CLOSE WINDOW

D3688
བོད་ཡིག

yang langs pa'i tshe skad cig tsam gyis lha mo'i nga rgyal gyis ldang bar bya'o/ /'jigs pa brgyad las skyob pa slob dpon mkhas pa dpal mar me mdzad ye shes kyis mdzad pa rdzogs so//[ #]@##/ /rgya gar skad du/ Ar+ya tA rA sto tra/ bod skad du/ 'phags ma sgrol ma la bstod pa/ rje btsun ma 'phags ma sgrol ma la phyag 'tshal lo/ /lha dang lha min cod pan gyis/ /zhabs kyi pad+mo la btud de/ /phongs pa kun las sgrol mdzad cing / /sgrol ma la ni phyag 'tshal lo/ /rab 'bar dra bas khyab pa yi/ /mnar med me yis gdungs pa la//thugs rjes bdud rtsi'i char 'bebs ma/ /sgrol ma la yang phyag 'tshal lo/ /'gro drug gnas su yun ring du / /yang dang yang du 'khor ba yis / /dub pa dag la bde chen gyi/ /bde ba mchog gi ngal so mdzad/ /gzhan don mdzad pa'i lha mo khyod//dran pa tsam gyis phongs sel ma/ /thugs rje brtse ldan khyod kyis ni/ /srid pa'i 'ching ba las grol mdzod/ /dus rnams rtag tu sems can la/ /bu bzhin snyoms pa'i lha mo khyod/ /'gro ba'i lo tog thams cad la/ /char rgyun 'bebs la phyag 'tshal lo/ / nyi ma zla ba ji bzhin du/ /'gro ba sems can thams cad kyi/ /mun pa'i gdung ba sel mdzad ma/ /lha mo mchog la phyag 'tshal lo/ /pad+ma zla ba ut+pa la/ /de bzhin dri med gdan stengs su/ /sku mdog sngo ljang 'gying bag can/ /ut+pal bsnams la phyag 'tshal lo/ / bskal pa grangs med gsum du tshogs bsags shing / /bar du gcod pa'i sgrib pa kun spangs nas/ /bsdu dngos bzhi yis 'gro rnams sdud mdzad ma/ /thugs rje dang ldan ma la phyag 'tshal lo/ /sku yi skyon spangs mtshan dang dpe byad ldan/ /gsung gi skyon spangs ka la [(]bing [,]ping[) ] ka'i dbyangs//thugs kyi skyon spangs shes bya mtha' dag mkhyen/ /bkra shis dpal 'bar ma la phyag 'tshal lo/ /ji ltar nor bu chu 'dang ltar/ /lha mo khyod kyis rtag par ni/ /'gro ba'i sems rnyog sel mdzad cing / /'gro don brtson la phyag 'tshal lo/ /gang gis khyod kyi mtshan bzung cing //bstod dang bsgrub pa byas pa rnams/ /rtag tu 'bras bu yod par mdzad/ /mi bsnyel khyod la phyag 'tshal lo/ /rje btsun ma sgrol ma la bstod pa dI paM kA ra shrI dz+nyA nas mdzad pa rdzogs so// //rgya gar gyi mkhan po de nyid dang / bod kyi lo tsA ba tshul khrims rgyal bas bsgyur ba'o/