311a1 /[ ]@##/ /rgya gar skad du/ tA rA a grA prAp+ti nA ma/ bod skad du/ sgrol ma mchog thob pa zhes bya ba/ rje btsun sgrol ma la phyag 'tshal lo/ /sngon du gsungs pa'i rim pas stong pa nyid kyi bar
311a2 bsgoms te/skad cig la rang sgrol mar bsgoms pa'i thugs kar tAM in+d+ra nI la'i mdog lta bu blta bar bya'o/ /lus skyil krung la tshigs drang por bsrang ste mnyam gzhag gi phyag rgya la sogs te lus gnad lnga dang ldan pas rlung rgyu ba spangs te lte ba las me rab tu sbar nas/
311a3 spyi gtsug nas thig le phab ste tAM la phog /tAM las byang chub kyi sems zhun tshul du lus thams cad la khyab pas bde ba chen po'i ting nge 'dzin skyes par bsam zhing srog rtsol la 'bad na zhag bdun gyis dngos su skye bar 'gyur te/ byang sems 'dzag na gdams
311a4 ngag dran par bya/de nas tAM las 'od 'phros te snod bcud thams cad rang la bsdus rang yang tAM las bsdus te tAM yang rim gyis mi dmigs par byas la yod pa dang med pa'i rtog pa spangs la/ stong pa nyid kyi bde ba la rgyas gdab po/ /rtog pa la shes pa
311a5 'phro na snga ma ltar bde ba bsgom/bde ba shas che na phyi ma ltar stong pa bsgom/ rtog pa gzhan 'brel pa spang ste zla ba drug tu bsgoms na mchog thob par 'gyur ro/ /sgrol ma mchog sgrub pa zhes bya ba dngos grub brnyes pa'i slob dpon bsod snyoms pas mdzad pa rdzogs so// //