330a4 @##/ /rgya gar skad du/ ma d+h+ya ma pra tI t+yas mud pA da nA ma/ bod skad du/ dbu ma rten cing 'brel par 'byung ba zhes bya ba/ dkon mchog gsum la phyag 'tshal lo/ /rten cing 'brel par 'byung ba yi/ /don ni bdag gis bshad par bya/ /snang ba'i dngos po thams cad ni/ /ngo bo
330a5 nyid kyis stong rig bya//rten cing 'brel par 'byung ba'i phyir/ /sgyu ma'i rta glang ji bzhin no/ /de phyir don dam skye ba med/ /skye med de ni sems la bzhag /snang ba rang bzhin med pa ru/ /mi rtog pa yi sems kyis bsgom/ /spang ba dang ni ye shes 'grub/ /mi mthun phyogs ni rnam
330a6 pa drug /le lo dang ni dmigs pa brjed/ /bying ba dang ni rgod pa dang / /mi rtsol ba dang rtsol ba'o/ /de spong ba yi gnyen po brgyad/ /yang dang yang du bsgom par bya/ /rjes la pha rol phyin pa yi/ /spyod pa bzhin du gnas par bya/ /g.yeng ba thams cad spangs nas ni/ /dgon pa ru ni gnas par
330a7 bya//nga rgyal thams cad spangs nas ni/ /dman pa'i sems dang ldan par bya/ /gzhan la mi mkho ba yi rdzas/ /bdag gi dgos pa'i don du bzung / /dbu ma rten cing 'brel bar 'byung ba zhes bya ba/ slob dpon nag po pas mdzad pa rdzogs so// //