CLOSE WINDOW

D3789
བོད་ཡིག

@/ /'bum dang nyi khri lnga stong pa dang khri brgyad stong pa gsum don mthun par mngon rtogs brgyad du bstan pa bzhugs so/ / @##/ /bcom ldan 'das ma shes rab kyi pha rol tu phyin pa la phyag 'tshal lo/ /yum shes rab kyi pha rol tu phyin pa rgyas par bstan pa 'bum dang / 'bring du bstan pa nyi khri lnga stong dang / bsdus te bstan pa khri brgyad stong pa rnams mthun par don brgyad kyis bstan te/rnam pa thams cad mkhyen pa nyid dang / lam gyi rnam pa mkhyen pa nyid dang / thams cad mkhyen pa nyid dang / rnam pa kun mngon par rdzogs par rtogs pa dang / rtse mor phyin pa dang / mthar gyis pa dang / skad cig ma gcig la mngon par rdzogs par byang chub pa dang /chos kyi sku'o/ /de la rnam pa thams cad mkhyen pa la don bcus bstan te/ sems bskyed pa dang / gdams ngag dang / nges par 'byed pa'i yan lag dang / sgrub pa'i rten dang / dmigs pa dang / ched dang / go cha dang / 'jug pa dang / tshogs dang / nges par 'byung ba'o/ /de la sems bskyed pa la yang rnam pa gnyis te/ smon pa dang / 'jug pa'o/ /de la dbye na las dang po la sogs pa lam lnga'i bye brag gis rnam pa nyi shu rtsa gnyis te/ las dang po pa la chung ngu dang / 'bring dang /chen po'i dbang gis 'dun pa sa lta bu dang / bsam pa gser lta bu dang / lhag pa'i bsam pa zla ba lta bu dang / nges par 'byed pa'i cha la sbyor ba me lta bu dang / mthong ba'i lam dang / bsgom pa'i lam las dang po la sbyin pa gter lta bu dang / sa gnyis pa la tshul khrims rin po che'i 'byung gnas lta bu dang /sa gsum pa la bzod pa rgya mtsho lta bu dang / sa bzhi pa la brtson 'grus rdo rje lta bu dang / sa lnga pa la bsam gtan ri'i rgyal po lta bu dang / sa drug pa la shes rab sman lta bu dang / sa bdun pa la thabs dge ba'i bshes gnyen lta bu dang /sa brgyad pa la smon lam yid bzhin gyi nor bu lta bu dang / sa dgu pa la stobs nyi ma lta bu dang / sa bcu pa la ye shes sgra dbyangs snyan pa lta bu dang / khyad par gyi lam la mngon par shes pa rgyal po lta bu dang / bsod nams dang ye shes bang mdzod lta bu dang /byang chub kyi phyogs dang mthun pa lam po che lta bu dang / snying rje dang / lhag mthong bzhon pa lta bu dang / gzungs dang spobs pa bkod ma'i chu lta bu dang / sangs rgyas kyi sa la chos kyi skyed mos tshal sgra snyan pa lta bu dang / bgrod pa gcig pa'i lam chu bo'i rgyun lta bu dang / chos kyi sku sprin lta bu'o/ /de la 'dun pa sa lta bu yang mdo'i tshig /shA ri'i bu 'di la byang chub sems dpa' sems dpa' chen po chos thams cad rnam pa thams cad du mngon par rdzogs par byang chub par 'dod pas/ shes rab kyi pha rol tu phyin pa la brtson par bya'o zhes pa man chad kyis bstan/bsam pa gser lta bu yang mdo'i tshig /shA ri'i bu 'di la byang chub sems dpa' sems dpa' chen po gnas pa med pa'i tshul du shes rab kyi pha rol tu phyin pa la gnas te zhes pa man chad kyis bstan/lhag pa'i bsam pa zla ba lta bu yang mdo'i tshig /byang chub sems dpa' sems dpa' chen po rnam pa thams cad mkhyen pa'i ye shes rnam pa thams cad kyi mchog dang ldan pa zhes pa man chad kyis bstan/ sbyor ba me lta bu yang mdo'i tshig /byang chub sems dpa' sems dpa' chen po bag chags dang /mtshams sbyor ba dang / nyon mongs pa thams cad 'joms par 'dod pas zhes pa man chad kyis bstan/ sbyin pa gter lta bu nas shes rab sman lta bu'i bar du drug ni mdo'i tshig /byang chub sems dpa' sems dpa' chen po sbyin pa'i pha rol tu phyin pa la spyod pa zhes bya ba nas shes rab kyi pha rol tu phyin pa la bslab par bya'o zhes pa'i bar gyis bstan/thabs dge ba'i bshes gnyen lta bu ni mdo'i tshig /shA ri'i bu gzhan yang byang chub sems dpa' sems dpa' chen po sangs rgyas kyi sku mngon par bsgrub par 'dod pas zhes pa man chad kyis bstan/smon lam yid bzhin gyi nor bu lta bu ni mdo'i tshig /shA ri'i bu gzhan yang byang chub sems dpa' sems dpa' chen po sangs rgyas kyi rigs su skye bar 'dod pas zhes pa man chad kyis bstan/stobs nyi ma lta bu ni mdo'i tshig /shA ri'i bu gzhan yang byang chub sems dpa' sems dpa' chen po dge ba'i rtsa ba gang dang gang gis zhes pa man chad kyis bstan/ ye shes sgra dbyangs snyan pa'i glu lta bu ni mdo'i tshig /shA ri'i bu gzhan yang byang chub sems dpa' sems dpa' chen po phyogs bcu dag na/sangs rgyas gang dag bzhugs pa de dag bdag gis bsngags pa brjod par 'dod pas zhes pa man chad kyis bstan/ mngon par shes pa rgyal po lta bu ni mdo'i tshig /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na sa'i rdul phra rab ces pa man chad kyis bstan/bsod nams dang ye shes kyi tshogs bang mdzod lta bu ni mdo'i tshig /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na sems can ji snyed yod pa de dag tshul khrims kyi phung po la zhes pa man chad kyis bstan/byang chub kyi phyogs dang mthun pa lam po che lta bu ni mdo'i tshig /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang zhes pa man chad kyis bstan/snying rje dang lhag mthong bzhon pa lta bu ni mdo'i tshig /shA ri'i bu gzhan yang byang chub sems dpa' sems dpa' chen po 'dus ma byas kyi chos rnams kyi pha rol tu 'gro bar 'dod pas zhes pa man chad kyis bstan/gzungs dang spobs pa bkod ma'i chu lta bu ni mdo'i tshig /shA ri'i bu gzhan yang byang chub sems dpa' sems dpa' chen po mig lnga bskyed par 'dod pas zhes pa man chad kyis bstan/ chos kyi skyed mos tshal sgra snyan par smra ba lta bu ni mdo'i tshig /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa zhes pa man chad kyis bstan/ bgrod pa gcig pa'i lam chu bo lta bu ni mdo'i tshig /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang+gA'i klung gi bye ma snyed dag na/ sems can gang dag long bar gyur pa zhes bya ba man chad kyis bstan/ chos kyi sku sprin lta bu ni mdo'i tshig /shA ri'i bu gzhan yang byang chub sems dpa' sems dpa' chen po de bzhin gshegs pa'i spyod lam la slob par 'dod pas zhes pa man chad kyis bstan te/ de ltar sems bskyed pa rnam par dbye ba nyi shu rtsa gnyis po de dag ni le'u gnyis pas bstan to/ / rnam pa thams cad mkhyen pa nyid la don bcus bstan pa'i gnyis pa gdams ngag la yang bcu ste/ theg pa 'og ma dang thun mong ma yin/ shes rab kyi pha rol tu phyin pa la mi dmigs pa'i tshul gyis sgrub pa la 'doms pa dang / dmigs pa ste/ bden pa bzhi la 'doms pa dang /rten te dkon mchog gsum la 'doms pa dang / khyad par du 'gro ba'i rgyu ste/ ma chags par bya bar gdams pa dang / mi ldog par 'gro ba'i rgyu ste/ yongs su mi ngal bar bya bar gdams pa dang / theg pa gzhan gyis mi 'gro ba'i rgyu ste/lam yongs su 'dzin par gdams pa dang / gzhan gyi dring mi 'jog pa'i rgyu ste/ spyan lnga la gdams pa dang / rnam pa thams cad mkhyen pa yongs su rdzogs pa'i rgyu ste/ mngon par shes pa drug la gdams pa dang / mthar thug pa'i rgyu ste/ mthong ba'i lam dang / bsgom pa'i lam la gdams pa ste/ de ltar rnam pa bcu'o/ /gdams pa de yang le'u drug pa yan chad kyis bstan pa las sgrub pa la gdams pa ni mdo'i tshig /shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/byang chub sems dpar gyur bzhin du byang chub sems dpa' yang dag par rjes su mi mthong ngo zhes pa man chad kyis bstan/ bden pa la gdams pa yang bzhi ste/ sdug bsngal gyi bden pa la gdams pa ni mdo'i tshig /gzugs yang dag par rjes su mi mthong ngo zhes bya ba man chad kyis bstan/kun 'byung gi bden pa la gdams pa ni mdo'i tshig /de ci'i phyir zhe na/ 'di ltar des gzugs skye ba'i chos can nam/ 'gag pa'i chos can du yang dag par rjes su mi mthong ngo zhes pa man chad kyis bstan/'gog pa la gdams pa yang mdo'i tshig /de ci'i phyir zhe na/ shA ri'i bu 'di ltar gzugs kyi stong pa nyid gang yin pa de ni gzugs ma yin zhes bya ba man chad kyis bstan/ lam la gdams pa yang mdo'i tshig /shA ri'i bu byang chub sems dpa' sems dpa' chen po shes rab kyi pha rol tu phyin pa la de ltar spyod pa ni brtson pa zhes bya ste/shes rab kyi pha rol tu phyin pa la spyod pa de gzugs la brtson zhes bya ba'am mi brtson zhes bya bar yang dag par rjes su mi mthong ngo zhes bya ba man chad kyis bstan/ dkon mchog la gdams pa yang gsum ste/sangs rgyas la gdams pa yang mdo'i tshig /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ 'di ltar brtson par byed de/ ji ltar brtson par byed pa ni rnam pa thams cad mkhyen pa nyid dang 'das par sbyor bar mi byed de zhes bya ba man chad kyis bstan/chos la gdams pa la gsum ste/ bzhi la gdams pa ni mdo'i tshig /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni gzugs 'byung ngo zhes bya bar mi sbyor ro zhes pa man chad kyis bstan/gnyen po la gdams pa yang mdo'i tshig /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni sbyin pa'i pha rol tu phyin pa'i ched du/ shes rab kyi pha rol tu phyin pa la mi spyod do zhes pa man chad kyis bstan/rnam pa la gdams pa yang mdo'i tshig /shA ri'i bu rnal 'byor 'di la spyod pa'i byang chub sems dpa' sems dpa' chen po ni de bzhin gshegs pa'i stobs bcu mngon par bsgrub po zhes pa man chad kyis bstan/dge 'dun la gdams pa ni mdo'i tshig /shA ri'i bus gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa'i rnal 'byor 'dis gnas pa de gang nas shi 'phos te 'dir skyes pa lags zhes pa man chad kyis bstan/ma zhen par bya bar gdams pa yang mdo'i tshig /shA ri'i bu de lta bas na byang chub sems dpa' sems dpa' chen po shes rab kyi pha rol tu phyin pa la spyod pas kha na ma tho ba dang bcas pa'i lus dang ngag dang yid kyi las rnams kyi go mi dbye'o zhes pa man chad kyis bstan/ngal ba med par bya bar gdams pa yang mdo'i tshig /shA ri'i bu 'di la byang chub sems dpa' sems dpa' chen po pha rol tu phyin pa drug la spyod pa gzugs la rlom sems su mi byed pa dang zhes pa man chad kyis bstan/ lam yongs su gzung ba la gdams pa yang mdo'i tshig /shA ri'i bu byang chub sems dpa' sems dpa' chen po ye shes de dang ldan pa ni/ shar phyogs kyi 'jig rten gyi khams gang+gA'i klung gi bye ma snyed dag na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed dag kyang mthong ngo //chos kyang nyan to zhes pa man chad kyis bstan/ spyan lnga la 'doms pa yang mdo'i tshig /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa mig lnga 'thob pa dang / yongs su sbyong ba dag kyang yod de zhes pa man chad kyis bstan/mngon par shes pa drug la gdams pa yang mdo'i tshig /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa de ni mngon par shes pa'i pha rol tu phyin pa 'thob cing / des rdzu 'phrul bya ba rnam pa du ma myong bar 'gyur ro//de yang g.yo bar byed do zhes pa man chad kyis bstan/ mthong ba'i lam la gdams pa yang mdo'i tshig /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa gang dag mtha' las 'das pa stong pa nyid kyis yongs su 'dzin pa med pa'i phyir/sbyin pa'i pha rol tu phyin pa la gnas te rnam pa thams cad mkhyen pa nyid kyi lam sbyong bdag kyang yod do zhes pa man chad kyis bstan/ bsgom pa'i lam la gdams pa yang mdo'i tshig /sbyin pa ni yongs su 'dzin pa yod pa'i phyir gdags so zhes pa man chad kyis bstan/rnam pa thams cad mkhyen pa la don bcus bstan pa'i gsum pa nges par 'byed pa'i yan lag la bdun te/ rang bzhin te/ snang ba thob pa la sogs pa dang / dbye ba ste/ chung ngu la sogs pa dang / dmigs pa ste/ sdug bsngal la sogs pa'i bden pa la mi rtag pa la sogs pa'i dmigs pa dang / rnam pa ste/ mngon par zhen pa la 'gog pa dang / las te/ rnam par rtog pa bzhi dbye ba dang bcas pa spong ba dang / yongs su 'dzin pa ste/ sangs rgyas dang byang chub sems dpas yongs su bzung ba dang /rgyu ste/ byang chub rnam pa gsum char gyi rgyu'o/ /de la dbye ba'i skabs nas drod chung ngu'i dmigs pa yang / le'u drug pa'i skabs nas/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod pa ni/gzugs mi rtag ces bya bar yang dag par rjes su mi mthong ngo zhes pa man chad kyis bstan/ rnam pa yang mdo'i tshig /des chos su btags pa ming dang brda can yin par khong du chud na zhes pa la sogs pas bstan/ drod 'bring gi dmigs pa yang mdo'i tshig /rab 'byor 'di ji snyam du sems/ gang byang chub sems dpa' zhes bya ba gzugs byang chub sems dpa' yin snyam mam zhes pa man chad kyis bstan/ rnam pa yang mdo'i tshig le'u brgyad pa'i slad du nye ba nas/ bcom ldan 'das bdag gis chos thams cad ma 'tshal ma dmigs zhes pa la sogs pas bstan/drod chen po'i dmigs pa yang mdo'i tshig /bcom ldan 'das 'di lta ste/ gang yang byang chub sems dpa' zhes chos nyid kyis brdar btags pa de yang phung po rnams sam zhes pa man chad kyis bstan/rnam pa yang mdo'i tshig /bcom ldan 'das 'di lta ste/ rmi lam zhes bgyi ba'i ming ni gang gis kyang brjod du ma mchis so zhes pa man chad kyis bstan/ rtse mo chung ngu'i dmigs pa yang mdo'i tshig /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas gzugs la gnas par mi bgyi'o zhes pa man chad kyis bstan/rnam pa yang mdo'i tshig /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas gzugs mi rtag go zhes bgyi bar gnas par mi bgyi'o zhes pa man chad kyis bstan/rtse mo 'bring gi dmigs pa ni mdo'i tshig /de ci'i slad du zhe na/ bcom ldan 'das 'di ltar gzugs mi rtag pa ste zhes pa man chad kyis bstan/rnam pa yang mdo'i tshig /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pa thabs mi mkhas pas gal te ngar 'dzin pa dang zhes pa man chad kyis bstan/ rtse mo chen po'i dmigs pa yang mdo'i tshig /de ci'i slad du zhe na/ de ni mtshan mar brjod pa ma lags te zhes pa man chad kyis bstan/ rnam pa yang mdo'i tshig /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas 'di ltar yongs su brtag par bgyi ste zhes pa man chad kyis bstan/bzod pa chung ngu'i dmigs pa yang mdo'i tshig /shA ri'i bus smras pa/ tshe dang ldan pa rab 'byor ci'i phyir byang chub sems dpa' sems dpa' chen po rnam pa thams cad mkhyen pa nyid dang ma bral bar rig par bya zhes pa man chad kyis bstan/rnam pa yang mdo'i tshig /shA ri'i bus smras pa/ tshe dang ldan pa rab 'byor gzugs kyi rang bzhin ji lta bu yin zhes pa man chad kyis bstan/ bzod pa 'bring gi dmigs pa yang mdo'i tshig /de ci'i phyir zhe na/ tshe dang ldan pa shA ri'i bu 'di ltar chos thams cad ma skyes shing ma byung bas med pa'i phyir ro zhes pa man chad kyis bstan/bzod pa 'bring gi rnam pa yang mdo'i tshig /de ci lta ci ltar bla na med pa yang dag par rdzogs pa'i byang chub dang nye bar gyur pa zhes pa la sogs pas bstan/ bzod pa chen po'i dmigs pa yang mdo'i tshig /le'u dgu pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to zhes pa man chad kyis bstan/ rnam pa yang mdo'i tshig /shA ri'i bus smras pa/ tshe dang ldan pa rab 'byor ci'i phyir 'di byang chub sems dpa' sems dpa' chen po thabs la mi mkhas par rig par bya ba yin zhes pa man chad kyis bstan/'jig rten gyi chos kyi mchog chung ngu'i dmigs pa yang mdo'i tshig /rnam pa thams cad mkhyen pa de yang / chos thams cad dngos po med pa'i ngo bo nyid du mnyam pa'i phyir zhes pa man chad kyis bstan/rnam pa ni mdo'i tshig /ting nge 'dzin de la gnas pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes pa man chad kyis bstan/ chos kyi mchog 'bring gi dmigs pa ni mdo'i tshig /de nas sangs rgyas kyi mthus tshe dang ldan pa rab 'byor gyis yang 'di skad ces smras so/ /tshe dang ldan pa shA ri'i bu a la la byang chub sems dpa' sems dpa' chen po gang ting nge 'dzin de dag gis gnas pa ni zhes pa man chad kyis bstan/rnam pa yang mdo'i tshig /ting nge 'dzin de dag gis gnas pa de ni ting nge 'dzin kyang yang dag par rjes su mi mthong ngo zhes pa man chad kyis bstan/ chos kyi mchog chen po'i dmigs pa ni mdo'i tshig /tshe dang ldan pa shA ri'i bu shes rab kyi pha rol tu phyin pa yang gzhan la ting nge 'dzin yang gzhan zhing byang chub sems dpa' yang gzhan zhes bya ba med kyis zhes pa man chad kyis bstan/rnam pa yang mdo'i tshig /shA ri'i bus smras pa/ tshe dang ldan pa rab 'byor gal te chos thams cad mnyam pa nyid kyi phyir ting nge 'dzin kyang gzhan ma yin zhes pa man chad kyis bstan to//nges par 'byed pa'i yan lag gis ni rnam par rtog pa bzhi spong ste/ de yang gzung bar rtog pa gnyis ni dngos po la rtog pa ste/ phung po la sogs pa brjod pa tsam du rtog pa dang / gnyen po la rtog pa ste/pha rol tu phyin pa la sogs pa rnam par byang ba'i phyogs la sems tsam du shes pa'o/ /'dzin par rtog pa yang gnyis te/ gang zag tu 'dzin par rtog pa ste/ 'dzin pa'i rnam pa gang gis sems can la sogs par sgro btags pa'i dngos po gtan med par 'gog pa'o//der gdags pa la brten pa'i rtog pa ste/ phung po la gang zag tu btags pa de yang 'dzin pa'i ngo bo ma yin pa nyid du 'byed pa'o/ /bzhi po de dag kyang go rims bzhin nges par 'byed pa'i cha bzhi la yod par blta bar bya'o/ /de la gzung bar rnam par rtog pa dang po la yang dgu ste/gzung bar rtog pa kun nas nyon mongs pa'i rten can ma rig pa dang / gzugs la sogs pa'i phung po dang / ming dang gzugs la sogs pa la mngon par zhen pa'i sgo nas mtha' gnyis la chags pa dang / kun nas nyon mongs pa dang rnam par byang ba mi shes pa dang /'phags pa'i lam la mi gnas pa dang / dmigs pa rnam par dag pa dang / bdag la sogs pa rnam par dag pa dang / skye ba la sogs pa rnam par dag pa dang / gzung bar rtog pa gnyis pa gnyen po la rtog pa yang dgu ste/ gnyen po'i rten can phung po dang / skye ba'i sgo dang / rigs dang / skye ba dang / stong pa nyid dang / don dam pa dang / mthong ba dang / bsgom pa dang / mi slob pa'i lam dang / 'dzin par rtog pa dang po yang dgu ste/ gang zag rdzas su yod pa'i rten can bdag rang dbang can dang /gcig dang / rgyu dang / lta ba po dang / bdag kun nas nyon mongs pa dang / 'dod chags dang bral ba dang / mthong ba dang / bsgom pa dang / don byas pa'i rten yin pa dang / 'dzin par rtog pa gnyis la yang dgu ste/ gang zag btags par yod pa'i rten can phung po dang /skye mched dang / khams dang / rten cing 'brel par 'byung ba dang / rnam par byang ba dang / mthong ba dang / bsgom pa dang / khyad par dang / mi slob pa'i lam ste/ de ltar dbye na rtog pa sum cu rtsa drug go/ /dang po dgu las dmigs pa rnam par dag pa yang mdo'i tshig /rab 'byor byang chub sems dpa' sems dpa' chen pos kyang shes rab kyi pha rol tu phyin pa la de ltar bslab par bya'o zhes pa la sogs pas bstan/ bdag la sogs pa rnam par dag pa yang mdo'i tshig /shA ri'i bus gsol pa/bcom ldan 'das ci zhig mi dmigs lags zhes pa man chad kyis bstan/ skye ba la sogs pa rnam par dag pa yang mdo'i tshig /shA ri'i bu chos thams cad kyi skye ba med pa dang 'gag pa med pa zhes pa man chad kyis bstan/ ma rig pa yang mdo'i tshig//shA ri'i bu ci ltar med pa de ltar yod pa ma yin pas de'i phyir/ ma rig pa zhes bya'o zhes pa la sogs pas bstan/ gzugs la sogs pa'i phung po yang mdo'i tshig /shA ri'i bu nang stong pa nyid dang / dngos po med pa'i ngo bo nyid stong pa nyid kyi bar gyi phyir gzugs yod pa ma yin zhes pa man chad kyis bstan/ming dang gzugs la zhen pa'i sgo nas mtha' gnyis la chags pa yang mdo'i tshig /de la byis pa gang dag ma rig pa dang / sred len dag gi mngon par zhen pa zhes pa man chad kyis bstan/ kun nas nyon mongs pa dang / rnam par byang ba mi shes pa yang mdo'i tshig /de dag de ltar mngon par zhen pas na yod pa ma yin pa'i chos rnams la rtogs par byed pa'i phyir zhes pa la sogs pas bstan/ 'phags pa'i lam la mi gnas pa yang mdo'i tshig /de dag ni mi gnas pa yin te/ ji zhig la mi gnas she na zhes pa man chad kyis bstan/gzung bar rtog pa gnyis pa gnyen po'i rten can yang mdo'i tshig /bcom ldan 'das byang chub sems dpa' sems dpa' chen po ji ltar na shes rab kyi pha rol tu phyin pa la slob pa lags shing zhes pa man chad kyis bstan te/ dgur phye ba ni mdo las sa bcad du ma mchis te don gyis bzhag /'dzin par rtog pa gnyis kyi dbye ba yang de dang 'dra/ 'dzin par rtog pa dang po gang zag rdzas su yod pa'i rten can yang mdo'i tshig /bcom ldan 'das la la zhig 'di skad du 'dri ste/sgyu ma'i skyes bu 'di zhes pa man chad kyis bstan/ 'dzin par rtog pa gnyis pa skyes bu btags par yod pa'i rten can yang le'u bcu pa'i klad nas mdo'i tshig /rab 'byor 'di ji snyam du sems/ nye bar len pa'i phung po 'di dgu la zhes pa man chad kyis bstan/yongs su 'dzin pa yang mdo'i tshig /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das theg pa la gsar du zhugs pa'i byang chub sems dpa' sems dpa' chen po bstan pa 'di thos na skrag ste dngang bar mi 'gyur lags grang zhes pa la sogs pa bstan/rnam pa thams cad mkhyen pa nyid la don bcus bstan pa'i bzhi pa ste/ bsgrub pa'i rten la yang don bcu gsum ste/ 'jig rten pa'i sbyor ba'i lam gyi cha bzhi dang / mthong bsgom gnyis dang / gnyen po skyes te mi mthun pa'i phyogs 'gags pa dang /de gnyi ga mi dmigs pa dang / mtha' gnyis la mi gnas pa'i mtshan nyid shes rab dang thabs dang / de dag ma skyes pa theg pa 'og ma dang / thun mong ma yin pa dang / theg pa gsum la dgod pa'i gzhan gyi don dang / 'khor ba ji srid par mtshan ma med par lhun gyis grub par gzhan gyi don gyi ye shes 'byung ba ste/ go rims bzhin no/ /'di dag so sor sa bcad du med cing don gyis bzhag ste/ de yang mdo'i tshig /rab 'byor gyis gsol pa/ bcom ldan 'das byang chub sems dpa' zhes bgyi ba'i gzhi'i don gang lags zhes pa'i le'u bcu gcig pa'i klad man chad kyis bstan to//rnam pa thams cad mkhyen pa la don bcus bstan pa'i lnga pa la yang don bcu gcig ste/ dge ba dang / mi dge ba dang / lung du ma bstan pa dang / so so'i skye bo dang 'brel ba'i phung po lnga dang /'phags pa'i skye bos bsdus pa'i bsam gtan bzhi dang / bdag tu lta ba'i gnyen po nye bar len pa'i phung po lnga dang / de ltar lta ba'i gnyen po dran pa nye bar gzhag pa dang / rgyu rkyen la rag las pa khams gsum dang / rgyu la mi ltos pa de bzhin nyid dang /'phags pa'i skye bo kun gyi rgyud la 'byung ba'i thun mong gi bsam gtan bzhi dang / sangs rgyas kyi rgyud la 'byung ba'i chos can stobs bcu dang / de la dge ba yang mdo'i tshig /rab 'byor byang chub sems dpa'i chos thams cad khong du chud par bya'o zhes pas mgo drangs nas 'og nas/rab 'byor gyis gsol pa/ bcom ldan 'das 'jig rten pa'i dge ba'i chos gang lags zhes bya ba la sogs pas bstan/ mi dge ba yang mdo'i tshig /bcom ldan 'das 'jig rten pa'i chos mi dge ba'i chos rnams gang lags zhes pa la sogs pas bstan/lung du ma bstan pa yang mdo'i tshig /bcom ldan 'das lung du ma bstan pa'i chos rnams gang lags zhes pa la sogs pas bstan/ so so'i skye bo dang 'brel ba'i phung po lnga yang mdo'i tshig / bcom ldan 'das 'jig rten pa'i chos rnams gang lags zhes pa man chad kyis bstan/ 'phags pa'i skye bos bsdus pa'i bsam gtan bzhi yang mdo'i tshig /bcom ldan 'das 'jig rten las 'das pa'i chos rnams gang lags zhes pa man chad kyis bstan bdag tu lta ba'i gnyen po nye bar len pa'i phung po lnga yang mdo'i tshig /de ltar zag pa dang bcas pa'i chos rnams gang zhe na zhes pa man chad kyis bstan/ de ltar lta ba'i gnyen po dran pa nye bar gzhag pa yang mdo'i tshig /de la zag pa med pa'i chos rnams gang zhe na/zhes pa man chad kyis bstan/ rgyu rkyen la rag las pa khams gsum la sogs pa yang mdo'i tshig /de la 'dus byas kyi chos rnams gang zhe na/ zhes pa man chad kyis bstan/ rgyu la mi ltos pa de bzhin nyid kyang mdo'i tshig /de la 'dus ma byas kyi chos rnams gang zhe na zhes pa man chad kyis bstan/'phags pa'i skye bo kun gyi rgyud la 'byung ba'i bsam gtan bzhi yang mdo'i tshig /de la thun mong gi chos rnams gang zhe na zhes pa man chad kyis bstan/ sangs rgyas kyi rgyud la 'byung ba'i chos can stobs bcu yang mdo'i tshig /de la thun mong ma yin pa'i chos rnams gang zhe na zhes pa man chad kyis bstan to/ /rnam pa thams cad mkhyen pa la don bcur phye ba'i drug pa ni ched du bya ba'am don du gnyer ba ste/ de la gsum ste/ sems bskyed pa che ba dang / spong ba che ba dang / rtogs pa che ba'o/ /de la sems bskyed pa che ba yang mdo'i tshig /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po zhes bgyi ba ci'i slad du byang chub sems dpa' sems dpa' chen po zhes bgyi zhes pa man chad kyis bstan/spong ba che ba yang mdo'i tshig /le'u bcu gnyis pa'i klad nas/ bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das don gang gis byang chub sems dpa' sems dpa' chen po zhes bgyi ba la bdag kyang spobs lags so zhes pa man chad kyis bstan/rtogs pa che ba yang mdo'i tshig /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das don gang gis byang chub sems dpa' sems dpa' chen po zhes bgyi ba la bdag kyang spobs so zhes pa man chad kyis bstan to//rnam pa thams cad mkhyen pa nyid la don bcus bstan pa'i bdun pa go cha yang pha rol tu phyin pa drug dang chos mthun pa'i phyir bsdu na go cha'i sgrub pa rnam pa drug tu 'dus la/dbye na sum cu rtsa drug ste/ de yang mdo'i tshig le'u bcu gsum pa'i klad nas/ de nas bcom ldan 'das la tshe dang ldan pa gang pos 'di skad ces gsol to/ /zhes pa nas dbyangs rjes su sgrogs pa yang mdzad do/ /zhes pa'i bar gyis bstan to//rnam pa thams cad mkhyen pa la don bcus bstan pa'i brgyad pa 'jug pa'i sgrub pa la yang dgu ste/ bsam gtan dang gzugs med pa la snyoms par 'jug pa dang / pha rol tu phyin pa drug dang / lam dang / tshad med pa bzhi dang /mi dmigs pa dang / 'khor gsum dag pa dang / ched du bya ba dang / mngon par shes pa drug dang / rnam pa thams cad mkhyen pa nyid la gnas pa'i mtshan nyid do/ /de la bsam gtan dang gzugs med pa la snyoms par 'jug pa yang mdo'i tshig / shA ri'i bus smras pa/ gang po ci tsam gyis na zhes pa man chad kyis bstan/ pha rol tu phyin pa drug kyang mdo'i tshig /tshe dang ldan pa shA ri'i bu gzhan yang byang chub sems dpa' sems dpa' chen po byams pa dang ldan pa'i sems yangs pa zhes pa man chad kyis bstan/lam yang mdo'i tshig /tshe dang ldan pa shA ri'i bu gzhan yang byang chub sems dpa' sems dpa' chen po ni rnam pa thams cad du byang chub kyi phyogs kyi chos sum cu rtsa bdun bsgom pa dang zhes bya ba man chad kyis bstan/ tshad med pa yang mdo'i tshig /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni byang chub sems dpa' sems dpa' chen po byams pa'i ting nge 'dzin la snyoms par 'jug cing zhes pa man chad kyis bstan/ mi dmigs pa yang mdo'i tshig /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni mi dmigs pa'i tshul gyis nang stong pa nyid shes pa gang yin pa dang zhes pa la sogs pas bstan/ 'khor gsum dag pa yang mdo'i tshig /de nas tshe dang ldan pa shA ri'i bus tshe dang ldan pa byams ma'i bu gang po la 'di skad ces smras so//tshe dang ldan pa gang po ji tsam gyis na byang chub sems dpa' sems dpa' chen po theg pa chen po la yang dag par gnas pa zhes bya zhes pa man chad kyis bstan/ ched du bya ba yang mdo'i tshig /tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems ma 'dres pa zhes pa la sogs pas bstan/ mngon par shes pa yang mdo'i tshig /tshe dang ldan pa shA ri'i bu gzhan yang byang chub sems dpa' sems dpa' chen po mngon par shes pa rnams yongs su rdzogs pa'i phyir zhes pa man chad kyis bstan/rnam pa thams cad mkhyen pa nyid la gnas pa yang mdo'i tshig /des rnam pa thams cad mkhyen pa nyid thob nas kyang zhes pa nas le'u bcu gsum pa'i mjug gi bar gyis bstan no//rnam pa thams cad mkhyen pa la don bcus bstan pa'i dgu pa tshogs la yang bcu bdun te/ snying rje dang / pha rol tu phyin pa drug dang / zhi gnas dang / lhag mthong dang / zung du 'brel pa dang /thabs la mkhas pa dang / ye shes dang / bsod nams dang / mthong ba la sogs pa'i lam dang / tshig la sogs pa'i gzungs dang / sa dang / gnyen po'o/ /de la snying rje yang mdo'i tshig le'u bcu bzhi pa'i klad nas/ bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das go cha chen po bgos zhes pa man chad kyis bstan/ pha rol tu phyin pa drug kyang mdo'i tshig /rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la gnas te/go cha chen po bgos nas zhes pa man chad kyis bstan/ zhi gnas kyang mdo'i tshig /rab 'byor gzhan yang byang chub sems dpa' sems dpa' chen po go cha chen po bgos pa ni/ shar phyogs kyi 'jig rten gyi khams gang+gA'i klung gi bye ma snyed dag tu song zhing de ji ltar bdag ces pa man chad kyis bstan/lhag mthong yang mdo'i tshig /de ci'i slad du zhe na/ bcom ldan 'das 'di ltar gzugs ni gzugs kyis stong zhes pa man chad kyis bstan/ zung du 'brel pa yang mdo'i tshig /bcom ldan 'das gzugs ni ma bcings ma grol ba lags so zhes pa nas le'u bcu bzhi pa'i mjug gi bar gyis bstan/thabs la mkhas pa yang mdo'i tshig /le'u bco lnga pa'i klad nas/ bcom ldan 'das la tshe dang ldan pa rab 'byor gyis 'di skad ces gsol to zhes pa nas theg pa chen po yin no zhes pa'i bar gyis bstan/ye shes la nyi shu ste stong pa bco brgyad dang / rang gi ngo bo dang / gzhan gyi ngo bo stong pa ste nyi shu'o/ /de yang mdo'i tshig /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste nang stong pa nyid dang zhes pa man chad kyis bstan/bsod nams kyi tshogs kyang mdo'i tshig /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste dpa' bar 'gro ba zhes bya ba'i ting nge 'dzin dang zhes pa la sogs pas bstan/mthong ba la sogs pa'i lam yang mdo'i tshig /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dran pa nye bar gzhag pa bzhi ste zhes pa man chad kyis bstan/ tshig la sogs pa'i gzungs kyang mdo'i tshig /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ gzungs kyi sgo rnams te zhes pa man chad kyis bstan/ sa'i tshogs kyang chos gang dang gang gis yongs su sbyong bar 'gyur ba'i chos gang dag yin pa mdor bstan pa dang /rnam par dbye ba dang bcas par le'u bcu bdun pa yan chad kyis bstan/ de la mdor bstan pa yang le'u bcu bdun pa'i klad nas/ rab 'byor khyod 'di skad du ji ltar zhes pa man chad kyis bstan/ rnam par dbye ba yang sa dang po la yang yongs su sbyong ba bcur sngar grangs kyis bstan pa'i dbye ba yang mdo'i tshig /bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po sa dang po la gnas pa'i lhag pa'i bsam pa yongs su sbyong ba gang lags zhes pa man chad kyis bstan/sa gnyis pa yongs su sbyong ba'i chos brgyad kyi dbye ba yang mdo'i tshig /de la byang chub sems dpa' sems dpa' chen po'i tshul khrims yongs su dag pa gang zhe na zhes pa la sogs pas bstan/sa gsum pa la yongs su sbyong ba'i chos lnga'i dbye ba yang mdo'i tshig /de la byang chub sems dpa' sems dpa' chen po'i mang du thos pas chog mi shes pa gang zhe na zhes pa man chad kyis bstan/ sa bzhi pa la yongs su sbyong ba'i chos bcu bzhi'i dbye ba yang mdo'i tshig /de la byang chub sems dpa' sems dpa' chen po dgon pa la gnas pa yongs su mi gtong ba gang zhe na zhes pa la sogs pas bstan/ sa lnga pa la chos bcu spang ba'i dbye ba yang mdo'i tshig /de la byang chub sems dpa' sems dpa' chen pos khyim pa dang 'dris par byed pa yongs su spong ba gang zhe na zhes pa man chad kyis bstan/sa drug pa la chos drug rdzogs par bya ba dang / drug spang bar bya ba'i dbye ba yang mdo'i tshig /de la byang chub sems dpa' sems dpa' chen pos sa drug pa la chos drug yongs su rdzogs par bya ba gang zhe na zhes pa man chad kyis bstan/sa bdun pas chos nyi shu mi bya ba dang / nyi shu yongs su rdzogs par bya ba'i dbye ba yang mdo'i tshig /de la byang chub sems dpa' sems dpa' chen pos ji ltar yang bdag tu 'dzin par mi bya ste zhes pa man chad kyis bstan/ sa brgyad pas yongs su sbyong ba bzhi tshan gnyis kyi dbye ba yang mdo'i tshig /de la byang chub sems dpa' sems dpa' chen pos sems can thams cad kyi sems la 'jug pa gang zhe na zhes pa man chad kyis bstan/ sa dgu pa la yongs su sbyong ba bcu gnyis yongs su rdzogs par byed pa'i dbye ba yang mdo'i tshig /de la byang chub sems dpa' sems dpa' chen pos smon lam ji lta bu 'debs pa de lta bur 'grub par 'gyur ba ji lta bu zhe na zhes pa man chad kyis bstan/ sa bcu pa la de bzhin gshegs pa nyid du bstan pa'i dbye ba yang mdo'i tshig /de la byang chub sems dpa' sems dpa' chen pos sa bcu la gnas pa ji ltar na de bzhin gshegs pa nyid ces bya zhe na zhes pa man chad kyis bstan/ tshogs kyi sgrub pa la bcu bdun du phye ba'i tha ma gnyen po'i tshogs ni mthong ba dang bsgom pa'i lam gyis rnam par rtog pa bzhi spong ba'i gnyen po brgyad le'u bco brgyad pas bstan te/ched du bya ba dang / mnyam pa nyid du nges par 'byung ba'i yang le'u 'di las gcig sbyor/ de la gzung bar rtog pa dang po dngos po tsam la rtog pa'i gnyen po yang mdo'i tshig /rab 'byor khyod gang 'di skad du theg pa de gang nas nges par 'byung bar 'gyur zhes zer ba ni zhes pa man chad kyis bstan/gzung bar rtog pa gnyis pa gnyen po la rtog pa'i gnyen po yang mdo'i tshig /rab 'byor khyod gang 'di skad du theg pa de gang du gnas par 'gyur zhes zer ba ni zhes pa man chad kyis bstan/ 'dzin par rtog pa dang po gang zag tu 'dzin par rtog pa'i gnyen po yang mdo'i tshig /rab 'byor khyod gang 'di skad du theg pa des su zhig nges par 'byung bar 'gyur zhes zer ba ni zhes pa man chad kyis bstan/ 'dzin par rtog pa gnyis pa chos tsam la 'dzin par rtog pa'i gnyen po yang mdo'i tshig /shin tu rnam par dag pa'i phyir de bzhin nyid mi dmigs zhes pa man chad kyis bstan/ mthong ba dang bsgom pa gnyis so so'i sa bcad du med/ rnam pa thams cad mkhyen pa la don bcus bstan pa'i tha ma nges par 'byung ba'i lam yang brgyad de/ ched du bya ba'i nges par 'byung ba dang / mnyam pa nyid du nges par 'byung ba dang / gzhan gyi don du nges par 'byung ba dang / lhun gyis grub par nges par 'byung ba dang / mtha' gnyis dang bral bas nges par 'byung ba dang / thob pa'i nges par 'byung ba dang / rnam pa thams cad mkhyen pa nyid du nges par 'byung ba dang /de'i khyad par gyi lam gyis nges par 'byung ba'o/ /de la ched du bya ba'i nges par 'byung ba yang le'u bco brgyad pa'i klad nas mdo'i tshig /de nas bcom ldan 'das la tshe dang ldan pa rab 'byor gyis 'di skad ces gsol to zhes pa man chad kyis bstan/mnyam pa nyid du nges par 'byung ba yang mdo'i tshig /rab 'byor khyod gang 'di skad du theg pa de gang du gnas par 'gyur zhes zer ba ni zhes pa man chad kyis bstan/ gzhan gyi don du nges par 'byung ba yang mdo'i tshig /le'u bcu dgu pa'i klad nas/de nas bcom ldan 'das la tshe dang ldan pa rab 'byor gyis 'di skad ces gsol to zhes pa man chad kyis bstan/ lhun gyis grub par nges par 'byung ba yang mdo'i tshig /rab 'byor 'di skad du bcom ldan 'das gang theg pa chen po de la ni 'ong ba dang 'gro ba mi dmigs zhes pa man chad kyis bstan/mtha' gnyis dang bral bas nges par 'byung ba yang mdo'i tshig /rab 'byor gang khyod kyis 'di skad du bcom ldan 'das theg pa de la sngon gyi mtha' yang mi dmigs phyi ma'i mtha' yang mi dmigs zhes pa man chad kyis bstan/ thob pa'i nges par 'byung ba yang mdo'i tshig /de nas bcom ldan 'das la tshe dang ldan pa byams ma'i bu gang pos 'di skad ces gsol to zhes pa man chad kyis bstan/ rnam pa thams cad mkhyen pa nyid du nges par 'byung ba yang mdo'i tshig /tshe dang ldan pa shA ri'i bu gang yang khyod 'di skad du/tshe dang ldan pa rab 'byor ci'i phyir gzugs byang chub sems dpa' zhes bya ba de lta bu yang med cing mi dmigs pa yin zhes pa man chad kyis bstan/ lam gyi nges par 'byung ba yang le'u nyi shu rtsa gcig pa'i klad nas/ tshe dang ldan pa shA ri'i bus tshe dang ldan pa rab 'byor la 'di skad ces smras so zhes pa man chad kyis bstan to//spyi don brgyad kyis bstan pa'i gnyis pa lam gyi rnam pa shes pa la yang bzhi ste/ lam gyi rnam pa shes pa skyer rung ba'i rten dang / yul dang / khyab pa dang / rang bzhin dang / las dang / nyan thos kyi lam shes pa dang /rang sangs rgyas kyi lam shes pa dang / sangs rgyas kyi lam shes pa'o/ /de la rten ni le'u nyi shu rtsa gnyis pa'i klad nas/ de nas stong gsum gyi stong chen po'i 'jig rten gyi khams 'di na zhes pa la sogs pas bstan/ yul nges pa yang mdo'i tshig / de nas lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor stong gsum gyi stong chen po'i 'jig rten gyi khams 'di na zhes pa nas/ byang chub tu sems bskyed par gyis shig ces pa'i bar gyis bstan/ khyab pa ste/ theg pa chen po nyid nyan thos kyi lam du yang bstan la/de yang mdo'i tshig /gang dag yang dag pa skyon med pa la zhugs pa de dag ni zhes pa nas kho bo ni dge ba'i phyogs kyi bar chad mi byed pas zhes pa la sogs pas bstan/ rang bzhin dang / las ni shugs kyis bstan te/ skyon med par zhugs pa byang chub tu sems bskyed pa'i mthu med de/ 'khor ba mtshams bcad pa yin pas sems bskyed dang 'khor ba ji srid par don byed pas rang bzhin de yin/ 'khor bar gnas na sems can gyi don byed pas las de yin par sbyar/ nyan thos kyi lam bden pa bzhi'i tshul du shes pa yang mdo'i tshig /kau shi ka de la byang chub sems dpa' sems dpa' chen po'i shes rab kyi pha rol tu phyin pa gang zhe na zhes pa man chad kyis bstan la/ sdug bsngal dang kun 'byung ni gzugs ni mi rtag par yid la bya'o zhes pa la sogs pas bstan/'gog pa ni mdo'i tshig /rnam pa thams cad mkhyen pa nyid dang ldan pa'i yid la bya ba dag gis ma rig pa 'gags pas 'du byed 'gag ste zhes pa man chad kyis bstan/ lam yang mdo'i tshig /kau shi ka gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas dran pa nye bar gzhag pa bzhi bsgom ste zhes pa man chad kyis bstan/bden pa bzhi shes pa'i rgyu nges par 'byed pa'i cha bzhi la drod kyang mdo'i tshig /kau shi ka gzugs ni gzugs kyis stong ngo zhes pa man chad kyis bstan/rtse mo yang mdo'i tshig /kau shi ka 'di la byang chub sems dpa' sems dpa' chen pos gzugs la dmigs pa'i tshul gyis gnas par mi bya'o zhes pa man chad kyis bstan/ bzod pa yang mdo'i tshig /gzugs rtag ces bya bar dmigs pa'i tshul gyis gnas par mi bya'o zhes pa man chad kyis bstan/chos kyi mchog kyang mdo'i tshig /kau shi ka gzhan yang byang chub sems dpa' sems dpa' chen po sa dang po la dmigs pa'i tshul gyis gnas par mi bya zhes pa man chad kyis bstan/rang sangs rgyas kyi lam shes pa yang nyan thos kyi lam las rang sangs rgyas kyi lam khyad par du 'phags pa rnam pa gsum don gyis gzhan pa dang / gzung ba'i rtog pa spangs la 'dzin pa'i rtog pa ma spangs pa dang / bse ru lta bu'i lam bden pa bzhi dang / rten cing 'brel par 'byung ba bsgom pa la sogs pas bstan te/ de las khyad par du 'phags pa yang mdo'i tshig /de nas 'khor de las lha'i bu kha cig 'di snyam du sems te/ gnod sbyin rnams kyi skad dang zhes pa man chad kyis bstan/ lam shes pa'i bzod pa la mi brten du mi rung bar bstod pa dang /lam la 'jug pa'i gang zag bstan pa bar 'dir mdo las 'byung ste/ lha'i bu dag de ltar na gang dag rgyun tu zhugs pa'i 'bras bu la gnas par 'dod pa dang zhes le'u nyi shu rtsa gnyis kyi mjug nas 'byung ba nas/ nges par ma skyes pa gang yin pa de ni de bzhin gshegs pa dgra bcom pa yang dag par rdzogs pa'i sangs rgyas ma yin no zhes pa'i bar gyis bstan to//rang sangs rgyas kyi lam shes pa'i rgyu nges par 'byed pa'i cha bzhi la drod kyang mdo'i tshig /de nas lha'i dbang po brgya byin 'di snyam du sems te/kye ma gnas brtan rab 'byor 'di ni brtags pa dang yang mi 'gal la chos nyid kyang ston pa ni shes rab zab mo yin no snyam mo zhes pa man chad kyis bstan/ rtse mo yang mdo'i tshig /gang sangs rgyas kyi chos grangs med dpag tu med pa la slob pa de ni gzugs 'phel bar bya ba dang 'grib par bya ba'i phyir mi slob po zhes pa man chad kyis bstan/bzod pa yang mdo'i tshig /shA ri'i bus smras pa/ tshe dang ldan pa rab 'byor ci'i phyir byang chub sems dpa' sems dpa' chen po gzugs yongs su gzung ba dang med par bya ba'i phyir mi slob po zhes pa man chad kyis bstan/chos kyi mchog kyang mdo'i tshig /shA ri'i bus smras pa/ tshe dang ldan pa rab 'byor de ltar slob pa'i byang chub sems dpa' sems dpa' chen po ji ltar na chos thams cad yongs su gzung bar bya ba'i phyir ma yin zhing med par bya ba'i phyir ma yin par bslab na zhes pa man chad kyis bstan/sangs rgyas kyi lam shes pa ni gnyis te/ mthong ba'i lam dang / bsgom pa'i lam mo/ /mthong ba'i lam ni bzod pa dang / shes pa la sogs pa'i rang bzhin dang / tshe 'di dang phyi ma'i phan yon dang bcas par bstan te/mdo'i tshig /de nas lha'i dbang po brgya byin gyis tshe dang ldan pa shA ri'i bu la 'di skad ces smras so/ /shA ri'i bu shes rab kyi pha rol tu phyin pa gang nas btsal bar bya zhes pa nas/ shes rab gang bsgom pa de dag sems can thams cad dang thun mong du byas te/ mi dmigs pa'i tshul gyis bla na med pa yang dag par rdzogs pa'i byang chub tu sngo bar byed ces bya ba yan chad le'u nyi shu drug pa'i mjug gi bar yan chad kyis bstan/ bden pa bzhi la rnam pa bcu drug tu sbyar ba ni sdug bsngal gyi bden pa'i rnam pa bzhi ni de bzhin nyid dang / sangs rgyas don dam par dngos po med pas rten dang brten par rnam grangs kyis mi gnas pa ni mdo'i tshig /de bzhin nyid la yang de bzhin gshegs pa dmigs su med/ de bzhin gshegs pa la yang de bzhin nyid dmigs su med do zhes pas bstan/ gzugs la sogs pa chos kyi dbyings kyi ngo bo nyid kyis chen po nyid dang de dag tshad med pa nyid dang /de dag dpag tu med pa gsum go rims bzhin du mdo'i tshig /btsun pa rab 'byor 'di lta ste/ byang chub sems dpa' sems dpa' chen po rnams kyi shes rab kyi pha rol tu phyin pa 'di ni che ba'o zhes pa la sogs pa dang /'og nas gtan tshigs dang bcas par bstan/ kun 'byung gi bden pa'i rnam pa bzhi ni gzugs la sogs pa'i ngo bo nyid med pa nyid kyis rtag chad kyi mtha' dang bral bar bstan pa ni mdo'i tshig /btsun pa rab 'byor byang chub sems dpa' sems dpa' chen po rnams kyi shes rab kyi pha rol tu phyin pa 'di ni mtha' yas pa ste zhes bya ba dang /'og nas gtan tshigs/ kau shi ka gzugs mtha' yas pa'i phyir zhes bya ba la sogs pa man chad kyis bstan/ shes rab kyi pha rol tu phyin pa la gnas pa ni rtag chad dang bral ba nyid kyis gzugs la sogs pa la de bzhin gshegs pa nyid du nges par 'dzin pa ni le'u nyi shu rtsa lnga pa'i klad nas mdo'i tshig /de nas dbang po dang bcas pa'i lha rnams dang zhes pa man chad kyis bstan/ de bzhin du de la gnas pa ni chos thams cad blang dor med par bsgom ste mdo'i tshig /de nas bcom ldan 'das la lha'i bu de dag gis 'di skad ces gsol to/ /bcom ldan 'das ji tsam du shes rab kyi pha rol tu phyin pa 'di ni gzugs su yongs su mi 'dzin mi 'dor ba'i tshul dang zhes pa la sogs pas bstan/ ngo bo nyid med par mos pa sngon du 'gro ba'i tshad med pa bzhi bsgom pa yang mdo'i tshig /de nas bcom ldan 'das kyis 'khor bzhi po dge slong dang / dge slong ma dang zhes pa man chad kyis bstan/ 'gog pa'i bden pa'i rnam pa bzhi ni gzugs la sogs pa'i ngo bo rang bzhin gyis stong par bstan pa yang mdo'i tshig /de nas yang bcom ldan 'das la lha'i dbang po brgya byin gyis 'di skad ces gsol to/ /bcom ldan 'das ji tsam du shes rab kyi pha rol tu phyin pa 'di yongs su gzung zhes pa man chad kyis bstan/ chos kyi dbyings dang mnyam pa'i dge ba'i rtsa ba'i 'bras bu de bzhin gshegs pa nyid thob pa yang mdo'i tshig /de phyi ma la yang bla na med pa yang dag par rdzogs pa'i byang chub mngon par rdzogs par sangs rgyas shing zhes pa man chad kyis bstan/ shes rab kyi pha rol tu phyin par gnyen po rnams rnam pa thams cad bsdus pa yang mdo'i tshig /kau shi ka gzhan yang sa phyogs gang du rigs kyi bu 'am rigs kyi bu mo gang dag shes rab kyi pha rol tu phyin pa 'di 'dzin tam zhes pa man chad kyis bstan/ phyi nang gi 'tshe ba zhi ba yang mdo'i tshig /de ci'i phyir zhe na/ kau shi ka 'di ltar shes rab kyi pha rol tu phyin pa ni sdig pa mi dge ba'i chos thams cad nye bar zhi bar byed cing zhes pa man chad kyis bstan/lam gyi bden pa'i rnam pa bzhi la mya ngan las 'das pa la mngon par zhen pa zhi ba yang mdo'i tshig /mya ngan las 'das pa nyid du 'dzin pa dag nye bar zhi bar byed cing rnam par 'phel bar mi byed pa yin no zhes pas bstan/shes rab dang thabs su ldan pa la sangs rgyas kyis srung ba mdzad pa yang mdo'i tshig /kau shi ka rigs kyi bu 'am rigs kyi bu mo gang dag shes rab kyi pha rol tu phyin pa 'dzin tam zhes pa nas/ tshul bzhin yid la byed pa de dag la stong gsum gyi stong chen po'i 'jig rten gyi khams 'di na rgyal po chen po bzhi rnams dang zhes pa man chad kyis bstan/sangs rgyas nyid mngon par 'dod pas bdag nyid srog gcod pa spang ba dang / de nyid la gzhan dag 'god pa yang mdo'i tshig /de bdag kyang srog gcod pa spong bar byed ces pa man chad kyis bstan/ sbyin pa la sogs pa mi zad par byed 'dod pas bla na med pa'i byang chub tu yongs su bsngo ba yang mdo'i tshig /kau shi ka gzhan yang byang chub sems dpa' sems dpa' chen po pha rol tu phyin pa drug la spyod pa ni sbyin pa gang sbyin pa de thams cad sems can thams cad dang thun mong du bya zhing zhes pa man chad kyis bstan to//byed pa drug la sems rang dbang nyid du byed pa yang mdo'i tshig /de ltar pha rol tu phyin pa drug la spyod pa'i rigs kyi bu'am rigs kyi bu mo gang de dag ni dran pa 'di lta bur skye bar 'gyur te zhes pa man chad kyis bstan/dge ba'i bshes gnyen la sogs pa skye bo thams cad la 'dud pa yang mdo'i tshig /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das ji tsam du shes rab kyi pha rol tu phyin pa 'di byang chub sems dpa' sems dpa' chen po rnams yongs su 'dul ba dang zhes pa man chad kyis bstan/'dod chags la sogs pa zil gyis gnon pa yang le'u nyi shu rtsa bdun pa'i klad nas/ de nas bcom ldan 'das kyis lha'i dbang po brgya byin la 'di skad ces bka' stsal to zhes pa man chad kyis bstan/pha rol gyi gnod pa byas pa'i sgrub pas zil gyis non pa yang mdo'i tshig /kau shi ka gzhan yang rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang zhes pa nas/rnam pa thams cad mkhyen pa nyid kyi sems dang mi 'bral ba de la la la zhig gis sman ma yin pas gtor tam zhes pa la sogs pas bstan/ yang dag par rdzogs pa'i byang chub tu bsgrub pa yang mdo'i tshig /'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang 'di la bslabs nas zhes pa man chad kyis bstan/rten gyi yul mchod par bya ba nyid du byed pa yang mdo'i tshig /kau shi ka gzhan yang shes rab kyi pha rol tu phyin pa 'di yi ger bris te 'chang nas ma bzung / ma bklags zhes pa nas/phyag bya bar 'os pa yin pa'i phyir ro zhes pa'i bar gyis bstan/ bsgom pa'i lam la yang gnyis te/ dag pa 'jig rten pa dang / rnam par mi rtog pa'o/ /dag pa 'jig rten pa mos pa la yang gsum ste/ rang gi don du mos pa dang / rang dang gzhan gyi don du mos pa dang /gzhan gyi don du mos pa'o/ /rang gi don du mos pa la yang chung ngu'i chung ngu la sogs pa'i bye brag gis dgu ste/ rang gi don du mos pa chung ngu'i chung ngu yang mdo'i tshig /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to//bcom ldan 'das rigs kyi bu 'am rigs kyi bu mo gang la la zhig gis shes rab kyi pha rol tu phyin pa 'di yi ger bris shing glegs bam du bgyis te bcangs la zhes pa man chad kyis bstan/ rang gi don du mos pa chung ngu'i 'bring yang mdo'i tshig /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang la la shes rab kyi pha rol tu phyin pa la mchod par bgyid pa de bsod nams ji tsam zhig bskyed par 'gyur lags zhes pa man chad kyis bstan/rang gi don du mos pa chung ngu'i chen po yang mdo'i tshig /kau shi ka rin po che sna bdun gyi mchod rten lta zhog gi zhes pa man chad kyis bstan/ rang gi don du mos pa 'bring gi chung ngu yang mdo'i tshig /kau shi ka 'dzam bu'i gling de bzhin gshegs pa'i mchod rten gyis bkang ba lta yang zhog gi zhes pa man chad kyis bstan/rang gi don du mos pa 'bring gi 'bring yang mdo'i tshig /kau shi ka gling bzhi pa'i 'jig rten gyi khams 'di de bzhin gshegs pa'i mchod rten gyis bkang ba lta zhog gi zhes pas bstan/ rang gi don du mos pa 'bring gi chen po yang mdo'i tshig /kau shi ka stong gi 'jig rten gyi khams rin po che sna tshogs kyi mchod rten gyis yongs su bkang ba lta zhog gi zhes pa man chad kyis bstan/ rang gi don du mos pa chen po'i chung ngu yang mdo'i tshig /kau shi ka stong gnyis kyi 'jig rten gyi khams 'di rin po che sna tshogs kyi mchod rten gyis bkang ba lta yang zhog gi zhes pa man chad kyis bstan/rang gi don du mos pa chen po'i 'bring yang mdo'i tshig /kau shi ka stong gsum gyi stong chen po'i 'jig rten gyi khams rin po che sna tshogs kyi mchod rten gyis yongs su bkang ste mchod pa lta zhog gi zhes pa man chad kyis bstan/rang gi don du mos pa chen po'i chen po yang mdo'i tshig /bcom ldan 'das gang yang shar phyogs kyi 'jig rten gyi khams gang+gA'i klung gi bye ma snyed kyi sems can dag la zhes pa man chad kyis bstan/ rang dang gzhan gyi don du mos pa chung ngu'i chung ngu yang mdo'i tshig /de nas lha'i dbang po brgya byin gyis stong gsum gyi stong chen po'i 'jig rten gyi khams 'di na rgyal chen bzhi'i ris kyi lha'i bu dang / 'og min gyi bar gyi lha'i bu de dag la smras pa zhes pa man chad kyis bstan/ rang dang gzhan gyi don du mos pa chung ngu'i 'bring yang mdo'i tshig /de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka khyod kyis shes rab kyi pha rol tu phyin pa zung shig ces pa man chad kyis bstan/ rang dang gzhan gyi don du mos pa chung ngu'i chen po yang mdo'i tshig /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das 'di lta ste/ shes rab kyi pha rol tu phyin pa 'di ni rig sngags chen po lags so zhes pa man chad kyis bstan/rang dang gzhan gyi don du mos pa 'bring gi chung ngu yang mdo'i tshig /le'u nyi shu rtsa dgu pa'i klad nas/ de nas gzhan mu stegs can kun tu rgyu klan ka tshol ba'i bsam pa can rab tu mang po brgya tsam zhig klan ka btsal ba'i phyir bcom ldan 'das ga la ba der dong ngo zhes pa man chad kyis bstan/rang dang gzhan gyi don du mos pa 'bring gi 'bring yang mdo'i tshig /de nas bdud sdig can 'di snyam du sems te zhes pa man chad kyis bstan/ rang dang gzhan gyi don du mos pa 'bring gi chen po yang mdo'i tshig /de nas lha'i bu de dag gis lha'i me tog rnams mngon par sprul nas zhes pa man chad kyis bstan/rang dang gzhan gyi don du mos pa chen po'i chung ngu yang mdo'i tshig /le'u sum cu pa'i klad nas/ de nas bcom ldan 'das la tshe dang ldan pa kun dga' bos 'di skad ces gsol to zhes pa man chad kyis bstan/rang dang gzhan gyi don du mos pa chen po'i 'bring yang mdo'i tshig /brgya byin gyis gsol pa/ bcom ldan 'das rigs kyi bu 'am/ rigs kyi bu mo gang shes rab kyi pha rol tu phyin pa 'di 'dzin pa dang zhes pa man chad kyis bstan/ rang dang gzhan gyi don la mos pa chen po'i chen po yang mdo'i tshig /phyogs bcu'i 'jig rten gyi khams na de bzhin gshegs pa 'khor dang bcas pa bzhugs pa la nam 'tsho'i bar du mchod pa byas te zhes pa man chad kyis bstan/ gzhan gyi don du mos pa chung ngu'i chung ngu yang le'u sum cu rtsa gnyis pa'i klad nas/de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka gal te 'dzam bu'i gling 'di de bzhin gshegs pa'i sku gdung gis byur bur byas te bkang la zhes pa man chad kyis bstan/ gzhan gyi don du mos pa chung ngu'i 'bring yang mdo'i tshig /brgya byin gyis gsol pa/ bcom ldan 'das byang chub sems dpa'i sems dpa' chen pos gang la bslabs nas zhes pa man chad kyis bstan/ gzhan gyi don du mos pa chung ngu'i chen po yang mdo'i tshig /bcom ldan 'das gang gi tshe bdag shes rab kyi pha rol tu phyin pa 'di yid la bgyid pa de'i tshe 'jigs par 'gyur ba'am zhes pa man chad kyis bstan/gzhan gyi don du mos pa 'bring gi chung ngu yang mdo'i tshig /sems can dmyal ba dang / dud 'gro'i skye gnas dang / gshin rje'i 'jig rten gyi 'gro ba ma mchis par 'tshal bar bgyi ba lags so zhes pa man chad kyis bstan/ gzhan gyi don du mos pa 'bring gi 'bring yang mdo'i tshig /bcom ldan 'das gzhan yang gal te stong gsum gyi stong chen po'i 'jig rten gyi khams 'di de bzhin gshegs pa'i sku gdung gis yongs su bkang ste/byur bur bgyis pa zhig kyang stsal la zhes pa man chad kyis bstan/ gzhan gyi don du mos pa 'bring gi chen po yang mdo'i tshig /bcom ldan 'das gzhan yang gal te stong gsum gyi stong chen po'i 'jig rten gyi khams 'di de bzhin gshegs pa'i sku gdung gis yongs su bkang te byur bur bgyis pa lta zhog lags kyi zhes pa man chad kyis bstan/gzhan gyi don du mos pa chen po'i chung ngu yang mdo'i tshig /bcom ldan 'das nyid ni 'di gnyis lags te/ gnyis gang zhe na/'di lta ste/ 'dus byas kyi chos nyid dang / 'dus ma byas kyi chos nyid lags so zhes pa man chad kyis bstan/ gzhan gyi don du mos pa chen po'i 'bring yang mdo'i tshig /brgya byin gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni che ba lags so zhes pa man chad kyis bstan/gzhan gyi don du mos pa chen po'i chen po yang mdo'i tshig /bcom ldan 'das rigs kyi bu 'am rigs kyi bu mo gang la la shes rab kyi pha rol tu phyin pa 'di glegs bam la bris te 'chang la zhes pa man chad kyis bstan/rang gi don du mos pa dgu dang / rang dang gzhan gyi don du mos pa dgu dang / gzhan gyi don du mos pa dgu ste/ dgu tshan gsum dang / bstod pa dang / bkur ba dang / bsngags pa dgu tshan gsum rim pa bzhin du sbyar te/ rang gi don du mos pa chung ngu'i chung ngu la bstod pa 'bum las ni gsal/ gzhan la ni don gyis bstan/ rang gi don du mos pa chung ngu'i 'bring la bstod pa ni le'u sum cu rtsa gnyis pa'i klad nas/ kau shi ka sems can gcig cig rgyun du zhugs pa'i 'bras bu la gzhag pa ni bsod nams ches dpag tu med pa yin gyi zhes pa man chad kyis bstan/chung ngu'i chen po la bstod pa yang mdo'i tshig /kau shi ka gzhan yang rigs kyi bu 'am rigs kyi bu mo gang la la 'dzam bu'i gling gi sems can rnams dge ba bcu'i las kyi lam la bkod na zhes pa man chad kyis bstan/'bring gi chung ngu la bstod pa ni mdo'i tshig /kau shi ka gzhan yang 'dzam bu'i gling gi sems can gang yin pa de rigs kyi bu 'am rigs kyi bu mo gang la la zhig gis bsam gtan bzhi la bkod cing zhes pa man chad kyis bstan/ 'bring gi 'bring la bstod pa yang mdo'i tshig /kau shi ka gzhan yang rigs kyi bu 'am rigs kyi bu mo shes rab kyi pha rol tu phyin pa 'dzin pa dang zhes pa nas/ tshul bzhin du yid la byed pa yin no/ /zhes pa'i bar gyis bstan/ 'bring gi chen po la bstod pa yang mdo'i tshig /kau shi ka gzhan yang rigs kyi bu 'am rigs kyi bu mo gang la la shes rab kyi pha rol tu phyin pa 'di gzhan dag la rgya cher ston cing 'chad la zhes pa man chad kyis bstan/ rang gi don du mos pa chen po'i chung ngu la bstod pa yang mdo'i tshig /rigs kyi bu 'am rigs kyi bu mo shes rab kyi pha rol tu phyin pa gzhan dag la rgya cher ston cing 'chad la zhes pa man chad kyis bstan/chen po'i 'bring la bstod pa yang mdo'i tshig /gal te rigs kyi bu 'am rigs kyi bu mo gang la la phyogs bcu'i phyogs re re zhing zhes pa man chad kyis bstan/chen po'i chen po la bstod pa ni mdo'i tshig /kau shi ka gzhan yang rigs kyi bu 'am rigs kyi bu mo gang gis bskal pa grangs med pa dpag tu med par dmigs pa'i tshul gyis sbyin pa'i pha rol tu phyin pa la spyad pa bas zhes pa man chad kyis bstan/ rang dang gzhan gyi don du mos pa chung ngu'i chung ngu la bkur ba yang mdo'i tshig /brgya byin gyis gsol pa/ bcom ldan 'das shes rab kyi pha rol tu phyin pa ltar bcos pa de gang lags zhes pa man chad kyis bstan/ chung ngu'i 'bring la bkur ba ni mdo'i tshig /kau shi ka gzhan yang 'dzam bu'i gling gi sems can ji snyed yod pa de dag rigs kyi bu 'am rigs kyi bu mo gang la la zhig gis rgyun tu zhugs pa'i 'bras bu la bkod na zhes pa man chad kyis bstan/chung ngu'i chen po la bkur ba yang mdo'i tshig /kau shi ka gzhan yang rigs kyi bu 'am rigs kyi bu mo gang la las 'dzam bu'i gling gi sems can ji snyed pa de dag thams cad lan cig phyir 'ong ba'i 'bras bu la bkod na zhes pas bstan/rang dang gzhan gyi don du mos pa 'bring gi chung ngu la bkur ba ni mdo'i tshig /phyir mi 'ong ba'i 'bras bu la bkod na zhes pas bstan/ 'bring gi 'bring la bkur ba ni mdo'i tshig /dgra bcom pa nyid kyi bar la bkod na zhes pa la sogs pas bstan/ 'bring gi chen po la bkur ba ni mdo'i tshig /kau shi ka gzhan yang phyogs bcu'i phyogs re re yang 'jig rten gyi khams gang+gA'i klung gi bye ma snyed dag na zhes pa man chad kyis bstan/rang dang gzhan gyi don du mos pa chen po'i chung ngu la sogs pa la bkur ba chen po'i chung ngu la sogs pa gsum yang mdo'i tshig /kau shi ka gzhan yang 'dzam bu'i gling gi sems can gang yin pa de dag rigs kyi bu'am rigs kyi bu mo gang la la zhig gis bla na med pa yang dag par rdzogs pa'i byang chub la bkod pa bas zhes pa man chad kyis bstan/gzhan gyi don du mos pa chung ngu'i chung ngu la bsngags pa chung ngu yang mdo'i tshig /brgya byin gyis gsol pa/ bcom ldan 'das byang chub sems dpa' sems dpa' chen po ji lta ji ltar bla na med pa yang dag par rdzogs pa'i byang chub dang nye bar gyur pa de lta de ltar zhes pa man chad kyis bstan/chung ngu'i 'bring la bsngags pa yang mdo'i tshig /gos dang zas dang mal cha dang stan dang na ba'i gsos sman dang yo byad rnams kyis sman gdags 'tshal lo zhes pa la sogs pas bstan/chung ngu'i chen po la bsngags pa yang mdo'i tshig /de ci'i slad du zhe na/ de ni 'di ltar byang chub sems dpa' sems dpa' chen po shes rab kyi pha rol tu phyin pa rnams kyis 'doms shing rjes su ston pa dang zhes pa man chad kyis bstan/gzhan gyi don du mos pa 'bring gi chung ngu la bsngags pa 'bring gi chung ngu yang mdo'i tshig /de nas tshe dang ldan pa rab 'byor gyis lha'i dbang po brgya byin la 'di skad ces smras so/ /kau shi ka gang khyod kyis zhes pa nas/ khyod kyi las ni de yin no zhes pa'i bar gyis bstan/ 'bring gi 'bring la bsngags pa yang mdo'i tshig /'phags pa nyan thos gang sems can rnams la phan gdags par 'dod pa des ni zhes pa man chad kyis bstan/ 'bring gi chen po la bsngags pa yang mdo'i tshig /de ci'i phyir zhe na/bcom ldan 'das kyi nyan thos kyi dge 'dun ni de las 'byung ste zhes pa man chad kyis bstan/ gzhan gyi don du mos pa chen po'i chung ngu la bsngags pa yang mdo'i tshig /gal te byang chub sems dpa' sems dpa' chen po bla na med pa yang dag par rdzogs pa'i byang chub tu sems bskyed par ma gyur pa zhes pa man chad kyis bstan/chen po'i 'bring la bsngags pa yang mdo'i tshig /kau shi ka gang gi phyir byang chub sems dpa' pha rol tu phyin pa drug dang sangs rgyas kyi chos thams cad kyi bar la slob pa de'i phyir zhes pa man chad kyis bstan/chen po'i chen po la bsngags pa yang mdo'i tshig /bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten gyi khams thams cad kyi sems can dmyal ba rnams gcod par 'gyur zhing zhes pa man chad kyis bstan/ de ltar mos pa la bsngo ba 'byung zhing de yang khyad par bcu gnyis kyis sngo bar byed de/ mi dmigs par bsngo ba dang / phyin ci ma log pa'i bsngo ba dang / dben pa dang / de bzhin gshegs pa'i dge ba'i tshogs kyi rang bzhin dran pa dang / thabs la mkhas pa dang / mtshan ma med pa dang / ston pas gnang ba dang / khams gsum par ma gtogs pa dang / chung ngu dang / 'bring dang / chen po dang / bsod nams chen po 'byung ba zhes bya ba bcu gnyis la/ dang po mi dmigs par bsngo ba yang le'u sum cu rtsa gsum pa'i klad nas/ de nas byang chub sems dpa' sems dpa' chen po byams pas/ gnas brtan rab 'byor la 'di skad ces smras so zhes pa man chad kyis bstan/ phyin ci ma log pa'i bsngo ba yang mdo'i tshig /rab 'byor gyis smras pa/ gal te dngos po med pa la dmigs pa med pa dag gis zhes pa man chad kyis bstan/dben pa'i bsngo ba ni mdo'i tshig /rab 'byor gyis smras pa/ byams pa sems gang gis rjes su yi rang nas yongs su sngo bar byed pa'i sems de ni zad cing 'gags la zhes pa man chad kyis bstan/ de bzhin gshegs pa'i dge ba'i tshogs kyi rang bzhin dran pa ni mdo'i tshig /byams pas smras pa/ gal te byang chub sems dpa' sems dpa' chen po shes rab kyi pha rol tu phyin pa dngos po med pa dang zhes pa man chad kyis bstan/ thabs la mkhas pa'i bsngo ba yang mdo'i tshig /byang chub sems dpa' byams pas/gnas brtan rab 'byor la 'di skad ces smras so/ /btsun pa rab 'byor gal te theg pa la gsar du yang dag par zhugs pa'i byang chub sems dpa' sems dpa' chen pos bstan pa 'di thos nas skrag ste zhes pa man chad kyis bstan/ mtshan ma med pa'i bsngo ba yang mdo'i tshig /byams pas smras pa/ btsun pa rab 'byor gal te theg pa la gsar du zhugs pa'i byang chub sems dpa' sems dpa' chen pos sangs rgyas bcom ldan 'das nyan thos kyi dge 'dun dang bcas pa de dag gi dge ba'i rtsa ba thams cad la brtsams te/zhes pa man chad kyis bstan/ ston pas gnang ba'i bsngo ba yang mdo'i tshig /byams pas smras pa/ btsun pa rab 'byor shes rab kyi pha rol tu phyin pa la ni sangs rgyas bcom ldan 'das de dag dang zhes pa man chad kyis bstan/khams gsum par ma gtogs pa'i bsngo ba yang mdo'i tshig /gzhan yang rigs kyi bu 'am rigs kyi bu mo theg pa chen po la yang dag par zhugs pa shes rab kyi pha rol tu phyin pa la spyod pas dge ba'i rtsa ba de dag 'di ltar yongs su bsngo bar bya ste zhes pa man chad kyis bstan/chung ngu yang mdo'i tshig /rab 'byor gal te stong gsum gyi stong chen po'i 'jig rten gyi khams na sems can gang dag 'khod pa de dag thams cad kyis dge ba bcu'i las kyi lam rnams thob par gyur zhing zhes pa man chad kyis bstan/'bring yang mdo'i tshig /rab 'byor gzhan yang stong gsum gyi stong chen po'i 'jig rten gyi khams na sems can ji snyed 'khod pa de dag thams cad rgyun tu zhugs par gyur tam zhes pa man chad kyis bstan/ chen po yang mdo'i tshig /rab 'byor gzhan yang stong gsum gyi stong chen po'i 'jig rten gyi khams na sems can gang dag 'khod pa de dag thams cad bla na med pa yang dag par rdzogs pa'i byang chub la yang dag par zhugs par gyur la zhes pa man chad kyis bstan/bsod nams chen po 'byung ba'i bsngo ba yang mdo'i tshig /de nas rgyal chen bzhi'i ris kyi lha'i bu rnams kyi nang nas lha'i bu nyi khris thal mo sbyar nas zhes pa man chad kyis bstan/ bsngo ba'i 'og tu rjes su yi rang ba yid la byed pa kun rdzob tu thabs kyis dge ba'i rtsa ba rnams dmigs nas don dam bar mi dmigs pa nyid du rjes su yi rang bar yid la byed pa ste/de yang mdo'i tshig /rab 'byor gyis gsol pa/ bcom ldan 'das kyis 'di skad du 'di ltar rigs kyi bu'am rigs kyi bu mo de'i dge ba'i rtsa ba thams cad kyi rjes su yi rang ba dang yongs su bsngo ba'i bar gyis zhes pa man chad kyis bstan/zag pa med pa'i lam rnam par mi rtog pa yang gnyis te/ sgrub pa dang / dag pa'o/ /sgrub pa la yang bzhi ste/ gzugs la sogs pa phyin ci ma log par mthong bas ngo bo nyid dang / gzhan gyis sangs rgyas mi mthong bas mchog nyid dang /chos rnams kyi khyad par skye ba med par rtogs nas mngon par 'du mi byed pa dang / chos rnams mi dmigs par gtod pa ni don chen po sangs rgyas su byed pas don chen po nyid dang bzhis bstan te/ de la ngo bo nyid kyang le'u sum cu rtsa bzhi pa'i klad nas/de nas bcom ldan 'das la tshe dang ldan pa shA ri'i bus 'di skad ces gsol to zhes pa man chad kyis bstan/ mchog nyid ni mdo'i tshig /shA ri'i bus gsol pa/ bcom ldan 'das de ltar shes rab kyi pha rol tu phyin pa mngon par bsgrubs pas chos gang zhig thob par bgyi lags zhes pa man chad kyis bstan/mngon par 'du mi byed pa yang mdo'i tshig /brgya byin gyis gsol pa/ bcom ldan 'das 'di ltar shes rab kyi pha rol tu phyin pa 'di chos thams cad skye ba ma mchis pa dang / zhes pa man chad kyis bstan/don chen po yang mdo'i tshig /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni che ba lags so zhes pa man chad kyis bstan to/ /dag pa yang bsgrubs pas bsgom pa'i lam skye ba'i rgyu gsum ste/sangs rgyas mnyes par byed pa dang / pha rol tu phyin pa rdzogs par byed pa dang / zhi gnas la mkhas pa'o/ /mi skye ba'i rgyu bzhi ste/ bdud kyis gnod pa byas pa dang / chos zab mo la ma mos pa dang / dngos por 'dzin pa dang / sdig pa'i grogs pa dang 'grogs pa'o//rnam par dag pa spyir bstan pa dang / khyad par gyi dag pa nyan thos dang / rang sangs rgyas dang / byang chub sems dpa' dang / sangs rgyas kyi dag pa rnams kyis bstan te/ bsgom pa'i lam dag pa skye ba'i rgyu sangs rgyas mnyes par byed pa yang mdo'i tshig /le'u sum cu rtsa lnga pa'i klad nas/ de nas bcom ldan 'das la tshe dang ldan pa shA ri'i bus 'di skad ces gsol to zhes pa man chad kyis bstan/ pha rol tu phyin pa rdzogs par byed pa yang mdo'i tshig /de ni sems dang po bskyed phyin chad sbyin pa'i pha rol tu phyin pa la spyad cing zhes pa man chad kyis bstan/zhi gnas la mkhas pa yang mdo'i tshig /shA ri'i bu byang chub sems dpa' sems dpa' chen po des ni mtshan ma med pa dang / gnyis su med pa dang zhes pa man chad kyis bstan/mi skye ba'i rgyu bzhi po bdud kyis gnod pa byas pa la sogs pa ni mdo'i tshig /rab 'byor mi blun po de dag ni rnam pa bzhis shes rab kyi pha rol tu phyin pa zab mo 'di zlog par byed de zhes pa man chad kyis bstan/ spyir rnam par dag pa bstan pa yang mdo'i tshig /rab 'byor gzugs rnam par dag pa gang yin pa de ni 'bras bu rnam par dag pa'o zhes pa man chad kyis bstan/ rab 'byor lam gyi rnam pa shes pa nyid kyi phyir ro zhes pa man chad kyis bstan/ khyad par ni de'i skabs nas/ sbyin pa'i pha rol tu phyin pa rnam par dag pa tshul khrims kyi pha rol tu phyin pa rnam par dag pa'o zhes pa la sogs pas bstan/sangs rgyas kyi ni shin tu rnam par dag pa yin pas de yang le'u sum cu rtsa drug pa'i klad nas/ de nas bcom ldan 'das la tshe dang ldan pa shA ri'i bus 'di skad ces gsol to//zhes pa la sogs pas bstan/ gzhan ni shugs kyis bstan to/ /lam gyi rnam pa shes pa yang thams cad shes pa med na lam gyi rnam pa shes pa ma yin pas spyir na brgyad kyis bstan pa'i gsum pa thams cad shes pa la don dgus bstan te/shes rab kyis srid pa la mi gnas pa dang / snying rjes zhi ba la mi gnas pa dang / thabs ma yin pas ring ba dang / thabs kyis ring ba ma yin pa dang / mi mthun pa'i phyogs dang / gnyen po dang / sbyor ba dang / mnyam pa nyid dang / nyan thos dang / rang rgyal ba'i mthong ba'i lam mo/ /de la shes rab dang snying rjes srid pa dang zhi ba la mi gnas pa yang mdo'i tshig /rab 'byor gyis gsol ba/ bcom ldan 'das byang chub sems dpa' sems dpa' chen po rnams shes rab kyi pha rol tu phyin pa ni tshu rol gyi 'gram mam zhes pa nas/rab 'byor dus gsum mnyam pa nyid kyi phyir ro zhes pa'i bar gyis bstan/ thabs ma yin pas ring ba yang mdo'i tshig /rab 'byor gyis gsol pa/ bcom ldan 'das gal te theg pa chen po'i rigs kyi bu 'am rigs kyi bu mo thabs la mi mkhas pa zhes pa man chad kyis bstan/thabs kyis ring ba ma yin pa yang mdo'i tshig /tshe dang ldan pa shA ri'i bu gang khyod 'di skad du byang chub sems dpa' sems dpa' chen po rnams shes rab kyi pha rol tu phyin pa la spyod pa'i ma chags pa gang yin zhes pa man chad kyis bstan/mi mthun pa yang mdo'i tshig /de nas lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor rnam grangs gang gis byang chub sems dpa' sems dpa' chen po rnams chags par gyur pa yin zhes zer ba ni zhes pa man chad kyis bstan/gnyen po ni mdo'i tshig /kau shi ka gzhan yang bla na med pa yang dag par rdzogs pa'i byang chub kyi don du gzhan dag la ston par 'dod pa dang zhes pa man chad kyis bstan/ de bzhin gshegs pa la sogs pa yid la byed pa yang chags pa phra mo yin pas mi mthun pa'i phyogs yin pa dang /de ci ltar spang ba dang / chos nyid dang / rang bzhin gyis zab pa dang / rtogs par dka' ba bstan te/ chags pa phra ba yang mdo'i tshig /de nas bcom ldan 'das kyis tshe dang ldan pa rab 'byor la bka' stsal pa/rab 'byor gang khyod kyis byang chub sems dpa' sems dpa' chen po rnams la chags pa'i mtha' de dag bstan pa legs so legs so zhes pa man chad kyis bstan/ de ci ltar spong ba yang mdo'i tshig /bcom ldan 'das kyis bka' stsal pa/rab 'byor 'di ltar chos kyang rang bzhin gnyis ma yin te gcig tu zad do zhes pa man chad kyis bstan/ zab pa yang mdo'i tshig /bcom ldan 'das shes rab kyi pha rol tu phyin pa ni rtogs par dka' ba lags so zhes pa man chad kyis bstan/rtogs par dka' ba nyid ji lta bu yin pa yang mdo'i tshig /rab 'byor gyis gsol pa/ bcom ldan 'das shes rab kyi pha rol tu phyin pa ni bsam gyis mi khyab pa lags so zhes pa man chad kyis bstan/ de ltar mi mthun pa'i phyogs la sogs pa brjod nas/de dag rnam par bsgom pa'i sbyor ba ni le'u sum cu rtsa bdun pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa ni bgyid pa chen po lags so zhes pa nas/bcom ldan 'das ma shes rab kyi pha rol tu phyin pa la bdag phyag 'tshal lo snyam mo zhes pa'i bar gyis ni sbyor ba rnam pa bcu bstan te/ de la sbyor ba rnam pa bcu ni gzugs la sogs pa'i chos thams cad mi dmigs par sbyor ba dang / chos de dag nyid mi rtag pa dang stong pa nyid la sogs pa dang / so sor ma rdzogs pa dang / rdzogs pa nyid dang / chags pa med pa dang / gzhan du mi 'gyur ba dang / byed pa po med pa nyid dang / thams cad mkhyen pa nyid gsum gyi ched du bya ba dang / sbyor ba dang / bya ba rnams dka' ba nyid dang /skal ba ji lta ba bzhin du 'bras bu thob pa dang / mig stong pa nyid dang / gzhan gyi rkyen gyis mi 'gro ba nyid du'ang mi dmigs par sbyar ro/ /de la gzugs la sogs pa'i chos thams cad mi dmigs par sbyor ba ni mdo'i tshig /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das shes rab kyi pha rol tu phyin pa ni bgyid pa ma mchis pa'o/ zhes pa man chad kyis bstan/ chos de dag nyid kyi mi rtag pa la sogs pa yang mdo'i tshig /gal te gzugs rtag ces bya ba'am mi rtag ces bya bar yang mi spyod na shes rab kyi pha rol tu phyin pa la spyod do zhes pa man chad kyis bstan/so sor ma rdzogs pa dang / rdzogs pa yang mdo'i tshig /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gal te gzugs yongs su ma rdzogs so zhes bya bar mi spyod na zhes pa man chad kyis bstan/ chags pa med pa yang mdo'i tshig /gsol pa/ bcom ldan 'das de ltar de bzhin gshegs pa dgra bcom pa yang dag par rdzogs pa'i sangs rgyas kyis/byang chub sems dpa'i theg pa pa'i rigs kyi bu 'am rigs kyi bu mo rnams la chags pa 'am ma chags pa legs par bstan pa 'di ngo mtshar to zhes pa man chad kyis bstan/ gzhan du mi 'gyur ba ni mdo'i tshig /gsol pa/ bcom ldan 'das de ltar chos zab mo 'di bstan kyang yongs su mi 'grib ces pa man chad kyis bstan/ byed pa po med pa nyid ni mdo'i tshig /rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas kyis nam 'tsho'i bar du nam mkha'i legs pa 'am ma legs pa brjod kyang zhes pa man chad kyis bstan/ched du bya ba ni mdo'i tshig /rab 'byor 'di lta ste dper na sgyu ma'i skyes bu ni legs pa brjod kyang 'phel ba med do zhes pa man chad kyis bstan/ sbyor ba ni mdo'i tshig /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa bstan pa'i tshe zhum pa 'am g.yeng bar mi 'gyur ba dang / shes rab kyi pha rol tu phyin pa 'di la brtson par bgyid cing zhes pa man chad kyis bstan/bya dka' ba byed pa ni mdo'i tshig /bla na med pa yang dag par rdzogs pa'i byang chub las slar mi ldog pa ni dka' ba bgyid pa'o zhes pa man chad kyis bstan/ skal ba ci lta ba bzhin du 'bras bu thob pa ni mdo'i tshig /bcom ldan 'das byang chub sems dpa' sems dpa' chen po gang gis go cha 'tshal ba de dag ni phyag bgyi bar 'os pa'o zhes pa man chad kyis bstan/mig stong pa nyid ni mdo'i tshig /de ci'i slad du zhe na/ bcom ldan 'das gal te stong gsum gyi stong chen po'i 'jig rten gyi khams 'di lta ste/'dam bu'i dbyings sam 'od ma'i tshal zhes pa man chad nas/ bcom ldan 'das ma shes rab kyi pha rol tu phyin pa la phyag 'tshal lo snyam pa'i bar gyis bstan/ gzhan gyi rkyen gyis mi 'gro ba nyid ni mdo las ma byung / sbyor ba de yang mnyam pa nyid kyi sgo nas sbyor ba bsgom dgos pas mnyam pa nyid bstan pa yang mdo'i tshig /de nas lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor byang chub sems dpa' sems dpa' chen po gang shes rab kyi pha rol tu phyin pa 'di la rnal 'byor du byed pa de gang la rnal 'byor du byed pa yin zhes pa nas/sprul pa'i mtshan mar yang rloms sems su mi byed pa yin zhes pa'i bar gyis bstan/ sbyor ba'i mnyam pa nyid rtogs nas mthong ba'i lam bsgom dgos pas mthong ba'i lam bstan pa yang mdo'i tshig /de nas sangs rgyas kyi mthus stong gsum gyi stong chen po'i 'jig rten gyi khams 'di na rgyal chen bzhi'i ris kyi lha dang zhes pa nas/ le'u sum cu rtsa bdun pa rdzogs pa'i bar gyis mthong ba'i lam bden pa bzhi rnam pa dang bcas pa bstan te/sdug bsngal gyi bden pa la ngo bo nyid med pa'i phyir gzugs la sogs pa rtag pa dang mi rtag pa ma yin pa yang mdo'i tshig /bcom ldan 'das kyis bka' stsal pa/ rab 'byor byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas/gzugs rtag ces bya ba dang mi rtag ces bya bar chos ston par mi 'gyur ro zhes bya ba man chad kyis bstan/ sdug pa dang mi sdug pa dang bral bas rtag chad kyi mtha' spangs pa yang mdo'i tshig /gzugs sdug ces bya ba dang mi sdug ces bya bar chos ston par mi 'gyur ro zhes pa man chad kyis bstan/stong pa dang mi stong pa dang bral ba yang mdo'i tshig las/ rab 'byor gzugs shin tu rnam par dag go zhes shin tu rnam par dag pa'i chos ston par 'gyur ro zhes pa man chad kyis bstan/ bdag dang bdag med pa ma yin pas skye 'gag la sogs pa dang bral ba yang mdo'i tshig /rab 'byor gzugs skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni gzugs yongs su dag pa yin no zhes pa man chad kyis bstan/kun 'byung ba'i rnam pa bzhi yang rgyu dang rgyu ma yin pa gsog nyid de nam mkha' dang 'dra bar yang mdo'i tshig /rab 'byor gzhan yang nam mkha' yongs su dag pa'i phyir/ shes rab kyi pha rol tu phyin pa yongs su dag pa yin no zhes pa man chad kyis bstan/ kun 'byung ba dang kun 'byung med pa mi dmigs pas nyon mongs pa dang nye ba'i nyon mongs pa spangs pa yang mdo'i tshig /rab 'byor nam mkha' gos pa med pa'i phyir shes rab kyi pha rol tu phyin pa yongs su dag pa yin no zhes pa man chad kyis bstan/ rab tu skye ba dang skye ba med pas kun nas nyon mongs pas yongs su 'dzin pa las grol ba yang mdo'i tshig /rab 'byor gyis gsol pa/ bcom ldan 'das ji ltar nam mkha' gos pa ma mchis pa'i slad du/ shes rab kyi pha rol tu phyin pa yongs su dag pa lags zhes pa man chad kyis bstan/rkyen dang rkyen ma yin pa las grol ba'i phyir brjod du med pa yang mdo'i tshig /bcom ldan 'das kyis bka' stsal pa/ rab 'byor nam mkha' smra ba med pa'i phyir shes rab kyi pha rol tu phyin pa yongs su dag pa yin no zhes pas bstan/ 'gog pa'i rnam pa yang bzhi ste/'gog pa dang 'gog pa med par ma 'brel bas 'gog pa'i don tshig tu brjod pas rgyud gzhan la sbyin du med pa yang mdo'i tshig /rab 'byor gyis gsol pa/ bcom ldan 'das ji ltar nam mkha' smra ba ma mchis pa'i slad du/ shes rab kyi pha rol tu phyin pa yongs su dag pa lags zhes pa man chad kyis bstan/zhi ba dang zhi ba med pas dmigs pa dang dmigs pa med par byed pa yang mdo las/ rab 'byor nam mkha' dmigs su med pa'i phyir shes rab kyi pha rol tu phyin pa yongs su dag pa yin no zhes pa man chad kyis bstan/gya nom pa dang gya nom pa ma yin pa dang bral bar mtha' gnyis las 'das shing rnam par dag pa yang mdo las/ rab 'byor gzugs shin tu rnam par dag pa dang / dmigs su med pa dang / skye ba med pa dang / 'gag pa med pa dang /kun nas nyon mongs pa med pa dang / rnam par byang ba med pa'i phyir/ shes rab kyi pha rol tu phyin pa yongs su dag pa yin no zhes pa man chad kyis bstan/ nges par 'byung ba dang nges par 'byung ba med pa'i phyir nad thams cad mi skye ba yang mdo'i tshig /rab 'byor gyis gsol pa/bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / tshul bzhin du yid la bgyid pa de la ni mig gi nad 'byung bar mi 'gyur lags so zhes pa man chad kyis bstan/lam gyi bden pa'i rnam pa yang bzhi ste/ lam dang lam ma yin pa dang bral ba'i phyir ngan song chad pa yang mdo las/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu 'am rigs kyi bu mo gang tshes brgyad dang bcu bzhi dang bco lnga dag la zhes pa man chad kyis bstan/rigs pa dang rigs pa ma yin pas kun nas nyon mongs pa'i phyir 'bras bu mngon sum du bya ba'i thabs rnam par mi rtog pa yang mdo las/ rab 'byor shes rab kyi pha rol tu phyin pa la ni skye ba 'am/ 'gag pa 'am/ kun nas nyon mongs pa'am/ rnam par byang ba'am/ yongs su bzung ba'am/ dor ba'i chos gang yang med do zhes pa man chad kyis bstan/ sgrubs pa dang sgrub pa ma yin pa las rnam par grol bas chos rnams mtshan ma dang ma 'brel pa yang mdo'i tshig /rab 'byor shes rab kyi pha rol tu phyin pa 'di ni chos gang yang thob par byed pa ma yin/ston par byed pa ma yin/ 'dzin par byed pa ma yin zhes pa la sogs pas bstan/ nges par 'byin pa dang nges par 'byin pa ma yin pa med pas brjod par bya ba dang rjod par byed pa'i ngo bo'i mtshan nyid shes bya dang sgra la shes pa skye ba med pa yang mdo las/de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dngos po'i ngo bo nyid stong pa nyid kyi phyir shes rab kyi pha rol tu phyin pa 'di ni chos gang yang 'jug par bya ba 'am ldog par bya ba'i phyir nye bar gnas pa ma yin pas/rab 'byor 'di ni chos kyi 'khor lo bskor ba gnyis pa yang ma yin gcig pa yang ma yin no zhes pa man chad kyis bstan/ spyi don brgyad kyis bstan pa'i bzhi pa rnam pa kun mngon par rdzogs par rtogs pa la yang rnam pa dang /sbyor ba dang / yon tan dang / skyon la sogs pa don bcu gcig gis bstan pa la/ rnam pa yang gsum ste/ thams cad shes pa nyid kyi rnam pa dang / lam gyi rnam pa shes pa nyid kyi rnam pa dang / rnam pa thams cad mkhyen pa'i rnam pa'o/ /de la thams cad shes pa'i rnam pa yang bden pa bzhi la med pa dang /mi skye ba la sogs pa'i rnam pa nyi shu rtsa bdun te/ de la sdug bsngal gyi bden pa la med pa yang mdo las le'u sum cu rtsa brgyad pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das 'di lta ste/ shes rab kyi pha rol tu phyin pa 'di ni ma mchis pa lags so zhes pas bstan/ mi skye ba yang mdo'i tshig /rab 'byor gyis gsol pa/ bcom ldan 'das shes rab kyi pha rol tu phyin pa 'di ni mnyam pa nyid lags so zhes pa la sogs pas bstan/dben pa yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni dben pa lags so zhes pa man chad kyis bstan/ mi brdzi ba yang mdo las/rab 'byor gyis gsol pa/ bcom ldan 'das shes rab kyi pha rol tu phyin pa 'di ni brdzi ba ma mchis pa lags so zhes pa la sogs pas bstan/ kun 'byung gi bden pa la yang bzhi ste/ gnas pa med pa yang mdo las rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni gzhi ma mchis pa lags so zhes pa la sogs pas bstan/ nam mkha' yang mdo las/ rab 'byor gyis gsol pa/ bcom ldan 'das shes rab kyi pha rol tu phyin pa 'di ni nam mkha' lta bu lags so zhes pa man chad kyis bstan/brjod du med pa yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni brjod du ma mchis pa lags so zhes pa la sogs pas bstan/ ming med pa yang mdo las/rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni ming ma mchis pa lags so zhes pa man chad kyis bstan/ 'gog pa yang bzhi ste/ 'gro ba med pa yang mdo'i tshig /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni 'gro ba ma mchis pa lags so zhes pa la sogs pas bstan/ mi 'phrogs pa ni mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi 'phrogs pa lags so zhes pa man chad kyis bstan/mi zad pa ni mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi bas pa lags so zhes pas bstan/ skye ba med pa ni mdo las/ rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni skye ba ma mchis pa lags so zhes pa man chad kyis bstan/ bzhi tshan gsum po de dag kyang mi rtag pa nas nges par 'byung ba'i bar dang rim bzhin sbyar ro/ lam gyi bden pa ni gsum ste/ nyan thos kyi nyon mongs pa'i sgrib pa spongs pa'i gnyen po zag pa med pa'i lam dang / rang sangs rgyas kyi shes bya'i sgrib pa spong ba'i gnyen po bsgom pa'i lam zag pa dang bcas pa dang / zag pa med pa ste gsum mo/ /de la lam dang po la byed pa po med pa dang / shes pa po med pa dang / 'pho ba med pa dang / 'du ba med pa bzhi ste/ de yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni byed pa ma mchis pa lags so zhes pa dang / 'og nas/ shes pa po ma mchis pa lags so zhes pa dang /'og nas/ 'pho ba ma mchis pa lags so zhes pa dang / 'og nas/ 'jigs pa ma mchis pa lags so zhes pa dang rim bzhin sbyar te/ de gzhi/ lam/ rigs pa/ sgrub pa/ nges par 'byin pa dang / go rims bzhin sbyar ro/ /lam gnyis pa la yang rnam pa lnga ste/rmi lam ltar ngo bo nyid med pa dang / sgra brnyan ltar ma skyes pa dang / mig yor ltar ma 'gags pa dang / smig rgyu ltar gzod ma nas zhi ba dang / sgyu ma ltar rang bzhin gyis mya ngan las 'das pa dang lnga ste/ de yang mdo las/ rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni rmi lam lta bu lags so zhes pa dang / 'og nas/ brag ca lta bu lags so zhes pa dang / mig yor lta bu lags so zhes pa dang / 'og nas smig rgyu lta bu lags so zhes pa dang /sgyu ma lta bu lags so zhes pa dang / go rims bzhin bstan te/ dag pa 'jig rten pa dang sbyar ro/ /gsum pa la drug ste/ kun nas nyon mongs pa med pa dang / rnam par byang ba med pa dang / gos pa med pa dang / spros pa med pa dang /rlom sems med pa dang / mi g.yo ba ste/ de yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni gti mug ma mchis pa lags so zhes bya ba nas/ kun nas nyon mongs pa dmigs su med pa'i phyir ro zhes pa'i bar dang /'og nas/ rnam par byang ba ma mchis pa lags so zhes pa dang / 'og nas/ gnas pa ma mchis pa lags so zhes pa nas gnas pa dmigs su med pa'i phyir ro zhes pa dang / 'og nas/ spros pa ma mchis pa lags so zhes pa dang /'og nas/ rlom sems ma mchis pa lags so zhes pa dang / 'og nas/ g.yo ba ma mchis pa lags so zhes pa la sogs pas go rims bzhin du bstan te/ de ltar bden pa gsum la yang rnam pa bcu gnyis/ lam gyi bden pa la bco lnga ste/thams cad shes pa la de ltar rnam pa nyi shu rtsa bdun no/ /lam gyi rnam pa shes pa la rnam pa sum cu rtsa drug ste/ de la kun 'byung ba'i rnam pa brgyad de/ 'dod chags dang bral ba dang / mi gnas pa dang / zhi ba dang / 'dod chags med pa dang / zhe sdang med pa dang /gti mug med pa dang / nyon mongs pa med pa dang / sems can med pa ste/ de ltar brgyad ni rgyu la dang po gsum ni rgyu/ de'i 'og ma gsum ni kun 'byung ba/ de'i phyi ma gcig rab tu skye ba/ tha ma gcig rkyen dang sbyar te/ de dag ni gnyen po'i sgo nas de ltar bstan la/de yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni 'dod chags dang bral ba lags so zhes pa dang / 'og nas/ kun nas ldang ba ma mchis pa lags so zhes pa dang /'og nas/ zhi ba lags so zhes pa dang / 'og nas/ 'dod chags ma mchis pa lags so zhes pa dang / 'og nas/ zhe sdang ma mchis pa lags so zhes pa dang / 'og nas/ gti mug ma mchis pa lags so zhes pa dang / 'og nas/ nyon mongs pa ma mchis pa lags so zhes pa dang / 'og nas/ sems can ma mchis pa lags so zhes pa la sogs pa so so'i zhu ba'i tshig mjug dang bcas pa bstan/ lam gyi bden pa rnam pa bdun te/ tshad med pa dang / mtha' gnyis dang / ma 'brel ba dang /ma 'dres pa dang / mchog tu 'dzin pa med pa dang / rnam par mi rtog pa dang / dpag tu med pa dang / chags pa med pa ste/ de yang gnyis tshan gsum ni lam rigs pa sgrub pa dang sbyar/ tha ma gcig ni nges par 'byin pa dang sbyar la/ de yang mdo las/rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni tshad ma mchis pa lags so zhes pa dang / 'og nas/ mtha' gnyis su ma mchis pa lags so zhes pa dang / 'og nas/ ma 'dres pa lags so zhes pa dang /'og nas/ nag nog ma mchis pa lags so zhes pa dang / 'og nas/ rnam par mi rtog pa lags so zhes pa dang / 'og nas/ tshad ma mchis pa lags so zhes pa dang / 'og nas/ nam mkha' lta bu lags so zhes pa so so'i zhu ba'i lan dang bcas pa bstan/sdug bsngal gyi dben pa'i rnam pa lnga ste/ mi rtag pa dang / sdug bsngal ba dang / stong pa dang / bdag med pa dang / mtshan nyid med pa ste/ de yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi rtag pa lags so zhes pa dang /'og nas/ sdug bsngal ba lags so zhes pa dang / 'og nas/ bdag ma mchis pa lags so zhes pa dang / 'og nas/ stong pa nyid lags so zhes pa dang / 'og nas/ mtshan nyid ma mchis pa lags so/ / zhes pa la sogs pas bstan/ 'gog pa'i rnam pa ni bcu drug ste/ nang dang phyi dang gnyi ga'i dngos po dgag par stong pa nyid dang po gsum dang / brtag pa'i bdag zhi ba ngo bo nyid kyis stong pas stong pa nyid stong pa nyid dang / snod kyi 'jig rten dang / don dam pa dang / 'dus byas dang / 'dus ma byas dang / rtag chad kyi mtha' dang / 'khor ba thog ma dang tha ma med pa dang / rtogs pa'i chos dor ba med pa la mngon par zhen pa dgag pa chen po stong pa nyid nas dor ba med pa stong pa'i bar du brgyad dang / kun brtags pa'i byed pa po dgag pa yang rang bzhin stong pa dang /yul dang mtshan nyid dang dus su 'khrul ba dgag par chos thams cad stong pa dang / rang gi mtshan nyid stong pa dang / mi dmigs pa stong pa dang / nges par 'byung bar brtags pas dgag par dngos po med pa'i ngo bo nyid stong pa nyid kyi rnam pa ste/de yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni nang stong pa nyid lags so zhes pa nas/ mi dmigs pa stong pa nyid du dmigs su med pa'i phyir ro zhes pa'i bar bco lnga dang /nges par 'byung bar brtags pa dgag pa mdo'i tshig /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni dngos po med pa stong pa nyid lags so zhes pa nas/dngos po med pa'i ngo bo nyid stong pa nyid dmigs su med pa'i phyir ro zhes pa'i bar gyis bstan/ rnam pa thams cad mkhyen pa'i rnam pa ni rnam pa thams cad mkhyen pas 'phags pa'i gang zag thams cad bsdus pas nyan thos la rnam pa sum cu rtsa bdun dang / byang chub sems dpa' la sum cu rtsa bzhi dang / sangs rgyas la sum cu rtsa dgu ste/ spyir rnam pa brgya bdun cu rtsa gsum du 'byung ba la/ de la thams cad shes pa nyid la dang por dngos por yongs su rtogs pa'i lam bden pa bzhi la 'jug pa'i phyir lus dran pa nye bar gzhag pa la sogs pa'i rang dang spyi'i mtshan nyid la brtags pa dran pa nye bar gzhag pa bzhi dang /de lta bu la brtson 'grus 'byung bas rtsol ba'i lam yang dag pa'i spong ba bzhi dang / brtson 'grus la sems las su rung bar 'gyur bas ting nge 'dzin yongs su sbyong ba'i lam la rdzu 'phrul gyi rkang pa bzhi dang /sems sbyang ba la drod dang rtse mo'i sbyor ba 'byung bas mngon par rtogs pa'i sbyor ba'i lam la dbang po lnga dang / de la bzod pa dang / 'jig rten chos kyi mchog 'byung bas mngon par rtogs pa dang / 'brel pa'i lam la stobs lnga dang / drod la sogs pa bzhi'i rtogs pa la mthong ba'i lam 'byung bas mngon par rtogs pa'i lam la byang chub kyi yan lag bdun dang / de las bsgom pa'i lam 'byung bas nges par 'byin pa'i lam la 'phags pa'i lam yan lag brgyad de de yang mdo las/rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni dran pa nye bar gzhag pa lags so zhes pa dang / bcom ldan 'das kyis bka' stsal pa/ lam yan lag brgyad dmigs su med pa'i phyir ro zhes pa'i bar gyis bstan te/go rims bzhin sbyar ro/ /lam shes pa nyid lta ba dang / rnam par rtog pa dang / khams gsum la smon pa'i gnyen po lam rnam par thar pa'i sgo gsum dang / sprul pa'i lam nang gzugs dang gzugs can ma yin pas phyi rol gyi gzugs la blta'o zhes bya ba sprul pa'i sgrib pa'i gnyen po gnyis dang /sdug pa dang / mi sdug pa sprul pa la dga' ba dang mi dga' ba'i nyon mongs pa'i gnyen po sdug pa'i rnam par thar pa'i sgo lus kyis mngon sum du byas te gnas so zhes bya ba ste/de ltar gsum dang / mthong ba'i chos la bde bar gnas pa'i thar pa'i cha dang mthun par gnas pa'i lam gyi rang bzhin snyoms par 'jug pa bzhi dang / zhi bar gnas pa'i lam 'gog pa'i snyoms par 'jug pa ste/ de ltar lnga dang /'jig rten las 'das pa'i lam la mthar gyis gnas pa'i snyoms par 'jug pa dgu dang / spong ba'i lam bar chad med pa'i lam nyon mongs pa med pa'i bden pa bzhi dang / sangs rgyas kyi lam la pha rol tu phyin pa bcu ste/ de ltar rnam pa sum cu rtsa bzhi po de yang mdo las/rab 'byor gyis gsol pa/ bcom ldan 'das shes rab kyi pha rol tu phyin pa 'di ni stong pa nyid lags so zhes pa dang / 'og nas/ mtshan ma ma mchis pa lags so zhes bya ba dang / 'og nas/ smon pa ma mchis pa lags so zhes pa dang /sprul pa'i lam gyi rnam par thar pa gsum ni bsdus nas/ 'og nas/ rnam par thar pa lags so zhes bya ba dang / mthong ba'i chos la bde bar gnas pa'i lam thar pa'i cha dang mthun pa'i lam la snyoms par 'jug pa bzhi dang /zhi bar gnas pa'i lam la 'gog pa'i snyoms par 'jug pa shugs kyis bstan nas/ 'jig rten las 'das pa'i lam yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni snyoms par 'jug pa lags so zhes bya ba man chad dang /spong ba'i lam yang 'og nas/ 'phags pa'i bden pa lags so zhes pa la sogs pa dang / sangs rgyas kyi lam pha rol tu phyin pa bcu yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni smin pa lags so zhes pa dang / 'chal pa'i shes rab dmigs su med pa'i phyir ro zhes pa'i bar gyis bstan/ rnam pa thams cad mkhyen pa nyid ni phul du byung ba yin pas/thun mong ma yin pa'i lam gcig gis bsdus la rnam pa ni sum cu rtsa dgu ste/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / sangs rgyas thams cad kyis bshad pa'i de bzhin nyid dang /chos thams cad la dbang sgyur ba'i rang byung dang / mngon par rdzogs par byang chub pa'i sangs rgyas kyi rnam pa dang sum cu rtsa dgu ste/ de yang mdo las/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa pha rol tu phyin pa 'di ni stobs bcu lags so zhes bya ba nas/bcom ldan 'das kyis bka' stsal pa/ chos thams cad mngon par rdzogs par byang chub pa'i phyir ro zhes pa'i bar gyis bstan te/ go rims bzhin sbyar ro/ /rnam pa kun mngon par rdzogs par rtogs pa las don bcu gcig gis bstan pa'i gnyis pa sbyor ba la yang gnyis/sbyor ba po dang / sbyor ba'o/ /de la sbyor ba po ni 'das pa dang / da ltar sangs rgyas rnams la dge ba'i rtsa ba bskrun cing sbyangs pa'i bde bar gshegs pa rnams la lus la sogs pas bsnyen bkur byas pa dang /the tshom gyi don zhu ba dang / pha rol tu phyin pa bsgrub pa dang / dge ba'i bshes gnyen gyis byin gyis brlabs pa dang ldan pa yin te/ de yang le'u sum cu rtsa dgu pa'i klad nas/ de nas lha'i dbang po brgya byin 'di snyam du sems te zhes pa nas/dge slong gi dge 'dun yongs su bsdu bar 'dod pa'i byang chub sems dpa' sems dpa' chen pos kyang shes rab kyi pha rol tu phyin pa la rnal 'byor du bya'o zhes pa'i bar gyis bstan/ sbyor ba ni rnam pa nyi shu ste/ dang po gzugs la sogs pa'i ngo bo nyid med pas mi gnas pa'i sbyor ba yang mdo las/de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa gnas pa lags so zhes pa man chad kyis bstan/sbyor ba ste sbyor ba med pa'i sbyor ba ni mdo las/ kau shi ka gzhan yang byang chub sems dpa' sems dpa' chen po gzugs la sbyor bar mi byed de zhes pa man chad kyis bstan/ gsum pa ngo bo nyid kyis zab pa'i sbyor ba yang mdo las/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das shes rab kyi pha rol tu phyin pa 'di ni zab pa lags so zhes pa man chad kyis bstan/ bzhi pa gting dpag dka' ba'i sbyor ba yang mdo'i tshig /shA ri'i bus gsol pa/ bcom ldan 'das shes rab kyi pha rol tu phyin pa 'di ni gting dpag dka' ba lags so zhes pa man chad kyis bstan/ lnga pa tshad med pa'i sbyor ba yang mdo las/ shA ri'i bus gsol pa/ bcom ldan 'das shes rab kyi pha rol tu phyin pa 'di ni tshad ma mchis pa lags so zhes pa man chad kyis bstan/ 'og nas/ shA ri'i bus gsol pa/ bcom ldan 'das 'di ltar byang chub sems dpa' sems dpa' chen po shes rab kyi pha rol tu phyin pa la spyod pa lags so zhes pa nas/shes rab kyi pha rol tu phyin pa 'di thos nas skrag dngang la dngang bar 'gyur lags so zhes pa'i bar gyis ni spyir gong ma lnga po de dag bshad pa dang sbyar/ drug pa ste/ skrag pas yun ring mo zhig nas 'tshang rgya ba yang mdo las/ bcom ldan 'das 'di ni phyir mi ldog pa'i byang chub sems dpa' sems dpa' chen po'i mdun du bshad par bgyi ste zhes pa man chad kyis bstan/ bdun pa mi skrag pas lung bstan pa thob pa'i sbyor ba yang mdo las/ shA ri'i bus smras pa/ kau shi ka gzhan yang byang chub sems dpa' sems dpa' chen po gang dag gis shes rab kyi pha rol tu phyin pa zab mo 'di thos nas mi skrag mi dngang zhing dngang bar mi 'gyur ba de dag ni zhes pa man chad kyis bstan/brgyad pa yang dag par 'dzin pas mi ldog pa'i sbyor ba yang mdo las/de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das dper brjod par bdag shin tu spobs pa lags so zhes pa man chad kyis bstan/ dgu pa bar chad kyi chos spong bas nges par 'byung ba'i sbyor ba yang mdo las/bcom ldan 'das 'di lta ste/ dper bgyi na mi zhig 'brog dgon pa dpag tshad brgya pa zhig nas 'byung bar gyur tam zhes pa man chad kyis bstan/ bcu pa rtag tu chos bsgom pa la bar chad med par sbyor ba yang mdo las/ de skad ces gsol pa dang /bcom ldan 'das kyis shA ri'i bu la 'di skad ces bka' stsal to/ /shA ri'i bu de de bzhin no/ /de de bzhin te/ shA ri'i bu sangs rgyas kyi mthus khyod shin tu spobs par gyis shig ces pa man chad kyis bstan/ bcu gcig pa zag pa med pa'i chos gsar gyi rten yang dag par rdzogs pa'i byang chub dang nye ba'i sbyor ba ni mdo las/bcom ldan 'das 'di lta ste/ dper bgyi na dpyid byung ste zhes pa man chad kyis bstan/ bcu gnyis pa 'bras bu chos kyi sku 'grub pas myur du mngon par byang chub pa'i sbyor ba ni mdo las/bcom ldan 'das 'di lta ste dper bgyi na bud med sbrum ma ni zhes pa man chad kyis bstan/ bcu gsum pa chos kyi 'khor lo bskor bas gzhan gyi don du sbyor ba ni mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das 'di lta ste de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rnams la sman btags pa ni ngo mtshar lags so zhes pa man chad kyis bstan/ bcu bzhi pa 'phel 'grib med par sbyor ba ni mdo las/bcom ldan 'das ji ltar na byang chub sems dpa' sems dpa' chen po rnams shes rab kyi pha rol tu phyin pa bsgom pa yongs su rdzogs par 'gyur ba lags zhes pa man chad kyis bstan/ bco lnga pa chos dang chos ma yin pa mi dmigs pa'i sbyor ba yang mdo las/rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni chos zhes bya bar yang dag par rjes su mi mthong ngo zhes pa man chad kyis bstan/ bcu drug pa bsam gyis mi khyab par mi dmigs pa'i sbyor ba yang mdo las/rab 'byor gyis gsol pa/ bcom ldan 'das bsam gyis mi khyab pa bstan pa lags so zhes pa man chad kyis bstan/ bcu bdun pa rnam par mi rtog pa'i sbyor ba yang mdo las/ rab 'byor gyis gsol pa/bcom ldan 'das shes rab kyi pha rol tu phyin pa zab mo 'di la su dag mos par 'gyur zhes pa man chad kyis bstan/ bco brgyad pa 'bras bu dang po mthong ba'i rin po che sbyin pa yang mdo las/ bcom ldan 'das shes rab kyi pha rol tu phyin pa ni rgyun tu zhugs pa'i 'bras bu dang /zhes pa man chad kyis bstan/ bcu dgu pa gzugs la sogs pa dag pa'i sbyor ba yang mdo las/ bcom ldan 'das shes rab kyi pha rol tu phyin pa ni chos thams cad kyi dag pa'i phung po la sogs so zhes pa man chad kyis bstan/nyi shu pa lo skor du mngon par brtson pa mi 'dor bas sa mtshams la sbyor ba ni mdo las/ rab 'byor gyis gsol pa/ bcom ldan 'das 'di ltar shes rab kyi pha rol tu phyin pa zab mo 'di bshad pa na bar chad mang du mi 'byung ba 'di ngo mtshar lags so zhes pa man chad kyis bstan/rnam pa kun mngon par rdzogs par rtogs pa la don bcu gcig gis bstan pa'i gsum pa yon tan bstan pa la yang don bcu bzhi ste/ de la dang po bdud kyi mthu bcom pa yang mdo las/ rab 'byor gyis gsol pa/ bcom ldan 'das bdud sdig can 'di lta ste/shes rab kyi pha rol tu phyin pa zab mo 'di yi ger mi 'bri ba dang zhes pa man chad kyis bstan/ gnyis pa sangs rgyas kyis dgongs shing mkhyen pa yang mdo las/ de ci'i phyir zhe na/ shA ri'i bu phyogs bcu kun gyi 'jig rten gyi khams tshad med grangs med pa dag na de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa gang dag bzhugs te 'tsho zhing gzhes pa de dag ces pa man chad kyis bstan/gsum pa sangs rgyas mngon du byed pa de yang mdo las/ byang chub sems dpa' sems dpa' chen po gang dag shes rab kyi pha rol tu phyin pa zab mo 'di yi ger 'bri ba dang zhes pa man chad kyis bstan/ bzhi pa yang dag par rdzogs pa'i byang chub dang nye ba yang mdo las/ shA ri'i bu theg pa chen po'i rigs kyi bu 'am rigs kyi bu mo de dag ni bla na med pa yang dag par rdzogs pa'i byang chub dang nye ba yin no zhes pa man chad kyis bstan/lnga pa don chen po nyid la sogs pa yang mdo las/ rigs kyi bu 'am rigs kyi bu mo gang shes rab kyi pha rol tu phyin pa zab mo 'di yi ger bris shing 'chang ba de dag kyang don che ba dang zhes pa man chad kyis bstan/drug pa yul dpyad pa yang mdo las/ shA ri'i bu shes rab kyi pha rol tu phyin pa 'di ni de bzhin gshegs pa 'das nas lho phyogs kyi rgyud na spyod par 'gyur te zhes pa man chad kyis bstan/ bdun pa zag pa med pa'i yon tan thams cad rdzogs par yang mdo'i tshig /shA ri'i bus gsol pa/ bcom ldan 'das slad ma'i tshe slad ma'i dus na byang phyogs logs su rigs kyi bu 'am/ rigs kyi bu mo gang shes rab kyi pha rol tu phyin pa zab mo 'di nyan par 'gyur zhing zhes pa man chad kyis bstan/brgyad pa smra ba'i skyes bu yang mdo las/ shA ri'i bu rigs kyi bu 'am rigs kyi bu mo de dag ni dge ba'i rtsa bas nye bar bstan cing bla na med pa yang dag par rdzogs pa'i byang chub 'di las brtsams nas de dag skye bo mang po'i don byed par 'gyur ro zhes pa man chad kyis bstan/dgu pa mi phyed pa nyid kyang mdo las/ bdud dam bdud kyi rigs kyi lha rnams kyis kyang rigs kyi bu 'am rigs kyi bu mo de dag bla na med pa yang dag par rdzogs pa'i byang chub las dbye bar mi nus na zhes pa man chad kyis bstan/ bcu pa dge ba'i rtsa ba thun mong min pa skye ba yang mdo las/shA ri'i bu byang chub sems dpa' sems dpa' chen po dang rigs kyi bu 'am rigs kyi bu mo de dag ni shes rab kyi pha rol tu phyin pa zab mo 'di thos nas dga' ba dang mchog tu dga' ba rgya chen po thob par 'gyur zhing zhes pa man chad kyis bstan/bcu gcig pa dam bcas pa'i don ji lta ba bzhin du sgrub pa yang mdo las/ rigs kyi bu 'am rigs kyi bu mo de dag gis nga'i mngon sum du 'di skad du bcom ldan 'das bdag cag byang chub sems dpa'i spyad pa spyod pa na zhes pa man chad kyis bstan/bcu gnyis pa 'bras bu rgya chen po yongs su 'dzin pa yang mdo las/ shA ri'i bu rigs kyi bu 'am rigs kyi bu mo de dag ni gzugs dang / sgra dang / dri dang / ro dang / reg bya dang / chos rnams la mos pa rlabs po che 'byung bar 'gyur zhing zhes pa man chad kyis bstan/bcu gsum pa sems can gyi don bsgrub pa yang mdo las/ rnam par smin pa rgya chen po yongs su bzung bas sems can de dag nyid kyi don du rnam par smin pa las rnam par smin pa rgya chen po yongs su 'dzin par 'gyur zhing zhes pa man chad kyis bstan/bcu bzhi pa nges par 'thob pa yang mdo las/ bcom ldan 'das gang yang byang chub sems dpa' sems dpa' chen po dag pha rol tu phyin pa drug po 'di dag gi slad du brtson par bgyid cing zhes pa man chad kyi le'u sum cu rtsa dgu pa rdzogs pa yan chad kyis bstan to//rnam pa kun mngon par rdzogs par rtogs pa la don bcu gcig gis bstan pa'i bzhi pa sbyor ba'i bar chad du 'gyur ba'i skyon bstan pa la yang don bzhi bcu rtsa drug gis bstan pa'i dang po tshogs chen pos thob pa yang mdo las/le'u bzhi bcu pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to zhes pa la sogs pa spobs pa ha cang 'phyi ste skye ba'i dbye bas bstan/ don gnyis pa spobs pa ha cang myur ba yang mdo las/ rab 'byor gzhan yang spobs pa ha cang myur bar skye na zhes pa man chad kyis bstan/gsum pa lus kyi gnas ngan len yang mdo las/ rab 'byor gzhan yang glal zhing shes rab kyi pha rol tu phyin pa 'di yi ger 'dri na zhes pa man chad kyis bstan/ bzhi pa sems kyi gnas ngan len yang mdo las/rab 'byor gzhan yang sems rnam par g.yengs shing yi ger 'dri na zhes pa man chad kyis bstan/ lnga pa rigs pa ma yin pas bskyed pa'i kha don byed pa la sogs pa yang mdo las/ rab 'byor gzhan yang glal zhing kha don byed dam zhes pa man chad kyis bstan/drug pa phyir phyogs pa'i rgyu mtshan 'dzin pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gang yang bcom ldan 'das kyis 'di skad du 'di las nyams ma rnyed do snyam nas stan las langs te 'gro na zhes pa man chad kyis bstan/bdun pa rgyu la mngon par zhen pa nyams pa yang mdo las/ des shes rab kyi pha rol tu phyin pa spangs nas mdo sde gzhan gang dag rnam pa thams cad mkhyen pa nyid thob par byed pa ma yin pa de la rnal 'byor du bya ba dang zhes pa man chad kyis bstan/brgyad pa gya nom pa'i ro myang ba'i nyams pa yang mdo las/ rab 'byor 'di lta ste dper na khyi zhig gis jo bo'i drung nas zan gong bor la las mi las zan kham gcig slang bar sems pa de bzhin du zhes pa man chad kyis bstan/dgu pa rnam pa thams cad du theg pa'i mchog kun 'dzin pa nyams pa yang mdo las/ rab 'byor 'di lta ste dper na mi la la zhig glang po che lta 'dod par gyur la zhes pa man chad kyis bstan/ bcu pa rtag tu ched du bya bya nyams pa yang mdo las/rab 'byor gzhan yang 'di lta ste dper na mi zhig rgya mtsho chen po lta 'dod par gyur la zhes pa man chad kyis bstan/ bcu gcig pa rgyu dang 'bras bur 'brel pa nyams pa yang mdo las/ rab 'byor 'di lta ste dper na shing mkhan nam shing mkhan gyi slob ma mkhas pa zhig khang bzangs rnam par rgyal byed kyi tshad tsam gyi khang bzangs zhes pa man chad kyis bstan/bcu gnyis pa gong na med pa nyams pa yang mdo las/ rab 'byor gzhan yang 'di lta ste dper na mi la la zhig 'khor los sgyur ba'i rgyal po lta 'dod par gyur la zhes pa man chad kyis bstan/bcu gsum pa yul rnam pa mang po la rtogs pa 'byung ba'i spobs pa yang mdo las/ rab 'byor gzhan yang rigs kyi bu 'am rigs kyi bu mo gang dag shes rab kyi pha rol tu phyin pa zab mo 'di yi ger 'dri ba na de dag rnam par g.yengs shing 'dri bar 'gyur spobs pa mang du 'byung bar 'gyur te zhes pa man chad kyis bstan/bcu bzhi pa yi ger 'dri ba la mngon par zhen pa yang mdo las/ rab 'byor gal te byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol tu phyin pa zab mo 'di yi ger 'dri ba na chos de dag la rnam par g.yeng bar byed na zhes pa man chad kyis bstan/bco lnga pa dngos po med pa la mngon par zhen pa yang mdo las/ rab 'byor gal te theg pa chen po'i rigs kyi bu dang rigs kyi bu mo dag shes rab kyi pha rol tu phyin pa 'di dngos po med ces bya bar 'du shes na zhes pa man chad kyis bstan/bcu drug pa yi ge la mngon par zhen pa yang mdo las/ rab 'byor gyis gsol pa/ bcom ldan 'das theg pa chen po'i rigs kyi bu 'am rigs kyi bu mo gang la la dag gis shes rab kyi pha rol tu phyin pa zab mo 'di yi ge 'bru dag gis yi ger bris nas zhes pa man chad kyis bstan/bcu bdun pa yi ge med pa la mngon par zhen pa yang mdo las/ bcom ldan 'das gal te theg pa chen po'i rigs kyi bu dang rigs kyi bu mo shes rab kyi pha rol tu phyin pa ni yi ge ma mchis pa lags so snyam du mngon par zhen pa dang zhes pa man chad kyis bstan/bco brgyad pa yul la sogs pa yid la byed pa yang mdo las/ rab 'byor gzhan yang byang chub sems dpa'i theg pa pa'i rigs kyi bu dang rigs kyi bu mo de dag shes rab kyi pha rol tu phyin pa zab mo 'di yi ger 'dri ba na ljongs kyi rnam pa kun du 'byung bar 'gyur na zhes pa man chad kyis bstan/bcu dgu pa rnyed pa dang bkur sti la sogs pa'i ro myang ba yang mdo las/ rab 'byor gzhan yang byang chub sems dpa'i theg pa pa'i rigs kyi bu dang rigs kyi bu mo dag shes rab kyi pha rol tu phyin pa zab mo 'di yi ger 'dri ba'i tshe rnyed pa dang bkur sti dang zhes pa man chad kyis bstan/nyi shu pa lam ma yin pas thabs la mkhas pa tshol ba yang mdo las/ rab 'byor gzhan yang byang chub sems dpa' sems dpa' chen po dag shes rab kyi pha rol tu phyin pa zab mo 'di yi ger 'dri ba dang lung nod pa dang zhes pa man chad kyis bstan/nyi shu gcig pa 'dun pa dang snyom las kyis nyams pa yang mdo las/ le'u bzhi bcu rtsa gcig pa'i klad nas/ rab 'byor gzhan yang chos nyan pa ni shes rab kyi pha rol tu phyin pa 'di yi ger 'dri ba dang /gzung ba dang / lung nod pa dang / kha ton byed pa dang / klag par 'dun la chos smra ba ni snyom las byed par gyur na zhes pa man chad kyis bstan/ nyi shu rtsa gnyis pa 'dun pa'i yul tha dad pas nyams pa yang mdo las/rab 'byor gzhan yang chos smra ba ni shes rab kyi pha rol tu phyin pa zab mo 'di yi ger 'dri ba dang / gzung ba dang / lung 'bogs pa dang / kha ton bya ba la snyom las byed par gyur la chos nyan pa ni yul gzhan du song bar gyur zhes pa man chad kyis bstan/nyi shu gsum pa 'dod chen chung ba dang 'dod chen chung ba ma yin pa yang mdo las/ rab 'byor gzhan yang chos smra ba ni rnyed pa dang bkur sti dang tshigs su bcad pa la gdu zhing zhes pa man chad kyis bstan/ nyi shu bzhi pa sbyangs pa'i yon tan dang ldan pa dang mi ldan pa yang mdo las/rab 'byor gzhan yang chos smra ba ni dgon pa pa dang bsod snyoms pa dang zhes pa man chad kyis bstan/ nyi shu lnga pa dge ba dang / dge ba ma yin pa yang mdo las/ rab 'byor gzhan yang chos nyan pa ni dad cing dge ba'i chos rnams dang zhes pa man chad kyis bstan/nyi shu drug pa gtong ba dang ser sna byed pa yang mdo las/ rab 'byor gzhan yang chos smra ba ni bdog pa thams cad yongs su gtong zhing zhes pa man chad kyis bstan/ nyi shu bdun pa sbyin pa dang kun tu 'dzin pa yang mdo las/rab 'byor gzhan yang chos nyan pa ni chos smra ba las gos dang / zas dang / mal cha dang / stan dang / na ba'i gsos sman dang zhes pa la sogs pas bstan/ nyi shu brgyad pa mgo smos pas go ba dang rnam par spros pas go ba yang mdo las/ rab 'byor gzhan yang chos smra ba ni mgo smos pas go ba yin la zhes pa la sogs pas bstan/ nyi shu dgu pa mdo la sogs pa mngon par shes pa dang mi shes pa yang mdo las/ rab 'byor gzhan yang chos smra ba ni mdo'i sde dang / dbyangs kyis bsnyad pa'i sde dang zhes pa la sogs pas bstan/sum cu pa pha rol tu phyin pa drug dang ldan pa dang mi ldan pa yang mdo las/ rab 'byor gzhan yang chos smra ba ni pha rol tu phyin pa drug dang ldan par gyur la zhes pa man chad kyis bstan/ sum cu gcig pa thabs dang thabs ma yin pa la mkhas pa yang mdo las/rab 'byor gzhan yang chos smra ba ni pha rol tu phyin pa drug la thabs mkhas pa yin la zhes pa man chad kyis bstan/ sum cu gnyis pa gzungs thob pa dang ma thob pa yang mdo las/ rab 'byor gzhan yang chos smra ba ni gzungs thob par gyur la zhes pa man chad kyis bstan/sum cu gsum pa yi ger 'dri bar 'dod pa dang / mi 'dod pa yang mdo las/ rab 'byor gzhan yang chos smra ba ni yi ger 'drir 'dod cing zhes pa man chad kyis bstan/ sum cu bzhi pa 'dod pa'i 'dun pa dang bral ba dang ma bral ba yang mdo las/rab 'byor gzhan yang chos smra ba ni 'dod pa la 'dun pa dang zhes pa la sogs pas bstan/ sum cu lnga pa ngan song gi 'gro ba las phyir phyogs pa yang mdo las/ rab 'byor gzhan yang shes rab kyi pha rol tu phyin pa zab mo 'di yi ger 'dri ba dang bsgom pa'i bar du byed pa na la la zhig der 'ongs te/sems can dmyal ba rnams kyi bsngags pa ma yin pa brjod pa dang zhes pa man chad kyis bstan/ sum cu rtsa drug pa bde 'gror 'gro ba la yid bde ba yang mdo las/rab 'byor gzhan yang shes rab kyi pha rol tu phyin pa zab mo 'di yi ger 'dri ba dang bsgom pa'i bar du byed pa na/ der la la zhig der 'ongs nas rgyal chen bzhi'i ris kyi lha rnams kyi bsngags pa rjod par byed pa dang zhes pa man chad kyis bstan/ sum cu rtsa bdun pa 'chad pa po dang /nyan pa po gang yang rung ba gcig pu dang 'khor la dga' ba yang mdo las/ rab 'byor gzhan yang chos smra ba ni gcig pu gnyis su med cing rang gi byed pa yin la zhes pa la sogs pas bstan/ sum cu rtsa brgyad pa go skabs mi byed pa yang mdo las/rab 'byor gzhan yang chos nyan pa ni chos smra ba'i phyi bzhin 'breng bar 'dod la zhes pa man chad kyis bstan/ sum cu dgu pa zang zing gi sbyin par 'dod pa dang mi 'dod pa yang mdo las/ rab 'byor gzhan yang chos smra ba ni zang zing cung zad tsam gyi phyir shes rab kyi pha rol tu phyin pa 'di ni sbyin pa dang zhes pa la sogs pas bstan/bzhi bcu pa srog gi bar chad du 'gyur ba'i phyogs su 'gro ba dang mi 'gro ba yang mdo las/ rab 'byor gzhan yang chos smra ba ni yul gang du srog gi bar chad 'byung bar 'gyur ba'i yul der 'gro 'dod par gyur la zhes pa man chad kyis bstan/bzhi bcu rtsa gcig pa mu ge 'byung ba'i phyogs su 'gro ba dang mi 'gro ba yang mdo las/ rab 'byor gzhan yang chos nyan pa ni gang na zas dkon pa dang chu dkon pa'i phyogs der 'gro bar 'dod la zhes pa man chad kyis bstan/bzhi bcu rtsa gnyis pa chom rkun la sogs pas dkrugs pa'i phyogs su 'gro ba dang mi 'gro ba yang mdo las/ rab 'byor gzhan yang dge slong chos smra ba ni gang na chom rkun gyi 'jigs pa dang zhes pa man chad kyis bstan/ bzhi bcu rtsa gsum pa khyim la lta ba'i yid mi bde ba yang mdo las/rab 'byor gzhan yang dge slong chos smra ba ni slong mo ster ba'i khyim la gdu bar gyur nas zhes pa man chad kyis bstan/ bzhi bcu rtsa bzhi pa bdud kyis 'byed pa'i sbyor ba yang mdo las/ rab 'byor gzhan yang bdud sdig can dge slong gi cha byad dang /de bzhin gshegs pa'i cha byad du bsgyur zhing ci nas kyang zhes pa man chad kyis bstan/ bzhi bcu lnga pa bcos ma nye bar bsgrub pa yang mdo las/ rab 'byor gzhan yang bdud sdig can dge slong gi cha byad du bsgyur zhing byang chub sems dpa' sems dpa' chen po'i drung du 'ongs nas 'di skad du zhes pa man chad kyis bstan/bzhi bcu rtsa drug pa yul ji lta ba bzhin ma yin pa la dga' ba bskyed pa yang mdo las/ rab 'byor gzhan yang bdud sdig can sangs rgyas kyi cha byad du lus gser gyi mdog lta bu 'od 'dom gang dang ldan par bsgyur te 'ongs nas zhes pa man chad kyis bstan te/rnam pa kun mngon par rdzogs par rtogs pa la don bcu gcig gis bstan pa'i lnga pa mtshan nyid bstan pa la yang bzhi ste/ shes pa'i mtshan nyid dang /khyad par gyi mtshan nyid dang / byed pa'i mtshan nyid dang / ngo bo nyid kyi mtshan nyid do/ /de la shes pa'i mtshan nyid la yang thams cad mkhyen pa nyid gsum gyi dbye bas bcu drug bcu drug ste bzhi bcu rtsa brgyad dang / nyan thos la sogs pa las shes pa khyad par du bya dgos pa las shes pa'i khyad par gyi mtshan nyid bden pa bzhi la shes pa dang rjes su shes pa bcu drug dang /thams cad shes pa nyid kyi byed pa gsum lam shes pa'i byed pa bdun/ rnam pa thams cad mkhyen pa'i mdzad pa gcig dang / byed pa'i mtshan nyid kyis shes par bya ba'i ngo bo nyid la thams cad shes pa'i ngo bo nyid bzhi/lam shes pa'i ngo bo nyid lnga/ rnam pa thams cad mkhyen pa'i ngo bo nyid bdun te/ spyir mtshan nyid la dbye na dgu bcu rtsa gcig tu 'gyur ba las/ dang po de bzhin gshegs pa 'byung ba yang mdo las/le'u bzhi bcu rtsa gnyis pa'i klad nas/ rab 'byor 'di lta ste dper na bud med la la zhig la bu lnga'am bcu'am zhes pa la sogs pas bstan/ gnyis pa 'jig rten ston pa yang mdo las/ rab 'byor gyis gsol pa/bcom ldan 'das de bzhin gshegs pas 'jig rten du gsungs pa yang gang lags zhes pa man chad kyis bstan/ gsum pa sems can gyi sems kyi spyod pa mkhyen pa yang mdo las/ rab 'byor sems can tshad med pa de dag gi sems kyi spyod pa dpag tu med pa gang yin pa de dag ces pa man chad kyis bstan/bzhi pa sems bsdus pa dang / lnga pa sems rnam par g.yengs ba yang mdo las/ rab 'byor gzhan yang sems can ji snyed sems can du gdags pas btags pa gzugs can nam zhes pa la sogs pas bstan/drug pa sems mi zad pa'i rnam pa yang mdo las/ rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis sems can de dag gi sems bsdus pa dang / rnam par g.yengs pa rnams mi zad pa nyid du yang dag pa ji lta ba bzhin du rab tu mkhyen te zhes pa la sogs pas bstan/bdun pa sems 'dod chags dang bcas pa dang / sems 'dod chags dang bral ba la sogs pa yang mdo las/ rab 'byor gzhan yang de bzhin gshegs pas sems can de dag gi sems 'dod chags dang bcas pa la sems 'dod chags dang bcas par yang dag pa ji lta ba bzhin du mkhyen to zhes pa la sogs pas bstan/brgyad pa sems rgya che ba yang mdo las/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dag dang gang zag gzhan dag gi sems rgya che ba la sems rgya che bar yang dag pa ji lta ba bzhin du rab tu mkhyen te zhes pa man chad kyis bstan/dgu pa sems chen por gyur pa 'am yangs par gyur pa yang mdo las/rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan dag gi sems chen por gyur pa la sems chen por gyur par yang dag pa ji lta ba bzhin du rab tu mkhyen to zhes pa man chad kyis bstan/bcu pa sems tshad med pa yang mdo las/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dag dang gang zag gzhan gyi sems tshad med pa la sems tshad med par yang dag par ji lta ba bzhin du rab tu mkhyen to zhes bya ba la sogs pas bstan/bcu gcig pa sems bstan du med pa yang mdo las/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan dag gi sems bstan du med pa la sems bstan du med par yang dag pa ji lta ba bzhin du rab tu mkhyen to zhes pa la sogs pas bstan/bcu gnyis pa sems bltar med pa yang mdo las/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dag dang gang zag gzhan dag gi sems mi snang bar yang dag pa ji lta ba bzhin du rab tu mkhyen to zhes pa la sogs pas bstan/bcu gsum pa sems g.yo ba la sogs pa yang mdo las/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can de dag gi sems lhag par g.yo ba dang /bral bar g.yo ba rnams dang zhes pa la sogs pas bstan/ bcu bzhi pa g.yo ba la sogs pa de bzhin nyid kyi rnam pa can yang mdo las/rab 'byor gzhan yang de bzhin gshegs pas shes rab kyi pha rol tu phyin pa 'di la brten nas gzugs mkhyen te/ gzugs ji ltar mkhyen zhe na/ ji ltar de bzhin nyid du 'gyur ba med cing rnam par rtog pa med pa zhes pa la sogs pas bstan/ bco lnga pa de bzhin gshegs pa de bzhin nyid du rtogs pa yang mdo las/ rab 'byor de ltar na lhag par g.yo ba dang / bral bar g.yo ba dang / bsdus par g.yo ba dang / rgyas pa'i de bzhin nyid gang yin pa de ni zhes pa man chad kyis bstan/ bcu drug pa gtsor bstan cing brtags pa yang mdo las/bcom ldan 'das de bzhin nyid 'dis ni sangs rgyas bcom ldan 'das rnams kyi byang chub snang bar bgyis so zhes bya ba la sogs pas bstan/ de'i 'og tu lam gyi rnam pa shes pa'i dbang du byas pa bcu drug 'byung ste/ grangs snga ma dang bsdebs na bcu bdun pa stong pa nyid dang bco brgyad pa mtshan ma med pa dang /bcu dgu pa smon pa med pa dang / nyi shu pa skye ba med pa dang / nyi shu rtsa gcig pa 'gag pa med pa dang / nyi shu rtsa gnyis pa kun nas nyon mongs pa med pa dang / nyi shu rtsa gsum pa rnam par byang ba med pa dang / nyi shu rtsa bzhi pa dngos po med pa'i ngo bo nyid med pa dang / nyi shu rtsa lnga pa rten pa med pa'i mtshan nyid rnams ni mdo las/ le'u bzhi bcu rtsa gsum pa'i klad nas/ de nas stong gsum gyi stong chen po'i 'jig rten gyi khams na 'dod pa na spyod pa dang zhes pa la sogs pas mgo drangs te 'og kho na nas/lha'i bu dag shes rab kyi pha rol tu phyin pa 'di ni stong pa nyid yin pa'i phyir zab pa'o zhes pa nas/ mi gnas pa'i mtshan nyid dang zhes pa'i bar gyi tshig des rim pa bzhin bstan/ nyi shu rtsa drug pa nam mkha' dang / nyi shu rtsa bdun pa zhi ba ni mdo las/go rims 'grel pa las 'byung ba las bsnor te zhi ba ni tshad med pa'i mtshan nyid dang / rtag pa med pa'i mtshan nyid dang zhes pa la sogs pas bstan/ nam mkha' ni 'og nas/ nam mkha'i mtshan nyid yin pa'i phyir zab po zhes pas bstan/ nyi shu rtsa brgyad pa chos nyid rnam par 'khrug pa med pa yang mdo las/ lha'i bu dag shes rab kyi pha rol tu phyin pa'i mtshan nyid de lta bu yin pas de bzhin gshegs pas 'jig rten gyi brdar bka' stsal te/ zhes pa man chad kyis bstan/ nyi shu rtsa dgu pa 'du mi byed pa ni mdo las/lha'i bu dag mtshan nyid de dag ni gzugs kyis mngon par 'du byas pa ma yin no zhes pa man chad kyis bstan/ sum cu pa rnam par mi rtog pa yang mdo las/ bcom ldan 'das kyis bka' stsal pa/ lha'i bu dag de bzhin gshegs pa rnams byung yang rung /de bzhin gshegs pa rnams ma byung yang rung ste zhes pa la sogs pas bstan/ sum cu rtsa gcig pa rab tu 'byed pa yang mdo las/ bcom ldan 'das 'di ltar de bzhin gshegs pa gang la spyad pas bla na med pa yang dag par rdzogs pa'i byang chub mngon par rdzogs par sangs rgyas par gyur la zhes pa la sogs pas bstan/sum cu rtsa gnyis pa mtshan nyid med pa yang mdo las/ de nas bcom ldan 'das kyis 'dod pa na spyod pa dang / gzugs na spyod pa'i lha'i bu de dag la 'di skad ces bka' stsal to//lha'i bu dag gzugs ni gzugs su rung ba'i mtshan nyid dang / zhes pa la sogs pas bstan to/ /de'i 'og tu rnam pa thams cad mkhyen pa'i mtshan nyid bcu drug 'byung ba gong ma'i grangs dang bsdebs te sum cu rtsa gsum pa nyid kyi chos la brten nas gnas pa yang mdo las/de nas bcom ldan 'das kyis tshe dang ldan pa 'byor shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas skyed pa yin no zhes pa la sogs pas bstan/ sum cu rtsa bzhi pa gus par bya ba ni mdo las/ 'di lta ste/ shes rab kyi pha rol tu phyin pa'i chos 'di la bsti stang du mdzad ces pas bstan/ sum cu rtsa lnga pa bla mar bya bar yang mdo las/ bla mar mdzad ces pa dang / sum cu rtsa drug pa mnyes par bya ba dang / sum cu rtsa bdun pa mchod pa yang mdo las/ ri mor mdzad/ mchod par mdzad de zhes pa la sogs pa dang rim bzhin sbyar bas bstan/ sum cu rtsa brgyad pa byed pa med pa nyid kyang mdo las/ rab 'byor gzhan yang byed pa po med pa'i phyir de bzhin gshegs pas chos thams cad ma byas pa dang zhes pa man chad kyis bstan/sum cu rtsa dgu pa thams cad du 'gro ba yang mdo las/ rab 'byor gzhan yang de bzhin gshegs pas shes rab kyi pha rol tu phyin pa 'di la brten nas/ don dam par 'byung ba med pa'i phyir ye shes byas pa med pa chos thams cad la 'jug pa'i brdas zhugs te zhes pa la sogs pas bstan/bzhi bcu pa ma mthong ba'i don ston pa yang mdo las/ rab 'byor de ltar na shes rab kyi pha rol tu phyin pa ni de bzhin gshegs pa bskyed pa dang / 'jig rten ston pa yin de yang gzugs ma mthong ba'i phyir ston pa yin no zhes pa la sogs pas bstan/bzhi bcu rtsa gcig pa 'jig rten stong pa nyid kyi rnam pa ni mdo las byung ste don gyis bstan/ bzhi bcu gnyis pa 'jig rten stong pa nyid du brjod pa ni mdo las/ rab 'byor gzhan yang shes rab kyi pha rol tu phyin pa ji ltar de bzhin gshegs pa bskyed pa dang /'jig rten stong pa yin zhe na/ rab 'byor shes rab kyi pha rol tu phyin pa 'di ni 'jig rten stong ngo zhes rjod par byed do zhes pa la sogs pas bstan/ bzhi bcu gsum pa 'jig rten stong pa nyid du shes par mdzad pa yang mdo las/rab 'byor gzhan yang de bzhin gshegs pas ni 'jig rten stong par rig go zhes pa la sogs pas bstan/ bzhi bcu bzhi pa 'jig rten stong pa nyid du ston pa yang mdo las/ rab 'byor gzhan yang shes rab kyi pha rol tu phyin pa 'di ni de bzhin gshegs pa la 'jig rten stong ngo zhes ston te zhes pa la sogs pas bstan/bzhi bcu lnga pa 'jig rten bsam gyis mi khyab pa nyid du ston pa yang mdo las/ rab 'byor gzhan yang shes rab kyi pha rol tu phyin pa ni de bzhin gshegs pa la 'jig rten bsam gyis mi khyab par ston te zhes pa la sogs pas bstan/bzhi bcu drug pa zhi ba nyid du ston pa yang mdo las/ rab 'byor gzhan yang shes rab kyi pha rol tu phyin pa ni de bzhin gshegs pa la 'jig rten zhi zhes bya bar ston te zhes pa la sogs pas bstan/ bzhi bcu bdun pa 'jig rten 'gog pa yang mdo las/ rab 'byor gzhan yang shes rab kyi pha rol tu phyin pa ni de bzhin gshegs pa la 'jig rten stong pa nyid kho nar ston te zhes pa la sogs pas bstan/ bzhi bcu brgyad pa 'du shes 'gog pa yang mdo las/ rab 'byor shes rab kyi pha rol tu phyin pa 'di ni ci nas 'jig rten 'di'i 'du shes med pa dang zhes pa la sogs pas bstan/shes pa'i mtshan nyid kyi 'og tu bden pa bzhi la nyan thos la sogs pa'i lam shes pa bas byang chub sems dpa'i lam shes pa khyad par du bstan pa'i khyad par gyi mtshan nyid rnam pa bcu drug 'byung ba la gong ma bzhin du grangs dang bsdebs te/rab 'byor gyis gsol pa/ bcom ldan 'das shes rab kyi pha rol tu phyin pa 'di ni bcom ldan 'das kyi mdzad pa chen pos nye bar gnas pa lags so zhes pa nas/ mdzad pa mi mnyam pa dang mnyam pas nye bar gnas pa yin no zhes pa'i bar gyis mdor bstan nas/ bzhi bcu dgu pa bsam gyis mi khyab pa dang / lnga bcu pa gzhal ba las yang dag par 'das pa dang / lnga bcu gcig pa bgrang ba las yang dag par 'das pa dang /lnga bcu gnyis pa mi mnyam pa dang mnyam pa nyid rnams ni mdo las/ rab 'byor gyis gsol pa/ bcom ldan 'das ci sangs rgyas nyid dang de bzhin gshegs pa dang / rang byung nyid dang / thams cad mkhyen pa nyid ni bsam gyis mi khyab pa dang zhes pa nas/mi mnyam pa dang mnyam pa lags sam zhes pa'i bar du go rims bzhin du sbyar te/ de man chad dbye ba dang bcas te bstan/ lnga bcu gsum pa 'phags pa'i gang zag thams cad sdud pa mdo las/ le'u bzhi bcu bzhi pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das shes rab kyi pha rol tu phyin pa 'di zab pa lags so zhes pa man chad kyis bstan/ lnga bcu bzhi pa nyan thos la sogs pa'i spyod yul ma yin pa'i dngos po shes pa yang mdo las/ de ci'i phyir zhe na/rab 'byor 'di ltar shes rab kyi pha rol tu phyin pa zab mo 'di ni gzugs la yongs su 'dzin pa med cing zhes pa la sogs pas bstan/ lnga bcu lnga pa skyes bu mkhas pas rig par bya ba nyid kyang mdo las/ de nas bcom ldan 'das la 'dod pa na spyod pa dang /gzugs na spyod pa'i lha'i bu rnams kyis 'di skad ces gsol to/ /bcom ldan 'das shes rab kyi pha rol tu phyin pa 'di ni zab cing mthong bar dka' la rtogs par dka' ste zhes pa la sogs pas bstan/ lnga bcu drug pa rang gi lugs la ltos pa'i mngon par shes pa myur ba'i shes pa yang mdo las/bcom ldan 'das byang chub sems dpa' gang dag shes rab kyi pha rol tu phyin pa la mos par gyur pa de dag ni sngon gyi rgyal ba rnams la lhag par bgyi ba bgyis pa dang zhes pa man chad kyis bstan/ 'dir 'grel pa las mang nyung med pa dang 'khor gsum dag pa gnyis kyi 'og tu yang dag par 'grub pa 'byung /mdo las yang dag par 'grub pa sngar 'byung bas mdo btsan par bya ste/ lnga bcu bdun pa'i sbyor bas yang dag par bsgrubs pa'i bsod nams dang ye shes yang dag par 'grub pa yang mdo las/de ci'i phyir zhe na/ 'di ltar dad pas rjes su 'brang ba rnams dang zhes pa man chad kyis bstan/ lnga bcu brgyad pa kun rdzob dang don dam pa la brten pa'i chos thams cad nyung ba med pa dang mang ba med pa'i ngo bo yang mdo las/ bcom ldan 'das shes rab kyi pha rol tu phyin pa 'di la dad pa'i rjes su 'brang ba rnams dang zhes pa la sogs pas bstan/lnga bcu dgu pa 'khor gsum rnam par dag pa las sbyin pa la sogs pa'i pha rol tu phyin pa la sbyor ba yang mdo las/ de nas 'dod pa na spyod pa dang gzugs na spyod pa'i lha'i bu rnams kyis bcom ldan 'das kyi zhabs la spyi bos phyag 'tshal te/bcom ldan 'das la lan gsum bskor ba byas nas bcom ldan 'das kyi thad nas dong ste zhes pa man chad kyis bstan/ drug cu pa thams cad la dmigs pa tshad med pa yang mdo las/ le'u bzhi bcu lnga pa'i klad nas/rab 'byor 'di lta ste dper na gang gi tshe rgya mtsho'i gru zhig par gyur la zhes pa la sogs pas bstan/ drug cu gcig pa chos kyi dbyings ngo bo nyid kyis byang chub sems dpa'i rten du bstan pa yang mdo las/ rab 'byor 'di lta ste dper na/ skyes pa 'am bud med gcig gis bum pa so ma btang /ma bsregs pas chu bcu par bsams na zhes pa la sogs pas bstan/ drug cu gnyis pa smon lam la sogs pa'i pha rol tu phyin pa yongs su rdzogs pa'i rgyu tshogs pa yang mdo las/ rab 'byor 'di lta ste dper na/ rgya mtsho'i gru legs par ma bcos shing zag lhan ma byas par rdzas kyis lci bar byas te chu la btang na zhes pa man chad kyis bstan/drug cu gsum pa dge ba'i bshes gnyen gyi thabs kyis yongs su bzung ba yang mdo las/ rab 'byor 'di lta ste dper na/ mi skyes nas lo brgya nyi shu lon pa rgas shing 'khogs pa gtugs pa zhig yod de/zhes pa la sogs pas bstan/ drug cu bzhi pa mngon par zhen pa'i ro myang ba med pa yang mdo las/ rab 'byor gyis gsol pa/ bcom ldan 'das rigs kyi bu 'am rigs kyi bu mo byang chub sems dpa'i theg pa la yang dag par zhugs pa dag ji ltar shes rab kyi pha rol tu phyin pas yongs su zin cing zhes pa nas le'u bzhi bcu drug pa'i stod nas/chos thams cad sgyu ma lta bu dang rmi lam lta bur shes nas bla na med pa yang dag par rdzogs pa'i byang chub la yang dag par zhugs pa yin no zhes pa'i bar gyis bstan to//de ltar bzhi bcu rtsa dgu nas drug cu rtsa bzhi'i bar du don bcu drug gis nyan thos las byang chub sems dpa'i lam khyad par du 'phags par bstan nas byed pa'i mtshan nyid ston te/ thams cad shes pa'i mtshan nyid gsum dang /lam gyi rnam pa shes pa'i byed pa'i mtshan nyid bdun dang / rnam pa thams cad mkhyen pa'i mdzad pa'i mtshan nyid gcig ste/ spyir byed pa'i mtshan nyid bcu gcig gis ston pa mdo las/ byang chub sems dpa' sems dpa' chen po rnams ni 'jig rten la phan pa dang bde ba'i phyir yang dag par zhugs pa yin te zhes pa nas/'jig rten gyi rten du gyur cig ces bla na med pa yang dag par rdzogs pa'i byang chub la yang dag par zhugs pa yin no zhes pa'i bar gyis mdor bstan pa ci rigs par sbyar nas gong ma'i grangs dang bsdebs te drug cu lnga pa ma 'ongs pa'i phan pa yang mdo las/rab 'byor byang chub sems dpa' sems dpa' chen po rnams ji ltar na 'jig rten la phan pa'i phyir yang dag par zhugs pa yin no zhe na zhes pa la sogs pas bstan/ drug cu drug pa tshe 'di'i bde ba yang mdo las/rab 'byor byang chub sems dpa' sems dpa' chen po rnams ji ltar 'jig rten la bde ba'i phyir zhugs pa yin zhe na zhes pa man chad kyis bstan/ drug cu bdun pa sdug bsngal med pa'i rnam par smin pa'i chos nyid du nye bar bsgrub pa yang mdo las/rab 'byor byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa rnams ji ltar na 'jig rten gyi skyob pa yin zhe na zhes pa la sogs pas bstan/ de gsum ni thams cad shes pa dang sbyar ro//drug cu brgyad pa gtan du phan pa yang mdo las/ rab 'byor byang chub sems dpa' sems dpa' chen po rnams bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa rnams ji ltar na 'jig rten gyi skyabs yin zhe na zhes pa man chad kyis bstan/drug cu dgu pa sdug bsngal gyi rgyu bzlog pa yang / rab 'byor byang chub sems dpa' sems dpa' chen po rnams ji ltar 'jig rten gyi gnas yin zhe na zhes pa man chad kyis bstan/ bdun cu pa 'khor ba dang mya ngan las 'das pa mnyam pa nyid du rtogs pa yang mdo las/rab 'byor byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams ji ltar 'jig rten gyi dpung gnyen yin zhe na zhes pa man chad kyis bstan/bdun cu gcig pa rang dang gzhan gyi don du rtogs pa'i rten gyi ngo bo yang mdo las/ rab 'byor byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar 'jig rten gyi gling du 'gyur zhe na zhes pa man chad kyis bstan/bdun cu gnyis pa gzhan gyi don bsgrub pa yang mdo las/ rab 'byor byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas ji ltar 'jig rten gyi yongs su 'dren par 'gyur zhe na zhes pa man chad kyis bstan/de ltar lnga dang bdun cu gsum pa'i skabs 'di chos thams cad du ston pa nye bar bsgrubs pa'i don gyi rnam pa thams cad mkhyen pa'i mdzad pa gcig dang sbyar te mdo las/ rab 'byor byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas nas/ji ltar sems can rnams kyi rten du 'gyur zhe na zhes pa man chad kyis bstan/ 'bum pa las ni rten la lam zhes 'byung /bdun cu bzhi pa sems can gyi don lhun gyis grub par 'jug pa dang / bdun cu lnga pa theg pa gsum gyis nges par 'byung ba'i 'bras bu mngon sum du mi byed pa yang mdo las/ de ci'i phyir zhe na/ rab 'byor chos thams cad stong pa nyid kyi ngang tshul can te de dag ni ngang tshul de las mi 'da' ba'i phyir ro zhes pa man chad kyis bstan/gong gi lnga dang tha ma'i gnyis te bdun ni lam gyi rnam pa shes pa dang sbyar ro/ /byed pa'i mtshan nyid kyis shes par bya ba'i ngo bo nyid kyi mtshan nyid ni thams cad shes pa'i ngo bo nyid bzhi dang / lam shes pa'i ngo bo nyid lnga dang /rnam pa thams cad mkhyen pa'i ngo bo nyid bdun rnams gong ma'i grangs kyi steng du go rims bzhin bsnan te/ bdun cu drug pa 'dod chags la sogs pa nyon mongs pas dben pa'i ngo bo yang mdo las/ le'u bzhi bcu bdun pa'i klad nas/ rab 'byor gyis gsol pa zhes pa nas/gti mug bsal bas dben pa'i rang bzhin can du 'gyur ro zhes pa'i bar gyis bstan/ bdun cu bdun pa de'i rtags lus kyi gnas ngan len gyi dben pa yang mdo las/ rab 'byor de dag ni 'dod chags kyi rtags kyis dben pa'i rang bzhin can du 'gyur ro zhes pa la sogs pas bstan/bdun cu brgyad pa de'i mtshan ma tshul bzhin ma yin pa yid la byed pas dben pa yang mdo las/ rab 'byor de dag ni 'dod chags kyi mtshan mas dben pa'i rang bzhin can du 'gyur ro zhes pa la sogs pas bstan/ bdun cu dgu pa 'dod chags dang 'dod chags med pa la sogs pa mi mthun pa dang / gnyen po stong par rtogs pa yang mdo las/ rab 'byor gyis gsol pa/ bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa zab mo 'di rtogs par 'gyur ba de dag ji lta bu'i tshul can du 'gyur ba lags zhes pa la sogs pas bstan/brgyad cu pa don dam par med par sems can mya ngan las 'da' bar dka' yang mdo las/ rab 'byor gyis gsol pa/ bcom ldan 'das byang chub sems dpa' sems dpa' chen po rnam pa thams cad mkhyen pa nyid kyi tshul can de dag ni sems can thams cad kyi rten lags so zhes pa la sogs pas bstan/brgyad cu gcig pa theg pa gzhan du mi ltung ba yang mdo las/ rab 'byor byang chub sems dpa'i go cha de ni gzugs dang 'brel ba ma yin no zhes pa la sogs pas bstan/brgyad cu gnyis pa yun ring po nas bsgrub par bya ba'i mchog nyid kyi ched du yang mdo las/ rab 'byor gyis gsol pa/ bcom ldan 'das shes rab kyi rol tu phyin pa ni zab pa lags te/ de ni sus kyang bsgom par bgyi ba ma lags zhes pa la sogs pas bstan/ brgyad cu gsum pa dngos po dang dngos po med pa'i chos mi dmigs pa yang mdo las/ rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa zab mo 'di ston pa na mi skrag mi dngang / dngang bar mi 'gyur zhing zhes pa man chad kyis bstan/brgyad cu bzhi pa dngos por zhen pa mtha' dag bkag pa yang mdo las/ bcom ldan 'das kyis bka' stsal pa/ rab 'byor byang chub sems dpa' sems dpa' chen po rnams kyi sems kyi rgyud stong pa nyid la gzhol ba dang zhes pa la sogs pas bstan/ brgyad cu lnga pa thams cad shes pa dang /lam shes pas bsdus pa'i dngos po khyad par la dmigs pa yang mdo las/ le'u bzhi bcu rtsa brgyad pa'i klad nas/ de nas 'dod pa na spyod pa dang zhes pa man chad kyis bstan/ brgyad cu drug pa 'jig rten gyi sgrub pa 'dzin pa la sogs pa las bzlog pa bstan pa mi mthun pa yang mdo las/lha'i bu rnams kyis gsol pa/ bcom ldan 'das kye ma 'jig rten thams cad dang mi mthun pa'i chos 'di bstan pa lags so zhes pa la sogs pas bstan/ brgyad cu bdun pa gzugs la sogs pa thogs pa med par shes pa yang mdo las/chos 'di ni gang la yang thogs pa ma mchis lags te/ ci la thogs pa ma mchis pa lags she na/ gzugs la thogs pa ma mchis pa lags so zhes pa la sogs pas bstan/ brgyad cu brgyad pa shes bya dang / shes pa mi dmigs pas gzhi med pa yang mdo las/ chos 'di ni gzugs skye ba ma mchis pa dang / 'gag pa ma mchis pa dang / zhes pa la sogs pas bstan/ brgyad cu dgu pa de bzhin nyid kyis 'gro ba med pa yang mdo las/ de nas bcom ldan 'das la 'dod pa na spyod pa dang /gzugs na spyod pa'i lha'i bu rnams kyis 'di skad ces gsol to/ /bcom ldan 'das rab 'byor 'di ni bcom ldan 'das kyi rjes su skyes pa lags so zhes pa man chad kyis bstan/ dgu bcu pa gzugs la sogs pa ngo bo nyid med pas skye ba med pa yang mdo las/ de nas 'dod pa na spyod pa dang gzugs na spyod pa'i lha'i bu de dag gis bcom ldan 'das dang gnas brtan rab 'byor la lha'i tsan+dan gyi phye ma dag gis gtor zhes pa la sogs pas bstan/ dgu bcu gcig pa dngos po la sogs pa gsum gyi ngo bo nyid mi dmigs pa yang mdo las/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das de bzhin nyid dang zhes pa man chad nas/ de nyan thos dang / rang sangs rgyas kyi sar ltung ngo zhes pa'i bar gyis bstan to/ /spyi don brgyad kyis bstan pa'i bzhi pa rnam pa kun mngon par rdzogs par rtogs pa la don bcu gcig gis bstan pa'i drug pa thar pa'i cha dang mthun pa yang mdo las/shA ri'i bu 'di la byang chub sems dpa' sems dpa' chen po sems dang po bskyed pa nas nye bar bzung ste/ rnam pa thams cad mkhyen pa nyid kyi sems dang ma bral bar sbyin pa sbyin par byed ces pa la sogs pas bstan/rnam pa kun mngon par rdzogs par rtogs pa la don bcu gcig gis bstan pa'i bdun pa nges par 'byed pa'i cha dang mthun pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das bla na med pa yang dag par rdzogs pa'i byang chub tu nges par 'byung bar 'tshal ba'i byang chub sems dpa' sems dpa' chen pos ji ltar gnas par bgyi zhes pa man chad kyis bstan pa la/ dro ba'i dmigs pa lnga tshan gnyis kyis bstan pa las mnyam pa yang mdo las/rab 'byor byang chub sems dpa' sems dpa' chen pos sems can thams cad la snyoms pa'i sems la gnas par bya'o zhes bya ba la sogs pas bstan/ byams pa yang mdo las/ sems can thams cad la byams pa chen po dang / snying rje chen po bskyed par bya'o zhes pa la sogs pas bstan/phan pa yang mdo las/ sems can thams cad la phan pa'i sems bskyed par bya ste/ gnod pa'i sems bskyed par mi bya'o zhes pa la sogs pas bstan/ khong khro med pa yang mdo las/ sems can thams cad la zhe 'gras pa med pa'i sems bskyed par bya ste/zhe 'gras pa'i sems bskyed par mi bya'o zhes pas bstan/ rnam par 'tshe ba med pa yang mdo las/ sems can thams cad la rnam par 'tshe ba med pa'i sems bskyed par bya ste zhes pa la sogs pas bstan/ de ltar lnga dang / pha ma'i sems dang / spun dang / sring mo'i sems dang / bu dang / bu mo'i sems dang / bshes dang / grogs po'i sems dang / gnyen dang / snag gi gnyen mtshams kyi sems dang lnga ni mdo las/ sems can thams cad la ma'i sems bskyed par bya'o zhes pa la sogs pas bstan te/ci rigs pa dang / rtse mo'i dmigs pa ni bzhi ste/ bdag dang gzhan dge ba la 'jug pa dang / mi dge ba las ldog pa dang / zhugs pa dang ldog pa'i bsngags pa brjod pa ste/ de yang mdo las/ bdag gis kyang srog gcod pa spang bar bya zhes pa la sogs pas bstan/bzod pa yang mdo las/ de ltar slob cing de ltar gnas pa de ni gzugs sgrib pa med par 'gyur ro zhes pa la sogs pas bstan/ 'jig rten pa'i chos kyi mchog kyang mdo las/ de ci'i phyir zhe na/ 'di ltar byang chub sems dpa' sems dpa' chen po des sngon gyi mtha' nas kyang gzugs yongs su ma bzung zhes pa la sogs pas bstan/rnam pa kun mngon par rdzogs par rtogs pa la don bcu gcig gis bstan pa'i brgyad pa slob pa'i phyir mi ldog pa'i tshogs la yang gsum ste/ sbyor ba'i lam dang / mthong ba'i lam dang / bsgom pa'i lam las phyir mi ldog pa las sbyor ba'i lam las phyir mi ldog pa'i rtags kyang nyi shu ste/ mdo las/ le'u bzhi bcu rtsa dgu pa'i klad nas/ da skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das phyir mi ldog pa'i byang chub sems dpa' sems dpa' chen po'i rnam pa ni gang lags zhes pa la sogs pas mgo drangs nas rtags dang po gzugs la sogs pa las ldog pa yang mdo las/ bcom ldan 'das kyis bka' stsal pa/rab 'byor byang chub sems dpa' sems dpa' chen po gang gzugs las phyir mi ldog pa dang zhes pa la sogs pas bstan/ gnyis pa shes nas dad pa thob pas the tshom zad pa yang mdo las/ rab 'byor gzhan yang byang chub sems dpa' sems dpa' chen po dge sbyong dang bram ze 'di dag ni shes par bya ba shes pa'o zhes pa la sogs pas bstan/gsum pa smon lam grub pas log par lta ba dang bral ba dang / mi khom pa brgyad spangs pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni sems can dmyal bar mi skye zhes pa la sogs pas bstan/bzhi pa snying rje rang gzhan dge ba la sbyor ba yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po dge ba bcu'i las kyi lam yang dag par blangs nas gnas te zhes pa la sogs pas bstan/lnga pa bdag dang gzhan du brje ba yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni gang gi tshe sbyin pa'i pha rol tu phyin pa la gnas pa na sems can thams cad kyi ched du zhes pa man chad kyis bstan/drug pa chos yang dag par rtogs pas zab mo la som nyi med pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni chos zab mo rnams la som nyi mi za zhing zhes pa man chad kyis bstan/bdun pa gzhan la phan par zhugs pas byams pa'i lus dang / ngag dang / yid kyi las kyang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni lus kyi las 'jam pa dang ldan pa yin zhes pa la sogs pas bstan/brgyad pa sbyor ba phun sum tshogs pas sgrib pa lnga po dang mi 'grogs pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni sgrib pa lnga po 'di lta ste/ 'dod pa la 'dun pa dang /zhes pa la sogs pas bstan/ dgu pa gnyen po bsgoms pas ma rig pa la sogs pa'i bag la nyal ba 'joms pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po la ni bag la nyal thams cad kyis thams du med do zhes pa la sogs pas bstan/bcu pa rtag tu mnyam par gzhag pas dran pa dang shes bzhin du ldan pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni 'gro ba 'am ldog kyang rung ste/ 'khrul pa'i sems kyis mi 'gro zhes pa la sogs pas bstan/bcu gcig pa gtsang sbra spyod pas gos la sogs pa yongs su spyod pa gtsang ba yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po'i gos spyod pa ni smad du med pa yin zhes pa la sogs pas bstan/bcu gcig po de ni drod dang sbyar/ bcu gnyis pa dge ba'i rtsa ba 'jig rten las 'phags pas lus la srin bu'i rigs brgyad khri mi 'byung ba yang mdo las/ rab 'byor gzhan yang mir gyur pa rnams kyi lus la srin bu'i rigs brgyad khri gang dag yod cing lus de nyid la zab de dag ni zhes pa la sogs pas bstan/bcu gsum pa dge ba'i rtsa ba rnam par dag pas sems gya gyu med pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das ji ltar na byang chub sems dpa' sems dpa' chen po lus yongs su dag pa dang / ngag yongs su dag pa dang / sems yongs su dag pa zhes pa la sogs pas bstan/ bcu bzhi ba rnyed pa la sogs pa la mi lta bas sbyangs pa'i yon tan yang dag par len pa yang mdo las/rab 'byor gzhan yang phyir mi ldog pa'i byang chub sems dpa' sems dpa' chen po ni rnyed pa dang bkur sti la gdu ba ma yin zhes pa la sogs pas bstan/ bco lnga pa sbyin pa la sogs pa bsgrubs pas de dang 'gal ba ser sna la sogs pa med pa yang mdo las/rab 'byor gzhan yang phyir mi ldog pa'i byang chub sems dpa' sems dpa' chen po ni ser sna'i sems mi skyed ces pa la sogs pas bstan/ bcu drug pa chos thams cad yang dag par sdud pas chos nyid dang mi 'gal ba yang mdo las/rab 'byor gzhan yang phyir mi ldog pa'i byang chub sems dpa' sems dpa' chen po ni blo brtan pa'i zhes pa la sogs pas bstan/ bcu bdun pa 'gro ba bdag gir byas pas gzhan gyi don du dmyal ba 'dod pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po'i mdun du bdud sdig can gyis sems can dmyal ba chen po brgyad mngon par sprul nas zhes pa la sogs pas bstan te/de ltar drug rtse mo dang sbyar/ bco brgyad pa rtogs pa la yid ches pas gzhan gyis mi bkri ba yang mdo las/rab 'byor gal te gzhan yang byang chub sems dpa' sems dpa' chen po'i mdun du bdud sdig to can dge sbyong gi cha byad kyis 'ongs te/ zhes pa la sogs pas bstan/ bcu dgu pa sangs rgyas kyi thabs shes pas lam ltar bcos pa bstan pa'i bdud la bdud nyid du shes pa yang mdo las/rab 'byor gzhan yang byang chub sems dpa' sems dpa' chen po'i drung du bdud sdig can dge slong gi cha byad kyis 'ongs te/ 'di skad du 'di ni 'khor ba'i spyod pa yin te zhes pa la sogs pas bstan te/de gnyis bzod pa dang sbyar/ nyi shu pa 'khor gsum rnam par dag pas spyod pa thams cad la sangs rgyas dgyes pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa 'di snyam du gal te de bzhin gshegs pas/ji skad bstan pa de bzhin du bslabs la spyod pa de dang ma bral zhing zhes pa la sogs pas bstan te/ de ni 'jig rten gyi chos kyi mchog dang sbyar te/ nyi shu po de dag ni sbyor ba'i lam la gnas pa bla na med pa'i byang chub las phyir mi ldog pa'i rtags bstan pa yin no//mthong ba'i lam la gnas pa'i phyir mi ldog pa'i rtags ni bden pa bzhi po re re la yang rnam pa bzhi bzhi'i dbye bas rnam pa bcu drug ste/ rang gi mtshan nyid stong pas gzugs la sogs pa'i chos su rtog pa las ldog pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po gang las slar ldog pa'i slad du des na phyir mi ldog pa zhes bgyi bar 'tshal bar bgyi ba lags zhes pa man chad kyis bstan/gnyis pa sangs rgyas la sogs pas byin gyis brlabs pas bla na med pa'i byang chub kyi sems bstan pa yang mdo las/ le'u lnga bcu pa'i klad nas/ rab 'byor gzhan yang byang chub sems dpa' sems dpa' chen po'i drung du bdud sdig can 'ongs nas mos pa bzlog cing zhes pa la sogs pas bstan/gsum pa theg pa chen po'i drung du chos bsgrubs pas theg pa dman pa las ldog pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das phyir mi ldog pa'i byang chub sems dpa' sems dpa' chen po yang phyir mi ldog pa zhes bgyi'am zhes pa la sogs pas bstan/ bzhi pa rnam par 'byed pa'i mthus bsam gtan la sogs par skye ba'i yan lag yongs su zad pa yang mdo las/rab 'byor gzhan yang byang chub sems dpa' sems dpa' chen po ni 'dod na bsam gtan dang po la snyoms par 'jug go zhes pa la sogs pas bstan te/ de bzhi ni sdug bsngal gyi rnam pa dang sbyar/lnga pa mi dge ba dang bral bas lus sems yang ba yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni byang chub sems dpa'i yid la byed pa dang ldan te/ byang chub kyi sems dang ma bral bas zhes pa la sogs pas bstan/drug pa sems can gdul ba'i thabs la mkhas pas zhen pa med par 'dod pa la spyod pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po ni khyim gyi nang na gnas shing thabs la mkhas pas sems can rnams yongs su smin par bya ba'i phyir 'dod pa'i yon tan lnga ston te zhes pa la sogs pas bstan/bdun pa yul gyi nyes dmigs mthong bas rtag tu tshangs par spyod pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po de khyim gyi nang na gnas shing 'dzam bu'i gling rin po che sna bdun gyis bkang ste sbyin par byed do zhes pa la sogs pas bstan/brgyad pa skyes bu dam pa'i chos nyid kyis yo byad rnam par dag pa yang mdo las/ rab 'byor gyis gsol pa/ bcom ldan 'das byang chub sems dpa' sems dpa' chen po ji tsam gyis na skyes bu dam pa lags kyi skyes bu dam pa ma lags par mi 'gyur lags zhes pa la sogs pas bstan te/ de bzhi ni kun 'byung ba'i rnam pa dang sbyar/ dgu pa stong pa nyid la gnas pas phung po la sogs pa sbyor ba dang rjes su sbyor bar mi bya ba yang mdo las/rab 'byor gzhan yang phyir mi ldog pa'i byang chub sems dpa' sems dpa' chen po rnam pa dang / rtags dang / mtshan ma gang dag dang ldan na zhes pa la sogs pas bstan/ bcu pa mi mthun pa'i phyogs bsal bas bar chad byed pa'i chos rnams la sbyor ba dang /rjes su sbyor ba bkag pa yang mdo las/ chom rkun gyi gtam gyi sbyor ba la brtson par mi gnas so zhes pa la sogs pas bstan/ bcu gcig pa rnam par rtog pa'i skyon shes pa ma sbyin pa la sogs pa la sbyor ba dang /rjes su sbyor ba'i gtam la gnas pa bkag pa yang mdo las/ de dmag gi gtam gyi sbyor ba la brtson par mi gnas so zhes pa la sogs pas bstan/ bcu gnyis pa gzung 'dzin spang bar bya ba yin pa nyid kyis dbang po la brten pa'i bdud la sogs pa'i g.yul 'gyed pa la sbyor ba dang rjes su sbyor ba'i gnas pa bkag pa yang mdo las/de g.yul 'gyed pa'i gtam gyi sbyor ba la brtson par mi gnas zhes pa la sogs pas bstan te/ de bzhi ni 'gog pa'i rnam pa dang sbyar/ bcu gsum pa sbyin pa la sogs pa'i khyad par rtogs pas ser sna la sogs pa'i sbyor ba dang rjes su sbyor ba so sor bkag pa yang mdo las/de pha rol tu phyin pa drug po de dag gis gnas shing de sbyin pa'i pha rol tu phyin pa la spyod de/ ser sna'i sbyor ba la brtson par mi gnas so zhes pa la sogs pas bstan/bcu bzhi pa chos thams cad rnam par thar pa'i sgo gsum yin pas rtog pa'i chos rdul tsam yang mi dmigs pa yang mdo las/ rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa ni nang stong pa nyid la gnas pa dang zhes pa la sogs pas bstan/bco lnga pa yid ches pa thob pas thams cad mkhyen pa nyid gsum gyi bdag nyid kyi sa gsum la ji lta ba bzhin du nges pa nyid gyis gnas pa yang mdo las/ rab 'byor 'di lta ste/ dper na/ rgyun tu zhugs pa'i gang zag rgyun tu zhugs pa'i 'bras bu'i sa la gnas pa ni rang gi sa la som nyi med cing the tshom mi za'o zhes pa la sogs pas bstan/bcu drug pa gcig tu gzhol bas rnam pa thams cad mkhyen pa nyid la sogs pa'i chos kyi don du srog gtong ba yang mdo las/rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa ni dam pa'i chos yongs su gzung ba'i ched du bdag kyang yongs su gtong bar byed la srog kyang yongs su gtong bar byed do zhes pa la sogs pas bstan te/de bzhi ni lam gyi rnam pa dang sbyar ro/ /bsgom pa'i lam la gnas pa'i phyir mi ldog pa ni mdo las/ mtshan nyid kyi khyad par dang / khyad par gyi gzhi dang / rnam pa dang / don dam par bsod nams grangs med pa la sogs pa mi dmigs kyang kun rdzob tu thugs brtse ba'i rgyu mthun par gyur pa bsod nams grangs med pa la sogs pa skyed par gsungs pa dang /brjod du med pa la nyams pa dang / 'phel ba med par rgol ba dang / de'i lan byang chub ji lta ba bzhin du bsngo bas kun rdzob tu 'dod pa'i don sgrub par byed la don dam par 'phel 'grib med pas nyes pa med par bstan pa dang /de lta yin yang kun rdzob tu yang don byed par mi rung bar bsgom pa dang / de'i lan mar ngo'i dpes zab mo'i chos nyid rnam pa brgyad khong du chud par bstan pa dang / zab mo brgyad yul gang la yin pa dngos su bstan pa rnams dang don dgus bstan te/de la khyad par ni stong pa nyid la gzugs med pas sgro 'dogs pa dang bral ba dang / gzugs la sogs pa nyid gzhan ma yin pas skur pa'i mtha' dang bral bas bsgom pa'i lam zab pa ste/ de yang mdo las/ le'u lnga bcu gcig pa'i klad nas/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po ni yon tan chen po dang ldan pa lags so zhes pa la sogs pas bstan/khyad par gyi bzhi ni sbyor ba'i lam dang mthong ba'i lam dang / bsgom pa'i lam la yang nas yang du sems pa dang 'jal bar byed pa la sogs pas bstan te/ de yang mdo las/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/rab 'byor gang gi tshe byang chub sems dpa' sems dpa' chen pos ji ltar bstan pa'i shes rab kyi pha rol tu phyin pa la bdag gis 'di ltar gnas par bya'o zhes pa nas/ de snyed kyi bskal par 'khor ba spong bar 'gyur ba/ bsnyil bar 'gyur ro zhes pa'i bar gyis khyad par gyi gzhi bsod nams mang ba'i dpe dang bcas par bstan/rnam pa ni chung ngu'i chung ngu la sogs pa'i dbye ba yang dgu ste/ de la chung ngu'i chung ngu yang mdo las/ rab 'byor byang chub sems dpa' sems dpa' chen po de ltar ji skad bstan pa'i shes rab kyi pha rol tu phyin pa la rnal 'byor du bya ba la brtson zhing zhes pa man chad kyis bstan/chung ngu'i 'bring yang mdo las/ rab 'byor byang chub sems dpa' sems dpa' chen po de shes rab kyi pha rol tu phyin pa dang bral bar bskal pa gang+gA'i klung gi bye ma snyed du dkon mchog gsum po zhes pa la sogs pas bstan/chung ngu'i chen po yang mdo las/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa dang bral bar bskal pa gang+gA'i klung gi bye ma snyed du gnas shing rgyun tu zhugs pa rnams la sbyin pa sbyin pa dang zhes pa man chad kyis bstan/'bring gi chung ngu yang mdo las/ rab 'byor 'di ji snyam du sems/ byang chub sems dpa' sems dpa' chen po shes rab kyi pha rol tu phyin pa dang bral ba gang zhig bskal pa gang+gA'i klung gi bye ma snyed du gnas shing sbyin pa sbyin pa dang zhes pa man chad kyis bstan/'bring gi 'bring yang mdo las/ rab 'byor 'di ji snyam du sems/ byang chub sems dpa' sems dpa' chen po shes rab kyi pha rol tu phyin pa dang bral ba gang zhig bskal pa gang+gA'i klung gi bye ma snyed du gnas shing chos kyi sbyin pa sbyin par byed na zhes pa la sogs pas bstan/'bring gi chen po yang mdo las/ rab 'byor 'di ji snyam du sems/ byang chub sems dpa' sems dpa' chen po gang shes rab kyi pha rol tu phyin pa dang bral ba zhig gis bskal pa gang+gA'i klung gi bye ma snyed du dran pa nye bar gzhag pa bzhi la brtson par byas pa dang zhes pa la sogs pas bstan/chen po'i chung ngu yang mdo las/ rab 'byor 'di ji snyam du sems/ byang chub sems dpa' sems dpa' chen po gang shes rab kyi pha rol tu phyin pa dang bral ba zhig gis bskal pa gang+gA'i klung gi bye ma snyed du gnas shing zang zing gi sbyin pa dang chos kyi sbyin pa dang zhes pa la sogs pas bstan/chen po'i 'bring yang mdo las/ rab 'byor 'di ji snyam du sems/ rigs kyi bu 'am rigs kyi bu mo gang shes rab kyi pha rol tu phyin pa dang bral ba gang la la zhig gis bskal pa gang+gA'i klung gi bye ma snyed du gnas te/'das pa dang ma byon pa dang da ltar byung ba'i sangs rgyas bcom ldan 'das zhes pa la sogs pas bstan/ chen po'i chen po yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gang mngon par 'du bgyis pa thams cad ni kun brtags pa'o zhes bcom ldan 'das kyis bka' stsal na zhes pa la sogs pas bstan/ don dam par bsod nams grangs med pa la sogs pa mi dmigs kyang kun rdzob tu thugs brtse ba'i rgyu mthun par gyur pa bsod nams grangs med pa la sogs pa skye ba yang mdo las/rab 'byor gyis gsol pa/ bcom ldan 'das grangs ma mchis pa dang dpag tu ma mchis pa dang tshad ma mchis pa la ni bye brag ci mchis/ tha dad du bgyi ba ni ci mchis zhes pa la sogs pas bstan/brjod du med pa la nyams pa med pa dang 'phel ba med par rgol ba yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji tsam du de bzhin gshegs pas chos rnams kyi chos nyid 'di bka' stsal la chos nyid de yang brjod du ma mchis pa de ni ngo mtshar lags so zhes pa la sogs pas bstan/de'i lan du byang chub ji lta ba bzhin bsngo bas kun rdzob tu 'dod pa'i don sgrub par byed la/ don dam par 'phel 'grib med pas nyes pa med par bstan pa yang mdo las/rab 'byor de de bzhin no/ /de de bzhin te/ brjod du med pa'i don la ni 'phel ba dang yongs su 'grib pa med do zhes pa man chad kyis bstan/ de lta yin na yang kun rdzob tu yang don byed par mi nus par rgol ba yang mdo las/ rab 'byor gyis gsol pa/bcom ldan 'das kyi byang chub sems dpa' sems dpa' chen po sems bskyed pa dang pos bla na med pa yang dag par rdzogs pa'i byang chub mngon par rdzogs par 'tshang rgya ba lags sam zhes pa la sogs pas bstan/ de'i lan mar me'i dpes zab mo'i chos nyid rnam pa brgyad khong du chud par 'gyur bar bstan pa yang dpe ni mdo las/bcom ldan 'das kyis bka' stsal pa/ rab 'byor 'di la skyes bu mkhas pa la dag ni dpes bshad pa'i don shes par 'gyur bas na de'i phyir 'di lta ste/ bshad pa'i don shes par bya ba'i phyir khyod la dpes bstan par bya'o zhes pa la sogs pas bstan/zab mo'i chos nyid dang po ni skad cig ma snga phyis kyang ma yin la ngo bo nyid med pas kyang ma yin par rab tu rtogs nas don khyad par du 'phags pa bskyed do zhes bya ba rten cing 'brel par 'byung ba zab pa yang mdo las/bcom ldan 'das kyis bka' stsal pa/ rab 'byor de bzhin du sems bskyed pa dang pos kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya la zhes pa la sogs pas bstan/ dngos po 'byung ba sngon nyid nas ngo bo nyid med la kun rdzob tu yang 'gag go zhes bya bar bstan pa ni gnyis pa ste/ de yang mdo las/ bcom ldan 'das kyis bka' stsal pa/ rab 'byor 'di snyam du sems/ sems gang 'gags pa de phyir skye bar 'gyur snyam mam zhes pa la sogs pas bstan/dus kun du de bzhin nyid goms kyang de mngon du mi byed pa ni gsum pa ste/ mdo las/ bka' stsal pa/ rab 'byor 'di ji snyam du sems/ de bzhin nyid ji lta ba de ltar gnas par 'gyur snyam mam zhes pa la sogs pas bstan/ bzhi pa de bzhin nyid kyi rang bzhin gyi chos thams cad sbyin pa la sogs pas rnam pa du ma bsdus pa yang mdo las/ bka' stsal pa/ rab 'byor 'di ji snyam du sems/ gang de ltar spyod pa de shes rab kyi pha rol tu phyin pa zab mo la spyod snyam mam zhes pa la sogs pas bstan/ lnga pa dang /drug pa dag mdo dang ltag 'og mi mthun te/ drug pa chos nyid kyi thams cad la spyod pa med pa nyid spyod pa yin pa yang mdo las/ bka' stsal pa/ rab 'byor 'di ji snyam du sems/ gang de ltar spyod pa de ci zhig la spyod snyam zhes pa la sogs pas bstan/ lnga pa de bzhin nyid kyi ngo bo nyid kyis mthong ba med pa mthong ba yin pa yang mdo las/de ci'i slad du zhe na/ bcom ldan 'das 'di ltar de bzhin nyid la gnas pa'i byang chub sems dpa' sems dpa' chen po shes rab kyi pha rol tu phyin pa la spyod pa na rgyu ba de dag kyang mi 'byung zhing kun du spyod pa'i slad du'o zhes pa la sogs pas bstan/bdun pa gnyis su med pa'i ngo bo nyid thams cad sgrub pa yang mdo las/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po shes rab kyi pha rol tu phyin pa 'di la spyod pa yin zhes pa la sogs pas bstan/brgyad pa tshogs thams cad yongs su rdzogs la 'bras bu sangs rgyas nyid mi thob pa thabs la mkhas pa yang mdo las/ bcom ldan 'das byang chub sems dpa' sems dpa' chen po shes rab kyi pha rol tu phyin pa 'di la spyod pa ni de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su ma rdzogs par bla na med pa yang dag par rdzogs pa'i byang chub mngon par rdzogs par 'tshang mi rgya ste zhes pa la sogs pas bstan/spyi don brgyad kyis bstan pa'i bzhi pa rnam pa kun mngon par rdzogs par rtogs pa la don bcu gcig gis bstan pa'i dgu pa 'khor ba dang mya ngan las 'das pa mnyam pa nyid kyang le'u lnga bcu rtsa gnyis pa'i klad nas/mdo'i tshig de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' gang zhig rmi lam na stong pa nyid dang / mtshan ma med pa dang /smon pa med pa'i ting nge 'dzin gsum la snyoms par zhugs na zhes pa man chad kyis bstan/ don bcu pa sangs rgyas kyi zhing yongs su dag pa yang mdo'i tshig /rab 'byor byang chub sems dpa' sems dpa' chen po sbyin pa'i pha rol tu phyin pa la spyod pas sems can bkres pa rnams mthong ngam zhes pa la sogs pas bstan/don bcu gcig pa thabs la mkhas pa yang yul dang sbyor ba dang dbye ba'i bye brag gis gsum te de la yul yang le'u lnga bcu rtsa bzhi pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to zhes pa nas mgo drangs nas/'og nas/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas gzugs stong zhes bya bar so sor brtag par bya'o zhes pa la sogs pas bstan/ sbyor ba yang mdo'i tshig /byang chub sems dpa' sems dpa' chen po ni mnyam par ma bzhag pa nyid du sems dmigs pa la 'dogs te zhes pa man chad kyis bstan/ thabs kyi dbye ba ni bcu ste bar chad med pa las yang dag par 'da' ba'i thabs ni mdo'i tshig /rab 'byor 'di lta ste dper na/skyes bu la la zhig dpa' brtul phod pa zhes pa la sogs pas bstan/ mi gnas par gnas pa'i thabs kyang mdo'i tshig /rab 'byor 'di lta ste dper na/ 'dab chags bya ni bar snang la rgyu yang sa la mi ltung ngo zhes pa man chad kyis bstan/ smon lam grub pas gzhan gyi don sngon gyi shugs kyis 'phangs par byed pa'i thabs kyang mdo'i tshig /rab 'byor 'di lta ste dper na skyes bu mthu dang ldan pa 'phong gi slob dpon du gyur pa zhes pa man chad kyis bstan/ dka' ba spyad pa shin tu goms pas thun mong ma yin pa'i thabs kyang mdo'i tshig /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang chos nyid 'di la slob pa dang zhes pa man chad kyis bstan/ chos thams cad la 'dzin pa med pa'i thabs kyang mdo'i tshig /rab 'byor gzhan yang phyir mi ldog pa'i byang chub sems dpa' sems dpa' chen po gang 'di zab mo'i gnas 'di lta ste zhes pa man chad kyis bstan/ rnam par thar pa'i sgo stong pa nyid kyis mi dmigs pa'i thabs kyang mdo'i tshig /rab 'byor gzhan yang byang chub sems dpa' sems dpa' chen po 'di snyam du sems can 'di dag ni yun ring po nas bdag ces bya ba'am zhes pa man chad kyis bstan/ mtshan ma med pa nyid kyis mtshan ma med pa'i thabs kyang mdo'i tshig /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni 'di snyam du sems can 'di dag ni yun ring po nas bud med kyi mtshan ma 'am zhes pa man chad kyis bstan/smon pa med pa nyid kyis smon pa med pa'i thabs kyang mdo'i tshig / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni 'di snyam du sems can 'di dag ni yun ring po nas smon lam spyod pa dag ste/ 'di brgya byin dang zhes pa man chad kyis bstan/ yul tshad med pa la mkhas pa yang mdo'i tshig /rab 'byor gzhan yang byang chub sems dpa' sems dpa' chen po gang pha rol tu phyin pa drug la spyod pa dang / zhes pa man chad kyis bstan/ dri ba sngon du btang ba'i phyir mi ldog pa'i chos brjod pas phyir mi ldog pa'i rtags kyang mdo'i tshig /rab 'byor byang chub sems dpa' sems dpa' chen po de ltar spyod cing byang chub kyi phyogs de dag la yongs su 'dris par byed pa la zhes pa man chad kyis bstan to//spyi don brgyad kyis bstan pa'i lnga pa rtse mor phyin pa la yang don brgyad kyis bstan te/ rtags dang / rnam par 'phel ba dang / brtan pa dang /sems gnas pa dang / mthong ba'i lam la rnam par rtog pa bzhi'i gnyen po dang / bsgom pa'i lam la rnam par rtog pa bzhi'i gnyen po dang / bar chad med pa'i ting nge 'dzin dang / log par bsgrub pa'o/ /de la rtags la yang bcu gnyis te/ rmi lam na yang nyan thos la sogs pa'i sa la dga' ba'i sems mi bskyed pa ni le'u lnga bcu rtsa lnga pa'i klad nas/rab 'byor gzhan yang byang chub sems dpa' sems dpa' chen pos rmi lam na yang nyan thos kyi sa 'am zhes pa la sogs pas bstan/ rmi lam na yang chos thams cad rmi lam lta bur lta ba ni mdo las chos thams cad rmi lam lta bu nyid du lta zhing zhes pa man chad kyis bstan/de bzhin gshegs pa la sogs pa mthong ba yang mdo'i tshig /rab 'byor gzhan yang gal te byang chub sems dpa' sems dpa' chen pos rmi lam na de bzhin gshegs pa 'khor brgya phrag du ma dang zhes pa man chad kyis bstan/sangs rgyas kyi rdzu 'phrul rnam par 'phrul pa dmigs pa yang mdo'i tshig /rab 'byor gzhan yang gal te byang chub sems dpa' sems dpa' chen pos rmi lam na de bzhin gshegs pa skyes bu chen po'i mtshan sum cu rtsa gnyis dang zhes pa man chad kyis bstan/chos ston pa'i sems skye ba yang mdo'i tshig /rab 'byor gzhan yang byang chub sems dpa' sems dpa' chen pos rmi lam na grong 'joms pa 'byung ba 'am zhes pa man chad kyis bstan/ rang gi sangs rgyas kyi zhing ngan song spangs pa rjes su dran pa yang mdo'i tshig /rab 'byor gzhan yang phyir mi ldog pa'i byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der ngan song gsum po de dag ces pa man chad kyis bstan/bden pa'i byin rlabs grub pa yang mdo'i tshig /rab 'byor gzhan yang phyir mi ldog pa'i byang chub sems dpa' sems dpa' chen pos rmi lam mam sad pa na grong khyer tshig pa mthong ba na zhes pa man chad kyis bstan/ mi ma yin pa med par bya ba'i tshig grub pa ni mdo'i tshig /rab 'byor skyes pa 'am bud med gang yang rung ba zhig mi ma yin pas byin gyis brlabs par gyur na zhes pa man chad kyis bstan/ rang gi mngon par shes pas pha rol zil gyis gnon pa'i dge ba'i bshes gnyen bsten pa yang mdo las/ rab 'byor gzhan yang byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas dge ba'i bshes gnyen la bsnyen par bya/ bsnyen bkur bya'o zhes pa man chad kyis bstan/ rnam pa thams cad du shes rab kyi pha rol tu phyin pa la slob pa yang mdo las/ rab 'byor pha rol tu phyin pa drug ni ston par rig par bya'o/ /pha rol tu phyin pa drug ni lam du rig par bya'o zhes pa la sogs pas bstan/ thams cad la mngon par zhen pa med pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa'i mtshan nyid ji lta bu lags zhes pa man chad kyis bstan/ sangs rgyas kyi byang chub la nye bar gyur pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de ltar spyod pa'i byang chub sems dpa' sems dpa' chen po ni gzugs la mi spyod do zhes pa la sogs pas bstan to/ /spyi don brgyad kyis bstan pa'i lnga pa rtse mor phyin pa la don brgyad kyis bstan pa'i gnyis pa rnam par 'phel ba yang don bcu drug tu phye ba'i dang po 'jig rten gyi khams kyi sems can ma lus pa de bzhin gshegs par gyur pa la mchod pa bas 'phel ba yang mdo las/bcom ldan 'das kyis bka' stsal pa/rab 'byor 'di ji snyam du sems/ 'dzam bu'i gling gi sems can ji snyed pa de dag thams cad kyis mi'i lus thob par gyur la zhes pa la sogs pas bstan/ gnyis pa khyad par du shes rab kyi pha rol tu phyin pa yid la byed pas 'phel ba yang mdo las/ rab 'byor 'di lta ste dper na sngon chad nor bu rin po che rnyed ma myong ba zhig yod la des dus gzhan zhig na nor bu rin po che rnyed par gyur te zhes pa la sogs pas bstan/ gsum pa ni mi skye ba'i chos la bzod pa thob pas 'phel ba yang mdo las/ de skad ces bka' stsal pa dang /bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das yid la bgyid pa thams cad ni rang bzhin dang bral ba lags la yid ches bgyid pa thams cad ni rang bzhin gyis stong pa lags na zhes pa man chad kyis bstan/ bzhi pa byang chub par bya ba dang byang chub par byed pa'i chos mi dmigs pas 'phel ba yang / mdo las/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ khyod kyis chos gang bla na med pa yang dag par rdzogs pa'i byang chub tu lung bstan pa'i chos de yang dag par rjes su mthong snyam mam zhes pa la sogs pas bstan/lnga pa dge ba bcu la sogs pa dang gzugs dang gzugs med pa la snyoms par 'jug pa thob pa bas 'phel ba yang mdo las/le'u lnga bcu rtsa drug pa'i klad nas/ de nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa 'di ni zab pa mthong bar dka' ba zhes pa man chad kyis bstan/ drug pa lha'i ris thams cad nye bar 'ong ba dang /bdun pa bdud thams cad zil gyis gnon pa dang / ltag 'og gi mi mthun pa mdo btsan par byas nas/ bdun pa bdud thams cad zil gyis gnon pa yang mdo las/ de nas dge slong zhig gis lha'i dbang po brgya byin la 'di skad ces smras so//kau shi ka rigs kyi bu 'am rigs kyi bu mo gang dag g.yeng ba med pa'i sems kyis shes rab kyis pha rol tu phyin pa zab mo 'di 'dzin pa dang zhes pa man chad kyis bstan/ lha'i rigs thams cad nye bar 'ong ba yang mdo las/ byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa la spyod pa ni ji skad bstan pa'i shes rab kyi pha rol tu phyin pa'i rjes su 'jug pa ste zhes pa man chad kyis bstan/ brgyad pa ston pa dang 'dra bar skye bo thams cad la mtshungs pa zhes bya ba bsod nams brgyad kyis 'phel ba yang mdo las/byang chub sems dpa' sems dpa' chen po gang shes rab kyi pha rol tu phyin pa zab mo 'di la spyod pa de ni de bzhin gshegs pa dgra bcom pa yang dag par rdzogs pa'i sangs rgyas rnams kyang rab tu dgongs par 'gyur ro zhes pa man chad kyis bstan/dgu pa rnam pa thams cad du thabs la mkhas pas bslab pa yongs su dag par 'phel ba yang mdo las/ de nas tshe dang ldan pa kun dga' bo 'di snyam du sems te ci ste lha'i dbang po brgya byin 'di bdag rang gi spobs pas shes rab kyi pha rol tu phyin pa ston tam/'on te sangs rgyas kyi mthus ston snyam mo zhes pa la sogs pas bstan/ bcu pa sangs rgyas kyi rigs can du gyur pas 'phel ba yang mdo las/ le'u lnga bcu rtsa bdun pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das byang chub sems dpa' sems dpa' chen pos mnyam pa nyid gang la bslab par bgyi ba'i byang chub sems dpa' sems dpa' chen po rnams kyi mnyam pa nyid de gang lags zhes pa la sogs pas bstan/ bcu gcig pa 'bras bu sangs rgyas nyid 'thob pa'i rgyu mtshan gyis 'phel ba yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rang bzhin gyis yongs su dag pa lags na byang chub sems dpa' sems dpa' chen pos chos gang zhig yongs su dag pa rtogs par 'gyur ba lags zhes pa la sogs pas bstan/bcu gnyis pa pha rol tu phyin pa'i mi mthun pa'i phyogs kyi sems mi skye bas 'phel ba yang mdo las/rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni ser sna dang ldan pa'i sems mi bskyed do zhes pa la sogs pas bstan/ bcu gsum pa gzugs la sogs pa dang ldan par rtogs pa'i sems mi skye bas 'phel ba yang mdo las/gzugs dang ldan pa'i sems mi skyed do/ /tshor ba dang / 'du shes dang / 'du byed dang / rnam par shes pa dang ldan pa'i sems mi skyed do zhes pa la sogs pas bstan/ bcu bzhi pa pha rol tu phyin pa kun bsdus pas 'phel ba yang mdo las/rab 'byor de ltar shes rab kyi pha rol tu phyin pa zab mo 'di la spyod pa'i byang chub sems dpa' sems dpa' chen po pha rol tu phyin pa drug po thams cad yang dag par bzung ba yin no zhes pa la sogs pas bstan/ bco lnga pa phun sum tshogs pa thams cad 'thob pas 'phel ba yang mdo las/de ci'i phyir zhe na/ rab 'byor shes rab kyi pha rol tu phyin pa la slob pa'i byang chub sems dpa' sems dpa' chen pos phun sum tshogs ba gang 'thob par bya ba de dag las mi 'thob pa gang yang med do zhes pa la sogs pas bstan/ bcu drug pa yang dag par rdzogs pa'i byang chub la nye bar gyur pas 'phel ba yang mdo las/ rab 'byor 'di ltar slob pa'i byang chub sems dpa' sems dpa' chen po rnam pa thams cad mkhyen pa nyid dang nye bar gyur pa yin te zhes pa la sogs pas bstan/ rtse mor phyin pa la don brgyad kyis bstan pa'i gsum pa bstan pa yang mdo las/le'u lnga bcu rtsa brgyad pa'i klad nas/ de nas lha'i dbang po brgya byin 'di snyam du sems te/ 'di la byang chub sems dpa' sems dpa' chen po sbyin pa'i pha rol tu phyin pa dang zhes pa la sogs pas bstan/rtse mo la don brgyad kyis bstan pa'i bzhi pa sems kun du gnas pa yang mdo las/ bcom ldan 'das rigs kyi bu 'am rigs kyi bu mo gang gis theg pa la gsar du zhugs pa'i byang chub sems dpa' sems dpa' chen po rnams kyis sems bskyed pa la rjes su yi rang bar bgyid pa dang zhes pa la sogs bstan/don de bzhi nges par 'byed pa'i cha dang mthun pa bzhi dang go rims bzhin sbyar ro/ /rtse mo la don brgyad kyis bstan pa'i lnga pa mthong ba'i lam la gzung bar rtog pa gnyis te/'jug pa la rtog pa dang / ldog pa la rtog pa'o/ /'dzin par rtog pa la yang gnyis te/ skyes bu rdzas su 'dzin pa dang / btags par yod par 'dzin pa dang / de ltar bzhi po re re la dgu dgur dbye ba las rtog pa dgu'i dang po dben pas ma rtogs pa'i ngo bo nyid kyang mdo las/de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar na sgyu ma lta bu'i sems bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags zhes pa la sogs pas bstan/gnyis pa sa mi g.yo ba la 'jug pas sangs rgyas kyi rigs su nges pa yang mdo las/ rab 'byor gyis gsol pa/ bcom ldan 'das byang chub sems dpa' sems dpa' chen po ni don zab mo la spyod pa lags so zhes pa la sogs pas bstan/gsum pa sgyu ma lta bur rtogs pas mthong ba la sogs pa'i lam yang dag par 'grub pa yang mdo las/ bcom ldan 'das 'di lta ste/ dper bgyi na sgyu ma'i skyes bu ni 'di snyam du sgyu ma ni bdag dang ring la sgyu ma mkhan dang ni nye'o zhe'am zhes pa la sogs pas bstan/bzhi pa snang brnyan tsam du zad pas shes pa'i dmigs pa ma 'khrul ba yang mdo las/ bcom ldan 'das 'di lta ste dper bgyi na/ gzugs brnyan ni 'di snyam du dmigs pa gang gis gzugs brnyan 'byung ba de ni bdag dang nye la me long dang chab der ma byung ba der ni bdag dang ring ngo snyam du mi sems lags so zhes pa la sogs pas bstan/lnga pa yon tan dang skyon mthong ba sngon du 'gro ba'i blang ba dang dor ba nyid kyis mi mthun pa dang / gnyen po yang mdo las/ bcom ldan 'das shes rab kyi pha rol tu phyin pa la ni sdug pa dang mi sdug pa ma mchis lags so zhes pa la sogs pas bstan/drug pa dri ma thams cad dang bral ba nyid kyis rang gi rtogs pa yang mdo las/ tshe dang ldan pa shA ri'i bu sems can 'di dag ni phyin ci log las byung ba'i lus dang ngag dang yid kyi las mngon du byed de/gzhi de las 'dun pa'i rtsa ba las byung ba'i las kyi rnam par smin pa yongs su 'dzin cing mngon par sgrub par byed do zhes pa la sogs pas bstan/ bdun pa dman zhing gya nom pa ma yin pa nyid kyis nyan thos la sogs pa'i sa thag sring bar byed pa yang mdo las/de nas 'dod pa na spyod pa dang / gzugs na spyod pa'i lha'i bu rab tu mang po dag 'di snyam du sems so zhes pa la sogs pas bstan/ brgyad pa bsam pa ji lta ba dang mthun par sprul pas sems can gyi don gyi las kyang mdo las/ de nas tshe dang ldan pa rab 'byor gyis lha'i bu de dag la 'di skad ces smras so//lha'i bu dag byang chub sems dpa' sems dpa' chen po rnams la gang mngon sum du byas pas nyan thos kyi sa 'am zhes pa la sogs pas bstan/ dgu pa yang dag pa'i thabs la mkhas pa'i stobs kyis skye bo thams cad mya ngan las 'das pa la dgod pa yang mdo las/gang sems can rnams gdul bar bya'am snyam du sems pa de ni nam mkha' gdul bar bya'o snyam du sems pa yin no zhes pa man chad kyis bstan/ gzung bar rtog pa gnyis pa ldog pa'i rten la yang dgur phye ba'i dang po 'khor ba dang mya ngan las 'das pa gang yang rung bar ltung ba nyid kyis rtogs pa dman pa yang mdo las/de ci'i phyir zhe na/ sems can dben pa'i phyir go cha dben par lta ba'i phyir te/ gal te de skad bstan pa na byang chub sems dpa' sems dpa' chen po'i sems zhum par mi 'gyur ro zhe na zhes pa la sogs pas bstan/gnyis pa dge ba'i bshes gnyen thabs la mkhas pa dang bral ba nyid kyis yongs su 'dzin pa med pa yang mdo las/ rab 'byor de ltar spyod pa'i byang chub sems dpa' sems dpa' chen po'i drung du lha'i bu rnams kyang bsnyen bkur bya ba dang yongs su zhu ba dang yongs su 'dri ba'i phyir nye bar 'gro bar sems shing zhes pa la sogs pas bstan/gsum pa sgrib pa mtha' dag gi gnyen po ma yin pa nyid kyis bsgrub pa'i lam ma tshang ba yang mdo las/de ci'i phyir zhe na/ rab 'byor byang chub sems dpa' sems dpa' chen po gang dag de ltar sangs rgyas kyi tshul rgyun mi 'chad pa'i phyir zhugs pa de dag ni dka' ba byed pa yin pa'i phyir ro zhes pa la sogs pas bstan/ bzhi pa de bzhin gshegs pa la sogs pa'i gdams ngag la ltos pa dang bcas pa nyid kyis gzhan gyi rkyen gyis 'gro ba yang mdo las/rab 'byor gyis gsol pa/ bcom ldan 'das de dag gang lags zhes pa man chad kyis bstan/ lnga pa sems can thams cad kyi mchog gi sems chen po nyid la sogs pa la mi 'jug pa nyid kyi ched du bya ba las la sogs pa'i mdo las 'grel pa dang ltag 'og mi mthun te 'og nas 'byung /drug pa nyon mongs pa'i sgrib pa'i gnyen po nyid kyi lam la sogs pa'i byed pa nyi tshe ba yang mdo las/ rab 'byor sangs rgyas bcom ldan 'das rnams kyis byang chub sems dpa' sems dpa' chen po gang dag gi ming yongs su brjod pa'i tshul gyis chos ston pa dang zhes pa man chad kyis bstan/bdun pa dmigs pa dang bcas pa nyid kyis 'bras bu dang po la sogs pa rtog pa tha dad pa nyid kyang mdo las/rab 'byor gyis gsol to/ /bcom ldan 'das gang de bzhin nyid du gnas shing de bzhin nyid du bsgrubs na chos gang yang dmigs par mi 'gyur ba lags na zhes pa la sogs pas bstan/ bla na med pa dang gong na med pa zhes bya ba yin pa'i phyir ro zhes pa'i bar gyis bstan/bar 'dir ched du bya ba las la sogs pa bstan te mdo las/ kau shi ka de lta bas na byang chub sems dpa' sems dpa' chen po sems can thams cad kyi mchog tu 'gyur bar 'dod pas zhes pa la sogs pas bstan/ brgyad pa ma rig pa'i bag la nyal thams cad ma spangs pas gnas pa dang 'gro ba mi shes pa dang /dgu pa theg pa chen po thams cad sdud par byed pa nyid kyis rnam pa thams cad mkhyen pa nyid mya ngan las 'das pa'i mthar thug par 'gro ba la nyes pa dang bcas pa nyid kyis gzung bar bya ba yin pa nyid du ldog par bya ba bstan pa yang mdo dang ltag 'og mi mthun te dgu pa yang mdo las/de ci'i phyir zhe na/ kau shi ka de lta bas na shes rab kyi pha rol tu phyin pa la spyod pa'i byang chub sems dpa' sems dpa' chen po ni nyan thos dang rang sangs rgyas kyi sa las 'das shing zhes pa la sogs pas bstan/brgyad pa ni mdo las/ de bzhin gshegs pa dgra bcom pa yang dag par rdzogs pa'i sangs rgyas kyis bag chags kyi mtshams sbyor ba'i nyon mongs pa thams cad spangs pas thob par 'gyur ba'i phyir ro zhes pas bstan/de ltar gzung bar rtog pa bstan pa'i bar 'dir 'grel pa las ni 'dzin par rtog pa rnam pa gnyis 'byung na mdo dang ltag 'og mi mthun te/ mdo las mthong ba'i lam gyi rgyu dang 'bras bu dang rang bzhin dang bsgom pa'i lam bstan te/ de la rgyu la yang gsum ste/byang chub la gzhan ston pa dang / /de'i rgyu yongs su gtod pa dang / /de thob bar chad med pa'i rgyu/ /bsod nams mang po'i mtshan nyid do/ /de la byang chub la gzhan ston pa yang mdo las/ de nas 'khor de nyid las sum cu rtsa gsum pa'i lha rnams kyis me tog man da ra ba dag blangs nas bcom ldan 'das la gtor to//mngon par gtor to zhes pa man chad kyis bstan/ de'i rgyu yongs su gtod pa yang mdo las/ kun dga' bo de lta bas na shes rab kyi pha rol tu phyin pa zab mo 'di khyod la yongs su gtad do zhes pa man chad kyis bstan to//bar chad med pa'i rgyu bsod nams mang po'i mtshan nyid kyang mdo las/ kun dga' bo 'di ji snyam du sems/ chos bstan pa snga ma des stong gsum gyi stong chen po'i 'jig rten gyi khams na sems can gang ji snyed pa de dag thams cad snga phyi med par mi'i lus thob nas dgra bcom pa nyid mngon sum du byas par gyur na zhes pa la sogs pas bstan/'bras bu byang chub bstan pa yang mdo las/ le'u drug cu rtsa gcig pa'i klad nas/ de nas tshe dang ldan pa rab 'byor 'di snyam du sems te/ kye ma de bzhin gshegs pa'i byang chub 'di zab ste zhes pa man chad kyis bstan/ mthong ba'i lam gyi rang bzhin bstan pa yang mdo las/ rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas shes rab kyi pha rol tu phyin pa'i gnas pas gnas par bya'o//byang chub sems dpa' sems dpa' chen po shes rab kyi pha rol tu phyin pa'i gnas pas gnas pa'i sbyin pa'i pha rol tu phyin pa'i bsgom pa yongs su rdzogs par 'gyur ro zhes pa man chad kyis bstan/seng ge rnam par bsgyings pa'i ting nge 'dzin yang rang bzhin du bsdu zhing mthong ba'i lam gyi rnal 'byor pa de yang dang yang du sgom par byed pa mdo las/ gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa ji ltar bsam gtan gyi pha rol tu phyin pa yongs su 'dzin pa lags zhes pa la sogs pas bstan/rten bsgom pa'i lam yang mdo las/ des de ltar seng ge rnam par bsgyings pa'i ting nge 'dzin rnam par dbye ba byas nas thod rgal gyi ting nge 'dzin la snyoms par 'jug go zhes pa la sogs pas bstan/mthong ba'i lam gyis spong ba'i 'dzin par rtog pa gnyis las/ dang po skyes bu rdzas su yod par rtog pa yang mdo le'u drug cu rtsa gsum pa'i klad nas/ rab 'byor 'di lta ste dper na/ nyi ma'i dkyil 'khor dang zla ba'i dkyil 'khor ni gling bzhi snang bar byed la gling bzhi dang mthun par 'gro zhing mthun par 'khor ro zhes pa la sogs pas mgo drangs nas de yang dgur phye ba'i dang po kun rdzob sgyu ma bzhin du 'dzin pa dang thar pa yang mdo las/'og nas/ gsol pa/ bcom ldan 'das shes rab kyi pha rol tu phyin pa chos gang dag yongs su ma bzung ma btang ba lags/bka' stsal pa/ rab 'byor shes rab kyi rol tu phyin pa ni gzugs yongs su mi 'dzin mi gtong ngo zhes pa la sogs pas bstan/ gnyis pa yang dag pa nyid du yid la mi byed par yid la byed pa yang mdo las/gsol pa/ bcom ldan 'das ji ltar na gzugs yongs su ma bzung ma btang ba lags/ bka' stsal pa/ rab 'byor gang gzugs yid la mi byed cing byang chub kyi bar du yid la mi byed pa de ni gzugs yid la mi byed pa yin no zhes pa la sogs pas bstan/gsum pa chos nyid kyi khams gsum char nye bar 'brel pa yang mdo las/ gsol pa/ bcom ldan 'das ci'i slad du 'di ltar gzugs yid la ma bgyis shing byang chub kyi bar du yid la ma bgyis na rnam pa thams cad mkhyen pa nyid thob par 'gyur lags zhes pa la sogs pas bstan/bzhi pa stong pa nyid du mi gnas pas gnas pa yang mdo las/ gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la de ltar spyod pa gang la gnas par mi 'gyur ba lags zhes pa la sogs pas bstan/lnga pa dngos po la mngon par ma zhen pas chos thams cad la mngon par zhen pa yang mdo las/ gsol pa bcom ldan 'das ci'i slad du gzugs la mi gnas shing byang chub kyi bar la mi gnas pa lags zhes pa la sogs pas bstan/drug pa rdzas su yod pa med pas chos thams cad btags pa yang mdo las/ de ci'i phyir zhe na/ 'di ltar des gang la mngon par zhen par bya ba'am gnas par bya ba'i chos de yang dag par rjes su mi mthong ba'i phyir te zhes pas bstan/ bdun pa de kho na nyid shes pa'i ma chags pas mngon par zhen pa sngon du 'gro ba'i chags pa yang mdo las/rab 'byor de ltar na byang chub sems dpa' sems dpa' chen po ni mngon par zhen pa med pa'i tshul gyis shes rab kyi pha rol tu phyin pa la spyod pa yin no zhes pas bstan/brgyad pa mnyam pa nyid bsgom pa'i gnyen po nyid kyi gnyen po yang mdo las/ rab 'byor gal te byang chub sems dpa' sems dpa' chen po 'di snyam du gang de ltar spyod pa de ni shes rab kyi pha rol tu phyin pa la bsgom pa yin no zhes pa la sogs pas bstan/dgu pa shes rab kyi pha rol tu phyin pa yang dag par ma shes pas ji ltar 'dod pa bzhin du 'gro ba la thogs pa yang mdo las/ gal te de ltar yongs su ma bzung ba'i chos la mngon par zhen na byang chub sems dpa' sems dpa' chen po shes rab kyi pha rol tu phyin pa dang bral ba yin no zhes pa la sogs pas bstan/'dzin par rtog pa gnyis pa skyes bu btags par 'dzin pa rnam pa dgu'i dang po nyan thos la sogs pas nges par 'byung ba nyid kyi ched du bya ba ji lta ba bzhin du nges par mi 'byung ba yang mdo las/gzugs rtag pa 'am/ mi rtag pa 'am/ bde ba 'am/ sdug bsngal ba 'am/ bdag gam/ bdag med pa 'am/ zhi ba 'am/ ma zhi ba 'am/ stong pa 'am mi stong pa 'am/ dben pa 'am mi dben pa zhes bya bar mngon par zhen pa med do zhes pa la sogs pas bstan/gnyis pa rang gi mngon par 'dod pa'i lam med pas lam gzhan la lam ma yin par 'dzin pa yang mdo las/ rab 'byor 'di lta ste dper na/ kha lo sgyur ba ni rta zung bzhi pa'i shing rta la zhon nas lam mnyam pa nas 'gro'o zhes pa man chad kyis bstan/ gsum pa rgyu dang 'bras bu kun rdzob kyi ngo bos skye ba dang 'gag pa yang mdo las/ de ltar shes rab kyi pha rol tu phyin pa 'di ni chos gnas pa nyid tshad mar byas na chos gang yang skyed pa'am 'gog pa ma yin no zhes pa la sogs pas bstan/ bzhi pa bar chad med pa dang cig shos su snang ba nyid kyis dngos po mtha' dag ldan pa dang mi ldan pa yang mdo las/gsol pa/ bcom ldan 'das byang chub sems dpa' sems dpa' chen po ji ltar pha rol tu phyin pa drug la brtson par bgyi/ bka' stsal pa/ rab 'byor 'di la byang chub sems dpa' sems dpa' chen pos 'di ltar gzugs ni ldan pa yang ma yin mi ldan pa yang ma yin no zhes pa la sogs pas bstan/lnga pa nam mkha' la gnas pa'i bya dang 'dra bar gzugs la sogs pa la gnas pa yang mdo las/ rab 'byor gzhan yang byang chub sems dpa' sems dpa' chen pos gzugs la gnas par bya'o zhes brtson par mi bya'o zhes pa la sogs pas bstan/drug pa byang chub kyi sems bskyed pa la sogs pa'i sgo nas nyan thos la sogs pa'i rigs 'jigs pa yang mdo las/ rab 'byor de lta bas na byang chub sems dpa' sems dpa' chen po gzhan gyi dring mi 'jog par 'gro bar 'dod pa dang zhes pa la sogs pas bstan/ bdun pa de lta bu'i khyad par du 'phags pa'i chos med pas 'dod pa med pa yang mdo las/ gsol pa/ bcom ldan 'das shes rab kyi pha rol tu phyin pas shes rab kyi pha rol tu phyin pa la bslab par bya'o zhes gsungs pa lags sam zhes pa la sogs pas bstan/brgyad pa don dam pa'i bden pa la brten nas rgyu med pa yang mdo las/ rab 'byor de lta bas na nyan thos kyi theg pa pa dang / rang sangs rgyas kyi theg pa pa'i gang zag rnams dang byang chub sems dpa'i theg pa pa'i gang zag rnams kyis kyang shes rab kyi pha rol tu phyin pa 'di nyid la bslab par bya'o zhes pa la sogs pas bstan/ dgu pa ser sna shin tu goms par byas pas bdud la sogs pas phyir rgol ba'i dngos po dmigs pa la btags pa'i dngos por mngon par zhen pa yang mdo las/rab 'byor 'di lta ste dper na 'phong gi slob dpon lag tshod la bab pa'i gzhu thogs pa ni phyir rgol ba'i dgra bo rnams kyis thub par dka'o zhes pa la sogs pas bstan/rtse mor phyin pa la don brgyad kyis bstan pa'i drug pa bsgom pa'i lam gyi rang bzhin ni gong du thod rgal gyi ting nge 'dzin gyis bstan nas/ gzung bar rtog pa'i dang po la dgur phye ba'i dang po mdor bsdus pa la dga' ba'i sems can la phan gdags par mos pas mdor bsdus pa dang /gnyis pa rgyas pa la dga' ba la rgyas pa yang mdo las/ shes rab kyi pha rol tu phyin pa la spyod pa de la ni 'das pa dang ma byon pa dang da ltar byung ba'i sangs rgyas bcom ldan 'das kyis kyang dgongs pa mdzad do zhes pa la sogs pas bstan/gsum pa ji skad bstan pa bzhin don la nan tan mi byed pas sangs rgyas kyis bstan te yongs su ma bzung ba yang mdo las/ gsol pa/ bcom ldan 'di ni byang chub sems dpa' sems dpa' chen po dbang po rnon po'i 'jug pa lags so zhes pa la sogs bstan/bzhi pa byung ba dang 'gag pa nyid kyis sbyor ba'i lam gyi yon tan med pa yang mdo las/ rab 'byor de lta bas na byang chub sems dpa' sems dpa' chen po shes rab kyi rol tu phyin pa la spyod pa 'di ltar bdag gis kyang 'das pa dang ma byon pa dang da ltar byung ba'i sangs rgyas bcom ldan 'das rnams kyis gang dag brnyes pa'i chos de dag thob par 'gyur ro snyam du re bar bya'o zhes pa la sogs pas bstan/lnga pa yang dag par skye ba'i rgyu dang mi ldan pas mthong ba'i lam gyi yon tan med pa yang mdo las/ de ltar brtson pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes pa la sogs pas bstan/drug pa ma 'ongs pa med pa nyid kyis bsgom pa'i lam gyi yon tan med pa yang mdo las/rab 'byor gzhan yang gal te byang chub sems dpa' sems dpa' chen po de ltar shes rab kyi pha rol phyin pa la spyod pa'i tshe tha na se gol gtogs pa tsam zhig shes rab kyi pha rol tu phyin pa bsgom par 'gyur na zhes pa la sogs pas bstan/ bdun pa zhi ba la sogs pas mya ngan las 'das par sbyor ba'i lam yang mdo las/gsol pa/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa la spyad par bgyi/ ji ltar shes rab kyi pha rol tu phyin pa mngon par bsgrub par bgyi zhes pa la sogs pas bstan/brgyad pa stong pa nyid mngon par bsgrub pa nyid kyis mthong ba'i lam yang mdo las/ gang yang 'di skad du ji ltar shes rab kyi pha rol tu phyin pa mngon par bsgrub par bgyi zhes zer ba ni zhes pa la sogs pas bstan/dgu pa rang bzhin med pas bsgom pa'i lam yang mdo las/ gang yang 'di skad du ji ltar shes rab kyi pha rol tu phyin pa bsgom par bgyi zhes zer ba ni zhes pa la sogs pas bstan/ bsgom pa'i lam gyi gzung bar rtog pa gnyis pa la dgur phye ba'i dang po dge ba'i bshes gnyen dang bral bas byang chub kyi sems mi skye ba yang mdo las/gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la yun ring po ji srid cig tu spyad na shes rab kyi pha rol tu phyin pa la spyad pa lags zhes pa la sogs pas bstan/gnyis pa sangs rgyas la dmigs pa'i bsod nams khyad par du 'phags pa med pas byang chub kyi snying po yid la mi byed pa yang mdo las/ gsol pa/ bcom ldan 'das ci sems kyi rgyun ma chad cing ma bral bar rjes su 'brel bar spyad par bgyi ba lags sam zhes pa la sogs pas bstan/gsum pa nyan thos kyi rigs can dang / bzhi pa rang sangs rgyas kyi rigs can nyid kyi phyir de'i sbyin pa sngon du byed pa yang mdo las/ 'dus byas sam/ 'dus ma byas sam/nyan thos kyi chos sam/ rang sangs rgyas kyi chos sam/ chos thams cad kyi bar dag kyang gdags su med pa yin no zhes pa man chad kyis bstan/ lnga pa shes rab kyi pha rol tu phyin pa sgrib pa med pas yang dag par rdzogs pa'i byang chub yid la mi byed pa yang mdo las/bka' stsal pa/ rab 'byor spyod pa med pa ni byang chub sems dpa' sems dpa' chen po'i shes rab kyi pha rol tu phyin pa la spyod pa yin no zhes pa la sogs pas bstan/ drug pa dmigs pa dang bcas pa nyid kyis bsgom pa dang /bdun pa dmigs pa med pas bsgom pa med pa dang / brgyad pa dmigs pa dang mi dmigs pa gnyi ga med pas sgom pa yang med sgom pa med pa yang ma yin pa yang mdo las/ gsol pa/ bcom ldan 'das ji tsam gyis na mi dmigs par 'gyur/ji tsam gyis na dmigs par 'gyur lags zhes pa la sogs pas bstan/ dgu pa phyin ci log tu mngon par zhen pas don ji lta ba bzhin ma yin pa nyid la gzung ba'i rtog pa yang mdo las/ gsol pa/ bcom ldan 'das gal te chos thams cad ma bgyis pa dang /'gyur ba ma mchis pa lags na/ bcom ldan 'das 'o na ji ltar theg pa gsum po nyan thos kyi theg pa dang / rang sangs rgyas kyi theg pa dang / sangs rgyas kyi theg pa 'di dag rnam par dgod par 'gyur lags zhes pa la sogs pas bstan/ 'dzin pa'i rnam par rtog pa'i dang po la dgur phye ba'i dang po rdzas su yod par ma skyes pas sems can du btags pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te de bzhin gshegs pa dgra bcom pa yang dag par rdzogs pa'i sangs rgyas kyi spyan lngas kyang sems can gang dag 'khor ba las yongs su thar bar bgyi ba dag ma dmigs lags na zhes pa man chad kyis bstan/gnyis pa snang ba tsam du zad pa'i phyir chos su btags pa yang mdo las/bka' stsal pa/ rab 'byor de bzhin du de bzhin gshegs pas chos thams cad sprul pa lta bur mkhyen nas sems can gang dag btul ba med do zhes pa la sogs pas bstan/ gsum pa thams cad du 'gro ba'i phyir rnam pa thams cad mkhyen pa nyid la sogs pas chos stong pa ma yin pa yang mdo las/gsol pa/ bcom ldan 'das gal te chos thams cad sprul pa lta bu lags na bcom ldan 'das de bzhin gshegs pa dang sprul pa la bye brag ci mchis zhes pa la sogs pas bstan/bzhi pa rnam pa thams cad mngon par zhen pa ma spangs pas chos la chags pa yang mdo las/ bka' stsal pa/ rab 'byor 'di lta ste dper na/ de bzhin gshegs pa blo gros zhi bas byang chub sems dpa' mi dmigs nas sprul pa sprul nas yongs su mya ngan las 'das so zhes pa la sogs pas bstan/lnga pa man chad 'grel pa dang / mdo go rims ltag 'og mi mthun pa mdo btsan par byas te yang dag par ma zhugs pas yon ma dag pa yang mdo las/ gsol pa/ bcom ldan 'das gal te sprul pa dang de bzhin gshegs pa la bye brag ma mchis na sbyin pa yongs su sbyong bar yang ji ltar 'gyur lags zhes pa la sogs pas bstan/ngo bo nyid med par rtogs pas chos rab tu rnam par 'byed pa yang mdo las/ rab 'byor rnam grangs des na 'di ltar chos rnams kyi chos nyid tshad mar byas nas de bzhin gshegs pa dang de bzhin gshegs pa'i sprul pa la bye brag cung zad kyang med par rig par bya ste zhes pa la sogs pas bstan/sbyin pa la sogs par dmigs te/ sgrub pas spyod pa rnam par 'khrugs pa yang mdo las/chos rnams kyi chos nyid la zhugs nas chos nyid de yang rnam par dkrugs par mi bya ste/ 'di ni shes rab kyi pha rol tu phyin pa'i chos nyid do zhes rnam par dkrugs par mi bya'o zhes pa la sogs pas bstan/ gzugs la sogs pa la dmigs pa'i phyir theg pa gsum gyis nges par 'byung ba yang mdo las/gsol pa/ bcom ldan 'das gal te chos rnams kyi chos nyid rnam par dkrugs par mi bgyi ba lags na/ bcom ldan 'das gang gi slad du de bzhin gshegs pas 'di ni gzugs so zhes pa la sogs pas bstan/ched du bya ba mi byed pas dngos po'i ched du bya ba byed pa yang mdo las/ gsol pa/ bcom ldan 'das gal te gzhan dag gis khong du chud par bgyi ba'i slad du bcom ldan 'das kyis ming dang mtshan mas chos rnams kyi chos nyid bstan te chos rnams brjod pa mdzad na zhes pa la sogs pas bstan to//bsgom pa'i lam la 'dzin par rtog pa gnyis pa la dgur phye ba'i dang po rnam pa thams cad yongs su ma shes pas rnam pa thams cad mkhyen pa nyid kyi sgrib pa la kun tu rmongs pa dang /gnyis pa lam thams cad yongs su ma shes pas lam shes pa nyid kyi sgrib pa la kun tu rmongs pa dang / gsum pa gzhi thams cad yongs su ma shes pas thams cad shes pa nyid kyi sgrib pa la kun tu rmongs pa yang mdo las/ gsol pa/ bcom ldan 'das thams cad mkhyen pa nyid rnam pa thams cad mkhyen pa nyid ces gsungs pa lags sam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid rnam pa thams cad mkhyen pa nyid ces nga smra'o zhes pa la sogs pas bstan/bzhi pa shes rab kyi pha rol tu phyin pa yongs su ma shes pas thams cad zhi ba'i lam la kun tu rmongs pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te lam yang dngos po ma mchis la mya ngan las 'das pa yang dngos po ma mchis na/ci'i slad du 'di ni rgyun du zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so zhes bshad lags zhes pa man chad kyis bstan/lnga pa gzugs la sogs pa'i shes bya de bzhin nyid du yongs su ma shes pas de bzhin nyid la sogs pa dang mtshungs par ldan pa dang mi ldan pa la kun du rmongs pa yang mdo las/ rab 'byor yang shes rab kyi pha rol tu phyin pa 'di ni chos gang dang ldan pa yang ma yin mi ldan pa yang ma yin bstan du yod pa'am/bstan du med pa'am/ thogs pa dang bcas pa'am/ thogs pa med pa yang ma yin no zhes pa la sogs pas bstan/ drug pa bdud la sogs pa'i rang gi ngo bo nyid yongs su ma shes pas mi mnyam pa nyid la kun du rmongs pa yang mdo las/rab 'byor yang shes rab kyi pha rol tu phyin pa 'di ni chos thams cad la spyod par byed cing spobs pa thams cad dang snang ba thams cad sbyin par byed pa ste zhes pa la sogs pas bstan/ bdun pa don la sgra ji bzhin du 'dzin pas sdug bsngal la sogs pa'i bden pa la kun tu rmongs pa yang mdo las/rab 'byor gzhan yang byang chub sems dpa' sems dpa' chen pos shes rab kyi pha rol tu phyin pa'i don la 'di ltar spyad par bya ste/ 'di lta ste mi rtag pa'i don la spyad par bya'o zhes pa la sogs pas bstan/brgyad pa 'dod chags la sogs pa'i ngo bo nyid la sogs pa yongs su ma shes pas nyon mongs pa'i rang bzhin la kun tu rmongs pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te shes rab kyi pha rol tu phyin pa zab mo 'di la don dang don ma lags pa dmigs su ma mchis pa lags na/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa'i don la spyad par bgyi zhes pa la sogs pas bstan/dgu pa gzung ba dang 'dzin pa'i mtshan nyid yongs su ma shes pas gnyis su med pa la kun tu rmongs pa yang mdo las/ gsol pa/ bcom ldan 'das byang chub sems dpa' sems dpa' chen po 'dus ma bgyis kyi shes rab kyi pha rol tu phyin pa la bslabs nas rnam pa thams cad mkhyen pa nyid thob par mi 'gyur lags sam zhes pa la sogs pas bstan/yon tan phun sum tshogs pa thams cad byang chub sems dpa' bsgom pa'i lam la gnas pa la brten par bstan pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa ni zab pa lags so zhes pa la sogs pas bstan te/grangs dgu las ma gtogs/ rtse mo la don brgyad kyis bstan pa'i bdun pa bar chad med pa'i ting nge 'dzin bstan pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang mi dang lha ma yin du bcas pa'i 'jig rten gyi phyag bgyi ba'i gnas lags so zhes pa man chad kyis bstan/rtse mo la don brgyad kyis bstan pa'i tha ma log par sgrub pa la bcu drug tu phye ba'i dang po 'dus byas dang 'dus ma byas dag dngos po med pa nyid kyis dmigs pa 'thad pa yang mdo las/gsol pa/ bcom ldan 'das ci rnam pa thams cad mkhyen pa nyid kho na dngos po ma mchis pa lags sam/'on te gzugs kyang dngos po ma mchis shing zhes pa man chad kyis bstan/ gnyis pa rnam pa thams cad du rang bzhin med pa'i phyir dmigs pa'i ngo bo nyid nges par bzung ba yang mdo las/ de ci'i phyir zhe na/ rab 'byor rnam pa thams cad mkhyen pa nyid de ngo bo nyid med do//rab 'byor ngo bo nyid med pa de ni dngos po med pa'i phyir ro zhes pa la sogs pas bstan/ gsum pa dngos po dang dngos po med pa mi dmigs pas rnam pa thams cad mkhyen pa'i ye shes kyang mdo las/ rab 'byor byang chub sems dpa' sems dpa' chen po pha rol tu phyin pa drug po de dag la spyod pa de srid du de bzhin gshegs pa'i stobs bcu dang /mi 'jigs pa bzhi dang / zhes pa la sogs pas bstan/ bzhi pa de bzhin nyid kyi ngo bo nyid kyi kun rdzob dang / don dam pa'i bden pa gnyis kyang mdo las/ bcom ldan 'das kyis bka' stsal pa/ byang chub sems dpa' sems dpa' chen po 'jig rten gyi kun rdzob nye bar bzung ste dngos po yod pa zhes bya ba'am/ dngos po med pa zhes ston gyi don dam par ni ma yin no zhes pa la sogs pas bstan/ lnga pa sbyin pa la sogs pa mi dmigs par sbyor ba yang mdo las/le'u drug cu lnga pa'i klad nas/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa'i spyod pa zhes bgyi na/bcom ldan 'das byang chub sems dpa'i spyod pa zhes bgyi ba de gang gi tshig bla dgas lags zhes pa la sogs pas bstan/ drug pa rtogs par bya ba med pas sangs rgyas dkon mchog kyang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das sangs rgyas zhes bgyi na/ bcom ldan 'das sangs rgyas zhes bgyi ba de gang gi tshig bla dgas lags zhes pa la sogs pas bstan/ bdun pa ming tsam du btags par zad pas chos dkon mchog kyang mdo las/gsol pa/ bcom ldan 'das byang chub sems dpa' sems dpa' chen po sangs rgyas bcom ldan 'das la bsnyen bkur bgyis pa dang / dge ba'i rtsa ba yongs su rdzogs par bgyid pa dang / dge ba'i bshes gnyen gyis yongs su zin pas ji ltar rnam pa thams cad mkhyen pa nyid thob par 'gyur ba lags zhes pa nas/gtan la phab par bstan pa'i sde gang yin pa de dag thams cad ces pa'i bar gyis bstan/ brgyad pa gzugs la sogs par dmigs pa bkag pas dge 'dun dkon mchog kyang mdo las yongs su 'dzin te/bzung nas kyang tshig gis yongs su 'dris par byas nas yid kyis rjes su rtog par byed la lta bas shin tu rtog par byed cing gzungs thob par 'gyur ro zhes pa man chad kyis bstan/ dgu pa sbyin pa la sogs pa mi dmigs pas thabs la mkhas pa yang mdo las/le'u drug cu rtsa drug pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang sangs rgyas bcom ldan 'das rnams la bsnyen bkur mi bgyid cing dge ba'i rtsa bdag kyang mi skyed la zhes pa la sogs pas bstan/bcu pa dngos po dang dngos po med par rtog pa bkag pas de bzhin gshegs pa'i mngon par rtogs pa yang mdo las/ le'u drug cu rtsa dgu pa'i stod nas/de ci'i phyir zhe na/ rab 'byor 'di ltar chos 'di dag gi ngo bo gang yin pa de ni dngos po med pa'i phyir ro/ /rab 'byor dngos po med pas ni dngos po med pa mngon par rdzogs par 'tshang rgya bar mi nus so zhes pa la sogs pas bstan/ bcu gcig pa spros pa rnam par gzhag pa'i mi rtag pa nyid la sogs pas rtag pa la sogs par phyin ci log pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po'i spros pa gang lags zhes pa man chad kyis bstan/bcu gnyis pa lam rnam par bsgoms pa'i 'bras bu mngon sum du mi byed pas lam yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te chos gang la yang ngo bo nyid dmigs su ma mchis na ci byang chub sems dpa' sems dpa' chen pos nyan thos kyi lam mam zhes pa la sogs pas bstan/ bcu gsum pa dor ba dang blang ba med pas mi mthun pa dang /bcu bzhi pa gnyen po yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub kyi phyogs kyi chos rnams gang lags pa dang byang chub gang lags pa'i chos de dag dang ldan pa yang ma lags mi ldan pa yang ma lags gzugs can yang ma lags/bstan du yang ma mchis thogs pa yang ma mchis te zhes pa la sogs pas bstan/ bco lnga pa chos can med pas chos kyi mtshan nyid kyang mdo las/ rab 'byor gang la byang chub sems dpa' sems dpa' chen po rnams kyis bslab par bya ba'i byang chub sems dpa' sems dpa' chen po rnams kyi 'di ltar mtshan nyid med par mtshan nyid gcig pa'i pha rol tu phyin pa 'di ni gzugs med cing bstan du med la thogs pa med pa ste zhes pa la sogs pas bstan/bcu drug pa rang dang spyi'i mtshan nyid mi 'thad pas bsgom pa yang mdo las/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor chos thams cad ni mtshan nyid med de mtshan nyid tha dad pa ma yin la mtshan nyid gcig pa yang ma yin pa ste/rab 'byor mtshan nyid med pa la bsgom pa ni byang chub sems dpa' sems dpa' chen po'i shes rab kyi pha rol tu phyin pa bsgom pa yin no zhes pa la sogs pas bstan te/ bar 'dir rgol ba brgyud ma ston te/de yang mdo las/ le'u bdun cu pa'i klad nas/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te dngos po'i 'du shes can la mthun pa'i bzod pa yang ma mchis na thob pa lta ga la mchis/mngon par rtogs pa yang lta ga la mchis te/ ma mchis na ci dngos po ma mchis pa'i 'du shes can la mthun pa'i bzod pa ma mchis lags sam zhes pa man chad kyis bstan to/ /spyi don brgyad kyis bstan pa'i drug pa mthar gyis pa'i mngon par rtogs pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po chos thams cad dngos po ma mchis pa nyid la bsam gtan bzhi dang mngon par shes pa lngas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur na zhes pas mgo drangs nas pha rol tu phyin pa rnams dang /rjes su dran pa drug la sogs pa mi dmigs pa'i tshul du rim gyis rtogs pa yin pas sbyin pa'i pha rol tu phyin pa yang mdo las/de sbyin pa'i pha rol tu phyin pa la slob pa na bdag nyid kyang sbyin pa sbyin par byed la/ gzhan dag kyang sbyin pa la 'god cing sbyin pa'i bsngags pa yang brjod la/gzhan gang dag sbyin pa sbyin par byed pa'i bsngags pa yang rjod par byed cing rjes su dga' bar byed do/ /de sbyin pa la goms pa des longs spyod kyi phung po chen po thob par 'gyur ro zhes pa man chad kyis bstan/ tshul khrims kyang mdo las/rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste bdag nyid kyang tshul khrims kyi pha rol tu phyin pa la spyod la/ gzhan dag kyang tshul khrims kyi pha rol tu phyin pa la yang dag par 'dzin du 'jug go zhes pa la sogs pas bstan/bzod pa'i pha rol tu phyin pa yang mdo las/ rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste bdag nyid kyang bzod pa'i pha rol tu phyin pa la spyod la/ gzhan dag kyang bzod pa'i pha rol tu phyin pa la yang dag par 'dzin du 'jug go zhes pa la sogs pas bstan/brtson 'grus kyang mdo las/ rab 'byor gzhan yang byang chub sems dpa' sems dpa' chen po bdag nyid kyang dge ba'i chos rnams la brtson par byed la/ gzhan dag kyang dge ba'i chos la yang dag par 'dzin du 'jug ste zhes pa la sogs pas bstan/ bsam gtan yang mdo las/ rab 'byor gzhan yang byang chub sems dpa' sems dpa' chen po ni bdag nyid kyang bsam gtan la snyoms par 'jug cing tshad med pa rnams dang gzugs med pa'i snyoms par 'jug pa rnams la snyoms par 'jug pa zhes pa la sogs pas bstan/shes rab kyi pha rol tu phyin pa yang mdo las/ rab 'byor gzhan yang byang chub sems dpa' sems dpa' chen po ni sems dang po bskyed pa nas nye bar bzung ste shes rab kyi pha rol tu phyin pa la spyod cing sems can rnams sbyin pas tshim par byed de zhes pa la sogs pas bstan/sangs rgyas rjes su dran pa yang mdo las/ rab 'byor gzhan yang byang chub sems dpa' sems dpa' chen po ni mthar gyis bya ba dang mthar gyis bslab pa dang mthar gyis bsgrub pa la slob ste zhes pa nas/lha rjes su dran pa bsgom mo zhes pa'i bar gyis mdor bstan nas/ sangs rgyas rjes su dran pa dngos kyang mdo las/ rab 'byor byang chub sems dpa' sems dpa' chen po sangs rgyas rjes su dran pa ji ltar bsgom zhe na zhes pa la sogs pas bstan/chos rjes su dran pa ni mdo las/ rab 'byor byang chub sems dpa' sems dpa' chen po chos rjes su dran pa ji ltar bsgom zhe na zhes pa la sogs pas bstan/ dge 'dun rjes su dran pa yang mdo las/rab 'byor byang chub sems dpa' sems dpa' chen po dge 'dun rjes su dran pa ji ltar bsgom zhe na zhes pa la sogs pas bstan/ tshul khrims rjes su dran pa yang mdo las/ rab 'byor byang chub sems dpa' sems dpa' chen po tshul khrims rjes su dran pa ji ltar bsgom zhe na zhes pa la sogs pas bstan/gtong ba rjes su dran pa yang mdo las/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas gtong ba rjes su dran pa ji ltar bsgom zhe na zhes pa la sogs pas bstan/lha rjes su dran pa yang mdo las/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas lha rjes su dran pa ji ltar yid la bya zhe na zhes pa la sogs pas bstan/ gzugs la sogs pa'i chos thams cad dngos po med pa yang mdo las/rab 'byor gzhan yang byang chub sems dpa' sems dpa' chen po mthar gyis bya ba dang mthar gyis bslab pa dang mthar gyis bsgrub pa yongs su rdzogs par 'dod pas dngos po med pa'i ngo bo nyid kyi tshul gyis nang stong pa nyid la bslab par bya'o zhes pa la sogs pas bstan/spyi don brgyad kyis bstan pa'i bdun pa skad cig ma gcig la mngon par rdzogs par byang chub pa la yang mtshan nyid bzhis bstan pa'i dang po zag pa med par chos thams cad bsdus pa yang mdo las/le'u bdun cu rtsa gcig pa'i klad nas/ de nas yang bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/bcom ldan 'das de ni ci zhig mthong nas byang chub sems dpa' sems dpa' chen po sems can rnams kyi don gyi slad du bla na med pa yang dag par rdzogs pa'i byang chub la zhugs lags zhes pa la sogs pas bstan/ mtshan nyid gnyis pa rnam par smin pa'i bdag nyid kyi gnas skabs kyi zag pa med par chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa yang mdo las/rab 'byor byang chub sems dpa' sems dpa' chen po shes rab kyi pha rol tu phyin pa la spyod pa na de gang gi tshe sbyin pa sbyin na zag pa med pa'i sems la gnas nas sbyin pa sbyin par byed do zhes pa man chad kyis bstan/mtshan nyid gsum pa mtshan nyid med par chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa yang mdo le'u bdun cu rtsa gnyis pa'i klad nas/de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar byang chub sems dpa' chen pos mtshan ma ma mchis pa dang /rtsol ba ma mchis pa dang / ma 'dres pa dang / rang gi mtshan nyid kyis stong pa'i chos rnams la pha rol tu phyin pa drug po sbyin pa'i pha rol tu phyin pa dang zhes pa la sogs pas bstan/ mtshan nyid bzhi pa gnyis su med pa'i mtshan nyid du chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa yang mdo las/rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni chos thams cad rmi lam ltar bur yongs su shes shing chos thams cad brag ca lta bu dang /mig yor lta bu dang / smig rgyu lta bu dang / sprul pa lta bur yongs su shes so zhes pa man chad kyis bstan to/ /spyi don brgyad kyis bstan pa'i tha ma chos kyi sku mdzad pa dang bcas par bstan pa las/ chos kyi sku yang ngo bo nyid la sogs pa'i dbye bas rnam pa bzhir bstan te/de la dang po ngo bo nyid kyi sku yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci byang chub sems dpa' sems dpa' chen pos rnam pa thams cad mkhyen pa nyid thob par 'gyur ba lags sam zhes pa la sogs pas mgo drangs te ngo bo nyid kyi sku dngos dang sbyar ba ni 'og nas/de ci'i phyir zhe na/ gang la gnas nas chos thams cad tha dad du dbyer med pa thob pa la byang chub sems dpa'i sems dang de bzhin gshegs pa dgra bcom pa yang dag par rdzogs pa'i sangs rgyas kyi thugs tha dad pa dmigs pa med pa'i phyir ro zhes pa la sogs pas bstan/gnyis pa chos kyi sku ni rab 'byor byang chub sems dpa' sems dpa' chen po rnams kyis 'jig rten las 'das pa'i chos kyi sbyin pa byis pa so so'i skye bo rnams dang thun mong ma yin pa gang zhe na zhes pa la sogs pas bstan/gsum pa longs spyod rdzogs pa'i sku yang mdo las/ rab 'byor de la bzhin gshegs pa'i skyes bu chen po'i mtshan sum cu rtsa gnyis gang zhe na/phyag dang zhabs kyi mthil 'khor lo'i mtshan dang ldan pa zhes pa la sogs pas bstan/ bzhi pa sprul pa'i sku ni/ bcom ldan 'das shAkya thub pa la sogs pa gzugs gang gis 'khor ba ji srid par 'jig rten gyi khams thams cad du sems can rnams kyi don mnyam du mdzad pa'i sku yin par don gyis bstan/mdzad pa ni phrin las yin la de'i don yang nyi shu rtsa bdun gyis bstan/ mdo las phrin las dang po dang ltag 'og mi mthun pas mdo btsan par byas nas dang po sbyin pa la sogs pa bsdu ba'i dngos po bzhi la 'god pa yang mdo las/rab 'byor ji ltar na byang chub sems dpa' sems dpa' chen pos snyan par smra bas sems can rnams yang dag par sdud ce na zhes pa la sogs pas bstan/ gnyis pa bzang po dang bzang po ma yin pa la mngon par zhen pa med pa'i mtshan nyid 'gro ba rab tu zhi ba yang mdo las/rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa byang chub sems dpa' sems dpa' chen po rnams la 'di skad du 'doms shing rjes su ston te/ rigs kyi bu dag tshur shog khyed cag yi ge mngon par bsgrub pa la mkhas par gyis shig /yi ge gcig la mkhas par gyis shig ces pa la sogs pas bstan/ gsum pa thos pa las byung ba la sogs pa'i shes pas mi mthun pa'i phyogs dor zhing gnyen po blang bar bya ba'i sgo nas rtogs par mdzad pa yang mdo las/rab 'byor de ltar byang chub sems dpa' sems dpa' chen pos chos de dag thams cad stong par mthong nas phyin ci log tu gyur pa'i sems can rnams la chos nyid ston to/ /ci nas kyang stong pa nyid de dag las phyir mi ldog par de ltar chos ston to zhes pa la sogs pas bstan/bzhi pa sgyu ma mkhan bzhin du rjes su chags pa la sogs pas rnam par dben pa nyid kyis gzhan gyi don bya ba la sogs pa'i mtshan nyid ji lta ba'i bdag nyid la bkod pa yang mdo las/ de sbyin pa'i pha rol tu phyin pa 'am/ tshul khrims kyi pha rol tu phyin pa 'am zhes pa la sogs pas bstan/ lnga pa rang gi don 'khor gsum rnam par dag pas rab tu phye ba'i pha rol tu phyin pa la goms pa la 'god pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te chos 'di dag thams cad de tsam du bas/ de 'di ltar mtshan nyid ma mchis pa tsam du bas pa lags na zhes pa la sogs pas bstan/ drug pa rang dang gzhan gyi don gyi mtshan nyid sangs rgyas nyid kyi lam dge ba bcu'i las kyi lam la 'god pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad chos kyi dbyings lags na bcom ldan 'das 'o na byang chub sems dpa' sems dpa' chen pos shes rab kyi pha rol tu phyin pa la ji ltar bslab par bgyi zhes pa man chad kyis bstan/bdun pa chos thams cad rang bzhin gyis stong pa nyid goms pa la 'god pa yang mdo las/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni sems can gzhan rnams dang gang zag gzhan dag phan tshun du 'khrugs shing gnod sems su gyur pa dag mthong na 'di skad du 'doms shing rjes su ston par byed de zhes pa man chad kyis bstan/brgyad pa sbyin pa'i pha rol tu phyin pa la brten nas sa dang po chos kyi dbyings kun du 'gro ba rtogs pa'i mtshan nyid dmigs su med pa'i chos la 'god pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te chos thams cad dbyer ma mchis pa lags na/ bcom ldan 'das 'o na byang chub sems dpa' sems dpa' chen po dag bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o zhes chos gang la yang dag par zhugs pa lags zhes pa man chad kyis bstan/dgu pa tshogs yongs su rdzogs pa'i rgyur gyur pas sa gnyis pa la sogs pa la tshul khrims la sogs pa'i pha rol tu phyin pa'i chos thams cad brdar gdags pa'i chos su shes pa la 'god pa yang mdo las/rab 'byor de yang 'jig rten gyi tha snyad kyis btags pa'i chos nyid nye bar bzung nas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar zad kyi zhes pa man chad kyis bstan/bcu pa rim gyis shes rab kyi pha rol tu phyin pa la brten nas sa drug par shes pa dang shes bya dngos por mngon par ma zhen pa'i mtshan nyid gnyis su med par 'god pa yang mdo las/de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa gang gis sems can ma mchis shing mchis pa ma lags pa dag sbyin pa la rab tu 'god par bgyid cing zhes pa la sogs pas bstan/bcu gcig pa sa bdun pa la thabs kyi pha rol tu phyin pa'i stobs kyis sems can yongs su smin par byed pa la 'god pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das byang chub sems dpa' sems dpa' chen pos gang la spyad de sems can rnams yongs su smin par bgyi ba dang / sangs rgyas kyi zhing yongs su dag par bgyi ba'i byang chub sems dpa' sems dpa' chen po'i lam gang lags zhes pa man chad kyis bstan/bcu gnyis pa stobs kyi pha rol tu phyin pa'i stobs kyis sa brgyad pa nyan thos la sogs pa dang / thun mong ma yin pa'i byang chub sems dpa'i lam la 'god pa yang mdo las/ le'u bdun cu rtsa bdun pa'i klad nas/de nas tshe dang ldan pa rab 'byor 'di snyam du sems te/ gang la gnas nas byang chub sems dpa' sems dpa' chen pos de lta bu'i go cha bgos pa'i byang chub sems dpa' sems dpa' chen po'i lam de gang yin snyam mo zhes pa man chad kyis bstan/ bcu gsum pa chos thams cad la mngon par zhen pa spangs pa la sogs pa la 'god pa yang mdo las/ rab 'byor de la byang chub sems dpa' sems dpa' chen po byang chub kyi lam la spyod pas thog ma nyid nas 'di ltar 'di la mngon par 'du byed pa ma gtogs par gang rang gi ngo bo nyid kyis dmigs par 'gyur ba'i chos gang yang med do snyam du nye bar brtag par bya'o zhes pa la sogs pas bstan/bcu bzhi pa sa dgu pa smon lam gyi pha rol tu phyin pa'i mthus byang chub 'thob pa la 'god pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te chos thams cad skye ba ma mchis pa lags na/ bcom ldan 'das 'o na ji ltar byang chub sems dpa' sems dpa' chen po byang chub kyi lam bskyed par bgyid pa lags zhes pa la sogs pas bstan/bco lnga pa ye shes kyi pha rol tu phyin pa'i stobs kyis sa bcu pa la sangs rgyas kyi zhing sna tshogs rnam par dag pa la 'god pa yang mdo las/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te chos thams cad rang bzhin gyis dben pa lags na/ bcom ldan 'das 'o na ji ltar byang chub sems dpa' sems dpa' chen po sangs rgyas kyi zhing dag par bgyid lags zhes pa la sogs pas bstan/ bcu drug pa skye ba gcig gis thogs pa'i rang gi ngo bo yang dag par rdzogs pa'i byang chub la 'god pa yang mdo las/le'u bdun cu rtsa brgyad pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci byang chub sems dpa' sems dpa' chen po nges pa zhes bgyi ba'am 'on te ma nges pa zhes bgyi ba lags zhes pa la sogs pas mgo drangs te 'og nas rab 'byor byang chub sems dpa' sems dpa' chen po ni sangs rgyas kyi phung po nges pa yin no zhes pa man chad kyis bstan/bcu bdun pa phyogs bcu'i 'jig rten gyi khams kyi sems can gyi don la 'god pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te nges pa'i byang chub sems dpa' sems dpa' chen po dge ba'i rtsa ba de lta bu dang ldan pa yang 'di lta ste mi mthun pa'i gnas rnams su skye bar mi 'gyur lags na/gang de bzhin gshegs pa nyid kyis dud 'gro'i 'gro bar skyes pa'i rabs bstan na/ dge ba'i rtsa ba de dag gang du mchis lags zhes pa man chad kyis bstan/ bco brgyad pa 'jig rten gyi khams thams cad du sangs rgyas kyi drung du nye bar 'gro ba la sogs pa'i yon tan la 'god pa yang mdo las/de rdzu 'phrul gyis de dag tu song zhing sbyin pa 'am/ tshul khrims sam/ bzod pa 'am zhes pa man chad kyis bstan/ bcu dgu pa khyad par gyi lam gyi rang gi ngo bo byang chub mtha' dag 'dren par byed pa'i chos kyi mtshan nyid byang chub kyi yan lag la 'god pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen pos gang dag yongs su rdzogs par bgyis na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i byang chub sems dpa' sems dpa' chen po'i byang chub kyi yan lag de dag gang lags zhes pa man chad kyis bstan/nyi shu pa las dang 'bras bu 'brel ba chud mi za ba yang mdo le'u bdun cu rtsa dgu pa'i klad nas/de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos de dag byang chub sems dpa'i chos lags na/ bcom ldan 'das 'o na sangs rgyas kyi chos rnams gang lags zhes pa la sogs pas bstan/nyi shu rtsa gcig pa thams cad yang dag pa ji lta ba bzhin rtogs pa la 'god pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das chos thams cad rang gi mtshan nyid kyis stong pa lags na/bcom ldan 'das 'o na ji ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas sems can rnams 'gro ba lnga'i 'khor ba las yongs su thar par bgyid pa lags/ zhes pa la sogs pas mgo drangs nas/gzhan du na byang chub la gzhol ba'i sems kyis chos thams cad yang dag pa ji lta ba bzhin du rtogs par byed do zhes pa la sogs pas bstan/ nyi shu rtsa gnyis pa phyin ci log thams cad spangs pa la 'god pa yang mdo las/ le'u brgyad cu pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das gal te chos thams cad dngos po ma mchis pa'i ngo bo nyid lags te/ de dag sangs rgyas kyis kyang ma mdzad ces pa la sogs pas bstan/ nyi shu rtsa gsum pa phyin ci log gzhi med pa spangs pa'i ye shes la 'god pa yang mdo las/de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci byis pa so so'i skye bo rnams gang la gnas nas dngos po'o zhes mngon par zhen par 'gyur ba'i dngos po byung ba 'am/ 'byung ba de bzhin nyid dang / ma nor ba de bzhin nyid ces bya ba de lta bu mchis lags sam zhes pa la sogs pas bstan/nyi shu rtsa bzhi pa rang bzhin gyis yongs su dag pa'i mtshan nyid kyis byang chub sems dpa'i rnam par byung ba la 'god pa yang mdo las/ le'u brgyad cu rtsa gcig pa'i klad nas/ de nas bcom ldan 'das la tshe dang ldan pa rab 'byor gyis 'di skad ces gsol to//bcom ldan 'das yang dag pa mthong ba la kun nas nyon mongs par 'gyur ba ma mchis shing rnam par byang bar 'gyur ba ma mchis pa bzhin du yang dag par ma mthong ba la yang kun nas nyon mongs par 'gyur ba ma mchis shing rnam par byang bar 'gyur ba ma mchis te zhes pa la sogs pas bstan/nyi shu rtsa lnga pa dri ma thams cad dang bral ba'i rnam par byang ba'i rgyu'i tshogs la 'god pa yang mdo las/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad sgyu ma lta bu dang /rmi lam lta bu dang / brag ca lta bu dang / mig yor lta bu dang / gzugs brnyan lta bu dang / smig rgyu lta bu dang / dri za'i grong khyer lta bu dang / sprul pa lta bu lags na zhes pa la sogs pas bstan/ nyi shu rtsa drug pa stong pa nyid kyi ngo bo nyid kyis 'dus byas dang 'dus ma byas tha mi dad par yongs su shes pa la 'god pa yang mdo las/de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pa chos gang mngon par rdzogs par sangs rgyas pa de ci 'jig rten gyi tha snyad du mngon par rdzogs par sangs rgyas sam/ 'on te don dam par zhes pa la sogs pas bstan/nyi shu rtsa bdun pa de bzhin gshegs pa'i sa la 'god par mdzad pa yang mdo las/ le'u brgyad cu rtsa gnyis pa'i klad nas/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad kyi mnyam pa nyid kyi rang bzhin gyis stong pa lags na de skad du chos gang ci yang mi bgyid na zhes pa man chad le'u'i mjug nas/rab 'byor 'di la dngos po yang med/ rang gi dngos po yang med/ gzhan gyi dngos po yang med na/ de la gang yongs su shes par bya ba'i ngo bo nyid stong pa nyid ces bya ba lta yod par 'gyur re skan zhes pa'i bar gyis bstan to// //'dir le'u'i mtshams rnams ni khri brgyad stong pa btsan par byas te/ sbyar ba yin pas 'bum dang sbyar ba le'u nyung bas le'u mtshams mi mthun pa rnams mdo'i tshig btsan par byas te don dang sbyar ro/ /bcom ldan 'das ma yum shes rab kyi pha rol tu phyin pa rgyas par bstan pa 'bum pa dang /'bring du bstan pa nyi khri lnga stong pa dang / bsdus te bstan pa khri brgyad stong pa rnams dang mngon par rtogs pa'i rgyan gyi skabs brgyad dang sbyar ba'i 'grel pa paN+Di ta chen po smr-iti dz+nyA na kIrtis mdzad pa rdzogs so// //