| བོད་ཡིག |
72a4 sngon gyi thugs dam phrin las ma bsnyel bar/ /bdag gi phrin las 'bras bu yod par mdzod// #/ /rnam sras rtogs pa bzhugs/[ ]@##/ /dpal phyag na rdo rje la phyag 'tshal lo/ /de nas gsang ba bshad par bya/ /zla ba yar ngo'i bco lnga la/ /dam tshig ldan pa'i
72a5 rnal 'byor bas//thun mong ma yin mchod pa ste/ /gang gis bdugs pa tsam gyis ni/ /dngos grub myur du thob byed pa'i/ /sgrub pos bdug spos bdug pa ni/ /brtul zhugs 'dzin pas 'di ltar bya/ /'bras dkar btags pa'i phye ma ni/ /sardza ra dza dag dang ni/ /ga pur tsan+dan dkar dmar dang / /
72a6 cha mnyam nas ni de dag bsre/ /a ka ru nag gis bsgos nas/ /be ta dkar mo'i char rgyun gyis/ /rnam par sbrus nas rab bsngags te/ /rtsa ba'i rig pa gang de la/ /dbab pa'i gsang sngags rab tu sbyar/ /stong rtsa brgyad du bzlas nas ni/ /dngos grub phyir ni rdzas de yi/ /de nas mkhas
72a7 pas ri lu bya//gang zhig mchod pa'i dus su ni/ /sems kyi dbang phyug ting 'dzin gyis/ /rnam par sbyangs pa'i sa gzhi la/ /rten sogs dgram par byas nas ni/ /chogs gter bdag mdun bkug nas/ /rdo rje can gyis bdug pa dbul/ /gser sogs mdzes pa'i snod du ni/ /tsan+dan la
72b1 sogs mdag me la//sngar bshad pa yi ri lu bsreg /des ni rten la bdug par bya/ /sbyor nges skyob pa mnyes gyur na/ /gter rnams de yi mod la ster/ /gal te de ltar ma gyur na/ /gter bdag nyams par gdon mi za/ /'di ni rab tu gsang ba ste/ /gsang ba'i gnas su spyad par bya/ /bdug
72b2 spos kyi sbyor ba'o//de nas dam tshig bshad bya ba/ /rtag par khrus dang gtsang sbra bya/ /rnga dril la sogs rol mo'i sgra/ /sna tshogs me tog dri ldan dang / /sna tshogs 'bru yi chan dang bshos/ /mdzes pa'i dar snas rtag mchod bya/ /chang rnams dbul bar mi bya ste/ /sha ni brtags te dbul bar
72b3 bya//rtag tu sngon po'i gos 'chang zhing / /lung thang 'bras bu'i bgrang 'phreng bgrang / /myur 'gro sha yi bza' ba spang / /nyams shing chag pa'i snod mi bza'/ /rtsub cing nag po'i stan mi 'dug /bza' bral mas bstabs bza' btung rnams/ /rnam pa kun du mi spyod do/ /srog bral ba
72b4 la reg pa spang //bsrung bar bya ba'i dam tshig go/ /de nas rten ni bshad par bya/ /phyi nang gsang ba'i bye brag gi/ /gter bdag brten pa'i rten yang ni/ /rnam pa gsum du mkhas pas brtag /phyi rten rta mchog rab sngo la/ /mdzes pa'i rgyan btags mgon la dmigs/ /rtag tu yang
72b5 ni bcang bar bya//yang na gzugs legs rab tu gzung / /gsang rten gro ga'i shun sogs la/ /gur gum dri bzangs rab spel bas/ /bai yig bris la sngags kyis bskor/ /rin chen dang bcas rin chen gzugs/ /'bru mchog btags nas bsnos byas la/ /mkhas pas byas te
72b6 snying po gzhug /tshon byugs nas ni mdun gzhag go/ /gnyis pa bram ze'i ras dag gam/ /gzhon nu ma yis legs bkal ba'i/ /ras la dri yis rab bsgos nas/ /gter bdag sku mdog phyag char ldan/ /lugs nas 'byung ba'i rim pa yis/ /dam tshig ldan pas myur bris la/ /
72b7 phyi rol shing sogs rgyan gyis mdzes/ /sngags rig pas ni mdun dgram bya/ /rten gzugs pa yi rim pa'o/ /de nas gsang ba bshad bya ste/ /sgrub po gsang bdag phyogs bltas te/ /gtor ma'ang de nyid phyogs su sbyin/ /gsang rten ne'u le'i rlud bur gzhug /sngon dmar kha spro
73a1 rgyun 'chang zhing //'bras sogs 'bru rnams der gzhug bya/ /gzhan gyis mthong na dngos grub nyams/ /gtor sgrub pa la gsang ba shis/ /cho ga'i sbyor ba 'di yis ni/ /nam mkha' mdzod la rnam par rol/ /rgyal po chen po rnam thos sras kyi rtogs pa bde byed cho
ga sna tshogs pa'i mdzod ces bya ba rdzogs so/