CLOSE WINDOW

D3837
བོད་ཡིག

slob dpon 'phags pa klu sgrub kyis mdzad pa rdzogs so// //[ ]@#/ /rten cing 'brel par 'byung ba'i snying po'i rnam par bshad pa/ @#/ /rgya gar skad du/ pra ti t+ya sa mut+pa da hr-i da ya byA khya na/ bod skad du/ rten cing 'brel par 'byung ba'i snying po'i rnam par bshad pa/ 'jam dpal gzhon nur gyur pa la phyag 'tshal lo//'di la dge sbyong nyan 'dod pa/ mnyan pa dang / gzung ba dang / khong du chud par bya ba dang / rtog pa dang / sel nus pa dang ldan pa'i slob ma zhig slob dpon gyi gan du 'ongs nas/ de bzhin gshegs pas bstan pa las brtsams te/'di skad 'dri'o/ /bcom ldan 'das 'di la/ yan lag bye brag bcu gnyis gang / /thub pas rten 'byung gsungs de dag /gang du bsdu ba lta ba thos par 'tshal lo/ /de chos de dag de kho na nyid 'dri bar rig nas slob dpon gyis 'di skad ces bu/nyon mongs las dang sdug bsngal dang / /gsum po dag tu zad par 'dus/ /zhes gsal zhing zur phyin pa'i tshig 'dis smras so/ /de la bcu dang gnyis ni bcu gnyis so/ /yan lag rnam nyid bye brag yin pas na yan lag bye brag ste/ shing rta'i yan lag bzhin du yan lag tu gyur pa bstan to//sku dang / gsung dang / thugs thub pas na thub pa'o/ /thub pa des gsungs pa zhes bya ba ni bstan pa dang / bshad pa zhes bya ba'i rnam grangs su gtogs pa'o/ /de yang rang bzhin dang / nges pa dang / skyes bu dang /gzhan la rag las pa dang / dbang phyug dang / dus dang / ngo bo nyid dang / 'dod rgyal dang / gnam gyis bskos pa dang / gyi na la sogs pa'i rgyu rnams las byung ba ni ma yin te/ 'di ni rten cing 'brel par 'byung ba'o/ /yan lag bcu gnyis po 'di dag ni nyon mongs pa dang /las dang / sdug bsngal rnams su gcig la gcig brten te mdung khyim gyi tshul du gsum po dag tu zad par 'dus par 'gyur ro/ /zad par zhes bya ba ni ma lus par zhes bya ba'i tha tshig go/ /dris pa/ nyon mongs pa rnams ni gang / las dag ni gang / sdug bsngal ni gang / rten pa'i bye brag 'di dag gang du ji ltar bsdu bar 'gyur/ smras pa/ dang po brgyad dang dgu nyon mongs/ /bye brag bcu gnyis kyi dang po ni ma rig pa/ brgyad pa ni srid pa/ dgu pa ni len pa ste/ 'di gsum ni nyon mongs pa rnams su shes par bya'o//las de gang zhe na/ gnyis dang bcu pa las yin te/ /gnyis pa ni 'du byed/ bcu pa ni srid pa ste/ chos 'di gnyis ni las su bsdu bar shes par bya'o/ /lhag ma bdun yang sdug bsngal yin/ /nyon mongs pa dang / las su bsdus pa'i bye brag de dag gi lhag ma bye brag bdun po gang yin pa de dag ni sdug bsngal du bsdu bar shes par bya ste/'di lta ste/ rnam par shes pa dang / ming dang / gzugs dang / skye mched drug dang / reg pa dang / tshor ba dang / skye ba dang / rga shi rnams so/ /yang zhes bya ba'i sgra ni bsdu ba ste/sdug pa dang bral ba dang / mi sdug pa dang phrad pa dang / 'dod pas phongs pa'i sdug bsngal rnams sdug pa'o/ /bcu gnyis chos ni gsum du 'dus / /de'i phyir chos bcu gnyis po de dag ni las dang nyon mongs pa dang / sdug bsngal rnams su shes par bya'o/ / ni zhes bya ba'i sgras ni lhag ma'i tshigs bcad pa'i don te/ mdo las bstan pa'i chos rnams ni 'di dag tu zad kyi de las gzhan ci yang med do zhes bcad pa'o/ /dris pa/ de dag ni 'tshal na nyon mongs pa dang / las dang / sdug bsngal 'di dag ni gang las gang byung ba bstan du gsol/smras pa/ gsum po dag las gnyis 'byung ste/ /nyon mongs pa gsum po dag las las zhes bya ba gnyis 'byung ngo / /gnyis las bdun 'byung / sdug bsngal zhes bya ba gong du bstan pa rnams so/ /bdun las kyang gsum 'byung / nyon mongs zhes bya ba rnams so//yang nyon mongs pa rnams gsum po de dag las/ las gnyis 'byung ste/ srid pa'i 'khor lo de/ /nyid ni yang dang yang du 'khor/ /srid pa ni gsum ste/ 'dod pa dang / gzugs dang / gzugs med pa zhes bya ste/ de dag tu mi 'dod par 'khor ba'i 'khor lor gyur pa so so'i skye bo'i 'jig rten 'di nyid bdag nyid kun tu 'phyan no //ni zhes bya ba'i sgra ni nges pa med par bstan pa'i don te / ji ltar 'khor lo rim gyis 'khor ba de ltar srid pa rnams su 'byung ba yang ma yin gyi nges pa med par bstan to//dris pa/ 'o na lus thams cad kyi dbang phyug sems can zhes bgyi ba gang lags/ de'i bgyid pa ji lta bu / smras pa/ 'gro kun rgyu dang 'bras bu ste/ /btags pa ma gtogs par/ 'di la sems can ci yang med/ /'di ni yang dag par brtags pa ste/brtags pa tsam gyi tshul du ni ma yin no/ /brtags pa tsam du yod pa de ni/ rdzas su yod par mi rung ngo / /dris pa/ gal te de ltar na/ 'o na 'jig rten 'di nas 'jig rten pha rol du su mchi/ smras pa/ 'di nas 'jig rten pha rol du rdul phra mo tsam yang mi 'pho ste/'on kyang / stong pa kho na'i chos rnams las/ /stong pa'i chos rnams 'byung bar zad/ /bdag dang bdag gi med pa'i chos/ /nyon mongs pa dang las zhes bya ba rgyur gyur pa lnga po stong pa rnams las/ bdag dang bdag gi med pa sdug bsngal du brjod pa/'bras bur btags pa'i chos stong pa bdun po dag 'byung bar 'gyur ro zhes bya ba'i tha tshig go/ /de ni 'di skad du/ bdag dang bdag gi med la/ de dag phan tshun du yang bdag dang bdag gi ma yin te/ 'on kyang rang bzhin gyis bdag med pa'i chos rnams las rang bzhin gyis bdag med pa'i chos rnams 'byung ba de ltar khong du chud par bya'o zhes bstan pa yin no//'dir smras pa/ rang bzhin gyis bdag med pa'i chos dag las rang bzhin gyis bdag med pa'i chos kho na dag 'byung ba 'di la dpe ci mchis/ 'dir smras pa/kha thon mar me me long rgyu / /me shel sa bon skyur dang sgras/ /dpe 'di rnams dang bcas pas kyang rang bzhin gyis bdag med pa dang 'jig rten pha rol 'grub par shes par bya'o/ /dper na bla ma'i kha nas brjod pa rnams slob ma la 'pho ba ni bla mas brjod du med par 'gyur bas mi 'pho'o//slob mas smra ba yang / gzhan las ma yin te/ rgyu med par 'gyur ba'i phyir ro/ /ji ltar bla ma'i kha nas brjod pa ltar 'chi kha'i sems kyang de bzhin te/ rtag pa'i skyon du 'gyur bas 'jig rten pha rol du mi 'gro'o/ /'jig rten pha rol yang gzhan las mi 'byung ste/rgyu med pa'i skyon du 'gyur ba'i phyir ro/ /ji ltar bla mas brjod pa'i rgyu las 'byung bas slob ma de nyid dang de dag gzhan no zhes brjod par mi nus pa ltar 'chi kha'i sems la brten nas skyes pa'i char gtogs pa'i sems kyang de bzhin te/de dag nyid dang de las gzhan zhes brjod par mi nus so/ /de bzhin du mar me las mar me dang / bzhin las me long gi gzugs brnyan 'byung ba dang / rgya las rgya'i 'bur dang / me shel las me dang / sa bon las myu gu dang / shing thog skyur po'i rgyus 'gram chu ldang ba dang /sgra las brag ca 'byung bar 'gyur zhing / de dag kyang de nyid dang gzhan shes par sla ba ma yin pa de bzhin du/ phung po nying mtshams sbyor ba yang / /mi 'pho bar yang mkhas rtog bya/ /de la phung po ni/ gzugs dang / tshor ba dang /'du shes dang / 'du byed dang / rnam par shes pa'i phung po'o/ /de dag nying mtshams sbyor ba zhes bya ba ni 'gags nas rgyu de las 'byung ba gzhan dag 'byung ba ste/ 'jig rten 'di nas pha rol tu dngos po rdul phra mo tsam yang mi 'gro'o/ /de ltar na 'khor ba'i [(]'khol [,]'khor[)]lor nor ba'i rnam par rtog pa'i bag chags kyis bskyed pa yin no//tha ma'i yang zhes pa'i sgra ni ldog pa ste/ de las bzlog par shes par bya'o/ /dngos po rnams la mi rtag pa dang / sdug bsngal ba dang / stong pa dang / bdag med par rtogs na/dngos po la rmongs par mi 'gyur ro/ /rmongs pa med na mi chags so/ /ma chags na zhe sdang bar mi 'gyur ro/ /zhe sdang med na las mi byed do/ /las med na dngos po mi len no/ /len pa med na srid pa mngon par 'du mi byed do/ /srid pa med na mi skye'o/ /ma skyes na lus dang /sems la sdug bsngal mi 'byung ngo / /de ltar 'dir rgyu lnga po de dag ma bsags pas gzhan du 'bras bu mi 'byung ste/ 'di ni thar pa zhes bya'o/ /de ltar na rtag pa dang chad pa'i mtha' la sogs pa lta ba ngan pa rnams gsal ba yin no/ /'di la tshigs su bcad pa gnyis yod de/shin tu phra ba'i dngos la yang / /gang gi chad par rnam brtags par / /rnam par mi mkhas de yi ni/ /rkyen las skyes pa'i don ma mthong / /'di la gsal bya gang yang med/ /gzhag par bya ba ci yang med/