| བོད་ཡིག |
329b4 rgya gar gyi mkhan po dI paM ka ra shrI dz+nyA na'i zhal snga nas dang / lo tsA ba dge slong tshul khrims rgyal bas bsgyur cing zhus te gtan la phab pa'o//[ ]@##/ /rgya gar skad du/ ma d+h+ya mAr+tha saM gra had/ bod skad du/ dbu ma'i don bsdus pa/ bcom ldan 'das dpal kun du bzang po la phyag 'tshal lo/ /gang dag skye
329b5 med rtogs pa nyid yin yang //tha snyad do gang snying rjes 'khor ba ma stongs par/ /rgyal ba rnams ni 'jig rten bde bar bskyab pa'i phyir/ /'di ru bzhugs kyang dri med blo dang ldan/ /de dag rnams la rtag tu bdag phyag 'tshal/ /bden pa gnyis ni ji lta bu'i/ /don ni rtogs par bya ba'i phyir/ /bdag gis 'di ni rab brtsams te/ /
329b6 sangs rgyas rnams kyis chos bstan pa/ /bden pa gnyis su 'dus pa ste/ /don dam dang ni kun rdzob po/ /dam pa'i don ni spros bral te/ /de yang rnam pa gnyis su bya/ /rnam grangs kyi ni don dam dang / /rnam grangs ma yin don dam mo/ /dang po de yang gnyis yin te/ /rigs pa rnam grangs don dam dang / /skye ba bkag pa'i don dam mo/ /mu bzhi
329b7 skye 'gog la sogs pa'i//gtan tshigs bzhi yi rigs pa de/ /snang ba'i dngos po thams cad kyang / /skye ba bkag pa'i don dam mo/ /spros pa thams cad kyis stong pa/ /de ni rnam grangs ma yin pa'i/ /dam pa'i don du shes par bya/ /yod pa'i mtha' dang med pa'i mtha'/ /gnyis po thams cad spangs pa ste/ /de lta bu ni don dam mo/ /kun
330a1 rdzob ji ltar snang ba yin//de yang gnyis su shes bya ste/ /log pa yi ni kun rdzob dang / /yang dag pa yi kun rdzob po/ /don byed nus pa'i dngos po ni/ /yang dag kun rdzob ces bya ste/ /snang yang don byed mi nus pa/ /log pa yi ni kun rdzob po/ /de yang
330a2 gnyis su shes bya ste//rtog bcas dang ni rtog med gnyis/ /rtog bcas thag pa la sbrul 'dzin/ /rtog med zla ba gnyis 'dzin pa'o/ /des na thams cad bden gnyis su/ /'dus pa nyid du bstan par bya/ /de don nyams su blangs nas ni/ /phun sum tshogs pa thams cad 'thob/ /dbu ma yi ni don bsdus pa/ /
330a3 de ltar bdag gis bshad pa yi/ /dge ba bdag gis bsags pa yi/ /dge ba gang des sems can gyi/ /bsam pa myur du 'grub gyur cig /dbu ma don bsdus pa slob dpon legs ldan byed kyis mdzad pa rdzogs so// //lo tsA ba tshul khrims rgyal bas bsgyur cing zhus te gtan la phab pa'o// //