CLOSE WINDOW

D3693
བོད་ཡིག

/[ ]@##/ /rgya gar skad du/ Ar+ya tA rA sto tra/ bod skad du/ 'phags ma sgrol ma la bstod pa/ bcom ldan 'das ngag gi dbang po la phyag 'tshal lo/ /dad pa'i lteng ka rab tu rgyas pa la/ /'dun pa pad+ma'i rtsa ba rab tu brtan//rtsol ba drag po pad+ma'i gdan la bzhugs/ /rje btsun sgrol ma khyod la phyag 'tshal lo/ /'gro ba nyon mongs tshad pas gdungs pa la/ /thugs rjes bsil mdzad zla ba'i gdan la bzhugs/ /'gro ba nyam thag sgrol ba'i lha mo ste/ /rje btsun sgrol ma khyod la phyag 'tshal lo//tshogs gnyis shing rta'i 'khor lo lta bu yis/ /sgrib gnyis bcom nas sa bcur rab gnas te/ /lha mo'i tshul du 'khor ba ma stongs bzhugs/ /rje btsun sgrol ma khyod la phyag 'tshal lo/ /nyon mongs mi g.yo ri ltar brtan pa'i sku/ / yon tan rab rdzogs sha lus shin tu rgyas/ /byams pas thugs g.yos nu 'bur rgyas pa can/ /rje btsun sgrol ma khyod la phyag 'tshal lo/ /'khor bas ma gos sku mdog 'gying bag can/ /sgeg pa'i cha lugs rin chen rgyan cha can/ /dbu skra sngo ljang rigs lnga'i cod pan can//rje btsun sgrol ma khyod la phyag 'tshal lo/ /zag med bde rgyas zhal ras 'dzum bag can/ /rnam snang las byung phrin las thugs rje can/ /bdud 'joms mda' gzhu thabs dang shes rab can/ /rje btsun sgrol ma khyod la phyag 'tshal lo/ /'jigs pa skyob mdzad phyag g.yas skyabs sbyin tshul//'gro ba'i yid 'phrog na tshod bcu drug tshul/ /las kyi rigs tshogs ut+pal sngon po'i tshul/ /rje btsun sgrol ma khyod la phyag 'tshal lo/ /skye rgas na 'chi'i chu bo bzhi po las/ /sgrol ba'i gnyen po mkhas pa khyod lags te//byams pa'i gru 'dzin snying rje'i skya ba can/ /rje btsun sgrol ma khyod la phyag 'tshal lo/ /de ltar tshigs su bcad pa brgyad kyis ni/ /lha mo nyid la dad pas bstod pa las/ /des ni 'gro ba sems can thams cad kyis/ /myur du sangs rgyas go 'phang thob par shog /