CLOSE WINDOW

D3832
བོད་ཡིག

/ //[# @##/ /rgya gar skad du/ bi gra ha bya brta ni br-it+ti/ bod skad du/ rtsod pa bzlog pa'i 'grel pa/ 'jam dpal gzhon nur gyur pa la phyag 'tshal lo/ /gal te dngos po thams cad kyi//rang bzhin kun la yod min na/ /khyod kyi tshig kyang rang bzhin med/ /rang bzhin bzlog par mi nus so/ /gal te dngos po thams cad kyi rang bzhin ni rgyu dang rkyen dang / rgyu dang rkyen tshogs pa dang tha dad pa kun la yod pa ma yin pa'i phyir dngos po thams cad stong pa yin te/ myu gu ni rgyu sa bon du gyur pa la yang med/rkyen zhes bya bas dang chu dang me dang rlung la sogs pa re re la yang med/ rkyen 'dus pa dag la yang med/ rgyu dang rkyen tshogs pa dag la yang med/ rgyu dang rkyen tshogs pa las ma gtogs pa tha dad pa la yang med do/ /gang gi phyir rang bzhin 'di thams cad la yang med pa de'i phyir myu gu'i rang bzhin med de de bas na stong pa yin no//ji ltar myu gu rang bzhin med/ rang bzhin med pa nyid yin pa'i phyir/ stong pa yin pa de bzhin du dngos po thams cad kyang rang bzhin med pa nyid yin pa'i phyir/ stong pa yin no zhe na/ gal te de lta ma yin na ni dngos po thams cad stong pa yin no zhes bya ba gang yin pa'i khyod kyi tshig de yang stong pa yin no//ci'i phyir zhe na/ de yang rgyu 'byung ba chen po rnams dang mtshungs par ldan pa rnams dang ldan pa ma yin pa rnams la yang med/ rkyen brang dang / lkog ma dang / mchu dang / lce rtse dang / so'i brun dang / rkan dang / sna dang / spyi bo la sogs pa dang / 'bad pa rnams la yang med/ gnyi ga tshogs pa yang med/ rgyu dang rkyen tshogs pa la yang med/ rgyu dang rkyen tshogs pa las ma gtogs pa tha dad pa yang med do/ /gang gi phyir 'di thams cad la med pa'i phyir 'di rang bzhin med pa yin te/rang bzhin med pa'i phyir stong pa yin no/ /de lta bas na 'dis dngos po thams cad zlog par byed mi nus so/ /me med pas kyang sreg par byed mi nus so / /mtshon cha med pas kyang gcad par mi nus shing chu med pas kyang bangs par mi nus pa de bzhin du tshig med pas kyang /dngos po thams cad kyi rang bzhin zlog par byed mi nus pas de la dngos po thams cad kyi rang bzhin bkag go zhes smras pa gang yin pa de mi rung ngo / /'on te tshig de rang bzhin bcas/ /khyod kyis dam bcas snga ma nyams/ /mi 'dra nyid de de yin na/ / gtan tshigs khyad par brjod par byos/ /'on te skyon der gyur na mi rung ngo snyam nas nga'i tshig de ni rang bzhin dang bcas pa yin te/ de'i phyir stong pa ma yin no/ /de bas na 'dis ni dngos po thams cad kyi rang bzhin bkag go snyam du sems na/ 'o na de ltar yin na ni dngos po thams cad ni stong pa yin no zhes sngar dam bcas pa gang yin pa de nyams pa yin no//'di ltar gzhan yang thams cad kyi nang du ni khyod kyi tshig kyang 'dus pa yin na/ ci'i phyir dngos po thams cad stong pa yin bzhin du 'di ltar stong pa nyid ma yin pa'i phyir des dngos po thams cad rang bzhin bkag go zhes bya ba'i khyod kyi tshig stong pa ma yin par 'gyur/de lta na ni smras pa mu drug tu thal bar 'gyur ro/ /de yang ji lta bu zhe na/ 'on kyang gal te dngos po thams cad stong pa yin no zhe na khyod kyi tshig kyang stong pa yin te/ thams cad kyi nang du 'dus pa'i phyir//stong pa nges pa ni dgag pa mi 'thad pas de la dngos po thams cad ni stong pa yin no zhes dgag pa gang yin pa de 'thad pa ma yin no/ /gal te 'thad pa yin no zhe na/ dngos po thams cad ni stong pa yin zhes bkag pas des na khyod kyi tshig kyang stong pa yin la/stong pa nyid yin pa'i phyir des ni 'gog pa mi 'thad do/ /gal te dngos po thams cad ni stong pa yin la/ gang gis 'gog par byed pa khyod kyi tshig ni stong pa ma yin no zhe na/ des na khyod kyi tshig thams cad kyi nang du ma 'dus pa yin te/ de la 'gal ba'i dper 'gyur ro//gal te thams cad kyi nang du khyod kyi tshig bsdus so zhe na/ dngos po thams cad stong pa yin pas des na de yang stong pa yin no/ /de'i phyir 'dis 'gog pa med do/ /gal te stong pa yin yang dngos po thams cad ni stong pa'o zhes 'dis 'gog pa yod do zhe na/des na dngos po thams cad stong pa yin yang bya ba byed nus par 'gyur te de ni 'dod pa ma yin no/ /gal te 'gal ba'i dper gyur nas mi rung ngo snyam nas dngos po thams cad stong pa yin te bya ba byed mi nus so zhe na/ khyod kyi tshig stong bas kyang dngos po thams cad kyi rang bzhin 'gog par mi 'thad do//ji ltar gzhan yang de skad zer na ni kha cig ni stong / kha cig ni mi stong ngo zhes mi 'dra ba nyid du thal bar 'gyur ro/ /mi 'dra ba nyid yin na ni gang gis na kha cig ni stong kha cig ni mi stong par gyur pa'i gtan tshigs kyi khyad par yang smros shig / gtan tshigs de yang ma brtan pas de la dngos po thams cad ni stong pa'o zhes smras pa gang yin pa de mi rung ngo / /'di ltar gzhan yang / de sgra ma 'byin lta bu'o zhes/ khyod blo sems na de mi 'thad/ /'di la sgra ni yod pa yis/ /'byung bar 'gyur ba de bzlog yin/ / dper na kha cig na re sgra ma 'byin cig ces bdag nyid sgra 'byin te/ sgra des sgra zlog par byed do/ /de bzhin du dngos po thams cad ni stong pa zhes stong pa'i rang bzhin gyi tshig gis dngos po thams cad kyi rang bzhin zlog par byed do snyam na / 'dir smras pa/ der yang 'thad pa ma yin te/'di la sgra yod pas sgra 'byung bar 'gyur ba 'gog par byed pa yin gyi/ 'dir ni khyod kyi yod pa'i tshig gis dngos po thams cad kyi rang bzhin 'gog par mi byed de/ khyod kyi lugs kyi tshig kyang yod pa ma yin/ dngos po thams cad kyi rang bzhin yang yod pa ma yin pas de'i phyir sgra ma 'byin zhes pa lta bu'o zhes bya ba 'di ni mi mthun par sgra smras pa yin no//'gog pa'i 'gog pa'ang de lta zhes/ /'dod na de yang bzang min te/ /de lta bas na'ang khyod dam bcas/ /mtshan nyid skyon yod nged la med/ /khyod kyi blo la rnam pa 'di nyid kyis 'gog pa'i 'gog pa yang mi 'thad de/de la khyod kyis dngos po thams cad kyi rang bzhin 'gog pa'i tshig 'gog par byed pa'i tshig gang yin pa de yang mi 'thad do snyam du sems na/ 'dir smra bar bya ste/ de yang bzang po ma yin te/ de ci'i phyir zhe na/ khyed la ni dam bcas pa'i mtshan nyid kyis 'di 'thob kyi/nged la ni med pas de lta yin na ni 'gog pa'i 'gog pa yang 'thad pa ma yin no zhes smras pa gang yin pa de mi rung ngo / /'di ltar gzhan yang / re zhig dngos rnams mngon sum gyis/ /dmigs nas zlog par byed min na//gang gis dngos rnams dmigs 'gyur ba/ /mngon sum de ni med pa yin/ /gal te khyod kyis dngos po thams cad mngon sum gyi dmigs nas dngos po thams cad ni stong pa'o zhes zlog par byed na ni mi rung ngo / /de yang 'thad pa ma yin te/ ci'i phyir zhe na/dngos po thams cad kyi nang du ni mngon sum gyi tshad ma yang 'dus pa'i phyir stong pa yin la/ dngos po la dmigs par byed pa gang yin pa de yang stong pa yin no / /de'i phyir mngon sum gyi tshad mas dmigs pa med do/ /mi dmigs pa 'gog pa yang mi 'thad pas de la dngos po thams cad ni stong pa'o zhes smras pa gang yin pa de 'thad pa ma yin no//'on te khyod kyi blo la rjes su dpag pa dang lung dang dpes sems 'jal bas dmigs nas dngos po 'di thams cad zlog par byed do snyam du sems na 'dir smra bar bya ste/ rjes dpag lung dang dpes 'jal dang //rjes dpag lung gis bsgrub bya dang / /dpes bsgrub bya ba'i don gang yin/ /mngon sum gyis ni lan btab po/ /rjes su dpag pa dang / dpes 'jal ba dang / lung yang mngon sum gyi tshad mas lan btab pa yin te/ 'di ltar mngon sum gyi tshad ma ni stong pa yin te/dngos po thams cad stong pa nyid yin pa'i phyir ro/ /de bzhin du rjes su dpag pa dang / dpes 'jal ba dang / lung yang stong pa yin te/ dngos po thams cad stong pa nyid yin pa'i phyir ro/ /rjes su dpag pas bsgrub par bya ba'i don dang /lung gis bsgrub par bya ba dang / dpes bsgrub par bya ba gang yin pa de dag kyang stong pa ma yin te/ dngos po thams cad stong pa nyid yin pa'i phyir ro/ /rjes su dpag pa dang / lung dang / dpes 'jal ba dag gis dngos po rnams la dmigs par byed pa gang yin pa de yang stong pa nyid yin te/de'i phyir dngos po rnams dmigs pa med do/ /mi dmigs pa'i rang bzhin 'gog pa mi 'thad pas de la dngos po thams cad ni stong pa'o zhes smras pa gang yin pa de mi rung ngo / /'di ltar gzhan yang / skye bo chos kyi gnas skabs mkhas//dge ba dag gi chos rnams la/ /dge ba'i rang bzhin yin par ni/ /sems shing lhag ma rnams la yang / /'di la skye bo chos kyi gnas skabs la mkhas pa rnams ni dge ba'i chos rnams la brgya rtsa bcu dgur sems te/ 'di lta ste/rnam par shes pa dang / tshor ba dang / 'du shes dang / sems pa dang / reg pa dang / yid la byed pa dang / 'dun pa dang / mos pa dang / brtson 'grus dang / dran pa dang / ting nge 'dzin dang / shes rab dang / btang snyoms dang / sbyor ba dang / yang dag par sbyor ba dang /thob pa dang / lhag pa'i bsam pa dang / khong khro ba med pa dang / dga' ba dang / 'bad pa dang / rtsol ba dang / rmongs pa med pa dang / spro ba dang / gnod pa med pa dang / dbang dang ldan pa dang / khong khro dang / yid la gcags pa med pa dang / 'dzin pa dang / mi 'dzin pa dang / dran pa dang / brtan pa dang / lhag par zhen pa dang / rmongs 'brel dang / spro ba med pa dang / don du gnyer ba dang / smon lam dang / rgyags pa dang / yul dang mi ldan pa dang / nges par 'byin pa ma yin pa dang / skye ba dang / gnas pa dang / mi rtag pa dang / rga ba dang / ldan pa dang / yongs su gdungs pa dang / mi dga' ba dang / rtog pa dang / sdug pa dang / dang ba dang / 'dod pa dang / mi mthun pa dang / mthun par 'dzin pa dang / rjes su mi mthun par bzung ba dang / mi 'jigs pa dang / zhes dang / ri mor byed pa dang / dad pa dang / ma dad pa dang / bsgo ba bzhin byed pa dang / gus pa dang / ma gus pa dang / rgod pa dang / shin tu sbyangs pa dang / ngag dang / 'gul ba dang / grub pa dang / ma dang ba dang / shin tu ma sbyangs pa dang / rnam par byang ba dang / brtan pa dang / des pa dang / yid la gcags pa dang /mya ngan dang / 'khrugs pa dang / rgyags pa dang / mi mthun par 'dzin pa dang / the tshom dang / sdom pa dang / yongs su dag pa dang / nang legs par dang ba dang / 'jigs pa'i phyogs gcig dang / dad pa dang / ngo tsha shes pa dang / gnam pa dang / mi 'drid pa dang /nye bar zhi ba dang / rtab bag ma yin pa dang / bag yod pa dang / byams par lta ba dang / so sor brtag pa dang / yid byung ba dang / yongs su gdungs pa med pa dang / rgyags pa med pa dang / chags pa med pa dang / zhe sdang med pa dang / gti mug med pa dang / thams cad shes pa nyid dang /mi gtong ba dang / 'byor ba dang / khrel yod pa dang / mi 'chab pa dang / snying rje dang / sems pa mi gtong ba dang / byams pa dang / zhum pa med pa dang / dga' bral ba dang / rdzu 'phrul dang / khon du mi 'dzin pa dang / phrag dog med pa dang / sems yongs su gdug pa med pa dang /bzod pa dang / rnam par spangs ba dang / des pa ma yin pa dang / yongs su longs spyod pa'i rjes su mthun pa dang / bsod nams dang / 'du shes pa'i snyoms par 'jug pa dang / nges par 'byin pa nyid dang / thams cad mi shes pa nyid dang / 'dus ma byas pa'i chos so zhes de ltar dge ba'i chos rnams la dge ba'i rang bzhin brgya rtsa bcu dgu dang /de bzhin du mi dge ba'i chos rnams la mi dge ba'i rang bzhin dang / bsgribs la lung du ma bstan pa rnams la bsgribs la lung du ma bstan pa'i rang bzhin dang / ma bsgribs la lung du ma bstan pa rnams la ma bsgribs la lung du ma bstan pa'i rang bzhin dang / 'dod par gsungs pa rnams la 'dod par gsungs pa dang / gzugs su gsungs pa rnams la gzugs su gsungs pa dang / gzugs med par gsungs pa rnams la gzugs med par gsungs pa dang /zag pa med pa rnams la zag pa med pa dang / sdug bsngal dang / kun 'byung ba dang / 'gog pa dang / lam zhes bya ba rnams la sdug bsngal dang / kun 'byung ba dang / 'gog pa dang / lam zhes bya ba'i rang bzhin dang / bsgoms pas spang bar bya ba rnams la bsgoms pas spang bar bya ba dang /spang bar bya ba ma yin pa rnams la spang bar bya ba ma yin pa'i rang bzhin du sems te/ de'i phyir de ltar na rnam pa du ma'i chos kyi rang bzhin mthong bas de bas na dngos po thams cad ni rang bzhin med pa ste/ rang bzhin med pa nyid yin pa'i phyir stong pa'o zhes smras pa gang yin pa de mi rung ngo //'di ltar gzhan yang / nges 'byin la sogs rnams kyi chos/ /gnas skabs gsungs pa de rnams la/ /nges 'byin rang bzhin chos rnams dang / /nges 'byin min gang tshul de bzhin/ /'di la nges par 'byin pa'i chos kyi gnas skabs gsungs pa rnams la nges par 'byin pa'i rang bzhin dang /nges par 'byin pa ma yin pa rnams la nges par 'byin pa ma yin pa'i rang bzhin dang / byang chub kyi yan lag dang ldan pa rnams la byang chub kyi yan lag dang ldan pa dang / byang chub kyi yan lag dang mi ldan pa rnams la byang chub kyi yan lag dang mi ldan pa dang /byang chub kyi phyogs dang ldan pa rnams la byang chub kyi phyogs dang ldan pa dang / byang chub kyi phyogs dang mi ldan pa rnams la byang chub kyi phyogs dang mi ldan pa dang lhag ma rnams la yang de bzhin te/de'i phyir de ltar rnam pa du ma'i chos rnams kyi rang bzhin mthong ba de'i phyir dngos po thams cad ni rang bzhin med pa ste/ de bas na stong pa'o zhes smras pa gang yin pa de mi rung ngo / /'di ltar gzhan yang / gal te chos kyi rang bzhin med/ /rang bzhin med ces bya ba'i ming //ming yang de bzhin med 'gyur nyid/ /gzhi med ming ni med phyir ro/ /gal te chos thams cad kyi rang bzhin med pa yin na de la yang rang bzhin med do zhes bya ba'i ming yang de bzhin du med par 'gyur ro/ /ci'i phyir zhe na/ gzhi med pa'i ming ni 'ga' yang med pa'i phyir ro//de bas na mi srid pa'i phyir dngos po rnams kyi rang bzhin yod do/ /rang bzhin yod pa'i phyir dngos po thams cad stong pa ma yin no/ /de bas na chos thams cad rang bzhin med pa ste/ rang bzhin med pa nyid yin pa'i phyir stong pa'o zhes smras pa gang yin pa de rigs pa ma yin no//'on te 'di ltar rang bzhin yod/ /de ni chos la med ce na/ /chos rnams med pa'i rang bzhin te/ /gang gi yin pa de bstan rigs/ /'on te gzhi med pa'i ming du gyur na mi rung ngo snyam nas rang bzhin ni yod la/ de yang chos thams cad la ni mi srid do/ / de ltar na chos rnams rang bzhin med pa'i phyir chos ni stong par 'gyur la/ ming gzhi med par yang ma yin no snyam du sems na/ 'dir smra bar bya ste/ de lta yin na rang bzhin de chos la gtogs pa'i don gang yin pa'i don de bstan par rigs so/ /de yang ma bstan pas de'i phyir rang bzhin ni yod la/de yang chos rnams ni med do zhes rtog pa gang yin pa de nyams so/ /'di ltar gzhan yang / gang phyir khyim na bum pa de/ /med ces yod pa nyid la 'gog /mthong ste de phyir khyod kyis 'di/ /yod pa'i rang bzhin 'gog pa yin/ /'di la don yod pa la 'gog par byed kyi/med pa la ni ma yin te/ dper na khyim na bum pa med ces bya ba lta bu ste/ bum pa yod pa la 'gog pa yin gyi/ med pa la ni ma yin no/ /de bzhin du chos rnams kyi rang bzhin med do zhes bya ba yang rang bzhin yod pa la 'gog par 'gyur ba yin gyi/med pa la ni ma yin pas de la chos thams cad kyi rang bzhin med do zhes smras pa gang yin pa de mi rung ngo / /'di ltar gzhan yang 'gog pa yod pa nyid kyi phyir dngos po thams cad kyi rang bzhin rab tu grub pa yin no/ /ji ltar rang bzhin de med na//khyod kyi tshig des ci zhig dgag /med pa yin na tshig med par/ /'gog par rab tu grub pa yin/ /ji ste rang bzhin de med pa nyid yin na ni / dngos po thams cad rang bzhin med do zhes bya ba'i tshig 'dis khyod kyis ci zhig 'gog par byed/ 'di ltar med pa la ni tshig med par yang 'gog par 'grub ste/ji ltar me la grang ba nyid dang / chu la tsha ba nyid lta bu'o/ /'di ltar gzhan yang / byis pa rnams ni smig rgyu la/ /ji ltar log par chur 'dzin ltar/ /de bzhin khyod kyis log par 'dzin/ /yod par min la dgag par bya//khyod kyi blo la ji ltar byis pa rnams smig rgyu la log par chur 'dzin pa na/ de skyes bu mkhas pa'i rang bzhin can gyis 'dzin pa de bzlog pa'i phyir de na chu med kyi/ de ni smig rgyu'o zhes zer ba de bzhin du rang bzhin med pa rnams la sems can rnams kyi rang bzhin du 'dzin pa gang yin pa de bzlog pa'i phyir dngos po thams cad ni rang bzhin med pa'o zhes bya ba'o snyam du sems na/'dir smra bar bya ste/ de lta na ni 'dzin pa dang / /gzung ba 'dzin pa po de dang / /'gog pa dgag bya 'gog pa po/ /de drug yod pa ma yin nam/ / gal te de lta na ni re zhig sems can rnams kyi 'dzin pa yang yod pa dang / gzung ba yod pa dang / de 'dzin pa po yod pa dang / log par 'dzin pa de 'gog pa yang yod pa dang / dgag par bya ba log par 'dzin pa de yang yod pa dang / khyed la sogs pa 'dzin pa de 'gog pa po yang yod de/drug tu grub pa ma yin nam/ de drug tu gyur na ni/ ma bkag pa nyid yin pa'i phyir dang dngos po thams cad ni stong pa'o zhes smras pa gang yin pa de mi rung ngo / /ji ste 'dzin pa yod min zhing / /gzung med 'dzin pa po med na/ /'o na 'gog dang dgag bya dang //'gog pa po yang yod min te/ /ci ste skyon der gyur na mi rung ngo snyam nas 'dzin pa yang med/ gzung ba yang med 'dzin pa po yang med do zhe na/ de lta na ni dngos po thams cad ni rang bzhin med do zhes bya ba 'dzin pa 'gog pa gang yin pa de yang med la/dgag par bya ba yang med/ 'gog pa po yang med par 'gyur te/ gal te 'gog dang dgag bya dang / /'gog pa po yang yod min na/ /dngos po kun dang de rnams kyi/ /rang bzhin nyid kyang grub yin na/ /gal te 'gog pa yang med/ dgag par bya ba yang med/'gog pa po yang med na ni/ dngos po thams cad kyang ma bkag par yod la/ dngos po rnams kyi rang bzhin yang yod do/ /'di ltar gzhan yang / khyod la gtan tshigs ma grub ste/ /rang bzhin med phyir khyod gtan tshigs/ /gang la yod de khyod don te //gtan tshigs med phyir grub mi 'thad/ /dngos po thams cad ni rang bzhin med do zhes bya ba'i don 'di la khyod kyi gtan tshigs ma grub ste/ de ci'i phyir zhe na/ dngos po thams cad ni rang bzhin med pa'i phyir stong pa nyid yin pas de'i phyir gtan tshigs ga la yod/ gtan tshigs med na ni gtan tshigs med par dngos po thams cad stong pa'o zhes bya ba'i don gang la grub pas de la dngos po thams cad stong pa'o zhes smras pa gang yin pa de mi rung ngo / /'di ltar gzhan yang / khyod la gtan tshigs med par yang / /rang bzhin bzlog pa grub yin na//nga la'ang gtan tshigs med par ni/ /rang bzhin nyid ni yod par 'grub/ /ci ste de la gtan tshigs med par yang dngos po rnams kyi rang bzhin med par 'grub po snyam du sems na/ ji ltar khyod la gtan tshigs med par rang bzhin bzlog pa grub pa de bzhin du/ nga la yang gtan tshigs med par dngos po'i rang bzhin yod par 'grub bo/ /nga la yang zhes bya ba ni nged la yang ngo / /gal te gtan tshigs yod na dngos/ /rang bzhin med ces bya mi 'thad/ /'jig rten na ni rang bzhin med/ /dngos po 'ga' yang yod min no/ /gal te dngos po rnams kyi rang bzhin med pa nyid kyi gtan tshigs yod pa kho na'o snyam du sems na/de lta na ni dngos po thams cad rang bzhin med do zhes bya ba mi 'thad do/ /ci'i phyir zhe na/ 'jig rten na rang bzhin med pa'i dngos po 'ga' yang yod pa ma yin no//'di ltar rang bzhin yod min na/ /gal te 'gog snga dgag phyi zhes/ /zer na 'thad pa ma yin la/ /'phyi zhing cig car 'ang mi 'thad do/ /rang bzhin med pa zhes bya ba 'dir gal te 'gog pa ni snga la dgag par bya ba ni 'phyi'o zhe na/ 'thad pa ma yin te/ dgag par bya ba yod pa ma yin na gang gi 'gog pa yin par 'gyur ro //'on te 'gog pa ni 'phyi la dgag par bya ba ni snga'o zhe na/ de 'thad pa ma yin te/ dgag par bya ba grub zin na/ ci zhig 'gog par byed/ 'on te 'gog pa dang dgag par bya ba 'gog mnyam mo zhe na/ de lta na yang 'gog pa ni dgag par bya ba'i don gyi rgyu ma yin la/dgag par bya ba yang 'gog pa'i ma yin te/ dper na ri bong gi rwa g.yas g.yon gnyis mgo mnyam du skyes pa lta bu ste/ rwa g.yas pa yang g.yon pa'i rgyu ma yin pa/ g.yon pa yang g.yas pa'i rgyu ma yin pa lta bu yin pas de la dngos po thams cad rang bzhin med do zhes pa gang yin pa de mi rung ngo //'dir bshad pa re zhig khyod kyis/ gal te dngos po thams cad kyi/ /rang bzhin kun la'ang yod min na/ /khyod kyi tshigs kyang rang bzhin med/ /rang bzhin bzlog par mi nus so/ / zhes smras pa gang yin pa de la bshad par bya ste/ gal te nga'i tshig rgyu rkyen dang / /tshogs dang tha dad pa yang med/ /'o na dngos rnams stong grub ste/ /rang bzhin med pa nyid phyir ro/ /gal te nga'i tshig rgyu 'byung ba chen po rnams dang mtshungs par ldan pa rnams dang / ldan pa ma yin pa rnams la yang med/rkyen brang dang / lkog ma dang / mchu dang / lce dang / so'i brun dang / rkan dang / sna dang / spyi bo la sogs pa dang / 'bad pa rnams la yang med/ gnyi ga tshogs pa la yang med/ rgyu dang rkyen tshogs pa la yang med / rgyu dang rkyen tshogs pa las ma gtogs pa tha dad pa yang med do//de'i phyir rang bzhin med pa yin te/ rang bzhin med pa'i phyir stong pa yin no zhe na/ 'o na ni nga'i tshig de stong par grub ste/ rang bzhin med pa nyid yin pa'i phyir ro/ /ji ltar nga'i tshig de rang bzhin med pa nyid yin pa'i phyir stong pa yin pa de bzhin du dngos po thams cad kyang rang bzhin med pa nyid yin pa'i phyir stong pa yin pas na de la khyod kyis tshig stong pa yin pa'i phyir dngos po thams cad stong pa nyid du mi 'thad do zhes smras pa gang yin pa de mi rung ngo //'di ltar gzhan yang / dngos rnams rten nas byung ba gang //de ni stong nyid ces bya dang / /gang zhig rten nas 'byung ba de/ /rang bzhin nyid med yin par smra/ /khyod kyis ni dngos po rnams kyi stong pa nyid kyi don khong du chud par khyod kyi tshig rang bzhin med pa yin pa'i phyir/ dngos po rnams kyi rang bzhin 'gog pa mi 'thad de zhes klan ka tshol ba smra bar byed de/'dir ni dngos po rnams rten nas 'byung ba gang yin pa de ni stong pa nyid yin no/ /ci'i phyir zhe na/ rang bzhin med pa nyid yin pa'i phyir ro/ /dngos po gang dag rten cing 'brel bar 'byung ba de dag ni rang bzhin dang bcas pa ma yin te/rang bzhin med pa'i phyir ro/ /ci'i phyir zhe na/ rgyu dang rkyen la ltos pa dang bcas pa'i phyir ro/ /gal te dngos po rnams rang bzhin gyis yod pa ni rgyu dang rkyen med kyang yod par 'gyur ba zhig na/ de ltar yang ma yin pas de'i phyir rang bzhin med pa yin te/ des na stong pa'o/ / zhes bya bar 'thad do/ /de bzhin du nga'i tshig kyang rten cing 'brel bar 'byung ba yin te / de'i phyir rang bzhin med do/ /rang bzhin med pa nyid yin pa'i phyir stong pa'o zhes bya bar 'thad pa yin no/ /ji ltar bum pa dang snam bu la sogs pa rten cing 'brel bar 'byung ba nyid yin pa'i phyir rang bzhin stong pa yin pa sbrang rtsi dang /chu dang / 'o thug 'dzin pa dang / len pa dang / grang ba dang / rlung dang / nyi mas yongs su skyob par nus pa de bzhin du nga'i tshig kyang rten cing 'brel par 'byung ba yin pa'i phyir rang bzhin med pa yin yang dngos po rnams rang bzhin med par rab tu sgrub par nus pa yin pas de la khyod kyi tshig rang bzhin med pa nyid yin pa'i phyir dngos po thams cad kyi rang bzhin 'gog pa 'thad pa ma yin no zhes smras pa gang yin pa de mi rung ngo //'di ltar gzhan yang / sprul pa yis ni sprul pa dang / /sgyu ma yis ni skyes bu yi //sgyu mas phyung la 'gog byed ltar/ /'gog pa de yang de bzhin 'gyur/ /ji ltar sprul pa'i skyes bus sprul pa'i skyes bu zhig don 'ga' zhig gi phyir 'ong bar byed pa la 'gog par byed pa dang / sgyu ma mkhan gyis phyung ba'i sgyu ma'i skyes bus sgyu ma'i skyes bu gzhan zhig don 'ga' zhig gi phyir 'ong bar byed pa la 'gog par byed pa bzhin te de la sprul pa'i skyes bu dgag par bya ba gang yin pa de yang stong pa yin/'gog par byed pa de yang stong pa yin sgyu ma'i skyes bu dgag par bya ba gang yin pa de yang stong pa yin 'gog par byed pa gang yin pa de yang stong pa yin pa de bzhin du nga'i tshig stong pas kyang dngos po thams cad stong pa nyid du dngos po thams cad kyi rang bzhin 'gog pa 'thad pa na de la khyod kyi tshig stong pa nyid yin pa'i phyir dngos po thams cad kyi rang bzhin 'gog pa 'thad pa ma yin no zhes smras pa gang yin pa de rung ba ma yin no//de la khyod kyis mu drug tu smras pa gang yin pa de yang de nyid kyis bkag pa yin te/ de lta yin na thams cad kyi nang du nga'i tshig kyang ma 'dus pa yin zhing mi stong pa'ang ma yin la/ dngos po thams cad kyang mi stong pa ma yin no/ /yang khyod kyis/'on te tshig de rang bzhin bcas/ /khyod kyi dam bcas snga ma nyams/ /mi 'dra nyid de de yin na/ /gtan tshigs khyad par brjod par byos/ /zhes smras pa gang yin pa 'di la bshad par bya ste/ nga'i tshig de rang bzhin med/ /de phyir smras pa ma nyams la/ /mi 'dra nyid kyang med pas na//gtan tshigs khyad par bshad mi bya/ /re zhig nga'i tshig de ni rten cing 'brel par 'byung ba yin pa'i phyir rang bzhin 'thad pa ma yin te/ ji skad du/ sngar rang bzhin 'thad pa ma yin pa'i phyir stong pa yin no zhes bshad pa lta bu'o/ /gang gi phyir nga'i tshig de yang stong pa yin/dngos po lhag ma rnams kyang stong pa yin pa de'i phyir mi 'dra ba nyid med do/ /gal te nga na re tshig de ni stong pa ma yin la dngos po lhag ma thams cad ni stong pa yin no zhes 'chad pa ni des na mi 'dra ba nyid du yang 'gyur na/ de na de lta ma yin pas de'i phyir mi 'dra ba nyid med do//gang gi phyir tshig de ni stong pa ma yin la dngos po lhag ma thams cad ni stong pa yin no zhes mi 'dra ba nyid mi srid pa de'i phyir kho bos gtan tshigs des na tshig de ni stong pa ma yin la/ dngos po thams cad ni stong pa yin no zhes gtan tshigs kyi khyad par bshad par mi bya ste/de la khyed kyis smras pa yang nyams la/ mi 'dra ba nyid kyang yin pas khyod kyis gtan tshigs khyad par yang brjod par byos shig ces smras pa gang yin pa de mi rung ngo / /yang / de sgra ma 'byin lta bu'o zhes/ /khyod blo sems ni de mi 'thad/ /'di la sgra ni yod pa yis //'byung bar 'gyur ba de bzlog yin/ /zhes smras pa gang yin pa 'di la bshad par bya ste/ sgra ma 'byin zhes bya bzhin zhes/ /khyod kyis gang brtsams dpe 'di min/ /de ni sgra yis sgra bzlog pas/ /'di ni de lta ma yin no/ /'di ni nged kyi dpe ma yin te/ ji ltar 'ga' zhig na re/ sgra ma 'byin zhes de skad zer ba na sgra nyid 'byin cing sgra zlog par byed pa ltar tshig stong pa de nyid 'gog par mi byed do/ /ci'i phyir zhe na/ 'di la dpes sgra zlog par byed pa de ltar 'di ni ma yin te/ nged ni dngos po thams cad rang bzhin med pa yin te/ rang bzhin med pa'i phyir stong pa yin no zhes 'chad do//ci'i phyir zhe na/ gal te rang bzhin med nyid kyis/ /ji ste rang bzhin med la bzlog /rang bzhin med pa nyid log na/ /rang bzhin nyid du rab grub 'gyur/ /ji ltar sgra ma 'byin ces bya ba lta bu sgras zlog par byed pa de bzhin du/ gal te tshig rang bzhin med pa nyid kyi dngos po rang bzhin med pa rnams la zlog par byed na ni des na dpe 'di 'thad par 'gyur ba zhig na/ 'dir ni tshig rang bzhin med pa nyid kyi dngos po rnams kyi rang bzhin 'gog par byed do/ /gal te tshig rang bzhin med pa nyid kyis dngos po rnams kyi rang bzhin med pa nyid 'gog par byed na ni rang bzhin med pa nyid bkag pa'i phyir dngos po rnams rang bzhin dang bcas par 'gyur la/rang bzhin dang bcas pa'i phyir stong pa ma yin par 'gyur ro/ /kho bo cag ni dngos po rnams stong pa nyid smra yi / stong pa nyid ma yin par ni smra ba ma yin pas dpe ma yin no //yang na kha cig sprul pa yis/ /bud med la ni bud med snyam/ /log 'dzin 'byung la sprul pa yis/ /'gog byed 'di ni de lta yin/ /yang na ji ltar skyes bu kha cig sprul pa'i bud med rang bzhin gyis stong pa yin pa la don dam par bud med do snyam du log par 'dzin par 'gyur ro//de'i phyir de log par 'dzin pa des de'i 'dod chags bskyed pa la de bzhin gshegs pa'am/ de bzhin gshegs pa'i nyan thos kyis sprul pa zhig sprul la/ des de'i log par 'dzin pa de zlog par byed do/ /de bzhin du nga'i tshig stong pa sprul pa lta bus dngos po thams cad kyi rang bzhin med pa sprul pa'i bud med dang 'dra ba dag la rang bzhin yod par 'dzin pa gang yin pa zlog par byed do//de bas na 'dir stong pa nyid du rab tu bsgrub pa la dpe 'di 'thad pa yin gyi/ cig shos ni ma yin no/ /yang na gang phyir bsgrub bya dang //gtan tshigs 'di mtshungs sgra yod min/ /tha snyad khas rnams ma blangs par/ /nged cag 'chad par mi byed do/ /bsgrub par bya ba dang / sgra ma 'byin zhes bya ba lta bu'o zhes bya ba'i gtan tshigs 'di mtshungs pa kho na yin no/ /ci'i phyir zhe na/ dngos po thams cad ni rang bzhin med pa nyid du khyad par med pa nyid kyi phyir sgra de ni rten cing 'brel par 'byung ba nyid yin pa'i phyir rang bzhin yod pa ma yin no/ /de lta bas na rang bzhin yod pa ma yin pa nyid kyi phyir/ 'di la sgra ni yod pa yis/ /'byung bar gyur pa de bzlog yin/ / zhes smras pa gang yin pa bzlog pa yin no/ /gzhan yang tha snyad kyi bden pa khas ma blangs shing ma brten par dngos po thams cad stong pa'o zhes mi 'chad do/ /tha snyad kyi bden pa khas ma blangs par ni chos bstan par mi nus te/ ji skad du/ tha snyad la ni ma brten par/ / dam pa'i don la mi ston la/ /dam pa'i don la ma brten par/ /mya ngan 'das pa mi rtogs so/ /zhes gsungs pa lta bu'o/ /de lta bas na dngos po thams cad kyi rang bzhin med pa nyid du gnyi ga 'thad pa na nga'i tshig bzhin du dngos po thams cad stong pa yin no/ /yang khyod kyis/'gog pa'i 'gog pa'ang de lta zhes/ /'dod na de yang bzang min te/ /de lta na yang khyod dam bcas/ /mtshan nyid skyon yod nged la med/ /ces smras pa gang yin pa 'di la bshad par bya ste/ gal te ngas dam bcas 'ga' yod/ /des na nga la skyon de yod/ / nga la dam bcas med pas na/ /nga la skyon med kho na yin/ /gal te dam bcas pa 'ga' zhig yod na ni/ des na khyod kyis ji skad smras pa bzhin du/ nga la dam bcas pa'i mtshan nyid khas blangs pa sngon du song ba'i skyon yod pa zhig na nga la dam bcas pa 'ga' yang med do//de'i phyir dngos po thams cad stong pa gtan du nye bar zhi ba rang bzhin gyis dben pa dag la dam bcas pa ga la yod/ dam bcas pa'i mtshan nyid kyang ga la yod/ dam bcas pa'i mtshan nyid las byung ba'i skyon yang ga la yod de/ de la khyod la dam bcas pa'i mtshan nyid kyis thob pa'i phyir khyod la skyon yod do zhes smras pa gang yin pa de yang med do//yang khyod kyis/ re zhig dngos rnams mngon sum gyis/ /dmigs nas zlog par byed yin na/ /gang gis dngos rnams dmigs 'gyur ba/ /mngon sum de ni med pa yin//rjes dpag lung dang dpes gzhal dang / /rjes dpag lung gis bsgrub bya dang / /dpes bsgrub bya ba'i don gang yin/ /mngon sum gyis ni lan btab po/ /zhes smras pa gang yin pa 'di la bshad par bya ste/ /gal te mngon sum la sogs pa'i/ /don gyis 'ga' zhig dmigs na ni//bsgrub pa'am bzlog par bya na de/ /med phyir nga la klan ka med/ /gal te ngas mngon sum dang / rjes su dpag pa dang / dpes 'jal ba dang / lung rnams kyis sam/ tshad ma bzhi rnams las gang yang rung ba zhig gis 'ga' zhig dmigs na ni de'i phyir sgrub par byed pa'am/don bzlog par bya na ngas don ji ltar yang ma dmigs pas de'i phyir bsgrub par yang mi bya/ bzlog par yang mi bya/ de ltar gyur dang de la khyod kyis gal te mngon sum la sogs pa rnams la tshad ma gang yang rung ba zhig gis dngos po rnams dmigs nas zlog par byed pa yin na/tshad ma de dag kyang med/ de dag gis khong du chud par bya ba'i don yang med pas zhes klan ka smra ba gang yin pa'i klan ka de nga la mi 'byung ngo / /'di ltar gzhan yang / gal te khyod kyis don de rnams/ /tshad ma nyid kyis rab grub na//khyod kyis tshad ma de rnams kyang / /ji ltar rab tu 'grub par 'gyur/ /gal te 'jal bar byed pa rnams kyis gzhal bar bya ba dag bzhin du khyod kyi don gzhal bar bya ba de rnams tshad ma nyid kyis rab tu 'grub pa yin par sems na/ 'o na da tshad ma rnams pa bzhi po mngon sum dang /rjes su dpag pa dang / dpes gzhal ba dang / lung de rnams gang gis rab tu 'grub/ gal te re zhig tshad ma de rnams ni tshad ma gzhan rnams kyis yod par 'grub la/ don rnams ni tshad mas rab tu 'grub pa yin no zhe na/ dam bcas pa nyams par 'gyur ro//'on te yang / gal te tshad ma gzhan rnams kyis/ /tshad ma 'grub na thug pa med/ /gal te 'di snyam du gzhal bar bya ba ni tshad ma rnams kyis 'grub la/ tshad ma de rnams kyang tshad ma gzhan rnams kyis 'grub par sems na/ de lta na yang thug pa med par 'gyur ro//de la thug pa med par gyur na nyes pa ci yod ce na/ de la 'di ltar bshad par bya ste/ de la dang po 'grub min la / /bar ma min zhing tha ma'ang min/ /thug pa med par gyur pa na/ /dang po 'grub par mi 'gyur ro/ /ci'i phyir zhe na/ tshad ma de rnams kyang tshad ma gzhan rnams kyis rab tu 'grub pa yin la/ de rnams kyang gzhan rnams kyi yin pas 'di la dang po med do/ /dang po med pa'i phyir bar ma yang ga la yod/ tha ma yang ga la yod de de'i phyir tshad ma de rnams ni tshad ma gzhan rnams kyis rab tu 'grub pa'o zhes smras pa gang yin pa de mi 'thad do//'on te tshad ma med par yang / /de rnams 'grub na smra ba nyams/ /mi 'dra nyid de de yin na/ /gtan tshigs khyad par smra bar gyis/ /'on te tshad ma rnams med par yang tshad ma de rnams rab tu 'grub pa yin la/ gzhal bar bya ba'i don rnams ni tshad ma rnams kyis rab tu 'grub pa yin no snyam du sems na de lta na ni khyod kyi tshad ma rnams kyis don rnams 'grub po zhes smras pa gang yin pa de nyams par 'gyur la don kha cig ni tshad ma rnams kyis rab tu 'grub pa yin/ kha cig ni ma yin no zhes mi 'dra ba nyid du yang 'gyur ro//de lta na ni gtan tshigs gang gis na don kha cig ni tshad ma rnams kyis rab tu 'grub pa yin la/ kha cig ni ma yin no zhes gtan tshigs kyi khyad par yang smra bar bya ba yin na/ de yang ma bstan pas de'i phyir rtog pa 'di yang 'thad pa ma yin no/ / 'dir smras pa/ ji skad du/ ji ltar me yis gzhan bdag nyid/ /gsal byed de bzhin rang nyid ltar/ /de bzhin tshad ma rnams kyang ni/ /rang gzhan bdag nyid 'grub ce na/ /zhes bstan pa lta bur tshad ma rnams kyis rang gi bdag nyid dang / gzhan gyi bdag nyid rab tu sgrub par byed pa yin te/ji ltar mes rang gi bdag nyid dang / gzhan gyi bdag nyid gsal bar byed pa de bzhin du tshad ma rnams kyang rang gi bdag nyid dang gzhan gyi bdag nyid rab tu sgrub par byed pa yin no zhe na/ 'dir bshad pa/ smras pa de ni mi mthun te/ /mun khung gi ni rdza ma ltar/ / de la mi dmigs ma mthong bas/ /me ni rang la gsal byed min/ /me dang 'dra bar tshad ma rnams kyang rang dang gzhan gyi bdag nyid gnyis rab tu sgrub par byed pa yin no zhes smras pa de ni mi mthun pa nyid yin te/ me ni rang las gsal bar byed pa ma yin te/ ji ltar me mi 'bar ba'i snga rol na mun khung na bum pa mi dmigs pa la/mes gsal bar byas nas phyis dmigs pa de bzhin du/ gal te gsal bar ma byas pa'i snga rol du me mun khung na yod la/ phyis mes gsal bar 'gyur na ni de'i phyir rang gi bdag nyid gsal bar byed pa yin na/ de yang de lta ma yin pas rtog pa 'di yang 'thad pa ma yin no//'di ltar gzhan yang / gal te khyod kyi tshig gis ni/ /me 'dis rang bdag gsal byed na/ /'o na me yis gzhan bzhin du/ /rang la sreg pa'ang byed par 'gyur/ /gal te khyod zer ba ji ltar mes gzhan gyi rang bzhin gsal bar byed pa de bzhin du rang gi bdag nyid la yang gsal bar byed do zhe na/'o na ni ji ltar gzhan gyi bdag nyid sreg par byed pa de bzhin du rang gi bdag nyid la yang sreg par 'gyur ba zhig na/ de ni de ltar yang ma yin pas de la me ni gzhan gyi bdag nyid la yang gsal bar byed do zhes smras pa gang yin pa de mi rung ngo //'di ltar gzhan yang / gal te khyod kyi tshig gis ni/ /me yis rang gzhan bdag gsal byed/ /me bzhin du ni mun pa yang / /rang gzhan bdag la bsgrib par 'gyur/ /gal te khyod kyi lugs kyis ni me ni rang dang gzhan gyi bdag nyid gnyis gsal bar byed pa yin na/'o na ni da gnyen por gyur pa mun pa yang rang dang gzhan gyi bdag nyid gnyis bsgrib par 'gyur ba zhig na/ de ni de ltar yang ma yin pas de la me ni rang dang gzhan gyis bdag nyid gnyis gsal bar byed pa yin no zhes smras pa gang yin pa de rung ba ma yin no//'di ltar gzhan yang / gsal byed de ni mun sel te/ /me dang gang na mi gnas pa/ /gzhan na'ang mun pa yod min na/ /ji ltar gsal bar byed pa yin/ /'dir me la yang mun pa med la/ /gang na me yod pa de na yang mun pa med do//gsal bar byed pa zhes bya ba ni mun pa sel ba yin pas de'i phyir me la yang mun pa med la/ gang na me yod pa de na yang mun pa med na mes gang zhig sel bas rang dang gzhan gyi bdag nyid gnyis gsal bar byed pa'i mes mun pa gang zhig sel bar byed/ 'dir smras pa/ 'o na gang gi phyir me la yang mun pa med/ me gang na yod pa de na yang mun pa med pa de nyid kyi phyir me ni rang dang gzhan gyi bdag nyid gnyi ga gsal bar byed pa ma yin nam/ me 'byung ba nyid na me des mun pa bsal ba yin te/ de la yang mun pa de med/ me gang na yod pa de na yang mun pa med de de'i phyir me 'byung ba kho na rang gi bdag nyid dang / gzhan gyi bdag nyid gnyi ga gsal bar byed pa yin no zhe na/ 'dir smras pa/ me 'byung ba na gsal byed pa/ /yang dag min par smra ba ste/ /me 'byung ba na mun pa dang / / phrad pa med pa kho na yin/ /me de ni 'byung ba khon na rang gi bdag nyid dang gzhan gyi bdag nyid gsal bar byed do zhes smra ba de ni 'thad pa ma yin no/ /ci'i phyir zhe na/ me 'byung ba nyid na mun pa dang phrad pa med pa kho na yin/ me de ni 'byung ba khon na rang gi bdag nyid dang gzhan gyi bdag nyid gsal bar byed do zhes smra ba de ni 'thad pa ma yin no//ci'i phyir zhe na/ me 'byung ba nyid na mun pa dang phrad pa med pa yin te/ ma phrad pa'i phyir de sel bar mi byed do/ /mun pa ma bsal ba'i phyir gsal bar yang mi byed do/ /'di ltar gzhan yang / yang na me dang ma phrad kyang / /mun pa sel bar byed na ni/ /'di na yod pa gang yin pas/ /'jig rten khams kun mun sel 'gyur/ /'on te me ni mun pa dang phrad par yang sel bar byed do snyam du sems na/ 'o na ni de ma phrad par 'dra bas 'di na gnas pa'i mes 'jig rten gyi khams thams cad na gnas pa'i mun pa sel bar 'gyur ba zhig na/de ni de ltar yang ma yin pas de'i phyir me ni mun pa dang ma phrad par sel bar byed par 'dod pa gang yin pa de mi rung ngo / /'di ltar gzhan yang / gal te rang las tshad ma grub/ /gzhal bya rnams la ma ltos par//khyod kyi tshad ma 'grub 'gyur 'dir / /gzhan la mi ltos rang 'grub 'gyur/ /gal te me bzhin du rang las tshad ma grub po snyam du sems na/ gzhal bar bya ba'i don rnams la ma ltos par yang tshad ma rnams rab tu 'grub par 'gyur ro/ /ci'i phyir zhe na/rang las grub pa ni gzhan la ltos pa ma yin no/ /'on te ltos na ni rang las grub pa ma yin no/ /'dir smras pa/ gal te tshad ma rnams gzhal bar bya ba'i don rnams la ni/ mi ltos na skyon cir 'gyur zhe na/ 'dir bshad pa/ gal te gzhal bya'i don rnams la/ / ma ltos khyod kyi tshad ma 'grub/ /tshad ma 'di rnams kho na ni/ /gang gi'ang yin par mi 'gyur ro/ /gal te tshad ma rnams gzhal bar bya ba don rnams la mi ltos par rab tu 'grub pa yin no zhe na/ de lta na ni khyod kyis tshad ma 'di rnams gang gi phyir tshad ma yang ma yin pa'i skyon de lta bur 'gyur ro//'on te tshad ma rnams don 'ga' zhig gi yin no zhe na/ de gzhal bar bya ba'i don rnams la mi ltos par tshad ma rnams su 'gyur ba ma yin no/ /'on te ltos nas de rnams 'grub/ /'dod na de la skyon cir 'gyur//ma grub gzhan la mi ltos pas/ /grub pa sgrub par byed pa yin/ /'on te gzhal bar bya ba'i don rnams la ltos nas tshad ma rnams 'grub pa yin par 'dod do zhe na/ de lta na ni don ma grub pa ni ltos pa med pa yin te/ lha sbyin ma grub pa na ni don 'ga' la yang ltos pa ma yin pas khyod kyis tshad ma gzhi 'gyur ba 'grub par byed pa yin no//grub pa sgrub par byed pa yang 'dod pa ma yin te/ byas pa byed par mi 'thad pa'i phyir ro/ /'di ltar gzhan yang / gal te yong ye gzhal bya la/ /ltos nas tshad ma grub yin na//tshad ma rnams la ma ltos par/ /gzhal bar bya ba 'grub par 'gyur/ /gal te tshad ma rnams ni gzhal bar bya ba rnams la ltos nas so zhe na/ de tshad ma rnams la ltos nas gzhal bar bya ba ma grub par mi 'gyur ro/ /ci'i phyir zhe na/ bsgrub par bya ba ni sgrub par byed pa sgrub par mi byed la/tshad ma rnams kyis sgrub par byed pa yang gzhal bya rnams yin no zhes grag go/ /'di ltar gzhan yang / gal te tshad ma rnams la ni/ /ma ltos par yang gzhal bya 'grub/ /gang phyir khyod kyi de grags pa/ /tshad ma grub pas ci zhig bya//gal te tshad ma rnams la ma ltos par gzhal bar bya ba rnams 'grub po snyam du sems na/ ci de khyod kyi tshad ma grub par yongs su brtag pas ci zhig bya/ /ci'i phyir zhe na/ gang gi don du khyod kyi tshad ma de rnams yongs su brtag pa'i gzhal bar bya ba'i don de rnams ni tshad ma rnams med par yang grub pa yin pas de la khyod kyi tshad ma rnams kyis ci zhig bya/ci ste khyod kyi tshad ma rnams/ /gzhal bya rnams la ltos nas 'grub/ /de ltar khyod kyi tshad ma rnams/ /gzhal bya nges par bzlog par 'gyur/ /ci ste sngar smras pa'i skyon du 'gyur ba na mi rung ngo snyam nas tshad ma rnams ni gzhal bar bya ba'i don rnams la ltos pa yin no snyam du sems na de lta na ni khyod kyi tshad ma dang gzhal bar bya ba rnams bzlog par 'gyur te/khyod kyi tshad ma rnams kyang gzhal bar bya bar 'gyur ro / / gzhal bar bya ba rnams kyis rab tu bsgrub pa'i phyir ro/ /gzhal bar bya ba yang tshad ma rnams su 'gyur te/ tshad ma rnams sgrub par byed pa yin pa'i phyir ro/ /'on te khyod kyis tshad grub pas/ /gzhal bar bya ba 'grub 'gyur la/ /gzhal bya grub pas tshad grub na/ / khyod kyis gnyi ga'ang 'grub mi 'gyur/ /'on te tshad ma grub pas gzhal bar bya ba 'grub par 'gyur te/ tshad ma la ltos pa'i phyir ro/ /gzhal bar bya ba 'grub pas kyang tshad ma 'grub par 'gyur te/ gzhal bar bya ba la ltos pa'i phyir ro snyam du sems na/ de lta na ni khyod kyis gnyi ga yang 'grub par mi 'gyur ro//ci'i phyir zhe na/ gal te tshad mas gzhal bya 'grub/ /gzhal bya de dag rnams kyis kyang / /de dag bsgrub par bya yin na/ /de dag ji ltar bsgrub par 'gyur/ /gal te tshad ma rnams kyis ni gzhal bar bya ba rnams 'grub par byed la/gzhal bar bya ba de dag rnams kyis kyang tshad ma de dag bsgrub par bya ba yin no zhe na/ 'o na gzhal bar bya ba ma grub pa rnams kyi rgyu rab tu ma grub pa'i phyir gzhal bar bya ba ma grub pa dag ji ltar bsgrub par 'gyur/ gal te gzhal byas tshad ma 'grub/ tshad ma de dag rnams kyis kyang //de dag bsgrub par bya yin na/ /de dag ji ltar bsgrub par 'gyur/ /gal te yang gzhal bar bya ba rnams 'grub par 'gyur la/ tshad ma de rnams kyis kyang gzhal bar bya ba de dag bsgrub par bya ba yin no zhe na/ 'o na tshad ma ma grub pa rnams kyi rgyu yin na rgyu rab tu ma grub pa'i phyir tshad ma ma grub pa dag ji ltar bsgrub par 'gyur/gal te pha yis bu bskyed bya/ /gal te bu de nyid kyis kyang / /ci ste pha de bskyed bya na/ /de ni gang gis gang bskyed smros/ /ji ltar 'ga' zhig na re phas bu bskyed par bya ba yin la/pha de yang bu de nyid kyis bskyed par bya ba yin no zhes zer na/ da de na gang gis gang bskyed par smros shig ces bya ba de bzhin du khyod na re tshad ma rnams kyis gzhal bar bya ba dag bsgrub par bya ba yin la/ tshad ma de dag nyid kyang gzhal bar bya ba de dag nyid kyis bsgrub par bya ba yin no zhes zer ba/da de na khyod kyis gang dag gis gang dag rab tu bsgrub par bya ba yin no / /de dag gnyi ga'ang pha dang bu'i/ /mtshan nyid 'dzin pas de yi phyir/ /de la kho bo the tshom gyur/ /de na pha gang bu gang smros/ /gang gi phyir pha dang bu sngar bstan pa de gnyis las/bu ni gang pha ni gang de gnyi ga yang skyed par byed pa yin pa'i phyir pha'i mtshan nyid 'dzin par byed pa yin la/ bskyed par bya ba yin pa'i phyir bu'i mtshan nyid 'dzin pa yin pas 'di la kho bo the tshom du gyur na de la pha ni gang bu ni gang zhes bya ba de bzhin du khyod kyis tshad ma dang gzhal bar bya ba gang dag yin pa de dag kyang de ni tshad ma dag ni gang yin/gzhal bar bya ba dag ni gang yin/ 'di dag gnyi ga yang rab tu sgrub par byed pa yin pa'i phyir tshad ma dag yin la/ bsgrub par bya ba dag yin pa'i phyir gzhal bar bya ba yin pas 'di la kho bo the tshom du gyur na tshad ma dag ni gang yin gzhal bar bya ba dag ni gang yin/tshad ma rnams ni rang nyid kyis/ /'grub min phan tshun gyis min pa'am/ /tshad ma gzhan gyis ma yin la/ /gzhal byas ma yin rgyu med min/ /rang gis te mngon sum ni mngon sum de nyid kyis dang /rjes su dpag pa ni rjes su dpag pa de nyid kyis dang / lung ni lung de nyid kyis dang / dpes gzhal ba ni dpes 'jal ba de nyid kyis rab tu mi 'grub la phan tshun gyis te/ mngon sum ni rjes su dpag pa dang / dpes 'jal ba dang /lung rnams kyis dang / rjes su dpag pa ni mngon sum dang / dpe 'jal ba dang / lung rnams kyis dang / dpes 'jal ba ni mngon sum dang rjes su dpag pa dang / lung rnams kyis dang / lung ni mngon sum dang / rjes su dpag pa dang / dpes 'jal bas kyang ma yin la/rang gi ji lta ba bzhin du/ mngon sum dang rjes su dpag pa dang / dpes 'jal ba dang / lung rnams kyis ni mngon sum dang / rjes su dpag pa dang / dpes 'jal ba dang / lung gzhan rnams kyis kyang ma yin la/ gzhal bar bya ba rang dang gzhan gyis bsdus pa mtha' dag dang /re res kyang ma yin la/ rgyu med pas kyang ma yin la/ kun bsdus pas kyang ma yin no/ /gtan tshigs sngar bstan pa de dag ni/ nyi shu'am/ sum cu'am/ bzhi bcu'am/ sum cu rtsa drug gis kyang mi bsgrub na/de la gang khyod kyis gzhal bar bya ba'i dngos po rnams ni tshad mas khong du chud par bya ba yin pa'i phyir dngos po gzhal bar bya ba de dag kyang yod la/ khyod kyi tshad ma gang dag gis dngos po gzhal bar bya ba dag yang dag par khong du chud pa'i tshad ma de dag kyang yod do zhes smras pa gang yin pa de mi rung ngo //gzhan yang khyod kyis/ skye bo chos kyi gnas skabs mkhas/ /dge ba dag gi chos rnams la/ /dge ba'i rang bzhin yin par ni/ /sems shing lhag ma rnams dang yang / /zhes smras pa gang yin pa de la bshad par bya ste/chos kyi gnas skabs rab mkhas pa/ /dge ba yi ni chos rnams kyi/ /dge ba'i rang bzhin smra ba gang / /de ltar rab phye brjod bya yin/ /chos kyi gnas skabs la mkhas pa dge ba'i chos kyi dge ba'i rang gi ngo bo sems pa de yang khyod kyis rab tu phye ste/ 'di ni dge ba'i rang gi ngo bo yin/ 'di dag ni dge ba'i chos de dag yin te/ 'di ni dge ba de rnam par shes pa yin/ 'di ni dge ba de rnam par shes pa'i rang gi ngo bo yin/ de bzhin du thams cad la bstan par bya ba yin no/ de yang de ltar ma bstan pas de'i phyir rang gi ngo bo ji lta ba bzhin du chos rnams kyi rang gi ngo bo bstan to zhes smras pa gang yin pa de mi rung ngo //'di ltar gzhan yang / gal te dge ba'i chos rnams kyi / /dge ba'i rang gi ngo bo de/ /brten nas skye na de lta na/ /gzhan dngos rang ngor ji ltar 'gyur/ / gal te dge ba'i chos rnams kyi rang gi ngo bo ni rgyu dang rkyen tshogs pa la brten nas skye'o zhe na/ de gzhan gyi dngos po la brten nas skyes pa yin na/ dge ba'i chos rnams kyi rang gi ngo bor ji ltar 'gyur/ mi dge ba la sogs pa dag la yang de bzhin du sbyar ro/ /de la gang gi phyir dge ba'i chos rnams kyi dge ba'i rang gi ngo bo yang bstan la/de bzhin du mi dge ba la sogs pa'i chos rnams kyi mi dge ba la sogs pa'i rang gi ngo bo yang bstan pa yin no zhes smras pa gang yin pa de mi rung ngo / /'di ltar gzhan yang / 'on te dge ba'i chos rnams kyi/ / rang gi ngo bo de 'ga' la'ang / /ma brten skye na de lta na'ang / /tshangs par spyod la gnas mi 'gyur/ /'on te dge ba'i chos rnams kyi dge ba'i rang gi ngo bo ni 'ga' la'ang ma brten par skye la/ mi dge ba la sogs pa dag gi yang de lta bu yin no snyam du sems na/ de lta na ni tshangs par spyod pa la gnas par mi 'gyur ro//ci'i phyir zhe na/ de lta yin na ni rten cing 'brel par 'byung ba btang ba yin no/ /rten cing 'brel bar 'byung ba gtang ba'i phyir/ rten cing 'brel par 'byung ba mthong ba btang ba yin te/ rten cing 'brel par 'byung ba yod pa ma yin pa ni mthong ba ste/dmigs par 'thad pa ma yin no/ /rten cing 'brel par 'byung ba mthong ba med na/ chos mthong ba med pa yin no/ /bcom ldan 'das kyis ni dge slong sus rten cing 'brel bar 'byung ba mthong ba des chos mthong ngo zhes gsungs so/ / chos mthong ba med pa'i phyir tshangs par spyod pa la gnas pa med pa yin no/ /yang na rten cing 'brel par 'byung ba btang bas sdug bsngal kun 'byung ba btang ba yin te/ sdug bsngal kun 'byung ba ni rten cing 'brel par 'byung ba yin pas so/ /sdug bsngal kun 'byung ba btang bas sdug bsngal btang ba yin te/kun 'byung ba med na gang las sdug bsngal kun 'byung bar 'gyur/ sdug bsngal gtang ba'i phyir dang / kun 'byung ba gtang ba'i phyir dang / sdug bsngal 'gog pa btang ba yin te/ sdug bsngal dang kun 'byung ba gnyis med na gang zhig spangs pas 'gog par 'gyur bas so//sdug bsngal 'gog pa med na gang zhig thob par bya ba'i phyir sdug bsngal 'gog par 'gyur ba'i lam du 'gyur/ des na 'phags pa'i bden pa bzhi dag med par 'gyur te/ de med pa'i phyir dge sbyong gi tshul gyi 'bras bu med par 'gyur te/bden pa mthong ba las dge sbyong gi tshul gyi 'bras bu rnams yang dag par 'thob pas so/ /dge sbyong gi tshul gyi 'bras bu rnams med pas tshangs par spyod pa la gnas par mi 'gyur ro/ /'di ltar gzhan yang / rgyu mi ldan pa rtag pa'i phyir//chos rnams thams cad rtag par 'gyur/ /chos sam chos ma yin med cing / /'jig rten pa yi tha snyad med/ /de lta yin na rten cing 'brel par 'byung ba gtong ba de la skyon cir 'gyur zhe na/ chos med pa dang / chos ma yin pa med pa dang / 'jig rten pa'i tha snyad rnams med par 'gyur ro//ci'i phyir zhe na/ 'di thams cad ni rten cing 'brel par 'byung ba yin na rten cing 'brel par 'byung ba de med na gang las 'byung bar 'gyur/ gzhan yang rang gi ngo bo dang bcas pa dang / rten cing 'brel par 'byung ba ma yin pa dang / rgyu med pa las byung ba dang rtag par 'gyur te/ rgyu med pa rnams ni rtag pa nyid yin pa'i phyir dang / de la tshangs par spyod pa la gnas pa ma yin pa de nyid du yang 'gyur ro/ /grub pa'i mtha' dang yang 'gal te/ ci'i phyir zhe na/ bcom ldan 'das kyis 'du byed thams cad ni mi rtag pa'o zhes bshad pa yin no//de dag ni rang gi ngo bo nyid dang bcas pa'i rtag pa nyid kyis rtag pa yin no/ /mi dge ba dang lung ma bstan/ /nges 'byin stsogs la'ang skyon de bzhin/ /de bas khyod kyi 'dus byas kun/ /'dus ma byas pa nyid du 'gyur/ / dge ba'i chos rnams la rtag pa de bstan pa gang yin pa de nyid mi dge ba rnams dang /lung du ma bstan pa rnams la yang yod/ de nyid nges par 'byin pa la sogs pa la yang yod do/ /de bas na khyod kyi 'dus byas 'di thams cad 'dus ma byas su 'gyur ro//ci'i phyir zhe na/ rgyu med na skye ba dang gnas pa dang 'jig pa dag med pa'i phyir ro/ /de med na 'dus byas kyi mtshan nyid med pa'i phyir thams cad 'dus ma byas su 'gyur ro/ /de la dge ba la sogs pa dag gi dngos po dag gi rang gi ngo bo yod pa'i phyir dngos po thams cad stong pa ma yin no zhes smras pa gang yin pa de mi rung ngo //gzhan yang khyod kyis/ gal te chos kyi rang bzhin med/ /rang bzhin med ces bya ba'i ming / /de yang de bzhin med 'gyur te/ /gzhi med ming ni med pas so/ /zhes smras pa gang yin pa 'di la bshad par bya ste/gang zhig rang bzhin bcas pa zhes/ /ming ni yod par smra ba la/ /de ltar ming gi lan btab kyis/ /nga ni ming yod mi smra'o/ /gang zhig ming 'di rang bzhin dang bcas pa yin no zhes ming yod par smra ba de la khyod kyis lan gdab par bya ba yin gyi/ gal te ming can gyi rang bzhin de med na/de'i phyir ming de yang rang bzhin yod pa ma yin par bya dgos te/ yod pa ma yin pa la ni ming gi rang bzhin yod par mi 'gyur bas nged cag kyang ming gi rang bzhin yod par mi smra'o/ /de bas na dngos po rnams kyi rang bzhin yang med pa'i phyir ming gi rang bzhin yang med pa yin no//de'i phyir stong pa yin no/ /stong pa nyid yin pa'i phyir yod pa ma yin pas de la khyod kyis ming yod pa'i phyir rang gi ngo bo yod do zhes smras pa gang yin pa de mi rung ngo / /'di ltar gzhan yang / med la ming med ces gang 'di/ / ci de yod pa'am med pa yin/ /gal te yod pa'am med pa yin/ /khyod kyis smras pa gnyi ga'ang nyams/ /med pa la ming med do zhes bya ba gang yin pa 'di ci ming med pa de yod pa yin nam 'on te med pa yin/ gal te ming de yod pa zhig gi yin nam/ gal te med pa zhig gi yin na dam bcas pa gnyi ga yang nyams par 'gyur te/de la gal te re zhig ming med pa zhes bya ba'i ming yod pa yin no zhe na/ ming med do zhes bya ba'i dam bcas pa nyams par 'gyur te/ da ni de med pa ma yin te/ da ni de yod pas so ci ste ming med pa zhes bya ba med pa yin no zhe na/med pa la ni ming med do/ /de bas na ming gi rang bzhin yod do zhes khyod kyis dam bcas pa gang yin pa de nyams pa yin no/ /'di ltar gzhan yang / dngos po dag ni thams cad kyi / /stong pa nyid ni sngar bstan pas/ /de phyir dam bcas med par yang //klan ka gang yin de tshol byed/ /'dir nged cag gi sngar dngos po thams cad kyi stong pa nyid rgya cher bstan pas der ming yang stong pa nyid du bstan pa yin no/ /de'i phyir dam bcas pa med par yang khyod klan ka 'di tshol bar byed kyi/ nged ming yod do zhes mi smra'o/gzhan yang khyod kyis/ 'on te 'di ltar rang bzhin yod/ /de ni chos la med ce na/ /chos rnams med par rang bzhin te/ /gang gi yin par de bstan rigs/ /zhes smras pa gang yin pa 'di la bshad par bya ste/ 'on te rang bzhin zhig yod la/ /de ni chos la med do zhes//dogs pa bsu na smra ba 'di/ /dogs pa gang yin de med do/ /nged ni chos rnams kyi rang bzhin yang 'gog par mi byed la/ chos las ma gtogs pa'i don 'ga' zhig gi rang bzhin yin par yang khas mi len no/ /de lta yin na 'on te chos rnams rang bzhin med pa yin na/rang bzhin te chos las ma gtogs pa don gzhan gang zhig gi yin pa de bstan pa'i rigs so zhes bya ba'i khyod kyi klan ka thag bsrings pa yin pas klan kar mi 'gyur ba ma yin nam/ gzhan yang khyod kyis/ gang phyir khyim na bum pa de/ /med ces yod pa nyid la 'gog /mthong ste de phyir khyod kyi 'di / /yod pa'i rang bzhin 'gog pa yin/ /zhes smras pa gang yin pa 'di la bshad par bya ste/ gal te yod la 'gog yin na/ /'o na stong nyid rab 'grub ste/ /dngos rnams rang bzhin med nyid la/ /khyod ni 'gog par byed pas so/ / gal te yod pa kho na la 'gog par byed pa yin gyi/ med pa la ni ma yin no/ /khyed kyang dngos po thams cad kyi rang bzhin med pa nyid 'gog par byed pa yin pas 'o na dngos po thams cad kyi rang bzhin med pa nyid rab tu grub pa ma yin nam/ khyod kyi gtan tshigs 'gog par byed pa yod pa'i phyir dang /dngos po thams cad kyi rang bzhin med pa nyid bkag pa'i phyir stong pa nyid rab tu grub pa yin no/ /stong nyid gang la khyod 'gog pa'i/ /stong nyid de yang med yin na/ /'o na yod la 'gog yin zhes/ /smras pa de nyams ma yin nam//ci ste khyod dngos po thams cad kyi rang bzhin med pa nyid de/ stong pa nyid 'gog par byed la stong pa de yang med pa yin na/ 'o na yod pa la 'gog par byed kyi med pa la ni ma yin no zhes khyod kyis dam bcas pa gang yin pa de nyams pa yin no/ /'di ltar gzhan yang / dgag bya ci yang med pas na/ /nga ni ci yang mi 'gog go/ /de phyir 'gog par byed do zhes/ /skur pa de ni khyod kyis btab/ /gal te ngas ci zhig 'gog par byed na ni de'i phyir khyod kyis de skad kyang smra ba'i rigs na gang gi phyir dgag par bya ba ci yang med pas nga ni cung zad kyang 'gog par mi byed do//de'i phyir dngos po thams cad stong pa yin te/ dgag par bya ba dang / 'gog par byed pa yod pa ma yin pa las 'gog par byed do zhes khyod kyis skur pa thog tu ma bab pa de btab bo/ /gzhan yang khyod kyis/ ci ste rang bzhin de med na/ /khyod kyi tshig des ci zhig dgag /med pa yin na tshig med par/ /'gog pa rab tu grub pa yin/ /zhes smras pa gang yin pa de 'di la bshad par bya ste/ tshig med par yang med pa yi/ /'gog pa 'grub par 'gyur zhes pa/ /de la tshig ni med ces par/ /go bar byed kyi skye sel min//khyod kyi tshig dag med par yang ste/ tshig ma gtogs par yang med pa'i 'gog pa 'grub na/ de la ci'i dngos po thams cad rang bzhin med pa yin no zhes smras pa'i khyod kyi tshig des ci zhig byed ces smras pa gang yin pa 'di la bshad par bya ste/ dngos po thams cad rang bzhin med pa'o zhes bya ba'i tshig 'di ni dngos po rnams rang bzhin med pa nyid du byed pa ma yin gyi/'on kyang rang bzhin med pa la dngos po rnams rang bzhin med pa'o zhes go bar byed pa yin no/ /dper na 'ga' zhig na re lha sbyin khyim na med bzhin du lha sbyin khyim na yod do zhes zer ba dang /de ni de la kha cig na re med do zhes zer ba na/ tshig des lha sbyin med par mi byed kyi lha sbyin khyim na mi srid par ston pa 'ba' zhig tu zad do/ /de bzhin du dngos po rnams kyi rang bzhin med do zhes bya ba'i tshig de yang dngos po rnams kyi rang bzhin med pa nyid du byed pa ma yin gyi/'on kyang dngos po thams cad rang bzhin med pa sgyu ma'i skyes bu dang 'dra bar skyes bu yang dag pa'i ngo bo dang bral ba rnams la rmongs pa'i phyir/ byis pa skye bo ma rig pas rmongs pa rnams kyi rang bzhin dang bcas pa nyid du sgro btags pa rnams la rang bzhin/ yod pa ma yin par go bar byed pa yin pas de la rang bzhin yod pa ma yin na tshig med par yang ste tshig ma gtogs par yang rang bzhin yod pa ma yin par rab tu grub pa yin no/ /rang bzhin med do zhes bya ba'i tshig des ci zhig byed ces khyod kyis smras pa gang yin pa de rigs pa ma yin no//gzhan yang / byis pa rnams ni smig rgyu la/ /ji ltar log par chur 'dzin ltar/ /de bzhin khyod kyis log par 'dzin/ /yod pa yin la dgag par bya/ /zhes bshad pa la sogs pa yang khyod kyis tshigs su bcad pa bzhi smras pa gang yin pa 'di la bshad par bya ste/ smig rgyu'i dpe la khyod kyis kyang / /'gro ba chen pos smras pa gang / /der yang ci nas dpe de 'thad/ /gtan la dbab la mnyan par gyis/ /khyod kyis smig rgyu'i dpe de la 'gro ba chen po smras pa gang yin pa der yang dpe de ci nas kyang 'thad pa gtan la dbab pa gang yin pa de nyon cig /gal te 'dzin de rang bzhin yod/ /brten nas 'byung bar mi 'gyur ro/ /'dzin pa gang zhig brten nas 'byung / /de nyid stong nyid ma yin nam/ /gal te smig rgyu la chu'o snyam du 'dzin pa rang bzhin gyis yod pa zhig yin na/ rten cing 'brel par 'byung ba yin par mi 'gyur ba zhig na/gang gi phyir smig rgyu la yang brten/ phyin ci log gi lta ba dang / tshul bzhin ma yin pa'i yid la byed pa la ma brten nas byung ba de'i phyir rten cing 'brel par 'byung ba yin no/ /gang gi phyir rten cing 'brel bar 'byung ba yin pa de'i phyir rang bzhin gyis stong pa yin te/sngar ji skad bstan pa de dang 'dra'o/ /'di ltar gzhan yang / gal te 'dzin pa rang bzhin yod/ /'dzin pa de la su zhig bzlog /lhag ma rnams la'ang tshul de yin/ /de phyir klan ka de med do/ /gal te smig rgyu la chur 'dzin pa 'di rang bzhin gyis yod pa zhig yin na/de la sus kyang bzlog par mi 'gyur te/ ji ltar me'i tsha ba nyid dang / chu'i gsher ba nyid dang / nam mkha'i mi bsgrib pa nyid bzhin du rang bzhin ni bzlog par mi nus pa yin na de ni bzlog par yang mthong ngo / /de'i phyir 'dzin pa de rang bzhin gyis med pa yin no//'di ji lta ba bzhin na gzung ba la sogs pa chos lhag ma lnga po rnams la yang tshul de lta bur rtogs par bya ba yin pas de la drug tshan drug yod pa'i phyir dngos po thams cad stong pa ma yin no zhes smra ba gang yin pa de mi rung ngo / /gzhan yang / khyod la gtan tshigs ma grub ste//rang bzhin med phyir khyod gtan tshigs/ /gang la yod do khyod don de/ /gtan tshigs med par 'grub mi 'thad/ /ces bya ba 'dir bshad par bya ste/ 'di la snga mas gtan tshigs med/ /lan btab bsgrub byar mtshungs phyir ro/ /snga ma smig rgyu'i dpes bzlog pa//bsgrub tshe smras pa gang yin pa'o/ /da ltar gyi 'gro ba 'di dag dang sngar bstan pas gtan tshigs med pa'i yang lan btab par rigs par bya ste/ sngar gtan tshigs bstan pa drug tshan 'gag par byed pa'i 'gro ba gang yin pa de nyid 'dir yang 'gro bar bya ba yin no//gzhan yang / 'di ltar rang bzhin yod min na/ /gal te 'gog snga dgag 'phyi zhes/ /zer na 'thad pa ma yin la / /'phyi dang cig car mi 'thad do/ /zhes smras pa gang yin pa 'di la bshad par bya ste/ dus gsum gtan tshigs gang yod sngar/ /lan btab de dang mtshungs phyir ro//dus gsum khyed kyi gtan tshigs ni/ /stong nyid smra ba rnams la rung / /gtan tshigs dus gsum 'gog par byed pa zhes bya ba gang yin pa de ni lan btab zin te/ gang gi phyir zhe na bsgrub par bya ba dang mtshungs pa'i phyir ro/ /'di ltar khyod kyi tshig gis 'gog pa dus gsum du yang mi 'thad par 'gyur ba'i 'gog pa bzhin du dgag par bya ba yang de yin no//de'i phyir 'gog pa dang dgag par bya ba med na 'gog pa bkag go snyam du khyod sems pa gang yin pa de mi rung ngo / /'gog pa dus gsum la zhes bya ba'i gtan tshigs dus gsum 'gog par byed pa zhes bya ba gang yin pa de nyid ni dngos po thams cad 'gog par byed pa zhes bya ba gang yin pa'i phyir stong pa nyid smra ba rnams la yod pa nyid yin gyi/khyod la ni med do/ /yang na 'di ji ltar lan btab pa yin zhe na/ dgag bya ci yang med pas na//nga ni ci yang mi 'gog go/ /de phyir 'gog par byed do zhes/ /skur ba de ni khyod kyis btab/ /ces lan btab pa yin no/ /'on te dus gsum car du yang 'gog pa grub pa yin pas te/ sngon gyi dus kyi rgyu dang / phyi ma'i dus kyi rgyu dang / cig car gyi dus kyi rgyu yang mthong bas so//de la sngon gyi dus kyi rgyu ni ji lta bu'i pha bzhin no/ /phyi ma'i dus kyi ni ji ltar slob dpon gyis slob ma bzhin no/ /cig car gyi dus kyi ni ji ltar snang ba'i sgron ma bzhin no snyam du sems na de ni de lta ma yin par tshul 'di la skyon sngar bstan zin to / /gzhan yang gal te de lta yin na dgag pa srid par khyod kyis khas blangs la/de ni ma grub pas khyod kyis dam bcas pa yang nyams pa yin no/ /rgyu 'dis rang bzhin 'gog pa yang grub pa yin no/ /gang la stong pa nyid srid pa/ /de la don rnams thams cad srid/ /gang la stong nyid mi srid pa//de la ci yang mi srid do/ /gang la stong nyid 'di srid pa de la 'jig rten pa dang / 'jig rten las 'das pa'i don thams cad srid pa yin no/ /ci'i phyir zhe na/ gang la srid pa de la rten cing 'brel par 'byung ba dang / 'phags pa'i bden pa bzhi dang / dge sbyong gi 'bras bu dang /khyad par du rtogs pa thams cad srid do/ /gang la khyad par du rtogs pa thams cad srid pa de la dkon mchog gsum po/ /sangs rgyas dang / chos dang / dge 'dun srid do/ /gang la rten cing 'brel bar 'byung ba srid pa de la chos dang /chos kyi rgyu dang / chos kyi 'bras bu dang / chos ma yin pa dang / chos ma yin pa'i rgyu dang / chos ma yin pa'i 'bras bu srid do/ /gang la chos dang / chos ma yin pa dang / rgyu dang 'bras bu srid pa de la nyon mongs pa dang nyon mongs pa kun 'byung ba dang / nyon mongs pa'i gzhi rnams srid do//gang la sngar bstan pa de thams cad srid pa de la bde 'gro dang / ngan 'gro rnam par gzhag pa dang / bde 'gro dang / ngan 'gror 'gro ba dang / bde 'gro dang / ngan 'gror 'gro ba'i sems can dang / bde 'gro dang / ngan 'gro las 'da' ba dang / bde 'gro dang / ngan 'gro las 'gro ba'i thabs dang / 'jig rten pa'i tha snyad thams cad rnam par gzhag pa yin te tshig gis ji snyed cig bstan par nus pas phyogs 'dis rang gis rtogs par bya'o/ /'dir yang / gang zhig stong dang rten 'byung dag /dbu ma'i lam du don gcig par//gsung mchog mtshungs pa med pa yi/ /sangs rgyas de la phyag 'tshal lo/ /rtsod pa bzlog pa'i rab tu byed pa'i 'grel pa sa dang po rab tu dga' ba la bzhugs pa slob dpon 'phags pa nA gArdzu nas mdzad pa rdzogs so// // yod dam med pa'i rtsod pa smra ba mun bsal te//bstan zab gnyis med de bzhin nyid chos snang gyur nas/ /srid pa'i mngal du skyes pa'i 'jig rten ma lus pa/ /lha dang mi dang lha min thams cad dge bar shog /dngos 'dzin gdon gyis brla mas pa yi/ / rims nad rtag tu zlog byed cing / /'jig rten 'di yi mun sel ba/ /dri med mi g.yo rigs 'di yin// //rgya gar gyi mkhan po dz+nyAn gar+b+ha dang / lo tsA ba dpal brtsegs rak+Shi tas bsgyur te gtan la phab pa// //