| བོད་ཡིག |
224b3 /rje btsun 'phags ma sgrol mas gsungs pa'i bkra shis brgyad pa rdzogs so// //rgya gar gyi mkhan po bi na ya shrI mi tra dang / lo tsA ba ldan ma tshul khrims seng ges bsgyur ba'o/ /[ ]@##/ /rgya gar skad du/
224b4 maM ga la gA thA/ bod skad du/ bkra shis kyi tshigs su bcad pa/ dkon mchog gsum la phyag 'tshal lo/ /dam pa tog dkar dga' ldan pho brang dam pa ru/ /mi pham mgon la rgyal tshab dam par dbang bskur zhing / /'dzam gling nyid du glang chen thal ka
224b5 ltar gshegs gang //bkra shis dam pa des kyang deng 'dir bde legs shog /ser skya'i gnas kyi grong khyer dam par zas gtsang sras/ /bud med skyon bral g.yo sgyu spangs pa lha mdzes yum/ /lhums su zla bcur blo gros ldan pa shAkya'i rigs/ /bkra shis dam pa
224b6 des kyang deng 'dir bde legs shog /lum bi'i tshal ni dben zhing nyams dga' bla k+Sha yi/ /yal ga nas bzung bltams gyur tshangs dang brgya byin 'dud/ /mkha' la gshegs te phyogs bcur pad+ma byung gyur gang / /bkra shis dam pa des kyang deng 'dir bde legs
224b7 shog /gzhal med khang mdzes dam par drang srong 'dun mdzad nas/ /mtshan ltas shis par brjod de ston par 'byung 'gyur dang / /shAka rigs bud med 'khor ldan kun bsus rgyan btags gang / /bkra shis dam pa des kyang deng 'dir bde legs shog /gzhon nu'i stobs ni
225a1 sgyu rtsal yig rtsis 'phong la sogs//kun las mthar byung lha mi la sogs kun gyis mchod/ /shAkya'i rigs 'khrungs log rtog bsal phyir btsun mo'i 'khor/ /bkra shis dam pa des kyang deng 'dir bde legs shog /pho brang nas byung rga na shi ba la
225a2 sogs gzigs//mi rnams rmongs mdzad lha yis mdun bdar mkha' la ni/ /srid gsum dag las rgal phyir mthon mthing dbu skra bregs/ /bkra shis dam pa des kyang deng 'dir bde legs shog /lha rnams rdzu 'phrul gyis ni ngur smrig gos rnams phul/ /nai rany+dza na'i chu
225a3 bor dka' thub ma lus rdzogs//thub pa bsam gtan las bzhengs bkra shis 'o thug bzhes/ /bkra shis dam pa des kyang deng 'dir bde legs shog /pad+ma las byung khyu mchog byang chub shing drung du/ /skyil mo krung bcas mi g.yo mchog gis bdud btul nas/ /tho rangs
225a4 bdud btul mi 'gyur phun sum sangs rgyas pa//bkra shis dam pa des kyang deng 'dir bde legs shog /bA rA Na sir chos kyi 'khor lo mgon pos bskor/ /kun shes la sogs lnga sde bzang la bden bzhi bstan/ /lha klu lha min mi dang mi min 'dun gyur gang / /bkra shis
225a5 dam pa des kyang deng 'dir bde legs shog /nga rgyal snyems par ldan pa'i ston pa drug btul cing / /glang chen rab smyo mi bzad lha sbyin gyis rbad btul/ /drang srong mchog la spre'u rgyal cang shes sbrang rtsi phul/ /bkra shis dam pa des kyang deng 'dir bde legs shog /pad+mo gzhon nu
225a6 lta bu'i mtshan ltas shAkya'i rigs//zas gtsang sras su rgyal rigs 'khor los sgyur rgyal du/ /bltams pa nas bzung lha yi tshal du ma lus rdzogs/ /bkra shis dam pa des kyang deng 'dir bde legs shog /byams pa'i stobs ni 'gro ba ma lus sgrol mdzad cing / /
225a7 sems can mtha' yas zhi bde'i lam la bkod gyur te/ /grong khyer rtswa mchog dam par dgongs pa yongs rdzogs gang / /bkra shis dam pa des kyang deng 'dir bde legs shog /bkra shis kyi tshigs su bcad pa rdzogs so// //