| བོད་ཡིག |
115b5 /oM AHmu zhes bya bas gshegs su gsol lo zhes bya ba ni bla ma'i maN+Dal gyi cho ga'o// //[ ]@##/ /rgya gar skad du/ maN+Dal bi d+hiH/ bod skad du/ maN+Dal gyi cho ga /sangs rgyas dang byang chub sems dpa' thams cad la phyag 'tshal lo/ /
115b6 dkyil 'khor byug pa sngon du 'gro ba yis/ /skye ba gzhan du 'byor pa mi zad la/ /da ltar bzhed pa nyid kyi phyag gnas ltar/ /slu ba med pa bdag gis brjod par bgyi/ /oM badzra re khe AHhUM/ gtsang spyod ba yi lci ba ni/ /chu dang 'o ma zho dang mar/ /thams cad de las byung ba dag /
115b7 snod gtsang bskol te chu rnams dbo/ /tshigs ma dor te dbus kyi chas/ /dbyibs ci dga' ba'i maN+Dal ni/ /sa bdag khru gang yan chad par/ /gsang sngags don la gzhol bar byugs/ /de nas de ni gus pa yis/ /rgyal ba sras su bcas la dbul/ /mjug tu thub pas
116a1 gsungs pa yi//tshigs bcad 'di dag brjod par bya/ /ba yi lci ba chur bcas sbyin pa ste/ /legs par nyug par byed pa tshul khrims so/ /srin dang grog sbur bsal ba bzod pa yin/ /bya ba la ni nyer zhugs brtson 'grus te/ /de la skad cig sems ni
116a2 gcig byed pa//bsam gtan shes rab ri mo gsal ba'o/ /thub pa'i maN+Dal byas pa yis/ /pha rol phyin pa 'di drug thob/ /gser gyi mdog 'gyur 'di dag ste/ /nad rnams kun dang bral bar 'gyur/ /zla ba ltar mdzes gsal ba yis/ /lha dang mi ni dam par skye/ /
116a3 nor dang gser ni 'byor pa yis/ /rgyal po'i rigs su skye bar 'gyur/ /bde bar gshegs pa'i pho brang mchog /maN+Dal gang zhig byed pa dang / /sdig pa thams cad mi byed cing / /dge ba phun sum tshogs pa dang / /rang gi sems ni yongs 'dul ba/ /'di dag sangs
116a4 rgyas rnams kyis bsngags//zhes so/ /de nas dge ba de nyid rgyu mtshan du byas la/ dkon mchog gsum la bdag phyag 'tshal/ /dkon mchog gsum la skyabs su mchi/ /bdag ni khyed la rnam kun 'bul/ /sdig pa thams cad bshags par bgyi/ /'gro ba'i dge la
116a5 rjes yi rang //dam chos 'khor lo mchog bskor dang / /yongs su mya ngan 'das spang zhing / /bdag ni khyed la gsol ba 'debs/ /'di sogs dge ba'i las rnams ni/ /byang chub bla na med par bsngo/ /'gro ba'i sdug bsngal khur chen 'bor ba'i phyir/ /bdag gis sems ni
116a6 byang chub phyir bskyed de//ma rgal bsgral dang ma grol dgrol ba dang / /dbugs ma phyung ba bdag gis dbugs dbyung ste/ /mya ngan ma 'das bdag gis mya ngan 'das/ /de ltar byang chub kyi sems rab tu brtan par bskyed la ji ltar 'dod pa'i bya ba dge ba la 'jug par bya'o/ /
116a7 maN+Dal dbul ba'i cho ga slob dpon chen po byang chub sems dpa' dgra las rgyal gsang ba'i zhal snga nas mdzad pa rdzogs so// //rgya gar gyi mkhan po a du lo pa dang / lo tsA ba dge slong chos kyi shes rab kyis bsgyur cing zhus te gtan la phab pa// //