CLOSE WINDOW

D3799
བོད་ཡིག

/[# ]@##/ /rgya gar skad du/ a b+hi sa ma ya a lang kA ra br-it+ti kIrti ka la nA ma/ bod skad du/ mngon par rtogs pa'i rgyan gyi 'grel pa grags pa'i cha zhes bya ba/ 'phags pa 'jam dpal gzhon nur gyur pa la phyag 'tshal lo//'phags pa byams pas rnam mdzad pa/ /sangs rgyas yum gyi don kun ni/ /sdud par byed pa'i tshig le'ur byas/ /thos shing rnam par bsams nas ni/ /gzhan la lan mang bshad gyur kyang / /don rnams bskyud pa'i 'jigs pas brtsams/ /de la bcom ldan 'das 'phags pa byams pas shes rab kyi pha rol tu phyin pa mtha' dag gi don thams cad bsdus pa mngon par rtogs pa brgyad kyi rgyan gyi tshig le'ur byas pa mdzad par bzhed nas mngon par rtogs pa thams cad 'grub pa'i rgyur srid pa gsum gyi bla ma rgyal ba'i yum bcom ldan 'das ma nyid la thog mar re zhig phyag 'tshal ba gsungs pa/kun shes zhes bya ba la sogs pa ste/ gang zhes bya ba ni sangs rgyas kyi yum bcom ldan 'das ma ste/ 'chad par 'gyur ba mngon par rtogs pa brgyad kyi rang bzhin nyid kyis rab tu phye ba'i shes rab kyi pha rol tu phyin pa'i bdag nyid do//gang zhig kun shes ni shes pas srid la mi gnas zhes bya ba la sogs pa 'chad par 'gyur ba'i don gyi dngos po dgu yongs su shes pa'i rang bzhin te/ zhi ba tshol ba rnams grol bar byed pa'i don gyis nyan thos kyi sangs rgyas dang rang sangs rgyas kyang zhi ba'i nye bar mthun pas mya ngan las 'das pa rnam pa gnyis thob par byed do//gang zhig lam shes pa ni thams cad shes pa nyid sngon du song ba'i bdag nyid mog mog por byed la sogs pa 'chad par 'gyur ba'i dngos po bcu gcig gi bdag nyid yongs su shes pa'i rang bzhin te/byang chub sems dpa' rnams kyi bya ba 'gro ba rnams la phan par byed pa'i don gang zhig de yis rdzogs par byed pa'o/ /shes rab kyi pha rol tu phyin pa gang thob pa thams cad shes pa dang / lam shes pa nyid sngon du song ba can ni rnam pa kun mkhyen pas rab tu phye ba'i bdag nyid de/sna tshogs rnam pa 'di dag kun gsungs pa zhes ston pa'i mtshan nyid bya ba'i sgo nas rtogs par bya ste/ sems bskyed pa ni zhes pa la sogs pa 'chad par 'gyur ba'i dngos po bcu yongs su shes par 'gyur ba'i bdag nyid dang ldan zhes pa ni gang zhig dngos su mdzad pa'i sna tshogs rnam pa 'di dag kun shes pa la rnam pa kun ni chos thams cad do//'di dag ni 'di rnams so/ /thub pa ni sangs rgyas bcom ldan 'das so/ /gsungs zhes pa ni gsungs pa nyid do/ /de zhes pa ni nyan thos dang byang chub sems dpa'i slob ma'i tshogs dang ldan pa'o//sangs rgyas kyi yum ni skyon dang yon tan thams cad gtong ba dang thob pa'i rgyu nyid kyis shes rab kyi pha rol tu phyin pa nyid skyed byed ma ste phyag 'tshal bstod ces bya bar 'brel to/ /'di skad ces 'bras bu mngon par rtogs par byed pas mngon par rtogs pa ste rgyur gyur pa bdun no//mngon par rtogs par bya bas mngon par rtogs pa ste 'bras bur gyur pa gcig po ste/ de ltar mngon par rtogs pa brgyad kyi bdag nyid kyi shes rab kyi pha rol tu phyin pa yin no/ / 'dir kun shes zhes pa la sogs pa'i gsum po nyid rab tu dbye bas ci ste phyag 'tshal zhes brjod par ni mi bya ste/ 'di rnams nyid ni dngos po'i rab tu dbye bas phye ba yin la/ gzhan kun ni 'di rnams las spros pa nyid kyi phyir ro/ /de lta bas na gsum po 'di rnams nyid 'dus pa ni mngon par rtogs pa bzhi pa'o//rab tu gsal bar song ba ni lnga pa'o/ /go rims su rtogs pa ni drug pa'o/ /gnas skabs kyi dbye bas gnas kyi mtshan nyid du gyur pa rtogs pa ni bdun pa'o/ /'gro ba'i don byed pa'i bya ba dang bcas pa de bzhin gshegs pa'i sku gsum gyi bdag nyid ni brgyad pa ste/de lta bas na gsum po 'di rnams nyid ni dngos po'i rab tu dbye bas phye ba zhes rab tu rtogs par bya ba'i ched du gsum po 'di rnams nyid kyis rab tu dbye bas phyag 'tshal zhes pa ni skyon med do/ /gzhan dag 'di snyam du ma mthong ba dang / ma thos pa dang /sngar rnam par ma shes pa'i yul rnams la ji ltar blos mi dpyod pa de bzhin du mthong ba dang thos pa dang / sngar rnam par shes pa'i yul rnams kyang dpyod pa med pa'i rang bzhin te/ chos thams cad ni rab tu mi gnas pa zhes bya ba yin la/ byed pa med pa'am/ rnam par rtog pa thams cad las yang dag par 'das pa'i gnas skabs kyi bye brag gi bdag nyid ni bsam gyis mi khyab pa'i rnal 'byor zhes bya ba'am/ don dam par chos thams cad rang bzhin med cing kun rdzob tu phung po lnga po'i rgyun rnams grub po zhes pa'am/ chos thams cad ma skyes pa'i ye shes zhes pa'am/gzung ba'am 'dzin pa las rnam par grol ba nam mkha' lta bur snang ba med par gsal ba'i rgyun no zhes pa'am/ nam mkha' thams cad du khyab cing sna tshogs kyi mtshan ma nub pa ltar spros pa mtha' dag ni bde ba chen po'i rang bzhin du gsal bas rgyun no zhes pa'am/sprul pa'i skyes bu ltar ma brtags na nyams dga' ba'i mthus longs spyod dang gnas la sogs pa'i rnam pa ni gsal ba'i rgyun tsam mo zhes pa'am/ sems can so so la thog ma dang tha ma med par ji srid so sor snang ba de srid ni gzung ba dang 'dzin par brtags pa las nges par grol ba dgag par mi nus pa'i gsal ba tsam lus dang longs spyod dang gnas la sogs pa'i sna tshogs pa'i rnam pa'i 'khor lo'i bdag nyid du gsal ba'i rgyun no zhes pa'am/sems can rnams la ji srid so sor snang ba de srid ni gzung ba dang 'dzin pa dang rgyu dang 'bras bu'i mtha' bzhi las nges par grol ba gsal ba tsam dgag par mi nus pa gnyis su med pa'i sems su gsal ba zhes bya ba la sogs pa shes rab kyi pha rol tu phyin pa'i tshig gi don nye bar mang du brjod de/de bzhin du gsungs pa/shes rab kyi pha rol tu phyin pa ni gnyis su med pa'i ye shes te de bzhin gshegs pa'o/ /bsgrub bya de'i don du sbyor bas gzhung dang lam dag kyang ngo zhes bya ba la sogs pa gsungs pa ma yin nam/ de la 'dir mngon par rtogs pa brgyad kyi bdag nyid kyi shes rab kyi pha rol tu phyin pa 'di ci ste bshad ces sems pa la bden te/so so rang rang gi bsam pas don dam par shes rab kyi pha rol tu phyin pa ni 'di lta bu nyid de/ bcas pa'i bcas pa gsum gyi sgra'i brjod bya rnams 'gog pa dang lam gyi bden par bsdus pa zhes nye bar brjod par 'gyur te/de yongs su bstan par bya ba yang 'og nas shes rab kyi pha rol tu phyin pa'i tshig gi don bshad pa'i skabs su 'byung bar 'gyur zhing / yang ji srid du rab tu phye ba dkar po'i chos rnams yang dag par bsdus pa'i rang bzhin 'bras bu dang bcas pa'i theg pa gsum gyi sgra'i brjod bya rnams 'gog pa dang lam gyi bden par bsdus pa gang zhig shes rab kyi pha rol tu phyin pa de bde blag tu rtogs par bya ba'i don du mngon par rtogs pa brgyad so so'i rnam par dbye ba rgyal ba byams pas brtsams zhes pas kyang snga phyi 'gal ba med do//tshigs bcad dang po'i bshad pa'o/ /'o na bcom ldan 'das nyid kyis rgyas 'bring rnam pa gsum gyi shes rab kyi pha rol tu phyin pa mngon par rtogs pa brgyad kyi rim pa gsungs na/ de la bstan bcos 'di brtsams pa dgos pa ci yod ces zhus pa la gsungs pa/rnam pa thams cad mkhyen nyid lam/ /ston pas 'di las bshad pa gang / /gzhan gyis myong ba ma yin te/ /blo dang ldan pas rtogs par 'gyur/ /chos spyod bcu yi bdag nyid kyi/ /mdo don dran pa la bzhag nas/ /bde blag tu ni rtogs 'gyur ba/ /rtsom pa yi ni dgos pa yin//zhes pa ste/ de la snod dang ldan pa'i slob ma'i rgyud la mngon par rtogs pa brgyad rim pa ji lta ba bzhin du the tshom med cing nges pa skyed par byed pa'i mtshan nyid ni bstan bcos 'di'i dgos pa yin par tshigs su bcad pa dang pos brjod do/ /'bras bu sangs rgyas nyid thob par bya ba'i rgyur nyams su len pa'i mtshan nyid ni dgos pa'i dgos pa yin par tshigs su bcad pa gnyis pas brjod de/'di ni spyi'i don to/ /de ni tshig gi don brjod par bya ste/ rnam pa thams cad mkhyen pa nyid ces pa ni sangs rgyas nyid de/ chos dang longs spyod dang sprul pa'i sku gsum gyi bdag nyid kyi de bzhin gshegs pa 'bras bur gyur pa brgyad pa chos kyi sku'i mngon par rtogs pa zhes bya ba'i don to//lam zhes pa ni de dang bcas pa ste mngon par rtogs pa bdun no/ /de bas na rnam pa thams cad mkhyen pa nyid lam ni ba lang gi shing rta bzhin te/rnam pa thams cad mkhyen pa nyid lam de nyid mngon par rtogs pa brgyad kyi bdag nyid do/ /ston pa zhes pa ni sangs rgyas bcom ldan 'das rnams so/ /bshad pa zhes pa ni shes rab kyi pha rol tu phyin pa rgyas 'bring rnam pa gsum gyi mdo bshad cing bsdus pa'o/ /de ji lta bu zhe na/gzhan gyis myong ba ma yin te/ /zhes pa ste/ myong ba ma yin pa ni nyams su myong ba ma yin pa'o/ /gzhan ni nyan thos la sogs pa snying rje med pa rnams so zhes pa ni 'chad par 'gyur ba'i rim pas so/ /blo dang ldan pa ni byang chub sems dpa' rnams yin no/ / 'di las zhes pa ni mngon par rtogs pa'i rgyan gyi bstan bcos 'di las so/ /rtogs par 'gyur ni nges par 'gyur ba ste/ 'di ni tshigs su bcad pa dang po'i don no/ /mdo don zhes pa ni shes rab kyi pha rol tu phyin pa mdo'i don mngon par rtogs pa brgyad kyi bdag nyid kyi bstan bcos 'di las rim pa ji lta ba bzhin du the tshom med par rtogs pa'o//bdag nyid kyi ni sbyin pa la sogs pa pha rol tu phyin pa bcu'i bdag nyid kyi chos spyod kyang ngo / /dran pa ni dran pa'i ye shes so/ /bzhag pa ni bskyed pa'o/ /bde blag tu rtogs 'gyur ba ni blo dang ldan pas so/ /sbyor ba ji lta ba bzhin du spyad par byas shing sangs rgyas nyid kyi rgyur nyams su blangs nas sangs rgyas nyid kyi mtshan nyid thob par 'gyur ba ni skyes bu'i mtshan mchog yin pas dngos su mngon sum du gyis shig ces pa'i don to//de ltar dgos pa rnam pa gnyis yod par mthong bas bstan bcos 'di la dgos pa med par gang gis kyang dogs par mi bya'o//da ni shes rab kyi pha rol tu phyin pa'i tshig gi don bshad par bya ste/ de la/ shes rab pha rol phyin pa ni/ /zhes pa'i tshig nas bzung nas tshigs su bcad pa gnyis kyis dngos po brgyad bstan te/ de ni bstan bcos kyi lus rnam par bzhag pa mdor bsdus nas gsungs so//de nas yang tshigs su bcad pa bcu gsum gyis shes rab kyi pha rol tu phyin pa'i lus kyi bdag nyid kyi dngos po brgyad po 'di rnams nyid rim pa ji lta ba bzhin du bcu dang / bcu gcig dang / dgu dang /bcu gcig dang / brgyad dang / bcu gsum dang / bzhi dang / bzhi'i dngos po bdun cu tham par phye bas bstan bcos kyi lus rnam par bzhag pa rgyas par gsungs so/ /dngos po bdun cu po de rnams kyang bstan bcos lhag ma mtha' dag gis 'chad ces pas gang zhig shes rab kyi pha rol tu phyin pa'i don rnams mdor bsdus pa dang rgyas pa'i sgo nas brjod ces pa ni spyi'i don to//shes rab kyi pha rol tu phyin pa'i mdor bsdus te bstan pa'i phyir gsungs pa/ shes rab pha rol phyin pa ni/ /dngos po brgyad kyis yang dag bshad/ /rnam kun mkhyen nyid lam shes nyid//de nas thams cad shes pa nyid/ /rnam kun mngon rdzogs rtogs pa dang / /rtse mor phyin dang mthar gyis pa/ /skad cig gcig mngon rdzogs byang chub/ /chos kyi sku dang de bzhin brgyad/ /ces pa'o/ /'dir de kho na nyid la shes rab kyi pha rol tu phyin pa zhes brjod de/ de bzhin nyid bems po las rnam par log pa longs spyod rdzogs pa'i sku dang tha mi dad pa'i rang rig pa'i mngon sum gyis shin tu rnam par dag pa stong pa nyid dngos su mngon sum du byed pa ni chos kyi sku'o/ /shin tu rnam par dag pa stong pa nyid kyang de'i yul yin pa nyid kyis shes rab kyi pha rol tu phyin pa'o//longs spyod rdzogs pa'i sku yang de'i rten yin pa nyid kyis shes rab kyi pha rol tu phyin pa'o/ /longs spyod rdzogs pa'i sku la rten pa'i stobs dang / mi 'jigs pa la sogs pa ldog pas byas pa'i dbye bas phye ba'i yon tan gyi tshogs mtha' dag kyang de dang dngos po gcig la rten gcig pa nyid kyis na'o//sprul sku mdzad pa dang bcas pa yang de'i 'bras bu'am bya ba nyid kyis so/ /mngon par rtogs pa bdun kyang de'i rgyu nyid kyis na shes rab kyi pha rol tu phyin pa zhes bya ste/ mngon par rtogs pa brgyad ni shes rab kyi pha rol tu phyin pa zhes bya ba'i tshig gi brjod bya yin no//de la/ sems bskyed pa dang gdams ngag dang / /nges 'byed yan lag rnam bzhi dang / /sgrub pa yi ni rten gyur pa/ /chos kyi dbyings kyi rang bzhin dang / /dmigs pa dag dang ched dang ni/ /go cha 'jug pa'i bya ba dang / /tshogs ni nges par 'byung bcas rnams//thub pa'i rnam kun mkhyen pa nyid/ /ces pa la/ sems bskyed pa dang / gdams ngag dang / nges par 'byed pa'i cha dang mthun pa dang / sgrub pa'i rten dang / sgrub pa'i dmigs pa dang / sgrub pa'i ched du bya ba dang / sgrub pa'i go cha dang / sgrub pa'i 'jug pa dang / sgrub pa'i tshogs dang /sgrub pa'i nges par 'byung ba zhes pa ste/ dngos po bcu'i bdag nyid ni rnam pa thams cad mkhyen pa'o/ /de la yang / thub pa'i rnam kun mkhyen pa nyid/ /ces pas ni rnam pa thams cad mkhyen pa nyid bstan pa'o/ /mog mog por byed la sogs dang / /slob ma bse ru'i lam gang dang //'di dang gzhan pa'i yon tan gyis/ /phan yon che ba mthong ba'i lam/ /byed pa dang ni mos pa dang / /bstod dang bkur dang bsngags pa dang / /bsngo dang rjes su yi rang dang / /yid la byed pa bla med dang / /sgrub dang shin tu dag pa zhes/ /bya ba 'di ni bsgom pa'i lam//byang chub sems dpa' mkhas rnams kyi/ /lam shes nyid ni de 'drar bshad/ /ces pa la/ mog mog por byed la sogs pa ni rten dang / nyan thos kyi lam dang / rang sangs rgyas kyi lam dang / phan yon chen po ni byang chub sems dpa'i mthong lam dang / bsgom pa'i lam gyi byed pa dang /mos pa yid la byed pa dang / bstod bkur bsngags pa dang / bsngo ba yid la byed pa dang / rjes su yi rang ba yid la byed pa dang / sgrub pa dang / shin tu dag pa zhes pa ste/ dngos po bcu gcig gi bdag nyid ni lam shes so/ /de la yang / byang chub sems dpa' mkhas rnams kyis//zhes pas lam shes pa nyid bstan to/ /shes pas srid la mi gnas shing / /snying rjes zhi la mi gnas dang / /thabs ma yin pas ring ba dang / /thabs kyis ring ba ma yin dang / /mi mthun gnyen po'i phyogs dang ni/ /sbyor dang de yi mnyam nyid dang / /nyan thos la sogs mthong ba'i lam//de 'dra kun shes nyid du 'dod/ /ces pa ste/ 'khor ba la rab tu mi gnas pa dang / mya ngan las 'das pa la rab tu mi gnas pa dang / ring ba dang / ring ba ma yin pa dang / mi mthun pa'i phyogs dang / gnyen po'i phyogs dang /rab tu sbyor ba dang / mnyam pa nyid dang / mthong ba'i lam dang zhes pa ste/ dngos po dgu'i bdag nyid ni thams cad shes pa'o/ /de yang nyan thos la sogs pas shes pa kun shes nyid bstan pa'o/ /rnam pa sbyor bar bcas rnams dang / /yon tan skyon ni mtshan nyid bcas//thar dang nges 'byed cha mthun dang / /slob pa phyir mi ldog pa'i tshogs/ /srid dang zhi ba mnyam nyid dang / /zhing dag bla na med pa ni/ /rnam kun mngon rdzogs rtogs pa ste/ /de ni thabs la mkhas pa yin/ /zhes pa ste/ rnam pa dang / sbyor ba dang / yon tan dang / skyon dang / mtshan nyid dang / thar pa'i cha dang mthun pa dang / nges par 'byed pa'i cha dang mthun pa dang / slob pa phyir mi ldog pa'i tshogs dang / 'khor ba dang mya ngan las 'das pa mnyam pa nyid dang / sangs rgyas kyi zhing yongs su dag pa dang / thabs la mkhas pa zhes bya ste/dngos po bcu gcig gi bdag nyid ni rnam kun mngon rdzogs rtogs pa'o/ /de yang rnam pa kun mngon rdzogs zhes pas bstan to/ /de yi rtags dang rnam 'phel dang / /brtan dang sems kun gnas pa dang / /mthong zhes bya dang bsgom pa zhes/ /bya ba'i lam ni so so la/ / rnam par rtog pa rnam bzhi yi/ /gnyen po rnam pa bzhi dang ni/ /bar chad med pa'i ting nge 'dzin/ /log par bsgrub dang bcas pa ni/ /rtse mo'i mngon rtogs zhes pa la/ /rtags dang / rnam par 'phel ba dang / brtan pa dang / ting nge 'dzin dang / mthong ba'i lam la rnam par rtog pa rnam pa bzhi'i gnyen po dang /bsgom pa'i lam la rnam par rtog pa bzhi'i gnyen po dang / bar chad med pa'i ting nge 'dzin dang / log par bsgrub dang zhes pa'i dngos po brgyad kyi bdag nyid ni rtse mo'i mngon par rtogs pa ste/ rtse mo'i mngon rtogs zhes pas bstan to/ /rnam gsum rnam bcu mthar gyis pa//zhes pa ni sbyin pa dang / tshul khrims dang / bzod pa dang / brtson 'grus dang / bsam gtan dang / shes rab te pha rol tu phyin pa drug dang / sangs rgyas dang / chos dang / dge 'dun dang / gtong ba dang / tshul khrims dang / lha ste rjes su dran pa drug dang /chos thams cad dngos po med pa dang zhes pa'i dngos po bcu gsum gyi bdag nyid ni mthar gyis pa'i mngon par rtogs pa ste/ de yang mthar gyis pa zhes pas bstan to/ /skad cig gcig mngon rdzogs byang chub/ /mtshan nyid kyis ni rnam pa bzhi/ /zhes pa ni zag pa med pa'i chos thams cad skad cig ma gcig la mngon par byang chub pa dang /dkar po'i chos thams cad skad cig ma gcig la mngon par byang chub pa dang / mtshan nyid med pa'i chos thams cad skad cig ma gcig la mngon par byang chub pa dang / chos thams cad gnyis su med pa'i skad cig ma gcig la mngon par byang chub pa ste/dngos po bzhi'i bdag nyid ni skad cig ma gcig la mngon par byang chub pa'o/ /de yang / skad cig gcig mngon rdzogs byang chub/ /ces pas bstan to/ /ngo bo nyid longs rdzogs bcas dang / /sprul pa zhes ni rnam gsum dang //chos sku mdzad par bcas pa ste/ /rnam pa bzhir ni yang dag brjod/ /ces pa la/ ngo bo nyid kyi sku dang / longs spyod rdzogs pa'i sku dang / sprul pa'i sku dang / de'i mdzad pa dang zhes pa'i dngos po bzhi'i bdag nyid chos kyi sku'o/ /de yang chos sku zhes pas bstan te/ mngon par rtogs pa brgyad bstan pa'o/ /shes rab kyi pha rol tu phyin pa'i tshig gi don gang zhes shes par 'dod pa la rnam pa thams cad mkhyen pa nyid la sogs pa tshig brgyad kyi don gang yin pa de ni shes rab kyi pha rol tu phyin pa'i tshig gi don du brjod do/ /tshig brgyad po de de rnams kyi don kyang gang zhes shes par 'dod pa la sems bskyed pa la sogs pa'i tshig bdun cu'i don rnams kyi don brjod do//da ni tshig bdun cu'i don mdor bstan pa de rnams bshad pa'i phyir gsungs pa/ sems bskyed pa ni gzhan don phyir/ /yang dag rdzogs pa'i byang chub 'dod/ /de dang de ni mdo bzhin du//bsdus dang rgyas pa'i sgo nas brjod/ /ces pa la sems shes pa ni gzhan don du don tsam 'dzin pa la brjod de/ de bas na sems kyi sgras yang dag par rdzogs pa'i byang chub 'dod pa nyid la bzhed do/ /gang zhig ce na gsungs pa/ sems bskyed pa ni gzhan don phyir//yang dag rdzogs pa'i byang chub 'dod/ /ces pa ste/ yang dag par rdzogs pa'i byang chub 'dod pa nyid la bya'o/ /de la ci ste bya zhes pa la gsungs pa/ gzhan don phyir zhes pa ste/ gzhan ni rang las gzhan pa'i sems can thams cad do/ /de rnams kyi don ni 'khor ba dang 'khor ba'i rgyu dag las yongs su sgrol ba dang /sangs rgyas nyid dang sangs rgyas nyid kyi rgyu la rnam par 'god pa ste/ 'gro ba'i don du yang dag par rdzogs pa'i byang chub 'dod pa nyid ni byang chub tu sems bskyed pa zhes pa'i don to/ /ji ltar bcom ldan 'das kyis shes rab kyi pha rol tu phyin pa'i mdor de bsdus pa dang rgyas pa'i sgo nas yang dag par rdzogs pa'i byang chub 'dod pa la bshad de/de yang gzhan gyi don du gsungs so/ /de bzhin du bdag gis kyang 'dir rjes su mthun par bstan par bya ste/ de dang de ni mdo bzhin du/ /bsdus dang rgyas pa'i sgo nas brjod/ ces pa ste/ mdo bzhin ni mdo dang rjes su mthun par byas kyi rang dgar ni ma yin no/ /byang chub tu sems bskyed pa'i ngo bo bshad nas/ da ni de'i rab tu dbye ba gsungs pa/ de yang sa gser zla ba me/ /gter dang rin chen 'byung gnas mtsho/ /rdo rje ri sman bshes gnyen dang / /yid bzhin nor bu nyi ma glu/ / rgyal po mdzod dang lam po che/ /bzhon pa bkod ma'i chu dang ni/ /sgra snyan chu bo sprin rnams kyis/ /rnam pa nyi shu rtsa gnyis so/ /zhes pa la/ de yang zhes pa ni sems bskyed pa ste/ 'dun pa la sogs pa dang bcas pa dkar po'i chos thams cad bskyed cing 'dzin pa la sogs pa'i chos thams cad kyi sa la sogs pa dang mthun par 'gyur ba rnam pa nyi shu rtsa gnyis su rtogs par bya'o//de lta bas na sems bskyed pa 'dun pa chung ngu dang bcas pa'i sems bskyed pa ni sa lta bu ste/ dkar po'i chos thams cad kyi sa bon gyi gzhi byed cing 'dzin par gyur pas so/ /'dun pa 'bring dang / bcas pa ni gser lta bu ste/ nam byang chub kyi bar du mi 'gyur zhing mi zad pas na'o/ /'dun pa chen po dang bcas pa ni zla ba tshes pa lta bu ste/ nyi ma so so la 'phel bar 'gyur bas so/ /sa dang po la 'jug pa'i lam dang bcas pas me lta bu ste/ thams cad mkhyen pa nyid gsum la sgrib pa'i shing bsregs pas na'o//sbyin pa'i pha rol tu phyin pa dang bcas pa gter la bu ste/ sems can thams cad tshim par byed pa'i phyir ro/ /tshul khrims kyi pha rol tu phyin pa dang bcas pas rin chen 'byung gnas lta bu ste/ yon tan mtha' dag gi rin chen 'byung ba'i rten du gyur pas so//bzod pa'i pha rol tu phyin pa dang bcas pas rgya mtsho chen po lta bu ste/ mi mthun pa'i gnod pa thams cad kyis mi bskyod pas so/ /brtson 'grus kyi pha rol tu phyin pa dang bcas pas rdo rje lta bu ste/ yid ches pa'i 'dod pa'i don gzhan gyis mi phyed pas na'o//bsam gtan gyi pha rol tu phyin pa dang bcas pas ri bo lhun po lta bu ste/ rnam par g.yeng ba'i dmigs pa las rab tu mi g.yo bas so/ /shes rab kyi pha rol tu phyin pa dang bcas pas sman lta bu ste/ nyon mongs pa dang shes bya'i sgrib pa'i nad rnams rab tu zhi bar byed pas so//thabs kyi pha rol tu phyin pa dang bcas pas dge ba'i bshes gnyen lta bu ste/ gnas skabs thams cad du sems can gyi don yongs su mi gtong ba'i phyir ro/ /smon lam gyi pha rol tu phyin pa dang bcas pas yid bzhin gyi nor bu lta bu ste/ ji ltar smon lam btab pa bzhin 'bras bu thob pas so//stobs kyi pha rol tu phyin pa dang bcas pas nyi ma lta bu ste/ gdul bya'i sa bon rnams yongs su smin par byed pas so/ /ye shes kyi pha rol tu phyin pa dang bcas pas snyan pa'i glu'i sgra lta bu ste/ gdul bya rnams 'jug par byed pa'i chos ston pas na'o//mngon par shes pa dang bcas par gyur pas rgyal po chen po lta bu ste/ thogs pa med par sems can gyi don nyams su len pas so/ /bsod nams dang ye shes kyi tshogs dang bcas pas mdzod lta bu ste/ bsod nams dang ye shes kyi tshogs du ma'i gnas su gyur pas na'o//byang chub kyi phyogs kyi chos dang bcas pas lam po che lta bu ste/ 'phags pa thams cad gshegs pa dang rjes su gshegs pa'i phyir ro/ /thugs rje dang shes rab tu bcas pas bzhon pa lta bu ste/ 'khor ba dang mya ngan las 'das pa'i mthar mi ltung zhing mi gnas pa'i mya ngan las 'das par bde bar yang dag par bzhud pa'i phyir ro//gzungs dang so so yang dag par rig pa dang bcas pas bkod ma'i chu bo lta bu ste/ zad pa med par thos pa dang ma thos pa'i chos thams cad 'dzin pas na'o/ /chos kyi sbyin pa dang bcas pas sgra snyan lta bu ste/thar pa 'dod pa'i gdul bya rnams la thar pa'i rgyu dang bcas par snyan par sgrog par byed pas so/ /theg pa gcig gi lam dang bcas pas chu bo'i rgyun lta bu ste/ dbye ba med par gzhan gyi don byed pas na'o/ /chos kyi sku dang bcas pas sprin lta bu ste/dga' ldan gyi gnas la sogs par sems can gyi don yang dag par mthong na bdud rtsi'i char rab tu 'bebs pas so/ /de la las dang po pa'i sas yang dag par bsdus pa gsum mo/ /sa dang po la rab tu 'jug pa'i lam gyis yang dag par bsdus pa gcig go//rab tu dga' ba la sogs pa'i sa bcus yang dag par bsdus pa mthong ba dang bsgom pa'i lam gyi sa bcu'o/ /khyad par gyi lam gyis yang dag par bsdus pa lnga'o/ /sbyor ba dang dngos gzhi dang mjug gi rab tu dbye bas sangs rgyas kyi sas yang dag par bsdus pa gsum te/sems bskyed pa ni rnam pa nyi shu rtsa gnyis so/ /sems bskyed pa gsungs nas/ gdams ngag brjod par bya ste/ cho ga ji lta ba bzhin du byang chub tu sems bskyed nas dge ba'i bshes gnyen las bya ba rnams slob pa ni gdams ngag ste/ de yang yul gyi dbye bas rnam pa bcur gsungs te/sgrub dang bden pa rnams dang ni/ /sangs rgyas la sogs dkon mchog gsum/ /ma zhen yongs su mi ngal dang / /lam ni yongs su 'dzin pa dang / /spyan lnga dang ni mngon shes kyi/ /yon tan drug dang mthong lam dang / /bsgom zhes bya la gdams ngag ni/ /bcu yi bdag nyid shes par bya//zhes pa la/ sgrub dang zhes bya ba ni ji lta ba bzhin du byang chub tu sems bskyed pa nas bzung ste/ ji srid sangs rgyas nyid kyi bar du dkar po'i chos mtha' dag la yang dag par brten te thun mong ba la bslab par bya ba dang / bye brag tu 'chad par 'gyur ba'i go cha dang /'jug pa dang / tshogs dang / nges par 'byung bar bshad pa rab tu sbyor ba dang / mthong ba dang / bsgom pa dang / khyad par gyi rang bzhin dang bzhi la sgrub pa ste/ gsungs pa'i mtshan nyid sgrub pa rnams ji lta ba bzhin du rtogs pa ni sgrub pa la gdams pa'o/ /bden pa rnams shes pa ni 'phags pa'i bden pa bzhi rnams te/sdug bsngal dang / kun 'byung dang / 'gog pa dang / lam mo/ /sdug bsngal ni 'bras bur gyur pa'i gzugs la sogs pa'i phung po ste/ 'bras bur gyur pa'i sems can gyi 'jig rten gyis yang dag par bsdus pa'o//kun 'byung ni de dang 'dra bar sdug bsngal bskyed pa'i rgyur gyur pa'i gzugs la sogs pa'i phung po de rnams nyid de/ rgyur gyur pa'i sems can gyis yang dag par bsdus pa'o/ /'gog pa ni sdug bsngal zad pa mya ngan las 'das pa ma skyes pa mi 'gag pa bya ba med pa las dang nyon mongs pa dang skye ba'i mi mthun par gyur pa 'jigs pa thams cad rab tu bcom pa phun sum tshogs pa thams cad kyi rgyur gyur pa yod pa thams cad dang bral ba'i mtshan nyid du grub pa zhes brjod pa'i dngos po'i bye brag ni mya ngan las 'das par 'dod do//lam ni 'gog pa'i rgyu ste/ yang dag pa'i lta ba la sogs pa tshul khrims dang ting nge 'dzin dang shes rab kyi bdag nyid kyi 'phags pa'i lam yan lag brgyad ni lam gyi bden pa zhes pa ste bye brag tu smra ba'o/ /de la gzung ba dang 'dzin pa'i rang bzhin gyi dngos po'i chos thams cad kyi sgra'i brjod bya 'phags pa'i bden pa bzhir bye brag tu smra ba la sogs pas kun du brtags pa'i tshul de rnams thams cad ni byang chub sems dpas don dam par rang bzhin med cing kun rdzob tu thams cad snang bar shes par bya'o//'khor ba pa dang / slob pa dang /nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas dang / mya ngan las 'das pa dang / gal te de las ches khyad par du 'phags pa'i chos gcig yod na yang zhes pa'i phyogs 'di yang kun du brtags pa'i tshul gyis 'di dag thams cad rang bzhin med cing kun rdzob tu rnam par gzhag par rtogs par bya ste/chos de dag thams cad ni gzung ba dang 'dzin pa med par de dang de'i rnam par gsal bar yongs su gyur pa'i bdag nyid kyi gnas skabs su gnas pa nyid kyi phyir ro/ / de yang rnam par shes pa yongs su gyur pa nyon mongs pa dang bcas pa'i 'khor ba'i gnas skabs 'bras bur gyur pa ni sdug bsngal gyi bden pa'o/ /de nyid yongs su gyur pa de dang 'dra ba 'jig rten pha rol gyi rgyur gyur pa ni kun 'byung gi bden pa'o/ /de nyid yongs su gyur pa mtshan dang dpe byad 'bar ba skyon med cing yon tan byed pa ni 'gog pa'i bden pa'o//rnam par shes pa yongs su gyur pas pha rol tu phyin pa bcu yang dag par 'dus pa ni lam gyi bden par gnas pa ste/ 'phags pa'i bden pa bzhi rnams so/ /rnam par shes pa yongs su gyur pa de yang don dam par sgyu ma'am zhes bya ba la sogs pa ni rtsod pa'i sa'o//tshu rol gyi gnas la gnas pa mu stegs mtha' dag dang / bye brag tu smra ba dang / mdo sde pa rnams dang / mthun pa theg pa chen po la gnas pa rnams kyis ni don logs shig tu 'dod pa de rnams las ring du 'das pa'o zhes pa ni 'phags pa'i bden pa bzhi la gdams pa'o//sangs rgyas la sogs dkon mchog gsum/ /zhes pa ni sangs rgyas dkon mchog dang / chos dkon mchog dang / dge 'dun dkon mchog ces pa ste dkon mchog gsum mo/ /shin tu rnam par dag par rtags pa'i gzung ba dang 'dzin pas stong pa nyid mngon sum du mdzad pa dang /stobs dang mi 'jigs pa la sogs pa sangs rgyas kyi chos mtha' dag gi rten du gyur pa gzhan bems po las rnam par log pa'i mtshan dang dpe byad du 'bar ba'i longs spyod rdzogs pa'i bdag nyid dang / sprul pa sna tshogs pas 'gro ba'i don mdzad pa zhes pa ste/chos dang longs spyod rdzogs pa dang sprul pa ste/ sku gsum gyi bdag nyid ni de bzhin gshegs pa'o zhes rtogs par byed pa ni sangs rgyas dkon mchog la gdams pa'o/ /dam pa'i chos ni rnam pa gnyis te/ ston pa'i lung dang / rtogs pa'i bdag nyid ces pa ste/lung la sangs rgyas dang / byang chub sems dpa' dang / nyan thos dang / rang sangs rgyas dang / slob pa rnams kyis byang chub kyi phyogs tshad med pa la sogs pa la rtogs pa dang bcas pa'i yid kyi yon tan dang / de rjod par byed pa gsung rab yan lag bcu gnyis kyi chos kyang nges par byed pa ni chos dkon mchog la gdams pa'o//byang chub sems dpa'i sdom pa blangs pa so so'i skye bo nas gzung ste ji srid sa bcu pa la rab tu zhugs pa'i sna tshogs pa'i rab tu dbye bas phye ba'i blo dang ldan pa bdag nyid chen po de rnams ni byang chub sems dpa'i dge 'dun no//dge slong gi sdom pa blangs pa so so'i skye bo nas gzung ste ji srid khams gsum na 'dod chags dang bral ba gang zag chen po brgyad la sogs pa'i dbye bas phye ba nyid chen po de rnams thams cad ni nyan thos kyi dge 'dun no zhes nges par byed pa ni dge 'dun dkon mchog la gdams pa'o//dkon mchog gsum po de rnams la gdams pa'o/ /ma zhen zhes pa ni bsod nams dang ye shes kyi tshogs bskyed pa la zhugs pa'i byang chub sems dpa' de ni mi mthun pa'i yul rnams la ma zhen pa ni mi ldan pa ste/ phung po lnga la sogs pa'i dngos po thams cad mi dmigs pas de las ldog pa ni ma zhen par gdams pa'o//yongs su mi ngal zhes pa ni bskal pa grangs med pa gsum gyi yun gyis yang dag par rdzogs pa'i byang chub thob par bya ba la lus dang ngag dang sems yongs su ngal bar gyur pa de yang gzung ba dang 'dzin par sgro btags pa las gyur pa ste/de bas na thams cad gnyis su med cing sna tshogs kyi rnam par gsal ba tsam gyi bdag nyid do zhes sna tshogs rnams 'di ltar nges par byed pa ni yongs su mi ngal bar gdams pa'o/ /lam ni yongs su 'dzin pa zhes pa ni ji ltar yongs su gyur pa'i de kho na nyid rtogs pa sngon du song nas tshogs mtha' dag la goms par byed pa ni lam ste/de'i rnam par dbye ba thams cad rtogs par bya ba'i don du phyogs bcu'i 'jig rten gyi khams na bzhugs pa'i sangs rgyas la sogs pas gsungs pa 'dzin pa ni lam yongs su 'dzin pa la gdams pa'o//spyan lnga zhes pa la sha'i spyan gyis ni dngos po so sor nges pa rnams 'dzin to/ /rnam par smin pa'i spyan gyis ni sems can thams cad kyi skye ba dang 'chi ba 'dzin to/ /shes rab kyi spyan gyis ni ji ltar gnas pa'i dngos po'i de kho na nyid 'dzin par byed do//chos kyi spyan gyis ni 'phags pa'i gang zag thams cad 'dzin no/ /sangs rgyas kyi spyan gyis ni chos thams cad kyi rnam pa kun 'dzin te/ 'di dag thams cad shes pa'i snang ba'i bdag nyid du nges par byed pa ni spyan lnga la gdams pa'o//mngon shes drug gi yon tan zhes pa la/ rdzu 'phrul gyi mngon par shes pa ni sa g.yo ba la sogs par byed pa'i bya ba'o/ /lha'i rna ba'i mngon par shes pa ni 'jig rten gyi khams thams cad du gnas pa'i phra ba dang chen po'i sgra thams cad thos par byed pa'i bya ba'o/ / gzhan gyi sems shes pa'i mngon par shes pa ni 'dod chags dang bcas pa la sogs pa'i gzhan gyis sems shes pa'i bya ba'o/ /sngon gyi gnas rjes su dran pa'i mngon par shes pa ni rang dang gzhan sna tshogs pa'i skye ba rjes su dran pa'i bya ba'o/ /mngon par 'dus byas pa can gyis lha'i mig gi mngon par shes pa ni gzugs thams cad yongs su shes pa'i bya ba'o//zag pa zad pa shes pa'i mngon par shes pa ni nyon mongs pa dang shes bya'i sgrib pa rnams spong ba'i bya ba'o/ /'di rnams thams cad nyid ni de dang de'i sems kyi rnam pa'i bdag nyid do zhes nges par byed pa ni mngon par shes pa drug la gdams pa'o//mthong lam zhes pa ni bye brag tu smra ba la gnas pas sdug bsngal dang kun 'byung dang 'gog pa dang lam gyi bden pa rnams la so sor chos shes pa'i bzod pa dang / chos shes pa dang / rjes su shes pa'i bzod pa dang /rjes su shes pa zhes pa ste skad cig ma bcu drug gi bdag nyid ni mthong ba'i lam du 'dod do/ /de yang byang chub sems dpas rmi lam lta bur chos thams cad lhag par mos par byas te/ de la spang bar bya ba'i dngos po'i gnyen po'i phyogs bsgom par bya zhes slob pa ni mthong ba'i lam la gdams pa'o//mthong ba'i lam gyi yul du byas pa'i dngos po'am gzhan yang rung ste/ yang nas yang du yid la goms par byed pa ni bsgom pa'i lam ste/ de yang rmi lam la sogs pa lta bu ste/ spang bar bya ba'i dngos po dang de'i gnyen po'i phyogs nyid bsgom par bya zhes nges par byed pa ni bsgom pa'i lam la gdams pa'o//dge 'dun ni 'phags pa dang 'phags pa ma yin pa dang / nyan thos dang byang chub sems dpa' rnams thun mong du gsungs so/ /da ni 'phags pa nyan thos dang thun mong gi rab tu dbye ba bstan pa'i phyir gsungs pa/dbang po rtul dang rnon po dag /dad dang mthong thob rigs nas rigs/ /bar chad gcig par skyes nas dang / /byed dang byed med 'og min 'gro/ /'phar gsum srid rtse'i mthar thug 'gro/ /gzugs kyi 'dod chags bcom pa dang / /mthong thos zhi lus mngon sum byed//bse ru dang ni nyi shu'o/ /zhes pa dang 'dir nyi shu tham pa ni 'phags pa dang gang zag la dam bcas pa ste/ dad pas mos pa dang / mthong bas thob pa dang / rgyun tu zhugs pa dang / lha'i rigs nas rigs dang / mi'i rigs nas rigs dang / lan cig phyir 'ong ba'i 'bras bu la so sor zhugs pa dang /lan cig phyir 'ong ba dang / bar chad gcig pa dang / phyir mi 'ong ba'i 'bras bu la so sor zhugs pa dang / bar ma dor yongs su mya ngan las 'da' ba phyir mi 'ong ba dang / skye nas yongs su mya ngan las 'da' ba phyir mi 'ong ba dang /mngon par 'du byed pa dang bcas par yongs su mya ngan las 'da' ba phyir mi 'ong ba dang / mngon par 'du byed pa med par yongs su mya ngan las 'da' ba phyir mi 'ong ba dang / 'phar ba phyir mi 'ong ba dang / phyed du 'phar ba phyir mi 'ong ba dang / gnas thams cad du 'phar ba phyir mi 'ong ba dang /mthong ba'i chos la zhi ba phyir mi 'ong ba dang / lus kyis mngon sum du byed pa phyir mi 'ong ba dang / dgra bcom pa'i 'bras bu la so sor zhugs pa dang / nyan thos kyi sangs rgyas ni sangs rgyas dkon mchog gi nang du 'dus pas na rang sangs rgyas dang zhes pa ste nyi shu'o//'di ni tshig bcad gnyis las/ dad dang mthong thob ces pa gnyis ni rab tu dbye bar gsungs so/ /dbang po rtul dang rnon po dag /ces pa ni 'di dag gi bye brag tu gyur pas rab tu dbye bar bgrang bar ni mi bya'o/ /rgyun du zhugs pa ni rab tu dbye bar don gyis shes par bya'o//lha'i rigs nas rigs dang / mi'i rigs nas rigs ni dngos su rab tu dbye bar gsal lo/ /'bras bu gnyis pa la so sor zhugs pa dang / 'bras bu gnyis pa la gnas pa rab tu dbye bar don gyis shes par bya'o/ /bar chad gcig pa ni rab tu dbye bar tshig gis gsal lo//'bras bu gsum pa la so sor zhugs pa ni rab tu dbye bar don gyis shes par bya'o/ /bar ma do dang / skyes nas dang / byed dang byed med/ 'og min zhes pa la bar dor zhes pa ni bar ma dor yongs su mya ngan las 'da' ba'o/ /skyes nas zhes pa ni skyes nas yongs su mya ngan las 'da' ba'o//byed dang zhes pa ni mngon par 'du byed pa dang bcas par yongs su mya ngan las 'da' ba'o/ /byed med ces pa ni mngon par 'du byed pa med par yongs su mya ngan las 'da' ba zhes pa ste/ ming gi phyogs gcig gis phyir mi 'ong ba bzhi po rnams gsungs so//'og min zhes pa ni 'di rnams kyi khyad par yin pas rab tu dbye ba ni ma yin no/ /'phar gsum zhes pa ni phyir mi 'ong ba'i rab tu dbye ba'o/ /srid rtse'i mthar thug 'gro dang / gzugs kyi 'dod chags bcom pa zhes pa 'di rnams kyang rab tu dbye ba ma yin no//mthong chos zhi ba dang / lus kyis mngon sum du byed pa zhes pa ni rab tu dbye bar tshig gis gsal lo/ /dgra bcom pa'i 'bras bu la so sor zhugs pa ni rab tu dbye bar don gyis shes par bya'o/ /nyan thos kyi sangs rgyas sangs rgyas dkon mchog gi nang du 'dus pa'i phyir na rang sangs rgyas dang bcas pas gang zag nyi shu'o//da ni nges par 'byed pa'i yan lag brjod par bya ste/ nges par 'byed pa ni 'dir rnam par rtog pa med pa'i skad cig ma bcu drug gi bdag nyid kyi mthong lam mo/ /de'i yan lag ni rgyu ste/ rnam pa bzhi bsgom pa'i rang bzhin gyis gong nas gong du khyad par du 'phags pa ste/de rnams rim pa ji lta ba bzhin du drod dang rtse mo dang bzod pa dang chos kyi mchog ces pa ste/ drod thob pa dang / rtse mo thob pa dang / bzod pa thob pa dang / chos kyi mchog thob pa zhes pa'o/ /nges par 'byed pa'i cha dang mthun pa de yang brjod par bya ste/'di rnams ni nyan thos rnams la yang yod/ byang chub sems dpa' rnams la yang yod de/ de la nyan thos la sogs pa'i nges par 'byed pa'i cha dang mthun pa rnams kyi dmigs pa ni bden pa bzhi po rnams so/ /rnam pa ni mi rtag pa la sogs pa ste/sdug bsngal gyi bden pa ni mi rtag pa/ sdug bsngal ba/ stong pa/ bdag med pa'i mtshan nyid do/ /kun 'byung gi bden pa ni kun 'byung ba rgyu rkyen rab tu skye ba'i rang bzhin no/ /'gog pa'i bden pa ni 'gog pa/ zhi ba/ gya nom pa/ nges par 'byung ba'i bdag nyid do//lam gyi bden pa ni lam/ rigs pa/ sgrub pa nges par 'byin pa'i rang bzhin zhes pa ste/ nyan thos la sogs pa'i dmigs pa dang rnam pa'o/ /byang chub sems dpa' rnams kyi drod la sogs pa so sor chung ngu dang 'bring dang chen po'i dbye bas rnam pa bcu gnyis su 'gyur te/nyan thos kyi lam drod la sogs pa las gang zhig gis khyad par du 'phags par gyur pa ste/ de rnams bstan pa'i phyir gsungs pa/ dmigs pa dang ni rnam pa dang / /rgyu dang yongs su 'dzin pa yis/ /byang chub sems dpa' skyob pa yi/ /drod sogs bdag nyid ji bzhin du//rnam rtog bzhi po ldan rten pa/ /chung dang 'bring dang chen po rnams/ /nyan thos bse ru lta bu dang / /bcas pa dag las khyad par 'phags/ /shes pa la/ dmigs pa dang / rnam pa dang / theg pa gsum char thob pa'i rgyu dang / thabs la mkhas pa'i dge ba'i bshes gnyen gyi mtshan nyid yang dag par yongs su 'dzin pa dang /rnam par rtog pa bzhi spong ba'i sbyor ba dang ldan pa dang / byang chub sems dpa' dang 'brel ba'i drod la sogs pa chung ngu dang 'bring dang chen pos khyad par du 'phags pa'o/ /gang las she na gsungs pa/nyan thos bse ru lta bu dang / /bcas pa dag las khyad par 'phags/ /zhes pa ste/ nyan thos dang rang sangs rgyas dang 'brel pa'i drod la sogs pa las zhes pa'i don to/ /drod chung ngu'i dmigs pa dang rnam pa bshad par bya ste/ dmigs pa mi rtag la sogs pa/ / bden pa'i rten can de yi ni/ /rnam pa mngon zhen la sogs 'gog /ces bya ba la/ dmigs pa zhes pa ni dmigs pa'i chos rnams te/ dmigs par byed cing yul du byed pas na'o/ /'dir sdug bsngal la sogs pa bden pa bzhi'i chos can la/ de'i rnam pa mi rtag pa la sogs pa bcu drug gi chos ni dmigs pa'o//dmigs pa ste de rnams nyid la mngon par zhen pa la sogs 'gog ces pa la sogs kyi sgras gzhan yang sgro btags pa'i chos rnams so/ /'gog ces pa ni mngon par zhen pa med par chos can dang chos rnams bsal ba tsam nyid do//gzhan du yang dngos po med pa'i sgras dngos po'i khyad par ro/ /mi dmigs pa'i sgras dmigs pa'i khyad par te/ rigs pa rjes su tshol ba rnams kyis sbyar bar bya'o/ /de la sgyu ma lta bu'am/ sgyu ma lta bu ma yin zhes pa ni rtsod pa'i sa'i bye brag ste phyis bstan zhing gsal bar bya'o//thams cad nas thams cad du med pa tsam ni khas blang bar mi bya ba nyid do/ /theg pa gsum char thob pa'i rgyu zhes pa ni byang chub sems dpa' rnams kyi drod la sogs pas theg pa gsum char gyi 'bras bu de yang thob pa'i rgyu nyid do/ /nyan thos la sogs pa'i drod la sogs pas rang rang gi theg pa de'i 'bras bu thob pa'i rgyu nyid do//drod 'bring po'i dmigs pa dang rnam par brjod pa ni/ gzugs sogs skye 'jig ces pa ni dmigs pa'o/ /gnas bral dang zhes pa ni rnam pa'o/ /gzugs la sogs pa'i phung po dang skye mched dang khams rnams kyi skye ba dang 'jig pa ni skye 'jig ste/gnas 'gog ces pa ni dmigs pa'o/ /'gog pa'i sgra ni snga ma'i snyegs sa rtsa ba nyid kyis so/ /rjod par byed pa'i sgra rnams kyi rgyun 'dra ba med pa'i gnas skabs rnams ni gnas bral lo/ /rgyun 'dra ba'i gnas skabs rnams ni gnas pa zhes pa ste/gnas bral dang gnas dag 'gog pa'i zhen pa ni gnas so/ /drod chen por gyur pa'i dmigs pa dang rnam pa gsungs pa/ btags dang brjod du med ces pa la btags pa ni dmigs pa'o/ /brjod du med pa ni rnam pa'o/ /de'i don ni 'di yin te/ gzugs la sogs pa'i phung po dang skye mched dang khams rnams dang sangs rgyas dang byang chub sems dpa' la sogs pa'i chos thams cad ni rang bzhin gyis ma skyes pa nyid de/gzung ba dang 'dzin pa las grol ba bdag nyid so so'i rigs pa sna tshogs de rnams ni gsal ba'i rgyud tsam gyi bdag nyid do//de'i phyir gzugs la sogs pa'i bdag nyid kyi chos thams cad ni btags par yod par grub ste/ rang rig gi sems su snang ba nyid la sgro btags shing tha snyad du bya zhes pa ni dmigs pa'o/ /de rnams btags par grub pa nyid kyi dge ba dang mi dge ba la sogs pa thams cad ni rang bzhin gyis brjod du med ces pa ni rnam pa'o//rnam par mi rtog pa'i ye shes kyi me'i sngon du 'byung bas na drod ces pa ste/ rnam pa gsum mo/ /rtse mo chung ngu'i dmigs pa dang rnam pa gsungs pa/ gzugs sogs mi gnas de rnams ni//de yi ngo bor rang bzhin med/ /de dag gcig gi rang bzhin gcig /de mi rtag sogs par mi gnas/ /zhes pa la/ tshigs su bcad pa dang po 'di'i phyed kyis ni dmigs pa bstan to/ /phyi ma phyed kyis ni de'i rnam pa bstan to/ /gang gi phyir de rnams ni gzugs la sogs pa'o//de'i ngo bor ni gzugs la sogs pa'i ngo bor ro/ /rang bzhin med ni dngos por ma grub pa'o/ /de'i phyir gzugs sogs ni gzugs kyi phung po la sogs pa'o/ /mi gnas ni khams mi len pa ste dmigs pa bstan to/ /de dag ni gzugs la sogs pa ste/ de la stong pa nyid du gcig pa ni phan tshun rang bzhin gcig pa nyid kyis so/ /de bas na gzugs la sogs pa mi rtag pa dang rtag pa la sogs par mi gnas zhes pa ste/ khas ma blangs zhes pa ni rnam pa'o/ /rtse mo 'bring po'i dmigs pa dang rnam pa brjod par bya ste/de rnams de'i ngo bos stong / /de dag gcig gi rang bzhin gcig /ces pa ni dmigs pa'o/ /chos rnams mi 'dzin gang yin dang / /zhes pa ni rnam pa'o/ /de rnams shes pa ni gzugs la sogs pa'i phung por gyur pa rnams te/ mi rtag pa dang / sdug bsngal ba dang /stong pa dang / bdag med pa la sogs pa rnams so sor gzugs stong pa dang / de'i ngo bos stong zhes pa ni mi rtag pa la sogs pa'i rang bzhin de'i ngo bor stong pa nyid do/ /des na mi rtag pa la sogs pa dang / stong pa dag gcig pa ni phan tshun rang bzhin gcig pa nyid kyis shes pa dmigs pa'o//chos rnams ni gzugs la sogs pa'i phung po rnams kyis de kho na nyid rang bzhin gyis 'od gsal ba'o/ /gang zag rjes su mi 'dzin pa de ni rnam pa'o/ /da ni gzugs la sogs pa rang bzhin gyis 'od gsal ba rtse mor gyur pa chen po de'i dmigs pa dang rnam pa brjod par bya ste/de la mtshan mar mi mthong phyir/ /zhes pa ni dmigs pa'o/ /thams cad dmigs su med par ni/ /shes rab kyis ni yongs brtag pa/ /zhes pa ni rnam pa'o/ /de rnams ni gzugs la sogs pa rang bzhin gyis 'od gsal ba de nyid do/ / mtshan ma ni dbye ba'i skabs kyi rgyur gyur pa'i sa yang dag par mthong ba ni sgro mi 'dogs pa ste dmigs pa'o/ /thams cad ni brtags pa'i chos thams cad do/ /dmigs su med par ni gnyis su med par dmigs pa'i bdag nyid do/ /yongs su rtogs pa ni rang bzhin rjes su dpyod ces pa ste/rnam pa dgu ni dge ba'i rtsa ba g.yo ba'i rtse mor gyur pa nyid kyi rtse mor gyur pa rnam pa gsum mo/ /bzod pa chung ngu'i dmigs pa dang rnam pa brjod par bya ste/ gzugs sogs ngo bo nyid med nyid/ /de med pa nyid ngo bo nyid/ /ces pa la/ gzugs sogs ngo bo nyid med ces pa ste dmigs pa'o//de rnams ni gzugs la sogs pa dngos po med pa'o/ /ngo bos stong pa ni brtags pas stong pa de'i rang bzhin te/ gzugs la sogs pa stong pa ni ma yin zhes pa rnam pa'o/ /bzod pa 'bring gi dmigs pa dang rnam pa brjod par bya ste/de dag skye med nges 'byung med/ /ces pa ni dmigs pa'o/ /dag dang zhes pa ni rnam pa'o/ /'dir yang gzugs sogs shes pa la snyeg pa ste skye med ces pa ni gzugs la sogs pa skye ba med pa'o/ /nges 'byung med ces pa ni gzugs la sogs pa rlag pa med pa'o//bdag dang zhes pa ni gzugs la sogs pa dag pa'o/ /bzod pa chen po'i dmigs pa dang rnam pa brjod par bya ste/ de rnams mtshan ma med ces pa ni dmigs pa ste/ de rnams zhes pa ni gzugs la sogs pa'o/ /mtshan ma med pa nyid ni de rnams mtshan ma med pa'o//de yi mtshan mar mi brten pas/ /mos min 'du shes med pa yin/ /zhes pa ni rnam pa'o/ /de'i ni gzugs la sogs pa rnams so/ /mtshan ma ni dbye ba'i tha snyad kyi rgyu'o/ /de la mi brten pa ni de rnams la mtshan ma med pa'o/ /gzugs la sogs pa'i mtshan nyid la mi brten pa'o//dngos po med pas na mos min ni khas mi len pa'o/ /'du shes med ni mtshan ma yongs su 'dzin pa'i dngos po med pa'o/ /chos chen po la bzod pas na bzod pa ste rnam pa gsum mo/ /chos mchog chung ngu'i dmigs pa dang rnam pa brjod par bya ste/ting nge 'dzin zhes pa ni dmigs pa'o/ /de'i byed pa zhes pa ni rnam pa ste/ mdo las ji ltar gsungs pa/ dpa' bar 'gro ba dang / nam mkha' mdzod dang / dri ma med pa dang / seng ge rnam par rol pa la sogs pa'i ting nge 'dzin ni dmigs pa'o/ /ting nge 'dzin de'i byed pa ni myur bar mngon par rdzogs par byang chub cing dka' ba med par 'gro ba'i byed pa zhes pa ni rnam pa'o//chos mchog 'bring gi dmigs pa dang rnam pa brjod par bya ste/ lung ston zhes pa ni dmigs pa'o/ /rlom pa zad ces pa ni rnam pa'o/ /de ltar sku gsum gyi bdag nyid kyi de bzhin gshegs pa sangs rgyas nyid du thog mar lung ston pa ni dmigs pa'o//byang chub sems dpa' bdag ni rnam rtog thams cad las 'das pa zhes pa'i nga rgyal zad pa ni rnam pa'o/ /chos mchog chen po'i dmigs pa dang rnam pa brjod par bya ste/ gsum po gcig gi ngo bor gcig /ces pa ni dmigs pa'o/ /ting nge 'dzin rnam par mi rtog pa zhes pa ni rnam pa'o/ /byang chub sems dpa' dang ting nge 'dzin dang shes rab kyi pha rol tu phyin pa rnams phan tshun rang bzhin gcig pa zhes pa ni dmigs pa'o/ /byang chub sems dpa' de yang ting nge 'dzin la sogs pa de la rnam par rtog par mi byed ces pa ni rnam pa'o//'jig rten pa'i chos thams cad las shin tu 'das pa'i chos kyi mchog ste rnam pa gsum mo/ /de ltar nges par 'byed pa'i cha dang mthun pa bzhi po rnams so sor chung ngu dang 'bring dang chen po'i dbye bas rnam pa bcu gnyis su shes par bya'o//'chad par 'gyur ba'i mthong ba dang bsgom pa'i lam gyi mi mthun pa'i phyogs su gyur pa nyid kyis spang bar bya ba'i rnam par rtog pa bzhi spong ba'i yang dag pa'i sbyor ba brjod pa'i phyir gsungs pa/ gzung bar rtog pa rnam pa gnyis//gzhi dang de yi gnyen po yis/ /rmongs dang phung sogs dbye ba yis/ /de ni so sor rnam pa dgu/ /zhes pa la/ gzung ba'i rnam rtog de ni rnam pa gnyis te/ kun nas nyon mongs pa la brten pa dang / gnyen po'i phyogs kyi dngos po la brten pa'o/ / kun nas nyon mongs pa'i dngos po de yang rnam pa dgu yin pa nyid kyis de'i rnam par rtog pa yang rnam pa dgu'o/ /gnyen po'i phyogs kyi dngos po yang rnam pa dgu yin pa nyid kyis de'i rnam rtog kyang rnam pa dgu zhes pa ste/ gzung ba'i rnam rtog ni so sor rnam pa dgu'o/ /de la mi rig pas yongs su bslang ba'i yul nyid kyis na ma rig pa'i rnam par rtog pa'o//phung po'i rnam par rtog pa dang ming dang gzugs la mngon par zhen pa'i rnam par rtog pa dang mtha' gnyis la zhen pa'i rnam par rtog pa dang / kun nas nyon mongs pa dang rnam par byang ba mi shes pa'i rnam par rtog pa dang /'phags pa'i lam la mi gnas pa'i rnam par rtog pa dang / dmigs pa'i rnam par rtog pa dang / bdag la sogs par rnam par rtog pa dang / rnam par dag pa skye ba la sogs par rnam par rtog pa ste/ kun nas nyon mongs pa'i dngos po la gnas pa'i rnam par rtog pa dgu'o//de bzhin du phung po'i don du rnam par rtog pa dang / skye mched du rnam par rtog pa dang / khams su rnam par rtog pa dang / rten cing 'brel bar 'byung bar rnam par rtog pa dang / stong pa'i don la rnam par rtog pa dang / pha rol tu phyin pa la rnam par rtog pa dang /mthong ba'i lam la rnam par rtog pa dang / bsgom pa'i lam la rnam par rtog pa dang / mi slob pa'i lam la rnam par rtog pa ste/ gnyen po'i phyogs kyi dngos po la brten pa'i rnam par rtog pa yang rnam pa dgu'o/ /bdag sogs rang dbang ngo bo dang / /de bzhin phung sogs rten sgo nas//rdzas dang btags pa'i rten can gyis/ /'dzin pa'i rnam pa gnyis su 'dod/ /ces pa la/ 'dzin pa'i rnam par rtog pa yang rnam pa gnyis te/ rdzas kyi bdag nyid du gnas pa dang / btags pa'i bdag nyid du gnas pa'o/ /rdzas kyi bdag nyid kyang 'chad par 'gyur ba rang dbang la sogs pa'i dbye ba rnam pa dgu nyid kyis de'i yul can gyi rnam par rtog pa yang so sor rnam pa dgu'o//btags pa'i bdag nyid du grub pa yang phung po la sogs pa la brten pa'i sgo nas rnam pa dgu nyid kyi de'i yul can nyid kyis rnam par rtog pa yang rnam pa dgu'o//'di nyid gsungs pa/ de bzhin zhes pa ste/ ji ltar gzung ba'i rnam rtog so sor rnam pa dgu yin pa de ltar 'dzin pa'i rnam rtog kyang zhes pa'i don to/ /de bdag rang dbang can du rnam par rtog pa dang / gcig pur rnam par rtog pa dang / rgyur rnam par rtog pa dang / lta ba po la sogs pa'i bdag tu rnam par rtog pa dang / kun nas nyon mongs par rnam par rtog pa dang / bdag 'dod chags dang bral ba'i gzhir rnam par rtog pa dang / bdag mthong ba'i lam gyi gzhir rnam par rtog pa dang / bsgom pa'i lam gyi gzhir rnam par rtog pa dang / don byas pa'i gzhir rnam par rtog pa ste/rdzas kyi rang bzhin la brten pa'i rnam par rtog pa rnam pa dgu'o/ /phung por btags pa'i rnam par rtog pa dang / skye mched du btags pa'i rnam par rtog pa dang / khams su btags pa'i rnam par rtog pa dang /rten cing 'brel par 'byung bar btags pa'i rnam par rtog pa dang / rnam par byang bar btags pa'i rnam par rtog pa dang / mthong ba'i lam du btags pa'i rnam par rtog pa dang / bsgom pa'i lam du btags pa'i rnam par rtog pa dang / khyad par gyi lam du btags pa'i rnam par rtog pa dang /mi slob pa'i lam du btags pa'i rnam par rtog pa zhes pa ste/ btags pa'i rang bzhin du gnas pa'i rnam par rtog pa rnam pa dgu'o/ /sngon du mdor bstan pa'i yongs su 'dzin pa de rgyas par bstan pa'i dus la babs pas gsungs pa/sems mi 'gong ba nyid sogs kyis/ /ngo bo nyid med sogs ston byed/ /de yi mi mthun phyogs bor ba/ /rnam pa kun du yongs 'dzin yin/ /zhes pa la/ sems zhes pa ni slob ma'i sems so/ /mi 'gong ba ni bsod nams dang ye shes kyi tshogs bskyed pa la ma zhum pa'o//sogs pa'i sgras ji ltar dman par mi 'gyur ba'o/ /de bzhin du yang dag pa thabs la mkhas pas rang bzhin med pa la sogs pa ston pa'o/ /rang bzhin med pa ni btags pa'i gzung ba dang 'dzin pas stong pa yin gyi/ thams cad du chad pa nyid ni ma yin no/ / sogs pa'i sgras ni bsod nams kyi ste de gnyis ka yang ston pa'o/ /de'i khyad par ji lta bu zhe na/ gsungs pa/ de yi mi mthun phyogs bor ba/ /zhes pa la/ bsod nams dang ye shes kyi tshogs de dag gi gang zhig mi mthun pa'i phyogs ni ser sna la sogs pa dang / ma rig pa la sogs pa'o//de dag bor ba ni gang zhig de'i mi mthun pa'i phyogs de dag bor nas bsod nams dang ye shes kyi tshogs de dag ston pa'o/ /de dag nye bar bskyed pa po ser sna la sogs pa'i nyes pa dang bral ba'i skyes bu'i khyad par yang dag par yongs su 'dzin pa dge ba'i bshes gnyen zhes pa'i don to//da ni sgrub pa'i rten brjod par bya ste/ sgrub pa ni rten byang chub kyi spyod pa'o/ /rten ni gzhi'o/ /de nyid gsungs pa/ rtogs pa yi ni chos drug dang / /gnyen po dang ni spong ba dang / /de dag yongs su gtugs pa dang / /shes rab snying brtser bcas pa dang //slob ma thun mong min nyid dang / /gzhan gyi don gyi go rims dang / /ye shes rtsol ba mi mnga' bar/ /'jug pa'i rten la rigs zhes brjod/ /ces pa la/ drod la sogs pa bcu gsum gyi rtogs pa'i chos kyi mtshan nyid kyi sgrub pa'i rten ni rigs te thog mar byang chub tu sems bskyed pa'i byang chub sems dpar brjod do//chos kyi dbyings ni dngos por ma grub pa nyid kyis dngos su rigs ma yin te/ 'on kyang dmigs pa yin pa nyid kyis rigs zhes brjod do/ /rgyu'i don gyis rigs kyi don te/ ji skad gsungs pa'i byang chub sems dpa' nyid do//rtogs pa'i chos drug ces pa ni drod dang / rtse mo dang / bzod pa dang / chos kyi mchog dang / mthong ba'i lam dang / bsgom pa'i lam zhes pa ste/ chos rnam pa drug rtogs pa'o/ /gnyen po dang ni spong ba dang / /zhes pa la gnyen po'i phyogs dang mi mthun pa'i phyogs de dag ni gnyen po'i phyogs dang mi mthun pa'i phyogs so//yongs su gtugs pa ni rtogs pa brtan pa'am/ rnam par rtog pa zad pa ste/ de dag gcig tu bgrang ngo / /shes rab snying brtser bcas pa zhes pa la snying rjes yongs su zin pa'i shes rab ste/ de dag kyang gcig tu gsal lo//slob ma thun mong min nyid dang / /zhes pa ni nyan thos la sogs pa dang thun mong ma yin pa'i chos so/ /gzhan gyi don gyi go rims dang / /zhes pa la/ bsam pa ji lta ba bzhin du theg pa gsum ston pa ni go rims so/ /ye shes rtsol ba mi mnga' bar/ /zhes pa ni sangs rgyas kyi ye shes dka' ba med pas chos bcu gsum rtogs pa'o//gang zhig rigs pa ni 'dir skabs kyis yang dag par rdzogs pa'i byang chub po/ /sgrub pa dang ldan pa'i byang chub sems dpa' de'i rten gyi gnas shes pa'i don to/ /'o na rgyu ba dang mi rgyu bar bcas pa'i sna tshogs rnams ni chos kyi dbyings kyi bdag nyid de/de bas na chos kyi dbyings dang stong pa 'di ni gcig pa nyid kyis na nyan thos kyi byang chub tu sems bskyed pa'i nyan thos kyi byang chub sems dpa' ni nyan thos kyi rigs so zhes pa 'di dang / de ltar nges par rang sangs rgyas kyi rigs dang /yang dag par rdzogs pa'i sangs rgyas kyi rigs zhes pa mi 'thad do/ /chos kyi dbyings la dbyer med phyir/ /rigs ni tha dad rung ma yin/ /zhes rgol ba'o/ /rten pa'i chos kyi bye brag gis/ /de yi dbye ba yongs su brjod/ /ces pa ni lan no/ /chos kyi dbyings thams cad du bye brag med pa yin kyang nyan thos kyi byang chub sems dpa' ni nyan thos nyid rdzogs par byed/bsod nams dang ye shes kyi tshogs kyis chos rnams kyi gzhir gyur pa gang yin pa de rnams de'i rigs so/ /de ltar gang zhig rang sangs rgyas kyi byang chub sems dpa'i chos rnams kyi rten du gyur pa de rnams de'i rigs so//de ltar gang zhig yang dag par rdzogs pa'i sangs rgyas kyi byang chub sems dpa'i chos rnams kyi rten du gyur pa de ni de'i rigs so/ /ji ltar bye brag med pa'i bum pa rnams las la la ni 'bru mar gyi bum pa/ la la ni mar gyi bum pa/ la la ni sbrang rtsi'i bum pa zhes pa lta bu'o//sgrub pa'i rten bshad nas/ da ni dmigs pa brjod par bya ste/ dmigs pa chos rnams thams cad de/ /de yang dge la sogs pa yin/ /'jig rten pa yi rtogs pa dang / /gang dag 'jig rten 'das 'dod dang / /zag bcas zag pa med chos dang / /gang dag 'dus byas 'dus ma byas//slob ma thun mong chos rnams dang / /gang dag thob pa'i thun mong min/ /zhes pa la/ thog mar chos thams cad ni dge ba dang mi dge ba dang lung du ma bstan pa ste/ rnam pa gsum du dbye'o/ /dge ba ni dri ma med pa'i lam mo/ /mi dge ba ni srog gcod pa la sogs pa ste/bde 'gro dang ngan 'gro ster bar byed pa nyid kyis na'o/ /lung du ma bstan pa ni lus kyi las la sogs pa'o/ /dge ba dang mi dge ba dang lung du ma bstan pa de rnams las sa bon rul pa lta bur lung du ma bstan pa'i chos bzhag ste/ dge ba dang mi dge ba'i chos de dag mdor bsdus nas rnam pa bzhir dbye bar bya ste/'jig rten pa dang 'jig rten las 'das pa dang / zag pa dang bcas pa dang zag pa med pa'o/ /de la 'jig rten pa ni byis pa'i skye bo thams cad dang 'brel ba'i phung po lnga la sogs pa'o/ /'jig rten las 'das pa ni 'phags pa'i skye bo thams cad kyis yang dag par bsdus pa'i bsam gtan bzhi la sogs pa'o//zag pa dang bcas pa ni bdag tu lta ba'i gnyen po ma yin pa nye bar len pa'i phung po lnga la sogs pa'o/ /zag pa med pa ni bdag tu lta ba'i gnyen po dran pa nye bar gzhag pa la sogs pa'o//yang dge ba dang mi dge ba'i chos de dag rnam pa bzhi ste/ 'dus byas dang / 'dus ma byas dang / slob ma thun mong ba dang / thun mong min par brjod pa'o/ /'dus byas ni rgyu dang rkyen la ltos pa ste/ 'dod pa'i khams la sogs pa'o/ /'dus ma byas ni rgyu rkyen la mi ltos pa ste/stong pa nyid la sogs pa'o/ /slob ma thun mong ni 'phags pa'i rigs thams cad kyis rab tu bsgoms pa'i bsam gtan bzhi la sogs pa'o/ /thun mong min pa ni yang dag par rdzogs pa'i sangs rgyas su gyur pas goms pa'i stobs bcu dang mi 'jigs pa bzhi la sogs pa'o//de ltar na dge ba dang / mi dge ba dang / lung du ma bstan pa ste/ gsum dang / bzhi dang / bzhis dmigs pa rnam pa bcu gcig tu gsungs pa'o/ /sgrub pa'i ched du bya ba brjod par bya ste/ sems can kun mchog nyid sems dang / /spong dang rtogs dang gsum po la/ /chen po gsum gyis rang 'byung gis//ched du bya ba 'di shes bya/ /zhes pa la/ gang dag gi don du bsod nams dang ye shes kyi tshogs bskyed cing sog pa de ched du bya ba'o/ /de gang gi zhe na/ gsungs pa/ sems can kun mchog ces pa ste/ /sems can thams cad la rnam pa thams cad kyi mchog byed pa ni sems can kun mchog go//de khyad par ji lta bu zhes pa la gsungs pa/ sems dang zhes pa la sogs pa ste/ sems dang / spong ba dang / rtogs pa nyid dang gsum mo/ /de la chen po gsum la sems chen po ni rnam pa thams cad kyis chos thams cad mngon sum du byed pa'o//spong ba chen po ni nyon mongs pa'i sgrib pa dang shes bya'i sgrib pa bag chags dang bcas pa dang bral ba'o/ /rtogs pa chen po ni stobs dang mi 'jigs pa la sogs pa sangs rgyas kyi yon thams cad thob pa'o/ /chen po gsum gyis mtshon pa gang yin pa de ni sems can mchog ste/'di ni sgrub pa'i ched du bya'o/ /rang byung ni yang dag par rdzogs pa'i sangs rgyas yin gyi/ nyan thos la sogs pa ni ma yin no/ /de bas na byang chub sems dpa' rnams kyis de bzhin du bsgrub par bya zhes bstan to/ /sgrub pa'i rten dang /dmigs pa dang / ched du bya ba rnams gsungs nas/ da ni sgrub pa bzhi po rnams brjod par bya ste/ de las sgrub pa'i go cha gsungs pa/ sbyin la sogs pa rnam drug la/ /de rnams so sor bsdus pa yis/ /go cha'i sgrub pa gang yin na/ /drug tshan drug gis ji bzhin bshad//ces pa'o/ /sbyin la sogs pa zhes pa la/ /sbyin pa rnam pa gsum ni rdzas dang / mi 'jigs pa dang chos so/ /dge ba'i chos sdud pa'i tshul khrims dang / sdom pa'i tshul khrims dang / sems can gyi don byed pa'i tshul khrims so/ /sdug bsngal la ji mi snyam pa'i bzod pa dang /gzhan gyis gnod pa byas pa la ji mi snyam pa dang / chos la nges par sems pa'i bzod pa'o/ /sbyor ba'i brtson 'grus dang / mi lhod pa'i brtson 'grus dang / go cha'i brtson 'grus so/ /rang gi skyon spong ba dang / rdzu 'phrul bskyed pa dang / mthong ba'i chos la bde bar gnas pa'i bsam gtan no//thos pa'i rang bzhin gyi shes rab dang / bsam pa'i rang bzhin dang / bsgom pa'i rang bzhin gyi shes rab ces pa ste/ de ltar so sor rnam pa gsum gsum mo/ /pha rol tu phyin pa drug las gcig gi bdag nyid kyang pha rol tu phyin pa rnam pa drug tu rnam par gzhag par bya ste/byang chub sems dpa'i sgrub pa'i go cha yin pas so/ /de la sbyin pa gtong ba dang / de'i 'bras bu nyan thos la sogs pa spong ba dang / nam byang chub ma thob kyi bar du sbyin pa 'di la gtang bar bya zhes pa la sogs par mi sems pa ni chos la nges par sems pa'i bzod pa'o//'di nyid yang nas yang du rang nyid kyang goms par byed cing gzhan rnams la yang ston par spro ba ni brtson 'grus so/ /ser sna la sogs pa yongs su spangs nas sbyin pa de nyid la sems rtse gcig pa ni bsam gtan no/ /sbyin pa de yang dag par rdzogs pa'i byang chub tu yongs su bsngo ba'i dus su 'di dag thams cad ni sgyu ma lta bu'o zhes nges par 'byed pa ni shes rab ces pa ste/sbyin pa'i pha rol tu phyin pa gcig pu nyid kyang pha rol tu phyin pa drug gis so/ /de ltar tshul khrims bsrung ba dang / bzod pa phun sum tshogs par bya ba dang /brtson 'grus brtsam par bya ba dang / bsam gtan nyams su blang ba dang / shes rab bskyed pa ste/ de'i 'bras bu yang sems can thams cad la dbul zhes bsngo bar bya'o zhes pa pha rol tu phyin pa drug nyid kyang pha rol tu phyin pa drug tu 'gyur te/ de bas na drug tshan drug ni sum cu rtsa drug ste go cha'i sgrub pa'o/ /gnyis pa bsgrub pa'i 'jug pa brjod par bya ste/ 'jug pa'i sgrub pa ni byang chub kyi ched du 'gro bar brtsam pa ste/ de yang yul gyi dbye bas rnam pa dgur gsungs so/ /bsam gtan gzugs med sbyin sogs dang / / lam dang byams la sogs pa dang / /dmigs pa med dang ldan pa dang / /'khor gsum rnam par dag pa dang / /ched du bya dang mngon shes drug /rnam kun mkhyen pa'i tshul la ni/ /'jug pa'i sgrub pa theg chen la/ /'dzeg pa yin par shes par bya/ /zhes bya ba ste/ bsam gtan zhes pa ni bsam gtan bzhi ste/rtog pa dang / dpyod pa dang / dga' ba dang / bde ba dang / sems rtse gcig pa ste/ yan lag lnga ni bsam gtan dang po'o/ /nang yongs su dang ba dang / dga' ba dang / bde ba dang / sems rtse gcig pa ste/ yan lag bzhi ni bsam gtan gnyis pa'o/ / btang snyoms dang / dran pa dang / shes bzhin dang / bde ba dang / sems rtse gcig pa ste/ yan lag lnga ni bsam gtan gsum pa'o/ /btang snyoms yongs su dag pa dang / dran pa yongs su dag pa dang / sdug bsngal ba dang / bde ba ma yin pa'i tshor ba dang / sems rtse gcig pa ste/ yan lag bzhi ni bsam gtan bzhi pa'o/ /gzugs med bzhi ni 'dod pa'i khams dang gzugs kyi khams dag las 'dod chags dang bral nas nam mkha' nyid la mtha' yas par dmigs par byed de/ des na nam mkha' mtha' yas skye mched do//de las kyang 'dod chags dang bral nas rnam par shes pa nyid gcig pu la mtha' yas par dmigs te/ de bas na rnam shes mtha' yas skye mched do/ /de las kyang 'dod chags dang bral nas cung zad med pa nyid la dmigs par byed de/ de bas na cung zad med pa'i skye mched do//de nas de las kyang 'dod chags dang bral nas 'du shes med 'du shes med min nyid la dmigs par byed de/ de bas na 'du shes med min mtha' yas skye mched ces pa ste/ bsam gtan gzugs med la sgrub pa'i 'jug pa zhes thams cad du 'dun pa'i mtha' can sbyar bar bya'o//sbyin sogs zhes pa ni ji skad gsungs pa'i pha rol tu phyin pa drug go/ /lam zhes pa ni mthong ba dang / bsgom pa dang / mi slob pa dang / khyad par gyi lam rnams so/ /byams la sogs zhes pa ni byams pa dang / snying rje dang / dga' ba dang / btang snyoms rnams te/sems can thams cad bde ba dang ldan par 'dod pa ni byams pa'o/ /sdug bsngal dang bral bar 'dod pa ni snying rje'o/ /bde ba dang mi 'bral bar 'dod pa ni dga' ba'o/ /sdug bsngal dang bral ba dang ldan par 'dod pa ni btang snyoms te byams pa la sogs pa'o/ / dmigs pa med pa dang ldan pa dang zhes pa ni gzung ba dang 'dzin pa'i dngos por brtags pa mtha' dag mi dmigs pa ste/ gnyis su med par dmigs pa'i rang bzhin no/ /'khor gsum rnam par dag pa dang zhes pa ni sbyin pa po dang / sbyin par bya ba'i dngos po dang / sbyin bya rnams rmi lam lta bu la sogs par so sor snang bas rnam par dag par bya'o//ched du bya dang zhes pa ni sems can thams cad kyi mchog tu bya ba dang / skyon thams cad las grol bar bya ba dang / yon tan thams cad dang ldan pa ste/ des na ched du bya ba ni rnam pa gsum mo/ /mngon shes drug ces pa ni sngon du bshad pa rnams so//rnam kun mkhyen pa'i tshul zhes pa la rnam pa thams cad kyi chos thams cad rtogs pa ni rnam pa kun mkhyen no/ /de'i tshul ni lam mo/ /'dzeg pa ni theg pa chen po la sgrub pa'i 'jug pa ste rnam pa dgur brjod do/ /da ni gsum bsgrub pa'i tshogs brjod par bya ba ste/brtse dang sbyin la sogs pa drug /zhi gnas lhag mthong bcas pa dang / /zung du 'brel pa'i lam gang dang / /thabs la mkhas pa gang yin dang / /ye shes dang ni bsod nams dang / /lam dang gzungs dang sa bcu dang / /gnyen po'i tshogs kyi sgrub pa yi//rim pa yin par shes par bya/ /zhes pa la/ byang chub kyi tshogs su gyur pas tshogs bcu bdun te/ snying rje'i tshogs dang / sbyin pa'i tshogs dang / tshul khrims kyi tshogs dang / bzod pa'i tshogs dang / brtson 'grus kyi tshogs dang / bsam gtan gyi tshogs dang / shes rab kyi tshogs dang / zhi gnas kyi tshogs dang / lhag mthong gi tshogs dang / zung du 'jug pa'i lam gyi tshogs dang / thabs la mkhas pa'i tshogs dang / ye shes kyi tshogs dang / bsod nams kyi tshogs dang / lam gyi tshogs dang / gzungs kyi tshogs dang / sa'i tshogs dang /gnyen po'i tshogs zhes pa'o/ /zhi gnas shes pa ni sems rtse gcig pa'o/ /lhag mthong bcas pa zhes pa ni lhag mthong bcas par 'jug pa'o/ /khyad par du mthong ba ni lhag mthong ste/ shes rab ces pa'i don to/ /zung du 'brel ba'i lam gang zhes pa ni zhi gnas dang lhag mthong dag ni zung ngo //de mnyam par 'jug pa ni zung du 'brel ba'i lam mo/ /thabs la mkhas pa gang yin dang / /zhes pa la/ sangs rgyas nyid kyi thabs ni pha rol tu phyin pa drug ste/ de rnams la mkhas pa ni thabs la mkhas pa'o/ /ye shes zhes pa ni stong pa nyid nyi shu'i ye shes so//bsod nams zhes pa ni sbyin pa dang / tshul khrims dang / bzod pa dang / de'i yul brtson 'grus kyang bsod nams so/ /lam shes pa ni byang chub kyi phyogs kyi chos sum cu rtsa bdun la sogs pa'o/ /gzungs dang zhes pa ni gzungs rnam pa bzhi rnams te/ bzod pa'i gzungs dang / chos kyi gzungs dang / don gyi gzungs dang / sngags kyi gzungs rnams so/ /sa bcu zhes pa ni rab tu dga' ba la sogs pa'o/ /gnyen po zhes pa ni mthong ba dang bsgom pa'i lam dag rnam pa brgyad du 'chad par 'gyur ba'i gnas skabs kyi bye brag gis te/lam de dag nyid kyi mi mthun pa'i phyogs su gyur pa rnam par rtog pa brgyad sun 'byin par byed pa nyid kyis ni gnyen po'i phyogs so/ /stong pa nyid nyi shu brjod par bya ste/ nang dang phyi dang gnyis ka dang / /dngos po stong pa nyid dang ni/ / phyogs dang mya ngan 'das lam dang / /rgyu las skyes dang gzhan pa dang / /mtha' las 'das sogs dor med dang / /rang bzhin dngos po thams cad dang / /skyes sogs chos rnams 'das pa sogs/ /'brel dang gzhan pa'i gzugs dag dang / /nam mkha' stong pa brjod pa dang //chos dang gzhan pa'i dngos po dang / /rang rang ngo bos stong pa nyid/ /stong pa nyi shu tham par 'dod/ /ces pa'o/ /de la stong pa zhes bya ba ni thams cad du 'od gsal ba brtags pa'i rang bzhin nyid kyis stong pa'o zhes bya bar byams pa la sogs pa bzhed do/ /nang zhes pa ni mig la sogs pa'i dbang po lnga'i bdag nyid kyis lus stong pa ste nang stong pa nyid do//phyi zhes pa ni lus la phyi rol gyi gzugs la sogs pa stong pa ste phyi stong pa nyid do/ /gnyis ka zhes pa ni lus las phyi rol ma yin pa dang / lus kyi dbang pos ma khyab pa'i sen mo la sogs pa de dag gi bdag nyid stong pa ste/des na de ni phyi nang stong pa nyid do/ /dngos po stong pa nyid ces pa ni gang zag la sogs pa stong pa ste/ de ni stong pa nyid stong pa nyid do/ /phyogs zhes pa ni phyogs bcu po rnams stong pa ste/ de ni chen po stong pa nyid do/ /mya ngan 'das lam zhes pa ni lam dang bcas pa'i mya ngan las 'das pa stong pa de ni don dam pa stong pa nyid do//rgyu las skyes dang gzhan pa dang / /zhes pa la/ rgyu las skyes pa'i khams gsum po rnams stong pa ste/ de ni 'dus byas stong pa nyid do/ /gzhan ni ma skyes pa la sogs pa ste/ de ni 'dus ma byas stong pa nyid do/ /mtha' las 'das sogs dor med dang //rang bzhin dngos po thams cad dang / /zhes pa la/ mtha' las 'das pa ni rtag pa'i dngos po ste/ de'i stong pa nyid ni mtha' las 'das pa stong pa nyid do/ /sogs pa'i sgras thog ma dang tha ma med pa gzung ste gang la thog ma dang tha ma med pa ste 'khor ba'o/ /de stong pa nyid ni thog ma dang tha ma med pa stong pa nyid do//dor ba ni rnam par g.yeng ba ste/ gang la de med pa ni dor ba med pa ste/ zag pa med pa'i lam mo/ /de'i stong pa nyid ni dor ba med pa stong pa nyid do/ /rang bzhin zhes pa ni chos kyi dbyings [(]ste [,]te [)]de'i stong pa nyid ni rang bzhin stong pa nyid do//dngos po thams cad ces pa ni dngos po thams cad stong pa nyid de/ de'i stong pa nyid ni chos thams cad stong pa nyid do/ /skye sogs chos rnams 'das pa sogs/ /zhes pa la/ skye sogs chos rnams ni 'dus byas kyi dngos po'i skye bo la sogs pa'i chos te/ skye ba dang / gnas pa dang / rgas pa dang / 'chi ba dang / 'dus byas kyi mtshan nyid ces pa'i don to/ /de'i stong pa nyid ni rang gi mtshan nyid stong pa nyid do/ /'das pa la sogs pa ni 'das pa dang / ma 'ongs pa dang / da ltar te dus gsum mo/ /de'i stong pa nyid ni mi dmigs pa stong pa nyid do/ /'brel dang gzhan pa'i gzugs zhes pa la yang dag par 'brel ba'i gzugs ni yang dag par ldan pa'i chos te/'bras dang yungs kar la sogs pa'i phung po ste/ de'i stong pa nyid ni dngos po med pa rang bzhin stong pa nyid do/ /gzhan pa'i gzugs ni dngos po med pa ste/ de dag tha snyad du bya ba'i rgyu 'bras dang yungs kar la sogs pa nyid de/de'i stong pa nyid ni dngos po med pa stong pa nyid do/ /nam mkha' stong par brjod pa zhes pa la nam mkha' zhes bya ba dang stong pa zhes bya ba ste/ dngos po dang / dngos po med pa nyid do/ /chos shes pa la lung dang rtogs pa'i chos te/ de'i stong pa ni rang bzhin stong pa nyid do//gzhan pa'i dngos po dang / rang rang ngo bos stong pa nyid ces pa la gzhan ni lus las logs shig pa'i bdag nyid rang bzhin gyis te/ rang bzhin de kho na nyid kyis stong pas gzhan pa'i dngos po stong pa nyid ces pa'o/ /stong tshogs rang bzhin med pa la 'gro ba rnams kyis de dang de'i rnam par sgro 'dogs pa bcad pa'i don du stong pa nyid nyi shur brjod do//'di rnams yongs su shes pa ni ye shes kyi tshogs so/ /sa bcu zhes pa ni sa'i tshogs su brjod do/ /sa bcu ni rab tu dga' ba dang / dri ma med pa dang / 'od byed pa dang / 'od 'phro ba dang /bgrod par dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin no/ /'di rnams kyi tshogs ni de rnams rim par rtogs par bya ba'i phyir gsungs pa/ yongs su sbyong ba rnam bcu yis/ /sa ni dang po thob 'gyur te//bsam dang phan pa'i dngos nyid dang / /sems can rnams la sems mnyam nyid/ /gtong dang bshes gnyen bsten pa dang / /dam chos dmigs pa tshol ba dang / /rtag tu nges 'byung sems nyid dang / /sangs rgyas skur 'dod dga' ba dang / /chos ston pa dang bden pa yi//tshig ni bcu pa yin par 'dod/ /'di dag rang bzhin mi dmigs pas/ /yongs su sbyong ba shes par bya/ /zhes pa ste/ bsam zhes pa ni sems can thams cad la mi bslu ba'i bsam pa'o/ /phan pa'i dngos nyid ces pa ni sems can thams cad la phan par dgyes par byed pa'o//sems can rnams la sems mnyam nyid/ /ces pa ni/ sems can thams cad la phan par sems pa'o/ /gtong dang zhes pa ni thams cad gtong ba'o/ /bshes gnyen bsten pa ni dge ba'i bshes gnyen la bsnyen bkur byed pa'o/ / dam chos dmigs pa tshol ba dang / /zhes pa ni sangs rgyas kyi gsung la ji srid du rab tu 'byed pa de srid du tshol zhing dpyod pa'o/ /rtag tu nges 'byung sems nyid dang / /zhes pa ni khyim gyi gnas las log pa'o/ /sangs rgyas skur 'dod dga' ba dang / /zhes pa ni sangs rgyas ni bcom ldan 'das te/chos dang longs spyod rdzogs pa dang / sprul sku gsum du 'dod pa'o/ /chos ston pa dang zhes pa ni zang zing la mi ltos pa'i sems kyis chos ston pa'o/ /bden pa'i tshig ni bcu pa yin par 'dod/ /ces pa la/ bden pa'i tshig ni bden pa'i tshig rnams te/ de rgyu bcu par 'dod do//'di dag rang bzhin mi dmigs pas/ /yongs su sbyong bar shes par bya/ /zhes pa la/ 'di dag ni bsam pa la sogs pa'o/ /yongs su sbyong ba ni rnam par dag pa'o/ /gzung ba dang 'dzin pa'i rang bzhin mi dmigs pa ni gnyis su med pa nye bar dmigs pa'i bdag nyid do//shes par bya zhes pa ni rtogs par bya ba'o/ /'di rnams ni rab tu dga' ba'i sar 'jug pa'i thabs te/ yongs su sbyong ba bcu po rnams stong pa nyid du bsgoms pas/ sa dang po rab tu dga' ba 'thob par 'gyur ro/ /tshul khrims byas pa gzo dang bzod/ /rab tu dga' dang snying brtse che//bkur sti gus par nyan pa dang / /brgyad pa sbyin pa la sogs brtson/ /zhes pa ste/ tshul khrims shes pa ni tshul khrims rnam pa gsum yongs su rdzogs pa'o/ /byas pa gzo zhes pa ni gzhan gyi phan pa byas pa dran pa'o/ /bzod ces pa ni bzod pa rnam pa gsum rdzogs pa'o//rab tu dga' dang zhes pa ni dam pa'i las la rab tu dga' ba'o/ /snying brtse che zhes pa ni sems can thams cad kyi don du snying rjes bcings pa'o/ /bkur sti zhes pa ni mkhan po la sogs pa la 'dud pa'o/ /gus pa zhes pa ni dge ba'i bshes gnyen gyis bstan pa'i chos rnams nyams su len pa'o//brtson 'grus zhes pa ni sbyin pa la sogs pa dge ba'i chos thams cad la spro ba'o/ /las brgyad po 'di rnams kyis sa gnyis pa dri ma med pa thob par 'gyur ro/ /thos pas mi ngoms nyid dang ni/ /zang zing med par chos sbyin dang / /sangs rgyas zhing kun sbyong ba dang //'khor bas yongs su mi skyo dang / /ngo tsha khrel yod ces bya ba/ /rlom med bdag nyid de rnams lnga/ /zhes pa ste/ thos pas mi ngoms nyid dang ni/ /zhes pa ni chos nyan pas ngoms pa med pa'o/ /zang zing med par chos sbyin dang / /zhes pa ni rnyed pa la sogs pa la mi ltos pa'i sems kyis chos rnams ston pa'o//sangs rgyas zhing kun sbyong ba dang / /zhes pa ni rten dang brten pa'i sangs rgyas kyi zhing yang dag par sbyong ba'o/ /'khor bas yongs su mi skyo dang / /zhes pa ni phan btags pa'i sems can rnams kyis tshul mi sdug pa bstan pa yang yongs su mi skyo ba'o/ / ngo tsha khrel yod ces bya ba zhes pa ni rang dang gzhan gyi dbang du byas te mi dge ba'i chos rnams las ldog pa ste/ de ltar rnam pa lnga'o/ /rlom med bdag nyid ni rnam par rtog pa med pa'i las te/ des ni sa gsum pa 'od byed pa thob par 'gyur ro/ /nags gnas 'dod chung chog shes dang //sbyangs pa yang dag sdom sems dang / /bslab pa yongs su mi gtong dang / /'dod pa rnams la smod pa dang / /mya ngan 'das dang bdog kun gtong / /mi zhum pa dang ltos pa med/ /ces pa ste/ nags gnas zhes pa ni dgon pa na gnas pa'o/ /'dod chung zhes pa ni ma thob pa'i rdzas rnams la ma chags pa'o//chog shes zhes pa ni rnyed pa thob pas chog shes shing lhag pa mi 'dod pa'o/ /sbyangs pa yang dag sdom bsten dang / /zhes pa la bsod snyoms pa la sogs sbyangs pa'i yon tan bcu gnyis bsten pa'o/ /bslab pa yongs su mi gtong dang //zhes pa ni 'tsho ba'i ched du yang bslab pa rnams yongs su mi gtong ba'o/ /'dod pa rnams la smod pa dang / /zhes pa ni 'dod pa'i yon tan lnga rnams la smod pa'o/ /mya ngan 'da' zhes pa ni 'khor ba las zlog pa'o/ /bdog kun gtong zhes pa ni kun brtags par yod pa thams cad gtong ba'o//mi zhum zhes pa ni dge ba rnams nyams su blang ba la sems mi zhum pa'o/ /ltos pa med ces pa ni dngos po thams cad la mi ltos pa'o/ /sngon bzhin du yongs su sbyangs pa bcu'i las rnams kyis sa bzhi pa 'od 'phro ba thob par 'gyur ro//'dris dang khyim la 'khren pa dang / /'du 'dzir gyur pa'i gnas dang ni/ /bdag bstod gzhan la brnyas pa dang / /mi dge'i las lam bcu dang ni/ /rlom pas khengs dang phyin ci log /yid gnyis dang ni nyon mongs bzod/ /bcu po 'di dag rnam spangs na/ /sa lnga pa ni yang dag thob//ces pa ni 'dris dang zhes pa ni rnyed pa la sogs pa'i don du phyug po la sogs pa dang yang dag par smra ba'o/ /khyim la 'khren pa zhes pa ni dad pa can gyi khyim nye bar mi ston pa'o/ /'du 'dzir gyur pa'i gnas dang ni/ /zhes pa skye bos yongs su gang ba'i grong la sogs pa'o/ /bdag bstod gzhan la brnyas pa dang //zhes pa ni rang nyid la bstod dang zer zhing gzhan la smod pa'o/ /mi dge ba'i las lam bcu dang zhes pa ni mi dge ba bcu'i las kyi lam mo/ /rlom pa zhes pa ni thos pa la sogs pa'i nga rgyal lo/ /khengs dang zhes pa ni gzhan la mi 'dud pa'o/ /phyin ci log ces pa ni dge ba rnams la mi dge ba la sogs par phyin ci log tu zhen pa'o//yid gnyis zhes pa ni bden pa dang / dkon mchog dang / las dang 'bras bu rnams la the tshom skyes pa'o/ /nyon mongs bzod ces pa ni 'dod chags dang zhe sdang dang gti mug la sogs pa la lhag par brten pa'o//rnam spangs nas zhes pa ni thams cad du gnyis pa'i mtha' can sbyar bar bya'o/ /bcu po 'di dag rnam par spangs pa'i lam la gnas pa'i byang chub sems dpa' sa lnga pa sbyang dka' ba thob par 'gyur ro/ /sbyin dang tshul khrims bzod brtson 'grus/ /bsam gtan shes rab rab rdzogs pas//slob ma dang ni bse ru la/ /dga' dang skrag pa'i sems spangs pa/ /bslangs na mi zhum bdog pa kun/ /btang yang mi dga' med pa dang / /dbul yang slong ba mi spong bas/ /sa ni drug pa yang dag 'thob/ /ces pa ste/ sbyin pa la sogs pa pha rol tu phyin pa drug rab tu rdzogs pa zhes pa ni chos drug po rnams mi spong ba dang /de bzhin du nyan thos la mngon par dga' ba dang / rang sangs rgyas la mngon par dga' ba dang / dus yun ring por tshogs rnams la goms par bya ba la skrag pa'i sems spangs pa zhes pa ni gsum po rnams so/ / gang gis sems mi zhum pa dang / bdog pa thams cad btang yang mi dga' ba med pa dang / dbul yang slong ba rnams ni mi spong ba ste/ chos bcu gnyis po 'di rnams kyis sa drug pa mngon du gyur pa thob par 'gyur ro/ /bdag dang sems can 'dzin pa dang / /srog dang gang zag chad rtag dang / / mtshan ma rgyu dang phung po dang / /khams dang skye mched dag dang ni/ /khams gsum pa la chags gnas dang / /sems ni kun du zhum pa dang / /dkon mchog gsum dang tshul khrims dang / /de ltar lta la mngon zhen dang / /stong pa nyid la rtsod pa dang / /de dang 'gal ba'i nyes pa ni/ /nyi shu gang la rnam chad pa//de yis sa ni bdun pa thob/ /ces pa la/ 'dzin pa zhes pa ni mngon par zhen pa ste/ de yang bdag gi sgra dang por byas nas skye mched kyi sgra'i bar gyi tshig bcu gcig po rnams la so sor sbyar bar bya'o/ /bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan mar 'dzin pa dang / rgyur 'dzin pa dang / phung por 'dzin pa dang / khams su 'dzin pa dang / skye mched du 'dzin pa zhes pa ste/ bcu gcig go/ /khams gsum pa la chags gnas dang //sems ni kun du zhum pa dang / /zhes pa ni khams gsum du gnas pa lus kyis so/ /khams gsum pa la chags pa ni yid kyis so/ /sems ni kun du zhum pa zhes pa ni gnyis ka'o/ /dkon mchog gsum dang tshul khrims dang / /de ltar lta la mngon zhen dang //zhes pa ni gzung ba dang 'dzin pa'i dngos pos sangs rgyas su lta ba la mi brten pa dang / chos su lta ba la mi brten pa dang / dge 'dun du lta ba la mi brten pa dang / tshul khrims su lta ba la mi brten pa ste rnam pa bzhi rnams so/ /stong pa nyid la rtsod pa dang / /zhes pa ni chos thams cad kyi stong pa nyid la rtsod pa ste the tshom zhes pa'i don to//de dang 'gal ba zhes pa ni stong pa nyid dang 'gal ba'o/ /de ltar nyes pa nyi shu thams cad dang bral ba ste/ 'chad par 'gyur ba'i yon tan nyi shu tham pa gang la yongs su rdzogs pa des ni sa bdun pa ring du song ba thob par 'gyur ro//gang zhig yon tan nyi shu tham pa yongs su rdzogs par byed pa de rnams bstan pa'i phyir gsungs pa/ rnam thar sgo gsum shes pa dang / /'khor gsum rnam par dag nyid dang / /snying rje dang ni rlom med dang / /chos mnyam nyid dang tshul gcig shes/ /mi skye ba dang zad shes dang //tshul rnams rnam pa gcig tu ston/ /rtog pa kun du 'joms pa dang / /'du shes lta dang nyon mongs spong / /zhi gnas nges par sems pa dang / /lhag mthong la ni mkhas pa dang / /sems dul ba dang thams cad la/ /thogs pa med pa'i ye shes dang / /chags pa'i sa min gar 'dod par//zhing gzhan du ni mnyam 'gro dang / /kun du bdag gi ngo bo ni/ /ston pa nyid dang nyi shu'o/ /zhes pa ste yon tan nyi shu'o/ /rnam thar sgo gsum zhes pa ni stong pa nyid dang / mtshan ma med pa dang / smon pa med pa zhes pa'o/ /'khor gsum rnam par dag nyid dang //zhes pa ni ster ba po dang / len pa po dang / sbyin par bya ba'i dngos po rnams te/ rang rang gi sems su ya nga ba tsam gyis bdag nyid rtogs pa'o/ /snying rjes zhes pa ni chos la dmigs pa'i snying rje chen po'o/ /rlom med ces pa ni gzung ba dang 'dzin pa'i dngos po mi dmigs pa'o//chos mnyam nyid ces pa ni chos thams cad rang bzhin gyis 'od gsal ba des mnyam zhing snyoms pa'o/ /tshul gcig ces zhes pa ni 'gro ba'i don byed par nus pa'i theg pa chen po'i rang bzhin ni tshul gcig ces pa'o/ /mi skye ba dang zad shes dang / /zhes pa ni phung po lnga po rnams ma bskyed par shes pa dang brtags pas stong pa'i mtshan nyid kyi zab mo'i chos nyid ni zad pa shes pa'o//chos rnams rnam pa gcig tu ston/ /zhes pa ni de kho na nyid theg pa chen po'i mtshan nyid gcig gi tshul du ston pa'o/ /rtog pa kun du 'joms pa dang / /zhes pa ni chos rnams thams cad kyi rtog pa yang dag par 'joms pa'o//'du shes lta dang nyon mongs spong / /zhes pa ni mtshan ma rnams spong ba dang / lta ba lnga po rnams spong ba dang / 'dod chags la sogs pa'i nyon mongs pa rnams spong ba'o/ /zhi gnas nges par sems pa dang / /zhes pa ni sems rtse gcig tu byas nas sgom pa'o//lhag mthong la ni mkhas pa dang / /zhes pa la lhag mthong ni shes rab bo/ /mkhas pa ni lhag mthong de la mkhas zhes pa'i don to/ /sems dul zhes pa ni sems yongs su zhi ba'o/ /thams cad la thogs pa med pa'i ye shes zhes pa ni gzugs la sogs pa la mi thogs pa'i ye shes so//chags pa'i sa min zhes pa ni mngon par zhen pa'i gnas ma yin pa'o/ /gar 'dod par zhing gzhan du ni mnyam 'gro ba zhes pa la/ ji ltar 'dod par dus mnyam par sangs rgyas thams cad kyi zhing du 'gro ba'o/ /kun du bdag gi ngo bo ni/ / ston pa nyid dang zhes pa ni gdul bya'i rjes su mthun par thams cad du bdag gi ngo bo yang ston pa zhes pa'o/ /yon tan nyi shu yongs su rdzogs shing sngon du gsungs pa'i skyon nyi shu po rnams yongs su spangs pas sa bdun pa ring du song ba thob par 'gyur ro/ /sems can kun yid shes pa dang //mngon par shes pas rtse ba dang / /sangs rgyas zhing bzang bsgrub pa dang / /yongs su brtag phyir sangs rgyas bsten/ /dbang po shes dang rgyal ba yi/ /zhing sbyong sgyu ma ltar gnas dang / /bsams bzhin srid pa len pa dang / /las ni rnam pa 'di brgyad bshad/ / ces pa ste/ sems can kun yid shes pa dang / /zhes pa ni sems can thams cad kyi sems kyi spyod pa shes pa'o/ /mngon par shes pas rtse ba dang / /zhes pa ni 'jig rten gyi khams rnams su rtse ba ni sangs rgyas kyi rnam 'phrul gyis so/ /mdzes pa'i mngon par shes pa ni so sor gzhom du med pa'o//sangs rgyas zhing bzang sgrub pa zhes pa ni rten gyi sangs rgyas kyi zhing gser gyi bye ma brdal ba la sogs pa'i rang bzhin du yongs su gyur pa'o/ /yongs su brtag phyir sangs rgyas bsten/ /zhes pa ni rnam pa thams cad kyi chos thams cad yongs su brtag pa byas par gyur pa'o//de yongs su brtag pa'i mtshan nyid ni sangs rgyas la gus pa'o/ /dbang po shes zhes pa ni dad pa la sogs pa'i dbang po mchog dman shes pa'o/ /rgyal ba'i zhing sbyong zhes pa ni bsten pa'i sangs rgyas kyi zhing gi bdag nyid kyi sems can yongs su dag par byed pa'o/ /sgyu ma ltar gnas zhes pa ni thams cad du sgyu ma lta bur shes pa'o//bsams bzhin srid pa len pa dang / /zhes pa ni sems can gyi don du lta ba'i blo mngon du song bas skye ba len pa ste/ dngos po brgyad po 'di rnams kyis sa brgyad pa mi g.yo ba thob par 'gyur ro/ /smon lam dag ni mtha' yas dang //lha la sogs pa'i skad shes dang / /spobs pa chu bo lta bu dang / /mngal du 'jug pa mchog dang ni/ /rigs dang rus dang cho 'brang dang / /'khor dang skye ba dag dang ni/ /nges 'byung byang chub shing rnams kyi/ /yon tan phun sum tshogs pa yin/ /zhes pa ste/ smon lam dag ni mtha' yas zhes pa ni smon lam gyi don mtha' yas pa thob pa'o//lha la sogs pa'i skad shes pa ni lha rnams dang / sems can thams cad kyi skad yongs su shes pa'o/ /spobs pa chu bo lta bu dang / /zhes pa ni chu bo'i rgyun ltar dngos po so so rnams la mi zad pa'i spobs pa phun sum tshogs pa ste/mtha'i phun sum tshogs pa zhes pa 'di nas bzung nas thams cad du sbyar bar bya'o/ /mngal du 'jug pa mchog dang ni/ /zhes pa la/ skye bo thams cad kyis bsngags pa'i mngal du 'jug pa phun sum tshogs pa'o/ /rigs dang rus dang zhes pa ni rgyal po la sogs pa'i mtshan nyid ni rigs phun sum tshogs pa'o//rje'u rigs la sogs pa'i mtshan nyid ni rus phun sum tshogs pa'o/ /cho 'brang zhes pa ni nye du la sogs pa'i rjes su 'brang ba'i mtshan nyid kyis cho 'brang phun sum tshogs pa'o/ /'khor dang zhes pa ni rang gi byang chub kyi 'khor phun sum tshogs pa'o//skye ba zhes pa ni dbang po la sogs par skyes pa ni skye ba phun sum tshogs pa'o/ /nges 'byung byang chub shing rnams kyi/ /zhes pa ni sangs rgyas la sogs pas bskul ba'i nges par 'byung ba ste/ nges 'byung phun sum tshogs pa'o/ /yid bzhin gyi nor bu lta bu'i shing a shwad tha la sogs pa ni byang chub kyi shing phun sum tshogs pa'o//yon tan phun sum tshogs pa zhes pa ni yon tan thams cad yongs su rdzogs pa ste/ yon tan phun sum tshogs pa'o/ /dngos po bcu gnyis po 'di rnams kyis sa dgu pa legs pa'i blo gros thob par 'gyur ro//'chad par 'gyur ba sa dgu po gang rnams kyis tshogs de rnams thams cad bsdoms pa ni sa bcu pa'i tshogs yin zhing / don gyi shugs kyis shes par bya bas de'i tshogs logs shig tu brjod par mi bya'o/ /sa bcu pa ni rang bzhin bstan pa'i phyir gsungs pa/sa dgu 'das nas ye shes ni/ /gang gis sangs rgyas sar gnas pa/ /de ni byang chub sems dpa'i sa/ /bcu pa yin par shes par bya/ /zhes pa ste/ sa dgu 'das nas zhes pa ni/ /rigs la sogs pa'i sa dgu ste/ /de la rigs kyi sa ni mya ngan las 'das pa'i rigs can no//brgyad pa'i sa ni rgyun du zhugs pa'i 'bras bu la so sor zhugs pa'o/ /mthong ba'i sa ni rgyun du zhugs pa rnams kyi'o/ /bsrabs pa'i sa ni lan cig phyir 'ong ba rnams kyi'o/ /'dod chags dang bral ba'i sa ni phyir mi 'ong ba rnams kyi'o/ /byas pas bsrung ba'i sa ni so sor zhugs pa gsum gyi'o//nyan thos kyi sa ni nyan thos kyi sa'o/ /rang sangs rgyas kyi sa ni rang sangs rgyas kyi'o/ /byang chub sems dpa'i sa ni byang chub sems dpa' rnams kyi ste/ sngon du brjod pa'i sa dgu po rnams gcig tu bsdus nas so/ /sa dgu po 'di rnams las yang dag par 'das nas byang chub sems dpa'i ye shes gang gis kun du 'od sangs rgyas pa'i sar gnas par 'gyur ba'i ye shes kyi bdag nyid de ni byang chub sems dpa'i sa bcu pa'o//sa rnams kyi tshogs dag brjod nas/ da ni gnyen po'i tshogs rnams brjod par bya bas de'i dbang du byas nas gsungs pa/mthong dang bsgom pa'i lam dag la/ /gzung dang 'dzin pa'i rnam rtog rnams/ /nye bar zhi bar bya ba'i phyir/ /gnyen po rnam pa brgyad ces bya/ /zhes pa ste/ mthong ba'i lam la gnas skabs kyi bye brag bzhi'i bdag nyid kyis gnyen po rnam pa bzhi'o//bsgom pa'i lam la gnas skabs bzhi'i bye brag gi bdag nyid kyis gnyen po'i rnam pa bzhi rnams so/ /mthong ba dang bsgom pa'i lam dag gnas skabs bye brag gi bdag nyid kyis gnyen po rnam pa brgyad du shes par bya'o/ /de ci'i don du shes par bya zhes bya ba la gsungs pa/gzung ba zhes pa la sogs pa la dngos po tsam gyi rang bzhin du gnas pa dang / gnyen po'i dngos por gnas pa ste/ gzung ba'i rnam rtog gnyis so/ /gang zag rdzas kyi rang bzhin dang / gang zag btags pa la brten pa'i rang bzhin te/ 'dzin pa'i rnam rtog rnam pa gnyis so/ / mthong ba'i lam la gzung ba dang 'dzin pa'i rnam rtog rnam pa bzhi'o/ /bsgom pa'i lam la yang gzung ba dang 'dzin pa'i rnam rtog rnam pa bzhi ste/ gzung ba dang 'dzin pa'i rnam rtog brgyad po mi mthun pa'i phyogs de rnams nye bar zhi bar bya ba dang spang ba'i phyir gnyen po rnam pa brgyad du rtogs par bya'o//sgrub pa'i nges par 'byung ba ste bzhi pa gsungs pa/ ched du bya dang mnyam nyid dang / /sems can don dang 'bad med dang / /shin tu nges par 'byung ba dang / /rnam pa'i mtshan nyid nges 'byung dang / /rnam pa thams cad mkhyen nyid du/ /nges 'byung lam gyi spyod yul can//rnam pa brgyad kyi bdag nyid 'di/ /nges 'byung sgrub pa yin zhes bya/ /zhes pa ste/ ched du bya zhes pa ni sems can chen po la sogs pa rnam pa gsum gyi bye brag gis sems can thams cad las khyad par du 'phags pa mchog gi bdag nyid byed pa'o/ /mnyam nyid ces pa ni rang gsal ba'i bdag nyid kyi chos thams cad gzung ba dang 'dzin pas stong par mnyam pa'o//sems can don zhes pa ni ji srid nam mkhar 'khor ba ma stongs kyi bar du 'gro ba'i don byed pa'o/ /'bad med ces pa ni tshegs med par sems can thams cad kyi bya ba byed pa'o//shin tu zhes pa ni rtag pa dang chad pa'i mtha' gnyis la mnyam pa'i rang bzhin la gnas pa'i nges 'byung thob pa'i mtshan nyid ces pa ni theg pa gsum gyi don thob pa'o/ /rnam pa thams cad mkhyen pa nyid du zhes pa ni rnam pa thams cad yongs su shes pa'o/ / nges 'byung lam gyi spyod yul can zhes pa ni nyan thos la sogs pa dang / thun mong ma yin pa'i pha rol tu phyin pa bcu'i bdag nyid ni byang chub sems dpa'i yul yin no/ /de ltar ched du bya ba'i nges par 'byung ba dang / mnyam pa nyid du nges par 'byung ba dang / sems can gyi don du nges par 'byung ba dang /tshegs med par nges par 'byung ba dang / shin tu nges par 'byung ba dang / thob pa'i nges par 'byung ba dang / rnam pa thams cad mkhyen pa'i nges par 'byung ba dang / lam gyi nges par 'byung ba zhes pa ste/ yul gyi dbye bas bsgrub pa'i nges par 'byung ba rnam pa brgyad gsungs so//mngon par rtogs pa'i rgyan gyi 'grel pa grags pa'i cha zhes bya ba las skabs dang po'i 'grel pa'o// //da ni lam shes bstan pa'i phyir gsungs pa/ lha rnams rung bar bya ba'i phyir/ /'od kyis mog mog por mdzad dang / /yul nges pa dang khyab pa dang / / rang bzhin dang ni de yi las/ /zhes pa ste/ mog mog por mdzad ces pa ni nga rgyal gyis rab tu myos pa'i lha'i rigs rnams kyi 'od med par mdzad pa'o/ /'od kyis zhes pa ni sangs rgyas kyi sku'i 'od kyis so/ /don ci'i phyir zhes pa la gsungs pa/ rung bar bya ba'i phyir zhes pa ste/rung ba ni gcig nas gcig tu brgyud nas sangs rgyas nyid du byed pa'i phyir te/ de yang byang chub kyi sems nyid do/ /de bas na byang chub tu sems bskyed par bya ba'i phyir mog mog por byas zhes pa'i don to/ /'jig rten pa thams cad las mtho zhing phul du gyur pa'i bcom ldan 'das te/des na de'i rang bzhin thob par bya ba'i phyir/ byang chub tu sems bskyed par bya zhes pa'i don to/ /yul nges pa dang zhes pa ni byang chub tu sems bskyed pa'i yul la skal ba dang ldan pa ni byang chub sems dpa'i rigs can yin gyi/ nyan thos la sogs pa'i rigs can ni ma yin no zhes pa'i don to//khyab pa zhes pa ni zhi ba bgrod pa gcig pa'i nyan rang gi byang chub nyid la nges pas na de ma gtogs pa gzhan byang chub tu gyur pa'i nyan thos la sogs pa thams cad kyis kyang byang chub tu sems bskyed par bya zhes pa ste/ de bas na byang chub tu sems bskyed pas 'di rnams thams cad la khyab pa'o//rang bzhin zhes pa ni sems can gyi don du mya ngan las 'das pa la zhen pa spong ba dang nyon mongs pa thams cad yongs su mi gtong ba'i rang bzhin no/ /de'i las zhes pa ni ji srid nam 'khor ba ma stongs kyi bar du 'gro ba rnams kyi don skal ba ji lta ba bzhin du byed pa ni byang chub sems dpa'i las so//lam shes pa ni byang chub sems dpa' 'ba' zhig gi yin te/ des na nyan thos la sogs pa'i lam 'dir bstan par mi rigs so snyam pa la/ byang chub sems dpas nyan thos la sogs pa'i lam la rang gi shes rab kyis dag par byas te goms par bya ba yin pas des na nyan thos kyi lam gsungs pa/lam shes nyid kyi tshul la ni/ /'phags pa'i bden pa bzhi dag gi /rnam pa mi dmigs sgo nas ni/ /nyan thos lam 'di shes par bya/ /zhes pa ste/ sdug bsngal gyi bden pa la mi rtag pa nyid dang / sdug bsngal ba nyid dang /stong pa nyid dang / zhi ba nyid dang zhes pa ste rnam pa bzhi'o/ /zhi ba zhes pa ni bdag med pa'i don to/ /kun 'byung gi bden pa la kun 'byung ba nyid dang / rgyu nyid dang / rab tu skye ba nyid dang / rkyen nyid dang / nad dang / /'bras dang / phol mig dang / mi sdug pa zhes pa ste/ rnam pa'i dbye ba brgyad do/ /yang sdug bsngal dang kun 'byung gi bden pa dag la gzhan pa nyid dang / 'jig pa'i chos can nyid dang / mi rtag pa nyid dang / zhi gnas nyid dang zhes pa ni rnam pa'i dbye ba bzhi'o/ /yang de dag la 'jigs pa nyid dang / 'tshe ba nyid dang / 'dren pa nyid dang zhes pa ste rnam pa'i dbye ba gsum mo//'gog pa'i bden pa la bdag nyid nyid dang / zhi ba nyid dang / rnam par bral ba nyid dang / stong pa nyid dang / mtshan ma med pa nyid dang / smon pa med pa nyid dang / mngon par 'dus ma byas pa nyid dang zhes pa ste rnam pa'i dbye ba bdun no//lam gyi bden pa la lam nyid dang / rig pa nyid dang / sgrub pa nyid dang / nges par 'byin pa nyid dang zhes pa rnam pa'i dbye ba bzhi ste/ de rnams ni nyan thos rnams mya ngan las 'das pa'i grong khyer du 'jug par byed pa'i lam mo/ /byang chub sems dpas rnam pa de rnams la gzung ba dang 'dzin pa'i rang bzhin du mi dmigs shing gnyis su med pa yongs su dmigs pa'i bdag nyid kyis de kho na nyid so sor rig pa'i lam 'dis yang dag par rdzogs pa'i byang chub thob par byed do//nyan thos rnams kyi drod la sogs pa'i lam gzhan logs shig tu gsungs pa/de ltar byang chub sems dpa'i yang dag par bya ste de ltar gsungs pa/ 'phags pa nyan thos lam la ni/ /gzugs la sogs pa stong pa'i phyir/ /stong pa nyid rnams dbyer med pas/ /dro ba de dag mi dmigs pas/ /rtse mor gyur pa dag tu 'dod/ /de la rtags la sogs tshul gyis//gnas pa bkag pas bzod pa rnams/ /sa bcu dag las brtsams nas ni/ /mi gnas rgyas par bstan pa yis/ /chos kyi mchog tu 'gyur bshad de/ /ci'i phyir zhe na sangs rgyas kyis/ /mkhyen nas chos rnams ma gzigs phyir/ /zhes pa ste/ gzugs la sogs pa phung po de de'i stong pa nyid dang /gzugs la sogs pa'i stong pa rnams dbyer med pa dag drod du 'dod do/ /de rnams shes pa ni gzugs la sogs pa mi dmigs pas rtse mor gyur pa'o/ /de la zhes pa ni gzugs la sogs pa la rtag pa dang mi rtag par gnas pa bkag pa ni bzod par bzhed do//sa bcu zhes pa ni rab tu dga' ba la sogs pa'i sa bcu dang por byas nas chos thams cad la ngag gi tshogs rgyas par mi gnas par bstan pa ste/ gzung ba dang 'dzin par brtags pa'i tshul gyis thams cad khas blang du med par ston pa'o//'o na chos thams cad brtags pa'i tshul can du mi gnas pa dang / so sor rig pa'i bdag nyid gsal ba tsam gyi tshul lo zhes pa 'di dag ji ltar shes snyam pa la gsungs pa/ ci'i phyir zhe na sangs rgyas kyis zhes pa ste/ bcom ldan 'das kyis btags pa'i phung po dang / khams dang / skye mched kyi chos rnams yang dag par ma gzigs pa nyid yin gyi/ yang gsal ba'i bdag nyid tsam gyis gzigs pa ma yin te/ sangs rgyas bcom ldan 'das dpang por byas pa med par thal ba'i phyir ro/ /kun rdzob tu sangs rgyas bcom ldan 'das med pa ma yin no zhe na/gzhan bems po las log pa tshogs pa gnyis su med pa de ma grub na kun rdzob kun ltos pa med pas ma grub par thal bar 'gyur ro zhes pa ni chos mchog gi rtogs par gsungs so/ /'phags pa nyan thos lam la ni/ /zhes pa nyan thos kyi lam la yang byang chub sems dpas rnam par gzhag par shes par bya ba'i don to//nyan thos kyi lam las rang sangs rgyas kyi lam khyad par du 'phags par bstan pa 'dod nas nyan thos kyi sangs rgyas las rang sangs rgyas kyi sangs rgyas nyid khyad par du gsungs pa/ rang byung bdag nyid rtogs pa'i phyir//gzhan gyis bstan kyang mi dgos la/ /bse ru lta bu'i ye shes ni/ /zab pa nyid du mngon par brjod/ /ces pa ste/ nyan thos rnams ni gzhan las thos nas rnam par grol ba'o/ /rang sangs rgyas ni gzhan gyis bstan pa la mi ltos pa nyid de sngon goms par byas pa'i stobs kyis grol bar 'gyur ro//de bas na de rnams la gzhan gyis bstan mi dgos zhes pa ni khyad par 'phags pa gcig go/ /nyan thos ni tshig gi sgo nas gzhan rnams la chos rnams go bar byed pa'o/ /rang sangs rgyas ni tshig med par smon lam gyi stobs kyis ye shes kyi nus pas gzhan rnams la chos kyis go ba ston par byed do zhes pa ste/ye shes zab pa 'dis ni khyad par 'phags pa gnyis pa'o/ /tshig med par chos rnams bstan par ji ltar nus zhes dogs pa la gsungs pa/ gang gang don ni gang gang la/ /ji lta ji ltar nyan de dang / /de la sgra med kyang don de//de ni de lta de ltar snang / /zhes pa ste/ tshigs bcad 'di'i don ni go sla'o/ /rang sangs rgyas kyi bye brag rnams mngon par bstan nas/ de'i lam gyi bye brag kyang gsungs pa/ gzung ba'i rtog pa nyams phyir dang / /'dzin pa ma spangs phyir dang ni/ /rten gyi bse ru lta bu'i lam//yang dag bsdus par shes par bya/ /zhes pa ste/ gzung ba'i don gyi rtog pa dang / 'dzin pa'i don gyi rtog pa rim pa ji lta ba bzhin du spangs pa dang / ma spangs pa dang / rang sangs rgyas kyi theg pas yang dag par bsdus pa'i/ brten pa'i chos kyi rten du gyur pa dang //ji ltar gsungs pa'i bden pa bzhi'i bdag nyid rnams ni rang sangs rgyas kyi lam mo/ /de yang byang chub sems dpas stong pa nyid kyis rnam par dag par bya bar rtogs par bya'o/ /rang sangs rgyas kyi lam gyi nges par 'byed pa'i cha dang mthun pa ji lta ba yin pa de byang chub sems dpas rtogs par bya ba de lta bu gsungs pa/btags pa'i chos nyid mi 'gal bar/ /ston pa'i rnam pa dro gyur pa/ /rtse mor gyur pa gzugs la sogs/ /'grib pa med la sogs pas phye/ /nang stong nyid la sogs pa yis/ /gzugs sogs mi 'dzin phyir bzod pa//gzugs sogs skye ba med sogs kyi/ /rnam pa can ni chos kyi mchog /ces pa ste/ gzugs la sogs pa'i phung po btags pa'i yod pa kun rdzob kyi gnas skabs de'i mi 'gal ba ni gzugs la sogs pa'i phung po'i chos nyid gsungs pa ste/gzugs bstan pa las de'i rnam pa ni drod kyi rtogs pa'o/ /btags pa'i yod pa gnyis kyi gzugs la sogs pa'i phung po rnams 'phel ba med cing 'bri ba med pa zhes pa rtse mor gyur pa'i rtogs pa'o/ /ji skad gsungs pa'i stong pa nyid nyi shu po rnams kyis gzugs la sogs pa'i phung po rnams khas mi len pa ni bzod pa'i rtogs pa'o//gzugs la sogs pa'i phung po rnams so sor ma skyes shing mi 'gag pa'i tshul ni chos kyi mchog gi rtogs pa'o/ /'di nas gzung ste byang chub sems dpa'i lam brjod par bya ste/de la re zhig mthong ba'i lam gsungs pa/ bden dang bden la bzod pa dang / /shes pa'i skad cig rnam bzhi yis/ /lam shes nyid la mthong ba'i lam/ /phan yon bcas pa 'di bshad do/ /zhes pa ste/ bden pa so so la skad cig ma bzhi bzhi ste/sdug bsngal la chos shes pa'i bzod pa dang / sdug bsngal la chos shes pa dang / sdug bsngal la rjes su shes pa'i bzod pa dang / sdug bsngal la rjes su shes pa ste/ de ltar kun 'byung gi bden pa dang / 'gog pa'i bden pa dang / lam gyi bden pa rnams la yang ste/byang chub sems dpa'i lam shes pa la skad cig ma 'di rnams kyis mthong lam 'di brjod pa'o/ /phan yon bcas pa 'di zhes pa ni mdo rnams las phan yon rgyas par gsungs pa de 'dir mdor bsdus nas brjod ces pa'i don to/ /tshigs su bcad pa lngas sdug bsngal la chos shes pa la sogs pa'i skad cig ma bcu drug po 'di rnams kyi rang bzhin bstan pa'i phyir gsungs pa/de bzhin nyid dang sangs rgyas dag /phan tshun rten pa rten med phyir/ /rnam grangs khas mi len pa dang / /chen po tshad med nyid dang bcas/ /dpag med mtha' gnyis med pa dang //der gnas gzugs la sogs pa la/ /sangs rgyas nyid du nges 'dzin dang / /blang med dor ba med sogs dang / /byams la sogs dang stong nyid dang / /sangs rgyas nyid ni thob pa dang / /rnam par byang kun yongs bsdus dang / /nyam nga ba dang nad kun sel//mya ngan 'das 'dzin zhi nyid dang / /sangs rgyas rnams kyis srung la sogs/ /srog mi gcod pa la sogs pa/ /rnam pa kun mkhyen tshul la ni/ /bdag nyid gnas te sems can dag /'god dang sbyin pa la sogs pa/ /rdzogs pa'i byang chub tu bsngo ba/ /lam shes nyid kyi skad cig ma//zhes pa ste/ de bzhin nyid dang sangs rgyas dag /phan tshun rten dang rten med phyir/ /rnam grangs khas mi len pa dang / /zhes pa la sogs pa la/ gzugs la sogs pa'i stong pa nyid dang sangs rgyas dag rten dang brten pa med pas de'i bdag nyid de/ de bas na rnam grangs kyi dbye ba khas mi len pa ni sdug bsngal la chos shes pa'i bzod pa'o/ /chen po tshad med nyid dang bcas/ /zhes pa ni tshad med pa dang bcas pa des 'jug ces pas tshad med bcas te chen po dang tshad med pa zhes pa'i don to/ /gzugs la sogs pa thams cad du yul dang dus kyi dngos po med par yongs su ma chad pas chen po zhes pa ste/sdug bsngal la chos shes pa'o/ /gzugs la sogs pa tshad 'di dag tsam mo zhes yongs su bcad pas tshad gzung du med pas tshad med pa zhes pa ste/ sdug bsngal la rjes su shes pa'i bzod pa'o//dpag med mtha' nyid med pa dang / /zhes pa la mtha' nyid ni mtha' ste/ dpag pa dang mtha' dag med pa zhes dpag med mtha' med ces pa'i don to/ /gzugs la sogs pa rnam grangs su bgrang bas yongs su gcad du med pas na dpag med ces pa ste/sdug bsngal la rjes su shes pa'o/ /gzugs la sogs pa rnams kyi mtha' med pas na mtha' med ces pa ste/ kun 'byung la chos shes pa'i bzod pa'o/ /gzugs la sogs pa zhes pa'i tshig ni thams cad du tshig rkang la sbyar bar bya'o/ /der gnas sangs rgyas nyid ces pa ni de la gzugs la sogs pa'i de bzhin nyid 'di la gnas pa rten pa ste/sangs rgyas nyid du blta bar bya/ /zhes pa ni kun 'byung la chos shes pa'o/ /blang med dor ba med sogs dang / /zhes pa la/ gzugs la sogs pa blang bar mi bya zhing dor bar mi bya'o/ /sogs pa'i sgras so so bdag nyid rig pa nyid kyis gzugs la sogs pa rnams ji lta ba bzhin du rtogs pa ni kun 'byung la rjes su shes pa'i bzod pa'o//byams la sogs zhes pa ni byams pa dang snying rje dang dga' ba dang btang snyoms te kun 'byung la rjes su shes pa'o//stong nyid thob pa shes zhes pa ni stong pa nyid nyi shu po rnams mthong ba ste/ 'gog pa la chos shes pa'i bzod pa'o/ /sangs rgyas nyid du nges 'dzin dang / /zhes pa ni sangs rgyas med pa'i zhing khams rnams su sems can gyi don byed pa'i sangs rgyas kyi skur ston pa ni 'gog pa la chos shes pa'o//rnam par byang kun shes pa la 'dir yang nges 'dzin zhes pa gong ma'i skabs dang sbyar ba ste/ 'gog pa la rjes su shes pa'i bzod pa'o/ /nyam nga ba dang nad kun sel/ /zhes pa la nyam nga ba ni sems kyi sdug bsngal lo/ /nad ni lus kyi sdug bsngal te de dag sel ba ni kun du bsal ba zhes pa ste/'gog pa la rjes su shes pa'o/ /mya ngan 'das 'dzin zhi nyid dang / /zhes pa ni lam la chos shes pa'i bzod pa'o/ /sangs rgyas rnams kyis bsrung la sogs/ /zhes pa ni shes rab kyi pha rol tu phyin pa 'di zhugs pa'i gnas dag sangs rgyas bcom ldan 'das kyis gnas skabs thams cad du shin tu yongs su srung bar 'gyur ro//sogs pa'i sgras ni dge ba rnams 'phel bar byed pa ste lam la chos shes pa'o/ /srog mi gcod pa la sogs pa/ /rnam pa kun mkhyen tshul la ni/ /bdag nyid gnas te sems can dag / 'god dang zhes pa la srog gcod pa las slar ldog pa dang por byas nas ji srid rnam pa thams cad mkhyen pa'i bar la bdag nyid gnas nas gzhan dag kyang de rnams nyid la 'god par byed pa zhes pa ni lam la rjes su shes pa'i bzod pa'o/ /sbyin pa la sogs pa rdzogs pa'i byang chub tu bsngo ba zhes pa ni lam la rjes su shes pa te/skad cig ma bcu drug gi bdag nyid kyi byang chub sems dpa'i mthong ba'i lam bshad do/ /bsgom pa'i lam brjod par bya ba la/ de'i byed pa rnam pa drug mdo las dang por gsungs pa 'dis na de la/ re zhig byed pa nyid gsungs pa/ / kun nas zhi dang thams cad la/ /'dud dang nyon mongs las rgyal dang / /gnod pas rdzi ba med nyid dang / /byang chub dang ni rten mchod nyid/ /ces pa la/ kun nas zhi zhes pa ni rnam pa rnams kyis rang gi sems 'dul bar byed pa nyid kyis ni zhi ba'o/ /'dud ces pa ni dge ba'i bshes gnyen la sogs pa la phyag byed pa'o//nyon mongs las rgyal zhes pa ni 'dod chags dang zhe sdang dang gti mug la sogs pa rnams rnam par bcom pa'o/ /gnod pas rdzi ba med nyid dang / /zhes pa gzhan dag gis gnod pa byas pa yul du mi byed pas sdug bsngal med par gyur pa'o/ / byang chub ces pa ni yang dag par rdzogs pa'i byang chub tu rdzogs pa'o/ /rten mchod ces pa ni shes rab kyi pha rol tu phyin pa la klog pa la sogs pa'i gnas de rnams su lha dang lha ma yin dang mi rnams kyis mchod par 'gyur ba ste/ rnam pa drug po 'di rnams ni bsgom pa'i lam gyi byed pa'am las so//da ni bsgom pa'i lam gyi dbye ba brjod par bya ste/ de yang zag pa dang bcas pa dang / zag pa med pa'i chos kyi dbye bas rnam pa gnyis so/ /de la zag pa dang bcas pa ni mos pa dang / bsngo ba dang / rjes su yi rang ba zhes bya ba'i bsgom pa'i lam mo/ /de rnams la mos pa yid la byed pa zhes bya ba bsgom pa'i lam gsungs pa/mos pa rang gi don dang ni/ /rang gzhan don dang gzhan don dang / /rnam gsum shes bya de yang ni/ /chung dang 'bring dang chen po ste/ /so sor rnam pa gsum du 'dod/ /chung ngu'i chung sogs dbye ba yis/ /de yang rnam gsum de ltar na//rnam pa nyi shu bdun du 'dod/ /ces pa ste/ 'dir gzhung gi bdag nyid kyis shes rab kyi pha rol tu phyin pa 'di la ches lhag par yid ches pa ni mos pa ste/ de yang rnam pa gsum du shes par bya'o/ /rang gi don rnam pa gsum du shes par bya zhes pa la/ /chung ngu dang 'bring dang chen po ste zhes pas [(]ste[,]te[)]/chung ngu'i chung ngu la sogs pa'i dbye bas de rnams kyang so sor rnam pa gsum gsum du 'gyur ro/ /de ltar na/ rnam pa nyi shu bdun du 'dod/ /ces pa ni rnam pa 'di'i tshul gyis rab tu dbye ba'o/ /de la rang gi don gyi mos pa rnams ni 'di lta ste/ chung ngu'i chung ngu dang /chung ngu'i 'bring po dang / chung ngu'i chen po dang / 'bring gi chung ngu dang / 'bring gi 'bring po dang / 'bring gi chen po dang / chen po'i chung ngu dang / chen po'i 'bring dang / chen po'i chen po'o/ /de ltar rang gzhan nyid kyi mos pa dang / gzhan gyi mos pa dag kyang rig par bya ste/mos pa'i dbye ba nyi shu rtsa bdun no/ /ji lta ba bzhin du gsungs pa'i mos pa bsgom pa'i byang chub sems dpa' spro bar bya ba'i dbang du mos pa la 'di ltar sangs rgyas la sogs pas stod par byed de/ de bstan pa'i phyir bstod pa dang bkur ba dang bsngags pa rnams gsungs pa/shes rab pha rol phyin pa la/ /mos pa'i gnas skabs rnams la ni/ /dgu tshan gsum gyis bstod pa dang / /bkur ba dang ni bsngags par 'dod/ /ces pa ste/ ji ltar shes rab kyi pha rol tu phyin pa la byang chub sems dpa' gang zhig mos pa de'i mos pa rnams chung ngu dang 'bring dang chen po'i dbye bas dgu tshan gsum gyis nyi shu rtsa bdun gyi rnam par ji ltar phye ba de ltar bstod pa dag kyang shes par bya ste/de la bstod pa ni bstod pa tsam mo/ /bkur ba ni 'bring du bstod pa'o/ /bsngags pa ni cher bstod pa'o/ /bsngo ba yid la byed pa zhes bya ba'i bsgom pa'i lam gsungs pa/yongs su bsngo ba khyad par can/ /de yi byed pa mchog yin no/ /de ni dmigs med rnam pa can/ /phyin ci ma log mtshan nyid do/ /dben dang sangs rgyas bsod nams tshogs/ /rang bzhin dran pa'i spyod yul can/ /thabs mkhas mtshan ma med pa dang //sangs rgyas rjes su yi rang dang / /khams gsum gtogs pa ma yin dang / /chung dang 'bring dang chen po yi/ /bsngo ba gzhan ni rnam gsum ste/ /bsod nams che 'byung bdag nyid do/ /zhes pa ste/ nyan thos la sogs pa'i bsod nams kyi phung po las byang chub sems dpa'i bsod nams kyi phung po yongs su bsngo ba 'dis khyad par du byed pas khyad par can te/des yongs su bsngo ba ni khyad par can gyis yongs su bsngo ba'o/ /de'i khyad par 'di gang gi zhes pa la gsungs pa/ de ni zhes pa ste/ byang chub sems dpa'o/ /byed pa mchog ni sems can thams cad la thun mong du byas te yang dag par rdzogs pa'i byang chub tu bsod nams yongs su bsngo ba'i mtshan nyid de/bya ba'i khyad par gyis khyad par du yongs su bsngo ba'o/ /de ni dmigs med rnam pa can/ /zhes pa ni bsod nams gang zhig yongs su bsngo ba dang / byang chub gang zhig tu dang / sems gang gis dang / bsngo ba gang gis dang / sngo bar byed pa la sogs pa de rnams thams cad ji lta ba bzhin gyi mtshan nyid du med pas mi dmigs par yongs su bsngo'o/ /phyin ci ma log mtshan nyid do/ /zhes pa la/ ji bzhin pa'i don rtogs pa ni phyin ci ma log pa ste/ des yongs su bsngo ba ni phyin ci ma log pas yongs su bsngo ba'o//dben dang zhes pa ni 'du shes thams cad las rnam par grol ba'i sems kyis yongs su bsngo ba ni dben dang yongs su bsngo ba'o/ /sangs rgyas bsod nams tshogs/ /rang bzhin dran pa'i spyod yul can/ /zhes pa la sangs rgyas la sogs pa rnams kyis bsod nams kyi tshogs de'i rang bzhin ni mi rtag pa la sogs pa'o//de dran pa'i spyod yul du gang gis yongs su bsngo ba de ni sangs rgyas bsod nams tshogs kyi rang bzhin dran pa'i spyod yul du yongs su bsngo ba'o/ /thabs bcas shes pa ni kun rdzob dang don dam pa'i bden pa las ma 'das pas yongs su bsngo ba ni thabs dang bcas pas yongs su bsngo ba'o//mtshan ma med ces pa ni mtshan mar mi rtog pas yongs su bsngo ba ni mtshan ma med pa yongs su bsngo ba'o/ /sangs rgyas rjes su yi rang dang / /zhes pa ni sangs rgyas thams cad kyis rjes su gnang nas yongs su bsngo ba'o//khams gsum gtogs pa ma yin dang / /zhes pa la/ srid pa'i dngos po la ma chags pas yongs su bsngo ba ni khams gsum gtogs pa ma yin pas yongs su bsngo ba'o/ /bsngo ba gzhan ni rnam gsum mo/ /zhes pa la sogs pa ni gzhan yongs su bsngo ba'o//bsod nams che 'byung bdag nyid do/ /zhes pa ni yongs su ma gos pa ste/ de yang chung ngu dang / 'bring dang / chen po'i dbye bas rnam pa gsum mo/ /mtshan ma med pa'i rnal 'byor gyis yongs su bsngo ba ni chung ngu'o/ /mi dmigs pa'i rnal 'byor gyis yongs su bsngo ba ni 'bring ngo //gzhan ma yin pa'i de bzhin nyid kyi rnal 'byor gyis yongs su bsngo ba ni chen po ste/ yongs su bsngo ba'i dbye ba rnam pa bcu gnyis su bshad do/ /rjes su yi rang ba yid la byed pa gsungs pa/ thabs dang mi dmigs pa dag gis//dge ba'i rtsa la yi rang ba/ /rjes su yi rang yid byed pa/ /bsgom pa yin par 'dir brjod do/ /zhes pa ste/ thabs kyis kun rdzob tu bsod nams kyi tshogs la dmigs par bya zhing mi dmigs par gzung ba dang 'dzin pa dag mi dmigs par rnam par dag par byas te/de bzhin gshegs pa thams cad la sogs pa'i bsod nams kyi tshogs la rjes su yi rang ba ni rjes su yi rang ba yid la byed pa'o/ /mos pa yid la byed pa dang / yongs su bsngo ba yid la byed pa dang / rjes su yi rang ba yid la byed pa'i bdag nyid rnam pa gsum ni zag pa dang bcas pa'i bsgom pa'i lam mo//da ni zag pa med pa'i bsgom pa'i lam brjod par bya ste/ de yang rnam pa gnyis te/ mngon du gyur pa dang / shin tu dag pa'o/ /de la mngon du gyur pa gsungs pa/ de yi ngo bo nyid mchog nyid/ /kun la mngon du mi byed dang / /chos rnams dmigs pa med par ni//gtod par byed pa don chen nyid/ /ces pa ste/ ngo bo zhes pa ni gzugs la sogs pa'i chos rnams phyin ci ma log pa'i de kho na nyid du ston pa ni bsgom pa'i lam gyi rang bzhin no/ /mchog ces pa ni bsgom pa'i lam ma gtogs par sangs rgyas thob par mi 'gyur zhes pa 'dis na mchog go//kun la mngon du mi byed ces pa ni bsgom pa'i lam gyi bye brag rtogs pas rab tu sbyong ba yang de kho na nyid la ste/ gzugs kyi phung po la sogs pa'i chos thams cad ma skyes pas so/ /chos rnams dmigs pa med pa ni/ /zhes pa la mi dmigs par rnam par dag par byas te/kun rdzob tu rnal 'byor pas sangs rgyas thams cad kyi chos rnams bskyed par bya'o/ /don chen zhes pa la chen po ni sangs rgyas nyid kyi don te/ 'dis na don chen ni bsgom pa'i lam ste/ de'i sgom pa ni mngon du gyur pa'i mtshan nyid kyi bsgom pa'i lam mo/ /bsgom pa'i lam la sogs pa sangs rgyas kyi chos mtha' dag khas len pa'i rtsa ba ni mos pa'o//mos pa de nyid gang gi rgyu mtshan nyid kyis zhes pa la gsungs pa/ sangs rgyas bsten dang sbyin sogs dang / /thabs la mkhas pa gang yin pa/ /'di la mos pa'i rgyu dag yin/ /chos kyis phongs pa'i rgyu dag ni//bdud kyi thibs kyis non pa dang / /zab mo'i chos la ma mos dang / /phung po la sogs mngon zhen dang / /sdig pa'i grogs pos zin pa'o/ /zhes pa ste/ de bzhin gshegs pa thams cad bsten cing bkur ba dang / sbyin pa la sogs pa pha rol tu phyin pa bcu la goms par bya ba dang /thabs ni sangs rgyas nyid 'grub pa'i rgyu rkyen te/ de la mkhas pa ni sangs rgyas kyi chos la mos pa'i rgyu dag yin no/ /bdud kyi thibs kyis non cing 'tshe ba dang / zab mo'i chos la mi mos pa dang / phung po dang khams dang skye mched la mngon par zhen pa dang /sdig pa'i grogs pos zin pa zhes pa ni chos kyis phongs pa'i rgyu yin no/ /rnam par dag pa'i mtshan nyid kyi bsgom pa'i lam gsungs pa/ 'bras bu dag pa gzugs la sogs/ /dag pa nyid de gang gi phyir/ /de gnyis tha dad ma yin zhing / / bcad du med pas dag par brjod/ /ces pa ste/ 'bras bu ni byang chub ste/ zag pa med pa rnam par dag pa gang zhig mi mthun pa'i phyogs la nges par grol ba de ni gzhan ma yin te/ 'on kyang gzugs la sogs pa dag pa nyid do/ /gzugs la sogs pa'i phung po zag pa dang bcas pa gang zhig dag pa ni de nyid de'i phyir 'bras bu dag pa dang gzugs dag pa la sogs pa dag pa de gnyis dbyer med gcad du med pa'i phyir tha dad ma yin zhes pa ni 'bras bu dang /gzugs la sogs pa gnyis ka rnam par dag pas na tha dad du ma grub pa'o/ /gcad du med ces pa ni 'bras bu dag pa dang /gzugs la sogs pa dag pa gnyis su med pa'i rang bzhin pa'i don to/ /thun mong gi rnam par dag pa'i mtshan nyid bstan nas bye brag rnams gsungs pa/ nyon mongs shes bya lam gsum gyi/ /nyams phyir slob ma bse ru dang / /rgyal sras rnams kyi dag pa ste//sangs rgyas rnam kun shin tu ba/ /zhes pa ste/ 'dod chags pa'i nyon mongs pa rnams spangs pa las nyan thos kyi rnam par dag pa'o/ /shes bya'i sgrib pa'i phyogs gcig gzung ba'i rnam par rtog pa spangs pa las rang sangs rgyas kyi rnam par dag pa'o/ / theg pa gsum thob par byed pa la sgrib pa spangs pa las byang chub sems dpa'i rnam par dag pa'o/ /rnam pa thams cad kyi chos thams cad la nyon mongs pa dang shes bya'i sgrib pa bag chags dang bcas pa spangs pa las shin tu ste sangs rgyas bcom ldan 'das kyi rnam par dag pa'o//sa dgu ni 'dod pa'i khams dang / gzugs kyi khams dang / gzugs med pa'i khams kyi snyoms par 'jug pa brgyad de/ de rnams rnam par dag pa ni bsgrub par bya'o/ /de bas na sa dgu la bsgom pa'i lam rnam pa dgur bstan par bya ste/ sa dgu la ni chen po yi/ / chen po la sogs dri ma yi/ /gnyen po'i sgo nas chung ngu yi/ /chung ngu la sogs lam yin no/ /zhes pa ste dag par byed pas na dag pa'o/ /chen po'i chen po la sogs pa mi mthun pa'i phyogs rnam pa dgu'i gnyen po'i phyogs nyid ni chung ngu'i chung ngu la sogs pa'i lam gyi rim pa ji lta ba bzhin du rnam pa dgu'o//sangs rgyas kyi dag pa ste ji ltar shin tu ba zhes pa la gsungs pa/ klan ka de ni spangs pa yis/ /lam ni 'jal dang gzhal bya dag /mnyam pa nyid kyi khams gsum gyi/ /gnyen po nyid du 'dod pa yin/ /zhes pa ste/ 'jal byed dang gzhal bya mnyam pa nyid ces pa la 'jal byed ni 'dzin pa'o//gzhal bya ni gzung ba ste/ de dag gi mnyam pa nyid ni gcig tu yang med cing gnyis su yang med pas ma grub pa nyid kyi phyir mnyam pa'o/ /de dag nyid khams gsum pa'i gnyen po'i phyogs nyid kyis te/ ji skad gsungs pa'i shin tu ba'i bsgom pa'i lam zhes pas shin tu dag pa'i sangs rgyas bcom ldan 'das so//klan ka de ni spangs pa yis/ /zhes pa ni chung ngu'i chung ngu la sogs gnyen po'i phyogs kyi chung ngu'i chung ngu la sogs pa'i mi mthun pa'i phyogs nyid la'o zhes pa ni mi rigs te/ gnyen po'i phyogs chen po'i chen po la sogs pas mi mthun pa'i phyogs chung ngu'i chung ngu la sogs pa spong ba ni rigs te/dper na gos la zhen pa'i dri ma phra mo dag bkru ba ni khrus mkhan gyi brtson pa chen pos spang bar nus so/ /de bas na ji ltar gsungs pa'i rim par rtogs par bya'o/ /mngon par rtogs pa'i rgyan gyi 'grel ba grags pa'i cha zhes bya ba las skabs gnyis pa'i 'grel pa'o// //da ni nyan thos la sogs pa'i gang zhig thams cad shes pa de'i sde snod las bshad pa bden pa bzhi la rnam pa bcu drug gi bdag nyid la sogs pa de la ji lta ba bzhin du 'dir byang chub sems dpa'i lam la rtogs par bya'o//de lta bas na rtogs pa'i phyir gsungs pa/ tshu rol pha rol mtha' la min/ /de dag bar na mi gnas pa/ /dus rnams mnyam pa nyid shes phyir/ /shes rab pha rol phyin par 'dod/ /ces bya ste/ shes rab kyi pha rol tu phyin pa ni 'dir thams cad shes pa'o//'di la nyan thos kyi dus rnams mnyam pa nyid yongs su shes pa med pas na 'khor ba dang mya ngan las 'das pa dang dbus su yang khas mi len te/ byang chub sems dpas 'di lta bur khas blang bar mi bya zhes rtogs par bya ste/ de ni shes rab kyi pha rol tu phyin pa'o/ / tshu rol min zhes pa ni 'khor ba la'o/ /pha rol min zhes pa ni mya ngan las 'das pa'o/ /de dag bar na mi gnas zhes pa ni sangs rgyas dang byang chub sems dpa' rnams so/ /'dod pa ni yang dag par 'dod pa'o/ /gang zhes pa la gsungs pa/ dus rnams mnyam pa nyid shes phyir/ / zhes pa ste/ dus gsum po rnams kyi dngos po kun rang gsal ba'i bdag nyid gzung ba dang 'dzin pas stong pa de nyid mnyam pa nyid de dag dngos su mngon du byas pas 'khor ba la rab tu mi gnas pa dang mya ngan las 'das pa la rab tu mi gnas zhes bshad do/ /'o na stong pa nyid ni thams cad du yod pa nyid de rtogs pa'i shes rab kyi pha rol tu phyin pa yang thams cad du yod pa yin na de dag nyan thos rnams kyis ci ste mi rtogs byang chub sems dpa' kho nas ci ste rtogs zhes sems pa la gsungs pa/de ni mtshan mar dmigs sgo nas/ /thabs ma yin pas ring ba ste//de ni thabs la mkhas pa yis/ /yang dag nye ba nyid du bshad/ /ces pa ste/ de ni mtshan mar dmigs sgo nas/ /zhes pa ni phung po la sogs pa gzung ba dang 'dzin pa dag tu yongs su 'dzin pa ste/ de yang mtshan mar 'dzin pas so/ /gzung ba dang 'dzin par dmigs pas thabs ma yin no//thabs ma yin pa des na nyan thos kyi shes rab kyi pha rol tu phyin pa ring ba ste/ mi rtag pa la sogs pa bzhin du mngon sum du byas kyang nges pa ma skyes pa'o/ /sangs rgyas la sogs pa rnams ni thabs la mkhas pas gzung ba dang 'dzin pa bkag pa'o//mtshan nyid kyi stong pa nyid mngon sum du byed pa'i bdag nyid kyi shes rab kyi pha rol tu phyin pa ni kun du nye bar brjod do/ /'dis ni nye ba dang ring ba dag bshad do/ /nyan thos la sogs pa rnams kyis gzung ba dang 'dzin pa la sogs pa'i phung po rnams la bdag gis byin gyis brlabs par shes pa ni mi mthun pa'i phyogs so//de dag stong pa nyid du nges par byas pa nyid gnyen po'i phyogs so/ /dus gsum gyi rang bzhin gcig tu shes pa ni mi mthun pa'i phyogs so/ /'di ni 'das pa'o/ /'di ni ma 'ongs pa'o/ /'di ni da ltar ro zhes dbye ba nges par shes pa ni gnyen po'i phyogs so//ser sna la sogs pa mi mthun pa'i phyogs so/ /sbyin pa la sogs pa la chags pa dang / byang chub kyi phyogs rnams la chags pa ni gnyen po'i phyogs so/ /'di dag kyang byang chub sems dpa'i mi mthun pa'i phyogs yin no zhes bstan pa'i phyir gsungs pa/gzugs sogs phung po stong nyid dang / /dus gsum rtogs pa'i chos rnams dang / /sbyin sogs byang chub phyogs rnams la/ /spyod pa'i 'du shes mi mthun phyogs/ /zhes pa'o/ /byang chub sems dpa' de rnams kyi gnyen po'i phyogs gang yin zhes sems pa gsungs pa/sbyin la sogs la ngar 'dzin med/ /gzhan dag de la sbyor byed pa/ /de ni chags pa'i mtha' 'gog pas/ /rgyal la sogs la chags pa phra/ /zhes pa ste/ sbyin pa la sogs pa la rang nyid kyang kun du spyod pa dang / gzhan dag kyang de la 'god par byed pa dang / bdag dang bdag gi med par rtogs pas ngar 'dzin med pa ni chags pa med pa la rab tu zhugs pa'i byang chub sems dpa'i gnyen po'i phyogs so/ /'di zhes pa'am/ 'di nyid ces pa'i chags pa med pa la zhugs pa'i mtshan nyid ni nga rgyal med pa'o/ /chags pa'i mtha' 'gog pa ni chags pa'i tshogs rnams zad par byed cing 'gog par byed pas na 'gog pa'o//gal te byang chub sems dpas chags pa med pa kho na la 'jug par byed na de lta na ni de bzhin gshegs pa la sogs pa rnams la mchod pa bya ba dang / gus pa bya ba dang / phyag bya ba dang /sbyin pa la sogs pa yang mngon par chags pa yin pas mi mthun pa'i phyogs su thal bar 'gyur ro zhes sems na bden te/ bla na med pa'i tshogs kyi rgyur chags pa phra mo 'di yang mi mthun pa'i phyogs nyid do zhes pa 'di la skrag par mi bya'o/ /chags pa phra mo 'di mi mthun pa'i phyogs nyid yin pa de ji ltar zhes pa la gsungs pa/chos kyi lam ni rang bzhin gyis/ /dben pa'i phyir na de zab nyid/ /ces pa ste/ de ni shes rab kyi pha rol tu phyin pa'o/ /zab pa ni gzung ba dang 'dzin pas stong pa'i yul te ngo bo nyid kyis so/ /chos kyi lam ni brtags pa'i tshogs te/bden pa med pa'o/ /des na shes rab kyi pha rol tu phyin pa der chags pa thams cad dang bral bas na chags pa phra mo yang mi mthun pa'i phyogs nyid do/ /de la chags pa phra mo rnams ji ltar spong zhes sems pa la gsungs pa/ chos rnams rang bzhin gcig par ni//shes pas chags pa spong ba nyid/ /ces pa ste/ shes rab kyi pha rol tu phyin pa 'di ji ltar rtogs par dka' zhes pa la gsungs pa/ mthong ba la sogs bkag pa yis/ /de ni rtogs par dka' bar bshad/ /ces pa ste/ mthong ba ni mthong bya'am mthong byed do//sogs pa'i sgras byed pa po la sogs pa gzung ngo / /de bkag pas shes rab kyi pha rol tu phyin pa stong pa nyid gsal ba'i bdag nyid de ni rtogs par dka' bar brjod do/ /des na rtogs par dka' ba'i phyir/ bcom ldan 'das ma ni shin tu zab po/ /yang shes rab kyi pha rol tu phyin pa 'di gzung ba dang /'dzin pa la sogs pa'i dngos por bsam gyis mi khyab pa de ji ltar zhes pa la gsungs pa/ gzugs la sogs par mi shes phyir/ /de ni bsam mi khyab par 'dod/ /ces pa ste/ gzugs la sogs par zhes pa ni gzugs kyi phung po la sogs pa nas gzung ste/sangs rgyas kyi chos ma 'dres pa'i mthar thug pa de'i bdag nyid du 'dus te/ gzung ba dang 'dzin pa'i dngos po dang bcas par shes rab kyi pha rol tu phyin pa 'di bsam gyis mi khyab par 'dod de/ de lta bas na gzung ba la sogs pa'i dngos po shes rab kyi pha rol tu phyin pa la rtog pa ni byang chub sems dpa'i mi mthun pa'i phyogs so//mi mthun pa'i phyogs dang gnyen po'i phyogs dag gis nye bar bsdu ba gsungs pa/ de ltar kun shes nyid lugs la/ /mi mthun phyogs dang gnyen po dag /rnam par dbye ba ma lus pa//ji skad bshad pa 'di shes bya/ /zhes pa ste/ thams cad ces pa'i dbang du byas pa'i nyan thos dang byang chub sems dpa' dag gis ji skad gsungs pa'i rim pas mi mthun pa'i phyogs dang gnyen po'i phyogs kyi dbye ba shes par bya'o/ /ji ltar thams cad shes pa la gnas pa'i nyan thos kyi rab tu sbyor ba de la byang chub sems dpa' ni kun du spyad par mi bya ste/de nyid bstan pa'i phyir gsungs pa/ gzugs sogs de mi rtag sogs dang / /de ma rdzogs dang rab rdzogs dang / /de la chags pa med nyid la/ /sbyor ba bkag pas spyod pa ni/ /mi 'gyur byed po med nyid dang //sbyor ba bkag pa rnam gsum dang / /skal ba ji bzhin 'bras thob pas/ /de ni 'bras bu yod 'dod dang / /gzhan la rag las min gang dang / /shes byed rnam bdun snang ba la/ /zhes pa ste/ gzugs sogs zhes pa ni gzugs dang tshor ba la sogs pa nas rnam pa thams cad mkhyen pa'i mthar thug pa'o//de mi rtag sogs zhes pa ni gzugs la sogs pa de rtag pa dang mi rtag pa la sogs par dbye ba'o/ /de ma rdzogs dang rab rdzogs dang / /zhes pa la gzugs la sogs pa ma rdzogs pa dang rab tu rdzogs pa nyid kyis so/ /de la chags pa med nyid la//zhes pa ni gzugs la sogs pa la ma zhen pa nyid kyis te/ de la gsungs pa'i yul rnam pa bzhi dang 'chad par 'gyur ba rnam pa bzhi ste de ltar na rnam pa brgyad la'o/ /sbyor ba bkag pas spyod pa ni zhes pa la/ spyod pa ni nyams su blang ba'o/ /sbyor ba ni rtogs pa'o/ / de'i dgag pa ni de dag spong ba ste/ rnam par rtog pa med pa nyid ni byang chub sems dpa'i rab tu sbyor ba'o/ /de'i shugs kyis na nyan thos la sogs pa'i rnam par rtog pa dang bcas pa nyid ni rab tu sbyor ba ste/ de'i sde snod du shes par bya'o/ /mi 'gyur zhes pa ni gzugs la sogs pa 'gyur bar sgro 'dogs par mi byed pa'o//byed po med nyid ces pa ni gzugs la sogs pa nam yang byed pa por rtog par mi byed pa'o/ /sbyor ba dka' ba rnam gsum dang / /zhes pa ni sangs rgyas kyi chos rnams rtogs par bya ba'i phyir go cha'i dka' spyod dang / 'jug pa'i dka' spyod dang /ston pa'i mtshan nyid kyi byed pa'i dka' spyod do/ /de'i 'bras bu yod 'dod dang / /zhes pa ni chos thams cad ston pa'i mtshan nyid kyi dka' ba spyod pa ni 'bras bu med pa ma yin no/ /de bas na skal ba ji lta ba bzhin du 'bras bu thob par byed pa'o/ /gzhan la rag las min gang dang //zhes bya ba ni byang chub sems dpa' rang nyid kyis chos nyid rtogs pa ni gzhan la rag ma las pa ste/ gzhan las rtogs pa ni ma yin zhes pa 'dis so/ /shes byed rnam bdun zhes pa ni chos thams cad ni rmi lam dang / sgyu ma dang / smig rgyu dang / gzugs brnyan dang / dri za'i grong khyer dang / sgra brnyan dang / sprul pa lta bur shes par byed pa nyid kyis te/ rnam bdun zhes bya ba ni byang chub sems dpa' rnams so/ /de la gzugs la sogs pa'i rab tu sbyor ba dang / gzugs la sogs pa mi rtag pa la sogs pa'i rab tu sbyor ba dang / gzugs la sogs pa yongs su ma rdzogs pa dang rdzogs pa'i rab tu sbyor ba dang /gzugs la sogs pa la chags pa med pa'i rab tu sbyor ba dang / gzugs la sogs pa mi 'gyur bar rab tu sbyor ba dang / chos thams cad ni byed pa po med pa'i rab tu sbyor ba dang / sangs rgyas thams cad kyi chos rnams thob par bya ba'i ched du go cha'i dka' spyod kyi rab tu sbyor ba dang /sangs rgyas kyi chos thams cad thob par bya ba'i ched du 'jug pa'i dka' spyod kyis rab tu sbyor ba dang / sems can thams cad la rnam pa thams cad kyis chos thams cad ston pa'i bdag nyid kyi phrin las kyi don du 'dug pa nyid kyis na phrin las kyi dka' spyod kyi rab tu sbyor ba'o//nges par chos kyi 'khor lo rab tu skor bar byed pa nyid kyis na 'bras bu yod pa'i rab tu sbyor ba'o/ /rang nyid kyis yul thams cad yongs su shes pas gzhan la rag ma las pa'i rab tu sbyor ba dang /ji skad gsungs pa'i rnam pa bdun po'i rab tu sbyor ba zhes pa ste/ byang chub sems dpa'i chags pa med pa'i rab tu sbyor ba rnam pa bcu gnyis so/ /mnyam pa nyid kyi sgo nas rab tu sbyor ba bsgom par bya zhes pas mnyam pa nyid gsungs pa/ gzugs la sogs la rlom med pa//rnam bzhi de yi mnyam pa nyid/ /ces pa ste/ gzugs la sogs pa rnam pa bcu gnyis kyis rab tu sbyor ba zhes pa ste/ de'i rab tu sbyor bas mnyam pa nyid ces par 'brel to/ /gzugs la sogs pa la rnam par rtog par mi byed pa dang / gzugs la sogs pas cung zad kyang rnam par rtog par mi byed pa dang /gzugs la sogs pa la gzhan dang gzhan du rnam par mi 'byed pa dang / gzugs la sogs pa bdag gis rtogs zhes rnam par rtog par mi byed ces pa ste/ rlom med bzhi'i rab tu sbyor bas mnyam pa nyid do/ /rab tu sbyor ba dang mnyam pa nyid brjod nas mthong ba'i lam shes par bya ba'i phyir mthong ba'i lam de nyid du gsungs pa/sdug bsngal la sogs bden pa la/ /chos shes rjes su shes pa dang / /bzod shes skad cig bdag nyid 'di/ /kun shes tshul la mthong ba'i lam/ /zhes pa ste/ bden pa so so la chos shes pa'i bzod pa dang /chos shes pa dang rjes su shes pa'i bzod pa dang / rjes su shes pa ste/ de ltar skad cig ma bcu drug gi bdag nyid ni thams cad shes pa'i dbang du byas pa'i mthong ba'i lam mo/ /skad cig ma bcu drug po rnams rim pa bzhin du bstan pa'i phyir gsungs pa/ gzugs rtag ma yin mi rtag min/ /mtha' las 'das dang rnam dag dang / /ma skyes ma 'gags la sogs dang / /mkha' 'dra chags pa spangs pa dang / /yongs su 'dzin las grol ba dang / /ngo bo nyid kyi brjod med dang / /gang phyir 'di don brjod pa yis/ /gzhan la sbyin du med pa dang / / dmigs pa med par byed pa dang / /shin tu rnam dag nad mi 'byung / /ngan song chad dang 'bras bu ni/ /mngon du bya la mi rtog nyid/ /mtshan ma dag dang ma 'brel dang / /dngos dang ming dang gnyis po la/ /shes pa skye ba med pa ni/ /kun shes nyid kyi skad cig ma/ /zhes pa ste/ gzugs rtag ma yin mi rtag min//zhes pa ni/ gzugs dang tshor ba la sogs pa nas rnam pa thams cad mkhyen pa'i mthar thug pa rnams rang bzhin gyis 'od gsal zhing brtags pa'i rang bzhin med pa nyid kyis rtag pa ma yin zhing mi rtag pa yang ma yin zhes pa ni sdug bsngal la chos shes pa'i bzod pa'o//mtha' las 'das dang zhes pa ni brtags pa nyid dang bral bas rtag pa dang chad pa'i mtha' gnyis las 'das zhes pa sdug bsngal la chos shes pa'o/ /rnam dag dang zhes pa ni gzugs la sogs pa rang bzhin gyis yongs su dag pa zhes pa ni sdug bsngal la rjes su shes pa'i bzod pa'o//ma skyes ma 'gags la sogs dang / /zhes pa ni gzugs la sogs pa nas rnam pa thams cad mkhyen pa'i mthar thug pa rnams ma skyes pa dang ma 'gags pa dang / kun nas nyon mongs pa med pa dang rnam par byang ba med pa ni sdug bsngal la rjes su shes pa'o//mkha' 'dra zhes pa ni gzugs la sogs pa nas rnam pa thams cad mkhyen pa'i mthar thug pa rnams 'od gsal ba nyid kyis sgro btags pa'i spros pa thams cad las grol zhes pa kun 'byung la chos shes pa'i bzod pa'o/ /chags pa spangs pa ni gzugs la sogs pa rnams rang bzhin gyis yongs su dag pa nyid kyis nam mkha' ltar gos pa med pa zhes pa kun 'byung la rjes su shes pa'o//yongs su 'dzin las grol ba zhes bya ba ni gzugs la sogs pa rnams nam mkha' ltar gzung ba dang 'dzin pa med pa zhes pa kun 'byung la rjes su shes pa'i bzod pa'o//ngo bo nyid kyis brjod med dang / /zhes pa ni gzugs la sogs pa rnams rang bzhin gyis rnam par rtog pa med par gsal bas brjod du med pa ste/ brjod bya dang rjod byed du med pa zhes kun 'byung la rjes su shes pa'o/ /brjod pa yis zhes pa dang grol ba zhes pa sbyar te/brjod par bya ba dang rjod par byed pa'i rgyu rnams kyis gzugs la sogs pa ni grol ba'o/ /ci ste zhes pa la gsungs pa/ gang phyir 'di don rjod pa'i rgyus gzhan dag la thob pa med pa des na gzugs la sogs pa rnams brjod du med cing rgyur med ces pa 'gog pa la chos shes pa'i bzod pa'o//dmigs pa med par byed pa dang / /zhes pa ni gzugs la sogs pa rnams dmigs par bya ba'i bdag nyid du byed pa med pa ni 'gog pa la chos shes pa'o/ /shin tu rnam dag ces pa ni gzugs la sogs pa rnams te/de kho na nyid du dri ma'i zhad tsam yang med pas na shin tu rnam dag ste/ 'gog pa la rjes su shes pa'i bzod pa'o/ /nad mi 'byung zhes pa ni gzugs la sogs pa shin tu rnam par dag pas nad la sogs pa 'byung bar mi 'gyur te/ 'gog pa la rjes su shes pa'o//ngan song chad dang zhes pa la/ ngan song rnams chad pa ni ngan 'gro las 'das pa ste/ gzugs la sogs pa rnams shin tu rnam par dag par mos pa nyid kyis ngan song chad par 'gyur te/ lam la chos shes pa'i bzod pa'o/ /mi rtog nyid ces pa ni chos thams cad skye ba dang 'gag pa'i rnam par rtog pa zad pa ste/de lta mod kyi gzugs la sogs pa rnams la shin tu rnam par dag par mos pa nyid kyis lam la chos shes pa'o/ /'bras bu mngon du bya ba dang / /mtshan ma dag dang ma 'brel dang / /zhes pa la/ sangs rgyas la sogs pa'i 'bras bu rnams mngon du bya ba'i don du rnam par rtog pa'i rgyu mtshan ma rnams yongs su spong ba zhes pa ni lam la rjes su shes pa'i bzod pa'o//dngos dang ming dang gnyis po la/ /shes pa skye ba med pa ni/ /zhes pa la/ dngos zhes pa ni brjod par bya ba ste/ don gyi dngos po'o/ / ming zhes pa ni de rjod byed de tshig go/ /gnyis po zhes pa ni gzung ba dang 'dzin pa dag go/ /shes pa zhes pa ni gsungs pa'i don rnams gang gis shes pa'i don don dam par ma skyes pa'o/ /dang yig ni sdud pa ste/ brjod par bya ba dang / rjod par byed pa dang / gzung ba dang 'dzin pa rnams kyang ma skyes pa ste lam la rjes su shes pa dang /kun shes nyid kyi skad cig ma/ /zhes pa'o/ /'di rnams byang chub sems dpas thams cad ces pa 'di'i mthong ba'i lam gyi bdag nyid skad cig ma bcu drug tu rtogs par bya'o/ /nyan thos kyis ji ltar rtogs par bya ba'i sdug bsngal la chos shes pa'i bzod pa la sogs pa de ltar nyan thos kyi lam nyid du brjod do//thams cad shes pa nyid la byang chub sems dpas nyan thos kyi lam shes par ni bya ste/ mngon du bya ba ni ma yin no/ /des na 'dir bsgom pa'i lam ma bstan to/ /kun mkhyen rnam pa gsum rgyas pa'i tshul gyis bstan nas nye bar bsdu ba'i phyir gsungs pa/de ltar 'di dang yang 'di dang / /yang 'di yin te rnam gsum po/ /'dis ni gnas skabs gsum po dag /rdzogs par yongs su bstan pa yin/ /zhes pa ste/ ji skad gsungs pa'i rigs pas 'di dang zhes pa ni rnam pa thams cad mkhyen pa'o//yang 'di zhes pa ni lam shes pa'o/ /yang 'di yin te zhes pa ni thams cad shes pa ste/ le'u gsum rdzogs par bstan pa'o/ /mngon par rtogs pa'i rgyan gyi 'grel pa grags pa'i cha zhes bya ba las skabs gsum pa'i 'grel pa'o// //kun mkhyen pa gsum yongs su shes par dbang du bya ba'i don du yang dngos po dang lam dang rnam pa rnams bsdus nas/ kun mkhyen rnam pa gsum bsgom par bya zhes pas rnam pa kun mngon par byang chub pa gsungs pa/ gzhi dang ye shes rnam pa yi//rnam pa zhes bya mtshan nyid do/ /kun mkhyen nyid ni rnam gsum phyir/ /de ni rnam pa gsum du 'dod/ /ces pa ste/ gzhi dang zhes pa ni chos can nyid du kun brtags pa'i bden pa bzhi la sogs par dmigs pa'o/ /de la gang zhig ye shes kyi rnam pa ye shes kyi bya bar 'gyur ba dang /rtogs par 'gyur ba'i mi rtag pa la sogs pa'i chos kyi rab tu dbye ba ste/ de rnams kyi rnam pa ni mtshan nyid ces pa ni mtshan ma'o/ /kun mkhyen rnams rnam pa gsum yin pa nyid kyis na de'i rnam pa yang gsum nyid do/ /de la thams cad shes par rtogs pa'i rnam pa dag gsungs pa/med pa'i rnam pa nas gzung ste/ /mi g.yo ba yi rnam pa'i bar/ /bden pa so so la bzhi dang / /lam la de ni bco lngar bshad/ /ces pa ste/ med pa'i rnam pa nas gzung ste ji srid mi g.yo ba'i pha rol tu phyin pa'o zhes pa'i bar rnam pa nyi shu rtsa bdun te/sdug bsngal ba dang / kun 'byung dang / 'gog pa'i bden pa rnams la bzhi bzhi'o/ /lhag ma bco lnga ni lam gyi bden pa'o/ /de la sdug bsngal la med pa nyid dang / mnyam pa nyid dang / dben pa nyid dang / kun gnyer med pa nyid de rnam pa bzhi'o/ / kun 'byung la gnas med pa nyid dang / nam mkha' med pa nyid dang / brjod du med pa nyid dang / rlom pa med pa zhes pa ste bzhi'o/ /'gog pa la 'ong ba med pa nyid bsdur med pa dang / zad pa med pa dang / skye ba med pa nyid de rnam pa bzhi'o/ /lam la byed pa po med pa dang / shes pa po med pa dang /'pho ba med pa dang / nyams pa med pa dang / rmi lam dang / sgra brnyan dang / gzugs brnyan dang / smig rgyu dang / sgyu ma dang / kun nas nyon mongs pa med pa dang / rnam par byang ba med pa dang / yongs su ma gos pa dang / nga rgyal med pa dang / g.yo ba med pa dang / rmi lam ste bco lnga'o/ /spyir bsdoms na nyi shu rtsa bdun te/ thams cad shes pa'i rnam pa'o/ /lam shes kyi dbang du byas nas gsungs pa/ rgyu dang lam dang sdug bsngal dang / /'gog pa la ni go rims bzhin/ /de dag brgyad dang bdun dang ni/ /lnga dang bcu drug ces grags so/ / zhes pa ste/ rgyu ni kun 'byung ngo / /'dir kun 'byung thog mar gsungs pa ni/ 'bras bu'i thabs su gyur pa nyid kyis na'o/ /sdug bsngal dang 'gog pa phyis gsungs pa ni 'bras bur gyur pa nyid kyis na'o/ /de rnams kyi rnam pa ni rim pa ji lta ba bzhin du brgyad dang / bdun dang / lnga dang / bcu drug tu mdo las gsungs pa'o/ /de la kun 'byung la chags pa dang bral ba dang / gnas pa med pa dang / zhi ba dang / 'dod chags med pa dang / zhe sdang med pa dang / gti mug med pa dang / nyon mongs pa med pa dang / bden pa med pa ste brgyad do/ /lam la tshad med pa dang /mtha' gnyis kyi rjes su mi 'gro ba dang / so so ba med pa dang / gzhan la rag tu med pa dang / rnam par rtog pa med pa dang / gzhal bya med pa dang / go skabs med pa'i rnam pa dang bdun no/ /sdug bsngal la mi rtag pa dang / sdug bsngal ba dang / stong pa nyid dang /bdag med pa dang / mtshan nyid med pa'i rnam pa dang lnga'o/ /'gog pa la nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang /mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid bcu drug gi rnam pa bcu drug ste/ spyir bsdoms na rnam pa sum cu rtsa drug go/ /rnam pa thams cad mkhyen par rtogs pa'i rnam pa rnams gsungs pa/ kun mkhyen nyid gsum bye brag gis/ /lam gyi bden pa dang mthun par/ /dran pa nyer gzhag nas gzung ste//tha ma sangs rgyas nyid rnam par/ /slob ma byang chub sems dpa' dang / /sangs rgyas rnams la rim bzhin te/ /sum cu bdun dang sum cu bzhi/ /sum cu rtsa dgu dag tu bzhed/ /ces pa ste/ 'phags pa'i gang zag thams cad yang dag par bsdus pa rnam pa thams cad mkhyen pa ste/kun mkhyen gsum yang dag par bsdus pa'i lam gyi grangs ji lta ba bzhin du nyan thos rnams kyi sum cu rtsa bdun dang / byang chub sems dpa' rnams kyi sum cu rtsa bzhi dang / sangs rgyas rnams kyi sum cu rtsa dgur bzhed do/ / de la lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa ste/ dran pa nye bar gzhag pa bzhi'o/ /sdig pa mi dge ba'i chos skyes pa rnams spong ba dang / mi dge ba'i chos ma skyes pa rnams mi bskyed pa dang / dge ba'i chos ma skyes pa rnams bskyed pa dang / dge ba'i chos skyes pa rnams 'phel bar byed pa ste/ yang dag par spong ba bzhi rnams so/ /'dun pa'i ting nge 'dzin dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin ste/ rdzu 'phrul gyi rkang pa bzhi rnams so/ /dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po lnga rnams so/ /'di rnams nyid mi mthun pa'i phyogs kyis mi brdzi bas na dad pa'i stobs dang /brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang lnga po rnams so/ /dran pa yang dag byang chub kyi yan lag dang / chos rab tu rnam par 'byed pa yang dag byang chub kyi yan lag dang /brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dang zhes bya ba ste byang chub kyi yan lag bdun no//yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin zhes bya ba ste/ 'phags pa'i lam yan lag brgyad do/ /'di rnams ni thams cad shes pa nyid du rtogs pa'i rnam pa sum cu rtsa bdun te slob ma rnams kyi'o/ /stong pa nyid dang / mtshan ma med pa dang / smon pa med pa ste rnam par thar pa'i sgo gsum dang / gzugs can rnams la gzugs su lta ba ni rnam par thar pa dang po'o/ /nang gzugs can gyi mtshan ma la phyi'i gzugs su lta ba ni rnam par thar pa gnyis pa'o/ /sdug pa'i rnam par thar pa lus kyis mngon du byas te gnas pa ni rnam par thar pa gsum pa'o/ /'dir lus kyis zhes pa ni shes rab kyis zhes par rtogs par bya'o//nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched dang / 'du shes dang tshor ba dag 'gog pa ste lnga dang / sngar gyi gsum dang bsdoms pas rnam par thar pa brgyad do//bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang /'du shes med 'du shes med min gyi skye mched dang / 'gog pa'i snyoms par 'jug pa ste mthar gyis gnas pa'i snyoms par 'jug pa dgu'o/ /sdug bsngal ba dang / kun 'byung dang / 'gog pa dang / lam ste bden pa bzhi po rnams dang / sbyin pa la sogs pha rol tu phyin pa bcu po rnams te/rnam pa sum cu rtsa bzhi po lam shes kyis yang dag par bsdus pa ni byang chub sems dpa' rnams kyi'o/ /gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / mos pa sna tshogs mkhyen pa'i stobs dang /'jig rten gyi khams du ma mkhyen pa'i stobs dang / dbang po mchog dang mchog ma yin pa mkhyen pa'i stobs dang / thams cad du 'gro ba'i lam mkhyen pa'i stobs dang / kun nas nyon mongs pa dang / rnam par byang ba mkhyen pa'i stobs dang /sngon gyi gnas rjes su dran pa'i stobs dang / 'chi 'pho dang skye ba mkhyen pa'i stobs dang / zag pa zad pa mkhyen pa'i stobs te bcu po rnams so/ /mngon par byang chub pa la mi 'jigs pa dang / zag pa rnams zad pa la mi 'jigs pa dang / bar du gcod pa'i chos rnams kyis mi 'jigs pa dang /nges par 'byung ba'i chos rnams kyis mi 'jigs pa bzhi rnams so/ /chos so so yang dag par rig pa dang / don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ so so yang dag par rig pa bzhi'o/ /'khrul pa mi mnga' ba dang / ca co mi mnga' ba dang / dran pa nyams pa mi mnga' ba dang / sems mnyam par ma bzhag pa mi mnga' ba dang / 'du shes sna tshogs mi mnga' ba dang / sems can rnams la btang snyoms su gzhag pa mi mnga' ba dang / 'dun pa nyams pa mi mnga' ba dang / brtson 'grus nyams pa mi mnga' ba dang / dran pa nyams pa mi mnga' ba dang / ting nge 'dzin nyams pa mi mnga' ba dang / shes rab nyams pa mi mnga' ba dang / rnam par grol ba nyams pa mi mnga' ba dang / lus kyi las rnams ye shes sngon du 'gro ba dang / ngag gi las rnams ye shes sngon du 'gro ba dang / yid kyi las rnams ye shes sngon du 'gro ba dang / 'das pa la ma chags shing ma nyams pa'i ye shes dang / ma 'ongs pa rnams la ma chags shing ma nyams pa'i ye shes dang /da ltar ba rnams la ma chags shing ma nyams pa'i ye shes te sangs rgyas kyi chos ma 'dres pa bco brgyad do/ /sangs rgyas kyis gsungs pa'i de bzhin nyid dang / chos thams cad kyi gtsor rang byung ba dang / rnam pa kun mngon par byang chub pa zhes pa ste/yang dag par rdzogs pa'i sangs rgyas la rnam pa dag sum cu rtsa dgu'o/ /de ltar thams cad shes pa nyid kyis bsdus pa'i rnam pa nyi shu rtsa bdun no/ /lam shes pa nyid kyis bsdus pa'i rnam pa sum cu rtsa drug go/ /rnam pa thams cad mkhyen pas yang dag par bsdus pa la gang zag gi rab tu dbye bas sum cu rtsa bdun dang /sum cu rtsa bzhi dang / sum cu rtsa dgu zhes pa ste bcu lhag pa'i brgya'o/ /thams cad gcig tu bsdus na bdun cu rtsa gsum lhag pa'i brgya tham pa'i rnam pa rnams so/ /rnam pa dag gsungs nas/da ni ji ltar rab tu sbyor ba mdor bstan pa de rnams brjod par bya ste/ bcom ldan 'das ma yang shes rab tu sbyor ba nyi shu brjod par bya ba de la rab tu sbyor bar byed pa yang sbyor ba po nyid las 'gyur te/ de bas na thos par 'gyur ba yang rnyed par dka' zhes bstan pa'i phyir gsungs pa/sangs rgyas rnams la bkur sti byas/ /de las dge ba'i rtsa ba bskrun/ /dge ba'i bshes kyi mgon bcas pa/ /'di nyan pa yi snod yin no/ /sangs rgyas bsten dang kun 'dri dang / /sbyin dang tshul khrims sogs spyod pas/ /len dang 'dzin pa la sogs pa'i//snod du dam pa rnams bzhed do/ /zhes pa ste/ des nges par bdag nyid chos nyan pa po gang gis sngon du sangs rgyas rnams la skyabs su 'gro bas byang chub tu sems bskyed pa la sogs pa byas pas skal ba dang ldan par 'gyur ba ste sangs rgyas ni chags pa dang zhe sdang dang gti mug med pa'i mtshan nyid can te/de rnams la dge ba'i rtsa ba bskrun pas na/ dge ba'i bshes gnyen gyis byin gyis brlabs pa la sogs pa bzhi po rnams nyid kyis 'di nyan pa'i skal ba dang ldan zhing snod yin gyi gzhan ni ma yin no//yang gang gis skye ba snga ma la sangs rgyas rnams la lan mang du bkur sti byas pa dang / yang dag par dris pa dang sbyin pa la sogs pa pha rol tu phyin pa drug dang bcas pa la legs par goms par byas na de dag nyid len pa dang 'dzin pa dang don rtogs pa la sogs pa'i snod du 'gyur zhes pa ni tshigs bcad dag gi don to//da ni rab tu sbyor ba rnams bstan pa'i phyir gsungs pa/ gzugs la sogs la mi gnas phyir/ /de la sbyor ba bkag pa'i phyir/ /de yi de bzhin nyid zab phyir/ /de rnams gting dpag dka' ba'i phyir//de dag tshad ni med phyir dang / /tshegs chen yun ring rtogs pa'i phyir/ /lung bstan phyir mi ldog pa dang / /nges 'byung bar chad med bcas dang / /byang chub nye dang myur ba dang / /gzhan don 'phel med 'grib med phyir/ /chos dang chos min sogs mi mthong / / gzugs sogs bsam mi khyab mi mthong / /gzugs sogs de yi mtshan ma dang / /de yi ngo bor rnam mi rtog /'bras bu rin chen sbyin byed dang / /de ni dag pa mtshams dang bcas/ /zhes pa ste/ gzugs la sogs la mi gnas phyir/ /zhes pa ni gzugs la sogs pa'i phung po rnams khas mi len pa ste/gzugs la sogs pa la mi gnas pa'i rab tu sbyor ba'o/ /de la sbyor ba bkag pa'i phyir zhes pa ni gzugs la sogs pa la chags pa'i mtshan nyid kyi sbyor ba bkag pa ni gzugs la sogs pa la rnal 'byor bkag pa'i rab tu sbyor ba'o//de yi de bzhin nyid zab phyir/ /zhes pa ni gzugs la sogs pa'i de bzhin nyid zab pa'i phyir bcom ldan 'das ma ni zab pa ste/ zab pa'i rab tu sbyor ba'o/ /de rnams gting dpag dka' ba'i phyir zhes pa gzugs la sogs pa gting dpag dka' ba nyid kyis na bcom ldan 'das ma ni gting dpag dka' ste gting dpag dka' ba'i rab tu sbyor ba'o//de dag tshad ni med phyir dang / /zhes pa ni gzugs la sogs pa tshad med pa'i phyir bcom ldan 'das ma ni tshad med pa ste tshad med pa'i rab tu sbyor ba'o/ /tshegs chen yun ring rtogs pa'i phyir//zhes pa ni bcom ldan 'das ma des spyo ba byas pa'i sdig pa rnams dag pa ni tshegs chen po yun ring gis mngon par rtogs zhes pa ste/ tshegs chen yun ring gis rtogs pa'i rab tu sbyor ba'o/ /lung bstan zhes pa ni gang gis 'di lta bu'i bcom ldan 'das ma thos nas mi skrag cing ji ltar nus pa bzhin du rab tu 'jug pa de ni sangs rgyas nyid gsum gyi rjes la lung bstan pa thob pa zhes pa ni lung bstan pa rab tu thob pa'i sbyor ba'o//phyir mi ldog ces pa ni gang gis bcom ldan 'das ma 'di dag la rtog pa med pa thob par 'dod pa dang /ji srid du don 'di rnams yid la byed par 'gyur ba de ni phyir mi ldog par 'gyur te/ phyir mi ldog pa'i rab tu sbyor ba'o/ /nges 'byung zhes pa ni gang zhig 'di lta bu'i bcom ldan 'das ma thob par bya ba'i phyir ji srid du de kho na nyid yid la byed pa de ni bya dka' ba'i mtha' las nges par 'byung ba ste/nges par 'byung ba'i rab tu sbyor ba'o/ /bar chad med bcas zhes pa ni bar chad med pa dang bcas par 'jug pa ste/ nges par 'byung ba dang bcas pa ni nges par 'byung ba dang bar chad med pa'i don to/ /gang gis bcom ldan 'das ma mthong ba la sogs pa thob pa des bar chad med pa nyid du byang chub tu lung bstan pa thob ces pa ste/bar chad med pa'i rab tu sbyor ba'o/ /byang chub nye dang zhes pa ni gang gis bcom ldan 'das ma la lta ba la sogs pa'i don thob pa des nye ba nyid du mngon par byang chub pa thob ces pa ste/ nye bar mngon par byang chub pa'i rab tu sbyor ba'o//myur ba zhes pa ni byang chub tu zhes pa dang sbyar te gang gis bcom ldan 'das ma lta ba la sogs pa thob pa des yun ring po ma yin pas yang dag par byang chub ces pa ste/ myur bar mngon par byang chub pa'i rab tu sbyor ba'o/ /gzhan don zhes pa ni gzhan gyi don du byang chub sems dpa' rnams rnam pa du ma'i rab tu sbyor bas chos kyi 'khor lo bskor ba la 'jug ces pa ste gzhan don gyi rab tu sbyor ba'o//'phel med 'grib med ces pa ni shes rab kyi pha rol tu phyin pa spyod pa 'di la gang gis phung po dang khams dang skye mched la sogs pa rnams 'phel ba dang 'grib par ma mthong ba de ni 'phel med 'grib med kyi rab tu sbyor ba'o//chos dang chos min sogs mi mthong / /zhes pa ni gang zhig gzugs nas ji srid thams cad mkhyen pa'i bar du chos zhes pa de ni rjes su mi mthong ngo / /chos min zhes rjes su mi mthong ba de ni chos dang chos min la sogs pa mi dmigs pa'i rab tu sbyor ba'o//gzugs sogs bsam mi khyab mi mthong / /zhes pa ni gzugs la sogs pa bsam gyis mi khyab pa nas ji srid thams cad mkhyen pa'i bar du bsam gyis mi khyab ste/ de'i don mi mthong ba ni mtshan ma med pa'i rab tu sbyor ba'o/ /gzugs sogs de yi mtshan ma dang //de yi ngo bor rnams mi rtog /ces pa ni ting nge 'dzin la gnas te gzugs la sogs pa nas ji srid thams cad mkhyen pa'i bar du rnam par rtog pa med pa ni rnam par rtog pa med pa'i rab tu sbyor ba'o/ /'bras bu rin chen sbyin byed dang / /zhes pa la/ 'bras bu rin chen ni rgyun du zhugs pa nas ji srid chos kyi 'khor lo bskor ba'i bar du'o//de ster ba ni bcom ldan 'das ma ste 'bras bu rin chen sbyin byed kyi rab tu sbyor ba'o/ /dag pa zhes pa la/ dag pa'i phung po ni bcom ldan 'das ma ste/ gzugs la sogs pa dag pa nas ji srid thams cad mkhyen pa'i bar du byed de/rnam par dag pa'i rab tu sbyor ba'o/ /mtshams dang bcas zhes pa ni skyes bu'i don mchog yin pa nyid kyis bcom ldan 'das ma ni bar du gcod pa mang ba ste/ des na lo gcig gi bar gyis rdzogs pa ni bzang po'o/ / rab tu sbyor ba nyi shu po rnams brjod nas/ da ni rab tu sbyor ba byed pa'i yon tan bsngags pa de dag gsungs pa/ bdud kyi mthu bcom la sogs pa/ /yon tan rnam pa bcu bzhi'o/ /zhes pa ste/ bdud rnams kyi nus pa bcom pa'i yon tan dang / sangs rgyas rnams kyis dgongs pa'i yon tan dang /sangs rgyas rnams kyis gzigs pa'i yon tan dang / yang dag par rdzogs pa'i byang chub la nye bar gyur pa'i yon tan dang / don chen po la sogs pa'i yon tan dang / phyogs rnams su gzigs pa'i yon tan dang / dkar po'i chos thams cad yongs su rdzogs pa'i yon tan dang /chos thams cad brjod pa'i yon tan dang / mi phyed pa'i yon tan dang / skye bo mang po la dge ba'i rtsa ba rnams bskyed pa'i yon tan dang / dam bcas pa'i don rdzogs par byed pa'i yon tan dang / 'bras bu rgya chen po yongs su 'dzin pa'i yon tan dang /mdo'i don rnams rab tu rtogs pa'i yon tan dang / pha rol tu phyin pa drug nges par thob pa'i yon tan te yon tan bcu bzhi po rnams brjod pa'o/ /rab tu sbyor ba rnams kyi yon tan bshad nas/ skyon rnams brjod par bya ste/ rab tu sbyor ba rnams la bar chad byed pa ni skyon te de dag gsungs pa/skyon ni bcu tshan bzhir bcas pa/ /drug tu nges par rtogs par bya/ /zhes pa ste/ skyon bzhi bcu rtsa drug ces pa'i don te dus yun ring pos shes rab kyi pha rol tu phyin pa thob pa dang / shin tu myur bas shes rab kyi pha rol tu phyin pas sems kyi rnam par g.yeng ba dang /shes rab kyi pha rol tu phyin pa shes pa ste/ 'di yang skyon yin te yun ring du goms par ma byas pas rtsa ba ma bcom pa'i zhing ngam glog ltar g.yo zhing mi brtan pas so/ /bcom ldan 'das ma mnyan pa la sogs pa la lus rnam par g.yeng ba dang / sems rnam par g.yeng ba dang / klog pa la sogs pa ma dad pa la sogs pas byas pa dang / bcom ldan 'das ma la mi mos pa'i rgyus spyod pa la sogs pa'i tshig 'dzin pa dang /bcom ldan 'das ma thob pa'i rgyur mngon par zhen pa nyams pa dang / bla na med pa'i chos kyi bdud rtsi nyid ni bcom ldan 'das ma ste/de la mchog tu myang ba nyams pa dang / theg pa chen po theg pa thams cad kyi bla na med par 'dzin pa nyams pa dang / bcom ldan 'das ma la zhugs pa'i bya ba nyams pa ste/ bcu tshan dang po'o/ /bcom ldan 'das ma thob pa'i thabs la rmongs pa dang /tshig rkang dman pa dang / mchog dag la yang dag par rmongs pa dang / bcom ldan 'das ma la don tha dad pa du mar yongs su rtogs pa dang / bcom ldan 'das ma 'dri ba la mngon par zhen pa dang / bcom ldan 'das ma la dngos po med par mngon par zhen pa dang /bcom ldan 'das ma la yi ger mngon par zhen pa dang / bcom ldan 'das ma la yi ge med par mngon par zhen pa dang / skye bo'i gnas la sogs pa yid la byed pa dang / rnyed pa dang bkur sti dang bstod pa la sogs pa nyams su len pa dang / nyan thos la sogs pa'i mdo las ma yin pa dag la byang chub thob pa'i thabs la mkhas pa'i lam mo zhes pa ni bcu tshan gnyis pa'o/ /chos ston pa po dang nyan pa po dag chos bstan pa'i mi mthun pa'i phyogs su gyur pa'i mi mthun pa'i 'dod pa'o/ /'dun pa'i yul gyi dbye bas mi mthun pa'i phyogs la 'dod pa'o//bla ma rnyed pa mi 'dod la slob ma cung zad tsam 'dod pa mi mthun pa'i phyogs 'dod pa'o/ /sbyangs pa'i yon tan la sbyor ba dang mi sbyor ba mi mthun pa'i 'dod pa'o/ /dge ba dang mi dge ba 'dod pa mi mthun pa'i 'dod pa'o/ / gtong ba dang ser sna mi mthun pa'i 'dod pa'o/ /sbyin pa dang mi len pa mi mthun pa'i 'dod pa'o/ /mdor bstan rgyas pas go yang mi mthun pa'i 'dod pa'o/ /mdo la sogs pa'i chos shes pa dang mngon par mi shes pa dag kyang mi mthun pa'i 'dod pa'o/ / pha rol tu phyin pa drug mnyam par rtogs pa dang mnyam par ma rtogs pa dag mi mthun pa'i 'dod pa ste bcu tshan gsum pa'o/ /thabs la mkhas pa dang mi mkhas pa dag mi mthun pa'i 'dod pa'o/ /gzungs so sor thob pa dang ma thob pa dag mi mthun pa'i 'dod pa'o/ /yi ge 'bri bar 'dod pa dang mi 'dod pa dag mi mthun pa'i 'dod pa'o//'dod pa'i 'dun pa dang bral bar 'dod pa dang mi 'dod pa dag mi mthun pa'i 'dod pa'o/ /ngan 'gro las dben pa dang mi dben pa dag mi mthun pa'i 'dod pa'o/ /bde 'gror 'gro ba la yid dga' ba dang yid mi dga' ba mi mthun pa'i 'dod pa'o//gcig pur gnas par 'dod cing 'khor rnams su 'gro bar dga' ba yang mi mthun pa'i 'dod pa'o/ /skabs 'byed par 'dod pa dang skabs 'byed par mi 'dod pa dag kyang mi mthun pa'i 'dod pa'o/ /nor rdzas don du gnyer ba dang nor rdzas don du mi gnyer ba yang mi mthun pa'i 'dod pa'o//'chi ba la sogs pa'i ched kyis yul rnams su 'gro bar 'dod pa dang 'gro bar mi 'dod pa yang mi mthun pa'i 'dod pa zhes pa ste bcu tshan bzhi pa'o/ /mu ge'i yul du 'gro bar 'dod pa dang mi 'dod pa yang mi mthun pa'i 'dod pa'o/ /chom rkun la sogs pa yod pa'i yul phyogs su 'gro bar 'dod pa dang mi 'dod pa yang mi mthun pa'i 'dod pa'o//khyim bdag dad pa can gyi phyogs su 'gro bar yid dga' ba dang yid mi dga' ba yang mi mthun pa'i 'dod pa'o/ /bdud kyis rab tu sbyor ba'i bar chod byas pa yang mi mthun pa'i 'dod pa'o//shes rab kyi pha rol tu phyin pa ltar bcos pa 'dzin pa yang mi mthun pa'i 'dod pa'o/ /bdud kyis sprul pa'i sangs rgyas kyi gzugs la sogs pa la mngon par 'dod pa yang bdud kyi las te skyon bzhi bcu rtsa drug pa rnams brjod pa'o/ /rab tu sbyor ba rnams kyi mtshan nyid bstan pa'i phyir gsungs pa/gang gis mtshon de mtshan nyid du/ /shes bya de yang shes pa dang / /khyad par byed dang rnam gsum ste/ /mtshon bya ngo bo nyid gang yang / /zhes pa ste/ mtshon par byed par 'dod pa mtshan nyid de gang zhig byed par sgrub pa'i mtshan nyid de ni rnam pa gsum ste/shes pa dang / bye brag dang / byed pa'o/ /gang zhig mtshon par bya ba'i mtshan nyid de las sgrub pa'o/ /de yang rang bzhin nyid ces mtshan nyid rnam pa bzhi'o/ /de la thams cad shes pa'i dbang du byas te rnam par shes pa'i bdag nyid rnam pa bcu drug mtshan nyid du bstan pa'i phyir gsungs pa/de bzhin gshegs pa 'byung ba dang / /'jig rten 'jig med bdag nyid dang / /sems can sems kyi spyod pa dang / /de bsdus pa dang phyir bltas dang / /mi zad pa yi rnam pa dang / /chags bcas sogs dang rgya chen dang / / chen por gyur dang tshad med dang / /rnam shes bstan du med pa dang / /sems bltar med dang shes pa ste/ /g.yo ba la sogs shes bya dang / /de las gzhan yang de dag ni/ /de bzhin nyid kyis rnam par shes/ /thub pas de bzhin nyid rtogs te/ /gzhan bstan pa zhes bya ba la//thams cad shes pa nyid skabs kyi/ /shes pa'i mtshan nyid bsdus pa yin/ /zhes pa ste/ shes pa zhes pa ni tshig 'di rnams la bdun pa'i mtha' can du sbyar bar bya'o/ /de bzhin gshegs pa 'byung ba dang / /zhes pa ni bcom ldan 'das ma las de bzhin gshegs pa rnams skye bar shes pa'o//'jig rten 'jig med bdag nyid dang / /zhes pa ni 'jig rten rnams kyi rgyun gnas pa mi nyams par shes pa'o/ /sems can sems kyi spyod pa dang / /zhes pa ni sems can thams cad kyi sems kyi spyod yul shes pa'o/ /de bsdus pa dang phyir bltas dang //zhes pa ni sems kyi rnam par g.yeng ba dang mi g.yeng ba shes pa'o/ /mi zad pa yi rnam pa dang / /zhes pa ni sems mi zad pa'i rnam par shes pa'o/ /chags bcas sogs zhes pa ni 'dod chags dang bcas pa'i sems dang / 'dod chags dang bral ba la sogs pa'i sems shes pa'o//rgya chen zhes pa ni sems rgya che ba zhes pa'o/ /chen por gyur dang zhes bya ba ni chen po stong pa nyid du gyur pa'i sems te chen por gyur pa'i sems shes pa'o/ /tshad med ces pa ni tshad med pa'i sems shes pa'o//rnam shes bstan du med pa dang / /zhes pa ni bstan du med pa'i mig shes pa ste/ gang zhig gzugs la bstan du med pa de ni bstan du med pa'i sems shes pa'o/ /sems bltar med dang shes pa ste/ /zhes pa ni gang gi sems bltar med pa ste shes pa ni bltar med pa'i sems shes pa'o//g.yo ba la sogs shes bya dang / /zhes pa la sems de'i g.yo ba dang mi g.yo ba dang gnyis ka dang rab tu 'gegs pa shes pa'o/ /de la g.yo ba ni rnam par gyur pa'o/ /mi g.yo ba ni 'gog pa ste ma gyur pa'o/ /gnyis ka ni gyur pa dag gis rab tu 'gegs pa ni gnyis ka 'gegs pa ste/gyur pa yang ma yin ma gyur pa yang ma yin zhes pa'o/ /de rnams ni/ de bzhin nyid kyis rnam par shes/ /zhes bya ba ste g.yo ba la sogs pa rnams nyid de bzhin nyid kyis rnam par shes pa'o/ /thub pas de bzhin nyid rtogs te/ / gzhan la bstan pa zhes bya 'di/ /zhes pa la thub pas de nyid yang dag par rtogs nas gang zhig yang dag par rtogs pa de nyid gzhan rnams la ston pa ste chos ston pa shes pa'o/ /thams cad shes pa nyid skabs kyi/ /shes pa'i mtshan nyid bsdus pa yin/ /zhes pa ni nye bar bsdu ba yin no//lam shes pa nyid kyi dbang du byas nas shes pa'i mtshan nyid rnam pa bcu drug rtogs par bya ba'i phyir gsungs pa/ stong nyid mtshan ma med bcas dang / /smon pa rnam par spangs pa dang / /skye med 'gags pa med sogs dang / /chos nyid rnam par 'khrug med dang / /'du mi byed dang rnam mi rtog /rab dbye mtshan nyid med nyid la/ /lam shes nyid kyi skabs kyi ni/ /shes pa'i mtshan nyid yin par bzhed/ /ces pa ste/ shes pa'i sgra ni bdun pa'i mtha' can de kun du sbyar ro/ /stong nyid ces pa ni stong pa nyid shes pa'o/ /mtshan ma med bcas zhes pa ni mtshan ma med par shes pa'o//smon pa rnam par spangs pa dang / /zhes pa ni smon pa med par shes pa'o/ /skye med 'gag pa med sogs dang / /zhes pa la sogs pa'i sgras kun nas nyon mongs pa med pa dang / rnam par byang ba med pa la sogs pa ste/ gzugs de ni ma skyes pa dang / ma 'gags pa la sogs pa zhes pa'o//chos nyid rnam par 'khrug med dang / /zhes pa la thams cad du chad pa spangs pa nyid kyis bsam pa brtags pas stong pa khas blangs pas chos nyid 'khrug pa med par shes pa'o/ /'du mi byed ces pa ni brtags pa'i chos thams cad 'du bya ba med pas 'du mi byed pa zhes pa'o//rnam mi rtog ces pa ni chos thams cad la mi rtog ces pas mi rtog par shes pa'o/ /rab dbye mtshan nyid med nyid la/ /zhes pa ni chos thams cad rab tu dbye ba med par shes pa dang / chos thams cad mtshan nyid med par shes pa'o/ /lam shes zhes pa ni nye bar bsdu ba'o//rnam pa thams cad mkhyen pa'i dbang du byas te shes pa'i mtshan nyid rnam pa bcu drug tu bstan par bya ste/ rang gi chos brten nyer gnas pas/ /gnas dang gus par bya ba dang / /bla ma nyid dang mnyes pa dang / /de la mchod dang byed pa po/ / kun 'jug mkhyen pa gang yin dang / /ma mthong ston par mdzad pa dang / /'jig rten stong nyid rnam pa dang / /brjod dang shes mdzad mngon sum dang / /bsam mi khyab dang zhi nyid ston/ /'jig rten 'du shes 'gog pa la/ /rnam kun mkhyen pa'i tshul la ni/ /shes pa'i mtshan nyid ces bshad do//zhes pa ste/ shes pa zhes pa ni thams cad du sbyar bar bya'o/ /rang gi chos brten nyer gnas pas/ /gnas dang zhes pa la rang gi chos ni 'gro ba'i don te/ de la nye bar brten nas sangs rgyas bcom ldan 'das gnas zhes nges par byas pa ni rang gi chos la nye bar brten te gnas par shes pa'o//gus par bya ba dang / bla ma nyid dang / mnyes pa dang zhes pa la/ sangs rgyas bcom ldan 'das de dag la gus par bya ba la sogs par shes pa'o/ /de la mchod dang byed pa po/ /zhes pa la/ shes rab kyi pha rol tu phyin pa'i bdag nyid kyi chos de la mchod par byas pa dang /mchod par byed pa po shes pa gnyis so/ /kun 'jug mkhyen pa gang yin dang / /zhes pa ni 'jig rten thams cad kyi rang bzhin shes pa'o/ /ma mthong ston par mdzad pa dang / /zhes pa ni ma mthong ba'i don ston par shes pa'o/ /'jig rten stong nyid rnam pa dang //brjod dang shes mdzad mngon sum dang / /zhes pa ni 'jig rten thams cad kyi stong pa nyid kyi rnam par shes pa dang / 'jig rten thams cad kyi stong pa nyid du brjod pa shes pa dang / 'jig rten thams cad kyi stong pa nyid dbang pos shes pa'o/ /dbang po la brten pas na dbang po ste mngon sum du ston pa po zhes pa'i don to//bsam mi khyab dang zhi nyid ston/ /zhes pa ni 'jig rten thams cad kyi bsam gyis mi khyab pa dang zhi ba nyid shes pa'o/ /'jig rten 'du shes 'gog pa la/ /zhes pa ni 'jig rten gyi mtshan ma 'gog pa shes pa'o//shes pa'i mtshan nyid ces pa ni nye bar bsdu ba ste/ shes pa'i mtshan nyid gsungs pa'i sngon du gsungs pa'i rab tu sbyor ba rnams kyi shes pa'i mtshan nyid brjod nas/ khyad par gyi mtshan nyid gsungs pa/ bsam mi khyab sogs khyad par gyis/ /khyad zhugs bden pa'i spyod yul can//skad cig ma ni bcu drug gis/ /khyad par mtshan nyid bshad pa yin/ /zhes pa ste/ bsam gyis mi khyab pa la sogs pa 'chad par 'gyur ba'i khyad par rnams kyis nyan thos la sogs pa'i lam las khyad par du 'phags te/ bden pa bzhi'i yul la skad cig ma bcu drug gis khyad par gyi mtshan nyid mdo las gsungs pa'o//bsam gyis mi khyab pa la sogs pa'i khyad par gang zhig ces pa la sogs gsungs pa/ bsam mi khyab dang mi mnyam dang / /gzhal dang bgrang las yang dag 'das/ /'phags pa kun sdud mkhas pa yis//rig bya thun mong min zhes nyid/ /shes myur nyung dang mang med dang / /sgrub dang yang dag 'grub pa dang / /dmigs pa rten dang bcas pa dang / /mtha' dag pa dang yongs 'dzin dang / /ro myang med dang khyad par ni/ /bcu drug bdag nyid shes bya ste/ / gang gis lam ni gzhan dag las/ /khyad du 'phags pas khyad par lam/ /zhes pa ste/ bsam mi khyab dang mi mnyam dang / /zhes pa ni/ sangs rgyas la sogs pa'i chos thams cad ni bsam pa las 'das pas na bsam gyis mi khyab ces pa'i don to/ /mnyam pa las 'das pas na mi mnyam pa nyid do//gzhal dang bgrang las yang dag 'das/ /zhes pa ni/ tshad la sogs pa las 'das pas na gzhal du med pa'o/ /bgrang ba las 'das pas na grangs med pa nyid do/ /khyad par bzhi po 'dis rim pa ji lta ba bzhin du khyad par 'phags pa sdug bsngal gyi bden par 'gyur ba'i skad cig ma bzhi'o//'phags pa kun sdud ces pa ni 'phags pa kun kyang bcom ldan 'das ma'i nang du 'dus zhes pa ni khyad par gcig go/ /mkhas pa yis/ rig bya thun mong min zhes nyid/ /ces pa ni bcom ldan 'das ma ni mkhas pa'i rig bya ste gnyis pa'o//de yang nyan thos la sogs pa dang thun mong ma yin pa nyid kyi dngos po shes pa ste gsum pa'o/ /shes myur nyung dang mang med dang / /zhes pa la myur bar mngon par shes pa nyid ces pa bzhi pa ste/ khyad par rnam pa bzhis khyad par du 'phags pa ni kun 'byung gi bden par rtogs pa'i skad cig ma bzhi'o//nyung ba dang mang ba med pa ni nyung dang mang med ces pa khyad par gcig go/ /sgrub dang yang dag 'grub pa dang / /zhes pa ni bcom ldan 'das ma sgrub pa ni thos pa las gong nas gong du nyams su myong ba ni gnyis pa'o/ /yang dag 'grub pa ni gong nas gong du sangs rgyas kyi chos rnams thob pa ste gsum pa'o//dmigs pa zhes pa ni bcom ldan 'das ma la bdag nyid thams cad kyi dngos pos dmigs pa'o/ /khyad par bzhi po 'dis khyad par du 'phags pa ni 'gog pa'i bden par gtogs pa'i skad cig ma bzhi po rnams so//rten dang bcas zhes pa ni rten dang bcas par byang chub sems dpa' gnas pas rten bcas so/ /rten gyi sgras 'dir byang chub sems dpas lam dang bcas par gzung bar bya zhes pa ste khyad par gcig go/ /mtha' dag ces pa ni pha rol tu phyin pa thams cad do/ /mtha' dag gi khyad par te gnyis pa'o//yongs su 'dzin zhes pa ni shes rab kyi pha rol tu phyin pa yongs su 'dzin pa'i byang chub sems dpa' nges par sangs rgyas nyid du 'gyur ro zhes pa ni gsum pa'o/ /ro myang med ces pa 'di ni byang chub sems dpas dge ba'i rtsa ba thams cad bla na med pa yang dag par rdzogs pa'i byang chub tu yongs su sngo bar byed kyi chos thams cad gzung ba dang 'dzin par des ro myong bar mi byed ces pa ste/khyad par rnam pa bzhis khyad par 'phags pa ni lam gyi bden pa'i skad cig ma bzhi pa'o/ /khyad par lam zhes pa la sogs pa ni khyad par gyi sgra'i don du bstan pa ste nye bar bsdu ba'o//khyad par gyi mtshan nyid gsungs pa'i sngon du gsungs pa'i rab tu sbyor ba ni bdag byang chub sems dpa'i gang zhig 'chad par 'gyur ba phan pa la sogs pa'i bya ba byed pa'o/ /de la rab tu sbyor ba'i byed pa'i mtshan nyid de dag gsungs pa/phan dang bde dang skyob pa dang / /mi rnams kyi ni skyabs dag dang / /gnas dang mgon dang gling dang ni/ /yongs 'dren pa zhes bya ba dang / /lhun gyis grub dang theg gsum gyi/ /'bras bu mngon sum mi byed bdag /tha mar gyur pa'i mdzad pa ste//'di ni byed pa'i mtshan nyid yin/ /zhes pa ste/ mi rnams zhes pa ni tshig rkang thams cad du sbyar bar bya'o/ /phan pa dang zhes pa ni mya ngan las 'das pa'i lam phan pa nyid du nye bar ston pa ni phan pa'i byed pa'o/ /bde ba zhes pa ni mya ngan las 'das pa'i bde ba la rnam par 'jog pa ste bde ba'i byed pa'o//skyob pa zhes pa ni sems can thams cad rnam par lhung ba las skyob par byed pa ste/ 'dis ni skyob pa ni chos ston pa ste skyob pa'i byed pa'o/ /skyabs zhes pa ni 'jigs par nye bar gnas pa rnams 'jigs pa las sgrol ba ste skyabs kyi byed pa'o/ / gnas dang zhes pa ni sems can thams cad kyi gnas kyi rang bzhin du nye bar gnas pa ste gnas kyi byed pa'o/ /mgon dang zhes pa ni 'khor bar song ba rnams yon tan thams cad dang ldan par byed pa ste mgon gyi byed pa'o/ /gling dang zhes pa ni 'dod chags la sogs pa'i nyon mongs pa'i rgya mtshor bying ba rnams chos kyi skam sar 'jog pa ste gling gi byed pa'o//yongs 'dren pa zhes bya ba dang zhes pa ni rnam par lhung ba'i sems can thams cad chos bstan pas sdud pa ste yongs su 'dren pa'i byed pa'o/ /lhun gyis grub dang zhes pa ni 'bad pa mi dgos par sems can thams cad kyi don byed pa ste lhun gyis grub pa'i byed pa'o//theg gsum gyi zhes pa ni sems can gyi don bya ba'i phyir theg pa gsum gyis nges par 'byung ba'i/ 'bras bu mngon sum mi byed bdag /ces pa ni nyan thos dang rang sangs rgyas kyi byang chub kyi 'bras bu dag rnam pa thams cad du mngon sum mi byed pa dang /sems can gyi don bya ba'i phyir tshogs yongs su rdzogs par mi byed kyi yang dag par rdzogs pa'i byang chub kyi 'bras bu yang mngon sum du mi byed pa ste/ theg pa gsum gyi nges par 'byung ba de'i 'bras bu mngon sum du mi byed pa de ni nges par 'byung ba'i byed pa'o/ / tha mar gyur pa'i mdzad pa ste/ /zhes pa la/ gyur pa ni 'bras bu thob pa ste gyur pa'i mdzad pa ni tha ma'o/ /'di ni byed pa'i mtshan nyid yin/ /zhes pa ni nye bar bsdu ba'o/ /kun mkhyen rnam pa gsum gyi rab tu sbyor ba rnams kyi byed par bsgrub pa'i mtshan nyid rnam pa gsum brjod nas/ da ni las su sgrub pa'i rang bzhin gyi mtshan nyid gsungs pa/nyon mongs rtags dang mtshan ma dang / /mi mthun phyogs dang gnyen po dag /dben dang dka' dang nges pa dang / /ched du bya dang mi dmigs dang / /mngon par zhen pa bkag pa dang / /dmigs pa zhes bya gang yin dang / /mi mthun thogs pa med pa ste//gzhi med 'gro med skye med dang / /de bzhin nyid ni mi dmigs dang / /ngo bo nyid bcu drug bdag nyid/ /mtshan gzhi lta bur mtshon pas na/ /mtshan nyid bzhi par bzhed pa yin/ /zhes pa ste/ nyon mongs zhes pa ni 'dod chags la sogs pa'i nyon mongs pa rnams kyis dben pa'i rang bzhin no//rtags dang zhes pa ni gang zhig nyon mongs pa rnams kyi rtags de dag dang bral ba'i rang bzhin no/ /mtshan ma zhes pa ni nyon mongs pa'i mtshan ma gang rnams yongs su 'dzin pa de rnams kyis dben pa'i rang bzhin no/ /mi mthun phyogs dang / gnyen po dag /ces pa la/ mi mthun pa'i phyogs dang gnyen po'i phyogs dag ni 'dod chags la sogs pa dang / 'dod chags med pa la sogs pa ste/ de gnyis las dben pa'i rang bzhin no/ /dka' dang zhes pa ni sems can yongs su bsgral ba'i phyir dka' ba'i rang bzhin no//nges pa dang zhes pa ni theg pa gzhan rnams las dben pas theg pa chen po nyid la dga' ba'i rang bzhin no/ /ched du bya dang zhes pa ni sems can thams cad kyi mchog la sogs pa'i ched du byed pa ste/ ched du bya ba de'i rang bzhin no/ /mi dmigs dang zhes pa ni bsgom bya dang sgom pa'i chos dag mi dmigs pa'i rang bzhin no//mngon par zhen pa bkag pa dang / /zhes pa ni mngon par ma zhen pa'i rang bzhin no/ /dmigs pa zhes bya gang yin dang / /zhes pa la dmigs par bya bar dmigs pa ste/ chos thams cad kyi stong pa nyid de/de nyid kyi rang bzhin ni 'di yin pas dmigs pa'i rang bzhin no/ /mi mthun zhes pa ni 'jig rten pa thams cad dang mi mthun pa ste/ shes rab kyi pha rol tu phyin pa'i bdag nyid kyi chos bstan pa na 'jig rten pa rnams ni mngon par brjod pa la 'jug ste/ de bas mngon par brjod pa de med pa'i bdag nyid kyi shes rab kyi pha rol tu phyin pa'i bdag nyid bstan pas 'jig rten pa thams cad las mi mthun par gyur pa'i rang bzhin no/ /thogs pa med pa zhes pa ni gzugs nas ji srid rnam pa thams cad mkhyen pa'i bar du thogs pa med pa ste/thogs pa med pa'i rang bzhin no/ /gzhi med 'gro med skye med dang / /zhes pa ni de chos ston par gyur pa na gnas med pa dang 'gro ba med pa dang skye ba med pa ste/ gnas 'di la gzugs la sogs pa med ces pa ni gnas med pa'i rang bzhin no/ /'dir 'gro med ces pa ni 'gro ba med pa'i rang bzhin no//skye med ces pas skye ba med pa'i rang bzhin no/ /de bzhin nyid ni mi dmigs dang / /zhes pa la/ de bzhin nyid ni stong pa nyid de/ stong pa nyid de las lhag par gyur pa nyams su myong ba med pa de ni rtog pa la sogs pa bzhin du tha snyad du btags pa nyid ces pa ste/de bzhin du dmigs su med pa'i rang bzhin no/ /ngo bo nyid bcu drug bdag nyid/ /ces pa ni gang zhig 'di'i de ma thag tu gsungs pa'i rnam pa bcu drug gi rang bzhin no/ /bzhi pa'i mtshan nyid de 'dir ji ltar mtshan nyid yin/ 'dis mtshon pas zhes sems pa la gsungs pa/ mtshan gzhi lta bur mtshon pas na//zhes pa la mtshan gzhi 'am mtshan nyid dag kyang ste/ des na chos gnyis ni brtags pa'i rang bzhin gyi mtshan nyid du brjod do/ /da ni thar pa'i cha dang mthun pa bstan pa'i phyir gsungs pa/ mtshan med rab tu sbyin la sogs/ /yang dag bsgrub la mkhas pa ni/ / rnam pa thams cad rtogs 'di la/ /thar pa'i cha dang mthun par 'dod/ /ces pa ste/ mtshan mar dbye ba'i gnas skabs rgyu'i yul du med pa'i shes pa gang yin pa de ni mtshan ma med pa ste/ de kho na nyid du dmigs pa med pa'i shes pa'o/ /des khyad par du byas pa'i sbyin pa'i pha rol tu phyin pa la sogs pa nas rnam pa thams cad mkhyen pa'i mthar thug pa de rnams rang gi sems la yang grub pa de'i don 'di ste/mtshan ma med pa'i sbyin pa la sogs pa'i rnam pa rang gi sems la bskyed pa'i don du mkhas pa ste/ de ma thag tu 'chad par 'gyur ro/ /de la rnam pa thams cad mngon par byang chub pa 'dir thar pa'i cha dang mthun pa thar pa thob par byed pa'i dge ba'i rtsa ba rnams la 'dod do//gzhan du thar par bsngo ba'i dge ba rnams la thar pa'i cha dang mthun pa zhes dgongs so/ /gang zhig 'dir thar pa'i cha dang mthun pa'i dge ba'i rtsa ba la mkhas pa du zhig ces pa la gsungs pa/ sangs rgyas sogs dmigs dad pa dang / /sbyin sogs spyod yul brtson 'grus dang / /bsam pa phun tshogs dran pa dang / /rnam par mi rtog ting 'dzin dang / /chos rnams rnam pa thams cad du/ /shes pa'i shes rab dang rnam lnga/ /rdzogs pa'i byang chub rnon po yis/ /rtogs sla rtul pos rtogs dkar bzhed//ces pa ste/ sangs rgyas dmigs sogs dad pa dang / /zhes pa ni dang po'o/ /sbyin sogs spyod yul brtson 'grus dang / /zhes pa ni gnyis pa'o/ /bsam pa phun tshogs dran pa ni sems can thams cad la yi rang bas dge bar 'dod pa ste gsum pa'o/ / rnam par mi rtog ting 'dzin ni bzhi pa'o/ /dngos po thams cad kyi chos la rnam pa thams cad du shes pa ni shes rab ste lnga pa'o/ /dge ba'i rnam pa lnga ni thar pa'i cha dang mthun par bzhed do/ /dad pa la sogs pa 'di rnams rno ba'i chen po nyid kyis yang dag par rdzogs pa'i byang chub thob par 'gyur ro//'bring gis rang sangs rgyas kyi byang chub po/ /chung ngus nyan thos kyi byang chub thob par gsungs so/ /da ni nges par 'byed pa'i cha dang mthun pa gsungs pa/ dro ba rnams kyi dmigs pa 'dir/ /sems can thams cad yin par bsngags//de dag nyid la sems mnyam sogs/ /rnam pa dag ni bcur bshad do/ /bdag nyid sdig pa las ldog cing / /sbyin la sogs pas gnas pa gzhan/ /de dag la ni 'god pa dang / /bsngags pa brjod dang mthun pa nyid/ /rtser gyur de bzhin bzod pa ni/ rang gzhan rten can bden shes pa//chos mchog de bzhin sems can rnams/ /smin byed sogs kyis shes par bya/ /zhes pa ste/ 'dir zhes pa ni rnam pa kun mngon par byang chub par ro/ /dro ba rnams kyi dmigs pa ni sems can thams cad do/ /rnam pa dag ni sems can thams cad la rnam pa bcur blta ste/ mnyam pa dang / byams pa dang / phan pa dang / zhe sdang ba med pa dang / brnyas pa med pa dang / ma dang / pha dang / sring mo dang / spun zla dang / bu dang / bu mo dang / mdza' bo dang / bshes dang / gnyen dang / / snag gi gnyen mtshams kyi rnam pa'i rang bzhin no/ /snag gi gnyen mtshams ni sha khrag gis 'brel ba ste drod du gyur pa'o//bdag nyid sdig pa las ldog cing / /sbyin la sogs la gnas pas gzhan/ /de dag la ni 'god pa dang / /bsngags pa brjod dang mthun pa nyid/ /rtser gyur zhes pa ni rang nyid mi dge ba bcu las ldog cing sbyin pa la sogs pa la gnas pas gzhan dag kyang mi dge ba bcu las zlog pa dang /sbyin pa la sogs pa la 'god pa dang / de ltar gnas pa'i bsngags pa brjod pa'o/ /mthun pa ni de dag la thabs sna tshogs kyis phan par byed pa ste rtse mor gyur pa'o/ /de bzhin bzod pa ni/ rang gzhan rten can bden shes pa/ / zhes pa la/ rang dang gzhan rnams la bden pa'i shes pa bskyed pa ni bzod pa'o/ /chos mchog de bzhin sems can rnams/ /smin byed sogs kyis shes par bya/ /zhes pa ste/ de bzhin zhes pa ni rang dang gzhan gyi rten gyi sems can rnams yongs su smin par byed ces pa ste/ 'dir zhes pa ni theg pa chen por ro/ /gzhan ni go sla'o/ /phyir mi ldog pa'i mtshan nyid gsungs pa/ gzugs la sogs las ldog sogs rtags/ /rnam pa nyi shus bskyed pa yis/ /nges 'byed yan lag la gnas pa'i/ /phyir mi ldog pa'i mtshan nyid 'di/ /zhes pa ste/ gzugs la sogs pa las ldog pa nyid la sogs pa'i rtags nyi shus nges par 'byed pa'i cha dang mthun pa la gnas pa'i phyir mi ldog par nges par 'byed do/ /mtshan nyid nyi shu po de rnams kyang gang yin zhes sems pa las gsungs pa/ gzugs la sogs las ldog pa dang //the tshom mi dal zad pa dang / /bdag nyid dge ba la gnas shing / /gzhan dag de la 'god pa dang / /gzhan gyi rten can sbyin sogs dang / /zab mo'i don la'ang som nyi med/ /byams lus sogs dang sgrib pa ni/ /rnam pa lnga dang mi 'grogs dang / /bag la nyal kun 'joms pa dang //dran pa dang ni shes bzhin dang / /gos la sogs pa gtsang ba dang / /lus la srin bu rnams mi 'byung / /gya gyu med sems sbyangs pa ni/ /len dang ser sna med sogs dang / /chos nyid ldan par 'gro nyid dang / /sems can don du dmyal tshol dang / /gzhan gyis bkri bar mi btub dang //lam gzhan nye bar ston bdud la/ /bdud ces bya bar rtogs pa dang / /sangs rgyas dgyes pa'i spyod pa ste/ /rtags ni nyi shu de dag gis/ /drod dang rtse mo bzod bcas dang / /chos mchog rnams la gnas pa ni/ /rdzogs pa'i byang chub las mi ldog /ces pa ste/ gzugs la sogs las ldog pa dang / /zhes pa ni chos thams cad 'od gsal ba nyid kyis gzung ba la sogs pa'i dngos po med par rtogs pa ste mtshan nyid gcig go/ /the tshom mi dal zad pa dang / /zhes pa ni the tshom zad pa dang mi dal ba zad pa'o/ /de la bden pa dang dkon mchog dang las dang 'bras bu rnams la yid gnyis yod pa ste the tshom mo//de zad pa ni gnyis pa'o/ /log par rtog pa dang / dmyal ba dang / yi dwags dang / byol song dang / lha tshe ring po dang / sangs rgyas kyi gsung mi grag pa dang / mtha' 'khob tu skyes pa dang /dbang po ma tshang ba ste mi khom pa brgyad do/ /de rnams zad pa ni gsum pa'o/ /bdag nyid dge ba la gnas shing / /zhes pa ni rang nyid dge ba rnams la gnas nas gzhan rnams kyang de la 'god pa ni bzhi pa'o/ /gzhan gyi rten can sbyin sogs dang / /zhes pa ni sems can thams cad la sbyin pa la sogs pa sdod par byed pa ni lnga pa'o//zab mo'i don la'ang som nyi med/ /ces pa ni phyin ci ma log pa'i stong pa nyid rtogs par bya ba la dge ba'i bshes gnyen la mi ltos pa ste drug pa'o/ /byams pa sngon du 'gro ba'i lus dang ngag dang yid kyi las te bdun pa'o/ / sgrib pa ni rnam pa lnga dang mi 'grogs dang / /zhes pa ni 'dod pa la 'dun pa dang / gnod sems dang / gnyid dang / rmugs pa dang / rgod pa dang / 'gyod pa dang / the tshom ste sgrib pa rnam pa lnga dang mi 'grogs pa ni brgyad pa'o/ /bag la nyal kun 'joms pa dang / /zhes pa ni bag la nyal dang nyon mongs pa de rnams spong ba ni dgu pa'o//dran pa dang ni shes bzhin dang / /zhes pa ni dran pa dang bcas pa'i shes bzhin no/ /dran pa ni sngon nyams su myong ba rnams mngon du byed pa'o/ /shes bzhin ni yang dang yang du lus dang ngag rnams la so sor rtogs pa ste/ dran pa dang bcas pa'i shes bzhin ni bcu pa'o//gos la sogs pa gtsang ba ni bcu gcig pa'o/ /lus la srin bu rnams mi 'byung ba ni bcu gnyis pa'o/ /gya gyu med sems ces pa ni sems dang lus dang ngag rnams yon po ma yin pa ste bcu gsum pa'o/ /sbyangs pa ni len zhes pa ni sbyangs pa'i yon tan rnams yang dag par len pa de yang bcu gnyis te/phyag dar khrod pa dang / chos gos gsum pa dang / phying pa pa dang / bsod snyoms pa dang / stan gcig pa dang / phyis mi len pa dang / dgon pa pa dang / shing drung pa dang / bla gab med pa dang / dur khrod pa dang / gzhi ji bzhin pa dang / sman bkus te bor ba ste bcu bzhi pa'o/ /ser sna med sogs zhes pa ni pha rol tu phyin pa drug gi mi mthun pa'i phyogs su gyur pa ser sna la sogs pa de dag med pa bco lnga pa'o/ /chos nyid ldan par 'gro nyid dang / /zhes pa ni gzung ba dang 'dzin pas stong pa nyid mi 'gog pas gong nas gong du 'gro ba ste bcu drug pa'o//sems can don du dmyal tshol dang / /zhes pa ni thugs rje chen pos sems can gyi don du dmyal bar 'gro ba ni bcu bdun pa'o/ /gzhan gyis bkri bar mi btub pa dang / /zhes pa ni bco brgyad do/ /lam gzhan nye bar ston bdud la/ /bdud ces bya bar rtog pa dang //zhes pa la/ de bzhin gshegs pas gsungs pa'i lam las lam gzhan nyid bdud kyi lam du brjod par bya ste/ de dag gis bdud nyid du shes pa de ni bcu dgu pa'o/ /sangs rgyas dgyes pa'i spyod pa ste/ /zhes pa ni sbyin pa la sogs pa pha rol tu phyin pa bcu la spyod pa de dag las/sangs rgyas thams cad dgyes par 'gyur/ /zhes pa ste nyi shu pa'o/ /drod dang rtse mo zhes pa la sogs pa ni nye bar bsdu ba'i tshigs su bcad pa ste/ nges par 'byed pa'i yan lag la gnas pa'i byang chub sems dpa' rnams rtags nyi shu po 'dis yang dag par rdzogs pa'i byang chub las phyir mi ldog par mtshon zhes pa'i don to//mthong ba'i lam la gnas pa'i phyir mi ldog pa'i byang chub sems dpa'i dge 'dun gyi mtshan nyid gsungs pa/ mthong ba'i lam la bzod pa dang / /shes pa'i skad cig bcu drug ni/ /byang chub sems dpa' mi ldog pa'i//mtshan nyid yin par shes par bya/ /zhes pa ni mthong ba'i lam la gnas pa'i byang chub sems dpa' phyir mi ldog pa'i rtags su rig par bya ba rnams ni bzod pa dang shes pa'i skad cig bcu drug ces pa'i don to/ /skad cig ma bcu drug po de rnams kyang gang zhes pa la gsungs pa/gzugs sogs 'du shes ldog pa dang / /sems brtan theg pa dman dag las/ /rnam ldog bsam gtan la sogs pa'i/ /yan lag yongs su zad pa dang / /lus sems yang ba nyid dang ni/ /'dod la spyod la thabs mkhas dang / /rtag tu tshangs par spyod pa dang //'tsho ba rnam par dag nyid dang / /phung sogs bar chad byed rnams dang / /tshogs dang dbang sogs bcas pa yi/ /g.yul 'gyed ser sna la sogs la/ /sbyor dang rjes su sbyor ba yi/ /gnas pa so sor bkag pa dang / /chos ni rdul tsam mi dmigs nyid/ / rang gi sa la nges pa nyid/ /sa gsum la ni gnas pa dang / /chos kyi don du srog gtong ba/ /de 'dra'i skad cig bcu drug ni/ /blo ldan mthong ba'i lam gnas kyi/ /phyir mi ldog pa'i rtags dag yin/ /zhes pa ste/ gzugs sogs 'du shes ldog pa dang / /zhes pa ni gzugs la sogs pa nas ji srid sangs rgyas kyi bar du 'du shes mtshan ma ste/rtogs bya dang rtogs byed kyi dngos po de dag ldog pa ni sdug bsngal la chos shes pa'i bzod pa'o/ /sems brtan zhes pa ni bdud la sogs pas mi phyed pa'am/ byang chub kyi sems brtan pa der sdug bsngal la chos shes pa'o//theg pa dman dag las/ rnam ldog ces pa ni nyan thos dang / rang sangs rgyas kyi theg pa dag yongs su spong ba ste/ sdug bsngal la rjes su shes pa'i bzod pa'o/ /bsam gtan la sogs pa'i/ yan lag yongs su zad pa dang / /zhes pa ste/ bsam gtan dang gzugs med pa la sogs pa gang rnams kyi yan lag ni de thob par byed pa'i rtags te/de rnams yongs su zad cing nyams dma' bar byas pa ni sdug bsngal la rjes su shes pa'o/ /lus sems yang ba nyid dang ni/ /zhes pa la lus yang ba na lus kyi las la zo mdog yang bar 'jug pa'o//sems yang ba ni yul la 'dzin pa la mkhas shing rgyal ba ste/ de gnyis ka yang kun 'byung la chos shes pa'i bzod pa'o/ /'dod la spyod la thabs mkhas dang / /zhes pa ni khyim pa'i byang chub sems dpa' sems can rnams yongs su smin par bya ba'i thabs la mkhas pa nyid kyis ma chags par 'dod pa sten par byed ces pa ste/kun 'byung la chos shes pa'o/ /rtag tu tshangs par spyod pa dang / /zhes pa ni kun 'byung la rjes su shes pa'i bzod pa'o/ /'tsho ba rnam par dag nyid dang / /zhes pa ni dag cing phan par byed pas 'tsho ba ste kun 'byung la rjes su shes pa'o//phung sogs zhes pa ni phung po dang khams dang skye mched rnams la/ sbyor dang rjes su sbyor ba yi/ /gnas pa so sor bkag pa dang / /zhes 'chad par 'gyur ba de 'dir yang blta bar bya'o/ /de la sbyor ba ni mngon par chags pa'o/ /rjes su sbyor ba ni mngon par ma chags pa'o//de dag gi gnas pa ni sems kyi spyod pa'o/ /de dag so sor bkag pa ni 'gog pa la chos shes pa'i bzod pa'o/ /bar chad byed rnams zhes pa ni rtogs pa'i bar du gcod pa'i chos rnams la ji ltar gsungs pa'i sbyor bas gnas pa so sor bkag pa ni 'gog pa la chos shes pa'o//tshogs zhes pa ni byang chub kyi tshogs te/ sbyin pa la sogs pa la ji ltar brjod pa'i sbyor ba dang rjes su sbyor bas gnas pa so sor bkag pa ni 'gog pa la rjes su shes pa'i bzod pa'o/ /dbang sogs bcas pa yi/ /g.yul 'gyed ces pa la dbang por bcas par 'jug pa zhes pas dbang bcas ni yul dang ste/gang dang gang du dbang sogs bcas par g.yul 'gyed pa ni dbang po dang yul dag g.yul 'gyed pa de dang der sbyor ba dang rjes su sbyor ba'i gnas pa so sor bkag pa ni 'gog pa la rjes su shes pa'o/ /ser sna la sogs zhes pa ni ser sna la sogs pa ni sbyin pa la sogs pa pha rol tu phyin pa drug gi mi mthun pa'i phyogs su gyur pa la sbyor ba dang /rjes su sbyor ba'i gnas pa so sor bkag pa ni lam la chos shes pa'i bzod pa'o/ /chos ni rdul tsam mi dmigs nyid/ /ces pa ni gzung ba dang 'dzin pa'i chos kyi mtshan nyid mi dmigs pa ste/lam la chos shes pa'o/ /rang gi sa la nges pa nyid/ /sa gsum la ni gnas pa dang / /zhes pa la/ kun mkhyen gsum gyi bdag nyid kyi rang gi sa gsum la ji lta ba bzhin du nges par byas te gnas pa ni lam la rjes su shes pa'i bzod pa'o/ /chos kyi don du srog gtong ba/ /zhes pa la chos ni mdo sde dang mngon pa dang 'dul ba'i gzhung gis bdag nyid dang de'i don te/de'i ched du srog kyang gtong ba ste lam la rjes su shes pa'o/ /de 'dra'i skad cig bcu drug ni/ /blo ldan mthong ba'i lam gnas kyi/ /phyir mi ldog pa'i rtags dag yin/ /zhes pa ni nye bar bsdu ba'o/ / bsgom pa'i lam la gnas pa'i phyir mi ldog pa'i byang chub sems dpa'i dge 'dun gyi mtshan nyid rtogs par bya ba'i phyir de'i bye brag bsgom pa'i lam brjod par 'dod nas de'i bye brag rnams re zhig gsungs pa/ bsgom pa'i lam ni zab pa ste/ /zab mo stong pa nyid la sogs//zab pa de ni sgro 'dogs dang / /skur pa'i mtha' las grol ba nyid/ /ces pa ste/ bsgom pa'i lam zab pa ni rtogs par dka' ba ste/ zab pa de ni stong pa nyid la sogs pa'i sgras ni mtshan ma med pa dang / smon pa med pa dang / rang bzhin gyis 'od gsal ba rnams gzung ngo //bsgom pa'i lam gyi zab pa ni stong pa nyid du brjod na stong pa nyid ji lta bu zhes pa la gsungs pa/ sgro 'dogs dang / skur pa'i mtha' las grol ba nyid/ /ces pa ste/ sgro 'dogs kyi mtha' las grol ba'i stong pa nyid ni zab mo zhes pa'i don to/ /sgro 'dogs pa ni brtags pa rnams su'o//skur pa ni gsal ba rnams la'o/ /gnyis ka las grol ba stong pa nyid ni bsgom pa'i lam gyi bye brag tu brjod do/ /bsgom pa'i lam gyi khyad par gsungs pa/ nges 'byed yan lag dang mthong ba'i/ /lam dang bsgom pa'i lam nyid la/ /yang dang yang du sems pa dang //'jal dang nges rtogs bsgom pa'i lam/ /zhes pa ste/ nges par 'byed pa'i yan lag dang / /mthong ba'i lam dang / bsgom pa'i lam la gnas nas de'i gnas skabs su mthong ba'i don dag thos pa dang bsam pa dang sgom pa'i rang bzhin gyi shes pas rim pa ji lta ba bzhin du yang nas yang du sems pa dang 'jal ba dang nges par rtogs pa rnams kyi rgyun las byung ba ni bsgom pa'i lam mo//'di rnams du zhes sems pa la gsungs pa/ de ni rgyun chags yin pa'i phyir/ /chung dang 'bring dang chen po rnams/ /chung ngu'i chung sogs dbye ba yis/ /rnam pas rnam pa dgur bzhed do//zhes pa ni bsgom pa'i lam ni rnam pa dgur bzhed do/ /yang de nyid kyis de'i mi mthun pa'i phyogs kyi rab tu dbye ba yang dgur brjod do/ /ji ltar zhes pa la gsungs pa/ chung dang 'bring dang chen po rnams/ /chung ngu'i chung sogs dbye ba yis/ /zhes pa ste//de la chung ngu'i chung ngu dang / chung ngu'i 'bring dang chung ngu'i chen po dang / 'bring gi chung ngu dang 'bring gi 'bring dang / 'bring gi chen po dang / chen po'i chung ngu dang chen po'i 'bring dang chen po'i chen po'o/ /rim pa 'di gnyis kyis mi mthun pa'i phyogs rnams kyang rnam pa dgur rig par bya'o/ / gnyen po'i phyogs ni go rims ji lta bas 'joms par byed do/ /mi mthun pa'i phyogs ni go rims las ldog pa gzhom bya ste/ mar me'i snang ba phra mos mun nag chen po rnams so sor 'joms zhes pa'i dpe nyid kyis te/ bsgom pa'i lam ni rnam pa dgu'o/ /'o na rgyal ba'i yum de dang der bsgom pa'i lam re re'i rab tu dbye ba las kyang bsod nams grangs med cing gzhal du med pa tshad med pa skye'o//bsgom pa'i lam yang grangs med cing gzhal du med pa dang tshad med pa'i dbye bar gsungs na/ de la 'dir rnam pa dgur ji ltar 'gyur zhes pa la gsungs pa/ grangs med la sogs bstan pa rnams/ /dam pa'i don du bzod ma yin/ /kun rdzob de dag thugs brtse bas/ /rgyu mthun gyur par thub pa bzhed/ /ces pa ste/ bsgom pa'i lam las bsod nams grangs med pa la sogs pa skye bar 'gyur zhes gang zhig shes rab kyi pha rol tu phyin pa las gsungs pa/de rnams ni don dam par bstan par mi nus pa dang / bsgom pa'i lam yang gzhal du med pa la sogs pa rab tu dbye bar mi nus pa'o/ /'o na don ci'i phyir der gsungs snyam pa la/ thugs rje chen pos byis pa'i skye bo rnams gzhug pa'i phyir thub pa rnams kyis gsungs zhes pa ste/de bas na bsgom pa'i lam ni rnam pa dgu nyid do/ /de na rnam par rtog pa'i bdag nyid yin pas de kho na nyid du rang bzhin med pa'i phyir bsgom pa'i lam ni don med pa nyid du ston pa'i phyir gsungs pa/ dngos po brjod du med pa la/ /nyams pa dang ni 'phel mi rung //bsgom zhes bya ba'i lam gyis ni/ /ci zhig nyams shing ci zhig thob/ /ces pa ste/ dngos po zhes pa ni sems pa dang 'jal ba la sogs pa ji ltar gsungs pa'i bsgom pa'i lam ni dngos po'o/ /brjod du med ces pa ni gang zag la sogs pa bzhin du brjod du med pa'i dngos por gyur pa'o//nyams pa dang ni 'phel mi rung / /zhes pa ni mi mthun pa'i phyogs dang gnyen po'i phyogs kyi bdag nyid de dag nyams pa dang 'phel ba dag med pa'o/ /de la bsgom pa'i lam 'dis ci zhig 'joms shing ci zhig ni 'phel te cung zad kyang med pas ci yang mi byed do zhes pa ni brgal ba'i don to//'dir lan ni/ byang chub ji lta de bzhin du/ /'di ni 'dod pa'i don sgrub byed/ /ces pa ste/ ji ltar byang chub de bzhin du/ /zhes pa ni de kho na nyid du gnyis su med pa'i shes pa'i bdag nyid yang kun rdzob tu yang sangs rgyas kyi chos mtha' dag 'dzin pa dang 'gro ba'i don byed pa ste/de bzhin du bsgom pa'i lam 'di yang kun rdzob tu rang gi yul la yang dag par nges par byas te mngon par 'dod pa'i don sgrub pa dang / nyon mongs pa zad pa'i bya ba dang byang chub skyed par byed pa'i mtshan nyid sgrub par byed ces pas bsgom pa'i lam 'di don med pa ma yin no//'on kyang byang chub nyid ni ji lta bu bsgom pa'i lam 'di ji lta bur rtogs par bya zhes pa la gsungs pa/ byang chub de bzhin nyid mtshan nyid/ /de yang de yi mtshan nyid bzhed/ /ces pa ste de bzhin nyid 'di stong pa nyid do/ / mtshan nyid ni rang bzhin no/ /gang zhig bsgom pa'i lam de yang de'i mtshan nyid de/ gang gi rang bzhin de bzhin yin pa de ltar de'i mtshan nyid kyang de bzhin no/ /ji ltar byang chub stong pa nyid yin yang kun rdzob tu mngon par 'dod pa'i don rnams byed do/ /de bzhin du bsgom pa'i lam 'di yang gnas pa nyid ces pa'i don to//'o na byang chub grub par gyur nas dper bya ba yin gyi ma grub pa ni dper sbyar bar mi bya'o zhes bstan pa'i phyir gsungs pa/ sems ni snga mas byang chub par/ /zhes pa la sogs pa ste/ byang chub ni rnam pa thams cad kyis chos thams cad mngon sum du byed pa can rnam par mi rtog pa'i shes rab po//de yang bsgom pa'i lam gyi bdag nyid rnam par rtog pa rnams 'dus pa nyid du go ste/ rnam par rtog pa rnams ni dus gcig pa yang ma grub ste dus gcig la 'dus pa med pas so/ /rim gyis so sor byed pa yang med de/ de re re nyid rgyu yin pas gzhan rnams don med par thal bar 'gyur zhes pa'i sun 'byin ni grags pas btang snyoms su bzhag pa'o//sems ni snga mas byang chub par/ /rigs min phyi mas kyang ma yin/ /zhes pa ste/ de la re zhig bsgom pa'i lam gyis sems snga mas kyang byang chub mi skyed de/ phyi ma rnams don med par thal bar 'gyur ba'i phyir ro/ /phyi mas kyang ma yin te/ bsgom pa'i lam snga ma rnams don med par thal bar 'gyur ba'i phyir ro/ /de bas na byang chub bskyed pa ni shin tu dka'o zhes pa ni brgal ba'o/ /mar me'i dpe yi tshul gyis ni/ /byang chub bar du 'gyur ba yin//zhes pa 'di ni lan no/ /'di'i don ni 'di lta ste/ dper na mar me'i skad cig dang pos sdong bu tshig pa ni ma yin te/ phyi ma rnams don med par thal bar 'gyur ba'i phyir ro/ /phyi mas tshig pa yang ma yin te/ snga ma rnams don med par thal bar 'gyur ba'i phyir ro/ /'on kyang mar me'i rgyun gyis tshig ces mar me'i dpes gsungs te/de ltar bsgom pa'i lam yang rgyun nyid kyis byang chub bskyed ces pa'o/ /bskyed pa'i lam brgal ba sngon du song ba'i lan gdab pas rnam par gzhag par byas nas/ da ni phyir mi ldog pa'i byang chub sems dpa'i dge 'dun gyi mtshan nyid gsungs pa/zab mo'i chos nyid rnam pa brgyad/ /skye ba dang ni 'gag pa dang / /de bzhin nyid dang shes bya dang / /shes dang spyod pa gnyis med dang / /thabs mkhas pa la zab pa nyid/ /ces pa ste/ chos nyid ni chos thams cad kyi rang bzhin no/ /gang zhig rnam pa brgyad po phan tshun 'gal bas nyams su len pas na zab pa'o//de sgom pa po'i byang chub sems dpa' bsgom pa'i lam la gnas pa'i phyir mi ldog pa'i byang chub sems dpa'i dge 'dun gyi yul rnam pa brgyad zab pa ste/ gang dang gang zhes pa la gsungs pa/ skye ba dang zhes pa la sogs pa'o//skye ba ni zab pa ste gnyis su med kyang 'khor ba'i thog ma nas rten cing 'brel par 'byung ba yod pas so/ /'gog pa yang zab pa ste/ ma skyes kyang 'gog pa yod pas na'o/ /de bzhin nyid 'di yang zab pa ste/ de'i bdag nyid yin yang de sgom pas na'o/ /shes bya yang zab pa ste/shes pa med kyang de rnam par gnas pas so/ /shes pa yang zab ste/ shes bya med kyang shes pa yod na'o/ /spyod pa yang zab pa ste/ chos thams cad la bya ba med kyang byang chub kyi spyad pa spyod pas na'o/ /gnyis su med pa yang zab pa ste/ gnyis sgro 'dogs pa yin yang gnyis su med pa'i sems su gsal bar nges pas so/ /thabs la mkhas pa yang zab ste/ 'gro ba rnams ma grub kyang rgyun mi 'chad par 'gro ba mtha' dag gi don byed pas ste/ 'di rnams thams cad ni mi 'gal ba ste/ don dam pa dang kun rdzob kyi bden pa dag la mnyam par bsten pa nyid kyis na zhes brjod do//bslab pa phyir mi ldog pa'i tshogs rnams so/ /da ni srid dang zhi ba mnyam nyid dang / /zhes mdor bstan pa bshad pa'i phyir gsungs pa/ chos rnams rmi lam 'dra ba'i phyir/ /srid dang zhi bar mi rtog pa/ /las med la sogs klan ka yi//lan ni ji skad bshad par zad/ /ces pa ste/ sred pa zhes pa ni nyon mongs pa dang bcas pa'i khams gsum pa'i rnam pa'i sems su snang ba'o/ /zhi ba zhes pa ni chos dang longs spyod dang sprul pa'i sku gsum gyi rnam pa nyon mongs pa med pa'i sems su snang ba ste/khyad par du yang dag par rdzogs pa'i sangs rgyas zhes brjod do/ /de dag tu rtog pa med pa ni dbye bar mi shes pa ste/ stong pa nyid kyis byin gyis brlabs pa rang rang gi sems su snang ba tsam gyi bdag nyid yin pa des na spyi'i shes pa'i zhes pa'i don to/ /de ltar yin pa ci'i phyir zhe na/chos rnams rmi lam lta bu nyid kyis so/ /sad pa'i gnas skabs kyi bdag nyid kyi sems kyi snang ba rnams rmi lam lta bu ste/ rmi lam ni gnyid kyi gnas skabs la nye bar dmigs par gyur pa na lag pa dang glang po la sogs pa'i rnam pa sems su snang ba'o/ /chos rnams kyang de dang de 'dra ba nyid kyis tha mal gyi rang bzhin las ring du 'das pas de rtogs pa nyid ni sangs rgyas zhes dgongs pa'o//las med la sogs klan ka yi/ /lan ni ji skad bshad par zad/ /ces pa la/ chos thams cad ni rmi lam lta bu yin pas ji ltar mdo sde las gsungs pa/ de bzhin du rmi lam du sbyin pa dang rnam par 'tshe ba la sogs pas bsod nams dang sdig par 'gyur ba med do/ /de bzhin du gnyid ma log pa'i gnas skabs su yang thal bar 'gyur ro zhes pa ni brgal ba'o/ /lan ni ji ltar mdo las gsungs pa de bzhin du rtogs par bya ste/ bcom ldan 'das kyis ji ltar gsungs pa dmigs pa dang bcas pa nyid las las rnams skye bar 'gyur gyi gzhan dmigs pa med pa las ni ma yin no zhes so//rmi lam gyi skabs 'dir dmigs pa med pa'i sems te/ de bas na gzhan gyi rgyud du grub pa med pas de dag tshar bcad pa dang phan gdags par byas pa las sdig pa dang bsod nams dag med pa ni rigs pa'o//tha mal gnyid log pa'i gnas skabs ni dngos por gyur pa mi slu ba'i yul can nyid kyis sems su snang ba gzhan gyi rgyud las skyes par gyur pa nyid kyis dmigs pa dang bcas pa'o/ /slob dpon dbyig gnyen zhabs kyis ji ltar gsungs pa/phan tshun bdag po nyid kyis na/ /rnam par shes pa nges pa yin/ /zhes pa'o/ /de dag 'dir tha mal gnyid ma log pa'i gnas skabs gzhan gyi rgyud du grub pa de rnams phan gdags pa dang tshar bcad pa byas na bsod nams dang sdig pa dag gis rnam par gzhag pa ni legs par gnas pa nyid do//sangs rgyas kyi zhing yongs su dag pa'i dbang du byas te gsungs pa/ sems can 'jig rten de bzhin du/ /snod kyi 'jig rten ma dag pa/ /de la dag pa bsgrub pa yis/ /sangs rgyas zhing ni dag pa nyid/ /ces pa ste sems can 'jig rten ni/sems can dang bcas pa'i mtshan pa ste/ gang zhig ma dag pa ni skom pa dang ltogs pa la sogs pa'o/ /des gzhan dag mthong nas rang gi sangs rgyas kyi zhing gi sems can rnams dag pa nye bar sdud par byed pa/ smon lam la sogs pas/ lha'i longs spyod la nye bar bsdus pas/sems can gyi 'jig rten dag par byed do/ /de bzhin du snod kyi 'jig rten ni sems med pa'i sde tshan ste/ gang zhig ma dag pa zhes pa 'dir yang sbyar bar bya ba ste/ tsher ma dang rdo ba dang ngam grog la sogs pa des gzhan dag mthong bas/ rang gi sangs rgyas kyi zhing gi snod kyi 'jig rten dag nye bar sdud pa gser la sogs pa'i rang bzhin gyi sa gzhi mnyam par bskyed pa ni/snod kyi 'jig rten dag par byed pa'o/ /sems can dang snod kyi 'jig rten dag pa nyid ni/ sangs rgyas kyi zhing dag par gsungs te/ de nyid kyi bdag nyid ni de yin pa'i phyir ro/ /thabs la mkhas pa bstan pa'i phyir gsungs pa/ 'di yul rab tu sbyor ba ste/ /dgra rnams las ni 'das pa dang / /mi gnas ji bzhin shugs dang ni/ /thun mong ma yin mtshan nyid dang / /ma chags pa dang mi dmigs dang / /mtshan ma smon lam zad pa dang //de yi rtags dang tshad med pa/ /thabs la mkhas pa rnam pa bcu/ /zhes pa ste/ thabs ni sangs rgyas nyid kyi sgrub thabs so/ /de la mkhas pa ni phyin ci ma log pa'i shes pa ste/ thabs la mkhas pa'o/ /'di yi zhes pa ni thabs la mkhas pa ste/ de'i yul dang rab tu sbyor ba brjod par bya ba ste/ de la ting nge 'dzin rnam pa gsum dang / byang chub kyi phyogs rnams zhes pa ste/ yul ni mdo nyid kyis rgyas par gsungs so/ /rab tu sbyor ba zhes pa ni/ /dgra rnams las ni 'das pa dang / /zhes pa la sogs pa'i rkang pa bcu po rnams la so so yang dag par sbyor bas rnam pa bcur rig par bya'o//dgra rnams ni dgra nyid de bdud bzhi la sogs pa ste/ rab tu sbyor ba gang zhig de rnams las 'das pa de ni dgra rnams las 'das pa'i rab tu sbyor ba'o/ /gang gis chos thams cad la gnas kyang la lar rab tu mi gnas pa de ni mi gnas pa'i rab tu sbyor ba'o//gang gis ji ltar smon lam bzhin du 'gro ba'i don bya ba'i phyir byang chub kyi lam la goms par byed pa de ni ji bzhin shugs kyis rab tu sbyor ba'o/ /gang gis yang dag par rdzogs pa'i spyod pa nyid la goms par byed pa de ni nyan thos la sogs pa dang thun mong ma yin pa'i rab tu sbyor ba'o//gang gis sems can thams cad kyi 'jigs pa bsal ba'i phyir/ byang chub kyi spyod pa kun du spyod pa de ni ma chags pa'i rab tu sbyor ba'o/ /gang gis btags pa'i chos thams cad mi dmigs par bstan pa'i don du sangs rgyas kyi rgyu la goms par byed pa de ni mi dmigs pa'i rab tu sbyor ba'o//gang gis sems can thams cad kyis mtshan mar gzung ba gsal ba'i don du sangs rgyas nyid kyi rgyu la rab tu goms par byed pa de ni/ mtshan ma med pa'i rab tu sbyor ba'o/ /gang gis sems can thams cad srid pa gsum du smon lam gdab cing zad par bya ba'i phyir/byang chub kyi rgyu la spyod pa de ni smon pa med pa'i rab tu sbyor ba'o/ /de yi zhes pa ni phyir mi ldog pa'i'o/ /gang zhig la sogs pas de mtshon par byed cing shes par byed pa de ni rtags kyi rab tu sbyor ba'o/ /gang gis tshad med pa'i yul dang dus kyi sems can rnams yongs su skyob pa'i phyir/byang chub kyi rgyu la goms par byed pa de ni/ tshad med pa'i rab tu sbyor ba'o/ /rab tu sbyor ba rnam pa bcur phye bas thabs la mkhas pa gsungs so/ /mngon par rtogs pa'i rgyan gyi 'grel pa grags pa'i cha zhes bya ba las skabs bzhi pa'i 'grel pa'o// //rtse mo'i mngon par rtogs pa la de'i rtags dang zhes pa la sogs pa'i dngos po dgu mdor bstan pa de las rtags bshad pa'i phyir gsungs pa/ rmi lam na yang chos rnams kun/ /rmi lam lta bur lta la sogs/ /rtse mor phyin pa'i sbyor ba'i rtags//rnam pa bcu gnyis dag tu bzhed/ /ces pa ste/ rtse mo'i mngon rtogs kyi rtags rnams rnam pa bcu gnyis po de rnams las gang gi rmi lam na chos thams cad rmi lam lta bur lta ba la sogs pa ni rtags gcig go/ /sogs pa'i sgras nyan thos dang rang sangs rgyas kyi byang chub dang srid pa gsum du sems mi bskyed pa ni gnyis pa'o//rmi lam na de bzhin gshegs pa la sogs pa mthong ba ni gsum pa'o/ /rmi lam na nam mkha' las sangs rgyas kyi rdzu 'phrul rnam par 'phrul pa mthong ba ni bzhi pa'o/ /rmi lam na chos ston pa'i sems bskyed pa ni lnga pa'o/ / dmyal ba la sogs pa'i ngan 'gro gsum mthong ba las rang gi sangs rgyas kyi zhing du de dag spangs pa'i sems ni drug pa'o/ /rmi lam sad pa'i gnas skabs su gal te bdag sngon gyi sangs rgyas kyis lung bstan pa yin na grong khyer la sogs pa tshig pa rab tu zhi bar gyur cig ces pas bden pa'i byin gyi rlabs kyis rab tu zhi ba ni bdun pa'o//gal te bdag yang dag par rdzogs pa'i byang chub la lhag par mos pa'i sems dang bcas par gyur na des mi 'di las mi ma yin pa ring du song shig ces pas bdud kyis byin gyis brlabs pa min par bden pa'i byin rlabs kyis mi ma yin pa ring du 'bros pa ni brgyad pa'o//rang nyid kyis sangs rgyas dang byang chub sems dpa'i mtshan nyid mngon par shes nas dge ba'i bshes gnyen du bsten pa ni dgu pa'o/ /rnam pa thams cad kyis shes rab kyi pha rol tu phyin pa la slob pa ni bcu pa'o/ / thams cad la mngon par ma zhen pa ni bcu gcig pa'o/ /sangs rgyas kyi byang chub tu nye bar gyur pa ni bcu gnyis pa ste/ de ltar rtags bcu gnyis so/ /rtse mor phyin pa'i rnal 'byor pa'i rtags rnams mngon par brjod nas/ de'i rnam 'phel gsungs pa/ 'dzam bu'i gling gi skye bo snyed//sangs rgyas mchod pa'i dge la sogs/ /dper mdzad nas ni rnam mang du/ /rnam 'phel bcu drug bdag nyid do/ /zhes pa ste/ ting nge 'dzin gong nas gong du gyur pa'i gnas skabs kyi bye brag rnams ni rnam 'phel lo/ /rnam pa bcu drug ji ltar shes par bya snyam pa la gsungs pa/'dzam bu'i gling zhes pa la sogs pa ste/ 'dzam bu'i gling na gnas pa'i sems can gyi grangs ji snyed pa de snyed kyis mtshon pa'i sangs rgyas de snyed la mchod pa byas pa'i bsod nams gang zhig dper byas pa ni de bzhin no/ /sangs rgyas de rnams la mchod pa'i dge ba la sogs pa dper lan mang du mdzad de/dpes rnam pa bcu drug tu dbye ba byas pas rnam 'phel rnam pa bcu drug tu rtogs par bya'o/ /de la shes rab kyi pha rol tu phyin pa yid la byed pa rnam 'phel gcig go/ /chos rnams ma skyes par bzod pa so sor thob pa ni gnyis pa'o/ /rtogs bya dang rtogs pa po'i chos dag mi dmigs pa ni gsum pa'o//khyad par du 'phags pa'i dge ba bcu la sogs pa thob pa ni bzhi pa'o/ /gzugs med pa'i snyoms par 'jug pa thob pa ni lnga pa'o/ /lha thams cad kyi sder nye bar 'pho ba ni drug pa'o/ /bdud thams cad zil gyis gnon pa ni bdun pa'o//byang chub sems dpa'i gnas skabs nyid du chos ston pa la sogs pa sangs rgyas dang 'dra ba de dag gi gnas skabs ni brgyad pa'o/ /yongs su dag pa la slob pa ni dgu pa'o/ /sangs rgyas kyi spyod yul du gyur pa ni bcu pa'o/ /sangs rgyas nyid kyi 'bras bu thob pa'i mtshan ma ni bcu gcig pa'o//pha rol tu phyin pa'i mi mthun pa'i phyogs kyi sems mi bskyed pa ni bcu gnyis pa'o/ /gzugs la sogs pa rnams rang rig par grub pa nyid kyis gzugs la sogs pa dang lhan cig tu gyur pa'i dbang po'i shes pa mi skye ba ni bcu gsum pa'o/ / pha rol tu phyin pa rnams sdud pa'i shes pa ni bcu bzhi pa'o/ /phun sum tshogs pa thams cad so sor thob pa ni bco lnga pa'o/ /yang dag par rdzogs pa'i byang chub la kun du nye bar gyur pa ni bcu drug pa ste/ de ltar na rnam 'phel rnam pa bcu drug go/ /da ni bstan pa gsungs pa/ sems can don yongs mi gtong ba/ /kun mkhyen nyid gsum chos rnams kyi/ /yongs su rdzogs pa bla med pa/ /nges pa zhes pa ni mngon par brjod ces pa ste/ ji skad gsungs pa'i rnam pa thams cad mkhyen pa nyid la sogs pa kun mkhyen gsum du gtogs pa'i byang chub tu sems bskyed pa la sogs pa'i chos rnams yongs su rdzogs pa bla na med par gyur pa de yang sems can gyi don yongs su mi gtong bar gyur pa de ni rtse mo'i mngon rtogs kyi nges par brjod do//sems kun gnas zhes sngon du mdor bstan pa de yang ting nge 'dzin nyid do/ /de bas na ting nge 'dzin gyi dbang du byas te gsungs pa/gling bzhi pa dang stong dag dang / /stong gnyis gsum dag dper mdzad nas/ /bsod nams mang po nyid kyis ni/ /ting 'dzin yongs su bsgrags pa yin/ /zhes pa ste/ 'di'i don ni 'di ltar 'dod de/ gling bzhi pa la sogs pa stong dang / stong gnyis pa dang / stong gsum gyi 'jig rten gyi khams su gnas pa'i sems can de rnams kyi gang zhig pha rol tu phyin pa la sogs pa'i tshogs nas snying rje la sogs pa'i tshogs dang gang zhig de'i rang bzhin gyi ting nge 'dzin dpag tu med pa de rnams kyi bsod nams gang yin pa de rnams dper byas te/de bas kyang bsod nams du ma'i bdag nyid na g.yo ba'i ting nge 'dzin te sems kun du gnas pa zhes bya'o/ /mthong zhes bya dang bsgom pa zhes/ /bya ba'i lam ni so so la/ /rnam par rtog pa rnam bzhi yi/ /gnyen po rnam pa bzhi dang ni/ /zhes pa sngon du mdor bstan pa de ni de'i dbang du byas te gsungs pa/'jug pa dang ni ldog pa la/ /gzung ba'i rnam rtog so sor de/ /dgu yi bdag nyid ji bzhin yul/ /min pa'i bdag nyid dag shes bya/ /zhes pa ste/ de la re zhig gzung ba'i rnam rtog rnam pa gnyis so/ /gzung ba'i yul ji lta bu zhes sems pa la gsungs pa/ji bzhin yul min bdag nyid ces pa ste/ mi bden pa la 'dod pa'i bdag nyid do/ /rnam par rtog pa 'di yul la 'jug pa ni byang chub sems dpa'i blang bar bya ba'i phyogs so/ /ldog pa ni byang chub sems dpa'i dor bar bya ba'i phyogs so//de yang so sor yul gyis dbye bas rnam pa dgu'o/ /gzung ba'i rnam par rtog pa mngon par brjod nas/ 'dzin pa'i rnam par rtog pa gsungs pa/ sems can rdzas dang btags yod par/ /rnam rtog 'dzin pa dag tu 'dod/ /so so'i skye bo 'phags dbye bas/ /so sor de dag dgu bdag nyid//ces pa ste/ gzhan du 'jug pa ni rnam rtog gnyis kyang 'dzin pa po yul gyis so/ /gnyis ji ltar snyam pa la rim pa ji lta bar rdzas dang btags pa'i yod pa ste/ sems can rnams kyi rnam par rtog pas so/ /de la dang po ni so so'i skye bo'i'o/ /gnyis pa ni 'phags pa rnams kyi'o//de yang so sor rnam pa dgu'o/ /'di ji ltar mi bden pa la 'dod pa'i bdag nyid kyi rtog par rtog pa ma yin zhe na/ mi bden pa nyid la 'dzin pa po'i rnam rtog gnyis so/ /'di dag nyid gsungs pa/ gal te gzung don de bzhin med/ /de dag gang gis 'dzin par 'dod//de ltar de dag 'dzin pa med/ /ngo bos stong pa'i mtshan nyid do/ /zhes pa ste/ 'dzin pa'i ngo bos zhes pa ni 'dzin pa po'i tshul gyis so/ /de dag ces pa ni 'dzin pa'i rnam par rtog pa'o/ /rnam par rtog pa bzhi po 'di yang so sor rnam pa dgur gsungs pa/ de la dang po rnam pa dgu po'i ji lta bu zhes sems pa la gsungs pa/ ngo bo nyid dang rigs dang ni/ /lam ni yang dag 'grub pa dang / /shes pa'i dmigs pa ma 'khrul dang / /mi mthun phyogs dang gnyen po dang / /rang gis rtogs dang byed pa dang / /de yi las bya'i 'bras bu la/ /'jug pa'i phyogs kyi rten can gyi//rnam rtog de ni rnam dgur 'dod/ /ces pa ste/ 'di rnams shes pa ni thog ma'i gzung rtog rnams so/ /ngo bo nyid ces pa ni byang chub tu sems bskyed pa'i ngo bo ste/ ngo bo nyid kyis rnam par rtog pa'o/ /rigs zhes pa ni yang dag par rdzogs pa'i byang chub kyi rigs la rigs su rnam par rtog pa'o//lam ni yang dag 'grub pa dang / /zhes pa ni shes rab kyi pha rol tu phyin pa mngon du byed pa la lam yang dag par 'grub pa'i rnam par rtog pa'o/ /shes pa'i dmigs pa ma 'khrul dang / /zhes pa ni shes pa'i dmigs pa med pa nyid kyis te shes pa'i dmigs pa ma 'khrul ba'i rnam par rtog pa'o//mi mthun phyogs dang gnyen po dang / /zhes pa la rnam par mi rtog pa'i ye shes ni gnyen po'i phyogs so/ /rnam par rtog pa ni mi mthun pa'i phyogs te/ gnyen po'i phyogs dang mi mthun pa'i phyogs kyi rnam par rtog pa'o//rang gis rtogs zhes pa ni nyan thos la sogs pa'i chos yang nas byang chub sems dpa'i chos rang gis rtogs pa ste/ rang gis rtogs pa'i rnam par rtog pa'o/ /byed pa dang / de yis las bya'i 'bras bu dang / /zhes pa la/ byang chub sems dpa' byed pa po//zhes 'dir byed par rnam par rtog pa'o/ /de'i las ni gnyen po'i phyogs bsgom pa ste/ de'i las kyi rnam par rtog pa'o/ /bya ba'i 'bras bu ni mi mthun pa'i phyogs zad pa ste/ bya ba'i 'bras bu'i rnam par rtog pa'o/ /dang por gzung ba'i rang bzhin gyi dngos po dgu spangs pa las thog mar gzung ba'i rnam par rtog pa dgu'o//ngo bo nyid la sogs pas blang bar bya ba nyid kyis 'jug pa'i phyogs kyis byin gyis brlabs par 'di dag shes par bya'o/ /gzung ba'i rnam par rtog pa gnyis pa 'di yang rnam pa dgur ji ltar 'gyur zhes pa la gsungs pa/srid dang zhi bar lhung ba'i phyir/ /rtogs pa dman pa nyid dang ni/ /yongs su 'dzin pa med pa dang / /lam gyi rnam pa ma tshang dang / /gzhan gyi rkyen gyis 'gro ba dang / /ched du bya ba log pa dang / /nyi tshe ba dang sna tshogs nyid/ /gnas dang 'jug la rmongs pa dang / / rjes la 'gro zhes bya ba la/ /rnam rtog dgu yi bdag nyid 'di/ /ldog pa'i phyogs kyi rten can te/ /nyan thos la sogs yid la 'byung / /zhes pa ste/ srid dang zhi bar lhung ba'i phyir/ /rtogs pa dman pa nyid dang ni/ /zhes pa la 'khor ba dang mya ngan las 'das par lhung ba nyid kyis srid pa dang zhi ba'i mtshan nyid yongs su ma shes pas rtogs pa dman pa ste/rtogs pa dman pa'i rnam par rtogs pa'o/ /yongs su 'dzin pa med pa dang / /zhes pa la yongs su 'dzin pa ni ji skad gsungs pa'i dge ba'i bshes gnyen te/ yongs su 'dzin pa med pa'i rnam par rtog pa'o//lam gyi rnam pa ma tshang dang / /zhes pa ni shes bya ba'i sgrib pa mtha' dag gi gnyen po'i phyogs kyi lam ma tshang ba ni lam ma tshang ba'i rnam par rtog pa'o/ /gzhan gyi rkyen gyis 'gro ba dang / /zhes pa ni de bzhin gshegs pa la sogs pa rnams la ltos nas rang gi lam rtogs pa nyid kyis gzhan gyi rkyen gyis 'gro ba'i rnam par rtog pa'o//ched du bya ba log pa dang / /zhes pa ni snying rje med pas ji skad gsungs pa'i ched du bya ba log pa'i rnam par rtog pa'o/ /nyi tshe ba zhes pa ni nyon mongs pa'i sgrib pa spangs nas lam tsam nyid rtogs pa ni nyi tshe ba'i rnam par rtog pa'o//sna tshogs nyid ces pa ni 'bras bu dang po la sogs pa rtogs pa ni sna tshogs kyi rnam par rtog pa'o/ /gnas dang 'jug la rmongs pa dang / /zhes pa ni bde 'gro dang ngan 'gro dag la gnas pa dang 'byung ba la rmongs pa ni gnas pa dang 'jug pa mi shes pa'i rnam par rtog pa'o/ / rjes la 'gro zhes bya ba la/ /zhes pa ni rang nyid kyis yongs su mi shes pas sangs rgyas dang byang chub sems dpa' dag gi rjes su 'gro ba ni rjes su 'gro ba'i rnam par rtog pa ste/ gzung rtog gnyis pa'i dgu tshan no/ /yul 'di rnams kyang byang chub sems dpas spang bar bya ba gnyid log pa'i phyogs yin par shes par bya'o//rdzas su yod par so so'i skye bos brtags par 'dzin pa'i rnam par rtog pa dang po rnams la dgur ji ltar 'gyur zhes pa la gsungs pa/ 'dzin dang so sor thar pa dang / /yid la byed dang khams rnams ni/ /gsum char nye bar 'brel ba dang //gnas dang mngon par zhen pa dang / /chos kyi dngos po btags pa dang / /chags pa dang ni gnyen po dang / /ji ltar 'dod bzhin 'gro nyams la/ /'dzin pa dang por shes par bya/ /zhes pa ste/ bsgom pa'i lam gyi rab tu sbyor ba'i gnas skabs kyi spang bya 'dzin pa rdzas su yod pa'i bdag nyid du 'dzin pa dang thar pa la sogs pa'i chos rnams la dgu ste/de'i rnam par rtog pa yang 'dzin pa'i rnam par rtog pa rnam pa dgu'o/ /de yang 'phags pa rnams kyis rab tu spangs pa nyid kyis na so so'i skye bo rnams kyi chos so/ /de la ting nge 'dzin dang so sor thar pa dang //zhes pa ni rdzas su yod pa'i bdag nyid sdug pa dang mi sdug pa bdag nye bar len pa dang yongs su gtong ba ni 'dzin pa dang so sor thar pa'i rnam par rtog pa'o/ /de ltar gzhan rnams la yang bdag gi dbang du byas pa nyid kyis thams cad la bsgrub par bya ba ni ji ltar rigs par blta bar bya'o//yid la byed dang zhes pa ni brtags pa'i don gang zhig yid la byed pa ni yid la byed pa'i rnam par rtog pa'o/ /khams rnams ni/ gsum char nye bar 'brel pa dang / /zhes pa ni shi ba'i de ma thag tu bdag rdzas su yod pa khams gsum par 'jug pa ni khams gsum pa dang 'brel ba'i rnam par rtog pa de gnas zhes pa ni stong pa nyid kyi gnas skabs te gnas la rnam par rtog pa'o//mngon par zhen pa zhes pa la sangs rgyas la sogs pa la mngon par zhen pa ni mngon par zhen pa'i rnam par rtog pa'o/ /chos kyi dngos po btags pa dang //zhes pa la btags pa'i chos btags pa'i dngos po ni btags pa'i rnam par rtog pa'o/ /chags pa ni de kho na nyid kyi ye shes bskyed pa la chags pa ste/ chags pa'i rnam par rtog pa'o/ /gnyen po zhes pa ni nyon mongs pa thams cad kyi gnyen po'i phyogs nyan thos dang rang sangs rgyas kyi lam gyi bdag nyid ni gnyen po'i phyogs kyi rnam par rtog pa'o//ji ltar 'dod bzhin 'gro nyams la/ /zhes pa ni mngon par shes pa la sogs pa med par ji ltar 'dod pa bzhin 'gro ba nyams pa ste/ ji ltar 'dod pa bzhin 'gro nyams kyi rnam par rtog pa'o/ / 'dzin pa'i rnam par rtog pa dang po'i dgu tshan no/ /'dzin pa'i rnam par rtog pa gnyis pa btags pa'i yod pa ni rnam pa dgur ji ltar 'gyur zhes pa la gsungs pa/ ched bzhin nges par mi 'byung dang / /lam la lam min 'dzin pa dang / /'gag dang bcas pa'i skye ba dang //dngos po ldan dang mi ldan dang / /gnas dang rigs ni 'jig pa dang / /don du gnyer dang rgyu med dang / /phyir sgol ba ni dmigs pa la/ /'dzin pa'i rnam rtog gzhan yin no/ /zhes pa ste/ ched bzhin nges par mi 'byung dang / /zhes pa ni nyan thos kyi lta bar gyur pa nyid kyis ji ltar gsungs pa'i ched du bya ba rnam pa gsum po rnams la so sor mi 'gro ba ni ched bzhin nges par mi 'byung ba'i rnam par rtog pa'o//lam la lam min 'dzin pa dang / /zhes pa ni rang gi mngon par 'dod pa'i lam yongs su mi shes pas lam gzhan la lam du 'dzin pa ni lam la lam min du 'dzin pa'i rnam par rtog pa'o//'gag dang bcas pa'i skye ba dang / /zhes pa ni btags pa'i chos thams cad ni skye ba dang 'gag pa'i rnam par rtog pa'o/ /dngos po ldan dang mi ldan dang / /zhes pa ni dngos po mtha' dag mtshams med pa dang bar mtshams dang bcas par so sor snang ba nyid kyis ldan pa dang mi ldan pa ste/ldan pa dang mi ldan pa'i rnam par rtog pa'o/ /gnas zhes pa ni gzugs la sogs pa'i gnas rnams ni nam mkha' la kun du gnas pa'i nam mkha' lding lta bu nyid kyis te gnas kyi rnam par rtog pa'o/ /rigs ni 'jig pa dang zhes pa ni byang chub tu sems bskyed pas nyan thos la sogs pa'i rigs 'jig pa ste/nyan thos la sogs pa'i rigs 'jig pa'i rnam par rtog pa'o/ /don du gnyer dang rgyu med dang / /zhes pa don du gnyer ba ni stong pa nyid de la don du gnyer ba med pa ste/ don du gnyer ba med pa'i rnam par rtog pa'o//rgyu med ni rten cing 'brel bar 'byung ba med pa ste/ rgyu med kyi rnam par rtog pa'o/ /phyir rgol ba ni dmigs pa la zhes pa ni nga rgyal la sogs pa dmigs pa ste/ phyir rgol ba dmigs pa'i rnam par rtog pa'o/ /gsungs pa'i mthong ba'i lam gyi spang bar bya ba'i rtog pa sum cu rtsa drug po rnams ni mi mthun pa'i phyogs su gyur pa dang gnyen po'i phyogs te 'di rnams nyid do//mthong ba'i lam gyi gnas skabs kyi khyad par gyis bdag nyid rnams ni ji ltar mdo bzhin du rtogs par bya'o/ /'o na mthong ba'i lam ni dang por de kho na nyid shes pa'i ye shes yin te/de yang ye shes kyi tshogs kyi nang du 'dus pas bsod nams kyi tshogs med par de dag tsam gyis ni byang chub tu mi 'gyur ro snyam pa la gsungs pa/ de bas na bsod nams kyi tshogs kyi bdag nyid kyi byang chub kyi rgyud la gzhan gsum bstan pa'i phyir gsungs pa/ /byang chub gzhan la ston pa dang //de yi rgyu ni yongs gtod dang / /de thob bar chad med pa'i rgyu/ /bsod nams mang po'i mtshan nyid do/ /zhes pa ste/ byang chub gzhan la ston pa dang / /zhes pa ni yang dag par rdzogs pa'i byang chub gzhan dag la ston pa ni gcig go/ /de yi rgyu ni yongs gtod dang / / zhes pa ni de'i rgyu ni byang chub kyi rgyu ste/ shes rab kyi pha rol tu phyin pa'i gzhung gi bdag nyid byang chub kyi don du yongs su gtod pa ni gnyis pa'o/ /de thob bar chad med pa'i rgyu/ /bsod nams mang po'i mtshan nyid do/ /zhes pa la yang dag par rdzogs pa'i byang chub thob par bya ba la bar chad med pa ji srid rab tu dbye ba byed par gyur pa rang gi rgyu la yod pa'i bsod nams kyi tshogs kyi mtshan nyid ni gsum pa'o//rgyu zhes bya ba ni tshogs rnam pa gnyis kyis bsgrubs pa'i byang chub kyi'o/ /'o na yang dag par rdzogs pa'i byang chub 'di thob par bya ba'i ched du ci zhig gsungs zhes pa la gsungs pa/dri ma zad dang mi skye ba'i/ /ye shes byang chub ces brjod de/ /zad med skye med phyir de dag /go rims bzhin du shes par bya/ /zhes pa ste/ 'dir tshigs bcad phyed dang pos nyan thos kyis la gnas nas rjes su tshol ba'i byang chub kyi mtshan nyid gsungs so/ /phyed phyi mas theg pa chen po rjes su tshol ba'i byang chub kyi mtshan nyid de gnyis nye bar bkod pa'o//dri ma ni nyon mongs pa dang shes bya'i sgrib pa rnams so/ /zad pa dang mi skye ba ni skyes pa rnams zad pa dang ma skyes pa rnams mi skye ba'o/ /de dag ni zad pa dang mi skye ba'i shes pa gang yin pa ste/ de ni byang chub ces brjod do/ /dri ma rnams zad pa dang mi skye ba'i ye shes kyi mtshan nyid ni byang chub ces pa'i don to/ /byang chub kyi mtshan nyid gcig go/ /'di dag spangs nas gzhan rigs pas len par byed pa ni theg pa chen por gyur pa'i byang chub kyi mtshan nyid ces brjod do/ /dri ma rnams ni sgro btags pa nyid kyi bdag la sogs pa lta bu ste/gang gi phyir zad pa dang mi skye ba dag med pas so/ /de bas na zad pa med pas ma skyes pa ste/ dpe med pa nyid dang mi skye ba med pa nyid du shes par bya ste/ de nyid ni theg pa chen po pa'i byang chub tu rtogs par bya'o/ /theg pa chen po ni rang bzhin gyis yongs su dag par bya'o//theg pa chen po'i rang bzhin gyis yongs su dag pa nyid do/ /chos thams cad kyi dri ma zhes bya ba glo bur ba nyid pas de kho na nyid zad pa dang mi skye ba med par shes pa'i mtshan nyid ni byang chub ces pa'i don to/ /da ni zad pa dang mi skye ba'i ye shes ni byang chub ces pa sngon du bstan pa'i gzhan gyi mtshan nyid sun dbyung ba'i phyir gsungs pa/'gog pa med pa'i rang bzhin la/ /mthong zhes bya ba'i lam gyis ni/ /rnam par rtog rig ci zhig zad/ /skye med rnam pa ci zhig thob/ /ces pa ste/ gang gi phyir chos rnams kyi bdag nyid gzung ba dang 'dzin pas stong pa nyid kyi rang bzhin te/de yang thog ma dang tha ma med pa'i thams cad du yod pa nyid do/ /de bas na de'i mi mthun pa'i phyogs su gyur pa sgro btags pa'i gzung ba dang 'dzin pa'i bdag nyid kyis ni nyon mongs pa la sogs pa'i dri ma thams cad 'dir med pa nyid do//de bas mthong ba'i lam gyi rnam par rtog pa'i rigs ni ci zhig zad pa la skye ba med pa ci zhig thob ste/ ci yang med pas zhes par dgongs so/ /'o na chos thams cad kyang gzung ba dang 'dzin pa'i bdag nyid la shes bya nyid kyi sgrib pa zad par brjod par bya ba yin na ni de bzhin du ji ltar bshad ces pa la gsungs pa/gzhan gyi chos rnams kyang yod la/ /shes bya la yang ston pa yi/ /sgrib pa zad par brjod pa gang / /de la kho bos mtshar du brtsis/ /zhes pa ste/ gzugs kyi phung po la sogs pa'i chos rnams dngos po zhes bya bar yod cing de 'dzin pa'i sangs rgyas bcom ldan 'das kyi shes bya'i sgrib pa rnams zad pa zhes pa 'di la kho bos mtshar du brtsis pa'o//gzugs kyi phung po la sogs pa brtag bzod pa nyid der sgro btags pa'i shes bya'i sgrib pa de'i nus mthus te/ des na shes bya'i sgrib pa rnams ji ltar zad ces par dgongs so//'o na shes bya'i sgrib pa rnams ji ltar zad ces pa la gsungs pa/ 'di la bsal bya ci yang med/ /bsnan par bya ba cung zad med/ /yang dag nyid du yang dag lta/ /yang dag mthong na rnam par grol/ /zhes pa ste/ 'di la zhes pa ni gnyis su med pa'i sems gsal ba'i rgyun gyis bdag nyid kyi chos thams cad ldog pas byas pa'i dbye bas yongs su brtags pa'i gzung ba dang 'dzin pas stong pa nyid de/des na stong pa nyid 'di la bsal bar bya ba ci yang med do/ /de'i rten du gyur pa'i sems kyi rang bzhin de la/ de las ni stong pa nyid kyang bsal bar thal bar 'gyur ro//'di la bsnan par bya ba cung zad med pa ni bems po la sogs pa'i rang bzhin no/ /'o na ji ltar bya zhes sems pa la gsungs pa/ yang dag nyid du yang dag lta/ /yang dag mthong na rnam par grol/ /zhes pa ste/ blta ba ni rang rig pas mngon sum du bya'o//yang dag nyid kyis ni tshad mas so/ /yang dag nyid ni de kho na nyid de stong pa nyid kyi bdag nyid do/ /gang gis yang dag mthong nas rnam par grol ba de ni 'khor ba'i 'ching ba las grol bar 'gyur ba'o/ /byang chub la sogs pa go skabs las 'ongs pa rnams bshad nas/ gtsor bstan par bya ba mthong ba'i lam gsungs pa/sbyin pa la sogs re rer ni/ /de dag phan tshun sdud pa gang / /skad cig cig pa'i bzod pa yis/ /bsdus pa de 'dir mthong ba'i lam/ /de nas seng ge rnam bsgyings pa'i/ /ting nge 'dzin la snyoms zhugs nas/ /rten cing 'brel 'byung lugs mthun dang //lugs mi mthun la rtog par byed/ /ces pa ste/ sbyin pa la sogs zhes bya ba ni bdun pa'i mtha' can no/ /sbyin pa la sogs pa gcig gi nang du gzhan rnams 'dus pa'o/ /de dag ces pa ni rang las gzhan pa'i lnga po rnams so/ /phan tshun ni gcig la gcig go//bsdus pa ni rtse mo'i mngon rtogs 'dir ro/ /mthong ba'i lam skad cig ma gcig tu rtogs par bya'o/ /de yang sdug bsngal la chos shes pa'i bzod pa'i skad cig ma yin par gzung gi gzhan ni ma yin par nges so/ /de 'dir mthong ba'i lam zhes pa ni sems dbang du byas pa'i don de lung las rab tu grags pa'o//de nas seng ge rnam bsgyings pa'i/ /zhes pa'i ting nge 'dzin la byang chub sems dpa' snyoms par zhugs te rten cing 'brel par 'byung ba yan lag bcu gnyis las lugs su 'byung ba ni ma rig pa'i rkyen gyis 'du byed ces pa la sogs pa dang /mi mthun pa ni ma rig pa 'gags pas 'du byed 'gag ces pa la sogs pa'o/ /rtog par byed ces pa ni dpyod par byed pa ste mthong ba'i lam brjod pa'o/ /da ni bsgom pa'i lam 'di la thod rgal gyi snyoms par 'jug pa bstan pa'i phyir gsungs pa/ 'gog dang bcas pa'i snyoms 'jug dgur//rnam pa gnyis su song 'ongs nas/ /'dod par gtogs pa'i rnam par shes/ /mnyam gzhag min pas mtshams gzung ste/ /thod rgal du ni snyoms 'jug pa/ /gcig dang gnyis gsum bzhi dang lnga/ /drug dang bdun dang brgyad brgal nas/ /'gog pa'i bar du mi 'drar 'gro//zhes pa ste/ 'dod par gtogs pa'i rnam par shes/ /mnyam gzhag min pas mtshams gzung ste/ /zhes pa ni 'dod pa'i khams rnams ni ngo bo nyid kyi rnam par g.yo ba yin pas rnam par rtog pa'i ye shes nas mtshams gzung ba byas pa'o/ /'gog dang bcas pa'i snyoms 'jug ces pa ni 'gog pa'i snyoms par 'jug pa mthar byas te//bsam gtan bzhi dang gzugs med pa bzhi'o/ /'gog pa'i snyoms par 'jug pa dang / /zhes pa ni snyoms par 'jug pa dgu'o/ /song 'ongs nas zhes pa ni bsam gtan dang po nas gzung nas go rims su bsgom pa'i phyir 'gog pa'i bar du song ba'o//de nas yang 'gog pa nas brtsams te go rims las bzlog te bsgom pa'i phyir bsam gtan dang po'i bar du slar 'ongs pa'o/ /rnam pa gnyis su shes pa ni go rims las bzlog pa'i tshul gyis 'gro ba dang 'ong ba zhes bya ba'i don to/ / 'gog pa nas bsam gtan dang por 'ongs te slar yang gang gis gcig dang gnyis gsum bzhi dang lnga/ drug dang bdun dang brgyad du thod rgal du snyoms par 'jug go/ /'gog pa'i snyoms par 'jug pa ste ji srid der zhugs pa'o/ /de la rtogs pa'i go rims pa 'di ni mi 'dra bar 'gro bas na mi 'dra ba ste/thod rgal gyi snyoms par 'jug par brjod do/ /de nyid 'dir byang chub sems dpa'i bsgom pa'i lam du brjod do/ /bsgom pa'i lam gyis spang bar bya ba'i rtog pa sum cu rtsa drug yod pa de las thog mar gzung ba'i rnam rtog rnam pa dgu gsungs pa/ mdor bsdus rgyas dang sangs rgyas kyi//bstang bas yongs su ma bzung dang / /dus gsum yon tan med pa dang / /legs pa'i lam ni rnam gsum la/ /gzung ba'i rnam rtog 'di gcig ste/ /sbyor ba'i rnam pa'i spyod yul can/ /zhes pa ste/ mdor bsdus zhes pa ni sems can gyi ngor chos ston pa mdor bsdus pa ste/mdor bsdus pa'i rnam par rtog pa'o/ /rgyas dang zhes pa ni de nyid la chos ston pa ste rgyas pa'i rnam par rtog pa'o/ /sangs rgyas kyi/ bstang bas yongs su ma bzung dang / /zhes pa ni sangs rgyas kyi bstang bas gang zhig yongs su ma bzung ba de ni med pa'i rnam par rtog pa'o//dus gsum yon tan med pa dang / /zhes pa la yon tan ni rjes su bsngags pa ste/ de dag med pa'o/ /des cir 'gyur zhes pa la dus gsum te rab tu sbyor ba'i lam gyi dus su yon tan med pa'i rnam par rtog pa dang / mthong ba'i lam gyi dus su yon tan med pa'i rnam par rtog pa dang /bsgom pa'i lam gyi dus su yon tan med pa'i rnam par rtog pa'o/ /legs pa'i lam ni rnam gsum la/ /zhes pa ni byang chub rnam pa gsum gyi lam ste/ rab tu sbyor ba'i lam gyi rnam par rtog pa dang / mthong ba'i lam gyi rnam par rtog pa dang / bsgom pa'i lam gyi rnam par rtog pa'o//gzung ba'i rnam rtog 'di gcig ste/ /zhes bya ba ni gzung ba'i rnam rtog thog ma'i gcig po nyid rnam pa dgur phye ba'o/ /khyad par ji lta bu zhe na gsungs pa/ sbyor ba'i rnam pa'i spyod yul can de bsgom pa'i lam gyi sbyor ba gang gi rnam pa'i khyad par yin pa de'i spyod yul ni gzhom bya nyid kyi yul te/thog ma'i gzung rtog rnam pa dgu/ /zhes pa'o/ /gzung ba'i rnam par rtog pa gnyis pa'i yul gang zhig ces pa la gsungs pa/ gnyis pa sems dang sems byung rnams/ /'jug pa'i yul can yin bzhed de/ /sems mi skye dang byang chub kyi//snying po yid la mi byed dang / /theg pa dman pa yid byed dang / /rdzogs pa'i byang chub yid mi byed/ /bsgom dang sgom pa med pa dang / /de dag las ni bzlog nyid dang / /ji bzhin don min rnam rtog pa/ /bsgom pa'i lam la shes par bya/ /zhes pa ste/ gnyis pa sems dang sems byung rnams//'jug pa'i yul can yin bzhed de/ /zhes pa ni bsgom pa'i lam dang lhan cig tu spyod pa'i sems dang sems las byung ba rnams mi skye ba la sogs pa'i gnas skabs la gang zhig la lar 'jug pa'i yul can de ni gzung ba'i rnam rtog gnyis zhes pa'i don to/ /de nas sems mi skye dang zhes pa la sogs pa 'di rnams nyid rnam rtog rnam pa dgu po'i yul du brjod do//sems mi skye dang zhes pa ni/ byang chub kyi sems mi skye ba'i rnam par rtog pa'o/ /byang chub kyi/ snying po yid la mi byed dang / /zhes pa la byang chub kyi snying po yid la mi byed pa ni byang chub kyi snying po yid la mi byed pa'i rnam par rtog pa'o//theg pa dman pa yid byed dang / /zhes pa ni nyan thos kyi theg pa yid la byed pa'i rnam par rtog pa dang / rang sangs rgyas kyi theg pa yid la byed pa'i rnam par rtog pa'o/ /rdzogs pa'i byang chub yid mi byed/ /ces pa ni yang dag par rdzogs pa'i byang chub yid la mi byed pa'i rnam par rtog pa'o//bsgom dang zhes pa ni bsgom pa'i rnam par rtog pa'o/ /sgom pa med pa dang zhes pa ni sgom pa med pa'i rnam par rtog pa'o/ /de dag las ni bzlog nyid dang / /zhes pa ni sgom pa yang min sgom pa min pa yang min pa'i rnam par rtog pa'o/ /ji bzhin don min zhes pa ni yul med pa nyid kyis ji bzhin don min pa'i rnam par rtog pa'o//gzung ba'i rnam rtog gnyis pa'i dgu tshan no/ /'dzin pa'i rnam rtog dang po rnam pa dgur ji ltar 'gyur zhes pa la gsungs pa/ sems can btags pa'i spyod yul can/ /chos btags pa dang stong nyid min/ / chags dang rab 'byed bdag nyid dang / /dngos por byed dang theg gsum dang / /yon ni dag pa ma yin dang / /spyod pa rnam par 'khrug pa la/ /'dzin par byed pa dang por de/ /shes par bya ba bsgrags pa yin/ /zhes pa ste/ sems can btags pa'i spyod yul can/ /zhes pa ni sems can rnams rdzas su yod par ma grub pas sems can rnams ni btags pa'i rnam par rtog pa'o//chos btags pa zhes pa ni phung po la sogs pa'i chos rnams 'di rdzas su yod par ma grub pas chos rnams ni btags pa'i yod pa zhes pa chos btags pa'i rnam par rtog pa'o/ /stong min nyid ces pa ni 'khor ba nas gzung ste btags pa'i chos rnams yongs su mi gtong bas stong pa nyid min pa'i rnam par rtog pa'o//chags dang zhes pa ni gzung ba dang 'dzin pa dag med kyang gzung ba dang 'dzin par so sor snang ba'i bsam pa'i rgyur yod pas chags par rnam par rtog pa'o//rab 'byed bdag nyid ces pa 'di ni gzugs so zhes pa nas gzung ste/ ji srid du 'di ni rnam pa thams cad mkhyen pa'o zhes pa'i bar te chos rab tu 'byed pa'i rnam par rtog pa'o/ /dngos por byed ces pa la dngos por ni gzugs la sogs pa'o/ /byed pa ni gzugs la sogs pa'i dngos po'i ched du bcom ldan 'das ma la kun du sbyor ba ste/dngos po'i ched du rnam par rtog pa'o/ /theg gsum dang zhes pa ni nges par rtog pa la rnam par gnas pa'i theg pa gsum po ni theg pa gsum du rnam par rtog pa'o/ /yon ni dag pa ma yin dang / /zhes pa ni gal te de bzhin gshegs pa rnams sprul pa lta bu yin na de la yon phul bas ji lta bur yang dag par 'gyur zhes pa ni yon dag pa ma yin pa'i rnam par rtog pa'o//spyod pa rnam par 'khrug pa la/ /zhes pa ni shes rab kyi pha rol tu phyin pa'i don du gzhung des yang dag par rjes su 'dzin pa ni spyod pa rnam par 'khrug pa'i rnam par rtog pa ste/'dzin pa'i rnam rtog thog ma'i dgu tshan rnams so/ /'dzin pa'i rnam rtog gnyis pa rtogs par bya ba'i phyir gsungs pa/ sems can btags dang de rgyu yi/ /yul can bsgom pa'i lam 'brel ba/ /de la gnod par byed pa yis//mi mthun phyogs gzhan rnam pa dgu/ /zhes pa ste/ sems can btags dang zhes pa ni sangs rgyas dang byang chub sems dpa' la sogs pa yang btags pa'o/ /de'i rgyu ni rnam pa thams cad mkhyen pa la sogs pa yang btags pa'o/ /de'i yul zhes pa ni sems can btags pa de'i rgyu'i yul lo//gzhan zhes pa ni 'dzin pa'i rnam rtog gnyis pa'o/ /bsgom pa'i lam 'brel ba/ /mi mthun phyogs zhes pa ni bsgom pa'i lam gyi mi mthun pa'i phyogs so/ /de la gnod pa byed pa yis/ /zhes pa ni de la gnod pa byed pa nyid kyis na'o/ /'di rnam pa dgur ji ltar 'gyur snyam pa la gsungs pa/thams cad mkhyen nyid gsum dag gi /bdag nyid ji bzhin sgrib rnam gsum/ /zhi lam de bzhin nyid sogs dang / /mtshungs par ldan dang mi ldan dang / /mi mnyam sdug bsngal la sogs dang / /nyon mongs rnams kyi rang bzhin dang / /gnyis su med la kun rmongs la//rnam par rtog pa tha mar bzhed/ /ces pa ste/ 'dzin pa'i rnam rtog phyi ma'o/ /thams cad mkhyen nyid gsum dag gi /bdag nyid ji bzhin sgrib rnam gsum/ /zhes pa ni rnam pa thams cad mkhyen pa'i sgrib pa la gang zhig kun du rmongs pa der ni mtha' na yod pa'i kun rmongs kyi tshig sbyar bar bya ste/de ltar thams cad du gzhan rnams la yang kun rmongs kyi tshig sbyar bar bya'o/ /rnam pa thams cad mkhyen pa'i sgrib pa la kun du rmongs pa dang / lam mkhyen pa'i sgrib pa la kun du rmongs pa dang / thams cad shes pa'i sgrib pa la kun du rmongs pa'o/ /zhi lam zhes pa ni nyan thos la sogs pa'i lam la kun du rmongs pa'o//de bzhin nyid sogs dang / mtshungs par ldan dang mi ldan dang / /zhes pa ni de bzhin nyid dang sogs pa'i sgras skad cig ma nyid la sogs pa ste/ 'dis chos thams cad dang mtshungs par ldan pa dang mi ldan par kun du rmongs pa'o/ /mi mnyam zhes pa ni shes rab kyi pha rol tu phyin pa 'di chos dkon mchog yin pa nyid kyis 'dra ba la kun du rmongs pa'o//sdug bsngal la sogs zhes pa ni sdug bsngal gyi bde ba la sogs pa la kun du rmongs pa'o/ /nyon mongs rnams kyi rang bzhin dang / /zhes pa ni 'dod chags la sogs pa nyon mongs pa rnams kyi rang bzhin la kun du rmongs pa'o//gnyis su med pa la zhes pa ni gzung ba dang 'dzin pa stong pa nyid la kun du rmongs pa'o/ /kun du rmongs pa'i tshig rkang dgu po rnams la rnam par rtog pa'i sgra yang kun du sbyor ro/ /'dzin pa'i rnam rtog gnyis pa rnam pa dgur gsungs pa'o//'dir mthong ba'i lam la spang bar bya ba'i gzung ba'i rnam par rtog pa gnyis dang 'dzin pa'i rnam par rtog pa yang gnyis su gsungs so/ /'di nyid kyis na rnam par rtog pa rnam pa bzhi'o/ /de rnams so sor dgu dgu ste sum cu rtsa drug tu 'gyur ro/ /'di rnams nyid yang 'dod pa dang gzugs dang gzugs med pa'i dbye bas rnam pa gsum du phye na rnam rtog brgya rtsa brgyad du 'gyur ro//de ltar bsgom pa'i lam gyi spang bar bya ba'i rnam par rtog pa yang brgya rtsa brgyad du rtogs par bya'o/ /'di rnams thams cad ni mi mthun pa'i phyogs yin pa nyid kyis mthong ba'i lam dang bsgom pa'i lam gyi gnas skabs kyi khyad par gyi gnyen po'i phyogs kyis spang bar bya ba ni lung las gsal lo//gnyen po'i phyogs dang bcas pa'i mthong ba'i lam dang bsgom pa'i lam gyis spang bar bya ba'i rtog pa nyis brgya dang bcu drug tu bstan to/ /ji ltar gsungs pa'i rnam par rtog pa de rnams zad nas byang chub sems dpa' cir 'gyur zhes pa la gsungs pa/yams nad 'di rnams zad nas ni/ /yun ring lon nas dbugs 'byin ltar/ /rnam pa kun du 'gro ba yi/ /bde bsgrub yon tan phun tshogs kun/ /rgya mtsho che la chu bo bzhin//'bras bu mchog gis spa ba yi/ /sems dpa' chen po de la ni/ /rnam pa kun du rten par byed/ /ces pa ni gsungs pa'i rnam par rtog pa rnams so/ /yams nad ni yon tan nye bar 'joms pa ste/ 'di rnams zad par gyur nas so/ /yun rings lon nas zhes pa ni dus yun ring pos so//dbugs 'byin ltar zhes pa ni slar 'ongs pa'i srog lta bu'o/ /sems dpa' chen po zhes pa ni bsgom pa'i lam la gnas pa'i byang chub sems dpa'o/ /bsgom pa'i lam gyi de ma thag tu bar chad med pa'i lam zhes pas na bar chad med pa'i ting nge 'dzin gsungs pa/stong gsum skye bo nyan thos dang / /bse ru'i rtog pa phun tshogs dang / /byang chub sems dpa'i skyon med la/ /bkod pa'i dge rnams dper mdzad nas/ /bsod nams mang po nyid kyis ni/ /sangs rgyas nyid kyi bar med de/ / bar chad med pa'i ting nge 'dzin/ /de ni rnam pa kun mkhyen nyid/ /ces pa ste/ stong gsum na gang zhig sems can gyi 'jig rten gnas pa de rnams nyan thos kyi byang chub dang / rang sangs rgyas kyi byang chub dang / byang chub sems dpa'i rtogs pa rnams la bkod pas dge ba gang dag thob pa dper nye bar mtshon par byas te/de bas kyang bsod nams ches mang zhing bsod nams gya nom pa'i rgyur gyur pas gang mtshon pa'i ting nge 'dzin gyi khyad par de ni bar chad med pa'i ting nge 'dzin lta bur gyur pa zhig snyam pa la gsungs pa/ sangs rgyas nyid kyi bar med de//zhes pa ste/ bar chad med pa'i sangs rgyas nyid thob pa'i rgyu zhes pa'i don to/ /bar chad med pa'i ting nge 'dzin gyi rgyus thob pa'i sangs rgyas nyid ji lta bu zhes sems pa la gsungs pa/ de ni rnam pa kun mkhyen nyid/ /ces pa ste/ sangs rgyas nyid de ni rnam pa thams cad mkhyen pa nyid yin gyi/gzhan ni ma yin zhes pa'i don to/ 'o na sangs rgyas nyid kyi mtshan nyid rnam pa thams cad mkhyen par gsungs pa/ de'i dmigs pa ni gang zhig yin/ bdag po'i rgyu ni ci zhig yin/ rnam pa ni ji lta bu zhes shes par 'dod pa la bstan pa'i phyir gsungs pa/'di yi dmigs pa dngos med de/ /bdag po dran pa yin par bzhed/ /rnam pa zhi nyid 'di la ni/ /rab tu smra rnams brgyud mar rgol/ /zhes pa ste/ 'di yi zhes pa ni rnam pa thams cad mkhyen pa'i 'o/ /de'i dmigs pa dngos po med pa ni chos thams cad brtags pas stong pa nyid do//bdag po dran pa yin par bzhed/ /ces pa ni ting nge 'dzin nyid bskyed pa'i rgyur gyur pas so/ /rang bzhin gyis zhi ba ni rnam pa'o/ /'di la zhes pa ni gnas pa'o/ /rab tu sgra rnams brgyud mar rgol/ /zhes pa ni phyir rgol ba la sogs pa rnams yod pa'i don gang zhig la phyir rgol ba rnams dang /phan tshun rtsod par 'gyur snyam pa la gsungs pa/ dmigs pa 'thad dang de yi ni/ /ngo bo nyid nges gzung ba dang / /rnam kun mkhyen nyid ye shes dang / /dam pa'i don dang kun rdzob dang / /sbyor dang dkon mchog gsum po dang / thabs mkhas thug pa'i rtogs pa dang //phyin ci log ni lam bcas dang / /gnyen po mi mthun phyogs dag dang / /mtshan nyid dang ni sgom pa la/ /smra ba rnams kyi log rtogs pa/ /rnam pa kun mkhyen nyid rten can/ /rnam pa bcu drug dag tu bzhed/ /ces pa ste/ dmigs pa 'thad dang zhes pa ni gzugs la sogs pa med pa la ji ltar dmigs pa 'thad ces pa ste/dmigs pa 'thad pa la rtsod pa'o/ /de'i ngo bo nyid ces pa ni gzugs la sogs pa la/ ji ltar de yi ngo bor 'dzin/ /zhes pa ste/ de'i ngo bo nyid nges par rgol ba'o/ /rnam kun mkhyen nyid ye shes dang / /zhes pa ni dngos po thams cad med pas rnam pa thams cad mkhyen pa nyid kyang med na ji ltar de rtogs pa'i bdag nyid kyi ye shes yod ces pa ste/rnam pa thams cad mkhyen pa'i ye shes la rgol ba'o/ /dam pa'i don zhes pa ni stong pa'i dngos po med pa la stong pa nyid don dam pa'i rang bzhin du med ces pa ni don dam pa la rgol ba'o//kun rdzob ces pa ni bden pa la ltos nas brdzun pa yin la/ bden pa ma grub pas de yang mi 'grub ste/ de bas na gnyis ka yang ma grub ces pa ni bden pa gnyis la brgal ba'o/ /sbyor dang zhes pa ni sbyor ba la sogs pa mi dmigs pas ji ltar/ de rnams nges shing kun tu spyod//ji ltar de dag nye bar dmigs/ /zhes pa ni sbyor ba la brgal ba'o/ /dkon mchog gsum po zhes pa ni rtogs bya la sogs pa med pas ji ltar chos thams cad kyi rang bzhin rtogs pa'i sangs rgyas yin zhes pa ni sangs rgyas dkon mchog la brgal ba'o/ /tshig tu ma grub pas ji ltar de'i rgyun gyi bye brag rnams chos rnams yin zhes pas ni chos dkon mchog la brgal ba'o//chos ma grub na ji ltar de'i don rtogs pa'i dge 'dun yin zhes pa ni dge 'dun dkon mchog la brgal ba'o/ /thabs mkhas zhes pa ni sangs rgyas nyid med na ji ltar de'i thabs la mkhas pa yin zhes pa ni thabs la mkhas pa la brgal ba'o//thub pa'i rtogs pa zhes pa ni de bzhin gshegs pa nyid med na ji ltar de'i rtogs pa'am bstan pa yin zhes pa ni rtogs pa la brgal ba'o/ /phyin ci log ces pa ni yod pa nyid dang / med pa nyid dang /rtag pa nyid dang / mi rtag pa nyid la sogs pa du mar phyin ci log tu rtogs pa'i gnas skabs zhes pa ni phyin ci log la brgal ba'o/ /lam zhes pa ni nyan thos la sogs pa'i lam du mar gsungs na/ gang la yid brtan par bya zhes bya ba ni lam la brgal ba'o/ / gnyen po mi mthun phyogs dag dang / /zhes pa ni dam bcas pa tsam nyid kyis gnyen po'i phyogs dang mi mthun pa'i phyogs su 'gyur ram zhes pa ni gnyen po dang mi mthun pa'i phyogs la brgal ba'o/ /mtshan nyid ces pa ni chos nyid med pa'i mtshan nyid ces pa ni chos kyi mtshan nyid la brgal ba'o//bsgom pa la zhes pa ni rnam pa du mar gsungs pas gang la bsgom par bya zhes pa ni bsgom par bya ba la brgal ba'o/ /log rtog ces pa ni rnam pa bdun na'o/ /yul gang zhes pa la gsungs pa/ rnam pa kun mkhyen nyid rten can/ /zhes pa ste/ rnam pa thams cad mkhyen pa nyid la log par rtog pa'o//drug dang bcu ni bcu drug zhes pa'i don to/ /'dir don dam pa'i bden pa la ltos nas brgal ba'o/ /kun rdzob kyi bden pa la ltos nas ni lan gdab par bya'o/ /kun rdzob kyi bden pa la ltos nas ni brgal ba'o/ /don dam pa'i bden pa la ltos nas ni lan gdab par bya'o//mngon par rtogs pa'i rgyan gyi 'grel pa grags pa'i cha zhes bya ba las/ skabs lnga pa'i 'grel pa'o// //'khrugs par rtogs pa'i don rnams go rims bzhin bstan par bya ba'i phyir/ mthar gyis pa'i mngon par rtogs pa gsungs pa/sbyin pa shes rab bar dag dang / /sangs rgyas la sogs dran dang chos/ /dngos med ngo bo nyid kyis [(]ste[,]te[)]/ /mthar gyis pa yi bya bar bzhed/ /ces pa ste/ sbyin pa dang tshul khrims dang / bzod pa dang brtson 'grus dang ting nge 'dzin dang shes rab kyi pha rol tu phyin pa rnams dang /sangs rgyas dang / chos dang / dge 'dun dang / tshul khrims dang / gtong ba dang / lha rnams rjes su dran pa dang / brtags pa'i chos thams cad ma grub pa dang zhes pa ni dngos po bcu gsum po rnams kyi mthar gyis pa'i mngon par rtogs pa brjod do//mngon par rtogs pa'i rgyan gyi 'grel pa grags pa'i cha zhes bya ba las/ skabs drug pa'i 'grel pa'o// //mthar gyis pa'i mngon par rtogs pa'i de ma thag tu skad cig ma gcig la mngon par byang chub pa'o/ /de yang mtshan nyid kyis rnam pa bzhi ste/zag pa med pa'i chos thams cad skad cig ma gcig la mngon par byang chub pa dang / dkar po'i chos thams cad skad cig ma gcig la mngon par byang chub pa dang / mtshan nyid med pa'i chos thams cad skad cig ma gcig la mngon par byang chub pa dang / gnyis su med pa'i chos thams cad skad cig ma gcig la mngon par byang chub pa'o//'di rnams la thog ma rtogs par bya ba'i phyir gsungs pa/ sbyin pa la sogs re res kyang / /zag med chos kun bsdus pa'i phyir/ /thub pa'i skad cig ma gcig pa'i/ /rtogs pa 'di ni shes par bya/ /zhes pa ste/zag med chos kun ni sangs rgyas kyi zag pa med pa'i chos sbyin pa la sogs pa'i pha rol tu phyin pa rnams dang / mtshan dang dpe byad rnams dang / sprul pa'i mdzad pa'i mthar thug pa'o/ /de rnams kyi nang nas sbyin pa la sogs pa re res kyang / zag pa med pa'i chos 'di rnams yang dag par bsdus te/sbyin pa la sogs pa'i sems gcig gis skad cig gi dus su zag pa med pa'i chos gzhan thams cad kyang rtogs pas na zag pa med pa'i chos thams cad skad cig ma gcig la mngon par byang chub pa zhes bya'o/ /de yang thub pa nyid kyi yin gyi nyan thos la sogs pa rnams kyi ma yin no//byang chub sems dpa' ni lam gyi gnas skabs su brjod do/ /zag pa med pa'i chos gcig shes pa'i dus su zag pa med pa'i chos thams cad ji ltar shes zhes pa la 'jig rten pa'i dpes rtogs par bya ba'i phyir gsungs pa/ ji ltar skyes bus zo chun rgyud//rdog thabs gcig gis bskyod pas na/ /thams cad cig car 'gul ba ltar/ /skad cig ye shes de bzhin no/ /zhes pa ste/ dper na skyes bus zo chu'i gdang bu gcig rdog thabs gcig gis bskyod par gyur na zo chun thams cad dus gcig la 'gul bar 'gyur ro//de ltar sbyin pa la sogs pa'i sems gcig gi dus su yang zag pa med pa'i chos thams cad rab tu ldang zhing sngon goms par byas pa'i shugs nyid kyis thams cad dus gcig tu rtogs par 'gyur ro/ gnyis pa bstan pa'i phyir gsungs pa/ gang tshe chos dkar thams cad kyi//rang bzhin shes rab pha rol phyin/ /rnam smin chos nyid gnas skabs skyes/ /de tshe skad cig gcig ye shes/ /zhes pa ste/ rnam smin chos nyid ces pa ni lhun gyis grub par rab tu gnas pa zhes pa ni rnam smin chos nyid kyi gnas skabs so/ /dkar po'i chos thams cad bdag nyid ji lta bu zhes pa la dkar po'i chos thams cad kyi rang bzhin ni shes rab kyi pha rol tu phyin par rigs te/'di ltar ye shes bskyed pa skad cig gcig gi ye shes kyis dngos su dkar po'i chos thams cad rtogs pas so/ /gsum pa bstan par bya ba'i phyir gsungs pa/ sbyin pa la sogs spyod pa yis//chos kun rmi lam 'drar gnas nas/ /chos rnams mtshan ma med pa nyid/ /skad cig ma ni gcig gis rtogs/ /zhes pa ste/ chos rnams zhes pa ni gzugs la sogs pa rnams so/ /gang dag gi mtshan nyid ni gzugs kyi thogs pa dang bcas pa'i bdag nyid do zhes pa la sogs pa ste med pa'o//skad cig ma ni gcig gis rtogs/ /zhes pa ni mngon sum du byed pa thob pa zhes bya ba'i don to/ /bzhi pa rtogs par bya ba'i phyir gsungs pa/ rmi lam dang ni de mthong nyid/ /gnyis kyi tshul du mi mthong ltar/ /chos rnams gnyis su med pa yi//de nyid skad cig gcig gis mthong / /zhes pa ste/ gnyid log pa'i gnas skabs su nye bar thob pa'i yul de rnams ni bdag nyid so sor rig pa nyid de/ /gzung bar bya ba'i yul med kyang des gzung bar logs shig tu shing dang ri dang rgya mtsho la sogs par nye bar brtags te nam mkha'i khams kyi rnam par shes pa nyid kyis be+ems por chad pa ltar mngon no//de mthong zhes pa la rmi lam mthong ba'i skyes bu sems gsal ba'i bdag nyid des 'dzin pa po med kyang 'dzin pa por logs shig tu brtags pa lag pa dang rkang pa la sogs pa'i rnam par 'khor lo'o//gnyis pa 'di ni brdzun pas nye bar gzhag pa ste/ gang zhig gzung ba dang 'dzin pa'i dbye bar mi lta bas des na chos kyi rnam pa gzugs brnyan lta bu dang gnyis su med pa'i sems rang gsal ba'i rgyun gyi bdag nyid do/ /gnyis su med pa ni brtags pa'i gzung ba dang 'dzin pa la sogs nges par grol ba'i mtshan nyid de skad cig ma gcig gis mthong ba ste/skad cig ma gcig la mngon par byang chub pa rnam pa bzhi'o/ /mngon par rtogs pa'i rgyan gyi 'grel pa grags pa'i cha zhes bya ba las skabs bdun pa'i 'grel pa'o// // mngon par rtogs pa brgyad pa mngon du bstan pa gsungs pa/ ngo bo nyid longs rdzogs bcas dang / /de bzhin gzhan pa sprul pa ni/ /chos sku mdzad par bcas pa ste/ /rnam pa bzhir ni yang dag brjod/ /ces pa de'i don de ni 'di yin te/ chos kyi sku'i sgras chos kyi sku'i mngon par rtogs pa bshad bya rjes su gzung ste/des ni ngo bo nyid sku dang / longs spyod rdzogs pa'i sku dang / sprul pa'i sku dang / sku gsum gyi mdzad pa 'gro ba'i don byed pa'i bya ba dang bcas pas rnam pa bzhir yongs su gzung ba'o/ /dper na bu bcu drug tu dam bcas pa las grangs ma tshang bas tsha bo bstan ste/grangs khas blangs pa ltar mdor bstan pa'i tshig dang bcas pas sku bzhir khas blangs pa de rang dga' byed pa ste/ snying rje'i gnas yin no/ /theg pa gzhan du sku bzhi dang sku lnga dang rnam par gzhag pa theg pa gzhan gyi tshul yin la/ 'di ni pha rol tu phyin pa'i theg pa yin pas so//pha rol tu phyin pa'i theg pa 'dir yang byang chub kyi phyogs la sogs pa'i yon tan gyi tshogs rnams ni longs spyod rdzogs pa'i phyogs nyid yin pas na sku gsum du rnam par gzhag pa nyid yin te/ gzhan du na bcom ldan 'das kyi gdung la sogs pa yang sku logs shig par rnam par gzhag par thal bar 'gyur te/de bas na sku gsum du bshad pa nyid ni rigs pa'o/ /de rnams las ngo bo nyid kyi sku bstan pa'i phyir gsungs pa/ thub pa'i ngo bo nyid sku ni/ /zag pa med chos rnam kun du/ /rnam par dag gyur gang dag yin//de dag rang bzhin mtshan nyid can/ /zhes pa ste/ chos gang zhes pa ni longs spyod rdzogs pa'i sku dang / de'i bsten pa'i yid kyi yon tan gyi tshogs dang / sprul pa'i sku dang de dag gi mdzad pa'i mtshan nyid dang dngos po rnam pa bzhi pa'o/ /rnam pa kun rnam par dag pa zad pa med pa gang zhig chos de rnams kyi rang bzhin de ni rnam par dag pa ste brtags pa'i gzung ba dang 'dzin pas stong pa nyid do//de ni sangs rgyas bcom ldan 'das rnams kyi ngo bo nyid kyi sku yin no/ /longs spyod rdzogs pa dang sprul pa dang / de dag gi mdzad pa rnams yongs su ma dag pa med pa'i 'am zag pa dang bcas pa med de/zag pa med chos rnam kun du/ /rnam par dag gyur yang dag yin/ /zhes pa'i tshig gis yang dag par gzung bar bya ba yin no/ /de la 'di ltar ldog par byas pa'i tha dad kyis yongs su brtags pa'i stong pa nyid kyi bdag nyid ni ngo bo nyid kyi skur rtogs par bya'o//chos gang zhes pa la byang chub kyi phyogs dang longs spyod rdzogs pa dang / sprul pa dang / de dag gi mdzad pa'i mtshan nyid de/ gang rnams kyi rang bzhin ni ngo bo nyid kyi skur rtogs par bya ba de rnams rim pa ji lta ba bzhin du bstan pa'i phyir gsungs pa/ byang chub ces pa la sogs pa ste/ byang chub phyogs zhes pa lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa bzhi po rnams so/ /mi dge ba'i chos ma skyes pa rnams mi bskyed pa dang / mi dge ba'i chos skyes pa rnams phyir spong ba'i brtson pa dang /dge ba'i chos ma skyes pa rnams bskyed pa'i phyir brtson pa dang / dge ba'i chos skyes pa rnams 'phel bar byed pa'i phyir brtson pa ste/ yang dag par spong ba bzhi rnams so/ /'dun pa'i ting nge 'dzin dang / brtson 'grus kyi ting nge 'dzin dang /sems pa'i ting nge 'dzin dang / dpyod pa'i ting nge 'dzin te/ rdzu 'phrul gyi rkang pa bzhi rnams so/ /dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste dbang po rnams so/ / 'di rnams nyid mi mthun pa'i phyogs nyid kyis zil gyis mnan par mi nus pas stobs su gyur pa ste/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te stobs rnam pa lnga'o/ /dran pa yang dag byang chub kyi yan lag dang /chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang /btang snyoms yang dag byang chub kyi yan lag ste rnam pa bdun no/ /yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'phags pa'i lam yan lag brgyad pa rnams [(]ste[,]te[)]/ byang chub kyi phyogs kyi chos sum cu rtsa bdun no/ /tshad med ces pa ni tshad gzung du med par sems can la dmigs pa nyid kyi ste/ byams pa dang snying rje dang dga' ba dang btang snyoms te tshad med pa bzhi'o//rnam par thar pa dang zhes pa ni nang gzugs su 'du shes pas phyi rol gyi gzugs su lta ba ni gcig go/ /nang gzugs kyi mtshan ma med pa la phyi'i gzugs su lta ba ni gnyis pa'o/ /sdug pa'i rnam par thar pa lus kyi mngon sum du byas te gnas pa 'di ni gsum pa'o/ / gzugs med pa bzhi rnams dang / 'du shes dang tshor ba 'gog pa ste rnam par thar pa brgyad do/ /mthar gyis gnas pa'i snyoms par 'jug pa dgu zhes pa ni bsam gtan bzhi rnams dang / gzugs med pa bzhi po rnams dang / 'du shes dang tshor ba 'gog pa ste/ mthar gyis gnas pa'i snyoms par 'jug pa dgu po rnams so/ /zad par bcu'i bdag nyid dang zhes pa ni zad par gyi skye mched ni zad par sa'i skye mched dang zad par chu dang zad par me dang zad par rlung dang / zad par sngon po dang zad par ser po dang zad par dmar po dang zad par dkar po dang zad par nam mkha' dang /zad par rnam par shes pa ste zad par gyi skye mched bcu'o/ /zil gyis gnon pa'i skye mched ni rab tu dbye bas rnam pa brgyad ces pa ni/ nang gi gzugs la mtshan mar 'du shes shing phyi'i gzugs la ni bsdus pa'i nga rgyal can du lta ba ste/ de zil gyis gnon par shes pa ni phyi ste gcig go/ /nang gi gzugs la mtshan mar 'du shes shing phyi'i gzugs can la rgyas par lta ba ste/ de zil gyis gnon par shes pa ni gnyis pa'o/ /nang gi gzugs ni gzugs med par 'du shes la phyi'i gzugs la bsdus nas lta ba de zil gyis gnon par shes pa ni gsum pa'o//nang gi gzugs la gzugs med par 'du shes shing phyi'i gzugs can la rgyas par lta ba ste zil gyis gnon par shes pa ni bzhi pa'o/ /nang gi gzugs la mtshan mar 'du shes shing phyi'i gzugs la sngon por lta ba ni lnga pa'o//de ltar ser por mthong ba ni drug pa'o/ /dmar por mthong ba ni bdun pa'o/ /dkar por mthong ba ni brgyad pa ste zil gyis gnon pa'i skye mched rnam pa brgyad do/ /nyon mongs med dang zhes pa ni nyon mongs pa med pa zhes bya ba'i ting nge 'dzin to/ /gang zhig la snyoms par zhugs nas gzhan gyi rgyud la bsten nas kyang nyon mongs pa rnam pa kun du 'byung bar mi 'gyur ba'o//smon nas mkhyen zhes pa ni dogs lapa thams cad las nges par grol nas the tshom ma lus pa sel ba'i shes pa ni smon nas mkhyen no/ /mngon shes zhes pa ni rdzu 'phrul gyi mngon par shes pa dang /lha'i rna ba'i mngon par shes pa dang / gzhan gyi sems shes pa'i mngon par shes pa dang / sngon gyi gnas rjes su dran pa'i mngon par shes pa dang / lha'i mig gi mngon par shes pa dang / zag par zad pa'i mngon par shes pa ste mngon par shes pa drug go/ /so so yang dag rig ces pa ni chos so so yang dag par rig pa dang /don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ so so yang dag par shes pa rnam pa bzhi'o/ /rnam pa thams cad dag bzhi dang / /zhes pa ni rten rnam par dag pa dang /dmigs pa rnam par dag pa dang / sems rnam par dag pa dang / ye shes rnam par dag pa ste/ dag pa rnam pa bzhi rnams so/ /dbang bcu zhes pa ni tshe la dbang ba dang / sems la dbang ba dang / yongs su shes pa la dbang ba dang / las la dbang ba dang / skye ba la dbang ba dang /mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste dbang bcu'o/ /stobs bcu zhes pa ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang /mos pa sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / thams cad du 'gro ba'i lam mkhyen pa'i stobs dang / kun nas nyon mongs pa dang rnam par byang ba mkhyen pa'i stobs dang / sngon gyi gnas rjes su dran pa mkhyen pa'i stobs dang /'chi 'pho dang skye ba mkhyen pa'i stobs dang / zag pa zad pa mkhyen pa'i stobs te de bzhin gshegs pa rnams kyi stobs bcu'o/ /mi 'jigs pa bzhi zhes pa ni mngon par byang chub pa la mi 'jigs pa dang / zag pa rnams zad pa la mi 'jigs pa dang / bar chad kyi chos rnams kyis mi 'jigs pa dang /mya ngan las 'das pa'i chos la mi 'jigs pa ste mi 'jigs pa rnam pa bzhi'o/ /bsrung ba med pa rnam gsum dang / /zhes pa ni skyon med pa nyid kyi de bzhin gshegs pa la gzhan gyis yongs su 'jigs pa med de/ des na sku la bsrung ba med pa dang / gsung la bsrung ba med pa dang / thugs la bsrung ba med pa ste/ bsrung ba med pa rnam pa gsum mo/ /dran pa nyer gzhag rnam gsum dang / /zhes pa ni chos rnams ston pa na nyan par 'dod pa dang / nyan par mi 'dod pa dang / gnyi gar 'dod pa la rim pa ji lta ba bzhin du rjes su chags pa dang zhe sdang ba dang gnyi ga dag bral ba ste/de ltar bcom ldan 'das dran pa dang ldan par gnas pa ni dran pa nye bar gzhag pa rnam pa gsum mo/ /bsnyel ba mi mnga'i chos nyid dang / /zhes pa ni sems can gyi don byed pa'i dus las ma 'das pa'i mtshan nyid ni bsnyel ba mi mnga' ba'i chos nyid do//bag chags yang dag bcom pa dang / /zhes pa ni nyon mongs pa dang shes bya'i sgrib pa'i bag chags yang dag par bcom pa'o/ /skye la thugs rje chen po dang / /zhes pa ni sems can thams cad kyi sdug bsngal dang de'i rgyu rnams bsal bar bzhed pa'o/ /thub pa kho na'i ma 'dres chos//bco brgyad bshad pa gang yin dang / /zhes pa ni sku la 'khrul pa mi mnga' ba dang / gsungs la ca co mi mnga' ba dang / dran pa nyams pa mi mnga' ba dang sems mnyam par ma bzhag pa mi mnga' ba dang / 'du shes sna tshogs mi mnga' ba dang / grangs so so la btang snyoms mi mnga' ba dang / 'dun pa yongs su nyams pa mi mnga' ba dang / brtson 'grus yongs su nyams pa mi mnga' ba dang / dran pa yongs su nyams pa mi mnga' ba dang / ting nge 'dzin yongs su nyams pa mi mnga' ba dang / shes rab yongs su nyams pa mi mnga' ba dang / rnam par grol ba yongs su nyams pa mi mnga' ba dang /lus kyi las kyi sngon du ye shes 'gro ba dang / ngag gi las kyi sngon du ye shes 'gro ba dang / yid kyi las kyi sngon du ye shes 'gro ba dang / 'das pa rnams la ma chags shing ma thogs pa'i ye shes dang / ma 'ongs pa rnams la ma chags shing ma thogs pa'i ye shes dang / da ltar ba rnams la ma chags shing ma thogs pa'i ye shes te/sangs rgyas kyi chos ma 'dres pa bco brgyad ces bya'o/ /rnam pa thams cad mkhyen nyid dang / /zhes pa ni ji ltar gsungs pa'i rnam pa thams cad mkhyen pa'i bdag nyid kyi mngon par rtogs pa'o/ /de ltar de bzhin gshegs pa chos can la chos kyi phung por mngon par brjod de ldog pas byas pa'i tha dad du yongs su brtags pa de bzhin gshegs pa'i thugs kyi yon tan gyi chos so//nyan thos la sogs pa'i nyon mongs pa med pa'i ting nge 'dzin las sangs rgyas kyi nyon mongs pa med pa'i ting nge 'dzin 'bras bu'i sgo nas bye brag tu bstan pa'i phyir gsungs pa/nyan thos nyon mongs med pa'i lta/ /mi yi nyon mongs yongs spang nyid/ /rgyal ba grong sogs de dag gi /nyon mongs rgyun gcod nyon mongs med/ /ces pa ste/ nyon mongs med ces pa ni nyon mongs pa rnams med pa dang gang zhig nyon mongs pa med pa'i ting nge 'dzin de ni nyon mongs pa med pa'i ting nge 'dzin gyi bye brag ste/nyan thos rnams gang zhig nyon mongs pa med pa'i ting nge 'dzin la snyoms par zhugs par gyur pa'i nyan thos de rnams kyis mthong na mi'i nyon mongs pa rnams 'byung bar mi 'gyur zhing mi skye'o/ /de bzhin gshegs pa nyon mongs pa med pa'i ting nge 'dzin la snyoms par zhugs pas ni gang zhig mthong ba dang ma mthong ba rnams kyang rung ste grong khyer la sogs pa'i sems can gyi nyon mongs pa'i rgyun gcod pa ni bye brag go//nyan thos la sogs pa'i smon nas mkhyen pa bas de bzhin gshegs pa'i smon nas mkhyen pa khyad par du 'phags par bstan pa'i phyir gsungs pa/sangs rgyas smon nas mkhyen pa ni/ /lhun gyis grub dang chags spangs dang / /thogs pa med dang rtag gnas dang / /dris la kun lan 'debs par bzhed/ /ces pa ste sangs rgyas kyi smon nas mkhyen pa lhun gyis grub pa ni rnam par rtog pa med pa nyid kyis so//chags spangs ni ltos pa med pa nyid kyis so/ /thogs med ni thams cad du thogs pa med pas so/ /rtag gnas ni 'khor ba ma stongs kyi bar du kun du gnas pas na'o/ /dri ba kun lan 'debs par bzhed/ /ces pa ni so so yang dag par rig pa bzhi thos pas te/ nyan thos la sogs pa rnams kyis ni 'di rnams las phyin ci log pa'o//'o na rtag par 'gro ba'i don byed pa'i nus pa yod pa ni yon tan thams cad kyi rang bzhin longs spyod rdzogs pa'i sku'i bdag nyid kyi de bzhin gshegs pa kun du gnas pa yin yang rtag par don mi byed pa ci ste zhes brgal ba'i lan gdab pa'i phyir gsungs pa/rgyu ni yongs su smin gyur nas/ /gang dang gang la gang dang ni/ /de tshe bya ba phan gyur pa/ /de dang de la der snang ngo / /zhes pa ste/ rgyu ni dge ba'i rtsa ba sngon du bskyed pa rnams so/ /yongs su smin pa ni gyur pa'o/ /sems can gang la dus gang chos bstan pa la sogs pa'i bya ba ni phyis phan par 'gyur te/des na de'i don byed pa gang yin pa de ni de bzhin gshegs par brjod de/ chos ston pa po la sogs par nye bar gnas pa nyid kyis so/ /'di rnams kyi rjes su mthun pa'i dpe bstan pa'i phyir gsungs pa/ lha yi rgyal pos char phab kyang / / sa bon mi rung mi 'khrung ltar/ /sangs rgyas rnams ni byung gyur kyang / /skal ba med pas bzang mi myong / /zhes pa ste go sla'o/ /'o na yon tan thams cad kyi gnas longs spyod rdzogs pa'i sku ni sangs rgyas nyid de/ de yang dngos por gyur pa nyid kyis phyogs gcig nyid dang / skad cig ma'i rgyun gyis bdag nyid yin na de ji ltar 'dis kun du khyab pa dang rtag pa nyid dag tu brjod ces sems pa la gsungs pa/de ltar mdzad pa rgya che'i phyir/ /sangs rgyas khyab pa nges par brjod/ /de nyid zad pa med pa'i phyir/ /rtag pa zhes kyang brjod pa yin/ /zhes pa ste/ ji ltar rgyal po phyogs gcig pa yin yang yul phyogs ji tsam du rgyal po'i bka' lung bzhin du bya ba byed pa'i yul de srid du ni rgyal pos khyab ces brjod do//de bzhin du bcom ldan 'das kyang nam mkha'i khams ji srid pa de snyed du gdul bya rnams la chos ston pa'i bya ba'i rnam 'phrul gyis khyab pas khyab pa zhes brjod do/ /ji ltar chu bo gang gA rgyun mi 'chad par 'bab pas rtag pa zhes brjod do//de bzhin du bcom ldan 'das kyang 'og min gyi gnas stug po bkod pa'i zhing khams kyi gzhal yas khang nas longs spyod rdzogs pa'i sku'i bdag nyid rgyun mi 'chad par bzhugs pa la rtag pa zhes brjod do/ /chos kyi sku de ni de bzhin gshegs pa las ldog pas byas pa'i tha dad du yongs su brtag pa'i yid kyi yon tan rin po che'i tshogs su brjod do//chos su gyur pa yid kyi yon tan rnams mngon par brjod nas chos can du gyur pa bems po la sogs pa'i longs spyod rdzogs pa'i sku bstan pa'i phyir gsungs pa/ mtshan ni sum cu rtsa gnyis dang //dpe byad brgyad cu'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed/ /ces pa ste/ ci zhig longs spyod pa zhes pa la gsungs pa/ theg chen nye bar longs spyod phyir/ /zhes pa ste/ theg pa chen po'i chos nyan pa la sogs pa'i sgo nas shes pa'i don to//sa bcu'i dbang phyug rnams kyis theg pa chen po nye bar longs spyod pa'i phyir longs spyod rdzogs pa'i sku zhes bya'o/ /theg pa chen po'i gzhung la yang longs spyod rdzogs pa'i sku 'di bems po gzugs sku'i bdag ces zer ba ni cher 'khrul pa yin te/'di bems po nyid du rtogs pa ni rmongs pa rnams kyis yongs su brtags pa'o/ /'di brdzun pa ni ma yin te/ bems po las log par rang rig pa'i mngon sum nyid kyis grub pas so/ /ldog pa byas pa'i tha dad tsam du ye shes kyi bdag nyid 'di gnas pa'o/ /mtshan sum cu rtsa gnyis po de rnams kyang gang dag ces pa la tshigs bcad lngas gsungs pa/phyag zhabs 'khor los mtshan dang rus sbal zhabs/ /phyag dang zhabs sor dra bas 'brel ba dang / /phyag ni zhabs bcas 'jam zhing gzhon sha chags/ /'di yi sku ni bdun dag mtho ba dang / /sor mo ring dang rting yangs sku che drang //zhabs long mi mngon spu ni gyen du phyogs/ /byin pa e na ya'i 'dra phyag rings mdzes/ /mdoms kyi sba ba [(]sbub [,]sbubs [)]su nub pa'i mchog /pags pa gser mdog pags pa srab pa dang / /spu ni re re nas g.yas legs 'khrungs dang / /zhal mdzod spus brgyan ro stod seng ge'i 'dra//'di yi dpung pa mgo zlum thal gong rgyas/ /'di la ro mi zhim pa'ang ro mchog snang / /sku ni n+ya gro d+ha ltar chu zheng gab/ /gtsug tor yar 'phags ljags rings mdzes pa dang / /tshangs dbyangs 'gram pa seng ge'i 'dra dang tshems/ /shin tu dkar dang tshad mnyam thags bzangs dang //grangs ni bzhi bcu tham par tshang ba dang / /spyan ni mthon mthing spyan rdzi ba mchog gi /'dra ba 'di dag sum cu rtsa gnyis mtshan/ /zhes pa ste/ phyag zhabs 'khor los mtshan zhes pa ni phyag dang zhabs kyi mthil la 'khor los mtshan pa'o/ /rus sbal zhabs zhes pa ni zhabs kyi mthil kun gyis sar reg pa ste/rus sbal ltar sa mnyam par sa la kun gnon pa'o/ /phyag dang zhabs sor dra bas 'brel ba dang / /zhes pa ni phyag dang zhabs kyi sor mo'i bar rnams 'brel ba'o/ /phyag ni zhabs bcas 'jam zhing gzhon sha chags/ / zhes pa ni phyag dang zhabs dag 'jam zhing gzhon sha dang ldan pa'o/ /'di yi sku ni bdun dag mtho ba dang / /zhes pa ni lag pa dang rkang pa dang dpung pa gnyis dang mgrin pa ste/ bdun po mtho ba 'dis sku mtshan pa ni bdun mtho ba'o/ /sor mo ring dang zhes pa ni sor mo rnams ring ba'o//rting yangs zhes pa ni ji ltar mdzes par rgyas shing rting pa yangs pa'o/ /sku che drang zhes pa ni sku che zhing drang ba'o/ /zhabs long mi mngon zhes pa ni rje ngar dang rkang pa'i bar na gnas pa nyid kyis na long bu mi mngon pa'o/ /spu rnams gyen du phyogs zhes pa ni lus kyi spu rnams gyen du phyogs pa'o//byin pa e na ya 'dra zhes pa la e na ya ni ri dwags kyi bye brag ste/ de'i byin pa tshigs med cing zlum la khad kyis phra ba ste/ de ltar gyur pas e na ya'i byin pa'o/ /phyag rings zhes pa ni phyag gis brlar slebs pa'o/ /mdoms kyi sba ba sbubs su nub pa'i mchog /ces pa la mdoms ni gsang ba'i gnas so/ /sbubs ni pags pa'o/ /nub pa ni sbas pa'o/ /mchog ni khyad par 'phags pa ste/ mdoms kyi sba ba sbubs su nub pas na'o/ /pags pa gser mdog ces pa gser btso ma'i kha dog lta bu'o/ /pags pa srab pa zhes pa ni pags pa shin tu srab pa'o//spu ni re re nas g.yas legs 'khrung dang / /zhes pa ni spu re re nas g.yas phyogs su 'khyil ba'o/ /zhal mdzod spus brgyan zhes pa ni mdzod spus mtshan pa'i zhal lo/ /ro stod seng ge'i 'dra zhes pa ni sku stod seng ge 'dra ba'o/ /'di'i dpung mgo zlum zhes pa ni shin tu yang zlum pa'i dpung pa'o//thal gong rgyas zhes pa ni de dag mtho ba ni thal gong rgyas pa'o/ /'di la ro mi zhim pa'ang ro mchog snang / /zhes pa ni ro mi zhim pa dag kyang ro mchog tu snang zhes pa'o/ /sku ni n+ya gro d+ha ltar chu zheng gab/ /ces pa ni n+ya gro d+ha ltar kun du tshad mnyam pa'o//gtsug tor yar 'phags pa ni spyi bor gtsug tor gyis mdzes pa'o/ /ljags ring mdzes zhes pa ni ljags rings zhing srabs la mdzes pa'o/ /tshangs dbyangs zhes pa ni tshangs pa'i dbyangs lta bu'o/ /'gram pa seng ge'i 'dra ba zhes pa ni 'gram pa seng ge'i 'gram pa lta bu yin no//shin tu dkar zhes pa ni tshems rnams shin tu dkar ba'o/ /tshad mnyam zhes pa ni tshems rnams mnyam pa'o/ /thags bzangs zhes pa ni cal col ma yin pa'i tshems so/ /grangs ni bzhi bcu tham par tshang ba dang zhes pa ni ma chad cing ma lhag par grangs bzhi bcu tham par gyur pa'o//des na tshems mnyam par grangs bzhi bcu'o/ /spyan ni mthon mthing zhes pa ni mngon par sngo ba'i spyan no/ /spyan rdzi ba mchog gi 'dra ba zhes pa ni ba mchog gi rdzi ma lta bu gang gi spyan la yod pa de ni rdzi ma ba mchog lta bu'o/ /'di rnams sum cu rtsa gnyis mtshan//zhes pa ni skyes bu chen por mtshon par byed pas mtshan nyid de/ sangs rgyas bcom ldan 'das dang / byang chub sems dpa' rnams dang 'khor los sgyur ba'i rgyal po rnams kyi mtshan sum cu rtsa gnyis thun mong ma yin pa'o/ /mtshan bzang po 'di rnams kyang rang rang gi rgyu la goms par byas par 'gyur ro zhes bstan pa'i phyir gsungs pa/'di yi mtshan ni gang gang gi /sgrub par byed pa'i rgyu gang yin/ /de dang de ni rab rdzogs pas/ /mtshan ni 'di rnams yang dag 'grub/ /ces pa ste/ 'di yi zhes pa ni longs spyod rdzogs pa'i sku yin no/ /mtshan gang dang gang gi rgyu rnams la goms par byas shing bslabs pas mtshan de dang de rnams rab tu rdzogs par 'gyur ro//stobs dang mi 'jigs pa la sogs pa rnams ni thugs kyi yon tan yin pa nyid kyis shin tu yang mi mngon pas mtshan bzang po sum cu rtsa gnyis po de nyid kyis longs spyod rdzogs pa'i skur nges zhes pa'i don to//mtshan rnams thob par byed pa'i rgyu gang dang gang gi zhes pa la gsungs pa/ bla ma skyel la sogs pa dang / /yang dag blangs pa bstan pa dang / /bsdu ba bsten dang gya nom pa'i/ /dngos po sbyin dang gsad bya ba/ /thar par byed dang dge ba ni/ /yang dag blangs pa spel la sogs//sgrub byed rgyu yi mtshan nyid de/ /mdo las ji skad 'byung ba bzhin/ /zhes pa de'i don ni 'di yin te/ bla ma rnams skyel ba dang slar yang sngun bsu ba dang / chos rnams nyan pa dang / me tog gi phreng ba la sogs pa'i 'bul ba dang / 'khor g.yog 'bul ba dang / mchod rten la sogs pa la phyag la sogs pa byas pas phyag dang zhabs kyi mthil dag 'khor los mtshan pa'o/ /chos spyod kyi yi dam la brtan pas zhabs legs par gnas pa ste/ rus sbal zhabs so/ /sbyin pa dang snyan par smra ba dang don spyod pa dang /don mthun pas phyag dang zhabs kyi sor mo rnams dra bas 'brel ba'o/ /mchog gi kha zas dang btung ba byin pas phyag dang zhabs dag 'jam zhing gzhon sha chags pa dang / sku'i bdun mtho ba yang 'di nyid kyis so/ /bcings pa rnams thar bar byas pas sor mo rnams ring ba'o//srog rjes su bsrung ba byas pas zhabs kyi rting ba yangs pa'o/ /srog gcod pa las slar log pas sku che zhing drang ba'o/ /dge ba'i rtsa ba rnams la yi dam du byas pas zhabs kyi long bu mi mngon pa'o/ /dge ba yang dag par blang ba la yi dam du slob pas sku'i ba spu gyen du phyogs pa'o//sogs pa'i sgras yang dag par bsdus pa brjod par bya ste/ mchod pa dang sgyu rtsal la sogs pa'i rigs pa sbyin pa byin pas byin pa ri dgas e na ya'i 'dra ba'o/ /nor yod cing slong ba po 'ongs pa'i dus su phyir ma log pas phyag ring ba'o/ /skye bo thams cad tshangs par spyod pa la bkod pa dang /gsang bar gnyer gtad pa dag bsrungs pas mdoms kyi sba ba sbubs su nub pa'i mchog go/ /gya nom pa'i gding ba dag byin pas kha dog gser btso ma lta bu'o/ /gnas khang mchog dag sbyin par sbyin pas pags pa srabs pa'o/ /'du 'dzi'i gnas la sogs pa yongs su spangs pas ba spu rnams re re nas g.yas phyogs su 'khrungs pa'o//bla ma'am gong ma rnams gnas ji lta bar 'jog pas zhal mdzod spus brgyan pa'o/ /thams cad du rtsub pa'i ngag rnam par spangs pas sku stod seng ge'i 'dra ba'o/ /snyan par smra ba dang mthun par phebs par smra bas dpung pa zlum pa'o//sman la sogs pa'i sbyin pa byin pas thal gong rgyas pa'o/ /nad pa'i nad g.yog byas pas ro mi zhim pa yang ro mchog tu snang ba'o/ /nags tshal dang skyed mos tshal la sogs pa yid du 'ong ba sbyin pa byin pas sku n+ya gro d+ha ltar chu zheng gab pa'o/ / lha khang la sogs pa khyad par du 'phags pa byin pa las dbu'i gtsug tor slar yang 'phags pa'o/ /'jam pa la sogs pa'i tshig smras pa las ljags ring zhing mdzes pa'o/ /'jig rten gyi khams thams cad kyi sems can rnams dam pa'i chos shes par byas pa las tshangs pa'i dbyangs so//ngag kyal pa las rnam par log pa las seng ge'i 'gram pa'o/ /skye bo thams cad la yang dag par sems pa la sogs pas tshems shin tu dkar ba'o/ /'tsho ba yang dag par dag pa las tshems mnyam pa'o/ /bden pa'i ngag la kun du spyod pa las tshems thags bzang ba'o//dbyen gyi tshig la goms par mi byed pas mnyam par grangs bzhi bcu them pa'o/ /sems can thams cad la bu gcig pa ltar lta bas spyan mthon mthing ngo / /zhe sdang la sogs pa las log par ston pas spyan gyi rdzi ma ba mchog gi lta bu ste/ skyes bu chen po'i mtshan sum cu rtsa gnyis rgyu dang bcas pa bstan pa'o//da ni dpe byad bzang po brgyad cu bstan pa'i phyir gsungs pa/ thub pa'i sen mo zangs mdog dang / /mdog snum mtho dang sor mo rnams/ /zlum rgyas byin gyis phra ba dang / /rtsa mi mngon dang mdud pa med/ /long bu mi mngon zhabs mnyam dang / / seng ge glang chen bya dang ni/ /khyu mchog stabs gshegs g.yas phyogs dang / /mdzes gshegs drangs dang 'khril bag chags/ /byi dor byas 'dra rim par 'tsham/ /gtsang dang 'jam dang dag pa'i sku/ /sku yi kho lag yangs shing bzang / /gom snyoms spyan ni dag pa dang / /shin tu gzhon mdog bdag nyid can//sku zhum med dang rgyas pa dang / /shin tu grims pa'i sku nyid dang / /yan lag shin tu rnam 'byes dang / /gzigs pa mun med dag pa dang / /dku zlum skabs phyin ma rnyongs dang / /phyang nge ba dang lte ba ni/ /zab dang g.yas phyogs 'khyil ba dang / /kun nas lta na sdug pa dang //kun spyod gtsang dang sku la ni/ /sme ba gnag bag med pa dang / /phyag ni shing bal ltar 'jam dang / /phyag ris mdangs yod zab ring dang / /zhal ni ha cang mi ring dang / /mchu ni bim pa ltar dmar dang / /ljags mnyen pa dang srab pa dang / /dmar dang 'brug gi sgra nyid dang //gsung mnyen 'jam dang mche ba zlum/ /rno dang dkar dang mnyam pa dang / /byin gyis phra dang shangs mtho dang / /mchog tu dag pa dag dang ni/ /spyan yangs pa dang rdzi ma stug /pad+ma'i 'dab ma 'dra ba dang / /smin tshugs ring dang 'jam pa dang / /snum dang spu ni mnyam pa dang / /phyag ring rgyas dang snyan mnyam dang //nyams pa rnam par spangs pa dang / /dpral ba legs par 'byes pa dang / /dbyes che ba dang dbu rgyas dang / /dbu skra bung ba ltar gnag dang / /stug 'jam mi 'dzings ngo bo dang / /mi bshor skyes bu'i yid 'phrog dang / /dpal gyi be'u bkra shis ni/ /g.yung drung 'khyil pas brgyan pa ste//sangs rgyas dpe byad bzang por bzhed/ /ces pa ste/ zangs mdog ces pa ni 'du byed thams cad la ma chags pas sen mo zangs kyi mdog lta bu'o/ /mdog snum zhes pa ni sems can thams cad la phan par mos pa nyid kyis mdog snum pa'o/ /mtho zhes pa ni gang zhig rigs mtho bar skye bar byed pa'i las de nyid kyis sen mo mtho ba'o//sor mo rnams zlum zhes pa ni kha na ma tho ba med pa nyid kyis sor mo rnams zlum pa'o/ /rgyas zhes pa ni dge ba du ma nyid kyis sor mo rnams so/ /byin gyis phra ba zhes pa ni yang dag pa la go rims su 'jug pa nyid kyis sor mo rnams byin gyis phra ba'o//rtsa mi mngon pa zhes pa ni lus la sogs pa'i las kyi mtha' shin tu mi mngon pas rtsa mi mngon pa'o/ /mdud pa med ces pa ni nyon mongs pa'i rnams bkral ba nyid kyis rtsa rnams mdud pa med pa'o/ /long bu mi mngon zhes pa ni chos shin tu gsang ba'i blo nyid kyis long bu mi mngon pa'o//zhabs mnyam zhes pa ni ngan 'gro'i gnas thams cad las skye bo rnams kun du bsgral ba nyid kyis zhabs mi mnyam pa med pa'o/ /seng ge zhes pa ni srid pa zil gyis gnon pa'i dge ba nyid kyis seng ge'i stabs su gshegs pa'o/ /glang chen zhes pa ni 'dod chags zil gyis gnon pa'i dge ba des klu'i stabs su gshegs pa'o//bya zhes pa ni nam mkha' la kun du 'gro ba'i dge ba des ngang pa'i stabs su gshegs pa'o/ /khyu mchog ces pa ni skyes bu dam pa'i dge ba des khyu mchog gi stabs su gshegs pa'o/ /g.yas phyogs gshegs pa zhes pa ni rigs pa'i lam du gshegs pa'i dge ba des g.yas phyogs su gshegs pa'o//mdzes gshegs zhes pa ni dge ba la rab tu dang ba des mdzes par gshegs pa'o/ /drang dang zhes pa ni rtag par drang po'i sems kyi dge ba des drang por gshegs pa'o//'khril bag chags zhes pa ni rnam par dag pa'i yon tan brjod pa des 'khril bag chags pa'o/ /byi dor byas 'dra zhes pa ni sdig pa'i chos byi dor byas pa des sku byi dor byas pa lta bu'o/ /rim par 'tsham zhes pa ni snod dang rjes su mthun par chos ston pa des sku rim par 'tsham pa'o//gtsang dang zhes pa ni lus la sogs pa gtsang sbra'i spyod pa dang sku gtsang ba'o/ /'jam dang zhes pa ni sems 'jam pa nyid kyis sku 'jam pa'o/ /dag pa'i sku zhes pa ni sems rnam par dag pa nyid kyis sku rnam par dag pa'o/ /mtshan ni yongs su rdzogs pa dang / /zhes pa ni chos thams cad yongs su rgyas par btul ba des mtshan yongs su rdzogs pa'o//sku'i kho lag ces pa ni yon tan mdzes shing che bar brjod pa des sku'i kho lag rgya che ba'o/ /gom snyoms pa ni thams cad la sems mnyam pa nyid kyis gom pa snyoms shing zhabs mnyam pa'o/ /spyan ni dag pa zhes pa ni shin tu rgyas par dag pa'i chos bstan pa des spyan rnam par dag pa'o//shin tu gzhon mdog can zhes pa ni rtogs par sla ba'i chos bstan pas shin tu gzhon mdog can no/ /sku zhum med ces pa ni rtag par sems ma zhum pa nyid kyis na sku zhum pa med pa'o/ /rgyas pa dang zhes pa ni dge ba rnams rgyas par gyur pa nyid kyis sku rgyas pa'o//shin tu grims pa'i sku nyid dang / /zhes pa ni yang srid par skye ba zad par byed pa'i las gang yin pa de nyid kyis sku ni shin tu grims pa'o/ /yan lag shin tu rnam 'byes zhes pa ni rten cing 'brel bar 'byung ba shin tu phye ste bstan pa de yang yan lag dang nying lag rnams rnam par 'byes pa'o//gzigs pa mun med dag pa dang / /zhes pa ni shin tu rnam par dag pa'i dngos po ston pa po nyid kyis gzigs pa mun pa med cing dag pa'o/ /dku zlum zhing zhes pa ni slob ma phun sum tshogs par zlum pa'i las nyid kyis dku zlum pa'o/ /skabs phyin zhes pa ni 'khor ba'i skyon gyis ma gos pas dku skabs phyin pa'o//ma rnyongs zhes pa ni nga rgyal gyi rwa bcag pa nyid kyis dku ma rnyongs pa'o/ /phyang nge ba dang zhes pa ni chos mi zad par gnas pa nyid kyis dku phyang nge ba'o/ /lte ba zab ces pa ni chos zab mo so sor rig pa nyid kyis lta ba zab pa'o/ /lte ba g.yas phyogs 'khyil ba zhes pa ni slob ma rigs pas 'dzin pa'i las de nyid kyis lta ba g.yas phyogs su 'khyil ba'o//kun nas lta na sdug pa zhes pa ni 'khor rnams mchog tu gyur pa'i las gang yin pa de nyid kyis kun nas lta na sdug pa'o/ /kun spyod gtsang dang zhes pa ni sems gtsang ba nyid kyis kun spyod gtsang ba'o//sku la ni/ sme ba gnag bag med pa dang / /zhes pa ni dus ma yin par chos kyis mi 'dul ba nyid kyis sku la sme ba gnag bag med pa'o/ /phyag ni shing bal ltar 'jam dang / /zhes pa ni lus la sogs pa 'jam pa thob par byed pa'i chos ston pa po nyid kyis shing bal ltar 'jam pa'i phyag go/ / phyag ris mdangs yod ces pa ni mdangs dang ldan par thos pa chen po so sor thob pa nyid kyis phyag ris mdangs yod pa'o/ /zab ces pa ni chos nyid zab mo la kun du gnas pa nyid kyis phyag gi ri mo zab pa'o/ /ring zhes pa ni yang dag par rigs par yongs su dag pa'i chos ston pa nyid kyis phyag gi ri mo ring ba'o//zhal ni ha cang mi ring dang / /zhes pa ni bslab pa'i gnas du ma ston pa po nyid kyis zhal ha cang mi ring ba'o/ /mchu ni bim pa ltar dmar dang / /zhes pa ni 'jig rten thams cad gzugs brnyan ltar rig pa nyid kyis bim pa ltar dmar ba'i mchu'o/ /ljags mnyen zhes pa ni 'jam pa'i tshig gis 'dul ba nyid kyis ljags mnyen pa'o//srab ces pa ni yon tan du ma nye bar brjod pa nyid kyis ljags srab pa'o/ /dmar dang zhes pa ni byis pa'i skye bo rnams gting dpag dka' ba'i chos kyis 'dul bar bzhed pa nyid kyis ljags dmar ba'o/ / 'brug gi sgra nyid ces pa ni 'jigs pa thams cad las sel ba'i las nyid kyis 'brug gi sgra nyid do/ /gsung mnyen 'jam zhes pa ni 'jam pa la sogs par gsungs pas gsung mnyen zhing 'jam pa'o/ /mche ba zlum zhes pa ni srid par yang dag par sbyor ba las bzlog pa nyid kyis mche ba zlum pa'o//rno zhes pa ni gdul dka' ba'i skye bo 'dul ba nyid kyis mche ba rno ba'o/ /dkar zhes pa ni dkar po'i chos kyis 'dul ba nyid kyis mche ba dkar ba'o/ /'jam zhes pa ni mnyam pa'i sa la rab tu gnas pa nyid kyis mche ba mnyam pa'o/ /byin gyis phra zhes pa ni mngon par rtogs pa'i rim pa gsal bar byed pa po nyid kyis mche ba byin gyis phra ba'o//shangs mtho dang zhes pa ni shes rab gsal bar byed pa'i gnas pa nyid kyis shangs mtho ba'o/ /mchog tu dag pa zhes bya ba ni dag pa'i skye bo'i rigs su skye ba'i las gang yin pa de nyid kyis shangs dag cing gtsang ba'o//spyan yangs zhes pa ni mchog tu rgya che ba'i chos bstan pa nyid kyis spyan yangs pa'o/ /rdzi ma stug ces pa ni sems can gyi tshogs rnams rigs pas bsdus pas spyan gyi rdzi ma stug pa'o/ /pad+ma'i 'dab ma 'dra ba dang / /zhes pa ni lang tsho dang ldan pa'i skye bo thams cad kyis mngon par bsngags pa'i las gang yin pa de nyid kyis pad+ma'i 'dab ma 'dra ba'i spyan no//smin tshugs rings zhes pa ni rtag tu gzigs pa nyid kyis smin tshugs ring ba'o/ /'jam zhes pa ni 'jam par chos kyis 'dul ba'i dge ba nyid kyis smin ma 'jam pa'o//snum zhes pa ni dge bas snum pa'i rgyud kyis shin tu snum pa'i smin ma'o/ /spu mnyam zhes pa ni skyon kun du lta ba nyid kyis smin ma'i spu rnams mnyam pa'o/ /phyag ring rgyas zhes pa ni gzhan gyi sdug bsngal sel ba nyid kyis phyag ring zhing rgyas pa'o//snyan mnyam zhes pa ni 'dod chags la sogs pa'i g.yul las rnam par rgyal bas na snyan mnyam pa'o/ /nyams pa rnam par spangs pa dang / /zhes pa ni sems can thams cad la ma nyams pa'i rgyun nyid du byas pas snyan gyi dbang po ma nyams pa'o/ /dpral ba legs par 'byes pa dang //zhes pa ni lta ba gzhan thams cad las rnam par log pa nyid kyis dpral ba legs par 'byes pa'o/ /dbyes che ba zhes pa ni phyir rgol ba thams cad rab tu pham par byas pa nyid kyis dpral ba'i dbyes che ba'o/ /dbu rgyas zhes pa ni smon lam mchog tu yongs su rgyas pa nyid kyis dbu rgyas pa'o//dbu skra bung ba ltar gnag dang / /zhes pa ni yul rnams la chags pa la sogs pa las log pa nyid kyis dbu skra bung ba ltar gnag pa'o/ /stug ces pa ni mthong ba dang bsgom pa'i lam gyi spang bar bya ba rnams zad par byas pa nyid kyis dbu skra stug pa'o//'jam zhes pa ni 'jam pa'i blos yongs su shes pa nyid kyis dbu skra 'jam pa'o/ /mi 'dzings ngo bo zhes pa ni 'dod chags la sogs pas sems mi 'dzings pa nyid kyis dbu skra mi 'dzings pa'o/ /mi bshor zhes pa ni rtag par tshig rtsub pa ma yin pa nyid kyis dbu skra mi bshor ba'o//skyes bu'i yid 'phrog ces pa ni byang chub kyi yan lag gi me tog gcal du bkram pa nyid kyis skyes bu'i yid 'phrog pa'i dbu skra'o/ /dpal gyi be'u dang bkra shis ni/ /zhes pa ni thams cad mdzes par gyur pa'i las gang yin pa de nyid kyis dpal gyi be'u dang bkra shis la sogs pa'i ri mo phyag dang zhabs kyi mthil dag la yod pa'o//sangs rgyas bcom ldan 'das kyi dpe byad bzang po brgyad cu bstan pa'o/ /yon tan mtha' dag dang ldan pa longs spyod rdzogs pa'i sku bstan nas/ sprul pa'i sku bstan pa'i phyir gsungs pa/ gang gi 'khor ba ji srid par//'gro la phan pa sna tshogs dag /mnyam du mdzad pa'i sku de ni/ /thub pa'i sprul sku rgyun mi 'chad/ /ces pa ni shAkya thub pa la sogs pa'i sprul pa'i sku gang dang gang gis 'jig rten gyi khams sna tshogs par sems can mtha' dag la yang dag par phan pa'i don mnyam par mdzad cing 'di'i sku rgyun mi 'chad pa ni sangs rgyas bcom ldan 'das kyis sprul pa'i sku'o//de ltar ngo bo nyid kyi sku mngon sum du mdzad pa po stobs dang mi 'jigs pa la sogs pa'i yon tan gyi rang bzhin gyi dpal longs spyod rdzogs pa'i sku'i bdag nyid yang dag par rdzogs pa'i sangs rgyas bcom ldan 'das kyis nam mkha'i khams mtha' dag tu dag pa sna tshogs pas khyab par mdzad nas/ji srid nam mkha'i mthas gtugs par 'gro ba'i don rnams byed do/ /rnam pa nyi shu rtsa bdun gyis 'gro ba'i don byed pa ni 'di'i mdzad par bstan pa'i phyir gsungs pa/ de bzhin las kyang rgyun mi 'chad/ / 'di yi 'khor ba yin par bshad/ /'gro rnams zhi ba'i las dang ni/ /bsdu rnams bzhi la 'god pa dang / /kun nas nyon mongs bcas pa yi/ /rnam par byang ba rtogs pa dang / /sems can rnams don ji bzhin gyi/ /don dang pha rol phyin drug dang / /sangs rgyas lam dang rang bzhin gyis//stong pa nyid dang gnyis zad dang / /brda dang dmigs pa med pa dang / /lus can rnams ni yongs smin dang / /byang chub sems dpa'i lam dang ni/ /mngon par zhen pa ldog pa dang / /byang chub thob dang sangs rgyas zhing / /rnam par dag dang nges pa dang / / sems can don ni tshad med dang / /sangs rgyas bsten sogs yon tan dang / /byang chub yan lag las rnams ni/ /chud mi za dang bden mthong dang / /phyin ci log ni spangs pa dang / /de bzhin med pa'i tshul dang ni/ /rnam par byang dang tshogs dang ni/ /'dus byas 'dus ma byas pa la//tha dad yongs su mi shes dang / /mya ngan 'das la 'god pa ste/ /chos kyi sku yi phrin las 'di/ /rnam pa nyi shu bdun du bzhed/ /ces pa ste/ 'gro rnams zhi ba'i las dang ni/ /zhes pa ni sems can rnams la chos bstan pa'i don du de rnams kyi ngan 'gro rab tu zhi bar byed pa'i phrin las so//bsdu rnam bzhi la 'god pa dang / zhes pa ni bsdu ba'i dngos po bzhi la 'god pa'i phrin las so/ /kun nas nyon mongs bcas pa yi/ /rnam par byang ba rtogs pa dang / /zhes pa ni kun nas nyon mongs pa dang rnam par byang ba rtogs pa la 'god pa'i phrin las so//sems can rnams don ji bzhin gyi/ /don dang zhes pa ni sems can la don ji lta ba bzhin du ste/ phyin ci ma log pa'i rang bzhin la 'god pa'i phrin las so/ /pha rol phyin drug ces pa ni/ sbyin pa la sogs pa'i pha rol tu phyin pa drug la 'god pa'i phrin las so//sangs rgyas lam zhes pa ni bsam pa ji lta ba bzhin du nyan thos dang / rang sangs rgyas dang / yang dag par rdzogs pa'i sangs rgyas kyi lam la 'god pa'i phrin las so/ /rang bzhin gyis stong pa nyid ces pa ni chos thams cad rang bzhin gyis stong pa nyid la 'god pa'i phrin las so//gnyis zad ces pa ni sgros btags pa'i gzung ba dang 'dzin pa gnyis zad pa la 'god pa'i phrin las so/ /brda zhes pa ni sgra dang don dag de kho na nyid du 'brel ba med pas brjod bya dang rjod byed du brdar btags pa la 'god pa'i phrin las so//dmigs pa med pa zhes pa ni chos thams cad mi dmigs pa la 'god pa'i phrin las so/ /lus can rnams ni yongs smin dang / /zhes pa ni sems can rnams yongs su smin pa la 'god pa'i phrin las so/ /byang chub sems dpa'i lam dang zhes pa ni byang chub sems dpa'i lam la 'god pa'i phrin las so//mngon par zhen pa zlog pa dang / /zhes pa ni mngon par zhen pa thams cad zlog pa la 'god pa'i phrin las yin no/ /byang chub thob dang zhes pa ni rang rang gi byang chub la 'god pa'i phrin las so/ /sangs rgyas kyi zhing rnam par dag /ces pa ni sangs rgyas kyi zhing yongs su dag pa la 'god pa'i phrin las so//nges pa dang zhes pa ni yang dag par rdzogs pa'i byang chub tu nges pa la 'god pa'i phrin las so/ /sems can don ni tshad med dang / /zhes pa ni sems can gyi don tshad med pa la 'god pa'i phrin las so/ / sangs rgyas bsten sogs yon tan dang / /zhes pa ni sangs rgyas bsten pa la sogs pa'i yon tan la 'god pa'i phrin las so/ /byang chub yan lag ces pa ni/ byang chub kyi yan lag rnams la 'god pa'i phrin las so/ /las rnams ni/ chud mi za zhes pa ni las kyi 'bras bu chud mi za ba la 'god pa'i phrin las so//bden mthong zhes pa ni 'phags pa'i bden pa bzhi mthong ba la 'god pa'i phrin las so/ /phyin ci log ni spangs pa dang / /zhes pa ni thams cad du yul rnams la 'khrul pa spangs pa la 'god pa'i phrin las so/ /de bzhin med pa'i tshul dang ni//zhes pa ni 'khrul pa'i gzhi med pa la 'god pa'i phrin las so/ /rnam par byang dang zhes pa ni dkar po'i chos thams cad la 'god pa'i phrin las so/ /tshogs shes pa ni bsod nams dang ye shes kyi tshogs rnams la 'god pa'i phrin las so/ / 'dus byas 'dus ma byas pa la/ /tha dad yongs su mi shes dang / /zhes pa ni 'dus byas dang 'dus ma byas dag tha dad du yongs su mi shes pa la 'god pa'i phrin las so/ /mya ngan 'das la 'god pa ste/ /zhes pa ni ji ltar rigs par phung po lhag bcas dang lhag med kyi mya ngan las 'das pa la 'god pa'i phrin las so//chos kyi sku yi phrin las 'di/ /zhes pa ni longs spyod rdzogs pa'i sku'i bdag nyid kyi bcom ldan 'das la tha mi dad pa gang zhig ldog pas byas pa'i tha dad tsam yongs su brtags pa'i byang chub kyi phyogs dang / tshad med pa la sogs pa yid kyi yon tan de rnams ni bsags pa'i phyir chos kyi sku zhes bya ba sku bzhi pa ni ma yin no//phrin las rnam pa nyi shu rtsa bdun du bstan pa'o/ /mngon par rtogs pa'i rgyan gyi 'grel pa grags pa'i cha zhes bya ba las skabs brgyad pa'i 'grel pa'o// // de ltar re zhig shes rab kyi pha rol tu phyin pa rnam pa brgyad du bsdu ba gsungs nas/ gzhan yang rnam pa drug tu bstan pa'i phyir gsungs pa/ mtshan nyid de yi sbyor ba dang / /de rab de yi go rims dang / /de'i mtha' de yi rnam smin ni/ /mdor bsdus gzhan te rnam pa drug /mtshan nyid ces pa ni/ sbyor ba'i gzhir mtshon par byed pas na mtshan nyid de kun mkhyen rnam pa gsum mo/ /mtshan nyid de'i sbyor ba ni rnam pa kun mngon par byang chub pa'i mngon par rtogs pa ni sbyor ba'o/ /rab gsal ba ni rtse mo'i mngon par rtogs pa'o//sbyor ba'i go rims ni mthar gyis pa'i mngon par rtogs pa'o/ /sbyor ba'i mtha'i skad cig ma gcig la mngon par byang chub pa'o/ /sbyor ba'i 'bras bu la chos sku mngon par rtogs pa'o/ /slar yang 'di nyid don rnam pa gsum du gsungs te/ yul gyi rgyu ni gsum dag dang / /sbyor ba bzhi yi bdag nyid dang / /chos sku phrin las bdag nyid ni/ /mdor bsdus gzhan te rnam pa gsum/ /zhes pa ste/ 'di nyid don gzhan rnam pa gsum gyis bsdus te/ de la rgyu dang / sbyor ba dang / 'bras bu'o//de la rgyu ni rnam pa gsum ste/ sbyor ba yul gyis kun mkhyen rnam pa gsum mo/ /sbyor ba bzhi'i bdag nyid rnam pa kun mngon par byang chub pa'i mngon par rtogs pa dang / rtse mo'i mngon par rtogs pa dang / mthar gyis pa'i mngon par rtogs pa dang / skad cig ma gcig la mngon par byang chub pa'i mngon par rtogs pa'o//sbyor ba'i 'bras bu ni chos dang / longs spyod rdzogs pa'i sku dang / sprul pa'i sku dang / de'i mdzad pa'o/ /tshig don legs par 'byed pa'i 'grel pa/ gzhan dag med pas bshad mkhan la/ /blo ldan slob mas dris nas skyes//de la brtse phyir ngas 'di byas/ /gal te gzhan gyis mthong ba'i lam/ /'bras thob bdag gi dge shing gis/ /bdag gi bla ma ye shes dpal/ /chos kyi grags pa'i gzhung la ni/ /shes rab 'byung gnas gnyis pa yin/ /bstan bcos ji snyed yod pa yi/ / snying po'i don rnams rang gis rtogs/ /kun la gdams ngag ster ba'i blo/ /g.yo sgyu med cing bstan pa ru/ /byang chub sems dpa'i spyod pa can/ /sde snod rnam bzhi'i gleng bzhi pa/ /dbang po'i rgyal po chen po ste/ de yi slob mar gyur pa skyes don yod pa yi/ /dge slong rin chen grags pa zhes bya nga rgyal med//rgol ba ngan pa'i tshogs kyi mun nag gtams pa la/ /nyi ma bcu gnyis bsdoms pa'i 'od zer 'dra ba yin/ /gzhan gyis gsol ba btab nas 'grel pa 'di byas pas/ /bsod nams gang zhig thob des 'gro kun grol gyur cig /mngon par rtogs pa'i rgyan gyi 'grel pa grags pa'i cha zhes bya ba paN+Di ta chen po rat+na kIrtis mdzad pa rdzogs so// //rgya gar gyi paN+Di ta chen po rat+na kIrti dang / bod kyi lo tsA ba la chings yon tan 'bar gyis bsgyur zhing zhus te gtan la phab pa'o// //