151a1 skye med rin po che'i mdzod ces bya ba 'phags pa klu sgrub snying pos mdzad pa rdzogs so// //rgya gar gyi mkhan po ka na ka barma dang / lots+tsha ba sur+yakIrtis lha sa ra mo cher bsgyur ba'o// //[ @##/ /rgya gar skad du/ /b+ha ba saM
151a2 krAn+ti /bod skad du/ /srid pa 'pho ba/ 'jam dpal gzhon nur gyur pa la phyag 'tshal lo/ /dngos po med pas skye ba med/ /dngos po med pa de la ni/ /skye ba blangs pa srid pa yin/ /rtag tu dngos po yod bsam pa/ /de ltar bsam pa 'khrul ba yin/ /
151a3 nam mkha'i me tog dang 'dra ba/ /mkha' dang mnyam pa'i chos nyid la/ /de la skyes pa mkha' dang mnyam/ /rang bzhin thams cad mkha' dang mnyam/ /de ltar mkhas pas rtogs par bya/ /rgyu med 'bras bu med pa dang / /las kyi dngos po med pa dang / /
151a4 dngos po thams cad 'di ltar med/ /'jig rten 'di dang pha rol dang / /skye ba med pa'i ngo bo nyid/ /de las gzhan ni skye bar byed/ /mo gsham bu yi bu la yang / /de la su ni skye bar mdzod/ /'jig rten pa 'di sngar ma skyes/ /de las sus kyang byas pa med/ /
151a5 don med 'khor ba'i 'jig rten na/ /sgyu ma'i grong khyer 'khyams pa bzhin/ /yod med gang yang ming bstan pa / /chos nyid kyi le'u ste dang po'o// //rnam rtog las ni 'jig rten 'byung / /rnam rtog de las sems kyang 'byung / /sems las lus kyang
151a6 byung ba na//lus la brtag par gyis tsam na/ /gzugs dang tshor ba ming dang ni/ /dngos po stong nyid med pa yin/ /'du byed dngos po de yang med/ /sems kyis brtag pa gang yang med/ /sems ni rtog med ngo bo yin/ /phung po lnga stong pa nyid du bstan
151a7 pa'i le'u ste gnyis pa'o// //sems med pas na chos kyang med/ /de ltar lus dang khams kyang med/ /de ltar gnyis med lam gyi ni/ /de nyid du ni rab tu bshad/ /'di dag thams cad rten med yin/ /rten med du ni rab tu bshad/ /blo ni rten med
151b1 byas nas ni//de yang rten med 'byung ba'o/ /shes rab bstan pa'i le'u ste gsum pa'o// //sbyin pa tshul khrims bzod pa dang / /brtson 'grus bsam gtan shes rab sogs/ /rtag tu de byas las kyis ni/ /myur ba'i 'dus su byang chub thob/ /thabs bstan
151b2 pa'i le'u ste bzhi pa'o// //thabs dang shes rab gnas pa la/ /de las skye ba'i bdud rtsi ni/ /bla ma'i bka' yis zad pa med/ /myur ba'i dus la rnyed nas ni/ /thams cad mkhyen pa the tshom med/ /'di dag thams cad ming tsam yin/ /ming gi khams
151b3 su rab tu gnas//bshad byed de yang gud du yang / /bshad bya de yang gang na yod/ /gang las gang byung ming de ni/ /gang las gang byung chos de rnams/ /de ni med par 'gro ba yin/ /chos de med pas chos nyid yin/ /ma byung ming ni stong nyid yin/ /de yang
151b4 ming du grub pa med//chos rnams thams cad ming med pa/ /ming med du ni shin tu gsal/ /de ltar rnam rtog gang byung ba/ /de yang stong nyid rnam rtog yin/ /mig gis mthong ba'i gzugs de ni/ /de nyid mkhyen pas yod par bshad/ /brdzun gyi nga rgyal 'jig rten
151b5 pa//kun rdzob sems pa brten pa yin/ /rten 'brel 'dzom pas mthong ba gang / /der snang ston pa 'dren pa yin/ /'dzin pa spyod pa'i sa yod par/ /don dam pa yi blo ma yin/ /mig gis gzugs ni mthong mi 'gyur/ /sems chos de yang yod mi 'gyur/ /
151b6 gang snang thams cad brdzun du bshad/ /'jig rten pas ni gang spangs pa/ /de ni don dam yin par bshad/ /bden pa gnyis bstan pa'i le'u ste lnga pa'o// //dbu ma srid pa'i 'pho ba zhes bya ba 'phags pa klu sgrub kyis mdzad pa rdzogs so// //