82a2 /[ ]@##/ /rgya gar skad du/ Ar+ya dzam+b+ha la kr-iSh+Na sA d+ha naM/ bod skad du/ 'phags pa dzam+b+ha la nag po sgrub pa'i thabs/ 'phags pa dzam+b+ha la la phyag 'tshal
82a3 lo//'phags pa dzam+b+ha la bsgrub par 'dod pas/ yid dang mthun pa'i gnas su stan bde ba la 'dug ste/ sangs rgyas dang byang chub sems dpa'i go 'phang thob par byas te/ sems can thams cad mtho ris dang thar pa'i bde ba la dgod par bya/ de'i ched du dzam+b+ha la la chu phul la
82a4 mchod par bya snyam du sems bskyed la/gnas dang bdag dang rnal 'byor srung ba ni gzhan dang mthun/ rang gi snying gar yi ge a dkar po 'od zer 'phro ba dang bcas pa yongs su gyur pa las zla ba'i dkyil 'khor/ de'i steng du yi ge hUM nang nag la phyi ser ba/ 'od zer ser po
82a5 'phro ba bsams la/de yongs su gyur pa las rdo rje rtse dgu pa hUM dang kha dog mtshungs pa bsgom/ de'i lte ba'i nang du hUM bsam/ hUM de las 'od zer phyogs bcur 'phros shing / /ngag tu oM a zhes brjod pas/ phyogs mtshams thams cad nas sems can gyi don byed pa'i u tsuSh+ma
82a6 bsam gyis mi khyab pa spyan drangs nas mdun gyi nam mkha' la bzhugs pa la/dad cing gus pas phyag 'tshal dngos su 'byor pa dang yid las byung ba'i mchod pa sngon du 'gro ba'i bdun rnam dag bya/ tshad med pa bzhi bsgom pa ni bsod nams kyi tshogs sogs pa yin/ de nas yang
82a7 rdo rje hUM/zla ba rnams las 'od 'phros pas snod bcud la phog /de 'od du zhu slar 'od kyi gnas la thim/ mdun gyi 'phags pa'ang oM a zhes brjod pas rdo rje dang hUM dang tha mi dad du gyur/ rang lus kyang 'od du zhu nas rdo rje la sogs pa la thim/ de rnams rmi lam sgyu ma ltar bsam/ de
82b1 ye shes kyi tshogs sogs pa yin/rdo rje hUM zla ba utsuSh+ma hUM gi 'od zer de lnga po yongs su gyur pa las/ sna tshogs pad+ma dang zla ba'i steng du rnam thos kyi bu sku mdog ser po mgo g.yas su bstan pa/ gan rkyal du nyal ba/ kha nas rin po che sna tshogs skyugs pa/ dbu rgyan la sogs pa rin po che
82b2 sna tshogs kyis brgyan pa/de'i mgo thur du mnan pa/ 'od zer phreng ba 'khrug cing 'phro ba'i gdan gyi lte bar/ dbang po sbas pa ltar gnag pa'i dza yig yongs su gyur pa las/ utsuSh+ma byis pa'i gzugs can shin tu nag pa/ rna ba ma phug pa/ rna ba thung ba/ skra kham pa gyen
82b3 du brdzes pa/lus thung ba mthug pa/ gsus pa che ba/ mche ba gtsigs pa/ spyan dmar ba/ khro gnyer bsnyer ba/ spyan zlum pa/ phyag gnyis kyi g.yas pa na khrag gis bkang ba'i thod pa nu ma g.yas pa la brten cing zhal du gsol ba'i tshul gyis bsnams pa/ g.yon pa na
82b4 rin po che sna tshogs skyugs pa'i ne'u le pus mo g.yon gyi steng du bzung ba/zhabs g.yas bskum pas gdan gyi mgo bo mnan pa/ g.yon brkyang bas rkang pa mnan pa/ mi bskyod pas dbu brgyan pa/ gcer bu thor tshugs la klu mtha' yas nag pos dkris pa/ rna ba/ do shal/ tshangs
82b5 skud/dpung pa/ lag pa/ rked pa/ rkang pa rnams la rim pa ltar/ 'jog po dmar po/ pad+ma chen po dkar po/ stobs kyi rgyu sngon po/ rigs ldan khra bo/ dung skyong ser po/ ba su ki dkar po/ pad+ma dkar po ste klu chen brgyad kyis brgyan pa'o/ /de'i thugs kar zla ba'i gdan la
82b6 rdo rje rtse dgu pa/de'i lte bar zla ba'i gdan la hUM/ dpral bar oM/ lce la dzaM/ dpung pa g.yas la b+ha/ g.yon la la/ thugs kar dza/ lte ba la len/ ngar gdong g.yas la dra/ g.yon la ye/ bol gong g.yas la swA/ g.yon la hA/ yi ge de rnams zla ba'i gdan dang bcas
82b7 pa'o//kha dog gnag cing 'od ser po 'phro ba'o/ /yi ge de rnams dang thugs ka'i rdo rje'i lte ba'i nang gi hUM zla ba'i gdan rnams las 'od 'phros te/ sems can la reg pas thams cad dzam+b+ha lar gyur nas yid kyis hUM la bsdu/ yang de rnams las 'od 'phros/ rin po che thams cad
83a1 bsdus te rlung nang du rngubs pas klu chen brgyad dang /rnam thos bu dang / ne'u le'i kha nang du song / phyir rgyu bas de rnams kyi kha nas skyugs nas rin po che'i phung po chen po byung / yang zos yang skyugs pa lan mang du bsgom/ de rjes su rang gi lag pa g.yas par oM las
83a2 DA ki'i gzugs kyi lag pa'i mthil du baM yig las 'od zer 'phros pas skyes bu'i bum pa bzang po'i lag par bsams pa'i bum nang du dzaM/mkhrig ma la oM/ mdzub mo la b+ha/ gung mo la la/ srin lag la dza/ mthe'u chung la len/ mthe bong la dra/ mkhrig ma'i mtshams su ye/
83a3 g.yon la swA/ g.yas la hA/ re re la zla ba'i gdan re'o/ /de nas zangs gzhong la sogs pa'i nang du rten yod na bzhugs/ med na rang dang 'dra ba'i rten mdun du bskyed la/ chu khyor ba gang la/ oM in+d+ra ni mu khaM b+h+ra ma ri swA hA/ zhes pa lan bdun gyis byin gyis brlab/ chu khyor ba gang
83a4 khar blugs par bsams te phul ba khar song bas/khong nang gi dzaM gyis ser por gyur snying ga'i hUM la sogs pa'i nus pas bdud rtsir gyur pa slar gyen du log ste rang gi lag pa'i mthil du byung ba/ mdun gyi dzam+b+ha la'i zhal du phul bar bsam zhing / oM dz+luM swA hA zhes pa lan re dang chu
83a5 khyor ba brgya rtsa brgyad rim pa 'di gnyis so//mjug tu/ na mo rat+na tra yA ya/ na mo ma Ni b+ha drA ya/ ma hA yak+Sha se nA pa ta ye/ oM dzam+b+ha la dza len+d+ra ye swA hA zhes lan bdun brjod la chu khyor ba bdun dbul/ 'di nyid gtor ma'i sngags kyang yin/ de nas rten chu nang nas bton te logs
83a6 su bzhugs/bskyed pa yin na badzra muHsa gshegs/ gtor ma gtsang sar gtang / rgyun du sngags zlos la/ oM dzam+b+ha la dza len+d+ra ye swA hA zhes pa dang na mo rat+na tra yA ya la sogs sngags phreng 'dam kha yin gsung / zla ba drug gis nges par 'grub par the tshom mi dgos gsung /
83a7 rjes su bdag gzhan thams cad kyi tshe dang bsod nams 'phel ba dang / dpal 'byor rgyas pa dang / 'khor dang chab srid 'phel ba dang / 'dod pa'i don ci dang ci bsams pa thams cad myur du 'grub par mdzad du gsol zhes gsol ba gdab bsngo ba dang smon lam bya'o/ /dzam+b+ha la nag
83b1 po'i sgrub thabs bsdus pa paN chen shAkya shrI'i zhal nas gsungs pa/gnubs lo tsA ba byams pa'i dpal gyis bsgyur ba'o/ /sa brgyad dbang phyug lha yi lha/ /mgon po 'gro kun phongs pa sel/ /mi'u thung gzugs can nag po che/ /u tsuSh+ma la phyag 'tshal lo/ /zhes pa'i
bstod pas bstod par bya'o/