336a5 /lha mo myur du 'gugs par 'gyur/ /'phags ma nor rgyun ma'i mtshan brgya rtsa brgyad pa rdzogs so//[ ]@##/ /nor rgyun ma'i smon lam bzhugs// @##/ /sangs rgyas la gus rang bzhin g.yo sgyu med/ /sems can kun la byams shing stong par goms/ /rnam grol
336a6 'bras bur ldan la kun nas chags//byang chub sems dpa'i shes rab rno ba can/ /shin tu che ba'i rigs skyes gzugs mdzes pa/ /bdag ni skye ba skye bar bde gshegs kyi/ /snyan dngags mkhan po mnyam med rgya chen dang / /tshe ring rigs skye skyes bu blo gros gsal/ /mkhas shing blo gros mi dman
336a7 bcom ldan gyi//gsung rab la mkhas bde ldan snying rje can/ /rab tu dang 'gyur snyan dngags mkhan po dang / /mar shes pha ma la gus nyid dang ni/ /rtag tu skye ba dran zhing tshul khrims ldan/ /chos kyi bdag nyid nor ldan rab ster dang / /bla med mkhas pa'i grogs dang ldan pa dang / /spro ldan stobs
336b1 ldan dga' zhing mang pos bkur//nad rnams spangs shing sems can thams cad la/ /rjes su 'dzin zhing thos pa 'dzin pa dang / /bsam pa dag cing bzod pa ldan pa de/ /ji srid 'jig rten phan pa 'byung ched du/ /sangs rgyas bcom ldan go 'phang bgrod gyur pa/ /de srid rtag tu yon tan
336b2 'di rnams ni//kun gyis brgyan pa bdag gis thob gyur cig /bcom ldan 'das ma 'phags ma nor rgyun ma la phyag 'tshal lo/ /rtog par gsungs pa'i cho gas yongs su bklags byas shing / /'dzin na rnam pa sna tshogs rin chen gser gyi rang bzhin gyis/ /khang pa stong phrag thams
336b3 cad gang ba nyid du mdzad pa yi//'jig rten kun gyi yum gyur de la gus pas phyag 'tshal lo/ /lha mo khyod ni yon tan rin chen kun gyi gter chen te/ /sems can don mdzad nor dang 'bru rnams phun sum tshogs pa'i rgyu/ /do shal cod pan ldan zhing nor bu dpag bsam shing rnams kyis/ /
336b4 'jig rten gsum gyi mgon mdzad nor 'dzin nor rgyun ma la 'dud/ /nad dang 'jigs pa'i 'chi ba'i skyon mang sgrol/ /dbul ba'i sdug bsngal rma yi 'tsho byed sman/ /skal bzang gzugs kyi yon tan rigs dang rus/ /thams cad sbyin mdzad khyod kyi zhabs la 'dud/ /gang zhig yang
336b5 dag bla ma'i cho gas yongs su klog byed na//phun tshogs yangs pa bde 'gro nye bar ster byed pa/ /nor rgyun zhes pa'i ming can gzugs de la ni dus rtag tu/ /mtha' dag sems can phan par sems pas gus pas phyag 'tshal lo/ /gang zhig yang dag dran las mi rnams longs
336b6 spyod yun ring du//rab tu 'phel zhing dbul dang nad dang sdig pa sel mdzad cing / /dpag bsam shing dang mtshungs pa nor rgyun ming can de la'o/ /'gro la phan pa'i ched du gus pas spyi bos phyag 'tshal lo/ /bcom ldan 'das ma nor rgyun ma'i sgrub thabs dang mtshan brgya rtsa brgyad pa dang / smon lam
336b7 dang bstod pa rnams rdzogs so// //tshul 'di ni dpang lo tsA ba dpal ldan blo gros brtan pas zhol phug tu/ rgya dpe las bsgyur cing zhus te gtan la phab pa'i yi ge pa dang bskul ba po ni dge ba'i bshes gnyen rin chen mtha' can yin no// //