| བོད་ཡིག |
49b1 /[ ]@##/ /rgya gar skad du/ karma pra ma tha sa ma ya sU tra saM gra ha/ bod skad du/ las dang po pa'i dam tshig mdor bsdus pa/ 'phags pa 'jam dpal la phyag 'tshal lo/ /gsang sngags kyi rnam par thar pa'i
49b2 sgor zhugs pa'i las dang po pa rnams kyi dam tshig mdor bstan pa/hUM rdor las byung mthing ga'i mdog 'dra ba'i/ /dpal ldan rdo rje 'dzin la phyag 'tshal nas/ /sngags 'chang rnams kyis bsrung ba'i dam tshig ni/ /mdor bsdus brtse ba'i yid kyis bshad par bya/ /sdug
49b3 bsngal tshogs kyis bsregs pa'i sems can la//snying rjer ldan pas yongs la khyab pa dang / /g.yo dang mi g.yo'i chos rnams ma skyes par/ /rtog pa'i shes rab snying rje'i gzhir bya'o/ /rtag tu dad dang brtson 'grus dran pa dang / /shes bzhin ting 'dzin mchog la
49b4 gnas par bya//dang por sngags pas srog gcod rku ba dang / /'khrig dang brdzun smra chang 'thung la sogs pa'i/ /tshul khrims sngags kyi rtsa bar sangs rgyas gsungs/ /de bas srog bzhin bslab pa bsrung bar bya/ /zhes so/ /yul gangs ri'i rtsa na gnas pa'i slob dpon dz+nyAM
49b5 na bo d+hi'i mdzad pa'i gsang chen sgron ma'i dam tshig las/nyan thos tshul khrims theg chen sdom pa dang / /sa bdag khrims las 'da' bar mi bya'o/ /zhe'o/ /rdo rje rtse mo'i rgyud las/ byang chub sems 'dzin gyur nas ni/ /lha gzhan dag la mi mos dang / /dkon mchog
49b6 gsum la dad pa dang //de la gzhol zhing 'bab pa yis/ /gsod dang rku dang 'khrig pa dang / /brdzun dang chang ni rnam par spang / /khyim pa'i tshul du gnas nas ni/ /rig sngags rgyal po bsgrub par bya/ /gal te de ni rab byung na/ /sdom pa gsum la gnas par bya/ /
49b7 so sor thar dang byang chub sems/ /rig 'dzin sngags kyi sdom pa'o/ /zhes 'byung bas sdom pa dang dam tshig mtha' dag la gnas par bya'o/ /de lta bas na rnal 'byor pas thog mar rig sngags gzung ba'i dam tshig la gnas par bya'o/ /ji ltar dus gsum mgon po
50a1 rnams//byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /tshul khrims kyi ni sdom pa dang / /dge ba'i chos ni sdud pa dang / /sems can don byed tshul khrims gsum/ /de bzhin brtan por
50a2 gzung bar bgyi//sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor las skyes pa'i/ /sdom pa deng nas gzung bar bgyi/ /rdo rje rigs mchog chen po yi/ /slob dpon nyid kyang gzung bar bgyi/ /rdo rje dril bu phyag rgya
50a3 yang //yang dag nyid du gzung bar bgyi/ /rin chen rigs mchog chen po las/ /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa las/ /phyi nang gsang ba'i
50a4 theg pa gsum//dam pa'i chos kyang gzung bar bgyi/ /las kyi rigs mchog chen po las/ /sdom pa thams cad ldan par ni/ /yang dag nyid du gzung par bgyi/ /mchod pa'i las kyang ci nus bgyi/ /bla na med pa'i byang chub sems/ /dam pa bdag gis bskyed par
50a5 bgyi//sems can kun gyi don gyi phyir/ /bdag gis sdom pa ma lus gzung / /ma rgal ba rnams bdag gis bsgral/ /ma grol ba ni bdag gis dgrol/ /dbugs ma phyin pa dbugs dbyung zhing / /mya ngan 'das la sems can dgod/ /dus 'di nas ni bzung nas
50a6 su//ji srid byang chub snying po'i bar/ /bdag ni rab tu gnas par bgyi/ /lus dang ngag dang yid dag gis/ /mi dge ba ni rnam bcu dang / /bag med pa yi gnas byung ba/ /'bru chang bcos pa'i chang dag dang / /theg pa dman la 'dod pa dang / /de bzhin lha dang lha min
50a7 dang //gsang ba pa rnams brnyas pa dang / /phyag rgya mtshan ma bzhon pa dang / /mtshon cha la sogs 'gom pa rnams/ /dus 'di nyid nas bzung nas ni/ /ji srid byang chub snying po'i bar/ /bdag ni rab tu ldog par bgyi'o/ /zhe'o/ /gal te rig sngags gzung ba nyid
50b1 du nges pas ni/sdom pa dang dam tshig tshul bzhin ma bsrungs na/ 'phags pa rnams bslus pa/ bdag nyid la 'khu bar byed pa/ dngos grub chen po la rgyab kyis phyogs pa/ /de ni g.yon can shing rul ba lta bu yin no/ /dam tshig la mi gnas par gsang sngags tshig
50b2 tsam gyis bdag dang gzhan gyi don du las sna tshogs byed pa'o//dper na mdze can nang na 'bus rnyings pa la phyi rol gyi gos dang rgyan gyis bkab pa lta bu yin no/ /des ni bdag gi don yang bya bar mi nus na gzhan gyi don lta ci smos/ /de ni lha dang bcas pa'i 'jig rten gyis smod
50b3 cing bshung ba yin no//gsang sngags kyi dngos grub sgrub pa dang / gzhan gyi don du dkyil 'khor la sogs pa'i las byed pa ni/ dus yun ring por bdag gi sems kyi rgyud sbyangs pa dang / sdom pa dang dam tshig la sngags spyod pa'i yon tan dang ldan pas/ dben par tshul bzhin
50b4 du las byas nas dngos grub tu yang 'gyur la gzhan gyi don phun sum tshogs pa yang 'grub bo//dam tshig spangs te gzu lums su gsang sngags dgongs pas bshad pa'i don/ sgra ji bzhin du bzung nas snod min pa'i slob ma dang / grong la sogs par log par spyad na ni/ de
50b5 bzhin gshegs pa'i bka' rgyud khyad du bsad pas slob dpon 'phags pa klu sgrub dang /in+d+ra b+hU ti la sogs pa'i zhal snga nas kyi tshig gi bdud rtsi spangs pa yin pas bdag bde legs su 'dod pa'i mkhas pa rnams kyis zas dug dang bcas pa bzhin du spang bar bya'o/ /de bas na dngos
50b6 grub kyi snod du rung ba'i sgrub pa pos//dang por dam tshig mnos pa nyid nas bzung nas byang chub kyi snying po'i bar du mi nyams par bya'o/ /phyir mi ldog pa'i dbang thob pas ni dam tshig gnyis bsrung ste/ bza' ba'i dam tshig dang / bsrung ba'i dam tshig go/ /de la bza' ba'i dam
50b7 tshig /ga bur mtshal dang pi pi ling / /tsan+dan dmar dang gur gum sogs/ /man ngag bzhin du sgrub pa pos/ /rtag tu bsten cing bza' bar bgyi/ /bsrung ba dag gi dam tshig ni/ /rang lus phyag rgya nyid bsgoms la/ /ma lus 'gro ba'i tshogs bsam bya/ /rdo rje slob
51a1 dpon rdo rje rnams//rdo rje de ni spun rnams la/ /gtso dang sems dpa' bskyed par bya/ /'di ni sku yi dam tshig ste/ /tshul khrims bsrung la brtson par bya/ /sred 'byung ngag gi skyon spangs te/ /rig sngags lha yi snying po dang / /rdo rje phra sogs rtse gcig
51a2 pas//rgyun mi 'chad par bzlas par bya/ /de ni gsung gi dam tshig ste/ /rtag tu 'di las 'da' mi bya/ /rgyun du ting 'dzin gnyis po dang / /spyod bzhin dran pas zin par bya/ /thun mong ma yin gsang chen dang / /man ngag gzhan du mi spel lo/ /lta dang spyod dang lha
51a3 dag dang //slob dpon mchog gnyis gsang ba ste/ /'di dag gsang chen gzhan du min/ /'di dag thugs kyi dam tshig go/ /sku gsung thugs kyi gsang ba 'di/ /srog gi phyir yang mi gtong ngo / /rgyal bas dgongs te gsungs pa yi/ /dam tshig bzhi la gnas par
51a4 bya//ji bzhin don ldan bcu bzhi ni/ /phas pham par ni rab tu bsgrags/ /spang zhing 'dor bar mi bya ste/ /rtsa ba'i ltung bar shes par bya/ /slob dpon la ni brnyas pa dang / /bde gshegs bka' las 'das pa dang / /sdang bas spun gyi sngags min smra/ /byams pa chen po
51a5 rnam spong dang //byang chub sems ni 'dor ba dang / /theg pa gsum la smod pa dang / /skal min gsang ba sgrogs pa dang / /rgyal ba'i bdag nyid phung po smod/ /dam pa'i chos la yid gnyis za/ /gdug la byams dang chags bral dang / /chos la gnyis su 'byed pa
51a6 dang //dang pa'i sems la rab tu smod/ /dam tshig bsten pa ji snyed pa/ /brtags pa'i rig ma smod pa ste/ /rtsa ba'i ltung bar 'gyur ba des/ /sngags pa'i dam tshig zad par 'gyur/ /nyin dang mtshan mo lan gsum du/ /nyin re bzhin ni bzla bar bya/ /gal te nyams gyur
51a7 rnal 'byor pa//kha na ma tho sbom por 'gyur/ /dam tshig dang ni mi ldan pa'i/ /rig ma bsten par dga' ba dang / /tshogs kyi 'khor lor rtsod pa dang / /gsang ba'i chos ni ston pa dang / /sems can dad dang ldan pa la/ /dam chos gzhan du ston pa dang / /nyan thos
51b1 dag tu rlom byed pa'i//nang du zhag bdun 'dug pa dang / /sbyor ba nges par ma byas pa'i/ /snod min gsang ba ston pa rnams/ /kha na ma tho bcas 'gyur te/ /sngags pa de yi dam tshig zad/ /zad pas 'grub par mi 'gyur zhing / /bdud dang sdug bsngal rab tu 'phel/ /
51b2 zhe'o/ /phyir mi ldog pa'i dbang thob pas kyang dam tshig rnams/ dang po thob pa nyid nas byang chub chen po'i bar du yang dag par gzung ngo / /gal te nyams par byas na don dam par bsrung du med pa dang / dgongs pa'i don gyi tshig gi gzugs brnyan la brten nas dam tshig
51b3 mi bsrung bar gzu lums su dkyil 'khor la sogs pa byed pa ni 'phags pa dang 'gro ba kun bslus pa ste/yon tan de gsang sngags seng ge'i 'o ma lta bu skye bo snod dang mi ldan pa'i mi la bstan pa dang / dkyil 'khor la sogs pa'i las byas pas sems can dmyal ba la
51b4 sogs pa'i 'gro ba'i skye ba dang /bdag dang gzhan rlag par byed pa sangs rgyas dang byang chub sems dpa' rnams la rgyab kyis phyogs pa de nam du yang dngos grub kyi snod du mi 'gyur ba yin no/ /de lta bas na dam tshig rnams lus dang srog la ltos pa med par bsrung bar bya'o/ /dam
51b5 tshig nyams pa gso ba ni gnang ste/thun mtshams sbyor ba las gyur na/ /bde gshegs las rigs bsam gtan gyis/ /de yi nyes pa bsal bar bya/ /gser sbyangs dri med lta bur 'gyur/ /sbyor ba'i yan lag sbom nyams na/ /mchod pa la sogs tshul bzhin bya/ /
51b6 'phags la bzod gsol dam bcas na/ /phyin chad bsdams te gus par blang / /rtsa ba'i dam tshig nyams gyur na/ /rdo rje slob dpon bdag nyid las/ /dang por rigs bdag dkyil 'khor du/ /tshul bzhin yang dag blang bar bya/ /de ltar ma bshags par blangs bas nyams
51b7 pa khyad du gsod cing de'i nyes pa 'phel ba dang bcas par gyur na skyon che ste/gsang ba 'dus pa zhes bya ba rnal 'byor chen po'i rgyud las/ sangs rgyas rdo rje sems dpa' dang / /de bzhin chos kyi sems dpa' dang / /rmongs pa 'gal bar byas nas ni/ /tshal par 'gas par
52a1 gdon mi za//zhe'o/ /de lta bas na sangs rgyas dbu 'gas na mi rnams lta smos kyang ci dgos te/ dam tshig nyams pas ni bdag nyid dang / gzhan phyogs su yang nyes pa sna tshogs su 'byung la/ /phyi mar yang bskal pa gsum la sogs par ngan 'gror 'gro'o/ /
52a2 dpal 'khor lo sdom pa zhes bya ba shes rab kyi rgyud chen po las/ dam tshig med cing ngan spyod pa/ /bslus 'gyur ngan pa'i mtshan nyid de/ /mkha' 'gro ma yis zos nas kyang / /de las nga ni skyob mi byed/ /gsang ba pa yi nang nas ni/ /sgrub pa po de phyugs dang 'dra/ /zhe'o/ /bla
52a3 ma lnga bcu pa las kyang /slob dpon la ni smod pa de/ /yams dang 'tshe ba'i nad rnams dang / /gdon dang rims dang dug rnams kyis/ /rmongs chen de ni 'chi bar 'gyur/ /rgyal po me dang sbrul gdug dang / /chu dang mkha' 'gro rkun po dang / /gdon dang log 'dren rnams
52a4 kyis kyang //bsad nas sems can dmyal bar 'gro/ /nam yang slob dpon dag gi ni/ /kun du sems dkrugs mi bya ste/ /gal te rmongs pas byed 'gyur na/ /dmyal bar nges par 'tshed par nges/ /mnar med la sogs 'jigs rung ba'i/ /dmyal ba bsten pa gang
52a5 yin pa//slob dpon la ni smod pa dag/ /der ni gnas par yang dag bshad/ /zla gsang thig le'i rgyud las kyang / /dam tshig sdom pa nyams pa las/ /sangs rgyas byang chub sems dpa' rnams/ /byin gyis brlabs par mi mdzad de/ /spos dang me tog la sogs pa/ /phul
52a6 yang ba zhes par mi 'gyur te//nad dang dug dang dgra rnams kyis/ /bsad nas sems can dmyal bar 'gro/ /zhe'o/ /sangs rgyas thams cad mnyam par sbyor ba mkha' 'gro ma sgyu ma bde mchog las kyang / dam tshig 'di las 'das gyur na/ /ji snyed sangs rgyas thams
52a7 cad dang //byang chub sems dpa' rdo rje 'dzin/ /lha rnams dang ni mi dag dang / /sgrub pa po dang rnal 'byor bcas/ /de dag la ni snying ring nas/ /snying nas khrag chen drangs nas 'thung / /zhe'o/ /yang de nyid las/ dkyil 'khor du ni ma zhugs dang / /dam tshig rnam
52b1 par spangs pa dang //gsang ba yang dag mi shes pas/ /bsgrubs kyang ci yang mi 'grub po/ /zhe'o/ /phyag na rdo rje dbang bskur ba zhes bya ba spyod pa'i rgyud las/ dam tshig 'di las su 'da' dang / /sdang sems ldan pa de dag ni/ /mgo ni dpal ldan rdo rje 'chang / /rdo rje rnams
52b2 kyis rtag tu 'gems//zhe'o/ /yang mtshams med lnga byas pa'i sdig pa ni bla'i/ gsang sngags log par spyod pa ni de lta ma yin no/ /gzhan las ni/ dam tshig 'di las su 'da' ba/ /bskal pa grangs med gsum du ni/ /mnar med shin tu mi bzad sogs/ /bcu drug
52b3 dmyal bar skye bar 'gyur//zhe'o/ /ye shes grub pa las/ dam tshig nyams pa sdug bsngal zhing / /lus dang de bzhin yid dang ni/ /de yi yon tan nyams 'gyur zhing / /myur ba nyid du 'chi bar 'gyur/ /shi nas dmyal ba'i sdug bsngal ni/ /bskal pa bye ba brgya phrag tu/ /myong
52b4 nas gnas las 'pho 'gyur bas//gdol ba'am dman pa'i rigs su skye/ /lkugs par skye'am yang na 'on par skye/ /zhe'o/ /de kho na nyid bsdus pa'i rgyud las/ /'di ni khyod kyi dmyal ba'i chu/ /dam tshig nyams na sreg par byed/ /ce'o/ /dpal mchog dang po'i rgyud
52b5 las kyang /drag po'i dam tshig mdung rtse dang / /ma mo rnams kyis rgyas 'debs pas/ /gal te 'das na khyod kyi snying / /rtag tu 'jigs par byed par 'gyur/ /zhe'o/ /gal te dam tshig 'di las 'das gyur na/ /pha gsod 'gro ba yin pa dang / /ma gsod pa yi 'gro ba
52b6 gang //'gro ba der ni 'gro bar 'gyur/ /zhes bya ba la sogs pa gsungs pas/ dam tshig nyams na skyon che bas na lus dang srog gi phyir yang mi gtang bar bsrung bar bya'o/ /sdom pa dang dam tshig tshul bzhin du bsrung ba yang don che ste/ dpal 'khor lo sdom pa zhes bya
52b7 ba'i rgyud las kyang /'gro ba'i don dang de don du/ /dam tshig sdom pa bsrung byas nas/ /bsod nams gtsang sbra las byung gang / /bsgrub pa'i yon tan rgya chen po/ /stong phrag brgya yi kha min par/ /kha cig gis kyang brjod mi nus/ /zhe'o/ /gzhan las ni/ dam tshig
53a1 sdom pa 'di rnams kun//tshul bzhin bsrung dang sgrub pa yis/ /rgyal ba thams cad mnyes gyur nas/ /dngos grub thams cad 'grub par 'gyur/ /zhe'o/ /dam tshig rnams ni rdo rje ste/ /sangs rgyas kun gyi bdag nyid yin/ /zhe'o/ /phyag na rdo rje
53a2 dbang bskur ba zhes bya ba spyod pa'i rgyud las kyang /rdzogs pa'i sangs rgyas bcas pa yi/ /brtul zhugs dang ni tshul khrims dang / /spyod pa bzlas pa'i gzhi rnams la/ /gal te gnas na de yi tshe/ /sngags pas 'di ltar sngags bsgrub po/ /zhe'o/ /slob dpon rdo rje bzhad pa'i
53a3 sgrub thabs las/sngags pas rnam pa 'di dag gis/ /dam tshig sdom pa bsrung byas na/ /tshe 'di nyid la dngos grub kyis/ /rdo rje gsung nyid thob par 'gyur/ /zhe'o/ /gsang ba 'dus pa zhes bya ba rnal 'byor chen po'i rgyud las kyang / gang+gA'i bye ma snyed kyi bskal par byang
53a4 chub sems dpa' rnams kyis 'bad cing btsal yang byang chub sems dpar mi 'gyur te/gsang ba 'dus pa la dga' zhing de'i dam tshig la gnas shing bsgrubs na tshe 'di nyid la mngon par 'tshang rgya'o/ /rnam par snang mdzad sgyu 'phrul dra ba zhes bya ba'i rnal 'byor chen po'i rgyud las/
53a5 dbang po gnyis ni mnyam spyor te/ /lus dang ngag dang sems bsdus nas/ /nga yi snyam pa'i gzi bskyed gzugs/ /rnam pa kun gyis rnam brgyan na/ /rnal 'byor ldan pa de tshe la/ /ye shes rdzogs pa nyid du 'gyur/ /zhe'o/ /gzhung gzhan las thabs kyi dam tshig thams cad la
53a6 spyod cing mi nyams par bsrungs la/shes rab kyis bsrung du med par shes pa ni rnal 'byor pa mchog ces bya'o/ /gsang ba 'dus pa zhes bya ba rnal 'byor chen po'i rgyud las/ rnam par mi rtog las byung ba'i/ /'dod chags zhe sdang gti mug rigs/ /theg pa mchog 'di bla
53a7 med pa//mchog tu blar gyur sgrub par byed/ /rigs ngan sme sha can la sogs/ /gsod pa don du gnyer ba rnams/ /theg pa bla na med pa yi/ /theg mchog 'di la 'grub par 'gyur/ /mtshams med pa la sogs pa yi/ /sems can dag gis bsgrubs na 'grub/ /srog
53b1 gcod pa yi sems can rnams//brdzun du smra par dad pa dang / /gzhan gyi nor la chags pa dang / /rtag tu 'dod la spyod pa dag/ /de dag bsgrub pa'i snod du 'gyur/ /zhe'o/ /ye shes grub pa las/ de ltar gnas pa'i rnal 'byor pa/ /yar ngo'i zla ba ji bzhin du/ /
53b2 rim gyis yang dag 'phel 'gyur gyi/ /nam yang 'grib par mi 'gyur ro/ /brtson 'grus dman pa la la zhig/ /sangs rgyas thob par ma gyur kyang / /'khor los sgyur rgyal bde ba ni/ /skye ba kun du thob par 'gyur/ /sangs rgyas kun gyi bsod nams ni/ /phyogs bcu dus
53b3 gsum yod pa rnams//de yi ba spu'i khung bu zhes/ /rgyal ba mchog gis rab tu gsungs/ /zhe'o/ /le'u brgyad pa las/ sems can kun gyi gnyen gcig pas/ /rnam pa slu ba med pa'i sems/ /de bas brtan pa bskyed par bya/ /'di byas pa yis rdzogs sangs rgyas/ /
53b4 dgyes pa'i bdag nyid can kun mnyes/ /bdud dang bgegs la sogs pa yang / /glags skabs tshol bar mi byed cing / /phyag na rdo rje la sogs pa/ /dgyes pas rtag tu bsrung ba mdzad/ /ce'o/ /gzhan las ni/ stong chen po'i 'jig rten gyi khams rin po che sna bdun
53b5 gyis bkang ste 'phags pa rnams la phul ba bas/gang gis dam tshig la yang dag par gnas te 'du 'dzi spangs te dgon pa la gnas nas skad cig tsam ting nge 'dzin gnyis kyis mnyam par gzhag na de gnyis las mnyam par gzhag pa de bsod nams kyi phung po dpag tu med pa 'thob
53b6 par 'gyur ba dang /dper na 'khor los sgyur ba'i rgyal po mtshan gyis brgyan pa ni gling bzhi la dbang ba'i mthu yod cing chos kyi 'khor lo sgyur to/ /de bzhin du rgyal ba'i sras dam tshig dang sdom pa la yang dag par gnas pa'i mtshan gyis brgyan pa ni ring por mi thogs par skye ba bdun
53b7 la sogs pas 'tshang rgya zhing /sangs rgyas kyi mdzad pa thams cad byed pa yin no/ /yang yid bzhin gyi nor bu rin po che dbang gi rgyal po ni su'i spyi gtsug na yod pa la 'gro ba gang gis kyang bar mi chod do/ /de bzhin du sngags pa gang zhig sdom pa dang dam tshig gi nor bus sgo gsum
54a1 brgyan pa la bdud la sogs pa gang gis kyang bar du mi chod do//yang skyes bu mig dang rkang par ldan pa ni gang 'gro ba'i gnas su phyin cing dgos pa thams cad sgrub par byed do/ /mnyam pa'i dam tshig mig dang 'dra ba dang spyod pa'i dam tshig rkang pa dang 'dra ba la
54a2 brten te ye shes kyi lam drang du zhugs pas thams cad mkhyen pa'i nor bu blangs te/bdag dang gzhan gyi don lhun gyis grub par byed par 'gyur ro/ /yang dper na ri'i rgyal po gangs la sman 'bral bar dka' ba zhes bya ba yod de/ de gang gis rnyed pa de ni dug dang nad la sogs
54a3 pa rtsa ba nas 'byin cing tshe ring ba yang 'grub bo//de bzhin du rdo rje slob dpon gyi thugs nor bu rin po che'i nor bu blangs te/ las dang skal ba dang ldan pa gang zhig dam tshig rnams kyi sman thob pas 'khor ba thog ma med pa nas bsags pa'i bag chags dang nyon mongs pa'i nad
54a4 thams cad zhi zhing byang la bla na med pa'i byang chub ma thob kyi bar du mi 'chi ba'i tshe yang 'thob bo//dper na ded dpon bsod nams kyis gzi brjid dang thabs dang ldan pas rgya mtsho chen por zhugs te/ rin po che'i gling du phyin te nor bu rin po che blangs nas bdag dang gzhan la phan 'dogs
54a5 so//de bzhin du dge ba'i bshes gnyen 'gro ba 'khor ba las 'don pa'i ded dpon la brten te/ tshul khrims dang dam tshig tu sbyar nas thabs la mkhas pa dang / brtson 'grus kyi skya ba bskyod nas 'khor ba'i rgya mtsho las bsgral te/ dngos grub rnam pa gsum gyi nor bu
54a6 blangs te/bdag dang gzhan la phan 'dogs so/ /de lta bas na rnal 'byor pa thams cad mkhyen pa'i ye shes bsgrub par 'dod pa dag gis dam tshig dang sdom pa mtha' dag tshul bzhin bsrungs la/ rgyud dang sgrub thabs dang mthun par dgongs pa'i gnas su nam lhun gyis grub
54a7 pa'i bar du/rdo shing ngam ri dgas shi ba'i ro bzhin du gnas te bsgrub par bya'o/ /bdag nyid dran gso rnal 'byor pa la phan gdags phyir/ /rgyud dang sgrub thabs dag las dam tshig mdor bsdus pas/ /'phags dang mkha' 'gro'i tshogs la gnong ste bzod par gsol/ /
54b1 des ni 'jig rten gsum bcas rdo rje 'dzin thob shog /dbang pos mtshan pa'i yul gyi rtsa na gnas pa'i slob dpon r+dz+nyA na bo d+his mdzad pa/ las dang po pa'i dam tshig mdor bsdus pa rdzogs so// //rgya gar gyi mkhan po ka ma la gup+ta dang / lo tsA ba bsod nams rgyal bas bsgyur ba'o// //