CLOSE WINDOW

D3729
བོད་ཡིག

rnal 'byor gyi srog ces bya ba bla ma rdo rje gdan pas mdzad pa rdzogs so// //rgya gar gyi mkhan po a b+h+ya ka ra gup+ta dang bod kyi lo tsA ba tsa mi sangs rgyas grags pas glen skad du bsgyur ba'o// //[ ]@##/ /zhen log sgron ma bzhugs/ / @##/ /mchod gnas dkon mchog gsum la phyag 'tshal lo//chos la 'jug thabs don 'di brtan par bya/ /gang zhig bdag gzhan sdug bsngal spang 'dod cing / /bde ba 'dod pas dam chos spyad par bya/ /mi rtag chos la bye brag bsam las 'das/ /ci phyir 'jig rten 'di dag mi rtag ste//snod kyi 'jig rten ri rab lhun po dang / /gser gyi ri bdun rol mtsho chen po bdun/ /gling bzhi gling phran lcags ri mu khyud yang / /'jig pa'i dus na bskal pa'i me byung bas / /thal ba'i lhag ma tsam yang mi lus te/ /tha mar chu dang rlung gis 'jig pas na//brtan zhing nges pa 'dra ste brtag mi bzod/ /lo zla tshes grangs shol ni mi thebs pas/ /lo zla 'das zhing 'jig pa'i dus dang nye/ /dus bzhi 'khor ba sdod pa med pas ni/ /dbyar dro skye la dgun grang skam pa dang / /lo legs lo nyes than zhod nges pa med/ /rtsi thog ljon shing lo 'dab rgyas pa 'dra//dus kyi drod bral rlung gis mi rtag go/ /rtag pa lags na ci phyir 'gyur zhing 'gro/ /de la sogs pa mi rtag dgongs nas gda'/ /bcud kyi 'jig rten 'di yang mi rtag ste/ /nyin zhag 'das shing shi dang phar phar nye/ /'khor ba'i sdug bsngal gsum gyis rtag tu 'khor//skye rga na 'chi rang thag ri mo 'dra/ /'chi bdag bdud ni so bya nya sdod 'dra/ /'jig rten 'di na che chung phyug dbul kun/ /'chi bdag bdud kyi lag tu mi 'gro med/ /snga ma shi ba'i mi rnams kun gyis kyang / /rtag tu re zhing bu dang nor bsags kyang / /rang ni dge sdig gnyis dang 'grogs te 'gro//bu nor phyir lus bdag la phan med pas/ /de phyir bu nor zas la chags mi bya/ /yod pas dge ba'i las la mi 'bad na/ /de ni 'jig rten 'di yi gter bsrung yin/ /shes pas dam pa'i chos la mi spyod na/ / rtag pas gcam bu don med glen pa yin/ /de bas nor med dbul lo bsnyen dga' dang / /bram ze ldan pa phul ba dag la spyod/ / 'jig rten 'di yi pha ma bu tsha dang / /phu nu mdza' bshes bran khol nor rnams kun/ /sdug bsngal skal len 'ga' yi mi 'ong ste/ /'chi ba'i phyir ni gcig kyang mi 'ong ngo //don de ma rig sems can mang po kun/ /tshe 'di'i 'khor ba'i nye bshes ched dag tu/ /sdig pa'i bye brag rnam pa mang po spyod/ /phan med rang ni ngan song gsum du ltung / /de tshe 'gyod kyang phan med nyon mongs snon/ /tshe 'dir phrad pa'i las mthun nye bzhi rnams//'gron po gnas mthun tsam ste so sor 'gro/ /sdig dang bsdos nas zas dang nor bsags kyang / /sdig pa'i rnam smin rmongs pa bdag gis khur/ /bsags pa'i nor ni phyir lus bu tshas khyer/ /sbrang bus 'bad de sbrang rtsi bsags pa 'dra/ /de bas longs spyod med cing dbul ba yang //rgyu 'bras mi slu chos la yid ches pa/ /mos pas dge ba dad pa'i yon phul nas/ /dge slong gser 'byig lta bur gyur pa yod/ /de phyir 'phags pa'i nor bdun dang du blang / /dad dang tshul khrims gtong dang thos pa dang / / ngo tsha shes shing khrel yod shes rab ni//'phags pa'i nor bdun lags par thub pas gsungs/ /dper na nor gyi nang na chog shes pa/ /rab mchog lags par lha mi'i ston pas gsungs/ /kun du chog shes mdzad cing chog mkhyen na/ /nor mi bdog kyang yang dag 'byor par 'gyur/ /bdag la shin tu phangs pa'i lus 'di yang //gos rnying lam du bor ba bzhin du 'gro/ /da lta sa stengs 'di na gnas pa kun/ /lo brgya tshun chad gcig kyang mi lus so/ /brgya thub 'bum la gcig kyang mi 'byung na/ /brgya la srid kyang phal cher yengs 'gyur te/ /mtshan mo nyal bas brgya phyed gnyid dbang du//song ste de la dran med shi dang 'dra/ /lhag ma lnga bcu yod du zad kyang ni/ /ra ro nyal dang 'du byed rnams kyi rkyen/ /lnga bcu phyed ni der yang zad pas ni/ /legs par dran pa nyi shu rtsa lnga yod/ /de yang rang la dbang byar ma mchis te/ /de ring do nub 'chi 'am gtol med kyi//da lta nyid du brtun te 'bad la bya'o/ /tshe 'di zil pa 'dra ste med la khad/ /dbugs ni na bun 'dra ste yal la khad/ /lus ni sgyu ma 'dra ste snang la med/ /sems ni glog dang 'dra ste skad cig ma/ /phung po mi rtag 'chi zhing 'gyur ba ste/ /dar ba'i mdog ni nyon mongs nad kyis 'phrog /'chi ba'i srog ni 'chi bdag bdud kyis 'phrog /dper na chu 'gram g.yang sa'i sdong po 'dra/ /ring por mi thogs bya khyi ngur pa dang / /srin bya 'ug pa bya rgod khwa steg dang / /khyi ltogs wa dang 'bu sbrang gzan du 'gyur/ /de bzhin sgyu ma mi rtag mi rtogs par//phung po 'di yi ched du sdig spyod pa/ /ma rig glen pa nyon mongs snying re rje/ /zas nor 'brel pa'i longs spyod 'ja' tshon 'dra/ /rmi lam longs spyod rnyed dang mtshungs pa ste/ /de ltar 'dus byas thams cad mi rtag pas/ /dam pa'i chos la myur du 'bad par bya'o/ /de bas 'phags pa'i gzugs brnyan mchod gnas la//mos pa'i dad pas dge la brtson pa ni/ /bla med byang chub thob par 'gyur ba'i dpe/ /rgyal po gsal thub lta bur gyur pa'o/ /de phyir mchod pa'i las la brtson par bya/ /cis te mi lus thob pa shin tu dka'/ /khom ldan mi lus thob par gyur pa na//phyi ma'i phan pa 'di la ma bsgrubs na/ /phyis ni mtho ris thob par ga la 'gyur/ /ngan song skyes nas sdug bsngal 'byung ba'i tshe/ /tshe 'di'i btsan phyug bde skyid ci la phan/ /snga mar ci spyad dran pas shin tu sdug /de phyir 'khor ba'i chos la ma yengs par/ /zhe sdang chen po me ltar 'bar ba la//snying rje chen po'i chu yis myur du sod/ /'dod chags ser sna'i mdud pa dam po de/ /chags med sbyin pa chen po'i sems kyis khrol/ /gti mug mun pa chen po 'thibs pa de/ /shes rab gsal ba'i sgron me chen po theg /nyon mongs kun la gnyen po bcug nas ni/ / 'khor ba'i chu bo chen po bzhi rnams la/ /brtson 'grus gru bcugs nas ni rgal bar bya/ /do cig yod pas sang phod yod pa bzhin/ /tshe 'di yod pas phyi ma yod par nges/ /sang phod lo dang sku tshe slad ma ni/ /gang sngar 'ong ba su la'ang gtol med pas/ /sang phod don du so nam 'bad pa bzhin//phyi ma'i don du dam chos spyad par rigs/ /de ring do nub kho na mi 'chi zhes/ /bag med bde bar 'dug pa rigs ma yin/ /tshe 'di mi sdod ri gzar chu dang 'dra/ /ring por mi rtag rtswa kha'i zil pa 'dra/ /yang na skye shi chu yi chu bur 'dra/ /'khor bar skye ba shing rta'i 'khor lo 'dra//de bas rang gi lus la ma chags par/ /skyabs kyi sbyin pas 'gro la phan btags na/ /bla med byang chub thob par 'gyur ba'i dpe/ /rgyal po shi byin lta bur gyur pa'ang yod/ /mi yi chos lugs legs par spyad pas na/ /mtho ris lha yul bgrod pa thag mi ring //mtho ris thar pa'i go 'phang gang yin pa/ /'jog na thar pa gam na 'dug pas na/ /de bas mi dge bcu spang dge bcu spyod/ /grags pa nyams par 'gyur ba'i chos drug spong / /dge la mi skur sdig la mi bstod de/ /'bras bu gang spyad de dang mnyam par gsungs/ /ngan song sdug bsngal shes kyang mi 'jigs par//mi rtag lus la chags nas sdig spyod pa/ /e ma'o rang gis rang rlag snying re rje/ /yi dags byol song sdug bsngal skyi re bung / /dmyal khams bco brgyad sdug bsngal ya re cha/ /skye rga na 'chi'i sdug bsngal rgyun re ring / /phung po sgyu ma zas nor bsnyen ma yin//'khrul pa'i gnyen bshes 'khor ba'i bshal thag pas/ /de ring rang dbang yod pa'i mi rnams kyis/ /rang dang 'brel pa'i zas nor gnyen bshes la/ /ser snas mi bcing chags sems mi skyed do/ /sems can rtsal shugs med la skur mi bya/ /chang ni ha la'i dug bzhin rab tu bsrung //gzhan gyi bud med dag la chags mi bya/ /rnam smin med pa'i so nam mi bor zhing / /gzhan gyi nor la brtsi bdag chom rkun spang / /don du lus ngag yid gsum spyod pa gzab/ /mdor na mtshams med lnga dang nye ba lnga/ /lci bzhi log brgyad kha na ma tho gsum/ /'di spyod ngan song gsum du gdon mi za//mi rigs sdig pa sngon du spyod pa las/ /'gyod pa drag po sems ni bskyed nas su/ /sdig pa 'phro bcad dge ba spyod pa ni/ /'bras bu mtho ris thob par gdon mi za/ /de yang cis mngon ston pa'i bka' las ni/ /dang po rgyal po ma skyes dgra yis su//mtshams med pa yi sdig pa byas pa las/ /nags kyi drang srong dag las sems bskyed nas/ /'gyod pa'i sems kyis 'bras bu thob pa 'dra'o/ /de phyir nges pa 'phral bshags dge la sbyor/ /gzhan yang dang po kha na ma tho ba'i/ /tshig gis skur ba btab ste smad pa las/ / mod la 'gyod de bshags pa phul na ni/ /bu mo rdo rje lta bur skyes pa'o/ /mdor na gzhan don spyod par gsungs pa ste/ /bdag phyir gzhan la gnod byas bde bar 'gyur/ /ma rig skye bo rang gi don byed dang / /ston pa sangs rgyas gzhan gyi don byed gnyis/ /'bras bu che chung khyad par de 'dra bas//sems can bkres pas nyen par gyur pa la / /zas nor lus kyi sgo nas phan 'dogs pa/ /rgyal po shud lo gar ne lta bu de / /gzhan don spyad na 'bras bu thob par 'gyur/ /'di dag shes nas dge med sdig spyod pa/ /mi shes sdig spyod sdig pa brgya 'gyur che/ /de bas don med las la ma brtson par//dge ba'i las la rtag tu spyad par bya/ /rgyu 'bras shes rkyen dge ba'i bshes gnyen pas/ /de phyir dge bshes dam pa btsal bar bya/ /de ni legs pa kun ston nyes pa skyob/ /yang dag lam ston 'bras bu skyed byed pas/ /pha ma sa mkhan dus kyi dbyar dang 'dra'o/ / de phyir dge bshes dam pa rtag tu bsten/ /chos kyang shes pas mi chog spyad pa gces/ /ci yi phyir na mi chos so nam 'dra/ /chos kyis bdag bshad bdag gis chos ma bshad/ /don rtogs bya phyir dang po mnyan yang dgos/ /nges pa rnyed nas tshig mang bslab mi dgos/ /tshig mi zad phyir nyan pas mthar thug med//nyan cing 'chad pa spyad thabs btsal phyir yin/ /mi spyod nyan 'chad don chung tshi re chad/ /gzhan la 'chad pa tshig gi than pa yin/ /gzhan gyi than 'byal rang la mi phan te / /bro mkhan sgrung mkhan bro sgrung 'chad pa 'dra/ /de ni mi nag chos kyi lo rgyus mkhan//thos pas brgyags nas rang sems ma thul na/ /mkhas kyang phan med slar la 'khor ba'i rgyu/ /thos mang tshig la mkhas pa ne tso 'dra/ /'gro ba gang zhig rang la med pa yi/ /nor bu rin po che yi yon tan dag /ji snyed brjod kyang rang la phan med 'gyur/ /de bzhin chos shes chos dang mi ldan pas//spyad thabs che ba'i yon tan ji snyed cig /brjod kyang rang gi don la phan med 'gyur/ /gzhan yang shes nas dam chos ma spyad na/ /rgya mtsho'i nang du skom nas shi ba 'dra/ /gzhan yang khe phyir gzhan la chos 'chad pa/ /rin chen rnyed kyang sprang po 'dra zhes gsungs//dper na sman mkhan nad la mi gtong dang / /dbul mos phyug po'i nor bgrangs ba dang 'dra/ /lam rgyus shes kyang ma phyin 'dra zhes gsungs/ /de bas 'gro ba kun kyang chos la gzud/ /pha ma bu tsha gnyen 'dun thams cad dang / /'khor g.yog las kyis 'brel pa thams cad kun//gros btab gal gyis gcu de dge la gzud/ /chos la chud na byang chub spyod pa yin/ /dge ba nyam chung sdig pa stobs chen dang / /bla med byang chub sems ni ma bskyed par/ /dge ba gzhan gyi zil gyis mi non pas/ /'khor ba'i btson ra bsdams shing nyam thag pa'i//bdag gzhan mi bde bsal bar 'dod pa des/ /byang chub sems gnyis rtag tu gtang mi bya/ /sdig med dge ba'i sems dang ldan de la/ /bde gshegs rnams kyi sras su dgongs pa dang / /lha mir 'god pa kun gyis phyag bya'i 'os/ /mdor na byang chub rnam pa gsum dgos te//dang por smon dgos bar du 'jug kyang dgos/ /tha mar don de nyid la gnas par bya/ /smon kyang ma zhugs don la ma gnas na/ /yid smon byas pas 'bras bu mi thob pas/ /byang chub spyod pa rlabs chen spyad par bya/ /rgyu ni dka' ba dang du ma blangs par/ /'bras bu byang chub thob par mi 'gyur te//gang la sbyin pa mchog tu gtang dka' ba/ /yan lag kun gyi dang po mgo bo yin/ /sbyin par btang ba rgyal po zla 'od yin/ /de bzhin spyad na byang chub thob par 'gyur/ /de phyir 'khor ba'i chos 'di gtan du spang / /mya ngan 'das pa'i lam la 'jug par bya/ /sbyin pa'i pha rol phyin pa yongs rdzogs na//sa ni dang po rab tu dga' ba thob/ /tshul khrims pha rol phyin pa yongs rdzogs na/ /gnyis pa dri ma med pa'i sa yang thob/ /bzod pa'i pha rol phyin pa yongs rdzogs na/ /gsum pa 'od byed pa yi sa yang thob/ /brtson 'grus pha rol phyin pa yongs rdzogs na//bzhi pa 'od 'phro ba yi sa yang thob/ /bsam gtan pha rol phyin pa yongs rdzogs na/ /lnga pa shin tu sbyang dka'i sa yang thob/ /shes rab pha rol phyin pa yongs rdzogs na/ /drug pa mngon du gyur pa'i sa yang thob/ /thabs kyi pha rol phyin pa yongs rdzogs na/ /bdun pa ring du song ba'i sa yang thob//smon lam pha rol phyin pa yongs rdzogs na/ /brgyad pa mi g.yo ba yi sa yang thob/ /stobs kyi pha rol phyin pa yongs rdzogs na/ /dgu pa legs pa'i blo gros sa yang thob/ /ye shes pha rol phyin pa yongs rdzogs na/ /bcu pa chos kyi sprin gyi sa yang thob/ / 'bras bu sku gsum lhun gyis grub par 'gyur/ /ji ltar sngon gyi bde gshegs rnams kyis su/ /byang chub mchog tu thugs ni bskyed pa dang / /byang chub sems dpa'i spyod pa rlabs po che/ /rim par gnas nas 'bras bu thob pa ltar/ /de bzhin bdag dang gzhan la phan don du/ / sems bskyed nas ni dge ba gzhung du spyod/ /de ltar dam chos gzhung du spyad pa na/ /nyon mongs 'chi bdag bdud ni 'joms pa yi/ /bdud rtsi mchog nyid kyang ni de yin no/ /de phyir dam chos gzhung bzhin spyad par bya/ /chos gzhung mi spyod chos pa'i ming ci yod/ /tshul khrims mi srung dge slong ci la zer//dam tshig med na sngags pa gang la zer/ /sdig ni chung yang mi brnyas spang bar bya/ /dge ba chung yang dang du blang bar bya/ /mdor na tshad med bzhi dang bsdu ba bzhi/ /gzhan don spyad na bdag don chung mi za/ /de phyir sgrib gnyis spongs la tshogs gnyis bsgrub//ston pa'i bka' dang don du mthun byed cing / /chags med dge bar gtong ba'i gang zag ni/ /byang chub sems dpa'i rigs can yin pas na/ /de la phrag dog dbang gis sgro skur zhing / /thabs kyis smod byed 'khor ba'i g.yang sar ltung / /dge ba'i sngon la zhugs pa'i gang zag gis//nyon mongs 'du 'dzi med pa'i dge gnas na/ /mtshan mo stod smad dge la gnas nas ni/ /gung la nyal tshe dge dran 'phro la nyal/ /de yis bag chags dge la gnas par 'gyur/ /bag chags rtag par gnas na dang po'i drod/ /yin pas dge ba nyams 'og chud de bya//zas kyang chags phyir ma yin brgyags phyir min/ /dge rtag bya phyir tshod ni zin par bza'/ /rgod dang 'gyod dang gnod sems rmugs pa dang / /gnyid dang 'dod la 'dun dang the tshom ste/ /sgrib pa lnga po 'di dag dge ba'i nor/ /'phrog pa'i chom rkun lags pas rig par mdzod//ston pa'i bka' la brdzun pa mi mnga' bas/ /the tshom nem nur yid gnyis mi bya'o/ /don la spyad cing tshig phyir mi 'brangs te / /don ni gser 'dra tshig ni sgron ma bzhin/ /gser rnyed nas ni sgron ma gdeg mi dgos/ /don la spyad cing bsgoms na rang rig skye//tshig phyir nyan cing 'chad pa mang byas kyang / /rang rig mi skye nyon mongs 'phel ba'i rgyu/ /mdor na theg pa kun la blo sbyangs te/ /nges pa gcig la zhugs te mi sgrub par/ /ye rngam zos nas byang chub 'khrul pa ste/ /des ni 'bras bu thob par mi 'gyur ro/ /chos kyang rang gi nyams dang dpyad cing spyad//'bras bu gong ma che la gtang byas na/ /nyams kyis mi lcogs bzhin du khas len pa/ /thang stong sdig pa rang gis blangs pa yin/ /theg pa'i grangs ni gcig tu ma nges la/ /theg pa'i khyad par shes rab che chung ste/ /nyams 'og chud par spyad na chud mi za//dam chos gzhung du spyod pa'i mi de la/ /dam can kun yang ma bskul rang bzhin 'go/ /mkhas pa chen po'i mthu ni nyi shar 'dra/ /'gro ba kun kyang dad cing 'dun pas na/ /'dus byas 'dus ma byas kyi dge ba la/ /thun mong dag tu spang len med par bya/ /spang len byas na ston pa'i bka' dang 'gal//theg chen sgor zhugs gang zag rnams kyis kyang / /shes rab snying rje gnyis kyis gzhi bzung ste/ /thams cad dbyer med rtogs pa shes rab yin/ /kun la bu bzhin byams pa snying rje yin/ /de gnyis mi ldan theg chen khas 'che ba/ /long sprang rgyal po yin zhes zer te brdzun//da lta'i gang zag sngags kyi sgor zhugs pas/ /gsang sngags zab mo nor rdzas brnyan mar btsongs/ /'khor ba'i bu tsha pho mo khyim thab byed/ /gsang sngags shes pas bdag phung snying re rje/ /des ni tsan+dan sol bar 'tshod ba dang / /gser phye sbang phyer 'tshong dang 'dra bar gsungs//gzhan yang dad pa can gyi nor blangs nas/ /dge bar ma spyad mi chos nor du spyad/ /'bras bu dag ni rnga mo'i lus su skye/ /de yi nor la nor bdag longs spyod bya/ /spyod res sdug bsngal nyams su myong bar 'gyur/ /lcags rdo dngul rdo bzhu ru btub pas na//dad pa can gyi nor ni bzhur mi btub/ /tshig tsam ma yin sems kyis mnyam pa nyid/ /rtogs nas klong du gyur cing drod ldan dang / /chags med dge bar spyod pa'i gang zag gis/ /ma byin blangs nas spyad kyang mi sgrib bo/ /mdor na sngags kyi rtsa ba dam tshig bsrung //bya ba'i rgyud kyi dam tshig bstan pa ni/ /thun mong bslab pa bzhi po nyams mi bya/ /bla med rnam gsum mchod cing bla ma bkur/ /grogs la gdung zhing mi mthun kha zas spang / /mtshan mar byas shing lha la phul ba yi / /khrus la brtson pa bskyed cing lus spyod bzang / / ma nyams bsrungs na rigs gsum dngos grub thob/ /rnal 'byor phyi pa'i dam tshig bstan pa ni/ /spyi yi dam tshig gsum po nyams mi bya/ /rtsa ba'i dam tshig drug ni gzhung du bsrung / /yan lag dam tshig gsum dang ldan par bya/ /ma nyams bsrungs na 'bras bu thob par 'gyur/ / rnal 'byor nang pa'i dam tshig bstan pa ni/ /dam tshig bye brag bsam gyis mi khyab kyang / /mdo ru bsdu na rtsa ba gsum du 'dus/ /lus srog bskyed pa'i dus gsum pha ma dang / /ma rig sgo 'byed 'dren ston slob dpon dang / /dam pas 'brel pa'i grogs mched rnams la ni/ /lus ngag yid gsum don dang mthun par bsrung //yi dam lha yi ting 'dzin g.yang mi bya/ /de yi sngags dang phyag rgya rgyun mi bcad / /dam tshig nyams dang ma 'dres snod med la/ /gsang ba'i man ngag spel bar mi bya'o/ /da lta gang zag sngags par khas 'ches nas/ /sku yi dam tshig gzhung du mi srung bar//pha ma spong brdung bla ma smod mi khur / /phrag dog dbang gis grogs la brtse gdung bcad / /ngan song gnas su the tshom med par 'gro/ /gsung gi dam tshig gzhung du mi srung bar/ /ting 'dzin 'dod sgrub 'dzab tu mna' 'cha' zhing / /phyag rgya ma byin zas nor len byed pa'i//sngags par khas 'ches 'khor ba'i g.yang sar lhung / /gsang sngags zab mo dgon par ma spyod par/ /snod dang mi ldan nyan mi rnyed thad la/ /beg co bcas nas man ngag lhug par bshad/ /thugs kyi dam tshig nyams pas dmyal bar skye/ / gsang sngags gab pa'i don rnams ma rtogs par/ /dam med mi nag khral theg kun bsdus nas/ /sbas pa'i gsang ba mngon sum 'chol bar spyod/ /bka' dang 'gal bas 'khor ba'i g.yang sar ltung / /dang por dam tshig gzhung du mi srung dang / /bar du dbang rnams rim par mi nod dang //tha mar bka' gzhung bzhin du mi sgrub par/ /sngags par khas 'che gang zag snying re rje/ /bza' shing ra bar dug gi sdong skyes nas/ /dug des bza' shing byin yang med byed pas/ /bdag pos dug de ngo ni shes ma thag /rtsa nas phyung ste myur du med byed ltar/ /gang zhig rtsa ba nyams pa'i phyal ba dang //'dres nyams 'gyur ba nyes pa 'phel 'gyur bas/ /don rig nas ni myur du spang bar bya/ /dper na 'o ma nyung ngu'i thigs pa gcig /rul bas 'o ma kun kyang rul ba bzhin/ /dam nyams snod ngan de dang 'dres pa na/ /nyams pa de dang de ni 'dra bar gsungs//de bas lung gcig chu la'ang mi btung ngo / /dam tshig sa gzhi 'dra ste kun gyi rten/ /dam tshig nor bu 'dra ste 'dod pa 'byung / /dam tshig mkhar dang 'dra ste 'jigs pa skyobs / /dam tshig gru dang 'dra ste chu bo sgrol/ /mdor na chos kyi rtsa ba dam tshig bsrung / /phyi rabs rnal 'byor rnams kyi sems la 'jog /rnam smin gzhan ni khad dang rim gyis smin/ /gsang sngags thun mong ma yin rnam smin drag /sgyu mar sbrul zhugs bzhin du 'gro ba'o zhes/ /gsang ba'i rgyud rnams kun las gsal bar 'byung / /gang zag sngags par khas len rnams kyis ni//rang gzhan ting 'dzin gzugs brnyan dkyil 'khor gsum/ /dam tshig dbang dang mchod pa'i sgor zhugs nas/ /rang nyid zab mo'i don dang ldan par bya/ /theg pa 'og ma'i sgor zhugs bsrung sdom dang / /chos spyod byed pa mi dgag mi smod do/ /ci phyir chos la spang len phyogs ris dang //bzang ngan gnyis su stan pas ma gsungs bas/ /'di ltar snang ba'i chos 'di thams cad la/ /gnyis med mnyam pa chen por rtogs pa ni/ /'bad rtsol ci byas dge bar gyur pas na/ /dge ba'i rtsa ba phyogs ris med par bya'o/ /da lta'i gang zag theg pa 'og ma pa'i//rgyu 'bras don la zhen pa kha cig ni/ /gsang sngags zab mo'i don rnams ma rtogs par/ /sngags kyi tan gan chos spyod 'phrigs mthong nas / /ban de log chos spyod cing rtsing chos byed/ /gsang sngags chos min ston pas ma gsungs zer/ /man ngag zab mo'i don la skur btab pas//'bras bu mnar med dmyal ba'i yang steng du/ /skye bar gyur pas rmongs pa snying re rje/ /ston pa'i zhal nas nges par gsungs pa yi/ /man ngag don dam gsang sngags zab mo la/ /bka' bslad gzhung bzhin dang du mi len par/ /mtshan nyid chos spyod dag la blo zhen pas/ / bskal pa gsum du sangs rgyas zhal mi mthong / /skal ba chung zhing shes rab zhen pa dang / /blo ngan don la rmongs pa'i gang zag gis/ /zab mo'i don la ma zhugs skur pa btab/ /rnam smin dpag gis mi lang brjod las 'das/ /gsang sngags zab mo'i don la yid ches nas/ / lta spyod dam tshig gzhung du ldan pa dang / /sgrub la shin tu brtson pa'i gang zag ni/ /sangs rgyas sa la the tshom med par 'gro/ /skye bo ma rig chos la gzud pa dang / /chos pa chos dang mi ldan pa rnams kyi/ /don du bdag gis yi ge 'di brtsams pas/ /kun kyang dad cing don la 'jug par smon/