CLOSE WINDOW

D3738
བོད་ཡིག

@##/ /rgya gar skad du/ ga Na pa ti gu h+ya sA d+ha naM nA ma/ bod skad du/ tshogs kyi bdag po gsang ba'i sgrub thabs zhes bya ba/ /gshin rje gshed la phyag 'tshal lo/ /'gro don phyogs med spyod pa la/ /bsod nams tshad med bskyed dgos pas/ /tshogs kyi bdag po bsgrub par bya/ /mi skad khyi skad mi thos pa'i//gangs sam ri bo mthon po'i rtse/ /lha chen gnas pa'i sa yin pas/ /sgrub pa'i gnas su shes par bya/ /zangs kyi maN+Dal gru bzhi'i steng / /bum pa lta bu'i dkyil 'khor bri/ /de steng ka ra wa di gzhag /chu dang 'o ma bsres pas dgang / /bskyed pa'i sa bon shel rdo gzhug /ga bur dzA ti tsan+dan gdab/ /de steng tshogs bdag bzhugs pa'i rten/ /byang shar kha bltas lung pa yi/ /sa chu bsres pa'i 'dag pa la/ /tshogs kyi bdag po'i sku bzhengs te/ /zhal gcig phyag bzhi sku mdog dmar/ /g.yas pa srid pa'i mes po la/ /g.yon par nu'i mtshan ma rnams//phyag gnyis thal sbyor spos sdong 'dzin/ /zhabs gnyis brkyang bskum mjug ma can/ /skyil krung phyed pa'i tshul du bzhugs/ /ka ra wa di'i steng du gzhag /khong par spre snying du ma gcig dang / /yig 'bru bcu pa'i gsang sngags gzhug/ /de yi mdun du mchod pa dang / / gtor ma bzang po bsham par bya/ /de nas bdag nyid lhar bskyed la/ /stong pa'i ngang las gaHde las/ /spre'u phyag bzhi bskyed bsams te/ /de yi thugs kar gaHla ni/ /sngags kyis bskor bar bsam bya ste/ /rang gi snying ga'i 'od zer gyis/ /tshogs bdag bkug la sku la bstim/ / sku gsung thugs kyis byin gyis brlab/ /hUM rang bzhin dag pa'i lha yul nas/ /lha chen yab yum bshos pa'i sras/ /nor bu dri ma med pa ni/ /gzhon nu stobs kyi rgyan gyis spras/ /phyag bzhi gling bzhi khyab par nyul/ /lha dmag dkar po'i kha lo bsgyur/ /gang gis khyod kyi mtshan 'dzin pa//de la nor gyi char pa 'bebs/ /thugs dam rgyud bskul spyan 'dren na/ /thugs rjes dgongs la gshegs su gsol/ /oM ga Na pa ti A kaR+Sha ya dza dzaH/ de nas mchod pa'i tshogs rnams dbul/ /de nas bsnyen pa bskyal bar bya/ /tshogs bdag thugs kar zla ba la//rtsa ba'i sngags dang gzungs kyis bskor/ /sngags bzlas spro bsdu'i sbyor ba bya/ /oM ga Na ma ga Na dz+nyA ya swA hA/ oM rat+na rat+na rat+no rat+no ga Na pa ti ga ga ga ga ga ga ga ga ga ga Na pa ti swA hA/ tsu ru tsu ru/ ma nu pa tra/ tu ru tu ru/ g+ha g+ha ta ya ga Na pa ti swA hA/ rtsa sngags gzungs sngags bcas pa la//zhag bdun bar du bsnyen pa bskyal/ /de dus ting 'dzin rim pa ni/ /rang las 'od 'phros mchod pa'i tshogs/ /spros nas tshogs bdag sku la 'bul/ /tshogs bdag sku las 'od zer 'phros/ /stong gsum nor gyi bcud bsdus nas/ /lha chen tshogs kyi zhal du gsol//khong du zhu nas gsang bar 'dzags/ /'og gi bum pa khengs par bsam/ /bum chu skabs su lto chu bya/ /de nas las la sbyar bar bya/ /pho dang mo yi dbang po dang / /'khor lo las la sbyang bar bya/ /zangs las srid pa'i mes po bya/ /lto bar skyes pa'i pho mtshan gzhug /rtsa ba'i sngags la las sngags gdags/ /sham bu kha sgyur shes par bya/ /de ltar zhag gsum las la sbyar/ /srid pa'i mes po dar snas brgyan/ /yul 'khor mthong sar g.yugs byas na/ /lha mo rnams kyang 'du bar 'gyur/ /yang na ra nu'i mtshan ma la//las sbyor sngags de zhag gsum gdab/ /gsal shing rtse la phyar byas nas/ /skyes pa 'du ba'i sar phyin na/ /lha rnams 'tshogs par gyur pa na/ /brgya byin mdzes pa lta bu ru/ /skyes pa thams cad sems 'dus nas/ /bkur sti phun sum tshogs par byed/ /yid 'phrog sngags ni 'di yin no//oM ga na ma ga Na dz+nyA ya swA hA/ oM ba ba/ se se/ khang khang / yer yer/ rab rab g+hur mi/ ha sa mang kha mi/ skyes pa'i tshogs wa shaM ku ru ye swA hA/ 'khor lo las la sbyor ba ni/ /mdun du zangs kyi maN+Dal khar/ /mda' bzhi btsugs la 'khor lo brgyad//yul dang grong dang rgyal blon tshogs/ /'khor lo 'od zer lcags kyu yis/ /rang dbang med par 'gugs par bsam/ /sngags kyi 'od zer zhag gsum mo/ /srid gsum dbang sdud las sbyor yin/ /de nas gtor ma phul byas la/ /bstod pa bya zhing bzod gsol dbul//ye shes gshegs la dam tshig bsdu/ /mis ma mthong bar sba bar bya/ /skar ma rgyal la bab pa'i tshe/ /mchod bstod gtor ma gtang bar bya/ /de ltar brtson 'grus ldan gyur na/ /gang bsams pa ni 'grub 'gyur zhing / /yid du 'dod pa char du 'bab/ /'di brtsams dge ba ci yod pas//byang chub spyod pa la zhugs nas/ /sems can rnams kyi don byed shog /tshogs kyi bdag po spre'u yi mgo can gyi sgrub thabs/ dpal dngos grub brnyes pa'i paN+Ti ta a mo g+ha badzras mdzad pa rdzogs so// //slad kyis mkhan po dI paM kA ra shrI dz+nyA na dang lo tsA ba nag tsho tshul khrims rgyal bas bsgyur ba'o//tshogs bdag gi phyi sgrub gra sta dkar po/ nang sgrub chags pa rdo rje/ gsang sgrub spre'u'i dbu can rnams dang / gzhan yang tshogs bdag dmar po phyag bcu gnyis pa/ tshogs bdag sprin gyi sgron ma zhes bya ba sngon po phyag bzhi pa rnams bla ma chos dpal bzang pos bdag la gnang ngo /