174b6 @##/ /rgya gar skad du/ tsa tU rA dza ma hA ba liM nA ma/ bod skad du/ rgyal po chen po bzhi'i gtor ma zhes bya ba/ lha mo sgrol ma la phyag 'tshal lo/ /yon tan rgyud la skye ba yi/ /bar chad sel ba'i gtor ma'i mchog /rgyal chen bzhi yi gtor ma brtsam/ /de nas sngon du 'gro ba'i cho ga tshad med pa bzhi byang chub
174b7 kyi sems bsgoms la/gtor ma khyad par du bya ba bzang du bshams pa la/ de nas rang khyad par du bya ba yi dam gyi lhar bsgoms la/ sku gsung thugs yi ges byin gyis brlab/ gtor ma swa b+hA ba'i sngags kyis stong par bsgoms la/ stong pa'i ngang las laM las rlung gi dkyil 'khor/ de'i steng du raM las me'i
175a1 dkyil 'khor/a las thod pa'i phor pa/ de'i nang du a zhu ba las bdud rtsi/ de nas khru gang tsam na a las zla ba'i dkyil 'khor gyi steng du hUM dkar po yongs su gyur pa las rdo rje dkar po rtse lnga pa khong gseng can de'i steng na/ a las zla ba'i dkyil 'khor gyi dbus su tAM ljang gu las 'od zer
175a2 thur la 'phros/bdud rtsir zhu yar 'phros sangs rgyas dang byang chub sems dpa'i thugs ka nas ye shes kyi bdud rtsi char rgan po tsam bab par bsams la a kA ro'i sngags lnga'am bdun brjod aHhUM yang lnga'am bdun brjod/ de ni gtor ma khyad par du bya ba'o/ /de nas mgron khyad par du bya ba ni
175a3 mdun gyi nam mkha' la paM las pad+ma'i gdan 'dab ma bzhi pa/lte ba la a las zla ba'i dkyil 'khor de'i steng du tAM yig ljang gu las 'od spro bsdu byas pas ut+pa la tAM gyis mtshan pa/ de las 'od 'phros tshur 'dus pas rje btsun ma sgrol ma zhal gcig phyag gnyis pa/ sku mdog ljang gu g.yas
175a4 skyabs sbyin/g.yon pa sdong bu dang bcas pa'i ut+pal 'dzin pa bsam/ de nas ye shes pa spyan drangs la dzaHhUM baM hoHsa bstim/ sku gsung thugs kyi yi ges byin gyis brlab/ de nas shar gyi pad+ma la rgyal po yul 'khor skyong zhal gcig phyag gnyis pa/ sku mdog dkar po/ lho'i pad+ma la rgyal po 'phags
175a5 skyes po sku mdog sngon po zhal gcig phyag gnyis/nub kyi pad+ma la rgyal po mig mi bzang sku mdog dmar po zhal gcig phyag gnyis pa/ byang gi pad+ma la rgyal po rnam thos sras sku mdog ser po zhal gcig phyag gnyis pa/ de bzhi skad cig la wal gyis bskyed la/ de nas snying ga nas 'od zer 'phros
175a6 pas ye shes sems dpa' dgug gzhug bya/sku gsung thugs kyi yi ges byin gyis brlab/ de nas de bzhi'i ljags mi dmigs pa las yi ge hUM re yongs su gyur pa las/ lce stod rdo rje lce smad sbu gu can gyis gtor ma la tar gyis btsugs nas gsol bar bsams la/ ba liM ta khA hi zhes lan gsum bstab po/ /
175a7 de nas bka' bsgo ba ni shar phyogs dri za'i gdon dang / lho phyogs gshin rje'i gdon dang / nub phyogs grul bum gyi gdon dang / byang phyogs gnod sbyin gyi gdon dang / gdon chen po bco brgyad dang / bgegs rigs stong phrag brgyad cu la sogs pa la bsrung du gsol zhes gsol ba gdab po/ /de nas ye shes
sems dpa' gshegs/