146b2 @##/ /rgya gar skad du/ pra ti t+ya sa mut+pa da hr-i da ya kA ri kA /bod skad du/ rten cing 'brel par 'byung ba'i snying po'i tshig le'ur byas pa/ 'jam dpal gzhon nur gyur pa la phyag 'tshal lo/ /yan lag bye brag bcu gnyis gang / /thub pas rten 'byung
146b3 gsungs de dag /nyon mongs las dang sdug bsngal dang / /gsum po dag tu zad par 'dus/ /dang po brgyad dang dgu nyon mongs/ /gnyis dang bcu pa las yin te/ /lhag ma bdun yang sdug bsngal yin/ /bcu gnyis chos ni gsum du 'dus/ /gsum po dag
146b4 las gnyis 'byung ste//gnyis las bdun 'byung bdun las kyang / /gsum 'byung srid pa'i 'khor lo de/ /nyid ni yang dang yang du 'khor/ /'gro kun rgyu dang 'bras bu ste/ /'di la sems can ci yang med/ /stong pa kho na'i chos rnams las/ /stong pa'i chos
146b5 rnams 'byung ba zad//bdag dang bdag gi med pa'i chos / /kha thon mar me me long rgya / /me shel sa bon skyur dang sgras/ /phung po nying mtshams sbyor ba yang / /mi 'pho bar yang mkhas rtogs bya/ /shin tu phra ba'i dngos la yang / /gang gi chad par rnam brtags
146b6 pa//rnam par mi mkhas de yi ni/ /rkyen las byung ba'i don ma mthong / /'di la gsal bya gang yang med/ /gzhag par bya ba ci yang med/ /yang dag nyid la yang dag blta/ /yang dag mthong na rnam par grol/ /rten cing 'brel par 'byung ba'i snying po'i tshig
le'ur byas pa/