151b7 @##/ /rgya gar skad du/ b+ha ba saM krAn+ti TI ka /bod skad du/ srid pa 'pho ba'i T+wi ka /thams cad mkhyen pa la phyag 'tshal lo/ /dngos po med pas skye ba med/ /ces bya ba la/ sa bon las sa bon 'byung ba bzhin de ltar yin na ni bum pa las kyang bum pa 'byung bar
152a1 rigs/rang nyid bya ba 'gags pas sa bon 'byung mi srid/ /'byung ba rnam pa lngas bsgyur ba'i chos nyid yin pa rten 'brel chos nyid yin/ de lta yin na dge sdig sus khur chad ltar 'gyur/ skye ba de ni ma yin no/ /byi bas so btab pa'i dug 'brug
152a2 grag tsa na na ba bzhin no//rten 'brel las skyes pa'i chos nyid do/ /de nas dngos po las skyes pa chos nyid ma yin/ dngos po med pa de la ni/ /skye ba blangs pa srid pa yin/ /zhes pa de ltar yin na dngos po med pa las byung na ni/ mo gsham bu nam mkha'i me tog dang ri
152a3 bong gi rwa yang srid/de ltar ma yin pa 'byung bas na 'byung mi srid/ me'i nang du sa bon btab na skye mi srid/ dngos po med pa de la ni/ /skye ba blangs pa srid pa bstan pa ni/ ji ltar chu dngas pas gang ba'i mtsho la zim dang pad+ma skyes pa bzhin no/ /gtsub shing dang lcags
152a4 mag las me 'byung ba bzhin no//byung mod skyon ci yod/ rtag tu dngos po las byung bar bdag 'dod/ de ltar ma yin 'khrul pa yin/ /dbang po rnams kyis gang rnyed pa/ /de ni de dag nyid 'gyur na/ /de nyid mkhyen pa byis par 'gyur/ /de nyid ye shes bya rgyu med/ /lang
152a5 kar gshegs pa'i mdo las/dngos po thams cad yod bsam pa/ /de ltar byis pas brtags pa bzhin/ /gal te de ltar mthong gyur na/ /thams cad de nyid mkhyen par 'gyur/ /gzhan ston pa ni/ mig gis gzugs mi mthong ba bzhin/ /'jig rten pas ni
152a6 gti mug gis//dbang po'i lam las byung gyur pa/ /de yi dpe ni 'di ltar yin/ /sgyu ma ltar/ smig rgyu/ rmi lam/ brag ca/ 'ja' tshon/ chu zla'i gzugs sprul pa'i sgyu ma'i grong khyer rnam rtog bzhin no/ /dpa' bo'i zhabs kyis kyang gsungs so/ /yod dang med
152a7 pa skye dang 'chi//de ni 'gag pa gang med pa/ /dngos po stong pa nyid yin no/ /mtshan ma dngos po mthong ba rnams/ /dngos po mthong bas 'khrul pa yin/ /ji ltar/ nam mkha'i me tog bsam pa 'dra/ /mkha' dang mnyam pa'i chos nyid la/ /zhes pa ni nam
152b1 mkha' dang mnyam pa dngos po stong nyid yin pas na/skye ba dang 'jig pa'i skyon gyi dri mas ma gos pas na/ chos nyid tsam la gzugs dang tshor ba la sogs pa de rnams nam mkha' dang mnyam pa'o/ /gzhan skye ba na rten 'brel 'dzom pas skye'o/ /de yang kun
152b2 rdzob 'jig rten pa la yin/don dam pa la mi mthun med/ /bsam gyis mi khyab sgyu ma chos kyi mtshan nyid yin/ sA lu ljang pa'i mdo las/ rten 'brel gyis ni skyes pa gang / /rgyu lnga rnams kyis mthong gyur pa/ /kho rang nges pa ma yin/ chad pa po yang ma yin/
152b3 'pho ba po yang ma yin/ rgyu rang 'byung ba yang ma yin/ 'bras bu smin nas byung ba yang ma yin/ de rnams ni mthun par mi 'brel/ kho rang nges pas yin pa gang zhe na/ ji ltar sa bon dang myu gu mi mthun pa bzhin no/ /ma yin te de ltar yin na sa bon gang yin pa de nyid
152b4 myu gu/de ltar yin na sa bon 'gag /myu gu skyes pa na/ chad pa yang ma yin pa gang zhe na/ snga ma sa bon bkag pas myu gu skye ba ma yin/ sa bon bkag pa tsam las de'i dus su myu gu skye bas na/ srang la 'jal ba'i mtho dman bzhin no/ /'pho ba po ma yin pa gang zhe
152b5 na/sa bon ltar ma yin myu gu'o/ /rgyu rang byung ba ma yin pa gang zhe na/ dang po 'bras bu rang ma byung bas so/ /'bras bu smin nas byung ba ma yin pa gang yin na/ 'bras bu'i ngo bor grub pa ste/ 'bras bus 'bras bu bskyed pa ni ma yin no/ /mi mthun par 'brel pa gang zhe
152b6 na/de ltar du rten 'brel gyis 'byung ba ste de rnams kyis bskyed pa'i 'bras bu'o/ /phung po bskyed lugs kyang / ma rig pas 'du byed/ rnam par shes pas ming dang gzugs/ /skye mched drug dang lnga yis phung po grub po/ /stong nyid rnams kyi byung ba gang / /de
152b7 gzugs rnams kyi ngo bo ni//rten 'brel rkyen gyis byung ba yin/ /de ltar grub pas rab tu grags/ /de ltar stong nyid de rang ni/ /skyes nas gzugs ni mthong 'gyur ba/ /dngos po thams cad stong nyid yin/ /de ltar stong nyid rab tu skyes/ /de ltar du phyi nang gi chos
153a1 thams cad stong pa'o//rang bzhin dngos po ni gang gi rgyus byung bas/ chos thams cad nam mkha' dang mnyam/ de ltar dngos po med pa srid pa yin no/ /rgyu med 'bras bu med pa dang / /zhes pa nas/ 'jig rten 'di dang pha rol dang / /zhes pa'i
153a2 bar la/rgyu dbang phyug gis byas par 'dod pa dang / las kyi 'byung ba sems tsam pa 'dod pa'am/ de ltar mi 'dod na dge sdig sus khur/ mu stegs chad pa po ru thal/ /de'i lan ni/ dngos po la ni bden pa med/ /las kyis 'byung yang rmi lam bzhin/ /dngos
153a3 po 'di ltar med pas na//ma skyes med pa de la ni/ /yun ring rten 'brel 'dod tsam na/ /de dus las kyi 'bras bu myong / /'phags pa ting nge 'dzin gyi rgyal po'i mdo las/ 'jig rten 'di la 'chi ba gang yang med/ /'jig rten pha rol du 'gro ba gang yang med/
153a4 las kyis med pa mi srid do/ /byas pa'i 'bras bu ster bar byed/ /thog ma med pa 'khor ba la/ /lang kar gshegs pa'i mdo las/ gang gis rtag tu stong nyid bshad/ /yod dang chad pa spangs pa nyid/ /'khor ba'i rmi lam sgyu ma ming / /las med par ni mi
153a5 'gro'o//'phags pa nam mkha' dang mnyam pa ting nge 'dzin gyi mdo las/ sngar byas de ni mi 'dzad do/ /mi 'dzad pa de dge mi dge /bde bar gshegs kyis sngar bgyis pa/ /de yang 'dzad par mi 'gyur ro/ /byang chub sems dpa'i byang chub sems/ /de yang
153a6 'dzad par mi 'gyur ro//brtan pa thob par byas pa yang / /de yang 'dzad par mi 'gyur ro/ /las kyang med par mi 'gyur ro/ /bskal pa bye ba'i bar du yang / /rten 'brel 'dzom pa'i dus las ni/ /lus can rnams kyis 'bras bu myong / /skye ba med pa'i ngo bo
153a7 nyid//ces pa la/ dbang phyug gis ji ltar gal te ma sprul na/ 'jig rten pa ji ltar byung / mo gsham mo yi bu la yang / /de la bu skyes skye bar mdzad/ /'jig rten pa 'di sngar ma skyes/ /shes pa la sogs pa la dang por rang ma skyes pa rten 'brel las 'byung
153b1 ba'i dngos po yin/de la dbang phyug la sogs pa sus kyang skyer 'jug pa med/ sems can pa dang po rang skyes pa med pas/ dbang phyug kho rang ma grub pa la/ rten 'brel las 'byung ba'i dbang phyug gis skye ru bcug pa med/ lang kar gshegs pa'i mdo
153b2 las/skye dang 'chi ba de gnyis ni/ /byis pa rmongs pa mthong ba yis/ /skye med 'chi med de gnyis ni/ /shes rab can gyis de ltar mthong / /'phags pa ting nge 'dzin gyi rgyal po'i mdo las/ yod pa med pa de la ni/ /gnyis ka mtha' ni med pa yin/ /
153b3 dag dang ma dag de la ni/ /de gnyis la yang mtha' med do/ /de gnyis spangs pa de la ni/ /dbus su gnas pa gang yang med/ /de ltar mkhas pas rtogs par bya/ /dbu ma dar ba nas/ rtog pa gang gis rtog tsam na/ /de rtog 'bras bu med par 'dug /
153b4 de ltar na ni mkhyen pas gsungs/ /rnam rtog gis ni tha mal bcings/ /brtags pa byas nas grol bar byed/ /de byed pas ni grol ba yin/ /rnal 'byor pas ni stong par mthong / /ji ltar rab rib mthong gyur pa/ /sman gyi sbyor bas mthong ba ltar/ /rab rib de
153b5 yang gsal bar 'gyur//ma rig pa yi rab rib kyis/ /bsgribs pa'i mig gis skye ba dang / /'chi ba bstan par gzung nas te/ /bag chags dbang gis grol ma nus pa rnams la gsungs/ don med 'khyams pa 'jig rten pa la sogs pa'i gsungs so/ /byed
153b6 pa po dang /tshor ba po la sogs pa gang yang med pa la/ grol ba'i don mi byed par don dam par 'khyams pa'o/ /yang na don med du 'khyams pa srid pa'i rgya mtsho las sgyu ma'i grong khyer ltar/ 'phags pa lha'i zhabs kyis gsungs pa ni/ yod dam med pa gnyi
153b7 ga med/yod med gnyis bsres de yang med/ /de min logs na de yang med/ /brtag pa yun ring byas kyang ni/ /de lta tshig brjod shin tu dka'/ /dngos po yod pa dang / med pa dang / skye ba dang / 'chi ba gang yang spangs pa'i chos bdag med par bstan pa'i
154a1 le'u ste dang po'o// //da ni phung po bdag med du ston pa ni kun rdzob la brten nas gsungs te/ 'jig rten pa yi skye lugs ni/ /rnam rtog las ni 'jig rten 'byung / /zhes pa ni/ rnam rtog ni dge ba dang mi dge ba'i rtog pa'o/ /de la
154a2 rten 'brel gyis byung ba 'jig rten pa'o//dge ba dang mi dge bas 'gro ba rigs drug tu phung po blangs te 'jig rten pa'i ming ngo / /rnam rtog gis bskyed pa'o/ /chu'am 'bras bu la sogs pa rnam rtog dang rten 'brel gyis blangs pa yin/ skye ba blangs pas
154a3 sems byung /sems las bdag 'dzin byung / de las gzhan yang 'byung ngo / /de yang rin po che phreng ba nas gsungs pa/ phung po 'jig pa'i bar du ni/ /de la bdag 'dzin 'byung bar 'gyur/ /bdag 'dzin byas pa'i dus su yang / /de la
154a4 las byas skye ba len//dus gsum du ni mtha' med par/ /dbus su 'khor ba'i 'khor lo ni/ /mgal me'i 'khor lo ltar du 'khor/ /rten 'brel 'dzom pas 'khor ba'o/ /sems las lus kyang byung ba la/ /zhes pa ni/ bdag yod pa ni
154a5 gzhan 'byung ngo //rang gzhan cha yis zhe sdang 'byung / /de gnyis kyis ni rab bcings pa/ /skyon rnams thams cad rab tu skyes/ /lus la brtag par bgyis tsam na/ /sems tsam pa yi 'dod lugs la/ /sngar brtags pa byas pa bzhin shes par bya'o/ /
154a6 phyi'i phung po brtag pa ni/ gzugs dang tshor ba ming dang ni/ /zhes pa ste/ gzugs ni 'byung bas 'byung ba'o/ /gzugs dang kha dog la sogs pa bdag nyid yod pa dang med pa dang / gnyi ga dang / gnyi ga ma yin pa'i rgyus skyes pa brtags pa tsam na/ mi
154a7 bden pas brtags mi nus pas lbu ba dang 'dra ste stong nyid do//tshor ba ni bde sdug gi bdag nyid can de yang / rten 'brel gyi skyes pa med pa'i rgyu chu bur dang 'dra'o/ /'du shes ni dngos po yod pa ma yin te/ de ni ming tsam yin nam/ smig rgyu dang 'dra bar med pa'o/ /
154b1 'du byed ni dngos po med pa ste/ bza' ba dang / btung ba dang / skom pa bde ba skyed pa/ de yang ba la sogs pa'i 'byung ba'i rkyen gyis so/ /de yang rnam rtog med pa'i dngos po chu shing lta bu'o/ /sems te rnam par shes pa ni rang dbang med par 'byung ba'i mtshan
154b2 nyid do//sems ni rnam par rtog pa tsam ste sgyu ma lta bu'o/ /don dam pa la med pa'o/ /pha rol tu phyin pa las kyang gsungs pa/ sems yod pa dang / med pa dang / gzhan yang rang bzhin med par stong pa'o/ /sems kyis sems la bltas tsam na/
154b3 gang yang ma mthong bar stong pa'o/ /de ltar yin na bde gshegs bem por 'gyur ro zhe na/ de lta ma yin te/ nam sems dang rnam par shes pa dang / rnam rtog log pa'i dus tsam na chos sku thob pa'o/ /sangs rgyas kyi gnas thob ste/ ye shes kyi sku'o/ /
154b4 de yang / 'di ltar dngos po de yang med/ /shes bya de yang 'di ltar med/ /gnas pa po yang med/ /gnas pa yang med pa'o/ /ro dang 'dra ba'i tshad ma mkhan byis pa rnams kyi rnam rtog yin no/ /bde gshegs ni 'das pa dang / ma 'ongs pa dang / de ltar ba mkhyen
154b5 pa yin no//mngon par shes pa'i spyan gyis thams cad gzigs pa'o/ /sems las byung ba ni/ sems kyi rnam rtog go/ /brtag pa ni sngar bzhin no/ /gzugs ni lbu ba bzhin no/ /tshor ba chu bur bzhin no/ /'du shes smig rgyu bzhin no/ /'du byed ni chu shing
154b6 bzhin no//rnam par shes pa ni sgyu ma bzhin no/ /rnam par rtog pa ni phung po bdag med rnam par shes pa bdag med dngos po grub pa 'di ltar med mo gsham mo'i bu'i dpon bzhin no/ /phung po bdag med pa bstan pa'i le'u ste gnyis pa'o// //da ni
154b7 shes rab 'phel bar byed pa'i don du bdag med gnyis su bsdus nas bshad pa ste/sems med pas na chos kyang med/ /ces pa la sogs pas/ /chos ni dngos po ste/ byas pa dang / ma byas pa med pa'i phung po/ sa'i khams la sogs pa yang de
155a1 bzhin no//chos rnams kyi rtsa ba 'di sems yin pas na/ sems 'gog pa'o/ /gong du sems byung chos nyid las sems 'khyogs pa'i tshig gsungs pa/ gzhan yang sangs rgyas kyis gsungs pa ni/ yi ge med pa'i chos nyid
155a2 la//thos pa ci yod bshad ci yod/ /thos dang bshad dang don la ni/ /mnyam pa nyid de yi ge med/ /gzhan yang sangs rgyas kyis gsungs pa ni/ kun rdzob spyod la ma brten par/ /don dam pa la bshad pa med/ /don dam pa des ma shes par/ /mya ngan
155a3 'das pa mi 'byung ngo //gzhan yang bstan bcos las gsungs pa ni/ rten 'brel rten nas skyes pa gang / /de ni stong nyid rab tu bshad/ /rten 'brel gyis gang skyes pa dang / de ni skye med ngo bo yin/ /rten 'brel la rten gang 'byung ba/ /stong pa ru ni rab tu
155a4 bshad//stong nyid shes pa gang yin pa/ /bsnyo med mkhyen pa de yin no/ /mang du bshad pa don med yin/ /de ltar gnyis su med pa'i lam gyis sangs rgyas grub pa thams cad mkhyen pa'o/ /de'i lam de nges par shes par bya ba'i don du gnyis med kyi lam
155a5 gang yin pa de rang nyid gnyis med do//yang na skye ba dang 'chi ba med pas na/ yod pa dang med pa rtag pa dang mi rtag pa dang / dngos po yod pa dang med pa la sogs pa gnyi ga rtog pa med pas gnyis su med pa'i ye shes so/ /de ltar na gnyis med do/ /de gnyis
155a6 kyi the tshom brjod du med pa shes rab kyi pha rol tu phyin pa'i ye shes so//de shes nas dngos su gang byed pa de/ de nyid mkhyen pas sangs rgyas bcom ldan 'das so/ /sangs rgyas de snying rje'i stobs kyis rab tu gsungs so/ /ma rig pa la sogs pa yod kyi bar la
155a7 skye ba len no//ma rig pa la sogs pa nam 'gags pa shes tsam na de nyid mkhyen pa'o/ /'di dag thams cad rten med yin/ /zhes pa ni rten med pa'i snying rje shes rab kyi spyan gyis bdag med pa'o/ /dngos po stong pa nyid byed pa po dang tshor ba po rten pa med pa'i snying rje
155b1 shes rab kyis bdag med pa/dngos po stong nyid byed pa po dang tshor ba po rten pa med pa'o/ /'di thams cad khams gsum ma lus pa ste med pa stong pa nyid do/ /de ni don dam pa'o/ /shes rab kyi pha rol tu phyin pa las kyang gsungs te/ gzugs rab tu mi
155b2 mthong ngo zhes pa la sogs pa rab 'byor la gsungs so//rten 'brel bcu gnyis 'gag pa'i chos nyid las/ sangs rgyas kyi yon tan gyi cha nges pa chos kyi sku stong pa nyid kyi dngos po rab tu bshad do/ /des ni shes rab kyi pha rol tu phyin pa bstan to/ /shes
155b3 rab bstan pa'i le'u ste gsum pa'o// //de ltar shes rab bstan nas da ni thabs bstan te kun rdzob la/ sbyin pa tshul khrims bzod pa dang / /zhes bya ba la sogs pa ste/ nyi ma shar tsam na grib ma 'byung ba ltar thabs bstan to/ /dang
155b4 po sbyin pa rtsa bar bshad/gzhan yang gsungs pa/ 'jig rten pa 'di thams cad ni/ /bde skyid gcig pu re ba yin/ /longs spyod med pa'i mi rnams la/ /bde ba re yang ga na thob/ /sbyin pa btang bas longs spyod 'byung / /de nas sbyin pa rtsa bar
155b5 bshad/sbyin pa la yang bzhi ste/ chos zang zing mi 'jigs byams pa'o/ /rgyal srid bdag gi mgo mthar thug pa tshun chad sbyin pa'o/ /nor 'bru/ gser/ dngul/ rin po che/ mu tig /byi ru/ shing rta/ glang po che/ g.yog /khol po/ khol
155b6 mo/grogs/ chung ma/ bu mo/ bu pho/ gces pa'i nor/ mgo /rna ba/ sna/ lag pa/ rkang pa/ mig /rang gi sha/ khrag /rus pa/ rkang mar/ tshil bu/ pags pa/ snying gi dngos po thams cad sbyin pa'o/ /de ltar yin na byang chub
155b7 sems dpa'i spyod pa shin tu mi dka' 'am/bde ba'i thabs sangs rgyas thob par byed pa la/ sangs rgyas kyi bde ba dang mi mnyam pa'i bde ba'o/ /sdug bsngal brgya phrag gis spyod pa yang / sdug bsngal du mi 'gyur ro/ /dper na bu gcig gsod pa'i dus
156a1 su phas rjes pa ltar ro//sems goms tsam na mi nus pa gang yang med de/ lus po'i bye brag gis sbrul dang dug rma bya'i bdud rtsi'o/ /de goms pas dug kyang bcud len du 'gyur ro/ /khyad par du dga' ba dang bde ba skye'o/ /goms
156a2 pa gang yin pa de bdud rtsir 'gyur ba yin pas na/sdug bsngal sems kyi rnam rtog yin no/ /tshul khrims kyi thabs ni/ tshul khrims rkang pa spyod pa yin/ mi dge ba bcu spongs pa dang / so sor thar pa'i sdom pa bsrung ba dang / srog chags thams
156a3 cad la phan 'dogs byed pa byams pa'i sems dang ldan pa/rang gi longs spyod la chog shes pa/ mi tshangs par spyod pa spangs pa/ bden par smra ba/ de ltar byed pa'o/ /tshig rtsub mi smra ba/ gzhan gnyis par byed pa/ dul ba'i spyod pa chos
156a4 bzhin du smra ba/gus par smra ba/ gzhan gyis bdag tu bzung ba la 'dod sred med pa/ 'dod pa'i sems rnams mi skye ba/ ltad mo la sogs pa ngo mtshar spangs pa/ drang ba/ g.yo sgyu med pa/ sangs rgyas dang / chos dang / dge 'dun gsum la
156a5 shin tu mos gus che ba'i sems dang /sems can rnams sangs rgyas par byed pa la spro ba che ba/ sbyin dang tshul khrims la sogs kyis/ /yun rings bsod nams bsags pa yang / /gal te bzod pa med na ni/ /mdo las bsod nams med par gyur
156a6 te/zhi ba lhas kyang gsungs pa/ bskal pa stong du bsags pa yi/ /sbyin dang bde gshegs mchod la sogs/ /legs spyad gang yin de kun yang / /khong khro gcig gis 'joms par byed/ /zhe sdang lta bu'i sdig pa med/ /bzod pa lta bu'i dka'
156a7 thub med//de bas bzod la nan tan du/ /sna tshogs tshul gyis bsgom par bya'o/ /zhes gsungs so/ /bzod pa la gsum ste/ sdug bsngal dang du len pa'i bzod pa dang / brnyas pa la ji mi snyam pa'i bzod pa dang / /chos la nges par sems pa'i bzod
156b1 pa'o//de la dang po ni su dag gis 'di skad smra na/ 'di ltar du bdag gis khyed la chos kyis bla na med pa yang dag par rdzogs pa'i sangs rgyas thob par byed pa la/ byang chub sems dpa'i spyod pa dag par byed pa la/ bdag gis smras pa nyon cig /mi nyan na me chen
156b2 po 'bar ba'i nang du chug la sregs shig /shin tu sdug bsngal 'byung bar lus pos khur cig /de'i lan ni 'di skad smra'o/ /de ltar byung mod shin tu spro/ /bdag gcig chos kyis bla na med pa'i rdzogs pa'i sangs rgyas/ byang chub sems dpa'i spyod pa dag
156b3 par byed pa'i don du/stong gsum gyi stong chen po'i 'jig rten gyi khams su me 'bar ba yod pa la/ tshangs pa'i gnas rang lhung nas 'tshod/ khyed gsungs pa'i me lta bu smos kyang ci 'tshal/ gzhan gyis brnyas pa la ji mi snyam pa'i bzod pa ni/ rtags pas
156b4 khro ba ma mthong bar mtshon nas sha gcad cing yod pa la bla lhag bzod pa bskyed la/bdag gi lag pa brgya phrag gcod pa po yang spyi bor 'khur ro/ /de'i thog tu yang byams pa'i sems dang ldan no/ /chos la nges par sems pa'i bzod pa ni/ shin tu zab
156b5 pa'i theg pa la shin tu legs pa'i thub pa'i chos la thog ma nas rnyed pa la/skad cig kyang sems the tshom mi za bar kha cig ni chos la nges par sems pa'i bzod pa'i 'dod lugs ni/ gzhan gyis brnyas pa la ji mi snyam pa'i bzod pa bzhin du/ de la khyed ni chos
156b6 kyi dngos po rang la brten pas so//brtson 'grus ni zhi ba lhas gsungs pa/ 'di ltar brtson la byang chub gnas/ /rlung med 'gro ba med pa bzhin/ /bsod nams brtson 'grus med mi 'byung / /brtson gang dge la spro ba yin/ /zhes gsungs pas so/ /
156b7 brtson 'grus byed pa'i don lta ba ni/ cis kyang mdza' ba dang bral ba/ mi mdza' ba dang 'grogs pa dang / nad dang rgas dang 'chi ba dang / /mya ngan la sogs pa'i sdug bsngal ngan song la sogs par lhung nas rtag tu bde ba skad cig bde bar lta ba/ mi khom pa'i
157a1 gnas brgyad las grol ba'i dus su/byang chub kyi spyod pa la yang dag par bltas nas le lo spangs te/ brtan par byas nas the tshom med par sdug bsngal spangs pa'i don du brtson 'grus [(]brtsom [,]brtsam [)]par bya'o/ /bsam gtan ni/ shes rab
157a2 dang thabs gnyis su byas nas sems rtse gcig tu byed pa ni bsam gtan no//shes rab ni sngar bstan pa bzhin no/ /sbyin pa'i pha rol tu phyin pa la sogs pa ster ba po dang / len pa po gang yang mi dmigs par stong pa nyid du rtog pa'o/ /nyi ma ji ltar gling
157a3 rnams la bskor nas bzlog pa bzhin du/shes rab kyi pha rol tu phyin pas sbyin pa'i pha rol tu phyin pa la sogs pa la khyab pa'o/ /de ltar khyab pa'o/ /pha rol tu phyin pa bsdus pa ni/ rang gi don rnams spangs pa ni sbyin pa'o/ /gzhan la phan
157a4 'dogs pa ni tshul khrims so//khro ba spangs pa ni bzod pa'o/ /dge ba la brtson pa ni brtson 'grus so/ /sdig pas mi gos pa gcig pu ni bsam gtan no/ /bden pa don dam pa bstan pa ni shes rab bo/ /sems can rnams la snying rjes khyab par
157a5 byed pa ni shes rab bo//sangs rgyas grub par byed pa ni/ pha dang / ma dang / bu mo dang / gnyen dang / 'khor dang / chung ma la sogs pa/ rgyas pa dang / phyug pa dang / skyid pa la sogs pa zan lhag ma bzhin du spangs nas grol ba'i don du/ nags
157a6 gseb du 'gro bar bya'o//sbyin pa la sogs sdug bsngal ma yin zhing / sangs rgyas thob pa'i bde ba dang mi mnyam mo/ /thabs bstan pa'i le'u ste bzhi pa'o// //thabs dang shes rab gnas pa la/ /zhes pa ni/ shes rab ni
157a7 sngar gsungs pa bzhin no//ji ltar rten 'brel gyis skyed pas dngos po rtog pa'i mtshan nyid do/ /thabs ni sngar bshad pa bzhin sbyin pa la sogs pa byed do/ /de gnyis gcig tu byas te bstan par byed pa ni bla ma med na rmi lam na yang 'byung ngo / /de ltar yin
157b1 na thabs dang shes rab gnyis su de phyi nas gnyis su byung yang sbyin pa la sogs pa dbye na mang du 'gyur ba'i skyon byung zhe na/'di dag thams cad ming tsam ste/ thabs dang shes rab dpe kun rdzob tsam la brten nas grub po/ /pha rol tu phyin pa nas kyang gsungs so/ /
157b2 sbyin pa'i pha rol tu phyin pa ni ming tsam mo/ /shes rab kyi pha rol tu phyin pa ni ming tsam mo/ /khams gsum yang ming tsam mo/ /de gnyis gsal bar gsungs pas/ gang las gang byung ming de ni/ /zhes pa la sogs pa gsungs te/ sngar brtag pa bzhin chos ming tsam du bstan
157b3 te/don dam par dngos po med pa'o/ /chos de med pas chos nyid yin/ /zhes pa ni/ ming tsam du grub pa ste dngos po stong pa nyid yin/ rten 'brel las byung ba kun rdzob tsam mo/ /ma byung ming ni stong nyid yin/ /zhes pa la sogs pa ni/ kun rdzob tu ming btags pa tsam yin no/ /
157b4 sgra mkhan pa na re sgra las thams cad byung zer ba la/ de rang yang kun rdzob la ming tsam du grub pa'o/ /de ltar rnam rtog gang byung ba/ /zhes pa sogs pa ni ming tsam du yin/ stong nyid du brtag pa sngar bzhin du go sla'o/ /mig gis mthong ba'i gzugs de ni/ /zhes pa la sogs pa ni/ mig
157b5 gis gzugs mthong ba la sogs pa bcom ldan 'das kyis lung bstan pa ni kun rdzob pa la bstan pa'o//brdzun gyi nga rgyal 'jig rten pa/ /zhes pa la sogs pa la/ nga rgyal gyis sems can brten nas/ yul dang dus tshod la brten nas/ bcom ldan 'das kyis brdzun
157b6 can lta bur gsungs so//don dam pa la bshad pa med do/ /don dam pa'i gtan la 'bebs pa'i thabs su brdzun du bshad do/ /'phags pa'i bden pa bzhi ni/ sdug bsngal gyi bden pa dang / kun 'byung gi bden pa dang / 'gog pa'i bden pa dang / lam gyi bden
157b7 pa la sogs pa kun rdzob pa la bstan to//rten 'brel 'dzom pas mthong ba gang / /zhes pa la sogs pa ni/ 'dren pa bcom ldan 'das kyis gsungs so/ /gzugs sgra la sogs pa 'dzom par 'dod pa'i sems can rnams la snang bar bstan to/ /gang gis gang la thabs sna tshogs
158a1 kyi sgo nas sems can gdul bya btul nas de rnams grol bar byas nas 'dren pas na bcom ldan 'das so//'dzin pa spyod pa'i sa yod par/ /zhes pa la sogs pa la/ kun rdzob la brten nas sa dang po la sogs pa bstan pa'o/ /don dam pa'i sa ni blo shin tu phra ba mthar
158a2 thug med pa rtog pa dang bral ba stong nyid du mkhyen pa'i shes rab can gang la yod pa de blo ldan yin te de ni bcom ldan 'das so//mig gis gzugs kyang mthong mi 'gyur/ /la sogs pa ni/ rab rib can lta bu mig rang gis mig dang gzugs mi mthong ngo / /sems chos de yang
158a3 sems kyis sems la bltas tsam na sems mi mthong ngo //des na yod par mi 'gyur ro/ /ting nge 'dzin gyi rgyal po'i mdo las kyang gsungs te/ mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos med ces gsungs
158a4 so//de ni mjug bsdu ba gsungs pa ni/ gang snang thams cad la sogs pa ste/ sngar bshad pa'i thabs dang shes rab gnyis gcig tu byas pa'i ye shes la sogs pa brdzun du bshad pa'o/ /'jig rten pas ni gang spangs pa/ /zhes pa ni/ phyin ci ma log pa de
158a5 de nyid/'jig rten pa tha mal pas/ gang la ma rtogs pa gang yin gyi bsam par ma gyur/ yid kyi bsam gyis mi khyab pa/ /dbang po yul du ma gyur pa/ /ma rig pa'i ling thog gi mun pas ma mthong ba spangs pa/ dbang po shin tu rnon po 'phags pa'i ye shes
158a6 kyis mthong ba'i yul don dam pa'o//'phags pa g+ha na blU ha'i mdo las/ de nyid shin tu ngo mtshar can/ /zab pa de ni mtha' med pa/ /de ni rnyed par dka' bas na/ /'jig rten pa yi blo yis ni/ /de yi spyod yul ye shes med/ /kun rdzob dang don dam pa'i bden
158a7 pa'i le'u ste lnga pa'o// //'gro ba rigs drug las srid pa 'pho ba'i thabs sangs rgyas thob par byed pa'i thabs rdzogs so// //paN+Di ta byams pa mgon pos mdzad pa'o/ /paN+Di ta zla ba gzhon nu la/ gru ston chung gis zhus nas rang 'gyur du mdzad pa rdzogs so// //