329a6 /[ ]@##/ /rgya gar skad du/ prah+ma bu ti swa ra sa t+yai sto tre Na sid+d+haM wAka pra b+ha nA ma/ bod skad du/ tshangs pa'i bu mo dbyangs can ma la bstod pas grub pa dag gi 'od zer zhes bya ba/ 'jam pa'i dbyangs la phyag 'tshal lo/ /spyan
329a7 ras gzigs dbang zhal gyi mche ba'i rtse las mngon sprul zhing //thugs rje'i rnam 'phrul mtha' yas pha rol rjes su gzung ba'i phyir/ /tshangs pa'i bu mo mdzes ma khyod sku gsal ba'i rnam 'gyur can/ /biSh+Nu'i gzugs can tam+bu ra la dga' bskyed tshul 'dzin ma/ /
329b1 rjes su chags bcas rol pa'i lo ni bcu drug lon pa'i nyams/ /chu gter 'gram ngogs lbu ba'i phreng bas rtse bar dga' ba can/ /dri za'i bu mo mngon bstod nyid kyi rnam thar phul byung rnams/ /gang gis yid la dran byed de la ngag gi dbang phyug stsol/ /kho
329b2 bos khyod dran ba spu shas cher g.yo ba'i lag pa gnyis//thal sbyar me tog gzhon nu kha 'bus lta bu spyi bo'i steng / /rab bzhag snying nas rab tu gus pa lhur byed khyod kyi yon tan ni/ /mtha' dag rtogs min cung zad rnyed 'di sdeb legs phreng bas mchod/ /khyod sku 'o ma'i
329b3 mtsho 'dra kun+da ku mud zla zer mtshungs//rab dkar 'od kyi phreng bas kun nas bskor ba'i gzi brjid kyis/ /lha dbang yid 'phrog dga' ba'i nga ros khyod la rtag tu bstod byed na/ /blo gros don gsal don gnyer lha la gus pa smos ci dgos/ /chu skyes dkar po dri med steng
329b4 gnas ge sar g.yo ba'i rtser//ri bong 'dzin pa'i gdan steng tsog pu'i tshul bzhugs bgying bag can/ /zhal gcig phyag gnyis dri za'i pi wang bsgrengs pa'i sgra dbyangs dang / /rjes mthun gsung gis sa gsum skye dgu'i bsam pa tshim mdzad ma/ /'jam mnyen 'khril zhing ring ba bung ba
329b5 lta bur gnag pa'i skra//g.yas g.yon rgyab tu 'phyang zhing cung zad li ba'i thor cog la/ /me tog dkar po'i phreng bas thod bcings spyi gtsug zla bas spud/ /gser gyi rna cha 'phyang zhing mkhur tshos mdzes pa 'dzum pa'i zhal/ /ka tsa lin+da'i smad g.yogs tshom bu'i spras pas sgeg
329b6 pa'i nyams//puN+Da rI ka'i phreng ba chun 'phyang mgul rgyan do shal can/ /phyag zhabs rin chen phreng ba sil sil sgra ldan brgyus pa yis/ /khyed sku lha dang rig 'dzin bu mo'i tshogs kun ngo mtshar gyur/ /lha mo gzhon sgeg lang tshor ldan pa skye dgu'i yid 'phrog ma/ /yid
329b7 'ong 'dzum pa'i bzhin can mig dkyus ring po'i zur gyis ni//smin ma g.yo ba'i gar can khyod sku rtag tu dran byed la/ /rab tu dgyes pa'i nyams kyis gzigs shing kho bo rjes su bzung / /mdzad spyod bags kyis dal zhing gsong por smra ba'i ngang tshul can/ /mA li sar
330a1 pa'i dri ldan nu zho nu bar 'dod pa la//reg pas dga' ba'i nu zho stob byed khyed la rtag tu bstod pa'i bu/ /snying nas yus che shas cher du ba'i gdung ba tshim mdzad ma/ /de yi yid la bstod pa'i zol tshig ca cor ma nges pa yi sgra/ /smra ba'i ga zhas 'dir
330a2 spel nyid kyi thugs la bas gyur mod//'on kyang kho bo'i blo ni 'dir zad bu yi nyes pa rnams/ /ma yis bzod mdzod brtse bas slar yang bu ni rab tu skyongs/ /snying gi chu skyes 'dab brgyad dkar po ze'u 'bru'i phreng ba can/ /dmar ser mdzes pa'i mtshams nas 'od kyi dra ba
330a3 rab tu dgye//ge sar 'jam pa'i rtse mor bsil zer can ni rab gnas pa'i/ /dbus su chu shel mdog 'dzin hrIM gi phreng bas sgrib gnyis 'joms/ /'dab ma re rer gnyis gnyis bzhugs pa'i a A la sogs dbyangs yig rnams/ /g.yas su bskor ba'i rim pas mar
330a4 me'i phreng ba 'bar ba ltar//kun nas 'od zer 'phro ba'i rgyan ldan rtse mo'i rang bzhin gyis/ /yid kyi dri ma mun nag rnam bsal blo gros mchog stsol mdzod/ /srog gi 'od zer skra yi khyod tsam phra ba'i cha shas kyis/ /rtsol ba'i sgo nas myur bar lha mo'i thugs la reg gyur pas/ /
330a5 'khor lo gnyis pa bskor bas rnam pa bdun pa'i mchod sprin can/ /'jug pa'i rlung zhon rang sems ye shes rgyas mdzad de la 'dud/ /de rjes hrIM gi phreng ba mu tig do shal mgal me yi/ /'khor ba'i tshul du 'khor ba zhal gyi sgo nas 'thon gyur cing / /lte ba'i dkyil
330a6 'khor nas zhugs slar yang sa bon tsha zer rtser//'bar ba'i mod la dbyangs can ngag ster khyod zhabs spyi bos blang / /lha mo gtsang sbra la dga' brdzun spangs 'byung po'i zas dor zhing / /tshangs spyod brtul zhugs can gyis nyin re dran byas yum bos na/ /slar yang ngag
330a7 gi dbang phyug ci bzhed gsungs pa'i gad mo yis//dkar gsum zas kyi dga' ston tshul gyis dngos grub stsol la 'dud/ /de ltar khyod bstod lhur len gang yin de ni yon tan gyis/ /dbul gyur sna tshogs rigs pa'i gzhung lugs rnams las nges pa'i don/ /myur
330b1 rtogs sa gsum skye bo'i gzhung sgron gti mug mun pa rnams//rab bsal rgyal ba'i dbang po 'od dpag med 'dra thob par shog /'dir ni 'phags dang mkhas pa'i skye bo phul byung tshogs rnams ston/ /bdag 'dra khums shing mu cor sgrogs pa dang tshul mi shes mod/ /
330b2 khyod kyi rjes zhugs lan cig ma yin tshig don goms bya'i phyir/ /sdeb sbyor gtsor byas brag ca'i sgra mtshungs 'di ni bstod par rigs/ /tshig 'di gang gis mthong ngam thos sam rtag tu dran byed dam/ /klog dang kha don byed dang bsam don chub byed pa/ /yi ger bri'am
330b3 gzhan la rgya cher rab tu ston kyang rung //de yi sems dang ngag la dpal ldan lha mo dbyangs can myur 'jug shog /tshangs pa'i bu mo dbyangs can ma la bstod pas grub pa ngag gi 'od zer zhes bya ba/ /lha mo nyid kyis dngos su byin gyis brlabs pa'i bram ze phur bus
mdzad pa rdzogs so/