyid kyang phyin ci log gi bdag nyid yin pa des na yang dag par rang bzhin med do zhes bya bar bsgrubs pa yin no//'di nyid kyis ni sdug par phyin ci log pa'i 'jug pa'i rgyu mtshan yang dag par med pa nyid du bshad pa yin no/ /gang gi phyir 'du byed kyi phung po bsdus pa'i chos rnams las gzhan ni sdug par phyin ci log pa'i rgyu med de/rgyun la ltos nas de dag lan cig phan tshun 'bras bu nyid yin pa la 'gal ba med pa'i phyir ro/ /da ni 'du shes kyi phung po la brtag pa'i phyir/ bskyed de rnam par rtog de yang / /yang dag nyid du yod ma yin//zhes smos so/ /'dir 'di mngon par 'brel ba ci yod ce na/ gang gi phyir gang dag 'di snyam du gal te de'i skyed par byed pa nyid du mi 'thad pa'i phyir 'dod chags la sogs pa 'di dag yul gyis bskyed pa ma yin na/ 'o na ni gang dag gis 'di dag bskyed pa de dag nyid mtshan mar 'dzin pa'i mtshan nyid kyis 'du shes kyi sngon po rnam par rtog pa yang yang dag par yod pa yin te/yang dag pa ma yin pa la rgyu mtshan nyid du mi rigs pa'i phyir ro zhes sems pa de yang yang dag pa ma yin no zhes bstan pa'i phyir gang gi phyir gang dag gis 'dod chags la sogs pa bskyed pa de ltar kun rdzob tu 'dod pa rnam par rtog pa de dag kyang yang dag pa ma yin pa nyid kyis don dam par ma grub bo zhes bya ba'i don to//'di nyid la brtag bya gang de/ /zhes bya ba la sogs pa 'thad pa bstan pa ni/'di ltar dgongs pa yin te/ gang gi phyir rnam par rtog pa zhes bya ba bskyed pa na gdon mi za bar cung zad rnam par rtog par byed de/ de la rnam par rtog pa med na rnam par rtog pa nyid du mi rigs pa'i phyir ro/ /de la ci 'di rnam par brtag par bya ba bdag nyid ma yin pa la yang /ci kun rdzob tu rang gi mtshan nyid kyi bdag nyid dam/ de'i ngo bor zhen pa gzhan sel ba'i ngo bo yin grang na/ de la re zhig bdag nyid la ni ma yin te/ rnam par rtog pa'i rang gi bdag nyid la rnam par mi rtog go zhes khyed cag nyid kyis bkag pa'i phyir ro/ / bdag nyid ma yin pa rang gi mtshan nyid kyi rang bzhin la ni ma yin te/ /de ni thams cad la log pa nyid kyis shin tu khyad par du 'gyur ba'i ngo bo yin pa'i phyir/ 'di ni spyi'i rnam par 'jug pa yin pa'i phyir te/ ji skad du/ de yi ngo bo kun las log /de ltar de ni rtog byed pa//sgra dang rnam rtog yod min te/ /spyi nyid la ni 'jug phyir ro/ /zhes bstan to/ /gzhan sel ba'i ngo bor zhen pa ni rnam par brtag par bya ba yin na yang / yang dag pa kun rdzob pa'i dngos po'i ngo bor med pa'i phyir rnam par brtag par bya ba dngos por 'gyur ba med pas rnam par rtog pa yang yang dag pa ma yin no//'di nyid ston par byed pa ni brtag bya gang rnam par rtog pa skyed par byed pa nyid kyis de'i yul du gyur pa de dngos por yod pa ma yin no/ /brtag bya dngos por gyur pa med na gal te rnam par rtog pa dngos po'i bdag nyid du gyur pa gang na yang med pa nyid do//gang gi phyir de ltar/ de phyir brtag bya rtog pa yang / /zhes bya ba gnyis ka yang stong pa yin te/ ji ltar zhen pa de'i ngo bo ma yin no zhes bya ba'i don to/ /'di nyid la gtan tshigs gzhan bstan pa ni/ rkyen las skyes phyir ro zhes bya ba la sogs pa smos so/ /'di ltar dgongs pa ni 'di yin te/ gang yang dngos po dang 'brel ba med pa'i phyir rnam par rtog pa thams cad dngos po'i bdag nyid du ma gyur mod/ rjes su dpag pa la sogs pa'i rnam par rtog pa gang zhig la brgyud pas dngos po la rag las par 'jug pa nyid du yod pa de'am/de'i rnam par brtag par bya ba ji ltar dngos por ma gyur pa yin snyam du sems pa de la gtan tshigs 'di nye bar bstan pa yin no/ /'dis ni 'di skad bstan te/gang yang brgyud pas rjes su dpag pa la sogs pa'i rnam par rtog pa skyed par byed pa nyid kyis rnam par brtag par bya ba nyid du 'dod pa'i dngos po dang / rjes su dpag pa la sogs pa'i rnam par rtog pa de gnyi ga yin pa 'di yang rkyen las skyes phyir te/ ji ltar lan gyi rgyu la rag las nas skye ba'i phyir sgyu ma la sogs pa bzhin du yang dag par rang bzhin med pa nyid kyis stong pa nyid do//'di ltar rtogs pa'i sgras rang dga'i rnam par rtog pa yang bzung ba des na de yang phyi rol gyi dngos po la rag las pa nyid med kyang mtshungs pa de ma thag pa'i rkyen la rag las nas skye ba'i phyir rang bzhin stong pa nyid khong du chud par bya'o//'di khyad par ni 'di tsam yin te/ sngar ni rnam par brtag par bya ba dang / rnam par rtog pa dag pha rol gyi 'dod pa kho nas yang dag pa'i ngo bo gsal ba yin la/da ltar ni rang gi 'dod pas yin no/ /de lta bas na gang dag gis gzugs la sogs pa 'di dag yang dag par yod pa nyid du khas blangs pa de dag nyid kyi gzhung gis de dag rnam par dpyad pa na mi 'thad pa'i rang bzhin rnams dbu ma pa'i lugs kyis lta smos kyang ci dgos zhes bya ba 'di gnas pa yin no//da ni bden pa'i dngos por zhen pa'i gdon gyis bzung ba de dag kho na la stong pa nyid kyis tshul 'di rang gi mngon par 'dod pa'i rnam par grol ba dang rjes su mthun pa bstan pas gdon mi za bar khas blang bar bya ba nyid du bstan pa'i phyir/yang dag rtogs phyir zhes bya ba la sogs pa'o/ /gang gi tshe yang de ltar gzugs la sogs pa rnams la de kho na nyid du so sor brtag pa la sogs pa mthar phyin pa las skyes pa 'jig rten las 'das pa rnam par mi rtog pa'i ye shes kyi de kho na nyid rang bzhin med pa'i mtshan nyid rtogs shing mngon du byed de khong du chud par gyur pa/de'i tshe yang dag rtogs phyir te/ /des na ma rig pa med cing 'jug par mi 'gyur te/ gang gi phyir de ni phyin ci log bzhi las skyes pa yin no//phyin ci log bzhi po de dag kyang de kho na nyid mthong ba na nyi ma shar ba la mun pa bzhin du med par 'gyur ba'i phyir ro snyam du dgongs pa'o/ /gang gi phyir lus dang / tshor ba dang / sems dang / chos dag la brten pa de dag rtag pa dang / bde ba dang /bdag dang / sdug pa'i rnam par zhen pa'i ngo bor go rims 'jug pa rnams ni ma rig pa'i rgyu mtshan nyid du 'dod de/ lus la sogs pa de dag kyang ji skad bstan pa'i rigs pas rang bzhin stong pa yin la/ gang dag rang bzhin stong pa de dag ni rtag pa zhes bya ba mi rtag pa zhes bya bar rigs pa ma yin te/dngos yod rtag dang mi rtag nyid/ /yin na de lta ga la yod/ /ces bstan to/ /de lta bas na gzhi med pa'i phyir phyin ci log rnams mi 'jug na ma rig pa mi 'jug go zhes bstan pa yin no/ /de med phyir te ma rig pa de mi 'jug na 'du byed rnams te/bsod nams dang bsod nams ma yin pa dang mi g.yo ba'i las kyi dbye ba rnams mi 'byung ste mi skye ba yin no/ /de bzhin du de ma thag tu bstan pas rgyu mi 'jug pas na 'bras bu mi 'jug pa'i rim pas lhag ma ste/ lus la rten cing 'brel par 'byung ba'i yan lag rnam par shes pa la sogs pa rga shi'i mthar thug pa mi 'jug pa'i chos can yin par shes par bya'o//'di nyid la 'phags pa'i phyed kyis pha rol la shin tu grags pa bstan pa ni/ gang gang zhes bya ba la sogs pa gang yin te/ 'bras bu mngon par 'dod pa'i dngos po gang rgyur 'dod pa'i dngos po la brten pa ste brten nas skyes pa ste 'byung ba'i 'bras bur mngon par 'dod pa de las skyes pa ste/rgyur mngon par 'dod pa'i dngos po de la dngos su skyes pa nyid nges pa na rgyur mngon par 'dod pa'i dngos po de med na 'brel pa min na mi 'byung ba ste mi skye ba'o//gang gi phyir zhes bya ba ni lhag ma'o/ /de lta bas na yan lag snga ma snga ma ma tshang ba'i phyir yan lag phyi ma phyi ma mi 'jug par bstan pas rten cing 'brel par 'byung ba'i yan lag bcu gnyis nye bar zhi ba'i mtshan nyid kyi thar pa thob pa dang rjes su mthun pa tshul 'di bstan pa gang yin pa de rigs pa dang mi ldan pa ma yin pa de'i phyir/pha rol po dag gis kyang gdon mi za bar tshul 'di kho na khas blang bar bya ba yin no zhes bstan pa yin no/ /'di tsam gyis mya ngan las 'das pa mtshungs pa nyid du dgongs par bya ba yang ma yin te/'di la khyad par chen po srid pa'i phyir ro/ /khyad par de nyid bstan pa'i phyir/ dngos dang dngos med ces bya ba la sogs pa smos so/ /skye bar byed pa'i phyir dngos po ste/ sdug bsngal gsum gyis zin pa'i 'bras bur gyur pa nye bar len pa'i phung po lnga'i mtshan nyid ni 'khor ba'o//de bzhin du gang yod na 'byung ba'i phyir dngos po ste las dang nyon mongs pa'i mtshan nyid de'i rgyu'o/ /dngos po med pa ni dngos po med pa ste/ 'khor ba ldog pa'i mtshan nyid thar pa'o//de bzhin gang yod na mi 'byung bas dngos po med pa ste/ las dang nyon mongs pa dag gi gnyen por gyur pa lam mo/ /dngos po dag dang dngos po med pa dag ni/ dngos po dang dngos po med pa rnams te sdug bsngal dang kun 'byung dang 'gog pa dang lam rnams zhes bya ba'o//'dus byas rnams ni sdug bsngal dang kun 'byung dang lam rnams so/ /'dus ma byas ni so sor brtags pa'i 'gog pa'o/ /'dus byas rnams dang 'dus ma byas ni 'dus byas dang 'dus ma byas rnams te mdo sde pa dag gis ni dngos po dang dngos po med pa'i tshig gis sdug bsngal la sogs pa rnams tha snyad btags pa yin la/bye brag tu smra ba dag gis ni 'dus byas dang 'dus ma byas pa'i ming gis yin no zhes rtogs pa po rnams kyis dbye bas bsdus pas dgongs pas ming gi dbye ba smos pa na zlog par dogs par bya ba ma yin no//dngos po dang dngos po med pa yang yin la/ 'dus byas dang 'dus ma byas kyang yin no zhes bya ba ni dngos po dang dngos po med pa dang 'dus byas dang 'dus ma byas dag go/ /de dag ni zhi ba ni rang bzhin gyis nye bar zhi ba'i mya ngan las 'das par tshul 'di la rigs par bya ba yin no zhes dgongs pa yin no//'di ltar sdug bsngal ni gzod ma nas de kho na nyid du ma skyes pa yin la/ gang skyes pa de ni rang bzhin stong pa'o/ /gang rang bzhin stong pa ni rgyu ma yin la/ rang bzhin dang rgyu ma yin pa de ni 'gog pa ma yin no//gang 'gog pa ma yin pa de ni 'gog pa'i rgyu mtshan rgyu'i gnyen po lam rigs pa ma yin no/ /de'i phyir chos rnams kyi rang bzhin gyis mya ngan las 'das pa kho na thar pa yin no/ /gzhan dag gi theg pa la ni sdug bsngal dngos por gyur pa nyid kyang /de lta bu nyid kyi rgyu las skye ba dang / rgyu'i gnyen po'i lam skye ba na de 'gog pa yin pa'i phyir sdug bsngal la sogs pa rnams kyi gzod ma nas nye bar zhi ba'i mtshan nyid mya ngan las 'das pa yin no zhes khas blangs pa ma yin no/ /theg pa de'i phyir theg pa 'di la ni khyad par che ba yin no//de la 'di snyam du sems par gyur te/ gal te chos rnams kyi rang bzhin gyis myang 'das nyid thar pa dam pa yin na/ kun nas nyon mongs pa gsum gyi rgyu mtshan nyid can gyi rten cing 'brel par 'byung ba yan lag bcu gnyis kyis 'jug pa'i rim pa'am ldog pa'i rim pa yod pa ma yin no//de'i phyir spang bar bya ba dang blang bar bya ba 'khor ba dang / mya ngan las 'das pa dag gi rnam par dbye ba med pas ma rig pa'i rkyen gyis 'du byed/ skye ba'i rkyen gyis rga shi'i bar dang / de bzhin du ma rig pa 'gog pas 'du byed 'gog /skye ba 'gog pas rga shi 'gog ces bya ba'i bar du rten cing 'brel par 'byung ba'i rim pa gnyis bcom ldan 'das kyis de dang der bstan pa ji ltar na 'bras bu med pa nyid du thal bar mi 'gyur zhe na/ thal bar mi 'gyur te/dngos po 'jug pa la ltos nas chos thams cad rang bzhin gyis mya ngan las 'das pa nyid yin na yang thog ma med pa nas phyin ci log gi rnam rtog goms pa'i bag chags kyi rang bzhin gyis rmongs pa'i rab rib kyis nyams pa'i blo'i mig can gyi rtogs pa po rnams kyi rtogs pa'i 'jug pa la ltos nas/rten cing 'brel par 'byung ba'i rim pa gnyis su de nyid kyis yod par zhal gyis bzhes par mdzad pa'i phyir ro/ /'di nyid bsten pa'i phyir/ rgyu dang rkyen las skyes dngos rnams/ /zhes bya ba la sogs pa 'phags pa gnyis smos so//rgyu nye bar len pa'i rgyu rkyen de lhan cig byed pa'i rkyen rnams las skyes pa'i dngos po rnams la yang dag pa nyid du ste/ de kho na nyid kyi ngo bor rtogs pa gang brten nas skyes pa nyid kyi sgyu ma la sogs pa bzhin du brdzun pa'i rnam pa rnams la yang brdzun pa ma yin pa'i rnam pa nyid du khong du chud pa gang yin pa de ni sems can thams cad la ston par byed pa'i phyir ston pas ma rig par gsungs te/sdug bsngal gyi phung po chen po kun rdzob 'di'i rkyen nyid du bstan pa na zhes bya ba'i don to/ /gang gi phyir ma rig pa de nyid la yan lag bcu gnyis kyi cha gang la yod pa de ni yan lag bcu gnyis yin te/'byung zhing rgyun du skye ba ni srid pa'i 'khor lo zhes bya ba lhag ma'o/ /gang gi tshe yang chos thams cad rang bzhin med pa mngon par gsal bar byed pa'i theg pa chen po 'di thos pa dang / bsam pa dang /bsgom pa'i rang bzhin gyi shes pa tshogs dang sbyor ba'i lam gyis bsdus pas dngos po de dag nyid stong pa ste/ rang bzhin gyis dben par nges pa ste som nyi med par rtogs par 'gyur ba de'i tshe de dag de ltar rtogs pa dag yin na/ de ma thag tu rab tu dga' ba'i sa rnyed pa'i yang dag pa'i mthong ba'i lam skye ba de gang las sngar bshad pa'i mtshan nyid can gyi rmongs par mi 'gyur ro//de mi 'byung ba gang yin pa de ni ma rig pa 'gog pa yin la/ ma rig pa 'gog pa de nyid las kyang yan lag bcu gnyis kyis srid pa'i 'khor lo 'gag pa ste/kun rdzob tu yang mi 'byung ngo zhes bya ba'i don to/ mdo las/ dngos po zhes rigs la gcig gi tshig tu khong du chud par bya'o/ /gzhan du sngar dngos po rnams mang po nyid du bstan pa gang dag la mdor gsal ba gcig yongs su bzung na skabs su bab pa'i nyams pa'i nyes par 'gyur ro//de bas 'di ltar dngos po'i 'jug pas chos rnams thams cad gzod ma nas zhi ba nyid du yin na yang rtogs pa po'i khyad par gyi rtogs pa la ltos nas rten cing 'brel par 'byung ba la skye ba dang 'gog pa'i rim pa yod pa nyid du bstan pas kun rdzob tu spang ba dang blang bar bya ba dang /'khor ba dang mya ngan las 'das pa'i rnam par dbye ba yod pas de dag spang ba dang / blang ba rgyu mtshan du gyur pa'i lam yang kun rdzob la mi 'gal ba'i phyir bcom ldan 'das kyis bstan pa 'bras bu dang ldan pa nyid do zhes bya ba 'di gnas pa yin no//'di ni rigs pa yang yin te/ gang gi phyir dngos po rnams yang dag par skye ba dang 'gag pa dang bral ba yin yang kun rdzob tu skye ba dang 'gag pa yin no zhes bya bar bstan pa'i phyir/ 'du byed dri za'i grong khyer dang //zhes bya ba la sogs pa smos so/ /gang gi phyir dri za'i grong khyer la sogs pa yang dag par skye ba'am/ 'gag pa ma yin pa de ltar na yang tshogs pa de dang de yang dag par thob pa'i dbang gis 'jig rten las skye ba dang 'gag pa dang ldan pa nyid du ma dmigs pa ma yin pa ji lta ba de bzhin du 'dus byas thams cad yin no//'dra ba'i rgyu mtshan de nyid gsal bar bya ba'i phyir/ 'di la dngos 'ga' yod min zhing / /zhes bya ba la sogs pa smos so/ /gang gi phyir dri za'i grong khyer la sogs pa 'di la dngos po ste/ skye ba dang / dngos med de 'gog pa rang bzhin gyis te/ don dam par 'ga' yang yod pa ma yin pa nyid de/ 'di dag ni brten nas skyes pa'i phyir ro zhes bya bar dgongs pa'o/ /de'i phyir gang yang dngos po 'dus byas rnams kyi rang bzhin de yang brten nas skyes pa yin pa'i phyir stong pa ste yang dag par skye ba dang 'gag pa dang bral ba yin no zhes khong du chud par bya'o//don 'di nyid mjug bsdu ba'i phyir dang / theg pa gzhan du 'gal ba spang bar bya ba'i phyir/ 'phags pa gnyis smos pa ni/ dngos kun rang bzhin stong yin no//zhes bya ba la sogs pa'o/ /dngos po 'di la de'i phyir/ /zhes khong nas dbyung bar bya ste/ gang gi phyir 'dus byas thams cad dri za'i grong khyer la sogs pa dang 'dra ba de'i phyir dngos po kun rang bzhin gyis stong pa rang bzhin gyis mya ngan las 'das pa gnas pa yin na yang dag par rdzogs pa'i sangs rgyas bcom ldan 'das de bzhin gshegs pa mtshungs pa med pa ste/ston pa thams cad las khyad par du 'phags pas dngos po rnams kyi rten 'byung ste/ rgyu dang rkyen la sogs pas brten nas skye ba 'di 'dra ba ni zhes bya ba ste/ de lta bu'i ngo bor nye bar bstan pa ste/ dri za'i grong khyer la sogs pa rnams kyi skye ba bzhin du brdzun pa kun rdzob pa zhes bya ba'i don to/ /'o na ji ltar theg pa gzhan du 'di nyid yang dag pa nyid du bstan zhe na/ bstan pa ni bden mod kyi/ de tsam gyis 'gal ba cung zad kyang yod pa ma yin no//gang gi phyir dam pa 'jig rten las 'das pa rnam par mi rtog pa'i rjes las thob pa dag pa 'jig rten pa'i rnal 'byor pa'i ye shes kyi don te yul skye ba 'dir zad pa ni 'di tsam gyis chad de sgyu ma la sogs pa bzhin du brdzun pa'i rnam pa yongs su chad pa zhes bya ba'i don to//'jig rten tha snyad ces bya ba la 'jig rten so so'i skye bo 'phags pa'i lam la ma zhugs pa'i sems can gyi khams de la grags pa'i tha snyad ni sems dang ngag dang lus kyi dbye bas rnam pa gsum ste/ shes pa dang brjod pa dang / 'jug pa'i ngo bo la brten nas te de rjes su gzung bar 'dod nas de nyid don dam pa la 'jug par bya ba'i phyir khas blangs nas ma chags shing ma thogs pa'i rnam par dag pa'i ye shes kyis chos thams cad rnam pa thams cad du thugs su chud pa zhes bya ba'i sangs rgyas thams cad mkhyen pa'i bcom ldan 'das kyis ni sna tshogs thams cad de don gyi tshogs ma lus par yang dag par phyin ci log pa brtags pa ste/tshig gis bsnyad cing nye bar bstan pa zhes bya ba'i don to/ /de lta bas na 'phags pa dang 'phags pa ma yin pa'i skye bo'i tha snyad kyi dbye ba la ltos nas bde bar gshegs pa'i bstan pa 'di thams cad kho na don mi 'gal ba yin no zhes bya ba 'di gnas pa yin no//de lta bas na 'di ltar bcom ldan 'das kyis chos thams cad bstan pa kha na ma tho ba med pa la yang gang dag la skrag pa 'byung ba de dag la de'i dgongs pa ma rtogs pa nyid skrag pa'i rgyu yin par bstan pa'i phyir/'jig rten chos can mi 'jig cing / /zhes bya ba la sogs pa smos so/ /gang gi phyir de ltar kun rdzob dang don dam pa'i bden pa gnyis la ltos nas bstan pa 'jug pa na/'jig rten pa'i chos bstan pa mi 'jig pa ste/ kun rdzob dag gi skye ba dang 'gag pa la sogs pa dag ma spangs pa'i phyir ro/ /de bzhin du yang dag pa ste don dam par chos bstan pa ci yang mdzad par 'gyur ba med de/ chos kyi dngos po yod pa cung zad kyang gzhag pa med pa'i phyir te sgro btags pa med pa'i phyir ro zhes bya ba'i don to//de'i phyir dri ma med pa 'di ni sgro 'dogs pa dang / skur pa 'debs pa'i skyon gyis stong pa'i phyir shin tu rnam par dag pa yin la/ chos kyi de kho na nyid mchog tu zab pa mi shes pa shes par byed pa'i phyir tshul de stong pa nyid kyi theg pa gang yin pa de la dri ma med pa'i tshul 'di gang dag skrag pa de dag ni chos kyi de kho na nyid ji lta ba bzhin du gnas pa de bzhin du ston par byed pa'i zhes bya ba'i nges pa'i tshig gi tshul gyis phyin ci ma log pa'i chos kyi de kho na nyid gsal bar byed pa'i sangs rgyas de bzhin gshegs pa rnams kyis bshad cing bstan pa ma rtogs nas te/dgongs pa ji lta ba bzhin gyi de kho na nyid ma nges nas zhes bya ba'i don to/ /'dir de kho na nyid nges pa ci 'dra ba gang yod na skrag pa mi skye ba de gsal bar bya bar bzhed pa ni/ 'di brten 'di 'byung ba zhes bya ba la sogs pa smos so//rgyur mngon par 'dod pa'i dngos po 'di la brten pa ste/ brten nas 'bras bur mngon par 'dod pa 'di 'byung ba ste skye ba zhes 'jig rten mtha' dag la grags pa'i phyir 'jig rten pa'i tshul 'di rten cing 'brel par 'byung ba'i tshul 'gog par mi mdzad pa ste mi spong ba nyid do zhes kun rdzob kyi bden pa la brten pa'i bstan pa la de kho na nyid du nges pa yin no//don dam pa'i bden pa la brten pa de la ni/ /rten 'byung gang de rang bzhin med pa ste/ de kho na nyid du sgyu ma la sogs pa bzhin du yod pa ma yin pa nyid do//gang de kho na nyid du yod pa ma yin pa de yang 'ga' zhig yod pa nyid khas len par byed pa na yang ji ltar de snang ba de gang gis na yod de/ ji ltar yang de yod par yang mi 'gyur ba nyid ces de kho na nyid du nges pa'o/ /da ni gang dag yang dag par rdzogs pa'i byang chub kyi rigs can rnams dang /gang yang dman pa'i byang chub kyi rigs can de dag thams cad 'di nyid la rab tu 'jug par bya ba'i phyir tshul 'di ni mngon par 'dod pa'i 'bras bu grub pa sgrub par byed pa nyid du nye bar bstan pa'i sgo nas don chen po nyid du bstan pa'i phyir tshigs su bcad pa gnyis/ tshul 'di rigs pas rjes dpog gang //zhes bya ba la sogs pa smos so/ /de la tshigs su bcad pa dang pos byang chub dam pa'i rigs can rnams de la yang dag par rtogs par byed do/ /byang chub kyi sems bskyed pa'i sgrub pa po gang thog mar lung las thos pa'i rang bzhin gyi shes pas stong pa nyid bdun cu pas bstan pa'i theg pa dam pa'i tshul 'di khong du chud nas rigs pas te 'thad pas/rkyen las skyes pa nyid la sogs pa'i rtags las rjes su dpog pa ste/ rigs pa las skyes pa bsam pa'i rang bzhin shes pas nges par byed pa'o/ /de'i 'og tu dad ldan te mngon par yid ches pa'i mtshan nyid kyi dad pa dang yang dag par ldan pa'o//yang dag tshol lhur len pa ste/ chos thams cad rang bzhin med pa'i yang dag tshol ba de rjes su tshol ba'i sbyor ba dang / mthong ba dang / bsgom pa dag gis goms pa'i rim pas rtogs pa'o/ / der lhur len pa ni yid gzhan du mi gtod pa'o/ /de'i bar du yang sangs rgyas dang byang chub sems dpa' dag las gdams ngag thob pa na yang chos bstan 'ga' yang mi brten pa ste/ chos ni shes bya dang / spang bya dang / rnam par dag pa la sogs pa gang bstan pa sangs rgyas dang byang chub sems dpa' rnams kyi gdams ngag gis ston pa 'ga' zhig la yang mi brten pa chos ston pa 'ga' zhig la yang mngon par zhen pa med pa ste/ji ltar sgyu ma'i glang po ni/ /sgyu ma'i seng ges nyams byed pa/ /bden min de bzhin log rtogs ni/ / de nyid nges par nyams par byed/ /ces pa'i tshul gyis mi mthun pa'i phyogs dang gnyen po'i phyogs thams cad la sgyu ma lta bu nyid du lhag par mos pa rnyed pa'i phyir ro/ /gang yang de ltar goms pa khyad par can gyi gnas skabs la lhag par zhugs par gyur pa de ni dngos po med pa dang 'khor ba dang mya ngan las 'das pa dag spangs nas zhi ba ste/de dag la mngon par zhen pa med cing rnam pa thams cad yongs su dag par thob par byed pa ste/ mi gnas pa'i mya ngan las 'das pa thob pa yin zhes bya ba'i don to/ /gang yang bdag nyid 'khor ba'i sdug bsngal ldog par 'dod pas rkyen nyid 'di pa ste/rkyen 'di skye ba ga la yod pa de ni rkyen 'di pa yin la/ de nyid rkyen 'di pa ste bdag med pa nyid kyis rten cing 'brel par 'byung ba 'ba' zhig la de ni rkyen nyid 'di pa'o/ /'di na de lta bu'i ngo bo ste sgyu ma la sogs pa bzhin du brdzun pa'i rang bzhin du tshor ba dang /sbyor ba dang / mthong ba la sogs pa'i rig pas rig cing khong du chud la/ de shes nas kyang lta ngan dra ba kun te/ 'jig tshogs dang mthar 'dzin dang log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa zhes bya ba'i lta ba gang bden pa mthong ba dang mi mthun pa'i phyir dang / 'khor ba'i rtsa ba yin pa'i phyir ngan pa ste de nyid dang des nye bar mtshon pa'i mthong bas spang bar bya ba 'dod chags la sogs pa'i phra rgyas ni dra ba dang 'dra ba'i phyir dra ba ste/ 'ching ba'i gnas yin pa'i phyir ro/ /de kun ma lus pa ldog pa ste mthong ba'i lam gyis mi ldan par byas pa des 'jig rten las 'das pa'i bsgom pas spang bar bya ba 'dod chags dang / rmongs pa dang / khong khro ba dang / des nye bar mtshon pa'i nga rgyal spang ba'i phyir te/'jig rten las 'das pa'i bsgom pa'i lam gyis spangs pa thob pa'i phyir ro/ /nyon mongs pa mtha' dag gi dri ma'i gdon dang bral ba nyid kyis ma gos pa yin la/ mya ngan las 'das pa de zhes bya ba la/ de zhes bya ba ni 'phags pa'i skye bos so sor rang gis rig par bya'o/ / mya ngan las 'das pa de thob pa ste/ 'khor ba'i sdug bsngal las rnam par grol ba thob pa zhes bya ba'i don to/ /'dis ni 'di skad bstan pa yin te/ gang gi phyir gang la dngos po pa nyid du yang rten cing 'brel par 'byung ba mi rtag pa dang / sdug bsngal ba la sogs pa'i rnam par mthong ba sdug bsngal zad par nus pa yin na/dri za'i grong khyer dang sgyu ma la sogs pa dang chos mthun par lta smos kyang ci dgos/ dgongs pa 'di nyid kyis kyang rgyal ba bskyed ma las nyan thos kyi byang chub la slob par 'dod pas kyang shes rab kyi pha rol tu phyin pa 'di nyid la bslab par bya'o zhes bya ba la sogs pa gsungs so//de lta bas na theg pa chen po 'di don chen po can yin no zhes bya ba 'di gnas pa yin no/ /bskal pa mi nyung rab goms pa'i/ /bsod nams ye shes blo che ba'i/ /'phags pa klu sgrub che mchog gi /gzhung gang la ni bdag blo gang / /de lta na yang gang gi phyir//bdun cu pa 'dir mkhas gang gis/ /da lta yang ni don byed tshul/ /'bad byas med pa de yi phyir/ /slob dpon dam pa zla dpal zhabs/ /brten nas brgyud pa'i man ngag 'di/ /bdag blo'i nus pa thob pa yis/ /bdag gi rmongs pa 'dir 'khrul gang //cung zad byung ba gang yin pa/ /khyed rnams kyis ni bzod byas te/ /gang phyir bdag 'dra kun mkhyen min/ /de las kun da kha ba mu tig dang / /zla 'dra'i bsod nams rgya chen gang byung des/ /'jig rten gyi ni spros kun nyer zhi bas/ /rnam dag rang gi chos nyid rtogs par shog /kha che'i yul gyi mkhas pa chen po slob dpon so ma shrI'i zhal snga nas kyi zhabs kyi rdul la nye bar brten par mdzad pa'i slob dpon mkhas pa chen po dpal gzhan la phan pa'i zhal snga nas kyis mdzad pa stong pa nyid bdun cu pa'i 'grel pa rdzogs so// //