CLOSE WINDOW

D3689
བོད་ཡིག

/ // @##/ /rgya gar skad du/ Ar+ya tA rA sA d+ha naM/ bod skad du/ 'phags ma sgrol ma'i sgrub thabs/ 'phags ma sgrol ma la phyag 'tshal lo/ /'jig rten gsum mgon yum gyur spyan yangs ma/ /sgrol ma'i zhabs kyi pad+mor rab btud nas//yun rings bla ma bsten las gang 'ongs pa'i/ /sgrub thabs cho ga bsdus pa bshad par bya/ /yid 'ong gnas ni gang yang rung / /me tog dri zhim gcal bkram ste / /spos kyis nyams dgar byas nas ni/ /de dbus stan bzang bde ba la/ /srid pa'i bde ba yongs spangs pa'i//rnal 'byor can gyis nyer 'dug nas/ /snying ga'i sa bon las byung ba'i/ /'od zer tshogs kyis bla ma dang / /sangs rgyas byang chub sems dpa' rnams/ /spyan drangs de bdag mdun nyid du/ /mchod pas yang dag rab mchod nas/ /dkon mchog gsum sogs rjes dran bya//oM swa b+hA ba shud+d+haHsarba d+harmAHswa b+hA ba shud+d+hou0f85haM / oM shU n+ya tA dz+nyA na badzra swa b+hA ba At+ma kou0f85 haM/ de nas brtan pa dang g.yo ba thams cad stong pa nyid du rnam par bsam mo/ /de nas paM las byung ba'i pad+ma tshad chen po'i dbus su rab tu rdzogs pa 'i zla ba'i dkyil 'khor la yi ge tAM ljang gu bsams te/de yongs su gyur pa las bdag nyid yi dam sgrol ma sku mdog ljang gu zhal gcig phyag gnyis pa/ g.yas pa mchog sbyin pa/ g.yon pa ut+pal 'dzin pa/ rgyan thams cad kyis brgyan pa/ lo bcu drug lon pa lta bu/ gzi brjid bzod par dka' ba dang ldan pa/zhal cung zad 'dzum pa dang ldan pa/ skra'i tshogs lhag par bcings shing zla ba'i 'od can/ rdo rje skyil mo krung gis zla ba'i dkyil 'khor mnan pa/ spyan pad+ma gzhon nu'i 'dab ma lta bu/ cung zad 'dzum pa mdun nyid du gzigs pa'i 'phags ma sgrol ma nu ma'i dkyil 'khor mkhregs pa dang ldan pa rnam par bsam mo//de nas rang gi snying ga'i tAM las 'od zer byung ba rnams kyis rje btsun ma yang dag par bskul la/ sa bon las byung ba'i mchod pa rnams kyis yang dag par mchod nas ut+pa la'i phyag rgyas rang gi lus la bstim par bya'o//de nas gnas ji lta ba rnams su rnam par snang mdzad la sogs pa rnams bsam zhing / de bzhin gshegs pa rnams dbang bskur ba don du gnyer te/ bdag gi dbu rgyan la gsung rdo rjes rgyas gdab par bya'o/ /de'i 'og tu rang gi snying gar zla ba'i dkyil 'khor la yi ge tAM la sogs pa rnam par bkod par bya /spro ba dang bsdu pa'i rim pas bsgom par bya'o/ /gang gi tshe skyo ba na/ oM tA re tut+ta re tu re swA hA/ zhes bya ba'i sngags bzlas so/ /de nas gang gi tshe ldang bar 'dod pa na rang gi snying gar gnas pa'i sa bon las 'od zer 'phros te/des sems can thams cad la phog slar yang 'od zer spros pas de dag gi snying gar zhugs par blta zhing / de nyid kyis de dag thams cad lha mo'i skur gyur par lhag par mos par bya'o/ /de nas slar yang sa bon las byung ba'i 'od zer bdud rtsi'i rang bzhin rnams kyi gtor ma'i snod yongs su bkang la/oM a kA ro mu khaM sarba d+harmA NAM Ad+ya nut+pan+na twAta oM AHhUM phaT swA hA/ zhes bya bas byin gyis brlabs la phul la/ de nas ye shes sems dpa' mdun du bzhugs pa la dmigs pas yi ge brgya pa yongs su bzlas nas/legs par mchod de/ mngon par 'dod pa'i dngos grub gsol ba btab la/ oM tA re tut+tA re tu re muHzhes pas gshegs su gsol lo / /rim pa 'dis thun mtshams bzhir bsgoms na myur bar dngos grub thob par 'gyur ro/ /da ni bsrung ba'i sbyor ba cung zad bshad par bya ste/sngar bshad pa'i tshul gyis rtsa ba'i sngags 'bum phrag bcu bzlas shing sgrol ma'i ting nge 'dzin la gnas pa'i rnal 'byor pas bzlas pa'i cho ga snga ma lta bu nyid las khyad par du bsgrub bya'i ming sngags kyi dbus na gnas par bsam la bzlas pa ji srid 'dod kyi bar du bya'o//de nas sa bon gyi yi ge las 'od zer byung bas bsgrub bya'i lus thams cad khyab par bltas te/ des lus rab tu tshim par gyur cing nye bar 'tshe ba thams cad dang bral bar mos par bya'o/ /'di ni zhi ba'i srung ba'o/ / de nas phyir bzlog pa'i srung ba bshad pa/ cho ga snga ma dang ldan pa'i rnal 'byor pas rang gi snying gar tAM ljang gu 'od zer gyi phreng ba 'khrugs par bsams la/ de las byung ba'i 'od zer gyi tshogs 'bar bas gdug pa'i lus gcer bu skra grol ba 'dar zhing skyabs dang bral ba'i snying gar zhugs pas de rengs pa dang mnan pa dang /rmongs pa dang / bcings par rnam par bsam mo/ /gang gi tshe de lta bu'i ting nge 'dzin gyis skyo ba na sa bon gyi yi ge la dmigs pas gsang sngags bzlas pa bya ste/ na maH Ar+yA ba lo ki te shwa rA ya/bod+hi sa twA ya/ ma hA sa twA ya/ ma hA kA ru Ni kA ya/ tad+ya thA/ oM tA re tut+tA re tu re sarba duSh+TAn / praduSh+TA na / ma ma kr-i te dzaM b+ha ya/ s+t+waM b+ha ya/ mo ha ya/ ban+d+ha ya/ hUM hUM hUM/ phaT phaT phaT/ sar+b+ba duSh+TAn staM b+ha ni tA re swA hA/ srung ba 'di dag kyang thun mtshams bzhir bsgom par bya'o//de bzhin du lam du 'gro bas ting nge 'dzin dang bcas pas mdud pa dor nas sngags dran pa dang ldan par phyin na chom rkun dang / stag dang / dom dang / dred dang / sbrul dang / nags kyi ba men dang / chu la spyod pa rnams kyis brdzi bar mi nus te/ gang gi tshe 'jigs pa dang bral ba na mdud pa slar dgrol bar bya'o//de ltar yun ring bla ma bsten las gang thob pa'i/ /sgrub thabs cho ga 'di ni legs bkod pas/ /sgrol ma zhes grags sras bcas bzhugs pa'i gnas/ /gru 'dzin dpal du 'gro rnams myur 'gro shog /'phags ma sgrol ma'i sgrub thabs dpal mar me mdzad ye shes kyis mdzad pa rdzogs so /