322b1 /[ ]@##//'jigs pa brgyad las skyob pa bzhugs// @##/ /bcom ldan 'das ma sgrol ma la phyag 'tshal lo/ /rnal 'byor pa'i dbang phyug bsam gtan gyi khang par zhugs te/ stan bde ba la 'dug cing /
322b2 snying rje chen pos 'gro ba thams cad gdon par bya'o zhes dam bcas nas/ lha mo sgrol ma bsgom par bya'o/ /de yang rim pa 'di ltar bya ste/ rnal 'byor pa rang gi snying gar a las zla ba'i dkyil 'khor gyi steng du yi ge tAM bsams la / de las 'od zer lcags kyu 'dra ba spros pas/
322b3 lha mo dang rang gi bla ma dang yang dag par rdzogs pa'i sangs rgyas rnams mdun gyi nam mkha' la gsal bar bltas te/ de la phyag 'tshal ba dang / sdig pa bshags pa dang / gsum la skyabs su 'gro ba dang / dge ba'i rtsa ba bsngo ba dang / lus dbul ba dang / smon
322b4 lam gdab pa rnams byas la/de nas don dam par bdag dang lha la sogs pa rang bzhin med cing gdod ma nas ma skyes par bsam zhing / de brtan par bya ba'i phyir oM shU n+ya tA dz+nyA na badzra swa b+hA ba At+ma kou0f85 haM zhes pas stong pa nyid du bsgom mo/ /de nas paM las pad+ma 'dab ma brgyad pa'i d
322b5 bus su/rang gi sems nyid sngon gyi smon lam gyi dbang gis yi ge tAM las lha mo sgrol ma bskyed par bya ste/ de yang sku mdog ljang gu zhal gcig phyag gnyis ma/ phyag g.yas pa mchog sbyin gyi phyag rgyas gnas pa/ g.yon pa ut+pal bsnams pa/ don yod grub pa'i dbu rgyan
322b6 can/skyil krung phyed pas bzhugs pa/ ji srid mi skyo ba'i bar du bsgoms la/ skyon bzlas pa la 'jug par bya'o/ /oM tA re tut+tA re tu re swA hA/ zhes bya ba'i sngags kyi phreng ba rang gi snying ga nas phyung ste/ yang rang gi zhal du zhugs yang rang gi kha nas 'byung ba'i rim pa
322b7 sngags kyi kha dog dkar po dal bus 'khor bar bsam zhing bzlas par bya'o//bzlas pas kyang skyon mchod pa dang gtor ma btang ste smon lam btab pa / lha mo'i nga rgyal gyis spyod lam thams cad la gnas par bya'o/ /nyal ba'i tshe stong pa nyid du zhugs te nyal bar bya'o/ /