327b4 rje btsun ma sgrol ma la bstod pa/ slob dpon ma ti tsi tras mdzad pa rdzogs so//[ ]@##/ /rgya gar skad du/ Ar+ya tA re sto tra/ bod skad du/ 'phags ma sgrol ma la bstod pa/ rje btsun thugs rje chen po la phyag 'tshal lo/ /'od dpag
327b5 med kyi smon lam ma//me tog zla mdzes sems bskyed ma/ /'jig rten mgon gyi chu skyes ma/ /phyag gi mthil na bzhin bzangs ma/ /stod rgyas me tog phreng 'dzin ma/ /bgres mo bgying bag drang po ma/ /gshegs shing bzhugs pa ldem ldem ma/ /phrag rgyas sku
327b6 ni yid 'ong ma//gsung gi dbang phyug dbyangs snyan ma/ /dran pa tsam gyis byin rlob ma/ /yum ni 'dod pa'i sku mnga' ma/ /bde gshegs dbu yi gtsug tor ma/ /rgyal bas dbang bskur cod pan ma/ /pho nyas dus min 'chi slu ma/ /spyan nas thugs rje'i chu
327b7 'dzag ma//dge slong sdom brtson dam tshig ma/ /bdag med brtse bas mthar phyin ma/ /sa dgu 'das pa'i pha rol ma/ /ma byon snga dro gzhon nu ma/ /da lta nyin gung dar bab ma/ /'das so bgres mo dgongs ka ma/ /dus gsum 'gyur ba'i mi rtag ma/ /'jigs
328a1 chen brgyad las skyob mdzad ma//phra mo chen mo sgrub stsol ma/ /mchog 'dod ma la mchod sbyin ma/ /sems can gso ba'i 'o rgyun ma/ /dug sel sman mchog ma gi ma/ /sdig spong dge ba'i bdud rtsi ma/ /sangs rgyas bskyed pa'i rgyal yum ma/ /