160b3 @##/ /rgya gar skad du/ /sarba d+har+m+ma pA la ba lin+ta bi d+hiH/ bod skad du/ /chos skyong thams cad pa'i gtor ma'i cho ga /dpal phyag na rdo rje la phyag 'tshal lo/ /bsod nams tshogs sogs bar chad zhi/ /phrin las rnam bzhi 'grub pa dang / /chos skyong thams cad mnyes par 'gyur/ /de phyir gtor ma'i cho ga rtsom/ /
160b4 dad dang ldan pa'i sgrub pa pos/ /snying rje che zhing gzhan phan dga'/ /ser sna med cing gtor brtsams pas/ /gsang ba'i btung ba lcags kyu rnams/ /nya dang khur ba 'bras chan rnams/ /la phug la sogs bza' btung rnams/ /brtson pas nye bar tshogs pa na/ /'dod lha'i rnal 'byor dang ldan pas/ /
160b5 dben zhing gtsang ba'i sa phyogs su/ /dbang chen dkyil 'khor rnam lngas byug /de steng pad snod mdzes pa'i nang / /sngar bsags rdzas kyis yongs su dgang / /byang chub mchog tu sems bskyed la/ /'og tu g.yo ba'i dkyil 'khor bsgom/ /de stengs 'bar ba gru gsum bsam/ /'bru gsum steng du pad snod
160b6 bsam//rlung bskyod me 'bar rdzas rnams zhu/ /thog mar nyi ma shar lta bu/ /de nas sbyang dang sbar rtogs ni/ /zla ba rdo rje oM gyis bsgrub/ /ye shes bdud rtsis sangs rgyas sogs/ /'bad pas de nyid thim par bsam/ /sku gsung thugs kyis byin brlab bya/ /rang snying sa bon 'od zer gyis/ /phyogs
160b7 bcu'i sangs rgyas zhing rnams na//'jig rten 'jig rten 'das pa yi/ /chos skyong srung ma thams cad rnams/ /mdun gyi nam mkhar spyan drangs la/ /thog mar zhal bsil bsang gtor bya/ /de nas me tog sogs lnga mchod/ /rjes su gtor ma dbul ba ni/ /rdo rje thal mo'i steng bzhag
161a1 nas//dad pa'i blo yis kun la bstabs/ /thams cad dgyes pa'i thugs kyis ni/ /ljags kyi myu gus drangs gsol bsam/ /oM sarba d+ha r+m+ma pA la/ /sarba k+She tra pA la/ /a kA ro mu khaM sarba d+ha r+m+ma NAM A d+ya nu t+pa n+na twA ta oM AHhUM phaT swA hA/ sarba shAn+tiM ku ru/ sarba pu Sh+TiM ku ru/ sarba me ba
161a2 sha na ya hoH//sarba du Sh+TA na mA ra ya hUM phaT ces brjod la dbul bar bya'o/ /de nas gsol gdab las bcol bya/ /phyogs bcu'i zhing khams mtha' yas na/ /bzhugs pa'i sangs rgyas byang chub sems/ /gnyis med thugs rje'i dbang gis ni/ /dpal dang mkha' 'gro'i tshogs su sprul/ /'bar ba'i sku
161a3 rnams khro gtum che//rdzu 'phrul sna tshogs mthu stobs ldan/ /rab zhi 'od gsal thugs chud kyang / /thabs mang thugs rjes 'gro 'dul ba'i/ /dpa' bo dpa' mo'i tshogs rnams la/ /bsnyen bkur gtor ma yid 'ong 'bul/ /sangs rgyas bstan pa bsrung du gsol/ /bdag cag sgrub pa po rnams la/ /zhi rgyas
161a4 dbang dang mngon spyod kyi//phrin las rnam bzhi'i dngos grub stsol/ /sgrub la bar chad byed pa yi/ /dgra bgegs thams cad zhi bar mdzod/ /bsod nams tshogs chen bsags las byung / /rgyal chen bzhi dang phyogs skyong bcu/ /lag na rdo rje gos sngon tshogs/ /gzhan yang mthu rtsal che ldan pa'i/ /lha dang lha min mi'am ci/ /
161a5 lto 'phye grul bum nam mkha' lding / /sha za srin po phra med tshogs/ /sman dang btsan la sogs pa yi/ /chos la dga' ba'i dge bsnyen rnams/ /dkon mchog gsum la skyabs song nas/ /bstan pa bsrung bar khas blangs pa'i/ /dge bsnyen pho mo thams cad la/ /bsnyen bkur gtor ma rgya chen dbul/ /bstan pa gnyen po bsrung du
161a6 gsol//bdag cag sgrub pa po rnams la/ /rang rang las kyi dngos sgrub stsol/ /dkon mchog gsum gyi bka' nyon la/ /rnal 'byor kun gyi las bcol sgrubs/ /log 'dren thams cad tshar bcad nas/ /kun kyang dam tshig la gnas te/ /rtag par tshogs gnyis rab bsags nas/ /'phags pa rnams kyis brnyes pa yi/ /rab zhi bde chen thob
161a7 par shog//yi ge brgya pa brjod la oM AHhUM badzra muH/ zhes pas thams cad gshegs su gsol/ /gtor ma sum mdo'am bzhi mdor sa gtsang sar bskyal lo/ /chos skyong thams cad pa'i gtor ma'i cho ga slob dpon chen po ba liM A tsar+yas mdzad pa rdzogs so// //bod kyi lo tsA ba rma ban chos 'bar gyis bsgyur ba'o// //