CLOSE WINDOW

D3756
བོད་ཡིག

slob dpon chen po stir ma tis dgongs pa las rdo rje bkod pa'i rgyud bstan pa bsrung ba rnal 'byor yongs kyi mgon po legs ldan nag po'i sgrub thabs dkyil 'khor bdun gyi rim pa rnam par phye ba slob dpon snang mdzad myu gus mdzad pa rdzogs so/ /[ ]@##// po ta lar 'gro ba'i lam yig bzhugs/ @#/'jig rten mgon po la phyag 'tshal lo/ /lho phyogs kyi rgyud long ba'i yul na dpal 'bras kyi phung po zhes bya ba'i pho brang yod do/ /de na chos kyi dbyings ngag gi dbang phyug chen po dkyil 'khor mchod rten gyis yongs su g.yogs pa'i rje btsun bzhugs so/ /der phyin nas rje btsun gyi mchod rten la phyag stong phrag lnga btsal bar bya'o//rdo rje lcags sgrog ces bya ba'i gzungs bzlas par bya'o/ /de la brjod par bye ste/ na mo b+ha ga wa ti Ar+ya badzra shriM kha lA yai/ /ha na ha na/ tshin+da tshin+da/ po ba b+ha Sha/ ka pA laM hUM ta ra ta ra/ /ta raM ga ba tri Sha DaM gany+tsa badzra a ya te/ badzra pra kA re/ oM na mo b+ha ga ya h+yai/ Ar+ya badzra griM kha le/ pUrba di shaM ban+d+hA/ dak+Shi na di shaM ban+d+ha/ pa sh+tsi ma di shi ban+d+ha/ ut+ta ra di shaM ban+d+ha/ a d+ho di shaM ban+d+ha/ da sha di shaM ban+d+ha/ ma sA pA daM ban+d+ha/ sA d+ha ni pA daM ban+d+ha/ yak+sha ra k+sha saM ma ban+d+ha/ b+hU ta pre taM pi shA tsaM ban+d+ha/ sid+d+ha yo gi DA ki ni ban+d+ha/ e ka pA daM ban+d+ha/ dwi pa daM ban+d+ha/ hri pA daM ban+d+ha/ tsa tuHpA daM ban+d+ha/pany+tsa pA daM ban+d+ha/ sha Ta pA daM ban+d+ha/ sa ha sa pA daM ban+d+ha/ br-ik+sha pA daM ban+d+ha/ mU laM pA daM ban+d+ha/ de baM ban+d+ha/ de baM ku laM ban+d+ha/ nA gaM ban+d+ha/ nA ga ku lam ban+d+ha/ pa ra ku laM ban+d+ha/ gu ha naM ban+d+ha/ tri kro Na pri thi bI na ban+d+ha ban+d+ha hUM/ mA tsa la mA tsa la/ tiSh+Tha tiSh+Tha/ sa bi dA ban+d+ha/ bra h+ma ba tsa naM ban+d+ha ban+d+ha/ oM na mo b+ha ga ba h+yai Ar+ya badzra shriM kha le pany+tsa kro shi kaM maN+Da laM ban+d+ha/ha na ha na hUM hUM phaT phaT swA hA/ sdang ba thams cad kyi snying rnam par 'joms ma 'phags ma rdo rje lcags sgrog ma zhes bya ba'i gzungs so/ /des gnod sbyin gyi bgegs 'byung bar mi 'gyur ro/ /de nas de'i rjes su ma la ya'i yul du 'gro bar bya'o/ /der phyin nas chos kyi rgyal po'i mchod rten gyi rje btsun la bskor ba stong phrag gsum bya'o//byas nas sngags khri phrag drug stong bzla bar bya'o/ /de la sngags ni 'di yin te/ oM ma N-i badzre hUM/ gal te gang zhig skyes bu chen po brtson 'grus chen po rnams kyis 'gro bar 'gyur ba nyid du 'dod pas khyim gyi bsam pa dran par mi bya'o//byas na sdug bsngal dang nyon mongs pa rnams kyis 'joms par 'gyur ro/ /dpal ldan po Ta la ka'i rje btsun gyi zhal mthong ba don du gnyer ba'i sems can de rnams kyis nges par brtson 'grus brtan po nyid kyis bgrod par bya'o/ /de'i tshe skyes bu de rnams kyis nges par rang gi lus sems can thams cad la phan pa'i don du bdag nyid kyi lus sbyin par gtang bar bya'o//lus sbyin par byin nas phyis dpal po Ta la kar bgrod par bya'o/ /bsam pa thams cad yongs su spangs te 'dod chags la sogs pa'i bsam pa dor nas bgrod par bya'o/ /spro ba'i sems kyis glu dang gar dang dam pa'i chos kyi yi dam dang bcas pa dang sngags la sogs pa dang bsgom par bya'o//g.yeng ba'i sems kyis 'gro bar mi bya'o/ /nges pa nyid du rje btsun gyi zhal mthong bar 'gyur bar bya'o zhes smras nas spro ba'i sems kyis bgrod par bya'o/ /sems de nyid kyis bgrod pa na gal te rje btsun gyi zhabs mthong bar ma gyur na/de'i tshe bdag nyid 'jam pa'i mgon po mtshams med pa lnga'i las byed par 'gyur ro/ /de ltar byas nas ma la ya'i ri la bgrod par byas pas ri'i dbus su udum+WA ra'i nags mthong bar 'gyur ro/ /mthong nas kyang 'bras bu rnams bza' bar bya'o/ bza' ba byas nas kyang 'bras bu rab tu mang po rnams gzung bar bya'o/ /bzung nas kyang 'gro ba na sum brtsegs zhes bya ba'i gnas kyi 'dug sa mthong bar 'gyur ro/ /de'i tshong 'dus kyi dbus su 'jug par bya'o/ /zhugs nas sngags stong phrag gsum bzla bar bya'o/ /de'i sngags ni 'di yin te/ oM ma Ni pad+me hUM/tshong 'dus de la g.yon nas bskor te 'gro na rigs ldan ma zhes bya ba'i dri ma med pa'i chu rgyun mthong bar 'gyur ro/ /de rnams las brgal te mthong bar 'gyur ba ni shing tA la dang shing sA la dang / pi pa la'i shing dang / spyi bshul dang / am+bu dang / 'dzam bu dang / shA koSh+Ta ka dang / ba ru ra la sogs pa'i 'bras bu dang ldan pa'i ljon shing du ma mthong nas 'bras bu yang gzung bar mi bya'o//bza' bar yang mi bya'o/ /de rnams la g.yon nas bskor te 'gro bar bya'o/ /dri med ldan pa zhes bya'i chu rgyun mthong bar 'gyur ro/ /rdo ba'i rang bzhin 'ba' zhig ste de mthong bas 'jigs par mi bya'o//rdo dang brag de las 'das te pha rol tu phyin nas ku sha btogs te sgrub pa po'i skyes bu rnams kyis sngags 'di'i spyi gtsug bcing bar bya'o/ /oM mu ne rak+Sha swA hA/ byas nas kyang yi ge drug pa'i rig pa chen mo'i sngags khri phrag gcig bzla bar bya'o/ /bzlas pa byas nas yang dge ba'i rtsa ba spyad nas ro btung bar bya'o//des mi smra bar 'gyur bar bya'o/ /mi smra bar gyur pas glu blang ba dang / dgod pa dang / gar dang / chos klog pa dang 'don pas bgrod par bya'o/ /sems g.yeng bar mi bya'o/ /lha'i rnal 'byor gyis 'gro bar bya'o/ /dpal ldan rje btsun gyi zhabs mthong bar bya'o zhes smras nas 'gro zhing song ba las skyu ru ra'i nags mthong bar 'gyur te skyu ru ra'i 'bras bu rnams bzung nas bza' bar bya'o//zos nas kyang 'bras bu rab tu mang po rnams gzung bar bya'o/ /bzung nas 'gro ba na nyi ma bzhin rig pa 'dzin pa'i mtshe'u mthong bar 'gyur ro/ /ut+pa la la sogs pa'i sna tshogs pa'i chu las skyes pa'i me tog rnams kyis brgyan pa ste/'gram bzhi na lho'i 'gram ni rig pa 'dzin pa rnams kyi'o/ /nub kyi 'gram ni lha rnams kyi'o/ /byang gi 'gram ni gnod sbyin la sogs pa'i tshogs kyi'o/ /shar gyi 'gram ni nags kyi lha mo rnams kyi ste mtshe'u der bgrod par mi bya zhing chu btung bar mi bya'o/ji srid zhag phyed dang gnyis su phyin te mtsho de la bltas la sngags 'di brjod par bya'o/ /de la sngags ni 'di yin te/ oM hUM hUM hUM dza dza dza pra yats+tsha pra yats+tsha phaT phaT kaM ka na le ma hA ba la se ne mo Ta ya mo Ta ya oM hUM hUM hUM swA hA/ mtsho de la g.yon nas bskor te 'gro bar bya'o//smin drug gi bu nyon cig sems can gang la la bdag gi drung du 'ong bar brtson pa dad pa dang ldan pa bden par smra ba don du gnyer ba ltos pa med pa rnams 'ong ba na de rnams kyis gal te grub par ma gyur cing nga dang lhan cig mthong bar ma gyur na de'i tshe bdag nyid mtshams med pa lnga'i las byed pa por 'gyur ro//dpal ldan po Ta la ka'i rje btsun gyis dam bcas pa brtan pa'o/ /nyi ma lnga'i bar du dka' ba chen pos 'gro bar bya'o/ /phyi nas yang rgya shug gi bsti gnas mthong bar 'gyur te de la sna tshogs pa'i shing la sogs pas brgyan pa am+bu dang dzam+bu dang / na rang+ga dang / kaN+DA ha la dang / bil ba dang / skyu ru ra dang / rgun 'brum dang / ka bid+tha dang / dzi bi ra la sogs pa'i 'bras bu dang ldan pa la sogs pa'i sna tshogs pa'i shing rnams gnas so/ /shing la la ni 'bras bu skyes bzhin pa/ la la ni me tog 'byin/ la la ni 'bras bu skye bar 'gyur/ kha cig ni 'bras bu dang ldan pa'i shing rnams gnas te de las 'bras bu rnams bzung nas bza' bar bya'o//zos nas kyang sa bon bzung nas sems can thams cad kyi phyir gzugs par bya zhing gzhag par bya'o/ /nyi ma bzhi'i bar du bsti gnas der 'bras bu sna tshogs bzung ste phud kyang gtor zhing bza' bar bya'o/ /zos nas kyang lus tshon por bya'o//byas nas kyang slar yang gal te sdod par 'dod na de'i bsti gnas de la bskor ba bya zhing nyi ma brgyad tshun chad sna tshogs pa'i 'bras bu rnams zos te gzung bar byas la/ de'i tshe bsnyi gnas la g.yon nas bskor te nyi ma bdun tshun chad 'gro bar bya'o/ / der phyin pas spa tsher ma can gyi nags mthong bar 'gyur te/ zhag phyed dang gnyis kyi bar de las spa tsher ma can sor brgyad pa'i tshad rnams mthong nas 'jigs par mi bya'o/ /tsher ma'i steng du rkang pa'i zur gyis 'grod par bya'o/ /tsher ma rnams ci nas kyang rkang pa la mngon par ma zug par bya'o/ /sba'i nags las brgal ba na yi ge drug pa'i sngags bzla bar bya'o//der phyin nas nyi ma bzhi'i bar du bil ba'i nags kyi bsti gnas mthong bar 'gyur te bil ba'i 'bras bu rnams bza' bar bya'o/ /nyi ma bdun gyi bar du bsdad do/ /bsdad nas yang 'gro bar bya'o/ /nyi ma bzhi phyin pa na bdag po med pa zhes bya ba'i mtsho mthong bar 'gyur ro//de la g.yon nas bskor te 'gro bar bya'o/ /de mthong ma thag tu brjod pa ni de la oM ma Ni pad+me hUM sngags kyi yi ge 'di'i grangs ni 'bum bzlas pas bcom ldan 'das kyi byin rlabs thob pa dang sdig pa dang bral bar 'gyur ro/ /slar yang nyi ma gsum na 'dzam bu'i nags mthong bar 'gyur te/der nyi ma bzhi bsdad nas 'dzam bu'i 'bras bu rnams bza' bar bya'o/ /zos nas kyang 'bras bu mang po rnams bzung nas nyi ma bdun gyi bar du phyin pa na rkang+gu na'i nags kyi shing mthong bar 'gyur te/ de rnams kyi gseb nas myur ba myur bar 'gro bar bya'o/ /de nas 'bras bu gcig kyang blang bar mi bya zhing blta bar yang mi bya'o//bsdad par yang mi bya'o/ /de la 'gro ba na sre mo chen mo'i tshogs mthong bar 'gyur te de mthong ba na sngags brjod par bya'o/ /de la sngags ni 'di yin te/ oM rI rI d+hi ni d+hi m+le m+le sarba bud+d+ha ma ma rak+Shan+tu hA hA hrIHdre mre hUM hA swA hA/ de nas song bas rgya shug gi nags mthong bar 'gyur zhing /nyi ma gsum gyi bar du bsdad par bya zhing 'bras bu bza' bar bya'o/ /zos nas kyang 'gro bar bya ste/ nyi ma sum cu rtsa gnyis na spre'u glang po che'i tshad can gyi tshogs mthong bar 'gyur te/ spre'u de rnams mthong ba na 'jigs par mi bya zhing skrag par mi bya'o/ /blo brtan par gyur pas sngon du bshad pa'i sngags brjod par bya'o//spre'u rnams bros par 'gyur ro/ /phyi nas 'gro bar bya ste song bas yang nyi ma gsum na sba ko Ta ka'i nags mthong bar 'gyur te/ der nyi ma drug bsdad cing ci tsam sdod pa de srid du 'bras bu bza' bar bya'o/ /zos nas kyang 'bras bu rnams bkyer bar bya'o//song bas phag gi tshogs shin tu 'jigs par byed pa 'dam gyis rnam par gos pa mthong bar 'gyur te/ de mthong na 'jigs par mi bya'o/ /yang nyi ma gnyis pa na stag gi tshogs mthong bar 'gyur te/ de mthong bas 'jigs par mi bya zhing slar yang sngon du brjod pa'i sngags bzlas par bya'o//stag gi tshogs de dag bros par 'gyur ro/ /phyi nas song bas se 'bru'i nags mthong bar 'gyur te nyi ma dgu'i bar du bsdad la 'bras bu rnams bza' bar bya'o/ /zos nas 'bras bu rab tu mang po rnams bkyer bar bya'o/ /nyi ma gsum na seng ge'i tshogs shin tu 'jigs par byed pa khro bo'i gzugs mthong bar 'gyur te/de rnams mthong bas skrag pa cung zad kyang mi bya'o/ /bdag nyid seng ge'i gzugs su bltas te tshogs rnams kyi mdun du gyur pas sngon du brjod pa'i sngags smras pas 'dug par mi 'gyur ro/ /de thams cad las grol zhing song bas phyi nas 'gro bar bya'o/ /de nas phyin pa na nyi ma bzhi na go yu'i shing dang mnyam pa'i bu ram gyi shing gi nags rgyang grags gcig 'khor ba gnas pa mthong bar 'gyur te/bu ram shing de rnams kyi mngar ba'i dbus na bye ma dkar po dang 'dra ba'i ka ra yod pa mthong bar 'gyur te/ de rnams kyang ji ltar bde bar bza' bar bya'o/ /chag tshang ku ba'i 'bras bu sor mo gcig gi phyed pa chu yis bkang ba bkyer bar bya'o//ka ra rab tu mang po bkyer bar bya'o/ /chu de zad par ma gyur pa na lci bar mi 'gyur ro/ /nyi ma drug phyin pas kla klo'i grong khyer de na kla klo rnams gnas so/ /de rnams la g.yon nas bskor te 'gro bar bya'o/ /nyi ma gnyis pa na rig pa 'dzin pa'i skyed mos tshal shing pun na ga dang /klu shing dang / shing ba ku la dang / shing skya snar dang / shing tsam pa ka pa dang / shing mya ngan med la sogs pa sna tshogs pa'i ljon shing rnams kyis nye bar brgyan pa mthong bar 'gyur te/ skyed mos tshal myur ba myur bar dor bar bya'o/ /nyi ma gnyis pa na khyi ri kha'i nags dang /kha ra tshu ri kha'i nags mthong bar 'gyur te/ de dag nyi ma bdun gyi bar du ji ltar bde bar bza' bar bya'o/ /'bras bu rab tu mang po rnams gzung ste nyi ma drug gi bar du 'gro bar bya'o/ /song bas phyin nas shin tu 'jigs pa'i 'dam rdzab mthong bar 'gyur te de rnams mthong ba na 'jigs par mi bya zhing sems skyo bar 'gyur bar mi bya'o//yi ge drug pa'i sngags zlos shing 'gro bar bya'o/ /der 'dam rdzab las brgal te dza la pA yi ka'i nags yod do/ /'bras bu rnams zhag lnga'i bar du ji ltar bde bar bza' bar bya'o/ /zos nas kyang 'bras bu mang po khyer te 'gro ba ni nyi ma gsum na sA la'i nags mthong bar 'gyur ro//de 'das nas slar yang ke ta ka'i nags puSh+pa sna tshogs 'khrigs pa me tog sna tshogs dri dang ldan pa mthong bar 'gyur te/ ke ta ke la sems kyis 'dod par mi bya'o/ /de rnams la g.yon gyis bskor te 'gro ba na nyi ma gsum na dngul chus yongs su gang ba'i rdzing bu mthong bar 'gyur te/de'i dbus na dngul chus yongs su byugs pa'i skyes bu yod do/ /gal te dngul chu'i skyes bu blta bar 'dod na dngul chu'i rdzing gi shar logs nas se ka li ka la sogs pa sna tshogs pa'i me tog gi nags gnas te/ sgrub pa pos me tog de dag gzung ste/skud pa phra mos phreng ba brgyud par byas nas phyis rdzing bu'i phyogs su dor bar bya'o/ /me tog dor ma thag tu dbus kyi gnas su song nas me tog gi phreng ba rab tu 'jug go/ /zhugs pas dngul chu'i skyes bu'i mgo la 'phog par 'gyur ro/ /slar yang sgrub pa pos nyi ma gzhan la sna tshogs pa'i me tog gi phreng bar brgyus te rdzing gi dbus su dor bar bya'o//nyi ma snga ma la dor ba'i me tog gi phreng ba 'thon nas rdzing gi 'gram du 'chags par 'gyur ro/ /bskyur ba'i me tog dngul chu'i skyes bu'i mgo la 'bab par 'gyur ro/ /de mthong nas gal te dngos grub chung ngu 'dod na de'i tshe sgrub pa pos me tog gi phreng ba bzung nas rdzing bu'i 'gram du 'jug par bya'o//der phyin nas gzhu 'dom brgya phyin pas ka ba bzhis nye bar brgyan pa'i bsil khang mthong bar 'gyur te/ de'i dbus na lo bcu drug lon pa'i rnam pa'i dngul chu'i skyes bu gnas te dgod bzhin du 'dri bar 'gyur te/ kye skyes bu brtson 'grus dang ldan pa gang nas 'ongs/ci 'dzin par byed/ mig sman dang / mchil lham dang / rkang bol byug pa dang / ri lu dang ral gri la sogs pa'i sna tshogs pa'i dngos grub gang dag 'dzin par byed/ gal te bzung bar byas pa de'i tshe phra mo'i dngos grub 'grub par 'gyur ba 'di la the tshom med do//gal te mi 'dod pa de'i tshe brgal te g.yon nas bskor te 'gro ba na/ kin tu'i shing la sogs pa'i nags mthong bar 'gyur te/ nyi ma lnga'i bar du de'i 'bras bu rnams bza' bar bya'o/ /'bras bu bzung nas 'gro bar bya ste de rnams la g.yon du bskor nas 'gro bar bya'o/ /de dag 'das nas nyi ma gsum na lo bcu drug lon pa'i rnam pa mi'i gtso mo zhes bya ba'i rig pa 'dzin pa'i bud med lha'i gzugs can rnams ra skyong zhing gnas te sgrub pa pos de'i drung du phyin nas reg pa dang rtse bar yang bya'o//sgrub pa po'i skyes bus bltas pas des skrag pa chen po skyed par byed de bgegs rtsom par yang 'gyur ro//mi'i gtso mo la bltas nas sgrub pa po'i skyes bu brtson 'grus chen po spa 'gong ba'i sems dang yid la mngon par 'dod par mi bya'o/ /yud tsam 'dug nas kyang dga' bar 'gyur te/ ra rnams yongs su bsdus nas 'gro bar 'gyur ro/ /de'i phyi bzhin du rjes su 'jug par bya'o/ /nyi ma drug rnams kyis 'bras sA lu'i dri zhim po'i zhing rnams mthong bar 'gyur te de la snye ma lnga bzung nas 'gro bar bya'o//nyi ma gsum phyin pa na gser ldan zhes bya ba'i pad+ma'i mtsho mthong bar 'gyur ro/ /mtsho de las khrus bya zhing chu btung bar bya'o/ /pad+ma'i rtsa ba bza' bar bya'o/ /zos nas kyang rtsa ba la sogs pa mang po gzung bar bya'o//bzung nas yang 'gro bar bya zhing song ba na shing skya snar gyi nags mthong bar 'gyur te de la g.yon nas bskor te 'gro bar bya'o/ /de la shin tu 'das nas ga pur shing rnams mthong bar 'gyur te blang bar byas nas ji ltar bde bar bza' bar bya'o/ gzung bar bya ste ji ltar nus pa bkyer bar bya'o//de 'das nas nyi ma gcig na shing a shwat+tha'i nags mthong bar 'gyur te/ de la g.yon skor gyis phyin pa na rig pa 'dzin pa la sogs pa rnams kyi skyed mos tshal dang lha ma yin gyi skyed mos tshal sna tshogs pa'i shing la sogs pa ba ku la dang a mra la sogs pa'i 'bras bu rnams dang /me tog dzA ti dang / kun+da dang / ma li ka dang / tsam pa ka dang / nA ga ge sar la sogs pa'i me tog yang dag pas khyab par mthong bar 'gyur te de la cung zad kyang blang bar mi bya'o/ /de las 'das nas chu'i rgyun dri ma med pa mthong bar 'gyur te/ de la g.yon nas bskor nas 'gro ba ni nyi ma gsum na dri ma med par ldan pa zhes bya ba'i rdzing bu mthong bar 'gyur te rdzing bu de la khrus bya'o//rtsa ba rnams bza' bar bya zhing nyi ma gsum bsdad nas 'gro bar bya'o/ /nyi ma gsum na 'dod pa'i rgyal mo zhes bya ba'i rig pa 'dzin pa'i rgyal mo nu ma phyed g.yogs pa khang pa dang ldan pa go la za bzhin du gnas pa de mthong bar 'gyur te de'i drung du 'gro bar bya'o//rig pa 'dzin pa'i rgyal mo zhes bya ba'i bud med des dris pa gang du 'gro bar 'gyur bar byed/ sgrub pa pos kyang lan smra bar bya ste/ dpal ldan po Ta la ka'i bcom ldan 'das 'phags pa spyan ras gzigs dbang phyug bzhugs sar 'gro bar byed do//de thos nas smras pa/ bdag gi khyim du zo la 'gro bar byos zhes so/ /de nas yang de rang gi skyed mos tshal gyi dbus na zangs dang dngul dang gser gyis rab tu bskor ba'i ra ba can rin po che du mas nye bar brgyan pa'i khang pa brtsegs pa khang pa yang sna tshogs pa'i rin po che bkod pa'i ka bas nye bar brgyan par 'gro bar 'gyur te rang gi khyim du phyin na 'khor bos te smras pa/myur du tshos shig bsgo bas de skad smras ma thag tu bud med kyis yongs su bskor ba'i bud med de rnams kyis tshos pa rnam pa sna tshogs pa khyer nas 'ongs te/ bud med rnams rim pa ji lta bar sna tshogs pa'i rin po che'i rang bzhin gyis spras pa'i stan rnams bting ste/stan rnams la rim pa ji lta bar zas bza'o/ /kha bshal ba byas nas ga bur dang bcas pa'i go la ster ro/ /byin nas yang smras pa/ cung zhig bzhes shig /phyi nas rang nyid kyis 'bras bu dang rtsa ba mang po gzung bar bya ste/ bdag gis bzhag na 'di nyid du sdod par byed dam/ gal te khyod nyid tshangs par spyod pa yin na de'i tshe slar byang gi sgo nas go la snoms la bzhud par byos shig /'di la yid kyis mngon par 'dod par mi bya'o/ /der gal te sgrub po zhen pa med pa ngo tsha dang bcas pa'i tshangs par spyod pa 'gro bar 'gyur ro//de'i tshe bud med des 'gro ba'i dus su byang gi sgor gzhug par 'gyur te/ byang gi sgor zhugs nas smras pa/ de nas bse shing 'bras bu'i nags mthong bar 'gyur te/ myur ba myur bar bse shing gi 'bras bu'i dbus su sngags zlos shing 'gro bar bya'o/ /de la sngags ni 'di yin te/ oM d+hI d+hI d+hIHhA oM hUM khaM a pa bAd a pa bAd/der phyin nas nyi ma bzhi nas dga' ba'i tshal tshan chen po mthong bar 'gyur te slar yang shar phyogs nas zhugs nas bltas pas/ shing sA la dang / shing ta la dang / pi yA la dang / a mra dang / 'bras bu tsher ma can dang / chu shing gi 'bras bu dang / bil ba dang /na rang+ga dang / ka pit+tha dang / dzaM bi ra la sogs pa'i 'bras bu rnams dang / me tog man+dA ra ba chen po dang / shing yongs 'du dang / tsam pa ka dang / mya ngan med dang / klu shing dang / ba ku la la sogs pa dang / dzA ti dang / kun+da dang / se pha li ka dang / a mA lA dang / ha sa ra ken+du la sogs pa rnam pa sna tshogs pa'i me tog rnams dang /rnam pa sna tshogs pa'i rdzing bu rnams ni pad+ma dang ut+pa la la sogs pa'i me tog mthong bar 'gyur ro/ /sna tshogs pa'i 'bras bu bza' bar bya ba rnams slar yang nags kyi dbus su zhugs te 'bras bu sna tshogs bza' bar bya'o/ /de las 'das nas lha ma yin gyi gnas gzhi chen po mthong bar 'gyur ro//gnas gzhi der 'jug par bya ste de la g.yon nas bskor nas 'gro ba na/ sA la'i shing chen po yod do/ /de la yang g.yon nas bskor nas 'gro bar bya'o/ /nyi ma gsum tshangs pa'i gnas bdun brtsegs pa mthong bar 'gyur te/ sna tshogs pa'i 'bras bu mang po rnams bzung nas 'jug par bya ste/khang pa dang po na rje btsun seng ge sgra bzhugs par mthong bar 'gyur te de mthong nas lus sa la phab pa'i phyag bya'o/ /sgo nas zhugs pa na rje btsun dpal nag po chen po 'jigs pa chen po mdzad pa bong stod che ba de mthong nas 'jigs par mi bya'o//g.yas nas bskor nas brang khang so sor 'jug par bya ste/ rje btsun phyag bya bar 'os pa la mchod pa dang bsnyen bkur la sogs pa bya'o/ /mi mthong bar mi 'gyur te rgod pa'i tshig thos par 'gyur bas de la 'jigs par mi bya ste/ gal te bdun brtsegs kyi gnas thams cad kyi bar du 'jug par bya'o//de'i tshe thams cad kyi steng na rje btsun sangs rgyas mthong bar 'gyur ta mchog tu dad pas lus sa la phab pa'i phyag bya'o/ /phyag byas nas gsum la skyabs su 'gro ba'i tshigs su bcad pa bklag par bya ste/ sangs rgyas bla mar phyag 'tshal lo/ /skyob pa'i chos la phyag 'tshal lo//dge 'dun che la phyag 'tshal lo/ /rnam gsum la yang bdag phyag 'tshal/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang tshogs mchog la//byang chub bar du skyabs su mchi/ /rang dang gzhan don rab bsgrub phyir/ /byang chub sems su 'di rnams bya'o/ /byang chub mchog gi sems ni bskyed par bgyi/ /sems can ma lus bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /sdig pa thams cad bshags par bya/ /bsod nams la yang rjes yi rang / /'phags pa'i gso sbyong yan lag brgyad/ /smyung bar gnas pas spyad par bgyi/ /de nas khyab 'jug gi gnas mthong bar 'gyur te/ der zhugs pa na bris sku dang po ti dang lugs ma la sogs pa'i rje btsun rnams mthong bar 'gyur te/phyag byas la bskor ba byas te dbang por byas nas 'gro bar bya'o/ /khyab 'jug gi gnas dgu brtsegs pa'i gnas de la g.yon nas bskor nas 'gro ba na nyi ma gcig na rnam pa thams cad shel la sogs pa'i lha khang mthong bar 'gyur te der 'jug par mi bya ste lha khang de la g.yas nas bskor bar bya'o//shel gyi rnam pa'i rdzing bu mthong bar 'gyur te/ der 'jug par mi bya'o/ /de 'das nas a mra pa'i skyed mos tshal mthong bar 'gyur te de yang ci ltar bde bar bza' bar bya'o/ /zos nas kyang bkyer bar bya'o/ /slar yang dbang phyug chen po'i gnas bcu drug tu brtsegs pa chen po rin po che du mas nye bar brgyan pa mthong bar 'gyur te/de na bza' shing ra ba las 'bras bu rnams ji ltar bde bar bza' ste ngal bso bar bya'o/ /nyi ma gnyis kyi bar du 'gro bar bya'o/ /phyin pas yang nyi ma gsum pa ni rdzing bu shin tu ring ba rab tu zab pa ngos bzhi rnams na sna tshogs pa'i ljon shing rnams yod de//A bA la sogs pa'i 'bras bu rnams kyis yongs su gang ba khu byug la sogs pa'i bya sna tshogs kyis yongs su gang ba/ ngur pa la sogs pas chu la sogs pa yongs su gang ba ste/ rdzing bu der 'jug par mi bya zhing 'gro bar mi bya'o/ /de rnams la g.yon nas bskor bas 'gro bar bya'o//ji srid nyi ma gsum na rdo'i rang bzhin sna tshogs pa'i nor bu'i 'od dang mnyam pa'i lha khang lnga yod pa mthong bar 'gyur te/ de na rje btsun ling+ga sa ya brgyad stong du ma yod de/ de'i dbus na reg pas grub pa'i rje btsun ling+ga bzhugs te/ der zhugs nas gal te dngos grub chung ngu 'dzin par byed na/ling+ga de la reg pa tsam gyis mkhas spyod kyi dngos grub tu 'gyur ro/ /de nas sgrub pa po'i skyes bu rnams kyis lha'i khang par zhugs nas ling+ga re re la reg par bya'o/ /de la sngags ni 'di yin te/ hUM gal te yang dngos grub chung ngu 'dzin par mi byed pa de'i tshe slar yang 'gro bar bya'o//lha'i khang pa la g.yon nas bskor nas 'gro ba na/ nyi ma gnyis song ba na sbrang rtsi'i shing mthong bar 'gyur te 'bras bu de la ji ltar bde bar bza' bar bya'o/ /nyi ma bzhi bsdad par bya zhing bsdad nas kyang 'bras bu rnams khyer nas g.yon skor gyis song song ba la ni bring ba'i nags mthong par 'gyur te/de nas g.yon nas bskor nas 'gro ba na sna tshogs pa'i me tog la sogs pas brgyan pa'i rdzing mthong bar 'gyur te/ de nas rig pa 'dzin pa'i bud med rnams dpal ldan 'jig rten mgon po rje btsun gyi bkas smra bar 'gyur te/ kye sgrub pa po'i skyes bu dag slar 'dzam bu'i gling du phyir log la rang gi khyim du song shig dang /kho mo mthong bas ji lta ba bzhin 'gyur bar byed de/ ji ltar sa nyid la dpal 'bras kyi phung por bskor ba gyis shig /sgrub pa po rnams kyis kyang / ltos pa med par gyur pas sngags bzlas par bya'o/ /rje btsun ma'i zhal ltos pa med par bltas pas rta mgrin 'jog par 'gyur te/kye h+ya grI ba pha rol du song la 'dzam bu'i gling pa'i mi shin tu dad pa'i shugs kyis 'ongs pa de rnams khrid la shog shig /rje btsun de ni bong tshod che ba/ mdog gnag pa khrag gis brlan pa ngar ngar sgrogs pa spyan dmar bas bka' gsol bar 'gyur te/ kye sgrub pa po'i skyes bu dag gang 'dod pa zung shig dang bzung nas 'dzam bu'i gling du song ste sems can gyi don byos shig go zhes so//de nas gal te mi 'gro ba de'i tshe bcom ldan 'das kyi khang pa brtsegs pa la 'dod par byos shig /sgrub pa po rnams kyis smra bar bya ste/ bcom ldan 'das bdag ni rje btsun nyid bltar 'gro'o//de nas bcom ldan 'das ma 'phags ma sgrol mas bka' stsal pa/ lam 'di nyid nas song shig ces so/ /de nas song bas 'gro ba'i dus su dad pas bskor ba lan gsum bya ste/ 'gro ba na gser gyi rang bzhin gyi skas la logs gnyis sna tshogs pa'i rat+na rnams kyis spras pa'o//sna tshogs pa'i skyed mos tshal yod de skyed mos tshal re re na rnam pa sna tshogs pa'i ljon shing gis brgyan pa/ khu byug dang rma bya dang ka la ping ka dang / ne+e tsho dang / sa ri ka ngur pa rnams kyis sgra nges par sgrogs pa/ rdzing bu chen po na pad+ma dang ut+pal la sogs pas brgyan pa mthong bar 'gyur te/ des skas la 'dzegs pa na mtha' yas pa'i rat+na du mas nye bar spras pa'i rnam pa sna tshogs dpe med pa rnam par phye ba nyams dga' ba'i brag ri'i rtse mo na dpal ldan po Ta la ka'i ri'i rgyal po grub pa dang / rig pa 'dzin pa dang / lha dang mi'am ci du ma rnams kyis gsol ba 'debs pa ste/ der chu dri zhim po bsil ba'i 'obs mthong bar 'gyur te/de dag mthong bas skom par 'gyur te de la btung bar mi bya zhing brgal bar bya'o/ /gal te brgal ba de'i tshe dpal gyi ri la a mra'i rtsa ba zhes bya ba'i lha khang der 'gro bar 'gyur te/ 'obs de dag las 'das nas bsil khang mthong bar 'gyur te/ de na bcom ldan 'das 'jam dpal lha la sogs pa'i tshogs kyis bskor ba la chos ston par gyur pa bzhugs te/ 'di ltar sgrol ma dang / khro gnyer can dang / kun du bzang po dang / phyag na rdo rje la sogs pa byang chub sems dpa'i tshogs kyis yongs su bskor ba bzhugs pa mthong bar 'gyur ro//dpal ldan po Ta la ka'i ri'i rtse mo na dpe med pa'i rin po che du ma'i gzhal yas khang na bzhugs pa'i spyan ras gzigs kyi dbang po zhal mngon sum du bzhugs pa mthong bar 'gyur te/ de'i tshe lus thams cad kyis sa la phab pa'i phyag bya ste/ g.yas phyogs nas lan brgya stong du mas bskor ba bya ste mdun du 'dug par bya'o//de nas rje btsun gyis bka' stsal pa/ kye skyes bu brtson 'grus chen po dang ldan pa yid la bsams pa'i mchog thob ste slar phyir bos nas 'dzam bu gling pa'i sems can rnams kyi don byed par 'dod pa'am/ yang na chos kyi dbyings kyi sa'i gzungs kyi ting nge 'dzin gyi rnam par thar pa thob par 'dod pa'am/yang na yid bzhin gyi nor bu dang bum pa bzang po la sogs pa 'dod ces bcom ldan 'das kyis mchog gi don du gsungs so/ /des gang yid la bsams pa'i mchog de rnams thams cad bcom ldan 'das kyis sgrub pa pos thob par mdzad do//de nyid du sdod par 'dod na de tshe bcom ldan 'das 'khor ba ji srid bar bzhugs pa de srid du gnas par 'gyur ro/ /sngon du bshad pa'i yon tan rnams kyang thob par 'gyur ro/ /sangs rgyas thams cad dang byang chub sems dpa' thams cad bde ba can gyi 'jig rten gyi khams kyang mthong bar 'gyur ro//de bzhin du bdag nyid kyis bya zhing nga dang 'dra ba'i byang chub sems dpa' bar byos shig /yi ge drug pa'i rig sngags chen mo nga'i kha la mnyan par gyis shig /de nas thos pa tsam gyis phyir mi ldog pa'i byang chub sems dpa' nga dang 'dra bar 'gyur ro zhes dpal ldan po ta la ka'i rje btsun gyi zhal snga nas gsungs pa rdzogs so// //pho brang skyid kyi byang mkhar du lha bla ma zhi ba'i blo gros kyi lung gis/ rgya gar shar phyogs kyi paN+Di ta a b+hi yuk+ta de ba shrI dang / bod kyi lo tsA ba ban+de d+ha rma yon tan gyis ji ltar rnyed par bsgyur ba'o/ /'di ni gzhu min ri dgas ma yin phag gi phrug gu min/